عائشة مبتاسمة فرحانة كتر وكتر ..حلو لبلاكار كيشوفو فلكساوي ختارت ليها وحدة ولبساتها ليها وقدات ليها واحد التاج فوق راسها:هاهي بنتي الاميرة
جوهرة مشات لمراية كتشوف فراسها وتنقز
يوسف شاف فهارون واقف ومبتاسم قرب لعندو:عجبك بيتك
هارون هز راسو باه:بزاف شكرا ابابا
مسح ليه على راسو
يوسف:هبطو لتحت تلعبو فجردة اتلقاو داكشي لي كيعجبكم
جوهرو بحماس:عامرة بلوريدات ياك ابابا
يوسف:اه كيف ما بغيتيها
عائشة:لبسي منطوك
لبساتو وجرات هارون ومشاو كيجريو هبطو لتحت
شاف فيها وقرب لعندها حط يديه على خصرها:ما قلتي والو
بتاسمات:شنو خليتيلي مانقول..انا فرحانة بزاف
عنقاتو:الله يخليك لينا
باسها على راسها:اميين .باغي نعوضكم على كاع داكشي لي فاات
تنهدات:الحمد كلشي دابة مزيان
نمشييو لامريكا
كانو فلكافيتيريا دالمدراسة حتى كيجي لعندهم جون ويجلس حداهم
كارلا:هاا عرفتي شي حاجة
جون شاف فمريم كيف كتشوف فيه: يلاه جيت من الاوطيل نفس الشي ماعرفت عليه والو مابغاو يعطيوني تاشي حاجة عليه تا سمية رفضو يقولوهالي ..باينة شي واحد مهم لي مخليهم يخافو لهاد الدراجة ومايعاونونا بوالو ..ولكن قدرت ناخد نمرة دمدير أعمالو قالولي تاهو كان داك ليلة وهو لي يقدر يعاونكم باش توصلو ليه ايلا بغة طبعا..قلت ليهم شي حاجة ضارورية وبمشقة الانفس باش عطاوهالي وخايفين ملفووق
مريم:عطيهالي نعيط دابة
جبد طليفون وعطاها نمرة دوزاتها داك الساع بيدين كيرجفوو هاد الايام لي دازو ولات محطمة كليا لا ماكلة لا شراب حتى قرايتها هملاتهااا ولا كيف ليلها كيف نهارها تفكير والفقصة اتقتلهاا..مشات للاوطيل برجليها وطلباتهم يعطيوها عليه معلومات او والو رفضووو بغات تعرف غا شكون تشوف غا وجهوو تعقل على شي حااجة..يدير معاها شي حل تعرف اش وقع داك ليلة وعلاش دار فيهاا هكاك وخلى ليها لفلوس ومشااا ..حاسة براسها اتنفااجر .بقة كيصوني طليفون شحال فتالي سمعات الو بطريقة مغربية ماتلفش عليها بقات ساكتة شحال زعمة يكون مغريبي:الو
مدير الاعمال فرز تاهو صوتها انها مغربية:وي شكون معايا
مريم جمعات قوتها كاملة:معاك مريم
هز راسو وجاوب:اهاه مرحبا
بمعنى او من بعد ماعرفهاش شكون
ماعرفاتش كيف تقولو انا مريم لي كنت مع هداك لي مخدمك وبت معاه فاوطيل لفلاني جاتها صعيبة
شافها طولات:ابنتي راه شغالي غادي نقطع
مريم:لا لا خليك سمعني عفاك
تنهد:هاني كنسمع
مريم:انا مريم لي كنت مع احم .زعمة لي مخدمك فاوطيل(...)هدي واحد تلتيام
قوص حواجبو عرفها:قولتي مريم لبنت شهبة
هزات راسها باه:اه
كمل كلامو:وشنو بغيتي
مريم:بغيت ندوي معاه ضروري بغيت نشوفو الله يخليك
جاوبها:سمعي ابنتي السي يحيى ماعندوش مع هدشي واتكوني عارفة هدشي..غير كتسالة ليلة كيسالي فمرة ماغايعاودش يشوفك..وكنضن راه الاجر ديالك خلاه ليك
مريم قلبها مشا وجا تاتغرغرو عنيها بالدموع:قلتي يحيى
م.أع:اه
مريم:سميتو يحيى
تنهد بنفاد صبر:وا بنتي واش كتسطاي عليا
مريم:بغيت نشوفو الله يخليك ضاروري انا ..
قاطعها:ممنووع ايلا دويت معاه فهاد الموضوع ايجري عليا انا من لخدمة..وفخبارك راه ممنوع يعطيوك نمرتي تا انا غادي نتحاسب معاهم
مريم نزلو دموعها:عفااك بغيتو ضروري محتاجة ليه..مابغيت لا فلوس لا والووو بغيتو هوو الله يخليك مسألة حياة او موت عفاك
مريم بالزربة:ماتقطعش عفاااك والله حتى ضاروري خاص نشوفو راه غادي نضييع غير هضر معاه الله يخليك ولا عطيني نمرتو
تنهد:بسلامة
وقطع وناض بالزربة يمشي يشوفو خلاها منهارة كتبكي فاش قطع ليها فوجهااا زااد كمل عليها حطات راسها فوق الطبلة كتبكي
كارلا مافاهمة والو:شنو قاالك
مريم غير كتبكييي:انا ضعت صاافي
هزات راسها وشافت فكارلا ..بالانجلش:اي وحدة كيدوز معاها ليلة كي رميهااا ..ماكايوليش يشوفها ..مابغاش يوصلني ليه نهضر معاااه قطع ليا فوجهييي اكارلا
كارلا عنقاتها بقات فيها عارفة هاد نوع درجال لي لباس عليهم قلبهم قصداصح وعندهم كلشي لعبة:ششش صافي انوليو نعيطو لييه
مريم:عرفتي شنو سميتوو
كارلا:شنو
مريم:سميتو تاهو يحيى تصوريي..يحيى عوتاااني
كارلا بقات غا كتشوف مصدومة بقات فيها باقة صغييرة على هدشي مالقات ماتقول ليها من غير تعنقهااا..جون وقف وشعل كارو بقات فيه تاهو بقة غادي جاي خاص يدير شي حاجة ويعاونها ضاروري ماغايعاونهااا
كان جالس و البيسي قدامو ومدير اعمالو واقف على راسو كيهضرو فشي حاجة على الخدمة ..حتى كيبدا يصوني ليه طليفون..شاف المتصل وقطع عليها وهو كيتنهد وكمل كلامو :وي السي يحيى دابة نقدرو نبيعو هاد الاسم بالتمن لي بغيتي من بعد ماطلعوو بزاف
يحيى هز راسو باه :بغيت قبل مانبيعو هاد الاسم تلقا ليا اسهم خرين نازلين نعاودو فيهم لبيع من بعد
يلا ايجاوبو وهو يصوني ليه طليفون تاني قطع عليها:واخة اسيدي غنبحت ونجيب ليك كاع الاسهم لي نازلين فالبورصة وكيتباعو
يحيى بغة يدوي وهو يصوني ليه تاني طليفوت تنهد.ديرونجاه:جاوب ولا هرسو كاع
مدير اعمالو بقة كيشوف فشاشة
يحيى:أتخليه كيصوني
مدير أعمالو تفكر هضرتها وكيف طلباتو اكيد اتكون شي حاجة مهمة بلع ريقو وهو كيشوف فشاشة:السي يحيى
يحيى وعنيه على لبسي:شنو واقع
خشا طليفون فجيبو:وحدة من لبنات لي احم..باغة دوي معاك ضروري وهي لي كتصوني دابة
يحيى ببرود:محمود شحال ونت خدام معايا
محمود:ولكن راه ضرو..
