فاقت وجدات راسها وكتوبها شافت فهارون باقي ناعس تنهدات لبارح مانعساتش مزيان بالتفكير كل شوية كضربها الفيقة وهي طافجة وعاد هارون ضاروري ماخاصو ينوض يرضع بلبكا..تنهدات ورجعات وقفات حدا لمراية ضربة مزال باينة على شفايفها جبدات عكار غوز طراساتو باش تخبي الضربة تفكرات الاستاد شغا دير معاه اكيد ايكون خدا منها موقف من داكشي دلبارح:هاد الحيوان دخل لحياتي غير باش يرونها يعطيك موصيبة يا لكدااار ماغانرتاح حتى نرد ليه لفضيحة لي درتي ليا لباارح والله لا بقات فيك غير تسنة
شافت فهارون:ونت شغا ندير معاك خاص نمشي نقرا فيق خلاص
هزاتو بين يديها :هي بس بس فيق فيق
هارون كيخرج لسانو مازال باغي ينعس
عائشة:واتا فيييق خلاص هاويلي فاش كنت غا جالسة لا قراية لاوالو كتفيق على بونبير هيييهو حل عنيه
هارون بدا كيتكسل صوتها صدعوو
عائشة:سمع سمع هدي
بتاسمات وبدات كتغني ليه حدا ودنيه:أشتاق
لبرك يا أمي للجنة من تحت القدم و أحن لحضن يؤويني بحنان ينسيني همي ..
و أقبل في حبٍ كفا. تحنو كي أشفى من ألمي. و أقبل
مابين العينين الساهرتين مع النجم و أقبل في حب كفا تحنو كي أشفى
من ألمي. و أقبل مابين العينين. الساهرتين مع النجم. أمي. أمي. أشتاق لبرك
يا أمي. أمي. أمي. أشتاق لبرك يا أمي.. أشتاق لبرك يا أمي.. للجنة من تحت القدم(سلسة ايروكا أحسن ماكاين فروسومات)
وقف قدام لمراية رش لعطر ديالو هز سوارتو وطليفونو وخرج خلاها ناعسة ..مشا نيشان لبيتها حل لباب بشوية وقف حدا لباب وهو كيشوفها حانية على هارون وشعرها نازل مغطي ليها ضهرها كامل وكتغني ليه وهي مبتاسمة وهارون حال عويناتو وكيشوف فيها بلا تاشي حركة
عائشة:أشتاق لبركي يا أمي وأحن لحضن يؤويني بحنان ينسيني همي إن ترضي أن أمنح روحي.. ففداك الروح مع الجسم
كانت عايشة مع الاغنية كتحماق عليها ونسات راسها وهي كتغنيها وحلفات ماتسكت تا تساليها بالحن ديالها ومع صوتها رقيوق وحنين جاي معاها
يوسف تكا على لباب وهو حاضيها هاد البنت ماكاتفهملوش فمرا فهاد اللحضة كتبان ليه بنت باقة برهوشة شادة خوها صغيرة ولا شي مونيكة وكتغني ليها داك لخوزعبلات دروسوم
عائشة تنهدات :ايييه كي جاك صوتي زوين ياك شوف علامن تزيد تكبر شوية وانبدا نوريك روسومات لي كيعجبوني نتفرج فيهم انا وياك...ايوا دابة ملي فقتي انعطيك ترضع ويلاه نهبطو مابقة والو لقراية
يلاه اتجبد بزولتها وهي تهز راسها لقاتو متكي على لباب ويديه فجيبو كيشوف فيها حطات يديها على قلبها:بسم الله الرحمان الرحيم
يوسف تقاد فالوقفة:هدشي ماغاتعلمي داك الولد غا روسوم
تفكرات انه كان واقف وكيسمعها كتغني بلعات ريقها:ماكاتعرفش الدق قبل دخل داك نهار درتيلي الشوهة ودابة داخل بلا مادق
يوسف قرب لعندها:انا ماشي هو نتي القوانين كيطبقو عليك غا نتي ماشي عليا
يوسف:بينت ليك شوية من بزاف من داكشي لي يقدر يوقع ليك لا مادرتيش داكشي لي كنقولك
عائشة:نت راك ماعارفش راسي شحال قاصح
يوسف:ونتي ماعارفاش انا علاياش قاد
عائشة:وداكشي ديال ليل لاش.
سكتات:ماتبقاش تقربلي بديك الطريقة حيت ماكانوليش كنحمل راسي كنعيفني نفضل صقلة على بوسة منك
يوسف وهو كيشوف فخصرها لمعري حيت حانية على هارون كترضعو وشعرها نازل طويل لدرجة انها جالسة عليه قرب شوية:وانا عندي الربح نخليك تكرهي راسك هدشي لي بغيت
عائشة حطات اولد وقفات ملي هارون شبع وهي مازال عاطاه بالضهر كتقاد فصدرها وتيشيرط مازال طالع على خصرها:كتقرب مني حيت نت باغي تقرب مني كتعية صابر ولكن ماكاتقدرش
يلاه ادور وتشوف فيه لقاتو فوجها لاسق فيها شهقات لدرجة كانت اطيح وهو يحط يديه على خصرها :ماقنعاتكش وقلة داك البوسة
عائشة خربقها:كيفاش
يوسف:خاصك شي حاجة كتر من بوسة باش تفهمي شنو معنة القرب الحقيقي
عائشة :ماتفكرش حتى فيها حيت مايمكنش سمعتيني
دار بتسامة جانبية كيستهزأ بيها وهو كيبعد شعرها على وجها:معايا انا كلشي ممكن ولا نسيتي راسك داك ليلة كيف كنتي .كلشي جا من عندك نتي ونتي لي بديتي
عائشة كتفكر داكشي كتشدها تبوريشة مازال الحد الان مافهماتش اش وقع ليها داك ليلة :داك ليلة نسيتها وكنواعدك ماغاتعاودش ماتبقاش شاد فداك ليلة حيت انا كرهت راسي من مور داكشي
يوسف شد واحد لخصلة من شعرها وبدا يلعب بيها على طولتها نساها وهو يجرها من شعرها تا قفزات وضهر على سنانو:واش كيحساب ليك انا ماكانفهمش باغة تبينيلي لبرائة وانك ندمانة ونتي فالاصل هدشي لي كنتي باغة.كنتي باغة طيحيني ولكن طحت وانا طيحتي خايبة بزاااف اعائشة
عائشة:واا شعرييي ااي
يوسف رخف عليها وهز ليها راسها بأطراف صبعانو:هاد المدة لي غدوزيها معايا وجدي راسك لكلشي للضرب لسبان لاي حاجة جات فبالك
عائشة:واجدة لكلشي غير انك تقيسنيي
يوسف قرب تا لشفايفها:هديك اهم حاجة
بغات تبعد وهو يبوسها بهمجية عيات دفعو ولكن مزير عليها ختمها بعضة على شفاتها لتحتانية عاد بعد:مزال تزيدي تفهمي كلامي
سكتات فاش شافت يوسف:احم مابقة والو باش مايمشيش عليك الحال
عائشة خنزرات فيوسف:واخة
هزات هارون وتمات خارجة وهو يجرها من شعرها وردها لعندو:بدلي هاد روينة لي لابسة
عائشة:الولد فيدي واش بغيتيه يطييح
رخة منها وخدا الولد ومدو لدينيس:هبطيه لتحت
خداتو وهي كتشوف فعائشة وتغمزها بعنيها باش تسايرو وماتعاندش معاه
يوسف بصوت حاد:دينيس شكا تسناي
خرجات طايرة
رجع شاف فعائشة:هاد لباس مانعاودش نشوفك لابساه وهاد الشعر بداي تجمعيه واخر مرة نولي نشوف شي حاجة فوجهك
عائشة علات حاجبها:ولاش هدشي كامل بالسلامة
يوسف:راسي قالهالي هنا غنهبط وقسما بالله وهبطتي ونتي مادايراش هدشي لا وليتي عتبتيه لشي قراية جلسي قابلي ولدك ماجبتكش لهنا باش تاخدي راحتك كلشي غيمشي على كانتي وانا عندي ربح تجلسي بين ربعة دلحيوط خاصني غا سبة
وخرج وزدح لباب
جلسات فوق النموسية:واش انا انبقة نصبح عليه نمسي عليه ديما نفس الروتين باغي ينكدها علياااا الحيوااان تاحاجة مانديرها فخاطري لكن لاكانت ليك قرايتي هي ليغنقرااا غنوصل لداكشي لي باغة بغيتي ولا كرهتي يعطيك موصيب فهاد النهااااار شي هزة مانعاودش نشوفك تموت ونحضر لجنازتك
سكات وهي كتشوف دعاوي لي كتقول بقات كتشوف وهي تنطق:ماشي يموت زعمة بهاد المعنى غير تجيه شي حاجة فاش يخيد اصلا ماسوقيش يعيش ولا يموت..لا مايموتش غا يبعد مني ومن طريقيي
ناضت :انا تسطيت
دخلات لبسات سوميجة طويلة ستايلها زوين وجمعات شعرها لفوق ديل حصان شافت فلمراية مالقاتش لعكار:هو كيخلي شي حاجة مقادة تفووو
