تنهدات بديق وقدات زيف على شعرها كاملوو وقداتوو ومشات ركبات اللور فالطموبيل جنب زبيدة ولقدام شيخهاا او عادل
مسافة مطويلااش او وقفوو لقاو طموبيل اخرى واقفة بماتريكيل ديال اسبانياا تبسمات عرفاتو خوهاا تهوى جاا وفرحات مع خرجات من الطموبي باان ليهاا خارج من لباب شااب يكون فعمر التلاتين بحال عادل بملامح قراب لزهوور شعروو خفييف وجناب خاويين عنقااتو وبادلها لعنااق بلفرحة
زهور-هشاااام امتا جيتييي توحشنااك
هشام-ههه جيت غير لباارح الناس كبراات ههه
عنقهاا فجنبوو وسلم على عادل او واليدييه ورحب بيهم باش يدخلوا ما زهور مبقاتش تسوقاات لعادل وموو مشات كتجريي لجيهة لخرى تاع الدار فين كاينة لكوزيينة لقدييمة شمات رواايح وريكها ساالو غادية وكتعييط
مشاو كلسو فالصالوون فين كان حتى عادل وخوها هشاام حاطين الصينية كبيرة تاع اتايي وطباسل تلحلوة مشكليين وطباسل لفااكية كدالك كلسات مقابلة مع عادل فين مهز عينو جيهتهاا وتلاقا عينيهم كتقلبهاا لجيهة خرى
زهور-لقاني مغاوتة معاها فلكوزينة وجااا طرشنيي وبغا يضربنيي كونما درت راسي سخفت كون قتلني عصا هء هء (خبطات على جنابها مفقووسة)ومبقييتش بغيتوو امييي هء هء عفتووو لا هوا لاا موو
تزاد الزايد مع رحمة ولات هي شادة راسهاا وكتولول بلا تولوييل وقالت-صبرييي ابنتي الله ارضي عليييك راه لمراا ديال داارهاا والراس لمغطي ماشي كي لمعريي صبريي ابنتي على خبزتك تطيبب ياك كاليك غيدييك وصبريي او وسعي خاطرك معاهم تيدييك
دوزات نهارها بالضحك مع مريم وهيا كتجمع فحوايجهاا فرحانة
زهور(كالسة فوق الناموية مقابلة مع مريم لي كتجمع حوايجهااا )سعدااتك والله جاب ليك الله راجل داير بقيمتك وعدووزة موقراك
مريم-كل واحد ومعامن لقاتو الدنياا ازهوور متعرفي ربي اش مخبي لييك يقدر تولدي وتلاهى مع ولدك وتوقرك عليهاا ومتعرفي عادل ميصبرش على ولدو ويديك عندوو نتي غير صبري
زهور-انا لي عارفااهم اختيي هادوك كيحطو الراس على الرااس ويتحتتو
مريم-ويدير الله خير (جبدات ليها صاك زرق ومداتو ليها)هادو حويجات تاع ياسين مزااال نقاية وكاين لي جديد فيهم راك عرفة خوك كل مرة يسييفط ميجي فين يلبسهم تكنلقاوهم صغاروو
زهور(كتقلب فيهم وشمااتهم)الله اربي على روييحة تشميها تريح ليك لخااطر
مريم-دابا يجي يونسك ويدي ليك نهااارك وخلي زبيدة تعاود لمخها ديك السااع ومتبقااايش تبيني لييه بلي مشكلة معاهااا خليه يشوف عييبهاا وتمسكنني ودلعي(ضحكات)راني عارفااك لحلاااحة وغير صوت يدوبووو خلاها هشام صوتك كي لفارة ههه
زهور(تنهدات)داكشي يليق مع راجل ماشي مع ودينت موو امريم خلينة منهم وعاودي لياا شفتي نتي هد لبننت لي بغا محمد
مرير –شافتها ميي كاتلييه عندها حقها من الزين
زهور-خساارة كنت باغية ليه لطيفة ويني حسن لبعد رحمة
