شوية ترخات وطاحت صخفانة بين يديه قبل توصل الارض هزها.حطها فوق الفطوي..دور عنيه على دار ناض الكوزينة جاب قرعة دلما رش عليها شوية وضرب ليها على وجها وهي تبدا تفيق حلات عنيها وشافت فيه نزلو دموعها وبدات تهضر بصوت باكي:ماعرفتش شنو بغاو مني .خفت بزاف
وشدات ليه فيديه
بقا كيشوف فيها عمر كاس دلمة ومدو ليها شرباتو وناضت جلسات وهي مزال شادة ليه فيديه وكترجف..
رنيا:شكرا حيت جيتي
ناصر:ماعقلتي على والو شي حاجة فيهم تارت نتباهك
رنيا:لا كانو مغطيين وجهم..حليت لباب باش نمشي لخدمة وهوما يتهجمو عليا واحد فيهم ضربني ولوخرين بداو يرونو فدار حسابلي غيقتلوني كانو هازين سلاح ..
ناصر كيفكر شكون ممكن يكون:اتكون الشريكة الامريكية
رنيا:اااه بصااح هما لي ايكونو كرهوني حيت خرجت من عندهم
ناصر وهو كيشوف فيها جبد طليفونو ودوز شي نمرة بقا يصوني تا جاوبو الحوار بالانجلش:الصفقة لي كانت بيناتنا تفسخات
الشخص:كيفاش علاش
ناصر :راك عارف مزيان علاش انا ماشي مكلخ
صور ليه الروينة وصيفطها:من الاحسن ماتلعبش معايا.هاد المرة دازت المرة الجاية انا لي غنجي تالقلب دارك نلعب مع ولادك
الشخص بلع ريقو
ناصر ماعطاهش الفرصة فين يجاوبو قطع عليه
رنيا كتشوف فيه نسات الخوف نسات كلشي ..سهات وهي كتشوف فيه وفطريقتو دلهضرة لي كتخلي اي واحد يركز معاه
ناصر شاف فيها:خوك كوميسير لاش ماعيطتيلوش
رنيا نسات راسها:بغيتك نت
ناصر حيد يديه من يديها:كيفاش
رنيا:ماعرفتش نت لي جيتي فبالي
ناصر حل صدافات لوالا دلقميجة:خوك فين وصل
رنيا:ماعرفتش لحد الان مزال كيقلب ..اه الوكيل العام عطاه فرصة باش يجيب ليه دليل عليك باش يقدر يرد عتبارو ويدخلك الحبس راه خدام على هدشي
بتاسم:يرد عتبارو..وطاهرة نساها
رنيا:بغيت نجبد موضوعها هو يسكتني مابغاش يدوي عليها اصلا خويا من النوع لي ماكايبقاش تابع لحاجة مابغاتوش صافي.غينساها انا عارفاه اصلا ماشي حب هداك يقدر يكون غير ولف ولا اعجاب شي حاجة بحال هكا..خويا مراتو الله يرحمها وماكانش كيبغيها لداك الدراجة ..انا وباقي مافهمت خويا..ولكن غينسا طاهرة
ناصر:من الاحسن ينساها
رنيا:وهي مزالة معاك
ناصر:لاش كتسولي
رنيا:هكاك وصافي.حيت هي لعابة وماكاتسواش كانت كضحك عليك نت وخويا
ماحات فين تكمال هضرتها تا ضربها بضهر ديديه على خدها
ناصر ببرودة بحاليلا ماضربهاش:نوضي وجدي لي قهوة..وماتبقايش تجبديها على فمك
يلاه ايجاوبها وهو يشوف جوج رجال قدام لباب وفيديهم شوانط دلماطريال كانو النجارة
النجار:حنا الالة لي عيطتي لينا
رنيا عنيها على ناصر:عفاااك
ناصر مشا وجلس دار رجل على رجل هي بتاسمات وهي فرحانة:وي خويا بامكانك تبدا
شافت فناصر:لمرا دلمناج عطلة اليوم انا غنجمع هدشي
جمعات شعرها لفوق وبدات كتجمع داك الروينة وكل شوية كتشوف فيه كتلقاه مشغول فطليفونو وشاعل كارو وكيكمي..داز الوقت ..النجارة مزال كيقادو فلباب..ورنيا سلات جميع الدار
رنيا:نمشي ندوش عليا ونجي
بقات واقفة كتسناه يجاوبها ساعة ماشافش حتى فيها ..دخلات لبيتها دوشات وبالها كلو معاه حارت معاه ماعرفاتش كي دير طيحو صعب مما كانت كتخيل..هو عاجبها بزااف مستاعدة دير اي حاجة باش يكون ليها..خرجات ولوات عليها فوطة وقفات قدام لمراية نشفات شعرها بسوشوار سرحاتو مزيان..حلات لبلاكار جبدات ديباردور سميطات فلزرق مغلوق واصل تا لفخاد ولاسق عليها.لبسات بنوار من لفوق دارت عكار غوز فشفايفها وخرجات لقاتو كيخلص النجارة بقات واقفة
النجار:شكرا اسيدي..ختي رانيا لا بغيتي تبدلي لباب علميني
رنيا:لا غير بلاش
خرجو وشدو لباب موراهم..ناصر مشا نيشان هز سوارت طموبيلتو باش يمشي مع الدورة كيلقاها موراه:عفاك ماتمشيش والله حتى مزال خايفة مانقدش نبقا بوحدي
مشات لكوزينة طايرة وهي فرحانة..حلات تلاجة جبدات لداند سوطاتو مع لبصلة فمقيلة ..من بعد زادت عليه مد كريم بيشاميل شومبينيوو..ودارت الروز مع شوية دليبزار تومة وكنور ومليحة وزويتة فطنجرة وقفلات عليه..خلات داكشي فوق البوطة ومشات قدات الصلاد..من بعد فاش حسات بداكشي طاب طفات عليه وحلات طنجرة لقات روز طاب ونشف من لما ..جبدات طبيسلات صبات فيهم الروز ودارت فوقو لداند مع لصوص قدات داكشي ..وخرجات مشات لبيتها رشات عليها لعطر وقدات حالتها عاد رجعات حطات داكشي فوق الطبلة شافتو ساهي فطليفون مادايهاش تا فيها قربات تشوف شنو لي واخد عقلو..لقاتو كيشوف موديلات ديال نوامس دلي بي بي تعجبات وشافت فيه:لغدا واجد
ناصر وعنيه على طليفون:واخة
ناض وجلس فطبلة بدا ياكل بهدوء وهي كتشوف فيه وغير كتنقب
رنيا:عجباتك لماكلة
هز راسو باه
رنيا بتاسمات ماتكرهوش يبقة معاها ديما....
عند طاهرة
كانت متكية فوق النموسية قنطات بلجلاس والممرضة قالت ليها ماخاصش تحرك بزاف.شافت طاهرة الام داخلة لعندها جلسات حداها:كي بقيتي
طاهرة:الحمد الله اما جنابي كيضروني
طاهرة الام:عادي ابنتي..دابة تولديهم وترتاحي
طاهرة بتاسمات وهي حاطة يديها على كرشها:ان شاء الله
طاهرة الام:ناصر عمرو يتخلا عليك وعلى ولادو
طاهرة:ماما هو ملي خرج فصباح مارجع بعيني شفت بنت كتعيط ليه.وقالي لخدمة .كن بصاح كنهموه كون جاا.ولكن هو عايش حياتو مع داك رانيا
طاهرة الام بتاسمات:ماكاتعرفيش ناصر راه راه لاقال شي حاجة راه ماغايكدبش.يقدر تكون كتخدم معاه
طاهرة:احساسي ماكيغلطش اصلا يدير لي بغة لي كيهمني هو ولادي وصافي بغيتهم يعيشو مزيان..هو تازواج ماولاش جبدو على فمو انبقا معاه انا هكا.غي خليني ساكتة
طاهرة الام:لواه لواه ابنتي..دابة ليام تزيد تبين ليك الجانب الزوين دناصر.راه غير نتي لي غتكوني فحياتو مهما طلبها منك نهار اللور راه ايولي يطلبها حيت هو ختارك تكوني مراتو وام ولادو صبري عليه ابنتي راه لي داز منو ماشي ساهل خاص يتأقلم مع الوضع.راه قلبو حنين
طاهرة الام بقات كتمسح ليها على شعرها:ماتعصبيش راسك على قبل وليداتك
طاهرة:انا مامعصباش انا مكالميا بغيت غير نعس
طاهرة الام:راكي ماواكلاش
طاهرة:مابغيتش غنعس ونرتاح
طاهرة الام ناضت وشدات لباب موراها
عند ناصر
رنيا هزات لفيستة ديالو ومداتها ليه:شكرا حيت جيتي
ناصر وهو كيلبس الفيست:بلا ماتشكريني..جيت حيت كان خاص نجي
وهز سوارتو وطليفونو وشاف فيها وطلعها ونزلها فداكشي لي لابسة:هدشي ماكاياكلش معايا😉
وتم خارج وهو يوقف:الرجال هاهوما لتحت وواحد هنا ..وغدا اجي بكري لخدمة
خرج وخلاها غير واقفة وكتشوف ماعرفاتش منبن تشدو تاحاجة مانفعات معاه لا تحلوين لا عرا لا والو مشات وجلسات فوق الفطوي وهي كتفكر فهدشي
ناصر نزل وركب فطوموبيلتو نيشان لشريكة
دازو ساعات كانت 6 دلعشية
كاان خارج من لمدراسة تفارق هو وصاحبو ووقف كيتسنا شيفور حيت دار دختو بعيدة على لمدراسة ضاروري من طرونسبور..كان واقف وكيغني:جيبي المووص جيبيبي لمووص وخودي قليبي وشركيه...
شوية وشاف طموبيل وقفات حداه بقا كيشوف فيه عاد تفكرو:شكا دير نت هنا
كمال بتاسم:ىكب بعدة
علي:علاش انركب معاك
كمال:غير باش ندويو راجل لراجل شنو بان ليك
علي:على ملاك
كمال:اه على ملاك
علي:تسنا
جبد طليفونو ودوز النمرة دشيفور:عشيري بلا ماتجي مورايا ..لا ماغانتعطلش..تهلاا
قطع وركب ..كمال كسيرا
علي:وا دوي هنا كنسمع
كمال:شتك داك النهار رويجل عرفتك غتفهمني
علي:أودي غا هضر
كمال:صراحة انا وختك كنبغيو بعضياتنا
علي خرج عنيه:حبس حبس حبس..ياك ما بنت ليك انا هو محمود خو منار ..لي جا يقولو انا كنبغي ختك..ها حنا ولينا فتخصار الهضرو
علي نزل وخلا كمال كيضحك هاد الدري كيدخل لخاطر كسيرا وهو كيفكر فداكشي لي فبالو
عند ناصر فالشريكة
كان فالمكتب حتى كيدخل عندو امين
امين سلم عليه وجلس :فين كنتي غابر
ناصر:غا حداك
امين:علاش لغيتي العقد مع الشريكة المريكانية
ناصر:كيقولو غا لي بغاو
امين:كيفاش
ناصر:ماقالولكش صيفطو شكون يتهجم على رنيا فدار
امين:لا
ناصر:المهيم ما علينا..خاص ضاروري نجيبو الاسلحة قبل شهر هكا تافقت معاهم
امين:الاسلحة لي باغي نت كيكنو يا اما فروسيا ولا امريكا ولا طاليان..وباش نتهربهم من تماك لهنا..راك عارف المدة شحال كتر من شهر وزيد عليها لبوليس مراقبين تحركاتك.صعيبة بزاف .
ناصر وهو كيفكر:نقدر نجيبهم فشعر ولكن الوحلة مع البوليس والشرطة دولية لي ولاو مراقبين كلشي..خاص نفكر ونشوف اش ندير
امين:المهيم غير تلقا شي حل علمني
بقاو جالسين كيهضرو حتى كيشوف لباب تحلات كانت لارا داخلة ومبتاسمة..شافت فامين سلمات عليه بالوجه:امين شحال ماشتك
امين:نتي لي غبرتي
بتاسمات ليه ومشات باست ناصر وبقات واقفة حداه
لارا:مور رمضان اتخرج اول دفعة من تصاميمي اندير اكبر عرض لازيائي
امين:مبروك مسبقا
لارا:الله يبارك فيك..جيت على ود المجوهرات لي غيزينو بيهم الموضيلات..هضرت مع لي غيتكلف
ناصر كان خدام على شي وراق قدامو
لارا وهي كتشوف فامين:ناصر شنو درتي مع طاهرة.على داكشي لي قلت ليك
امين غير سمع سميتها شاف فيها
ناصر ببرودة:شغا ندير معاها.
لارا:اتكون جريتي عليها
ناصر علا راسو وشاف فيها:علاش انجري عليها
لارا:حيت ضحكات عليك
ناصر :حاملة مني ماشي من شي واحد اخور علاش انجري عليها.
لارا ضربها الضو من هضرتو ماتوقعاتش تكون ردة فعلو هكا
امين بقوة الصدمة ماجاوبوش..خير خرج ضرب فوق البيرو تا قفزات لارا..وناض كي شي عافية شدها من شعرها وزير وكيهضر وهو معصب:شنو هدشي درتييييي..ياك حدررتك ماتقوليلو وااالو
لارا كتنتر منو ودموع فعنيها:بعد منييييي رخي من شعريي
امين زدحها مع لحيط تا توجعات بقا كيغوت كيشي حمق:هادشي لي بغيتي هاهو زاد تشبت بيها دابة واخة نديرو لي ظرنا عمرو غيتفرق عليييها
لارا وهي كتبكي غوتات ليه فوجهو:كون ملول حبستيها تعاود ليه على ديك الليلة كون دابة تزوجت بيه..نت كضرب غا على راسك.درتيني حيط قصير نجيب ليك لخبار ونت كتصرفها كيف بغيتي..هههه لا لا ماشي هكااا.نخسروو بجوج ولا نربحو بجوج.انا عارفة ناصر عمرو غيولي ليا وهدشي كيقتلني من لدااااخل..تانت بغيتك عمرك تجمع مع طاهرة تعدب حياتك كاملة
امين جمع معاها بصقلة:كوما كنتيش بنت احمد كنت غنقتلك ونشرب من دمك دمرتيلي كلشيييي داكشي لي كنت باغي ندير مشالي فزيرو بسباايك
لارا:تانت دمرتيلي كلشيي..حنا متعادلين دابة
امين بقة كيغوت:خرجييي تقوديييي قبل ماغانقتلك خرجيييي
لارا هزات ساكها وخرجات كتبكي
امين كيغلي من لداخل كان عندو مخطاط فبالو ولكن دابة تدمر ضرب يديه مع لحيييط:والله لا كانت ليييييكم مزال ماسالينا
خرج من المكتب ركب فطموبيلتو بقة كيدور فالمدينة وهو كيفكر مستحيل يتنازل عليها خاص يدير شي حاجة ..ماخلا تاشي قنت تا شي حومة ودماغو بعيييد.كيزيد يتعصب فاش كيتفكر هضرتو.حاملة مني ..داز الوقت لحال ضلام مزال مابردات ليه مسح على راسو وهو كيشوف فوقما يبغي يغرق ناصر كيفلت منها.
ضرب يديه مع دريكسو:على زهر عندووو
قلب الدورة نيشان لدار وقف الطموبيل ونزل بخطوات تقال دخل لدار من لباب حيد لفيست ورماها فالارض حاس براسو غيتخنق مايكرهش يقتلهم كاملين..حل صدايف دلقاميجة تا لاخر..ورماها فدروج وهو طالع بقة بصدرو عريان..مشا نيشان للبيت دخل وهو يشوفها كتسد سوتيان ولبساتهم غير شافتو قفزات..شافتو ماشي هو هداك هزات تيشيرط تلبسو وهو يجرها لعندو تا تضربات فيه دور يديه على ضهرها وهو كيحل ليها سوتيان:بلاش
جنات بلعات ريقها بغات تبعد عليه ماخلاتوش يحلهك:اميين
امين :ششش بلا ماتزيدي تكملي عليا
جنات من صوتو عرفات شي حاجة فيه:مالك
امين:كتسوليني مالي ..ماعارفاش شنو لي واخد بالي وحياتي وكلشي ماعارفاهاش شكون..ملي تشوفيني هكا عرفي غير هي لي بيااا
كيهضر بصوت مخنوق:كلما كنقول صافي مابقة والو وتولي ليا كتوقع شي حاجة وتزيد تبعدها علياا..انا راه كنبغيها وندير لي كان على قبلها..
جنات غير كتشوف فيه عارفاه باش كيحس وحاسة بيه
امين :عطيني شي حل شنو ندييير باش تولي لياا..انا راه كنبغيها..
جنات تصدمات وهي كتشوف عنيه تغرغرو بالدموع
امين:كرهت صاحبي وغدرت بيه على قبلها شنو ندير كتر من هادشي.
امين بصوت باااح:والله حتى كنبغيها غير تقولي اه والله تانعوضها على كلشي ونمشي انا وياها من لهناا..شوفي انا حالتي كيفاش وهي ماعلا بالهااش..ناصر عمرو يبغيها بحالي ..
