كحلة العيون الجزء الثالث

من تأليف الكاتبة 338
2020

محتوى القصة

رواية كحلة العيون

فاقت مدوخة مع البارح بقات سهرانة مع واليديها شافت فالساعة لقاتها فات الخال اكيد غايكونو مشاو حيت دوزو معاها الويكاند ناضت كتجري لطواليط دوشات وخرجات لبسات حوايجها وهزات كتربتها وتيليفونها لي شراتو جديد بالنمرة ديال فرنسا والسوارت وهبطات مشات شدات الطرام باش توجه للكلية دخلات فوسط المحاضرة متبعة تاسالات الحصة ديالها وهي تخرج طلاقات مع واحد صاحبتها تعرفات عليها يالاه هاد السيمانة لي دخلات فيها لهنا فطرات معاها عاد شداو الطرام ومشاو لبرج إيڤل هبطو كيضحكو ويتصورو ومشاو لواحد الكافيي تما الاطلالة ديالها زوينة كطل على البرج وكلسو ..

ميليسا : mais pourquoi tu as choisis la France 🇫🇷 (لماذا إخترتي فرنسا ؟ ) 

شهد : ( لا اعلم يمكنك القول فقط انني احبها) je ne sais pas tu peux dire que c’est le payer ou je me trouve

ميليسا : oui bien sûr, les marocains voir que la france la bonne paye pour étudier (نعم حقا المغاربة يرون أن فرنسا أجمل بلد للدراسة )

شهد : exactement ( فعلا ) 

ميليسا : je vois dans tes belle yeux beaucoup de tristesse ( ارى في عينيكي الجميلتين الكثير من الحزن ) 

شهد : n’est-ce pas!! ( أليس كذلك ؟ ) 

ميليسا : mais pourquoi ? (لماذا ؟) 

شهد : Bah, dans la vie il y'a beaucoup des choses qu'on peux pas les raconter... On veux tous simplement l'oublier ( في الحياة هناك أشياء لا نريد قولها... نريد نسيانها فقط) 

ميليسا : tu peux me faire confiance ? (يمكن الثقة بي ) 

شهد : Non, ce n'est pas question de confiance... Mais j'ai décidé de débuter une nouvelle vie sans regarder ce qui est passer au passé ( ليس شيئا متعلقا بالثقة، ولكن احاول البدئ في حياة جديدة دون النظر الى ما وقع في الماضي ) 

ميليسا بقات كتشوف فيها شحال، هي بصح عينيها كانو فيهوم حزن واخا مغطية عليها بالكحل دعينيها ولكن كانو كيخبيو حزن كبيير حسات بيها انها مقصحة من الموضوع وبالتالي قررات تبعد ليها على الموضوع فالاخير راه هي مين غادي تبغي تعاود ليها غادي تعاود 

سطاسيونا حدا الدار وبقا متكي براسو اللور على الكوسان .. فكل خطرة كيغمض عينو كيتفكرها،وكيتفكر نضرة عيونها باش قاليها هضرة تبكي الدم ،يا ريتو رجع الايام ورجع داك النهار ومايقولش داك الهضرة لا ومايتسلمش ليها أصلا، وقعلو واحد العذاب للضمير فشكل عمرو حس بحالو، دور عينيه كيشوف فالتذكيرة لي قطع، ماعندوش حل واحد أخور..



هو تسرع اه تسرع بزاف وداكشي باش دابا ضارو قلبو وخصوصا مين كان كيتفكر لقطاتها لي كتجيه بحال واحد التشاش فالذاكرة ديالو كتخربقو وترونو مين ناضت كتبكي حتا طاحت وقالها داك الهضرة السامة، هو كان عارفها شاربة شي حاجة لا واكثر حاجة ضراتو هي باش شاف الكاميرات لقا غفران لي قاتليها شي حاجة وشيراتليها لبيتو يعني عندها شي علاقة زاد زير على يدو حالف تايعرف اش عندها نزل من الطوموبيل وزدح الباب ومشا داخل بهدوء والكارزيما ديالو الموالفة تادخل للكوزينة لقاها نيت غابوحدها واقفة كتغسل شي ماعن هضر بصوت رجولي وعادي 

سيف : غفران 
قفزات وبالزربة طاح ليها الكاس من يديها وهي دور كتشوووف فيه 

غفران : سس سيدي ..
سيف : ( غادي وكيقرب ليها وكيشوف فعينيها نيشان ) مالكي غابشوية عليك علاش طيحتي الكاس 
غفران : ( رجعات يديها مزيرة على رخامة موراها ماكرهاتش كون دارت تنقد فوقها تهرب ) سس سمحلي ط طاح م من يدي. م ماشي بلعاني ..
بقا جاي تاوقف حداها ونزل شوية على ركابيه هز فيدو طرف دالجاح ورجع طلع عندها وهو كيشوف فداك الزاج وكيدورو فيدو وهي عينيها كيبريو فيها من الخلعة قربات تبول تحتها ..
سيف : ( شاف فيها ) مالكي خايفة هاكا راه غير كاس لي تحرك ..
غفران : ع عا عارفة اسيدي غي غير عن داك تجرح ي يدك .
سيف : مم لا ماغايقوعليها والو غير ( هو يالاه غايشدليها يديها بجهد حتا كيتسمع صوت من موراهوم ) ..
مرام : س سيف ( وهي كتشوف فغفران هاكاك مرعودة شداتها الخلعة من صبع رجليها الصغير ) مالك شنو واقع ..
تهن ورجع بهدوء خطوة للوراء وشاف فيها بشرعة هي هبطات كتجمع فالزاج لي لتحت ..
مزادش كلمة بسرعة مشا تخطا مرام بحالي ماكايناش ومشا طلع فالدروج مزير على يدو هو م مأكدش اقدر شهد فديك اللحضة غير سولات غفران على بيتو هو ماعارفش وخصوصا ان الكامرية كاينة غير حدا بيتو وهو لي مقررر يديرها فالدار بحكم عندو شي حوايج خاصة فبيتو داروري يحضيها دخل للاخيرة سد الباب بجهد ومشا وقف حدا الزاجة كيشووف تفكر خوه داك المهار تفكر النضرات ديالو باش كانو كيعاتبوه ..

#يتذكر## نبيل :بسبااابك ماابقاااتش باغا تبقااا تافهااد البلاااد السعييدة شنووو درتيي لييهاا هضضرر شنوووو ..
نعيمة : اوييلي وحدي اشنو كديييرو ..
سيف : ( رجع جبدو من الكول ) وشنوووو دخخخلك نتاااا اصلااا
نبيل : هاديك ( ماقدرش انطق وهو يتفك منو ) الى وقعاتليها شي حاجة ماغاتلوم غير راسك مشا خرج وخلاه كيشوف من موراه ..##

هو عارفو معجب بيها وهادشي لي زاد خلاه يزير على ركابيه رجع هز داك التذكرة باقي فبالو واش امشي ولا لا ، مين قالو نبيل داك الهضرة دأنها مابقاتش باغا تعيش تافهاد البلاد عرفها غاتكون خرجات للبرا ومشا قلب عليها فالكلينيك ولقاها خدات استمارة باش غادي تكمل قرايتها فكلية الطب فباريس ، ولكن علاش دغيا مشا خدا تذكرة مصمم انه غايمشي يقلب عليها علاش شكون هي وشنو كتهمو اه بصح غلط معاها ولكن يقدر يعتاذر ليها فالتيليفون ونقولو عيا مايعيط ليها وماجاوباتش ماشي لدرجة انه غايمشي اقلب عليها، ولكن لا شي حاجة شي حاجة فوسطو كتعيط ليها وكاتنادي باسمها وكل نهار وفكل لحظة كيتذكر عيونها وهي كتشوف بيه بنضرات متألمة نضرات ديال اننني بغيتك حب بريئ وشوف شنو دتي فيا حس براسو حيوان حس براسو ظلمها اه وماتحكمش فغريزتو .. ضرب واحد الطابلو كان معلق ورجع ضربو وضربو وضربو وباقي الحر لي فيه ماوقفش حيت لاول مرة كيحس ان روجولتو هانها بيدو


دخلات مرام شافتو حاط راسو على التصويرة لي زاجها مهرس يدو كتسيل بالدم مشات بسرعة وداك الطالون فكل مشية كيتسنع صوتو ..
مرام : سييف سيسف يدك ..
هزاتلو يدو بسرعة بقات كترعد شدوها الدموع طلعات عينيها كتشوف فيه وهو مغمض عينو كيفكر ..
مرام : ( عينيها مدمعين ) افين عندك الدوا فين ؟ ..
سيف : ( بهدوء بلا مايشوف فيها ) خرجي ( حيد يدو من يديها) .. 
مرام : ( دموعها مزلو ) لا شوووف يدييك كيداايريين لا ...
بلا ماتحس جرها باليد الاخرى من كتفها مزيديها تاخرجها برا دفعها تاطاحت وردخ عليها الباب تعوج ليها الطالون فرجليها تاتقصحات حيداتو بسرعة من رجليها ورجعات كتعرج ودق فالباب .. وهاد اللقطة دازت على نسرين جات بسرعة لعندها كتشوف فيها ..
نسرين : مالكي واقفة صاافي مااشفتيهش كيفاش دارلييك ( حيت بقات فيها وماعجبهاش التصرف ديال خوها ) 
مرام : لا يدو كتنزف لا ماايمكنش نخلييه هاكاك ..
نسرين : ( جراتها من يديها ودوراتها شافت فيها ) ديريي النفسسس فرااااسك ديريييي فيييك النفففس ..
مرام : ( دفعاتها ) بعدي مني ماغاانخلييهش هاااكا مااشيي شغلك ..
نسرين بلا ماتزيد تهضر معاها دارت ومشات بحالها ومرام بقات كدق وتحاول تفتح الباب .. نعيمة حلات الباب طلات عليها ونفخات ورجعات سدات الباب وخلاتها .. بقات هاكاك تاتفتح الباب ديالو وهي تشوفو غير ملوي يديه وخرج ڤاليز باليد الاخرى خلاها ومشا زايد وهي تبعو بزربة كتعرج ..
مرام : سيف فيين غااديي غييير جاااوب اهئ سييييفففف ..
هبط مع الدروج وخلاها تما نزلات شادا على راسها كتبكي ...

