عبير: مزال مدخلت انا دبا غير فالكافيتيرية تنفطر ..غير عاودي رااه درتي ليا طيارة فراسي ....مغديش تخليني هكااا نهار كامل
ناردين : لي وقع هو بهاء الدين تبعنا وحنا گاع مشفناه حتا دخل بحال شي وحش جاااا حيح عليناا تماااا أو خرب الليلة دابز مع مؤيد كلشي بسبابي انا كانت عارفة شحاجة غدي توقع زعمة بغيت نتعاند معاه لقيت راسي معاندة غير مع راااسي انا وليت أنانية اعبير أو مشكلة الكبيرة هو تنستغل مؤيد باش نوصل لدكشي لي بغيت انا معمرني كانت هكاااا عبير مؤيد زربان على زواج انا مستحيل نتزوج بيه حينت متنحس بوالو من جيهتو اوووف موصيبة هدي وحصلة كبيرة حصلتها وماما حتا هي زايدة مكملة عليا هدي هي ديال كدبات الكدبة أو صدقاتها انا كدبتها أو ماما مصدقاها
ناردين : لا مستحيل على مدار فيا مستحيل نرجع ليه بهاء الدين معمرو مغدي يتبدل كون تشوفي كيف كااان بحال شي وحش ديك الليلة خلعني بهاء الدين مريض اعبير حياتي وحياة حتا بنتي معاه فخطار انا راني هضرت مع عمي عثمان هو لي غدي يوقف على طلاقي منوو
ناردين : امممم لا تنبغيه لا رااااني تنعشقو ولكن معرفتش علاش مقدراش نسمح ليه هاد المرة بهاء الدين عدبني بزااااف مبقيتش قدرة نستحمل ولا نصبر كثر من هكااااا *تبسمات* كون تشوفي البارح ولد الهم بلا مااا نشعر القيت راااسي تحت منو وغارقين فبعضياتنا ولد الحرام غير تيقرب مني تنوالي بحال إلا شواحدة مبنجة متنبقا نحس بوالو من غير لمسات ديالو أو صوتو لي تيدوخني هو تيعرف كيفاش يلعب بالمشاعير ديالي اعبير
عبير : هههه لا تگوليش ليا كلتي الحلوة أو تگلبتي عليه مسكين بغيتي طلاق
عبير : انت مبقيتيش ساهلة اناردين راااك انت هي لي غدي توالي مصدر القوة ليا ماشي انا هههه صافي غدي نبداااا نتعلم منك شي حويجات نديرهم الجاسر ههه يلات نخليك خصني نطلع الخدمة المهم غير نخرج فالعشية نجي العندك باش تعاودي ليا أش وقع معاك بتفاصيل
ناردين : وخا الآلة حتا تجي ونعاود ليك باش تلقاي معايا شي حل اعبير أنا رآه مستحيل نتزوج بمؤيد أو مقدراش نگولها ليه خايفة لا نصدمو ...
عبير : وخاااا ان شاء الله المهم بسلامة دبا
ناردين : مع سلامة احبي ....
قطعات معها أو گعدات ناردين فواحد جردة تترتاح عاد تكمل طريقها ولات تتحس بسخفة دغية يلاه جلسات أو رجعات لور حاطة يديها على كرشها حتا تتشوف غفرااان جاية فجهتها دارت بحال إلا مشافتها حتا وقفات عليها
غفران : سلام اختي ....
ناردين *هزات راسها* وعليكم السلام
غفران *گعدات جنبها* بصارحة انا معجبتنيش طريقة لي تصرف معاك بها داك خونة كانت بغيت نتقدا شحاجة ومنين شفت تعامل ديالو خليت ليه كلشي ومشيت
ناردين : رزاق الله اختي ماشي مشكل....
غفران *تتهبط فيها وتنزل* إلا كانت باغية تخدمي انا نضبر ليك فيها اجي خدمي معايا أو حتا الخلصة بضوبل على الخلصة لي تيخلصك بها على خمسة مرات عاااد بلوڤوار ديالك من الفوق مغديش تلقاي ما حسن عاد انت زوينة أو مطلوبة كاينين شي رجال تيموتو على المراااا لي تتكون حاملة تيكون كلشي فيها زوين بلأخص صدرها لي تيكون منفوخ بالحليب عاااد تمااا *عضات على شفايفها* تيكون زوين أو بنين فالمصان * اااش بان ليك...
ناردين : واااااش انت حمقة أش هاد الهضرة تتگولي استغفرت الله العلي العظيم نوضي تهزي من حدايا واش كلشي صحابك بحالك ياربي تسترنا ...
ناردين : ااااش هااااد الوقحة لي فيك راااني كلت ليك مبغيت والو مريضة انت ولا مالكي بااز لبنادم شحال مقزدر *ناضت أو خلاتها*
غفران جلسات بلاصتها أو جبدات الگارو حطاتو بين صباعها وشعلاتو أو تتنشوا لها مع راسها أو تضحك عليها وهي غادية تتزرب أو قنبولتها قدامها ....
غفران :. لي وجه زلط غير وجه زلط هههه
*مكان أخر*
عبير. من بعد ما شربات القهوة ديالها صباحية القاسحة وتحلو لها عينيها يلاه بغات تهز صاكها تنوض تطلع الشركة حتا تتسمع شي مجموعة كايتهامسو بيناتهم كان صوتهم مسموع واصل حتال عندها .......
~. .ايوا الله ينعل لي مايحشم ولاو كايدور برجال مبقات قداهم غير اخدمو فشركة ولاو طامعين بشركة ومول شركة حتا هو هههه
~. .حتى نتي الخانزات عطاهم الله شحال من وحدة تطير السما أو حتا فزين فين تبان هدي تزندق معاه حتى تعيا فالأخر يلوحها بحالها بحال غيرها (عوجات فمها)
~. .انا مافهمتش كيفاش بنادم ضميرو مرتاح لهاد درجة باز لها شركة كاملة تتهضر عليها أو هي گاع ممسوقة بنادم قلبو قاسح
~. .نتما علامن كاتهضرو شوقتوني شكون هادي لي كاتهضرو عليها البنات ؟!
~. .(كاتخنزر ف فعبير ) علاه مافخباركش آخر الأخبار ويلي شركة كلها فخبارها ماشي واحد بنت القاف دارت بالمدير وولات صاحبتو شوهة الفلوس كايعميو نفوس
~. .شكون هادي العار بغيت نشوفها!؟
أشارت ل عبير لي كانت كاتسمع وداتها كاتغزل تمنات الأرض تنشق وتبلعها ولا تتحط فهاد الموقف حسات بالإهانة والإحتقار وقداش هي صغيرة قدامهم حطت الفنجان من ديها ورجعات لمكتبها كاتجري ودموعها على شفارها اول مادخلت سدت الباب وجلست كاتبكي وتنخصص.....
~ قبل ماتكمل كلمتها تفتح باب المكتب ودخل جاسر لي غير شاف دموعها مشى طاير لعندها شاد فيدها ~
جاسر . ."بخوف " عبير مالك !!
عبير . .(شافت فيه بعيون دامعة) جاسر انا خصني نعرف نهاية ديال هاد العلاقة انا أشنو تنعني ليك مستحيل نبقا معاك هكاااا گاع شركة تتهضر فيا وفشراف ديالي ونا اي حاجة نتقبلها حتال كرااامتي تمرمد فالأرض هدي هي الحاجة لي مستحيل نتقبلها أنااااا صافي عيت لقااااا الحل راااااسك ولا عطيني تيساع گاع وهنيني هئ ..هئ...
جاسر . .(بخشونة) اش كاتقولي شرحي ليا اش واقع راني مفهم والو شكون هدااا لي تيهضر فشرافك اعبير شكوووون
عبير. .(مسحت دموعها ) كلشي كايهضر عليا عند بالهم عشيقتك ولا القحبة ديالك منعرف أش تيگول لهم راسهم هما عندهم الصح إگولو هكا كل ساعة دخل عندي ها الغدا هااا الفطور اعبير بحال إلا أنا مراتك ماشي موضفة خدامة عندك __ قاطعة بحدة ودمو كايغلي___
جاسر . (شد فيدها ) اجي معايا
عبير . .ف فين !
جاسر . .غاتعرفي دابا
~ خرج من مكتبها ووقف قدام السكرتيرة ويدو فيدها ~
جاسر . .(بصوت قوي ممزوج ببحة رجولية) غاتجمعي ليا كاع موظفين الشركة
سكرتيرة. .(كاتشوف فعبير ) اوك ميسيو ......
دقائق قليلة وكانو كاع الموظفين مجموعين واقفين بنظام وحانين رأسهم وكلهم كايقولو مع نفسهم شنو واقع وعلاش جمعنا ثواني ونزل جاسر بخطوات مخملية نظراتو الحادة صوبهم ويديه فيد عبير وقف وانفاص معاهم وتكلم بصوت خشن ممزوج ببحة رجولية
جاسر . .بلا شك كلكم كاتسألو شنو سبب هاد المجمع (كايشوف فيهم واحد واحد ( كيف ما اغلبكم كايتسألو شنو علاقتي بالأنسة عبير (شاف فيها ) اليوم جيت نرضي فضولكم عبير خطيبتي وقريب غدي تكون مراتي على سنة الله ورسوله ابتداءا من اليوم مابغيت نسمع حتى شي حد كايتكلم عليها أو يشير ليها حسابو غايكون عسير معايا
غاتحترموها وغااتعاملو معاها بحترام وحدر ببساطة هي مراتي وواجب عليكم تحترموها وهذا غايكون اول واخر انذار ادا سمعت ولو نص كلمة عليها ترحمو على روحكم ودابا تقدرو تشوفو شغلكم
~ أول ماشافو زميلهم بارك ليهم تشجعو وبداو كايباركو واحد ورا واحد من بينهم الموظفات لي كانو كايهضرو عليهم وقفو قدامها حانين الراس والخلعة شاداهم ..
