مكالمة من مجهول الجزء 15

من تأليف سمر الغاشي
2020

محتوى القصة

رواية مكالمة من مجهول

ناردين نزلا تتجري ودموع شلال نازلين من عينيها فاللحضة وقفااات وهزات راااسها تتشوف فالباب هي مااااايمكنش تمشي قبل ماااا تبصلو مزياااان على هدشي لي دار فيها غدي تخليه يندم عااااد تخرجو من حياتها نهائيا راااجعة العندو وهي تتصووت يلاه بغاااات تدخول حتا تتشوف فبهاء الدين واااقف لابس سروال سورڤيت ومن فوق عريان والماااء تيتقطر من شعرو وشاااااد غفران من دراعها ومزير عليها 
غفران ستغلات الفرصة وحطات يديها على يديه وقربات ليه كتر وكتر وشافت فيه بعنيها متوسلين ...
غفران : بهاء الدين انا تنبغيك ومعنديش مشكل نكون معاك وخا مزوج أنا متأكدة مع الوقت غدي تبغيني اش گلتي 
ناردين غير سمعات كلامهاا صعرات وخرجااات العندهم كتشوف فيها بكل حقد وقربها منو زاد عصبها ناردين زدحات لباب من موراها بالجهد حتى تسد باش مايسمعوش الغوات التحت وجات طارت عليها 
ناردين * مخرجة فيها عنيها *عاودي اش قلتيي بغيت نسمع مزيان....
غفران تبسمات ابتسامة الإستهزاء وهي مزال قريبة من بهاء غير تيشوف 
ناردين قربات لها ونزلات عينيها فيديها لي على دراعوو نتراتها بالجهد ودفعاتها تا جات طايحة فالارض طارت ليها على عنقهاا خنقاهاا غارسة ضفارها غفران تتبكي دموع تماسيح ومخلية ناردين دير فيها ما بغاااات باش تسما هي لي تتجبدها هي وحدة ضريفة ومعندهاش مع صداع 
ناردين : انت وحدة رخيصة علاش مابغيتي تفهمي بهاء الدين رااااجلي انااااا هو مستحيل اشوف جهتك الكلبة وناااا مغديش نخليه ليك طارت على شعرها تتنتف فيها وبهاء الدين عاجبو الحااال منين تيشوف ناردين تتغير عليه تعصبات كانت طالعة فوق منها وتتوجه لها فلكمات ولات كثر من بهاااء الدين إلا جهل غفران تتسنااا بهاء الدين افكها ولا ادير شحاجة ولكن خلاها حتا بردات جنونها فيها عااااد مشااااا هزها من فوقها 
ناردين *بالغوات* بعددددد مني سمعي الكلبة غدي نقتلك راااك مزال معرفانيش مزيان بهااااء الدين كاينة وحدة لي فحياتو هي انا 
غفران كتحاول تفك شعرها من يديها
غفران : طلقي شعري الحمقة طلقي 
بهاء الدين : صااافي طلقي سيدة بركة 
غوتات ليه فوجهو وهي مازال مزيرة ليها على شعرها
ناردين : مغديش نطلقها واش تتسمع ولا يكما بقااااات فيك القحبة ديالك الله يعطيك شي موصيبة انت وياها 
بهاء الدين تنهد وغمض عينيه ورجع نااااردين هزها بز منها وهي تتفركل برجليها وتتغوات بغات تحماق ...
بهاء الدين *بالغوات* نوضي تهزي انت اش تتسنااااااي
ناردين : طلقني طلللق *تضرب ليه فصدرو*
بهاء الدين : ناردين صافي ديري عقلك وخلي هاد الليلة دوز على خيير
غفران *كتبكييي* اهئ هئ هئ بهائي ياااك شفتيها اش دارت ليا ونا مجبدتهاش 
ناردين * زادت تعصبات*سكتيييي ماتجبدييش سميتو على فمك الخانزة واش تتسمعي *تطول يديها بغات توصل لها تنزل لها وجها خلاتها كلها تترعد وتفركل وتغوت بين يدين بهاء 
نزل ناردين وحطها فناموسية ومشا تيزرب خرج غفران ورماااا حوايجها برا يلاه غدي اسد الباب جاية ناردين تتجري بغاااات تمشي لها دغية شدها وزير عليها بين يديه
بهاء الدين : برااااكة ماتتعصبييش دلمييي صافييي حبسي هاد المرض ديالك صافي خليتك حتا بردتي سمك فيها اوا صلي عنبي ورجعي العقلك اناردين بركة من لهبال ..
ناردين *كتلهت مخرجة فيه عينيها * حتا دباااااا الا بقاااااات فيك سير العندها اش تتسناااااا طيييير اصلا كلكم كلااااااااب وعزيز عليكم غير الكلبات والحرااااام 
بدات كترجع بلور .. كذاب نتا كذااااب كذااااب تفووووو عليييك تفووووو حماااار اهئ اهئ .قبل متكمل طار عليها شدها من دراعها وجرها قابل وجهها مع وجهو كيخنزر وشرار كيطير من عينيه هز ايدو تالسما بحال بغا ينزل عليها ولا كينفخ ويعض فسنانو وانفاس حارة خارجة منو ...وهي تصقل غمضت عينيها وهزت ايدها بغات طاكي دقة و كتسنى دقة وقلبها بغا يخرج من بلاصتو ....
بهاء الدين : لمرة جايا غانهرس ليك فمك باش تعلمي تقولي حمار سنانك تحسبيهم بين رجليك اناردين 😡 مالنا شكاين ...بدات كتغبن وتبكي وهي تبدا دفع فيه ...
ناردين : ماااالك حبستي ابهاء يلاه ضرب أشنو تتسنى 
بهاء الدين : كارز على سنانو ..ناااااااردين بركة 
ناردين : ااااه تزوجتي بيا غير بااااش تمتع الغريزة ديالك الحيوانية 
شدها بجهد ولوا ليها ايديها بجوج بايدو ولوخرا شد ليها بيها لفك ديالها زير عليه وشاف فيها بعصبية وعينيه 
بهاء الدين : 😡والله كون مااا كانت هازة ولدي حتى نفلعصك من شي قنت راااك كتسعري ديل مي بهاد الهضرة سمعي مني عاااد حلي فمك...طلقها وهي تفلت منو ومشات لجيهة لاخرى وهزت صبعها...وكتغوت بحر جهدها وتجدب ...
ناردين : نتاااا كذااااااب كذااااب ومعمري مزااال نثييييق فيك الكذااااب مفييييكش الثقة 😭😭😭 ملي مزال عينيك فيها علاااااش مزال مزوج بيا وتتغرقني ولاد معاك بلا حشمة بلا حياااا دخل انت ويااااها لدوش أو يعلم الله اش درتو فيه بزوج 
جا ليها كيجري جرها من ايديها وقربها ليه طلعها لعندو حتى لصق وجها مع وجهو كيشوف فيها بشرارة....
بهاء الدين : صعرتي جد مي ينعل جد بووووك .😡
ناردين : "حسات بضهرها بغا يتقسم على جوج 
دفعها بجهد على ناموسية ...وحكمها برجليه وهو يقرب ليها. باش اخليها تسمع ليه 
بهاء الدين : حتاااا حاجة من دكشي لي فراسك مكاينة دخلات العندي بغااات تغويني باش نطيح فشباكها ونت مع لقااات هبيلة دغية ضحكات عليك وصدقتيها هي عرفات مزيان نقطة ضعفك كون لقاااتك تايقة فيااا اناردين مغديش نوصلو لهاد لمواصل كلها شوفي غير شحال من مرة تتبغي توصل ليا وتنصدها وهدشي كااامل غير حينت تنبغيك ومتنشوفش حتا وحدة من غيرك ولكن انت ديما تضحك عليك بزوج كلمات وتزعزع ثقة ديالك فياااا بسهولة خبط جنب ناموسية بايدو حتى قفزات ...ناردين بغات تهضر وهو يهز ايدو وحط صبعو على فمها بمعنى غير سكتي ...ونزل زاااعف وخلاها ...
*مكان آخر *
نجلاء : واش مزال مبغيتيش تحشمي بركة خلي شوية نفس عندك وبركة من داك تشيطين ديالك واش معرفاش قداش هما تيبغيو بعضهم وشحال داز عليهم من مصااايب كحلة ولكن هما مزال شادين فبعضياتهم وهدشي هو لي معمرك مغدي تعرفيه ولا تحسي بيه حينت انت بكل بساطة قلبك مااا تيعرفش الحب ولا الرحمة وخا ديري لي ديري عمرك مغدي تفرقيهم ولا تكوني طرف تالت فحياتهم *غفران نزلات راسها ودموع فعينيها* 
نجلاء :من الاحسن تنساحبي حيت اتمرضييي وماغاتربحي والو من هدشي ديالك بلاصت ماااا تبقاي تابعة راااجل بولادو سيري بعدي من لحراام أو شوفي ليك شي رجل مزيان لي يبغيك وتبغيه وديري وليداتك معاه فالحلال أما حب من طرف واحد راه غير المرض ليك وغدي ضيعي غير وقتك بلا حتا معنا حينت بهاء الدين معمرو مغدي يبغيك كيف تيبغي مراتوو هدي نصيحة خوديها مني 
غفران تتشوف فيها بعيون باكية هزات صاكها وخرجات تتجري وحاطة يديها على فمها وتتشهق بالبكااااا..

