الزاهية شافتها غير ساكتة ماكاتجاوبش:عائشة مالك ماكاتجاوبيش موصيبة هادي ولدك خارج عقلو بلبكة
عائشة بحاليلا تكب عليها لما بااارد حساتةبقلبها صافي وقف وغير كتحلم كتشوف فيه وفعنيه لي شوية ويخرجو شاد طليفون وكيشوف فيها وهو مصدوم وصوت لبكة ديال هارون مسموع من طليفون .عائشة بلعات ريقها ولات كلها كترجف .يوسف قطع على الزاهية وهو مازال كيشوف فيها بقات راجعة باللور وهو تابعها بلا ماينطق تاشي كلمة مصدوم صدمة عمروو
عائشة ولات كترجف بوحدها خايفة من ردة فعلو بزااف ماشي بهاد الطريقة كانت باغاه يعرف حاسة بقلبها غيسكت وريقها نشف دازت من حدا واحد الديكور طاح فالارض تشخشخ ومع كانت لابسة غا كلاكيط زطمات عليه تاتجرحات رجليها غوتات :اايي
يوسف بقوة العصاب لي فيه والجن لي ركبو فهاد اللحضة..ردخ الطليفون مع الارض علة حر من جهدو وهضر بصوت فيه كمية هائلة من العصبية :كتستحمريييينييي لعبتييي عليا ومازال كتلعبييي
عائشة نزلو دموعها من الوجع لي فرجليها شافت الدم شلال فرجليها حطات يديها على فمها وهي كتبكي وكتقفز مع كل كلمة نطقها حسات بيه شدها من دراعها شوية ويهرسها بقات مغمضة عنيها ودموعها نازلين
قرب تا لوجها هضر بصوت خلعها:داك ليلة ماكذبتييش كنتي بصاح حاملة هربتي تاولدتي عاد رجعتيي ياااك
عائشة ربي لي عالم بيها كلشي تجمع عليها فخطرة قفزات فاش زاد لولا ليها يديها:هضرييييي ضحكتي عليااا هاد المدة كاملة دويي
حلات عنيها وشافت فيه وهي كترجف:يووسف براااكة عفاك صافي ماتزيدش تكمل عليااا اصلا هادشي بسبابك نت راه نت لي وصلتيني لهاد الحالة ماعندكش الحق تعاتبني سمعتيني
هز يديه حتى لسما وجمع معاها بصقلة تا حسات بوجها ضار شدها من الفك ديالها وزير شوية ويتهرس بين يديه:واش عارفة راسك اش درتي عرفتي دابة طيحتي راسك معايا طيحة خايبة اعائشة
عائشة نترات ليه يديه وبعدات اللور بدات كتبكي:واش عقلتي فاش جيت ندوي معاك وجبتلك فلوسك شنو قلتيلي دليتيني وصيفطتيني كنغليي قلتيلي نعست معاك باش نتقرب منك درتها بلعاني وباش تزوج بياا هضرتك بقات كتحفر فيااا وملي مشيت لقيت راسي حاملة شنو بغيتيني نجي عندك نقولك اناحاملة شنو كنتي ادير داك ساع ونرجس تاهي حاملة كنتي اطيحو ليااا وضربني بركلة وتخليني كنت باغة نطيحو ولكن ماخلاونيش الروح عزيزة عند الله ولدتو وجبتو لهاد الدنيااا شووف انقولهالك من دابة الولد راه ولدي ونت ماملزومش تعتارف بيه دير راسك ماسمعتي والو
قرب لعندها كي شي عاصفة جرها من شعرها لعندو ماهتمش لرجليها لي كتنزف وعاطياها لحريق بالجهد مع كل حركة كدير باغي غير يطفي حر الشمتة لي حاس بيها دابة كيفاش عندو ولد وهو ماجايبش ليه لخبار زير ليها على شعرها بجهدو كامل:تحاجة ما اتغفرك فعلتك اعائشة تاشي حاجة كنقسم ليك غندمك على هدشي وجدي راسك
دفعها تاجاات طايحة فالارض ناضت بااسيف عليها قربات تا لعندو وشافت فيه :نت اناني بزاااف كيهمك غا راسك ولابقيتي هكا عمرك طفرو فحياتك ربي عاقبك بولدك لي مات وهو رضيع ومزال يزيدك كنكرررهك ايوسف
ماعرفاتش ان هضرتها شعلات فيه العافية غمضات عنيها فاش حسات بداك الكف لي كانت متوقعاه شهقات فاش قجها من عنقها شوية ويهزها لفوق بانو لعروق دجبهتو:غتزيدي كلمة وحدة غتبعيه روحك بيدا انخرجها
تخنقات مابقاتش قادرة تنفس شدات ليه فيديه باش يرخيها اوالو غير مزير عليها مابقاتش قادرة تستحمل ولات كتشوف الضبابة بين عنيها حتى ترخات وستسلمات .رخة منها وطاحت فافالارض
طاحت فالارض حسات بداك الزدحة لي تزدحات شهقات بالجهد فاش حسات بالهوة بدا كيدخل لرية ديالها كان مزير عليها بزاف بدات كتكح ودموعها نازلين وكتحاول تنفس .شافت فيه لقاتو واقف وكيشوف فيها بكل برودة بلا رحمة بلا شفقة واخة كان ايقتلها شافتو جاي فتجاها تحنة تا لعندها شافت فعنيه من لبعيد تعرفيه حاقد هي عارفة هدشي لي دارت ليه ماشي ساهل ولكن يستااهل باش مايحسابليهش غا هو لي عايش فهاد الدنيا وقادر يتحكم فكلشي قدرات تلعب عليه كيف بغات ومازال تزيد تلعب عليه وتندمو حيت هو لي بغة هدشي فيقها من تفكيرها صوتو:نوضي
جرها من دراعها ووقفها
مسحات عنيها من دموع:هانت عرفتي عندك ولد او من بعد اش غدير كاع
يوسف ضربها بالخفيف على وجها تلاتة ضربات بحاليلا كيفيقها:دابة تعرفي شغا ندير دابة خاص الاب يشوف ولدو ويتعرف عليه خاصو مايتفرقش على باه
عائشة:اييه الاب الحانون نخاف غير تشدو بين يديك يموت تاهو
رجعات اللور خافت لا يضربها ولكن شافتو واقف فبلاصتو :مزال نخليك تمناي تشوفي لموت وماتلقايهاش اعائشة
عائشة ركزات فكلامو عارفاهوماكايقولوش هبائا منثورا ولكن ماخاصش تخاف تاهي قادة براسها:كاينة موتة وحدة غنموتوها
يوسف جرها من دراعها وخرجها لعلى برى وهي كتعرج رجلها كضرها لاحها فطوموبيل تقادات فالجلسة وهي كتشوفو ركب تاهو هزات رجليها لعندها حيدات لكلاكيطة وشافت الجرحة ماكبيراش بزاف ولكن نزفات ..شافت فيه ماعارفاش اشنو باغي يدير عارفاه ماغايسكتش على هدشي شافتو غادي من طريق ديال دارهم قلبها زادت دقاتو خايفة بزاف من داكشي لي يقدر يوقع خايفة يجي عصام وينوض الصداع تفكرات الولد عارفاه دابة ماقدرش يأديه حبسات راسها باش ماينزلوش دموعها شافت فيه كيسوك بأقسى سرعة وهو مخنزر فطريق تشجعات وهضرات:لاش غنمشيو لدار
قفزها صوتو:سكتيي
سكتات وهي كتفكر حتى وصلو لباب دار حمدات الله حيت مالقاتش طوموبيل دخوها نزل ونزلات معاه شافتو داخل للطموبل تبعاتو شافتو طالع مقصد الدار بحاليلا موالف يجي عندهم غير وصلو لباب دار بقة كيضق شوية ويفرع لباب ..تحلات لباب كانت زاهية غير شافتهم شهقات .ماخلالهاش الفرصة فين تسول دفع لباب ودخل الزاهية شافت فعائشة ودم لي فرجليها حالتها حالة :الله ياربي مالكي اش دار فييك
يوسف:من اليوم بلاصتو فبلاصتي غير هدشي ماكاينش اه بغيتي تبعي ولدك تبعيه
وكمل طريقو بقات كتغوت:ماغانمشييييش معاك باش دير فيا مابغيتي هادي لي عمرها ماتكون بغيتي ولدك ديييه انا ماغانجيش معاك كدير هكا باش تستافزني ونتبعك غير ديييه وهنيني منو
يوسف مادايهاش فيها نزل فدروج عنيه على ولدو مامصدقش انه هاز طرف منو كاع داك العافية لي كانت شاعلة فيه طفات دابة تبخرات فمراا
عائشة بقات واقفة
الزاهية:واش حمقة اولد غيمشي من بين يدينااا
عائشة واقفة حدا الدروج:صافي يديه ماعندي ماندير بيه هو باغي يلوي ليا دراعي ويجيبني لعندو وهدشي لي عمرو يكون خليه يتلهة فيه وينساني عليه
ودخلات لدار جلسات فصالون .الزاهية غير مصدومة نزلو دموعها على حفيدها والام لي جاب ليه الله :نتي ماشي ام ومزيان لي داه باش يرتاح منك
عائشة جالسة على أعصابها كتهز فرجليها حاسة براسها اطرطق .بلبلعات ريقها وهي تنوض خرجات ونزلات كطير فالدروج لقاتو يلاه ايديماري حاط الولد على رجليه :تسنااا
شاف فيها وحبس ديماراج
مشات وركبات حداه مدات يديها وخدات هارون من بين يديه :ماغانخليكش تاخدو سمعتيني
