أسقطته في شباكها فعذبها حتى أذاب فؤادها الجزء 18

من تأليف ندى علامي
2020

محتوى القصة

رواية أسقطته في شباكها فعذبها حتى أذاب فؤادها

جا نهار جديد

هاد النهار عندو بزاف ما يدار ..دار اجتماع مع رجالو وتافقو على كاع داكشي لي خاص يوقع بالتفصيل ..يحيى كان حاضر معاه كيشاركهم فالاجتماع ماخاص يوقع تاشي غلاط..بعد عليهم وجاوب فالطليفون:الو بدر
بدر:الحد الان راه كلشي بيخير ماعندنا مناش نخافو الخطة غادة كيف بغيتي 
يوسف:مزيان واي تغيير عيطلي
بدر:واخة
وقطع ورجع عند رجالو 

فجيهة خرا

كانت واقفة حدا المراية كتفكر لابسة حوايجها ..وملبسة هارون حتى هو ..تنهدات وهي كدور عنيها على الجناح بحاليلا اتشوفو لاخر مرة شافت فكل ركن فيه وكتحس بقلبها كيتعصر مايمكنش تزيد تصبر وتبقة هكا كتعدب خاص دير هدشي لابغات تبقة عايشة وماتحماقش ..وهدا هو الحل باش ولادها يبقاو معاها..رجعات تنهدات وهزات هارون وساكها وخرجات من الجناح باش تهبط وهي تلاقة بنرجس كملات طريقها مابغاتش تدوي معاها حتى كتسمع صوتها:مازال ما درتي فيك النفس باش تمشي من هاد الدار
عائشة شافت فيها بلا ماتدوي 
نرجس قربات لعندها:نتي غير زايدة فهاد الدار غيجي واحد الوقت ويوسف ايلوحك ملي غيسالي وقتك وداكشي لي بنيتيه غيريب اعائشة طال زمان ولا قصار حيت عمر الدخيلة ماكادير بلاصتها بالعكس فترة وكترجع تغبر وكيبقاو غا لاصليين ..ونتي اتخرجي خاسرة من هاد الدار من جميع النواحي لا ولاد لا دار لا زواج لا كرامة 
عائشة عضات على سنانها هضرتها قاصت ليها جروحها بغات تهضر وتجاوبها ولكن شغا تقولها وهي كاع هضرتها صحيحة شغا تكدب والحقيقة قدامها ..كملات طريقها وهبطات وهي حابسة دموعها ..لقات طاهرة قدامها
طاهرة:فين غادة ابنتي
عائشة:انمشي عند ماما نشوفها ونرجع
الطاهرة:مزيان ابنتي سيري بدلي الجو
عائشة قربات وعنقاتها:شكرا على كلشي
طاهرة بتاسمات:علاه مالي اش درت ليك 
عائشة بعدات عليها:هكاك وصافي
طاهرة:الله يفرحك ابنتي 
عائشة:امين اخالتي يلاه هاني مشيت
وخرجات لقات شيفور برة :وصلني عند ماما
الشيفور:واخة تفضلي.
حل ليها باب طموبيل ركبات وديمارا لدار الزاهية ..طريق كاملة وهي كتبكي ومعنقة فهارون لحاجة الوحيدة لي مصبرها على هاد الفراق لي غيطول بزاف هارون ولي فكرشها هوما لي معاونينها ومخففين عليها العافية لي شاعلة فقلبها 
وصلها لدار نزلات وطلعات عند مهاا
كان مشغول مع رجالو حتى كيصوني ليه طليفونو:الوو..صافي مزيان..غير سير انا غنمشي موراها
وقطع ورجع الطليفون لجيبو وكمل الاجتماع ديالو وفبالو اليوم غيسالي هادشي ويجلس هو وياها ويهضرو وغيفهمها بالسيف عليها

كانت مع مها جالسين فلبالكون وعنيها لتحت شافت الشيفور مشا..حاطين كاس داتاي وكيهضرو 
الزاهية خوات عليها الدار من مور سارة .
الزاهية:خبات بلاصتها كانت مونساني
عائشة:ايوا الله يكمل عليها بالخير مسكينة ربي كبير وكاع ما خلاعا تكرفس
الزاهية:اه هي قلبها بيض وربي ماخيبهاش جابلها ولد ناس بحال حمزة 
عائشة:اه صراحة متواتين
الزاهية:اه جاو غزلان 
عائشة هزات راسها باه وهي كتشرب من اتاي وبالها ماهانيش كلشي مخربق عليها
اازاهية:كي غادة مع الوحم
عائشة:صعيب بزاف مرة كيخليني مهدودة ماكانقدش نهز راس كنضل غا ناعسة ومرة كنولي معصبة ومرة غا كانبكي ومرة غا كناكل 
الزاهية بتاسمات:اتكون بنيتة
عائشة حطات يديها على كرشها:بصااح بنيتة
الزاهية:اه باينة..البنت كتعدب الام فالحمالة كتخليها ديما معصبة 
عائشة بتاسمات وهي كتشوف فكرشها:مصاااب اماما بغيتها بنيتة تاناا 
الزاهية:على الله لي جابها الله مزيانة غا كمالت الصورة
عائشة كان فبالها ولد اتسميه آدم كيف قال باه ولكن الهضرة دمها عطاتها واحد الحماس تكون عندها بنيتة تبدة تلبس ليها وتمشط ليها فشعرها وتصبغ ليها صفارها واخة باقة صغيرة ..وتلبس بحال بحال هي وياها مجرد تخيل خلاها تبتاسم
الزاهية:كي غادة مع راجلك
عائشة بحاليلا رجعاتها للواقع نزلات راسها:الحمد الله
الزاهية:شوفي فياا 
عائشة شافت فيها وغرغرو عنيها بالدموع
الزاهية:مالك ابنتي عاوديلي
اي بنت بمجرد ماتسمع صوت الام ديالها الحنون كيقولها مالك وخصوصا لاكان قلبها طايب راه غتبكي حيت الام بحدها لي تقد تحس ببنتها..وبحدها الام لي تقدر بحنانها تخلينا نهضرو بلا مانحسو..فعلا كترو دموعها ونزلات راسها كتبكي
الزاهية عنقاتها:لهاد اادرااجة عاوديلي
عائشة دفنات راسها فصدر ماماها:بغة يااخد ليا ولادي اماما تصوري ...غنحماق اماما فداك الدار نموت ومايأديلياش ولادي
الزاهية كتمسح ليها على شعرها ومافاهمة والو :عاوديلي ابنتي 
عائشة:سجل هارون فالحالة المدنية بسمية نرجس بحاليلا هي ماماه وخلاني نوقع اني في حالة طلقنا ماكانسال والو فولدي هارون ..خايفة بزاف اماما يديهم ليا ويخليني والله تانحمااق.قلبو قاصح بزااف قادر يدير كتر من هدشي عمري نسمح ليييه اماما يعاقبني باي حاجة الا بولادي 
الزاهية كتصنت وهي مصدومة كيفاش تجرأ يديرها كيفاش طاوعاتو نفسو يدير هكا لام مازالة حية 
عائشة هزات راسها وشافت فمها بعنيها دامعين:نحماق ايلا داهم ليا مانقدش نعيش بلا هارون
مسحات ليها دموعها وهي :لا ابنتي ماغانخليييهش يدير فيك هكا مالها السيبة فلبلاد تانكون ميتة عاد يوقع هدشي انا غنهضر مع عصام..اريلي طليفوني دابة نهضر معاه
عائشة زيرات ليها على يديها:لا لا لا اماما لا ماتقولي والو الله يخليك يوسف راه مافقلبو رحمة قادر يدير اي حاجة خلي اماما يدوز غا هاد النهار الله يخليك ماتقولي واالو انا لي عارفاه شكا يسوة
الزاهية:ولكن..
قاطعاتها وهي كتبوس ليها يديها وتبكي:عفااك اماما صافي ديريلي خاطري
الزاهية:مايمكنش نبقاو كنتفرجو فيه زاد فيه بزاف 
عائشة:انا عارفة شغا ندير اماما 
الزاهية:شغا ديري
عائشة مسحات دموعها:دابة تعرفي ..انا دابة انخرج نمشي نقضي شي غراد ونرجع هارون هاهو معاك 
الزاهية:فين اتمشي
عائشة:نمشي نسري شي حوايج ويضرب فيا الهوة شوية
الزاهية:واخة ابنتي
ناضت دخلات للحمام غسلات وجها ومسحاتو بالفوطة خاص تشوفو بعدة وتهضر معاه على هدشي لي ايديرو وتشوف شغا دير فالممتلكات ديالها لي باقين سريين لحد الان عاد ترجع مور هارون وتمشي بحالها فمرا

خرجات من دار بقات واقفة شحال فبلاصتها كتفر من بعد خرجات للشانطي وشدات تاكسي وركبات وجبدات طليفونها دوزات نمرتو:فينك هاني فتاكسي ..واخة
قالت المول التاكسي على فين ايديها وتنهدات كتشوف فالطريق حتى كيوقفو فواحد لبلاصة خلصاتو ونزلات كان فطموبيل نزل فاش شافها سلم عليها باليد:فين هو هارون
عايشة:خلينا بعدة نصفيو الامور ماكاين لاش يبقة غادي جاي معانا نشوفو الشركة ونأكد حسابي ااسري فالبنك وعاد نرجع نجيبو
هز راسو باه:واخة تفضلي
حل ليها باب طومزبيل ركبات وركب تاهو وديمارا

فالجيهة لوخرا
كانت جالسة كتفكر فهادشي دبنتها ماخاصهاش تبقة هكا كتفرج ..حتى كتسمع كليفونها كيصوني بتاسمات وجاوبات:الو ولدي غصاك لاباس عليك
عصام جالسة حداه دينيس:الحمد الله ونتي
الزاهية:تانا الحمد الله كيبقات دينيس
قرب باسها على عنقها:راها بيخير .خوينا عليك الدار الواليدة
تنهدات:وياه خليتوني كي لحنش لمقطوع ليه راسو
بتاسم:دابة نرجعو ونعمرو ليك الدار 
الزاهية:الله يحيبكم على خير
عصام:امين ..شنو كديري
الزاهية:كانت معايا عائشة خرجات تقضي شي شغال وخلات معايا هارون
عصام:مزيان هي لاباس عليها
تنهدات كتشوف واش تقولو ولا لا فتااي زعمات راه بنتها هاديك تمشي ظير شي موصيبة فراسها وعاد الوحم كيزيد يكيمل:ما لا باس ما والو اولدي
عصام:علاش مالها ياك لاباس
الزاهية:مزااة صغيرة على هاد التكرفيس .
عصام:ودابة دوي وقوليلي مالها 
الزاهية عاودات ليه داكشي لي قالت ليها
عصام :واا الولبدة داك الهصرة راه مامنهاش هارون بسميتها هيي وهي متماه غير لعب عليها وراه دويت انا وياه فهادشي وغادي يشرح ليها كلشي وغتقاد امورهم ماعرفتش شنو وقع بيناتهم باش قالها هاد الكدبة ولكن راه باغي يصلح الامور دابة يقولها اش واقع ولا عرفتي انا غنعيط ليها ونهضر معاها
الزاهية :واخة واخة اولدي عيط ليها راه حالتها حالة مسكينة كتقطع فلقلب
عصام:صافي قطعي الواليدة
قطعات وهي كتطلب من ربي يصلح الامور بنتها 

عند عصام
ناض واقف كيدوز فنمرتها
دينيس تبعاتو:مالك اش واقع مالها عائشة
عصام:اصباري شوية
بقة كيصوني شحال والو ماجاوباتش..رجع تاني نفس الشي حاول كتر من مرة او والو فتالي صيفطلها ميساج:ملي تسالي عيطيلي ضاروري
وشاف فدينيس دور يديه على خسرها:والو ماواقع ليها والو داكشي بينها وبين راجلها 
بتاسمات:وغيتحل ان شاء الله
غطس راسو فعنقها كيبوسها:ان شاء الله

كانت مشغولة فتوقيع لوراق كتقراهم بالتدقيق ومدير البنك قدامها ..تأكدات انه كلشي هو هداك وكاع ارباح الشركة ديالها ايتحولو لهاد الكونط ديالها

خرجو وركبو تاني فلوطو وديمارا
عائشة:جعفر
شاف فيها:نعام
عائشة:فين اتدينا
جعفر:لواحد لبلاصة زوينة ماغايعرفك فيها حد ومأمنة تبقاي فيها نتي وهارون علامن تولدي وتكون تقادات الامور ونخرجو خارج لبلاد فمرا
هزات راسها باه وهي كتحس بداتها كلها كترجف عليها قلبها كيضرب فالمية خايفة بزاف من هدشي ..خايفة من داكشي لي جاي
جعفر شاف فيها قرا افكارها:ماتخافيش انا معاك وولادك ايبقاو ديما معاك تاواحد ماعندو الحق يحرمك منهم .ولي جاي غيكون زوين اعائشة بعيد على مشاكيل يوسف
شافت فيه وهزات راسها باه 
بتاسم فرحان واخيرا اتكون معاه غيطلقها منو وايخليها معاه ديما ومع الوقت تولي مراتو هو ..قاد ليها وراق الشريكة وفتح ليها كونط بسميتها ومازال يزيد يبرعها تاتنسة يوسف وماجا منوو..لامشة هدشي كيفما مخطط عمرو يأديها ويدرها فعينيه 
عائشة:جعفر عفاك وقف جيب ليا شي حاجة باردة كنحس بريقي نشف بزاف
هز راسو باه ووقف حدا واحد المحال نزل باش يجيب ليها داكشي لي بغات..بقات جالسة كتفكر فهدشي ماغاتراجعش وماغاتفكرش فالرجوع..تنهدات وحلات ساكها باش تقول لزاهية توجد ليها هارون..شافت لبزابيل دعصام بزاف وميساج..دوزات نمرتو قطع عليها ورجع عيط:الو خويا
عصام:فينك
عائشة:فتاكسي راجعة لدار ياك لاباس
عصام:دويت مع الوليدة وقالتلي على داكشي لي بينك وبين يوسف
عضات على شفايفها:ماكانش عليها تقولك ونصدعك اعصام هدشي راه ماعندوش الحل
عصام:سمعيني
عائشة:لا مادخلش راسك فهادشي اعصام
صافي انا عارفة شغا ندير
عصام:والموصيبة راه داكشي مامنو والوو هارون بسميتك نتي ومسجل فالحالة المدنية بانك نتي هي ماماه وهو ولدك وبهارون..يوسف غا بغة يبرزطك شوية ماعرفتش اش وقع بيناتكم ولكن بغة يدير ليك عقلك بااسيف ..دويت انا وياه فهدشي داك نهار ماعرفت علاش باقي ماحل هاد المشكل
عائشة بقات ساكتة كتصنت ودور هضرتو فدماغها باش تستوعبها
عصام:يوسف عارفو خبيت وعصبي ولكن ماشي لهاد الدراجة اعائشة يحرمك من ولادك راه تاهو اب وغيحس بيك غا ماعرفت اش وقع باش دار ليك هاد البلان ولكن راه ماكاينش هدشي غا رتاحي وجلسي نتي وياه هضرو بالعقل وشوفو اش ديرو فحياتكم وحلو مشاكيلكم
عائشة همسات ليه:واش بصاح قالهالك 
عصام:والله القسام بليمارة قالي خاصها دير عقلها
عائشة بقات ساكتة وعنيها مغرغرين بالدموع وكتسترجع كلام عصام فدماغها وكلام يوسف لي ديماكيبغي يهضر معاها ويلمح ليها وهي كتصدو ..غمضات عنيها وهي كتبكي خايفة تكون غا كتحلم حتى كتسمع صوت عصام:وا الووو فينك
عائشة:هنا اخويا
عصام:سيري لدار وتفاهمي نتي وياه بالعقل
هزات راسها باه وهي كتبكي ومبتاسمة:واخة انا غنمشي دابة 
عصام:يلاه بسلامة شحال اندوم ليكم
عائشة وهي مبتاسمة:بسلامة
بقات غا كتبتاسم ودموع مازال مابغاو يحبسو .غادي تسمع ليه اش غيقول وغيتفاهمو وغيتبدلو بزاف دلحوايج على قبل ولادهم واتقولو تسكن بعيد على نرجس باش يسالي هاد الصداع طاهرة غتفهمها حيت تاهي عارفة المشاكيل لي كينوضو بينها وبين نرجس فنفس الدار..اتولي عندها دارها بوحدها بعيد على المشاكيل ماغاتشوفش نيرجس كااع باش كل وحدة نشد تيقارها ..وماغاتحرمهاش من راجلها باش كل وحدة تاخد حقها ..هدشي كامل كيدور فدماغها وكتخطط ليه من دابة ..عيات من المشاكيل بزااف مابقاتش قادرة تستحمل بغات ترتااح تاهي وتعيش هانية فرحانة وتنسة كاع لي فات على قبل زوج وليداتها خاص هدشي يسالي وبغات تبدل حياتها اتكبر دماغها....تنهدات ايمتى تمشي لدار وتجلس هي وياه يهضرو مزياان فهدشي وكل واحد يقول شنو عندو..دورات وجها تعطل شافتو جاي نزلات زاج فرحانة:جعفر دغية ركب
بتاسم:واخة

ركب فالطموبيل وشاف فيها:هاكي
هزات راسها بلا وهي مبتاسمة:لا مابغيتش..رجعني غير لدار مابقيتش انهرب اجعفر صافي انبقة مع راحلي وولادي 
جعفر بقة غير مصدوم وكيشوف فيها
عائشة وهي مبتاسمة:اه انبقة مع عائلتي صافي كلشي توضح وما انخليش ولادي يعيشو بلا عائلة ..الحمد الله ملي عرفت كلشي قبل نتهزر الحمد الله عفاك ديني لدار نهز هارون باش نمشي لدار وشكرا بزاف على هدشي لي كدير معايا 
جعفر مازال كيشوف فيها مصدوم 
عائشة:جعفر كندوي معاك
هز راسو باه وديمارا الطموبيل:واخة هي لولا
عائشة كتهضر وهي مبتاسمة:فركانة بزاف عائلتي صغيرة ماغاتشتتش انبقاو مجموعيم وعلى قبلهم انسة كاع لي فات اجعفر 
طريق كاملة وهي غير كدوي وتعبر على احاسيسا وحاطة يديها علرى كرشها كتهضر حتى مع لبي بي وتقولو مابقيناش انهربو ..شافت فالطريق:جعفر واش هادي شي طريق جديدة انمشيو منها
رجعات شافت فيه ماكايجاوبهاش:جعفر جاوبني خلينا نمشيو من طريقنا العادية حسن لينا 
شافتو ماكايجاوبش وغادين فطريق خاوية وبعيدة على فين كاينة دار بحاليلا باغي يخرج على لمدينة..رجعات شافت فيه:جعفر جاوبني
بدا قلبها كيضرب فلمية:جعفر حطنيي هنااا صافي انشد تاكسي
والو غير كيسوك وعنيه على الطريق مخنزر ومزير على لفولون عوتاني لعبات بيه لبرهوشة هو كيعاونها ويديرلها فالخواطر وفتالي كترجع ليوسف بحال ديما..
عائشة بدات كضربو على كتافو:نزلنييي واش ماكاتسمعش حبااااس اجعفر
غوت ليها فوجها:سكتيييييييي واش نتي حمقة نرجعك من بعد ماجيتي بين يديا واش من نيتك عمرك تخلمي ترجعي اعائشة صافي نتي طحتي بين يديا ماغايفكك مني تا واحد
بقات كتشوف فيه مصدومة همسات ليه:شكا تقول
بتاسم :كيف سمعتي اعويشة عام والصرف وانا نسنة هاد اللحضة ماجاتش نضيعها دابة غا تبتي معاياا باش نتحاسبو مزيان 
حلات فمها فيه مصدومة هدا شكا يقلو بدات كتغوت:نزلنييييييي ماغانمشيش معاك نزلنييييي 
وبدات ضرب وتقمش فييه وتماول تشد الفلوون تصباتو جبد من مور ضهرو لفردي ديالو وكينزل عليها لراس تاسخفات ..وقف الطموبيل وشد ليها راسها بين يديه :صافي دابة وقت الهدوء اعائشة 
باسها على خدها وهز كلينيكس مسح ليها الدم لي كيسيل من راسها وقاداها فبلاصتها ودار ليها السمطة وخدا ليها ساكها هز طليفونها طفاه ورجعو للساك يقدر يحتاج منو شي حاجة ..وكمل الطريق حاسب حساب كلشي وغيكمل كيف حسبها ..مسافة كريق وكانو حدا واحد لهيلو كوبتر ..نزل وهزها بين يديه وواحد من رجالو هز ليها ساكها وداكشي ديالها طلعوها للكوبتر وقلعات بيهم طيارة طايرة فسما✈✈✈ 