مسافة طريق كان بهاء الدين قدام الشركة جاسر انسطالا لوطو ونزل دخل لداخل كايتمشا بخطوات تقيلة وعضلات ظهرو كايتحركو مع كل خطوة كايخطي بطريقة كاتسلب العقل واي بنت شافت تفاصيل جسمو وعضلاتو البارزة طلع فالمصعد بعد ثواني قليلة كان فطابق.....
ادهم . .صباح الخير بهاء الدين نهار كبير هدا
بهاء الدين~بصوت خشن ~ صباح الخير ادهم
ادهم : جاسر مكاينش فالمكتب ديالو ولكن غير دخول انا غدي نمشي نعيط ليك عليه
بهاء الدين حط يديه على لبواني حل ودخل مشااا ديريكت البالكون شعل گارو أو تيشوف فداك المنضر وعقلو مرفوع ...
*مكان أخر*
عبير : يمكن ليك تمشي دباااا
جاسر *حصرها بيديه* صاااافي دغية لحتيني أشنو منستهلش شي بوسة من عند حبيبتي
عبير *دفعاتو* وااااش انت حمق وخاااا تموت أو متخدهاش من عندي غير حلم
جاسر : حراااام عليك غير وحيدة
عبير: لا هي لا راااني هضرت معاك من لول يكما صحابك انا من هدااااك نوع لي تتعرف
جاسر: ههه حتا انا راني عااارف معامن اعبير كون بغيت داك زبل رآه عطاه الله انا بغيت وحدة بحالك أو مغديش نحلم حينت قريب غدي نخود البوسة ديالي بالخاطر ولا بزز غدي نشدها غدي نشدها خص غير نطيح عليك العقد... ....عبير: وخاااا طيحو بعد
جاسر : تتستفزيني اوا غير وجدي رااااسك بحال والو نجي نخطبك غدااا أو العرس من دبا سيمانة ويلا كثرت شهر گاع بالكثير
عبير *حلات فمها* كيفاش وااااش انت حمق مالك على هاد زربة كلها
جاسر : بغيت مراتي واش مااشي من حقي أو هاد 3 شهور كافية باش نتعرف عليك ونااا صافي عرفتك وبغيتك تكوني مرتي *جرها لعندو * مبقاش فيااااا لي يصبر مزال كل نهار تيدوز عليا بعوام
عبير :ناري خلعتيني أناااا گلت باقي شوية الحال نديرو الخطوبة أو سير من بعد ونديرو العرس بين ما نستاعد راااه زواج هدا
عبير حشمات أو نزلات راسها باس بين عينيها وخرج ....أو هو متبسم
ادهم : فين كانت اصحبي من صباح ونا تنقلب عليك بهاء الدين راااه فالمكتب سير لعندو دغية .....
جاسر مشاااا تيجري العندو حل الباب كان بهاء الدين عاطيه بضهر...
جاسر : بهاء الدين يكما تعطلت عليك علاش متصلتيش بيا
بهاء الدين: لا اصلا يلاه جيت *جر الكرسي* جيت غير على شي سلعة دخلة عندك ودراري نساو إقيدوها عندي
جاسر : هاهما لبونات ديال هاد شهر شوف أش خصك بهاء مالك اخويا تتبان ليا ماشي حتال لهيه بحال إلا عيان ولا منعسش مزيان
بهاء الدين: بحال هكاك غير مقلق شوية انت عارف عندي المشاكيل كثيرة مع مرتي أو حتا لواليد زادني ضغط عليا باش نطلقها ...
جاسر : ولكن عمي علاش تيدير هكااا هدشي بيناتكم حتا واحد معندو الحق يتدخل فيكم
بهاء الدين : رآه هي لي بغات الحاج يدخل حينت عرفاني انا مغديش نطلقها دكشي باش كلفات الحاج ....
جاسر : والله معرفت ماااا نگول ليك اخويااا نتمنى تراجع على القرار ديالها أو تفهمك حتا انت دكشي لي داز عليك ماشي ساهل دير بحساب هدشي بنادم تيغلط
بهاء الدين : صافي قلب على هاد الموضوع مرضني فصحتي البارح الليل كامل ونا فايق طير نعاس من عيني...
جاسر : كانت بغيت نگوليك نيت شحاجة ولكن بلاش انا غدي نشوف أش ندير
بهاء الدين: غير گول ...
جاسر : لا بلاش ماشي شحاجة بلاما نزيدك لي فيك مكفيك
بهاء الدين: گول أش عندك
جاسر : غير بغيت نخطب عبير وبغيت الحاج يمشي معايا حينت مجاش نمشي العندهم بوحدي ضروري يمشي معايا شواحد هضرت مع الواليدة گالت ليا شوف عمك يمشي معاك أو نجلاء اش بان ليك
بهاء الدين *رجع راسو لور* هههه مبروك أسيدي حتا عبير تستاهل ديك سيدة فشكل مغديش تلقا بحالها غير توكل على الله انا منين نمشي الدار ضروري نهضر مع الحاج إديرك فبالو غير كون هاني انت عارف الحاج عزيز عليه بحال هاد لبلانات هههه يخشي راسو فيهم
بهاء الدين: أش غدي نزعم فيك انت غدي تبقااا غير ساكت الحاج غدي يتكلف بكلشي متخافش يعني مكاينش لاش نمشي حتا انا
جاسر : لا ضروري تكون معايا اصحبي راااه ماشي ديما غادي نخطب لي تخليني فهاد.اللحضة
بهاء الدين: شتي منين غير بعدتي على دوك قوة البنات و لبيران ماا عندي ما نگول نمشي مع خويا وخا حتا انا معنديش مع بحال هاد الحوايج نمشي فيهم غدي نمشي غير على قبلك مبغيتش نخصر ليك الخاطر
جاسر : الله احفضك ليا أولد عمتي
بهاء الدين*وقف* يلاه أسيدي نخليك دبا
جاسر : وخااااا المهم بنا تليفون وگول العمي غداااا ان شاء الله غير إديرني فبالو
بهاء الدين: واخ أن شاء الله *خرج* ...
حفيضة : بنتي جيتي بكري ...
ناردين : جرااااا علياااا الباطرون ولكن حتا انا نستاهل عيقت عليه بزاف بقوة الغيااب ....
حفيضة : اوا أش غدي نديرو رآه بقات غير سيمانة أو تجي مولات الكراااا عاد واحد مولاي ضو راااه بقات غير الورقة الحمرااا هي لي مزال مجات
ناردين : دباا اماما علاش تتعاودي ليا هدشي بحال إلا أناااا عندي ضمازي ديال الفلوس غير مخبياهم عليك
حفيضة : علاش متگوليهاش لمؤيد يااااك غدي يتزوج بيك أش فيها إلا عطانا شي 3000 درهم نخلصو بعد غير الكرا مع شي ورقات ديال ضو أما حتا الما حالو ساهل
ناردين : واااااش بغيتي تحمقيني ولا باغية تولديني بلا وقت هو لي بقااااا ليك اماما تبداي تعصري فسيد عيقتي باااااز وجهك مقزدر
حفيضة : ياااااك ابنتي اوا الله يخلف عليك هدا هو المضنون فيك ابنت كرشي اوا أش فيها مالو إلا عطاك فيها شي عيب
ناردين : ااااه العيب كامل فيها نساااي عليك سيد حينت انا مغدي نتزوج لا بيه ولا بغيرو غير بلاما تحلمي عطيني تيساع اماما أو بركة رااااك مرضتيني بهاد تصروفات ديالك
دخلات تتجري البيتها تلاحت فوق ناموسية أو تتبكي
حفيضة : اوا نعسي نعااااس هو لي خصك حتاااا تجي مولات الكراااا تلوح لنا حوايجنا الزنقة عاد تفيقي ديك ساعة ....*شوية سمعات دقان * صبر هاااني جاية رآه گلت ليك صبر واااااه ...
الشخص : سلام واش هدي هي دار مدام ناردين
حفيضة : ايه هي هدي شكون انت
الشخص : ممكن توصلي لها هاد الورقة جات من المحكمة خصها توقيع ديالها سي بهاء الدين طلقها
حفيضة : وخااااا شكرا انااا غدي نديها لها
دخلة تتجري فرحانة مقداتها فرحة ..
واااانوضي نووووضي هاهي الورقة ديال طلاقك وصلاتك من محكمة والله العضيم الا هاد الحاج الشافعي الا كلمة هاهو طلقك من جلاخة ديال ولدو شدي وقعي دغية ...
ناردين شدات الورقة أو كلها تترعد أو شادة فقلبها بصعوبة باش حطات توقيع أو عطاتها الورقة
حفيضة : اوا هنيا عليك ابنتي مبروووووك والله كون كانت تنعرف نزغرت حتااا نزغرت ليك ههههه الله ياربي حمدناك وشكرناك
ناردين رجعات حطات راسها على المخدة أو غمضات عينيها أو تتبكي فصمت حتا مشات بها عينيها ......
