قصة روحي تحتضر

من تأليف Ikram Pancholi
2020قصة كاملة سفالة متوسطة

محتوى القصة

رواية روحي تحتضر

💎"هي تقول ":

وما إذ الحب عند البعض إلا كلمات . ..تلفض باللسان 

حب. .عشق و هيااام .. اوقعت بيه قلبيي 

اتدري ان حتى طريقتك في شرب القهوة تثيرني.

لا أعرف كيف يكون حُبّ شخص.. العالم كله يخبرني
انه لا يفترض بي أن أحبّه..

لا يمكنني تخيٌل كم هو صعب أن أحبّ أحدا
أخاف من تقبيله في الشارع..

💎"هو يقول":

هل ترينَ هذه العروقَ المنفجرةَ على وجه يدي؟

هل ترينَ هذه الشُقوقَ المفتوحةَ على ضفاف فمي؟

هل تشمّين رائحةَ الكبريتِ المتصاعدةَ من شراييني؟

هذه هي شهادات هَمَجيّتي.. وجُنُوني بيك.. .سمات

تتمحور على خفقان قلبي وابتسامتي الهادئة عكس ناري

المشتعلة والمتغلغلة جوهر فؤادي..وافكاري الماكرة 

الحُبّ - يا صغيرتي ...ليس لعبة شطرنج

تلعبينها معي وقت الفراغ...أو حسب مزاجك...أو حسب

موقعك من الرقعة

💎"هي تقول ":

أخبرتني أن الصباح أنسب وقت لتحطم قلبك

لذلك، ها أنا أدخن سجائرك من أجل رائحتها

قضيت ليال كثيرة أنحت جسدك من الوسائد

لكن، أقسم لك:

لا شيء يعادل النوم وذراعك ملتفة حولي
وأنفاسك في أذني.

لكن، يبقى مريحًا معرفة أننا ننام تحت القمر نفسه
حتى وإن كان أكبر عمرًا حين يدركني

أحب تخيل أنه يراك أثناء نومك
ويود أن يخبرني بأنك على ما يرام.

💎"هو يقول ":

الحُبُّ امتحانٌ قاسٍ للقلب
واليأس والفشل فيه - غير واردان في قاموسي

وسقوطك في امتحان - الحُبّ - يا صغيرتي
لن يغير أو يؤثر في مجرى التاريخ شيئا

وستستمر الحياة والحُبّ بدونك
ولن تكوني بعدها حتى نقطة...في آخر السطر !!

لا تنسي مع من تتكلمي :فانتي فقبضة صخر. ..يهتز من حوله وهو بحد ذاتك اعصار يرجف منه الانتماء. .

اشربي حليبك وناامي فقط.. انتي مازلتي صغيرة على مداعبتي... فأنا أكون في أحسن حالاتي
عندما تهاجمني نوباتُ الهذيان. .

💕موجات صاخدة تحت عنوان الحب 💕


فغرفة كاملة مطلية بصباغة بيضاء. .كتواجد نافذة كبيرة كلها زاج كتبين لجو لي على برى. .كانت السماا كاملة عامرة غيوم سوداء كتلمح لبزاف دالمشاعر بحال الحزن لي مستعمر قلوب كتير من الاشخاص. .جدران لغرفة كتعكس انيين وبكااء أنثى صوتها وهي كتشهق كيقطع فالقلب. .
دخل الطبيب بعجاجتو وموراه لممرضات
طبيب : شدوها مزياان ... هادي ماشي غي حمقة فااتتها لهييه 
نقزات وحدة من لممرضات : مسيو. .حصلناها حاولت تحرق الجناح لي خاص بالحماق الجداد لعاد وصلو للمستشفى 
طبيب دور عينو عندها كيخنزر وعلى ملامحو الشر كيتقطر : هاحناا غادي نشوفو وااش غادي تعاودها مرة خراا 
شافتهم كيقربو عندها بخطوات محكمة بااغين انقضو عليها بااش متنثرش لييهم. .تخشات بين ضلوعها ورجليها عندها ..مستعمرة مساحة صغيرة من السرير 
طبيب وجه كلامو لوحدة من لممرضات : اري لياا الأسلاك لكهربائية
هزات عينيها بخوف كترعد وجسمها كيرجف ..هادي هي معاملتهم معاها ..نطقاات بزز وحروفها مقطعين بسباب الرعبة لشداها : مي ديجي باااس هءءهءه مم ي هءهءء.😭 ..ماماي .مي ديجي باااس 😭
طبيب هز حاجبو ..تلافت عند وحدة من لممرضات : اشمن لغة كتهدر 
لممرضة : لبرتغالية امسيو ولكن من لهجتها كتدل على انها برازيلية.. مكنقدروش نفهموها اشنو كتقول حتى كتجي سكرتيرة كترجم ليناا 
طبيب رجع شاف فيها..شدوها لممرضات مزيرين عليها وهي كتنتر وتهز وتركل بااش تفلت من ايديهم حيت كتخاف بزااف من الأسلاك لكهربائية
قبطوها متحكمين فجسمها الانثوي ولي يله كينضج .طبيب حط على صدرها جزء من معدن لحديد و قام بتوصيلو عن طريق سلك حتى لبريز 
هز عينو فيها بمكر وهي كترجاااهم بشوفاتها لباهتين بااش ارحموها حيت وخا تهدر مغاديش افهموها..غوتااات حتى بح حلقها فاش برونشا لبريز و لكهرباء كينتاشر على سائر جسمها النحيف
بقا مبرونشيه حتى شافها غيبات عاد بتاسم بانتصار : صااافي طلقوهاا بااش تعلم تقلب لينا لمستشفى سفااه على علاه 
قبل اخرج تلافت عند وحدة من لممرضات : عطيها إبرة تبعد ثأتير لكهرباء من جسمها قبل تموت لينا هناا 
لممرضة هزات راسها باه. .ومشات طبقات تعليماتو دكاات ليها لإبرة وخرجات بعدما سدات عليها لباب بساروت حيت كيخافو من افعالها ..داكشي بااش ديما كينعسوها بالإبر تفاديا لشي مشكيل تقدر ديرو 
خلاوها مهدودة فوق السرير وايديها مرخيين ..حلات عينيها لمدمعيين بزز و الضبابة كتحجب لونهم النادر..بدات كتنخصص فصمت ولفاات هااد لعداب لعيشاا فييه. .رجعوها حمقة بسيف عليها ..غمضات عينيها فاش رجعات بيها الذاكرة ملي حطات رجليها فالمغرب كانت فسياحة هي و أصدقائها ..فرحاانة وهي كتسارا معااهم بقبيتها لخضراء مفضفضة عليها مع شورط قصير مبينش جاات كيووت وهيا كتمشى معاهم كتشوف أجواء هاد لبلد وتعبر بايديها على اعجابها بشي ديكوغاسيو
معرفاتش منين جابت الجهد باش تقلبات لجيهة لخرا على جنبها ليمن ..هزات عينيها كتشوف فالسماء من النافدة ..ولات كتهرب من افكارها فاش كتسترجع احداث هاد سياحة لتقلبات عليها ودمرات حياتها فمرة. .تنهدات بخوف ..هادي هي عادتها ديما كترجف وأي صوت كيخلعها بحكم لعاشتو ماشي قلييل. .
حولات تجلس عاد وقفات حيت جسمها ولف هاد تعذيب ليومي لكيمارسو عليها ..لدرجة مبقاش كيقضي فيهاا
تقدمات بخطوات ثابتة حتى وصلات للنافدة ..تكات على لحيط بجنبها و سرحات بتفكيرها للبعيد. .نطقات باللهجتها وهي شاردة : بااباا مااما فييينكم هءءءه. ..انا خيفاا بزاااف ...اجيو عتقوني قبل نموت 😢
تحكمات فايديها لكيرجفو ومسحات دموعها بكمام للبسة لي خاصة بمستشفى لمجانيين ..رجعات شعرها لعسلي ولحريري لور ..هزات عويناتها لمشفريين مركزة شوفاتها بعيونها زورق مائل لأخضر على طائر كيزقزق وارفرف فسماا..سرعان مترسمات على شفايفها لحومر بالعضان. .ابتسامة خفيفة و شاحبة فنفس لوقت 
نطقات كتكتم شهقاتها لكيخونوها مرة مرة : حتا نتي غادي طيري ا آريا و ترجعي للموطنك 
رجعات بخطواتها حتى تكات فوق السرير على ضهرها كتشوف فالسقف. .غمضات عينيها حتى دااها نعااس بسباب الإبر وثأتيرهم عليها. .
حتى وسط نعاسها كيتسمع تنخصيصها ..اكيد هاد الرعب غادي يأثر على بنت قاصر كتبلع من لعمر 16 عاام يله كتشوف فالدنياا وكتكتاشف فييها. .ولكن لأقدار لا تمشي كما نريد..معرفاتش كفااش طاحت عليها غمامة سوداء ودخلات لمستشفى لمجانين و تقتلات روحها وهي وسطو. .

فالجيهة لخرى. .
مجموعين فالصالون وسط قصر كبير تصميمو جداب ولافت لأعين ...كيتكون من بزاف دلجناحات كلا واحد خاص بولد من ولاد لعائلة ..
نعمان نطق وهو كينتر من السيغار ديالو : هاد ولدك مناويييش اجي وااقيلة
كلثوم : يله قطعت معااه..قالي غادي اجي متخاافش
نعمان جمع لوقفة كان رجل انيق فالخمسينات باقي شاد فراسو ومحافظ على رشاقتو ..تم غادي كيقاد فالكوستيم لي مكيفارقوش بحكم عملو لمكينساهش
قبل اخرج من صالون تلافت عند كلثوم : مقالش لييك معااش غادي اجي


كلثوم وقفات مشات لعندو. .امرأة زوينة وحروفها واضحيين من الشوفة فيها كتعطيك صورة على أنها مثقفة وعارفة بزااف دلحوايج فهاد لحياة 
نطقات كتقاد ليه لكول وخا كبرو باقين مهتمين بأدق التفاصيل لكيخصوهم بجوج : لعشية امكن اكون هناا. .فاش اترجع من شركة غادي تلقاه انشالله 
نعمان تنهد :توحشنااه...نخليك دابا 
باس ليها راسها وخرج لعلى برى ركب وكسيرا بيه شيفور للشركة. 
فحين كلثوم رجعات بأدراجها لصالون تقرا لمجلة ديالها. كانت جالسة حتى كتسمع صوت عصى كتقرقب.هزات عينيها فيها وبتاسمات :اجي حدايا. .احبيبة دقلبي ...توحشتك 
قربات حداها كتحسس بلعصا اشنو قدامها تفاديا لطيح..عرفات لام ديالها فين جالسة و بركات حداها 
كلثوم باست جبينها وهي كتمسح على شعرها كيبقى فيها لحال تشوف بنتها باقة شابة و كتفتاقد نعمة لبصر ..لي شحال من واحد عندو و مكيحمدش الله عليها
كلثوم : ذهب. .حبيبة كبقيتي 
ذهب نطقات مع ابتسامة خفيفة و عينيها متبتين فاتجاه واحد :لحمدالله امامي...فرااسك مشيت انا و روكي للبحر دوزنا وقت زويين هه
كلثوم مسحات دمعة خانتها : مزياان بقااي ديما خرجي بدلي لجو
ذهب مخسرة ملامح وجها : مامي...انا كبيرة وبعقلي مبغيتش لكارد ابقاو حضييني..ماشي حيت عمياء اتبقااو تخافو عليا 
كلثوم باست على راسها : اشنو كتقولي نتي بااقة صغيرة بالنسبة لينا .واخا عندك عشرين عاام حنا كنشوفوك بحال شي بيبي باقي صغير بزااف
ذهب وقفات كتحسس بالعصى لقدامها ..نطقات باستهزاء وهي غادة :حيت عمياء داكشي علاش كتخافو علياا. .انا ولفت هاد لوضع متبقاوش تحسسوني انني ماشي طبيعية 
كلثوم سكتات كتبكي فصمت باش متسمعهاش..ولكن ذهب كتشعر بكااع لدير بيها كيبقى فيها لحال فاش كتحسهم حزينين من جيهتها ..بغات تبين لييهم أنها طبيعية ميحتاجوش دااك لخوف كامل علييها. .خرجات وتقدمات بخطوات بطيئة تجاه لمصعد بمساعدة عصاتها لي مكتفارقهاش.. ركباتو وتسد لباب .بركات على زر دالجناح لكين فيه بيتها ..قدرات تميز الزر من خلال حاسة لمس مبينين ليها كلشي باش متلقاش مشكيل ..فجأة نزلو دموعها. فيساع مسحاتهم بطبعها هادئة بزااف و قلبها بيض. .مجرد نضرة فيها كتحس بانوثتها و جمالها لخارجي وداخلي ..مسحات على شعرها كانت جمعاه بربطة مهملة و لابسة شورط جينز مع تيشورط خفيف من لفوق. .كيعجبها تهتم بلباسها وتبان فابهر حلة. .اكيد هادشي بمساعدة الأم ديالها كلثوم كتعاونها تختار اش بغات تلبس. .حسات بالمصعد وقف وتحل لباب خرجات كتمشى بشوية حتى وصلات قدام بيتها فتحات لباب ودخلات ..حتى كيتلاح عليها صديقها لوفي لكتبكي علييه فااش كتخنق كتبقى تهدر وهو حداها كيسمع ليها وخا مكيفهمش اش كتقول ولكن وفي لييها وهادي هي الصفاات زويينة لكيتميزو بيها صنف لكلاب
ذهب جلسات فالأرض وهو كيلعب معاها:هههه روكي براااك ههه صاافي كتهرني 
روكي كينبح والعب بتينيسة لكانت فالبيت 
ذهب وقفات بمساعدة عصاتها : روكي جلس مديرش صدااع.بغيت نقرا واحد لقصة ونكمل كتابة روايتي نييت 
روكي ساكت كيسمع لييها 
مشات ذهب جلسات فمكتب صغير كين فبيتها لكبير هو بقدو شقة لعائلة. .قربات حداها الالة لكتكتب عليها بحال لمطبعة ولحروف واضح ملمسهم..بتاسمات وهي كتحسسهم ..يله غادي تكتب جا حداها روكي حسات بييه بتاسمات وهيا كتشوف فنقطة وحدة :ههه عقت بييك. .بغيتي تعرف فين وصلات روايتي فالكتبة ..فراسك يله كنخطط لاحداثها فاش انسالي لكتابة نعاود ليك عليها غي متقلقش ههه. .ولكن لغادي نقوليك هو انها قصة حب زويينة 

نبدلو لبلاصة..
على بساط البحر الابيض لمتوسط ..وبالضبط على متن باخرة كبييرة مجرد مساحتها كتمثل مدينة على قدها كان جالس فوق لكرسي فغرفة التحكم .منتابه مع زرق لبحر ..حتى كيفيق من سهوتو وتركيزو مع لواجهة لسالكين
شخص :قطاان .فالخريطة كتبين قدامنا جبل مكبيرش بزااف تحت لبحر اقدر منشوفوهش و تنفاجر بينا لباخرة 
حرك راسو بالإيجاب ودار إشارة بعينيه باش امشي من حداه. .شعل قدامو جهاز خاص بالواجهة لكيسلكو ..
سمع تيلي ديالو وخا شبكة ضعيفة وإنما كتخدم مرة مرة ..هزو حاطو على ودنو وعينو مع لمحرك : لوالييد 
نعمان جالس فالمكتب كيوقع شي وراق وكيهدر فنفس الوقت :منااوييش تفكرناا..توحشنااك زعما 
بتاسم ابتسامة خفيفة : غادي نوصل لمناء دابا ونشد الطريق لعندكم
نعمان :ساجد ...كتفرحني حيت بيدك كتسهر على لباخرة لكتنقل سلعة لخارج
ساجد : كتعرفني مولووع بالبحر ..نسيت مقلت لييك بعدما غادي نزوركم انساافر لكندا ..بغيت نستاقر فييها 
نعمان تنهد : اش غنقولك...نتا تعرف 
ساجد :الا هدرتي مع لواليدة سلم عليها. .توحشتها 
نعمان :هه وااخة 
نهى لمكالمة ونتابه مع سوكان ..من صغرو وهو كيحلم إولي قطاان وهاهو تحقق لييه مبتغااه ..بيدو كيسهر على توصيل سلعة حتى لبلدان لكيتعاملو معاها. .بالنسبة ليه ماشي غي خدمة بل كيبين قدراتو وهو كيتولا سياقة لباخرة على مثن لبحر ..زيادة على ذلك كيعتابرها سياحة .

