كانت واقفة ومتكية على لحيييط وكتبكي وهي كتشوفو معاها حسات بقلبها كيتعصر ...تفكرات فاش كانت معاه كان كيلعب معاها بحالها ونفس الضحكة كان كيدير فاش كيكون معاها شافت راسها فبلاصتها ..تأكدات راه كان غي كيلعب بيها وداكشي كلو تمتيل ..قلبات الضورة وبقات غادة بالزربة وهي كتبكي شوية بدات كتجري وسط الشانطي بحاليلا هاربة كتفكر فاش شافتهم بجوج وهو ما كيضحكو وهو هازها وهي كتبوسو ..بحاليلا هي عمرها كانت فحياتو
طاحت فالارض وهي كتبكي وتسترجع فمخيلتها كل لحضة دوزاتها معاه وكل كلمة قالها ليها وواعدها باش مايسمحش فيها..تفكرات محجوب وخو غيتة ..هو بحالهم غير هو عرف يلعب عليها وتعطيه راسها بخاطرها..حطات يديها على كرشها وبدات تضرب فيها هي كتغوت وتبكي:الله يااااخد فييييك لحق كنكررررررررررررررهك
كانت واحد لمرا غادة جات وتحنات لعندها:نوضي ابنتي ماديريش هاد الحالة فراسك
ليلى شافت فيها وهي كتبكي:بغيييييت نموووت اخالتي
لمرة قطعات ليها فقلبها عوناتها باش تنوض:مزالة ابنتي صغيرة على هدشي
ليلى غي ساكتة وكتبكي
لمرا:داركم غي هنا
ليلى:انا غنمشي
ومشات وخلات لمرا واقفة وكتشوف فيها وهي غادة وكتبكي تنهدات بقات فيها
بقات كتمشى ودموع مزال فعنيها مابغاوش يحبسو حتى كتلقا راسها حدا دار دحنان ماعر فاتش كي دارت وصلات حيت لمسافة بعيييدة لقات لباب لبرانية محلولة دخلات وطلعات دقات لباب حلات ليها حنان لباب وتصدمات من حالتها:أويلي مالك
ليلى دخلات لبيت وتكات وهي كتبكي كانت حاطة يديها على كرها وكتقول مع راسها كون ماسمحش فيها كون ماخانهاش كانت اتكون فرحانة بهاد لبي بي مستحيل كانت تفرط فيييه عضات على لمخدة وهي كتبكي وتفكر صورتو هو وياها فاش شافتهم
نمشيو عند طااهرة
كانت جالسة فالساحة لكبيرة لي كيتجمعو فيها لمحابسية شافت فالصور شحال عالي ومن لفوق ديالو دايرين سلوكة ديال ضو باش تاواحد مايحاول يهرب ..حطات يديها على جنبها لي كيضرها شوية ملي كتحرك تفكرات ليلى فاش شافتها قاجة راسها وميتة ماتستاهلش داكشي لي وقع ليها بقات فيها مزال صغيرة..تفكرات ختها ليلى ندمات حيت جرات عليها هي باقة صغيرة وماعارفاش شكا دير قلبها كيتقطع علم الله كيرا حالتها دابة نزلات دمعة من عنيها كتحس براسها ضعيفة بزاف ويديها مربوطين..ماقادراش تعتق ختها ولا تعتق راسها...علات راسها وهي تشوف كريمة داخلة لساحة هي وشي بنات وكتخنزر فيها جمعات لوقفة ودخلات لداخل مابغاتش صداع معاها ماناقصاش
مشات لشومبر كان خاوي لي شافو مايقولش كيهز كتر من 100 سجينة ..كانت قنطانة من راسها بغات تدوش وتخفف عليها حلات ساك لي جابت ليها ليلى خدات فوطة وشي حوايج ودخلات لحمام شدات لباب وحيدات حوايجها ووقفات حدا لمراية كتشوف فراسها ضعافت بزاف ووزنها نقص ومن تحت عنيها ولاو زورق ووجها باهت نزلات عنيها لعنقها وهي تشوف لوشمة لي كان وشم ليها امين طلعات يديها وبدات دوز يديها عليها غي بشوية وغمضات عنيها كتسترجع دكرياتها معاه شي حاجة فلداخل ديالها مزال بغاه وتوحشاتو حلات عنيها بزربة مابغاتش تفكر فيييه حيدات من حدا لمراية ودخلات لدوش حاولات ماتقيصش الجرحة طلقات لما وبدات كتماصي فداتها بشوية وتفرك فشعرها مع شومبوان شللات شعرها وجمعاتو دارت صابونا وبدات كتشلل غمضات عنيها وهي تحس بشي يد كتحرك على لحمها بشوية تا هبطات للمؤخرة ديالها دارت قافزة لقاتها كريمة
طاهرة وهي حاطة يديها على صدرها:خرجييييييي تقودي
كريمة مبلوكية كتشوف فجسمها بكل شهوة :مايمكنش خلينا نفوجو شوية
طاهرة دفعاتها وبغات تخرج ولكن كريمة شداااها ولصقااها مع لحيط تا تضربات من جنبها لي مجروح غوتاات من كترة لوجع
كريمة بدات كتحسس ليها فجسمها وعنيها على شفايفها
طاهرة بقات كتشوف مع جنابها وهو يبان ليها واحد سطل دلقزدير دفعاتها بالجهد وهزات داك سطل وعطاتها بيه لرااس تا ضار لجيهة لوخرااا وشدات ليها راسها بين يديها وكتهبطو لتحت وكتطلع ركبتها نيشاان لراااس ..كريمة شداتها طيارة ودوخة..طاهرة دفعاتا تا تزدحات مع لارض وهزات السطل وخشاتو ليها فراسها ومشات لبسات حوايجها وكريمة طايحة فلارض سخفانة
طاهرة قربات ليها وحيدات سطل وجراتها لدوش حيدات ليها حوايجها وطلقات لما عليها شافتها بدات كتفيق وهي تولي تهز سطل وتعطيها لراس تا سخفات وخرجات من لحمام كتغوت:عتقوووو كريمة سخفانة فلحمااااام اجييو دغيااا
تجمعو لمحابسية ودخلو لقاوها فلحمام طايحة ودم كيسيل من راسها
طاهرة:دخلات دوش وطاحت واقلة لقيتها هكا
مشاو عيطو للكارديانات جاو هزوها وداوها لسبيطار لي فلحبس
طاهرة مشات جلسات فبلاصتها وتكات ترتاح شوية وكتدعي فنفسها تكون كريمة ماتت حيت داك ضرابي لي عطاتها ديال لموت
دازو ساعات
نمشيو لواحد لبلاصة بعييدة شخصية جديدة فقصتنا وايكون عندها دور مهم فالقصة
ربع ساعة دلمكانة وكان تماك حلو ليه لحراس باب طوموبيل ونزل دخل لداخل صداع ولهراج وشطيح بنادم ناشط وفوطكا ولويسكي كيتساراو فلكيسان على لكليان..كان دايز من حداه سيرفور ببلاطو عامر بلكيسان دلويسكي حبسو وخدا كاس وكمل طريقو وهي توقفو واحد خيتي شاف فيها وبتاسم:زين مزالة هنا
مشى للمسبح المغطى دخل لقاه تحت لما تلاح فوق رولاكس كيتسناه حتة كيشوفو خارج من لما :الزعيم
ناصر هز فوطة ومسح جسمة وجلس اونفاص معاه:شواقع
عماد:قول بعدة مرحبة
ناصر:عارفك جاي على شي حاجة قول راه بدا يجيني نعاس
عماد:كتفهمني شنو ندخل نيشان فلموضوع ولا نديو ونجيبو فلهضرة هههه
ناصر لاح عليه لفوطة:دوي فكني
عماد قلبها جدية:المهيم عاد كنت عند روبي محتاجا ليك
ناصر:مالها واقعة ليها شي حاجة
عماد:لا ماشي هي
وعاود ليه كلشي
عماد:نت لي تقدر دير هاد المهمة وهي طلباتني باش نهضر معاك ..ماتخويوش بيها
ناصر بقا كيفكر:صافي واخة..ارالي لمعلومات كلها ..وغدا يكونو عندها لبنات
عماد وقف:ادن نوض انا ونمشي بحالي
ناصر:بحال داكشي
عماد: القصة نُسِخت من قصص مدرب.. هههه ماكتعرفش شي حاجة سميتها صواب
ناصر:سير سير
عماد خرج وهو كيضحك ركب فطوموبيلتو وكسيرا شاف فساعة كان مشا لحال باش يمشي عندها قرر غدا فصباح يمشي عندها هي اللولا
نمشيو عند ليلى
وفاء كانت دايرة ليلة دجدبة (الجدبة هي الليلة لي كيتجمعو فيها لمجدوبين...كيحيروو..ناس لي فيهم لالة عيشة.وماليكة..الخ...انا شخصيا ما كنأمنش بهادشي ...غير هاد البارت خديتو من واقع شتو وسمعت بيه انحاول نقلو ليكم تعرفو عليه كتر كنأكد غير نبدة من الواقع بغيتكم تعرفو عليه ماشي باش نلعب بدماغكم راه بحالي بحالكم...طبعا كاين الجن مذكور فلقرأن الكريم..والجن كي كتعرفو بامكانو يسكن بنادم ...ولكن واش كاينة عيشة ومليكة...الله اعلم)
ليلى كانت جالسة بعييد وهي كتفرج ...بنات وعيالات كيحيرووو على انغاام عيسااوية المعروفة...جايبين عيساوة خاصين ببحال هاد الليلات حيت ماشي اي واحد كيعرف لدقة وطبلة ديال الجدبة ..وماشي اي واحد كيفيق سواكن ..ويخلي لمسكون يفقد سيطرة على داتو ونفسو ويترخة ويمشي مع الدقة
ليلى كتشوف فناس كي كيجبدووو ويحيروو بشعرهم ..الاجواء كانت مضلمة من غير نور الشموع لخافت ملون ..اللون لحمر طاغي على المكان...وريحة لحنة و لبخور عاطية بجميع انواعها ...وعيساوة كيضربووو وكيجهلوو سواكن حتى كيبداو يغوتو ويطيحو وينوضو ويفركلو فلارض ...ليلى منضرهم خوفها خصوصا فاش شافت وحدة هازة زيزوار وكتشرط فيديها..غمضات عنيها من المنضر.....ماشي اي واحد مسكون هو لي كتشدو جدبة ويبدا يحير....حتى داك الشخص لي كيكون قلبو طايب عامر..ومهموووم ودنيا قدات عليه...تاهو كيجدب كاين لي كيرتاح بهاد الطريقة ...لدرجة انهو كيخصص نهار فكل عام خاص بالجدبة كيدير ليلة حاضرين فيها عيساوة ويجدب حتة كيرتاح...ويكمل لعااام عادي....
