زهرة العمر الجزء الثاني

من تأليف لبنى السرابي
2020

محتوى القصة

رواية زهرة العمر

خلاتها كتهدر وناضت لبيت سدات وكلسات كتفلي فالصااك وكتااكل وكتنهد واش هدشي لي كانت بغات من اللول 
شنو الدور ديالها فهاد الداار مهيا مزوجة ماهياا ديال رااسهااا شهر بحال كاع لعيالات وعام بحال لخداامة 
دازت سيماانة بدا لوحم كيشد فزهوور بلمزياان الرداان ولخاطر ولمرض والشخفة كلشي فيهاا زائد لعصااب والضد لي ولات زبيدة شادة معاهااا ملي تفيييق وهياا كدوزها من حاجة لحااجة غسليي هادي جففي هاديي نشري هاديي مقالتك توحم مقالت مرييضة وزهور صاابرة حيت معندها جهد لمشادة معاها ولات دغيا تاتفشل 
هبطات لحويااج تصبنهم فلماكيية لي فدووش توقفات عليهاا زبيدة وقالت-الااا غسليهم بيدك راه الضو جانا غاليي هد شهر معرت اش كنضلو مخدمين التلفازة مبقات كاع تاتسكت 
زهور(وقفات)هد التلفازة مالي كنتفرج فيها غير بووحديي اش بغيتيني نقي لقمح
زبيدة-نوضيي حكيي غير دوك لمااعن ورجعي لكوزينة كتبريي كيف دايريين لاليااتك
زهور-لاليااتيي كالسيين كيشقاو على رجالهم ماشيي على عداايزهمم
زبيدة(طلعات حجبانها)ياااك اخيتيي اوى اش نكولييك شتيي دااك برااا هوا لي عمرك تحلمي تمشيي لييه ياتانوريييك نشقا على رااجليي تحلي ليك لفم ابنت رحمة وزغتيي الى باغة تصبنيي ديري حنة ايدك تيكون شاريهاا رااجلك عاد صبني فيهاا 
زهور-ربحي بيهااا (بدات كتستيي فحوايجهاا جمعاتهمم وجمعات حوايج شيخهاا وخلات حوايج زبييدة )
طلعات زهور لسطح جابت جفنة ولفرااكة والصندووق علات جفنة وكبات فيها لماا ورقدات حوايجهاا كتفرك ويتروع خاطرهاا وتهبط ترد وترجع سخفاانة تانيي 
اما زبيدة راه لتحت كالسة شادة حنكهااا تقفزها تيليفون فجيب طابليتهاا وجبداتو لقاتها نمرت عادل وجاوبات منفخة 
زبيدة-الوو
عادل-مي لبااس
زبيدة-لبااس
عادل-لا لا من هاد لبااس ملابااس والوو مالكي
زبيدة-والوو اولديي غير مع مرتك 
عادل-مع زهوور مالها اش دارت
زبيدة(بدات تنخصص علييه)هئ هئ لماكينة اولديي خااسرة وقلت ليها هانتي ابنيتي راه معندي صحة نفرك فركيهم لياااا راه حوايجي مامسخيينش باغة دوزي حوايجك دوزييهم معااكك قالت ليااا يالله نتكافا مع حوايجيي صبنيهم لرااسك
عادل-هادي زهوور 
زبييدة-اييييه اولدي زهوور منهار حملات حطيتي وحدة وهزيتي وحدة نقوليا كلمة ترد علياا بجوج هئ هئ 
عادل-غتكون غير مقلقة مع لحمل
زبييدة-لحمل غا هياا لي حملااات نقوليهاا ديري لحاجة وتقووليااا الناس تشقا على رجالهاا وناا نشقا علييك نتيي 
عادل-صافي اميي غنهدر معاهااا متعصبيش رااسك 
قطع معاهاا من بعد مشارجاتوو مزياااان في حين زهور لفوق كتفرك وجبهتها ولات حمرة وعرقانة بالصهد كانت كتنشر حتى صونا تيليفونها نشفاج ايدها فجناب لبيجامة ومشات هزاتو لقاتوو عادل وتبسمات من وسط نهيجها وقالت الو عادل
عادل(ببرود)زهوور ياك لبااس مالك مع لواليدة
زهور(حكات عنقها وكلساات فوق بريكة فضليلة)ماماليشش علااش 
عادل-هزيتي حوايجك وخليتي حوايجها ولالاا 
زهور(تنهدات)قلت ليهاا خلينيي نصبن لحوايج فلماكيينة كالت لياا تيكون شاريها رااجلك ولحواييج كتااار 
عادل(بلغوات)خليتيي حوايجها ولا لاا 
زهور-اه خليتهم
عادل-لا لا تبارك الله علييك مخليييه تقاابليي ميي ولا تقتلييهاا اش هد تبرهيش ازهووور بغا يوليي فييك غاسلة زمرك غسليي تحواييجهااا 
زهور(بدات تاتبكيي) هئ هئ نتااا سمعتي غير ليهااا مسمعتييش لياا اناا 
عادل-شووفيي مباغيش نسمع كالت كلتيي ونصدقوو فشي حاجة مكفسة اتهبطي تجيبي دوك لحوايج ادوزييهم ولاسمعت شي حاجة خرى مغيعجبك حااال ازهووور خلينيي هاني فمخيي 
قطع عليها خلاها غارقة فدموعهاا بكات تشبعات ومكان منها غير تهبط تجيب لحواييج هبطات كتمسح فعينيها لي تورمو بلبكاا لقات الشبكة مزال فبلاصتهاا هزااتهاا وطلعات 
زهور(كدير حوايجهاا فلجفنة وكتنخصص )بغيتي غير تحراامياات ازبييدة وخة 
هزات حوايجهاا فلماا داتهم وجابتهم وشللاتهم ونشراتهم بلا فريك بلا عرييك بلا ترقااد هدشي كلو وهياا كتبكيي مكملاات الصابوون تقرب لمغرب يودن نزلاات لكوزينة لقات زبيدة دارت كاسكرووط هيا وراجلها وحاطة ليها لماعن فلفاابو شافتهم ومشاات عمرات ليها لقهوة ويطبات لبييض وحولات كلشي لمراح فين كاينة التلفاازة كبات كاس تلقهوة وناضت شعلات التلفازة وجابت التيليكومونض عياات تقلب وتخبط فالتيليكومونض مبغات تخدم ليهاا 
حيدات ليها لغلااقة ديال لحجراات ووملقاتهمش لقاتها خاوية كتصفر ناضت كتقلب على لحجر ملقاتووش دخلات لصالة لكبييرة فين كيتفرج شيخهاا وملقاتش التيليكومندات كااع...

رجعات لبلااصتهاا كدور فداك كاس تلقهوى لي برد شرباتو بزز وناضت كتغسل فلمااعن تدخلا زبيدة هازة نيفها لسماا وقالت-مشيييت وجيييت ودوك لماعن مزال متغسلوو 
زهور(كتغسل وسااكتة مجاوباتهااش عطاتها مشيي 
زبيدة(شافت تعياات وقالت وهيا غادياا)اوى تاحد مدارها لرااسي انا لي درتها لولديي 
هور(بهمس)دار ليييك كحلة زحلة العقرووشة 
غسلات لمااعن وصايبات لحريرة دارتها وطلعات لبيتها بدلاات عليهاا وهزات شكلااط كتاكل تصونا تيليفونها كان عادل مجاوبااتووش خلاتو تيصوني تيعياا ويطفاا
هبطاات دورات لحريرة وصلقات لبيض وحطات تمر وداتو لمرااح لقات زبيدة شاادة التيليكومووند كتقلب فالاداعاات تكلس صاالح تهوى معاهم كيتعشاو
صالح-التيليكوموند ازهوور مشفتيهمش ابنتيي 
زبييدة-ايييه راهم فلبييت كنت تانتفرج كبيلاا ودخلتهم معاياا نسييت 
صالح-ممم عرضات عليكم لحااجة فاطمة لعرس بنتهاا 
زبييييدة-عرضاات وعطيني زرورة لي ندي ليهاا 
صالح-ارسول الله علاه فين لفلووس لي جاتك فلعرس تاع ولدك ولفلوس لي سيفط لييك اش درتي بييهم
زبييدة-علا لعرس كيخلي شي فلووس امدا خسرنا وشي مطفرناااه بنااقص 
صالح-مالك خسرتيهم من جيبك ياك هوا لي خسرهم
زبييدة-اوى قلت لعقل
زهور(غير كتشرب وكتشووف والتيلفون كان فلكوزينة كيصونيي ومحاملاش تنووض
صالح-شي تيليفون كيصونيي
زبيدة-علاه هوا كيسكت نهار كلو وهوا سر سر شكون كيصوني الله وعلم
زهور-غيكون غير عادل اعميي انوض نجاوبوو 
ناضت من حدااهم وهزات تيليفونها وطلعات لفووق 
زبيدة-نهار ومطال وهياا دود واش كتهدر الله اعلم
صالح-تي مالك وليتي شاادة لعكووس واش غير مع راجلها تهضر تالصبااح
زبيدة-رااجلهاا كنتي معااهاا وعرفتيها داوية معا رااجلهاا مالهم علاش كاع بغا يدويي جوج كلمات ويقطع شتي ولدك ضسرها نهار تولد غطير مع طيوور 
زهور(كلسات فبلاصتها وجاوباات )الوو 
عادل-على سلامة ملي جاوبتيي 
زهور-مسمعتووش 
عادل-اهاااه غير ليوم لي مسمعتييهش هد ليامات تاتكوني حدااه 
زهور(سكتات كتنهد )
عادل-درتي لي قلت لييك قبييلة يااك 
زهور-اه 
عادل-اوى هكاك مبغيتش تشكا منك مرة خرى ازهوور مي علييك بلحتراام ولاا غتكعينيي تا انااا مرا كبييرة قد مك كالت ليك ديري لحاجة ديريهاا 
زهور-ولكن 
عادل(قاطعهاا)مكاين ما ولكن كالتلييك لحاجة ديريها وهني السووق
زهور(بصوت منغنغ)نتىى معاارف واالوو هئ هئ ممسولتيش تا اش واقع دغياا رجعتيني انا لي غالطة
عادل-وشنوو نمشيي نتحااسب مع ميي ازهوور اش غيكون كااع واااقع بملك الله كاع لنااس كتناااقش تعلمي تصبريي وديريها كي مكك كالت ليك لكلمة حدريي الرااس وسكتيي ونتيي كتراضي معاهاا كي الشاارفاات هدشي اخر مرة يتعاود ولا مرة خرى غيكون حسابي معاك هوا اللخر 
زهور(مسحات دموعهاا وقطع معاهاا خلاها باغة تموت بلفقصة ناضت جابت لكييت ومشات لرااديوو دموعها على خدهاا 
كانت صبية قلبهاا اخضر 
زهرة في وسط الشوك بتكبر 
شايفة الحياة صافية وبرييئة
ومتعرفش ايه المقدر
من صغرها كانت بتحلم
زي كل لبنات بترسم
عروسة لبسة فستان وطرحة
بس لي حلم غير لي فسر 
""حمزة نمرة""...