جنات وهي كتبكي:صافي عفاااك برااكة
امين وهو كيمسح دموعو:كون تعرف شحال كنبغيها تبدل رأيها ..هي دابة كتشوفني واحد خانها وصافي نسات كلشي ..نسات شنو كنت داير معاها كنعاملها بحال شي اميرة ..هي انانية ..عمري بغيت شي وحدة تا بغيتها هي..عمري بكيت على شي وحدة شوفيني دابا كنبكي
بقاو شحال هكا ..من بعد علات راسها وشافت فيه مدات يديها ومسحات ليه اتار ديال الدموع لي على وجهو بقاو شي كيشوف فشي تاحسات بيه كيبوسها ماقاوماتوش بالعكس زادت جراتو لعندها وهي متجاوبة معاه حسات بيه غادي بيها لناموسية ..تاتكاها وجا فوقها ...ستسلمات ليه كليا ..فهاد اللحضة تخلات على نفسها على قبلو هو باش ينسة مافكراتش فقلبها لي مجروح وفكرات فقلبو هو لي مجروح على ود غيرها..عارفاه انه دابة كيمارس معاها وبالو مع وحدا خراا..ولكن شغا دير هي كتبغيه وضعيفة قدام حبو..ترخات مابغات تفكر فوالو فهاد اللحضة تعيشها واخة ماشي ديالها ..نتاقلو بجوج لعالمهم لخاص ..فلحضة ولاو بجوج مجردين من حوايجهم ماكايتسمع غير صوت اهات جنات وهي بين يديه ..غوتات بصوت منخافض وهي مزيرة على كتافو فاش خشاه فيها .وحسات بيه لداخل..زيرات على ليزار وهي كتحس بيه كيدخل ويخرج..فلحضة ستحلات الممارسة بدات تاوه بشدة الشهوة وهي مغمضة عنيها...كملو ليلتهم هكا قراب من اجسامهم ولكن ارواحهم بعاد بزاف
دازو ساعات
نمشيو عند ناصر
سلا الاجتماع .كان طويل .خرج نيشان ركب فطوموبيل ديالو كسيرا لدار ..نزل دخل لداخل كلشي ناعس طلع نيشان لبيت دخل ماشافهاش فوق النموسية دور عنيه على لبيت وهي تبان ليه جالسة فلبالكون وجامعة رجليها عندها وكتشوف فسما..مشا لعندها كانت ساهية لدرجة ماشافتوش .شكلها وهي مهدنة زوين وعويناتها كترمشهم بطريقة تقيلة ..جدابة فجميع حلاتها..ماحسش براسو تا نزل لمستواها طبع قبلة على حنكها وبعد وهو كيشوف فيها..طاهرة شافت فيه ورجعات شافت لبعيد
ناصر:لبرد هنا ونتي مالابساش مزيان
طاهرة ببرودة:مرتاحة هكا
ناصر حس بيها ماشي هي هديك :مالكي
طاهرة شافت فيه:ماماليش
ناصر علا حاجبو:ومالك على هاد التغوبيشة
طاهرة ناضت بشوية عليها ووقفات:غير نت ناشط خاص كلشي يكون ناشط..اه كي دوزتي نهارك مع رانيا..باينة ستمتعتي بوقتك
قالتها ودخلات لداخل وخلاتو..ناصر تنهد وتبعها كانت غادية لنموسية وهو يجرها من دراعها:شكا تقصدي
طاهرة:راك فاهمني.علاياش داوية.اصلا هديك حياتك ونت حر..أنا غير زايدة عندك نهار كامل ونت معاها تالدابة عاد جاي كوغا بتي معاها حسن
ناصر مافاهم والو وعلاياش داوية:شكا تخربقي
طاهرة:اه كنخربق
وبداو ينزلو دموعها بلا ماتحس الوحم ودردها حساسة كتر من لقياس
طاهرة هي كتبكي:وليت كنخربق دابة ..شتها فاش عيطات ليك ونت قلتي لخدمة ..منبعد عيطت ليك من عند ماما وجاوباتني هي قالتلي راك معاها فدار وراك فلحمام..دابة هدا تخربيق.
ناصر:شكون قلتي جاوبك
طاهرة:رنيا ديالك.. شوف ماغاديش نحاسبك ولا نعاتبك..غير ماتبقاش تعاملني مزيان ونحس بيك تبدلتي..غير خليك كي كنتي ماتلعبليش بمشاعيري
ناصر بقا كيشوف فيها كي كتهضر بتاسم وهو كيمسح ليها دموعها:ولاش لبكة
طاهرة:حيت بغيت ولا تا لبكة ممنوع
ناصر مزال مبتاسم هز ليها راسها باش تشوف فيه:مالك ديما كتفهمي غلاط
طاهرة تنترات منو :صافي خليني
رجع شدها دور يديه على خسرها وبدا كيهضر وهو كيحرك صبعانو على وجها بوشية وعنيه فعنيها :رنيا كتخدم عندي هجمو عليها فدارها وعيطات لي نعاونها.حليت ليها المشكل من بعد مشيت لشريكة ماوقع والو من داكشي لي فبالك .عمري شرحت لشي حد شي حاجة هنا كنشرح ليك نتي
طاهرة :وعلاش معيطة ليك نت ماعندها لمها لا بها
ناصر :وصافي بلا مانكبرو الموضوع
طاهرة :وعلاش جاوبات ليك فطليفونك
ناصر قربها لعندو كتر وقرب لودنيها وهمس ليها:توحشتك
طاهرة حسات بلحرارة طالعة معاها علات راسها وشافت فيه لقاتو مبتاسم وعويناتو كيبريو كوما تفكراتش انه بقة لرمضان سيمانة كون قالت راه سكران..
طاهرة:شنو قلتي
طبع قبلة على خدها:نهار كامل ماشتك
وحط يديه على كرشها:كي بقاو ولادي
طاهرة نساها تا واش راها حاملة:آآ..شكوون..اه ولادك
ناصر كيلعب فشعرها:مالك تلفتي
طاهرة حطات يديها على صدرو:عاود داك الكلمة لي قلتي عفاك بغيت نتأكد
ناصر زاد قربها لعندو كتر وكتر تا تخالطات انفاسهم:توحشتك
قالها وباسها بوسة خفيفة على شفايفها وبعد
طاهرة بلا ماتحس بتاسمات وعنقاتو حطات راسها على صدرو وهي كتحس باحساس زوين ماتكرهش يبقا ديما معاها هكا ما يتبدلش عليها ..بعدات عليه:اتكون عيان.
هز راسو باه:غنبدل عليا ونجي نعس
دخل لبيت تبدال بدل عليه وخرج لقاها متكية فوق النموسية على ضهرها تكا حداها على كرشو مد يديه وعلا ليها تيشيرط لفوق وحط يديه على كرشها بقا كيحرك صبعانو غير بشوية كيتخايل نهار لي غيهز ولادو بين يديه
ناصر:مابغيتيش تعرفي شنو الجنس ديالهم
طاهرة بتاسمات:لا خلي تا يتولدو حسن
ناصر:صافي واخة
قرب وطبع بوسات مقطعين فوق كرشها تا وصل لعندها بقا كيشوف فشفايفها شحال من بعد حط شفايفو على شفايفها ودخل معاها فقبلة حنينة تجاوبات معاه ..تواني وهو يحبس وشاف فيها باقي ما شبع منها:خاص نصبر سيمانة
طاهرة وهي كضحك:ايكون رمضان
هارون جرها وحطها فوق صدرو وعنقها :ومالو رمضان
طاهرة سكتات وهي كتفكر واش اتبقة معاه هكا بلا زواج مابغات تقولو والو خاص هو لي يفتح الموضوع تنهدات ..مشا بالها الاحساسها وهي معاه ماعرفاتش شنو تفسيرو مازال مافاهمة راسها..وتاهو مزال مابين ليها والو واخة عارفاه كيحس بشي حاجة حيت تبدل بزاف على قبل تنهدات بصوت مسموع
ناصر:مالك
طاهرة:والو
بقاوهكا تا داتهم عنيهم
بعد مرور اسبوعين
كان نازل من طوموبيل ومعاه الام ديالو شد ليها فيديها باش يعاونها تكشي حلو ليهم لباب ودخلو طاهرة غير شافتهم بتاسمات ناضت سلمات عليهم:مرحباا بيكم..خويا ياسين كي بقيتي لاباس ياسين:الحمد الله ونتي طاهرة الحمد الله:قلتي غتكي فول درمضان صدقتي كاي من مور جوج سيمانات ياسين:مع الخدمة وصافي ماكتابش طاهرة شافت فالام ديالو:الحاجة مرحبا بيك عندنا الحاجة:الله يبارك فيك ابنتي طاهرة:اتكونو عيانين مع صيام اجي تجلسو المغرب مابقا ليها والو وتودن الحاجة:الله يرضي عليك ابنتي جلسو فصالة وهوما كيهضرو ..شوية تحلات لباب كان ناصر ومعاه عماد عماد سلم عليهم هو وناصر وجلسو حداهم عماد:ايجوز شرب الماء انا كنموت طاهرة:هههه صبر بقات ربع ساعة عماد:15 لدقيقة مافية نموت ودفنوني نهار مشحر فين هي ليلى طاهرة:راها ناعسة ولات عطاها غا لنعاس عماد:ماعرفتش مالها معايا بقالها غا لعصة ماعطاتهاليش.. طاهرة:عادي راه دازت عليها فلوطاني دابة كتسترجع طاقتها بنعاس لعصبية. عماد:ههه تحمد الله ماكانترمضنش اوما كون ترمضنا مجموعين شوية وهوما يشوفوها نازلة من دروج بحاليلا ضاربة الجوانات سلمات على ياسين ومو وجلسات حدا طاهرة:ختي قلتي ليهم يقادو لبغرير ياكي طاهرة:ااه صيباتو ليك ماما بيديها ليلى:مزيان مزال مابغات تودن طاهرة:بقات ليها ربع ساعة عماد:نتي لي سولك كتقوليلو ربع ساعة طاهرة:هههه بالكم مع الله سمعو الجرس..جات الخدامة حلات لباب كانت روبي وعلي روبي مقطوعة مخنزرة خاصها غا معامن سلمات وجلسات تاهي مادواتش عماد:ههه ها رمضان جاا روبي شافت فيه:شووف راه شعلني هاد البرهوش ماتشعلنيش تانت عماد:سماحلنا اخااي الله يحفضك روبي هزات خدية وضرباتو بيها عماد:المغرب قربات تودن وهادو باقي ماجاو ناصر:دابة يجيو شوية سمعو تاني صوت لجرس.حلا والخدامة كانت لارا واحمد وامين وجنات..دخلو تسالمو وجلسو كيتسناو المغرب ..كلشي عرف بالحمل دطاهرة وانه عندها 3 توام فكرشها.. ياسين:الغرب غتودن دابة ناضو كاملين تجمعو على الطبلة دلفطور وجلسو كيتسناو عماد:هاد لفقيه عندكم كيتلدد بتعديبنا حنا ديالنا كيودن مع ل5ونص بقاو كيضحكو ليلى مخنزرة فيه:بهل عماد:ها حنا بدينا تاني ربي لما قولي اش درت ليك ليلى:سكت ماتهضرش عماد:هههه زوينة هادي نوضي نمشي حسن ليلى:اووووف قولولو يبعد منييي شوية سمعو الادن ..عماد هز كاس دلما نزل عليه فدقة ياسين:كول شي حاجة بعدة عماد:هنا غنفرجك غا تسنة..انا ماشي من داك لنوع لي كيزويهم لما لا لا بلعمك ياسين حلل صيامو وشاف فيهم:نوضو تصليو عماد:خلي تناكلو...
ياسين نوض توكل على الله وصلي ناضو كاملين غير رجال ناصر امين احمد عماد علي ..وقفو من مور ياسين كبر وبداو الصلى..سلاوومشاو كملو فطورهم فجو زوين مجموعين وكيتناقشو فالمواضيع . سلاو وناضو جلسو فصالة ..روبي نساحبات هي وناصر وخرجو لجردة شعلو كارو روبي عاد تقاد ليها لمزاج:واش مزال ماغاتقطعو ناصر وهو كيسوط الدخان:نفس الموضوع تاني لحق عليهم عماد وفيديه كارو :شعلوو لخوكم مدات ليه روبي بريكة..سمعو صوت امين من موراهم:الله يعفوو عماد:امين نت لي خارج من الجماعة امين بتاسم:ماعنديش مع لكارو روبي:هنيتي راسك امين شاف فناصر:متأكد من داك القرار لي خديتي ناصر:اه أمين:هدشي بان ليا غينوض ليك صداع ياسين:لا خليه لا بغة يتوب ويبعد من الاجرام علاش لا يبدا حياة جديدة مع مراتو وولادو.. أمين:مراتو؟ عماد:غتولي مراتو روبي حطات يديها على كتف ناصر:دير لي يريحك غا هاد الكارو خاص تقطعو باش تبدا حياة جديدة ناصر غير ساكت وكيفكر شاف فيهم:مشيت عند الطبيب ياسين:وشنو قال روبي:غتبدا العلاج ياك عماد:أحسن ما درتي تعالج وحيد عليك هاد المرض ناصر ببرودة وهو كيسوط الدخان:ااعلاج لي قالي مامناسبنيش فهاد الوقت ماعنديش الوقت ليه..تانصفي حسباتي كلهم عاد نبدا العلاج ونقطع لكارو ياسين:تا يفوت الفوت ناصر:كلشي بالمكاتيب ياسين:سمعني باش تقدر تكمل خاص تكون صحتك مزيانة ..شنو غتستافد ايلا خسرتي حياتك من مور ما تنساحب من العصابة..اتخلي ولادك يتام بسبب اهمالك لصحتك ناصر:انا حاس براسي مزيان علامن تقاد الامور ونبدا نصلح كلشي امين:والزواج ناصر شاف فيه شحال:كلشي غيجي بوقتو روبي:خليوه على راحتو راه عارف شكا يدير عماد بقة كيشوف فناصر:كنتيق فيك اناصر عارفك اتكون حسبتيها مزيان وفكرتي عاد خديتي قرارك.. ياسين بتاسم:اهم حاجو انك غترجع لطريق الصواب.بعيد على الاجرام.هي لا جيتي وكملتي على خيرك ناصر بتاسم ليه:علاش لا تا يسالي هدشي ياسين:نمشيو مجموعين أمين:دابة نت اياسين لي كتهضر .ماغاتكملش دينك وتزوج تانت ياسين تنهد:صعيب نلقا فهاد الوقت لبنت لي تقبل على شروطي.كي شتي لبنات دليوم صعاب أمين:ههه وشنو شروطك نشوفولك شي وحدة عماد:هههه انا نقولك..النقاب اول شي ..صلا والعبادة وعمرها دوات مع شي راجل.من عائلة ملتازمة أمين:هههه وحافضة لقرآن روبي:هههه خليو الراجل يهضر ياسين وهو مبتاسم:ماشي بضروري يكونو فيها هاد المواصفات كلهم.شحال من واحد تزوج ببنت مامحجباش وواخدة حريتها.ولكن قدر يبدلها ويقنعها ..هنا فين المشكل ناصر:نت مزيان وربي غيجيب ليك شي بنت الناس لي تستاهلك ياسين:هدا ماكان كلشي بالمكاتيب عماد كيشوف فروبي:ايوا ونزوجو ملاك تاهي هههه روبي خنزرات فيه شوية وتلاح عليه تاكلو عماد:ههه غا ضاحك روبي:باسل كي كتقولك ليلى عماد:ها لي مابغيناش كتشفي فيا لعديان هاد ليلى دابة نتفاهم معاها روبي :ندخل نرتاح دخلات لداخل لقاتهم مجمعين..جلسات حدا الطاهرة لي مربعة رجليها وفيديها طبسيل ديال بيتزا كتاكل فيه روبي:تكايسي على لماكلة غتولي لباب مادخلكش طاهرة:مالكم معايا واش ماناكلش..راهم تلاتة كل واحد وشنو كيتشهى..خليولي ولادي ياكلو اويلي حي ليلى متكية فوق الفطوي وفيديها طليفون:هدا مابقاش وحم هدا ولا همري طاهرة وهي كتاكل:خمسة على عنيكم تفوو طاهرة الام:بعدو لي من بنتي تاكل لي بغات جنات كانت كتشوف فيها هي مبتاسمة كتشوف الفرحة فعنيها .تفكرات امين شحال كيبغيها تنهدات تا واحد مالقاها كيف بغاها فهاد دنيا.ضاروي ماتكون فحياتك شي حاجة ناقصاك ..تنهداات ليلى:جنات ونتي ماجاي تا شي بي بي فطريق جنات بتاسمات عكس داكشي لي فلداخل ديالها:باقي ماكتابش طاهرة:ربي يدير ليك لي فيه لخير جنان :امين ليلى ناضت وهي جالسة:واناااا..تا أنا بغيت نحمل طاهرة:كوني تحشمي ليلى:ماداوياش معاك اصلا ديها غا فماكلتك هههه شوية اتولي كي هاديك لي جات من دار لدار عقلتي عليها كتشرب ساني كروة ههه ياختي غير نتي طاهرة هزات لمخدة وضرباتها بيها:غنوض نضربك لصقك مع داك لحيط لي موراك ليلى:صافي صافي بردي طاهرة :واش بصاح زدت بزاف فالوزن ليلى:بزاف كاع ياختي وليتي شوهة طاهرة شوية وتبكي:ماما واش بصااح روبي:عاد ملي اتولدي ناري ناري الطاهرة الام:ماتديش عليهم غا كيضحكو عليك ..نتي كنتي ضعافيتي ودابة سترجتي صحتك بالعكس وتاك جنات:اه بصاح وتاك الحمل ليلى:هههه دايرين ليك خاطرك وصافي طاهرة:غي زيدي دوي راه لا شديتك غنضرب لمك نتفة بحال دشحال هدا عقلتي ولا انسيتي روبي :ههههه كانت كضربك ليلى:كتكدب ماكنتش كتقد تا تمد عليا يديها طاهرة:ههههه نسيتي يامك لقتلات لي كليتي من يدي تا كتبقاي ترغبي ليلى:كدابة سكتي سكتي روبي:كتخايل طاهرة كتنتف فيك ههه ليلى:واتيقيها ..هي غير حملات زادت فيها ضلعة تفو على موصيبة طاهرة:موصيبة هي نتي ليلى:فاااك يوو طاهرة شهقات:شنو داكشي فشعرك ليلى:اويلي شنوو.. طاهرة حطات طبسيل دبيتزا:تسناي شي حاجة بحال صراق الزيت ليلى بدات تغوت:حيدوووووووه لا لا نوضي حيديه