حنان جلسات حدا ليلى:نوضي خوي قلبك
ليلى:كيفاش
حنان:نوضي حيري باش ترتاحي وتفاجاي...هادو لي كتشوفي راه ماشي كلهم مجدوبين لا فيهم لي مغبون..وجاي يتفاجا....هادو راه خلصووو باش دخلو لهاد الليلة حطو اموال صحيحة..شتي داك مولات لزرق..راه راجلها لاباس عليه عندو شاركات وديوور..وكتجي فكل عام تحضر لليلة تفاجا واخة مامسكوناش...وهاديك لي حداها مرات قاضي ساكناها عيشة تاهي كتجي تحضر ليلاات..وكتحطهم صحاح
دااز لوقة وجات نوبت طاهرة هي وداك لبنات...بداو بداك لبنات هوما لولا ..كانت اول جلسة وقفو قدام لقاضي طرح عليهم بزااف دلاسئلة وهوما نكرو كلشي...قصح لهضرة معاهم او واخة هكاك ماعتارفو بوالو..لقاضي عرف انهم ماغيعتارفو بواالو خاص مزاال يتمرمدو مزيان عاد يعتارفو بسيف عليهم ....أجل ليهم لجلسة جاية وطول فلمدة ..خلاها مداولة...من دابة شهر عاد تكون لجلسة تانية بااش نيت يمرمدوهم ويعدبوهم مزيان...خرجوهم وجات نوبة طاهرة...وقفات قدام لقاضي وهي كترجف ...لقاضي خدا لملف ديالها قرااه...بما انو هي عتارفت وجميع دلائل كدل انها هي لي قتلات للدفاع عن النفس وماكاين تاشي عائق ولا شي لغز فلقضية كلشي باين
لقاضي تنحنح وضرب بلمطرقة:لحكم نهائي فقضية طاهرة علامي المتهمة بقتل محجوب ولد فلان...15 لسنة ..قابلة للاستناف
طاهرة شهقااات غا شهقة وهي مصدوومة 15 لعااام قليلة غا بلفم ...كيفاش غدير تصبر فداك لحبس كيفاش غدير تعيش مع كريمة 15 لعام يا اما تقتلها ولا كريمة تقتلها...بدات كتبكي جا سكيرطي مينطها وخرجها هبطها لتحت رجع مينطها مع نفس لبنت وركبوهم فلفاركونيط هوما وشي جوج دبنات اخرين وكسيراااو نيشان للحبس
عند ناصر
كان فلمكتب ديالو حتى كيدخل عندو واحد من رجالو:سي ناصر درنا داكشي لي قلتي راهم دابة تابعينهم غير يلقاو لوقت المناسيب غيهجمو على لفاركونيط ويخرجو لبنات
ناصر:أكد.عليهم باش مايوقع تاشي غلاااط..وعلموني ملي تساليو
عند ليلى
كانت كتسنة فواحد لغرفة من بعد ما لبسوها كسوة طبية ...كانت اتموت بلخلعة..حتى كتدخل عندها لمرا لي غتاخد لجانينن جلسات حداها:ماتخافيش ماغيوقع والو كلشي ايدوز مزيان ان شاء الله نتي مزال صغيرة ..ربي دابة يعوضك...ولكن انا هدي هي لفرصة باش يكون عندي شي بي بي فكرشي ..شكرااا بزاااف...كنواعدك غنتهلا فيك كوني هانية..لي طلبتيها انا نفدها
ليلى غي ساكتة وخايفة
جات الممرضة:تفضلو معايا لغرفة لعملياااات
ناضو ودخلو للغرفة
الممرضة:انسة ليلى غنضرب ليك واحد لبرا قبل لبنج باش لبي بي مايوقع ليه والو ..ويترخااا وسط رحيم باش مانلقاوش صعوبة فاش نهزوه من وسط اارحيم..امم هاد الشوكة غدير ليك شوية دلحريق فكرشك غير تحسي بيه قوليهااي باش نضرب ليك شوكة دلبنج
ليلى كتهز راسها بواخة..وضربات ليها الشوكة
الممرصة:خاص نتسناو على لاقل نص ساعة دلماكنة علامن يبدا لمفعول
وجلسو كيتسناااو
عند عماد
يلاه وصل لحومتها نزل من طوموبيل ماعرفش كي يدر يخرجها من دار لحل لواحيد هو علي..مشا دق عليه فدارهم جاوباتو مرات عمو طلات عليه من الشرجم:ااه سي عماد اصبار هنا نكلم ليك علي
عماد:واخة
شوية وهو ينزل عندو..علي تلاح عليه عنقووو:فيين غبرتي اصاحبي حساب لي نسيتينا
عماد زاد تعصب فاش عرفها هي نفسها داك لبنت ..كيهضر على سنانو:كلميلي ليلى قلها تهبط
حنان غتموت بلخلعة:ليلى ماكاينااش
بلا مايجاوبها دفعها وجرها من يدييها:زيدي نشوووفو واش ماكايناش
كان مجرجرها فالدروج وهي كتغووت:رخييي منييي وجعتيني
عماد غوووت:هدي هيي داار
علات راسها باه
.ودفع لباب برجليه ودخل كيعيط بسميتها:ليلللللى
وكيقلب فلبيوت ..شقلب دار بتقلاب تا تأكد راها ماكاينااش..ضار عند حنان وشدها من عنفقها ولسقها مع لحيط وزيير:أتقوووولي فين هي ولا والله تا نفرشخ مك هناااا..
وغوت تا قفزاات:دووووووي
حنان كتبكي:ماعارفااااش ..خنقتيني
زااد زير تا بدات كتشهق وتحاول تنفس ويديها على يديه باغة تحيدها حمارت وصفارت روحها اتخرج بدات كضربو ليديه باش يرخي...هو رخف عليها:أتدوي
هزات راسها بااااه
رخا منها وهي طاحت فلارض كتكح هو شاف واحد لكرسي جابو وجلس حداها:أنبقاااااو هنااا ولا شنو
عماد مافاهم والو شدها من شعرها ووقفهااا حاجة وحدة لي باغي يعرف ليلى فيين دابة:اتشدي داك لفم ولا نهرسووو ليييك...زيدي وريني فين هو هاد الطبيب
وجرها معاه هبطو وركبو فطوموبيل..علي مافاهم واالو..عماد كسيرا بالجهد من بعد ماعطاتو عنوان طبييب
عند طاهرة
طريق كلها وهي كتبكي كيفاش ادوز 15 لعام دلحبس صعيبة بزااف ماكرهاتش تقلب بيهم لفاركووو وتمووت...كانو غاديين تا وصلو لواحد لبلاصة خاوية
هوما كانو عارفين الطريق لي غيدوزو منها سبقوهم وحاسبين حسابهم لكلشي..واحد من الرجال سمع لهضرة فجهاز لاسلكي:راهم قربووو وجدو راسكم ..كاينة فاركونيط وعاد طوموبيل دلبوليس موراهم
وجدو سلاحهم وكل واحد عارف شكا يدير...غير سمعو صوت لحديدة كلشي هز سلاحو وقبل توصل لحداهم تيراو فروايد
لفاركونيط بقات غادة وكتلعب فطريق روايد تفشوو..طاهرة علات راسها طلات من الشرجم شافت شي رجال ملتمين مخرجين راسهم من الطوموبيل هووندا كحلة وفيديهم سلاح وعاد شي وحدين على رجليهم نفس الشي..شداتها لخلعة مافاهمة والو طموبيل كتهز بيهم بحاليلا غطيح غمضات عنيها وهي كتسمع صوت الرصاس بالجهد وطموبيل شوية وتقلب بيهم بقات كتدعي ربي يعاونهم
كانو جوج طوموبيلات عامرين برجال ناصر كلهم لابسين لكحل وملتمين ومسلحين قدرو يسيطرو على الوضع وبما ان ناصر موصيهم باش تاشي حد مايموت ..فما قتلو تاواحد اضطرو يتريو فيهم ولكن غير فدراعهم ورجليهم
طاهرة حسات بلفاركونيط وقفات وشيفور كيغوت بحاليلا كيدابز مع شيحد شوية تقطع حسووو..تا صوت رساس مابقاش يتسمع وقع لهدوء علات راسها كتشوف فلبنات...واش خايفين تصدمات مبتاسمين ..الا دوك جوج لي تزادو عليهم تاهوما خايفين وكيبكيو..شهقات فاش تحلات باب لفاركونيط بالجهد وواحد فيهم هاز شي تصاور فيديه كيشوف فيهم وحدة بوحدة :زيدو نتووما
هوما فهمو راهم ناضو باش يهبطوو...طاهرة اضطرات تنزل معاهم حيت كانت مينطا مع وحدة فيهم
بقا كيشوف فيها:هادي معاكم
بتلاتة:لا غير مينطوها معانا
جبد السلاح وهو قاصد الطاهرة..طاهرة بلعات ريقها خايفة بزاف صافي غادي يقتلها قرب ليها وبدا يقاد سلاح فيديه وهي تغمض عنيها وبدات تشهد فخاطرها..شهقاات فاش سمعات صوت رصاص بقات كتسنة طيح فلارض ولا تحس بلحريق ساعة والو حلات عنيها بشوية لقاتو تيرا فلمينوط تنهدات بصوت مسموووع
الراجل قرب ونزل دوك جوج بنات:بغيتو تهربو هربووو داكشي شغالكم
وفاء شداتها وبدات تعنتت معاها باغة تبنجها وليلى كتغوت ماباغاش..حتى كتغوت لمراا :بعدييي منهااااا ...راه منزد حقها ترفض...هذاك راه ولدها قطعة منها انا حاسة بيها حيت تا انا باغية لولاد ...صافي خليها تمشي بحالها ..مامكتابليش نجيب لولاد
وفاء:ولكن
قاطعاتها:راااني هضرت ..سيري لبسي حوايجك وخرجي من لهنا وتهلاي فل بي بي
ليلى مزال خايفة هزات حوايجها ولبساتهم
الممرضة:ماهدخاسكيش تحركي بزااف ولا ديري شي مجهود حيت ضربنا ليك شوكة لي خلاتو يترخا من بلاصتو اي حركة ماشي هي هديك ايطيح ولحريق ايزيد يجهاد خاص دوز علاقل 3دساعات
ليلى هزات راسها باه وخرجات باغة غي فوقاش تبعد من طبيب خايفة يتنادم معاهم لحال ويشدوها...كانت غادة ولحريق كيجهاد..شدات فكرشها وهي كتبكي ماعارفاش فين تمشي خرجات من سبيطار ودارت من واحد جيها وبقات غادة غي بشوية كل خطوة كدير كيضربها ضو فكرشها
عماد وصل لطبيب ونزل كيجري دخل لصبيطار وحنان وعلي تابعيينو..دخل وبدا كيغوت:فييييين هي ليلى.
