غادة وكتلهت كتجري بسرعة ولكيت فودنيها وماشي فهاد العالم كتلوم راسها على الضعف ديالها وعلاش سمحات لراسها تفكر داك الماضي المؤلم وترجع اللور هي صافي نسان كولشي داز ايوا اش مرجعها لتما يكونو زعما عائلتها توحشوها يمكن زعما شي حد فيهم ايكول فين وصلات حياة ولا فينها ولا كيدايرة ولا واش ميتة ولا حية غادة وكتنقص فالريتم حتى وقفات هزات راسها الفوووق وتنهدات حاسة بالعافية شاعلة فالداخل ديالها تكون زعما توحشات حياتها من قبل لالالالا هي فرحانة دابا ملي بقات بوحدها فالهدوء التام مكابن لصدع سوق مخها من بعد هاد المشوار طويل والصراعات لدخلات فيهم بينها وبين راسها رجعات للدار هي يالله دخلات سمعات التقرقيب فالكوزينة وريحة تاع الطياب كتفتح شهية للواحد دخلات بلا مبالات ومشات طلعات نيشان لبيتها خدات دوش تسرح فيه عضامها وبدلات حوايجها لبسات بيجامة شتوية وفيها فالوسط الارنبات اداكشي نزلات لتحت ولقات ايمي كتقاد فالطبلة
ايمي : على سلامتك شوية ونخرج ندور عليك تعطلتي من كبيلة وانا نتسناك
حياة : ( جرات كرسي وكلسات فيه ) ياختي معنديش لخاطر ليك غير بلا كا تنكري علي تاني
ايمي : اووووووف واش انا ديما نجي خيطي بيطي لهاد.القرينة واااااع ضربات يديها مع الطبلة وناضت تجمع ديك الروينة
فبلااااااصة خرا
شاب فتلاتين ملامح ديالو رجولية بشرتو حنطية رئيس مجموعة شركات كوزان ههههه لالالالا مجموعة شركات الدكالي والشاب لاخر فأواخر العشرينيات خوت من أب واحد ولكن الامهات مختلفين
أزار : فنظرك ديك البلاصة مناسبة
إياد : معرفتش يمكن راه مسيو أحمد ختار ديك البلاصة وكال مناسبة واش غتعارضو نتا
ازار : بابا كيشوف غير المصلاحة ولكن انا خاصني نشوف حتى الخسائر وزيد عليها البلاصة بعيدة على المدينة بزاف مهم غدا نمشي ندير نضرة تما ونصيد فيها شحال هادي ماصيدت ههههه
إياد : واخا لبغيتي ههععع
فوسط الغابة كتهز الخشب من هنا وهنا وكتقطع فيه طراف طراف ضربة وحدة كتقسم فالنص خشبة قدها قداش ولكن عصبيتها ونار لشاعلة فيها أقوى من قوة الخشب هنا اجي ( جراتها معاها )
حياة : شنووووو
ايمي : مالك دبا كولي ماشي من عااادتك تعصبي بحال هكا
حياة : ايمي البارح جات واحد البنت صغيرة فعمر ريم تقريبا عرفتي رجعاتني لكاع الدكريات لدوزتهم معها
ايمي : بقيتي كتهربي من دراري صغار حتى عييتي وفاللخر شوفي شنو وقع حياة خاصكي ترجعي لحياتك العادية شحال قدك تبقاي هنا
حياة : حتى نموت
ايمي : ( بنفاد صبر ) واخا واخا مهم انا غنمشي حتى نرجع مرة خرا اوكي
حياة : ( حنات راسها ونطقات بواحد نبرة هادئة ) ايمي ماما لابس عليها
ايمي : (ضارت كتشوف فيها باستغراب ) اوووووه ماماك اه لابس راكي عارفو غير مقابلة الجمعيات من جمعية لجمعية
حياة : اه مزيان صافي غير سيري
ايمي : حياة اش واقع عمرك سولتي على شي حد من عائلتك وحتى ماماك
حياة : غير البارح اترات فيا علاقة سيا بماماها سيتو مهم انا خاصني نكمل الخدمة بسلامة
ايمي : هاد.قصوحية الراس معرفتش فين غتوصلك
حياة : صافي راه وصلت
ايمي : الهضرة معاك بحال الى كتكب الما على الكرعة ( حلات الباب تاع الطموبيل ومشات )