وهزات ساكها ونزلات لتحت لقاتهم مجمعين كيفطرو
شافت فساعة 7ونص جلسات كتفطر كلشي صاقر كاين لي ايمشي يخدم وكاين لي ايمشي يقرا كلات وناضت:انا مسيت
طاهرة:واخة ابنتي كي صبحتي بعدة سمحيلي راني مرفوعة
عائشة:الحمد الله اخالتي
طاهرة تنهدات وهي كتشوف فيوسف
يوسف:الوليد اتمشي لشريكة
ناصر كيشرب من قهوتو ماجاوبوش
يوسف عرف على داكشي دلبارح
عائشة:يلاه بسلامة
دورات وجها وهي تشوف نرجس نازلة مقادة راسها دايرة ااشرطة فوق العين وعكار موف ولابسة كسيوة فوق الركبة وشععر زعر مطلوق على طولتو طويل شافت فيوسف شغا يقول ولكن مادار تاشي ردة فعل
نرجس:هنا واجدة(عندها لفاك)
يوسف وقف:يلاه
عائشة كملات طريقها وهي كتشوف الفرق كيف كيعاملها ركبات مع الشيفور ودورات وجها شافتهم كيركبو فطوموبيل شيفور رجع اللور بطموبيل خلاهم يدوزو هوما لولين عاد زاد هو
عائشة :هي بنادم وانا ماشي بنادم ولا حيت محيت هي مراتو ديال بصاح وانا غا عويشة باغي يشوفني مبهدلة درنا غا شوية دلعكار دار حالة وهي دايراه ديال شيخات وصدرها أيخرج من بلاصتو ورجليها عريانين ماقال والو تا كلمة
الشيفور:شنو قلتي ابنتي
عائشة:والو اعمي عفاك لحال ايمشي عليا
الشيفور:واخة هنا غادي
وشد طريق نيشان للمدرسة طريق كاملة وهي كدعي فيوسف
داز الوقت
رجعو من الميريكان فصباح مشا شاف الزاهية هي لولا فطر معاها عاد مشا يقضي شغالو فنادي
كان جالس فالكافي حتى كيشوف عماد.جلس حداه:كون غا رتاحيتي ليوم
جراتو من يديه :اجي جلس ماتبقاش واقف اتكون عيان يلاه جيتي فصباح ومشيتي لنادي
شافت فعماد واقف وكيشوف فيهم وهو مبتاسم:عماااد ماكانش عليك تخليه يخدم خاص يرتاح
عماد:قلتهالو هو راسو قاصح
شافت فعصام:ماخاصكش تعيي راسك اولدي
عصام هز راسو باه
ليلى:تشرب شي حاجة باردة ياك
عصام:لا بلاش
ليلى ناضت:انجيب ليك سي حاجة باردة الصهد اتكون عطشان
بغات تمشي وهو يوقفها صوتو:قلتلك بلاش مابغيتش
شافت فيه :واخة لي بغيتي
رجعات جلسات حداه وهي غير ساكتة وغاتكلو بعنيها ومبتاسمة الفرحة باينة فعنيها
عصام هدشي جايو فشكل غير حاني راسو كيشوف فالارض كيلعب بصبعانو حتى كتدخل فاتي حلات لباب وهي تشوفو قدامها بقات واقفة شحال حتى كيفيقها صوت عماد:فاتي
عصام على راسو وشا فيها.نزلات عنيها
كملات طريقها:هنا فبيتي
عصام:أفين أفاتي
فاتي شافت فيه :غير هنا
بغاتوتمشي وهو يوقفها:ماغاتسلميش عليا
كانت مترددة مشات لجيهتو وقف مدات يديها وهو يجرها ويعنقها ضربها الضو هو عارف داكشي لي عناتو مع مها شاف كلشي بعنيه انها ليلى كانت كتقلب عليه وهملاها هدشي خلا فاتي تأتر بهدشي..كانت كتبقة فيه ودابة بغة يبين ليها انه ماجايش ياخد بلاصتها
بعد عليها خربق ليها شعرها:وليتي دوزي وماتعبريناش
فاتي كتقاد شعرها لي خربقو:غا عيانة
رجع خربق ليها شعرها:لي بحالك كيعية
ليلى كتشوف فيهم وهي مبتاسمة كتشوف فوليداتها قدامها حسات بروح رجعات ليها
فاتي:يلاه هنا فبيتي
ليلى:ما اتغدايش ابنتي
فاتي كملات طريقها بلا ماتجاوبها
عماد:مازال ماولفات
عصام:ماشي مشكل
ورجع جلس
جات لخدامة:لغدا واجد
تجمعو على الطبلة عماد شاف فالخدامة:عيطي لفاتي
عصام:انا نطلع نجيبها
عماد:واخة
ناض وطلع نيشان لبيتها دق وهو يسمع صوتها:دخل
حل لباب ودخل لقاها مكية فوق الفطوي وطليفون فيديها شافت فيه وناضت:مالك
عصام:ما اتغدايش
فاتي:لا مافياش جوع بغيت نعس
عصام:امالنا مانخافوش تي زيدي تهبطي قالاك
فاتي :ومابغيتش هاء نهبط بالسيف
عصام:اه بالسيف عليك
فاتي:من نيتك
قرب لعندها:من نيفي
رجعات اللور:شكا دير راه ماغانهبطش
عصام تابعها:ها حنا انشوفو
بقات كتجري وتنقز فوق النموسية وهو مامفاكش تابعها حتى شدها هزها بين يديه:دابة شنوو
فاتي:واا رخييي منييي مابغيتش
بقة كيضحك وخرج من لبيت نزل بيها لتحت وحطها:يلاه جلسي
عماد حط يديه على كتافو:مرحبا بيك اولدي عند عائلتك مابغيناش نضغطو عليك مع الوقت اتوطد العلاقة واتاخد بلاصتك وصطنا .اتعرف شكون هو عماد وليلى واليديك ديال بصاح بزاف دلحوايج ايتبدلو فحياتك وان شاء الله هاد لحوايج كلهم زوينين
حطات دفتار وهي كتفكر اسامة تفهم الموقف عذرها على اساس ان يوسف خوها وخايف عليها تاهي خلاتها ليه هكاك وعتاذرت منو .وقبل عتاذارها خصوصا وان بدر عيط ليه وعتاذر منو تاهو
تحلات لباب كانت دينيس:اوعدي نتي مازل وسط لكتوب نوضي توجدي راسك للحفلة دعصام
عائشة:واخة ولكن راه ماعندي مانلبس
دينيس:كوني هانية ماما دارت بحسابك
عائشة ناضت متحمسة:حلفييي انشووف
دينيس:وأجي
هزات هارون وناضت بالزربة وهوما يشوفو طاهرة داخلة وفيديها واحد ساشية:راكم هنا
دينيس:كنا جاين لعندك عائشة بغات تشوف الكسوة
طاهرة:هنا جبت ليك تشوفيها
عائشة:شكرااا بزاااف
طاهرة:تستاهلي ابنتي
ومدات ليها ساشية حلاتها وهي تلقة كسوة كحلة بلكمام مفتوحة من جيهة دصدر وفيها فتحة طالعة تا لفخادها ديكورها سامبل وكلااس شي حاجة ناضية حمقاتها معاها صندالة كعب عالي داكشي كلاس دلكلاس:واااو كيحمقووو
كسيوة فرمادي قصيرة واصلة لنص كلها كتبري فخادها بلكمام مشبكين وضهرها كلو عريان مع كعب عالي وشعرها بوكلي مع مكياج خفيف جات زوينة
بقات وحدة كتشكر فلوخرا حتى كتصوني ليهم طاهرة باش ينزلو
دينيس حلات لباب هي تشوف يوسف رجعات شداتها:يووسف
عائشة:لاش جاي دابة غينكدها عليا تاني سيري سيري هنا جاية
دينيس خرجات وهي وقفات حدا لمراية مسحات داك العكار قفزات فاش تحلات لباب شافتو من لمراية داخل تحنات لوات داك لفتحة لي فالكسوة ودارت لعندو وهي كطلع لكسوة على صدرها طلعها وهبطها مابايناش الفتحة ولكن الكسوة لاسقة عليها قرب لعندها هي مبلوكية فبلاصتها خافت دير شي حركة تبان الفتحة دصدر وتحل لكسوة ملتحت:مالقيتي غير هادشي لاسق
عائشة:سير شوف مراتك اش لبسات عاد اجي عندي انا
شدها من دراعها:مراتي بعيدة عليك سمعتيني
عائشة:صافي رخي مني
رخة منها وخرج تنهدات:حيواان
خرجات من لبيت وهي كتسلت هبطات لتحت دخلات نيشان للحمام قادات لعكار لحمر وزادت كتراتو نزلات الكسوة على صدرها وخرجات كطير:خالتي يلاه نمشيو
طاهرة:جيتي فنة
عائشة:شكراا اخالتي ويلاه نمشيو
طاهرة:نتسناو يوسف ونرجس نمشيو قد قد
عائشة:عفاك غير يلاه دابة متحمسة
دينيس كتر منها:اه يلاه امامااا
طاهرة:يلاهو
مشات عند ناصر جالس بكامل اناقتو فصالة:مشينا
ناض:يلاه
خشات يديها فدراعو بتاسم ليها :جيتي زوينة