زيادة على ذلك كيعتابرها سياحة .بسيف وكااع لبلدان عندهم ايد فيها وفارضين منتوجهم فجميع أنحاء العالم ..هادي هي عائلة آل عمران .. وهادا هو ساجد آل عمران الابن الاكبر دلعائلة ..بتاسم فاش قرب للميناء وقف بالباخرة ونزل خلاهم كيتكلفو بالباقي ..
تقدم بخطوات تابتة كيرجع شعرو لور لي مجرد تسريحتو تخليك ساهي ونتا كتشوف فيه. .كيبتاسم نص ابتسامة للصيادة والعمال ديالهم بحكم أن واحد من مصانعهم قريب للمناء باش اقدرو استغلو لوقت فصطوكاج السلعة..
كمل بخطواتو خاشي ايد ولاخرة كيقاد بيها لجاكيط ..جسمو كامل وشاام كلا رمز اش كيعني حسب مفهومو حتى من ايديه مطليين بنفس الرموز ..مسح على لحيتو لكتيفة ولمطراسية بطريقة جدابة. .زادت وسامتو كتر وبرزات ملامحو لكوحل ..من غير عينيه لي لونهم قريب لزورق كيتغير مع لفصول و درجة صطوع اشعة الشمس. .
سمع تيلي كيصوني جاوب فحين كيحل باب رونج : غاادي تقلب عليااا. .كتسمع ..يله تلاح 
..............: ههههه استسمح مسيو ساجد ههه. ..بااز تيقتي راسك😒...من لخر امتى غادي تشرفناا للدار لواليدة مبقات حاملة حد لا انا لا ذهب 
ساجد ركب وديمارا : كتحرق السلوكة البرهوش ...دور دابا ممساليش
..............:ماااشي برهوش اساااط فعمري 25عام ...وملي غادي تجي نرجع لييك دوك لكروشيات لي كتسالني
ساجد بتاسم : اوا تستاهل ...والا كنتي نتا 25عام. .فأنا 28 يعني كبر منك البرهوش
..............: قيد قيد ..الا منخليكش تنحني قدامي هانا وها نتا 
ساجد :بيازيد ممساليش
بيازيد : هههه غي توحشت نشد فييك ..الليل نتلقاو 
ساجد : مزيان ..باغي نشوفك
قطع معاه وزاد فالسرعة بحاليلا غي هو لكين. .على شوية واطير برونج مهتم لا لبوليس لا لواالو. .اصلا مجرد اعرفو انتماؤو لعائلة آل عمران غادي اتكمشو بحاليلا مشافوش المخالفة ديالو. .


نرجعو للمستشفى..
كانت ساهية كتشوف فالسقف وعينيها عامرين دموع. .كتنخصص بهمس كاتمة شهقاتها لعميقة ..سمعات لباب تحل خبات عينيها بايديها مخبياهم كتشوف شكون من الشقق لي بين صباعها ..عضات على شفايفها لي طابو بكترة مكدير هاد لحركة لدرجة أنها ولات عندها عفوية 
فهاد الاتناء كانت لممرضة كتقاد الشوكة بغات تضربها ليها باش تنعس لييهم النهار كامل متفيقش 
قربات ليها بحدر عند بالها ناعسة.تنهدات براحة حيت مفيقاش اما كون لقات معاها مشكيل بحال ديما. .هزات ليها كمام لبسة دالحماق ..و حطات الشوكة فبلاصتها لمطلوبة يله غادي تغرسها وهيا تحس بنيااب محفورين فايدها
لممرضة مخرجة عينيها كتحاول تنتر حيت عضتها فايدها مبغات تطلق : طلقييي مني😨... عتقووووني هءءء هاااد لحمقة فيقااا ..رخي منيي😭..هءءء هءءء
زادت فوتيرة دالبكا فاش لمحات الدم كينزف من ايدها مبغاتش تحيد نيابها لمغروسين كتحس براسها خاصها تنتاقم على هاد تعديب لي كيديرو ليها
بتاسمات مخرجة عينيها عاد بعدات عليها كتضحك وتبكيي حيت شافت الدم فايد لممرضة
آريا زربات عليها و وقفات قجاها بحبل كانو كيربطوها بيه ومكيتسوقوش لصراخها .حتى هيا بغات ترجع ليهم هادشي 
للمرضة عينيها خرجو كتحس بقلبها غادي اسكت. .نسبة الأوكسجين ولو قليلة مبقاتش كدخل لرئتين ديالها. .حتى غمضات عينيها وطاحت فالبلاصة 
آريا رجعات باللور مخلوعة كتمسح على شعرها ودموعها نازلين كيشقو طريقهم على خدودها الناعميين ..شافت جيهت لباب مشات كتسلت بغات تهرب حدما محلول. .كتضحك وتبكي فنفس لوقت بسباب دوك الإبر رجعات حمقة بسيف عليها ولات بحال شي انسان غريب أي حاجة تقدر تخلعو علاوة على ذلك تقدر دير أي حاجة باش تنتاقم من الشخص لي كيضلمها هاكة ولفات لعيشة فالمستشفى 
خرجات عينيها فااش بان ليها الطبيب كين فالكولوار والمجانين غادين جايين. .تنهدات كتمسح دموعها بكمامها الطوال .رجعات خصلات شعرها لي معنكشها ونطقات بلغتها الأصلية : هههه غادي نهرب ...صاافي هادشي لغادي ندير ..ولكن كفااش هءءء ههههه 😭...انا آريا اكيد واعرة هءء 
جلسات كتبكي بحرقة. .سرعان مقطعات لحس فاش سمعات خطوات قراب للباب ..بدات كترعد لدرجة لعرق خرج من جبينها ..تشجعات وناضت حلات لباب بالشوية كتطل تشوف شكون. .حطات ايديها على فمها كتشوف الطبيب قاصد غرفتها حتى لدقيقة تسعين وهيا تقاطعو ممرضة معرفاتش اشنو قالت لييه بحكم انها مكتفهمش الدارجة بلمرى غي الاشارات ونضراتهم كتحاول تستنتج بيهم لمساج لي بغاو اوصلو لييها. .ضحكات بالشوية بصوتها الأنثوي من بحتو بااين موراه جبال دالحزن 
عضات على شفايفها من جديد :ههههه مشاا. .بقييت بوحدي دابا
سدات لباب وبقات غادة جاية كتفكر واش تهرب ولا تمشي عند صحابها لحماق لي فالجناح لاخر تلعب معاهم ..سرعان محركات راسها بلا : الا توحشوني غادي اقلبو علياا فين مشيت😒...واصلا انا مخاصمة مع حزوقة هههه
سدات فمها كتكتم ضحكتها لي تعكسات بالدموع ..بحاليلا تفكرات تعديبهم لي خلا فكرة لهروب تشعل فقلبها ..لمحات للممرضة سخفانة فالأرض. .خسرات ملامح وجها 

لمحات للممرضة سخفانة فالأرض. .خسرات ملامح وجها وقربات ليها كتمشى بخطوات بطيئة على رؤوس أصابع رجيلاتها ..هبطات لمستواها مع ابتسامة انتصار على فمها. .صغرات عويناتها كدور لخطة لي فراسها واش غادي تنجح ..هزات كتافها باهمال لي عارفة هو أنه خاصها تفر من هنا مكيهمش الثمن ..
داز لوقت ..هبطات عينيها سادة فمها باش متسمعش ضحكتها ..بدات كدور يمين وشمال كتشوف لبسة التمريض كيف جاتها ...ولات كترمش بعويناتها بحاليلا حشمانة من شي واحد قدامها ولكن غي لحيط لي مقابل معاها خخ..تنهدات بقلق فاش تفكرات الطبيب كتخاف منو بزاف. .قصدات للباب حلاتو بالشوية وخرجات كتسلت فحين ان لممرضة مرمية فالأرض عريانة من غير دوبياس لي تسابت لبساهم 
آريا شافت كلشي مشغول والحراس ناعسين حالين فمهم. .بتاسمات فرحانة حيت قربات للباب. .يله وصلات ليه وهيا تفكر حزوقة شقلبات عينيها كتفكر واش تودعو و لا بلاش
نطقات بصوت منخافض كتخاطب راسها : غادي غي نسلم عليه 😒..مستحيل نتصالح معاه شفر لياا نونوسي 😏
عضات على شفايفها بحركتها لعفوية ورجعات بخطوات سريعة كتعكل فتوب التمريض . .بتاسمات ابتسامتها لبريئة فاش لمحاتو جالس فوق السرير كيمشط لمونيكة شعرها ..قربات لعندو كان رجل فالخمسينات تلات بييه الايام وفقد عقلو بسباب الظروف لي عاشها 
آريا ضرباتو لراسو ومن بعد عنقاتو وخا لغتهم مختالفة ولكن كيلقاو راحتهم وهوما جالسين حدا بعضياتهم ولو لي مدة قليلة حيت فاش كيحصلوها خارجة من غرفتها كيعذبوها حتى كتبغي روحها تخرج 
آريا شافتو ملاهي مع لمونيكة وساهي ..خطفات ليه الشمعة لي جنبو حتى بداو كيضاربو من جديد 
تعصبات حيت تشاد معاها : طلق ...هنننن طلللق😠
ضربتها ليه بعضة وخرجات بجرية كتضحك ..شافت شي ممرضات جايين مقابلين معاها وهي تغير مشيتها كتمتل انها ممرضة بحالهم ..وسعات عينيها فاش وصلات لباب تنهدات براحة فاش هبطات على سلالم الدريجات لقال لكينين قدامو ..سرعان مسمعات لغوات وراها 
لحارس كيغوت على صحابو : شدووووهااا متخليوهااش تهرب 
الطبيب كان جااي كيجري عينيه خارجين حيت لهربات موتو اكيد. .بحكم انه موصينو عليها باش تبقى مسجونة تماك وتلقى لعذاب الأليم 
آريا شهقات وتمات هاربة كتحاول تنقد روحها منهم. .كتجري بأقصى سرعتها وعينيها كيسيلو بالدموع كتشهق وتلافت وراها واش قربو عليها ولا مزال. .فهاد الاتناء بضبط قاصتها قطرات لمطر حتى تغلغلات لقلبها. .بتاسمات وهيا كتجري ولات كتنقز فبلاصتها بالفرحة. .كيعجبها تلعب فالشتا غي كتفكرهم تابعينها كتخرج عينيها وتعاود تجري من جديد ..ولكن لي فيها ممهنيها ضروري من حركاتها لبهلوانية كتعبير عن سعادتها بالجو ..قشعات واحد الزنقة كتخرج للشاريع سلكاتها كتجري بكل قوتها ورجليها غارقين بالدم حيت حفيانة ..مهتماتش لآلم لي فرجليها قدما بغات تنجي بروحها من داك السجن كيف كتسميه..

فالجيهة لخرى. 
كان مزال سايق بنفس السرعة. .مرة مرة كيخطف الشوفة فتيلي ديالو باغي امشي بزربة باش ادير لييهم مفاجأة شحال وهو غابر عليهم هادي هيا عادتو مكيجلسش فالدار بزااف ..لمح الضوء الأحمر بتاسم باستهزاء وكمل طريقو خلا كاع لي سيقيين مخرجين عينيهم. .داز على لبوليس ضربو لييه التحية وهوما كيبتاسمو لييه ..هادي هيا بلادنا السعيدة إلا كان عندك لفلوس فرااك كتعتابر ملك فينما مشيتي أما إلا كنتي من الطبقة الوسطى اولا لكادحة فرااه من لواجب علييك تحتارم كااع لقوانين والا تجاهلتيها كتعاقب عكس الأغنياء لي ضاربين الدنيا بركلة..سمع تيلي ديالو تنهد بعصبية عارفو غادي اكون خوه عااود 
سمع صوتو مرة أخرى. .شاف فيه بتاسم فاش عرف ختو لي متاصلة بييه ..برك على الاوت باغلوغ وهو سايق بحاليلا فسيباق مركز مع الطريق : وي لحبيبة ديالي 
ذهب مبتاسمة : امتى غادي تجي
ساجد : شوية وتلقايني قدامك
ذهب فرحات : صافي ..مزياان😍
بتاسم وقطع لمكالمة سرعان مخرجات شي حاجة فطريقو وتزدحات على مقدمة رونج. .خرج عينيه معرفش كيفاش ضرب فران مفاجئ حتى تسمع تكشاط الروايد. .خسر ملامح وجهو مكيحملش لمطر ومفيه لي اخرج اشوف شكون ضرب ..دقائق وهو جالس فبلاصتو بحاليلا كيقول لضحية نوض من بلاصتك باغي نكمل طريقي. .مسح على شعرو بعصبية ونزل من لوطو بعدما حل لباب ..تنهد فااش الشتا بدات كتسرد فييه. .لمح شي وحدة طيحا فالأرض وشعرها مخطي شوية من ملامح وجها. .تبت نضراتو على الدم لي كينزف من جبهتها..تقدم بخطوات سريعة تيجاها هزها لعندو محاوط خصرها بلاما انزل لمستواها ..جات عينو على تفاصيل ملامحها بقا شحال كيدقق فيها 
حتى نطق بصوتو الرجولي والخشن : بسبابك سردت بالشتا. .ملقيتي امتى تجي فطريقي
تنهد بعصبية كيكمش عينيه محاملش لوضع ..شاف فيها عاقد حواجبو وفمو مكمش كيدمدم تحتو ..بدا كيضرب على وجها ضريبات خفاف باش تفيق ساعة والو مغيبة وجبينها كينزف والدم هواد مع قطرات لمطر حتى الأرض. .نتابه لخصلات شعرها لي فازكين ومرميين على وجها. .تشجع وهز ايدو ببطء بعدهم من على ملامحها حتى قاص شفايفها لحومر بلاما اقصد 
فيساع خطف ايدو لعندو مخنزر : صاافي هادشي لي بقى لياا..
هزها بين ايديه كيسب وإعاير على الله اتهدن شوية. .كيحس براسو كيضيع لوقت فهاد اللحظة. .حل باب رونج برجلو وقادها لور مرخية على التمام. .نتابه لحوايجها كااع مسخين بحاليلا كانت كتمرغ فشي ضاية دالغيس 
شاف فإيديه بقرف محاملش لوسخ : بففف ميييغد
زفر بقوة فااش جهدات الشتا لدرجة شعرو هبط على عينيه حتى رجعو لوور : لا وااش بصح هادشي. ..نهاار من صباحو
ضرب واحد لمش كان جاي كيجري حتى تصاطح مع لكات ديالو : لا صاافي لحماق هادا ...لحبس 
ركب وكسيرا كيسوق بعجرفة ..كلما كيشوف لوسخ فايدو كيخبط الديريكسون بعصبية. .كيهز عينو لعندها كيشوف انعكاسها فالمرايا لي مقابلة معاه ..سرعان مكيخسر ملامح وجهو حيت بسبابها كيعيش هاد لموقف. .مسافة دالطريق وقف قدام كلينيك نزل من لوطو كيتمتم بفمو .حل لباب تنهد وهزها بين ايديه مهبطش عينو لعندها ..تم غادي بخطوات سريعة نيشان لغرفة لمستعجلات. .خلاها مليوحة تماك وخرج بلاما انطق. .يله غادي اركب لوطو وهو اوقف عاقد حواجبو. .جبد كارو شعلو بطريقة رجولية وبدا كينتر منو بتبات ..كيدور وجهو جيهت لباب الرئيسي دلكلينيك وكيرجع اشوف قدامو ..بقا شحال حتى كمل لكارو ديالو 
رماه فالأرض وعفص عليه حتى تفرتت : تموووت انا ماالي 
هز كتافو بلا مبالات وركب الرونج مديماري والعجاجة موراه ..