طلع صباااح وكيف لعادة رداات لي معدتهاا وناضت دايخة ومرونة هبطات لتحت لقات زبيدة صايبات لفطوور وفطاات وخلات لمااعن دخلات هيا لكوزيينة بغات تفطر وملقات لي يقاد ليها لخااطر ..هزات كاس تلحليب شربااتوو 
زبيدة(من الصالة)واا زهور...ملي تكملب تما طلعي غسليي ديك الزربية واش غتبقا تماا تسناي جيران يغسلووها 
زهور:يغسلوك واقفة العقروشة (حذات داك لكاس بالزعفة وناضت غسلات لمااعن ونصبات لغداا وطلعات لزربيية فرشاتها فلارض وكلساات كتبرد فيها لغدايد سخفاانة كتنهج وكتحك متكية عليهاا تسمعات مهااا كتعيط ليهاا وناضت 
رحمة:وا زهور ...شتك تاتغسليي فزربية ..علاش مبغيتيش تمشي
زهور(سلمات عليهاا )شكون قاليك مبغيتش نمشي 
رحمة:عدوووزتك كاتلييك الالة مبغيتيش تمشي 
زهور:انا قلتهاا ههه وباز بااز لبنادم
رحمة:سكتي شوية غتسمعك بغات تكدب عليك 
زهور:وميي راه ديك صاابحك شيطااان كيتمشاا على رجليييه عارفاني حاملة ومدوزة عليا جهنام لكحلة اميي مرة تعطيني لمانط زرابييي كرهت انا هدشيئ 
رحمة:ازهور الله اهديك نعلي الشيطااان ديريها بحال مك ونتي غي هاازة شووكتك عند بالي مكنعرفكش ...راه كنعرفك ازهور ...ابنتيي راه لمرا ديال دااارهاا لماصبرتييش اش غديريي هااا ...راك غير مع لحمل ابنتييي 
زهور:شافت فمهاا ومشات كملاات زربيتهاا مكرهة فحياتهاا 
رحمة:وهاني مشييت ساعفيي ازهور يعطيك ستر 
مشات بلا متجاوبهاا كملات زهور الزربيية وخلاتها كتسقطر نزلات بدلاات وهبطات كتسمع لهدرة تبسمات ملي شاافت حيااة سلمات عليهااا 
حياة:زهور لباس عليك اختي كي دايرة مع لحمل
زهور:شوية اختي ونتيي كيغادا معاه 
حياة:ههه اوى هاحنا لحمد لله نتي لي بان لياا ضعافيتي مكتاكليش
زبيدة:مالها مكتااكل لي مكيبانش عليه راه واخة معرت اش يااكل 
زهور:داكشي لي بغيت مكنلقااهش اختيي 
حياة:انا نيت امي تشهييت كسكسوو 
زبيدة:ربيي رببيي ونصايبوو لبنتي كي سمن مع لعسل نجيو من لعرس تلقاايه واجد ها زهور تقاادوو مغتمشيش
حياة:اويلي علاش متمشيش 
زبيدة:اوى راجلها مبغاااش فين غتمشي وهيا دير دورة وترد تحشم بيا تمااا اللهم خليها فداارهاا تسنط لعضاامهاا 
حياة:اوى لي بان ليكم ...زهور تعطيني قفطانك لزرق انا كلشيي قداام 
زهور:وخة اختيي 
زبيدة:وشدي تاصااك لي جبت ليها معاه يجيك امزيناتووو يا بنتيي 
طلعوو لفووق وجبدات ليهاا زهور لقفطان لبسااتو حياة وعطاتها سباط ديالهاا او حتى الصااك وفولار وعطاتها مكياجهاا وروايحهاا وزهور هي كتشوف كي ليتيمة وكتنهد مكرهاتش تخرج تهياا وتفوج شوية السعاتي معامن هياا هبطو لتحت لقات زبيدة لابسة ومقادة كتسنا فبنتها تنزل 
زبيدة:اوى معاك معامن جااا صدر والطوولة كون سعفتيني هي شديه تناخد ليها شي واحد 
حياة:لا ويلي امي راه ديال دهازها هدا
زهور(تبسمات ليهاا متكية على لحييط )
زبيدة:يالله يالله راه لعرس بدا يمكن وهانتي ازهور مع ديك لخمسة نصصبي كسكسو راه وجدت ليك كلشيي وعنداك ديريه مسوس 
خرجو وسدات لباب وراهم ومشات حطات لغداا تغداات ودخلات لصالة تكات تنعساات مفاقت هي على صوت لباب ناضت داايخة ومرونة كتجمع فشعرهاا حلات لباب وبانت ليها لطيفة هازة طبسييل تبسمات ودخلات فلقفطاان 
لطيفة:زيدي زيدي قبل ميبرد بزز الطيابة حطات ليا شوية 
زهور(شمات ريحتو وريوكها سالوو)اححح اربيي دجاج ياااك ففف ناري اختييي شكرا بزااف 
لطيفة:كولي وسربي خلااص لتجي ديكك لعقيصصة (كلسات حطات ليها طبسيل تاع اللحم ودجاج صغيير او كلينيكس فيه لحلوة ..طاحت فيه زهور عمية حتى من لعضام كدداتهم مخلات فيهم والوو تشبعات 
زهور:يكما شافتك جااية 
لطيفة:لاا قلت لميي بغيت نبدل سباط ضرني او وصيت مريم لناضت تعلمنيي وتصوني لياا ...ناري اصااحبتيي واحد بنت لحرام هاديك كالت لمي كولي لطيفة لتبقاشش تجي لعند زهور راه كتشدها على شقاهاا وهانتيي 
زهور: وقالت لميي راه مبغاتش زهور تمشيي وصونات لعادل كاتليه معندها فين تمشيي راه كتقياا كاليها وصافي متديهاش خليهاا تاحد مسولني واش تمشي ولا تكلسي 
لطيفة:غير صبر بنادم كيتقلب كي زماان ففف..ونوض انا قبل لتجييي ونتي اراي الطبسيل وجمعي هدشي لتشوفو وتولي طرق لباب بالسااروت 
شكراتها ومشات دات طبسيل وجمعات لعضام غبراتهم فسطل تاع زبل ومشات نصباات كسكسو تدخلوو وعارفا زهور كتوحم على دجاج والديسير مجابت معاها ولو نبييشة كلسات هيا وبنتهاا فالصالة كيهدروو وزهور كالسة فلكوزينة 
حياة:اوى لمرا زوييينة تبارك الله 
زبيدة:اوى لي كتعرف تختار لولدها بحال انااا احح 
حياة(بهمس)واميي حشومة عليك راه تزهور زوييينة غير ضعافت مع لحمل 
زبيدة(لمطات فمها)شلاا ..الزييين ولبسل 
حطات ليهم كسكسو وكلات فييه حيااة وزبيدة كدفع ليها فلخضرة ولحم وتشكر وتعاود ..

طلعات زهور لبيتهاا من بعد مودعات حياة..هدرات مع عادل ونعساات 
وصبحات على نفس لمنوال هبطات الدار كاملة بجفاف وزبيدة كطيب لغدا بحكم زهور مكتقدرش على طاجيت تنصبوو قدات الدارر وكلسات كترتاح تصونا ليها عادل هزات التيلبفون من حداا التلفازة وطلعات لفوق كتنهج هدرات معااه شي نص ساعة عاد هبطاات ودخلات لكوزينة حطات تيليفونها فوق لفران وبدات كتغسل فالتلاجة سادة نيفها بزيفها من ريحت طياب
زبيدة:هدا عادل لي معيط
زهور:ممم
زبيدة:اش تيكوليك 
زهور(شافت فيها ورجعات كملات غسيلها)والو
زبيدة:ملي والوو لاش غايصوني ليك وطلعي تجريي مالك مدوي حدايا كون مفيك لغدر 
زهور(شدها الضحك وفراسها كتقول واش هادي منيتها)اوى سوليي عادل هلاش كنهدرو ههه
زبيدة:ممم وغسلي غسلي ديك التلاجة وطلعي قلبي الزربية 
غسلات التلاجة ونضاتهاا وطلعاات لفوق قلبات الزربية في حين زبيدة بغات تمد ايدها لبلاكار فوق لفران تاع لكاز وبان ليها تيليفون زهور محطوط هزاتوو معرفات كيتحلوو مكمشة عينيها فيه 
زبيدة:هد التيليفون لي مزيغك(لاحتو فسطل تاع لماا )هاهوا يالله 
زهور(ضربات حناكهام)اويلي اش درتي
زوبيدة:(تلفتات وراها لقااها واقفا وباينا شافت كلشي)هااء نتي هنا(طمرات)شتك دغيا نزلتي
زهور تمات جايا تتزرب شافت تيلي هاكاك مليوخ فالما وطافي مبقا فيه ميتجمع...غرغرو عينيها وحسات بالحكرة والذل..رفعات عينيها مدمعين وصرخات فوجهها:علاااش لحتييي لياا تيليفوووني واش محشمتييش
زوبيدة:(خرجات عينيها المكحلين)هيييه لهلا يطيح علينا شي بااطل..طاح راسو نتي لب حاطاه فالقنت ومابغيتيهش اطييح هااه...مزيان تبارك الله لا زيظي ضربيني كثر
زهور:(رفعات صوتها تتشالي بيديها بعصبية)الله ياخظ فيك الحق الشارفو..قربتي تموتي ومزال زايدة معاندة معااياا...وكلت فيك الله وهاد التيلاد لي فكرشيي(طاحو دموعها وصوتها واصا لفين)انا بييت ربي يمحنك كيما محنتيني وانا واخلة فروووحي
هنا زوبيدة ركبوها شياطين دنيا ودين ولقات منين تجبدها حيت باختصارسنانها عليها قد خيزو..بدات تتحرك بدبها بعصبية دايرا فيها ضحية:الله ينعل تراابيييك الحمااارة الخاانزة..تتعايريني وانا قد مك..هاا..شتي انا بيت داك لولد ميتزادش ترزاي فيه علل هاد الهضرة يا الماسخة الكلبة تالخلا تتنعسي تا كيحماض بوولك وتنوضي كي القايدة وجايا تفرعني عليي...(هزات صبعهها فوجهها)ولايني ها بلاتي الى بقاا فيك راني ماشي زوبييدة...اعيط ولدي ونقولها ليه..
زهور:(تزايد معاعا زايد ودموعها فطرف ذقنها)قوليها ليه والى مقدكش فمك ديري طاقة فجنابك ولا بووق...الساامة يالمحساادة ناحسة ولدك فالفرحة..بلعاني لايحة تيليفون فالاما باش منبقاش نهضر معاه ..حيت ساامة وحاسدااني ااشاارفة ..مابيتيش ولدك تعز عليه مرا خرا من غيييرك
بحالا هزات وقيدة وشعلات العافية فزوبيدة لي تطلع فيها الهضرة وتنزل وهي تمد يديها شدات زهور من كتافها معولة بتخلي عشتها وتتغوت بصوت مسموع باش تبان المظلومة:اناا ياابنت الحراام اناااا حااسدااك انااا لي مظخلاك لدااري
بغات تجرها من شعرها وهي تدفعها زهور بكاع جهدها وعينيها مزاكلين بدوخة جات زوبيدة منشورة فالارض على ترمتها..مع طييحة مع طلقات غوتة تتقب الوذنين فحين زهور شدات فكرشها وخرحات تتجري وتقول ماجريت لدار باها..مخليا زوبيدة تتغوت لربي لي خلقهغ وتندب تعيط على ناس اجيو اطلو عليها
فخحين زهور وصلات قدام باب دارهم ودخلات تتبكي وتشهق بكرشها وتغوت باسم مها لي سرعلن ماخرجات..مع خروجها مع طيحة زهور على وقفتها وتسمعات غوتة خرا ديال رحمة....

