كانت واقفة فلبالكون وكتشوف لبعيد وكاس دلقهوة كحلة فيديها مرة مرة كتجغم منها لابسة بينوار بيض دالحمام وشعرها طويل مبلول كينقط بلمماا كان الجو بارد بزااااف وشتا كتنقط.وهي ماحاساش بداك البرد ..حطات داك القهوة فوق الطبيلة لي حداها ورجعات تاني كتشوف لبعيد هزات يديها وحطاتها على قلبها ونزلات دمعة حارة من عنيها خلاتها على راحتها تا نزلات مع عنقها وهبطات للارض اليوم عيد ميلادو غيكمل 7سنين عارفة هاد النهاار ايدوز عليها طويييل وكحل ..زيرات على قلبها لي بدا كيضرها وحطات يديها على لحديدات دلبالكون كتحاول تنفس ..عنيها عمرو بدموع ولات كلها كترجف فكل عام بحال هاد الوقيتة فعيد ميلادو كتبدة تحس بقلبها غيوقف وكيضرها بزاف..فتلت سنين لولا كانو كيهزوها لسبيطار كاع تبات فيه ليلة كاملة كدوزها كلها بكة..كتجيها صعيبة انه ولدها كيزيد عام فعمرو وهو بعيد عليها كيكبر ويتعلم يمشي ويهضر وهي ماشي حداه ..ولي كتسالي معاها فاش كتخايلو كيقول ماما لوحدة خرا ...زيرات على الحديدات كتر وكتر وليد لوخرا على قلبها كيتعصر كيضرها بزاف دموعها ولاو شلال كاتمة شهقاتهااا ...حتى كتسمع صوتها من موراها:ماما
بقات واقفة عاضة على شفايفها طلعات يديها مسحات دموعها وتنهداات كتحاول تنفس رجعات سمعات صوتها:ماما صباح الخير
جلسات فوق اقرب كرسي كان حداها حيت مابقاتش قادرة توقف على رجليها مسحات دموعها وشافت فيها وهي مبتاسمة ماباغاش تبين لحريق لي كينهش فقلبها :اجي اماما عندي اجي
هزات راسها بلا وهي راسمة ابتسامة على وجها بالسيف:والو ابنتي غير دخلاتلي شي حاجة فعيني
جوهرة بدات كتنفخ ليها على عنيها:صافي هاهي اتمشي اووف اووف
عائشة كتشوف فهاد الجوهارة لي عطاها الله هي لي مخلياها متمسكة بالحياة هي لي مصبراها ومخلية قلبها مايوقفش هي لي مبردة عليها واحدة الجزء من العافية لي كتحرق فيها هادي سنين
عائشة كتلعب ليها فشعرها طوييل ورطيطب..طولاتو ليها ملي كانت صغيرة عمر لمقص ماجا فيه تا ولا كيوصل ليها لحد خصرها شبهات ليها فالشعر من غير لقصيصة لي دايرة ليها على جبهتها وتاتها بزاف ..شافت ليها فملاميحها كتشبه ليه عندهم نفس الملاميح نفس لعنين لمجبدين..نفس التغوبيشة فاش كيتعصب..تا الابتسامة هي نفسهاا..عضات على شفايفها بالجهد خلا ليها نسخة منوو ومشا
وعائشة كتشوف فالاميرة ديالها وهي مبتاسمة ..هدشي لي ولات كدير فكل عام كتحتافل بعيد ميلاد هارون مع عائلتها وكتشري لكادو وكتخبيه على امل شي نهار يرجع ليها وتعطيهم ليه:اجي معايا تلبسي باش نمشيو عند لميمة الزاهية وخالو عصام
ناضو سلمو عليها وفرحو بجوهرة لي ولات دايرة جو فهاد العائلة ولفو بيها مدلعينها على الاخر ماكاينش لي كيخسر ليها خاطرها
دينيس:اجي جلسي حدايا
جوهرة:لا مابغيتش فين هي سلمى
دينيس:وتي غا جلسي اناري سلمى راه مع عصام ايتسخرو ويجيو
دلات شفايفها:اووف كون تسناوني نمشي معاهم
دينيس كتلعب ليها فشعرها:راه غير قريب هنيا وغيجيو
هزات كتافها :واخة ..انتفرج علامن يجيو
ليلى:هاني نشعل ليك التلفازة
مشات شدات بلاصة اونفاص مع التلفازة
ليلى:اشنو بغيتي ندير ليك
جوهرة:سبايستون
دينيس:مامشات عائشة حتى بلاتك بسبايستون
عائشة:خليها بنتي وانا حرة فيها
دينيس:يا الويلة
عائشة:اه
فاتي :وراه هي ومازال مقابلة سبايستون اش كتسناي من بنتها
عائشة وقفات:ومالي شرفت راه 23عام احبيباتي باقة صغيرة
دينيس بتاسمات وهي كتشوف لكاطو ولكادو لي حطات فوق الطبلة :تانا شريت هاد العام الكادو
فاتي:-تا انا
الزاهية:تانا شريت لحفيدي كادو
ليلى:وتانا
كلهم جابو الكدوات لي شراو وحطوهم فوف الطبلة ..بتاسمات عارفاهم كيبغيو يخففو عليها الوجع لي فقلبها ولكن ماعارفينش انه داكشي ولا عايش معاها:خاص يجي عصام باش نحتافلو مجموعين
باسها تاهي وهو كيضحك هازهم بجوج..جوهرة لقات فعصام حنان الاب لي تحرمات منو وهي صغيرة ديما كيدير ليها فالخواطر ولي بغاتها كيجيبهالها كيخرجها ويساريها ويعاملها بحال بنتو سلمى لي دخلات فست سنين ..جوهرة كبر منها بشي شهورة فقط
كمل طريقو للصالة وهوما بين يديه حطهم بجوج وسلم على عائشة باسها على راسها :كي بقيتي
شافت فيه:بيخير
جلس بينها وبين دينيس:شتكم جامعين الكدوات
دينيس:اه
عصام شاف فيها ودور يديه على خصرها وهمس ليها فودنيها:فقتي قبل مني وهربتي
دينيس بتاسمات وشافت فيه:حيت عارفاك غير اتحل عنيك اتكمل داكشي دليل
بتاسم وباسها على خدها:غنعوضها بليل تاني .كتعرفيني كيعجبني لي بديتو فليل نكملو فصباح
دينيس:عصاام حشومة
ضحك وهو هاز راسو لفوق:الله يصبرني وخلاص
ليلى عيطات للخدامة وهي كتشوف فداكشي لي فوق الكبلة:وجدي الطبلة فالجردة كيف وصيتك
الخدامة:واخة
مشات قادات الطبلة وحطات لكاطو فالوسط مع شي تواشي
عائشة وقفات:جوهرة اجي نتي وسلمى غنحتافلو
بتاسمو وناضو كيتجاراو هي وياها سبقوهم للجردة ووقفو حدا طبلة كيشوفو فلكاطو مكتوب فيه هارون وفوقو شميعات ووحدة فالوسط على شكل7 ..تجمعو كاملين كيتقاسمو معاها هاد النهار كيشوفو فيها
عائشة شافت لقاتهم كاملين كيشوفو فيها تنهدات وعضات على سنانها كتصبر فراسها ونطقات:ما اتغنيوش معانا
دينيس قربات لعندها وعنقاتها:غادي يرجع ليك كوني هانية
قربات تا فاتي وعنقاتهم بجوج:هدشي كامل ايدوز
غمضات عنيها ماباغاش تبكي وتضعف واعدات راسها اتولي قوية وعمرها تبكي حدا شي حد عمر شي حد يشوف ضعفها لي دفناتو هادي شحال فقلبها كيبان حتى كتكون بينها وبين راسها زيرات على عنيها ماخاصش تبكي صافي عائشة ماتت هادا شحال ..هاد عائشة لي هي فيها دابة تولدات نهار فاقت من الغيبوبة همسات ليهم:صاافي البنات خليو هدشي وخليوني نحتافل بولدي
بعدو عليها كيمسحو فدموعهم
فاتي هزات واحد لعيبة كدار فالفم ودير صوت ديال عيد ميلادات وبدات كتغني:سنة حلللوة يا جمييل
دينيس بدات كتصفق:سنة حلللوة يا جمييييل
عصام قرب لعند عائشة وهزها وبقة كيدو بيهااا وهو كيضحك ويغني:سسسنة حلوة يا جميييل
شدات فيه لا طيح وهي كضحك وشعرها كيطير فالهوة:هههههه عنداك طيحني
نزلها ورجعو تاني لطبلة خالقين جو زويين وكيضحكو ويغنيو
عائشة:جوهارتي اجي نطفيو شمعة
قربات لعندها هزاتها وتحناو:طلبي امنية
غمضو عنيهم بجوج تمناو امنية ونفخوو على شميعة تحت تصفيقات عائلتهم الصغيرة
بداو كيقطعو فلكاطو وياكلو وكلهم عطاو لعائشة لكادو ..تامن عصام عطاها خرج قبيلة هو وسلمى على قبل لكادو
فهاد اللحضة دخلات وعلى كتافها ساكها كانت فسوايع قربات لعندهم وبتاسمات:كتحتافلو بلا بيا غفلتوني وانا فسوايع
عائشة كتشوف فيهم وهي ميتاسمة مريم كبرات وزيانت عندها دابة 17لعام ماكاتشبهلهاش بزاف هي زعرة عليها وشعرها مارو مفتوح ومقطعاه لنص ضهرها وعوينات عسلين زينها بوحدو كتشبه لباهاا تاهو كان زعر وبشرتو بيضة
رجعات شافت فلكادويات تنهدات وهي كتطلب من ربي يجمعها مع ولدها باش ترجع فيها الروح وتلاقة جوهرة مع خوها هارون..كتعاود ليها عليه ديما باش تزرغ فقلبها حبها لخوها باش لا كتاب ورحع شي نهار تبغي خوها وماتنفرش منو ..كتقولها مسافر وغادي يرجع شي نهار كل مرة كتسها بشي سبب فاش كتسولها فوقاش ايرجع خويا..ولي كتسالي معاها فاش كتسولها على باباها كتبقة غير كتخربق ..ماحدها كتكبر ودكائها كيكبر معاها هي فواحد السن لي محتاجة لباباها تا فالمدرسة كيجي شي حفل وكيطلبو الاب يجي مع ولدو ولا بنتوو كتبقة عليها كلشي ايجيب باباه الا اناا ..ديما عصام لي كيمشي معاها ولا بدر بعد المرات ..خايفة بنتها تعقد من هدشي عليها كدير مافجهدها باش تعوضها ..هزات راسها فسما فاش بدات شتا كتنقط شوية بشوية جهادت دخلو كاملين كيجريو لداخل وهوما كيضحكو خرجات لخدامة جمعاه داكشي