يالاه جا خارج وهو يطلاقا مع نبيل داخل تاحد ماشلم على الاخر ولا حتا دارلو قيمة تاداز سيف وهو يقوف نبيل ودار شاف فيه وبقا شحال كيشوف فالڤاليز لي هازها فيدو .. سرط الريق ديالو وزير على يدو .. يالاه دار وهو يشوف مو هابطة ومدورة يديها على مرام ..
بشرى : ( مع نبيل ) فين مشا خووك ماشافش خطيبتو على حالة خلاها فيها ..
ماجاوبش عليها دار يدو فجيبو ومشا مكمل طالع بحالو .. 
بشرى : اللهم طولك يا روح شهاااد الولاااد ولدت من كرشي يا ربي ( هابطين بشوية ) زيدي ابنتي شش دابا يرجع راه يمكن مشا غير للأباغطومون ديالو ..
مرام : ( كتبكي ) لا اهئ ا انا شفتو بعيني هز الڤاليز كبيرة بحالي مسافر ..
بشرى : غايرجع غايرجع شحال قدو يمشي راه يمكن غانادابز مع جدو واخا الصراحة انا مافهمت والو ..


ناضت اليوم قررات بعدا أول حاجة غاديرها هي غاتمشي عند طبيبة نسائية عاد غاتمشي للكلية 
لبسات حوايجها كسيوة ايفازي ومطلوقة من الكرش للتحت واصلة للركبة فالأسود ديال الصوف مع بوتيو طويل فكري دارت بوكلي لشعرها ودارت كاش كول فالكري وقادات الميكاب ا وكحلات عويناتها عاد هزاتها ساكها فالكري بسنسلة طويلة وهزات كتاب فيديها وهبطات مشات لعند الطبيبة دخلات شدات الرقم ديالها تاوصلات نوبتها ودخلات عند الطبيبة شرحاتليها بلي وقعليها تشخيص غلط انها عقيم وكدا ويالاه مأخرا مارسات علاقة وشرحات ليها حالتها عاد قاتليها الطبيبة تفضلي نفحصك ..
بعض الفحص خلاتها تلبس حوايجها ودخلات للبيرو ديالها تاسالات شهد وقلبها كيضرب من لي غاتسمعو مشات لعندها للبيرو وگلسات كتشوفها كتكتب عاد شافت فيها ..
الطبيبة : اول حاجة التشخيص غاط نتي ماعندك حتا حالة عقم بلعكس الرحم ديالك نقي وفحالة جيدة وحتا انه ماعندك لا تكيس المبيض لا والو ثاني شيئ أنه نتي حاملة وهادي السيمانة اللولة ديالو يعني من المفروض تبداي تعتاني بصحتك و.... 
بشوية عليها صدمة مور صدمة راه بزاف اصلا دابا تسمكات ومابقات كتسمع والو الطبيبة كتهضر وهي كتحس راسها داخلاليها فشي غيبوبة .. دوزات يديها كيترعدو على كرشها باقا كتشوف وبلا ماترمش طاحو جوج دمعات خفاف فوق خذها ... حتا شافتها الطبيبة بسرعة ناضت كتسولها وهي جسد مرفوع وروح كتفكر واش بصح لي كتسمعو .. واش دابا ماين واحد الجنين كيتحرك فالرحم ديالها واش بصح كاينة نطفة صغيورة من دمها محطوطة ولدها ولا بنتها ولهاا هي هي ... هي غادي تحمل وغاتبر تاهية كرشها وكل نهار غاتبقا تهضر مع الجنين ديالها وكل نهار غاتعرفو على صوتها وتحسسو انها هي الام لي انتاضراتو طول حياتها .. من مور داك الدموع تبسمات تبسيمة وهي كتشهق بالبكا ماعرفاتهوم الطبيبة واش دموع الفرحة ولا دموع الحزن ..تاشوية كتعنقها الطبيبة بقات غاكاتشوف .. غير بعدات مازادت قالت تاحاجة ومشات نيشان خرجات من تم لعند السكريتير حطاتليها الفلوس وهي كتبكي كولشي النسا لي كانو تم كيشوفو فيها وخرجات من الكابيني شافت فالدروج وهي توقف شدات فكرشها وابتاسمات وهبطات بشوية ودرجة بدرجة تاوصلات لتحت واي خطوة كتخطيها كديرها بشوية بحالي انها خايفة تقسحو ولو بمقدار شعرة شدات الطراماو للأمومة وهي كل خطرة ضحك ودموعها مابغاوش يوقفو اصلا الصدمة مزال معمية وحتى لكان حلم كتمنى ماتفيقش منو حيت زوين زادت ضمات يديها على كرشها وضمات مزياااااااااان وهضرات بلا ماتحس ..
شهد : عييت مانتسناك يا اغلى ماعندي عييت مانتسناك يا روحي عييت مانتسنااك يا جنين رحمي .. علاش تعطلتي عليا علاااش علاش خليتي ماماك تعذب عرفتي ميمتا وانا باغا نحس بييك مممم ..
حلات الورقة ديال التحليل وكتقيسها بيديها ودوز عليهوم انامل صبيعاتها وهي كتبكي وقف الطراماو وهي تنوض بحراكاتها البطيئة ونزلات متوجهة بخطوات جد متباطئة وعينيها مزال كيدمعو .. تاوصلات لباب الكلية والوراق فيديها مزيرا عليهوم علات عينيها تاشافتو كان قريب عليها وواقف داير يديه فالجيب دالمونطو وكيشووف فيها .. عينيها دمعو ودمعة طاحت من عينيها بسرعة .. وهو كيشوف فيها هاكاك حس بقلبو خرج وعينيه حمارو ..

أين أنت .. متى تأتي يا بني ؟ 
إني أخاف أن لا أراك ابدا ..
تعال لتخبرهم أنني لست بالحسودة فأنا لدى أطفال أيضا 
سئمت نظراتهم إلي ... أنقذني منهم يا بني 
إني أتخيلك في كل أوقاتي ولا أقول ذلك ..
أحاول أن أهرب من واقعي فلا أستطيع 
تلاحقني في كل مكان 
سأبقى في إنتضارك للأبد حتى الموت 
داعية ربي أن يمنحني إياك 
وإن لن أراك في الدنيا .. فإن الله قد أراد ذلك 
حمدا لله على كل شيىء 

🌸 كانو نضراتهوم متقابلين ... شادة بيديها الاخرى على الساك ومزيرة عليه واليد الاخرى مزيرة بيها على الوراق ودموعها ماقدروش يحبسو ... وهو خاشي يدو فالجيب وعينيه حومر وحرقة فقلبو مابغاتش تنسا .. واحد النضرات كانو فشكل ... نضرات أنثى محطمة ومألمة ... ونضرات رجل تجرح فالكبرياء ديالو .. نضرات أنثى حبات بصدق وتغدرات .. ونضرات رجل تسرع بالحكم ... 

هي بقات واقفة وكأن الزمن توقف بيناتهوم لدرجة حتّى المرور مابقاوش كيبانو ليهوم وكأنهم نعازلو فبلاصة فيها غير هي وهو ... تقدم بخطوات جد متباطئة تاوصل مقابل معاها وهي باقا مطلعة نضراتها فعينيه ماهبطاتهومش ولا ثانية .. نفخ حل فمو شوية تاخرج منو بخار ابيض بالبرد لي كان .. وتاهية شهقات مخرجة نفس الهواء .. 

غمضات عينيها وهبطات راسها كترعد خذات نفس ودوزات لسانها على شفايفها ورجعات شافت فيها : شنو كادير هنا ؟ ..علاش جيتي ( جوج دمعات طاحو ) باش تزيد تكمل هضرتك ؟ ممم ! ( سكتات شوية بهدوء ) ولا باش تشوفني كيفاش عايشة من مور لي درنا ! .. ولا ( سكتات شوية )

سيف : جيت نشوفك .. 

شهد : علاش غاتشوفني مم ! شكون أنا ! ( زادو دموعها طاحو وهضرتها كتخرج بزز ) ولا نسيتي لي قلتي وبغيتيني نفكرك فيه .. ااا لا عرفت جيتي حيت شفقتي عليا ؟؟

قالها وهو متألم من هضرتها : علاش هاد الهضرة كلها ! 

شهد : حيتاش ( ضربات على قلبها ) هادا لي كيهضر ماشي انا ..

سيف :علاش ! علاش ماوضحتيش كولشي ..

ضحكات بألم مدورة وجهها للجهة الاخرى ورجعات شافت فيه : علاش مانعكسوش السؤال ... ممم ؟ علاش نتا ماسولتينيش ودغيا حكمتي ..

سيف : ماكنتش عارف اشهد مااك...
قاطعاتو : شششش ( ابتاسمات ) الانسان بطبعو خطاء .. وكولشي كيخطأ ( ضحكات فعز بكيتها بشوية ) واللومة ماشي عليك عليا انا لي تعلقت فواحد ( سكتات شوية ونطقات ) مايستاهلش ..

زير على الكف ديدو مغمض عينيه تنهد ونطق : سمحيلي ..

شهد : ( دورات راسها وشافت فيه دون ملامح غير الدموع لي هابطين ) علاش غانسمحليك ؟ على شرفي لي هنتيه ولا قلبي لي هرستيه .. علاياش بالضبط غانسمحليك ! 

سيف : شهد أنا عارف غلطت وتانا ندمت وماتخيليش الندم لي وقعليا حيت ماعمري كنت نفكر نقول داك الهضرة كون عرفت عليك داكشي مستحييل ..

رجعات قاطعاتو من جديد : وسواء عرفتي ولا لا أنا تقت فيك وعطيتك قلبي ونتا باش جازيتيني وعرفتيني داك الليلة ماكنتش فوعيي ومع ذلك نتا ماحتارمتينيش .. كون جريتي عليا ولا ضربتيني ولا حتا كون وقع لي وقع ماتزيدش تكمل عليا .. ولكن لا نتا عاملتيني بحال بحال
ماقدراتش تكملها وتخنقات من قوات البكا جا يمد يدو وهي تبعد معليا يديها زعما سطوب : لا فائدة بلا ماتحاول ..

هبطات عينيها للوراق لي فيديها وهي ترجع تشوف فيه مبتاسمة ..وهي تمد الوراق .. هو شاف فالوراق وشاف فيها : في كل الأحوال

🌸 بقا كيشوف فالوراق ورجع شاف فيها ..

شهد : فكل الأحوال وقعات واحد الحاجة زوينة بالنسبة ليا، واخا تمنيتها كون كانت فوقت أفضل ومع شخص يستاحق ..

تعصب مين قالت داك الهضرة.. واخا مافهمهاش علاش قالتها بسرعة ... خدا الوراق من يديها وهي طلعات عينيها كتشوف فيه ... فتحهوم تاكيقرا تشخيص الحمل طلع عينو شاف فيها ورجع كيقرا انه فالسيمانة للولة ديالو .. 