ديمارا الطوموبيل بلا تاشي كلمة نيشان لدار وصلو نزلو دخلو لداخل قرب لعندها وخداه ليها من بيه يديها وجلس وهو كيحقق فالاميحو عندو لملاميح دخوه الله يرحمو ولكن الشبه كبير بينو وبين عصام خوها لاحضها تحنة وباسو على راسو هز راسو وشاف فيها:يحساب ليك غنسالك هدشي لا خليتك تجي لهنا حيت ماكاينش البدليل نهار انلقة الحل ادردبي مع الباب
حل لباب ومشا جابو هزات داكشي لي غتحتاج وطلعات لفوق باش تبدل ليه ..دخلات لبيت وجلسات فوق النموسية بدلات ليه يلاه اتهزو باش ترضعو وهو يدخل خنزرات فيه:بغيت نردعو
جلس اونفاص معاها:رضعيه
عائشة:ماكانتعراش حدا رجال خرج خليني نرضعو
علا حاجبو:انشوف شي حاجة جديدة
عصبها عطاتو بالضهر وجبدات بزولتها كترضعو وهو حاضيها .حتى نعس لبي بي قدات راسها وحطاتو فوق النموسية حتة كتحس بيه حداها تحنة باس ولدو على راسو كتشوف فيه شوفاتو كيتبدلو فاش كيشوف فولدو ماكايبقاش حاقد كيولي حنين وبمجرد ماكتجي عنيه فعنيها كيرجع للحقد لي هو فيه
بكترة لعية نعسات بداك الحالة حدا ولدها من داك الوقت وهي ناعسة حتى كضربها الفيقة شافت فهارون ناعس حاسة بجسمها كلو كيضرها عنقها جنابها ضهرها وعاد رجليها لمجروحة ..ناضت بصعوبة دخلات للحمام حيدات حوايجها ولاو حالة طلقات لما دافي عليها دوشات حالتها لوات عليها فوطة وحلات علبة الاسعافات كانت تماك عقمات الجرح ودارت دوة ولوات على رجليها الفاصمة خرجات من الدوش ماعارفاش شغا تلبس ماعندها والو دخلات لبيت تبدال كاين تماك حلات لبلاكار فيه غير حوايجو هزات تيشيرط ديالو فضفاضي لبساتو:نقضي بهادا
دخلات للحمام صبنات حوايجها وعلقاتهم فلبالكون ينشفو ونزلات للكوزينة كان فيها جوع حلات تلاجة قادات شي حاجة خفيفة كلاتها ورجعات طلعات عند هارون فاش بدا يبكي تكات حداه وجبدات البزولة كترضعو بقات كتشوف فيه:دتير بحال باك ماكاترتاحو حتى تنكدوها عليا .باك جايبنا لهنا ومخلينا بوحدنا غا زكارة فيا وصافي وماهو ماعندوش لغراض بيك غا تهنة دابة مع مراتو
قفزات فاش تحلات لباب شافتو قدامها داخل ماتوقعاتوش يجي
شاف فولدو هو لول عاد شاف فيها هي وفتيشيرط ديالو لي لابسة طالع على فخادها ومبين مفاتينها وصدرها لي خارج مع كترضع هارون وسعرها مبلول نازل على كتافها لاحضات شوفاتو بدات كتنزل فتيشورط :مالقيت مانلبس
ماجاوبهاش شاف فولدو ودار بتسامة جانبية وهز فوطة ودخل للحمام دوش وخرج ملوي عليه فوطة هي غير شافتو هكاك قلبات وجها تزنكات ..دخل لبيت تبدال لبس سروال دلكيطمة وخرج بصدرو عريان تكا حدا ولدو من جيهة لوخرا بقات غير كتشوف فيه:واش اتنعس هنا
ماجاوبهاش قاد الخدية وجر ولدو لعندو
عاىشة ناضت جالسة :اووف
نزلات من فوق النموسية :فين انعس
شافتو مغمض عنيه حلات لباب بغات تنعس فشي بيت اخور وهي تشوف ضلام كتخاف تنعس بوحدها وزاد خلعها ضلام كتخاف منو بلعات ريقها ورجعات دخلات شافت فيه ناعس بقات كدعي فيه فخاطرها مشات تكات فوق الفطوي قاصح بزاف ماشي ديال النعاس صبرات المهم ماتنعسش حداه .كانت عيانة دغية نعسات
فبلاصة خرا
كان فدارو وكيشوف فتصاور لي فيديه شرب من كاسو وبتاسم:باغي نشوف وجه مراتك وعائلتك اسي يوسف فاش ايشوفو تصاورك مع البرهوشة
خدا تصاور وخرج وجعفر كمل تجغام ديالو وهو كبفكر فخطاطو الشيطانية اول أهدافو تجي بين يديه عائشة يعدبها شوية عاد يقتلها كيف لي سبقوها حيت ماشي هو لي يتضحك عليه.
جا نهار جديد
حلات عويناتها بشوية وهي كتكسل حاسة براسها مدكدكة ناضت جالسة وهي كتبعد شعرها على وجها دورات وجها بانو ليها ناعسين تنهدات وهي كتشوف فرجليها عاطياها شوية دلحريق نزلات بشوية و هي كتشوف فهارون مافاقش كاع بليل قربات لعندهم وهي كتشوفهم ناعسين بجوج بدات كتهضر فنفسها:كون نعس حدايا كون بيتيني فايقة ليل كامل
رجعات شعرها اللور وزادت قربات لعندهم يوسف حاط هارون على دراعو ومدور عليه يديه وهارون ناعس مرتاح من ملاميحو باين مرتاح لهاد النعسة .
عائشة رجعات اللور ودخلات للحمام وهي كتعرج برجليها غسلات وجها ورجعات خرجات شافت هارون بدا يفيق ومقبح وجهو غيبدا يفيق مشات دغية هزاتو قبل يطلق حلوقو على قولتها حطاتو على صدرها وخرجات من البيت هبطات لتحت جلسات فصالة حطاتو ودورات عليه الخدادي وناضت شعلات ااتلفازة داىت سبابستون لقات الرسوم لي كيعجبها شافت فهارون كيبجغط :سكت خليني نتفرج اوكي
وكملات لفراجة حتى شافتو بدا كيزغنن مل ونيت خاص تبدلو يلاه اتنوض تمشي تجيب ليه باش تبدلو وهي تسمع شي صوت قفزها شهقات بالجهد دورات وجها
ااخدامة:سمحيلي خلعتك
عائشة:شوية
الخدامة:سي يوسف صيفط مورايا لا حتاجيتو شي حاجة
عائشة بتاسمات:اه واخة
الخدامة:واش محتاجة شي حاجة
عائشة شاغت فهارون:عفاك غير خليك حداه نطلع نجيب ليه مايلبس ونبدل ليه صافي ونيت نبدل عليا عاد الحالة
الخدامة:واخة الالة
عائشة:عائشة قوليلي واخة
بتاسمات ليها طلعات للبيت حلات لباب بشوية ماشافتوش فوق النموسية عرفاتو فاق قربات للحمام تسمع واش كاين شي صوت ماسمعات والو:فين ايكون زاد يكون هبط للجردة وانا ماشتوش.صافي تهنية وراحة
دخلات للبالكون هزات حوتيجها لقاتهم نشفو ..ودخلات للبيت بغات تحيد حوايجها هي تحبس:ندخل للحمام حسن .يقدر يرجع عاود ويلقاني عريانة
مشات حلات باب دلحمام وشداتو بساروت مع الدورة شهقات فاش شافتو فالجاكوزي جالس وسط لما سخون كيطلع منو البخار مرجع راسو اللور وحاطو على حيط ولكارو فيديه مسرحها على صور ديال الجاكوزي
بلعات ريقها وهي مصدومة تاطاحو ليها الحوايج من يديها ماتوقعاتوش يكون فالحمام كان سهات وماداير تاشي صوت رجعات جوج خلفات اللور وهي كتشوفو مغمص عنيه فالت صافي ايكون ماحسش بيها يلاه بغات الدور تحل لباب حطات يديها على ساروت هي تقفز فاش سمعات صوتو تا طاحو ليها سوارت فالارض:فين غادا
ضارت لجيهتو لقاتو مازال على وضعيتو ومغمض عنيه تنهدات بصوت مرتافع:ماحسابليش راك هنا انا خارجة
حل عنيه وشاف لجيهتها بكل برودة نتر من لكارو ردعو مزيان تاحس بيه وصل للاعماق ديالو ورجع ساطو وهو مازال كيشوف فيها:قربي
عائشة بلعات ريقها :كيفاش
يوسف رجع علا حاجبو:قلت قربي هي قربي
عائشة:لا انا انخرج ماعندي ماندير هنا
هضر بصوت خلاها بالسيف عليها توقف وتنزل يديها باش كانت اتهز ساروت:خطوة وحدة اتزيدي غنوقف داك ساع ماتلومينيش شنو يمكن ندير
عائشة بقات كتشوف فيه وكتمعن فالنبرة دصوتو الحادة لي بالسيف عليها خلات قلبها يرجف
يوسف رجع للهدوء ديالو:قربي
بغات تعرف اش باغي قربات تاوقفات عند راسو:هنا اش بغيتي مني
كتهضر وهي كتشوف لبعيد ماباغاش تشوف جسمو العاري الضخم كيقطر بلما خافت تزيد تهبط عنيها تشوف شي حاجة ماقاداش عليها
شافتو ساكت ماجاوبهاش ونيت ماباغاش تبين انها بصاح خافت من نبرة دصوتو وهضرتو:عرفتي انخرج بحالي ماعندي مانزيد ندير هناا ونت شتك مطول بزاف وتايق فراسك بلا قياس غلطت دخلت ونت جاتك على قلبك هنا خارجة
