لا تستفزي رجولتي كي لا أبعثر أنوثتك الجزء 20

من تأليف ندى علامي
2020

محتوى القصة

رواية لا تستفزي رجولتي كي لا أبعثر أنوثتكي

كانت متكية فوق الفطوي فصالة ووليداتها حاطاهم فوق صدرها ..وامينة حدا جنبها. بتاسمات وهي كتشوف فيهم فرحانة بيهم عمرو ليها لفراغ لي كانت كتحس بيه..شافت ليام كي كطير دازو شهراين ..ماتبدل فيهم والو من غير لي بي بي لي شدو صحتهم..حجمهم كبر على لي كان..توضحات صورتهم مزيان.تبعات رياضة باش تقاد فرمتها ترجع كي كانت ...شافت طليفونها كيصوني جاوبات وهي مبتاسمة:مالك تعطلتي
ناصر:يلاه قطعت كان اتصال مهم
طاهرة:اه ايوا مزيان 
ناصر:فين هي امينة كاع مابانت لي
طاهرة:هاهي حدايا
حطات يوسف وهزات امينة:ها هي حبيبة دباباها
ناصر بتاسم:محدها كتكبر وهي كتشبه ليك
طاهرة:ويوسف غير كنشوفو كنتفكر نت 
ناصر بتاسم ماكرهش يهزهم بيديه 
طاهرة كتشوف فبدر:سبحان الله بدر عويناتو غير عوينات ياسين زعمة يطلع بحالو..انا ماكرهتش يكون بحالو فكلشي..ياك؟
ناصر شاف فيها شحال
طاهرة شافتو طول بسكاتو:ناصر 
ناصر:علاش لا 
طاهرة :هاد العام طول بزاف 
ناصر بتاسم وكتافة بالصمت
طاهرة:شنو سر هاد الابتسامة ..موالف كتقول ليا صبري دابة سكتي
ناصر:فيك الهضرة بزاف
طاهرة:اها صافي واخة
وسكتات من ملمحها باينة تقلقات حنات راسها كتشوف فوليداتها..
ناصر:طاهرة
طاهرة بلا ماتشوف فيه:ااام
ناصر:انا غدا انخرج فمرا
علات راسها بالزربة:كيفاش..اتجي تعيش معانا زعمة ماغاترجعش لحبس ياك هكا
ناصر هز راسو باه:ااه
طاهرة :واش متأكد
ناصر:مالي غنكدب
طاهرة بالفرحة ضحكات بصوت مرتافع حتى خلعات دراري ناضو يبكيو
طاهرة وهي كضحك:سمعتوو باباكم ايخرج ايجي يعيش معانا وعمرو يخلينا..ماتصورش شحال فرحانة 
ناصر غير كيشوف فيها وهو مبتاسم

طاهرة الام كانت نازلة فالدروج وهي تسمع ضحكتها جات جلسات حداها:فرحينا معاك ابنتي
طاهرة:عرفتي اماما ناصر غدا ايخرج فمرا ماغاديش يرجع للحبس
طاهرة الام كتحمد الله وتشكرو :الحمد لله...على سلامت ولدي..فرحتيني والله
طاهرة كانت اطير بالفرحة غير كضحك بوحدها..وهو حاضيها ومتبع حركاتها العفوية

نمشيو لبلاصة و حدا خرا

كان جالس كي لعادة كيهضر مع واحد من رجالو 
البوص:انا عطيتو فرصة مع اني عمري عطيت الفرص لشي واحد..ولكن هو غدرني.وانا ماغنسمحش ليه.كون بقة عند كلمتو كون بقينا مزيانين يكمل لعام ديالو ويعيش حياتو كيف بغا
الحارس:عندك الحق اسيدي
البوص:انا دابة غنرجع اللور ونتفرج .غدا هو غيخرج ايحساب ليه انا صافي تراجعت على قراري ...
الشخص:كي قلتيلي راحنا مراقبين رشاد .وكينفد داكشي لي قلتي حنى غنعاونوه باش يدمر ليهم حياتهم
البوص:من بعد تاهو خاص يموت
الشخص:لي بغيتي اسيدي
البوص:واحد بحال رشاد ماخاصش نتيقو فيه يسالي هدشي ونتكلفو بيه تاهو..دابة خلينا من هادشي بديتو توجدو للعملية 
الشخص:اه تسيدي قريب غنفجرو المدرسة الامريكية
بتاسم:مزيان .بامكانك تمشي
الشخص ناض وخرج..
بقا هو جالس..ورجع بداكرتو اللور ..دكرى مؤلمة عمرو ينساها خلاتو يحقد على المجتمع الامريكي..لدرجة ولا كيتلدد وهو كيشوفهم كيموتو..لدرجة كون عصابة اجرامية غير لهاد الهدف.يدمر اي حاجة عندها علاقة بامريكا..

عند ليلى

كانت كتمشى هي ومي فاطمة فواحد الجردة.دابة ولات عندها ست شهور كريشتها بانت شوية..هي من النوع لي كرشها صغيورة 
ليلى :مي فاطمة حبسيي عيييت..ربي لما قوليلي واش ماعييتيش
مي فاطمة:هههه لا ابنتي لمشي زوين..مزيان مرة مرة نطلقو رجيلاتنا عيينا بلجلاس فدار
ليلى جلسات:وراه ساعة ونص ديال لمشي 
مي فاطمة:ايوا جلسي ابنتي رتاحي..نمشي نتمشة شوية ونرجع عندك
ليلى:تبارك االله وصلاة على نبي عليك 
مي فاطمة مشات كضحك
ليلى جبدات قريعة دلما وهي كتشرب منها دورات وجها هي تشوف رجال ديال عماد ماعرفاتش علاش كيأكد عليها باش فوقاش ما تخرج خاص يتبعوها..
علات راسها وهي تشوف محل ديال الايس كريم ناضت مشات تشري وقفات كتسنة نوبتها حتى كتحس بشي حد وقف حداها كان شخص داير كاسكيط ونضادر ماهتاماتش.بتاسم :الانسة ليلى دغية نسيتيني
رجعات شافت فيه ودققات فملاميحو ماعرفاتش فين شافتو
رشدي بعد نداضر شوية على عنيه:انا لي كنت فتركيا
ليلى عاد عقلات عليه:هدا نت شكا دير هنا
رشدي:جيت نشوف بلادي ومن حسن حضي شفتك
ليلى مابغاتش تجاوبو جات نوبتها طلبات داكشي لي غتاخد وقفات كتسنة
رشدي:شحال عندك
ليلى حطات يديها على كرشها:6شهور 
رشدي بقا كيشوف فكرشها:ولد واقلة
ليلى ماعجبوهاش شوفاتو خدات الايس كريم مشات بلا ماتجاوبو هو بقة واقف خدا تاهو ايس كريم ومشا كياكلو ولكيت فودنيه كيهضر:ماديرو تاشي حاجة 
وصل لطوموبيلتو وركب ومشا

ليلى جلسات فبلاصتها وهي كتاكل لايس كريم تا جات مي فاطمة ناضو 
ليلى:نمشيو
مي فاطمة:يلا
مشاو لباركينك ركبو فطوموبيا
ليلى وهي كدور الساروت:نمشيو نضربوها بشي تدويشة ياك امي فاطمة
مي فاطمة:ايااه ابنتي 
ليلى كسيرات وطوموبيل ديال رجال عماد موراهم

عند روبي

كانت جالسة فصالة وفيديها تليكوموند كتفرج ..حتى كتشوفو داخل..جا وجلس حداها دور يديه على ضهرها وهي تقفز..بتاسم:مازال مابغيتي تولفي
ناضت من حداه وبدلات لبلاصة:ونت مزال مابغيتي تفهم ماتبقاش تقيسني
ناض ورجع جلس حداها بغات تنوض وهو يشد ليها فيديها وقربها ليه تاتخالطات انفاسهم وهمس ليها:مالك كتخافي
بلعات ريقها حسات بيه دور يديه على خسرها وزاد جرها لعندو:علاش مزال عايشة على لماضي معدبة راسك ومعدباني معاك
طبع قبلة على جبهتها:انا راه راجلك
ونزل باسها على وجها وهي كتقفز باغاه يرخي منها ولكن كان حاكمها وصل لشفايفها وهي تقلب وجها:بعد مني
ما جاوبهاش نزل لعنقها وغطس راسو فيه طبع قبل دافية تاحس بالتبوريشة ديالها حس بحرارة جسمها رتافعات بدا كيتلمس فضهرها وهو طالع بيديه..روبي فلحضة ترخات..قبولاتو ولمساتو ولاو كيأترو عليها..ديما كيتقرب منها بهاد الطريقة كتبغي تقاومو ولكن احاسيسها كيغلبوها..حسات بيديه وصلو لمور عنقها قربها كتر حتى كتحس بشفايفو على شفايفها بدا كيحركهم بشوية وهي تحس على راسها دفعاتو على حر من جهدها وناضت بالزربة وهي كترجف بغات تطلع للبيت وهو ينوض بالزربة جرها ولسقها مع لحيط ويديه على خسرها بقات غير كاترمش بعنيها وقلبها كيزدح..
كمال وعنيه فعنيها:شحال قدك تهربي مني.
وحط يديه على صدرها فجيهة دقلبها: ونتي فالاعماق ديالك باغة راكي كتبقاي بنت وكتحسي صافي نساي لماضي وعيشي حياتك
روبي غير كتشوف فيه 
كمال بدل النبرة دصوتو هضر معاها بحنان وعنيه على شفايفها:ماتقصحيش راسك راك غير غتعدبي راسك.انا راه راجلك 
وحط شفايفو على شفايفها وهضر:نتي ملاك 
ودخل معاها فقبل عميقة بوحدو متحكم فيها هي ماقاوماتو ماتجاوبات معاه غير مغمضة عنيها كتحس بشفايفو كيتحركو فوق شفايفها بحنان ..حس بيها ترخات شد ليها فيديها بحاليلا كيطمأنها..زير مزيان على يديها وهو مزال كيبوسها...حتى كيقفزو بجوج فاش سمعو نور و علي هابطين كيضحكو من الدروج..دفعاتو عليها..جاو مع هاد اللقطة
نور كتشوف فيهم بجوج:بابا واش كنتي كضربها.
روبي تلونات 
علي لي فهم لفيلم بطيران:زيدي زيدي كلاك كان كيضربها. هو كان كيرفع ليها لمعنويات خلاها صاحبي عماد
نور:شكون صاحبك عماد
علي:زيدي قصة طويلة.يلاه نتغداو باش نمشيو نقراو..ونتوما ماتبقاوش تمتلو علينا انكم مامفاهمينش عقنا بيكم
ومشاو
روبي حمارت وتلونات بجميع الالوان فهاد اللحضة

