بهاء الدين :(بغضب شديد)مزياااااان الآلة ناردين خرجي گاع دكشي لي فقلبك توحشتيه ياااك منين شفتيه مبقيتيش قاادرة تصبري مزال معايا وليتي باغية الفرااااق ولكن دكشي هو لي معمرو مغدي اكون ليك ولا ليه واش تتفهمي حينت خصك تقتلني بعد منين تردميني تحت الأرض عاد ديك ساعة كوني ليه ....
ناردين :(كدفعو من صدرو) انت حمق انت مرييض بعد مني عرفتي أشنو اااااه انا عرفاه غدي اكون او ماشي غير هدشي فعلا مزااال تنبغيه صااافي يااااك هدشي لي بغيتي تسمع اوا هاااااا هو سمعتيه دبااااااا عطيني تيسااااااع ابهااااااء هو اكون حتا اكون مغدي اكون مسطي بحااالك أو عدواني وتيحساب ليك گاع دنيا تتمشي غير على هواااااك عمرني مغدي نسااااامحك على هدشي لي درتي لصحبتي المجريم القتااااااااال
بهاء الدين تعصب يلاه غدي ينزل عليها جااي كلشي تيجري ولا العرس مقسم شي مع العروسة لي تتبكي وشي مع ياااسين لي مزال مفاااق وتيتسناو لومبيلونص تجي
جاسم *جرو* بركة يلاه معاااايا ابهاااء الدين تحرك.
بهاء الدين معصب بالكشيفة باش بعدو من عليها ودخلو فطوموبيل وداااه ناردين طااحت فالأرض تتبكي وهما كاملين مجموعين عليها تيصبرو فيها شدو بيديها ومشاااو بها البيت الفوق عند مريم لي كانت تتبكي على حر جهدها كلشي مشاااا وفرحتها مكملاتش شافتها ناردين تقطع قلبها عليها وعنقاتها وتتبكي ناردين جاتها هيستيرية أو تتلوم فراااسها هي سباب ضمر فرحت صحبتها بسبابها تتصبر فيها مريم والو مبقاتش بغااات تسكوت وشادة فقلبها تتحس بيه ناردين بغاا يوقف بقات هكاااك حتا غيبات ديك ساااعة ناضت مريم تتجري قلبات لها نبض ديالها لقااتو ضعيف أو شوية دم نزل مع رجليها بدااات تتغوات وتتگول لهم ناردين تتجهض عاااونوني خااصها تمشي دباااا العيااادة ولا غدي تفقد ولادها ولا كلشي تيجري عيطو على يوسف وادهم من التحت هزها ونزل تيجري بها فدروج ودخلوها فطوموبيل ديال مريم ومشااات بها تتجري وهي تتجرجر بتكشيطها
🍂🍂🍂🍂
أما فجهة خرى كانت هند شانقة على مرات ياسين حينت سمعاتها تتسب فخوها بلونگلي وتتگول داااك المجريم غدي تغرقو فالحبس حينت دار فرجلها ديك الحالة تتسب وتعاير
هند *تتقاد فشعرها لي تنتف * رااااك معرفتيش اشنووو گالت على خويا راااه مخلات فيه غير لي نسات هاد ليهودية
رقية : صافي خليها عليك تحركي خلينا نمشيو من هناااا ياربي تخرج هاد نهار على خير
🍂🍂🍂
حفيضة تتبكي وهي تتشوف بنتها مزال مغيبة فوق حجرها وتتنزف
حفيضة : وااااااا زربي رااااه بنتي تتموت امريم عطقي بنتي الله يخود فيه الحق دااااك شيطان هو سباب فكلشي خرج على عرسك وخرج على بنتي حتا هي شتي اش تيوقع لواحد لي مزوج بشمكار أو بمجريم هكاااا تيوقع فيه اهئ هئ هئ بنتي مسكينة ....
مريم تتشوف فيها من المراية وزااادت فسرعة كثر وكثر....
🍂🍂🍂
جاسم وقف قدام سبيطار جرو وغادي دخل بيه ويديه تتنزف بدااا تيغوت حتااا جااات واحد الفرملية غير شافت يديه دغية دخلاتو وحطاتو فوق واااحد الباياص وشدات ليه يديه تتنقي ليه زاااج جبدات شوكة البنج وبدات فخدمتها وبهاء الدين عقلو مرفوع وصدرو تيطلع وتينزل وعرقاااان جاسم تيشوف فيه وتيحك فلحيتو بعصبية
من بعد دقائق قليلة وقفااات طوموبيل ديال مريم قدها قد لومبيلونص وجاو جوج نقالات وحدة تهزات فيها ناردين مغيبة ولخرى فيها ياسين غااارق فدموو مريم وحفيضة غادين بجرااا تابعين ناردين ...
بهاء الدين كااان يلاه خااارج من المصعد ويديه ملفوفة بالفاصمة حتا تيشوف ناردين غادين بها بجراااا بقااااا واقف مصدوم
حفيضة بصوت باكي : بنتي بقاااااي قوية اهئ هئ ان شاء الله غدي تنقزيها ....
قربوها للبلوك وشاافت فيهم اخر شووفة بحال الا كانت كتودعهم ....
بهاء الدين يلاه بغااااا يتبعها حتاااا جاااا ادهم تيجري كاااان صااااعر بلا كلمة بلا جوووج عطاااه كروشي البهاء الدين بقااا واقف فبلاصتو متحركش ومخلي ادهم يضرب فيه كيف بغاااا بلاما يدافع على راسو جاسم دغية دخل وبدااا تيدفع ف ادهم لي كان جاهل و كشاكشو خااارجين وعينيه حمرين وصدرو تيطلع وتيهبط ...
جاسم : صااااااافي بركة ا اااادهم واش متتشوفش فحالتو كيف دايرة بلاما تكمل عليه
ادهم : شفتيييه غير هو ونااااااا متتشوفش فحالتي كيف دايرة بهاد الأنانية والعدوانية ديالو دمر فرحتنا ونكدها علينا مرتوو أو مسلماتش من شرو
دفعوو ومشااااا تيجري العند ناردين
شد رااسو كيتنهد تنهيدة ورااا لوخرااا حااس بروحو غتخرج منين شااافها دخلات الغرفة العمليات والعائلة كاملة وقفة تتسناااااا
---دااز الوقت...
كااالسيين على اعصاابهم كل وااحد شااد كرسيي وعينيهم فالارض كيحااولو يستوعبوو هدشي لي وقع.. بهاء كان غاادي جااااي فدااك الكولواار غيتسطااا كل شوية كيدوز يديه على وجهو كيحااول يبقاا مهدن وميتعصبش... مامتقيش بليي مراتو وحب حيااتو الدااخل بين الحيااة والموت كتصاارع بااش تبقاا عايشة... ولي زااد عصبيتو هو التعطيلة لي معطلين ولي خررج مكيعطيه عليها تا شي خباارر حتااا بداا قلبوو فالخفقااان بوتيرة اسررع... فهاد اللحظة جااوه افكاار ووسااوس اولهم انهااا تكون طرات ليهاا شي حااجة لها ولا لولادو وهدا علاش مبغااوش يقولو ليهم والو....
الطبيبة:(تنهدات) هي حاليا راااااه بخير العملية مكانتش ساهلة بمرة و بفضل الله نجات منها
بهاء الدين :(تنهد بارتياح ودوز يدو على وجهو)الحمد لله.......
بغا اسولها على ولادو ومقدرش حتا نقزات رقية سولاتها وبقا مركز مع شفايفها اش غدي تگول .....
الطبيبة : للأسف ناردين وقع لها إنهيار عصبي حاااااد وهو لي ادى ان الرحم ديالها يوقعو فيه تقلصات خطيرة لي اثرات على الجنين وقع لها نزيف حاااد مكان عندنا حتا حل من غير نديرو لها كورطاج ...
*شافت فبهاء شوفة قاصحة* دبا خصكم توفرولها الراحة التااااامة ومن الأحسن تبعد على أي حاجة غدي تخليها تعصب ...
بهاء الدين عاقد حجبانو كيتنهد قلب وجهو للجنب ورجع شعرو لور كيسوط.....
الطبيبة : ناردين غدي تبقى تحت العناية ديالنا حتا نطمنو عليهم ونتأكدو بأن حالتها استقرت وديك الساع تقدر تخرج
بهاء الدين تيشوف فالارض..و كيلوم راسو هدشي لي واقع ناردين بسبابو هو لي قتل ولادو بيدو بهاااء رجع كيف شي حمق ضرب واااحد الكرسي بجهد حتاااا قفزو كلشي تخلع وتيشوف فيه جاسم عنقو أو تيحاول إصبرو تحل الباب وخرجو ناردين دافعينها ناعسة وجهها شاحب.
دفع جاااسم وقف متبعها بعينيه وهما دافعينها ببطء قدامو كيتحسر على حالتها..
كانت مغيبة فبيااااص مغطيين نصهااا بغطااء بيض والصيروم حتاا هو معلق ليهاا وشااداه واحد الممرضة و متااجهين بييهااا للغرفتهااا... ووقفهم بهاء الدين بصوتوو الخشن..