دوزو نهارهم على هد لمنوال ولي تشهاتهاا تنوض مها توجدها ليهااا اما عادل تحنسر ملقا فين يصوني ليهااا ومو كل مرة دوز من حداه كتشكي مرة رجليها مرة ايديهاا مرة ضهرهاا
عادل(من الطموبيل)ركبي نوصلك عاد نجيبهاا ...كينقشوو ليها ولا معرفت
زبيدة(نيقات)اوى معاها معامن جاات علاه مالهم لباارح مينقشوو ليها ملي كنت خلاو تجيييت اوى لي معندو زهر معندوو
وصلهاا لدار بنتها سلم على ختو وكلس معاهم شوي ونااض توجه لعند زهور لي حتتات لحنة وخرجات ليها حمرة بصفااء قلبهاا كتشعل مع ايديها صغار لبوويض وخاتم لماريااج
حسناا:وخة مبقييت نحملوو ديك السنسلة غزاااالة لي جاب ليك
مريم:شفتي عادل راه غير مو لي كتعمروو اما هوا راه درويش خاص غير زهور تعرف ليييه
حسنا:شفتي داك النوع ميليق مع بوه حزاارة ضلي تحزري وتبزري ونهار توصلو شي تبركيكة حااارة ميعقلش على مك(شافت فزهور كترش الريحة على لحنة)قوليه يشري ليك من دوك دمالج لي خرجو غزالين دهبو حسن منو ههههه
زهور:ههههه وباااز بغيتو يكون راجل اماا دهب معندي مندير بيه
مريم:دهب لدواااير زماان ازهوور
معا هد لكلمة سمعات صوتو وهوا كيسلم على باها فلباب ودخلوو لصالة تهز قلبهاا ومكرهاتش متمشيش وتبقااا مع ختها وتجمع مع مرت خوها مهازة هم لشي حد ولكن هيا مزوجة ومسؤليتها كتحتم عليهاا دارهاا تنهدات بجهد ونااضت محشاتهاش ومدخلاتش جيهتو تبغاو يحطو لغداا ودخلات لخبز لقاتو غير بوحدوو كيلعب بساارووت بغات تمد ليه ايدها وشافيها ومد ايدو سلم عليهاا وقاال
عادل:والناس هكا تاتسلم على رااجلهاا
زهور:حشومة بيدخل باا
عادل:فين زيفك
زهور:صهدني وحيدتوو
عادل(هز فيها حاجب )الحمد لله ملي مصهدوكش تلحواايج
زهور(بطنز)تالدااري ونحيدهم
عادل(ضحك ورجع طمر ملي دخل باها وخوتهاا وبعدات من حدااه تحط لغداا وتجمعو عليه وتغدااو وناضت زهور تلبس جلابتهاا تدخلات عندها حسناا
زهور:غتبقاي هنا تالخطبة تاع محمد
حسنا(باسف)ممم تهلاي فراسك اختي الله اعطيك ستر والله متستااهلييه نتي زوينة وفنة كنت باغاك لمدينة وراجل حداك غي نتي الله اهديك لصقتي على هداا لحب كيطير ازهور
زهور:طاار احسناا مبقا ميتقال لي عطا الله عطاه
حسنا(جبدات تيليفون موسط مع لكيت وشارج ومداتو ليها)هاكي هداا خليه عندك وخبيه ليشوفوووه متخرجيهش من بيتك عارفاك عزيز عليك لمااسق والراديوو وتصااور تلفي بييه تيجي ولد ختي لي يتلفك ههه
زهور(شداتو من عندها وعنقااتها بجهد )شكرا اختي ولكن هدا ديالك
حسنا:سعيد شرا ليا واحد اخور وخليتو ليك راه فراس مي بزز خلاتني نمدو لييك لحتاجيتي شي حاجة صوني ليهم راه فيه نمرة(تبسمات ليه)يالله سيريي راه تيتسنا
خباتو لتحت فالصااك طافيي ودارت زيفهاا وخرجات لقاتو كيتسناا سلمات عليهم وركبات معااه ويااه شحال فرحات ملي سمعاتو كيهدر مع زبيدة وعرفاتها مغتجيش تنفساات بحال الى هازة طوون على كتافهاا ..