كمال بغة يهضر وهي تسكتو:مابغيت نسمع والو 
وطلعات كتجري فدروج..نيشان للبيت تلاحت فوق النموسية وهي كتندب فراسها على ترخات ليه ..ولكن فلحضة تفكرات الاحساس لي حسات بيه فاش كان كيبوسها سهاات..حتى كتحس براسها انها مبتاسمة..ناضت طافجة ولات بحال شي حمقة ماباغاش تتقبل هدشي.دخلات للحمام وغسلات وجها كما على الله تبرد شوية خرجات وهي تسمع الدقان كانت لخدامة:لالة ملاك لغدة واجد
روبي:مابغيتش. شدي لبال موراك
لخدامة خرجات وشدات لباب وخلات روبي عايشة مع صراع لي فلداخل ديالها

دازو ساعات طاحت الضلمة 
خرجات من لحمام وهي ملوية عليها فوطة لقاتو جالس فوق النموسية وحداه لبيسي مركز فيه لدرجة مانتبهش ليها ..قربات لعندو غير وقفات حداه وهو يحس بيها..دغيا شد لبيسي :مالكي
جنات:والو شتك ساهي بغبت نعرف فاش او صافي
امين بعد لبيسي لبعيد وشاف فيها طلعها وهبطها..كان شكلها مغري شعرها فازك وكيقطر بلما
ولفوطة مبينة تفاصيل جسمها..بغات تهضر وهو يجرها تا طاحت فوقو همس ليها:ماتبقايش تسولي بزاف 
وحط يديه على لفوطة وبدا كيحيدها ..بتاسمات ودورات يديها على عنقو وليد لوخرا كطلع ليه بيها تشيرط..عونها باش حيداتو وتكاها على نموسية وجا فوقها.نتر داك الفوطة تابان قدامو جسمها لعاري .جراتو لعندها وبدات كتبوسو على شفايفو ويديها على صدرو كتحركهم بشوية ..جهلاتو بلمساتها نزل كيبوس فعنقها كتافها تاهوما تا وصل لصدرها ..بدا كيبوس فيه بقبلات شرسة مع عضات خفاف ..كيمصهم تا كيتسمع الصوت ..وصوت اهاتها مسموع فالغرفة بالجهد..غوتات من شدة الشهوة فاش حسات بصبعانو كيداعبو توتو..زيرات ليه على كتافو وهي كتأوه ومرات كتغوت بسميتو تا بقات كطلبو باش يدخلو...شوية حسات بيه لداخل كيحركو بشوية..ويديه على صدرها كيعصر فيه..كانو بجوج مستمتعين ..عايشين فعلامهم ..
باسها على شفايفها من بعد ممارسة نساو فيها بجوج راسهم خواه لداخل عاد خرجو ونزل من فوقها وتكا حداها..حطات راسها على صدرو وقع الصمت
امين:مابقيتيش كتاخدي دوة ياك
جنات:لا
امين:مزيان 
عنقها وغمضو عنيهم ونعسو بجوج

نمشيو عند لارا

كانت جالسة فوق النموسية حتى كتشوفو داخل بتاسمات بتاسم ليها تاهو..نزلات من فوق النموسية ومشات لعندو باستو من وجهو:على سلامة 
ياسين:الله يسلمك..
لارا:مالك تعطلتي
ياسين جرها من يديها ومشا جلس هو وياها فوق الفطوي جرها لعندو وحط راسها على صدرو:غير لخدمة وصافي
لارا تفكرات شي حاجة علات راسها وشافت فيه:ااه فخبارك ناصر غدا ايخرج من الحبس فمرة
ياسين شاف فيها بتعجب؛كيفاش 

لارا:هضر مع طاهرة وقال ليها غدا ايخرج من لحبس فمرا
بتاسم:واخيرا الله يخرجو على خير ..احسن حاجة والله.دابة غيعيش مع مراتو ووليداتو هاني
لارا:وياه طاهرة مسكينة فرحات بزاف
ياسين:تستاهل تاهي مسكينة مادوزاتش قليل
لارا:اه بصاح
بقاو جالسين شحال كيهضرو من بعد ناضو ينعسو

نهار جديد
فاقت ناشطة وفرحانة شافت اول حاجة فوليداتها ناعسين حداها باستهم واحد بواحد وناضت غسلات وجها وخرجات لبسات عليها..ووففات حدا لمراية كتقاد فشعرها..حتى كتشوف الممرضة داخلة
طاهرة:هنا مشيت رضي ليهم الباب عفاك
الممرضة:واخة كوني هانية
طاهرة مشات باستهم وهي فرحانة:ليووم ايجي باباكم
هبطات لتحت لقات طاهرة الام كتسناها جلسو فطرو بالخف وخرجو ركبو مع شيفور نيشان للمول طاهرة بغات تشري ليها شي حوايج محتاجاهم..كتوجد للزعيم خخ..وصلو ودخلو لداخل بداو كيدورو من محال لمحال وطاهرة اي حاجة عجباتها كتشريها شرات لي سوميج بالانواع .
طاهرة الام بتاسمات وهي كتسوفو كيصوني:هاهو وصل
طاهرة:جاوبيه
طاهرة الام:الو احمد...صافي واخة ها حنا نجيو لعندك لتماك 
وقطعات:راه فلكافي لي لفوق
طاهرة:انمشي نسلم عليه ونخليكم..خاصني بزاف دلحوايج ناخدهم
طاهرة الام:واخة
طلعو للكافي لقاوه جالس سلمو عليه وجلسو
احمد غياكل طاهرة الام بعنيه:كي بقيتي مزيان
طاهرة الام:الحمد الله ونت
احمد:بخير
شاف فطاهرة:بنتي لاباس
طاهرةالحمد الله شكرا..غتسمحولي انوض نقدي شي شغال ونرجع
طاهرة الام:واخة غتلقاينا غير هنا
طاهرة ناضت تكمل داكشي لي ناقسها
طاهرة الام:غطير بالفرحة 
احمد:اه باينة فعنيها .احم.دابة ناصر ايخرج..خاص نهضر معاه فالموضوع
طاهرة الام:خلي بعدة غير دوز شي مدة يرتاح ويجلس مع ولادو ومراتو شوية
احمد هز يديها وباسها:لي بغيتي انا معاك
بتاسمات عاشرت رجال بزاف شافتهم بالانواع..عمر شي حد فيهم عطاها قيمة بحال لي عطاها لها احمد

داز الوقت رجعات طاهرة وفيديها ساشيات 
طاهرة الام:خاص نمشيو ناصر مابقالو والو ويجي
احمد:اه بصاح 
سلمو عليه ومشاو رجعو لدار
طاهرة كانت فلبيت اول حاجة جلسات شوية مع وليداتها رضعاتهم وعطاتهم وقتهم يشبعو منهاا..تعوضهم علا صباح لي مادوزاتوش معاهم..بقات معاهم تانعساتهم. وعاوناتها المربية باش دخلهم لبيتهم ..
طاهرة واقفة وكتشوف فيهم وهما ناعسين ملائكة قدامها ماكاتصورش حياتها بلا بيهم بتاسمات وخرجات ..دخلات الحمام ضرباتها بتدويشة وخرجات نشفات شعرها وسرحاتو سامبل ولا كيوصل تا لخسرها وسترجع لونو لكحل كي كان ..قدات مكياج خفيف..ومشات تختار شي كسيوة من لكسيوات لي شرات..عجباتها وحدة كحلة..لبساتها ووقفات قدام لمراية كتشوف فراسها كيجات..بتاسمات و هي راضية على نفسها..لكسوة فلكحل سامبل ماطويلة ما قصيرة .ملبوسة على جسمها لي قداتو برياضة ولات حوتة. لكسوة غير سميطات خفاف على كتافها..صدرها شبه عاري..بارز بطريقة متيرة ..زاد بان مع رضاعة تنفخ كتر ملي كان..
شافت فساعة ما بقالو والو ويجي..جلسات فوق النموسية كتصبغ دفرانها