تجمعو لاطباء والممرضات وهو كيدفع فيهم بحال شي تور:ليلى فين هي
وفاء كانت جاية هي وديك لمرا والممرضة
الممرضة:شنو وااقع
شنق عليها:ليلللى فين هي
الممرضة خلعها:واش ليلى علامي
غير عرفها عرفاتها زاد زير عليها:دويي فين هي
جات لمرا وهي كتفكها من بين يديه:رخي منها انا غنقول ليك
رخا منها وشاف فلمارا:فيين هي
لمرا:انا لي كنت اناخد من عندها لجنين وفاخر لحضة رفضات ونساحبات ماقدراتش ديرها.. تم النسخ من قصص مدرب.. ماقدراتش تفرط فولدها
كان غادي كيجري ورجع عندها تاني:مأكدة ولدي ماوقع ليه والو
بتاسمات:لاا غي سير دغيا وتهلا فيها
هز راسو باه ومشا كيجري باغي غير فوقاش يشوفها يعنقها ويطلب منها سماحة ويديها معاه وعمرو يولي يبعد عليها غير كيتفكر راه هي حاملة كيبتاسم..ركب فطوموبيل وحداه علي وكسيرا غادي بشوية وكيدور كيفدقلب بعنيه عليها عارف اتكون غير هنا ماعندها فين تبعد
عند ليلى
كانت غادة ماقدراتش تستحمل لحريق وقفات تكات على واحد لحيط ترتاح شوية ويديها على كرشها ماندماتش حيت ماطيحاتوش اتقاتل مع زمان وتربيه غي بوحدها وقررات تنسا شي حاجة سميتها عماد واخة صعيبة عليها..بتاسمات فاش شافت شتا بدات كطيح...كتعجبها شتا دصيف .مدات يديها باش تعمر بلما ديال شتا كانت مغمضة عنيها ومستمتعة بشتااا ...حتى كتسمع شي اصوات حداها حلات عنيها كانو تلاتة دشماكرية
واحد فيهم:شوف زين واقف بوحدو..
تاني:وتاتك شتاا ازين ناقصك غي انا
تالت:هههههه اديرونا حب تحت لمطر
بقاو كيضحكو
هي حنات راسها وتمات غادا وهو يشدها واحد فيهم من دراعها:زين فين غادة باقي مادوينا
قرب واحد بغا يبوسها بالسيف بقات كدفعو وهو كيجرها تاتنترات منوو وطاحت فلارض وغوتااات شدها لوحع بزاف فكرشها بقات كتغوت وكتبكي
شافو فيها وشافو فدم لي نازل منها من لتحت خافو ومشاو كيجريو
ليلى كتقطع بلحريق وكتحس بشي حاجة سخونة هابطة منها خافت بزاف وبدات تغوت وتبكي ربي لي خلقها مابغاتش ولدها يطيح مابغاتوش يمووت..حاولات تنوض شدات فلحيط او وقفات نزلات راسها لتحت وهي تشوف الدم هابط وحوايجها كلهم دمايات تا صندالتها غرقانة بالدم ومع شتااا دم ولا سايح فلارض ولحريق كيقطع فيها شهقااات وحطات يديها على فمها وهي كتبكي:لاااا ياربي ..مابغيتوووش يموت ..لا لا ..ياربي ماعاوني يااربي
بقات كتمشا بشوية باش ترجع لطبيب قربات توصل وهي تشدها الدووخة ودنيا كدور بيها حاولات تكابر اووو واالو ترخاات ورجليها فشلوو عليها غمضات عنيها وطاحت فالارض سخفانة ودموع فعنيها
عماد تعصب مالقااهاش خاف تكون وقعات ليها شي حاجة ولا ما يلقاهاش وعمرو يولي يشوفها...قلب الضورة بالجهد ومشا يقلب مور سبيطار ...كان غادي بشوية وهو يشوف تلاتة دراري غاديين كيجرو جاه احساس خايب بقا سايق بشوية وعنيه على الطريق ..حتى كيلمح شي حاجة طاايحة فالارض قرب وهو خايف من داكشي لي فباالو حتى توضحات ليه صوورة تصدم وقف الطوموبيل بالزربة ونزل كيجري تلاح حداها فالارض وهو كيغوت بسميتها وعلي موراه مصدوم تاهو ....
عماد ولا كي شي حمق كيضرب ليها على وجها ويبعد الشعر لي مغطيييه:ليلى هناااا جيت صافي فيقي عمري نولي نمشي ونخليك كنوااعدك غي فيقي
شاف لتحت كانت غارقة دمايااات زاد تصدم شاف فيها كلها كترجف وداتها سخوونة بزااف ..بدون شعور بداو ينزلو دموعو خايف بزاااف توقع ليها شي حاجة هز راسها بين يديه وعنقها :ليلللللى سمحيييلي عفاااك...هنا جيييت ..ليللللى
هي ماكتجاوبش هزها بين يديه علي حل ليه باب طوموبيل وركبها اللور ومسح ليها على وجها وطبع بوسة فجبهتها..ومشا كيجري ركب وكسيرا بالجهد نيشان لسبيييطار
غير وصل هزها ودخل بيها وبدااا كيغوت باش يجيو دغيا جابو لبياص وركبوووها:رااهااا حاااملة عتقووها
كان شاد ليها فيديها وهوما داينها تا دخلوها لغرفة الطوارئ ويديه ترخات من يديها بقا واقف ومصدوووم وكيلوووم راسو كيقول هو سبااب ..ولكن راه ماشي لخاطرووو ماحسابليهش ايوقع هدشي كلووو كان ناوي غير يرجع يتزوج بيها..تكا على لحيط وهو كيتسنا الطبيب
داز الوقت
وهي تخرج عندو طبيبة
مشا عندها كيجري:شنووو
الطبيبة وعلى وجها اليأس:للاسف ماقدرناش نعتقو لجنين كان فات لوقت ..سمحليا ربي يعوضكم ..هي دابة تحت تأتير لمخدر ونفسيتها عيانة بزاف خاص ملي تفيق تعرف كي دير تقولها ليها..بامكانك تدخل تشوفها
ومشات وخلاتو واقف مصدووووم نزلات دمعة حارة من عنيه..عماد.طبعوو حنين بزااف..قلبو بيض وضريف بزااف..واخة ملي كيتعصب كيو لي خايب بزااف ..تنهد ودخل عندها شافها فوق النموسية ولاجهزة ضايرة بيها..مغمضة عنيها قرب لعندها وهو كيتقطع من لدااخل..كان فرحان حيت ايكون عندو ولد منها شد ليها فيديها وباسها :سمحيلي عفاك ماقدرتش نجي فلوقت لي كنتي محتاجاني فيه
وسكت وهو معنق يديها فتالي رضا بقضاء الله وقدره وحمد الله انها هي عايشة وربي دابة يعوضهم بواحد اخوور
عند طاهرة
وصلو لوااحد الديبوو نزلوهم وداوهم جلسو فواحد.لجليسة كاينة تماك عبارة على ربعة دلفوطوي وسط ديبو كبييير..
