زهرة العمر الجزء الرابع

من تأليف لبنى السرابي
2020

محتوى القصة

رواية زهرة العمر

بعد تلتياام عاد خرجوو زهوور بزز كتمشاا لبسات جلاابة فلخزيي خفيفة وفولارهاا خارج شعرها من لقدام ضد فزبيدة لي بغاتهاا تقادو وهيا ولفات هكاك حيت بزز منها دايرااه ملي بلغاات تحرم عليها لخرووج بلا فولاار لابسة بلييغة كحلة فرجليها وشاادة فحسناا ومها شاادة ليها ولدهاا ادم لي حلفات لقالت ايمن وولي جا يسلمها كتسبق ليه ادم وتخليي زبيدة غي كتشوف 
دخلوها لداار لي كانو فيها جيرانهم كيتسناو يشوفووها وهيا باغة غير تنعس ففراشها وترتااح كتر 
زهور-حسناا طلعيني لفووق مبغيتش نكلس هناا
حسنا-يختي راه بيتك غيكوون شاعلة فيه لعافية بالصهد
زهور-عفاااك والله مقادة على صدااع هناا 
حسا-على راحتك
طلعاتهاا لبييتها بزز سبقاتها مهاا حلات لبييت وقدات ليها بلااصتهاا وبلاصت ولدهاا وبدات كتجمع فلي خاصو يتجمع حطات جلابتها ولساتها كنضورة خفيفة فلبييج وزييف ضوراتو على شعرها وخلاات عنقاا عريان جبدات ليها حسنا سنسلة ركباتها ليهاا هيا ولخاتم
زهور-ففف مبغيتش هدشيي
حسناا-لبسيهم كلااه لاش شارياهم تخزنييهم لي دخل عندك يلقااك هكاا لا دهب لا نقرة ويليي 
رحمة-الله ابنتي حوايجك كاع مقلوبين متعرفيش طويهم
زهور-لااا كنت عاد طوييتهم (طلات لقات شي داخل شي خارج بااينة محرك من بلاصتو)خليتو مقااد اميي
حسنا-يكما عدوزتك طلعاات 
زهور(خرجو عينيها)التيليفووون احسنااا شوفي تحت لمااريوو بين لماريو ولحييط 
مشات حسنا كتقلب بزز دخلات ايدها مع عامرة لقاتو عاد تنفسات وقالت-باااينة فرتكات لبييت
رحمة-هدشي كاع خرج منهاا
تحل لباب ودخلات زبيدة كتشوفيهم وقالت-علاش طلعتي مال لتحت النااس كتسنا فيك ونتي جيتي هناا
زهور-راني فااتحة مفيا لي يهدر بغيتغير نعس
رحمة-لي بغاها يطلع هناا ونيت مزياان لدريي راه لبشااار كتير علييه 
زبيدةاوى هبطو نتوما اش كديروو
حسنا-سيري هبطي اميي غنبقا مع زهوور
هبطات رحمة معاها وشافت حسنا فزهور وقالت-يكما كانت كتسنط (ناضت طلات فلباب ورجعات)بقا ليها غير لبيت هاهيا قلباتو يختي بناادم كيتقلب تفوو
بداو لعيلاات كيطلعو يسلمو زهورر كاين لي كتحط ليها لفلوس عند راس ولدها وكاينة لي جايبة ليه لبييسة وزبيدة كل مرة طاالعة وحاضية لبلان بعينيهاا وتكلس مع لمرة حتى تخرج لمهيم متخليهمش بجوج لي جات كطلع معاها وتبقاا معندها ميداار والاكترية لكانو فاميلت زهوور مكتحركش من جنبهم 
دازت سبعياام وغدا سبووع لي غيعرضو غير على لعيالات اوو رجال تيجي عادل هكا قال لبااه طلعات زبيدة عند زهور لقاتهاا كتقاد لولدها فليكووش وملبسااه وكضحك معاه
زبيدة-زهوور ارااي واحد خمسالاف تندرها ليك
زهور(ضارت جيهت لباب)ديالاش خمسالاف
زبيدة-خصاني شي حاجة ومبقا عندي والوو اراي من فلوس زرورة
زهور-علاه لفلووس لي كنت غنولد فيهم فلكلينيك فين هومااا بالسلامة 
زبييدة-علاه هد الناس لي كتخرج ودخل منين كنوكلهم بالسلاامة
زهور-معندييش داكشي لي جمعت عطيتهم لميي
زبيدة(خرجو عينيهاا)ياااااك وعلاااش بالسللامة تعطيهم لمك 
زهور-خصاني شي حاجة ومديتهم ليهااا بلا منبقا نخسرهم على لخاوويي
زبيدة-شفتي نتييي ميقد علييك حد اجي بعداا منين عرفوو ضاردكم بليي فيك لوجع هااا
زهور-داكشي علاش قلبتيي بيتيي يااك 
زبييدة-حت نتي فيك لغدر ومصااافياااش ابنت رحمة ويني تيجي ولدييي هوا لي كيعرف ليييك غبقااي ترطاااي عليي هنااا راه بكلمة منيي تمشي لداركم وديري داك اللعب على مك 
زهور-هزات ولدها)اوى تيجيي وكوليها ليييه كيشفتي انااا فرحانة بلعيشة معاااك 
خلات زبيدة كتقلى وجبدات الاخيرة صدرها كترضع فولدها وكتنادي باسم ادم وضحك معاااه مشات زبييدة لتحت كطرطق كي لكلية...

في الوحدة مرارة لا يدركها احد سوى من عانق خيوطهااا وسكوتهااا 
داز شهر ونص على ولاادة زهوور لحال كيف هواا من غير زهور تشغلات بولدها كترر وعطات مشيي لزبييدة لي دور وتنكر الدار تروناات توسخااات دوداات 
اما زهوور خالقاها غير مع ولدها حتى هدرتها مع عادل قلالت وبردااات من جيهتهاا ولات كتجاوب على قد السؤال وتقطع عليه قبل ميقطع قلبها بررد فخطرة وملكوو ولدها بوحدوو 
كاان لموت تاع الصهد ورمضاان كالسة فبييتهاا فوق الزربيية وحاطة بانيو فلزرق تاع دراري صغارحاطة فييه ادم ليي عرااتوو فرشات ليه فووطة فلماا وحطاتو فلباانيو كيششهق ويلعب بلمااا لابسة كنضوورة صيفييه خفيفة تحت منها سليب وسوتياان فقط شادة تيليفونها كتصور ف ادم وكضحك معااه وتكب علييه لماا نهار على نهااار كيبانو ملامح وجهوو ليي داهم غير لزهور فقط لعينين كحلين كيف سواد الليل ولبشرة بيضة وشعر كحل ولفم صغييور لي شاافو كيعجبوو 
زهور(بصوت طفوولي)سبعتييي مااا هااا دوي الخااانز ههه (تحنات بااستوو من نيفوو تجر ليهاا شعرهاا ولواه على ايدييه بقات مضاربة معاه تطلقوو ونقات ليه ايدييه وهزاتو من لما مسااخيش لبساتو ليكوشة وديباردو زرق رطب وخفيف وتكات معاه عاطياه يرضع وكدندن لييه حدا ودنوو حتى نعس وطلق لبزوولة قدات ليه بلاصتوو ونااضتعاضياه السكاتة مخلياه يضرب فيه لبرد 
هبطات لتحت لقات زبيدة كتشخر فالصاالة وقبالتها لفرفاارة مشات نيشاان لكوزيينة قدات لحريرة وعجناات وبدات كدير فلعصيير عاد ناضت زبيدة وقفات ليها ف فم لباب مدوخة بنعاس
زبيدة-وااا لي بغا يدير لفطور كينووض ليه بكريي ماشي تاااايقرب يودن 
زهور-كنت كنعس فولدي ولا بغيتي نخليه كيبكيي 
زبيدة-داك الدرييي غتخصرييه غا نتيي كل مرة هزاااه مالك غانتي لي واالدة 
زهور(شافت فيهاا وخدمات لمولينيكس كطحن وتحبس وتبغي تهدر زبيدة وتخدمهاا طحن بقات عليها هكاك تمشاات ضحكات زهوور ودارت لعصير فالتلاجة وقدات لبغرير حتى هواا على حقو وطريقو ومرة مرة طلع طل على ولدها وترجع تلقااتو فااق ونزلااتوو معاهاا دارتو فضهرهاا يكمل نعاسوو وكملات شغلها فلكوزيينة شادة لحتيت غير مع ادم لي جاابد عليهاا 
وصل وقت لفطوور وحطووه وضروووري من التعياااب
زبييدة-حياااة الله ارضي عليهاا يالله والدة ونهار مشيت عندها مخلات محطات فالطبلة مسيكينة 
صالح-رمضاان راه مكيبغيش التبدييير غييير شوية باش يعتق لوااحد ويصلي الترااوييح على خااطرو (شاف فزهوور لي شاادة فايدها ادم وكتفطر معدبة معااه باغي يرضع وحشمات من شييخهااا وكدير لييه عسيلة فلسكااتة يمص لحلاوة ويبدا يبكي من جديد)ماال ديك لكميشة مصدعانة ههه 
زبيدة-مكيتزاااادش مسيكيين قاتلوو غير جوووع تزادة غير من مورااه وداروو لحناك 
زهور-اش بغا شي حناك يباان مطبز بحال الى مشنووق انا هكاا ولديي زوييين مكاينش لي مكيحماقش علييه ياك اعميي ههه 
صالح(مد ايدو ليه)ارايه ليا ابنتيي نخرجو جنب لباب يضربو لبرد بينمااا فطرتيي وكولي كوليي راه كترضعييي ابنتي 
شدو من عندها تيبكيي ولف حضن موو عاد بدات كتفطر وزبيدة حاضياهاا 
زبيدة-كتاكلي تاتعياااي مكايبان فيك والوو لي شيافك يقول سادين علييك
عطاتها مشي وفطراات على خاطرها وناضت شدات ولدهاا طلعات لبييت رضعاتو وبدلات لييه وكلسات كتلعب ليه فشعروو وتنهد وفين ميهز عينو فيهاا تبسم لييه ويرجعها لييهاا بضحيكة تنسيهاا كلشيي 
نزلو لتحت وكلساات كتفرج ترتااح وهوما مشااو لجامع حطاتو فلارض وحيدات ليه تيشورت خلاتو غير بليكووش ومشات تغسل ماعنها وكطل علييه تسمعات دقان فلباب دازت على ولدها هزااتوو ومشات لجيهت لباب وقالت-شكوون 
-قرييب 
تهز قلبها ملي سمعات صوتوو بدات كتقااد فلكندورة لي عمرات ما من جيهت كرشها بلمااعن وشعرها مرون حلات لباب لقات عادل وااقف شافيهاا وتبسمو لبعضيااتهم وبعدات باش يدخل غير شااف ولدوو طلق الشاانطة جيهت درووج وتحناا شد ادم لي بدا كينين بغا موو 
عادل(كيبووس فادم ويشم ريحتوو )ها بابااا جااا ههه اش هدشيي كبر هااا (هبط عينوو فزهوور وجرهاا عندوو باسها من جبهتهاا وعنقهاا وتهيا بادلاتو لعناااق
زهور-علا سلاامتك (رجعات شعرها اللور لي عواج فيه لمقبط ونحل نصوو)علاش مقلتي شراك جااي
عادل(كيبووس غير فولدوو )اشهادشي ولدتي لياا ازهووور ممم(باسوو فحنكوو حتى بدا ادم كيبكيي)شووو مالك ابااباا هااا ههه قرصاتك اللحية ههه ولفتيي حنيكات ماماك رطبيين هه
زهور(شداتوو من عندو تيبكيي)هه لا غير مع مولفكش فطرتيي ولا نقاد ليك شي حاجة
عادل-لا فطرت عند واحد لولد جبتو معاايا وشدوني لفطوور فين مالين داار
زهور(غادية قدامو لجيهت لمرااح)مشااو يصليييو مزاال ميجخلوو 
كلساات كتسكت فولدهاا لي كيقلب فصدرها بغا يرضع وكلس عادل جنبهاا عينيه غير فييه والضحكة واصلة لييه تالودن 
عادل-كيضل مصدعك بحال هكا ههه 
زهور-لااا غير لكان فييه جووع 
عادل-اااه وعطييه يرضع 
زهور(شافت فييه عطاتو ادم وجبدات صدرهاا حشمانة من عادل ومشاعرها مضاااربة عطاها ادم وحطاتو على حجرها دغياا سكت كيرضع حسات باييد عادييل حاضناهاا ومحطوطة على كتفها وهزات فييه عينيهاا لقات وجهوو قريب يالله بغات تهبط رااسهاا حسات بفمو على فمهاا بقبلة خلاتها تبوورش بعج شوية وقال-سمحيليا مكنتش معاك عاارفك مقلقة منيي...

هبطات راسها بلا متجااوب وقرب هوا عندهاا شد ايد ادم كيلعب بيها وكيهدر معااه
عادل-داب اش نقولييه ادم ولا ايمن ممم
زهور-ادم 
تبسم عادل وهبط بااس ايد ولدوو وبقاا كيشوفيه وهوا كيرضع تنعس وقال-دغيااا كينعس سعداتوو
زهور-مزال راسوو معمر بهم الدنياا لي يسهروو ويطير عليه نعااس(ناضت من حداه وحطاتو ف فراشو فلارض )بقا حدا انطلع لفوق ونجيي دغياا 
عادل-وخة
طلعاات كتجريي خبات تيليفوون فحوايجهاا وبدات كتجمع فحوايج ادم من فوق سرير وديرهم فلماريوو وتقاد فلمخاد حيدات لكندوورة وبدلات عليها ب بيجاممة بسروالهاا رطبة وبااردة ومشطات شعرها وهزات الدرة تدخل عادل خلعهاا 
زهور-فاااق 
عادل-ناااعس هه 
زهور-صافي خلييه ميفيقش داباا 
عادل-ستفي هدشي فلباليزة دياالك نتي ويااه 
زهور(تبسمات ليه )شكراا هه شنو جبتي لياا 
عادل-ممم داكشي زوين هه
خلات شعرهاا مطلووق وحلات لبااليزة كتجبد لقات صاك وصباط فلكحل تاع جلد وااعر بارفاان وشلا كريماات ولميكااب ولي شوميز دونوي هزاتهم وهوا وراها حاط ايدو على جنبها كل مرة يقوليها هادي فين خداها ومنين خداهاا ظازت على شووميزات دغياا وهزاات لبيساات تاع الدار ولخرووج عاد دازت لحوايج ادم عجبووهاا مخلا مجااب لييه 
زهور-زوينين 
عادل(باسهاا فعنقا من اللور)علاه شحال عندي من ادم 
زهور-اوى الله اخليك لييه 
عادل-غير لييه وليك نتي لااا 
زهور(تسلات منو كتقلب فلميكاب)ليا ولييه 
جرها عندوو وزيرها مع لمارييو شادة لماسكاراا وقلم فايدهاا على صدروو وقالت-مالك خليني نهبط نقاد لعشاا
عادل-مال داك الراس قااسح عندك هممم
زهور-علااش شنو درت 
عادل-مدرتي والوو هي كنعيط باش نهضر معااك وتخلينيي منشوور 
زهور-راه مك كتكوون حداياا مكنهدرش بخااطريي(شدات ليه على لقعدة تاع تيشورت كتلوي فلهضرة)كون بغيتي تدوي معاياا كنتي تخلي ليا تيليفوون تشبع غير تصااور ولدك 
عادل(عوج رااسو فيهاا )دابا ناخد لييك واحد غير صبري شويية 
زهور-ااناا مبغاش تيليفون اعادل بغااك نتااا باغة ولدك يكوون معاااك ماشيي نسيفط لييك تصااوروو ونهار تجيي ميعقلش عليييك حتى تبغي تمشييي تاني او يولفك ويرجع ينسااك اوي(حط ايدو على فمهااا 
عادل-شش داباا هانا معاااكم خليونا ندوزو هد لياماات بخييير وعلى خيير (شافها سكتات )عجك هدشيي
زهور(هزات راسها فييه)ممم شكراا 
عادل-شكرا هكا نااشفة مكاينة تعنيقة مكاينة بووسة ممم متوحشتيش رااجلك العفريتة 
زهور(هورتها من جنبها تضحكات)ههه وصافيي حيد خليني نمشي نقاد لعشااا دغياا تعطلت ههه(عوجات عنقها كضحك تحسات بعضيضات على عنقهاا وبوساان تسحلاا تعنيقتهاا وموحشهااا وهيا نافرة كلشي باغة غير تسل تهبط تشوف ولدها مخلهااش تطيب ليها فمهاا عاد هربات مخلياه كيتحلف وراهااا نزلات كتمسح فعنقهاا ومشات لكوزينة بجريي تقاد لعشاا..