شوية جات الحاجة جلسات حداهم دارو ليها بلاصة وبقاو كيتهاودو هضرة كتجيب هضرة حتى كيشوفو لارا نازلة فدروج لابسة ومقادة مكياج خفيف وشعر مصيب جات زوينة كيووت ماشي بحال قبل لفطور جلسات حداهم وهي كتعوج عاجبها راسها..بقا كلشي حال فيها فمو طاهرة حطات طبسيل دلمالكة ومسحات يديها وهي كتشوف كي كتعوج وجالسة على جنب لفوطوي ورجل على رجل..ليلى كطلعها وتهبطها.. لارا وهي كتعوج:قل اعود برب الفلق ..ناري كليتوني بعنيكم ليلى:ههههه لاش احبيبة انحسدوك على كيلو دلماكياج لارا شهقات:بزاف عليك غير شوية ليلى:اجي نمسح ليك وجهك نشوف لارا:هدشي لي بقة سكتو فاش شافوهم داخلين من الجردو جلسو حداهم الحاجة بقات كتشوف فلارا كلهم نتابهو لشوفاتها الحاجة:غزالة تبارك الله لارا شوية وتفرفر بالفرحة:تانكيوووو الحاجة:شنو قتلي لارا:شكراا الحاجة:كيعجبوني لبنات الشهبات كتقولها وهي كتشوف فياسين:مزوجة ابنتي لارا:لا الحاجة دارت بتسامة عريضة:تبارك الله عليك وتبغي تزوجي ابنتي ياسين:احم الواليدة شربتي دوة لارا عاد.طلع معاها الفلم تزنكات طاهرة وليلى وروبي ماقدروش يمتمو ضحكتهم وهوما يبداو يضحكو:ههههههههه لارا خنزرات فيهم:لاش كضحكو عماد:ايااه باربي كبرتي وزيانيتي ههه لارا حسات بالاحراج :ماغاديش تسكت الحاجة:بعدو من البنت حشمتوها. لارا بقات غير ساكتة ناصر كان كيشوف فطاهرة كيف كضحك وفرحانة ويديها مازولاتهاش من فوق كرشها ..حتى كتشوف فيه بتاسمات ليه ..دار ليها حراكة بيديه باش تجي عندو..ناضت ومشات جلسات حداه دور ديه على ضهرها وحط يديه على كرشها وهضر بهدوء:مشات منك الدوخة طاهرة هزات راسها باه:اه مزيان دابة شاف فشعرها طاهرة بتاسمات:غيرجع كي كان (فهاد المدة دجوج سيمانات تبعات مع صالون التجميل مشهور فكل تلتيام كتجي كواف تقاد ليها ماسكات وبرودويات خاصين باش كتحيد الصباغة ..خصوصا صباغة لي دايرة هي من النوع لي كتزول دغية عندها برودويات خاصة بهاد النوع tie and day معروفة ماكاتبقاش بزاف ايلا داومتي واحد الماسكات) ناصر :كلشي غيرجع حسن طاهرة حطات راسها على كتافو:ان شاء الله
امين حس بلحرارة طالعة معاه..وهو كيشوفهم هكاك قراب من بعضهم بدا كيحل صدافات لولا دلقميجة ..جنات لي مراقباه وعارفة باش ايكون كيحس تنهدات لارا ولا كترجف غا بوحدها مابغاتش تشوف فيهم باش ماتنفاجرش شوية نزل احمد لي كان متكي فبيتو شاف فناصر:اجي بغيت ندوي ناصر بعد على طاهرة وناض:نمشيو للمكتب دخلو للمكتب وجلسو أحمد:هضرت انا ولبوص ناصر:شنو قال احمد:كي توقعتي بابضبط تبارك الله عرفتي طريقة تفكيرو ..باش تقدر تبعد على علام دلمافيا خاص تدخل لحبس لمدة عام وتنفد جميع لعمليات داخل الحبس..من بعد تقدر تنسى عالم المافيا بلا مشاكيل ناصر كان عارف ان جوابو ايكون هو هدا يلاه ايهضر وهو يشوف امين داخل..جلس حداهم ناصر كمل هضرتو:انا غنوافق ماشي حيت خفت لا حيت بغيت نخرج من هاد العلام بلا مشاكيل . احمد:صافي مور رمضان غنشوفو شي تهمة ونتافقو مع شي قاضي يطول ليك مدة الحكم لعام امين غير كيتصنت والافكار كدور فراسو داز الوقت تجمعو تعشاو وتسحرو فنفس الوقت من بعد كل واحد مشا لدارو ..بقات غير ليلى وعماد لي غيدوزو معاهم رمضان
كانت 2ونص دليل طاهرة واقفة حدا لمراية وكتسرح فشعرها وهو واقف حدا لبالكون وكيكمي ضارت لعندو:شنو كان كيقولك احمد ناصر:والو الخدمة وصافي طاهرة قربات لعندو:ياك واعدتيني باش غتنساحب من المافيا كي دار عماد .على قبل ولادنيا عنداك تنسة هادشي ناصر شاف فيها ورما لكارو على قبل هي حاملة حط يديه على كتافها:انبقاو نعاودو نفس الهضرة كل نهار طاهرة:حيت خاطري ماهانيش. ناصر:غنفك غير شي حوايج وكلشي غيتصلح
بقات كتشوف فيه هو واعدها باش يبعد من هاد العلام ونهار يصفي حساباتو غيتزوجو ويبداو صفحة جديدة مالقات مادير من غير تصبر على قبل ولادها..لحد الان مازال ماعرفاتش شنو نوع هاد العلاقة.واش تبدل معاها غير على قبل الحمل وانها اتكون ام ولادو ولا شي حاجة خرا.وتاهي ماعارفاش هاد الهدوء والارتياح لي كتحسو هي معاه واش حيت عيات وملات كل نهار صداع ومشاكيل وبغات ترتاح اولا شي حاجة خرا..اصلا مزال ماسمعات من فمو كلمة كنبغيك وتاهي مزال مانطقاتها حيت بجوج مزال دماغهم مشوش..ماعارفينش شنو نوع الاحساس لي كيحسوه مع بعضهم..بتاسمات مابغاتش ترجع اللور وتفكر فلي داز مابغاتش تفكر فردة فعلو نهار يعرف راها بلغات بيه ..حيت مزال الحد الان كيحلف فهداك الشخص لي بلغ بيه لي هي نفسها..بغات تستمتع بهاد الراحة لي كتحسها وهي معاه.وتلدد بمعامالتو الزوينة لي ولا كيعاملها بيها.. ناصر:مالك كتبتاسمي طاهرة:هكاك بغيت نبقا ديما ضاحكة عيت من لبكا والغمة جرها لعندو وعنقها ناصر:مور رمضان غنسافر طاهرة هزات راسها وشافت فيه:فين ناصر:باقي ماعرفت فين ولكن مور هاد السفر كلشي غيتبدل كلشي ايولي مزيان.ماغايبقاش ناصر هدا لي كتعرفي طاهرة كتشوف فعنيه :وشحال اتبقة ناصر:غنطول وحط يديه على كرشها:يقدر مانحضرش قبل يكمل حطات يديها على شفايفو:الا هدي..ماتقولهاش..بغيتك تكون معايا ناصر باس يديها لي على فمها جرها لعندو كتر:ماكرهتش نحضر ونشوفهم وهوما كيتولدو ولكن باش نعيشو من بعد مزيان خاص نضحيو بشي حاجة طاهرة نزلو دموعها:صافي بلا ماتسافر غير خليك..عفاك ماتمشيش مامرتاحاش لهاد السفر عنقها وهو كيمسح على شعرها:طاهرة راني فكرت فهدشي مزيان عاد قررت . بعدها عليه:كتيقي فيا بقات كتشوف شحال فيه عاد جاوباتو بصوت باكي:اه..ولكن قاطعها بقبلة على شفايفها:ادن ماتبكيش كلشي دابة يدوز طاهرة مزال كتبكي:ولكن حاول على قبلهم هز راسو باه وهو كيمسح ليها دموعها :غنحاول رجعات عنقاتو دفنات راسها فصدرو سمعو الدقان كانت الممرضة ..دخلات وفيديها دوة وكاس دلحليب.مداتهم ليها شرباتهم ورجعات خرجات.. طاهرة شربات لما :ماغاتجيش تنعس ناصر :نكمي هدا ونجي خرج للبالكون باش يكمي وهي تخشات فبلاصتها دوة كيدير ليها النعاس دغية نعسات..ناصر كمل الكارو وخرج تكا حداها وهو كيشوفها ناعسة..خداه التفكير وسها فوجها..عمرو فكر شي نهار انه يتخلا على عالم المافيا.حيت كيلقا فهاد العلام داكشي لي باغي.بحاليلا فيه كيطفي داك النار لي فقلبو ماكان عندو تاشي هدف فحياتو ماهمو لا جاه لا سلطة لا فلوس لي كيلعب بيهم.لا طموبيلات لا ديور لا بنات لي كيترماو عليه لا والو ..كان كل همو يهرب من من الواقع ديالو المر لي تابعو فكل تقدم كيديرو فحياتو..فاش كيتفكر انه لقيط ابن غير شرعي لاب غير معروف من ام عاهة كتزيد تشعل فقلبو العافية وكيبردها فلي دايرين بيه كره الجنس اللطيف كره ماضيه والحاضر ديالو والمستقبل لي عارفو كي غيكون مصيرو باين يا اما يتقتل ولا يدخل لحبس...ولكن دابة لا ملي دخلات لحياتو هاد الانسانة تبدل كلشي .حاول يكرهها ويحقد عليها ويقلب على الاسباب لي تخليه يتنفر منها ولكن ماقدرش كانت قوة منو دخلات لحياتو بالسيف عليه..بدلات ليه افكارو اهدافو.عاد ملي ولات ام لتلاتة ديال ولادو .ادن ولات جزء من حياتي..دابة ولا باغي يعيش ولا باغي حياتو تزيد تطوال يشوف ولادو كيكبرو حداه هي معاه..تنهد وهو كيفكر اول مايتخلو مشاكيلو ويخرج من الحبس غيتزج بيها ويبدا معاها صفحة جديدة..غمض عنيه عيى بالتفكير نعس ويديه فوق كرشها
نمشيو لبلاصة وحدا خرا
تخشات فبلاصتها وهي تسمع مساج فطليفونها حلاتو كان هو كاتب فيه(على سلامة .) عرفاتو مزال حاضيها وماناويش يبعد منها كتبات ليه(سير تقود) كتب ليها(قيدي عندك نهار غيجي وقت لحساب غتخلصي كلشي املاك) روبي كتبات ليه(ايوا تا تشدني ودير لي بغيتي ..كوميسير فاشل) كمال كيعيى يبغي يستافزها ولكن بكلمة وحدة كتقدر هي تستافزو(واخة هنا غنوريك كوميسير فاشل) ملاك(ههه مسكين سير قابل بنتك هدشي لاش صالح) كمال تعصب صونا عليها وماجاوباتش باغي يسبها كتب ليها(جاوبي) طفات طليفون ونعسات..خلاتو كيغلي
***
نهار جديد
كانت متكية فصالة ومخدمة قناة قرأنية وكتصنت للقرآن وعنيها على شاشة كتقرا كل اية كتكتب ..ويديها على كريشتها..كانت مركزة حتى كتحس بشي حد جلس حداها
ليلى:اري تليكومونض شوية شديتيه مابغيتي ترخيه
طاهرة مركزة مع القرآن ماباغاش تجابها
ليلى:وراه بدا المسلسل اري خليني نتفرج
طاهرة ماكاتجاوبها
ليلى:اووووووف وتي اري
طاهرة ديرونجتها:صدق الله العضيم..واش ماكاتحتارميش كلام الله بالك مع المسلسل..قراي ليك شوية دلقرآ فهاد رمضان كما ربي يدير ليك شي عقل
خداتو لها وبدلات القناة وطاهرة غير كتشوف فيها تنهدات وبدات تفرج معاها تاهي هاد المسلسل متبعيتو بجوج فهاد رمضان شوية جات جلسات حداهم طاهرة الام تاهي متبعاه..نساجمو معاه وكل شوية كيتناقشو شنو يقدر يوقع تا سلا
باسين:راه البنت ماشي من النوع لي باغي انا هي خاصها واحد ماشي بحالي راكي شتيها كتبغي تكون حرة.لا فلباسها ولا فتصرفاتها.
فهاد اللحضة دخل عماد وناصر.كاملين كيقيلو غابرين فلخدمة ملي كيفيقو فصباح تا كتقرب المغرب عاد كيرجعو..سلمو وجلسو حداهم
الحاجة:ولدي ناصر دوي معاه نت يقدر يسمع ليك
ناصر شاف فياسين:ياك لاباس
الحاجة:قلت ليه علاش لي مايتزوجش.وانا عاجباني لارا تبارك الله عليها كتحمق..هضر معاه ندويو مع باها
ناصر تنهد:الحاجة ماعندي مانقول فهادشي هو راه عارف لي كاين.لا بغاها غيمشي يخطبها
الحاجة:هو كيقول ماغاتبغيش حيت هو ملتازم وهي لا.راه يقدر تبدل انا متأكدة انا غير من الشوفة عرفت شنو من تحت راسها مايغروكمش المضاهير راها مزالة صغيرة ومزال عقلها يتبدل..توكل اولدي وهضر مع باها
ياسين:وا الوليدة فهميني..
قاطعاتو وهي كدمع وتبكي:اولدي راه بغيت نشوف وليداتك والعمر غادي مابقالي قد ما فات ويدي مول الامانة امانتو الله يرضي عليك دير بخاطري
ياسين تنهد وهو كيستغفر الله باس ليها يديها:يكون خير الواليدة غير ماتبكيش..ويطول ليا فعمرك
الحاجة بتاسمات:الله يرضي عليك أولدي صافي غتدوي مع باها شوف مور المغرب نمشيو كاملين ايلا بغيتي..نهضرو مع باها
ياسين:واش ضاروري
الحاجة:ايوا شغا نتسناو ان شاء الله قبل يخرج رمضان نكونو ضربنا لكحل فلبيض
عماد:هههه باربي ماكاتعرف لا بيض لا كحل الحاجة
شاف كلشي كيشوف فيه وهو يسكت
الحاجة:شنو قلتي اولدي
ياسين:لي بان ليك الواليدة ولكن ماتوليش تجبدي الموضوع لا قالت البنت لا
الحاجة:واخة
عماد:ماغاتودنش المغرب
ليلى:تسنا هنا نقول للفقيه يودن
عماد:نتي غي سكتي ماعرفتش مالك معايا
ليلى:وغا خليني ساكتة
بقاو كيتحتو تا جات وقيتة دلمغرب تجمعو فوق الطبلة تا سمعوها كتودن فرقو الصيام..وكي لعادة ياسين وناصر وعماد كينوضو يصليو عاد كيكملو فطورهم
الطاهرة الام:طاهرة قدات بيتزا على ودك
ناصر شاف فطاهرة كانت مبتاسمة وكتشوف فيه بتاسم ليها تاهو وهز طريف :جات زوينة
طاهرة:بصحتك
ليلى:تاهادي جات زويينة الله يعيط الصحة
طاهرة:بصحتكي
عماد مد يديه باش ياخد طريف وهي تجر الطبسيل عندها:هدا دياليي
الحاجة:يكون خير ان شاء الله ونوضو وجدو راسكم باش نمشيو
طاهرة شافت فناصر:أنمشي تا أنا؟
ناصر:نوضي
بتاسمات وهي فرحانة:غنطلع نوجد راسي
عماد:نوضي تانتي
ليلى ناضت كتجري طلعات تبدل عليها
عند طاهرة..دخلات دوشات وخرجات ملوية عليها فوطة ودخلات لبيت تبدال تشوف شغا تلبس.حتى كتحس بشي يدي محاوطين خصرها شكون من غيرو هو ولات عارفاه..بتاسمات وهي كتحس بيديه على كرشها.وغاطس راسو وسط عنقها كيبوسها بوسات حنان جاب ليها تبوريشة دورها لجيهتو وهو كيتأملها.طاهرة غير كتشوف فيه ومتبعة حركاتو.شد خصلة من شعرها:طوال على لول
طاهرة:اه انا شعري من النوع لي كيطوال دغية
رجع ليها شعرها اللور وتحناا باسها من عنقها :لبسي عليك باش مايضربكش البرد
هزات راسها باه وهي مبتاسمة ختارت شغا تلبس وخرجات وقفات كتنشف فشعرها وتلبس وناصر دخل دوش بالخف وخرج يلبس عليه..
شافت راسها فلمراية ختارت لباس مستور كسيوة طويلة فلون غوز وكلها وريدات فلموف بلكمام جاية شوية لاسقة على جسمها فيها سنسلة فضهر وشعرها خلاتو مطلوق كتافات بماسكارا وعكار غوز بارد.
ناصر خرج من بيت تبدال وهو كيقاد لكول دلقميجة ديالو .شاف فيها طلعها وهبطها.لكسوة بينات مفاتين جسمها بطريقة متيرة.خصوصا وان وزنها زاد على لي كان .ماحسش برااسو تاحط يديه على خسرها وقربها لعندو..حط يديه على شفايفها ومسح ليها لعكار وطبع بوسة خفيفة على شفايفها:هكا حسن
طاهرة كان عاجبها لعكار:مادرتوش معيق
ناصر حط يديه على وجها:كوني تسمعي لهضرة
بغات تهضر وهو يجرها تا تخالطات انفاسهم تخربقات بقاو كيشوفو فبعضهم طاهرة طلعات معاها السخونية فاش حسات بيديه على مؤخرتها خصوصا وانه من اخر مرة نعس معاها ما ولاش قاصها ..كان كيشوف فشفايفها ماحساتش براسها تا دورات يديها على عنقو وقرباتو لعندها ودخلو فقبلة طويلة وغير بشوية.نساو راسهم فهاد اللحضة.بحاليلا اول مرة غيتبادلو القبل ..كتقفز فاش كيحرك يديه على مؤخرتها ويطلعها تا لضهرها ويرجع ينزل .ناصر بعد عليها وعنيه معسلين ماشبعش منها..بقا كيشوف فعويناتها مد يديه وبعد ليها شعرها لجيها لوخرا ونزل كيبوس فعنقها بوسات مقطعين وكيطول فلبوسة عاد كيدوز لبلاصة خرا..طاهرة كانت مغمضة عنيها ومستمتعة بقبولاتو كتحس بقلبها كيزدح بالجهد كتر من جوج سيمانات ماقرب ليها بهاد الطريقة.قطع عليهم صوت لباب.بصعوبة باش قدر يبعد عليها.طاهرة كتقاد فشعرها:شكون
ليلى:هدي انا كلشي واجد بقيتو غا نتوما
طاهرة وهي كتشوف فناصر:واخة ها حنا جايين
ناصر مشا وحل لباب :سبقونا دابة نلحقو عليكم
ليلى:ااه واخة
شد لباب ورجع دخل لعندها كانت واقفة وكتشوف فيه قرب ليها
طاهرة :علاش قلتيلهم يمشيو شنو بغيتي دير
ناصر دور يديه مور ضهرها وزاد قربها ليه وعنيه فعنيها طلع يديه لسنسلة وبدا كيهبطها طاهرة بلعات ريقها:ناصر شكا دير
ناصر مادايهاش فيها هبط سنسلة تا لتالي
طاهرة:دابة خاص نخرجو ماشي و.
