مشا ركب فبلاصتو وديمارا وصلها تا لدار ونزل حل ليها طلعات نيشان لدار تنهدات براحة واخيرا دخلات للدار خدمات التدفئة حيدات منطوها وصباطها دارتهم فبلاصتهم ودخلات لبيتها تبدل عليها وتكة ترتاح جبدات بيجامتها لبساتها بالخف وتكات فبلاصتها كتشوف فالساعة مازال لجوهرة نص ساعة وتجي من لمدراسة تكة شوية ولكن قبل شربات دواها..وقدات المنبه ديال طليفونها على الوقت دجوهارة حيت عارفة هاد الدوة كيدير ليها النعاس وغمضات عنيها ودغية داتها عنيها مع لعية
نزل من طموبيلتو ماقدرش يصبر تا لغدة ومايشوفها وهي هازة ولدو فكرشها باغي يطمن عليها بعنيه..وصل للباب كان عندو ساروت حل لباب ودخل سمع سقيل فدار شد لباب بهدوء وهو كيتمشة فدار بخطوات خفاف تا وصل لبيتها دخل وهو يشوفها ناعسة بهدوء شعرها سايح على لمخدة ويديها فوف كرشها قرب بشوية كيشوف فيها تا وصل لعندها تحنة لعندها منزل يديه لخدودها كيتلمس فيهم بشوية نازل مع دراعها باطراف صبعانو تا وصل ليديها لي على كرشها تحنة كتر وباسها على جبهتهااا ويديه كتحسس فكرشها هنا كاين ولدو التالت الولد لي غيحضر عليه فجميع مراحليلو حتى يتولد ويهزو بين يديه وهو بي بي صغير فنهارو اللول اللحضة لي تحرم منها فولادو بجوج تنهد وهو كيجلس حداها بوشية ويديه مافارقاتش كرشها كيشوف فيها طلع تاني يديه لوجها عارفها شحال تعدبات وحالف تا يغوضها على كاع داكشي لي شافت معاه قوصات حواجبها ديرونجاوها لمساتو على وجها بتاسم وهو كيشوفها كتغوبش غطس صباعو فشعرها مبعد من وجها دغية رجعات للهدوء وكملات نومها..بقة مراقبها جدبو شكلها وهي ناعسة بهدوء وسكينة وصوت انفاسها المنتاضم وصدرها لي طالع هابط بشوية..شف فالبلاصة لي حداها وتكة حداها وجرها لعندو بشوية وحط ليها راسها على صدرو طلعات يديها وحطاتها جيهت عنقو وتقادات فالنعسة ..باسها ليديها وغمض عنيه وداتو عنيه تاهو ونعس
دازت نص ساعة حتى كيتسمع صوت طليفون لي متحت خديتها بالجهد ولفيفروور تاهو حلات عنيها بصعوبة مازال باغة تنعس وهاد صوت ديرونجاها حتى كتحس بشي يدي محاوطاها على خصرها وصوت دقات قلبو كيتسمعو فودنيها عرفاااتو وشكون من غيرو ولكن كيدار تا كا وفوقاش وكيدارت تانعسات على صدروو بلا ماتحس ..تهزات من بلاصتها كتشوف فيه كيحل عنيه وهو مغوبش شاف فيها بصوت باااح بالنعاس:طفي هاد المرض
عائشة:شكا دير هنااا وايمتى جيتيي وبأشمن حق ناعس حدايا
ماجاوبهاش مد يديه تحت لمخدة جبد طليفون وطفا التنبيه وشاف فيها وهو كيمسح على راسو :مراتي فهمتي دابة
غوبشات وهي كترجع للقدام باش تنزل من اانموسية:خااص نبدل لبلاجة دلباب هدشي بزاف عليا
زرب عليها ومد يديه وجرها تا طاحت فوقو قراب بزاف:خاص تبدلي هاد الدماغ لي عندك اما لبلاجة حالها ساهل
بلعات ريقها كتشوف شفايفو قراب من شفايفها بزاف لدرجة لدرجة نغييييزة ويتلاسقووو بغات تنوض وهو يزير عليها وعنيه فعنيها:ماعندك هروب مني اعائشة
عائشة:مابقة والو وكل واحد ايشد طريقو داك ساع هدشي غيسالي
دار ليها واخد الابتسامة جانبية تدوب لحجر ماشي غا لقلوب:آآآه يا عائشة وشنو مازال كيتسناك معايا
تلفات مع داك الابتسامة لي قليل فين كتشوفها مشا ليها لكلام وولات حاضية غا ملاميحو لمبتاسمة وشفايفو مرسومة عليهم داك الابتسامة
حط يديه على خصرها كيزيد يقربها بشوية:حلالك اعائشة شكا تسناي
حسات على راسها بغات تنووض:رخييي منييي ايوسف ونوض سييير بحاالك
حكمها مزيان وهو كيرجعها لبلاصتها ولنفس الوضعية قراب بزاف:شششش اعائشة
بغات تهضر وهو يحط صباعو على شفايفها وفلحضة ستبدل صباعو بشفايفو كيجر فشفايفها بسنانوو ويبوس فيهم بشوية وفوقما تبغي تبعد هو كيجرها متحكم فالشدة مزيااان كيبوس ويحرك يديه على خصرها ويطلعهم تا لضهرها ويلعب بشعرها لي مليوح على ضهرهااا مستمتع بحلااالووو بعد وهي كتلهت كيسخفها ضرباتو على صدروو:طلللللللق منيييييي شكا دير
رجع تاني باسها بالجهد وبعد:كنحقق ليك داكشي لي ماقدرتيش طلبيه
خنزرات فيه وهي كتنوض وتقاد فحوايجها وتمسح فشفايفهااا:-شكاا تخربق
ناض جالس :كنقرا عنيك
حلات لباب:خررج عليا دابة يلاااه
وقف كيقاد فحوايجو وقرب لعندها:هاني فصالة قادي قهوة وتبعيني
ومشا وخلاها واقفة معصبة خرجات من لبيت وزدحات داك لباب من موراهاا وتبعاتوو:شكااا تحساب فراااسك هااا قووولييي
شاف فيها وميل راسو ودوة:الزعيم ومن لا يعرفوه
عائشة زاد عصبها:زعيييم على رااسك سمعتينيي ولكن غير صبر هدشي كاامل غيساالي نهار غنطلقوووو داك ساع اول ماغاتحط رجليك هناااا انعيط للبوليييس هوما يتكلفو بيك
بعدات وباست تا جوهرة:بنتي لحبيبة على سلامة زيدو دخلووو
دخلاتهم وسدات لباب وهي كتشوفهم مشاو كيجريو عند باباهم هزهم بجوج معنقينو جلس وهوما فحضنو كيعاودوو ليه جلسات اونفاص معاهم كتشوف فيهم شحال شكلهم زوين ويوسف عاطيهم لخاطر كيتصنت ليهم سهااات فيهم حتى كتسمع صوت هارون:ياك اماما انا غنتعلم دغية للعربية جوهرة كضحك علياا حيت ماكانعرفش نطق لحروف صحاح
عائشة بتاسمات:اه اولدي غتعلم حيت تبارك الله راك دكييي وجوهرة غير كضحك معاك ياك ابنتي
جوهرة:اه اماما غير كنضحط
يوسف داك النعسة دقبيلة دارت ليه شقيقة زير على راسو وشاف فيها:وجديلي قهوة قاصحة دابة
بقات كتشوف فيه وناضت كتسوط ودخلات للكوزينة وجداتها ليه ودارتها فطاس وقبل تديها ليه بتاسمات وهي كتحل طاسة دلملحة ودارت ليه جوج معالق داقت شوية وقبحات وجها مداق خايب بزاف مع القهوة قاصحة بلا قياس ولملوحة هدشي كامل باش يتعلم...شربات لما يمشي لمداق وخرجات للصالة وحطاتها قدامو:اجيييو امااما خليو باباكم يشرب قهوتو جلسو حداها وكملو كلامهم طفولي كيعاودو لبعضهم على ذكرياتهم تعودو على بعصياتهم فوقت قصيير اصلا بغاو بعضياتهم قبل يتشاوفو
عائشة حاضياه فوقاش ايبدة يشرب داك القهوة حتى كيهزها وشرب شوية ورجع حط لكاس نتاضرات شي ردة فعل ولكن والوو تعجبات تا دخلها الشك واش غلطات ودارت سكار ولكن لا هي متأكدة هاديك ديال لملحة حيت داقتهااا رجع تاني شرب بهدوء عادي كتزيد تصدم واش هدا ماعندوش الاحساس لهاد الدراجة ولا ماكايفرقش بين لملوحة ولحلاوة داز الوقت حتى سلا طاس دلقهيوة ديالو وقفات باش تدي داك طاس للكوزينة قبل تهزو شدها من دراعها وجرها لعندو:كون درتي فيها السم كنت انشربو كامل اعائشة
بلعات ريقها كتشوف فيه وفهاد التغيير لي ولا فيه ماشي هدا هو يوسف لي كتعرف يوسف المتصرع والمتهور العصبي بلا قياس لي كون دارت ليه هكا كون قلبهاليها فوق راسها ولكن لا هدا لي قدامها واحد مكالمي كيدير داكشي لي فراسو بهدوء كينفد ويطبق غا بلكانة كيعرف يتحكم فأعصابو تا كلامو ولا موزون ماتعرفيش اشنو متحت راسو شحال هدا داكشي لي كان كيدور فراسو بالاعصاب كينطقووو ويهدد بيه ..وعاد تعامولو معاها لي ولا فشكااااااال ..