نزل عادل وكلس فوق الزربيية كيفيق فولدوو مزال مشبع منوو وزهور من لكوزينة كطلب فيه يخلييه ينعس دار ليي دار وفيقوو تاتسمع غواتوو مشاابعش نعااس
عادل-شووو مالك داير كي زواااي نبك قد لكميشة وصداعك واصل لطريق هااا (جبد تيليفونوو ودار لييه ضواو ولموسيقة الاخير حط راسوو على صدر عادل وتكالمة كيسمع طلات زهوور وسهات فييهم كالس فلارض مسرح رجلييه وتكي على سداريي وشاد ادم فصدروو وكيبوس فايديااتوو تمناات كون هد اللحضة كتشووفهاا كل نهار تمنات فعلاا كوون ديما مجموعين تحت سقف واحد 
تمنات كل نهار تلقا لييه جيهت لباب وتسولو كيداز نهاارك فلخدمة شنو نوجد ليك لغداا شوف ولدنا بدا كيضحك تكبر معااه ويكبر معاهااا
كل مرة كيمشيي ويغبر عليها بشهوورة ويرجع كان علاقتهم عاد بداات ونوع من لغراابة ولحشمة ومكتجي فين تبدا تزعم عليييه حتى كيمشيي ويخلي بلاصتو خاوية تانييي تنهدداات تهز راسوو فيهاا او نااض جاي عندهاا 
عادل(عنكش نيفها)مالك كتشوفي من بعيد
زهور(رجعات لطاجين كتقاد بطاطا)لاا غير شفتكم اش كديرو (هزات عينيها فيه)كتبانو زوينين بجوج
عادل-ههه بصح لواليدة تعطلات
زهور-هادو وقتهم شوية ويدخلوو
عادل-ممم قولياا ازهور كي غاداا الامور مع لواليدة شوية 
زهور(تنهدات وتبسمات)الحمد لله هااا يمكن جااو لباب تحل 
وفعلاا كانت زبيدة لي غير شاافت ولدهااا وحلات فمهاا كضحك من لودن مشات كتعنق فيييه وتبووس وترحب بييه وكدالك بااه
زبيدة-اللله ياولديي غبرتي تا توحشناااك 
عادل-غير مع لخدمةة وصاافيي كيدوزتوو رمضاان 
صالح-الحمد لله مزيان لي جيتي دوز معانا لعيد ان شااء الله 
عادل-داكشي لاش جييت(شاف فولدوو)ونييت تختن لفنيكيش وندبح لييه تهوى
زبيدة-هاااو لاااش اولدي رااه دبحناا فسبووع
عادل-غنعرضو على رجاال اللهم ندبح ليييه 
صالح-اوى يكون خيير 
زهور-لاا متختنووش اعادل عفاااك مزال صغييير 
زبيدة-اش عرفك نتيي فهادشيي منو لولدوو بغا يختن ودروك يختنوو(شافت فعادل)لعنداك اولديي ختنو محدو صغييير باش دغيا يبراا 
عادل-داكشي لي كاااين نحيدو علياا محدي جييت 
حطوو لعشااا ولموناضة وشلااضة ودلاح مقطع مع لعنب وكلسو كيتعشااو وزهور تاكل دغمة وتسكت ادم شوية 
عادل-مالوو
زهور-كتجيه رضااعة غير وقت لمااكلة
ناضت من حداهم ودخلات لصالة شعلات الضو وكلساات كترضع فييه وطبطب لييه باش ينعس
نعساتوو ورجعات دمقات شوي وهزات لماااعن غسلاتهم عيات وبغات طلع دوش تنعس توقفااتها زبيدة وقالت-زهور عجني شي بطبووط لسحوور يالله يخمروو
زهور-راه باقي لخبز قبيلة عجنت
زبيدة-وخة عجنتي كلت لييك عجني عجنيي يالله جا عادل وتحطي لييه لخبز باارد انا راه نهار كيجييي كنت نوجد لوليدي غير لي بغااا 
عوجات فمها ورجعات عجناتهمم وخلاتهم يخماارو ومشات بغات طلع توقفااتها وقالت-وفيقيي بكريي لتخلينا بلاا سحوور
طلعات لبيتها لقات عادل متكي وجنبوو ادم ناعس كينش علييه من الصهد تبسمات ليه وهزات فوطتها وبيجامة حد الركبة صيفيية وخرجات دوشاات من لعرق وطرفاات حالتهاا ورجعات لبييت دهنات ايدها ورشات شوية من رييحتهاا وتكات بشوية حدا ادم لي جا وسطهم 
زهور-لبييت ولا سخون فهاد الصهد
عادل-بقاي تنعسيي لتحت 
زهور-كنحشم يدووز عميي ويلقاني نااعسة اللهم بيتيي كنخدم لفرفاارة حتى كيديني نعااس ونطفيهاا
مع لبييت كبيير فرشاات ليهم فلارض حدا الناموسية حيت لبونجة سخونة متنات ليهم بتلااتة ونعساات ادم فجنبهاا وتكات حدا عادل لي حاضيها فين مامشاات وهياا كتلف من هادي لهاديي تطفات الضو ومع مقابليين مع الشرجم سنا مضووية بنجووم ضواو لبييت نعساات حدااه قلبهاا كيضرب بحال الى اول مرة تنعس جنبوو بلا مقدمات نزل بااسهاا فمهااا وقال-موحشك بزااف..

زهور-ممم كون موحشني كون راك كتجي تشووفنيي
عادل(حيحيد ليهاا شعرها من على وجها وكيهدر قريب لفهاا)علاه داباا مجيتش نشووفك 
زهور-انا بغيتك حداياا ديمااا اعادل علاش مباغيش تفهمنييي 
عادل(هز راسوو كيتنهد ورجع شافيها)زهوور اخر مرة تجبدي معاياا هد لموضووع حيت غير كتمرضيني وكتمرضي رااسك بغيتي تيليفون غنشرييه ليك وخلييه فبيتك نبقا نهدر معاك منوو ولكن برااا راه منقدرش نديييك مبقاتش مسلكاني انا نيييت 
زهور(شافت فييه )وخة ماشي مشكيل (جراات ليزار على رجليهاا بوغات دوور تعطيه بضهر تشدها ضورها عندوو)شنوو
عادل-كيفاش شنوو ست شهور وانا غااايب علييك وفاللخر تعطيني بضهرك ازهوور 
زهور-بغيت نعس اعادل مزال غنفيق نقااد سحور 
عادل-زهوور راه قلت لييك موحشك بمعنى اخور باغييييك
زهور(بقات كتشووفييه وترمض وقالت)لاا منقدرش
عادل(هز حاجبو)علااش بالسلاامة ياك دازت شهرااين على ولاادتك ومفيكش حق شهر شنو لي غيمنعك
زهور-مكنشرب لكينة لا والوو خلي تاتجيبها ليااا 
عادل-ونصبر اناا تالغداا ونجيبهااا لييك 
زهور-صبر
عادل-زهووور هد لهدرة لبااردة وتصرفاتك لمبهشة معندنا منديروو بيهااا راني رااجلك لمفروض نقووليك اجيي تجيي ماشي لااا ولاا ومعرت شنوو
زهور-راه مبقاا والوو لسح(سد ليهاا فمهاا وزير ليهاا ايديهااا وهيااا كطلب فيييه بلهمس باش ميفيقش ليهاا ادم السعاتي معامن هياا جهل عليهااا ولات كتبان ليه غير هيااا خرج صوت المها من وسط ايدوو لي على فمهاا مدة جمعاتهاا معاه علاقة حميمية خلاتها تزير من جديد وهوا داكشي لي بااغييي بزز قنعاتو ميرميش عندهاا باش ميوقعش لحمل وداكشي لي داار ناضت دغياا كتمسح معصبة ولبكية شداهااا وهواا تكااا عاد رجعات فيه الرووح هزات لفووطة ديالهاا وخرجات لدووش كلساات كدوش وتبكيي سادة فمهاا وكتنخصص وفين يطلع صوتهاا تعض على فمها لي سمعهااا
مسولهاا لكيدازت ولاادتك لا انشووف لفتحة فين داروهاا لاا واش تعدبتييي هموو باااين اش كتسناا من زوج مغترب اول حاجة كتبان ليييه هياا الجنس تم الجنس حتىى يلبيي رغباااتوو هدشي الى كان فعلاا عندو هيا فقط 
دوشات وغسلاااات تطيبات تحتهاا بالصاابون وكتنما فخاطرها متحملش ولات خايفة من لولاادة وتعبهااا خرجات عينيها حمرين وتنخصيصة طالعااهااا دخلات لبييت لبسات حوايجها لي محطوطين فوق لكرسي حدااهم يالله بغات ترجع لبلااصتهاا فاق ادم وخبطات ايدهاا مكرهة ودموعها سبقوهاا هزاتوو وكلسات فلقنت عينيها كيبرييو فدموع فحين عادل لاح على رااسو مخدة ومغطي نصوو فساابع نومة 
رضعاتوو وهزات السااعة لي حداا لكوافووز شعلاتها لقااتها وقت سحوور ملحقات حتى تحط رااسها لمخدة نااضت لبسات بيجامتها طويلة وهزات شاالهاا حطات ادم حدااه وخرجات من لبيت كتمسح فعينيها لمنفووخات مشات لكوزينة وبدات كتقاد فلبطبووط وتعمر فاتااي وتحط فوق الطبلة رطباتوو فشوية تاع زبدة بلدية او لعسل وحطاتو فطبسيل تاع الطاوسوداتهم لصالة عاد فاقت زبييدة ومشات كتوضى بينما فاقو لخريين طلعات عيطات علييه وهبطات بلا متشوفييه كلسات كدهن فلفرماج فخبييز ومهبطة عينيهااا شافيهاا دغياا وهز كاس تاع اتاااي كيشرب فييه مبوق بنعااس 
زبيدة-ياكول اولدييي متسحرتييش
عادل-علاه فين عمري تسحرت ههه لعشاا الله اجعل لبركة عطيني غير لمااا نهار كيدوز طويييل وسخوون هنااا 
صالح-اوى غير عول عليهااا هههه 
عطاتو لماا في حين زهور ملي هبطات عينيها مبقاتش هزاتهم مزاال تسالا واو ناضوو غسلات لماعن وهوما كل واحد مشا يصليي مشات صلااات وتلااحت حدا ولدها من لعيااا تنعساات في حين عادل دوش وصلاا وجا حداها حركهاا لقاهاا نعسات وحيد ليها الزيف من عنقهاا وتكاا نعس
صبااح جديد لي مزال حتى مشبعات من نعااس فيقها بكااه جراتو عندها مغمضة عينيهاا وعطاتو يرضع رضضع تشبع وبقا صدرهاا عرياان وكينتف ليهاا فشعرها كيديه لفوو ويلعب برجلو ويقمشها من وجهاا وصدرها لي بااين قداموو يبكي شوية ويلعب مع راسوو شويي تطير عليها نعاااس او حلات عينييه فييه كان شاد شعرها وكيشوفيها بدوك لعويناات لكوحل ولفم مبسم وخاوي من سنيناات دخلات صدرهاا ومسحات ليه فموو وبدات كتحيد لييه فشعرها من ايدييه مدوخة بنعااس

ناضت بلعكز بدلاات لييه وضراتو فايدوو وبدا كيبكيي ويتجبد تحرك عادل مكشر حجبانوو بانزعااج وهز راسو فزهوور 
عادل-الله احفضك سكتيييه راني مبوق بنعااس عيااان وضلمي معااك لبييت 
عطاها بضهر جار مخدتها فووق راسو هزات ولدها وسدات لعود تاع الشرجم ضلماتوو ركباتو فضهرها كيف ديماا وخرجاات لقات زبييدة موجدة ليها قوام لحلوة على صباح بحجة غدا لعييد محيلتها لنعاس لي مشاابعاه ولا نهار طويل وصهد ورضاعة وزيد وزييد 
زهور-ندير غير جوج شكيلاات صاافيي 
زبيدة-ياك كنتي تديري فداااركم مكتر هااا ودوك الناس لي غيجيو فسبووع ولدك تحطي لييهم لحجر ديري لفقاااص وغريبة ولهلاال وحلوة تاع لكوك راه نهاار طوييييل وتملييهم دغيااا بناتي اناا رااه كيديوروو هدشي بلا منحل فمي ونتييي لما تنغزتييي كون جات عليك تحطي لناس غير لمااا ولخبز 
دخلات لمكازة تخلط وتخلط والدفتار تاع لحلوياات ديالها حداهاا والطاوات تاع لحلوة ولمقاديرر شافت فزبيدة شادة واحد لكرسي وكالسة-نعيط على لطيفة تعاونيي 
زبيدة-لطيفة معندها شغل تجي تعاونك ولا مقداااش بشغلك منعرف 
سكتات وتنهدااات كتخلط فغريببة وتستف فالطاواات حطات ادم فالصاالة ناعس ورجعات لبراان وجها ولاا مزنك وحمر بسخونة طاب ليهاا بلا ايديها لي كل مرة شادة حرقة مكمداهاا فيهاا من هاد لحلوة لهاديي لعطش والصهد والدوخة تاع جوع

داز لوقت وهيا مزال من حلوة لحلوة ولات طاايبة وفمها نشف بدا ادم كيبكيي هزاتوو زبيدة حلف لسكت ليها حيت مولف غير موو يالله غادية بييه تم نازل عادل عينيه مبوقاات بنعااس 
عادل:مالوو كيبكيي 
زبيدة:ولف غير مووو غتهزييه ويبدا يغووت 
عادل(شدوو وادم كيبحت فصدروو على لبزوولة وكيبكيي )فين زهور 
زبيدة:راهااا كتصاوب لحلوة 
عادل(كمش حجبانو)لحلوة فهاد الصهد تخلي غير تالليل بعدا
زبيدة:علاه هيا كتسمع لشي حد كدير غاليكاليها
راسهااا 
عادل(تمشى بادم تالمكاازة لقاهاا كتشكل فلحلوة هزات وجها حمر ملي سمعات بكا ادم نقزات الطااوة ومشات جيهتهم 
زهور:فااق ولا فيقتييه
عادل:لقيتو فايق كيبكيي شوفي وجهك كي ولىى 
زهور:الصهد تاع لفراان 
شداتوو من عندوو وكلسات فوق كرسيي حدااه كترضعوو وعادل محني عليهم كيعنكش فيه مخلاهش يرضع بخاطروو 
عادل(جر ليه نيفوو)واش كتعرف غير ترضع تبكي وتنعس ههه معندك ميداار هااا 
زهور(كتشوف فولدها وسااكتة كترضع فيه وهوا كيعنكش فولدوو تقفزاات)ويلي ويلي لحلوة نسييتهاا شد شد 
مدات ليه ادم بنترة ودخلات صدرهاا حلات لفرااان وطلع الدخااان من الطااوة دارت توب وجبدات الطاوة لقاتها تحرقاات 
عادل:الله الله تفخراات(شاف فادم )صافي هدشي لي بغيتتي ممم 
زهور:اوووف تاللخر وتحرقااات
زبيدة(طلات عليهم وشهقات)ويلي ويلي ويلي على لحلوة اتي فين كان عقلك
زهور(هزات عينيها فيها مكرهاتش تغوت حيت صافي وصلات ليها لعضم معاهااا)كنت كنرضع فادم 
زبيدة(شافت فولدها)دخلت عليك غير بالله اولدي داك لولد واش بااغين تلفوه فسميااات واش هوا سميتو ايمن وهيا كتعيط ليه ادم 
عادل:بحاال بحاال اميي 
زبيدة:وفدبيحة دبحنا على ايمن 
زهور:انا محملتش ديك سمية ومبغيتهاشش ولدي وانا حرة اش نسميه 
زبيدة:لاا اجي ضربينيي نيييت ولدك غااا نتيي حنى لقيناااه طايح (شافت فلحلوة)فين كان عقلك غا لقيتي لمقادير ويالله يالله وخة تكوني مكتشميش مديري ليه ديك لحرقة 
عادل ساااط وداز من ورى زبيدة وخلاهم وطلع لفوق ومعاه ادم ...شافتوو زهوور وبقات حاضياه تغبر ورجعات كلسات على كرسي تاع لميكة قصير قداام الطاوة وزبيدة عند رااسهاا
زبيدة:شوفيي ديييك لحلوة مديريهاش حلوة بزاااف 
زهور:عييييت مباقي غنزيد والو تالغدااا 
زبيدة:اوى وانا اش نااكل راه هدشي لي درتي حلو بزااف 
مجاوباتهااش وبدات كتفند لحلوة فلكوك ولفيرميسييل ودير فكويغطاات تقداات ربعة طباسل تاع الطاوس كبااار مستلات تادن لعصر ضهرها تقووس بلكلسة بلاا راسها لي تبخ بلفران ونعاس لي مشابعااهش 
طلعات لبييت كتحيد فزيفهاا مع دخلات لقاتوو معريييه غير بليكووش وحاطو على كرشوو وناعسيين حسداتهم فهاد اللحضة شعلات لفرفاارة وتقابلات معاهاا ومشات تكاات عاطية لعادل بضهر كتنهد 
عادل:زهووور لاش كتبقاي ترادي لهدرة مع لواليدة
زهور(حلات عينيهاا كترمش ساكتة تعاود هدرها وقالت)حيت كون كتدوي علياا كنت غنسكت ولكن نتاا عمرك دويتي علياا 
عادل:شنو فيها لخليتيها كتهدر تقول لي بغااات نتي متجاوبيهاااش
زهور(غمضات عينيها)وخة 
كانت باغة غير ترتااح السعاتي نعساات وشداتها السخاانة حناكها ولاو مزنكييين ونفسها كيخرج سخوون وقف عادل باش يطفي لفرفاارة ويفيقها حيت سمع مو كتعيط ليهاا من حمورية وجهها حط ايدو على حناكهاا لقاها كتشوي
عادل(كيحرك فيها بشوي)زهووور ...زهوور 
زهور(حلات عينيهاا فاشلة معسلاات بلسخاانة)ننن احح شحال داباا 
عادل:ربعةة نوضي دوشيي راك سخووونة 
زهور(حطات ايدها على جبهتهاا وناضت كتقلب على صندالتهاا فين هيااا ونزلاات بخطوات تقاال لكوزيينة لقات زبيدة كدور فلحريرة خنزراات فيهاا تخنزيرة تاع لغدايد 
زبيدة:بلحوحتي خرجات بتعيااط واش كتسناي نطلع ليك لفطور ولااا
زهور: رمضان كلوو هزاك من فطورك سححورك وعشااك اش فيها لنهار واحد هزيتي عليااا راني مخدمااش عندك
زبييدة:ياااااك اخيتي وااااخة غاااادويي بلاتي يفووت لعيييد يا زهيرووو كتشوفيه كضسريي ابلاتي لما حدهم لييك تانيي راني ماشي زبيدة
تنهدات زهور وكابراات بزز منها وجدات لفطوور تحط لفطوور شربات لمااا حتى تزواات ومقدرات تاكل باقي هزات ولدها ودخلات لصالة تكات كترضع فيه ونعساات حدااه ...مكاينش لي تفكرهاا ....
صبااح لعيييد صبحاات على لفطور عاود ومبدلة وجه بوجه باش دوز ساعتها بخيير صبحات على دارهم فالتيليفوون وطلبات عادل بلبكا ولخنونة تشوف داارهم داها مع وقيت لعصر شافتهم واقف عند راسها كل مرة يشوفيها باش تنوض مكاملاش ساعتين نوضهااا داهااا 
هكاا دازت اياام لعيد روتينية وتوجااد لعشا تاع رجاال خدام مكاينش الرااحة زهور ايدها بوحدها وزبيدة زايداها بنكيير تختن ادم ودبح عادل علييه ولمكازة كالسة فيها رحمة وزبيدة كيطيبو فطناجر لحم ورجال فالدار لفوقانية كيتسمع لقراان وزهور لداخل هيا وحسناا وحياة كيعمرو فاتاي ويقادو فلحلوة 
حياة:زهوور ضعافيتيي اصااحبتي رضاعة سالات معاك 
فاطمة:بداي تشربي لحلبة با دير ليك لحليب وكولي مزياان 
حسنا:اوى غير لمبغات ضعااااف مع مك..