داز الوقت من بعد ما تغداو
عائشة:جوهرة حبيبة اجي
جوهرة:هانا ماما
عائشة:وجدي راسك نوصلك لداك جدك ناصر
بتاسمات فرحانة:بصااح
عائشة هزات راسها باه:اه
عصام:خلي انا نوصلها
عائشة:لا غا خليني بغيت نشم شوية دلهوة
هز راسو باه مخليها على راحتها تاواحد ماكايبغي يضغط عليها .عارفين اش داز عليها مع الوقت قوات راسها براسها انشاغلات مع شركتها وماشاريعها دارت بلاصتها فعالم البورصة كاع داكشي لي مرات منو ولي داز عليها فرغاتوو فخدمتها وأسسسات داتها قوات راسها ووقفات على رجليها بوحدها ماعاونها تاشي حد كانو مساندينها فقط معنويا كتلقاهم فجنبها فاش كتحتاج لطاقة الايجابية واخة تبدلو فيها شحال من حوايج ولات منعازلة وكتخبي داكشي لي فقلبها كداوي راسها براسها مابقاتش كتشكي عليهم من داكشي لي كيدرها ولا كتبكي قدامهم فاش كتوصل ليها العضم ولات لا علاقة بعويشة لقديمة لي كانت كتجرح كتبدا تبكي وتقلب على سي صدر حنين يواسيها لا هي دوزات كاع هدشي وسلات منو داكشي مافادها فوالو من غير خسرات كلشي..ولات عايشة على ود بنتها وعلى امل يرجع ليها ولدها هادو هوما جوج حوايج لي مخلينها متشبتة فالحياة وماتنهارش .وماتستسلمش لمرض لي صاب قلبها فكل مرة كتجيها جلطة فقلبها كتقاوم ورتجع توقف وكأن شيئا لم يكن عائشة صافي تعلمات تكون قوية وولات يتضرب ليها الف حسااب مع الناس وفعالم البزنس
عائشة ناضت باش يمشيو لبسات لبنتها مونطوها وهزات ليها ساكها وخرجو وهي شادة ليها فيديداتها
ركبو فطموبيل وديمارت نيشان لدار الزعيم طريق كاملة
وصلات حدا القصر ووقفات طموبيل بعيد عليه بقات واقفة شحال كتشوف فلباب دلحديد لكبيير تنهدات وهزات الطليفون دوزات نمرتها بقا كيصوني حتى كتسمع صوتها:خالتي طاهرة انا برة شي واحد يخرج موراها..واخة
وقطعات كتشوف فدار من على براا من نهار خرجات منها ما ولات رجعات ليها ولا حطات رجليها تماك. وعمرها تولي دخل ليها صافي كرهات كلشي فهاد الدار غتفكرها فكاع لعداب لي دازت منو اتفكرها فولدها واللحضات لي دوزاتها معاه..اتفكرها فداك الشخص لي طعنها فقلبها واتفكرها فيامها معاه..صافي هو ولا جزء من لماضي كرهاتو وكرهات نهار لي عرفاتو فيه طعنها طعنة خايبة خلا كاع دوك الاحساسيس زوينين لي كانت تحسهم من جيهتو يتبدلو لكره وعمرها تسمح ليه ..شافتها خارجة وهازة لمضل على حساب الشتا وواحد من رجال تابعها تنهدات كون غير صيفطات لخدامة وماجاتش هي..قربات لطموبيل حلاتها وركبات شافت فعائشة:كي بقيتي ابنتي
ونزلات مع طاهرة مغطيين بالمضل بقات حاضياهم تادخلو ..ديمارات وقلعات بطموبيل ماعندها تاشي وجهة غير غادة وشادة طريق وشتا كطيح ولجو بارد مخدمة تدفأة وكتشوف فطريق كيف مبلولة بغات تبقة بوحدها وتجلس مع راسها توااسي راسها براسها تا تبرد بوحدها ..شحال وهي على نفس الحال
وقفات حدا واحد لكافي كتعجبها حيت فيها الهدوء كيجيو ليها غا الاشخاص لي كيبغيو الهدوء
دخلات وطلعات اللفوق جلسات حدا واحد لحيط كلو زاج كيطل على شاريع كتشوف شتا كتصب وطموبيلات غاديين جايين وقف عليها سيرفور:اش حب الخاطر الالة
شافت فيه:قهوة بحال ديما
بتاسم:هي لولا ومشا
تكات براسها على يديها وهي حاضية شاريع ودماغها خدام حتى كيجيب ليها قهوتها بدات كتشرب منها شوية بشوية وجالسة كتفكر فهدشي لي هي فيه داز الوقت شتا حبسات وخرجات شميسة ولا الجو زوين شافت فقهوتها تسالات حطات لفلوس فوق الطبلة مع لبورفوار وناضت هازة ساكها وخرجات من الكافي خاشية يديها فجيابها وكتمشا خداوها رجليها للكورنيش حدا لبحر عاجبها ااجو بارد وشميسة دافية ولارض فازكة تمشات شحال ووقفات فاش شافت واحد الام كتغوت على ولدها وكتمد ليه واحد صندوق عامر بالباكيات دلكارو وباكيات كلينيكس ومجموعة ديال لورادي:سمعني مزيان مادرليش بحال لبارح بيع وماتنقص لتا واحد فتامان سمعتيني انا حاسبة كلشي راه نجبد ليك ودنيك لا لقيت شي حاجة ناقصة
هز راسو باه وشد داك صندوق بيديداتو صغار باردين
هدرات مع خوه لاخور:جري راه الضو لحمر بكي وشكي عليهم وقولهم ماعندناش ماناكلو تايعيطيوك لفلوس
مشا مسكين كيجري لطموبيلا فسطوب كيطلب منهم لفلوس كاين لي كيعطيه وكاين لي كيتجاهلو ويطلع زاج دطوموبيل وكاين ليوكيسبو كاع باش يبعد من طموبيل
لمرا شافت فعائشة وهمسات لولدها تاني ليه:جري عند هاديك باينة فيها لاباس عليها لسق فيها تا تشري منك هنا جالسة هناا
عائشة سمعاتها ..لوليد قرب لعندها باقي صغير يكون فداك سبع سنين:عفاك اخالتي شري من عندي ماما غضربني لاما جبتش لفلوس
بقات كتشوف فيه وفيديداتو وضرابي لي فيهم ولاطراس ديال شي حرااقي باينة كانت كتكويه بلعافية ضرها قلبها:واش هي لي دايرة فيك هاد الحالة لي فيديك
بقة ساكت نطق تلاتة كلمات:شري مني عفاك
تنهدات ورفعات صوتها باش تسمعها:ماغانشري والو
عائشة تحنات لعندو ولعبات ليه فشعرو:كتقرا
هز راسو بلا:لا ماما مابغاتش
عائشة:فين باباك
هز راسو:فدار
عائشة قطع ليها فقلبها جا فبالها غا ولدها كتشوف فيه وفحالتو وهضرات بصوت مرتافع:ماغانشري من عندك والو لا كانت غتاخد لفلوس وتخليك مكرفس لا قراية لا والو
سمعاتها وناضت قربات لعندها جرات ولدها:اه نتوما ناس لي لاباس عليكم ماغاتعرفوش هدشي لي كندوزو منو كاع لا تشري
عائشة بتاسمات بسخرية:دزت من شي حوايج مايطيحولكش على لبال
لمرا:اه متلا تكرد ليك ضفرك ولا مات ليك الكلب ديالك وحزنتي عليه
لمرا:كون كانو عندك لولاد اتحسي بيا وبهدشي لي كندير كون كانو عندك تلاتة دلولاد واحد مور واحد وتوحلي فيهم لا راجلل يعاون لا زمان راحمك ماغاتقوليش هدشي ماغاتحسيش بينا كون كنا بحالك لاباس علينا ماغانوصلوش لهاد الحالة
عائشة شافت فلولد:لهلا يعطيك هدشي لي انا فيه لهلا يحرمك من ولادك وتعيشي معدبة نعطي كاع فلوسي وداكشي لي كنملك مقابل يرجع ليا ولدي وصحتي وقلبي لي كيموت بالبطيئ
شافت فيها وكملات كلامها:نولي فقيرة وماكانكساب والو غير يرجع ليا ولدي لي ترزيت فيه داك ساع نفديه بروحي ونخرج ندمر ونتقاتل مع الزمان وعمري نخليه فهاد الحالة لي موصلة ليها ولادك نموت ومانخليهش يخرج يبيع لكارو ونحرمو من قرايتوو ونخليه يخرج يسعا يمد يديه للي يسوا ولي مايسواش نخدم ليل ونهار على ولادي ماتصوريش شنو ممكن ندير عليهم ..لهلا يعطيك هاد الاحساس لي كنحس بيه هادي سنين لهلا يحرمك من ولادك
لمرا بقات غير كتشوف فيها كيف نفاجرات فوجها حسات بيها شحال مقصحة من لداخل شافت فعنيها وجع كبير كينهش فيها كلامها وصل ليها عمق الجرح لي ساكن فيهت اتر فيها كلامها لي حساتو من قلبها شافت فيها ام كتعدب : واش ولدك مات
هزات راسها بلا:لا ولدي عايش بعيد عليا ماشفتوش هادي ست سنين وشي شهورة ودابة عندو سبع سنين ماتصوريش لعافية لي فقلبي تهلاي فولادك
لمرا هزاات راسها بحزن:شغا ندير و انا وحدة ماقارياش وراجلي مريض فالركنة شغا ناكلو لا مادرتش هكا انموتو بالجوع
عائشة شافت ليه فيديه :ولاش كضربيهم بهاد الطريقة وتحرقيهم اطلعيهم معقدين من صغرهم غيكبر ايكرهك وايتلاح لزنقة اتخرجي عليه