مريم:ههههه غير الزربة المهم ليوم اماما انتعطل عندنا واحد الخرجة جماعية مع الاساتدة انمشيو لواحد المقر فيه الفلسطينيين ايهضرو لينا على الحرب لي عندهم والاستعمار الاسرائيلي المهم داكشي دفلسطين كامل ايكونو حاضرين فيه غا ناس شكون وشكون المهم هاني مشيت
الزاهية:سيري الله يرضي عليك ابنتي وخلي كليفون فيديك نعيط ليك
مريم وهي غادة:واخة اماما
تلاقات عصام داخل:جاابك الله عفاااك اخويا وصلني الله يحفضك
عصام:زيدي قدامي زيدي
باستو على خدو:كنحماااق علييك اخويا
بتاسم وخرج هو وياها ركبو فطموبيل وصلها للمدراسة طريق كاملة وهي كتعاود ليه مابغاتش تسكت
مريم:فهمتيني ولا لا
عصام دماغو غينفاجر بهضرتها:فهمت والله تافهمت
مريم:ايوا مزيان اه فكرتيني
عصام:شنو
مريم:علاش ماباغينيش نمشي نكمل قرايتي على برة شنو فيها
عصام:وشنو فيها لاقريتي هنا فبلادك
مريم:مافيها والو ولكن على برة انتعلم كتر تقريبا نص دصحباتي ايكملو قرايتهم برا
عصام:نزلي غيمشي عليك الحال
مريم:وغييير فكر الله يخليييك
عصام تنهظ:واخة
قربات وباستو على خدو ونزلات دخلات لمدراستها عاد ديمارا هاد مريم عالمها بوحدوو ضحوكية وكيعجبها النشاط والمغامرات كيعجبها تسافر وكل شوية تكشاف شي حاجة على نياتها وعفوية وزوينة بزاف جمالها مختالف على خوتها بيضة وشعر زعيعر وعوينات عسليين طويلة على عائشة شوية
دخلات قرات حصصها تا حا وقت الخرجة ركبو فطرونصبور كبيير وصلهم للمقر دخلو لقاو بزاف دلفلسطينيين ندامجو معاهم دغية كيهضرو معاهم ويعاودو ليهم ومرة مرة كيطلع شي حد للخشبة فلسطيني ويعاود على على حياتو والمغاربة كيطرحو عليهم اسئلة...كانت حانية كتكتب وتسجل المعلومات حيت غدا فاش ايدخلو للقسم كل واحد اينوض يهضر على داكشي لي داز فهاد الخرجة..حتى كتسمع صوت صحاباتها:وليي هاهو كيحمممق
ااتانية:فلسطيني تربة فالمغريب هو صاحب يوسف الزعييم البنات
التالتة:كيييحمق ناري انا طحت الله اربي
الرابعة:اوووف اسمعو على صويييت عندوو مريييم شووفي على جمااال هدا راه صاحب راجل ختك لي غيولي طليقها
هزات راسها تشوف علاياش داويين وهي تبلوكة فهاد الجمال لي قدامها كيدويي وصحافة كتصور فيه وابتسامتو لي زادتو وسامة على وسامة لحيتوو جسمو الضخم وقفتوو صوتوو رجولي كلشي فيه كيجدب هزات ستيلو وعضاتو بين سنانها كتشوف فيه حتى يلا هضرتو ونزل من الخشبة تحت تصفيقات الحضور مشاو لبنات كيتحاراو تجمعو عليه كيتصورو معاه وهي كتشوف رجعات نزلات عنيها وهي مبتاسمة..داز الوقت سلاو جمعات دفتارها فساكها باش ايمشيو بحالهم:لبنااات هاني جاية نمشي للحمام
ومشات كتجري للحمام كانت مزيرة زدحات داك لباب ودخلات لاقرب طواليط حداها قضات حاجتها وخرجات :الله على راحة كنت انديرها فسروالييي
حتى كتشهق وهي كتشوفو قدامها واقف حدا لمراية كيغسل يديه ويشوف فيها من لمراية ..ماعرفات راسها باش تبلات بتاسم وطفا لما وضار لجيهتها :واقلة غلطتي
ميلات راسها شافت فلافتة لي على لباب خاصة برجال كيفاش مانتابهاتش ليها شافت فيه وهي حشمانة:مالاحضتش
خرجات من لحمام باازربة بغات تشوفو وهو غادي بتاسمات وهي كتشوفو كيهضر مع الاستادة ديالها قربات لعندهم:مدام واش انمشيو دابة
الاستادة:اه كنت جاية كنقلب عليك
شافت فيه:هادي وحدة من تلاميد ديالي اامتفوقين تبارك الله عليها دكية
بتاسم:-تبارك الله
الاستادة:هادي راه الاخت ديال عائشة مرات الزعيم
شاف فعائشة:اه بصاح
مريم:اه
يحيى مد ليها يديه :مشرفين
سلمات عليه تاهي:الشرف لياا
الاستادة:نخليكم نمشي نشوف باقي التلاميد
ومشات وخلاتهم
مريم:موضوع فلسطين كيهمني بزاف وباغة نكتب شي موضوع يكون زوين داكشي لاش جيت اليوم
يحيى:مرحبا لا بغيتي شي مساعدة هاني مجود
بعدات شعرها على وجها وبظات كتهضر واش جا ماسكتها:هانت سمع دابة عرفت كيفاش تا استعملو واحتلو على فلسطين والاسباب والتاريخ ياك شي لي بغيت نزيد نعرف هو الشخصيات التاريخية لي دافعو على فلسكين ودابة ماتو قصتهم وداكشي لي دازو منو بالتدقيق اه وبغيت نعرف ..
قاطعتها ثاخبتها من موراها:انا عارفة هدشي كامل عندي مسجل دابة نصيفطو ليك
شافت فيها وهي مخنزرة:اه ماحسابليش
ورجعات شافت فيه:صافي سمحلي لا صدعتك
بتاسم:لا ماشي مشكل مرحبا فاي وقت
مريم:ربي يخليك شكرا يلاه خاص نمشي بسلامة
ومشات هي وصاحبتها بقة واقف كيشوف فيها وهي غادة ومرة مرة كضربها على كتافهاا بتاسم وكمل طريقو خاص تاهو يمشي بحالو
من بعد ماصيفطات دراري لمدراسة دخلات لبسات عليها وقدات حالتها مابقة والو للمحاكمة ..سمعات طليفونها كيصوني جاوبات:الو ماما
الزاهية:دوزي مورايا نمشي معاك
عائشة:غي خليك اماما ماشي شي حاجة دغية داكشي
الزاهية تنهدات:ايوا ردي عليا باش ماكان وشوفي ما تأترش عليك القضية وتقولك رجعيي لراجلك خرجي فيها عنيك وقولها باغة طلاق
عائشة:واخة اماما واخة
الزاهية:يلاه ابنتي سيري الله يعاونك
وقطعات شافت فساعة بحرة توصل ..خرجات من دار لقات الشيفور مبرز حداها خل ليها لباب ركبات ووصلها نيشان للمحكامة بقات واقفة كتسنة حدا المكتب فين المحاكمة حتى كتشوفو جاي وقف حداها:جاية بكري
عائشة علات حاجبها:باش يسالي هدشي خلاص
هز راسو باه ماعاطيش قيمة لهدشي لي قالت:ومالك واقفة
دور وجهو دار اشارة لسيكيرتي:جيب شي كرسي.
مشا كيحري يجيبو ليه
عائشة:مرتاحة وانا واقفة
ماجاوبهاش حتى كيجي سيكيرتي ولكرسي فيديه:هاهو اسيدي.
حطو ليها قدامها:جلسي
عائشة اصلا رجليها كيضروها جلسات وهو مراقبهاا كيشوف فيهاا وفملاميحهاا لي كيزيدوه غا فتنة ..حتى كيخرج عندهم الموضف:تفضلو
دخلو كانت القضية تماك:تفصلو تجلسو
جلسو فبلايصهم
القضية:كيف اخر مرة غنحدد ليكم واحد الغترة ديال الصلخ من موراها لابقة نفس الحال اندوزو لطلاق مباشرة ولكن قبل انعاود نطرح السؤال
وشافت فعائشة:واش باغة طلقي
عائشة:اه باغة نطلق وفأقرب وقت
القضية هزات راسها باه:ونت
يوسف داير رجال فوق رجل وكيشوف جاوب بهدوء:لا ماباغيش
وشاف فعائشة وكمل:مراتي حاملة كيف بغيتيني نطلقها
عائشة خرجات فيه عنيها:شكا تخربق شمن حمل ولينا فالكدوب عاود
القضية:خليه يشرح لي
يوسف جبد لوريقة من جيبو وحطها قدام القضية:تفضلي
خدات داك الورقة وبدات كتقرا تا سلات وشافت فعائشة:نتي حاملة والورقة اصلية فهاد الحالة راه كيتلغا الطلاق
عائشة بلعات ريقها هادو شكا يخربقو تحنات هزات لورقة قرات داكشي كيأكد انها حاملة وفيه طابع والسمية ديال طبيب ديالها الخاص .طلعات تبوريشة وقلبها ولا كيضرب فلمية وعنيها مازال على داك تخاليل كيفاش هي حاملة وفوقت قصييير ولات كلها كترجف
يوسف:وتحليل من طبيب لخاص ديالك
القاضية:دابة نتوما جاين معمرين سوق ونتوما عايشين لحياة حلو مشاكيلكم فداركم وغير بشوية أستغفر الله لاكنتي مامتأكداش من داك الورقة ومازال مصرة على طلاق غيتكلف طبيب خاص بالمحكامة ايدير ليك تحليلة
وقفات فبلاصتها وماجاوبتهاش هزات سكاها وخرجات بخطواات زربانين وقف باش يتبعها وهو يوقفو صوت القاضية:غير بالعقل كيتحلو المشاكيل
هز راسو باه وتبعها
خرجات من المحكامة وداك الورقة مازال فيديها حتى كتحس بيه جرها وقلبها لجيهتو غير شافتوو نزلو دموعهااا كتبكييي هزات داك الورقة وضرباتها ليه على صدروو :اشنووو بغيتي عندي غير قوولي
جرها وعنقها حاطة راسها على صدرو وكتبكيي وماولات قالت تاشي كلمة غير كتبكي وفبالها هي دابة حاااملة هاد الفكرة كتخليها تولي ترجف خاايفة بزاااف
هزات راسها وشافت فيه بعويناتها الدامعين:خااايفة بزاااف ايووسف
مسح ليها دموعها:منااش خايفة
حنات راسها ودموعها كي شلال وتمتمات:خاص نحيدو
تآوهات بصوت مرتافع فاش زير ليها على دراعها بالجهد:مانسمعهاااااش اعائشة وماتعاوديش تقوليهااا ولدي باااغيه وباغييك وباغي عائلتي تجمع حيدي هاد الفكرة من رااسك
شافت فيه :علااش باش يعيش داكشي لي عاشوه خوووتو
تنترات منووو ورجعات اللور كتغوت ماهامهاش راهم فالزنقة:بااااش من بعد نوللدووو بوووحدييي ماعرفتش واش تاخدوو ليا وتمشي ولا تخليييه وتمشيي مابغيتوووش يعيش هدشيييي يكفي اني كنفكر فاش ايكبرو ولادي ويسولوني كيف كانت حالة بابا ونتي كتولدي واش كان معااااك واش كان خايف..جوهرة كنكدب عليها وقلت ليها باباك حضر فاش كنتي كتولدي وكان فرحااان..مابغييتش تاهدااا يعيش هدشي ونكدب عليه باش نت تبقة على راحتك لااااا حسن نحيدووو ايووسف عارفة راسي ماعندي زهر لاش انخلييه
يوسف قرب لعندها كيشوفها كيف ولات:ماغانخليكمش اعائشة
عائشة رجعات اللور:لااااا ديما كنتي كتقولها فتالي مشيتييي وخليتيني شكون ضمن ليااا اتبقة وماغاترجعش لانانيتك شكوووون لا ماغانخليش هدشي يتعاود
كتهضر وكتبكي وتبعد شعرها على وجهااا تاحساات براسها عيااات مابقالهااش الجهد وشداتها الدوخة كانت غطيح وهو يشدها:وااش نتي بيخير
هزات راسها باه:غير رخي منييي
يوسف حط ليها راسها على صدرو وجرها لعندو معنقها مامهتمش لانضار ناس لي غليهم كيتفرجو:شتي اعائشة واخة نعرف نموت ومانمشيش ونخلييكم رجعت باش نصلح كلشيي باش نكون معاك ومع ولادي وولدنا لي جاي تاهو
باسها على راسها:انا عارف كاين العكس دهادشي لي كتقولي كتضغطي على راسك باش يكون العكس ديال داكشي لي باغة
ماجاوباتوش بقات كتشوف فيه
يوسف:خلينا نهضرو اعائشة ونقادو هاد روينة لي فحياتناا عييت من هدشي صافي بغيت عائلتي تجمع
عائشة بعدات عليه وهي كتمسخ فدموعها:بغيت نمشي لداار
خلاها واقفة ومشا هضر مع شيفور باش يدي طموبيل ظيالعا لبلاصتها و ركب فطموبيلتو وقرب تا لعندها ركبات داك ساع وهي غير ساكتة تا وصلها حدا الدار قبل تنزل شد ليها فيديها:ماجاوبتينيش.