سكتات فاش شاقتو كيهبط الكسوة من على كتافها تا بان صدرها بسوتيان واقف.بقا كيشوف شحال فصدرها كيجدب قرب وطبع بوسة وسطهم وشاف فيها وقرب لودنيها وهضر بصوت مايل للهمس:بدلي هاد الكسوة
طاهرة بالها كان مشا بعيد:علاش مالها مامعرياش
ناصر :جاتك زوينة بزاف
نزل يديه على خسرها:وبينات ليك فورمتك .مابغيتش يشوفو فيك كي شفت فيك انا دابة وعاد رمضان ما جاتش
بقات كتشوف فيه :واخة
بعد عليها :يلاه سيري شوفي شغا تلبسي
دخلات لبيت تبدال وحيدات لكسوة ختارت كسوة وحدا خرا كحلة وطويلة نص كم من جيهة دصدر لاسقة وملتحت مفضفضة .وخرجات:ودابة
طلعها وهبطها:زيدي دابة
شد ليها فيديها ونزلو لتحت كانت طاهرة الام جلسة فصالة
طاهرة:مالك مالبستيش حوايجك
طاهرة الام شافت فناصر عارفاه ما أيخليهاش تمشي:عيانة ابنتي غير سيرو
طاهرة فهماتها:عفاك خليها تمشي غتبقا غير بحدها فدار
طاهرة الام:لا ابنتي هو ماقال والو انا لي مافيا ما يمشي
طاهرة ماداتهتش فيها:ناصر الله يخليك قلها تمشي عفاك
ناصر بقة كيشوف:سيري لبسي عليك
طاهرة الام:لا ماشي مشكل لا مامشيتش
ناصر:قلت نوضي تلبسي
طاهرة بتاسمات:ماما كوني تسمعي للهضرة
طاهرة الام بتاسمات وطلعات لبيت لبسات عليها..عباية وشال فوق راسا مخلية شعرها خارج شوية نازل على عنيها دارت شوية دلكحول فعنيها هزات ساكها وهبطات
ناصر طلع وهبط فيها وفلباسها:زيدو
خرجو ركبو فطوموبيل وكسيرا نيشان لدار احمد مسافة طريق وكانو تماك نزلو وحلو ليهم لباب دخلو لقاوهم تاهوما يلاه وصلو سلمو على احمد لي مافاهم والو وجلسو
كمال بتاسم:غنوصل راكي مزال ماكاتعرفيني.لادرت شي حاجة فبالي ماكانرتاح حتى كنفدها..دابة خلينا فالمهم كل حاجة اتجي فوقتها
روبي وقفات:انا غنمشي بحالي وشوف ماتبقاش تابعني وبعد مني
شدها من يديها وجرها تا جلسات فوق الكرسي:جلسي باقي ماساليت هضرتي..شنو بان ليك فالماضي ديالك نوريوهم دابة لخوك ويعرف راكي قتلتي خوك حيت غتاصبك وشحال من مرة تشديتي فالحبس..وانك داخل فالمافيا ..ونزيدك غنولي ننشر هدشي باش كلشي يعرفو .علي فينما مشى ايبداو ينعتو ليه ويقولو ليه خو هداك لي غتاصب ختو وقتلاتو.شنو بان ليك
روبي:كتغلي من لداخل ماكرهااتش تنوض وتقتلو وتهنة شعلات كارو:شنو بغيتي من تالي بلا مانطولو فالهضرة
كمال:دابة هضرتي..الحل بسيط غتسني على ورقة وحدة
روبي :ديالاش هاد الورقة
كمال:دزواج
روبي بدات كتكح وتسوط دخان وهي كتشوف فيه
كمال مد ليها لما:شربي
دفعات ليه لكاس تا طاح فالارض وتهرس:شكا تخربق مستحيل نتزوج بيك.غنمشي نقود بحالي انا لي هبيلة دايرة راسي فيك
ناضت باش تمشي وهو يشدها يلاه اتهضر وهو يوقف عليهم علي ونور
علي:شنو واقع هنايا
كمال رخة منها:والو كنا كنتناقشو وصافي
روبي شدات علي من يدييه:يلاه نمشيو
وتمات غادة حتى كيوقفها صوتو:علي بغيت نوريك شي حاجة
ضارت وشافت فيه كان طليفون فيديه:اجي قرب
روبي بلعات ريقها قلبها كيضرب فلمية:علي غنمشيو
علي رخا منها:خليني نشوف مالكي دايرة الفرطة
فك يديه من يديها وتم غادي
روبي حسات بدنيا ضارت بيها باقي صغير على هدشي غيتعقد فحياتو شافتو وقف حدا كمال لي الابتسامة مرسومة على وجهو ما حساتش براسها تا نطقات:موافقة
كمال بقة كيشوف فيها:مزيااان..علي هدي تصويرة دروبي فاش كانت صغيرة
نور شدات فباباها:لااا ابابا مابغيتهاش تكون ماما هي شريرة
روبي غير ساكتة مصدومة من هدشي لي دارت ماعرفاتش كي دارت تا نطقاتها ولكن كان خاصها تعتق الموقف ..نترات يديها من يديه
كمال كيهضر مع علي:غنتزوجو مباشرة مور رمضان ياك أحياتي
روبي خنزرات فيه:علي زيد نمشيو
جراتو من يديه مشات خلصات وتمات خارجة وهي كتغلي ركبو فطوموبيل كسيرات بالجهد وهي معصبة
علي:مبروك أملاك
روبي هاد والكلمة زادت شعلاتها غوتات على حر من جهدها:سسسسسسكت لاش جبتك لعندي انا راني قحبة جايبة صداع راس لعندي كلشي بسباااابك لي دارو خوك كملتو نت .كنكرهم كااملين..ماكفاكمش هدشي لي فيااا شوفو فين وصلتوني برااكة علياااا
كانت كتهضر بلغوات وضرب فلفولون كون صابت تحيدو من بلاصتو ولات كترجف بوحدها
روبي شافت فعلي:لاش بنتي فحياااتي دمرتيلي كلشي
علي غير ساكت وهو كيشوفها شاعلة
روبي حطاتو حدا الدار:نزلت تقوود
علي مصدوم حل لباب ونزل قبل يشد لباب كسيرات خلات غا لعجاجة من موراها شعلات كارو بقات كتنتر منو واالو ما كالماهاش..حسات براسها محتاجة جوان ولكن ماتقدش رمضان هدا..والتبويقة ماكاتزولش دغيا .واحد ماكايكفيهاش..شافت طليفونها كيصوني كان هو جاوباتو دغيا:شنو بغيتي ازااامل
كمال بهدوء:فينك خلينا نهضرو
غوتات على حر من جهدها:مابغيييتش نولي نشووفك
كمال:دابة حبسي طموبيل فالجنب وقوليلي فينكي باش نهضرو
روبي حسات براسها باغة تسبو مباشرة وضربو وتغوت فوجهو عاد نتابهات هي فين كان فطريق خاوية كتدي للغابة وقفات فالجنب:اجي لطريق دلغابة
كمال:واخة
وقطعات..نزلات من الطموبيل وهي كتكمي جلسات فوق لقدام دطوموبيل وهي كتشوف دنيا خاوية ومضلامة من غير نور النجوم لي فسما ..كانت معصبة بزاف
نمشيو عند لارا
لارا بقات كتشوف فيهم مافاهمة والو :كيفاش
احمد:ياسين باغيك تكوني مراتو
لارا شافت فياسين لي منزل راسو وكيشوف الارض
الحاجة:دابة غير هضرة ابنتي خودي وقتك وفكري
لارا شافت فناصر ..ناصر غير شافت فيه هبط عنيه لتحت بحاليلا كيقولها حياتك هدي
بلعات ريقها بلا ماتحس بداو ينزلو دموعها .تزيرات حسات بلقهرة بحاليلا ماعارفينهاش شحال كتبغي ناصر ..حسات فهاد اللحضة انها ماكاتسوة والو عندهم تا واحد ماحاس بيها.شافت فناصر بعنيها الدامعين كيفاش عطاه خاطرو يجي برجليه باش يخطب مع ياسين هضرات بصوت مخنوق:ناصر بغيت نهضر معاك بوحدنا
ناصر شاف فيها وعلا حاجبو بمعنة لاش
لارا:عفاك
احمد كيشوف بنتو كتبكي تنهد ماعندو مايدير
ناصر بغة ينوض وهي تشد ليه طاهرة فيديه شاف فيها:هنا راجع
خرجو للجردة تكا على لحيط وخشا يديه فجيابو وهو كيشوف فيها باش تدوي
لارا بقات كتشوف فيه شوية بشوية بدات كتبكي بصوت مرتافع بحال شي طفل صغير ومبين بكاها كيتسمع صوت شهقاتها من اعماق قلبها .ناصر بقة كيشوف فيها قرب لعندها وجرها لعندو وعنقها دفنات راسها فصدرو و هي كتبكي بحرقة بلا تاشي كلمة اصلا مايحتاجش تهضر هو فاهمها..علات راسها وشافت فيه:صافي عمرنا غنوليو نتجمعو
ناصر وهو كيمسح ليها دموعها:حنا ماشي ديال بعضنا عيشي حياتك وفكري فراسك نسايني عليك ماغانصلاحلكش ا لارا .ما تربطيش حياتك بيا لا فكرتي فغيري انا متأكد غتنسايني .حيت عمرك حاولتي تفتحي قلبك لشي حد اخور
لارا بصوت باكي:حيت كنبغيك
ناصر:هدا ماشي حب.دابة تفهمي شنو هو الحب مع الوقت
لارا:كتهضر بحاليلا نت عارفو.
ناصر:خلينا فيك نتي
لارا:تبغيني نتزوح بصاحبك
ناصر:ولد الناس ماغاتلقايش بحالو
لارا:واخة قلبي معاك
ناصر :راه ماشي قلبك لي معايا راه عقلك لي معايا.
لارا:لا نت ماحاسش باش حاسة انا
ناصر:دابة عطي فرصة لراسك شغا تخسري وغتعرفي انا علاياش داوي .ياسين واحد الشخص لي عمرك تندمي حيت قبلتي بيه
لارا مسحات دموعها:على قبلك غنوافق.
شدات يديه وباستها:عمري قلت ليك لا وعمري انقولها .ولكن دير حاجة فبالك ياسين عمري انبغيه
ناصر جرها لعندو وعنقها واخة هكاك عندو عزيزة فاهمها وعارفها مزيان واخة هي هكا بريئة فلداخل ديالها دنبها انها ربطات حياتها بيه وعارف ياسين غيتهلا فيها وماغا يأديهاش .تنهد
لارا بعدات ماقادراش تحكم فدموعها :يلاه نمشيو قبل نغير رأيي
بتاسم ليها وخرجو جلسو حداهم ناصر شبك يديه فيد طاهرة ..لارا كتشوف يديه فيديها مقصحة بزاف من لداخل تمالكات نفسها وخدات نفس عميق وشافت فباباها:انا موافقة
كلشي تصدم..ياسين كان متوقع انها غترفض بل كان متأكد .مصدوم حيت وافقات بهاد السرعة.
احمد بدورو مصدوم بلع ريقو وهو كيشوف فيها:واش متأكدة.
لارا:اه ابابي موافقة
وحنات راسها كتحاول ماتبكيش..
الحاجة غطير بالفرحة:كنت حاسة انك غتوافقي الله يرضي عليك ابنتي فرحتيني فهاد النهار
كلشي كان ساكن وكيشوفو فبعضهم
الحاجة:مالكم ساكتين
عماد:مبروووك شغا نقولو صراحة ساعة تاريخية هدي
ليلى نغزاتو باش يسكت
طاهرة:مبروك الله يكمل بالخير
بقاو كيباركو ليهم
الحاجة:ايوا دابة خاص نتافقو لى العقد ايمتى
احمد باقي مامتيق شاف فبنتو:شنو بان ليك ابنتي
لارا:لي بان ليكم ابابي
الحاجة:لاش انطولو مور رمضان ياسين قول شي حاجة
ياسين بهدوء:لي بان ليكم
الحاجة:ايوا ماكاتعاود غا صلاة على النبي.مزال نديرو جلسة ونتفاهمو على كلشي.مانزربوش
احمد؛واخة الحاجة
جان الخدامة:لعشا واجد
ناضو كاملين تجمعو فوق الطبلة كيتعشاو فصمت بلا تاشي كلمة الجو مكهرب
لارا:مالكم ساكتين حنا ماشي فجنازة زعمة راه غنتزوج
الحاجة:عندك الحق ابنتي
الطاهرة الام:لا بلعكس فرحانين غير راكي عارفة رمضان بنادم عيان ههه
أحمد:لالة طاهرة سمحيلي مارحبتش بيك كي شتي كلشي داز بزربة .ونتي اول مرة اتزوري داري
طاهرة الام بتاسمات ليه:عارفة لي كاين ماشي مشكل شكرا اسي احمد
ليلى كتهمس لطاهرة:شوف ليك شويبيني بحاليلا حنا ساكنين معاه.مسكين طاح على راسو فحماتك.شوفي كيف كيشوف فيها.
طاهرة كتمات ضحكتها:سكتي
كملو عشاهم وناضو جلسو فصالة كيهضرو..لارا جالسة وبالها بعيد..ساهية.ياسين بدورو كيفكر كان كيقول مستحيل توافق صدماتو ولا كيفكر فحياتو معاها كي غتكون.فرق كبير بينو وبينها تنهد وعلا راسو وشاف فيها وفلبسها مايمكنش لا تزدوج بيها تبقا هكا بهاد اللباس
طاهرة الام كانت شادة الحديت مع احمد:ههه ايوا شغا دير دنيا هي هدي صعيب تربي بنت بوحدك
احمد ضحكتها دوباتو :اه مابغبتش نتزوج حيت صعيب نلقا شي وحدة تهلالي فبنتي
طاهرة الام:اه بصاح عندك الحق صعيبة بزاف
احمد:ايوا الله يلاقينا مع ناس لي يفهمونا
ناصر جالس على اعصابو وهو كيشوف مو واخدة راحتها فلحديت ماحسش براسو تا وقف:نوضوو غنمشيو
قالها وهو مخنزر فمو..طاهرة الام بلعات ريقها وناضت فهمات شوفاتو
ناصر شاف فمو لي بداو ينزلو دموعها تنهد :لي مالقات مادير كتبدا تبكي
وقلب الدورة وطلع البيت طاهرة جلسات حداها وشدات ليها فيديها:ماديريش فبالك هو طبعو هكا مع كلشي
طاهرة الام وهي كتمسح فدموعها:اصلا ما كانش عليا نمشي.ايبقا ديما واخد عليا ديك النضرة
ليلى جلسات حداها من الجيهة لوخرا:مع الوقت غينسا
طاهرة الام:ماكنضنش ينسى
طاهرة:نوضي دابة ترتاحي ماتفكريش فهادشي
ناضت وطلعات لبيت ترتاح
طاهرة جلسات فوق الفطوي شداها الدوخة والردة
ليلى:شتك ماشي هي هديك
طاهرة؛راكي عارفة ..معاونيني غير دوك لفتامنات وما كوراني ما كانوضش من لفراش
عماد؛تصبحو على خير نمشي نعس
وطلع ينعس
شوية دخل ياسين والحاجة
طاهرة:مالكم تعطلتو
الحاجة:نزلنا قدام لبحر ودوينا شوية
طاهرة:اه ايوا مزيان
يياسين:الوليدة براكة عليه خاص تنعسي
الحاجة:واخة اولدي تصبحو على خير
ليلى وطاهرة:تصبحي على خير
طلع هو ومو ينعسو بقات ليلى وطاهرة
ليل؛ونتي ماغاتنعسيش
طاهرة؛غيكون شاعل غيشعل عليا تا انا مافيا لي يسمع شي غوات
ليلى:ومالك اتبقاي هنا
طاهرة تكات فوق الفطوي:شوية وغنطلع..سيري نتي تنعسي
ليلى:تا تنا عيانة ماعرفتش مالي فيا لموت دنعاس
طاهرة وهي كتقاد لمخدة:ايوا طلعي تنعسي شربي لما بعدة
ليلى:واخة
وتحنات لعندها باستها وطلعات تنعس
طاهرة عنيها بداو يتغمدو بحدهم داتها عنيها ونعسات
لفوق
كان فلبالكون كيكمي حتى كيسمع الدقان خرج من لبالكون:دخل
الممرضة:جيت باش نعطي لالة طاهرة دوة
ناصر عاد تفكرها كان غرقان وسط افكارو
ناصر:صافي حطيهم هنا
حطاتهم وخرجات..مسح على راسو ونزل يشوف فين هي ..حتى كيشوفها ناعسة فصالة قرب لعندها وتنهد تحنة لمستواها رجع شعرها اللور لي كان على وجها بقة كيشوف فيها شحال من بعد هزها بين يديه حلات عنيها بششوية وشافت فيه ورجعات غمضاتهم وحطات راسها على صدرو ..