🌆 في المساء 🌆
حفيضة: دخول أولدي مرحبا بيك صبر نفيقها رااااه منين جات أو هي ناعسة
مؤيد : يكما مريضة اخالتي
حفيضة : لا لا أولدي ما مريضة والو غير مفقوصة مع الباطرون جراااا عليها هاد صباح من الخدمة ومع مولات دار جات تتسول على الكرا ونت عارف شهر بحال طرشة عاد الما وضو حتا هما تجمعو علينا غير خليها على الله والله مبقينا تنفكرو فكرشنا مقابلين غير لكراااا أو ضو ولما دخول أولدي الصالون حتا نعيط ليك عليها متبقاش فزنقة ...
حفيضة : والله حتا جاااا رااا هو فصالون غدي نمشي نوجد أتاي اوا لبسي شحاجة زوينة
ناردين : ماما واش نيت بهاء الدين جاااا
حفيضة : دكرنا سمن والعسل شكون لي جبد سيرتو داك المجنون انا راني تنهضر على مؤيد نوضي نوضي الله اجيبك على خير ونت عقلك داه ليك غير داك شمكار الله يعفو علينا وعليك ..
ناردين منفوخة دخلات الحمام توضات أو صلاة العصر او المغرب أو كون خلاتها مها ناعسة كثر من هكا تصدق جمعة معهم حتا العشااا ديما ناردين الا كانت ناعسة مفقوسة تتغيب ماشي تتنعس غير كملات صلاتها مشات جبدات واحد الگنضورة فالبيج أو فيها طريزات فالبيض شان فالبيض أو صندالة سميطات وخرجات لقات مؤيد تيشرب اتاي
حفيضة : اوا نخليكم بوحدكم نمشي نتفرج فيلم دينيز وقلة قرب إسالي هههه
مؤيد *مصدوم* هههه غير تضحكي معايا ياااك اناردين صافي بركة من هاد ضحك متيعجبنيش
ناردين : لا انا تنهضر معاك بصح غير سمح ليا انا منقدرش نكون زوجة لي تتمناها
مؤيد : صافي فهمت انت غير خايفة لا نكون بحال بهاء الدين ياااااك لا متخافيش اناردين انا تنواعدك نخليك بحال شي أميرة انا نعطيك حياتي مستحيل نأديك عفاك ما تبعديش عليا انا تنبغيك......
ناردين : مؤيد مزال غدي إجي واحد. نهار تنساني فيه بحال إلا معمرك عرفتيني أو غدي تلقاااا مع ديك الإنسانة لي تخليك عايش معها فرحان انا ماشي هي الإنسانة مناسبة ليك ا مؤيد صدقني معمرك مغدي تكون فرحان معايا وتبغيك انا مغديش نعطيك سعادة لي تتستحقها عفاك غير سمح ليا انا مبغيتش نكمل فهاد العلاقة حسن نتفارقو محدنا مزال فالبداية ديال طريق انا مبغيت نضحك عليك ولا نطمعك بشحاجة مكيناش
مؤيد *تيدوز بيديه مورا عنقو" دبااااا دكشي كااامل لي كانت تتگولي ليا ديال تتبغيني أو بغيتي تعيشي معايا وغير نصبر عليك شوية كلشي كان غير كدوب يااااك غير كانت تضحكي عليااا دباااااا عاد فهمت البلاااان ديالك مزيااااااان كانت غير تتباني بيااا على رااااجلك زعمة هاااهو غير من شوفة وحدة مني طيحتو انت لي مضيعني من يديك أو معرفش بقمتي كانت بحال ضبع مفاااهم وااالو
ناردين : سمح لياااااا أناااا والله مكااانت *قطعها*
مؤيد : مااا كنتي ااااش گولي ااااش اناردين اااش واااش عندك قلوب البشر لعبة تشديها وتهرسيها كيف بغيتي *شدها من درعها زير عليها* شوووووفي الحالة لي وصلتيني لها شوفي كاااانت تنحلم بنهاااار لي نتزوجو فيه أو تنوجد بحال شي هبيل وتندير المستحيل غير باااش تكوني راضية عليااا ونعوضك على كل ما فات فالخر صدقتي غير تتلعبي عليااااا فعلا انت وحدة رخيصة بحالو جيتوو مواتين أو فعلا حنا مناسبوش بعضياتنا
ناردين : هههه معندك مناش تخافي بالعكس فرحي هاد اللحضة شحال من وحدة تتمناها
عبير عنقات ناردين ومشات تتجري مشااا عليها الحال أو خصها تمشي تگولها لمها باش تبدا فتوجاد ديال الخطبة بغااات تكون فالمستوى حينت عارفة جاسر من عائلة مرموقة ....غير صبح صباااح ناضت ناردين على صونيت ديال عبير دارت لها طيارة لقات كثر من عشرة الأبيلات مع الفجر مزال عينيها مغمضين دغية دخلات الحمام توضات صلاة الفجر غير فطرات ومشات هي ومها لدار عبير لقاتهم غااارقين فتخمال ....
عبير : حرام عليك هدي هي متعطليش عليا
ناردين : بشوية عليك لي شافك إگول غدي إجيو دباااا راااه مزال الحال
عبير. : شوفي دار كيف دايرة كلها مرونة أو دباااا 12 هدي امتى غدي نساليو أو مزال خصني نوجد رااااسي اووووف اوف باينة فالخر غادي نبان بحال عوة أو غدي يهرب رجل
ناردين: ششش تهدني رجل معندو فين يهرب غير كوني هانيا و رخفي فيك نفس مخصكش تعصبي كلشي غدي يتصاوب ان شاء الله انت غير كوني هانيا انا غدي نفرق شغل بيناتنا باش نزربو عليه دغية أو دبااا تشوفي دغية غدي نكملو أو مزال يبقا لنا الوقت باش نصاوبك وتباني بحال نوارة دباااا بلاما تبقاي منيرڤيا راااك تتخليني حتا انا نبقاااا معصبة بحالك وكثر
عبير : وخااا وخاااا غير طلقي اناردين رااااه نهار مااا فيه والو ...
انا غدي نعاونك اماما انت غير سيري عفاك مسح الغبرة من جناب تلفازة أو بداي تجفاف انا غير نهز مع ماما طلقان أو نجي نعاونك ونت اخالتي حفيضة عفاااك ستفي لياااا الحلوة فدوك طباااسل أو وجدي ليا زناابر كل واااحد ديري فيه شحاجة غدي تلقاي نعناع أو حبوب اتاي أو سكر فوق بوطاجي
حفيضة *تتكفض كمامها* وخااا ابنتي وخاااا غير سيري كوني هانيااااا
عبير. : ماما يااااك گلتي يوسف إجي شوية بكري باااش يوقف مع نااااس
رقية : ايه ايييييه گلتها ليه
عبير : مزيااااااان مزيااااان يلاه نهزو هااااد طلقااان دغية باش ندوز من تحتهم تجفيفة..خفيفة
بداااو فتوجاد كل وااااحد فين غاااارق أو عينيهم غير مع ساعة الوقت تيطير بزربة....
وصلات العشية ....
عبير :(بتوتر)ماما ياك كلشي واجد
رقية :اه بنتي بلا ما تخافي
عبير:(تنفسات)اووك اووك ياربي إدوز هاد ليلة على خير
غير خرجات بدات ناردين تتصاوب لها ماكياج جات واااعرة حسن من الكوافورة ههه أو جبدات لها واحد تكشيطة من لبوشيط كرااتها 200 درهم فالخضر أو منبتة بالحجر من جهة صدر والكمام والتحت فدوغي كلها تترتي أو مضمة ديالها رقيقة فدوغي منبتا بنفس الأحجار لي كاينة فتكشيطة جااات مع لطاي ديالها خلات لها شعرها مطلوق أو القصة مقلوبة أو صندالة عالية محجرة فدوغي عبير مقابلة مع المراية وتتمشااا بحال عرضات الأزياء وفرحانة براسها وناردين خدات دوش خفيف وخارجة تتجري لبسات واحد القفطان خفيف فلگرونة و مطروز بتيگراضي ديالو فالمفتوح أو فولار فنفس طرزة هو و لبلغة أو تتقاد فوجها حطات مكياج خفيف وعبير تتشوف أو حابسة ضحكة
عبير : هاااااي هاااي على ناااااس منساو راااسهم جيتي غزالة بهاء الدين اليوم غدي إرجعك ليه مفيهاااش
ناردين : انا تنصاوب الراسي اعبير ماشي ليه ولا لغيرو ...عبير : هههه صافي صدقتك صدقتك جلسو البنات تيتسناو فيهم على اعصابهم حتا بدا شيطان تيلعب براس عبير وبدااا تيطيح عليها ضيم خايفة غير اكون تيتفلا عليها وخلاها تتوجد فالخر إخليها من .بعد طول انتضار جاو أو ناضت تتجري هي وناردين تيطلو عليهم من سرجم بانو لهم نازلين من واحد الطوموبيل واااعرة🚘ههههه ايوا و مولاي سلطان هاز الورد فيديه أو شحاجة خرى مبيناش لهم كاان انيق لابس كوستار فالبلو ماغي الحاج سابق ونجلاء فجنبو كانت لابسة جلابة فلون لبيج أو فيها حجيراات ملونين أو فولار فنفس دوك الحجيرات أو صباط عالي فالكحل بحالو بحال البوشيط.لي هازة فيديها عاد المكياج برونز ديما انيقة أو غزالة ....أما واحد سيدهم بهاء الدين كااان باين غير من وجهو جاي غير بزز منو كان لابس واحد سروال ديال دجين فالبيج أو قميجة بغات طرطق عليه فالبيض أو واحد الكويرية فالكحل بحالها بحال صباااط واااحد المگانة كبيرة تتشعل فالكحل سد طوموبيل وتبعهم كانو كلهم باينة عليهم الفرحة دخلو وستقبلهم يوسف مع مو أو حفيضة دخلو ديريكت لصالون ولبنات مزال مخشين. فالكوزينة حتى تعيط عليهم رقية كانو عبير كاتفتف ....