حياة بقات نهار كامل فالغابة غادة من هنا لهنا دايرة فيها بحال ماوكلي كتنقز من شجرة لشجرة وشعرها كيلعب السامبا مع وراق الشجاري ولا كولو مشعكك هي يالله غتحط يديها فالارض سمعات شي صوت صدمها ختارق شبكة وذنيها ولات هايجة شكون تجرأ ادخل لمملكتها كيما كتسميها ويختارق قوانينها بلا الإذن ديالها مشات معصبة وكتبركم غير بوحدها ياااااويل داك بنادم مسكين بقات غادية لمصدر الصوت حتى وصلات كان واحد الراجل عاطيها بالضهر وشاد السلاح ديال الصيد ومركز معاه
حياة : وااازعتر والبكور والويل واسي محمد
الشخص : ( ضار عندها نص دورة ) اوووووه ماوكلي واش كتهضري معايا الأخت
حياة : لا مع خيالك واش عارف القوانين ديال هنا ولا غير جاي مدردب معارف فين حاط ريجليك
الشخص : القوانين انا لكنديرهم مكيتفرضوش عليا
حياة : فمنطقتك اما فبلاصة ماشي ديالك ماشي من حقك تصرف كيف بغيتي
الشخص : تسناي تسناي شكون نتي بعدا لجاية تحاسبي معايا
حياة : جبدات البطاقة لكتبت بلي هي مكلفة بالغابة كل صغيرة وكبيرة كتعلق بيها راه من ايختصاصها
الشخص : ابوووون مزيان ايوا الالة انا غنصيد على راحتي ممكن تمشي راك كديري ليا الازعاج
حياة : الصيد ممنوع هنا ( حيدات ليه البندقية وعوجاتها حتى ما بقا فيها مايصلاح )
هاك صيد دابا على خاطرك ( وهيا تعطيه بالضهر )
الشخص : غندمك غير بلاتي هاد الغرور ديالك غنحطمو
حياة مشات لدارها كلات حتى شبعات اهزات كتوباتها تاني بقات كتقرا حتى عيات وهزات كاس ديال القهوة وخرجات بقات كتشوووف فالغابة وتمعن الشوفة فيها وتنهدات هزات وراق الرسم وبقات كترسم شي تصاميم حتى سمعات صوت الروايض تاع الطموبيلات ماشي وحدة ماشي جوج وتكول غيحررو فلسطين بقات كتحسس داك الصوت وتحاول تعرف فين غاديين .....
بقات كتحسس داك الصوووت موووودة عاد ناضت حطات دوك الوراق لداخل اسدات الباب ومشات عندهم لقات بزاف ديال الرجال تما اداك راجل لتلاقاتو كبيلة ومعاه واحد الراجل بحالو تقريبا حداه بقات غادية عندهم وكتمشا بل ثقة وراسها مرفوع ونظرة قوية فوجها إياد شافها وبقا حال فمو فيها وهضر بشوية مع أزار
أزار : ( عاد ضار لجهتها ولمحها جاية ) من نيتك هاد موكلي حورية البحر
إياد : وااااش كتعرفها ناري يالغدار وانا مكنخبي عليك حتى حاجة صدقتي كتخبي علي وديرهم مورا ضهري كوليا فين كتعرف هادي يالله كول والله منتفرق عليك حتى تكوليا شكون هي
أزار : مغرورة متكبرة عاجبها راسها وممشطاتوش شفتها غير كبيلة كالت ليك هي لمكلفة بالغابة وبحراستها وبكاع لكيوقع فيها ولكن غنوريها غير تسنا علي
إياد : أوووووه نااااري صافي أنا برا هاد القاضية
حياة : ممكن نعرف شكون سياتكم
أزار : ( تقدم عندها وحيد نضاضرو ) أزار الدكالي صاحب سلسلة شركات الطاقات المتجددة والكهرباء وهاد الغابة ختاريتها باش نحط فيها الألواح الشمسية لغيمدو المدينة بالكهرباء وجينا أنا وأعضاء الشركة ديالي نستاكشفو المكان لغنديرو فيه المشروع
حياة : بأشمن حق غدير مشروعك فالغابة حيت سيادتكم معارفينش الضرر الكبير لغتسببو فيه للغابة ولا لا ( نطق صوت موراها )
أنسة واش خاصنا ناخدو موافقتك ولا شنو
ضارت حياة بالعرض البطيء لمصدر الصوت لقات راجل فالستينات و والتجاعيد فوجهو ولكن نضرتو قوية من ملامحو ايبان ليك بلي هو إنسان قاسي وفاحش الثراء