عائشة تفكرات ياماتهم فتكرفيس وكيفاش زاهية حاربات عليهم وتكرفسات وخرجات تخدم وهي باقة صغيرة وماحرماتهمش من قرايتهم وماخرجاتهمش يخدمو تنهدات:ديري جهدك وغتشوفي ربي كيسهل وكيعطي لبراكة لا شافك كتقاتلي مع زمان ماشي تبردي لفقصة فولادك باقين صغار وتعولي عليهم وتبقاي تفرجي
لمرا -شداتها من يديها باش تبوسها:-عاونيني الله يخليك نتي غتحسي بياا شوفي من حالي ومن حال ولادي وربي غيعاونك ويرجع ليك ولدكك
عائشة جمعات يديها لعندها:-لاشريفة ماديريش هكا
وشافت فالولد وبتاسمات:شنو سميتك
شاف فالام ديالو خايف
هزات ليه راسها باش يهضر ورجع شاف فعائشة:-هارون
غمضات عنيها لحرارة طلعات معاها ماحسات براسها تا نزلات لعندو وعنقاتو بحرارة دافناه فصدرها بالجهد كلها كترجف كتحس بيه ولدهاا ورجع ليها عضات على سنانها مقاومة دموعها هدشي قوى منها حسات براسها اتخنقو لا زادت شوية بعدات عليه كتبوسو على وجهو ويديداتو وراسو وكتمسح ليه على راسو بيديها لي كيرجفو وكتشوف فملاميحو وحروفو كتخايل ولدها فيه فهاد السن رجعات غمضات عنيها ماقدرات ترسم ليه والو من ملاميحو ماعارفاش شكلو كيف ولا ..رجع ليها تاني لوجع لقلبها حطات يديها على قلبها وتنفسات وهي كتشوف فيه كانت غطيح وهي تشد راسها
لمرا:ياك لابااس
عائشة هزات راسها بلا:والو انا بيخير
لمرا كتشوف فحالتها كيف ولات دغية وجها دبال ويديها كيرجفو وشوفاتها كيقطعو فالقلب:الله يكون معاك الله يجمع بولدك فاقرب وقت ومايحرمكش منو
همسات ليها وعنيها على هارون نطقات من كل قلبها:اميين ياربي
وسكتات من غير لعاصفة لي نايضة فلداخل ديالها تنهدات:عطيني العنوان ديالك انصيفط ليك غدا واحد سيد ايدي هارون وخوتو يتسجلو فالمدراسة كلشي على حسابي .ونتي غتبداي الخدمة من غدا
شافت فلمرا:-عندي جمعية غتكلفي بتربية دراري صغار ماتبقايش غير جالسة انعاونك فمصاريف الدار وتهلاي فولادك وعطيهم حنانك ووقفي على رجليك ماتبقايش هكا
لمرا من بعد ماعطاتها العنوان:الله يكتر من متالك الله يكتر خيرك عمري نسا خيرك الله يريح قلبك ويهنيك فحياتك
عائشة وقفات وحلات ساكها جبدات واحد المبلغ:-دي ولادك من لهنا وسيري لدار قضي بهاد المبلغ علامن يجي غدا وكلشي ايكون مزيان وفوقاش ما حتاجيتي شي حاجة ها نمرتي
باستو على خدو ماصاخياش بيه:براافو هكا بغيتك كون شي حاجة زوينة
هز راسو باه.شافت فلمرا:واعديني ماتعاوديش ضربيه هو وخوتو واخة يوقع لي يوقع
لمرا:كنحلف ليك عمري نمد يدي عليهم
بتاسمات :هاني مشيت تهلاي فهارون عفاك
ومشات وهي كدير لهارون باي باي وهوما كيشوفو فيها
لمرا تنهدات:الله يكون معاك ويصلح ليك امورك ويفرحك كيف فرحتينا
عيطات لولدها لي واقف فالصطوب جا عندها كيجري تحنات عنقات ولادها بجوج وهي كتبكي عاد عرفات قيمة ولادها فاش شافت حالة عائشة:يلاه نمشيو لدار اوليداتي من ليوم كلشي ايولي مزيان
شدات ليهم فيديداتهم ومشاو يرجعو لدار
كانت كتمشى ويديها على قلبها تاني ولا كيضرها حابسة
دموع فعنيها فوقاش اترتاح من هدشي لي هي فيه
بغات ترجع لطموبيلتها وتشرب دوة ديالها حاسة بطريق طويلة ورجليها بداو كيخونوها وقلبها مزموت مامخليهاش التنفس..وقفات حانية راسها ومتكية على البوطو ديال الضو ويديها على قلبها ماغا يرتاح تا يوقف ليها شي نهار بدون شعور تمتمات وهي عاضة على سنانها:الله ياخد فيك الحق
مابقاتش قادرة تزيد توقف الدوة كان خصها تشربو فلغدة تعطلات عليه بلعات ريقها باغة تجبد طليفونها تعيط لعصام يجي موراها حيت صافي رجليها فشلو بقات مقاتلة مع الساك تا ترخات ليها يديها وطاح الساك .وتبعاتو تاهي طاايحة فالارض مزيرة على قلبها بقات كتشوف فسما تا غمضات عنيها مستسلمة دغية ناس تجمعو عليها
كان مراقبها من قبيلة غير شافها طاحت نزل من الطموبيل بخفة ودخل وصط الزحام كيبعدهم تحنة لعندها كيضرب على وجها بشوية باش تفيق تنهض وجمع ليها ساكها وهزها وتم غادي بيها مخلوع عليها ركبها فطموبيل وديمارا ومشا مرة مرة كيشوف فيها من لمراية تا وصل للطبيب عارفها متبعة معاه عارف كلشي كيخصها
هزها بين يديه ودخلها غير شافوه جابو لبياص دخلوها لغرفة الفخص وعلمو كبيب لخاص بيها
من بعد نص ساعة خرج لعندو طبيب:مالها
طبيب:هي بيخير تعطلات بدوة وزيد تقلقات من شي حاجة لي خلاتها توصل لهاد الحالة كنقولها وكنعاود قلبها ماغايستحملش كل مرة يتعرض لشي حاجة خايبة
كان سايك وهو كيفكر فيها عارف قصتها كاملة ولي عجبو فيها قوتها وكيف فعمر صغير قدرات تقوي راسها وتأسس داتها ودير بلاصتها فعالم البزنس داكشي لي وقع ليها تغلبات عليه وقوات شخصيتها شاف شحال من رجل اعمال بغة يتقرب منها وطلب منها زواج وديما كترفض ست سنين عمرها دارت شي علاقة واخة كان بامكانها ديرها جوها عروض للزواج لي تحلم بيها اي بنت وما قبلاتش ولات مصدر اهتمام لكاع رجال اعمال لي دايرين بيها وهو واحد منهم وعمرها عطاتهم وقت كتجمعها معاهم غا الخدمة وكتنساحب فاش كتسالا الخدمة .ولي متأكد منو انه هو ماشي بحالهم وما شي كريم المجاهد كتمناه الف وحدة..لي يترفض واتق من راسو ومن شخصيتو وعارف انه الوحيييد لي يستاهلها.تنهد وهو كيزيد فالسرعة
وصلات لدار من بعد ما خلصات تاكسي قبل تدخل عطات سوارت طموبيل للشيفور يجيب ليها طموبيل من بعد مانعتات ليه فين
دخلات لقات غير الزاهية لي فصالا جلسات حداها
الزاهية:رتاحيتي شوية
هزات راسها باه
الزاهية:عرفتي شكون عيطاتلي عاد دابة
عائشة:شكون
الزاهية:مات هداك رجل اعمال
عائشة:شكون فيهم
الزاهية:لي عندو شركة ديال طموبيلات
عائشة:اه اش بغات
الزاهية:كتسول واش غيرتي رأيك ولدها داير فضيحة
عائشة تنهدات:ماما من ديما كنقولك زواج ماغانتزوجش كرهت شي حاجة سميتها الزواج واي واحد دوا معاك فهاد الموضوع جاوبيه بالرفض
الزاهية:شنو فيها لا تزوجتي بواحد يستاهلك وتعيشي حياتك تانتي راك باقة صغيرة يلاه 23عام ما تحرميش راسك من راجل يوقف فجنبك ويكون معاك فوقت الشدة .ويكون اب لبنتك لي محتاجاه
عائشة:مامحتاجاش لراجل فحياتي .قادرة نوقف راسي براسي وقادرة نعيش بلا راجل ماعندي ماندير بيه..هدشي لي وصلت ليه درتو لراسي سمعتيني اماما عفت كاع رجال فا بلا ماتصدعي راسك معايا فهاد الموضوع.وبنتي عندها انا فيا ماماها وباباها سمعتيني
الزاهية:تلقايه عايش حياتو ونتي حارمة راسك كبرتي راسك قبل الوقت وقتلتي شبابك ونتي مازال صغيرة محملة راسك مسؤولية نتي ماشي قدها عيشي حياتك كيفما دابة هو عايش حياتو بلا بيك هدي سنين..الا لا كنتي كتسنايه يرجع ليك داك ساع عرفي مافيك نفس شوفي شحال من واحد تابعك ونتي فعلام اخور
نمشيو لبلاصة بعييدة كل ابعد على ارض المملكة المغربية
وقف طموبيلتو ونزل وهو كيسد جاكيط ديالو من البرد لي ضرب فيه من بعد ماكان فطموبيل مخدم التدفئة شد طموبيل ووقف نتر اخر نترة من سيجار ديالو ورماه فالارض وزطم عليه برجليه وكمل طريقو داخل لدار ستقبلاتو لخدامة فلباب حيد جاكيط ومدها ليها خداتها من عندو وهضر بالانجلش بصوتو الحاد هادئ:فين هو هارون
الخدامة بالنجلش: فالمكتب ديالك اسيدي
هز راسو باه ومشا لجيهت المكتب حل لباب ودخل وقف وهو كيشوفو هاز تصويرتها بين يديه وكيشوف فيها.التصويرة لي ديما حاطها فالمكتب عندو قرب لعندو
هارون شاف فيه وحط التصويرة فبلاصتها وهو كيمسح دموعو:ماكانبكيش غير عيني دخلات فيها شي حاجة
بتاسم وقرب لعندو علمو انه راجل ماكايبكيش ولكن كيبقة طفل صغير
خلاه جالس فبلاصتو فلكرسي رئيسي دلمكتب وجلس هو اونفاص معاه فكرسي ديال الضيوف كيشوف فيه وهارون منزل عنيه
يوسف:هز راسك عمرك تنزلو لتحت سمعتيني.