بهاء الدين : بلااتيي...
وقفو كيفمااا قال ليهم كيشوفوو فيه باسغترااب.... قرب منهاااا ودوز يديه على وجههاا بحناااان ودمعة نقزات من عينيه قرب من جبينهااا وطبع فيه بوسة حنينة... بعد شوية ونطق بهمس
حفيضة *بالغوات* بعد منها الحمق متبقاااش تقرب البنتي مرة خرى يلاه سيرو ديوهاااا
دغية مشاااو بها وبقااا بهاء وااقف تيشوف فيها حتا غبرات ....
🍂🍂🍂
مريم غير خرجات من العملية مشااات ديريكت عند عائلة ديالها لقاااتهم واقفين قدام الغرفة العمليات ياسين لي لي كانت العملية ديالو صعيبة ....ومزال لدبااا مخرج الطبيب
سعاد *ام ياسين * اهئ هئ مريم بنتي اهئ هئ عفاااااك لما دخلي شوفيه وطمنينا عليه
مريم *شداتها* خالتي بقاي قوية ياسين غدي ينقزها انا متأكدة هو قوي *عنقاتها*
سعاد : اااااه ولدي اااااه اهئ هئ الله يخد الحق فلي كاااان حيلة وسباب بغاااا يرزيني فالعوينة وحدة لي عندي
فاطمة: دخلي ابنتي شوفي اااش واقع الداخل راااه قلبنا محروق منين دخلوه مبقاااو خرجوه شوفي غير الحالة ديال مرتو مسكينة ومو شوفي من حالنا دخلي الله يرضي عليك
مريم : ماااا يمكنش اماما ندخول غير صبرو طبيب رااااه خداااام *شافت فساعة* رااااه قريب يخرج غير زيدو صبرو شي 5 دقائق
سعاد : اويلي على 5 دقائق راااه مبقا فيا لي يصبر حتا تانية مزال الله ياربي الله تشووييييت ياااربي تشوييييييييت
بعد دقائق قليلة تحل الباب وخرج الطبيب
سعاد بلهفة وخوف كيف بقا ولدي ..
مريم : ياك هو مزيان دابا تكلم ادكتور
طبيب: الحقيقة حالته شوية حرجة بسباب ضربة لي جاتو فراس وسبات فأنو يفقد بزاف ديال دم
مريم بعصبية: من هادشي كلو هو دابا واش مزيان
طبيبة: خاصو حتى إفيق باش نعرفو
سعاد : يعني ولدي مماتش مزال عايش ياااك
طبيب: لا لا قدرنا نعتقوه بدم لي تبرع بيه المتبرعين *ادهم و يوسف*
فاطمة : صافي اختي سعاد خليه حتى إسمحوليك بدخول اهم حاجة هو مزال عايش
مرتو حتا هي مدابزة بغااات تدخول تشوفو ومريم تتهضر وتشرح ليا بالي الحالة ديالو مستقرة ومزال عايش ولكن ممنوع تشوفو دبا بقاا تتبكي دارت عند طبيب وشداتو من الكول ديال طبلية
✓ انا داااابا غندخل نشوفو كتفهم
طبيب : بصوت رجولي قوي)خليها دخل مرتو مع مو فقط ولكن متعطلوش الداخل 5دقايق وخرجو حيت خاصو يرتاح
كان باقي ماكمل هضرتو دخلت مرتو مع مو من نفس الباب لي خرج منو طبيب مشات معهم واحد الفرملية حتى لبسو لباس خاص كان كلو بلون خضر غطاو شعرهم وصباطهم ودارو الكمامة على وجهم عاد فتحات لهم باب غرفة الإنعاش مرتو بلعات ريقها ودخلت لدايك الغرفة البيضة لي كان فيها صمت موخيف كاسرو صوت ألة تخليل القلب دخلت وقلبها كيرجفو وعينيها كيشوفو فاكتر شخص بغاتو من كل قلبها ناعس فوق سرير المرضة حطات إدها على قلبها وهي كتشوف فيه مقدرتش تزيد تقرب ليه كتر كانو عينيها كيتفحصوه من بعيد ومو قريبة منو وحاطة راسها على يديه وتتبكي ...
الحاج الشافعي : بهااااااااااء بهااااااااء رااااه تنهضر معااااك وققققققف وقف رااااااه گلت ليك وقففففففففف
بهاااء الدين دااار وجااااي الجيهتو معصب
بهاء الدين: صاااااافي الحاج صافي مرضتيني بهاااااد الهضر طريق كاااملة ونت تتعاود نفس الأوسطوانة صااافي فهمت دباااا خليني عليك
الحاج الشافعي *جرو* كون كاااانت تتفهم بحال بنادم مكنتيش غدي دير ديك الفضيحة وتخرب فرحة تنااااااس وتسبب فقتل ولادك حتااا همااا واش انت حمق ولا مالك شوهتينا ونزلتي راااسنا وسط الناس كلشي تيهضر عليك وعلى الفضيحة لي درتي سير الله يخود فيك الحق حسبي الله ونعمة الوكيل فيك والله ما تستهل ديك هذا المرااا مسكينة انت وحش انت بلاصتك فسبيطار الحماق ولا شي غابة منفية اماااا تكون عااايش وسط البشاااار بزاااف عليك عمرني مغدي نسمح ليك على هدشي لي درتي فهاد الناس سير اناااا غاااضب عليك الى يوم الدين يااااا عدو الله سير الله يخووووود فيك الحق الكلب هدو ماااشي خصااايل رجااال هدو فعايل الكلاب وشمايت
بهااااء خلا باااااه تيهضر وطلع نيشان البيتو لاح ديك دجاكيطة فوق سرير وتلاح على ضهرو مدور يديه ورا رااسو وكيشوف فسقف كاتبان ليه غير هي فين ما حط راسو......بقااات غير هضرتهم لي تدور فرااااسو هو فعلا محدو قريب منها معمرها مغدي تكون مرتاحة غمض عينو بجهد و كلامها مزال كيدور ليه فراسو ..*اااااه مزال تنبغي ياسين ونت انسان مريض خصك تمشي تعاااالج ابهاااااء *
غمض عينو بجهد وهبط رااسو لأرض ..مبقاتش عندو قوة باش يزيد صدمة أخرى فوق هاد صدمات لي تعرض ليهم وقف ف لبالكو و شاد گارو كيكمي فيه و كيسوط في الهواء بالجهد هو ماشي مبلي ولكن من كتوصل فيه العظم كيبردو في الگارو كيدخلو و كيخرجو من نيفو بحال الثور ناردين هي الداء و الدواء في نفس الوقت العافية و الماء الحياة و الموت بالنسبة ليه هي كلشي حبو ليها فات الحدود وصل لدرجة الهوس والامتلاك كيكمي و ساهي وفالداخل ديالو بركااااان شلا مطااارق فراسو تضرب وزوج كلمات لي تيتعاودو فراااسو كثر من مليون مرة قتااااال حمق قتااال حمق تيحس براسو غدي ينفااااجر كل ما تفكر بالي قتل ولادو كيسوط بكثرة الغضب طفاا الگارو برجليه ودخل للحمام طلق عليه لما دافي كيترش عليه وحاط يديه بزوج فوق الباب ديال زاااج وعقلو تيخمم فشي حل لي يرضي الجميع حينت مبقاش قاااااادر يسمع حتا شي عتاااب من عند شواحد تيشوف بالي گاع ناااس لي تيبغيهم اليوم خصرهم واحد واحد أو رجع بوحدو .....
🍂🍂🍂
نوردين : صااافي الحاااج بركة رااااك مريض
الحاج الشافعي *شاد فقلبو* هااااد الولد غدي يخرج علياااا هاااد الولد غدي يقتلني غير بفقصتو مبغاااااش ادير عقلوو اااااااه شوووه بناااااا خلا راااسنا فالأرض كيفاااش غدي نهزو راااسنا وسط نااااس من بعد هاااااد الفضيحة
رقية : صافي الحاج مديرش فبااالك انت ديها غير فصحتك والله يهديه
نوردين : الحاج نعل شيطان فين بغيتيه يمشي فهاد الليل سير الحاج دخول البيت ترتاح ونسى هدشي صاااافي
الحاج الشافعي: اااش غدي نسااا واااش فيه مااا يتنسااا هو. خرج على الناس خاااصرين زباابل ديال الفلوس على بنتهم والخرى مسكينة مرمية فسبيطار بلعصاب لي ركب فيها قتل لها ولادها أو لا خور يعلم الله وااش عاايش ولا ميت وبغيتي نسى مغديش نسى مغدييييش نسااااااا گوليه يخرج يعطيني بتيسااااااع ياااااااا انا يااااا هو فهاااااد دااااااار مبقيتش بغيت نشوف وجهو مزااااااااال
رقية : الحاج الله يهديك فين بغيتيه يمشي هداااك تيبقى ولدك على كل حااال صافي الحاج رااااه غير تتگول هكاااا غير يبرد راااااس وغدي تندم على هدشي لي تتگول
الحاج الشافعي : لااااااااا انا تنهضر معكم بصح گولييييييه يعطيني بشبر تيساااااع نصبر على هباااالو كل مرة تنگول غدي ادير عقلو ساااع عاااد متيخرج بالمعقول لا لا صااااافي خديت قراااااار لا رجعة فيه يمشي الجايحة لي ضربو وتهنينا منو اناااااااا ولدي بهاء الدين لي كاااان تيحشم وتيراعي أو معمرو عگرني ولا طيح بكلمتي بيا شحااال هدا مات هدا لي تتشوفو دباااا واااااحد اخور
شوية سمعو الباب تردخ بجهد كلشي سكت وبدا شي تيشوف فشي مشات هند تتجري الشرجم تشوف شكون لي خرج لقاتوو بهاء الدين لي طلع فطوموبيل ومشااااا زااف
نوردين : مشكلة هدي فين غدي اكون مشااا فهااااد الليل الله يهديك الحاج حتى انت عااارفو كيف داير مكانش عليك تورك عليه
الحاج الشافعي *ناض * الا بقااااا فيك سير تبعو راااا الباب *أشار بيديه* محدني اناااا عااايش وروح تطلع وتنزل فيا معمرني نقبل على ضلم وبهاء الدين ولا ضااالم ...