بقا عينو على الوراق وهي عينيها دمعو مبتاسمة : عرفتي شحال وأنا كنحلم بهاد اللحضة عرفتي شحال وانا كنحلم 
دارت يديها على كرشها : نحس بطعم الأمومة .. معمرني كنت كنضن غايجي النهار لي تانا غانعرف راسي فيه حاملة ..

مستغرب بهدوء : ماشي عقيم ! ..

بقات مبتاسمة مزادتش هضرات يالاه جات تاخد الوراق هو يعليهوم شافت فعينو : اه ماشي عقيم حياتي كاملة وانا معتاقدة بلي عمرني غانحلم بالامومة ... صدق كولشي غذرني وطعني فقلبي حتا ان ...

قبل ماتكمل جرها باليد الأخرى من مور ضهرها تاتزحات من سدرو وزاد دور اليد لي شاد بيها الورقة هي حلات عينيها على جهدهوم ..

سيف : ششش ربي بغاه .. وربي لي كتبو لينا ..وغادي اكبر بيناتنا سمعتي والغلطة كاملة غاتصلح ..

دوزات يديها وبعدات منو ... كتهضر مرعدة : لا ولدك عمرني غانحرمك منو ولكن باش تقولي نتجمع معاك هي لي عمرها تكون واخا تخيرني بينو وبين موتي ..

بقا كيشوف : لهاد الدرجة ؟ 

عينو فعينيها : وكتر ..

سيف : هاد الولد جا بخير واخا عرفت راسي غلطت ولكن مايمكنش يمشي هو فالخطأ ديالنا ..

شهد : ديالناا ...ديااااالنا ؟؟؟ الخطأ ديالك بوحدك ... وولدي ماعندو ذنب أو معايا ماغادي يخصو تاخير سمعتي ..

بغات تاخد الوراق رجع بعدهوم عليها : شهد انا فاهم أنك واخدة مني موقف ولكن فكري فهاد الولد كيفاش غايقدر يتولد ويتسما غير شرعي بالنسبة للمجتمع ! ..

عينيها حومر : أنا قتلييييك موووستحييل نتجمع معاااك علىى مووتيي ..

جرها من يديها وهو معصب ولكن كيحااول يبرد : شهد سمعييي لهضرتيييي هادا كيبقا ولديي ..

شهد : شنو غانتسنا انا منك ونتا دابا تقلبتي غير حيت عرفتي بلي حاملة بولدك مم ..

رجع بصوت حنين وهو كيشوف فعينيها : ماتنسايش بلي جيت على ود مو قبل مانعرف بيه ..

بنفس النضرة : وتاهية كتقولك راه غير عذبتي راسك ( ضغطات على كل حرف ) انا م ست ح ي ل
نسمحليييييييييك ..

خطفات يديها ودارت غادا كتمسح دموعها تاجا موراها خطفليها الساك من كتافها تاغوتات : سيييففف اريلي سااكيي 
كيقلب فييه جبد التيليفوون ... سيييف اريييي حواايجيي 

شاف فيها ودار تيليفونها فيدو تاصونا لتليفونو لي فودنو وطفاه رجعو فالساك وحطو على كتافها :مين نعيط تجااوبيني 

شهد : غانبدل النمرا 

سيف : وديك الساعة غانفهمو هاد الروينة ودابا سيري تقراي مزال محاضرة تابعاك ..

غوتات عصبها : ماغاانجاوبش ..

عطاها بالضهر غادي وكيهضر : ماغااتجاوبييش هضرة اخرا ..

ركب فطوموبيلتو وقلع وهي ضرب بصباطها ودموعها نازيلين تاوصلها ميساج بسرعة جبدات التيليفون ..كاتلقاه داير لراسو ..

المجهول x

🌸 وصلها ميساج فالتيليفون قراتو ودارت ابتسامة جانبية خشاتو فالساك ومشات داخلة بمشيتها المتعجرفة كيف ديما تلاقات مع بشرى ونعيمة وسي تاجدين كيفطرو فالجردة ..

مرام : صباح الخير عليكوم ..

بشرى : اهلا بعروسة ولدي تفضلي احبيبتي مرحبا ..

نعيمة : ( بخفوت ) صبحنا لله ..

حسن : صباح الخير

جات باستلو يدو هو اللول وباست اليد لنعيمة عاد دازت سلمات على بشرى بلابيز وبقات كتفطر حداهوم ..

بشرى : لاباس عليك ابنتي كيبقيتي من داك النهار ..

مرام : الحمد لله بيخير ..

حسن : كيداير باك لاباس عليه ..

مرام : ( بصوت انثوي رقيق ومحتارم وابتاسمة لطيفة ) لاباس عليه اعمي تاهو سلم عليكوم بزاف وكيسلم على سيف واخا مقلق منو سافر بلا مايقولهالو .. ( بشرى بسرعة شافت فيها عاضة على شفايفها ) ..

حسن : ( قطب حجبانو ) سافر كيفاش سافر ( شاف فبشرى ) ..

نعيمة بيديها عارفا من داك النهار ودارت راسها ماعارفاش ..

يالاه غاتجاوب سبقات مرام : صراحة تانا تفاجأة اعمي وصراحة زدت حزنت كتر باش عرفت بلي مشا لفرنسا غير باش يرجع داك الطبيبة ..

نعيمة دارت عندها حالة عنيها حيت هادشي ماكانتش عارفاه اما حسن وقف دارب بعكازو مع الارض ..

حسن : بشرىىىى عيطي لولدك داابااا شوفيه فييين كاااين .. 

🌸 هزات التيلفون وهي تلقا .. 
المجهول : ماتعصبيش، غاتعصبيليا ولدي ..

سدات التيلفون بعصبية ورماتو فالساك ومشات دخلات نيشان لطواليط، غسلات وجها وبردات على راسها، ماعرفاتش شحال قدها تحمل دالصدمات باقي عياااات والصبر تقادا 

دوزات داك النهار غير فالمكتبة ديال الكلية حتا المحاضرات ماحضراتهومش ... كتفكر فسيف وكيفاش جا تالعندها ... وكتفكر اللقطة باش عتاذر ولكن فداك الحين كذكر الكلام لي قاليها وكيرجع الحقد ديالها عليه ... حقدات بواحد الطريقة غريبة حيت حسات براسها تضلمات وتهرسات وتهانت فشرفها ... مشا لحال تاقربات تسد الكلية عاد ناضت خرجات مع المغرب مشات شدات طرام للشقة ديالها ... وقفات فأقرب محطة ونزلات ومشات كتمشى وافكار كيديوها لأفكار ... دايرة يديها على كرشها وكتمشا تابدا تيليفونها كيصوني ... جبداتو من الساك لقات سيف رجعاتو فالساك وخلاتو كيصوني .. تاوصلات لموبل وهي توقف وبدات خطواتها كتباطئ ... وهي كتشوف نبيل واقف لابس كونبلي واناقتو المعهودة ... سدات عينيها كتنهد بمشقة الأنفس ... ماخلات فين مشات وباقين تابعينيها واش مابغاوش افهمو هاد الناس بلي بغات تبدل وتبدا حياة جديدة ! ... واش مابغاوش افهمو بلي عيات وبعدات عليهوم ..

بقات غادا وهي كتقربلو بعياء تاوصلات لعندو : نبيل .. شنو جابك لهنا ..

كيشوف فعينيها : جبتيني نتي اشهد علاش علاش مشيتي هاكا بلى ماتقولي لحد غبرتي هاكا وبدون سبب بلا تاحد مايعرف عليك شي حاجة ؟؟؟ ..

شهد : أنا حرة وهادي حياتي ولا غاناخد منكوم الاذن لابغيت نمشي لشي بلاصة ولا شنو ! 

نبيل : واش عارفة شنو خليتي موراك ولا لاواش ماكاتحسيش بيا ؟

تنهدات : علاش غانحس بيك انبيل ... علاش !

نبيل : شهد انا من نهار شفتك ونتي فبالي، عمرني ولا حيدتك ولا دقيقة، ماخليت فين قلبت عليك باش نعرف غير فين نتي وكلما كنتلاقاك كنبغي ناخد غير فرصة منك ولكن ماكاتعطيهاليش ، انا عمرني فحياتي تعلقت بشي وحدة من غيرك، ونتي الوحيدة لي دخلتي لعقلي ولقلبي وماقدرتش نحيدك .. انا عارف شنو واقعليك فحياتك وانا قابل بيه مهما يكن حيت انا باغيك نتي وباغي مستقبالك ماباغيش ماضيك 

حنا على ركبتو وجبد بواط من جيبو فتحها : شهد انا مابغيتكش تكوني مجرد حبيبة انا بغيتك دخلي بين عائلتي مراتي وعمارت داري واش تقبلي تزوجني وتكملي حياتك معايا ..


🌸 دام الصمت لثواني وهي تحس بتيليفونها كيڤيبري فالساك زيرات عليه، مغمضة عينيها ورجعات حلاتهوم كتشوف فيه : نبيل واش عارف شنو كتقول ..

عينيه عامرين حب : أول مرة كنكون متأكد من شنو كنقول ...

قلبها كيضرب وكتشوف فالخاتم فوسط داك البواط ماعرفاتش شنو هادشي لي تحطات فيه اشنو هاد الروينة وا مزال ماتفكات مع واحد تايخرج ليها واحد ..

شهد : نبيل سير بحالك من نهنا مابغاش الصداع ..

وقف من الأرض ببطئ مصدوم غير كيشوف فيها : شهد واش عارفة شكاتقولي 

غوتات : نتا لي شوووف راااسك شننوو كتقووول وااش عاجبك رااسك هاادشي لي كااديير موور سييف مااتقوولييش تاهو مااعارفش اشنو دار معايا 

غمض على عينيه وورجع شاف فيها : ماكييمنييش اشههد مااكيهمنييش انا بغيتك نتي قبل منو ( بسرعة كحز لعندها وبغا يحط يدو الاخرى على يديها ) فهميني شكانقوليك 

خطفات يديها كيالبرق : حيد يدك ماتحطهاش عليا وحتارم راااسك، مافهمتتش انا فشمن عالم عايشين حيت محال تكونو عايشين فنفس العالم ديالنا ..