نبدلو لبلاصة. .
فالكافتيريا دلفااك ..جاالس كيرشف من لكافي ديالو و البيسي قدامو ..غارق وسط لبروجي لعندو. .خاصو اقدمو هاد الايام. .تنهد ورجع راسو لور كيتكسل بكترة لعياا حس براسو ولا روتيني والملل كيتغلغل لييه وهادي ماشي من عادتو ..
عوج فمو كيدور فعينيه : وااع لملال ..ميمكنش نبقى هااكة 
جمع لوقفة كيكمل التكسيلة ديالو تحت أنظار لبنات لي غادي اياكلوه بعينيهم ..وخا عفوي ومكيصطانعش لبرستيج دالمستوى ديالو ..الا انه كيسرق لقلوب ديالهم. .بنيتو لجسمانية رياضية بامتياز وطولتو زويينة بحال عارضي الأزياء. .مسح على شعرو كيقاد التشويكة مغوبش خايف ليخسرها ..قاد الشوميزة لي لابسها كانت صيفية مع شورط جينز حد الركبة ..الشتاء والرعد على برى وهو مصيف غي بوحدو لي قلها لييه راسو كيديرها وخا تكون كارثة لمهم اديرها وربي كبير..
شاف جيهت الطابلة جمع وراقو خشاهم فالكغطابل هو ولبيسي.. يله غادي اتلافت اكمل طريقو وهو اصادف صاحبو غادي اخرج فيه بكترة السرعة لي جاي بيها 
بيازيد :سااط ماالك
مراد : من صباح ونتا غارق وسط هاد لبروجي ..فين وصلتي
بيازيد تم غادي ومراد فجنبو 
شاف لعندو :ساليتو ..تسناني نديها لبروف ونجي لعندك. .يااااه لملال
مراد ضحك :هههه هيا غادي ارجع بيازيد لي كنعرف😂
بيازيد ضربو لراسو ..نطق وهو ماشي: ليوم هاد لفااك تقلب سفاها على علاها 
مراد بقا واقف فبلاصتو مبتاسم عارفو فاش كيتسطى اجا موقفو ..ولكن لي كيعجبو فييه هو وقت لقراية قرااية و وقت الضحك ضحك ..هاكة شخصية الابن المتوسط بيازيد لعائلة آل عمران. .
داز الوقت وهو واقف كيتسناه حتى شافو جاي لعندو كيتمختر والنظاظر على عينيه كيلوح بايديه لبنات 
بيازيد : شكرا شكرا ..حتى انا توحشتكم
وصل لعند مراد : سااط ..يله نخوييو 
مراد :يله
قاطعت طريقو بنت زوينة بسباب ميكابها لكتير ولبسها لعاري واقفة قدامو كتعوج وتخرج فصدرها : واخيراا ساليتي لبروجي ديالك 😉..لفااك ولات مملة بعدما مبقيتيش كتبان بزااف
بيازيد كيحك فدقنو كيطلع واهبط فيها. .بتاسم بمكر و قرب وجهو لعندها : توحشتيني
لبنت : هاا
بيازيد هاز حاجبو : فينها بوستي
لبنت :علاش 
بيازيد : حيت وقفت وهدرت معاك
لبنت تزيرات من لقمعة : ههه ضحكك زويين 
بيازيد بملامح باردة كيشوف فيها : بوستي بااش نهدر معااك 
لبنت طارت بالفرحة وتعلات على طراف صباعها. .يله غادي تقرب لشفايفو وهو ابعد حابسها بايدو 
مراد كيشوف فالموقف شاد كرشو بالضحك 
لبنت مستغربة من ردت فعلو. .رجعات تقادات فوقفتها محملاش لبلان خصوصا ان لبنات كيتهامسو عليها واضحكو
بيازيد قرب لحدا وجها من جديد هبط النظاظر شوية كيشوف فيها بنص عين : تعطلتي بثانية .كان عليك تبوسيني بكري 
دخل فيها وكمل طريقو فحين كيرجع نظاظرو على عينيه ..كيتمختر وابتاسم لبنات
مراد وصل عليه :هههه نااري اصحبي مكتقشرش 
بيازيد مسح على شعرو : شكون انا 

بيازيد :شكون انا 
مراد دار لييه التحية : تيتيز دلفااك 😂
بيازيد ضربو لراسو وكملو طريقهم حتى لبرى. .جلسو فمقدمة لوطو 
مراد : ملي ساليتي لبروجي ..نجيب شي مشروب نحتافلو بييه
بيازيد حيد النظاظر موسع عينيه : واااو كيفااش وليتي كتفكر ...بالله علييك هيا لولا اش كتسنا😏
مراد وجه صبعو لييه : صابر علييك غي حيت دخلتي سميتي فالبروجي ديالك 
بيازيد جمع لوقفة موجه صبعو : مزيااان ملي تفكرتيهاا وااش عارف احساس انك تبقى فالدار بلا حمااق وتسطياا ..عارف ولا غي داوي 
مراد : عارف😒
بيازيد تنهد ورجع نظاظرو على عينيه : جيب معاك للمشروب ..ودخل للفاك نيشان للكافيتيريا جيب شي حاجة ندوزو بيها
مراد : وناااري اصحبي وااش مدمرتش معاك فداك لبروجي غادي تخرج مني زيت لعود
بيازيد بمكر : تماما ...يله قو**
مراد : هاهو مقو** 😒
بيازيد قرفدو : انا لكنقول لهدرة لخيبة متافقين 
مراد كيصبر راسو : تهدن امراد مديهاش فهاد لبرهوش
كتفا بهاد لجملة ودخل خلا بيازيد ميت بالضحك :مسكين خاصي نعتادر منو ..احم مستحيل اسمعها😏
رجع جلس على مقدمة لوطو جبد تيلي ديالو كيدوز لخوه ..والو طافي مكيجوبش .تنهد وتكا موسد ايدو تحت أنظار لبنات لي ذيبين فجادبيتو ..بدات السما كتصفا من لغمام وتغلغلات اشعة الشمس لارجاء لبلد حتى تشكل قوس قزح ..كان مرهق يله غادي اغمض عينيه وهو اقفز من صوت مراد: ساااط هاني جيت 
بيازيد مزال مغمض عينيه : تجيك فراس 
مراد جلس حداه بلاما اتسوق لييه. .جبد الشيبس كيدوزها مع لمشروب حتى حس بيه كيجغم من قرعتو
بيازيد :خاصي نمشي نضربها بنعسة ..سيمانة مغمضت عيني 
مراد : لحد الآن مزال مفااهم هاد التحرميات كاملة وكتقرا مزياان كيف درتي ليها 
بيازيد كيجغم وساهي لبعيد : خاصك تكون بحالي باش تفهم
مراد :واااه اصحبي التكبر فعائلتكم وراثة
بيازيد شاف فيه :قلتي لعائلة 
مراد :ههه غي كنضحك 😂
فهاد الاتناء جاو لكليكة لي كيجمعو معاها مراد وبيازيد بقاو ملاهيين شادين لحديث من موضوع لموضوع اكيد غي لخاويات حتى حاجة ما مفيدة. .

فالجيهة لخرى. .
كان سايق بملامح ممحية بحاليلا مدير واالو. ..خسر ملامح وجهو فاش تفكرها 
نطق بعصبية : تموت انا مالي سوقي
مسح على راسو وضرب فران مفاجئ حتى كان غادي ادير كسيدة ..زفر ورجع مشرياان حتى قلب الدورة نيشان لكلينيك..ماشي بزاف دالوقت حتى حبس باللوطو. .نزل بخطوات سريعة لمح لممرضة لي هتمات بيها بعدما لاحها فوق السرير 
مشا لعندها بجرية :فيين هياا
لممرضة حالة فمها فيه من كترت وسامتو عاد عاقت على راسها فاش طلع حاجبو :احم راه خليناها فغرفة خاصة حتى ترتاح ..مزال شداها الدوخة بسباب الضربة لي على جبينها
ساجد تنهد : انا غرفة
لممرضة :اجي معايا
ساجد هز راسو باه وتبعها بخطوات ثابتة وايديه فجيابو متبع للممرضة حتى وقفات بيه قدام غرفة من لغرف 
تلافتت عندو : هاهيا هناا
ساجد بصوت خالي من أي تعبير : تقدري تمشي 
لممرضة مشات من قدامو ديك الساعة : نااري على متكبر. .ياااه بزااف
ساجد بقا واقف كيحك فلحيتو معرفش علاش رجع لعندها..ضحك على راسو مستحيل احس بالذنب من جيهة شي واحد. .طمأن راسو بأنه شفق عليها هادا مكان وخا اول مرة كيحس بهاد الاحساس 
تنهد ودخل لعندها بعدما حل لباب بالشوية. .جات عينو عليها جالسة فوق السرير مربعة رجليها وايديها على حنكها ساهية. .نتابه للفاصمة لي ملويا على جبينها وشعرها لحريري لي بارز انوثتها ..
تمتم تحت فمو وقرب لعندها : هييه نتيي !!.. تهزي وريني داركم نوصلك وندرق زلافتي 
آريا لا رد مزال حالة فمها وساهية فالحيط مكتسمع حتى واحد. .كتبتاسم فاش كتخايل لفرشات قدامها كيلعبو بألوانهم الزاهية
ساجد هاز حاجبو : هه وااش منيتها
آريا سمعات شي حس تلافتت لمصدر ديالو ..سرعان مرجعات باللور مخرجة عينيها : مي ديجي باااس 😨
ساجد هاز حاجبو : كتهدري بالشلحة؟؟
آريا كتشوف فيه وتردد نفس لجملة..ضراتو فراسو تنهد بعمق كيحاول اخبي عصبيتو ونفورو من لموقف..شدها من ايدها بالسيف حتى نزلات من فوق السرير ..جات عينو على لكسيوة لي ملبسينها حد لفخاد و دريعاتها لي عريانيين ..دور وجهو كيمحي لمشهد من مخيلتو ..سمعها كتدندن وتغوت بكلام مفهم منو حتى وزة 
جعر بالبياان وغوت فوجها : سكتييي ولاا نسمك مكككك 
آريا قفزات من صوتو ..واقفة بزز مزال كتحرقها الضربة والدوخة لي كتراودها مرة مرة. .نطقات بصوت منخافض : مي ديجي باااس 😢
ساجد معلي حاجبو : اش كتبركمي تماااك ..هااا 
آريا كتنتر منو وهو قابطها بسيف حتى خرجها جارها موراه كتعتر مع رجليها وشعرها معنكشها لدرجة كيحجب عليها الرؤية حتى كتبغي تجي على فمها
خرج عينيه فااش حس بشي سنيناات عاضينو فايدو بكل قوتهم ..دور وجهو لعندها كيشوفها مكرشة عليه بعضة كتبرد فيه غدايدها ..وسع عينيه مصدوم من جرءتها كيفاش قدرات دير هاكة!!..
ساجد : رخيي البرهوشة. .قبل نفلعصك هنااا. ..وااا رخييي
نتر ايدو من فمها مجروحة بسباب سنانها... 

نتر ايدو من فمها مجروحة بسباب سنانها... بقات كتشوف فييه بحقد صدرها كيطلع واهبط بحاليلا كتنتاقم منو على لمعاملة ديالو 
ساجد فهاد اللحظة بدات حس بالجنون كينقزو فوق راسو ..خصوصا مع أن ايدو كتنزف ..كمش فمو كدليل على عصبيتو هادي هيا حركتو لعفوية فاش كتكون واصلة بييه للعضم ..سرعان مجرها لعندو حتى تزدحات مع صدرو ..تأوهات بسباب لحريق لي فجبهتها ..هز فكها لعندو بعصبية علاين اهرسو ..بغات تبعد وهي كترجف من نضراتو الشرسة. فجأتا غوتاات ملي طاح على شفايفها كيعض فييهم وهي كتنتر وتغوت بسباب لحريق. .حكمها مزياان وكمل على عضانو حتى تخلطات انفاسهم بالدم. .بتاسم بمكر فاش ذاق طعم دموعها لمالحين والدم لي كينزف بغزارة من شفتها التحتانية. .ختمها بقبلة متعجرفة كيرد ليها الضربة عاد بعد كيشوف فيها كتشهق مخرجة عينيها والدموع شلال شاقين طريقهم على حنيكاتها لي حمارو بالاعصاب 
ساجد جرها من دراعها حتى تخبطات فييه : لمرة جااية عاوديها بااش نقطع لييك هاد الايد 
آريا كتشوف فييه بخوف و رعب.. كترجف بشفايفها لي زادو حمارو وتنفخو بالعضان
ساجد سهى وهو كيدقق فتفاصيل وجها. .سرعان مرجع لجبروتو ..كمل بخطواتو جارها موراه وهيا كتبكي وتمسح فالدم لي مزال كينزف من فمها مبغاش احبس
خرجو لعلى برى وقف ودورها قدامو حتى مشات بيها الأرض وجات ..نطق عاض على سنانو : فين هيا داركم خليني نوصي شي واحد اوصلك 
يله غادي تزيد فوثيرة دالبكا وهيا تحبس مخرجة عينيها فاش شافتو موجه صبعو ليها : نسمعك كتبكي. .نحرقك سكتيي ضريتيني فراسي 
آريا عضات على شفايفها كتحاول متبكيش قدامو. .حتى حسات بيه نتر ليها دراعها من جديد ركبها لوطو ودار لجيهة لخرا 
آريا كتدور فعينيها ميلة شفتها التحتانية بطريقة طفولية. .سمعات صوت تكشاط الراويد تخلعات ..مشعراتش براسها حتى تخشات فيه مزيرة على دراعو 
ساجد كمل سوقانو بلاما اتسوق لييها ..كيتسناها تبعد عليه ساعا والو تنهد بعصبية ونطق ببرودة عكس بركانو: تهزي رجعي لبلاصتك
آريا مزال مغمضة عينيها سمعاتو نطق ولكن مفهماتش اشنو بغا اقول ..حتى حسات بزدحة على لكوسان. .شافت فيه مخرجة عينيها كتخنزر 
ساجد موجه صبعو ليها : هناا بلاصتك ..تقربي لياا ندفنك تحت الأرض 
آريا غي كتبقلل فعينيها وهو كيعرعر على أساس كتفهم كلامو 
ساجد حتى حس براسو غادي الوح رئتو بكترة مكيسوط. .عاد رجع لوعيو وزاد فالسرعة علاين اطير بالرونج..خلاها كترعد لاصقة فالزاج كتمتم بلغتها الأصلية. .