حياة : نعام
أحمد :( مد ليها يديه ) أحمد الدكالي رئيس شركة فروع الدكالي ميمكنش تكوني مسمعتيش بيها وهي من أكبر الشركات لمستوليا سوق البورصة
حياة : ( ربعات يديها ) مسمعتش بيها ومكتهمنيش ديك الحياة لعيشينها تما
أحمد : ( جمع يديه بإحراج ودارها فجياب السروال ) أنسة هاد الموضوع كيخص الرجال الجنس اللطيف مخاصوش اتدخل فبحال هاد الواضيع سيري تكملي شغالاتك
حياة : سي أحمد غديرو الطاقة هنا وتقطعو كاع الشجاري وغتستغلو الغابة بطولها وعرضها والحيوانات فين غيعيشو
أزار : غيمشيو لحديقة الحيوانات
حياة : من نيتك داوي كاينة 200 غزالة وكاين 100 حمار الوحشي وكاينة 123 كلب وكاينة 80 قرد بلا مندوي على القطوطة وعلى الحمام وعلى طيور وعلى النباتات لغتقتلوهم
أزار : واش حنا كلنا ليك عطينا الحصيلة ديال الحيوانات ليهنا ومافخبارناش ولا شنو شتك حالة فمك تما
حياة : ( بعصبية ) واااااااش من كلامي كاااامل هدشي لشديتي فيه ولكن أش غنتسنى من البشار كيجري غير ورا الطمع
أحمد : واش نسيتي راسك ولا شنو حتارمي راسك قدام سيادك
حياة : ( بإنفعال ) هذي مملكتي وميمكنش حتى واحد اسيطر عليها كيف بغا ولا نخضع لقوانين شي حد فهمتي ايوا هز عليا قشاوشك وسير من هنا الى باغي تنفذ بعضامك
أحمد : تريكة ناقصة غنمشي معنديش الوقت لنضيعو معاك حتى نكملو الإجراءات عاد تكون الهضرة
حياة : وي غتمشي ولكن مغترجعش
أحمد : المشروع غيدار ماشي واحد الجرتومة من عام الفيل لغتجي تمنعني ( ومشا عاطيها بضهرو )
حياة : دابا نعرفو شكون الجرتوم فينا اسي احمد ( وضارت عند أزار وإياد ) أش كتسناو نتوما ولا بايتين هنا
أزار : بنت وسط الغابة بوحدها فمنطقة بعيدة على المدينة اش غنتوقع منها كتر من هكا قليلة التربية ( ودار فيها نضرة الإستفزاز ودار إبتسامة جنب فمو ولبس زضاضرو وزاد)
إياد : صراحة نتي عجبتيني زوينة بزاف عطيني نمرتك
حياة : غضرك علي زلافتك لا بشااااار كيداير
إياد : غمزها ومشا تبع أزار
حياة : اوووووف ايمتا نتهنا من هاد المرض ( لاحت واحد العصا كانت شداها ومشات لدار )
غادية وسط الغابة وكتمشي من هنا لهنا ماخلات حتى قرينة كطمن على الأوضاع هزات عينيها فالسماء جاتها الحالة وبغات تكتب حيت الضبابة لمغيمة فالفوق بحال الغموض ديالها أكيد غتصب شتا ويمكن تكون تاني شي عاصفة مشا بيها بالها لأحمد و كتخمم فكاع داكشي لوقع البارح والنعاس مبغااااش اجيها وتكول ضلات ليل كامل تفصل وتخيط ميمكنش تخلي الغرباء استوليو ليها على مملكتها وميمكنش تستسلم ليهم بديك السهولة والأهم في الأمر الحيوانات فين فيمشيو والشجار كاملين غيتقطعو ومواد البناء أكيد غتسمم لبقا حاسة بحال الى الحياة كتلعب معاها لعبة خبيثة بقات كتهرب من البشر حتى عيات فاللخر تبعها حتى الجايحة ليمشات ليها وهي غادة سمعات تاني صوت الرصاص مستغرباتش أكيد غيكون هو وشكون من غيرو مشات ليه نيشان ناوية على خزيت وكالعادة كان عطيها بالضهر ومركز مع الصيد حطات يديها فالارض وتهزات كلها وشدات ليه راسو بين رجليها حتى طاح للارض وقفات كتسوس يديها
حياة : اولا خاصك تعلم تحتارم قوانين اي بلاصة مشيتي ليها تانيا معندكش الحق تصيد هنا
أزار : ( بعصبية ) كيفاش تجرأتي تقيسني الموسخة باش من حق