قاطعو:بديتي كتنسا واقلة
محمود:سمحلي اسيدي
ورجع صونا تاني طليفون
يحيى بهدوء وهو كيطفي لبيسي:بلوكي نمرة ومانعاودش نسمع بحال هاد لهضرة ماتوصلنيش
محمود:هي لولا اسيدي
داك ساع بلوكاها ومسح نمرتها
يحيى:تفضل
محمود هز راسو باه وخرج من المكتب
فالجيهة لوخراا
فقدات الامال وحطات داك الطليفون وتكات تاني فوق الطبلة عيات بزااف فين كان مخبي ليها هدشي
كارلا:صافي حيديه من بالك واحد حقير بحال هدا نسايه مايستاهلش تا تفكري فيه خلينا نديوها فقرايتنا..وعمر البكارة كانت سبب باش توقف حياتنا مشات الله يهنيها نتي دابة فبلاد ومجتمع اخر همو لبكرة داللبنت
مريم شافت فيها وهضرات بهدوء:ولكن انا ماكانتاميش لهاد المجتمع..كنتامي لعائلة تاقت فيااا عندي خويا وماما وختي صيفطوني لهنا بشرافي تايقين فيا وانا شنو درت زطمت عليه وطعنتهم كيف غندير نشوف ليهم فعنيهم قوليلي..راجل ختي وقف معاياا وعاوني شوفي باش كنجازيه..
سكتات وهي كتفكر ختهااا هدي سنين اش وقع فيهاا ودابة كتعاود نفس الغلاط والنفس الطعنة اديرها لمها وخوهااا ..شافت اش وقع كان خاص تكون ذكا من هكااا ولكن طلعات غبية
تنهداات وهي كتسمع صوت الجرس باش يبداو الحصة
كارلا:نوضي ندخلو نقراو نسايه
مريم:صافييي تحطمت بيما فيه لكفاية ماغانزيدش نتحطم كتر من هدشي
كارلا قربات عند جون وسلمات عليه:تانتشاوفو
هز راسو باه وهو مراقبهم غاديين تنهد وخرج من لكافيتيريا ومشا بحالو
داز هاد النهار وجا نهار جديد
كلهم مجموعين فقصر الزعيم مافاهمين والووو ماعارفينش تا علاش جمعهم..
كيشوفو لخدامات كيتجاراو كيوجدو لغداا ويقادو الدار ويبخروها..وناصر الزعيم مابغة يقولهم تا حاجة وطبعا طاهرة مستحيل تقول ليهم شي حاجة راه مرات راجلها خخخخخخ
كلهم مجمعين فصالة بولادهم كيتجاراو فدار
اكرام متكية وفيديها قرعة دنوطيلا الوحم جالها عليها ضل تاكل فيها بلمعلقة
عائشة كتشوف فيها روعات ليها قلبهاا :صافي براكة وجه الله قلبي تزمت عليا
ناضو كيباركو ليهم ويشاركوهم فرحتهم..رجعات جلسات وهو ما جلس تاني حدا باه
ناصر شاف فيه:شحال ماشفت هاد لفرحة فعنيك
يوسف مسح على راسو:حيت مرتاح الوليد كنحس بحاليلا عاد تقادات حياتي
ضرب ليه على كتافو وتنهد وهو كيشوف فطاهرة كيف كضحك وتدوي بتاسم تاهو:حاس بيك تانا وقع لي بحالك هدي سنين فاش تجمعت مع ولادي ومراتي فدار وحدة وبعدت من المشاكيل
شاف فيوسف:تماك تانا حسيت بانه حياتي عاد تقادات
يوسف كتافى بابتسامة وشاف فبدر:ومانساوش بدر كيف كان وكيف ولا
ناصر كان جالس حداه من جيهة لوخرا بتاسم ليه:راه الحب كيدبل
بدر كيشوف فولدو كيلعب حداه:بزاف الواليد
فالجيهة لوخرا
أمونة كتشوف فتوينز ديالها كيلعبو قدامها:واخة كتعدبي شوية فلحمالة ولولادة ولكن فاش كيتولدو وتشديهم بين يديك كلشي كيتنسى
عائشة حاطة يديها على كشرها:داكشي متشوقة فوقاش نشوفهم
أمونة:نتي خاص غا تهلاي فراسك وتبعي دواك وكلشي ايدوز مزيان
عائشة تنهدات:اصلا من نهار تقادات اموري وليت مزيان رتاحيت
أمونة:الله يخليكم لبعضياتكم
طاهرة شافت فزاهية كيف كتشوف فعائشة بكل حب باينة فرحانة لبها غا كتكابر:الزاهية نعلي شيطان هدي بنتك نساو ااماضي راه داكز
نرجس:صافي اماما نساو الماضي هادو راه عائلتي لي تربيت معاهم
ملاك باستها على خدها:ماشبهتيش لماماك طلعتي حنينة اجي ندخلو اجيي
وبداو كيسلمو على لي تماك كلشي رحب بيهم ..تافقات هي وناصر باش لخصام لي بيناتهم يتنسااا حيت يوسف ونرجس مامكتابينش لبعضهم ....