طاهرة شافت فالراجل:بغيت نمشي لحمام
نعت ليها وناضت مشاات
شوية وهي تدخل طوموبيل جيب كحلة عالية مشاو لحراس كيجيرو حلو ليه لباب ..نزل بكل تقة ونزلات من جيها لوخرا روبي
الزعيم وهو كيشوف فلبنات ورجع شاف فرجالو:ماوقع تاشي مشكل
واحد فيهم:لا سيدي ..غير واحد لحاجة بسيطة
الزعيم:شنو
كمل هضرتو:كانت معاهم واحد لبنت طلباتني ورغباتني باش نجيبها معانا مابغاتش ترجع للحبس
الزعيم:وعلاش كتصرف من دماااغك
الراجل:سمح لي اسيدي ..هنا نرجعها منين جات
روبي:لا خليها دابة نشوف قصتها مافيها باس نعاونوها..فين هي
الراجل:راها فلحمام
الزعيم:أنا مشيت هاهوما رجال معاك لا حتاجيتي شي حاجة
روبي:شكرا
هز يديه بمعنى ماشي مشكل
يلاه ايركب فطوموبيل و هي تخرج من لحمام علات راسها فيه..كان ملتم تاهو ولابس كلشي كحل بقات حاضياه وهو كيركب وكسيرا بالجهد وخرج من الديبو
روبي شافتها:هادي هي لبنت
لبنات:اه هي
روبي مشات ووقفات حداها كطلع وتهبط فيها:شنو سميتك
طاهرة بقات ساكتة شحال:صوفيا
روبي :اه...لاش بغيتي تجي معاهم
طاهرة:مابغيتش نرجع للحبس
روبي:شنو درتي
طاهرة حسات براسها فلكوميسارية:قتلت
روبي علات حاجبها:اها.عاوديلي هنا كنسمع
طاهرة:قتلت راجل ماما لقيتو كيتعدا على ختي بغا يغتاصبها
روبي بقات كتشوف فيها:شحال حكمو عليك
طاهرة:15 لعام
روبي :اهااا
روبي سكتات وهي كتشوف فيها شافت فعنيها الصدق سهات وهي كتفكر فلماضي ديالها فكراتهاا فراسها:المهيم شنو باغة ديري
روبي رجعات بلكرسي اللور وهبطات على لكاس فدقة:كي كتشوفي هدا لكازينو ديالي وماشي غير كازينو عادي ماشي اي واحد كيدخل ليه ..هاد لكازينو كيوقعو فيه بزاف دلحوايج لي خاصهم مايخرجوش من لهنااا...اسرار وهضرة كتقال خطيرة..يعني خاص تكوني صم بكم 🙈🙉🙊...تاني حاجة كاينين هنا بزاف دلبنات خدامين كاينة لي كتشطح كاينة لي كتغني..كاينة لي كتنعس😉...كاينة لي كتسربي ..وسربايا كاينين بزااف...باش نختاصر عليك...ختاري خدمة من هاد لخدمات..حيت مايمكنش تبقاي غير جالسة....من غير سرباية ..
طاهرة :كيفاش
روبي:كي سمعتي هنا بلاصة دلخدمة ومهما انكي زعمتي وهربتي من الحبس..خاث تزعمي وتختاري وحدة من هاد لخدمات..او داابة..حيت ماكاينش الوقة
طاهرة حسات بيها زربات عليها كيفاش تختار..المشكلة تاوحدة من دوك لخدمات مامشرفة ماتقدرش دير شي وحدة فيهم..لا كانت اتشطح اتشطح قدام رجال وهوما ايبقاو يشوفو فيها بشوفات مسخة...لا كانت اتغني نفس الشي...وهي مستحيييل تنعس مع شي حد مايمكنش بلعات ريقها وشافت فروبي لي كتشوف فيها وكتسناها تجاوبها:قلتي سرباية لا
روبي علات حاجبة:لا
طاهرةة بقات ساكتة..حاجة وحدة كتعرف ديرها شافت فروبي:صافي نغني
طاهرة كيفاش اتغني فهاد الوضع بقات كتفكر شغا تغني كلشي تلف ليها تا صوت مشا ليها..ولكن خاص تحاول لا بغات تبقا هنا سهات وهي تفكر اغنية كتعجبها حاولات تخلي صوتها طبيعي وزوين فالمسمع:احم احم..
يا مرايتي من كم سنة لليوم
قد ايش تغيرت؟
يا مرايتي من كم سنة لليوم
انا كم مرة خسرت؟
يامرايتي ياللي بتعرفي حكايتي
انتي بتعرفي شو شفت
وبتعرفي
من شو خفي
كم مرة بوجهك وقفت
قلتلك هيدي نهايتي
يا مرايتي ياللي بتعرفي حكايتي
زهئانه من كل الدنيا
تعبانه مدري شو بني
كل يوم عم عيشوا سنه
معئول هيدي نهايتي؟
يا مرايتي شو ضيعت شو لئيت
وشو باقي فرص
يا مرايتي
قلبي تعب عن جد
من كل القصص
يا مرايتي
ياللي بتعرفي حكايتي
مقهورة من غدر البشر
مهمومة قاتلني الضجر
في جروح عم تترك أثر
ترسم طريق نهايتي
يامرايتي
ياللي بتعرفي حكايتي
مجروح قلبي وما جرحت
ع جروح قلبي تمرجحت
من يوم يومي ما فرحت
قولي لي وين بدايتي؟
طاهرة كانت كتغنيها عاشت مع الاغنية لدرجة دموعها نزلو.. تم النشر على 9isas modareb.. حسات بكل كلمة كتقولها كتقصدها هي وحياتها لي دوزات..غناتها من كل قلبها وهي كتسترجع حياتها مع الاغنية
روبي سهات هي تانية لكارو لي فيديها طفا وهي مركزة مع الاغنية والصوت.. مشات تاهي وسط دكرياتها تاهي حسات بالاغنية لامست جزء منها ..فكراتها فماضيها وحياتها لي مشات ...حسات على راسها فاش حسات بطاهرة سلات الاغنية شافت فيها لقاتها كتمسح دموعها ناضت ووقفات حداها:تعدبتي فحياتك
طاهرة:خديت ناصيبي من مرارة دنيا
روبي:صوتك زوين وحنين كيطرب ..صالحة ..وحنا ماعندناش مغنيات عندهم بحال هاد نوع دالصوت ..ولكليان كيبغي يسمع شي حاجة رومانسية وحنينة ..ادن وجدي راسك غدا اتبداي وجدي تلاتة دلاغاني يكونو زوينين رومانسيين باش غدا اتبداي ديري تدريبات مع الفرقة الموسيقية..ودابة تبعيني نوريك فين اتبداي تنعسي
هزات راسها بواخة وتبعاتها هبطات معاها للكاب لتحت فالمصعد بقاو غاديين مع الكولوار..تا حلات واحد لبيت دخلو ..طاهرة بقات كتشوف ..بيت زوين كبيير وفيه ناموسية فوق نموسية وحيوط مصبوغين بلغووز ورمادي ومعلقين تصاور مغنيات ومغنيين وعاد تلفازة بلازمة كبيرة معلقة فالحيط..لبنات غير شافهم وقفو وتجمعو عليهم:ختي روبي على سلامة غبرتي علينا ليوم...شكون هدي
كلشي كيسول على شكون هي طاهرة
روبي:هدي صوفيا لبنت جديدة لي اتخدم هناا..كمغنية..شوفو ديرو ليها بلاصة..وعطيوها شي حوايج تدخل دوش وخليوها ترتاح.باش غدا تبدا خدمتها
حلات عنيها على صوت لبنات كيضحكو ويهضرو غير شافوها حلات عنيها كلهم قالو ليها صباح لخير وهوما مبتاسمين ردات ليهم بصباح النور ناضت غسلات وجهااا وجلسات حداهم كيفطرو نقبات شوية وبداو كيتعارفو كل وحدة وشكا تقول على راسها ..هي قالت ليهم غي سمية وصافي..صوفي..وهما حتارمو صمتها بحجة باقي جديدة...جا مورها واحد من الحراس باش تبدا التدريبات تبعاتو ودخلو لواحد ستوديوو كبيير فيه جميع الالات الموسيقية وقفات عجبووها تفكرات ختها فاش كانت كتقولها شي نهار اتولي مغنية بتاسمات ونزلات دمعة من عنيها توحشاتها بزاااف ..خاص تريكل اومورها وتجيبها عندها ماتخليهاش بوحدها ..ولكن قبل خاص تطمن عليها وتدوي معاها..قررات تادوز هاد الليلة وتضمن بلاصتها وتهضر مع روبي على ختها مستحيل تهنا تاتجيبها عندها
سمعات صوت واحد من الفرقة:ختي اجي باش نبداو التدريبات..اول حاجة شنو هوما لاغاني لي غتغني
بقات كتفكر ...ختارت تلاتة دلاغاني وبداو يتدربو عليهم ماكانت كتعرف كيفاش تعامل مع الموسيقى شوية بشوية علموها تابدات كتطلق
عند روبي
كتهضر فالطليفون:اجي شرب معايا كاس ونيت باش نهضرو فهاد الموضوع ..بما انو الاجتماع غيدار هنا فلكازينو فاخاص ندويو فيه..ياك ازعيم
تنهد:صافي هاد الليلة ندوز
روبي:نخلييك دابة بسلامة
ناصر:بسلامة
وقطع وكمل لوراق لي فيديه
عند ليلى
حلات عنيها بالشوية هاد لمرة فاقت وهي عارفة اش كاين غير حلات عنيها بداو ينزلو دموعها ..عنيها طابو بلبكة..حطات يديها على كرشها وهي كتبكي...ندمات حيت كانت باغة طيحو..ومن بعد ولات باغة تبيعوو..حسات ان ربي كيعاقبها على سوء أفكارها..كانت باغة تفرط فكبدتها طرف منها ..زادت كرهات عمااد كتقول هو لي وصلها لهاد لموااصل هو لي خلاها تفكر بديك الطريقة...مسحات دموعها وناضت بشوية كتحس بلحريق مزال فتحت كرشها كيقطها واخة هكاك صبرات..نزلات من فوق النموسية باغة تمشي بحالها مابغاتش تشوفوو..كانت لابسة لكسو وطبية وشعرها مخبل فوق كتافها وعنيها شلال بدموع..تمشات بشوية وهي مكالية يديها فلحيط حلات لباب وخرجات بخطوات تقال ..