نبيل : شهد انا عارف عند نضرة خايبة للدنيا غير من داكشي لي دوزتييه، ولكن غانسيك فكلشي عطييني فرصة 

عصبها : واااش حماااقيتي ولا مااالك واااش تسطييتي سير بحااالك قبل ماااتوقع شيي موووصييبة سييير بحااالك

نبيل : ( جرها من يديها ) ماغانمشييش اشهد ونحلييك هاااكاا ..

ماحس تاتضرب بوااحد الضربة مااعرفها ميين جااتو تاغوتات : قاتلييك سيير بحااالك اصااحبي قاتلييك سيرر بحااالك الكلب كتلعب موور ضهريي هادي هيي الرجلة 

بسرعة جات حطات يديها على سدرو كتبعدو حيت حالتو كانت بحال شي مجعور 

شهد : سييف نعل الشييطاااان سيييف ..


🌸 بغا يزيد اضربو وهي تعاود تحبسو متكية راسها على سدرو : سيييف عافاك لا لا سييف 

شاف فنبيل بعينيه حومر : تق*** من نهنا قبل منخسرها معاك بالبيان 

مسح الدم من فمو كيضحك باقي طايح فالأرض وعلا عينو فيه وفشهد لي معنقاه هاكاك : نحسروها على شنو درتي دابا رميتي عليا الورد 

دارت هاد المرة شهد عندو بعصبية وعين وحدة مدمعة : نبيييل من الصباح وانا كنقوليك سيير بحااااااللك اناا مصااالحاااش ليييك 

شدها من معصمها : قوليلو علااش ماصاالحااش لييه قوليلو راكي محرمة علييه يالااه هضريي تكلمييي 

شافت فيه عينيها مدمعين علاش كل مرة كيفكرها فالجرح ديالها كلما كاتفكر انها دارت دااااااكًالمععععصييية لي قدها قد السخط كاتبغي تموووت ..

سيف : قوولييهااالو 

نبيل : مااتغوتتتتش علييهاااا ماتحكمهااااش، شهد سمعيلي ماعندو باش اهدددك

سيف : واش باقي وااقف حدايا ( يالاه غايتقدم وتانبيل ناض من بلاصتو وهي تغوت )
شهد : رصاااااو ( دارت يديها على ودنييها ) بااااااركة صااااافييي ( شافت فيهوم عينيها مدمعين ) واااش ماكاتحسوووش فيياا انا ماباغااا تاااحد فييكووم فهمتووو بعدوو منيي خرجووو من حيااااتي اعباااااد اللله انا بعدت علييكووم خلييوني نتكاافاا غير مع الخطيئة لي درت خلييونيي نتكاافاا غير مع المعصيية لي درت فحقي وفحق شرفي وشرف بابا وماما وحق ربي لي خلقنييي ( شافت فنبيل ) ماتزييدوووليييش نتوووووما ( هضرتها بدات كاتخفااف ) ا انا ماابقييتش باغاكوم فهموني ( شداتها الدوخة ) ا ان ..

شافها سيف هاكاك بسرعة قرب شدها كيضرب فحنكها : شهد ششششههدد 

نبيل بقا غير كيشوف فخوه كيفاش شاد فيها بلع ريقو بصعووبة وتراجع اللور

🌸 غادي جاي ونعيمة كالسة فالكرسي المتحرك وبشرى كضرب برجليها ..

ضرب بالعكاز ديالو وكيفوت على اعصابو : لا مزيااان مزياااان هادشيي لي بقااالي ياااك انا فآخر يامي ديروووليا هاكاا تشوووهووني انا ( شير بالعكااز لبشرى ) واااش عاارفة ولددك لامشاا تادار شي غلط غايدمر مستقباالو بيدوو ممم واااش عارفة اشنووو كيديير 

بشرى : ماعارفاااش اعمي والله ماعارفة ماخباريش انا اصلاا ماشي هو السبااب ديك الطبيبة من نهار دخلات ماشفنا الخير 

نعيمة : اسكتي نعلة الله وعليك فين قاصتة البنت وهي وردة مفتحها لخرة فهاد الدار ماتبانش قدامها فالصواب والاداب ولدك لي شوفي اش دارليها تاهزات راسها هزة وحدة 

حسن : نعيمة اش سايرة تقولي 

نعيمة : الحق يتقاال ولدك غلط معاها وخاسو يتحمل


🌸 ماحسش براسو تادوز يد من تحت فخاضها ويد من تحت ظهرها وداها لطوموبيلتو وحطها لقذام جبد واحد القرعة دالما كب شوية فيودو ورش بيها على وجها كيدوز على جبهتها وحناكها : شهد واش شوية تبغي نديك لطبيب 

عينيها مقلوبين وغير كدور راسها بلا : غير خ ليني انطلع ب وحدي ل دار 

سيف : واش منيتك واش شفتي حالتك كيدايرا شمن دار غاطلعي الله اهديك ( شافها غير كتخرج ودخل فالهضرة ) فين عندك لاباغطومون فين شمن طبقة ..

شيراتلو غابيديها ثلاثة جبد السوارت ديال الدار عاد هزها ثاني بنفس الشكل ومشا دخل بيها للموبل فطريقو كاعما لقا نبيل وغير لابغا يبقا طلع بيها فالمصعد هي مخشية فصدرو وهو كيشووووف فيها ومزال حرقة فقلبو على استغلالو ليها دخلها للدار ومشا كيقلب بعينو على بيتها دخلها ليه وحطها فوق الكامة

دوز يدو على جبهتها : واش تبغي تشربي شي حاجة عندك شي دوا عطاتوليك الطبيبة .

دورات راسها بلا عاد هضرات : صافي راه دابا شوية غانولي بيخير هادشي عادي غير سير نتا لابغيتي تمشي 

تنهد كيشوف فحالتها كيفاش بغاتو يمشي ويخليها فهاد الحالة ... وعارف بلي حاملة بولدو طرف منو .

مشا عاوتاني كيقلب على الكوزينة دخل عمر كاس دالما ورجع لعندها هزها بشوية گلسها ومدلينا كاس دالما ... بقات كتشووف فيه وهي كترب تاسالات هو كيشوف وهي مهبطة عينيها كضرب بضفرها فالكاس دقيقة صمت ..

شهد : عافاك سير منهنا ماباغا تاحد يشوفك داخل ياخد عليا صمعة خايبة ( كتقولها ودموعها موقفين غابزز ) عارفك غاتقولي مايستاهلش تقولي هاد الهضرة ولكن فهمني عافاك ..

زير على القبظة ديال يدو تنهد ورجع دوا : سمعي نقوليك

نتي دابا أم ولدي وحاملة فكرشك قطعة مني لي غادي تاخد سميتي، رغم أنه ناتج عن علاقة غير شرعية ولكن راك محرمة على خويا الى يوم موتي، يعني إلى مشا رجع قاليك شي حاجة خسك تقوليهالي وأنا غانعرف شنو غاندير معاه 

شهد : واش فخبارك بلي نتا كتزيد تقهرني وكتزيد تبينلي شحال انا رخيصة كون عرفت هاكا عمرني ندخل على حياتكوم بصفة نهائية ماعمرني فحياتي نويت أن جوج دالخوت يدابزو على قبلي و .. 

ماخلاهاش تكمل ناض بزربة واقف : شهد دوينا فالموضوع ولي عندي قلتو والخطأ غايتصحح سمعتي رتاحيليك دابا غدا ونهضرو ومين نعيط جاوبي حيت المرة الجايا مانضمنليكش ..

خرج من الاباغطومون خلاها كتفكر بميات تخميمة


🌸 حسن : غاتجي وغاتجيب معاك داك الدرية 
واليوم قبل غدا سمعتي 

قطع عليه التيليفون ورماه فوق الكنابي غادي جاي 

نعيمة كتفرح فيه : الحاج راك دوختيني دوز تكعد 

حسن : مانسكتش انعيييمة ماانسكتش بااغي يدرلييا الشووهة ( كيشايل بالعكااز ) اناااا كنضبرلييه من جنب او هو يخرجلي من الجنب، انا كنجمعليه فين يدير مستقبالو وهو تابعليا الرخا 

نعيمة : نعل الشيطان الحسن البنت منها مابحالها

حسن : مطلقة وعاگرة ومني كتقووولي منها مابحاالهاا نعيمة كبرتي وهترتي وبديتي تخرفي 

نعيمة : اسكت اوا سكت راك نتي لي هترتي ومابقيتي عارف اشنو تقوول شوف شلاغمك قداك ولونهوم كيدااير وبااقي ماضيليك القييل والقال نعل الشيطان وخلي الولاد يختارو اش حب قلبهوم، اش اوا تقوليا هي لي مادخلوش الحبس وهي كونن زعمتي وخليتي داك الزبل لخووتك وداك الحرام هو لي خارج فيك وفصحتي تارزاها من هار جبتيني من دار با ونتا خدام فيه دخلتي ولادك وبسبابو فقدت كبدتي وهانتا دابا جريتي تاحفايدك واللهم القحلة ولا عيشة القهرة ..

حسن : صافي صغاارووليك العينين ها شبعتي ذهوبات ورجعو حرام 

نعيمة :صحة صغراتليا الكتاف والضلعين 
تاوليت نتلاوح من قنت لقنت اش داروليا ذهيبات هااا 

حسن : شبعتي الخبز انعيييمة شبعتييي ( غوت تاخلعها ) تعلتتتت اللله وعلييك ( مشا غادي خارج من البيت وكيغوت وزدح عليها الباب )

نعيمة : سير الله انگيهااليك كيفما رزيتيني فكبدتي سيير بغيتهوم اشدووك مايفرقووك ايسفطوك الله اجعلني نجيبليك ماتبقا من خزرتي القفة الى يوم الدين يا الشارف


🌸 مين ناضت فالصباح وهي فبيتها مامشاتش للكلية وبشمن عقل غادي تقرا كتحس بواحد تأنيب الضمير رهيب ماماها وباباها لي ماعمرهوم خلاوها ناقصة من شي حاجة وديما كيديروليها خاطرها والنهار لي قاتليهوم راه ماكاتولدش شحال تاهوما دمرو طاحو جوج دمعات سخانين من عينيها خسها ضاروري تمشي لعندهوم وتوضحليهوم كولشي مايمكنش تخليهوم هاكا صوناليها التيليفون هزاتو لقاتو هو

بغات تقطع مي رجعات جاوبات : شنو 

سيف : صباااح الخير كيقولو الناس 

شهد : سيف، الله ارحم بها الواليدين والله تاكرام دالخاطر ماكاينش 

سيف : غير كنعلمك كيفاش تهضري وصافي حيت انا ماشي مبزز عليك ابنت الناس 

شهد : كيبانليا غاتندمني لاش جاوبتك 

سيف : خسك تعودي على معاملتي 

شهد : ماعندي لاش نتعود ماكاتوكلني ماكاتخلص عليا الما والضو ماكتشربي ماكاتقريني علاش بسلامة 

سيف : ماغانطولش الهضرة معاك، خسنا نمشيو المغرب 

شهد : مكنضنش واش كطلب مني الإذن دابا ؟!