فاحدى الأزقة الشعبية ..الدراري الصغار كيتجراو والعبو مستمتعين بوقتهم ..من بين الديور لقديمة خرجات بنت زوينة بملامحها لواضحين و لجدابين ..زربات فمشيتها كتعكل بين لولاد والكورة لمقصرين بيها. .
تنهدات كتشوف الساعة :ياربي اول نهار لياا ..كحلتها تعطلت بزااف 
سمعات غوات ماماها من لفوق كطل من الشرجم : وااا بنتيي تسنااي حتى ندير لييك الشبة والحرمل ..دابا تعيني
هزات عينيها مخرجاهم : ماما ...رااه الزنقة هادي وزيدون داكشي غي تخربيق مكنأمنش بييه 
مليكة : ردي لبال لرااسك ..و دوزي عند بااك لبزار خودي من عندو بااش تغداي
بقات واقفة موسعة عينيها. .خبطات على راسها : ماما. .متخافيش علياا قادة براسي غي دخلي ستري راسك شعرك كااع باين قبل اجي خوياا اعرعر علينا عااود 
مليكة تنهدات شافتها غادة كزربي فمشيتها : رهاااف ..رهاااف ويلي مشات بلاما تجيب ليا نص دالخميرة ..الله الله بقيت بلا عجينة 
سحات على راسها فولارها مخربق دخلات فيساع وسدات الشرجم
فحين ان رهااف كملات طريقها وسط ازقة الدريبة كتمشى بسرعة 
تنهدات : موصيبة هاادي ...كيفاش غادي نوصل بكري. .مشا لحال بزاف 
خرجات لشاريع فيساع كتنهج ..خدات اول طاكسي جا فطريقها ..عطاتو لعنوان وركبات كتسنى على اعصابها وتاكل فضفارها مبغاتش ضيع عليها لمحاضرة ضروري مخصها تحضرها ..
رهااف وجهات كلامها لشيفور : عفااك وخا تزيد فالسرعة 
الشيفور : زيديني فالفلوس الا بغيتي نسرع كتر 
رهااف خنزرات فيه و نطقات بعصبية : هادشي فاش حادكين ..مكتعتقوش بناادم اعودو بالله. .غي سير غادي نخلصك
الشيفور : غي تهدني الانسة ..هاني غادي نزيد بلاما تعصبي 
رهاف من تحت سنانها : هي لدرتيها دابا نيت 
سكتات كتحسب الدقائق. تنهدات براحة فاش فرانة قدام لفااك ..هبطات بزربة دارت لعندو خلصاتو ومشات كتجري وشعرها كيتطاير موراها .. 
سمعات شي صوت كينادي باسمها تلافت لعندو : اه ..إبراهيم مزيان ملي بقيتي كتسناني
إبراهيم هاز لكغطابل ديالو : يله نمشيو. .مخرجتيش من داركم بكري
رهااف : غي سكت وقعلي واحد لبلان حتى نخرجو من لمحاضرة ونعاود لييك
تمو غادين بخطوات سريعة حتى دخلو لونفي فيساع شدو بلايصهم كان لبروف يله وصل ..
على برى. .
كان مزال مجمع معاهم كيبتاسم لييهم بزز حيت فيه النعاس 
مراد : سااط سير ترتاح كتبانلي غادي تنعس واقف 
بيازيد : غي خليني. .حتى نمشي نجيب شي بوليكوبات غادي نحتاجهم 
مراد : لبغيتي

داز الوقت 
نقز واحد من لكليكة : بيازيد منااوييش دخل فعلاقة جدية ...كااع بنات لفااك طيرتيهم ليناا 
بيازيد جاه كلامو حامض : طيرتهم مالي سراق😒
نطق نفس الشخص : ههه لا نتاا ماشي كيف عادتك. .بان لياا معصب
بيازيد : هي لسكتي دابا نيت
مراد شدو من دراعو ونطق بالشوية : مالك مخنزر. .ااش واقع لييك
بيازيد : والو نمشي لدار ..راسي كيفور حتى تصيفط ليا لبوليكوبات
مراد : وخا ..اجي الا وليتي شوية نضربو شي خريجة ليوم نقصرو شوية 
بيازيد : تمام ..حتى نشوف الا فاتني راسي 
سكت عاد كمل هدرتو : عرفتي شنو نمشي نجيب لبوليكوبات دابا عاد نمشي ..مخاسر والو 
مراد هز راسو باه :تلاح. .هاني غادي 
بيازيد شد راسو كيحرقو ..تنهد مخنزر فلي قدامو ناوي على خزيت كلشي فلفاك فااش كيشوفو فهاد لوضع كيقلب الطريق حيت بكترة ما ضحوكي بكترة ما عصبي إلا قصتيه اتفركع علييه. .
مراد قبل امشي جا لعندو مد لييه سورات لوطو ديالو حتى كيلقااه مفيكسي على جيهة وحدة مخرج عينيه. .مراد شاف جيهت لكليكة لقاها حتى هيا كتشوف فنقطة وحدة. .هز حاجبو مستغرب دار شاف فين مشتت تركيزهم ..سرعان مضحك علييهم ..نتابه لبيازيد لي مزال كيشوف مزولش عينو
مراد : ساااط يله رااه واقيلة قلتي راسك كيحرقك
بيازيد فاق من سهوتو ..دور عينو جيهت لكليكة لقاهم حالين فمهم فيها ..عقد حجبانو ونطق بالغواات : سيرو فيين تركنو ..نشوف شي واحد دار بيها موتو على إيدي انا لي شفتها لول
مراد : ههههه ديما كتغمق علينا
بيازيد بمكر قاد نظاظرو وتقدم بخطوات ثابتة حتى قرب لعندها شافها ملاهيا مع لوراق لي فإيدها ..بتاسم بخبث وضرب فيها حتى تزعزعات من بلاصتها لدرجة لوراق تشتو فالهوى ..رجعات بلور غادي طيح حتى كيشدها من خصرها عاتق لموقف
هبط النظاظر من على عينيه : مكتشوفيش
بعدات منو فيساع : نتاا لخارج فياا
بيازيد : لا ..الانسة تعصبات !!..شكون لكيتمشى وهو مكيشوفش قدامو ملاهي مع لوراق
رهااف بابتسامة مستفزة :هيا كنتي مراقبني
بيازيد بحرج :ههه لأسف نكتك مكضحكش
رهاف ضربات فيه ونزلات كتجمع لوراق بعجرفة..
بيازيد دور عينو جيهت لكليكة لقاهم متبتين نضراتهم عليه كيتسناو اتشفاو فيه فاش تقمعو حيت من شخصيتها بين عليها ماشي لقمة ساهلة 
هبط لمستواها كيجمع معاها : على فكرة نتي جديدة يااك. .عمري شفتك 
رهااف هازة حاجبها :علاش حافظ كااع لبنات 
بيازيد : وهااا ضسارة من صباح ونتي كتعطي لعصير. .والا بنت ليك كاالم خاصك تفرحي 
رهااف وقفات شادة فايدها لوراق : مكيهمنيش تباان لياا. اوكي انا هناا جيت باش نقرا ماشي نتفلا
بيازيد بصوت استفزازي :وانا جيت بااش نتفلا على لي بحالك 
رهااف مخرجة عينيها :لحقير
ضربات فيه وزادت حتى سمعات صوتو : بينا ماشي غنية. .غادي تكوني كتقراي فهاد لفااك غي بالمنحة حيت بلاصتك ماشي هنا😏
رهااف جمعات قبضة ايدها كتحاول متأترش بكلامو. يله غادي تخطي خطوة وهيا تلقاه فوجها :اشنو بغيتي 
بيازيد مد ايدو :غي كنضحك معااك 
رهاف زادت وخلاتو :مسمعتكش اصلا اش قلتي 
لكليكة تفركعو بالضحك على لقمعة لتعرض ليها. .بيازيد مرداش تحلف عليهم بايدو ومشا لعندها كيجري..حتى عارضها فطريقها :اشنو سميتك. .الا معرفتهاش مغاديش نخليك تمشي 
رهااف :وااش بزز خاصي نقولها
بيازيد :هادا هو قانون لفااك 
رهااف :وشكون دايرو بسلامة
بيازيد قرب وجهو لوجها :انا لدرتو...فهاد اللحظة 😉
رهااف بغات تمشي وهو اشدها من ايدها :رخيي منيي بيازيد :سميتك عااد تمشي 
رهااف بنفاد صبر مبغاتش تقوليه اسمها لحقيقي : سميتي شهرزاد
بيازيد ضحك :مشرفين وانا لملك شهريار😂

نبدلو لبلاصة.
ذهب ملات وهيا كتكتب فالمطبعة ديالها. .طاح فبالها خوها مزال مجا توحشاتو بزاف ..وقفات بمساعدة عصاتها : روكيي فيينك ..روكيي
روكي جا لعندها كيجري وكينبح باش ابين ليها بيلا راه حداها 
ذهب بتاسمات :يله نزل معايا ..حاسة بخويا قريب اوصل
روكي ساكت كيسمع لييها 
ذهب تمشاات ببطء و روكي فجنبها حتى هبطات للتحت بالمصعد
كلثوم شافتها مشات لعندها :ذهب حبيبة بغيتي شي حاجة 
ذهب بتاسمات :خويا قريب اوصل متأكدة 
كلثوم :الله اوصلو على خير 

شاف لعندها :غادي تسكتي فااش نوصلو. .حسك منسمعوش 
آريا كتلعب بصباع ايديها وكدور فعينيها 
ساجد :لا وااش هادي من نيتهاا...معامن كنهدر 
تنهد وكمل سوقانو حتى وصل للبوابة دالقصر. .شافو لعساس فتح ليه مع ابتسامة وحتى هو بادلو الابتسامة..دخل وبلاصى لوطو عاد خرج بلاما اشوف لجيهتها .
آريا بقات شحال جالسة ممعبراهش فعالمها لخاص. .عضات على شفايفها وخرجات كتنقز حتى كتضرها الضربة لي فجبينها.بدات تابعة لفرشات لي كيدورو فالمحيط ..سرعات محسات بييه جارها من شعرها مدخلها معاه
نطق عاض على سنانو :الله مطولك ياروح 

آريا بقات شحال جالسة ممعبراهش فعالمها لخاص. .عضات على شفايفها وخرجات كتنقز حتى كتضرها الضربة لي فجبينها بدات تابعة لفرشات لي كيدورو فالمحيط ..سرعان محسات بييه جارها من شعرها مدخلها معاه
نطق عاض على سنانو :الله مطولك ياروح
آريا مكمشة عينيها وايدها على إيدو لي قابط بيها شعرها باش تخفف لحريق 
ساجد رخى منها ودخل خلاها واقفة كتبقلل فعينيها وقدامها باب دلقصر معرفات مدير ..دورات راسها جات عينيها على قطيطة كتمشى بالشوية ..بتاسمات وهيا كتشوف فيها. .تلافتت يمين وشمال مكين حتى واحد. هزات كتافها باهمال ومشات لعندها جلسات على ركبتها كتبتاسم لييها ببراءة وعينيها كيرمشو بزربة ..شهقات من قلبها فاش نزلات دمعة من عينها ..حتى هيا كانت عندها بحال هاد لقطيطة ..ديما معاها فينما مشات. .خسرات ملامح وجها كتمسح دموعها بعجرفة. سرعان مخنزرات فالقطة بغات تقمشها حتى خلعتها ومشات كتجري من قدامها
ضحكات بصوت أنثوي حاطة ايدها على فمها :ههه خاافت 😂...بيو بيييو 😂
سمعات شي صوت موراها : واااش كتستحمريني البرهوشة ولا شنووو 
تلافتت لعندو بالعرض لبطيء ميلا شفتها التحتانية. .كتشوف عينيه لخارجين فيها. .مفهمتش اشنو بغا اقول ولكن من نظراتو باين عليه معصب. .خنزرات فيه وهبطات راسها كتمتم تحت فمها بكلمة وحدة : أو تي أدايوو "كنكرهك"
ساجد باغي الوح حوايجو كتجيب ليه التمام بهاد التصرفات ..تنهد بعصبية وقصدها طير هزها ناتر دراعها حتى سمعها تأوهات شادة جبينها ..كمش فمو ورخف عليها حتى حلات عويناتها كتشوف فيه بشراسة 
آريا : أو تي أدايوو 😠😒
ساجد هاز حاجبو :اااش كتبركمي تماااك ...بربي ومتقادي فالهدرة حتى نخرج روحك ..بففف على مصيبة اااش جاابني لهاد لبلاد كنت بخيير
آريا بقات كتردد نفس لكلمة "أو تي أدايوو " مملاتش لدرجة جاتها على لحن لسانها بقاات كتقولها وهيا كتضحك بابتسامتها الساحرة 
ساجد موسع عينيه :لا هاادي مسطية ...مفيهااش 
جرها ودخل لداخل : فييينكم ..كلشي غاابر على مباان لياا 
ذهب كانت جالسة فالصالون كتلاها مع روكي ..بتاسمات فاش سمعات صوتو .وقفات بالزربة تفكرات عصاتها بدات كتحسس جنبها حتى حطات ايدها عليها. .شداتها وتمات غادة بمساعدتها و روكي موراها 
ساجد كيخنزر فيها باش تشد لرض : وااا لحبس لي لقانيي معاااك ..تفووو 
آريا كدور فعينيها مكتشوفش جيهتو بحاليلا مكينش حداها ..
ساجد بتاسم فاش شاف ختو جاية لعندو بخطوات ثابتة وعينيها مفكسيين على جيهة وحدة و وخا هاكاك كتبان لفرحة كتشع منهم 
ذهب :خويااا لحبيب😍
ساجد مشا لعندها عنقها : زيين ديالي.. توحشتك ااش خبارك
ذهب بعدات عليه بالشوية كتحسس وجهو بايدها :مزال مخلي لحيتك كثيفة ههه ..توحشت نشوفك بعينيا بحال شحال هادا
سكتات كتخبي دموعها بابتسامتها المصطنعة 
ساجد عنقها كيمسح على شعرها : متبقايش تقولي هااكة 
ذهب بغات تبدل لموضوع : ماما ..ديما كتسول علييك كتبغيك كتر منا هه
ساجد بعد عليها :نتي ودااك لبرهوش خارجين فعودي 
ذهب نطقات بصوت مرتافع باش تسمعها كلثوم :ماااما ..ماااما سااجد ولدك لحبيب راه وصل. .فييينك
ساجد :دابا نطلع عندها ...بلاما تحرقي هاد لحلق بالغوات 
ذهب بتاسمات : هه متخافش 
آريا كتعوج راسها يمين و شمال وصبعها خشياه ففمها مرة تعضو مرة تلعب بيه على شفايفها مهم دير شي حاجة متبقاش متبتة فبلاصتها 
ذهب حسات بشي واحد غريب معاهم فنفس لمكان :خوياا. .كين شي واحد قريب لينا؟؟
ساجد شاف لعند آريا يله غادي اجوبها وهو اسمع صوت الام ديالو لحنونة : ولديي على سلامتك. .الله لقصر عااد نور
ذهب :هه واااه غي كتجي كتلوحنا انا وبيازيد 
ساجد قصد كلثوم عنقها وباس ايدها هي لوحيدة لي ميقدرش اهز فيها لعين ولا اعلي صوتو عليها. .كيحتارمها بزاف : توحشتك
كلثوم بعدات عليه كتحسس وجهو : لقصر بلا بييك خااوي 
ساجد :هاني جيت ..ولكن
كلثوم :متقوليش غادي ترجع عااود😢
ساجد تنهد : عرفاني مكنجلسش فالمغرب بزااف غي لكان لواليد باغيني نتكلف ليه بالباخرة على قبل تصدير السلعة. .رااك عارفة
كلثوم كتخبي دموعها : مهم نتاا معانا دابا
ساجد بتاسم ليها :يله انا طالع ندوش علياا 
كلثوم سمعات شي حس دورات وجها للمصدر ديالو. .مستغربة : شكون هااد لبنت ...يكماا حبيبتك😍..الله ولدي غاادي ابغي بحال الناس 
ساجد كيمسح على راسو محاملش لوضع: لواليدة رجوع الله. ..اااش جابني لهاد لبرهوشة ...هاني طالع
ذهب : شكون اماما !!
كلثوم شدات ساجد :فهمنى
ساجد كيحاول مينفاعلش ولا اعلي صوتو عليها : لواليدة. .هاد خيتي خرجات فطريقي فاش كنت سايق 
كلثوم قطعاتو :عرفااك كتبغي دير جناوح بديك رونج. .وااش بااغي تسكت لياا لقلب لا نتاا لا خوك كتسوقو بالشوية ..وااش هادشي فييه اللعب 
ساجد :لواليدة الله اخليك ماشي موضوعنا دابا 
كلثوم : يله كمل لياا قصة هاد لبنت 
ساجد كيحيد لجاكيط : ديتها لكلينيك وصافي ..من بعد بغيت نديها لدارهم ..ولكن هيا لهدرة مكتهدرهااش ..

