زهرة العمر الجزء السادس

من تأليف لبنى السرابي
2020

محتوى القصة

رواية زهرة العمر

تبلوكات فبلاصتهاا معرفات تهز ايدها ولا تنزلهم بقاوو فالنص سرعان مفيقهاا ادم وحيدااتها دغياا قبل لتحن وتمحن 
ادم(كيدفع فعادل وبغا يبدا يتجنن)بعد من مامااااا بعدد عليهاااا 
عادل(هز عينوو حمريين شافيهاا ونزل لعند ادم كيشوفييه بشوق وحب بغي يجرو وضور راسو تخبا بلكسوة )ادم ولدي 
ادم(شافيه بنص عين مزال مخبيي وهز عينو فزهور)مامااا ...يالله نمشييو فيا جوووع 
عادل:(حس براسوو تزير وهوا كيشوف ولدو معرفووش)ادم تبغي نمشيو نفطروو انا ويااك وماماك
ادم:علاش 
عادل:حيت انا باباااك 
ادم(بقا كيرمش فيه وكيشوف فزهور لي دموعهاا وصلو لفين وكتمسح فيهم وكتبع عينيها عليهم) لااااا ماشي نتا هوا بابااا 
عادل:لااا اولدي انا هوا بابااك 
ادم:بحال ياسييين اوو وسيم 
عادل(دمعو عينوو وقرب ليه)اه ابابا بحالهم ...اجي عنديي (بغا يشدو وبعد)مخفتييش ...غادي غير نبوسك 
شدو من ايدو ولاخير مزير على زهور 
زهور:سير ا ادم سلم على بابااك يالله هاهوا جا عندك 
بقا ادم مزير على راسوو جروو عادل لعندوو وباسوو فوجهوو وعنقوو مزير عليه وادم هي كيرمش نزلات دمعة من عينين عادل مسحها بزربة وضححك 
عادل:نمشيو نفطروو هاا (هزوو) فين بغيتي تفطر مم 
هز ادم كتافو بجوج كيشوف فزهور بغا يبكيي عياا يحبس فيهاا وطلق دموعووو كي لبااطل عطااه لزهور عنقها تيبكيي 
شافت فعادل كيحك فجبهتوو وتحرق بديك لبكية لي بااينة خارجة من اعماق ادم وكيفرغها فديك العصبيية وشطوون 
عادل:ركبو نمشيو نكلسوو فشي بلاصة نبدلو هناا وخة 
تحركات قدامو كتسكت فادم لي مشافش جيهت عادل باقيي حل ليها لباب اللوراني ودخلات مع ولدهاا وسد لباب وهزات ليه راسوو وقالت:ياك بغيتي باباك ممم اوى هاهوا كان فواحد لبلاصة بعيييدة وصافي سكت لاش تاتبكيي 
عادل(ركب وتبسم ليهم وشد ايد ادم لي سكت من لبكاا )اجي عنديي 
زهور:لاا غيكونو لبوليس ولا شي حاجة 
عادل:لا مخففتييش طريق لي جيت منها مكاابن حد 
بقا عليه تجابوو عندوو كيمسح فعينيه حطو على حجرو وقال:بغيتي تسووك مم(حرك ادم راسو بااه وضحك عادل كيحط لي ه ايدو فوق لفولون)يالله دينا نفطرو يالله هه 
تحرك عادل بالطموبييل كيهضر مع ادم لي غير سااكت ومركز مع طريق عند بالو هوا لي ساايك وصلوو لوسط لمدينة وعطاهاا ادم وكمل طريق ساكت كيتنهد وزهور كتر منو واحد كمية الغرابة بيناتهم بحال الا عمرهم تعاشروو 
وصل ل لكورنيش وتوجهو لكافي (جوغ اينوي) وكلسوو بتلاتا بيهم طلب ليهم لفطور كومبليي وخدا لادم لحلوة ولحليب بالشكلاط كاع لي حل عليها فموو كيجيبهاا ومرة مرة يبووسوو ويضحك.معاه شاف فزهور سااكتة كتشوف فولدها وقال ..كبر تبارك الله او دكيي 
زهور:ممم 
عادل:مزال مكيقراا 
زهور:كيقرا غير فالروض 
عادل(تبسم) بدا كيكبر 
زهور(تنهداات)بصح لعمر دغيا كيدووز 
يالله بغاا يهضر عادل تحط لفطوور قدامهم كيفطرو فسكات وعينيهم غير على ادم مرة يضحك مرة يااكل مرة يهضر مع زهور وعادل هي حاضيه حط ايدو فوق شعروو وادم ملهي فلحلوة كيضرب فيهاا
عادل:عجباتك نزيدك وحيدة 
زهور:باركة علييه غيضروه سنانوو 
عادل:ونتي مفطرتييش (ضار عندها)زهور ...بغيتك تسمحي لياا عفااك 
زهور(ببرود)علاش بغيتي نسمح ليييك ...علاياااش ..راه بزاف اعادل بزاف وسمحيلياا مغتبدل والوو فهادشي
عادل:اناا رجعت وباغي نردك نتي وادم لقيت راسي هي كنخربق انا مبااغي توحدة..وتوحددة مجات فبلااصتك وخة تكون كيمابغات تكوون 
زهور(دوورات راسها لجيهة لخرى كتنهد)هد لهدرة تسنيتها منك قبل متزوج ...مكرهتش كون جيتيي وقلتي لياا افلانة انا مستاعد نديييك باش منضيعوش هد لولد ..لااا نتا مشيتييي ورجعتييي وطلقتي وتزوجتيي
عادل؛ونتي شنو درتي دخلتيني لحبس 
زهور:حيت تستااهلووو اعادل دابا عاد تفكدتييه علاش متفكرتييهش ملي كنتي كتزووج ولحية بحال الا عمرك تزوجتيي بغيتي تقتلني اوى هنية عليك راك قتلتيينيي وضيعتينيي فخطرة اعاادل ولدك هاهواا...فين مبغيتي تشوفوو مرحبا بيييك ..ولكن عمرو يوصل مك ...حيت كون بغاتووو كانت اتبغيني تاناا وانا متعطينيش خاطريي نخلي ولديي عند لي خلا مو تعيش فلقهرة بوووحدها 
عادل:قلبك عامر من جيهتي ازهوور 
زهور:بزااف اعادل وسمحيلياا غتبرد والوو 
عادل:ولكن انا مقلتش غنديك عند مي .. (تنهد وقرب لكرسي لجيهتها وحط ايدو على كرسيهاا وقرب وادم حاضييه مغوبش كيتسنا اش يدير)زهور انا فكرت تطجييت انا باغييك نتيي ...وبااغي ولديي ..داكشي لي داز بغيت نسااه ونسايه ونكملو على ود ولدناا ..شوفي ادم تهوا محتاج بااه محتااج لي يخليك.نتي ويااه مرتاحين اناا فكرت ومن غداا نرجعك على سميتيي ازهور وتسكنيي هناا لبغيتي ولا نرجعوو ونكري لييك حتى نقااد اموري براا ونطلع ليك وراقك وندييك نتي وادم (شد ايدهاا)
زهور(شافت فيه )او مرااتك....واش بنات الناس لعبة اعدل هاا
عادل:واش لي تسحر لييك باش تبغيها وتنسا مراتك اللولة مرا ازهور هاا ...انا نهار فكرت نتزووج فكرت فييك وباقة فبالييي نتي لي تعمري داريي من غيرك مغتحلا توحدة ...شنو قلتيي ازهوور.. 

زهور(دورات راسها لجيهة لخرى كتنهد!)عادل راه ميمكنش هدشي لي كتقوول من بعد هدشي كلو نرجعوو...عادل انا قلبيي برد برد من جيهت كلشيي...هد لهدرة تسنيتها منك فلعام اللول والتااانييي اما دابااا لا انا لا نتا باقين نصلاحو لبعضياتناا
عادل:عاارف بليي داكشي ماشي سااهل
زهور:كتقولها بواحد لبرووودة فدم معااارفش انا شنو داز علياا هااا...كلتو فسا لي مقلتش مك مخلات لمن قاالت انا كنهدر مع لعزااراا ونتا بمك قلتي الخيااانة وداباا جاااي تكوليا نرجعوو ...لا اعادل 
عادل(شد ايدها وزير عليها)شكون كاليك انا غنرجعك لعند لواليدة هاا ...انا مستااعد نكري لييك نتي وادم فينما بغيتي ورتاحيتيي تندير ليكم وراقكم وديك السااع راه متشوفيها متشووفك ..نتي دارك بوحدك وهيا راه فدارهاا
زهور(شافت فيه بعيني مدمعين)علاااش اعادل هد لهدرة مقلتيهاش ملي كنبكي عليك فالتيليفووون علاااش ...علاش سمحتي فيا ومشيتي تزوجتي عاد بان ليك تصلح لي فاات 
عادل:كان خاصنيي ندير هد لكسيدة بااش نعرف كلشيي وانا عارف هادي دعوة من دعاويييك ولكن وراتني شحال من حااجة ... عطينا فرصة غير على وجه ادم شوفي كي فرحااان تهوا من حق يعيش مع مو وبااه واش مبغيتيش تكوني فدارك مرتاااحة بلا متغدبيي باش تاخديهاا مم 
هبطات راسهاا سااكتةة كتلعب بصبعانهاا ورجع ضغط عليها وقال:زهوور ...خودي وقتك وفكري فرط فيك مرة ومغنعاودهااش مزال ....بلاصتك تاحد مقدر يعمرها ...متجاوبينيش داباا وخة وخودي وقتك انا غنكلس هد ليامات هنااا 
زهور:او مراتك
عادل:قبل منجي وضحت معاها الامور ومشات لدارهم ديك السيدة من اللول بادياها سحوور وتخلوييض ...انا باغي مرتيي زهور وتوحدة مدوز ليا 
زهور(سلات ايدها مزنكة وقدات زيفهاا )عادل الناس كتشوف خلي هد لهدرة من بعد 
بعد عليها وتقاد فلكلسو كيضحك مع ادم 
ناضو وخلص دوزو نهار مجمووعين مخلا متقداا لادم لحوايج اللعب وطابليت صغييرة تاع اللعب ..خدا تصااور معاه وجر زهور بزز دخلها وسطهم صورهاا وضحكها ادم بزز منوو 
تعششاات لعشية او عياا ادم شداه زهور اللور ناعس فحضنهاا من بعد يوم طويل لي كان فيه نااشط ..بقات كتلعب فشعرو وحاولات تحيد ليه الطابليت وزير عليهاا تبسمات وقداتو على صدرهاا 
عادل:عيااا مسكييين 
زهور.:مخلى فين لعب بسييف 
وقف الطموبييل فلحي قريب لداار ودار جيهت زهور مد ايدوو قاس درراع ادم سوية شد ايدهاا لي تحت من ادم 
عادل:مسخيتش بيكم...ولكن ادم عياا 
زهور:ممم 
عادل:زهور غداا نقدرو نخرجو مجموعين ....بغيت نكلس شوية معاكم ونعوض ادم شوية ونيت السبت ولحد معندو والوو ...مقلتيش ليا ازهور فاش خدامة
زهور:فواحد للممحالل تاع لخيااطة
عادل(تبسم) رجعتي ليهااا نيت.
زهور:اصلا مكانش خاصني نخليها من اللول
عادل(تنهد كيشوفيهاا)كلشي غيتصلح الا وافقتي
زهور:خاصني نمشيئ عييت 
عادل:صبري نحل ليك لباب ونوصل ليك حتى داكشي لي خديناا
هبط وتوجه لباب ديالهااا حل عليهاا وشد من عندهاا ادم لي عياا بجهد هزو بايدد وحل لكوفر جبد منو كاع داكشي لي شراا عاوناتوو زهوور وسدات لكوفر وتمشات معااه توصلات لعمارة 
عال(هز عينوو ف ديور)هنا فين ساكنين 
زهور:ممم لفووق 
عادل:وخة 
طلعو ليها تالجيهت الدار وحلات عليهاا نعيمة سلمات عليه في حين زهور دخلات ولدها حطاتو ورجعاات لصاشيات جرها بعيد على لباب وقال:فكريي عفااك لمكانش على قبل غير على ود ادم 
شداتهم من عندو وحركات ليه راسهاا ودخلاات وسدات لباب وعمتها تابعاها
نعيمة:واش بغا يرجع لييك ....ندم....هاا وتي دويي اش كاليييك...فين ضليتو نهار كاامل بجوج 
زهور:ااه اعمتي هدشي لي قال كاليك مراتو بغا يطلقها حيت كتسحر ليه ولا منعرف وكالساا نكري لييك تنصايب ليك ورااقك ولكن انا راه منساش ليييه لي دوزو علياا ولعصا لي كلييت 
نعيمة:يهديك الله ازهور شكون هادي لي مكلاتش لعصاا وتغاوتات مع راجلها اما حسن يهز عليك المسؤلية ولا تبقااي حياتك هكااا لا صحة لا زوااج مدام باغي يرجعك رجعيي ليييه 
زهور:تنفكر منزربش 
كلسات حدا ولدهاا كتفكر في حين نعيمة سرسبات كلشي لرحمة لي بدوورهاا دوات مع رحمة وكطلب وتزاوك با شترجع لرااجلها وتهنيها من جيهتهااا
تلفات زهور بمعنى الكلمة وحارت وكل مرة تشوف فادم وتنهد ...
فمكاان صااااخب ولكيسان تشراب كيتشاايروو دخاخن وصدااع والضحك كان كالس مجيد فوق فوطووي فجنب ضااربيين فيه ضواو بلووان لابس تيشوورت كحل مع سروال دجين وسبادريي مرجع شعرو اللور وكيضحك ويكميي ولكاس تاع شراب محطوط حداه قريب يخوى كلسات حدااه بنت زويونة بسروال دجين مطرطق عليهاا او تيشورت لاصق وقصيير وسباط كحل وطالقة شعرهاا لبنيي لقصيير ومكياج خفيف كانت زويينة تكات على كتف مجييد لي كيتمايل بالضحك مع صحاابوو هز ايدوو ودورهاا عليهاا ولاح ضهرو على لفوطووي مسرح رجليه واخد رااحتوو ضحكاات بميووعة ملي عطاها وقت اخيراا ونااضت بخفة كلساات فوق فخظوو وتحنات عندوو وقالت كتلعب لييه لحيتوو ...امتا كنتي اتعطيني وقت بالسلاامة ممم 
مجيد عوج فيها راسوو عينيه حمرييين وطالعة ليه التبوويقة لجبل هز ايدوو وبدا كيدي فشعرها ويطلقو فلهوى وقال بهدووء:قطعتي شعرك 
-ممم (حطات ايدها على فموو وهوا كيبعد صبعهاا)نوض يالله نمشييو ...توحشتك 
مجيد(تكا راسوو كيضحك )لاا اختيي متقفاني مييي ههه

مجيد(ضحك عينيه معسلات بشراب ولكارو) متقفاني مييي على لبنات 
-هههههه اوى اخوياا راه عندهاا علاش تقفك (كتحلون)الزين وراك زييين وجيب عاامر شكون هادي لي متطمع فيييك 
مجيد(شدها من خصرهاا وتحنا هز كاسوو داز عليه بجغمة وحدة ومدو ليها بغميزة) اوى لواحد هوا لي يقوول لي فيه الطماعة 
شداتو من عندو كضحك وتحنات عندوو وقالت:هدا اخرر كااس وتنووض 
ناضت كتعوج من فوقوو وقبل متبعد كان ضربها لترمتها تقفزات وكملات مشيتها كضحك 
مجيد:بلاارج صافي ههه
صاحبوو تهوا ضحك:عندك زهور مع لبنااات اباا مجيد 
مجيد-نتاا مجوج اش قرب مك هنا بغيت غا نفهم 
-هههه مالك شفتييني مدور علياا التوت راني هي كنتنشواا
مشات لبنت لي كانت مع مجييد سميتهاا صوفيا كتعوج بالطالوون ومدات لكاس لبنت لي كانت عاطياها بضهر وقالت :رباااب معاك واحد لكاس بحال ديماا 
دارت عندهاا رباب مطلعاها ومهبطاهاا وقالت:زعمة نتي كل سيمانة مبدلة اللوك
وفيا(عوجات شعرها كضحك)اوى حبيبيي كيموت على التغيير 
رباب(بميووعة وضحكة)حبيبك هههه منيتك الق"" مجيد كيتصااحب 
صوفياا:هههه علاش بالسلامة عمرك شفتيه كيدور عند شي وحدة من غيريي ...كيموت على شي حاجة سميتها تغير وتحلوييين الزيين وكيلقاهم عندييي 
رباب(ميقات ومدات ليها لكااس) نتي مغتشربيش ليوماا 
صوفيا(غمزاتها كتقلي ليها السم)ملي تنكون مع مجيييد تنبغي نكون بدماااغي وساااحية 
هزات لكاس وخلاتها كتببخ الدم حمرة علا شلاا وهياا حاطة عليه لعيين ملي خدمات هناا وهوا كيجيي وكيكلس فنفس لبلاصة كل سبت دافع كبيير وكيشرب بلقياس ومتقل وخة زهواني وبو لبنات تايعرف علامن يحط عينوو وصوفيا عرفات لييه نهار تايكون متحط لا كارو لا شراب ف فمهاا تعرفات كي تاخدوو 
رجعات صوفياا لعند مجييد لقات عينيه على بنت خرى هي شااف صوفيا وضحكك تقربات ليه 
مجيد:مال مك كتخرجيهم فياا
صوفيا:عااارفاك زهواني وبو لبناات ههه
كلسات جنبوو كتجر ليه فودنوو وتعنكش فييه بغات تنوضها فييه بزز وتحلون وتحااك تكمل داك لكاس بزز وناض بحال الا مشارب ما والوو تبعاتو صوفيا بلفرحة 
صوفياا:بغيت هي نشووفك كتماايل ي النااس هههه ونتا واقف 
مجيد:الله اخليني ديما وااقف (غمزها)
ضحكتها تسمعااات وهوا مخليها ورااه مشا لطموبيلتو وركب وركباات حدااه جبدات صاكها ولساات عبايتهاا وخلاتها محلولة ومشاا سااكت وهيا كتمسح فلعكر وتغنيي ليه عند رااسوو وتلاح عليه 
صوفياا:مجيييييد 
مجيد(مركز مع طريق)اش بيتي 
صوفياا:كنبغيييك هههه 
مجيد(شافيها كيضحك) تانااا 
صوفياا(كضحك)مالك نتاا
مجيد:تنبغينيي وتنموت عليااا 
صوفياا(ضربااتوو لكتفو كضحك)زهواني لااخر ..ففف باقي موصلناا مجيد: سكم تشاا هههه( شداتك الدودة)
صوفياا: تشاي فلاك حبيبينووو هه (شداتني عليك )

