لينا:احم مدام عائشة.. المهم كنت بغيت نقولك حضورك ضروري يوسف كيأكد عليك
تعمدات تقول داك يوسف حرفية
عائشة :صافي هدشي لاش
لينا:اه
عائشة:بسلامة
لينا:واش غتجي
عائشة:كنضضن وصلتي كلامك للاقي انا حرة فيه
وقطعات ليها فوجها
عائشة وقفات:قالتلك يوسف
هزات منطوها ولبسااتو:نمشيو نشوفو هاد الاجتماع
هزات ساكها وخرجات كتصوط ....ركبات مع شيفور
نيشان للشركة دالزعيم
وصلات علات راسها كتشوف فالشريكة من براا اول مرة اتحط رجليها فيها بقات واقفة شحال عاد دخلات بخطوات تابتين كتشوف فكل ركن فهاد الشريكة ..لي كيشوفها كيرجع ينزل عنيه عارفينها ديال مول ااشيي..والكميرات خدامين يقدر يكون مراقبهم ويا ويل لي يطول شوفة فيها
وصلات علات راسها كتشوف فالشريكة من براا اول مرة اتحط رجليها فيها بقات واقفة شحال عاد دخلات بخطوات تابتين كتشوف فكل ركن فهاد الشريكة ..لي كيشوفها كيرجع ينزل عنيه عارفينها ديال مول ااشيي..والكميرات خدامين يقدر يكون مراقبهم ويا ويل لي يطول شوفة فيها ....وقفات فالاستقبالات ماعارفاش فين اتمشي وفين اتجي
الرسبشن بابتسامة:مرحبا امدام عائشة انا بنفسي انوصلك تا لقاعة الاجتماعات
خرجات من لكنطوار:تفضلي معايا
ركبو فالمصعد لاخر طبق وخرجو تاني وعائشة كتشوف فاانضام لي كاين فهاد الشركة كلشي حاني راسو على خدمتوو ..وصلو لقاعة الاجتماعات حلات ليها الباب:تفضلي
دخلات لقات كلشي مجموع دارت شبه ابتسامة وهي كتشوف فيهم واحد بواحد..تا لهداك لي واقف بعيد كيشوف فيها نزلات عنيها وكملات طريقها وهي تشوفها فجيهة لوخراا واقفة تاهيي ..جلسات وعلات راسها تشوف مزيان ..
يوسف قرب وجر ااكرسي وجلس ..بقات لينا واقفة هي لي كتشرح المستجدات ديال المشروع ...عائشة ميلات راسها كتشوف فيها فوقاني تحتاني عاد اتشوفها مزيااان..لباس رسمي كلاس وفنفس الوقت معريي جيب قصيرة مزيرة على خصرها مع سوميج حمرة مفتوحة من الصدر وصباط عالي ..وكتهضر بالفرنسية باحترافية فاهمة المشروع مزيان..بلعات ريقها ودورات وجها كتشوف فيه..كيف مركز معاهااا..مشا بالها لشي اخور انه كيشوف فجسمها وفلباسها ماشي كيتصنت للشرح..
لينا سلات هضرتها وابتاسمات وفيديها شي وراق:اوراق لي غنفرق عليكم فيهم تلخيص للشرح لي قلت اتلقاو فيهم كاع الاجوبة هلى داكشي لي كيدور فراسكم .ومن بعد اتسنيو عليهم.
بدات كتفرق عليهم واحد بواحد حتى وصلات لعندوو وهي تحنى بكامل جسمها تا نزل صدرها معاها لعندو وبتاسمات وحطات لورقة حداه بكل وقاحة..هو علا حاجبو كيشوف فيها زعمة من نيتك ونزل عنيه للورقة ..هي تقادات فالوقفة كتكمل على لي بااقي
عائشة حنات راسها مالقات غا كاس دلما قدامها هبطات علييه كتبرد فييه الفقصة شاداه بين يديها ومزيرة عليييه وهي كتشوفها جاية فاتجاها بداك الابتسامة المستفزة وحطات ليها الورقة حداهااا ..شافتها غاادة ولكن ماحسات براسها تا مدااات رجليها قدامهااا باش تعكلها..وتوااني وكاانت لينااا مكروعة فالارض على طولتهااا مزدوحة وغوتات:ااااااااي
..عائشة جمعات رجليها لعندها بالزربة وهي كتشوف فيها ببرود معلية حاجبها وابتسامة انتصار على وجهااا
لينا
كلشي ناض كيشوف مالها..الا هو بقة جالس فبلاصتو داير رجل على رجل وحاضي الفلم من اللول ..لينا بصعوبة باش ناضت مع داك الطالون تقصحات من ركبتها ..شافت فعائشة وهي مخنزرة
عائشة باستهزاء:ياك لاباس
لينا وهي كتقاد الجييب ديالها وسوميييج:والو
عائشة:اه يحسابلي تقصحتي تانتي كتوقع
لينا شوية وتبكيي مارضاتش عارفاها هي لي معكلاها ولكن مايمكنش تنوض الصداع ماجاوبتهاش وشافت فيوسف لي جالس وماتحركش من بلاصتوو .. عضات على سنانها وتمات خارجة من قاعة الاجتماعات باازربة ساخطة على العلااام ومع الزربة كتلوا ليها رجليها وكتجي تاني مزدوحة فالارض...عائشة ماقدراتش تصبر وهي طلقها بضحكة بالجهد:هههههههههههههه
لينا صافيي ولات كتغليييي تمنات الارض تبلعها فهاد اللحضة ولي كمل عليها صوت ضحكاتهااا..
عائشة ماقدراتش تصبر وهي طلقها بضحكة بالجهد:هههههههههههههه
لينا صافيي ولات كتغليييي تمنات الارض تبلعها فهاد اللحضة ولي كمل عليها صوت ضحكاتهااا..شدات فالحيط وناضت وحلات لباب وخرجات بالزربة
عائشة حطات يديها على فمهااا كاتمة ضحكاتهااا وعاضة على سنانها باش ماتزيدش تضحك..حنات راسهااا وهي كتنهد باش تحبس من هاد الصحك ورجعات شافت فيهم:صافي واقلة خاص نوقعوو
هزو راسهم باه ووقعوو وناض كل واحد يمشي بحالوو..وقفات تاهي ولبسات منطوها وشافت فيه مازال جالس وكيشوف فيها هزات ساكها باازربة وخرجات مع لبشار قبل يشدها بحدها حيت عرفاتو عاق بيها غا من شوفاتو..تنهدات براحة وهي كتمشة فالكولوار جيهت اامصعد حتى كتحس بشي يد جراتها من دراعها ودخلاتها لغرفة الايستراحة وزدحات داك لباب
عائشة تنترات منهاا:شكااا ديريي
لينا:كيحسااب ليك ماعقتش بيييك نتي لي عكلتينيي
عائشة رجعات اللور:شكا تخربقي لا فيك شي اعصاب اختي سيري برديهم فشي قنت اخوور هااا ونزيدك اخر مرو تمدي يديك علييااا المرة جاية نكردهم ليييك حيدي من قدامي
لينا وقفات ليها فالطريق معصبة ماراضياااش:نتيييي لي درتيييها حسيت برجلييك بغييت مالك معايااا شهاد الوقاااحة لي فيييك
عائشة خرجات فيها عنيها وقربات تا لوجها:ااه انا ومن بعد شغا ديري كااع
لينا هزاات يديها تا لسما بغات تنزل عليها ولكن شي يد سبقاتهااا وشدات ليها يديها تا توجعات دورات وجها وهي تشوف فيه يلاه اتدوي وهو يجمع معاها يصقلة تا دار وجها
كان مخنزر هضر على سنانوو:ماتحااااوليش ديريهااا الييناا
لينا وجعها فيديها وحاطة يدها على خدها مصدومة مامتيقااش ضربهااا على ودها ماتيقاااش
يوسف بحدة:خرجييي
لينا مازال حاطة يديها على على خدها ومصدومة لدرجة ما سمعاتش كلامة حتى كيقفزهااا صوتو تاني:تحركيييي
لينا رجعات للوور وشافت فعائشة:غندددددمك
بغة يقرب ليها وهي تشدو عائشة:صااافي ايوسف
لينا خرجات كطييير تا دموعها غرغرو فعنيهااا دخلات فكاع الموضفين تا وصلات لمكتبها دخلات وزدحات لباب وهي كتنهج لي لقاتها حداها كتزدحهااا وجلسات فوق الكرسي وهي كتبكييي عمرها طاحت فهاد الموقف تا تلاقتتهاا هي عمر شي حد تجرأ ودار ليها هكا قدام الناس..وهو فعواط يوقف معاهاا..ضربها قدامها جاتها قهرة حنات راسها كتبكيي بحرقة مارضاتش
نرجعو للمكتب
غير خرجات لينا دور وجهو وشاف فيها..رطعات اللور وهي كتشوفو جاي لجيهتها
يوسف:شنو هدشي درتي
عائشة:مالي اش درت
قبل تزيد خطوة خرا جرها من دراعها لعندو:كلشي داز على عيني اعائشة
عائشة:ايوا مزيان رخيني دابة نمشي
زاد جرها لعندو:داك لبسالات لي كنتي ديري فسبعطاش نسايها دابة راك ناضجة وواعية فهمتيني
عضات على شفايفها عاد نطقات:هادوك ماشي بسالات هادوك شي حوايج كيفهموهم غا لعيالات بيناتهم اسي الزعييم دابة رخي مني
ميل راسو كيشوف فيها عاد نطق:مانبغيش هدشي يتعاود لينا بعيد على موضوعنا
مسح على راسو ورجع شاف فيها وهي كملات كلامها:لا وهي لي كترتب المواعيد وكتعيط لي باش تعلمني شهاد الوقاحة فيها زعمة نت ماعندكش ليدين لي يعيط
علا حاجبو وقرب لعندها عارف هادشي من لول وزاد باغي يستافزها:عائشة الخدمة كتبقة خدمة يعني فالخدمة ماكانبقاوش حيبان باش نعيط ليك شخصيا ونقولك على الاجتماع لينا كتكلف بهادشي
خرجات فيه عنيها وهو كمل كلامو :فهمتي
بلعات ريقها وعطاتو بااضهر عاد دوات:فهمت صافي اسي الزعيييم
جمعات عليها المونطو ودارت باش تمشييي..حتى كيوقفها فاش شافها تقلقات :مالكي
قرب لوجهها وعنيه فعنيها:خاص تجاوبيني اعائشة صافي صبري نقادة
ولات كتحس بقلبها كيضرب بالجهد
رجعها اللور تا لجيهت لحيط ونزل لمستواها مقابل معاها:بغيت نعس ونتي حدايا ونفيق ونتي بين يديا اعائشة صافي حبسي هادشي راه فالاعماق ديتلك عارفة انه مستحيل نشوف فشي وحدة من غيرك لا لينا ولا غيرها يجيو فبلاصتك ..واخة لغلاط منك انا معااك ودابة لا رجعات هزات غا صبعها عليك مايفكها من يديا غا الموت سمعتينيي .دابة ديري شي حل
هي غير كترمش فعنيهااا مستحيل يكون هدا يويف لي كتعرف لا مايمكنش..بلعات ريقها وكلامو كيتردد فودنيها وحرارة انفاسو على وجهاا وعاد شوفاتو الفريدين من نوعهم كيزيدو يكملووو ..