رحمة خبطات على جناابها ومشاات كتجريي شداتهاا كبل لطييح وكتعييط على محمد لي كان لفووق نزل حفيااان فدرووج 
محمد-زهوور ماالهااا
رحمة-واااعتق وابنتيي معرت ماالهااا 
هزهاا محمد وجها حمر طاح ليها الزيف وتفك شعرهاا حطهاا فلمرااح ومريمم مشات كتجيب فالرييحة كيرشووهاا وكتحل عينيها بزز غير وعات وعطاتهاا لبكااا خلاتهم مبهوضين
محمد(شد كتاافهاا)زهووور اش واااقع مالك جاية بلبيجامة وفهاد لحالة
زهور-هئ هئ زبييدة اخويااا كانت بغات ضربنيي 
مريم-اويلي على ضربك 
رحمة-تي اش كتكووليي
زهور-وحق الله امييي مكنكدب علييه ديك صاحبتك معيشاني كي لخدااامة هئ هئ تالوحم عمرها وحماتنيي كي النااس يجيب راجلها الديسير وتخبييه فلبييت نكون كنهدر مع عادل ونلقاها كتسنط ليااا باش كملاتهااا لاحت ليا التيليفون فسطل تاع لمااا 
مريم-ويليي ويليي على لمرااا 
رحمة-لا لااااا زهووور اش هد لهدرة كتكووليي زبيدة مديالهااش هادييي
زهور(كلساات على ركابييها وبدات كتغوت وكتنتف فشعرهااا )وزبييييدة اميي زبييييدة واش مكتشووفيش حالتيي
محمد(عقد حجباانو وشد ليها ايديها وغوت على موو تخلعهااا)واش هبلتييي ولا مالك واش مكتشوفييش فيها كيداايرة (ناااض)انووري لمهااا ضربهاا كيداييرة
مريم (جراتت او وقفاات قداموو حاابسااه)عفاااك اخوييا غير صبر نفهموو اش وااقع 
محمد(خنزر فيهاا)مريم بعدييي انا من اللول مباغيش هد زواج تاع زمر اش ربحات درووك هااا شهر هوا اللخر مكلس معاهااا ومخليها لموو دايراها كي جفاف 
مريم-الله اعطيك ستر راه الى سمعهاا هشاام غيخااصم علييك اخويااا عفااك 
رحمة-محمد سير عيط غير لباااك لاتلحكش جيهتهووم 
زهور حطات رااسهاا فوق ركبت مها بلا هواهااا وبدات كتبكييي ورحمة مصدموو ومربعة ايديها كتمشي وتجيي 
رحمة-الله يااربييي شمن مكتوووب هدااا الله والله يااربيي وفين كان مخبيي هدشييي(حطات ايدها على شعر بنتهااا)صافيي براكة من لبكااا ازهوور باركة يااااك ازبييدة عطيتها لييك سنان لحلييب بغيتي ترضيهاا جفاف فداارك ياااك اصحيبتيي ياااك الي كنت مفضلاها على خوتاتييي عطينييي انا ليي منسواااش عاطيااك بنتيييي 
مريم(باسى)واااميي داباا لااش كتبكييي لي عطا الله عطاااه 
''
فدار زبييدة لي كلسات فالصالون دايرة موتا حماار بضهرها تغوت وتوجع وراجلها حداها تاتشكيي عليييه 
صالح(دار صبعو فرااسوو)انا هد الزااابور مااادخلش لرااسيي ازبيييدة الدرية غير هكاك دفعك وتعايرك 
زبييدة-واااا ضهريي تهرس اميمتيي وااااه ياولدي واه ياولدي دخلت لداارك عكرب جبتها صغيييرة نكبرها على يديي صدقااات بنت لحراااام (شافت فييه)دوز ليا نمرت عااادييييييل 
صالح-واش تسطيتيي دريي غيكون خدااام اش بغيتييه 
زبيدة(خرجات عينيها فييه)عطينييي التيليفووون 
(لاحو ليها فوق الطبلة وهزاتوو وتكداات وصونات لعاديل كتلاليي الاخير شاف نمرت بااه وناض من نعااس قافز وكيطلب السلاامة من هد لتصال
عادل(بصوت بااح بنعااس )لوالييد 
زبييدة-واااا لواليدة هاديي اولدييي 
عادل(بدا كيرمش)مييي ياك لباااس مالك
زبييدة-هئ هئ واجي تشوووف اش دخلتيي لدارك اولديييي وااا مرتك باغة تقتلنيي
عادل-كيفاااش
زبيدة-وجييت غانهدر معاهاا خرجات فيا عينيهااا ودفعاتنيي تجيت على ضهري وهرباات لداارهم(بدات تبكيي وتولول)ودااارتني ضحكة بين لعيلااات هئ هئ
عادل(سكت شااد راسوو معرف باش تبلاا)مييي دوزي ليااا لوالييد 
زبيدة(عطاتو التيليفوون وكلساات كتسمع لييه )واااربييي ضهرييي ضهري تهرس نوووض اصاالح ديني لسبيطااار راه حاسة بشي ضلعة ترشكاات ليااا 
صالح(تنهد وهدر مع ولدوو)نعام اعادل
عادل-اش هد شي كنسمع اش وقع واش كنتيي
صالح-وكنت فالسوق اولديي تجييت لقيت مك كتغوت بضهرهااا وزهور مكايناااش ماااافهمت والوو اولديي 
زبييدة(ناضت تحنات من فوق الطبيلة صحة سلام حيدات لييه التيليفووون من ودنوو وبدات تغوت)واااش كدبتيينييي هاااا غنلووح عليهاا لبااطل 
عادل-وبغيت غانفهم اش وااقع اميي
زبييدة-وااااالوو اوليديي كضل شادة داااك الشقفة زهووور اجي عاونيني بلاااتيي هانا جااية زهوور اجيي جفيي بلاتي رااني مرييضة جيت اولدييي نحيد ليها التيليفوون من ايدهااا طاح فسطل تاع لمااا ياااامحسييت بيها ياولديي غتجابتنيي مشبحة فلرض (بدات دمع)يامقااالت مرييضة مقاالت راني كد مهااا هئ هئ (خرجات عينيهاا)شووووووف نكوليييه طلقهاااا طلقهاااا منشووووفش وجهاا بنت لمنتوووفة لخرى..

عقد غوبااشتو من بعد معمر مزيااان وتغلغل على زهوور قطع على موو وصونا ليهاا لقات يليفون طافيي وصونا لمهااا لاخيرة لي باقة كتسكت فزهور تجابت ليهاا مريم تيليفونها كتجري
رحمة-شكوون 
مريم-عادل 
ناضت زهور قافزة تاتبكيي وقالت-هئ هئ غتكون عمراتو تاني وكدبات عليييه اميي 
رحمة-سكتيي قطعي لحس سكتيي(دارتو فودنهاا)الوو عادل 
عادل-السلاام اخالتي لباااس 
رحمة(تنهدات)مالبااس والوو 
عادل-اش هدشي داارت بنتك صافيي بقات ليهااا غير مرة قد مهاا طيحهااا هااا
رحمة-عااادل لواااه اولديي لطيح لباااطل واش نتااا شفتيهااا هااا بنتييي جات تاتجري مقطوع منها الدمم وحاملة تسخفات لياا عند لباب واش هدشيي لاش عطيناها لييك 
عادل-دوزي لياا زهور الله اعطيك لخير دوزيي 
دوزاتها لييه ولخرى عينيها طابو بلبكااا وهدرات بصوت منغنغ بزز كتخرج لهدرة :اا لوو 
عادل:لاا تبارك الله عليييك صدقتي بنت النااس
زهور:عمراتك تاني هى هى والله اعادل مكنضلمهااا لاحت ليا التيليفون فسطل تاع لماا بلعاني وملي هدرت معاهاا بدات كتكوليا الله ارزيك فهاد التيلاد قبل ميتزاد هئ هئ والله اعادل مقستهاا هيا لي بغات ضربني
عادل(بلغغوات)واش عيراااتك وسكتيييي لاش كتجاحدي معاها واش قدك قدهااا هااا كلمتك بكمتهاا مالك فهاد الطيراان معامن معاندة
زهور(بلغوات)نتا فين مقالت ليك شي حاجة تاتجي تصبنيي انا هئ هئ مكتخلينيش نكوليك اش واقع
عادل:اش بغيتي تكولي هااا واش انا مخليك مع ميي ولا مخليك تقتليهااا اش خاااصك ازهور اش هلاش كتنبشي فصداااع كالت ليك حيدي التيليفون حيدي لخرااا 
زهور:معامن كنضل نهدر فيه كنهزو غير لصونيتيي نتاا وكنحطوو ....مك اعادل مبقات حاملانيي منهار حملت عمري شت منها نهار لبيض تحمليي معرفتوو كيغاديي تدوى هوا اللخر مشراتوش لياا ديما كتعصبني ووعارفاني لوحوم صعيب 
عادل(بلغوات)عير نتي لي حااااملة ...غير نتي لي كتوحميي ازهووور باركة من تبرهييش وديري عقلك هاديك راه ماشي ختيي لي تناتفي معاها ليووم وتسكتي هاديك رااه مييي ابنت الناس مييي 
زهور:راه بغات ضربني اعاديل هء هء
عادل:صوني لياا ورجعي اللور ولكن نتي درتي شرع ايدييك الالة بغيتي تفرعنيي وعلامن على مييي...اقسم بالله ازهوور ومديري عقلك تنوليو فماهيا وما لونهاا برب لجليل هد لفعاايل راه منحملهوومش فييك خليك نية كي عرفتك نهار اللول ودروييش لبغيتي طيريي غنحشهم لييك ...مي علييك بلحترام (بلغوات)حتارميها لباغة تعيشي معايةة 
صدمها بجهد متوقعاتش منو هد لهدرة كلهاا وااه هدا عادل خرج نياابوو بلا ميفكر فيها ولا حتى لي فكرشها عطاها لقااسح والمهاا بجهد 
قطع معاها خلاها غارقة فدموعها دخل باهاا بلغوات 
مصطفى:لااا مزياااان وليت نكلس فلقهوى تييو الننااس يكولو ليا بنتك جاية تبكيي مااالك اش كاين 
رحمة(شادة حنكها)وزبيييدة كاتليك بغا ضربها
مصفى:ك كييييفاااش لاااا مزياااانداكشي لي بقااا
زهور:هء هء والله اباا مدرت ليها شي حاجة 
مصطفى:شوفيراه تكوني كتكدبيي نتبرا منك 
رحمة(بلغوات)واش مكتشوفش حالتها كي دايرة 
كلس كيتغدد 
اما عند زبيدة جمعات بناتها لي قراب ليهاا حيااة وفاطمة اما امال فاسبانياا او خجديجة فمدينة خرى كلشي عرف بلي زهور دفعاتها وطيحاتها
فاطمة:غير ملقاتنيش اما نوريها تلوحك
عكووزت حياة:مبيناااش فيهااا ديال هدشي ازبييدة راه غير لوحم لتديش عليهاا راه بااقة صغييرة 
زبيدة:صغيرة هاااهاااي على صغييرة (كدور فراسهاا وحطات صبعها تحت عينها)خرجاتهم فيااا بنت لحرااام تالهناا حلعاتنيي
حياة(شادة حنكهاا وكتهدر مع اماال لاخيرة لي كالسة حداا عادل )اش كيقول هوا فهادشي 
امال:ففف معرفت اختي انا جاية غير نشوفوو تلقيت كشاكشوو خارجة مع زهور 
حياة:والله اختيي دوخوني فراسيي 
امال:راه تا ميي بخبييزتهااا غير الله اهديها وصاافيي ومتدي دنوبهم ...هاهوا خرج يهدر مع ميي 
مع قالتها صونا تيليفون زبيدة وجاوبات منفخة 
زبيدة:نعام اوليدي 
عادل:كي بقيتي امي 
زبيدة:احح اوليديي غدراتني 
عادل(تنهد)وغي مسحيها فيا امي هد لمرة على وجه داكشي لي فكرشها
زبيدة:شناهيا ابااااادا واش دخل لداري ليوم دفعاتني وغداا ضربني ببريكة تفلقني بيهاا تخلي ولادي يتاامة 
عادل:بطولت عمرك اميي رااه خاصمت علييهاا حتى ندمتهاا معمرها تهز فيك لعين باقيي والى عاوداتها تحرام عليااا 
عند زهور شداتها ردة وناضت لطواليط رداات تشخفاات وتكات على لحيط شادها لوجع زيرهاا وتكات عليه كتبكي وكتعيط على مريم وكتغوت دخلات رحمة كتخبط فجنابهاا 
رحمة:مريم عيطي لمحمد يجيب الطموبييل اويلي وحدي هدشي فين كان مخبييي (شافت ليها الدم فالسروال وشهقات)وسربيييي سربيي..