طاهرة:شكرا احياتي
ومشاو عند لبنات
دينيس:ايه نتوماا لي عيشو حياتكم
اكرام نازلة من دروج بكامل شياكتها لابسة كسوة كرونة من تصاميمي ديالها مع هي بشرتها لبيضة جات معاها وعكار فنفس لون الكسوة :صافي انمشيو
مهدي كيشرب من كاسو:عطيها شي كاس دلما بارد تبرد بيه
حمزة عيط لسيرفور جاب كاس دلما:هاكي شربي
خداتو وشرباتو وهي مخنزرة فمهدي ومهدي كيضحك
اكرام:حمزة يلاه نمشيو
جراتو وبدلو لبلاصة
مهدي:هههههه مونيكة دجوج دريال ولكن زويينة حيد عليا داكشي نقيقي
شاف فيها من لبعيد غمزها بعنيه وهي خنزرات فيه:وراك وراك والزمن طويل
فالجهة لوخرا جاه تصال وفالجردة صداع دخل لدار لداخل وجاوب هضر مع واحد من رجالو على شي حاجة دلخدمة يلاه ايخرج وهو يلمحها فصالة جالسة دايرة رجل على رجل وكتهضر وهي قرب يشوف معامن وقف فبلاصتو وهو كيشوفو جالس اونفاص معاها ولكاس فيديه مبتاسم ولا كيغلي ملداخل ماشي هكا كانت فدار فخاضها كيبانو وصدرها طالع ولعكار حمر عض على سنانو
هزات راسها وهي تشوفو بتاسمات وعلات حجبها ونزلات يديها كتقاد لفتحة باش يزيدو يبان رجيلاتها وتخرج صدرها وهي كتلعب بشعرها:الحمد الله اخويا جعفر دابة وليت كنفهم بزاف دلحوايج
جعفر عنيه ايخرجو تلف مسكين :هدشي لي بغينا
اازاهية وسارة كان جالسين حداهم وحاضين لفيلم
سارة:ها لعافية اتشعل شوفي عويشة والله ماسويهلة
الزاهية:غتشري لينا الصدع مافيهاش
يوسف خشا يديه فجياب ديال سروال وعنيه مازالوش من عليها فاهم حركاتها مزيان وحتى شوفاتها عارفها لاياش باغية توصل
عائشة وهي كتلعب بشعرهاا:السي الزعيم مالك واقف جلس
جعفر دار لجيهتو وبتاسم:يوسف الزعيم شحال ماشفناك
يوسف ببرودة :ديما حاضر
جعفر وقف وقرب لعندو وشاف فعائشة:هاد البنت قليل لبنات بحالها ذكية كتعرف تخدم دماغها واخة باقة صغيرة تقدو دير داكشي لي ماتقدش ديرو وحدة فتلاتين ناضجة وزيد عليها زوينة وجدابة
عائشة بغات طير بالفرحة كون رغباتو يقول هادشي مايقولوش:شكرا من ذوقك اكيد
جعفر:غير تسالي قرايتك اجي تخدمي عندي انا لي عارف قيمتك وانحطك فالمكان لي يناسبك
عائشة:ان شاء الله علاش لا شرف ليا نخدم مع واحد بحالك كيقدر المراا وكيعطيها قيمة صراحة قلالو الرجال بحالك متواضع وضريف
جعفر:باقي ماشتي والو
يوسف علا حاجبو ودوز يديه على شعرو وهو كيشوف فهاد الفلم الدرامي لي داز قدامو :جعفر وليتي حنين بلا قياس لدرجة وليتي كتنسة بزاف دلحوايج
جعفر:بحالاش
يوسف بتاسم بسخرية كون صاب يشدو يزدحو مع الحيط ويكمل بيها هي :مازال نفكرك بالطريقة لي كتناسبك
يوسف مابقاش قادر يصبر خرج يديه من جيبو وقرب كلشي شهق فاش شافوه هز يديه حتى من جعفر قلبو مشا وجا .بوسف حط ليه يديه على كتافو بكل هدوء وزير عليه شوية ويطير ليه كتافو قرب وهمس ليه حدا ودنيه:كتعرفني مزيان فاش كنعاود الهضرة لمرة التالتة كيف كتكون هضرتي ..مانرضاهالكش ونت لابس مزيان ومقاد وداير اغلا ماكاين فالبرافان ونجي انا نبهدلك ونخسرلك الديكور ماجاتش ياك
جعفر حس بكتافو شوية وغيطير بغة يرجع اللور ولكن بوسف عرف كيف يشدو وكيزيذ يزير مع كل كلمة كينطقها
يوسف بتاسم وقاد ليه الكول :ومرحبا بيك ..كنا بغيناك تزيد تبقة معانا كتر ولكن راحتك هي اللولة بنتيلي ماشي هو هداك
وبعد جوج خطوات اللور وهو مازال كيشوف فيه
جعفر مارضاش يحط يديه على كتافو لي بدا كيضرو بزاف بقة غير ساكت كيبردها فالداخل ديالو وكيحلف فيه بينو وبين نفسو
عائشة ناضت وقربات لعندو:جعفر ياك لاباس
جعفر:لا والو
عائشة شافت فيوسف وخنزرات عارفاه دار ليه شي حاجة هزات كاس دلما:هاك
خدا منها لما وشربو
يوسف خنزر فيها:اجي
عائشة:علاش
يوسف دار فيها داك شوفات ديال واش من نيتك
خرج وهي هزات البوشيط ديالها و وتبعاتو يلاه اتوقف حداه وهي تحس بيديها كتلوة ووجها فوجهو كيهضر وهو عاض على سنانو:شهاد التقحبين لي كديري
عائشة:رخي مني مالك
يوسف دوز لسانو على شفايفو بالزربة :هدشي غنتحاسبو علييه غا تهناي بربي لابقات فيك وكنقسم ليك ووليت شفتك كدوري قدامو غنسا فين حنا ولاش جاين لهنااا ونرونها دا ساع
دفعها تا تزدحات مع لحيط وطلعها ونزلها :زائد هادشي كتستغفليني ياكي
عائشة:سير حضي غا مراتك
دورات وجها بانت ليها من لبعيد واقفة مع شي واحد وكتضحك:شوفها معامن واقفة صوتها كيتسمع تا لهنا بالضحك شوف صدرها شوية ويوصل لعندنا ورجال كيف كيديرو فيها شووووف فيها مزيان شوف كسوتها كيف معرية شوف ماكياجها مزيان اسي الزعيم لي ماكايرضاش .ديها فمراتك ديال بصاااح وبعد مني اناا واش فهمتي
دور وجهو شاف فنرجس ورجع شاف فيها لقاها غادة جرها من يديها:نرجس ماسوقكش فييها سمعتيني فرق كبير بينك وبينها هي عارفها شكا تسوة...كيما كنعرفك نتي شكا تسواي
تنترات منو ورجعات اللور:ايوا بعد منييي تفرق عليا
يلاه ايهضر وهو يسمع صوتها من مورها:يوسف نت هنا
شدات ليه فيديه وشافت فعائشة:مالكم
عائشة كتقاد فشعرها:والوو
وحطات يديها على اليد لوخرا كتماصيها غا بشوية
نرجس شافت ليه فعنيه:مالكم
يوسف مازال كيغلي:واالو
نرجس:اش دارت
يوسف:قلت ليك والو
شاف فعائشة قرب لعندها وجرها دخلها لدار بزز منها وهي كتنتر منو وضرب ليه يديه:رخيييي منيي فين غادي بيا رخيي
طلع بيها فالدروج كيجرجر فيها كطيح وتنوض وكتقصح وهو ماشي فهاد لعالام:يوووسف يدي كضرني رخيي منيي
شاف اول بيت قدامو حلو ودخلها زدحها فوق النموسية وشاف فلباب حيد السوارت ورجع شاف فيها..هي مافاهمة والو
قرب تا لوجها وسوارت فيديه تحنى لعندها تا ولا وجها قريب من وجهو :هنا اتبقاي تا تا تسالي لحفلة ..هدا راه ماشي عقاب..لاا.العقاب هو ملي غنمشيو لدار وتفرجي داك ساع
بغات تهضر وهو يزير على شعرها:اي كلمة اتنطقيها ماشي هي هديك اتحاسبي عليها..سكتي حسن ليك
عائشة :يوووسف راه مايمكليش مبقة هنا واش حماقيتي
بغات تهضر وهو يزير على شعرها:اي كلمة اتنطقيها ماشي هي هديك
اتحاسبي عليها..سكتي حسن ليك
عائشة :يوووسف راه متيمكليش مبقة هنا واش حماقيتي
يوسف تقاد فالوقفة وماجاوبهاش وتم خارج وهي تنوض كتجري تابعاه:حراااام عليك الحفلة دخويا
يوسف شاف فيها ببرودة وحل لباب لقة الخدامة واقفة باغة تعرف اش كاين ..عائشة شدات ليه فيديه
عائشة:يوووس...
تنتر منها وخرج وشد لباب بالساروت
عائشة بقات كتزدح فلباب وهي كتسمعو كيوصي لخدامة ماتحلش عليها لباب واخة يوقع لي يوقع:حححل لبااااب علياا واش حماقيتيي..حححل..يووووسف..