كمل هو كلامو:عارف عمرها تجي من عندك وتسنيتك تعيطي ولكن
وسكت كيحقق فملاميحها ويبعد شعرها على وجها عاد كمل:ولكن عائشة كبرات
نزلات راسها ماقدراتش تقاوم شوفاتو وصوتو لحنييين لي كيهضر بيه ولمساتو على عنقها و وجها باطراف صبعانو حسات براسها ترخات
يوسف قرب وباسها على راسها وعلاه ليها لجيهتو:دويي
بقات شخال كتشوف فيه وكتفمر..وهو كيشوف فيها عارفها فاش كتفكر مخليها على راحتها ..تنهدات ونطقات:واخة
بتاسم وهو كيقرب لشفايفها وبدون سابق انظار نزل عليهم بقبلاتوو المشتاقة واخة يعية يبوس كيبقة ديما مشتاق ليها .ماغايوفييش حق ست سنين ديال البعد ..كيبوس فشفايفها بكل حنية زاد رخاها كتر وكتر ويديه غادة جاية على خسرهااا وطالعة مع كرشها ويرجع تاني لجنابهاا وليد لوخرا وسط شعرها كيماصي ليها راسها بشوية..كيف بغيتوها ماترخاااش وماتستسلمش لهاد المشاعيير لي غلباتهااا..واخة كان غا بوحدو متحكم فهاد القبلة ولكن كان مستمتع بيها بعد وراسو على راسها:توحشتك
كانت كتلهت وتشوف فيه همسات ليه:خليني نمشي
شد ليها راسها بين يديه:ماقلتيليش فوقاش
عائشة:غداا بليل
ميل راسو وباسها على جبهتها:صافي واخة تكون سلات الخطبة دفاطمة الزهراء
شهقات:كيفاش شمن خطبة
شاف فيها باستغراب:مافخباركش
هزات راسها بلا
يلاه ايهضر وهو يصوني طليفونها كانت فاتي جاوبات داك ساع
فاتي:فيينك يا لويلة كنصوني وماكاتجاوبيش ومشيت لعندك تا لدار ومالقيتكش
يلاه اتمشي وهو يحرها باسها على خدها بقات غا كتشووف عاد رخا منها وهي مازال كتشوف فيه حتى كينطق:ماسخيتيش
قفزات:لااااا هاني غادة
وخرجات كطير وقلبها كيضرب فالمية ركبات فالمصعد ووقفات كتلهت تنهدااات ماغاتفكر فوالو لي دارها الله هي لي غتكووون
خرجات مع الوقفة مع كتوقف فاتي بطموبيلتها هي ودينيس ركبات سلمات علييهم ..
فاتي ديمارات
عائشة:اجييي كيف درتي لييها فوقاش هدشي وكيفاش
فاتي:داكشي طوييييل خاصنا جلسة المهم هادشي وقع عاد لبارح تحددات الخطبة لغدااا فهمتيي
عائشة:اه من نبرة صوتك باينة عتجبك
دينيس:هو غا عاجبهاا راه ولات تحبو كاع
عائشة:اناري فاتي هاادي
فاتي غا مبتاسمة وشاظة فداك الفلون كتسوك..
فاتي:غدا اتشوفيه واتعرفيه ها حنا وصلنا عمد مريم
وقفات طموبيل كيتسناوها حتى كيشوفوها خارجة غير شافتهم بتاسمات سلمات على سحاباتها ومشات كتجري ركبات سلمات عليهم كاملين
مريم:ماعرفت كيف طراا مجموعيين شحال ماتجمعنا
دينيس:اييه ماشي فاتي غتزوج
مريم شهقات:اناري كداابة.
دينيس:والله غدا عندها الخطووبة
عائشة:ايه ابنتي وحنا مافراسناش.فاتي وهي كتسوك:ماتزيديش فيه راه يلاه لبارح..ونتي كون جاوبتي على طليفونك كنتي اتعرفي..ونتي امريم كون بتاي فظار كنتي اتعرفي
مريم:المهم ماعليينا شكون هاد تعيس الحض لي مور ساخطة عليه
فاتي:بزاااف عليييك
مريم:اممم هدشي غير ماكنتيش باغة تزوجي صدقتي عفريتة
دينيس:كاين شي حد كيقول للزواج لااا
عائشة:ولكن هادي راه فاتيييي صعيب نتقبلوها
دينيس:المهم نتقداو للخطوبة دغدااا ونهضرو فتفاصيل راه فيلم رومانسي هههههه
عائشة:هدشي زييين سيير على الله
دخلوو للمول شراو داكشي لي غيحتااجو عيااو مع فاتي تلبس كسيوة قتلتلهم لااا بغات قفطان داكشي دلعرااا ماعندهاش معاه شرات قفيطين فلبلونض كاسيي مخيط بدهبي.شكلوو راقيي بزااف وزوين فالشوفة وكيجي ملبوس .مع اكسيسواراتوو ..وشراو تا لبنات كسيواات لغدااا باش يحضرو تاهوما..المهم ماسلاو حتى شراو كلشي من الماكياج وعطورة حتى لدوبياسات خخخخخ
عائشة مابقاتش قادرة تزيييد تا خطوة معاهم صافي عيات وماعدتها تقلبات وشداتها الدوخة
فاتي:نمشيييو ناكلو بيتزا لي كتعجبك اعائشة.
عائشة حطات يديها على فمها وهي كتهز راسها بلا:لااا مابغيتش
مريم قربات وباست فاتي:ختي مبروك علييك ونتشاوفو غداا صافي كونت بغيت نعرف شكون هاد مولاي السلطان ولكن تا لغداا
فاتي باستها على خدها:صافي غدا ان شاء الله
بتاسمات ليها ونزلات ولاو بحال لخووت ست سنين قرباتهم لبعضهم بزاف بحاليلا تولدو من كرش وحدا..شدات فختها لي دايخة خصها غا تنعس وطلعو لفوق نيشان دخلات للبيت عاونتها حيدات صباطها ومنطوها وبدلات عليها وتخشات فبلاصتها ..مدات ليها دوة شرباتو عاد نعسات ..جلسات حداهاا وهي كنفكر بتاسمات هاد الخطبة ديال فاتي خلاتها تخايلو جا خطبهاا ناري غير فالخيال وحسات بواحد الفرحة فشكل تنهدات وهي كطلب من ربي يكون من نصيبها وتفرح تاهي بقات كتفكر فيه شحال وتجبد تصاورو فطليفونها تا داتها عنيها تاهي حدا ختهاا ونعسات
داز هاد النهار وجا نهار جديد
وقفات كتشوف راسها فلمراية مدوشة مقادة لحالة دايرة ماكياج خفيف مناسبها وكسيوة لتحت ركبة ديقة من لفوق وواسعة من لتحت حمرة وشعرها مطلوق على طولتو تا لتحت خصرها مسرح سامبل وطالون كحل فرجليها..بتاسمات لنفسها ودورات وجها كتشوف مريامة داخلة بكسيوتها لغوز قصيرة شوية وملبوسة عليها وطالقة شعرها لمارو مسرح سامبل مع مكياج مناسب سنها جات كيووووت
بتاسمو لبعضهم ..عائشة:كتحمقيي
مريم:شكراا..تانتيي اختيي
عائشة:يلاه نمشيو راه تعطلناا
مريم:يلاه
وخرجوو من دار ركبو مع شيفور نيشان لداار دلخطوبة
كانت دار مقادة مزوقينها بالورد ولخدامات بلباسهم رسمي واقفين فكل بلاصة وموسيقى دطرب الاندلسي مسووع فدار وريحت لبخوور غزال فدار كلشي فرحان كيتسناو العريس يوصل..ليلى وزاهية ماقاداهم فرحة داخلين خارجين للكوزينة كيتأكدو من الماكلة ومن كلشيي..نطلعو الفووق ..كانت جالسة فوق النموسية وكلها كترجف الخلعة والفرحة تجمعو عليها كتحس بقلبها غيوقف لابسة قفطانهاا جاي ملبوس عليها وحزام فالوسط ديالها وطالون فرجيلاتها وشعيرها الاشقر بوكليي حد النص ديال ضهرها بطريقة زوينة مع مكياج خفيف بيديداتها مبين لون عويناتها زريرقيين جدابين وريحة لعطر ديالها الخاص جات زوييينة..دخلات عندها دينيس وجلسات حداها بكسيوتها لكحلة طويلة فيها فتحة فالجنب وشعرها صابغاه مارو مفتوح طويل ومقطعة لافخونش جاية معاها..
دينيس:كلشي غيدوز بيخير
فاتي:ان شاء الله عائشة ومريم تعطلو
دينيس يلاه اتهضر وهي تشوفهم داخلين:هاهوما.سلمو عليها :جيتي كتحمقيييي
فاتي:شكرا
مريم جلسات حداها:قرصينيي عفاك باش نتخطب من موراك فاقرب وقت.
