جيتكم بقصة أقل ما يقال عنها جهنمييييييية بنكهة الحب البريء ، الجحيييييم إلا كان قصة هيكون تحت عنوان :
⏩ عَيناك براءةُ الطبيعةِ 🧚🧚
بأنامل
( حياة و دوجا )
القصة هتكون مغايرة على گاع القصص لي عرفتو ، المافيييا و البطل غشيم بحال أبو لهب و البطلة خوافة و منعدمة الشخصية .. هاذشي مهتشوفوهش عندي أبدا لأن قصتي جاية من كوكب آخر بشهادة عشيراااتي 😉😉
كتحتوي من كل فن الطرب 😍 الحب ، لاموغ ♨️ سفالة نقية بوسة و تعنيقة هه 😎 التفرشييييييييخ و السليخ والتمرميط 🐒🐒 عالم الحيوانات 🕶️🕶️ حياة رجال الأعمال المملة مقارنة بالحياة البريئة و الطبيعية ..
و ماننساش نقول ليكم بلي هاذي قصة للمتعة 💟 وللعبرة 💣 على حدٍ سواء ..
...
حلات عينها الخضرين على داك المنضر الخلاب لقدامها
غادية وكتكسل أكتضور عوينتها من هنا لهنا مستمتعة بداك الجو من بعد مادازت العاصفة الثلجية لستمرات يومين ولا الوضع مستقر والتلج فكل بلاصة والحمام كيطير فالهوا على شكل مجموعات والقرودة كينقزو
عينهم كيلمعو من الفرحة الغزالات غادين معا وليداتهم اكيجرييو جا الببغاء ديالها وتحط على كتفها
راموس: حياة حياة
حياة ☹:(اهيا كدوز يديها عليه والابتسامة على وجها ) خفت عليك كلت ياكما وقعت ليك شي حاجة
راموس: حياة حياة
حياة ☹: حتا انا توحشتك
واخا الجو زوين الغابة خاصها خدمة طويلة ياك
راموس:حياة حياة ("هاد الكلمة لكيعرف اكول بحال ببغاء سالي ")
حياة :وي فهمتك كاينين اضرار بزاف فالغابة دابا نتحرك فأسرع وقت
راموس:واق واق امشا طاير 🦅🦅
حياة:بقات متبعاه حتى غبر تنهدات ادخلات للدار
دايرة بحال شي كوخ مبنية بالخشب فالوسط كاينة طابلة ومدورين عليها الكراسة ومكتبة كبيرة والرفوف عامرين بالكتب وكاع انواع الكتب لكيهضرو على الاشجار والحيوانات تلقاهم تما صالون عصري بحكم الزائرين لكيجيو بزاف واخيرا كوزينة وحمام وحداه دروج كيطلع للبيوت ديال النعاس ومختبر كدير فيه تجاربها
مشات الكوزينة هزات كاس تاع القهوة سخون خرجات قدام الباب حيت فيه كراسة تاع الخشب و الجردة فيها كاع انواع الازهار فعلا منضر اخليك ترتاح وتنسا اي حاجة هازها فبالك كلسات اشربات داك الكاس على خاطر خاطرها عاد لبسات ليكات ديالها وهزات الفاس وشي اعشاب دارتهم فالصاك ومشات وسط الشجاري وداااخلا للداخل ديال الغابة كيما توقعات لقات شحاااال من حيوان تجرح ابقا مرمي فالارض تما دواتهم اعطاتهم العناية لخاصهم وكتقطع الشجاري لتضررو وكتحاول تقلل الخسائر لتما دوزات نهار كامل اهي فالغابة
من بعد ماكملات شغالها تجهات لواحد الدار بسيطة تما طالع الدخان ديال المدفئة كيتبخر فالسما دقات الباب اهيا مبتاسمة كتسنا شي حد احل ليها الباب (بعد دقائق قليلة)
خرجات واحد المرة مسنة فالسبعينات ولكن مزال شادة فراسها من التجاعيد ديال وجها باين انها عندها خبرة كبيرة فالحياة وهي الصظيقة لوحيدة ديال حياة وخا هي كبيرة ولكن علاقتهم بحال خواتات مضاربين حساب لفارق العمر لبناتهم
حياة : وخا ادوووجتي هاني نحيد صباطي وونغسل يدي ونجي غير دخلي متخليهاش بوحدها
(دار لالة خديجة حتا هي بسيطة صالة فالوسط افيها طبلة كبيرة تاع الماكلة بالخشب طبعا وجوج بيوت وكوزينة )
دخلات لالة خديجة ومشات حياة الكوزينة تغسل يديها وهي كتغسل سمعات واحد الصوت بقات مصدومة فبلاصتها وداك الصوت كيتعاود فوذنيها تبلوكات
بقات غادية مورا داك الصوت حتى وقفات على لالة خديجة وبنتها سهام بنت مزالة فعز شبابها حروفها كحلين وبشرتها بيضة وعينيها كحلين بقاو كيهضرو وملاهيين مع بنت سهام منتبهوش لحياة لرجع بيها الوقت للور
حياة : ههههه اه كبيرة كبيرة يالله زيدي اغير بشوية عليك
سيا : واخا 😁😁
حياة : ههههه حمقة شفتي كتكوني زوينة فاش تسمعي الهضرة ولكن فاش ت....