وقف حدا طوموبيلتو ضرب يديه معاها بالاعصاب..غمض عنيه من الوجع لي شدو فكتافو ..حط يديه وبدا كيماصي بشوية:هدشي كامل غتندم عليه ..مابقاش بزااف ونولي انا لي متحكم فاللعب نوقعوو غير عقد الشراكة داك،ساع كلشي ايتقلب
قرب عندو واحد من رجالو:ااسي جعفر واش نت بيخير شاف فيه وشنق عليه:انكوون بيخير نهار انخلي يوسف الزعيم تحت الصبااط نعفط عليه كيف بغيت .نشوفو كيتدمر قدامي ..وداك الحقيييرة الصغيرة تكون بين يديااا نشوفها كتبكي وترجاني باش نخليها تعيش...داك ساع انكون بيخييير فهمتي دابة ودفعو تاكان ايطيح:تحرك من،قدامي ركب فطوموبيلتوو وكسيرا بالجهد نمشيو للجيهة لوخرا كان واقف وليلى خاشية يديها فدراعو كتبان بحال خطييتو ماشي ماماه لعمر ماداش ليها جمالها ورقتها بالعكس زادت زيانت والفرحة برجوع ولدها وتاتها من لبعيد تعرفها اطير بالفرحة علات راسها باش تشوف فولدها لي ولا طول منها بكامل وسامتو ورجولتو الف وحدة تمناه:هدا ولدي تاجدين ..ولدي كنقدم ليك الوزير ديالنا اتكون كتعرفو الوزير:مرحبا بيك عند واليديك فرحنا بزاف برجوعك على سلامتك..اي حاجة حتاجيتيها مرحبا عصام بتاسم ليه:الله يسلمك شكرا مشا الوزير وجاو شي رجال اعمال سلمو عليه تاهوما شاف فليلى:يلاه نبدلو لبلاصة جراتو:اصباار نعرفك على مديرة الجمعية ديالي انا وخالتك عصام تنهد ودار ليها خاطرها وفوق هدشي الصحافة غا كتصور كل شوية كيجي شي حد يتصور معاه حس براسو هو مهدي المنتضر بتاسم على تفكيرو:فين هي فاتي ليلى:دابة تنزل تشرب شي حاجة اولدي اتكون عطشتي اولا فيك الجووع نقولهم يجيبو ليك شي حاجة ياك..عييتك معاية عصام:لا بغيت غا فاتي فين هي جا عندهم عماد تاهو مبوكص ومقاد الحالة وفرحان قرب لعند ولدو وبتاسم وضرب ليه على ضهرو:مرحبا بولدي تاجدين ...مك،اتكون سخسخاتلك لياام دوراتك على كاع الناس ليلى ليلى حطات راسها على كتاف ولدها:بغيت كلشي يعرف ولدي رجع عصام:فاتي ماغاتهبطش عماد تنهد:هي ماعندهاش مع الحفلات ولكن دابة تنزل غا خليها على راحتها هز راسو باه ليلى:هاا يوسف جاا دور وجهو وغوبش فاش شافو جاي عندهم هو وحمزة وبدر ومعاهم ناصر يوسف من،التعابير لي فوجهو باينة ماحاملش يجي ناصر جر عصام لعندو وحتاضنوو وهو كيضرب ليه على ضهرو بطريقة رجولية:مرحبا بيك فعائلتك اولدي عصام:شكرا ناصر شاف فيهم وهوما يفهمو راسهم بدر قرب وسلم عليه وهو مبتاسم :مرحبا بيك..حنا خوت دابة عصام بتاسم ليه تاهو:شكرا حمزة:26 عاام اصاحبي طولتيي..مرحبا بيك وسلم علييه يوسف خاشي يديه فجيابو وكيشوف فيه ببرودة بدر شاف فيه باش يفهم راسو يوسف:ماشي اول مرة انشوفو سبق لينا تشاوفنا ورحبت بيه بطريقتي قالها بطريقة،مستفزة خلات عصام مايعطلوش:اه ومازال غنتشاوفو ان شاء الله راني مازال عند وعدي يوسف بنفس هدوئو:اه حنا ماشي غير ولاد الخالة ..نت راك نسيبي دابة وخال ولدي وشدد على داك ولدي بحاليلا كيفكرو فداكشي لي دار لختو عصام هز راسو باه وهو جامع يديه ومزير على صبعانو ..ولكن ضربة بضربة على قولتو كتافة بابتسامة ختاصرات داكشي لي غيقول..بجوج فاهمين بعضياتهم يوسف نساحب من حداهم ..وحمزة وبدر بقاو واقفين مع عصام كيتعرفو عليه وكيحاولو يخليوه يندامج معاهم داز الوقت وضور وجهو شاف فمهدي واقف ومدور عليه بزاف دلبنات كلهم زوعر ..:سمحولي ومشا لعندو:ماكاضيعش الوقت مهدي ناشط مع راسو:عندكم هدشي زين تلفت ماعرفت معامن نشد الخط عصام:عنداك تحماق مهدي:راه نديرها ونحماق شاف فلبنات:ماكرهتكمش تخطفوني وتديوني لشي جزيرة نبقاو فيها غا حنااا فبيت واحد ونموسية وحدة الحياة السعيدة لبنات ضحكو كاملين على هضرتوو مهدي:ويلي يا ويلي سمعتيي ضحيكة،كي دايرة عصام جرو بدلو لبلاصة :أ، تبت اصاحبي مهدي : شتك واقف غا مع الشخصيات المهمة .. عصام:ويااه هاد الناس فشكل اصاحبي مهدي:ايوا شتي الزهر فاش كيحركو الريح مهدي دور وجهو :شوف شوف هداك لي كنشوفوه فتلفاازة عصام شاف فيه:هداك راه وزير مهدي بصوت مرتافع:اااااه هو هداااك كنشوفوه فالبرلمان الوزير وهادوك لي معاه شافو فيه مهدي بقة كيضحك ويشوف فعصام:ههههه حق الرب ايلا هو لي فلبرلمان وبليمارة كان ناااعس مامسوقش ااه وشبعوو حلوة فميكة فواحد المؤتمار عصام خرج فيه عنيه وجرو:واش تسطيتيي شكا تقول بغيتي نباتو فلبنيقة مهدي جمع الضحكة:لبنيقة لا..غا كنضحك اصلا كلشي شاف داك لفيديووو ..عرفتي شغا دير نبعدووو من الوزراء ولبرلمانيين خلينا غا مع لبزنازة عصام:لا نت ناوي دخلنا الحبس هاد ليلة مافيهااش...وا البزنيييس البزنييس اصاحبي مهدي:البزنيييس مابغاتش دخلي لدماغ لبزنييس وقفو فواحد لكوان كيهضرو ويتفرجو فعباد الله كل شوية كيجي يسلم عليهم شي واحد وبزاف لي تصورو مع مهدي بطل العالم المغربي
فجيهة خرا كانو مجموعين فبلاصة وحدة ليلى كتهضر مع الطاهرة :عييت معاها مابغاتش تهبط ماعرغتش شغا ندير معاها طاهرة:مسكينة باقة صغيرة وداكشي لي داز عليها ماساهلش ليلى:راكي عارفة ماشي لخاطري راه كنت انحماق مابقاليش العقل طاهرة:صافي مايكون غسر الخير نتي حاولي ترجعيها لجيهتك راه واخة هكاك كتبقاي ماماها ليلى:اندير كتر مافجهدي بتاسمات وشافت فدينيس واقفة مع لبنات وكضحك:ختي طاهرة راني مازالة عند كلمتي دينيس لولدي ياكي طاهرة بتاسمات:ماغانلقاش ماحس منك حماة بنتي ..انا ماعنديش مشكل ليلى:من ديما وانا كنتمناها الولدي طاهرة:يكون خير انشاء الله دورات وجها وهي تشوف ناصر واقف مع واحد ااصحافية طلعاتها وهبطاتها مزيان .تكون فتلاتينات جدابة ولباسها انيق وكضحك معاه وتاهو داير ليها خاطرها كيجاوبها على اسئلتها ..علات حاجبها وتمتمات:هدشي لي بقة نيت ليلى:مالكي طاهرة:هنا جاية قدات شعرها وكسوتها وتمات غادة لعندهم وقفات حدا ناصر وخشات يديها فدراعو وعنيها على الصحافية:حياتي نت هنا ناصر شاف ففيها عرف اشنو تحت راسها:كنقدم ليك الصحافية... قاطعاتو:كنعرفها كنشوف البراميج والمقالات ديالها الصحافية بتاسمات:شرف ليا تكوني متبعاني طاهرة:لا احبيبة غير بالصدفة ماعنديش الوقت لداكشي الصحافية دوزات يديها على شعرها:بصاح مرات الزعيم خاص وقتها كلو يكون معاه وديما حاضياه صراحة كي كنت فبلاصتك اندير كتر منك خصوصا من بعد هاد العمر باقي كيف ماهو زوين .كلشي حاسدك عليه..عذراك امدام الطاهرة الطاهرة زيرات ليه على يديه:مدام الزعيم عفاك.. وشافت فناصر وبتاسمات:راجلي مامحتاجاش نحضيه حيت كنتيق فيه وعارفاه شحال كيبغيني . وشافت فيها:وبلا ماتبقاي تحطي راسك فبلاصتي حيت حتى فالاحلام مستحيل تكوني فبلاصتي لا نتي لا غيرك ااصحافية شربات من كاسها:الله يخليكم لبعضكم طاهرة:اميين تقدري تكملي اللقاء مع شي واحد من غير راجلي الصحافية فهمات راسها:سمحولي ومشات طاهرة بقات حاضياها تا مشات وهي تشوف فناصر:شتك عجبك الحال نسيتي راسك ولا شنو ناصر:علاش شنو شتيني درت طاهرة:وتقفين بحدكم بعاد على الناس وكتهضرو وضحكو منساجمين جاتك عادية اسي الزعيم ناصر بتاسم:راه غا اسئلة علئ الخدمة والبزنس طاهرة:وهدشي لاش كانت كضحك صوتها واصل لعندي
ناصر هز يديها وباسها:نتي لي كنبغي وتاوحدة ماغاتجي فبلاصتك شكون ما بغات تكون بتاسمات ليه بحي مازاال هو نقطة ضعفها بكلمة زوينة منو تنسة كلشي .حطات راسها على كتافو:كنبغيك بتاسم وباس ليها راسها ورجعوو لبلاصتهم وهوما كاع مامنتابهين للعنين ليغياكلوهم..عضات على سنانها اكرام:قريب غيسالي هاد الحب ليلى قربات عن طاهرة وهمسات ليها:اش درتي طاهرة:تحمد الله مانتفتهاش ليلى:هههههه خطيرة دينيس:لاش كضحكو ليلى:تاتزوجي وتعرفي دينيس:اممم
ليلى:شوية وغيديرو اللقاء مع تاجدين فين هو دورات وجها مابانش ليها:بنتي دينيس سيري شوفيه عفاك باش يجي دينيس بتاسمات:اه واخة ومشات كطير كتقلب :فين هاو قلبات الجردة كلها شوية وهي توقف ااسيرفور:اجي عفاك مابانلكش عصام..زعمة تاجدين ولد خالتي السيرفور:شفتو خارج هو وصاحبو لجيهة دطوموبيلات دينيس:واخة ومشات لجيهة دطوموبيلات شافت طوموبيلتو من لبعيد بان ليها راكب هو ومهدي وحالين باب طوموبيل قربات :نتوما هناا
عصام ساط داك نتيرة ديال جوان ومدو لمهدي:اه مالكي شواقع شمات ريحة دلحشيش:هدشي لاش مخبعين هناا مهدي كينتر منو:كنحتافلووو بخويا عصام مافيها باس هاد ليلة ياك اخويا عصام عصام هز راسو باه وهو كيشوف فيها دينيس :احم خالتي ليلى كتسناك اللقاء ايبدا من دابة شوية عصام ماجاوبهاش غير كيشوف فيها بحاليلا مبلوكي دينيس:وراه كنهضر معاك عصام ساكت دينيس شوفاتو وتروها عضات على شفايفها:جاوبني ميل راسو بطريقة زوينة وبتاسم داك الابتسامة لي كدوبها:جيتي زوينة بلعات ريقها تلفات ماعرفاتش اش تقول:احم شكرا ..المهم تا تلحق علياا يلاه اتمشي وهو يجرها من يديها لعندو ماتحركش من بلاصتو:فييين شافت ليه فيديه:لداخل
عصام دور وجهو وشاف فمهدي لي فعلام اخور مع داك جوان مكونسونطري معاه:مهدي مهدي:اشنو عصام:نزل سبقني هنا جاي مهدي:غا خليني هنا نكمل هاد جوان عصام:مهدي كملو برة مهدي شاف فيه يلاه ايهضر وهو يقشعو شاد يد دينيس فهم الفلم:واخة نيت يضربني الريح اصاحبي عمرتي هاد الجوان بزاف
ونزل مشا لبلاصة خراا كيكمي عصام:اجي ركبي دينيس:لا غا خليني نمشي عصام:ودابة غا ركبي مالك بقات ساكتة عصام:زعمة راني ولد خالتك ماغاناكلكش بتاسمات ومشات ركبات فبلاصة مهدي وشدات لباب..شد تاهو الباب لي مجيهتو وطفا الضو دطوموبيل باش كان مضوي وهو كيبرم جوانو.