ضحك مجيد وكمل لداروو لي كانت فاقامة اسلان كالم وبلاصة مزال عاد تبنات حديتا ومزال نص ديور خاويين خرجو من الطموبييل كانت قرابت جوج تليل نازلة صوفياا كتقرقب لطالوون تخنزر فيهاا مجيد وحطات الطالوون عاضة على فمها وتاابعااه شاداه من تيشوورت دخلو لعماارة كتبغي تهدر وهيا ملي كتكون معاه كيشدها فورير تاع الضحك حيت طالقها تسرح سد ليها فمهاا وركبهاا فالسانسوور 
مجيد(بتحديير)شاااربة اصوفياا 
صوفيا(خرجو عينيهاا) لا لا والله مشارباا 
مجيد:كتحلفييي ونتي جاية ديريي الفاحشة ابنت لحرااام 
صوفيا:هههه شششش غيسمعوناا 
ضحك وتحل لسانسوور وجرها معاه كيحل لباب دخل ودخلات مورااه حطات الصاك ولعبااية وسبااط وشعلات الضو لي ديجا عارفة بلاصتو ماشي اول مرة تجي معاااه كانت الدار نقيية ومفرششة على حقها وطريقها صالون بلفوطوياات بيضيين وزربية كري باارد وطبلة تاع الزااج قدااش ولاكواريوم تاع لحووت كبيير شاد نص لكولوار والدار كبييرة قداش مسبووغة فلبيض وبيبان لي مسدودين فلقهوي ولكوزبنة محلولة بموديل امريكيي فلكري 
صوفيا(بهمس مع غميزة)نمشي ندوووش ههه 
مشات كتجريي لدووش وهوا مشا لتلااجة هز كانيط من دوك لي عندوو وخواها فكاس وشعل كارو ومشا لصاالة شعل التلفاازة لكبييرة وتسرح من بعد ملاح التيشوورت وبان صدروو لمخدووم مزغب بشكل عاديي وفيه بعض زغيبات بيضيين كيشوف فالتلفاازة وكان بادي فيلم امريكي بانت لقطة تاع بنت كتبكيي فزنقة وضحك هوا ملي تفكر زهوور 
مجيد:لبكاا عششرة لزيروو ههه 
طلات علييه صوفياا متكية على لحيط لاوية عليها فووطة قصييرة كحلة وكتعوج شافهاا وجغم داك لكاس وطفا لكاروو وقال:ليلتك كحلة اصفية 
صوفيا:هههه حرام عليييك سميتيي صوفيااا ههه
مجيد(قرب ليهااا وزيرها عندو راجع بيها اللور تخبطها مع لباب وحلوو وهيا كضحك بميووعة وتحلون وكتحل ليه بالساروال سد لباب برجلوو وهيا الى لجهااد 
وصلات لخمسة تصبااح دخلات رباب ماشي تالهيه خبطات لباب تقفزات زهوور لي فاقت من نعااسهاا وشافت فرباب كتهدر هي بوحدها وكتحط فالسبااط 
زهور:رباب مالك 
رباب كلساات فلقنت وهزات قرعة تاع لماا كتشرب مغيدة وقالت:وااحد لق"" غير خارجة فطريقي كي الزلط تفوو 
زهور(حكات عنقها)واش ضاربتي معاهاا
رباب:شي نهار غنجرج مهاا فداك لباار ميبقا يديها فيها وااحد هيا لكلببة كضل من واحد لواااحد والسكرة وتبلبيييل غير كيوصل السبت كتجمع طويي بنت لكلبة كاع رجال مبان ليها هي لي باغة اناا 
كلسات كتسب وتغرق باغة تسطاا حيت عمرو داها فيهاا في حين زهور شادة حنكهاا وعينيها ناعسيين ولخرى كتغرق فطواسل ولمفصل تبردات ونااضت لبيتها كتخبط تفيقاات نعييمة وخرجات شافت فزهور وقالت :مال هااد لعوشارية تاني
زهور:معرفت ...طفي معاك الضو اعمتيي

صبح صبااح عند زهوور لي صبحات ناعسة ليوم غير لحد سمعات تيليفونها كيصوني وسااطت وتقلبات هزاتو ولقات نمرت عادل كلساات معوجة راسها وحايرة تجاوببو ولا متجاوبووش شافت فادم نعس دودة من لباارح وجاوبات حيت عرفاتو ميغيسكتش
عادل:صباح لخير زهور
زهور((بصوت ناعس)صباح لخيير
عادل:عاد فايقة النعااسة ههه 
زهور:ااه 
عادل:حم شنو قلتي نخرجو هد لعشيية ...نخرجو ادم جيهت لبحر شوية غيعجبوو لحال 
زهور(غمضات عينيهاا معارفة مديير)مم خلي تالعشية هكاك ادم بااقي نااعس 
عادل:لا ديري فبالك نتغداو مجمووعيين متقوليش لياا لا عفااك مع دييك لوحدة غندوز عندك بينما فقتي مزياان ..صافي 
زهور:وخة صافيي 
قطعات علييه وبقات كالسة فبلاصتها كدور فالتيليفون وتلعب فشعرها لي طالقااه على راحتوو تقونا تيليفوونها شافت نمرت مهاا وسااطت معصبة وجاوبات:الو مي
رحمة:كي صبحتي ابنتي لباااس 
زهور:لحمد لله 
رحمة:امضراا اش كلتيي غترجعي لعادل ...والله ارضي عليك ديري لما منين يدز راه مو لي فيها لعيب اما هوا راه مزيااان ...واش باغة غير برااا اوى هاهواا غيدييك ليها وديك الساع الا متفاهمتوش راك بورااقك اش بغيتيب ..شحال جهدك تهزي مسؤلية ادم بوحدك ...خليه يهزها هوا نيت
زهور(مخلاتهاش تهدر)ومي صباح هداا واش بايتة كتحلمي بييه
رحمة:ابنتي رانييي بالي ديما معااك نتي باقة صغيييرة وغتقتلي راسك بلخدمة ورويين بغيت نتهنا عليييك مع رااجلك فدويرتك او وليداتك بحال ختك ...الله ارضي عليييك ابنتي ساعفي راه بيناتكم ولد 
زهور:وخة امي سيريي نوض نفطر تاناا 
قطعات عليهاا وكلساات كتخمم تفاق ادم وزادهاا الطين بلة وهوا فين مداز هادي شراها بابا لبسيني لي شرا بابا فين بابااا تقول عاش معاه حياتوو كاملة وهوا يالله عرفوو كيفطر وفمو غير نمشيو عند بابا وهياا ساكتة وجامعة حاجب فحااجب ناضت جمعات الدار وبدلات ليها او لودهاا لي مقداه فرحة وغير هاز الطابليت فايدوو خرجات مع لوحدة من الداار ب جلابة خفيفة او سباط كيف لعادة سامبل بلا زوااق لقاتو كيتسناها فباب لعماارة فطموبيل نزل وطار عندو ادم خلا زهور هي كتشوف 
عادل:كيصبحتو 
زهور(ببرد)لبااس 
ركبات لقدام وادم اللور شاد الطابلييت ركب عادل وحط ايدو على ايد زهور لي فوق الصااك وهزها باسهاا بصدمة منهاا وقال:نعستي مزياان 
تزنكاات وبانت دغيا فوجها لي ولا كي مطيشة سلات ايدها منو وشافت فالزاج ليكون شافهم شي حد 
زهور:الحمد لله 
عادل:نديكم لواحد لبلاصة زويينة نتغداو فيهااا
زهور:واش نتاا فايت ليك جيتي هناا
عادل:ممم كنا كنصيفو حنا انا ودراريي قبل منمشيي 
زهور:مزياان 
شدوهاا طريق حتى ايت اورير بلاصت لبنان وطوااجن يسلام دخلو لرسيو بسييطة وفنفس لوقت نقية وزوينة كتسربي طوااجن والاكلات لمغربية كافتاا طلعو لطيرااس وكان لحال مبرد وبيبة كيطلوو حلى اراضي تشجر لبنان وعادل كل خطرة يدوي زهور ويقرب ليها بلخاطر ..
اما عند مجييد كان ناعس ف لبيت مغطي نصوو وناعس على صدروو لايح عليه لمخدة فوق راسوو تحس بايديين كيلعبو فضهروو وغمض عينييه محاملش ينووض وقال بصوت نااعس : خلينيي نعس 
صوفياا:ههه ونوض باركة عليييك 
تقلب على ضهروو كيمسح على وجهوو وحل فيها نص عيين كالة بواحد لايد كيشوفيها لابسة قميجتوو ساط من منااخرو 
مجيد:واش كنشري لقوامج باش تلبسييهم نتي حطي زمر بتلصقي فيه ريحتك (رجع لاح راسو كيتااوب)
صوفيا(كضحك)خفتي من لمدام
مجيد:نهار ندير لمدام بنضرب على ملتك 
صوفياا تلاحت علييه كتلعب بلحيتو وقالت:مكتفكرش تزوج 
مجيد(شافيهاا)شي نهاار 
صوفيا (بدلع)تزوج بيا ههه انبرح حلوياات ههه 
مجيد:مالي بنت ليك كنضرب جوانات 
صوفيا:ههه كنهدر على فبالي وباالك(غمزاتو كضحك وهوا كيرمش فيهاا لاحها من فوق منوو وناض كيتاوب هز فوطتوو ودخل لدووش ناضت كتعوج هزات سروالو وجبدات بزطامو عاضة على فمها لققات هي الزرقة محسات هي بضربة بثفترمتها تاتهزات وضارت عندو كضحك 
مجيد:مبغاتش تحيد منك هد لخفة (شد من عندها لبزطاام )
صوفياا:اوى نتخلص على هدشي (وراتو صدرها كولوو مزوق وزادت كتعوج)وبلا منهضرو هلى لفريع توحدة متصبر ليك قديي 
مجيد(هز حاجبو فيهاا ومد ليهاا لفلوس بين طراف صباعوو )
شداتهم كتحسبهم وحدة بوحدة وعينيها ضاحكاات وقالت:الله ايجيبهم ليك حلال وتخسرهم علياا حراام هههه
مجيد: عارفة راسك غارقة فيييه 
صوفياا :لكانت هي معااك نغرق وميعتقني حد 
مجيد(بقا كيشوفيها وضحك)تعيااي تحلونيي راه مغنتزوجش بييك 
صوفيا:عههه ياك اخويا وعلاااش
مجيد:حيت لواليدة كضل هازة ايدها وكتقوول يااربي بعد عليه بنات لحرااام 
صوفياا:تاااانا مي داكشي لي كضل تقول السعااتي ربي تيلاقينيي هيي مع كبيير لحرااايمية 
ضحك ومشا لدووش يكمل تدواشوو تخلطاات عليييه وكملوها هدرة فدووش 
لبسات صوفية حواايجهاا ومجيد كدالك ماشط نااشط كيقاد فساعتوو نزل وصل صوفياا لجيهت دارهم وتحنات عندوو بااستوو
صوفيا:السبت جاااي الحب
مجيد:مغنكونش 
صوفيا:فين غادييي 
مجيد: لحج نغسل عضاامي 
صوفيا(بضحك)اوى الله افرقنا بلا دنووب هههه ..

مجيد:سيريي ابنتي سيريي نتي دنب برااسك 
سلماات عليه وخرجات نااشطة وهوا رجع لداروو جمع رويينة ودار لفرراش فماكينة الصاابون وشمش لببييت و وخرج لدارهم 
في حين زهور مزال حايرة مع عقلها تعطي فرصة ولا ترجع اللور وتكمش من بعد لغداا مشاو لقهوة جنبب لبحر بعيدة على لمدينة منهم لبحر واخدة قهوة وعادل كدالك مقابلين مع ولدهم ليي كيشرب لعصير بنشااط حسات بدغدغة فكتاافها ودورات وجها لجنب لقات ايد عادل ورجعاات كتشوف فلبحر ساكتة
عادل:_شحال هدا مكلست مرتااح فراسيي 
زهور:داباا مرتاح 
عادل:كتر كتر مكتخيلييي ازهوور ..
زهور(هزات عينيها فيه مبتااسمة والريح كيحرك فشعرها لي بااين من الززيف رجع ليهاا زغبة فجنااب الززيف بدات كترمش )
ادم:ماما بغيت نحبط لبحر عفااك 
عادل:يالله نهبطوو 
زهور:غير خليني مفيااش
عادل(وقف )هاحناا هناا يلعب شوية ونجيبوو 
مالت براسها بااه ونااض هز ادم ونزل دروج وحطوو كيلعب ويكشيرو لزهور من لتحت وكتردهاا ليهم دايرة ايدها على خدهاا وحاضيااهم تصونا تيليفون حداها ضارت لجنب لقاتو تاع عادل هزاتو وطلعات ليها ""فاطمة "" عرفاتها مرتوو وشافت فييهم ورجعاات حطااتوو وداتها سخوونة وصل ميسااج عندو وهزاتو ولقاتو تهواا من نمرتهاا بدات كتشوف فييه وفالتيليفوون ولفضوول كلاهاا بغات تعرف اش كيقولوو وفاش كيهدرو دخلاات ولقاتو مكيجاوبهاش هلى لميساجاات يومايين هادي وهياا كترغب فييه يالله بغات تسد وصل ميسااج اخور منهاا خلات داتها تشعل وتحس بالصهدة

حطاتوو وقلبها كيضرب رجعات مزنكةة وكتشوفيهم جايين ناشطيين بدات كتهزز فرجليهاا والتيليفوون كيصووني يالله كلس حداها شاف وجها حمر وقال:زهور مالك
زهور(هزات عينيها فييه )جااوب 
عادل:لاش غنجااوب هدرتها حفضناهاا 
زهور(تقجات)جاوب اعادل 
عادل:اش غيزييدك لجااوبت ازهور حنا هانين داباا لاش غناجاااوب 
زهور:جاااوب حيت لجوبتي غنعرف اش غنقووليك واش اه ولا لااا جاااوب اعادل 
عادل(قونا ليهاا حداهاا وجاوب)شنو افااطمة اش كااين 
فاطمة:على سلامتك ملي جاوبتييي ...ولا صافي لقيتيي حبيبت لقلب اوو ولدك ونسيتيي ياااك 
عادل:اش خاصك داباا لاش معيطة لي عندي كلتو ليك داك نهار افااطمة مباقيش غنزيد معاك
فاطمة:اوى سمع راه شاكة برااسي حاااملة وغدا غنمشي لطبيب بغيتك.تسيفط لياا باش نمشيي 
عادل(شاف فزهوور لي مزنكة)كيفاش
فاطمة:كيف كاتسمع اعادل انا شاكة براسي حاااملة 
لاح ضهرو على لكرسي شااد رااسوو تصدم وزهور لي يالله حاولات تفتتح قلبها من جديد هاهوا تسد بخطرة طاااحت دمعة من عينهاا د دغيااا مسحااتهاا وعاضة على فمها حيت كانت حمااارة وبغات تنسا وتبدا من اللول على ود ولدها ولكن ماشي على ضهر واحد خوور

عادل(تنهد)صافي وخة ...هدرت معااك صاافيي
قطع معاهاا وحط التيليفوون مصدووم ولهم طاح علييه يالله بغا يهدر لقاا زهور جمعات لوقفة وجهاا بغا يطرطق بسخوونة ولعينين مدمعين لارض داخت بيهاا هزات ولدهاا بزربة خرجات من لقهوة ودموعهاا شقوو طريقهم وادم كيسول فيهاا وعادل وراهاا كيعيط تلحق عليها ودورهاا عندوو 
عادل:زهووور هدشي مغيبدل والووو والووو غير سمعينيي هيا راه غير شاكة وبغات تجيبنيي وصاافيي تلت سنين تجيت عندك عاد بان ليها تحمل 
زهور(حطات انس شاداه من ايدوو) الى حملات منك راااه مرااااتك معندك متشرح ليااا واش دايرني ضحكة مل باغينيي لااش اسيدي تزوجتي نتااا كاااع لااش اهئ هء هء لاش رجعتي اعاادل تانيي تمرر علياا حيااتييب علاش تنسيييت ورجعتيني علاااش هءهء سيير عند مراااتك سييير انا نساااانييي انا مسااااني ا عادل هء هء دير لخير هي فمراتك او ولدك مبغيتهاش تدوز من داكشي لي دزت هء هء عفاك اعادل الله ارحم باااك نساااني وخلبنب نسااا
هادل(خبط بايو فالطموبييل تقفز ادم وتكمش فموو)زهور الله ارحم بااااك متسبقيييش لامووور ولكانت هي دايراها هيا ومهااا باش نرجع صبرييي 
زهور:الله ارحم ليك لواليديين رجع عند مرااتك تكون حاملة ولالاا ضبر لرااسكم واش انا قلت ليك نعس معاها ملي مباغيهاااش قلت ليك تزوج بيهاا تدابااا سيير عندهاا
عادل:داباا نتي مقلقة وانا كتر منزيدوش نتغاوتو فطريق غنديك لدار تاتكالماااي وغدا غنشوف اش غتقول ...زهوور راه تحاجة مغتبدل انا باغيك نتييي 
زهور:منقدرش اعادل نهز دنب ولد صغييير راني ام وعارفة شناهيا تهزي ولد بوووحدك مكابنش لي يدخل عليك تقفة ليك ولولدك لماجبتيهااش 
عادل(تنهد متكي على الطموبيل دايخة بيه لارض خبط بايدو اللوطوو)تفووو 
ادم(كيجر لزهور فجلابتها وشفايفو كيترعوو)ماماات نمشيييو عفااك 
زهور:هاحنا غادين 
عادل(طلع ليه لخز)طلععي نوصلك 
طلعات اللور هد لمرة مع ولدها طريق كلها وهوما سااكتن توصلهاا سلم على ولدو وهيا بعدات تجا عندها ادم وطلعات لدار حلات ملقاات حد ودخلاات حطات ادم لي مشاا كلس شاد طابليت كيلعب وكلساات زهور شادة راسهاا ودموعهاا كيقطرو حدا رجليها فسكاات ....معرفاتش هد زهر لي عندهاا شكون داعي عليهاا ..مسحاات بكمايم جلاب وناضت لبييت بدلات ب بيجامة وجات تكات فالصالون مرة تبكيي مرة تسكت وتيليفونهاا كيصوني ما بين مها وعادل شافتو هكاك وطفاتوو .....

