مكالمة من مجهول الجزء 14

من تأليف سمر الغاشي
2020

محتوى القصة

رواية مكالمة من مجهول

نجلاء : ناردين انت هناااا ونا من صباااح ونا نعيط عليه 
ناردين *مسحات دموعها* هاني اختي 
نجلاء *قربات* ناردين مالكي علاش تتبكي
ناردين حطات شامة فوق ناموسية وناضت 
ناردين : لا لا متنبكيش 
نجلاء : كيفاش ماتتبكيش اناردين ونت عينيك منفوخين بالبكا وحمرين 
ناردين مبقاتش قادرة تخبي بلاما تشعر تلاحت فحضن نجلاء فديك اللحضة ناردين بداو دموعها ينزلو بدات تتبكي على حر جهدها وتنخصص ونجلاء مفاهمة والو خلاتها حتا رتاحت شوية عاد بعداتها أو تتشوف فيها.
نجلاء: مالكي أشنو واقع ليك واااش قلقك بهاء الدين *حركات راااسها بلا* واااش خالتي حفيضة گالت ليك شحاجة معجباتكش *حركات راسها بلا * اوا مالكي اناردين مالكي علاش تتبكي *ناردين جلسات جنب ناموسية 
ناردين : نجلاء ناري كحلتها على يامي انا حاملة انجلاء حاملة *مدات لها تيست* شوفيه هاهو طلع تيست إيجابي
نجلاء *شداتو بين يديها* هههه مبروك عليك احبيبة خلعتيني هدشي كااامل دايراه غير حينت حاملة 
ناردين *بالغوات* نجلاء وااااش انت حمقة راااه البنت مزال صغيرة يلاه دخلات ف 3 شهور اووووف 
نجلاء : اوا صافي احبيبة طلقيها فيد الله ماشي انت لولا ولا لخرااا لي تتولد ولاد الغيال دبااا ربي اسهل ولادتك كيف لولادة ديال شامة 
ناردين *تتمسح دموعها" مكنتش باغية انجلاء مكنتش كلشي بسباب بهاااء هو. لي باااغي لولاد تگول غدي احرر بيهم صحرااا
نجلاء : هههه بهاء الدين من شحال هداا تيموت على دراري صغار يلاه غسلي وجهك وبدلي حوايجك باش نمشيو راااه كلشي تيتسناك غير انت
ناردين : والله مااا عندي الخاطر نمشي الحتا شي بلاصة انجلاء غير خليني هناااا
شااامة بدات تتغوت هزاتها تترضع فيها 
نجلاء : لا لا اناردين حبسي لها رضاعة صافي 
ناردين *خرجات عينيها* كيفاش غدي نحبسها انجلاء مفهمتش 
نجلاء *متعجبة* واش معرفاش بالي الا حملتي مخصكش مزال ترضعي رآه مبقااا غدي افيدها بوالو حليبك غير تيرجع عليها بضرار تگول تتعطيها سم وباغية تقتليها 
ناردين دغية خرجات بزولتها من فمها وخلاتها تتبكي ...
ناردين : اهى هئ هئ والله مفراسي هدي حتا هي صاااافي كملات اهى هئ خرجت على البنت حتا هي الله ياااربي اش هاد الموصيبة الكحلة لي طليت راسي بها
نجلاء شدات من عندها البنت وبدات تتراري بها باش تسكوت
نجلاء : دبااا لبكااا من مورا الميت خصاارة ..
كل مشكيلة وعندها حل يلاه نوضي خلاص لبسي حوايجك أنا غدي نزل التحت نگول نوردين يشري لها الحليب من الفرمسيان ولبيبغون المهم رخفي نفس فراااسك ولي دارها الله هي لي غدي تكون صااافي 
ناردين حركات لها راااسها ودخلات الحمام تغسل وجها ونجلاء هبطااات التحت تهضر مع نوردين باااش يخرج يتقداا لها ...
الحاج الشافعي : اوا فينكم واااش مزال گاع مالبستو ولايني شحااال حملكم ثقيييل 
حفيضة : اناااا ورقية واااجدين الا غير جلابة هاهي علينا ..
الحاج الشافعي : اوا ها نتما أو لخرين فينهم 
رقية : غير صبر الحاج دبااا إنزلو ...

مؤيد : غفراااان طلعات حاااملة وناااا مبقيتش بااغي نستغلها كثر من هكاااا باش نوصل الهدف ديالي مبغيتش نخاااطر بولدي 
✓ فهمتك امؤيد حتى انا دكشي لي كانت بغيت نگوليك واصلا صااافي مغديش مزال نحتاجوهاا فوالو حينت معندها ما دير لنا و لخطة ديالنا رااااه غااادية كيف بغينا غير كون هااااني 
مؤيد *وقف* هي طاااح فالفخ ههههه
✓ طااااح طاااح اليوم مع صباااااح وقع على العقد المزور أو الفلوس هاهما جاين فطريق تيجريو العندك ههههه مكلخ مشك فوالو احسن تخويرة تخور فحياااتو هي هدي درنا ليه ديك لعبة ديال لا رزقي بقااا لا وجهي تنقااا 
مؤيد : مزيااااان مزياااان خليه يتعلم باااش اهبط رااسو شوية التحت وهو مكثر على مخو انا حلفت نرجعو المزبلة لي خرج منها وهاهو غدي يرجع لها حينت هديك هي بلاصتو اجي يكما خليتو شي دليل موراك 
✓ واش انت حمق دكشي مدروس مزيان حتا واحد من هدوك مغدي يبقاااا هههه غدي يحماق منين يعرف بالي دكشي كاااامل كان غير ثمتيلية خطيرة وكلشي مزور وديك شركة غير شركة وهمية أو كاين عندها مولاها وقريب غدي يدخول المغرب وهداااك لي دخلهم لها ماشي عساس هو واحد من رجالنا هههههههه...........مؤيد : شيطان انت ههههه
✓ راااه گالت ليك غير طلق كلشي عليا انا نفرجك فيه ..... عندي يد مع نااااس واعرين فهدشي ديال تزوير انت براااسك لا حطيت ليك الورقة بين يديك مغديش تفرق بين الورقة الأصلية من المزورة .. 
مؤيد *جر الكرسي* عرفتي اخويا رشيد والله مكرهت نشوف وجهو منين يعرف بالي طلعنا معااه تخويرة وغرق فالحبس بسباب سرقة ديال شركة وااااااو غدي يتخردل كثر ما هو مخردل ناردين قريب غدي ترجع ليا حينت مستحيل تبقى تتسنا فواحد محبوس عمرها كااامل هو اصلا حياتو كاملة دوزها فالحبس وراااجع تاني اكمل دكشي لي بقااا ليه ههههه يعني هي لي غدي ضيع 
✓ اوا خلينا نحتافلو بالإنتصااار ديالنا 
بداااا تيخوي الويسكي 
مؤيد : ههههه عمر لياااا الكااااس مزيااان 
✓ هااااهو اسيدي سكرررر لياااا مع رااااسك 
مد ليه الكاس شربو دقة وحدة ومشاااا زاد تاااني وطلقو الموسيقى فدااااك المكتب على حدها أو تيشطحو بزوج أو ضحك دياالهم واااصل حتال البيت ديال غفرااان لي كااانت واقفة. فالبالكون .. وتتشوف بعيد تتبان لها غير طبيعة ودنيا خضراااا وغير شجر وجبال ودنيا خاوية حتا غير الا غوتات مكاين لي اسمعها ولا افكها ...من بين يديه
✓ مدام غفرااان وصل وقت دوااااك خصك تشربيه ....
غفران *دورات وجها* لا مغديش نشربو 
✓ ولكن امدام هاااد دوااا ضروري تشربيه 
غفران *بالغوات* رااااااني هضرت معااااك مغدييييش نشربو هي مغديش نشربو هووو بغاااااني هكاااا نبقاااا حياااتي كااملة غير ناااعسة باااش ادير مااا بغاااا انا مستحيل نكون ليه مراااا مستحيل تنكرهو تنكرهوووووو 
ضربات ديك صينية بجهد بيديها حتا تشخشخات فالأرض* دباااااا خرجي عليااااا خرجي لاش واااقفة مزااال تتشوفي فيااااا سيرو الله يخد فيكم الحق بزووووج 
دفعاتها وسداااات الباب بجهد وگعدااات جنب ناموسية تتبكي وتتنخصص
طلع مؤيد بجرااا سمع الغوات ولقا المساعدة ديالها نازلا من دروج تتجري 
مؤيد : اش واااقع علاش هاد الغوات 
مساعدة: سي مؤيد مدام غفرااان مبغاتش تشرب مزال دواها جرات عليا 
مؤيد *شاف فجهتها* صااافي غير سيري انت 
غادي بخطوات تابتة العندها 
مؤيد : غفراااان حلي هااااد الباب ولا نهرس مووووو حلي الباب 
غفران *هزات راسها من فوق المخدة* مبغيتش واااااش تتفهم مبغيتش نحلو ومغديييش نشرب مزال داك دوااا يالكلب سير بعد مني عطيني تيسااااااع
مؤيد *تيصوت * بلاما تعصبيني ونوالي مهرسو ودخل نشخشخ مووووك حلي حلي الباب *ضربو برجليه حتا قفزات* ...