نزلات من طموبيل وطلعات لدار وهو كسيرا ومشااا مخليها مع افكارها
دخلات لبيتها تكات فوق النموسية ويديها على كرشها هي دابة حاملة زيرات على كشرها طرف منها كيكبر هنااا ومحييت مجربة احساس الامومة فهاد الفترة ..من دابة بدات كتحس بيهااا خايفة عليه بزااف كتر من لي خايفة على راسها مابقاتش كتيق فالدنيااا لي ماكاتعلمكش فاش كتبغي ضربك وطيحك الارض كاتكوني هانية حتى كتنزل عليك الضربة على غفلة هادي هي الحياة..تنهدات شكون ضمن ليها كلامو لي كيواعدها بيه مابقاتش كتيق فيه كاااع ..دارت لجيهة لوخرة وهي مازل حاطة يديها على كشرها صعييبة عليها بزاااف ..شنو دنبو هو لا طيحاتوو غتعاقب عليه عند الله راه روح فكرشها غتحاسب عليها حاسة بدماغها غينفاااجر ماعارفاش اش دييير ولا كيف تصرف دابة القضية فيها ااولد طلاق غيضررو منو ولادها بتلاتة تنهدات بصوت مرتافع:آآآ يااااربيي ماعاوني راني غطرطق ياربي عارفة ماعطتينيي هاد الولد الا وراك باغيلي لخير ولكن عطيني داك ااقوة باش نسى لي فات راه ماشي ساهل علياااا بغيت نعيش حياتي هانية ولكن ماقادراااش
عنقات الخدية لي حداها بالجهد وهي كتبكييي وطلب من ربي يعاونهاااا تا داتها عنيها ونعسات
داز هاد النهار وجا نهار جديد
ليوم ماقارينش الدراري وخاصها تمشي لطبيب تشوف حالتها وحالة لبي بي لي فكرشها عيطات للزاهية تجي تقابل دراري علامن ترجع ..لبسات عليها وخرجات فاش سمعات صوت الجرس حلات لباب سلمات عليها ودخلات
الزاهية:مال وجهك صفر ابنتي
عائشة:والو اماما غير مانعستش مزيان
الزاهية هزات راسها باه:وماعودتيليش اش وقع لبارح فالمحكامة
يلاه اتجاوبها وهي تسمع لجرس حلات لباب وهي تلقاه فوجها بقات غير كتشوف اش جابو فهاد الوقت ...هو مايمكنش يخليها تمشي لطبيب بحدهااا ..دخل بخطواتو تابتين
الزاهية :صبحنا على الله
عائشة:مامااا صافي عفاك
الزاهية:ياك غطلقو لاش جااي
عائشة:ماما انا غنمشي ها دراري معاك
الزاهية:فيين غاديين بسلامة هااا صافي ضحك عليك بجوج كلمات
ساك بالجهد لي حابسو عليها السن ديالها وانها مهااا اما كون شافت وجهو التانيييي
عائشة:ماما هاد الهضرة لي كتقولي مامنهاااش
الزاهية:اه وفين غادة نتي ويااااه على صبااح ماتنسايش الهضرة لي قلت ليييييك
الزاهية قربات لعندها وجراتها من دراعها وجمعات معاها بصقلة تا ضاار وجها بغات تزيدها التانية وهو يشد ليها يدييها وجر عائشة لعندووو عاض على سناانو:ماااازال ماعاش هدا لي يضربها واناا حاااضر
الزاهية حسات بيديها اتهرس بين يدييه كيغليييي كون صاب يقتلها وماتمدش يديها عليهااا ..كمل كلامو وهو معصب:داك نهار قلتهالك بالحرف بنتك ماغاتفرقني عليها غا الموت
الزاهية تنترات منوو ورجعات اللور :شغا دي نقوولك من غير الله ياخد فيك الحق
الزاهية صربات على صدرها:اناا لي هبيلة دايرة راسي فيك وباغة ليك العز ابنتي ..ونسيييت راكي عويشة لي كدير غا لي فراسها واخة نعية نطبخ ونهضر
عائشة هدشي عيات منوو ما قالت تاشي كلمة غير كتشوف بعنيها
الزاهية شافت فيوسف:هاهي دابة بين يديك دير فيها لي بغيتييي غلبتيني وغلباتني تاهييي
ومشات لبسات منطوها وهزات ساكها وهي كتشوف فبنتها بحصرة وتمات خارجة عائشة كاع ماحبساتها صافي لي بغة يوقع دابة يوقع ..الزاهية زدحات لباب من موراها ومشات ساخطة على الوضع
عائشة تنهدات وهي كتمسح على شعرها وترجعو اللور حاطة اليد لوخرا على خصرها شافت فيه:عمر حياتي اتقاد عمريي انفرح بحياتييي واقلة انموت وانا هكااااا
قرب لعندها وحط يديه على خدودها:ماتبقايش تجبدي الموت اعائشة وكلشي ايولي مزيان
رجعات اللور كتنهد ماعاجبها حال كلشي تقلب وترون حتى كتسمع صوتو:زيدي
عائشة:فين
يوسف:لطبيب
بغات تدوي وهو يجرها:مابغيت نسمع والووو
وتحنى هز ساكها وخرجووو من دار حل ليها باب طموبيل وركبات قبل يشدو نطقات:ودراري
يوسف:انا غنتكلف
سد لباب ومشا عند شيفور:سير مور وحدة الخدامات لي فدار وجيبها لهنا تقابل دراري
ومد ليه سوارت باش يحل ليها لباب ومشا ركب وديمارا نيشان لطبيب طريق كاملة وهي ساكتة وكتشوف فطريق بالها كيخمم لبعيييد كتفكر فحياتها كتملة وهدشي لي هي فيه تا وصلو لطبيب نزلو ودخلو كان فاستقبالهم ومعاه طبيبة وحدا خرا خاصة بالحوامل والولادة
وصلو لطبيب نزلو ودخلو كان فاستقبالهم ومعاه طبيبة وحدا خرا خاصة بالحوامل والولادة جلسو
طبيب بابتسامة:بعدة مبروك عليكم الجنين ان شاء الله يكون فاتح خير عليكم
كتافات بابتسامة
طبيب كمل كلامو:دويت انا والطبيبة الخاصة بالحوامل وهضرت ليها على حالتك ووريتها تقرير كامل على حالتك
يوسف:وشنو
طبيبة كملات الهضرة :الحمل ايكون شوية صعيب على المدام خصوصا مع الادوية لي كتاخد شوية مجهدين داكشي لاش انقصو الجرعة على حساب لبي بي وهدشي يقدر يأتر على قلبها ولكن ايلا عطات لراسها الراحة وكلات مزيان وماتعصباتش وبعدات على الضغوطات وطبعا بمساعدة بعض الفيتامينات ديال الحوامل غيدوز كلشي مزيان
عائشة:واش متأكدة لبي بي ما ايوقع ليه والو
طبيبة بتاسمات:لا تبعتي هدشي لي قلت ليك ماغايوقع والو ليه
طبيبة:اجي معايا نديرو شي فوحوصات باش نعطيك لفيتامينات لي غتبعي
وقفات وشافت فيوسف لي غير كيتصنت وتبعات طبيبة للغرفة الفحص
بقة هو وطبيب شاف فيه بجدية:واش كاين شي خطار على حياتها جيني نيشان لاكان هاد الجنين غيأتر عليها ماعندي ماندير بيه عندي الربح تبقة هي على خير
طبيب تنهد:لا ماتبعاتش داكشي لي قلت ليها يقدر تخسر حياتها وتخسر تا لجنين خاص ترتاح فهاد الفترة وتبع العلاج بعيد على المشاكيل والضغوطات لا تبعات هدشي ماغايوقع ليها والو
يوسف:انا غندير جهدي ونت دير جهدك واي حاجة ماشي هي هديك قلهالي انا لول
طبيب:كون هاني
يوسف وقف:فين جات هاد غرفة الفحص
نعت ليه فين وخرج من المكتب ديريكت لعندهم حل لباب ودخل لقاها كتقاد فحوايجها وقف كيشوف فيها
