الصحافة مجموعين قدام القصر ديال واحد من اغنى اغنياء امريكا برنارد أرنولت .. لي كان مشارك فأعمال مشبوهة و تشدو عليه الدلائل داكشي لاش كان ملزوم يتشد فالحبس ولكن بسبب نفوذو خلاهم يحطوه فواحد السجن فإسبانيا لي فيه الراحة و الاستجمام .. هاد الصباح لقاو جثتو مقطعة لأطراف و محطوطة قدام الباب فبلاستيكات و لوكان ماشي اوراق هويتو لي محطوطين مع الميكات .. كاع مايتعرفو عليه عائلتو .. هاد الجريمة لي وقعات كانت فاااجعة خلات أمريكا تهتز بيها لا ماشي فقط امريكا .. خلات العالم يهتز بيها و السبب هو انها وقعات وسط الحبس لي المفروض يكون محمي و فيه الحراسة مشددة .. الصحافة من جميع الجرائد و المجلات تجمعو قدام قصرو كايحاولو يعرفو واش هادشي لي وقع صحيح ولا كدوب .. كيفاش حتى وصلات جثتو من اسبانيا حتى لأمريكا؟؟؟؟؟ و كيفاش تقتل وسط السجن؟؟؟؟ و كيفاش خرج من تما؟؟؟؟؟ و شكون من مور هاد الجريمة؟؟؟ واش نفسو جيكساو؟؟ و علاش فالأصل تقتل؟؟؟ .. الأسئلة كثارت و الأجوبة زيرو الحاجة لي عندهم هي الكدوب فالكدوب و التوقعات و الظنون و الاحتمالات .. الدنيا مقلوبة بالبوليس و عائلة الضحية مفزوعة من هادشي لي وقع
⇦ في النمسا
دخلات سيلين لقاتهم مجموعين
سيلين : مفاجئة لقاو الجثة ديال برنارد أرنولت
جوزيف : على سلامتك فين هاد التعطيلة
لوجين : فين لقاوها؟؟؟
سيلين : مامتبعينش الاخبار؟؟؟ ايوا راهم لقاوها قدام باب قصرو
مايكل : كاتقصدي فأمريكا؟؟؟؟
سيلين : فأمريكا نيت .. جيكساو دار فيه بليزير و دار ليه توصيلة لدارو بلا مايحتاجو يسيفطوه من اسبانيا لأمريكا باش يديرو ليه مراسم الدفن .. ضرب جوزيف يديه مع الطبلة
جوزيف : حيواااان غاااادي نشدو عاجلا ام اجلا
لوجين : هاد المرة السفاح لي كانتعاملو معاه ماشي مجرد قتال عادي
سيلين : كايخلينا ملهيين فلغز باش كايعطينا لغز اخر
مايكل : قولو كايخلينا ملهيين فجريمة باش موراها يدير جرائم خرا حتى كثارو علينا و مانبقاو عارفين راسنا من رجلينا عمرني تلفت هاد التلفة
جوزيف : غايطيح بين يدي غا نن
سيلين : اش غانن؟؟؟؟ ... راه كاين القانون ا سي ولاهيلا قالك غا نن
لوجين : ماشي وقت الخصامات ديالكم .. دابا مانخليوكش هادشي لي وقع يأثر علينا ... خليونا نفكرو فاللغز اللول لي عطانا ديال اثار الاقدام كل واحد فيكم يعطي جوابو
مايكل : فنظري دار اثار الاقدام باش يشتت لينا الانتباه و على ما اظن من بين دوك اثار الاقدام الاربع لي عطانا نقدرو نلقاو اثر الاقدام ديالو الصحيح و من خلالو غانعرفو نوعية صباط لي كان لابس باش هاكا نقدرو نعرفو البلايص لي كايتباع فيه بحال هاد صبابط و المناطق لي كايتباع فيهم هاد القضية غاتسهل علينا شحال من حاجة
جوزيف : جوابي هو .. الأثر ديالو ماكاينش بين دوك الاثار لي خلا لينا تما .. و السبب لي خلاه يخلي لينا الأثار هو باش يشتت لينا الانتباه و يخلي تفكيرنا يمشي فالخط لي مشا فيه تفكير مايكل و هاكا غا نضيعو وقتنا فالتقلاب فالخوا الخاوي فالوقت لي غايكون هو كاينفذ جرائم خرا
سيلين : انا فنظري هداك ماكانش لغز و انما غير تسلية باش يبقا يلعبنا بين صباعو كي الكراكيز و يخلينا مشغولين بحاجة تافهة
لوجين : نظرياتكم كلها قابلة للنقاش و لكن فنظري نظرية مايكل هي الصحيحة
جوزيف : شنو دابا؟؟؟ غادي نضيعو وقتنا و نمشيو على الخط لي باغينا نمشيو فيه؟؟؟؟
لوجين : ماتنساش بلي ماشي غير حنا لي كانقلبو عليه .. هداك مجرم مطلوب دوليا و كلشي كايقلب عليه يعني هو ماغاديش يكون غرضو يشتتنا و هو عارف بلي ايلا تلهينا حنا غادي ينوضو يقلبو وحداخرين
جوزيف : مامتافقش معاك
سيلين : حتى انا ما متافقاش
لوجين : حنا فريق و خاصنا نخدمو كفريق شنو لي ماخلاكمش تافقو؟
سيلين و جوزيف : غانضيعو وقتنا فحاجة تافهة ... شافت فيه و شاف فيها و قلبات وجهها ...
مايكل : حللتي العينات ديال الدم لي هزينا؟
لوجين : وي و قارنتو مع الخلايا الميتة ديال جسم الضحية لي كانو فحوايجو ..هداك الدم ديالو
جوزيف : و البصمات؟؟؟
لوجين : مالقيت حتى شي بصمة من غير بصمات الضحية و مدير السجن و بعض سجانين .. نتا و نتا خاص ضروري تعاودو معاهم التحقيق
سيلين : انا عاودت شفت شريط كاميرات المراقبة كان ممكن نسترجعو اللقطات المحذوفة فحالة تقطعو ولكن المشكل هو ان الكاميرات تطفاو يدويا
لوجين : يعني؟
سيلين : يعني كاين احتمال كبير يكون شي حد عاون جيكساو فهادشي ماكانظنش غادي يكون دار هادشي بوحدو
مايكل : وي ممكن
▪جالس فمملكتو لي هي عبارة على فيلا كلشي فيها مصبوغ بالكحل و مزينين حيطانها الداخليين بوجوه ديال الكلون مرة ضاحك مرة مقلق مرة معصب مرة ناعس مرة متفاجئ .. المهم بتعابير مختلفة .. هاز فيديه كاس ديال القهوة كحلة بااااردة و مافيهاش السكر كان لابس سروال سورفيط فالأبيض مطبوع فيه فالجنب وجه ديال الكلون ضاحك فالذهبي و من الفوق لابس قبية بالسلسة فالكحل سامبل من القدام و من اللور مطبوع بيها وجه ديال الكلون كبير فالذهبي اما بالنسبة لشعرو فكان مخليه مخربق .. قدامو جالس أدلر لي كان لابس سروال فضفاض فالكحل مطبوع فيه لوغو ديال الكلون باللون الاصفر و من الفوق لابس تيشورط طويل واصل لفوق الركبة فالأصفر و حتى هو مطبوع فيه لوغو ديال الكلون .. هاز فيديه طابليط ديالو و حاط قدامو كاس ديال الشاي الاخضر .. بينما فالجهة لاخرا واقفين 2 رجال جاو على ود شي حاجة كاتخص الخدمة .. حط قهوتو و قلب عينيه فيهم
بولترا : ( بإبتسامة ) علاش جيتو؟ ... بقا واحد منهم كايشوف فأدلر لي كان ما علابالوش بيهم
بولترا : هضرو
***** : ( بصوت خافت ) عندنا نوع نادر ديال الألماس الأحمر بكمية كبيرة بزاف
بولترا : ( مد يدو و هو كايتفوه ) عطيني نشوف
بقا لاخر كايتحسس واش شي واحد كايشوف فيهم .. حل الكموسة لي عندو و جبد منها وحدة عطاها ليه .. هزها بين يديه و بقا كايشوف فيها مدة
***** : ( كايضحك ) راها أصلية
بولترا : ( عقد يديه ) شحال طالبين فيهم
***** : ماشي بزاف غير 15 000 دولار للقيراط .. جاوب ادلر بلا مايشوف فيهم
أدلر : ثمنها الاصلي فالسوق العادي 10 000 للقيراط .. و فالمستقبل غاينزل ثمنها ل9000 دولار للقيراط .. شاف فيهم بولترا
بولترا : باغي 15 000 للقيراط؟ .. بقاو كايشوفو فأدلر لي خرج لهم من الجنب ياك كان ملاهي
***** : ( كايتفتف ) لا لا بغينا الثمن لي شفتوه مناسب
صفق بيديه و جاو 2 صحااااح من رجالو وشوش لهم فودنيهم مشاو غبرو ربع ساعة و رجعو هما و رجال خرين هازين فيديهم فاليزات ديال الفلوس مدوهم لدوك 2 .. بقا واحد كايشوف فواحد و بداو يتأكدو واش فري عطاهم المبلغ لي كان ضخم
***** : ( بفرح ) صافي غير نمشيو
بولترا : ( بإبتسامة ) سيرو شكون حبسكم
مشاو من تما و هما فرحانين و قبل مايخرجو وقفهم بهضرتو
بولترا : بالصحة مسبقا .. خرجو من تما و هما فرحانين
أدلر : اممم انا متأكد ماغاديش دوز لهم على غير هكاك .. غايموتو؟
بولترا : ( بدا كايضحك ) ههههههههههههههههههه واش كاتشوفني راجل مامزيانش حتى لديك الدرجة ...
أدلر : بديتي كاتخلعني ولكن لي عارف هو مايمكنش دوز لهم هاكاك
بولترا : ( بملل ) ماعنديش الكانة ليهم هاد المرة
أدلر : غايديو الفلوس باطل؟؟؟؟
بولترا : هههههههههههههههههه هادشي غاتعرفو فاش غايبغيو يخبعو الفلوس فالبنك ولا يتعاملو بيهم مع شي حد
أدلر : ( كايحك فراسو ) ماقدرتش نجيب الوجهة المحددة ليها .. من خلال اخر 10 جرائم قتل دارتهم لقيت بلي هي فعلا كاتمشي على واحد الخط .. غادي من الاغنى لأقل غنى
بولترا : شكون الضحية التالية؟
أدلر : الضحية التالية لي من مور برنارد أرنولت كاين 2 ضحايا عندهم نفس عدد الثروة ولكن ماقدرتش نعرف عندمن غاتمشي هاد المرة
بولترا : شنو هو الزمن بين كل جريمة و جريمة؟
أدلر : اسبوعين
بولترا : همم
أدلر : كاين واحد فدولة روسيا و الثاني امرأة فدولة النرويج شفت الاملاك لي عندهم ماكاينش شي فرق كبير ولكن الثروة الكاملة عندهم بحال بحال .. فنظري غادي تمشي لعند الراجل هو اللول
بولترا همم
أدلر : غاتمشي؟؟
بولترا : ( بإبتسامة مجنونة ) غانمشيو
أدلر : متشوق لهاد اللقاء بزاف ... شاف فيه بولترا ضحك و هز الكاس ديال القهوة
بولترا : ( كايضحك ) هههههههههههههه و ممكن نلعب معاها لعبة
بقا أدلر كايشوف فيه بإستغراب سنين و هو معاشرو ولكن عمرو فهمو و فهم طريقة تفكيرو .. على ماكاتقول داداه من الصغر و هو هكاك مرات كان كايشد القطوط و الكلاب و يعذبهم شر تعذيب بدون اي سبب .. اول مرة هز فيها السلاح كان صغير بزاف فسن ل10 سنوات و هو نفسو السن لي مات فيه الاب ديالو بسبب المرض .. و نفس السن لي ماتت فيه الام ديالو حيت ماقدراتش تصبر على فراق راجلها .. كان شيطان فصفة انسان من صغرو و ذكائو غير طبيعي .. لدرجة فاش ماتو واليديه جا عمو و خوه الكبير باش ياخدو الاملاك و يربيوه زعما .. و فعلا كانو كايعاملوه كلهم بلطافة حتى للنهار لي نقل فيه الاملاك ديالو لعمو زعما مؤقتا على مايوصل ل18 سنة هادشي دارو فسن 12 سنة موراها كلشي تقلب عليه و وصلات لأنهم يحاولو يقتلوه باش ياخدو الاملاك و يتهناو منو بصفة نهائية ولكن لسوء حظهم ماشافوش 2 شروط حطهم فأوراق نقل الملكية بمساعدة المحامي ديال باباه و لي هما
- فحالة وقعات ليه شي حاجة قبل مايوصل للسن القانوني الأملاك كلها غاتمشي للدولة و عائلتو ماياخدو منها ولا سنت
- فحالة نقصات شي حاجة من املاكو و الارث ديالو غادي يرجعو داكشي بالضوبل
الشيئ لي صدمهم كيفاش ولد فسن 12 سنة يخرج منو هادشي؟؟ ...