نجلاء غير وصلها الحليب دغية قداتو لها فلبيبغون وتتبرد فيه باااش ترضعها حينت كااانت تتغوات فيها موت جووع وناردين تتبكي تتشوف صدرها غدي يتفرگع بالحليب ومقدراش تعطيه البنتها ...
حفيضة : اويلي حاااي وتي عطي البنت ترضع 
نجلاء *جاات تتزرب* هاااهو صااافي ابنتي صااافي هاااهي حليبة ديال بنتي هااهي 
شداتها بين يديها وتتراري بها حتااا شداات رضاعة وخااا معرفااش كيفاش تشدها و تمص حينت معمرها شداتها بدا تيخرج لها الحليب مجهد وكثير خنقها بدات تتكحب وجها رجع حمر .دغية نجلاء شدات يديها وتتصوت فيها غير دازت لها ورجع لون فوجها رجعات عطاتها لها مرة خرى ...
حفيضة : انا بغيت غير نفهم علاش غدي تعطيها رضاااعة ونت فيك الحليب عند بالك حليب زنقة زين راااه مكاين ما حسن من البزولة ...الله يهديك محد فيك الحليب عطيها البزولة انت اش خاصرة
ناردين *غمضات عينيها * صااافي اماما بركة لي فيااا يكفيني علاه انا كرهت نعطيها البزولة ماما راااني حاااملة 
حفيضة *خرجات فيها عينيها مصدومة* اويلي على بنت الحرااااام حاااملة اويلي ولبنت مزااال صغيرة *تضرب فخدها* مااالكي متتعرفيش تشربي الويل الكحل ديال الفنيد بحال العيالات هاااه اويلي على موصيبة مزااال البنت صغيرة حتا العام مخرجاتو بغيت ليك موصيبة 
ناردين *تعصبات * كثر من هاااد الموصيبة لي فيها انااااا اماما 
نجلاء : صافي اخالتي نعلي شيطان بغااااه الله معند بنادم ما ادير 
حفيضة : راااه لولاد صعااااب هي يلاه محطات واااحد هزات لخور واش ولات قنية
ناردين : انا گاع مبغيتهم بهاء الدين هو لي باغي لولاد وحلف عليا مااا نشرب شحاجة اش بغيتي ندير اماما اش 
حفيضة : دااار ليك انت وياااه دبااا هكااا ضيعتوو هاد البنت وفطمتوها بلا وقت دنوبها عليكم بزوج *دخلات رقية تتخاصم *
رقية : ونتما فينكم الحاج نفخ ليا راااسي التحت يلاه زيدو 
حفيضة *جراتها* وتي تعالي تشوفي الموصيبة ديال ناردين زبلاتها حاااملة تاني 
رقية مصدومة وتتشوف فنارين وجها مقطوع منو دم وفشلانة مكاااين غير لي إزيد عليها ودموع فعينيها ...محجرين 
رقية : مبروووك عليك ابنتي 
ناردين : والله مبغيتو اخالتي ....
رقية : گولي اعود بالله من شيطان رجيم مالكي جبتيه من الخلا الله إخلي ليه بااااه فرحي ابنتي معندك علاش تبكي حراااام هدي نعمة من عند الله ناس ماااا تيديروش هكا متبقايش تبكي تمناي من الله ابارك ليك فيه وتكون درية صاااالحة ...
عنقاتها وتتبوس فراسها وحفيضة شادة فراسها ومزال فمها خدام تتخاصم على ناردين غير نجلاء كملات لها رضاعة ونعساتها نزلو كااااملين العند الحاااج شي طلع فطوموبيل ديال الحاج الشافعي وشي مشاااا مع نوردين سدو دار مبقا حتا واحد فيها مشاااو كاملين هما ولادهم فرحانين بغاو اشوفو الشركة جديدة ديال بهاء الدين حينت اليوم مع صبااااح مشااا تكاتب مع مول شركة باش يشريها دكشي كااامل لي جمع ديال الفلوس حطو غير فيها .....
الحاج الشافعي : والله مبغيتو اشدها ولكن راسو قاسح گاليك بلاصت ما يبقاااا مجلوق بين ديبوات فكل مدينة اللهم أشد شركة على قياسو يجمع فيها كلشي أو الكليان ديالو فين ما مشا غدي اتبعوه هو عندو صح ولكن راااه بقااااا لاصق وهو عاارف بالي مزال تابعو العرس ديال ختو فطريق هو واعدها ادير لها عرس كبير وخا گالي غدي اضبر عليهم من عند جاسم حتا يتنفس ويرجع ليه فلوسو ولكن مبغيتوش ازير راسو بحال هكا 
رقية : اوا صافي الحاج خليه على راااحتو والله اوسع فرزقو مسكين 
الحاج الشافعي : امين ...

طريق كاملة وناردين مغيبة تيهضرو معها والو عقلها مرفوع حتا وقفات طوموبيل قدااام واحد شركة كبيرة وعالية على حد شوفة وكلها زاااج وجات فبلاصة راااقية أو فيها غير شركاات المجهدين لي متنافس معهم بهاء الدين ومن بينهم شركة ديال مؤيد نزلو كااااملين وغدين دخلين بجراااا فرحانين ناردين غادية بلا عقل أو بنتها فيديها حل لهم العساس الباب ودخلو مشاااو ديريكت المصعد طلعو الطابق لي فيه بهااااء الدين لقاااوه وااقف مع جااسم أو فيديهم بزاف ديال لوراق تيرجعو فيهم ...
الحاج الشافعي : تبااااارك الله شركة وااعرة اولدي الله ادخلها عليك بزااايد رزق وصحة وسلامة...
بهاء الدين *جاي العندهم * امين الحاااااج ياااك عجبااتكم 
نوردين : واااعرة بزاف اخويا هدي راااه تستاهل كثر من داك ثمن لي محطوط عليها 
بهاء الدين : هههه ياك گلتها ليك غير شفتها عجباتني گالي مولاها غير مزير بالفلوس وبغااا يبني شركة وحدة خرى فبلجيكا دكشي باااش فرط فهدي يعني مكتابة ليااا نتمنى من الله تكون قدامها عليااا قدااام ربااااح ..
هند : واااو وااااو اخوياااا شركة ديالك تتحمق دبااا عااااد غدي نبقاااا نتفااايش على صحباتي ونگول لهم خوياااا عندو شركة قد دنيااااا 
فرحانة تتنقز من مكتب المكتب فيها 
رقية مشااات ديريكت الواحد البيرو وحلات البالكون وبدااات تتشوف فديك دنياااا تيبان لها بنادم بحال دبااان صغير بقااات تضحك 
رقية : أجيو أجيو تشوفو كيف تتبان دنيا من هنا عالم اخور 
الحاج الشافعي : امااااا هناااا خلاص شوفي غير جردة ديال شركة إجري فيها الخيل فعلا شركة واااعرة كون غير اولدي بنيتي لنا شي دااار غير فهااااد جردة هكااا نستغلوها رآه كبيرة وغير ضايعة 
رقية : هههه والله مكدبتي الحاااج 
كل واحد فين مشااا شي طلع شي ناازل جااهم الهباااال أما ناردين غير تتشوف شوية هز بهاء الدين عينيه فيها وقرب لها ...
بهاء الدين : مااااال حبي مااالو مقلق شفتك مگلتي والو يكما معجباتكش 
ناردين : لا بالعكس زوينة *هربات منو*هاد البيرو ديال سكرتيرة ديالك يااااك 
بهاء الدين *تيضحك* ااااه عاااد تنقلب عليها تكون شي سمرة حلوى أو لطاي تكون حوتة وتبقاااا تلبس لياااا غير دكشي القصير نعاماسي باش نمتع عويناتي وكل ساعة نعيط عليها جيبي ليااا قهيوة قاااسحة ونبداااا تشوفها وهي غادية وهي جاية و نبوسها هكاااا 
جرها بجهد وباسها فمها
ناردين *بالغوات* وااااش انت حمق دبااا اشوفنا عمي *تتمسح فمها*
بهاء الدين : هههه عمك غااارق فداك البيرو مع رقية تلقاااه نيت هو تيدير بحالنا وكثر گاع *رجع جرها * 
ناردين : بهااااء الدين صافي بعد مني واااش انت حماقتي غدي اشوفنا شواحد 
بهاء الدين جرها ودخلها البيرو ديالو ...
ناردين : واااو وااش هدااا كولو غير المكتب ديالك 
بهاء الدين : اااااه واش عجبك انا مزال تالف بينو هو وبين واااحد اخور حتا تشوفيه فينها بنتي بعد شفتها ماشي معاك يكما خليتيها فدار بوحدها وجيتي ....
ناردين : مالي حمقة كااينة عند ماما ركبتها لها فضهرها ونعسات ...
بهاء الدين : مزيااان *جرها العندو بجهد *
ناردين :(هزات راسها كتشوف فيه ودوز لسانها على شفاه ديالها وعينيها فعينيه *
بهاء الدين (تجنن من حركتها تشهاها في ديك الساعة) أنت عمري وحياتي وعشقي وروحي وأم ولادي ( قرب من فمها حتى ولا نفسو يضرب ليها في وجهها) أنتي حياتي كلها اناردين تنموووت عليك 
خداا شفاه ديالها كيمص فيهم ببطئ ..وايديه كيتسراو على جسمها وكيعبز فيه وهي لاوية يديها عنقوا...متفاعلة معاه في قبل ..فعلا كانت قبلة فرنسية حقيقية...حست بشيحاجة تحتها كتنفخ ...عرفاتو مزير ...بدات كتمشي وتجي على حجرو بغات تهيجو اكثر ...حتى بعد عليها ...
بهاء الدين (عينيه تقلبو)احح أناردين ا راك كتقلبي عليا ضبري لراسك ......هزها بلا هواه صافي وصل لطوب ديالو. نسا باه ونسا خوه نسا كلشي فديك اللحضة ...سد لباب من وراه ...وخبطها مع لباب ولسق عليها وكيقبل في شفاه ديالها بعنف وهي كتحكك عليه من التحت...وايديها كيتسراو في صدرو حيدت ليه الفيست وبدات كتفتح ليه في أزرار قميجة ديالو وايديها كيدزو على ديك العضلات سداسية لي في صدرو...نزل لعنقها كيعض ويمص ....هزها ولوات رجليها على خصرو حطها فوق المكتب ولاح كاع داكشي لي فوقو......وتيبوس فيها بكل حب وعشق ناردين فديك اللحضة حسات بمعدتها تتگلب عليها وتتحس برضان وهو مزال خاشي لسانو فمها وتيمص رحيقها ومستمتع ناردين صافي بدا تتحس بدكشي طاالع مقدراش تحبسو بدات تتدفع فيه والو مبغاش حتا رجعت ليه فموو دغية بعد أو تيدفل و يسب بغااا يحماق گاع حوايجو عمرو هز القرعة الما ومشااا لبالكون وبدا تيشلل فمو وناردين تضحك عليه...