ناردين : مالكي كترعدي عليا هزيها عادي عبير : حرام عليك ديها انت انا على ربي غير نهز رجلي بقااااا لياااا غير نهز صينية
تجهات لعندهوم وهي كلها تترعد أو كيسان كلهم تيقفقفو أو جاسر شااااابع عليها ضحك بدااا البراااد تيترعد.كون فيه اتاي كون تخوا ناردين دغية حطات الحلوة فطبلة وشدات من عندها صينية قبل ما طيحها على رأس يوسف لي كان گعد فم لباب أو تيهضر مع جاسر ومشات ركعات الكوزينة جابت زناير حطات كلشي قدام الحاج باش يبدا اعمر لهم اتاي ......
الحاج : تبارك الله على عروستنا عرفتيييي تختار العفريت
ضحكة جماعية بحال إلا خوااا الما بارد على عبير باش تهدن أو متبقاش مخلوعة حينت كلشي نتبه لها وعرفها متوترة
الحاج الشافعي :ما شاء الله عليك أبنتي
سلمات عليهم و جلست بقاو تايشكرو فيها
الحاج :ايوا اسيادنا كانضن عرفتو سبب المجية ديالنا....حنا جينا طالبين راغبين فيد بنتكم المصونة عبير لولدنا جاسر إلا بغا الله
الحاج الشافعي:(قال داك المثل الشهييييييييييير اي كايقولوه)ايوا السكوت علامة الرضى
حفيضة : داك الشي لي بان ليا .....ايوا مبروووك عليكم *,زغرتات* لولولولولوووي😂 قبلو عليها وخا عوجة
جلسوها حدى جاسر 😍😍 و ركب لها الخاتم ا ❤❤
ايوا تافقو على العرس مور شهر بين ما إدخلو واليدين جاسر المغرب ويكون كلشي حاضر غير تفاهمو على كلشي مشاااو وبقاو البنات مقصرين فصالون وحفيضة تتقلد طريقة لي دخلات بها العروسة وهي هازة صينية كلشي مات عليها بضحك
حفيضة : هههههههه ياربي تسمح ليا راااه غير تنضحك عندك تقلقي ولكن رااااه قتلتيني بضحك أما واااحد مولاي سلطان شبع عليك ضحك حتا هو .......عبير : كانت خايفة بزااااف اخالتي
حفيضة : هههههه تتوقع كون تشوفو انا صبري نعاود لكم اش وقع ليا ...... ناردين : ماما نوضي مرة خرى رآه خصنا نمشيو ........ عبير : فين غدي تمشي واش انت حمقة دنياااا خاوية بقاي حتال غداااا مالكي گعدة فالخلا ولا ماما جيبي مانطات من البيت نفرشو لهم
ناردين : لا غير خليني نمشيو مكاين لي إقرب لنا ...... عبير : لا هي لا بحال هنا بحال لهيه فين كاين الفرق اناردين باتو هنااااا حتال صباح وسيري الله اعرضك سلامة ....
عبير. فرشات لهم أو نعسات حدااا ناردين
ناردين : مشفتيش بهاء الدين كيفاش كان تيتصرف كان مكتر على رااااسو زعمة عندو زايد ناقص كي مزوجين كي مطلقين كان باين على وجهو مرتاح گاع ممسوق اعبير أنا كانت تنگول غدي اكون ندم عليا أو مقلق ونا يبقا فيا ورجع ليه المهم ندمو أو نبقا نحطها ليه وقتما سخن عليه راسو ولكن سيد مفركس جاااااي تيتعنضض عليا بحال إلا مكائن والو بحال إلا گاع متيعرفنيش غدي احمقني اعبير .....
عبير: ههههه لا انت بزاف كيفما دار معاك بنادم وحلة نعلي شيطان أو نعسي هنينا من صداعك
ناردين : لا كااان تيدير هكاك جكر فيها زعمة بغيتي براتك راااه وصلاتك انت گاع متتهميني راني تنعرفو مزيان اعبير
عبير : واااخا وااااخا يلاه تصبح على خيرر
ناردين تگلبات الجهة الخرى أو نعسات أو عقلها غير مع بهاء الدين معجبهاش الحال منين معبرهاش كيفما هزات عينيها فيه تتلقاه يااا تيهضر مع جاسر ياااا شاد تليفون فيديه أو شحال من مرة ناض تيهضر فتليفون برا بسوايع هدشي زاد عصبها ....
ناردين ؛ عبير زعمة تكون كاينة شواحدة فحياتو هااااه هضري نااااري يااااك شفتيه شحال من خطرة خرج حتااا هضر ورجع معامن غدي اكون تيهضر فنضرك اعبير
عبير : أو وووف خليني نعس اصحبتي راااني فيا الموت تنعاس يهضر ولا مااا يهضرش ونااا مالي واااااا نعسي ابنااااادم واااا مشكلة هدي ندمت علاش شديتك تباتي معايا گاااااع..
ناردين ؛ غير فيقي شوية راااني مفقوصة خايفة تكون شواحدة هديك معامن كان تيهضر غدي نحماق اعبير
غفران ؛ انا بالكشيفة باش جبت نمرتو أو 3 شهور ونا تنسول عليه كان غابر فالخر يهضر معايا بديك طريقة جهلني *حطات المشروب* صبري انا دباااا غدي نمشي لعندو متعرفي غير إشوفني وغير رائي ديالو منكدبش عليك ديك الليلة عمرني نسااها فحياتي كلها اول مرة نعس بحال ديك نعسة مع شي بو ق*** ة دكشي ديالو خلاني بلا عقل ...يلاه بسلامة بسلامة
✓مكان___اخ__ر
جالس قدام المسبح لابس شورت فوق الركبة فالكحل صدرو عريان وشاد فيدو الگارو كل مرة كاينتر منو خرج الدخان من بين شفاهو
شد الكارط هرسها على جوج لاحها أو طلع الشقة ديالو مشاااا ديريكت الدوش غير كمل وخرج لاوي عليه الفوطة أو فوطة صغيرة تينشف بها شعرو سمع دقااان فالباب بقااا متعجب من شكون لي غدي إصوني ليه فهاااد لوقيتاااا يلاه حال الباب وتصدم..
غفرااان : حيااااتي هاني جيت هههه
بهاء الدين خنزر فيها ودخل وخلاها واقفة قدام الباب دغية سدات الباب ودخلات تتجري العندو فرحانة ....
رجع البيت كان متكي فوق النموسية جات بجرية العندو
غفران :شنو واقع ابهاء الدين علاش مبقيتيش تتسول عليا ولا على ولدك حرااااام عليك هو باغيك انت ماشي باغي فلوسك منين يتزاد أش غدي نگوليه لا هاهما الفلوس هما باباك
دخل لحمام بلا مايجاوبها بداااا تيخوي المااا على وجهوو خرج لابس شورط قصير فالكحل او من الفوق عريان دخل للبالكون شعل كارو وبدا كيكمي *وقفات حداه*
غفران :ماجاوبتينيش ابهاء الدين وااااش نطيحو انا منقدرش نربيه بوحدي
بهاء الدين شاف فيها عاقد حجبانو حتا نتأكد مننو بعد واش ولدي
غفران : انااااا مغديش نكدب عليك منين عرفت بالي حاملة راني گلتها ليك وگلتي ليا حتا نرجع المغرب دبا انا مسافر شحال ونا تنتسناك ترجع وتصل بيا ساع والو حتى سولت عليك عاد عرفت بالي رجعتي
بهاء الدين لاح داك گارو منين يديه أو طفاه برجليه ودار العندها طار على عنقها قجها حتا فلتو عينيها كانت حاسة بالسخفة وقلبها ايوقف ماقدراتش حتى تهضر كتشوف غير فشفايفو كيتحركو وكلامو كيتردد فودنيها .طلعات يديها حطاتها على قلبها لي بدا كيضرها كان ايقتلها زيرات على جيهة دلقلب وستنشقات الهوا بالجهد بصوت مرتافع نطقات
غفران : بعددد كنتي اتقتلني وااااش انت حمق انا مستحيل نضحك عليك هاد الولد لي فكرشي ولدك ااااه ولدك انت داك نهار مكانتش دايرة حسابي وحتاااا انت كانت بحال شي وحش مارستي معايا بعنف وخويتي فيا شحااال من مرة غير گولي كيفاش بغيتي مني منهزش منك ونا كانت فترة إباضة اهئ اهئ وااااش عند بااالك انا فرحانة بيه حتاااا انا مبغيتوش أو فنفس الوقت خايفة نحيدو رآه كبر شكون لي غدي طيحو ليا
بهاء الدين تعصب بقاااا غادي جاااااي تالف معرفش كيفاش غدي إدير اخرج راسو من هاد الحصلة لي طاح فيها تنفس بعمق أو رجع شااف فيها وهز يديه حطها على وجها بدا كيحركهم بشوية بطريقة حنينة بعد الشعر على وجها ورجعو اللور ونزل يديه على عنقها ومزير على سنيه وحط راسو على راسها
بهاء الدين :مازال ماشتي والو اغفران عرفتي وتكوني تتكدبي علياااا أش غدي فموك *دفعها * وبقااااا تيشوف فيها أو متوتر تيحرك صباعو على شفايفو بسرعة أو تيشوف فعينيها تيحاول يقراااهم كانو عينيها مدمعين باينة كانت تتهضر بصح أو متتكدبش عليه نزل عينيه لكرشها لقاها شوية باااينة *تبسم*
رجع شعل الگارو أو تيفكر فهاد الحصلة لي طاح فيها
بهاء الدين: سيري تنعسي *أشار لها لنموسية*
ورجع شاف بعيد غفران بقات واقفة شحال عاد نطقات
غفرااان : بهاء الدين عفاك متخلينيش أناااا خايفة بزااااف *عنقاتو من لور *
بهاء الدين نتر لكارو لي فيديه وساط الدخان وشاف فيها
بهاء الدين :كنضن خاص تنعسي السهير ماعندو باش يفيدك ....غفران :ولكن..