وصلها لبيت دخل وحطها فوق النموسية كانت مرخية لعيا ونعاس مسيطرين عليها
ناصر:نوضي شربي دواك عااد نعسي
طاهرة بصوت شبه مسموع:واخة
ناضت بصعوبة كتحس بالردة حطات يديها على كرشها دراتها ..وناضت كتجري دخلات لحمام ردات ..ماكاتحملش راسها فاش كترد كتحس بمصارنها كيتقطعو .حسات بيديه على خسرها جمع ليها شعرها اللور ..ردات تاني..ورجعات اللور وهي كتلهت قربها للافابو وغسل ليها وجها ..وخرجها للبيت جلسها فوق النموسية وهو كيشوف حالتها كيف دايرة .عطاها تشرب دوة..عاونها حيدات لكسوة بقات بدو بياس
طاهرة:ماقاداش نلبس غير خليني هكا
حطات راسها على الخدية ..طفا الضو وتكا حداها كان وجها مقابل ليه..حط يديه على كرشها حلات عنيها وشافت فيه:ولادك محنيني
قربها لعندو وطبع بوسة على جبهتها:دابة يفوت هدشي
وخشاها فصدرو ونعسو بجوج
نمشيو عند روبي
غير وصل وشافتو نازل من الطموبيل مشات بالزربة وهي كتغوت شنقات عليه ولسقاتو مع الطموبيل:اااش بغيتي منييي خرج من حيااااتي
بدات كضربو على صدرو وهي كتغوت حتى حسات بصقلة جاتها لوجه تا مابقاتش تحس بحنكها شدها من دقنها شوية ويهرس ليها فمها وزير كان وجها قريب لوجهو:يا اما غتشدي معايا الطريق ولا تحملي لي غيجيك
روبي بقات كتشوف فيه حتى كتفل ليه على وجهو:غندمك ياولد الكلبة على هدشي هنا غنوريك الزواج شكا يسوا .دير فبالك انك نت لي غتخرج خاسر من ههاد الزواج غندمر ليك حياتك
كمال ولا كيغلي مسح وجهو وشاف فيها جمع معاها بصقلة ما جا فين يزيدها التانية حتى جمعات معاه تاهي بصقلة
روبي:كتحكر على لوليات اشماتة والله لا حكرتيني واخةونعرف نموت انا وياك
كمال شياطين ابليس كينقزو فوق راسو شدها من يديها لي ضرباتو بيها ولواها تا عطاتو بالضهر وزير تا غوتات شوية ويهرس ليها يديها ..:مانصحكش تعاندي معايا حيت غتندمي
وقرب لعنقها وغطس راسو فيه وهمس ليها:مزال غتعرفي شكون هو كمال
وغوتات فاش عضها من عنقها تا حسات بسنانو تلاقاو
بعد عليها وخلاها شادة فيديها لي كدرها وعنقها كينزف شافت فيه وبتاسمات كتحاول تخفي الوجع لي كتحس بيه:ها حنا غنشوفو يا انا يا نت
كمال قرب لعندها حط يديه على خسرها وجرها لعندو تا تخالطو انفاسهم:كيعجبني نلعب بحال هاد اللعب كنستمتع مزيان.خصوصا لا كانت شي وحدة بحالك .
روبي بلعات ريقها وهي كتشوفو قريب ليها بزاف نطقات وهي كتورك على الحروف:قواااااد..ومزمول
كمال بتاسسم وغرس صبعانوو فخسرها تا غوتات وحط شفايفو على شفايفها وبدا يبوسها بطريقة هماجية بحاليلا كيعاقبها عيات تقاوم وتحاول تبعدو ولكن كان قوة منها..كتحس بشفايفها غيطيرو كيجرهم بسنانو يورك ويبدا يمص فيهم ..بقا هكا تا بعد على خاطرو وراسم ابتسامة على وجهو:ماغا نبقاش نعصب راسي معاك هدا هو عقابك لا ماجمعتيش فمك
روبي دفعاتو وهي كترجف :حقيييير
كمال:نخليك دابة 😉.أملاك
وركب فطووموبيلتو ومشا وخلاها كتغلي غير بحدها بقات واقفة كتحاول تستووعب هدشي لي هي فيه حلفات انها غتكرهو فحياتو فهاد الزواج ركبات فطموبيلتها ومشات لدار ..دخلات لقاتو ناعس فصالة وتليكوموند فيديه وتلفازة مشعولة تنهدات قربات لعندو ندمات على داكشي لي قالت ليه هو ماعندو تاشي دنب ..حطات يديها على كتافو :علي فيق شرب لما ونوض نعس فبيتك
علي كيتكسل شا ففيها بنص عين:جيتي
روبي:اه.
ناض جالس:تفشيتي
روبي رجعات اللور :شرب لما الفجر شوية وغيودن
ناض ندخل لكوزينة كلا شي حاجة خفيفة وشرب لما وخرج لقاها كتشرب لما
روبي ناضت تدخل لبيتها وهي توقف:قبيلة كنت معصبة ماتديش عليا
علي:اصلا نسيت
كملات طريقها ودخلات لبيتها..يبدلات عليها وتخشات فبلاصتها وهي كتفكر فحياتها تا داتها عنيها ..
بعد مرور أسابيع
اليوم تاني يوم من عيد الفطر
طاهرة كانت جالسة فصالة ليلى وعماد مشاو دوزو لعيد مع عائلة عماد.كانو معمرين عليها الدار ..
جات وجلسات حداها طاهرة الام:مالك ابنتي
طاهرة:والو اماما دار بدات تخوة..عماد وليلى مشاو وناصر غيسافر والحاجة وياسين تاهوما غيمشيو من مور الزواج
طاهرة الام وهي كتمسح ليها على شعرها:وانا فين خليتيني .اولا مابقيتش عزيزة
طاهرة عنقاتها؛لا بالعكس نتي لي مصبراني غير ولفت بدار عامرة
ناصر ركب فطوموبيل نيشان لدار نزل ودخل شاف غير مو جالسة داخل وكيكمي شاف فيها وما عبرهاش تا كيوقفو صوتها
طاهرة الام:بغيت ندوي معاك
قرب لعندها:اش واقع
طاهرة الام:ناصر ولدي راني شفت لبارح حالتك كيف كانت والدم لي خرج من فمك
كانت ناازلة من الدروج من بعد ماشافتو من الشرجم وقفات فاش سمعات هضرتها
طاهرة الام كملات هضرتها:حالتك غادة وكتدهور أولدي وليتي قريب من الموت نت هملتي راسك .قولي لمن اتخلي ولادك لا وقعات ليك شي حاجة الله يحفض وطاهرة كي غتكون من موراك مسكينة ..اولدي السرطان مامعاهش اللعب الله يخليك بدا فلعلاج وحيد عليك هاد والكارو علأقل على قبل ولادك ووطاهرة
نزلو دموعها وهي كتسمع لهضرتها حساتوبالدنيا دارت بيها
وقلب الدورة وخرج من الدار شاف الحراس واقفين ليها فطريق مامخلينهاش تخرج
طاهرة وهي كتبكي وتغوت:قلت ليك حيد من طريييقي بغيت نمشي بحاااالي
واحد من الرجال:مايمكنش الالة سي الزعيم ماغايبغيش
ناصر دار ليه اشارة باش يخليوها الدوز
طاهرة شافت فيه بعنيها الدامعين وكملات طريقها ببجامتها وصندالة ديال دار فرجليها
بقة تابعها وهو كيشوفها كتمشى قدامو..وكيسمع صوت بكاها ماباغيش يضغط عليها
طاهرة حسات بيه موراها ضارت لجيهتو وهي كتبكي:لاش تابعنييي بعد منيي سير موووت بوحدك
ناصر كيقرب ليها بلا تاشي كلمة وهي راجعة باللور:قلت لييك غنمشي بحاالي لاش تابعنيي
ناصر وقف اونفاص معاها وهو كيتأمل وجها وعويناتها لي ولاو حومر بلبكا شدها من دراعها وهي كتحاول تنتر منو وتغوت:ماااتقيسنيييييش رخي مني غنمشييي بحالي من لهنا ..مانقدشش نزيد نتعدب فحياتي كتر من هكاا.لا بقيت هنا غنمووت
جرها لعندو وعنقها بالسيف عليها وهي كتحاول تبعد عليه وضرب ليه فصدرو.بقات هكاك تا رتخات وحطات راسها على صدرو وهي كتبكي..وتهضر بصوت باكي:غتموت وتخليني..علاش باغي تعدبني
طاهرة وهي كتهز راسها بلا ومتشبتة بدراعو:لا غير خليك معايا
طاهرة الام شافت فالممرضة:يلاه نخرجو تا لمنبعد
خرجو وشدو لباب
ناصر تك اعلى لكادر دنموسية وجرها من خسرها لعندو حطات راسها على صدرو ويديها فيديه بحاليلا خايفة يمشي ويخليها..دور يديه على خصرها وهو كيسمع صوت شهقاتها.وكتنخصص بين يديه..تنهد:طاهرة سمعيني وحبسي من لبكة
طاهرة مزال كتبكي:كتقول ليا غتسافر..ونت غدخل للحبس باش تموت على خاطرك.مافكرتيش فيا انا وولادك كتفكر غير فراسك
ناصر:لا ماشي هكا..هدشي كلو على قبلكم باش نقدر نخليكم تعيشو حياة زوينة بعيدة على الصداع والمشاكيل
هنا زادت فلبكا:ماابغيييتش اناصر يوقع هدشي الله يخليك دير شي حاجة
ناصر عرفها ماغاتسمعش ليه غتبقا على الفكرة لي فراسها بعد عليها شوية وهزها بين يديه وجلسها فوقو وشد وجها بين يديه:واش ماغاتسكتيش وتخليني نهضر
طاهرة كتهز راسها بلا وهي كتبكي:لاا عارفاك ادير غير لي فراسك
تنهد بنفاد صبر هضر معاها بحدة هاد المرة وهو عاض على سنانو:واش مااغا تسكتيييش
بقات غير كتشوف فيه ودموع نازلين من عنيها
ناصر رجع ليها شعرها لور ودور يديه على عنقها:قلتي بغيتيني نخرج من المافيا ياك
هزات راسها باه
ناصر:باش نخرج من المافيا ونصفي حساباتي ومايبقة تاشي مشكل من بعد خاص ندخل للحبس لمدة عام نقاد شي صفقات داخل الحبس من بعد مايسالي هاد العام انخرج واانعيشو حياتنا مهنيين
طاهرة وهي كترجاه:عفاك شوف شي حل من غير هدا الله يخليك ..على قبلي انا ولادك..الحبس خايب بزاف أناصر .بغيتك تبقة معايا
ناصر كيمسح ليها دموعها:ماكاين تاشي حل من غير هدا .كاين حل هو نبقة وندخلو فمشاكيل مغايساليوش انا ماغانصبرش دمي سخون اطاهرة..سمعي ماتفكريش فالحبس فكري فمن بعد فاش اتقاد حياتنا.
طاهرة كتشوف فيه تايقة فيه ولكن لخوف متمكن منها :واخة..والمرض؟
عنقاتو بالجهد واخة هكاك مزال خايفة عنقها تاهو بقاو هكا شحال تا بعدات عليه شافت فيه:ادن صافي ماغاتحضرش للولادة
حط يديه على كرشها:ماتفكريش فهادشي
ورجع عنقها .داز الوقت حتى كيحس بيها نعسات هزها من فوقو حطها فوق النموسية بقة كيشوف فيها شحال ..ناض دخل لحمام ودوش خرج لبس عليه عمر كاس وخرج للبالكون طاحت الضلمة ..بغة يشعل كارو فلول كان متردد ولكن دارو ففمو وشعلو وبدا كيكمي وافكار كتديه وافكار كتجيبو
دازت هاد الليلة وجا نهار جديد
كانت فبيتها متكية فوق النموسية ودموعها نازلين ..شافتو داخل عطاتو بالضهر ماباغاش تشوفو..جلس حداها وحط يديه على كتافها:ما كاتعيايش من لبكة
جنات شافت فيه بعنيها الدامعين:متأكد عندك قلب ولا حجر.كي فاش طاوعاتك نفسك تقتلي ولدي باقي تا ماتزاد
أمين كيشوف فيها:هداك غير غلطة ماكانش عليك الدريها .
جنات ناضت جالسة وهي حاطة يديها على كرشها كضرها:باغي تحملني المسؤولية غير اناا .نسيتي راسك
امين ببرودة:دابة صافي.المهيم مابقاش
جنات:انا كنت باغاااه
امين:وانا ماكنتش باغيه .حيت ماباغيش شي حاجة تربطني بيك خصوصا واننا فالاخير غنطلقو لاش ايتولد
جنات كتشوفو شحال اناني كل نهار كتزيد تندم حيت بغاتو بقات غير كتبكي
أمين وقف :عزيز عليك لبكة والغمة
وحل لباب وخرج
جنات رجعات تكات وهي كتبكي تفكرات لبارح فاش داها بالسيف عليها لطبيب دير لكورطاج مارحمهاش بحاليلا هداك ماشي ولدو عيات طلبو وترغبو ولكن ماسمعش ليها..غمضات عنيها بحرقة كتحس بلعافية شاعلة فيها صعيب يطيح حبك على قلب حجر ماكايحسش بيك كيستاغلك وصافي .المشكلة انها ماقادراش تكرهو مزال كتبغيه ماعرفاتش شنو نوع هاد الحب لي هي طايحة فيه .هدشي لي فيها فات الحب ..حطات يديها على قلبها باغة تفهم تنهدات بصوت مرتافع كما على الله تخرج روحها مع هاد التنهيدة وتهنى
عند ليلى وعماد
خرجات من لحمام وهي مبتاسمة والجهاز فيديها هزات راسها باه..عماد بالفرحة هزها وبقى يدور بيها وهي كضحك .حطها وعنقها غيطير بلفرحة:ماتصوريش شحال فرحتيني غنولي اب
نزل على ركابيه وحط يديه على كرشها:ولدي سمعني مزيان انا هو باباك
شاف فيها وبتاسم:غير كنخربق ياك
بتاسمات ليه:لا غيكون كيسمعك
عماد باس ليها كرشها:غنخليه يعيش احسن عيشة ماغا ينقصو والو
وناض وعنقها:شكراا بزااف
ليلى مبتاسمة غطير بالفرحة كتحس براسها غير كتحلم تنهدات براحة
عماد بعد عليها وهزها وحطها فوق النموسية :ما خاصش تعيي راسك لي بغيتيها انا نجيبها ليك صافي
كيهضر ويديه فوق كرشها
ليلى:مامتيقاش انني حاملة
عماد:تانا ههه
ليلى:الحمد الله نجحت فقرايتي وربي عطاني بي بي وراجلي لي كنبغي حدايا شنو بغيت كتر
عماد باس ليها يديها:الله يخليك ليا
عند روبي
حبسات الطموبيل قدام واحد المبنى نزلات ودخلات لداخل بخطوات تقال ما على وجها تاشي تعبير.شافتو واقف وقفات شحال كتشوف فيه من بعد قربات لعندو شاف فيها وبتاسم:كان يحسابلي هربتي
خنزرات فيه
كمال:زيدي لعدول كيتسنى.
دخل ودخلات موراه شوية وغتنفاجر
العدول علا عينو وشاف فيها وفشكلها كيف داير بحال شي دري .مامتيقش هدي هي لعروسة :تفضلو جلسو
جلسو روبي كتلعب بصبعانها توترات .خدا منهم بطقات الشخصية ديالهم .كانو واقفين جوج دشهود من موراهم..جابهم كمال..
العدول عطا لشهود وقعو وشاف فيهم وبتاسم:مبروك عليكم الله يكمل عليكم بلخير
كمال:الله يبارك فيك
روبي ناضت خرجات بلا تاشي كلمة..كمال كمل شي اجراءات وناض تبعها لقاها واقفة حدا طموبيل وباينة فيها معصبة وقف حداها وهو مبتاسم كيستافزها:مبروك علينا😉
روبي ماكرهاتش تقتلو وتهنة:رتاحيتي دابة
كمال قرب ليها كتر وحط يديه على خسرها:ماغانرتاح تانعرف كلشي ونفضحكم على حقيقتكم
حلات باب الطموبيل وركبات:كتحلم
هبطات الزاجة وشافت فيه:اخر يامك ايجريو عليك
كمال:لا ماتخافيش..المهيم هاد ليلة انجي موراك امراتي
روبي:علاش بسلامة
كمال :عمرك شتي شي جوج مزوجين كل واحد فيهم عايش فدار لا.ادن غتجي تعيشي مع راجلك
روبي بتاسمات:ونت متيق راحنا مزوجين بصاح
كمال كيفقصها:تا نجيبك لدار ونوريك الزواج دبصاح
روبي وهي كدور ساروت:ايوا تسنة نجي عندك لدار
وكسيرات بجهد ومشات وخلاتو واقف كيتحلف فيها
عند طاهرة
كانت واقفة حدا لمراية كتقاد فراسها وهي مبتاسمة ..كانت لابسة كسيوة كحلة فوق الركبة..جاية لاسقة على الجسم وبلكمام..كتشد بسنسلة من لقدام..وشعرها طالقاه سامبل ولا كيولص لتحت دضهرها شوية.مع مكياج خفيف سمعات الدقان كانت لخدامة
ناصر دور ساروت وكسيرا وهو كيسوط..بتاسمات ونزلات لمراية لقدامها كتقاد فشعرها..شافت فيه وقربات لعندو طبعات قبلة على خدو وهي مبتاسمة :أتبقا هكا بغيتيني نبدلها نرجعو لدار
ناصر: دابة هانتي وملي مانكونش اتلبسي هكا.؟
طاهرة:لا
ناصر:سمعي كلشي غيوصلني رجليك نقطعهم لا جابولي خبارك كتخرجي هكا
بقات ساكتة ماجاوباتوش
ناصر شاف فيها وهو عاقد حواجبو:معاك كندوي
طاهرة:ضاروري تفكرني انك ماغاتكونش
تنهد وجرها لعندو وعنيه على طريق:راه كي كنت حداك كي ماكنتش راه ديما انكون معاك ..
طاهرة علات راسها وشافت فيه:ناصر والله مامرتاحة حاولت نقنع راسي انه كلشي ايكون مزيان وولكن خايفة بزاف
باس ليها راسها:خوي راسك من هدشي.
تنهدات مالقات ماتقول..طريق كاملة وهي متكية على صدرو وهو كيسوق تا وصلو للعيادة..نزلات وهي فرحانة خشات يديها فدراعو ودخلو لداخل والانضار كلها عليهم ركبو فالمصعد تا وصلو لطبق التاني ستقبلاتهم الممرضة ودخلاتهم للغرفة ديال لفحص علامن تجي طبيبة..جلسو ..وطاهرة كتشوف فتصاور ديال لي بي بي معلقين فلحيط كتخايل ولادها كيشبهو ليهم ..