ساجد كيحيد لجاكيط : ديتها لكلينيك وصافي ..من بعد بغيت نديها لدارهم ..ولكن هيا لهدرة مكتهدرهاا. ..بفف لحبس
كلثوم : برد اولدي ..رخف راسك شوية ونتا ديما عاقد دوك لحواجب ترخف شوية 
ساجد تنهد : مهم هاني طالع ندوش على الله نبرد 
كلثوم معجبهاش حالو طبعو صعيب بزااف خاصك تعرف كيفاش تسايس معاه بااش اتفاهم معاك ..وداكشي علاش قريب منها حيت كتهدر معاه بالسياسة باش ابقى منحاز ليها و وقت الضيق اقصدها هيا 
ذهب مبتاسمة : ماما راه سولتك !!..مجوبتينيش
كلثوم شافت جيهت آريا : راك سمعتي خوك ديرها قد راسو 
ذهب : اه الله اهديه 
كلثوم مشات جيهت آريا : اجي ابنتي ترتاحي كتباني ليا عياانة 
شافت لفاصمة لي ديرا على جبينها :اخخ يكماا شي ضربة خيباا ..الله متستاهليش ..عارفة ولدي كيكون عور فاش كيسوق
آريا موسعة عينيها كتشوف فييها ..شوية عوجات فمها كتبان ليها كتعبر وهيا مكتقشع حتى وزة 
كلثوم بتاسمات :اشنو سميتك بعدا 
آريا لا رد 
كلثوم فسراتها انها حشمانة يله غادي تقرب ليها كتر باش توجها للغرفتها بينما لقاو عائلتها. .وهيا تعضها فايدها حتى غوتات 
كلثوم الدموع نزلو ليها ..بزز باش نترات ايدها منها :اويليي ابنتيي اااش درت ليييك 
آريا بعدات منها مكمشة ايديها لعندها كتشوف فيها بنص عين 
كلثوم شافت تصرفاتها ماشي طبيعية. .بدات كتنفخ على ايدها تبرد لحريق : الله الله. .كرمتيني ابنتي بهاد العضة فكرتيني فساجد ملي كان صغير ديما مكرش عليا بعضة 
آريا كتلعب بخصلات شعرها ممسوقاش لييها
ذهب واقفة فبلاصتها كتسمع : هههه ماما وااش لبنت صغيرة ولا كيفااش ههه ..علاه عضاتك
كلثوم : اخخ وييه ..ولكن مزال صغيرة 
آريا كتخنزر فييهم وعاضة على شفايفها 
كلثوم فهمات شخصيتها : احم متخافيش يله معايا نوريك بيتك رتاحي فيه بينما عرفنا عائلتك نوصلوك حتى لعندهم
آريا : مي ديجي باااس 😑
كلثوم تنهدات : هاد لبنت واقيلة عندها خلل عقلي تصرفاتها ماشي طبيعية. .
ذهب :مسكينة..ديها اماما ترتاح هاني طالعة لبيتي نكمل كتابة روايتي
كلثوم :سيري ابنتي. .حتى تقراي ليا اشنو كتبتي
ذهب بتاسمات :واخة
تمات غادة كتحسس بالعصى و روكي فجنبها حتى دخلات للمصعد وطلعات للجناح ديالها
أما كلثوم بلكشايف باش قبطات آريا كتمشى بيها خطوة بخطوة حتى دخلات للمصعد لاخر من غير لي مشات فيه ذهب ..ركبو فيه وبركات على الزر للطابق لي خاص بالضياف..دازو دقائق كانو قدام لباب. .دخلاتها 
كلثوم : هادا بييتك ..عندااك تمشي لجناح لاخر فيه غرفت ساجد مكيبغيش لدخل لييه من غيري 
آريا كدور فعينيها على لبيت كبير وكيحمق كااع معدات الترفيه كينين فيه ..عينيها شعلو بالقلوبة فاش لمحات شوكولا على الطابلة مصنوعة من الزاج. مشات بجرية ليها متسوقاتش للضربة لي فراسها لا لوالو 
كلثوم بقات كتشوف فييها وهيا مبتاسمة :الله احجبك ابنتي متستاهليش هاد لحالة 
آريا دخلات فالشكولا طول وعرض كتاكل بحال شي وحش جاي من لغابة واول مرة كيشوف شوكولا قدامو
كلثوم :هاني خارجة. .غادي نسيفط ليك شي خدامة تعاونك دوشي وتبدلي علييك 
تنهدات فاش شافتها مجوبتهاش .خرجات وسدات عليها بغات تخليها بوحدها حتى تولف عليهم عاد تهدر معاهم بإرياحية 

فالجيهة لخرى
خرجات من لفااك قلبها طيب باغا تموت بالغدايد على التصرف لي تعامل معاها بييه ..كتدور فعينيها كيبانو ليها لبنات غي كيخنزرو باغين اياكلوها بعينيهم 
تنهدات فاش شافت إبراهيم : يله وصلني الله اخليك 
ابراهيم :مالكي كتباني معصبة غي بوحدك. .ااش واقع 
رهاف :مبغاش نفكر ...هاد لفااك جاتني بحال شي حرب خاصي نفرض وجودي بين الأغنياء باش مياكلونيش
إبراهيم :لفقر ماشي عيب
رهاف :عارفة ..مديرش فبالك يله نمشيو تعطلنا
إبراهيم :اه. .يله 
رهاف بتاسمات ليه كتفاهم معاه مع ولد الدرب لساكنة فييه ..حتى هو كيقرا هنا بالمنحة نجحو بجوج فالدوست جابو المنسيو ودخلو لهاد لفاك بكفاءتهم ..عندهم نفس لعمر 20 عام 
رهاف يله غادي دور راسها وهيا تجي عينيها عليه كان كيقاد نظاظرو قبل اركب ..خنزرات فاش شافتو مديماري بالجهد حتى تسمع تكشاط الراويد فكاع أرجاء لفااك 
إبراهيم شافها فين ساهية : مالك !!
رهاف فاقت من سهوتها :هااا ..و والو
إبراهيم :الحصة دازت مزيانة ..كيقولو هاد لفااك صعيبة بزاف ولكن غي لخدمة 
رهاف تنهدات :راه سلك للمهندسين مخصناش نستهنو بالتخصص تبعانا شلا تمارة 
قاطع هدرتها صوت كيقرب لعندهم : سلام 
رهاف شافت جيهت مصدر الصوت بتاسمات : وعليكم السلام 
شروق :احم انا شروق ..كنقرا معااك 
رهاف :مشرفين وانا رهااف
شروق بتاسمات وشافت جيهت إبراهيم : وخا تخلينا بوحدنا
إبراهيم :اه ..هاني غادي نركب على سكوتر حتى تلحقي عليا
رهااف :واخة
شروق غي شافتو مشا وهيا تلصق فيهاا : واااااووو سعدااتك اختيي ..هدر معاااك
رهااف باستغراب :شكون ؟
شروق لقلوبة خارجين من عينيها : بيازيد آل عمران 
رهااف : مكنعرفش هاد السمية وشكون هدر معايا. .مفهمتش اشنو بغيتي تقصدي

شروق :اويلييي مكتعرفيش بيازيد آل عمران. .هادا احبيبة هو لكل فالكل فهاد لفااك لدرجة الاسبوع لي كيكونو عندو الامتحانات لفااك كتطيح عليها غمامة دلملال
رهاف :اه ..ولكن اش علاقتي بهادشي
شروق :واااه ياا صحبتي راه هو لكان شاد ايدك قبيلة وكيهدر معااك ..ماشي اي وحدة كيهدر معاها غي شكون وشكون ..باينة عليك بنت شي وزير حتى هدر معاك 
رهااف : لا اختي انا عائلتي غي على قد لحال. . غادي نكمل قرايتي هنا غي حيت جبت دوست بالمونسيو 
شروق :اه ..مهم سعداتك😍..رااه اغنى واحد فهاد لفااك واكتر وااحد قرااي لي حتاجيتيها من عندو ميردهاش فوجهك ..وخا متكبر ولكن ضريف 
رهااف :هههه كتهدري بزااف ..معلينا تشرفت بمعرفتك اشروق ..نخليك دابا
شروق صافحتها : نوليو صحابات 😍..وخا غي تخليني معاك باش اهدر معايا بيازيد
رهااف :ههه طيحا فييه
شروق :كااع بنات لفااك طيحين فييه 
رهااف عاد فهمات تخنزيرات لبنات ليها : يله بسلامة 
عطاتها بالظهر وكملات طريقها : لحقير كيحسابليه انا بحالهم ...ماشي معايا اللعب
وصلات عند ابراهيم ركبات موراه عاد كسيرا نيشان للحي ديالهم 

فقصر عائلة آل عمران
فرانة باللوطو قدام لباب ..نزل ديك الساعة كيتكسل لي عارف هو اضربها بشي نعسة احيد الارهاق ..دخل مباشرة باغي اطلع لفوق حتى كيسمع صوتها :ولدي 
بيازيد تلافت لعندها ومشا لفين جالسة : ساااطة ..بخيير 
كلثوم مخرجة عينيها : مكتحشمش تقولي هااد لهدرة...بغيت نعرف غي لمن شاابه
بيازيد هز من الطابلة لي حداه لبيسطاج كينقب منو : واااع لواليدة بديتي تااني ..باغي نعس هااني طالع 
كلثوم : حتا تقاد هدرتك عاد طلع
بيازيد بنفاد صبر :صافي نقوليك الساطة
خرج عينيه عاض على لسانو :والله حتا نست 😂..مقصدتش كنسحب الساطة من كلامي😂..ههههههه 
كلثوم وجها حمار :شي نهار تفركعني
بيازيد كياكل فحبات لبيسطاج لي فايدو :ههه صاافي نقولييك لواليدة هههه غي بقاي على خاطرك 
كلثوم مزال مخنزرة فييه
بيازيد نظراتها جابت ليه الشك خاف اكون زبلها عاود :نقوليك كلثوم حرفية
كلثوم موسعة عينيها وفمها
بيازيد ببراءة :نقوليك امي العجوز😒
كلثوم جمعات لوقفة هزات لمجلة لكانت كتقرى فيهاا باغا ضربو بيها ساعة لقات غي الريح قدامها كان هرب 
بيازيد ركب فالمصعد شاد كرشو بالضحك :ياربي ندير عقلي 😂. .واااه ههههه
كلثوم جلسات حابسة الضحكة :مزال مهدااه الله ادير عقلو هه. كنت بغيت نقوليك خوك جاا ..كيطير ياربي السلامة

نرجعو عند رهااف.
شكرات إبراهيم وكملات بخطواتها حتى وصلات قدام باب دارهم ..يله غادي دق على مها وهيا تسمع صوتو موراها : رهااف كيف داز النهار
رهااف : خوياا 😊. .لبااس عليك 
يوسف : ااشمن لبااس حتى نخوي من هاد لقنت
رهاف سلمات عليه : متقولش هاكة اخويا. .
يوسف حل باب دالدار بالسوارت : مستحيل نبقا عايش فقير ..
رهااف : وهيا لقلبتي على خدمة 
يوسف شاف فيها بنضرات قاتلة : انا مبااغيش نخدم فالبني ولا لبزار دلواليد ..اصلا غادي نحرك ونقطع لبحر. .دابا تشوفو هادشي على عينيكم 
رهاف تنهدات كتشوف خوها غي غادي لهاوية بافعالو وطريقة التفكير ديالو : الله اهدييك 
يوسف : ماالي كنضرب فبنادم
ملكية سمعات لهدرة خرجات من لكوزينة فايدها لمغرف : ماالكم
شافت يوسف : مالك اولدي ...اااش دارت لييك ختك يوسف : وباااز فيين قصتهاا ..من هادشي كامل كين ميتكال
مليكة :واااش نهار ومطال ونتاا خارج لياا وفالاخير مكدخل حتى بدرهم هيا لخرة وتجي تقول كين ميتكال وااش كتفكر بعقلك
يوسف تم طالع فالدرج لبيتو : خليتو لييكم. .انا غاادي نحرك ونتهنا من هاد لعيشة
مليكة صدرها كيطلع واهبط : الله اولديي غاادي تفركعني 
رهااف :صافي اماما ..مديش عليه عرفاه كيف دير 
مليكة جاعرة : دري فعمرو 27 عام وممسوقش لخدمة كل همو احرك لخاريج ..لي كيعرف هو البس آخر لموضيلات واخرج اتسركل حتى نص دالليل عاد ادخل 
رهااف تنهدات : دابا اتغير ...لوقت كتبدل
ملكية دخلات لكوزينة تكمل طيابها وهيا كتعاير : مكتبش لياا الله نفرح بولدي ...لاخدمة لا ردمة مقابل غي لكورة ولصالات 
يوسف هبط فالدروج كيسمع لكلامها ..مشا لعندها عنقها : والله اميمتي مغادي ابقى هادشي. .دابا نعيشكم عيشت لملوك غي صبري علياا
مليكة :هااا لعار اوليدي لماا بعد من داكشي دالحشيش والتبزنيز فيه رااه غادي اخرج علييك. .خدم مع بااك لبزار فيه ميدار
يوسف باغيها غي تسكت : صافي غادي نبعد منو غي كملي طيابك
مليكة شافتو خارج :اجي تاكل
يوسف حل باب دبرى :مبقيتش باغي ..بصحة مسبقا 
خرج لعلى برى وهو كاره لوضعية محاملش هااد لعيشة ديما فكرة دالخاريج فبالو داكشي علاش لجأ لمخدرات ابيعهم باش اجمع لفلوس واحرك 
تقدم بخطوات ثابتة كيتمشى وسط الزنقة لي عندهم. .كاع البايرات كيتراكبو عليه من الشراجم بااغين غي نظرة منو ..ولكن معامن و هو كل همو دابا غي احرك وخا معرت منين اضبر على لفلوس مهم احقق مورادو .شاف السبادرية ديالو توسخات هبط لعندها كيمسح فيها

شاف سبادرية ديالو توسخات هبط لعندها كيمسح فيها... هادي هيا عادتو مهتم بالمظهر ديالو لي شافو اقول ولد وزير ولا شي واحد غني. كمل طريقو لبلاصة لمعهودة ابيع لحشيش ..