مريم(تحنات عندهاا)بااش كتحسيي ازهور
زهور-ففف وجع اختيي هئ هئ فكرشيي 
رحمة-نوضي جيبي ليهاا شي جلابة نديها لطبيبة لي هناا جريي 
عاونوها تنااضت عطاتها زيفهاا ولبساتها جلابت مريم وخرجات شادة فكرشهاا وصلهوم خوها بالطموبييل تال عند طبيبة لي كانت بوحدها فلفيلااج طب عام طلعات زهور ومهاا شادة فيهاا لقات عاامر 
رحمة-الله اعطيك لخيير بنتيي فيها لوجع وحاملة عندها شهراااين انا مزاوكة فييك 
-صبري راه كاينين لي قبل منهاا
نقزات سيدة من لي كالسين وقالت-غيير دخلييهاا ابنتي انا عطيتها نوبتيي شوفي حالتهاا 
وداكشي لي كان خرجاات لي كانت داخلة ودخلات رحمة بنتهاا عاضة على فمهاا شافتها طبيبة وعرفاتهاا 
-زهور يااك اش عندك
رحمة-كتغوت بلوجع اطبيبة 
وقفاات طبيبة ودات زهور لفحص وقالت حطيي حوايجك لتحت وطلعيي 
حطاتهم حشماانة وطلعاات كتقلب بيهاا في حين رحمة كالسة كتفرك فايدها وكتغيدد على زبيدة تصونى تيليفونها هزاات جلاابتهاا وجبداتو من الطابلية وجاوبات –الوو
عادل-لالة رحمة دوزي ليا زهور
رحمة(ساطت)لااش بغيتيهاا تزييد تقتلها بهضرتك
عادل-انا لي بغيت نقتلها رااه هياا لي محشمات مقالت مرا كبر منهاا 
رحمة-ممم سير اوليديي سيير تاتبرد زهووور مرييضة وداخلة لطبييبة داباا من كبيلة وهيا تغوت بلوجع هاا مسولتيي فيها مكلتيي كي بقااات باغي غير تحكها بلهضرة 
عادل(سااط)ماالهاا اش بيهااا
رحمة-عفاا ولديي خليني مني لهم بنتيي 
عادل-واحد شوية وغنعيط 
قطع عليهاا في حين زهور خرجات هيا وطبيبة كلساات حدا مهاا وطبيبة كتكنش لييهم 
-مخديتيش دوى لي قلت لييك 
زهور-لااا 
-وعلااش مخديتيهش 
زهور-مباتش عدوزتي تشريه ليياا 
-ديك لي جات معاك داك نهار ياااك(تنهداات)ومالك ابنتي فهاد الزربة باقة صغييرة وزويينة تبارك الله جايبة لعيين وتزوجتي صغييرة 
رحمة-اوى لمكتاب الالة طبيبة 
-اشمن مكتااب كتدويو علييه منهار خدمت فهاد لبلااصة عمر شي مرة جات مع راجلها وملي نسولهاا تقولياا كيمشي لبراا (حركات رااسها كتكتب)الله اهديكم وخلااص شوفي دوى ضروري تاخدييه وبعدي من لعصاااب والراااحة الرااحة وخاصك ديري ليا التحاليل حيت بان ليا فيك فقر الدم وحتى لبيبي غيتزاد ضعيف ومصحيحش لبقيتي هكاا 
زهور(حركات ليها رااسها بااه)وخة 
رحمة-امتا تجيب ليك التحاليل 
-فينما درتوهم وتكون مفاطرااش 
رحمة-او دابا اش عندها مناش لوجع اختيي
-طونسيوون طاييح ليهاا او لعصااب وهد الاشهر حساااسة من الاحسن الرااحة وبعدي من تقل 
كتبات ليها دوى وخرجو لقاو محمد واقف على براا وقال-مالها اش عندهااا خرج ليها شي دوى 
رحمة-هاهواا خودو ليهاا اولدي
شد لورقة طالع ليه لخز ودخل لصيديلية لي كانت لتحت شراه ليهاا في حين هوما ركبو فالطموبييل كيتسناوه تجا هاز صاشية مدها ليهاا وداهم لداار دخلوو ومشات تكاات ترتااح ومريم حدا رااسها كتسول فيها 
مريم-ياااسيين سكت اماماا شوف عميتو مرييضة سيير عند عمك لعب سيير
مشا بجريي وخلاهمم تجابة رحمة التيليفون لزهوور وقالت-هاك دوي مع هدااا 
تقادات فلكلسة وشدات تيليفون وجاوبااتو وقالت-الوو 
عادل(ببرود)يالله دويت مع ميي بطليب ورغييب بااش ترجعي لدااار ولكن رااه تعاودي بحال هد لفعايل غنوريك لعب دراريي وداباا جمعي رااسك ورجعي لداار وبوسي ليها رااسهاا وطلبي سمااحة وتبتي شويية تبتي ازهوور
زهور- عادل راني مرييضة واش مبقيتش فييك
عادل-اش مرضك هااا ماااالك اش خااصك واكلة شاربة لاابسة مرحة فداارك وينيي لي بغا يطيير تيجيبها فراسو مغنبقااش نمدغ فلهدرة نعل لي مشحفتووه فهاد طناطن بصداعكم داباا جوج كلمات سيري لداار ولاشنو تاتسنايها تجي طلب منك سمااحة حيت دفعتيهاا لعشيية نصونيي ليها نلقاك فالداار هاني علمتك 
قطع عليهاا ولاحت راسها على لمخدة تاتبكي ومريم كتسكت فيهاا وقالت-لي عطا الله عطاه ازهوور لاش كتبكي درووك(تنهدات)راه كلشي يداوى تال ولد موو..

زهور(بدموع)هئ هئ واش عرفنيي غيكون هكااا كنت معااااه 
مريم-وصاافيي اختيي صبريي على وجه هدشي لي فكرشك وديري لما منين يدووز 
زهور(حركات راسها بااه وسكتات وهزات عينيها حمريين فمريم)ونتي فين وصلو ورااقك 
مريم(تبسمات)قرييب كلياا هشاام مبقا والوو كاع الى طولات شهر ولا شهراين
زهور-الحمد لله اختيي نتي بعدا لقيتي هشاام كيطيح وينوض باش يدييك 
مريم(شداتها من دراعها)دابا تانتيي كلشي يفوت ويديك عادل ههه راه تاتبقى مو هادييك ميقدرش يدور فيها وخة يعرفها غالطة 
رحمة(دخلات اش كيكول عادل
زهور-كالياا لعشيية رجعي لدار وطلبي سماحة من زبيدة
رحمة-وشتيي ابنتيي تنكولييك حدري الرااس وسكتي بغاات التيليفون عطيه ليهاا 
زهور(تنهدات وسكتات )
رحمة-يدير الله خيير كولي ليااا مشهية بنتيي شي حاجة نوجدها لييك 
زهورر-مشهية اميي ترييد (سالو ريوكهاا) ويكون حار شوية 
مريم-صافيي هوا لي نديرو نييت دابا نوض نصايبو لختيي 
ناضت مريم قدات ليها ترييد وزهور غسلات وجهاا وبردات صايبو تريد وكلاتوو تشعاات وشربات دواهاا ونعساات تفيقاتها مههاا لكاسكرووط كلات وبقات كالسة كتخمم وساهية تدخل باهاا 
مصطفى-نوضيي تصالحي مع زبييدة 
زهور-مفيااش ابااا راه مرييضة
مصطفى-وانووضيي مرييضة ملي مرييضة ااااش وصلك ليها خليها تنبح تاتعياا اش لحكك لجيهتها تولى عادل يتشكا لياا منك ويكوليي واش هدشيي ديريو بنتكا هااا باغة ديريني ضحكة تا شهرااين مكادة مكملتيها نضتي باغة ضربي مرا قد مك
رحمة-لي عطا الله عطاااه سكتناا شوية علاه ماال زبيدة متجيي كي كدير كاع النااس ندي ليها بنتيي شايطة علياا 
مصطفى-ممم تجيي السيدة عوجاتها من ضهرهااا وتجي تدي بنتك انووضي هااه نوضيي طلب سماحة وتبووس ليهاا رااسهاا وتكلس فداارهاا
خرج وخلاهم شي كيشوف فشيي تناضت زهور لبسات جلاابت مريم لي واقفة حداهااا 
مريم-كون غير خليتيي تاتولي لبااس 
زهور-اللهم نمشي ولا نبقا نسمع هد لهدرة اختيي كاع كنبان ليهم انا سباب جلابتك غنسيفطها ليك مع مي اختيي (تسالمات معاهاا )بسلامة 
خرجات كتسنا فرحمة تلبس لبسوو وداهم محمد مع وقيت لمغرب دقوو وحلات ليهم حيااة لي شاافت زهور وقالت-الله ياختي اش هدشيي ولينا كنسمعوو
زهور-حيااة اقسم بالله اختيي(غلبوها دمووع)مقستهاا رااه راه
حياة-تت صاافيي صافي دخلوو 
دخلات رحمة لي غير شافتها زبيدة وتقداات مضورة وجها منفخة وقالت-عااد جاااية 
رحمة-زبييدة نتي مولات لعقل ديري راسك فدرية صغييرة هاا تهيا راه عالله ماماتت تديتها لطبييب مرضاات 
زبيدة-كااع مراااض هياا لي خلاتني طاايحة محناات ما رمشااات هاا هادي نخليها فدااريي 
زبيدة-نعلي الشيطان ازبيدة نتي عارفة زهوور راه غير لوحم لي داير ليها هكاا 
زبيدة-وحيت عارفاها جبتها لولديي وينيي تقلبااات ولاات باغة غير تمشيي لبراا على مال هنا كنحرتو عليها لمامشاتش تمووت 
رحمة(شافت فزهور لي واقفة مع حياة كتشرح ليها وكتبكيي)زهوووور زيديي طلبي سمااحة زيدي 
زادت زهوور ولغصة فقلبهاا تحنات على زبييدة لي مشافت فيها تالشووفة باسها فراسها وقالت-سمحيلياا اخالتيي
زبيدة(موجها هدرتها لرحمة)شووووف اصصحيبتيي راني درت غير على وجه الصحبة وطعام لي مشاكة معااك اما وجهي ميجيش فوجهااا نقولها كدام بنتك باغة تصبر وتشد دارهاا تكلس بااغة دير لياا فيهاا مولات الري شواار مباغة صداااع لا لياا لا لولدي
رحمة-لواه ازبييدة لغياار كيوقع 
زبيدة-وتانا غي كلت راه تعاديل كاالها وتبرا منهاا راه تعاودها ميعقلش عليهاا
حياة(دخلات)وصافي اميي نعلو الشيطان 
كلسات زهور والدمعة فعينيهاا محجرييين وهيا كتسمع صونا تيليفون حيااة وجاوبات وهيا خارة وقالت-ويي عادل لبااس لا لبااس ولات شويية 
عادل-او زهور جاات طلبات سماحة من مي ولاا لا 
حياة-طلبااتهاا اخوياا صافيي تامي خاصها تهبط كواريها شوية زهور راه لوحم جاها صعييب يكما تهدر معا زهور
عادل-لااا مكاين لااش خليهاا تربى شوي 
قطعات معاه وشافت فزهور لي نااضت طالعة لبيتهاا تبدل ورجعات هازة جلابة عطاتها لمهاا حطو اتااي وكلسو كيهدروو وزهور غير سااكتة مشات مهاا وهيا كتوصيهاا خرجات ومشات جمعات لمااعن ساكتة غسلاتهم بدموعهاا تشافت حياة لابسة جلابتهاا
حياة-زهور هانا مشييت اختيي تهلاي عفاااك راه ميي هيا هاديي ونتي عارفاها من شحال هداا ديري لما منين يدووز وردي لبال لصحتك 
تسالمات معاهاا ومشااات غسلات لماعن وطفا تضو حيت زبيدة مشات تنعس وطلعات لبيت فاشلة كتحيد الزيف وعقلها غايب كلسات فلبييت كتشوف فلحيوط وحطات ايدهاا على كرشها كتنهد..