اما عند مجيد كان نازل من طموبيلتو قدام دارهم نااشط كيف عادتوو كيصفر من بيين سنانوو حل لباب تاع جردة ولقا باب الدار محلول او كوتر كتجفف غير شافتو وتقاداات كضحك
كوتر:سلااام مجيد لبااس 
مجيد:لباااس الحمد لله اكوتر نتي بخيير لواليدة ديالك لباس عليه
كوتر:الحمد للله ..غير دخل راه الدار نااشفة 
مجيد(مدي لياا شي صندالة باش منوسخش ليك الدار 
كوتر(تبسمات ودخلات لجيهت درووج هزات بانطووفتو مداتهاا لبه حيد سبااطو ولبس بانطوفتو ودخل نيشان لصاالوون لقاا جدااه كتصليي وعاطياه بجنبب تسنااهاا تاا سلماات محسات بييه تطاار عليهاا بتعنكيش ولهرااان فلرض وهياا كتعايروو بالسوسية 
الحاجة(قهرها بلهران عيات ضرب فيه) اهووو يياوااا حييد بلااك العجل 
طلق منهاا كيضحك وكلس كينهج حداهاا وهياا كتقلب فالزربية على نضاضرهااا وكتعاير :واش هد تفقرت (الشارفة)مبغاش تمووتي 
الحااجة:تمووت اينااك الغوول 
تسرح على السداري كيضحك وهياا فلارض كطوي فالصلاية وكتسب وكل مرة يهز رجلوو على اساس يهرهاا وضربوو دخلات تورية لابسة بيجامة طويلة كتنهج مع غليضة شوية وطوويلة ومكضرة شابها مجيد عكس دراري لخرين وقالت:اوووف على صهد 
مجيد:اشمن صهد نتي بعدا كتحسي بلبرد فضتي اتورية 
كلسات مقابلة معاه سخفاانة كتنش على راسهاا تارتاحت وهيا تشوفيه حاضة ايدها فوق فخاضها مطلعة حاجب فييه مصات فمهاا وهوا حاضيهاا كيضحك وقالت:في كتيي 
مجيد:ياااه علئ هضرة نوضي نوضي حطي ليا مناكل ميت بالجووع هه الله احفضك 
تورية:على هادي لي كنتي معاهاا مكتعرفش الطيب (ساطت)اححح عليييك اولد كرشييي 
مجيد:فين دراري
تورية:سخرت مجد يجيب لموناضة او نعمان مزال مدخل من لبحر 
ناضت غادية جيهت لكوزينة وشافيها كيضحك وقال:غير مات لواليد ونتي تفيضي كان واكل ليك رزق 
تورية:وحضينيي نتاا وجداااك(عشرات ليه بايدهاا)عشرا فعينييكم 
الحاجة(شافت ف مجيد وجراتو كتهدر بالسوسة)اش كالت هد تفوناست(بكرة)
مجيد(بصوت مجهد شوية حيت تقال ليها السمع)نوضي نوضي نتفيها راه ضسراات نوضييي ههه
الحاجة(كضحك)اوهوووو ياوليدي منقد عليهااا احلوووفة تربزني

ضحكات تورية ودخلات لكوزيينة وتبعاتهاا كوتر مزنكة بلعرق دازت من حدااهم وتبسمات لمجيد تقرصاتوو جداه لي مربعة فوق السداري حدااه شادة التسبييح 
الحاجة(بهمس)امزيناتهاا
مجيد(بطنز)شكووون ..تورية غاضاارباك امي على شعاا 
الحاجة:يلكيدار تندوي ليك على كوتر 
مجيد:اوى لازوينة زوينة لمها زوينة ليا اناا 
الحاجة(لمطات فمهاا كتخرشش فالتسبيييح وكتقول)استغفور الله اسغفور الله 
مجيد(ضحك كيدور فراسوو وشد تيليفونوو مسرح رجلييه وحاط مخدة على حجروو والحاجة كل مرة طل اش كيشووف ومتقشع والوو دخل مجد عرقاان حيت لحانوت بعيد شوية هي شاف مجيد حاط لقراعي وطار عليه 
مجيد:ابشوية المش اتقتلني 
مجد:كلتي ليا غتجي اخرجني ومجيتيش
مجيد:وعلاه اش جابني داباا غي نتاا نتغداو ونخرجك 
مجد(ناض هز لقراعي) وعنداااك تنعس تانيي 
مجيد:نتا وزهرك ههه 
حطو لغدا معطل مع الربعة حيت كيتسنا نعمان ومجيد تيدخلوو دخل نعمان حتى هوا عينيه حمريين بلبحر وكلسو مجمعيين على الطبلة وقولها وضحك عليهاا ..
اما زهور ضرباتهاا بحكة بردات فيها لغدايد مكلسة ادم حداهااا فوق لكرسيي لي يمشي يدير شي موصيبة ...دوشات على خاطرهاا وخرجات لبسات حوايجهاا تدخلات عمتهاا 
نعيمة:زهور جيتييي ..كنت فالسوق عاااامر
زهور:جيت قبيييلة وملقيتكش 
نعيمة:شنو درتي معا عادل
زهور:داك السيد اعمتي مابقا من سهميي دار الله خير ومرجعتش كااع ...معرفت فينكان عقلي ملي كلت معليش نرجع ليه الساعة ربي بين ليا بلي غي كنخربق هزيت تيليفونو ولقيت مراتو كتصوني من فضولي دخلت لميساجات لقيتها كاتبة لييه افلاان راه حاملة 
نعيمة(شدات حنكهاا)اححح اويلييب اوى واش كال عادل 
زهور:اش عندو ميكول ...قالييك هدشي مغيبدل والو انا مباغيهااش مبان ليها تحمل تبغيت نرجعك
نعيمة:اوى
زهور(_كتجبد فدفاتر ادم من لكارطابل مع لملونات ولقلم)قلت ليييه لاا وسير الله اعونك ولدك جي شوفوو وانا نساانيي ..معرت اش بقا كبخربق علياا مسمعت منو والووو ضبابة طاحت على عيني مكرهتش نشنق علبه قدام الناس نبرد لكية لي شعل فياا
نعيمة:احح اربيي ومعندك زهر معااه ابنتيي قلبييي عليييه صافيي مال هدشي ميفكر فيه ملي كيقرب ليهاا ويعاشرها عاد بان لييه يطلق (تنهدات)سيري ابنتيي ديها فرااسك وقوولييييه يصرف على ولدووو ملي باغي ولدوو يصرف عليييه عنداك يمشي ياكل ليك رااسك بلهدرة وتبعيه 
زهور:وخة 
هزات دفاتر ومشات عند ادم حيدات ليه الطابليت والتلفاازة طفاتها وكلساات كتحفض فيه لحروف وتلون معااه متلفة وعادل كل مرة يصونيي ..تلفها معااه وهد ليهاا القلب تلهات مع ولدهاا تطاب راسهاا وتنفخ بلحفاضة معااه ناضت عشاتوو ونعسااات صبح صبااح ناضت كيف لعادة غسلات ليه وفطراتوو وجمعات الصالون وقداتوو وبدلات حوايجها طلات بان لبها لحال مضبب ديال شتاا لبسات ادم تجاكيطة ديالوو ولبسات هياا جلابة سخوونة وشالهاا وسبردييلة وهزات صاكها خرجات ادم لروض لي كان مزال الناس مجاات كان ادم باقي فيه نعاس كانت تمنية تاع صبااح خلاتوو وبااستو بجهد وتسناتو تدخلاتو لمعلمة ومشاات كتجري لبلاكة تاع الطوبيس لي بعيدة عليهاا ركباات ومشاات واقفة حيت كان عامر بالطلبة لي لكلية فطريقها موصل بيها تدااخت جهد نص ساعة تاع طرييق حطها وضرباتها برجل تاني مساافة تولات كتنهج وصهداات مرة ترخف الزيف مرة تزيروو ...وصلات لمحاال كترد النفس وشادة فصدرها حبدات الساروت وحلات لباب كتنهج بدات كتعلا لزكروم لفووق لي مزيير وااحل بقات مضاربة معاه بشحال وايديها ولاو حمريين بلبرد تعصباات وبدا كتسووط وضارت لطريق مبان ليها حد طريق كتصفر غير شجر لي كيتحرك وكيطيحو معاه قطرات شتيوة خفاف كيجيبهوم لبرد هزات عينيها فلكراج لي كيتحل اوطوماطييك وخرجاات طموبيل بيضة عالية وكبييرة وهيا مربعة ايد وايد كتلعب بشفايفها كي لبنت صغيرة ساطت من جديد وعلات عينيها لباب تسمعات صوتوو 
مجيد:كاين شي مشكيل 
زهور(شافت فيه ودغيا هبطات عينيهاا حشمانة كتشير ليه لزكروم لي معكس 
هبط هواا الاخير مكبط وريح صابقااه خلا الطموبييل محلولة وهابط شاد كارو بين صباعوو شااعل بعدات علييه وضربات فيها ريحتوو لمخلطة بريحت لكاارو تصمكها هبط الزكروم بلاا عدااب وهوا عاطيها بضهر وحلوو وشاف فيهاا وقال:الناس ملي كانو تيطوالو نتي فين كانو مخبيينك فييين الفاارة فيين....🌺

ضحكات حشمانة وقالت:سمحلياا هوا ديما كيتعكس وليوما مبغاش يتحل 
مجيد:دوك ليدين هوما لي بيحلووه هاا ههه دخلي ابنتي من لبرد دخليي 
عطاها بضهر غادي لطموبيلتوو تيخرج الدخان من فموو لابس سباط كحل كيلمع مع سروال كري لاطوال وشوميز بيضة عاد مونطوو فوق منهم كريي قبل ميركب وقالت بصوت مبسم ورقيق:شكراا 
مجيد(ركب كيتبسم)ماشي مشكيل 
تم جااي مجد كيجريي بلكارطاابل ركب حداه ودارت حتى زهور تكمل حلانهاا في حين عادل كان مشاا لعند زهور وملقاهااش وعطاتو نعيمة لعنوان بطليب ورغييب مع دار الدورة كان ت مجيد بغا دور وتلقااو جنب بعض حل عادل الشرجم ومجيد حتى هوا ملي شافو وقف عرفو بغا يسولوو 
عادل:السلاام اسيديي 
مجيد:وعليكم السلاام اخوياا
عادل:كاين شي محال تاع لخيااطة هناا يااك نعتوو ليا فهااد الشارع 
مجيد:اه سير نيشاان بتلقااه هوا اللول 
عادل:شكراا سمحلياا..
مجيد:هانياا ..
دار مجيد وعادل كمل وعينيه كيقلبو على لمحال
مجد:لاش كيسول راجل على محال لعيالات 
مجيد:ونتاااا اش دخل حمااارتك اصااحبيي ولكان بغا يفصل ليه شي قفيطين 
مجد:علاه رجال كيلبسو لقفااطن 
مجيد:وعلاه رجاال كيلبسوو سراااول مزيريين ومقطعين(شافيه)باغي نحش لمك ركااابيي 
مجد (غطا السروال)وراه لمووض 
مجيد(بجدية)مجد ...مجد اطونسيون اولدي نصدق مفوت فيك شي ظقة تااااقة شري وجمع راسك مع امتحانااتك تقوليا لامووض لاا زبل (حك دقنو)غاااا باش نكونو واضحين لكنتي كدير هكاا على ود لبنات اتكمش ابابا فداركم 
مجد(بحكم كيخاف منوو ضرب الطم )وخة 
مجيد:وهكااك بااان شديد بهيبتك وراسك لكان عامر اما سراول مقطعين ولقوامج مورديين بحال لفيتيرينا تاع لمااعن ماالك اودي فيييه (وقف)تكركب لقراايتك 
نزل مجد كيقااد فلمونطو ومجيد حاضيه ومعوج فموو: رجلة ديال لورد بقات فالسباط موكاسااه ...تحرك فطريق فين بدات شتا كطيح شوية وصل لدار الضريبة ولي داز كيعطيه التبسيمة ويسلم علييه طالقعا مع النااس او وقت لخدمة خدمة دخل لبيروو ديالوو وحيد لمونطوو كيهز فكمام لقميجة وشلا ضواسا كيتسنااوه 
اما عند زهوور رااه حلات لمحال وقدات لمانكات مخرجاتهش خرجات غير لفيتيرنا تاع الزاج منتابهاتش لطموبيل لي داازت فطريق ورجعات تاني وقفاات كانت واقفة قدام لمرايية كتقاد فشالها وكتسرح شعرها من لقداام وتقاد فلخلفة تشاافتو وخرجو عينيها 
زهور:عااادل اش كدير هنااا 
عادل: عيت نصوني ليك مكتجاوبيش ومشيت لدار وعطاتني عمتك فين خدامة ...لاش مبغاش تجاوبيي 
زهور:حطات ايد على لكونطوار شادة راسها وشافت فعادل)مبقا عندنا فاش نهدروو اعادل سالينااا 
عادل:لااا الالة عندنا فاش نهدروو 
زهور:واش حماقيتيي ...سير عند مراااتك او ولدك 
عادل:هاني معااهم داباا نتي او ولدي 
زهور:انا طلقتيني اعادل مب
عادل(خبط ايدو على لكونطوار تخلعهاا)شكوووون بغاتني نطلقها ماشي نتيييي ماشي نتي لي خزيتي ليااا وراقي باش نبركي عليا ونطلقك هااا
زهور:وشكون لي حط عليا لبااااطل وهلكني عصااا ماشي نتااا ..شكون لي طلقني ومشا تزوج 
عادل:ونتي لي مدخلتني لحبس شهرااين 
زهور:حيت تستاااهل لحبس على لي درتي ليااا ...دابا سير منهناا عند ولدك
عادل(بلغوات)واش باغة تحمقينييي اشمن ولد اششش دغيا تيقتيهااا انا مامتيقهااش 
زهور:ياك قلتيي غتمشي لطبيب اوى اش قالت 
عادل(كالة ايدو بلكونطوار وساط) غتكون داباا عند طبيبة هيا ومهاا 
زهور:مم ...عادل سير منهناا غتجي مولات لمحل تلقاك مغيعجبهاش لحال ونصدق خاسرة خدمتي وانا بزز لقيتهاا
عادل:راه غير نتي لي مرضة راسك ومرضاني معاااك كون نتي كتفكري فيك او فولدك كنا ليوما نصبحوو عند لعدوول بلا تعطال
زهور:ههه واش مبغيتيش تفهم واش نتزوج بيك ومراتك حاااملة باش تعيشهاا فداكشي لي دزت منو لا اخوياا هي خليني ديال راسيي ميدعي فيا حد مندعي فحد 
عادل(اف فسااعتوو لقاها قرابت لعشرة)صبري من هد روينة لكحلة غنصوني ليها دابااا ونشووفها فيين 
سكتات زهوور بدا قلبها كيضرب وتهوا باينة فييه غلى اعصابوو جاوباتو وجاوبها بهدرة نااقصة وقال:فينك ...دخلتي ولا مزال...اوى وشنوو ...كيفاش شنوو..اشنو قاليك حاملة (مسح على شعروو ) شغتي لكنتي كتكدبي غنجي مغنعقلش عليك ...سيفطي نشوووف وهنينا داباا من داك لبكا ديالك سيفطيي 
بقات زهور ساكتة وفقدات اخر امل برحابت صدر وتنهدات وعادل كيحل فلكونيكسيون وخرج قدام لباب تسيفطات ليه فاطمة وراق طبيب او التلفاازة والتحاليل لي خاصها دير وعاد التيست تاهوا مصوراه لييه تعصب وتحنا على طموبيلتوو 
رجع عند زهوور يالله بغا يهدر وقفاتوو بصوت خافت:عادل سير عند مراااتك متصورش شحال هد لفترة مهمة فحياتهاا وبالاخص تكون معاهاا تهلا فيهاا وتهلا فولدك لي جاااي وحاول تبعدها من لمشاكيل انا لي غنحس بيهاا حيت دوزتوو جحيييم ومتوحمت فخااطري معشت بخاطري مولدت بخاطري ...سير عفاااك ..ادم هاهواا عرفتيه وشفتيه وقت لي بغيتيه جي شوفو معنديش مشكيل ...وخة انا نبغي نرجع معاك خاطري معطاتنييش حيت انا لي حاسة بلقهرة تاع لوحم ...

هز عينو فيهاا كيرمش ملقاا ميقوول تنهد بدييق وخرج مخليهاا متبعاه تركب فطموبيلتوو وزااد بلا هدر بلا جوج ...خرجات لبرا جامعة ايدها من لبرد متبعااه تمشاا تحا لباب وضارت شاافت لقات تورية او كوتر خارجين 
تورية:صباح لخييير ابنتي لبااس
زهور:صباح لخيير اخالتي(شافت ف كوتر وتبسمات)صباح لخير
تورية:راضية مجاتش ليوماا 
زهور:محالل واش غتجيي عندها ضيااف يمكن 
تورية :اوى مزياان 
دخلات لمحاال وكلسات كتكمل لي روتوش لي خلات ليهاا راضية واجديين وبياساات قلال تاع بنوتات صغار وراتها راضية كي تخدمهم .. علماتها تشد لعبار لمكاانتش وتعبر توااب وتقاجر مع لعيالاات على الاتمنة 
اما عند مجيد غارق فلخدمة كالس فلكرسي بهييبة ومركز مع خدمتوو تقول ماشي هدا لي عاطيها لضحك دخلاات بنت لابسة مزيان هازة ميلفات فايدهاا وقالت:مجييد شوف هاد لميلف وسني عليه 
مجيد(شدو من عندها باهتمام ) خلصو الضريبة ديالهم هادوو 
-ليوما ولكن هادو(جات من حداه وتحنات عندوو كتوريه وهوا مركز معاها)مزال متخلصووش 
مجيد(حك لحيتوو )داكووغ قولي لعبد الرحمن او ياسين يمشييو عندوو 
سناا على لملف وسدوو ووضار بلكرسي وهيا محنية رجع بضهرو فوق لكرسيي كيلعب بعينيه وصدرها باين من لقميجة لي حلاها عمدا 
مجيد:اش هد لخيير 
-اشمن خير هههه غير تحلو صدايف 
مجيد:الله اعطييني لعماا وكان هدشي كلو كان حدا راسي وعاطياني نسني حشوومة علييك تحرميناا من منتوجات البلااد (غمزهاا مشابك ايدو وهيا قدامو كتعوج شادة لميلف)اوى كيفاش قضيتك متخلصيش الضريبة نتي 
-او ديالاش بالسلامة 
مجيد:تشوش موطن اتناء خدمة الشعب خاصك تخلصي لحق 
-ممم وديالاش هد لخق بالسلامة ههه(سدات الصدفة تاع لقميجة كضحك وهوا حاضيهاا)
مجيد:كون هي سعفتي لوقت وحليتيي صدافي منها تبردي ونسخن اناا راه لكز هدا اختي تيبغيي الاحتكااك ههه 
-ضحكاات وضرباتو بلملف )وبااز عاد كنتي بعقلك 
مجيد:اوى نتي لي دفكتي ملقيت منجمع 
-)بدلع)علاش نتاا زهوانييي وبو لبنات 
مجيد:اوى الله ايجيب منين يعميي لمي لعينين ويحش ليا ركابي
-اوى انا جاني محااال واش التووب 
مجيد(تقاد فلكلسة عطاها بالجنب كيضحك وحل ملف اخور) نادية تكركبي لخدمتك خليني نخدم وجمعي دااك لخييير ونتي جامعة النص فلمغريب 
نادية:اجي بعدا كنتسالك قهييوة (شافتو كيفكر)ظلعشية صافي 
مجيد:وخة سيري داباا 
خلاتوو كيضحك خير خرجات جمعهاا ولبس وجه الحزم مع خدمتوو من جديد ...
اما عند زهوور وصلات طناش ومشات لداار غدات ولدهاا ورجعااات بجرا لمحاال مرة يتقلب لجو وتشمش مرة شتاا بقات حاضية غير لجو حيت فبحال هد الاوقات قليل لي كيخرج دات لحوايج لمصبنة ورجعاات لمحل ومشات تاني جاابت خدمة اخرى وعطاتها لماليها وتخلصاات وحطاتهم فلمجر تزيرات بلبوولة وملقاات فين ديرها وجاها لعطش ومقدرات تشرب ولات هي كتلعب برجليها وكرشها تنفخات وكل مرة تشووف فالسااعة وهيا كتوجع وقفات طموبيلت مجيد قدام دارهم وخرج منها مهبط راسوو ودخل نيشاان لدار مدازت حتى نص سااعة خرج لابس حوايج سبورتيف وداير كارطابل كحلة فضهرو جسم رياضي بامتيااز وشكون هادي لي ميجدبهااش الطولة والتجريدة ومصيف فعز لبرد دار الكارطابل اللور وركب طموبيلتوو وزااد 
رجعات كتعظ فمهاا وتلعب برجليهاا وهيا كتشوف فشتا كتنقط وكتزيد تهز وصلات الستة هي بزز من الربعة وهيا كتوجع سدات لباب دغياا ودخلات لفيتريناا كتعوج وكتفكر لطريق لي مزال غضرب وشتا بداات كتنقط تاكدات من لباب مسدود وزادت كترب وساخطة على راسها لي لبساات سباط عند بالها مشات شتاا هبطات ديك طريق مغطية وجها من شتا ورجليها زرااقو بلبرد وفمها ولا حمر فهاد الاتناء داز مجيد وشافهاا وشاف فين غادية عرفها لطوبيس وكمل طريقو لداار وقفاات جنب طريق رجليها كيترعدو باغة تبكيي مزيرة فاي لحضة تقدر طلقهاا توقفات جنبها طموبيلتو شافهاا وكلاكصوناا عليها وضارت جيهتوو..