فاتي:واخة
وجمعات معاها بواحد القرصة تا غوتات
مريم:اااااااح صافي صافي
فاتي:هههه كوني هانية من مورايا غتزوجي مباشرة
مريم:عرفتي لا زراقت شغا ندير فيك
فاتي شغا ديري
مريم بقات دتشوف فيها وهي كير عليها عنقاتها:مانقدر نظيير والو كنحبببك انااس وماغا نسخاش بييك
فاتي:تاناااا
عائشة:اتنوضوني نبكيي وانا على سبة
دينيس:صافي حبسوو عليا هدشيي مابقة والو ويجي لعريس
مريم:اححح شحال متحمسة نشوف هدا لي خلا ختي تقبل عليه
دينيس:يستاهل فيه شي زين ما عمري شت بحالو
عائشة:اهياا تا راه نقولها لعصام
دينيس:غا داوية اناري
عائشة:وا تبتي معانا الله يخلييك.
مريم كانت فعلام اخور كتقول ماكاينس بحال الزين دهداك لي خطف قلبها من اول نضرة
عائشة:توحشت ولادي
دينيس:غادي يجيو مع باهم او لعريس
هزات راسها باه ومشات وقفات حدا الشرجم كتراقب من على برا علامن يجيو..كل واحد وفين كان تفكيرو فهاد اللحضة وكل واحد وشنو شاغل باالووووو وماتمشي غا فبن مشاك الله لي دارها الله هي لي غتكون
وفجيهة خرا
كانت راكبة فالطموبيل مع شيفور جا موراها تا للمطار لابسة ومقادة خاص تحضر فاتي بحال ختها وحشومة ماتحضرش تنهدات وهي كتشوف فالطريق ماعارفاش كيف غيكون هاد اللقاء خايفة منو بزاف ولكن طال الزمان ولا قصار غتلقاهم ...صونا ليها طليفون:الو بابا
كمال:وصلتي ابنتي
نرجس:اه هاني فطريق للدار
كمال:مزيان ابنتي سلمي عليهم كاملين وباركي لفاطمة الزهراء قلها غا الخدمة لي ماخلاتنيش نجي
نرجس:واخة ابابا
كمال:بنتي لا ماعجبكش لحال اجي بحالك
نرجس:صافي ان شاء الله
كمال:يلاه بسلامة
وقطعات وهي كتنهد
فالجيهة لوخراا
عائشة غوتات وهي حدا الشرجم:لبنااااااات وصلووو وصلووو
مريم كطل معاها حتى كيشوفوه نازل ولكن مع الجوقة ماشافو والووو
عائشة:يلاااه نزلووو حسن
فاتي:اتخليوني بوحدي
عائشة:مالنا انهربوو انهبطو نكتاشفو المكان ونرجعوو اوكي بب
هبطو كيتجاراو فالدروج يستقبلو العريس..بداو يزغرتو من الدروج وكيضحكوو على راسهم ..
على برة
نزل بكتمل اناقتو كيقاد فلكول دسوميج لي لابس نافخ صدرو باافرحة وقف حدا يوسف وهو كيتمنضر فالدار من على برة وكيشوف فشرجم والبالكونات اينا واحد فيهم بيتها بتاسم بتسامة خفيفة واخيرا تاهو ايدير دارو مع الانسانة لي بغاها قلبووو
يوسف ضرب ليه على كتافو:زيد ندخلوو
دخلو كاملين وليلى والزاهية كيستقبلوهم بلحليب والتمر وزغاريت ..يحيى ماحسش كاع بانه واحد يتيم وانه ماشي مغربي وماشي فبلادو لاا..بالعكس يوسف وعائلتو حسسوه انه فوسط عائلتوو ..طاهرة خرجات برجليها معاه شراو له خاتم وداكشي لي كيتحتاج فالخطبة..ويوسف وناصر وبدر وهارون مشاو معاه عند الحلاق فرحان بزاف وكيشكر الله على هاد العائلة لي عطاه الله وعوضو بيهاا...شي كيسلم على شي وكيرحبو ببعضهم...شي بقة واقف وشي جلس..
فجيهة لوخرا
مريم:عائشة خلينا نمشيو للصالة عفاااك نشوفو لعريس راه كلشي دخل لتماك
عائشة:وتسناي بلاتي حتى نزلو مع فاتي ونشوفووه اناري
دينيس:اه راه دابة وه ما عيطو ليها مانخليوهاش تنزل بحدها
مريم:اووووف زيدووو زيدو
جروها ورجعو عند فاتي لي كانت غادة جاية فالبيت غير شافتهم وقفات:تعطلتوو هااا شنو كاين لتحت شتووه
مريم تلاحت فوق النموسية:لا راه الجووقة تقول عرس ماشي خطبة ماخلاونا نشوفو والوو
دينيس:وصبرب شوية
وقربات عند فاتي كتقاد ليها فشعرها وفالقفطان
لتحت
كان جالس وسط ناصر ويوسف كيسمع لحديتهم مع باقي العائلة وهو حاني راسو مرة مرة يدخل معاهم فالموضوع اصلا هو من النوع لي كلامو قلييل
فهاد اللحضة دخلات بكامل اناقتها وهي مبتاسمة وكتشوف فيحيى غير شافها بتاسم:يحسابلي ماغاتجيش
لينا:لا مانقدش غير تلهيت بشي شغال
ليلى:مرحبا بيك ابنتي تفضلي
جلسات دايرة رجل على رجل وهي مبتاسمة ماشافتش كاع لجيهتو من لبارح ملي ضربها مادوات معااه
كانو كيتجاراو فالصالة ويلعبوو مع بعضهم كامليين
جوهرة شافت فطاهرة:بغيييت ماماا
طاهرة شافت فليلى:فين هي
ليلى:راها لفوق مع لبنات فبيت فاتي
جوهرة:وااااو نمشي عندهم
سلمى:تانااااا
وطلعو كيتجاراو فالدروج لعندهم
ناصر بصوتو رجولي حمحم وهو كيحل ثدافات دلفيست:احم احم
كلشي ذاف فيها.ناصر حط يديه على كتاف يحيى وكمل كلامو:يحيى دابة ولا ولدناا وفمقام ولادي
وشاف فعماد:لي شرف نطلب بنتك لولدي يحيى ونفرحو بيهم
عماد:وانا ما غانزيد عليك غا الله يكمل بلخير
وشاف فليلى:عيطي للبنت تهبط
ليلى وقفات:واخة
يحيى هز راسو وشاف فناصر وبتاسم ليه:وانا عطيتك مقام الوليد من شحال هداا ملي كان عندي 15لعام
ناصر بتاسم ليه تاهو :الله يكمل ليك بلخير
يحيى:اميين
دخلات لعندهم للبيت وهي مبتاسمة:تبارك االه عليكم جيتو كتحمقو
بتاسمو ليها..وقربات عند بنتها باست ليها راسها:غزالة ابنتي الله يفرحك
عائشة:ههههههه والله تا حمااق زيدو خليتو الراجل كيتسناا
فاتي كتنفس وتسوط:اصباارو شوية
مريم:اوووف زدتيي فيه هنا سابقااكم
ومشات كتلعب بشعرها وهي مبتاسمة سابقاهم دخلات للصالة وضهرات بصوت مرتافع:ها واحد ااسلام عليييكم
كلشي رض عليها السلام وهوما مبتاسمين
دورات وجها كتشوف فيهم واحد بوااحد كتقلب على لعريس بعينيها والابتسامة على وجهاا حتى كتجي عنيها فعنيه كيشوف فيها وهو مبتاسم فلحضة جا فبالها غا كتحلم ولا كتخايلوو..تبلوكات وهي كتشوف فيه وداك الابتسامة مازال على وجها
حتى كتسمع صوت الزاهية:هادا هو خطيب ختك يحيى سلمي عليه
داك الابتسامة شوية بشوية بدات كتلاشى من وجهااا عضات على سنانها وهي كلها كترجف وعنيها مافارقوووهش..كتشوف فيه مصدوومة لدرجة ما بقات كتسمع والو من غير صوت انفاسها وصوت قلبها لي كيضرب بجهد غيوقف فاي لحضة ..لدرجة ماسمعاتش الزاهية كدوي معاها..وعصام كيعيط ليها ..عنيها مارمشاتهمشششش..شهقات بالجهد فاش دخلات فيها دينيس كدفع فيها وهي كتزغرت وكدير ليها اشارة باش تعاونها فتزغريت كانت غطيح كوما شداتش فالكرسيي ..كتحس براسها فشي كابووس لا مايمكنش يحيى لي سكن قلبها وروحها هو يحيى لي غتزوج بيه ختها لااا مايمكنش ماتقبلها لا قلبها لا عقلهااا....عائشة دخلات للصالة حتى كتجي عنيها عليييه حسات بالدنيا ضارت بييها وهي كتزيد تأكد راه هو لي خاطب فاتي لا مايمكنش دورات وجها كتقلب على ختهااا ودموع مغرغرين فعنيهااا حتى كتشوف ختها واقفة وكتشووف فيحيى وشادة فالكرسييي لا طييح كتشوف فيه شوفات تالفين بحاليلا مامتيقااش وباغة تكدب هدشييي...ماحسات براسها تا وقفات حداها وهزات يديها وحطاتها على كتافها:مريم
هزات راسها بشوية وشافت فيه كان مبتاسم وسنيناتو بويض مستفين وسط داك الابتسامة ولحيتو لمطراسة باتقان مزينة وجهوو الوسيييم حواجبو نيفو كيشي سيف مقااد شعرو لكحل كي ليل مرجعو اللور ريحت عطروو ولكوستيم رمادي لي لابس مبين عضلاتو وصدرو لعريض..رجل لي كتحلم بيه اي انثى .رجل ديالها بحدها لي تسناتو هدي سنيين هاهو دابة قدامها خطيبها وزوجها مسقبلااا
يحيى كيشوف فيها ويتأمل وجها لبيض لي المكياج مامغطيش مالاميحها زوينين عويناتها زورق وسط داك الكحول لي زادهم جادبية شفايفها لغووز حنيكاتها المورضين بالحشمة وشعرها الذهبي لبوكلي على كتافها ولقفيطين لي راسم جسمها المنحوت ماضعيفة ما غليضة هي هديك مع الصبور وتمرينات لي كدير ..نزلات عنيها فاش شافت الاعجاب فعنيه والفرحة لي باينة على وجهو هدشي لي بغات ..الزاهية كتزغرت هي وليلى ودينيس كتعاونهم هي وسارة ويصفقووو عليهم..وطاهرة كتمد ليهم لخواتم يركبوهم لبعضهم تحت انضار الجميع كلشي فرحان ليهم ..الا وحدة لي واقفة وكتحس بقلبها كيتعصرر كتحس بشي احساس خاايب اول مرة فحياتها اتجربوووو .احساس جديد عليها كينهش فيها ويقطع فقلبهاا ..داكشي لي حلماات بييه وتخيلاتو فدماغها هاهو دابة قدامها كتعيشو وحدة خرااا..كانت كتسهر ليل تا كيقرب الصباح وهي كتفكر فيه راجلها .وكتحلم باللحضة لي غيجي يخطبها تمنات تكون كتحلم وغتفييق داابة من هاد الحلم لي غيقتلهااا .عائشة لي حاسة بختها قلبها كيتقطع عليهااا مابغاهاش تعيييش هاد اللحضة خايبة بزاف حاسة بيهااا وحاسة شحال خايب هاد الاحسااس وعاد باقة صغيرة بزاف.شادة ليها فيديها ومزيرة عليهاا