(مخلتهاش تكمل الهضرة نترات يديها امشات كتجري )
اسية : واااااااو شحال زوين شوفي الما كينزل من الفوق
حياة : اه زوين بزاف ولكن متقربيش للداخل بقاي فالجنب
اسية : لا عفاك نمشيو لهيه عفااااك
حياة : صافي واخا واخا يالاه
مشاو للجنب اكلسو فيه كيتسمع غير صوت خرير الماء وشي اصوات تاع الحيوانات والمكان هاااادئ كيخليك ترتاح نفسيا ومعنويا فعلا بلاصة تريح انفاس الواحد حياة حانية راسها وعينيها كيبريو الف قصة كيحكيوها كتفكر فداكشي لداز او بالاحرى عمرها نساتو غير كتتغاضا عليه واسية ست الحسن كتفكر كيفاش دير حتا تغفل حياة ادخل وسط الما تلعب حتى تبرد غدايدها دارت عندها حياة اشافت فيها ابقات مطولة الشوفة اهيا تنطق ...
حياة : ( ناضت وساست حوايجها ) اجي معايا اجي
اسية : فين
حياة : زيدي معايا
هزاتها معاها ودخلو وسط الما اسية غير كتشوف وغطير بالفرحة اخيرا لقات داكشي لبغات كان الما بارد ولكن مع الوقت ولفو و الحماس ديالهم مخلهومش افكرو كاع لا فالبرد لا فحتى حاجة خرا غرضهم الوحيد ارضيو راسهم ايديرو ما بغاو بقاو كيلعبو تما فالجنب نساو كولشي قلقهم نساو اي حاجة تعكر مزاجهم عايشين اللحضة مستمتعين بداك الجو الزوين والضحكة ديالهم كتسمع من بعيد زات جمال على جمال جاو عندهم الغازلات و الحمار الوحشي وشي قطوطة تما وراموس حتا هو كلشي تما كينقز ايعبر بطريقتو اكتراشو بالما ( نزيد شوية نهز جلابتي نمشي نعيش فالغابة هههههههه ) وقفات حياة اكتأمل داك الجو كلشي فرحان من قلبو حتى من الحيوانات لمعرفينش اهضرو اولا يضحكو كيعبرو بطريقتهم الخاصة حياة مكدخلش للخاطر ديال بنادم بوحد لا أي واحد شافها كيبغيها وكيرتاح ليها عفوية بزاف فعمرها 26 عام اطايتها مقادة بحكم السبور لكداوم عليه ديما شعرها كحل حريري بشرتها حنطية وعينيها كبار خضرين فيهم واحد السحر كيأسر أي واحد شافهم فيقها من سهوتها غوات سيا
اسية : حيااااااة حياااااة موراك هئء هىء
حياة : دارت موراها تشوف اش كاين هنا كانت الصدمة جاي جيهتهم واحد تمساح هايج اهنيك من الحياة امن كاع الاحاسس لتحس بهم كون كانت بوحدها عادي تكلف ولكن دابا اش غدير و سيا معاها امعندهاش وقت فاش تفكر تلقا شي حل هزات سيا فكتافها ابقات كترجع اللور شافت فراموس كتحاول تتواصل معاه بالعينين وتفهمو اش باغة وفعلا افهمها امشا طاير بقات حياة كترجع اللور شوية بشوية احتى هو جاي جيهتها غير بشوية ولات كتفكر كيفاش دير تعتق سيا اما راسها أخر همها وحتا الى خلاتها تهرب اكيد غتوضر فالغابة اولا اوقع ليها شي مشكل تاني ويلا حاولات تهرب مغديش تلقا فين توصل حتى يكون بدا ينهش فلحمها غارقة فدوامة من التفكير وسيا مخشية فيها وكتعرق من الخوف (يالله بغيتي تخافي ايوا نتي لبغا تخرجي ايوا شوفي وستمتعي سعدات سهام عمر تجبد معاها حس الخروج خههههه ) نضرة ديال حياة تبدلات ولات بحال شي لبؤة غيقربو ليها لولادها نضرتها حادة مكرهاتش تفتارس داك التمساح قبل اوصل ليها هو يالله قرب ليهم داك تمساح احل فمو على قدو باش استعد ياكل (شكون بحالو لقا وجبة واعرة بنينة اكيد ) جا راموس فالوقت المناسب الاح ليها واحد الخشبة شداتها ضغيا ولاحتا لبين فمو وحتا هو شدها من نيتو وبقا واحل فيها وكيحاول اتهنا منها ولكن هيهات جابتها ليه نيشان وسط الفم لاهو قادر امضغها ولا قادر اخرجها بقا مدابز معاها امشا راجع بحالتو ( حتى جبتيها فراسك عاد نساحبتي هيهات ) عاد تنفسات الصعداء فاش شافتو راجع شافت فسيا لقتها كترعد طمأنتها وخرجو من تما وداتها معاها للدار مبغاتش تديها لمها وهي فديك الحالة
حياة : سيا صافي راه بعدنا بزاف ميقدرش ارجع يالله هزي وجهك شوفي فيا
سيا : بصح بصح مشا
حياة :اه مشا
سيا : ويلي خفت على والو نزليني انا ماشي صغيرة راني قادرة نمشي على رجلي
حياة : هانا الالة يالله نزلي
