قصة بعيييدااا على كل القصص لي قريتو .. يعنيي مافيهاا تا حاجة من الخياال اي حاجة قريتووهاا حقييقية .. هاد القصة مبنية على احداث واقعية 100 % ❤.. ابطالنا ولاد شعب شخصية عمركم قريتوها
🍂 مكالمة من مجهول 🍂
👋 تقديم 👋
.. مكالمة من مجهول ..
بهاء الدين: عودتي ليست إلا تمهيدا لسفر سيحكمه الصمت ،لا داعي لطرح الأسئلة فالأجوبة ليس لها سبيل وسط الظلام ،الهدوء هو ما احتاااجه الأن أريد منك فقط أن تسمعيني تسمعيني فقط بدون كلام 🤫 ولا تنتضري مني شيئا أعطيه لكي فكيف لميت
أن يغفر بعد أن أصبح مسلوبا من كل شئ
وكيف لقلب مجروح أن يلملم جراحه من جديد وكأن شيئا لم يكن رفقا بقلوب تعشقكم في صمت وانتم ...لا تدرون ارى وجوها لا تستطيع الكلام ،دموعها تنطق بالكذب كيف لي ان اتمنى شيئ من عالم أناسه يعشقون النفاق .....
ناردين : الحب لا يعترف بقناعاتك الشخصية ولا يقبلها سواء قبلته او رفضته او حتي ان نكرت وجوده كبطل في رواية، لانه بمجرد ان دخل قلبك ولمسه سري في عروقك مسري الدم واصبح كالهواء والماء دونهما لا حياة .
فكن متاكدا يا من انكرت وجود الحب انه حتما سوف يحدث لك عاجلا ام اجلا – في اخر مكان ممكن ان تتوقعة ومع شخص لا يخطر لك في الحسبان....
أبطال رواية مكالمة من مجهول ....
بهاء الدين إنسان شخصيتو قوية قاااسي عدوااااني انسان حي بقلب ميت قلبو مبقاش تيعرف الرحمة مبقاااااش عندو ثقة فحتااا واااااحد حتا فراااسو من بعد العداب كاااامل لي داز منو بهاااااء الدين تغيراااات حياااااتو كااااملة
اما البطلة ديالنا حاجة خرى ناردين هي إنسانة رقيقة وحیویه هي حساسه ومرهفه تتحلم دائما بداك الفارس لي غدي يخطفها على الحصان الأبيض تتحلم بداك الأمير لي غدي يقدر يخترق حصون وجدران قلبها
هما مختلفاان في كل شيء واش ناردين تقدر تغير نضرة بهاء الدين هدشي لي غدي تعرفو عليه مع تسلسل الأحدات ......
ناردين: ناري ناررري شكون هاد ولد الكلبة لي تيتصل بيا فهاد وقت تفو على مو نوضني من احلى حلمة شفتها فحياتي كلها الو... والو... وهضر البشااااار هضر شكون معاياااااا
"" المجهول : السلام عليكم أختي
ناردين : ودخل فالموضوع ديريكت شكون انت او علاش مطلع ليا بريفي اشنو باغي من عندي هااااه ....
المجهول : غير سمحي ليا أختي أنا تنهضر معاك دبا من الحبس أنا متنعرفكش ركبت رقم غير هكاك او گالت الى صدقات ولد نقطع ويلا طلعات بنت نهضر معها
ناردين: أويلي على مكالمة من الحبس لاااااا صافي هدشي لي بقااااا ليا غير الحباسة حتا هما سمع والله يااا بالمكبوتة أمك أو مزال تصل بيا حتا نخرج الموك من تيليفون غير أي حمار تلفات ليه القبلة نبان ليه انا فالبلان واش بنات الناس عندكم اللعبة گليك الى ولد يقطع ويلا طلعات بنت إشد معاها ستون الله إمسخك تتگولها بوجهك حمر يا بالحيوان لخور ....
المجهول: بركة من هاد الهضرة طايحة انا من صباح ونا صبر ليك أو مخرجتش مع فمي كلام العيب أو غير سمح ليا اختي إلا برزطك أنا كانت غير بغيت نهضر معاك فشحاجة مهمة ...إلا سمحتي ليا وعطيني غير شوية من وقتك سمعي ليا ...
ناردين: يكما انا مكتوب على رقمي سمير الليل ضرب على هاد رقم الله ارضي على ولدي "" المجهول: كوني هانية اخير مرة غدي تطلع ليك نمرتي مع سلامة
ناردين : وسير تلاح تفو على بشار كيف داير خزيت ...
ناردين دغية جرااات عليها المانطة أو رجعت نعسات بغات تكمل الحلمة لي بدات صباح فقت على غوات امها كيف لعادة قافزة
الام *حفيضة* : ونوضي وجدي الفطور لباااااك بركة من شخيييير الله يقتل گلبك
ناردين: وخا اماما تفو حلمتي حلفات لا كملات يلاه فارس احلامي غدي اديني معاه يلاه وصلنا اللقطة زوينة جيتي كيف لعجاجة ضيعتي ليا كلشي 🙄...
الأم "" وتي نوضي ونت حياتك كلها احلام
ناردين : كون تشوفي اماما وحد مگلوب البارح تصل بيا فليل قال ليك بغا يهضر معيا وعرفتي هو منين تيهضر ..
الأم : منين ..... ناردين : ماما من الحبس
الام: أويلي *ندبات وجها* منين جاتو نمرتك صافي هدشي لي بقا غير المجرمين تبقاي تجمعي معهم فنصاصات ديال الليل بسيف راه غير تتهبشو فداك مشقوف شي نهار تجبدي لنا منو داعش الله اطيرك
ناردين : ماما منكدبش عليك بقا فيا رآه شبعتوو سباااااان ومگال والو باينة فيه ولد ناس
الأم :ولد نااااس إوا الله إجيبك على خير ياااا بنت نااااس أري ليا ديك نمرة نطرطق ولديها بحال والو يعطيها الحباسة لي معاه كل الليلة غدي يبدا يبرزطك واحد
ناردين : صااااافي اماما انا غدي نطرطقها غير سيري
الأم: يلاه نوضي طلقي رااااسك أو خلطي عليا الكوزينة رااااه مشا الحال هدا رآه لغدا مبقاش فطور ..... ناردين : واااااخ اماما غير سبقي
ناردين غير مشات مها رجعات هزات تليفون أو هي متشوقة ترجع تسمع صوتو مرة خرى أو بغات تموت تعرف أش كان بغا يگول لها و أشناهيا قصتو دخلات ديريكت الفيسبوك أو نزلات بوست تتسول فيه البنات على شي أبليكاسيو تطلع نمرة لي متصلة بريفي..
عبير : لا لا أحبيبة كون بغيت تامارا كون بقيت فدار راني خليت الواليدة غارقة فصابون أو حلفت لا حطيت يدي فيه اليوم الحد يعني عطلة يعني راحة يعني تفوااااااااج ياك گلتي ليا غدي نخرجو ونضربو دويرة فالبرانس حينت كاين صولد حرام عليك متگوليش ليا بدلتي رائيك أو مبقيتيش بغيتي تمشي
ناردين : اوف منك عبير اوف كاينين غير طلقيناااااااا خلااااااص
مشاو البنات بزوج الكوزينة ناردين تتحك بجيكس أو الخرى وقفة فلاڤابو تتشلل الماعن وتحط فشبكة باش يتسقطرو مع الهضرة دغية كملو ...
ناردين نشفات يديها بيجامتها و مشات ديريكت التليفون ديالها هزاتو أو دخلات فيسبوك طلات على البوست لي حطات دخلات تصدمات كولو غير اب ...اب....اب حتا واحد معارف شحاجة ....
عبير : امضرا لقيتي شي وحدة عارفة
ناردين : العصاب العصاب حتا وحدة معارفة شحاجة كلهم هما برااااسهم تيقلبو عليه
عبير : صافي بلا متعصبي راسك منين دبا كملنا يلاه نمشيو عند خويا يوسف رآه دماااااغ فهدشي ديال تليفونات أو لبيسيات ضروري ما اكون عارف شحاجة .....
ناردين :*فرحات* واااااش تتهضري بصحح
عبير :*تتشلل يديها* فين عمرني كدبت عليك انا هاه يلاه سربي دغية قبل ما يمشي مع صحابو الحارتي عندهم ماتش اليوم انا رآه خليتو تيغسل فوجهو سربي نشدوه
ناردين مشات تتجري أو عبير تبعاها دغية دخلو البيت تيلبسو حوايجهم
الأم *بالغوات* أويلي ستغفرت الله العلي العضيم اااااش هاد روينة خليتوها ومشيتو الكوزينة عااااااامرة گلاتي سيرو بغيت ربي إطيركم عليا بزوج بحالك بحالها يااااا ويلي ااااش هااااااد الموصيبة مكاااااين لي يحك ليك ضبراااااا كااااااين غير لي إزيد فمرضك
هزات جفاف تتعصر فيه فواحد سطل أو بدات تتجفف أو تتنگر الكوزينة غارقة ميمان أو الماعن فوق لبوطاجي شي مشقلب على شي شداتها دوخة جراااااات الكرسي أو گعدات تتشوف تالفة مبقات عارفة منين تبدا فديك روينة لبنات غير لبسو وتقادو خرجو تيتسلتو حفيانين بحال شفارة وحدة مورا الخرى نزلو مع دروج بشوية حلو الباب وعطاو رجليهم ريح ناضت تتجري حفيضة تعيط لهم خرجات راسها من سرجم لقاتهم جمعو ضورة مع سيكتور ....