داز الوقت
فالجيهة خرا

سلاو كاع الترتيبات والتجهيزات تافقو على كلشي وغيتنفد كلشي بالليل علامن طيح الضلمة..وخرج هو ويحيى من ديبو كيهضرو فهادشي. خشا يديه فجيبو وجبد طليفونو شعلوو وبداو يوصلوه الميساجات ظاك ساع صونا ليه طليفون دغية جاوب:الو
الزاهية:يوسف ولدي واش معاك عائشة.
قوس حواجبو:كيفاش واش معايا عائشة
الزهية:هادي خمسة دسوايع باش خرجات ومازال مارجعات من صباح وانا نعيط طليفونها طافي ..عيطت للطاهرة قالتي ماجاتش لدار..قلت تكون معاك ملي تانت ماكنايش كتجاوب
دوز يديه على راسو عاض على سنانو:واخة
الزاهية:كيفاش واخة
يوسف:دابة نرد عليك
وقطع وضرب يديه مع الطموبيل معصب ولا كلو كيغلي فلمح البصر عروقو بانو :كووونت عارف كتوجدي لشي كارتة
يحيى:ياك لاباس اش واقع
يوسف وهو كيركب فلوطو:يحيى رد البال من لهنا ليل صافي
وركب وكسيرا بالجهد خلاه واقف مصدوم مافاهم والو 

فجيهة بعيدة عليهم 
حلات عنيها بشوية كتحس براسها كيضرها بزاف بقات شحال عاد ستوعبات اش وقع ناضت جالسة فبلاصتها قلبها كيطلع وينزل بالخلعة داتها كلها كترجف دورات عنيها يمين وشمال ونزلات من فوق النموسية كتبكي:جعفففر حل عليااااا لباااب
بقات كضرب فلباب لي مبلج بالساروت:جعععععععفر حل علياااا لباااب جعفر


ضربات فلباب وزدحات برجليها وغوتات تامشة ليها الصوت او والو بحاليلا كاينة غا هي فهاد البلاصة جلسات فالارض كتبكي ويديها على لباب كضرب فيها:جععفر عفاك حل علياااا الله يخليك
وقفات دغية فاش حسات بشي حركة حدا لباب بدات تاني كتغوت:حلووو عليااااااا الباب
تحلات لباب ورجعات اللور ..شافتو داخل والابتسامة على وجهو بحاليلا ما واقع والو شد لباب موراه ووقف اونفاص معاها وهي غير ساكتة ومراقبة حراكاتو وقلبها كيضرب فالمية حتى كتسمع صوتو والابتسامة مرسومة على وجهو:مرحبا بيك عندي ..عند جعفر الانسان لي اتبقاي تشوفيه بزاف اعائشة ..حياتك اتولي مرتابطة بيا من اليوم..نساي يوسف ونساي الماضي ..انا هو الحاضر ديالك ومستقبالك دابة..كلشي بين يديا ومن الاحسن ماتعكسيش معايا وماتعاندينيش باش نعيشو مزيان انا وياك
تنهد وهو كيمسح على راسو:اممم خاصنا نقاضو بزاف دلحوايج ونرتبو بزاف دلامور ونصفيو شي حسابات باش عاد يمكن لينا نعيشو مزيان..
عائشة قوصات حواجبها هدا شكا يخربق وشكا يقول:مافهمت والو وماباغاش نفهم حيت بنتي ليا حماقيتي اجعفر ..رجعني منين جبتيني حيت اتجبد على راسك الصداع يوسف راه غيلقاني وماغايرحمكش داك ساع .تلقاه دابة قالب الدنيا كيقلب عليااا
جعفر بقة كيضحك:ههههههه ضحكتيني ههههه
قرب لعندها وهو مازال كيضحك شدها من شعرها وقربها لعندو وهي عاضة على شفايفها مقصحها:فخبارك انه يوسف ديالك تاهو طايح بين يديا ..فخبارك قادر نهرسو فدقيقة وحدة ونغبر ليه الاتار فمراا..فدقيقة اعائشة يوسف ايولي باااااااااح
عائشة:رخيييي مني قصحتيني
رخة منها وكمل كلامو:من الاحسن تحيدي قصوحية راس لي فيييك اعائشة ومن الاحسن تبداي ترحمي على يوسف من دابة 
قربات لعندو وضرباتو على صدرو وهي كتغوت:لااااا يووسف عمر شي حد وقف فطريقوووو وتانت غيمحيك غا تسنة هانت غتشووف الحقيييير تقت فيك انا وخويا وصدقتي واحد ماكايسواااش كااع اجعفر 
دفعها تا طاحت فوق النموسية وشهقات فاش جا فوقها زرب عليها تبلوكات فبلاصتها كتشوفو فوقها زيرات على ليزار بصبعانها وهي كتلهت وكتحس بحرارة انفاسو على وجها ..سمعات صوتوو :انا حقر مما كتصوري اعائشة مازال ماشتي والو ومازال غتعرفي جعفر شكا يسوة وتعرفي جعفر شكون هو.ومن دابة نقولهالك ايلا ماشديتيش معايا الطريق غتعدبي بزاف باش تموتي
وبتاسم:كاع لبنيتات لي بحالك قتلتهم اعائشة وعاد نتي راه عاطيك فرصة فين ديري عقلك ومانقتلكش ولكن مانضمنش ليك من دابة لفوق شنو يقدر يوقع
عائشة حاسة براسها غير كتحلم شنو هدشي واقع شهاد الكارتة لي طاحت فيها خايفة يكون كلامو بصاح ويأدي يوسف ويقتلها ويدمر ليهم حياتهم خايفة بزاف يكون كلامو صحيح..نزلو دموعها وشافت فيه وهي عاضة على سنانها مشمأزة منووو وهو فوقها ماحاملاهش:بعد علياا الحقير 
قرب وطبع قبلة على خدها خلاها تجهل بدات تغوت وتحاول دفعو:ماتقيييسنيييييييييش نوض عليا الحيوااان 
حكمها مزيان تا مابقاتش كتحرك ولا غا صدرها طالع هابط وكتنهج وكلها عرقانة ودموع نازلين من عنيها :غنقيسك اعائشة نهار غتسني بيديك على طلاقك من يوسف وتسني عقد زواجنا فنفس النهار غنقيسك وبسيف عليك
خرجات عنيها فيه مصدوومة 
ناض من فوقها كيضحك ويقاد فحوايجو ناضت تابعاه كضربو على صدرو:والله لا كااانت ليييك نمووت ومايوقعش هدشيييي واااحد هو لي من حقو يقيسني هو راجلي يوسف الزعيم سمعتيني نموت ومايتحققش هدشي لي كتقول
جعفر ميل راسو كيزيد يستفزها بالبرود لي فيه:كلشي غيدوز قدام عنيك غير علمتك من دابة باش تكون صدمة خفيفة نهار ايتطبق هدشي
وتم خارج وهي تابعاه:لاااا يوسف غيلقاني وغتشوووف بعينيييك والله تا يندمك على نهار لي فكرتي تخطفني فيه
بغة يشد لباب وهي تشدها وبدات كتغوت:خرجنيييي من لهنااا
نتر ليها يديها من لباب وسد لباب وهي مازال كتغوت حط راسو على لباب وهضر بصوت مسموع:هنا مشيت اعويشتي هههه
ونزل فالدروج على صوت زديحها للباب ..لقة رحالو لتحت ختافات داك الابتسامة لي كانت على وجهو وخنز فيهم:ردو لبال ليها مزيان مانبغي تاشي غلاط كيف ما بغة يكون غنرجع بالليل 
وخرج لواحد ليصبااص كبير كاين فهاد الفلة كانت طيارتو الخاصة مجهزة مزيان محمية من نضام التعقب ركب فيها وهو كيشوف لبعيد صافي مابقاش بزاف ..وقلعات بيه طيارة فسما كيفكر فلي جاي

عندها
جلسات فالارض جامعة رجليها لعندها كتبكي خايفة بزاف كتحس بقلبها غيوقف بحاليلا راها فشي كابوس .هدشي بزاف عليها كتخرج من موصيبة كدخل فما كتر منها عاد وهي فرحانة باش ترجع لدار وتقاد حياتها مع راجلها دغية تقلب كلشي ودخلات فكارتة جديدة لي مابقاتش عارفة باش اتسالي ..شهاد النحس تابعها فحياتها لهاد الدراجة ماتستاهلش تعيش بحالها بحال كاع ناس
حطات يديها على كرشها فاش نغزها شي حريق شنو دنبو يعيش معاها هاد المصائب ..بكات حتى عيات على راسها وعلى كلشي والخوف ايقتلها وكتردد جملة وحدة فدماغها:يوسف اجي دغية عفاك

فجيهة خراا
كان واقف حدا الطموبيل وحداه عصام كيعاود ليه اش وقع ..كان كيشوف غير فالارض وكيسمع لكلامو
عصام جبد الطليفون :هاهي عندي تسجيل دلمكالمة كاع اصبار سمعها
دوز ليه المكالمة سمعها كلها حتى حبسات ..كان مزير على يديه على شكل لكمة وافكار كتديه وافكار كتجيبوو بحاليلا مصدوم مايمكنش يخطفوها ويلويو ليه يديه بيها مايمكنش دابة تكون بين يديهم كيف غتكون دابة وهي كتخاف واخة كطير .
شاف فعصام:تخطفات
عصام:شكون غيكون خطفها
يوسف حل باب الطموبيل وركب بلا تاشي كلمة..عصام ركب حداه..وديمارا بالجهد غير ساكت ودماغو خداام بحال شي بركان هامد 
عصام كيدوز فكاع النوامر لي كيعرف عيط تا لحنان لي فلفيرمة كيسول وكيتمنى ماتكونش مخطوفة
وقفوو حدا لاجونص ديال تاكسيات نزلو دخلو نيشان عند المدير وبداو فالبحت على حساب كلامها كانت فتاكسي...داز الوقت والوو ماركباتش فتاكسي 

خرجو ورجعو وركبو فطموبيل وطليفونات مابغاوش يحبسو رجال يوسف كيقلبو ويبحتو فكل بلاصة..يوسف ماباغي يدير تاشي خطوة حتى يتأكد انه بصاح مخطوفة واخة راه فلداخل ديالو مقتانع انها تخطفات ولكن باغي يكدب راسووو باغيها تبان قدامو فاي لحضة يسمع خبارها ماعرت توقع شي معحزة ويكون تخمينو كادب يكون غالط وغترجع وماتجرؤوش يخطفوها ولحد الان مازال ماجاه تاشي اتصال من هادوك لي يكونو خطفوها ...ماباغيش يتهور ماباغيش يزرب وتجي فيها هي ..حيت هي لاتأدى ..وقف عند هاد النقطة وايلا كانو دابة أداوها لاكانو ضربوها ..وقف فبلاصتو كيحس بدم ديالو كيغلي وهو كيتخايلها كتبكي وخايفة وهو ماحداهاش
عصام شاف فيه:يوسف
يوسف غمض عنيه ورجع حلهم وكمل طريق ركبو فطموبيل نفس الشي غير ساكت..وعصام عقلو خارج مع طليفون لي كيعيطلو ماكابلقاش عندو شي خبار يفرح ماكاين تاشي خبار عليها 
عصام:خاص هدشي يعرفوه لبوليس ايوسف
يوسف وهو سايك:البوليس ماعندهم مايديرو انا غنتصرف
عصام بصوت حاد:ختي ماغاترجعش بهاد البرود ديااالك ايلا لهاد الدراجة ماهاماكش انا راه هاماني راها ختي سمعتينييي 
يوسف وقف الطموليل بالجهد تا تسمع الصوت وشاف فيه وهو عاض على سنانو:مراتي ومت جوج دولادي سمعتيني ماغاتخافس عليها بحاليي.انا غنجبدها واخة تكون تحت الارض واي واحد حط عليه يده ولا بكاهااا 
ماغانرحمووش.ايلا تهورنا راه غنأديوهاا سمعتينييي .
ورجع ديمارا بالجهد شوية ويطير هو والطموبيل
عصام بقة غير كيشوف كيفاش نفاجر وكيفاش وجهو ولا حمر وعروقو بارزين والاكتر كيفاش كاتم كااع هاد الاعصاب فلداخل ديالو لدرجة حساب ليه مامسوقش بسكات ديالو ..جاوب على الطليفون :وي الوليدة..مازال..وصافي ماتزيديش تكملي تانتي ملي نعرفو شي حاجة نقولك..صافي قطعي
وقطع وهو كيصوط .. 

داز الوقت وطاحت الضلمة

كانت على نفس وضعيتها جالسة فالارض حدا لباب ودموع ماحبسوش ..قفزات فاش تحلات لباب كانت شي وحدة ماعرفاتهاش
ناضت عندها كتجري وتبكي:عتقيني عفاك خرجيني من لهنا الله يخليييك عندي ولدي خليتو بوحدو ربي لي عالم بيه وحاملة اختي عتقينيي الله يخليك
بقات كتشوف فيها ببرود:زيدي قدامي السي جعفر لتحت كيتسنة
عائشة بصوت باكي:عاونيني عفاااك نتي غتحسي بيااا الله يخليك ماتكونيش بحالو 
مازال بنفس البرود: راه ماكاينش شكون ايعاونك هدي هي خدمتنا بلا ماتعدبي راسك..وزيدي قدامي السي جعفر كيتسنة
عائشة دفعاتها:بعدييييي منييي نتي ويااه الله ياخد فيكم الحق
قربات لعندها وجمعات معاها بصقلة:اخر مرة تمدي يديييك سمعتيني وزيدي قدامي
عائشة بقات مصدومة وحاطة يديها على خدها:زيدييييي تحركي
عائشة رجعات اللور:لاااا 

قربات لعندها وجراتها تاني من شعرها لعندها وزيرات:باينة فيك كمونية احبيبة ولكن انا لي غنعرف ليك
عائشة تنترات منها :داكشي لي كتخططو ليه ماغايصدقش سمعتيني وسيري تقودي نتي وياه 
خرجات فيها عنيها وهزات يديها تزيدها كف تاني وهي عائشة تشد ليها يديها وتلويها ليها تا غوتات من الوجع:يديييك غنهرسها ليييك ووليتي مديتيها الموسخة
دفعاتها تاجات مزدوحة فالارض شادة فيديها لي شوية وتهرس وتحنات لعندها شاداها من شعرها باش ماتنوضش :نتوما ماعارفينش شنو نقدر ندييير 
ودفعاتها تا تضرب راسها مع الارض وخرجات وسدات لباب من موراها خلاتها دايخة فالارض كتحاول توقف..هبطات كتسلت فالدروج وكتحاول ماتخليش صوت انفاسها يتسمعو حيت كانت كتلهت بزاف وقفات فنص الدددروج فاش بان ليها لتحت جالس فصالة ورجال دايرين بيه كيدوي معاهم دورات عنيها تشوف جيهة خرا تهرب منها وهي تبان ليها واحد لباب ..نزلات شوية تا وصلات لاخر درجة وتحنات على ركابيها كتحبو فالارض تا وصلات لداك لباب ودخلات منها كانت باب لكوزينة بقات كدور بعنيها تاشافت لباب دجردة مشات كتجري ليها فاش سمعات شي صوت جاي جيهت لباب ..خرجات للجردة وبدات غا كتجري طالقة رجليها للريح ودموعها كيطيرو مع الهوة خايفة بزاف سخفات بجرة وواخة هكاك كملات مايمكنش تحبس حتى وصلات للباب لكبيرة تنهدات براحة مابقاش بزاف..غير تخرج اطلب من ناس يعاونوها ..تحنات كتلهت وهي حاطة يديها على كرشها:صبر مع ماماك عفاك مابقاش بزااف 
حطات يديها على الحديدات دلباب وهي تقفز فاش سمعات صوت رصاص غمضات عنيها رصاصة مور رصاصة تاطاحت على ركابيها فالارض بالخلعة 
سمعات صوتو:ماشي بهاد السهوولة 
حسات بيه جرها من شعرها ووقفها بالسيف عليها حط راسو على كتافها وقرب لودنيها وهمس:بان ليا ماغاديريش عقلك الزعيم ماقدرش يرودك ويخليك تشدي طريق معاه ولكن انا غنربيك على يدي
شهقات فاش زير ليها على شعرها بالجهد وتم جارها وهي كتغوت وتبكي:رخيييي مني بغيييت نمشي بحاالي رخييييي منييي 
سمعات صوت شي باب تحلات دخلو للضلمة مابقات كتشوف والو:جععفر رخي منييي فين دايني
تشعلات لامبة ضوها خافت ودفعها تا رجعات اللور وهي حاطة يديها على لبللصة فين كان شادها من شعرها مقصحها بزاف بقات كتشوف فيه وكتبكي:اشنووو درت ليييك باش كدير فيا هكاااا عمري ادييتك شنو بغيتي مني 
جعفر قرب لعندها:مشكلتي ماكانساش اعائشة مشكلتي اي حاجة كتبقة هنا
وحط صبعو على راسو:مشكيلتي كنحقد بزاف حيت هدشي لي تعلمت فحياتي غير الحقد فالحقد..ونتي داكشي لي درتيلي هادي عام باقي مانسيتو وحلفت فيك ودابة كنوفييي 
عائشة :قلتي نسيتييييي 
جعفر هز راسو بلا:ماناسيش ..كيف ماناسيش اول مرة شفتك فيها وعجبتيني وبغيتك لياا وكنتي باغة تنصبي عليا ولكن دابة غتخلصي كلشي اما تكوني ليا ولا تموتي
بقات غير مصدومة بغات تهضر وهي تشهق فاش شافت البيت لي هوما فيه حطات يديها على فمها مصدومة...جثة ديال بنت مطعونة بالموص وكلها دمايات فالارض ميتة ..وجتة خرا فبلاستيكة دلاموات ..ولحيط عامر تصاور ديال بنات مقتولين بطرق مختالفة وعاد ريحة الخايبة لي فلبيت بقات راجعة باللور وكتهز راسها بلا تا وصلات للباب وغوتات ربي لي خلقها:لااااا لاا مابغيييتش نبقة هنااا بغيت نمشي بحاليي
بغات تخرج مع لباب وهو يشدها جرها لعندو :ضاروري تبقاي فهاد لبيت باش ماتعاوديش تهربي
شد ليها راسها وقلبها لجيهت الجثت لي مقتولين:شوفي مزياااااان لاما درتيش عقلك هكا ايوقع ليييك 
عائشة ولات كلها كترجف وكتقول غا لا :لا لا لا جعفر لا
جعفر رخة منها ورجع اللور:نخليك وامسية سعيدة
دارت لجيهتو كتبكي:جعفر ماتخلينيش هنااا الله يخليييك لا اجعفر
خرج وسد عليها لباب قربات كتزدح فيه وتغوت ربي لي خلقها:لاااااا حلووو عليااااا ماتخليونييييش هناااا جعفررررر حل الله يخليييك مانقدش نبقة هناا
دورات وجها كتبكي حطات يديها على فمها اتحمااق كلشي كيخلع دمايات والاموات وتصاور دلقتيلة ولباب مسدودة عليها معاهم بوحدها 
غمضات عنيها ماقادراش تشوف جلسات فالارض وتكات على الحيط مغمضة عنيها ومعنقة رجليها كترجف غا بحدها فكرة معاها جوج دلجثت كتفلاشيلها دماغ ...حسات براسها مخنوقة ولات كتهز من بلاصتها ماشي غير كترجف وصوت انينها كيتسمع كيدل شحال مخلوعة كاتمة شهقاتهااا فحلقها..كابوس من الواقع لي كتعيشو دابة تمنات كون رجع لوقت اللور كون ماخرجاتش من دار ويزيد يرجع كون ماتاقتش فجعفر 
همسات بصوت باكي:يووووسف انا خايفة بزااااااف يوسف ماتخلينيش هناااا هنا يوسف ماقادراش نحل عينيي..يوسف اجي عندي..يوسف انحماااق..يوسف اناوولدك محتاحين ليييك اجي ..يووسف 
وطاحت على الارض كترجف وماقادراش تحل عنيها ..تخايلات وحدة من الجثت جاية لعندها غوتات ربي لي خلقها:لااااااا بعدي منييي يووووسف عتقنيييي يووووووووووسف يوووسف 
وسكتات كتبكي حاسة بقلبها ايوقف ماعارفاش هدشي فين كان مخبي ليهااا 