وقفاات جنب طريق رجليها كيترعدو باغة تبكيي مزيرة فاي لحضة تقدر طلقهاا توقفات جنبها طموبيلتو شافهاا وكلاكصوناا عليها وضارت جيهتوو
عرفاتو هو حيت منزل الزاج تيشوف فيها بنظرة عادية وقال:طلعي نوصلك راه الشتا
زهور:(مبغاتش تبين ليه بلي فيها بولة رصات بلاصتها)لا شكرا اخويا..انتسنا.طوبييس
مجيد:يا هاد الفرخة راه الشتا خيط من سما طلعي نوصلك بلا داك صواب العور(دار ضحكية )واطلعي بقا لينا شوي ونشرووك
شافت راسها اتطلقها فسروالها واتبقا تسنا طوبيس وتنشر قالت تركب ولي ليها ليها والغاية تبرر الوسيلة
ضارت طلعات دغيا تترعد ماحيلتها لكز لي فرجليها ولا لبولة لي اتنقز دغيا..
تحرك مجيد بطونوبيل ساكت تيدندن بفمو وهي تتفيبري حداه حشمانة وعينيها مزاكيينش فقنت واحد او ولات حابسة راسها هي بزز مزنكة ومزيرة وكتبرك على رجلهاا وكتمنا امتا توصل..صمت ببنهم وعاد الشتا لي تضرب برا غلى حر جهد..نطق هو كاسر صمت بعدما شاف هتزازها وقال:مالك!!
زهور(مزيرة)وو والوو 
مجيد شافيهاا ملي وقف فزحاام وقالل:ومالك بحال الا شدااك كريز هه
تزيراات ومقدرات ضحك حيت عارفا راسها اتسرحها مع السرواال شافها سكتات واستانف كلاموو وقال:فين ساكنة افريخت شتاا
زهور:(بحياء)فحي لفرح ..انا نعت ليك طريق..ضور غلى يديك ليمن..
مجيد(هز حاجبوو )عرفتوو بعيدة بزااف كاع هد لمسافة كضربيها بالطوبييس 
زهور:اوى معندي مندير
ضار وعاود قال:اش سماك الله ولا نبقا نعيط ايك الفرخة
زهور:سميتي زهور
ضحك وقال:سمعني على زهووور هههه ايييه اتاجديكت ههه
زهور:(دارن نصف بتسامة)شنو قلتي فلخر
مجيد:(كيحك لحيتو)تجديكت
زهور(بصوت طفولي وضحيكة خفيفة):هه شنو هادي
مجيد:(شاف فيهت بنظرة خاطفة ملي ضحكاات وهي تلف وضورات راسها بزربة)هي زهور بشلحة..نتي ماشي شلحة واقلة؟؟
زهور:لا انا من الفقيه بن صالح..ضور من هنا
ضار من قنت اخر ومرداتش لبال وقال:واش اختي جيتي تديري عندنا..مضيقة عندكم تما تا حايا تضيقيها علينا هههههههه
عرفاتو تيضحك هي من تفرنيسة لي طالق وتتقول فخاطرها مال هادا هبيل..بتاسمات وهي تتشوف فاص وقالت:اوا الاقداار
شافتو دخل وسط سطاسيون تليصانص تاوقف الاوطو وقال:نزلي
زهور:(بغباء)انا مساكنااش هنا
شاف فيها بابتسامة وقال:يادلي كزن كنتي الفرخة ساكنة هنا لاش تخدمي ههه انا لي نجي نخدم عندك نزلي اتاا تبوولي لغتبوولي ونتي بقا ليك شوي وتطلقيها هنا...

خرجات فيه عينيها محرجة ممصدقاش كي.دار تاعرفها وهو يضور عندها بعدما سكت لوطو وقال:مافيكش لبوولة..وانزلييي راه ممزيانش تشديها
تمنات الارض تشق وتبلعها على موقف تحطات فيه وعلى مركة مركها وقالها بطريقة تضحك..ولات حمرة وتزنكات ندمات لاش اصلان جات معاه..وباش تهرب من الوضع نزلات من الاوطو مخلياه ميت عليها بضحك حيت دغيا تتزنك وتبقا تضور عينيها
فحين هي مشات لطواليط وطلقات اابولة لي بكثر ماتعطلات فداخلها طوالت وماحدها تتنقص وهي تتحس براحة وتبتاسم وما احلى راحة البولة كملات وناضت وتتفكر كيدير تشوف فيه ولا تهضر معاه..شافها من بعيد جايا وبقا مطول فيها شوفة نيت تتبان كي شي فرخة ومن مشيتها باينا داخلة سوق راسها..طلعات حداه حشمانة مهضرات ماتكلمات وتاهو ميك واخا حابس ضحكة حيت هو بطبعو تيعجبو اشد فعباد الله
دازت دقيقة وهوما ساكتين وقال:معرت اشمن اقدار جابتك هنا
زهور:حم هي الخدمة وصافي..وكاينة عمتي هناا
مجيد:علاه تما مافيهش
زهور:(بخحل)واش نيت ضيقت عليك ههه
زاد تيضحك سايق بيد وحدة وقفو فسطوب وجبد كارو شعلو وقال:هي تنضحك معاك اتجديكت ههه
زهور:هههه
مجيد:(نطر نطرة )شحال فعمرك؟؟
زهور:عشرين لعام
ضور راسو بصدمة وقال:براكا من طنز..(حقق فيها)نعطيك هي سبعطاش
زهور:ههه(حشمانة)تنبان صغيرة ولا
مجيد:واهادي وحدة خرا هههه واقد صبعي صغير
زهور:ههه
تطلق سطوب وهو باقي تيشةف فيها تتيهضر معاها :والله ومشفت حالة المدنية منتيق هههه
كلاكصوناو عليه نااس بجهد باش ادوز وهو يحل شرجم وقال:بزعطا لعندك طوموبيل(تحرك )بشااار
تلفتات ليه تتضحك بشوي فوج عليها بهاد الحماق تاعو وياله ضار عندها وهيوتضور وجهها دغيا حيت حصلها ونطق:فين الاخت؟؟
زهور:فين لي اش؟؟
مجيد:وافين تيكمي تاعكم
زهور:شنو؟؟
محيد:نتي غنعلمك شلحة ههه فين خربتكم
بتاسمات بشوي وزغيبات خارجين من شالهت طايحين على جبتها وقالت:من هناا سير طوول
وبالفعل داز من ديك طريق سااكت تيتكيف فحين هي ستاغلات الفرصة وشافت فيه بنص عين تتحقق فملامحو الجدابة..كمية من الرجولة حداها بلحية كحلة فيها بعض الشيبات باينا فيه كبيب فالعمر هي من الشيب ولكن الهيئة باقي شاد وتيبان مفورمي وواقف على صح..عندو شوي تالكرش قليلة..ويديه طالع فيهم زغب تال الصبعان خفيف وكحل..وجيهة حاحبو مضروب شوي..وعان على راسها ملي دخلو لسكيتور تاعهم وقالت:حطني هي هنا عفاااك
مجيد:هنا داركم
زهور:(بعفوبة)لا لا لهيه ولاكن بلا متدخل ايشوفوك جيران احسابهم معرت اش
وقف نيت وقال وهو تيشوف فيها:اييه واخا 
شافت فيه حشمانة وفالت:شكرا اخويا سمح ليا عذبتك
حرك راسو بالايجاب ةقال:هي سيري الفرخة ههههه اتجديكت ههه
زهور:ههه بسلامة
يالله بغات تنزل وقفها كيحك لحيتو:اجي نسولك نهار كفحتي علياا لقهوة 
زهور:شمن قهوة 
مجيد(بالضحك)باغة تنكرينييي اختيي ههه لقهوة لي خويتي عليا فلكافيي وبديتي تبكي علياا 
زهور(هزات حاجبهاا)علاه نتاا 
مجيد:لااا عميي ههه واش نتي شوية معلينا من ورا داك نهار رجعت وسولت فييك او واحد من السرباية قاليا بلي هداك هوا نهاار اللخر ليك تماا (بتساؤل ) وقع ليك شي مشكيل بسباب داكشي 
زهور(_تفكراتو هوا نيت لي عطاها خمسين درهم تبسماات وقالت)لا لاا غير مرتاحيتش فديك الخدمة وصافي 
مجيد:اصلا ديك لخدمة ماشي ديال بنت صغيرة ...معندكش خوتك 
زهور:عنديي
مجيد(شافيهاا بلطف)خساارة معنديش ختي اما نعيشها قايدة فدار باهاا 
زهور(تبسماات بلطف )سمحلياا خاسني نمشيي
مجيد:سيريي وردي بالك 
نزلات من الاوطو بحذر وزربات فمشيتها لجهة داار وبقا هو واقف ومعارفش لاش..بقا تيشوف فيها تا دخلات مدارت لا هاه لا هاه عاد تحرك هو مبتاسم وقال:قاصر فيها خمس سنين تالحبس هه
طلعات هيا كضحك على هدرتو وشتاا بدات تانيي مع حلات لباب لقات ادم كيبكيي قدام لباب تلغات ضحكتها ويحدات صاكها وتحنات عندوو:مالللك ادم
ادم(كيشهق)ب ب..بغيت نخرج لشتااا هئ هئ (كيطلب فيها)عفااااك عفااك امامااا 
نعيمة:هييييت معاااه دوز تكلس وهوا باغي يخرج راسو قااسح 
زهور:خلي تالغدا ونخرجك دابا عيااانة 
تعصب ادم وبداا كيخبط ويغوت وبغا يبدا يضرب فزهور ويتمرغ فلرض تغوتات عليه:صافي سكت صبر نبدل عليااا صبر 
سكت فلبلااصة كيشهق وزهور دخلات لبيت مهدودة لبسات بيجامة سخونة دفيها وبينوارهاا حد الركبة دارت شال ولبسات بانطوفتهاا هزات تيليفونها ولمضل وخرجات مهلووكة بلعيا وجوع قاتلهاا جارها فدروج فرحاان نزلوو لتحت وطلق منها ودخل وسط شتا او وقف كيضحك وزهور كتشوفيه وتضحك ...بدا كينقز فرحاان وكيمشي فوق لما وينقز تفزك سبرديلة والسروال وشعرو كيقطر بدات زهور كتلعب معااه وكتجري معاه وسط طريق وهوا تابعهاا باش يرشهاا ضحكاات معاه تنساات كاع همومهاا..

بقات كتلعب مع ولدهاا تحبسات شتاا وشداتو من ايدوو مشات خدات ليه دانون وراجعين لدار تصونا تيليفونهاا وجبداتو وطلعات نمرت عادل غمضات عينيهاا ورجعات حلاتهم وجاوبات عادي 
زهور:الوو عادل 
عادل(بصوت خافنت)زهور لبااس 
زهور:الحمد لله 
عادل:حم ..زهور انا فالشاريع لي حداكم بغيت نشووف ادم حيت شاد طريق 
زهور:وخة غنجيبو لييك 
دورات طرييق لشتريع بانت ليها طموبيلت عادل واقف وساهي فلارض غير شافو ادم وطلع منها كيجري 
ادم:بابااا 
عادل(هز راسوو وتقاد فلوقفة مبسم وتحنى هز ادم بااسوو وقاس ليه رجليه)فين كنتيي كلك ماا 
زهور(وصلات حداهم)كان كيلعب فشتاا ...كتعجبوو 
عادل:مزياان ..(جبد ليه حنيكاتو)قريتي مزياان (طلعو لطموبييل لبرد شوية عله وهوا فازك
مشا جيهت بلاصتوو كيهدر مع ولدو وركب وركبات زهور من حدااه ساكتة مخليااهم كيهدروو على خاطرهم هز راسو فزهور ولقا شعرهاا بااين وقال:لحتي الزيف 
زهور(قدات شالهاا)غير كيطيح لياا 
عادل(بقا كيشوفيهاا وتنهد ورجع شاف فولدوو)غنمشي ليوماا
زهور(كتلعب فلحزام تاع لبينوار) الله اوصلك على خير 
عادل:اميين ...مغتقولي والوو ...الى قلتي لياا بقاا غادي نبقا ازهوور
زهو(بدون تفكير)سير اعادل ...وادم وقت لي بغيته جي شوفوو
عادل:وخة ...ولكن مرة مرة غنبدا نجي يبقا معاياا فلعطل (تبسم لادم)ياك اباب تمشي معاياا 
ادم:ههه اه 
زهور:مزال لحال على هدشيي..باقي صغيير 
عادل(شافيها*)متنساايش راني بااه مغاديش بيه لخلاا 
زهور:قلت ليك اعادل ماشي وقت هد لهدرة ..
عادل:غير ديريها فبالك نهار نجي نبغي نديه اتخليه لياا حتى انا يدوز معايا ياماات كيفما نتي مو راه تا انا باااه 
زهور:ان شاء الله ...ادم يالله 
عادل:صبري بلااتي (جبد فلوس من جيبوو ومدهم ليهاا)غنبقا نسيفط ليك فينما تيسرات لياا الاموور 
زهور:لاا شكرا قادة بولديي 
عادل(سااط معصب اصلل)زهور شدي...متزيديش فلعصاب لي عنديي هادو لولدك صرفي بيهم عليه ولخصاتو شي حاجة صوني لياا نسيفطها ليك 
زهور شداتهم من عندو بزز وهبطات في حين تهوا هبط كيبوس فادم حطو حداا زهوور وقال لادم:انبقا نهدر معاك صافييي اولديي
ادم:فين غاااديي بقا معاياا ...ماما قوليه يبقا معاياا 
عادل:داباا نرجع انمشي لخدمة تانيي (شاف فزهور وناض تقابل معاها)ماماك لي بغات هدشي 
زهور:شحال كيعجبكوم تلوحو كلشي على لمرا 
عادل:واش قلبك قسااح من جيهتي لهاد الدرجة ازهور 
زهور:عادل بلاش من هاد لهدرة وخليناا هكا مزيانين على قبل ادم وصاافي 
عادل(بتشكيك)يكماا معارفة مع شي واحد
زهور(بصدمة خرجات عينيها)واش منيييتك داوييي مسالية اناا لداكشيي هااا لي درتيه نتا يكملووه هوماا 
هادل:وانا هي قلت نعرفك مع شي حد متلومي غير راسك ازهور ياالياا يبلاش 
زهور(ولات حمرة بلعصااب وزيرات على ايد ادم)نهار نفكر فيها مغنجيش نتشاور معاااك اسي عادل 
عادل:اوى غير فكري فيها الالة زهوور نحش ليك ركاابيي (بغا يقيسها فحنكها ورجعات اللور مغوبشة فيه )باركة متقسحي قلبك وخلينا نرجعوو ازهور 
زهور:فففف واش مكتفهمش مبقيت باغة لزواج لا راااجل خليني هانية ...ادم قول بايباي لباباك نمشيوو
بقا كيشوفيهاا عادل وتحنا باس ادم وقال:شكون انا ا ادم 
ادم(ببراءة)بابااا
عادل(باسوو)قولهاا لماماااك اولديي باش ديرها فدماغهاا 
جرات زهور ادم مبعداه علييه وقالت:بسلامة 
مشات وخلاتوو باقي محني وادم كل مرة يدور يدير ليه باي باي وزهور جارااه 
وقف عادل وناض مشا فحالوو في حين زهور تفقساات هوا يعيش وميخلي لي يعيش غادية وكتهدر هي بووحدها معصبة 
زهور:ميرحم ميخلي رحمة ربي تنزل ...هوا يتزوج او يولد واناا يحبس عليا نعيش تفووو على بشاار كيدااير ...بغا هي لي يديرها ليه قد فموو او ياكل لحجر ظيك السااع 
طلعات لدار كتنكر هي بوحدها بدلات لادم حوايجوو باش ميضربوش لبرد ومشاات لكوزينة مع عمتها كطيب لعشاا ..تعشااو وتكات فبلااصتها مع ولدها تغمضات عينيها وطاح فبالها لموقف لي جمعها بمجيد وعضات على فمها كضحك كيفاش غتشوف فوجهوو تشوهات معااه ضحكات فسرهاا عاضة على فمهاا تنعساات 
في حين مجييد دخل معطل لداار لقاا سكاات دخل نيشان لكوزينة عمر كاس تلما وتكا على لبوطاجي شاد تيليفونو تدخلات كوتر وهز فيها راسو وقال:اش باقي مفيقك ا كوتر
كوتر:سمعتك ملي جيتي قلت غيكون فيك جووع 
مجيد:عارفاني كنتعشاا براا اكوتر بلا متنوضي باقي ولبغيت شي حاجة راه غنوجدها بلا متعدبي رااسك(تبسم ليها)شكراا 
كوتر:وخة لي بغيتيي 
يالله بغات تخرج طلتت تورية وعطاتها طريق باش دوز وشافت فولدهاا وقالت:طياب لعنب جيتي 
مجيد(دور راسو لنب خط ايدو بلمقلوب على فمو حت ضحكاتو وهوا داير لكاس فموو سرط لما وشاف فيهاا:وحضينيي 
تورية:ربي لما كلس نتحتت معاااك 
مجيد(قلب لكرسي قدامها وكلس محني عليه)الله اسمعنااا خييير ياربي
تورية:خيير وخميير غير كلس
مجيد(حط تيليفونو ولبريكي وبكية لكارو ومو حاطة ايدها على كرشهاا وكتشوفيه وتجمع فنواضرهاا )هانا اختي شنوو كاين ..غير كولي لياا بعدا ..هضرتك خاصها شي اتاي ولا قهوة ولا دوليبران 
تورية:يااااودي راه نتا لي خااصك مرااا تجمعك راك شبتييي ..