قبل تكمل هضرتها جرها من دراعها بالجهد تا طاحت وسط الجاكوزي على طولتها وهو مزال مزير على دراعها بقات كتشهق تخنقات بغات تنوض وهو يرجع يغطس ليها راسها فلداخل ديال الجاكوزي بقات كتفركل وهو مزير عليها تخنقات ورجع هز ليها راسها بغات تهضر وهي كتكح وهو يرجع يغطس ليها راسها زير ليها على شعرها مزيان وهو كيشوفها كتفركل تحت الما ولبوايقات ديال التنفس ديالها طالعين من الما خلاها تاحس بيها بصاح روحها اتخرج وهو يخرجها من لما جرها من شعرها تا لعندو وجهو اونفاص مع وجها شاف فوجها كيف ولا زرق حيت تخنقات بقات كتكح وهي كتحاول تنفس وكتشوف فيها بعنيها الدامعين حومر وشعرها فازك لاسق على وجها كترجف كلها علا حاجبو وزاد قرب ليها وهضر بواحد الهدوء بحاليلا مادار والو:هاد الخفة لي فيك انا لي غنحيدها واخة نعرف روحك تخرج على يدي ماعنديش مشكل واش كتعرفي شكا يوقع ايلا شي حد غير رفع صوت عليا واخة غا شوية
سكت شحال وهوكيشوف فيها وتبدلات نبرة دصوتو لنبرة حادة :راه كيتمحة من الوجود .قلت برهوشة مانظيرش راسي فيك ولكن بينتيلي العكس بينتيلي انكي اكبر نت القحبة شفتها مابقاتش ف17 ولا 16 لعام بقات فهاد العقل لي عندك
وحط يديه على راسها:عندك دماغ ديال وحدة قحبة ماشي ديال بنت 17 لعام .خططتي لهادشي مزيان وطيحتيني ولكن كنقسم ليك هدشي كامل انخرجو منك لحضة بلحضة وكيف دخلتيني لحياتك انخرج منها ولكن تانكون حطمتك وزطمت على قلبك
عائشة حاسة بالسخفة وقلبها ايوقف ماقدراتش حتى تهضر
عائشة حاسة بالسخفة وقلبها ايوقف ماقدراتش حتى تهضر كتشوف غير فشفايفو كيتحركو وكلامو كيتردد فودنيها .طلعات يديها حطاتها على قلبها لي بدا كيضرها كان ايقتلها زيرات على جيهة دلقلب وستنشقات الهوا بالجهد بصوت مرتافع نطقات بصوت متقطع:كنتي اتقتلني
هز يديه وحطها على وجها بدا كيحركهم بشوية بطريقة حنبنة بعد الشعر على وجها ورجعو اللور ونزل يديه على عنقها وزير وحط راسو على راسها:مازال ماشتي والو اعائشة والو
عائشة نزلو دموعها وهي كتحاول تبعد يديه على عنقها نطقات بصوت مخنوق باكي:كنكرررهك رخي مني
رخة منها ودفعها عليه رجعات اللور وسط الما وجلسات اونفاص معاه فالجاكوزي رجعات راسها اللور وهي كتنفس ودموع نازلين من عنيها ..يوسف نزل عنيه للما ولا كلو حمر بالدم مانتابهش ليه شاف فيها:شنو هدشي
شافت فيه وهي كتبكي:ماشي سوووقك
ناضت من الجاكوزي بصعوبة حاسة بالسخفة ورجليها كتنزف وبدات كضرها نزلات وبقاا غادة بخطوات تقال على ود رجليها كضرها وفكل خطوة كدير كتخلي طبعة ديال الدم فالارض وقفات وحطات يديها على حيط فاش الوجع زاد ماقدراتش تزيد خطوة وحدة هضرات بصوت خافت شبه مسموع:الله ياخد فيك الحق
تحنات نترات داك اللصقة والفاصمة لي كانت دايرة سمعات خطواتو موراها عرفاتو خرج من لما هزات حوايجها من الارض وسوارت وخرجات من الحمام
هو بقة حاضيها حتى خرجات وكيشوف فالدم لي نازل من رجليها حل الرشاش ودوش عليه بالخف .نشف راسو ولبس عليه خرج لقاها جالسة فوق النموسية وكتبكي ماقادراش تشوف فالجرحة والدم لي ولا شلال ماكاتستحملش هاد المناضير غير شافتو مسحات دموعها وناضت يلاه اتخرج وهو يجرها من دراعها:قلت ليك خرجي
شافت فيه هي مخنزرة :اندير لي بغيت ماعندكش الحق دير فيا هكا سمعتيني بعد مني
بغات تنتر منو ولكن والو قوة منها جرها بالجهد وزدحها فوق النموسية جات على ضهرها تحنا لعندها بكامل جسمو حط يديه على فمها وزير باش ماتهضرش:صووتك مانسمعوش وياويلك وتحركي من بلاصتك
ترخات اصلا عيانة مافاطراش وكان ايقتلها قلبها مزموت والوجه لي فرجليها مابقاتش عندها الطاقة .بقات هكاك مرخية بعد عليها ودخل للحمام تنهدات وهي كتمسح فدموعها:عمري نسمح ليك الحكار
غمضات عنيها وهي كتصنت لنبضات قلبها فهاد اللحضة حسات بالنعاس يلاه اتديها عنيها وهي تحس بيه هز ليها رجليها حلات عنيها شافتو كيدير ليها شي دوة حل واحد لانكول وشاف فيها مافهماتش شوفاتو دار شوية فالقطن ودارو على جرحة غوتات تقصحاات لانكول شوط ليها الجرحة نزلو دموعها كتبكي بحال شي بنت صغيورة:لا لا صافي غير خليني مابغيتش لا ايوووسف
بقة كيشوف فيها حكم ليها رجليها وهي كتغوت:ولاااااا مابغييتش قصحتيينييي رخي مني
زير عليها وغوت تا قفزات:تبتييي الجرحة ماداويتيهاش مزيان
سكتات وهي كتشهق رجع شاف فالجرحة وعمر لقطن بلانكول وحطها على الجرحة تا غوتات عاود ..تهزات بغات دفعو ولكن ماخلاهاش زيرات ليه على تيشيرط من ضهرو وبدات كتجرو باش يحيد لقطن على الجرح:حيييدووو درني بزااف حيدووو
حطات راسها على ضهرو وهي كتبكي ومزية على التيشيرط:حرااام عليك
يوسف حيد القطن ودهن ليها واحد لبوماضة ولوا عليها فاصمة
دور وجهو لعندها لقاها مازال مزيرة عليه وكتبكي هزات راسها وشافت فيه بعويناتها الدامعين:بلعاااني درتيلي هكا نت راك ماشي باشار قصحتيني بزااف
يوسف ناض وهي مازال كتبكي
شافت فرجليها صيب ليها الفاصمة مقادة مزيان ماشي بحال كيف كادير ليها جرات رجليها لعندها و هي كتمسح دموعها وتدعي فيه فنفسها تفكرات اش دار ليها فالحمام شافت الموت فداك اللحضة قلبها كان غيوقف هزات راسها لقاتو كيبدل تيشيرط تقاس ليه بالدم نزلات من فوق النموسية بشوية عليها ماحاملاش تشوفو قدامها حلات الباب وقبل تخرج شافت فيه:عرفتي شنو كضلمني بزاف وربي ماكايبغيش الضلم
شاف فيها بحاليلا كيقولها من نيتك ..ستفزها ماجاوبهاش وعاد شوفاتو لي كيستحقروحا بحاليلا هو ماعندو تاشي ذنب رجعات شدات الباب بالجهد وقربات لعندو وهي كتعرج:بغيت غي نفهم كيفاش كتفكر وعلاش نت داير هكا .ونزيدك انا ماشي قحبة وهدشي راك عارفو غير باغي تعدبني وعمر شي واحد قال عليا قحبة ولا تجرأ يقولها كلشي عارفني شكا نسوة تربيت احسن تربية سمعتيني وكلشي بسبابك نت ..نت لي و صلتيني لهادشي كون داك الليلة مادخلتيش عمري كنت انكون معاك دابة هنا وعندي ولد منك وكون ماكاتجمعني بيك تاشي حاجة .داك ليلة كرهتها وندمت عليها بزااف وندمت على النهار لي شفتك فيه وجات عيني فعنيك وحسيت بداك شوية دالاعجاب تجاهك ندمت ندمت ندمت على قد هاد الشعر لي فراسي سمعتينييي نت هو أسوء حاجة وقعات ليا فحياتي نت راك واحد الكابوس خايب بزاف نت شرييير من دوك الاشرار لي كنكرهم فروسومات لي كنتفرج فيهم نت راك...
حسات براسها تزدحات مع الحيط حلات عنيها وهي مقوسة حجبانها قصحها بيديه لي مزيرة على شعرها حاسة بحرارة انفاسو على وجها اتحرقها وريحة عطرو كتغلغل فنفسها
يوسف:هادشي كامل لي قلتي ومازال ماشتي والو انا راه ماشي غير كابوس ولا شرير من دوك روسومات انا راه الموس لي غيدبحك بالحافي وغيتغرس فهاد القلب
قبل يرخي منها قرب ليها كتر وهضر:ماحدك فهاد الدار بقاي بعيدة عليا حيت ماتصوريش شنو ممكن ندير فيك
رخة منها ودفعها:تحركي
عائشة:حوايجي..