فجيهة لوخراا
فدار الزعيم
كانت دار عامرة كلشي جا فاش سمعو هدشي تجمعو كاملين تامن الزاهية جات لعندهم..الزاهية عقلها خارج بلبكة على بنتها وطاهرة جالسة حداها كتبكي معاها:ماديريش هاكا ازاهية راه غادي ترجع
الزاهية كتبكي:بنتي بااقة صغيييرة علم الله اش واقع فيها ياربي ماحفضها ليا ورجعها ليا سااالمة ياربي

سمعو الجرس دلباب
كلشي مشغول وتاواحد مامسالي يحل لباب تنهدات وناضت:انا غنحلها
حلات لباب ووقفات مبلوكية كتشوف فالشخص لي قدامها بلعات ريقها من هاد الجمال لي قدامها ..ماعرفات باش تبلات ربي عاطيه واحد الجمال فشكل لي شافو كيسهة فيه فما بالك هي لي انثى 
رجع اللور شوية وهضر بآدب:بغيت يوسف قولي ليه يحيى عفاك
تلفات ماعرفاتش اش تقول
رجع دوة:واش كاين شي مشكل
هزات راسها بلا:لا يوسف..زعمة..يوسف مشا..يوسف ماكاينش
يحيى:واخة واش غادي يتعطل.
فاتي:ماعرفتش
يحيى:صافي شكرا غنتسناه هنا
بقات واقفة كتشوف فيه حتى كتسمع شي صوت من موراها:فاتي شكون فلباب
دورات وجها:ماعرفتش..زعمة شي حد كيسول على يوسف
ورجعات شافت فيه واقف بعيد حدا طموبيلتو ومتكي عليها ..ماقدراتش تسد لباب وهو برة خلاتها مردودة ودخلات ..عمرها شافت بحال هاد الجمال ملي هو هكا كيف ايكون سيدنا يوسف بلعات ريقها شهاد شي وقع ليها جلسات حدى ليلى خربق ليها تفكيرها ...خلاها تنسى تا المصيبة لي هوما فيها

داز الوقت
كانت واقفة حدا ااشرجم وكطل عليه ماعرفاتش لاش حاضيااه ماعرفاتش اش هدشي واقع ليها كتحقق فتفاصيلو لحيتو لكحلة وحروفو لكوحل وعويناتو لملونين وطولتو والعرض ديالو ..زينو فشكل تقول ماشي مغربي حتى صوتو الرجولي فيه بحة زوينة مختالفة بزاف وطريقة نطقو للحروف مزال كتردد فودنيها..الوقار والحشمة لي على وجهو هدشي كامل حركو فيها احاسيسها اول مرة اتوقع ليها ياما شافت رجال كيف دايرين ولكن هدا مختالف ..كاين عصام ..كاين يوسف..كاين حمزة..كاين مههدي كاين بزااف ولكن ماشي بحالو ..شافتو بحاليلا مل من الوقوف ويوسف تعطل..دورات وجها كانت لخدامة كدور بلعاصير قربات وخدات كاس حلات لباب وخرجات لعندو:يوسف واقلة ايتعطل هاك اخويا اتكون عييتي
خدا منها لكاس وبتاسم:شكرا اختي..باغيه ضاروري وماكايجاوبش على الطليفون
شرب من الكاس شوية 
فاتي:نعطيك نمرة دخويا راه معاه
رجع شرب من لكاس فدقة :اه واخة اديري فيا خير
عطاتو النمرة ..دوزها بقة كيصوني غير جاوبو :سلام اخويا بغيت يوسف لا كان حداك دوزو ليا الله يحفضك...اه..قولو يحيى
بعد عليها فاش جاوبو يوسف..:سمحلي لا صدعتك..لا كلشي مزيان مابغيت نفد تاشي حاجة تانتشاور معاك كلشي واجد خاص غير نقلع.
يوسف:صافي قلع ورجالي معاك مراقبين كلشي ..وما يكون غا الخير عوال عليك
يحيى:كون هاني وشكرا ونتلاقاو مور هدشي
يوسف:اكيد
يحيى:يلاه نخليك
وقطع وهو كيتنهد..دور وجهو كانت مازالة واقفة قرب لعندها وهو كيشوف فيها وستايلها لغريب شعرها لقصير ولباسها لغريب ولكن زوينة بزاف عوينات زورق وبشرة بيضا صافية ملامح انثوية بزافف واخة كتحاول تخبيهم فهاد ستايل الذكوري ..تا شوفاتها بريئين بزاف..بتاسم فاش تفكر قبيلة كانت كطل عليه من شرجم وفاش كيعلي عنيه كتخبة .. ومد ليها لكاس:شكرا بزاف
خدات منو الكاس:على واجب
يحيى:يلاه انا غنمشي فرصة زوينة حيت شتك
فاتي:غتولي
هز راسو بلا:لا صافي غنمشي 
فاتي :احم زعمة مابقيتيش محتاج يوسف
يحيى-:دويت معاه 
هزات راسها باه:واخة
مد ليها يديها:بسلامة
سلمات عليه :بسلامة
بقات كتشوف فيه وكتحس بدفئ يديه على يديها لباردين .تا لملمس ديالو مختالف بعدات يديها دغية فاش شافت راسها طولات 
بتاسم وعطاها بالضهر وركب فطموبيلتو ونزل زاجة دار ليها بيديه باي ومشا..بقات واقفة تا مابقاتش تبان ليها طموبيل ..حطات يديها لي سلمات بيها على وجها :شكون هدا ياربي لي خلاني نولي فهاد الحالة
تنهدات:ياربي نولي نشوفو
بقات واقفة شحال ودخلات ولكاس فيديها بغات تعطيه للخدامة وهي دير بناقص ..غسلاتو وخشاتو فساكها وجلسات تاني

داز الوقت ضلام الحال بزاف نص دليل دابة
فبلاصة خرا
تأكدو من صبيطارات الحوادت الكوميساريات جميع لبلايص او والو ماعندهاش الاتر صافي مية فالمية تخطفات
نزل من الطموبيل هو وعصاام باش ايهضر مع رجالو وهو يسمع صوت طليفونو ميساج جاه ..وقف وحل لميساج عبارة عن فيديو وقف مصدوم وهو كيشوفها جالسة فالارض ومغمضة عنيها وكتبكي بحرقة وحالتها حالة:يووووسف انا خايفة بزااااااف يوسف ماتخلينيش هناااا ..يوسف ماقادراش نحل عينيي..يوسف اجي عندي..يوسف انحماااق..يوسف اناوولدك محتاجين ليييك اجي ..يووسف
عنيه مارمشهوومش وهو كيشوف فيها كيف كتعدب وكيسمع صوتها كترجاااه باش يعتقها....حس بقلبو كيتقطع ضغط على الطليفون تاكان ايتهرس بين يديه 
عصام خدا منو الطليفون تاهو مصدووم وقلبو ضرو من المنضر عارف شحال ختو خواافة وشحال حساسة 
يوسف بقة كيضور فبلاصتو كي شي حمق ويمسح على راسو ماعارفش اش يدير ..جاه مساج تاني مكتوب :الاسلحة مقابل مراتك وولدك لي فكرشها
غمض عنيه وهو كيخشي الطليفون فجيبوو وعاض على سنانو حتى بدا كيغوت ويضرب برجليه الارض:غنقتلهووووم كاملييييين انقتل اي وااااحد قرب ليهااا ماغانرحم تا وااااااااااحد 
دوز واحد النمرة حتى جاوبو واحد اسرائيلي دوا بالانجلش:الزعيم
يوسف كون صابو قدامو كون زطم عليه:قلت لييكم عائلتي كروة حمرااا تافقنا العائلات يبقااااو بعاااد 
الاسرائلي:اه وداكشي..
قاطعو:ادن تحمل هدشي لي غيجيك كاع عائلتك بيدي انصيفطهم للجحيم واحد بواااحد اتبقة غير نت انتبعك لييهم 
الايسرائيلي ناض واقف:شكا تقوول مافهمت والو.يوسف كيهضر وعروقو بارزين كون صاب يدخل ليه من الطليفون:مراااتي هاد ليلة ترجع سااالمة ولا انقلب دنيا فوق راسكم وماتلووم غا راسك كتعرفني مزياااان
الاسرائيلي:انا ماعارف والو على مراتك 
يوسف بقة شحال كيحاول يستوعب قطع عليه بلا مايجاوبوو كيدور الهضرة فراسوو ..
عصام:شكوون هادو وشنو وااقع
يوسف بقة كيشوف فيه:خاص نعرف عائشة معامن هضرات اخر مرة وشنو وقع ضاروري ما اتكون خدمات طليفون
عصام:انا نقدر ندخل لسيسطيم ديال طليفونها 
يوسف:مزيااان 
عصام:خاصني بي سي ديالي
يوسف:يلاه نمشيوو دابة
ركبو فالطموبيل كان كيسوك ودماغو معاها صوتها وهي كتبكي كيتعاود فدماغو كترجاه بسميتو باش يعاونها واخة هو بعيد عليها ضرب يديه مع دريسكوون حاس براسو اينفاااجر ماخاصش يخليها تماك بوحدها ..يموت وماتبقاش تماااك ..ماغايرتاح تاتكون حداه وقف الطموبيل بالجهد كان ايدخلو فبوطوو ..سهة وهو كيفكر فيها لدرجة كاع ماركز فاش طموبيل بدات كتلعب فالطريق وكاع ماسمع صوت عصام وهو كينبهوو بحاليلا كان مرفوع..وقف طموبيل وبقة فبلاصتو كيشوف لبعيد
عصام نزل من الطموبيل ومشا لجهتو حل عليه لباب:نزل انا نسوك
يوسف شاف فيه ونزل ركب فجيهة لوخرا..وعصام ساك
يوسف هز طليفونو وبدا كيعاود فلفيديو وكيشوف فيها كيف كتبكي وهي خايفة ..هي بلا والو ماكاتبغيش تبات بوحدها فلبيت وكتخاف ..عاد بيت داير بحال هكا
عصام شاف فيه:صافي حيد داك الفيديو اصاحبي
يوسف بهمس وهو كيشوف فيه :غيندم موتو على يدياا
وصلو لدار عصام
نزلو ودطلعو..دغية جبد لبيسي ويوسف واقف حداه..بدا كيخنتش ويدخل لشي موقع ..جبد طليفونو وخدا نمرتها سجلها تماك وشوية طلعو ليه كاع ليزابيل ديالها بالتاريخ بكلشي
بداو كيسمعو للمكلمات..حتى وصلو لديال جعفر تبلوكاو ...الشك ديالو دابة تأكد جعفر هو مول هدشي كاامل 
عصام:كيفااااش جعفر
يوسف:كنت عارفهاا..تقدر تشوف من طليفون بلاصتهم
عصام مازال مصدوم من جعفر مامستوعبهاش..بدا تاني كيخنتش فالبيسي وكل شوية كيتنهد..ضرب لكلافيي بيدييه:ماايمكنش مامخدماش ج ب س..وسيسطيم ديال طليفونها مايمكليش نختارقو صعيب بزاف من الطليفونات جداد 
يوسف كيفكر ماشي وقت الاعصااب ...
رجع شاف فعصام:جعفر ماعارفش اننا عايقين بيه
عصام وقف:ايوا.
يوسف:جعفر تفكيرو محدود انا لي كنعرفو ماكايعرفش يخدم ذكاؤو انمشيو معاه فالخط وهو لي غيوصلنا ليه برجليه وداك ساع لحساب
عصام:وايلا اداهاا
يوسف سكت ماباغيش يفكر فهاد النقطة :غنقتلوو 
عصام:بغيت نعرف اش واقع شنو بينك وبين جعفر وشكون هداك لي كنتي دوي معاه قبيلة بالانجلزية
يوسف:كلشي غادي تعرفوو ولكن خلينا دابة فالمهم..دوز نمرتو بعدة
عصام عيط لجعفر:طافي
يوسف:هدشي كااامل غيندم علييه ايخلص لقديم وجديد على يدي
وخرج هو وعصام لي مافاهم والوو

كاان فالباطو وبالضبط فبلاصتو كقبطان بلباسو المعروف ..حامل معاه الاسلحة الحربية بكل انواعها..المهم غيعاون بلادو ولو بشي حاجة بسيطة ..ايعاون واحد الجهات ففليسطين محتاجين للسلاح(القدس) و (غزة) اكتر منطقة محكورة وواكلة الدق تيتمو فيها اطفال وترملو بزاف دلعيالات..شافو ناس عزاز عليهم كيتقتلو بابشع الطرق بدون رحمة..وواخة هكاك مازال صامدين مافقدوش الامل شي نهار غتحرر فلسطين ومازال حبهم لوطنهم كيزيد ينمو فداخلهم عام مور عاام..سنين كتيرة ديال الاحتلال ما اتراتش فحبهم لفلسطين ..وربي كبير غيجي واحد نهار وغتولي فلسطين حرة اترجع لماليها وكاع الدول العربية اتحتافل باستقلالها ..وايتسجل فتاريخ اليوم العالمي لاستقلال فلسطين🇵🇸🇵🇸🇵🇸🇵🇸.. ..بتاسم لوكان يطلبو روحو مقابل فلسطين تحرر ماغايترضدش كاع ويفديها بروحو
دخل لعندو واحد من رجال:كلشي مزيان
يحيى:اه مزيان
ضرب ليه على كتافو:عقبال للاستقلال
يحيى:اميين 

دازت هاد ليلة وجا نهار جديد
كانت طايحة فالارض كترجف ليل كامل عاشتو كابوس حتى قربات تحماق مانعساتش كااع وماحلاتش عنيها كاع بالخلعة اكفس ليلة دازت فحياتها هي هدي بلاصتها ماتحركاتش منها ليل كامل وهي على نفس الحركة تا جسمها ولا كيضرها حلات عليها لباب وقربات ليها تحنات لعندها ضرباتها على وجها:تهزي.
عائشة قفزات مخلووعة:بعدوووو مني
خنزرات فيها:كونت بغيتو يقتلك ولكن دوماج تهزي 
وقفاتها بالسيف عليها..عائشة حاسة برجليها فشلو عليها ماقادراش تحرك ودوخة شاداها وقلبها تزمت عليها عيات من هدشي لي هي فيه ..ماقدراتش تشوف موراها تبعاتها كطير ماتقدش تبقة فهاد لبلاصة ..مازال لخلعة شاداها من راسها تا لرجليها..خرجو لبرة ضو ديال صباح ضرها فعنيها زيرات عليهم مزيان ماقادراش تحلهم.جراتها من دراعها وجوج درجال تابعينهم دخلوها لدار ووقفات اونفاص معاه حلات عنيها بشوية وشافت فيه واقف كيشوف فيها وفحالتها كيف ولات تحت عنيها زورق بزاف شوية ويليو كوحل..وجها صفر وشاحب..وشعرها مخبل وشفايفها يابسين وفيهم شقيقات شوية ويسيلو بالدم

قرب لعندها رجعات اللور مخلوعة كترجف غا بحدها جرها من يديها وهي تبدا تبكي عنقها بالسيف عليها ونفاجرات هي بلبكة خايفة بزاف منوو خايفة يرجعها لداك لبيت ..
جعفر كيمسح ليها على شعرها:شششش صافي ماتخافيش ماغانأديكش صافي 
عائشة بهمس كترجاه:بغيت نمشي بحالي
زير عليها وقرب لودنيها:شششش هاد الكلمة مانسمعهاش باش مانرجعكش للبيت
شهقات:لا لا عفاااك ماترجعنيش ليه الله يخلييك انموت فييه
جعفر بتاسم وبعد عليها وشد راسها بين يديه:صافي ماغانرجعكش اديري عقلك ياك
هزات راسها باه وهي كتبكي:اه
باسها على راسها:اجي باش تفطري
جرها من يديها معاه 
عائشة مابقاتش قادرة تزيد تاشي خطوة عيات بزاف وجسمها تقال عليها وقفات كتشوف فالارض كلشي كيدور بيها غمضات عنيها وترخات..هزها قبل توصل للارض:صافي اتولي مزيان
وطلعها للبيت وهي مرخية حطها فوق النموسية وشاف فالخدامة:دوشو ليها وبدلو عليها هاد الحالة راه شوية وتفيق تلقة لفطور واجد
هزات راسها باه وجاو جوج خدامات خرين عاونوها دوشو ليها ولبسوها وحطوها فوق النموسية ترتاح

هو خرج من دار ركب فالطيارة ديالو متحمس بزاف للعب مع الزعيم..حطاتو فبلاصتو ..نزل ركب فطموبيل نيشان للشريكة..دخل للمكتب ديالو..جبد طليفونو من لمجر وشعلو