بهاء الدين لاح لاڤيست فلرض وتيصوت هز عينو فناردين لقاااها مزال تضحك
بهاء الدين : عاااجبك الحال الآلة ناردين يااااك
ناردين حركات راااسها ..
ناردين : عاجبني وبزاااف گاع وزايدون انا تندفع فيك باااش تبعد عليها ونت لصقتيني بحال لصقة اش ندير ...
بهاء الدين : على هاااد الحساب بنادم يحرم گاع واش مزال اقرب ليك بناقص من ديك البوسة باقي منين هدي هي هضرتك 
ناردين : اوا صبر انت لي بغيتيهم اوا ستحمل
بهاء الدين *هز عينو فيها * اش بغيت انااا اناردين اش بغيت 
ناردين قربات ليه وحطات يديها بزوج وراا عنقو وهي تتشوف ليه فعينيه مفهم والو ..
ناردين :باغي لولاد ابهاء باغي لولاد انا حاملة تصدم بقاااا غير تيشوف فيها مزال مستوعبش كلامها ...ناردين تتحرك فيه وتضحك هزها وبدا تيدور بها داك البيرو كااامل وناردين تتغوت جااب لها دوخة غير حطها فالأرض مشات ورجعات كون مشدها كون طاحت 
بهاء الدين *مزيرها بين يديه * حيااااتي هدااا احسن خبر سمعتو فحياتي دباااا عاد كملات فرحتي شركة وقريب فنكوش اخور غدي اجي *دورها أو لصق ضهرها مع صدرو وخشا وجهو فعنقها كيبوس بكل حب ويديه محطوطة على كرشها * دباااا كاااين ولدي هنااااا باينة غدي اكون شي وليد هدااا 
ناردين *بعدات يديه * بهااااء الدين انت تتفكر غير فلولاد مفكرتيش فشامة دبا صافي راااه غدي نفطموها بلا وقت 
بهاء الدين : علاش مالها بقاي ترضعيها حتا إجي خوها ولا ختها وتبقا ترضع معهم عادي علاش غدي تفطميها 
ناردين *معصبة* انت كلشي عندك سااااهل سبحان الله اوا أسيدي راااه صافي الا حملت مخصنيش مزال نرضعها حينت هاد الحليب لي فصدري غدي إضرها 
بهاء الدين *حتا هو اول مرة يعرفها* واااااه انا مفراسي والو صافي منين غدي اضرها نشري لبنتي الحليب عطاااه الله *جرها*
ناردين : صافي بعد مني كلشي بسبابك بقيتي عليا لولاد لولاد حتا حملتيني بلا وقت اووووف 
بهاء الدين : ههههه دبا فرحتيني وجااااية تنكديها عليا ولا أشنو ...
ناردين : انا خايفة ابهاء خاااايفة رآه مزال بنتنا صغيرة غير هي واحلة معها خرجات ليا عقلي عساك نزيد لخور غدي نحماق 
بهاء الدين : متخافيش انا معااااك 
ناردين : هكاك تتگول ليا حتا تتغرقني و تمشي الخدمة وتخليني مني لهم على أساس شامة معاوني فيها 
بهاء الدين : تنحمااااق عليك *قبلة*
شوية سمعو دقااان فالبااب ناردين دغية دفعاتو وقدات شال على راسها ومشات تتجري تحل الباب ...
هند : انتما هنا وحنا من صباح تنقلبو عليكم اش كانتو تديرو هااااه *دخلات راسها *
ناردين *حشمانة* والو 
بهاء الدين : اديك سليعفانة بركة ما تبقاي دخلي فشبوقات لي بعيدة عليك سيري هاني جاي
هند : ولكن متعطلوش راااه بابا تيتسنا فيك 
ناردين : اوا صااافي خلينا نزلو العندهم التحت اش غدي نبقاو نديرو هنا وزايدون غدي تكون شامة فاقت ....
بهاء الدين *شاد وجها بين يدو* خصنا ضروري نمشيو العند طبيبة اناردين باش نتأكدو ...وفنفس الوقت نتمأن على البيبي
ناردين *منفوخة* أنا متأكدة ويلا كان عندك مزال شك ماشي مشكيل نمشيو ولكن ماشي اليوم غدا حينت اليوم مريم عندها الخطوبة ورااه عارضة عليا انا وعبير خصك دوزني من هنا العندها ديريكت بغيت نكون معها .
بهاء الدين : ان شاء الله ...

غفرااان خدات من عندو كااس الما بزز هو و دوااا أو تتشوف فيه بكل كره ..
مؤيد : يلاه احبيبة شربي دوااااك *غمزها* 
غفران شرباتوو ولاحت ليه الكاس
مؤيد : ههههه شحال تتعجبيني منين تتكوني تتسمعي الكلام 
غفرااان : ياااااك شربتو اوا خرج خرررج عليا مبغيتش نشوف وجهك مزال خرررررج
مؤيد : ششش هاني خاااارج بلاما تعصبي الحب بغيت غير نفكرك بالي الكاميرات كاينين فكل قنت فهاد البيت اي تصروف حمق غدي ديريه غدي تلقايني فوق راااسك *حط يديه على كرشها وتيتلمس فيها * ولدي كاااين هنااا تهلاي فيه ههههه 
غفران دفعات يديه وتتغوات باش يخرج متتحملش لا تسمع صوتو ولا تشوف وجهو باقي وكااارهة حتا دكشي لي فكرشها حينت قطعة من أكثر شخص تتكرهو فهاد دنيا كاملة
خرج مؤيد تيضحك وسد عليها بساروت ...
*مكان آخر * 
فهاد الأسبوعين لي فاتو ادهم جا العند عائلة ديال مريم وهضر معهم أو وافقو باااش يعطيوها ليه من بعد مجات امها حتال عندها ولقات بنتها بغاتو أو گال لهم من دباا أسبوع غدي اجيب الواليدة ديالو باش يتافقو على موعد لعقد ولعرس فاقرب وقت 
الاب ديال مريم فرح ورحب بيهم وقال لهم الوقت لبغيتو تجيو جيو غدي تنورونا وطبطب على كتفو".بقاو كايهضرو واتناقشو من بعد خرج ادهم شد طريق لدارهوم وهو مرتاااح حينت دار خطوة مهمة كان خايف منها حينت اول مرة يمشي يطلب شي بنت لزواج كان غارق مع جاسم غير فالكباريات أو بنات الليل كان كل الليلة مع بنت غير تزوج جااسم صاافي ولا حتا هو بغااا المعقول أو مبقاش بغاااا يعيش فالحرااام 
داز اسبوع ورجع هو وعائلتو محمل هدايا وفرحة غاطير من عينيه ..جاي بكل اناقة بجسمو الرياضي ..واللحية مطراسية ..لابس شوميز فالبلو وسروال فنفس اللون وصباط ..دار عند مريم عامرة بالمقربين كولشي فرحان كان يلاه جاي اخطبها وجدو ما الد وطاب من شهيوات ..مريم كانت لابسة فراشة فلبيج وگعدة حشمانة وناردين وعبير گعدين فجنبها .دخل ادهم مع الام ديالو ختو وزوجها وخالتو ..استقبلوهوم كانت ناردين و لابسة قفطان جوهرة فالموف منبت من جهت صدر طالقة وفولار فالموڤ بااارد أو فيه حجيرات نفس لي فالقفطان أو عبير حتا هي قفطان جوهرة فنقري وطالقة شعرها والكريشة خارجة شوية كانت دخلة فشهرها 3 كان لوحم بدا تيخفاف وحاطين مكياج خفيف بحالهم بحال العروسة غير شافتو مريم وحشمات كتسالم بابتسامة وعينيها كايلمعوو ..دخل لجميع لصالون . كان بهاء الدين وجاسم تيتسنا فيهم هو الاب ديال مريم مع خوتها رحبو بيهم وتقدم لعشاء كولشي كايهضر واضحك كانهم عائلة وحدة ..سالاو وتحط لحلوة واتاي ..وبدات المناقاشات حول لعرس ولعقد ...مريم ساكتة وكتسمع ليهوم وبضبط لادهم لكايهضر بكل طلاقة ماحشمان من حد ...قاليهوم لعقد بعد اسبوع والعرس غايكون بعد العقد بعشر ايام ..كمل لعشا وخرجو عائلة ادهم مشاو وبقا بهاء الدين وجااسم مع عيالاتهم ....
عبير : وشوف ليك ادهم سيد سخون دغية بغااا يزرب عليك اصحبتي 
مريم : ياك شفتيه بارك عليا غير الخطبة وسير العقد على عام حتا گاع توجدي راسك على خاطرك غير خطبني دغية بغااا يزرب عليا بالعقد شلاهبي لخور
ناردين : كانت حاسة غدي اكون عرسك هكاااا مزروب غير غدي نتفكو منك غدي تشدنا هند حتا هي غدي طيح عقدها فشهر الماجي والعرس غدي اكون ف 15 فشهر رااااه خوها عقلو غير معها بغاااا ادير لها عرس معمر شي بنت مراااا دارت بحالو
مريم : اوا خليه رااه غير خت وحدة لي عندو بغا يفرح بها 
ناردين : اااه مريم دكشي لي كاين اه نسيت واش غدا غدي تكوني فالعيادة 
مريم : اااه اليوم لي شدني عليها غير الخطوبة ولكن منين داز كلشي مزيان صافي غدي رجع الخدمتي حتا اقرب موعد العقد ونجلس شي يامات نوجد العرسي ولكن علاش تتسولي 
ناردين : ناري امريم راني حاملة 
بزوج تصدمو وبقاو تيشوفو فيها 
ناردين : بلاما تبقاو تشوفو فيا هكااا على أساس انا فرحانة بيه...
عبير : ولكن بنتك مزال صغيرة بزاف اصحبتي
مريم ؛ ههههه يكما مقطوع الفانيد ونا مفراسيش
ناردين : اوا ضحكو انتما لي جاا معكم ضحك بهااء الدين لي بغاااهم اش ندير ليه هدا معطا الله ...بهاء الدين : ناااردين نمشيو 
مريم : بقااااو معنا شوية مزال الحال ولا سيرو وخليو البنات اباتو معايا هاد ليلة مزال مشبعت منهم 
بهاء الدين : معندها فين تبقااا جينا بزوج نرجعو بزوج ولا مرة خرى مغديش مزال ندير لهاا خطرها ...
ناردين : ههه لا لا غير خليني نمشي اصحبتي لا تحرميها عليا *تسلمات معها ومشات تسلم على ام مريم شوية وقف جاسم حتا هو على عبير ومشاااو كاملين راجعين فحالهم من بعد ما دوزو نهااااار زوين من البداية ديالو حتال نهاية ..