قاطعها...... سيري تنعسي
تنهدات ودخلات تحت ليزار تخشات فبلاصتها غمضاات عنيها حتى كتحس بيه تكا حداها حط يديه على كرشها
بهاء الدين :كي بقا ولدي ...
غفران :لاباس كيكبر نها على خوه
بتاسم وهو كيشوف فكرشها باغي فوقاش يشدو بين يديه بقاااا هكاك تيتلمس فكرشها حتا غلبو نعااااااس ومشاااات بيه عينيه أو غفراان مزال فايقة تتشوف فيه أو فرحانة قربات شوية منو سرقات قبلة خفيفة متحركش عرفاتو نعس أو دارت الجهة لخرى نعسات ..
نهار جديد ...
حلات عويناتها غفران وهي كتكسل حطات يديها على كرشها كتغوت بالجوع ضحكات على راسها تفكرات بهاء الدين لي كان حداها شافت جنابها مبانش لها وناضت جالسة كتشوف فالبيت لي غيولي ديالها البارح كانت خايفة من ردات الفعل ديال بهاء الدين لا ينكر ولدو ويلوحها لزنقة حينت هي عارفة مزيان بهاء بحال شي وحش مكانتش متوقعة منو يتصرف معها داك تصروف تبسمات أو حطات يديها على كرشها
غفران : وأخيراااا أولدي وأخيراااا غدي نعيشو عيشة ديال الملوك انا وياك باباك مستحيل إفرط فيك الله على رااااحة وقفات أو تتشوف فالتفاصيل البيت .شافت بالكون كبير هابط معاه الخوامي كيديهم ويجيبهم ريح وداخلة شميسة منو ناضت وهي كدور فالبيت عجبها فيه الوان بناتية خرجات للبالكون ووقفات كتشوف عجبها المنضر غير الخضورة والطبيعة والشجر حمقها الجو وعاد الهوة نقي بقات كتسنتشق داك الهواء الصباحي .رجعات دخلات دوشات عليها وهي كتفكر فحياتها وفداكشي لي جاي صافي دابة دارت اول خطوة كبداية الحياتها الجديدة خاص تكملها خرجات من الحمام نشفات شعرها ومشات الدريسينغ لقاتو مثقل بالحوايج هااا ديال الدار هاااا ديال الخريج أو دكشي محتاشم أو كل لبسة معها فولار ديالها عااااد جهة أخرى كلها سوميجات دنوي فجميع الأشكال عاد الإكسسوارات او مكياج البرودويات ديال حمام دكشي دوخة طاح لها العجب ديالمن هدشي زعمة اكون مزوج أو هي مفراسها والو ل
غفران : لا لا مستحيل كون مزوج كون كاينة معاه مرتوو أناااا ماشي سوقي المهم هو خلاني نعيش معاه أو نتمتع فهااااد الخير انا ضروري خصني نجيب حوايجي ونرمي عليا هااااد لحرااتك معندي ما ندير بيهم نخلي غير سوميجات *هزات واحد كولو خيوط* وااااو هدا غدي نباااان فيه بحااال شي حوتة فالبحر غدي نخليه بلا عقل ...
دغية لبسات واحد لبيجامة قصيرة وجمعات شعرها عشوائي مع واحد البنطوفة فيها قنيونات فالقدام وخرجات تتغني فرحانة وتدور تكتاشف بيت بيت حتاااا دخلات الواحد البيت حلات فمها مصدومة كان بيت مجهز بحوايج ديال البيبي لون الجدران ديالو غوز وبيض ديال لبنيوتات فيها جميع الألعاب أو الملابس ديال شهورة لولين بدات تضحك منين هزات واحد سبيبيط صغير قد صبعها فطول مات بضحك حطاتو على كرشها
غفران : وينو وينو شحال زوين هدشي باباك موجد ليك حتا بيتك اوا هانتي معندك ما تساليه فعلا ونعمة الأب راااه وخا تيبان بحال إلا شواحد مسطي ومعقد ولكن رااااااه حنين أو تيحماق على دراري صغار غدي إديرك فعينيه ابنتي نتمنى غير تكوني بنية غدي يفرح بيك قداااااش
خرجات تتجري القااات طبلة مشكلة بجميع انواع المأكولات خرجااات لسانها غادية تتجري لها هزااات عينيها تخلعات وبقات واقفة تتشوف فيه كان فلاطيراس كيطل على الخلاء وسيجارة فيديه قربات لعندو هي كتشوف داكشي شحال عالي تخايلات راسها إلا طلعات ليه جنون غدي ا هزها ويلوحها من تم وحتى واحد مغدي اجيب ليها خبار عارفاه يديرها بقات كضحك فنفسها
بهاء الدين *بخشونة* ااااش واقفة تديري تما جلسي تفطري ...
غفران دغية جراااات الكرسي وگعدات هزات كاس ديال عصير بالفوكة شرباتو دقة وحدة وهزات طبسيل ديال الملوي مع الكرواصة ديال شكلاط قرباتو لها وخوات كاس ديال الحليب سخون بشكلاط تدوز بيه أو جناب فمها عاااامر بحال دري صغيور بهاء الدين مربع يديه وتيشوف فيها شوية جااي الجهتها جر الكرسي وحط يديه بزوج على طبلة جمعم أو قربهم لوجهو كان اونفاص لها وحل لها الماكلة
بهاء الدين *بصوت رجولي * منين تولدي ان شاء الله غدي تخلي ليا الولد أو تمشي
گال لها دوك جوج كلمات بحال صاعقة نزلو عليها وحلات لها عطاها الما دوزات الماكلة لي وحلات لها فحلقها....
بهاء الدين : ااااش گلتي
غفران حركات ليه راسها ورجعات كملات فطورها
بهاء الدين: مزيااااان باش نتفاهمو من هناااا من اليوم مغدي اخصك والو لا نت لا ولدي أو أي حاجة بغيتيها غدي تجيك حاجة خرى ديك الخدمة ديالك مغديش مزال تمشي لها حتااا تولدي أو ديك ساعة انت حرة *حركات راسها* دبااااا مفاهمين منين تكملي فطورك لبسي شحاجة غدي نمشيو عند طبيبة خصني ندير شي تحاليل نتأكد منو بعد طلقي راااسك
دخل وخلاها غير تتشوف أو تتغدد
غفران *فنفسها* لا رااااااك غالط اسي بهاء الدين دبااااا نشوفو من هنا القدام واش مزال غدي تبقا شاد فكلامك ولا غدي تراجع انا ونت ولدنا غدي نعيشو الى مدى الحياة مع بعضياتنا هههه يلاه يلاه فطري دغية باش متعصبيهش انت خصك تحاولي تشدي بلاصتك اغفران مستحيل ترجعي لداك الجحيم فين كانت عايشة دخلات تتجري البيت لقاتو مقابل مع المراية تيقاد فالكول ديال القاميجة أو تيسد فصدايف أو راسو هازو بكل كبرياء هي دغية هزات حوايجها عند بالو غدي تلبسهم الداخل ساع حيدات البيجامة قدامو بقات غير بسوتيامات أو سترينگ دغية هبط راسو هز سوارت مع تليفون وخرج وبقات هي تضحك...
ناردين *حاطة يديها فجنبها* لا لا اخالتي ماشي بزااف غير شوية
عبير : علاه هي نعسات بعد الليل كامل وهي تتهضر طاح ليا العجب فيها لي نايضة فهاد الوقت بحال سحت الليل باااااز ليك ما تتنعسي لا بليل لا بنهار حسن عوان ديك البنت لي هازة فكرشك ...
ناردين : نعست والله حتا نعست غير بقيت معاك حتا شفتك مبغيتيش تهضري وتعطيني العنوان ونا نعس اصلا انا حمارة كانت دغية غدي نطيح جاب الله معطيتينش العنوان احسن حاجة درتي خليه شوية يعرف بقيمتي
حفيضة : أويلي يكما كانت بغيتي تمشي العندو
ناردين : هدااااك بابات بنتي اماما غير ديريها فراسك قد مااا طوال زمان ولا قصار غدي رجع ليه غدي رجع ليه
حفيضة : سكتي يالمدلولا ويلي على فقصتي فرحانة الله امسخك ماااا جيتي تشبهيني فوالو غير يابردة القلب
رقية : اوا صافي احفيضة خليها رااااه حاملة منو خليها تنعل شيطان دير غير بوجه دكشي لي فكرشها
رقية : مالو دكشي لي فكرشها غدي اعيش بيه ولا بلا بيه انا نيت راني كانت تنموت على باها غير لقيتو غير شمكار سكايري مبقيتش تنعول عليه مزال تنعول على الله وعلى راسي مالها مات راني ضربت عليها تمارا الكحلة وكبرتها بوحدي فين هو عمرو فكر فيها ولا تحمل المسؤولية كانت هزاه هو وبنتو من الفوق اودي غير خلي داك جمل راگد.اختي رقية خليه راگد ...