فجيهة لوخرا
كانو فطموبيل حدا لبحر مانعسش ليل كامل وهو فايق ..حتى كيسمع صوت عصام حداه:شعل الطليفون
شاف فيه بالزربة:صوني ليه
عصام صونا عليه وجاوب:الو عصام
عصام:فين غبرتي
جعفر كيحاول يقرا صوتوو زعمة واش عاقو بيه:كنت مسافر ياك لاباس
عصام:ختي تخطفات وماعرفناش شكون خطفها
جعفر:موصيبة هدي ..واش شاكين فشي حد
عصام:ماعرفناش
جعفر تنهد:مسكينة باقة صغيرة واش نقدر نعاونكم فشي حاجة
عصام:لا راحنا دايرين جهدنا..احم عائشة كانت قالتلي كلفاتك بالشركة ديالها وفلوسها ..وبغيت نعرف داكشي فين وصل ..دابة هي ماعرفناش فين هي وخاصني نضمن ليها رزقها راك عارف
جعفر:هي قالتلك هدشي
عصام:اه راني خوها 
جعفر:وهدشي ساق ليه لخبار يوسف
عصام:لا ماخاصوش يعرف هداك واحد مايستاهلش ختي غير ترجع ونلقاوها عمرو يحلم بيها
جعفر:داكشي وانا معاك كون هاني
عصام:عارف لي كاين..فوقاش نتشاوفو نهضرو فهادشي
جعفر:عندي اجتماع ملي نساليه نعيط ليك 
عصام:وااخة يلاه بسلامة
جعفر:بسلامة
وقطع وشاف فيوسف كيف مقوص حاجبوو كيتوعد فيه غا بشوفاتو
يوسف جبد من جيبو واحد لحجيرة:هاهي صغيرة وماكاتبانش بمجرد ماغاتحطها فجيبو كتلصق وفين ما تحرك انعرفوه
عصام بقة كيشوف فيها فيديه:صافي 
يوسف ديمارا الطموبيل خاص يمشي للدار يدوش ويصحصح مازال تابعو بزاااف

دخلو للدار كلشي مجموع
غير شافوهم كلشي ناض كيسول ولبكا وروينة
يوسف غوت ليهم فوجهم:صاااااافي كل واحد يشد بلاااصتوو شهاد المرض
وكمل طريقو للجناح دخل معصب كلو كيغلي تاني يوم وهي مازال تماك ربي لي عالم بيها..وقف وهو كيشوف هارون ناعس وحداه المربية دار ليها اشارة باش تخرج وقرب لعندو تحنة وهزو بين يديه واخة ناعس باسو على راسو حتى حل عنيه وشاف فيه بعويناتو لملونين بتاسم لباباه واخيرا شاف فواحد من واليديه ..شوية بدا كيبكي بحاليلا كيشكي عليه..يوسف حطو على صدرو عرفو توحش ماماه خرج بيه لاتيراس وهو كيسكتو ..حتى سكت شاف فيه كيمسح ليه فدموعو:عائشة اترجع ليك..اترجع لينا كاملين صافي.
هارون ميل فمو كيبتاسم لباباه
يوسف بتاسم وباسو على خدو ورجع دخل للبيت ..هز فوطة ودخل هو وولدو للحمام دوش هو وياه وخرجو لبس عليه ولبس ليه تاهو وحطو فبلاصتو دغية نعس باسو على راسو وخرج وهو يتلاقاها 
نرجس:يوسف
شاف فيها
نرجس قربات لعندو:خاص ترتاح باينة فيك مانعستيش ..رتاح ليك شوية
يوسف:واش انا فراحة 
نرجس:دابة ترجع علاش داير هاد الحالة كلها
خنزر فيها حتى مابقاتش قادرة تزيد تاكلمة..كمل طريقو ونزل خلاها واقفة
يوسف شاف فعصام:يلاه نمشيو
سمع صوتو من موراه:يوسف اجي نهضر معاه
دور وجهو:من بعد الواليد
ناصر:تبعني للمكتب
تنهد وتبعو دخل وسد لباب:هنا الوليد
ناصر شاف فيه قرب تا لعندو وجمع معاه بصقلة تا دار وجهو لجيهة لوخرا
يوسف بقا مبلوكي فبلاصتو مادار تاشي حركة عض على سنانو وعلا راسو وشاف فيه ..لقاه مخنز فيه شوفاتو بحال لقرطاس 
ناصر قرب لعندو وشدو من الكول ديالو وزدحو مع الحيط كيغلي وهضر وهو عاض على سنانو:شنوو كتخربق..شنو هدشي دخلتي فيه راسك
يوسف مازال مبلوكي غير كيشوف فيه
ناصر:هضااااار بقيت ساكت ومابغيتش نضغط عليكم كنقول صافي ربيتهم وعارفين شكا يديرو ونتوما خرجتولي من الجنب هادب اخرة تقتي فييكم
يوسف فهم انه باه عرف كلشي 
ناصر جرو من لكول ديالوو تا وصلو للمكتب وجبد واحد الملف وزرعو قدامو فوق البيرو فيه كاع العمليات لي دار من هدي كتر من ست سنين:شوووف فاش ورطتي رااسك شوف فاش طحتي 
سمعو الدقان وشوية تحلات لباب دخل :الوليد بغيتيني...
وسكت كيشوف فالمنضر لي قدامو
ناصر بعد على يوسف وشاف فبدر لي واقف حدا لباب سدها وبقة فبلاصتو كيشوف نزل عنيه لداكشي لي فالمكتب وتصدم ..رجع شاف فناصر لي كيقرب لعندو :صدمتيني فيك 
بدر:الوليد انا...
سكتو بلكمة على لوجه مادار تاشي ردة فعل
ناصر بصوت صارم:دابة كيف غتحلو هاد الموصيبة واش عرفتو شنو معنة دولة ولات كطالب بيكم باش تعدمو قدام ناس..ماشي غير دولة المغربية ..امريكا حيت كتقول دخلتوها فشي حاجة ماعندهاش يد فيها..عرفتي وليتو كتسماو خونة سارقين لاسلحة باش تنقلوهم لايسرائيل .
يوسف:الاسلحة اتنقل لفلسطين ونهار اتوصل لتماك كلشي ايعرف الحقيقة وايعرفو الخونة لي كينين فدولة دلمغريب كلشي ايتكشف
ناصر رجع شنق عليه:الدولة غتجي ضدك ..ماكايناش شي دولة تبغي تفضح راسها بانه عندها الخوانة يصفيوها ليك قبل توصل هاد الهصرة واش فهمتيي
يوسف تنتر منو:ماكايهمنييش لي كيهمني دابة هو نلقة مراتي
ناصر جمع معاه بلكمة:سكتتتت مراتك بسباب مخطوفة دابة .
ناصر مسح على راسو كيخاول مايزيدش يتعصب حيت هدشي ماغايفيدو بوالو حيات ولادو فخطر 
نطق بصوت حاد:فين الاسلحة
يوسف:الوليد ماشي وقت هاد الهضرة ماخاص نزيد نتعطل 
ناصر:قلت فين الاسلحة
يوسف:الاسلحة ماغانرجعهومش واخة نعرف نموت عكيت كلمة وغنوفي بيها
بدر:لبارح تنقلو فلباطو مباشرة لفلسطين
ناصر غمض عنيه وهو كيمسح على راسو:شهاد ااموصيييبة 
شاف فيووسف:بغيت نعرف كلشي بالتفصيل بغيت نسمع اش وقع فهاد ست سنين تاوصلتو لهاد اامصيبة
يوسف كيزيد يتعصب ماشي وقتو :ماغاتسمع مني تاشي كلمة محد مراتي مازال مارجعات سمعتينيي 
بدر:الوليد انا غنعاود ليك كلشي خليه يمشي يشوف شغا يدير عائشة فخطار
ناصر:جعفر واحد مريض نفسي قتل كتر من تلاتين بنت فضرف سبع سنين وهاد القضايا كاملين تسجلو ضد مجهول جعفر لما تعاملتيش معاه بذكاء اتخسر كلشي 
يوسف بقة كيشوف فيه شحال:جعفر ذكاؤو محدود عاشرتو وعارف الطريقة لي كيفكر بيها ..لسوء حضو طاح مع واحد من ولاد الزعيم لي ماغاديش يرحمو
ناصر:سير رجع مراتك حيت عندنا بزااف دلهضرة..ودير واحد الحاجة فبالك هدشي كامل ما ايخرجش ليك بالزوين وجد راسك من دابة وتحمل داكشي لي غيجيك حيت مشا الوقت باش نصلحو هدشي 

يوسف ماجاوبوش خرج من المكتب وخلا بدر كيعاود لباه كلشي وانه الهدف ديالهم يطيحو لمافيات وانه شحال من مافيا تشدات على يديهم

لقة عصام كيتسناه ركبو فطموبيل وتحركو

عند جعفر
سلا الاجتماع وخرج من الشركة خاص يرجع يتطمن عليها عاد يكمل 
ركب فالطموبيل تا وصل لطائرتو الخاصة ركب فيها 
كانو مراقبينو دوز نمرة دزعيم:السي زعيم ركب فطائرة الخاصة ماغانقدروش نزيدو نتبعوه
يوسف ضرب فالارض برجليه:هدااا لاش باغي يوصل
وقطع وهو كيغليي:غتحصل غتحصل

دخل لدار 
كانت لخدامة نازلة بصنية دلماكلة:سيدي مابغات تاكل والو
خدا منها الصنية وطلع حل لباب ودخل وهو كيشوفها فوق النموسية متكية ببيجامة بياسةةوحدة غوز حد ركبة ملبوسة على جسمها وشعرها منتور على المخدمة..حط الصنية حدا راسها بشوية وطلع فوق النموسية حط اطراف صبعانو على كتافها وقرب همس ليها:هنا جيت
ناضت قافزة كتقاد فالبيجامة وكلها كترجف:ماتقيسنيش
بتاسم وهو كيجلس حداها:غير انا لاش هاد الخوف كامل خاص تولفي بيا من دابة
وحط يديه على شعرها وهي ترجع اللور خايفة
جرها من شعرها بالسيف عليها:ماتبقايش تهربي منييي ولا غنرجعك للبيت ديالك لي لتحت
تبلوكات فبلاصتها خايفة بزاف ماباغاش ترجع لتماك كتحس بصبعانو وسط شعرها كيلعب بيه :شعرك كنت كنحلم نشدو بين يديا ونشم ريحتو
قربو ليه وبدا كيستنشق ريحتو :ونكون قريب ليك
وقرب لعنقها وغمض عنيه وطبع قبلة تا قفزات
عائشة مابقاتش قادرة تصبر نزلو دموعها حارين وبداو يتسمعو شهقاتها تا بدات تبكي بصوت مرتافع:علاااش كدير لياا هكا اجعفر حرام علييك بعد منييي وخليني نمشي بحالي
جعفر حط يديه على كتافها ودورها لجيهتو:ماتبكيش اعائشة 
ومسح ليها دموعها:انا معاك 
عضات على شفايفها وغمضات عنيها كتبكي بصوت مرتافع
حلات عنيها بالجهد فاش حسات بشي حاجة حادة على جنبها كان موص شهقات قصحها:سكتيي من لبكة 
زادت عضات على شفايفها كتر وكتر كاتمة شهقاتها وكتحاول تمنع دموعها باش يهبطو 
جعفر :خاص تاكلي
هز الصنية وحطها حداه وبدا كيوكلها بالسيف عليها..كتمدغ ودموع نازلين من عنيها..كتبلع داك الماكلة بحال شي سم كينهش فحلقها
جعفر زدح لكاس مع الارض وجرها لعندو من عنقها:سكتييييي من البكة 
وهز جنوي وحطو على جنبها وغرسو فيها تا سال الدم 
شهقات مقحصحة حطات يديها على جنبها كيسيل بالدم
جعفر:كنقسم ليك بالله وتزيدي دمعة وحدة اندخل هاد لموص لداااخل تا يوصل للزعيم صغيور تموتي نتي ويااه سمعتيني
مسحات دموعها باليد لي قاصت بيها الدم وهي كتهز راسها باه مخلوعة:صاافي واخة هناا ماغانبكيش ماتأديليش ولدي الله يخليك
تنهد:واخة كملي ماكلتك دابة
وبدا كيوكلها وهي كتاكل وربي لي عالم بيها..حاطة يديها على جنبها لي كيسيل بالدم وقلبها غيوقف ..سلات الماكلة كلها 
جعفر:دابة مزيان امم نوضي بدلي عليك هاد الحالة هنا كنتسناك باش نهضرو
ناضت طايرة باغة غا فوقاش تفك منو
حلات لبلاكار بيدين كيرجفو شافت قبيلة لخدامة كتستف ليها شي حوايج هزات بيجامة ودخلات للحمام طلقات رشاش وجلسات فالارض كتبكي بحرقة طلعات لبيجامة على جنبها مجروحة واخة ماشي شي حاجة ولكن كضرها..عضات على يديها باش مايتسمعش صوت بكاها

عضات على يديها باش مايتسمعش صوت بكاها قفزات فاش سمعات صوتو من مور لباب:طلقي راااسك هنا كنتسناك
ناضت بالزربة حيدات حوايجها وغسلات ااجرحة وحلات لمجر دارت واحد بوماضة دلجرح ولصقة ولبسات بيجامة وغسلات وجها ..بقات كتشوف فالمراية وفحالتها كيف ولات فلحضة جا فبالها تهرس لمراية وتهز جاج وتدبح يديها وتهنة..ستغفرات الله مايمكنش ديرها دازو عليها بزااف وتاهادي غدووز الانتحار ماشي حل 
حطات يديها على كرشها :-زيد صبر مع ماماك عفاك
حطات يديها على فمها فاش حسات بردا ..تحنات ردات وهي كتلهت غسلات تاني وجها وهي كتسمع الدقان تنهدات وحلات لباب وخرجات
جعفر:اجي خاص نمشي 
جرها من يديها وجلسها فوق النموسية :غنتفاهمو على واحد الحاجة ..يوسف مشا فيها خاص تعرفي هدشي يوسف غرق تا لودنيه مابقاش بزاف ويولي بااااح 
بقات غير كتشوف
جعفر بتاسم:يوسف ايما غيتعدم ولا ايموت هههههههه
عائشة:شكا تخربق
جعفر:كيف سمعتييي عندو حل واحد يرجع الاسلحة داك ساع يقدر ترونجا القضية بيناتنا وتاحد مادا خبارنا ولكن ايخرج ببزاف دالخسائر ..بحالاش؟
سكت وكمل كلامو:متلا نتي ايطلقك وغتولي مراتي انا..وولدك لي فكرشك انولي انا باباه تانجيبو ليه شي خوه..باش يفلت ..حياتو مقبابل اللسلحة وورقة طلاقكم غير هدشي غندمروو بيدييي 
عائشة:شهاد تخربيق كتقول شمن اسلحة وشمن طلاق يووسف مستحيل يطلقني باش تزوح بيا نت عمر هدشي يوقع
ناض وجبد ليها شي وراق وشي ادلة كيتبتو على يوسف بزاف دلجرائم وفيهم تا قضية الاسلحة غير بحدها تغرقو 
بدات كتقرا داكشي وهي مصدومة المافيات وكاع داك تخربيق بداو ينزلو دموعها غيمشي فيها لطاح هادشي فيد الحكومة هو 
نتر منها لوراق ورجعهم لبلاصتهم:شتي علاياش داوي هو دابة بين يديا ونزيدك مازال ماعارفني انا لي مور هدشي كامل ههههه غيتصدم ..المهم هاني مشيت عندي مايدار دابة نرجع
ناض وهي تبعو وهي كتبكي:جعفر الله يخليييك ما تأديشهش عفااك خليه لولادو مازال محتاجينو ماغادي تستافد والو الله يخليك اجعفر
نتر يديها منو:رجعي لبلاصتك تحركييييي 
رجعات اللور كتبكي:حرااام علييييك 
سد لباب بقة واقف كيسمع لبكاها حط راسو على لباب:هاد لبكة وفريه نهار يطلقك ..اولا نهار يمووت خلي شوية دموع لداك نهار
ومشا وخلاها ربي لي عالم بيها غيدمر ليهم حيااتهم ..ماعارفاش اش دير وهي محبوسة هناياا

رجع ركب فطيارتو وحطاتو فنفس لبلاصة ركب فطموبيل حل لمجر وجبد طليفونو شعلو ونيشان دوز نمرتو:الو عصام ..كنت مشغول ..صافي نتشاوفو فلمكتب ديالي هنا كنتسناك
وقطع:نسيبي لعزيز
وصل للشريكة طلع وجلس فالمكتب ديالو كيتسناه ..جبد لوراق والادلة لي عندو بقة كيشوف فيهم حتى كيدخل عندو واحد من رجالو:هاد لوراق غير توقع ليا شي حاجة صيفطهم للبوليس صافي
هز راسو باه وخدا منو لميلف وخرج
جعفر؛نسيبي تعطل

فجيهة لوخرا

يوسف:بالزربة غير اتلوحها فالجيب اتلسق ساهلة بزاف
عصام:صافي عارف
وركب فطوموبيل ومشا لعند جعفر
يوسف بقة واقف :مابقاش بزااف غير صبري ..صبري بحال ديما خليك قوية اعائشة 
خشا يديه فجيابو وتم غادي جيهت طموبيلتو بقات ليه خطوة وحدة وغيرجعها وداك ساع يوقع لي يوقع ماكايهمش غير ما تأدااش ..جات فبالو الهضرة دباه فعلا غراق دابة وصعيب ينجاا تنهد هدشي اخر حاجة يفكر فيه هو تالي دابة عندو لي اهم مراتو وولدو لا وقعات ليهم شي حاجة غير يموت داك ساع..يلاه اي حط يديه على باب طموبيل وهو يرجع اللور كان ايطيح بقوة لقرطاسة لختارقات دراعو ..تحنة للارض وهو كيشوف رجالو دايرين بيه كيتيريو فطموبيل هوندا كحلة عامرة برجال مسلحين ..هز راسو وخرج سلاحو من مور ضهرو بخفة وتهز شوية كيتيري فتيجاههم زادو فالسرعة ومشاو ..تقاد فالوقة كيشوف واش رجال كلهم بيخير..تجمعو عليه وهوما كيشوفو الدم من كتافو:تلسي الزعيم خاص تمشي لطبيب
هز راسو بلا:ماشي شي حاجة تستاهل لقرطاسة خرجات جرح بسيط
واحد من رجالو :واخة هكاك خاص بتخيط
ماجاوبوش وركب فالطموبيل وسد عليه لباب قطع تيشيرط من جيهت الضربة كيشوف العمق ..حل لمجر طموبيل ديما الاحتياط جبد فاصمة لواها على دراعو وتنهد وهو كيتسنة عصام

عصام
وصل للشريكة كان حالس هو وياه كيهضرو وكيشرح ليه على الشريكة دعائشة فين وصلات وخسابها السري وعصام كيشوف فيه ماكرهش ينوض ينزل عليه تا يموت بين يديه ولكن ختوو ماعندو مايدير
عصام وقف:ماعرفتش شنو كنا انديرو بلا بيك اجعفر سكرا بزاف
جعفر ناض وعنقو:حنا صحااب وهدشي مابيناتناش
عصام ستاغل لفرصة وبالخف رما ليه لحجيرة وسط جيبو وبعد:قلال ناس بحالك
جعفر:المهم دابة هي نلقاو عائشة
عصام:دايرين كتر مافجهدنا
جعفر:انا غنكلف المعارف ديالي وغنلقاوها ان شاء الله
عصام:ان شاء الله نخليك تابعني بزاف مايدار
جعفر:يلاه بسلامة
عصام خرج هبط لبارك ركب فطموبيل ودوز نمرة ديوسف:صافي كلشي داز هو هداك