بقات غادة مع لكولوار ..سمعات صوت بي بي صغير كيبكي علات راسها كانت واحد الام شاداه بين يديها واباينة عاد ولدات ودابة خارجة من سبيطار ...كان راجلها شادها من يديها وغاديين كيضحكو وكيسكتوو فل بي بي فرحانين...تكات على لحيط وهي كتبكي...كون ماوقعش هدشي كامل..كون تاهي من دابة تسع شهور هازة ولدها بين يديها وخارجة من سبيطار وعيماد شاد ليها فيديها وفرحانين..بقات كتبكي بحرقة على ولدها لي مشا...وحياتها لي ضاعت وختها لي دخلات بسبابها لحبس...حسات بلقهرة..رجليها فشلو عليها تاطاحت على ركابيها وهي كتبكي
كان داخل لطبيب مشا لبيتها مالقاهاش بغى يحمااق خرج كيجري كيقلب فلكولوار..حتى كيشوفها طايحة فلارض وكتبكي..مشا كيجري لعندها تحنا لعندها :ليييلى نتي لابااس مالك شنو واقع
شافت فيه بعينيها دامعين:كنكرهك سير بحاالك ..لي فيا كافيني
مسح ليها دموعها وقرب باس ليها راسها:سمحيلي
تنترات منوو:ماتقصنيييييييش..بعد مني
ماداهاش فيها هزها بين يديه وهي كتغوت ودخلها للغرفة حطها فوق النموسية وهي مزال كتقول كنكرررهك...شاف فيها:كرهيني شحال ما بغيتي..ولكن كلشي غيدووز
وخرج من الغرفة وعيط للممرضة تمشي تشوفها
دازو ساعاات
كان برا لغرفة كيدوي مع طبيب
طبيب:صافي بامكانها تخرج غي خاص تاخد راحة ماتعصبش وما تعبش .خاص الاهتمام
وجلس كيتسنا خايف يدخل لعندها تعصب تاني بقا جالس حدا لباب...حتى كيجي شيفور فيديه ساشيات دلحوايج..خداهم وعطاهم للممرضة باش تدخلهم ليها وتلبسهم باش يمشيو
دخلات الممرضة عندها عاوناتها باش تلبس
عماد مشى خلص الطبيب ورجع دخل عندها لقاها جالسة وعاطاه بالضهر كتشوف فالشرجم نزل عنيه لكرشها لقاها حاطة يديها عليها ..عرف انها صعيب تنسى داكشي لي وقع...قرب لعندها وهي ساهية ماحاساش بيه..جلس حداها وبقا يشوف فيها...وهي فعالام ااخوي..حتى كتحس بيديه فوق يديها لي على كرشها:ماتفقصيش راسك
غير سمعات صوتو تنترات وشافت فيه:قولت ليك مابغيتش نشوووفك..واش ماكاتفهمش
تنهد بصوت عالي ماكيستحملش تدوي معاه بهاد الطريقة ماباغيهاش تكرهوو بغى يشد ليها فيديها وهي تنوض :انا غنمشي بحالي ..كل واحد يعيش حياتو كيف بغى ...بعد مني
هو غير كيشوف فيها..هي ضارت باش تمشي يلاه حطات يديها على لبواني وعو يشدها ويلصقها فلحيط بالجهد:ليلى كوما وقعوليش شي مشاكيل عمري كنت نسمح فيك..انا..
كتهضر وهي كتحاول تبعدو عليها وهو مزير عليها:ماعندك فين تمشي..دابة نتي معصبة وماعارفاش شكا ديري...راه تانا هذاك كان ولدي تانا بقى فيااا
هي بدات كتبكي وغوتات ليه فوجهووو:هوووو ولدي انااا بووووحدي ..وبوووحدي لي تكويييت من جيهتووو ...نت ماعندك تا علاقة بييه سمعتيني ..ماتبقاش تقول ولدي..ولدي انا بوحدي
وسكتات وهي كتبكي
هو ماكيبغيهاش تبكي شد وجها بين يديه:صافي ماتبكيش..عمري نولي نخليك...دابة ربي يسهل ونجيبو واحد اخور
سيكيرتي مشا باغي يفكها من بين يدين الشيفور وهو يشدو عماد جرو من لكوول ديالو وعطاااه بووكس على وجهو..زعزع ليه الجمجمة..سيكيرتي حاول يتوقد هز يديه وغفل عماد وعطاه لوجه
ليلى كانت كتنتر باغة تفك من شيفور غير شافت سيكريتي ضرب عماد غوتاات:لااا
وبقات كتبكي
عماد شاف ففمو الدم مسحو باطراف صبعانو وتلاح عليه كيضرب فيه طيحو لارض وبقا يضرب كيبرد جنونو تاجاو الناس كيفكوووو..ناض بكل برودة قاد حوايجو وشاف فيه شوفات زعمة عرف راسك معامن..وضار شاف فليلى بلا تاشي كلمة جرها من يديها وتم غادي بيها بالزربة
هي بقات كتبكي وكتنتر منو:مابغيتش نمشي معاااااك
هو زاد زير على يديها وجارها بالجهد تاغوتات بلحريق فكرشها:ااااي كرشي
وشدات فكرشها..شاف فيها وتنهد هزها بين يديه ومشا ركبها فطوموبيل وركب حداها وشيفور كسيراا نيشان لدار
مدة قصيرة وكانو حدا الدار
نزل وحل لباب لي من جيهتها وهي باقي كتبكي تحنا لعندها:ليلى نزلي وخلينا نهضرو راكي ماعارفة والو
وتكات على لحيط وهي كتبكي بقات ساحة تا جلسات فلارض وهي كتبكي:واش عرفتي شنووو وقع ..واش عرفتي شحال تعدبت
تحنا لعندها وجلس على ركابيه اونفاص معاها وهو كيشوف فيها باغيها تهضر وتخوي قلبها بقى غير كيسمع
ليلى وهي كتبكي وتشهق:محجوووب ضربني وقطع ليا حوايجي وبغة يغتاصبني..تا جات ختي طااهرة وقتلااتو ..ضيعات حياتها على قبلييي..ماحضرتيش فاش جاو لبوليس وهزونا من ضار صاحبتها بالشوهة...ماشتيش فاش جراو عليا من دار وجلست فزنقة..ونعست فسطااح..تا طلع خو صاحبت ختي بغة تاهو يتكرفس عليا..هربت ومالقيت فين نعس...عرفتي فين نعست
بقات كتبكي علات راسها وشافت فيه بقات كضربو على صدرو وهي كتشوف فعنيه:نعست وسط سعايا وشماكرية فزنقة ... من بعد مالقيت فين نمشي من غير حنان لي بغاتني نقصر مع السااعودي..
هو كان كيشوف فيه تأتر من هضرتها ماحسابليهش هادشي كلووو
بقات كضرب فيه وهي كتبكي:ختي جرات عليا بسبابك من لحبس فاش عرفاتني حاملة منك..مابغاتش تولي تشووفني عندها لحق حيت ماسمعتش لهضرتها فاش كانت كتنبهنيي..انا لي خرجت ليها على حيااتهاااا...او واخة هكاك مشيت كنقلب عليك فداار باش نقول ليك راني حاملة لقييتك جايب لجاديد فرحان وناشط كضحك نت ويااها خارجين من دار بحاليلا انا عمري كنت
هو مافاهمش شكا تقول هو عمرو خانهااا..بقا كيفكر معامن كان كيضحك عاد تفكر ختووو مسح ليها على وجها وهي كتنتر منو:هدييك..
قاطعاتو وهي كضرب فييه:خليييني نههضر بااش ماتبقاش تقولي مكبرة لموضوووووووع..سمعنييي مزيان...فاش شفت داكشي زدت زعمت باش نبيع ولدي ..ولكن ما قدرتش فاخر لحضة ندمت ..تحركات فيا غريزة لامومة ..خرجت خايفة على ولدي..تاكيتعرضو لي شمكارة نفس شيييي..بحال محجوب وخو غيتة..باغين يفرغووو شهوتهم فيا طحت وانا كنتنتر منهم تا طاااح ولدي ومشاااا
قالتها وهي كتبكي شافت فييييه وقربات لعندو وشدات وجهو بين يديها وحطات راسها على راااسو:قوولي واش مكبرة المووضوووع ...واش زدت فييييه..حرام عليك..علاش مشيتي وخليتيني..علاش قطعتي عليا فاش بغيت نعاود ليك شنو واقع
هو باسها من جبهتها نزلو دموعو بلا مايحس:سمحيييلي
قطعاتو وهي كتغوت:عطيني غاااا بتييسااااع خليني نمشي بحاالي..