زهور(خرجات فيها عينيهاا )حسنااا غسلي نعنااع 
فاطمة:علاااش احسنا مال ميي اش دايرة ليهااا 
حسناا:فاطمة حنى رااه صحابااات وقرينةة فقسم وااحد وعافاااني مكنحملش الضلم مك حاكرة على زهووور دويو معاهااا تبرد شوية وهيا مخلات مداارت فيهااا وضل تحرش فعادل متديهاش متفعل ليهااش 
حياة:حسنا سمحيليااا اختيي عفاك هاديك لي كدوي عليها راه مييي ومغتجيش وضلم ختك كون مشافت عليها شي حاجة 
حسنا(هزات حاجبها)يااااك اختييي اش شافت عليها بالسلامة تقولها لياا اناا وديك الساع تشوفني واش منفرجكمش فيهااا ولكن زهوور ماشي ديال تلقا عليها شي حاااجة نتي تبغي عكوزتك تقول لراجلك متديش مراتك تبغيها تحيد ليك التيليفووون لااا اوى لتقوليش ميي مكدير والوو اختي مك كتنبش على صدااع من اللخر 
زهور:حسناا مباغة صداااع سكتينا شوية 
كل وحدة قلبات وجها لجيهة وكيدويو بنفااخة ...تعمرو لبرارد تاع اتااي وكل مرة زهور تمشي طل على ولدها فلبيت لتحت صغير حطاه نااعس وتنش عليه لكان عرقااان 
تحط لعشااا وختموها رجال بالدعاء وكل واحد قصد داروو وبقاات رووينة من جديد كل وحدة مشاات لدارهاا فبنات زبيدة بقات هيا مرت خو زهور الهام وحسنا ومهاا عاونووها فلمااعن وتجفاف مامشاو تاجوج تاع الليل خلاو ليها الدار نقية باش ميصبحش ليها كلشيي مرون هزات ولدها وطلعات لبييت حلف لينعس ليهااا بلبكااا يسكت شوية ويرجع يبكيي شدو عادل يسكتوو شوية مبغاش
زهور(بغات تبكيي)كلت ليك مزال صغير على لختااانة والصهد اعادل 
عادل:راه عاادي دابا غير مع تيحرك رجلييه كيتعكر 
شداتوو كترضع فيه وتسكت غير يحرك رجيلاتو ويبدا يبكي وشاد فيه نعااس وكينين 
عادل:ففف فيا نعااس (دوز ايدو على شعر ولدوو)غنوض نعس شوية فالصالة بينما نعس غير صبري معااه احبيبة دابا ينعس 
باسها فحنكهاا وهز مخدتو وخرج وسد وراه لباب وبقات هيا كتمشي وتجي بيييه على الله ينعس تنعس من لبكاا كيتنخصص مقدراتش تحطوو بقات متكياه على صدرها ومعدبة فلكلسة تادن لفجر عاد نعساات شوية وكل مرة يفيقهاا
تلتيااام وهيا على نفس لحااال ضل فشقااا يجبرهاا عادل على لفرااش وضل سهراانة مع ولدهاا عياات وصحتها راجعة اللور تحت عينيها غمااق لوونو او لونها طبع مبقااش صافي كي كااان ولاو عضومتها كيتحااسبوو 
فاقت كعاادتهاا مع سبعة تصباااح توجد لفطوور قداتو على حقو وطريقوو عاد جاو فطروو وناضت لشقاها تدخلات عليهااا زبيدة وقالت ..زهوور ملي تكمليي لكوزينة اجي نخملو الصاالون راه ملي ولدتيي متهز غيكون دود 
زهور:هههه واش كدوي بصح خااالتي راني والدة بلفتيييح وبغاني نهز تقل 
زبيدة:على مال لفتيح بغا يقتلك ولفتحة برااات ونتي مزال دايراها سبة دوزي جمعيه واش كتسنايني نجمعو راه مبقات ليا صحة
زهور(حطات لمعلقة بزعفة وشافت فيها)مغنجمعوووش معنديش كانتو
زبيدة(جمعات ايدها)اوى بالسلامة امتااا غتولي كاانتو تاتوصل ريحتنا لجيراان 
زهور:انا راه ماجايبانيش خدااامة الالة زبيييدة باغة تخملي عيطي على شي مرا بكتاافها اما انا صحتيي على قيااسيي رحمينييي باش ربي يرحمك 
زبيدة(بلغوات)شتك وليتيي كلمتي كلمتك ياااك لباس اش تزاد عليبيك وليتي باغة غير فين تفركعي هااا غانتي لي يالله والدة راه لفيران وكيولدوو
زهور:داباا انا ولييت بحالي بحال لفيران اوى حشاااك ....والله داك الصاالون لهزيتوو
زبيدة(خرجات عينيها فيها)عليا بليمين ومتجمعيه تاتجمعي شطايطك عليااا من داري قاااادة بيهااا يلمعفووونة لمطوطة ...ولدي حسن منك يالخااانزة ويستااااهل حسن منك ونتي لاوية كي لفكووسة ندفل علييك تموتي 
زهور:سيري سيري زوجيييييه ولااا بيتيه حدااك باتي تحاجي لييييه كي شفتي تولدك راااجل تفرح بيه لعيالات 
زبيدة(خبطات على صدرهااا)ياااااك ابنت لحرااام ...ياااك الكلبة ولا ولدي ماشي راااجل وبلاااتي يجييي بلااااتي يوريك الرجلة تاع بصح وديك السااع الى مهلك بووك عصا راه نيت ماشي راااجل 
خلاتها كتغوت وطلعات لبييتها كترعد هزات الصامصونيط ديالهاا وهزات دهبهاا او لعقد او لحالة لمدنية لي لقاتها فوق لكوافووز عاد جابهاا خشاتها وبدات كتجمع فباليزتهاا وكتبكي على زهر لي متكساب منو ولو نقطة ..
فلتحت كالسة زبيدة كتسنا ولدها يدخل غير سمعات لباب تحل وهيا تعيط بسميتوو جوج تلمراات من بعد مجاوها قالت:اجي اوليدي ندوي معااك 
عادل(حط سواارت وكلس حداه)ياك لباااس 
زبيدة:ملبااس والو اولدييي دوي مع مرتك
عادل(دوز ايدو على وجهوو بتدمر)مالها زهور تاني امي اش داارت ليك 
زبيدة:شوف اولدي رااه مراتك مبقات تحشم من حد عيني عينها كالت ليااا ولدك ماشي راااجل وشي هضور اولدي متسمعهمش 
عادل:زهور هادي وعلاش كالت هدشي
زبيدة:وسولها هيا لي ولات على نقشة غير ندوي معاها تعطيني خو جوابييي تكنبقا غير نشووف شي حد كيحرشهاا(سكتات شوية باش تفركعها فوجهوو)راه عندها شي تيليفون فلبيييت نهار ومطال وهيا مخشية كتكركر وتهضر تالنصاص الليل مبغيتش اوليدي نكولها ليك ويني مراااتك رجليها خرجو شوااريي رختي ليها علم الله معامن كدوي💥

عادل(خرجو عينوو)لواليدة واش شوية لباااس اش هد لهدرة هادي
زبيدة:هدشي لي كااااين اولديي ديك لبنت راااه بغات طييير وعلم االله شكون واكل ليها مخهااا 
عادل:فين هيا زهور داباا
زبيدة:اش عرفنييي اناااا راها كي ديماا خاشية رااسها وسط لبييت 
ناض قاافز غادي لجيهت درووج وتبعاتوو هياا السعاتي خلا ليها هي الريح ملي كيدير كل جوج درجات فدرجة توجه لبيتوو وحل لباب لقاهاا كالسة كتهزز فرجليهاا وكتبكيي غير شافتوو وناضت مع الشوفة اللولة جمعها معاها بطرشةة وشدها من شعرهااا
ق عادل:كيتانبان ليك اناا هااا ماشي راجل لديلمك (داها وجابهاا)هدرييي 
زهور(خرجات فيه عينيها)مشيتيي عمرااتك كي السااعة وجااي عندييي هادي هياا الرجلة الله اخليهاا رجلة ملي تكون عندك ودينة وحدة
زبيدة(من ورى ولدهاا)ياااااك اعيفت لبنات دخلتك داااريي ودرتك مرت ولدي ونتي صدقتي بنت لحراام مقطرة دايرة التيليفووون وعلم الله معامن كضلي تدوي
طلق منها عادل وشاف فموو وقال:هزي دري هبطييه معاااك هزيه 
زهور(نقزات لولدها هزااتوو وبعدات)والله ميشدوو شي حد بعدو من ولدييي 
قرب ليهاا عادل بغا يحيدوو جاهل وهاا كتغوت وادم كيبكييي وزبيدة وراه كتقوول ربييييها الحمااارة 
عادل(بلغوات )طلقيييي لولد
زهور(بلبكاا)طلقني بعد منيييي عطيني التيساااع ولدي هدااا ولدي بووووحدي فين كنتي ملي كنت كنتوحم بيه ونبااات بجووووعيي ملي كانت مك كتخبي علياا لماااكلة ....فين كنتي ملي تنحط راسي على لمخدة مهلوووكة بتماارة وكرشي لفمي حيت مك دايراني كي جفاف...فين كنتي ملييي كنموت بلوجع ومك مشااات تنعس هءهءه وخلاتني كنمووت بوووحدي كون مااا عيط لميييي تجي تدينييي كون دفنتووني بولدييي ..هءهء بعد منيي(بلغوات) هداا ولديي انااا(جرها من درااعها وهياا مزيرة على ادم فصدرها تطاحت لارض نتفهاا ولبغات طلقووو تبدا ادم كيزرااق حيت خنقاتوو مزيرة علييه كتبعدو بايد وشدااه تنترااتو ليهاا زبييدة 
زهور(بلغوات)ولدييييي هءهءه (شدات عادل من قميجتوووو وكضرب فيها وهواا كدالك 
عادل(جمع ليها شعرهعااا فايدووو وجرها تالجيهت لباب كتغووت لربي لي خلقهاا سدوو ولااحهاا على الناموسية)بغيتي غير نبين رجولتي عليبيك وخة الكلببة انا لي ضسرتك وغنربي لحمارة مك 
زهور:بعد منييي مدرت والووو هء هءء مدرت والووو 
نزل عليهاا بضرب وتهيا مامخلياش من جهدهاا صدايف لقاميجة طيراتهم وركيييل ولكن صحتها فااشلة هلكهاا عصاا ورعفهاا ومحنش فيهااا 
قجهااا بجهد عروقوو خارجين وعينيه معمين وقال:شكون عطاك التيليفون الق*** معامن كدوييي(جمعها معاها بطرشة والدم سايح من نيفهاا كيخضخض فيهااا بغل وكره جاهل )يحسااب لديلمك محاسش بلي وليتيي ناعسة معاياا غير بزز هاا شكووون بدلكك شكوووم
زهور:عطاتو لياا غير حسناا هء هءء هء حيت مك مكتخلينيش نهدر معاهم هءه عفاااك طلقني كح كح غتقتلنيييي عااادل ...والله مكندوي مع شي حد اقسم بالله اصلا مكنخرج فين
نوضها من شعرهاا بجهد تطاحت فلرض وقال:جبديييه نشوووف برب ازهووور وتكوني كتهدري مع شي حد غنقطعك طرااف وندفنك بيدييي(جرها من شعرهاا)نووووضييي 
نوضهاا تحلاات لبااليزة وجبداتوو ايديها كيترعدو ودمها واصل لعنقها شدو من عندها كينهج لاحها فوق الناموسية او وقف شاد فجنبو كيحل فالتيلب وكيتحلف لالقا شي حااجة 
عادل:تعت مك هيا لي متعاااود غير بلااتيي وديك الق** تاع ختك بغات تروون ليا داري عدغنخرج على مهاا (رجع طرشها بدوغوت)تيليفون ورا ضهري الكلبة وانا عاطياني نخااال فلهدرة الله انعل نهار لي بغيتك مراااتي فيييه تفووو 
زهور:تدابااا بعد مني عطيني براااتييي خليني نمشي دعيتكم لله هءهء بغيت ربي يرزيكم فصحتك كيما رزيتوني فحيااتيي 
هادل(شدها من شعرها تغوتات وفايدو التيليفون)سكتييي غنهرس لمك سنانك سكتييي 
طلق منهاا وكيقلب فالتيليفوون تصااور ميساجاات نوامر لي مسجلين فيهم غير نمرت مها ونمرت حسنا او مريم لاا غيرر دخل لتصااور عامرين غير بادم حطوو فجيبوو ودار عندهاا وقال بتهديد:مزال مسالينااش 
سد لباب عليهاا وغوات ادم لي كاسر الدار كيبكي حتى كيتخنق حل دف لسكت حطاتوو زبدية ملي شافت ولدهاا نازل كافر مشات شداتو لقاتوو طاايب 
زبيدة:فين غادي اولديي دوز تكلس
عادل:هنا جاااي 
خرج وسد وراه لباب تنزلات زهور كتجري كلها دم دازت حفياانة من ورى زبيدة وغادية لولدهاا غير شافتهاا زبيدة وهيا تبعها مع تحنات تهز ادم جمعاتها من شعرهاا بعداتهاا وتحنات تهز ادم محسات بالدفعة منين جاااتها من زهوور تاتسمعات زدف فلارض 
زهور(هزات ولدها)تقيسينيييي ازبيييدة مرة خرى ندوز عليك بمووس
زبيدة(بلغوات كالسة فلارض)وااااعباااد الله بغات تقتلنييييي عتقوووووو الروووووووح اعبااد الله...

هزات ولدها وطلعات لبيييت رضعااتووو وهوا عينيها نعسوو بلبكااا كيطلع تنخصيصة من الاعماااق قهرها فخاطرها كتر مامقهوورة كترضعو وتبكييي 
زهور:صاافييي امامااا ششش غنمشيو منهناا صافي هء هء 
اما عادل وقف مكشكش قدام دار زهور كيدق بجهالة. تخرجليه مصطفى حفيان هي شافوو وتخلع 
مصطفى:عادل ياك لباااس مالك على هد الدقان
عادل:سمعنيييي اسي مصطغىىى دوي مع بنت تفرق عليهااا زهور ولااا غنتبرا من راجلهاا
مصطفى:حسنااا مالهاا
رحمةة:داكشي لي بقا هي تمنع خت من ختها مالها اش دارت 
عادل:اش داكم ديرو ليها شي تيليفووون هااا شغلكم واش مراتيي اش دخلكم فيهااا نعطيها ولا منعطيهاااش اش وصلكم ليهاا
رحمة:ولاتنساااش هاديك رااه بنتي(بلغوات)كون مداك تتيليفون كون ماتت بوجعهاات هااا مك لاحتها فسبيطار ومشات مسولاتش فيهاا
عادل:سرهاااا حيت مربيتوش بنتكم كون ربيتوهااا غتباان فيهاا
مصطفى:عادل عادل خلينا مزيانين جيتي طلبتي من عندي الدرية وعطيتها ليك وخة صغير اسيدي الى مبقات عاجباك رد ليا بنتي ونتا الله اعاوناا ويعاونك مع مك 
عادل:مقلتي عيييب 
مشا وخلاهم وةقفيين ورجع لداار مع دخل هزات عينها فيه وبدات لغوات وصدااع او صالح حداهاا حاط ايد على وجهو كيستغفر الله 
زبيدة:خرررررج عليا ديك لكلبة شي نهار تقتلنيييي واربييي دفعاتني وانا معندي صحة
عادل:مالك
زبيدة:وخلاتك غير خرجتيي وجات لياااا باغة ضربني مليمخليتهاش تهز ايمن دافعاتنييي اولدي(خبطات جنابها)اويلي على خانزة تاع لخلااا دارت فينا مبغاااات شوووووووف سمعني(هزات صبعها)كركب بوهااا مع لباب فرج فيهااا عبااد الله كيمافرجاتهم فينااا حيد ليهااا ولدك ولوحها يضربوها لحييييوووط
عادل:غنوي لوالديها غير بلاتي 
صالح:عادل كلس (شافيه وغوت)كلس اسيدي لمباقيش باغيهااا ديها لدارهم كي جبتيهاا راه حنا جيراااان غتدي عيبك وتدي عيبهااا 
زبيدة:كدااافع عليهااا عاجبك اش دارت فيااا(شافت فعادل)هاااا السخطها رضى متزيدش نهار عندييب بنت لخااانزة مضورش فداريي 
عادل:صافي امييي اش نافعااانيي هياا تندي سخطك على ودهاا 
صالح(شافيييه بتحدير)سخط الله كبر من سخطهاا عادل هاااودني منك هاااا ودني منك اعااادل 
زبيدة:بلغوات)خلييييييه يسيفطهااا نجيب ليه لالاااااهااا 
صالح:انااا باري من فعااايلكم غدا قدام الله (ناض غادي وشاف فعادل كالس وشاد راسوو)دنوب داك لملاايكة عليكم 
خرج خلاه شاد راسوو ومو حداه تابخة ليه رااسوو بطلقهاا وهوا كيجاوبها بخليني نفكر
زبيدة:طلقها اولدييي وهز ولدك ديه معااك ميجي فين يدور لعام تانجيب ليك لالااهااا وخليها تموت بلفقصة 
عادل:ولدي غيبقا معاياا ولسميتها مرى تهزوو 
زبيدة:هكاك اولدي وريهااا الرجلة اش كتسوى(شافت قف)فين اولدي غادي
عادل(نمشي نشم لهوى لنصدق قاتلهاا ليوماا 
ولفوق فدروج كانت زهوور سمعاات كلشي ودموعها كينزلوو وكتنخصص 
رجعات لبيت و سدات لباب بالسارووت هزات باليزتهاا عمراتها بحوايجهاا او او صااك ولدهاا وحلات لباب بشوية مبان ليها حد وبطلعات باليزتها لصطح مع صاك كبير ..لاحتهم من ورا لحيط فوق دار لخرى مفيهاش الصوور ورجعات كتجري دخلات لبييت بدات كتهرس وتشتت فلبييت وتقطع فحوايجوو مخلات تحاجة مقاادة زلعات لباليزة ديالو وقطعات ليه كااع حوايجوو وطاح منها صاك صغير كيتعلق فجنب السروال تاع وراقوو ولباسبوور ولفلووس هزات لباسبوور ديالوو وهزات ولدهاا دارتو فضهرهاا هزااات لفيووز وبدات كضرب فراس النموسية لي فيها مرايات صغار هرساتهم وشرطات لعود لي طالع عليه بلفلووس هرسات بيباان لماريوو هزات تصاورهاا ولبسات صندالة تاع صبع وشال وبدات كطل قلبها كيضرب على التسعيين طلات من دروج سمعات زبيدة كتهدر مع بناتها وتشكي علييهم هزات الصندالة وطلعات كتجري لسطح سدات وراها لباب وطلعات لصةر وهبطات تاتحردات فايدهاا هزات الصااك ولبليزة جراتهاا فديك شموشات وشعرها طاالع لسماا وصلات لفوق كوزينتهم وطلات كتبكي وكتغوت 
زهور:واميييييييي....محمااااااد....وعتقونييييي واباااااا 
طلات الهام من لكوزينة وشهقااات وقالت:زهور اويلييي محمد وا محمد 
طلات رحمة من الشرجم فالدار هزات راسها بانت ليها زهوور وهوا يخرجو كيتجرااو ومحمد طلع لسطح نقز الصور حفيان غير بالشورط باينة كان ناعس شافها وجها كلو مورم بلعصا ونيفها مزال فيه اتار الدم 
بالصدمة هز لباليزة والصاك لاحهم ورا الصور وعاونها تطلعاات كتبكي وقفات رحمة كتندب وتبكي وتغوت محسوو امتاا محمد عطا رجليه لريح لبيتوو كيلبس ومناويش خير
رحمة(شدات من عندها ادم عطاتو لالهام وعنقات بنتها لخرى تبكي على زهرها والتانية بطعنة صاحبتها كتلالي )يااااك ازبيييدة عطيتها ليك لحمة لحتيها شرويييييطة يااااربيي فرجني فيهااا ياربيي 
زهور:بغاو يقتلووووني امييي هء هء دعيتهم الله (فشلو رجليهاا وكلساات على ركابيهاا كتنهج وعينيها كيغيبوو
تخلعات رحمة وبدات تخبط فجنابها عياو يعيطو لمحمد لي هز موطورو ومعرفوه فين زااد رشوهاا بلماا تبدات تفيق وعاونوهاا تنوضوهاا عضامهم مدكدكين..