قاطعها جرها من دراعها خرجها من البيت و زدح الباب
عائشة وقفات وهي كتشوف فرجليها تقصحات مابغاتش تبكي ولكن ماقدراتش نزلو دموعها وهضرات بصوت باكي :اصلا البكا ماشي ضعف هدشي لي قالتلي ماما
عائشة وقفات وهي كتشوف فرجليها تقصحات مابغاتش تبكي ولكن ماقدراتش نزلو دموعها وهضرات بصوت باكي :اصلا البكا ماشي ضعف هدشي لي قالتلي ماما
تنهدات وشافت فالباب:يعطيك موصيبة لي تخليك تلهة وتبعد مني
نزلات لتحت بشوية عليها شافت الخدامة هازة الولد لي كيبكي مسحات دموعها ومشات لعندهم شافت فيه عقلو خارج بالبكة باينة فيه الجوع :عوتانييي لبكة واش ماكاتسالاش
الخدامة كتشوف حالتها كيف دايرة كلها فازكة وعنيها حومر بالبكة وشعرها مخبل طلعات باش تقولها الولد كيبكي ولكن سمعات الصداع ورجعات عارفة يوسف شنو ممكن يدير لا دقات ولا حلات لباب ينفاجر فيها
الخدامة:بغيت نجيبولك ولكن كنتو مشغولين
عائشة خدات هارون وجلسات كترضعو:قولي كونت كنموت
الخدامة:كيفاش
عائشة:والو غا كنخربق..عفاك واخة طلعي للبيت تجيبي واحد ساك فيه حوايجو
الخدامة بلعات ريقها:شوفي ابنتي سي الزعيم فاش كيكون معصب ماكايبغي تاشي حد يدخل عندو لبيت
عائشة:صافي واخة
الخدامة:نخليك عندي مايتقضة
ومشات
عائشة شافت فالولد ونزلو دموعها:شتي شكا ديرو فيا
هزات راسها فاش شافتو نازل كان جاي لجيهتها قرب تا لعندها وتحنة هز اوللد بلا تاشي كلمة :باغا تمرضيه
فهماتو كيهضر على حوايجها لي فازكين:خليتيني نت ندير شي حاجة
ماجاوبهاش حطو على صدرو وخرج للجردة جلس تحت واحد لجليسة بعدو عليه شوية وهو كيحقق فملاميحو ويشوف فيه بلا مايحس بتاسم وقرب باسو على راسو ورجع تاني كيشوف فيه .متبع الحركات لي كيدير بيديداتو وبفمو وكي كيحاول يحرك راسو ويخرج لسانو هاد الحركات واخة تكون فقمة العصبية تبرد ملي تشوفو طفل بريئ بحال هكا ...تكا على الفوطوي وحطو على صدرو وهارون عاجبو الحال .يوسف نيشان مشة بالو الوليد ولدو لي مات تنهد وهو كيحرك يديه على ضهر هارون مزال داك الحرقة ديال ولدو لي مات فقلبو حيت تاهو عاش معاه هزو بين يديه ولعب معاه وفاق معاه بليل فاش كيبدا يبكي كيبقة ولدو نزل راسو شاف فهارون لي معتابرو هدية من عند الله باش يعوضو على ولدو لي مات جا فوقتو رجع باسو على راسو وهو كيواعد راسو عمرو يتفرق عليه وماغايخصو والو وتاحاجة ما أتأديه..كانت واقفة على برة من مور لباب ديال زاج كتشوف فيهم تنهدات وطلعات للبيت تبدل عليها هاد الحالة ..لبسات عليها حوايجها وسرحات شعرها ..ونزلات لتحت ماباغاهش يجي يلقاها فلبيت ..حسات بدوخة تفكرات انها ما واكلة والو دخلات للكوزينة
بقات كضحك وهي كتاكل عجبها الطاجين وعصام ضاروري من تعاليق داز غداهم فجو زوين من بعد جمعو داكشي غسلات هي لماعن وقفات كتنشف فيديها وهي مبتاسمة حاسة بواحد الراحة فشكل...عصام دخل خدا دوش خفيف لبس سروال سيرفيط خفيف ومن لفوق والو خرج لبالكو كما لكارو ديالو ومشا عندها لكوزينة شافها ساهية ولمنديل فيديها قرب بشوية بغة يخلعها ..وقف مور ضهرها وحرك يديه على جنابها تا قفزات ضارت لعندو وهي مخلووعة:عصااااام ديما كتخلعني
عصام كان قريب ليها بزاف بقة كيضحك:هههه نتي لي كتسهاي
دينيس ضرباتو بالخف على صدرو:ماتبقاش ديرها
عصام:غنحاول
بلعات ريقها فاش نتابهات للقرب ديالهم ولصدرو لعريان مبين عضلاتو ولوشام لي على كتافو بقات غير كتشوف
عصام باغي يزيد يوترها عرفها حشمانة زاد قرب ليها:مالكي
دينيس بلعات ريقها :والو
عصام:اه شي حاجة مالك
دينيس حسات بلحرارة طالعة معاها:عصام قلت ليك والو
بغات تبعد ولكن هو ماتحركش:عصام خليني ندوز
حط يديه بجوج على لبوطاجين جات هي وسطهم:لا
دينيس :عصاااام واش حمق
بتاسم:ايه حمق بلوراق
دينيس بتاسمات وهضرات بعفوية بطريقة شوية محلونة:عصام وصافي خليني ندوز
عصام زاد قرب النغمة دصوتها خلاتو يزيد يبغي يسمعها تاني:رغبيني
ضحكات:هههه عصام عفاك خليني ندوز
زاد قرب:كيفاش
دينيس:وصافي براكة اعصام زدتي فيه حق الرب
عصام بعد شعر ها على وجها:كتهضري بزاف وماكاتسكتيش
دينيس :اه
لمسات يديه تلفوها بقات غير كتشوف فيه حتى هو سكت مركز غير مع ملاميحها وعويناتها ...ماحسش براسو حتى نزل يديه من شعرها على كتافها لعرايانين تا وصلهم لخصرها وحبس دينيس فكل حركة دار خلاتها تبورش وقلبها يضرب فلمية ...بقاو غا ساكتين وكيشوفو فبعضهم ..ماحسش براسو تابدة كيقرب لشفايفها شوية بشوية هي تبلوكات ماقدراتش تمنعو حتى حسات بشفايفو دافين على شفايفها ..عاد قفزات دفعاتو وبعدات:عصام شكا دير
مسح على راسو ماعرفش كيف وقع ليه:دينيس سمحيلي انا ..
قاطعاتو:خاص نمشي
شدها من دراعها:ماعرفتش شنو وقع لي سمحيلي
دينيس:عصام خاص نمشي
مابغاش يرخي منها:تقلقتي
بقات كتشوف فيه:لا
عصام ركز فعويناتها لي كيبريو رخة منها وهي مشات كطير لبسات لفيسط ديالها وهزات ساكها بغات تخرج وهو يوقفها:ماغاتاكليش الحلوة
دينيس:لا
عصام:الا ماشي داك الحلوة غير الحلوة لي جبتي
دينبس حلات لباب:حمق نت
وخرجات وشدات لباب ركبات فالمصعد وتنهدات بالجهد بقات كتشوف فالمراية حتى بتاسمات عضات على شفايفها فرحانة بزااف تحل المصعد وخرجات قبل تركب فطومبيل علات راسها شافتو واقف فالبالكون ومبتاسم حلات باب طوموبيل ركبات طريق كاملة وهي مبتاسمة حتى وصلات لدارهم
دازو ساعات طاحت الضلمة
كانت جالسة فالصالة حتى كتشوف الخدامة خارجة:أتمشي
الخدامة:غير عيانة شوية غدا اتجي وحدة فعواطي
عائشة:لاباس عليك سيري رتاحي
الخدامة حلات لباب مشات بحالها
عائشة تنهدات نهار كامل وهي غي جالسة قنطات عاد الجو معيم باينة اطيح الشتا ديال الصيف كيجيب ليها اولد فاش كيبغي يرضع ويهزو ويديه معاه للجردة ولا يطلعو للبيت
عائشة:واش هدا ماغايخرجش
شافتو نازل من الدروج مد ليها اوللد وجاوب فواحد الاتصال خرج للجردة بتاسمات:ايه غنديرها بيك عاود
الزاهية وفيديها لبرية:اه غدا فصباح انمشي برجلي نصيفط هاد لبرية جا الوقت لي يعرفو شكون ولدهم ويعرف هو شكون واليديه
سارة شدات ليها فيديها:مزيان هادشي لي غديري
الزاهية:اه ان شاء الله يكون هدشي خيير
سارة:ماغايكون غا لخييير عصام غيولي تاهو من صحاب الجاه والمال
الزاهية:يستاهل ولدي
هو ماشي ديال التكرفيس
سارة:الله يعاونو
سمعو صوت الرعد
سارة:شتا كطييح كنحماق على شتا دصيف
الزاهية:علم الله عويشتي كي غتكون كتخاف من الرعد وهي غير بوحدها
سارة:راه معاها هارون
الزاهية:على الله
فمكان اخور
كان فالمكتب ديالو جالس وهو مبتاسم:بغيت هاد التصاور يتنزلو فالصفحة اللولة على صباح باش السي الزعيم اول مايفيق ويبغي يشرب قهيوتو مع الجريدة صباحية يشوف هاد الخير وهاد التصاور بغيت يكون هاد الصباح تاريخيي..بغيت حياتهم تقلب
الراجل:واخة اسيدي
جعفر:التصاور لي غيدارو فالجريدة يدركو للبنت وجها وهادوك لي ايتصيفطو لدار خليهم هكاا ..وتأكد التصاور يوصلو لمراتو شخصيا
الراجل:واخة اسيدي كون هاي
جعفر:يلاه يمكن ليك تمشي غدا بغيت لفراجة
خرج الراجل
وجعفر بتاسم كيتسنة تلصباخ بفارغ الصبر
داز الوقت
فاقت طافجة على صوت اارعد لقات غير الضلمة خافت بزاف وهي ناعسة غير بوحدها فالبيت ..قفزات فاش ضربات الرعدة بالجهد حطات يديها على قلبها :يااربي لا كنخاااف
نزلات من فوق النموسية وهي كترجف مشات بغات تشعل الضو ماشعلش مقطوع زاد خوفها والرعد مابغاش يحبس وهي كل شوية كتقفز نزلو دموعها فدارهم فاش كيكون الجو بحال هكا كتكون حداها ختها مريم وكيكون ضو مشعول ..تفكرات يوسف قالها ماتعتبش البيت ..غوتات فاش ولات ضربات الرعدة حطات يديها على فمها كترجف وماقادراش تحرك فضلام ..حلات لباب وهي كتحرك بشوية بقات غادة تا وصلات لحدا لبيت لي فيه هو دقات بشوية وتسنات ورجعات دقات بالجهد جوج وتلاتة دلمرات تا حل لباب شاف فيها وهو عاقد حواجبو بمعنى اش باغة
عائشة:واخة تعطيني هارون ينعس حدايا
ماجاوبهاش شد لباب فوجها بلعات ريقها وهي كتشوف مع جنابها غا الضلمة بدات كتخايل شي حوايج زادو خلعوها رجعات دقات هاد المرة حل لباب بالجهد
وزدح لباب تا قفزات من بلاصتها رجعات اللور وهي كتبكي صوت اارعد مع صوت الشتا بالجهد كيخلعها خصوصا ضو دالرعد لي كيضرب فالشراجم حسات براسها بحال شي فلم دالرعب وسط الضلمة ..ماعرفات مادير بغات تنزل لتحت ولكن خافت كلشي مضلم قربات للباب وجلسات حطات راسها على لباب ويديها على ودنيها ماباغاش تسمع هاد الاصوات وغمضات عنيها فالضلمة كتخايلو ليها شي حوايج ماكاينينش ..واخة هدشي كامل ماقدراتش تغلب على خوفها وماقدراتش تمنع راسها باش ماتسمعش صوت الرعد ..