حياة : حتارم حدودك انا أشرف منك اهاد البلاصة غتخويها بزز منك بغيتي ولا كرهتي
حمدي الله حيت مكنحطش يدي على الجنس اللطيف اما كون درت ليك شي اعاقة تشدي بيها الارض ولكن منضمنش ليك اش غيوقع الى عوتيها مرة خرا وبتسم باستهزاء
حياة : ( اهيا كتخبي العصبية ) دابا نشوفو ارجعات ليه نفس الابتسامة
أزار : ( وقف وهو يدور عندها ) بغيت نفهم واحد الحاجة أش كديري نتي هنا عالعموم نتي لغتفرحي حيت أخيرا غتهناي من هاد الخدمة المشؤومة ماشي توقفي ضدنا
حياة : ( بعصبية ) هادشي مكيعنيكش تعلم دخل سوق راسك
أزار : أووووه موكلي تعصب
حياة : نتا داير فيها طرازان برهوش لاخور ( ومشات أخلاتو )
أزار : ( بينو وبين راسو ) مممممم قوية مع راسك
حياة :( بينها وبين راسها ) مغروووور حقير غبي البشر الطمااااااااع أش دارت ياربي فحياتي حتى اتبعني بنادم فينما مشيت واش انا ديما غير نبقا مناكرة مع البشر الله إصبرني ياربي
مشات بحالها وكتبركم غير مع راسها حتى وصلات للدار حيدات صباطها بنترة ولا حتو وتلاحت فبلاصتها وكتشوووف فالسقف أوحلا عينيها على وسعهم خاصها ضروري تلقا شي حل ميمكنش ادير شي حد شي مشروع فهاد الغابة قاطع تفكيرها صوت الرعد الصارخ وشتا كتصب بغزااااارة ناضت وبقات كتفرج فالبالكون مقداتش تخرج ليها وخا مكرهاتش ولكن ديما الشتا كتفكرها بداك نهار المشؤوم جا راموس تحط على كتفها
راموس : حياة حياة
حياة : ( بقات كتشوف فيه من ملامحو كاينة شي حاجة وإلا علاش إجي عندها فهاد الجو المكهرب شوية وجا بيشو ساري كينبحو بجهد وكلهم فازكين وعامرين بالغييس هبطات عندهم بالجرية )
بيشو ساري اش واقع الكلاب عاد مزادو انبحو بحال الى بغاو ايكولو شي حاجة ترددات تخرج ولكن فالأخير لبسات مونطوها ودارت القب على وجها ومشات تبعتهم كتجري
كيتسمع غير صوت الشتا وصوت الخشب فالمدفئة فاش كيطرطق وسط العافية جو كيريح النفوس حياة بقات شاغلة راسها الفوق باش متحاكش مع داك الغريب لمعاها فالدار وسي أزار معجب من داك الجو وكيستكشف الدار غادي وكيعرج ويدو اليمنية ملوية عليها الفاصمة ويدو الخرا ملوية على الصباع وراسو فيه واحد جرحة فجبهتو بقا غادي وكيتعكل حتى وصل قدام الباب حلو وبقا كيشووووف ريحة زوينة كتغلغل للداخل ديالو ريحة الشجر مخلطة مع ريحة التراب النقي والشتا عطا مزيج زوين وراق الشجار كيطيحو منهم قطرات الندى وحتا حد مكيدور كاينين غير الشجاري والماء واحد شوية داز الواد بقا كيشوف الما جاي بسرعة هائلة وداز حدا الدار والما صااااافي وغادي بواحد التناغم بحال شي موجة وسط البحر منظر متخيلش ايشوفو شي نهار ولو فالخيال ديالو كونما العجز ديالو كون خرج طاااااير العب بالما بحال شي دري صغير خدا نفس طويلة وتنهد بقوة بحال الى شي حمل تقيل تحيد على كتافو حتى نطق واحد صوت من موراه خيب عليه اللحظات السعيدة
حياة : زيد ترتاح باش تبرا ما فيا ليتحمل وجودك يوم أخر
ازار : ( سد الباب امشا كلس قدام المدفئة وبقا كيترعد ) ويلي الموت دالبرد
حياة : ( بدون مبالات ) مغرووور
ازار : نتي كثر
دخلات حياة الكوزينة وخلاتو كيبركم غير بوحدو هزات كسرونة وحطات فيها شي أعشاب وكبات عليهم الما وشعلات عليه
..؟...؟؟؟؟؟؟.