سيا : وكون دارتيها من كبيلة كون مهزيتيني فاش جا داك تمساح كون واااا قتلتو بضربة وحدة باااااق
حياة : يااااك مفرسيش انا
سيا : راكي مزالة معرفتيني مزيان انا راه صعيية يمكن شافني اصلا اخاف وهرب راني عارفة ( واااااع هي كانت غطلقها فسروالها )
حياة : وصلنا للدار براكة من السلوكية زيدي ندخلو
سيا : وااااااو واش هادي ديالك 😍😍😍
سيا دخلات بعجاجتها للدار دازت على الاخضر واليابس تهز هادي وتحط هادي وتسول شنو هدشي وكتسرا فدار كشي مشة تنقز من هنا و هنا عجبها الديكور ديال الدار كطلع للفوق اتعاود تنزل مبقا غير تكول ديك مياااااو ايوا كملاتها جملاتها مشات لفوق الطبلة وكلسات فيها مربعة رجليها حياة حياة
حياة : شنو تاني
سيا : وبغيت نسولك غير شكون بنا ليك الدار
حياة : المعلم مصطفى كيجي مرة مرة للغابة مغتعرفيهش( كتهدر من نيتها ياكو دابا هاد.البرهوشة كتعرف شي حاجة فالبني )
سكتات شوية تاني كتبغي تهضر وتسكت ولكن الجنون لفيها ممهنينها
سيا : وحياااااااااة
حياة : نعام خليني غير نطفي على البوطة وهاني معاك
سيا : واجي اجي
حياة : ( جات نيت على سعدها ووعدها ) نعام هاني اش بغيتي
سيا : ممكن ندخل لبيتك نشوفو عفاك
حياة : وينو وينو على الصواب ياك تساريتي االدار كاملة مخليتي حتى قنت
سيا : ولا كشتي سهام كتكوليا البيوت ديال الناس الى مخديناش الاذن ديالهم مندخلوهمش حيت خصوصيات ديال الواحد (سهام نيشان مكاين لماما لزعطر الباكوري )
حياة : ااااه واخا فهمت يالله طلعي ولكن متقيسي والو واخا
سيا : ( بحال الى عطيتها الانطلاقة ضغيا مشات كتجري وهادي كطير ماشي كتجري كتنقز جوج درجات مشات حلات الباب بشوية لقات فيه واحد ديكور زوين بحال الى كينة برا والنجوم مضويين تبهرات بداك المنضر وكاينة نموسية فالوسط افكل جيهة كاينين كتوبة والبالكو كيطل على برا فيه واحد الكرسي كبير كيتحرك وحداه طبلة صغيرة اشافت فالحيط لقات فيه شي تصاور معلقين كانت حياة وشي بنت اتكون فنفس العمر دايال سيا مرا ضاحكين مرا معوجين مرا فشي جردة مرا قدام دار مرا وسط الطموبيل واقفين مرا فالدروج مهم بزاااف بقات كدور عينيها فالبيت وساهية فدوك التصاور اشحال كانت حياة فرحانة وكضحك من قلبها كاع مشافتها هكا فاش كانت معاها واها دوزو لاحضات زوينة ولكن حياة ابتسامتها مكملاش وحتى التعابير ديال وجها باينة فيها قوية ونضرتها حادة بحااال السيف وعينيها كيكولو شحال من حاجة تنهدات سيا اطتحت على السرير امجبدة يديها على طولهم فجأة ستسلمات للنعاس امشات فسباااات عميق
حياة صايبات كسكروط ودرت كيك تاع الشكلاط اكيد ايعجب ديك سليعفانة جمعات روينة لدارت فدار اقدات كولشي فبلاصتو عاد مشات تعيط ليها ستغربات حيت مسمعات حسها كاع اتكون كدير شي كارتة تاني مفيهاش بقات غادية بشوية زعما تحصلها متلبسة ساعة مع من هي الانسة المصونة في دار غافلون حلات الباب بشوية اهي تلقاها ناااعسة اكيد عيات مع الأحداث لوقعو اليوم مشات كلسات حداها وكتأمل داك الوجه البريئ ملاك بصفة انسان فعلا دراري صغار ملائكة كيحسسوك بلي باقي شي حاجة زوينة فهاد الدنيا وبلي باقي أمل انك تعيش براحة لكيطمح ليها أي واحد مشات بيها ذاكرة لبعيد
فلاش باك ....
حياة : ريم صافي يراكة عييت
ريم : عفاك عفاك غير قصة وحدة صافي
حياة : واهيا ناري اميمتي راه شي عشرة ديال القصص لمعودة ليك ومبغاش اجيك نعاس
ريم : وشنو ندير قصصك واعرين منقدش نعس بلا منكملهم نتي راك كتحمقي مكاينش بحالك حياتي انا نموت فيك زيونات ديالي وصافي غير وحدة
حياة : ولايني اش كديري لتشيطين بغيت نعرف غير منين تعلمتي هدشي كامل
حياة : ياك ياك اجي لهنا اجي ( ابقات كتهر فيها والضحكة ديالهم كتسمع فالدار كااااملة وشي حد كيطل من الباب حضيهم امعجبوش الحال سد الباب امشا معصب )....