هز راسو بلا وعنقها:ماغانخلييكش تمشي عمري نولي نتفرق علييك ..سمعتيني
دفنات راسها وسط صدرو وهي كتبكي
عماد:ليلى راكي فاهمة غلاط
علات راسها وشافت فيه:مابغيت نسمع والو خرج وخليني بوووحدي
باسها فجبهتها ونااض يخليها على راحتها حتى تبرد ويهضر معاها خرج وشد لباب وعي ناضت تلاحت فوق النموسية وهي كتبكي
خرج وهز يشوف مو واقفة كتسنا غير شافتو مشات عندوو:شكوون هديك
ماكان فيه لي يدوي:الواليدة هاهي فلبيت ماتحلوهش عليها كاع..تاشي حد ما يدخل عندها من غير مي فاطمة تطلع ليها شي حاجة تاكلها...
وداز من قدامها وخرج خلاها حالة فمها مافاهمة والو
داز الوقت شي ساعااات تقريبا بدا يضلام لحال
عند الطاهرة كانت واقفة وكتشوف راسها فلمراية لبسوها وقادو ليها شعرها ..تنهدات كارهة راسها ماحاملاش هدشي لي غدير...كيفاش غتقدر توقف وتغني قدام رجال وهوما كيشوفو فيها تنهدات ملي سمعات صوت كيدوي معاها:بسم الله ماشاء الله عليك العفريييتة ...دياماندااااا
خنزرات فيه ماحملاتووش ...كيفاش مخنت وداير كيف لبنات وهو راجل...زادت كرهاتو فاش شافتو داير لعكار ومكحل لعنين تاهو وصابغ الشعر ..ولاباس حوايج بالوان لبنات...وكيمدغ لمسكة ويلويها فمو كيشي بنيتة...وعاد صوتو لمحون خنزرات فيه:ساليتي شغاك تحرك من قدامي
سوسو كتبكي:هييييند شدي عليا هاد صوفي من صباح وهي تحشي فيا فلهضرة..وانا قلبي هشيش ...
هند عنقاتو وهي كتشوف فطاهرة:صافي صافي ماتبكيش..راه غير محيت عاد جديدة..دابة توليو صحابات..
طاهرة نقزات:اويلي شمن صحابات.
هند غمزاتها باش تسكت:سيري راه جات نوبتك تغني
طاهرة كانت ناسية قلبها بدا يضرب فلمية..خرجات وهي غتموت بلخلعة تلاقاها لاوركيسترا دلفرقة الموسيقية:زيدي اختي راه تعطلنا
وقفات كتسوووط تقوي راسها وتركز...خاص تغني مزياان باش تنقد راسها..خاص بعجبهم صوتها...اصلا كلشي ايدوز مزيان..كانت كتصبر راسها بهاد الهضرة...طلعات فوق الخشبة ودواو كلهم طافيين وقفات حدا لميكرافون شوية وتشعل من فوقها ضو خاافت لونو حمر ..وشوية بشوية بداو يشعلو دواوات تا توضحات ليها الرؤية شافت بزاف دناس جالسين وكيشوفو فيها..ورجال اياكلوها بعينيهم باين لاعجاب غير من ناضاراتهم شافت روبي جالسة فتااالي وشادة كاس فيديها وحاضياها تشجعات وظارت حركة بيديها للفرقة الموسيقية باش يبداو..بداو بلموسيقة وهي كتسترجع فدماغها كلمات الاغنية تا جا الوقة لي اتبدا تغني فيه...وبدات كتغني بصوتها لحنيييين ...وزوييين..كانت شادة فلميكرافون..وكتميل بجسمها وكتغني ...شافت فروبي لي بتاسمات ليها بمعنى راكي غادة مزيانن...الكليان...بداو يسفقو بيديهم غاديين مع انغام الاغنية عاجبهم لحال...طاهرة كتغني وقلبها كيضرب فلمية ...تا سلات الاغنية اللولة وبتاسمات فاش سمعات تصفاار وتصفاااق عاجبهم لحال..ناض واحد من لكليان وقرب ليها وفيديه ربطة دلفلوس بدا كيرميها عليها كلها ورجع جلس وجا واحد من سيرفورا جمع داك لفلوس ومشى..وبدات كتغني فالاغنية تانية
روبي جا عندها واحد من رجالها همس ليها فودنيها ومشا جمعات الوقفة ومشات دخلات لواحد الصالة كبييرة لقاتو جالس وفيديه كاارو كيكمي وحاط قرعة دلويسكي حداه:مرحبا بالزعيم
شاف فيها وبتاسم
سلمات عليه وجلسات حداه شعلات كارو:علاش ماجيتيش جلستي على براا
ناصر:ماعنديش لكانة لصدع
روبي:ايوا خلينا هنا
بقاو جالسين كيهضرو شحاال طبعا فخصوص لخدمة دلمافيا ..الاجتماعااات لي كدار مع لمافيات لوخرا واي حاجة كتعلق بالمافياااا...كيتافقوو عليها هناا فلكاباري...حيت مشددين فيه لحراسة وكلشي على عنيهم وناس لي خدامين فيه كيتيقو فيهم وكاملين خدامين معاهم .وعاد لبوليس مايقدروش يوصلو ولا يشكو راه تماك كدار الاتفاقات
روبي :صافي كون هاني انا ملي تعلمني على وقت الاجتماع...انقاد كلشي..حتى ايلا اضطريت نخوي لكازينو
ناصر وقف:صافي تانعلمك
وقفات معاه:صافي غتمشي
ماجاوبهاش كان مركز مع صوت لي كيغني ...سها وهو كيتصنت لييه..صوت حنين..كيطرب
روبي:عجبك صوتها
ناصر:شكون هدي لي كتغني..عمري سمعت بحال هاد الصوت عندك
روبي::هادي صوفي لبنت لي جات لبارح مع لبنات
ناصر:دغيااا قلباتها غنا
روبي:ايوا لخدمة
ناصر علا حاجبو
روبي:تا نديرو شي جليسة ويجيو دراري وتغني داك ساع
ناصر:صافي واخة..يلاه هنا مشيت
وخرج ماعرفش علاش رجليه مشات نيشان للداخل بغا يشوف شكون مولات داك الصوت..وقف وهو كيشوفها نازلة من فوق الخشابة وناس كتصفق وتصفر..دخلات لداخل..تنهد وخرج ركب فطوموبيلتو ومشا نيشان لدار
طاهرة دخلات لبيت وهي كترجف تجمعو عليها لبنات:ناري يا لمسخووطة عندك صووت وااعر..خليتي طايح كتر من نايض
خدات كاس دلما وهبطات عليه كانت كترجف
هند:أول مرة كيكوون ستريس من بعد اتولفي...يلاه لبنات نوضو تشوفو خدمتكم
وحدة من لبناات:انا واجدة ناقصيني غا لفانيد
هند حلات لمجر ومداتو ليها:هاهو سيري.وتهلاي راه كليان موهيم
لبنت وهي كتعوج:كوني هانية
وخرجات
هند:ونتي الالة شنو عندك
شافت فيها:عندي جلسة خاصة مع سواعدة غنشطح فيها
هند:وانوضي..شكا تسناي
ناضت ولبسات كسوة درقص وخرجات
دخل سوسو:هنااا جيت
هند:اجي اجي جابك الله قاد لي لمكيااااج...لوزير راه كيتسنا
سوسو قرب وفيديه لماطريال دلماكياج:شتي انا راه عاتقاااكم خاص تحمدوو الله علياا
وطلع كيميل لفوق دخل لبيت شافها فوق النموسية ناعسة شد لباب وقرب تلاح حداها كان اونفاص لوجها حط يديه على وجها :كنبغيك
حلات عنيها بشوية وشافت فيه سمعاتو فاش كان كيغوت لتحت وسمعات شنو قال نزلات دمعة حارة من عنيها مسحها ليها:ماتبكيش.
دورات وجها لجيهة لوخرا وهي كتبكي
هو حط يديه على شعرها:ماديريش فيا هكااا..ماتكرهينيييش عفاك
وغمض عنيه ونعس كان عيان ولمشروب زاد كمل.