دينيس بلعات ريقها:لاش طفيتي الضوو عصام بتاسم:راحنا فطوموبيل ماشي فبيت نعاس عضات على لسانها وبتاسمات:ماعرفتش عصام قرب لعندها وخشا صبعانو وسط شعرها:كتزيدي غا تزياني دينيس شافت فجيهة لوخرا:شكرا
جرها من شعرها غي بشوية لجيهتو:شوفي فيا وقوليها علات عنيها فيه :شكرا بتاسم وقرب طبع قبلة على جبهتها غمضات عنيها وهي كتحس بواحد الفرحة فشكل ..بقة بنفس القرب وشاف فعنيها:احسن حاجة فهاد روينة كاملة هي نتي بنت خالتي هزات يديها ودوزاتها على وجهو غير بشوية وبتاسمات بهدوء:واحسن حاجة تاجدين هو عصام عصام:علاش حطات صبعها على شفايفو:من بعد وتعرف باس صبعها وعضها غير بشوية:قوولي بعدات يديها وباست صبعها فبلاصت العضة وهزات راسها بلا وهي عاضة على شفايفها غمض عنيه وحط يديه على قلبو هاد الحركة لي دارت شرشماتلو المشاعير:اااح اقلبي حطات يديها على قلبو:مالوو شد ليها يديها وزير على قلبو:كيضرب بالجهد ضحكات:سير عند ااطبيب
جرها لعندوو تا تزدحات معاه:ااطبيب معاياا دور يديه مور ضهرها ونزلها لخصرها وزاد جرها لعندو حتى حس برجفتها بعد شعرها على وجها وقرب لشفايفها بغات تبعد:عصااا.. قاطعها:ششش
وحط شفايفو على شفايفها وبدا كيبوسها بطريقة حنينة وهي مادايرة تاشي ردة فعل او تجاوب ..كتحس بلمسات شفايفوو رشاتها وقوة منها خلاوها ترخة وتستسلم من غير قلبها لي غيسكت مع حركات يديه على ضهرها ..زيرات ليه على الكول من شدة الحرارة لي طلعات معاها..حتى كيقفزو بجوج من دقان على زاج الطوموبيل..كان مهدي دينيس ولات كلها كترجف تقادات فبلاصتها وهي كتقاد شعرها
دينيس ولات كلها كترجف تقادات فبلاصتها وهي كتقاد شعرها مهدي:راه شي حد جاي لهنا اصاحبي عصام:واخة هنا نازل شافها غتنزل وهو يجرها وباس ليها يديها وبتاسم:نتي فشكل تنترات منو ونزلات كطير دخلات لداخل عصام نزل وهو كيقاد فحوايجو شاف فمهدي:واش ماكاتعرفش تبعد وتقول هدشي ضاروري دير هكا مهدي:وراه ماسمعتونيش عيطت عليك من لبعيد او والوو ..سيرفور كان كيقلب عليك وجاي لهاد الجيهة عصام:صافي زيد زيد ودخلو لداخل
ليلى:فين كنتي اولدي عصام:غير هناا ليلى:اجي راه ربع ساعة وغيبدا اللقاء مشى معاها وهو يشوف الزاهية وسارة بتاسم وقرب باس راسها ويديها:الوليدة كي بقيتي بتاسمات ليه:الحمد الله ونتي اولدي عصام:انا بيخير شاف فسارة قرب لعندها ومد يديه .بتاسمات وسلمات عليه :خويا عصام بيخير عصام:الحمد الله ونتي
ماقدرش يشوف ليها فعنيها كيحس بتأنيب الضمير تنهد وشاف فالزاهية:فين هي مريم الزاهية هاهي موراك مريم:خوياا هزها بين يديه:الاميرة دخوها هناا باستو على وجهو:توحشتك عصام :تا اناا نزلها وبقة واقف معاهم هو ومهدي كيهضرو
فالجيهة لوخرا
كانت باقة،فالبيت جالسة فالارض قلبات البيت كلوو زعمة تلقة الضوبل دسوارت او والوو تنهدات ومشات لبباب تاني دقات بالجهد او والوو:الله يعطيك موصييية فهاد النهار
خرجات للبالكون ماكايطلش على الجردة لي فيها الحفلة اما كون دارت ليه الشوهة بقات واقفة وكتشوف فالسما حتى كتبان ليها وحدة من لخدامات دايزة ..ماشي هديك لي وصاها ..بتاسمات:هييييه ..بس بس الخدامة كدور راسها يمين وشمال عائشة:هناا لفوووق اختي لفوق هزات راسها ستغربات:اش واقع الالة
عائشة شوية وطير بالفرحة:ياااااااس..انا راه خطار على المجتمع ..ها حنا انشوفو ايوسف شغا دير ملي اتشوفني قدامك مشات دغية مدا لمراية قادات شعرها ووقفات مدا لباب حتى سمعات لباب كتحل ..بتاسمات فاش شافت لخدامة قدامها:شكراا عتقتيني والله الخدامة:ماشي مشكل عائشة:يلاه بسلامة
ونزلات كتجري فالدروج فرحانة خرجات للجردة كتقلب عليه بعنيها حتى كتشوفو من لبعد واقف مع شي حد ومعاه نرجس بتاسمات:مازال ماخلاقش هدا لي يتحكم فيا كيف بغة .. داز من حداها سيرفور خدات ليه كاس دلما شربات منو شوية ورداتولو:صخفني ولد لحرام بلعاني دازت من حداه باش يشوفها كان كيتصنت لواحد من رجال اعمال لي ايكون معاه فالمشروع الجديد حتى كيشوفها دايزة وكتمختر فمشيتها والابتسامة على وجها..دارت ليه باي باي بيديها زادت عصباتو مزيان ووقفات مع دينيس واكرام لي كانو حدا لبيفي دلماكلة خاصة غير بالمملاحات هزات طبسيل وعمراتو بداكشي لي لقات حداها وبدات كتاكل اكرام كتشوف فيها:هدشي كامل اتاكليه
عائشة ماجاوبتهاش عنيها على يوسف لي شوفاتو كون كانو قرطاس كون تيراو فيها يووسف...بركان هامد كيغلي فالداخل ديالو شوية وينفاجر عارف راسو ايلا الغضب عمى عنيه يقدر يرون هاد الحفلة كلها فوق راسها ولكن كلشي فوقتو مزيان ..ماغايدوزش ليها هدشي كلو..شاف فالرجل الاعمال لي قدامو باقي كيهضر بغة يختاصر عليه حيت طول وباينة ماغايسكتش السيد مامتيقش انه دخل شريك فالمشروع الجديد،مع واحد من ولاد الزعيم واخة غير بنسية قليلة فالاسهم ولكن راه غيجني من موراها ارباح..