داز شهر ولحال باقي على حالوو ولات زهور متفادية صدااع ولي دارتهااا كتعيبهاا زبييدة وبلخصوص من هدرت عادل حسات براسها كلمتها لي مااشية وفعلاا داكشي لي كااين 
اما عادل قطع لهدرة مع زهوور كيهدر معع مو وبااه وزهور لاا قطع عليهاا التيليفوون كتسمعوو كيهدر ودخل لكوزينة تبكيي تاتشبع وتسكت كتقييل كالسة ولملل قاااهرهاا 
حتى من لطيفة منعاتها مها تمشي تووفها خوفا من لمشاكيل مع زبييدة ولات الى ملقات مديير تجبد لحوايج طوييهم وتقادهم وتبدل فراش لبييت لي مبقات كاع كتنعس فيه ولاتك تنعس فالصالة قدام التلفازة بلاا صوت بااش متنوضش زبييدة تغوت على الضو كيف عادتها كتبقا هكاك حتى تبغي تنعس 
كالسة بين ضلاام ولحال باارد مغطية بماانضة ومقابلة مع مسلسل فالتلفاازة كتشووف الصورة بلا صوت تابعة لحركات بحال صمك وكل مرة يطيح فبالهاا يغرغو عينيهاا وتغمضهم
لم أعد أسمع صوت ضحكاتي..
ولم أعد أنصت لما يجول بخاطري..
ولم أعد أعلم أي وحدَة هذه التي تعتصرني..

لا أعلم أهي الجدران تبكيني..
أم أنها صدى صرخاتي غرزت وسط عنقي..
أهي سيف رأسه خدَش شراييني..
أم هي رصاصة اجتازت رئتي..

إنني.. لا أستطيع التنفس..
وهذه الوحدة تأكل من عمري..
بل تسلبني أجمل أيامي..

لست أعلم.. أهي الأيام تخونني..
أم أن الحزن بات دوائي الذي ارتشف منه في كل مناسبة 

لست أعلم لما رحلوا وما عاودوا الإتصال..
لست أعلم كيف بقيت وحدي كل هذه المدة بلا حراك..
لست أعلم أي ذنب ذاك الذي ساقني إلى هذا العذاب..
لست أعلم لم الأشواق تجذبني لأرواحٍ ما عدت أرى فيها أي إخلاص..

''' لبنى السرابي''
صبح لحااال وصبحات زهوور فايقة مع سبعة كترد لي فجووفهاا وكلس ترض النفس شوية وتنووض تجمع الصالون وتمشي لكوزينة توجد لفطوور بينما فاقت زبييدة 

الاخيرة فاقت ودخلات لكوزينة وقالت-متكتريش السكر فاتااي رااه هلكنيي 

زهور-واخة 

زبيدة-ونقصي شوية من ديك التلفاازة راه عمك جاه الضو غاليي مدا تشكا لباارح 

حركات ليها رااسها باه وكملات شغالها ومشات زبيدة كلسات فلمرااح مشعلة التلفازة وزهور كتحط حداهاا لفطوور وترجع لكوزينة تحطات كلشي وناضت

زبيدة-نتي متفطرييش شتك تاتحطيه لياا وتمشيي

زهور-راه مكنقدرش نفطر فسباح شحال من مرة كلتها لييك 

زبيدة-نتي هد لوحم مزال مبغا كاع يفوتك معرفناك دايرها بلعاني ولاا بصح سيري سيري 

مشات زهور طلعات لفوق كتجفف وشطبات سطح لي تغبر وجففات الدوش وحاتوو باش تسخنوو وتعووم هبطات تجفيفة لتالباب الزنقة دارت زيفها وبدات كتجفف وتجر بالشيتة قدام الداار 
لطيفة(دازت شافتها وجات سلمات عليهاا)زهور لبااس(شافت فكرشها )تي كرشك مزال مبغات تبان هههه 

زهور-غبرتي اصااحبتي عمرك جيتي

لطيفة(ميقات)علاه انا كرهت(بهمس)زبيدة حرماتها عليي ومي كالت لياا متبقايش تمشي لديري ليها صداع

زهور-صداع كاين كاين تانتيي لي كيقلب ليك على السبة يلقاهاا يلقااهاا
خرجات زبييدة شادة جنبها وقندشات ملي شافتهم واقفيين وقالت-لطييفة سيري لدااركم ابنتيي مالنا فهاد لوقفة فالزنقة شفتو شي وحدة واقفة هنا من غيركم 

لطيفة-راه غير سلمت عليهاا

زبيدة-سلام ماشي فالزنقة والناس كدووز(شافت فزهوور)دوزيي نتيي لعندك شي شغل عمرك شفتي وحدة من بناتي مجمعيين فزنااقي مزياان تبارك الله 
زهور(شافت فلطيفة وقالت)سيري اختي راه كلت لييك لي بغا السبة كيحفر عليهااا 

زبيدة(كمشات عينيها)عاود اش كلتيي لااا نتيي مبغاش داارك 

دخلات زهور وهيا موراها كتغوت اش من سبة اشمن تجفاف واقفيين فزنااقيي وشلا هضوور في حين زهور فيضات لحلييب لي كتسيفطو ليها مهاا كل عشيية هوا والزبيدة بلديية كتفطر بييهم 
حطات لبريق فصينية صغيرة وسخنات لخبز والزبدة وهزات الصينيية غادية تفطر توقفاتها زبييدة مكحكحة وقالت-عانا باغة ليك السبة درووك يااك سرنا ولاو مادينو جيراان 

زهور-مقلت والوو شوف نتي اش سمعتيي الله اعطيك ستر خليني نفطر واش تالفطور غتنكديه علييا 

شافت زبيدة فالصينيية وضرباتهاا تاتقلب لحيب والزبدة فلرض وقالت-كون مفييكش دغل اتفطري معاايااا فطبلة ماشي تيكولها ليك طنطوون راااسك 
ومال مك ضل تسيفط فلحلييب يكما قاتلينك بجووع وساديين علييك 
زهور(شافت فالصينيية او ولات حمرة بلعصااب وتقجااات مبغاش تجاوب ولخرى زايدة فجعرة ولات كلها كترعد وتبكيي هبطات كتجمع بلكاس لي تهرس وتادعيي فزبييدة لي واقفة عند رااسهاا 

زبييدة-من ليووم يتحط لفطووور فطريي نتي هياا مرت لقاايد متفطريي تايكولها ليك راااسك مزياان تبارك الله جمعي هدشي ونصبيي لغداا او متغداي تاني تالجوج نتيي رااه لواحد يحضيي منك 

مشات زبيدة مطلعة حوايجهاا بغات دو شاو زهور هزات داكشي ومسحات لارض تجرحهاا كااس وقاض ليها الدقة خلا دمها كيجري بدات كتغسل وتبكيي تسمعات تيليفون زبيدة كيصونيي ويعاود

مشات طلات علييه وتهز قلبها ملي شافت نمرتوو واش تجاوب ولاا تمشيي وكون باغي يهدر كان يكوليهاا دوزيها لياا 

ولكانت زبييدة هيا لي مكتبغيش دوزها ليهه كلشي طاح على راسهاا تهزات التيليفون وجاوبات وقالت بصوت مرعد –الووو
عادل(سكت شوية وقال)امضراا برد لييك الدم فالرااس شوية ازهور..

عادل-برد ليك الراس شوية ازهور
زهور(تكات على لباب ساكتة كتسمع فييه مدواتش غير كترمش فلخوى وحلقهاا مخنوق بلبكية 
عادل-ملي مبغاش دوي لاش جاوبتيي
زهور-حييت نتا مباغيش تهدر معاياا 
عادل-ممم
زهور-لبغيتي خالتي يراه كدوش بسلامة 
قطعات عليه يالله غادية رجع صونا بقا تبغا يقطع وجاوباتت –شنوو 
عادل-توحشتك 
زهور-بااينة لعمااا والله (بدات كتبكيي)عمرك مهزيتي التيليفون وكلتس نهدر معا ديك لمراا اش خاصهاا ولاا كيدايرة مع حملهاا والووو هئ هئ عمرك سوللتي فيا حتى التسواال هئ هئ حرام علييك وخة معرت شنو نكون درت لييك 
عادل-هههه قلبك عامر من جيهتيي هاا شكون قاليك مكنسولش فييك وانا فين مهدرت تنسول
زهور-يمكن راه تا انا عندي فميي باش نهدر معاااك (كتنخصص)حراام علييك لي درتيي هء هء
عادل(تنهد)زهوور راه كنت هاز فقلبيي من جيهتك حمدي الله مكنتش تماا راه نجييك نيشاان راه كلشي تال ميي 
زهور-وانا شنوو هئ هئ شنوو اناا هادي هياا راك فقلبيي وكنبغييك 
عادل-ويييه ازهوور كنبغييك ونتي مراااتيي ومت وليداتيي ولكن راك غلطي بزااف محتارمتيش مي شنو نصفق لييك ونقولييك برافو علييك لي درتيي 
زهور(بقات كتنخصص ساكتة)
عادل-فففف وخة ازهوور سمحيلياا وعفاك هدشي ميتعاودش مرة خرى وباركة من لبكاا 
زهور(سكتات تاتمسح فعينيهاا وكتنخصص)
عادل-يااصاافيي ازهوور كتزيديش فييه 
زهور-هاني ساكتة
عادل-هيا توحشتينيي لهاد الدرجة ههه صافي غير نجيي 
زهور-معرفت 
عادل-معرفتيش ههه شوكون غيعرف اناا شريت ليك شي حاجة زوييينة غتعجبك
زهور-شنو هياا 
عادل-تنجي ونعطيهاا ليك ههه 
زهور-ممم وامتا غتجي
عادل-الى قلتي لياا نجي نجي
زهور(ضحكات)كضحك علياا 
عادل-اوى راه فيديك الى بغيتيني نجي نجي
زهور-اوى جيي 
عادل-ههه من قلبك غير نجيي 
زهور-هههه ممم
عادل-اوى عطيني شي بووسة 
زهور(حشمات)ههه اويليي 
عادل-اويييليي مراتيي متعطينيش زعمة (بهمس)موحشك غندير فيك شرع ايديي لجييت نخاف علييك 
زهور(سقلاات كضحك وهوا كيتبسل عليهاا بلهدرة وكيبين ليها بليي موحشها فلفراش بصريح لعباارة )وصاافي سكت واش مكتحشمش 
عادل-ههه وخة الالة اش كديري داباا 
زهور-كنتسنا خالتي دوش وندخل حتى اناا 
عادل-شحال كتكوني رطيطبة ورا الدووش فف هههه تهلاي لياا فيه تنجيي هههه
زهور-شكون هوااا 
عادل(نفاجر بالضحك) لي فباليي وبالك هه
حشمهاا وعطاتها لضحك معاه نسات بلي شهر وهواا مطمر عليهاا ملات من سكات باغة علامن تحط الراس وتضحك وتنشط شوية وهيا بين ربعة لحيووط
عادل-تهلاي ليا فرااسك احبيبة يالله 
قطعات معاه وناضت كضحك وكل مرة تبسم على هضرتوو طيبات لغداا وخلاتو كيطيب وطيبات لخبز تنزلات زبييدة حمرة بلحمام ودخلات لبييتهاا تكات بينما حطات زهور لغدا تجمعو عليه بتلاتة تغداو وناضت جمعات لماعن غسلاتهم وطلعات لحمام لي كيسخن بالشمش حكاات لحمهاا تولى حمر وسلتات شعرهاا لي ولا كيطيح ليها بلحمل شللات وقضاات مسائلها وجمعات الدوش كتفوور لبسات بيجامة بسروالها سخونة وبينوارهاا ودارت درتها خرجو عينيها حمريين وحناكها مزنكيين باين فيها لحمام 
دازت لبييت كلسات كدهن فايدها ورجليهاا حيت لحال برد ولما متللج تسمعات الدقان فلباب وزبييدة كتعيط ليها من لتحت بااشتهبط تحل 
زهور(ناضت)بااز لباب حدا قزيبتهاا ومعيطة لياا 
نزلات باقة فالدرجة اللخرة مدات ايدها لباب مع حلاتوو صدمهاا ملي شاافتو وااقف كيطحك لابس مونطو كحل وسروال دجيين وقال-وااه غتخلينا نتكلصاو فلبرد ههه
زهور(بفرحة )عادل ههه