كل مرة فيين مصور شابع دوراان وخرووج بحكم خدمتوو كل ممرة فمدينة حيت كيسوك رمووك مشات لميساجاات ولقات غير الاسبانية كتخبط مفهمااات توزة من غير هولااا تنهدااات وحطات تيليفوون وتسندات على لمخدة كتشوف فسقف وحطات ايدها على كرشهاا كتحسسهاا وسااكتة
غلبهاا نعاااس ونعساات مفاقت غير على ايدييه ليي حركو كتاافهاا حلات عينيهاا نص حلة وطلات علييه كان لابس حوايجوو او تيشوف فيهاا زاعف وقال-هانا مشيت نجيب ميي نوضيي ديري زيفك ليدخل لولييد ولبسي شي حاجة طوييلة
سرطاتها بجغيمة لماا ومشااات هزات الشبكة ودازت لكرااج لي عندو لباب فدار نيت فيه حاط عادل طموبيلتوو تما كاينة لماكينة لعادية بدات كتستي فلحوايج ودموعهااا كيجرييو بلحس كبات لما فلبانيووات باش تشلل لقاتوو خارج من لفريكوو باارد لبسات تقااشر وصباط لميكة كحلوجمعات كماايمهااا ومشات لكوزينة كطيب لخبز فلفراان وترجع تحيد لحواييج وتشللهم ودير تصبيينة خرى مع تجمع ليها الصاابون بشتاا لي مسحاتش يوماين هاديي
ولاو ايديااتهاا حمريين وطايبيين بجاافييل وتقوول واش شي حد جا عندهااا كالسة معنكرة فلمرااح كتفرج او عادل ناعس فوق سداري ومغطي رجليه بمانطة او حداهم صالح شاد لقراان
وقف عادل عينيه حمريين داير ايدو فجياابوو ومشاا لجيهة فين كاينة لقاهاا كتجفف فلماا تكا على لباب كيحك فعينيه تسالاات وشافت فيه وقالت-هز ليا الشبكة لسطح راه تقييلة
عادل-خليهاا تاتعشاااي دوزي حطي لعشا راه مشاا لحاال
زهور-غير طلعها ليااا انا غنحط لعشااا مفيا لي يااكل
دازت من جنبو كتمسح فايديها فجنااب لبيجامة حطات الصبااط وتقااشر لي فزكوو ودخلات لكوزينة دات الطاجيين وتبعاتو لخبز ولماا بلا حتى كلمة هدرتها زايدة ناقصة معاهم
لقات عادل طلع الشبكة وهابط وقال-زهور دوزيي تااكلييي
يوم جديد صبحات زهوور كتكحب وحالتها حاالة ونيووف مسدودييين فاق عادل عى صوت تنفسها من فمهاا وقرب جيهتها على اساس يقاد ليها لمخدة باش ينتاضم نفسها لقاهاا سخوونة وبدا كيفيق فيهااا
عادل-كيمس فحنوكهااا)زهوور فيقيي
زهور-ننن (حلات عينيهااا وجنابها ضارينها بجهد )عفاااك مفيا لي ينووض
مريم-ناري مقراجهاااا ميطيبش الله اعطيها موصيبة لي شاافه ميقولش هدشي منهااا
حسناا-وكلشي منو هوااا كون دار حد لهادشيي كانت مو غتوقرها ولكن هوا غير ودينت موو لباقيش تجبدييه لياا
سكتو من بعد مفرق اتاااي او زبيدة مجمعة مع لعيلاات وخوتات رحمة مقابلة مع زهوور لي صهدها زيفها وحيداتو بحكم غير لعيالاات تحط لغدا ونقبات شويية وبعدات لتيساع تحطو الديسيير وكلات فييه
بدات الناس كتشطح وجرات مريم زهور عارفااها كتمووت على شطيح وخة مفيها عضم صحيح ناضت تعوجاات ونشطاات شوية خلات زبيدة غير كتشووف وتقييد
زهور مزاااال عقلهاا مناااضج مزاال باغة تلعب وضحك وكلمة وحدة كتنسيهااا فكلشيي قلبها مزال معمر بلحقد او وعاات على الدنيااا
نسات همهااا وكلساات مجمعة مع مريم او ختهاا حسنااا كل مرة يتصووروو مع لعرووسة جديدة ويتصوورو حتى هومااا