سيف : ( باستهزاء ) لا احبيبة راك تانتي غاتمشي

شهد : خفق قلبها مين سمعات داك حبيبة وبلعات ريقها عاد جاوبات : مكاتحكمش فيا .. ( سمعات الصونيط فالباب وهي تمشي تحل لقاتو هو بقات مصدومة ) 

سيف : غانهودو للمغرب ولا غانمشي نطلب يديك من والديك ونعتاذر ليهوم على الخطأ لي درنا ..

شهد : شنوووووو تسرفقتيي ولا ماالك 

سيف : كيفما كتسمعي، مابغيتش نكتر معاك الهضرة داكشي لاش قلتهاليك مرة اللولة ماعنديش مع الرغيب

صوناليها التيليفون فيديها مين قطعات هبطات تاعينيها لقاتو باباها ..

سيف : هاهو نيت نسبقوهالو فالتيليفون .. جاوبي ..


🌸 مدات يديها دوزات الحمرة ورجعات طلعات فيه عينيها : شوف نقوليك نتا ماغاترغمنيش نهبط معاك فوقاش مارشقاتليك ومامنحقكش تهددني ولا كيحسابليك بهاد الطريقة غادي تكسبني واحا تجيبلي مال القارونً لحدا عيني داكشي لي درتي فيا مايسمحوليك لا ربي لاعبدو وحتا وحتا وحتا إلىىى مشا وتقدمت بشي خطوة فراه كولو غايكون فوجه ولدي اواليديا باش ( ضغطات على الحروف ) مانطيحش برجهووم لاأرض لا غير اما حبك مابقا عندي منگجدر فيه خسرتيني ولي عطا الله عطاه ولي غلط مرة يغلط جوج وثلاثة ونتا عندك خطيبتك الانيقة والمتخلقة سير عندها انا مانصلاحش ليك وولدك راني قتليك اجي شوفو فوق مابغيتي ماغادي يمنعك حد وخوك راني ماشي بنت الحرام باش نمشي نتزوج بيه انا ماكرهتش لو ان طاسيلتكوم كاملة تخوي من طريقي صافي عطيوني التساع ...
غير سالات خبطات فوجهو الباب وتكات عليه كترد النفس كيفاش قدرات تقول هاد الكلام كامل قلبها كان كيضرب ويضرب ويضرب ولكن ماتحملاتش التهديد عمر شي حد هددها فحياتها باها وديما دايرليها خاطرها وعمرها غلطات معاه كلما كتفكر فالقادم عينيها كيدمعو، اه بصح هي عمرها تسامحو ولو طبق السما مع الأرض مغاتسمحلوش حيت استغلها حيت خضعها ليه وهي فاقدة الوعي ديالها لدرجة انها ماعاقلاش، وهي ماباغاش ترجع لديك الدار حيت الى رجعات غاضطر تجبد الضواسا كاملين شكون شربها داك الليلة شي حاجة هي عارفاه استغلها ولكن اكيد ماشي هو لي شربها يعني شي حد من داك الدار هو لي تقصد يدير هاكا وكان مخطط من البداية حيت هي اكيد تشربات ليها شي حاجة شدات على راسها وكتفكر فواحد القادم مجهول قلبها كيدرها وحسات بوجع اسفل البطن ديالها بسباب الاعصاب لي تعصبات دابا عاد دورات عينيها وناضت حلات شوية الباب ماكاتلقاهش عضات شوية على شفايفها وطاحت داك الدمعة لي كانت محبوسة ..

🌸 طلعات يديها مطلعة فيهوم واحد التوب حريري فالذهبي : شوفيليك هادا كيجاك ؟ 

بقات ساهية تنهدات حطات داك التوب من يديها وكلسات حداها : ومرام اصاحبتنا مابقا والو لعرسك وهاد الاسام كنشوفك غير ساهية ماراكش هي هاديك مالكي واش واقعة بينك وبين سيف الدين شي حاجة ؟ 

دارت شافت فيها عينيها مدمعين : ماعرفتش والله أنا غلطت وندمت حتا غلطت وليت كندير شي حوايج بسبابو ماعمرني فحياتي كنت كنضن غانديرهوم شي نهار ...

بقات ختها الكبيرة كتشووف فيها 
أحلام : مرام واش غلطتي مع شي واحد تاكاتقولي هاد الكلام 

دورات راسها بلا 
مرام : ولكن كنحسو ماكيبغينيش 

أحلام تنهدات : مرام غير باش نقوليك اختي ونكونو متافقين نتي عارفة هاد الزواج ديال باك صاحبي وبابا نهار سولك نتي كنتي باغياه ومن صغرك ونتي هاكا من نهار لي كنا كنمشيو عندهوم وهوما يجيو عندنا ونتي كتبغيه مشا قرا برا وبقيتي كتقطعي وكتبكي ودرتيلينا حيحة نتي امرام كتبغيه وعمرو غايلقا لي غادي تبغيه بحالو هو وماشي دابا غادي يعرف هادشي راه الزواج هادا يعني الدوام ولا بد غايجي النهار لي غايبغيك نتي وولادو لي غاتكوني مهوم راه الايام هي الولافة، اما سيف الدين راك عارفاه ماعمرو بغا شي وحدة وهادي كاملين عارفينها كل مرة وحدة وزهوااني ولكن الى عرفتي كيفاش تشديه عندك مور الزواج راه غايدير عقلو ..

مرام ميلات عينيها : ماعرفتش والله ( دارت يديها على قلبها ) ولكن انا درت خطأ وربي كيشوف من فوق مني بلاصت منزيد نتقربلو باش اعطيني السعادة غير مازدت خسرتها معاه


🌸 ليل وشتا خيط من سما بقات متكية فالغرفة عينيها على السقف وضوء خافت مشعول حداها، تلفون فوق كرشها كدورو ودورو ودورو كأنها غادا فواحد الصراع واش تعيطلو ولا لا، تاشوية جمعات الكلسة ربعات رجليها وعيطات فالتيليفون، بقا كيصوني ويصوني مجاوبش تنهدات وهي تهبط عينيها وحطات يديها على كرشها : شفتي باباك شنو دار قلبي كيضرني اه ولكن منقدرش نسامحو امامي وهادشي لي غاندير باغا نديرو غير هاى ودك لا غير مابغيتكش تخرج معقد من صغرك ... باغاك تعيش بحالك بحال كاع الولاد ... (عينيها مدمعين ) سمحلي اولدي جبتك بهاد الطريقة سمحلي .. سمحلي حيت كاتعاقب على غاط ماشي ديالك .. 

رجع صونا التيليفون وهي تهزو جاوبات : آلو 

سيف : وي عيطتيلي شنو 

شهد : أنا قابلة ...

سيف : شنو قابلة ؟ ...

بقات كتفكر شحال حافت تقول ويقمعها مي حيت حفضاتو والنحلة مين تقرص ماعمر العقل يعاود يشوف فيها : غادي نهبط للمغريب ..

سكت مطول شحال عاد جاوب : هبطي شكون شادك ؟


🌸 رفعات حجبانها بحالي كانت حاسة بالقمعة لي غادي يعطيها : نتا لي متكره راسك بيديك ماكلزمك تاشي حد على هادشي 

سيف : شوفي اشهد هضرتي قلتها عتاذرنا منك او مابغيتيش تفهمت الغلط لي درت معاك والى كنت قلت هضرة وقصحاتك راكي رجعتيها ليا قبيلة وبالضوبل ونتي قلتي عندي خطيبتي ونمشي عندها وصافي هاني جيت لعندها ديجا هبطت للمغرب .. الهضرة كاملة لي قتليك عتابريها عمرني قلتها ليك نتي قادا على ولدك فماعندي منقول مين تولدي وبيناتنا الوراق .. قطع 

رما التيليفون فالطوموبيل وهز عينو فالاباغطومون ديالها سد عينيها وخدا تنهيدة من الاعماق عاد ديمارا مشا للاوطيل دخل لسويت رما السوارت التيليفون والكيشيت فين داير الفلوس، حيد الساعة الشوميز السباط السروال كولشي ومشا دخل لحمام وطلق عليه رشاش سخون ومعاه تادمو سخون عارف قصح معاها الهضرة مي كان مفروض عليه هاكا ماباغيش اعذبها كتر ماعذبها ومن هضرتها ليه فالصباح عرف شحال قصحها بهضرتو وشحال المها، والى تزوجها غير ماغادي ازيد اضلمها حيت عارف بلي هاد الزواج ماغايدومش بصح غايكون على مصلحة الولد ولكن هي هي غاترجع مطلقة كوج مرات وهادشي فاش كيفكر كتر وهادشي فين خلاه يمرررض جرحو هو كبييير او مشاكيل غير ماكاتزد وبلاصت مايفك زاد الوحلة شكون قال بلي مابغاش وهي فاول نهار حات عينيه فعينيها حمقاتو وبات داك الليلة غير كيفكر 
فيها

ومين شافها المرة الثانية فالحفل زاد عجباتو كتر وكتر وشحال تعصب مين شافها مع نبيل، داكشي باش مابغاش يقابلها ومرج بحالو ولكن القدر تابعو تابعو باش طاحت فيدو ماقدرش مايقاومهاش وهو البنت لي بغاتها عينو من الاول هاهي قدامو زير على يدو فكل مرة كيتفكر انه ماتحكمش فالرغبة ديالو، مي مين شافها كانت ماي هي الاولى ليه مرض وتعصب والنتيجة انه زاد كمل على الحالة ديالها وفكل داك الكانز جوغ لي كانت غايبة كان كيحاول يكرهها بداك التصرف ولكن ماقدرش وغير مازاد تعلق بيها باش عرف الحقيقة، هو مايقرش اجرها للهاوية هو حياتو مامستقراش هو ماعمر كانت عندو نقطة ضعف وماكانش خسها تكون مصمم عمر يحط شي وحدة فقلبو ولا يكونو عندو شي ولاد حيت غايكونو هما نقاط ضعفو ولكن تمشي الرياح فيما لا تشتهي السفن

ناضت فالصباح دوشات وابسات حوايجها عاد هبطات تفطر : صباح الخير 

حاتم : صباح النور بنتي الغزالة 

باستو من راسو عاد مشات عند ماماها باستها تاهية وموراه ختها دينا عاد مشات گلسات : احلام باقا مافاقتش 

دينا : صبحات ناعسة كيف عادتها 

حياة : ايوا خليوها تاخد راحتها راكوم عارفين خدمتها كاتعيا فيها 

حاتم : مرام بنتي سيف الدين باقي ماجاش 

بلعات ريقها وزيرات على الطوسط لي كانت هازا فيديها : مم جو كحوا قالي اليوم حيت ماعرفش هو بيدو فاقاش داكشي على حساب خدمتو 

حياة : مين غايجي غانوف نعرضو هو ولالة بشرى ولالة نعيمة وسي تاجدين للعشا شبانليك احاتم 

حاتم : اييه فكرة زوينة ميمتا ماتجمعنا

مرام : مم ناما مابقا والو للعقد وديك الساعة غانطلاقاو 

حاتم : لا لا مزيان ابنتي نيت نهضرو شوية على حياتكوم 

حطات دينا المعلقة بجهدد وشافت فيه : علاش من ايمتا ابابا كتهضرو على حياتهوم ياك نتوما تشاورتو والهضرة كاتبقا بيناتكوم ( ضغطات عليها ) نتا وسييي تاجدييين سو بلا ماتغطيو الشمس بالغربال ..