عمر : غادي نفرقكم على بعضيتكم غير بلاتي ووااااااع 😤😤😤
عمر (الأب ديال حياة ) : كيصوني على شي نمرة ....الو فينك ..... ضروري بغيت نشوفك ...... صافي حتى الغدا ... بسلامة
كولشي غيكون كيفما بغيت
فاقت حياة من السهوة ديالها وشيدين كيقيسوها
سيا : حياة حياة
حياة : اااه فقتي شبعتي نعاس
سيا : ( حطات راسها على حجر حياة ومسنداه ) حياة شكون ديك البنت لمعاك زوينة بزاف
حياة : هديك بنت عمي كانت كتر من ختي كتر من بنتي كانت كلشي بالنسبة ليا ولكن شاءت الاقدار تفرقنا هدشي لكاين
سيا : كتشبه ليا شوية واقيلة كبيرة عليا
حياة : اه كبيرة عليك بعام هي عندها 7 سنين يالله نمشيو نديرو كسكروط يالله
سيا : بيتك زوين كيحمق بحالك 😁😁
حياة :زيدي الشيطانة زيدي
نزلو فالدروج حتى تسمع صوت الكلب كينبح برااا خرجات حياة عندو
حياة : بيشو فين كنتي النهار كامل
بيشو : هاو هاو خهههههههه
حياة : فيك جوع كيف ديما ناري بيشو شحال كتاكل نقص شوية دير ريجيم ونتا شوية وتفركع شوف الكرش قداش عندك مغتبغيك حتى كلبة ولا نشوف ليك مع الكلبة ساري راه زوينة واخا حتى هي غليضة بحالك مهم موااااتيين وااااع والله الى ههههههههههههههه مسالية انا نيت
حياة مشات جابت ليه مياكل امشا لدارو تما ورجعات لدار عند سيا لقاتها دخلات فالماكلة طول اعرض اوجها عامر بالشكلاط كلا نيف كلاو الحنيكات كولشي كلا ولات كيشي لوحة فنية. ههههههههههههه .... ناري البنات تشوفوها تموتو بالضحك كلات حتى شبعات ارجعات راسها اللور
سيا : اخحححححح شبعت بغيت نغسل يدي
حياة : وهي تفرشخ بالضحك وااااااع ونتي خاصك ظوشي ماشي غير تغسلي
لالة خديجة : حياتي بسلامة طهلاي فراسك ابنيتي غنمشي معها حتى تولد كوثر بنت ختي حيت مكاين ليقابلها ونرجع واخا
حياة : ادوجتي حتا نتي غتمشي واخا طريق السلامة الله يعاونكم
بقات حاضيهم حتى غبرو على عينيها وكدير لسيا بايباي اهيا دور شافت ساري وبيشو كيشوفو فيها بحال الى حاسين بيها وعارفين اش كيدور فدماغها مشات عندهم وحطات يديها على راسهم اهيا تكول
حياة : عادي عادي ولفت
ساري تخشات فبيشو احتا هو تخشا فيها وتصبحون على خير هااااو والكاميرا طالعة لسمعا لفوووق النجوم والقمر تخيلو شوية من عندكم ههههههه
حياة : كلسات شوية فالحديقة حتا ضلام الحال اهيا دخل للدار مشات هزات واحد الكتاب اكلسات باش تقراه اهي تفكر سيا فاش كانت كالسة على طبلة مربعا رجليها ناضت سدات داك الكتاب بزعفة ورجعاتو دخلات للكوزينة دير العشا وخرجات تاني معندها كانة لحتى حاجة طلعات لبيتها وهزات مدكيرتها تكتب علا وعسا ترتاح شوية من داك الكم الهائل لهزاه فوق كتافها حلات ابدات تتكتب ::
عاد كل شيء الى مجراه اصبحت وحيدة مجددا لاأحد بجانبي حتى الذين وجدتهم متلي ابتعدو عني وحرموني من رأيت وجوههم البشوشة التي تضفي لحياتي بصيص امل قليل هل نصيبي من هذه الحياة الفراق فقط والوحدة ( حطات ستيلو بزعفة وناضت للبالكون كتهضر اكتبكي وتغوت
ريم توحشتك اه انا توحشتك بلا قياس نتي بوحدك لحسيت معاها بالسعادة نتي لدخلات البهجة لحياتي علاش مشيتي وخليتني علاش ياك ياك كلتي نبقاو ديما بجنب بعضياتنا امندخلو حتى حد بيناتنا ايوا علاااااااش مشيتي وخليتني بوحدي علاااااش اليوم دوزات سيا عندي النهار كامل ونتي مكايناش باش تغاري منها حيت دوزت معاها الوقت كتر منك و تغوتي عليها تكولي ليها حياتي ديالي بوحدي هئ هئ هئ ( كلسات فالارض اجامعا رجليها عندها ومزلات راسها وشعرها مغطيها وكتخنصص وكتشهق وتكول مول الامانة غيدي امانتو. 😭😭😭😭😭 مشا بيها الزمان لبعيييد
...... فلاااااش باااااك
حياة : ( دخلات للدار اهيا كتحط سوارت فالصاك و كتحيد المونطو ديالها ) ريم ريم فينك