عماد:علي ونور ماغايجيوش
يلاه اتدوي وهي تشوفهم داخلين بتاسمات:هاهوما جاو
علي مبتاسم:واحد السلام عليكم هانا جييت
قرب كيسلم عليهم واحد بواحد وجلس هو ونور شاد ليها فيدها مازال داك ااحب بيناتهم كيزيد غا يكبر ..وحداهم ولدهم صغير عندو 5سنين ..زادو وليد تاني من مور جااد لي مريض بالتوحد
طاهرة:علاش ماجبتوش جاد معاكم
نور:راه فالمدراسة اخالتي وكيخرج تا ل6
طاهرة:الله يوفقو كيبقيتو لاباس
نور:الحمد الله اخالتيي
ناصر فرحان وهو كيشوفهم مجموعييين كامليين رجع للمااضي لقديييم فاش كانو مجموعين ومامايتفارقوش تفكر ياسين صاحبو ..شاف فواحد لبلاصة خاوية كانت تماك اتكون بلاصتو هو ويارا..كانو ايكونو مجموعين ماناقص تاواحد فيهم وللكن ربي بغاهم حتى كيسمع
أحمد هز راسو وجات على الصورة لكبيرة لي معلقة فلحيط ..نهار عرس ناصر وطاهرة فاش تصورو مجموعين وكان معاهم ياسين ولارا كانو فرحانين فداك اللحضة ..طول شوفة فبنتو لي ترزا فيها وهي فعز شباباها موتها مازال حارقو فقلبو تنهد وهو كيستغفر الله ويتمنا ليها المغفرة..هز يديه ونطق بهدوء:نقراو عليهم الفاتحة
كلشي هز يديه وبداو يقراو سورة الفاتحة على روحهم
سمعو الدقاان حلات الخدامة لباب كان شي واحد وفيديه الكاميرا
ناصر دار ليه اشارة باش يدخل
طاهرة بابتسامة وهي كتمسح فدموعها:غناخدو صورة جماعية كامليين تبقة ذكرى
وقفو كاملين فوسط صالة مع ولادهم وحفايدهم كل واحد شد بلاصتو كلهم بتاسمو وتخادت ليهم صورة
جماعية لعائلة الزعيم
من بعد تجمعو على طبلة وحدة يتغداو مجموعين فأجواء عائلية زوينة
جا نهار جديد
فاقت بكري ووجدات راسها والخدامة هبطات ليها شانطة للتحت..خاص تلقاه فالمكار باش ايسافرو لفرنسا يديرو اجتماع مع اللساتدة يخدمة معاها فالمدرسة ديالها...حل ليها شيفور لباب ركبات وقله ليها نيشان للمطار مسافة طريق وكانت تماك لقاتو كيتسناهاا..واحد من رجالو قرب وهز ليها شانطة وطلعها للطائرة لهاصة ديالو
بتاسمات زقربات سلمات عليه:ياك ما تعطلت عليك
كريم:لا تانا يلاه جيت
نرجس:نمشيو
بتاسم:يلاه
وخوا ليها طريق وتبعها وهو مبتاسم ماعرفش علاش حاس بواحد الفرحة فشكل حيت ايسافر هو وياها ..طلعو للطيارة الخاصة وشدو بلايصهم
نرجس كدور عنيها على طيارة شافت فيه:زوينة بزاف
كريم:ماشي بحالك
رجعات شعرها اللور كتافات بابتسامة..سمعو لبيلوط كيدير نداء باش يديرو لحزام الامان..ركبو وشوية قلعات طيارة فاتجاه فرنسا
غير وصلو طلعو للاوطيل رتاحو ورجعوو نزلو باش يديرو الاجتماع فالوقت المحدد
فواحد المطعم الفاخر الفرنسي
وفوق طبلة طويلة فيها كتر من 10 دلكراسة كانت جالسة بكامل اناقتها لبسة كلاس حمرة وتاتها بزاف مع عكار عمر من نفس اللون لبيسة وكتافات بمسكارا جات كتحمق..وهو جالس حداها بكامل اناقتو رجولية تاهو غير من الجلسة كيانو متواتيين..مانزلش عنيه من عليها كيلقة راسو ساهي فيها وهي كتلعب فطليفون تنهظات وشافت فيه:تعطلو
دار اشارة للسيرفور طلبو اش بغاو وشوية جاو لبقية وتجمعو كاملين على طبلة وتحط لغدا.كانو اساتدة من جنسيات مختالفة تماما كيف بغات.كيهضرو على الخدمة وفنفس الوقت كيتغداو..نرجس كتشرح ليهم طريقة الخدمة وكريم كيعاونها وكيحاول يقنعهم معاها ..كيتحاورو بيناتهم وكتجاوبهم على كاع اسئلتهم بطريقة مقنعة..داز الوقت سلاو لغدا وجمع السيرفور طبلة وحطو قهوة يكملو بيها لحديت
كريم:دابة شنو قررتو كنضن كلشي واضح
الاساتدة بقاو شحال كيفكرو..تا بدا واحد بواحد كيعلن على موافقتو باش يخدم معاها فالمشروع..فرحات بزاف:كنواعدكم ماغاديش تندموو والخدمة معايا اتعجبكم
مد ليهم كريم لوراق وقعو عليهم وتاففو اينتاقلو للمغرب سيمانة جاية باش يبداو الخدمة
وقفات وبداو كيسلنو عليها ويعبرو على الحماس ديالهم باش يخدمو معاها
واحد فيهم:سمحلي نسولك
كريم:مرحبا
الفرنسي:واش نتوما مزوجين
حسات باحراج ونزلات راسها
شاف فيها ورجع شاف فيه ومبتاسم:كنبانو ليك متواتين ياك
الفرنسي:بزاف عجبتوني مع بعضياتكم عجبني الانسجام لي بناتكم
كريم:للاسف مامزوجينش ولكن عجبني كلامك انفكر فيه
الفرنسي ضحك:ههههه ايوا زرب عليها ماغاتلقاش بحالها يلاه نخليوكم
وناض وناضت تاهي وقبل تمشي شد ليها فيديها وهمس ليها:هضرتو دخلات ليا راسي فكري فيها تانتي
بقات غا كتشوف فيه شحاال وتاهو كيشوف فيها تاحسات على راسها وهي كتحس بقلبها كيضرب:ماخاصش نتعطلو ماما غادة وكتوصي فياا
وسبقاتو هاربة من شوفاتو تا ركبات فالمصعد وما رتاحت تا تسد عليها وتنهدات بالجهد ورجعات بتاسمات وهي كتفكر فهضرتو همسات:لي فيها الخير اربي
وطلعات للشمبر ترتااح حيت ايعاودو يشدو طريق للمغرب
بعد مرور أربع أسابيع
نزلات من طموبيل من بعد ماحل ليها جون لباب خرجو من المدراسة من لباب لخلفي عاونهم العساس كيف لعادة مابغاوش يديرو الشكوك وتوصل لهضرة راهم خرجو ..شدات ليها فيديها كارلا كتطمأن فيها..ولكن هي مرفوعة ملاميحها جامدين غير كتشوف ببرود كتمشى بلا هدف
كارلا عنقات مريم:غنبقة ديما معاك ولا بغيتي تراجعي على هاد الاجهاض قوليهالي نمشيو بحالنا
مريم ماجاوباتهاش وتبعات المساعدة لغرفة العمليات ماعندها مادير بهاد الولد لي ماعارفاش تا باه شكون ..ماعارفاش تاوجهو كيف داير..ماعندها مادير بهاد الولد لي جا نتيجة تهورها..ماغاتعاودش نفس غلط ختها وتخليه وتعاود تنزل بعائلتها للارض ..ماغاتستحملش دوك شوفات لي كان دار عصام فعائشة فاش عرفها حاملة ..ماغاتستحملش دموع مهااا على تقة لي عطاتها..ماغاتستحملش تشوف فوجه هادوك لي تاقو فيها من بينهم يوسف كلشي تايق فيها وعارفينها ما ادير ولاو مخلينها على راحتهاا مازامتينها ماوالو ..كيفاش اتخلي هاد الولد باش يسيقو ليها لخبار اش دارت..مستحييل تخلييه تموت وماتصدمهمش فيهااا ...اصلا لاش اتخليه شغا تقولو فاش ايكبر ماعارفاش باك شكون..باه لي لاح عليا لفلوس ومشاا.باه لي حاولات تهضر معاه وقبل تا يسمع منهاا رماها بركلة..فاش عرفات راسها حاملة عيطات لمدير أعمالو بنمرة خرا وقالتهالو بقة كيضحك وقالها فاش ماكاتلقاو ماديرو باش تاخدو لفلوس كتقولو حاملة وقطع عليها بلا مايوصل ليه الهضرة .مشا وفبالو انه عاشر عاهرة فقط ودليل الدم لي مانزلش...هاد الولد ماخاصش يجي لهاد لعلام حيت لا الوقت ولا الاشخاص ولا الضروف مناسبة..كلشي مدمر لاش اتزيد تكمل..مراهقتها خرجات عليهاا والحب الاعمى دمرهااا...دابة باش نفعها داك الحب وداك لبكة لي كانت كتبكي عليه وهو ماجايب خباار لواالو من غير خرجات على راسهااا ..وندماات بزااف..دابة كتحس براسها مابقات صالحة لوااالوووو ضاعت صافي..ما شعرات براسها تاكانت فوق لبياص بلكسوة ديال الطبيب ورجليها فوق واحد لحديدات شافت الممرضة كضرب ليها البنج..بقات كتشوف فالسقف نزلات دمعة حارة من عنيها وشوية بشوية بداو عنيها كيتغمضوو تا فقدات الوعي وبدات الطبيبة فعملية الاجهاض للجنين ومدة دازت كانت العملية دازت على خير ودخلوها للغرفة علامن تفيق وتمشي بحالها
فبلاصة خراا
كانو فالجردة كيتقهواو مع شميشة الجو كان زوين ربيع دخل والجو كيحمق..الجردة كلها ورد بجمييع الانواع ملونين ولفرشات كينقزو من لهنا لهناا..وجوهرة وهارون تابعينهم كيلعبو فرحانين..يوسف دار ليهم كاع داكشي لي بغاو ماخلاهم محتتاجين لوالووو عوضهم على كاع دوك الايام لي تفرقو فيهاا..