عبير: نااااااري قلبي غدي يسكت صافي رآه بعدنا على داركم صبري نرد النفس *تتنهج*
يوسف :*بالغوات* وبعدي من طريق ابنااااادم نحط غير الخنشة *طلع بجرا*
عبير : غير تهناي والله ما غدي يتحرك حتاااا يخدم معااااك
نزل يوسف تيسوس حوايجو من دقيق يلاه هز موتور ديالو سي تسعين حتا وقفو ليه فم الباب....
عبير : مغديش تحرك من هنا حتا طلع لنا نمرة
يوسف :*تيحك لحيتو* موسيقى هدي معكم امممم ولكن هدشي رآه بالفلوس مكايناش شحاجة فابور خصني باش نقضي
ناردين : شحال خصك هضر گول
يوسف : على أقل غير شي قرفية ولا زريقة انت عارفة خارج مع دراري خصني باش نضيباني راسي
عبير : بركة من تگنديز غير صباح لي عطيتك والله معندك علاش تحشم قرفية ولا زريقة هي تطبع فيهم
يوسف : لي حشم فلي ضرو شيطان غرو مالها رآه خدامة فاش جاتها أو زايدون دكشي فيه الخدمة أو خصني أونستالي واحد تطبيق أو هداك خصني ليه الكونيكسيو تكون مجهدة أو دكشي لي عطيتيني رااااه مشا غير دخان غير حليت بيه عينيا دبا خصني باش نتحرك راااااه الموتور حتا هو خصو ليصانص
ناردين ضرها فراسها حلات صاااااك جبدات 100 درهم لي تتكساب أو بيها بغات تكمل شهر حتا تخلص فرقاتها معاه ....
يوسف *نتر 50 درهم* أري وخا قليلة نصبرو حنااااا نصبرو معندنا ما نديرو أري ليا تليفونك نشوف ......
يوسف نزل بيكي ديال الموتور أو شد تليفون منها أو مشا بعد عليهم وبدأ تيخربق شي ربوع ساعة فيه والبنات واقفين حدا موتور ديالو تيتسناو فيه يرجع معرفوه أش تيخربق
ناردين : خووووك تعطل اجي يكما گاعد تيتفرج ليا فتصاوري شتو غير تيضور فعينيه تما ناااااااري شوهة الا شافهم ...
عبير : لواه زمر سيد رآه خدام رااااه وخا تشوفيه شلاهبي ولكن راااه معقول الحاجة لي ماشي ديالو ما تيقربش لها غير صبري
ناردين : على الله غير اكون كلامك صحيح رآه عندي شي تصاااور مصيفة فيهم لابسة غير من هنا ثفو كون صحابني كون مسحتهم عاد عطيتو ليه .....
عبير : غير سكتينا هاهو جااااا تهناي امضراااا
يوسف : طلعو ليا جوج نوامر شوفي انا وحدة فيهم ي*يلاه نوض الموتور شنقات عليه
ناردين : واش تضحك عليا باش بغيتي نعرف انا وحدة فيهم
يوسف: ناااااااري هدشي باش متنحملش نخدم مع البنات فشي بريكولات بحال هكاااا شدي گاع قلا**ك عليا صحاااابك عطيااااني مال قرون لي تبداي تخرجي فيا عينيك هدي هي دير خير ماااا يتطراا بااااااس
عبير : صافي اخويا بلا متعصب غير سير *دخلات صحباتها*واش انت حمقة ولا مالكي المهم طلع ليك نمرة اجي نتصلو بيهم بزوج أش خاصرين حنا ونت راك عارفة صوتو
ناردين : انا مگالت ليه والو غير اعاود يرجع يتحقق حتا يطلع ليه رقم ديريكت
عبير : انت مباركة ومسعودة لي طلع ليك هاد جوح نمراااات هدااااك لحشايشي راااه ما يشبعك حتا هضرة بقا غير يخدم معاك سكتينا و خلينا نشدو الخط ونجربو حضنا
ناردين *قلبها بغا يسكت* ناري اصحبتي دغية شديتيه صبري غير شوية حتا نعرف بعد اش بغيت نگوليه
عبير : شششش هاهو تيصوني ...
دغية حطات لها تليفون فوق ودنيها أو ناردين تتسمع أو قلبها تيزدح أو كلها تترعد صوتو من ديك الليلة خردلها سطاها مخلاش لبوها لعقل.
*في السجن 🔗⚖*
تليفون كان حاطو تحت المخدة غير تزنزن ناض قااااافز أو عينيه حمرين بحال إلا باااغي يدااااابز هو هكااا دااااااير الليل كاااامل تيكون نااااعس نص نعسة رد البال راسو مزياااااان حينت عااااارف كاين فخطااااار ماشي ناعس فدارهم لي غدي ينعس مرتاح الحبس علام أخور يااااا تكون كلشي أو فوق راااااس ياااااا تكون والو أو تكون جفاف بين رجلين بهاااااء الدين عااااارف كل وااااحد تم أش تيسواااا وفأي االلحضة غير تغفل بيه عينيه يلقا راسو ولا من المفقودين معااااه غير الغدارة أو كل واحد فيهم مكرهش يقتلو أو يتهنى منو اليوم قبل غدا هو حاضي رااااسو معهم مزيان عليها الليل كامل تيبقا فايق أو ماااا ينعس حتا تيسمع أدان الفجر تينوض يتوضا ويصلي الفجر صلاة هي الحاجة الواحيدة لي بقاااا متشبت بها أو معمرو ما قطعها ولا تيفكر يقطعها الصلاة هي بوحدها لي متبتة ليه العقل جميع انواع المخدرات جربهم شحاجة لي تتحمق أو تتخلي عقلو غير غدي بيه حتا تيگولو بالي سيد حماااااق من بعد مااااا تيصلي صلاتو أو كل سجدة تيطول فيها گاع همو أو لحوايج لي تيبقاو يلعبو فراسو فديك اللحضة تيطيرو أو تيحس براحة أو هو تيبكي أو يشكي رب الكون هو بوحدو لي قااااضر يخفف عليه همو كمل أو رجع لبلاصتو عاد غمض غميضة شكون بهاء الدين .....؟ بهاء الدين .. إنساااان قلبو كحل مبقاااااش تيحس عااااايش بلا روح أو تيتسنااااا غير غير سااااعتو توصل باش يرتاح مبقااااش عندو لا أمل ولا تيتسنااااا شحاجة مزال من هاااااد دنيااااا لي ولات كلها تتبان ليه كحلة تيشوف فرقم ديال ناردين تيصوني رمااااا تليفون أو ناض من الفراااش كينهج صدرووو كيهبط ويطلع و شعرووو مخربق و عرقااااااااان ........ تاارد انفااسو كيرجع شعرو لور و كيتهدن شوية بشوية.. ناض ثقيييل كيجر رجليه الطواليط أمام أنضاااار الحباسة لي معااااه . دخل و بقااا مقابل مع واحد نص مراااياا معلقة فالحيط ... كيشوف فراسو عرقااان و شعرو مخربق .. حل الما و بدا يخوي على راسوو و يفزك عنقووو من حر الجو .. وهو كيشوف فعينيه لي حوومر....خرج كيمسح وجهوو بفوطة .لي ملوية على عنقو .. ..كان لابس سروال سورڤيت فالابيض و ملفوق عريااان وبزاف ديال لوشاااام فدرااعو.وااقف مقااد..غادي و رااسو ومنزلوو...لكن بدوون ميجمع رجليه..كل رجل موقفها مقادة ومبعدها على لوخرا شوية.....جااي أو گاع الحباسة تما كيتسرسبو واحد مورا تاني حالين ليه طريق وراسهم لتحت.....كمل طريقو بتأني وببطء كانوو كيدرس الخطوة عاد كيكملهاا....مخلي لي تم كلشي صامت ومترقب تحركااتو دور الكرسي و جلس أو أقل من دقيقة تحطات ليه القهوة ديالو ساااادة كيف ديما ...