لالة سعاد : ( الجدة ديال حياة ) بنتي رجعتي على السلامة
حياة : ( عنقاتها ) سوسو توحشتك فينهيا ريم
لالة سعاد : ريم يالله كانت هنا حاولت معاها مبغات لاتاكل ولا تشرب
عمر : حياة بنتي جيتي
حياة : سلام بابا اه يالله وصلت
عمر : ايوا مزيان ملي بدلتي الجو شوية نتي وبدر زيدي معايا نهضر معاك شوية
فوسط واحد البلاصة فيها غير الصداع اوسخ الدنيا البنان شبه معريين والموسيقى صاخبة شي كيشطح على كانتو شي سكران شي شد شي وحدة فشي قنت حتى حد ممسوق لاخر عالم اخر خيالي واخا واقعي دخل شاب فمقتبل العمر عندو حقو فالزين والضحكة مكتفارقش وجهو مشا عند واحد الكليكة مجموعة فواحد القنت
أنس : شوفو شكون جا
كلهم ضارو شافو شكون جا و بداو كيصفرو و يصفقو
لؤي: أهلا أهلا بسي العريس
بدر: (شير عليه بكاس جاب الله مجاش فيه) سكت عليا حتا نتا بقيتي ليا غير نتا فهاد الحساب
آية: مال الزين مقلق
بدر: اوووف مليييت مليييت أ آية
ماجدة: عاود لينا حنا صحابك
بدر: مشكلتي عويصة بزاف كيما كتعرفو سافرت مع ديك حياة
انس: اها كمل متقولش ليا طحتي فيها
بدر: سكتنا نتا هادشي لي بقا ليا انا مليت من التمثيل عليها بلي كنبغيها سيمانة دازت كي الزفت
آية: ايوا شنو ناوي دير دوي معاها باش تديرو العرس فأقرب وقت و تهنا منها
بدر: را مصرة ديرو حتا الصيف باقي 6 شهور دياال العذاب عيييت معها عيييت
لؤي: واش هي كتبغيك
بدر: (بابتسامة شيطانية 😈) هي كتحماق و كتسطا عليا انا هو روحها انا هو الأكسيجين اللي كتنفس بيه
اااه يا ربي ايمتا نتهنا منها و ناخد أملاكها و نلوحها للزنقة
عرفتو شحال متشوق لهاد النهار
ماجدة: عندي فكرة قول ليها ايلا كنتي كتبغيني بصح خاصنا نتزوجو فأقرب وقت حيت عندي واحد الخدمة على برا و موحال واش نجي إلا و بعد 4 سنين ولا موحال واش نجي أبدا طبعا هي مغتبغيش حيت كتبغيك
حياة : ولكن ابابا انا كلت ليك مبغيت العرس حتى للصيف
عمر : حياة انا خاصني نمشي نكمل المشروع لبديتو مغديش نبقا تستناك حتى تبغي ونضيع وقتي والفلوس كاينين كولشي موجود العرس غيكون هاد السيمانة وسلينا
حياة : (بعصبية) وااااااخا
عمر: (بحزن مصطنع) شوفي أبنتي بدر حب الطفولة ديالك وواجهتي صعوبات باش تعتارفي ليه بحبك ويكون ليك . بالعكس خاصكي تفرحي حيت غتكوني معاه صافي
حياة: (دوراتها فراسها و لقات بلي باها عندو الصح) عندك الحق أبابا بصح خاصنا نديرو العرس فأقرب وقت انا موافقة 😍
عمر: (تبدلو الملامح ديالو لفرحة) واخا أبنتي أنا غادي نعلمو
حياة: اوكي باباتي غنمشي نرجع عند ريم
فور مخرجات عندو مشا جالس فالمكتب ديالو داير رجل على رجل و حداه كأس القهوة كيرتشف منو دوز أبيل لبدر
عمر: ألو ولدي بدر كيداير بخير
بدر: لاباس الحمد لله يسول فيك الخير أعمي
عمر: بدر ندخل فالموضوع
بدر: الله يسمعنا خبار الخير
عمر: بغيت نقوليك غدير عرسك نتا و حياة فأسرع وقت
بدر: مرحبا عمي السيمانة الجاية مناسبة ؟؟
عمر: اييه اولدي مناسبة يلاه خليتك على خير تهلا فراسك اولدي
عمر كمل الأبيل و دوز ابيل ثانية
عمر: الو بخير عيطت نقوليك بلي العملية غتدار قبل الوقت اللي قلنا
****: واخا اسيدي ايمتا
عمر: السيمانة الجاية نهار **** مع **** وجد راسك مبغيت يكون تا غلط
****: واخا أسيدي ميكون غير خاطرك
بدر: الدراري نقول ليكم خبار باقي فميكتو
ماجدة: آتينا به
انس: طلقنا أصاحبي دوي
لؤي: اينا خبار هذا
آية: وا دوي أساط
بدر: صافي صافي انا غندوي أنا و حياة غنتزوجو السيمانة الجاية
أنس آية ماجدة لؤي (بانت على ملامحهم الصدمة و ناضو كيصفقو و يباركو ليه) مبرووووك عليك أخويا فرحنا ليك مبقا ليك والو و تاخد املاكها كلهم
بدر: ااه اه مبقا والو
آية: ايوا واش طبقتي الخطة ديال ماجدة
بدر: لا باها سهل عليا المأمورية هو اللي دوا معايا و قاليا نديروه فأسرع وقت ممكن