يوسف:ان شاء الله نكملو هضرتنا نهار الاجتماع نخليك دابة جر معاه نرجس ومشى قبل مايسمع الرد ديالو ..جر واحد من السيرفورا من يديه وخدا ليه كاس دلويسكي وكمل طريقو
نرجس:يووسف مالك شاف فيها ببرودة:هو هداك شغا يكون مالي متلا نرجس:صافي والوو.ورخف ليا على يدي راك وعتيني رخف ليها على يديها وهو كيشرب من كاسو نرجس شافت فعائشة:هاهي عائشة..فكرتيني اجي معايا عند عائشة عائشة:جانيييي جووع اكرام:من صباح ونتي تاكليي اربي السلامة عائشة:اولا ماداوياش معاك تانيا انا لي كناكل ماشي نتي اكرام خنزرات فيها وسكتات عائشة شافت فدينيس غا ساهية:وراه داوية معاك فوقاش لعشة
دينيس:تا لمور اللقاء اصاحبتي عائشة يلاه اتهضر وهي تشوفوهم جاين سكتات نرجس وقفات حداهم هي ويوسف:عائشة واش عيطتي سولتي فهارون عائشة ببرود:لا يوسف:شكا تسناي عائشة:عارفاه ايكون ناعس وطليفوني ماجبتوش خنزر فيها وجبد طليفونو:تحركيي عيطي سولي فيه خدات ااطليفون وبعدات:وهي سوقها ولدي وانا حرة فيه تفووو
دوزات النمرة ديال الدار جاوباتها الخدامة تأكدات انه بيخير وقطعات يلاه اترجع الطليفون وهي تبتاسم ..بدات كتخربق فيه قبل يتسورت صيبات داكشي لي بغات :هادة،كادو صغيور من داكشي لي جاي اسي الزعيم باش التعلم يلاه اترجع وهي تسمع شي حد عيط ليها :عائشة دارت تشوف شكون حسات باحراج:استاد اسامة قرب لعندها وهو مبتاسم:قلنا استاد بلاش مد يدو سلمات عليه:كي بقيتي لاباس عائشة: الحمد الله ونت
اسامة:تا انا عائشة:بغيت غير نعتادر ليك على داك النهار انا... قاطعها:لا ماتعتادريش سوء تفاهم وقع عادي.وبدر خوك شرح ليا كلشي..يوسف عارف طبعو وكيخاف على خوتو ومن حقو عائشة:شكرا حيت تفهمتي داكشي لي وقع اسامة:صافي نساي ..جيت انا و الوالدة هي فنفس الجمعية مع ليلى.. فرحت بزاف برجوع ولد السي عماد عائشة:اه الحمد الله
عائشة بالها غا مع يوسف خايفة يدير شي فضيحة خصوصا انه حلف ليها وعاد داكشي لي دارت ليت واتكملها بداكشي عضات على سنانها فاش شافتو جاي لجيهتهم :يلاه نخليك خويا جاي ومشات قبل يوصل لعندهم شدات ليه فدراعو:غير سلم عليا ومشا يوسف فك ليها ااطليفون من يديها خشاه فجيبو وحط يديه هلى خسرها وغرس ليها صبعانو فخسرها حتى شهقات: اتزيدي حاجة وحدة اعائشة غييير وحدة وتشوفي شنوو غندير
عائشة غرغرو عنيها بدمووع:صافي رخي منيي رجع اللور ةشدها من دراعها:حاولي تحركي من حداياا مابغاتش تجاوبو ومشاو لبلاصتهم بقات واقفة حداه ما ولاتش تفنفنات من بلاصتها ..بلعات ريقها وهي كتفكر غا دير فاش تيرجعو للدار شافت فيه وتنهدات عارفاه ماغاينسالهاش هدشي لي دارت ماتنكرش بدات كتخاف ..ماكرهاتش تاخد ليه الطليفون وتحيد داكشي لي دارت
واخة حاجة تافهة ولكن قادرة تخليه يهرس لسها ليدين باش دارتها..كون كان شي واحد عادي ماغاتهموش ولكن هدا راه يوسف الزعيم خاصو غا السبة فين يشعل.. عائشة:احم يوسف شاف فيها بلا مايهضر..غير داك شوفات خلعوها بلعات ريقها:عطيني طليفونك،نعيط.. قاطعها:صووتك مانسمعوووش سكتات ماولاتش هضرات ولا تحركات من،بلاصتها
الوقت بدا اللقاااء كانت ليلى واقفة ولميكرو فيديها بتاسمات وهي شادة لعصام فيديه:غير وجهي يقول ليكم شحال انا فرحانة غير هاد ااضحكة لي رجعات لوجهي من بعد اعوام تقول ليكم انه الروح رجعات ليا..ااحمد الله ولدي رجع ليا ربي ماخيبنيش وااصبر دياالي مامشاش غير هكاك .جمعتكم هنا باش نشارك معاكم فرحتي برجوع ولدي تاجدين .ولدي اه ولدي تانا انولي نقول ولدي بحالي بحال اي ام هههه دابة عاد انعيش حياتي هانية....
نبدلو لبلاصة ونطلعو الفووق كانت فوق النموسية مخشية تحت لغطة وضلام فالبيت حاطة لخدية فوق راسها ومغمضة عنيها واخة ماناعساش..هادي هي حالتها ملي بدات الحفلة ..كتحس بالعافية شاعلة فقلبها هاد النهار زاد حجم الحرمان لي عاشتو حياتها كاملة..زادت الغيرة فقلبها .رمات لغطا وناضت فاش سمعات صوت مها خرجات للبالكون ووقفات كتشوف الناس مجمعين ومها كتهضر على عصام وهي فرحانة وكتعبر بحاليلا ماكانتش عندها بنت فهاد الاعوام تاهي محتاجة ليها
بتاسمات بسخرية ضربات يديها مع لحديدات ديال لبالكون :مناااافقة اليلى مناافقة ورجعات اللور حلات لباب ونزلات نيشان للجرادة وهي حفيانة بحوايج نعاس مبهدلين وشعرها مخربق ووجها شاحب..تمشات فالجردة وكلشي كيشوف فيها وليلى مازال كتهضر وتشكر فولدها دينيس شداتها:اجي فين غادة تنترات منها وكملات طريقها تا وصلات عند مها كلشي سكت وبقة كيشوف فيها وفحالتها كيف دايرة
وخدات الميكرو من ليلى :نهضر تانا شوية عاودي ليييهم على بنتك لي عمرك ديتيها فيها لي حرمتيها منك ..لي نتاقمتي منها على فراق ولدك..عاودي لييهم المنااافقة اه نتي غير منافقة..سمعوني هادي راها غير منافقة..علاش ولدتيني ملي اتعدبيني وتحرميني منك علااااش ..كرهتيني فحياتي وانا باقة صغيرة..كنتي كترميني للخدامات كيديرو فيا ما بغاو كانو كيضربوني فاش كنبكي وكيخليوني بالجووع ونتي ماكايناش فهاد الدنياا كتقلبي على ولدك ..فاش كنجي عندك كنبكي،ماكاتسمعيليش وكتجري عليااا.
عماد خدا ليها الميكرو:فااااتي طلعي البيت رجعات اللور وغوتات ليه فوجهو:الااااا خليني نقولهم باش يعرفو هاد المنافقة شافت فناس:هاد الام يتمات بنتها وهي مازالة حية..عمرها مشات معايا لمدراسة ..عمرها جات ونصحاتني كأم مع بنتها..انا ماكانعرفش شنو هو حنان الام
شافت فدينيس:دينيس كنت كنغيير منك فاش كنشوفك مع ماماك..انا لي قطعت ليك الكسوة الحمرة فاش شراتها ليك ماماك..وانا لي دفعتك طحتي فاش كنتي غادة تعنقي ماماك وتهرستي من يديك....ليلى نتي خرجتي علياااا كنكررهك نتي خليتيني ندعي باش عمرو يرجع خويا عمرك تلقايه..خليتيني نكره خويا قبل نشوفووو
بداو كينزلوو دموعها مسحاتهم بالزربة وشافت فباباها وبتاسمات:فاش نضجت واول مرة اتجيني الدورة الشهرية وخفت فاش شفت الدم..ياك نت ابابا لي شرحتيلي شنو داكشي وقلتيلي ماتخافيش داكشي عادي وديتيني عند خالتي طاهرة باش تزيد تشرحليي عقلتيي ياك...فين كانت ليلى داك ساااع ..كنت من ديما كنحس بالنقص شافت فليلى:اناااا كنكررررهك كنكرررهك بزاااف ليلى حطات يديها على فمها وبقات كتبكيي كانت غطيح وهو يشدها عماد فاتي قربات لعندها:عمري نسمح ليييك حياتي كاملة اليلى..اصلا ربي نتاقم منك وعاقبك حيت كنتي ومدة مسخة حملتي مع بابا بلا زوااااج.. قبل تكمل هضرتها طاحت فالارض بقوة الصقلة لي ضربها بيها عماد:سكتيييييييي
شافت فيه وهي طايحة فالارض بقات كتبكي:كنكرررهكم كاامليييين كنكررهكم ليلى بعدات على عماد وتحنات لعندها:بنتي فاتي :بعدييي مني انا ماشي بنتتتك كنكرهك بقات كتغوت وضرب فوجها ولي كيقرب ليها كدفعوو عصام كان غير واقف ومصدوم والناس كتفرج شي كيتشفة وشي كيتحسر والصحافة كتصور عصام قرب لعندها:ببعد مني كان قوة منها شدها من يديها:صااافي سكتييييي شافت فيه وهي كلها عرقانة:كنكرررهك سير بحاالك لاش رجعتي كون غير متي ولا قتلووووك حط يديه على وجها:انا خووووك فاتي:لا ماشي خويا نت ولد ليلى عصام:لا خووك لي غيبقة معاك ديماا فاتي :لاااااا بعد منييييي...كلكم كنكرررهكككم عرفها ماغاتسكتش من الغوات زرب عليها وهزها بالسيف عليها وهي كضربو على ضهروو ودايرة حالة بالغوات تبعاتو دينيس كتجري:انطلعوها للبيت ليلى بقات غير واقفة ومصدومة حتى كتحس برجليها فشلو شدات فعماد وترخاات كانت غطيح وهو يشدها
ليلى بقات غير واقفة ومصدومة حتى كتحس برجليها فشلو شدات فعماد وترخاات كانت غطيح وهو يشدها
شداتها معاه الطاهرة وبدات كتضرب ليها على وجهاا
طاهرة وهي كتبكي على هاد الحالة لي وصلو ليها:ختي واش كتسمعينيي فيقيي ..الله ياربي شهاد الموصيبة،وصلنا ليها
الزاهية:انجيب ليها كاس دلماا
عماد:لا انديها لطبيب
الزاهية:هادشي عادي مامحتاجاش الطبيب غير اتزيد تكمل عليها
شافت فااسيرفوور:ارا اولدي شي كاس دلماا
رشات ليها على وجها وشوية وحلات عنيها
عناد:ليلى واش بيخيير
هزات راسها باه وبدات كتبكي تاني
دور وجهو شاف كلشي كيتفرج هزها ودخلها لداخل
كلشي باقي مصدوم والناس كتفرجيرهم الشخدة ..والصحافة دايرة خدمتها
كانت داخلة هي وياه وقفو وهوما كيشوفو الروينة وعماد هاز ليلى صخفانة ولبكة مافهمو والو..