ناردين : مبغااااااش إجاوب اصحبتي مبغاااااش لهلا إجاوب اصلا انا لي معند بويا راااااس لي تنتصل بيه الحباس المجرم لي ولدو كبرت ليه شاااااان
عبير : ههههه اوا شوفي نمرة لخرى متعرفي تكون ماشي هديك هي نمرتو
ناردين : سبحان الله على دكاء الخارق ديالك انا زعمة غدي نتسنااااك حتا تگولها ليا زعمة راني تصلت بها حتا هي كثر من عشرة المرات نمرة محاااال گاع واش خدامة فيها العلبة صوتية هاد نمرة بوحدها لي تتصوني أوووف ياااا هو لي مبغااااش إجاوب يااااا داك لحشايشي ديال خوك طلع معايا القالب هدي هي ديال داك المثال لا رزقي بقا ولا وجهي تنقا
غير تتهضر أو هي حاطة تليفون على ودنيها أو مزال تتصل بيه غير سمعات الو أو سمعات صوتو تبلوكات أو خرجات عينيها فصحبتها
بهاء الدين : الوووووو
ناردين *بصوت مبحوح* الوووو. واش هاد نمرة هي لي تصلات بيا البارح يااااك
بهاء الدين ' هي أش بغيتي علاش رجعتي تتصوني
ناردين غارقة فصوت ديالو لي تيزعزع كيانها ولي خلاها بحال شي هبيلة
ناردين : أش كانت بغيتي تگول ليا هاني تنسمعك
بهاء الدين حاس بصوتها تيرجف رجع راااسو لور أو تيسمع لها
ناردين : ههه گالي بليل أو فنفس الوقيتة غدي يتصل بيااااا اوووف قيصي قلبي قيصي نااااري غدي يخرج من بلاصتو
عبير : بلاما نقيس كلشي بااااين هاااد المرة فاش إصوني ديري مكبر صوت باش حتا انا نسمع صوتو
ناردين : ولكن كيفاش غدي نديرو لها هو رااااه ما تيصوني حتال ديك 23:30 ديال الليل انت تتكوني فداركم ونا فدارنا
عبير : ماشي مشكل هاد الليلة نبات عندكم غدي نطلب ماما تخليني أو هكاااا غدي نسمع حتا انا صوتو أو نعرف حكايتو
ناردين : اوك مشاااات ولكن منسمعش صوتك قطعي الحس انا مبغيتوش يتقلق حينت باينة فيه عصابي اااااح اقلبي اقلبي غدي يسطيني صااافي أناااا الله يرحمني مشيت عند الله
عبير : هههههه اوا يلاه زيدي نمشيو نتقداو بعد لحوايج أو نتبرعو على رااسنا حتا يوصل غير الليل
ناردين : منكدبش عليك انا مكرهتش غير نرجع لدار نتخشا فبيتي ونسد عليا الباب أو نعس فوق ناموسية أو نتسنا غير يوصل الليل باش نسمع صوتو
عبير : بالعكس خصنا نخرجو نتلفو الوقت باش دغية نهار إدوز يلاه اجي معااااايا خلينا نمشيو نفوجو غداااا الخدمة تاني انا غدي يبقا فيا الحال إلا ضيعت هاد نهار ديال الحد غير هكاك ..
رجعو البنات مثقلين بالحوايج ...
حفيضة : ااااش هااااد الوقت فاش رجعة ليا
ناردين : ماما بعدي من الباب ندخلو بعد
شدات فصحبتها أو طلعو بجراااا دخلو البيت وسدو عليهم
ناردين : وصااااافي فضحتينا بلما نجمع الحساب رااااه كلشي باين غير يدوز الخلاص نمضي معاااك راني بنفسي أو مانحمل دين
عبير : المهم الحساب رااااه صابون *دقاااان*
ناردين : شكووووون....ظ
حفيضة : غير أنااااا حلي الباب أجيو تعشاو
ناردين : راااااه تعشينا اماما غير كولو
حفيضة : اوا حلي الباااااب
ناردين : اووووووف هاهو أش كااااين تاني
حفيضة دخلة أو تتشوف فشراااوط منشورين فوق ناموسية
هااااااي هااااااي على البنت داز لها لخلاص أو تتبكي بالعدم هااااه دوي *جراتها* غير الباااااح لي طلبتك إلا شديتي شحاجة ديريني فبالك البوطة خواااات الثلاجة تتصفر عاد مولات القرعة كل ساعة جاية تتردخ عليا فالباب أما ضو والماااا هدوك غير خليهم ما فحساب خصك غير المدينة أو تگنگيف فزناقي وتتشتتي ليا فالفلوس على قلت شورااااوط هاهو الماريو عندك بغا إدير روااااايض أو يهرب
عبير : خالتي متفهميش غلاط رآه مزال مداز لنا لخلاص ناردين رااااه معندها والو رآه غير انا لي خلصت عليها العشا فجامع رفنا أو حتا الحوايج
ناردين : لااأاا حتال ماما معديش متتشبعش من الفلوس خلصتي كلها تنحطها لها والله تنكمل شهر غير بالخبز ناااشف تناكلو تخبية فوق البيرو باش نعمر كرشي لا حوايج بحال البنات ولا غدااااا تيفرح بحالهم هدشي كامل تنديرو غير باش منسمعهاش تتبكي ديما مخصراااا ليا وجهي گاع صحباتي هربو مني بسبابها وقتما جاو تبقا تشكي أو تبكي عدفاتهم راسهم غدي نحماق
عبير : صااااافي أخير مرة نعطيها غير بقاي على خاطرك
-بهااااااء الدين فعمرو فدااااك الوقت 26 إنسان محتارم أو أخلاقو عالية ديما صلاة فوقتها إنسان إجتماعي أو كلشي فسيكتور تيعرفو مزياااااان من الخدمة الصاااال الجااااامع الداااار معندوش مع صحاااااب دخل سوق رااااسو باااااااااه معروف فمراااااكش سي شاااافعي عندو كثر من 4 الگرجااااات شي مفتوح على شي كولو غير أتاث أو ديكورات فرااااش مغربي ٪ أو هاد الخدمة ولا مكلف بها بهاء الدين عاااااد 3 محالات فصاااااغة الأمراء فالبرانس مثقلين بذهب أو هاد المحلات لي مكلف بيهم هو بااااه وخوه لي صغر منو نور الدين فعمرو 24 ...
بهاء الدين تتوصل ديما ديك 12:30 ديال الليل تيخلص الخدامة لي عندو فنهارهم أو تيسد الگرجات ديالو أو تيطلع الدار غير تيوقف قدام الباب اول حاجة تيديرها هو تيطفی جوان لي فیدیه 5 سنين او هو تيكمي حتا واحد فدار معارفو تيكمي الحشمة والوقاااار من عائلة ديالو دغية تيخرج نفس من فموو باش إخرج ريحة ديال لگارو أو تيرمي واااحد الفنيدة ديال فليو تيبقا يلعب بها فمو شامة خرجات راسها من الشرجم حينت عارفة هدا هو الوقت فاش تيطلع ولدها الدار القاتو فم الباب واقف
بهاء الدين : .....متجي فین دخلي رااااسك من شرجم الوالیده تلقاینی حدااک ...
الدار ديال العائلة عثمان الشافعي كانت على شكل بارطمات ربعة ديور حدا بعض ومتکونین من 4 طبقات کانو على شكل باطيمة .. و كااملة وحدة مفتووحة على الأوخرى .. الطبقة الاولی کانت تاع الاب دیالو اما الثاانیه كانت ديال خوه ومراتو و3 هديك هي دار ضيافة كااااينين فيها جوج صالونات مفرشين فراااااش مغربي دوخة بصداادر منقوشين بحالهم بحال طبالي عاااد واااحد الترية كبيرة نازلا من سقف أو زربية نعاماس من راااس حتال رااااس عاد طلامط دوخة أو سقف لي متقل بنقش كل صالون يرمح فيه الخيل مفرشين وااااحد فراش تقليدي ولخور فراش رومي أخير مكاين فسلعة تركية كل شهر تيتبدل صالون على حساب سلعة لي تدخول فالگراجات ديال بهاء الدين لي ولا معروف فسوق أو ولا تدفع سلعة السوق جملة فمرااااكش أو خااااارج مراااااكش عندو واااااحد لكاب مصطوكي بالأتات أما طابق 4 فهو ديال بهاء الدين تما فين . كيستوونا و يااخد راحتو و ينعس فيها طبعا .بهاء الدين كاين غير هو وخوه وختو لي عندها 10 سنين ومو وبااااه ومرااات خوه عائلة صغيرة تتعيش حياتها بحال گاع ناس الفلوس تدخول كل نهاااار لي متتعد ولا تحصى ولكن ديما تواضع أو هدشي لي مكبرو فيهم بااااهم شافعي
طلع ديريكت بهاء الدين البيتو بدل حواایجوو ونزل عند مو كلهم كانو تيتجمعو فطابق الأول ديال مو باه تما تيدوزو نهار كامل ما تيفرقهم غير الليل عاد كل واحد تيمشي لدااارو دخل لقاااا مرات خوه نجلاء *بنت زوينة بشرتها سمراء حروفها كحلين إنسانة مزيانة معهم تتحسبهم عائلتها تانية* كانت هازة صنية ديال اتاي أو تتسنا فيهم غير يتجمعو باش تحط لهم العشااااااء هي غادية أو بهاء الدين تبعها تحنا باس على رأس باه عاد باس راس مو أو هز بيد وحدة ختو أو كيف موالفة معاه ضحك طلعات فوق عنقو أو تتلعب بالحيتو ضرب على كثف خوه أو تبسم لمرات خوه أو هو مزال واقف شوية نزل ختو هند من فوق كثفو أو مشا الصينية هز کاس اتاي فی ایدو "دایر رجل علی رجل "
بهاء الدين :*هز يديه زعمة بلاش* الواليدة الله يهديك واش غير ربطي نور الدين صااافي رجعتي ليا تاني *نجلاء تضحك*
شامة : دباااا عندك خوك مربوط هاهو تزوج أو تهنيت عليه ومرتو *حطات يديها على كرشها* حاملة أن شاء الله تكون درية صالحة بعد الحمد لله حياااني الله حتااا غدي نشوف ولادو ونت أشنو واش بغيتي دفني تحت تراااب وتخلي قلبي محروق عليك علاش مبغيتيش تريحني أولدي علاش ماااشفتي هاااد بنت نااااس رااااسك مخليتيني أنااااا نشوفها ليك ... ريحني أولدي أو خليني نشوف ولادك محدني مزال فالحياة رآه قدك بااااك تزوج أو أنا ولدتك
نجلاء : خالتي رآه حطيت العشا يلاه نوضو
كلشي ناض الا بهاء الدين بقااااا اللور أو كلام مو تيطلع معاااه أو ينزل قهراتو بزواج أو هو أخير هموو هو زواج حتا متيفكرش فيه
بهاء الدين *جرها لعندو* انا الواليدة مباااان ليا والو ويلا عجباااتك شي وحدة توكلي على الله
أمو غير سمعات هكاااك طارت بالفرحة تتزغت وتغني وتصلي على النبي مقداتها فرحة ...