جا الليل.
كان نعمان يله وقف بيه الشيفور قدام لباب. .نزل ودخل نيشان للقصر. .
جات لعندو كلثوم سلمات عليه :ولدك وصل 
نعمان بتاسم : مزيان ..دابا نطلع لعندو 
كلثوم :هاهو لعشا واجد غي طلع نتا بدل عليك ونزل نتجمعو على الطابلة 
نعمان هز راسو باه وطلع ..فحين كلثوم مشات للكوزينة كتشوف واش كلشي هو هداك بالنسبة ليها لعيد ليوما حيت ساجد معاهم 
داز الوقت كان نعمان وذهب جالسين على الطابلة و كلثوم غادة جاية مع الخدامات كتوجهم اش اديرو 
نعمان :فيينهم ولادك هاد لقاعدة مبغاو احيدوها
كلثوم : راه طلعت عندهم ماهي مرة ماهي جوج ..غادي افركعوني
نعمان باس ايد ذهب :هاهيا بنتي لي كتسمع لهدرة. .لاخرين معندي مندير بييهم
ذهب :هه بابي الله اخليك ليا
قاطعهم بيازيد بعجاجتو نطق وهو كيعض من التفاحة :لعشير واناا نسيتيني
نعمان زف عليه بالطبسيل لقدامو : شي نهار نتبرى منك بداك لفم ..اااش هاد تعامل مزال مبغيتي دير عقلك 
بيازيد باس لذهب راسها : حبيبة دخوها ..صافا
ذهب مبتاسمة :لحمدالله. ..فراسك خويا ساجد راه كين فالقصر 
بيازيد قفز من بلاصتو :قولي والله 
ذهب :ههه والله. .دابا تأكد لما تقتيش
بيازيد :تلاحو
خسر عليهم هاد لكلمة وطلع فالمصعد نيشان عندو لجناح. .فرع لباب بلاما ادق : واااا لعشييير
ساجد قفز من بلاصتو كان كيقاد شي وراق فالمجر ..تلافت عندو ديك الساعة :الله اغبر لييك الشقف. .مستحيل تبدل
بيازيد مشا لعندو كيضحك ضربو بكروشي : لي كنتي كتسالني 
ساجد شاد فمو مع غفلو ..سرعان منوضوها صباد حتى واحد ممقصر 
ساجد :هههه تعلمتي البرهوش ..رااك غادي 
بيازيد وقف كيتسراح :ههه وااشنو نخلييك كتغلبني ديما 
ساجد جرو لعندو عنقو بطريقة رجولية : توحشتك 
بيازيد بادلو لعناق :حتا انا ..يله نهبطو لعشا واجد قبل تجي لواليدة دير لينا موتة حمار
ساجد :بغيت غي نعرف منين كضبر على هاد لمصطلحات
بيازيد :مكنضبرش علييهم هوما كيقلبو عليا😏
ساجد قرفدو وخرجو كيضحكو من الجناح حتى وصلو لتحت ..قربو لعندهم
نعمان شاف ساجد وقف :مرحبا بولدي لعزيز 
بيازيد :واااه مكتحتارمونيش ولاشنو 😑...اناا مااشي ولدكم
ساجد عنق نعمان :كيف رااك
نعمان :بخير اولدي. ..جلس تعشا 
بيازيد جلس معوج سيفتو :فااش كيتلاقا الأب و ولدو😒
نعمان قرفدو :هه كلكم ولادي المسخوط 
جلسو كيضحكو..خصوصا ساجد فرحان حيت جا لعندهم واكترية مع توحشهم واحد بواحد 
تلاشات ابتسامتو فاش بانت ليه كلثوم جاية وفجنبها آريا كتدور فراسها فجميع الاتجاهات. .سها وهو كيحقق فيها 
بيازيد شافو مفيكسي دور وجهو لفين كيشوف. .سرعان معينيه شعلو بالقلوبة : وااااووو وااش كنحلم شكوون هااد القرطاسة
نعمان هز عينو باستغراب :شكون ديك لبنت 
ذهب عرفاتهم كيهدرو عليها : هاديك البنت مسكينة ضربها ساجد باللوطو وجابها معاه فاش خرجات من لكلينيك حيت معارفش عائلتها شكون 
نعمان شاف فساجد : بااقي مبغيتي تسوق بحال الناس 
ساجد : نساو شوية ولا نوض. .الشهية تحبسات 
كلثوم جلسات آريا فالكرسي لحداه :جلس ونتا طالب غي السبة
نعمان كيشوف فآريا :كيف بقيتي ابنتيي 
آريا ميلة شفتها التحتانية كتشوف فيهم. .تلافتت جيهت ساجد خنزرات فيه ونطقات بصوت منخافض :أو تي أدايوو 😠
ساجد تحت من سنانو :الله اعميها لييك
بيازيد حال فمو فيها ..فيساع هز طبسيلو ومشا لحداها من جيهة لخرى 
آريا كتشوف فييه بنص عين كتسناه ادير شي تصرف باش تكرش عليه بعضة 
بيازيد :احم انا بيازيد ونتي ازويينة ..اشنو سميتك 
آريا مخنزة :مي ديجي باااس 
بيازيد كان هاز كأس دالما كيشرب منو غي سمع هدرتها وهيا توحل لييه :كح كح. .اااش قلتي كح 
آريا مخرجة نيابها كتسناه اقرب ليها باش تعضو 
بيازيد : هل انتي برتغالية😨
آريا مهتماتش لكلامو ودارت قدامها ..قربات ليها لماكلة بلاما تشاور مع شي واحد بان ليها كيك عجبها بدات كتعبز فيه وتاكل كااع حالتها عمرات مع كلو مصايب بالشوكولا 
بيازيد حابس الضحكة يله غادي اهدر معاها وهو اقاطعو ساجد موجه صبعو ليه :تفرق علييها حسن لييك 
خنزر فبيازيد وشاف قدامو جات عينو على مو والعضة لي فايدها :شكون دار لييك هاكة
كلثوم خبات ايدها :حتا حاجة اولدي غي لقطة قمشاتني
تلافت جيهت آريا عرفها هيا مولات لفعلة ..شدها من دراعها : الا مهرستش لييك هاد السنان لي عاجبينك من تسماش
نعمان : ساجد رخف على لبنت ..شوف مسكينة مزال صغيرة 
ذهب غي جالسة كتاكل بهدوء وكتسمع لكلامهم
كلثوم :امكن عندها خلل دماغي ولا شي حاجة. .تصرفاتها ماشي طبيعية 
بيازيد ساهي فآريا : واااو سحابلي برازيلية كنت غادي نتفركع عليهم فالانسطا
آريا داخلا فالكيك طول وعرض ..حسات بنظرات ساجد غادي اياكلوها وهيا تلافت عندو : أو تي أدايوو 
بيازيد نقز من بلاصتو : وبربي حتى برازيلية. .😍

كلشي كان مستغرب وخصوصا ساجد 
ذهب :اه بصح. .هاد الهدرة برتغالية ولكن للهجة برازيلية. .عندي ثقافة على داك لبلد 
كلثوم :الله اولدي اش دااك لبرازيل😨
ساجد فيساع نتر الافكار لي فراسو : تقدرو تاكلو ..لعشا برد 
نعمان :ههه مكفاكش لمغربيات
بيازيد جاب تيلي كيتسيلفا مع آريا بحالتها مجغمرة. .بتاسم وهو كيشوف فيها : فوسي إلندا
ساجد خبط الطبسيل: اااش كتقول لييها 
بيازيد : ياااه برد اصحبي قلت لييها نتي زوينة ..يكما عينك فييها😉
ساجد خبط الطبسيل وناض كيتمتم تحت فمو 
آريا الحرب للعالمية نيضا حداها وهيا متفاوتتش على طبسيلها جاتها لماكلة بنينة واكيد غادي تعجبها وهيا من صنع المغرب خخ
بيازيد شافها غارقة وسط لماكلة : حتا نعرفك على الرفيسة لعميا 
كلثوم :ههه مكتحشمش..عارف الرفيسة لعميا شناهيا ولا غي داوي
بيازيد :هاااح على قبل هاد التيتيزة نعرفها شناهيا
نعمان زف عليه بتفاحة :قليل الآداب مبقيتي كتحتارم حتى واحد 
بيازيد وقف :هاهو غادي
شاف عند آريا :وخا مسخيتش😍
كلثوم كتشوف فنعمان :تهدن ومتسوقش لييه 
نعمان شافو غادي : مفهمتش هاد لولد تحرميات لعالم كامل جامعها والقراية هيا لقراية
ذهب بتاسمات : راه من عائلة آل عمران هه
كلثوم :هه اه داكشي علاش 
آريا شبعات و وقفات كتشوف فيهم ..كاع حالتها مطلية 
كلثوم شافتها وقفات : بلاتي ابنتي نعاونك طلعي لبيتك 
ذهب :على اساس كتفهمك اماما هه
كلثوم :ههه حولها مكتجاوبنيش 
مشات لعند آريا قبطاتها فدراعها بحضر قبل تضربها ليها بشي عضة مفاجئة ..طلعتها لبيتها وهبطات وصات لخدامة تطلع لعندها ..وداكشي لكان طلعات عندها وحدة من لخدم ديك الساعة ساعدتها نقات حالتها وعاونتها لبسات.. كان شورط دالنعاس فالاسود وديباردور ميني بوط. .خلات ليها شعرها على راحتو بعدما زولات ليها لفاصمة من جبينها كتفات بشوية دصبردرا فين كينا الضربة 
قبل تخرج تلافتت لعندها : بقااي هنا الالة باش متجبديش ليا الصداع
حلات لباب وخرجات عند بالها وصاتها و آريا فهمات كلامها. .
بقات جالسة فوق الناموسية مبتاسمة كتشوف لعيشة كيف ولات حسن من مستشفى لمجانيين. .جات عينيها على جاكيط جينز لبساتو مع جاها لبرد لي داخل من الشرفة. .بتاسمات وعينيها كيخرجو لقلوبة فاش لمحات بزاف دالشوكولا فوق الطابلة. .هزاتها وخرجات من البيت كدور فعينيها وخطواتها غادين بيها .كتعض على شفايفها بحركتها لعفوية عاجبها لحال وهيا كتبنن فالشوكولا كااع حالتها توسخات بحاليلا كتاكل برجليها ماشي بايديها. .ميلات شفايفها عيات وهيا كدور من هنا لهنا. .تلفات على بيتها ..قشعات واحد لباب مفتوح بتاسمات حيت لقاتو ..تمشات لعندو بخطوات سريعة .دخلات وسدات لباب كتنهج سرعان ما بدات كتنقز وهيا كتاكل ..

حتى قفزات من صوت بحال الرعد موراها :اشنو كديري هناا
تلافتت عندو بالعرض لبطيء مخرجة عينيها وايدها ففمها كتاكل : فوسي😱
ساجد بغا انطق وهيا تجي عينيه على حالتها كيف موسخاها ..يله غادي ادور وجهو وهو اقشع صدرها لمنفوخ والبارز كاع مطلي شوكولا ..
آريا كترجف فبلاصتها اول مرة شوفاتو اوثروها محساتش بالخوف وانما شعور جديد نتابها 
ساجد خشا ايدو فجيبو وقرب لعندها بخطوات ثابتة عاقد حواجبو. كيشوفها راجعا باللور كتعض على شفايفها لي طيبتهم بهاد لحركة ..تكلات مع لباب بقات غي كدور فعينيها كتوجد ليه شي دقة الا قرب لييها 
ساجد تنهد ومسح على راسو. .لمح بابي جينيك مشا جابو ورجع لعندها هازو فايدو :مسحي هااد لحالة 
آريا كتبقلل فعينيها .هزات آخر قطعة من الشوكولا كتاكل فيها بدون متهتم لوجودو
ساجد تفكر انها مغاديش تفهمو ..شدها من دراعها بسيف وبدا كيمسح ليها جيهت فمها بزز : تبتيي بلاما نقسمك على جوج
آريا سكتات وعينيها عامرين دموع. .حسات بيه كيقصحها وهو كيمسح لييها. .جعرات مشعراتش براسها حتى هزات ايديها وطلاتو فوجهو بالشوكولا. .خلاتو مبلوكي ومخرج عينيه للحظة حس بالزمن وقف. .كيحس حالتو مسخة وهو اكتر حاجة كيكرها هيا هادي
مشعرش براسو فاش هز ايدو لكبيرة و صفعها صفعة تلاتية الأبعاد. مبرد لييه لقلب حتى شافها مرمية فالأرض كتبكي وشعرها مغطي ملامح وجها 
نطق بالغوات : ااااش جااابك لعندييي ..شكون نتيي كنلعن السااعة لي حطيت فيها رجلي فهااد لبلاد كنت بخيير. .حتى بنتيي ..لحبببس
دخل ديك الساعة لحمام كيتمتم تحت فمو واعصابو كتفور خصوصا فاش كيلمح لوسخ ..تنهد بعمق عاقد حواجبو مطلعهم للفوق وعينيه حومر. سب حتى عياا عاد زول لجاكيط بقا غي بالتيشورط طلق الروبيني غسل حالتو وهو عيف ..حتى قاس لما فوجهو عاد برد هز راسو كيشوف فالمرايا لي مقابلة معاه ..وكيمسح على شعرو كاع درعاتو عامرين وشام بدلالات مختالفة 
خسر ملامح وجهو فاش تفكرها : ياربي الصبر 
خرج لعندها كيخبط فرجليه : هييييه نتييي
آريا مزال طيحة كتبكي بحرقة وتشهق بصوت مرتافع. ضراتو فراسو هزها لعندو قابط دراعها 
نطق عاض على سنانو :ششش ضريتيني فراسي
آريا كتنخصص : أو تي أدايوو 😭
ساجد : نموت ونعرف اش كتقولي 
جرها معاه بعجرفة حتى لحمام ..
وقفها قدام لفابو : نسلي لجاكييط
آريا كتمسح دموعها وكدندن تحت فمها كتسب فيه بلغتها الأصلية 
ساجد عرف راسو غادي اضيع لحجرة على والو. .تنهد مطول عاد زول ليها لجاكيط : اخر ايامي وليت كنربي الداري الصغار 
شاف شعرها معنكشها رجعو ليها ورى ودنيها وهز بابي جينيك ..عاد بدا كيمسح ليها وجها داير معاها لخاطر خصوصا فاش كيسمع شهقاتها ..كيحاول ميخليهاش تبكي بزاف باش مضروش فراسو 
بعد عليها مخنزر : يله قود** دابااا ..نشووف مككك فالجناح ديالي مرة خراا نقتلك ...كتسمعيييي فهميهاا ولا متفهميهااش 
آريا كدور فعينيها وكترمش بعويناتها كاع هدرتو مداتها فيها. .تلافتت جيهت لمرايا بتاسمات فاش شافتو موراها كتبان بحال شي بيبي قدامو..جات عينيها على صدرها مزال مسخ .خنزرات وهيا هازة حاجبها 
تلافتت عندو بسرعة ..نطقات بلهجتها لبرازيلية موجهة لصدرها : وهنااا 😠
ساجد موسع عينيه : شنووو
آريا عضات على شفايفها وهزات لبابي مداتو لييه باش امسح ليها. .كانت تصرفاتها عفوية مقصدا فيها واالو عكسو هو لي حس بالعرق خارج من جبينو
آريا شافتو مخنزر طلقاتها بالبكااا مبغات تسكت حتى حسات بيه كيمسح ليها عاد سقلات عاجبها لحال 
ساجد كيمسح ليها وهو مدور وجهو لجيهة لخرا مباغيش اشوف فيها 
دازو ثواني وهوما على نفس الوضعية 
مجرد ما كمل شدها من دراعها علاين افلعصو لييها. .حل لباب رماها قدامو ورجع زدحو بعجرفة. .دخل ديك الساعة لحمام كينسل فالتيشورط فضل انه ادوش بالما لبارد على الله تطفى لعافية لي شاعلة فييه ..
أما آريا بقات مليوحة كدور فعينيها مكين حتى واحد نطقات بصوت منخافض : بيوو بييو😂.. خلعتو واقيلة داكشي علاش خاف وسد لباب 😎. .ههههههههه😂
بقات كتركل بالضحك فبلاصتها حتى حصلاتها لخدامة لي غادي تموت بالخلعة
مجرد مشافتها مشات عندها بجرية : لالة فيين مشيتي ..باغاا تخرجي ليا على خدمتي
آريا سمعات شي صوت تلافتت لعندو خنزرات مخسرة ملامح وجها فاش شافتها قدامها : بيوو بييو😂
لخدامة :اجي الالة لبيتك .هادا جناح ديال سي ساجد وااش بغيتي تموتي 😨...اجي اجيي
آريا هزات حاجبها فاش شافتها كتقرب ليها مخلاتش ليها لوقت فين تفكر ..ديك الساعة عضاتها فايدها حتى غوتات لخدامة حلقها بغا اخرج ..مبغااتش تطلق من ايدها ..
لخدامة عقلها خرج : عتقووونيي😭...هءءءؤؤ هء عتقووووني
ساجد كان كيلبس عليه سمع لغوات قدام لباب. .كحل بالعما وخرج جاعر : اااش وااقع هنااا
جات عينيو على آريا عاضة لخدامة فايدها وهاد الأخيرة روحها غادي تزهق ..قصدها نيشاان هزها وهيا كتركل وكتغوت : رخييي منييي باغاا نعضهاا😂...بييو بيييو 
لخدامة بغات تحماق بالبكا 

لخدامة بغات تحماق بالبكا حتى قفزات على صوتو : تهزي من هنا 
شافها غبرات من قدامو ديك الساعة وهو اتلافت عند آريا مخنزر دبصح : اااش خاااصك نتييي هااا 
آريا سكتات معوداتش هدرات حتى حسات بيه قابطها من ايدها وغادي بيها جاعر بالبياان 
قصحها فايدها بقات كتنتر و والو : مي ديجي باااس 😠"ابتعد عندي"
ساجد ماشي فهاد لعالم مهنا حتى دخلها لغرفة الضياف وسد لباب بجهالة : موووتك على أيدي ..قربي لياا لمرة جااية
رجع بادراجو لبيتو كيتمتم على الله اتهدن شوية. .
آريا شافتو خرج مقفزها فاش سد لباب :يخخخ😑
ناضت كتجر فرجليها. .جات عينيها على الناموسية قصداتها بجرية منقزة وسطها بقات كتركل فبلاصتها مع كتبونبا عاجبها لحال :هههههه😂😂 واااهووو 😂..بيييو بيييو
دازو ساعات وهيا على نفس لحالة حتى تهدات وطاحت كاو حالة فمها. معوداتش فاقت مزال 