شافت فيه وخنزرات..امونة..:دابة عجبك لحاال جايين تا لدابة
بتاسم وشاف فيها:بقة فيك لحال حيت ماحضرتيش لدكشي لي وقع
ماجاوباتوش كتفكر شغا دير ..هي من طبعها ذكية اكيد اتعرف التصرف
هزات كاس وضربات عليه بمعلقة باش كلشي ينتابه ليها ..اصلا ناس كانو مجمعين فبلاصة،وحدة
امونة:احم سمحولنا على هاد الليلة كنا بغينا نكملوها بشي حاجة زوينة ولكن دوماج هههه..سوء تفاهم وقع عادي كتوقع فكاع لعائلات ..وفاتي ماعرفاتش راسها شكا تقوول ..ووو
قاطعوها الصحافيين لي تجمعو عليها
الصحافي اللول:وداكشي لي قالت لبنت صغيرة دليلى واش بصاح
ااصحافي التاني:هي تاهمات مها انها دارت علاقة غير شرعية مع عماد،قبل الزواج وحملات منو واش داكشي بصاااح
الصحافي التالت:بانت ليا بنتهم ماشي هي هديك حالتها كانت بحال شي وحدة كتعاطى المخدرات واش بصااح
امونة مصدومة من داكشي لي قالو:عقل الصغر راكم عارفييين..مانسمحلكمش تقولو شي حاجة ماتقالتش وتاهمو شي واحد بشي حاجة ماكايديرهااش..عرضناكم باش تفرحو معانا ماشي تشوهو بينا
ماجات فين تكمل هضرتها حتى لقات خوتها حداها
يوسف دار اشارة بيديه حتى تجمعو عليه كاع الرجال لي مراقبين الدار :تاواحد ما ايخرج من لهنا حتى نتاكدو من داكشي لي صورتووه ..حيت مانبغي تاشي حاجة من هدشي لي وقع يخرج..واي خبر غادي نلقاوه خارج هاد الدار مولاه غيتعاقب وايتحمل كاع داكشي لي ايجيه ..انا بنفسي غنتكلف بهادشي..
شاف فالحرس:شدو لبيبان ونتوما تفضلو معايا كاملين
الصحافي:السي الزعيم حنا كنديرو خدمتناا كيفما جبتونا لهنا باش نصورو داكشي الزوين خاص نصورو تا داكشي الخايب..والتهديد ديالك حتافض بيه لنفسك
يوسف دار ليه واحد الابتسامة خبيتة وهز راسو بمعنى منيتك قرب تا لعندو وكيجمع معاه بكروشي تا طاح فالارض بغااو رجالو يقربو وهو يمنعهم بيديه تحنا لعندو وزادو كروشي تاني تاسال الدم من فموو هز ليه الكاميرا وشخشخها مع الارض وزطم عليها برجليه حتى مشات فراتت وشاف فيه وهو كيقاد الفيسط ديالو:كنتمنى هضرتي تكون مفهومة دابة
شاف فكاع الصحافيين:يلاه كلشي يتحرك قدامي
كلشي سكت ولاو خايفين على كميراتهم ولا ياكلو داكشي لي كلا صاحبهم
ناصر وامين واقفين بعيد وكيتفرجو عارفين الصحافة شكا تسوا مايصلاح معاهم غا القاصح
الصحافة دخلو كاملين لواحد الصالة،كبيرة ..وبدا التفتيش
الضياف كان مازال كيتفرجوو ..وكيتسناو شغا يوقع
امين بابتسامتو الجدابة المعتادة على وجهو كيهضر مع الضيوف لي حاضرين:هادو هوما الصحافة كاملين كنعرفو شحال عزيز عليهم يكبرو المواضيع...وايلا ماخرجتيش فيهم عنيك يطلعولك فوق راسك ويشوهوك بحال كيف وقع لشحال من واحد فيكم ...كنضن انكم تفهمتو هدشي لي وقع ..وكنتمنى تانتوما ماتكبروش الموضوع حنا عرضنا غا الناس العزاز ولي باغين علاقتنا تبقة زوينة معاهم مانضنش شي واحد فيكم ايبغي يخسر هاد العلاقة على شي حاجة تافهة..البنت باقة صغيرة وماعارفاش شكا تقول .. كنعتادر على هاد السوء التفاهم لي وقع وغنعوضوها ان شاء الله فشي مناسبة حسن..يمكن ليكم تفضلو ترتااحو ..وشكرا حيت حضرتو معانا
بداو الناس كيسلمو عليهم ويمشيو وتاواحد فيهم ماغايقدر يدير شي حاجة لي تخسر علاقتو مع هاد العائلة وتاواحد فيهم ما ايبغي يجبد لراسو الصداع ..شوية بشوية كانت الجردة خوات وبداو الخدامات كيجمعو الروينة
فالصالة لداخل
قلبو ليهم لكاميرات كاملين ..مسحو اي حاجة عندها علاقة بداكشي لي وقع
يوسف من بعد ما تأكدو من كلشي:دابة يمكن ليكم تمشيو ..ماشي فصاليحكم الديرو الغلاط
شاف فهداك الصحافي لي ضربو مكمش فقنت وجالس بدماياتو:هضرنا بطريقة،زوينة،ونت ماعجباتكش ااطريقة وهضرت بالطريقة لي كنتي كتقلب عليها
مد يديه لواحد،من رجالو كان وصاه على شي حاجة..عطاه واحد الغلاف..مدو للصحافي:هدا تمن الكاميرا لي مشات ليك
هزاتو وحلات المصعد وهبطات لتحت يلاه اتمشي للصالة وهي تشوفو خارج معا لباب تسناتو تامشى عاد مشات:صبااح الخيير
كلشي:صباح النور
طاهرة:وينوو عطييه لي .عطيني لحبيب دجداتو
مداتو ليها وجلسات فبلاصتها باش تفطر وشافت فدينيس:فين هي فاتي
دينيس:باقة ناعسة
عائشة:مزيان
بدر كيقرا الجرائد:ما جبدو والو من داكشي دلبارح هضرو غير على الحفل ورجوع تاجدين
ناصر كيشرب قهوتو:اصلا مايقدروش
بدر بتاسم وهو كيتفكر خوه اش دار لبارح ..شحال من مرة كيجيه خوه عصبي بزاف ومتصرع وصعيب فطبعو وديما كيقول ليه نقص من هدشي..ولكن شي مرات كيقول انه مزيان الواحد يكون هكا حيت بنادم فهاد الوقت خاصو غير القاصح باش يبعد منك
على برى
كان،كيدوي فطليفون من بعد ماديمارا اللوطو:نبغي هدشي لي قلت ليك يكون واجد فاش نجييي..
قطع ودار ابتسامة خبيتة وهضر وهو كيزيد فااسرعة:نشوفو واش غاديري عقلك دابة..
لداخل
نرجس رجعات جلسات من بعد ما وصلات مع يوسف للباب:يوسف عندو ليوم جتماع مهم ايتجمعو فيه كاع الشركاء لي ايدخلو معاه فالمشروع الجديد وليوم غيسنيو العقد
طاهرة:الله يعاونو عارفاه قاد بشغالو وحاسب حسابو
بدر:انا غنمشي للشريكة الوليد اتمشي
ناصر:لا عندي شي شغال غا سير
بدر ناض وخرج
ناصر جمع واهو الوقفة ومشا يقضي شغالو
نرجس:خالتي بدر خاصو تاهو يتزوج ويدير عائلة ماعرفتش كيبان لي ماشي هو هداك
طاهرة تنهدات:مابغاش قلت ليه نختار ليك شي بنت الناس قالي لا قلت ليه واش عنيك فشي وحدة كيقول لا هو مازال ماباغي يتزوج حاليا
نرجس:خاص نعرفو مالوو المهم دابة نشوف معاه تانا مابقاش كيعاودلي بحال كيف كنا ..خاص نشوفولو شي بنت واخة يقول لا يقدر تعجبو
طاهرة:راه ولدي وانا عارفاه
نرجس:نجربوو
طاهرة:ايوا تانشوفو
اكرام وهي تجلس:صباح لخير علييكم
وجلسات كتشوف فالطبلة:فيين هو جي دوغوونج ديالي ياك كنقولهم نلقاه ديما فبلاصتي
عائشة وهي كتشرب منو:واش هادا لقيتو تماك وهزيتو
اكرام شافت فيها:ونتي اش جابك لبلاصتي
عائشة:عجبني ونتي كنتي مازال معطلة اصلا خاص يتشرب وهو باارد
وهي دور على صوت الطوموبيل لي كسيرات بالجهد تا تسمعو صوت روايض رجعات اللور فاش شافتو جاي لجيهتها ..عرفات انه صافي مابقة ليها فين تهرب
جرها من يديها :يووووسف رخي منيي واش حماقيتييي
ماجاوبهاش حل لباب ولاحها لقدام بغات ترجع تنزل وهو يدفعها بيديه اللور ونزل عندها:حاولي تنزليي وتشوفي
وزدح لباب عليها ومشا ركب وكسرا بالجهد
شافت فيه معصب بزاف ولعروق ديديه بارزين مع عضلاتو لي كيبانو كيضربو:يووووسف شكا دييير فين غاديين
ماجاوبهاش
عائشة بلعات ريقها وهي كتشوفو دايها من طريق لغاابة غا ااشجر رجعات شافت فييه:يووووووووسف جاوبنييي فين غادين..ماتنسااش انك نت لي درتي هدشي كاامل نت لي بغيتي هدشي ...نت لي ديما حاكر عليااا انا راه..
قاطاها:سكتييييي
عائشة :ماغانسكتش تاتقولي فين غاااديين
يوسف شاف فيها:انديك تزوري القبر ديالك انعرفك على الموت شخصياا..انوريك القواد شكا تسوة
بلعات ريقها عرفات انه صوني دطليفون عطا المفعول ديالو وانها دابة مشات فيها من المزيان..سكتات وهي كتفكر شغا دير ...
علات راسها فاش وهي تشوف واحد لباب من لحديد تحلات اوطوماتيكموو ..دخلو كانو رجال ديالو واقفين حلو ليه الطموبيل ..مشا نيشان نزلها..علات راسها كانت دار كبير كلها من لخشب وسط الغابة..داير بيها الشجر من كل جيهة
يوسف الغضب عمالو عنيه جرها معاه لجيهة لورانية ديال دارر..كاتطيح وهو باقي جارها..رجليها تجرحوو وتقصحات :يوووسف شنو بااغي ديير
دورات عنيها كتشوف غا الغابة وشجر،قدامها ...