ناصر يلاه ايهضر وهي دخل طبيبة بتاسمات وسلمات عليهم
الطبيبة:تفدلي تكاي فوق البياص..طااهرة طلعات وتكات ..
طبيبة هبطات ليها سنسلة دلكسوة تا لجيهت كرشها
طبيبة بتاسمات:بدات تبان لكريشة
طاهرة بتاسمات تاهي:ااه
شافت فناصر:اجي حدايا
ناض ووقف حداها شدات ليه فيديه .طبيبة دارت ليها سائل فوق كرشها ومصاتو شوية..وهزات واحد لبراي وحطاتها على كرشها وبدات تحركها بشوية وعنيها على الجهاز بحال تي في باش يبانو ليها لي بي بي بتلاتة
طاهرة وناصر كيشوفو فالجهاز.شوية بشوية بدات توضام ليهم الصورة .بانو ليهم محشيين فبعضهم وحجمهم صغير بزاف ..طاهرة تأترات وهي كتشوفهم هادوك وليداتها نزلو دموعها وزيرات ليه على يديه تخلطو عليها اللاحاسيس حسات بسخونية
ناصر كان واقف وكيشوف فيها كيف كتهضر والفرحة فعنيها ..سلاو وخرجو ركبو فالمصعد..وقفات كتقاد راسها قدام لمراية لي تماك..ناصر كيشوف فيها وفلكسيوة كيف جاتها..جات معاها زوينة ملبوسة عليها ..ولالة تريمة زاد بانت وواقفة ..عاد نتابهات لشوفاتو دارت لجيهتو وبتاسمات:مالك
تحل باب المصعد:زيدي دابة كتقلبي عليا
خشات يديها فدراعو خرجو وركبو فطموبيل وكسيرا كانت كتشوف فالطريق حتى كتحس بيديه فوق فخادها لعريانين شافت فيه..بدا كيحرك يديه بشوية بين فخادها..دار ليها تبوريشة شافت فيه كان كيشوف فالطريق حاولات ماتهتمش ولكن ما قدراتش كان كيحرك يديه بطريقة طلعات معاها سخونية عيات صابرة وهي تحط يديها على يديه خافت تهور ودير شي حاجة خخ.هو واعدها ما ينعس معاها تا يتزوجو.شاف فيها ودار ابتسامة خفيفة حس بيها وقفو فسطوب وجرها لعندو تا تخالطات انفاسهم..حط شفايفو على شفايفها ودخل معاها فقبلة ..تجاوبات معاه..هزات يديها وححطاتها على صدرو ووزادت جراتو عندها..حسات بيديه على فخادها تا وصلها لخسرها...مؤخرتها ..ضهرها تا وصل لعنقها وخشا يديه وسط شعرها..وشفايفهم كيتحركو مرات بالجهد مرات بشوية حتى سمعو صوت لكلاكسون..بعدات عليه وهي كتقاد فشعرها..نساو راسهم..صطوم تطلق وهوما مزال خدامين..ناصر حرك طموبيل وشاف فيها لقاها مزنكة بتاسم وهز يديها وباسها..شافت فيه وبتاسمات ليه..وكملو طريقهم حتى كيحبسو حدا واحد المبنة
طاهرة:ديالاش هاد لبلاصة
ناصر:نزلي ونتي غتعرفي
نزلات وشد ليها فيديها ودخلو.ركبو فالمصعد وهي مزال ما فاهمة والو تحل المصعد وخرجو مشاو لاخر الكلوار تا وصلو حدا واحد المكتب حل لباب ودخلو..كان واحد راجل يكون فربعينات جالس فلمكتب ديالو غير شاف ناصر ناض سلم عليه ورحب بيه:تفصل اسيدي جلس كون عيطتي لي انا نجي عندك لاش معدب راسك
ناصر جلس وجلس حداه طاهرة:ماشي مشكل.داك لوراق واجدين
المحامي:اه اسيدي كلشي واجد
ومد ليه لوراق..ناصر خداهم وقراهم من بعد وقع عليهم وشاف فطاهرة:خاص توقعي على هاد لوراق
طاهرة ما فاهمة والو:كيفاس وديالاش هاد لوراق
خداتهم وقراتهم شافت فيه بصدمة ممامتيقاش داكشي لي قرات
طاهرة نزلو دموعها حطات داك لوراق فوق المكتب وناضت:علاش أناصر
ناصر شاف فالمحامي فهم راسو وخرج.ناض وشد ليها فيديها:ماتعرفي دنيا والزمان هدي ..تا واحد ما عارف شنو يقدر يوقع فالمستقبال ..بغيت نكتب كلشي بسميتك في حالة لا وقعات لي شي حاجة.مابغيتش نخليكم مورايا بلا والو .
طاهرة تنترات منو وهي كتبكي:انا مابغيت لا فلوسك لا أملاكك انا بغيت نعيش هانية فحياتي.بغيتك نت تكون معايا .هدشي زاد خوفني اناصر بزاف..كتهضر بحاليلا غتوقع ليك شي حاجة
ناصر :طاهرة كندير احتياط وصافي راه واعدتك
طاهرة:ادن ماشي بضاروري نسني على لوراق حيت نت اترجع على خير وما غا يوقع ليك واولو .خلينا نمشيو من لهنا تخنقت
ناصر جرها من دراعها وجلسها مد ليها ستيلو:ماتعصبيش دلمييي وقعي وزيدي داك ساع نمشيو .وليتي اي حاجة كتعكسي فيها.شحال من مرة كنقولك انا راه كنحسبها عاد كنفدها.دابة وقعي
حط ليها ستيلو فيديها وخنزر فيها:طااهرة
طاهرة جمعات يديها عندها:لاااا هي لا.مابغيتش املاك مابغيت والو
بقة كيشوف فيها .دور عنيه على المكتب وناض هز لبواطة ديال باش كيبصمو جلس حداها:ماغاتوقعيش
هزات راسها بلا
ناصر:اهاه واخة
جر ليها يديها بسيف عليها وهي كتنتر حكمها مزيان وحط ليها صبعها على لبلاصة فين كيطبعو لبصمة وضغط مزيان ورجع هز ليها صصبعها وبصم فوق لورقة..دار هكا مع لوراق كاملين..عاد رخة ليها يديها:كتمشي غا بلعكس
سكتات ما هضراتش معاه شافت فيه:نقدرو نمشيو دابة
ناض ولوراق فيديه خرج وهو يتلاقا المحامي:كمل الاجراءات
المحامي:واخة اسيدي
ناصر شافها ركبات فالمصعد مشا وركب تاهو ..وقع الصمت وهي غير ساكتة تاهو ماهضرهاش هو عارف شكا يدير .خرجو وركبو فطوموبيل كسيرا طريق كاملة وهوما ساكتين شاف فيها لقاها كتبكي بصمت وقف الطموبيل فالجنب ديال الطريق وشاف فيها:أتبقاي هكا
طاهرة شافت فيه بعويناتها الدامعين:واعدتيني وقلتي ماغايوقع واو وانك اترجع على خير..ودابة كتكتبلي أملاكك كلها بحاليلا عارف انك ماغاترجعش.بحاليلا غتمون
نطقات اخر كلمة وسكتات وهي كتبكي
ناصر بقا ساكت شحال باغيها تفهمو شد ليها فيديها:لا كتبت املاكي بسميتك هدا ماكايعنيش انني غنموت وماغانرجعش.انا كندير حتياط وصافي نتي هكا كاتزيدي تكملي عليا..بغيت ملي نمشي ما يبقاش بالي معاك بغيتك تكوني راجل من مورايا مانخافش عليك تصبري علامن نخرج وداك ساع كلشي غيتصلح..طاهرة انا عارفك قدها حيت نتي قوى من هكا ستحملتي بزاف وتقدري تستحملي عام وتصبري
حط يديه على كرشها:نتي ماشي بوحدك راه معاك تلاتة انا درت هدشي على قبلكم تانتي خاص ديري شي حاجة على قبلنا وهاد الحاجة هي تصبري وتحافضي على راسك وعلى ولادي سمعتيني
طاهرة كانت غير ساكتة وكتسمع لهضرتو
ناصر:طاهرة
شافت فيه:اه سمعتك وفهمتك
ناصر:مابغيتش نشوفك تاني كتبكي
مسحات دموعها:صافي واخة ..ولكن .
قاطعها:انعاودو نفس الهضرة
طاهرة:صافي غنصبر
تنهد وجرها لعندو وعنقها عنقاتو تاهي وباستو من صدرو وعلات راسها وشافت فيه وهي كترمش بعويناتها:فيا الجوع
شاف فيها وبتاسم وهو كيدور ساروت:شنو بغيتي تاكلي
طاهرة حطات راسها على كتافو:بيتزا
ناصر:واخة
كسيرا نيشان لمطعم خاص ببيتزا وقف وشاف فيها:نزلي
شافت فالمحل وهي نازلة وكتشم ريحة دبيتزا من على برة بتاسمات وهي فرحانة حسات بيه شد ليها فيديها ودخلو لداخل ناس جالسين كيكلو وسيرفورا غاديين جايين خداو بلاصتهم وجلسو طاهرة هزات القائمة هي لولا وبدات كتقرا انواع لبيتزات وقف عليهم سيرفور
تنهد بلا ما يجاوبها جرها من يديها ودخلها للبيت جبد علبة الاسعافات خدا بوماضا ودهن ليها صبعانها وشاف فيها:لمرة جاية تعاوديها يديك نهرسها باش عمرك ديريها
طاهرة عصبها لبرود ديالو كيتهرب منها شدات راسو بين يديها:سمعنييي مالك كتهرب مني ..قطع لكارو ناصر راه خطار على صحتك..علاقل غير على قبل ولادك الله يخليك ما تهملش راسك
كان غير كيشوف فيها حطات راسها على راسو وهي كترجاه:كنطلبك اناصر باش تبعد من لكارو وتديها فصحتك
باسها من جبهتها وشاف فيها :نوضي تنعسي وترتاحي
يلاه بغات تهضر وهو يهزها بين يديه وحطها فوق النموسية وتكا حداها:فيك لهضرة بزاف
مد يديه وطفا الضو:نعسي
جرها لعندو وعنقها..دفنات راسها فصدرو وقع الصمت شوية تسمع صوت بكاها بقة كيمسح ليها على شعرها :صافي ماغانبقاش نكمي
طاهرة وهي مزال دافنة راسها فصدرو:واعدني
تنهد:كنواعدك
باستو على صدرو
نمشيو عند روبي
دخلات لدار وهي تصدم فاش شافتو جالس هو وعلي زدحات لباب بالجهد
علي:ههههههه جديدة هدي والله تامفروحة اختي يلاه مزوجين ونكرتيه
كمال؛باقي ماولفات انا غنقولك شكا نظير هنا
وقف حداها:جيت نقتارح عليك اقتراح..شنو بان ليم نعيشو فدارك علامن تأقلمي مع الوضع
روبي بالزربة:لااا لاا داري لا
كمال ببتسامة:علاش خايفة من شي حاجة..ياك ما عندك هنا شي سر من اسرارك
بلعات ريقها:ونت سوقك
كمال:المهيم جاوبيني
روبي:من نيتك .عندك دارك وانا عندي داري
علي:هههههه بربي لا نتي مسطية
روبي هزات خدية وضرباتو لوجه :اقسم بالله وما تسكت غنهزك نلوحك من داك الشرجم.
علي:هاهو ساكت
كمال:لحد الان راني داير ليك فلخواطر الالة ملاك
روبي:انا ماغانمشيش معاك
كمال:ادن انا لي غنسكن معاك غنجيب نور ونجي تا تفكري على راحتك
روبي:واش ماكاتفهمش ابنادم مابغاش نبقة قريبة ليك
كمال:هاد الهضرة مابقاتش واكلة دابة وليتي مراتي بالسيف عليك ..ماتخلينيش نخرجك بشي طريقة ماشي هي هديك. اولا كي قلت غنجي انا
روبي كيلعب ليها على الاعصاب ماعندها تاشي حل:سير بحالك دابة تا لغدا ونجي
كمال جلس فوق الفطوي:ماكاين لا غدا لا بعدو هاد الليلة غتباتي مع راجلك😉😉
روبي كلمة راجلك كتركب فيها الجنون
كمال:هنا كنتسنا علي جمع حوايجو قبيلة ودرناهم فطوموبيل بقيتي غير نتي نتسناوك ماشي مشكل 😉
تنهدات بصوت مرتافع وهي كتحلف فيه فخاطرها دخلات لبيتها جبدات شوانطها زدحاتهم فوق النموسية وبدات دفش فيهم لحوايج بعشوائية وهي معصبة كتغلي:والله لا دوزتها ليك غير صبر ازامل لاخور
عيطات بالجهد:عليييييي
جا لعندها:شنو
روبي:جر معاك هاد الشانطة
علي:كتعيطيلي غا فلخطيات
جر الشانطو وخرج..وروبي شدات لباب موراه ومشات نيشان لواحد اللوحة كبيرة معلقة فلحيط بعداتها شوية على لحيط وتأكدات من لكوفر لي موراها باقي مشدود ..رجعات اللوحة لبلاصتها وجرات شانطة وخرجات خنزرات فيه
خرجو وشدو لباب بساروت تا شانطة ماهزهاش عليها خلاها واحلة فيها هبطو لتحت :انا غنمشي فطوموبيلتي
فاقت على شي اصوات حلات عنيها وناضت بشوية تشوف شهاد شي حلات باب صالة لي كاية فالجناح شافت ناصر واقف حدا واحد لبيت كاين تماك قربات لعندو غير شافها دار ليها اشارة بيديه باش تبعد:سيري لبسي عليك شي حاجة مقادة
رجعات اللور :علاش شكون هنا
ناصر:ودابة سيري لبسي عليك واجي
رجعات للبيت لبسات بينوار طويل فلكحل ومشات عندو:هنا شنو واقع
طلات على البيت وهي تبتاسم كانو كيقادو لبيت دياال لي بي بي كيمونطيو نوامس حسات باحساس زوين هنا غينعسو ولادها فاش غتولد شدات ليه فيديه:شكراا
دور يديه على ضهرها:ولادي تا انا.
حطات راسها على كتافو وهي كتشوفهم كيقادو.بقاو شحال تا سلاو خلصهم ناصر ومشاو..دخلو لبيت..طاهرة وهي مبتاسمة:كيحمق عجبني بزاف
كان كلشي فلبيض وشي ديكورات ملونين ماكاينش لون محدد على حساب ماعارفينش جنس لي بي بي..
ناصر عاجبو لحال وهو كيشوفها فرحانة بقة غير كيشوف فيها قرب لعندها وعنقها من اللور؛انا غنمشي دابة لخدمة
ضارت لعندو ودورات يديها على عنقو تعلات على ريوس صبعانها وباستو:الله يعاونك
بتاسم ليها وبعد:تهلاي فولادي
بتاسمات وحطات يديها على كرشها:كون هاني
طاهرة:ماتعطلش على حساب لاكط دياسين ولارا
ناصر:واخة
وخرج وهي بقات فلبيت ما سخاتش تخرج منو
دازو ساعات جات وقيتة دلاكط..كانت دنيا مقادة والخدامات غاديين جايين بصواني دأتاي ولحلوة..وصوت المجودين كيجودو القرآن مسموع فدار..هدشي لي تافقو عليه ماغايديرو والو تا لارا مابغاتش لعرس .ياسين كتافا بالمسمعين باش تكون بداية زوينة لحياتهم..دارو هدشي عند ناصر فدار..ماعرضو تاشي حد من غير بعضهم وصافي ..بقات غير لعروسة وباها يجيو . كانو الرجال جالسين فصالة مع المسمعين ولعيالات فصالة بعيدة عليهم.
طاهرة الام:روبي مالها ماجاتش.
طاهرة:ماعرفتش قالتلك ماعندهاش كي دير تجي اصلا مدة هدي وهي غابرة
بقاو كيهضرو طاهرة شافت فجنات لي غير ساكتة وساهية بحاليلا مهمومة:جنات ياك لاباس
جنات:لا والو باس
طاهرة:وجهك صفر واش مريضة
جنات:اه عيانة شوية
طاهرة:طلعي لبيت وتكاي لا بغيتي.
جنات:لا غير خليني
ليلى:احم بغيت نقول ليكم شي حاجة
طاهرة:شنو هي
ليلى بتاسمات وحطات يديها على كرشها:انا حااملة غتولي خالة
صدعاتو فراسو وقف الطموبيل بالجهد وشاف فيها وهو كيهضر على سنانو شدها من شعرها وجرها لعندو:تا واحد ماضربك على يديك وقالك وافقي تزوجي بيه ياك بخاطرك وافقتي.وخليتي الراجل كيوجد ويقاد ووافق على شروطك..ماشي باش تخلي تا لنهار بنهارو وتهربي لا ماجاتش ..الزواج غتزوجيه كوني هانية بكي دابة تا تشبعي ولكن ملي توصلي لحداه قطعي الحس حيت لا درتي شي حاجة ماشي هي هديك غنتسيف عليه الارا وراكي عارفاني
ناصر شاف قالخدامة:وجدي قهوة كحلة قاصحة وطلعيها لبيت..
شاف فطاهرة:أجي ونتي اتعرفي
تبعاتو وطلعو لبيت دخلو وهي تشوفها فلبيت مافهماتش
ناصر:قادي ليها هاد الحالة وهبطيها لتحت..ونتي ديري عقلك سمعتيني
خرج وشد لباب .جات لخدامة وفيديهاولقهوة:تفضلي الالة
لارا خنزرات فيها:مابغيتش
طاهرة بقات كتشوف فيها اتار دموع على وجها لمسكارا سايحة على وجها بلبكة وجها تخربق
لارا شافت فطاهرة وهضرات بصوت باكي:ماسمعتيهش اش قال
طاهرة فهمات انه كاينة شي حاجة ماشي هي هديك هزات لمكياج لي اتحتاج وقربات لعندها بلا ماتنطق تاشي حرف .مسحات ليها بعدة وجها بلقطن ولارا كتشوف لبعيد وعنيها كيدمعو
طاهرة كل شوية كتمسح ليها دموعها وعاد كتشم فيها الريحة دشراب
طاهرة بهدوء:لا بقيتي كتبكي لمكياج ماغايتقادش ليك
لارا شافت فيها:سعداتك
طاهرة كترسم ليها عويناتها بالايلاينر:علاش
لارا:حيت كيبغيك عرفتي شحال كنتمنة نكون فبلاصتك.داكشي لي مادرتوش انا هادي اعوام درتيه نتي فشهورة .شنو لي فيك مافياش انا.