طبيبة:كلشي عندك مزيان من غير السكر كيف قال طبيب تنقصي منو وفقر الدم مع الوقت ايتعالج اه وواحد الحاجة
عائشة:شنو هي
طبيبة:يقدر ماتولديش عادي تولدي بالعملية ..الولادة العادية كتحتاج للطاقة والجهد والتحمل وفحالتك نتي قلبك ماغايستحملش ديك الجهد كامل المهم ماتفكريش فهدشي حيت مازال وقتو من لهنا لتسع شهور اتكوني ان شاء الله بيخير واتكون حالتك تحسنات وغدوز لولادة على خير
عائشة:واخة
كتبات ليها اافيتامينات لي غتحتاج ومداتو ليها :خودي هاد الفيتامينات تبعيهم وماتغفليش عليهم صافي ومايكون غير الخير
خداتهم ووقفات:واخة شكراا
يوسف قرب وخدا منها داك الورقة وشاف فطبيبة:باقة شي حاجة
طبيبة:لا
حط يديه على خسرها:يلاه نمشيو
جرها معاه وخرجو
غير خرجو للكوار بعدات عليه خلاها غادة على راحتها سابقاه وهو موراها عارفها فاش كتفكر ..خرجو لعلى برة ركبات فطموبيل وركب تاهو ديمارا حتى كيسمع صوتها:ديني لبحر
كتافة باش يهز راسو بمعنى واخة وغير الوجهة للبخر دقايق وكانو حدان انسطالا الطموبيل فبلاصة خاوية ومعزولة على البشار ..نزلات ومشات جلسات على واحد الصخرة كاينة تماك تنهدات وهي كتستنشق داك لهوة لمنسم بريحة لبحر وريح كيضرب ليها فوجها مع نقيطات ديال لما جايين من لبحر جو زوين واخة بارد...تكا على الطموبيل حاضيها خرج لبكية ديالو هز واحد ودارو ففمو وشعلوو ونتر منو نترة طوييلة وعنيه عليها ...كانت كتفكر فهدشي لي هي فيه صافي هي كبرات على داك عائشة لقديمة ماخاصش تفكر بطريقة مبرهشة خاص تفكر بعقلانية وتحط صورة وليداتها قدامها بتلاتة القضية مافيهاش غا هو ولا هي بحدها كاينين تلاتة ديال النفوس داخلين معاهم ..تنهدات وحطات يديها على كرشها ونزلات عنيها كتشووف فكرشها وهمسات:بغيتك تولد فأجواء مختالفة اولدي بغيت نهزك بين يديا وانا فرحانة ماشي بقلب محطم
هزات راسها لسماا وغمضات عنيها:ياربي ماعاوني وطول ليا فعمري باش نشوف ولدي بين يدي
كانت جالسة فصالة ليوم ماكاينة قراية وساهية كتفكر فداكشي دلبارح مامشاش من بالها زوين بزاف وملااميحو صعيب يمشيو من لبال تنهدات وهي مازل كتخمم فيه ..جلسات حداها:اجي نتي لي هزيتي داك لمسكارا لي عاد شريت
جبدات طليفونها ودخلات لسوشيل ميديا تقلب على تصاورو وتسكريني عندها عمرات طليفون غا بتصاورو بتاسمات:زين لمن عطاه الله
وكلات تخنتيش كتقرا داكشي لي كاتبين عليه كيهضرو على شهامة ديالو وحبو للوطن وعلى شخصيتو كيزيدو غا يطيحوها فييه تكات فوق الفطوي وهي كتمنضرر وتزيد تخنتش وتجمع عليه المعلومات فين ساكن وفين خدام المهم كلشي مشا ليها الوقت غا معااه ماساخياش بيه
اما فاتي دخلات لبيتها حلات بلاكارها تبدل عليها وهي تشوف داك لكاس هزاتو وهي مبتاسمة باستو وعنقاتوو كتفكر فييه تلميحات ديالو أكدو ليها ماشي غا بوحدها لي تسناتو فهاد ست سنين تنهدات:غنتسناك ايحيى
ورجعات حطات لكاس فبلاصتو وهزات بيجامتها بدلات عليها وتمات كتفكر فيه والابتسامة مامشاتش من وجها
طاحت الضلمة وجا ليل
كان صوتها كيتسمع من لبعيد طالع فدروج وفيديه قريعة دلويسكي ناوي على ليلة حنرة بتاسم هو ميسمع صوتها كتغوت..حل لباب ودخل لقاها كتنش على لتحت ديالها من بعد مادارت داك لقويلبات فلمنطقة لحساسة كانو خارين بزافف سد لباب وهو مازال كيسمع صوتعا:ااااااح ويلي تقول مصيبين بسوداني الله اربي واش كل ليلة انبقة هكااا
حيد تجاكيط ديالو :هاد لغواات مادرتيهش تا فليلة دخلة يكون زعمة مفعولهم قوى من لمعلم ديالي هههههههه
هزات لخدية وضرباتو بيها:واش انا كنتشوط ونت كطنز مع راسك
قرب لعندها وباسها على شفايفها:غا تسناي نوريك تشواط ديال بصاح
هز فوطة ودخل لحمام..هي تكات كتسنة داكشي يخفاف وفعلا شوية بوشية ولات عادي تنهدات وهي كتنقص من التدفئة من بعد ماكانت زايدة فيها تا لتالي على حساب لقوالب ماخاصش يضربها عليهم لبرد طلعات عليها لحاف كتسناه
خرج من لحمام لاوي عليه فوطة كيغني ويدنن هز داك لقريعة دلويسكية وبدا كيغني بيها .. حلها وبدا يشرب منها ويغني ويشطح وهي كضحك:عمري نتي لكابيطاال شريتلك دااار ااااي نبغيييك عمري ونموت عليييك
غيحمقهااا هاد بناادم
مهدي:كضحكيييي يااك
حط داك لقريعة:هنااا جااي اعمري
فتح يديه بجوج وقرب بحاليلا ايتلاح عليها:هناااا جاااي
اكرام:واااااع لااا امهدي اويليييي
مال لعندها بكامل جسمووو:هووبااااا
اكرام:واااااع هههههه
بقة كيضحك من بعد ماخلعها جر عليها لحااف وحيد داك لفوطة رماها وتخشا حداهاا مطلع عليهم داك لحااف تا تغطااو مابقة يبان منهم والو جرها لعندو تا طلعها فوقو:شنو دابة
دورات يديها مور عنقو وباستو على شفايفووو:لي بغة حبيبي
جرها كتر وطلع ليها راسها لعندو وتلاح على شفايفهاا كيبووس فيهم ويجر سيد وصل للحقيقة ...ونتاقلو لعالم الرغبات وشهوااات 🤭🔥🔥
دازو أيااااااام
وقفات مع الشيفور حدا دارو جديدة هنا فين ساكن نزلات زاج وهي كتشوف دار من على برة عبارة عن فلة صغيرة يلاه خداها ودار ليها الاصلاحات وديكورات والاتات..كان كاميوو ديال اااتات حدا دار كيدخلو داكشي للداخل والخدامة داخلين خارجين..نزلات وقربات بشوية كتشوف داكشي سهات وهي كتخايل ساكنة هي وياه هنااا وهاد دار دارها هي وياه تنهدات ودماغها كيقولها وايلا دا وحدا خرااا وايلا كان كيبغي شي وحدة.وهو ماعارف عليك والو اصلا شافك مرة وحدة ايكون نساك.عضات على شفايفها مايمكنش مابغاتش تخايلهاا قفزات فاش سمعات صوت لكلاكسون ضورات وجها وهي تشوفو هو لي سايك شهقات كتلوم راسها على هدشيي حنات راسها ومشات كتجري ركبات مع شيفور :تحرك دغية عفاك
ديمارا ومشاو
هو وقف طموبيل فبلاصتها ونزل كيشوف فطموبيل لي رمبات فيها غادة مسح على راسو تاني مرة ديشوفها مرة حدا شريكة مافهم والوو ..دخل لداخل وهو كيشوفهم كيدخلو داكشي لدار ويرتبوه فبلاصتو وقف مراقبهم وكيشوف فدار بتاسم وهو كيتخايلها وهي معاه فدار وكيتمنى يعحبها دوقوو واخة راه جاب احس مصمم ديكور قادهااا...