ناردين بقات گعدة فجنب ناموسية مصدومة من هضرتو كتشوف فالفراغ ممصدقاش اش قال ليها ...محست الا بدمعة نزلت ليها على خدها كتجرييييي ...
ناردين : يمكن تسرعت ؟ اوف كان عليك اناردين تسمعي ليه بعد عاد تحكمي كان عليك تخدمي عقلك اناردين قبل متنطق بداك الكلام الجارح الي قهراتيه بيه اوووووف هو تيسمح ليا بزاف على الغباء ديالي ولكن باينة هاد المرة مغديش ادوزها ليا .ففففف 
بدا ضميرها كيعدبها دموعها محابسينش بقا فيها وبقا فيها حتى راسها وتعصبات كلشي تخلط عليها....ولكن دارت فبالها حاجة هي وخا يتقلق تا يعيا غدي يتصالح معها فالخر هي غدي دير المستحيل باش يسمح لها وترجع ثقة ديالو فيها دخلات الحمام دوشات ولبسات بيجامة بسروال ديالها قطنية فشيبي وجمعات شعرها عشوائية وشات البرفان ديالها ونزلات العندهم لقاااتهم كلهم مجموعين فصالون أو تيضحكو جااا جاسم مع ادهم ويوسف ونوردين والحاج وجهة الخرى مجموعين العيالات رقية حفيضة نجلاء وعبير ومريم كلهم مخشين فالكوزينة تيطيبو العشاااا نزلات ورمات عينيها ديريكت فصالون تتشوف بهاء الدين لي شاافها ودور وجهو تزير عليها قلبها 
حفيضة : ونت فينك يا هاد البنت شفتك غير تتكوري فبنتك *شداتها ناردين * خالتي رقية عفاك اجي واحد شوية 
رقية تتسوس فيديها فالگصرية كانت تتفور كسكسو
رقية : هاني ابنتي اش كاين 
ناردين : فينها ديك الكلبة ديال غفران واش معهم فصالون 
رقية ؛ هههه لا راه مشات فحالها قبيلة غير تهناي ...
ناردين : خالتي انا خليت بهاء الدين يتقلق مني اوف مبقيت عارفة ما ندير وكلشي بسباب ديك الخانزة ديال غفران ديما دخلة بينا وديما تنشك فيه بسبابها.....
رقية : ويلي على هبيلة حتا هديك بنادم احطها فبالو شفتي محدك انت هكاااا هضرتها تتأتر عليك وتدخليها فعقلك محدها هي ديما تبعااااك كون كانت لآلة ومولاتي وجامعة وطاوية والله مها معندها ماااا تصور منك هي راااه ملقات جهد راااجلك حينت حك لها على عينيها سودانية مشااات الحيط القصير لي هو انت حينت عرفاك معندكش ثقة فراااجلك دغية تتزعزعك بشي كلمة ولا جوج وتتخليك تتغزلي غير بوحدك وهي كتفرج فيك وتضحك من بعيد الا بقيتي هكا والله مغدي تمشي حتى تديه ليك هاااا انا هااا انت وااا سيري..تقادي وتصايبي وتزيري وبراكة من البهلان ...متبقايش هبيلة ونية وسكوتية راااجلك تيبغيك وشاااد فيك شدي فيه بسنانك ومتخلي حتا حمارة تديه الله يرضي على بنتي رااااه رجال اعداا حاجة عندهم هي المراااا نگارة لي تتموت غير على لبكااااا وتشكية دغية تيمراض أو تيبدا اقلب على راحتو فجهة خرى ونت الا بقيتي هكاااا فالخر غدي تربحك هي وتديه ليك غير بحلاوة لسان وتقحبين ديال العاهرات وهي راااه خبيرة فهدشي عندك تمشي غالطة مع رااااسك ...
ناردين فرحات وباستها فحنكها
ناردين : شكرا بزاف اخالتي كلامك ريحني حينت فعلا عيييت مبقيت عرفت ما ندير وتخربقت 
رقية : اوا الحمد لله ابنتي سيري الله ابعد عليكم الشر الخلق
نجلاء : اش تتگولو تماااا خالتي هدشي راااه فار واااش غير نزلو ونبداااا نصگي فالگصعة
رقية : هاني جااااااية ناردين واش صافي غير نتهنااااا من جهتك...
ناردين حركات لها راسها ورجعات رقية تتجري الكوزينة تحط لهم العشااااا ...

بعد ما ضربات غفران مسااافة ديال طرييق طويلة .. طاحو دمووعها بدون شعور بقات واقفة كتبكي فصمت كتفكر كلام نجلاء بحال شي خنجر تيدبحها تتشوف بالي حياتها ضاعت هو عااايش حياااتو عااااادي بحالا ما وقع وااالو بحال الا معمرو نعس معها حينت بكل بساطة هي غير وحدة رخيصة معندهاش الحق تبغي ولا يبغيها شواحد هي مجرد للمتعة فقط .. مكرهاتش فديك لحظة كووون خرجات قلبها من بلاصتو قطعاتو طرااف حينت بغااااتو بقاات تتبكي بااغيا تنسااا سميتها وتنسا أصلها وتنسااا كلشي كيتعلق بغفران فديك اللحضة طااحو دموعها بداات تترعد غادا وكتمسح وهوما عاااد ما كيهبطوو طريق كاملة وهي كتبكي لدازت من حداه كيبقا يشوف فيها....
غادي سايق فطريق وكيدندن مع الموسيقى الي مطلوقة كانت فراديو ....حاتم عمور
* الليل*
سفيان :وعلااااااااش🎶 ياااااا الليل بليتيني🎶 بتخمام نتمشى وسط 🎶ضلاااام مساااافر بلا قنديل .،،🎶مهدود عااافر في ليام طريقي ماالها رسااام ياااااويلي يااااويل 🎶 كيلعب بصباعو ويدندن وهو يوقف فسطوب كانت الاشارة حمرا...وكان شرجم محلول ضار شاف ورجع كيشوف قدامو وهو يخرج عينيه ...ورجع ضار شاف ...هاااححح هااا يااااا ليل ياااااا ليل هبط زاج ...كانت غفران قاطعة شااانطي وتتسمح دموعها خلاها حتا قطعات ودايرة من جهتو وهو يهبط زاااجة مزياااان .و خرج راسو ونطق..
سفيان : احححح واش كلشي زعر ولا غير شعر ...شافت فيه وهي كتمسح فدموعها طلعاتو وهبطاتو وهي تكمل...طريقها
سفيان : قاالت ليك ماما عطيييني نمرة...ضارت شافت فيه ثاني وهي ترجع ضارت شعل ضو الاخضر يلاه بغا يهضر وهي تمشي وخلاتو حال فمو ...
سفيان : ويلي شواتني 😳😳...دعقاتو واحد طوموبيل بالكلاكسون ...امالنا منتعنبوش ياولد القااااف 😡...ديمارا وكسيرا نيشان ضرب مسافة وهي تبان ليه غااااادية حتاااا حبسها بطوموبيل ديالو وقطع عليها طريق ...
بقا حال فمو كيشوف فيها سحراتو بكلشي فيها وقفات قدامها طوموبيلة كحلة هزات عينيها تشوف حتى هبطات جاجة وهزات عينيها باليها راجل يكون فعمر الأثلاتينيات شعرو كحل فيه ومرجعو لور لابس قميجة بيضة وداير نضاضر وريحتو عطات من الطوموبيل.. تبسم ليها خنزرات فيه حتة سمعاتوو قاليها طلعي بلاا ما تشاااور مع راسها نااضت وركبات قرب ليها وهي كتسناااه شنوو بغا يدير حتى جر سطمة قادها ليها وكمل طريقو ...

سفيان : اوا مگلتيش ليا شنووو سميتك أزين غفران عقلها مغيب مسمعاتوش
سفيان *بالغوات* شنوو سميتك ازيييين 
غفران شافت فيه ورجعات شافت فطريق
غفران : سميتي غفران 
سفيان : أممم سميتك زوينة بحالك أنا سميتي سفيان عندي 39عام ......غفران : مزياان 
سفيان : إوااا الزين شحاال فعمرك
غفران : 28 .... سفيان: اممممم نوع لي تنبغي تيكون شارب عقلو وتيعرف اش تيدير ماشي مبرهش ولا دكشي ديال القاصيرات لي تتح**ي فيها ومخلوع لا إجيك منها شي مونتيف هههه المهم تشرفت بمعرفتك ألالة غفران ...... غفران : فين غاديين دابا 
سفيان : لداري احبيبة ..... 
غفران : أش غنديرو فدارك 
سفيان * ضحك* ههه أش غنديرو مثلااا دكشي لي تيعجبك هههه *حط يدو على فخدها تيطلع الكسوة ورجعات هبطاتها أو حطات راسها على زاجة وتتبكي 
شاف فيها وهوا مركز فالسوكان
غفران *بلعات ريقها* شحاال تعطيني 
سفيان ضحك بسخرية وشاف فيها
سفيان : شحااال ما برعتيني وعجبتيني غدي نبرعك ونعطيك حتا تگولي بركة ..
غير وصل حل لها طوموبيل وخرجات 
دخلي الآلة غفرااان مرحبا بيك فداري 
شافت فيه ورجعاات شافت فدار بقات كتسارا بعينيها فيها تااا قاطعها .. دخلي سبقيني لبيت أنا أنمشي نجيب شي حاجة نشربووها .. بلا ما تجاوبو دخلات ديريكت لبيت لنعت ليها جيهتو .. كان كامل جاج كي دخلات نعاكسات معاها صورتها فالمراية وفجأة حسات براسها رخييصة بزاااف سلتات حوايجها كامليين بقات بدوبيس وقرباات كاتشوف فجسمها .. جسم أنثوي حطات يديها على كرشها لي كانت بارزة شوية أو دموع فعينيها دغية بعدات من المراية ولات كارهة راسها ولا حاملة تشوف وجها .. بقات كتشوف فرااسها بقرف طاحت دمعة من عينيها وهي كطلع وتهبط فراسها حساااات برااسها مجرد وسخ لجا يعفس عليه ما فيقها من سهوتها غير يدين شدوها فخصرها ... زرباااانة ولااا شنووو ههههه دارت شاافت فيه وهوا يبعد طلعها وهبطها وهوا يبدا كيصفر .. أش هذ لجمااال وهذ لفصااالة قرب منها وحط يديه مورا ضهرها خشا وجهوو فوسط عنقها وهي واقفة مكتحركش بقا كيبووس فيها بجعرة تا بدااات يديه كتهبط حتى وصلات لمؤخرتها لزير عليها وهوا يلصقها معاه حساات بدياالو وقف وقاسها ففخضها شداتها تبوريشة وبلعات ريقها وهوا جرها وتكاها فوق نموسية وتلاااح عليها كيبوووس فيها بجهااالة وهي كي صنم مكتحركش إلا محركهااش حسااات بسلييب تجر غمضاات عينيها حسات بيه فرق ليها رجلييها عضاااات على فمها وزيراات على ليزار بيديها تاا حسااات بيييه كيدخل بها والألم بشوي بشوي كيزيد تااا حساات بيه دفعووو كاااامل وضربها ضوو فكرشها تا تأوهاااات بدا كيديه ويجييبو تااا بدات تتأوه وماارس معاها بجهالة هذ لمرة تااا حسات بتحتها كيضرها عاااد تلاح فوق نموسية سخفااان كينهج وإبتساامة على وجهو حل لمجر ورمااا ليها لفلووس فوق كرشها ... كنتي بنينة بزاااف واخا ديجا مستعملة ههه ولكن كنتي مزيرة حليناها ليك شوية هههه ...بدات تتبكي رجع طلع فوقها وتيلحس دموعها بلسانو
سفيان : علاش هاااد دموع يكما كااانت حيوان معاااك راني شديت راسي عليك غير بزز حينت تنشوفك حاملة ....
غفران *بألم * نووووض راااك ثقلتي على كرسي نوووض
دغية تقلب الجهة الخرى تلوات فليزار أو مشاااات تتجري الدوش تخشااات تحت منو طلقات رشاااشة وبدا تينزل معها المااا دافئ وتتبكي تتحك أي بلاصة داز منها هو شوية تحل الباب ودخل الدوش
سفيان : بصارحة مزال مشبعتش منك بغيت نضرب معااااك شي ماااتش فالحمام راااه باقي الحال أو حتا دوك الفلوس لي عطيتك مبردتيهومش كاملين هههه 
دغية هزها وهي تتغوت فرق لها رجلها بداااا عليها فالقااااسح وهي تتغوات وتضرب فصدرو وهو مستمتع وتيضحك حتا سخفات ليه بين يدو هبط رااااسو لقااا دم نازل ليه مع رجليه تخلع وخرج عينيه دغية نزلها وتيقلب منين لقاها هي لي كانت تتنزف ديك ساعة خرجها ولبس حوايجو ولبسهم لها حتا هي ومشااا تيجري بها السبيطار...