على كف القدر نمشي لا ندري ما المكتوب ..يوم لك يومٌ عليك ..نرسم أحلاماً وردية معمقة في أنفسنا الطاهرة ونخطو بخطواتنا بحثاً عن السعاده والكمال لنتأكد يوماً بعد يوم أن الطريق لا زال طويلاً مليئاً بالأشواك كما بالورود ، غيمة الكدر لا زالت تحوم حولنا وتمطرنا بمشاكل يوماً عن يوم تزداد عن حدتها لتطلعنا بالغائب المستحيل ..
في فصول حياتي الصعبة جسدت روح المعاناة الحقيقية بما فيها من ألم الروح الجسد والنفس ..
فرح ، حزن ، إنكسار ، إكتئاب ..كل يوم عشت فيه الحدث بكل تفاصيله ..تراكمت لدي المفاهيم المتعددة للوجود وجودي أنا ... احترت عن مدى بعد شخصيتي ومواكبتي لخبايا القدر ،لم أعد أفهم لا نفسي ، لا غيري ولا ما يحيط بي .. أصبحت أرى كل شيء كأنه كابوس لا منتهي ، حلم يصعب تحقيقه يوماً ما.. أن أعيش هنيئة الجسد أو البال مرتاحة من الماضي ..عائشة للحاضر ومتأملةً للمستقبل .. هذا ما فقدت الثقة أن أعيش عليه ..ناردين بدات تتحل عينيها المليئتين بالتعب على إضاءةٍ مشعة ، كنحس بعياء رهيب يسري فجميعة أنحاء جسدها كولشي كايضرها ..كتأمل فموضع لي كاينة فيه حتا تتسمع صوت الألات فوق راسها والخيوط معلقين فجنابها وريحة الدوا مجهدة فنيفها بدات تتحرك حتا تتسمع صوت مغريبش عليها
حفيضة *دخلة مع الباب* ناردين بنتي فقتي الحمد لله على سلامتك ابنتي متحركيش بقاي بلاصتك
ناردين *بصوت مخنوق* ماما اااش واااااقع علاش اناااا هنا *شوية تفكرات * ولادي اماما عفاااااااك وااااش وقعااات لهم شحاجة
حفيضة شااادة فيها باش ما تنوضش وتتبكي
حفيضة : بنتي تهدني الله يرضي عليه اهم حاجة هي انت رااااك بخير. دبا وغدي تنوضي لبنيتك شامة أما دكشي لي فكرشك ربي دار لهم تاويل ديال الخير وطاحوو...
مريم : غدي نحاول نسااا هاد الليلة المشؤومة لي دوزنا وخا صعيب بزاف بنادم ينساها هديك يا حصرة ليلة العمر تتبقا متورخة
ادهم : معمرني تصورت بهاء الدين يدير شحاجة بحال هكا فعلا داك الإنسان مريض خصو سبيطار الحماق
عبير : كلنا مزال مصدومين من هدشي لي وقع يلاه سيرو بلاما تعطلو
مريم : عبير ناردين امانة عندك ردي لها البال وعفاك متخليش داك الحمق اقرب لها ولا اشوفها
عبير: صافي غير سيري وكوني هانيا ...
بهاااااء الدين غادي بسرعة خيااالية مااا وقف حتال قدااااام المستشفى الأمراض العقلية غمض عينيه وزفر بنفس سخونة كااان باااين عليه الخووووف ولكن هدااا هو الحل الأخير لي بقااا عندو من بعد ما كلشي تيشوفو بنضرة إنسانة بلا عقل و رجع تيشكل خطااار عليهم نزل من طوموبيل وغاااادي بخطواااات تااابتة وعينيه غير على داااااك الباب العااالي لي من الحديد بقاااا تيدق فاالباب وهو مزال متردد وااااش يدخول ولا يرجع يلاه بغااا يرجع حتاااا تحل الباب ...
بهاء الدين غادي فكولوار طويل بيبان كثيرة أو مسدودين بالقفولا كاان الجو تيخلع شوية تيسمع صدااااع خارج من واااحد البيت وااااحد مدابز مع واحد الفرملية مبغااااش اخليها تضرب ليه الإبرة هي تبعاااه تتجري وهو هاااارب وجاااا تخبا من مورا بهاااء الدين
✓ عفااااااك عفاااااك خبيني خبيني *تيدور به*
نوال *بعصبية * رااااني تنهضر معااااك اجاااا قدامي گالت ليك اجااااا *جراتوو بز منو ودخلاتو وسدات الباب وبدااا تيغوت وبهاااء الدين مزال مسمر فبلاصتو غير تيشوف خرجات طبيبة نوال تتسب وتتخاصم من بعد ما سكتات ليه الحس بديك الإبرة
نوال *هزات راسها شافت فيه* شكون انت
بهاء الدين *هضر من بعد تردد* جيت باش نتعالج..... *نوال طلعاتو وهبطاتو *
نوال : وخاااا اجاااا تبعني
هي غادية وبهاء الدين غادي موراها وعينيه تيدورو فكل قنت من دااااك السبيطار وكل شوية تيسمع غوتة مجهدة فشي بيت من دوك البيوت ....نوال جلسات فوق الكرسي وشاارت ليه بيديها باااش يگعد قدامها كان بهاء باين عليه توتر هي تتشوف فيه أو تتمعن فيه فأي حركة داااارها بحال الا كانت تتعبر ليه طانسيو ديال عقلو من بعد ما تفحص بعينيه داك المكتب لي كان تيخلع لون الجدران ديالو بلون صفر فاااقع والأزرق وفيه تصاااور ديال مجانين شي تيغوت شي تيلعب شي معلق فالحيط شي مخرج لسانو شي تيبكي شي تيضحك شاف فيها لقاااها تتشوف فيه وتضحك
نوال : هههه متخافش من بعد ما تبع معايا غدي توالي مزيان وغدي ترتاح
تتشوف فصباع يديه تيتحركو لحضات الخوف ديالو ناضت وجات قدامو وشدات فيديه ولكن بعد يديه وقف بقااااا غادي جاااااي
بهاء الدين : شحاااال غدي اخصني بااااش نتعااالج ونرجع انسان عادي
نوال *رجعات راسها لور* مغديش يمكن ليا نحدد ليك شحال ديال الوقت غدي ياااخود معااك العلاج ولكن أنا متأكدة مغديش اكون بزاااف ....
رجعات بلاصتها وجبدات واااحد الملف باش تعمر الإستمارة ومتنساش تعطيني رقم ديال شواحد فالأسرة باش نتصل بيه باش اعرفو بالي راااك هنا وتتعالج باش يبقاو متبعين معاااك وفنفس الوقت يدفعو تكاليف ديال المستشفى حينت من هنا القدام رااااسك مغديش تبقا عقل عليه حينت دوااا مجهد
بهاء الدين جبد الفلوس حطهم لها فوق البيرو
بهاء الدين : بداااااي العلاج هاهما الفلوس أما على العائلة معنديش انا غير بوحدي
طبيبة تعجبات بدات تتعمر الإستمارة ومشااات معااه لواااحد البيت متوسطو سرير وفيه شرجم صغير تيطل على الحديقة عطاتو بيجامة يلبسها ويحيد دوك الحوايج كانت بيجامة فلون الأزرق وفيها خطوط فالأبيض وقبعة فراسو ...