ضحك مجيد كيحك فلحيتوو بضهر ايدو وقال:دابااا غير لي شاايب صافي يتزوج هههه ونتي عارفة بلي هد شيباات وارتينهم من لواليد ماشي كيستيوون ديال شرف ولا صغر (غمزها ()الشباب فلقلب 
تورية:تداك لقلب شي نهار تجي ليبه على عمرو بقوت لكاروو وشرااب وسهيير او الدوراان ....اش فيها لتزوجتي ودتي داارك او وليداتك تالين امجيد
مجيد(هز حاجبوو وجبد كارو من لبكية وشعلو قدامهاا وجر فاش يطفي وشافيهاا كطلع وتهبط فيه بمعنى كلامك دخل وخرج كي لبرد)داباا جييني من اللخر الالة تورية وخليني نوض نعس طناش تليل هادي 
تورية(قربات لييه كتنش فالدخان)يعطييك لويييل العجل حيد عليا الدخاان (شافتو بعدو عليهاا لتحيدو ليه وتقدات فبلاصتها كتدوي بهمس)هانتاا شوف كوتر صلاة على نبيي زوينة 
مجيد:اللهم صلي على لحبيب...كملي من اللخر اختي وكولي اش باغة
تورية(ساطة)طفيلة عارفينة بنت الناس وحلوة وخادكة تقوم بييك وتديها فييك ..هيا بعدااا كابرة معاناا ملي كانت عندها عشرين ودابا تبارك الله راه ستا وعشرين عام عندها قد زواج ..وشنو بان ليك راه تجداك بغااااتهاا وهيا اصلا من عائيلتها عارفين مها وعارفين باهاا 
مجيد كيكمي وكيتسنط ليهاا تشكات بلي قتاانع وقال:هدشي علاش وليتو حاطين الراس على الراس ونتي ولحاجة كول داكشي فيه التخطيط ولبلانات ديالكم ...شحال من مرة غنعاودها ليك راه متنفكرش فزوااج ولا غير لوليدات راك ولدتي لياا جوج نكبرهم 
تورية:واحد نهار مجد ونعمان بيديرو حياتهم ويتزوجو او يولدوو ونتاا اش غيبقا لبك
مجيد(ضحك)بنبقا انا ويااك هناا تنطيحو سنان وبخيييير معندي لي تققوليا مك دارت ولا تقولي ليا مرتك داارت 
تورية:اناااا ياولدي نقوليك مرتك داارت
مجيد(دور راسوو وهوا كيتطر لكار وقال كيسوط دخان بعيد على تورية)اححح عليكم العيالات دايرين الشركة مع ابلييس 
تورية:اوى لهلا يحييييك ...انا لمباركة لي دير داارك امجيييد تاليييين غتبقا تابع خوتك هادا خاصو هداا خاصوو تايمشي عليك لحاال هاا ونتاا مغتشوفش حيااتك متسخنش جنااابك بولادك ومراتك
مجيد:واش تشكيت عليييك واش بكيت عليييك هههه جنابيي مسخنهم غير بلماانط اختيي ممتحزق علياا منحزق عليهاا نتقلب تنعياا ونووض نااشط لخدمتي ... ضريتيني فراسي كون نسحاب هك كرن زوجتك ملي مات لوالييد شمتيني فهادي 
تورية:ومااليي كي جيتك امزيناتييي 
مجيد:هدا لي بيديك خاصو يدبح بكرة فنهار يالله تشبعيي الحلوفة (ضرباتوو لكتاافو )ههه شفتي كلام لحق مبغاه حد 
تورية:وداباا اش قلنا فكوتر
مجيد(طفا لكارو )شكون كوتر 
تورية:اوى بسيييف كتروو عليك لبناات تنسيتيي سمياات ...وكوتر لبنت ليي كتعاوني فالداار اش قلتي نخطبها ليك 
مجيد:خطيني علييييك ياهاد لمراا ..لبنت مزال صغييرة يجيب ليها الله واحد قدهاا انا لبغيت نتزوج انجيبها قديي واش انا باغي لي تربي ليا ولادي ولا نربيها هيا او ولادهاا 
تورية(شدات حنكهاا)والله اوليدي حتى كضيع نقرا صافية 
مجيد(ضحك وجبد لمو حناكهاا وبااسها فحنكها وقال)انا غنجيب ليك شي دهب صااافي فين تبان النقرة 
تورية:وهاحنا غنشوفوو 
مجيد(وقف كيهز فسروالو من جبهت الصمطة)وبقاي تشووفيي وها ودني منك نلقاكم كتعمرو لبنت فراسهاا هاا 
هز تيليفوونوو وطلع لبييت بقات تورية كالسة فلكوزيينة كتنهد غي وحدها في حين كوتر سمعات لهدرة او واقفة فلقنت تاع لباب كتسمع وعيينيها مدمعيين ..ملي خطات رجليها فهاد الدار وهياا كتعتابر مجيد كتر من اخ كتعجبها شخصيتو وعلاقتو مع موو او خوتوو لي دايرينو فمتابة الاب وكلشي داير ليه حسااب لا متحس لقات راسهاا منجادبة ليه رغم عمروو شافيها شوفة ناقصة ولا حتى كتر معاها لهدرة او فتح ليها مجاال ...ولكن لحب مكيشاورش كيدخل بلا ميدق

في حيت مجيد طلع لبيتوو كيدندن 
لاح تيليي فوق سرير ودخل لدووش خرج مدوش ولاوي عليه فووطة فنصوو وكيمسع فشعرو لقوي طويل من لفوق وقضير من لتحت خر لبالكوون فداك لبرد صدو عرياان شاف فالزنقة ومشات عينو لبوتيك وتبسم ورجع فحالو لبس شورط قصيير وتلاح فبلاصتوو كيتقلب تنعس ...
فاقت زهور كيف عادتهاا قضات روتينها الصبااحي ونفس لحاجة كتكرر حطات لفلوس لي عطاها عادل وحالفة متخليهم عندهاا وبلحرقة تاع التيلي لي حيد ليهاا ملي كانت معاه مامشات تاتشريه بفلوسوو هواا حطات ادم فلكريش او صونات لراضية بلي غتعطل كان لحال ذيال شتا عاود هد لمرة لابسة مونطو طويل عريض عليها شوي وسروال لارج وسبرديلة وصاكها وزيفها كيف لعادة مشات لشارع لكبيير السلاام كتقلب على محلات تاع التيليفونات كانت جات ليه هيا ورباب شرات تيليفوونها دخلاات لفيتريناا وعينيها كيبرييو واحد ينسسيها فلااخر ختارت واحد بلزرق غاامق خداتو بتلاتيين فرحانة بييه عمرها فرحات براسها منهار خدمات وفلوسها كيمشييو غير على ادم او لمعانة مع رباب خداتو ودارتو فصااكها او وقفات قدام محل تاع لحوايج كتشوف فمونطوو عجبهاا وكتشوف فهداك ليي لابسة عريض عليهاا ومخنشة فييه رجعات زاادت وخلاتها لادم لي طلباتو مكيتسالاوش لمهيم خدات ليها تيليفون وحيدات حرقتوو مشات بجري ركبات فالطوبيس حاضنة صاكها ليتشفر قبل متفرح بييه وصلات وضرباتها بجرية وحدة كتنهج لقات راضية حلات لمحل ومخرجة لمانكاات وتشطب دخلات عندهاا كتبسم 
زهور:سمحليليا يكما تعطلت 
راضية(شافتها وضحكات)تعت الله هي ملي حيدتي جلالب ..ماشي مشكيل جيت تانا بكريي بغيت نقضي شي غراض 
زهور:حيت كنرتاح فجلالب بزااف ولفتهن
راضية(قربات ليها) ايه ماشي مشكيل ميي متلبسيهمش ديما..ننتي باقة صغيرة بداي تلبسي سريولات قوامج جيبي تواب وفصلي صايات غير جلالب جلالب ...انا لي شرفت وقليل قليل فين تلقايني لاببساهم
ضحكات زهور وعلقاات صاكهاا وكلساات فلمكينة وراضية حداها كتقيد فورقة وكتهضر:زهور مقلاش ليك هد السيمانة غنسافر لكازا نجيب تواب حيت غندير واحد الديفيلي فشهر واحد عندك لمن تخلي ولدك
زهور:فلعطلة غتسافر عمتي الله معرفت 
راضية:اوى شوفي كي ديري ليه ضروري خاصك تعاونيني وتقدري كاع تعطلي بليل ومصالحش تجيبيه معااك حيت غيقنط مسكين اش غيدير وسط تكاشط ولقفاطن 
زهور(تنهدات)عندك الصح انشوف عمتي تديه معاهاا هوا اصلا توحش ميي كل مرة يكولياا نمشيو ولعطلة هادي يلعب شوية مع ولاد ختي 
راضية:لي بان لييك 
وصلات طنااش او وصلاتها راضية تلجيهت الطوبيس ركبات ومشات هزات ولدهاا لي تيبقا فلكريش حتى تجيبو هياا داتو لداار ولقات عمتهاا مقادة لغداا جمعات معاها وغسلات ماعن لي فلفاابو مكاين لي يلحكهم الى مدازت لبهم هياا 
زهور:رباب باقة نااعسة 
نعيمة:نااعسة اش غدير هاديك ليلها مابحال نهارها
زهور:عمتيي غتمشي فلعطلة ل بلاد
نعيمة:وضروري 
زهور:تدي معاك ادم عند حسناا ومي توحش دراري او ولد حسنا مفاهم بزاف مع ادم وعزاز على بعضياتهم انا نيت مغنكونش مسالية معندي كي ندير ليه
ادم(بفرحة)غنمشييو عند امييين اماما
زهور:لاا غتمشي غير نتاا صاافي انا غنكون خدانة باش نشري ليك بزاف تللعاب صاافي 
ادم:اه صاافي 
نعيمة:اوى لي بان لييك خمسطاش ليوم ارى ميجري فيها تيعياا 
ناضت زهور من بعد متغدااو غسلات لمااعن وطلعات شي حوايج ديالها نشراتهم بزربة وهبطات دات ولدها ومشات كتجري لخدمتهاا حتى لوقت ملقااتوو باش تحل داك التيليفوون وصلاات لمحال وحلااتوو بلمضااربة وخرجاات لمونيكات وقدات لعلاقات تاع لحواايج وكلسات تانيي على لخيااطة دقات تورية فباب تزااج وناضت بالاببتساامة حلات عليهاا وسلمات عليهاا
تورية:زهوور ابنتيي مكايناش راضية
زهور:لاا عندها شي خدمة فانزكان متجي تالعشية 
تورية:وخة..(جبدات سوارت)ربيي لجاا ولديي مجييد راه نسا سوارت ديالو تاع الدار غيجي عندك يديهم خليهم عندك حنا خارجيين معرووضين 
زهور(شداتهم من عندوو)وخة اخالتي هاهوما هناا
تورية:يالله بسلاامة علبيك 
دخلات زهور وسدات لباب بالسارووت وكلسات من ورا مكملات خدمتها عاد جبدات التيليفوون وحلاتوو..

بدات كتحل فلكارطوونة بحدر ولفرحة غامرة جفونهاا شعلااتوو ومعرفات منين تحلوو وتركب النمرة لقاات فيه سلك صغيير وبقات كتقلب فداك التيليفون تشحفاات منين كيتحل هاد لوييل تالكاميرا مبغات تشعل ليهاا حيت باقي مامقاادش تزنكات بلعصااب
زهور:اويلي يكما باعو لياا خاسر ولد لحرااام ...اوووف مال زهريييي مالووو مالووو تفووو 
حطاتو بزعفة متشوفيه وترجع تهزوو مفاهمة فيه توزة جبدات تيليفونها لقدييم الشاشة مهرسة يالله باقي تيقول الوو تحاجة فيه مصاالحة مقشر من جناب حالتو كيحشم بقاا كتشوف فتيليفون جديد بحسرة بلا متحس بلوقت لي دااز سمعات دقة فالزاج وهزات عينيها فلباب وهيا مهمومة وحاطة ايدها على حنكها بطفولية هي شافتو وقفزاات بلا هواهاا وناضت بجري حلات لباب كان عاطيها بجنبوو وداير ايديه فجياابو مكمش عينو من الشمش لي ضربات فيه فااص حلات لباب ولحشمة طاغية عليها من لموقف تاع لبارح وقالت:سلاام 
مجيد(شافيها وتبسم)الزين لبااس 
زهور(ضحكات من ديك الزبن )لبااس 
مجيد:خلات ليك لواليدة شي سوارت لاا 
زهور:اااه اه هاهوماا بلاتي نجيبهم لييك 
دخلات مخليااه كيتااوب وكيقيس بايدوو فواحد لقفطان حدااه ومعوج فموو جاه داكشي مشارجي بلا قياس تجات زهور جايبة سوارت وقالت:هاك اخوياا 
شدهم من عندها وشافيها وقال وهوا كيعيب فصوتها لي كيجيه بحال ديال شي فارة:هاااك اخوياا دخلت عليك غير بالله واش نتيي عندك عشرين
زهور(ضحكات من نييتهاا عارفاه غيضحك على هضرتهاا وهوا كيضحك وهيا غير مكتزيد ضحك تولا وجها حمر فين متبغي تسكت يعيبهاا ويرقق صوتوو تصافيي دمعو عينيها )ههه والله تعندي عشرين هلاكارط معاياا عاد درتها ههه 
مجيد:ارى نشوف ضرني راسيي 
دخلات لدااخل كضحك اومشات جبداات لكارط لي عاد صايباتهاا ومداتها ليه هوا لي تكا على لكونطوار كمش عينوو فلكارط وشاف تصويرتها فيهاا وضحك 
مجيد:وبداي تاكلي شوي اتبقاي كي لفاارة تماا تعت يهزك لواحد ويهرب بيك 
زهور(ضحكات وهيا كتشد من عندو لكارط وقالت)اوى شفتي هه(زعمات )ونتا شحال فعمرك 
مجيد(حك عينيه)لا لا اناا شاارف بديت كنطيح فضراس 
زهور:ههه كتكدب 
مجيد (عوج فمو او وراها واحض الضرسة خاوية اللور )هانتي ها لبدية 
زهور:هههه هاديك هي ضرسة لعقل كداب
مجيد:ههه عندي 37 عام
زهور(خرجو عينيها)دغيا شبتيي 
مجيد:ويني مشطبة معاكم على هد اللحية ..راني بديت كنشيب من ستا وعشرين عام داكشي معندو علاقة بلعمر داكشي متوارت 
زهور:هه عندك الصح 
مجيد(هز سوارتو بغا يمشي وشاف التيلي ولكرطونة وهزوو وقال)الناس تاع التيليفونات بالصحة 
زهور(باسف )باعو لياا خاسر مبغا يخدم فيه والوو وعطاوني معاه واخد السلك معرفت فين نديروو 
مجيد(شافيهاا بغا يحشمهاا ورجع يكت كيدور فالتيليي)وايليي ههه ارى نشوف
مدات ليه لكرطونة وشعلوو وهياا بقات كتحنا تقرب وبيناتهم لكونطوار شادة حناكهاا وهوا متكي بايدوو على لكونطوار تولى راسها جنب كتفو خاشية راسهاا تلفات من ريحتو وعجبااتها بقات هي كتشمشم نسات تعلاش تحنات عندوو وهوا عينيه فالتيلي وقال:مخااسرش مالوو 
زهور:معرفت مبغا يدخل ليا تلبلاصة
مجيد:نوو خاصك هي تقادي ليه لبراميتر وهاهوا مقااد 
زهور(سكتات معارفة اش هادي تانيي وحاضيا صبعو فين كيتحط ومتبعة معاه قاد ليها السااعة او التارييخ وقال:او لابغيت نشارجيي لواتساب منين 
مجيد:خاصك لكونط عندك شي كونط
زهور:ديالاش لا معندييش 
مجيد:خاصك ديري واحد باش يخليك تشارجيي او دخلي ليوتوب او كوكل 
زهور:تت معرفتش ليه 
مجيد(ضحك وجبد تيليفونوو بقات كتشوفيه قدو قداش فين يبان مشقوفها لي فرحانة بييه طلق لكونيكسيوون ودوزوو لتيليفونها وحط تيليفونوو فجنب وعوج راسو لقاهاا ملصقة راسها مع كتفوو وضحك فسرو وكمل كيوريهاا دار ليها لكونط ولكود وهيا مقابلااه كل مرة اش هادي لاش هادي شنو في هاديي جابت ليه تمام خبز ربي فطبكوو شارجة ليها لواتساب وقال: ندخليك لفيس تهوى
زهور:معنديييش 
مجيد:واايليي هه 
زخور:والله معندي (بترجي)ديرو ليا عفاااك تيجيو لبنات هنا كيهدرو علييه بزاف فيه لحوايج 
مجيد(هبط عينو فيها وتبسم لدوك لعينين لي كيطلبووه هز ايدوو وجبد ليهاا حنكهاا وقال:فيه شلاا حوايج هداااك هه وخة الالة 
الزهواني زعم 😂😂😂