رقية : نطلبو من الله عز وجل يااا بنتي ياااا ناردين اسهل عليك وينقي طريقك من شوك
ناردين *باست راسها* اللهم امين اخالتي
حفيضة : جبتي بعد معااااك بعد وراااقك كلهم
ناردين : اااااه ديما هزاهم فصاااكي
حفيضة : مزياااان اوا سيري الله اسهل عليك فيها....
خرجو البنات مع دعيوات ديال الخير شدو طريقهم الواحد البريڤي جديدة سميتها المدرسة الأزهار كااانت فرااس شارع مشاااو البنات تيزربو مع عبير مزال خصها تمشي الشركة مبغاتش المشاكيل فأول نهار لها من بعد الخطوبة بغات تخلي حياتها شخصية بعيدة على حياتها العملية ..
مكان أخر خرج بهاء الدين من لوطو ديالو غاااادي بسرعة بلاما تشعر لقات راسها غفران غادية موراه تتجري أو شادة فقلبها سخفها دخل السبيطار موقف حتال قدام المكتب ديال مريم نساااا راااسو صحابو غادي مع ناردين حتا تفكر غفرااان أو مريم صحبات ناردين دغية جاب دورة حتا لقا مريم فوجهو هازة فيديها كاس ديال القهوة معطرة ودخلة بيه المكتب عندها ...
مريم : بهاء الدين أشنو تدير هنا *تتشوف فغفران* أو كيف دايرة واحد ناردين لباس عليها
غفران : بهاء الدين فين غادي هاااد دكتورة تنسمع عليها مزيانة خليني ندوز عندها
مريم : علاش أشنو كاااين
بهاء الدين شد فراسو ورجع اللور
غفران: عفاك أنا حاملة أو بغيت نطمأن على صحة البيبي أو فنفس الوقت بغينا نديرو شي تحليلات ...
مريم *تدور فعينيها* وخاااا دخلو معااايا مرحبا *حلات الباب ودخلات*
غفران: شكراااا أحبيبة بهاء الدين يلاه زيد
شار لها بيديه باش تدخول وبقااا غادي بشوية أو تيصوت ..وتيحرك صباعو على شفايفو متوتر ومخنزر دكشي لي مبغاااا طاح فيه
غفران تسطحات فوق لبياص أو مريم تتلبس ليگو فيديها وتتسول فيها ....
مريم : شحال هدي باش مبقيتيش شفتي لغيگل واش كانت تتجيك من قبل منتاضمة
غفران : شي 3 شهور و زيادة باش مبقيش شفتها اه كانت ديما تتجيني كل شهر
مريم : عمرك دوزتي عند شي طبيبة .......غفران : لا
مريم *متفاجئة * المرأة منين تتحمل ضروري من المراقبة ديال طبيب حينت بهكااا غدي يبقا طبيب متبع معاك من لول حتا تولدي بسلامة بلا متخافي من حتا شحاجة
حطات لها البرودوي فوق كرشها أو حطات لها لبراي فوق كرشها أو تتحرك فيها بشوية على كرشها أو تتشوف فشاشة لي قدامها شوية تيسمعو دقات قلبو بهاء الدين تيضحك وعينيه تغرغرو بدموع شدات فيديه غفران أو تيضحكو
بهاء الدين: أن شاء الله عطيني الورقة ناخود ليك دوااااا من الفرمسيان
مشااا الفرمسيان خدااا دوا ورجع العندها طلع فطوموبيل أو مشاااا مكسيري أو هي حداااه حاطة يديها على كرشها فرحانة
غفران : فين غدي نمشيو دباااااا
بهاء الدين : الدار فين ...
غفران ؛ مشهية غير الحريرة حامضة ابهاء الدين هي لي بغااااا خاطري *مخرجة لسانها *
دور وجهوو لقاها كتبكي قوص حجبانو
بهاء الدين : مالكي على البكا
غفران :سوووك بالجهد باش دغية نمشي نشربها انت راااااك محسش بيا ولدك معدبني هو لي بغااها ماشي انا.....* شاف فيها*
غفران كتمسح دموعها بكمها وتهز راسها بحال شي بنيوتة صغيرة
غفران :ماغاتحسش بياااا اصلا فين عمرك حسيتي انت بشوووااااحد عند بالك تنتفلا ولكن منين تخرج شي زلافة ديال الحريرة الحمرا فوجهو عندك ديك ساعة تلومني
ودورات وجهااا كتمسح فدموووع وتنخصص
بهاء الدين تنهد وهو كيزيد فالسرعة تا لافاااان حتى تهزات طموبيل وشهقات كتشوف فطريق ولا تيبان لها راسها شوية وغدي اطيروو السمااا...
بهاء الدين عارف لوحم تيكون صعيب وهو لي داير ليها هكاا أو معندو حتا شي حل اخر من غير إشد لها الخاطر هو مكانش مع ناردين فالمراحيل الاولى من حملها أو مبغاش يتحرم حتا من ولدو تاني بغااا اكون معاااه فجميع المراحيل ديال النمو ديالو ..غفران كتشوف فيه كيدوبل طموبيلات حتى كيبقاو يكلاكسونيو عليه من سرعة لي داير شدات فلكوسااان وبلعات ريقهااا وتدور بعينيها مخلوعة من هاد السرعة
هو كان متحكم فطموبيل كيلعب بيها كيف بغاا وعنيه على طريق لاتبان ليه شي ريسطووو ولا شي محال كيبيع الحريرة حتى كيسمع غواتها من جنبو أو شادة فاليديه
غفران :بهاء الدين نقص من السرعة عفاااك رااااك غدي تقتلنا غير نقص قتما وصلنا
نزل بشوية وهي سابقاه تتجري وهو تابعها كيشوفها فيها أو أو جامع يديه ورا ضهرو دخلو للمحال كان خاص بالاكلات المغربية طلبات لحريرة وجلسات كتسنا وهو واقف مراقبها كيف متحمسة شوية جابو ليها زلافة وحطوها قدامها..هزاتها وقرباتها لنيفها كتشمهاا أو تتبنن فيها هزاااات المعلقة دغية وبدات تشرب حرقاتها وبدات تتغوات ومخرجة لسانها أو تتنش بيديها على فمها بهاء الدين دغية نزل لعندها وعطاها الما أو بداااا تينفخ على زلافة باش تبرد
بهاء الدين : واااااش متتشوفيش رااااه باينة سخونة شوفي دخاااان كي طااااالع منها واش حمقة ولا مالكي .....
بهاء الدين *دفع زلافة * شوفي دبااااا راااه بردات شوية شربي غير بشوية عليك مكاين لي غدي إتبعك عليها
جر الكرسي وگعد فجنبها أو تيشوف فيها وهي تتبنن فيها. وفرحانة تتلعب برجليها قرب منها وبدااا تيبعد شعرها من على وجها وهي تضحك حتا كملات اوو رجعات اللور حاطة يديها على كرشها
مشات تتجري سبقاه دخلات الطوموبيل حمقاتو مشا .خلص ديك الحريرة لي شربات وخرج ركب فطموبيل وديمارا ومشااا زاااااف الدار غير وصل تيتسناها تهبط باش اكمل على طريقو ..
غفران : واش انت مغديش تهبط معايا
بهاء الدين : لا غدي الخدمة هاكي دواك شربيه بطريقة لي گالت ليك طبيبة
غفران : وخاااا واش نتسناك العشا غدي تجي
بهاء الدين : لا بلا متسناي هاكي رقم ديالي اي حاجة خصاك گولها ونا نجيبها ليك
ناردين كتحس بدنيا كدور بها أو صوت مريم بعيد تيتسمع فودنيها وألم فضيع كيشق لها راسها يلاه وقفات حتا طاحت الأرض على طولها.....
مريم تتغوات بغااااات شواحد إعاونها جاو گاع رجال لي كانو فالقهوة تجوقة عليهم هزوها جوج رجال ودخلوها الطوموبيل ديال مريم ومشااات تتجري السبيطار كل شوية تگلب راسها عند ناردين تتلقاها مزال مغيبة كانت خايفة عليها وندمات علاش گالت لها شحاجة ديك ساعة تصلات بعبير كانت مع جااااسر فشركة غير سمعات ناردين فسبيطار جاااات تتجري بلا عقل ...
فتحت عنيها بقوة في غرفة بيضاء ...وسيروم فوق راسها ...كانو كاملين فوق راسها حفيضة گعدة فجنبها شدها لها فيديها أو تتبكي حداااا راسها .دخل طبيب ...العندها بدات تتفك الأحداث لي فراسها بداو كينزلو عليها بحال شتاء تفكرت كلشي ..كيفاش خانها بهاء الدين وهي لي كانت تتسنا يعرف بقمتها أو إدير لها الإعتبار ويرجعها ليه وهي هازة راسها السمااا سيد گاع ممسوق لها تيتسنا مولد أخور من وحدة خرى زيرات على سنيها نترت سيروم بقوةة بغات تنوض تخرج
حتى هضر طبيب
الطبيب: مدام ناردين حاولي ترتاحي شوية رآه صعيب عليك تعصبي ومن فوق هادشي رااك حاملة وهدشي صعيب على ولدك
حفيضة ؛ امتى غدي تخرج بنتي الدكتور
طبيب : غير تكمل سيروم أو تخرج ولكن تحاول تبعد على أي حاجة غدي تعصبها ولا تأتر على دكشي لي فكرشها الله اجيب لعفو
عبير: امين شكرا بزاف دكتور
كلهم تجمعو فجنابها
رقية ؛ خلعتينا عليك ابنتي جينا انا وماماك بلا عقل عدينا بيك فالمدرسة يلاه تنوجدو واحد الگاطو بغينا نحتافلو بالخدمة جديدة باش تدخول عليك بصحة وسلامة حتا جاتنا الخبار راك فسبيطار خلينا كلشي وجينا بحال لهبيلات مالكي أش وقع ليك
مريم : والو غير نزل لها ضغط دبا رآه بخير صافي خليوها ترتاح غير يكمل سيروم نجيبها حتال دار معندكم مناش تخافو
حفيضة : وخا ابنتي الله يرضي عليك يلاه غير نمشيو حنا معندنا ما نديرو هنا باقي ياك غدي اوصلنا خطيب بنتك فطوموبيل ديالو
جاسر : ااااه وخاااا يلاه زيدو
رقية : يلاه أولدي ناردين خلينا ليك راحة ابنتي ...