نوال : بصحة وراحة مزيان برااافو عليك غدي تحس بصدااااع فراااسك ولكن غير شوية غدي يمشي غير صبر أنا بغيت نمشي دقة دقة مع الحالة ديالك مبغيتش نعطيك شي دوااا مجهد شربتي غير واحد خفيف حينت انت مزال غير فبداية العلاج ولكن مرة على مرة غدي يبدااا دواااا تيتجهد المهم متخافش غدي توالي بخير راااك تتشوف كاينين عندنا حالات كثر منك ولكن دباااا رااااهم عايشين بيخير مت العائلة ديالهم
تبسمات ليه شااف فيها شوفة حاااارة وتجبد فناموسية وخلاها واااقفة على راااسو هزااات صينية فيها الكاس و أي حاجة يقدر هو يأدي بها رااااسو وخرجات وهي تضحك غير خرجات حطات صنية فالأرض وسدااااات عليه بساااااروت وقفل كبير بهااااء الدين كااان ساااكت حس غير بشوية ديال صداااع شااد فراسو بيديه بزوووووج وتيحاول يستحمل الألم كيف گالت ليه هي ولكن دااااك لوجع غير مغدي وتيتزااااد الدرجة مبقاااش قاااادر يستحمل ناااض وشاااد فراسو جهل ولا تيضرب فراااسو مع الحيط غير باااش يحبس داك صداع والو عاااد ماااا تيزييييييد بداااا تيغوات على حر جهدو ولي جااات قدامو تيزف بها مشاااا الشرجم بغااااا يلوح راسو حلو لقااا شبييييك ديال الحديد بداااا تيردخ ويغواااات وتيضرب فالباب ونوال تتسمع فيه ومخلياااااااه عااااارفة غدي يوقع معااااه هكاااااك بقااااا بهاااااء تيصااااادع ويغووووت حتااااا غيب وطااااح على وقفتو .....
*مكان آخر*
نجلاء طلعات تتجري حينت سمعات شامة تتبكي غادية فدروج وتتبرد لها رضاعة دخلات العندها هزاتها وبدات تترضع فيها وشاامة تتنخصص وتخاااصم بالكشيفة باش شدات رضاعة وبدات تتصم نجلاء رمات عينيها على ناموسية فين كانت حتا تتشوف شي براااا محطوطة تماااا تجبدات حتا هزاتهم لقاتهم 3 ماشي غير وحدة غير كملات لها رضاعة حطاتها فوق ناموسية وبدات تتقلب فيهم لقات وحدة مكتوب عليها اسم هند وحدة ناردين وحدة جااسم بدااات تتعيط على هند طلعات تتجري
هند : اش كاين امرات خويا
نجلاء : اجي تشوفي هاد لبرااا خلاها ليك بهاء الدين
نتراتها هند. دغية من يديها وحلاتها لقااتها فيها الفلوس ديال العرس ورقة صغيرة كتب لها فيه....... هند هدو فلوس ديال عرسك كيف وعدتك وبلاما تسنايني حينت مغديش نجي ليه ...
نجلاء : الله يحفض غدي اكون غير بغا يبقا بوحدو شوية هدشي لي داز عليهم ماشي ساهل بهاء الدين خصو يبعد باش يراجع راسو هدشي لي تيدير فيه ماشي معقول هو بلاما يشعر ولا تيأدي ناااس لي قراااب منو بلاما يشعر
هند : نتمنى خويا ماااا يوقع ليه والو اووف بقاو جوج بريات وحدة ناردين وحدة لجاسم
نجلاء : هدو غدي يبقاو معايا حتا نمشي صباح عند ناردين ونعطيها لها وحتا نعطي هدي جاااسم ...
هند : وخا امرات خويا ..
نجلاء : يلاه سيري تنعسي وبلاما تفكري فوالو بهاء الدين ماشي جبان غدي يمشي ينتاحر أنا متأكدة غدي اكون غير بعد باش افكر ومن هنا لعرسك غدي اكون تهدن وغدي اجي يحضر هو مستحيل إخليك فهاد نهار بوحدك
هند فرحات وعنقاتها بجهد وتتبكي على كثافها.؟...
دازت يومين وناردين فلكلينيك كلشي جااا العندها وعمر عليها إلا بهاء الدين من ديك الليلة مبقات شافتو وهدشي زااااد أزمها وخلاها تزيد تكرهو كيفاش مقدرش اكلف راسو حتا إجي اطل عليها زعمة ولادو هدوك لي ماتو زادت كرهاتو كثر حطات يديها على كرشها وتبسمات
ناردين : الحمد لله انتما مزال عايشين انتما هما قوتي حناااا لنا غير بعضياتنا انا غدي ندير المستحيل باش نخليكم تكونو فرحانين مغديش نتخلا عليكم ولا نخليه يقرب لكم داااااك الوحش غدي ندمو على هدشي كاااامل لي داااار غير بلاتي
غير دخلات نجلاء ورقية والحاج دغية حيدات يديها من على كرشها
الحاج الشافعي: بنتي كيف صبحتي دبا
ناردين : الحمد لله اعمي شوية
رقية : طبيب گال لنا بالي غدي تخرج اليوم
حفيضة : الحمد لله غير منين غدي نخرجو من هنا هاد سبيطار تيمرضني الله رجعو الدار بعد.
ناردين : مغدي رجعو حتال شي دار اماما
الحاج الشافعي ؛ علاش ابنتي وفين بغيتي تمشي الا ممشيتيش دار
ناردين ؛ غدي نبقا عند خالتي فاطمة *ام مريم* غير هاد الفترة حتا نبرا وغدي نخرج نخدم ونهز راسي ولادي
الحاج الشافعي: وعلاش ابنتي حنا اش درنا ليك علاش بغيتي تبعدي عليا حفيدتي سمع ابنتي أنا عارفة هدشي لي دار بهاء الدين ماااا تيدارش ولكن تنواعدك معمرو مغدي احط رجليه مزال فدار صافي واصلا راااه يومين هدي باش غاااابر أو مشفتش وجهو مزال سولي غير رقية تعاود ليك اش درت ليه دكشي لي ما يتقيسش داك الولد مرضني ومرمدني خلا ليا وجهي فالأرض ولكن صافي مبقيتش مزال غدي نسكوت ليه يعطيني تيساع ناردين عفاك ابنتي بقاي معنا وخلي شمل يبقا ملموم هديك دار راااه دارك ودار بنتك معندك فين تمشي
حفيضة : الله يخلف عليك الحاج هدا هو مضنون فيك ناردين إوا الحاج براسو تيطلب فيك اوا متخصريش ليه خاطرو عفا بنتي هو عندو صح ديك دار دارك ماشي دار داك الوحش خليه هو نيت لي يخرج ماشي انت
الحاج الشافعي: ناردين كلمة وحدة غدي نگولها ومغديش نكررها غدي ترجعي لدارك ويلا هضرتي مكانت ساوية عندك والو ديري لي گال ليك راسك وسيري الله اعرضك سلامة ولكن نساي واش عندك شي عمك مزال صافي غدي نحطك سطل بلا تقرقيب بحال بهاء الدين....*
خرج وخلاها محتارة وتالفة ...
نجلاء : صافي بلاما تخصري ليه خاطرو اناردين بركة غير بهاء الدين اه نسيت خلا ليك هادي قبل ما يمشي
ناردين حلاتها دغية *ناردين سمح ليا وخااا هاد الكلمة مغدي تبدل والو انا معمرني مغدي نسامح راسي عليها قررت اني نبعد باش هكاااا تبقاي مرتاحة انت وشامة انتما هماا اغلى حاجة عندي فهاد دنيا منين غدي تكوني تتقراي فهاد الورقة غدي نكون انا وصلت البلاصة لي نستهل تنبغيك اناردين
ناردين غوتات وزفااات بالوقة
ناردين : جبااااااااان سير الله يخود فيك الحق هدشي لي تتعرف تگول غير سمح ليا اناردين سمح ليا معمرني نسمح ليك ابهاء الكلب خرجتي عليااااا
نجلاء : صافي اختي تهدني كلشي تيفوت
ناردين : كيفاش نتهدن وهو مشااااا خلا كلشي ومشاااا مخلي ليا ورقة تيطلب نسامحو خلاني مرمية هنا بحال شي خردة بالية مكلفش رااسو اجي اشوفني اهئ هئ هئ ونا لي كيف الحمقة غير تنسمع حس الباب تنوض تيحساب ليا هو لي جااااا عندي اشوفني انااااا حمارة هدشي. كااااامل لي دار فيا مزال تنفكر فيه اهى اهئ اهئ عييييييت انجلاء عيييت هو ميستهلش هدشي كااااامل لي درت على قبلوووو
نجلاء : صاااافي راااك مزال مريضة تكايسي على راسك اناردين شامة راااااه محتاجة ليك مسح دموعك وخليك قوية صافي
ناردين *مسحات دموعها* على قبل ولادي غدي نبقا قوية انجلاء غدي تشوفي والله حتا مزال غدي نخليه يندم على هدشي غير بلاتي ...