هبطات زهور راسها عاضة على فمهاا كضحك وحاسة بحنكها تزادتو شي حاجة من غير ولات حمرة شارجاه ليها تهواا وعيا بلوقفة كل مرة يتكا على رجل وعيان بلخدمة نساا بلي تابعو لصاال ومهلوك بجووع ..جاتو دروييشة ودغيا كدخل لخااطر ومزال نية لصغر سنهاا 
مجيد:مديريهش بالنمرة باش ماشي لي دخل عندك تطلع ليه نمرتك نديرو ليك بالايميل حسن 
زهور:لي باان ليييك 
مجيد(ضحك وكمل كيشرح ليهاا اش كيدخل ليهاا )شنو ندير ليك فسمية زهور نيت 
زهور(شافت فيه)لا لا اويليي يعرفو خوتي يقتلوني 
مجيد:يقتلوك على لفيس مالك اش بديري فيه كاع 
زهور:لا لا كنخاف مديرش سمتيي عفااك مم دير شي حاجة من عندك 
مجيد:تاجديكت 
زهور:هههه لا دير شي حاجة اخرى معرفتش اناا شوف نتاا 
مجيد(بقا كيفكر وكيقتاارح عليهاا )عرفتي اش ديري ...ديري زهرة العمر 
زهور:هههه اويليي 
مجيد:وهيا لي جاتني فراسيي مبيتيش ديريي اميرة ابيي ولاا زهرة الحريكة 
زهور(ضحكات)اويلي على سمياات منين جبتيهم
مجيد:واداكشي باش عامر هد لفيس لي باغة نتي 
زهور:هههه صافي صافي دير زهرة العمر حسن ههه 
مجيد:عجباتك
زهور:اه زويينة ...ياك ميعرفونيش خوتي دايرااه 
مجيد:هههه ولا عرفوك كاع مالك كتبيعي فيه لحشيش نتي غير عرفي شكون دخلي عندك وصاافيي 
زهور:صافي وخة 
دار لبها زهرة لعمر وقال:ارااي النمرة ندخلها ليك 
زهور:فين كدخل 
شافتو هز ديك لبرة وخشاها فجنب تخرجاات لبرا بلاصت النمرة ومشاات حيداتها من تيليفونها لاخر ومداتها ليه قسمها على صغيرة وخشاهاا تماا ورجع خدم التيليي وقاد ليهاا لواتسسااب ومدوو 
مجيد:حاافضة نمرتك 
زهور:اه 
مجيد:قوليهاا 
ركبها فتيليفونوو وصونا عليهاا وطلعات نمرتوو عندهاا وقطع:هاهواا نااضيي بصحتك 
زهور(شداتو من عندوو فرحانة وعينيها لمعوو)شكرا بزاااف والله
مجيد: عادي ملي اش درت لييك ...هانمرتي عندك لخصاتك شي حاجة فيبي علياا 
زهور(حشمات)مم صافي وخة 
مجيد(تقاد فلوقفة هز سوارتو وقال)خليتيني بلا لصاال الخاايبة 
يالله غاديي يعطيها بضهر توقفاتو وقالت:او لبغيت نبلوكي

رجع شافيها وضحك وقال:ياك لمك باغة تجربي فيا لبلوك 
زهور:لا لا ماشي هكاك غير بغيت نعرف او صافيي 
مجيد(قرب ليها وشد تيلي وشافيها)يكما كيديرونجيك شي واحد
زهور:فالصراحة اه ومعرفتش منينن نبلوكي نمرتوو 
مجيد:عارفة نمرتو
زهور:لا محافضهااش 
مجيد:مم دابا مغطلع تنمرة الووغ الى رجع صوناا ولا شي حااجة ادخلي هناا وغتبلوكي النمرة صاافي 
زهور:هه صاافي شكرا لهلا يخطيك 
مجيد مد ليها تيليفونها وخرج كيتااوب بغا يطيح بنعاس خلا عينيها محلولات فالتيليفوون دخل لدارو ولقا صقييل طلع نيشان لبيتو مبقا ليه جهد لاصاال جاب كاس تاع لقهوة كحلة وخرك لبالكون يكمي تباانت ليه زهور متكية وجها على لكونطوار وشادة تيليفونهاا كتصور ضحكااتوو وحك جنب فموو وجبد تيليفونوو صورها كتبان من الزااج بحال شي بريهيشة دخل لجوغنال وبانت ليه نمرتها دخلها يالله كتب زهور مسحها وكتب "زهرة العمر " ضحك وخرج من تما دوز النمرة لصاحبوو في حين زهور كالسة كتصور فلبيساات فلمحاال توصلها ميسااج تاع ميديتيل بقات كتشوفيه جامعة فمهاا نقطة مفهماتوش مكتوب بلفرونسي في حين مجيد كيشوفيهاا بغا يشد فيها وصونا ليها تخلعهاا وجاوباات 
مجيد:واش مكتعيايش من تصااور مخفتيش يضربك شي جن 
زهور:هاا(بداات كدوور براسها وجنابها تهزات عينيها لفوق وبان ليهاا شاد لكارو فايدوو كيضحك وضحكات وحشمات من صباح وهيا تعوج كي لمونيكة غمضات عينيها مجاوباتش باقي تا ستانف كلامو وقال: وصلك شي ميساج داببااا 
زهور:اه 
مجيد:اوى بضحتك لكونيكسيييون شاطي مع راسك ا زهرة لعمر هه 

دازو اسابيع كيطيروو تلهات زهور مع ديفيلي لي عند راضية وسيفطات ادم مع نعيمة عند مها وحسناا تفرغات لخدمة وكتعطل بليل تكتوصلها راضية تالداار وكل نهار كتهدر مع ولدها ابيل فيديو عند حسنا بلكونيكسيون لي سيفط ليها مجييد مزال مبغات تسالي 
اما علاقتها مع مجيد مكتعداش السلام السلام او يعيبهاا على هضرتها وتعطيها لضحك شحال من مرة كتهز عينيها فالبالكو وتلقااه واقف تماا وتسها فييه تيحصلهاا وتهبط عيينيهاا عمرو بسل عليهاا ولا تمادا معاهاا وحتى هيا داخلة سوق جواها باغة غير تشد لخدمة وتعلم مزياان وتبني مستقبلها كيف تمنات ...نهارها كامل كيدووز خدمة صباح وعشية لا خروج لا درووج تولدها لي يفوج عليهاا مرة مرة شبعان لعب مع ولاد خالتوو مكيسخاش بيهم 
راضية:زهووور حيدي ديك لبيااسة من ايدك وقادي لياا هاد جلابة دغياا غنمشي ندي هد تكاشط لمعلم ينبتهم لياا الديفيلي مبقا ليه والوو 
زهور:وخة صافيي 
راضية:لكملتيهاا باركة عليك حبسيي راك عيتي
زهور: نقدر نكملهاا ونمشي لدار عياانة شوية فيا حق شهر مرداني 
راضية:صاافي سيري رتاحي باش سبت تكوني مزياانة ..هاني مشييت 
خلاتهاا كملات ديك جلابة وداتها لمصلووح ورجعات شطبات لمحال من تقاطع تاع توااب وطفات ضواو وسدات لمحال هازة صاكها لابسة جلابة فلكحل وشال لايحة جنابو اللور لمورال طاايح ولحالة حالة بغات هي تنعس غادية ساهية فلارض جوايه الخمسة هكاك تاع لعشية وقفات جنب لبلاكة تاع الطوبيس متكية على لحديدة وكل مرة طل على الطوبييس كان مجي جاي وشافها سااهية فلارض منتابهاتش ليه وقلب طريق وقف حداها وكلاكصونا هزات عينيها حمرين علاين تبكي شافتو وتسمرات 
مجيد:زهور ياك هانية 
زهور:بخيير اخوياا شكرا
مجيد(شاف الطوبيس وراه ومعروف هاد لوقت كيدوز باغي يطيح ببنادم واشار ليها بايدو وقال)طلعي طلعي نوصلك دغيا
زهور:مكاين لاش ها الطوبيس وصل
مجيد:كون تسمعي وطلعي 
قدات زيفهاا ومشاات طلعاات حدااه وتحرك دغيا حيت واف بلاصت الطوبييس شافيهاا وقال:ركبي السمطة ازهور 
دورات راسهاا وجرات السمطة ركبااتهاا ودورات وجها جيهت الزااج حيت مبقا والو لعينيها ويكييو حاسة براسها مخنووقة بجهد ولارض دايخة بيها نتاابه لسكاتهاا وقال وهوا مركز مع طريق لي كانت عامرة:زهور صافاا 
زهور:لبااس 
مجيد(من قوت مولف داك صوت لي كتغلب عليه الضحكمة من لحشمة عرفها ماشي تالهيه ومحكرش حس بتنهيداتها كل مرة كطلعها قوا من لخرا ديرونجاتو بجهد خصوصا تاتبان صغيرة على هد التنهيدات لي كتحسي بمولااهم هاز حمل تقل منوو رخف السرعة حتى وقف فجنب طريق غي شافتو وقف شافت قدامها وقالت:وقفتي 
مجيد:زهوور مخاصمة مع راضية ولا 
زهور:لاا علاش كتقول هكاا(هبطات راسهاا كتلعب بايدها وغلبات عليها لبكية )مامخاصمة مع تو(غلبات عليها تنخصيصة وحذات دراعها على فمهاا مبغااش تبكي 
مجيد(عقد حجبانوو وهز ايدوو هز ليهاا راسهاا عندوو )واش بسل عليك شي حد مالك ازهوور 
زهور:والووو هء هء مامالي والو والله هي مخنوووقة بزااف هئ هئ معارفاش ماليي 
مجيد(حط ايدوو على راسهاا وهيا كتنخصص)شوو صافي لاش كتبكيي داباا 
زهور(بصوت متقطع)معرف...معرفتش هئ هئ عييييت والله تعيييت هئ هئ 
حيد ايدو من على راسهاا كيسووط اكتر حاجة مكيحملش فحياتو هوا يبكيي حداه شي حد ومعارفش باش يقدر ينفعوو حاس بيها باغة تبكيي ومعارف تعلاش ضروو راسوو بديك لبكية كان كيسحاب ليه هي صوتها وضحكتها لي كيدرية صغيرة صدقات بكيتها دوب لحجر 
حط ايدو على لكرسي ديالها وقال وهوا كيشوفيها:داركم عندهم شي مشكيل لاتعطلتي شوية 
زهور(حركات راسها بلا كتمسح فدمووعها 
مجيد:نديك حدا لبحر شوية تنفسي شوية داكووغ
حركات راسها بااه ورجع لبلاصتوو ديمارا فلبلااصة بدل طريقق وكل مرة يشوفيهاا وكتردد فعقلو غيد عيييت والله تعيييت جاتو خرجاتها من اعقمق بلاصة فقلبها جابت ليه بيها تمام منتابهاتش كااع فين غادين وبلي خرج على اكاديرر وغادي طاالع لفوق ومخلين لبحر لتحت حل ليها الشرجم وضرب فيها لهوا وريححت لبحر تغمضات عينيهاا وتكات راسها على لكرسيي كتشم لهوا وتبرد على راسهاا والشمش لونها مدهب كتغربب ...
خلاها على راحتهاا مزادش هضر توقلوو لفووق اكادير اوفلاا شافت فين هوما عمرها وصلات هنا وقالت:فين جينا 
مجيد:بلاصة زوينة غتعجبك 
نزلات ونزل حتى هوا وقدات زيفها من الريح لي كااين ومكمشة عينيها لي حمريين وكيدمعو بلبرد وقف قدامهاا تيبان ليها راسها قدامو كي لفرحة تبعاتوو كترجع زغيبات تحت الزيف وشادة صاكهاا وتابعااه تولاو منهم لسماا ولبحر تحتهم كيبان صاافي والريح مجهد كلس هوا فوق لحويطة مقابل معاهاا شافت فيييه واشار ليها باش تكلس ومع لحاشية منهاا لجبل نيشان 
مجيد:كلسي وعنداك لطيحيي نصدق مدوز الحبس الموصيبة 
زهور(ضحكات بخفة وهيا كتشووف فلبحر وكالسة مقابلة مع مجيد لي كان تيوشوف فلبحر ودور راسوورلجيهتهاا وقال:شنو لي عيااك ازهوور لعندك شي مشكيل قوليها نعاونك انا معنديش ختيي ومكنحملش نشوف شي بنت تاتبكيي وانا مقادر ندير والوو 
زهور(رجعو عينيها دمعو ومبغاتش تنزلهم )والوو هي تخنقت غير لخدمة عيت
مجيد:مكتخرجييش 
زهور(سرطات لبكيية وهضرات بصوت منغنغ تقيسها تبكي)لاا 
مجيد(لاحض عينيهاا لي عمرو بدمووع وتنهد بلا هواه عاض على فموو وحض ضهر ايدو على حنكها مسح ليهاا دوك جوج دميعات لي هبطو كيتسااببقوو)صاافييي متبكييش ..

صاافييي متبكييش (مسح ليها حناكها بجوج وهيا مسمرة عينيها فلارض حشمانة ولمستها بورشاتهاا خلاتها تسرط ريقهاا 
مجيد(وقف )هاني جااي وعنداك تلوحي رااسك هه
زهور(ضحكات)لاا هههتبسم ليها وخلاهاا كتشوف فالشمش كتغرب وكدور بجنابهاا مبان ليها تواحد وحيداات الزييف وخلات شعرها يضرب فيه الرييح ويخفاف عليها قلبهاا كحل كيلمع مع خيووط الشمش الدهبيية لعينين حمرين ونيف مزنك هوا وحناكها بلبرد كل مرة تجر النف وتخرجها بتنهيدة طويييلة خباتها من زماان هبط مجيد لطموبيلتو هز قرعة تلماا وشي شكلاط كان غادي بييه ل مجد هز منو جوج وهز لافيست ديالوو من لبرد ..طلع لعندهاا هز عينوو وبان ليه شعرهاا هابط على ضهرها وزغيبات مهزوزين من لبرد كحل ورطب بدا كيقرب ليها بخطوات تقاال وهواوحاضيهاا تسمعات حسوو وضارت شافتو وهبط عينوو 
اما هيا غير شافتوو وهزات لفوار بغات تردوو توقفها وقاال:خليه .(حك لحيتو).خلييك يضربك لبرد شويية باشش ترتااحي
رجعات شعرهاا ورا ودنيهاا وشافت فيه ودورات راسهاا جيهت الششمشة لي غربااات 
زهور:عمري جيت هناا
مجيد:واايلي...شحال ونتي فاكادير 
زهور:شي تلت سنين دابااا 
مجيد(مد ليهاا الشكلاط وهز حاجبو باش تشدوو ) تلت سنين وعمرك جيتي هنا فيين كتكوني غابرة ههه 
زهور:فلخدمة 
مجيد:علاش مكتقراايش 
زهور(حركات راسها بلاا وعظات مم الشكلاط شوية وكتقاد فلغلاف تاعو وهوا حاضيهاا مكمش عينو من الريح
مجيد: وعلاش تالين قريتي شديتي لباك دييالك 
زهور(هزات عينيها فييك واشارت ليه براسها بلاا )موصلتووش ...قريت تال السادس 
مجيد(تصدم )كيفاااش ..وعلاش مكملتيش
زهور:بااا مبغااش ..كان لكوليج بعيد علينا بزاف وخاصني ناخد طوبييس باش نمشي نقراا وتماا كانت لبنت هي كتوصل السادس كتنجح فيه وتخرج 
مجيد:وشنو درتي ملي خرجتيي 
زهور:والوو كلست عامين هي الداار وشقاا لا خرووج لا درووج تمرضت ودخلني خويا لواحد لجمعية ديال لخياطة وتعلمت ليهاا شوية 
مجيد:وجيتي هناا تخدميي 
زهور(هزات عينيها فييهاا وتزنكااات وبقات سااكتة وحركات راسها باه قلبها كيضرب )
مجيد:معرفتش انا فهاد لواليدين فاش كيفكروو كون كملتي قراايتك على الاقل تخدمي خدمة بديبلوومك ومرتااحة ...الساادس خرجتي بكرييي بزاااف 
زهور: لمكتااب 
مجيد(ضرب نيفخا بصبعوو كيضحك)اش عرفك نتي فشي مكتااب هااه
زهور:هه علاش ماليي 
مجيد:كتكووتة ماشي ديال تكرفيص....

هزات كتافها بتبسيمة وكتشوف فلبحر وكتاكل فالشكلاط محسااش بمجيد ليي سها فيها بجهد والريح كيضرب فيهاا واحلة معااه وكتاكل الشكلاط بعفوية وشفايف حمرين بلبرد ولعنق بييض مزيناه سنسلة رقيقة تاع النقرة 
مجيد(جبد كارو دارو فموو وجبد لبريكي كيشعل فيه وقال)ماشي مشكييل نكمي حدااه 
زهور(هزات كتافهاا)عادي 
بدا كينطر ومرة مرة يشوفيها كي سااهية هزات عينيها لقااتو كيشوفيها وتبسمات ليه وقال: شعرك زوين 
زهور(ضحكات )شكراا ههه 
مجيد(عوج فيها راسوو كيكمي ويضحك)هد بااك هي تاع لعصاا 
زهور:هه علاش شنو دار ليك
مجيد:كاين شي حد والد هد لخنفووسة ومخلبها بوحدها فمدينة كبيرة بحال هكا 
زهور:اللهم هنا ولا تماا بلعكس لفثقيت راحتيي هناا تمااا ممنوع تخدمي ممنوع تخرجيي متلبسييش مديريش ديري الزييف متهضري مع حد
مجيد(نط اخر نطرة وطفااه)لحبس هداااك كان خاصهم هي يزوجووك على خمسطااش وتكمل لقضية 
زهور(تزنكاات وهبطات راسها بلا متجاااوب تعقد ليها لسااان وجاتها فشكل تقولبه افلان انا مطلقة وعندي ولد كتحس بلي لمرا المطلقة عرضة لكلشي تنهداات تحسات رجعات شعرها اللور وهزات عينيها فييه 
مجيد:مسمعتينيش 
زهور:نعاام 
مجيد:رتاحيتي شويية 
زهور:سمحلياا يكما شديتك على شي حاجة 
مجيد(خدا ليها شوية من الشكلاط حطو ففمو بطريقة عفوية بقات هي كتشوفيه) واش غير رتاحيتي رداكشي لاخر مكيهمش 
زهور:رتاحيت بزااف والله شكراا امجيد
مجيد(مجيد!! فين مشات خويااا هههه 
زهور(حشمعا وبدات كضحك) هههه بحال بحال 
مجيد:هه حميمقة صافيي قولي ليا تبااباا هانيا انا راه لواليدة كنقوليها ختي
زهور(ضحكات)ويلي وعلااش
مجديد:ولفت من صغر كان كيحساب ليا ختي حيت مت لواليد الله ارحمو هياا كانت مقابلاني بزااف حيت لواليدة كانت خدامة 
زهور:هههه الله اخليها ليك 
مجيد(عوج راسوو فيهاا )امييين ياربيي 
بدا كيتحرك لبرد وهوما مزال كالسيين حط ليها لفيست على كتاافها او وقف مقابل معاهاا داير ايديه فجيب لقبيية تصونا تيليفونوو جبدوو شاف شكون تااصل وبعد من زهوور شوية وكانت هدرتو كلها بسوسية مفهمات ولو حرف هزات عينيها فييه وسهات كترمش فييه تنهدات وفخاطرها كتقول سعدات لي غتدييه داير لخااطر ناشط وكيبغي ينشط لي معااه كبر فعينيهاا وكتشوف فلبلاصة لي جابها ليهاا وخة مبيناتهمش شي معرفة كبييرة ومع دالك مبسلش عليها كي غيروو شمات ريحتو فتجاكيط لي على كتاافهاا رجوولية بامتيااز مندامجة مع ريحت لكاارو رجع كلس حداهاا وتبسمات وقالت :كتعجبنيي هدرتكم ولكن مكنفهمهاش ههه
مجيد:نتي من الناس لي شادين فالشلحة هي ايخان 
ضحكاات بجهد حاطة ايدها على فمها وهوا مقابلة كيضحك بتقاالة وقال:هادي عارفااهاا ههه ميتسالكش 
بقاو كالسين شوية تقالت:نمشيوو مشا لحاال وشديتك بزااف
مجيد:شوفي نتي واش رتاحيتي اما اناا معنديش مشكيل نقدر نبات انا هنا كاع حيت تنرتاح هناا نتي لي بيتك تممشي بيخ بيخ 
زهور:ههه والله توليت بخيير 
مجيد:وقت لي حسيتي برااسك ماشي بخير غير قوليها لياا (بدا كيضحك)الى مقلتيهاش اندعي فيك ههه 
زهوى:هه وخة 
ناضت كتسوس فجلابتهاا ودارت الشال على راسهاا ضوا من التيليفون قداامهم وحاضي معاها حيت كان لحجر تعكلات قدامو تشدها من دراعها وقال:يكما توعتي