🍂نهار جدييد 🍂
شامة أو نجلاء وهند مشاااااو الحمام أو لا هضرة غير على بهاء الدين شامة عينيها غير على بناااات هدي زينة هدي خايبة حمقااات نجلاء حتا تيگولو صااافي هي هدي غير تتبان لها شواحدة خرى صااافي تتنساااا هديك لي قبل منها منين دخلو الحمام أو هما عينيهم غير على البنات
نجلاء : صافي اخالتي والله حتا عيقنا شفتي الا مكتابة ليه شواحدة ربي غدي إجيبها حتال عندو أو هو براسو غدي إگوليك أجي الحاجة هاهي لقيتها *تدوز لها صبون البلدي على ضهرها* يلاه اخالتي هاكي دوزي على ضهري حتا انا وخليني نسربيو رآه الحمام سخنوه
شامة *شدات صبون* لاااااا انا لي غدي نشوف ليه داك الولد عندي مغدي إشوف والو هو راسو گاع متيهزو من ارض أش غدي اشوف شفتي منين عطاني الأوكي صااااافي مغدي نمشي حتا لقاااااها أو دبا تشوفي شوية أو هي دخول واااااحد البنت غير شافتها شامة حلات فمها فداك الجمل رباني لي عندها دايرة بحال شي فريزة تشدها تاكولها بلا ما تشعر خلات نجلاء أو شامة غير فاهين فيها شافو فبعضياتهم شوفة ديال زعمة هي هدي أو رجعو شافو فيها تاني كانت فااااتنة اشمنك اطولا أو تگضيرة لعوينات مفتوحين شعرها طويل وشهب و رطب من عند الله و لفييم جاهز للبوسان منفوخ و غوز تشوفو تبغي تبوسو لحنيكات واقفين و البشرة بحال البيضة مقشرة بيضة و رطيطبة و احد الصوت ماشاءالله ازعزعك و احد صدر واقف و كبيير يعني تبغي تاكولها و المؤخرة بارزة بججهد حاضرة بالمزيان و الكرش والو هاد الجمال كولو كدير نقاب باش ماتعرضش للتحرش عايشة مع عمتها حينت باها ومها مفارقين أو كل واحد رجع كمل حياتو أو هي مشات عند عمتها مرااااا خدامة على رأسها فات عليها تران ديال زواج أو سكنات بنت خوها معها شدو بلاصة قدامهم حطو سطولا ديال الحمام وفرشو جلدة ولكراسة حطوهم أو مشات تتسگي الما أو هي غادية عينين شامة تيمشيو معها هي جاية عينين شامة تترجع معها الوقفة كيف دايرة وراسها مهزوز لسمااااا
شامة : ساهية فجمال اسيل ماشاء الله ابنيتي سبحان من خلقها
نجلاء : خالتي عجباتك
شامة : حمقاتني خلاتني بلا عقل علا الله غير تكون باقي بلا زواج بصارحة هدي هي عروستي أو هدي هي لي غدي ندي لولدي بهااااء الدين الواحد لي بغا يدي يعرف نيت ما يدي ههه
نجلاء : فين غادية اخالتي
شامة : صبري نمشي لعندها نسولها *ناضت *
دخلات تتقلب عليها فسخون لقاتها يلاه حطات الكرسي أو عمرات واحد سطل أو تتخوي عليها الماء
شامة : سلام عليكم ابنتي ممكن ابنتي تحكي ليا ضهري
اسيل : واخا ا خالتي اجي حدايا
شامة : الله يعطيك صحة حكاااان هدا عندك اش سماك الله بعد
اسيل : لا اخالتي باقي ....شامة : شحال فعمرك ........اسيل : 21 سنة اخالتي
هزات غراف ديال ماااا شلات لها ضهرها اسيل : بصحة خالتي انا ساليت لك
شامة : عطاك الله صحة ابنتي بصارحة عجبتيني ويلا كتاب راااااه غدي نديك لولدي ياااك انت ساااااكنة غير فمراكش نيت
اسيل : اه انا بنت مراكش وساكنة غير حدا جامع ديال زفريتي
شامة : اااه ابنتي المهم الله يرضي عليك منين تخرجي قيدي ليا نمرتك فورقة وخليها ليا عند لگلاسة باش نتفاهمو على كلشي ويشوفك ولدي ورااااه ولدي منحتاج گاع نشكر ليك فيه سولي على راااسك دخلي غير السيكتور ديالنا ديال الشيشاوي أو سولي على عائلة الشافعي رااااه لي سولتيه غدي يعاود ليك علينا أو سولي على بهاء الدين رآه مكاين لي إگول فيه شحاجة خايبة ولد مزيان شحال ونا نتسنا يشوف هو عيت نتسنا ونا نوض نشوف ليه انا ونا بصارحة عجبتيني ابنتي ودخلتي ليا لخاطري أو مكرهتك تكوني عروستي تانية ولدي رااااه وااااجد ويلا تفهمنا بحال والو هاد سيمانة إطيح عليك العقد ...
اسيل *حشمانة* الله يسر اخالتي ولي فيها الخير الله إجيبها
تبسمات لها شامة أو ناضت أو خلات أسيل تتعوج فمها.....
نجلاء : امضرااااا اخالتي اش كااااين
شامة :*بغات طيح بالفرحة* الحمد لله ابنتي الحمد لله البنت رآه مزال على باب الله ونمرتها غدي تخليها ليا عند لگلاسة ويلا كتااااب رااااه هي لي غدي تكون عروستي اللهم لك الحمد ولدي مرضي أو ربي معمرو تيخيبو غير طلق ليا كلشي فيدي دغية باااانت البنت نطلب من الله تدخول عليه بصحة وسلامة وزيااااات الخير ياربي...
خديجة : ناااااري إلا كانو هدو لي تنعرف رآه ضحكات ليك اليام يا بنتي يا أسيل عرفتي رااااه لباس عليهم عندهم الگرجاااات كبااار يجري فيهم الخيل مثقلين فراااش غااالي دكشي ديال الفيلات وناااااس لهاي هاي عاااد دار متخرجك منها غير سكراااات الموت عااااد سمعت بالي عندهم حتاااا شي محلاااااات فصاااغة رااااك غدي ترفحي وترفحيني معااااك
اسيل : اوا حتا تزگا الهضرة بعد اعمتي رآه سيدة غير هضرات نعجبو بعد راني عجبت غير موو بلا متزربي وتبداي تحلمي عليا تاني حتا إجي ونشوفو
خديجة : معندك ما تشوفي وداك شمكار لي طايحة معااااه بغيتك اليوم تقطعي علاقتك بيه بغيتك تبتي وترزني بااااش تشدي هااااد العائلة مبغيتكش ضيعيها من يديك فرصة أو معمرها تعوض.
اسيل : لاااااا مغديش نهي العلاقة ديالي معاه انت عارفة تنبغيه وخااا شمكاااار المهم أناااا غدي نمثل كيف العادة بنت شريفة العفيفة حتا نشد بعد أو ديك ساعة اكون خير
ناردين : صبري نفك ماما راااه غدي يقتلها شوفي غير نخرج انت سدي الباب من ورايا صافي
خرجات تتجري ناردين يلاه طاحت على مها بغات تجرها نزل عليها حتا هي بواحد لهراوة فيديه أو بداااا عليهم بزوج أو عبير غير شافت داك المنضر دغية سدات الباب بقفل من لداخل وتركنااااات فواحد ركنة أو تتبكي اول مرة تشوف شواحد سكراااان ندمات على ساعة ونهار لي فكرات فيه تجي تبات عند ناردين ...
ناردين : عبير حلي حلي *تضرب فالباب*
عبير *بصوت مخنوق* اهئ اهئ اهى شكوووون ...
ناردين : وحلي اصحبتي الباب حلي انا ناردين
جات تتجري عبير ورجليها تيخويو بها حلات الباب غير شافت ناردين حلات فمها مصدومة
كانت ناردين هازة يديها أو تريكوها عامر دم
عبير : فين غادية اش وااااقع برااااا
تتسمع غير انين حفيضة مجهد ناردين تتلبس جلابتها بيد وحدة أو دموع فعينيها ...