غير تعشاااو تسريبو مشاو فحالهم بهاء الدين طلع البيتو شوية تبعاتو ناردين وهي تغدد فضفارها بغاااات غير توصل ليه ومعرفاش كيفاش حلات الباب بشوية وتمات غادية وكنتمختر فالمشية .دزت من حداه وهو كان خاشي وجهو فاابيسي وعرياان لابس غير شورط قصير منضرو سطاها مع لوحم زاد كمل عليها ولكن شدات راسها عليه غير بزز دخلات الدريسنغ بدلات حوايجها وخرجات العندو ريحتها تتفحفح ...تمات غاديا من حداه هو يشم الريحة مع شمها هز راسو بنت ليه لابسة مزيير وفوق الركبة بيجامة هيللو كيتي فالغوز وكنت دايرة بانضة ديالتها لشعرها ومطلوق خرج عينيه على جهدهم وبدا كيصرط فريقو...هز ايدو دوزها على شعرو ذهابا وايابا...بقا شحال كيقول نوض نقز منوض خهههع ولكن مع الاسف رجع هبط راسو وغوبش كمل اش كان كيدير 
ناردين حتا فرحات ورجعات فقدات الأمل فيه مرة خرى...شداتها البكية اول مرة بهاء الدين اكون قريب منها أو ميتسوقش لها ...هدشي زاد عصبها ...ضربات برجليها وخرجات منفوخة...دخلات الكوزينة جبدات القرعة ديال الماااء ومااات معها تتحس براسها عطشااانا بااان لها واااحد الكاس ديال لگلاص ديال بيستاج بالفواكه جافة ...هزاتو وتضحك مشات البيت طلات على شامة لقاتها ناعسة خرجات تتجري قبل ما تفيق وتخصر لها مخطط اجااا مااا نعسها لها تاني رجعات العندو
لقاتو باقي خاشي راسو فلبيسي وهاز تيليفون كيهضر على لخدمة هز راسو فيها ....جلسات حداه فوق ناموسية وهو متبعها بعينيه هزات حطات لكاس فوق رجليها و سرحتهم حتى طلعت لبيجامة وبانو فخاضها...هادشي كامل تحت نضرات عينيه ...بديت كتاكول بالمعلقة متبنن وتصدر اصوات مثيرة بغات تهيجو تيسمع فيها بدااا تيصوت مبقاش مركز 
ناردين : امممممممم احححح امممم اييييي
هز البيسي ونايض خااارج يكمل خدمتو. برا 
ناردين غير شاافتو غدي يمشي دغية طيحات الكااس وشدااات فكرشها تتغوات 
ناردين : اااي كرشي ااااااه اااااااااااه
بهاء الدين لاح لبيسي فوق الفوطوي ومشا تيجري العندها 
ناردين :ااااااه اااي بهاء الدين تنتقطع بلوجع اوووفف... وااععع *شاف فيها وهضر*.
بهاء الدين : نوضي نمشيو الطبيب اش تتسناي 
ناردين : ااااه ابهاء قرب العندي باش نوقف راااني فاشلة * كيصوط *
ناردين عجبها الحال ..بدات كتصرط فريقها.زادت واحد شوية قربات ليه حتى تلاصقو.." كيبان ليها لعرق بدا يخرج منو خشا حطات يدو على كرشها وغادية ليه بها لصدرها حتا طلعو وباااان نصو الكثير وهي تتشوف فيه وتيشوف فيها يلاه طارت على شفايفو بغااات تبوسو تتحس بنفسو سخونة تضرب فوجها أو يديه تتلعب فصدرها جاب لها تبوريشة عجبها الحال . ...
بهاء الدين "قرب حتى قرب وهو يغير الاتجاه جيهة ودنيها ونطق بصوت هامس .." رااني قلت كلمة وحدة ما مغديش مزال نقرب ليك انا غييير حيوان وبلاش من هاد الحركات غادي غير تعيي راسك وبراڤو عليك تتعرفي تلعبي تقحبين ...ابتاسم جانبيا ومشا هز لابتوب سدو وخرج مشا لبيت لاخور ...وخلاها مفقوصة وتتبكي 
بهاء الدين دخل البيت عند بنتو باسها أو فرش فالأرض وحط المخدة ونعس على ضهرو أو حط يديه بزوج ورا عنقو ومرسومة ابتسامة على وجهو تيتفكر ناردين تيجيه ضحك مكرهش تكون دبا تحتو أو بقااا معاشرها حتا يقطع نفسها ولكن شاااد رااااسو بغاااا اربيها شوية ويخليها تفيق ومتبقاش تشك فيه تگلب الجهة الخرى يلاه مشات بيه عينيه حتا ناضت تتغوت شامة بداااا تيخاصم هزها تيراري بها والو مشااا بدل لها ليكوش وخا مالقا فيه والو شامة مزال تتبكي دخل تيجري الكوزينة تيقاد لها لبيبرون ومتبع تعليمات لي مرسومين ليه فالكارطونة ديال الحليب رجع تيجري العندها وتيبرد فالحليب ناردين تتسمع غواتها وجكر فيه خلاتها باش يسهر معها نيت هو طفااات ديك لباراي لي محطوطة جنب راسها وتگلبات الجهة الخرى ونعسات بهاء الدين الليل كاااامل وهو سهران مع بنتو كل ساعتين تتفيق وخاصها ترضع بقااااا هكاك حتا صبح صباح دخلات ناردين تتسلت لقاتو ناعس فالأرض وحاط بنتوو على صدرو وغارقين فنعاس بزوج جابو لها ضحك ...