في حين محمد هز موطوروو مشا لدار عادل مبانتش طموبيلتو وقلبها لقهاوي لي ضايرين بلفيلااج ملقااهش حط لموطور فالدورة تاع دارهم وحالف تيسيل دموو 
اما عادل دااز على لمساجات كامليين ملي يالله عطاتها التيليفوون كل مرة زهور كتبكي فشي اوديو لحسناا ولخرى مكاين منها فالغراق هي الله اعطيك الصحة معرف شكون يتيق مو ولا زهوور لي تاكد منو هوا تيليفون غير بينها وبين ختها لاغير ..شك فيهاا لحضات كالس فالطوبيل وهضرت مو كدور فبالوو يطلقها او ولدوو يشدوو 
دار تيليفون فجيبو ومشا لدارهم مع خرج كيسد فلباب لقا راسو مشنووق 
محمد:نتاا اولد لق**ضرب ليا ختيي هااا حكرتي علىى بنت صغيرة الكلب حيت معندهاش صحتك
عادل:دفعو معصب)ختك ضربات مييي اشريف نصفق ليهااا
بداا محمد كيعطيه فلبونيات ولااخر تهوا عطااه تجمعاات لقربالة وزبيدة كتغوت وجيران شي كيطل شي كيتجاراا يفك هز محمد حجرة قداش سيفطها على عادل تخوى بييه وجات فلبار بريز تاع الطموبيل شخشخوو 
جا مصطفى وصالح كل واحد كيجر فولدوو رحمة جاية بلبيجامة باغة طير على زبيدة تبرد كيتهاا هنااا ناضت لقربالة شي مدابز مع شي لهدرة من السمطة لتحت بين رجال ولعيالاات ياسيري يالفااعلة يالتااركة 
بيدة:وبنتك شيااااااطة دوزييي هزيهاااا خانزة تخبزة متعرف ديرهاكي لالياااتهااا
رحمة:وكيشتي ولدك رااجل وقاااد بخيمتووو وااغير شديييه ...بغيت ربي طعام لي تشاركناا يرجع ليك سم وحنطل ياا زبيييدة كنت دايراك ختي صدقتي حرامية مقطرة 
وجيران من حدا لباب كيتهامسوو 
_ويلي ويليي هادو غير لي مكانوش كيتفاارقوو شفندتي يختييي اش كتقوول زهور كتهدر مع شي حد 
_لا لاا زهور دريويشة مدياالهاش ونتي تقدام لباب مكانت تخليهاا زبيدة توقف راه كلشي من زبيدة راه واحد بنت لحرام منها مكاااين وبنت صاحبتها يااحسرة 
_محمد هلك عادل عصاا وشخشخ ليه الطموبييل هههه ويلي على فرااجة فابوور بقات فيا غير الزغيبة تاع زهيرو كاع متستاهل راه باينة غير ولد موو تانيتيي
_الله استر وصافيي 
محمد(شادو باااه)لسميتك راااجل اشماااتة اجي عندي
عادل:كاينة السيبة فلبلاد اولد لحرااام اصبر علي برب تندمكم ي
لعياللت جروو رحمة لي بغات طير على زبيدة لي دخلوها لداار وكتغوت فدروج على زهور عند بالها باقة لفووق 
الشوهة وقعاات ولي داز كيتفرج ويدي ميعااود ..كيفماا الشركة كتبطل الصحبة...تانسوبية كتسالي مع لمحبة هكاك وقع بين رحمة وزبيدة 
داو رحمة كتركل لدارهاا ومصطفى وجيران جارين محمد او موطوروو صندالة فرجلوو ولخرى طاااحت فشي قنت 
طلع عادل جاهل لزهور لقاا ايدو والريح لبيت بحال لمزبلة كلشي مقطع ومهرس لي متهرسات راه تكنجرات ومبقا فيها تديكوور ولي تهرساات راه مبقات تصلح شاف وراقوو مزلعييين كل ورقة فجيييه صفاااااار تمبقا فيه لوون ولخلعة ركباتوو من صباع رجليييه وهوا كيشووف مستقبالو مشتت كلس كيجمع ويفلي فييهم لقااا لباسبوور ناقص قلب لبييت والناموسية ملقا والوو وهبط كيجريي داز فيهم وركب طموبيلتو وداز فرجال لي مجموعين كتر من لعيلات قدام لحانووت كيديو ويجيبو فسيرتهم فرانا قدام بابهم ..
في حين زهور مخشية فمهاا كتبكيي وكلها كتهز والهام دايرة لمحمد التلج على فموو ومصطفى كيمشي ويجيب 
مصطفى:اش داكم تعطيوها شي مشقووف هاات ياك حيدو ليها اش داااكم منو لمرتووو 
سمعو لخبيط وناض محمد بجري بغا يهز شي عموود ناوي على خزييت حل مصطفى لباب ومحمد كيدفع فيه باغي يخرج ولاخر باغي يدخل دارووها لوسط
محمد:اش جاابك اشماااتة
عادل:غتسكت ولا نوري لعدوو مك شماتة اش كيسوى غتدخل تجيب لياا ولدييي او لباصببوور دياليي ولاا غنمشي نجيب ليكم لبوليس
محمد:برب مغتشوف ولدك وخة طيح تركل غتمشي طلقهاا وسيرر فحالك
عادل:عطيني ورااااقي امحمد هدشي مفيهش اللعب 
طلات زهور من اللور حالتها او واقفة ورا باها وخوها هي بزز 
زهور:والله متشدوو حتى تعطينيي براتييي عمرك تحلم بولدك تشوفوو 
عادل:زهووووور راه غندمك 
مخمد:على مفخيلك ركبوو طلااقهاا ولا سير عاود لباسبوور من اللول دوك لوراق لي مفرعن بيهم كلس حدا مك دابا راري بيها لتولي مسخوط تفووز (سد عليه لباب ولاح لعصاا
مصطفى:تي لاش هزيتي ليه وراقوو
رحمة:خلييييييه انا بغيتها كون قطعاتهم وخلاتووو يطرطا حدا مو كي لكلب داباااا نطلعو لمدينة نديرو ليها سرتافيكة ندفعوهاا دروووك
محمد:لبسو حوايجكم نمشي نجيب الطموبيل الا مخليتو كي لكلبب تحرام علياا حياتيي 
زهور:شافت فالهام)تشدي اختيي ادم
الهام:صافي هاهوا معايااا غير سيري 
لبسات زهور جلابتها لي ولات كتجيها عريضة وصدر مشااا مع العف ورضااعة لكرش والوو جلابة كتلعب غير بكتاافها دارت زيفهاا وخبات عينيها لي زرااقت ونيفها لي مزال كيرعب وكيضرهاا بلا لحمها لي مدغدغ ودرعانها زرقين وعنقهاا كتر وصلوو لسبيطاار ودخلوها دارت تصااور لي يغرقوو عادل بحكم طبيبة ورااتهاا تدرعااها وعنقها وجنبهاا دارو ليها تصويرة لنيفهاا لي تقسعات فييه عطاتها سرتفيكة تاع شهرااين من كترت زروقية لي فيهاا او عاد والدة...

نقلبااات الدنيااا والدوار كلو بدا بلقيل ولقال ...زهور هربات من داارهاا وزبيدة لي دخل عندها تزين ولدها وتخيب زهور 
مجموعين لعيالات على زبيدة لي شادة راسهاا
زبيدة:شمتاتني بنت لحراااام شمتاااتنيي ...بغات تخلي ولدي بلا وراق 
-اوى شوف ليك لعفريتة كاع مبايننة فيهااا علاش ضربها
زبيدة:لقاها كدوي مع شي وااحد وملي خرج هزات ليه وراقوو وخسرات لبيييييت اويليي على وعديي بيت طالع بتلاتا تلمليييون لكلبة مخلات فييه تشروييطة مقاادة وهربااات ممتافقة هي ومها يخرجو على ولدي
-والله تا تصدمنااا ملي سمعنا لخبااار مضنينهاش كاع تكووون ...هد بنات ليوم وليتي تخاافي منهم 
زبيدة:خلي بوها هجااالة انا عمر داري دخل ليهاا بنت لخانزة لخرى ...اويلي دريي غيجهل على وراااقووو 
خرجو من عندها ومشاو عند رحمة تهيااا تشكي وتبكيي 
-واش غنقوليك ارحمة زبيدة راه مخلات لمن قاالت بنتك كتدوي مع شي حد 
رحمة:وكلت فيها الله وطعام لي مشاركييين بنتيي تزنقة مكتخليها تشووفهاا ويني ربيي كااااين الله ايااخد فيههم لحق تكرفصو ليا على بنتي عطيتهاا لحمة رجعوها عضيييم تسوط فيه يطيييير انا لي منسواش تقت فالصحبة وعطيتهم نوارتي انااا
-معندك مديري مكتاب اللههيا راه حالفة مترجع زهور لدار
رحمة:اوى غير لرجعات راه بويا يهووودي ...خرجو ليا على لبنت بغيت ربيي يعمر طريقهم بولاد لحرااام 
جات حسنااا بكات تشبعات ورجعات اللومة عليهاا وبلي هيا سبابهد لباطل لي طاح على ختها كي السخط كلشي ولا كيدوي فزهور بلخاايب وتوشوشيش فضهر والضحككة فلوجه 

لي دخل عند رحمة يلوح ليها لهدرة من كلام زبيدة وزهور تازمات وندبات 
زهور(كالسة فلبيت كتبكي وتغوت)واااااااع علاش اربي شنو درت شنوووو هء هء لاحو عليا لباااطل حرام عليهم
حسنا:صافي اختي الله ارحم ميمتك شو كيوليتي دعينا الله صافي (بدات تاتبكي)الله انعل نهار لي مديت ليك شي تيليفوون هء سمحيليااا 
الهام:مكانش عليك فالصراحة تعطيه ليهاياك راجلها محيدوليهاا 
حسناا خنرات فيها وهيا واقفة مبردة تاتشوف فيهم 
بدا ادم كيبكي وهزاتوو حسنا كتسكت فيه وزهور مخشية فلقنت حالتها حالة 
حسناا:زهور ...هاك رضعيه مسيكين بيموت بجوع
زهور:راه مبغاش يخرج ليا لحليب من لباارح
حسنا:هي جربيي
مسحات دموعها وشداتوو بغات ترضعو كيعيا يجر او والوو واش خرجات شي نقطة تاع لحليب هوا يبكي وهيا تبكيي معرفلت مدير لييه 
حسنا:صافي نسيفطو محمد يجيب ليه لحليب من الصيدليية راه بيموت بجوعووو ...ممي واميي
رحمة:اش كااين مالك 
حسنا:مبقاش فيها لحليب
رحمة:خلاو فيها تا صحتها بقا غير لحليب اش كترضع فداك دري سم هاا(شافت فزهور)مكنتييييييش مرا اما تحطيه ليييهم وجي فحاالك
زهور(خرجو عينيها)لا لاا والله ميديوه هء ولدي هداااا 
حسنا:واش داوية منيتك امييي تششركات عليه وتحطو ليهم لاا كتفكري تبارك الله عليك
رحمة:واش سمعتي لباطل لي كيلوحوعليهااا هااا 
حسنا:كون لاحتو تما فين غيشكو فيهااا خليها تقول لي بغااات 
ضمات زهور ولدها كتسكت فيه بينما مشاو جابوو ليه لحليب دارتو ليه فالرضااعة ومن جوعو طاح فيه عما تكملها ومزال بغا يزييد
حسنا(تنهدات)دنوبك اولديي عليهم متوحمات بييك مفولداتك كي بغات ومرضعتي كي بغيتيي 
زهور:دابااا تشوووفيي احسنااا(مسحات دموعهاا)غندمووو او ولدو عمرو يحلم يشوفوو ...غنهزو بسنااااااني هي صبريي 
دازت اياام وكل مرة عادل كيجي يحيح بغا ورااقو وينوضووهاا قدام لباب ويفرجو فيهم عباد الله مشاا ديكلارا بيها بلي هرباات وديكلارا بخوها محمد على الضرب..وهيا ديكلارات بالضرب وهوا رفع دعوة تاع طلااق عينيه تعماو او باغي ورااقوو ولا شي دااخل فشييي ومحمد وعادل فين متلقاااه كيشبعو فبعضياتهم سباان كاع الناس تفرجات فيهم وليي مكانش عارفهم راه عرفهمم عادل جهل على ورااقوو كتر مبقا فيه ولدوو ..
وصلات اول جلسة ليهم لبسات زهور جلابتها وشالها تحت عينهاا كحل وزادت دااابت بضعف وقفو قدام لمحكمة وبان ليهاا مخنزر وداير ايديه فجياابوو معاجبوو حال هي شافهاا ودور راسو لجيهة لخرى
محمد:لكاليك لقااضي شي حاجة غرقيي مووو 
زهور:داكشي لي كاين غنقولوو اخوياا
عيطو عليهم ودخلوو كلسو حدا بعضياتهم واحد مكيشوف فلاخر وعادل كيهزز فرجلوو وكيسووط بداات القاضية كتسول على كل واحد وسميتوو واسباب الطلااق 
- يالله عندك سبعطاش وام وباغة طلققي(شافت ف عادل)والضرب ولجرح شنوو السبب اسيديي 
عادل:الخياانة..

شهقات زهور وتحجرو دموع فعينهاا وشافت فيه مصدوومة
زهور:حرااام عليك هء هء علاش كتكدب عليااا 
- عندك شي دليل على هضرتك 
عادل(سكت عادل كيعض ف فمو من لداخل )لاا 
-واش عارف اسيدي بلي هدشي قضية خرى ممكن ترفعها عليك طعن فالشرف زائد هد الضوسي تاع الضرب كون اكيد تلتمشي فين تربى
عادل:مكنتش باغي نطلق ولكن هياا هزات ليا لباسبور وهرباات 
زهور:تكرفص علبا هوا ومو(كتبكيي)كتحرشوو وقالت لبه كتهضر مع شي حد وطلع ضربنيي وخفت حيتبيحيد ليا ولدي وهربت هء هء انا مبقيتش بغيتووو بغيتو يطلقنييي ويعطيني براتييي 
عادل:ترجع ليا وراقي ونطلقهاا 
-(ربعات ايدهاا كتشوفيه)كتديوو بنات صغاار وتخليوهم لمواتكم كي لخدماات وملي تجيو تكرفصوو عليهم وتلوحوهم ملي تعياااو ولكن لغلط ماشي ديالك مع لي عطااك بنتووو (شافت فزهور)وا شهد السيد مزال كتشوفي لحيااة معااه
زهور:لااا بغيتو يطلقني
عادل(تزير)واش ممكن يكونو لجلسات قراب حيت عندي غير شهر هناا 
شافت فيه القاضية ببرود كدور فستيلووو وحركات راسها با ش يخرجو 
فباب لقااعة جر عادل زهور تاتنرات منوو كتبكي وجبد تيليفونها مدو ليهاا وقال:هاااكي كوليه يصرف عليك وعلى ولدك فضلتي زواجك على تيليفون
زهور(شافت فيه وفمها كيترعد)اه فضلتو حيت هوا بعداا كيونسنييي ملينكون محتاجااه ...ندمت على نهار تزوجت بيك ....عرفتي شنووو ...كرهتك اعادل ...وكون رجعت باللور عمري نفكر فيييك كيف طعنتوني فشرفي لا نتا لاا مك ايجي نهاار ونتشفا فيكم ودير فبالك دعوتي توصلك توصلك (طاحت دمعتها وعطاتو بضهر )
عادل:هاحنا غنشوفوو شكون غيضربووه لحيووط ويندم .
زهور:تتكون راجل يستاهل ندم علييه 
عطاتو بضهر هازة دموعهااا وقلبها لمهرس خبات تيليفونهاعلى خوها وركبات حاطة راسها على الزااجة اللور كيمشي ويجي ودموعها هوادين
""اتدكر يوم قلت انك حلم سيتحقق اخيرا 
ضننتك حلم الطفوولة وعشق الشبااب و سندي في الشيخوخة 
ضننتك يوماا عشقا مزهراا في قلبيي ينبض 
ضننت وضننت وضننت وان بعض الضن اتم ..
اليوم وغدا وسنة واعوااام ستصبح كعابر سبيل مرة يوما من هناا وفي قلبييي ....
اصبحت كالصحراء جفافاا...
لبنى السرابي

تلقاو بعد جلسة اخرى ومصر على الطلاق تحكمات القضة وباقت زهوور مرهوونة مهيا مطلقة ماهياا مزوجة وعادل من بعد لجلساات شد لباسبور ديالوو وزاد خلفة مع طرييق خلاها معلقة مع لمحاامي ..
شهور فاتت زهور ولات هي تخرج تلقا شي حد كيوشوش وراها حلفات لباقي زطمات براا تاتشد طلاقهاا ادم بدا يكبر وهيا بدات توالف وترجع صحتهااا سبع شهور دااازت طويلة وعريضة عمر عادل فكر يجي يشوف ولدو ولااا يصرف عليه ا
كالسين على الطبلة كيفطروو او ادم واقف على الطبلة كياكل فلخبز ويلعب بيييه ويناديي 
رحمة:داك لحرامي شفتو غبر 
زهور:كتسوليني انا كنهدر معااه
الهام:وختي راه خاصو يصرف على ولدوو 
زهور(شافت فيها)ياكما متقل عليييك ا الهااام (شافت فولدهاا) كياكل لييك ماكلتك
الهام:انا غير دويييت راه ولدو يصرف علييه وسمحيلياا اختي ولكن راه مسؤوليتوو هاديك تا محمد قالهاا
زهور(غرغرو عينيها)ولا ولدي متقل عليكم امييي وا شبغيتوني نعطيه ليه باش نتسطا انااا 
رحمة:تت الله اهديك ازهوور هوا راه عاجبو راسو نتي لي فلهم ولغبيينة تباتي تبكي وضل نبكيي 
زهور:تنبات نبكي حيت نتوما دورو دورا وتعايرو ولديي 
الهام:زهور اختي راك عارفة ولدك بدا كيقباح وعمي مصطفى مكيصبرش ليه لهوى لا محمد
ادم(قرب شاد الطبلة عند زهور وريووك ولخبز )ما..ماااا ننن بببب ممامااا 
زهور(شافت فيه وناضت هزاتوو وهوا كيتركل بغا يهبط بدا كيبكيي دخلاتو لبييت وسداتوو عليهم كتبكيي او ولدها كيخبط فلباب بغا يخرج وكيعيط على رحمة ب "مي"
رحمة(شافت فالهام)مالك ا الهام فهاد لهدرة ياك لبااس 
الهام:قلت هي لي كال محمد اخالتيي كاليك عندو بااه لاش نصرف عليه اناا كاليك تعطيع ليه وتهنااا 
رحمة:لباقيش تجبدي هد لهدرة قدامهاا والله ارضي عليك هد لهدرة مباقي نسمعهاا مااااعندي مع حرب لكنينات ولويسااات هد الدار كانت هانية خليوها هانية (تنهدات)فيييينك امريم فيينك 
الهام(عوجات فمهاا ونااضت )وقلت هي لي كاااين 
بقات زهور كتبكي وادم كيتجنن ويتركل تاتعصباات ونااضت شداتوو كتغوت عليه باش يسكت حلات رحمة لباب ودفعاتهاا عليه وجراتو بغا يتسكن بلبكااا 
رحمة:نعل والديك اش دارليك هواا الحمااارة 
زهور:بغيت نمووووت انااا هئ هئ بااا كل مرة يعااايرو مكيحملوووش وه لكلبة تصيبي كضل تحرش فخوياا عليه 
رحمة:دابااا لي عطا الله عطاه ملي تنكوليك قبري على ود ولدك مبغيتيش اش كتسناااي منهم هااا هدشي لي عطا الله رضاي بيييه 
زهور:بغيت نمشي منهنا امي عفااااك هء هء قولي لهشاام يدينيي لسباانياا نخدم وندي ولدي عفاااك 