ناردين : الله يعفو علينا هدا هو حالي كل الليلة مع سكايري خرجناه يتكرفص على ناس برا دخلناه يتكرفص علينا يااااااربي رااااني متايبة ليك شوف من حالنا ....خصني ندي ماما المامونية تخيط راااااه گاع مشقوق لها راااسها تصلت بالإسعاف على الله غير ما يتعطلوش
ناردين : عبير تحركي ديري شحاجة جيبي ليا شي خرقة نزير بها راااااسها رآه تتنزف ااوووف على هاد البلااااااااااد كلشي فيها معطل
شوية تيسمعو دقان مشات ناردين تتجري القات الونبيلونص وقفة قدام الباب حلات لهم أو دخلو دراري هازين نقالة فيديهم هزو مها مغيبة أو طلعات معها ناردين أو مشاو....
*نهار جديد 🌅 تيحمل معاه احدات جديدة..
عبير من بعد الليلة رعب لي عاشتها فدار ناردين توجهات الدارهم دوشات باش تفيق البسات حوايجها أو توجهات الخدمتها مع دخلة القااااات بزاااف ديال ضواسة فوق البيرو ديالها وديال ناردين هما بزوج تيخدمو فنفس المكتب شادين بوست ديال المحاسبة
حطات صاكها أو رجعات شعرها اللور أو جرات الكرسي أو گعدات تفكرات ناردين مشات هزات تليفونها بغات تسول فيها لقاتو طافي مجاتش فين تردو الصاك حتا وقفات ناردين تتزرب
عبير : ناااااردين جيتي ياك *قطعاتها*
ناردين : جيت حينت انا ماشي ديال الگعدة الا گعدت گعدات عليا تفكرت الا دفعت لهم شهادة طبية أو لخلاص قريب غدي يعطلوه عليا عليها جيت
عبير : كيف بقات خالتي
ناردين : كيف بغيتيها تكون رااااه مزال فسبيطار خيطو لها 17 لغرزة فراسها عطاوني ورقة عامرة دوايات ستغفرت الله العلي العضيم محدها تقاقي أو هي تزيد فالبيض
شخص: هي أشنو تديرو مجمعين ياااااك
عبير : لا اخويا هااا حنا خدامين
شخص : باينة على حالتكم الخدمة طلقو راسكم هاد ضواسة واقف عليهم مول شي زگيو الحساب مزيان باش يدفعو الوراق الكليان هدشي الا بغيتو تخلصو
عبير : صافي اخويا كون هاني غير نكمل نجيبهم ليك *خرج أو خبط الباب* سير يعطيك ضرابي دخل بحال شي حمار مدرم طيرها مني خلعة
ناردين *رجعات راسها اللور" والله معندي العقل لي يحسب غير تنشوف هاد ضواسة كلهم تتشدني دوخة
عبير : غير بشوية عليك اختي ولي دارها الله هي لي غادي تكون
ناردين : ونعمة بالله ...
نهار كاااامل أو البنات غارقين فالحساب مع أخير سنة هدي كلشي خصو يتصفى ما يدخول العام جديد حتا اكون تصفى الحساب ديال العام لي سبقو
عبير : كاين كاين فاش تغديت مع البنات سمعتهم تيهضرو على لبااااااانت وصلوهم أو شافو شحال غدي إشدو هاد شهر
وقفات ناردين وهزات ضواسة ديالها أو ورقة بيضة فيها العداد لي خرج لها أو نفس شي عبير مشاو بزوج طلعوو فالمصعد ديريكت الإدارة دخلو عند المديرة حطو ليه ضواسة أو لورقة أو خرجوو مشاااو ديريكت البلاصة ديال الخلاص شدو فالوسهم أو خرجوو
عبير : واو هاد شهر بعد جاني فيه شوية جاتني فيه 3000 درهم
حلات الباب ناردين ودخلات كانت واحد الفرملية تتعاون فيها باش تنوض
ماما كيف بقيتي شوية .... حفيضة : الحمد لله ..... عبير : مايكون عندك باس اخالتي والله إزيد فراحتك
حفيضة : أمين .... ناردين تخلصتي
ناردين : اااااه .... حفيضة : خلصتي سبيطار
رآه غدي نخرجو ..... ناردين : أش غدي نخلص فيه دفعت راميد لهم راديو لي دارو ليك أو تحليلات أو داك تخربيق كامل رااااه هزو غير راميد كون مكانش هو كون تيعصرو فينا هنا الحمد لله دبا غير دوا غدي نخرج دبا نشريه ليك ..... حفيضة : اوا أري ليا ابنتي شحاجة من الفلوس رآه والو لاصقة
ناردين : ناري اماما عليك خرجي غير بسلامة من هنا ويكون خير
حفيضة : لا عطيني دبا باش نخلص القرعة رااااه انا لي غدي نشدها ويلا معطيتهم هاد شهر مغديش يعطيوها ليا شهر لخور
ناردين : انا مفهمتش اصلا علاش دايرة شي قرعة صافي مبقا لنا غير هي نشنقو راسنا بها
حفيضة : اوا فت حتا درتها أو زايدون بالقرعة باش غدي نزيدو فارهن شوفي انا فاش تنفكر بغيت نخدو هاد المرة شي دار مرحة هديك دار رآه صغيرة أو مكرهتش نمشيو لشي بلاصة بعيدة نخويو گاع حنا هاد المدينة غير انا وياك بلا داك سكايري لي ديما مشوهنا
ناردين : ماما بركة الله يعطيك ستر واش انا ناقصة مشاكيل يلاه نوضي منين بخير أو رجعات ليك داكرة وتسرح ليك لسان نوضي خلينا نمشيو *هي شداها من قنت وعبير من قنت أخور *
حفيضة : بنتي غدي تعطيني فلوس القرعة ياك...
ناردين : ايه اماما ايه غير زيدي
حفيضة :رااااااه فيها 20 الف ريال لشهر غير باش ديريها فبالك * صمت*
شيرو لطاكسي أو شدو طريق لدار....
رجعو لدار تيقلبو لقاااااو دار خاوية أو ريحة تشراب تتگلب أو عامرة بيه الثلاجة بدات ناردين تتجمع ديك روينة أو داك زاج لي مشتت فالكوزينة گاع الماعن ديال زاج أو البديع تهرسو ناردين تتجمع أو تتبكي بقاو فيها الماعن مكملين حتا شهر باش شراتهم أو گالت تقداااا وتعمر الكوزينة بحال ناس عبير تتعصر تفاح مع لبنان أو لحليب عمرات 3 كيسان واحد عطاتو لمها أو جوج لهم
حفيضة : ولكن أش من اليوم غدي نبقا نعس معاك انت لي مهنية تيجي داك جيفة ديال باك تنبان ليه انا فالبلان تيبرد فيا سموو اللهم نتخشا معاك ونخليه يهرط تم بحال لحمار ويشخشخ الحيوط بغيت ربي إطيرو علينا اووووف ناس يتزوجو رجال إفرحو ونا تبليت بخااانز ديال لخلا كل الليلة جااااي مشوهنا .....ومشوه راسو
ناردين : ماما بركة ما تبقاي دعي عليه نطلبو الله يعفو عليه رآه شحال من سكايري رجع الطريق رااااه ربي كبير وشااانو عضيم مزال بابا غدي حتا هو يرجع الطريق ويعجبك
حفيضة : شدي فيا نوض شدي باينة على حالتو غدي يرجع الطريق مغدي يرجع حتا إخرجنا حنا منها....
وصلات 23:30 عينيها ناردين غير على ساعة مها غارقة فنعاس أو تتشخر غير صونا تليفون دغية هزاتو أو بعدات من مها أو مشات فوق واحد طليق حطات مخدة وليزار أو نعسات أو شدات الخط...
ناردين : سلام بهاء الدين ....
بهاء الدين : وعليكم السلام الأخت ناردين
ناردين : قبل ما تكمل ليا وخا نسولك
بهاء الدين : سولي....
ناردين : علاش ديما تتصل بيا غير بليل
بهاء الدين: هههه عجبني سؤالك حينت بغيت نبقا فايق
ناردين : علااااااش .... بهاء الدين: 🙄🤨وقلة خصني نقطع.... ناردين : لا عفاك لا غير سمح ليا أخير مرة نسولك غير كمل ......
فلاش باك ♨️
نجلاء : ولكن اخالتي رآه خاص هي لي تعجبو أو يرتاح لها ماشي تعجبك انت
شامة : واش عجباتني انا و رتاحيت لها صافي حتا ولدي هكااااااك ودبا تشوفي
نجلاء : خالتي انا خفت غير تكوني تضغطي عليه بهاء الدين فشكل أو راحتكم عندو هي لولا غدي يبقا إدير لكم الخاطر أو يبقا هو بلاه.
شامة: بزاااااف أولدي بزاااف البنت زوينة أو باينة مربية أو متخلقة غير من هضرتها بصارحة خلاتني بلا عقل
بهاء الدين : انا خليت ليك كلشي بين يديك الواليدة ونا تايق فالإختيار ديالك معنديش مشكل تكون زوينة ولا خايبة لي تيهمني هو تكون إنسانة معقولة أو بغات تكون أسرة وتهلا ليا فيكم *شاد يدين مو بزوج باسهم*
شامة : سير أولدي الله يرضي عليك الله يرضي عليك وينقي طريقك من شوك ...