أدلر كان بالنسبة ليه من اقرب اصدقائو و خصوصا انه ماشي مدة قصيرة باش عرفو .. بل عرفو فسن 16 سنة ماشي هدا هو السبب الوحيد لي خلاه يكون اعز الاصدقاء ليه .. الشيئ لي خلاه يكون هاكا هو عقليتو .. فالصباح كايكون فشكل و فالليل كايولي فشكل اخر بحال المسطي واخد راحتو هادشي بلا مانهضرو على ذكائو الخارق و توقعاتو لي كاتعتامد على ذكائو و هادشي لي خلاه يكون هو و بولترا عملة بوجه واحد .. خلال مسيرة حياتو كان كايدير لي بغا و ماكاينش لي يمنعو حيت ببساطة الفلوس و المكانة لي عندو كادير الطريق وسط البحر مخلي الأمن و اكبر السياسيين و رجال الاعمال بين يديه كايمشيهم و يحركهم ك..؟ "لعبة شطرنج" ... ماغانقولش هو شخص ذات هيبة و ملامحو صارمة و حادين .. حيت ملامحو عكس هادشي كامل و فوق هادشي كامل .. ملامحو شيطانيين و نظراتو فيهم نظرة خبث و مكر بوجودو و غير كاتشوف فيه كاتحس براسك قدام شيطان كايتقلب المزاج ديالو 5 مرات فالدقيقة .. تصرفاتو غريبة بزااااف علما انه ماكايعاني من حتى شي مرض نفسي و قتلو و جرائمو ماعندهم حتى مبرر .. عاجبو الحال هكاك و غادي هكاك ماكاين لا عقدة لا هم يحزنون
▫في روسيا
جالسة فسطاح بناية عااالية أو نقولو وحدة من ناطحات السحاب الشوفة من تمت تخطف الأنفس حاجة باينا حيت لي يطيح من تما مايبقا فيه عضم صحيح مايلقاو مايجمعو فيه .. جالسة و مدلية رجليها لتحت حاطة حداها كاس كبير من الخدنجل كاترشف منو مرة و عينيها لتحت فالطوموبيلات لي دايزين .. كايبانو ليها بحال النمل و هي فالأصل هادشي علاش كايعجبها تجي تجلس فبحال هاد البلايص .. كاتستحليها و كايعجبها تشوفهم صغار قدامها .. شكون هما؟ ... و شكون من غيرهم اصحاب السيارة الفاخرة لي ماكايبانوش ليها من هنا و اصحاب الفيلات و القصورة .. بقات كاتتكمش فيها البومة ديالها جاها البرد
جيكساو : ( بإبتسامة ) بوو جاك البرد
زادت تمخششات فيها .. وقفات فوق الحافة ديال السطح و لاحت داك الكاس .. تبعاتو بعينيها حتى مابقاش كايبان لها عاد هبطات من تما و كملات المسارية ديالها مع بوو مرة مرة كاتهضر معاها و تعاود لها كاع لي دارت و شنو ناوية دير
⇦ في مكتب التحقيقات
48 ساعة ما نعسو ما شافو النعاس .. تقسمو لمجموعتين .. لوجين و مايكل كايقلبو فديك الفكرة لي كايشوفو بلي هي لي صحيحة و لي هي يقلبو على الاثار الصحيحة ديال المجرم و يحاولو يلقاو ليبرا وسط كومة قش ماعارفينش بلي طريق لي واخدينها غالطة و ماعندهاش الحد من بينهم سيلين و جوزيف كايقلبو فالدلائل لي عندهم و كايحاولو يوصلو للضحية التالية باش يقدرو يشدو جيكساو .. لي مستغربين منو هو كيفاش مامخليش حتى شي دلائل ف 42 جريمة .. شنو رسالتو و لاياش باغي يوصل و علاش كايدير هادشي كايحسو براسهم كايدورو فحلقة ماعندهاش نهاية .. حطات سيلين يديها على راسها بتعب
سيلين : عييت و راسي ضرني
جوزيف : مزال عاد بدينا
سيلين : مايمكنش يكون فهاد الكمال كامل فيه و مايخلي من موراه حتى شي غلطة شي حاجة بيزاغ
جوزيف : السؤال لي مابغاش يتفهم لي كيفاش تنقلات الجثة بين الدول بدون ماتتحبس فالمطار؟؟
سيلين : مافهمتش و مابغاش يتفهم لي هادشي على ما بان لي هادشي ماكايديروش بوحدو
جوزيف : شكيت بلي شي هاد القضية فيها شحال من شخص
سيلين : بقات لينا بلاصة وحدة خاص نسولو فيها
جوزيف : اينا بلاصة؟؟
سيلين : المطار باش نعرفو المسافرين لي سافرو فديك الليلة من اسبانيا لأمريكا
جوزيف : ( ناض من بلاصتو ) كيفاش مافكرتش فهادشي
سيلين : تسنااااا غانمشي معاك
جوزيف : سربي خلاص
ناضت تبعاتو و مشاو كايجريو باش يجيبو ارقام المطارات باش يجييو المعلومات
سيلين : فنظرك غادي نوصلو لشي نتيجة
جوزيف : هادي فكرتك و خاصك تيقي فيها ...
طوال الأسبوعين و فريق التحقيق كايقلب على الادلة ... رجعو للجثث القدام و مسارح الجرائم اللولين كاع لعل و عسى يلقاو شي دليل ضدها .. من زهرهم لقاو بصمة من البصمات فأول جثة كانت من ضحايا جيكساو .. مع زغبات ديال الشعر مختلفة فمسارح الجرائم كايرجعو ل4 أشخاص
سيلين : كان عندي شك من اللول بلي ماكايخدمش بوحدو
لوجين : كاين احتمال كبير يكونو عصابة
مايكل : بحثت على اصحاب دوك العينات لي عندنا ولكن لاحظت واحد الحاجة غريبة
جوزيف : شنو هي؟؟؟
مايكل : الدلائل لي لقينا كاترجع ل4 مجرمين مشدودين فالحبس هادي 15 العام
سيلين : لا كاين شي غلط فهادشي
مايكل : قلبت كتر من 3 مرات و كانت نفس النتيجة
جوزيف : هادشي كايعني عندهم علاقة بالمجرم و الا علاش غادي يكونو فمسرح الجريمة فداك الوقت؟؟؟
سيلين : السؤال هو كي دايرو حتى خرجو من الحبس و هما مشدودين هادي 15 العام؟
لوجين : مجموعين فحبس واحد؟؟؟
مايكل : هنا فين زدت ستغربت حيت كل واحد فيهم مسجون فدولة و فاش قلبت فالسجلات ديالهم و حياتهم .. ماكاتربطهم حتى شي حاجة ببعضياتهم
جوزيف : كاتربطهم واحد الحاجة
لوجين : شنو هي؟؟
جوزيف : الإجرام
After two weeks
"بعد أسبوعين"
▪ في روسيا
كانو واقفين فسطح احد القصور لي كايخص اغنى اغنياء روسيا .. مرا كبير فمشارف الستينات " باتورينا " ... لابسين مونطوات و حاطين على وجههم 2 اقنعة .. فالكحل و الابيض ديال البهلوان .. أدلر حاط واحد ضاحك ضحكة عريضة و بولترا حاط واحد مذلي شنايفو و غضبان .. واقفين كايطلو على الجهة الثانية من القصر
أدلر : شنو لي غا يأكد لينا بلي غاتكون هنا؟؟؟
بولترا : حدسي
أدلر : و ايلا ماكانتش هنا اش غانديرو؟؟ .. غانتسماو جينا على والو؟؟ تقدر تكون فماليزيا دابا
بولترا : و تقدر تكون هنا
أدلر : بان ليا غير تسرعنا فاش جينا للهنا .. شاف فيه رياس و بدا كايضحك
بعد دقائق تسمعات صرخة وسط القصر .. شافو فبعضياتهم و بداو كايضحكو
بولترا : حدسي ماكايكدبش عليا
أدلر : ( بإبتسامة ماكرة ) صافي جات
بولترا : ( ميل راسو ) غانلعب معاها
بقاو حاضيين بعينيهم جميع الجوانب ديال القصر منين غاتخرج ولكن ما من أثر ليها .. بداو كايجيو البوليس و الصحافة
أدلر : فين مشات؟؟؟؟ تكون مزال ماخرجات؟؟؟؟
بولترا : خرجات.!!
أدلر : هادشي لي بان ليا حيت مايمكنش تبقا لداخل حتى يجيو البوليس ولكن كي دارت حتى خرجات بلا مانشوفوها؟؟؟؟؟؟؟؟
بقا بولترا كايشوف فأدلر بإستغراب .. جاو قبل من الوقت لي كاتنفذ فيه جرائمها بساعتين .. المفروض غادي تتعرف الجريمة ماشي مع 00:00 .. حيت هاد الوقت هو فين كاتنفذ الجرائم ديالها .. شي حاجة مامضبوطاش فالموضوع اولهم البوليس لي جاو مع 00:00 .. الخروج لي هما متأكدين منو بلي ماخرجاتش
أدلر : خلينا نمشيو من هنا قبل ماتتلفق لينا التهمة .. هادي لي ماتت ماشي اي وحدة ، ماغاديش يسكتو على هاد القضية ايلا لقاونا هنا .. مشاو من تما و باقا مابغات تفهم لهم قضية انها خرجات من تما بدون مايشوفوها ...
⇦ في مكتب التحقيقات
لوجين : ( بجدية ) البارح خرجو لي النتائج ديال التحاليل
مايكل : اينا تحاليل؟؟
لوجين : التحاليل ديال اخر حاجة شربوها السجانين و المسجونين ليلة الجريمة
مايكل : و شنو لقيتي؟؟؟
جوزيف : شنو هما النتائج؟؟
تقادات فجلستها و جبدات ورقة من واحد الملف حطاتها لهم قدامهم .. جمعات يديها قدامها و نطقات بجدية
لوجين : لقينا كمية من مادة الإيستازولام فالما ديال السجن .. الشيئ لي خلاهم يفقدو الوعي ديالهم
جوزيف : ( ببرود ) توقعتها
سيلين : علاش لي ماستعملش مخدر عادي؟؟؟؟
لوجين : حيت مادة الايستازولام ماكاتطلعش فالتحاليل بسهولة داكشي علاش ستعملها كمادة للتخدير و هي نفسها المادة لي لقيتها مستعملة فالمشروبات لي تخدرو بيها الضيوف لي كانو فالحفل ديال فرنسا
سيلين : كانحس بيه كايلعب بينا
مايكل : خديتو إفادة الشهود؟ ديال اخر 3 جرائم؟؟؟
جوزيف : الجريمة ديال وزير النمسا خديناهم انا وياك
سيلين : باقي خاصنا الجريمة لي وقعات فإسبانيا خاصنا نعاودو ناخدو إفادة الشهود
جوزيف : واش كاتبوهلي بلعاني؟ .. ديك الجريمة ماكانش فيها شهود حيت ببساطة كلشي كان ضحية
سيلين : ياك كانو فايقين قبل مايفقدو الوعي؟؟؟؟ ضروري غايكونو لاحظو شي حركة غريبة
لوجين : غانعاودو ناخذو الاقوال ديالهم ... قاطعهم دخول سي ألبرت
ألبرت : اش باقيين كاديرو هنا؟؟؟؟
سيلين : كانحلو اللغز ديال هاد المجرم
ألبرت : المجرم باقي كايكمل فجرائمو و نتوما باقيين عاطيينها للهضرة؟؟؟؟ ... وقعات جريمة خرا فروسيا عاد جاتنا الخبار
سيلين : جريمة خرا؟؟؟
ألبرت : ( بإنفعال ) حبسو هاد تخربييق لي شادين فيه .. و شدو اول رحلة غادا لروسيا دابا نيت حيت.. ... قاطعو طيلي لي صونا
ألبرت : وي؟؟ ( بصدمة ) جريمة خرا؟؟؟؟؟
⇦ في ماليزيا فنفس الليلة
One hour ago
" قبل ساعة "
كان مجبد فالجاكوزي حاط حداه كاس ديال مشروب من المشروبات الفاخرة كايرتاشف منو .. مع ضو خفيف فالحمام .. من موراه واقفة بنت شابة كادير ليه مساج بحنان
***** : علاش حبستي؟؟ زيدي متعيني بيديداتك .. رجعات كادير ليه مساج بطريقة حنييينة كتر من اللول
جيكساو : ( بصوت رقيق ) ليلة زوينة هادي
***** : ( مرخي ) زوينة و غاتزيان كتر ايلا كنتي معايا .. حط يديه على يديها لي كادير بيها المساج
جيكساو : ( بصوت كفحيح الأفعى ) ليلة زوينة للموت
***** : ايلا كان على يديك علاش لا الغزالة
جيكساو : طلبتيها رخيصة
بدات كاتزير يديها على كتافو كتر و كتر
***** : بنتي ليا زربانة ا غزالتي
شد فيديها و ضار لعندها باش يخشيها معاه .. لكن غير شاف وجهها لي كان فالأصل قناع بيض نفسو ديال Saw نقز فبلاصتو و بدا كايغوت
جيكساو : مالك مخلوع
بغا يهرب ولكن كايحس برجليه فاشلين عليه .. حاول يهز يديه ولكن لقاها حتى هي باردة عليه .. مشات لجهة الفاليز لي جابت معاها و بدات تختار فالأدوات لي غادي تستعمل هاد المرة
***** : علاش مابقيتش كانحس برجلي و يدييي؟؟؟؟؟ اش وقع لياااااا
جيكساو : ( بصوت هادئ ) ماشي شي حاجة .. غير دوا غا يشللك مؤقتا
***** : اش درتي ليا؟؟؟؟؟ شكون نتي؟؟؟؟؟
جيكساو : حافض على جهدك مزال باغاك تبقا فايق معايا
بقا كايهضر و هي متجاهلاه مكتافية غير بالدندنة ...