فجيهة خراا
خرجات من لحمام كتلهت وحاطة يديها على كرشها تكات فوق النموسية اسفل كرشهازكيضرها ولات لي كلاتها كتردها ودوخة تا شريكة مابقاتش تكمل فيها النهااار ..تنهدات من اخر مرة ما ولات شافتوو ولا سمعات صوتووو ختى ايلا بغة دراري كيجي لباب دار وشيفور لي كيطلع يهبطهم ليه ويمشي ..غوبشات يسول بعدة غير كيف بقا ولدو لي فكرشها ..و يسول على جوابهااا..ولا كيتسناها هي تعيط وهدشي لي مستحييل ديروو .دارت لجيهة لوخراا وهي كتسمع صوت لميساج هزات طليفون ودغية فتخات لميساج كان منو هو:ليوم عندك موعد مع طبيبة
بقات كتشوف فداك المساج علات كتافها ماجاوباتوش خاصر عليها ميسااج كوغا ماصيفطوش...رجعات تكات حتى صوت طليفون جا فبالها هو لي كيعيط خاب ضنها جاوبات:الو دكتورة
طبيبة:بغيت غير نفكرك فالموعد ديالك معايا
عائشة:هاني جاية شكرا
وقطعات..تنهدات وناضت بدلات عليها قدات شوية وجها تمشي داك البهوتية ..هزات مونطوها فيديها وخرجات من دار لقات شيفور كيتسنى ركبات داها نيشان لطبيب ..دخلات لقاتها عامرة جلسات كتسنة وبتاسمات وهي كتشوف ام هازة بي بي صغيور وفرحانة بيه بقات حاضياها تا مشات..دورات وجها وهي تشوف وحدة معاها راجلها خارجين من عند طبيبة ومبتاسمين وفيديهم لايكو دلبي بي كيشوفو فيه وفرحانين بلجنين ديالهم..تنهدات وهي كتشوف راسها جاية بحدها وليوم اتشوف لايكو دلبي بي ديالهاا ناضت وهي متمتم:كاع لايجييي
ودخلات عند طبيبة سلنات عليها وجلسات:كيف كتحسي دابة بداو علامات الحمل ياكي
عاىشة:بزاف دوهة وردة تهلكت
طبيبة بتاسنات:طبيعي داكشي اممم نشوفو لبي بي
عائشة بحماس:ااه
طبيبة:اجي معايا تكاي فوق لبياص هنا
هزات راسها باه وناضت حيدات لمونطو وتكات فوق البياص
طبيبة كتجد الالة وتشعلها:فين هو السي زعيم
عائشة عضات على شفايفها:خرجات ليه شي خدمة ضرورية
طبيبة:ماشي مشكل
علات ليها تريكو من فوق كرسها ودهنات ليها واحد لرودوي وحطات ليها واحد لعيبة فوق كرشها وبدات تحركها بشوية فوق كرشها كتقلب على لبي بي وعنيها على شاشة وعائشة مركزة معاعا تاهي
طبيبة بتاسنات وهي كتشوف فشاشة:يا سبحان الله
عائشة:اشنووو
طبيبة:مبرووك عليك عندك تواام جوج ديال لي بي بي
عائشة شهقات وهي كترمش بعنيها:واش بصااح
طبيبة:هانتي شووفي هاد جوج نقيطات كبيبرين شوية
عائشة كتهز راسها باه وتشوف فداك شاشة قلبها كيضرب فلمية طلعات معاها واحد تبوريشة واحساس فشكل تا نزلوو دموعهااا بتاسمات وسط دموعها وهمسات:ولادي هادوك
طبيبة كتشوف فيها وهي مبتاسمة:اه مبرووك عليك
غمضات عنيها كتبكي ماقدراتش تصبررر فين هو يجي يشوف ولادو تواام هدي هي لي كيقول ايحضر معاها فكلشيي..فهاد اللحضة تمناتو معاهااا ..بغات تشارك هاد الفرحة معااه ..حلات عنيها وشافت فشاشة وهي عاضة على شفايفها..سمعو لباب تحلات
طبيبة:هااا الاب جا
دورات وجها بزربة وهي كتشوفو داخل بلا ماتشعر بتاسمات فرحانة ومدات ليه يديها:يووسف اجيي
قرب وشد ليها فيديها زير عليها وهو كيشوف لفرحة فعنيها همسات ليه:حاملة بتواام ايوسف
هزات راسها باه وهي كتمسح دموعها باش تشوف مزيان ماساخياااش والابتسامة على وجها مامشاتش ومرة مرة كتهمس:وليداتي
دورات وجها شافت فيك كان مبتاسم وعنيه كتنقبل بينها وبين ساشة شافت داك الفرحة فعنيه..كانت اطيير بالفرحة احساس زوين يكونو عندك تويمين شي حاجة فشكل
هو مزير ليها على يديها وهو كيشوف شاشة فيها وليظاتوو جوج ماشي غا واحد ومنها هيي كيشوف علاقتهم كتزيد غتقوى واخة كاع داكشي لي وقع كيشوف ايام زوينة جاية فطريق تنهد ورجع شاف فيها شحال فرحانة وهدشي لي باغيي مابقاش باغي يشوف داك النضررة المكسورة فعنيها ..رجع باس ليها يديها وشاف فيها :
طبيبة بابتسامة:تفضلي معايا امدام عائشة
عاوناتها الممرضة باش تمسح كرشها وتنزل ..وقفات فبلاصتها كتلبس منطوها وهو مراقبهااا شافت فيه بعويناتها كيبريو وبتاسمتت ليه ودورات وجها على صوت الطبيبة:مدام عائشة غنأكد ليك خاص تهلاي فراسك فهاد الفترة عطي راحة راسك مزيااان الحمل ديالك راه مزيان خاص غا المقابلة وتبعي دواك دابة راه جوج درواح ماشي غا واحد
هزات راسها باه وحطات يديها على كرشها:صافي كوني هانية
طبيبة:من دابة 15ليوم رجعي باش نديرو فحص وتسمعي دقات قلب وليداتك
عائشة:اممم انا بغيتهم يكونو توام فكلشي كيحمقوني توااام لي كيتشابهووو
وتنهداااات وهي فرحانة كون صابت دير بوق وتقول لكلشي راني حاملة بتوااام
هو كان غادي ومبتاسم وهو كيسمع كلامها ولي دازت من حداه كتبتاسم ليه ولا تقول سلام باش يجبد معاها الهضرة وتقول ليه انا حاملة بتواام .
تا خرجو لعلى برة شافت فيه وهي تفكر كيفاش ماسولش فيها هاد المدة كاملة بعدات يديها من يديه ووقفات ..دور وجهو وشاف فيها:مالك وقفتي واش كدرك شي حاجة
قرب لعندها حط يديه على كتافها:نرجعو عند طبيبة
عائشة ببرود:لا انا بيخير
هز راسو باه:ومالك وقفتي
عائشة :واالو واقلة عطلتك على شغالك
علا حاجبو وماجاوبهاش خلاها بلاكة وكمل طريقو لعند شيفور كيدوي معاه وهي واقفة كتشوف فيه غيكون كيقول ليه غير سير انا غنوصلهاا ..حتى كتشوفو جاي لجيهتها كتسناه ينطقها باش تقولو لا غنمشي مع شيفور ساعة معامن:لا حسيتي بشي حاجة ماشي هي هديك عيطيلي اتلقايني عندك شيفور ايوصلك وايجيب وحدة تقابل معاك دار
وشدها من دراعها غادي بيهااا وهي مصدومة حل باب طموبيل ركبها وسد لباب نزلات زاجة وقبل يمشي دوات بصوت مرتافع:مامحتاجاش لهاد لمرة سمعتيني قادة براسي وماتسنانيش نعيط ليك لا وقعات شي حاجة ..ولفت بخوتي وماما ضايرين بيااا
ورجعات طلعات داك زاجة:سووق سوق
قبل يديماري كان يوسف حل لباب وتحنة لعندها دوة بواحد الهدووء :دابة كاين انا اعائشة دخلي هدشي فدماغك و راني مازال كنتسنى
هزات كتافها وهي كتحط يديها على كرشها وبتاسمات:وليداااتي انا هي ماماكم كنواعدكم اتعيشو مزيان غتولدو فجو زويييين ماشي بحال خوتكم
بتاسمات وهي كتخايل شكلهم ...عضات على شفايفها بالفرحة
وصل للشريكة دخل للمكتب ديالوو
دخلات لعندو وفيديها لقهوة ديالو :صباح الخير
يوسف:صباح الخير
قربات لعندو :جبت ليك لقهيوة لي كتعجبك
حطاتها قدامو هز طااس وشرب منو شوية تماما كيف كتعحبو هز ليها راسو بمزيان بتاسمات وهي مازال واقفة حداه متكية بجسمها على المكتب:بنتيلي راشقة ليك هاد صباح من شوفاتك اش واقع
هز راسو بلا وعنيه على لبي سي:والو
لينا زادت قربات وهي كدور لبيسي لعندها باش يشوف فيها هي:لا شي حاجة وخاص نعرفها
وتحنات لعندوو كتقاد ليه فلكول زعمات خصوصا فهاد الفترة ملي عرفات مابقاش كيمشي لعندها ومابقاش غادي جاي عندها كيف شحال هظاا قالت مع راسها صافي يقدر يكونو تافقو باش يتفارقو شهقااات فاش حسات بيديها شوية وايتهرسو بين يديه وهو كيحيد ليها يديها من عنقوو :ااااااااي
يوسف كيزيد يبكر:تادرتي عقلك ونتي ترجعي لهبالك بلا ماتخليني نفكرك فهضرتي
لينا:ااااي قصحتيني ايوسف
رخ عليها وهو كينتر يديها من يديه:خرجي
تقادات فااوقفة وتمات غادة وهي تحبس ودورات وجها وشافت فيه وهي شادة فيديها كضرها: لهاد الدراجة هي ساكنة فيييك