صبح الصباح بنهار جديد.🌞
خرج من لجناح ديالو بكامل اناقتو لمعهودة تيشورط فالابيض مع سروال جينز فالازرق مغموق ..وجاكيط جينز هازها فايدو على قبل لبرد مع لجو كيتغير فأي لحظة. .مسح على شعرو لمرتب بطريقة جدابة ولحيتو لمصففة بامتياز ولي كتزيد من وسامتو على وسامة. .
ركب لمصعد وهبط لتحت .
شافهم كيفطرو مشا لعندهم :صباح الخير 
نعمان هز راسو :صباح نور ..فقتي بكري 
ساجد جلس بعدما شعكك لذهب شعرها : خاصي نمشي لشركة نعاونك شوية 
نعمان : الله اولدي غادي دير فيا خير ...نيت عندي اجتماع من هنا لساعة تكلف بيه نتاا 
ساجد هز راسو باه :تمام 
ذهب سكتات شحال عااد نطقات :بابي
ساجد :هه ملي دير هاد الصوت عرف باغا شي حاجة 
ذهب :حشومة علييك 😢
نعمان :بعد من بنتي ..خليها تهدر
ساجد كتفا بقهوة قاصحة كيف كتعجبو :هدرو شكون حبسكم
فهاد الاتناء جات كلثوم هازة فايدها طبسيل عامر بريوات : وهنتا بااش تقول ممهليااش فولدي 
ساجد باس ايدها : ربي اخلييك لياا 
كلثوم جلسات وهيا مبتاسمة فرحانة بشوفت ولدها معاهم 
ذهب :بابي شفتيهم اش كيديرو ..حتى انا بغيت واحد لحاجة 
ساجد :هاا لي قلنا
كلثوم :هنيناا 
ذهب : بغيت نخرج انا وروكي بلا حراس ..عفاااكم😢
نعمان :لا ابنتي منقدرش نخليك بوحدك 
ذهب بنفاد صبر :حيت عمياا ..داكشي علاش 
سكتات وهيا كترجف حنيكاتها حمارو 
ساجد :خليوها دير لي بغاات 
كلثوم :ولكن
ساجد قاطعها : لواليدة متكبريش لموضوع
ذهب بنبرة صوت باين عليه لفرحة : هيااا غادي نخرج😍
نعمان تنهد : فين باغا تمشي بعدا 
ذهب :حدا لبحر. .روكي معايا متخافوش
ساجد :داك روكي خاصي نوصيه عليك هه 
كلثوم :هه كتبغيه كتر مناا
ذهب كانت كتسمع ليهم وهيا فرحانة : صافي انا شبعت. .نمشي نوجد راسي
كلثوم :كولي ابنتي ونتي غي سمعتي لخرجة تكحازيتي لور 
ذهب :لا اماما كليت والله ..شوفي طبسيلي
كلثوم تنهدات كتمنى حياة بنتها تحسن : بلاتي نجي نعاونك باش نختار معاك اش تلبسي
ذهب وقفات :غي جلسي اماما ..انا وخا عميا نقدر نديباني راسي ...كملي فطورك متشغليش راسك 
ساجد شاف فكلثوم بمعنى خليها على راحتها 
ذهب خدات عصاتها وتمشات بخطوات ثابتة جيهت لمصعد مع حافظة لقصر بلاصة ببلاصة 
ساجد تنهد : مكتحاولوش معاها فالموضوع
كلثوم : مكتبغيناش نجبدوه
ساجد :خاصي نهدر معاها 
نعمان : جربنا حتى عينا ..لي فراسها فراسها رافضة فكرة لعلاج راك عارف تحطمات من كترة لمحاولات لفاشلة 
كلثوم :عامين وهيا فهاد لحالة. ..كون مكانتش ديك لحادثة😢
ساجد قاطعها : لواليدة هادشي مكتاب معندنا منديرو ...مهم انا غادي 
كلثوم :كمل فطورك ..بينما مشيت جبت ديك لبنت مسكينة تفطر 
ساجد كان كيرشف من قهوتو غي سمعها هدرات عليها وهيا توحل لييه 
نعمان :غي بالشوية اولدي الشركة مغاديش تهرب
ساجد شرب لما عاد رجعات فيه الروح :حتا نحيد من هنا عاد هبطيها مباغيش نشوف خليقتها
كلثوم :ااش دارت لييك ..باقا صغيرة مديش عليها 
ساجد جمع ايدو على شكل قبضة كاتم عصبيتو بالصمت
عم الصقيل حتى كيقفز كلشي على صوتو : كااااين شي فطور
كلثوم شهقات : الله اولدي. .بااغي حتى تدفني عاد ترتاح 
بيازيد خبط ساجد على كتفو هادي هيا سلام عندو..عاد هز طريف دلكاشير كيعض منو : غاادي تموتي ..امتى!! ؟...فوتي غي لحد داير مع صحابي نخرجو لبحر مفيا لي يحضر شي عزو
سكت وهو كيشوف فيهم كيخنزرو فييه :قلت شي حاجة 😨
نعمان وقف جاعر :ليوما نقتلك اولد لحراام بااغي تسيفطنا لروضة 
ساجد جالس فبلاصتو حابس الضحكة :لواليد تهدن ..دير راسك فيه تحماق
بيازيد :لواليدة راه غي ضحكت معاك .ولكن لا بغيتي تموتي فوتي ليا لحد داوي بصح😑
كلثوم مخرجة عينيها : الله اولدي ...اويلي هادا من كرشي 
بيازيد جلس ممسوقش لعصبيتهم:تبثو ونتوما دخان خارج من ودنيكم😒..فراسكم لعصاب كيقتل يعني لطولتو السبت. .مهم لحد فوتوه
ساجد بصوت منخافض:ههه سكت اصحبي الله ارحم لييك لواليدين 
بيازيد هز عينو فيهم :مكينش لحليب

شافهم موسعين عينيهم فييه :اه ..اوكي والعصير حتى هو مكينش
نعمان وكلثوم مزال مفكسيين على نفس لوضعية 
ساجد :سكتنااا
بيازيد قطع لحس فمرة 
كلثوم تنهدات وجمعات لوقفة :هاني غادي نهبط لبنت تفطر
ساجد :بلاتي نوض عاد هبطيها
كلثوم :جلس ولا غادي نتقلق منك
ساجد دار ليها خاطرها وكمل فطورو كاره لوضعية 
داز لوقت 
خرجات كلثوم من لمصعد فايدها آريا كتبان فابهر حلتها بزز باش خلات كلثوم ولخدامة البسوها ..جات كيوت وسط كسيوة فالرمادي مع رسوم فالاسود مطبعين عليها. .حازمة جاكيط جينز على خصرها وفرجليها سبادرين فالابيض ..عاد شعرها لعسلي خلاوه ليها على راحتو ..تقدمو باتجاهم بخطوات بطيئة 
آريا كتلعب بشعرها عاجبها مظهرها الجديد توحشت تلبس هاكة ملات من كسوة لحماق لي كانو فارضين عليها
ساجد هز راسو لعندهم ..بقا كيشوف فآريا مزولش عينو. .كتبان كبيرة وبعقلها بهاد اللبسية 
بيازيد شاف خوه ساهي دور راسو ديك الساعة لفين كيشوف : لبرازيلية 😍
كلثوم جلسات آريا فجنبها كانت مقابلة مع لكرسي لجالس فيه ساجد 
بيازيد هز طبسيلو ومشا جلس حداها : بووم جياا😍
كلثوم :اش قلتي ليها
بيازيد:صباح الخير ❤ 
ساجد مزير على لكاس لي فايدو كيمتل لا مبالات ..جمع لوقفة ديك الساعة :هاني غادي ..تهلاو
بيازيد : فكرتيني خاصي نسولها اشنو سميتها
سكت وهو كيفكر فالسؤال باللغتها ..حتى غير ملامح وجهو وكأنه ستعقل : كاويل سونومي؟؟
ساجد وقف عاطيهم بالظهر باغي اعرف جوابها 
آريا سكتات شحال كتبلع فريقها وعينيها خارجين فالبريوات باغا تاكلهم :آ آ آريا 
مجرد ما نطقات قصدات الطبسيل بايدها هزاتو حطاه قدامها..بدات كتاكل بشغف كتبنن وتعاود 
كلثوم بتاسمات :حتا ساجد كيعجبوه لبريوات 
ساجد خرج كيلبس فالجاكيط ديالو ..قصد لوطو ركبها وكسيرا بلاما احس نطق بصوت منخافض مركز مع الطريق :آريا 

فالجيهة لخرى. .
فاقت على صوت لمنبه كتسكت فيه وصوت بائع لخبز كيغوت فالزناقي بصوتو لمشهور و لعجيب 
نطقات كترجع عليها لمانطة : اوووف ..بغيت نعس
ناضت قافزة فاش تفكرات لفاك : هااا نسيت. .ويليي مفياا لتعدب فالطريق عاود
يله غادي تجمع لوقفة وهيا تلقا مليكة فوق راسها :نوضي ابنتي راه تعطلتي 9 هادي 
رهاف تكسلات :صباح الخير بعدا 
مليكة :صباح النور ..نزلي راه لفطور واجد وعاد مسخنة ليك لما غسلي وجهك حيت شوفو خاسر باقي بااك مناوي اصيبو
رهاف باستها :الله اخليك لياا
مليكة بتاسمات وهيا كتشوفها خارجة : الله ابيض سعدك ابنتي والاقيك مع ولد الناس 
تنهدات وهبطات لقاتها يله خرجات من لحمام لمشترك دلعائلة :دوزي تفطري
رهاف كتمسح وجها بالفوطة : فينو بابا
قاطعها صوت موراها : هاني ابنتي
رهاف بتاسمات وباست على راسو : بابا كيف صبحتي
لبشير :لحمدالله ابنتي ..لقيتيني يله غادي لبزار 
رهاف جلسات كتكب ليها أتاي :الله معاك ابابا
لبشير بتاسم ليها وشاف فمليكة :خاصة شي حاجة 
مليكة :لا والو هاد الساعة ..غي سير فتح لبزار مشا لحال
لبشير حط شي بركة دالفلوس فوق الطابلة ونطق وهو خارج : هادو لخصاتك شي حاجة ابنتي 
رهاف كيبقا فيها باها كيخدم بوحدو ..تنهدات وهيا كتشوفو خارج .نطقات ملافتة عند مها : فينو يوسف 
مليكة تنهدات بقلق :خرج صباح بكري قالك عندو شي خدمة 
رهااف:الله اهديه
مليكة :اميين
كملات رهاف فطورها وطلعات لبسات عليها قاميجة كاروات خاشياها فسروال جينز عاد كات فرجليها ..هزات كتوبتها فساكها ونزلات كتقاد فشعرها كتشوفال ..
حلات لباب :ماما هاني مشيت
مليكة طلات عليها من لكوزينة : الله اوفقك ابنتي 
رهاف :اميين اماما
سدات لباب وخرجات لمحات إبراهيم كيتسناها بتاسمات ليه ومشات لعندو ركبات موراه ..

نرجعو للقصر..
بزز باش تفاك على آريا قتلها بالأسئلة بدافع لفضول ولكن كيهدر والحيط كيجاوبو هي كل تركيزها كيفاش غادي تكمل هاد لماكلة لقدامها ..مكتسمع لحتى واحد 
كلثوم :سير لقرايتك خلي عليك لبنت 
بيازيد جمع لوقفة وطلع بجرية لبس عليه كيف ديما باش احافظ على وسامتو فلفاك ..عاد هبط هز سوارتو وخرج نيشان لفيراري ديالو ركبها وكسيرا مخلي لعجاجة موراه. .كان كيطير وهو كيسوق وسط لوطوروت ..عاجبو لحال كيضوبل السيارات وهوما كي كلاكصونيو عند بالو كيدير انجاز ..مسافة دالطريق وقف قدام لفااك مفراني بطريقتو لعجيبة حتى كيخلي كلشي اهتم لوصولو ..خرج ديك الساعة هاز راسو لسماا وضع نضاراتو السواد وسد لباب برجليه ..يله غادي اخطي خطوة وهو اسمع صوت سكوتر قريب لييه. .هبط النضاضر كيشوف بنص عين 
نطق بصوت منخافض : هاادي نتي!!
رهااف مشافتوش مع كانت ملاهيا مع لكاسط لي فوق راسها. .بزز باش نتراتو حتى تلاح شعرها معاها كيتطاير فالهوى خلاه ساهي وهو كيتبع خصلات شعرها لمصفف
هبطات من فوق السكوتر. مدات لكاسط لابراهيم : شكرا كنعدبك
إبراهيم ذايب فجمالها : لا متقوليش هاكة مرحبا فاي وقت. .تسنايني نبلاصي سكوتر وندخلو بجوج 
رهاف هزات راسها باه:واخة
بيازيد كيشوف فالموقف وهو هاز حاجبو

بيازيد كيشوف فالموقف وهو هاز حاجبو : هممم دايرا علاقة حب بلاما تشاور معايا 😒
رهاف تقدمات بخطوات ثابتة كتسنى إبراهيم الحق عليها :اوفف تعطل 
عيات وهيا واقفة منتبهاتش لعينيه لي غادين اياكلوها 
تنهدات بقلق وكملات على خطواتها حيت غادي تعطل 
بيازيد شافها مشات تبعها بخطوات سريعة :شهرزااد ..شهرزاااد هاادي مالها مكتجاوبش
رهااف كل تركيزها تدخل للمحاضرة بكري. .حتى كتحس بايدن قابطين دراعها :شهرزاد 

فالجيهة لخرى. .
كانت جالسة كتستنشق ريحت دالبحر وهيا مستراحة على لكرسي عاجبها لحال بالجو لي جالسة وسطو. .حسات بروكي كيلعب معاها 
بتاسمات :هه مالك اروكي ..حتى نتاا فرحان يااك 
روكي كيلعب بالتينيسة لحداه ملاهي معاها
ذهب تنهدات وجبدات من لغطابل ديالها لكيتار كيعجبها تطرب راسها وهيا كتسمع للحن اغانيها :روكي اش باان لييك تسمع صوتي
روكي ضرب على ايدها بحاليلا كيعطيها لموافقة 
ذهب :هه واخة. .جلس وسمع مزيان 
غمضات عينيها وبدات كتحرك صبيعاتها على اوتار لكيتار بتناسق مع كلمات الأغنية كانت اجنبية كتقنها بصوتها الأنثوي و الرقيق
فجيهة لمقابلة معاها كان مركز فكلامو : شد هااد السلعة وقلب الطريق ..مكتعرفني مكنعرفك
.............:كون هاني العشير يتوب علييك
يوسف ضرب على كتفو : يله تلاح 
...............:شوف ديك لقرطاسة صوتها وااعر 
يوسف متلافتش لمصدر الصوت : جمع فمك ونتا لدازت مخرج فيها عينيك
.............:هااح نمشي نهدرها مستحيل نفلتها
يوسف ضربو لراسو :قلت تلاح
..............:هاهو غادي 
تنهد وهو كيشوفو كيمشي عاد قلب الطريق غادي جنب لبحر 
ذهب ملات وهيا جالسة :روكي يله نمشيو
وقفات كتقاد لكيتار فالكغطابل وهيا كتحسس كلشي. .هزاتها على ضهرها وشدات روكي فالسنسلة :مشينا
روكي كينبح وهو فرحان تم غادي وهيا شادة توازنها تبعاه :هههه روكي بالشوية ..مجبتش عصاتي ...ويليي رووكييي
تأوهات بصوت منخافض فاش حسات براسها خرجات فشي حاجة قاصحة وايدين محاوطين خصرها وانفاس حارة كضرب على وجها ..قلبها تفزع فاش سمعات صوتو: واااش عمياا مكتشوفيش