حفيضة : وااااا بركة من لبكا ونوضي لبسي حوايجك خلينا نخرجو من هنااااا ويلا كانت نيت المرا ومرمورة لباااقيش تنزلي على داك وجه البراد المخردل حتا دمعة
غفران : راجلي لي بغا يهضر معاه على قبل شي فلوس سلفهم ليه حينت كان خاصو عملية وبهاء الدين هو لي تكلف ليه بها
جاسم: مزيان بهاء الدين معندي عليه حتا خبااار هدي يومين غاااابر
غفران : مالو اش كاين اجاسم خلعتيني
جاسم ؛ مشاكيل عائلية وصافي المهم قلبي الموضوع اصلا انا مبرزط الخدمة كلها نازلا على راسي مرة وحدة خليني نركز فيها
غفران تتقلب بعينيها على ادهم ..
غفران : فينو ادهم مشيت هو لول المكتب ديالو گالو ليا مكاينش علاش واش مبقيتوش مع بعضياتكم ولا اشنو...
جاسم : ادهم تيدوز شهر العسل ههه مع راسو ومخلي عليا كلشي
غفران : واش تتهضر بصح ادهم تزوج يااااي فرحت ليه الله اكمل عليه بالخير جاسم انا بغيت نطلبك واحد طليبة منين مكاينش بهاء الدين لي غدي اعاوني عاوني انت عفاك
جاسم: فااااش اغفران فاااااش متجبديش ليا حس الفلوس الله يرحم ليك الوالدين حينت سنتيم مغدي تشوفيه من عندي
غفران *نزلات راسها* غير كون هاني ماشي الفلوس لي جابوني انا جيت باش نخدم انا وراجلي فاش ما كان غير نتحركو انا مبغيتش نرجع الحرام ولا بغيت سفيان حتا هو يرجع يبيع الحشيش انا بغيت ندخلو فشي خدمة نقية عفاك عاوني وشوف فين دخلو الله اجعلو اكون غير گرديان عندكم فشركة ونا وخا نكون ميناج معنديش مشكل انا وقفة على الفلوس مزيرة أو حتا عندي مشاكيل مع العائلة راجلي ديما مدابزة مع مو وختو ...متيحملونيش
جاسم *رجع بلاصتو* اوكي اوكي *هز يدو* بهاء الدين مشااا وخلاني نتكلف ليه بالمشروع لي يلاه تيتبنا ونت عارفة خاص لي يوقف ليه فيه أو يبقا مقابل المعلمين وسلعة ديال لبني انا ما حيلتي الشركة أو ما حيلتي المشروع جبت عساس ولكن لا علاقة سكايري تيشبع ليا غير نعاااااس تما جريت عليه هاد صباح الا تتشوفي راااجلك غدي اكون قد المسؤولية وخااا انا غدي نعطيكم سوارت ديال دار وخليه يوقف على البناية أو أي حاجة وقعات تما إگولها ليا اكون هو عيني والخلصة ديالو غدي توصلو كل شهر عاد سكنة راااه فابور ويلا عجبني فخدمتو راااه بحال والو تبقاو عايشين فديك دار ديما ومنين طلع شركة بهاء الدين رااه مغديش افرط فيكم ونت عرفاه تيبغي غير المعقول
غفران طارت عليه بتعنيقة وتتبكي
جاسم : صافي الكريتة بعدي لهيه انت مزوجة وما مزوج تخيلي يدخول رجلك ولا مرتي انا فاش غدي نصدقو ...
غفران : ههههه شكرا بزاف بزاااف اجاسم الله يرحم الوالدين وكون هاني حنا غدي نكونو قد المسؤولية......
جاسم : ان شاء الله هاكي سوارت ديال الدار وهدي لاڤيزيت ديالي خلي رجلك يتصل بيا باش تطلع ليا نمرتو
غفران شداتهم ومشات تتجري تبشر سفيان لي كان تيتسنااا فيها التحت ....
*في المنزل الشافعي*
وقفات طوموبيل قدام الدار جات نجلاء من جهة وحفيضة من جهة وشدو فناردي حتا طلعات مع دروج
ناردين ؛ الله اسلمك اخالتي لا بلاش غير خليوني نطلع بوحدي
الحاج الشافعي : بنتي فرحتيني منين جيتي *باس راسها* هكااا زدتي كبرتي فعيني اناردين الله يرضي عليك
حفيضة : الحاج انت على راسنا وعينينا وكلمتك هي لولا لهلا اخطيك علينا وخلاص
الحاج الشافعي : الله يستر العيب الآلة حفيضة دي بنتك ترتاح ...
حفيضة : واااخ الحاج يلاه ابنتي زيدي معايا . .
دخلات ناردين البيتها وتتدور بعينيها وريحة بهاء الدين جات ديريكت فنيفها حطات راسها على لمخذة كتشوف فالسقف ويديها على كرشها كتبكي بحرقة..حساتو بعيد عليها بزاف غير فظرف يوماين..توحشاتو ولي زاد معدبها هو الهاد.درجة ما كيتيقش فيها ما قادراش تستحمل شكو فحبها ليه..صبرات على كلشي فيه حيت كتبغيه وبغاتو كيما هو ولكن أنه اكون تيشك فحبها هادي ما تقبلاتهاش تقبل انه مغيار ولكن اكون مشكاك..لا حينت ثقة هي كلشي
نحن نبتسم رغم المحن، تمر الأيام والشهور والسنين بخطى سريعة، ومع دوران عقارب الساعة تطوى صفحة من صفحات أيامنا لتترك لنا القليل من الذكريات والكثير من الألم،..
يذهب أناس ويأتي آخرون، تختفي وجوه وتظهر أخرى، تتلاشى الأقنعة وتبزغ أنوار آخرين في سماء حياتنا، نحن هنا نخلق لأنفسنا مساحة للعيش فقط،..
اليوم الموعود يوم زفاف هند و يوسف اليوم لي ماكرهاتوش هند يزيد يبعد أكثر حينت مزال تتسنا فخوها اجي ويكون معها فهاد نهااار بهاء الدين دازت 4 شهور ومكااااين عليه حتا شي خبار مخلاو سبيطارات مخلاو كوميساريات ...
كان كلشي مشغول شي طالع شي نازل عرضو على العائلة و الأصدقاء المقربيين
فاقت ناردين تتكسل من بعد ما فيقاتها واحد زدحة قوية فكرشها ناضت شادة فكرشها ومقسومة على جوك وكضحك ديما هدا هو حالها مع وليداتها ناردين دخلات فشهرها 5 أما الآلة شامة كملات 8 شهور بحالها بحال حمل عبير لي حتا هي 8 شهور قريبة دخول فشهرها تاسع أما مريم حاملة فشهرها تاني ...
ناردين ناضت من فراشها عينيها شبه مسدودين كاتشوف غير من بين رموشها شافت حداها لقات شامة ناعسة عاطياها بالضهر ناعسة على كرشها تحنات وشبعات فيها بوسان غير حسات بها غدي تبدا تفيق بعدات وناضت حلات ريدو و دخلات اشعة الشميسة الساطعة و الضبابة قليلة و لجو شبه بارد، دخلات لدوش قضات حاجتها و غسلات وجهها و حكات سنانها و خرجات صلاة صلاتها خرجات العندهم وهي هازة شامة فيديها عطاتها حفيضة ومشااات مع البنات الصالون
وصلو للصالون تتشوف فهند مقلقةة ماكرهاتش يكون خوها حاضر فعرسها ناردين عنقاتها وتتحاول تصبر فيها وتخليها تنسااا وتركز فعرسها هاد نهار نهارها خصها تكون فرحانة ...باست جبهتها وقفات طوموبيل قدام صالون دخلو لصالون و رحبو بيهوم مزيان حيتاش عارفين القاضية فيها الفلوس، جلسو لبنات كل وحدة فكرسي و ضارو بيهوم البنات باش يصايبو ليهوم حالتهوم، مابقاو كايستقبلو حد حيتاش حجزو النهار كامل و غادي يتخلصو خلصة صحيحة، دارو ليهوم ماسكات للوجه و حيدو ليهوم الزغب و قادوهوم رجعوهوم كايشعلو كيف البلارات، داكشي لي كايديرو لهند كايديروه حتا ناردين وعبير ومريم ونجلاء أو شي بنات صحبات هند أو شي بنات من العائلة
خدمو لها على شعرها دارت ليها مشيطة زوينة جمعات الشعر كولو على شكل وريدة و خلات بعض الخصلات شعر هابطين فجناب بينات ليها وجهها و دارت ليها مكياج لي غادي يتناسب مع لبيسات لي غادي تلبس فالحفل ضربات هند صباغة حمرة لليدين و الرجلين و زادو قادو ليها الضفران، ضارو بيها من كل جهة و ولات زوينة
شافو لبنات الساعة لقاوها الخمسة ديال العشية و خرجو من الصالون و ركبو فالوطو طريق كاملة وهما تيهضرو وتيضحكو معرفوش الطريق كيفاش دارو لها وصلات ونزلات كاتسمع الزغاريت و الصوت غادي و كايقرب حتا دخلات لقاتهوم مقاديين كولشي الطوابل محطوطين و الناس بداو كايجيو و منصة مصايبة على حساب الفنان لي غادي يجي يغني ليها فعرسها و لبرزة مقادة و كولشي باللون الأبيض ودهبي الشيء لي عطا واحد الجمالية للمكان.