حسناا-مجبتيش تيليفون نسيفط ليك تصاور
زهور-لاااا مجبتوووش كان حدايا مقدرتش نجبدوو
حسنا-اوى خلي تنمشي لدار ونسيفط ليك عشرة دراهم كونيكسيون ونسيفط ليك تصاور فلواتسااب راه دخلت ولييك
زهور-وخة
دازت لعشية غير ضحك مع لبنااات تصافي كلشي بغا ينووض تعرفو على لعرووسة لي كانت سميتها الهاام وخرجو فحالهمم تانيي ركبات زهور مع خوها ضااحكة على غير فاش ركباات او زبيدة مشات ركبات عند ولدهاا
عادل(شاف فموو)زهور ركبات عند هشااام كي بقاات
زبيدة-اولدييي ديك الدريية راه كدير ليك هبل تربح ما مريضة مااا بيها والوو شطحات حتى عياااات الناس دايرين زويفهم وهيااا عراااتو هادييي لخليتييها هكااا والله اوليديي تطلع لييك فوق رااسك رااه مها وخوتهاا كيحرشوووها ملي دخلات وهيااا عاطيا ودنيهاا لمرت خوهاا وختهاا
عادل-راه باقة صغيرة الواليدة اش ندير لييها واش ندخل نضربها وسط النااس
زبيدة-اوى لدارت علاااش مضربهااااش وتسنااهاا تضربك نتااا خوتاتك راه ميهزوووش لعيين فعدايزاتهممم او رجالهم وهادييي غا حملات بغات تدير راسها من رااسيي
سكت وهيا كتعمر كتعمر طريق كاااملة تابخة لييه ودنو مرت كمرتك مرتك تبغات طرطق ليه مرارتوو وصلوو قدام داار زهوور لي نزلاات كتسييفط معاا مريم بلبكااا وتنخصييص حتى كتبغي تبعد وترجع تعنقهااا ويتبكااو تقلبووها دمووع وخنايين كلاكصونا علييهااا باش تجيي
تسالمات مع ختها حسنا لي تهياا غادية لدارهاا او مشااات كتمسح فوجهاا ركبات اللور باقة فيها لبكيية مزال حتى متقادات فلكلسة نطقاات زبييدة
وقالت-هناري هنااااري لي شاافك تاتبكيي درووك ميكوولش فمك كان مشرك بالضحك فلخطبة
وقفهاا او وقف حتى هوااا هز صاكوو ولوازمو نزلهم لطموبييل لقا شتاا كتنقط تبعاتو زهور دايرة درتهاا ولابسة مزييان ومشات لعند زبيدة لكوزيينة كتقاد معاها فلفطور ساااكتة وكل مرة طلع تنهييدة من الاعماق حتى كتهز زبيدة عينيها فييهااا
زبيدة-تسووط كي اللفعة
سمعاتها زهور وطمراات مكاين لا جهد ولا خااطر ليهاا حطو لي قسم الله فالطبلة وتجمعو عليه كلهم داوين الا هيا سااكتة كتفطر وهوما كاع لمواضيع ضاروو علييهم
جمعات لماعن لكوزينة وغسلاتهم دغيااا تعيط ليها عادل نشفات ايدهاا حتى دخل عندهااا لكوزينة تسيفط معاهااا موصيها على راسهاا او حملهااا وهيااا ساكتة خرجات معاه تالباب او وقف كيعنق فزبيدة وكتوصي فيه على راسووو وزهور متكية على لباب وفين مهز عينو فيها تبسم ليه نص تبسيمة وتجمعها ملي يهبط عينوو
زهور(ناضت غسلات لمااعن)غير طيبيييه راني مريضة غادي غير نزعلكو لييكم
خلاتها كتنكر وطلعات لبييتها مطلعة حوايجهاا لي بقاو فالشبكة مطواتهمش هزاتهم مفقووسة وطلعااتهم لبييتهاا حطاتهمم وسدات باباهاا وتكات فبلااصتهااا من بعد مطرقات لباب حلات لكونيكسيوون ودارت لكييت لقات حسنا مسيفطا ليها اووديوو وكاتبة ليها سمعي لهاديي كتفكرنيس غير فييك
زهرة...حمزة نمرة ....