شوية بشوية حتى بدا كاينخافض صوت الضحية لي كايغوت بسبب تأثير السم لي دارت ليه .. ماشي شي سم خطير و انما غير كايشلل الانسان مؤقتا ماكايبقا يهضر ولا يتحرك .. كايبقاو غير العينين لي كايدورو .. هزات المشرح و الملقط و توجهات لجهتو
جيكساو مع دندناتها .. خشاتهم بين 3 ديال الصبعان و قربات كرسي حادر للجاكوزي باش تجلس فيه موراه .. شداتو من كتافو و بدات كاتتكيه على ركابيها باغي يغوت و باغي يبكي بالدموووع على هاد الموقف لي راه فيه دابا ماقادر لا يغوت لا يدافع على راسو لا يهرب فقط كايشوف بعينيه .. تكات ليه راسو على ركابيها و بقات كادوز يديها على راسو بحنان .. كانو يديها بارديين بزاف
جيكساو : يعني موافق ياك .. نتا ماغاتخصرش ليا خاطري
جبدات الملقط من بين الفرقة ديال صبعانها و بدات كاتقربو لعينيه .. بقات كاتدخل دوك 2 حديدات بحركة دائرية بطيئة لي تخلي الواحد كايحس بلي فعلا عينو غادي تتجبد من بلاصتها .. شوية بشوية بشوية حتى دخلاتو فواحد العين و بدا كايفيض منها دمايات .. طوش لها الدم نيشان للوجه
جيكساو : دمك سخون
بقات كاتحاول تهز العين و تخرجها بالملقط ولكن كل شوية كاتزلق لها و بعد عدة محاولات و اخيرا تهزات .. خرجاتها من بلاصتها و جبداتها لعندها بجهد حتى تقطعو العروق لي كانو شادينها .. لاحتها و بدات بنفس العملية للعين الثانية حتى خرجاتهم بجوج .. ماجات فين تساليهم حتى كان صافي مات .. لاحتهم وسط الما و رجعات للفاليز هزات منشار صغير برونشاتو مع الضو و بدات كاتحل ليه الجمجمة ديال راسو بالمنشار حتى بدا الدم كايخرج من جميع الجوانب ديال راسو .. فرقات ليه راسو على جوج حتى تأكدات بلي تحل عاد حطاتو .. هزات يدها و خشاتها وسط راسو جبدات ليه دماغ و لاحتو حتى هو وسط الجاكوزي .. ناضت من تما دقائق و عاودات رجعات و هي جارة فيديها البنت لي كانت كادير ليه المساج .. لاحتها من فوقو و رجعات اللور كاتنفض يديها و فنفس الوقت كاتشوف فيهم .. جمعات الماطريال ديالها و خرجات من تما من مور ما مسحات اي اثر من موراها
" صباح اليوم التالي "
من مور ما وصلاتهم الخبار بلي وقعو 2 جرائم فنفس الوقت قررو يتفرقو لمجموعتين .. جوزيف مع سيلين غايمشيو لروسيا و لوجين مع مايكل غايمشيو لماليزيا بما انهم هما لي مكلفين بالقبض على هاد المجرم
⇦ في روسيا
توجهات سيلين و جوزيف لموقع الجريمة واحد ما كايهضر مع واحد ... وصلو و لقاو محققين اخرين حتى هما تما و الجثة و جميع الادلة باقيين فبلاصتهم كانو متوقعين انهم يلقاو هاد المرة جثة على شكل لوحة دموية ولكن لا .. هاد المرة لقاو الجثة فواحد الشكل مثير للريبة و فوضعية كانت مخالفة لجميع توقعاتهم .. شاف جوزيف فسيلين بإستغراب و جبد الليكات بدا كايلبسهم و زاد قرب هو وياها لجهة الجثة .. ماكانت فيها حتى شي خدشة و ما فيها حتى شي نقطة ديال الدم
▪دخل بخطوات ثابتة للموقع الجريمة كايجيو يمنعوه كايوريهم شارة لي هي فالأصل مزورة .. بدا كايشوف فجوزيف لي كان مشغول بالجثة .. وصل لحدا الجثة و ميل راس الضحية بيديه
جوزيف : ( بعصبية ) شكون عطاك الحق تتدخل فالتحقيق .. ( شافو و ستغراب ) اش كادير هنا
رياس : ( بإبتسامة ) بغيت نجرب خدمتك
تسالم هو وياه سلام رجولي بقات سيلين غير كاتشوف فيهم شكون هدا و اش جا كايدير هنا
جوزيف : مانخافش عليك و دخلتي بهاد السهولة ...
سيلين : شكون هدا لي معاك؟؟؟
جوزيف : حاطينك باش تحلي الجريمة ولا تحضيني؟؟
قرب رياس يديه لراس الضحية و ميلو شوية .. بقا كايتفحص الجثة بعينيه ماكانتش مقيوسة نهائيا و حتى من القاتل ماخلاش موراه شي دليل
سيلين : لقيتو شي حاجة؟؟
رياس : ( شاف فجوزيف ) ماكاينش اثر ولا علامة فيها
جوزيف : حتى فالضحايا لي دازو من قبل ماكانش كايخلي فيهم علامة محددة .. بقا رياس كايشوف فيها مدة و هو خاشي يديه فجيبو
سيلين : ممكن تكون ماتت إثر السم؟؟؟ .. حل جوزيف فمها و خرج لسانها
سيلين : و اخييرا لقينا واحد كايفهمها طايرة اممم بان ليا ماغاتكونش الخدمة معاك خايبة
جوزيف : رياس ماخدامش معانا
سيلين : كان غايكون حسن كون كانت خبرتك بحالو ... عموما مافهمتش كيفاش حتى تسربو السوائل؟؟؟
جوزيف : بشي طريقة و هنا فين كاين السؤال شنو هي الطريقة
سيلين : ( بإنفعال ) مافهمتش انا هاد القتال واش عند بالو ارواح الناس لعبة؟؟؟؟ .. شاف فيها رياس و بدون سابق انذار بدا كايضحك حتى سالو ليه الدموع
سيلين : حتى نتا كايسحابلك هادشي لعبة؟؟؟؟؟ ... مافهمتش اش كادير هنا و اش دخلك فقضيتنا ... جمع ضحكتو و بدا كايشوف فيها بنظرات خلات رعادة تطلع معاها و وجهها يتخطف منو اللون ... شافها كي تخلعات و رجع كايضحك بضحكة مجنونة
رياس : هههههههههههههههههههههههههه تخلعتي؟؟ ... عرفتي شكون المجرم الحقيقي لي كاتقلبو عليه؟
سيلين : ( برهبة ) ماعرفتش
رياس : ( جمع ضحكتو و نطق بشكل عادي ) دري صغير حط لكم احجية و كايقلب على شكون يحلها .. و مدام عقدها يعني ماكايحملش الخسارة .. من سوء الحظ ديال هاد البرهوش ماكايعجبنيش لي يبارزني فالحجايات
سيلين : ( بعدم فهم ) نعم؟؟
جوزيف : دابا من هادشي كامل عندكم شي افكار؟؟؟
رياس : عندي
جوزيف : شنو هما؟؟
رياس : ( بملل ) غانخليهم لراسي ندوز بيهم الوقت
جوزيف : دوك الثقوب لي فرجلين الضحية ماشي طبيعيين
مشات سيلين باش تطل على رجلين المرا لقاتهم مثقبين بواحد الطريقة كاتروع القلب .. حطاتهم و قلبات وجهها
رياس : عموما هاني غادي .. تصافح مع جوزيف و خرج من تما كيفما دخل .. لقا أدلر كايتسناه فالطوموبيل .. ركب حداه و ديماراو
أدلر : ماعرفتش علاش رجعتي لتما كون مشينا فاش قلتها لك كون مشينا للنمسا
رياس : بغيت نعرف كيفاش ماتو 2 ضحايا فنفس الوقت
أدلر : و عرفتي؟؟
رياس : المرا تحقنات بمادة " السينايد " هادشي باش ماتت و على حسب لي شفت و تصلب الجلد ديال الضحية كايدل بلي ماتت هادي 11 لساعة يعني فمنتصف الليل بالضبط
أدلر : ولكن ديك المادة كاتخلي اعراض خرا
رياس : وي بسبب تجمع السوائل كان عندها واحد الانتفاخ فالأطراف التحتية و بالخصوص فرجليها
أدلر : المفروض غادي يلقاو الاثر ديال ليبرا باش تحقنات
رياس : ممكن ...
أدلر : شنو دابا فين نمشيو
رياس : للمطار .. رجع الكوسان للور و جبد حجر الملك .. بقا كايدورو فيديه
أدلر : خطيرة
رياس : امم
أدلر : 2 جرائم فنفس الوقت؟؟ .. كانفكر ايلا كانو هاد المرة 3 ديال الناس كي غادير لهم
رياس : ( كايضحك ) ههههههههههههههههه شكون عرف ... وصلو للمطار و نزل رياس
أدلر : ربع ساعة و غانرجع .. نحط اللوطو فشي باركينغ و نتبعك
رياس : ماتعطلش ماكايعجبنيش نتسنا
▫ نزلات من الطيارة .. كانت لابسة سروال رجل من الجلد فالكحل و رجل تجينز و بوط طويل فالكحل مع تجاكيط كوير حتى هي فالكحل و شال فالحمر .. حاطة لي لونتي فالكحل و بيروك قصير و مبدلة شي حوايج فوجهها على ود الهوية المزورة لي عندها .. كانت غادا و هازة فيديها بوو
جيڭساو : ( بإبتسامة ) بوو ها حنا رجعنا لبلادنا و اخيرا عارفاك ماكايعجبكش الجو ديال البلايص لاخرين ولكن ماكانبغيش نسافر بوحدي و عارفاك حتى نتي ماكاتبغيش تجلسي بوحدك ياك .. بدات بوو كاطلق صوت الضبح ديالها بحالا كاتجاوب جيڭساو
البومة : ( صوت الضبح )
جيڭساو : ( بعلامة حزن ) جاك البرد؟؟
بينما هي كاتهضر مع البومة دخلات فواحد ضرباتو بكتفها و كملات طريقها كيفما كملها هو بدون ما يلتفت حتى واحد منهم لعند لاخر .. خرجات من المطار و شدات طاكسي
▪كان داخل هو و أدلر للمطار كايهضرو حتى ضرباتو شي بنت لكتفو ماهتمش بزاف حيت بحال هاد الحوادث كايوقعو و فاش كايكون ملهي بشي موضوع و ماعندوش الكانة للقتل ولا اللعب ماكايتسوقش لبحال هاد الحوايج ... ضار أدلر لجهة ديك لي ضرباتو كانت غاديا و عاطياهم بالضهر
أدلر : عندها الزهر
رياس : ( هاز حاجب ) علامن كاتهضر
أدلر : ديك خيتي لي عاد دازت فيك
رياس : ( بملل ) ماعنديش الكانة فهاد الساعة
أدلر : موضوع جيكساو؟
رياس : بغيت شي حاجة جديدة ندوز بيها الوقت
أدلر : ماكاين ما حسن منها هههههههه
رياس : لقا لي الضحية التالية ديالها
أدلر : خاصني نعرف الأسلوب لي كاتعتامد عليه و المميزات لي كايميزو ضحاياها باش كاتقتلهم
سيلين : و منين غانعرف انا منين جابو راه ساهل و فينما مشيتي تلقاه .. يقدر يكون مشا لعند شي واحد كايلمع الفضة و شراه من عندو ولا يقدر يكون هو لي وجدو نيت
جوزيف : و كي دار حتى وصل للضحية؟؟؟
سيلين : ممكن يكون تحقن
جوزيف : ماكاين فجسم الضحية حتى شي أثر ديال الحقن و الماكلة كلها تحللات و ما فيها والو
سيلين : خاص نعاودو نرجعو لمسرح الجريمة و نعاودو نقلبو
جوزيف : ماغانستافدو والو
سيلين : ايلا مابغيتيش تمشي هانا غادا انا ... خرجات من تما و تبعها
جوزيف : حتى تكوني خدامة بوحدك عاد ديريها
سيلين : باغي يرجع لك الفضل بلي حليتي القضية بوحدك
جوزيف : و غانحلها بلا مانحتاج للمساعدة ديالك المكلخة
سيلين : دابا نشوفو شكون المكلخ العود لي تحكرو يعميك
توجهو لمسرح الجريمة حلو لهم الخداما الباب و طلعو لغرفة السيدة لي ماتت كل واحد فيهم كايقلب فالبيت لعل و عسى لقاو شي دليل ولا شي حاجة فلتات لهم
سيلين : ( كاتتفحص الاغراض لي تما بعينيها ) كلشي عندها مرتب و أنثوي
جوزيف : فين الجديد فهادشي؟ ... تجاهلات كلامو و بقات كاتقلب كاتحاول تلقا اداة الجريمة حتى لواحد الشوية لفتات إنتباهها حاجة غريبة ...