نبدلو لبلاصة..
كان يله سالا الاجتماع كاره الساعة لي جمعاتو بيه. . بغا اخرج وهو اسمع صوتو : سي ساجد
ساجد تلافت عندو ببرودة كيطلع واهبط فيه بملامح ممحية عكس نار لكره لي شاعلة فيه :وي 
بتاسم وهو كيكب ليه كاس من لقرعة لي فجنبو. .نطق وهو كيجغم منو : غادي تكون صفقة مربحة خاصنا شي احتفال
ساجد مزير على ايدو : هادشي لي باغي تقول. ..كضيع ليا وقتي اسي ثامر الادريسي
ثامر :هه مزال شاد فقلبك من جيهتي
ساجد ببرودة : ممعتابركش باش نشد فقلبي ..على اين الاجتماع سلا ..تهلا
خرج وخلاه كيتلغدد فبلاصتو نطق بشوفات مركزة : غادي تندم امسيو ساجد آل عمران. .لوقت كتبين كلشي 
فهاد الاتناء كان ساجد دخل للمكتب ديالو صدرو كيطلع واهبط مجرد وجودو فنفس لمكان لي كين فيه كيستافزو ..مفهمش علاش باه قبل بالشراكة معاه 
تنهد وهو كيجغم من كاس دالويسكي لي كبو .كانت اعصابو كتغلي مزال مصفا معاه حساب قديم خاصو اتهنى منو ..كمل لكاس لي فايدو فجغمة وحدة وزادو تاني. .جمع شي وراق خشاهم فالكغطابل مع لبيسي وخرج نزل فالمصعد مباشرة لبرى ..كانو شوفاتو قاتلة ممستحملش لمكان ..قصد لوطو ديالو ركبها وديمارا ..لمح ثامر يله كيركب السيارة ديالو خنزر فيه وزاد فالسرعة نطق عاض على سنانو : لحقير
مسافة دالطريق وقف قدام لقصر هبط ديك الساعة جاعر كيحس بالجنون كتنقز فوق راسو. .طلع فالمصعد نيشان للجناحو بلامح اهدر مع حتى واحد .. من كلثوم تجاهل نداءها لييه ..كي وصل قدام باب بيتو حلو بعجرفة. .يله غادي ارمي لكغطابل وهو اتبلوكا مخرج عينيه لي تحول لونهم لاحمر ناصع ..كيشوف واحقق فالوسخ لي منتاشر فالمكان والبيت مقلوب سفاه على علاه ..دور وجهو كيغلي بالاعصاب جات عينو على قطعة شوكولا باين عليها موكول منها ..محس برااسو حتى نطق بأعلى صوتو حتى زعزع كاع أركان لقصر : آآآآرياااااااااا ليوووم نقتلك

يله غادي ارمي لكغطابل وهو اتبلوكا مخرج عينيه لي تحول لونهم لاحمر ناصع ..كيشوف واحقق فالوسخ لي منتاشر فالمكان والبيت مقلوب سفاه على علاه ..دور وجهو كيغلي بالاعصاب جات عينو على قطعة شوكولا باين عليها موكول منها ..محس برااسو حتى نطق بأعلى صوتو ..زعزع كاع أركان لقصر : آآآآرياااااااااا ليوووم نقتلك ..اليوووم البرهووشة 
خرج جاعر بالبيان لدرجة عروق ايديه علاين اطرطقو ..جاتو فاللحظة لي شاعل فيها. قصد بيت الضياف بخطوات سريعة كيخبط رجليه مع الأرض حتى وصل قدام لباب تنهد بعصبية مكمش فمو عاد فرعو على جهدو ..دخل بحال لبركان كيغوت بحر جهدو واصلة بيها لعضم :آآآآرياااااااااا. ..فييينك البرهووشة مغااديش تفلتي 
دور عينيه على أرجاء البيت وهو كيلهت صدرو كيطلع واهبط حاس بالعافية كتحرق فيه ميمكنش ابقى هاكة ضروري خاصها تبان ليك باش ابرد فيها عصبيتو على الله اتهدن ..لمح واحد لفاز جنبو خبطو مع الأرض حتى تشتت والزاج معمر لمحيط ..عقد حجبانو كيتمتم تحت فمو غي بلكلام لفاحش ..خرج ديك الساعة على برى كيقلب عليها بعينيه. .والسبان على جهد كااع لكلمات لي حفظهم من عند بيازيد كيقول فيهم بحكم انه يله مؤخرا تعلم لدارجة وبدا كيندامج معاها مع أغلب اوقاتو كان كيكون فأمريكا و صغرو دوزو فإكول بغيفي لا محل للغة لعربية ..حتى اسرات عليه كلثوم اتعلم الدارجة عاد دار ليها خاطرها ولكن اول كلمات شد هو السبان لي يقدر اخفف عليه ..
دخل للمصعد كيمسح على شعرو علاين اقرعو ..تنهد مطول ونطق بصوت حاد: هااادي غاادي نوريييك اللعب معايا 
مجرد متحل باب لمصعد خرج كيعرعر : آآآآرياااااااااا فييينك الكلبة 
كلثوم ناضت قافزة فاش سمعات صوتو :الله ياربي هادا مالو
نعمان كان جالس حداها كيقرا فالجريدة حتى قفز على صوتو هو الاخر : بسم الله الرحمن الرحيم 
كلثوم وقفات وتمشات بجرية لعندو : اااش واقع اولدي 
ساجد كيدور من هنا لهنا بااغي القاها : فيينهاااا ديييك لبرهووشة هاااا
كلثوم اول مرة كتشوفو معصب هاكة وجهو حمار : ترخف اولدي ..ااشنو بغيتي عند لبنت 
ساجد ودنيه كيصفرو مكيسمع حتى واحد. .خلاهم داويين وخرج على برى كيقلب عليها تقول الدنيا بلعاتها مبقاش ليها أثر 
نطق بالغوات مع عصبية واضحة من خلال نبرة دصوتو : آآآآريااااااا مغاديش تهربييي ...اليييوم نقتلك
آريا كانت كتزعلل فالارجوحة كلها عامرة شوكولا كتاكل فيها. .سمعات شي صوت كيخلع قريب ليها ..شهقات حاطة ايدها على فمها وعينيها عامرين دموع 
ساجد قرب للبيسين جامع ايدو على شكل قبضة كلما تعطل فاش مكيلقهاش كلما زادت عصبيتو : بربي حتى نفلعصك ليوووم
يله غادي ادور وجهو جيهت الارجوحة وهو اقشعها ..كحل بالعما وقصدها طير بحاليلا كان على سبة مشافش فوجها هزها مباشرة لعندو ناتر دراعها وايدو لاخرة مغروسة وسط شعرها : ااااناااا البرهوووشة كتلعبي معاياااا ...ااااش كيحساب لمككك مسالي لبعلوكة بحالك نربيهااا
آريا كتبكي بحرقة وتشهق بصوت مرتافع قصحها فشعرها :هءءؤ هءء مي ديجي باااس "ابتعد عني"
ساجد كتسالي معاه بهاد اللغة لي مكيفهم فيها والو مكرهش فبلاصة الانجليزية اكون كيتقن البرتغالية باش اتواصل معاها ماشي هو كيشرق وهيا كتغرب
خرج عينيه من جديد فاش شافها حاطة ايديها الصغيورين ولمسخين بالشوكولا على صدرو باش تبعدو عليها. .فهاد اللحظة جابت ليه تمام جرها بقوة حتى تأوهات بصوت مرتافع كتبكي ..تم غادي وهيا موراه كتعكل وطيح وشعرها لحريري معنكشها 
وقف حدا حافة لابسين ودورها قدامو مخرج عينيه فيها نطق موجه صبعو ليها : الا كنت جبتك هنااا غي حيييت معارفش عائلتك شكون
بدا كيضرب بصبعو جيهت راسها ونطق بنفس النبرة : ولكن قسما بالله وتحومي حدايا مرة خرا ندبحك ...فهمي كلامي ولا متفهميش ولكن تقربي لياا نحييك من لوجود 
هز رجلو وركلها لكرشها حتى ترمات فالبيسين مخرجة عينيها وايديها مرفوعين فالهوا ..شهقات فاش حسات براسها تغطسات فالما هوادة للقاع كتحاول تنفس وهيا كتبكي بأعلى صوتها والما كيدخل للفمها ..
ساجد بتاسم بمكر هاد رتاح جوفو منها ..مسح على راسو ورجع بخطواتو خاشي ايديه فجيابو بحاليلا مواقع والو ..دخل للقصر مصطانع لهدوء 
كلثوم قاطعاتو قبل اركب لمصعد :فينها آريا
ساجد : متبقايش تذكري سميتها قدامي ..الا بغيتي نبقا فهاد لقصر 
دخل لمصعد وتسد لباب خلاها مبرقة عينيها تبدلات معاملتو من نهار جات آريا لعندهم ولا عدواني كتر من لقياس ديما بطبعو عصبي وحدودي مكيبغيش أجمع بزاف من غير سلام سلام ولكن تصرفاتو تبدلو بزاف. .هادو هوما الأفكار لكانو كيراودو كلثوم حتى فاقت من سهوتها على صوت نعمان : مالو ولا هااكة 
كلثوم تنهدات : حالو معجبنيش
نعمان : شي نهار اقتل راسو بهاد لعصبية الزايدة وجهو غادي اتكمش بكترة معاقد حواجبو 
كلثوم تنهدات بقلق ورجعات جلسات فالصالون : الله اهديه و اعمر قلبو 
نعمان كمل قراءة لجريدة :اميين 
كلثوم :آريا معرت فين هيا بعدا

رهااف كل تركيزها تدخل للمحاضرة بكري. .حتى كتحس بايدن قابطين دراعها :شهرزاد 
تلافتت لعندو بالعرض لبطيء :نتااا
بيازيد بملامح باردة :شكون دااك خينا
رهااف هازة حاجبها نطقات بعدما نترات ايدها : شكون نتاا بسلامة
بيازيد بهدوء تام كيقاد نضاضرو : قريب غادي تعرفي شكون 
رهاف خنزرات فيه : متبقاش تشد ليا فايدي لمرة جاية و إلا
بيازيد قرب لوجها كيدقق فملامحها بعدما زول النضاضر حتى تلقاو عينيهم .بتاسم ونطق بصوت مستفز: وإلا شنوو ...كملي 
رهاف دهشرات من قربو : ممكن تبعد ..راه تعطلت
بيازيد زاد قرب مهبط راسو لمستواها مع طويل عليها : بحال هاكة 
رهاف راجعة بلور : واش شوية لباس 
بيازيد تابعها بخطوة : لحمدالله ونتي
رهاف ضربات فصدرو وزادت معصبة : لحقير 
بيازيد متبع ليها لعين وعلى فمو ابتسامة جانبية حتى فاق من سهوتو على صوت جنبو :ساااط
بيازيد تلافت عندو مخنزر : الا مطيحتش زنافرها لارض منتسماش بيازيد آل عمران 
مراد : علاش كتهدر!!
بيازيد تم غادي كيرجع نضاضرو لبلاصتهم : ماشي انا لتعفرو علياا
مراد كيحك فراسو مفاهم والو شافو سبقو وهو امشي لعندو كيجري : ممكن تشرح ليا مفهمت والو 
بيازيد تنهد : نسا علياا لخشبيش ...خلينا نمشيو نقراو
مراد : لا اليوم مكينش لكوغ خاص غي لخدمة على لبحت لي عطانا لبروف ..وااع هاد شهادة دكتورة مغادي نشدوها حتى نشيبو
بيازيد شاف فيه موجه صبعو : تشيب نتاا ..انا ماشي بحالك لعام جاي تكون عندي الشهادة 
مراد : هههه سبحان الله على التواضع 😂...كتسالي معايا بهاد التكبر هبط نيفك الارض شوية 
بيازيد ضربو لراسو :سميتها تقة فالنفس ماشي تكبر 
مراد كيهدن فيه بايدو :كاالم كااالم كتشعل فيسااع
بيازيد : اوا يله وهنينا
كملو طريقهم فالصمت حتى نطق مراد : بغيت نفهم علاش مباغيش تخدم فالشركة ديال بااك كلشي عندك علاش باغي تقرا
بيازيد : سااط دخل سوق راسك ولا ندخلو بطريقتي
مراد : هاهو ساكت 😒
بيازيد :اوا منعرف
يله غادي اخطي خطوة وهو اجي لعندو طالب معاهم فالدومين : بيازيد
شاف فيه :متقولش لياا لعميد بغاني
...........: هههه خاصك تبلاصي بروف دالهندسة لكهربائية 
بيازيد شد راسو :فينما اكون شي بروف مجاش ابلاصيوني فالكوغ ..واااه لخراا لي مكنبغيش
مراد : اوا نتاا لكتقرا مزيان 😂
بيازيد خبطهم بجوج بكروشي ومشا كاره لوضعية:شي نهار نحرق بوهاا هاد لفااك ...مالي معندي ميدار نبقا نقري لييه فليموضيل😤

نرجعو عند ذهب.
تأوهات بصوت منخافض فاش حسات براسها خرجات فشي حاجة قاصحة وايدين محاوطين خصرها وانفاس حارة كضرب على وجها ..قلبها تفزع فاش سمعات صوتو: واااش عمياا مكتشوفيش
ذهب حسات بالبنج كيسري فجسمها : س ..س سمحلي 
بعدات عليه كتعتر وعينيها فالأرض عامرين دموع : مقصدتش
يوسف :لمرة جاية شوفي قدامك. .الناس عندهم عينين ونتي شنو
ذهب بابتسامة شاحبة :روكي يله نمشيو 
روكي كينبح تقدم بخطوات بطيئة باش مطيحش وهي تبعاه ..حسات بالدنيا كدور بيها مزال انفاسو لحارة كضرب على وجها اول مرة تعيش هاد لموقف. تفكرات هدرتو بتاسمات باستهزاء : بصح انا عمياا 
حسات بروكي جرها :بشوية 😨..روكي ماالك
روكي كانت عينو على كلب آخر كيشوف فيه بشراسة نسا ذهب لي معاه ..سرعان مجرا باقصى سرعتو تيجاه لكلب لاخر خلاها مبهوظة فبلاصتها كترجف والضلام كيحيط بيها
نطقات بصوت بااكي :روكيي هءء فييينك
معرفات فين تصد واش هاكة ولا هاكة كتشوف غي ضلام. ...آه شحال من واحد كيملك نعمة لبصر ومستهتر بييها حتى كيشوف شي واحد فحالة ذهب عاد كيتفكر الله ناعم علييه بنعمة لا تقدر بثمن 
ذهب بدات كتمشى بخطوات بطيئة بزاف وكتبكي بحرقة خيفا تصاطح مع شي حاجة ولا شي واحد اسمعها خل ودنيها ...يله غادي تمشى بخطوة لقدام وهيا تحس براسها تنترات من دراعها حتى تساطحات مع شي حاجة قاصحة بحال قبيلة
ذهب :ش شكوون ن نن نتااا😨
يوسف قابطها من خصرها وعلى ملامحو تخنزيرة قاتلة : واااش مشفتيش لحديدة لي قدامك ...كديريها بلعاني 
ذهب تعصبات وحنيكاتها حمارو : مسوقكش فياا. .باغا نموت غي بعد علياا 
يوسف شافها تعصبات رخف عليها :موتي مشغليش فيك 
ذهب تنترات منو كترجف بغات تمشى وهو اجرها عاود : ههه وااش طايح ليك ريزو من هنا طريق ماشي جيهت لحديدة 
ذهب تنترات منو : دخل سوق راسك 
يوسف بدون مبالات : شكون تسوق لييك اصلا 
ذهب حسات بخطواتو كيبعدو منها. وهيا طلق لعنان لدموعها حاطة ايدها على فمها : ياربيي😢
فرحات فااش حسات بخطوات روكي جاية لعندها من خلال ريحتو عاد رجعات فيها الروح : رووكي
روكي قرب لعندها كيداعبها بحركاتو وكينبح. .تبع ليها لعين حتى شدات سنسلتو عاد بدا كيتمشى وهي تبعاه 
ذهب :روكي فراسك خفت بزاف فاش مشيتي متبقاش تعاودها هءه 😢...انا عمياا يعني غادي نحتاج لمساعدتك ديرها فبالك 
تفكرات ايديه لكانو قابطين خصرها مزال ريحتو لاصقة فنيوفها :شكون هدا 
طرداتو من مخيلتها وكملات بخطواتها حتى وقفات مخرجة عينيها

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.