عائشة ولات كترجف غير بوحدها كتر وكتر وقلبها حاسة بيه ايوقف بااخلعة تكمشات على راسها وهي كتشهق بالبكة خايفة بزاف تمنات فهاد اللحضة تكون معاها ماماها ولا ختها ..زادت كرهاتو فهاد اللحضة ماراعاش انها باقة بنت صغيرة مزال كتخاف مازال محتاجة لي يوقف معاها ويحس بيها مازال قلبها صغيور وهشيش ...ولات كلها عرقانة وغير كترجف وعنيها ماقاضراش تحلهم تبلوكات تا النفس مابقاتش قادرة التنفس ..
كان ناعس حتى كيفيقو صوت هارون كيبكي ناض وشاف فيه هزو بين يديه عرف فيه الجوع نزل من فوق النموسية بغة يشعل الضو لقاه مقطوع تنهد وخدم لفلاش ديال طليفونو ..وحل لباب حس بشي حاجة طاحت بين رجليه رجع اللور ونزل لفلاش يشوف اش كاين تصدم فاش شافها طايحة فالارض ويديها على ودنيها وكترجف ..مافهم والو فهاد اللحضة تشعل الضو وتوضحات ليه الصورة .مشة دغية حط هارون ورجع لعندها تحنى لعندها غير قاسها قفزات وهي خايفة لقاها عرقانة وحرارتها مرتافعة بزاف تحنة هزها بين يديه لقاها مزيرة على داتها حطها فوق النموسية وبدا يضرب على وجها:عاائشة ...
عائشة كتقول غير جوج كلمات بصوت متقطع:ماماا انا خايفة
والو مابغاتش هزها دخلها الحمام طلق الرشاش وحطها تحتو حتى شهقات حلات عنيها وهي كتبكي وتعيط ماما عرف انها خايفة بزاف شافت فيه وهي كتبكي:بغيييت ماما ديني عند ماما عفااك مابغيتش نبقة هنا
يوسف غير مصدوم وكيشوف فيها بحال شي بنت صغيرة كتدوي معاه كترجف والخوف فعنيها
ضربات رعدة بالجهد تخلعات ماحساتش براسها حتى عنقاتو وهي كتبكيي:عفااك ماتخلينيش بوحدي كنخاف بزاااف عفاك مانقدش نبقة بوحدي خليني معاك
بقة غير واقف مبلوكي فبلاصتو وهي متعلقة فيه كيحس برجفتها ..كيحس بدوك الانفاس الحارة ديالها على صدرو ..بغة يبعد:عائشة سعيني
زيرات ليه على تيشيرط:لا لا مانقدش خايفة بزاف خليك معايا هكا عفاك
يوسف:دابة غير سمعيني
عائشة دفنات راسها فصدرو وزادت فلبكة:غدي تخرجني عوتانس لبرة مانقدرش نتسحمل الضلا والرعد بوحدي راه كنخاف خليني معاك عفاااك ماتخلينيش بوحدي على برة شوف والله مانعاود ندير شي حاجة تقلقك غير خليني
تنهد وه كيسمع صوت شهقاتها وصوت الرعد كيزيد يخلعها فلحضة تمنى كون قدر يحبس هاد الرعد كامل ..زرب عليها وبعد وهي لاسقة فيه شدها من كتفها وتحنا لمستواها :ماعندك مناش تخافي حبسي عليا هاد البكة
عائشة :ولكن اتخليني ماتك نت وتارون ياك ما اتخرجنيش برة
تنهد بنفاد صبر:اه غا سكتي
واخة هكاك مامتيقاش شدات ليه فيديه وزيرات صافي جاتها الحالة لي كنجيها فاش كتخاف هكا كتولي
جرها معاه خرجها للبيت بشاف فهارون كيبكي شاف فيها تاهي كتبكي تنهد ماعارفش شغا يدير ولا كيف غيتصرف مسح على راسو حس براسو بدا يتعصب صوت بكاها والبكة دهارون ديرونجاه فدماغو شاف فيها:عائشة واش من نيتك دايرة هاد الحالة شوفي هارون كيبكي فيه الجوع
عائشة شافت فهارون:صافي دينا عند ماما
يوسف علا حاجبو:دايرة هاد الحالة باش نديك عند مك
عائشة خافت يرجع يخرجها:لا لا والله ماهما صافي هنا جالسة
تنهد شاف فيديها لي شادة فيه وفحالتها كلها فازكة بغة يرخي منها وهي تزير عليه:فين غادي
تنتر منها ودخل لبيت تبدال هي جلسات فوق النموسية كتقفقف غا بوحدها ..بدل عليه وخرج رما عليه واحد تيشيرط:لبسي هداا واجي
عائشة:لا انلبس هنا منقدش ندخل لبيت تبدال بوحدي لا لا
يوسف مسح على راسو وهو معصب ناض لعندها شدها من دراعها وزير:واش كتحيمقي عليا ولا شنو شمن فيلم هدا عاود.كديري
نزلو دموعها :والله مافلم والله تاكانخاف من هاد الجو ماكانقدرش عليه قبيلة خفت بزاف وسط ضلمة ماعرفتش تخايلت شي حد اجي ايقتلي ولا سي رعدة اتضربني وغانموت ماكانحملش ضلام والرعد ايوسف كيخنقوني
سكتات وهي كتبكي ..رخة منها وشاف فهارون هزو بين يديه عقلو خارج بالبكة:ردعيه بعدة
عائشة كتهز راسها بلا:ماقاداش
خنزر فيها:كيفاش ماقاداش
جلسات فوق النموسية
قرب لعندها حطو بين يديها:رضعيه
ذداتو وقداتو فوف حجرها علات راسها شافت فيه ماقاداش تجبد البزولة حداه وهو كيشوف فهارون عطاتو بالضهر وبدات كترضعو بقات كتشوف فيه وجهو ولا حمر بالبكة وعرقان من جبهتو تنهدات وشدات ليه فيديداتو تخايلات تاهو كان خايف من صوت الردع ولكن باقي صغير باش يقول انا خايف فكتافة بالبكة تفكرات انه يقدر يكن حس بنفس احساسها جراتو لعندها كتر وهي كتشوفو كيرضع حتى شافتو غمض عنيه ونعس ..حطاتو فوق النموسية دورات وجها لقاتو واقفبعيد وكيشوف فيهم بلعات ريقها وناضت هزات داك تيشيرط لي عطاها شافت فيه باش يفهم راسو انها ماتقدرش تحيد حوايجها حداه
تنهد ومشا وقف اونفاص مع الشرجم كيشوف شتا كيف خيط من سما..هي حيدات داكشي لي لابسة بقات بدو بياس مرة مرة كتشوف فيه
قفزات فاش رجع ضرب الرعداح ليها تيشير وغوتات ضار لعندها .بدات بالبكة عاود رجع ضرب تاني ماحساتش براسها تا كانت قدامو :عفاك شد داك الشرجم الله يخليك
يوسف كيشوف فيها عمرو شافها خايفة تا لهاد الدراجة ماحسابلوش رعد بسيط وشوية ديال الشتة اتركب فيها الرعب ..