طاهرة غير ساكتة وكتصنت ليها
لارا:كنبغيه بزاف وغنتزوج بواحد اخور هدي هي الموت
طاهرة فلحضة بقات فيها تخايلات راسها كتزوج بواحد اخور من غير ناصر بمجرد التفكير كيدرها قلبها .حسات بلارا بقات فيها الحب صعيب بزاف كنهضر على الحب لحقيقي ماشي ديال دابة بنادم ماكايعرفش تا شنو هو الحب وكيقولك كنبغيك
لارا شافت راسها فلمراية وبتاسمات:باش أيفيد لا جيت زوينة.
وشافت فطاهرة:غتكوني فرحانة ياك
طاهرة:انا من طبعي ماكانحقدش قلبي حنين ومسالم دغيا كنسة.ماتربيتش فالحقد والكراهية عمري فكرت فهدشي كان كل همي فوقاش يجي راس دشهر باش نتخلص ونشري لختي لي بغات ونخلص لكريدي لي عليا .وكنحلم بشي نهار تقاد فيه حياتي..ونلقا تا انا شي ولد ناس لي يهزني ماشي مشكل يكون ملياردير المهيم يكون كيبغيني وقاد بيا .ماشي انا لي ختاريت ناصر يكون فحياتي مخططي كان بعيد عليه بزاف..عمري تخايلت انعيش هدشي لي عشتو ولي كنعيشو دابة ..ادن علاش انحقد عليك ولا عليه ولا على شي شخص..حيت هدشي لي وقع بيد الله سبحانه وتعالى هو لي راسم لينا حياتنا وكاتب لينا شغا يوقع ادن حنا كنعيشو داكشي لي كتب لينا الله.ماشي نتي ولا هو لي وصلوني لهدشي..ضاروي تعدبت وكرهت حياتي ولكن كلشي كيفوت..تانتي كتعيشي داكشي لي كتب ليك الله..ناصر مامكتابش يكون ليك..ولكن ربي جاب ليك ياسين الف وحدة تمناه حسن من ناصر عمرك اتندمي نتي محضوضة لا تزوجتي بياسين..حمدي الله وشكريه وعيشي حياتك .ماغاتلقايش بحال ياسين ..تفكري ديما (وعسى ان تكرهو شيئا وهو خير لكم)
لارا كانت كتصنت ليها فلحضة حسات بهضرتها حركات فيها شي حاجة فلداخل ديالها نسات المكتاب والنصيب وماتمشي غير فين مشاك الله..ولكن كتبقة انتى مجروحة بغات من قلبها ولكن ماكتابش يكون ليها خاص لوقت باش تنسة..رجعات شافت راسها فلمراية :يلاه نهبطو ونساليو هدشي
ماجات فين تكمل هضرتها حتى تحل لباب كان ناصر شاف فيها وقرب لعندها وفيديه لكتاب لي غتوقع فيه
لارا:كنت هابطة
ناصر:غتهبطي بهاد الحالة ونتي سكرانة
لارا:اه دابة وليت مرات سي لفقيه شراب حرام ولعرا حرام ولجلاس قدام رجال حرام
لارا ماجاوباتهاش بقات كدور فلبيت وهي كتميل الشراب لعب ليها على دماغ وعطا مفعولو حلات لبلاكارات لقات لحوايج مستفين ديالها ..باها جاب ليها شانطتها..رجعات شدات لبلاكار بقات غادة جاية فلبيت حتى شافت لباب تحلات كان ياسين
دخل وشد لباب شافت فيه عمرها تصورات تكون مراتو خصوصا واحد بحالو متدين
ناصر علا فيها عنيه وشاف فيها ..لكسوة لبيضة جات ملبوسة عليها مزيرة على جسمها طويلة وفيها فتحة واصلة تا لفخاد..من جيهة دصدر مشبكة بلون دهبي لدرجة صدرها كيبان ..شعرها الدهبي ديرالو بوكلي مطلوق على كتافها.ومكياج خفيف جا معاها وبين عنيها الزورق .جات زوينة.مع بشرتها لبيضة الصافية.. اي واحد ايشوف قدامو وحدة بحال هكا ومراتو حلالو غيتزعط..ياسين ماحسش براسو تا كان واقف اونفاص معاها وعنيه فعنيها..نفس اللون عندهم بجوج.نسا راسو وحط يديه على كتافها وودور يدين على ضهرها وقربها لعندو لارا مادايرة تاشي ردة فعل غير كتشوف ..زاد قربها تا تخالطات انفاسهم وعنيه على شفايفها .ولكن رجع اللور فاش شم ريحة دشراب فيها شاف فيها :سكرانة
بتاسمات وعلات راسها باه:وي سكرانة وجايبة لكاو اسي لفقيه عفاك قرا عليا شي سورة باش تزول مني سكرة.
ياسين ستغفر الله فخاطرو:شكا تخربقي
قربات لعندو:دابة انا مراتك وهاد ليلة ليلتنا ياك..ليلة الدخلة هههه
ياسين غير كيشوف فيها وفحالتها كيف دايرة وزهرو فين طيحو
لارا قربات لعندو :سي لفقيه مالك مصدوم هههه .هدي هي مراتك خاص نتوب ياك غنتوب على يديك هههه..سي لفقيه قول شي حاجة ولادير شي حاجة راه ليلة الدخلة هادي زعمة..مالك حشمان ههه
بقات غير كضحك وكتهضر بوحدها لفقصة وسكرة كلشي تخلط عليها ..ياسين مانطق تاشي كلمة غير كيشوف فهاد المخلوقة لي قدامو لي جاب ليه الله ..قربات لعندو ودورات يديها على عنقو :سي لفقيه راه حلاك انا هدشي ماشي حرام ههه
قربات لشفايفو وهضرات بهمس:اجي تستمتع
دفعاتو فوق النموسية وجات فوقو :خاص تستاغل الفرصة ماحدي سكرانة
ماحسات براسها تا جرها من يديها وزدحها فوقو:نتي مزال ماعارفاني انا شكون.
بتاسمات:نت سي لفقيه شكون غتكون كاع ههه
ياسين طول الشوفة فيها:يصبح ويفتح دابة تا لهضرة ما صالحاش معاك حيت ماشي فوعيك
وبعدها من فوق وناض .ناضت جالسة:انا فوعيي سمعتيني .وعارفة شكا ندير
ماداهاش فيها ودخل لحمام باش يدوش..هي تلاحت فوق النموسية وغمضات عنيها ونعسات..ياسيت خرج من لحمام لبس عليه وشاف فيها لقاها ناعسة تنهد وجلس فوق الفطوي وهز المصحف وبدا يقرا فالقرآن باش ترتاح نفسيتو ويقدر يفكر بطريقة سليمة..
لتحت
طاهرة وناصر كانو واقفين حدا لباب كيسلمو عليهم وهما غاديين بحالهم ..كلشي مشا بحالو
مشات جلسات هي وياه فصالة حطات راسها على صدرو وهو دور يديه على خسرها
طاهرة:بقات فيا لارا
ماجاوبهاش علات راسها وشافت فيه:كتبغيك مسكينة
ناصر:تفكيت منها جيتي نتي
طاهرة:حرام عليك مجروحة مسكينة
ناصر:شنو بغيتيني ندير ليها.كون غير تزوجت بيها واقلة باش تهناي
طاهرة شهقات:لا ماشي هكا
ناصر:وكيفاش
طاهرة:المهيم بقات فيا
ناصر:دابة تنسة
طاهرة:ياسين ولد ناس وضريف غيعاونها
ناصر شاف فالساعة:عندي شي شغال غنمشي ليه
طاهرة:فهاد الوقت.
ناصر باس راسها:اه شي حاجة ضارورية
ناض ووقفات معاه تاهي:واش غتعطل حيت انبقة كنتسناك تا تجي
ناصر كيشوف فيها:لا.. تسنايني تا نجي ما تنعييش.
طاهرة:واخة
قرب وطبع قبلة على شفايفها وحل لباب وخرج بقات حاضياه ركب فطوموبيل كسيرا ومشا ..شدات لباب وطلعات لبيت خاطرها ما هانيش بدلات عليها وتكات فوق النموسية وشعلات تلفازة تلاهي بيها وقت علامن يرجع
ناصر ووققف الطموبيل ونزل دخل لدار لداخل لقاهم جالسين مجمعين ..عمر كاس وجلس بقاو كيشوفو فيه
امين:لاش جمعتينا شنو باغي تقول
ناصر شاف فيه هبط على لكاس فدقة :موضوع مهم .جمعتكم هنا باش مانقتلكش
أمين مافاهم والو:كيفاش غتقتلني.
بقاو كيشوفو فيه مافاهمين والو
ناصر وقف وعمر لكاس :حساب ليك انا ماعارفش شكا دير من مور ضهري. عارفك نت لي صيفطتي تصاور للكوميسير وعارف تا شنو كيدور دابة فراسك باغيني فوقاش نتشد باش تلقة راحتك هدشي كلو عارفو
كلشي كان مصدوم.
عماد:واش متأكد
ناصر:عارف راسي شكا نقول..
وشاف فأمين:كون كنتي شي حد اخور كون قتلتك ولكن راعيت لصحبة لي بيناتنا مابغيتش نزرب. غنعطيك فرصة وحدا خرا باش تبعد من طريقي..قدام عماد وأحمد غنقولك هدشي..ماغانرحمكش لا حاولتي تقرب لطاهرة ولا دير شي حاجة فغيابي كنقسم لك بيدي غنقتلك وغنسة الصحبة لي بيناتنا من الاحسن تبعد مني وتخلينا كي كنت
أمين بلع ريقو ولا عرقان وغير كيدور فعنيه
ناصر رجع جلس:طاهرة غتولي مراتي وام ولادي حيدها من بالك باش مانزيدوش نخصرو صداقتنا ..
وهز سوارتو وطليفونو وناض:هنا مشيت
عماد ناض تبعو:ناصر
ناصر وقف وشاف فيه..عماد قرب لعندو وعنقو:تهلا فراسك
ناصر بتاسم:عام وهنا معاك
عماد بعد وشاف فيه:عام ماساهلش اصاحبي غنتوحشوك
ناصر:كلشي دابة يدوز
احمد ناض تاهو وعنقو:عارفك مايتخافش عليك
ناصر بتاسم:تصبحو على خير
ناصر شاف فأمين:بسلامة اصاحبي.
امين شاف فيه ما قد يقول والو
ناصر كمل طريقو وخرج ركب فطوموبيلتو نيشان لدار..طريق كاملة وهو كيفكر تا وصل لدار نزل وشاف فالحراس لي واقفين:حلو عنيكم مزيان فغيابي مانبغيش توقع شي حاجة ماشي هي هديك
واحد من رجال:واخة اسيدي كون هاني
دخل لدار وطلع لبيت باغي يشوفها كيحس بلوقت كيطير..دخل لقاها كتفرج متكية على لكادر دناموسية ومندامجة مع الفيلم شافت فيه وبتاسمات :على سلامة.
بقة واقف شحال و كيشوف فيها
طاهرة:ناصر مالك
قرب لعندها وتحنا لعندها جرها وتكاها فوق النموسية وهي مافاهمة والو حتى كتشفو تكا فوقها وحط راسو فوق صدرها بلعات ريقها مزال مافاهمة والو حطات يديها على راسو وبدات كتحرك صبعانها بشوية فوق شعرو بحنان ويديها فوق كتافو .كتحس بحرارة انفاسو على صدرها تنهدات:ناصر شنو واقع.
ناصر بهدوء:والو
وباسها فوسط صدرها:ديما كتنعسي على صدري تا انا بغيت نعس فوق صدرك
بتاسمات وعنقاتو:هكا حسن
ما جاوبهاش بقة هكاك تا داتو عنيه ونعس بحال شي وليد صغير ..طاهرة حسات بيه نعس بتاسمات وغمضات عنيها حتى هي
دازو ساعات كانت 9دصباح
حلات عنيها بقات شحال كتشوف فالسقف شوية ناضت طافجة وهي كتشوف مع جنابها:نااصر
نزلات من فوق النموسية وهي كتعيط بسميتو قلبات لبيت كلو مالقاتوش حسات بلخوف وباحساس خايب نزلات كتجري لتحت لقات الطاهرة الام جالسة ودموع فعنيها..طاهرة قربات لعندها:فين هو ناصر
وقطعات لعيه وبدات كتبكي شافتو كيصوني حطات طليفون وطلعات لبيتها تلاحت فوق النموسية وهي كتشوة عاد كان معاها وكان ناعس على صدرها مزال حاسة بحرارة انفاسو ..مزال ريحتو لاسقة فحوايجها..عنقات لخدية وهي كتحاول ماتنوضش وتبدا تغوت ..سمعات لباب تحلات كانت طاهرة الام وطليفون فيديها:هاكي راه على الخط باغي يهضر معاك
لا تستفزي رجولتي كي لا أبعثر أنوثتك الجزء 17
محتوى القصة
طاهرة غير شافتهم بتاسمات ناضت سلمات عليهم:مرحباا بيكم..خويا ياسين كي بقيتي لاباس
ياسين:الحمد الله ونتي
طاهرة الحمد الله:قلتي غتكي فول درمضان صدقتي كاي من مور جوج سيمانات
ياسين:مع الخدمة وصافي ماكتابش
طاهرة شافت فالام ديالو:الحاجة مرحبا بيك عندنا
الحاجة:الله يبارك فيك ابنتي
طاهرة:اتكونو عيانين مع صيام اجي تجلسو المغرب مابقا ليها والو وتودن
الحاجة:الله يرضي عليك ابنتي
جلسو فصالة وهوما كيهضرو ..شوية تحلات لباب كان ناصر ومعاه عماد
عماد سلم عليهم هو وناصر وجلسو حداهم
عماد:ايجوز شرب الماء انا كنموت
طاهرة:هههه صبر بقات ربع ساعة
عماد:15 لدقيقة مافية نموت ودفنوني نهار مشحر فين هي ليلى
طاهرة:راها ناعسة ولات عطاها غا لنعاس
عماد:ماعرفتش مالها معايا بقالها غا لعصة ماعطاتهاليش..
طاهرة:عادي راه دازت عليها فلوطاني دابة كتسترجع طاقتها بنعاس لعصبية.
عماد:ههه تحمد الله ماكانترمضنش اوما كون ترمضنا مجموعين
شوية وهوما يشوفوها نازلة من دروج بحاليلا ضاربة الجوانات سلمات على ياسين ومو وجلسات حدا طاهرة:ختي قلتي ليهم يقادو لبغرير ياكي
طاهرة:ااه صيباتو ليك ماما بيديها
ليلى:مزيان مزال مابغات تودن
طاهرة:بقات ليها ربع ساعة
عماد:نتي لي سولك كتقوليلو ربع ساعة
طاهرة:هههه بالكم مع الله
سمعو الجرس..جات الخدامة حلات لباب كانت روبي وعلي
روبي مقطوعة مخنزرة خاصها غا معامن سلمات وجلسات تاهي مادواتش
عماد:ههه ها رمضان جاا
روبي شافت فيه:شووف راه شعلني هاد البرهوش ماتشعلنيش تانت
عماد:سماحلنا اخااي الله يحفضك
روبي هزات خدية وضرباتو بيها
عماد:المغرب قربات تودن وهادو باقي ماجاو
ناصر:دابة يجيو
شوية سمعو تاني صوت لجرس.حلا والخدامة كانت لارا واحمد وامين وجنات..دخلو تسالمو وجلسو كيتسناو المغرب ..كلشي عرف بالحمل دطاهرة وانه عندها 3 توام فكرشها..
ياسين:الغرب غتودن دابة
ناضو كاملين تجمعو على الطبلة دلفطور وجلسو كيتسناو
عماد:هاد لفقيه عندكم كيتلدد بتعديبنا حنا ديالنا كيودن مع ل5ونص
بقاو كيضحكو
ليلى مخنزرة فيه:بهل
عماد:ها حنا بدينا تاني ربي لما قولي اش درت ليك
ليلى:سكت ماتهضرش
عماد:هههه زوينة هادي نوضي نمشي حسن
ليلى:اووووف قولولو يبعد منييي
شوية سمعو الادن ..عماد هز كاس دلما نزل عليه فدقة
ياسين:كول شي حاجة بعدة
عماد:هنا غنفرجك غا تسنة..انا ماشي من داك لنوع لي كيزويهم لما لا لا بلعمك
ياسين حلل صيامو وشاف فيهم:نوضو تصليو
عماد:خلي تناكلو...
ياسين نوض توكل على الله وصلي
ناضو كاملين غير رجال ناصر امين احمد عماد علي ..وقفو من مور ياسين كبر وبداو الصلى..سلاوومشاو كملو فطورهم فجو زوين مجموعين وكيتناقشو فالمواضيع .
سلاو وناضو جلسو فصالة ..روبي نساحبات هي وناصر وخرجو لجردة شعلو كارو
روبي عاد تقاد ليها لمزاج:واش مزال ماغاتقطعو
ناصر وهو كيسوط الدخان:نفس الموضوع تاني
لحق عليهم عماد وفيديه كارو :شعلوو لخوكم
مدات ليه روبي بريكة..سمعو صوت امين من موراهم:الله يعفوو
عماد:امين نت لي خارج من الجماعة
امين بتاسم:ماعنديش مع لكارو
روبي:هنيتي راسك
امين شاف فناصر:متأكد من داك القرار لي خديتي
ناصر:اه
أمين:هدشي بان ليا غينوض ليك صداع
ياسين:لا خليه لا بغة يتوب ويبعد من الاجرام علاش لا يبدا حياة جديدة مع مراتو وولادو..