🍂في المستشفى 🍂 
سفيان دخل العندها وهو. مهبط راسو مقدرش اشوف فيها كانت تتبكي وحاطة يديها على كرشها ....
سفيان : غفران سمح ليا انا كلب حماااار معرفتش علاش تصرفت هكاااا سمح ليا 
غفران *تتمسح دموعها* ولفت هدشي عندي عااادي سير فحالك يلاااااااه سير معند لاش تبقا معايا .........سفيان: ولكن 
غفران *بالغوات* گلت ليييييك سير فحالك مبغيتش نشوف وجهك اااااه *شدات فكرشها*
سفيان مشا تيجري العندها حط يدو على يديها ...هزات عينيها بقات تتشوف فيه وهو تيشوف فيها ...
غفران: أشنو باغي من عندي ...
سفيان : اناااا تنحس بتأنيب ضمير انا هو سباب بسبابي فقتي ولدك ونا مستاعد ندير اي حاجة نكفر بها على هاد دنب اغفران 
غفران تبسمات بستهزاء ودورات وجها 
غفران : دكشي لي انا بغيت مغديش اكون عندك 
سفيان : انت غير گولي اي حاجة بغيتيها نعطيها ليك *جبد شيك من جيب لاڤيست *
غفران : ههههه راني گلت ليك دكشي لي بغيت مغديش اكون عندك بعد خليني نوض
سفيان : معندك فين تنوضي حتا اشوفك طبيب
غفران : بعد من طريقي انا بخير بغيت نمشي غير فحالي مبغيت والو لا منك ولا من غيرك
سفيان : الا مبغيتيش الفلوس اش بغيتي
غفران هزات رااااسها وشافت فيه 
غفران : بغيت نعيش بحال نااااس حيااااة بعيدة على لوسخ بغيت حتا انا نكون بداري أو عندي وليدات فالحلال بغيت حتا انا نبقاااا فالكوزينة تنطيب شهيوات رااجلي أو تنقاااد الماكلة لولادي قبل ما ارجعو من المدرسة اهى هى هئ بغيت حتا انا اكون عندي راااجل تيبغيني أو نبغيه وتيخاف عليا وحنين عليا لي عوضني على كلشي فهمتي أشنو بغيت انا وهدشي مغديش تعطيه ليا انت عليها خلي فلوسك عندك وعطيني غير تيساع 
يلاه بغات تنتش سيروم من يديها شدها وجرها العندو
سفيان : هدشي عندي اغفران عندي انت هي الإنسانة لي تنقلب عليها ولي ماشي طماعة وبغات غير الفلوس واش تقبلي تزوجي بياااا اغفران .... 
بقات تتبلع فريقها مصدومة من هضرتو ودموع محجرين فعينيها ...
غفران : واش تتهضر بصح بغيتي تزوج بوحدة بحالي وخاااا الماضي ديالي خاااايب 
سفيان : ااااه اهم حاجة عندي هو المستقبل غدي اكون زوين بغيتي تبداي حياة نقية ونا مستاعد نبداها معااااك ومع الوقت بشوية بشوية نواليو تنبغيو بعضياتنا اناااا محتااااج ليك فحياتي كيف انت محتاجة لياااا 
قرب لها أو حط نيفو على نيفها أو تيشم ريحتها ويديها تيدوزها على شعرها غفران هبط لشفايفها ودخلو فقبلة عميقة لي قطعات نفسها حتا حسات براسها تخنقات دغية بعد عليها ودخل طبيب 
طبيب : سلام مدام غفران 
غفران *هزات راسها* سلام 
طبيب : باش تتحسي دباااا يكما كاين شي صداع ........غفران : لا الدكتور ...
طبيب : مزيان انا غدي نكتب ليك شي مسكنات حينت ضروري تحسي بالحريق شوية هدشي عااادي هدا ياك هو الإجهاض تاني ليك 
غفران حركات راسها ودموع فعينيها
طبيب : خصك تعطي رااااحة راااسك حتا يبراااا ليك الرحيم مزياااان من الداخل عااااد يمكن ليك ترجعي تحملي مرة خرى 
غفران حركات ليه راااسها 
طبيب : مزيان المهم المدام ديالك اسي سفيان كلشي عندها مزيان غير يكمل لها سيروم أو ديك ساعة ممكن تمشي معاك ......
سفيان : شكرا الدكتور 
الدكتور: لا على الواجب *خرج وخلاهم*
سفيان رجع عاونها حتا تسطحات فوق البياص وقاد لها المخدة ورا ضهرها ....
غفران : سفيان واش انت متأكد بالي باغي تزوج بيا فكر مزيان عندك غير يتنادم معاك الحال
سفيان *باس يديها * أنا متأكد مزيان اول مرة نااخود شي قرار وبلاما نفكر فيه الف مرة غفران انت سحرتيني من اول نضرة بصارحة خربقتيني يااااليلي يااااااليل 
غفران : هههههه حمق ونا هدشي لي عجبني فيك حينت بغيتيني كيفما انااااا ونا تنواعدك نكون ليك احسن زوجة ونخليك فرحان 
سفيان تبسم وبااااس رااااسها ونزل لشفايفها تيبوس فيها بكل رقة وحنان مستمتع برحيقها لي فمووووو....

ناردين غير حسات بيه بااا يبدا افيق دغية عطات رجليها ريح خرجات ناض هز بنتو بشوية حطها فبلاصتها ومشااا البيتو لقا ناردين ناعسة غير دايرة راسها ناعسة بطريقة سيكسي أو لايحة ليزار فلأرض تتسناه اجي عندها دخل الدوش گاع متسوق لها هزات راسها من فوق الخدية معصبة وتغزز فضفارها بسم غير سمعات لبواني تيتحرك رجعات نعسات مشا هو ديريكت الصلاية سرحها وصلاة الصبح مع سهراتو بنتو ضيعات عليه الصلاة ناردين تتسمع فيه حتا كمل ومشااا البس حوايجو غادي الديبو 
حسات براسها هاد المرة غالطة فحقو وخا حتا هو غلط بزاف من قبل المهم تعادلو ولكن هو برر ليها وفهمها يعني بقات نوبتها هي باش تخليه يسمح ليها 
ناردين *حطات يديها على كرشها* انا مستحيل نخلي باباكم تديه ليا شي وحدة خدات نفس عمييييق وخرجاتو وقفات قدامو .كتلعب بصباعها بتوتر حينت اول مرة طلب منو سماح ديما كان بهاء الدين لي تيطلبها منها 
بهاء الدين :مالكي واقفة فطريقي اش كاين...
ناردين : اممممم غيير ب ؟؟
بهاء الدين : "غوت" وطلقينا 
"قفزات من غواتو حتى جاتها البكية" س سس سمح ليا ابهاء الدين سمح ليا 😢
بهاء الدين : على اش ...
ناردين : على هداكشي الي قلت ليك والله ماق...حبسها مخلاهاش تكمل...
بهاء الدين : صافي را هضرنا مكاين مشكيل انا مسامحك ولكن هضرتي هي هضرتي باش تعرفي وتاكدي انك ماشي غير لعبة عندي فدار وقت الي تزيرت نجي نفرغ فيك وقت الي جا فبالي نجي نعس معاك بغيتك لشخصك بغيتك بكلشي ليك بغيتك تكوني حدايا قدامي وفجنبي وفجميع ضروفي بغيتك لحاجات اهم من نعاس راني شابع بنات اشكال والوان وماشي اي بنات كنعس معاهم وصعيب اي وحدة طح فيا ونعس معاها صعيب انا كنبغيييك كنعشقك نتي نتي هي كلشي نتي لخصتي ليا كلشي فشخصيتك نتمنى علاه غير تفهمي هدشي اناردين ..
مجاش فين يكمل هضرتو دغية جراتو ناردين من كول القاميجة وهو مشرع عينيه دفعاتو على ناموسية يلاه بغا يهضر وهي طلع فوق منو و..حيدت ليه نضاضر وسوارت ديال طوموبيل مع تليفون وتجيدات حتا رماتهم فوق الكوافوز وهو متبعها ورجعات قدات الجلسة ديالهت فوق حجرو وبالضبط فوق المعلم نيشان حتى عض فشفايفو بحركة لا ارادية ....
بهاء الدين : "كيهضر والعرق نازل ليه شوي " ناردين نوضي تهزي خليني نمشي الخدمتي 
ناردين : لاءح مغديش نوض حتا تسمح ليا 
بهاء الدين : الله يعطيني صبر نوضي تهزي كلمة وحدة رآه گلناها صافي الله يسامح الآلة ...
ناردين *فرحات * تنحس بيك مگلتيهاش من قلبك ابهاء بغيتك تگولها ليا بديك طريقة لخرى "تتحرك من فوقو "
بهاء الدين *غمض عينيه* وااااا نووووضي تهزي بركة رااااه والله ونشد موك حتا ندمك 
ناردين *عضات فشفايفها * امممم دكشي لي بغيت غير تندمني ابهاء صافي نسا لي فات وخلينا نبداو من جديد 
بهاء الدين : وخا ونوضي الله يرضي عليك...
ناردين : قلت ليك ناااءح...
بهاء الدين "كيتمتم بين نفسو وتيحس براسو مزير ...بقات كتحرك فوق المعلم وفوف ماتحركات عينيه كيخرجو وكيبدا ينهج...بغا يهز ايديه يحيدها وهي تشدهم ليه وهبطتهم وهبطت لصدرو كتدوز بايديها عليه بحركات دائرية وهي عضة على شفايفه ..وهبطات بفمها باستو فصدرو وهي تلحسو بلسانها هزت راسها وهي تقرب ليه وهضرت عينها فعينيه...
ناردين : الى مكنتي ليا عمرك تكون لغيري انت راجلي وحياتي وبابات ولادي تنموت عليك ابهائي انت ديالي انا ماشي ديال ديك الكلبة بهائي انا لي من حقي ندلعك بهاد الإسم ماشي هي *تيشوف فعينيها دمعو بقا تيضحك*
دغية قلبها تحتو وطار على شفايفها تيبوس فيها حس براسو وصل لفاااان مبقاش قدر يصبر عليها ......
ناردين : بهاء الدين اففف وصاافي عيييت اهئ اهئ 😭😭 اايي هههه وا عنننهعهنن 
بهاء الدين : والله موك حتا يلاه بدينا راااك شعلتيني ياك هادي هي المسامحة عندك اوا خليني نسامحك على خاطري اناردين 
بقا حتى كمل خلاها كتنهج ومقادراش تهز ايديها...
بهاء الدين : ههههههههههه تقدااااو ليك 
ناردين *كتهضر بصعوبة*.سخفتيني واش مكتعياش فففف...رجع نعس على ضهرو وتكا وهو يضور جيهتها لقاها فشلااات ....جرها لصدرو وتكاها عليه....
بهاء الدين : انت لي قلبتي عليا معندي ما ندير ليك *باسها بين عينيها * 
ناردين *شافت فساعة* بهاء الدين اااه نسيت خصنا نمشيو عند مريم انت عاااارف مع هاد المشاكيل مبقيتش مشيت العندها العيادة 
بهاء الدين*وقف* هي دبا نيت يلاه نوضي
ناردين : اوا شد فيا نوض ااااي مخليتيش فيا ولا عضم صحيح هدي هي المسامحة فقبيلتكم الله ينعل حسك ندمتيني اووووف اااااي ضهري ..