شد الشرجم ورجع شاف فيها طلعها ونزلها واقفة حداه بدو بياس الخوف خلاها تنسة راها هكا قربات لعندو :واش ايبقة هادشي ليل كامل هكا
ماجاوبهاش مركز مع حركاتها وشفايفها وزيد عليها جسمها الشبه عاري صدرها واقف مع رضاعة ووزنها زايد على اخر مرة شافها هكا .زادت قربات لعندو وهي كتسمع الاثوات لي كيخلعوها شدات ليه فيديه :ماتقوليش خرجي عفاك
حطات راسها على صدرو وهي كطلبو عارفاه يديرها ويخرجها ويخليها بحال قبيلة كتبكي ..كانت قريبة ليه بزاف علات راسها وشافت فيه:صافي ياك
ماحسش براسو تا بعد خصلة من شعرها على وجها وهو غير ساكت مراقب رجفة شفايفها ونويفها لي ولا حمر بالبكة ..عائشة كتستلطفو بعنيها:صافي
يوسف تنهد حركاتها وطفولتها جدبوه خاف يتهور يدير شي حاجة بعد ومشا تكا فوق النموسية حدا هارون هزو وحطو على صدرو ..بقات كتشوف فيه قربات وطلعات حداهم وحطات راسها على المخدة وهي كتسنة ردة فعلو واش تيجري عليها لكم بقة ساكت ..مد يديه وطفا الضو قربات تا لسافت فيه وشدات ليه فدراعو خافت ..شعل ضو خافت فلحمر وشاف فيها لقاها كترمش بعويناتها نطق بصوت خافت :ماعرفتش كي درتي جبتي هاد الولد
بقات غير ساكتة وهي كتشوف فيه
تقاد هو فبلاصتو وغمض عنيه باش ينعس بقات شحال كتشوف فيه حتى داتها عنيها وهي شادة فيه
صبح الصباح بنهار جديد
كانو مجموعين كيفطرو ..نزلات من لبيت جلسات حداهم وهي غير ساكتة كلشي بقة كيشوف فيها ..
بدر تنهد بقات فيه تحت عنيها زورق وشعرها مخبل ووجها شاحب باينة بايتة كتبكي
شافت فطاهرة:تا هاد ليلة ماباتش فدار اخالتي
اكرام شدات ليها فيديها:عذريه دابة يرجع كلشي كيف كان راه كيبغيك
نرجس بتاسمات:اه كيبغيني بصاح
شربات شوية من العصير:هنا صابرة ماعندي ماندير
ناصر جبد.طليفونو صونا عليه لقاه طافي .شاف فبادر .بدر شاف فيه بمعنة ماعارف والو
دينيس غير مصدومة لدرجة دموعها نزلو هاديك صاحبتها لي كتيق فيها ماتجيهاش تا لبال
كلشي مجموع عليها كيشوف التصاور لي كانو اكبر صدمه بالنسبه ليهم ناصر رجع راسو اللور شارد و كيفكر وتاكد من جميع شكوكو دينيس متحرك راسها بلا وعيناها مغرغرين بدموع ممتيقاش لي كتشوف بعينيها وطاهرة منزله راها باسى حاطها يدها فوق كتف نرجس كتواسيها نرجس مقدراتش باقي تحبس دموعها خباتهم بما فيه الكفايه وجا الوقت فين تصب البركان لي داخلها
مشافتش فيهم و متقلباتش وراها هزات
لكونطاكت ديال اللوطو و خرجات كتجري و مكتشوفش بعينيها لي مغرغرين بالدمووعع مقادراش تزيد تحمل حبو ليها ذلها و حطم كبرياءهاا وكرامتها و كل حاجه قويه وزوينه فيها كسرها
هزات اللوطو و ديمارات مكسيريه خلات دخان
و العجاجه نايضه وراها و صوت عجلات السياره مسموع بصخب ومجهد دليل على السرعه لي كانت غاده بيها وهي
وسط السياره كتمسح فدموعها مزيره على الفولون مشات للدار ديال يوسف فتحو ليها الحراس
ودخلات فحال العجاجه طالعه لبيتو
حطات يدها فوق البواني ديال الباب غمضات عينيها كتاخد نفس عميق قبل متفتح الباب بجهد و الصدمه كانت هنا ،
هنا حلات فمها
و الدموع عاد مازادو سالو فاش شافتو ناعس
وحاط فحضنو وليد صغير بينو وبين عائشه و مرتاح فنعاسو من زمان مشافتو ناعس بديك الطريقه حسات بقلبها تخطف وتقبض عليها حطات يدها فوق صدرها
مكمشة عليه كيوجعها بزاف شهقات بصوت مسموع
ونطقاات بصوت مشدود وقوي غوتات
باسمو و بصوت تردد لمسامع يوسف لي فاق مذعور دور عينو وبانت ليه و الصدمه على
وجهو كانت قوى من صدمتها
ناض جالس كيحك فعينيه مازال فالشك واش راهو يحلم ولا فالواقع نطق بصوت مدعدع مع عاد فايق : نرجس ؟؟
نرجس بانفعال و الغواتات: اه ، نرجس لي خليتيها فالدار ساد عليهااا وخارج تبات مع الخانزات نرجس لي صابرة عليك و على فعايلك ونت غير مكتزيد فيه
يوسف: نرجس سكتي
نرجس ضحكات باستهزااء وباقي الدموع فوق خدودها شلال: ولا حيت انا صافي مشاليا ولدي مشاليا ولدي و غتخليني
صوتها و غواتها فيق هارون مخلوع بدا يبكي حتى فاقت عائشة مغمضة عينيها كتقلب عليه بيدها باش تعطيه يرضع حتى
كتسمع الغواتات عاد انتابهات و فاقت
هي الاخرى مخلوعة ولكن متصدماتش من وجود نرجس حيت عرفات التصاور غيكونو وصلوها
وجات كيف الزلزال بغات طير عليها وكتشنشط معاها وتعابز توصل ليها مكرهاتش فداك اللحظه تقتلها هي
و ولدها حيت نار الغيره و الحقد عماو عينيها و طعم الخيانه المر حرق قلبهااا
عائشه طارت مخبيه وراء ظهر يوسف وهازة هارون لي مازال كيبكي وهي مزيره عليه كطل بنص عين من وراه على نرجس
تقت فيييكك ودخلتك لداارييي و وكلتك طعامييي باش تخطفيلي راجلي المشعوده
بدات كتشعبط بغات توصل لعائشة وهي كتضرب فصدرو و تحاول و تقمش فصدرو و عنقو وهو كيشد يدها بسيف ويبعدهم على عائشه
نرجس وعينيها حمرين مغرغرين همسات ليه: كذاب وخاين تقت فيك وبغيتك ونت كل ليله كنتي توهمني و تومني بحبك وانا كيف الحماره تايقه ونكدب شكوكي وتاببعاك مغمضه عيني عند بالي حازن على ولدنا ساع نت عوضاتك الكلبة ماشي فحال حرقتي انا الحرقة ديال ولدي و الكية لي درتيلي منساهاش
يوسف شدها من دراعها: نرجس تهدني وخلينا ندويو
نرجس بعدات و شافت فيه باستحقار وهي كتبعد : لا ، مترجعش تقيس فيا
يوسف : نرجس غيير
سكت قبل ما يسالي فاش سمع صوت شي حد طالع دار طل بشوية كيشوف باه و مو قدامو و حتا بدر و دينيس غير كيدورو عينيهم و الصدمة كانت قوى فاش شافو هارون بين أحضان عائشة
الطاهرة هزات عينيها فيه بحالة كتأنبو بعينيها بلا متهدر اما نرجس تلاحت على عائشة باغا تجرها عندها و يوسف واقف وسطهم : بعدد حييد خللينيي نبرد فييها حرقتيي بعد
بقات كتجبد حالفة حتا توصل ليها و عائشة غير مخبية ورا ضهرو كتمشي و تجي فبلاصتها كتبعد من ايدين نرجس حتا حكمها يوسف مزيان من دراعها و غوت فوجهها بلا ميحس : نرجس رصاااي
شافت فيه بعيون دامعة و سنانها كيتقرقبو : رخيي مننيي
رخا منها و رجع دوز بيدو على شعرو : نرجس سمعي ...