علا حاجبو ودار اشارة للباب تنهدات وخرجات كتسووط دخلات للمكتب ديالها وجلسات كتماصي فيديها وهزات طليفونها ووقفات حدا لمراية كانت تباك..وخنتشات تا جبدات تصويرة عائشة من طليفون ..بقات كتشووف فلمراية وتشوف فتصويرة دعائشة وشنو لفرق بيناتهم ...وشنو لي زايد فيها هييي مخليه يتشبت بيها ...تنهداات وهي كتقول مع راسها بحالها بحال اي وحدة زوينة مافبهاش شي حاجة متميزة زينهااا يقدر يلقاه فاي وحدة ويقدر يلقة ماحسن منها كاااع...شافت فراسها تهي زوينة بزااف وبقدر جدابة علييها كتر وكتلبس مزيان ومقادة ديمااا وقارية وواصلة ومتقفة وتسارات كاع العلام اشنو لفرق زعمة..ربع سنين وهي معاه وديما كتكون فأبهى حلة وعمرو عبرهااا ..ست سنين ديال لفراق راه الواحد ينسى مو وباه ماشي غا وحدة مزوج بيهااا وهو لااا غير رجع مشا لعندهااا ..غير شاف داك المشهد لي صوروه صحافة قرر يرجع ومايزيد تا نهار .عضات على سنانهااا :زعمة تكون ساحرة لييه
سمعات دقان خبات طليفون:تفضل
كانت سكريتيرة:جبت ليك لوراق لي كلبتي
لينا:واخة حطيهم
حطاتهم فالمكتب ومشات
لينا بلعات ريقها وهي كتسترجع انفاسها:صاافي الينا رجعييي لدماااغك
جلسات كتقرا دوك لورااق تنسي بيهم الوقت
نرجعو لعندو للمكتب
كان خدام على داك لبسي حتى كيشوفو داخل ماقالش تا سلام بقة واقف حدا لحيييط لي كلو زاج وكيشوف لبعيد
يوسف:مالك
يحيى شاف فيه:واش ماناويش تدوي مع عائلتها
يوسف قوص حواجبو هاد الموضوع مشا من بالو وقف :نسيت مشالي من بالي كاع هاد الموضوع
يحيى:وديرني فبالك دابة
يوسف بتاسم وهو كيضربو على كتافو:كي جاك الحب
يحيى مسح على راسو بشبه ابتسامة:فشكل
يوسف هز راسو باه:كيخربق ياك
يحيى:بزاف
يوسف هز طليفونو ودوز شي نمرة:الو عصام..الحمد الله ونت..بغيت نشوفك من دابة ربع ساعة لا كنتي مسالي..صافي مزيان نتلاقاو تماك
عصام:مالك زربانة جربي هاد المرة ماشي ديما فاش كنقولك شي واحد بغاك كترفضي قبل تعرفيه هاد المرة عجبني هاد سيد وماكرهتوش ليك
فاتي شافت فيه ماتقدرش تخايل راسها مع شي حد من غيروو ماشي ست سنين كاملة ضربها فالزيرو:عفيني اخويا من هاد الزواج الله يخليك
عصام:مابغيتيش تعرفي شكون يقدر تبدلي رأيك
فاتي:لا اخويا بلاش
عصام:وغا سمعي
تنهدات:واخة اخويا قولي
عصام:هدا يحيى صاحب يوسف اتكوني كتعرفيه وتلاقيتيه حيت راه شريك فشريكة ديالنا دالالماس
شهقات بلا ماتحس وبدات غا كترمش بعنيها مصدومة وقلبها شوية ويخرج لعندها برا بقوة ماكايضرب نطقات بصوت متقطع:ك.ك.يفاش
عصام:يحيى هو لي خطبك ياك لاباس
نزلات راسها فاش حسات بعنيها ايفضحوها بدات كتلعب بصبعانها مازال مامتيقة بحاليلا كيتحلم بحال داك الحلم لي تسنيتيه سنين يتحقق وكان مستحيييل ودابة غتيتحقق راه فعلااا ست سنين وهو فبالها وفقلبها سر بينها وبين نفسها ..بتاسمات بلا ماتشعر وهي كتشوف فيديها وقلبها كيشطح بالفرحة هووو خطبهااا اه لي بغاتو وحلمات بيه طلبهاا
عصام:فاتي السيد باغي جوابك فاقرب وقت باش نديرو خطوبة رسمية وانا من جيهتي ماغاتلقايش ماحسن منوو ويستاهل توافقي علييه
كمل كلامو ووقف:وايلا ماكنتيش مقتانعة كنحتارم رأيك
يلاه ايمشي وهو يسمع صوتها:موافقة
غير شاف فيها نزلات راسها حشمانة وعضات على شفايفها علاش غتزيد تسنى ولا تفكر يكفي ست سنيننن لي تسناتو
عصام رجع عندها وهو مبتاسم:واش متأكدة
هزات راسها باه
تحنة وباسها على راسها:ماغاتندمييش اختي غنرد على سيد باش يجي فاقرب وقت يكون لواليد رجع من السفر
غير خرج وقفات كضحك تلاحت فوق النموسية فرحااانة عنقات الخدية اطيير بالفرحة كضحك بالجهد واخييرا اتزوج براجل لي كتبغييي كون صابت تنوض تغوت تنهداات بالجهد:الحمد الله ياااربييييي الحمد الله
وبقات معنقة داك المخدة وهي مبتاسمة كتخايل حياتها معاااه كيف غتكوون
عصام قرر مايحدد الخطبة حتى يجي باه غدا من السفر ويعطي رأيو تاهو وماقالها لتاشي حد تا يجي عماد ..مشا وخرج مراتو وبنتووو يدوزو نهار على برى
نمشيو عند هاديك لي نساحبات بهدوء وطلعات لبيتها من بعد ما لقات نمرتوو بقات تقلب عليها تا لقاتهاااا..سدات لباب وجلسات فوق الننوسية كدوز نمرتو بلبريفي بقة شحال كيصوني حتى كتسمع صوتو غمضات عنيها داك البخة كتخلي قلبها يرفرف:الووو..الووو
تنهدااات بصوت مرتافع بلا ماتشعرر غير حسات على راسها قطعات وهي كتلهت:نااري امريم اش درتييي
وتلاحت فوق النموسية وهي معنقة طليفوون وابتسامة ترسمات على وجها وصوتو كيتردد فودنيها
فجيهة لوخا خشا طليفون فجيبوو عرف مولات لبريفي بنت من داك التنهيدة مافهم والوو بقة كيفكر شحال فتالي رجع للبيسي ديالو
داااز لوقت طاير
كانت متكية فصالون ويديها على كرشها لي كلاتها كتردهاا مابقات قادة دير واالو غا متكية تا لولاد كتعيط للمطعم يصيفط ليهم لماكلة ...غمضات عنيها وهي كتسمعهم كيلعبو ويضحكووو بتاسمات وهي كتخايل شكلهم فاش ايسيقو لخبار انهم ايجيوهم جوج دخوتهم توااام...سمعات دقاان ناضت بالسيف عليها تشوف شكون خلات لباب لقات وحدة واقفة بلباس لخدامات:وي ختي
الخدامة:انا لي صيفطني السي الزعيم لعندك
عائشة:اه دخلي اختي مرحبا
دخلاتها اصلا محتاجة لشي وحدة تعاونها حيت مابقات قادة دير والوو
عائشة:هاهي دار دارك مانحتاجش نقولك اش ديري خودي راحتك ولي بان ليك ديريها لولاد خاصهم غا ياكلو وصافي داكشي خفيف
الخدامة:واخة الالة كوني هانية
عائشة رجعات تكات:شكرا
الخدامة مشات تشوف اش دير
وهي هزات تليكوموند لقناة سبايستون تفرج تلاهي الوقت ..دراري غير سمعو صوت رسوم جاو كيتجراو تخشاو حداها كيتفرجوو بتاسمات ومشاات مع روسوم كتفرج..ماعرفاتش كيفاش حتى جا لبالهااا ورجعات اللوررر فاش كان كيقولها عندك ولد ومازال كتفرجي فروسوم هدشي ماغاتعلميه ..كون يشوفها دابة بجوج ولاد قدامها وجوج فكرشها اش يقول خخخخ ...تنهدات وهي كتشوف فالساعة دابة وهو جا موراهم باش يديهم لدار واليديه يشوفو لولاد ويباتوو عندهم...قوصات حواجبها وهي كتشم شي ريحة بدات كتشمشم بنيفها وعيطات بصوت مرتافع:اختيييي
جات عندها:نعام امدام
عائشة:واش كطيبي لحريرة
لخدامة:لا امدام ماكانطيبهاش
عائشة:لعجب كنشم ريحتها مجهد
لخدامة ماشمات والو:لا غا كيجيب ليك الله انا ماشميت والو
شافت فيه:كون كنتي كتحس بيااااا كون زدتي فالسرعة كون دابة راني كنشرب فلحرييرة
ودورات وجهااا كتمسح فدموووع وتنخصص وبالها كلو مع داك لحررية لي ريحتها مازال كتشمها
تنهد وهو كيزيد فالسرعة تا لافاااان حتى تهزات طموبيل وشهقات كتشوف فطريق شوية ويطيروو فسمااا
هو عارف لوحم لي داير ليها هكاا هاهو ايظير ليها خطرها..عائشة كتشوف كيف كيدوبل طموبيلات حتى كيبقاو يكلاكسونيو من سرعة لي داير شدات فلكوسااان وبلعات ريقهااا هدا باغي يطيير باشي كيسووك...شوية بدات كتخاف من هاد السرعة
هو كان متحكم فطموبيل كيلعب بيها كيف بغاا وعنيه على طريق لاتبان ليه شي ريسطووو ولا شي محال كيبيع لحريرة حتى كيسمع همسهاا:نقص عفاك من السرعة
شاف فيها:لا باش نوصلو دغية
هزات راسها بلا وهي كتشوف فكريق:شوووف فطرييق الله يخليك لا تمشي دخلنا فشي حييط وغير نقص من سرعة شوية رااه بديت نخاااف
تنهد وهو كينقص من داك اليرعة تنهدات برااحة حتى كتغوووت طفجاتو من بلاصتوو وكتشالي بيديها:وااااااااع وقف وقف
يوسف:ماااالك
عائشة:هااا واحد ريسطوووو كاتبين حريرة طرية
تنهد وهو كيميل طموبيل للجنب باش يوقف :ماكاتعرفيش تهضري بشوية