نمشيو لبلاصة وحدا خرا

من بعد اللقاء صحافي لي دار..بحضور المحامي لخاص بيه هو لي تكلف بالاجابة على الاسئلة..نتاشر خبر ان الزعيم خرج ببراءة ..شد طريق نيشان لدار متلهف يشوفها ويشوف وليداتو ..غير وقفات الطموبيل قدام الدار نزل بكامل اناقتو كي لعادة وهيبتو تمشى بخطوات تقال وواتقين دارو بيهم رجال المراقبة لي حدا دار كيسلمو عليه فرحانين حيت خرج..واخة هكاك كيبقا الزعيم ديالهم..قد ما هو عصابي..قد ما هو حنين.. واخة ماكايبينلهمش هدشي ولكن بافعالو والمساعدات لي كيقدم لعائلتهم تكفي باش يعرفو الجانب الانساني ديالو ..بتاسم ليهم ودخل لدار ..لقاهم كاملين مجمعين كيتسناوه قلب عليها بعنيه ماشافهاش عرفها اتكون لفوق فلبيت كلشي ناض سلم عليهم وتحمدولو على سلامة..جلس معاهم وبالو لفوق معاها هي ووليداتو
احمد:رجعتي ازاعيم
ناصر بتاسم:كيف كتشوف
عماد:نورتي دارك 
ناصر بتاسم ليه ..وقلب وجهو وشاف فلارا شافها بلحجاب فوق راسها باين عليها توتر حانية راسها لارض:لارا لاباس عليك.
علات راسها وجاوباتو بهدوء:الحمد الله ونت.
ناصر:الحمد الله 
ياسين:شنو دابة نمشيو لشي عمرة بهاد المناسبة...
ناصر:ان شاء الله
ياسين:باش تكون بداية زوينة لحياتك الجديدة
ناصر:داكشي لي غيكون 
شاف فامين وجنات جالسة حداه:صاحبي لاباس
امين شاف فيه وبتاسم:الحمد الله ونت
ناصر:بيخير

شاف فمو لي ملي دخل وعنيها مانزلاتش عليه فرحانة بولدها وهي كتشوفو قدامها:ولدي نورتي دار..ان شاء الله ربي ينور ليك ديما حياتك
بتاسم ليها:أمين
مابقاش قادر يصبر وقف:احم نخليكم دابة نطلع نشوف ولادي
عماد:تا حنا مازربانينش سير شوفهم تا تشبع اتهبط اتلقانا هنا.بلا ماتحاول تجري علينا
كلشي بقا كيضحك
ناصر بتاسم:دار داركم
عماد:اول مرة نشوف الزعيم راشقة ليه تا لهاد الدراجة لعجب
ناصر بتاسم وطلع فالدروج نيشان لعندها لبيت

حل لباب بشوية ودخل بهدوء بلا ما يدير لحس..شافها واقفة حدا لمراية ومبتاسمة..مرة كترجع شعرها كلو لجنب واحد..وترجع تقلبو لجنب لاخور..وتنهد بصوت مرتافع وترجع تطلقو اللور وكتقاد لكسوة هبطاتها من جيهت الصدر باش يزيد يبان صدرها بتاسمات:ويلي على حمقة انا بحاليلا اول مرة ايشوفني
هزات لعطر ورشات عليها..:مالو تعطل 
يلاه ادور وهي تشوفو واقف متكي على لحيط ويديه فجيابو كيشوف فيها بابتسامة..شهقات وهي حاطة يديها على قليبها بقات كتشوف فيه بتاسمات بلا ماتحس ..مشات عندو كتجري وتلاحت عليه وعنقاتو بالجهد..وهي معلية على ريوس صبعانها.وحاطة راسها على صدرو.دور يديه على خسرها وعنقها تاهو ..وقع الصمت من غير صوت انفاسهم..كانت مغمضة عنيها وهي بين احضانو ..كتحس بقلبها غيطير بالفرحة.فرحتها ماقدراتش تعبر عليها كتافات بالصمت وهي كتسمع بقلبو كيضرب فودنيها تنهدات براحة....ناصر ماكرهش يدخلها فالداخل ديالو ..بعد عليها شوية وهو كيشوف فعويناتها وفضحيكتها توحشتهم بزاف..حط يديه ورا عنقها وشبك صبعانو وقرب لعندها طبع بوسة على جبهتها ونطق بصوت حنين دوبها :توحشتك
بتاسمات وهزات راسها وشافت فيه:تا انا وبزاف
قرب لعندها كتر تا تخالطات انفاسهم وهو كيستنشق ريحتها تا وصل لعنقها طبع قبلة دافية ورجع شاف فيها وهو كيحقق فملاميحها باغي يشبع منها. شاف فشعرها للكحل نازل على كتافها جمع شعرها كامل فيديه ورجعو لقدام فجنب وهو كيشف فالطول ديالو وكي كيلمع بقا كيسرحو على كتافها على طولوتو كيحماق على لونو والطول ديالو
نزل بعينيه كيشوف فجسمها كامل باعجاب كان متكامل واخة وزنها زاد على قبل ولكن بالرياضة كلشي مقاد ورجع طلع تا وقف عند صدرها بتاسم ملي تفكرها فاش كانت كتهبط لكسوة 
بتاسمات عرفاتو شافها وسمعها شكانت كتقول:بالفرحة تخربقت مابقيتش عرفت شكا نقول ولا شكا ندير
كتهضر وهي كتميل شفايفها بطريقة زوينة ماحسش براسو تا باسها بوسة خفيفة على شفايفها وبعد وهو ماساخيش..عنيه مشات لجسمها ولا سيكسيي بزاف..وصدرها بان وتنفخ كتر من لول..حط يد على خصرها ولوخرا على كتافها :ماباغيش نخلف بالوعد ديالي.
وقربها كتر حتى شفايفو تحطو على شفايفها وهضر:باغة تعدبيني ولا شنو
حطات يديها على صدرو وبتاسمات:عارفاك كتصبر وكتحكم فراسك
ناصر:ولكن صبر كيتقادا
طاهرة مجاوباتوش ماتحكماتش فراسها ودخلات معاه فقبلة طويلة تجاوب معاها وهو مزير على خسرها..حتى كيسمعو صوت واحد من لي بي بي كيبكي
بعدات عليه وهي مبتاسمة:هدا يوسف لي كيبكي
شداتو من يديه:اجي تشوفهم راه توحشوك

دخلاتو لبيتهم بتاسمو بجوج وهوما كيشوفو يوسف كيبكي..وبدر ناعس.وامونة..حالا عويناتها وكتشوف فالسقف
وقفو بين النوامس ديالهم ..طاهرة هزات يوسف وبدات كتسكت فيه..ناصر تحنا هز امونة بين يديه خفيفة بزاف بحاليلا ماهاز والو ..شد يديها باسها ونزل باسها على جبهتها وهو كيتأمل فوجيها صغيور وكترمش بعويناتها بهدوء..بتاسم ليها..وشاف فطاهرة لي كتمشي وتجي بيوسف..حتى سكت..حط أمونة ومشا خدا منها يوسف..بقا كيشوف فوجهو..وهو مغوبش تفكر راسو ..باسو على راسو وهو مبتاسم ..شاف فبدر باقي ناعس
طاهرة:سبحان الله واخة خوت توام كل واحد وطبعو كل واحد فيهم وشكلو .مختالفين فكلشي
ناصر:مزيان هكا
حط يوسف فبلاصتو ووقف حدا بدر بدا كيحرك صبعانو على وجهو باغيه يفيق ويحل عويناتو..بقة معاه تافاق وهو كيجبد فيديداتو ويقبح فوجهو
ناصر هزو والابتسامة مافارقاتش وجهو ..باس ليه يديداتو صغيورين وحطو فبلاصتو وجر طاهرة لحداه دور يديه على خسرها .فرحان هو كيشوفهم كاملين حداه
طاهرة:اجي جلس ترتاح
خرجو وجلسو فوق الفطوي وهو مزال مدور يديه على خسرها
طاهرة:دابة عمرك اتولي تمشي لحبس ياك
ناصر:اه 
طاهرة عنقاتو:مزيان خاص نبقاو ديما مجموعين 
ناصر نزل يديه لكرشها:بحاليلا عمرك كنتي حاملة 
طاهرة بتاسمات:بالرياضة كلشي تقاد 
ناصر:هكا مزيان ...لبسي شي حاجة مقادة ويلاه نهبطو لتحت
طاهرة:واخة
ناضت وهو حاضيها وكيشوف فشكلها كيف ولا ..وشعرها لي كيتضرب فخسرها..سها فيها تا غبرات من قدامو تنهد خاص يصبر ..وقف وهو كيتسناها..حتى كيشوفها خارجة..لابسة كسيوة طويلة تحت الركبة ونص كم طالعة على صدر..وشعرها نازل على كتافها وقفات حداه:نمشيو
شد ليها فيديها:يلاه
هبطو لتحت قبل يدخلو لصالة وصات الممرضة تطلع عند دراري...دخلو لصالة وهوما متشادين باليدين..جلس وجلسات حداه ويديه فيديها 
الحاجة:الله يخليكم لبعضياتكم..اه دابة شحال ونتوما متزوجين
بقا شي كيشوف فشي
ناصر:قريب غنتزوجو ان شاء الله
الحاجة شهقات وهي كضرب فصدرها:الله ياربي شهاد الموصيبة. عايشين مع بعضكم بلا زواج لا لا هدا منكر..ودراري جبتوهم بلا زواج
طاهرة حشمات منها نزلات راسها لتحت
عماد كيضحك:ههههه وياه الحاجة يحساب ليهم راهم فاوروبا.ماكايحشموش..اللهم ان هدا لمنكر
ليلى نغزاتو:عمااااد سكت شوية
عماد عنق ليلى:انا خليولي غا مراتي فلوراق وقدام ناس وفكلشي...لحلال زوييين
ليلى بقات كضحك
الحاجة كتفقص غا بوحدها:الله ياربي..واش عاجبكم لحال هكا..مافكرتوش فالله سبحانه..ياسين ولدي قول شي حاجة.زعمة راك قاري وكتعرف الله وحافض القرآن ومخلي صاحبك عايش فلحرام.لا هادشي بزاف..ماعاجبنيش..
ياسين غير ساكت هو عارف لقصة كاملة ماعرفش شغا يقول:دابة يتزوجو وقعو شي مشاكيل..
قاطعاتو:توقع تا لحرب ماكاينش شي سبب لهاد الكارتة
ناصر بتاسم:اصلا كنت غنهضر معاكم فهاد الموضوع
طاهرة شافت فيه
ناصر خشا يديه فجيبو وجبد بواطة بتاسمات عرفاتها ديالاش..
ناصر حلها وكلشي كيشوف فيه..طاهرة قلبها قفز فاش شافت خاتم مختالف على لخاتم لاخور فاش رفضاتو..حسن من لاخور..دو بياس..كلو حجر كيبري
ناصر:طبعا ايلا وافقتي بغيت زواجنا يكون من دابة ربعيام
سكت وولا هضر وهو شاد ليها فيديها:واش تقبلي تزوجي بيا
طاهرة تخلطو عليها جميع الاحاسيس فهاد اللحضة هزات راسها باه وعنيها فعنيه عاد نطقات:اه موافقة
باس ليها يديها بجوج وجرها لعندو وعنقها