دخل عادل كيتبسم ملي شاافهاا ودخل شد وراه لباب وجرها عندوو عنقهاا وباسها فحنكهاا 
عادل:الزين دياليي 
زهور(عنقاتوو مبتاسمة وقال)علاش مقلتيش ليا راك جااي
عادل:ياك كلت لييك واش بغيتيني نجي ولالا 
زهور:مم وكون كلت ليك متجيش 
عادل(عوج راسو فيها)غنجي بزز منك هه 
زهور:دخل ههه
زبيدة(من الصالة)اشكووون لي جا ازهور 
عادل(خلا زهور وراه ومشا لصالة وقال)غير ولدك الواليدة جاا ههه
زبيدة(بلفرحة ناضت))عااادل ...ولدي على سلااامة ملي جيتيي فرحتينيي يعطيك ستر 
عادل((قرب بااس ايديهاا ورااسهااا)الله اسلمك امي كيدايرة نتي لبااس 
زبيدة:الحمممد لله اولديي كلس كلس ..جيتي فهاد لبرد 
عادل:اوى اش غنديروو ..فين لوالييد شفتو مكاينش
زبيدة:ايكون صلى لعصر وكالس فلقهوة 
عادل(هز راسو فزهور كالسة فلقنت تاع سداري) زهور كي داايرة مع لحمل 
زهور(حشمات)هه لبااس 
زبيدة:ومالها عاطياها غير لنعااس ههه زهوور سيري ابنتي وجديي شي حاجة غيكون عيااان بطزيق ياك اولدي 
زهور:وخة 
مشات لكوزينة بفرحة نسات كلشيي نسات بلي قاطع هدرتهاا شهر بلا ميسول هدا هوا عقل صغر ليي مزال منااضج دغياا كضعاف وتساامع بحال دراري صغاار غير تعنقوو يبرد ويتكالمة هكاك زهوور ..
عجنات لمسمن بحيوية وخة عياانة بدوش ولحمل وكريشتها بدات تباان قدات لمسمن وكطيب فييه تحساات بايديين تحطو فوق كرشهاا وعنقهاا باسها فعنقهاا تقفزات وهزات راسها فيه كضحك
زهور:خلعتينيي ههه 
عادل:ممم شحال توحشت هد رواايح 
زهور:ههه اوى كلس حدايياا ونطيب ليك تاتشببع
عادل(باسها مرة خرى فعنقهاا)مكرهتش 
زهور:شنو جبتي ليااا 
عادل:ههه منعطيكش تاتعطينيي 
زهور:ويلي شنو غنعطيك اناا 
عادل:بوسي راجل مسكين موحشك
زهور((هزات كتاافهاا )كون توحشينيي كنتي تهدر معايااا 
عادل:وتداباا هاني كنهدر معاك تاتشبعي مني عاود (حرك ايدو فوق كرشهاا) غدا نديك لطبيبة ونشووفوو هد لخنفووس ولا خنفووسة 
زهور:هههه بصح شحال مامشيت لطبيبة 
زهور:مم عرفت غنديك غداا ..وطلقيناا خلااص راني عطشاان هه 
بدات كتبعد فيه وهيا كضحك لصق عليهاا هز ليها راسهاا وبااسهاا تغمضات عينيهاا متجاوبة معااه بعد على فمها وبقا هكاك تسمعو لكحة وراهم بعد من جنبها قافز ملي شااف مو وااقفة فلباب مسمرة اما عادل بعد كيحك فعينيه ومشا شرب لماا ..اما زهور عجبها لحال ملي شاافتهم بحال الى كتقوليها موتي بالسم ههه 
زبيدة(سااطت) عمرتي اتااي ازهور 
زهور:غير نسالي هدشي ونعمرو اخالتيي 
زبيدة(دخلات شادة ضهرها وشافت ف عادل)ارا ليا اولدي ديك الصينيية ضهري عواااج مقديت نهبط ليهاا 
عادل:وايلي باقي ضارك 
زبيدة:احح هلى هوا غير ضارني كليتهاا فيييييه اولدي حاسة بيه مهررس منعس منشوفووو محني محنيي منهاار طحت عليه مكسبت صحتوو...

زهور(خرجو عينيهاا وهيا عاطياهم بضهر وكتسخط على زبييدة 
عادل-ممم اوى كون مشيتي لطبيب لااش كالسة 
زبيدة-اش غيدير ليا طبيب اولدي داباا يفوتنيي
بقات كدوي معاه وكل مرة تشكا بضهرهاا وزهور كتنفخ كملات لمااعن وخلات زبيدة لي تنصب الطاجيين لعشاا وهياا تكلفات بشلاايض ولخبز
حطوه فوق الطبلة طايب بلبرقوق ريحتو كتشهيي كلات زهور غير شلااضة وهوا الطاجيين ناضت جمعات روااين استادنات منهم وطلعاات لبيتها مهدودة وضهرها كيضرهاا 
مشات لددوش طرفات حالتهاا وقداتهاا ومشات لبيتهاا جبدات لي شووميز لي قرن وزمارة مطاحو فوق لحمهاا منهار شراتهم بدات كتعزل وتخير شنو تلبس هزات واحد مزال جديد من دهازهاا رطب وفيه وريداات صغاار بحال شكل كسيوة تاع نعاس بسميطات مشطات شعرها وطلقاتوو وخة مع لحمالة خفاف ليهاا رشات ريحة وبدلاات لفرااش بكوفرلي اخور تهوى عمرو تحط من عرسهاا اتخشات فبلاصتها من لبررد كتسنااه يطلع اما عادل يالله كيبغي يطلع كتحبسو بموو بحجة موحشااه 
زبييدة-والله ياولديي تالدار كتخوى بلاا بييك كقلتيش لياا شحال غتكلس
عادل-غير شي يامات قليلة وصاافيي 
زبييدة-اوى مزيان اللهم هكاا ولاا بلااش اولدي
عادل-اااه راه غداا غندي زهور لعند شي طبيبة
زبيدة-هاويلي مالها تانيي لاش غتديهاا هاهيا صحة سلاام
عادل-بغيت نعرف اش عندهاا ومنها نييت دوز ليهاا وصافيي
زبييدة-مم اوى ماشي مشكييل 
عادل(باس رااسها وناض)تصبحي على خير اميمتيي 
خرج من الصاالون وتنهدات وقالت-جابتك غاهيااا زربان تنووض وبااز 
طلع لبيتو مع حل ضرباتو ريحتهاا لقاهاا مخشية ففراشها كيبان غير الراس سد لباب وقال-دغياا نعستيي
زهور(شافت فييه وضحكات)لاا باقي منعست غير جاني لبرد 
عادل-وبرد هوا نيييت عندكم 
بقات كتشوفيه مقابل معاهاا وكيحط فلقبيية والتيليفوون وتبسمات لييه ورجع حبس وقال-فف نسييت لباليزة
زهور-خليها تالصبااح
عادل-لاا غنجيبها داباا فيها شي حاجة ديالك 
رجع سد لقبيية وهز سوارت وهبط لبرا لقا الطموبييل مندية بلبرد هز شانطة كبيرة وصااك تهوى كبيير سد الطموبييل وطلع لبيتوو حطهم وسد ورااه لباب وشافيهاا 
عادل-نوضي شوفي شنو جبت لييك 
زهور(حشمات تنوض عندو بديك التقزيبة وضحكات)صافي خليي تالصبااح ونشووف كاين لبرد وملابساش حوايجيي 
عادل-ههه لي بغيتي لمهييم هاد الصااك راه دياالك فيه كاع داكشي لي كتبغيي 
تبسمات لييه وهوا الاخير بادلها الابتساامة وحيد لقبيية وكلس حداهاا لاح ايدو فلمخدة فوق رااسهاا وقابلهاا بجنبوو حط ايدو التانية على حنوكها لقاهم سخان عكس ايديه لي حمرين بلبرد
زهور-ههه احح ايدك باارديين اعاديل 
عادل-اوى هيا لدخلتيهم يسخنو
زهور(ضحكات ودارت على ضهرهاا وباان صدرها مهزوه بالسوتياان ومنفووخين بلحمل غير شافهم ودااخ شدات ايدوو ودخلاتها تحت لماانطة كتسخن فيها وهوا حاضيهاا تحطاتها على كرشهاا 
عادل-باقي مكيتحرك
زهور-لاا بااقيي مكنحسش بيه داباا 
عادل-دومااج (مرر ايدو على كرشهاا)جاتك لكريشة زويينة وخة جاني بحال الى ضعافيتيي مكتاكليش
زهور(بقات كتشوفيه)لاا كناكل غير مع لوحم 
عادل-مزيان كتاخدي شي دوى 
زهور-ملي كان خداه لياا محمد وتقاداا مبقيتش خديتوو
عادل(حز حاجبوو)كيفاش محمد 
زهور-نهار مرضت كنت فالدار وشراه ليا صاافيي (بقات كتشووفيها ساكت كيلعب فكرشهاا وخافتو يجبد معاها داك لموضووع خصوصا زبيدة نهار ومطال وهيا تزن على ضهرهاا وبغات تلطف لجو تبسمات لييه وشافت فيه بعيوون صاادقة)فرحت لي جيتيي والله 
عادل(تبسم ليهااا)انا توحشت لغزالة دياليي (تبسمات ليه وهبط لفمهاا خدااه موحشوو وسلاوها بعلااقة لي طولاات ومسالاات حتى تهدات تحت منوو ولبى رغبتوو فيهاا بزاايد عاد برد
واقف جنب لباليزة ديالو غير بلوكسوور مقابلة معاه زهور عينيها مشقلباات باغة تنعس شافتو راجل عندها وفايديه بوواطة حمرة 
زهور-شنو هادييك 
عادل(تخشا معاها فلمانط وحل لبواطة بانت سنسلة تاع دهب رقيقة وفيهاا قليب صغيير برقوو عينيهاا وطرطقو لقلووبة )هادي لييك 
زهور(بفرحة)حلف جبتيها لياا واش دهب(تقدات فلكلسة مغطية صدرهاا وشدات لقلب فايدهاا عجباتهاا )ناري وااعرة اعادل شكرا 
عادل(تبسم ودورهاا ركبها ليهاا وقال)بصحتك ملي تولديي نجيب لييك محسن ان شاء الله كوني غير تسمعي لهدرة 
ضحكاات وباستو فحنكوو كشكر فرحانة بالسنسلة جديدة محيداتهاش من عنقهاا خلاتها ونعساات بيها من بعد سهرة طويلة