زهور:لا لا مشفتهااش 
مجيد:ردي لبال
بقا شادهاا من ايدهاا بلا مينتاابهوو نازلين فدروج لي مردومين بترااب وحاضي معاها لطيح تهبطوو شافت فايديه شادة ايدهاا وبقات كترمش وهوا مكااينش هناا كيبان قدامهاا قدااش وهيا قديييداش واصلة لييه لكتفو وصلو لطموبييل وحل ليها لباب وبقاا شادو او واقف كيشوفيها قريب لوجهاا
مجيد:صافي مشيناا 
زهور:صافيي (هبطات عينيها بخجل من قربوو عطاها طريق وركباات سد عليها لباب ومشا لبلاصتو حتى هواا ...تنهدات برااحة بحال الى كانت هازة حمل تقيل على كتاافها كانت محتاجة فين تفرغ ديك الطااقة السلبية لي تراكماات فقلبهاا وتفش غليلها شوي على صوت لموسيقى والشعبي قفزاات وشافت ف مجيد 
مجيد:كتسهاااي بزاااف الحاجة ردي بالك 
ز٧ور:لاا هي رتاحييت 
مجيد(خدم ليهاا الشعبيي)هانتيي زيدي نشطي شوية تانيي هه(جبد ليها حنكهاا)وحيدي ديك تغوبيشة
ضحكااات من قلبهاا وهواا كيحاول يضحكخا بما امكن تدمعو عينيهاا وفمها ضرها بالضحك غادين فطريق ولحيحة نايضة فالطموبيل محسوو كاع بلوقت امتا داز وخصوصاا زهور الضحكة لي ضحكهاا مجيد عمر شي حد هتم بخاطرها لهاد الدرجة وتبرهش معاها باش تفووج ...دخل مجيد لمدينة او وقف فسطوف من بعد مسكت لاشيين وشاف فزهور كتمع شعرهاا بابتساامة وقال:شبانليييك نديرو شي كافيي 
زهور:لااا لا مشا لحاال وعيييت 
مجيد:فين وصلتو مع ديفييلي 
زهور:كملناا .. والسبت غنديروه..غتحضر
مجيد(بطنز)ااه نحضر نلبس معاكم تكااشط ههه واش سميتيي مااجدة لمك تاتحطيني وسط لعيالات مدرتها تافصغري 
زهور:ههههه وغي قلت درت صواب 
مجيد:لاااا اختي خلي صوابك عندك ههه داباا شنوو كاينة مع مجييد ومتعشايش خاايبة فحقي
زهور:والله مقاادة وبغيت نطييح بنعااس
مجيد:وخة الزين نخليوهاا مرة خرى (شافيها)ونتي لي غتخلصي علي 
زهور(بضحيكة)هههه وخة صافيي 
ضخك معاهاا وشد طريق دارهم جبد كاروو وشافتوو شعلوو ومخرج ايدوو من الزااج كيكميي ومركز مع طريق دور عينو لجيهت زهور على غفلة حصلها كتشوفيه ودغيا هبطات عينيهاا حشمانة....

وقف فالشارع فين وقفها اخر مرة وقال:هااا داركووم صافي
زهور:هه صافي شكراا بزااف 
مجيد(شافيهاا)عااديي مالي طلعتك لقمر راه غير اكادير اوفلا ههه
زهور:وخة هكاك رتاحييت بزااف شكرا 
مجيد(حرك راسو)داكشي لي بغييت 
قدات زيفهاا وحطات تجاكيط وحلات لباب وشافت فيه وقال:تصبح هلى خير 
مجيد:تيمنسيوين تاجديكت(شافها مفهمات والو)نسييت ههه تصبحيي على خير ازهور 
زهور(ضحكات وهبطات مسااخيااش هزات صاكها وقدات زيفهاا ومشاات نيشاان لداار مشاففت لهاه لا هاه وخة غادية وكتفرنس في حين مجيد بقاا واقف حتى مبقاتش تاتبان لببه و زاد فحالوو مشا نيشان لدار في حين زهور دخلات لدار لقات صقيييل بدلات وطرفات حالتهاا ودارت لخبز فييه لفرمااج وكاس تاع اتااي وكلساات مجمعة مع ختها ابيل فيدييو وباينة فيها لفرحة 
حسنا:هاي هاي زااايدة فيك نغييزة ليوما مالكي 
زهور(غلب عليها الضحك)والوو هي نااشطة بعد غداا كاين العرض غنسيفط ليك تصاور لبقات ليا لكونيكسيون 
حسنا:وضروري ولبسي تانتي وتقااديي تبقاي غير فجلالب 
زهور:اجيي كيتيجيوني جلالب خايبيين
حسنا:لااا كيجيوك زوينين وينيي راك مزال صغييرة نوعيي ولبسي لويناات يبيينوك زوينة 
زهور:ان شاء الله تنتخلص ولشاطت ليا شي حاجة نشري بيها لبيسسة زوينة ...فينهوا ادم 
حسنا:بقا كيلعب مع امين تنعسوو راهم فالصاالة غدا غنهبطوو عند ميي 
زهور:وردي ليه لبال اختي راك عارفة ادم مكيكلسشش يمشي يضربو شي واحد 
حسنا:كوني هانية اختيي ونتي مغتجيش
زهور:هد الساعة محاال نجيي مبقا فين نجي اختي اصلاا فينماجيت ينفخو ليا راسي بلهدرة اش بغيتي شي خدمة كلسي فداركم تاتزوجيي باش نطيح فما كفس من لاخور كيصرفو على ولديي ويقولوها ليك فوجهك بحال الى كيعطيوه لملاين 
حسنا:اوى صبر .. يالله تصبحي على خيير اختيي نمشي نعس اسراء 
زهور:احح بوسي ليا خالتوو بزاف 
قطعات معاها وناضت لبلاصتهاا طلقات شعرها ورجعاتو ورا ودنيهاا وشادة سنسلتها كتلعب بيها فضلام وطالقة اغنية ساعات ساعات وككتبسم وتفكر وضحك بوحدهاا 
اما عند مجيد دخل لداار كيصفر لقاهم مجموعين فالصالون كيتفرجوو ناض مجد بجرا سلم عليه كيف عادتوو ونعمان شاد واحد لقنت مسرح رجليه وداير لكاسك منتابه كاع حط سبرديلتو وبقا بتقاشر بويض قصاار ضرب نعمان لراسو تعواج ليه لكاسك لاخير شافوو وضحك وسلم عليه وكمل عند جداه باس ليها راسهاا ومشا لقنت تسرح شاد سداري كاملوو ولاح مخدة صغي ة على حجرو وقال:فين مك نتا(قاس مجد برجلو)فلكوزيينة ماماااا ..تكلمي 
مجيد(ميق فيه)هنانك على ماماا 
مجد:هههه اش بيتي نكول 
مجيد:طكول ميي اينااا حناا ههه مامااا احليوة الرجلة 
مجد:هههه فراسك اخويا كنت قريت واحد نهار كالييك الى كنتي كتعيط على الام ديالك بسميتهاا يوم القياامة غتحاسب عليهاا ومغاديش تكلم ليك
مجيد(حك دقنو كيضحك)وااايليي تغضب علياا لحلوفة تاعي 
بانت موو هازة طاجين تلحووت كيبربر وقالت:هاا شنو بغيتيي 
نعمان:وااك اواك امامااا طاجين تلحوت وبليل بااقي 
تورية:ماالو اولدي عمزيناتوو 
مجيد:يادلي مزيناتو كون حدااه شي مزيناتهاا 
نعمان(كيضحك)واحح مزينهاا نعل بوك البرد 
مجد:(ببدا كيضحك)هههههه اسكتشا كي نعماان 
نعمان:ايخاان 
تورية:وزيدو تعشاوو من لبسالات مجيد نوض تعشاا
مجيد:لا اختي هي بالصحة بغيت نعس خفيف 
ضحك نعماان يجهد وتبعو مجد وقال:بناادم على سبة الله يستر 
مجيد(ظضحك وجبد تيليفونوو ) اوى لي خافف نجا ههه 
دخلات كوتر هازة لعصيير مدات ل مجيد كااس ومشات تعشاا معاهم مقابلة معاه وهوا مركز مع تيليفونوو ومر مرة يجبد السروال من حداا حجروو وهيا حاضيااه سيفط هوا ميسااج لزهور فيه:فريخت شتااا كي بقيتي

سمعات لميساج فلواتسااب ومشاات قراتوو وضحكات فضلام مبسمة وكتبات ليه بلعربيية :لباااس شكرا 
مجيد:اوى مزيان رتاحيتي شوية 
زهور(كتبقا تفكر شحال اش تقوليه ) رتاحيييت الحمد لله يالله لقيتيني بغيت نعس 
مجيد:اوىرمزيان داكشي لي بينا هي تكوني بخيير الفريخة
زهور:ههه علاش كتقوليا ففريخة شتاا 
مجيد:ههه وحيت نتيي اصلا كتشبهي لشي فريخة طاحت عليها شتاا 
زهور:هههه كتقتلني بالضحك
مجيد:اوى موتي تيعجبني كسكسو 
زهور:ههههه حشومة عليك 
مجيد:هي ضحكت الله ايطول فعمرك 
زهور(حكات ودنهاا تحدو ليهاا معرفااش اش تقوول )اميين ويطول عمرك ياربيي 
مجاوبهااش ومشافووش بقات شحال شادة تيليي تملي ملقاتوش جاوب وحذاتوو كتقلب على نعاس اماا هوا ديك السااع كلس مع دارهم مدابز مع مجد لي جا فوق منوو 
نعمان:مجد برجلي برجليييك 
مجيد:هههه شوف ليك هد خيزو منجور تهوى بايترامك 
مجد:ههه لغلبتك ادور معايااا 
مجيد:يالله سير 
بقا متكي متحركش ومجد شاد ليه ايدو باش يطيعها السعااتي مجيد مزيرهاا تخرجو عروقوو ولاخر مدابز بجوج ايديين مزنك كيضحك تطاب على خاطرو وكلس اللرض فالزربية كينهج 
مجيد:هههه بقات فسروال مقطع 
نعمان:ههههه اوكوك هدا جهدك فالح هي فلهدرة 
مجد(كيحرك فايدو لي دراتوو)وهوا كيتريننيي انا يالله مدابز مع جوج كتووبة اححح ضراتني ايديي 
شدها مجيد كيماصيي ليه ومناض تدور معااه وناض لبيتوو طالع كيتااوب فدروج ولقا ميسااج منهاا تبسم وققال: تصبحي على خير افريخة شتا ههه 
وصلها لميسااج وهيا كانت نعساات حالة فمهاا من لعياا ..
فاقت صباح على صوت الريفي كي ديما شافت سباط رباب عند لباب عرفاتها جات مشات غسلات وطفات حالتهاا ولبساات حوايجهاا فطرات دغياا وخرجات واقفة كتسنا فالطوبيس وجبدات تيليفونهاا طلع ميساج من عندوو ودخلات مبتااسمة قراتوو ورداتو لجيبهاا شوية خرجاتوو وكتكتب وتمسح وترجع تردوو فالاخير كتبات ليه :صباح لخييير 
ركبات فالطوبييس كتقاد فصاكها قداامهاا توصلات كيف عادتهاا كانت طموبيلت مجيد واقفة قدام لمحاال وجيهت دارهم واقفة طموبيل صغيرة خرج نعمان ركب فطموبييل وزااد وهيا شافت طموبيلت مجيد وفرحات فلداخل ديالها بلي غتشوفوو ومعارفاش تعلااش حطات صااكهاا فلارض وتحنات كتحل فلباب هزات راسهاا وهزاتو فلبالكون عندوو ورجعات دارت عاطياه بضهر كتحل فالزكروم معلقة على قرون صبااعهاا تسمعات طموبيلتو تحلات بالسارووت وضارت جيهتهاا لقاتوو خارج كيف لعادة مقااد لحالة نقيي ورواايح تجدبك من بعييد لابس تيشوورت بكول فيي مقطن فلبلو سيال او سروال كري وهاز كارطابل كحلة تاع لبيسيي شافتوو وقال كيضحك: مزال مابيتي تطوالي 
زهور(برقة ضحكات وقالت)صباح لخير 
مجيد(حط الشانطة فالطموبييل وطلع عندهاا حل ليها الزكرووم وقال:شحال من مرة كلت ليك كوليها لراضية 
زهور(بتوتر من قربوو بعداات كتحك فعنقها وقالت)كنساا 
مجيد(ساس ايدو كيضحك)ولباقيش تنسااي اتاجديكت ...نهارك مبرروك
زهور:شكراا 
هبط لطموبيلتوو وكيكلاكصوني على مجد وزهور عين معاه وعين مع لباب تخرج خوه باقي كيمضغ ضربوو اللور تراسوو وداز من بعد ملقى السلام على زهور كيضحك شاد راسوو وركب دغياا 
تحرك مجيد دغياا في حين زهور رجعات لخدمتهاا ومرة مرة تبسم بلا هواهاا ...
وصل يوم الديفيلي لي كان فيه غير لعيلاات واقفة زهور ورااضية فواحد شومبر مع مجموعة من لبنات كيلبسووهم ف تكاشط وجلالب وزهور لابسة جلابة ومحيدة الزييف وكتقاد ليهم فلايكسوسوارات فعنقهم مع بوشيطاات وبنت خرى كتقاد ليهم لمكيااج او شعر 
راضية:نجية سبقي ليا زهور عفااك بغيتهاا 
زهور(بصدمة)اويلييي لالا اصلا لبنات لبسوو 
راضية:لاا نتي بتلبسي هاديي تزرزييت واللبسة تشلحة تجيك فنة باش يشوفووهاا راه ونتي بتجي معااك 
حشمات زهور وبزز لبساتهاا راضية قفطان خفيف بلحمر والاكسوسوارات تاع النقرة طلقات ليها شعرهاا لاسود على ضهرها ومع ملامحها صغاار تاتبان بحال شي سوسية تاع بصح كحلات ليها عينيهاا ودارت ليها عكر خفيف ملحكاتش ليها وجها حيت هيا ديجا بيضة لبساتها شربيل بيض فيه لويناات ودارت ليها دمالج تنقرا باش تكمل اللبسة حمقاتهاا لبسة وعجباتهاا دور دورة وتشووف فلمراياا خرجو لقااعة لي كانو فيها لعيالات او بنات كلشي كيصور وكانت حتى تورية بملحفة خفيفة كتبري وزويينة وصندالة عالية شوي وجنبها كوتر لابسة جليليبة تاع لحضور وطالقة شعرها ومااكية ولحاجة حداهم والديدجي مكاين هي حيح طلقاات الموسيقى مكاين هي افوس افووس ولكتاف كيتحركو كلشي نااشط جرات تورية زهور كتعلمها كيفاش تشطح وتهيا كتعلم وتحررك فكتاافها والضحكة خارجة من لودنين وكوتر كتصور بتيليفون توريية الاجواء كلشي نايض كيدردك 
بدا الديفيليي وكانو موديلات ااخر مكااين جلالب كاع تبااعوو وتكاشط نصهم تبااع ضلام لحال وهوما مزال سرباو لحلاويي واتاي وعطاوها غير لنشاط وزهور كل مرة تصور بلبسة تعمرات التيليفوون ومساخياش تحطهاا بدات الناس كتفرق وزهور لدااخل كترجع تكاشط لي بقااو فلمااكي..