بهاء الدين غير تيوقف فالفيروج أو تيمشي ابوس كرش ناردين 
ناردين : وهز راااسك راااه شعل ضووو الحمر
بهاء الدين : واااش منبوس انا ولدي 
ناردين : حمق اش تتبوس فينها الكرش بعد باش تبوسها ولا تبوسك انت غدي تسطا وقلة 
شاف فيها وضحك ورجع شاااف فطريق ومشاااا زاااف وناردين حطات راسها على كثفو وفرحانة حتا وصلو تيشوفو جوووقة قدااام الباب ...دارهم صطافيط كبيرة ديال البوليس أو عباد الله مجوقين بغاو اعرفو شكون غدي تهز 
ناردين *مخلوعة* بهااااء الدين اش واااقع علاش هاد جوقة كلها حدا داركم
بهاء الدين تيبلاصي طوموبيل ديالو غير نزل منها تجمعو عليه البوليس تيجرو فيه وهو مفاااهم والو 
بهاء الدين : واااا طلق اصحبي فهمني غير أشنو واااقع بعد وااااااا طلق ابناااااادم 
لحاج الشافعي : معندكمش الحق تخدوه قبل مااا إجي المحامي ديالو 
الكوميسير: عيط عليه إتبعوووو يلاه هزوه عليااا من هنااااا تحررررك 
ناردين تتغوات تتجر فبهاء الدين من قميجتو لور وتتبكي بغاااا غير ادور وجهو العندها يهضر معها باش ما تخلعش عليه مبغاوش اخليوه دغية تجمعو عليه البوليس وزيرو ليه وجهو مع صطافيط و حطو ليه المينوط وطلعوه...
ناردين : شوااااحد يشرح ليا اش واااقع 
رقية : اهى هئ هئ معرفناش ابنتي معرفنا والو سولهم الحاااج مبغاااوش إهضرو معاااه خصو حتا يمشي الكوميسارية عاد يعرف علاش
ناردين فشلات وگعدااات فالأرض تتبكي 
نوردين : نوضو دخلووووو الداااااخل حيدو عليااااااا من هنااااا ونتما جامعين عليا هاد جوقة يلاااااه الآلة لي عندها شي دار توصلها 
دخلهم وسد عليهم الباب ومشااا هو وباااه المقر شرطة ....
حفيضة : ويلي فين غادية 
ناردين : غادية عند بهاء اماما اناااا مستحيل نبقااااا هكااا غدي نحماق 
رقية : غير صبري ابنتي كلهم راااه عندو دبااا الله ادير ليه شي تاويل ديال الخير ياربي
نجلاء : انا شكيت غير فديك شركة هي لي موراها شي موصيبة 
حفيضة : ماااال شركة اش من مشكل فيها يقدر اكون غير دابز مع شواااحد هو راااه عدواني ومعكااااس وعزيز عليه صداع ....
ناردين : صاااافي اماما بركة هنينا بسكاتك 
شوية جااات عبير تتجري حلو لها لباب
عبير: ااااش واقع تصلو بينا كركبني جااسم فنص طريق وشديت طاكسي هو لي جابني هنا جاسم مشااااا تيجري الكوميسارية اش واقع ماااال بهاء الدين علاش شدوه 
ناردين تتبكي أو نجلاء تتصبر فيها 
رقية : حتا واحد معارف شحاجة لقيتينا بحالنا بحالك رااااه مشاااو اشوفو اش كاااين الله اخرجها طريفة ياربي 
حفيضة : اللهم امين غير صبرو دباااا يخرجوه 
شوية تليفون نجلاء تيصوني غير شافت نمرة نوردين دغية شدات الخط وتجمعو عليها كلهم 
نجلاء : الو نوردين اش كاااين 
نوردين *صوتو مخنوق* مشكلة كبيرة انجلاء كثر ما تصورنا القضية فيها نصب والإحتيال وتزوير بهاء الدين ضحكو عليه وخداو ليه فلوسو شي نصااابة أو غرقوه من الفوق شركة عندها مولاها وهو. لي راافع عليه دعوة بسرقة لشركة ديالو 
نجلاء : اويلي مشكلة هدي ودبا لقيتو هدوك
نوردين : فينهم تگول الأرض تشقات وبلعاتهم بهاء الدين عطاني العنوان ديالهم مشيت انا وجاسم حتال عندهم حتا واحد معرف عليهم شحاجة وماشي بعيد إكونو ضحكو عليه حتا فسميات ديالهم لي زور لعقود توقعي منو أي حاجة ...
نجلاء ؛ ولاد الحرام دبا أشنو غدي ديرو مستحيل بهاء الدين يدخول الحبس وهو مضلوم حراااام هدشي 
نوردين : مكاين ما نديرو جميع دلائل منسوبة ليه المحامي معااااه دبا حنا غدي نشوفو كيفاش نديرو ونتفاهمو مع مول شركة على الله اسامحو ....باش تخفاف عليه العقوبة كان عليه حتااا يتأكد مزيااان هو زرب فاش شد هاد شركة 
نجلاء : اوا هو باش عرف غدي يطلع البلان ديالها هكا الله يخود الحق فلي كان حيلة وسباب حتا طاح هاد طيحة بهاء الدين مسكين الله ادير ليه شي تاويل ديال الخير يارب ...

لمركز الشرطة كان معاه المحامي أو تيحاول اقنعو اعاود ليه كلشي ...حينت القاضية عندو معقدة ويلا كان تيعرف أي حاجة وخا تكون عندو بسيطة عند المحامي غدي تكون شحاجة كبيرة تقدر تعاونو ولكن بهاء الدين نفس الهضرة دكشي لي تيگول تيرجع إگولو مرة خرى 
بهاء الدين *بالعصبية* واااش انت متتفهمش هدشي لي تنعرف راني گلتو ليك
المحامي : سي بهاء الدين بلاما تعصب انا هنا باش نساعدك وخصك حتا انت تعاون راااسك هدشي عندك معقد بزااف وباينة طايح فشي فخ حينت كلشي كان مدروس بطريقة احترافية واش انت مشاك حتا فشواحد يبغي إورطك واش معندكش أعداء لي تتشك فيهم اقدرو إديرو هكا 
بهاء الدين معصب غادي جااي أو تيدوز يديه على شعرو بتوتور ..
بهاء الدين : لا معندي حتااا واحد فراسي هاد ساعة دباااا أشنو مكاين حتا حل ...
محامي ؛ حتا حل مكاين دوك نصابة غبر لهم لأثر مشاو تيقلبو عليهم حتا واحد معرفهم وحتا داك العساس ديال شركة لي گلتي لنا مكاين 
بهاء الدين : ههههه لا زوينة هدي الحماق هداااا 
محامي : هدشي لي كاين اسي بهاء الدين ولكن حنا غدي نديرو مااا فجهدنا باااش تبان البراءة ديالك غير كون هاني ..
من بعد التحقيق خرج بهاء الدين قدام الأب ديالو وخوه وجاسم أو لبوليس ضايرين بيه بحال شي مجريم كان بهاء الدين مهبط راسو مقدرش اشوف فباااه لي تيبكي ديك ساعة هزوه من الكوميسارية ودخلوه لصطافيط و نقلوه مباشرة للسجن .....
*مكان آخر*
مؤيد كيف العادة گاعد جنب غفرااان وهي تتمثل عليه بالي هي ناعسة وبالي شربات دواها ولكن هاد المرة ضحكات عليه غير دارت بحال الا رمات الحبة فمها ودوزاتها بجغمة الما هي حالفة حتا تهرب من داك الجحيم بأي طريقة كان حاط يديه على كرشها وتيضحك حتا جااه تصااال دغية ناض وحل الباب ديال البالكون ودوز الخط وهو تيهضر بشوية باش مااا افيقهاش هي غير حسات بيه ناض من حداها دغية حلات عينيها وتتقلب عليه بعينيها حتا بان لها فالبالكون تيهضر بشوية طلقات ودنيها تسمع معامن تيهضر حتا جاها فودنها اسم بهاء الدين دغية شرعات عينيها ومعاهم ودنيها وناضت بشوية تتسلت حتا قربات ليه ...
مؤيد : ههههه مزيان مزيان واش يلاه خرجو من عندك 
✓ ااااه بغاوني نسمح لهم ولكن والو گالت لهم دكشي لي گلتي ليا بالحرف وبالي المحكمة بنا هو نصاب وغدي يتعفن فالحبس كانو غدي اضربوني ولكن عيطت على لگارد خرجوهم بحال الكلاب من شركة
مؤيد : ههههههههه دبااا داك الكلب ديال بهاد الدين فالحبس يااااا سلام يلاه قطع نشوف رشيد اش دار مع دوك رجاال رااه الا مشاو حتى طاحوو عليهم مشينا فيها الخطة كاملة غدي تفشل 
✓ ااااااه هدوك خصهم اغبرو باش يبقا هو غاارق ههههه فيها غير بوحدو 
ديك ساعة هضر مع رشيد وگاليه بالي رجال هربهم هاااد العشية حتا واحد مبقا فالمغرب أو مستحيل اطيحو عليهم حينت اسماءهم مزورة وخااا گاع اقلبو عليهم مغديش يلقاوهم مؤيد عااااد رتاااح كثر غفران غير حسااات بيه جااي دغية رجعات تخشات بلاصتها ونعسااات وعقلها كااامل غير عند بهاء الدين ...

جاسم : صااافي الحاج بلاما تقلق أنا غدي ندير لي فجهدي حتا تبان البراءة ديال بهاء الدين
الحاج الشافعي *بصوت مكسور* كيفاش حتا وقع الولدي هدشي يااااك كانت معاااه اجاسم واااش ملحضتي حتا شحاجة غريبة فدوك لوراق كيفاش قدرتو طيحو فالفخ ديالهم بهاد سهولة اجاااسم
جاسم: الحاج كااانت معاه أو لوراق دازو من يدي كثر من 10 المرااات ونا ترااجع فيهم من بعد ماااا شاافهم بهاء الدين مزيان كلشي كان هو هداااك مشكينا فوالو دكشي كااان مدروس مزياان انا الحد هاد ساعة ممصدقش بالي كلشي كان غير كدوب وشركة غير وهمية 
الحاج الشافعي : يااااربي لطفك دباااا كلشي ضاااع حتا الفلوس لي تيجمع فيهم حياتو كلها مشاااو ....
نوردين : اهم حاجة هو بهاء الدين يخرج أما الفلوس تتمشي وتجي الحاج ميبقاش فيك الحال
جاسم : دكشي لي كااااين حنا غدي نشوفو اش نديرو ولكن خصني حتا نهضر مع بهاء الدين هو لول المهم يلاه خليونا نمشيو من هناااا *حط يديه على كثف الحاج ومشاو *
*مكان آخر*
الدار الشافعي منين تهز بهاء الدين من قدام دار وناااس تيتكبو عليهم من كل بلاصة دار مكتخواش كيجيو ازوروهم و يطمأنو عليهم كاين اللي كيجي حيت ضرو حالهم و كاين اللي كيجي باش يدي لخبار ما يعاود و كاين اللي كايجي ما كيرجع ..مناقصو صداع الراس ..شوفة الناس كتزيد غير تكمل على ما بيهم ..مؤيد بغاااا يستغل الفرصة أو يتقرب من ناردين مرة خرى ..
حفيضة : اجي تكلمي ... 
ناردين *ناضت * لمن اماما....
حطات لها تليفون فودنها تتسمع صوتو بقات غير تدور فعينيها ...ناردين : الو ...
مؤيد : ناردين كيف دايرة لباس عليك
ناردين *بصوت مخنوق* الحمد لله ونت
مؤيد : بخير سمعت دكشي لي وقع مع رااااجلك وخااا هو متيحملنيش اناردين ولكن أنا بقااا فياااا هو ما يستهلش هدشي لي وقع معاه....
ناردين *تتبكي * الحمد لله على كل الحال دباااا البراءة ديالو تباااان بهاء الدين غدي يخرج ان شاء الله *تبسم ابتسامة استهزاء*
مؤيد : ااااه دكشي لي كاااين ناردين اي مساعدة انا موجود متحشميش مني 
ناردين ؛ لا شكراااا ليك 
مؤيد : ناردين متنسااايش بالي انت عزيزة عليا قبل گاع دوك المشاكيل لي وقعو بنا يعني مكاين لاش تبقاي تبعدي ونت محتاجة ليا نوقف معاك *ناردين تتنهد*
ناردين ؛ وااااخ أي حاجة بغيتها غدي نطلبها منك غير كون هاني 
مؤيد : دباااا رتاحيت .... ناردين : يلاه نخليك دبا بسلامة *قطعات فوجهو*
حفيضة ؛ امضراااا اش گال ليك واش غدي اعاون رااجلك فهاد موصيبة لي غارق فيها
ناردين *منفوخة* واااش انت حمقة اش داك تعيطي ليا ولا تحطي ليا تليفون فودني شكون لي گاليك بغيت انا نهضر معاه ولا بغيت شي مساعدة منو واش بغيتي تحمقيني على اساس بهاء الدين غير غدي يرضى بيه ولا بغيرو ماما بركة عودي دخلي سوق راسك شوية
حفيضة ؛ ايه سري وقليل فيا انا لي هازة ليك الهم انت وحباس ديال راااجل سيد مسكين مگال حتا عيب سمع لخبار وتصل باش يتعاون معاك فسبيل الله وغدي اخرجو گاع بكفالة خصك غير انت طلبي منو مساعدة والله ما اخليك بلاش گلت نعطيك تهضري معاه بكي وشكي ولا متتعرفيش تمثلي بحال گاع العيالات ولا يكما عاااجبك الحال تشوفي راااجلك مرمي فالحبسااات ونت غارقة ولاد شي مهزوز فالكرش وشي مرمي فالأرض ..... 
ناردين ولا وجها صفر أو منفوخة بغات تفرگع بالفقصة ومكملة عليها مها مشااات وخلاتها ..