كان كيشوف فيهم وربي لي عالم بيه من لداخل.ناض وخرج من صالة مشا للجردة وهي تبعو..وقف وهو كيشوف فاللرض وكيتخايل صورتهم بزوج..حس بشي حاجة فلداخل ديالو كتقطع ...وقفات حداه وحطات يديها على كتافو:دابة تنساها
شاف فيها:باغي نساها..والله كنحاول ننساها ونهني راسي
عنقاتو مالقات مادير...عنقها تاهو..جنات بداو ينزلو دموعها كتكره تشوفو محطم 

نرجعو لصالة
كلشي قفز فاش سمعو صوت الحاجة لي وقفات ليهم فوق راسهم:ايوا نوضي جمعي راسك
طاهرة بعدات على ناصر وهي مافاهمة والو
الحاجة: حشمو شوية علاقل غير فهاد ربعيام.ديرو شوية دلحلال..
طاهرة:كيفاش
الحاجة:ماتقربيش ليه مايقرب ليك تا نهار زواج..غير كنتفكر كنتو كتنعسو فبيت واحد بلا زواج قلبي كيبغي يسكت ..نوضي من حداه يلاه تهزي
طاهرة كتشوف فناصر لي غير كيشوف تاهو
الحاجة:تهزيي واش ماكاتسمعيش للهضرة.
طاهرة وقفات
الحاجة:جلسي لهيه
وشافت فناصر:ونت اولدي شوف هاد ربعيام فين تنعس ..خود ليك شي بيت اخور سمعتيني..علأقل نخليو هاد ربعيام يدوزو على خير.الحمد الله ربي مانزلش علينا شي لعنة من عندو..عطانا فرصة..
طاهرة جلسات بعيدة عليه وجلسات حداها الحاجة
عماد كيضحك:ههههههه فييين كنتي هدا شحااال الحاجة فيييين..انبوس ليك داك راس
ناض وباس ليها راسها:شتي نتي هي لي كتعرفي ليهم حق ربي..
ورجع جلس فبلاصتو..كلشي بقة كيضحك..طاهرة تزنكات وحمارت ..
شوية سمعو الجرس مشات لخدامة حلات لباب كان كمال وعلي ..دخلو وسلمو عليهم
كمال شاف فناصر :على سلامة
ناصر:الله يسلمك
عماد:فين هي ملاك ههه زعمة روبي
كمال بتاسم فاش تفكر

روبي كتغوت:ولااااا ماغانلبسش هادشي
كمال:ادن بقاي فدار .مايمكنش نخرجك معايا كي شي زوفري
روبي:اوووف راهم صحابي انا ماشي صحابك نت
كمال:سمعي..اتلبسي مقاد كي ناس مرحبا اديريلي لعكس.جلسي فدار تاشبعي
روبي جلسات فوق النموسية:ماغاداش
كمال هز سوارت طموبيل ونزل لتحت عيط لعلي وخرج هو وياه خلاها غتنتاحر بالفقصة

كمال رجع للواقع:عيانة شوية
عماد:علاه هاديك كتمرض 
كمال:ومالها ماشي بنادم
عماد:حاااشة بنادم ونص.غير مادخلنيش للحبس الله يحفضك هههه
كمال بتاسم..جات لخدامة وفرقات عليهم ضيافة بقاو كيهضرو شحال
كمال:احم ناصر بغيت نهضر معاك فشي موضوع
ناصر:واخة اجي نخرجو لبرة
ناضو وخرجو للجردة لقاو جنات وامين واقفين.جنات حنات راسها ودخلات لداخل
بقة امين وناصر وكمال واقفين
كمال:هاد شنو بان ليك فهادشي
ناصر:اكييد كاينة شي حاجة ماشي هي هديك فالموضوع مايمكنش يخرجني من الحبس غير هكاك
كمال:زعمة يكون شي حد وصل ليه الهضرة
ناصر:ماعرفتش الهضرة دارت غير بيناتنا.ورجال ديالي مستحيل يخونني..
كمال:ايوا وشنو غيكون وقع
ناصر:ماعرفتش ولكن خاص ناخدو احتياطنا ونشوفو هادشي فين غيوصل 
احمد من موراهم:كان كيعيط لي باش نجي لعندو ونهضرو ..ولكن مابقاش..ولا كيعيط ونتافقو غير فطليفون..
كمال:اكيد بلا رقم
ناصر:واخة يكون بلا رقم..ايكون كيتاصل من طليفون مافيهش الشبكة الالكترونية..باش نوصلو ليه.هو ماشي غبي تا لهاد الدراجة
كمال تنهد:ضروري نديرو شي حل
عماد جا ووقف حداهم:انا خبير فهادشي دلانفورماتيك وال..وحاليا خدام على هاد النوع دطيليفونات زعمة كي ندير نختارق هاد النوع من شاشات ونوصل ليهم ..ولكن خاص بزاف دلخدمة حيت ماشي ساهل نقاد بحال هاد لوجيسييل.غياخد مني وقت طويل
كمال:ماشي مشكل المهم نوصلو لشي نتيجة
ناصركيفكر :وانا نقدر نوصل لرجال لي خدامين معاه..
كمال:اي حاجة ممكن تساعدنا غنديروها 
امين كان واقف وبالو مشا بيه لبعيد شاف فيهم وهوما كيهضرو حنا راسو وخرج

داز الوقت 
كان واقف معاه حدا الطموبيل
كمال سلم عليه:لا عرفتي شي حاجة بيناتنا طليفون
ناصر:ان شاء الله
ركب هو وعلي وكسيرا ومشا
ناصر دخل لدار شاف امين واقف هو وجنات باش ايمشيو
امين قرب لعندو:على سلامتك مرة وحدا خرا
ناصر:الله يسلمك

وخرج هو وجنات ركبو فطوموبيل نيشان لدار

دخل وجلس معاهم بقاو كيهضرو فلقديم وجديد ..ماحسوش بالوقت كي داز حتى جا وقت لعشا تجمعو تعشوا وسلاو وجلسو فصالة 

عماد وقف تا:شتك عجباتك لجلسة نوضي لغانمشيو
ليلى ناضت وهي حاطة يديها على كريشتها:اه اصلا عييت بغيت نتكة ونعس شوية
عماد شد ليها فيديها:مراتي وولدي عيااو مساكن
ليلى:هي لا هزيتينا
ماجات فين تكمل هضرتها حتى هزها بقات كضحك:ويلي دارها بصاح
عماد وهو غادي بيها لجيهة دلباب:مالنا كنلعبو هنا...سيادناا تصبحو على خيير 
طاهرة:عييت غنطلع نعس ونشوف وليداتي تصبحو على خير
قبل طلع شافت فناصر:تصبح على خير
وطلعات فدروج وهي كاتمة ضحكتها عجباتها لقضية لي دارت الحاجة..دخلات لبيت بدلات عليها ومشات جابت وليداتها رضعاتهم وحطاتهم حداها فوق النموسية
فهاد الساعة كلشي كان فبيتو من غير ناصر لي مزال جالس فصالة وفيديه كاس لويسكي كيجغم منو تنهد وطلع فدروج مشا نيشان لعندها باغي يشوفها قبل يمشي ينعس..حط يديه على لبواني بغة يحل لباب ولكن لقاه مسورت مافهم والو..دق جوج دقات حتى كتحل لباب رجع اللور فاش شاف الحاجة:ياك لاباس اولدي شنو بغيتي 
ناصر ماعرف راسو باش تبلا:والو غير..
قاطعاتو:شوف اولدي فهاد لبيت كاينة وحدة مامزوجاش حشومة لحد الان ماكاتجيك والو سير اولدي لبيتك
طاهرة طلات عليه من مور لحاجة وهي كضحك عاجبها لحال
لحاجة ضارت وشافت فيها:سيريي نتي تشوفي ولادك لاش كطلي عليه
طاهرة وهي كضحك:واخة الحاجة
الحاجة:كون هاني انا انبقة نعس حداها فلبيت ماعندك مناش تخاف
ناصر:بغيت غير حوايجي
الحاجة:واخة ها لخدامة اتجيبهم تا لعندك.يلاه سير تنعس ترتاح ليك شوية
ناصر :وولادي مانشوفهومش.
الحاجة:دابة راهم ناعسين غدا فصباح شوفهم تاتشبع