هارون هز راسو وشاف فيه متصنع القوة
يوسف: هكا ديما خليك فاي ضروف كتمر منها واخة تكون خايبة عمرك تحدر راسك
هارون:واخة
يوسف :مالك
هارون :فوقاش انرجعو
سكت وكمل وهو كيهز تصويرتها:بغيت نشوفها
يوسف:اجي لعندي
جا لعندو وهزو بين يديه وحطو فوق رجليه :مابقاش بزاف وغتشوفها داير كتر ما فجهدي باش مانزيدوش نتعطلو عليهم
يوسف خشا يديه فجيبو وجبد واحد لبواطة ومدها ليه :ماناسيش
هارون بتاسم فرحان وهو كياخد الهدية حلها داك ساع كانت بحال قلادة تعليقة عبارة عن كتاب صغيور فلون كحل فيه لمسة رجولية كيتحل..دغية حلو وهو كيشوف تصويرت ماماه وختو وهي صغيرة فسن تلت سنين.رجع شاف فيوسف :زويييينة بزاف شكرا بزاف ابابا
وعنقو بالجهد .يوسف باسو على راسو :عمرك تحيدها من عنقك صافي
هارون:واخة ابابا
دارها ليه فعنقو وهارون ايطير بالفرحة كان يحساب ليه باه نسا عيد ميلادو ليوم
يوسف كيشوف فيه نفس اللمعة لي كتكون فعنيها فاش كتفرح نفس الابتسامة نفس الشعر كحل قوي نفس ملاميحها .رجع باسو على راسو وحط ليه راسو على صدرو وهمس ليه:مابقة والو وغنتجمعو كاملين انعوض ليكم كاع هاد سنين لي دازت
سمع دقان فلباب من بعد تحلات لباب
شافها داخلة وهي مبتاسمة شافت فيهم وقربات لعندهم تحنات باستو على خدو وحطات يديها على كتافو وشافت فهارون :عيد ميلاد سعيد
هز راسو وشاف فيها وهو مبتاسم :جبتيلي كادو
بتاسمات كانت مخبياه مور ضهرها:اكيييد
ومداتو ليه خداه وهو فرحان نزل للارض وحطو فوق المكتب كيحلو يشوف اش فيه بتاسم وهو كيشوف اللعبة لي كان باغي اخر مرة ووراها ليها فالانترنيت شاف فيها:مانسيتيهاش
قربات باستو على خدو:وانا نقدر نسا شي حاجة نت باغيها
عنقها :شكراااا
بتاسمات وهي كتشوف فيوسف كيف مراقبهم بصمت خلات هارون ملهي مع اللعبة وقربات تحنات لعندو بكامل جسمها تا بان صدرها وحطات يديها على صدرو :عندي ليك واحد الخبر زوين
حيد يديها من على صدرو ووقف وهو كيشوف فهارون جرها من دراعها وخرجها من المكتب وهضر وهو عاض على سنانو ومزير ليها على دراعها:اخر مرة تعاودي بحال هاد الحركات دلمرض
قصحها فيديها:اااي قصحتيني.
رما ليها يديها لعندها:شنو بغيتي أ لينا
لينا كتماصي دراعها:بغيت مرة وحدة فحياتك تحس بياا ايوسف مرة وحدة وغتعرف بلاصتك فقلبي شحال كبيرة..صافي نساهاا دازو سنين ونت مازال كتفكر فيهاا ماعرفتش اشنو عاجبك فيها..صافي نتوما مطلقيين تلقاها عايشة حياتها وناسيااك ولا تزوجات كاع
ماحسات براسها تاكانت لاصقة مع الحيط كيهضر :اخر مرة تجبديها على فمك ولا غتشوفي وجهي تاني
هزات راسها باه رجع اللور وهو كيمسح على راسو وشاف فيها وهضر بصوت قفزها من بلاصتها:هدا لي غينوي يتزوج بيها غيموت قبل يديها سمعتينييي روحو بيدي نخرجها
هزات راسها باه وهي كترجف
بقات واقفة شحال كتشوف فيه كيف تعصب لهاد الدراحة مازال ساكنة فيه واخة دازو اعوام خمس سنين باش تعرفات عليه عمرو تقرب منهااا ولا من غيرها واخة حاولات شحال من مرة تا شككها فأونوثتها وهي لي رجال كيتخاطفو عليها وهو مامعبرهاش حاولات بجميع الطرق وعمرو تشد ليها ..رفضو ليها خلاها تزيد تشبت بيه وماتبقة تشوف تاشي راجل من غيرو رجعات قربات لعندو:ملف ديالك تقبل ايوسف
شاف فيها باش تكمل كلامها:الملف ولا دابة بين يدين دولة المغربية وماشي غير هنا وصل لفلسطين وولاو كيطالبو باش ترجع لبلادك دارو مضاهرات هاد الصباح مانساوش التضحية لي ضحيتي نت ويحيى على قبلهم هادي ست سنين وتسنا يوصل الخبر للمغريب وتفرج داك ساع كلشي غيطالب باش ترجع لبلادك وباسقاط التهم لي موجهة ليك ايوسف الملف فأيدي امنة من بعد ماتبدلو رؤساء وتبدلو بزاف دلحوايج فالقوانين المغربية كااع داكشي لي فالملف فالصالح ديالك فيه كاع المعلومات باادليل لي كيبينو انك ماشي خائن للدولة وفيه حتى المعلومات على كاع المافيات لي طاحو على يديك وانك نت لي عاونتي الشرطة المغربية باش يتشدو كاع داكشي لي جمعتي هادي ست سنين وخدمتي عليه اليوم تحقق يلاه تاصل بيا المحامي وأكد ليا الخبر
بقة كيشوف فيها وهي مبتاسمة وكتهز راسها باه
سمعو الدقان حلات الخدامة لباب دخل وهو مبتاسم فرحان قرب لعند يوسف وعنقو:مابقااش بزاف وغنرجعووو للمغريب ايوسف عاد سقت لخبار
يوسف ضرب ليه على كتافو كيشاركو الفرحة
يحيى بعد تاهو كان خاص يبعد باش ينجا بروحوو من بعد ماتكشف انه هرب الاسلحة ولا متبوع ..فاول لقاء بينو وبين يوسف فاش مد ليه شي حاجة كان الباصبور وفيزا بسمية مزورة وب وراق بنفس السمية المزورة فهم داك ساع انه لا تكشف يهرب ويخوي لبلاد لالمانيا ..وفعلا اول ماساق لخبار ركب فاول طيارة نيشان لالمانيا تماك ستقبلوه رجال يوسف وولا تحت حمايتهم من بعد لحق عليه هو وهارون
يحيى:والايسرائيل
يوسف :نهار غيبداو يطالبو برجوعنا وغتبان ااحقيقة راه اسرائيل غدير هدنا حيت كلشي ايتقلب ضدها لا حاولات دير شي حاجة ماشي هي هديك اولهم امريكا ..حيت فاش غتبان الحقيقة امريكا فصالخ ديالها اسرائيل دير هدنة حيت لا وقع العكس امريكا اتولي تاهي متورطة فتهريب لاسلحة حيت كلشي عارف امريكا كتساند اسرائيل
يحيى بتاسم:تبارك الله عليك كلشي درتي ليه حساب
يوسف تنهد:ست سنين ماشي ساهلة كل عام كنقول صافي هدا اخر عام وكيجي لعام لي موراه صافي براكة
يحيى:صبرنا بزاف باش يتبدل القانون فالمغرب ويتبدلو الرؤساء
يوسف هز راسو باه
خىج هارون من المكتب ومشا كيجري عند يحيى هزو بين يديه:البطال ديالنا لاباس
هارون هاز راسو باه:لاباس فخبارك ليوم عيد ميلادي
يحيى بتاسم:فخبااري ومانسيتكش
جبد من جيبو واحد لبواطة صغيرة ومدها ليه:عيد ميلاد سعيد
بتاسم وهو كيحلها وزااادت ابتسامتة فاش شاف باطو صغير شكلو زوين :واااو زوين بزاف شكراا
يحيى باسو على راسو:تستاهل كتر
ونزلو مشا كيلعب بيه
يحيى شاف فيوسف:اشنو غادي نديرو دابة
يوسف بتفكير ماخاصش يزرب :غنصبرو حتى نشوفو اش ايوقع
يحيى:داكشي خاص نبقاو بعاد تا نتأكدو انه القضية مأمنة
يوسف هز راسو باه
لينا :انا مازالة على تصال بالمحامي لي فالمغريب وعندي صديق ليا محامي فأمريكا عندو مع هادشي دسياسةة ودالولة غيفيدنا بزاف غنتواصل معاه ونشوف واش يقدر يدير شي حاجة
يوسف شاف فيها:لينا صافي حبسي مانبغيش شي حد اخور يزيد يتأدى من هدشي خليك بعيدة
بقات كتشوف فيه هي لي ديما قامعها وكيخافها لا تأدى ادن هاديك لي حرم من موراها نساا ومجا منهم هاد ست سنين كاملة كيف غيخاف عليها وشنو قادر يظير على قبلها. هزات راسها باه
يوسف:دار داركم نطلع ندوش عليا
يحيى:واخة
وطلع وخلاهم كيهضرو فالموضوع ويناقشوه
دخل لبيتو هز فوطة ودخل للحمام طلق عليه لما دافي