غير جااو كلشي مشاااا تيجري العندهم 
نوردين : مكاين حتا جديد من غير بهاء الدين دخل الحبس *خلاوهم كلهم تيغوتو. وتيبكيو*
الحاج الشافعي: بركة من الغوات ماالو مااات ولدي غدي يخرج وخااا نعرف نحرگ لي قدامي ولي وراية دباااا صليو عنبي راااسنا غدي يتشتت...مناقصين غواتكم حتا هو 
رقية : شحال ديال الفلوس لي خاصو باش يخرج...
الحاج الشافعي: مزال معرفينش شحال غير المهم على الأقل 5 المليون لكل وااحد باش منين ادوز فالمحكمة اكون دكشي مخفف عليه ماشي ازيدوه عااااد داك مول شركة واااحد الحنكور كون غير تيتساعف بنادم يكمد ليه فيديه شوية الفلوس كون دبااا بهاء الدين خااارج الليلة وحدة مغدي ازيدها تمااا
الجاسم : أنا غدي نعاود نرجع نهضر معاه وغدي نعطيك الحاج شي فلوس بدااا ترش بيهم على دوك شفارة حنااا خصنا نديرو لي فجهدنا قبل ما يتحكم ..
الحاج الشافعي : وخاااا اولدي الله يخلف عليك...
♨️⁩ في السجن ⁦♨️⁩
بهاء الدين غادين بيه فوااااحد الكولوااار طويل غادي وهاااز راااسو السمااا ماشي هنااا غريب عليه ولا أول مرة اشوفو راااه 10 سنين من حياتوو مشااات غير فيه بقاااا غااادي وابتسامة على شفايفو عمرو مكان متوقع يرجع ليه مرة خرى ...ولكن القدر العب لعبتو معاه ....
دخلوه الواحد الغرفة كبيرة حيدو ليه حوايجو أو لبسوه لبسة ديال الحباسة و لصقو ليه واحد العداد كبير فصدرو ومشاااو جااارينو الشومبر وقفو قدااامو هز عينيه لقاااا گاع الحباااسة نايضين تيطالو شكون هاااد سعيد الحظ لي مشرفهم
غير دفعوه أو بداو الحباسة تيضورو بيه هو تيشوف فيه دفع بيديه وااحد باش إبعد من طريقو وجر واحد الكرسي گعد فيه أو حط راااسو على الحيط أو عقلو تيفكر بعييييد ..
كان مقااابل معاااه روبيو گاعد فوق الكرسي وجلول *خو الحسكة * تيبرم ليه واحد جوان روبيو معروف عليه الشغب فدااك شومبر أو كلمتو تمااا مسموعة وعصبي لدرجة كبيرة وكايضارب مع گاع السجناء من وجهوو باين عليه الشر فأول نهار دخل فيه للسجن دار بلاصتو بديك جهالة ديالو ولمضااا لي ديما فيدو كلمة جوج تلقااااه هز جنوي أو تيشير بيه فينما جاات هو معندوش سوق هدشي لي خلا كلمتو مسموعة وكلشي تيضرب ليه الف حساب وحساب وتما وعاااايش ملك وسطهم دخل السجن بجريمة بشيعة و تحكم بالمؤبد ماكايهموش ازيد جريمة خرى هو غارق غارق
روبيو : (جاي بديك الصفة المخيفة ديالو) و جلول موراه فرحان أو تيشطح 
روبيو : عطيني الموس خاصني نتخلص من هاد الحثالة لي متيعرفش صوااب ولا تيعرف الأداب لي هو خااااص بعد إجي حتااا يخود الإدن من الملك روبيو واااش غدي نخليه يبقاااا معايا ولا يمشي لشومبر لخور ويلا حتا بقاااا خاصو يحتاااارم القوانين ديالي كلها...
بهاء الدين مشاافش حتا فجهتو خلاه تيهضر هو ودوك نعااج لي تيخافو منو أو واقفين موراه مشجعينو جلول فرحان حينت عااارف هاااد الليلة بهاء الدين غدي ياكول ماكلة طبل نهار العيد جاب ليه الله لي يعرف ليه .ويبرد ليه قلبو فيه .....
يالله جا روبيو احط يدو على بهاء الدين حتى حس بييها دااارت على ضهرو مزير عليييبيه وروبيو تيحاول يدور ليه حتى تسمع طرااق دورو العندو وهو يعطيه ببوكس لوجهو عاودو تاني تالت حتى طااح فالأرض نزل عليه بهاء الدين قااجو بقاااا يعطيه يعطيه فلكروشيات حتى ولا كل دميات ولا كلو عروووقات ولااا كيتبخ نااد من فوقو وعطااه بركلة حتى زوااه ونقز دم من فمو خلاهم كلهم غير تيشوفو مصدومين
مشااا بهااااء الدين خشاااا راسو تحت رو بيني وطلقو على جهدو تيحس براااسو شاعلة فيه العافية سد روبيني ورجع العندو تيشوف فيه بكل كره جااو رجالو هزوه مرابعة وحطوه فوق ناموسية كااان تيصااادع بكثفو 
روبيو *ركل جلول برجلو * حيواااااان گاعد تتفرج فياااا ونا تناكول العصا شماتة لخور ااااي كثفي ولد الحرام هرسني 
جلول ؛ سمح ليا اشاااف روبيو ولكن معرفت ما ندير خفت لا إخلطني حتا انا معاك 
روبيو : هاااااد الحيوان بغيتو هاااااد الليلة توصلني خبارو وااااش تتسمع 
جلول : كون هاااني اشاااف 
روبيو نعس مجبد فناموسية أو عينيه غير فبهاااء الدين لي دغية ضارو بيه الحباسة تما ولبلاصة المخيرة ولا هو نااااعس فيها..

♨️⁩ في السجن ⁦♨️⁩
✓ هااااااك اخويااااا *مد ليه الگارو* انا سميتي مولاي دريس ولكن انت عيط ليا غير دريس بلا مولاي ههههه ويلا بغيتي ممكن ديرني صاااحبك وتيق فيا انا هنا خدام عندك ولي بغيتيها نعطيها ليك اخويا وخا تكون تحت الأرض نطلعها نطلعها. 
بهاء الدين خنزر فيه ونتر الگارو من يديه وخشاااه فموو وطلع راااسو دغية دريس شعل ليه الگارو وبداااا تينفخ دخان وهو هاز راااسو بكل كبرياء وتينفخ دخان فسمااا وتيشوف فروبيو من بعيد كانو لحباسة تيضورو بيه هاااا لي عطاه الحوايج ها لي عطااه الفرااااش او شي جااب ليه العشاااا بهاء الدين غير تيشوف فيهم خلا دكشي كامل وتسرح فوق ناموسية ويديه بزوج تحت المخدة أو عقلو غير عند ناردين توحشها بزاااف مكرهش تكون حدااااه وتوحش شااامة بزاف تنهد تنهيدة قوية خاارجة من الداااااخل حتا كلشي شاااف فجيهتو ..
روبيو: هز المضااا *جنوي * من تحت المخدة 
جلول : هزيتو اخوياااا روبيو هاهو اش بغيتي ندير نديرو ....
روبيو : مزيااااان عس عليه حتا ينعس أو دبح ليا مو من لودن لودن باااااش اكون عبرة الخرين رآه شفتو ضسرهم عليا بغيت نخلي رااسو معلق لهيه *شار السقف* باااش گاع لي سخن على مو رااااسو غير اشوف داك راس المعلق دغية يتكمش مكااااااينش شوااااحد فوق من روووبيو هناااا كلمتي هي لي كاينة 
تيهضر مع جلول بشوية مبغاااا حد اسمعو وبهاء الدين گاع ممسوق لهم عقلو كامل غير فهاد المشكلة لي طاح فيها ومعارفش كيفاش يخرج منها غير تعشاااو الحباسة ونعسو بهااااء الدين بقاااا فايق حينت هو عاااارف الحبس اش فيه حاضي سواريه مزيان وجلول عاااس عليه حتاااا غلبو نعاااااس ونعس ولا بهاء الدين لي عاااس عليه ماشي جلول روبيو بغاااا اموت بالفقصة تيفيق فيه والو بحال الا تيحرك شي جيفة سيد غيب ماشي نعس بدا تيصوت غير شاااف بهاء الدين بدااات عينيه تتقال وغلبو نعاس بغا يستغل الفرصة ونااااض تيتسلت بحال شفار هز جنوي من تحت المخدة وغاااادي ليه بيها بديك اليد لي بقات ليه أما لخرى كااان لاوي عليها الخرقة ومعلقها فعنقوو يلاه غدي ادبحو حس بيه بهااااء الدين شدها يلاه بغااا انوض روبيو دورها دغية جهة بهاء الدين وخشاها ليه فجنبو بهاااااء الدين عروق راااسو باااانو دفعو بجهد حتا تلاحت الجنوي من يدو وطااااح الأرض أو زيرو وحط ليه جنوي على عنقو گاع الحباسة ناااضو تيشوفو بهاء الدين فوق روبيو أو جنوي حاطها ليه على عنقو بداااا الغوات فداااااك شومبر أو تيعيطو على الگرديان يدخول افرتك ديك جوقة صاااافي بهااااء الدين تغمضو ليه العنين بغاااا ادبحو كون ماااا جااا دريس فأخير اللحضة قنعو بكلامو ولا ترااااجع بهاء وزف بجنوي بعيد وناض من فوقو ...
دريس : الحمد لله اخويااا كانت غدي دير أكبر غلاط الا قتلتيه هو رااااه محكوم عليه بالمؤبد حياتو كاملة غدي ادوزها هنا بلاما ضيع راسك على قبل واحد بحالو 
بهاء الدين تيصوت أو حاط يديه على جنبو كااان تينزف بزاااااف تيشوف فروبيو كان تيضحك مع جلول بهااااء الدين تيزيد يتعصب مكرهش ارجع ليه ولكن فكر فناردين ولادو تيرجع اتبت رااااسو 
دريس : واااااافينكم عندنااااا هناااا سيد مضروووووب 
الگرديان : ااااش واقع مالك تتغوت 
دريس *رجع لور* عفاك واحد سيد هنا مضروب وتينزف بزاف خاصو يمشي دبا السبيطار 
الگارديان تيشوف فبهاء الدين وطالع ليه دم
الگارديان : تحرك قداااامي مزال مسخنتي حتا بلاصتك دااير لنا الفوضى دفعووو 
بهاء الدين دور وجهو خنزر فالگرديان 
الگرديان : وااااااا كولني بعينيك تحرك زيييييد البشااااااار كيف دااااير 
بهاء الدين غدي فداك الممر طويييييل لي تيحس بيه مبغاااااش اساالي أو حاط يديه على جنبو تيصادع ورجليه فااااشلين أو العرق تينزل مع جبهتو حس بضبابة نازلا على عينيه مبقااااا تيبان ليه والو طااااح على وقفتو رداااااااخ الگارديان تخلع دغية ولا غدي تيزرب عيط على واحد الفرملية ديال السجن جابت نقااالة وتعاونو عليه هما وشي حباسة حتا حطوه فيها ومشاااات تتجري بيه الغرفة المستعجلات ..