طاهرة من مور لباب:نااصر سير راه لحاجة عيانة
خصها تنعس وخاص نطفيو ضو على حساب الدراري
ناصر كون صاب يزدح لباب ويدخل يبرد فيها جنونو..حنا راسو:واخة تصبحو على خير
ومشا لبيتو..طاهرة عيطات للخدامة دات ليه حوايجو للبيت 
طاهرة كانت متكية وهي كتشوف فالخاتم فيديها وهي مبتاسمة فرحانة بزاف قرباتو لفمها وباستو..وشافت فوليداتها وغمضات عنيها ونعسات

دازت هاد الليلة 
وجا نهار جديد

كان جالس كيف لعادة كيهضر مع واحد من رجالو لي كيكون معاه ديما طبعا وجهو مغطي ولكاسك على راسو :نخاف غير يوصلو ليك
بتاسم:ماعنديش مشكل اصلا انا بغيتو يعرفني ..ولكن ماغايوصلولي حتى نكون دمرتهم..ماكانحملش لغدر
الشخص:وايلا وصلولك شنو غيوقع
بقا ساكت شحال عاد هضر:داك ساع ايكون تسالا كلشي. تا انا غنتسالا انا هنا لهدف واحد غنساليه..ومن بعد غنخرج من هاد الدنيا.ا
الشخص بلع ريقو حيت فهم قصدو.
البوص:بامكانك تمشي
ناض وخرج ..البوص رجع راسو اللور ورجع بدكرياتو لايام قديمة دازت ومزال محفورة فبالو..خصوصا نهار فاش شاف خوه ميت بابشع الطرق.مضلوم وماداير والو ..الاخ الوحيد خسرو بسباب امريكا ..لحد الان صورتو وهو مقتول محفورة فدماغو عمرو ينساها حرقو ليه قلبو وقلب عائلتو..بسبابهم ولا هكا..كان بحالو بحال عاع ناس قلبو صافي وبيض ..حقد عليهم بزاف
رجع للواقع ماباغيش يتعمق فدكرياتو حيت يقدر ينفاجر ويتهور

نبدلو لبلاصة

كان فصال درياضة..كيلعب لحديد..وبالو ماشي معاه باقي مامرتاحش..حط دوك لحديدات تقال من يديه وتلاح فلابيسن غطس تا لداخل وهو كيعوم تا وصل للجيهة لوخرا وطلع دخل نيشان للدوش لي كاين تماك دوش وخرج نشف راسو ولبس عليه..ودخل لدار لداخل لقاهم مجمعين كيفطرو جلس وهو ميقلب عليها بعنيه:فين هي طاهرة
طاهرة الام:فطرات وطلعات تكمل نعاسها مانعساتش مزيان فليل مع دراري
كمل فطورو وناض طلع لفوق مشا نيشان عندها لبيت حل لباب ودخل لقاها ناعسة ودراري حداها تاهوما ناعسين..قرب وهو كيشوف فيهم وقف شحال كيتأملهم..حلات عنيها بشوية وهي تشوفو قدامها بتاسمات هضرات بصوت نعسان:صباح لخير
بتاسم:صباح النور
طاهرة ناضت جالسة وهي كتشوف فولادها:ماخلاونيش ننعس فليل
قرب وتحنا لعندها :كيعدبوك
هزات راسها باه وهي كتحلون فالهضرة وتميل فشفايفها:اه شوية ماشي بزاف
دوباتو جلس حداها وحط يديه على خسرها وقرب وجهو من وجها:كيفاش اه شوية ماشي بزاف.
عضات على شفايفها:كي سمعتي.
قرب باش يبوسها وهي تقلب وجها:ناري غتشوفنا الحاجة..
علا حاجبو بمعنى من نيتك
شافت فيه:حنا مزال مامزوجين اناصر حرام هادشي..ماسمعتيش الحاجة شنو قالت
زير على خسرها تا توجعات:كيفاش ماسمعتش مزيان
طاهرة بصوت محلون:اااح قصحتيني اناصر
رخف عليها وهو متبع حركات شفايفها
طاهرة:انا كندير داكشي لي قالتلي الحاجة عندها الحق .تانتزوجو صبر شوية😉
يلاه ايقرب باص يبوسها وهي تحل لباب قفزو بجوج
كانت الحاجة:لا هادشي لي بقة ..غير غبرت شوية درتو ماعليكم
طاهرة:الحاجة هو لي جا عندي كنت ناعسة
ناصر كيشوف فيها وهو كيحلف فيها بعنيه
الحاجة:نوض اولدي سير لشغالك زعمة راه دوينا فهادشي
ناصر كيحتارم الحاجة بزاف ناض وشاف فطاهرة خنزر فيها وحنا راسو وخرج من لبيت
الحاجة:ونتي بقاي دوري فداك لعنين اجنية راني عارفاك
طاهرة:مالي شنو درت
الحاجة:نعسي ترتاحي ونتي فيك كترة الهضرة
طاهرة تكات وهي كضحك عاجبها الوضع 

جا نهار جديد

كانت هابطة فدروج وشادة امينة فيديها..مشات لصالة حطاتها حدا خوتها..كانت جالسة حداهم الحاجة وطاهرة الام
الحاجة:فين غادة كتلواي بهاد لحوايج
طاهرة:ماعندي فين الحاجة..انمشي غير لصال ديال رياضة نلعب شوية و نرجع
الحاجة:ااه رياضة مزيانة ابنتي سيري الله يرضي عليك
طاهرة تحنات باست وليداتها ومشات لصالة درياضة 
دخلات وهي تشوفو واقف كيلعب لحديد..بتاسمات 
بقات غادة بشوية تا وصلات لعندو وعنقاتو من ضهرو
ناصر حبس بقا شحال واقف ماتحركش حتى كيبعد منها:ماتقيسينيش
بتاسمات وجات قدامو:علاش
ناصر دفعها وبدا يكمل اللعب ديالو:سيري من حدايا
طاهرة غوبشات:جيت نلعب 
ناصر:ايوا لعبي وسكتي ماتقربيش لعندي سمعتيني
هزات كتافها حيدات الفوقاني دلميطمة..لي عبارة على شوورط قصير وديباردور سوتيان وطلعات فوق طابي غوولو خدماتها وبدات تجري فوقها..وهي كتشوف فيه كي كيهز لحديد تقيل وكي كيحركهم فيديه باحترافية وصدرو كيتنفخ ويرجع يتفش..حطهم ومشا دخل لظوش ظوش ولبس عليه ..لباس صبور جا معاه بقات غير حالة فمها .شافتو ماعبرهاش ماشافش حتى لجيهتها..تنهدات وسهات وهي كتشوف فيه نسات راسها حتى كتزلق بيها رجليها كترجع اللور وكتجي طايحة ..طاحت على جنبها غوتات ..ناصر غير سمعها مشا عندها طاير تحنا لعندها :شنو كيدرك
طاهرة ماكايدرها والو اصلا صالة الارضية ديالها مصوبة بطابيات ..
طاهرة كتبوحط حطات يديها على جنابها لعريانين:هناا كيضرني بزاف
حط يديه على جنابها:واش هنا
طاهرة:اااااي تماك تماك
هزها بين يديه وحطها فوق لبياص كاين تماك ..تكاها وحط يديه على جنابها بدا كيماصي ليها بشوية وهي كتوحوح ليه وتهاوه بطريقة محلونة وشادة ليه فليد لوخرا:غييير بشوية اناصر ...ااحح تمااك..اي قصحتيني..ناصر
كانت كاتمة ضحكتها وهي كتشوف فعنيه الرغبة لدرجة ولا كيماصي ليها بشوية وكيتأمل فوجها وكي كتحرك شفايفها وتعض عليهم..شافتو كيقرب لوجها..تا تخالطات انفاسهم دارت شبه ابتسامة ..ناصر مزال كيماصي ليها جنابها همس ليها وعنيه فعنيها:مزال كضرك
هزات راسها باه وهي دايخة..حسات بلحرارة طلعات معاها
زاد قرب لعندها :ودابة
طاهرة بهمس:شوية
زاد قرب شوية ويجي فوقها:وادبة
طاهرة:زيد شوية 
غوتات فاش ضغط ليها على جنابها:اااااي
ناصر قرب لودنيها وهمس ليها:علاياش كتقلبي
طاهرة قصحها:صافي صافي رخي مني مابقاش كيضرني
ناصر زاد ضغط:ودابة
طاهرة كتهز راسها لا:لا صااافي عفاك رخي مني
رخف عليها وهو مزال قريب ليها:شنو بغيتيني نخدم خدمتي دابة
هزات راسها بلا:صافي مابقيت باغة واالو
ناصر:مابقة والو غدا غنفرجك هدشي علاياش كتقلبي
طاهرة:لا ماشي هكا
طبع قبلة على شفايفها:وشنو
طاهرة بتاسمات وجراتو لعندها تا جا فوقها:غير توحشتك
غطس راسو فعنقها وباسها ورجع شاف فيها:صبر
بتاسمات :ولكن كاين شونتيو لا بغيتي
كتهضر وهي كدور يديها على عنقو
ناصر يلاه ايقرب لشفا وهو يسمع لباب ديال صالة كتحل هز راشو يشوف شكون وهو تبان ليه الحاجة ..ناض بالزربة من فوقها
طاهرة ناضت تشوف مالو ..حتى كتشوفها جاية
الحاجة وقفات وسطهم:احياني عليك اجنية وانا كنقول مالها على رياضة دويي 
طاهرة:الحاجة والله..
قاطعها ناصر وهو خارج من صالة:هي لي تبعاتني جات تا لعندي
وخرج
طاهرة شافت فالحاجة:والله تا كيكدب
الحاجة:كيكدب هاااا...زيدي قدامي زيدي نتي داك لبيت ماخاصش تبقاي تخرجي منو ..زيييدي
طاهرة تبعاتها تا وصلو لبيتها لقات وليداتها فوق النموسية
الحاجة:وجدي راسك باش تمشي لسوق
طاهرة:واخة