بهاء الدين : امين الواليدة امين
بهاء الدين دخل الكوزينة يشرب أو نجلاء وقفة مورا مو غير تتشوف
خديجة : شكون گالها ليك نوضي لبسي شحاجة عليك أو بركة من تفلية أو لهضرة الخاوية ناس غدي إجيو غدا إشوفوك رآه يلاه هضرات معايا مو دبا فتليفون
اسيل : واش تتههضري بصح
خديجة : وفين عمرني انا كدبت عليك فشحاجة
*عائلة شافعي*
شامة : الحاج غدا خصنا نمشيو نشوفو البنت
الشافعي: واش مجاكش رااااسك تتزربي
شامة : مكاين حتا زربة هدشي لي خاصو اكون خوه صغر منو تزوج أو هو غدي يبقا ليا هكا زواج مزيان خليه يكبر مع وليداتو أو حتا حنا نفرحو بيهم محدنا مزال فالحياة
الحاج الشافعي: سولتي على هاد ناس بعد
شامة : باقي ولكن ما تحتاج تسوال البنت غير من شوفة باين عليها بنت ناس أو باقي بنت أو تتلبس نقاب محتارمة راسها أو محتارمة حتا زينها البنت تتفتن بزين الحاج تتفتن..
الشافعي : اوا اش نگوليك لي درتيها انا معاك نطلبو الله يسر ليه بهاء الدين الله يرضي عليه يستاهل كل خير ........
نهار جديد 🌅
فاليوم الموالي بالليل وصل بهاء وعائلتو الدار اسيل وهما حاملين معاهم الورد والحلوى جا معاه باه ومو أو نجلاء مرات خوه ...كانو واقفين يستقبلوهم خديجة وعمر بااات اسيل
سي عمر : مرحبااا بيكم تفضلو
تسالمو مع بعضهم ورحبو بيهم وسي عمر صافح الحاج عثمان الشافعي و بهاء الدين عنقو فرحان بيه ودخلو وهما كيتبادلو اطراف الحديث حتى دخلوهم الصالون و ممخليينش من جهدهم باش يكبرو بيهم ...حيت خديجة عزيز عليها تكبر بالواحد بلأخص هاد العائلة عرفاهم مزيان لباس عليهم مبغاتش ضيع الفرصة جلسو يهضرو عادي وخديجة استأدنت باش تشوف واش كلشي واجد وضرب على اسيل طلة باش مديرش شي فضيحة لها
خديجة : عافاك ابنتي متعصبينيش وديري شي حاجة لوجهك وقادي حالتك ولا عرفتي أشنو خليك هكا عليك سر ولبسي نقاب باش إعرفوك بالي شادة طريق الله العفا بنتي خلي كلامك حلو معهم أو حيدي عليا هاد المشقاف من يديك وركزي معايا حتا غير يمشيو ويالله زيدي قدامي
هبطت اسيل مع خديجة دياها لابسة خمار غير عينيها لي تيبانو عادي ومديرة حتى حاجة لوجها جات زوين.جرتها خديجة موراها ودخلتها الكوزينة قالتلها تجلس تم حتى دخل صينية فيديها وتوجهت خديجة العندهم الصالة دخل معاهم سي الشافعي في الحديث بغاو يدخلو في صلب الموضوع ...وهي طلب خديجة من عمر يعيط على اسيل باش تكون حاضرة ...وبالفعل مشا عيط لها دخلات وتتشوف فيها باش مدير حتى تصرف طائش .بدات تتسلم عليهم عادي ... وبهاء الدين كيطلع فيها عينو ويسرق النظر في وجهها وتفاصيلها وخا مكان تيبان فيها والو ولكن عاطية لعين غير من عينيها وطولتها أو تگضيرتها وازنة ... اما هي غا وصلت عندو سلمت عليه بالزربة باليد ومشات جلست حدا عمتها ..
دخلو في الموضوع واب بهاء الدين طلب يدها زعما بطريقة رسمية... داكشي للي كان مادام العائلتين متافقين والعرسان موافقين على بعضهم اذن للحد الان مكاين حتى مشكل ... بالفعل قراو الفاتحة بهاء الدين كان كل مرة يشوف فيها بدون لفت الانتباه ويقرا تعابيير عينيها ويسرق النظر في ابسط تفصيل فيها ...
مين سلاو ناضت هي وخديجة باش يحطو اتاي ومخلاو محطو معااه ..نوعو الطابلة وكلشي كان على حقو وطريقو ...وجبدو الموضوع على العرس في هاد الأثناء
خديجة ( أم بهاء الدين ) : صراحة مادام مكاين حتى مشكل نهضرو على العرس ان شاء الله فوقاش نديروه
سي عمر : انا معنديش مشكل وقتما بغيتو
بهاء الدين : صراحة انا مكرهتش نديروه في اقرب وقت ... بطبيعة الحال الى تفاهمنا ووافقتو حينت انا معنديش مع سير واجي
خديجة :سمع أولدي الا بغيتي من اليوم بسم الله طيح عقدك وديها
بهاء الدين : ( جاهم نيشااان وتكلم في الموضوع بلا حشمة ) صراحة انا باغي نتزوج وكنضن إلى درناه من هنا لسيمانة اكون مزيان فهاد الفترة نتعارفو على بعضنا...وزايد داك تطوال فالخطوبة ويكتر قوة الدخول والخروج بدون شي حاجة رسمية مخداماش
سي عمر : اه اولدي عندك الحق نديروه في هاد السيمانة ...خير البر عاجله الله اكمل عليكم بالخير
شامة : انا غادي يكون هاداك اسعد نهار عندي لي تجي فيه بنتكم عندي نديرها فعينيا وبحال بنتي هند ومرات ولدي نجلاء من اليوم هي ولات وحدة منهم ...
خديجة : الحاجة الله يستر العيب حتا حنا ملقاوش بحالكم أو راااااه ديتو أو عارفتو أش ديتو البنت حشومية مربية غير الصلاة ودين ومتهزش فيك العين راكم تتشوفو راسها فالأرض گاع متتهزو أو شتو گاع هاد ناس لي حدانا سبحان الله معمرهم شافو وجها ديما هكا مغنبرة حتا انا كل نهار تنطلب الله يرزقها شي ولد ناس لي يتهلا فيها اسيل بنت درويشة أو ربي جازاها بيك أولدي الله إتاويكم الخير ياربي
بهاء الدين : دكشي لي بغيت أو دكشي لي تمنيت فالإنسانة لي بغيت نتزوج بها منين الواليدة بغاتها أو عاد منين شفتها أو سمعت هضرتك عليها رتاحيت انا بصراحة مباغيش ندير العرس ... باغي غا شي حفل بسيط وصافي معنديش مع اجواء الاعراس ...ولكن الى بغاتو هي ديرو معنديش مشكل
خديجة : هههه وراااه حتى هي سبحان الله بحالك كانت ديما تتگولي إلا كتاب مبغيت شي عرس غير صدقة أو طلبة أو نمشي مع راجلي
بهاء الدين شاف فجهة اسيل معجبوش الحال أو مرتاحش حس بحال إلا سيدة غير مگدمة موحال واش باغية تزوج حينت مسمعش صوتها معرفها واش بغات ولا مبغاتش
مر شوية نتاع الوقت حسات شامة بولدها غير من شوفة فهماتوو و قترحات على بهاء الدين باش يمشي هو اسيل الصالون الاخر باش يهضرو ويتفاهمو شوية مع بعضهم على راحتهم و على انفراد ...
العرسان دياولنا مشاو الصالون باش يتفاهمو كتر ...اسيل سبقاتو ...وبهاء الدين تابعها وكيتفحصها من اللور هههه
جلسو وبقاو يشوفو في بعضهم واسيل متوترة بلا قياس وكتهرب من نظراتو لي كانت كتحسهم كيختارقوها ...
بقاو على داك الحال مدة وجيزة بهاء الدين كسر داك الصمت ونطق ...
بهاء الدين : بلا شك مكتعرفينيش وكتسائلي شكون انا المهم انا سميتي بهاء الدين أو . عندي 26 سنة ...الحمد لله بخدمتي أو قادر على المسؤولية مغدي اخصك معايا حتا خير
اسيل : (بقات تشوف فيه ) واش نتا باغي هاد الزواج يكما خالتي لي بززات عليك ؟؟
بهاء الدين : في نظرك لوكان مكنتش باغي غادي نجي نخطبك
اسيل : منعرف خفت غير حتا نتزوج بيك عاد تبقا تگول ليا انا گاع مبغيتك غير أمي لي بغاتك
بهاء الدين سارح فعينيها أو فداك صوت لي تيدوب عندها عاد طريقة باش تتحرك يديها أو تتهضر خلاتو بلا عقل ....
خرج بهاء يشري لها لكارط أو هي گعدة فرحانة تتلعب بتليفون فيديها أو تتجرب الكاميرة لي فيه تليفون لي فيديها دبا يضوبل تليفونها 3 المرات ... شوية رجع عندها عطاها لكارط أو مشا رجع عندهم تفاهم معهم على صداق ديالها أو على نهار ديال العقد ... تسالم معهم أو مشاو فحالهم......
*بعد مرور أسبوع*
بهاء الدين فهاد الفترة تعرف عليها مزيان كان كل الليلة تيهضر معها الدرجة ولا تيحلم بداك نهار لي غدي يتجمعو تحت سقف واحد ...