دخل لبيتو هز فوطة ودخل للحمام طلق عليه لما دافي كيترش عليه جات فبالوو اصلا فين عمرها مشات من بالوو..فكل دقيقة فكل لحضة فاي بلاصة كيفكر فيها ست سنين وهو عايش على دكراها ساكناه... ست سنين لكاملة جاتو صعيبة يفيق ومايلقاهاش حداه لدرجة نعاس مابقاش كيشوفو ماولفش مايسمعش صوتها ومايدوزش نهار بلا زبايلها ومصائبها وقصوحية راسها..لقا راسو ولفها بزااف عاد عرف انها ولات جزء منو ..تفكر نهار جابو ليه خبارها طاحت بقلبها ودخلات فغيبوبة ماعرفش كيف دار تا لقا راسو فالطيارة راجع للمغريب كيفكر فيها غير هي باغي غير يوصل وصافي ناسي انه فخطاار وغيعردها تاهي للخطار..غير حطاتو طيارة مشا نيشان عندها لطبيب
#فلاش_باك
دخل وهو كينهج وعروقو واضحين مع يديه وعلى جبهتو قاصد الشمبر لي هي فيها غير شافوه ناضو مصدومين
تمو خارجين وهي توقف وحدة فيهم:مرات كتنطق يوسف ومرات هارون حالتها صعيبة بزاف
وخرجوو
قرب لعندها كيشوفها فديك الحالة جلس شد ليها فيديها وتحنا باسها ورجع باسها على راسها بغة يبعد يديه من يديها وهي تزير عليه شاف فيها مغمضة عنيها كتنطق بهمس-:يوسف
ونزلات دمعة حارة من عنيها حتى وهي فغيبوبة كتبكي ماقدرش يستحمل تحنا وعنقها وهو كيحس بيها كل شوية كتزير على يديه تا من تيشيرط ديالو فزك ليه بدموعها مسح ليها على راسها :كنواعدك غادي نرجع وغنجيب ليك هارون وعمري نولي نبعد عليك نتي غير خليك قوية
نزل يديه لوخرا لكرشها كيتحسس فيها ولدو لي ماغايشوفوش كيحس بقلبو كيتقطع وغارق ومالقاش شكون ينقضوو ..بقة معاها شحال ويديه فيديها مزيرة عليه بحاليلا حاسة بيه وعارفاه هو لي معاهاا
رجع للواقيع
فداك ليلة رجع تاني سافر بقلب محطم كليا مخلي عائلتو وولدو لي باقي ماتزاد وبلادو وحياتو موراه كانت صعيبة عليه بزاف ودابة مابقة والو ويرجع تاني لبلادو ولبنتوو وليها تااهي غينوض لحرب لابغات المهم ترجع ليه ماغايوليش يفرط فيهااا فقلبو شحال من حاجة خاص تقال ايقول ليها كلشييي
خرج من دوش بدماغ مشوش كيفكر فالرجوع فوقاش ايكون
نمشيو لجيهة خرا نرجعو للمغريب
كانت فبيتها كطل على الجردة كتشوف فشتا لي كطيح مجهد ست سنين دازت تا صافي نساتو وهو يفكرها فيه كمال فاش قال ليها الملف ديالو وصل للدولة ويقدر يرجع فاي وقت ..ماعرفاتش شنو هدشي كتحس بيه واش رجعو ليها نفس الاحاسيس ولا غير طول بزاف وغيرجع فكرات فعائشة كيف غتكون ردة فعلهاا فاش ايرجع من بعد هاد سنين كاملة لي دازت عليها واش غتسمح ليه ولا غتكرهوو من بعد هدشي لي دار ليها ..تنهدات ماباغاش تحط راسها فبلاصتها حيت اخساس خايب بزاف..اخر مرة شافتها بقات فيها بزافوكريق كاملة وهي كتبكي وهارون عقلو خارج بلبكة حتى من يوسف كانت حالتو حالة لدرجة ماقدش يسوك تا عيط لشيفور يسوك عليه طريق كاملة وهو غير ساهي حتى همسات ليه:هدشي بزاف عليها ايوسف
ماجاوبهاش وصلها للمطار فين كاين كمال باش اتمشي لدارهم نزلات ونزل معاها كتبكي وتشهق قرب لعندها باسها على راسها جراتو وعنقاتو كتبكي:عنداااك توقع ليك شي حاجة ايووسف رجع الله يخليييك واخة ماعمرك اتكون ليا رجع على قبلها وقبل ولادكم
بعد عليها وهو كيشوف فيها:تهلاي فراسك
شداتو من يديه :عفاك شرحو ليها اني ماغاداش معاك وماغانربيلهاش ولدها الله يخليييكم مابغيتهاش تكرهني حاسة بيها شحال كتعدب كون تشوفها قبيلة شحال بكات وكتوصيني على هارون قطعاتلي فقلبي بزاف ماطولش ايووسف
هز راسو باه وشد ليها يديها وباسها ماعرفش اش يقولها كتافة بالصمت هي غتفهموو..قربات لباب طموبيل كانت محلولة وتحنات كتبوس فهارون وتعنق فيه :رجع لماماك صافي.
تحل باب بيتها ودخلات وهي مبتاسمة كتشوف ماماها ناعسة كان من موراها هاز ليها ساكها ولكادويات لي جابو لهارون وقف فلباب كيشوف جوهرة كطلع فوق النموسية وتحنات باستها على خدها..غير حسات بيها حلات عنيها بشوية وبتاسمات وهي كتجرها لحضنها وتبوسها على خدها:جوهارتي جيتي
دخلات بخطوات تابتين ونضرات واتقين كتمشة والابتسامة على وجها ولي كيشوفها كيوقف ويقول ليها صباح لخير تا طلعات للمكتب ديالها دخلات وحيدات المونطو وجلسات فالمكتب ديالها اول حاجة دارت هزات طليفون:شنو درتي ..صافي ما ترجع تاتكون أمنتي ليهم كلشي ووصلها للجمعية ووصيهم يعلموها اش دير صافي..
وقطعات على صوت دقان كانت سكرتيرة:صباح الخير مدام عائشة
عائشة:صباح النور
دخلات:جيت نفكرك فالاجتماع لي عندك من دابة ربعة دسوايع لي غيتجمعو فيه كاع الشركاء دلمشروع الجديد
هزات راسها باه:اه مزيان وجدتي ليا الملف
هزات ليها راسها باه وهي كتحطو قدامها:هاهو امدام
عائشة:صافي شكرا
وخرجات وخلاتها مع الملف
نسافرو شوية لالمانية
كان واقف بلوطو ديالو حدا باب المدرسة حتى كيشوفو خارج ..من لبعيد لمح ابتسامتو فاش شافو هو لي جاي موراه..نزل من الطموبيل كيتسناه ..مشا كيجري لعندو وتلاح عليه هزو بين يديه:لبطال ديالي
هارون بالانجلش:-مفاجاة زويينو ابابا
يوسف بتاسم وهضر بالانجلش:كي دازو سوايع دلقراية
هارون:مزيان الايتاد عطانا نقاط داخر متخان دوزنا.
يوسف:شحال جبتي
هاررون فتح يديه بجوج قدامو مفرق صبعانو على بعضهم:نقطة كاملة عشرين ابابا
لينا شعلات التلفازة وخدامت واحد لقناة وقف كيتفرج وهو كيشوف المضاهارات لي ففلسطين والمغرب تاهو كيطالبو باش يرجع لبلادو وتسقط كاع التهم عليه كاتبين سميتو فلافيتات وقالبين دنيا كيشوف عدد كبير من النااس كيغوتو بسميتوو
لينا:جانا مرسول من ااحكومة المغربية من المحامي لي متكلف بالقضية كطالب باش ترجع للمغريب ايوسف غتقدم قدام واكيل المالك وغيعطي الحكم ديالو .الملف ديالك مضبووط مافيه تا غلاط والادلة مضبوطة وواضحة مية فلمية اتخرج براءة حيت بفضلك تشدو كاع الخونة لي فدولة هاد صباح وغيتحاكمو على الخيانة ديالهم كلشي كيطالب بالاعدام ديالهم..غياخدو بعين الاعتبار ست سنين لي عشتوها بعاد على بلادكم وعائلتكم هدا بحد داتو عقاب وكيتسما تضحية ماشي اي واحد يقدر يديرها من بعد ما خارب العصابات المافيوزية وهرب الايلحة من بين يدين الخونة لي كانو ايصيفطوها لايسرائيل
وشافت فيحيى:تا يحيى ايخرج من العقاب ويقدر يرجع لبلادو فلسطين ويتحرك كيف بغا فالمغرب..ولكن حاجة وحدة
هارون كينقز فبلاصتو فرحاان ويوسف كيشوف ففيه وهو مبتاسم حتى كيسمع صوتها:-اتمشيو وتخليوني هنا
شاف فيها وفعينيها اادامعين مغربية من اب مغربي وام المانية وعاشت فالمانيا درست القانون كمحامية ومن بعد نتاقلات ااعالم البزنس كمديرة اعمال ..واليديها ماتو وعاشت حياتها بوحدها علاقتها محدودة مع عائلة واليديها .نزلو دموعها ماساخياش بيهم رجعات همسات ليه:نقدر تانا نرجع معاكم للمغريب بلادي تانا
بقة كيشوف فيها عوناتو ووقفات معاه بزاف فهاد ست سنين عمرها غدراتو ولا حاولات تأديه ديما كانت وفية ليه خدمات معاه غا هو ملي تعرفات عليه:مرحبا بيك
بتاسنات وصط دموعها ماحسات براسها تا عنقاتو:شكراا بزاف تانا توحشت المغرب
رجع اللور وهو كيبعد عليها فهمات راسها وجمعات يديها:غنمشي لدار نجمع حوايجي ووراقي وداكشي لي غنحتاج
هزات ساكها وهي كتمسح فدموعها فرحانة:هنا مشيت
وخرجات من دار وصلها شيفور لبارطمة ديالها
وهو تاصل يوجدو ليه طائرة لي غيسافرو بيها وكاع داكشي لي ايحتاجو ومن ضمنهم الهوية الحقيقية ديالهم مابقاوش محتاجين للتزوير