باس ليها يديها ووقف وهزها بين يديه بتاسمات وباستو على صدرو
يوسف لي ولا واقف معاهاا فجميع الضروف كتلقاه فجنبها مخفف عليها عداب الحمل ..واخة كتعية شوية ولكن هاد الفترة دلحمل لي كدوز منها دابة هي احسن فترة كدوز منها مقارنة مع فاش كانت حاملة بهارون وجوهرة..نفسيتها مرتاحة بزاف فرحانة بهاد الحمل..طبيب قالها حالتك مستاقرة وقلبك بدا كيسترجع طاقتو..شنو بغات كتر وكلشي تصلح..غطسات راسها فعنقو وباستو تاحسات بيه حطها فوق النموسية..جراتو وهمسات ليه:نعس حدايا بغيتك تبقة معايا
بتاسم وهو كيدير ليها خاطرها تكة حداها وهي مخشية فيه ودغية نعساات وهو كيمسح ليها على شعرها حبو ليها نهار مور نهار كيزيد يكبر
بعد مرور شهوور
صوت غواتهاا مسمووع بالجهد...الزاهية حداها كتحااول تصبرها وتقنعها تمشي للطبيب:ابنتييي يلاه راه يخلط عليك للطبيب
عائشة ربي لي عالم بيها بالحريق كتبكييي وتغوت:لاا اماما ماغانتحركش تايجيييي سمعتينييي بغييت
عائشة ولات كلها عرقانة ولحريق كينهش فيها عاضة شفايفها طيباتهم والممرضة لي مكلفة بيها فدار واقفة حداها كتحاول دير شي حاجة ولكن والوو:ماغاندولدش تايجييي سمعتينييي بغيتو يكوون معاياا..ماغاديش نتحرك من لهنا تايجي يووسف
وختمات كلامها بغووتة من القلب لحريق غادي وكيزيد:أأاأاااااااااااه ماما كنموووت
الزاهية شدات ليها فيديها ونزلو دموعها:ابنتي طاوعيني وسمعي لكلامي خلينا نمشيو للطبيب ها خوك جاي الله يخلييك راه قلبي غيوقف ونتي مريضة ماصالحلكش هدشي لا ليك للتوام لي فكرشك
عائشة دفنات راسها فالمخدة كتعض فيها ودموعها نازلين حارين على خدها:مانقدرش اماما فهميني بغيتو يكون معايا واعدتو نمشي انا وياه للطبيب..مابغيتش نكون بوحدي بحال دييما ماغانستحملهاااش
الزاهية هزات طليفون كتصوني تانيييي وتحاول كتر من مرة هو عارف هاد الايام لي غتولد فيهم اتكون واقعة شي حاجة
ولات كتبكي خايفة على بنتها لي كتشربل حداهااا ومريضة ملفوق وتواام صعيبة عليهاا
فالجيهة لوخراا
كان واقف كيودعهم من بعد ما سلا الاجتماع ديالو فواحد الاوطيل داز على خير تنهد وهو كيشوف فالساعة ماخاصش يتعطل عليها هي ووليداتو..ولاو ضاروري يتغداو مجموعين فدار فجو عائلي زوين..قشع طليفونو فوق الطبلة هز الفيسط ديالو لبسها بالخف وقرب خدا تا طليفون بغة يتأكد واش ماعيط ليه حد وهو يتفاجأ طليفون طافي يبغة يشعلو عطاه باه مديشارجي..تنهد محتاج للطليفون فأبيل..دارو فجيبو وخرج من الاوطيل ركب فطموبيلتو وبرونشاه يتشارجا وشعلو عاد ديمارا باش يمشي للدار..شوية بدا يوصل ميساح مور ميساج.مابغاش يحبس خفف السرعة وشدو بين ييده كتر من 100ابل من عند عائشة وعاد عصام والزاهية ..فدقيقة رجع صونا ليه الطليفون جاوب داك ساع غمض عنيه وهو كيسمع لغواتها والزاهية كتبكيي وتقولو اجي دغية..قطع وزاد فالسرعة..ماعرفش كيف دار ولا فوقاش وصل للدار..نزل كيطييير.دخل للدار وطلع نيشان لبيت صوت غواتها كاسر الدنيا غير دخل زاد فالبكة..كتبكي وتشهق:حساابليي ماغاتجييش ايوسف خفت بزاف حتى هاد المرة ماتكونش معايا
اازاهية بالغوات:يووسف هزها خلينا نمشيو للكبييب دغية الله يخليك
قرب لعندها شدات فيه وعنقاتو كتبكي وكلها كترجف والوجع متمكن منها مسح ليها على راسها:شششش هاني جيييت سمحي ليااا ماكانش خاص نخليييك هاني معاك
هزات راسها باه مابقاتش قادرة تزيد تهضر..غوتات بالجهد فاش ضربها الضو لكرشها بلحريق:اااااااااااااه يوووسف مابقيتش قادرة
قلبو كيمشي ويجيي معاهاا باسها على راسها وهزها بااخف وخرج من اللبيت والزاهية تابعاه بالساك هي والممرضة
مابغاش يرخي منها:سمعيني كنعرف مرااتي مايوقع فيها والووو
طبيبة:غادي.ندير كتر مافجهدي يكون خيير
يوسف تحنة كيشوف فعائشة مزال شادة ليه فيديه باس ليها يديها وراسها وهمس ليها:هنا معااك اعائشة كتسمعنيي انا كنتسناك هنا نتي وولادي..ماتخليش شي حاجة توقع لييك ..انا هناا معاااك حتى نفرحو بولادنا بجوج سمعتيني
حلات عنيها بشوية وهمسات ليه:كنبغيييك..