اسيل حفضاتو أو عرفات طبعوو أو عرفات كيفاش تساير معاه كانت مقسمة الوقت بين عشيقها أو زوجها المستقبلي.....
بعد صلاة الضهر
محسن : وفين اصاحبي أش هاد الغيبة
سفيان : غير مع الوقت اصاحبي
محسن : شفتكم مبقيتوش تتجيو الصال كيف انت كيف بهاء الدين مالكم ياك لباس يكما مخاصمين معايا ولا
سفيان : لا لا حاشة غير انا وليت تنجي معطل من لخدمة متيبقاش فيا جهد باش نتريني دكشي باش غبرت ولكن غير نكمل شي خدمة مزروبة ورجع اما بهاء الدين أسيدي غدا ولا بعدو غدي إطيح العقد...... محسن : واااااه هنيا عليه والله حتا فرحت ليه بالمسخوط الخور مگالي والو ديما أون لاين أو معمرو مزال خصر عليا حتا مساج هههه تيگولوها زواج تيبدل
سفيان : المشكلة هي البنت لي بغا يتزوج بها ماشي حتال تم مخدماش ليه
محسن : كيفاش زعمة ..... سفيان : طاح طيحة خايبة البنت خارجة الطريق صحبها تيعرف خويا طايحة معاه شحال هدا گاع متتحشم واااحد الخانزة مخبية فالخيمار راني تالف بغيت نگولها ليه ولكن منين سولت الفقيه دبا گالي ندخول سوق راسي سيدة جاب لها الله رزقها باش ترجع الطريق صحيحة خليها بلا متبقا تشيطن بينهم فشلني
محسن :لعجب زعمة بهاء الدين مسولش عليها المهم گاليك صح سكت الا كانت البنت بنت ناس غدي تزوج أو تكمش بهاء رآه عندو غير گود ويلا مزال فيها دودة قدما قصاااار زمان ولا طوال غدي تحصل تحصل
الحسكة : رفضيه ولا قبليه هداك شغلك داك العرس مغديش يكمل هو مغديش يكمل ولا دبا غدي نشوه موك تلقاي تصاورك مجلخين فالفيسبوك والله موك لبقاااات فيك على هاد الفقصة لي درتي فيا اليوم *قاعد ناشر رجليه فوق وااااحد الموتور أو فيديه جوان * اسيل راك تتعرفيني مزياااااان زعمة أناااا مخااافيش عليك اوا غير جربي تعاندي معايا وغدي تشوفي أش غدي ندير فيك
قطع عليها وخلاها كلها تترعد من الخلعة حينت عرفاتو مزيان أش تيسوا شوية جاية خديجة العندها لبسة جلابة
خديجة : يلاه تحركي ناس رآه وصلو
خرجوو بزوج القاو بهاء واقف بطوموبيل طلعو أو مشاو باش يتقداو الخواتم ...
وصلو للمحل ديال الذهب وبقاو يختارو ليها الخاتم ...شافت واحد سامبل وهي تهزو قالت ليهم هو للي عجبها ...اما خديجة بغات تاكول راسها بغات لها واحد كبير واااازن وثقيل ماشي هاد سليكة بن عليكا معجبهاش حاال ...وفعلا في الأخير اسيل هاداك هو للي خدات ...
خلص بهاء الدين مور ما شرى حتى ليه خاتم ديال الزواج نقرة ....ومو فرحانة بيهم ما قاااداها فرحة ...
قبل ميخرجو من المحل ...ام بهاء اصرت عليهم يركبو البعضهم لخواتم الزوااج مدام شراوهم واخا بدون شكليات وبالفعل هداك شي للي كان ...بهاء دار هو المبادرة الأولى وهز الخاتم وشد يدها بهدوء مركبو ليها ...اما هي هزت الخاتم وبقات شحال مترددة أو كلام الحسكة مزال فعقلها تيضور ...وهو يمد يدو العندها ...دفعات الخاتم فصبعو وركبت فيه النص بدون متشد يدو .. وحيدت يدها بالزربة ..دار هو ابتسامة خفيفة وكمل بنفسو الحاجة لي تتعجبو فيها هو الحشمة ديالها....
سلاو وخرجو ...وصل بهاء الدين اسيل وعمتها هما الأولين للدار ...وفاش وصلو نزلو توادعو مع بعضهم واخا عيات خديجة معهم يدخلو حتا يشربو اتاي عاد يمشيو ولكن رفضو ...أو مشاو
بهاء رجع للدار من بعد الخدمة القاهم نعسوو سخن عشاه حطو كال غير شوية ومشا البيتو دوش أو نشف راسو أو لبس سروال سورڤيت أووتجبد فناموسية أو حط يديه ورا عنقوو أو تيفكر مجددا غير فيها . صورتها مبغاتش تمشي من بالو نهائيا وكيقاوم ويشغل راسو في الخدمة ...صافي هادي هي البنت للي طيحااتو ديال بصح وجابتلو التمام عمرو متخيل راسو يولي بالو كلو مشغول بشي وحدة ..حتا شعور بالحب كان ديما هوا ضدو أو تيگول دكشي غير كدوب حتا جربو ....
الليل كامل تيفكر غير فيها حتا صبح صباااح ناض على دقان فالباب ناض قافز شاف ساعة لقا 8:30 تعصب حينت مصلاش صبح فوقتوو تليفون لي كان تيفيقو عطاه الاسيل هدا وخا ريگلو ماااا فيقوش ناض تيجري لقا مو تتخاسم عليه حينت ناس جاااو أو تيتسناو فيه باش يمشيو عند العدول...
بهاء الدين : صافي الواليدة غير سيري انت شوية أو هاني عندك ...
*مكان أخر*
اسيل : هاد الهضرة گولها راسك منين كان كل الليلة تيدخل ليك المأونة كان مزيان وفرحانة بيه أو بغيتي نكمل معاه اوا منين شفتي هدا صافي ولا تيجيك شمكار باز الوجهك اعمتي باز متتقشريش انت راك مزال معرفاه مزيان رآه انا لي عرفاه ونا لي غدي نوحل معاه
خديجة : جاب ليك الله رزقك اعاود راسو كون بغاك كون تزوج بيك ماشي يبقا يمرمد فيك فزناقي أو معندك مناش تخافي إلا تيعرف باك يمشي يدعيه شمكار لي ولدو سالينا دبا ركزي غير فزواجك ويلي ويلي قيسي قلبي غدي يسكوت ممصدقاش راسي بالي غدي تزوجي اليوم هههه الله ياربي بنت خويا تسگم لها سعد غدي ترفح وترفحني معاها..
وصل بهاء الدين هو ومو عند العدول لقاهم واقفين تيتسناو فيهم دخلو كاملين المكتب قااادو المسائل كاملة أو خرجو فرحانين وصلهم بهاء حتال الدار باش إهزو حوايجهم طلع حتا عونهم فالهزان أو مشاو بزربة حينت شامة عندها دار مقربلة أو معيطة على العائلة كاملة دايرة صداقة أو المداحات بغات تفرح بولدها وفنفس الوقت دير الحس فدار باش كلشي يعرف بالي بهاء الدين تزوج مدام مبغاش إدير عرس كبير
اسيل دخلات الواحد بيت كتجهز راسهااا وحتى بهاء الدين فالبيت لاخور
بهاء لبس حوايجو لي كانت عبارة عن طقم رصاصي كامل من غير ببليون فهو بطبعو مكيحمل اللي يقيدو لبس حذاءو وصفف شعروو ودار برفانو وكان حقاا وسيم وجذاب فحلتوو الكلاس خرج لقا دنيا مقلوبة شي غادية شي جاي دار عامرة أو كولشي تالف هز عينيه شاف البيت ديال اسيل تبسم دق أو دخل عليها مهجم كانت غير بوحدها تتسنا عمتها تجيب لها شي مقص تقطع شوية من ليبوان فشعرها غير شافتو تخلعات ....
اسيل : اووف نااري خلعتني 😣
سي بهاء مكانش هنا باش يجاوبها تسمر فبلاصتو لأول مرة كيشوفها ويشوف هاد الجمال كانت لابساا تقليدي كانت بحال شي اميرة من قصور ألف ليلة وليلة وراها فعلا اميرة وملكة قلبو وحياتو ومملكتو وقصرو وتعجب كيفااش خلق الله وعطا هاد الجمال الشخص واحد ولا غير هو اللي كيشوفهاا هاكاك تخربق
اسيل كانت لابسة تكشيطة فالبلو سيال والفضي التحت فضي ولفوق بلوسيال كانت مطرزاا بالفضي مع حزام رقيق بلون بلو عاود ومطرز بالفضي مع حجاب من نفس اللون الفضي كان مكياج خفيف ولا نقضرو نگولو مكاين گاع كان وجها مضوي من كترة وضوئها كتافات بكحل وبلا مسكارا روموشها طوال وميحتاجوووش ودارت ملمع شفااه فلقروناا كانت بسيطة وجاذبيتهااا فبساااطتهاا تفتن بيهااا وطلعها من ساسها للراسهاا وتقدم ليها شد ايدها وباسها
بهاء الدين : أميرتي الملااكي ...