دااز الوقت
نرجعو للمغريب
كانو مجموعين كيتسناوها غا هي كل واحد شاد بلاصتو قدام طبلة طويلة ولوراق قدامهم دلمشروع جديد كلهم كانو رجال الا هي لي وسطهم مرااا من غير سكرتيرة لي واقفة على راسهم لاحتاجو شي حاجة
كان جالس وحاط يدي فوق طبلة حاضي لباب كيتسناها الدخل شاف فساعة تعطلات بخمسة دقايق
شوية تفتحات لباب سمعو صوت طالون ديالها قبل تدخل بقاو حاضين لباب تا دخلات شدات لباب من موراها ووقفات كتشوف فيهم:سمحولي كان زحام فطريق
وكملات طريقها لبلاصتها كتمشة وشعرها كيتحرك معاها على خصرها وجسمها المنحوت كلو انوتة لابسة سروال توب من نوع فضفاض طالع تا لفوق لاسق على المؤخرة وبودي موف خاشياه وسط سروال مع مييني بوط كحل عالي ..كلشي كان حاضيها وساهي فيها مراقبين خطواتها وك.ل تفاصيل جسمها تا الابتسامة الجدابة لي على وجها..كان مراقبها حالو ماشي قل منهم يمكن كتر منهم حار ماعرفش كيف يتصرف معاها باش يتقرب منها دور وجهو كيشوف كيف ساهين فيها شوية ويحلو فمهم فيها زير على يديه وهو كيشوفها جلسات فبلاصتها ومازال ماناوين ينزلو عنيهم هضر بصوت حاد خلاهم يحسو على راسهم وينطقو داك احم:ندوزو الاجتماع ديالنا ولا انبقاو كنتفرجو
كلشي نزل عنيه لوراقو
عائشة دورات عنيها فيهم كاملين تا وصلات لعندو لقات عنيه مفيكسيين عليها
واحد من رجال الاعمال:تفضلي امدام عائشة بما انك لمرا الوحيدة لي وسطنا نتي تكلفي بشرح المشروع
قبل تنطق سبقها هو :لا تفضل نت
كان عارف لاناضت تاواحد ماغايركز فالاجتماع كلشي ايبقة حاضيها وهو ما ايضمنش راسو داك ساع
شافت فيه وعلات حاجبها ووقفات وفيديها لوراق خلاتو غير كيشوف ..تمشات تا وقفات حدا واحد ساشة كبيرة قدات لورقة فطاطاشو ونعاكس داكشي لي مكتوب فيها ومرسوم للساشة بدات كتشرح داكشي بالفرنسية وكتحرك يديها وتعبر بيهم ومرة مرة كتبدل لبلاصة وتشوف فيهم وشعرها حاير معاها مرة مرة كترجعو اللور...وهو كيغلي من شوفات كاع رجال فيها واخدين راحتهم حنا راسو وهو كينعل شيطان لاينوض ويجرها ويخرجها من هاد القاعة ولكن غيخسر معاها هي لولا كان كيسمع غا صوتها حتى سلات وهز راسو كيشوفها واقفة وهوما كيطرحو عليها الاسئلة وكتجاوب بخفة دارسة هاد المشروع مزيان وعارفة شكا دير عطاتهم خطة العمل كاملة لي غيمشي عليها مشروع وضحات ليهم كلشي بحال شي وحدة قديمة فضومين وعندها ربعين عام طايبة بهادشي ماشي بحال بنت يلاه عندها 23عام ...تنهدات فاش كلشي تافق على خطة العمل لي شرحات وقررو هي لي ايمشيو عليها
ورجعات لبلاصتها جلسات كتجمع وراقها فشانطة
واحد من رجال اعمال:غنتجمعو نشربو قهوة مجموعين
كلشي عجباتو لفكرة
عائشة:غير سمحولي غنساحب انا
أكد عليها باصرار:لا حشومة حنا مازال انتشاوفو ونتجمعو مايمكنش تمشي نص ساعة وغيمشي كل واحد لدارو
تنهدات نص ساعة مادات ماجابت:واخة هنا انلحق عليكم
ناضو خرجو واحد بواحد هبطو للكافيتريا لتحت..بقات جالسة مانتابهاتش ليه مازال فبلاصتو دورات عنيها بغات تشرب حتى كتشوفو كتافات بالصمت..ناض من بلاصتو عمر ليها كاس دلمة وقرب لعندها مدو ليها:تفضلي
خداتو من عندو:شكرا
وشربات منو شوية ورجعاتو لطبلة ووقفات تحت انضارو بغات تممشي وهو يوقف فطريقها بغة يحط يديه على دراعها وهي تخنزر قبل توصل ليها جمع يديه عندو وهو كيشوف فعنيها: عطيني فرصة وحدة وغنبين ليك اني ماشي بحالهم
نزلات راسها:كريم بعد من طريقي عفاك
رجع اللور وهو حاضيها قرب لمونطوها لي معلق ومدو ليها:فكري مزيان
وقرب للباب وحلها:تفضلي
لبسات مونطوها وساكها فيديها وخرجات بلا ماتجاوبو تبعها غادين فنفس طريق وهبطو لتحت كانو مجموعين فتح ليها لكرسي جلسات وجلس تاهو طلبات قهوة وهي كتصنت لحديتهم
طول الجلسة كان حاضيها..حتى كتسمع شي اصوات فالكافي علات راسها كلشي كيشوف فتلفازة لبلازما لكبيرة لي لاصقة فالحيط قرب واحد من سيرفورا وزاد فصووت..شافت كلشي كيشوف فيها ما فهمات والو علات عنيها لتلفازة كتشوف جيش كبير من ناس هازين لافيتات مكتوب فيها (يوسف الزعيم) ورايات ديال فلسطين بلعات ريقها وهي كتشوف طموبيل مرسديس كحلة دايرين بيها لكارد دايرين الحماية وسط داك الكم الهائل من الناس واحد فيهم حل طموبيل قلبها ولا كيضرب فلمية وهي كتشوفو نازل منها عاطي للكاميرا بالضهر وقف وهو كيقاد تجاكيط ديالو ومد يديه لشي حد باش ينزل حطات يديها على قلبها وهي كتشوف لكميرة غادة لجيهتو ..ويد صغيرة شدات ليه فيديه ولات كلها كترجف ماقدراتش تشوف طلعات معاها تبوريشة حطات يديها فوق الطبلة فاش شداتها دوخة تا طيحات لكاس فالارض...ولات كتلهت
ناض دغية لعندها وكلشي كيشوف فيها عارفين قصتها معاه عارفينها طليقتو لي سمح فيها وتبرأ من بنتها.تحنة لعندها حاط يديه على كتافها :واش نتي بيخير
هزات راسها بلا:لا عفاك ديني من لهنااا ماقاداش نوقف
كيشوف فيها كيف كترجفف عاونها توقف وهز ساكها وخرجها تحت انضار ناس لي تماك..كتمشة برجلين فاشلين لا رخة منها طيح عرفها ما غاتقدش تسوك:نوصلك
وصلو للاباغطومو ديالها وقف بعيد وهو كيشوف الصحافة حدا لباب كيتسناو فيها ..علات راسها وتنهدات وهي كضرب بيديها على تكاية دطوموبيل فين ما مشات اتلقاهم وهي مابقالهاش الجهد رجعات راسها اللور وغمضات عنيها شاف فيها وحرك الطموبيل كانت ساكتة مخلياه يديها فين بغة..ديمارا تا وصل لدارو وقف الطموبيل ونزل حل ليها باب الطموبيل تحنة لعندها كانت مازال مغمضة عنيها:عائشة
حلات عنيها وهمسات ليه:الدوة
ورجعات غمضات عنيها تنهد وهزها بين يديه هي وساكها ودخلها نيشان للدار ..لبيتو حطها فوق السرير وهو كيشوف فيها ..حل ليها ساك جبد ليها دواها وقرب مع كاس دلما عاونها شرباتو ورجعات تكات علامن يخدم المفعول فيها
خرج وخلاها على راحتها عارف ما اتبغيهش يشوفها فديك الحالة هبط لصالة عمر كاس دلويسكي وخدم التلفازة نيشان لداك القانة كيتفرج وكيجغم
نمشيو لدار الزعيم
كانو مجمعين فصالة ..كتبكي وهي كتشوف ولدها وحفيدها ومعاهم يحيى فتلفازة ففليسطين دايرين معاهم لقاء وكيشكروهم على تضحيتهم ..كلشي مجموع عليهم بحاليلا الماليك لي زارهم كيلوحو عليه الورد ويتهاتفو بسميتوو فرحانين بيه ..
كان جالس حداها وعنيه على التلفازة قلبو ايقفز بالفرحة وهو كيشوف ولدو بيخير هو وحفيدو حس بالفخر وهو كيشوف كلشي فرحان بيه رد الاعتبار لراسو واخة طول بزاف ست سنين ماساهلاش
دخل من لباب وهو فرحان لقاهم حدا تلفازة:شتوووه
هزات راسها باه:الحمد الله ياربي
بقة واقف كيتفرج..وقفات حداه وشدات ليه فيديه شاف فيها وبتاسم وهز يديها وباسها حطات راسها على كتافو كتشاركو فرحتو:واخييرا الحمد الله على سلامتو
باسها على راسها:الحمد الله
زينب :فوقاش ايجي للمغريب
بدر:ماعرفتش ولكن فاقرب وقت ممكن كلشي كيتسناه
زينب:جوهرة شحال اتفرح مسكينة
هز راسو باه وهو كيشوف فخوه فتلفازة
قرب لعندهم وجرو من يديه:بابا هادا عمو يوسف ياك
هزو بين يديه:هو هدااا وهداك لي معاه هارون.