عائشة:مريم اجي معايا الله يخليك ماعندك ماتشوفي فهادشي
مريم ماجاوبتهاش ماهيااش فهاد العلاام مرفووعة للفوووق ماعالم بيها غا ربيييي ..فيقهاا من سهوتهاا صوت ليلى لي فيديها صنية فيها جوج كيسان دلحليب وتمر:مرياامة اجي نتي لي اتعطيهم لحليب وتمر حيت ختها صغير
مريم شافت فيها بعينيها لي ولاو حومرة حابسة دموع باش ماينزلوش
هزات يديها لي كيرجفوو وخدات داك صنية وهي كلها كترجف شافت فعائشة تعتقها
عائشة:اريها انا ناخدها عليييك
يلاه اتمدها ليها وهي تجرها الزاهية:زيدي
مشات مع مهاا وفالداخل ديالها كتغوت وتقوول لااا مانقدش
مشات مع مهاا وفالداخل ديالها كتغوت وتقوول لااا مانقدش ..وقفو حداهم وهي عنيها مافارقوهش كيف مبتاسم وفرحان وكيشوف ففاتي بكل حب وهيااام مامسوقش لكاع لي ضايرين بيه ماحاسش بهادي لي واقفة حداه كتشربل هي وقلبهاا
الزاهية:تفضل اولدي شربها لحليب على الله تكون يامكم بيضة كيف لحليب
بتاسم ونزل عنيه وشاف فمريم وزاد بتاسم وهو كيشوف فيها خدا من عندها لحليب:شكرا
ورجع شاف ففاتي وقرب لكاس من فمها:شربي
بتاسمات وشربات من داك لحليب شوية .وهزات لكاس لاخور وشرباتو تاهي لحليب وبجوج مبتاسمين..ونفس شي التمر ..ليلى خدات من عند مرييم الصنية:هزي شربي من كيسان لعرساان باش تانتي نفرحو بيك
عائشة قربات لعندها وعنقاتها :صاافي اختي كلشي فيدووز ماديريش هاد الحالة فراسك راكي مازال صغير
مريم غا كتبكييي حتى كيقفزو فاش تحلات لباب شافو فلباب كانت الخدامة..مريم حنات راسها عاضة على شفايفها:نطلع الفوق
خرجوو وهوما يتلاقاو ليلى:علييكم كنقلب فينكم
مريم كملات طريق
عائشة كتلاهي ليلى:كنا فالكوزينة ياك لاباس
ليلى:اجي معايا بغيتك
مشات معاها وهي كتلفت تشوف ختها..مريم لقات لحمام قدامها دخلات ليه وغسلات وجها كترش عليه لما وتعااود كما على الله تبرد هزات يديها كتشوفها كترجف ودموع مابغاوش يحبسو وداك الاحساس مازال كينهش فيها كيطعن فيها ..تنهدات مسحات وجها بقات شحال مابغاتش تخرج ويتلاقها شي حد ويشوفها فهاد الحالة ويزيد يكملو عليها خرجات من الحمام كتشوف فالارض حتى كدخل فشي حد علات راسها وهي ترجع اللور كتشوف فيه.بقة كيشوف فيها ميل راسو:ياك لاباس
ماقدراتش تجاوبو كيزيد يفتح ليها جروحها
قرب لعندها وحط يديه على كتافها تاحس برجفتها:ياك لاباس
مريم هزات راسها بلا:والو ماكانشربش لحليب
فهم وهز راسو باه:وعلاش شربتيه
حنات راسها حابسة دموعها:سمحلي
بغات تمشي وهو يجرها من يديها لعندو تا شهقات...
بغات تمشي وهو يجرها من يديها لعندو تا شهقات...شافت فيه لقاتو مبتاسم فلحضة مشا بالها لبعييد حتى كينطق:فهمت دابة لاش كنتي كتجي دوزي من حدا داري ولقاك حدا شريكة
هي غير كتشوف
كمل كلامو والابتسامة مازالتش من وجهو:باينة فاطمة الزهراء هي لي صيفطاتك تشوفيني شكا ندير ياكي وانا كنقول علاش كتراقبيني ساعة هي لي مصيفطاك دابة ماعندك لاش تراقبني هنا وليت من العائلة
عضات على سنانهااا هدا حالف تايقتلهااا هزات راسها باه:اه
رجع اللور:عقبال نزوجوك تانتي
بالسيف عليها بتاسمات ليه:سمحلي عفاك
وكملات طريقها غتنفااجر دموعهاا بداو كينزلوو تانييي بالجهد طلعات كتجري فالدروج تا وصلات لبيتها دخلات وتلاحت فوق النموسية كتبكي بحرقة ومعنقة لخدية كتبكي وتشهق وتقوول علااش ياربي جاتها صعييبة بزاااف وصورتوو بين عنييها كتحس براسها اتحمااق عضات لخدية بسنانها تا قطعااتها بالجهد ولات كلها عرقااانة باغة تغووت ربي لي خلقها دير شي حااجة المشكلة ايتزوج بختهااا تا لابغات تنساه ماغاتقدش وهي اتبقا تشوفوو ديمااا .دابة خاص تحيدو من قلبها واخة وعرف تحيد قلبها من بلاصتو وتزطم علييه...
نهبطوو لتحت
كانت واقفة متكية على الحيط وكتشوف فالارض حابسة دموعها وهي كتفكر فختهاا وفحالتها باقة صغير والمراهقة صعيييبة جربات تاهي هاد الفترة وعاشتها ماكاين ماصعب منهاا تنهداات وهي كتفكر فاش هزات الموص ختفت ختها دير فراسها شي حااجة....مانتابهاتش للعنين لي مراقبينها من قبيلة ..وقف وقرب لعندها حط يديه على خصرها علات راسها وشافت فيه بعويناتها دابلين :مالكي
عائشة نزلات راسها:والو
يوسف:دوي مالك شوفي وجهك كيف مخطوف
عائشة:قلتلك والو غا عيانة
عرفها مااغادويش جرها من خصرها معاه للجردة وهي غير تابعاه وقف وشاف فيها:مالكيي
بقات كتشوف فيه وهي تنفاجر بلبكااا وتشهق مافهم والو نحنا لعندها كيمسح فدموعها:مالكيي وتش قلقك شي حد ..دواك مع شي حد
هزات راسها بلا وهي كتبكي:لااا
حطات راسها على صدرو كتبكيي:يووسف انا خايفة بزاف
مسح ليها على شعرها:دابة اش واقع قوليلي
هزات راسها وشافت فيه وبصوت باكي:ختي ايوسف ماعرفتش شنو ندير باش نعاونهاا غاضييع منا لما درناش شي حاجة
نرجس تنهدات كتشوف فطريق خاوية وضلام شكون ايعاونهم وطموبيل لي كدوز ماكاتشوفش مع جنابها ..تكات على الطموبيل معصبة
كان سايك راجع للدار كان مسافر حتى كيشوف من بعيد طموبيل واقفة فالجنب وشي وحدا متكية عليها خفف السرعة كيشوف فيها حتى فاتهم بقة كيشوف من زاجة لي قدامو عرف طموبيل خاسرة ليهم ..رجع ماشاريان لعندهم تا وقف حداهم ونزل زاجة:ياك لاباس
نرجس:خسرات لينا الطموبيل
نزل :علاش مالها
شيفور:ماعرفتش من صباح وانا معاها كنحاول
علا كمام القميجة ديالو بخفة:انشوف
الشيفور رجع اللور وهي قربات كتشوفو شغا يدير..بدا كيختشف فلبياس دطوموبيل شي ربع ساعة علا راسو وشاف فالشيفور:دور الساروت
الشيفوى مشا دور الساروت حتى كديماري الطموبيل..بتاسمات:الحمد الله شكرا بزاف عدبناك شحال من واحد داز ماداهاش تا فينا
قرب لعندها وهو مبتاسم:هانية حشومة نخليكم فطريق ماجاتش
نرجس كتافات بابتسامة
بقة كيشوف فيها ماعرفش فين شافها عاد نطق:نرجس ياك
هزات راسها باه
بتاسم:ماعقلتيش عليا
نرجس كتشوف فيه :لا
ميل راسو:كريم المجاهد
بقات شحال عاد عرفاتو:هاااا كريييم المجاااهد هدا نت
هز راسو باه:ملي تلاقينا ففرنسا ماوليت شتك
رجعات شعرها اللور:نت غبرتيي
كريم:كنت عايش فامريكا عاد جيت هادي ربع سنين للمغرب وستاقريت فيه
نرجس:اه مزيان
كريم:ونتي اشنو درتي
نرجس نزلات راسها:والو كملت قرايتي ودابة كنوجد لمشروع خاص بيا خدامة عليه
كريم:مزيان ماتزوجتي ماوالو
نرجس:قصة طويلة
كريم :صافي باينة مزروبة تانوليو نتشاوفو
بتاسمات:ان شاء الله يلاه نخليك
سلمات عليه يلاه اترمب فطموبيل وهو يوقفها صوتو:-زيانيتي تبدلتي على اخر مرة شتك
شافت فيه وبتاسمات:شكرا
وردبات وديمارا ااشيفور طموبيل بقة واقف وهو مبتاسم وتم غادي لطموبيل ركب ونطق:نرجس صدفة زوينة
وديمارا وهو كيتفكر فاش تلاقاها ففرانساا كانت باقة صغيرة يلاه بنت 16 تلفات ففرانسا وماعرفاتش كيف ترجع للاوكيل لي كانت فيه حتى كيتلاقاها كتبكي وسولها مالها وبالصدفة كان نازل فنفس الاوطيل وصلها تا للاوطيل..ايوا طول المدة لي بقاو فيها ففرانسا كان كيتلاقاها ومرة مرة كيساريها ففرانسااا من بعد رجعات هي للمغريب بقة بيناتهم طليفون كيهضرو هادي حتى نقاطعات اخبارها ونمرتها مابقاتش خدامة...