ضرب فالطبلة كيشوف فيها شوفات نارية : دييينااااا 

حياة : دينا بيتك 

دينا : شنو دينا شنو ( وقفات ) الا كانت هادي مرام فانا ماغانقبلش ومعار لي غادي تفكر تجيبلي عريس على هواك غايكون اخر نهار تسميني فيه بنتك 

مشات كتجري طلعات لبيتها مرام سرطاتها فالداخل ديالها وحاتم بقا كينفخ ضرب المعلقة فوق الطبلة : شفتي ضساارة هادا الفشوش لي فششتيهوم 

حياة : ماتززيدش احاتم راه غير الضغط 

قاطعها نايض كيغوت : اسكتتيييييي نتيي السبااابب كون عرفتي تربييهاا مايوقعشش هاادشيي ولكن انا لي عارف كيفااش نعلمهاا انا ..

مشا خارج من الڤيلا زدح موراه الباب تاتسمعات فالانحاء المجاورة، بقات غير حياة ومرام فوق الطبلة

شافت فيها لقاتها مخنوقة : مرام ماديش عليهوم ابنتي راه غاتمرضي 

مرام : ( سرطات الريق ديالها ) ماما صافي عافاك ( صوتها مخنوق وقفات ) انا بغيت نتمشا شوية فالجردة عييت ..

ناضت خلات مها تاهية حيرانة كاتنهد ..

خرجات للجردة كلسات فواحد الكرسي ديال البلاستيك كان تما الجو بارد دايرة كاب فوق كتافها دموعها نازلين هزات تيليفونها كتعيط او والو كيف العادة ماكيجاوبش لدرجة شكات واش بلوكاها بلعات الغصة فحلقها وجمعات التيليفون لجيهت سدرها تارجع كيصوني شافت فيه بلهفة تاخيب ضنها مين شافت المتصل ورجعات جاوبات بصوت باهت : آلو ..

..: آنسة بغيت نخبرك على البنت لي كنتي سوليتنا داك النهار راه غادخل للمغرب من نهنا ساعة .

حلات عينيها على جهدهوم وجاوبات : غير تحط الطيارة علموني على الفور اه وسي تاجدين ماعندكوم عليه تاخبر ..

... : الاحوال كيفما هي آنسة ..

مرام : واخا شكرا بزاف

قطعات التيليفون وبقات شحال وهي ترجع دخل بسرعة طلعات لبيتها لبسات كسوة كلاص إفازي فالاسود مع ليبا موس فالاسود دارت بوط طالع تالفخاض تحت الكسوة فالاسود ولبسات من الفوق مونطو فالبوردو هزات صاك صغير فالاسود من بعد مادارت الميكاب وطلقات شعرها بوكلي مع لافخونش حد الحجبان دينا عندها مطلوقة رشات ريحتها وهبطات نيشان خارجة ..

حياة : فين غادا للشركة كون تسنيتي تانمشيو انا وياك ؟ 

مرام : لا ماما انا عندي شغل وحدا خور 

خرجات ركبات فطوموبيل ديال احلام ..

🌸 سالات جمعات حوايجها كاملين فواحد الباليزا وقفاتها عاودات دربات دورة فالدار وخرجات سداتها عاد هبطات شدات طاكسي للمطار حطها دخلات دارت الاجراءات ومشات كتسنا عاد جبدات عيطات ..

شهد : آلو .. انا جايا ... بغيت نلقاك تما عندي شي هضرة خسني نقولها ليك .. وي شي كافي تما .. لا ماتقوليهاش تانوصل .. اوك يالاه شكرا

بشرى : سكتي عافاك خلي داك الجمل راكد 

خديجة : بشرى انا عارفة ونتي عارفة والكذوب على الله حرام ولدك لاماتزوجش ديك خيتي فراه كيسني على نهايتنا كاملين ..

بشرى : سكتي ماتجبدليش اليابس اخديجة الله احفضك مخي طايب وحتا هو كنعيط ليه والو ماكيجاوبش 

خديجة : مافهمتش انا شنو لي خلاني نسكت لديك الكلبة ..

بشرى : خديجة حنا راه اصلا مزال مافاهمنيش البلان مزيان خليه تايجي ونفهمو بعدا منو اشنو واقع 

خديجة : نخافو غير يكون دار معاها شي حاجة

بشرى : لا لا منضنش مالهوم على قلة البنات 

خديجة : اوااا نتمناااو ابشرى نتمنااو

🌸 خرجات من المطار جارا باليزتها باغا توقف طاكسي تاكاتسمع صوت من موراها : شهد ...

دارت مع الدورة مع كتشوكا : نتي ؟؟ 

مرام : شهد بغيت نهضر معاك 

دورات راسها : ختي ماعندي فين نهضر معاك 

شداتها من يديها : لا شهد عافاااك سمعيني درووري تسمعيني 

خطفات يديها بسرعة : اختي واش كتعرفيني شبيني وبينك الى عندك شي هضرة سيري لعند المعني بالامر 

مرام : لا اشهد انا خسني نهضر معاك نتي ( طاحو الدموع من عينيها ) انا اصلا عارفة ماعمديش الحق تانجي نهضر معاك ولكن مابقيتش قادا نصبر انا غلطت فحقك انا السباب انا ..

بقات شهد كتشوف فيها : مافهمتش نتي السباب فاش ؟ 

مرام : أنا لي شربتك داك النهار داكشي أنا ( عينيها شلال والخارج والداخل من المطار كيبقا ايشوفو فيهوم ) ماقدرتش نصبر وانا كنشوف نضراتك ليه ونضراتو هو ليك وانا خطيبتو اهئ حطي راسك فبلاتي اهئ ا انا ناعقتش بشنو درت اهى ماعرفتش شنو لي خلاني ندير هاكا معرفتش اهئ والله تانويت نتراجع ولكن كان فات الفوت اهئ عارفاك ماغاتسمحيليش طول مانتي عايشة وهادشي لي غادي اخليني نبقا مدمرة ..

عينيها حومر : و واش نتي عاارفك شنو درتييي ولا لا ( يالاه غاتجاوبها عطاتها شهد واحد الطرشة حتا دار حنكها ) ماكدبتيش انا عمرني نسمحليك فحياتي ..


قاتليها هاد الهضرة ومازادتش سمعات منها اصلا مرام بقات مصدومة بقوة الطرشة .. 

مشات شدات طاكسي كتبكي وصلها تالكافي لي دارت مع حليمة غاطلاقا معاها فيه ودخلات

تاگلسات معاها فالطبلة طلعات حليمة عينيها كانت متخربق فتيليفون شافت عينيها حومر مدمعين حطات تيليفون مخلوعة كتسولها : اويييلي مالكي شكوون دارليكًهااد الحااالة هضرييي 

مسحات دموعها : خلينا نبداو كولشي من زيرو ( حطات يديها على راسها كتشووف ورجعات ربعاتهوم وشافت فيها ) اولا احليمة بغيتك تسمعيليا مزيان ومابغيتك تقولي حتا كلمة حتا نسالي ..

حليمة : واخا واخا هضري الحمارة راه مطيرة قلبي من بلاصتو ..

بقات شحال كتشوف شهد عاد بدات كتعاود من اللول من نهار مشات لهولاندا لدابا كاتعاود مرة تبتاسم ومرة تحزن ومرة تبكي ومرة تصدم وكأنها كتفرج فيلم ...

تاسالات عاد رجعات شافت فحليمة لقاتها مصدروومة، مابقاتش قادرة تحرج الكلمة من فمها ..

حليمة : وا و واش كتهضري منيتك و واش نتي حاااااااملة دااابااا اشههههد منن داك الرااااااجل ...

شهد : ماعمرني كذبت عليك احليمة وماعمرني نكذب عليك لي كان قلتوليك كامل 

باقا مصدومة هادشي كامل مخبياه اشهد كيدرتي ليها غير قوليلي كيدرتي ليها 

شهد : دابا احليمة قوليلي شنو ندير مع بابا وماما

حليمة : غاتصاارحييهووم شنو عنددك ماديريي عندك شيي حل خوور، او صراحة من عندي كون خليتيه اتزوج بييك بعدا غير اتزاد الولد او طلقو ..

دارت ابتسامة استهزاء : بحالي الطلاق عمدكوم بالفم سااهل الطلاااتق .. نتوما مزال معارفينش الدنيا كيدايرة انا اصلا قررت نقولها ليهوم هاد النهار 

حليمة : الاه استر يا ربي اتفهمووك يا ربييي 

شهد : نوضي نمشيو 
هزات ساكها هي وياها ناضو يالاه خرجو تاكتقش خالد داخل هو وواحد صاحبو، شداتها التبوريشة من صبع رجليها الصغير


بسرعة هبطات راسها وغطاتو بالساك مزال حليمة كانت كتعاود وتشالي بيديها ماشافت والو دازت من حداه مخبية تاوصلات لبرا ماقالت والو لحليمة خلاتها هاكاك كتكمل هضرتها وشدو طاكسي مشاو لدار وصلو وهبطات قلبها مرعود ومتلبكة ومتوترة دارت حليمة شافتها هاكاك شداتليها يديها ..