مجيد(شاف مو ركبات حداه وقال) الطموبيييل هبطااات السلاماات
تورية:هههه وكيشتوني تخليونيي اوكوك هد الصندالة شريتي ليا جاتني مزيرة 
الحاجة اللور:و هاتي كمي أيكان تلحلوفت(راه نتي لي حلووفة) (شافت فمجيد لقاتو كيشوفيها كضحك) اوا تصا وكان غينا، ( بقا تضحك تما)
مجيد(ضحك) أديي ياج ربي أبدا تصاغ أتاشيبانت( الله يخليني ديما ضاحك الشارفة) 
تورية:والله يا مجيد مشهيتك فالنشاط اتا شاااط اشمنك يا شطييح ودرديييك اما واححد راضية الله اعطيها الصحة مخلات محطاات مخلات مجاابت او عاد لباسي لي خيطات نصهم تباااع اما زهورر لبنت لي معاها
مجيد(مركز مع طريق)مم مالها
تورية:لبسااتهاا لبسة السسوسية كييييي جااات شهوة منها ههه 
مجيد:تبركيك اتورية عشرة لزيروو 
تورية:اوى لاش مشيت هي بااش نحل عينيي 
مجيد:مخليا ولادك تيموتو بجووع وكالسة دكي فدجاج محمر 
تورية:هههه وا كالياا نعمان صباح غتخرجو تغداو برا جبتيهم
مجيد:واكل واحد فين تزلع وجيت نديكم لدار 
وصلو لدار ودخلات تورية كلسات فالصالون كتمسد فرجليها مطبزات وبيضيين تجاا مجيد كلس حدا رجليهاا وبدا كيمسدهم ليهاا 
مجيد:راه كالوها ربي ملي كيبغي يعدب النملة كيدي ليها جنااح واش نتي هازة مهاز لمغريب ولابسة لياا نص ميترو 
تورية:احح ولاافتها غير جاتني مزيرة احح برك برك ليا تمااا (غوتات)اهي بشوية يعطيك تواام 
مجيد(طلق من رجلها) ضسرتك والله تضسرتك
ضحكات وجبدات تيليفونهاا وكحزات عندوو كتورييه فتصاور وهوا كيبعد:واش كتوريني لعيالاات لاااحول ولا قوة الا بالله 
تورية(جراتو)ربييي لما شووف كنعرفك تيعجبك زهوو 
مجيد(ضحك)ويني مبقيتي تاتحشمي تانتي بحالك بحال ولادك ارى نشووف 
بدات كتوريه تصاورهاا شش شادة فيه لوجه شي الصورة مضببة شي فيديو يجيب ليك الدووخة توصلو لفيديو لي صورات كوتر مشدودة فيه فاللول هي تورية كتهز فكتافهاا ومرة الدير الشطحة الصحراوية تدخلات زهوور وجراتها بزز
مجيد(كيحك فمؤخرة راسو مكمش عينو)شكون هادي 
تورية:لبنت لي خدامة مع راضية اش تنعاود ليك جاتها غامزيناتها 
سكت ورجع كيشوف فلفيديو ومشات عينيه غير ليهاا كي تاتحرك فكتيفاتهاا وشعرها كيمشي ويجي فضهرهاا والنقرة على جبهتهاا هزات وجها كضحك حشمانة معارفاش تشطح ضحك مجيد بلا هواه وشد من عند مو التيليفوون مكونصونتري معااه 
ناضت تورية تبدل وخلات ليه تيليفونهاا تجات كوتر وقالت:مجيد نعمر ليك قهيوة 
مجيد(مركز فالتيلي)لاا اختي هي سيري رتااحي شكراا 
عاود لفيديو من اللول كيضحك دار بوز ل اللحضة فاش هزات راسها لفوق كضحك وسكرينااه وسيفطهم عندوو فلواتسااب وحط التيليفوون وطلع بدل حوايجوو ونزل مشا عند صحابو لبار كيف كل سبت كيتجمعوو دخل وكانت الاضواء ولغناا وشطيح خدام كلس فبلاصتو لمعهودة واخد رااحتوو جات عندو رباب كيف كل سبت ضاربة حطة جديدة ومبدلة اللوك وقالت:مجيد صافاا غبرتي عليناا 
مجيد(هز عينو فيهاا وكيشعل فكارو)ربااب بخير 
رباب:ههه فوق السلك (غمزاتو)بحال ديمة ولا تنوع 
مجيد:تت بحال ديماا 
رباب:،هيا اللولة ..
اما عند زهور دخلات لدار مهلووكة ورجليها ضروها بلوقيف او فرحانة بالتدويرة لي عططااتها راضية تمقداات وخباتهم تاتاخد بيهم غداا لبيسسة ليها ناضت دوشاات وتكات فبلااصتهاا توصلها ميسااج من عند سلمى وقالت :زهور تبارك الله عليك احبيبتيي مخليتي لراضية متقوول ههه مخيبتيش ضني فييك 
تقادات فبلاصتهاا من ديما كيعجبها تهدر معاهاا وقال:ههه شكرا حتى انا عجباتني لخدمة معاهاا ..عمري نسا ليك هد لخيير 
سلمى:داكشي لي بغيت هي ترتاحي تانتي فحيااتك وديري بلاصتك فالدومين لي نتي بااغة ..اوى عاودي لياا شي جديد طليقك باقي كيصدعك برجوع 
زهور:لاا صافيي كيصوني غير يهدر مع ولدوو ودابا قلت ليه مساافر كيصوني مكنجاوبش (تفكرات مجيد وتبسماات ومشات لواتساب عندوو ودخلات كتشوف تسيفط ليه ولا بلااش شافت تصويرتو فلبروفييل وبقاات شحال كتشوفيهاا تكبرها وتصغرهاا بدات كتعتارف لداتها بلي شخصيتو عجبااتهاا وتبدا تهدر مع راسها ...واش غير شخصيتو لي عجباتنيي ...وشكون لي ميبغييهش وهوا هكاا ...اويلي ازهور اش كتقوولي 
غمضات عينيها كتسوط ورجعات لعند سلمى ومشات لتصويرت لبروفايل ديالهاا تبسمات وهيا كتشوف فبناتهاا ملونين وجههم وكيضحكوو 
زهور:بناتك زويينات تبارك الله 
سلمى:ربي يخليك هدوك راه مخلاو لابليس ميدير ههه غير تيبانو هكاك حمقووني هه
زهور:بصح دراري صعاب بزااف 
بقات داوية معاها شحال مشات كتقلب فتصاور ديالها وعجباتها وحدة مباينش فيها وجهاا وباينة لبيسة كاملة مصوراها راضية على غفلة بقات مضاربة معاها تعرفات كي ديرها فلواتسااب وفرحات بحال الى دارت انجاز بوحدهاا وكل مرة تمشي تشوف راسها كيي جات بيهاا وضحك توصلها ميسااج ودخلات تشووف رف قلبهاا بحال لخلعة وهيا كتشوف فمجيد مسيفط ليها دخلات دغيا على لقرص طلعات ليه vu وقرات لميسااج كاتب..🌺

مجيد:تيوالين نتسكورت لي يسكوتين ليقامت
زهور(كتعاود فيها وترجع تقراهاا وتقول واش فهمات شي حرف )ههه مفهمتش 
مجيد:ههه لاش بات تفهميهاا هي خليها هكاك 
زهور:ههه عفااك ضرنيي راسي 
مجيد:تاناا ضريتيني فراسي
زهور:وعلاش
مجيد:هكاك ازين اينوو 
زهور:حشومة عليك داباا مغتقوولش 
مجيد:تنتلقااك ونقوليك ههه سيري تنعسيي افريخت شتاا 
زهور:وخة عليك ههه 
طفات التيلي كضحك وكتخمم فديك لكلمة اش كتعني اما مجيد راه كالس مع صحاابو والدخاان داير ضبابة كلسات حداه رباب من بعد معطاتو لكااس وقالت:كيف كتبغييه ...مجيد بغيت نكوليك شي حاجة
مجيد:شنوو 
رباب:لباارح صوفيا مشات مع واحد خيناا ..انا كلتها ليك حيت عارفااك كيف داير 
مجيد(ببرد) فرااسيي ...شي حاجة خرى ارباب!!
رباب(باتسامة صفرة حيت قمعهاا)لا صافيي(ناضت مشات مراضيااش 
مجيد(نطر من لكاروو وسااط قدامو تشااف صوفيا جاية قااصداه كتعوج بالطالوون وكسوية حد الركبة كلسات حداه وبااستوو فحنكوو وسسلمات على صحابوو 
صوفيا:العمر ليك وحشة غبرتييي 
مجيد(شافيهاا بنص عين ونطق ببرود) ممم مزياان 
صوفيا:ههه مجيد كااعي خاصنيي نقيدهاا هههه 
مجيد(شافيها بواحد تخنزيرة بردات ليها لما فركاابيي)صوفياا بلاا دوك لبلانات تاع لق"" قلبيي على ديل ميي ونوضي فحالك 
صوفيا(تسمرات)علاش شنووو مالك 
مجيد:راني ماشي مومو كنرضع فصبعيي (غمزهاا) ببقا لمك غير الشراف تهوماا كلاااتك مبقا فيك لي صبر ولفتي حلان الرجلين كل نهاار 
صوفياا:مجيد راه ماشي
مجيد:قلبييي على ملتييي عارفااانييي ملي كطلع لياا لكناوية نفوت فمك شي ضربة ...ونوضي محد عضامك مزالين صحاح نلقاك حدايا نخلي عشتك تاع بصح اصوفياا (حمر فيهاا)تهزي 
ناضت معصبة دازت من حدا رباب لي حابسة الضحكة بزز وبانتصار قالت :اوى حليهم دابا لبرد 
بقاا مجيد مجمع مع صحاابوو وتجي تكلس حداه شي وحدة ويضحك معاهاا وعادي طالقها تسرح عينييه ولاو حمريين وراسو تنفخ كتر شرااب وقف خال صدايف لقميجة من لفوق وباين زغيبات من صدروو خرج كيحك فعنقوو وتوجه لطموبيلتوو تبانت ليه صوفيياا مكالية بطموبيلتوو او واقفة كتسنااه طلعهاا وهبطهاا ومشا لبلااصتوو مع ديمارا طلعاات هياا وشافت فييه 
مجيد(شافيها )كتقلبي على شي كومة فلحسن التاني 
صوفيا:كلشي منك عسل 
ديمارا اللوطوو عيات تبحلس عليه باش يضحك معاهاا وهوا كي التلجة باارد مشا نيشان لدارو سكات ولكالم كل واحد داخل سوق جواه دخلات لدار كيحل فلباب وهيا معنقااه من اللور مع سد لباب مع خبطها مع لباب تاتسمعاات زدااف وقال وعينيه حمرييين لاعب عليه شراب:مكنحممملش لكدوووب ....
كيف دخلاات ناشطة خرجات من لاقامة كتبكييي او حنكهاا حمر وكل مرة تعواج بداك الطالوون كتقلب على طاكسي وكتنخصص وكتوعد فرباب كل مرة تشد تحت كرشهاا وعنقهاا ...
عند زهور ناضت مع لخمسة كتاوب دخلات لطوليط مع خرجاات دخلات رباب كدندن ونااشطة
زهور(بصوت ناعس)صباح لخيير 
رباب:احح دابا عاااااد تقولي صباح لخير بررردت قلبي 
زهور(بعدم فهم )فاش 
رباب(كاحيد فالسبط)ديك لي عند بالهااا داتوو وربحااات كحلت لمها ضواسة معاااه ليما يخليي داارها عدوه لي تكون معاه وتمشي مع واحد اخوور هههه ناري مكرهتش نشوف وجها دابااا هدشي الى مدفنهاا 
زهور(كمشات عينيهاا)ناري اختي كيخلع هداا وبغااه بااز لييك ..مخفتيش منوو

رباب:ههههه باااقة نية ازهور سيري تنعسي احح على راحة خلي مهاا تمشي تسعاا صحاب عشرين درهم مكمشة اما هواا بزااف عليها 
رجعات زهور معطاتش لامر اهمية مدوخة بنعااس نعساات تصبح لحااال وناضت جمعات الداار وصبنات حوايجها وجمعات روينة طلبات رباب تمشي معاها لسوق لحد الاخيرة كتموت بنعااس ساطت زهور وهيا عمرها تقدات بووحدهاا مشات لبساات كسوة فلبيض موردة وتحتها كولون على لبرد طلبات رباب على سبرديلة او لبساتهاا حيت ضرها السبااط هزات فلوسها فصااكهات بييج بسمطة طويلة ودارت زيفها وخرجاات لحانوت خدات راايبي وبيمو فطرات بيهم وشدات طااكسي لقات السووق عااامر مكاينش منين دوزي وتلفااات وحشماات وشداتها الدووخة معارفاش تاوة مع لبيااعة يقدر يزمت ليها قميجة تاع ميتين درهم بكتر وتسكت حيت كيشوفوها غارقة فحوايجهاا تقول بوعوات لي كيبيعوو وكتهدر بشوية بحال الى خايفة ياكلوهاا شرات شوميز فلقهوي طويلة تال الركبة او سروال كحل سليم ملاصقش بزااف او معاهم شال مشات لحوايج الداخلية بزز شراتهم وجها مزنك ولاخر حاضيهاا قيسي السوتيانات واش نمرتك هادي واللحية ياحسرتااه شراتهم بزربة بلا متقلب خلصاتو وزاادت شرات سبرديلة حيت عندها طرييق ومشات لباال فلااتوو وكل مرة طيح على بياسة تسالات لفلووس خرجات لبراا هازة لميكاات عرقانة بزحاام قلبات الصااك تجبد فلوس الطاكسي ملقاات والوو خرجو عينيهاا وشدات حنكها بغات تندب بقات صرف صرف تمخلات ترياال وبدات تاتفكر فطراجي لي غضرب ولا ترجع عند مول لبال تعصبات وتجننات او وقفات جنب طريق شادة جنبهاا بغات تصوني لرشيد لولد لي كان كيجيبها بليل تهزات عبنبها فسطووب لي قدامها بان ليها مجييد شهفات ودورات راسها لجيهة لخى السعاتي هوا عينيه كي النمس قشعها وهيا دايرة كي لكراادة لاصقة فلرض كان داير نضاضرو تششمش وحيدهم كيشوفيهاا تاتطلق سطووب ودار الدورة من لباارك او وقف حداهاا

مجيد(مكمش عبنو من الشمس)زهور اش كديري هناا 
زهور(شافت فييه وتبسمات)كنت فالسووق وغادية لداار بغيت نشد طاكسيي 
مجيد: ملقيتي امتا تجي لسوق لحد هي يوم لحد هههه ريششوك بزحاام 
زهور:ههه والله مكدبتيي 
نجيد:طلعي نوصلك طلعي 
زهور:_لا لاا غنمشي فالطااكسي مكاين لااش نعدبك معايااا والله 
مجيد:ياودي دووزيي تغديتي ولا مزال
زهور:بااقيي هه 
مجيد(تبسم ليها)طلعيي ونهدرو راه الشمش عليك 
ظارت لجيهة لخرى وحل ليها لباب من لدااخل وضاير جيهتها تركباات وال:مالك دافعة كبيير عليناا مالك 
زهور:حاشة ههه هي مبغيتش نعدبك وصافيي 
مجيد:اشمن عداااب هااا (شاف لميكات)شنوو تقدات لحادكة 
زهور:حوايج ههه 
مجيد :علاه انا قلت ليك تقديتي لمااط عندك شي دوق بعداا ولا هي لي لقيتيهاا هههه 
زهور(ضحكات مدورة راسها لديك جييه)ههه دابا نلبسهوم وتشوفهم 
مجيد(بطنز)ياااك اختي ههه بصحتك ..غنهرب بيك شوية لحد هداا تغداي معاياا 
زهور:علاااش 
مجيد:خوك وبغا يهرض عليك متقبليهااش 
زهور:هه وخة 
ديمارا اللوطوو وغادي فالتجااه تالبرجت بلاصة الطموبيل قدام سناااك معرووف تما فتالبورجت (bronx) ديما تيريح فييه وكيعرف حتى مولاه تابعاه زهوور شادة تيليفونها بايدهاا وتابعااه كتشووف تدخلو لسنااك كان مزال خاوي شوي سلم على دراري لي خدامين تم وجد زهور حاط ايدو على ضهرها باش تزيد داهاا لجيهت لفوطوياات وكلس وكلسات مقابلة معاه كتشوف فالديكور زويين وضواو فلحييط تيبان زويين ونقي دوز مجيد ايدو من حدا عينيهاا تضحكات وشافت فييه 
مجيد:فين مشيتي 
زهور:لسوووق 
مجيد(حض نضاضرو فوق الطبلة كيضحك)وايلي ومشريتي ليناا والوو حنى منستاهلووش 
زهور:هههه لا علاش تستااهل ...مكلتيش ليا شنو قلتي ليا لبارح مفهمتش 
مجيد(كيحك فلحيتوو وحاضيهاا )ههه ضرك رااسك ..هاديك نتي بعداا 
زهور(بعفوية)والله تا اناا 
مجيد:مباينش وجهك بزاف عندك شي وحدة باينة فيهاا 
زهور(حلات تيليفونهاا او وراتوو وحدة بقاا كيشووف فيها ويشوف فزهور ..حيد ليها التيليفون اصلا داكشي لي بغا وعارفها نياا عند بالهاا كيشووف اما هوا دغيا سيفطها عندو او مسحهاا فلواتساب وقبل ميخرج نتابه لواتساب عندها خااوي غير حسناا او مريم او هوا خرج دغياا ومدها ليهاا وقال :معاك معامن جات 
زهور:هه شكرا ...وكوليا دابا اش قلتي 
مجيد:(شافيهاا) عينين لحجلة لي تيشوفو فنعنااع بمعنى اخور عينيك زوييني(سها فيهاا)وكيطيحو لي مبغا يطييح (غمض عينيه ومسح على وجهوو كينحنح)حمم ههه هادي واحد لكلمة كان ديما تنسمع لواليد تيتعنب بيها على لواليدة 
زهور(ضحكات)ههههه دابا انا عيني بحال لحجل ههههه 
مجيد: نتي زوييينة وغزاالة الله كون ما كنتي مزالة لاصقة فلرض تنهرب بك 
ضحكات محشمهاا بجهد تزنكات وفمها ضرها بالضحك مهدراتش باقيي طلب ليهم مياكلوو وكالس شاد فيها بلا ميحس تيلقا راسو باغي يضحكهاا باش يتنغم بداك الصوت عندهاا كيفتح النفس 
حذطو ليهم لي بلاا وهزات لورشيط كتنقب وصافي
مجيد:وتي كولي ونتي كتنقبيي كي دجاجة ((قرب لطبسيلها وقسم بلفرشيط تاعوو شوية من لحم وقربو لفمهاا اما هيا صافي الله ارحمهاا حشمات بجهد )حلي داك شوية لفم لي عندك 
زهور(حلاتو كضحك ورجع هوا كيااكل فطبسيلوو عاديي بلخاطر اما هيا كل مرة تهز عينها فييه وتهبطهم تكلاات خلص وناضو خدا ليها كانيط تاع لموناضة وشداتها من عندوو فرحاانة لهاد لاهتمام لي ما تحت منو والووو حيعمروو نقص منهاا او او 
زهور:شكرا والله 
مجيد:مغنساليوشش من هاد شكرا ديال دراري صغار ازهور هه(قرصها من حنكها)انا راه معنديش لخواتات وتمنيت تكون عندي شي بخيخيشة بحاالك صغيورة السعاتي تورية كتفرخ هي دراري منسمحش ليها 
زهور(ضحكات()ههههه حشومة عليك لواليدة ديالك
مجيد(قال وهوا كيتبسم ليها وكيديماري الطموبيل)هاديك راه لحب دياليي 
زهور:الله اخليها ليبك هه تنتا باين عزيز عليها بزااف 
مجيد:وياااك تيقي بهادييك راني عاارفها لكليانة لي دخلات عندكم تبدا تشكر فيا باغة تربطني صحة انا ازهور راه منسسوا منصلااح قطرااان (شافيها لقاها كضحك وسهاا فيهاا) تاضصا أد نم راديي تسوفغ العاقل(هاد الضحكة عندك اتخرج ليا لعقل
زهور:ههه شنوو 
مجيد(تتنهد كيحرك راسوو يمين شماال وحك لحيتوو معجب وهك لحيتتوو وقال بهمس)شويتيناا اوديي 
اخحح سمعتووووه 😍😍

يتبع..

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.