مريم : خالتي رقية انا مفراسي حتال اليوم فينها ناردين 
رقية : دخلي ابنتي هاهي الداخل 
دخلات مريم تتجري العندهم القات ناردين طايبة بسخانة وعبير ومها واقفين فجنبها وعينيها منشفوش من دموع 
مريم : ناردين حبيبة كلشي غدي اكون مزيان بهاء الدين غدي تبان البراءة ديالو بقاي قوية على قبلو وقبل ولادك 
ناردين : هى هئ هئ معرفتش علاش المشااااكيل مبغااااوش ابعدو علينا امريم بهاء الدين رجع الحبس مرة خرى وكلشي تيگول مستحيل يخرج صااافي بهاء الدين مشا امريم مشاااا اهئ هئ
مريم : صافي اصحبتي مديريش هاد الحالة فراسك *عنقاتها وبقاو تيبكيو بزوج*
الحاج الشافعي : بنتي ناردين شوية دبا 
ناردين *تتمسح دموعها* ااااه اعمي شوية الحمد لله 
الحاج الشافعي : الحمد لله ابنتي جمع راااسك ومتخلعيناش عليك المهم هحنا مشينا 
ناردين *ناضت* أنا غدي نمشي معاك اعمي
الحاج الشافعي : فين بغيتي تمشي معايا معندك فين تمشي صبري حتال غدا غدي تكون زيارة نيت أو سيري دبا راااه غير محامي لي بغااا اشوفو مكاين لاش عااااد انت مريضة 
ناردين : لا اعمي غااااادية هي غادية
مشاااات تتجري لبسات عبايتها وحطات الفولار على راااسها وخاااا طايبة بسخانة وجها مقطوع فيه لون ولكن لي فيها ما مهنيها 
ناردين ؛ خالتي رقية شاااامة رااااه ناعسة غير شوية وغدي تفيق متنسايش تعطيها رضاعة راااه فيها الحليب وليكوش يلاه بدلتو لها
رقية : صافي ابنتي غير سيري وكوني هانية 
خرجات تتجري طلعات فطوموبيل الور أو مشاو ديريكت لقاو المحامي تيتسنا فيه هو وجاسم دخلو كاااملين وبقاو تيتسناو فيه يخرج ولكن تعطل عليهم حتااااا جااا واحد البوليسي هضر معهم وگال لهم بالي بهاء الدين البارح دابز مع واااحد الحباس أو دبا فسبيطار كلشي تخلع وبدات ناردين تتغوات شدها حاسم تيسكت فيها
الحاج الشافعي : عفااااك متخبيش علياااا اش واقع الولدي هضر ررر
البوليسي : غير تهدن الحاج راااه فايق ضربة جاتو غير فجنب وخيطو ليه واحد شوية غدي اخرجوه غير تيتسناو حتا إجي طبيب اشوفو باش إخرجوه
نوردين : واش ممكن نشوفوه دباااا
البوليسي : اااه وخاااا أجيو معااااايا 
نعت لهم البوليسي ومشااا وخلاهم كيف دخلو هضرو مع بنت لي فالاستقبالات سولوها على طبيب كان بهاء فالمستعجلات من بعد ما دامت العملية ديالو كثر من ساعتين او نزف بزاف وكان خاصو الدم .؟
طبيب : "كيهضر معاه الحاج " من بعد راديو والايكو الي درنا ليه .. كانت عندو الكبدة على شوي وغادي تقاص ليه ضربة لي جاتو كانت غارقة بزاف ...غانعطيه هاد دوا وغايتبع هاد تريتمون مزيان ...وخاصو ابعد من صداع مع الحباسة بمرة حتا يتجمع الجرح..مبغيناش يوقع الاسوء دابا غادي يخفاف الالم حيث ضربنا ليه ابرا...ساعة ويقدر يخرج..ابتاسم ليهم وخرج دخلات ناردين العندو وبقاو كلهم تيتسناو فيها برا حتا تخرج مرتو عاد ادخلو هما كان متكي في البياص في المستعجلات...شاف فيها لقا دموعها دايزين...
بهاء الدين " هز صبعو ومسح ليها دموعها" ششش لاش لبكا دابا...
ناردين : اهئ اهئ علاش تدير هكاااا فيا ابهاء واش مكفاكش غارق فالحبس زدتيها حتا بصداع والمشاكيل واش متتفكرش فيااا وفحالتي الا مكنتش انا تنهمك على الأقل ابهاء فكر 😭😭 غير فولادك كون وقعات ليك شحاجة لقدر الله انا...أش غدي ندير 
بهاء الدين " كحز شوي دار بلاصة حداه وحل دراعو" اجي عندي..
ناردين : كتشوف فجنابها بانو ليها ممرضات بعاد شوي ..فين بلاش غا خليك مرتاح...
بهاء الدين : قلت ليك اجي ..اففف ...غمض عينو بجهد ورجع حلهم ...غير اجي راحتي هي ونتي حدايا...ناضت قربت كلست وهو يتكيها وتكا جرها عليه فوق صدرو...نتي غا خليك معايا وغانولي لباس ..توحشتك احياتي وتوحشت شامة وتوحشت ولدي *حط يدو على كرشها * يكما معدبك هااااد العاود
ناردين : هاد ساعة ما معدبني غير الوحش ديال باه واش غدي تقتلني علاش دبزتي علاش واش مستحيل تبقا بلا مشاكيل
بهاء الدين : اش ندير اناردين رااااه هو لي جبدني بغاني نكون بحال دوك نعاااج لي سارحهم على گودو *خشا وجهو فشعرها*
.سمحي ليا بزاااف.. اناردين مقدرتش نوفي بالوعد ديالي ليك ومخليتكش تعيشي حياااتك بلا مشاكيل ولا تبقاي هانية ولكن خصك تعرفي واحد الحاجة وتكوني متأكدة منها مزيان هي تنبغييييييك وغدي ندير المستحيل باش نخرج من هناااا باش نكون معااااك ومع ولادنا * جاوباتو براسها *..
بهاء الدين رجع ضمها وهز راسها بيدو كيشوف فدوك لعينين حمريين ومنفوخين بدموع و نيفهاا حمر وشنايفها كداالك ...خلاتو يسرط ريقو وهو متع عويناتو بها بااسها فجبهتهاا غمضات عينيها بعد على جبهتها أو مشا لشفايفها يلاه غدي ابوسها حتا وقفو عليه ناردين دغية جمعات الوقفة حشمانة ...

جاسم : وااااا فين ااسبع *تلاح عليه * متگوليش بديتي فالمشاكيل تاني ههههه وااه اصحبي مزال حتا مسخنتي بلاصتك 
الحاج الشافعي : واش تتقلب تسكت ليا القلب بمصايبك مالك اولدي على حالتك 
بهاء الدين؛ صااافي الحاج بلاما تبدا رآه الحبس هدشي لي فيه القوي تياكول ضعيف
الحاج الشافعي : غير حاول تبعد على المشاكيل غير بين ماااا لقااااو شي حل بلاما تغرق رااسك بمشكل جديد 
بهاء الدين : غير كون هاااااني امضرا كاين شي جديد لقيتو دوك الكلاب ..
جاسم : لا حتا واحد معارف عليهم شحاجة ابهاء الدين بدا تيصوت أو تيدوز يديه على لحيتو ...
ناردين واقفة على راسو أو تتسمع لهم شوية جااا واحد البوليسي گال لهم صافي وقت زيارة سالا أو خصو يرجع بهاء الدين السجن
الحاج الشافعي : أنا غدي نمشي نرش مع مدير السجن باش ابدلك من داك الشومبر 
بهاء الدين *بعصبية* واااا صافي بركة الحاج تدير ليا بحال شي ولد صغير شكون لي گاليك انا بغيت نمشي لشي شومبر اخور بغيت نبقا غير فهداك غير سير وخليني انا تنعرف اش تندير
الحاج الشافعي مشاااا وخلاه
بهاء الدين : هاد الواليد تيعصب تيدير ديما غير لي گاليه راسو ....
ناردين : انا مع عمي احسن حاجة هو تمشي لشي شومبر اخور هدوك المجرمين مغديش يتهناو حتا يقتلوك انت يلاه دخلتي العندهم مزال مسخنتي حتا بلاصتك شوف اش دارو فيك 
بهاء الدين بغا يوقف جا جاسم حتا شد فيه ناض وهضر ليه فودنو باش ماتسمعش ناردين مشاااا عند ناردين باس راااسها 
بهاء الدين : تهلاي فولدي سيري قتليه بجوع ومتبقايش تبكي تفهمنا *حركات راسها*
تبسم لها جا البوليسي حط ليه لمينوط فيديه أو مشاااا بيه .....
ناردين وجاسم بقاو تيتسناو فالحاج حتا يرجع عاد يمشيو 
ناردين *بفضول* جاسم أشنو گال ليك بهاء الدين فودنك عفاك گول 
جاسم *تبسم * گالي منخصر عليه حتا رياااال هو غدي اشوف كيف ادير هو رفد ليا غير الهم وصافي ولكن لي فراسي فراسي انا مستحيل نخليه غاااارق ونبقا نتفرج محد دوك الكلاب مزال مبانو حنا خصنا نديرو لي فجهدنا قبل ما ينزل الحكم وتصعاب علينا القضية ....
ناردين : عمي امضراااا واش غدي ابدلوه 
الحاج الشافعي: اااااه هضرت مع المدير وعطيتو وااحد 5000 درهم وگالت ليه ابدلو من داك شومبر گالي غير نكون هاني غدي ارجعو الشومبر لي كاااان فيه فاش كان مشدود فاش كان تيدوز العقوبة ديال 10 سنين تما كاينين شي ناس تيعرفهم مغديش يلقا مشاكيل المهم بالي رتاح من جيهتو حينت گالي أي حاجة غدي يطلبها غدي تجي حتال عندو الحاج بلاما تخاف عليه اول مرة وأخير مرة غدي يوصل سبيطار 
جاسم : مزيان وخا هدشي لي درتي كون سمعو بهاء الدين مغديش اعجبو الحال 
الحاج الشافعي؛ اعجبو ولا ما اعجبوش انا مستحيل نبقا نتفرج فيه حتا اضيع من يدي يلاه خلينا نمشيو من هناااااا
بهاء الدين غادي رجع الشومبر حتا تيسمع المدير ديال الحبس تيعيط عليه دار تسالم معااه بالحناك وعنقو وگاليه غدي يمشي الواحد شومبر اخر غدي يلقاااا فيه راحتو كثر 
بهاء الدين عتارض ولكن المدير الحبس بقاااا عليه حتا وافق ومشااا مع واحد البوليسي الشومبر الجديد غير دخل عليهم تصدم لقااا دوك رجال لي خلاهم رجع ولقاهم نيت بداااا العناااق الحاااار وجاااااي العربي تيجري وتيضحك
العربي : ههههههههه واااااش نسيب هداااا ولا كدبت *بهاء الدين شاف فيه* أش درتي المسخوط حتا قرقبو عليك هي توحشتي الحبس.....
عبد الجبار : ههههه والله حتا فرحت اولدي منين رجعت شفتك تهامي مسكين يلاه نيت خرج غير شي سيمانة هدي وگالي غدي اقلب عليك واش مشفتيهش 
بهاء الدين حرك راسو بلا 
عبد الجبار : والله حتا خليتي علينا بلاصتك *شاف فيه مقسوم على جوج* مالك اولدي اش واقع معاك واش مضروب 
بهاء الدين : ااااه دابزت مع واحد الكلب فواحد شومبر تيگولو ليه روبيو 
العربي : ااااااااه تنعرفو واااااعر عرفتي كيف تيدير رجالو تماااااا شااابع فيهم عصاااا باينة منين مضروب رااااه هو لي غلبك ماشي انت هاد المرة ههههههه
بهاء الدين *خنزر فيه *تسكوت لا 
العربي : ههههه ومالك انسيبي رااااه غير تنضحك واش متتعرفش لضحك
عبد الجبار: بركة العربي من ضحك ديالك الباسل سير سخن داك طاجين وجيبو خلينا نتغدااااو راااه الخبز ضرو جوع ياااك اولدي بهاء الدين غير نتغداو أو تعمر الكرش عاد ديك ساعة عااااود ليااااا كلشي أو كيفاش حتا رجعتي تاني الهناااااا اجا معايا بعد نديك لبلاصتك ترتاح ....
بهاء الدين : اااااه وخااااااا 
عبد الجبار : زيد اولدي زييييد 
تسرح بهاء الدين فوق وااااحد المانطة غليضة وحط ليه جوج مخدات تحت راسو وغطات بالمانطة ديالو أو حط ليه دواه حدا راسو باش اكون قريب ليه ...