هي حسات بيه نعس ضارت لجيهتوو ماقادراش تسامحو ناضت من حداه وجلسات فلارض وجمعان رجليها عندها وهي كتبكي..داتها عنيها على ديك لوضعية
صبح صباح وجا نهار جديد
حل عنيه نيشان شاف لجيهتها ما لقاهاش ناض طافج..نزل من فوق النموسية وهو يشوفها ناعسة فلارض ضروو خااطرو بزاف..قرب لعندها وهزها وحطها فوق النموسية هي تقادات فالنعسة وجمعات رجليها عندها..عرفها كانت معدبة فنعسة..دخل دوش باش يصحصح وكيفكر شغا يدير معاها ...خرج لبس عليه وهبط شرب قهوة كحلة..وبقا جالس حتى كتجي تجلس حداه سارة:صبح لخير
عماد:صباح لخير
سارة:صافا شوية
هز راسو باه
سارة:دابة عاودلي شنو واقع
سكت شحال وعاود لختو كلشي شاف فيها لقاها كتبكي تنهد:تانتي
سارة كتمسح دموعها:بقات فيا مسكينة
عماد:داكشي علاش صابر عليها
سارة:صافي غير تفيق نمشي ندوي معاها ونشرح ليها اش وااقع
عماد:ديري لي بغيتي...لمهيم ردي ليها لبال معاك
وناض خرج
دازو ساعات
عند أميين
كان فلمطار اونفاص مع طيارة خاصة شاف مو وباه نازلين..وعاد شافها هي نازلة من موراهم تنهد ومشا قرب يستقبلهم سلم عليهم وشاف فيها مد يديه ومدات يديها وعنيها فلارض
مشاو وركبو فطوموبيل هوندا كحلة كبيرة..كانو ساكتين حتى كيدوي باه
لوطفي:وجد راسك انبداو نوجدو فلعرس
أمين صابر غير على قبل لوصية دخوه الله يرحمو وماهو مستحيل يدير هادشي:ان شاء الله
هز عينو وشاف فيها كانت جامعة يديها عندها وكتشوف فلارض وشعرها نازل على وجها..كي غيدير يتقبلها كزوجة وهو فقلبو وحدة خرا حاول ينساها وما قدرش..وصلو لدار ونزل دخلو لداخل وجسو فالصالة
لوطفي:كي غدي مع لخدمة
امين شاف فيه:مزيان راه كتشوف لاخبار فلجرائيد ولدك راه قدر يحقق احلامو بوحدو..وتبت داتو
لوطفي تنهد:ماغاديش تنسا
أمين:ماغانساش..هنا مشيت لشريكة..خودو راحتكم
وناض وخرج كيفكر فهاد لحريرة شغا يدير فيها
عند الزعيم
كان هاز تصويرتها وكيشوف فيها ومشا بالو لبعييييد..رجع بأعوام اللور
كان كيلعب هو وصاحبو لكورة حتى كيخرج بات صاخبو وجر ولدو من يديه:اخر مرة نلقاك كتلعب مع ولد.طاهرة لموسخة..زيد قدامي..ونت سير لعب قداام مك
بقا مصدوووم هز لكوة ورجع لدار دخل لقاها جالسة هي وشي راجل وفيديها لكارو غير شافتو طفاتو:قلتي اتلعب لاش جيتي دغيا
طاهرة مدات ليه لفلوس:ها عمو دور معاك سير شري بيها شي حاجة
خدا لفلوس وشتف فراجل
طاهرة:قولو شكرا
ناصر بتاسم ليه وقرب لعندو باش يبوسو غير وصل وجهو وهو يطير عليه بعضة تا بقا كيغوت وناصر مارخاش منو تا حس بطعم الدم ففمووو وسنانو تلاقاو..طاهرة ناضت كتفك وتحاول تبعدو..بقات كضربو فراسو وتغوت تا بعد دفعاتو وطاح فلارض
راجل وجهو كلو ولا دمايات تعصب وقرب لناصر وبدا كيضرب فييه بلا رحمة وطاهرة كتحاول تفكو من بين يديه دفعها وطاحت:سييري شوفي فين ديري هاد لولد دفعيه فشي خيرية مصعووور
وخرج من دار
طاهرة عنقاتو:لاش اولدي درتي هكا
دفعها ونتض كيجري دخل لبيت وشد عليه
ناصر فيقو من تفكيرو صوت طليفون شاف المتصل وقطع.كانت لاراا..شوية شاف امين داخل عندو وحالتو ماشي هي هديك ..حلس اونفاص معاه
أمين:لواايد جا وقالك نوجد للعرس
ناصر ناض وكب كاس ومدو ليه:وشغا دير
امين:ماعندي ماندير
ناصر:زواج ايكون غير على لوراق عتابرها بحال ختك معاك فدار
عماد هزها بين يديه وحطها فوق النموسية وتكا على يديه جنب وهي قدامو كتشوف فيه حط صبعو على وجها وبدا كيحركهم بشوية:كون تعرفي شحال توحشتك
هي غي ساكتة وكتشوف فيه وكتأمل فوجهو.مدات يديها حطاتها على وجهو بتاسم وباس كف يديها ونزل عندها شوية وهو مزال على جنبو..ويديه كتلعب فوجها نسا راسو وسها فعنيها بكترة الشوق لي كيحسو من جيهتها بدا كيقرب وعنيه على شفايفها..وهي غير كتشوف فيه حط شفايفو على شفايفها وهي غمضات عنيها ودفعاتو:مانقدرش
تقاد فلجلسة متفهمها:صافي لي بغيتي
بقات كتشوف فيه:عائلتك ايبقاو هنا
عماد جرها لعندو وعنقها وهو كيلعب فشعرها:بحالي بحالك..ولكن خاص يبقاو باش يحضرو على زواجنا
علات راسها وشافت فيه:كيفاش
عماد شاف فيها وباسها من جبهتها:غدا انضربو لاكط براكة علينا ياك
وهي تقادات فالجلسة وهي كتمسح لاتار ددموعها مشا بالها لبعييييد
كانت فلبيت لابسة ومقادة كأي عروسة نهار عرسها تاج فوق راسها ولحنة فيديها ولقفطان بيض ملبوس عليها ..كانت جالسة فوق النموسية كتسنا يجيو يخرجوها باش يزفوها لعريس ملي يوصل ....شافتهم تعطلو وتاشي حد ما دخل عندها لبيت كلشي غاابر تا لموسيقى تقطعات وقع لحس وسهاااااااات ماكيتسمع تا شي صوت من غير عقارب السااعة لي كيتسمعو بصوت خافت..قلبها نغزها..فجئة.سمعاتت صرخة تسمعات فلفلة كلها...هزات قلبها من بلاصتووو..وشوية بشوية بدات كتسمع اصوات دلبكا ولغوات ..واصوات مخلطة عليها...ناضت شدات فلباب دلبواني باش تحلو وتهبط تشوف شنو واقع..ولكن ماقدراتش خافت تسمع ولا تشوف شي حاجة لي ماتعجبهاش..رجعات جلسات..فتالي ماقداتش تصبر..ناضت وحلات لباب وهبطات فدروج بخطوات تقال تا وصلات لصالة لكبيرة فين مجمعين الناس بقات كتشوف فيهم ...كلهم كيبكيو..مافهمات واالو...قربات عند أمين هو لي غيقولها شنو وااقع...كتهضر بصوت كيرجف:أمين شنو واقع
أمين شاف فيها بعنيه لحومر مالقا مايقول
زعزعاتو:قوولي عفاااك
أمين بقا ساكت عاد نطق:بدر
بلعات ريقها وشدات فيديه خايفة من التتمة
أمين:بدر داار حاديت وهو جاي فالطريق ...الله يرحمو
كلامو نزل عليها كي ساعيقة كيفااش مات ..عاد شافتو ..عاد هضرات معاه...عاد كانت كتسناه يجي باش يهبطو يكملو لعرس..طاحت على ركابيها وهي كتبكي أمين شدها بغا يوقفها وهي ترخا بين يديه وطاحت سخفانة
صحاها من تفكيرها لوطفي(اب امين):بنتي
شافت فيه بعينيها الدامعين
لوطفي:لاش لبكا
جنات:والو غنمشي نطلع لبيت نرتاح
ناضت وطلعات لبيت وتلاحت فوق النموسية وهي كتبكي
نخليوها ونبدلو لبلاصة ..عند طاهرة
دازو ساعااات
من بعد ماسالات اغانيها نزلات ودخلات لداخل تحت تصفيقات لكليان
غير دخلات لقات روبي جالسة وكتسناها
طاهرة وقفات حدا لمراية باش تمسح لماكياج
وهي توقفها روبي:صبري
ضارت لجيهتها:شنو
روبي:مزال اتخدمي...احم واحد ساعودي بغاك تغني ليه فجلسة خاصة
عصبها بتاسمات ليه بتسامة صفرة وشافت فلفرقة وعطاتهم لاغنية لاتغني وبداو فاللحن هي هزات المكرافون ..وبدات كتغني وكتشوف فالساعودي كيطبل بيديه فرحان ..شوية ناض وبدا يلوح عليها لفلووس..وبدا يقرب منها وهي كترجع للور حتى شد يديها وباسها خنزرات فيه وهو فهم راسو رجع لبلاصتو ..كملات لغناا يلاه اتمشي وهو يوقفها صوتو:يا حلووه..قربي قريي..أبيك فكلام
قربات:نعام
الساعودي:أيش رأيك أتزوجك مسيار ..واطلعك من هالمكان..وتعيشين أمييرة..ها شوقلتي
لبسات وقادات وهي فرحانة ليوم اتضرب لاكط براجل لي كتبغي..كانت واقفة كتشوف راسها فلمراية وهي مبتاسمة..حتى كتشوف لباب تحلات كانت سارة
سارة وهي مبتاسمة:كتحمقي
ليلى بادلاتها الابتسامة:شكراااا
سارة:مرحبا بيك فعائلتنا
ليلى:ربي يخليك احبيبة
سارة:لعدول جا راه لتحت كيتسنا
ليلى هزات راسها بااه ..كانت فرحانة واخة ماغيديروش عرس ولكن اهم حاجة هي انها اتولي مراتو..شافت راسها فلمراية..كانت لابسة كسوة بيضة طويلة..توبها خفيف ..مشدودة عند صدر بصميطات غلاض..ومن لتحت وااسعة..بحال شي اميرات..شعرها دارت ليه بوكلي وخلاتو مطلوق..مع مكياج خفيف مناسب سنها
تبعات سارة وهبطات لتحت شافتو واقف كيدوي مع باه غير شافعا بتاسم وتم جاي عندها شد يديها وباسها قدام كلشي ماهامو تاشي حد..وجرها معاه وجلسها فوق الفطوي وجلس حداها خدا لكتاب او وقع ومد ليها تاهي .توقع..وقعات بلا تردد وهي فرحانة..جرها وعنقها :واخييرا..مبروووك
ليلى:الله يبارك فيك
ناض ووصل مع لعدول لبرة ورجع شدها من يديها ووقفها حدا مو وباه لي اول مرة اتشوفهم:هدي لواليدة ولواليد
مصطفى بتاسم ليها ومد ليها يديه باستها وهي مبتاسمة
مصطفى:مبروك ابنتي مرحبا بيك عندنا
ليلى:الله يبارك فيك اعمي شكرا
شافت فحسنة...لي غي مخنزرة:مبروك
ليلى حسات بيها ماحاملاهاش او واخة هكاك ماهتاماتش على قبل عماد:الله يبارك فيك اخالتي
هز منديل ولاحو عليها وبقاو كيضحكو ..تعشاو فجو زوين وملشي ضاحك من غير حسنة لي ماعاجبهاش لوضع
نمشيو عند الطاهرة
كانت جالسة فوق الكرسي وسوسو كيقاد ليها لماكياااج :سبحان الله شحال كنرتاح وانا كنقاد ليك وجهك..بحال شي لوحة فنية ابدع فيها لخالق..واخة مامحتاجاش لماكياج
طاهرة:شنو بان ليك تسكت شوية
سوسو كتمضغ لمسكة وتنفخها وطرطقها:هنا ساكتة
سلات لماكيااج وبدات تقاد ليها فشعرها تا سلات:غزالة
طاهرة غوتات:وااا منبببعد اصاحبتي..دابة عتقيني ماخاصش يشوفوني ديري شي حاجة باش مانطلعش نغني ها لعاار
هند:بغيتي روبي تقلب علينا دنياااا..تسناي نفكر...