رحمة(خرجات فيها عينيهاا)والله ومتكلسي وتركني وتكبري ولدك تيجيب ليك الله شي راااجل 
زهور(بلغوات)فينهوما رجاااال فيييين ونبغيتش نتزوج بغيت نخدم امي مبقاش نمن على شي حد غير يخرجو ليا فلوسيي غنقولها لهشااام 
كلساات كتبكيي تصونات ليهاا لطييفة وقطعاات وطلعات لسطع كتمسح فدموعهااا لقاات ليفة كالسة فوق سطح بعيد هي شافتها ونقزات عندهاا
لطيفة:وا شنتي لمك نهار ومطال ونتي تبكي
زهور:ديك لكلبة تاع الهام كل مرة تلوح هضرة على ود ادم هى هئ تقهرت اختي والله 
لطيفة:داباا يفرجها الله...زهور بغيت نكوليك شي حاجة 
زهور:شنو كاين 
لطيفة:زبيدة خطبات لعادل وحدة من الدوار لفوقاانيي ومخلات لمن قالت جبت لالااهااا .
زخور(بصدمة)او عادل
لطيفة:عادل يمكن غيجي هد ليامات على مقالت لمي بغاات هي يطلقك ويكتب على لخرى

زهور(بصدمة)ش ..شكون كالها لييك يمكن غير بغاتك باش تفقصيني
لطيفة:الاااا تلقاات بيها ميي فالسوق اوى ولقاتهاا كتقداا لفااكية ولحنة وداك تخربيق كالت ليها فين غادية كالت ليهاا لا راه لخطبة عادل 
عادل(سرطت ريقها)دغيااا 
لطيفة:نتي كالسة تبكي وضيعي صحتك وهوا رااااه باغي يتزوج مامسوق لاليك لا لا لولدك رجال غدارة مزال مداز تالعام بات تزوجوضد فييك ونزيدك مخلااااات لمن كاالت بلي نتي معارفة مع شي حد باششتااحد ميجي يدق بابك لزوااج....الله يستر علبك عنداك تحطيني بوجهيي ولباقيش تبكي على كلب تاع لخلا 
زهور(كلسات فاشلة فوق بريكة شادة حناكهاا ) قلبي كيتحرق الطيييفة هئ اهئ عايش حيياتووو كعما مسوق اش درت ليييه فاش اديتوو واش ماشي من حقي ندافع على راسي 
لطيفة:واش منيتك باغاه يسمع ليك راه ولد مووو ازهوور وديك لحرامية دارتك وسط عينيهاا ...نوضي ضربيي جد بووه بالنفقة تاع ادم وقوليهم عمرو صرف عليه ملي تزاااد 
زهور بكات تعياات وناضت فاشلة نزلاات لقات مها مركبة ادم لي كينين سااكت وكل مرة يبغي ينزل وتغوت عليه ويلبد كلسات زهور سااهية كتنقي فلقزبر او رحمة حطات ادم لي كتر فيه تبقشيش ملي ولا كيزعم يمشاا دخل لكوزينة ولقاا شبكة تاع لمااعن فوق لكرسي كتسقطر بقا غاديي مع لحيط باش يهز رضااعتوو مع شد فيها عوااج وجا كلس وجر معاه الشبكة بكيسانها وطبااسلهاا كلشي تهرس وهز رضاعتو كيعض فيهاا ...
دخلات الهام كتجري وهزااتوو بنترة وقالت:يخخخ على مرض شحال ضااسر حيد داباا نجمعها معاك تفوو (عيطاات)زهووووور ....زهور اجي اختي شدي ولدك واااه ضاير بلا قياااس 
تمات جاية لكوزينة وباها قدامها دخل لكوزينة شاف لماعن مشتتين وقال:يلاطيييف شابه لتريكتك الله اخليهااا سلعة 
دازت فيهم زهور هزاتو ركبااتو وجها حمر ومزيرة ودفعاات الهام بلخاطر وبدات كتجمع فلماعن مهرسيين وعينيهاا حرقوها بدمووع 
الهام:بزاف عندك هد لولد داك نهار لااح لماا على لخبز ودابا هرس لمااعن 
زهور(هزات عينها فيها)الهام خليني معاك مزيااانة هادي راه دااارهم يكما بغيتي تجري عليه منها 
الهام:انا غير قلت نتي ليمنوية وحدك

بقات مركباه فضهرها تعوجهاا يبكي وتقرصوو باش يسكت مهبطاتوووش ومببقاتش حملات لهدرة تقال عليه تامن لعشا حطاتو وناعس فضهرهااا 
رحمة:اتي حطيه
زهور:غير خلييه لي زلع ليكم عشااكم تاني 
محمد:واش نتيي غير فينما دوينا معاه تقرصبي تنكولو شي حاجة مكاينااش 
زهور:مكلتي عيب اخوياا وسمح لينا لتقلنا عليكم انا او ولدي 
تعشاات من بعد محطات لادم بطاطة وخيزوو ورفساتهم ليه باش يااكلهم يغا يهدر محمد وقرصاتو مو باش يسكت حيت ولات على كلمة كتقرص 
سلاو لعشاا وقبل مينوضوو قالت:بغيت نرفع عليه دعوة تاع النفقة
محمد:فيناهوا بعدا يعطيك غير طلااقك
زهور(كتشوف فالطبلة باش ميخونوهاش دموعها)غيجي هد لياماات مو بغات تزوجوو 
رحمة:هييي ياومالو ميتزوج لاح ليك لولد ونتي بقااي تاتموتي مفقوسة وهوا يدير داروو مع ولادوو
مصطفى:الالة يضبر راسو بغا يتزوج يعطيهاا ويصرف على ولدو ولا يدييه منو لييه ....كون بنتك مراا كون صبرااااات ...مال مريم ياك عامين عاد داهاا هشاام مالها مدير هدشيي ...حسنااا ربع سنين وهيا مزوجة عمرنا سمعنااا غيارها
بنتك مصبراتش على خبزتهااا ...مالو ميتزوج كاينة غاهية 
زهور ناضت هزات طاجين ولماعن مع مرت خوها وغسلاتهم ومشات نعساات فالصاالة مع بغات تحط ادم فاق ليهاا كلسااتو ومشاات جابت طبيسيل كتوكل فيه وهوا كالس بغاا كيلعب برجيلاتوو ويعض صبعوو ويعي على رحمة 
ادم:ميييي ....نننن بببب بابااااااا ببااااا 
زهور(هبسات ايدها كتشوفيه ديما كيقولهاا ) كول مااااااامااا
ادم:مامااا 
زهور:هاااكاك مامااا ...(عطاتو دغيمة)غير صبر اولديي ...غنمشيو لشي بلاصة ميبقا يغوت عليك حد ((بقا فيها حيت شبعاتو قريص فرجلو وتحنات بااستهم وهوا عند بالو كضحك وكيضحك هزات راسهاا وضحكات الضحكة لي مبقلتش عارفة طريق لشفايفها الا مرة فشحال 
زهور:ههه كضحك الخانز هااا يالله كول باش نينيو يالله ليجيناا بووع ياكلناا 
وكلاتوو وسدات عليه لباب وتكات خشااه عندها ودايرة لكيت كتسنط وهواا بغا التيليفون ببدا كيبكي وخرجات عينيها فييه وتخش فيها كيدمع وترجع تسكتوو ويطمع فلكيت وتخلعووو بزز نعس وخلاها تنعس تسنط لعضامها وعقلها لي فين مغمضات عينييها تجي صورتوو وهوا مع وحدة خرى ....وخة لقلب برد من جيهتوو ولكن كيبقا رد الفعل لا ارادي كيفما كان لحال راجلها تمنات كون كانت حياتها غير لي عاشت معااه ....شافت فولدها وزادت خشاتو فصرها كتحك ليه على شعرو الداااكن ....
مرت ايااام وترفعات دعوة تاع ليصاانة ديال ادم لمدة ديالها تسع اشهر بدون نفقة دازو فيها اعيااد ...
رجعات لاياامها واي كلمة سمعات كتخبيها فقلبها ولا تبردها فادم بلغوااات ولا ضربوو وترجع تبكي معااه ويبقا فيهاا ...
سمعات ب عادل جا وبقات كتسنا غير نهار المحكمة على لحضااانة تكتفااجئ بورقة طلاق مسينية من عندوو وفلوسها تحطوو مشات خدات فلوسهاا وخباتهم مها عند حسناا ورسمياا زهور طلقااات ...


توصل عادل بدعوة تاع النفقة ولا مرة حاول يشوف ولدوو ولا يعرف واش حي ولا ميت 
فاحد الليالي واقفة زهور فسطح طالقة شعرها يتهوى وكيديه لبرد تسمعات لكلاكصونات تاع الطموبيلاات طلعات لسطح لكبيير لي كيطل على الشانطي بانو ليها الطموبيلاات مكاين هي طوط طوط وغادين بشوية تشافتهم دارو جيهت طريق عادل بقات متبعاهن 
تسمع صوت شطييح ورمى ولحيحة ديال بصح ولفيجطة نايضة شدات تيليفونهاا وصونات لطيفة وقطعات ولاخيرة مجاوبااتش 
زهور:اووف خمساداهم اطيريها صحة

رجعات صونات ليهاا وجاوباتهاا وقالت: مال مك مكتجاوبي 

لطيفة :مسمعتوش مع صدااع 
زهور:كاينة فلعرس
لطيفة :لا لا هي واقفة قدام لباب (سكتات شوية وقالت)راه عرس عاادل هدا ازهور ومخلات زبيدة علامن عيطات تقول عمرو تزوج ...الووو...زهووور
زهووور واش كتسمعيني
زهور(بصوت منخافض)هاا اه اه كنسمعك ...ههه دغياا معطلش راسوو 
لطيفة:يكما تقلقتي والله مييستااهلك ...واصلا باينة فيه مفرحانش كيضحك هي بزز كالتها ليا ميي شافتو صبااح مراشقاش ليه
زهور:ترشق ليه ولالا راه تزوج ا لطيففة ...كنت حمارة ملي كنت كنقول يمكن غيرجع ويقوولياا ندييك ومنضيعوش ولدناا ...السعاتيي مكلفش راسو حتى يشوفوو واش كبر ولا لا 
لطيفة:تصيبي مو عمراااتو مزيااني علييك ...اجي امتا دعوة النفقة
زهور:نهار تنين (تنهدات )مبقيتش باغة نشوف كماارتوو والله ...مكرهتش الطيفة نمشي منهناا ليوم قبل غداا كرهت هد لفيلاج وكرهت لعيشة هناا ...نخلييك نمشي نعس قطعات عليها وبقات سااهية ودموعها لقاو طريقهم كلسساات فلارض كتسمع شطييح وهيا كتبكيي تطلعات مها لقااتها كتنخصق 
رحمة:لااش كتبكييي هااا يكما باقة بغااه ...ملي بغاه لاش ذلقتي منوو
زهور:مبغهاااش كتبكيي على ليام لي ضيعت معاااه كنبكيي على راسي هوا تزوج وعايشش حيااتوو واناا كو مخلات لياا فين نخرج وجهي هئ هئ 
زهور:كون سعفتيني عطيه ولدوو يضبر راسوو معاه ونتي راه لمخير يتزوج بييك
زهور(بلفقصة جبدات حناكهاا)اويييييلي امييي نعطيه ولديي ونموت انااا وا شهبلتي ولاباغة تهبلووونييي هء هء الى تقل عليكم ولديي نهزو متعرفونيي فين زدت ...اشمن رجال بقاااو هي لمكفس على خوه نتزوج تاني بااش يدير مدار لي قبلوو يااك امي هء هء 
رحمة(بلفقصة)وبقااااااي بقاااي لجد بوووك تاتموتي هك ولدك يكبر ويعرف بااه يطمعو ب لخاريج والله لضاار جيهتك وكلسي تاضفري شيب حدااايااا ... كاع الناس شادين ديورهم تاليك نتييي ...اش قضيتي بزييينك هااا ...الزينيي ولبسل ..كون كنتي لالة ومولاتييي كون عرفتي لييييه وصبرتي تيهدها ربي من عندو 
سمعاتها الطرب لي تسع شهور وهيا كتسمع فييه تركب فيها لعصااب ولمرض ضربات حنااكهااا وقرصصاتها مها باش تسسكت عاد ناضت نزلات لتحت لصالة فين كتنعس مع ولدهاا لقاات ادم ناعس تكات حداه وشدات ليه فايدوو وهوا حال فموو كتبووس وتبكيي حتى داها نعااس 

فاقت بكري كيف لعادة عينيها منفوخين بلبكاا ناضت تجمع الداار وتجففها من فوقها تالتحتهاا او الهام دير لفطوور من بعد مدة كلسات كتفطر سااكتة حتى جاي ادم كينادي بسميتهاحلات ليه ايدها وجا عندها مدوخ بنعااس كبات ليه اتااي كتبرد فييه وكدير ليه لخبز فييه ورحمة كتشوفيها وتنهد ...معرفات منين تجيهاا مزال صغيرة على هد لحمل وملقات ليها جهد مجتمع مكيرحمش لمطلقة ..لي ملي كطلق لا خروج وحدها الى لزواج تاني ولا لقبرهاا
الهام:حسنا امتا غتولد
رحمة:وتقدر فهاد لياماات غنمشيو ليوم انا وزهوور تعاونها راه تقلات 
هزات زهور عينيها فمها ورجعات هبطاتهم كتفطر فولدهاا
الهام:مزيااان نيت زهور تمشي بلا متبقا مفقوسة مع داك لكنس راه لبارح كان عرسوو 
زهور:لاتزوج الله اعاونوو
الهام:انا بقيتي فيا هي نتيي 
زهور(بعصبية)واش بنت لبك كالسة فالزنقة الهااام جمعي راااسك هادي راه داار باا 
الهام:يختي مالك وليتي على سبة شنو قلت 
رحمة(خبطات فالطبلة)هنيووناااا شوية (شافت فزهور)نوضي جمعي حوايجاتك نمشيو محد لحال بارد 
ناضت زهور دوشات لولدها ودوشات تهياا وداتو لبسااتو ولبسات وجمعات صاك فيه حوايجهم لبسات جلابتهاا وزيفها فلكرونة مع بلغة وهزات صاكهاا او وراقها لجلسسة لي عندها غداا معندها خاطر وغادية هي بزز ركبات اللور فالطموبييل او ولدها مرونهاا مكيزكااش وصلو لمدينة فين ساكنة ختها حدا لمحكمة لقاوها واقفة فلباب وكرشها سابقاهاا هي شافتهم وتبسماات ليهم 
حسنا:غير ملي جيتووو ههه 
زهور:كيبقيتي امو كرش 
حسنا:هه لباس اختي طلعو مخمد طلع 
محمد:لاا غير الله اعاونكم غدا ونجي ندي زهور لمحكمة 
حسنا:وخة سلم علبى الهام 
طلعو لداار لفووق لي كانت مفرشة زوين ونقيية طلعات حسنا كتنهج لاحت زيفهاا وكتسووط وزهور تهياا حيداتو فلباب 
رحمة:فين امين 
حسنا:خرجوو بااه لصقوو على شي طموبيلاات ولاو فلقصبة اودااه هناني نتسنط لعضاامي(شافت فادم )شوف ليك لخوينز مغتسلمش على خالتك
رحمة:لعار يبقاا هي كالس مكيزكااش بسلامتو 
حسنا:هادوك هوما دراي صغلر اويلي 
رحمة:يااسين ولد مريم كان دريويش ولدك تانتيي ههه هدا كاليهم متعرفوووش 

تقرصاات زهور ومبينات والوو تنااضت لدووش تغيل لولدها ايدوو وشافت حسنا فمهاا وقالت:مييي لباقييش تكولي بحال هك 
رحمة:مالك تانتي اش كلت مالها مكتشوفوش قبيييح 
حسنا:خلينا منهاد لهدرة عفااك متبقاايش دكريها ولا تقولي ليها ولدك قبيح شو كيولاات تصيبي كضلو تسممو فيها بلهدرة لي معندها معنى
رحمة:علاه مفرايكش لحرامي تزوج لباارح وهيا كانت غتسذا ليااا بلبكا وندييب ..
حسنا:وكتزيدوها نتوما بلهدرة بااز ليها والله ...