غفران مقابلة البالكون غير بان لها مؤيد طلع فطوموبيل ومشااا دغية مشات حدا الباب وبدات تتغوات وحاطة يديها على كرشها غفران : ااااااه اااااي وااااا فييييينك عطقيني
جات المساعدة ديالها تتجري 
✓ مدام غفران مالكي اش واقع 
غفران : اااااه الوجع الوجع غدي يقتلني 
✓ واش نتصل بسي مؤيد يرجع باش تمشي السبيطار 
غفران : لا لا غير تحدري قلبي على دواااا ديالي طاااح ليااا تحت ناموسية غير نشربو غدي نوالي مزيانة ....
✓ اااااه وخااااااا واش هنااااا 
غفران : اااااه تماااا تمااااا تحناي جيبيه ليا 
المساعدة دغية نزلات الأرض تتقلب عليه غفران هزااات واحد الڤاز ديال زاج فيديها غير طلعات راسها بغات تگول لها ملقات والو دغية نزلات عليها راااااس بيها وهزات سوارت من جيبها وسدات عليها الباب ونزلات تتجري كانت دار كبيرة معرفات منين تدخول ولا منين تخرج كانو گاع لبيبان بحال بحال بدات تتقلب على المكتب ديالو حتا لقاتو مشات البيرو ديالو لقات بزاف ديال لوراق كلها تترعد وتتقرااا كانو وراق ديال خدمتو بغاااات شي دليل والو بدات تتقلب فالمجورة حتا لقاااات واحد ضمزة ديال الفلوس مع شي ملفات وشي تصاااور ديال شي رجاااال قرااات لوراق ولقاتهم لوراق الأصلين ديال شركة جمعات گاع دكشي لي فداك المجر هزاتو أو خباتو تحت حوايجها وخرجات تتجري حلات الباب مبااان لها حتا وااااحد خرحت تسلت تيبان لها العساس جاااي من واحد الخلا تيسد فسنسلة ديال سروال كان تيبول غير شااافتو ومشااات تتجري الشانطي أول طوموبيل بانت لها شيرااات عليها وطلعات ومشااات ...
✓ فين غدي هاد زين . .
غفران : ممكن تعطيني تليفون ديالك 
✓ هههه باغية تركبي وباغية تليفون حتا هو اوا فينو مقابل من هدشي كامل 
غفران : غير عطيني بعد *غمزاتو*
دغية عطاها تليفون وشدات الخط العند ناردين ....
ناردين يلاه حطات البنت فالكونا ديالها حتا تتشوف تليفونها تيصوني دغية دوزات الخط 
ناردين : أشنو بغيتي ايه عرفتك علاش تتقلبي ولاش تتصلي بيا واش معندك علاش تحشمي 
غفران ؛ شششش غير بشوية عليك احبيبة انا هدشي لي غدي نگوليك غدي اعجبك بزااااف وغدي تشكريني عليه من الفوق انا ضروري خصني نشوفك 
ناردين :معندي فاش نهضر معاك *قطعات*
شوية بدات تتصل بها تاني 
غفران :الو انا عندي شحوايج مهمة غدي تفيد بهاء الدين متكونيش أنانية وخلينا نتلقاو 
ناردين ؛ أشنو تتعرفي هضري 
غفران ؛ جي عندي الا بغيتي تعرفي أنا غدي نصيفط ليك العنوان فمساج 
قطعات وصيفطات لها الموقع ناردين دغية لبسات عباية ديالها وشاال وخرجات تتجري بلا عقل مشات البلاصة لي گالت لها وبقات تتسنا فيها جهد ساعة عااااد جااات غفران 
غفران : اهلا حبيبة عاد تأكدت بالي فعلا تيهمك بهاء الدين 
ناردين * مزيرة على سنيها * بركة من ديك الفلسفة ديالك ودخلي ديريكت فالموضوع
غفران : ههههه اوك هاكي قراي ياااك هدا هو اسم شركة لي ضحكو عليه بها 
ناردين غير شافتها خرجو عينيها 
ناردين : اااااه هو ولكن كيفاش حتا وصل هدشي بين يديك هضري 
غفران نترات لها لوراق من يديها وعطاتهم لداك خونا لي وصلها ....
غفران : دبا عاد نهضرو ولكن هاد لوراق غدي يبقاو عندي حتا نتفاهمو مزيان بغيتي تعرفي كيف وصلوني ياااك اوا الآلة سمعت مؤيد كان تيهضر مع شواحد على الخطة ما الخطة لي طيحو بهاء الدين فيها وبديت طالقة ودني مزيان حتا عرفت بالي هما خلاوه اوقع على شي وراق مزورين ودخلوه الحبس من بعد ما نصبو عليه حتا بالفلوس ديالو اوا مع انا دكية عرفت كيفاش نوصل لفلوس ديالو عاااد لوراق هاهما كاملين فهاد ساشية هههه عرفتي هدشي الا وصل البوليس اليوم البراءة ديال بهاء الدين غدي طلع أو حتا فلوس ديالو غدي ارجعو ليه عاااااد من الفوق مؤيد غدي يمشي فيها ونا من مصلاحتي مؤيد يتعفن فالحبس ونت من مصلاحتك بهاء الدين يخرج ياك
ناردين تتشوف فيها تتلعب بلورق بين يديها بحال الا كانت تتلعب بحياة بهاء الدين ...

ناردين *بعصبية* گولي أشنو بغيتي من اخر
غفران : ههههه حتا انا تيعجبني لخر بغيت بهاء الدين من الخر وبغيتك تخرجي من حياتو
ناردين : واش انت حمقة بهاء الدين متيبغيكش كيفاش بغيتي تكوني مع انسان هو معمرو بغاااااك فحياتو
غفران *بالغوات* شششش سكتي بهاااء الدين غدي يبغيني منين تبعدي من طريقي اكيد غدي يبغيني محدك انت وقفة بيني أو بينو هو ديما غدي يبقا بعيد عليا اناااا تنبغيه وبغيتو اكون ليا خصك تعرفي واحد الحاجة مدام بهاء الدين قريب منك هكااا غدي تبقاي حينت مستحيل نخليك تهناي بيه الا مكانش ليا معمرو غدي اكون الغيري هههههه انا تنبغيه كثر منك ومن حياتي ومستاعدة ندير مستحيل باش اكون ليا واااااش تتسمعي 
ناردين تتشوف فيها بحال شي حمقة أو لوراق بين يديها مكرهاتش تخطفهم وتهرب 
غفران: تتشوفي فلوراق ههههه دبا طلقينا الا بغيتي هاد لوراق اوصلو البوليس خصك تبعدي على بهاء الدين ولكن الا فضلتي تبقاي معاه وتقسحي راااسك خصك تعرفي بالي بهاء الدين حياتو كاملة غدي يتعفن فالحبس وهكا مغدي نشدو لا انا لا انت اوا اش گلتي القرار بين يديك ...الحرية بهاء الدين بين يديك
ناردين تتبكي وتتشوف فيها تضحك 
غفران : طلقينا مغديش نبقاو نهار كامل هنا
ناردين *مسحات دموعها* وخاااا انا موافقة ولكن خصك تمشي معايا دبا العند البوليس 
غفران : هههه انت خرجي داك سوق صافي أنا عارفة اش تندير يلاه معايا المحطة
ناردين *مصدومة* كيفاش 
غفران : تحركي فطريق غدي تعرفي 
دفعاتها فطوموبيل طلعات ومشااو حتااا هزات بنتها من دار مشافها حتا واحد وهزات شي فلوس كان مخليهم لها بهاء الدين وحوايج بنتها وحوايجها هي كلشي جمعاتو فصاك كبير وخرجات من دار تتجري طلعات فطوموبيل ومشاو ديريكت المحطة
ناردين *هازة بنتها فيديها* ولكن فين غادين 
غفرااان : سعيد غدي بيك المحطة احبيبة ياك اسعيد *شاف فيها من المراية وضحك* ههه غدي يقطع ليك فالكار ديال وجدة تما غدي تكملي حياتك مع بنتك 
ناردين *تتبكي * ولكن أنا معارفة حتا واحد فيها عفاك مديريش فيا هكا 
غفران *بالغوات* بلاما تحمقي ديل مي انت لي بغيتي اوا تحملي المسؤولية ديال قرارك حينت مستحيل نخليك تدوري حداااا قزيبتي انت خصك تخوي مرااااكش وحمدي الله صيفطك الوجدة مخليتك تخوي المغرب كامل هههههههه يلاه نزلي نزلي وصلنا 
بقات مع غفران حتا قطع لها فواحد الكار يلاه تيعمر البلايص ديك ساعة طلعوها فيه وهي تتبكي معرفاش كيفاش غدي اكون مصيرها فمدينة خرى معمرها شافتها ولي معدبها هي ماشي غير بوحدها حتا بنتها غدي تكرفص معها بقات تتشوف فيهم واقفين تيشوفو فيها أو تيضحكو ما تحركو حتا تحرك الكاااار وشااااد طريق الوجدة عاد مشااااو 
مشاات الغفرااان ديريكت الكوميسارية وعطاتهم دوك الوراق ديك ساعة تصلو بالمحامي ديال بهاء الدين بداو فتحقيق من جديد وبااانت الحقيقة كلها وتضح بالي واااقع تزوير فلوراق أو فعلا بهاء الدين وقع على أوراق الأصلية وشركة دباااا ديالو ديك ساااعة جابو مول شركة لي غير شاف راسو غرق وغرق معااااه گاع هدوك لي كانو معاه ومن بيهم مؤيد لي هزوه من شركة مخلوع مفااهم والو حتا لقاااا غفران الحاج الشافعي والمحامي ديالهم كلشي گاعد قدام وكيل الملك الهضرة رجعات كثيرة تمااا كل واااحد تيهضر على گودو ولكن لوراق هي لي تتهضر وبدأ شي تيجر شي وبااااانو بزااااف ديال الحوايج من بينها الشركة ديال مؤيد لي حتا هي طالعة بشلا تخلويض وتزوير كلشي تفرش وغرق بالمعقول غفراااان فرحانة وأخيرا تهنااات منو بالمعقول وغدي ترجع مع حب حياتها بهاء الدين من بعد ما تخلصات حتا من مرتو وبنتو دباااا بهاء الدين ولا لها غير بوحدها والخطة ديالها نجحات كيف رسماتها فعقلها ...