بقات كتفكر هي طيح ليها فكرة فبالها:لقييتها..تسنااي
مشات كتجري ورجعات وفيديها شي حاجة:ديري هذا فوجهك
طاهرة خداتو:زعمة نتلتم
هند:هذا هو لحل لمناسيب
طاهرو خداتو وهي كتشوف فيه.كان لتام ماشي تووب..مصوب من لموزون ديال نحاس.كيديروه راقصات ..وقفات حدا لمراية ودارتو..كانو كيبانو غا عنيها الرماديين..زادو بانووو بطريقة جدابة مع رموشها كتاف...بقا شعرها لكحل مطلوق على ضهرها مع كسوة طويلة لاصقة عليها ومبينة مفاتينها فدهبي نفس لون لتام..وعريانة من ااصدر وكلها كتبري..
هند:واسيري راه ماغيعرفوووكش.روبي غتحيح لا زدتي تعطلتي
خرجات وهي كترجف خايفة بزااف كي غدير تغني وهوما كيشوفو فيها..وصلات للخشابة وطلعات ونيشان شعلو الضو من فوقها وبدات الموسيقى..ماقداتش تشوف لجيهتهم كانت كتشوف لبعيييد
روبي خرجات عنيها وهي كتشوفها ملثمة
ناصر علا راسو كيشووف فطاهرة ورجع شاف فروبي:من نيتك
روبي:ماعرفتش علاش
أمين كان كيلعب فطليفونو هز راسو وشاف فيها وبتاسم:خايفة لا يعينوها ههههه
طاهرة بدات كتغني بصوتها لحنين..ولكليان لي ماشافهاش لبارح عندو فضول يشوفها كيف دايرة وكترو التساؤلات..ولي شايفها..كيمدح جمالها قدام هداك لي ماشايفهاش..كترات لهضرة
ناصر كيشوف فيها وهو كيسوط الدخان صوتها عجبو بزااف
طاهرة عيات متحاول ماتشوفش فيهم...ولكن بلا ماتحس جات عينها فعينوووو..نفس الشوفات الحادين..بقات كتغني وعنيها عليه شوفاتو مزال كيخلعوها
ناصر بقا كيشوف فيها هاد لعنين كيعرفهم مزياااان..حافضهم ..لونهم شافهم مرة وحدة وعند شخص واحد..بقا كيطلعها ويهبطهاا.وبدا الذكاء كيخدم عندو..نفس الشعر ..نفس لجسم واخة ضعافت شوية..تا صوتها وهي كتغني نفس صوتها وهي كتهضر..
طاهرة نساات ناصر وبدات كتشوف فأمين لي جلسات حداه واحد لبنت وهو كيشرب ويضحك معاها..وهي كتبحلس علييه..ماعرفاتش علاش قلبها ضرهاا بزااف..خصوصا ملي شافتو كيضحك معاها...حسات بقلبها كيتقطع من لداخل..لدرجة نسات كلمات الاغنية..بدات غير كتعاود نفس لجملة لاخيرة..ولفرقة الموسيقية مسايرينها كيعرفو يتعاملو فبحال هاد المواقيف..
ناصر دار ابتسامة جانبية وشاف فين كتشوف لقاها كتشوف فامين...ولكن خاص يتأكد من شوكوكو...سلات الاغنية اللولا
روبي وقفات:نمشي نقولها تحيد داكشي من وجها
ناصر وقفها:لا غي خلييها
روبي جلسات
طاهرة بدات فالاغنية تانية وعنيها على امين وفديك لبنت لي معنقاه وكتهمس ليه فودنيه وهو كيضحك
نزل على لكاس فدقة:بغيتك غدا ديريلي جلسة خاصة معاها بغيتها تغني لي
روبي:واخة..
جا نهاار جديد على ابطالنا غيتبدلو فيه بزاف دلحوايج
كان فلمكتب ديالو حتى كيدخل عندو واحد من الرجال ديالو
ناصر :شنو
راجل :سيدي لمعلومات لي طلبتي على الانسة طاهرة علامي
ناصر حط داكشي لي فيديه وخدا من هندو لميلف وبدا كيقرا داكشي لي فيه وفنفس الوقت الراجل كيهضر:ودابة لبوليس كيقلبو عليها كيقولو هربات..اولا تخطفات من طرف شي عصابة
ناصر سها كيفكر زعمة يقدر يكون غالط وماشي هي...زادت الرغبة ديالو باش هاد نهار يمشي يتأكد..واخة فلاعماق ديالو مأكد بأنها هي دار اشارة للراجل باش يخرج..رجع بلكرسي اللور..وهو كيفكر....لاش باغي يعرف واش هي ولا لا..لاش كيهمو امرها تا لهاد الدراجة..واش حين سميتها بحال سمية دمو..وباغي يفش غليلو فيها..ولا اعجاب. ...ولا .ولا ..ولا.....تفكر لهضرة دأمين
أمين كان سكران:أنا درت لغلاط معاها..وعمرها اتسمح لياا..وعاد لاعرفاتني مزوج ..غتكرهني
ومشات جبدات ليها كسوة كحلة لبساتها طويلة وجاية ملبوسة عليها ومع الجناب كلها مشبكة تا لجيهة الصدر نفس الشي توب شفاف وصدرها كيبان..سوسو قدات ليها مكياج خفيف وركزات ليها فعويناتها
هند:ديري هاد اللتام جاي مع اللبسة
خداتو ودارتو:مأكدة ماغيعرفنيش
هند:ااه هو ماكيحققش فلمالاميح دعيباد الله..غي سيري قبل تجي روبي
مشات كتجري وقفات حدا لباب شحال من بعد حلاتو ودخلات وهي حانية راسها تا وقفات فبلاصتها ودارت لجيهتو علات عنيها شوية لقاتو جالس وفيديه كاس دلويسكي وسيجار وكيشوف فيها..شوفاتو وتروها دغيا حدرات عنيها..عطات لايشارة باش تبدا الموسيقى..وبدات كتغني..ومن صوتها باينة فيها الرجفة..عيات تحاول تبان طابيعية ساعة والو لخلعة قضات عليها..مرة مرة كتعلي عنيها فيه..كتلقاه مزال كيشوف ماناويش ينزل عنيه..وهي كتزيد على داكشي لي بيها..
ناصر كان كيشوف فيها وفحركاتها عرفها خايفة..وعاد صوتها كيرجف..ولميكرافون كيفيفري فيديها..
طاهرة بلعات ريقها وهي غي كتخربق فلغنا حتى كتحس بالموسيقى حبسات ضارت تشوف شنو واقع وهي تلقاهم هازين لماطريال وخارجين...حمدات الله فنفسها..تمات خارجة معاهم حتى كيوقفها صوتو:صووفيا
بلعات ريقها شوية وتبكي..بغات دير راسها ماسمعاتوش وتمات غادة..حتى كتشوفو كيشد لباب..علات راسها فيه وجات عنيها فعينيه
ناصر قرب ليها جوج خطوات وهي رجعات اللور جوج خطوات..بقا كيقرب وهي كتبعد وغتموت بالخلعة..حتى كتحس بشي حاجة قاصحة موراها كان لحيط..مابقالها فين تهرب حدرات راسها وهي كتشوف رجليه جاين فتيجاها تا وقف اونفاص معاها بداو دموعها ينزلو خافت بزاف حسات بيديه على جبينها..هز ليها راسها باطراف صبعانو تا تقابلات معاه كانت مغمضة عنيها..مد يديه ونزل ليها لتام من على وجها..وبتاسم بسخرية..هي قلبها كيضرب فل100 صافي حصلات....بقات مغمضة عنيها ماعندهاش الجراة تحلهم
لا تستفزي رجولتي كي لا أبعثر أنوثتك الجزء السادس
محتوى القصة
ناصر قرب ليها جوج خطوات وهي رجعات اللور جوج خطوات..بقا كيقرب وهي كتبعد وغتموت بالخلعة..حتى كتحس بشي حاجة قاصحة موراها كان لحيط..مابقالها فين تهرب حدرات راسها وهي كتشوف رجليه جاين فتيجاها تا وقف اونفاص معاها بداو دموعها ينزلو خافت بزاف حسات بيديه على جبينها..هز ليها راسها باطراف صبعانو تا تقابلات معاه كانت مغمضة عنيها..مد يديه ونزل ليها لتام من على وجها..وبتاسم بسخرية..هي قلبها كيضرب فل100 صافي حصلات....بقات مغمضة عنيها ماعندهاش الجراة تحلهم
التنقل بين الأجزاء