كانت جالسة هو حداها مازال منزلة راسها للتحت حتى كتسمع صوتو كيدوي مع عماد:سمحلي عفاك واحد الدقيقة
عماد وقف :مرحبا
يحيى وقف وشاف ففاتي:اجي تانتي
شافت فيه مافاهمة والو وقفات
عماد:ندخلو للمكتب
دخلو للمكتب بتلاتة جلسات كتشوف لاش بغاها هي وباها
يحيى جبد من جيبو واحد الشيك:هدا صداقها انعطيه ليها من دابة
ومدو لعماد قرا داك الرقم ومدة لفاتي شداتو بين يديها
يحيى:تاخدو من دابة في حالة حتاجت شي حاجة وكنتمنى يكون فالمقام ديالها
فاتي كتقرا وتعاود فداك الرقم عنييها خارجين 100 مليون مامتيقاش متجاتهاش تا للبال..يحيى بغة صداقها وباقي التفاصيل يكون بيناتهم هوماا
فقط
عماد:انا ماكاتهمنيش لفلوس قد ماكاتهمني راحة بنتي
يحيى:وانا كنواعدك عمرها نشكى مني
عماد:هدشي لي بغيت
يحيى مسح على راسو باغي يبقة معاها بوحدوو باغي يعرف رأيها ويسمع منها
عماد فهم:نخليكم تهضرو على راحتكم
وقفات كتشوف باها غادي :الوليد
عماد شاف فيها وبتاسم:مالك
فاتي:فين غادي
عماد:هههه راني غا حداك هضري نتي وياه شوية
فاتي:واخة
خرج وسد لباب
بقات واقفة شادة داك ااشيك فيديها كتشوف فيه ولكن حاسة بيه مراقبها..كان واقف خاشي يديه فجيبابو وكيشوف فيها وهو مبتاسم كتاشف حاجة جديدة عليها انها كتحشم بزاف واخة كانت كتبان ليه قافزة ملي شافها هادي ست سنين ولكن كتبقى انثى والانثى جمالها فخجلها..قرب لعندها تا وقف اونفاص معاها وطلع ليها راسها للفوق عندو مقابل معاها كيشوف فيها وكيزيد يتحقق فملاميحها ونطق:لا كانت شي حاجة ماعاجباكش قوليهالي بغيتك تكوني على خاطرك .من هدشي كامل كيهمني رأيك ونتي شنو باغة سمعتيني برى ماقلتي والو وماسمعتش كاع صوتك لي كنقولوه كتوافقي عليه وانا هنا على ودك نتي ماشي على قبل عائلتك حيت نتي لي اتعيشي معايا واتكملي حياتك معايا ..صداقك غا خضرة فوق طعام كيف كتقولو ليها بالمغربية
بتاسمات على هضرتو ..بتاسم تاهو وكمل:اما حياتك معايا حاجة خرا كيبقة الصداق غا شي حاجة رمزية .كنواعدك ماغاتندميش حيت وافقتي عليا دابة قوليلي شنو رأيك فهدشي واش راضية على هدشي
فاتي:احم كون كانت شي حاجة ماعاجبانيش غنقولها ايحيى وانا راضية على كاع هدشي وكيف قلتي هدشي دايز لي كيهم هي حياتنا بجوج بغيت غير نعيش هانية وصافي
يحيى باغي يحد هاد التور لي بيناتهم واخة راه عادي حيت يلاه فبدايات علاقتهم بقة شاد ليها فيديها وهضر:من اول مرة شتك ونتي فبالي ست سنين وانا كنفكر فيك وكنحيد فكرة انك ممكن تكوني تزوجتي ولا شي حاجة كان عندي احساس غتكوني ليا والحمد الله داكشي لي كان
هزات يديها ورجعات شعرها اللور قلبها غيطير بالفرحة حيت ماشي غا بحدها لي كانت كتسناه فهاد ست سنين شافت فيه :لهلا يحاشمنا
هز راسو باه وخشا يديه فجيبو وجبد واحد لبواطة حلها قدامها كان عبارة عن عقد الماس بغة يركبو ليها هو شخصيا :كنتمنى يعحبك
بتاسمات وهي كتشوف فالعقد كلو كيلمع زوين بزاف ..شافتو كيهزو من بلاصتو فهمات انه باغي يركبو ليها قرب لعندها بعدات شعرها لجيهة لوخرا وهو دور يديه وحطو ليها على عنقها وسد ليه لعيبة ديالو كان قريب ليها بزاف لدرجة كتحس بحرارة انفاسو على عنقها غمضات عنيها وهي كتحس بلمساتو على عنقها تا داتها تبورشات عليها وريحة عطرو رجولية دوخاتهاا .تحنة شوية وباسها على راسها ورجع ليها شعرها للور كيقادو ليها ودورها لجيهتو :جيتي زوينة جا معاك لقفطان
حمارو خدودها:شكرا
شافتو طول الشوفة فيها وهي ترجع اللور :خاص نخرجو
بتاسم وهو كيجبد طليفونو ومدو ليها:قيديلي نمرتك
خدات الطليفون وقيدات نمرتها ومداتو ليه:يلاه نمشيو
شد الطليفون مع يديها فنفي الوقت وطلعها لفمو وباسها :ماتصوريش شحال فرحان
جمعات يديها لعندها وهي كتبلع ريقها هدشي بزاف عليها وجديد عليها عمرها تحاكات مع شي راجل ولا قرب ليها ولا عطات فرصة لشي واحد يتغزل بيها كانت ديما مخنزرة فوجهم وهضرتها ديما رسمية لدرجة تاشي حد ماكايزعم عليها كيقصدو الدار نيشان باش يخطبوها ماكايدويوش معاها وهي ديما كترفض..عطاتو بالضهر وهي كتحل لباب كانت غتنطق وتقولو تا انا ولكن لسانها تربط بقات واقفة شحال وهو حاضيها عارف لكلام واحل ليها فالحلق بتاسم فاش حلات لباب وقبل تخرج نطقات:تانا
وخرجات طايرة مسح على راسو وهو مبتاسم تنهد:كنبغيها ياربي
وتبعها تاهو وخرج لبرااا فين مجموعين
كانت جالسة معاهم ولكن بالها لفوق مع ختهاا كانت باغة تفرح فهاد النهار ولكن كلشي تقلب ..شافت فهارون كيدوي معاها شدات ليه فيديداتو وجراتو لعندها:شنو اولدي
هارون:ماغاديش نتعشاو جاني الجوع
عائشة باست ليه يديداتو:واخة اماما
الزاهية من موراها:اجي اولدي نعطيك شي حاجة تاكلها
عائشة شافت فالزاهية مازال مقلقة منها وماكاتدويش معاها مزيان تنهدات وهي كتشوفها داية هارون للكوزينة..وقفات باغة طلع تشوف ختها نساحبات بهدوء وطلعات للفوق نيشان لبيت مريم حلات لباب ودخلات شافتها فوق النموسية معنقة المخدة وصوت شهقاتها مسموع ضرها خاطرها على ختها قربات وجلسات حداها كتمسح ليها على شعرها لي ولا عرقان :مريم راكي باقة صغيرة اختي ماديريش هاد الحالة الله يخلييك
عائشة وقفات كتمسح فدموعها ورجعات اللور وعنيها على ختها حلات لباب وخرجات من البيت ..ومشات لبيت فاتي تمسح اتار لمسكارا لي ساحت ليها على وجها
لتحت
كان حدا لباب البرانية خاشي يديه فجيبو وليد لوخرا كيكمي بيها متكي على لحيط وكيفكر فلي جاي حتى كيحس بشي حد من موراه وقفات حداه وهو ماكلفش راسو تا يشوف فيها تنهدات ونطقات:عمري كان كيحساب ليا شي نهار اتضلمني ايوسف وتمد يديك عليا على والو
شافت فيه كيف كيسوط داك الدخان وكملات:ماتوقعتهاش منك ماتصورش شحال بقة فيا الحال وزيد عليها ماكلفتيش راسك تاتجي تعتاذر مني بحاليلا مادرتي والو
ميل راسو لعندها وهو كيرمي داك لكارو :نعتاذر!!!