طبيبة:سمحلي اسيدي راه تابعانا مازال نزيدو نشوفو واش اتولد عادي ولا قيصري
وجراتهااا هي والممرضات الغرفة العمليات..بقة واقف كيشوف فلباب تسدات مسح على راسو بتوتر ماعارفش اش يدير تكا على الحيط اونفاص مع لباب دالعمليات..مراقبو بصمت من غيير داك الضجيج لي فقلبو كيضرب بالجهد لدرجة كيسمع صوتوو ..تنهد بااجهد ماكيقدش تا يتخايل انه توقع ليها شي حااجة
الزاهية وقفات حداه كيسمعها كتدعي وتطلب من الله يفكها على خير ويحميها ويحفضها هي وولادها بصووت باكي
يوسف بهمس من كل قلبوو:أمييييين
مانتابهش لعصام ودينيس والطاهرة لي جاات عنيه مفيكسين على غرفة العمليات ماكايرمشش ..كيشوف وساكت ودماغو خدام ..طاهرة من صباح وهي تدوي معاه ماجاوبهاش فتالي شدات ليه فيديه:ولدي كتسمعني
مازال غادي جااي من حدا غرفة العمليات التوتر قدا عليه ماباغيش يفكر فدوك الاحتمالات الخايبين مركز فحاجة وحدة انها غتنوض على خير واازاهية والطاهرة كيدعيو ربي يعاونها..حتى كتخرج عندو ااممرضة شافت فيه:السي يوسف
بتاسن وهو كيشوف الممرضات شادينهم مدوشين ليهم ناضين ..قرب لعندهم كيشوف فيهم احساس تحرم منوو جوج مراات..عاشو مرة وحدة وماكتابش يفرح بيه مع ولدو واليد..خدا من الممرضة ولدو كيشوف فيه وهو مبتاسم باسو على راسوو بشوية خايف يأديه وشاف فالممرضة لوخرا:ارهلي
عطاتو ولدو التاني هزو فاليد لوخرا باسو تاهو بكل حب وهو فرحان كيشوف فيهم مامتيقش هادو ولادو ..شاف فيها:شحاال صغار
هزات راسها باه:قرب لعندي
قرب لعندها وتحنا لعندهاا حط ليها فوق صدرها واحد فيهم شداتو بيد كتبوس فيه..وهزو وحط تانييي باستو تاهو..وبدات كتبكيي
يوسف حط يديه فوق كتافها:ششش لاش لبكة
عائشة:الفرحة ايووسف..وليداتي بيخير وراجلي معايا شنو بغيت كتر..اول مرة انجرب هاد الاحساس..اول مرة انولد وأنا فرحانة وانستقبل وللدي وانا فرحانة بيهم..اول مرة اتحضر معايا وانستقبلو ولادنا بجوج...
بتاسم ليها ومد واحد للممرضات وتحنى باسها على راسها :وغنربيوهم بجوج تا يكبرو انبقة معاك ديما
كانت متكية ماخاصهاش تحرك مع العملية ...وكلشي مجموع عندها فالشمبر كيباركو ليها فرحانين..وهي يديها فيديه مابغاش ترخي منو دار كرسي وجالس حداها ووليداتهم فالكوشة قدامهم وهارون وجوهرة واقفين حدا لي بي بي بجوج كيشوفو فيهم ويهضرو ويقارنو بيناتهم فرحانين..هي عاجبها الجو لي هي فيه كلشي هو هداك ماناقصها تاشي حاجة تنهدات براحة وهزات يديه لفمها وباستها شاف فيها وبتاسم بتاسمات ليه تاهي
همسات ليه بتعب:شنو انسميوهم
شاف فوليداتو :شنو بغيتي نتي
عائشة:لي بغيتي بغيتك نت تسميهم هارون وجوهرة انا لي سميتهم
بقة كيشوف شحال عاد نطق وكلشي كيتسناه شغا يسمي:عمران وفهد
عائشة بتاسمات :شحال زوينييين
شافت فلي بي بي:عمران ..فهد..باباكم لي ختار ليكم السمية
دخلات الطبيبة:سمحولي ولكن خاصها ترتاح
كلشي ناض سلمو عليها ومشاو
زيرات ليه على يديه:خليك عفاك
طبيبة:اه كاينة نموسية فتح داك الفطوي وبات مع المدام
وقربات كدير ليها فحص وبتاسمات:كلشي هو هداك خاص غا ترتاحي..وبلاتي واتجي الممرضة تاخد ل بي بي باش ترتاحي
هزات راسها باه:شكرا
خرجات وخلاتهم
وقف كيلعب مع عمران وفهد فصبيعاتهم وكيبتاسم شاف فيها:لمن كيشبهو
عائشة: مازال ماباين والو
يوسف ميل راسو:بحاليلا كيشبهولي
بتاسمات:اه غدي يشبهو ليك
قرب وباسها على راسها :نعسي ورتاحي
هزات راسها باه:خليك معايا عنداك تمشي
جلس تاني فوق لكرسي وشد ليها فيديها:هاني معاك أحياتي
غمضات عنيها ونعسات براحة
داز هاد النهار وجا نهار جديد
بالضبط فأمريكا
جالسة فالجردة اونفاص مع البحر كترتاح من بعد مافاقت بكري كدير رياضة ..شافت فوحدة دايزة من حداها حاملة وكرشها كبيرة سهات وهي كتشوف فيها ماحساتش براسها فاش حطات يديها على كرشها كتفكر نهار طيحات الجنين شحال كانت محطمة ودوك ليام شحال دازو عليها خايبين حتى قالت صافي ضاعت وعمرها اترجع كيف كان..تنهدات كانت اتكون كرشها تاهي كبيرة بحالها..رجعات تنهدات صافي داكشي نساتو ورجع من الماضي دفناتو فأعماق قلبها ..قدرات تخرج من داك الازمة وترجع توقف على رجليها خوات دماغها من بزاف دلحوايج..نقدات راسها وقرايتهاا.خدات الباك بنقطة مزيانة خلات خوتها وعائلتها يفرحو بيها ودابة عندها العام اللول فلافاك يلاه بدات ..عرفات راسها كانت غبية ولكن قدرات تخوي قلبها من يحيى راجل ختها..وتحقد وتكره يحيى لي كمل عليها فديك ليلة..كتكرهو واخة ماكاتعرفووش وحلفات لا ولات قلبات عليه ومابقاش عندها فضول تشوفو او تلاقاه حيت مايستاهلش..حسات بشي حد جلس حداها ومد ليها قرعة دلما خداتها وشربات منها:تعطلتي
بتاسم:طريق كانت عامرة
بتاسمات وهي كدور وجها وتشوف طموبيلتو جديدة:مبروووك شحال زوينة
وقف ومد ليها يديه:نوضي
ناضت تابعاه وهو جارها:جووون بشوية
حل ليها باب طموبيل ركبات وركب تاهو كانت اخر ماكاين فلبورش ..ركب تاهو وكسيرا بالجهد وهي كضحك فرحانة حلات الشرجم وخرجات يديها منوو كيضرب فيها ريح بالجهد مع السرعة لي غادي بيها هو...حتى كيوقفو حدا واحد الكافيتيريا..نزلو
جون:كيف جاتك
مريم:واعرة بزاااف
بتاسم:فاش تكملي 18 لكادو ديالك وحدة بحالها حمرة كيف كتعجبك
باركوو ليهم ..بقات شحال كدوي مع عائلتها من بعد قطعات
مريم تنهدات خاص تحضر للسبوع هدي تسع شهور مارجعات للمغرب تا فاش نجحات مابغاتش ترجع كانت مازال مدمرة وماقادرة تواجه تاشي واحد..جات عندها عائشة ويوسف زاروها..من بعد جا عصام والزاهية ودينيس شافوها..ولكن مايمكنش تزيد تهرب خاص ترجع تاخد واحد تلتيام تحضر وترجع عاود لقرايتها..اصلا هي دازت من ديك الازمة وولات قوية