لفت إنتباهها شيتة ديال السنان كانت فالكحل سامبل و هي الوحيدة لي لونها قاتم من بين الادوات لي فالدوش .. هزاتها فيديها و بقات كاتشوف فيها بشك
جوزيف : طمعتي فالشيتة ديال المرا حتى هي؟؟؟؟؟؟
سيلين : مالاحظتيش واحد الحاجة؟؟؟
جوزيف : هاد الساعة لي لاحظت هو الوقت لي كانضيعو معاك هنا بلاصة مانكون كاناخد أقوال الخداما لي فالقصر
سيلين : جميع الأدوات لي فالدوش كايبانو غاليين و فيهم ألوان مفتوحين و مزوقين ما عدا هاد الشيتة ديال السنان ماكاتشوفش الموضوع غريب؟؟ ادواتها كاملين عندهم طابع واحد ما عدا هاد الشيتة
جوزيف : ( بإهتمام ) شنو كاتقصدي؟
سيلين : وحدة من الجوج يا المجرم نسا اغراضو هنا يا خلاها عن قصد
جوزيف : علاش لي مانقولوش وحدة من الخدامات نساتها هنا؟؟؟
سيلين : حل معايا عقلك و شوف .. فين مشاو شيتات ديال السنان؟؟؟ المفروض الاغنياء كايكون عندهم كتر من وحدة و مولوعين بالنظافة يعني قبل ماينعسو ضروري ماكايغسلو سنانهم و اخر حاجة دارتها الضحية هي غسلات سنانها و مشات تنعس كيفما كاتشوف لقيناها ناعسة فوق الناموسية يعني الضحية ماتت و هي ناعسة الإستنتاج من هادشي مادة سيانيد كانت موضوعة فالشيتة
جوزيف : ( بإستهزاء ) كيفاش حكات سنانها بالشيتة بدون ماتشوف المادة فالشيتة الفاهمة
بقات كاتحرك الشيتة فيديها حتى حسات بشي حاجة قاصحة و رقيقة فالشيتة هزاتها و بدات تحقق فيها توسعو عينيها من هول الصدمة و من شنو شافت حتى بغات تقوليه و هي تسكت
كانت لوجين حاطة نظاظرها و فيديها عينة من المشروب لي كان كايشرب منو الضحية
لوجين : قرب لعندي شوية باش تشوف
مايكل : اش غانشوف .. كاتوريه بيديها
لوجين : لون المشروب صافي بدرجة على اللون الإعتيادي ديالو كانظن الضحية شرب شي حاجة قبل مايتقتل باش تسهال المأمورية على القاتل
مايكل : و شنو غايكون تخلط مع المشروب؟؟؟ منوم؟؟؟
لوجين : تبعني نوريك شي حاجة
مشاو للمختبر لقاو تما اطباء خرين توجهو للجثة ديال الضحية لي مات لبسات صباعيات فيديها و بدات كاتوريه
مايكل : علاش جينا لهنا؟؟؟
لوجين : لبس هادو و قرب يديك لثقب عين الضحية .. شفتي تصلب الدم و اللون ديالو
مايكل : مالو؟؟؟
لوجين : الضحية شرب شي حاجة لي خلات الحركة تتشل ليه مؤقتا و الكمية ديال الدم لي خسر الضحية كاتثبت هادشي
مايكل : شنو كاتقصدي؟؟؟؟
لوجين : الدم تجمد قبل مايخرج من عين الضحية .. شفتي لداخل فين مجموع؟؟
مايكل : وي وي شفتو
لوجين : و مدام الضحية ماشربش منوم يعني اكيد كان غايدافع على راسو فاش بغا يقتلو القاتل .. ولكن لي كانشوفو ماكاينش اثار للخدوش فالجسم او شي علامة كاتدل بلي كان كايدافع على راسو يعني فهاد الحالة كايبقا الاحتمال الصحيح هو الضحية شرب دوا كايشلل الحركة و بيان سيغ هادو كايبقاو غير فرضيات و نتيحة التحاليل هي لي غاتورينا ( حيدات الصباعيات ) وجد راسك غانرجعو للنمسا من مور مايخرجو النتائج ...
قبل 24 ساعة...
مجموعين ب4 بيهم كل واحد فيهم عندو دلائلو .. كان واقف عليهم ألبرت كايتسنا يشوف اش دارو
ألبرت : فين وصلتو فهاد القضية؟؟؟
جوزيف : خديت أقوال الشهود و لقيت ماكانتش فيهم شي فائدة من غير ان الضحية مصابة بالأرق مسبقا .. ماعندهاش اعداء و مؤخرا كانو وقعو مشاكل بينها و بين واحد من ولادها بسبب الإرث يعني كاين 2 إحتمالات يا غا يكون هو لي قتلها يا غايكون السفاح لي كانقلبو عليه و باش نتأكدو من هاد الموضوع هضرت مع الشرطة الروسية باش تحط عليه اشخاص يراقبوه
ألبرت : غير هادشي لي كاين؟؟
جوزيف : قلبت فسجل المسافرين و لقيت واحد الحاجة غريبة .. 4 اشخاص سافرو ل4 ديال الدول زارهم السفاح .. 2 من رجال الأعمال و وحدة صحافية و الرابعة بنت سيد اعمال نمساوي
ألبرت : امم معلومات ماكافياش
مايكل : تقريبا نفس الشي لي درت .. ولكن عرفت واحد الحاجة
ألبرت : كانسمعوك ا سي مايكل
مايكل : الضحية لي مات كان مزوج .. فديك الليلة لي مات على ما قالو الخدامات مراتو عطاتهم عطلة فداك النهار باش مايخدموش ولكن لسبب مجهول وقعو خصامات بين الضحية و مراتو قبل مايموت ... و على حسب شهادة الخدامات و مراتو تناقشات معاه حيت لقاتو كايخونها
ألبرت : لي عرفت هو لقيتو خدامة خرا مقتولة فنفس مكان الجريمة
مايكل : تماما ولكن فاش فحصنا لقينا بلي فقدات الوعي بسبب منوم عاد ماتت بينما الضحية كان كايتعدب و هو حي حيت ماكاين حتى شي اثر ديال المنوم فالجسم ديالو و حتى هنا كايبقا الشك واش جيكساو لي قتلو ولا مرتو ولا كانت جريمة مشتركة .. المرا قتلات الخدامة و السفاح قتل الراجل حيت كيف سبقنا و شفنا فالجرائم الاولى كانو كايموتو غير الاغنياء
ألبرت : هادشي لي كاين؟؟؟؟ .. جبدات لوجين ملف و وقفات كاتشرح
لوجين : عندي إضافة صغيرة .. لقيت كمية من مستخلص نبتة الداتورة فدم الضحية و الغريب فالأمر هدا لي ستخرجو من ديك النبتة على ما اظن شخص عندو دراية كبيرة فأنواع السموم حيت ماخلاش الريحة و ماخلاش حتى اللون يبان لو مالاحظتش لون المشروب لي تغير ماكنتش غانعرف بلي الضحية تشلات حركتو قبل مايموت هادي اللولة .. ثاني حاجة لي عارفين حنا على السفاح كايعجبو يتفنن فضحاياه كيفما شفتي ا مايكل جسد الضحية كي كان مشوه ولكن جسد الخدامة كانت فيه غير طعنة و فسجل الجرائم ديال هاد السفاح عمرنا شفنا شي ضحية من ضحاياه تعرضات لمجرد طعنة .. نفتارضو كلامك صحيح و السفاح قتلهم بجوج .. علاش لي ماقتلهمش بنفس الطريقة؟؟؟ .. و علاش لي تقتلو غير هما و ماتقتلاتش مرتو لي كانت حتى هي فالدار على حسب اقوالها و اقوال الشهود .. و شنو الفائدة عند السفاح حتى يقتل الخدامة؟؟؟ .. من هنا كانستنتجو بلي ماشي هو لي قتل الخدامة
مايكل : يعني مراتو؟؟
لوجين : تماما
مايكل : و علاش ماذكراتش هادشي فالتحقيق؟؟؟
لوجين : ممكن يكون عندها شي هاجس
ألبرت : هادشي حتى تعاودو تناقشوه ( شاف فسيلين ) ايوا و نتي ا الأنسة سيلين .. وقفات و هي كاتشوف فجوزيف
سيلين : انا لقيتو ( بقات كاتشوف فيهم و هي على ثقة تامة بهادشي لي عندها ) اداة الجريمة كان جد بسيط كايبان بحال حاجة عادية ولكن تركيبتو ( حطات يديها بجوج فوق الطبلة ) تما فين كاين السر
سيلين : ( هزات الشيتة و بدات كاتوريهم ) ايلا قلبتو مزيان بين هاد الشعرات لي كاينين فالفرشاة غادي تلقاو واحد الثقب صغير دارو صغير بزاف باش تبقا الفرشاة على الوزن العادي ديالها و فاش كاتضغط على ضهر ديال شيتة كاتخرج إبرة من داك الثقب .. ها هي شفتوها؟؟؟ صغيرة يعني السينايد تحقن بواسطة الشيتة فاللحم ديال سنان و تحقن فهاد البلاصة بالضبط حيت هاكا غايكون سريع الارتباط بالشعيرات الدموية فالرئتين و حيت هاد الابرة صغيرة بزاف فالضحية ماقدراتش تعرف بلي فديك اللحظة تحقنات و ما حساتش بالوخز
جوزيف : ( بصدمة ) ولكن نتي...
سيلين : بلاااااتي مزال ما ساليت .. هادشي ماوقفش هنا حيت من ذكااء السفاح هاد الشعيرات كاملين لي كاتشوفوهم ماشي شعيرات عادية و إنما شعيرات حااادة .. يعني بلاصة مايحقنها بحقنة كبيرة .. هو ستخدم الشعيرات الحادة من دوون ماتكون زيادة فوزن الفرشاة .. ماتصدموش مزال ما ساليت .. هو ماستعملش شعيرات حادة عادية ستعمل ألياف من النوع الشافر ماكايخليش الاثر نهائيا فجسم الضحية .. حتى ان الفرشاة الاستخدام ديالها ساهل بزاف .. حتى كايكون الضغط عليها كي كاتشوفو عاد كاتخرج ليبرا ... قربات لهم و هزات ستيلو و ضغطات على شيتة شوية حتى تصدمو بليبرا لي خرجات و ثبتات بلي هضرة سيلين صحيحة .. ختماتها بإبتسامة جانبية .. هادشي لي عندي ا سي البرت ...