بتاسمات:لاا خلينا نزلو دغيا
نزلو وهي سابقاه وهو تابعها كيشوفها كيف مبتاسمة دخلو للمحال كان خاص بالاكلات المغربية طلبات لحريرة وجلسات كتسنة وهو واقف مراقبها كيف متحمسة شوية جابو ليها زلافة وحطوها قدامها..هزاتها وقرباتها لنيفها كتشمهاا قبحات وجها وشافت فيييه:ماااشي كيف بغييت ايوووسف ماشي هكااااا
وحطاتهااا ووقفات:لا لا مانقدش نشرب هااادي ريحتهااا خاايبة
ودورات وجها كتقلب على الحمام حتى طاحت عنيها عليه مشات كتجري دخلات وسدات عليها وتحنااات كترد ..وقفات كتلهت شلات فمها وخرجات حاطة يديها على كرشها لقاتو كيتسناها قرب وحط يديه على خصرها كيمسح ليها وجها:واش مزيانة
هزات راسها باه:مزيانة غير يلاه نمشيو من لهناااا ماقادراش نشم هاد ريحة
يوسف خرج لطريق وزاد فالسرعة:واخة ها خنا انقلبو على هاد لحريرة لي باغة نتي
هزات راسها باه..وصلو لواحد ريسطوو كلاس
عائشة:نزل وجيبلييي ماقادراش نتمشى
هز راسو باه ونزل دخل طلب لحريرة جمعوها ليه امبوغطييي ورجع لعندها مدها ليها وركب..خداتها وحلات ساشية شدات داك العلبة بين يديها وتحنااات شماتها وقبحات وجها وهي كتمدها لييه:ييييع لا لا ماشي هييي
خداها من عندها وهو كيشوفها كتخل باب طموبيل وتحنات كترد تنهد وهو كيحط داك لحرير فالجنب وقرب لعندها مرجع ليها شعرها اللور وهي كترد وهز قرعة دلما ومدها ليها كتشلل حالتهاا وشربات لما وجلسات فبلاصتها كتلهت مرجعة راسها اللور عضات على شفايفهاا:بغيييت لحريرة ايووسف
وشافت فيه:مابغاتش تمشي من بالي وريحتها هنااااا كنشمهااا
يوسف وهو كيديماري طموبيل:ها حنا نشوفو فبلاصة خرااا
وكملووو طريقهم كيقلبووو على ريسطوو ولا سناك لي كيجيب ليها منو لحريرة كتقولو ماشي هييي حمقاتوو تا ولا داك لحريرات لي كيجيب كيفرقهم على ناس لي كيطلبو كيجيو فطريقووو
تنهد وهو كيشوف فالساعة لوحدة دلييل شاف فيها وهضر :بغيت نفهم حاجة وحدة كيف بغيتي هاد لحريرة مافهمتش كااع هادووو ماعجبوكش
عائشة:اااه ماعجبونيش ريحتهم خاايبة ماشي كيف بغيتها وشووف ولادك لي دايرين هاد لحالة ماتغوتش علياا الله يخليك
يوسف كيمسح على راسو عادرهااا وعارف الوحم لي ديرهااا وعاطيها لكاانة غا هي دغية كتشعل وتعطي شي هضرة لا علاقة ديماراا بلا مايجاوبها حيت ايصدقو فشي حاجة ماكايناش
دورات وجها وهي كتمتم:مخليني داوية بوحدي
تنهد بصوت مرتافع وهو كيمد يدييه ويجبد لباكية لاح واحد ففمو وخدا لبريكي شعلو نتر منوو نترة طوييلة هاد ليلة باينة طويلة وهادي لي حداه باش بلاه الله خاصهااا لويسكي باش يبقة مكالمي ماشي غا لكاروو..ساط دخان جيهة الشرجم
عائشة شافت فييه:لاااا ماخفتييش على لي بي بي كتكميي وانا حداااك
رما داك لكاارو من شرجم وشاف فيها:هاااهو
هزات كتافهاا :من لول ماديرهاااش
كيسووك وكيفكر شمن ريسطو مازال مامشاولهاااش ماكايجي فبالو غا الاوطيل ديال امين ..غير الاتجاه لييه مسافة طريق وكانو حداه ونزل ومشا حل ليها باب الطموبيل :نزلي نشوفو هنا عاود
نزلات وشدها من يديها وجرها معاه مامنعاتوش حيت بالها كلو مع هاد لحريرة لي فبالهااا ..دخلو لداخل ستقبلهم شاف ديال رسيبشن:مرحبا بسي زاعيم
سلم عليه
يوسف:بغيت شاف دلكويزين دابة
هز راسو باه:واخة اسيدي رتاح هنا نت ولمدام
جلسو فالفطوي كانو تماك
عائشة:شنو بغيتي دير
يوسف:اصبار يجي بعدة
شوية كان عندهم شاف دلكويزين لخاص بالاوطيل مشهور عالميا بوصفااتو والطبخ ديالو سلم عليه وتشارك معاهم الجلسة
هزات راسها باه عمر ليها ..وبدات كتشرب فيهاا تاني..ويوسف كيتفرج فيها وبلا مايحس ترسمات على وجهو ابتساامة
زاادت تالتة شرباتها تاهي حتى مابقاتش قادرة تزيد شربات لماا:شكراااا بزااف جات واعرة كيف بغييت ولكن كيف درتي لييها نفس لمداق لمختالف لي كنت باغة
شاف:ابنتي معاك شاف الخبرة ديال 40 عام كنفهم دوق لكليان بكلمة وحدة هدشيي بالتجربة ابنتي ..لحريرة لي بين يديك مامصيباش بطحين ..فعاوط طحين درت بطاطة ..طبعا كااع لمقادير دلحريرة فيها من غير طحين ستبدلتو بلبطاطة وهاد الطريقة كيديروها الناس دشمال بزاف.كتجي حريرة خفيفة وزوينة ..ومن بعد نسمتها ليك بالسمن ..ولحرور لي بغيتي درت ليبزار لحار كترت منو شوية ومن بعد عصرت ليك لحاامض فوقها
عائشة:تباارك الله عليك والله جات واعرة شكراا بزاااف
شاف:بصحتك ابنتيي
وشاف فيوسف:ومبروك عليكم يتربى فعزكم ان شاء الله
يوسف:شكرا
شاف وقف:سلملي على السي ناصر بزاف
وشاف فعائشة:غنصيفط ليك دابة مع سيرفور طاسة دلحريرة ديها معتك
شدهها من يديها وخرجوو غير وصلو للطموبيل وهي تنتر يديها من يديها وهضرات:لا كنتي مزروب تمشي تشوف ضيفة ديالك ناخد انا تاكسيي
حل ليها لباب:ركبيي
عائشة:كندوي معاك نيشان.
يوسف خنزر فيها وهضر بصوت قفزهاا:ماتلعبيلييش على الاعصاب اعائشة خليني مهدن راه نتعصب ومانعجبكش ركبيي دابة
ركبات وهي كتسوط زدح موراها لباب بجهد وركب تاهو وديمارا
طريق كاملة وهي ساكتة كتشوف فطريق ومرة مرة كطل عليه كتلقاه سايك بهدوء تنهدات لينا عندو فدار وهو فين ايبات اكييد فدارو..يعني ايباتو بجوج فدار..ساطت بالجهد وهي كتنزل زاج يضرب فيها لبرد ..رجع طلع زاجة اوطوماتيكموو من عندو شافت فيه:انا جاني الصهد لاش طلعتيها
زادت قربات ليه باغة نضغط على لبوطون باش كينزل زاج بعنااد:لااا بغييت زاااج ينزل
يوسف عارفها اش باغة دير:عائشة قلت ليك نعلي شيطان
مالت لجيهتو كتر وبغات تغفلوو وتضغط على لبوطون ولكن معامن زرب عليها وشد ليها يديها وجرها لعندو بكامل جسمها وعنيه فعنيها كان قراب بزاف تا تخالطات انفاسهم:باغة تلعبي ولا شنو
عائشة كتشوف فعنيه وبلعات ريقها:لا
زاد قربها كتر وكتر حتى لامس نيفها نيفووو:هدشي لي بان ليه سخن عليه لحال
بلعات ريقها فاش تغرغرو عنيها بالدموع عضات على شفايفها:دابة لااش لبكة اصلا نتي باغة تفارقي عليييه يمشي ولا يموت كااع
ودخلات للعمارة ركبات فالمصعد وطلعات للدار دخلات وزدحات الباب بالجهد موراها.دارت داك لحريرة فتلاجة ورجعات للصالة.بقات واقفة كتحس بداتها كترجف ايكون مشاااا دابة لعندهااا هدا هو لي باغي يرجع لييها ويجمع العائلة ..حيدات مونطوهاا ورماتو فوق الفطووي بقات غادة جاية كتخايلهم بجووج :صااافي حيديييه من بالك
غمضات عنيها حابسة دموعها ولكن غلباتها دميعة وهبطات على وجها دغية مسحاتهااا كيزد يكمل عليها وحمهاا ..سمعات صوت لخدامة:ياك لاباس امدام
عائشة:والوو غا سيري كملي نعاسك
الخدامة:واخة
ومشات
بقات واقفة كتمسح فعنيهاا وتبت فراسها ولكن داك لقلب ماناويش يتبت حطات يديها عليه:صاافييي واش ماكاتفهمش راه مشااا لعند هاديك لي ماكاتسمااش ايباتو فدار وحدة
وسكتات وهي كتنهد حتى كتسمع لباب كتحل دورات وجهااا كان هوو تصدمات هدا شكا يدير سد لباب وشاف فيها وفعنيها دامعين قرب لعندها وهي واقفة ماتحركاتش تا وقف اونفاص معاها هز يديه ومسح على خدها بشوية:قوليها اعائشة مالك معكسة
نزلات راسها:لاش جاي
يوسف رجع هز ليها راسها:قوليلي بقة ماتمشيش من حقك اعائشة هاد ااراجل لي حداك ديالك
بقات غير كتشوف فيه وفكلاموو لي غريب عليها مامولفاش بييه
هز راسو باه وهو مراقب عويناتها كيقرا افكارها:تاوحدة مامحقها نكون معاها من غيرك سمعتينييي