مشاو كاملين وبقات ناردين مع مريم ...
مريم *شدات يديها* صافي اناردين نساااي تهلاي فراسك أو فبنتك وخرجيه من باااالك هاد بهاء الدين اااش عطاااك غير گولي ليا اش عطاك منين عرفتيه ونت من مشكلة لمشكلة كبر من هديك لي سبقاتها غير تتبكي بغيتك تمحيه من بالك راااه مااا يستهلكش اناردين والله ما يستهلك
ناردين عفاااك الا كمل خلينا نمشيو
مريم ؛ اه كمل يلاه نوضي
شدات فيديها أو مشاو طلعات فطوموبيل وديمارات ومشات بها ديريكت الدارهم دخلات البيتها أو جات العندها حفيضة هازة لسوب تتبرد لها فيها
حفيضة ؛ مبغيتيش تگولي ليا مالكي علاش حتا طحتي معمرك ما وقع ليك هكا گاع هدشي باش انت حاملة
الحاج الشافعي : جااابك الله أولدي يلاه جمعت خوتك بغيت نهضر معهم فواحد الموضوع وبغيتك تكون حااضر
بهاء الدين : وخاااا الحاج نطلع نبدل حوايجي ونزل عندك
الحاج الشافعي : خليك غير هكاااا
جرو دخل لقااا كلشي مستف فصالون أو حتا واحد مفهم شحاجة جلس بهاء الدين وتيشوف فيهم ...
الحاج الشافعي : المهم جمعتكم هنا على قبل. واحد الموضوع هاهو نوردين تزوج أو عندو وليداتو الله اخليهم ليه ملهي معهم أو بهاء حتا هو غدا. ولا بعدو غدي يرجع يتزوج أو يتلهى غير مع وليداتو أو ان شاء الله هند حتا هي إجيها زمانها أو تمشي العند رجلها يعني غدي نبقاااا غير بوحدي ..
الحاج الشافعي: لا لا ضروري إجي شي نهار لي نبقاااا فيه بوحدي عليها بغيت نجيب لي إونسني ويعمر عليا دار وخا لقاااا غير لي إجيب ليا بعد كاس ديال الما الحاجة الله يرحمها ويوسع عليها برحمتو عمرني ماااضنيت تسبقني منين مشااات وليت تنحس بالوحدانية عليها فكرت نعاود نتزوج مرة خرى *كلشي تصدم* مالكم تتشوفو فيااا هكاااا مااال زواج عيب
بهاء الدين: اااش تتخربق الواليد حتااا حاجة مغدي تخصك اي حاجة بغيتيها نجيبوها حتال عندك علاش باغي دخل مراااا وحدة خرى بلاصت الواليدة ...هدي ماشي هضرة
الحاج الشافعي: گلتيها بفمك الله يرحمها انا مغديش نبقاااا بوحدي ويلا جمعتكم هنا رآه غيرر بيت نديرها فبالكم وصافي ماشي
تنتشاور معااكم و بغيت الموافقة ديالكم عندك تمشي غالط....
بهاء الدين ناااض زاااعف شوية أو تبعاتوو هند حتا هي بقاااات غيرر نجلاء و نوردين
مشاو بزوج و دخلات نجلاء عند هند لقاتها شابعة بكاااا
نجلاء: لا اهند مكاين لاش البكا
هند : واش مسمعتيش بابا أش تيگول بغااااا يتزوج هو دغية نسااااا ماما الله يرحمها انا مستحيل نقبل بهاد زواااج مستحيل إلا دخلات هي نخرج انا مستحيل نخليها تشد بلاصت ماما ...
نجلاء؛ حتا وحدة حتااا وحدة مغدي تشد. بلاصت الحاجة اهند متفكريش هكاااك عمي معمرو مغدي ينساها غدي تبقا هنا وهنا *شارت بصبعها لراسها وقلبها* هو من حقو يتزوج اهند محدو مزال فيه جهد رجال اهند ماشي بحال العيالات راااه مفيهم صبر كون المرحومة كون صبرات معندها مزال ما دير بشي زواج بركة عليها غير ولادها فيهم كلشي فعينيها ولكن راااجل لا قليل لي تلقاااه گاعد بلا زواج حتا تياخود من الأمانة أمانتو واش فهمتيني اهند يااااك
هند عينيها حمرين ومنفوخين بالبكا حركات لها رااااسها
نجلاء: مزياااان يلاه نوضي غسلي وجهك وخليك بعقلك ودعي مع الحاجة برحمة راااه دوك دعيوات هما لي غدي إ صلوها أما البكا ونواح غير تيعدبها أو حتا نوضي لعند الحاج راضيه بشي كليمة زوينة الحاج راااه قلقتوه منكم حينت بغينا غير نشوفوه مرتاح أو فرحان ويلا هدشي غدي اكون فزواج ديالو مااا نزيدوه غير الخير أو حتا إلا جاب ليك الله زمانك تمشي مرتاحة من جيهتو حينت كاينة مراااتو تقابلوو ويقابلها مگلتيش عليا شكون هدي لي الحاج حاط عليها عينو
هند مسحات دموعها بكمامها ...
هند : شكوووون ....... نجلاء : ههه رقية
هند *مصدومة* رقية مامات يوسف
نجلاء : هههه اه هي انا عجباتني مرااا تتبان رزينة وحكيمة وبعقلها اللهم هي تنعرفوها ولا إجيب ليك شي برهوشة تنغص علينا عيشتنا ياك بعد ......*حركات راسها* اوا هكاك نبغيك يلاه غسلي وجهك وسيري هضري مع الحاج راضيه وخليه ينعس فرحان ونا غدي نطلع عند بهاء الدين نطلع ليه عشاه أو فنفس الوقت نهضر معاه حينت حتا هو كان مقلق بزاف من هاد الموضوع
هند : وخاااا امرات خوياااا ...
🍂تسريع الأحدات🍁
بهاء الدين ولا مقسوم بين جوج عيالات هازين قطعة منو كان الحاجة لي غدي ادخلها لناردين بحالها تتدخول حتال الخرى كان تيمشي برجليه حتال عند ناردين بسبة اشوف ولدو ويشوفها ولكن ناردين رجعات وحدة خرى تغيرات كليا الدرجة حتا واحد مبقاااا تيعرفها ركزات غير على خدمتها وحياتها مبقاتش تتسوق حتال شواحد أخور وقتما شافتو تتجري عليه شحال من خطرة تتشهد فيه جيران حتا مبقاش قادر اقرب لها تيصيفط دكشي لي تيرسل لهم من مأونة وفلوس غيرر مع نجلاء وقتما توحشها تيمشي اشوفها من بعيد فالمدرسة أما غفراااان فهاد الفترة دوزتها غير وحم كل الليلة تتعيط عليه فنصاصات الليل تيجي تيجري بطوموبيل حتال عندها إجيب لها دكشي لي بغاااات وبعض المرات تتبغيها فيه نيت أو تتوحم ليه على شحاجة گاع مكاينة وتتخليه يبقاااا تيقلب بحال شي حمق المهم هو تخليه قريب لها هكااا دوز بهاء الدين هاد الفترة لي كاين بحال المشحاط بيناتهم بزوج ولي مخليه يحماق هو ناردين لي كل نهار تيتأكد بالي صافي منو ضاعت أما رقية وصلاتها الخبار بالي الحاج الشافعي بغاها عجبها الحال وردات عليه بيه موافقة ولكن يصبر عليها شوية حتا تهنا على بنتها وتصيفطها لدارها عاد تفكر فراسها ..
أما عبير كااانت مدعوقة بتوجاد ديال العرس شهر مكانش كاااافي أو كل نهاااار تيقرب العرس تيركب فيها رعب .....
وصل اليوم الموعود ...
مشات معها ناردين كضور وتقيس فكاع لي غوب لي كانو تما واعرين ولاكن هادي لي شدات شي حاجة طوووووب فخخخمة وفغاية الرقي
عبير : صافي بغيتها اناردين ... غاناخد هادي ..
جات وحدة كتاخد ليها القياسات باش تمشي تقادها على الطاي ديالها ...
- تفضلي هنا صبابط ...
بدات كتختار عبير طاحت عينيها على واحد صباط بيض و فيه تقريبا نفس الاحجار ولي موتيف لي فالغوب .. و ختارتو ومشات للورد لي كتهز فاليد و ختارتو و و خبيرة الازياء كتعاونها فالاختيار .. مشات للمجوهرات ختارتهم تاهوما وعطاتها نصيحة انها تتكتفي غي بالحلقات باش ماتجيش شاغجي حيت باقي تاج... وخصها تبان كلاص و راقية .. سمعات ليها وختارت حلاقات زوينين و بغاسلي خفيف ... سلاو معاها من لازياء .. و هي تبع وحدة اخرى للحمام ... حيت طلباتو عبير بغاتو بلدي ... كانت فرحانة و فنفس الوقت متوترة ...شي حاجة مكانتش على بالها دوز زفاف أوسطوري بحال هدا وخا كولشي كان مزروب ولكن كانت كاتسنى هاد نهار بفارغ الصبر ...