يوسف منين وصل للبلاصة المطلوبة دفعها تا طاحت فالارض
عائشة تزدحات تا غوتات يديها تجردات مع الارض وتجرحات..وتا رجليها من جيهت الركبة سالت بالدم..دورات وجها وهي تشهق حطات يديها على فمها وهي كتشوف داكشي قدامها شافت فيه وهي مصدومة بداو كينزلو دموعها وكتهضر بصوت كيرجف بالخوف:يي..وسف شنو هدااا شنو باغي دير فياااا قوولي
يوسف قرب لعندها:هدا قبر وصيتهم يحفروه خصيصا ليك
تقاد فالوقفة وكيهضر ببرودة:شغا ندير بوحدة برهوشة تبقة،مصدعالي راسي .وانا قادر نمحيها من الوجود وتاشي حد مايسيق لها لخباار راه ماشي يوسف الزعيم لي تجي برهوشة تلعب معاه ديما كنقوولك لعبي خايب ..لادرت فيك راسي حياتك نرونها وتولي باااااح ماكايناش ..
عائشة ناضت لعندو باقة مامستوعباش الكابوس لي هي فيه شدات ليه فيديه:يوووسف واش عارف راسك شكا تقووول يوسف راني خاايفة بزااف عفاك ماديرش فيا هكاااا
نتر يديه من يديها ورجع اللور جبد اافردي من مور ضهرو حطو على شفايفو:انا فاش كنحلف راه كنوفي
وكنطبق لعبي خايب بزااف وهانتي طحتي بين يدياا واتشوفي وجهي التاني لي عمرك شتيييه ..اليوم،كاع داكشي لي درتيه من اول مرة تشاوفنا اتخلصييه ولكن لخلاص غالي بزاااف نتي ختاريتي شي حاجة،رخيصة وانا ختاريت روحك اعائشة
قرب لعندها وهي حاطة يديها على فمها كتبكي وكترجف خصوصا فاش كتشوف لقبر قدامها قلبها كيبغي يوقف ..
جرها من خصرها تا ولات لاسقة فيه وانفاسهم منساجمة حط راسو على راسها ..هي شداتو من الكول ديالو وزيرات وهضرات بهمس خافت مخلط بلبكة:يوسف قولي غير كنحلم قولي غير باغي تخلعني وغنرجعو لدار
قرب لودنيها وبنفس الهمس:للاسف لا انا غنسيفطك بيدي للجحييم
دفعها عليييه تا طاحت وسط لقبر ..فهاد اللحضة شافت الموت بين عنيها
ناضت مخلووعة:يوووسف لا عفاك
بتاسم وهو كيقاد لفردي فيديه
عائشة فكرة انها وسط لقبر ولا حنين لا رحيم كتخليها تبغي تحمااق :يوووسف الله يخليييك ماباغااش نمووت عفاااك ماديرش فياا هاكاا
يوسف :شتي الموت شحال خاايبة بقرطاسة،وحدة كلشي غيساليي
بغات تطلع وهو يرجع يدفعها تا طاحت
عائشة كترجااه:يووووووسف ايلا مت لمن انخلي ولدي لي باقي صغيير بزااف..دير بوجه ولدنا الله يخليييك..
يوسف:ولدي من ليوم ولدي انا ونرجس حيت نتي ماغاتبقااش فهاد الدنيا..حيت نتي ماتستاهليش تكوني ام ..جبتيه لهاد الدنيا بتقحبين ماباغيش ولدي يتعقد فاش يكبر من الاحسن تموتي ..نرجس مستاعدة تكون الام ديالو..غيكبر مع ام محتارمة ومافيهاش التاحراميات..هدشي كان خاصني نديرو من نهار عرفت انه عندي ولد ولكن ماشي مشكل
عائشة داك الهضرة كانت بحال القرطاس على قلبها كيفاش عطاه خاطرو يقول هاد الهضرة ..ايقتلها باش تربي ولدها مرااتو ..حسات بالقهرة ..هزات شوية درملة بين يديها ورماتها عليه وبدات كتغوت:نت حقيييييييييير نت ماكاتسواااش نت احقر رجل شفتوو فحيااااتي هاروون ولدي انااااا بوحدييي كنكرررهك
وطاحت على ركابيها كتبكي بحرقة غطات وجها بيديها وهي كتبكيي :الله ياخد فييك الحق
رجعاتات شافت فيه :شغادي تستاافد ايلا قتلتيينيي والوو ..علاش كدير فيااا هكااا علاااااش باغي تقتلنيي وتيتم ولدي ..شوف فيا مزياااان باقة صغييرة بزاف على المووت مازالة طايشة مازالة ماعارفاش شكا نديير مازال ماشفت والو فهاد دنياا من غيير لمرااار والعذااب ونت باغي تزيد تكمل علياااا واش ماخفتيش من الله واش نت بشاااار بعدة
شافت راسها كتهضر غا بحدها وهو مامعبرهاش زادت فلبكة وهي كتشوفو كيقاد الفردي بين يديه وقادو فتجاها حطات يديها على ودنيها :عفااااك ماتقتلنييش الله يخليييك
غمضات عنيها فاش سمعاتو كيدور لقرطاس...شهقات بالجهد فاش تطلقات القرطاسة ماحسات بوالو لا بحريق لا بتاحاجة حلات عنيها بشوية وشافت فيه
يوسف:انخيرك بين جوج رووحك ولا...
سكت:طلعي بعدة
ناضت باش تطلع ولكن رجليها فشلو عليها ماقدراتش
يوسف تحنا وهزها كيشي ريشة بين يديه دور يديه مور ضهرها وهز ليها راسها لعندو بعد الشعر من علا وجها بقة ساكت كيشوف فيها عنيها كيسيلو بموع وجها حمر بلبكة شفايفها كيرجفو بلخوف ..وعاد شوفاتها حاجة خرااا بلع ريقو ورمى ضاميرو مور ضهروو ماباغيش يضعف جابها للهنا باش تعاقب ماشي باش يرحمها...زير ليها على ضهرها بصبعانو تا غوتات:سمعي مزيااان شغا نقووول وجاوبيني بكلمة وحدة لا اكتر ..كتر من كلمة ماغانفكرش وغانتيري نيشان
نزل يديه وحط لفردي على كرشها وهو مزال شادها من خسرها وقريبة ليه بزاف ..:روحك ولا هارون تنسايه فمرا وتوقعي ورقة انك كتخلاي على ولدك الورقة هاهي فجيبي واجدة ..عتابري راسك عمرك ولدتي..وفنفس الوقت اتسني الورقة ديال طلاقنا وكل واحد يشد طريقو..ماتخافيش غنعوضك بواحد المبلغ عمرك حلمتي بيه مبلغ ايخليك تعيشي لحياة لي بغيتيها بعيدة علينا..ختاري بكلمة وحدة رووحك ولا هارون
بقات كتشوف فيه وهي مصدومة ..حلات فمها اتهضر وهي تسكت بقاو دموعها كينزلو شلال كتشوف فحاجة وحدة فعنييه بحاليلا كيقرا داكشي لي باغة تقول ..تفكرات ولدها كبدتها وروحها وطرف منها كيفاش اتعيش بلا بيه كيفاش اتكمل حياتها وهي عارفاه كيتربة مع وحدا خرا كيقولها ماما..كيفاش ايطاوعها قلبها تبيع ولدها...ولمن روحها ايلا ماتت ولدها ايتيتم ونفس شي ايعيش مع نرجس وايقولها ماما ..اتموت وكاع داكشي لي حلمات بيه ايتبخر ..ايموت معاها شبابها ..ما اتبقاش فهاد الوجود
غمضات عنيها وهي كتبكي حطات راسها على صدرو وعنقاتو بالجهد وهي كتبكي بحرقة ..عنقاتو كتبكي على راسها وعلى ولدها وعلى حياتها..بقات معنقاه شحال حتى كتسمع صوتو:جاوبي
بلعات ريقها وتنهدات:وولدي
ماعطلهاااش نيشان برك علي زنااد وتيرا فيها حتى سمع الشهقة ديالها زيرات ليه على ضهرو حتى توجع ..عائشة كتحس بواحد لوجع كيقطع ليها مصارنها ماستحملاتوش زادتت زيرات ..هبطات يدييها بشوية لكرشها كتدرها بزاف داكشي سخون نازل من كرشها هزات يديها وهي تشوف الدم شهقات ورجعات عنقاتو ..اول مرة اتعرف انه الموت خايبة بزااف..حتسة بداك الوجع كيعذبها ماشي كيقتلهاأ...الموت تقيلة لهاد الدراجة ...مابقاتش قادرة تستحمل خاص تموت خلاص..هبطات يديها بشوية ورجعات بركات بصبعها على زناااد..كما على الله تموت وترتاح
شهقات للمرة التانية وحطات راسها على صدرو رجليها فشلو عليها وبدات كتحس بواحد البرد واخة شمس كتحرق..
يوسف طاح ليه الفردي من يديه وبعدها عليه وهو باقي مدور يديه على ضهرها شافت فيه بعنيها دامعين ودابلين وهمسات ليه:رتاحيتي..عرفتي شنو
يوسف غير كيشوف فيه هز يديه وبعد شعرها على وجها
عائشة:ندمت حيت بغيتك واحد نهار وحسيت بشي حاجة من جيهتك وندمت حيت ماقدرتش نكرهك واخة كاع داكشي لي درتي فياا.
سكتات وهي كتبلع ريقها لسانها كيتقاتل عليها:كنتي اول واحد فحياتي اول واحد انشوف فيه كراجل فحياتي..اول واحد ايقيسني اول قبلة من عندك ..
حطات يديها على قلبها:اول راجل ايضرب ليه هدا بالجهد..اول مرة انولي ام معاك..واش عارف شنو معنة نت هو اول مرة فكل حاجة فحياتي ..ماغاتفهمش حيت ماعندكش القلب ..قلبك قاصح بزااف ..ندمت حيت دخلتك لحياتي وندمت حيت ...وسكتات... عمري نسمح لييييك ايوسف
أسقطته في شباكها فعذبها حتى أذاب فؤادها الجزء 11
محتوى القصة
بغات تهضر وهو يزير على شعرها:اي كلمة اتنطقيها ماشي هي هديك
يتبع...
التنقل بين الأجزاء