بلعات ريقها وهو كمل كلامو:مشكلتك كنقرا عنيك اعائشة لا مانطقهاش لسانك راه عنيييك كيقولوها..كيقولولي ماتمشيش وانا مستحييل نمشي ونحنت عنييك
نزلات عنيييها باغة تبعد ولكن شدها:علاش ديما كتهربي منيي انا كنزيد ونتي كتبعديي علاش كطولي علينا طريق وهي قصيرة بكلمة منك كلشي يتصلح ويولي مزيان
عائشة مازال منزلة عنيها همسات ليه:رخي مني ايووسف الله يخليييك
زاد جرها لعندو وهو كيرفع ليها راسو لعندو:مازال كنتسنة اعائشة يا تقرري يانفد ماتخليش هدشي يطوال راني مصبر راسي بالسيف اعائشة
عائشة حاسة بلحرارة طالعة معاها لا مابعداتش دابة اتصدق دايرة شي حاجة ماتماش بعدات يديه من يدها ورجعات اللور وهي كتمسح على عنقها ..بقات راجعة باللور عاد علات راسها وشافت فييه من هدشي كامل حاجة وحدة مايمشيش يبات فدارو ولوخرااا تماااك نطقات قبل تكمل طريقها لبيتها:بيت ضياف حدا بيت دراري
ومشات دغية قبل تقول شي حاجة ماتماش دخلات لبيتها وسدات لباب كتنهد من لقلب بدلات عليها لبسان سوميج بيضة خفيفة وخدمات تدفئة شربات دواها وتلاخت فوق النموسية كتفكر فهدشي لي بصاح طول وكتزيد غا تعقد الامور ولكن وتنهدااات عيات من تفكيير غمضات عنيها فاش بدا مفعول دوة يخدم خاص تنعس وفعلا داتها عنيها ونعسات ..بتاسم وهو كيمسح على راسو حيد مونطوه وهو كيدور عنيه على دار سمع ميساج وصلو خرج طليفونو من جيبوو كان ميساج من لينا:تعطلتي ماغاتجيش تنعس
تنهد ماجاوبهاش ومشا للبالكون كان تماااك خاص يكميي ضاروري شعل واحد وبدا كيكمي وتفكير كيديه وتفكير كيجيبو تا سلا اللول وزاد تانييي سلاه وطفااه بقة شحال وهو يدخل عيا وجاه نعاس تم غادي جيهة بيت ضياف وهو يحبس عند بيتها بغة يشوفها قبل تنعس حل لباب بشوية ودخل وقف قريب ليها وهو كيشوفها ناعسة بهدوء وشعرها مزلع مورااها وداك سوميج ماساترة والو طالعة على فخادهااا مبينة جسمهااا تنهد وهو حابس راسو لا يتهور ويديرها وعارف انه مستحيل تقاومو ولكن ماشي وقتوو رجع باللور مقاتل مع الرغبة ديالو كيبقة راجل وهدي لي قدامو مراتوو حل لباب وخرج كل حاجة كتجي فالوقت المناسب دخل لبيت ضياف حيد صباطو وتلاح نعس تاهو
جا نهار جديد
فاقت كتكسل ليوم الحد ماكاتخدمش بقات شحال فبلاصتهاا عاد تفكرات راه بايت عندها فدتر..ناصت دخلات لحمام دوشات وخرجات نشفات شعرها ولبسات عليهاا...خرجات كتقلب عليهوفصالة عارفاه من النوع لي كيفيق بكري مالقاتوش مشاتولبيت صياف حلات لباب بشوية مالقاتو تنهدات مشاا..مشات للكوزينة لقات لخدامة وجداتولفطور جلسات باش تفطر وتشرب دواها
مريم:ايوا صافي هدشي لي بقالي غا لبراهش لي يقراو معايا
عائشة:وشكون بسلامة الالة هدااا
مريم جبدات طليفونها ووراتها تصويرة:هداا يحيى صاحب يوسف راجلك
عائشة بقات كتشوف فيه عرفاتو كتشوفو فالجرائد رجعات شافت فختها:من نييييتك لا نتي تسطيتي من المزيان سيد كبير علييك عندو 33عااام اجيي وهو شكا يقول فهدشي
مريم:اولا ماكايهمنيش العمر انا بغيتو هو قلبي بغاه هكاك تانيا هو ماعارف والوو اختيي ماعرفتش شغا نديير
عائشة:مريم هدشي لي كديري مازوينش بصرااحة نتي باقة صغيرة وماتقارنيش راسك بيا اوكي سيد ماجايبش ليك لخبار ماعرفتيه مزوج ولا خاطب ولا كيحب اش دخلك لهاد المعمااعة دوييي اصاحبتيي خوي راسك من هاد تخربيق راه غا مراهقة وغدوز
مريم:انا كنبغيييه والله وانا بحت عليه هو مامزوج ماخاطب ماكيحب ماعندو تاشي وحدة فحياتو يعني عندي امال اختي ياكي تانا زويينة يقدر يبغينيي ماعرفتش ولكن حاولت نحيدو من بالي وماقدرتش تصوري كنمشي لدارو ونبقة حاضياه ولا كنمشي للشريكة حتى كنشوفو دخل عاد كنمشييي وليت كنعيط ليه بلبريفي غير باش نسمع صوتو تصوريي..هدشي ماشي مراهقة هادشي راه كتر كنبغيه اعائشة والله كنحس بيه فقلبييي ونهار كامل كيدوزليي كنفكر فيه ولا مراقباه من لبعيد هدشي راه بزاف انا وليت مهووسة بيه
عائشة كتشوف فيها وهي مصدومة
مريم:ختيي عاونيني باش نتقرب منو ويولي يبغينييي هو صاحب يوسف ديري شي حاجة الله يخليييك عرضيه لعندك نتي ويوسف وخليني نجي نشوفوو
كانت كتهضر وكلها كترجف
عائشة شدات ليها فيديها كتشوف ختها كتهضر وكترجف باغة شي حد يفهمهااا كتهضر من قلبها:مريم تهدني وشوفي فياا
مريم بلعات ريقها:هنااا اختي
عائشة زيرات ليها على يديها:سمعيني نتي باقة صغيرة مازال دنيا قدامك مزال تلاقاي ناس فحياتك مازال يتبدل تفكيرك وشخصيتك مازال يتبدل رأيك هاد يحيى لا كان مكتاب ليك راه واخة يوقع لي يوقع غيكون ليك و ايلا كان مامكتابش ليك واخة نعاونك ونجمعك بيه واخة ديري لي درتي ماغايكونش ليك ديري هدشي فباالك وماتعطيش امال لراسك اختي ماتبقايش عايشة على فكرة ايكون ليييك وكتبغييه فكري حتى فانه يقدر مايكونش ليك فهمتي ديري جميع الاحتمالات فراسك وماعمرك تعيشي على فكرة وحدة وتبني عليها امال .. وماتزيديش تربطي راسك بيه كتر حيت باقة صغيرة على الحب..الحب صعيب اختي بزااف
مريم :ولكن..
قتطعتها:ركزي فكلامي امريم وديها فراسك وفقرايتك ويحيى كيف قلت لا ربي بغاه ليك راه ديالك بلا ماتعدبي ولا مابغاهش ليك راه ماشي ديالك فكري تا فهادي
مريم:واخة اختي..ولكن ندير محاولة بعدة ونشوف ردة فعلوو ونكون عندو فصورة ويعرف انه كاينة شي وحدة كتفكر فيه ..وايلا مابغانيش نكون بعدة عارفة ونحاول ننساه ماشي كنتسناه فهمتيني
فاتي خنزرات فيها عارفاها لاياش كتلمح زعمة ست سنين ديال الانتضار
دينيس:-هاهي ساكتة
عصام:المهم لخطبة نهار تلات اختي بعد غداا
فاتي:ان شاء الله
عصام:نمشي نفرح لعريس
وناض خرج للجردة وعيط ليه قال ليه على الموافقة ومرحبا بيه بعد غداا يديرو الخطبة
فالجيهة لوخراا
قطع وهو ايطير بالفرحة مبتاسم صاافي واخييرا اتكوون ليييه لبنت لي سكنات قلبووو اتولي ديالو اتعمر ليه داروو ويعيش معاها حياتو
يوسف كان حداه:ايوا مبروك مسبقا
يحيى بابتسامة:الله يبارك فيك
يوسف :فاطمة الزهراء بنت لي فشكل مختالفة وضريفة وداخلة سوق راسهاا تهلا فيها
يحيى:انديرها فعنياا
ووقف وهو كيمسح على راسو:يوسف كيف كتعرف ماعنديش عائلتي ونت كنعتابرك خويا وغنفرح بزاف لا مشيتي معايا نهار الخطبة بصيفتك خوويا
يوسف وقف وقرب ليه وحط يديه على كتافو:نت راك واحد من العائلة عائلتي هوما عائلتك واكييد ما انخليوش خونا بوحدو نهار الخطبة ديالو انكونو حاضرين معاك بصفتك واحد من العائلة
يحيى عنقوو عناق رجولي وبعد:هدا هو اامضمون فيك
نرجعوو لجيعة لوخراا
دينيس:خاص نوجدووو اش اتلبسيي ونحجزو لكوافورة لي غتجي تقاد لييك ختص سيد يتصدم
فاتي:شوفي ماعنديش مع كترت لمكياجات ..غنقاد لراسي المهم نخرجو نشوفو اش نلبسوو هادي اه ونشريو شي حاجة لدااار
دينيس:كنس ناقص تفووو
فاتي:علييك الكلبة اجي عائشة ومرييم هاص نعلموهم
دينيس:اه تا نعيط ليها نخرجو مجموعين غدااا
فاتي وهي مبتاسمة:صاافي
دينيس:فرحانة ياك
فاتي:بزاااف
دينيس:واخيرااا اتاكلي الحلوة ههه
فاتي ضرباتها بالخدية:تهزييي خرجي عليااا من لبيت
دينيس وهي غادة:ههههه غتعجبك الحلوة غا وجدي راسك ابب
فاتي:دييييتييييس
خرجات كطير
فاتي تلاحت فوق النموسية مبتاسمة تنهدات براحة:ياربي ماكمل هدشي على خيير
أسقطته في شباكها فعذبها حتى أذاب فؤادها الجزء 22
محتوى القصة
التنقل بين الأجزاء