بتاسم كيشوف فولد عمو
زينب:زياد ولدي فاش غيجي اتبدا تلعب معاه ياك
هز راسو باه:اه وانعطيه العابي كلهم
باستو على راسو فرحانة بولدها لي عندو ربع سنين دابة تمرة حبها لبدر لي صبرات عليه حتى عتارف ليها بحبو ماكانش ساهل تنسيه فيها ولكن بطيبوبتها وحنانها خلاوه يستسلم ويتخلا على داك الحب لي ماصالحش ويولي يبغيها هي لي تستاهل لقا فيها داكشي لي باغي ولي محتاج ودابة عايش معاها هااني
نبدلو لبلاصة
كانو جالسين قبالت تلفازة كيتفرجو فرحانين
ليلى كتمسح دموعها:الحمد الله ياربي غيرجعو لبلادو ولعائلتوو
عماد:الحمد الله هارون شحال كبر وولا زوين
ليلى:كيحمق
الزاهية كتشوف فتلفازة ومخنزرة فيه وكتحاول تاصل بعائشة ماكاتجاوبش
دخل من لباب :لقيتيها
عصام:لا ماكايناش فدار اتكون شافت الصحافة ومشات
الزاهية:مصاب غير ماتوقعلهاش شي حاجة
هز راسو بلا وعنيه فتلفازة:جوهرة معاياش كتخرج
الزاهية:-مع لخمسة
عصام:مازال لحال
وجلس وهو كيمسح على راسو صافي رجع وجاب معاه ولدها تنهد عاد غتبدا الحرب دابة
كانت جالسة وكتشوف فتلفازة مفيكسية عنيها عليه فرحات برجوع ولد خالتها وهارون ولكن ااشخص لي معاه خلاها ترفع وهي مركزة معاه ابتسامتو لخفيفة وملاميحو رجولية باقي كيف كان هاد ست سنين مابدلات فيه والو زادتو غا وسامة ..ست سنين وهو فبالها وهي كتسناه ..ماعرفاتش علاش تسناتو وهي ماضامناش واش يقدر يرجع ولا لا..اولا يكون تزوج وهي ماعلا بالوش كااع ..ماعرفاتش منين جاو هاد الاحاسيس وفوقاش تولدو فداخل ديالها وهي شافتو غير مرة وحدة .كيفاش سكن فقلبها من اول نضرة.وعلاش لحد الان ماتزوجاتش بحاليلا ضامنة راه ماتزوجش.بتاسمات وهي كتشوفو بيخير
ناضت فاش طفاو تلفازة وطلعات لبيتها حلات لبلاكار وجبدات لكاس كتشوف فيه همسات:ها هو رجع مولاك
نبدلو لبلاصة
داز الوقت
حلات عنيها بشوية كتشوف فين هي ناضت جالسة كتشوف مع جنابها تفكرات كلشي وقفات مازال كترجف هو غيرجع صافي ولدها تاهو غيرجع قلبها قفز من هاد الفكرة واش غتشوف ولدها واش غيرجع ليها..غمضات عنيها خايفة من داكشي لي جاااي خايفة تفرح وماتلاقاش بولدها غتموت داك ساع مافيهاش الشك .قلبها غيوقف لاكان ولدها قريب منها وماتقدش تشووفو لادارها بحاليلا حكم عليها بالموت وكاع هاد القوة لي جمعاتها غتلاشى داك ساع
هزات ساكها وحلات لباب هبطات لتحت غير شافها وقف
عائشة:خاص نمشي
هز سوارت :واخة
تبعاتو وخرجو من دار لقاو صحافة فوجهم كيصورو هجمو عليهم:مدام عائشة يوسف الزعيم ايرجع هو ولدك شنو كتقولي فهادشي
صحافي تاني:هادي كتر من ساعتاين ونتي مع رجل اعمال كريم المجاهد فدار اشنو بيناتكم..واش صافي نسيتي راجلك لول وغتبداي علاقة جديدة
ص 3:السي مجاهد شنو بينك وبينها
دفعو:تحررركو من لهنااا
دور يديه على خصرها وجرها وصحافة كتصور ركبها فطموبيل وركب تاهو وكسيرا مخلي لعجاج موراه
داز الوقت
بالضبط ففليسطين عنيه على تلفازة كيقلب فالقنوات كيشوف اش كيقولو صحافة فرجوعو..حتى كيتبلوكا وهو كيشوفها فشاشة خارجة من دار كريم المجاهيد زير على تليكوموند فيديه تابانو عروقوو ولا كيغلي وقف بدون شعور وهو كيشوفو مدور يديه على خصرها وركبها فطموبيل وصحافة كتقول بيناتهم شي حاجة ونسات طليقها لي سمح فيها وانها بداية حب بينها وبين الرجل الاعمال الشهير
تبلوكا وهو كيشوفها فشاشة خارجة من دار كريم المجاهيد زير على تليكوموند فيديه تابانو عروقوو ولا كيغلي وقف بدون شعور وهو كيشوفو مدور يديه على خصرها وركبها فطموبيل وصحافة كتقول بيناتهم شي حاجة ونسات طليقها لي سمح فيها وانها بداية حب بينها وبين الرجل الاعمال الشهير كريم مجاهد
زدح داك تيليكوموند مع الارض كان زايد يفرشخ داك ااتلفازة ويردها فراتت ولكن ليد صغيرة لي شدات ليه فيديه حبساتو ..حس برجفة يديداتو مخلوع :بابا مااك
شاف فيها وهو كيحاول يتحكم فأعصابو:والو اهارون والو
مسح على راسو بعصبية وساط بالجهد وهو كيطفي التلفازة...رجع شاف فهارون كيشوف فيه بعوينات مخلوعين :ماواقع والو اولدي غير غدا فصباح انكونو فالمغريب
خلاه كينقز وهو فرحان..ومشا هز لفيكس لي فالسويت وعيط لرسبشن ووصاهم يحجزو ليهم فاول طائرة غدا للمغريب فصباح ..كان غيبقا تلتيام يرصي شي اموور ويلبي دعوة بزاف دلقنوات باغين يديرو معاه لقاءات ولكن لغا كلشي
شاف فهارون:اجي معايا
تبعو وخرجو من لسويت ..وهوما يتلاقاوها خارجة من ااشمبر ديالها جاياي لعندهم:واش بصاح فصباح انرجعو للمغريب يلاه قالولهالي
نزل للتحت دخل لميني بار لي كاين لتحت جلس فأول طبلة جات قدامو دار اشارة للسيرفور طلب مشروبو لي غيشرب ..شعل كارو بداه بنترة طوييلة وساطو فدقة بعصبية ..وصورتها بين عنيه وهي خارجة من دارو ويديه على خصرها..ماغايضمنش راسو لامشى تا قلع دابة للمغريب يقدر هاد كريم مجاهد مايصبحش الصباح لامشا تا وصل للمغررب فهاد ليلة ..وهي شغا يدير فيها تنهد ..اصلا على ودها مابغاش يتحرك دابة مابغاش يزيد يكمل عليها ولكن هاهو غيرجع وكل واحد غيلزم حدودو بالسيف عليه ماشي يوسف الزعيم لي يقربولو لحاجتو
قرب لعندو سيرفور كيحط حداه لكاس ولقرعة وعلبة
ديال الثلج قاد ليه كاس :تفضل
خداه منو وهبط عليه فدقة داك ساع سيرفور بقة غير واقف كيشوف يلاه غيمشي بحالو ..رجع وقف وقاد ليه كاس تاني ومدو ليه
يوسف دوز ساعة دلمكانة بالضبط شاف فلقرعة تسالات ناض وهو كيطفي سيجار ديالو جا عندو سيرفور خلصو وخرج من لبار ركب فالمصعد باش يطلع للسويت ديالو ينعس علامن يصبح صباح ويكون فالمغرب وغيسالي علييه هاد المرض على قولتووو تحل المصعظ وخرج بخطوات تقال كل تفكيرو معاها هي
دخل لسويت بلكارط الاحتياطي حيد تجاكيط ورماها فوق اقرب كنبي كانت حداه ..بدا كيحل صدافات لقميجة وهو يحبس فاش شافها خارجة من شمبر دهارون شافت فيه وفعينيه لحومر ..قربات لعندو كتشوف فيه:مالك
قاطعها بصوت تقييل:مابقة كيهمني والو من غير نرجع ليها
بقات ساكتة كتشوف فيه عرفاتو سكران وشي حاجة معصباه حطات يديها على صدروو نيشان لصدافات كملاتهم بلحلان بشوية :اش واقع
همس ليها :اي واحد ايقرب ليها انقتلوو لا غنمحييه من الوجود
طلعات يديها لكتافو ونزلات ليه القميجة تاطاحت فلارض بقة بصدرو لعاري :وايلا كانت نساتك ودابة كتبغي داك المجاهد كيف قالو الصحف وقلبها عمر بواحد اخور
شدها من دقنها وزير وقرب وجهو من وجههاا وهضر وهو عاض على سنانو :غنعاااود نخرجوو من قلبهاا سمعتينيي هي مايمكنش تبغي شي حد من غيريي انا صافي رجعت واي حاجة ديالي انرجعها
رخف عليها وهو مازال شادها من دقنها...طلعات يديها تا دوراتها مور عنقو:صاافي تكالمة ايوسف تهدن
بقة كينهج بصوت مرتافع وبشوية نزل يديه من دقنها
لينا ماقدراتش تقاوم هاد الكمية الهائلة درجولة لي قدامها بدون سابق انداار جراتو من عنقو وتلاحت على شفايفو كتبوس فيهم ماحسات براسها تا دفعهاا وتزدحات مع لحيط وطاحت فالارض مطيحة معاها مجموعة ديال ديكورات كانو فوق واحد الطبلة.