صابح لجو مغيم كيعلن على شتييوة صبحات زهور نااعسة وزبيدة صابحة كتنكر وناضت لكوزينة توجد لفطور ولدا كاين مبغات صدااع حازمة تحت من ضهرها فوق لبيجامة طويلة زيف غلييض وكتوجد فلفطوور غير سمعات لحس فدرووج طلات بعينيها بان ليهاا عادل لابس سورفييت كري مقطنة تاع الداار وشعروو فازك هاز تيليفونو فايدوو وجاي 
حطات ايدهاا فجنبها وعطات لباب بضهر كتالم بضهرها وتعمر اتااي 
عادل-لواليدة صباح لخيير 
زبييدة-صباح لخيير اولديي كيصبحتيي 
عادل-لباااس(شاف الشال فجنبها)ياك لبااس مالك
زبيدة-احح كاع معارف مالي ضهر اولديي قهرنيي مكنعسش بيه لما حزمتوو(شافت فلرض واشاارت حدا رجلييه)كون ديك لرض تهدر تشووف الطيحة لي طحت
عادل-وصاافي اميي نسااي راه شهر قطعت هضرتها تاعرفات راسها اش دارت زهور راه مزال صغيررة اميي غير سايسيي معاهاا ودوزي كلسي تاتجيي وتقاد لفطور
زبيدة-غاااا خليني اولديي لحاجة لموقفتي عليها بيدك متدوزش(تنهدات)احح اربيي ضهري احح 
جاية زهور مزنكة بلبيجامة جديدة لي جاب ليقهاا فلكروونة سخونة ب بينوارهاا وريحة كضرب من شحاال دايرة بوني على شعرها لفاز كاو لايحة شاال كيبانو خدودهاا مورديين وعينيها كيبرييو شافت فعاديل وتبسمات ودخلات لكوزينة لقات زبيدة كتوحوح بضهرهاا
زهور-خالتيي صباح لخير 
زبيدة(هزات عينيها فيهاا مطلعاها ومهبطاهااا )صباح لخييير
زهور-علااش نضتيي ياك ضهرك ضاارك صافي غير كلسييي اخااالتيي انا ندير لفطور لهلا يمحنك 
زبيدة(تسمرات فبلاصتهاا معرفات متقوول وعادل كالس فلقنت فوق كرسي مقابل معاهم كيلعب بتيليفونو وعينيه عليهم نفخات )وسربي يراه عمك بغا يخرج 
خرجات لصالون وكلساات وتبعها تاعادل كلس حداهاا 
اما زهور كانت طاالعة ليها لفرحة متسوقات كاع لزبييدة عاد حسات برااسهاا مزوجة صبح فراشها سخون بييه ولبييت عامر وصبحات بكليمات زوينين صبح نهارها طالع مقااد 
قدات لفطوور على حقوو وطريفوو وبدات كتحول لصالة غير شافت شيخها وقدات الزييف حلى لبووني حشمانة ومشات حطات ليهم لفطوور وكلسات حدا راجلها تهياا مسحن جنبهاا غير فطرو وناضت هزات لمااعن ورخفات لفولار عكفات بييه باش تغل لماعن بخاطرها تدخلات زبييدة عندهاا 
زبيدة-هاد لبينوار جابو ليك عادل
زهور-اه 
زبيدة-ممم (بقات كطلع وتهبط فيهاا تقشعات السنسلة وخرجو عينيها)وهاديك لي فعنقك
زهور(وراتها ليها بضحكة صفرة)هادييي جابها لياا عادل ديال دهب وقالياا مليي نولد غيجيب ليا حسن منهاا 
يالله بغات تدر دخل عادل موجه ليها هدرتو وقال-زهوور لساليتيي يالله خلااص نمشيو فصبااح حسن 
زبيدة-علاه فيين 
عادل-لطبيب الواليدة راه كلتها ليك 
زهور-صافيي راه سالييت نطلع نلبس ونجيي 
طلعات لبييتكتنشف فايدهاا وطلع وراها عادل حل لبالييزة وزهور حاضيااه جبد صاك متوسط او نزل عرفاتوو لموت هيا مقالت ليه لا وريني لا نص نزل عند زبيدة لقاها كالسة عند بالها نساهاا تحط ليهاا صويك قدامها وقال-هانتيي الوالييدة 
زبيدة-الله ارضي علييك اولدي لاش معدب راااسك ههه(هزات الصااك بغات تحلوو)بسم الله بسم الله 
حلاتوو ولقات شي تقطيرات تاع لعينين ليها وبوومضاات تاوع رجليها لي كيضروهاا وبدات تاتجبد فتفصيلة من توب غلييض شوي تاع لبرد فلبييج او توب اخوور جوهرة ماركة زويينة وصاابوو ميديكاال وشيلان ورواايح عوجات فمهاا وقالت-لاااش محنتي رااسك اولديي هدشي كاين غير هناا
زبيدة-واماال لي ختاارتهم لييك اميي (بتساؤل كيشوفيها معجبها حال)معجبووكش
زبيدة-وامال تهياا الله اهديها لوان تاع الشاارفاات مالي طيحت سنانيي
عادل-ههههه الله اهدييك الواليدة (هز التوب تاع جلابة ولمسو بايدو)والله تزويين راه زهور نيت جبت ليها واحد بحال هدا فلكريي تديري وحطيه ليها عند شي خيااط 
زبيدة-مم مرتك جايب ليها دهب واناا شرااوط على قلتهم راه لماريوو غيطيح غابيهم 
عادل(ضحك وشافيهاا)لوالييدة دوك دبيلجات لي فايدك لقيتيهم طايحين ولاا 
زبيدة(قدات دبالج منفخة)اوى هادو درتيهم لياا مليي كنتي ديال رااسك اما داباا وليتيي طلع صيكان بلامنشووف اش فييهم 
بقا كيضحك معاهاا وهيا منفخة تنزلاات زهور وصدمة على صدمة نازلة بالروومي ضارت زبيدة بلا هواها كتشووفيهاا وخرجات عينيهاا وقالت-تي اش داكشي لابسة ..

كانت لابسة سروال فلبااج لاارج بحال الصااية وبووط قصيير فلكحل ومونطو فوق الركبة بشوي وزيف كحل 
زبيدة-تي اش داكشي لاابسة معندك جلالب 
عادل-راه انا لي جبتهم ليهاا تلبسهم غير لخرجات معاياا لمدينة
زبيدة(شدات حنكهااا)كاينة شي مرا مزوجة تلبس هك
عادل(وهوا نايض)ههه بنتك علاه امال كتلبس جلالب
زبيدة-وامال راه خدااامة وبرا ماشي هناا 
عادل-لواليدة خليت ليك لخيير لتعطلنا متسناوناش لغداا(شاف فزهور)يالله زيدي 
خرجات فرحانة دايرة ايدها فجيب لمونطوو وركبات فالطموبيل لقدااام حداا رااجلهاا وشتاا كتنقط زاد عادل مونطو كحل علييه ولبس سبرديلتو وركب حداهاا ديماراا وقصد لمدينة فقيه بن صالح ومرة مرة يشد لهدرة مع زهوور 
زهور-عادل بغيت نمشيو نشوفو دابرنا تهوماا راه يمكن هد ليامات غتمشي مريم 
عادل-تال شي عشية نمشيو نتعشاو عندهم ونجيو
زهور-ومنبااتش
عادل(هز حاجبو فيها)انا كااين وتبااتيي ازهوور ضارب هد طريق كاملة باش نديك تباتي فداركم
زهور-اوى صاافيي قول لخالتيي من مورا متمشيي نتا تديني نكلس شي يامات
عادل(شافيها وكمل ورجع شاف قدامو)لوالييدة مرييضة ازهوور ولمشيتي وكلستي فداركم شكون غيقووم بيهاا وهيا كل مرة باش تشكاا مشفتيهاش صباح كي حازمة ضهرهاا 
زهور(ضارت لجيهة لخرى معوجة فمها وتنهدات)وتا انا بغيت نشووف مالين دار
عادل-مقلت ليك لاا داركم راه غير حدااكم شوفيهم وباتي فداارك معمرك تباتي فشي قنت وانا مكااينش ها ودني منك 
زهور-وخة 
وصلوو لمدينة ومشاو لطبيبة لي ديجا ختو نعتات لييه فين كاينة اختصاصية دخلو لقاو قدامهم عيالاات كاين لي مع راجلها كاينة لي بوحدهاا كلسات زهور وحداها عادل فوق لفوطوي كيتسنااو نوبتهم تجيي 
تعيطات ليهم وناضوو دخلو لعند طبيبة رحبات بيهم ودخلات زهور لفحص من طونسيوون او وزن الى اخره توصلات لتلفازة عاد عيطات لعادل ودخل عندهم داير ايديه فجياابوو او وقف حدا رجلين زهور 
-لبيبيي ضعييف شوية خاصك تااكليي كتاخدي شي فيتامينات 
زهور-لاا كنت كناخدهم فشهر التاني دابا مخديت والوو
-لاا ضرورري تاخدييه تاتولديي باش لبيبي يتزااد بخيير وحتى نتي راه لوزن ديالك نااقص 
عادل-غادا تاخدوو ان شاء الله حم واش باان اش عندها 
-بااااين اسيديي عندهاا ولد
زهور-واش بصح(شافت فعادل لقاتو نااشط وتبسمات لييه 
مسحات كرشها ولبسات لمونطوو وسباطهاا وخرجو عند طبيبة لقات عادل كيسول فيها على لبيبيي فرحان بلولد ومقداه فرحة 
خرجو من عند طبيبة النشااط تشااط ركبو فالطموبيل وقالت-عادل داباا كون كانت عندي بنت 
عادل-مرحباا بيهاا ههه تزااد وتولدي ليا لولد 
مشا لصيدليية وسط لمدينة شرا ليها دوى ورجع تشمات رييحت لماكلة جاية من سنااك ودجاج محمر كيبان كيشهي خلا ريوكها يسيلوو يالله بغا يتحرك عادل وقفات كتمسكن وقالت –عادل نطلبك طلييبة عفااك
عادل-نعام اش خااصك
زهور-لوحم كلوو مشهية دجاج محمر (سرطات ريقهاا)ناري شفتو وحمقني
عادل(ضحك وهز عينوو فسناك)ههه بغيتي تاكلييه هناا
زهور-اه اه عفااك 
عادل-وخة يالله نزلي
نزلات بلفرحة لصقات حداه دخلو لسناك وداخت برييحة وكتشها هادي وهاديي خدا عادل دجاجة كبييرة فلمريقة دايلها وشلايض وموناضة ولخبز غير تحطات تحلو عينيهاا وشمرات على ايديها كتاكل ومقااتلة معاا مع ديك دجاجة معقلاتش على عادل كااع 
عادل-بشوية علييك الحلووفة 
زهور-عرفتي كنت مشهيااه بزاااف
عادل-اوى كولي لتحكيهاا فييك تخرج فييه شي دجاجة محمرة
زهور-ههههه اويليي الله يستر 
كلات حتى شبعاات خلص وخداا وحدة خرى كومبليي بكلشي ليها دارهم فالطموبييل وركبوو باش يمشييو لداار فطرييق دااخت مامرة ماجوج او كل مرة يوقفهاا كاترد كاع لي كلاات كاع ديك دجاجة رجعاتهاا او عادل واقف عليها بقرعة تاع لماا
عادل-واش كترتيي منوو 
زهور(سخفانة)لااا راه فين مكناكل كنرض هكاا ففف
وقفو جنب طرييق كترد النفس شادة كرشها ونقيطات خفاف تاع شتا كيطيحو عليهم حتى رتااحت عاد دخلات لطموبيل حالتهاا صفرة 
عادل-صافي هدشيي لااش كليتي باش ترديها ههه 
زهور-احح ماشي لخاطريي فف
عادل-راه لخرى اللور كوليها تهيا ورديها ههه 
زهور-ههه🌺🌺🌺🌺