عند يوسف 
قطع وهز طليفونو وهو كيشوف ج ب س خاصو غا يتحرك وغيوصل ليها

داز الوقت 
كان فالطموبيل عنيه على الطليفون هادي كتر من ربعة دسوايع وهو كيدور غا قريب من دار لشريكة للكافي صافي قرب لحال يضلام ومازال مابغة يتحرك خلاص..وهو جالس على اعصابو ماباغيهاش تزيد تا شي دقيقة تماك .ماعارفش منين جاتو على قوة ومنين نزل عليه هاد الثبر كامل باش مابمشيش ويفرشخو ويبرد فيه كاع هاد نار لي شاعلة فيه ولكن شغا يستافد والوو ...
صونا ليه طليفون:الو عصام..مازال ..صافي طليفون بيناتنا
خلا عصام يبقة بعيد حيت يقدر دابة جعفر يكون مراقبو من مور هاد زيارة مابغاو يديرو تا غلاط..وزيد مابغاش يدخل عصام فهدشي تاهو يبقة بعيد ..حيت غيتأدى تاهوو

فبلاصة بعييد
وبالضبط وسط لبحر كان لباطو محرك كلشي هو هداك بقة ليهم يوم واحد ويوصلو للمناء دفلسطين 

خرج من غرفة لقيادة من بعد ما دار تعديل للسيسطيم دالسفينة باش تشد تيجاه واحد وعدل السرعة تاهي..وقف اونفاص مع البحر كيشوف لبعيد وريح كيطير شعرو لكحل كيف ليل ..مقوس حوتحبو لكوحل من شدة ريح ليزكيضرب فيه..بتاسم فاش تفكرها .ماعرفش علاش كل مرة ولا يفكر فيها واقلة حيت هي اخر وحدة شافها ضحك على راسو .لا حيت عجباتو وجاتو فشكل مختالفة شي حاجة فيها فشكل ..زاد بتاسم من حركاتها العفويين وكيف كانت كطل عليه وتخبة..ماعرفش واش مازال غيعاود يشوفها وكيف غيكون هاد اللقاء ..تنهد اش ضمن ليه مايكونش فحياتها شي حد ..لا شوفاتها وتفاصيلها كيقولو العكس..مسح على راسو كينقض هاد الافكار من راسو ..ورجع دخل نزل فواحد دريجات تا صل عند مجموعة ديال دراري جلس معاهم كيهضرو ويتحتو كل واحد شكا يعاود..مدوزين الوقت علامن يوصلو

فجيهة خرا

شاف فالساعة صافي امور الشركة مقادة خاص يرجع ويكمل ..يلاع ايوقف وهو يجيه اتصال بتاسم وجاوب بالانجلش:الو
الايسرائيلي:هدشي عندك معطل والاسلحة مازال ماعليهم تاشي خبار
جعفر:كون هاني غدا يكونو عندك
الاسرائيلي:هنا غنشوف 
جعفر:كلشي غيدوز مزيان وبلا ماشاكيل 
الايسرائيلي:داكشي لي بغيت..
وقطع
جعفر وقف وهز داكشي ديالو خرج من شريكة ركب فاللوطو نيشان لطائرتو الخاصة 

عند يوسف
تقاد فبلاصتو فاش شاف رمز طائرة ف ج بس يعني ركب فطيارة ..دخل حدد نوع طيارة خدا عليها كاع المعلومات.. محمية ..وطيران ديالها محدود يعني ماعندهاش الامكانيات تخرج خارج لبلاد ..بتاسم يعني هي غير هناا
هز طليفونو ودوز شي نمرة:وجدو راسكم شوية وغنقلعو
وقطع وعنيه على الطليفون كيشوف طيارة مازال ماوقفات ...دازت ربع ساعة وهي توقف ..ديمارا الطموبيل فاش صافي تحدد ليه المكان فنواحي دلمدينة فواحد الفلاج ساعة ونص ديال الطريق بطوموبيل ..غيزعم فيها .طيارة ادير ليه غا شبوهات


جلس فصالة ودارو بيه الخدامات كيقولو ليه الاخبار ديالها
جعفر:طلعي قلها تنزل

طلعات وحلات عليها لباب كانت متكية فوق النموسية زدحات لباب بلعاني باش تنوض طافجة..عائشة ناضت مخلوعة كتشوف مع جنابها والدموع فعنيها .ناعسة وكتبكي ولات حالتها حالة ..قربات لعندها وجراتها من دراعها:تهزي قدامي 
عائشة:رخي منيي
وقفاتها بالسيف عليها:اتزيدي قدامي بلا تاشي كلمة تحركيي
عائشة تنترات منها ورجعات اللور ودموع فعنيها:ماتقيسينييش سمعتيني 
بتاسمات وقربات تا لوجها وجراتها من خصلات شعرها كتلعب بيهم باستفزاز:صراحة بقيتي فياا السي جعفر ماكايناش شي بنت لمرة كطول معاه وكيقتلها..تانتي شوية والجثة ديالك انحطوها فداك لبيت احبيبة
عائشة ولات كتغلي الخوف والاعصاب اثرو عليها دفعاتها على خر من جهدها وغوتات ليها فوجها كضربها وتقمش فيها:لااااا مايمكنش يوووسف ما ايخلينيش هنااااا ..يوسف ماغايسمحش بهادشييي هانتي غتشوفي
جمعات معاها بصقلة :ضسرتييي بزااف البرهوشة انا غنربيييك الحمارة شوفي اش درتي ليا لوجي
كانو خباشي كيسيلو بالدم فوجها

عائشة تمجنات عليها شداتها من شعرها وجراتها كتنتف فيها وتبرد فيها الفقصة ولاو فيها عشرة ماخلاتلهاش الفرصة فين دافع على راسها نزلات ليها راسها لتحت وشتفات عليها مزيان وحنات طارت عليها بعضة تا غوتان ربي لي خلقها مارخات منها تاوخسات بالدم ففمها ..رجعات اللور كتلهت وتمسخ فمها من الدم..لوخرا طايحة فالارض كتوجع وحاطة يديها على دراعها كيسيل بدم مغروسين فيه سنان عائشة وشعرها طالع فسما..ناضت بغات تقرب ليها وهي دخل وحدة من الخدامات لي تصدمات من المنضر:السي جعفر كيتسنة تعطلتو نزلو دابة ولا غيطلع يقلب دار فوق راسنا كاملين
عائشة غير واقفة وكلها كترجف كتشوف فيهم بحال شي ثور هايج خاص غا لي يقرب ليها
ناضت كتقاد فحوايجها:والله لادازت ليك زيدي قدامي..هاد ليلة اتباتي فداك لبيت هدشي لا ماخليتوش يقتلك..والله تاجعرو عليك مزيان غا تسناي
خرجو وتبعاتهم كترجع فشعرها اللور وتمسح لعرق لي على جبينها..ماعارفاش اش كيتسناها وكتطلب من ربي يعاونها ويوقف معاها

نزلو لتحت
كانو حااطين طبلة ديال لعشة
شاف فيها ودار ليها اشارة للكرسي لي حداه قربات وجلسات
جعفر:كي بقيتي
ماجاوباتوش كتشوف لتحت
بتاسم وقرب وشدها من يديها وضغط عليها تاغوتات:ملي نهضر جاوبي وشوفي فيا
بالسيف عليها هزات راسها وشافت فيه:انا بيخير
رخف عليها وهز يديها باسها:مزيان 
بغة يهضر وهو يسكت فاش شاف اتار دلكف على وجها شد وجها بين يديه:شكون دار فيك هكا
قبل تجاوبو نطقات لخدامة :السي جعفر كانت باغة تهرب كون ماشديتهاش ماعرفت فين كانت وصلات 
عائشة بانفعال:كذابة والله حتى كذابة 
ضرب فوق الطبلة بيديه وناض
عائشة بقات غير ساكتة وكتشوف فيه هاز لموص فيديه خداه من طبلة ..بقات كتسنة غا تجي فيها الضربة ..شهقات وحطات يديها على فمها قلبها ايخرج فاش طعن لخدامة نيشان لكرشها خرج الجنوي ورجع تاني طعنها:باش عمرك تمدي يديك تاني عليها
طاحت فالارض بدماياتها كتنازع روحها نطق بصوت صارم:رميو علياا الزبل
مشات لخدامة تانية كتجري عيطات لمجموعة درجال جاو هزوها وخرجوها..الخدامة بغات تمسح داك الدم وهو يوقفها:خليه باش عائشة تشوفو وتفكر اش درت على قبلها
الخدامة رجعات وقفات فبلاصتها مخلوعة وهو مشا غسل يديه وجلس وكأن شيئا لم يكن شاف فيها وبتاسم لقاها مصدومة ودموع مجموعين فعينيها ومزنكة :صافي ماوقع والو نكملو عشانا
بدا كياكل وهي كتبكي بصمت ومزيرة على لبيجامة بصبعانها..حتى كتقفز:كوولي
هزات دغية لفورشيط وبدات تاكل بالسيف عليها وكاتمة شهقاتها 
سلاو الماكلة ووقف وجرها معاه :اجي
مسحات دموعها ولمحات واحد لموص هزاتو دغية وخشاتو تحت بيجامتها وهي غادة معاه خرجو للجردة بلاصة خاوية باش ياخدو راحتهم :بغيت نقولك واحد الحاجة 
هي غير كتصنت
جعفر:شتي ليلة لي مشيتي مع يوسف ونعستي معاه ماجاتك تاشي حاجة غريبة
عائشة بصوت مهزوز:كيفاش
جعفر:انا نشرح ليك داك ليلة درت ليك واحد لحبات كيزيدو فرغبة الجنسية ديالك كنت باغي ندوزو ليلة زوينة ولكن كيف لعادة الزعيم كيخرج من الجنب كي الجن وداك معاه طاجين لي طيبتو على المهل كلاه هو ..صاحبتك لي كانت ساكنة معاكم فرياض كنت متافق انا وياها باش نطيحوك ونوهموك اني غير دمدومة اطمعيني وغتاخدي لي بغيتي وتمشي بلا ماندي انا لي بغيت ههههه
عائشة حلات فمها فيه مصدومة كترجع السنتة داكشي لي حسات بيه داك ليلة غريب عليها وداكشي لي دارتو لحد الان مازال مامتيقة انها هي مولات داكشي .عاد فهمات كلشييي..كان باغي يديها ويتكرفس عليها بخاطرها..ولكن كلشي تقلب...زادو نزلو دموعها:نت مستحيييل تكون بنااادم نت حيوااااااان
جعفر:عائشة خلينا كندويو زوين وبالعقل زعمة راني كنعتارف ليك بغيت حياتنا الزوجية لي جاية نبداوها بلا كدوب كلشي يكون واضح
عائشة غير مصدومة فيه كتزيد تأكد انه حمق وماعندو مايخسر وهوما طاحو بيني يديه ..موصيبة كبيرة ولاو فيها
جعفر:اممم والاهم 
جبد واحد الورقة:تفضلي وقعي هنا
قرات داكشي لي فالورقة ديال الطلاق خاص توقع ..هزات راسها بلا:لاا اجعفر
جعفر:اتوقعي باش ايبقة لينا غا يوسف غدا انصفي حسابي معاه وغيوقع ويرجع الاسلحة فكرتيني خاص نفكرو بميساج
جبد طليفونو خاص بالمافيا مافيهش النمرة ..كتب(اخر فرصة عندك هي غدا انصيفط ليك شي وراق وقعهم وانعطيك لبلاصة فين تجيب ليا الاسلحة مراتك لحد الان مازال حية مانضمنش ليك من لهنا لغدا يقدر نصيفطها ليك كادو فواحد صندوق)
صيفطو وشاف فيها:مازال ماسنيتي
عائشة بدات كتبكي بالجهد:مانقدررش 
حط ليها ستيلو وسط يديها وزير عليه:غتسني اعائشة حيت ماعندك تاشي خياار
عائشة:حرااام عليييك واش كيحسابلك هكا انولي نبغيك
جعفر:ماكايهمنيش الحب كاع لاتبغيني المهم وقعيي دابة
شدات ستيلو بيظيها كترجف وتبكي وهو حاضيها ويديه على يديها باش تسني :انحسب حد تلاتة ماسنيتيش اندوزو للعقاب واللعب ديال دراري صغار لي كيعجبك
عائشة كترجاه بصوت باكي:جعفر الله يخليك ماغاتستافد والو
جعفر:وااحد
عائشة زادت فلبكا:حراااام عليك
جعفر:جوووج
عائشةعضات على سنانها:كنكرررررهك وعمري نكون لييك
جعفر:تلاااتة
مع نطقها مع جبدات لموص وغرساتولوو فدراعو تا غوت ربي لي خلقو بدات كتغوت معاه مخلوعة خصوصا الدم طار مع وجها رجعات اللور فاش طاح كيتوجع ولموص مخشي لداخل الضربة دلخواف كتكون قاصحة ومتقونة..بقات راجعة باللور وكتبكي ..شافت مع جنابها ومشات كتجري فالجردة لكبيرة كلها شجر ايلا ماهرباتش وعتقات راسها داابة غير تمووت وماتوليش ترجع حسن ليها

بقات راجعة باللور وكتبكي ..شافت مع جنابها ومشات كتجري فالجردة لكبيرة كلها شجر ايلا ماهرباتش وعتقات راسها داابة غير تمووت وماتوليش ترجع حسن ليها
جرات حتى عيات ومابقاتش قادرة تزيد هاد الجردة بحال شي غابة ماعرفاتش منين تشد طريق ولكن اهم حاجة تبعد من تماك وقفات كتشوف فين هي وكتلهت وكتقلب بعنيها منين تزيد ..حتى كيبان ليها واحد سيراااج مشات كتجري وتشوف موراهاا واش تابعها شي حد ايكونو دابة قالببن دنيا خاص تغتانم الفرصة..وصلات لداك سيراج كلو حديد ملوي مع بعضوو لا سلكات منو اتمشي لجيهة لوخراا حيت كيبان ليها الضو من لبعييد بحال شي شانطي شافت من موراهاا صوت لكلاب كيتسمع من لبعيد ماخاصش ضيع الوقت ..شافت فداك سلوكة دلحديد قاصحين وكيجرحوو ..صوت لكلاب كيزيد يخلعها ويوترها وفكرة ايوصلو ليها كتلعب ليها فدماغها فلحضة تهورات وحطات يديها ورجليها وطلعات على دوك لحديدات تا غوتات دخلو ليها فلحمها بدات كتبكييي شغا ديير خاص تزرب ولا اتبقة هنا بغات تكمل وهو يشدها شي حريق فكرشها تا غوتات بلوكاها همسات وهي عاضة على سنانها:ماشي وقتو اولدي ماشي وقتوووو عفاااك مابقالناش بزااف 
نزلو دموعها حارين شهاد الزهر عندها مازال صغيرة بزااف وكدوز من هدشي هزات راسها لسما وهمسات ويديها على كرشها:يااااربي ماعاوني ياربي انا محتاجاك وختى ولدي لي فكرشي ..ياربي ماخلي يوسف يجي دغية مابقيتش قادرة نصبر ياربي ماعونا فهاد المحنة يااربي
تنهدات وهي كتفحص فكرشها وتمسح فوقها بحاليلا كتهدن ولدها باش يحبس هاد الوجع شوية بشوية خفاف الوجع وزعمات ورجعات طلعات فدوك سلوكة دلحديد قاوماات الوجع وجرح لي ولا يسيل بالدم رجليها ويديها كاع تجرحو وبيجامة تقطعات كلها شافت لتحت خافت تنقز وتوقع شي حاجة لولدها عضات على شفايفها وتحنات شوية حطات رجليها لتحت فواحد لحديدة ورجل لوخرا تحت منها ونقزات جات طايحة وشادة فكرشها بقات شحال فالارض كتشوف فالسما وكلها كتلهت ناضت بصعوبة كتشوف راسها كلها ولات دمايات ولبيجامة تقطعات نفضات يديها ومشات كتجري تا وصلات لشانطي كتلهت وتشوف موراها صافي ماخاصهاش تحبس ورجعات للجرا تاااني

وقف الطموبيل بعيد كيشوف فالفلة نزل ونزلو معاه رجالو بخطوات خفاف مامسموعينش..سلاح فيديه وحواجبو مقوصين صافي مابقة والوو واتكون معاه
دار اشارة بيديه لرجالو باش يتفرقو كانو بزاف بيهم جااو قبيلة ودرسو هاد الفلة مزيان وعرفو شحال فيها من واحد كل واحد عارف اش يدير وكلهم كيطبقو الاوامر دزاعيم كلشي هو هداك العملية اتكون ناجحة مية فلمية ايخرجها وهي سالمة...بداو فالهجوم وبدا كيتسمع صوت رصاص رجال جعفر ماقدروش يتحكمو فالوضع كانو كتر منهم ..وحتى فالخبرة داكشي عندهم بالزربة