بانت فوجه مايكل و جوزيف الصدمة اما بالنسبة لألبرت فهو ولف حيت عارفها شحال من مرة صدماتهم فقضايا
جوزيف : الصمت
مايكل : ( بذهول ) كان كايسحابلي المجرم كايحتافض بالسلاح معاه ماشي كايخليه فمسرح الجريمة
لوجين : نظريا هادشي لي خاص يكون
سيلين : ايوا ا سي جوزيف واش شفتي الشيتة ديال السنان لي كنتي حاكرها .. ماجاوبهاش باقي تحت تأثير الصدمة
ألبرت : كانظن دابا عرفتو مزيان معامن كاتعاملو
مايكل : منين المجرم خدا جميع هاد الإحتياطات فسلاح واحد كيفاش غايكون الوضع مع الأسلحة لاخرين
ألبرت : هاد المرة المجرم بغا يلعب معانا
مايكل : دابا عاد فهمت كي دار حتى قتل 2 ضحايا فنفس الوقت
▪ بولترا : حطات الفخ فروسيا فالصباح .. و فالليل مشات للضحية التالية
أدلر : عندها الدقة فالوقت ولكن شنو كان غايوقع كون ماتت الضحية قبل 00:00؟؟
بولترا : كون عرفاتها غاتموت قبل ولا بعد .. ماكانظنش كانت غا تعتامد على ديك الخطة
أدلر : زدت تشوقت باش نعرفها
بولترا : عرفتي الضحية التالية؟
أدلر : ( كايحك راسو ) الضحية التالية من كوريا ولكن مع 00:00 غايكون فحفلة فالمغرب من هنا اسبوعين تقريبا
أدلر : ( كايضحك ) علاش غايعرضونا و حنا هما ضيوف الشرف هههههههههههههههههههههه
بدا بولترا كايضحك بالجهد هو و أدلر .. حبس الضحة فدقة و عاود حبسها أدلر و كملو الهضرة بشكل عااادي
أدلر : هاد المرة غادي نلقاوها
بولترا : فالشك .. نقدرو نلقاوها ( هبط شنايفو ) و نقدرو مانلقاوهاش .. ولكن انا بولترا و حتى حاجة ماكاتخفا عليا ههههههههههههههههههههههه
▫كاتتمشى فسوبر ماركيت و جارة قدامها الكروسة لابسة قبية فيها جيب القدام حاطة فيه البومة بحال الكنغر .. غادا و كاتاخد داكشي لي خاصها و لي خاص للبومة .. مشات لجهة الديكورات المنزلية و لفت نظرها واحد الديكور بشكل حجر الملكة فاللون الأحمر و الكحل كبير تقريبا كايضرب النص فطولها .. بقات واقفة كاتشوف فيه .. قربات ليه و بدات كاتلمسو .. عيطات على لي خدامين تما باش هزوه لها و مشات لاكيس باش تخلص .. خرجات الكروسة و بدات تنقل تقدية لطوموبيل .. يلاه ركبات و بغات ديماري جا واحد من اللور و ضربها بقات زعما كاتتسناه يجي يعتاذر على داكشي لي دار شافتو مامسوقش بل خرج من طوموبيل و تم داخل لسوبر ماركيت .. ماحيحات عليه ماهضرات معاه ديمارات اللوطو حتى بعدات مزيااان و عاودات رجعات باللور ضرباتها ليه عاد كملات طريقها .. بينما مول طوموبيل غير شافها اش دارت مشا ركب فاللوطو و هو معصب و تبعها على أساس باش يلقنها درس على شنو دارت
جيكساو : شفتي ا بوو علاش خاصنا نديرو الإبادة لبحال هاد النوع .. حيت ماكايستاهلوش يعيشو كان خاص دادا لي تكون عايشة بلاصتهم دابا ماشي هما .. عرفتي ا بوو شكون هداك لي ضرب لينا اللوطو؟؟ ( بإبتسامة ) الحجر التالي لي غاندوزو ليه
شافت فزاج ديال طوموبيل و بان لها تابعها بتاسمات بشر و بدلات الطريق لجهة الغابة جارة فريستها موراها
⇦ خوات قاعة العرض و بقات غير سيلين و جوزيف لي كان متعمد يبقا تما
جوزيف : علاش ماقلتيش ليا داكشي لي عرفتي على الشيتة؟؟؟؟
سيلين : و علاش غانضيع وقتي فالشرح و اغلب هضرتنا غير مخاصمات ماتنساش راه كانخدمو كاملين فهاد القضية ماشي غير نتا لي كاتخدم و ماشي غير نتا لي كادير مجهود
جوزيف : هاد الهضرة قوليها لراسك ياك كنت معاك فنفس البلاصة بلعاني خبعتي الموضوع باش تباني نتي لي خدامة ياك
سيلين : ايوا ا سيمحمد فاش قلت لك الشيتة .. بديتي كاضحك عليا نسيتي ولا نفكرك ...
▫بقات صايكة لجهة الغابة و عينيها على المرايا ديال طوموبيل و اليد الثانية كاتقلب بيها فواحد صاكادو .. بدات كاتخرج على المدينة و طوموبيل باقا تابعاها .. جبدات 2 حوايج ديما كاتهزهم معاها .. جنوي حااد و واحد القرعة صغيرة فيها كمية ضئييييلة من مادة البوتولينوم مخلطة مع كمية ضئييلة من سم الضفضع الواثب مع مواد اخرى لي كاتشلل شلل مؤقت من دون ماتخلي الأثر فالجسم ابدا و حتى فالتشريح ماكاتبانش .. حيدات بوو من الجيب ديالها و حطاتها فالكوسان لي فجنبها .. بداو كايدخلو للغابة و هو باقي تابعها وقفات اللوطو فنص الطريق و هزات كمية من داك السم بليبرا .. غطات وجهها بالماسك و خرجات من طوموبيل و يديها فجيبها كاتتسناه يوصل كانت كاتتسناه يخرج كايحيح على طوموبيل لي شخشخاتها .. ولكن وقع العكس خرج و هو مبرد مرجع يديه موراه .. وقفو فالمنتصف هي مخبعة يديها فالجيب و الشخص المجهول مخبع يديه موراه
***** : الجو زوين بزاف هاد النهار
جيكساو : الصمت
جبد داك الشخص جنوي مااضي كاتنعاكس فيه إبتسامتو الخبيثة لجيكساو .. هو معتبرها وحدة من ضحاياه و هي معتابراه فريستها و حتى واحد فيهم ماعارف الهوية ديال الثاني .. جبدات الجنوي من جيبها و بدات كاتلعب بيه فصبعانها
جيكساو : الصمت
دوز لها الجنوي من حدا راسها و تحدرات بالعكسية و مشات موراه .. ضار باش يشوفها مالقاهاش عاود شاف فين مشات لقاها خرجات من الطريق و واقفة حدا الشجر بحالا كاتستدرجو .. تبعها و هو ناوي باش يلعب معاها لعبة الغميضة .. بقات كاتتمشا باللور و كاتحرك صبعانها بمعنى أجي ماوقفات حتى تعمقات فالغابة .. مع وقفات و هو يهجم عليها باش غايدبحها ولكن بدون مايفهم ولا يستوعب تحركات من تما و خدشاتو بالجنوي فالرقبة ديالو ... لتفت اللور باش يشوف مالقاهاش .. عاود جرحاتو فيديه بالجنوي .. عاود جرحاتو فضهرو .. عاودات جرحاتو فرجليه .. بقا كايتلفت فجميع الجوانب مالقاهاش .. سمع شي حاجة طاحت للأرض من موراه لقاها هي لي نقزات من الشجرة و جاية لعندو و كادوز جنوي بين يديها .. بدات كاتدندن نفس اللحن لي كايعجبها
جيكساو : ( بصوت كفحيح الأفعى ) دابا عقلت فين شفتك .. الملاكم هالك روبيرتسون نوبتك كانت بعيدة شوية ولكن ماعندك زهر .. زربتي على راسك بقات كادور عليه و فقط 2 اصوات لي كايتسمعو فالغابة .. صوت الطيور و صوت دندناتها وقفات موراه و يلاه جات باش تخشي ليه ليبرا فرقبتو شدها من يديها و قلبها للأرض .. هز الجنوي ديالو و حطو لها على عنقها
***** : عرفتي شكون انا و ماعرفتيش فوقاش كانكون هالك و فوقاش كانكون ( إبتسامة خبيثة ) بيني وايز
تسمع صوت الضحكة ديال جيكساو من تحت القناع .. تعجب علاش كاضحك و علاش حاطة القناع عصباتو ضحكتها هز جنوي كإستعداد باش يدبحها .. شوية حس بشي حاجة تحقنات فعنقو .. حط يدو من مور عنقو باش يجبد ليبرا .. مع جبدها مع طعناتو بجنوي فجنبو جبداتو و عاودات طعناتو بيه فكرشو .. جبدات راسها من تحتو و ما جا فين يستوعب حتى لقاها من موراه هازة راسو بيديها
جيكساو : سالا وقتك ا ( بصوت هامس حدا ودنيه ) بيني وايز .. يلاه جات دبحو شوية وقفها واحد الصوت .. كان صوت البومة ديالها لي كاتقدر تميزو من بين ملايين البومات طلقاتو و مشات
جيكساو : مزال نوبتك جاية ...
بدا كايحس بأطرافو كايتجمدو عليه داكشي لاش حاول يخرج من الغابة قبل مايتشلل و يبدا ينزف للموت ... بما انه من اشهر السفاحين و من الناس لي كايعيشو ب2 شخصيات ماكانش صعيب عليه يعرف بلي داكشي باش تحقن سم كايشلل الاطراف و هادشي عرفو غير من الاعراض لي بداو كايجيوه اما عند جيكساو مشات كاتجري لعند البومة لقاتها خرجات من طوموبيل و جاها البرد ... رجعاتها لجيبها و ركبات فطوموبيل شدات الطريق لدارها و هي ناسية اش عاد وقع حيت فالأول و الأخير هداك كايبقا ضحية من ضحياها .. عكسو هاد المجهول لي بقا عندو تساؤل على شكون هي و مافكرش اصلا بلي هي جيكساو .. حيت جيكساو معروف عند كلشي بلي راه راجل .. دازت فترة كالعادة مافيهاش جرائم جيكساو ولكن البحث عليها ماحبسش و زاد تكثف باش يلقاوها فأقرب وقت
Two weeks ago - Morocco
" قبل أسبوعين - المغرب "
فوق بناية عالية جالسة و طالقة رجليها فالهوا هازة فيديها المنظار و فجنبها كاين مكانة ( ساعة ) و قرعة ديال الما مترقبة الحفل لي كانو حاضرين فيه 10 شخصيات مهمة من ضمن القائمة ديالها
جيكساو : بوو حتى نتي توحشتي الألعاب النارية بحالي ياك
▪حبسات طوموبيل حدا مكان الحفل .. لفتات إنتباه جيكساو بالشكل ديالها و لما لا و هي مصبوغة بلونين الاسود و الابيض و فيها مربعات على شكل لعبة شطرنج .. نزلو منها 2 اشخاص ماقدراتش تشوف ملامحهم حيت كانو عاطيينها بالضهر واحد فيهم كان لابس سروال كحل مع فيستا فالأزرق و الثاني كان لابس سروال فالكحل مع فيستا فالبيض
رياس : مافهمتش علاش كاع الحفلات فيهم نفس الديكور
أدلر : لقيتيني كانفكر فيها ... علاش هاد السجادة الحمرا دابا شنو ستافدو منها
رياس : ( بتأفأف ) من دابا خديت فكرة على الحفلة
أدلر : كالعادة شي حاجة رسمية فوق القياس
رياس : توقعاتك
أدلر : فشنو
رياس : غاتكون هنا ولا لا
أدلر : لي بان ليا واقيلا غير تعدبنا
رياس : حاس بلي غاتكون هنا الليلة
أدلر : هههههههههههه و ايلا ماكانتش
رياس : ( ذلا شنايفو ) غاتكون دارتها بينا
طلقو ضحكة قد قد و دخلو لداخل ... كان حفل أقل ما يقال عنه مـــــمـــــل لأقصى درجة
أدلر : راه فين واقف الضحية التالية ديالها
رياس : كاتعرف تختار الضحايا
أدلر : عاش ما يكفي فحياتو باراكا عليه
رياس : هههههههههههه وليت كانحس بالغيرة
أدلر : قريب ماتخلي ليك فين دوز وقتك
رياس : غاندوزو بيها ... ( شاف فساعتو ) باقا 3 دقايق على 00:00 و الضحية باقي واقف قدامنا
أدلر : هادشي لي لقيتيني كانشوف فيه
رياس : عاود تأكد من القائمة ... جبد أدلر طابليط و بدا كايشوف فالقائمة
أدلر : ها هي القائمة راه مذكورة سميتو و موراه عاد كاين ماركوس مارجي و عاد كايجي موراه ايريك مانويل و عاد..