طلعوها لبيتها و موراها كاتتردد الصلاة و السلام و دخلات جلسات و جابو ليها ماتاكل داكشي خفيف ضريف غير باش تعمي الجوع كانت مخلوعة تتأكول غير بزز
ناردين وعبير ومريم ونجلاء مشاو تيزربو البيت حينت جاااو القفااطن وكل وحدة بغااات تزرب باش تختار احسن قفطان تماااا...
لقاااو حفيضة ورقية سااابقيهم تيشوفو
حفيضة: ناردين جري جري شوفي هاد القفطان غدي اجيك واااااعر دغية خطفتو قبل ما يخدوه ليك لبنات ههههه
ناردين : هههه ماما منيتك غادي اجيني مزير مع كرشي وعااااد فيه فتحة فجناااب شوفي حتالين طالعة
*حطاتو عليها وتتشوف فالمرايا* لا لا مستحيل الا شافو بهاااء غدي تاااني
مشات ناردين تتجري البيتها سدات عليها الباب وطاحت فوق ناموسية وتتبكي على حر جهدها گاع المكياج لي دااااارت فوجها تجخلط لها وگاع دكشي لي كان فخطرها وكااانت زمتااااه فقلبها شحال هدا خرجاتو
رقية : مسكينة هاد ناردين غير تتگول نساتو
عبير : اوا رآه تيبقا رجلها وماشي ساهلة ربع شهور متشوفوش وخا گاع تبغي تنسااااه صورة ديالو غدي تبقا تشوفها ديما فولادو أو فعائلتو ماشي ساهلة ياربي ادير لها شي تاويل ديال الخير مااا خلاها تهنا لا هو معها ولا هو بعيد عليها
رقية : كون تشوفي الحاج والله مبقا تيشوف نعااااس تينوض فوسط الليل وتيبقا معلق عينيه فالبالكون لا إجي بهاء الدين ندم على داك نهار لي خصم عليه فيه ولا تيگول غير إبان ليا كيفما كااان نتقبلو ولا هاااد الغيبة معرفو لا حي ولا ميت الله اكون فعوانهم ماشي ساهلة وهاد العرس راااه غير فوق خاطرهم بغااا إصيفطو هند المحلها يوسف مبقاش فيه ما يصبر مزال سيدة مزوجة ومزال فدار باها شكون هدا لي غدي يتقبلها
مريم : وخا انا حاقدة على وجه البراد خلاتها خالتي حفيضة على دكشي لي دار فنهار عرسي ولكن وخا هكاك بقا فيا حينت تنشوف ناردين هي لي واكلة شحط وخا تتبين لنا بالي قوية ولكن هي غير مكابرة ونا حاسة بها ماشي ساهلة فهاد المرحلة كل وحدة فينا تتبغي اكون رجلها معها اوف نتمنى غير اكون مزال عااايش أو يرجع خلاص العائلتو
*مكان آخر *
كااان بهااء الدين ناعس فوق الباياص أو وجهو عااامر كدمااات أو مربوط بسناسل مبقاااش تيشوف ضووو عااايش غير فضلام من بعد ماا ضربات ليه الإبرة غااادية خارجة لقات ياسين فوجها ...
ياسين: شفتك ضربتي ليه غير إبرة وحدة زيديه تانية يلاه *شد دراعها*
نوال: واش انت حمق بغيتي تقتلو بركة غير جوج كافين باش اخليوه هكااا حمق ياك هدشي لي بغيتي
ياسين : انا تنخلصك باش ديري دكشي لي بغيت
نوال *مزيرة على سنيها* سمع الا وقعات اي حاجة غدي نمشي فيها غير انا عليها بلاما دخل بغيتيه يبقاااا هكااااا مااا هو حي ما هو ميت هاني تندير خدمتي ولكن باش طلب مني اني نزيدي جرعة خرى هكااا راااك تطلب مني نقتلو ونغرق فالحبس
نوال خرجات وتابعها ياسين وهو فرحااان وأخيراً وصل دكشي لي بغااا ولي كان تيتمنى هو يتهنا من بهاء الدين باش تخوا ليه ساحة أو يتقرب من ناردين حتا وااااحد مطااحت ليه الفكرة اكون فسبيطار الحماق من غير ياسين لي قلب عليه ومخلا حتا بلاصة مقلبش عليه فيها حتا لقااااه أو هاهو 4 شهور كااامل وهو تينتاقم منو كيف بغااااا وممخلي حتا واااحد يلقااااه نافيه فديك المستشفى لي اصلا قليل لي تيمشي يتعالج فيها ...
دخلات رقية البيت عند ناردين لقااتها تتبكي قربات لها وحطات يديها على كثفها دغية ناضت ناردين مفزوعة وتتخبي دموعها
رقية : علاش تتخبي عليا دموعك ابنتي
ناردين *وقفات * لا مكنتش تنبكي اخالتي
رقية : بكي ابنتي *شدات وجها بين يديها*
انا مغديش نحبسك ماا تبكيش البكااا معمرو مكان ضعف البكاا راااه راحة
ناردين عنقاتها وبدأت تتبكي فحضنها حتا تفشااات ..
ناردين : سمح ليا اخالتي وسخت ليك قفطانك بدموعي
رقية *تتمسح* ماشي مشكل اهم حاجة عندي هي رااحتك دبا مرتاحة ياك
ناردين *تتنفس * الحمد لله دبا مزيان
رقية : الحمد لله ابنتي غير وقتما حسيتي براسك مزيرة بكي معمرك متخلي الحزن متراكم فالداخل راك غدي تفرگعي وهداااك تيبقااا راااجلك حاجة عادية تبكي عليه ولا توحشيه ماشي عيب
ناردين : وليت خايفة بزاف اخالتي ومبقيتش تنعس ولا عقلي كامل غير معاه انا خايفة تكون وقعات ليه شحاجة هو تعطل بزاااف علينا كانت متوقعة يغبر غير شهر ولا شهراااين گاع أو يرجع هدي 4 شهور ومزال مبااان يكما اكون مات اخالتي ...
رقية : لا متگوليش هكاااا ابنتي الغايب حجتو معاااه دبا يرجع
ناردين : خالتي كان خلا ليا رسالة قبل ما يمشي وكتب ليا فيها بالي غدي اكون فالبلاصة لي هو تيستهل اوا فين غدي اكون فنضرك اوووف هاااد جوج كلمات لي گال وقتما تفكرتهم تنزيد نتخلع اناااا منقدرش نعيش بلا بيه اخالتي اناااااا تنبغيه انا مستحيل نعيش بلا بيه ...
رقية : صافي ابنتي صلي على نبي وسيري غسلي وجهك راااه كامل تجخلط ولبسي حوايجك باش تنزلي انا غدي نمشي عند هند حتا هي نشوف اش دارت بقاي قوية ابنتي وبلاما تخلي شيطان يلعب ليك بعقلك ان شاء الله بهاااء الدين غدي يرجع وغدي ليك خلي ايمانك فالله قوي
ناردين *تنهدات * ونعمة بالله ..
خرجات رقية وخلات ناردين مقابلة مع مراية تتعدل مكياجها من حديد ....
🍂🍂🍂🍂🍂
دخلات رقية على هند كانت النگافة تتلبس لها هزات عينيها هند تتشوف فرقية كانت لابسة تكشيطة فالزرق مغلوق مرصعة من لكمام وجلايل بحزام رقيق فنفس اللون وشال فالبيض وشوي ماكياج فوجها وبلغة فرجليها ..وقفات كتشوف فهند حتى نزلو دموع من عينيها وابتسامة فخر على شفايفها ...قربات ليها عنقاتها كتحبس دموع باش مايخسرش ليهوم ماكياج ..مدات ليها بواطة حمرة مربعة حلاتها هند وهي تلقى كوليي من الالماس كايحمق تسطات عليه وعاود عنقات مرات باها وعگوزتها گاع بزوج
هند : شكرااا بزاف اخالتي
رقية : بصحتك ابنتي هدا الكادو ديالي ههه وخا الحاج هو لي خداه ولكن أنا لي ختاريتو ليك *هند تتشوف فيه وتضحك *
تحل لباب ودخلات نجلاء هي وعبير تيتجرجرو بالقفاطن دنيا تترتي وغير قفطان إنسيك لخور دخلو كيعنقو فهند لي طلعات غزالة من بعد ما نگافة حطات لها آخر المسات هياا الطرحة ف دهبي حيت لابسة لبسة ديال الحنة ف الاخضر جاو باش ينزلوها وداكشي لي كان نزلوها نكافات ب صلاة وسلام على الرسول الله دنيا عامرة كولشي واقف هند تلفات كتشوف بنادم فرحان معها جردة كانت عامرة وناس تيدخلو على انغااام طاهور هزوها فالعمارية تحت انغام الشعبي ..ضوروها بين الحضور كتضحك وتشير بيديها من بعد نزلوها وبداو ينقشو ليها وطهور
كايغني لها حنيو لالة حنة وحناااني.....