بهاء الدين وقف قدام العيادة ديال مريم غادي وشاااد فيد ناردين فرحانين دخل ديريكت مدرم بلا صف ..خلا العيالات تيسبو فيهم من لور...حينت مشدش معهم صف 
ناردين ؛ بلاما تقلقي امريم رااااني والله حتا گلتها ليه گلت ليه نشدو صف مع ناس ساع هو سبحان الله كلشي عندو مزروب
مريم : هههه بلاما تعاودي ليا عليه راااني عرفاه مزياااان اجي معايا اناردين 
طلعات ناردين لبياص أو بهاء الدين فوق راسها وشاد فيديها أو عينيه غير على التلفازة بغا غير امتى يسمع صوت قلب ولدو..
مريم : سي بهاء الدين واش مستعد 
بهاء الدين : اااااه مستعد 
مريم حطات لها جيل على كرشها وهي متبسمة تتشوف الفرحة لي فعينيهم حطات لها لباراي أو تدوزها فوق كرشها بشوية وهي مطلعة عينيها فشاشة أو صوت دقات القلب تيتسمعو مجهدين بهاء الدين تيضحك وتيشوف فناردين لي حتا هي فرحانة 
بهاء الدين : مريم صحة البيبي مزيانة ياك 
مريم ساكتة وتتحقق فتلفازة حتا تخلعو عاد هضرات...
مريم : مبرووووك ناردين طلعات حاملة بتوام
ناردين تخلعات وخرجات عينيها اماااا بهاء الدين شد فراااسو من الفرحة بقاااا غدي جاااي ورجع طيرها من فوق لبياص وتيدور بها وتيضحك ومريم تتشوف ومات عليهم بضحك...
مريم : صافي ابهاء نزل سيدة راك دوختيها كثر ما هي مدوخة هههه
بهاء الدين حطها فالأرض *وباس يديها * ناردين مزال ممستوعباش الأمر مخربقة
ناردين : واش تتهضري بصح واش توام توام تأكدي مزيان امريم لا تكوني غالطة ولا شحاجة
مريم : هههه لا رااه باينين مزيان اناردين مستحيل نغلط فهدشي 
مشات مريم البيرو باش تكتب لها شي دوا غدي تحتاجو 
ناردين تتمسح الجيل من فوق كرشها وتتبكي بهاء الدين نزل على.رجليه وشد وجها بين يدو
بهاء الدين ؛ حياتي مالكي علاش تتبكي واش مفرحناش 
ناردين *بصوت مخنوق* انا خايفة ابهاء خايفة بزاااف دبا كلشي غدي يضوبل عليا توام ماشي ساهلين وبنتي مزال صغيرة اوووف اهى هى
بهاء الدين *عنقها* ششش متبقايش تفكري بعيد هاااه خلينا نتمتعو بهاد اللحضة *حط يدو على كرشها * هااازة ولادي بزوج فهاد الكريشة ....ناردين : كانت تتگول ليا غدي تلصق غير واحد صدقتي ملصق ليا جوج سير الله يخد فيك الحق ابهاء 😡😡 غرقتيني
*مكان آخر*
سفيان : حياتي نزلي غير بشوية عليك 
غفران نازلا من طاكسي و تتشوف حي شعبي كل دار قدامها جوج ولا ربعة العيالات شادين نميمة عاااد الحوايج منشورين غير فالحبولا فزناقي ودراري صغااار صاسرين تيلعبو فترااب أو فضايات ديال لگلاتي وصداااااع بقات غادية وتتشوف 
غفران : فين حنااا وعلاش جايبني هنا اسفيان
سفيان : ياك گلتي ليا بغيتي تعيشي معايا فين ما كان وتصبري معايا على الحلوة والمرة ..اوا هدي هي حياتي 
غفران : ااااه گلت هدشي ولكن علاش جاين هنا علاش مديتينيش الدار ديالك 
سفيان : هديك ماشي داري هديك دار واحد دري صاحبي عاطيني سوارت باش الا جبت شي بنت تقصر معايا نديها لتما وحتا ديك طوموبيل راااه غير ديال الكرااا وصافي أو داك ضفطار ديال شيكات هههه غير تنطيح بيه الكمبوات طماعات ونت بصارحة عجبتيني منين گلت ليك طلبي اش بغيتي نعطيه ليك ورفضتي كبرتي فعيني اول وحدة ترفض هي انت طاح ليا العجب دكشي علاش بغيتك انت ماشي طماعة انت هي ديال زمان *غير هز عينو شاف واحد كان شد من عندو شي سروال ديال دجين ومبقاش رجعو ليه وهو يضربها بجرية وغفران تبعاااه تتجري من موراه وخا ما فيها لي اجري شادة فكرشها.. *سفيان دغية تخبا فواحد درب و جرها *
غفران : مالك تتجري ...*تتنهج *
سفيان مخرج راسو تيطل مخلوع
سفيان : صافي صافي مشا ....
غفران ؛ شكون لي مشاااا 
سفيان : والو والو يلاه خلينا نمشيو الدار الواليدة غدي تفرح بيك ههه
وهو غادي وتيقاد فحوايجو ومبودر وغفران موراه شادة فكرشها وتتكابر حتا وصلات قدام واحد الخربة مع دخلة جاتها الكرة فراس 
سفيان : واااااخا فموك ياااااولد الماااارجلة واش ناس تيلعبو بالكرة فدار *قبسو* غفران غير سمح ليا عندي خوتي فاتو ضسارة لهيه 
* شداتها دوخة شد فيها*
الواليدة اااا الواليدة فيييينك وتي فينك 
ربيعة*تطرطق المسكة* اااش كاين مالك على الغوات *تطلع فيها وتنزل * شكووووون هاد خيتي لي جايب معاك 
مو وجها ما يطلع فيه شمش أو فيها واحد سيكاتريس قديمة فحنكها .. 
سفيان : غير بردي الواليدة خلينا ندخلو بعد
ربيعة : حدك تما فين غادي مدرم شكون هاد خيتي لي مدخلها عليا اسفيان هضر ...

سفيان *شاف فغفران * هدي مراتي الواليدة
ربيعة : اويلي على مسخوط الوالدين أو من إمتى تزوجتي يا بالمفلس لخور *تتجبد ليه فحنوكو* وااااا هضررررر وعااااد جاي تتگول فيها بحال الا انا برانية مديتيني نشوف ليك كيف ناس شكون هدو لي غدي اقبلو يعطيوك بنتهم بلا واليدين الا مكانو مفضين تطلع وتنزل فغفران لي كانت مهبطة راسها
سفيان *بعد يديها* واااا صافي الواليدة خلينا ندخلو راااه كلشي جا على غفلة 
جرها ودخل بيها
ربيعة: وفين غدي تسكنها هااااه لا تگوليش هنا انا مزيرة غير مع راااسي أو حتا ختك زااايداني بهمها طلقها رااااجل بخمسة نفوس نهز راسي ولا نهز ولادها ولا نهزك انت بغيت ربي إهزني ونتهنا مرة وحدة
سفيان : الله انجيك الواليدة انت غير صبري علينا غير شي يامات بين ما نجمع راااسي ونخرج الله يحفضك راااني ماااا عندي سنتيم باش نخرج نكري 
ربيعة *شااادة فحنكها* اوا منين معندك باش تزوج لاش مزوج يااااا المگلوب ....
سفيان : اوااااا صافي الواليدة اوووف
ربيعة : وااااا فين غدي مدرم انت وياها سير طلعها البيت الفوق 
سفيان*خرج عينيه* واش تتهضري من نيتك الواليدة حنا يلاه عرسان جداد وبغيتي طلعيني البيت صابون شمش فينا وشتااا فينا كون غير كان فيه سقف بعد 
ربيعة گعدات فوق طليق وربعات رجليها وتتنقي ليقامة....
ربيعة : معندي ماااا ندير ليك جمع راااسك ودير ليه سقف ويلا كانت لآلة ومولاتي خرجها ضرب معاك الكرفي بحال العيالات گاع 
شد فيديها وطااالعين فدروج أو ربيعة تتشوف فيه شاد فيديها أو تتزرف لهم سبااااان بقاو غادين حتا وصلو السطاح بيت خانز بدجاج والحمام عااااد الحوايج ديال الوسخ وماكينة صابون گاع مخرششة اطيح ليك العجب فيها مزال خدامة غفران تتشوف فديك الحالة وساكتة هي فعلا بغااااات تبدا حياة جديدة وبعيدة على الحرام ولكن ماشي حتال هاد درجة گاع هي على قبل هاد الحياة القاسية خرجات الحرام باش تعيش حياة رفاهية 
سفيان*شد وجها بيديه* حياتي شوفي فيااا هزي عينيك اغفران 
غفران *بعيون دامعين * هااااني هزيتهم
سفيان : واااش مزال باغية تكملي معايا وخاااا ضروفي هكااا
غفران *نزلو دموع على خدها * ااااه 
سفيان فرح وعنقها بجهد أو تيضحك 
سفيان : تنواعدك احياتي حتا ندير لي فجهدي باش نخليك مرتاحة معايا وحتا حاجة متخصك ....
ديك ساعة جااااب شطابة وبدا تينقي فداك البيت خرج الماكينة صابون مع الحوايج خرج على دجاج مع الحمام وهبط جاااب الغطااا والمخدة وفرش لها باش ترتاح غفران حيدات صندلة من رجليها ونعسات وجر عليها المانطة خوا لها كاس ديال الماء شربات دوا ديالها ونعسات ....
خولة : ماااااما ..وااااااا ماما اااااا
ربيعة : واااا يعطيك الغمة ياااا بنت الحرام فين كانت ومخلية ليا ولادك من صبااااح ونااا نعرعر مع العيالات كل دقيقة توصلني تشكية من شي بلاصة خرجو ليا العقل
خولة *تتحيد صباط * مشيت نقلب على شي خدمة مااالهم تيتبراااو على اساس هما معندهم ولاد اوا بااااااز اوا احمدو الله مطاااحوش فيااا اما نواري لبوهم تبرية كيف دايرة ... اش كاين بعد الغدا رآه فيا جوع
ربيعة *هزات راسها* ركابي الحلوف اش غدي اكون فنضرك من غير بطاطة وخيزو 
خولة: اووووف اماما اوف طلعو ليا فراسي متتعفوش تنوعو وااااااه بطاطة بطاطة بطاطة
ربيعة : اوا هي إلا زرقتيهم ليا ونوع لبنيتي 
خولة : وايلي اماما وايلي على نزرق ليك راك تتشوفي كلشي على عينيك
ربيعة : اوا تكمشي وحمدي الله بديك بطاطة وخيزو لي لقيتيهم بعد لغداك اااه نسيت مفراسكش اخير الأخبار خوك المسطي غبر حتا غبر وجاااي عاااطيني وجهو گاليك الآلة تزوج بواحد زويزوة مدخلها ليا فيدو هدي هي ديال مقدو فيل زاادتو فيلا 
خولة : ههههه حلفي بالله امي واش بصح بالكافر لخور زواج هو لي خاصو لقاااا حتا باش يقج راسو مخصو غير زواج 
ربيعة: اوا هااانتي يالالة تتشوفي اش خصك العريان زواج امولاي هههه*ضحكة جماعية*
خولة : اوا فين هاد مرتو نشوفوها بعد
ربيعة : رااااها الفوق گاليك طلع لها الغطااا مسكينة عيانة راااه خرج و خلاها ناعسة ...گاليا تهلاي امي فيها خهههه
خولة *گفضات على كمامها* هااااا كاوا على خويا الحنين بغااانا نتهلاو فيها ايييه اسيدي هي لي متعااااود والله اخوياااا حتا نتهلا فيها اويلي علاه حنا ولاد لكلاب لي نتكرفصو ليك عليها هههه گالت ليك ناعسة علاه هدا وقت نعاس لا لا *تتحرك صبعها* هدي باينة اماما ملغجااااه خراها على هاد الحساب صبري صبري نطلع لمها هااااد نوع رآه انا لي تنعرف ليه مزياااان كاموني خصو لحكان ...