العرس اودي هاد العرس حريرتو حريرة مهم حتا تكتاشفو اش غيوقع فيه ههههههههه 😈😈😈
وصل اليوم الموعود من بعد خمس يام تاع التحضيرات كولشي فرحان بدون استثناء علاش لا وكاع لخططو ليه غيتحقق حياة اخيرا غتزوج بداك لكتبغيه وعمر غينفذ المخطط ديالو لكان كيطمح ليه شحال هادي و بدر ااااااه يا بدر معارف افرح ولا يتقلق متوتر بزاف خايف ليعيقو بيه واخا دار خطة محبوكة ولكن ضروري من الخوف بقا واقف مع الكليكة لمكتفارقوش تطلقات أغنية هادئة وصلى وسلام كيتسماع فالقصر كامل دوك نكفات طالقين حلوقهم كتر من جهدهم وحياة منزلا عينيها بالحشمة وحداها الاميرة ريم لابسة حتى هي كسيوة حمرا كتبان سووو كيوت هزا لاغوب ديال حياة من لور اخيرا وصلات العروسة عند سي العريس مشاو كلسو فالطبلة وسولهوم الأسئلة المعتادة وتفرقات الجوقة وايمي حدا حياة كيتبكاو تما والام ديالها كتصبرها وسي عمر كيبكي حتى هو فالاخير هديك بنتو الوحيدة وبدر ولا على بالو كيتسنا غير ايمتا يمشيو فهاد الاثناء كانت واحد البنيتة كتبكي وتخنصص بوحدها فواحد القنت
ريم : علاش مبغاوش اديوني معاهم من دابا علاش زعما داك الاوطيل مافيهش بلاصة ليا ولا شنو هئ هئ هئ داك الزواج كاع مزوين علاش كيتزوجو الناس هئ هئ فجأة تحطات شي حاجة على نيفها وغيبات وتهزات بين دراع شي حد يالله نرجعو عند حياة لكتسول على ريم
حياة : ماما فين ريم خاص نودعها
الام : بلاتي نشوف فينها
بدر : حياة يالله اصلا غدا غنجيو نديوها صافي يالله
ايمي : حبيبة صافي أنا غنتكلف بريم غير سيري متعطليهش راه صبر بما فيه الكفاية هععععع
حياة : ( ضحكات وسط دموعها ) شيطانة حيدي علي فمك لاحسو كلب
مشاو ركبو فاللوطو و بدر مقداتو ضحكة ولكن ضحكة شيطانية 😈😈
كيتسمع غير الصوت ديال حركة السير الصمت سيد المكان حياة بالها ممهنيهاش قلبها مقبوط عليها مكرهاتش تكوليه حبس بغيت نرجع نشوف ريم ولا نأجلو المشية لوطيل كتحس بحال الى مقيدينها وباغة تحرر معرفتش مناش دوك الاحاسيس كاملة لمخلطين عليها تنهدات كتستغفر الله فخاطرها و كتلعن الشيطان وكتكول هداك غير من السيتريس ديال العرس قاطع افكارها صونيت تاع التليفون ديال بدر :
بدر : (بلا سلام ولا كلام وجه القلم ) وصلوك فلوسك
الشخص : اه خديتهم والوراق راهم عند انس
بدر : صافي سلات المهمة ديالك مكنعرفك مكتعرفني
( قطع معاه ادار عند حياة )
حياة : بقات كتفكر فهضرتو كاينة شي حاجة ماشي هي هديك حتى هضر معاها
بدر : حياااااااتي ههههههههه
حياة :( مستغربة من ضحكتو الجنونية ) ههه وي بيبنو مالك
بدر : والو هههههه ( وقف الطموبيل )نزلي
حياة : كيفاش ننزل راه باقي موصلنا لوطيل وهنا خايب يالله حتى نفوتو هنا راني خايفة بلييييز
بدر : ( بحدة ) كلت ليك نزلي واش سوقي انا
حياة : ( تخلعات ) ورضات بالامر الواقع ونزلات
بدر : ( اهو كيشوف فالساعة ) اووووه فين تعطل هذا ( بعد دقائق قليلة وقفات طموبيل حداهم ونزل منها أنس )
أنس : اهلا صحبي هاني جيت
بدر : ( ضحك حتى بانت ضرسة العقل ) ههههههه عطيني دوك الوراااق أخيرا غنتهنا
حياة : مالكم نتوما اشنو كتكولو وعلياش كتهضرو خويا أنس علاش جيتو حتا لهنا عاد تهضرو فيه يالله حتى اللوطيل اكملو هضرتكم
بدر : هههههه واش من نيتك تيقتي هاد القصة مكاين لا أوطيل لاهم يحزانون
حياة : ( باستغراب ) راه اليوم اسعد نهار فحياتي ابدر بلا ما دير معايا هاد التصرفات راك كتخلعني على والو براكة من الضحك الباسل يالله نمشيو
بدر : غتمشي بلا ما تزربي قراي بعدا هادو ( مد ليها الوراق لعندها )
حياة : بقات كتشوف فيهم يالله قرات الجملة لولة وهي تسمر فبلاصتها