بداو فالهجوم وبدا كيتسمع صوت رصاص رجال جعفر ماقدروش يتحكمو فالوضع كانو كتر منهم ..وحتى فالخبرة داكشي عندهم بالزربة
قدرو يدخلو وسط الدار مسلحين ضابطين خطواتهم..طلعو رجال كيفتشو لفوق وهو لتحت هاد الهدوء ماعاجبوش مابان ليه تا واحد من غير الخدم ..نزل واحد من رجالو:ماكاين والو اسيدي لفوق
غمض عنيه معصب ومشا بخطوات سريعة لوسط الصالة فين مازالة طبلة دلماكلة منزلة والخدامات وشي رجال كانو خارسين الفلة واقفين مخلوعين و سلاح فوق راسهم ..يلاه ايهضر وهو يقشع الدم فالارض بزاف ..واتار ديال دالجثة فالارض كلها دم ..قلبو بغة يوقف 
قرب لعند وحدة من خدامات وعنيه خارجين فيها:فيييين هييي
الخدامة قفزات مخلوعة كتشوف سلاح فيديه :ماعرفتش
رجع غوت وهو كيشوف فالدم:اشنووو درتو فيهااا دوي غنقتللكم كاااملين فييين هي
الخدامة مخلوعة كتشوف فين كيشوف فداك الدم:هو لي قتلهاااا مادرنا والو كنقسم ليك هو لي طعنها بالموص وهوما رماوهااا
حس بدنياا ضارت بيه لدرجة كان غيطيح الخدامة رجعات اللور مخلوعة كتشوف كيف وجهو تزنك ولعروق غيطرطقو من جبتهوو وعنيه دمعوو وحمارو بقوة الاعصاب حسات بيه شوية وينفاجر فوجها بغات تهرب ولكن كان يبق منها شدها من عنقها وزير وهو كيردد كلمة:لا مايمكنش لاا مايمكنش 
الخدامة حاسة بروحها اتخرج رجليها تهزو من الارض ولا وجها زرق وحاطة يديها على يديه باش يرخي منها..حتى كيزدحها فالارض وهو كيغوت ولا بحال شي عافية..دار لداك طبلة قلبها كااملة بطباسلها بكيسانها كلشي تهز لسما وتزدح كيغوت غير بسميتهااا :مايمكننش اتموتي اعائشة لاا مايمكنششش ..غنقتلووووو..غنقتلكم كاملين
جاي لجيهتهم كيشي رعدة وهو كيقاد لفلردي فيديه:كلكم اتموتوو تاهو ايمووت 
ولا شي كيدخل فشي وهوما كيشوفوه قدامهم هكااك فديك الحالة ليانهم تبلوكا شغا يقولو وشغل يوخرو 
رجالو واقفين مستفين فكل جيهة ماقادرين يديرو والو لا يمنعوه ولا يصبروه 
يوسف ولات حالتو حالة تيشيرط لكحل لي لابس مرون فوق صدرو لعريض كلو عرقان وكينهج بوحشية عنيه تغمضوو مابقة كيقشع والوو ودراعو كتنزف بالدم....طلع يديه لسما وتيرا تلاتة دلمرات متابعين وغوت:فييييين هو هضروو ..غنقتلووووو ونشرب من دمووو غنزطم ليه على قلبوووو 
قفزو كاملين زدح واحد الطبلة كانت حداه برجليه وقرب لعندهم .اقرب واحد حداه جمع معاه بكروشي طاح ماولاش تهز ..لي لقاه حداه كيضربو شركهم كاملين ..ولا هاايج فكرة صافي ماتت محمقاه فدماغو ..مايمكنش تموت مامتقبلهاش ..الا هي ماتمووتش ..كون مات هو بعدة..كيفاش ماغاتبقااش عايشة كيفاش ماغايوليش يشوفها وهو لي جاي ينقدها ويرجعها معاه باش اتقاض الامور بيناتهم..هو لي باغي يرجعها لولدو هارون واعدو غيرجع ليه مو..غمض عنيه وهو عاض على سنانو هز يديه ومسح على راسوو حاس بكلشي كيدور بيه لدرجة لفردي ولا كيجيه تقيل بين يديه حل عنيه كيشوف غا ضبابة رجع اللور بخطوات تقال كيشد فاي حاجة جات قدامو..ضارو بيه رجالو بغاو يشدوه كيتنتر منهم:رخييي منييي عائشة ماغاتموتش
لي قرب ليه كيدفعوو :ماااتقربووش
تكا على الحيط كينهج حاس براسو كيحلم وغيفيق وغيلقاها قدامووو .تفكر فاش كانت كتبكي فالفيديو وكتسنجد بيه هي وولدو لي فكرشهاا ..كانو غير مصدومين وكيشوفو فيه كيف ولاا على قبلها 

تكا على الحيط كينهج حاس براسو كيحلم وغيفيق وغيلقاها قدامووو .تفكر فاش كانت كتبكي فالفيديو وكتسنجد بيه هي وولدو لي فكرشهاا ..كانو غير مصدومين وكيشوفو فيه كيف ولاا على قبلها ...واقف وفلداخل ديالو كيقولو ماماتتش 
وحدة من الخدامات قربات لواحد من رجالو وهي كترجف وهضرات بصوت مسموع:راه ماشي عائشة لي ماتت راه واحد الخدامة 
وسكتات وهي كتشوف فهاديك لي طايحة فالارض مازال كتنهج:هي غير بالخلعة تلفات 
دور وجهو كيشوف فيها ..رجعات اللور خايفة يكمل بيها:عائشة هربات والسي جعفر خدا رجالو ومشاو كيقلبو عليها
قرب لعندها واحد من رجال يوسف:فوقاش هدشي..وشحال درجال مشاو معاه
الخدامة:هادي شي ساعة دلماكانة هربات من الجردة
ودارت اشارة بيديها لباب الجردة:تماك كاينة واحد الطريق كتخرج للشانطي..ماعرفتش ولكن ماشي بزاف

تقاد فالوقفة وهو غير كيشوف .شوية مشا فجيهت لباب دجردة ورجالو تابعينو . خلاو بعض منهم مراقبين الفلة ....كانوكيجري وسلاح فيديه ماكاينسع والو من غير دقات قلبو .كون كان شي حد من غيرها قالتلو الخدامة راه مات كان ايبقة يسول علاش وكيفاش تا يفهم الموضوع..علاش هي بالضبط غير سمع داك الكلام حس بروحو كتحرق ودغية نفاعل ودغية ثاار وشعل وبغة يخرج عن طوعو علاش..وقف على صوت واحد من رجالو لي من صباح وهو يديوي معاه:من لهنا اسيدي 
دور وجهوو كيشوف واحد لفتحة على داك سلوكة دلحديد باينة عاد داروها باش يتبعوها..خاص يوصل ليها قبل يوصلو ليها هووما ماغايسمحش لراسو لا تأدااات هاد المرة ...خرجو على الجردة من داك الفتحة لقاو جوج طموبيلات كيتسناوهم ..ىكب فاقرب وحدة:تحررك 
ديماراااو كيقلبو فكل بلاصة 

فالجيهة لوخراا 
جالسة تحت واحد الشجرة عيات بزاف ومابقاتش قادرة تزيد لوجع ايقتلها فكرشها ورجليها فشلو عليها ..كاتبة شهقاتها وكتبكي بصمت وفدماغها كتردد الدعاء باش ربي ينجيهاا هاد ليلة 
عند جعفر
سلاح فيديه وعنيه على ااطليفون وصلو ميساج واحد من رجالو وصل ليه اش وقع وان يوسف وصل تالعندو..عض على سنانو:واااخة اسي الزعيم
دوز واحد النمرة:من دابة ساعة ونص بالضبط لاماعيطتش ليك وصل داك البرية للبوليس..اتلقة تماك سمية ديال واحد لي مكلف بهاد القضية...
وقطع وغوت:عااااااائشة
قفزات صافي قرب لييها عضات على يديها وناضت واقفة مخلوعة خاص تهرب بقات كتمشة ويديها على اسفل بطنها .ماقادراش كل شوية كتكون اطيح وكتشد راسها ...خرجات لشانطي كتشير لوحدة من الطموبيلات لي دازت:عااااونونيييي غيقتلنييي
ماوقفاتش ليها خايفين على راسهم

دازت التانية نفس الشي مابغاتش توقف 
طاحت على ركابيها كتبكي فوسط الشانطي:حراااام عليييكم عاونونيي..ياربي ماعاونييي
ناضت تاني بصعوبة يلاه ادير جوج خطوات وهي تسمع سميتها:عاااااائشة
بقات واقفة فبلاصتها زادت فلبكة صافي هادب لخرا ليها..كتسمع فخطواتو فاتجاهاا زيرات على بيجامتها حتى كتحس بيه جرها من دراعها وقلبها اونفاص معاه :عطيتك فرصة اعائشة
شافت فيه بعنيها دامعين كترجاه:خليني نمشي بحالي
رجع اللور وهو كيقاد سلاح فيديه:من الاحسن تموتي اعائشة ..نتي ماشي من النوع لي ايدير عقلو..يوسف لي بان ليا كتبغيه ومارحعكش لطريق عاد انخليك انا تبغيني.مستحيل نخليك عايشة باش يجي هو يديك ويفرح بيك .ايلا متي انطرق مسمارك وغنطعن يوسف فقلبو المهم ماتكوني لتاواحد ولكن ماتخافيش اتبقاي ديما فبالي غنبقة نتفكر حتى نلحق علييك..
عائشة غير كتشوف فيه وراجعة باللور وكتهز راسها بلا..
جعفر:يوسف راه وصل ليك ومالقاكش ودابة راه جاي لهناا كيجري وللاسف ايلقاك صافي ودعتي نتي ولبي بي لفلكريشة هههههه
قرب لعندها :ماتخافيش انبقة ديما مفكرك ..وعرفتي شنو يقدر نلحق عليك هاد ليلة ماتعرفي هههه..جربت كلشي تا من لحماق هنا فيه بقات ليا غا لموت 
عائشة زادت فلبكااا همسات ليه:حرام عليك
جعفر:ششش ماتبكيش صافيي الموت ماكاتخلعش الموت كتريح اعائشة 
قاد السلاح فيديه اونفاص معاها:بسلامة
غمضات عنيها كتشهد بينها وبين نفسها كتسنة غير يضغط على زنااد..شهقات فاش تضربات لقرطاسة طاحت على ركابيها وهي كتحس باادم نازل من وجها ...تبلوكات كتسنة تحس بشي حاجة ولكن والوو من غير قلبها لي غيوقف وصوت صداع حداهاا ورصاص كيتضرب ..هزات راسها وهي تشوفو من لبعيييد حساب ليها غا كتحلم ماشي هو ..يحساب ليها صافي ماتت ودابة كتخايلو قدامها...كانت غير كتشوف ومصدومة عنيها مركزين عليه ماكاتشوف تاشي حاجة من غيرو..كيف هاز سلاح وكيتيرييي ويغوت وكيدير ليها اشارة باش تحنة للارض وهي مرفوعة غير كتشوف فيه...فلحضة ستوعبات اش واقع ..شافت جعفر مضروب بجوج قرطاسات ومازال كينازع ورجالو كيحاولو يهربو وكيدافعو على راسهم بالسلاح...ماقدرات لا توقف ولا تحرك ولا حتة تهضر صافي عيات رجعات شافت فيه جاي لجيهتها بدات كتبكي قبل يوصل ليها ومادة يديها ليه بحال سي بنيتة صغيرة رجع ليها باباها

كان كيشوف فيها وجاي فتيجاها كيحمد الله جا فالوقت المناسب وتيرا فيه قبل يتيري فيها هوو ..كيشوف منولبعيد حالتهاوكيف دايرة وحوايجها مقطعين وشعرها مخبل ووجها لمنفوخ بلبكااا ومادة يديها ليه ماقادراش توقف جالسة على ركابيها باغاه غا فوقاش يوصل ..زرب فخطواتو تا وصل لعندها تحنة لمستواها وعنقاتوو كتبكي بحرقة خشاها وصط صدرو وهي كتبكي بصوت مسموع وتشهق بحاليلا مات ليها شي حد مزيرة عليه ..كيحس برجفتها بين يديه وشحال متشبتة بييه غمض عنيه كيحس بيها بين يديه صافي هاهي معاه ...نطق بهمس:الحمد الله
من صوت بكاها وانينها عرف شحال خايفة وشحال مقهورة همس ليها وهو كيبوسها على راسها:صافي هنا معااك اعائشة 
عائشة بصوت باكي:تسنيتك بزاف ايوسف ماتخلينيش الله يخليييك
بغة يبعد ويشوف ليها فوجها وهي تزير عليه ماباغاهش يبعد:لاا عفاااك ماتخلينيييش ايقتلني
يوسف:ماغا يأديك تا وااااحد انا معاك ماعندي فين نمشي
قرب لعندو واحد من رجالو:باقي عايش
دور وجهو:مابغيتوش يموت ديوه لديبووو
هز راسو بطاعة ومشا ينفد 
حس بيها ترخات بين يديه ..طلع ليها راسها لجيهتو مغمضة عنيها ودموع مازال نازلين كيشوف حالتها كيف ولات باسها على جبتها وهزها وهي مازال شاداه من تيشيرط ..ركبها فطموبيل وديماراا 

طريق كاملة وهو كيطل عليها من زاجة كيتأكد راها بيخير..كان طاير فالطريق ماعرفش كي دار تا وصل للطبيب ..ستقبلو بلبياص نيشان لغرفة مستعجلات
كان واقف حدا البيت وكيتسنة فطبيب يخرج يطمنو عليها..دور وجهو فاش شاف طاهرة داخلة ومعاها الزاهية هازة هارون وموراهم لباقية 
الزاهية ملهوفة على بنتها:كي بقاات بنتي ياك بيخير ماواقع ليها والوو قولي اولدي
يوسف:راها مزياانة 
الزاهية كتبكي:بغيييت نشوفها
يوسف:تايخرج طبيب
كلشي واقف وكيتسنة ..حتى كيخرج الطبيب
الطبيب:الحمد الله غلى سلامتها ..المريضة راها بيخير .ولكن جسمها مهلوك هو ونفسيتها عقمنا ليها الجروح مع مهدأ حتى من الجنين راه بيخير..كانت عندهاوطعنة خفيفة بالموص على جنبها تاهي داويناها..باينة تعرضات للضغط بزااف فهاد الفترة 
يوسف:دابة قولي واش كاين شي خطر
الطبيب:لا خاص غا ترتاح 
خدا هارون من الزاهية ودخل لعندها بلا تاشي كلمة..شافها فوق البياص بلباس طبيب وسيروم فيديها قرب لعندها وهارون غير شافها بدا كينقز باغي يمشي عندها ..
يوسف:هنا رجعت ليك ماماك خاصها غير تفيق
هارون كيضحك فرحان ..شد ليها فيديها وباسها وهو كيشوف فيها وفملاميخها بحاليلا باغي يشبع منها..حتى كتخل عنيها بشوية ..شافت فيه وفولدها وبداو ينزلو دموعها كان كيحساب ليها عمرها تولي تشوفهم ..زير ليها على يديها:ماتبكيش صافي
هزات راسها باه وهي كتشوف فهارون:ولدي
قربو وحطو ليها حداها شدات ليه فيديه وباستها ورجعات شافت فيوسف مازالة كتبكي مامتيقاش انه داك لكابوس تسالا صافي جلس حداها شدات ليه فيديه وزيرات عليه:انا مكلخة ايووسف انا..
قاطعها:صافي داكشي تسالا
عائشة :خايفة نكون غا كنحلم ونفيق ونلقة راسي مازالة تماك..راه نحماق ايوسف
بتاسم وقرب باسها على شفايفها :ودابة
بتاسمات بالسيف عليها:صافي
ورجعات شافت فهارون جراتو تانزل على صدرها وعنقاتو كتشتنشق ريحتو وتبوس فيه عاد رجعات فيها الروح وهوما معاهاا ..رجعات تكات فبلاصتها ويديها فيديه كتشوف فيهم بجوج وهي مبتاسمة حتى تغمضو ليها عنيها ونعسات .بقة شحال حداها هز هارون وخرج
الزاهية:اندخل نشوفها
ودخلات هي وطاهرة يشوفوها
دور وجهو كيشوف عصام داخل:الصحافة قالبة دنيا على برة 
يوسف:شكون قالهالهم
عصام:ماعرفتش
يوسف مد هارون لدينيس :شديه
يلاه ايخطي جوج خطوات وهو يشوف باه وبدرزجايين كمل طريقو
ناصر:فين غادي
يوسف:عندي مايتقضة
ناصر:خاص نهضروو
يوسف وهو غادي:تانرجع الواليد
ناصر خلاه يمشيي يكمل لي بداه حيت داكشي لي جاي صعيب بزاف
ناصر شاف طاهرة خارجة:كي بقات
طاهرة:الحمد الله مزيانة

عند يوسف
ىكب فطموبيلتو نيشان للديبو نزل ودخل من بعيد كيسمع صوتو غواتو كيتألهم ..علاش ماغايتألمش هو كيتضرب بالضوو .وقف كيتفرج فيه كيف كيغوت ربي لي خلقوو..وكلو دمايات فضهرو جوج قرطاسات دار ليهم اشارة يحبسو وقرب لعندو تا وقف اونفاص معاه هز يديه وجمع معاه بكروشي تا ضار وجهو وزادو تاني وتالت تا حس بيه ايغيب وشدو من سعرو وزير عليه:كي جاتك الموت بالعرض البطيئ
جعفر بتاسم كيدوي بالسيف لسانو تقال عليه :تا..ل.موت زوينة 
رجع عطاه لكمة قوة من لوخرين 
جعفر كيحس بلموت واحلة ليه فالحلق وماباغاش تخرج ..لقرطاسات بجوج جاوه فلعمود لفقري ديالو..واخة خرجوهم وووقفو ليه نازيف خلاوه يعاني كيف امرهم يوسف.. كيحس بجسمو كل شوية كيموت رجليه مابقاش كيحس بيهم كااع .وتا يديه بدات كتنمل ليه.تنهد بصوت مرتافع كما على الله روخو تخرج مع هاد التنهيدة وهمس:مشيتي فيها ازعيم غادي تلحق عليا تانت
يوسف تحنة لعندو 
جعفر:ملف ديالك ايكون فيدين البوليس دابة حساب ليك ماحسبتش حساب هاد اللحضة وصيت باش لا غبرت ساعة ونص يوصلوها للبوليس ..غيعدموك ازاعيم هه قول لناصر يتوسط ليك يبنجوك عاد يعدموك هه
يوسف بقة غير كيشووف فيه غمض عنيه عاض على سنانو ووقف هز رجليها وكيخشيهاليه فوجهوو تا طاح على الارض وقرب لعندو وتحنة وهزو من شعرو:ماشي مشكل..فكر فراسك اش تابعك فخبارك عندي الملف ديالك كامل كيتصيفط تاهو وغتحاسب تانت
جعفر:هدشي لابقيت عايش
يوسف بتاسم وناض قرب لواحد من رجالو دوة معاه ووقف كيتسنة..مشا جاب مقص وقرب عند جعفر ومعاه واحد اخور حلو ليه فمو وهو كيحاول يقاوم ..كان واقف وكيتفرج فيه غيخليه يكمل هاد شي لي بقا ليه فالحياة كلها عدااب سمعوو كيغوت وهو كيقطعو ليه فلسانو فمو كاع عمر دم ..بعدو عليه ..وخلاوه كيفكركل فالارض..هادي اعوام وهو كيقلب عليه شحال من مرة سيفط شكون يقتلوو وكيعيق بيه وماكايبغيش يكبر الموضوع معاه حيت كيعتابرو واحد حمق معقد..شحال من خصلة دار معاه..ولكن دابة زاد فييه يوصل يخطف ليه مراتو ويعدبها ويحاول يقتلها..وزيد الملف..هنا وحبس خليه يتمنى الموت ومايلقاهاش 
تم خارج:دوز ساعة دلماكانة لوحوه فطبيب علامن يجيو يديوه لبوليس 

خرج وركب فطموبيلتو وكسيرااا..