رياس : اليكس موريس
أدلر : وي تماما جبتيها هي هاديك ( هز عينيه فيه بإستغراب ) باش عرفتيها
رياس : هههههههههههههه حيت ببساطة من هنا دقيقة غادي تقتل هاد المرة مجموعة ديال الاغنياء لي مجموعين فبلاصة وحدة
أدلر : ( بصدمة ) و نتا من ضمنهم
رياس : ( كايفكر ) بقات دقيقة اش بان ليك ... نبقاو هنا نونسوهم ولا نخرجو نتفرجو فالألعاب النارية على برا
أدلر : عرض مغري ولكن مابغيتش نموت اعزب ... خرجو كايجريو من الحفلة و بقاو غاديين و كايبعدو من تما و ما هي الا لحظات حتى تتفجر المكان ... حنا أدلر على ركابيه كايلهت
أدلر : كانت على شوية غاتقتلنا .. لعبها صعيب و باش نلقاوها أصعب ... عاوتاني ضيعنا وقتنا على والو
رياس : ماغاتكونش بعدات بزاف .. بقا كايقلب بعينيه من فوق البنايات شوية بان ليه شي شخص واقف جالس فالحافة ديال السطح و كايشوف جهة بلاصة الإنفجار .. خلا أدلر و مشا كايجري لداك المبنى ...
ناض أدلر و تبعو كايجري مشا للوطو جبد الاقنعة ديالهم و عيط ليه
أدلر : بوووولترا ... لتافت عندو باش يشوف اش خاصو ، لاح ليه القناع ديالو و شدو بيديه
مشا كايجري باش يلحق عليها قبل ماتمشي و تبعو أدلر من مور ما حط القناع ديالو حتى كان غايطلع و هو يحبس بقا كايتسنا حدا الباب حيت احتمال كبير تحاول تخرج
▫واقفة كاتشوف فالعافية شاعلة و إبتسامة الشر مرسومة على وجهها .. تنهدات و هزات الماكانة فيديها يلاه وصلات ل00:10 تسمع صوت انفجار و عاود تبعوه انفجارات خرين فداك الشارع كامل تسمعات ضحكة أنثوية شريرة و هي كاتشوف طوموبيلات ديال البوليس كلهم تفركعو و من بينهم حتى الطوموبيل العزيزة ديال بولترا .. طلقات يديها بجوج فالهواء بحالا غاطير .. غمضات عينيها و بدات كاتستنشق ريحة العافية و ريحة الحريق .. نقزات للجهة الثانية و حطات القب ديالها .. هبطات فالدروج العادي حيت ماكايهبطش فيه بنادم بزاف ... فحين بولترا كان طالع فالأسانسور باش يوصل لها دغيا ولكن غير وصل للسطاح لقا غير الريح .. مشا للبلاصة لي كانت واقفة فيه لقا غيرالمنظار و القرعة ديال الما لي كانت كاتشرب منها عرف راسو مالحقش عليها ، نزل كايجري فالدروج ماعارفش اش كانت لابسة حيت ماميزش اش كانت لابسة فضلام .. وصل للتحت ولقا أدلر كايراقب الباب
أدلر : لقيتيها؟؟؟
بولترا : ماخرج حد من الباب؟؟
أدلر : لا ماخرج حد ( تفكر شي حاجة ) بلاتي بلاتي .. عاد هادي واحد شوية خرجات واحد البن.. ( ضرب راسو بيديه ) عنداك تكون هي
بولترا : ما بقا فيك نفع
أدلر : راه ما مشاش الحال ماشي بزاف باش خرجات دازت من ديك الجهة
مشاو كايجريو للجهة لي مشات منها .. وقفو وسط الشارع و بقاو كايقلبو
بولترا : فين مشات هادي
أدلر : راها البنت لي شفتها خرجااات
لتافت بولترا للجهة لي نعت ليه أدلر كانت غادا فواحد الحي خاوي بسبب الليل و الوقت المعطل .. مشا كايجري لجهتها .. ضورات البومة راسها و بدات كاطلق الصوت ديالها
جيكساو : بوو مالكي
البومة : ( الضبح )
حطات الماسك ديالها و ضارت تشوف شكون لقاتهم كايجريو فإتجاهها .. بتاسمات ابتسامة خبيثة من تحت القناع ديالها و بقات كاتتمشا باللور و البومة ماسكتتاش من الصوت ديالها
جيكساو : لا ا بوو هما لي خاص يخافو على راسهم
البومة : ( الضبح )
جيكساو : شكون عرف شحال غايتزادو فالمقبرة واحد ولا جوج ولا يمكن 3
أدلر : وقفييي
ميلات راسها و بقات راجعة باللور و كادير لهم إشارة ( أجي ) بصبعانها بواحد الطريقة مرعبة .. هزات اليد الثانية و بدات كادير حركة بحالا كاتجر حبل بيديها و خطواتها راجعين باللور
أدلر : هادي باغا تلعب علينا
بولترا : ( ميل راسو و مشا لجهتها ) باغا تلعب معايا
أدلر : تحمست ههههههههههه
بولترا : ولكن انا لا .. زادو دخلو فواحد دريبة و هي باقا جاراهم ...
بقاو تابعينها فداك الدرب و هي غير مازايدا داخلة فيه ضارت مع واحد الدورة و فاش جاو يلحقو بيها مالقاوهاش .. بقاو كايتلفتو و يقلبو عليها بعينيهم
أدلر : فين مشات هادي؟؟؟
بولترا : باقا باغا تلعب
أدلر : اهمم عجبها اللعب
بولترا : تسنا هنا هاني راجع
أدلر : هاني كانتسناك
بولترا : ههههههههه رد البال لراسك شكون عرف تلقاها موراك
أدلر : Good luck
كمل بولترا فالتقلاب عليها فالدروبة اما ادلر فجلس فطريطوار و ربع رجليه على مايجي بولترا
▪ بعد على الجهة لي فيها أدلر شوية بدا كايسمع صوت دندنات خفيفة بقا متبع مصدر الصوت .. وقف قدام واحد دريبة مظلمة مافيهاش الضو تما فين كاين الصوت .. شوية حس بالصوت تقطع دخل كايقلب و ابتسامة مجنونة مرسومة على وجهو .. هز طيلي باش يشعل الفلاش
جيكساو : ( بصوت كفحيح الافعى ) كاتخاف من الظلام؟ .. الظلام زوين هو نوع من انواع الغموض كاتحس براسك بحالا وسط بحر و مغمض عينيك ماعارفش اش واقع فجنابك جميع الاحتمالات كايطيحو فبالك .. تقدر تكون فأمان و فنفس الوقت تقدر تكون لا
بولترا : خسارة ماعنديش مع الما باش نعطيك تعبير كايناسب البحر .. الظلام شحال مابقا كاتجي العافية لي تقضي عليه .. ممكن يرجع لها الفضل حيت ضوات لك باش تشوفي اش قدامك و ممكن يكون العكس و تكون هي لي غاتسيفطك للظلام و تخشيك فحفرة الا و هي القبر
جبد بريكة من جيبو مع شعلها باش يضوي لقا جيكساو قدامو مباشرة .. ضربات ليه يديه باش شعل البريكة حتى طاحت للأرض و رجع الضلام و ما هي الا ثواني حتى حس بشي حاجة جرحاتو فيديه شوية تسمع الصوت قدامو
جيكساو : باش بغيتي تموت هاد الليلة
مد يديه باش يشدها و لكن ما شد غير الريح حس بألة حادة ضربات الجنب ديال عنقو و جرحاتو .. دوز يديه عليها لقا الدم سايل .. ضار بالزربة باش يشدها ولكن هاد المرة حتى هي .. ماشد غير الريح
بولترا : رشيقة و خفيفة مع راسك
جيكساو : الحاجة قد ما كانت رقيقة كاتكون حادة نفس الشي مع بنادم
جرحاتو فضهرو و ماجا فين يشدها حتى كانت قدامو بلاصة ماتبقا موراه
بولترا : ماكنتش عارفك جبانة لهاد الدرجة
جيكساو : الجبن حاجة و الاحتياط حاجة خرا
غمض عينيه و خشا يديه فجيبو بقا كايسمع صوت الخطوات فين كاينين بالضبط
مع بغات تجرحو فصدرو شدها من يديها و رجع جنوي لجهتها باش تدبح راسها عاودات قلبات الجنوي و بدات كاتضورو فيديها حتى رجعاتو من جهتو و خشاتو فاليد لي كان شادها منها .. طلق منها و مسح يديه
بولترا : هههههههههههههههههه باغا تلعبي
جيكساو : لعبة صغيرة معاك ماغاتخليني نخسر والو .. ولكن باش مانتسماش حكرت عليك .. غانعطيك الحق تخرج للضو
بولترا : ههههههههههههههههههههههه ( بضحكة مسطية ) حكرتي عليا؟ .. جاوباتو من بعيد
جيكساو : عمرك تستهان بالخصم ديالك
شاف الجهة لي فيها كانت خرجات لجهة الضو هز راسو و مشا للبلاصة لي كانت واقفة فيها كايحاول يشوف ملامحها ولكن كانت حاطة الماسك و نفس الشي معاه حتى هو .. هو ماشافش ملامحها و هي ماشافتش ملامحو .. اول لقاء بينهم كان بالأقنعة واحد ماشاف الثاني .. وقف قدامها و بحركة سريعة بغا يحيد لها القناع ولكن منعاتو بالجنوي لي ضرباتو بيه ليديه .. قابل يديه قدام وجهو و بقا كايشوف فيها و كايضحك بهسترية و بدون سابق انذار حبس الضحك و جبد الفردي ديالو تيرا لجهتها تحركات من بلاصتها بالزربة ... بقا تابعها بالقرطاس و كايتيري بواحد السرعة هائلة ولكن فكل مرة كان كايضرب كانت كاتتفادا القرطاس بحركات سلسة و بخفة مبهرة حتى خوا الفردي ديالو عاود عمرو بالعمارة الاضافية و رجع كايضرب فجهتها و ضحكتو مالية المكان ولكن حتى هاد المرة كانت كاتتفاداهم بشقلبات و بحركات خفة و هاد المرة حتى هي ماقدر يجيب فيها حتى وحدة .. شافت فيه و جمعات يديها من مور ضهرها ميلات راسها و عاودات جبدات يديها من مور ضهرها و هاد المرة كانو عندها 2 جناوا ماشي غير واحد .. طلقات يديها مستقيمين بحالا غاتعنق شي واحد و تحنات شوية
مشات كاتجري ناحيتو و غير بغا يخوي باش ماتجيش فيه الضربة من القدام غفلاتو بضربة من اللور ماعرفهاش كي دارت لها و كي دارت وصلات اللور و هي عاد دابا كانت القدام .. جرحاتو فالقرفادة ماجا فين يشدها حتى كانت جرحاتو من الجنب جهة الكلوة .. بقا كايقلب عليها فين مشات مالقاهاش
جيكساو : ( بصوت خافت حدا ودنيه ) عمرك تستخف بالخصم ديالك و خصوصا ايلا كان هاد الخصم هي انا .. لقا راسو بين يديها و 2 جناوا محطوطين على عنقو على شكل اكس .. بدا كايضحك بشكل هستيري على هاد الموقف لي راه محطوط فيه دابا
بولترا : جريئة مع راسك
جيكساو : امنية اخيرة؟؟ .. ماكاينش؟؟؟ ماشي مشكل
زيرات على جنوي و مع بغات دوز عليه بيه .. لقات راسها هي لي بلاصتو و جناوا محطوطين على عنقها
بولترا : ( بصوت طفولي و مهبط شنايفو ) ماعنديش الأماني .. حاجة خايبة بزاف و محزنة ياك .. زاد زير جناوا على عنقها حتى سال الدم
جيكساو : هههه الحاجة الخايبة هي تكون باغي تحقق وحدة منهم و تصدمك الحياة بحاجة خرا
بولترا : ( بصوت طفولي ) بحالاش هاد الحاجة
جيكساو : بحال هادي مثلا
دفعات جناوا بيديها و تسلات من بين يديه و قبل مايستوعب اش كاين حيدات ليه جنوي و وقفات قدامو
بولترا : ( رجع لنبرتو العادية ) شكون نتي
جيكساو : باغي تعرفني؟؟؟ .. تبعني
بقات غادا و هو واقف فبلاصتو .. شوية تحنات باللور يعني طوات ضهرها .. بسبب الجنوي لي كان جاي لجهتها حيت بغا يغدرها من اللور ولكن قدرات تتفاداه و عاودات حتى هي لاحتو لجهتو داز من جهة عنقو كون ماتفاداهش كون جاه وسط تفاحة ادم .. شافها بدات كاتجري و بدا كايجري موراها .. دخلات لواحد العمارة .. طلعات كاتجري و تبعها كل ما كايقول راه شدها كاتتسل منو .. وصلات للسطح و تما فين كانت باغا توصلو .. لقاها فواحد القنت على الحافة
جيكساو : كانعرف لعبة وحدة و ماكايناش شي وحدة من غيرها
بولترا : لعبة
جيكساو : الشطرنج
بولترا : عندي لك اقتراح
جيكساو : مامهتماش ولكن ممكن تكون شي حاجة مفيدة
بولترا : نجسدو لعبة شطرنج فالواقع
جيكساو : و الجائزة؟؟؟
بولترا : حياتك
جيكساو : ولا حياتك
بولترا : ( ميل راسو ) حلم كبير ولكن من حقك تحلمي .. عيطات على البومة عاد هضرات
جيكساو : عرض مغري ( بعد صمت طويل ) موافقة .. جات البومة و وقفات على كتفها
بولترا : المكان و الزمان
جيكساو : كلشي غايوصلك .. لوحات ليه بيديها و نقزات لسطح واحد الدار كان قريب شوية .. طل باش يشوف و لقاها نقزات لسطح دار خرا قريبة .. ترسمات على ملامحو ابتسامة شيطانية و هبط من تما ...