رحمة:وصافي مقلنا والو راه جبتها تبقا معااك شوي زاه ولات هيا والهام كي لمش مع لفار غير هاديك مكتحشمش وهادييك كلمة جات تك ليك نهز ولدي وتزيييد 
دخلات زهور لقاتهم كيدويو وكلساات كتقاد فشعرهاا وقالت:واش مغتبدليش امي هد لهدرة راه كرهتوني فيهاا
رحمة:لعيب ولعار هي لكدبنا عليك ماالك...غانتي لي طلقتي داباا عطاا لي عطااه ....متبقاي فاقسة راسك وفاقسانا معااك 
حسنا:وبراكة نوضي ازهور حيدي جلابتك نوش نعمر ليكم اتااي 
رحمة:نوضي عاوني ختك راه تقلات 
ناضت زهور مفقوصة بدلات جلابتها ب بيجاامة بسروالها طويلة ودارت زيفهاا مدوراه وخلية عنقها عريان وجدوو اتاي وحطووه وكلسوو تدخل راجل حسناا هوا او ولدهاا وكلس معاهم وزهور قدات زيفها حيت كتحشم منو
سعيد:وغبرتي ازهور ههه مبقينا كنشوفووك
زهور:غير مع لوقت اخوياا 
رحمة:كيداير تانتا مع شي خدمة او خوتك لبااس 
سعيد:لحمد لله كلشي بخيير 
حسنا:ياك تقديتي ليا كلشيي باش نصايبو لحلوا
حسنا:داكشي لي كتبتي لياا راه جبتوو اه نسييت محمد راه غيجي يتعشا معاناا 
حيناا:بصح مزيااان وصافيي ان شاء الله 
قايبو لغداا وتغداو او هبطو لدار لتحت باش يقادو لحلوى او زهور نعسات ولدها عاد تهناات وخشات راسها فلفران 
حسنا:عقلتي ازهور على محمد كان بغا يتزوج بيك
زهور(بالها مع لحلوة)ممم عقلت 
حسنا:اوى راه بااااقي متزوج ...ومتعرفي يكون مزال عينو فينك نتي عارفة مت سعيد الله ارحمهاا وخوتو كل واحد فين مزوج والله اختي مكرهتوو لييك 
زهور(هزات عينيها فيها) واش كضحكي عليااا لاا شكون غيبغيي وحدة بولدهاا 
حسنا:مال ولدك بيموت لخليتيه مع مييي لعممر ازهور كيفووت ولدك غيجي واحد نهار يكبر ويتزوج ونتي ضربك التلفة راه اختي مكاين محسن من راجل مسخن ليك كتاافك 
زهور:حسنااا انا باغة نمشي لبراا عند هشااام ونخدم على ولدي فاش مكااان بااغة نطرطق لعادل لمراارة ماشي بزواااج احسنا واش نتزوج ولامتفاهمناش نطلق تاني راه انا لي غنولي ضحكة لييه 
حسنا:واش يحسابليك برا غير ساااهل تمشي ليييك ولا يكما ديك ستا تلمليوون تاع طلاقك هيا لبي بتدييك 
زهور: نخدم هي فتجفاااف ...نتي راك مشايفااش باا ومحمد كي تيشوفوو فادم مكيحملووهش وباغيني نعطيه لبااه بحال الا متقل عليهم(تغرغرو عينيها بدمووع)مكيحملوووهش كيضلوو يشكرو فولد مريم او ولدك او لدي انا كيهزوه غير بلقبيح والله انعل والديك اولد لكلب تريكة النااقصة بحالك بحال بووك هئ هئ ديما بااا كيلوحها ليا فودني ويزيد ادم باقي غير صغيير وشوف اش كيقولو محدو كيكبر علم الله اش يقولو علييه انا احسنا لمامشييت منهنااا والله تغنقتل راسيي ولا نقتل ولدي هي بلعصاا 
حسنا(تنهداات)الله ايدير ليك تاويل تلخير ملي نكون كنولد غندعي معاااك باش ربي يعطيك منويتيي اختي متسستاهليش داك ولد لحرااام لي حاجة واش رااجل 
زهور(مسحات دموعها)قافي قلبي هدشي عفاااك 
بقات كتقاد فلحلوة وكل مرة تمسح دمووعهاا وحسنا مقابلة معاها وتنهد كانت رحمة لفوق كتقاد لعشاا على حقو وطريقو لضيف لي جااي ..
كملو لحلوة وستفاتها حسناا فطبااسل وسطوولة مشات زهور غسلات وجها وطلعو لفووق لقاات ولدها كيلعب مع امين ولد حسناا بلعب فبيست صغيير تبسمات ومشاات خلاتو ودخلات لكوزينة وكلسات ترتااح 
رحمة:نوضي بدلي ديك لبيجامة كاشفة بالصابوون 
زهور(كانت كتشرب لما وحيداتو)علاش بنحطهاا مالي فين غادية
رحمة(بهمس)كوني تسمعي لهدرة مال راس جد بووك قااسح غديري ليا السكر كتر ماهوا طاالع مالك معندك حوااايج لابسة هادي كي درباالة
زهور:غير خليني مخارجة فين
رحمة:يجي الراجل يلقاك بهاد لحالةي يكوول سادين عليك 
حسنا(دخلات هازة بيجامة كضحك)زهور شوفي شريت ليك هاديي غتجيك زوينة نوضي لبسيها نشووف عفااك 
شافت فيهم تعيات وناضت بنترة شدات لبيجامة مشات لحمام
رحمة(ربعات ايد وايد حطاتها على راسها):وهياااا ربيي هاد لبنت غتقتلني وطرطق لياا لووالدة 
حسنا:راه ولات معصبة امييي ديها لطبيب غداا ولا شوفي كيديريي داك لولد شي نهار تقتلوو بلعصااا غير من سم هدرت باا 
رحمة:الله ياربيي واش هد لعداب سلطي عليناا ...وغير تدوي معاها وتمشي تبرد غدايدها فلولد غيد هوا ضاسر وهياا غتزيدو بلعصاا 
حسنا:ديها لطبيب تاع لعصااب امي هاهوا مبعيدش بزااف لبقات هكا وزايدينها بلهدرة غتقتلووها قبل لوقت ولدها دابا يكبر ويدير عقلو مالو غير هوا لي ضااسر ياك نتي كنتي تاتكولي هشاام كان قبيييح ومحمد تهواا ودابا كلمة جوج تلوحو ليها لهدرة على باه 
سكتات رجمة كتنهد تدخلات زهور ب بيجامة فلكري سروال وتيشورت طويل من لللور وقصيرة شوية منلقدام جات معاهاا ودايرة زيفهاا بقاو كالسين فلكوزينة تدخل سعيد وخوه تقريبا نفس فعمروو ضعييف شوية محسن شعرو واللحية طوييلة كحلة ولابس كندورة بلزرق دارت حسنا زيفها ومشات سلمات عليهم هيا ورحمة اما زهور بقات فلكوزينة كتمسح فلكيساان وكتفكر فحل لحرييرتها واش غتبقا عمرها كلو تسمع هد لهدرة ...
ملات بجهد وقربات طج من حيااتها ....

عمرها كلو تسمع هد لهدرة ...
ملات بجهد وقربات طج من حيااتها على لهدرة لي كتسمعها كل نهاار 
دخلات حسناا كضحك وبدات كتحط فطباسل تلحلوى وتقااد 
حسنا:زهور اراي الصينية اختي 
مشات قبل متجاوبها بلاا سااطت وقدات زيفهاا وهبطات لبيجامة من اللور وخرجات لصاالة كتسمع الضحك حطات زهور الصينيية وهزات عينيها لقاات السلاام وغادية رااجعة تلسها سعييد 
سعيد:كلسي ونتي ملي جيتي مخشية فلكوزينة عدبناك معاناا
زهور(حشمات)مكاين تعدااب راه دار ختي هاديي 
ةحط ليها كاسهاا او حناكها بغاو يطرطقوو بلحموورة دغيا باانت فيها 
محمد:فيين امين مبانش لياا 
حسنا:راه مخشيي فلبييت كيلعبوو هههه لقا لونيس 
محمد:مزيااان الالة ههه 
حسنا:عقبا ليك تانتااا امتا نفرحو بييك 
سعيد:هوا راه واجد خاصو غير يلقاا لعررووسة 
محمد(ضحك)هههه والله ايصااوب 
كانت زهور كالسة على اعصابها خصوصا ملي هزات عينيها على غفلة ولقات محمد كيشووفيهاا ويضحك وحسنا كتغمز فيهاا صهداات ومحملاتشش الديكوور ولات كتهزز رجلها تحت الطبلة باغة تنوض وممقداتش تسمعوو لبكااا وناضوو قافزيين لبيت دراري لقاو امين شاد جبهتووو كيبكييي وادم تهوا كيبكيي وشاد فايدو طموبييل 
طارت رحمة هزات امين وهوا كيشير ليها لادم بلي ضربوو وادم كيبكيي ورحمة كتعاير فادم لاخيير تهواا مضروب فايدوو ولكن ياحسرتاه شكون داها فييه 
رحمة:وااش نتااا مكتحشمش كون هرستي ليه رااسووو نوليو نتجراو فسبيطارات فهاد الليل 
سعيد:والو بااس دراري اش ديري ليهم ...حسنا اراي شوية تلج لاتنفخ ليه جبهتوو 

زهور(دات ولدها لكوزينة كتنهصر فيه وكتغوت عليه بالسكوتي وهوا كيبكيي ضربو فاي وو وتعاودوو لرجلو بلخاطر )مالك كطيييير ماالك 
دخلات حسنا تهز التلج لقاتو بغا يموت بلبكاا وهزاتوو وخنزرات فزهور وقالت:نهار تحطي عليه ايدك.نهرسهم لييك ماالك دراري مكيضاربووش ...فين مسمعتي لهدرة تنوضي تعطييه...

بقات معاه حسنا تسكتاتوو 
زهور:صافي اراييه وسيريي كلسي نعسوو (مدات ايدها لولدها وعطاها بضهرو كيتنخصص)ياااك واجي نتصاالحوو
حسنا:زهور مباقيش تفرغي فيه اعصاابك واش غير لي قال عليه قبيح تنوضي ضربييه عند بالك كيفهم خليييه لي دواه يعطيه علاش كيقلب ...دوزي شربي اتاي
زهور:لا لا بلاش غير بالصحة 
جراتها معاها بزز ودخلو لصالوون شادة رحمة اميت كطرطب فيه وكتحلف فادم لاخير كالس عند خالتوو عاض على صبعو وكيشوف فرحمة كدير ليه بايدها بالضحك غنضربك 
وفهادشي كلو عينين محمد بيااكلو زهور ملي كلساات كل مرة سعيد ينغزوو حيت عيق بزااف ولاحضاتها تحسنا وتبسماات لزهور لي كعماا عايشة فلعالم ديالهم عطات لولدها حلوة عاد مشا وكلس عندهاا وقلبات ليه ايدو لقاتها حمرة وبدات كتسول فيه وكيشير بصبعو لامين وكيقول ديدي سكتاتو وبردات ليه اتااي ناضت ركباتو فضهرهاا كيغوت باغي ينزل وهزات لمااعن هيا وختهاا عطاتو نص تفااحة عاد سكت وحط راسو على ضهرهاا كيخربق فلضرة ويلعب برجلييه ويعيط ب ""بابااا"" 
تحط لعشا عاد حطاتو حداهاا كيلعب ويجر فلنااب ويمشي لحدا التلفاازة بغي يطيح تصاور وتنوض ترجعو حداهاا وبقش هنا ولهيه ورحمة تخرج فعينيها فيه باش يسكت وهوا عاد مكيكسيري 
جمعو لعشاوغسلات زهور لمااعن ودخلات لبييت صغير تنعسوو في حين محمد كيتسيفط مع خوه وتيقلب عليها بعينييه 

صباح صبح قلب زهور مقبوووط ومغمم محاملاش تشوف وجهو مرة خرى صبحات مع لعشرة حدا لمحكمة كتسنا نوبتها كل مرة تهز عينيا ليتم جااي عادل على شحال عاد بان ليها داخل كيلعب بسوارت فايدوو شافهاا وبدا كيرمش وقرب حداها لراسة وكلس سااكت مربع ايدو في حين محمد كان على برا ...
عادل:ملقيتي لي يصرف عليك وعلىولدك ولاا ههه ضربوك لحيووط 
زهور:مبروك زواج
عادل:الله ابرك فيييك ...بنت الناس وقااارية وكتحتارم لي كبر منهااا وشادة تيقارهاا 
زهور:دابا طير صباغة ويبان ليك صداا 
عادل:صداااا ازهووور(شاف فيها)خرج منك 
زهور:الله اعونك معاهااا مكيهمنيش نفقة ولدي تعطيها ليه
عادل: واش نتي خرجتيه من دار بااه وبغاني نصرف عليه هاا طمااعة مع راسك هادي غير زهوور شوفي نكوليك برب لباقي شفتي من ريال لحمر ابنت النااس تحملي مسؤوليتك معاااه كون بغيتيني نصرف عليه بتخليه تحت جناحيي
زهور(شعلات فقلبها لعافية)مزال تجيبك ليام اعادل 
تكلم شخص باسمائهم ودخلو عند قاضي الاسرة النفقة لي تجمعات عليه حالف ميخلصهأ ودمو بااارد بحال الا ادم ماشي ولدو 
عادل:مبقيتش خدااام معنديشمنين نخلصهااا
زهور:عندك لفلوس هي باش تزوج باش تصرف على ولدك لاا
القضية(ضربات على لبيروو) شوية سكاااات الله اخليك 
عادل:انا معنديش باش نخلص لغالب الله داكشي لي جمعت عطيتو ليها فطلاق 
زهور:انا مغنتنازلش عليهم 
بعد اخد ورد ومحاكييم وطلع وهبط تحكم عادل بشهرااين على نفقة ولدو لي مبغاش يخلصهاا بردات زهوور شوية ملي غيتشد شهرااين اوهوا مزال عريس اومرو مزال مكملات سبعيام ديالهاا ....
حسناا ولدااات او زهور هازة ضياااف هيا ومهاا بطيابات ولمااعن او ولدها من لفوق لي دخل تعطيه صوابوو دازت سبعيام تاع لولادة وخوات الداار خملاتها زهوور وغسلات لي خاصو يتغسل ورحمة واقفة عليها هاليديري وهاليديري 
جات عمة زهوور مرا كبيرة شوي مجاتش فسبووع وكانت زهور عزيزة عليها هي شافتها تلاحت عنقااتهااا 
زهور:عمتيي اش خبااارك مالك مجيتي لبارح لسبووع 
نعيمة:اوى عاد كتااب ابنتيي تي كيدايرة ههه 
زهور(سدات لباب تاع الداار وطالعين فدروج)لباس اعمتيي واحد رباب مجاتش معاك
نعيمة:اوهووو خدااامة مسيكينة جيت غابوحدي 
طلعو ورحبات بيها حسناا ورحمة خلاو لي فايديهم ومشاو وجدو كاسكروط حطوه ليها وهيا شادة لمولودة كضحك معاهاا وحديت السااعة طلاق زهوور ولمشاكيل لي وقعات 
نعيمة:وحمدي الله لي فكاتها بكري وطلقهاا اما راه تنعرف شيولاد لحرام خلاوها مربووطة ومشااو تزوجو برا ماهوما مطلقات ولا مزوجاات 
رحمة:وراه تهوى على تسع شهور عاد طلقهاا مشا تبغا يتزوج عاد جاي 
نعميمة:دابا ربي يجيب ليها محسن ...راه انا نيت راجلي اللول دوزها عليهاا مطلقت تغفر ليا الله ...تاتلاقيت بالتااني الله ارحمو ولدت معاه بنية وماات وحلفت على رجاال خدمت و كبرت رباب وخدمات علياا انا ركابي عيااو 
حسناا:وبغااها واحد لوسي شارب عقلو ومتاقي الله غير الله اهديهاا
حطات زهور الصينية وقالت:عمتي رباب فاش خدمات 
نعيمة:كانت خدامة فمرجاان ابنتي ياو دابااا معرت اش ديك لخدمة دارت نسيت عليها ضل تسميها ليا بلفرونسي منعرف منين نجيهاا 
زهور:تا انا مكرهتش نخدم 
رحمة:نتي غتسكتي ولا نوض نشتف عليك 
نعيمة:على مال لخدمة عيييب ارحمة شحال خدمت تكبرت بنتيي هاا واشنو تبقا تاكل لقوت وتسنا لمووت علاش لي متخدمش وتهز ولدهاا ودير علاش ترجع 
رحمة:لاتزيديش ليها فيه انعيمة راه غانص عقيييل قادة تبراسها بقا غير تهز ولدهاا وتخدم هاا ....جاب الله ولد النااس باغيييهااا يضل سعيد يكوليا راه بغاهاا وهياا منفخة لقااتوو ...

زهور:ومبغاش نتزوج امييي شكون غيقبل على ولديي 
رحمة:ولدك مالو غيموت لكبر مع بااه ولا خليتيه عنديي 
زهور:لاا ولديي يكبر معايا تنمووت 
نعيمة:اش غدير بشي زواج لعنداك ابنتيي خدمييي وديري صريف فجيبك ولسعفني باااك يالله معاياا اش غتكلسي ديري فدااك لخلاا تشوفي كمارتهم كل نهاار بسيف متمرضيي 
زهور:بصح اعمتييي نمشي معاااك طلبي بااا عفاااك 
رحمة:واش تنوضي تكملي تجفافك لااا نوضي تكعدييي 
ناضت كتنفخ وكطلب فعمتها باش تمشي معاهااا 
ناضت جففااات الداار ونلات تجفيفة فددروج لي تابعوو لعدااب تابعو بلا هواه حلات لباب تاع براا وضرباات لماا بلا متنتاابه رشات محمد تكحكب شهقاات وشدات على فمهاا وهوا رجليه كيقروو بلماا تاع جفاف...