ايااام كدووز وشهوورة داازت على زهوور مرة صابرة مرة كارهة عيشتهاا مرة موانسة مع كريشتها لي هي الضو وسط لغمامة عندهاا كتونس بحركاااتوو وتعمر بييه لفرااغ العاطفي
كلامها مع عادل قليل فين ما كيبغي يهدر معاهاا كدير ليه زبيدة السبة مرة مريضة مرة كدوش مرة نااعسة وتيليفونها ديمة حاضناه باش متهزووش ليهاا
وصل شهرهاا رجليهاا تنفخوو او بدا لعيااا كيدوور بيهااا كتحرك هي بزز واقفة فلكووزينة كطيب فلخبز ومقابلة جوج طواجن تدخلاات عليها لوستهاا حياة
بقات داوية معااه شي ربع سااعة ومرة مرة تحس بوجيعات وتعض على فمهااا توادعات معاه ملي سمعات زبيدة كتعيط ليهاا قطعات معاااه ونزلات مدات تيليفون ل حياة لي لقاتهم لاابسيين بغاو يمشييو
زبييدة-الله ابنتيي كون غير كلستوو شوية
فاطمة-لبغات حياة تكلس تكلس ماالهاا انا لااا باقي ولديي كيقراا يالله نمشيي
حياة-مرة خرى اميي تاتولد زهور
زبيدة-اوى الله ارضي علييكم
تسيفطو معاهم وخرجوو ومشات زهور جمعات لكيسان تاع اتاي لي عمروو من الصينية تدخلات زبييدة وقالت-زهووور هزي الزربيية راه غتخنااز ولد فاطمة خوى عليهااا اتااااي
في حين زهوور متكينها فلبيااص عرقاانة ولوجع حلف ليفووتهااا شعرهاا ترخى ولصق على عنقها لي عرقاان وكتشووف عيالات حداهاا تهوماا شهرهم هداا كاينة لي صاابرة للوجعها كاينة لي كتمشي وتجي فلكولوار عالله يهمد عليها شويي وكل مرة تجي فرمليية تقلبهم ولي لقاتها بغات تولد تخرجهاا تبقاات غير زهووور عاضة على فمهاا لي قرب يدوز بالدم من كترت لعضااان
مكلساات حتى فقنت باغة غير تفك خلااص حيت تقهراات دخلاات فرملية وشافت فيهاا وقالت-مزااال محسيتي بوالوو
-ملي كنتي هازة رجليييك مالك مبكيتيي تكديروها عاد تجييو تصدعو لينا مخناا صبري شويية نركب ليك لبراا (كتركب ليهاا فلبراا فايدها لي حاارة مغيحس بيها غير لي مجربهاا كاتمة بكييتهاا ولخرى لهلا يقلب كتمضغ لمسكة بقلب متلج تكملاات وقالت)تمشاااي مزيان لحسيتي بشي حاجة عيطيي لينا
خرجات وخلااتهااا منها لدموعهاا سكااتت فسبيطار غير شهقااتهاا وانينهاا كيتسمعوو ولاتك تمشى بزز وشاادة السيروم باييد وكتنهج وريحة سبيطار خنقااتهااا
نعاس لصق عينيها ولوجع هلكها تكات رااسها على لحييط متكية مبقات قدات تمشااا كل مرة تديها عينيها يقفزها لوجع وتسهاا فسقف كل مرة يدخلو مرة تبغي تولد مكدوز تا ساعة كيديوهاا
صبح صباااح على رحمة بمشقة الانفس واقفة قدام سبيطار لي كان عاامر بلي بغاو يدخلوو هازة صااكهاا وحسنا مركبة ولدها فضهرهاا
زهور-وباااااركة من لغواااات باااركة هء هء ااااااي هدشي تجهد اميييي
عادل-واش زهور هادي دوزها لييااا
حسناا-كون بغيتيي مرتك كنتي عااارف اش دير دابااا شووف غدوي مع مك بااش نخرجوهاا تديها لكلينييك لي عاطيااها تحك الزربية بليل توصلاتها لهاد لمااصل راه اقسم بالله وتوقع ليها شي حاجة يتندير فيهاا شرع ايديي وميفكوني معاكم غير لبوولييس
قطع عادل وصونا لموو وبعدات كدووي معاااه وتشكي علييه وهوا تما كي لحنش مقطوع الرااس اما زهور صافي مباغة لحماد لمحمااد باغة غير لفكاكة وتشووف ولدهاا كرهاات عيشتها وكرهاات واحد نهار كانت كتبغييه مرمية فسبيطاار بحال الى جايبااه من الزنقة فينهوا الراجل لي يهز بيهااا ويسهر على راحتها ورااحت ولدهااا
مشات زبيدة من بعدما سمعها ولدها لهدرة هيا ورحمة باش يخرجووها
-لااا متقدرووش تخرجووها اتبقا هنا تاتولد لمشات توقعات ليها شي حاجة متعرفونا منعرفووكم الالة صبرو ها طبيبة جية وتشووفهاا (بهمس)غير دورو مع لفرملياات وميكون غير لخيير
بقاو كالسيين من بعد مجات طبيبة كشفات عليهاا لقاتها عاد بدات كتحل ليها لوالدة ودكو ليها براا وجع اصطناعي ومشاات خلاتهاا كتوجع وتبكيي وتنين وعادل كل مرة يصوونيي لموو وكيصر عليهاا تعطي لفلووس
رجعات طبيبة لقات حالتها هيا هياا ولوجع مدا منها غير جهدهاا لا غير قلبااتهااا وشافت فل فرملية وقالت-لبلوك خاويي طلعوهاا تولد داباا سيزاريان لبقات هكااا ياتمووت هيا ولاا لولد سربييو....