ناردين كانت تتبكي وبهاء الدين مقابل معها وتيشوف فيها وتيضحك شدها بين يديه أو تيمسح لها دموعها بصبعو أو نزل بيه لشفايفها تيحركو بحركات دائرية وهو تيشوف فعينيها بهاء الدين : مابغيتش نشوف هاد الدموع صافي براكة اناردين محدني انا معاك معندك مناش تخافي مغدي تفرقنا غير الموت 
شهقات وسط دموعها عنقاتو بجهد وهي وااقفة على قران صباعها باش توصل ليه شدها وزير عليها من وسطها وطلعها العندو مزير عليها بين بيديه وجهو مخشي فعنقها وتيهضر فودنيها بصوتو القوي لي تيدوبها أو تيخليها تكون مرتاحة نزلها وبتاسم وهو شاد فيديها وجمعهم بزوج بين يديه وتيبوس فيهم بكل حب وعشق 
بهاء الدين : صافي غدي نساو الماضي اناردين ونعيشو حياة جديدة فيها غير حنا ولادنا بثلاتة وشكون عرف الدنيا اش مخبية لنا مزال ماشي بعيد اكون راابع جاي حتا هو فطريق *ناردين ضرباتو فكثفو*
ناردين : غير حلم ابهاء غير حلم انت بغيتي تقتلني هدشي علاش تتقلب .....
ناردين من بعد ما كانت تتبكي دغية رجعات تضحك دخلات عليهم مريم أو فيديها شي تريتمون خصها تبعو بااااش تكون صحتها مزيانة وماااا اكون عندها حتا شي مشكل فالحمل من هنا القدام .. بهاء الدين شبك يديه فيد ناردين وباسها شكرو مريم وخرجو من العيادة فرحانين ...
خرجها مع الباب ديال العيادة وعينو غير عليها كانت الشمس ضاربة فوجها عض على شفايفو بإعجاب نزل عندهاا ورفعهاا من خصررهااا ناردين معرفات باش تبلات كانت غادية على رجليها حتا لقات راسها مهزوزة 
ناردين : اش كااادير ابهاء حطيني حطط حططط حطططنيي ...ضممهااا تكاها على صدرو و هزززهاا وغدي گاع ممسوق ... شداات عنقووو باحرااج ..
ناردين *مزيرة على سنيها* النااس كايشوفو فيناا ابهاء الدين واش انت حمق شوهتينا 
بهاء الدين(قربب وجهوو لحداا فمهاا ) شش...
ناردين (غمضااااات عينيهاا) : سربي سربي دغية خليني خبيني فطمووبيل... اوووف على فضيحة 
خلاتو هاازهاا و غادي بييهاا بشوية علييه حتى وصلو للطموبيل ... 
عطاتو السوارت فتح الباب و حطها بشوية جبد حزام الاماان لصقوو لييهاا بهدووء وهو محني عليها خطف قبلة ...
ناردين : اوف صااافي سير ابهاء الدين سير *مخبية وجها بيديها بقا بهاء تيضحك غير بعد عاااد حيدات يديها وبقااات مخرجة راسها من زااج وطالقة يديها فرحانة وتتشم الهواااا
ناردين : كانموت علييك ابهائي ههه
بهاء الدين: هههه اممم علاش مگلتيهاش ليا ونااا هزك كااانت غدي تكون رومانسية 
ناردين : بهاء الدين منين نعرف جنس ولادنا أنا لي غدي نسميهم هاد المرة انت سميتي شامة
بهاء الدين : اوك احبيبة حلمي 
ناردين ؛ ما تكونش اناني ابهاء هدوك ولادي حتا انا ومن نحقي نسميهم ما بغيت رآه انا لي تنتعصر حتا تنخرجهم ماشي انت 
بهاء الدين *شاف فجهة أخرى* اش بأن ليك نمشيو لديك ريسطو نتغداااو 
ناردين : لا لا خلينا نرجعو الدار غدي تكون شامة خارج لها العقل خليها المرة خرى تكون هي معنا *حرك لها راسو وكمل على طريقو* 
حطات راسها على صدروو قااطعة الحس ... غمضاات عينيهاا و مشاات مع دقات قلبوو... بقات هكاك حتا وصلو غير شافت راسها وصلات دغية حيدات لاسانتيغ خرجات هااربة منووو 
بهاء الدين *خرج راسو من زاجة * اجي لهناااا مااتجررريششش اناردين ششد راااسووو بنفاااذ صببر ... ناردين ...غير بشوية عليك
ناردين *تتصوني فالباب * اللهم نهرب ولا تهزني قداام ناس ابهاء راااك گاع ما تتحشم 
خرج من طوموبيل وتيضحك وجاي لها كانت غدي تبول فسروالها من الخلعة خايفة لا اهزهة تاني او ميخلي لها لوجه قدام جيران عصرها مع الباب تيحل فيه أو خاشي وجهو فعنقها ....بهاء الدين : ااااح ونشدك 
غير تحل الباب دخلات تتجري وسدات عليه الباب رجع بهاء الدين الديبو والإبتسامة على وجهو .. ....لقاتهم مجمعين فالكوزينة...
مع دخلة گالت لهم حاملة بتوام مقداتهم فرحة كلشي تيزااغرت ويعشق عنبي ..
نجلاء : هداااا احسن خباااار سمعتو وينو على توام تنحماق عليهم كانت ديما تنگول ياربي ارزقني بيهم فأول ولدة ليا سااااع جبت قصي وتبعتو ضحى 
رقية : مزال ابنتي تولديهم هههه
نجلاء ؛ لا بركة عليا غير هدو اخالتي 
حفيضة ؛ اوا مشكيلة هدي انت غير واااحد وكل ساعة مكركباه عسااااك جوج 
ناردين : شكون لي گاليك مكركباها انا مخلياها مع خالتي رقية يااااك 
هزات بنتها تتبوس فيها غير بدات تتنخض فيها تقيات عليها مع يلاه رضعات 
ناردين : اووووبس ياااك الخانزة هدشي لي نستهل عندك اجي نبدل ليك المشيشة ديالي 
بدات تتبوس فيها وطالعة بها فدروج ...

دخلات بيها ديريكت الدوش وعمرات البانيو بماااء دافئ ورمات فيه لورد أو شي برودويات ديال ترطيب حيدات لها حويجاتها وحيدات حتا رااسها وتخشات هي و بنتها فالبانيو وحطات بنتها فحجرها تتغني لها وتغسل لها فراسها وتتلعب معها شامة تتشوف دكشي تيتحرك فوق الماااا تتمشي يديها ليه وتتخشي الورد فمها أو تتعاود تحيدو لها بقات مضاربة معها حتا كملو دوش وخرجو لابسين بينوار بزوج أو دايرين القب على رأسهم فيه قنيونات حطاتها فوق ناموسية وبدات تتمسح لها ودهنات لها لحمها بمرطب مشطات لها شعرها دارت لها زيت ورشات لها طالك ولبسات لها ليكوش عاااد لبسات لها حوايجها باش ميضربهاش البرد عااااد خلاتها ومشات تتجري لبلاكار جبدات حوايجها تتلبس فيهم ..
*مكان آخر*
غفران كانت ناعسة شربات دوا رخااا لها لعضااام حتا تتحس بشحاجة تتخوا على وجها ناضت قافزة ومشرعة عينيها تتبان لها وحدة واقفة على راسها نوضي شمري على كثافك وخليني نشوف حنة يديك امرات خويا العزيز ولا يكما عاودو ليك على زوااااج غير بليل ونسااااو النهااااار هاااه 
تتهضر معها وهي مزيرة على شعرها
غفران مبقاتش قادرة تستحمل لوجع فكرشها عاد الألم فراسها عضاتها حتا خرجات لها دم من يديها 
غفران : سيري بعدي مني يكما يحساب ليك انا خدامة عند باك سيري فرقيني عليك انت لي بقيتي ليا 
جرات عليها الغطا ورجعات نعسات خولة تجننات عليها شداتها من شعرها وتتجر فيها وغفران تتغوات ربي لي خلقها...
خولة : دبا غدي تصبني هااااد جوطية ديال الحوايج *نصلات بيجامة لي كانت لابسة* وزيديك حتا هدي من الفوق يلاااه طلقي رااااسك رجع لقااااك كملتي *زفات عليها بتيد* هااااهو باش باش مااا تلقاي حتا عدر يكما حسااابك غير مرات خويا غدي تبقاي بارزة لنا هنا تيتي نيني من اليوم انت لي غدي تهزي دار كلها ماما ماشي خدامة عندك هدا هو زواج احبيبة*دفعاتها* يلاه طلقي راااااسك منين تكملي صابون هبطي بتسياق حتال التحت خلينا نشوفو حداااگتك امرات خوووويا 
عوجات فمها ونزلات تتعوج غفران زفاات بديك الباكية ديال تيد وگعدات فوق دوك الحوايج أو تتبكي جا سفيان هاز واحد البلاستيكة فيديه غير شافها گاع منتوفة وتتبكي رمااا دكشي لي فيديه ومشااا العندها 
غفران : عجبك الحال شوووف ختك اش دارت ليا ومزال گالت ليا نصبن هدشي كامل واش انا خدامة عندها 
سفيان : حيااااتي *باس راسها وعنقها* غير صبري عليا غير شوية حينت معنديش باش نكري ليك هكاااا دايرة ختي عيشورية غدي تكون غير حسداتك على هاد زين لي عندك مرتي رااااه قرطاسة هههه 
بغاها تضحك ساااع عاااد مزادت تتبكي 
سفيان : اوا صافي احبيبة انا غدي نزل عندها نهضر معها باش تعطيك بتيقار...
سفيان ناض جاب تقدية لي تقدا وسد الباب وجا قدامها تيحل فواحد البلاستيكة خرج منها جوج سندويتشات ديال طيحان جوج حار وجوج فرماج حينت هي متقدرش تأكول الحار...عطاها جوج دياولها فوق حجرها 
سفيان *تياكول* كولي احياتي كولي ونسااااي الهم ينساااااك ههههه
غفران شافت فيه ومسحات دموعها بكمام يديها وهزات ساندويتش وتتأكول وتنخصص ...