حليمة : كولشي غايكون بيخير نتي عارفة عمي ادريس وختي نادية كيفاش متفهمين اكيد غايفهموك ونتي مادرتيهاش بيديك وزايدون داك الحمارة هي السباب ماعندك لاش تخافي، تيقي فيا ..

شافت فيها بعينيها مغرغرين : تايقة فيك 

جراتها من يديها ومشاو طلعو تاوصلو للفوق فتحات حليمة بالسوارت دخلو بجوج تاسمعو صوت نادية : حلييمة جيتي ..

جاوباتها شهد بصوت منخفض مخنوق : جيت اماما ..

ثواني وكطل نادية عليها : شهد ؟ 

غير شافتها جات بسرعة لعندها عنقهتها : بنتي الحبيييبة فوقاش جيتي ؟؟ 

شهد : عاد دابا شوية ..

نادية : وعلاش ماقتيهاش النتي علاش جيتي بلا ماتقوليها 

شهد : مابغيتش نبرزطكوم بغيت نديرها مفاجأة 

رجعات عنقتها وعاودات شافت فيها : فيناهو بابا ؟

داخلين وكيهضرو : لقيتيه دابا عاد شوية خرج ..

كلسو وشهد شافت فيها : مين غايجي بابا بغيت نهضر معاكوم فواحد الموضوع

🌸 حسن : بغيت غير نعرف كيكاتفكر ممم ( غوت وكيهز العكاز وينزلو ) واااش اناا كنفكرلييك فمصلااحتك ونتاا كااديير لي عجبببك ..

سيف الدين : سمع الواليد انا عارف ونتا عارف بلي هادي ماشي مصلاحتي بوحدي هادي مصلاحتك حتا نتا وخوتك والعائلة كاملة ودير فبالك بلي هاادشيي لااش اناا باغي نتزوجها حيت كون كانت غير على ودي من عندي لهلا يحرقهاا، ماتفكرش وعندااكش تفكر بلي داير هادشي حيت نتا باغي ولا خايف منك كنحتارمك اه ولكن حياتي الشخصية مادخلش فيها، البنت غانتزوجها بغيتي ولا كرهتي ( ضرب فالبيرو وناض وقف ) وتاراحد ماغاعارضني فهاد الدار والا غاتكون هضرة وحدا اخرى ولي غايتحرق ماغايتم، ( حنا وشاف فعينو نيشان ) وراك عارفني علاش داوي ...


خرج من عندو وهبط ساخط طلاقا مع نسرين فالدروج طالعة كضحك وهي كتشوف فالتيليفون وقف معاي حجبانو وهي طالعة ماعلا بلهاش ماحساتش بالوجود ديالو تادخلات فيه طلعات عينيها مخلوعة ..

سيف الدين : سبحان الله ..

نسرين : خ خخ خويا ج جيتي فوقاش ؟؟

سيف الدين : ياكما مابغيتينيش نجي ..

نسرين : شش شنو هاد الهضرة كتقول علاش ماغانبغيكش تجي بلعكس توحشتك ..

سيف الدين : داك التيليفون بزاف كيخرج على العينين ..

نيسرين : ( هبطات يديها بسرعة وسوكرات التيليفون ) عارفة هادشي ..

سيف الدين : ( لاحظ كولشي ولكن دار راسو ماشاف والو ) هاودني منك انسرين ..

نسرين : خويا كيبقيتي بعدا مزيان ( كتلف الموضوع ) ..

سيف الدين : الحمد لله فيناهي الواليدة ؟ 

نسرين : خرجات مع عمتي ..

حرك راسو يالاه جا هابط وهي تشدو شاف فيها : خويا تصالح مع نبيل عافاك راه حالتو غير مازايدة اللور وكل كل نهار كيجي ( ماقادراتش تقولها ) ك كيجي سكران عافاك توحشت ايامنا ديال شحال هادي اخويا نهار لي كنا كنتجمعو بثلاثة بينا دابا شنو لي تبدل ..

حيد يديها ورجع دار يدو فجيبو : تبدل الاحترام لي كان بيناتنا وهاداك مايستاهلش نقول عليه خويا ..

قال هاد الهضرة ومشا هبط خلاها واقفة مصدومة وعينيها مدمعين مشات بسرعة طلعات لييتها وسدات عليها وعيطات فالتيليفون ..

نسرين :: مابقيتش قادرة والله احياتي مابقيتش قادرة عاوني


إدريس : ياك لاباس ابنتي اشنو كاين ..

شهد شافت فمها وشافت فباها ماقدراتش تحبس دموعها تم نيت نزلو ليها : انا ماعارفاش كيفاش مبداليكوم انا حشمانة من راسي قدامكوم ..

ادريس : شهد مالكي ( شدليها فيديها ) بنتي الحبيبة مالكي ..

شهد : بابا انا غدرتكوم انا مانستاهلكومش مانستاهلش حتا نبقا فهاد الحياة 

إدريس : اعوذو بالله شكاتقولي ابنتي شهاد الهضرة 

نادية : شهد ما بتيت في قولي لي شنو بيك شنو البخوبليم لي واقع معاك خلاك تقولي هاد الهضرة 

شهد : ( شافت فيهوم ) ماما بابا أنا حاملة

🌸 يونس : أنا غانهبط فأقرب وقت للمغرب ..

نسرين : توحشتك وباغا نشوفك متا الرحيد لي كنقدر نحرجليه هادشي لي فقلبي صافي عييت عييت من هاد المحنة لي عايشة فيها كل نهار موكيل كل نهار موصيبة كل نهار كنعيشو كحل وكيدوز عليا طويل بحال ميات عام هاد الدار ولات بحال شي كابوس كندخل ليها كنحس بنفسي كتقطع ..

يونس : واش بغيتي نجي نخطبك انسرين ..

نسرين : هادا هو الموشكيل جدي صعيب ( عينيها شلال بالدموع ) وماعارفاش واش غايقبل ولا لا 

يونس : هاد جدك هو لي مخليك تعيشي داك الموصيبة فحياتك نتي ديالي بغا ولا كره وانا غير غانهبط للمغرب غانجي نخطبك ويلى مابغاش غانتمشي بزز منو ..

نسرين : وخويا بغيتيه اقتلني والله تايقتلني بلا مايشوف فيا حنا عندنا ماكاينش البنت لي كتزوج من راسها هنا كولشي عندو القواعد ديالو والبنت كتزوج بالراجل لي كيختارو ليها باها ومدام بابا ماكاينش اذن جدي غايختارو بنات عمي لي تزوجو كاملين تاحد ماتزوج عن حب حيت اصلا مامعتارفينش بشي حاجة سميتها الحب والى غير ساقو الخبار كنهضر معاك غايقتلوني بلا مايشوفو فيا ..

يونس : مين جبتو نتوما هاد الافكار مين مافهمتش فاينا بلاد عايشين نتوما راه بنادم تقدم ومابقاش بهاد العقلية وماكايناش شي خاجك سميتها بزز منك 

نسرين : هادو هوما حنا وهادو هوما روافا


شهد بدات كاتعاود القصة كاملة لي وقعات من أول نهار شافتو فالمطار واليديها من صغرها كانو بحال الاصدقاء ديالها وعمرها خبات عليهوم حتا من نهار كانت تصاحبات مع خالد كانو سايقين الخبار حيت ديما كيتفهموها وديما متفهمين مرحلتها كانت طول حكايتها كتبكي تاوصلات للقطة لي دار بيها داك القالب وباش فاقت ولقات المارثة لي وقعات كانت كتزيد تألم وكضرب فقلبها تاجرها باها لعندو لسدرو وعنقها وناضت نادية بسرعة جابت كاس دالما مداتوليها ..

ادريس : ششش صافي صاافي ماتنسايش بلي دابا كاين روح ثاني فكرشك ودابا حميع الالم كدوزيه ليه ..

شهد : بابا ناقادراش نصبر كولشي جاني فدقة كولشي تجمع عليا فدقو مالحقتش نفهم لي وقع تاعرفت بلي هادشي كامل عشتو فكذبة وانا عندي قابلية نولي ام وماجيت نتقبل عاود هاد الصدمة حتا عرفت راسي حاملة كولشي جا متابع وكل نهار كان قلبي كيزيد احرقني حيت خذلتكوم ..

نادية : ( حنات لجيهت ركابيها وشداتليها فيديها ) علاش خذلتينا ابنتي واش حيت بغيتيه ؟ مم .. ماعمر الحب كان خيانة والقلب ماكيعلمش بالانسان لي كبغيه ..

ادريس : فخبارك بلي فرحت حيت عرفتك غاتولي ام ماتخيليش هاد القلب شحال كان محروق عليك وهو كل نهار كيشوفك كتعذبي ..

نادية : شهد سعادتك هي سعادتنا وحنا عمرنا كنا ضدك فجميع قراراتك واي حاجة وقعات كيكون فيها خير ومكتباليك وهانتي دابا تجازيتي بواحد الروح كنتي ديما كتحلمي بيها ..

ادريس : بنتي واش نتي فرحانة بالحمل ديالك ؟ 

حنات عينيها مبتاسمة كتشوف فكرشها وحطات يديها عليها

شهد : عرفتو نهار عرفت بلي كاين واحد القطعة مني كتحرك فالداخل ديالي فرحت بزااف حسيت بحالي حييت من جديد ماعرفتش حسيت بحالي الدنيا ضحكاتلي وهاد الشعور كنت كنتمنى نعيشو من شحال هادي وهانا عشتو داك الشعور ديال ان قريب غايولي عندك واحد الروح جديدة تاهي غاتعيطليك ماما ( شافت فيهوم بجوج عينيها مدمعين ) واحد الاحساس زوين بزاف ..

حط يدو على حنيكاتها : حسيتي دابا بينا باش حنا كنحسو مين كنشوفوك راك قطعة منا وغير هاد الابتسامة عرفتي شحال خلات قلبي يفرح من لداخل ..

نادية : شهد نتي بنتي بنتي الوحيدك لي عطاهاليا ربي ولدناك وربيناك وكبرناك وعمرنا خسرناليك شي خاطر كان ديما الاهم عندنا اننا نشوفو هاد الابتسامة الزوينة ديالك، مادام قلتي تاهو نادم على الخطأ لي دار معاك واعتاذر وبغا يصلح العلط ديالو حاولي تعطيه فرصة يمكن بصح عرف شنو دار ونتي قلتي بلي هو ماكانش عارف يمكن تصرف هاكاك حيت تاهو حس بشي حاجة من اتجاهك ..

شهد : ولكن اماما ..