ابتاسماات ليه اسيل وانتابه بهاء للشفاهها
بهاء بغضب وغيرة : لا مامتفقيينش اش هادشي لي فمك مغتخرجيش هاك قدامي 😒نتفاهمو من هنا *اسيل ووقفات *
اسيل : ولكن أش فيها ياك غير العيالات
حط ايدو على خصرها بهاء الدين : وخا لعيالات دكشي حقي مابغيت حد إشوفو او معمرك تخرجي بهاد اللعب هاني تنگوليك 😒
اسيل : رآه خفيف .... غير شوف
بهاء : حيديه ولا نحيد مو انا داباااا😏
غير سمعاتو مزادتش كلمة معاه ومشاات مسحاتو عارفتو غدي إديرها
اسيل : دابا مزيان 😕
بهاء : بات مت مزياااان لهيه هههه *نيبا ههه*
شد فيديها أو خرجو كيف حلو الباب بداو يسمعو زغاااريت أو المدحات تيصليو على نبي الحبيب بأغاني دينياااااا
طيب الكلام صلوا على نبينا العدنان الله اباااارك ويكمل على لعرسان 🎶🎶
بذكر حبيبنا رسول الله ترتاح لقلوب لحزينة
قدوة ليننا في كل مكان
طيبتوا ما ليها حدود
مسيرة معطرة بالعنبر ولعود🎶🎶
سعدات لي في طريقوا غادي 🎶🎶
يا محمد شفيعنا لهاذي🎶🎶
عليه قلوب لخير تنادي🎶🎶🎶
على اخلاقو نربي ولادي 🎶🎶
عطاه ربي لمعجزات 🎶🎶
جميل الصفات 🎶🎶
لكريم لعظيم🎶🎶
كلمة من حروفها تنسيك الضيم🎶🎶
تاج راسنا يا نبينا 🎶🎶
شمسك شرقات في كل مدينة🎶🎶
غالي علينا يا نبينا 🎶🎶
تسمع زغاريت في كل مدينة 🎶🎶
بصلى وسلام على رسول الله 🎶🎶
يا ربي اهذينا بالايمان اغنينا 🎶🎶
للخير اعطينا🎶🎶....
غير وصلات ديك 12 ديال الليل بدات دنيا تتخوا لا عند رجال ولا عند العيالات حينت كانو مفارقين رجال فطابق الأول أو لعيالات كانو فدار ضيافة گاع عمرو دوك صالونات غير كملو طلعات عروستنا الدارها لي كانت مجهزة أو فراش جديد دنيا تتضوي دخلات البيتها رمات شوفة فناموسية لي كانت مزينة بالورود 🌹🥀🌺 تبسمات مشات ديريكت الكوافوز وقفات قدام المرايا أو تتحيد الفولار أو طلقات داك سالف شوية حيدات المضمة أو بدات تتحيد فحوايجها هزات فوطة أو دخلات للدوش حيدات تعب و ريحة لعرق دهنات جسمها بكريم تاع العود ريحتو كتبقا لاسقا نشفات لحمها و لبسات واحد سوميج فالبيض مشبك أو رمات فوق منو البينوار رجعات المرايا دارت شوية د الماكياج و ركات على عكر لي الحمر كان بطعمة لفريز طلقات موسيقى هادئة أو تتشطح غير سمعات حسو دغية طفاتها أو گعدات جنب ناموسية أو مهبطة راسها دخل بهاء الدين بقا شحال تيشوف فيها أو ساهي فجمالها رمااا لاڤيست أو مشااا لعندها طلع راسها أو بقاو تيشوفو فبعضياتهم شحااال قرب منها يلاه بغاا يبوسها فمها دغية تراااجع مبغاش يحرق المراحيل باسها بين عينيها أو مشا دخل لدوش
دوش أو نشف رااااسو أو خرج لابس عباية بيضة خلا اسيل غير حالة فمها فيه أو ساهية بعينيها فدوك العضلات ديالو أو كيفاش تيتحركو هيجها شدها بيديه أو جرها جبد لها عباية لبساتها أو جبدات فولار حطاتو على رأسها أو توجهو بزوج القبلة اسيل اول مرة تصلي فحياتها كاملة غير تدير راسها عارفة لي دار تدير بحالو .... حتا كمل سلم حتا هي سلمات أو هز كفوف يديه السما تيگول دعاء
اللهم إني أسألك من خيرها وخير ما جلبت عليه وأعوذ بك من شرها وشر ما جُلبت عليه
ناض أو ناضت حتا هي غادي ناموسية أو فمو خدام معرفاتو أش تيگول
بهاء الدين : بسم الله ، اللهم جنبنا الشيطان وجنب الشيطان ما رزقتنا ...
جات أسيل تتقرب منو أو هو تيقرب لها حتا تخلطو أنفاسهم أو دخلو بزوج فقبة طويلة هي كانت متجاوبة معاه حس بها بلي ماشي اول بوسة ليها غير من طريقة لي تتلعب بها بالسانو و لكن بقا غادي معها حينت فعلا سحراتو مبغاش افورصي عليها بشوي بشوي حتى ترخات أو بداو غير اصوات أو تأوهات ديال الحب هما لي تيتسمع فداك البيت كل واحد فيهم غاااارق فلاخور أجسامهم تتحااااك ولاو جسم واحد بلا شعور لقاو راسهم صولو معرفوش كيفاش حتا حيدوهم بهاء خاشي راسو فعنقها أو تيشم ريحتها
بهاء : احححح ريحة فيك سطيتيني حط يدو على صدر ها عجبو الحال فرح تسخيرة ديال أمو كانت هي هديك هههه اكيد رآه شافتها فالحمام عبرااتها
اسيل مزنكة : اشش و باراكا كون تحشم
بهاء : خليني عليك احبيبة راك كتهبلي وهو ينقض على صدرها يمص تتحس بيه بحال شي بيبي بين يديها 🚫سفالة🚫سفالة🚫
رجع لفمها حلف لا بقا طلق وشد ولي لعهد كيحكو على طوطو و بغا يدخلو و هي تغوت
اسيل : اااي اححح بشوية
بهاء :صبري راك مزيرة
اسيل ه: اه ايييي اححح عافاك بشوية
بهاء : صبري احبيبة تابعاك تابعاك اللهم ترخاي أو صبري تيحاول ادخلو و هوووووب دخل و نزل الدم لتيدل على طاهرتها و هو مخرجوش بقا مخليه وسطها و هو يبوسها فوق جبينها دلالة على فخرو بيها حيت حمات شرفها و طار على فمها باسها و هو يحيدو بشوية حينت شافها سخفانة أو لعرق تينزل مع جبهتها....
صونا تليفون ناض بهاء باش إصلي الفجر بدا تيتحرك تحتها فاقت أو بدات تتفتح عنيها ببطئ...كتلقا راسها ناعسة فوق صدرو ...ابتسمات وهزات راسها شافت فيه وكتبان عليه لبرائة....تهزات بشوية ومزيرة على ليزار فوق لحمها وباستو فوق جبهتو...هو من مورا ديك البوسة كيشوف فيها بواحد النضرة شاعرية محبة💕
ناضت من فوقو باش تخليه يتحرك ناض هو لدوش دوش أو عاود لوضو الكبير هههه.... لبس حوايجوو أو مشا تيجري الجامع لقاهم قامو الصلاة اول مرة يتعطل بحال هكا كان ديما تيكون هو من صفوف الاولى مع اليبيتيز دبا كل لليلة خصو حتا يدوش عاد يمشي الجامع الحمد لله درك ركعة الأخيرة مع رجال أما عند لآلة اسيل ناضت أو لوات عليها ليزار على جسدها ودخلت لدوش...وقفت قدام المرياا...وطلقت ليزار طاح...كتشوف جسدها لمطبع...مخا حتى بلاصة مدازش منها كلاها ....كل انش في جسمها حط فيه طبع لمسات......تحتها واخا دارها شوية مي صبرت عليه...دخلت تحت دوش ...وطلقت لماء عليها ...وغمضت عنيها كتفكر ليلة ...صراحة هي مندماتش أو كانت فرحانة وخا ماشي اول مرة تعيش هاد شعور حينت سبق لها نعسات مع الحسكة ولكن دكشي كان غير سطحي مخلاتوش يدخول بيها ولكن الليلة لي دوزاتها مع بهاء عمرها تنسا لها كان تيعملها بحال شي أميرة ولا شي حاجة ثمينة من زاج خايف عليها تهرس تتشوف فالمرايا أو عضة على شفايفها هي مندماتش حينت عطاتو عذرتيها...كتحس انها وهبتها الرجل المستحق ...دابا غتعيش حياتها كيف بغات...أو فعلا عاد ضحكات لها الأيام رجل قد جبل
👋نهاية الفلاش🤗
ناردين : ااااي اماما اش بغيتي
حفيضة : أويلي من صباح ونا تنعيط ليك
ناردين : كانت ناعسة
حفيضة : كانت مزمرة راني تنشوف ضو ديال تليفون معامن كانت تتهضري هااااد الوقت كولو واااش انت منعستيش *تتشوف فعينيها مبلگين*
ناردين : لا كانت ناعسة اوا صافي اماما خليني نعس علاش مفيقاني*جرات عليها ليزار*
قصة مكالمة من مجهول
محتوى القصة
التنقل بين الأجزاء