فالطبيب
كانو مجمعين حتى كيشوفوو قروب دلبوليس مسلحين وقفو عليهم..ناصر قرب لعندهم:يوسف الزعيم فين هو
كلشي تصدم
ناصر:ماكاينش
شاف فيه:تفضل معانا نت اسي الزعيم عندنا فاش نهضرو علامن يبان ولدك
بدر:الوليد
ناصر:خليك 
ومشا معاهم
طاهرة ناضت تابعاه ووقعات الروينة شهاد الموصيبة الجديدة لي تابعاهم 

كان فطموبيلتو راكب وواقف فجنب الطريق مرجع راسو للور ومخرج يديه من شرجم شاد بيها سيجار ديالو كيكمي وكيشوف لبعيد لوقيتة دلفجر وخيوط الشمس كتبان من لبعيد ..صافي ولا عارف اش تابعو كلشي ضدو وماعندو تاشي حل من غير يسلم راسو تنهد واش بهاد السهولة يسلم راسو ...وعائلتو صغيرة لي محتاجة ليه شغا يكون فيهم لا مات معدوم..نزل عنيه لطليفونو ملي وصلو ميساج .المافيا الايسرائلية مازال كتهدد ..رما داك سيجار فاش مابقا فيه مايتكمة ..وديمارا خاص يلقة شي حل ماشي بهاد السهولة يضحي بحياتو ويطلع هو الخاسر مادخلش لهاد العلام ودمر شحال من مافية اجرامية باش فتالي يتقتل لا ماشي هكا اللعب ..كان ديما رابح وتا دابة غيربح ..يموت وهو كيقاوم حسن مايموت وهو مستسلم..حيت عمرو عرف شنو هو الاستسلام 

فالطبيب
حلات عنيها بشوية كتنهد دورات وجها شافت ماماها الزاهية ناعسة فوق الفطوي ومعاها هارون ناعس فرولاكس ديالو..شافت فساعة لي فلحيط الخمسة دصباح..تنهدات وهي كتشوف ساكها حدا راسها ايكونو جابوه رجال يوسف فاش هجمو على الدار ..قربات يديها وجراتو لعندها ماعارفاش علاش حاسة باحساس خايب واش من داكشي لي وقع مأتر عليها ولا شي حاجة..جا فبالها غا هو ..حلات ساك وجبدات طليفونها شعلاتو وهي كتشوف فشاشة وكتفكر اخر مرة اش وراها جعفر ..خاص يوسف يشرح ليها ويطمنها انه ما ايوقع ليه والوو
دوزات نمرتو وحطات الطليفون على ودنيها بقة كيصوني شحال ومن بعد قطع..زعمة يكون ناعس..دخلات للواتساب كتشوف اخر مرة تكونيكطا هادي خمسة دقايق ..كتبات ليه:يوسف جاوبني عفاك
صيفطات لميساج وفرحات فاش طلعو ليها جوج شريطات ..بقات كتسنة تا ولاو زورق يعني قرا الميساج..شافتو كيكتب .حتى كيوصلها ميساجو
يوسف:اش مفيقك فلخمسة دصباح رتاحي ورجعي نعسي
عائشة:ماجانيش النعاس🙄اجي عندي عفاك
يوسف:دابة نجي رتاحي دابة
عائشة:😭😭😭😭😭😭😭😭
يوسف:شنو زعمة كتبكي من نيتك
بتاسمات وكتبات:اه 😭😭😭😭
يوسف:كنقولك مازال ماباغة ديري عقلك 
عائشة:عوتاني😮
ورجعات كتبات: ايلا ماجيتيش انعرفك مقلق مني اجي عفاك نشوفك وتشرحلي واحد الحاجة قالهالي جعفر خلعاتني وماغانرتاح تاتكون حدايا
يوسف:شنو هي هاد الحاجة
عائشة:مافيات واسلحة وشي حاجة داسرائيل واش بصاح حياتك فخطار
يوسف تنهد وهو كيشوف طموبيلات غادين جاين وهو واقف جنب الطريق شغادي يقولها مايمكنش يكدب عليها خاص يحطها امام الامر الواقع كتب ليها:اه ويقدر نموت فاي لحضة القضية فيها الاعدام
بقات شحال كتشوف فداك الميساج .داك الساع صونات عليه ..ماجاوبهاش بقات كتصوني كتر من مرة حتى نزلو دموعها كتبكي سجلات ليه اوديو بصوت باكي:جاوبني ايوسف نقوولك
شافتو سمع الاوديو ..رجعات سجلات اخور:علاش كتهرب مني علاش ماباغيش تسمعني صوتك وتجاوبني لاكنتي غادي تموت ديني معاك ماتخلينيش موراك حيت ماغانستحملهاش ايوسف ..ماشي كاع هاد العداب لي عذبتيني فحياتي وحرقتيلي قلبي فتالي تموت وماتعوضلي والو ماغانسمحلكش ديرها وتخلينيي سمعتيني.تاواحد مايقدر يقتلك و
ما انخليهش يديرها تاواحد ماعندو الحق يديرها
صيفطاتو وهي كتبكي وحاطة يديها على فمها دورات وجها كتشوف فزاهية وهارون مازال ناعسين 
شوية شافت طليفون كيصوني جاوبات داك ساع غمضات عنيها فاش سمعات صوتو :دابة لاش لبكة حنا غير كنهضرو
عائشة:الا الموت ايووسف ..بقاتلي ضربة وحدة لهاد القلب وغيسكت 
تنهد:صافي حبسي من لبكة
عائشة مسحات دموعها:يلاه نهربو حنا وولادنا
بتاسم وسط كاع هاد الروينة لي هو فيها.. كيفاش ايخلي هاد البرهوشة موراه :انبقاو حياتنا كلها هاربين انكرفسك معاياا كتعرفي شنو معنة الهروب ومعاك مراتك وجوج دولادك غير انعدبكم 
عائشة:ماكايهمنيش اامهم نكونو معاك وهارون وآدم يترباو معانا بجوج 
بقة ساكت وهي كملات كترجاه بصوت باكي:عفاك سمع ليا ولو مرة وحدة فحياتك خلينا نهربو انا ماعنديش مشكل نموت معاك ومانبقاش موراك 
وقع سكات كيتسمع غا صوت بكاها كتزيد تكمل عليه بحاليلا كترجاه بصوت شهقاتها ..غمض عنيه ماباغيهاش تزيد تبكي بقة كيفكر وهو ينطق:صافي واخة غير حبسي من لبكة
بتاسمات وسط دموعها:صافي غنمشيو من لهنا
يوسف:وشغا ندير فين عمرك خليتيني فخاطري.هدشي فحالة مابقة عندي تاشي خيار اخور
عائشة وهي مبتاسمة:صافي واااخة المهم انبقاو مجموعين..فين غنمشييو 
يوسف:غنمشيو لابعد بلاصة فهاد العلام 
هزات راسها باه:غنبداو حياة جديدة ..يوسف كاع ماقلت لك واحد الحاجة
يوسف:شنو هي
عائشة:اول ليلة ديالي انا وياك فاش وقع لي وقع ..جعفر لبارح قالي الحقيقة كان دايرلي واحد لحبات فلكاس كتزيد فالرغبة لجنسية باش ملي نمشي معاه يستاغلني بخاطري...تنا ماكنتش فوعيي داك ليلة ايوسف جعفر هو سباب .عمري كنت نديرها كون ماكانش هو
يوسف بقة كيفكر وهمس ليها:الحجة الوحيدة لي دارها زوينة
عائشة:كيفاش
بتاسم:والو تانتلاقاو ونقولك كيفاش وبزاف دلحوايج خاص يتقالو
عائشة:وفوقاش
يوسف:من دابة ربعة دسوايع انصيفط موراك صافي كوني واجدة انقضي شي غراض وهنا معاك..وغنشوفو داك ساع اشنو انديرو
هزات راسها باه:واخة..يوسف
يوسف:نعام
عائشة:مامقلقش مني ياك عنداك تصدمني
يوسف:عائشة حنا دوزنا هدشي عيينا منو
عائشة:واخة
يوسف:يلاه بسلامة
عائشة:بسلامة
وقطعات

قطعات وهي مبتاسمة مابقة كيهمها والوو فهاد اللحضة غير عائلتها صغيرة تبقة مجموعة..حيدات سيرو من يديها ونزلات من النموسية دخلات للحمام غسلات وجهاا وبقات كتشوف فوجها ولا شاحب خاص تقاد حالتها ماتبقاش هكا..ماخاصش يوسف يشوفها فهاد الحالة ..خرجات من الحمام وقربات بشوية لعند هارون ناعس بغاتو يفيق توحشات ضحيكتو بدات كتحرك صباعها على وجهو بشوية حتى حل عنيه كيتكسل هزاتو بشوية وجلسات فوق النموسية وحطاتو على صدرها كتبوسو من وجهو وهو مازال كيتكسل :هنا ماماا ..هاروني 
هارون عاد ستوعب وبدا يضحك ويحاول يشد وجها بيديه فرحان ..كيفاش ولادها ايعيشو بلا باباهم وهدا لي فكرشها يتزاد ومايلقاش باباه ..تنهدات براحة غيمشيو من لهنا كاملين بعيد على هاد الصداع والمشاكيل المهم يبقاو مجموعين وغينساو كاع هدشي لي وقع ..حيت ماغاتستحملش تخسر فرد من عائلتا 
صغيورة.. شدات فيديدات هاروون صغيورين كتبوس فيهم وكترجع فيها روح وهي كتسمع صوت ضحكاتو

داز الوقت
قاض كلشي باش يمشيو من لهنا في حالة مابان تاشي حل بقات ليه ساعة دلماكانة باش يعط ليه يحيى ويقولو راه وصلو والاسلحة وصلات لبلاصتها..ماجاوب تاشي حد كيعيط ليه..بدر ..ناصر..وشي نوامر.مابغاش يجاوب تا يكمل شغالو 
دازت ساعة بالضبط وبتاسم وهو كيشوف نمرة فلسطينية كتعيط ليه .جاوب داك ساع وهو كيسمع صوت يحيى:خويا يوسف كلشي داز هو هداك والاسلحة كلها تنقلات ماتصور شحال فرحان .خاص تشوف الفرحة لي فعنيهم وكيف كيدعيو معااك 
يوسف:الحمد الله ..هدشي لي بغيت .يحيى رد بالك سمعتيني رجالي راه معاك تماك ..اترجع فطيارة ايبقاو مراقبينك تاتوصل على خير..وايلا وقعات شي حاجة راك عارف 
يحيى:كون هاني ماغايوقع والو نخليك مازال خاص نسالي شي شغال ..وهدشي كامل ماغايمشيش غير هكاك ربي غيعاونك
يوسف:دعي مع خوك هدشي لي بغيت
يحيى:ماشي غير انا لي كندعي معاك راه كلشي هنايا كيدعي
تنهد براحة عمرو ايندم على هدشي لي دار سلا المكالمة وقطع .. ودوز النمرة دناصر:الو الوليد
ناصر:اجي داابة 
يوسف:واخة فين
قطع وديمارا الطموبيل للبلاصة فين قالو
مسافة دطريق وكان تماك نزل وقرب وهو كيشوفهم من لبعيد ناصر وكمال وشي جوج خرين عرفهم مزيان ..واحد منهم مكلف بهاد القضية ..ولاخور وكيل الملك ..كمل خطواتو تاوقف حداهم 
ناصر بقة كيشوف فيوسف 
يوسف:هاني كنسمع 
كمال بدا هو اللول بالهضرة ويوسف غير كيتصنت

داز الوقت 

كانت لابسة ومقادة عاوناتها الممرضة دوشات وصيفطات على شي خوتيج بدلات بيهم ..قدات ماكياج خفا ليها ديك لبهوتية لي على وجها..شعرها طالقاه على طولتو سامبل ..كانت فكامل اناقتها ..وجالسة كتسناه يعيط ليها ..تا من هارون صيفطاتو لدار مع طاهرة تدوش ليه وتبدل ليه وتجيبو ليها. كانت فرحانة بزاف ومرة مرة كتهضر مع لبي بي لي فكرشها يتشارك معاها فرحتها 

فالجيهة لوخرا
كان واقف ماعلا وجهو تاشي تعبيير من غير كلامهم لي كيتردد فدماغو الموضوع كبر بزاف ..تا من يحيى لي يحساب ليه صافي غير ايوصل لتماك اتسالا مهمتو ساعة العكس تاهو حياتو دابة فخطار وولا متبوع تكشف داكشي لي دار ..غمض عنيه مزير عليهم ماشي هكا حسبها قدماغوو..حساباتو طلعات كلها غالطة لاول مرة ايخونوه حساباتوو وكيخرجو زيروو ...دابة جوج خيارات يا يبقة ويموت معدوب وكلشي واخد عليه صورة خايبة ديال الخائن لي خدام مع اسرائيلي..ولا..؟
تنهد وهو كيشوف فطليفونو وميساجاتها كتقولو تعطلتي فلحضة كان ايدوز نمرتها ولكن ترااجع.. هو ختار الاختيار التاني ...هز الطليفون تا لسماا وزدحو مع الارض تا تشخشخ كامل قدامو .بحال قلبو تاماما فهاد اللحضة كيتقطع ..ولا كينهج بصوت مرتافع

كانو واقفين وكيشوفو فيه ملبعيد بدر بغة يمشي لعندو وهو يشدو ناصر:خليه 
بدر:واش عااارف شنو غيدير
ناصر:عاارف مهما دخل لهاد العلام خاص يتحمل العواقب
بدر:راه ولدك 
ناصر:هانت قلتيها ماغاتحسش بيه بحالي .الحياة كيخصها تضحيات باش تسما حياة 

دازت نص ساعة

كانت واقفة غادة جاية فالشومبر طليفون طافي ولي عيطات ليه ماكايجاوبش تا طاهرة والوو تخلعات مابقات فاهمة والوو شنو واقع...حتى كتحل لباب شافت لجيهتها كان عصام..مشات لعندو:ماشتيش يوسف
عصام غير كيشوف فيها كيف لابسة ومقادة كتسناه ماعارفش كيف غيقولها ليها ختارو هو لي يكون معاها فهاد اللحضة حيت هو لي خوهاا .فهمو كلشي :عائشة
عائشة بخوف:شنو واقع اعصام
عصام مسح على راسو كيدو مع جنابو
عائشة:دغية يوسف مابقالو والو وايصيفط مورايا قولي اش واقع 
عصام لسانو تبلوكة كيف غدير تستحملها
حطات يديها على قلبها لي ولا يضرب بااجهد كتسناه يهضر
عصام حط يديه على كتافها:يوسف 
عائشة بقات ساكتة كتسناه يكمل وقلبها غيوقف
عصام:غيمشي او.
عضات على شفايفهاا صافي دارهااا..خان تقتهاا للمرة الالف
عصام كمل:وغيدي معاه هارون
غمضات عنيها وزيرات بيديها على قلبها ..رتافع صوت انفاسها بالجهد حلات عنيها وشافت فيه :كيفاش
ورجعات همسات ماقادراش تهضر:كنت حاسة 
تنترات منو ورجعات اللور كتهز راسها بلا وكلها كترجف حتى طاحت على ركابيها فالارض لهضرة واحلة ليها فحلقها ماقادرة تقول والو لسانها تقال عليها تا روحها ولات كتحس بيها واحلة فحلقها حلات صدافتت لوالا دسوميج باش تنفس ..تحنة لعندها:عائشة راه..
قاطعاتو وهي كتهز راسها بلا:مابغيت نسمع والو
بغة ينوضها وهي تنتر منو ماباغاهش يقيسها باغة تغوت باغة تنفاجر ولكن ماقادراش هدشي كبير عليها بزاف ..حطات يديها بجوج على وجها وتحنات كتقاوم هاد الوجع لي كيعصر ليها فقلبها .هاد صاعقة لي نزلات عليها باش دمرلها داكشي لي بقة صحيح فلداخل ديالها...كتنفس غير لمرار حاسة بحال شي جنوي مغروس فصدرها كيقتل فيها

حطات يديها بجوج على وجها وتحنات كتقاوم هاد الوجع لي كيعصر ليها فقلبها .هاد صاعقة لي نزلات عليها باش دمرلها داكشي لي بقة صحيح فلداخل ديالها...كتنفس غير لمرار حاسة بحال شي جنوي مغروس فصدرها كيقتل فيها
جلس حداها فالارض قلبو كيتقطع على ختوو ماعرفش كيف غيزيد يكمل ليها .ويقول ليها داكشي لي باقي...جرها لعندو حطات راسها على صدرو غير كتشوف وهي مصدومة ..همس ليها:هدشي هو لي خاص يوقع من مصلاحتك اعائشة غيجي واحد الوقت اتشكريه على هدشي..
كانت غير ساكتة ومرخية فوق صدرو حتى كتسمع كلامو:باقي حاجة خرا
بعدات عليه وشافت فيه وهمسات بصوت مهزوز:كتر من هدشي
خشا يديه فجيبو وحط حداها لورقة فالارض نزلات عنيها كتشوف ورقة طلاق ..شافت فعصام ورجعات شافت فالورقة مافهاماش واش دارت شي ذنب فحياتها كبير لهاد الدرجة باش كيوقع ليها هدشي..كتشوف كلشي فحياتها زوين كيتهدم واش لهاد الدراجة هي قبيحة باش تطعن هاد الطعنة ..هي راه لحد الان مازال مامستوعبة هدشي لي واقع ...رجعات شافت فالورقة سميتها وسميتو كيأدو ليها هدشي لي هي فيه ..وهارون مكتوب تاهو من شروط طلاق ..غيبقة معاه .داكشي موتق تا فالمحكامة..
همسات لعصام وهي كتاخد من عندو ستيلو بيدين كيرجفو لدرجة طاح ليها ورجعات هزاتو كتهضر بصوت متقطع باين فيه شحال مجروح :من نهار ولدتو مافرحت بيه ..كان بين يديا وخايفة عليه..كان متبوع..انا ماماه بحاليلا ماشي ماماه..كنتقاتل مع الوقت على ولدي باش يبقة معايااا بحاليلا غير متبنيااه ..بحاليلا مانستاهلش نكون ام ..صافي خليه يمشي ويديه نشوف واش الزمان غيرحمنييي ..خليهم يمشيييو عييييت منهم ..عييت مانتقاتل جهدي تسالاااا 
وقعات داك الورقة ديال طلاقها وحطات ستيلوو وكلها كترعد 
عصام كيتسناها تنوض تغوت تبكي ضرب فوجها تسخف ..ولكن العكس ..الحالة لي هي فيها كتر من هدشي كامل 
وقفات :ديني من لهنا نمشي نهز حوايجيي ونخرج من داك الدار .نمشي بحاليي 
وقف معاها .تمات خارجة كانت اطيح وهو يشدها:انعيط لطبيبة
هزات راسها بلا وخرجات من شومبر كتمشة فلكولوار وهي مرفوعة كدخل فلي جا قدامها وتكمل طريقها وهو موراها ماعارفش اش يدير ليهاا 
كانت غير غادة ودماغها خدام اينفااجر ..وقفات وحطات يديها على ودنيها وغوتات تا بقة كلشي كيشوف فيها:صاااافي حبسيييي ماتفكريييش صاافي خليه يمشيييي ويديه صافي
بقات واقفة وكتلهت وكلشي كيشوف فيها مافاهمين والو
عصام شدها من دراعها:عائشة واش نتي بيخير حبسي 
تنترات منو وكملات طريقها خرجو من طبيب ..حل ليها باب طموبيل ..ركبات وركب تاهو وكسيرا نيشان لدار الزعيم

فدار الزعيم
كلشي كيبكي ماعارفينش هدشي منين نزل عليهم ..طاهرة عقلها خارج بلبكا ولدها كبدتها ايمشيي ويخليها 
طاهرة بصوت باكي:لي كنت خاايفة منو هدي سنيين وقع لي هربنا منوو شحال هدا طحنااا فيييه 
شافت فنااصر:وايلااااا وقع ليييه بحال ياسييين لا قتلوووه لياا وخلاوني
ناصر:طاهرة صافيي ماتزيديش تكملي تانتييي سكتيي هدشي لي خاص يوقع لا بغيتي ولدك يبقة عايش وما يتأداوش ناس لقرااب ليينا ..خاص يبعد 
طاهرة شافت فيوسف واقف حدا لباب ويديه فجيابوو وساكت :وفوقااش ايرجع
ناصر:ماعرفتش 
طاهرة:عائشة مسكييينة كوراه اتحمااق علاش كدخلو راسكم فالمشاكيل وتعدبونا حنا معاكم علاااش ..مسكينة اتيتموها فولدهاااا
ناصر:غيقتلووه لابقة معاها واش مابغيتيش تفهمي
طاهرة:لي كنفهم هو قلب الام وباش كيحس 