شافت فيهم:صافي غادي نحضر
كرلا:اصلا خاص تحضري
مريم:وغادي تمشيو معايا
كرلا:اصلا باغة نشوف اامغرب كيف داير
مريم:مرحبا بيك
شافت فجون:حتى نت
جون:صافي غنحضر تانااا
بتاسمات فرحاانة..عائشة خاص ترتاح من لوالادة عاد ايديرو ااسبوع
دازو أيام
نهار السبوع بالضبط..فصباح بكري
نزلو من طيارة بتلاتة..كان فاستقبالهم عصام مشات كتجري عنقاتو بالجهد هزها بين يديه كيدور بيها:لقطيييطة دخوها رجعاات
باستو على خدو:تووحشتك بزااف
نزلها:تانااا لاباس عليك
مريم:الحمد الله اخويا فرحانة بزااف
رجعات عنقاتو كضحك فرحانة..مارخات منو تا سخافاتو
عصام:خلينا نسلمو على الضياف
قرب سلم عليهم ورحب بيهم:اتكونو عيانين يلاه نمشيو للدار كلشي كيتسناكم
ركبو فطموبيل نيسان لدارر يوسف الزعيم تماك فين تجمعو كاملين
سلمات على كلشي وتحنات كتبوس فعمران وفهد حمقوهااا غرغرو عنيها بالدموع وهي كتشوف فيهم عضات على شفايفها:الله يخليهم ليك
عائشة جراتها وعنقاتها:أميييين..توحشتك اختي
عنقات ختها تاهي:تانا ماتصوريش شحاال
بعدات فاش سمعات صوتوو داخل مع لباب وفاتي مستقبلاه:ييحى شوف شكون جاا
شافت فيه كيف مبتاسم وكيشوف فيها ..بقات شحال كتشوف فيه وهو جاي فتجاهاا تا وقف حداها ..بتاسمات تاهيي فاش تأكدات انه قلبها خوى منو وانها كانت غا كتخربق وغير المراهقة خرجات عليها صعيبة بزااف...عنقهاا:على سلماتك
مريم:الله يسلمك
يحيى:نورتي دار
بتاسمات:شكرا
وقلبات الدور رجعات جلسات حدا ماماها حطات راسها على صدرها:توحشتك اماما
اازاهية كتمسح ليها على شعرها:وانا كتر ابنتييي
الزاهية شافت فجون وكارلا مبتاسمين عجبوهم الاجواء العائلية لي هناا عاد فهموو علاش كانت خايفة يسيقوو لخبار كانت اتخسرهمم ..مايمكنش تخسر علاقتها معاهم..
الزاهية:سمحولنا ماعطيناكمش الصواب مرحبا ليكم دار داركم
فاتي جلسات حداهم وهي مبتاسمة:رتاحو باش توجدو راسكم فليل اتكون واحد الحفلة بيناتنا وشي ناس ايجيو يلاه توجدو راسكم
فاتي:واخة اختي..كي بقيتي ولفتي بزواج
فاتي:دابة مزيان الحمد الله مفاهمة انا ويحى بزاف ماكنلقاو تاشي مشكل مع بعضياتنا
مريم:الله يخليكم لبعضكم
مريم وقفات:اميين يلاه رتاحو
وخرجات وخلاتهم بدلو عليهم وتكاو يرتاحو شوية
داز الوقت
ااجردة كانت مقاادة طبالي مفرقين فكل بلاصة ومزينين بشكل زوين وسيرفورا فكل جيهة شادين بلاصتهم ..الزاهية وطاهرة لابسين ومقادين وجدو على بكري وكيدورو من لهناا واش ناقصة شي حاجة وكاين لي جا من ضياف بكري
اما لفوق وبالضبط فبيت عائشة رونوه وشقلبوه لكوافورات حمقوهم...
عائشة بقفطان باج كلو مرصع بلحجر كيبري من جيهت الصدر مسانتري عليها راسم ليها فرمتها مع زادت فالوزن مع الولادة جات خطار..وشعرها مطلوق على طولتو دايرة ليه بوكلي غير ملتحت..دارت مكياج تقيل ترابي ..مع كعب عالي فلكحل ..قربات لعندها لكوافورة كتشوف فيها باعجاب وفيديها واحد تاج:جيتي كتحمقي
دارت ليها تاج فوف راسها ..جات بحال شي اميرة..
لبنات كيشوفو فيها باعجاب :جيتي فنننة
عائشة:شكراا بنات حتى نتومااا
مريم خرجات من لحمام من بعد مالبسات كسوتها ماخلاو ليها تاشي بلاصة تلبس فيها:ها كيف جيت
اكرام متكية فوق النموسية وحاكة يديها على كرشها هدا هو شهرها تاهي باش اتولد :اووف فوقاش نولد تانا ونقااد فورمتي تانااا
عائشة:ايوا صبري مابقة ليك والووو
دينيس:شهيتوني تانا نزيد نولد
عائشة:ايوا شكا تسناي
دينيس:ايوا نفكو حريرتكم وندوزو ليا تانااا والله تاباغة نزيد شي بي بي
فاتي:كتسابقي معايا ولا شنووو..خلي تا نحمل انا ونولد عاد حملي ..ديها فبنتك
دينيس:ايوا نتي قلتي باغة تا يدوز عام على زواجكم عاد تفكري فلولاد
فاتي:وي بلاتي عليا
دخلات نرجس هازة قفطانها:هنااا جيت
عائشة:نتي لي عبرتي وجدتي راسك عند لكوافورة هربتي من زحام
نرجس:وياه عرفت اتكونو دايرين روينة..عرفتي جيتي كتحمقييييي ماشاء الله
عائشة:شكرا حبيبة تانتييي
مريم شافت فكارلا شادة طليفون وكتسيلفا مع لقفطان لي لابسة اول مرة اتجربو وهي لي ختارت تلبس قفطان
على لكسوة:كرلا يلاه نهبطو لتحت راه دنيا عمرات
جراتها وهبطوو
سمعو دقان
عائشة:دخل
دخل بكامل اناقتوو لكوستيم رمادي مغلوق وتاه مع عضلاتو وطولتوو بقات غير كتشوف فيه وزاد طراسة لحية ..هو تاني كان ساهي فيها وتاها لقفطان بزاف وشعرها لي كيزيد غيطوال ويقوى وفورمتها علاام اخور..كلشي نساحب وخلاوهم بوحدهم قرب لعندها حط يديه على خسرها وباسها على راسها ورجع باسها على خدها عاد نزل لشفايفها بوسة طويلة.ختمها بابتسامة بعد وهو كيحقق فيها بكل اعجاب همس ليها وهو كيهز ليها يديها ويبوسها:الاميرة ديالي جيتي كتحمقي
بتاسمات تاهي مدوبها:شكرا حياتي
قربات باستو على خدو ..بعد وهو كيفتح واحد لبواطة..وكيشوف فعنقها ..نزلات عنيها كتشوف فداك العقد دلالماس كلو كيلمع جا موراها وهو كيرجع شعرها لجيهة لوخرا وقبل يركب ليها لعقد باسها على عنقها ..عاد ركبو ورجع قادو ليها على عنقها هي كانت كتشوف فلمراية :زوييين بزااف شكرا بزااااااف احبيبة
وعنقاتو بالجهد:كنبغيييك
يوسف باسها على راسها:وانا كتر وتستاهلي كتر
بعدات وهي كتشوف فيه بكل حب وهيام حبهم كيزيد ويكبر كتحمد الله وتشكرو حيت تقادات حياتهم ..بيه سترجعات صحتها وقلبها بدا يقوى وبقاوش يجيوها نوبات لي كانو كيجيوها..يوسف ولا هو دواهاا بيه كتنفس..وهو ولا يعشقهااا ولات روحووو تبدل على قبلهااا ومازال كيتبدل..وتمرة حبهم جات فربعة دلوليدات كيحمقو ...