زهور:سمحليا اخويا منتابهتش 
محمد:ماشي مشكيل ههه 
سعيد:مالك واقف فلباب دخل 
حطات ليهوم الشيفون عند لباب وطلعو وهياكملات تجفاف تشافت خوها وباهاا وقفوو ساطت بجهد محاملاش ترجع لداارهم سلمات عليهم وطلعوو وتبعاتهم لقاهم كالسين فالصالون مشات نيشاان لكوزينة بدات كتعمر فاتااي وتقاد تدخلات عندها حسنا كتبسم 
حسنا:عرفتي لاش جاا بااا وخوك 
زهور:باش نمشوي
حسنا:اوى الالة محمد خو سعيد هضر مع با عليك كاليه تعطيني زهور 
زهور(فشلات)شناهوااا واش بصح حسنااا راه مبغيتش نتزوووج مبغييتش واش بزز
حسنا :الله اهديك ازهووور راه راجل الله اعمرها دار يهزك فوق عينييه لمشا راجل جاك رااجل وحدة فبلاصتك تزوج بيه بعينيها مغمضيين ونتي عارفااه تهوا فاايت مطلق ومرتو مكتولدش ... واللهميخصك خير معاه
زهور:لا هياا لاا 
حطات لكاس بزعفة ومشات لبيت كتبكي تجمات عليها رحمة وعمتهاا كيسكتو فيهاا ورحمة مفقوصة بغات تزوجها وتسكت هضرت الناس ولبااس
زخور:والله اميتنقتل راسي ومبغيتش نتزووج مبغيتش
نعيمث:واش بزز تزوجووها خليو عليكم لبنت فالتيقااار مزال صغيييرة واش زوجتوها باللول وبغيتو تعاودو التااني 
رحمة: اش غتبقا دير وهيا ولات مشانقة غير مع مرت خوهااا هاا اللهم تشد دارهاا 
نعيمة:غتبقاو تاتخرجو عليهااا وتقتلووها اش طفرووه هادو لي عاودو تزوجو هااا اش طلعهم وعاد عندها دري غدا ولا بعدو يكوليها مباغيهش معايااا 
رحمة:ولدخا راه يبقا معاياا وتمشي تزوج تولد ولاادهاا 
زهور:بغات تغوت وسدات ليها حسنا فمها ودموع ولخنونة باغة تجهل)واماابغيييييييتش وااااااع ياربي ديني عندك وهنيني هئ هئ ومبغيتش نتزوج وبغيت نمشي منهناااا 
دخل مصطفى سمع صداعهم هي شافوه كلشي تكمش الا ختوو 
نعيمة:واش هد لبنت باغي تسطيها عاد تبرد هااا اش دات من زواجها الول باغي ترج تزوجهاا
مصطفى:زواج سترة اش غتبقا دييير هاا الله تزوج ودير ولاادهااا ...انا راه باغي ليها غير لخيييير او محمد راجل الله اعمرهاا دااار منلقاوش بحاالوو
نعيمة:هاد لهدرة كنتي كتقولها تاعلى دااك خينا لمن عطيتيها وصدق خاوي ا شربحات غير لمرض ولعصااب 
مصطفى :واش دابا نتحاشم مع الرااجل 
زهور:ومبغيتوووش
رحمة(قرصاتها)سكتييييي نتييي سكتي 
نعيمة:خرج لبراا نهدر معاااك خرج 
خرجات معااه وكلساات تجبد ليه فودنييه وتخلع فييه وتعاود ليه على لبنات لي نتااحرو ولاا هربوو 
نعيمة:هانتااا خليها تمشي معايااا عفا خوياا غير تولي لبااااس وتجييي وديك السااع زوجها ولا كعد لبنت غتموت غير بلعصااب ولمشيتي تزوجتيها درووك ازغبي ترجع من نهاارهاا خليهااا ترتاااح الله ارحم لي فلقبر اخوياا
مصطفى:وااش تديها تال اكاااديير واش هترتي ولا مالك مالنا حنا هازين عليهاا لملحة ولكيااس
نعيمة(شدات راسها)وسي مصطفى الله اهديك خليها تمشيي وتكلس شوية مع رباب وتفووج وتحيد عليها لغمة وغنجيبهااا ...راني حاسة بيها اخوياا خليها تمشي تفووج عليهااا 
مصطفى:اوىواش نديرو مع الرااجل نوليو دراري صغاار
نعيمة:كوليه مزال مبغااات تزووج يالله طلقااات كوليه سير تالعام جاي وجييي مرحبا بيك بينما ولدها شد راسوو باش يكلس معااكم شكون هدا لي يقبل بربيب هاا 
مصطفى:ولكن هاااودني منك انعييييمة راااه هك ولا هك نجي نحي بووها من الدنياا
نعيمة:يااااك اولد مييي اناا وليت حيط قصصصير 
..خلي عليك الدرية تمشي معاياا ماتعرفي زواج مغيهربش ...اش كلتي درووك
مصطفى سااط داير ايدييه ورااه:وااا ربييي على مكتووب كتاب علينااا 
نعيمة:يراه هدرناا عار لبزيزيلة لي تناتشنا انا وييااك
مصطفى(عوج وجهوو)وصاافي صافي وخة
نعيمة(فرنساات وطلعات لدرروج لقاات زهور مزال كتبكي وجها حمر وحسنا حداها كتسكت فيهاا وقالت:حيدي عليااا من هاد لبكاا ونوضي جمعي حواييجك مكاين لزواج لا هم نوضيي هزي ولدك يالله معايااا
زهور(بفرحة ودموع)هئ هئ واشش بصح اعمتيي 
رحمة:اتيي اش كتقولي
نعيمة:لييي سمعتيييه امرت خويااا زهووور اتمشي معايااا ل اكاديير ....

عَاهدتني بالصّدق ثِم جفوتّني . وسرقِتني من واقعِي ورمَيتني . وضممتَني لصَدرك ثُم قتلتنِي . جعلتنَي ليّل كم أسهَرتني؟ . ياساعيًا لدَربي كيفَ تركتني؟ . ورميت اعذارًا لعلّك تختفي . وركضت خلف عواذِلي وهجرتني . وسألتني بالله ثمَّ كسرتنِي ..🌺
فيقتها من سهوتهاا نعيمة لي فيقاتهاا وقالت :زهووور وصلنا ابنيتي 
زهور(حلات عينيها مدوخة بلكاار شافت لبشار كتير فلمحطة ناس جداد مدينة كبييرة وجديدة ..هزات ولدها لي نااعس فدراعها وصاك زرق ديالوو فيه ماكلتو ولي ايحتاج فلكار دارتو فكتفهاا ونزلات عمتها وهيا موراهاا لابسة كسوة طويلة مع سباط بلاا وفولار كل مرة يزلق ليها حيت مكتزيرووش نزلوو ولفرحة غامراها اخيرا غتهنا من دييك لبلااصة يوققع لي بيوقع حالفة مترجع بداو عينيها كيدوروو ولغة غير لغتهاا مفهمات والوو السوسية وفبلاد سوس حطات رجليهااا خرجات شانطة من لكار وصاك تاع لحوايج مدات لنعيمة ادم وجرات صاكهاا او باليزتها خارجين من لمحطة 
زهور:ناري اعمتي الى كنت بوحدي نتلف هه اشمن بلاصة هادي
نعيمة:راك مزال مدخلتي لمدينة هادي غير انزكاان زال ناخدو طااكسي تالاكادير 
زهور:واش باقة بعيدة
نعيمة:ماشي بزااف 
ركبوو فطاكسيي كبيرة اللور مزاحمين مساافت الطرييق تكانو دخلو لاكاديير فجو مضبب وبااارد عكس لي خلاو فمدينتهم بدات زهور كطل وكتشووف من الزج الدنيا كي نقية وكبييييرة وتبسماات وقلبها فرفر 
حطاتهم الطاكسي وتمشااو امام احيااء شعبيية( حي الفرح) وقفوو كينهجو وتوجهو لدار او نعيمة عيطات على لعساس عاونهاا تهزات لباليزة طلعوها شكراتو وهبط وبدات كدق كتنهج بدووج
نعيمة:رباب (جبدات تيلي كتصوونيي تاتحل لباب وطلات بنت لابسة شوورط قصيير وسليب كيبان مع ديباردوو مبين صدرهاا وشعرها لي كان مسبووغ لاكاجوو وطاطو فلحجببان 
نعيمة):لخمسة لعشية ومزال نااعسة 
رباب(شافت زهوور وسلمات عليها وريحت نعاس عاطية منها)امي راه مدخلتش من لخدمة بكري فف زهوور على سلامة مرحبا بييك
زهور:ربي اخليك اختي
رباب(شافت ادن وعنكشات حنكو بغات تبووسو ودفعا بايدو كينين)شوف ليك هد لهبيرة هوى هه دخلوو اويلي 
دخلات نعيمة كتنكر الدار غاملة وحالتها بلمااعن ولمخاد تاع الصالون مليوحين ولمانطة مزلعة فوق سداري براد اتاي فوق الطبلة بايمة دايزة عليه يوماين
نعيمة:ويلي ويلي على روينة واتي واش مفيكش النفسنوضي جمعي غاهادشيي كلشي مرون واش كابرة فعابة 
رباب عطاتهم بضهر كتعوج بواحد لبانطوفة تاع الريش فلكحل وضفار مصبوغين :راني خدااامة نبقا مقابلة ليك الدار معندي ميدار 
زهور(حطات ادم وهزات كمام لكسوة )صافي نجمعهم انا اعمتيي غتكون عياانة بلخدمة 
نعيمة:علاه حنا معيانينش بطريق هد لبنت غتفقص لياا مرارتيي 
زهور:فين لكوزينة اعمتيي 
وراتها فين وناضت نعيمة كتجمع الصالوون او زهور دات لماعن لكوزينة لقاتها غترييب بيهم والدبان والناموس ضاير بواحد لبنانة خامجة حيدات زييفهاا ولاحتو عاد تنفساات وادم حداهاا كيبوس راسو فلمراية لي فلكولوار 
بدات كتجمع فلماعن بنشاااط وحيوية حتى غسلات لماعن وجمعات زبل بغات ديرو ف طارو لي حدا رجليها حلاتو لقاتو عامر بلبوينتات تاع لكارو مدات مجابت لاحت كلشي ومسحات الطبلة تاع لكوزينة كانت داار بسييطة جوج بيوت صغار وصالون او كوزينة صغيرة او دوش يه طواليط 
مسحات لكوزينة خلات لفابوو كيشعل عاد دخلات نعيمة جارة تشطيبة من الصالة ومفقوسة هزات عينيها لقاات زهور جمعات لكوزينة وقالت:تبارك الله على حداكتك اما هادي لي عندي متحني مدني 
تبسمات زهور وكملات جميعهاا عاد كلسو من بعدماا تقاد الصالوون ونعيمة مشات تقدا مياكلو هدرات رحمة مع زهور كتوصي وتعاود متخرجش بوحدهاا الدنيا مخلطة 
رحمة :وصافي درتي لي فرااسك
زهور:اش غندير تما نسمع لهدرة امي
رحمة:وشوفييي لوالديك راه هاه ولا هاه متحسي بيااا تنوقف عليييك هاودني من جد بوووك 
زهور:وصافي امي 
رحمة:تدابا غير كلت ليك 
قطعات معاها وناضت بدلات لولدهاا وحيدات ليه سباطوو وعطاتو تيليفونها باش يتبت ليدير شي موصيبة تخليهم يرجعو فلكار قبل لمغرب 
دخلات رباب هازة فوطة فايدهاا وجات تحنات على ادم وصدرها كلو كيباان وسنسلة تدهب فعنقهاا
رباب:غييير نتي ازهوور مدا فداك ولد لق** والوو معرت اش عجبك فديلموو داير كي لبعرة ههههه ..

زهور(حشمات)لمكتاب ههه 
رباب(كلسات مقابلة معاها)داك خالي كيفقص مكنحملووش وخة باك عندو لبنات كي لبكر غير تبان يزوجهاا 
زهور:ماشي غير هوا تا انا كنت بغااه ...السعاتي مصدقش 
رباب:لي قدك رااه مدابزين غير مع لباك يشدووه ...تيك بااا دابااا تنساي لحمار بووه 
زهور:فالصراحة انا بغيت نخدم مبغيتش نرجع تماا 
رباب:ههههه لخدمة احبي كتبغي جبهة ...ونتي بنتي ليا بحال شي ببوشة لي قاصها تخباا هههه 
زهور:عهههه اوى لما خدمتش غيجي با يديني وانا مبغيتش نرجع لداك لقنت 
رباب:متخافيش غنضبر ليك فشي حاجة تجي معااك 
زهور:هه شكراا لكن قبل غندخل ادم لروض 
رباب(ناضت )تالغدا مكنخدمش ونخرجوو نسارييك هناا نوض ندوش باش نمشي لخدمتي (دخلات لدوش)الدار دارك ازهوور 
زهور:شكرا ربي اخليك 
بقات كالسة كتلعب بيدخا تدخلات عمتها كتنهج هازة لكوميير او لحليب ولفرمااج ناضت زهور عاوناتها وقادو كاسكرووط وحولوه لصالوون وكلسو كيتسنااو رباب تجي تجاية ريحتها كتشم منين ومنين لابسة تيشورت كحا لااصق بكول في مبين شوي من صدرها شعر مسرح وسروال لااصق مع سباط طالون ولمكيااج حدت ولا حرج بقات زهور هي كتشوف عجبااتهاا كي لابسة ومقاادة وهيا منهار عقلت على راسها تخشات فجلالب والزيف ولمكياج ممنووع بتاتاا 
نعيمة:وتي كولي بشوية عليك الهايشة 
رباب:اه خاصني نمشي ممزال تابعاني طرييق ... راه خلصت لكريدي تاع مول لحانوت ليقوليك عطينيي ضربي لمو طر 
نعيمة: راه قالها ليا غير سيري ردي لبال هاا 
خرجات كتقرقب بطالونهاا وبقات زهور حاضياها وقالت:عمتي رباب فاش خدامة
نعيمة:خدامة فاوطييل ابنتي كتسربي 
زهور:هااه مزييان تانا بغيت نخدم...اه عمتي شي دهب عندي بغيت نبيعوو
نعيمة:وعاه دهب كيتبعاه اويلي خليه لدواير زمان
زخور:لاا بغيت نبيعوو هوا لي كان شاريه ليااا ومبقيتش حملتو فلوسو ندخل بيهم ادم لشي حضانة ملي نخدم 
نعيمة:لواااه خلي دري يونسني ونتي خدميي...

كانت زهور مفرشة فلارض مع ولدهاا او عمتها فوق سرير صغيير منعسة ادم عللى ايديها كتلعب فشعرو لي طوال وتنهد فضلاام ...شنو مخبي ليهااا زمانها منهنا لقدااام ...اش عندك يادنيااا ف جعبتهااا...نعاس طااار ولعقل مرفووع بااغة تخدم وتهز راسها ومتبقا تسنا حد يكسي ولدهااا ويفرحوو 
طلعات تنهيدة من الاعماق تاتهز صدرهاا وتحط ....
صباااح فبلاصة جديدة وناس جداد حسات زهور بعمتها نااضت وبغات تنوض 
نعيمة:ياك لباس فين نايضة 
زهور:نوجدو لفطوور 
نعيمة:نعسي راه يالله ستة تصبااح نشوف غير رباب دخلاات رجعي ونتوما كتفيقو مع دجاج تقولو كتبحتوو على دهب
ررجعات تكات زهور وغطات ولدهاا ونعاسهاا طارر في حين رباب عاد دخلاات مبوقة بنعااس طاحت كاو ففراشهاا ملحقات تبدل حوايجهاا غطاتها مهااا عاد تهنات ورجعات نعسات بخاطرهاا ...
مفاقوو توصلات لعشرة عاد تحلو لعينين وتقاد لمجاج ناضت زهور لقات عمتها كتقاد فلفطور مشات صبحات عليها وغسلات وجهاا ومشات كتعاون فيهاا حطو لفطوور فالصالون ومشات فيقات ادم بدلات ليه وكتشوف فيه بحزن وحيرة وكتبووس فيه وتفطر فيه 
لطيفة:عمتي نخرجو لسرق بغيت نشري لادم شي لعاب ..ليوم كمل عااام
نعيمة:ايييه دغياااا داز عام (شافت فادم لي كيلعب بلخبز ومتكي على صدر زهور كيتفرج)كااع محاس بلي داز ..وخة غير فطري ونخرجو نيت خاقني نتقداا خضيرة 
خرجات رباب مدوخة بنعاس وكلساات بلا تا كلمة كتشربب فاتاي ترجعات مجاجهاا 
رباب:زهوور تالين قارية 
زهور:حد السادس اختي
رباي:اوييييييلي على السااادس يحسابليا غير لكاطريام 
زهور:لكوليج كان بعيييد علينا وبا مبغاش
رباب(عوجات فمها)داك باك مقراجو ميسخنش
نعيمة:واش تسمتي ولا نوض لمك راه خالك هداااك 
رباب:يكون تا جدي كلمة لحق نكولها تافييك اويليي مريض فمخوو مخرج لببنت من الساادس او مزوجها على سطااش ومطلقة على سبعطااش هدا متمشيش تلحج ودعي فييه 
زهور:كلهم اختي هكاك غير دراري لي قراو تالكاطزياام 
رباب: اودي دماغهم خاويي
نعيمة:رباب داك دري لي تقديتي من عندوو سنسلتك بغات زهور تبيع خاتمهاا لي عطاها داك كحل لعفطة
رباب(فمها عامر بلخبز)انا منك نحرك لجد مو لمجامر نخاليه داالع فزناقي بلكلب لااخر بدمو بارد مشا تزوج
نعيمة:الله استر اعوود بالله مولفين حنا بسحوور ...خليه منو لمولااه راه مخليها عرووسة وغادي يدوز شهراين تاع لحبس ومزالل يدوز لعام وترفعها علييه تيحطهم بلا هواه 
زهور:مبقيتوش تجبدوه ليا صافيي الله اعونوو ويجيب ليا الله خدمة نهز بيها ولدي منحتاجوو كاع 
رباب:شوفي غنسول ليك واحد السيد تخدمي فوزين تاع لحوت عجباتك هيا هاديك معجباتكش نضبر ليك فحاجة حسن نتي دابا عندك تربيية معرت واش تقدي عليهاا
نعيمة:ملي متكونش راه يونسني والروض عطا الله هاهوما غير قرااب ...
رباب:صبرو نفطر ونمشي معاكم لسوق بغيت نتقدا شي سبااط 
وفعلا داكشي لي كان فطرو وجمعات زهور لماعن والداار خلاتها مجمووعة ومشاات كتقلب فحوايجها لي زكاتهم فواحد جيهة تاع لماريو مع حوايج ادم وطرفات لباليزة هزات جلابة كرونة مع فولاهاا او سباط بلا كحل ولبسات ولدهاا وخرجو لقات ربباب لابسة كسوة ميطات عراض وطويلة وطالقة شعرهاا ومقادة وجهها شافت فزهور وحطات ايدها على حنكها مسبغة الضفران طوال فلحمر 
رباب:اويييييلييي على جدااا مالك فهاد جلالب اصااحبتي معندك حوايج انا لي كبر منك مكنلبس هكا
نعيمة:وتي شغلك هيا كترتاح فهادشي خليهااا بحالك نتي درعانك كع كحالو بشمش
رباب:اوى خلاص عليي سبعطاش لعام ولابسة هدشيي اتكبر قبل وقتهاا
زهور:انا ولفت هكااا كنحشم لبس لقصيير
رباب:يالله زيدوو باش نرجعو راه مبوقة بنعاس 
هبطو لتحت لقاو الطاكسي كيتسناهم سلمات عليه رباب من وجهوو وركبات حداه وركبات زهور اللور كيتسناو ف نعيمة تهبط 
-معاك ضياف
رباب:زهور بنت خاليي جات عندناا اجيي متشوفش ليها شي خدمة 
-هههه خدميهامعااك
رباب:تت لااا شراه عندها دري صصغير تقابلوو 
-تنسول ليييك 
ركبات نعيمة ومشاو فتجاه سوق لحد لقاوه بيطرطق بالنااس بدات زهور كتشوف فلبنات كيف لابسين مكاين هي تزيز وخرج يضربك لبرد دخلو لسوق لي كان عامر ومشاو ل جيهت دهايبية بدات رباب شادة لهدرة وتراشق بليد مع دهايبي وزهور هي واقفة تاتفرج اما حتى نعيمة بقات واقفة برا مع شي مرا كتعرفهاا
رباب:(بغنج)ودير شي تمن زوينره حناكلياان عزيز 
-ميكون هي خااطرك وخة دهب راه هابط هد لياماات ميجيبووش ليك شي تمن كتيير 
حطات زهور لخاتم او السنسلة والدمليج جابو ليها نص قيمتهم وباعتهم خرجات كسات بيهم ادم وشرات ليه اللعاب وشرات ليها حويجات تاع الداار وكسوة ختارتها ليها رباب هيا وفولار دخلات رباب خدات كسوة حد لفخااض فلمحل وسباط كحل بقات زهور هي كتشووف فلحوايج ولكسااوي 
رجعو ادراجهم لدار حطات للادم اللعاب فرحان بيهم تعيطات ليها رباب ومشات عندها لبيتها لقاتو مرون بلحوايج ولابسة لكسوة لي شرات مع السبااط
رباب:سدي ليا ازهور سنسلة فضه 
زهور(سداتها)جاتك زوينة بصحتك
رباب:بصح (كتشوف فلمراية قبالتهاا) زعمة نعجبوو ههه 
زهور:هههه شكون مول الطاكسي 
رباب(ميقات )لهلا يحيييه انا عيني لفوق ازهوور ..حاطة عيني على وااحد السيد ملعق كل سبت كيجيي 
زهور:هاا ..رباب فاش خداامة نتي 
رباب(منتابهة مع لكسوة) خدامة فلبار ازهوور كنسربي