انا حياة اليعقوبي بكامل قواي العقلية اسلم كافة املاكي لبدر الراضي والتي تتكون من ارض طولها ..... كولشي خداه ما خلا ليها حتى باش تشري شكلاطة الى بغاتها
بقات كتقرا وهي مصدومة طاحت الارض على ركابيها
بدر : حيااااتي كيجاتك المفاجأة ديال نهار عرسك
حياة : كون طلبتيهم مني نعطيهم ليك بالفرحة علاش خديتيهم مورا ضهري واصلا حنا دابا مزوجين يعني لديالك ديالي ولديالي ديالك ( وهيا تنوض وشدات ليه فوجهو ) نتا راك راجلي حب حياتي الفلوس والتروة كاع مكيهمونا يالله نمشيو
بدر : سكتي برااااااكة هضرتك واااع هضرتك كضرني فراااااسي واش انا حمق نتزوج بوحدة غبية بحالك اسحااااب ليك غير الحب لكاين فهاد الدنيا واش اسحاب ليك كولشي قلبو بيض
بدر : واش اسحاب ليك كولشي قلبو بيض كولشي بغا يعيش الحب راه كولشي كيهمو غير الفلوس اهاد الغبية وراك موقعتيش على وراق الزواج بب ننننن وقعتي على وراق الملكية احيااااتي هههههههههههه عماك الحب حتى معرفتي اش كديري
حياة : ( شلال ديال الدموع سايل على خدودها ولات كولها كترجف بزز باش كتجمع كلمة صحيحة تكولها) هئ هئ حرام عليك اش دارت ليك انا هئ هئ
بدر دار عند أنس اغمزو ربح بيها هيا ليك اصحبي راني عايق بيك مشا لطموبيلتو وديمارا ومشا خلا غير العجاجة موراه
أنس : حياة براكة من البكا نوضي
حياة : ( خايفة ) بعد مني متقربش ليا
أنس : بلا متخافي مغديش نأديك نوضي نرجعك للدار انا ماشي حقير ندير فيك شي حاجة
حياة : معندها حتى حل أخر ناضت معا وركبات اهيا باقة كتخنصص وتبكي وكتفكر ردت الفعل ديال دارهم و خصوصا ملي يعرفو بلي كاع داكشي ليبسميتها مشا مسكينة معرفاش بلي صدمة خرا كتسناها
بقاو غاديين ودنيا مضلمة كيتسمع غير صوت الكلاب أنس مرة مرة كيخطف نضرة منها فعلا حالتها كتقطع فالقلب ندم أشد الندم علاش عاون بدر اموقفوش عند حدو بقا فكرة تديه افكرة تجيبو )
أنس : حياة براكة من البكا كنواعدك ندير المستحيل حتى ترجعي الأملاك ديالك كولها ونزيدك ديالو حتى هما
حياة : ( بحدة ) كرهت الفلوووووووس كرهت التروة وما جا منها واش تقدر ارجع ليا قلبي لتحطم وتجرح واش تقدر تمحي الطمع من قلب بدر ايبغيني انا ماشي فلوسي كوليا واش تقدر
أنس : ( تصدم من ردة الفعل ديالها ) صافي تهدني اش باليك نديك عندي للدار حتى تولي بخير مجاتش ترجعي دابا للدار ايكونو باقين عنكم الناس
حياة : ( ضورات وجها جيهت الطموبيل ) ديني للدار
أنس : معاودش معاها الهضرة
بعد مدة قصيرة وصلو للدار والدنيا كانت مقلوبة سفاها على علاها البوليس محاسرين المكان وشي داخل شي خارج أنس متجرأش اخرج حياة غير حبسات الطموبيل خرجات كتجري هازة كسوتها وتجرجر موراها معرفات فين كتحط رجلي وشعرها كولو مشعكك هادشي بزاف على النحس بقات غادية فالممر ديال الجردة لبرا قبل ما دخل للدار لمحات ايمي كتغوت على شي حد وسي عمر وسناء ( الأم ) كالسين برا شادين راسهم مشات بالجرا عند ايمي والصوت باااح والو باش تغوت وحلقها نشف عينيها فيهم الضبابة بالسيف باش كتشوف كدامها
بقات غادية وكدردب فالطريق معقلات كاع على راسها كيدارت حتى وصلات عند ايمي حتى شدات ليها فكتفها ايمي كانت مشادة فالهضرة وكتغوت
ايمي : واش من نيتكم واش تشقات الارض ابلعاتها ولا شنو
حياة : ( بصوت تعبان ) ايمي
ايمي : ( بصدمة ) حياااااة سمحي ليا اختي عفاك طلبت منهم ميكولوهاش ليك باش متشوشيش ولكن داروها متخافيش دابا نلقاو ريم فينما كانت
حياة : ( بدون فهم وبالغوات) أش واقع هنا علاش البوليس جايين افين هيا ريم وشنو مخبيين علي
ايمي : ختي ( بتردد ) ريم ريم تخطفات
حياة : ( حسات بقلبها غادي يوقف ) شنوووووو لاااااا ريم كولشي الا ريم لا اسيدي ربي منقدش ريم
كانت هادي آخر كلمة تكولها وهي طيح سخفات ايمي بدات كتبكي معاها عارفة معزت ريم عندها ودارت كل نا فجهدها تلقاها قبل ما تعرف ولكن هيهات