جلسات حدا وليداتها باستهم ودخلات دوشات وخرجات نشفات شعرها ودخلات لبيت تبدال لبسات عليها ..رضعات وليداتها قبل تخرج..عاد هبطات لتحت لقات طاهرة الام كتسناها:يلاه مشينا
طاهرة الام:ناصر كيتسنانا قالك هو لي ايوصلنا
طاهرة بتاسمات:وزيدي نمشيو باش مانتعطلوش عليه 
يلاه ايخرجو وهو يوقفهم صوت لحاجة...موراهم شافو فيها..لابسة جلابتها :فين غديين تسناوني غنمشي معاكم
طاهرة تبلعات ريقها:اتكوني عيانة 
الحاجة:زيدي قدامي..راني عارفة شنو فداك راس

كان فطوموبيل جالس كيتسناهم وعنيه على طليفونو كيخنتش فيه سمع لباب تحلات وشي حد جلس حداه علا عنيه وهو يشوف لحاجة قدامو 
الحاجة وهي كتجر سمطة :كي كديرو لهاد لعجب..ناصر شاف فلمراية لي قدامو طاهرة وطاهرة الام جالسين اللور
الحاجة:اولدي الله يرضي عليك راه مزال فين تشوفها وتشبع منها...دابة صيبلي هاد السمطة
ناصر:واخة
تحنا وقاد ليها حزام السلامة ودور ساروت كسيرا نيشان للمول وقف 
الحاجة:الله يرضي عليك اولدي..نزلوو
نزلو كاملين وطاهرة مدورة وجها كتشوف فيه ..ناصر وهو كيديماري طموبيل شاف فيها وكسيرا بالجهد
الحاجة:ايوا زيدو لاغادخلو
طاهرو:واخة الحاجة وااخة
دخلو لداخل..طاهرة مابغاتش شي حفلة كبيرة..بغات غير بناتهم.بغات تلبس غير غوب بيضة لي كانت كتحلم تلبسها وصافي..دخللو لبوتيكات خاصين بلعرايس مالقاتش داكشي لي بغات تا كيوصلو لواحد دخلات وهي عاجبها لحال..بقات كدور على لكساوي كلهم..حمقوها..قيساتهم تقريبا كلهم..حتى كتحبس عند وحدة فلبلووون كاسي..بيض باهت..حمقاتها لكسوة وفديكورها..وقفات قدام لمراية وهي كتخايل شوفات ناصر ليها فاش ايشفها لابساها..

الحاجة:تبارك الله وصلاة على نبي ..جاتك كتحمق.

طاهرة الام:ماشاء الله غزاالة 
طاهرة دارت لعنهم وهي مبتاسمة:تا انا عجباتني..صافي ناخدها؟
طاهرة الام :اه ابنتي خوديها وتاتك
كانت واقفة حداها وحدة من لبنات لي مقابلين المحال:وتاتك جات معاك
طاهرة:شكرا..غناخدها.رجعات لبيت تبدال حيداتها ولبسات حوايجها ووقفات كتسناهم يجمعوها ليها..خلصاتهم خدات كارطونة كبيرة داروها فيها..خرجو..بقات كدور شرات لي سوميج لي اتحتاج.وكسيوات كريمات.وداكشي خخخ..
طاهرة:عيييت
الحاجة:شنو نقولو حناا..هلكتينا بدوران
طاهرة:هههه صافي يلاه نمشيو بحالنا..اصبار نعيط لناصر يجي مورانا
الحاجة:بعدي من سيد خليه مقابل خدمتو عيطي لشيفور
طاهرة تهندات ودورات لشيفور علامن جاو يوصلو للباب لبرانية تا لقاوه كيتسنا خدا منهم ساشيات وركبو ووصلهم لدار..طاهرة طلعات نيشان للبيت لقاتهم كيبكيو بتلاتة جاهم جوع والمربية كتحاول تسكتهم
المربية شافت فيهم:جاهم جوه
طاهرة :واااخة
دخلات لحمام غسلات يديها حيدات لفوقاني بقات غير بسوتيان غسلات صدرها غير من لفوق باش يرضعو..وخرجات طلعات فوق النموسية ربعات رجليها بدات بيوسف لي قالب دنيا بلبكة رضعاتو ونعس عطاتو للمربية..ورجعات هزات امونة رضعاتها تاهي ونعسات عاد هزات بدر..لي كيصبر نعس تاهو حطوهم فبيتهم ..تنهدات وخرجات بدلات عليها وتكات ترتاح شوية الرضاعة مدير ليها سخفة خصوصا انهم تلاتة..غمضات عنيها ونعسات

دازو ساعات 

رشاد كان جالس وكيهضر معاه فطليفون:كيفاش
البوص:كي سمعتي مادير دابة والو سمعتيني 
رشاد:عنداك يكون تنادم معاك لحال يكونو بقاو فيك
البوص:نت مزال ماكاتعرفني ..
وقطع ليه فوجهو
رشاد:ماشي مشكل نصبرو 

داز هاد نهار وجا نهار جديد

طلات من لفوق لاوية عليها فوطة يلاه خرجات من لحمام ..كطل وحاضية بالي يخرج فيها شي حد. بانو ليها كيقادو فصالة..شي متكلف بالورد شي بتزيين شي بديكور لجليسة ..طبالي كلشي
بتاسمات ورجعات دخلات لبيت جلسات حدا وليداتها وهي كتسنة لكوافورة تجي باش تقاد ليها .
شوية سمعات الدقان كانت لخدامة ومعاها الكوافورة وجوج مساعدات ديالها هازين فيديهم شوانط:لالة هاهوما وصلو
طاهرة وقفات:اه تفضلو دخلو

دخلو وهوما كيشوفو فيها جلسات فوق الكرسي بداو كيقادو ليها شعرها:كي بغيتيه الالة مجموع ولا مطلوق
طاهرة:ديريلو شي جميعة خفيفة لي مانوحلش فيها فاش نبغي نطلقو
الكوافورة:واخة الالة
بقات حادياهم من لمراية وهوما كيقادو ليها شعرها تا سلاو .بقات كتشوف عجباتها جميعة جات معاها..دازو ليها للماكياج..
طاهرة:عفاك ماتكتريليش بزاف
الكوافرة دارت ليها داكشي قالت..ركزات ليها على عنيها باش يبانو المسكارا وشريطة فوق عنيها وعكار غوز باين مع شفايفها..طاهرة وقفات حدا لمراية والابتسامة على وجها عجبها راسها
الكوافورة:كتحمقي تبارك الله
طاهرة:شكرا
الكوافورة:انعاونك تلبسي
طاهرة:واخة
مشات جابت لغووب عوناتها لبساتها وقاداتها ليها لبسات صندالة طالون.ودارت ليها تاج فوق راسها.ووقفات تاني حدا لمراية كتبان بحال شي اميرة بالكسوة ماسخاتش تنزل عنيها على راسها خخخ..الكوافورات غير حالين فمهم وكيشوفو فيها..شوية تحلات لباب ودخلات طاهرة الام والبخور فيديها جات باش تبخرها:تبارك الله على بنتي جيتي غزاالة كتحمقي الله يحجبك من لعين
وبدات كتبخرها وتقرا عليها المعويدات..
الكوافورات تخلصو ومشاو بحالهم
طاهرة الام:سعدات ولدي بيك
طاهرة بتاسمات وعنقاتها:ربي يخليك لينا اماما
طاهرة الام دمعو عنيها:الله يخليك ليا تانتي ابنتي
كانت دايرة فيديها واحد.دمليج ديال دهب حيداتو ودارتو ليها فيديها:هدا كان دماما عطاتو ليها جداتي..نهار عرسها.وعطاتولي انا فاش كانت كتموت..وانا ربي ماعطانيش لبنات وعوضني بيك نتي..
طاهرة عنقاتها؛شكرا بزاااف اماما..غيبقا ديما عندي تا نعطيه لبنتي نهار زواجها
طاهرة الام:ان شاء الله ابنتي..
شوية سمعو دقان كانت ليلى دخلات غير شافت ختها تغرغرو عنيها بدموع مشات نيشان عنقاتها:اسعد نهار فحياتي.فرحت ليك بزااف..مبروووك والله يكمل بالخير
طاهرة مبتاسمة:الله يبارك فيك احبيبة
ليلى:جيتي كتحمقي
طاهرة:شكرا اختي
ليلى جبدات من ساكها بواطة فيها براسي كلو مرسع بحجر الالماس:عجبني وتشهيت نشوفو عليك
طاهرة عجبها:وينوو شحال زوين شكرا اختي بزاف
ليلى:تستاهلي كتر..احم العريس راه لتحت كيتسنة بقيتي غير نتي
طاهرة بتاسمات:واخة
خرجو وهبطو لتحت ..طاهرة حسات بالدهشة احساس فشكل كتحس بيه..الفرحة بزاف دارت ليها تبوريشة فداتها هبطو فدروج لي مزينين بالورد كتبان وسطهم بحال شي اميرة.. ..هزات عنيها وهو يبان ليها واقف حدة الكوشة لخاصة بالعرسان بكامل اناقتو قرب شوية باش يستقبلها عنيه مانزلاتش عليها....طاهرة وقفات حداه وعنيها فعنيه..باغة تشوف الاعجاب فعنيه..حسات بيه داخ لدرجة عنيه ماكايرمشهمش..قرب لعندها كتر هز يديها وباسها وقرب لودنيها:كتحمقي
بتاسمات:شكرا