يوسف غادي مكسيري فالطريق السريع كيفانتي فالسيارات بدراجتو النارية بكل احترافيه .. وهند واقفة من موراه وطالقة يديها عايشة اللحضة معااااه تيحماقو بزوج فرحانين رطعات جلسات وشدات فيه مزيان أو حاطة راسها على كثفو 
يوسف : حيااااااتي واش فرحانة 
هند: بزااااااف بزاااااف ايوسف انا اول مرة نكون فرحانة حتال هاد الدرجة 
ودور وجهو العندها وخلا الموتور غدي بوحدو حتا باسها فحنكها ورجع تاني حط يديه وتيصوگ وهو طاير بالفرحة...
هند : يوسف غير راااه مخصناش نتعطلو بزاف مبغيتش اجي خوياااا أو مااا يلقانيش فدار غدي تقفار عليا راااه غير طلبت مرات خويا تغطي عليا بين ما نجي وگلت لها غير غدي نتغداو غير فشي بلاصة قريبة بالكشيفة باش خلاتني بقيت عليها تنبكي حتا قنعتها ولكن رآه فعلا ايوسف مخصنيش نتعطل مبغيتش المشاكيل لمرات خويا مرة خرى.....
يوسف : كوني هنيا احبيبة دغية غدي رجعو 
عنقاتو وبقاااااو غااادي فبلاصة بعيدة خرجو على مراكش غير جبااااال وطبيعة ولويديان ودنيا كااالم تيتسمع غير صوت العصافير وصوت شلالات مجهدين نازلين مع جبااال عاد سماااا صافية وزرقااااا أو فيها قوزقوزاااااح عاطي جمالية لداك المنضر وقفو قداااام واحد دااار عصرية من صنع أروبي غير بزاح والخشب غير من بعيد تتخليك تفها من جمالها مشااا يوسف وحل الباب ودخل الموتور أو عيط عليها باش تبعو غير دخلات حلات فمها كانت حديقة كبيرة فيها كل ما يتشهى القلب ولابسين كبير هند جراتوو
هند : يوسف ديالمن هاد الدار رااااه حشومة ندخلو لشي دار ماشي ديالنا 
يوسف : ععهه متخافيش مولاها تنعرفو هو لي گالي سير الداري الا بغيتي تفوج مولاها عااايش برا البلاد تيجي لها غير من العام العام
هند : ونت باش عرفتي هاد مولاها هاه
يوسف : اوووو شحال فيك ديال الأسئلة كان تيجي عندنا الگاراج تيقاد طوموبيل ديالو شحال من مرة وتما تعرفت عليه انسان مزيان جبتك هنا غير باش تشوفي لبلاصة لي غدي ندوزو فيها شهر العسل ديالنا عجباتك بعد
هند : وااااااعرة بجهد ايوسف خلاتني بلا عقل 
يوسف *جرها* اوا خلينا ندخلو الداخل غدي اعجبك بزاف گااااع *غمزها *
هند دخلات تتجري تستكشف المكان حتى بان ليها بالكو وهي تمشي جيهتو كان منضر جميل جدا حلات الباب ودخلات حطات يديها على حيط من زجاج والإبتسامة على وجها اول مرة تشوف بحاال هاد المنضر...الخيالي جااا يوسف من موراها أو حاوطها بيديه أو تيبوس فعنقها وهو حاط يدو بزوج فوق كرشها ...
يوسف : امتى إكونو عندنا وليدات اهند امتى 
هند *حشمات* واش انت حمق تزوجنا بعد بقاو لنا غير لوليدات ....
يوسف : كلشي من داك خوك معرفتش امتى غدي يطلق سراحنا نشوف حتا نعيا ونخطفك 
هند : ههههه خويا غدي اقلب عليه ماااا يرتاح حتا يجبدك وخا تكون تحت الأرض 
يوسف : اممممم فرحانة بعد بداك صعصع ديالك 
هند : بزااااااف هداك بابا تاني ماشي غير خويا *تتلعب بيديها*
يوسف *شدها* ونا تنموت عليه حينت كون ما هو لي مزير القاضية غدي تكوني تطيري من المقلة *بدا تيبوس فيها فمها تتحس بشحاجة قاسحة تتحاك معها عرفات القاضية حامضة دغية هربات ودارت سبة بطواليط ولكن هو فهمها وبقا تيضحك 
ودخلات الحمام قدات حاجتها طرفات حالتها وخرجات مشات الواحد الغرفة لقاتها عامرة حوايج أو ميكاب بدات كتبقشش فيهم القات تما بيجامة بشورط جبداتها لبساتها ومشطات شعرها وخرجات من البيت تتجري العندو بغاتو اشوف كيف جاو معها دخلات الكوزينة القات رويحة تتشهي خارجة منها كان لابس طبلية وتيوجد لها فشهيوات طاابلة كانت عامرة غير تيسخن أو تيحط فطباسل كان جايب معاه الماكلة طايبة من زنقة هز عينيه شاف فيها بانت ليه واقفة وشعرها كيطير ولابسة ديك بيجاامة كل شي كاايبان معري كتر من لمغطي مشا دغيا شدها من درااعها 
يوسف : شنوووو هدشي اهند لابسة 
هند : و و والو سمح ليا مكنتش قاااصدة...غير گالت تشوف كيف جاتني لبسة 
يوسف : هند حناااا غير بزوج هنا و 3 هو شيطان مبغيتش ندير شحاجة ندم عليها سيري لبسي حوايجك وهنينا *مزير على سنيه
هند فرحات منين گال لها بحال هكاك عاد تأكدت بالي تيبغيها وماشي ناوي يستغلها طلعات تتجري بدلات حوايجها ورجعات العندو جرات الكرسي وجلسات تتأكول وهي فرحانة ويوسف تيشوف فيها وهو قالب وجهو عليها ..

غير كملو غداهم خرجو تيتسركلو وخالقين سعادة غير هما بزوج فديك طبيعة محسوش بالوقت مع ضحك ..وتقشااااب
*مكان آخر*
ناردين : ااااي مالكي انجلاء *سدات الباب*
نجلاء : ناري اناردين انا طايحة فواحد الموصيبة كبيرة اووووف والله متنحشم ديما تندير لها الخاطر وتتخليني بلا بيه اليوم غدي نطلق بسبابها اووووف *غادية جاية*
ناردين : مالكي اش واااقع بركة متبقاي تمشي وتجي دوختيني انجلاء 
نجلاء : ناردين هند مزال لدبا مجااتش 
ناردين : فين مشااااات 
نجلاء : طلباتني نغطي عليها گالت ليك مخطوبة معمرها خرجات مع خطيبها بحال گاع ناس بدات تتبكي وطلباتني باش تمشي معاااه غير يتغداو أو إرجعو أو هاهي من 12 وهي معاااه حتااال دبا شوفي ساعة هدي رآه 9:30 ديال الليل أو مزال مكاين لها الحس راااني خايفة بزاف عليها 
ناردين : واش تصلتي بها 
نجلاء : ااااه والو لا تليفون ديالو لا تليفون ديالها حتا واحد فيهم ماااا خداااام نااااري اناردين رااااه قلبي غدي يسكوت بالخلعة خايفة غير اكون دار فيها شحاجة
ناردين : لا لا يوسف مستحيل 
نجلاء : علاش حتا مستحيل كلشي توقعيه منو علاه نسيتي اش كان دار فيها 
ناردين : اوووف ياربي دير شي تاويل ديال الخير ناري أو يعرف بهاء الدين بهدشي مشاااات فيها لا هي لا هو اوووف هما عااارفينو كيف داير وشحال من مرة هضر مع يوسف باش ما إقربش لها حتا إطيح العقد ويدوز العرس واش مااا فيهم لي يصبر حتا جوج سيمانات عزيزة عليهم هضرتو 
نجلاء : دبا اش غدي نديرو ناردين فكيني راااه كحالت عليا بالمعقول رااااه نوردين اطلقني هاد المرة الا عرف بالي انا فراسي شحاجة
ناردين *شداتها* صافي انجلاء بلاما تبكي انت ديري رااسك معرفة والو وخرجي سوقها هي لي معندها كلمة دارت معااااك 3 تكون هنا هي 3 هي لي حالة فمها وناسية موخها خليها منها لخوها اضبر معها انت مشفتي شااااي مسمعتي شااااي سبقي الميم ورتاحي أما الا گلتي لهم بالي انت لي قبلتي لها اكيد نوردين غدي يتقلق منك ولي دااار فيك تستهلي حينت انت لي مبغيتيش تحشمي ..
نجلاء : ااااه نستاهل اناردين نستاهل دبااا الا سولو فيها أش نگول *كلها تترعد*
ناردين : معرفتش معرفتش مشكلة هدي ماااا حيلتك تضرب ماااا حيلتك تهرب هاااد هند زااادت فيه كون غير تتجاوب على تليفون اوووف بحالها بحالو *زفات بتليفون* المهم إلا سولو فيها نگولو فيها لوجع ديال لغيگل وراااه نعسات مبغاتش تتعشا 
نجلاء : اه فكرة مزياااانة صافي وخا انا غدي نعمر الناموسية ديالها بالمخاد أو نغطيهم باش تبان بحال الا ناعسة 
ناردين : صافي وخاااا يلاه سيري 
مشات تتجري نجلاء دارت دكشي وسدات الباب وخرجات أو تدعي فخطرها غير تكون هند مزياانة قلبها بغا يسكوت بالخلعة...
*مكان آخر*
هند : اوووووف منك انت والخرشاش ديالك مجااا فين يخصر غير هنااا ناري اليوم غدي نموت مفيهاش خوياااا بلاصت عرسي غدي إدير ليا جنازة ..كبيرة كلشي غدي يحضر
يوسف *تيترعد * غير سوكتي وحتاااا اناااا معاااك ولكن ماشي مشكل الحبيبة اهم حاااجة هو نكونو مع بعضياتنا كيف حين كيف ميتين انا معنديش مشكل العمر ويلا بغاااا ادير معااايا المزيان داك خوك هو إلا حفر لنا شي قبر كبير يردمنا فيه بزووووج غدي تكون مخيرة گاع ههههه
هند *بعصبية* واااش دباااا هداااا وقت ضحك اوووووف طلللق راااااسك 
يوسف : اوا شدي تليفون أو ضوي لياااا رآه ضلام نبقاااا تيبان ليا انا والو 
هند : هاهو غير سربي راااسك اوووف وحتااا ريزو فهاد الخلا والقيفاااار قليل نااااري مشيت فيها بالمعقول ...