ايمي : حياة حياة عفااااك فيقي غادي نلقاوها متخافيش غير نوضي صافي براكة حلي عينيك
عمر وسناء جايين كيجريو من بعد ماسمعو غوات حياة
عمر : حيااااة بنتي مالكي
ايمي : عرفات بلي وقع ومقدرتش تستحمل
سناء : الله على بنتي عمر دير شي حاجة
عيط عمر على طبيب وداو حياة لبيتها من بعد ساعة
طبيب : تعرضات لصدمة كنت غتدي بحياتها حيت لا قلبها ولا عقلها قدرو استوعبو اش وقع خاصها راحة ومتكلفش راسها وتاخد هاد الدواء اهدئ ليها الأعصاب
عمر : واخا ادكتور تفضل معايا
حياة : ( بدات كتسترجع الوعي ديالها ) ريم بدر ريم ريم
ايمي : حياة حنا معاك متخافيش ازمة وغدوز
حياة : خرجو علي مبغيت نشوف حتى واحد
ايمي : ميمكنش نخليك بوحدك
سناء : راه هديك غير بنت عمك حتى واليديها لولدوها كاع مكانو كتسوقو ليها بحال هكا براكة مديري فراسك هاد.الحالة حتى راجلك خليتيه اجيتي على قبل برهوشة
ديري عقلك ( زات الطين بالة )
حياة : خرجي خرجي اشمن راجل ديك البنت لكدوي عليها هي أكتر وحدة كانت كتزرع الابتسامة فيا وكتحيي فيا الروح خرجي
حياة : نزلات لارض وكترعد والدموع غاديين بلا هواها والصوت مشا وشريط ذكرياتها مع ريم كولو كيتعاود قدام عينيها ناضت بزز وغادية مكالية بالحيط بزز باش كتهز رجليها حتى سمعات شي حد كيهضر بشوية وهي ترجع اللور
عمر : كلت ليكم متقتلوهاش حتى نجي علاش تصرفتو من راسكم
****** : ولكن اسيدي ريم كانت بغات تهضر مع الأنسة حياة و مقدرناش نرفضو ليها أمنيتها الأخيرة
عمر : ماشي مشكيل يالله خرج عليا وفلوسك غيوصلو لحسابك
يالله غيضور وهو يتصدم فاش لقاها واقفة وكتصنط ليه بدا يصفار ويخضار وألوان الطيف على وجهو والتوتر غالب عليه
عمر : بنتي حياة أجي كلسي علاش واقفة مالكي كتبكي
حياة : ( تبلوكات من داكشي لسمعات دابا باباها هو سباب فموت ريم أخر حاجة تتوقعها ) بابا نتا نتا لدرتيها ولكن علاش علاش غندعيك ميمكنش تفلت من العقاب يالله ضارت باش تخرج وهو يوقفها بزز وداها كلسها وهي كتغوت
حياة : بعد مني غنمشي ندعيك ريم حبيبتي غنتاقم لموتها ميمكنش نسمح ليكم ميمكنش
عمر : ( بالغوات ) حيااااااااة سكتي اه ماتت صافي ماتت ونتي غتنسايها عليك اتكملي خدمتك نكملو مشاريعنا واملاكها غيدوزو ليا كاملين كيما خديت ديال واليديها ويلا مشيتي حتى درتي شي حاجة العائلة كلها غدخل الحبس ماماك جداك نتي كولشي حيت غنجبدكوم معايا كاملين
حياة : هذا ماشي بابا لكنعرف
عمر : ( ببرودة ) سي بب انا هكا وحتا عمك امرتو انا لضبرت لداك الحادث وخسرت ليهم الفران ولكن نجات ديك البعلوكة
حياة : ( مقدارتش تحمل كتر خرجات كتجري ) لا ميمكنش ميمكنش
خرجات كتجري معرفاش فين ولا اش غدير مهم تبعد بقات كتجري مدة وهي حفيانا كلسات على ركابيها وشتا كطيح خيط من سما نزلات راسها الارض طموبيلات دايزين والكارويات تاع الزبل ودخان تاع الطموبيلان والكلاكسون وهضرت بدر وعمر كتردد فودنيها دنيا ماشي كولها حب الحياة غير فلووووس املاكها اخيرا خديت املاك ريم اقتلتها انا مكنبغيكش انا لتسبب فداك الحادث نساي عليك ريم هدشي كامل كيتعاود فودنيها اهيا تسدهم اكتبكي بهيستيرية سكتووووووووو براكة سكتووووووووو
عودة الى الحاضر
فاقت حياة وأثار دموع باقيين على وجها ومغطية مستغرباتش حيت عارفة شكون كيجي عندها مشات خدات دوش خفيف البسات ديباردور بالبيض و سرواع كحل وسبيرديلة وجمعات شعرها ذيل حصان ودارت الليكات مقطعين ليهم الصباع وخرجات كتجري وصوت انفاسها كيتسمع من بعيد بحال الى كاينة فشي صراع وراه هيا نيت فصراعع داخلي مخاصما مع راسها خاصها تخرج كاع ديك الطاقة السلبية لفيها
قصة عيناك براءة الطبيعة
محتوى القصة
التنقل بين الأجزاء