شوية .تيسمعو صوت دقة المراكشية ..ودخلين رجال هازين يديهم وتيضربو دقة المراكشية غادين كاملين على نفس ريتم ديال دقة مع تقيتيقات وحااامين دنياااا بغناااهم وشطيحهم وتصفيقات ديال يديهم كان الجو رااائع كلشي خرج من القاعة باش اشوف الهدية لي جااايب العريس لعروسة كانت دنيا تتهز وطحت بشطيحهم وغناهم عبير وجاسم ومريم وادهم حامين سوق وهما قدام العريس لي كان راااكب فوق الخيل كانو تيشطحو قدامو وتيبايعو ليه برااسهم ..نزل يوسف كان لابس جابدور بيض مخدوم بالخضر ملكي وبلغة صفرة..ابتسامة عريضة على شفايفو ...تقدم كلس جنب هند هز عليها توب على وجها وباسها فراسها ..تحطو طيافر قدام ناس وتحلو ..تحت انغام موسيقيين .نزلات ناردين كانت لابسة قفطان حمر تيرتي بدوغي جاي متناسق مع جسمها وفيه فتحة تيبان صدرها ولكن سترااه بواااحد سلهام فدوغي دانتيل ،مع فولار فدوغي وخلات خصلات شعرها طايحة فجناب وعيونها البنيات الفاتحات مع لون بشرتها البيضاء والكحل الاسود وظل العيون الأحمر ممزوج بالكحلي مع الروج الأحمر كانت تحفة بكل معنى الكلمة وهازة شامة لي حتا هي لابسة قفطان فالأزرق والأبيض وبليغة برجليها فالبيض وتاااج فوق راااسها ..
هند تسخسخات كل شوية تنوض تبدل لابسة مورا لابسة كان عرس أسطوري بكل ما تحمله الكلمة من معناااا وصل وقت العشااا..
تحط العشا فوق طوابل اش منك يا بسطيلة بالأنواع اشمن منك يا خرفان مشوية و زيد الدجاج محمر و العواصر و المشروبات الغازية بالأنواع، عاد الحلاوي بجميع الأشكال ضهر الرضا على وجوه الضيوف لي لقاو لماكلة لي حبات خاطرهوم ..
تياكلو وتيشوفو فالعرسان لي كانو تيضحكو يوسف فيه دودة كل شوية تلقاه لاصق فيها وتيگول لها شي كلمة تتخليها تموت بضحك والناس كتشوف فيهم
✓ويلي شوف ليك العريس گاع ما تيحشم زاااعم عليها وزعمة عليه ههه الله ارحمك الحشمة مشات مع ناس زمان
✓ بسيف رااااه 4 شهور وهما مزوجين وقلة حاملة گاع عاد فكرو إديرو لها العرس
✓ ويلي شكون فيهم واش بهاء الدين ااااه عليها تنشوفو غبر من سيكتور الله مسكين شوفي خلا مرتو على مزيناتها مرااا هي هديك لي گعدة لهيه لابسة قفطان فالحمر واش شتيها
✓ هي لي مزوجة بيه اصلا هو حمق من لول حمقاتو المرا لولا تما تزعزع راااه كان ولد مزيان وبعقلو غير قتلها وهو يتخردل فعقلو الله يسترنا أو يستر وليداتنا يااربي
✓ امين خلينا فالعرسان هههه شوفي شوفي العريس فرحان
✓ هههه بسيف ما يفرح شكون بحالو تناسب مع عائلة الشافعي مو مزوجة بالحاج وهو دااا بنت الحاج دارو ديك القضية ديال خيرنا ما يديه غيرنا ههههه
✓ويااااه ماشي كااان غير شمكار وحشايشي والله العضيم رااااه ولدي تيعرفو مزيان كااان تيجي عندو اقصر معاه بليل ديما مبوق
✓ ويلي و الله مفراسي وزعمة الحاج قبل يلوح بنتو هااااد لوحة الخايبة
✓ هههه اوا رااااه المرا لي حكماه لهلا اخطي علينا عيالات باينة مرتو رقية متحكمة فالحاج الشافعي مبقااش تيقدر اتفلفس بلا بها الله ارحمك الحاجة شامة فهاد نهار كانت مرا مزيان حسن من هاد شارفة ديال مرتو دبا
✓ ههههه وتي كولي كولي بقينا فالهضرة حتا دخلو لنا فطبسيل خلاو غير العضام ياربي سلامة مع هاد بنادم
الناس گاعدين كياكلو فخيرهم وياكلو حتا فالحمهم سن يضحك السن والقلب فيه خديعة هدا هو حال كحل رااااس ضروري ما يختالق ليك شحاجة اللي مكايناش كاع .
ما سالا العرس حتال صباح هند لبسات الكسوة البيضة بسلهام ديالها فوق راسها وقطعات لهم الحلوة ومشااااات ركبات فليموزين كانت فلون البيض وقدامها مزين بالورود الحمر هند ويوسف توادعو معاهم بالضحك ومشاو فرحانين لوتيل كانت هند متكية على كتف يوسف حتى نعسات. وصلو لباب الاوتيل وهزها ماعلا بالو بحتى واحد .. عجبها الحال وطلعها لغرفتهم الموردة لقاوها مضوية بشميعات ومزوقة بالورد .
منزلين ريدوات باش تبقا القضية مضلمة عااااد الليلة ديالهم هما غدي تبداااا يوسف مبقاش فيه صبر كانت هند فوق الناموسية ناعسة على جنبها مغطية صدرها ومتكية على يدو كتهضر معاه بصوت هادىء وهوا كيلعب فشعرها
يوسف : حشمتي احبي ااااح على دوك تفيفيحات لي عندك غير ديال شي عضة على قياس يدي اللهم تفيفيحات ولا شي منونات لاويات ومجلطات تشدها من هنا تهرب ليك الهيه
تلاح عليها وهي تضحك من تتحتو وهو كيف نمس تيستعد الهدف فالمرمة ديالو . اخيرا تجمعو وغيكملو حياتهم الى الابد ..من بعد بزاف ديال معانات والعراقيل لي وقفات فطريقهم دبا الحب والإخلاص غيرافق دروبهم حتى للممات . هند تضحك حتا غوتات على حر جهدها وتدفع فيه وتتشوى مقدراش تجمع رجليها
يوسف *تگلب الجهة الخرى* دباااا مبان ليك وقتاش تجبدي ليا حس خوك غير دبا احبيبة غير تنسمع صوتو زغب شعري تيوقف عليا خلينا منو دبا الكبيدة ديالي زعمة هدي ليلة ديالنا بلاما تجبدي حس شبح
هند *تتصادع* بعد مني المجرم انت هو شبح ماشي خويا حيوااان لخور الهمجي اااااه اااي
يوسف : بوحاطية مع رااااسك هدشي رآه عادي اي وحدة وقع لها هكااا دبا هانتي تهنيتي منها دبا صافي تسرحتي مغديش مزال تقصحي يلاه خليني نكمل ونزيد نسرح طريق احبيبة شوية صاااافي
لوااات راسها بليزار وغادية بحال شي مختنة تتبكي ودخلة الدوش تتخاصم خلات يوسف معري بقا تيضحك وفرح منين شاف نقيطات ديال دم فوق ناموسية دغية ناااض لبس حوايجو وحيد داك ليزار حطو فسلة وجبد واحد واحد اخور من المجر حطو فوق ناموسية وبقا تيدق فاالباب وتيعيط على هند لي كانت تحت رشاشة وتتبكي بغات خوها ويوسف تيضحك عليها عاد عرف علاش خوها كان معدبو هكاك حينت هي المفششة ديالو حمد الله مكان بهاء الدين فهاد ساعة كون جاااا شبع فيه تجنديخ ...
🥀دار الشافعي 🥀
شرقات شمس جديدة فغرفة ناردين كاداعب وجها وكاتقول انهضي لاحياة مع الكسل وقفات وتوجهات لحمام كاتجر رجليها بتتاقل راسها عاطيها لحريق مع سهير وعينيها منفوخين مبغاوش يتحلو غسلت وجها ورجعت لسرير كانت شامة ناعسة جنبها منين مشااا بهاء الدين ولات شامة لي تتنعس بلاصتو كانو كاتفركل برجيلاتها شوية بدات تبكي وصل وقت الرضاعة ديالها مدات يديها هزاتها كاترضع فيها وعقلها غايب وكاتخمم فبهاء الدين لي ولا عقلها غير معاه وقتما شافت شامة حينت تتكبر وملاميحها ولاو غير ملاميح باها بعد مارضعاتها خداتها لدوش دوش ليها ولواتها فالفوطة وبدات تلبس لها حوايجتها
من بعد حطاتها فالكونا ديالها وبدات تلبس ومشات لدريسينغ تتلبس حوايجها حتا تتسمع لغوات فشرجم مشات تتجري القااات العربي لي تيغواااات ب اسم حفيضة وناردين ..