الحاج الشافعي : الحمد لله اولدي على سلامتك *عنقو باه هو مزال مصدوم*
جاسم : صافي اخويا البراءة ديالك طلعات 
بهاء الدين ؛ كيفاش حتا خرجت انا مزال مفاهم والو 
الحاج الشافعي : الفضل تيرجع الله ولبنتي غفران اولدي هي لي كتشفات داك الحمار ديال مؤيد هو لي دار ليك هاد الخطة الله كبير انقلب سحر على سااااحر هههه 
جاسم : ههه وياه ولاد الحرام لعبوها علينا مزيان ولكن الله كبير كلشي باااان وحتا فلوسك رجعو ليك 
بهاء الدين تيشوف فغفران ..
غفران : الحمد لله على سلامتك ابهاء الدين أنا كانت محبوسة عند مؤيد ولكن غير سمعتو تيهضر مع واحد من هدوك لي لعبو عليك دغية مشيت تنقلب على شي دليل لي يتبت البراءة ديالك بقيت تنقلب حتا لقيتو 
بهاء الدين : شكرااا
الحاج الشافعي : يلاه خلينا نمشيو من هنا رآه مبقيتش حامل نزيد دقيقة وحدة خرى هناااا
كلهم طلعو فطوموبيل أو بالفرحة طلعات معهم حتا غفران وبلاما يردو لها البال .... 
*مكان آخر *
ناردين غير زاد بها الكار غير شوية وقفاتو ونزلات.....
يوسف : شكووووون .... ناردين : انا ايوسف حل.......يوسف : ناردين 
ناردين : اااه انا عفااااك وخااا تخليني عندك شي يامات ....... يوسف : ولكن علاش 
ناردين : عفاك بلاما تسول ومتگول لحتا شواحد بالي انا عندك عفاك 
دخلات ناردين ديريكت البيت عبير حطات صاك وحطات بنتها لي كانت تتبكي بدات تتسكت فيها لقاتها معمرة حالتها بدات تتنقي فيها أو عطاتها رضاعة عاد سكتات ...
ناردين : دخول ايوسف دخول 
يوسف : ناردين يكما خصك شحاجة حينت انا خارج يلاه تصلات بيا امي وگالت ليا بالي بهاء الدين خرج من الحبس *ناردين فرحات*
ناردين : الحمد لله هههه ياربي حمدتك وشكرتك وأخيراً حياتي خرج صبر أنا غدي نمشي معاااك
يوسف *مصدوم* ولكن ياك غير گبيلة گلتي مبغيتي حتا واحد يعرف فين كاينة واش بغيتي تحمقيني اناردين 
ناردين :ههههه اه گلتها ولكن دبا تبدل كلشي بهااااء خرج ايوسف خرج *تتنقز بالفرحة* هي حمقة الا فكرات بالي انا نقدر نستسلم بهاد سهولة ونعطيها راااجلي بااات ولادي طبق من ذهب هههه 
يوسف : نكدب عليك الا گلت ليك فهمت شحاجة 
ناردين : مغديش تفهم مغديش تفهم ايوسف عفاك يلاه دغية خلينا نمشيو عند بهاء 
يوسف : ههههه حمقة يلاه زيدي قدامي الا كانت حتا هند بحالك يحسن عواني معها هههه
*مكان آخر*
رقية : هههه الحمد لله على سلامتك اولدي
نجلاء : الحمد لله على سلامتك اخويا بهاء 
هند *جاية تتجري * خوياااااا خوياااااا الحمد لله رجعتي لنا ....
بهاء الدين : ههههه رجعت المشاغبة 
*شاف فيهم كلهم * الله اسلمكم فينها ناردين *تيقلب بعينيه عليها*
نجلاء : تقدر تكون عند عبير ولا مريم دباااا تجي طلع ابهاء الدين رتاااااح 
بهاء الدين طلع الدارو وغفران بقات معهم التحت 
الحاج الشافعي : دخلي ابنتي الصالون رقية طيبي لنا شي كاس ديال اتاي اجي ابنتي اجي 
رقية *جراتوو* واش انت حمق اشمن اتاي ولا زعتر لاش جاية هدي تاني 
الحاج الشافعي: نعلي شيطان ياااهاد المرا كون ما هي كون ولدي مزال غارق فالحباسات لدبااااا حشومة منعرضش عليها العشااااا 
رقية : غير تعشا وتمشي فحالها تشوفها ناردين غدي تقلق متنساش بالي هي تدور لها براجل
الحاج الشافعي : فهمنا فهمنا تشرب غير اتاي وتمشي فحالها المهم نديرو معها صواب رااه البنت نقدات لنا الولد من هاد الموصيبة يلاه طلقي راااااسك وجدي صينية اتاي دغية ...

دخل بهاء الدين البيت حااس برااسو عيان كيحس براسو توحشها بزاااف بغا غير امتى اشوفها وخا شافها غير صباح متيشبعش منها بداااا تيشم فحوايج بنتو لقاهم فوق ناموسية مزلعين بقا تيضحك دخل الدوش من بعد ما حيد حوايجو كلهم أو تيشوف فضربة لي فجنبو فالمراية كانت من فوق منها الفاصمة
دخل تحت رشاشة وغمض عينيه وكيحك فراسو والما تينزل عليه حتى حس بيد كتسارة ليه على كرشو تبسم صحابو ناردين لي جاااات غير دار وشاف غفران لي عريانة موراه محس براسو حتى شد ديك اليد بكل قوتو حتى كااانت غتقطع ليها
غفران : اااااااااي بشوية ابهاء الدين يدي 
بهاء الدين: ااااااااااش كاااديري نتي هنااااا وكيفااااش حتى تجرئتي دخلي البيتي وتحطي عليا يدك *غفران بتبحليس*
غفران : انا منهار عرفتك ابهاء مااحيتي ليا من بااالي عفااك رحمني
بهاء خرج من تحت الما كان لابس بوكسر كيدوش بيه مشا دغيا جبد الفوطة الواها عليه ورجع ليها شدها من دراعها وجرها الخارج الحمام
بهاء الدين : اشنوووو هااد زعاااامة لي عندك لي تجرئتي ودخلتي حتى البيتي غتخرجي عليا من هنا ولا نسا داك الخير لي درتي من دبا شوية انت منين كتفهمي 
غفران : عااارفاك حتى نتي معجب بيا ولكن رجوؤلتك متخليكش تقووولها بليز دير فيا لي بغيتي غير قبل انني نكووون معاك راك معمرك مغدي تلقاااا شواحدة تتبغيك قدي 
بهاء الدين : لا لا نتي مكاااتفهميش بالهدرة هز يدووو حتى السما وعطاها لوجه حتى حنكها تصور فيه خمسة
شدات فحنكها كتوجع واخة هكاك مزاال باغيا تزيد تقرب منو محسات برااسها حتى تلاااحت برا كيف الكلبة ورجع سد الباب ديال الدوش بساروت أو رجع اكمل دوش ديالو وهو منيرڤي
غفران تعصبات دغية لبسات حوايجها وخارجة حتا تتسمع الهضرة ديال ناردين التحت دغية ضحكات ضحكة جاانبية ومشات رجعات الداخل حيدات حوايجها أو لوات عليها فوطة او لخرى جمعات بها شعرها خلات الباب محلول ومشات تقبلات مع المراي وهي تلقا حنكها مصورين فيه صبعانو
غفران : وخا نعرف نموووت ولا نخليييك لها لياام مزال بيناتنا...اسي بهاء الدين ههه
شدات فوندوتا غطات بيه داك لطراس
وتتغني وتضحك 
طلعات ناردين تتجري بغاااات غير امتى توصل دخلة وتتعيط عليه حتا دخلات البيت نعاس وتصدمات منين تتشوف فغفران ملوية بالغوطة وعريانة وتتماكي بالمكياج ديالها من الفوق غير شافتها دارت العندها
غفران : أشنو تديري هناااا اش لي جااابك هضري *ناردين مزال مصدومة ودموع فعينيها* ههههه رااه گلت ليك بالي بهااااء الدين دغية غدي ينساااااك سمع هو كائن فدوش ونااا يلاه خرجت من عندو كانت تندوش انا وياه 
ناردين تتشوف فيها وتتسمع فالماااا مطلوق مجهد فدوووش وتتسمع تقرقيب بهاء الدين غدي يخرج 
غفران : يلاه تحركي من هنااااا مبغيتش بهااااء الدين يخرج أو يلقااااك هناااا تحركي 
دفعاتها مع الباب وسدات عليها ....نزلات ناردين تتجري ودموع محجرين فعينيها كلشي تخلط عليها ممصدقاش بالي بهاء الدين الهاد درجة حقير وكان غير تيمثل عليها الحب ومنين جاتو أول فرصة دغية تخلا عليها ورجع مع الكلبة ديالو غير حينت خرجاتو من الحبس ..

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.