يوسف:نهبطو لتحت
هزات راسها باه شد ليها فيديها وهبطوو
لتحت كانت فالجردة هي وكارلا كيتفرجو فناس لي داخلين شادين طبلة ومريم كتعرفها بالناس لي كجيو وتشرح ليها شي حوايج..وقف حداهم كيشوف فيها باعجاب عنيها اياكلوها ..غير شافتو بتاسمات وهي كطلعو وتهبطو اول مرة ايلبس الكوستيم ديما لباسو صبور جا مختالف بان اكتر وسامة بلكوستيم لكحل ملبوس على جسمو الضخم وعضلاتوو..ومبين جمال وجهو الاجنبي شعر رطب ومسرح اللور بنيي ولحية على وجهو مطراسية بلون بني مغلووق وعنيه زورق كيف لبحر علام اخور:واااو جيتي زوين بزاف
جون قرب ليها:ونتي كتر كتحمقيي
بقات كدور فبلاصتها قدامو:بصااح
هز راسو باه اتحمقو ومازال مابغات دير معاه الحل:بزااف
كرلا:مريم جون راه كيحماق عليك ومافيه مايتعاب بفلوسو وشريكاتو شنو بغيتي كتر
عضات على شفايفها وشافت فيه:جون نت عارف شنو داز عليا قلبي بحاليلا مات نخاف نضلمك ومانقدرش نبغيك من بعد انا هدشي ساليت منوو ..
قاطعها:سبقت وقلت ليك نصبر عليك
مريم:نت كتحمل راسك مسؤولية داكشي لي وقع ليي هدشي علاش واقلة باغي تسترنيي وتريح ضميرك وانا مامحتاجاس لشفاقة ديالك اجون
بلا مايشعر شد ليها فيديها:ماتقوليش هكا سمعتيني داكشي لي فقلبي من جيهتك حب ماشي شفقة انا كنبغيك امريم وماباغيش نضيعك من بين يدياا شنو اتخسري لا جربتي معايا نقدك وننقد قلبي لي ملهوف عليك وكيتسنى الموافقة ديالك..شنو غديري فاش ايبغيو عائلتك يزوجوك ماغاتستحمليش تحطي راسك فداك ااموقف..هنا حداك كنبغيك وغنصبر عليك
بقات ساكتة كتفكر فكلامو جون ماكايتعابش بفلوسو مؤخرا باه كتب ليه كاع الاملاك بسميتو ولا رجل اعمال وهو لي مسير المشاريع حيت باه عياا مابقاش قادر يتحمل المسؤولية..وغير هدا عارفاه كيبغيهاا ..وكلامو صحيح تا لايمتى اتهرب ايجي واحد نهار ايبغيو يزوجوها وهوما من دابة كيلمحو ليها شنو فيها لا جرباات ..
شافت فكارلا كتشجعها بعنيها..تنهدات وشافت فيه وبتاسمات:موافقة
بقات كضحك شنو فيها لا عطات فرصة لراسها تنسا لماضي وتبدا من جديد
دورو وجهم على صوت تصفيقات دناس كانت عائشة ويوسف هي هازة فهد وهو عمران رتافع تا صوت تزغريت وموسيقى مغربية كيصفقو معاها النااس..كلشي فرحان لييهم حيت عارفين اش داز علييهم
فجيهة لوخرا
واقفة كتصفق وعنيها على الدخلة كتسناه يدخل تعطل خافت مايجيش..حتى قفزات فاش سمعات صوتو:كتقلبي عليا
بتاسمات وشافت فيه:يحسابلي ماغاتجيش
كريم:وانا نقد مانجيش وهاد ليلة مهمة بالنسبة لياا
نرجس كتافات بابتسامة.
كريم:جيتي زوينة بزااف
نرجس:شكرا
كريم:ماغاترحمينيش وتقوليلي اشد درتي
نرجس:دابة يجاوبك بابا
كريم :عطيني امل بعدة موافقة ولا لا
نرجس:وصافي قلت ليك بابا غيجاوبك سير عندو
كريم:هاهو غادي دابة نيت
مشا وهي مراقباه تا وقف حدا باها
كريم سلم عليه وبقاو كيهضرو شحال عاد دخل فالموضوع:السي كمال مازال كنتسنى لجواب ديالكم
كمال حط يديه على كتافو:لبنت موافقة مرحبا بيك نت وعائلتك
ضحك تا بانو سنانو باافرحة ..تعانقو عناق رجولي :تهلا ليا غا فبنتي راه حنينة بزاف وتستاهل لي يعطيها قيمتها
كريم:كون هاني انديرها فعينيا
دور وجهو وشاف فيها لقاها كتشوف فيه وهي مبتاسمة هز ليها راسو بمعنى مزيان وحط يديه على قلبو بحاليلا عاد رجعات فيه الروح..ضحكات على حركتوو
فبلاصة قريبة ليهم
الزاهية:مرييم جري شوفي هارون يجي يتصور مع مو وباه وخوتو
مريم شادة كاس دلعصير فيديها ماساخياش بيه:واخة
الزاهية:وااا جري اناري.