ادريس : ( قاطعها ) شهد نتي ادرى بقرارات نفسك وحنا فاي قرار غانكونو معاك اذا كنتي غاتكوني مرتاحة معاه وباغا تولدي هاد الطفل مع الاب ديالو فلكي الخيار وطبعا الى مابغيتيش وحسيتي براسك عمرك غاترتاحي فحنا غانوقفو معاك فجميع قراراتك

🌸 حاتم : واسي تاجدين اش بانليك نقربو العقد فاقرب وقت ممكن ..

حسن : وراه الوراق كولهوم واجدين اش بانليك فهاد اليوماين ..

حاتم : مخيرة باش تالابقا العرس السيمانة جايا نكونو بعدا سبقنا المهيم ..

حسن : اكيد هانا غانهضر مع سيف ونشوفو غدا نجيبو العدول لدار وجيب نتا البنت ..

حاتم : اكون خير اسي حسن ..

قطع ودار شاف : محمد قول لسيف غدا غايعقد على بنت الكلاف وماكاينش شي هضرة فوق من هادي ..

محمد : واخا اسيدي ..

🌸 بقا كيشوف شحال فداك الفوطو وكيدور بشوية فالكرسي ديالو يدو على الذقن ديالو شوية طلع عينو فالشرجم وبقا كيشوف حتا تفتح الباب دار بالكرسي وبقا كيشوف ..

هيثم : اهلا بولد العم ..

سيف الدين : شنو كاين ؟ 

هيثم : وايلي اصاحبي ماكاين لا لاباس لا الحمد لله ..

سيف الدين : علاه موالفا كاتقال ! 

هيثم : ( كلس فالكراسا لي حدا البيرو ورمالو شي وراق ) غير شي وراق خاس يدوزو على رئييييس ( برك عليها ) المجلس عاد اخرجو ..

سيف الدين : ( كيقرا فالوراق وكيهضر مبرد ) كاين شي حاجة سميتها السكرتيرة راه كنخلصوها كل شهر وخدمتها هي تجيبليا بحال هاد الوراق بلا ماتعذب راسك وتجي نتا تالهنا ..

هيثم : الله يا ودي شمن عذاب كتهضر عليه منها نشوفو ولد عمنا كيولا من مور الشائعات لي ولاو كيتداولو عليه ..

سيف الدين : ( كيسني فالوراق وكيهضر ) باغي ضرب عصفرين بحجر واحد ..

هيثم : لا غير قلنا نعرفو هاد الطبيبة لي خلات الخوت يرجعو عديان منعرف نشوفو معاها حتا هنا ..

طلع عينو تفيكساو عليه وجمع الوراق فيدو ولاحهوم عليه : سير خرج برا قبل مانشوهليك داك الوجه كيبانليا يالاه برا من آخر مرة ..

هيثم ( ناض وقف مخلي دوك الوراق تم ) : لا قول لسكرتيرة لي كتخلصها فالشهر هي تجيبهوم هادي ماشي خدمتي ( من تحت سنانو ) اولد عمي ..
مشا خارج وزدح موراه الباب خلا سيف عينيه حومر ناض من حدا البيرو جبد كارو فيدو البريكة ووقف حدا الشرجم كيكمي ومع كل بخة كيخرجها كيتفكر صورتها وهي كتقولو عمرني نسمحليك ..


شهد : باغا وقت اماما وقت باش نفكر ..

نادية : لي بغيتي مهيم دابا ماتأثريش بزاف على راسك فكري بلي راك حاملة وهادشي كامل كيدوز للوليد ولا البنوتة لي غايجيونا فالطريق ..

شهد : ( بابتسامة ذابلة ) انا غانوض لبيتي .. 

مشات خلات واليديها كيتنهدو من موراها ..

ادريس : الى عرف كريم كوني اكيدة غاتكون نهاية خالد على يدو ..

نادية : ولد الحرام لا هو لا مو لعبو على بنتنا وخلاوها توهم واها مكتولدش 

ادريس : ماتخافيش كاملين غايتعاقبو واحد بواحد كاين شي حاجة سميتها القانون فبلادنا واول حاجة غانبداو بيها هو داك الطبيب لي عاطي تشخيص خطأ بهدف الرشوة

🌸 دخلات لبيتها وسدات الباب وحطات عليه راسها كيف ديما كتمنى يكون هادشي كامل لي عاشتو فحياتها يكون حلم وبلي غايجي النهار ولي غاتفيق وتلقا راسها باقا ماتزوجات ماطلقات ماوالو وكأن داكشي داز بحالي دازو عليهوم قرون وقرون .. عاودات شافت فواحد التصويرة كانت نهار خدات الشهادة ديال الباكالوريا وشحال كانت فرحانة داك النهار كانو احلامها بسيطة بزاف انها تقبل فكلية الطب وانها تقرا مزيان وتخرج وطبعا مع مورور الايام وتلاحلام كانو كيتغيرو من قرايا لزواج لولادة تاوصلات لدابا نو احلامها منعرف زعما يكونو الاحلام نقارضو فقاموسها ولا كلمة احلام تبعثرو حروفها وتشتتو لدرجة ولا صعيب عليها تجمعهوم ..

🌸 كانو كلهوم على الطبلة ديال العشاء حتا نطق حاتم ..

حاتم : مرام ..

شافت فيه : غدا غاتكتبي كتابك ..

حياة : كيفاش غدا غاتكتبي كتابك ياك قلنا تالسيمانة الجاية ؟! 

حاتم : لا تافقنا أنا وسي تاجدين صافي غدا غانكتبو كتابكوم ..

ناضت دينا من الطبلة بسرعة ومشات، تاشوية تبعها مراد خوهوم بقات غير احلام ومرام ..

احلام : ولكن ا

حاتم : مين كيقررو الكبار الغار كيسكتو ماغاتعرفوش مصلاحتنا كتر منا الاشاعات كيداولو وباش نسدو الفم هادا هو الحل لي كاين وزايدون مابقا للعرس والو من الاحسن يتسبق دابا ...

مرام : وسيف الدين شنو قال ؟ 

حاتم : اكيد غايكون وافق فسي تاجدين عارف شنو كيقول


سيف الدين : شديك الهضرة قاليا محمد ..

حسن : ( كالس فالصالون كيشرب كاس داتاي ) وجد راسك غدا غايكون العدول مع ديك العشرة ..

سيف الدين : زربان على رزقك ولا مالك ..

حسن : احتارم راسك ..

سيف الدين : الاحترام بانليا شحال عارف فالاحترام ..

حسن : شتك بديتي كاتزايد معايا فالهضرة كتر من القياس !! 

سيف الدين : شنك نتا لي وليتي كادير لي فراسك بلا ماتشاور ماتنساش انا الكبير موراك فهاد الدار ونتا دابا راه كتقرر فحياتي الشخصية !! وكتصرف كيفما بغيتي 

حسن : هادشي لمصلاحتك ..

سيف الدين : باغي تزرب عليا ههه ولكن كيبانليا مزال ماعرفتي معامن ..

حسن : من الاحسن ترضى بالقداء والقدر ديالك هاكا تعلمنا من جدودنا وهاكا غايمشيو عليه حتا فحفايدنا ..

سيف الدين : هاحنا غانشوفو ..

مشا خرج طلع للفوق ودخل لعند نعيمة لقا الممرضة كذلك ليها فضهرها

سيف الدين : واصلك الخبار بداكشي لي كيدير راجلك ؟ لاياش باغي يوصل مافهمتش ! 

نعيمة : مادخلونيش بيناتكوم، راك عارفو كيداير ربي يعطيه هزة يا ربي نلبس عليه حق الله ونتهنا منو ..

تنهد طلع راسو كيدوز يدو على اللحية ديالو : جدة راه كيجبد عليا الحرب وهادشي راه ماغايجبدلو غير الروينة ..

نعيمة : قتليك مادخلونيش بيناتكوم ياك من شحال هادي وانا كنقولهاليك ونتا كتقول غير خلي نتزوجها ايوا صافي خودها تادابا اصلا ماكان باقي والو للعرس ..

سيف الدين : اشمن زواج وزعتر واش حرافتليا انا فهاديك بربي وكون مابغيتش هاد الزواج لا كان ولكن كنفكر فحفادك وولادك وحيت عارف بلي من هادشي كامل نتي لي غاتخرجي مضررة .. ( شافت فيه ) اما الله اجعل كولشي اتحرق ..

🌸 رجعات مور الحيط عاضا على شفايفها ومبتاسمة وآخيرا غايولي راجلها واخيرا غاتولي مدام مرام سيف الدين تاجدين .. تلاحت فوق ناموسيتها فرحانة وكل تفكيرها غير عليه وفنفس الوقت شاداها الموف من المستقبل لي ماعارفة عليه والو ... تاشوية تفتح الباب ودخلات حياة ..

حياة : مم عروستنا مزال فايقة ههه ..

مرام : ماما هه ( حنيكاتها حمارو ) هه ..

حياة : هاي هاي شوفليك الحشومية قال ..

مرام : ففف مانا ماكتخيالاش بلي غدا غانولي مرتو وهو غايولي راجلي 

حياة : ( كلسات ودارت يديها على راسها ) وغاتواي فدمة رجل وحداخور ...

مرام : ( عينيها تغرغرو ) ماما ..

عنقاتها كطبطب على ظهرها : اخخ يا بنتي وشحال ماساخياش بيك باقا عاقلة على أول نهار حليتي فيه عويناتك 

مرام : ( حطات راسها على فخاضها ) فرحتي ؟ 

حياة : طبعا فرحت وتابابك فرح حيت وات عندنا بنوتة حلوة بحالك بنوتة اخرى ..

مرام : واخا كانت احلام ودينا ..

حياة : ههه كل واحد وبلاصتو ابنتي

🌸 بقات متكية فالناموسية ديالها تاشافت تيليفونها كيصوني هزاتو شافت سميتو بقات شحال عاد جاوبات تاكاتسمع ..

سيف الدين : شهد هبطي انا لتحت ..

شهد : ماغانهردش اسيف ..

سيف الدين : ( ببرودة ) بلا ماتمرضيني فهاد الليل غاتهودي ولا انا لي غادي نطلع ..

تنهدات قطعات عليه رجع تيليفونو فجيبو وماشي بمدة قليلة تاكيشوفها خارجة من باب العمارة بكبوط دايرة القب ديالو وخاشية اليدين فالجيب ديالو شافها ودار ابتسامة جانبية .. تاوصلات وشافت فيه ..

شهد : شنو ؟ 

سيف الدين : ماغانطولش غانسولك ولآخر مرة تزوجي بيا ؟

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.