تجمعو كاااملين على طبلة ديال العشااا 
رقية : يلاه بسم الله 
بهاء الدين *تيدور بعينيه* فينها هند مبغاتش تعشاااا
ناردين : لا مريضة شوية وناعسة راااه خالتي رقية خلات لها عشاها حتا تفيق وتمشي ليه
بهاء الدين : مالها أشنو ضارها 
ناردين : اوا صافي ابهاء الدين مريضة رااه خدات دوا غدي توالي بخير 
بداو تيتعشااااو فصمت تيتسمعو غير المعالق نجلاء تتشوف فناردين وناردين تتشوف فيها هما لي عااارفين وعينيهم غير مع الباب كان فيهم الموت ديال الخلعة كسر الحاج الشافعي داك صمت وهضر على العرس ديال بنتو الحاج الشافعي : اوا مزال متحدد هاد العرس خلاص راااه خصكم تبداو فتوجاد ديالو على تيساع ناردين وحلات لها دفع لها بهاء الدين الكاس ديال المااا شرباتوو فدقة وحدة ورجعات نزلات راسها بهاء الدين تيشوف فيها حاس بشحاجة كاينة تما غير من شوفة تيعرف ناردين مخبية عليه شحاجة تتكون عندو الحاسة سادسة بهاء الدين : هاد سيمانة لا سيمانة لخرى بين مااا نخرج شي سلعة مخربقاني بفلوسها باش ناوي نديرو الا سخر الله 
الحاج الشافعي : اوا الله اوسع فرزقك اولدي والله اخليك لها
حفيضة : اوا رآه عندو غير اخت وحدة بغا يفرح بها ههههه سعداتها 
الحاج الشافعي : عيطو على هند راااه غير غدي تسمع حس العرس ونگافة ودكشي دغية غدي تبرا ههههه وتبدا تنقز علينا هنا. 
رقية ؛ غير خلي عليك البنت مسكينة حتا افوتها لوجع رآه معندها خاطر 
بهاء الدين ؛ واش غدي تبقا هكا تتقطع بلوجع انا غدي نديها السبيطار *وقف*
يلاه ناض ناردين وقفات وشداتو
ناردين : فين غادي صافي خلي البنت عليك 
بهاء الدين *بعصبية* كيفاش نخليها واش سيدة مريضة ونت تتگولي نخلي اش غدي نخلي فيها بعدي من قدامي 
ناردين : بهاء راااه لوجع عادي اااي بنت احياتي تيجيها لوجع واش انت مبغيتيش تفهم
بهاء الدين: وهاد لوجع هداااا متيعرفوش ليه فسبيطار ولا كيفاش تتيبقاو هكا تيتوجعو
ناردين :ناااااءح احياتي حتا واحد ماتيعرف ليه صافي غير تهنا من جهتها خالتي رقية فدمة رااه عطاتها دوا العرب شي عشوب ديال لغيگل سخاااان دغية غدي تسرحها لها غدي توالي بخير احياتي انت غير سير راااه الا دخلتي گاع عندها دبا غدي غير تحشمها 
بهاء الدين: علاش غدي تحشم انا وياااها مبيناش هدشي وهند رااااه بنتي قبل ما تكون ختي 
ناردين *دفعاتو* اوا صافي ابهاااء هنينا وسير طلع تنعس اوووف بهاء الدين گال لهم تصبحو على الخير ودار العند ناردين غمزها وحرك لها راسو باش تبعو وطلع 
رجعات ناردين تكمل عشاها كانو تيهضرو غير على العرس وكيفاش غدي اكون وشحال غدي اخصرو فيه ديال الفلوس رقية وحفيضة تيگولو ونوردين والحاج الشافعي تيحسبو لهم ناردين ناضت طلعات ناردين العند بهاء الدين ه قد مااا كانت حداااه غدي تكون مهنياااا حينت الا مشاااا حتا عرف بالي هند مزال مدخلات الدار غدي تكحال عليها وعليهم 
بقات غادية تتسلت بحال شفارة حتا تتسمع حسو كاين فالبيت عند بنتو تيلعب معها وهي فاااقت وتتلاغي معااااه 
دخلت البيت مشات ديريكت للدوش بدلات ودهنات لحمها بالكريمات ونشفات شعرها لبسات دوبياس فالابيض و بينوار ستان فلابيض سمعات الباب تسد عرفتو دخل ، قلبها بغااا يسكت بالخلعة خاافت غير اكون شك فشحاجة مع هي موالفة متتخبي عليه والو شوية حل عليها الباب لابس غير دجين وصدرو عريان بدات ناردين كترعد من دوك شوفات ديالو لي تيدوبوها كان متكي على البواني دالباب كيطلع فيها وتيهبط ...

دخل العندها للدوش بقا كيطلع ويهبط فيها 
ناردين عينيها كيضورو فقاااع راسها كتشوف فيه بطرف العين ، قرب منها وتكاها وحط يديه بزوج فوق لافابو محاصرها وكيشوف فيها وصدرو لاسق مع صدرها وكيشم فشعرها وهو مغمض عينيه هزها وخرج بها و لاحها فوق الناموسية وطلع فوق منها تيبوس بلهفة حيد لها حوايجي كاملين وخلاها صولو ...
ناردين : حياتي حبس ...واش نسيتي أش گالت ليك طبيبة .. (قاطعها)
بهاء الدين : انا اللي كانقول ماشي الطبيبة ، 
حل ليها رجليها وخدااااام گاع ممسوق 
ناردين : ايي بهااااااء بشوية عندك كرشي
سكتها بقبلة طويلة تانسات راسهت وحلات رجليها ليه بدون شعور باسها كاملة مخلا فيها حتا بلاصة من راسها لرجليها دخلو فالسخون نضراتهم كانت متبادلة كلها حب وعشق ما طلقها حتا خلاها فشلانة تگلب الجهة الخرى وعنقها وخشا راسو فعنقها وكيهمس فودنها وهي ساكتة وكتضحك.....بقااااو هكاك حتا مشات بها عينيها ونعسات قبل مااا ينعس هو كانت عوالة هي لي تنعسو تشد العسااا فشرجم ساع صدق هو لي عاااس عليها شوية تيسمع الغوات ديال بنتو دغية طفاااا ديك لباراي لي حدااا راس ناردين باش ماااا تفيقش ومشااا هزها وتيراري بها وحااط لها رضاعة فمها تترضع ....
*مكان آخر*
يوسف : وأخيرااا تصاااااوب يلاااااه طلعي احياتي دغية يلاه زااااد بيهم شوية وهو يتفرگع لبنو أو طارت رويضة ديال موتور يوسف تلاح فجهة وهند فجهة وهازة رجلها تتوجع شعلات البيل تتقلب على يوسف لقااااتو مجبد ونااااشر يديه فوق راسو مشااات تتجري تتحرك فيه حتا فاق
هند : نووووض اهئ هئ هى ندمت على نهار لي تبعتك فيه ايوسف صافي خرجتي عليا الله يخد فيك الحق اهئ هئ خويا غدي يقتليني صافي الله يرحمني 
يوسف *شااااد فراسو* سمح ليا اهند الله الغالب رآه كلشي تتشوفيه على عينيك راااني غير دمقتو وصاافي سااااع ولد الحرام شد معايا العكس كون غير كاين شي سيكليس هناااا نديه لعندو دغية اصاوبو لنا 
هند *بالغوات* وااااش انت مزال غير تتفكر فالموتور واااا شوف حريرتي اناااا الله ياربي الله اش هاد موصيبة لي غرقت راسي فيها
يوسف : دبااااا انت مناش خايفة راااك فجميع الحالات ديالي مهرسة مشخشخة وحتا الا قدر الله الموت راك ديالي معندهم ماااا إگولو غير تهناي احبيبة 
هند غير سمعات هضرتو فشلها و جلسات فلأرض وشدات راسها وتتبكي عقلها كااامل غير فدارهم وكيفاش غدي تكون حالتهم دبااااا وحتا تليفون والو حتا شرطة ريزو مطالعة فيه ندمات أشد ندم 
بهاء الدين غير نعس بنتو نزل التحت دخل الكوزينة شرب أو خوااا كاس ديال العصير فالكاس بغااا اطلعو ناردين باش تشربو رماا عينيه فلبوطاجي تيبان ليه العشاا ديال هند باقي محطوط كيف خلاوه تهول عليها حط الكاس ديال العصير ومشااا العندها حل الباب وشعل ضو ...
بهاء الدين : هند ...هند. .. فيفي واااش مزال فيك لوجع يلاه نوضي نديك السبيطار هند 
واقف على راسها مسمعش حسها تحنا وبداااا تيحرك فيها بشوية جااه دكشي فشكل جر ليزار تيباان ليه غير المخاااد لي مستفين خرررررج عينيه صاااااعر وضرب برجليه جنب ناموسية حتا تزعزعات من بلاصتها وطلع تيجري عند نااااردين عينيه مغمضين 

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.