نزلات تتجري فدروج حلات ليه الباب ودخلاتو
ناردين *بالغوات* اش هااااد شوهة ابابا لي داير لنا صااافي سكوت مكملها جاي سكران
العربي ؛ نسكت ابنت الحراااااام ونا مراااكش كلها قربلتها عليكم بالكشيفة بااش لقيتكم
العربي *تيعوج فمو * أشنووووو تدير انت هنا خليقة كيف داير هدي هي على سلامة سيدي العربي
حفيضة : حسن منك على سلامة راك جاي ليا من مكة الله امسخك حنجر وسير فحالك من هنااا رآه حتا واحد فينا مااا بغاااك تبقا
العربي : معندي فين نمشي انا هنا فدار بنتي يااااك اناردين انت بغيتي باك يبقا معاك
ناردين : بركة راك خويتي الناس طبسيل
العربي : حطي ليا نكمل فطوري رقية وا رقية هضري معها تحط طبسيل
رقية : بركة هدا رآه فطور العروسة
العربي *نترو من يديها* وطلقي العروسة ولا زعتر لحايل هي رااااه شبعانة غير فرحة
ناردين منفوخة دكشي لي خصها كملو لها باها منين جااا
الحاج الشافعي: ااااش هاد صداع هنااااا
العربي*وقف* اهلا بنسيبي العزيز *عنقو *
الحاج دغية دفعو بيديه مع خانز بريحة شراب
الحاج الشافعي: كاين ما نقضيو العربي
العربي: ايه كاين الحاج جيت نشوف بنتي ونگعد معها شوية انت رااااك عااااارف معندي فين نمشي وعاااد راااه حفيضة مخشية فبنتها الا كاينة شي بلاصة يخشيوني حتااا انا ههههه
ناردين : لا لا بزاف هدشي عمي غير سمح ليا انا راااه غدي نمشي. نخرج فحالي بلاما نزيدكم بهمي انا وعائلتي بلاما تقلق الا مشيت
الحاج الشافعي*شدها* معندك فين تمشي اناردين انت وعائلتك على راسي دار الكبيرة علاش غدي تزيدينا بهمك مرحبا بكم .
العربي : شفتي ناس لي تيعرفو اهضرو *باس ليه راسو* الله يخلف عليك الحاج
الحاج الشافعي*بعدو* ولكن بشرط اسي العربي إلا بغيتي تبقا معانا رااااه خصك تحتارم ناس ديال هاد دار يعني خصك تقطع شراب وتخرج تخدم وبلاما تهز الهم الخدمة كاينة دخول الديبو هز سلعة مع دراري ودخل نهارك بحال گاع رجال هدشي الا بغيتي تبقا مع بنتك ومراتك مبغيتيش تشد طريق فجلسة وحدة حفيضة يخرج لها طلاقها ونا لي غدي نوقف لها عليه وهكا كل واحد اشد طريقو اوا فكر مزيان فهدشي وجاوبني يااا هاد طريق يااااا هاد طريق اش بان ليك ..
ناردين وحفيضة عجبهم الحال بقا العربي غير تيشوف .....
العربي : امممم اش نگوليك الحاج راك شديتيني من اليد لي تضرني ونا مكرهتش نقطع شراب ونوالي حتا انا رجل مزيان بلا بلية شكون كره يبعد على الخنز ولكن راااه حياتي كلها ونا تنشرب كيفاش بغيتي نقطعو بين الليلة ونهار
الحاج الشافعي : غير كون هاني انا ندخلك لواحد المركز ديال محاربة الإدمان خصك غير تكون رجل وتحاااارب معاااااه حتا تقطعو ويلا بغيتي نبداو من اليوم گاع حنا اش خاصرين
العربي : اوا اش نگول ليك الحاج لي بان ليك نديرو
الحاج الشافعي: اوا نطلبو من الله يعاونك أو يعفو عليك منو ...
العربي : امين اوا غير دعي معايا دعي الحاج
الحاج الشافعي : عندك فمك عود دعي بيه باش ربي اعونك أو صلي وتقا الله رااااه بنادم غدي غير بالقدام اليوم هناااا وغدااا لهيه نطلبو من الله يسمح لنا حفيضة اش بان ليك
حفيضة : معندي منگول انا معاااك الحاج فأي قرار تخدتيه ونا راااه سنين ونا فالمعانات مع هاد رجل جميع تعديب داز عليا لا أنا ولا بنتي الا كان غدي يرجع الطريق انا معااااه غير يدفني ولا ندفنو ويلا غدي يبقا فهاد الحالة حسن غير طلقني منو انا يلاه ما برد ليا راسي من فريعو ...
الحاج الشافعي *ضربو فكثفو* واش سمعتيها اش گالت المهم الله اسامح و ان شاء الله غدي يرجع الطريق منين گاع حادر راسو راااه حتا هو مكرهش وطلع ليه دكشي فراس علاش شحال قد بنادم يبقا صحيح راااه زمان تيهرس اوا غير دعيو معاااه انا غدي نديه دبااا لهاد المركز يتقيد عندهم ومنين يتعالج غدي ارجع بوگوص توالي حفيضة لي تتقلب عليه بريق ناشف *كلشي زااااد تيضحك وحفيضة تتشوف فالعربي لي حال فمو تيضحك عاجبو الحال*
الحاج الشافعي : يلاه زيد معايا نشوفو اش نديرو معاااك
خرج الحاج الشافعي مع العربي وبقاو البنات تيوجدو فالفطور ديال العروسة شوية جااات عبير مع مريم وتجمعو كااااملين ومشاااو عند هند تيدقو فالباب ملقاو حد
عبير: غير عدبتونا غير هكاك رااااه ناس مزال فالوطيل
رقية. : ويلي على مزال فالوطيل انا هضرت مع يوسف قبيلة و گالي ها هما جاين الدار *شوية وقفو * شفتيهم هاهما جااااو
نزلات هند ويوسف من طاكسي وبداو تيزغرتو لهم ويباركو حل يوسف الباب ودخلو الصالون حطو الفطور وشهيوات وجلسات هند من وسطهم من بعد ما حيدات جلابة البيضة وبقات بقفطان ديال خفيف ديال جوهرة فالغوز ودهبي والفولار بيض على راسها ومكياج خفيف
عبير: ماما تتسولي على أساس انت معرفاش واش صبحات ولا باقي احيانا عليك اطولانطية رآه باينة من طيارة سيدة مفرگعة شوفي غير الگعدة ولدك ولد الحرام شرگها كان محلف على بنت مسكينة *ضحكة جماعية*
رقية : بسم الله عليه بصحتو دكشي ديالو كوني تحشمي رآه غدي اسمعك يوسف
عبير : *تتهز فكتافها* يسمع ونا شغلي گلت غير دكشي لي كاين مالي كدبت ههههه
رقية : عمرك ما ديري عقلك يالمزغوبة
مريم : هند حبيبة هاااكي هاد دوا شريه تبقاي تغسلي بين رااااه زوين على قبل الجرح
هند *شداتو* وخا اختي مريم شكراااا
شوية جا يوسف گلس حدا مو وبداو تيفطرو يوسف كرشو كلها هضرة مااتو بضحك وهو تيعيب كل وحدة وكيفاش كانت تتشطح فالعرس مخلا حتا وحدة مشد فيها ..ناردين شادة فكرشها وتضحك حتا وصلها مساج جبدات تليفون من صاكها حتا لقااات مساج مكتوب فيه ..... كوكو حبيبة يكما مزال تتسناي بهاء الدين نصحك نصيحة الوجه الله غير نساااايه رااااه عاااايش حياتو مع وحدة خرى .....أو تيبغيو بعضياتهم بزاف
عبير : صافي احبيبة حسن غير خليه مطفي هدو باينة غير شواحدين بغااااو هكااا اعصبوك نساي ....
ناردين : دكشي لي غدي ندير غدي نطفيه
عبير : مزيان خليك فرحانة *ناردين تبسمات *
هكاك نبغيك .....
🍂🍂🍂🍂
نوال تتصوني لها تتلقا تليفون طاافي
نوال : طفيتيه وخا الآلة ناردين دبااا تشوفي على عويناتك واش تنهضر بصح ولا تنكدب
شافت فساااعة لقااات 12:30 وهدي هي لوقيتة لي خصها تمشي عند بهاااء الدين تعطيه دواااا هزات ديك صنية وحلات الباب ودخلاتو لقاااتو مزال ناعس تبسمااات وتقدااام العندو بخطواات تابتة حلات ليه عينيه تتقلب فيهم لقااتو بداااا تيفيق أو المفعول ديال دوااا لي عطاتو بدااااا تيطير دغية شدااات يديه أو ضربات ليه الإبرة مرة خرى باااش يبقاااا نااااعس وقطراات ليه تقطيرة فعينيه باش عينيه ما يمرضوش مع دوااا لي تضرب ليه مجهد بزاف أو عندو اعراض جانبية عليها تتخود الإحطياط حينت مزال بغاااتو من هنا القدام وهي غااااادية متبعة غير تعليمات لي تيعطيها ياسين ...
مكالمة من مجهول الجزء 17
محتوى القصة
التنقل بين الأجزاء