مريم:وااااخة بلا ماتغوتي عليا
ومشات كتجري.الزاهية بقات كضحك على بنتها ودورات وجها كتشوف فبنتها كيف فرحانة مع وليداتها وشافت فجيهة لوخرا عصام مع بنتو ومراتو كيصفقو ويشطحوو..عاد رجعات فيها الرووح تنهدات براحة شنو بغات كتر
فجيهة بعيدة لوخرا
واقفة هي وياه خاشية يديها فدراعو وكيشوفو فولادهم تاهوما كل واحد مع مراتو وكل وحدة مع راجلها فرحانين
ماسمعهاش وخرج..مشات كطيير تلحقوو..مع لخرجة حسات براسها دخلات فشي حاجة تا من لكاس تلاح وترش داك لعصيير فسما وكاع تهرس..غمضات عنيها كتسنة تزدح مع الارض ولكن لا..حسات بشي حد شادها محاوط خصرها بين يديه..بقات شحال كتحاول تستوعب ريحة عطرو تغلغلات ليها فالاعماق وحرارة انفاسو على وجها كتحرق فيها..وعاد يديه على خصرها..هدشي ماغريبش عليها فلحضة قلبها ولا يضرب فلمية..حلات عنيها بشوية جات عنيها فعنيه الصارمين معقودين..كيشوف فيها من قبيلة وجها وملاميحها محفورين فذاكيرتوو كيفاش يقدر ينسة هاد الوجه..حلات عنيها لعسليين مفتوحين بحال النمر زاد تأكد انه هي ولكن شكا دير هنااا سها وهو كيشوف فيها..هي بقتت غير كتشوف ماعرفاتش علاش قلبها كيضرب فلمية ..شكون هداا..حسات على راسها وبلعات ريقها وهي كتشوف لفيسط ديالو تكب عليها لعاصير عضات على شفايفها بتوتر حشماات ..وهو مراقبها ومراقب حراكاتها..رجعات اللور وهو بعد يديه على خصرها كيشوف فيها بهدوء
مريم :ويلي شنوو درت سمحلي عفاك بزاف
دورات وجها كتشوف فهارون لي جاي:كنت كنجري مور هاد البرهوش اجي لهناااا جري عند ماماك وباباك كيتسناوك تصور
مشا كيجري بحمااس ايتصور مع خوتو
رجعات شافت فيه وهي كترجع شعرها المارو اللور وصبغاتو ملتحت بلزعر..زاد طوال..وهو كيعبرها بعنيه جسمها زاد عمر ولا جداب كتر مفاتينها زادو بانو ..ولكسوة لحمرة طويلة ملبوسة عليها لاسقة على جسمها زادت بينات مافاتينها بطريقة زوينة ..شعرها على كتافها تا لخصرها ..وعاد لعكار فلون لكسوة حمر مناسب بشرتها لبيضة..زادت فتنة على فتنة.. كل هدشي خلاو ذكرى ديك ليلة لي نساها ترجع لمخيلتوو ..كيف كان مستمتع معاها وكيف ترفع وهي ببن يديه..وكيف خلاتو يعتارف انه اول مرة اينعس مع شي وحدة وايحس بانه بصااح نااعس وكيمارس بكل احاسيسو ..جسم كيحس بيه نقيي بحاليلا هو لول ايقيسوو ماشي بحال كاع دوك الاجسام لي داز عليهم..حركاتهاا انفاسها آهاتها فداك الليلة كلهم كانو مختالفيين..وهاهي عوتاني واقفة حداه جات تاني فطريقو نزلات عليه كيف شي اعجوبة..شنو كدير هناا
مريم قربات لعندو :سمحيليي الله يخلييك
وسكتات كتشوف فيه كيف كيشوف فيها ..طلعاتو ونزلاتو..وسامة فاتت القمة اي وحدة اتشوفو اطيح بدون سابق انضار..لا من جسم رياضي ولا من وقفة تابتة ولا من وجه كجمال يوسف مزين بديك لحية لكحلة مطراسية باتقان..ودوك شوفات لحادين يدوبو لحجر..بلعات ريقها توترات..ياك ما تقلق من لعصير لي تكفح على لفيسط..معذور هاد الوسامة كاملة اكيد ماغليرداش.زادت قربات:عطيها ليا أخويا عفاك دابة ندخل نصبنها ونشفها وقبل تمشي بحالك تكون نشفات..امم باينة جيتي من طرف الزعيم ياك
شافتو ماجاوبش..حطات يديها على لفيسط :عطيهالي اخويا انا غنتكلف بيها سير دخل ملهنا اتلقة كلشي مجموع..شنو سميتك بعدة
ميل راسو بمعنى من نيتك شمن خويا..كيشوفها كيف كدوي معاه بحاليلا عمرها عرفاتو وكتشوف فيه شوفات باردين بحاليلا مانعسوش ليلة كاملة على نفس لفراش كتحيمق عليه ولا شنو..اول مرة تلاقاها هضرات معاه بحاليلا كتعرفو من زمان ودابة تاني لقاء بحاليلا عمرها شافتو وخويا ملفوق وكتسولو على سميتو..بغات تبعد يديها وهو يشدها:واش كتحيمقي عليا
مريم:كيفاش
قوص حواجبو:شي دخلة جديدة هادي عاود شنو كديري هنا دوي
مريم مافهمات والو نترات يديها من يديه:شكا تخربق راه قلتلك عطيني نصبن ليك لفيسط مافهمتكش شكا تقصد
ورجعات شعرها مور ودنيها وكتنفخ على خصلات كانو نازلين على عنيها بعفوية كتزيد تلعب على الوتر الحساس
دار ابتسامة جانبية بسخرية وقرب لعندها:هادشي راه ماكايطربنيش جيني نيشان وقولي شكا ديري هنا
مريم علامات استفهام فوق راسها:كيفاش شكا ندير هنا شكون نت بعدة ونت لي شكا دير هنا
وميلات شفايفها مع اخر حرف نطقات
على حاجبو وجرهاا يلاه اايقرب ليها ويجرها وهو يسمع صوت من موراهم:انسة مريم كيقلبو عليك باش تاخدو صورة جماعية
شافت فالخدامة:اجي عفاك تكلفي ببها وقبل يمشي خاص تكون ناشفة
يلاه هاني مشيت..ومشات تاني كتجري تلحق بلاصتها باش تصور
هو بقة غير كيشوف هدي واش كتلعب معاه ولا شنو
الخدامة:اراهالي اسيدي
شاف فيها:شكون هدي
الخدامة:خت مرات الزعيم
قوص حواجبو مصدوم واخة على وجهو كيبان الجمود والهدوء عكس الداخل ديالو حيد لفيسط ومدها ليها..ودخل لداخل للجردة كيقلب عليها بعنيه..حتى كيشوفها من لبعيد كتزاحم باش تشد بلاصتها..مراقبها كيف كضحك مع خوتها بحال شي بنية صغيرة بريئة مافراسهاش الدغل .لي شافها مايقولش هي داك البنت لي بلا عدرية لي تلاحت عليه فديك ليلة وسلماتو راسها ..بتاسم باستهزاء وهو كيتفكر كيف تعاملات معاه بحاليلا ماكاتعرفوش..مد يديه خدا كاس شرب منو بالخف وعنيه عليها غياكلوها والمشكلة خت مرات صاحبو تمتم:مالي انا لي تقبتها ...
ميل راسو كينزلها ويطلعها:مازال غنتلاقاو ونتشاركو نفس السرير ونتفاهمو على بزاف دلحوايج
زقف حداه مدير اعمالو
محمود:ماشي هديك هي..
قاطعو:ماكاتعرفهاش
محمود فهم انه خاص يسكت:وي السي يحيى ماكانعرفهاش
يحيى بهدوء كيشرب من كاسو وعنيه مفيكسين عليها:أجل السفر ديال غدا لمن بعد
محمود:واخة اسيدي تا لفوقاش
يحيى:تانحدد ليك انا
كان واقف حتى كيشوفو من لبعيد واقف قلبو بغة يوقف تمتم بااانجلش:هدا شكا يدير هنا
.كلشي بتاسم وخداو صورة جماعية لكااع العائلة ماناقص فيها تا واحد ..عائلة الزعييم لي كتكبر ومازال كتكبر..عائلة الزعيم ما عندهاش نهاية..فكل نهاية كتبدا قصة جديدة ❤
النهاية ❤😥
والله تاراني مصدومة مامتيقاااااش سلات شداتني لبكية
أسقطته في شباكها فعذبها حتى أذاب فؤادها الجزء 27 والأخير
محتوى القصة
التنقل بين الأجزاء