بعد شي 10 دقايق تقريبا هزات معاها جوج كيسان فيهم لويزة وشي أعشاب حطات ليه الكاس فوق الطبلة مشات للقنت هزات كتاب أبقات كتقرا نساتو كاع واش كاين فعلا القراية تنسيك فكولشي لكتقرا القصص والرويات غتعرف شنهوا الغرق وسط الكتب بقات موووودة ناسية راسها وناسية ديك الكتلة الضخمة لمعاها فنفس البلاصة كل مرة كيخطف نضرة فيها ولكن هي وتكول داتها فيه وهو يحط يدو على حنكو وبقا ساااهي فيها وكيفكر علاش ساكنة بوحدها فبحال هاد البلاصة ؟؟ وهي بنت واش مكتخافش ؟؟ وهو يهز عينو لقا تصاور فالحيط وحدة لابسة فيها كسوة تاع الكونفو وهي كتدرب يالله فهم كيدارت ليها حتى عوجات ليه البندقية افاش طيحاتو لارض بلمح البصر و حدة خرا لابسة فيها ميدالية تاع الملاكمة اوحدة خرا لابسة فيها كسوة العرس مع شي بنت صغيرة تصدم كان اسحاب ليه واش هي باقا بنت ساعة هي مزوجة وعندها بنت من الفوق أكيد راجلها مسافر ولا خارج دابا ايدخل ولا شي حاجة قاطع أفكارو صوتها
حياة : متخافش راه غير لويزة هديك زوينة للبرد ماشي سم
أزار : نتي عورة ولا شنو باش غادي نشد الكاس ( هز يديه كيوريها ) شوووووفي
حياة : ايوا خليك بلااااش
ازار : عارفك بغيتي نبقى مريض ولكن للأسف ماشي أي حاجة كنتمناوها كتوقع
حياة : مغرور 😒😒
أزار : نتي كتر ( كيحاول اهز الكاس بيدو ويشرب منو ولكن كيتعكل ومراضيش ايكوليها منقدرش يالله غيهزو بيديه بجوج اهو يطيح عليه وغوت اااااي ناضت حياة عندو ببرودة )
حياة : أخرة غرورك جبتيها فراسك ( جمعات الزاج ومشات جابت ليه كاس أخر ولكن هاد المرة كلسات قدامو ومدات ليه لفمو يشرب )
أزار : ( حل فمو لا إراديا وشرب ) أي سخووونة
حياة : متسناش مني نبردها ليك
أزار : متكبرة من الفوق غير عطيني اصلا زوين تكون سخونة
حياة : هاااك
بقات كتشربو شوية بشوية حتى كمل وهي تنوض داتو للبيت لكاين لتحت اغطاتو
حياة : نعس ترتاح على ما نطيب العشا
مشات بلا متسنى يجاوبها أزار كيبغي يكول شكرا ولكن كيكول فراسو شغلها هداك كون كان أي واحد بلاصتها هكاك غيدير نسا بلي ماشي كولشي بحال حياة حيت أكثر حاجة اديرها معاه شي حد اعيط على الإسعاف ايتسناهم اوصلو حتى يدي مول الأمانة امانتو
بعد مدة شبه قصيرة وجدات العشا وصايبت الصوبا صحية باش ايبرا وتهنا منو دارت جوج زلافات وحطاتهم فوق الطبلة ومشات تفيقو
حياة : نوض تعشا راه العشا واجد.