شد ليها فيديه وتم غادي بيها تاوصلو للكوشة جلسات عاد جلس هو ويديه فيديها ..كل شوية كيبوسها.هدشي كامل ولكاميرا شداهم.كانت الانضار كلها عليهم..كيشوفو شحال متواتين ..جاو ناس قلال غير لي كيعرفو.. ..وصوت الموسيقى هادية كتسمع ..طاهرة فرحانة بزاف واخيرا اتزوج بحالها بحال كاع ناس..بعد ما كانت فاقدة الامال..شافت فيه وبتاسمات شكون كان يقول اتولي تبغيه وتحماق عليه من مور كاع داكشي لي دار فيها دنيا حال واحوال..شوية جا لعدول جلس اونفاص معاهم حط لكتاب فوق الطبلة قال بعض النصائح وكلام الله ..عاد مد ليهم لكتاب باش يوقعو..ناصر وقع هو لول ومد ليها ستيلو بتاسمات وهي كتشوف الامضاء ديالو وقعات تاهي بدون تردد وبداو ناس كيصفقو ويزغرتو..وقفات هي وياه عنقها شوية ويخشيها فلداخل دصدرو كانو بجوج فرحانين.بعد عليها شوية وعنيه فعنيها:وليتي مراتي
هزات راسها باه..ماقدرش يمنع راسو باسها من شفايفها قدام كلشي ماهموهش..دابة راها حلالو بعد عليها ..طاهرة تزنكات وحنات راسها ..بداو ناس كيجيو يباركو ليهم ويتمناو يهم حياة سعيدة..من غير واحد لي كان واقف بعيد عليهم..شرب كتر من كاس ومزال لعافية لي شاعلة فيه ماطفات..حاس براسو مخنوق وغيطرطق..فهاد اللحضة تفكر فاش اول مرة شافها ...نهار كان نازل من طوموبيل هي وقفات ونسات راسها وهي كتشوف فيه...وفقاعة الاجتماعات..وفلكازينو ...وفأول مرة غيبوسها.كانت ديالو ..كانت معاه هو ..ودابة كيشوفها مع واحد اخور.نزلات دمعة من عنيه حارة مسحها دغية هبط على الكاس فدقة ماقدرش يستحمل يشوفهم بجوج خرج من دار كاملة ركب فطوموبيلتو كسيرا بقا غير غادي بدون وجهة 

نرجعو لداخل..كانت موسيقة رومانسية وهادئة شاف فيها ومد ليها يديه..فهماتو حطات يديها على يديه وتم غادي بيها تاوصلو للوسط دصالة طفاو ضواو كاملين وقع ضلام من غير ضو واحد فوقهم..كان كيحركها بين يديه كي شي ريشة..وهي غطير بالفرحة..حطات راسها على كتافو وهو كيميلها ..تنهدات براحة..وهي كتحس بيديه على خسرها كتحرك بشوية...علات راسها وشافت فيه 
نمشو لبلاصة وحدا خرا..كانت واقفة حدا لمراية كتشوف فراسها ومبلجة عليها لبيت ما داياهاش فدقان ديالو تنهدات وحلات لباب حنات راسها حسات بيه وقف اونفاص معاها..كان كيشوف فيها وهو مصدوم..شوفات كلها اعجاب هز ليها راسها بيديه:ماتصوريش شحال جيتي زوينة
تزنكات هو لي رغمها باش تلبس هادشي لابغات تمشي للعرس.كانت لابسة كسيوة فلباج لاسقة عليها سامبل وغير سميطات مع طالون ماعاليش بزاف..جاب ليها كوافورة سرحات ليها شعرها سامبل ومكياج خفيف لعكار غوز باين..كان بامكانها ترفض وتقولو لا ماغانلبسش هادشي ولكن شي حاجة فلداخل ديالها
منعاتها بحاليلا عندها رغبة تاهي باش تبدل..كمال سهى فيها وهو كيشوف فيها ملتحت لفوق..روبي تزنكات وحمارت هضرات بصوت تقيل:واش ماغانمشيوش
بتاسم وقرب باسها من وجها تاقفزات ورجعات اللور:يلاه نمشيو
خوا ليها طريق باش تسبقو تبعها وهو كيتأملها وهي قدامو مامتيقش ان هدي هي ملاك نزلو لتحت كانت نور وعلي جالسين ككيتفرجو..علي غير شافها بدا كيصفر ويصفق بيديه ونور كتنقز فوق الفطوي
علي وقف ومشا عند روبي:واش انا كنحلم ولا شنو .لالا وليتي ملااااك..وا تلفتلي عليا اشعبية
نور :واااااو وليتي زوينة بزاف 
روبي سخانة طلعات معاها:يلاه نمشيو
وخرجات وسبقاتو..كمال دار بتسامة جانبية شاف فيهم:ها حنا مشينا ديرو عقلكم
علي:ايوا شتي دابة رديتيني برهوش 
كمال:هههه لا لا..المهم هنا مشيت ماتقصروش بزاف
وخرج لقاها ركبات فطوموبيل ركب حداها شاف فيها بتاسم عاد ديمارا..كان واقع سكات من غير صوت الطموبيل ..حتى كتحس بيه شد ليها فيديها..بغات ترجع يديها اللور ولكن كان حاكمها 
كمال:هكا مزيان.تانتي غترتاحي لا تبدلتي
ماجاوباتوش بقات ساكتة حسات بيه باس ليها يديها شافت فيه وجرات يديها عندها بالخف..مافهماتوش..كمال ..وقف الطموبيل فالجنب وشاف فيها:واش مزال مابغيتي تيتوعبي اني راجلك
روبي:ولكن فتالي غنطلقو..علامن يسالي هدشي
بقا ساكت شحال:ملاك..ماعرفتش كي غنقولهالك لكن مابغيتش نطلقك..بغيتك تكوني مراتي ديال بصاح.تكملي معايا حياتك
روبي قلبها قفز بدا كيضرب بالجهد..حسات بيديه على فخادها:عارفك تانتي باغة باينة فعنيك غير ماقادراش تقوليها.خلينا نعيشو حياتنا بحال كاع ناس
روبي حسات بالتوتر شافت فيه وهي كترجف
كمال رجع شد فيدييها:كنواعدك عمري نأديك غنعوضك على حياتك لي ضاعت
روبي حنات راسها رجعات شافت فيه فاش باس ليها يديها
كمال:ملاك نساي لي فات وخلينا نبداو صفحة جديدة..مليت من هادشي
جرها لعندو وحط يديه على وجها:تانتي مليتي 
هزات راسها باه..بتاسم وطبع قبلة على خدها شوية سمع صوتها كتهضر بهمس:كمال انا خايفة ..خايفة نتصدم منك
عنقها:ماعندك مناش تخافي عمري غنأديك
علات راسها وشافت فيه بعويناتها:واعدني
باسها بوسة خفيفة على شفايفها:كنواعدك
حطات راسها على صدرو وهو ديمارا طوموبيل ويديه على شعرها كيحرك صبعانو وسطو..

وصلو قدام الدار تقادات فالجلسة وشافت فيه ...نزل وحل ليها لباب وشد ليها فيديها ونزلات بتاسم ليها وخشا يديها فدراعو ودخلو لداخل كانت حاسة ببالتوتر والحشمة زيرات ليه على دراعوو..غمضات عنيها ورجعات حلاتهم فاش سمعات صوت عماد وهو كيضحك عرفات انه اليوم ماغايتفاكش معاها
عماد:سجل يا تاريخ هههههههههه
خنزرات فيه باش يسكت
عماد:لا لا بزاف هدشي روبي ولات باربي ولعكار فلغوز ولكسوة وشعر ..كمال شمن فقيه مشيتي عندو باش بدلتيها
روبي وهي عاضة على سنانها:عمااااد سير تقود
عماد:هههه خسرتي ديكور بهاد الهضرة خليك انتيييك ..صراحة جيتي زوينة
كمال ضربو على كتافو:واش ماغاديش تسكت
عماد:هاهو ساكت
بقة ساكت ورجع طلقها بضحكة:ههههههه بزاااف والله
روبي يلاه اضربو وهو يهرب..ورجع وقف حداهم وبتاسم ليها :كان خاص نزوجوك شحال هدا..شغا نقولك ابنتي الله يفرحك..وليتي زوينة هكا حسن
وشاف فكمال:احم تسمحلي عنقها راها بحال ختي
كمال بتاسم وشاف فيها
روبس تلاحت عليه عنقاتو عنقها تاهو:نااري تيتيز معنقني 
بعدات عليه وهي كضحك
عماد:اجيو تشوفو لعرسان 
مشاو معاه تا وصلو لعندهم كانو واقفين وشي ضياف كيباركو ليهم..طاهرة دورات وجها وهي تشوف روبي :روبي هادي
روبي بتاسمات وقربات لعندها وعنقاتها:مبرووك عليك
طاهرة بدلاتها العناق:الله ببارك فيك
وبعدات عليها وهي متشوف فيها:ناري تبدلتي عليا جيتي كتحمقي
روبي:تاناي جيتي كتحمقي 
شافت فناصر وقربات لعندو:مبروك
ناصر بتاسم وجرها لعندو وعنقها:الله يبارك فيك. مبروك تانتي واخيرا😉😉
كتافات بابتسامة
كنال سلم على ناصر:الله يكمل بلخير مبروك عليكم
ناصر:الله يبارك فيك شكرا
كمال شاف فطاهرة:مبروك
بتاسمات:الله يبارك فيك