قبل ما يكمل كانت خرجات من الغرفة و نازلة مع الدروج كتبكي داك الساع تبعها بدر نازل و كيناديها هي موقفات حتا وصلا لطوموبيلتها طلعات و كسيرات على الجهد خللاتو واقف و حاير فالتالي مشا لسيارتو و كسيرا تابعها
فالغرفة لداخل بقا شي كيشوف فشي حتا حد مقادر استوعب اش واقع حتا دوات دينيس : عائشة حرام عليك، تقت فيك و درتك صاحبتي كلنا تقنا فيك
عائشة بقات غير كتشوف معرفات باش تجاوبها زادت ضمات هارون عندها كثر فصمت كتراري فيه يوسف مسح على وجهو : نرجس..نرجس
هز الكونطاكت ديال السيارة و نزل يقلب عليها، دينيس خرجات و حتا الطاهرة ناصر بقا واقف شحال سمع صوت تيليفونو جبدو و تنهد نفس الاتصالات كلشي باغي يعرف اش كاين، خرج حتا هو تابعهم كيفكر كيفاش يحلها
جالسة وسط الصالون كتشوف فبرية قدامها عاد وصلاتها و عماد حداها كيقرا فالجريدة، بقات كدور فيها ممكتوبش عليها شكون المرسل، تنهدات و حللاتها، يللاه ا تحلها سمعات صوت عماد غوت : لاا يووسف ما يديرهاش
حطات الظرف فوق الطاولة الزجاجية قدامها و شافت فيه : شنو لي ميديرش مال يوسف ؟؟
مد ليها الجريدة كيمسح على وجهو هي شهقات و حطات ايدها على فمها فاش قرات داكشي : لا لاا ميمكنش، هاداا يوسف يا ربي اش هادشيي
عماد وقف : اندوي مع ناصر
هزات راسها باه كتقرا فالجريدة و متبعة معاها بدون تصديق
نرجعو لنرجس مزال سايقة غير كتبكي مزال ممتيقة هادشي عقلها ا يخرج من بلاصتو بالبكا، مبقات عارفة اش هاص دير، غادة كتزيگزاگي فالطريق مشادة حتا اتجاه محدد كتشوف غير الضبابا قدامها و دموعها غطاو عليها للرؤية، حتا كتفراني بالجهد فاش شافت راسها داخلة فبوطو، تسمع صوت الروايد مجهد كيضر فالمسمع فاخر لحظة نجات براسها و فلتات منها تكات براسها على الفولون و خللات دموعها نازلين بوحدهم حتا سمعات صوت الدقان فالزاحة، دارت بتثاقل كتشوف فيه قدامها، شكون من غيرو الشخص لي من ديما واقف جنبها و مساندها حللات باب السيارة و رجعات تكات براسها
بدر : واش اتبقاي هككاا ؟
نرجس : و شنو نقد ندير صافي كلشي مشا ا بدر هو صافيي مبقاش باغيني بحال لول صافيي ا بدر هو لقا البدييل
بقا كيشوف فيها متحسر على حالتها حاس بألمها و كيتألم معاها : يللا نرجعو
هزات راسها و خركاتو بلا : لا لاا مبغيتش نرجع لاا ميمكنش نرحع لديك الدار مزال
هزات راسها باه و تبعاتو لسيارتو طلعات و كسيرا هو غاديين فصمت تاام كل و فين ساهي بافكارو
وقف قدام اموبل كبييرة قبالة الگراج مباشرة، تخل اوتوماتيكمون و دخل بسيارتو عاد وقفها نزل و دار حل ليها الباب نزلات حتا هي مشا للمصعد و تبعاتو ضرب فالايطاج لي بغا
تحل المصعد و خرجو بلا مينطقو بحتا كلمة وقف قدام باب الدار و حل الباب خوا ليها الطريق دخلات عاد تبعها و هي كدور عينيها : هادي دارك ؟
هز راسو باه : مرحبا بيك هانا جاي
انساحب بهدوء و مشا لغرفتو مخلليها كدور عينيها فالأرجاء جبد تيلي و دوز لابيل بيوسف لي كان كيقلب عليها علمو بللي راها عندو فالدار و قطع رجع عندها جلس جنبها لقاها كتبكي تاني شافت فيه بعيون دامعة و شفرانها كيتلصقو : واش انا خايبة حتا لهاد الدرجة ا بدر
بقات غير كتشوف فيه مصدومة:بهاد السهولة اتلوحني فدار بابا تهنة مني وتسمح فيا بحاليلا عمري كنت فحياتك جاتك على قلبك باش تاخد راحتك مع داك البرهوووشة الغدااااااار
يوسف تنهد:نرجس نتي معصبة وراه مايمكنش نتفاهمو هكاا حاجة وحدة لي أنقولك ماغانسمحش فيك
تنترات منو ورجعات اللور:واش يحسابلك غير نت لي كاين فهاد الدنيا واش كيحسابلك انمووت ايلا ماكنتيش فحياتي ولا شنوو الاااا والف لاا صافي سالينا هناا ماغانتسناكش حتى تلوحني طلقني ايوسف باش نرتاح انا هدشي مانرداهش لراسي
مسح على راسو غمض عنيه ورجع حلها:نرجس ماتقوليش شي حاجة تندمي عليها
نرجس قريات تالعندو وهضرات وهي عاضة على سنانها :انا ندمت على نهار لي بغيتك عاد اندم عل هاد القرار عرفتي شنو اه ديني لدارنا هاديك هي بلاصتي نعيش مع ماما وبابا عاطيني قيمة وكيخافو عليا من الريح لا ضربي بغيت نمشي بحالي ونخرج من حياتك صافي بغيت طلاق
مشات حلات لباب وخرجات
بدر خرج:اتديها لدار وليديها
يوسف تنهد:اه
وخرج تبعها لقاهت واقفة حدا طوموبيل ودموع نازلين من عنيها حل طموبيل ركب وركبات حداه ..يلاه أيديماري وهو يسمع طليفونو كيصوني شاف المتصل علي تنهد وشاف فيها:خالك
نرجس مسحات دموعها:عطيه لي
عطاها طليفون جاوبات
علي :يووسف نرجس امانة عندك ونت خنتي الامانة
نرجس وهي كتبكي:خالي
علي:نرجس فينك اش باقة يري معاه
نرجس:اجي ديني لدارنا عفاك مابقيتش بغيت نبقة هنا
يوسف خدا ليها طليفون:نرجس انا لي غنوصلها
وقطع
نرجس:مابغييييييتش
ديمارا بلا مايجاوبها وهي غير كتبكي ..مشا نيشا لجيهت المطار من بعد مادوا مع واحد من رجالو يوجد ليه طائرة الخاصة بيه وداكشي لي غيتحتاج
نرجعو عند عائشة
بقات جالسة غير هي وهارون فدار
تنهدات ناضت لبسات عليها وجمعات شعرها وهزات الولد وخرجات خاص تمشي بحالها ..وقفها واحد من الرجال:سمحيلي ولكن راك عارفة
قاطعهم صوت طموبيل داخل ضارو بجوج كيشوفو شكون..مشا دغية كيجري حل ليه باب طموبيل :مرحبا سي الزعيم
ناصر كيشوف فعائشة مشا لعندها ونفس راجل تابعو وقف حداها حنات راسها وهي حشمانة منو ماقادراش تشوف فيه شادة هارون مزيان
ناصر بقة كيشوف فهارون تنهد:فين غتمشي
عائشة وهي كتشوف فالارض:بحالي ولكن ماخلانيش
ناصر شاف فالراجل لي بدا كيهضر بوحدو:سي يوسف الزعيم اكد علينا باش ماتخرجش من دار
ناصر شاف فعائشة:زيدي غنوصلك لدار
عائشة:لا اعمي مايحتاجش
ناصر:هنا سبقتك
الراجل:ولكن اسيدي...
قاطعو وهو كيحل باب طموبيل:ديها فخدمتك
حنا راسو وسكت
عائشة بقات واقفة حتة كتسمع صوت الكلاكسون تنهدات ومشات ركبات اللور على قبل هارون . ناصر ديمارا من بعد ماعطاتو العنوان وقفها قدام الدار قبل تنزل وقفها بصوتو:هاد لعشية غنجي انا وطاهرة لعندكم الموضوع مازال ماتسالا
هزات راسها باه
ناصر نزل حل ليها باب طموبيل نزلات وهي مازال حانية راسها بغات تمشي وهو ياخد منها هارون هزو بين يديه علات راسها وشافت فيه وقلبها كيضرب فلمية يسحاب ليها غيديه ولكن شافتو كيبتاسم ليه باسو على راسو ورجعو ليها خداتو ودخلات بحالها وهو ركب فطوموبيلتو مشا
سارة:ااصحافة دايرين قربالة بتصاوركم ولكن وجهك مخبي
عائشة:كيفاش الصحافة اش جابهم للهضرة
سارة:وياااه انا وتصدمت شعلت تلفازة كيهضرو على هزيت طليفون كيهضرو على هاد الفضيحة الجرائد والشوهة نايضة مافهمت والو
سارة مدات ليها طليفون تشوف عائشة تصدمات وهي كتشوف فتصاور :اويلي كيف وقع هدشي
الزاهية:هدا شي واحد هزها فيه حسيفة كان مراقب كلشي
عائشة حطات طليفون وهي كتنهد:اصلا تاهو فرعن ماعرفتش فين كان باغي يوصل ضاروري خاص يوقع هادشي هو راه باغي ياخد.مني الولد ويلوحني باغي يمرمدني ويديرني تحت الصباط وهدشي لي عمرو غيكون ضربة بضربة تانشوفو هادشي فين غيوصل
الزاهية:شغا نقولك ابنتي ربي كبير وكيشوف وهو لي قادر يحلها
سارة:وعصام شنو غنديرو معاه
عائشة :والله ماعرفت ولكن راه كان غيعرف ..ماكانش خاص يوسف يعرف الولد فمرااا عرف فوقت مامناسبش كنت باغة حتى نقاد اوموري ونوقف على رجلي وشلا حوايج ولكن كلشي وقع بالعكس
الزاهية:عصام مايتخافش عليه ولدي وقاد براسو من ليوم ماغانهزوش هم عصام
عائشة:خالتي طاهرة وراجلها غيجيو لعندها
سارة:ناصر الزعيم