أزار : ( بصوت عيااااان ) مبغيتوش
حيا٠ة : ( قربات ليه شوية لقاتو عرقان بحال الى تكب عليه سطل ديال الما حطات جوج صباع على جبهتو ) هدشي لبقا ناقص غير طلع ليك الحرارة إش
أزار : بغيت الما
مشات بالجرية للكوزينة هزات تلج وقرعة ديال الما باااردة وجابت ليه اشرب خوات ديك القرعة فبانيو صغير وجابت فوطة صغيرة وحطاتها فيه وكلساتو حتى شرب وبقات كتفزك الفوطة حتى تسخن اتعاود تاني تفزكها بقات شحال من ساعة على ديك الحالة حتى تشافا غفات شوية داتها عينيه حيت مشفهاش وهي كدير هكاك غيسحاب ليه كدير هكاك على قبلو وناضت لبلاصتها ونعسات غطات في سبات عميق حتى سمعات أصوات العصافير كتغني وهيا تنوض تعطلات بزاف بقات كتسبو فخاطرها وهي كتلبس حوايج السبور وغادة فالطريق
حياة : الغبي الحقير دابا نتعطل ختى على الخدمة بسبابو وقهوتي مشربتهاش اووووف مشكيلة صافي كولشي منو كولشي خاصو يمشي فأقرب وقت أنتهنى ناري أش هاد الموصيبة
أزار : واش صارطة كاسيطة اواااه مكتقاضيش
حياة : صافي كملات نتا لبقيتي ليا فالحساب
أزار : الناس كيفيقو على شي حاجة زوينة انا مصبح على نكير وعلى وجه النحس
حياة : اللهم صبرك يالله
خرجات وسدات الباب بنترة ومشات دارت الكيت فودنيها وكتجري من هنا لهنا حتى وصلات لواحد البلاصة فيها واحد الشلال وكاين موراه واحد الغار مشات دخلات ليه أكدير اليوغا حتى سلات وتدربات على الكونفو والتكواندو امرة مرة كيجي شي طير ولا حمامة كيطحط عليها شوية أيمشي بقات شي ساعتاين تقريبا تما وسي أزار مكسل فدار وتكول دارو داير رجل فوق طبلة وشاد سندويش كياكل فيه وكيشرب القهوة ولا كيبرا شوية سمع صوت الباب كيتحل دار لجيهتو لقاها هي لداخلة وبغا يستفزها
حياة : (هزات صبعها كتهديد ) شوف أنجيك من اللخر ساحتي فوتها عليك
أزار : حتى نكون كندور بيها بعدا
حياة : غبي
خلاتو ودخلات للدار أما هو هز ليه كاس ديال القهوة وتكا راسو على الكرسي وتنهد أكيشوف فالسما حاس بقلبو مرتااااح لأقصى درجة محسش براسو حتى غفا
دخلات حياة للدار وهزات شي لعيبات قرااعي فيهم شي أدوية وخرجات يالله بغات تزيد شافتو نااااعس ولا على بالو مشات هزات فينتر كتبات ليه فوجهو كامل وخربقات ليه حتى ولا بحال شي خريطة كملات وناضت بغات تمشي أهو ينوض
ازار : باسم الله الرحمن الرحيم نتي دايرة كي جن
حياة : ( كتحاول تشد راسها باش ما ضحك ) كمل نعاسك أنا غنخرج
بقاو غاديين مودة وهي توصل لواحد البلاصة فيها كاع أنواع الطيور والحمام كل طائر كيتنغم بصوتو وباللحن ديالو الخاص أواحد العش كبير فوق واحد الشجيرة صغيرة فيه واحد عشرة ديال طيور على أشكال مختلفة وناعسين أزار بقا كيشوووف داك المنضر الطيور فجميع الألوان وفجميع الأشكال واش هذا حلم ولا حقيقة دايرين بحال قبيلة صغيرة خاصة بيهم وكيبنيو أعشاشهم وكاينين حتى الثنائيات كيمارسو الحب وطيور صغار يالله حالين عينيهم الصدمة بعينيها هي هديك بقا غير مبلق عينيه بينما حياة مشات لداك العش الكبير لفيه هدوك لناعسين والحقيقة مناعسينش ولكن هم ضحايا العاصفة لدازت عطاتهم اعشاب صحية وبدا حالهم كيتحسن شوية بشوية نزلات من عندهم وجاو عراااااام ديال الطيور كيجريو عندها حتى هيا مدات يديها على طولهم وجاو وقفو عليها وليمقدوهم بلاصة كيطيرو عليها وفوق راسها كاين راموس وكيديما كيردد غير اسم واحد حياة حياة بقات كتصفر بواحد الطريقة اواحد النغمة مختلفة كولشي تجمع اتحط فالارض ديرين بحال الجيش وهي رئيسة ديالهم بقات كضحك حيت شافتهم راجعين للحيوية ديالهم من بعد داكشي لدازو منو تقدم عندها أزار من بعد مسترجع القدرة ديالو على الهضرة والحركة
ازار : ( بتعجب ) حياااااة
حياة : ( لأول مرة يكول سميتها ) نعام
أزااار : ( بتعجب ) حيااااة !!