جبد واحد اخور وشعلو وهو داير ابتسامة مستهزأ بيها
لينا:لهاد الدراجة ايوسف نسيتي الاعوام كاملة لي بقيت معاك عاطياك وقتي كامل وحياتي تاهي كون طلبتيها كون عطيتها لك ايوسف ديما كتزطم ليا على مشاعري ماكانسوة عندك والوو وهدشي كاامل وهي ماعاطاكش هاد الاهتمام لي عاطيها نتايا ولي عاطياك اناااا مديتي يديك عليا ونت عارف انه هي لي ضالمانييي
يوسف قرب ووقف اونفاص معاها كيشوف فعنيها ودوة ببرود وهو كينفض سيجار ديالو بصبعوو:عمري عطيتك شي آمال
بقات غا كتشوف فيه
كمل :كنتي عارفة ومازال عارفة انه وحدة لي فحياتي وماكاينش وماعمر شي وحدة تجي فبلاصتها ..اما وقوفك معايا عمري نكرتو وديما كنتي تحت حمايتي ومازالة ..وحاجة خرا انا اكتر واحد حافضك الينا وقوالبك ماكايدوزوش عليا كوما ستافزيتيهاش ماغاديرلكش هكاك
وقرب تا لعندها وكمل:مراتي ماكاتبغيش لي يقرب ليها لحاجتها
وحط يديه على صدرو:وانا ديالها الينا
بقات غا مصدوومة
لداخل
نزلات من بعد ماقادات راسها كلشي كان مازال مجموع شافت فهارون:حبيبي فين جوهرة
بقات غا مصدومة لهاااد الدرااجة زاد كمل عليهااا تا حسات بدموعها نزلوو شافتو ايدخل ماحساتش براسها تا شداتو من دراعو وقربات لعندوو كتر وكتر وشافت فيه بعنيها دامعين:ديرني مراتك التانية ايووسف واخة نعرف زواجنا يكون سري المهم نكون معاك لي بغيتيه نديرو غير نكون فجنبك واخة ماتبغنيش
على كلامهاا خرجااات سمعات هاد الجملة الاخيرة ووقفات مبلوكية كتشوف فيها وفيديها لي على دراعو وكيف قريبة لييه عائشة زدحات داك لباب من موراها بالجهد تا تسدات باش مايسمعوش الغوات سيدة عوالة على خزيت وقربات لعندهم
شداتو من دراعو وقربات لعندوو كتر وكتر وشافت فيه بعنيها دامعين:ديرني مراتك التانية ايووسف واخة نعرف زواجنا يكون سري المهم نكون معاك لي بغيتيه نديرو غير نكون فجنبك واخة ماتبغينيش
على كلامهاا خرجااات سمعات هاد الجملة الاخيرة ووقفات مبلوكية كتشوف فيها وفيديها لي على دراعو وكيف قريبة لييه
عائشة زدحات داك لباب من موراها بالجهد تا تسداات باش مايسمعوش الغوات سيدة عوالة وقربات لعندهمم
لينا من الصدمة بقات شادة ليه فدراعو وكتشوف فيها
عائشة مخرجة فيها عنيها :عاودي اش قلتيي بغيت نسمع مزيان
لينا بلعات ريقها ويوسف غا كيشوف عارف هاد ليلة مستحيل الدوز على خير كيف العادة
عائشة قربات تا لعندها وعنيها على يديها لي على دراعوو نتراتها بالجهد ودفعاتها تا جات طايحة فالارض طارت ليها على عنقهاا خنقاهاا غارسة ضفارها تمااك وهضرات على سنانها:مازال كتقلبييي علياااا مازال مابغيتي تفهمي
لينا كتشوف فيوسف لي واقف مخرج عنييه هادي شكا دير نطقات بصعوبة:يوووسف
عائشةبلا ماتحس غرسات صبعانها فشعرها وزيرات عليها كتديها وتجيبها معصبة:غنقتلللللك سمعتيييني غنقتلك قبل ديرهااا نتي مازال ماعارفانيش شكا نسوة المسخخخة..كاينة وحدة لي فحياااتو هي اناااا
عائشة الجن لكحل ركبهاا:كتحلمييي احبيبة تا مانكوونش عائشة عاد يفكر فهضرتك ويتزوجك بيك ويديرك التااانية ..يوسف الزعييم فحياتو مرااا وحدة هي اناااا سمعتينييي
لينا كتمسح فدموعها:يوسف..
قاطعها بصوت حااد وهو شاد عائشة من يديها لي باغة طير علييها وعارف لا شداتها هاد المرة ماغايفكها منها غا البوليس خخخ:تحركييي اليينا ماتخلينيش نجعرررر
عائشة يلاه اتهضر وهي تشوفهااا تصدمات لدرجة يحساب ليها غا كتحلم لسانها تبلوكا وترخااات وهي كتشوف فيها والابتسامة على وجها واقفة كتشوف فيهم نطقات بهمس:نررجس
بتاسمات:انا كنت مراتو حلالو وماقدرتش نخليه يبغيني عاد اتجي نتي ماكاتجيه والو اتخليه يبغيك ولا يتزوجك عليها ..ضحى بست سنين من حياتو على قبلها ورجع ليها ولولادو هدشي ماكفاكش باش تفهميها
لينا بلعات ريقها وشافت فيها عاد عرفاتها شكون نرجس مراتو اللولة نطقات:كيف درتي تا نسيتيه وكيف قدرتي تتنازلي على الزعيييم كامل وتنساحبيي جاتك ساهلة تاخد ليك راجلك من بين يديك لي كتبغيه
نرجس بنفس الابتسامة شافت فيوسف:زواجنا من اللول كان فاشل حيت عمرو بغاني ولا حسيت بيه كيبغيني زواجنا كان بارد حب من طرف واحد زواج تقليدي غادي للفشال من قبل تبان عائشة فحياتنا..عائشة كانت مجرد سبب باش نحل عيني ونفيق من احلامي و يتسالا داك الزواج لي كان باين غيسالي واحد النهار ..فهمتيني اش بغيت نقول لماكانش كيبغيك واخة دوزو اعوااام غيجي واحد النهار وغيسالي داكشي ونتي براسك اتملي واتبغي تنساحبي..من الاحسن تكونو بجوج كتبغيو بعضكم ماشي حب من طرف واحد راه غا المرض
لينا عضات على سنانها كتشوف فيهم بتلاتة حابسة دموعها نرجس لخصات ليها الواقع المر مابقة ليها ماتزيد تقول شافت فواحد من الحرس وهضرات بصوت باكي مرتافع:دخل جيبلييي سااكييي
حسات براسها لابقات دقيقة هنا اتمرض
دخل كيجري جاب ليها ساكها خداتو وركبات فطموبيلتها وقلعات بالجهد
بقاو واقفين بتلاتة
نرجس قربات لعندهم:ماغاتسلموش عليا
عائشة حنات راسها ماقادراش تشوف فعنيها نزلو دموعهااا وهي مغمضة عنيها..نرجس قربات لعندها وحطات يديها على كتافها:عائشة الماضي صافي نسيتوو نتي ما أديتيني فوالو نتي راك نقدتيني فهاد الست سنين رتبت افكاري ولقيت راسي كنت غا كنخربق وحياتي كانت غادة فالهاوية مع واحد ماكايبغينيش وعمرو يبغيني بيك ولا بلا بيك صافي اعائشة خلينا ننساو الله يخلييك
عائشة شافت فيها بعويناتها الدامعين وطارت عليها عنقاتها بالجهد وهي كتبكي..نرجس نزلو دموعها تاهي كتبكي ومعنقاهااا بجوج مادازش عليهم لقلييل
بعد عليها شوية وشاف فيها كيف مبتاسمة وعنيها مغرغرين بدموع مسح ليها دموعها ونطق:سمحيلي انرجس عارف راسي غلطت معاك بزاف تربيتي معايا وحدايا من ديما كنتي عزيزة عليا ومازالة وختاريتك تكوني مراتي وهدا هو الغلط لي درت كان خاص نفرق بين المعزة وبين انك تكوني مراتي ضلمتك بزاف
بعد عليها شوية وشاف فيها كيف مبتاسمة وعنيها مغرغرين بدموع مسح ليها دموعها ونطق:سمحيلي انرجس عارف راسي غلطت معاك بزاف تربيتي معايا وحدايا من ديما كنتي عزيزة عليا ومازالة وختاريتك تكوني مراتي وهدا هو الغلط لي درت كان خاص نفرق بين المعزة وبين انك تكوني مراتي ضلمتك بزاف
زيرات ليه على يديه:المشكلة كنت عارفاك ماكاتبغينيش وواخة هكاك وافقت نتززج بيك على امل تبغيني شي نهار ولكن ماتبدل والو نت مابغيتينيش وبقة داك الحاجز بيناتنا وعمري حسيت بيك قريب ليا كأي زوج مع مراتو كنت كنحس بيك كدير غا الواجب ديالك معايا وصافي حتى بانت عائشة وانا نشوف فعنيك داكشي لي ماشتوش ونت معايا تماك زدت تأكدت انني غلطت فاش وافقت نتزوج بيك وواخة هكاك كدبت راسي وكملت ..انا مسامحاااك من كل قلبي مسامحاكم بجوج دابة راه صافي راه قلبي تعالج فهاد ست سنين وليت نرجس وحدة خرا عاودت بنيت راسي من جديد وعطيت لراسي قمة كتر حيت انا نستاهل ما حسن
شاف فعائشة هزات ليه راسها باه ومشا عنقها..عنقاتو تاهي ودموع فعنيها كتبوس فيه جا فبالها نهار حاولات تغرقو فالبانيو دلحمام باستو على خدو وهي شادة وجهو بين يديها:سمحلي اولدي ماكنتش قاصدة والله تا كنت كنبغيك بخال ولدي
مافهم والو:علاش
رجعات عنقاتو:صافي نسى
مسحات دموعها وبعدات عليه وهي كتمسح على شعرو ومبتاسمة عاد وهو صغيور كي الكميشة دابة ولا كبير وكيهضر تنهدات ماباغاش تفكر فلماضي وفولدها لي مات ليها كوراه دابة فالسن ديالو وقفات وهي كتمسح فدموعها وشدات ليه فيديه:يلاه ندخلو جيت مع لعشة قد قد
عائشة مسحات دموعها تاهي:وياه
شافت فيوسف وخنزرات:من بعد وغانتفاهمو ا الزعيم على هدشي كامل
بتاسم وهو كيمسح على راسو وتبعهم للداخل
دخلو بربعة ونرجس شادة فيديدات هارون
ومبتاسمة..كلشي بقة غير كيشوف فيهم كانو مجموعين على الطبلة دلعشة الطويلة جامعة كاع الافراد العائلة ..