رجعوو لدار وزهور دااايخة وصفرة بالردان فطرييق كل مرة توقف عادل حتى ردات كاع داك دجاج لي مشهية ...وقف عادل الموبيل حدا لباب وشافيها لايحة رااسهاا وراخية الزيف على عنقها
عادل:اش خليتي لداك لولد مياكل دابا ونتي كلشي رديتيه ههه
زهور:ففف خاطري مرووع بزاااف ندمت تكليييت 
عادل:هههه نزليي نزليي وهزي دجاجتك 
زهور(ميقات)اوووف منشمش ريحتها داباا تنرتاح 
خرجو من اللوطو او وقفات يضربها لبرد تحلات زبيدة لباب وشافت فيها وقالت:اتي مالك مصفرة هك ياك لبااس 
زهور:غير دخت شوية 
دخلات وكلساات فلمرااح فوق السداري وشرباات لما تدخل عادل هاز صاشيات عطاهم لزبيدة لي مزال متغدااو قدات كلشي فطبسييل
زهور:خالتي خلي ليا منوو شوية داباا مقدرتش عليه
زبيدة:ياك عاد كليتي وحدة 
زهور:ورديتها فطرييف فف 
ناضت شادة كرشها وطلعات لبيتها مع حطات حوايجها طاحت فوق لفراش تدوزها الدوخة اما لتحت عادل قال لمو بلي عندها ولد الاخيرة عنقااتوو وفرحاات 
زبيدة:هااا سعديي بلولاد غيولدو لولاد هههه 
عادل:ههه اوى ها الدار غتعمر علييك اش بغيتي هه 
صالح:الله ايجيبو اولدي على خييير ويكبرو فعزك ان شاااء الله 
عادل:امييين الوالييد 
بقا كالس معاهم قرابت سااعة وناض لبيت مخليهم متكين حل لباب لقاهاا عاد خرجات من الدوش وكتلبس فحوايجها
عادل:دوشتي فاتك السخفة
زهور:شوية ملي دوشت (تبسمات لييه ودورات وجها تهز لفوق تاع لبينوار حتى حسات بايديه معنقينها من كرشهاا وكيهر فيها)ههه وعادل لاا متهورتنيش
عادل:شكون كاليك كنهورتك (باسها فحنكها)كنلعب مع ولدي انا شغلك نتي ممم...
تعشاات لعشية جمعات زهور شعرهاا ولبسات بنطوفتها وقدات زيفها ونزلاات مشهية دجاج تانيي خلات عادل ناعس دخلات لكوزينة لقات زبيدة كتخوي لمقراج فسطيلة ديال لوضوو وكوتشوفيها بنص عين وهيا دازت لتلاجة نيشاان 
زبيدة:شفتك ملي جيتيي سادة عليك فداك لبييت 
زهور:كنت عياانة (حلات لفران ملقات والوو وشافت ف زبيدة)فين دجاج
زبيدة:اشمن دجاج
زهور:لي كلت ليك خلي ليااا منوو 
زبيدة:ضااربة دجاجة ومزال كتهدر وشوف لييك وااا لحتوو لكلب لي حدا الدار اش غيبقا يدير هناا يتجمع عليه غير الدباان
زهور(ضحكات مفقووصة)واش داوية منييتك اخالتيي عارفاني كنتوحم عليه ولحتيه
زبيدة(كتقاد فلما )نتي راه تصنادل توحمتي عليهم 
زهور(بلعوات)بغيت غير نفهم شنووو دايرة لييك فاش لااحكاااك متوحمت كيف نسااا مفرحت عارفاني باغااه ولايحاااه 
زبيدة:غااانتي لي موحمة غا نتي لي باغة تولديي هزيتي ترااسك بقا غير تهزيي دريي 
زهور:دخلت عليك غير بالله لاش خديتيني لولد ملي مبغانيش 
زبيدة:ديتك لولدي كان يحسابليااا درويشة نحط عليها الرااس السااعة نتي لفعة مسخنتي تبلاصتك بغيتيه يديك
زهور:غاااايديينيي موتي بسممك شفتي غير برااا والله تنمشي ليييه 
زبيد:وغييييير لمشيتييي ديري ليااا سيااااالة تاع الشيخااات والله ياوالديك وما تبتيي تنرجعك لخربتكم ترسيي على عيالات خوتك يالمعيفيينة لمكااضية 

زهور(لاحت ليها سطيلة تاع لما كترعد ودموع سبقووهاا)كتصليي ونتي الشيطان كيسجد لييك
مع هد لكلمة ضوراتهاا ايد بجهد مجات فين تهدر تاتهاا طرشة من عادل جمعات ليها حنك او ودن....🌸🌸

زبيدة:هانتااااا ياك سمعتيها على ودنك وشفتيي لبرهوشة بغات ضربني
زهور(شادة حنكها تاتبكيي)علاش ضربتينيي هءهءهء واش مسمعتيهاش اش كتقوول
عادل(غوت هاز ايدوو ومخنزر فيهاا)اتسكتي نباركت الله متسكتيش غندير فمك شرع ايديااا 
زهور:نتااا كتجي غير منهااا هء هء وخة ضربني متهصرش
عادل:ر دويت معاك طلعي لخربتك 
زابيدة:هدشي لي بقااا برهوشة تاع لخلاا تولي تهز عليا ايديهاا
زهور(ضارت ليها مغيدة)بزاااف عليك تبرهوووشة ....شفتي الى مسمحت ليييك معندك فين تمشي 
عادل(جرها بجهد من دراعها تغوتاات يالله بغا يضربها دخل بااه جرها ورااه تاتبكيي وشادة فقميجتوو)حيد الواليد ليوم نربيي والديهااا 
صالح:نعل الشيطان درية حاملة واش باغي طيح شي رووح 
زهور:هءهء ووالله اعمي مدرت شي حاجة هء هء 
عادل:لحمارة راه مكتحشم من حد 
زبيدة(عجبها لحال)ولات باغة ضرب هانتا شوف لما كي زلعاتوو هدشي غير مخليتش ليها دجاج تاكلي جنااابك لي كلتيهامتبان عليك
صالح:صافي هنينا تانتي برردو السوق عادل سير خرج اولدي خليها عليك
عادل:خليني مني ليهااا بقا شوي وطلع فوق رااسناا 
بدا كيتغاوت معا بااه باغي يدوز ليهااا وهيا عاياها لبكا او حنكها كيزنزن وكله كترعد مبان ليها غير دير راسهاا سخفاات وداكشي لي كاان طاحت مغمضة عينيها تشبحات فلارض سخفانة وجها حمر بدموع وصباعو مصورين فحنكهاا اما هوا غير شافها طاحت وهواا يخرجوو عينيه طلق من باااه ومشاا شد ليخا وجهاا 
صالح(بلغوات)يااا صافي هدشي علاش كتقلب
زبيدة:هاي على تبووحيط 
عادل(كيطرش فحنااكهاا )زهووور زهووور...ارا شي كاس تلمااا ارى 
مد صالح كاس تلماا ورش ليها وجهاا ترمشان فعينيهاا وحلاتهم نص حلة فعادل لي كيشوفيها مخنزر بداو دموعها كيتسرسبوو خايفة من شي دقة 
عادل:شويااا...
زهور:هء هء
صالح:ديها لبيييتها نووض 
شدها من كتافها وقفهاا كتنخصص وزبيدة حاضية لفيلم شدها من دراعها مزير ليها عليه تضرهاا وجارهاا معااه مطلعها فدرووج كتمسح فدموعهاا مع سد باب بيتهم زاد زير ايدو على دراعهاا تزيرات عينيهاا مقسحة 
عادل:مي ازهووور خط حمر نهااار ترفعي عليهااا صوتك مرة خرىى نهاار لي غنخلي عشتك فييه الطيحة دوزنااهاا دابا وليتي تسابي معاهاا 
زهور:عادل هء هء انا مبغيتش نبقا معاهااا هء هء ياك قلتي ليااا غتدينييي معاااك مك مكتحملنيييش
عادل:شوفي ازهور نهار نبغي نديييك انااا(بلغوات)انا لي نجي ندييك ماشي نتي لي تكوليهااا ....هنااا غتبقاااي ولباغة طيري هاديك هدرة خرى اش خاااصك هااا معززة مكرمة لي بغيتيهاا جبتها ليييك اش بااغة ازهووور اااش 
زهور:هء هء باغااك نتااا ...(تخنقات بدموع) كون كنتي معاياا هدشي معمرو غيكوون 
عادل:هاااا ياااك كول هدشي كديرييه غير بااش يكتر صداع ونديييك ياااك اوى سمعيني ابنت الناس فهاد جوج كلمااات .....داك برااا نساااايه عليييك نسااايه مبقا ميتكجدر فيييه انا نيييت غنزيد شي ربع سنين وندخل فحاليي .... ونهار نسمع عليك قد هكااا لعصا لي عمرك كليتيها بتااكليهااا من عندييي ....ركابيك نحشهم ليييك كلتها وغنعاودهااا مييي فوتيها عليييك فوتيهاا لبغيتي تبقااي عزيزة ...
قال هد لهدرة وطلق من دراعهااا لي ضرها بجهد 
خرج وخلاها غارقة فدمووعهااا وشلا مطارق ضربات بدفرااسهاا كلساات فلارض ولاحت زيفها بنتير وشدات على كرشهاا كتنخصص وتمسح بكمهاا
وما كنت اضن ان الحب متل الزهوور وان ماات ماتت الحيااة 
بكات حتى شبعات وتسندات راسها على لماريوو وبقات هكاك حتى غفااات بدمووعهاا لااا من يحس بييها وبدموعها لامن يعنقها ويقوول داباا هدشي يفوووت ...

تعشاات لعشية وهيا هكاك تماال رااسهاا وحلات عينيها قاافزة حمريين منفووخين ولارض بااردة ضراتها فجناابها وتحت كرشهاا طلات من الشرجم بان ليها لحال مضلم سداتو وتغطات فبلاصتهاا تسخن جناابهاا تحساات بشي حاجة كتحرك فكرشها كلساات قافزة وحطات ايدها على كرشهاا وقلبها كيضرب ودغيا ضحكاات 
زهور(بفرحة)تحرك هه
رجعات كدوز ايدهاا على كرشها كتسناا حركة خرى رجعات تغطات حاطة ايدهاا على كرشهاا وطافية ضو 
تحل لباب وغمضات عينيهاا عاطية لباب بضهرهااا سد لباب ورااه كيشوفيهاا وكلس حداهاا 
عادل:زهووور...زهووور (حركها من درااعهاا وكيطل على وجهاا)معيتيش من نعااس 
زهور:بغيت نمشي لدارناا..

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.