حياة : ( دارت عندو بالعرض البطيء اول مرة يكول سميتها ) نعام
أزار : شنو هادو واش طيور حقيقية
حياة : ( بابتسامة ساحرة فهمات احساسو ) وي هوما هنا فيه جميع واشكال الطيور الببغاء الحمام أي حاجة
بدات كتشير ليه تعرفو عليهم شوية ويعرف النوع ديالهم
حياة : شوف هذاك لزرق لون سما سميتو قراز أزرق المنقار وهذوك لدايرين جماعة كيطيرو على شجرة وحدة أركاري مكزبر العرف ....
بدات كتكوليه كل واحد وشنو نوعو وهو منغامس معها فالهضرة كيصنت لكل حرف كالتو وكيرسخو فذاكرتو وهي طبعا مبخلاتش عليه بداكشي لكتعرف من طبعها عزيز عليها تشارك داكشي لكتعرف مع الناس محساتش بالوقت وهي كتهضر اما سي أزار فمنطق بحتى كلمة غير كيتصنت أحال فمو حتى ضراتهم الشمس فراسهم أهما يتحركو ارجعو للدار وغاديين بشوية عليهم دقة دقة
أزار : واش نتي حياتك كاملة ونتي ساكنة هنا
حياة : اه تولدت هنا
أزااار : ( بصدمة ) أوااااه
حياة : علاش جاتك عجب
أزار : اواليديك ؟؟
حياة : ساكنين فالمدينة
ازار : اه فهمت
حياة : أش ؟؟
ازار : ميمكنش تسكني بوحدك بما انا واليديك ساكنين فالمدينة اذن نتي وراجلك لساكنين هنا
حياة : شطون كاليك مزوجة
أزار : شفت صورة معلقاها فالحيط لابسة فيها كسوة ديال العرس
حياة : ( هزات راسها الفوق شافت فالسما وزات كتسرع فخطواتها حتى تجاوزاتو ودورات وجها ) خاصك تمشي مبقاش مرحب بك
ازار : الله الله كتجري علي ولا شنو
حياة : ( لا رد هزات القب ديالها ودارتو على وجها وغادة كتزرب )
أزار : وتسناي
بلاتي
مقادش نمشي بوحدي
وراه غيخرج ليا شي أسد
الحمار الوحشي جاي جهتي
حياة وحياة
بقا كيبركم بوحدو وهي مشات مخلياه كاع مداتها فيه وهو يلوح ديك العصا لكان شاد وكلس على واحد الحجرة كبيرة
أزار : غادي نعرف طال للزمان ولا قصار
فواحد تل عالي كالسة ومدلية رجليها لتحت كتشوف فالما كيتدفق وداك الصوت لكيدير والما صافي بيض حاولات تنسى أي حاجة تربطها بالعالم البشري عائلتها أصدقاءها خدمتها كولشي ولكن دائما كيرجع بيها الزمان للور الدموع نشفو ما بقات شي يد على كتفها
حياة : ( بعصبية داخلية كتهضر تحت سنانها ) أول وأخر مرة تحط يدك علي الى مزال محتاجها
إيمي :( جات كلسات حداها ) من نيتك لانتي كرضيها ليا حسن
حياة : اه هدي نتي ايمتا جيتي
إيمي : جيت واحد نص ساعة هادي كتسنا فيك حتى مجيتيش كلت أكيد تكوني هنا
عيناك براءة الطبيعة الجزء الثاني
محتوى القصة
التنقل بين الأجزاء