كانت نازلة فالدروج من بعد ما تاصل بيها وهضرات معاه..هو مسافر دابة عندو شي خدمة ضرورية مايقدرش يحدر للعرس وعاد الاجواء ماشي ديالو خصوصا وانهم دايرين عرس عصري وكيسربيو شراب..شافت كلشي مجموع كل واحد وفاش خايد..شافتهم من لبعيد..مشات فتجاهم بكامل اناقتها..كانت لابسة كسوة طويلة بلكمام كحل سامبل..وفوققها كاب طويل كلو كيبري مع حجاب فوق راسها وصباط طالو ومكياج خفيف..هاد لحوايج من تصاميم ديالها..قررات تبدا تصمم تا حوايج المحجبات تنوع شوية...كان كلشي كيشوف فيها خصوصا وانهم عارفينها كي كانت لباسها ديما معري..ماهتاماتش ولات مقتانعة بحياتها الجديدة رتاحت بزاف بهاد التغيير..وقفات حداهم وهي مبتاسمة:مبروك عليكم
سلمات على طاهرة وعنقاتها وسلمات على ناصر بليد
عماد:ها وحدا خرا جديدة سبحان مبدل الاحوال..كلشي كيتبدل..شكون كان يقول ملاك ولارا غيتبدلو شي نهار
ليلى:غير نت لي باقي مابغيتي تبدل ودير عقلك
عماد عنقها وباس ليها يديها:تا تبدلي نتي ..انا عاحبني لحال هكا نبقاو انا وياك هكا تا نشرفوو..ماكاين ماحسن من الضحك ..
ليلى عنقاتو تاهي
عماد شاف فكرشها:دابة تا ايلا بغينا نشطحو معاك كرشك اتبقة مديرونجايا المشكيلة هدي
ليلى:ههههه حيدها
عماد:تاهادي فكرة 
بقاو كيضحكوو
طاهرة الام فرحانة وهي كتشوف كلشي هو هداك :الحمد الله ربي كيدير غير لي فيه الخير
كان كيشوف فيها شوية وياكلها بعنيه. جات زوينة انيقة ولابسة قفطان بلدي .فلزرق.وشعرها كحل طالقاه دايرة ليه بوكلي ..شافت فيه وبتاسمات..أحمد ما كرهش دابة يهضر مع ناصر ولكن ماشي وقتو

داز الوقت 

كانت جالسة وحداها ليلى وجنات كيهضرو
طاهرة شافت فجنات:فين هو امين كاع مابان لي
جنات:ايكون عندو شي شغال ومشا يقضيه
شوية كتشوفو داخل من لباب
جنات بتاسمات:هاهو جا
شافوه وقف حدا ناصر وبداو كيهضرو شوية عنقو باينة كان كيبارك ليه
جنات وقفات ورجعات جلسات كتحس براسها ماشي هي هديك 
طاهرة:ياك لاباس مالك
جنات:لا والو غير لعية
طاهرة:ايوا رتاحي ليك شوية
جنات شداتها الدوخة ماقدراتش توقف بقات جالسة هزات كاس دلما وشربات منو
طاهرة بتاسمات فاش شافت الخدامات مهبطين لي بي بي شافت فناصر وبتاسمات عرفاتو هو لي ايكون طلبهم يهبطوهم..ماكانش يحساب ليها غيديرها..خصوصا فهاد الوقت نهار عرسهم ماهتمش بالهضرة دناس وصحافة لي حاضرة معاهم 
مشات ووقفات حداه ..خدات من لخدامة امونة..وهو شد يوسف وبدر بين يديه وشاف فيها وبتاسم 
طاهرة قربات لعندو وباستو من وجهو بحاليلا كتشكرو..فهمها :هادو ولادي ماكاين لاش نخبيهم..دابة ملي تزوجنا نقدر نفرح بيهم وندير ليهم سبوع
بتاسمات وهي اطير بالفرحة حاسة براسها غير كتحلم ..جا المصور وخدا ليهم صورة بخمسة
من بعد طلب منهم ياخد ليهم صورة جماعية..تجمعو كاملين ووقفو حدا طاهرة وناصر..طبعا غي لقراب..لارا وقفات بحدها شافت كل واحدة واقف حداها راجلها تمنات كون كان تاهو حداها..شافت فلكاميرا باش تصور حتى كتشهق فاش شافتو قدامها:يااسين
كلشي شاف فيها..بدون شعور مشات عندو وعنقاتو فرحات بزاف فاش جا بتاسم وعنقها تاهو علات راسها وشافت فيه:مزيان ملي جيتي
ياسين:علاش توحشتيني
لارا هزات راسها باه:اااه
الحاجة من موراهم:اجيو تصورو المصور كيتسنا
جراتو من يديه ووقفات هي وياه ويديه فيديها كلشي بتاسم للكاميرا وتصورو..الصورة لي جمعاتهم كاملين..باش يتفكروها واحد نهار

لارا شافت فياسين:قلتي ماغاديش تجي
ياسين:ساليت خدمتي وجيت قلت اتكونو ساليتو
لارا بتاسمات:اصلا سلاو بقة غير لعشا

ياسين طلعها وهبطها مزيان على لباسها لمستور ..
شوية جا وقت لعشاا..ناصر احتراما لياسين..هضر مع سيرفورا باش يديرو رجال بحدهم ولعيالات بحدهم..

داز الوقت دنيا بدات تخوة والخدامات كيجمعو روينة 
كمال شاف فروبي:نوضي حنا نمشيو
وقفات:اه يلاه
عماد:تا حنا
ناضو كاملين باش يمشيو مشا لحال..وصل معاهم ناصر تا لباب كل واحد ركب فطوموبيلتو ومشا 
ناصر دخل لدار شاف امونة ناعسة على صدر ماما وياسين هاز بدر وكيلعب معاه ولارا جالسة حداه وكضحك..ويوسف هازاه طاهرة الام مشا وجلس حداهم كيشوف فوليداتو وكيشوف فيها تاهي كي كبوس فأمونة مرة مرة
طاهرة:خاص ينعسو مشا لحال
طاهرة الام:غنعسهم معايا نتوما عييتو سيرو ترتاحو
طاهرة:لا غيعدبوك انا لي عارفاهم غا خليهم معايا
الحاجة:نوضي تهزي طلعي ترتاحي ونعسي 
طاهرة مامولفاش بولادها يبقاو بعاد عليها:ولكن..
قاطعاتها الحاجة:شوف لمعكسة لوخرا 
طاهرة اﻷم:غير نوضي ترتاحي ابنتي كوني هانية من جيهتهم ها المربية اتبات معايا نقابلوهم بجوج
طاهرة وقفات شوية وتبكي:واخة ولكن لابكاو بزاف جيبيهم ليا الله يخليك اماما
طاهرة الام:واخة كوني هانية
طاهرة عطات للمربية امونة :طلعيها تنعس 
المربية:واخة الالة
طاهرة شافت فناصر:ماغاديش تطلع ترتاح
ناصر:واخة هنا جاي
سبقاتو وطلعات لبيت بتاسمات لقاتو كلو ورد وشموع ملونين..وضو حمر خافت .وريحة دلورد..عجبها بزاف الجو..وقفات حدا لمراية حيدات لكسوة قنطاتها بقات بدو بياس..فكات داك تسريحة..ودخلات لحمام غسلات غير لحمها بالخف..وعطرات جسمها كلو..وخرجات قدات شعرها طلقاتو على طولتو بوكلي خفيف .ودخلات لبيت تبدال ماعرفاتش شنو تلبس جات عنيها على كسيوة كحلة عارفاه كيعجبو لكحل فاش كتلبسو..كانت لا سقة على جسمها بزاف قصيرة تحت فخادها..وفيها فتحة كبيرة جيهت صدرها باين بزاف..قدات مكياج خفيف...بقات كتشوف راسها فلمراية عجبها راسها..وجلسات كتسناه

لتحت
ياسين:دابة ملي رجعتي لدارك ولوليداتك..حنا خاص نمشيو براكة
ناصر:دغية سخيتي بينا
ياسين:الله يجعل لبراكة الخدمة سمحت فيها وصعيبة كل شوية نمشي من لهنا تا لتماك
الحاجة:نرجعو فساعت الخير ان شاء الله
ناصر:دار داركم مرحبا بيكم فأي وقت..ولكن يدوز نهار ديال سبوع وسيرو
طاهرة الام:ااه حضرتو معانا فالايام الخايبة خاص تحضرو تا فليام الزوينة
ياسين بتاسم:ان شاء الله
ناصر:تصبحو على خير انطلع نرتاح شوية
كلشي ناض وطلع لبيتو باش ينعس

حل لباب ودخل شافها جالسة وكتلعب فطليفون شد لباب وبتاسم ..هزات راسها وشافت فيه وهي مبتاسمة.ناضت ومشات عندو تعلات وباستو على وجهو..طلعها وهبطها لكسوة جات معها بينات تفاصيل جسمها جات متيرة بلا قياس خصوصا صدرها لبارز..دابة مابقة عندو تاشي عائق قدامو باش يقيسها كيف بغة ولات ديالو فلوراق وقدام ناس كلشي عرفها..ماقدرش يزيد يصبر قربها ليه ودخل معاها فقبلة عمييقة كيبوسها بكل احاسيسو ويديه كتسارا على جسمها لمتناسق..بعد عليها وبتاسم جرها من يديها وجلسها فوق النموسية وجلس حداها رجع شعرها لجنب لاخور وقرب وطبع قبلة على عنقها دافية تا طلعات معاها تبوريشة..وبعد وشاف فعويناتها رماديين كيبريو:بغيت نقول ليك شي حاجة..لا بزاف دلحوايج
كيهضر وهو كيلعب فشعرها لي كيحمقو..طاهرة حمقها بهاد الهدوء ديالو والحنان ديالو قلبها ولا كيضرب فلمية هزات راسها باه:واخة انا كنسمع

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.