زهور(بصدمة)اويلييي 
رباب(شافت فيها)راه مكنخلش رجلي كنسربيي 
زهور:وشنو كتسربي شراب
رباب:اللهم شرااب ويدووخ يولي ي خلص بلاصت مرة جوج مراات ولا واحد عاصر من زك نهاار تالليل على قهوة ويلوح لييك جوج دراهم ديالاش اختي تاع نخرا عليه ونمسح بيهاا ...شفتي ازهور هد لوقت ولينا رابحيين غير معاهم 
نعيمة:او عمتي مكتقول والوو 
رباب: تقول لي بغااات واش كيخلص عليا شي حد شي خرية عندي 26 ازهور تاحد مكيدخل عليا لقفة ملي كنمرض خددامة بحال كاع لخداامي وصافي 
زهور:غير قلت لييك وصافي 
رباب(حطات لكسوة ولبساات بيجامة حض فخاظها سميطات وعلقات لكسوة با شتلبسها فلعشية )اوى قولي لياا الله اعفو عليك ونضربخا بشي تزويجة بشي مرفح ههه 
زهور:اختي زواج فيه غير لمرض
رباب:غير نتي معرفتيش معامن لي قلتي ليه مزوجة او والدة ومطلقة يشبع عليك هي ضحك قدك هنا مزال كتلعب وتفكر اش غتقرا غداا .
زهور:ممم عند الصح ..قولي لياا ارباب منخدمش معاك
رباب (طلقاتها بضحكة كتخفض ف فخضها)زهور راه تطمنطاش معندك ميخليوك دخلي تامن لباب بقاا هي تخدميي ...ديك لخدمة كتبغيك تكوني قاافزة ..ومقطرة حيت كاين لي باغي فيك هي حاجتوو ...خاسك تكوني سنطيحة باش تدي بلا متعطي ونتي اختي ماااشي ديال ديك لازووون خليك تنضبر ليك على خدمة فيها مصيريف وقلبي على بوزباال 
خرجات زهور لكوزينة تعاون عمتها فلغداا وجدووه 
زهور(مترددة)عماي نطلبك طليبة
نعيمة:نعام ابنتي اش كاين 
زهور:ليوم عيد ميلاد ادم وبغيت ندير ليه شي كيكة 
نعيمة:وتاتسولي ها لكوزينة قدااامك ديري ليه لي عجبك اجي بعداا ارا دوك لفللووس خبيهم متعرفي لوقت اش تجيب ليك خليهم على تيسااع 
زهور:وخة
مشات جابت ليها لفلوي لي شاطو من دهب خباتهم ليها تاتحتاجهم وبداات ركبات زهور ادم فضهرها وبدات كتخلط فكيكة ودخلاتها لفران وبقات خاضياها تطاابت جبدااتهاا لقاتها منفووخة جابت ليها نعيمة الشكلاط ولفنيد وزوقااتها ودخلاتها لتلاجة تبرد باش تفرحو شوية وخة هيا قلبها محاس بيه غير الله 
تغداو مجمووعين وجابت لكيكة كتغني لولدهاا هوا عينيه غير فلحلاوي لملونين فوق لكيكة بغااهم وبدا كيبكي ويتجبد ليهم تعطاتو لييه 
رباب:زهور:وجدي رااسك يالله عيط ليا السيد نهار تنين بتبدااي فلخدمة ةطرونسبور بيديك ويجيبك
زهور(بفرحة)واش بصح اختيي 
رباب:نهار تنين غنمشي معاك فصباح تاتزكي راسك وتبدااي 
زهور:شكرا ارباب عمري نسا خييرك
رباب:حسبيهاكادوو لادم ههه 
نعيمة:اوى كوني قدهاا 
زهور(بتسمات)ان شاء الله لهلا يحاشم (هبطات راسها فادم وباستوو وتبسماات 

يوم الانتين وصل مشات زهور قدات مسائلها وشافت فين غتخدم ورجعات ادراجهاا لداار دارت لغداا مع نعيمة وعاوناتها فشغل الداار او حايرة على ادم عارفااه مشطون وتاحد ميصبر لييه وعمتها مخلاتهاش دخلو لروض من دابا باقيي صغيير 
تغداو غداتو وكلاتو مزياان وجبد عليها بنعسة وناضت كتزرب بااش تخرج لبسات كسوتهاا وهزات صاكهاا وخرجات معاها نعيمة تالفين ايجيها طرونسبوور ركبات ولقات مجموعة من السيداات كبارات ومتوسطات رمات السلام وكلساات شادةة صاكها وبالها كلو مع ادم ملي غيفيق وميلقهااش وهيا مغتجي تااالشمن وقت دخلو لوزيين وتمنع التيليفوون لبسات الطابلية لي عطااوهاا وبداو كيوريوها اش ديير وشنو مديرش تستف لبواطات تاع لحووت لابسة الليكات ولبووني او واقفة او مرة كبيرة فلعمر كتوريها اش دييير نهار كلو وهياا وااقفة من هادي لهاديي تستف وتقااد لبواطااات حتى وصلات لعشرة تاع الليل لبسات حييدات طابليتها دغياا ضهرها بغا يتقسم او خرجات مبطا عليها امتا توصل لعند ولدها لي عمرها مشات غبرات علييه حطها فين هبطها لقاات عمتها واقفة كتسناها ومركبة ادم مشات كترب عندها سلمات عليهاا دغيا ودارت وراها عند ادم
زخور:يكما عدبك اعمتي
نعيمة:مخليت فين ضرت فييه عطيتو لحلوة الششكلاط وهوا غير ماما ماماا مرة يبكي مرة يسكت مرة يسولني مسيكييت عيا يتسناك
زهور(غرغرو عينيها)احح راه معندي كي ندير ليه
نعيمة:صبري غيير يكمل عام ونص ودخليه لروض يلعب مع دراري دغيا يولف...او نتي كيي داز نهارك 
زهور:شوية اعمتيي وخة قاصحة تمنية سوايع ونتي واقفة 
نعيمة:هي صبري اللهم هكا ولا ترجعي عند بااك باغي غير امتاا يزوجك 
طلعو لدار بدلات حوايجهاا وهزات ولدها كتبوس وتعنق فيه موحشااه وتشم ريحتو بحال الى هوا مصدر القوة لي بغاات بزز منهاا مشات عاونات تنعيمة وغسلات لمااعن لي عمرو لفاابوو عشاات ولدهاا او نعساااتوو ونعسات حداه كيف كل ليلة مكتنعس حتى عقلها كيضرب احماس فاسداد وهيا كتمناا من اعمااق قلبهاا تولي قادة برااسهاا وتز راسها هيا او ولدهاا ومتحتااج حد مزال....

3 سنين داازت وشلا ياام داازت بحال الى غير لباارح ...بدات زهور كتكبر وتفهم فالدنيا شوية تعر لي جاري وطاري وكتفقه وتخدم عقلهاا 19 لعاام ولات عندها وام لولد فعمر تلت سنين خدامة فلوزيين معيشة راسها او ولدهاا 
عادل خبارو تقطعاات من نهار دخلاتو لحبس عمرو فكر يسول فولدوو مزاال دخلاتو لروض وبدات كتمشي هاني لخدمتهاا خلصتها كتمشي غير عليه حوايج ولعاب او مباقيي كتعاون رباب على لمصروب باش متسماس واكلة فابوور
ولات كتمشي كدوز معاهم الاعياد وترجع وخة غوتوو كدير ليهم فيها موتا حمار وعمتها معوناهاا باش متخليهاش ليهم فينما مامشات تلقا باهاا ملقي ليها عرييس وديما نفس الاسطوانة عطيه ولدو وتزوجيي تملات او ولات كتفادا تمشي غير لجابتها لوقت 
كان وقت لمغرب ولحال داافئ شهر ستاا وهيا واقفة فسطح مربعة ايدها فوق لحيط وكتنهد وشعرها طالقاه يضربو لبرد تسمعات خطوات وراها دارت بالزربة دير زيفها تلقات رباب ورجعات لوضعيتهاا 
وقفات رباب حداهاا وجبدات بريكي وكاروو رقيق بيض وشعلاتوو 
زهور: باقي مبغيتي تقطعيه 
رباب:ههه لبلية ازين اينوو ...شفتك ماشي هيا هاديك مالك
زهور:والوو ...مبقاتش عاجباني لخدمة فلوزيين غنخرج نقلب على محسن ديك لخلصة مدايرة ليا والووو بحال الى مخدمااش 
رباب:وفاش بغيتي تخدمي 
زهور:نقلب على شي خيطة نخدم عندهاا 
رباب:هههههه زهور منيتك شحال بغات تعطيك هد لخياطة جوج درياال ...بنتي ليا بااااقة نية بزااااف والله لمدينة ماشي ديالك 
زهور:وشنووو فاش غنخدم
رباب:تبغي تخدمي سربااية 
زهور:فلبار لا لا كنحشم ومنقدش
رباب:لا ماشي لباار كنعرف واحد لكاوري عندو كافي جنب لبحر منها كافي او كلاصي 
زهور:يكمااا كي يبيع شراب 
رباب(نفخات الدخان كضحك)هههه اخخ ازهور نتي شغلك شراب غتشربييه ..نتي شغلك سربيي لي بغا يشرب تادوى لفيران عطيه لجدوو ..لمهيم تخدميي ودوري بحالتك شوي ونتي غير مخشية فدوك جلالب كي طلابة فسوق لحد وكضي ازهوور شوي هادي راه ماشي فقيه بن صالح راه اكاديير سواسة ابنتييي كوني قااافزة شوي ماشي هي لي نك عليه تخشاي وسط حوايجك عطي لكلبة مو علاش كيدوور ...عرفتي اش اديري(طفات لكارو)سيري لبسيي حوايجك ويالله نهدر ليك مع داك خينا يخدمك حيت هوا لي مكلف تماا دييييما كيضرب لقراعي فلباار ..نمشي نلبس حوايجيتا اناا 
هبطو لتحت دارو كاسكروط مع نعيمة وعاودو ليها اش بغات خلاو معاها ادم لي ولفهاا وخرجوو وكيف ديما زهور فجليليبة او رباب ضاربة لبسة مخيرة ومع لفورمة تقول السيدة كتخلص بالدوفيز خرجو لحومة وبان ليهم مول طاكسي كيتسنااهم ركبوو ومشاو لكاافي فين دايرة رباب مع لولد كلسو كيتسناوه تجاا راجل كبيير شويولكرش خارجة غير بكترت شرااب 
-رباب اش حب لخااطر
رباب:شد لينا غير عصير متكونش صقراام امراد 
مراد(اشار لسرباي كيضحك)عطيناك مكتر هي الله ايهديك عليناا(شاف فزهور)شكون هد لكتكووتة ههه 
رباب:هادي بنت خالي بغيتك ضبر ليها فشي خدمة فلكافي تاع لكاوري 
مراد(لزهور) ممم عمرك خدمتيي 
زهور(يالله بغات تجاوب
رباب:خدمااات فواحد الريستوو ومعجبهاش الصالير (حطات ايدها على دراعوو) ونتا عارفاك لقلب لكبير مغتخسرش لياا خاطري 
زهور مركات ومكرهات لرض تشق ودخل فيهاا كترت تبحلييس فرباب تخليه يبوس ليها رجليهااا بقات هي كتشوف مزعمات تهدر مزعمات تنفس وهوما مرة مرة يقلبوها شلحااا ويخليوها كتبلق فعينيها كي موكا وسطهم 
مراد:شاف فزهور وهدر بالشلحة )مايتسنت اتسكرت 
زهور:هااا 
مراد:اه نسيت يسحاب ليا كتفهمي لشلحة بحال رباب قلت ليك اش كتعرفي ديريي 
زهور:كلشي معنديش مشكيل 
رباب:عطيهاا تسربيي 
مراد:ولكننجربها بعدا لنصدق مرون مع لباطروون لمقداتش تحضي غير جيهت لكلاص ...صافييي 
زهور:صافي شكرا اخوياا
مراد:ههههه هد بنت خالك تاتبان درويييييشة 
رباب(هزات حاجبها)علاه بالسلامة كيتانبان ليك اناا شطا مطا راه غير لي جبدني تنعطيه جوابوو
مراد:مناحية جواب كتعطييييه وتوفيه ههه 
رباب:داكشي لي يليقكم 
مراد:ههه ياك الالة وخة(شاف فزهور) مناسبك تبدااي غداا مع صييف كنخدنو الاكترية بليل كتكون الدنياا عامرة والناس داخلة خارجة اما بنهار قليل بنادم شنو بان ليك 
زخور:اه معنديش مشكيل 
مراد:لخلصة انبداو معاك بربعيين اووو لبورفواار ديااالك الالة 
زهور(مفهماتش لبورفوار وتبسمات)صافي وخة 
كلس معاهن شوي وخلص عليه ونااض جرات زهور رباب وقالت: شنو هداك لي غيعطيني مع لخلصة..

ضحكات رباب تدمعو اينيها وقربات ليهاا كضحك
رباب:هههههه وناري على موصيبة هههه لبورفوار انم هوا تدويرة لي كيعطييك هداك لي سربتي ليه كل واحد وجهدو داكشي علاش ملي تبغي تسربي ديما ضحكي ولخاااطر لخااااطر با شتكون تدويرة كتيرة فهمتيي 
زهور:اه فهمت داباا صافي...غدا منمشيش لوزين
رباب :صافي نساي داكشي هادي خدمة زوينة وفيها صريف بعداا ونتي او وجهك ههه يالله نوضيي 
شدو طاكسيورجعو لداار وكلساات زهور فالزربية كتلعب مع ولدهاا باللعاب في حين رباب تفركسات تاني وغادا خارجة
رباب:كيجاتني هاد لبيسة ازهور 
زهور(هزات عينيها فيها كانت لابسة سالوبييط بلا ايدين ولفتحة تالصدر لاصقة عليهاا)وااعرة بصحتك هه هياا صاحب دعوتك كايين ليوم 
رباب(تنهدات)صاحب دعوتي دافع كبيير ويني غير تهنااي متحسي بيه تيجي يخطب هههه 
زهور:ههه ان شاء الله مغيلقاش حسن منك 
رباب(غمزاتها)اوى ضبري ليك تانتي على شي كاوري ملعق ولاا شي راجل يهزك نتيي او ولدك 
زهور:انا ويلي لا لا وتقوول اختييي ههه باركة عليا هي ولدي(باست ادم )ياك اولدي
ادم:هههه اه 
خرجات زهور وبقات زهور مجمعة مع ولدهاا لي معدبها بشطوون تجمع هنا ويرون هنااا حتى كتغوت عليه ويتكمش وترجع تصالحو تانييي نعسات فنتضار يوم جديد فاقت مع صبااح فطات ادم ولبساات ليه حوايجوو وفطراتوو ودارت ليه كرطابل فضهرو تاع نونوس فيها لعب لبسات جلابتها وصندالت صبع وداتو لروض ورجعات جمعات الداار وصبناات حوايجها ونصبات لغدا يطيب فاقت نعيمة كترضي وتعاود حيت مهنياها من كلشي اما حتى رباب مكتحطش ايدها فلماا وصلات لحضاش ومشات جابت ولدهاا من لمرسة وغداتوو ورجعاتو تانيي وبقات كالسة جابدة ورقة كترسم فقفطاان وتلف فيه لوقت بينما وصلات سنة باش تخرج لخدمة 
جابت ولدها وكلاتو وكلساتو يتفرج ومشات لبسات سروال لارج وطويل مع شوميز هابطة تالركبة وشالهاا 
دار ليها ادم باي بااي وخرجات مع رباب لقاو الطاكسي واقفة حطاتهم حدا لكورنيش لقاوه عامر حيت الناس بدات كتشد لعطلة داتها رباب تالعند مراد ومشات هيا لخدمتهادخلات زهور ل كافي لي كانت فلبيض ولخضر فيها جيهت لكلاص ولحلاوي او لقهوة ولعوااصر وراها مرااد اش ديير ودخلها لدااخل عطاها تيشورت فلخظر كم تلبسو تماشيا مع لكافي لبساتو وبين مؤخرتها حيت قصير 
والسروال ليكان مزير من لفوق ولارج من لتحت بين فورمتها زوينة بقا مراد هير كيبلق فعينو فيهاا 
وراهاا اش ديير والطلبيات كي التاخدهم وترضي لكليان وصاها على الضحكة وصواب باش لي مشا يرجع ....وفعلا داكشي لي دارت شوية بشوية بدات زهور كتعلم وكتندامج ...كضحك مع لكلياان ومبشورة مع كلشي ..ولمفهماتش شي حاجة تسول مراد لي مقابل لاكيس وحاضيها فالطلعة ولهبطة جاتوقفات كتسنا لولد يعطيخا لعصيير 
مراد:زهور..كيجاتك لهدمة عندنا هه حسن من اللولة يااك
زهور:بزااف ههه حسن كااع 
مراد(حك دقنود بستليمو))اه نسيت عطينيي نمرتك تبقا عندي وخة 
زهور:اهاه وخة قيدهاا ...
عطاتها ليه ومشات كملات خدمتها تمسح طباليي وريح تلبحر كيحرك لبها لكصة من تحت الزيف عجبها لجو مبهج ولخدمة نقية وزوينة طلعات طيراس فين الاكترية كيكلسوو لكور ولي باغي يشرب على خاطروو هزات لكيساات ومسحات طبالي ونازلة بحدر ل طيح شي حاجة وتصدق غارما عواض تخلصص ..وصلات طناش وبدات الدنيا كتخوى تكلفات بتشطااب وطبالي هيا او بنت اخرى دخلوو كلشي وقادو الدنياا عاد مشاو بدلوو وهيا كتفكر لطرونسبوور واش غيكون مزاال هزات صاكهاا دارت فيه لبورفوار لي خداات قريبة ميتين درهم غير تداويرة وخرجات كتقاد فالزييف 
خرجات ولبرد محرك وصوت لمااج وضلام بدات كتزرب فلمشية باش توصل لطريق تسمعات سميتها من اللور 
مراد:صبري نوصلك 

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.