فتح ليها يديه قربات وعنقاتو صديق طفولتها وفي متابة خوها ماتبدل والو واخة ماكانتش عارفة بدوك الاحاسيس لي كان عايشهم غا بوحدو ودابة مابقاوش قدر يتغلب على داك الاوهام لي كان عايش فيهم ويكمل حياتو مع زينب لي نساتو فنرجس وفداك الحب لي كان غيمرضو فحياتو .ودابة كيشوفها مجرد صديقة طفولتو فقط
كانت واقفة من جيهة لوخرا ونار لغيرة كتحرق فقلبها واخة عارفاه نساها ولكن كيبقة واحد نهار كان كيبغيها واي وحدة فبلاصتها اتقرص ..دور وجهو وشاف فيها دغية قرا افكارها وملاميحها بتاسم ومد ليها يديه:زينب اجي
قربات وشدات ليه فيديه بتملك مزيرة عليه..باش يطمنها ويبين ليها انه لماضي بقة مع الماضي وتفدن هز يديها وباسها:هاهي زينب مراتي وحياتي
كلشي شد بلاصتو والخدامات ضايرين بيهم كيديرو خدمتهم ...كل واحد فاش كيفكر شي فرحان وشي بالو ماهانيش ..كيهضروو ..العرسان كانو جالسين حدا بعضهم ..هي كتاكل عادي ماكاتحشمش فالماكلة وتاهو كياكل ومرة مرة كيشوف فيها ويبتاسم ماباغي يقول تاشي كلمة باش مايحرجهاش ودير بناقص من ااماكلة كاع..سلا العشى ووقف وفتح ليها الكرسي باش توقف
ليلى:فاتي سيري معاه يغسل يديه
شافت فليلى وتنهدات:واخة اماما
فاتي:تفضل
مشات قبلو وهو موراها حتى وصلو للكولوار حدا لافابو غسل يديه وهي حاضياه كتشوف فيه مازال مامتيقة صافي غيولي راجلها وهي مراتو تنهدات براحة بصوت مسموع شاف فيها:مالكي
حسات على راسها وهزات فوطة:لا والو تفضل
بغة ياخد الفوطة وهو يقيص يديها بغات تبعد يديها وهو يشدها:يديك باردين
فاتي:لا شوية
بتاسم وهو كيشوف فلخاتم دلخطوبة لي فيديها قرب وباس يديها من فوق الخاتم وجرها لعندو :كنتسنى النهار لي تولي فيه مراتي ومكانك يولي معايا
بلعات ريقها وهي كتحس بلحرارة طالعة معاها لسانها كيتبلوكة فهاد الحالات مامولفاش بالرومانسية ديما كانت دايرة حدود بينها وبين الجنس الخشن ..يحيى متفهمها وعارفها كيف دايرة وهدشي لي عاجبو فيها هكا كان باغي مراتو تكون..واكيد مع الوقت غيوليو قراب من بعضهم كيف قلوبهم تماما..رجع باس ليها يديها ماساخيش بيها وبعد عليها كيمسح فيديه وهي مراقباه كتحس بقلبها كيضرب فلمية ..رجعات خدات منو لفوطة علقاتها فبلاصتها
يحيى:نمشيو
بلعات ريقها:تسنة شوية هاني جاية
وقلبات الضورة طلعات كتجري فدروج وهو مراقبها دقايق وكانت حداه هازة فيديها واحد لبواط نطقات واخة كانت مترددة:هادي ليك فاش مشيت للمول شفتها وعجباتني
بتاسم وهو كياخد لبواطة حلها وهو يلقة ساعة زاد بتاسم عجباتو بزاف كيعرف هاد الماركة دساعات غالية بزاف ..داك ساع حيد الساعة لي داير .ودار ساعة لي عطاتو
فاتي:عجباتك
هز راسو باه:بزاف شفت الاشهار ديالها
فاتي كتافات بابتسامة:نمشيو
يحيى جرها بالخف وباسها على خدها وبعد ويديه فيديها كيحس برجفتها بتاسم وهو كيشوف وجها كيف ولا حميمر وكترمش بعنيها رجع ليها شعرها اللور ودوى:تنا غنمشي دابة تهلاي فراسك
عاودات ليهم كلشي وحتى على لكاس لي باقي عندها لحد الان ..وحتى لكلام لي قال ليها هو انه ست سنين كاملة وهو كيتسناها وتمنى تكون مازال ماتزوجات .. تنهدات:والحمد الله ربي كبير حقق لينا داكشي لي بغينا ودابة غنتزوجو
فاتي قفزات على صوت ميساج وصل لطليفونها غير شافت سميتو بتاسمات ودخلات قرات لميساج مكتوب فيه:اسعد نهار فحياتي هو هدا ..لبنت لي سكنات فقلبي هادي سنين اتولي مراتي
دينيس طلات على الطليفون وبدات كتقرا فالميساج بصوت مرتافع: اسعد نهار فحياتي هو هدا ..لبنت لي سكنات فقلبي هادي سنين اتولي مراتي.... وينووو هدشي زوين بزاف والله تستاهلي كل خيير افاتي
فاتي غير مبتاسمة وكتقرا فداك الميساج وتعاود قلبها ايطير بالفرحو
دينيس:جاوبيه
غاتي:شغا نقولو
دينيس:قوليلو حتى انا فرحانة بزاف وكنتسنى نهار نتجمعو فدار وحدة فاقرب وقت
فاتي:لا اويلي يقولك هادي مزروبة
نرجس:هههههه لا ..كتبيلو تا انا فرخانة بزاف والله يكمل علينا بالخير
فاتي:اه هادي عندك
كتبات داكشي لي قالت ليها نرجس وصيفطاتو ورجعات شافت فلبنات:والله تا فرحانة البنات بزااف عمري حسيت ببحال هاد لفرحة
دفنات راسها فالمخدة فاش خانوها دموعها عضات على شفايفها كاتمة شهقاتها لا يغلبوهاا..كتحس بقلبها كيتقطع كيضرها بزاف لحرارة طلعات معاها فهاد اللحضة وهي كتسمع لكلام فاتي وكيف كتعاود ليهم على قصة حبهم ..وكتقولهم شحال فرحانة..هي لعكس ديالها واصلة لقمة الالم وحاسة بروحها اتخرج
فاتي وقفات:نمشي نبدل علياا
دينيس شافت فمريم:اه ونخليو مريم ترتاح
نرجس:اه باينة عيانة بزاف
فاتي جرات نرجس:اتباتي معايا ياكي
نرجس:اكييييد
وخرجو كيضحكو بتلاتة وشدو لباب موراهم
عائشة قفزات فاش تسمع صووت شهقات مريم بالجهد .وبدات كتبكي بصوت مرتافع وضرب على الخدية:علاااااش ياربي علااش انا بالضبط ..كون عرفت هكااا والله ما نعلق راسي بيه من اول مرة شفتوو ودغية نعطيه قلبيييي..قلبي كيتقطع اختيييي..والمشكلة مع ختييييي ..ختي لي خاص نفرح ليها ونوقف معاهااا..
عائشة عنقاتها:صافي اختيي كلشي ايدوز تيقي بياااا والله ماغايبقة هدشي هاكا انا معااك وانبقة ديما فجنبك تا تنسايه
مريم:صعيييب نسااه وانا انبقة نشوفهم ديما مع بعضهم ماساهلاش والله ..كيف غندير نهار عرسهم ونهار يجيو عندنا ضيااف ونهار نمشيو عندهم..كيف بغيتيني نصبر وننساااه..خاص نمووت لابغيت نساااه اختي.
عائشة:لااا ماتقوليش هكا الله يخليك كلشي غيتحل غير تهدني وتيقي بيااا
ونيشان مشات للطموبيل ركبات ركب تاهو وديمارا وهي غير ساكتة وكتشوف فالطريق
دور وجهو شاف فيها ومد يديه وشد ليها يديها:مالكي دابة
عائشة جمعات يديها لعندها:والو
تنهد وكمل السوكان تا وصلو للدار ..دخلو شد لباب من موراهم وشاف فيها كيف رمات ساك فوق الفطوي .وتحنات حلات واحد لمجر وجبدات دواها شرباتو ..غير وصل ليها للمعدة حطات يديها على فمها ومشات كتجري للحمام ترد ..تبعها مراقبها .غسلات فمها وخرجات تاني كتنهج
يوسف:نمشيو للطبيب
هزات راسها بلا بلا تاشي كلمة وخرجات للصالة
حتى كتحس بيه جرها من دراعها لعندو تا تضربات على صدرو:مالكي
عائشة كتحاول تبعد عليه:قلت لييك والو غير عيانة
يوسف:لا شي حاجة خرا من شوفاتك باينة هضري دابة كتعرفيني ماكانحملش هاد البرود
تنهدات بالجهد وهضرات:بغيتي تعرف مالي
هز راسو باه
تنترات منو ورجعات اللور:حيت نتوما الرجال انانييين بزااف عزيز عليكم تعدبونا وتمرمدونا مزيان وتبكيوناا عاد كترتاااحوو...شنو دنبنا لا بغيناكم من قلبنا هااا شنوو..كنزيد نتأكد نهار على خووه انكم تخلاقيتو غير باش تنكدوها علينا وتعيشونا فعذااب ..كل واحد فيكم وكيف كيتفنن باش يعدب لبنت لي كتبغيييه ...حق الله ايلا بزاااف كااع قلبنا طاااب انا بعدة عييت منكم والله عيييت بغيت نتلاقة راجل وااحد فحياتي ما عدبش شي وحدة وجرحهااا ...