قالت كلاامهاا وزهوور ركباتهاا لخلعة ودموعهاا تلقاوو حيدات ليها لفرملية السيرووم بدلاتو ليهاا وشافت فيهاا وقالت-مخفتيش ان شاء الله اتفكي على خيير
زهور(كتبكيي)خاايفة هء هء
-شحال فعمرك ازهوور كتباني صغيرة بزاااف اختي على لولاادة داكشي لاش تمحنتيي
زهور-هء هء سطااش طالعة فسبعطااش
-مالك اختي على حاالتك كتخرجو على راسكم بيديكم واش نتي دااتك تاضابطات حتى مع وجع ليغييكل زدتيها وجع لولاادة ولحكاك عندك مضيقيييين بزااااف وفيين راجلك مشفتووش
زهور-مكااينش كاين فاسبانياا
-(كتهضر معاهاا وكتعاونها تحيد حايجها وتلبسها لبسة خاصة بلعمليية )اوكوك مخليك مع موو باز لييك اختيي وخة يكونو رجال بينقارضوو منتزوج هكاا داباا ها وليدك جاااي يعمر علييك (قدات ليها رجليها
دخلووها لبلووك بااااردة هزاتها تبورشة من كترت لمقوصة ولماس ولقطن لي محطوطيين فواحد لقنت عاونوهاا تكلسات فوق لبيااص وضهراا اللور كاع عرياان شافت ولد مقابل معاهاا شااب حشماات وهبطات عينيها حيت كلها عريانة من غير صدرهاا جا لبنااج راجل كبيير دك ليها براا فضهرها لتحت تا تاوهات من الالم حسات بالتلج سرح فرجلهاا قدوهاا وتكاوهاا وغطاو من كرشها لتحت باش متشووف والوو تقدم لولد بابتساامة وشد ايدهاا دار ليها السمطة باش متحركهم وقال-مخفتييش
دوز ليها خيط من نيفهاا وعبر ليها الطونسيوون او بقاا واقف حداهاا وهيا كتبكيي بصمت حير دموعها معبريين على وجعهاا
بعد مدة بدات عمليتهااا ولخلعة دارت فيها كتر من لوجع كسراتهم بلبكاا حسات بايديه شدات ايديهاا وقال-رتاحي امدااام مبقاا والوو
زهور(بلبكا)كنحس بيهم هء هء
جابت ليه الضحك وربت على ايدهااا تزيرات علييه خلاهاا على رااحتهاا وبقا كيهدر بلفرونسيي مع طبيبة باش متدي متجييب حتى تسالات لعملية ب صرخة طفل غير سمعاتهاا وضحكات وسط دمووعهاا
زبيدة-لووواااه ابنتيي انا راه قلتها لعادل ملي يالله حملتيي وزاايدون راه حطو ليه فلورااق ايمن
حسنا-ومعامن تشااوتييي واش ولدها تسمييه لي بغاات
زبيدة-عل مالوو ولدها بووحدهاا
زهور-ولدي سميتو ادم واش حتى ولدي منسمييهش
رحمة(شدات من عندها لولد)زبييدة دري ولدها تسمييه لي بغااات
زبيدة-لولد تسمااا ولي عطا الله عطاه تكتبات سميتو فلورااق منجيوش داباا نخربقوو كلشيي
حسنا-نتيي لي توجعتي عليه تقربتيي تموتيي
زبيدة-توجعت على باااه كون مكان بااه غتشووفووه
حسناا-مصااااب كون مكااانش
رحمة(قرصات بنتهاا)زمي فمك وسكتييي مالك لفعة مالك
زبيدة-اوى مربيتي واالوو فبناتك ارحمة
رحمة-ومتشوفينيش سااكتة تقووليي نركب عليهاا زبيييدة مزااال مهدرنا على لي عاطياهاا الزبيية فليل ومتقلة مقلتي عيب مقلتي حشوومة راه لسكت غير على وجه هد لملايكة
زهرة العمر الجزء الثالث
محتوى القصة
التنقل بين الأجزاء