وقفات مخلوعة فاش شافتو جاي لجيهتها لسقات فلحيط جامعة يديها لعندها كتسنة شي دقة ضرب يديه مع لحيط قدامها تاغمضات عنيها يحساب ليها دقة اتجي فيها حلات عنيها فاش شدها من شعرها وزير:كنقسم ليك الييينا من غيرها ماغا تحلالي تا وحدة .. ست سنين وانا حارم راسي من نسا على قبلهاا .فبلا ماتحاولي حيت المرة جاااية غندمك ..ويدي غتسبقنيي وماغايفكك مني غير لي خلقني
هزات راسها باه وهي مخلوعة كيهضر وهو عاض على سنانو كيغلييي حرارة انفاسو حرقاتها فوجها
بعد عليها:خرجي
مازادتش معاه الكلمة وخرجات طايرة
بقا واقف فبلاصتو كيهدن راسو وهو كيهمس:ماااشي وقت الاعصاب ايوووسف
مسح على راسوو هز فوطة ودخل للحمام خاص يبرد..وقف تحت رشاش بما باارد بزاف كيهبط عليه ماحاسش بيه مقارنة بالحرارة لي شاعلة فيه ..نص ساعة وهو تحت لما ماهواش فهاد العالم دماغو عندها مابقاش قادر يبقة بعيد عليها مازال صافي صبرو تقادة
خرج من لحمام لبس عليه وتلاح فبلاصتو عيان غمض عنيه فلبلاصة نعس
غير خرجات من عندو وقفات فالكولوار حاطة يديها على قلبها كيضرب بالجهد ماقدراتش تسيطر على راسها قداموو ماقاوماتووش ولي زاد عصبها كيف كيهضر عليها وكيف متشبت بيها واخة دازو سنين ..مازال طامع في رضاهااا لهاد الدراجة وحدة بحالها قدرات تسيطر على تفكير واحد بحال يووسف
كملات طريقها ولا عندها فضول تلاقة بيها وتعرف عليها وتشوف هادي لي داير عليها هاد الحالة كاملة..دخلات للشمبر ديالها وسدات عليها
فنفس الاوطيل
كان فلبالكون واقف .الشمبر ديالو جاية فالقمة كتبان ليه كاع لمدينة وضواوات وشانطيات من لفوق ..كيفكر نهار اتحرر هاد البلاد كيف غتكون ..تنهد ماكرهش قبل يموت يشوف بلادو محررة ويتحقق حلم واليديه وجدادو لي ماتو وضحاو على بلادهم ..رجع لنفسو بالتفكير عندو دابة31 عام ومازال ماستاقر فحياتو تنهد اولا مازال مابقة البنت لي باغي..بتاسم فاش جات فبالو ست سنين ظازت وصورتها مازال فلميموار ديالو ابتسامتها العفوية وفضولها لي كيبان عليها .فين اتكون وصلات زعمة تكون تزوجات ست سنين راه عمر يتبدل فيها لي مايتبلد..تنهد ورجع دخل للشمبر وتكة فبلاصتو خاص ينعس غدا ايقلعوو
نرجعو للمغرب
عائـــــــــــــشة
ملي رجعات للدار وهي جالسة فوق النموسية وجامعة رجليعا لعندها وتصاورو فوق النموسية منشورين كتشوف فيهم وعنيها دامعين..تصاور لي كانت كتاخد ليه شحال هداا من طليفونها..خرجاتهم وولات كل مرة كتشوف فيهم وكتخايل شكلو كيف غيكون وهو كبير ..كل مرة كتخرج بشكل اخوور حتى كتبغي تحماق وتجمعهم ..بقاو ليها غا صورو وهو صغير باقي بي بي ..تنهدات بتعب ..من صباح وقلبها كيرفرف هزات راسها لسمة وتمتنات بشفايف كيرجفو مع دمعة حارة نازلة من عنيها:ياربي بغيت نشوفو ..ياربي ماخليني نعنقو ونشم ريحتوو باش ترجع فيا الروح..ياربي ماتحرمنيش منو
نزلات راسها وهزات تصويرة فاش كان داهم يوسف لبارك فيه العاب دراري صغار .وحكاتو فواحد اللعبة وصوراتو..بقات كتبوس فديك تصويرة تا فزكاتها بدموعها حضناتها فصدرها:ياربييي
هزات راسها باه وهي كترجع شعرها اللور بيدين كيرجفو فكرة اتشوف ولدها خربقاتها
وقف:هنا مشيت لا حتاجيتي شي حاجة عيطي لي
هزات راسها باه :واخة
باسها على راسها ومشا
تكات على لخدية لي موراها كتشوف فتصاور هارون..جمعاتهم وخشاتهم فواحد الثندوق مخبعاه قبل تسدو حات عنيها على جوج تصاور هزاتهم بين يديها..كانت واقفة حدا لمراية وهو مدور يديه على خسرها ودافن وجهو فعنقها كانت صورات داك اللقطة..هزات تانية كان ناعس وخاط هارون فوق صدرو..هزاتهم بغات تقطعهم وهي تحبس ..شافت فيهم تاني وعضات على شفايفها غيجي لوقت لي اتحرقهم قدام وجهوو باش يتبخروو كيف غادي يتبخر من حياتهاا ويخرج منها ..رجعاتهم لبلاصتهم وخبات الصندوق وناضت تقلب على بنتها دخلات لعندها للبيت لقاتها جالسة فوق النموسية جلسات حداها:مالك ابنتي
جوهرة شافت فيها وهي مبتاسمة: فاش نفخنا على شميعات وقلتيلي نطلبو شي امنية عرفتي شنو طلبت
عائشة هزات راسها بلا:شنوو
جوهرة:طلب من ربي باش يرحعلي بابا وخويا فاقرب وقت..وربي حقق لي امنيتيي
عنقاتها وهي كتمسح ليها على شعرها ..كيفاش حرمها منو ومن حنانو طول هاد سنين كيفاش تخلا عليها وتبرا منها وهي باقي ماتزادت كيفاش طوعاتو نفسوو ..وهي باغة تشوفو وكتحلم بيه ..مايستاهلهاش ومايستاهلش كلمة بابا من فمها .خلاهم ومشا عايش حياتو مع مراتوو وهارون لي حرمها منو وحرمو هو من مو ...مابغاتش توسخ صورتو قدام بنتها حيت هدشي أيأتر فبنتها هي لولا مابغاتش تطعن بنتها فقلبها كيف تطعنات هي ..
رجعات شعرها اللور وجاوبات:شكرا ولكن ماغانحتاجكش حيت قادة براسي
ميل فمو لابتسامة خفيفة هدشي لي كيعجبو فيها:ماتعرفي دنيا وزمان هادي وماشي اي واحد كنعرض عليه مساعدتي غا ناس لعزاز عليا
تنهدات :اهاا
كريم:المهم نخليك ترتاحي تصبحي على خير
عائشة :تصبح على خير
وقطعات وهي مازال هازة طليفون بغات تدخل لسوشيل ميديا تشوف الاخبار ولكن ماقدراتش رجعات طليفون لبلاصتو وتكات على الخدية كتفكر
دازت هاد ليلة وصبح صبااح جديد
واقفة حدا الشرجم كيطل لبرا ليل كامل مانعسات ومازالة فايقة والو واش نعاس جاها كل تفكيرها مع ولدهاا لي غيكون دابة وصل حطات راسها على زاج دشرجم كتشوف شتا كطيح سمعات طليفونها كيصوني كانت لا لاغم زعمة توقيت باش كتفيق للخدمة قربات وحبسات صوني .وخرجات من الكوزينة خاصها قهوة باش تصحصح قداتها وجلسات كتشربها ..داز الوقت حتى كتسمع صوت طليفون ديال دار عرفاتو طرونصبور مشات جاوبات:شكون
نزل وهارون شاد ليه فيديه موراه يحيى ولينا..لقا واحد المجموعة من الصحفيين لتحت ولحراسة متشددة ..نزلو وهوما كيصورو مابغة يقول تاشي حاجة حيت كلشي واضح..دخلو للمطار ورحالو كيكملو الاجراءات خرجو لعلى برة ووقف وهو كيشوف بزااف دناس مستقبلينو ولاد بلادو كيرحبو بيه الصوت تصفاار وسميتو مسموع بالجهد ولافيتات وكلشي باغي يسلم عليه بتاسم حس بواحد الفرحة فشكل وهو وسط بلادو لي غبر عليه كيشم ريحت بلادو كترجع فيه الروح بقة كيشوف فيهم وهو راسم على وجهو ابتسامة..هارون فرحان وكيدير ليهم باي باي بيديه ..حل ليه الشيفور لباب ركب هو ولدو ومعاهم لينا ويحيى ركب فطموبيل ديالو وتوجهوو لدار لقصر الزعيم
بصعوبة باش قدر يدخل للدار من صحافة لي كانت مجموعة قدام الدار ...غير دخل لقا استقبال من نوع اخر من طرف عائلتو لي كانو ايطيرو بالفرحة طاهرة كتبكيي وتعنق فيه وتبووس فرحانة بيه وهارون كيهزوه واحد بواحد كلشي باغي يتعرف عليه شبع تعناق وبوسان وهو غا مبتاسم كيشوف فعائلتو جديدة لي كان بعيد عليها ..ساعة دلمكانة كلها استقباال ماقاداهمش الدنياا..طاهرة كتزغرت بحاليلا ليوم عييد راه كتر من لعيييد حفيدها وولدها رجعو ليها سالمين اش بغات..ناصر لي كيحس بروحو رجعات ليه وامة كان صابر هاد السنين ولكن راه كبدتو لي غبراات طرف منووو كان عندو احساس انه ولدو قاد براسو وغيرجع علىزخييير حيت لي ضحة على قبل عائلتو هادي اعوام ودمل لواحد العالم مسخ على ودهم وما تأداش وماعرفو تاواحد قادر يتغلب على هاد الست سنين ويرجع على خير وبيخير..كل يوم كيزيد فخرو بولدو لي علا ليه راسو قدام العلام ماشي غا المغريب
جلسو محموتين ضايرين بيه وهارون هازاه طاهرة كتفرح بيه ودموع مابغاوش يحبسو ليها كتشوف حفيدها كيهضر وكبير وزوين .منوبعد مافارقهم وهو باقي بي بي باست ليه يديداتو:الله ياربي على فرخة ياربي مادومها علينا ياربي
كلشي قال امين
يوسف كان جالس وسط ناصر وبدر وهو مبتاسم
يوسف شاف فباه وهز ليه يديه وباسها احتراما ليه :واعد نفسي قبل نمشي باش نرجع ونرفع راسك لفوق الوليد وهنا وفيت بكلمتي
ناصر ضرب ليه على كتافو:الله يرضي عليك
طاهرة شافت فلينا جالسة وكتشوف فيهم عاجبها هاد الجو العائلي:بنتي سمحيلي ماعطيناكش صوابك مرحبا بيك عتابري راسك من هاد العائلة
لينا:ربي يخليك اخالتي وعلى سلامة يوسف وهارون ملي تجمعو مع عائلتهم
طاهرة:الحمد الله ياربي
شافت فيحيى:مرحبا بيك تانت اولدي
فهاد اللحضة دخلات ليلى وعماد وفاتي
ليلى عنقاتو بالحهد وهي كتبكي:على سلامتك اولدييي الحمد الله ملي رجعتي لميمتك وعائلتك
عماد رحب بيه تاهو وتبادلو العناق ..وفاتي سلمات تاهي ..وهي تجي عنيها عليه تبلوكات كتشوفو جالس وعنيه عليها وهو مبتاسم تلفات لدرجة دخلات فطبلة كانت حداها كوما شداتش راسها كون طاحت ..غلباتو ضحكة مسح على راسو وهو كيشوفها كتقلب فين تجلس تالفة..جلسات وشافت فيه وبتاسمات ليه ..شافها تبدلات مابقاتش كيف كانت شعرها طوال تا لباسها ولا مختالف ولات كمية هائلة من الانوثة .عاد انتابهت لهاديك لي جالسة حداه دغية ختافات ابتسامتها فاش جا فبالها انها مراتو نزلات راسها لتحت كتلعب بصبعانها شغا يوقع فيها لاكان بصاح مزوج بيها ..رجعات علات راسها لقاتو كيهضر معاها ومبتاسمين بجوج حتى كتشوفها حطات يديها على دراعو كضحك..عضات على شفايفها غا لمابغاتش تفهم راسهاا
كلشي شاف فهارون فاش نطق:فين هي ماما
ماعرفو مايقولو كيتسناو يوسف يجاوب
يوسف وقف :اجي معايا
قرب لعندو شد ليه فيديه:هانت غتشوفها
هارون تحمس بزاف ..تاواحد ما علق كيفكرو غي كيف غيكون هاد اللقاء ..خرج من دار وهو كيهضر فالطليفون ركب فطموبيل هو وولدو وديمارا ومشاا
أسقطته في شباكها فعذبها حتى أذاب فؤادها الجزء 19
محتوى القصة
يتبع...
التنقل بين الأجزاء