دخلات الحمام البلدي وحدة كتساعدهاا دوشااات مزيان بالغسول الخضر معطر بالعشوب ريحتو فايحة بريحة الورد والأزير وتلقرونفل والبابونج والخزامة عاد بداو كيرطبو له جسدها بصابون البلدي مخلط بالعكر الفاسي وسكار گلاصي والحامض .. الحمام كان غير صغير بزليج البلدي ازرق و ابيض و فيه سقايات و سطولا مدهبين .... شموع وورد و خزامى منثورين فالارض ... غير تدخول لداك الحمام تتحس براحة جسدية ونفسيا ناردين كانت فجنبها لي لبقوه لها تدوز منوو عبير غير تضحك عليها هي وكريشتها ناردين مقنبعة قدامها تطلي فيها هي لولا مهلية فبنتها ناردين دخلات فشهرها سابع ولات تتمشي بحال الوزة من بعد دوش خرجو بزوجات حنيكاتهم حمريييييين و لابسين لبينوار ..شوية جات وحدة اخرى مكلفة بالجسم .. مشاو تبعوها الواحد الجناح فيه سرير ابيض ... نعسات عبير حيدولها البينوار و بقات هاكاك عريانة .. دارو لها قطن فيه ما ورد فوق عينيها و بداو كيحدو ليها الشعر الزائد بلاسيير .. أو ناردين كدالك جات عندها وحدة خرى تدير لها نفس شي لي دارت عبير دارو لهم كوماج للجسم و كريمات مرطبة تاخلاو جسدهم كيف البيبي شوية نزلات لتوتو عند عبيرر دارت لها لاسيرر طارت حتا السماااا ونزلات وبقات ناردين تضحك عليها بداو تيرطبو لها فيه بزيوت ..
عبير : نااااري مي ... لااااااا .. ليوم يفدي فيا كاع دوك الايام لي كان يبرد بالما على راسو ناري مشيت فيها اناردين ...قفرتها ديال المعقول بوسة مكنتش تنعطيها ليه
ناردين : صافي مبقااااا عندك هروب اليوم غدي ترجعي انت وياه جسد واحد كلشي من حقو
عبير *مصدومة* لا لا انا غدي نقوليه جاتني ليغيكل ونفلت منها اصلا انا مسخسخة اشنوو زعمة مااا يصبرش عليا شوية ؟؟؟
غفراااان : لا ولكن غدي نمشي هي غدي نمشي العريس تنعرفو مزيان مستحيل منحضرش فعرسو يلاه ختارو معايا انا قفطان لي لبس هداا لي فالگرونة ولا هاد لي فالبلو ماغي ناري الحماق غيرر واحد إنسيك لخور شوفو إلا كانتو غادين الكوافورة گولو لها دير بحسابي حتا أناااا صافي
هند *تتعواج فمها * واااااخ ولكن حطي لياا هاد تكشيطة هي لي غدي لبس
غفران : مسيميمة مع راااااسك هههه ولكن ماشي مشكل ماشي خسارة فيك ألوستي لعزيزة *غمزاتها*...
كان بهاء الدين واقف قدام المراية لابس كومبلي فالكري وقميجة كحلة وكرافاط كري مقاد حالتو ولحيتو زادت كبرت حيث اهملها واهمل راسو .. ...دخل عليه جاسر لي كان حتا هو أنيق لابس كوستار فالكحل والقميجة فالبيض أو لگرافطة فالكحل أو لحية مقادة أو رويحة مجهدة گاع خاوي عليه القرعة دخل وتيقاد فساعة لي فيديه
جاسر : بهاء الدين امالك من قبيلة وانا كنهضر معاك اخويا ...فين سارح
بهاء الدين : مسمعتكش * حك عينيه بصباعو بحال كيدلك *...عيييت اخويا عيييت هادشي فوق طاقتي
جاسر : غير صبر اخويا معندك ما دير رآه حتا عبير تتگولها تتگول بالي ناردين تبدلات عليها حاجة عادية تعاملك بديك طريقة
بهاء الدين: بغيتها غير تفهمني انا غلط ااااه كانت سكران اصحبي كلشي مخلط عليا المشاكيل ديالي لي معندهم حل مع ناردين والقتل ديال الواليدة انا فعلا غلط وماشي تنبرر اغلاطي انا معتارف بالي مكانش عليا نعس مع وحدة خرى وناردين مزال على دمتي ولكن كلشي كااااان فاللحضة غضب مااا فقت براسي حتال صباح عاد حسيت بالغلط والمشكلة الكبيرة هي غفراااان طلعات حاملة أو نتيجة ديال التحليلات طلعات بوزيتيف مكان عندي حتا حل من غير نتحمل المسؤولية ونصبر حتا يتولد الولد أو نتكلف بيه حينت مستحيل نخلي ولدي يكبر فجو دعارة غفرااان مستحيل تبعد على الحراااام انا مسكنها فدار أو مزال زامتها باش متمشيش ليبواط ولا دير شحاجة خايبة لي تهلك بيها ولدي بحال شراب ولا تكمي الگارو هي مهورة بزااااف وناردين يحساب لها معاااشر معها هدشي تيعصب مبقيت عاااارف ما ندير اجاسر كيفما تنبغي نهز رجلي تلقاااا رجل الخرى غرقااات ونبقا مدابز معها حتا هي وليت تنحس براسي بحال إلا تندور فنفس دوامة.....
جاسر *شاف فساعة* يلاه خلينا نمشيو رااااه نجلاء قبيلة دورات ليا گالت ليا بالي مشاو الكوافورة أو غفراااان لصقات فيهم *تصدم*
بهاء الدين: كيفاش لصقااااات فيهم علاه فين كانو هما
جاسر : گالت ليا جات عندهم الدار
بهاء الدين *بغضب* أو كيفاش حتا عرفات هي دار ناااااري غدي تحمقني هااااد البنت
جاسر: هههه هااااا لي مبغيناش غدي تفكرني فالضواسة ديالي الحامضين تسمعهم عبير ترجع فيااا أو متبقاش باغية تزوج گاع غفران أو الهام وبزااااف ديال البنات لي خدامين فديك لبواط گاع دزت عليهم انا وادهم هدشي علاش گالت لهم تتعرفني اودي العجب صافي هديك گاع رجال دازت عليهم مخلات حتا واحد جات حتا العندك أو حملات طاح ليا العجب فيها اصلا خدمتها هدي راااه تتكون جامعة راسها إلا جات تحمل من كل وااااحد نعس معها وايلي وايلي هدي رآه حطات عليك العين وبغات تهز منك صحة
بهاء الدين: ملقااات معامن غيرر تولد نكركب مها اصلا انا هاااد القحبات معقد منهم دبا المشكل الكبير هو إلا مشات العرس انا مبغيتش يوقع شي مشكل مع ناردين رااااه *هز لڤيست* سربي خلينا نمشيو باش نوقفها هي معندها فين تمشي هدشي لي بقاااا ليا غير نقرب ليصانص لعند العافية .......
*مكان أخر *
العروسة ديالنا مع ناردين كملو المكياج ديالهم ودازو الحوايج ناردين كانت لابسة تكشيطة بلونكاسي هابطة افازي وكريشتها قدامها التحت مطرزة بالصقلي الحر كيبري زيناتها باكسيسوار تقليدية عباارة على عقد كبير مليئ بالاحجار الكريمة و الجوهر فاللون الاخضر أو قدات لها الفولار جات غزالة صدق لها حسن من المشطة
أما عبير كان لابسة قفطان موبرة خضر ديال الحنا كلو مرصع بالأحجار جا مناسق مع جسمها بداو تيقادو لها شبكة على راسها فوق راسها أو هي مرة مرة تدور تشوف راسها فالمراية عجبها الحال تتحس براسها أميرة .
خرجوووهم من ديك الغرفة هازين ليهم جلايلهم و مغطي وجه عبير حفيضة ورقية لبسو تاهوما حوايجهم و لي كانوووو كولهم عبارة على قفاطن
رقية قفطان خضر موبرة مطروز و محجر بالذهبي و مضيمة رقيقة ذهبية عند الخصر مع طالون دهبي عالي و حلقات واحد الكولي فعنقها أو فولار بصقلي فوق راسها أو يديها منقوشين بالحنا وسواااك فمها مكياج ديالها بلدي غير كحيلة فعينيها أو شوية العكر فمها مع سواكة لي خلات سنيناتها بويض جات تتحمق عاد لآلة حفيضة نفس شي تگول الكوافورة لي دازت على رقية دازت عليها حتا هي كانت لابسة قفطام حريري فالحمر كولو مطرز بالفضي ومن فوق منو سلهام مشبك فالحمر أو كولو مطرز بالفضي مع اكسيسوارت بسيطة عطاتها اطلالة بسيطة و فنفس الوقت انيييقة ....شداتها ناردين من جهة و رقية من الجهة الثانية و دخلوها لدار بالصلاة على النبي و الزغاريت و هي حادرة راسها ... تلقات ليهوم حفيضة
حفيضة :بسم الله الرحمان الرحيم قل أعوذ برب الفلق من شر ما خلق و من شر غاسق إذا وقب و من شر النفاثات في العقد و من شر حاسد إذا حسد ..... الله يحفظك من لعين ا ابنتي مشااااااء الله غزالة
مكالمة من مجهول الجزء التاسع
محتوى القصة
التنقل بين الأجزاء