وبدات كتبكي ومازال كتهضر وتسب فرجااال وهو غير كيشوف فيها مخليها على خاطرهااا عارف واصلة ليها للعضم خصوصا مع هادشي لي وقع لختها زاد كمل مع الوحم
عائشة قربات تا لعندو:الله ياخد فييكم لححق
يوسف حط يديه على خصرها وجرها عنقها بالسيف عليها بدات كتنتر منوو وضرب ليه على صدرو:رخييي منيييي كنكرهكم كاملييين
عليها وهو دافنها فصدرو وكيمسح ليها على ضهرها بشوية حتى حس بيها ترخات من صوت شهقاتها لي مسموعين:شششش هاني معاك اعائشة وكلشي غيسالي
زيرات ليه على دراعو ونطقات:عييت من هدشي ايوسف بغيت كلشي يتقاد فحياتي عييت بزاف
هزات راسها وشافت فيه:بغيت نعيش هانية بحال كاع ناس بغيت هادشي يسالي حيت قلبي مابقاش قادر يزيد يتحمل ايوسف عييت من الصدمات..من نهار تزاديت حتى لدابة وانا غا من هادي لهادي بزاف علياا..23عام ديال عداب مابغيتش نموت وانا هاكة وليت كنحس بالموت قريبة ليا بزاف ايوسف
حط يديه على شفايفها:ششش الاعمار بيد الله ولكن ماغانسمحلكش تموتي اعائشة .مازال باغي نكمل حياتي معاك ..باغي شعري يشيب ويولي كلو بيض ونتي معاياااا نعيش معاك كااع المراحيل ديال الحياة نشوفو حفايدنا ويدي فيديك تا نموتو بجوج مازال محتاجك معايا اعائشة..مازال ما عشنا والووو انا وياك ...الموت ماتجبديهاش سمعتينيي
عائشة بصوت باكي:ولكن نت أديتيني بزاف ايوسف بزاف
يوسف شد ليها يديها وباسها ماغايرتاح هاد ليلة تا تقاد امورهم:عارف فاش كنأديك راه كنأدي تا راسي معاك..لعداب لي عشتيه عشتو تا انا معاك بكل تفاصيلووو ..كنزيد نتعدب وانا عارفك كتعدبي بسبابي ..فالماضي فاش يلاه تعرف عليك حاولت مانطيحش لييك مانفكرش فيك كنقول مستحيل وحدة برهوشة طيحني انا يوسف الزعيم..وباش نهرب منك ونقاومك كنت كنمتل دور واحد كيكرهك ولكن بالعكس داكشي لي كنهرب منو كنلقة راسي غارق فييه..لدرجة وليت كنشوفك فأحلامي وانا ناعس مع مراتي لي من المفروض تكون هي بحدها لي واخدة تفكيري .كنفيق ساخط ماراضيش بانه برهوشة مولات سطاس دارت فيا داك الحالة..حتى لنهار وقع لي وقع بيناتنا زدت كرهت راسي ماشي حيت غويتيني ولا شي حاجة..لا حيت مولف واخة كنكون سكران جايب لكاو كنتحكم فراسي قدام اي بنت لمراا كيف ما بغات تكون وياما وحداات حاولو يغريوني وانا فعز سكرتي وما غراونيش حيت عارف شكا ندير..ولكن نتي فشكل غير حطيتي يديك عليا ترخيت ودغية ستسلمت لييك ..نتي قدرتي ديري فيا شي حوايج كنت كنقول مستحيل شي بنت لمرا ديرهم...ونهار كنتي معايا وشربتيني دوة دنعاس وفقت لقيتك هربتي وكاتبة ليا حاملة كنت انحماق قلبت علييك كنت باغي غير نلقاااك ماخليت مادرت باش نجبدك وماقدرتش لدرجة وليت ماكاندخلش لدرا ..كنعس ونفيق غا بسميتك ومراتي قدامي كتسمع سميتك على فمي بليل.ونسا ونعيط ليها بسميتك....عائشة نتي راك بصاح طيحتي الزعييم من نهار الاول لي شافك فيييه .. واخة كنت كنعدب فيك راع غير حيت ماراضيش ..مع لوقت لقيت راسي ماكانبغيش نرجس وعمري بغيتها حيت عمري حسيت معاها بداكشي لي كنحسو معاك نتي..نرجس ماقدراتش توصلني لداكشي لي وصلتيني ليه نتييي..انا كنت كنطيح فيك نهار على خوه وانا ماحاسش ..نقولك واحد لحاجة..عمري غندم على ديك ليلة لي جمعاتنا بجوج حيت كوما نعستش معاك انا كان اينعس معاك جعفر وهادي ماكنتش انستحملهااا كان يقدر نقتلو ونقتلك معااه..ماكانش غيكون عندنا هارون....ربي من لول بغاك ليااا ومن لول كنتي ديالييي وغتبقاي دياليي اعائشة..
عائشة غير كتشوف فيه ودوع فعنيها شلال كتصنت ليه وقلبها كيضرب فلمية وكتشوف فعنيه كيف كيبريو وهو كيدوي عليها وكيف كيعتارف بأحاسيسو قدامها لاول مرة ..كلامو كلو كان من القلب....باس ليها راسها وهمس ليها:سمحيلي اعائشة على كاع داكشي لي درت فيك سمحيليي
تحنى على ركابيه قدامها حاط يديه على خاسرها ومعلي راسو كيشوف فيها:سمحيلي اعائشة وكنواعدك عمرك تشوفي مني شي حاجة خايبة انا رجعت على قبلك وبغيت عائلتي صغيرة تبقة قريبة ليا تانا عييت وبغيت هدشي يسالي سمحيلي
بلعات ريقها وهي كتشوف فيه مامتيقاش واش هدا الزعيم لي راكع قدامها وكيطلب منها السماحة هزات يديها وحطاتها على راسو يلاه اتهضر وهو يسكتها:مازال ماكملت اعائشة بغيت نخوي قلبي وتعرفي كاع لي فقلبي
سكتات وهي مراقباه بعنيها وكدقق فملاميحو وعنيها مغرغرين بالدموع كتسناه شغا يقول
يوسف شد يديها بجوج بين يديه وباسهم ورجع شاف فيها ونطق:عمري قلتها ولكن ديما كنت كنحس بيها ومن اللول كنت كنحس بيها واخة كنت كنهرب منها واخة عمري نطقتها بفمي عيني كانو كيقولوها وافعالي وتصرفاتي وغيرتي علييك كلهم كيقولوها
سكت شحال ورجع باس يديها ونطقها من كل قلبو:كنبغييك اعائشة ومانقدش نعيش بلا بيك
من الصدمة طاحت على ركابيها حداه مخلية دموعها كيطيحو على خدها كتشوف فيه وهي مقوصة حواجبها مزيرة ليه على يديه..قرب وباسها على راسها وكمل كلامو وراسو على راسها:اه كنبغيك من شحال هدا ونهار على خوه كنزيد نبغيك ..اي تصرف شفتيه مني ماشي هو هداك من غيرتي عليك وكنكون خايف لا تفرقي علياا..كنضغط عليك باش تبقاي وكنهددك باش ماتفكريش تمشي..نتي سكنتي فياا ووليتي شي حاجة ضرورية فحياتي ..نتي وليتي ام ولادي بربعة .كنبغيك اعائشة
غمضات عنيها وهي كتبكيييي ماحسات براسها تا تلاحت عليه عنقاتو وهي كتبكي بهستيرية وتشهق دافنة راسها فصدرو كتخوي قلبها بالبكااا وكلامو كيتردد فودنيهااا مامتيقاش انه هاد لكلام كلو ليها انه من اللول كيشاركها نفس الاحاسيس لي كتحسهم من جيهتوو كيبغيها كيف كتبغيه ...عنقها وهو كيمسح ليها على شعرها مخليها على راحتهاا تنهد براااحة وهو كيقول هاد لكلام لي كان متقل علييه اخيراا عتارف بحبو للانسانة الوحيدة لي سكنات قلبووو..دازت ربع ساعة وهي على نفس حالتهااا تنهدات وعلات راسها شافت فيه اول مرة اتحس بالصدق فكلامو..وانه كيهضر من قلبو لدرجة حسات بكل كلمة كان كيقول .وفكل مرة كينطق كيبغيك داتها كتبورش عليهااا...شدات راسو بين يديها وعنيها فعنيه ونطقات بهمس :عودها عفاك بغيت نولي نسمعها
بتاسم وقرب باسها من شفايفها بالخف:كنبغيك وكنموت عليك
بتاسمات وسط دموعها وقربات باستو من شفايفو بالجهد:تا انا كنبغييك بزاف ومانقدش نعيش بلا بييك
بتاسم وزرب عليها هزها بالخف بين يديه وهو معنقهاا وبدا كيضور بيها فالصاالة وهي كضحك بصووت مرتافع وتغوت
يوسف:من اللول كنتييي دياليي واتبقاي ديما ديالييي
زيرات علييه:كنبغيييك
وقف ونزلها حاط يديه على خصرها كيشوف فعويناتها شحال كيبربو بالفرحة هكا بغة يشوفها بتاسم ونطق وهو كيقرب لشفايف:ماتصوريش شحال فرحات
دورات يديها مور عنقوو وقرباتو ليها كتر:تانااا
حط شفايفو على شفايفها ودخلو فقبلة طوييييلة وحنينة داافية كتعبر على فرحتهم وعلى حبهم لي بحاليلا تولد من جديد ..دفعها بشوية تا لصقها مع لحيط وشفايفهم ماتفارقوش كيتبادلو القبل بكل شغف يديه كتسارة على جسمها..ويديداتها مغروسين فشعرو كتحرك اطراف صبعانها وسطو بشوية ...قطعات لقبلة وبعدات شفايفها من شفايفو وشافت فيه وباتسمات وهمسات ليه:عنقني عفااك بغيت نحس بيااا فلداخل ديالك
بتاسم وجرها لعندو حط راسها على صدرو وعنقها بالجهد بتاسمات براااحة وغمضات عنيها وهي كتبوسو على صدروو وكتسمع صوت دقات قلبوو وكتحس بيه كيلعب بشعرها بشوية بلعات ريقها وتنهدات براحة بصوت مسموع
دقائق وهوما على نفس الوضعية حتى كينطق هو:عائشة كلشي غيولي مزيان غنعيشو فرحانين مع ولادنا..ونتي غتبراي وقلبك ايولي حسن من لول كنواعدك..ياك اعائشة
عائشة ساكتة ماكاتجاوبش
يوسف:عائشة
والو ماكاتجاوبش
يوسف بعد شوية كانت مرخية كلاها مزيان بيديه قبل طيح وقلبو كيضرب فلمية وهو كيشوفها هكاك مرخية :عائشة جاوبينيي حلي عنيك
عائشة لا رد
يوسف يديه ولاو كيرجفوو خايف من داكشي لي كيضور فبالووو نطق:لا مايمكنش
ونطق تااني بلغوات:عائشة جااااوبينيييي
عائشة عنيها مغمضين ومرخية جسمها تقيل ::لا رد
دوز يديه على وجها كيتفحصها وعنيه مفيكسيين عليها حووومر بحال الدم وبصوت بااح:مااايمكنش تخليني
أسقطته في شباكها فعذبها حتى أذاب فؤادها الجزء 23
محتوى القصة
التنقل بين الأجزاء