" فبعض الأحيان القدر كايوهمنا بلي الحياة بين يدينا و حنا كانلعبو بيها و كانمشيوها كيف بغينا حتى كاتجي واحد الوقت لي كايكشف فيها ستائرو العلوية باش تتوضح الحقيقة .. أي حقيقة؟ حقيقة اننا ما نحن إلا بيادق فرقعة شطرنج خاصة بالقدر كايخلي فيها الأحجار تتراقص فوقها مؤدية الرقصة الحاتمة "
بدات الشرطة كادير البحوث ديالها فالإنفجار لي وقع فالمغرب لي مات إثرو شخصيات مهمة .. دازو أيام و أيام و أخبار جيكساو كانت مقطوعة فيهم عند الجميع ما عدا شخص واحد .. و غيابها طال هاد المرة لأكثر من اسبوع و هادي حاجة ماموالفاش تكون حيت كلشي تعود كل اسبوع تموت ضحية
◾ جالس فالفيلا ديالو لي معتبرها مملكتو .. حداه واقفين رجالو و قدامو جالس ادلر كعادتو هاز طابليط و كايطلع و يهبط فيها
أدلر : ( كايحك راسو ) باقي مافهمتش علاش ماقتلتيهاش و ساليتي اللعبة بكش ملك
بولترا : اللعبة من اللول نهايتها كش ملك ( كايلعب بمكعب الالوان ) لي كاين هو خليتها تغبر مؤقتا .. حط ادلر طابليط و هز رجليه ربعهم و بقا كايشوف فبولترا بإهتمام
أدلر : اش درتي لها؟؟؟
بولترا : ( كايتفوه ) فالوقت لي كانت هي مندافعة و كاتهجم .. حقنتها بشوكة فيديها بلا ماتحس .. تقدر تقول غاتشد الفراش مؤقتا .. هادشي لي واقع
أدلر : هادشي علاش مابقاتش بانت؟؟؟؟؟
بولترا : هههههههههههههههههه توحشتيها
أدلر : و دابا منين هي غاتمرض كي غانديرو نلقاوها؟؟ و اش غايوقع فاللعبة لي قررتو تلعبوها
بولترا : ( بإبتسامة عريضة ) بلاصتها حددتها
أدلر : ماغانتصدمش منك عارفك ماخليتيهاش ضربك غير هكاك و ماخليتيهاش عايشة غير هكاك
بولترا : ( حط يدو على ذقنو ) حاولت نقتلها ولكن الحظ كان من نصيبها
أدلر : ولكن ماغايكونش من نصيبها فاللعبة لي غاتكون بيناتكم
بولترا : داكشي كايعتامد على تخطيطها لخطواتها
أدلر : شنو نوع اللعبة لي غاتكون بيناتكم؟؟؟
بولترا : مجموعة ديال التحديات
أدلر : شنو نوع هاد التحديات؟؟؟
بولترا : دابا تعرفهم
دق الباب واحد من رجالو و موراها دخل جوزيف و مايكل
مايكل : وا غبرة طويلة هادي
دخل جوزيف تلاح حدا ادلر و سلم عليه
بولترا : بنادم مرة مرة خاصو يغبر باش يعرف شكون كايتوحشو
جوزيف : فين غبرتو هاد الايام
أدلر : نتوما لي غبرتو
بولترا : كان شاغلهم اخر انفجار وقع فالمغرب نسيتي هههههههههههههه
جوزيف : ( بنظرات شك ) واحد القضية لاحظتها مؤخرا و شوشاتني
بولترا : ماعنديش مع اجواء التحقيقات ولكن سول
جوزيف : لاحظت فسجلات السفر للبلدان لي وقعو فيها الجرائم مؤخرا كنتي كاتكون فيهم فنفس النهار و الوقت لي كايموتو فيهم الضحايا
بولترا : ( بصوت طفل شيطاني ) وليتي تشك فيا
جوزيف : لا عارفك كون درتيهم ماغاتخبعش هويتك ولكن هادشي ماوقعش مرة ولا جوج باش نقول صدفة .. وقع 6 ديال المرات
مايكل : ممكن نيت تكون صدفة
جوزيف : واش عندك شي علاقة بالسفاح؟؟؟ ...
ساد الصمت لمدة ثواني حتى بدا كايتسمع تنخصيص بحال فاش كاتبغي تخرج الضحكة شوية طلق الضحكة و بقا كايضحك من نيتو تبعو أدلر حتى هو كايضحك شاف فيهم جوزيف بإستفهام مافاهمش علاش كايضحكو ولكن مايكل عادي والف
مايكل : صافي هادشي علاش بغيتينا نجيو واش من نيتك كاتسول سؤال بحال هدا
جوزيف : من حقي نسول حيت هاد الموضوع مابقاش فيه اللعب غير مازايد و كايكبر
حبس بولترا الضحكة و جمعها فدقة بقا كايضرب بصبعانو فوق الكرسي و كايضورهم .. جوزيف كان عندو شك بلي رياس عندو علاقة بجيكساو ولا يقدر يكون كايعرفو مي مايكل ماكانش شاك حيت عارف بلي مستحيل يكون بولترا هو جيكساو نفسو و هدا احتمال بعيد حيت بعض المرات كانو كايوقعو الجرائم ولكن بولترا كان كايكون معاهم فداك الوقت و زيد عليها مايمكنش صديق الطفولة يكدب عليهم و هما ماكايخبيو والو على بعضياتهم .. بقا كايتسناه ادلر شنو غايقول واش غايقولهم بلي كايعرفها و يقولهم بلي هي بنت ولا يخليها باش يتسلا فاللعبة لي قريب تبدا بينو و بينها .. من الجروح لي شاف فيدين بولترا عرفها ماشي ساهلة كيما كان متوقع يعني اللعبة لي غاتكون بيناتهم غاتكون مشوقة بلا قياس
بولترا : كاتقلب فالبلاصة الغلط
مايكل : ( شاف فجوزيف ) رجعتي لهضرتي دابا؟
جوزيف : و شنو تفسير تواجد اللوطو ديالك فالحفل لي وقع فيه انفجار فالمغرب
بولترا : ( بملل ) مشيت نستمتع بوقتي ( حط صبعانو على ذقنو ) شاك بلي انا هو جيكساو ههههههههه؟
جوزيف : لا عارفك ماشي نتا هو ولكن راه هادشي ماكايدخلش للعقل .. جرائمو ماكايديرهمش شخص عادي
بولترا : ( شاف فواحد من دوك لي واقفين حداه ) جيبو ليه كاس ( رجع شاف فجوزيف ) شد لك عطلة و سير ريح دماغك
جوزيف : ماتديوش عليا هاد اليامات شوية مبرزط
مايكل : ( كايضحك ) وا راك مبرزط نيت مع سيلين
جوزيف : اشمن سيلين حتى نتا
أدلر : ( كايرجع ضفيرات ديال شعرو اللور ) الحب ماجاش معاك بالمرة حاول تقلبها للكره يقدر يجي زوين مع وجهك
مايكل : لا شوف كي وجهو تنور بالحب ههههههه
هز بولترا البيسي و تعقب البلاصة لي كاينا فيها جيكساو كيفما توقع تماما .. كاينا فبلاصة باردة
▫في مكان اخر ▫
جاية فالطريق و فيديها فاليزا .. لابسة بلوفر فالأحمر بسبب البرد و سروال جلد فالكحل و باين فيها مريضة غير من الكحبة لي كل شوية كاتكحبها ولكن كان ضروري تخرج مع انها هاد اليامات كاملة كانت مريضة بزاف و ماقادراش حتى تخرج .. كون ماعتقاتش راسها فأخر لحظة كان ممكن السم يقضي عليها .. صحتها تحسنات على اول مرة رجعات فيها لروسيا
" Flash Back "
من مور ما تفارقات مع بولترا حيدات القناع و حطات القب على راسها و خشات البومة ديالها فالجيب خلات غير راسها لي باين .. شدات أوطو سطوب باش يقربها للبلاصة لي بغات تمشي ليها حطها حدا واحد الغابة و مشا .. بقات داخلة و كاتحسب فالخطاوي حتى وصلات لواحد الربيع بدات كاتقلب فيه على الفاس لي خبعات تما غير لقاتو رجعات للشجرة حيدات واحد الحجرة و بدات كاتحفر شوية شوية بدات كاتحس بالصهدة طالعة معاها كملات الحفير و جبدات خنشة كانت دافناها فالارض .. جبدات خنشة خرا من وسط ديك الخنشة موراها جبدات ميكة كبيرة من وسط ديك الخنشة .. جبدات منها حوايج باش بدلات حيدات هادوك لي كانت لابسة و لبسات الجداد موراها حيدات البيروك و حطات بيروك اخر بنفس البيروك لي كاين فالهوية المزورة لي غاتسافر بيها هزات ساكادو خشات فيه المكياج لي غاتحتاج على ود الملامح ديال وجهها و الفلوس اوراق السفر .. هزات جيلي لي كانت لابساه فاش طلاقات مع بولترا و عاودات لبساتو من الفوق عاد جبدات بريكة و بيدو ديال البنزين حتى هو كان وسط الميكة و شعلات العافية فداكشي و بعدات باش ماتلصقش فيها ريحة دخان حتى تأكدات بلي داكشي تحرق و رجع رماد عاد رجعات و ردماتو بالتراب و رجعات الحجرة .. لاحت الفاس بعيد و عاودات خرجات شدات اوطو سطوب لأقرب كافي شعبية كاتبقا 24/24 .. طلعات للطواليط و هي واخدة الحذر من الكاميرات باش ماتلتاقطش وجهها .. دارت مكياج خطييير بدلها كليا عاد خرجات و شدات طاكسي نيشان للمطار...