نزلات والخدامات تابعينها بشوانط وهارون فيديها
وقفات حداه:صافي كلشي واجد
طاهرة قربات وعنقات يوسف كتبكي عليه :ماعندي ماندير من غير ندعي معاك اولدي ويرجعك لينا سالم 
باسها على راسها وقربو خوتو سلمو عليه وكيعنقوه..دينيس وامونة كيبكيو 
دينيس:خويااا ماتمشيش فمرا رجع الله يخلييك عائشة محتاجاااك هي ولدك لي فكرشها
امونة:الله يرجعك لينا سالم وهادشي كامل يسااالي وعمي كمال يلقة الحل دغية 
باس خوتو بجوج على راسهم ..وخلاهم كيسلمو على نرجس ويبوسو فهارون وخرج هو وبدر وناصر 
بدر:خويا ملي توصل علمنا راك بيخير صافي
هز راسو باه 
ناصر:كلشي غيكون مزيان من بعد
ماجاوبوش ..وشاف فبدر:-رد ليها لبال
بدر فهم قصدو:كون هاني
ركب فطوموبيل كيتسناها تخرج

وصللو ..وقف الطموبيل..ونزل هو وياها
شافتو فالطموبيل ..جات عنيها فعنيه ..دغية نزل عنيه ماقدش يشوف داك النضرة فعنيها حيت غيتهور وغيريب كاع هدشي ... زير على لفولون بيني يديه
عائشة زيرات على حوايجها وهي كتشوفها خارجة من لباب وهارون فيدبها غير شافها من لبعيد بدا كيضحك..عطاتو بالضهر وهي حاطة يديها على قلبها كتسمع صوتوو كيضحك ..لا كون غير ماجاتش ماتقدش تودع ولدها وتشوفو وهو غادي ماتقدش ..حاسة بالعافية شاعلة فيها
نرجس وقفات ماعرفاتش واش تكمل طريقها ولا تمشي تمد ليها ولدها ..دارت جوج خطوات تا وصلات لحداها وهمسات ليها:عائشة 
هارون مد يديه وشد ليها فحوايجها من دراعها باغي يجي عندها...
نرجس :عائشة ..
عائشة مابفاتش قادرة تصبر وهي كتسمع ولدها كيبكي شاد فيها وباغي يجي لعندها ..نزلو دموعها حارين على خدهااا تا بدات كتبكيي وضارت لجهتو وبدات كتشوف فيه بغات تاخدو وتعنقو تشبع منوو ولكن ماكابناش شي ام كتشبع من ولدها ..همسات بصوت باكي كيقطع فالقلب:تهلاي لي فولدي الله يخلييك انرجس هاهو معاك ..ماضربييهش راه باقي صغير.واخة يقلقك غير عطيه لخاطر راه كيفهم واخة باقي صغير ...واعديني ماتأديهش عفااك 
شدات ليها فيديها كترجاها:ولدي امانة عندك انرجس..ماغانستحملش لا شي نهار عرفت ولدي عاش معدب بعيد عليااااا
نرجس نزلو دموعها ماعرفاتش اش تقولهااا :عائشة سمحيلي بزاف عفااااك 
عائشة كتبكي:نتي لي سمحيلي دخلتلك سوسة لحيااتك وها ربي كيجازينيي دابة ..بغيت منك غير حاجة هي ولدي امانو عندك تهلاااي فييه
نرجس هزات راسها باه:كوني هانية هارون من ديما كنعتابرو ولدي وربي شاهد عليا بغيتو بحال كيف بغيت ولدي غير شيطان لحرامييي
عائشة بقات غير ساكتة وكتبكي شدات ليه يديه ليكان شاد بيها حوايجها وباستها كتر من مرة ماساخياش بيه:سيري انرجس عفاااك 
نرجس كملاتوطريقها وهي كتبكي وهارون قالب دنيا بلبكة ركبات فالطموبيل ..ودتك ساع قلع بالحهد تا تسمع صوت الطموبيل...ومشا مخلي موراه ام كتشوة فكبدتها وقلبها شاعلة فيه العافية..طاخت فالارض مابقاتش قاظرة تصبر وغوتات ربي لي خلقها تا خرج كلشي مخلوووع من حر الغوتة
عايشة شادة فشعرها وكتغوت:ولديييييي ولديييييي 
عصام مشا كيجيري تحنة لعندها كيشدها ما ضربش راسها :صااافي اعائشة صاافي
عنقها بالسيف عليها وهي كتشربل بين يديه :مشاااااا وخلاني اعصاااام خداا ليااا ولدي..حاسة بروحي اتخرج 
كلشي كيبكي ماعارفينش اش يديروو اصلا ماعندهم مايديرو كلشي جا فيها هيي وطاح فوق راسهاا 
قربات لعندها طاهرة كتبكي:عفااك ابنتي ماديريش هاد الحالة فراسك
عائششة شافت فيها وغوتات:بعديييي منييي خرجتوو علياااا دمرتولي حيااتي كنكرررهكم كاامليين..رزيتوني فولدي وفحيااااتي الله ياخد فييكم الحق 
وناضت :عمريييي نسمح ليييكم حرقتوولي قلبي حرام عليييكم 
طاهرة حاطة يديها على فمها وكتبكي عادراها وفاهماهااا
عائشة شاف فعصام:دينيي من لهنااا مابقييت بغيت نشووف تا واحد فيييهم 
مشات جيهت الطموبيل وهو تابعها حل ليها لباب وركبات وركب تاهو

وصلو لدار الزاهية
غير حلات ليها لباب تلاحت عمقات مها كتبكيي:سمح فيااااا اماما وخدا ليا ولدي ..
الزاهية عنقاتها وهي كتبكي معاها:الله ياخد فيه الحق ..كون غير قتلوووه وماطعنكش فقلبك الله ياخد الحق فلي كان سباب..ايحمقولي بنتي وهي صغيرة 
عائشة مزيرة على ماماها وكتبكي بحرقة ماعارفاش اش دير باش تبرد ليهااا كتموت بالبطيئ كتفكر ما اتبقاش تشوف ولدها كتبغي تحمااق...دخلات سارة من لباب كانت مفتوحة:الله ياخد الحق فلي كان سباااب 
وجلسات حداهم تاهي كتبكيي شادة فعائشة فيديها 
عائشة هزات راسها وشافت فالزاهية:هادي تالية ليا اماما هادي لي غتحمقنيييي صافي حاسة براسي انموت
الزاهية باستها على راسها :لا ابنتي لا ماتقوليش هكاا..فكري فهدا لي فكرشك ربي كبيييير ابنتي نعلي شيطاان
عائشة:مانقدش نعيش بلا هارون مانقدش نعيش هانية وانا عارفاه كيتربا فبلاصة خرااا 
اازاهية عنقاتها :الله يكون معاك ابنتيييي الله يوقف معاك 

دازو جوج دلاسابيع

كانت جالسة فوق النموسية جامعة رجليها لعندها وكتشوف اونفاص معاها. هكا ولات ماكاتخرجش من لبيت وغير سادة عليها ماماتبغيس تامدكل غير لاما بززاتش عليها الزاهية لماكلة على قبل لبي بي لي مازال مقاوم وصابر مع ماماه ..ولات جسد بلا روح بنهار غير ساكتة وسادة عليها فلبيت وبليل كتبدا تبكي وتغوت .كيجيوها كوابي دولدها كيبكييي..كتبقة تقولهم هارون كيبكيي ..هارون نرجس كضربو ..تا كيقرب لحال يصباح عاد كتنعس 

على برة فصالة
الزاهية:صافي انا اندخل عندها نلبسها ونديوها عند هاد الطبيبة النفسانية
عصام:هنا كنتسناك
دخلات لعندها:بنتي عائشة انمشيو عند طبيبة لي قلت ليك 
عائشة ماجاوبتعاش..تنهدات وحلات لبلاكار جبدات ليها جلابة لبساتها ليها وعائشة غير ساكتة مشطات ليها شعرها ودارت ليها ضفيرة باستها على خدها:الله يرضي عليك ابنتي دابة ربي يوقف معاك
نوضاتها وخرجو
عصام قرب لعندها:هاد الزين كامل حابس راسو فلبيت عيب عليك
وباسها وهي غير ساكتة وكتشوف فيهم ببرود 
عصام:يلاه باش مانتعطلوش
هبطو لتحت مع ااخرجة كيهجمو عليهم مجموعة من صحافة:عائشة واش نتي فهاد الحالة بسباب الزعيم 
صحافي تاني:واش بصاح الولد لي حاملة بيه ماشي ولدوو تعرضتي لاغتصاب فاش تخطفتي ...هدشي لي صرح بيه الزعيم انه الولد لي حاملة بيه ماشي ولدو وانه طلقك ..وخدا ليك هارون وخواا لبلاد مخلي موراه روينة الدولة كتقلب عليه وحسابات مع المافياا
عصام دفعو تاكان ايطيييح :تحركووو من لهنااا
بدا كيدفع فيهم وهوما كيصوروو ..جعر علييهم ماكانش باغيها تسمع هدشيييي ماكانش باغيها تعرف التصريح لي صرح بيه يووسف ...الصحافيين هربو فاش شافوه فداك الحالة
شاف فيها لقاها واقفة مصدومة :ماتديش علييهم راه غير ..
عائشة:صااافي مابغيت نسمع واااالوو الله يااخد فيييه ااحق 
وسكتات وهي حاطة يديها على قلبها ميضرها بزاف مابقاتش قادرة التنفس
الزاهية شدات فيها:عائشة مالكي
عائشة بصوت متقطع:ق..لبي كيضرني
وشهقات فاش جهاد لحريق وتنفس مشا ليها تااطاحت فالارض كتشهق ويديها على قلبهاا ..عصام هبط لعندها دغية:عاائشة تنفسيييي عائشة
وهزهااا والزاهية تابعاه كتبكي ركبو فطموبيل نيشان لسبيطااار..غير وصلو دخلوها للمستعجلات..نص ساعة وخرج لعندهم طبيب:جاتها جلطة فالقلب انديرو ليها عملية ضاروري ..
الزاهية:الله ياربي على بنتييييي 
عصام:دير كتر مافجهدك الله يخلييك راها حاملة
طبيب:كون هاني

وجدو غرفة العمليات ..وتدارت العملية فخمسة دسواايع دازت على خير وبخير ولكن مرض القلب ايبقة ملاحقها ..قلبها عية حتى مرض اتولي تبع الادوية وهي فسن صغيرة ..ولا عندها قلب ديال وحدة عندها ربعين عام ماشي 17لعام ...من بعد مدة فاقت لقات راسها غا بوحدها فلبيت ماعرفاتش شحال دلوقت وهي ناعسة ..بدات كتسترجع داكشي لي وقع ليها كامل ..هزات يديها وحطاتها على قلبها مازال كيضرب بقات كتفكر فحياتهااا..تكتب ليها دابة عمر جديد ..شوية نزلاتويديها وحطاتها على كرشها لقاتها منفوخة ماشي بخال اخر مرة نزلات راسها كتشوفها كبيرة..تصدمات داز الوقت بزاف ماعرفاتش شحال..حاسة براسها غا كتحلم ..دخلات الممرضة غير شافتها بتاسمات ومشان كتجري تعيط للطبيب وتفرحهم راه فاقت. عائشة مافاهمة والو دخل لعندها طبيب ومعاه الزاهية فرحانة تحنات كتبوس فيها وطبيب كيفحصها والممرضة كتسجل
الطبيب:على سلامتك ابنتي ربع شهور وحنا كنتسناوك تحلي عويناتك
عائشة مصدومة:ربع شهور
الطبيب بتاسم:اه 
الزاهية بدات كتبكي:خلعتينا عليك بزاف ابنتي دابة عاد رجعات فيا الروح ملي وليتي بيخير وحليتي عنيك
عائشة حطات على كرشها:وولدي كيف بقاا
طبيب:راه بيخير تهلينا فييه كوني هانية 
عائشة رجعان شافت فكرشها بقات ليعا خمس شهور وتولد ..نزلو دموعهاا كتطلب من ربي يعاونها ويقويهااا باش تربيه هو لي غيعوضهااا 
الزاهية:ماتبكيش ابنتي عفاك براكة علييك 
عائشة:مابغيتش نبقة هكا اماما بغيت هدشي يسالي
الزاهية:غيسالي ابنتي والله غيسالي غير قوي راسك ورجعي عائشة لي كنعرفو على قبل ولدك
هزات راسها باه وهي كتمسح بيديها فوق كرشها
ااطبيب:كلشي هو هداك 
عائشة:لغيت نخرج لاكانت شي حاجة نكملها فدار ماكانحملش طبيب
بتاسم:راك بيخير دابة غير حافضي على داك لقليب بدوة وتهلاي فيه باش يبرة راك عييتيه مسكين 
عائشة:واش انبقة ديما نمرض بيه ونطيح
طبيب:ايلا تهليتي فيه غتبراي ابنتي
عائشة:واخة 
طبيب:غدا ان شاء الله اتخرجي وترتاحي فداركم
هزات راسها باه وخرج وخلاهم ..بقات معاها الزاهية شحال..حتى كيسمعو دقان ..تحلات لباب كان عصام ودينيس ومهدي واكرام وحمزة وسارة فرحانين بيها
دينيس عنقاتها:على سلااامتك خلعتينا عليك
عائشة:الله يسلمك
اكرام قربات لعندها وعنقاتها تاهي:الحمد الله على سلامتك فرحت بزاف ملي وليتي بيخير
عائشة: شكرا
سارة:الحبيبة ديالييي رجعات لينا
وعنقاتها:على سلااامتك
عائشة:الله يسلمك
اكرام:شفتي لكرييشة 
عائشة بتاسمات وشافت فكرشها:اه 
اكرام:مابغبتيش تعرفي اش عندك
عائشة هزات راسها بلا:لا بغيت تا نولد ونشوف 
اكرام:وينووو مزيان تكون مفاجأة
دينيس:احم خبر زوييين تانا حاملة 
عائشة:بصاااح
ديبنيس:اه تلاتة دسيمانات هادي
عائشة:مبروووك عليييكم
دينيس شكرا
عصام:هاحنا انولي بينا تريكة را تا سارة حاملة
عائشة شافت فسارة:لا هدشي بزااف مبروووك عليكم احبيبة
سارة:هههه شكرا الله يابرك فيك
عائشة:شحال عندك
سارة:شهر دابة
عائشة:تبارك الله
مهدي شاف فاكرام:سمعي نتي
شافت فيه:مالك
مهدي:اليوم غنمشي نلوح باباهم داك الفانيد واش انا يهودييي تانا بغيت نشوف لكريشة
اكرام:لا تافقنا تايدوز لعام
مهدي:شمن عام ولا عاماين الالة انبداو الخدمة من هاد ليلة علامن يدور لعام نكونو جبنا شي فلوس
بقاو كيضحكوو عليه وهي خرجات فيه عنيها:ويلييي حماقيتيي 
مهدي كيقلدها:ويليي حماقيتي .المهم تانمشيو لدار ونكملو
اكرام:لا غا كمل مابقيتيش تحشم
مهدي:اودي مابقات حشمة فهاد الوقت
شوية سمعو دقان كانت ليلى وعماد دخلو وسلمو عليها
ليلى عنقاتها:على سلامتك ابنتيي كتاب ليك عمر جديد فيها خيير 
عائشة:داكشي
ليلى اكتر وحدة حاسة بيها واخة كتختالفو فشي حوايج ولكن بجوج امهات..
كملوها هضرة كيحاولوو يخرجو عائشة من الازمة لي هي فيها وهي غير كتبتاسم داكشي راه محفور فقلبها ماغايتنساش واش كاين شي واحد كينسا ولادو 
داز هاد النهار خرجات من طبيب ومشات لدار..كانت غير جالسة وهوما كيهضرو..ساهية فدماغها دازت ربع شهور ولدها تيكون قفل العام وكيتعلم يمشي نزلات دمعة حاة من عنيها مسحاتها دغية شافت فعصام:عصام
عصام:نعام
عائشة:خودلي موعد مع طبيبة نفسانية 
كلشي بقة كيشوف فيها يعني قررات تخرج من الحالة لي هي فيها وغيعاونوها تا توقف على رجليها..من غدا اتبدا تمشي عند هاد الطبيبة نفسانية تنقد راسها قبل لا تحماق ولا تموت غا بالفقصة 
دازو شهووور 
كانو واقفين فلكولواار كيتسناوهاا على برة وزاهية غادة جاية كتطلب من ربي يفكها على خير وتولد دغية
حتى كتخرج لعندهم طبيبة مبتاسمة:مبرووك علبييكم لبنوتة كتحمق تبارك الله
الزاهية دمعو عنيها:كنت عارفاها بنييتة الحمد الله ياربي
سارة:عفاك بغينا نشوفوها
طبيبة:تسناو نقتدو ليها حالتها ونقلوها للبيت رقم 104 
سارة:واخة
نص ساعة وكانت فالشمبر دخلو لعندها كانت متكية وبين يديها البنوتة صغيورة كلشي فرح بيها وكيهزوها كانت كتحمق تزادت بشعر قوي وبيضة بزافف ومخنفشة 
عائشة:عطيها ليا اماما
مداتها ليها عائشة حاسة براسها اطير بالفرحة وهي كتشوف قطعة منها بين يديها ..قربات كتبوس ليها يديداتها صغيورين .فلحضة جا فبالها هارون نزلو دموعهاا ماغاتقدش تنساه وعمر فرحتها غتكمل بلا بيييه ايبقة ديما ساكن فيها تا ربي يجمعها بيه تاني..حسو بيها وعرفوها فاش كتفكر ..
سارة:شنو غتسميها
عائشة شاف فلبنوتة شحال زوينة بزاف تستاهل شي سمية تكون بحالها:بنتي انسميها💎 جوهرة💎
سارة:وينووو شحال زوينة 
اكرام:سمية كتخمق نبقاو ندلعوها ب 💎بيرلا💎
بقاو كيضحووو كيشاركو معاها فرحتها ببنتها جوهرة 
عائشة شافت فعصام:عصام انبدا لقراية صافي راه مابقة ليها والو
عصام:راك عاد ولدتي اناري
عائشة:غير شجلني ماسوقكش راه يلاه كيتسجلو ماشي من غدا انبدا وحاجة خرا
عصام:شنو هي
عائشة:ما انقراش هنا شوفلي مدينة خرا..نمشي نعيش فيها انا وبنتي جواهر تا نسالي قرايتي ونشد داك ساع الشريكة ديالي ونوقف على املاكي بيدي
عصام:وا وليتي مجهد مع راسك
عائشة :داوية بصاح
عصام:مايكون غير خطرك من غدا انشوف لك 
هزات راسها باه ورجعان شافت فجواهر كتبوس فيها فرحانة بيهاا من اليوم اتبدا خياةةجديدة اتوقف على جليها واتحقق احلامها كاملين هي وبنتها ..اتكون احسن ام لجواهر ..اتولي وحدا خرااا حتى يحن عليها الله ويجمعها مع هارون لي الضربة ديالو مازال مابرات حتى تشوفو بعنيها 

يتبع...
أحدات جدااااااااد القصة ايتغير المسار ديالها ايتزادو جوج دشخصيات جداد😍 زائد شخصية يحيى مازال غتبان وغنعرفوه..من دابة كنقولكم وجدو راسكم الي جاااي احلاااا يا حبيبي ..

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.