أمين:مراتو؟
عماد:غتولي مراتو
روبي حطات يديها على كتف ناصر:دير لي يريحك غا هاد الكارو خاص تقطعو باش تبدا حياة جديدة
ناصر غير ساكت وكيفكر شاف فيهم:مشيت عند الطبيب
ياسين:وشنو قال
روبي:غتبدا العلاج ياك
عماد:أحسن ما درتي تعالج وحيد عليك هاد المرض
ناصر ببرودة وهو كيسوط الدخان:ااعلاج لي قالي مامناسبنيش فهاد الوقت ماعنديش الوقت ليه..تانصفي حسباتي كلهم عاد نبدا العلاج ونقطع لكارو
ياسين:تا يفوت الفوت
ناصر:كلشي بالمكاتيب
ياسين:سمعني باش تقدر تكمل خاص تكون صحتك مزيانة ..شنو غتستافد ايلا خسرتي حياتك من مور ما تنساحب من العصابة..اتخلي ولادك يتام بسبب اهمالك لصحتك
ناصر:انا حاس براسي مزيان علامن تقاد الامور ونبدا نصلح كلشي
امين:والزواج
ناصر شاف فيه شحال:كلشي غيجي بوقتو
روبي:خليوه على راحتو راه عارف شكا يدير
عماد بقة كيشوف فناصر:كنتيق فيك اناصر عارفك اتكون حسبتيها مزيان وفكرتي عاد خديتي قرارك..
ياسين بتاسم:اهم حاجو انك غترجع لطريق الصواب.بعيد على الاجرام.هي لا جيتي وكملتي على خيرك
ناصر بتاسم ليه:علاش لا تا يسالي هدشي
ياسين:نمشيو مجموعين
أمين:دابة نت اياسين لي كتهضر .ماغاتكملش دينك وتزوج تانت
ياسين تنهد:صعيب نلقا فهاد الوقت لبنت لي تقبل على شروطي.كي شتي لبنات دليوم صعاب
أمين:ههه وشنو شروطك نشوفولك شي وحدة
عماد:هههه انا نقولك..النقاب اول شي ..صلا والعبادة وعمرها دوات مع شي راجل.من عائلة ملتازمة
أمين:هههه وحافضة لقرآن
روبي:هههه خليو الراجل يهضر
ياسين وهو مبتاسم:ماشي بضروري يكونو فيها هاد المواصفات كلهم.شحال من واحد تزوج ببنت مامحجباش وواخدة حريتها.ولكن قدر يبدلها ويقنعها ..هنا فين المشكل
ناصر:نت مزيان وربي غيجيب ليك شي بنت الناس لي تستاهلك
ياسين:هدا ماكان كلشي بالمكاتيب
عماد كيشوف فروبي:ايوا ونزوجو ملاك تاهي هههه
روبي خنزرات فيه شوية وتلاح عليه تاكلو
عماد:ههه غا ضاحك
روبي:باسل كي كتقولك ليلى
عماد:ها لي مابغيناش كتشفي فيا لعديان هاد ليلى دابة نتفاهم معاها
روبي :ندخل نرتاح
دخلات لداخل لقاتهم مجمعين..جلسات حدا الطاهرة لي مربعة رجليها وفيديها طبسيل ديال بيتزا كتاكل فيه
روبي:تكايسي على لماكلة غتولي لباب مادخلكش
طاهرة:مالكم معايا واش ماناكلش..راهم تلاتة كل واحد وشنو كيتشهى..خليولي ولادي ياكلو اويلي حي
ليلى متكية فوق الفطوي وفيديها طليفون:هدا مابقاش وحم هدا ولا همري
طاهرة وهي كتاكل:خمسة على عنيكم تفوو
طاهرة الام:بعدو لي من بنتي تاكل لي بغات
جنات كانت كتشوف فيها هي مبتاسمة كتشوف الفرحة فعنيها .تفكرات امين شحال كيبغيها تنهدات تا واحد مالقاها كيف بغاها فهاد دنيا.ضاروي ماتكون فحياتك شي حاجة ناقصاك ..تنهداات
ليلى:جنات ونتي ماجاي تا شي بي بي فطريق
جنات بتاسمات عكس داكشي لي فلداخل ديالها:باقي ماكتابش
طاهرة:ربي يدير ليك لي فيه لخير
جنان :امين
ليلى ناضت وهي جالسة:واناااا..تا أنا بغيت نحمل
طاهرة:كوني تحشمي
ليلى:ماداوياش معاك اصلا ديها غا فماكلتك هههه شوية اتولي كي هاديك لي جات من دار لدار عقلتي عليها كتشرب ساني كروة ههه ياختي غير نتي
طاهرة هزات لمخدة وضرباتها بيها:غنوض نضربك لصقك مع داك لحيط لي موراك
ليلى:صافي صافي بردي
طاهرة :واش بصاح زدت بزاف فالوزن
ليلى:بزاف كاع ياختي وليتي شوهة
طاهرة شوية وتبكي:ماما واش بصااح
روبي:عاد ملي اتولدي ناري ناري
الطاهرة الام:ماتديش عليهم غا كيضحكو عليك ..نتي كنتي ضعافيتي ودابة سترجتي صحتك بالعكس وتاك
جنات:اه بصاح وتاك الحمل
ليلى:هههه دايرين ليك خاطرك وصافي
طاهرة:غي زيدي دوي راه لا شديتك غنضرب لمك نتفة بحال دشحال هدا عقلتي ولا انسيتي
روبي :ههههه كانت كضربك
ليلى:كتكدب ماكنتش كتقد تا تمد عليا يديها
طاهرة:ههههه نسيتي يامك لقتلات لي كليتي من يدي تا كتبقاي ترغبي
ليلى:كدابة سكتي سكتي
روبي:كتخايل طاهرة كتنتف فيك ههه
ليلى:واتيقيها ..هي غير حملات زادت فيها ضلعة تفو على موصيبة
طاهرة:موصيبة هي نتي
ليلى:فاااك يوو
طاهرة شهقات:شنو داكشي فشعرك
ليلى:اويلي شنوو..
طاهرة حطات طبسيل دبيتزا:تسناي شي حاجة بحال صراق الزيت
ليلى بدات تغوت:حيدوووووووه لا لا نوضي حيديه
طاهرة:تسناي ماتحركيش
قربات لعندها وهي طير عليها شداتها من شعرها:هنااا شديتك
ليلى كتغوت باغاها ترخي منها:رخيي مني الخراااا
طاهرة بقات كتدي وتجيب فيها:زيدي سمعييني..دوي غتجمعي لسانك عندك
ليلى كتهز راسها باه:صاااافي غير رخي مني
طاهرة رخات منها:برهوشة
ليلى كتقاد فشعرها:لي فيك ماكافيك
طاهرة:شنو قلتي
ليلى:والو
بقاو كيضحكو عليهم
طاهرة رجعات جلسات فبلاصتها وكملات ماكلتها:مالي مزال غزالة
ليلى:ويلي كتحمقي غا سكتينا
شوية جات الحاجة جلسات حداهم دارو ليها بلاصة وبقاو كيتهاودو هضرة كتجيب هضرة حتى كيشوفو لارا نازلة فدروج لابسة ومقادة مكياج خفيف وشعر مصيب جات زوينة كيووت ماشي بحال قبل لفطور جلسات حداهم وهي كتعوج عاجبها راسها..بقا كلشي حال فيها فمو
طاهرة حطات طبسيل دلمالكة ومسحات يديها وهي كتشوف كي كتعوج وجالسة على جنب لفوطوي ورجل على رجل..ليلى كطلعها وتهبطها..
لارا وهي كتعوج:قل اعود برب الفلق ..ناري كليتوني بعنيكم
ليلى:ههههه لاش احبيبة انحسدوك على كيلو دلماكياج
لارا شهقات:بزاف عليك غير شوية
ليلى:اجي نمسح ليك وجهك نشوف
لارا:هدشي لي بقة
سكتو فاش شافوهم داخلين من الجردو جلسو حداهم
الحاجة بقات كتشوف فلارا كلهم نتابهو لشوفاتها
الحاجة:غزالة تبارك الله
لارا شوية وتفرفر بالفرحة:تانكيوووو
الحاجة:شنو قتلي
لارا:شكراا
الحاجة:كيعجبوني لبنات الشهبات
كتقولها وهي كتشوف فياسين:مزوجة ابنتي
لارا:لا
الحاجة دارت بتسامة عريضة:تبارك الله عليك وتبغي تزوجي ابنتي
ياسين:احم الواليدة شربتي دوة
لارا عاد.طلع معاها الفلم تزنكات
طاهرة وليلى وروبي ماقدروش يمتمو ضحكتهم وهوما يبداو يضحكو:ههههههههه
لارا خنزرات فيهم:لاش كضحكو
عماد:ايااه باربي كبرتي وزيانيتي ههه
لارا حسات بالاحراج :ماغاديش تسكت
الحاجة:بعدو من البنت حشمتوها.
لارا بقات غير ساكتة
ناصر كان كيشوف فطاهرة كيف كضحك وفرحانة ويديها مازولاتهاش من فوق كرشها ..حتى كتشوف فيه بتاسمات ليه ..دار ليها حراكة بيديه باش تجي عندو..ناضت ومشات جلسات حداه دور ديه على ضهرها وحط يديه على كرشها وهضر بهدوء:مشات منك الدوخة
طاهرة هزات راسها باه:اه مزيان دابة
شاف فشعرها
طاهرة بتاسمات:غيرجع كي كان (فهاد المدة دجوج سيمانات تبعات مع صالون التجميل مشهور فكل تلتيام كتجي كواف تقاد ليها ماسكات وبرودويات خاصين باش كتحيد الصباغة ..خصوصا صباغة لي دايرة هي من النوع لي كتزول دغية عندها برودويات خاصة بهاد النوع tie and day معروفة ماكاتبقاش بزاف ايلا داومتي واحد الماسكات)
ناصر :كلشي غيرجع حسن
طاهرة حطات راسها على كتافو:ان شاء الله
امين حس بلحرارة طالعة معاه..وهو كيشوفهم هكاك قراب من بعضهم بدا كيحل صدافات لولا دلقميجة ..جنات لي مراقباه وعارفة باش ايكون كيحس تنهدات
لارا ولا كترجف غا بوحدها مابغاتش تشوف فيهم باش ماتنفاجرش
شوية نزل احمد لي كان متكي فبيتو شاف فناصر:اجي بغيت ندوي
ناصر بعد على طاهرة وناض:نمشيو للمكتب
دخلو للمكتب وجلسو
أحمد:هضرت انا ولبوص
ناصر:شنو قال
احمد:كي توقعتي بابضبط تبارك الله عرفتي طريقة تفكيرو ..باش تقدر تبعد على علام دلمافيا خاص تدخل لحبس لمدة عام وتنفد جميع لعمليات داخل الحبس..من بعد تقدر تنسى عالم المافيا بلا مشاكيل
ناصر كان عارف ان جوابو ايكون هو هدا يلاه ايهضر وهو يشوف امين داخل..جلس حداهم
ناصر كمل هضرتو:انا غنوافق ماشي حيت خفت لا حيت بغيت نخرج من هاد العلام بلا مشاكيل .
احمد:صافي مور رمضان غنشوفو شي تهمة ونتافقو مع شي قاضي يطول ليك مدة الحكم لعام
امين غير كيتصنت والافكار كدور فراسو
داز الوقت تجمعو تعشاو وتسحرو فنفس الوقت من بعد كل واحد مشا لدارو ..بقات غير ليلى وعماد لي غيدوزو معاهم رمضان
كانت 2ونص دليل
طاهرة واقفة حدا لمراية وكتسرح فشعرها وهو واقف حدا لبالكون وكيكمي ضارت لعندو:شنو كان كيقولك احمد
ناصر:والو الخدمة وصافي
طاهرة قربات لعندو:ياك واعدتيني باش غتنساحب من المافيا كي دار عماد .على قبل ولادنيا عنداك تنسة هادشي
ناصر شاف فيها ورما لكارو على قبل هي حاملة حط يديه على كتافها:انبقاو نعاودو نفس الهضرة كل نهار
طاهرة:حيت خاطري ماهانيش.
ناصر:غنفك غير شي حوايج وكلشي غيتصلح
بقات كتشوف فيه هو واعدها باش يبعد من هاد العلام ونهار يصفي حساباتو غيتزوجو ويبداو صفحة جديدة مالقات مادير من غير تصبر على قبل ولادها..لحد الان مازال ماعرفاتش شنو نوع هاد العلاقة.واش تبدل معاها غير على قبل الحمل وانها اتكون ام ولادو ولا شي حاجة خرا.وتاهي ماعارفاش هاد الهدوء والارتياح لي كتحسو هي معاه واش حيت عيات وملات كل نهار صداع ومشاكيل وبغات ترتاح اولا شي حاجة خرا..اصلا مزال ماسمعات من فمو كلمة كنبغيك وتاهي مزال مانطقاتها حيت بجوج مزال دماغهم مشوش..ماعارفينش شنو نوع الاحساس لي كيحسوه مع بعضهم..بتاسمات مابغاتش ترجع اللور وتفكر فلي داز مابغاتش تفكر فردة فعلو نهار يعرف راها بلغات بيه ..حيت مزال الحد الان كيحلف فهداك الشخص لي بلغ بيه لي هي نفسها..بغات تستمتع بهاد الراحة لي كتحسها وهي معاه.وتلدد بمعامالتو الزوينة لي ولا كيعاملها بيها..
ناصر:مالك كتبتاسمي
طاهرة:هكاك بغيت نبقا ديما ضاحكة عيت من لبكا والغمة
جرها لعندو وعنقها
ناصر:مور رمضان غنسافر
طاهرة هزات راسها وشافت فيه:فين
ناصر:باقي ماعرفت فين ولكن مور هاد السفر كلشي غيتبدل كلشي ايولي مزيان.ماغايبقاش ناصر هدا لي كتعرفي
طاهرة كتشوف فعنيه :وشحال اتبقة
ناصر:غنطول
وحط يديه على كرشها:يقدر مانحضرش
قبل يكمل حطات يديها على شفايفو:الا هدي..ماتقولهاش..بغيتك تكون معايا
ناصر باس يديها لي على فمها جرها لعندو كتر:ماكرهتش نحضر ونشوفهم وهوما كيتولدو ولكن باش نعيشو من بعد مزيان خاص نضحيو بشي حاجة
طاهرة نزلو دموعها:صافي بلا ماتسافر غير خليك..عفاك ماتمشيش مامرتاحاش لهاد السفر
عنقها وهو كيمسح على شعرها:طاهرة راني فكرت فهدشي مزيان عاد قررت .
بعدها عليه:كتيقي فيا
بقات كتشوف شحال فيه عاد جاوباتو بصوت باكي:اه..ولكن
قاطعها بقبلة على شفايفها:ادن ماتبكيش كلشي دابة يدوز
طاهرة مزال كتبكي:ولكن حاول على قبلهم
هز راسو باه وهو كيمسح ليها دموعها :غنحاول
رجعات عنقاتو دفنات راسها فصدرو
سمعو الدقان كانت الممرضة ..دخلات وفيديها دوة وكاس دلحليب.مداتهم ليها شرباتهم ورجعات خرجات..
طاهرة شربات لما :ماغاتجيش تنعس
ناصر :نكمي هدا ونجي
خرج للبالكون باش يكمي وهي تخشات فبلاصتها دوة كيدير ليها النعاس دغية نعسات..ناصر كمل الكارو وخرج تكا حداها وهو كيشوفها ناعسة..خداه التفكير وسها فوجها..عمرو فكر شي نهار انه يتخلا على عالم المافيا.حيت كيلقا فهاد العلام داكشي لي باغي.بحاليلا فيه كيطفي داك النار لي فقلبو ماكان عندو تاشي هدف فحياتو ماهمو لا جاه لا سلطة لا فلوس لي كيلعب بيهم.لا طموبيلات لا ديور لا بنات لي كيترماو عليه لا والو ..كان كل همو يهرب من من الواقع ديالو المر لي تابعو فكل تقدم كيديرو فحياتو..فاش كيتفكر انه لقيط ابن غير شرعي لاب غير معروف من ام عاهة كتزيد تشعل فقلبو العافية وكيبردها فلي دايرين بيه كره الجنس اللطيف كره ماضيه والحاضر ديالو والمستقبل لي عارفو كي غيكون مصيرو باين يا اما يتقتل ولا يدخل لحبس...ولكن دابة لا ملي دخلات لحياتو هاد الانسانة تبدل كلشي .حاول يكرهها ويحقد عليها ويقلب على الاسباب لي تخليه يتنفر منها ولكن ماقدرش كانت قوة منو دخلات لحياتو بالسيف عليه..بدلات ليه افكارو اهدافو.عاد ملي ولات ام لتلاتة ديال ولادو .ادن ولات جزء من حياتي..دابة ولا باغي يعيش ولا باغي حياتو تزيد تطوال يشوف ولادو كيكبرو حداه هي معاه..تنهد وهو كيفكر اول مايتخلو مشاكيلو ويخرج من الحبس غيتزج بيها ويبدا معاها صفحة جديدة..غمض عنيه عيى بالتفكير نعس ويديه فوق كرشها
نمشيو لبلاصة وحدا خرا
تخشات فبلاصتها وهي تسمع مساج فطليفونها حلاتو كان هو كاتب فيه(على سلامة .)
عرفاتو مزال حاضيها وماناويش يبعد منها كتبات ليه(سير تقود)
كتب ليها(قيدي عندك نهار غيجي وقت لحساب غتخلصي كلشي املاك)
روبي كتبات ليه(ايوا تا تشدني ودير لي بغيتي ..كوميسير فاشل)
كمال كيعيى يبغي يستافزها ولكن بكلمة وحدة كتقدر هي تستافزو(واخة هنا غنوريك كوميسير فاشل)
ملاك(ههه مسكين سير قابل بنتك هدشي لاش صالح)
كمال تعصب صونا عليها وماجاوباتش باغي يسبها كتب ليها(جاوبي)
طفات طليفون ونعسات..خلاتو كيغلي
يتبع...
التنقل بين الأجزاء