ركبات فالطيارة و وصلات لروسيا بدات كاتحس بالدوار داكشي لاش مشات بأقصى سرعة للحمامات غسلات وجهها مرارا و تكرارا باش ماتفقدش الوعي فالطريق .. خرجات شدات طاكسي عطاتو العنوان فين يوصلها .. حطها بعيدة على دارها عاد كملات على رجليها ما وصلات لدارها حتى كانت حالتها يرثى لها الحرارة رتافعات لها و ولات كاتحس بإعياء شديد .. دخلات و بدات كاتكحب كاتكحب حتى ولات كاتكحب الدم و ما هي الا لحظات حتى فقدات الوعي .. ماعرفاتش شحال و هي على داك الحال حتى فاقت على قطرات ماء قليلة كايترشو على وجهها حلات عينيها لقات البومة بُووْ واقفة على صدرها و كاترشها بالما بمنقارها بتاسمات لها و هزات يديها كادوزها على البومة .. ناضت من الارض و شافت فجنابها لقات قرعة ديال الزاج مهرسة اكيد بو لي طيحاتها باش تقدر ترشها بالما .. ناضت و مشات للدوش باش تبرد الحرارة لي كانت طالعة لها .. خرجات بدلات حوايجها و مشات جمعات داك زاج لي مهرس و عطات لبوُوْ ماكلتها .. بقات على هاد الحال لمدة شهر بالرغم من انها كانت كاتشرب دوايات الا و ان حالتها كانت كاتسوء يوم بعد يوم حتى رجعات ذاكرتها لأنه من نهار ضاربات مع بولترا و حالتها كاتزيد تسوء كتر و كتر عاد مشات هزات كتاب عندها فيه جميع انواع السموم و اعراضها لقات كاينين بزاف ديال السموم عندهم اعراض مشابهة لي عندها ولكن واحد منهم كانو اعراضو متطابقين .. مباشرة مشات لواحد الغرفة زجاجية شبيهة لحديقة صغيرة مرتبة .. قطفات منها بعض النباتات و كونات خليط منهم و شرباتو .. بدات كاتسترجع صحتها بشكل تدريجي نهار على نهار ولكن فهاد المدة كاملة ما بقات قتلات حتى شي حد
" End Of The Flash Back "
" نهاية الفلاش باك "
عرفاتو هو صاحب الفعلة ولكن ماغاتقتلوش دابا .. قتلها ليه غايكون مختالف على جميع جرائمها .. غاتخليه يتعدب فاللعبة و تتفنن فيه حتى يتشروط عاد تتفنن فقتلو نهار لي تفوز عليه .. ولكن قبل من هادشي كامل غادي تحبس سلسلة القتل ديالها باش تتفرغ ليه مزياان .. ماعرفاتوش شكون و ماشافتش وجهو و ماهمهاش شكون يكون سواء كان لاباس عليه ولا لا مصيرو الموت على يديها بحالو بحال خوتو لي سبقوه .. صحتها سترجعاتها و دابا غاتبدا اللعبة
🔹 في مكان اخر بالضبط في أمريكا 🔹
الليل و الظلام الدامس كان غادي واحد الشخص و عاطي بالضهر .. حاط القب على راسو حتى وصل لواحد البار دخل و مشا جلس فالكونطوار عينيه مترقبين فريسة جديدة لهاد الليلة حتى بانت ليه شابة جالسة وسط صحاباتها تكون مزال ماوصلات للعشرينات من ملامحها باين فيها غاتكون فسن 18 سنة كانت هي لي زوينة فيهم ولكن من حركاتها و ابتسامتها الخجولة عرفها بلي غير صحاباتها لي جروها لبحال هاد البلايص .. عيط لواحد السرباي
****** : اجي
السرباي : نعم ا سيدي
****** : ( اشار بصبعو ناحية البنت ) عطيها كاس على حسابي
السرباي : واخا ا سيدي
حيد القب من على راسو و بانو ملامحو شَّرَّانية .. شاف فديك البنت بنظراتو الماكرة لي خارجين من عيونو الخضروتان كانت فريسة سهلة بالنسبة ليه حيت كأي بنت فعمرها كاطيح فالزين دغيا غير مبالية للوقت لي شافتو فيه و المكان لي شافتو فيه و الظرف لي شافتو فيه مع العلم هاد الحوايج كايكونو مهمين بزاف .. صحاباتها شجعوها باش تمشي لعندو حيت حتى هما عجبهم و هادي حاجة طبيعية يعجبهم شخص بوسامتو نااااادرا ماتقدر انثى تقاومو .. شعرو الاسود لي غير مجعد .. لحيتو المطراسية بشكل منظم .. ابتسامة اسنانو البيضاء .. فصالتو الرياضية .. حجبانو المعقودين لي عاطيينو كاريزما خاصة .. و عاد عيونو الخضروتان
البنت : ( مدات يديها ) السلام
شد يديها بين يديه و باسها بطريقة راقية و عينيه مترقبينها و مترقبين خدودها لي توردات بالخجل عرفها ماموالفاش هاد الأجواء ولكن واش هادشي كافي انه يوقفو على نواياه
****** : كون عرفت بلي غانلقا بنت زوينة بحالك فهاد البلاصة كنتي غاتلقايني يوميا هنا
البنت : ( توسعو عينيها ) هالك روبرتسون؟؟؟ من عائلة روبرتسون نيت؟؟؟
هالك : هاد الليلة غاتخليك تعقلي غير على سميتي
ضارت شافت فصحاباتها و كانت باينا الفرحة فعينيها مامتيقاش بلي تلاقاتو شخصيا عاودات شافت فيه و من سوء حظها ماركزاتش فأخر جملة قالها لها
البنت : انا جانيت .. جانيت غوكاغو ...
هالك : سمية زوينة بحال مولاتها
جانيت : ( ابتسامة )
هالك : مشينا؟
بقات كاتشوف فصحاباتها بتردد واش تمشي معاه ولا لا شجعوها و قالو لها عادي غير تمشي معاه
جانيت : صافي يلاه نمشيو
خرجو من البار و بقاو كايتمشاو فالطريق حتى وصلو للوطو ديالو و ركبو و ديمارا كانت جانيت كاتسول بزاف و ثرثارة ولكن هادشي ماكانش مهتم ليه هالك بل كان مسايرها و لي سولاتو عليها كايجاوبها
جانيت : ( بخجل ) ماكنتش عارفة بلي نتا واحد من ديك العائلة حيت بصراحة عمرني شفتك معاهم
هالك : ماعزيزش عليا نبان فالكاميرات
جانيت : فين غانمشيو دابا
هالك : لواحد البلاصة غاتعجبك بزاف
🔹 حتى واحد ماعارف كيفاش وصل لهاد المرحلة .. مرحلة كايعشق يشوف فيها الدم و يشوف فيها ضحاياه كايتألمو شكون هما ضحاياه؟ .. ضحاياه الإناث كيفما بغاو يكونو زوينات خايبات .. غنيات فقيرات .. صغارات ولا كبار .. بنات مزيانين ولا بنات الليل عندو كلشي بحال بحال .. بقاو غاديين حتى خرجو على المدينة الطريق كاملة و هو كايسولها اسئلة غريبة بخصوصها و بخصوص صحاباتها بحال مثلا فين كاتعيش و فين كايعيشو واش عندهم شي حد فحياتهم .. وقف اللوطو قدام واحد الكوخ فالغابة كان الهدوء فديك المنطقة الشيئ لي ولد الخوف فقلبها
تزاد الخوف فقلبها و ضرباتو مابقاوش منتاظمين عينيها توسعو بالخوف و الدموع وقفو فأطراف عينيها .. هدا هو الجزء لي كايكون ماقبل من الجزء لي كايعجب هالك و هو نظرات الخوف عاد كايجي موراهم الصراخ و البكاء و الترجي
جانيت : ولكن شنو بغيتي مني؟؟ .. ( كاتبكي ) رجعني منين جبتيني مابقيتش باغا نبقا هنا عافاك رجعنيي و نعطيك لي بغييتي
هالك : بغيتك نتي
توسعو عينيها بالصدمة و ماجات فين تزيد تغوت حتى كان حط على نيفها قماش خلاها تفقد الوعي عاد هزها ماكانتش ثقيلة بالنسبة ليه .. دخلها للكوخ و حطها فوق واحد الناموسية حيد لها حوايجها و ربطها معاها .. حط كرسي مقابل معاها كايتفحص الجسد ديالها بعينيه و كايخطط لكيفاش غايدير لها و فنفس الوقت كايتسناها تفيق حيت مايمكنش يفلت اللحظة لي كاتعجبو و هي لحظة الصراخ .. بعد ساعات سترجعات الوعي ديالها لقات راسها عريانة و مربوطة قلبها بغا يسكت بالخلعة و خصوصا من مور ما شافتو جالس قدامها
هالك : صباح الخير فقتي
جانيت : ( كاتبكي بهسترية ) عافاك طلقني اهئ اهئ اش درت لك علااش انا هنا اهئ اهئ كانترجاااك
هالك : علاش نتي ثرثارة .. ضروري تهضري و تفسدي لي اللحظة
جانيت : لا لاااا عافاك ماتقربش ليا لاااا
هالك : ( بخبث ) جيتي برجلك معايا مابززتش عليك
جانيت : كانواعدك ماغانقول والو لحتى شي حد غير طلقني نرجع لدارنا اهئ اهئ
ماهتمش لبكائها غتاصبها شر اغتصاب واخا كانت كاتترجاه و كاتغوت و تبكي هادشي غير مازاد خلاه يفورصي عليها حتى تقطع حسها بمرة .. فاش شافها سكتات جبد فردي خواه فيه كامل و موراها جبد موس و نحت فكرشها سميتو لي تشهرات فعالم الجرائم ( بيني وايز ) ...
نحت سميتو على كرشها .. السمية لي دخل بيها لعالم الجريمة " بـيـنـي وايـز " .. الشخص نفسو لي كان حاول يقتل جيكساو فالغابة ولكن كانت غاتخشيه فحفرة الموت قبل مايخشيها فيها .. سالا منها و هزها فاللوطو و ديمارا لوجهة خرا
°° صباح اليوم التالي °°
قدام منزل من المنازل لي فأمريكا كانو البوليس فكل بلاصة شي لداخل و شي على برا كايحققو فالجريمة لي كانت ضحيتها بنت فسن 18 سنة
***** : لقيتو تسجيلات الكاميرات ديال الحي؟
""""""" : مع الاسف لقينا الكاميرات مهرسين و التسجيلات لي كانو فيها وقفو فمنتصف الليل
***** : ستجوبتو سكان الحي؟
"""""""" : ستجوبناهم ولكن حتى واحد فيهم ما شاف شي حاجة من غير انهم شافوها خارجة هي و الضحايا لي صبحو مقتولين اليوم
***** : اجي نتا و نتا
......... : وي مون شاف
***** : تحققتي من داكشي لي ڭلت لك
......... : وي تحققت و هضرت مع الفرق لي كاينين فمنازل الضحايا لي ماتو البارح .. نفس الشي كاين مع جميع الضحايا .. تغتاصبو فنفس الليلة و ماتو فنفس الليلة و الغريب فالأمر كلهم لقيناهم فديورهم
"""""""" : المجرم باين شكون ولكن شخصيتو لي مزال مجهولة
......... : لتاقطات ليه صورة واحدة الكاميرا كانت فالدار لي مقابلة مع منزل الضحية ولكن من سوء الحظ كان حاط قناع على وجهو
****** : مشكيلة هادي
🔹 في مكان أخر🔹
فغرفة مظلمة كان ناعس على كرشو كايبان غير ظهرو العريض لي كل عضلة فيه مقسمة حتى بدا كايصوني طيلي لي شعل و كسر ظلمة البيت .. حط المخدة علي راسو متجاهل صونيط ديال طيلي لي كان مزعج بالنسبة ليه .. صدعو و ماخلاهش ينعس حتى كان غايقطع المتصل عاد هزو و حطو فودنيه جاوب بنبرة حرشة مخلطة بالبحة ديال بنادم فاش كايكون يلاه فاق من النعاس
رجع هالك ينعس غير مبالي بقلق الاب ديالو .. نعرفكم على هالك ... هالك روبرتسون فرد من عائلة روبرتسون المالكة لشركات تصنيع السيارات هو اصغر ابن فالعائلة السن 28 سنة ماعندوش علاقة نهائيا بأعمال عائلتو حيت داخل لمجال الملاكمة يعني ملاكم .. كأي شخص من الاشخاص فالعالم .. عندو 2 وجوه الوجه لي ماغانقولوش بريئ ولكن كايبين بلي شخص بحالو يقدر يكون عنيف لأقصى الحدود ولكن ماشي يوصل لدرجة القتل و الوجه الثاني كان هو ديال بيني وايز لي عارفو غير الاب ديالو و عارف علاش تربات فيه هاد الشخصية ولكن متستر على الموضوع.
▪في مكان اخر
كان جالس فالجردة حدا لابيسين و حداه الكلب ديالو ريكس فازك و ملوي ففوطة و فيديه طابليط و قدامو فلابيسين كاينين 5 ديال الكارد كايديرو العومة ديال الكلب ساعة و هما على داك الحال هادشي غير حيت الكلب ديالو طاحت ليه الكورة فلابيسين و كان غايغرق بسبب اصابة فالساق ديالو حتى لأخر لحظة عاد نقذوه .. هز يديه كايتفوه و حط طابليط فالجنب .. حط يديه على حنكو و هز اليد الثانية دار لهم الاشارة باش يزيدو فالسرعة حتى لواحد الشوية وصلاتو رسالة للإيميل ديالو حلها و ترسمات ابتسامة جانبية على وجهو .. و هاد الرسالة نيت هي لي كان كايتسنا من عندها
لعبة الشطرنج الجزء الثاني
محتوى القصة
التنقل بين الأجزاء