عائشة:اه..عرفتي حشمت منهم بزاااف كون تشوفو دينيس كيف شافت فيا ..ماكنتش باغة نخسرهم دارو فيا غير الخير ونرجس عكري شفت منها شي عيب
الزاهية:هدشي مكتاب يوقع مانفكروش فيه نفكرو فلي جاي دابة
بقاو كيفكرو شغا يديرو مع الطاهرة وناصر لي غيجيو
فالمطار
كانو حدا طيارة كلشي واجد
كانت واقفة وكتبكي وهو واقف حداها خاشي يديه فجيابو وكيشوف فيها
نرجس شافت فيه:عمري نسا هدشي لي درتي فيا نت هو غلطة حياتي ايوسف
هو غير ساكت ركبات وجلسات فبلاصتها وهي كتشهق بالبكة كتطل عليه من شرجم كيف واقف وحاضي طيارة وهي كتقلع ..طيارة بدات كتهز وقلبها كيتهز معاها كتشوفو واقف جامد ماكرهاتش كون شدها من يديها وقالها سمحيلي انا غلطت وغنعوضك كنبغيك نتي وعمري نسمح فيك وماغانطلقكش..هو دار العكس دغية صيفطها لدار باها ماحاسش بقلبها لي كيتحرق رجعات راسها اللور ملي ولات طيارة فسما
يوسف ركب فطوموبيل ومشا شاد طريق ماعارفش فين كيفكر باغي يرتب افكارو باش مايغلطش
دازو ساعات
كانت جالسة فصالة من بعد مانعسات هارون :قالولي هاهوما فطريق
بقاو كيتسناو حتى سمعو لكلاكسون طلات من شرجم بانت ليها رونج عرفاتها دناصر:وصلو
سارة:مريم حبيبة هبطي لعندهم
نزلات مريك كتجري ستقبلاتهم وطلعاتهم لدار
دخلو
عائشة جالسة ماقدراتش تشوف فيهم
الزاهية:تفضلو جلسو
جلسو كاملين بقاو ساكتين حتى دوات طاهرة
طاهرة وهي كتشوف فعائشة:عائشة تصدمت فيك بزاف ماحسابليش نتي هكا .باش تقربي لراجل مزوج هادي راه غلطة كبيرة .بغيت غي نعرف نرجس باش اداتك باش ديري فيها هكا .انا عارفة ماشي بوحدك غلطانة تا ولدي غالط وغالط بزاف ولكن نتي راك باقة صغيرة مزال تعيشي فدنيا وتشوفي .هدشي كبير عليك .حنا ماصرفنا معاكم غير خير ستقبلناكم فدار ومافرقناش بينك وبين بناتنا
عائشة غير ساكتة ماقدراتش تدوي تبلوكات
طاهرة تنهدات :زعمة بااز والله حتى بااز
سارة:سمحيلي اخالتي ولكن نتي ماعارفة والو
طاهرة:شغا نعرف انه عندهم ولد ومخبيينو علينا كيخونو فالبنت يلاه عام باش تزوجو طعنوها فقلبها ربي لي عالم بيها هدشي لي غتقولي
الزاهية:حنا راه دازت علينا شفنا الويل تعدببنا قبل منكم
طاهرة شافت فعائشة:دوي قولي نتي شي حاجة كي درتو حتى وصلتو لهادشي
عائشة شافت فيها بعنيها الدامعين بقات كتبكي
طاهرة تنهدات ناضت لعندها شدات ليها فيديها:عاوديلي دابة لي وقع وقع
عائشة غير كتبكي
طاهرة بلعات ريقها:واش يوسف تكرفس عليك غير قوليلي ياك غتاصبك
ناصر وقف عارف ولدو ماشي من هاد النوع رباه وعارفو شكا يسوا مستحيل يديرها:يوسف مايديرهاش
طاهرة ماداتهاش فيه:تكرفس عليك ياك
عائشة هزات راسها بلا:لا
طاهرة عاد رتاحت ماتبغيش ولدها يكون مغتصب ماباغاهش يدير نفس الغلاط لي دار باه معاها
عائشة مسحات دموعها:انا اخالتي من اول مرة شفتو عجبني وليت كنفكر فيه بزاف وهو ديما كان كيمرمدني ولكن من بعد حسيت على راسي وقلت نحيدو من بالي سيد مزوج وماشي من المستوى ديالي ونرجس مادارتلي والو فعلا مابقيتش درت بساحتو مابغيتش نخسر علاقتي معاكم ولكن هو ولا كيتقرب مني وفو قما يتلقاني كيستحقرني وقعو لينا ضروف جدة مرضات وحتاجت فلوس العملية....
عودات ليهم كلشي بالتفصيل وسكتات وهي كتبكي رجعات شافت فطاهرة:انا داك ليلة ماعرفتش كيف وقعلي انا ماشي من داك النوع عمري فكرت حتى نديرها ندمت بزاف .وهنا دابة كنخلص يوسف معيشني فالرعب فين ماندور نلقاه معذبني فحياتي وباغي يدمرها ليا وياخد ليا ولدي خالتي طاهرة انا ماباغة والو منكم غير يبعد مني انا ولدي ماناوياش نفرقو على مراتو
طاهرة بقات غير كتشوف مالقات ماتقول
عائشة:جالني لداك دار لي كنا فيها بالسيف عليا وكيتسنة اي فرصة باش يعدبني كيقولي انا وحدة مسخة وماكانسواش كيهيني فشرفي وهو عارفني شكا نسوو خالتي لبارح كان غيقتلني شفت الموت بعيني ..وبسبابو عشت واحد ليلة خايبة ومزال باغي يزيد يكمل عليا خالتي بغيتو غير يخرج من حياتي وصافي الله يخليك ديرولي شي حل انا ماباغة منكم واالو
طاهرة بقات فيها هي حاسة بيها وعارفة هاد الاحساس ومجربة هادشي لي هي فيه .وعاد هي باقة صغيرة على هدشي.شدات ليها فيديها:عائشة لي نقدر نقولك انه ماغانخليهش يأديك ولكن اولد كيبقة ولدو مستحيل يتفرق عليه
عائشة:ومستحيل نخليه ياخدو ويخليني
طاهرة:سمعيني تانتي غالطة وتاهو غالط نتي من لول ماكانش عليك تشوفي فراجل مزوج وتبداي تقربي منو واخة ماشي لخاطرك ولكن راه مزوج هكا راه ولا تاهو كيميل ليك وملي بغيتي نتي تبعدي هو ولا كيقرب تا وقع لي وقع ونسا راه مزوج خان مراتو لي كتبغيه
طاهرة تنهدات حارت ماعرفاتش شغا دير شافت فناصر غير ساكت كيتصنت عا فاه راه كيخط فدماغو وكيفكر ومركز معاهم وعيلقة شي حل
بقاو كاملين ساكتين كيفكرو
فجيهة لوخرا
عيا بدوران مشا اول حاجة دار تحاسب مع المجلة والاداعة لي نشرات التصاور حيت مايمكنش يدوزها سالمة تأكد انهم ماعارفينش شكون مول الفعلة عارفها ماشي عائشة حيت مايمكنش توصل لهاد الدراجة والاداعة المشهورة وزيد عليها ماعندهاش القدرة باش تصور دوك تصاور كاملين هدا شي واحد محترف وحلف تايجبدو من تحت الارض ولكن هدشي كامل ماكايغفرش العائشة التصاور لوخرين لي صيفطات غيرشافهم عرفهم .حيت كانت صيفطاتهم ليه..كان فطريق لدارهم.ملي مشا لفيلة عرف انه ناصر وصلها لدار ..كيسوك طاير تا وقف قدام بابهم طلع فدروج وصل الايطاج بقة كيدق بالجهد
كان فطريق لدارهم.ملي مشا لفيلة عرف انه ناصر وصلها لدار ..كيسوك طاير تا وقف قدام بابهم طلع فدروج وصل الايطاج بقة كيدق بالجهد ..حلات سارة لباب دخل كي شي عجاجة كيقلب عليها بعنيه ..شاف مو وباه ماهتمش ليهم مشا وجرها من دراعها لعندو شوية ويهرسها هضر وهو عاض على سنانو:كتستحمريني مصيفطة تصاور لداار كديري معايا الزكاير الموسخة
عائشة كتنتر منو:رخيي مني من شحال هدا وانا كنقولك بعد منيي مابغيتيش
طاهرة:عارفة كلشي وماغانخليكش تأدي البنت على خطأ درتوه بجوج وتانت داخل فيه
يوسف تعصب رجع اللور كانت واحد الطبلة حداه زدحها برجلييه:علاااش كدخلو فشي حاجة ماسوقكمش فيهااا هاد البنت صافي ولات مني ولات تحت يدي هي لي قلبات هدشي ومالقات غا لي يرضيها خاص تخلص على هدشي لي دارت
ناصر قرب لعندو:يوسف عارف راسك شكا تقول
يوسف :عارف .
ناصر؛خرج ايوسف
يوسف مسح على راسو المشكل باه كيحتارمو وماكايبغيش يغلط معاه حيت عمرو غلط معاه وعمرو باغي يديرها :الوليد عارفني شحال كنحتارمك وكلامك فوق راسي والوحيد فهاد الدنيا لي مانقدرش نزيد فوق كلامو غنخرج اه ولكن غندي ولدي معايا
عائشة:لاااا ماغاتديهش سمعتيني هداك راه ولدي اناا غيبقا هنا معايا
يوسف شاف فيها ومشا نيشان للبيت لقاه ناعس تبعوه كاملين هزو بين يديه بغة يخرج وهي توقف ليه فوجهو:حط ليا ولدي
أسقطته في شباكها فعذبها حتى أذاب فؤادها الجزء الثامن
محتوى القصة
طاحت فالارض حسات بداك الزدحة لي تزدحات شهقات بالجهد فاش حسات بالهوة بدا كيدخل لرية ديالها كان مزير عليها بزاف بدات كتكح ودموعها نازلين وكتحاول تنفس .شافت فيه لقاتو واقف وكيشوف فيها بكل برودة بلا رحمة بلا شفقة واخة كان ايقتلها شافتو جاي فتجاها تحنة تا لعندها شافت فعنيه من لبعيد تعرفيه حاقد هي عارفة هدشي لي دارت ليه ماشي ساهل ولكن يستااهل باش مايحسابليهش غا هو لي عايش فهاد الدنيا وقادر يتحكم فكلشي قدرات تلعب عليه كيف بغات ومازال تزيد تلعب عليه وتندمو حيت هو لي بغة هدشي فيقها من تفكيرها صوتو:نوضي
يتبع...
التنقل بين الأجزاء