البرهوشة والإخواني الجزء الثاني

من تأليف حنان فارس
2020

محتوى القصة

رواية البرهوشة والاخواني

البنت:ختييي وش نتيي بيخير

آيات؛(شادة على قلبها)بيخير بيخيررر غا شي كرسي نكلس لاتشدني لارض

البنت:اها دخلي كاينين لكراسة فلاستقبال

تمات داخلا هي ومونياا..كيدوروو عينيهم..

كلسات فلكراسة لي محطوطين فالاستقبال

شافت فلاستقبال لي قدامهم...فيه بنات متحجبات

وحدا لاستقبال..كاين مكتب..بابو مسدود مكتوبة فيه

"المدير السيد عروة"

وفجها لوخرا كاينين.. بزاف دلموضفين..كل واحد فيهم حاني على الحاسوب ديالووو..ولغريب انه كاين حاجز بين الموضفات البنات والشباب

آيات:(ناضت من بلاصتهاا تدور فعيهاا)

شافتهم تيشوفو فيهاا بطريقة ممفهوماش...بنات وولاد..

زادت عند مونيا

آيات:هادوو مالهم تيخنزرو فياا

مونيا:(دورات عينيها)كلهم مغطيين غا حناا لي خرجنا من جنب

آيات(حطات يدها فراسها تتحكو)باينا جابهم من مكة يخدموو معاه

قاطعهاا صوت لبنت لي دخلاتهم

البنت(مادة كاس دلما لايات)تفضلي شربي 

آيات(شداتو وهي تتمشا ودور فعينيها)

وصلات حدا لباب دلمكتب دعروة

دارت راسها ادق..شافت فلبنت لي بدورها بقات غا تتشوف جاوها تصرفات آيات غراب

آيات:متكدااا مدايرش رقية على هاد لباب..وغا ندق ميرجمونيش 

مونيا:غيرجمكم شياطين متلا حيت خديتي بلاصتهم

آيات:غتسكتي ولا غنن....

مجات تكمل هضرتهاا..تا تحلات لباب

دارت بزربااا...خرجات عينيهاا...ويديها مزال مهزوزة ..بطريقة مجموعة ديال لي باغي يدق



بدات ترمش بتلفااا..أول مرة تجي عيينيهااا فعوينووو..أول مرة تشوف بحر عيونوو سودااا ..الصافية كيف قلبووو

وهوا بدوروو اول مرة يشوف..عيونهاا لخضراا وسحرهم..لخاص..ملامحهاا بريئين عكس تشيطين لي فيهاا

حنا راسو دغيا..حيت عارف النظرة الاولى ليه وتانية عليه..

نطق ببرودة...

عروة:نقدر نعرف أش تديري هنا؟

آيات(سرطات ريقهاا..هزات كاس دلماا..قدامو)جييت نشرب .سمعت لما عندكم هنا فابور

نزلا على لكاس دلماا..دقة...وهي مخرجا عينيها

آيات:زوين ماكم (زيرات على شفايفها ابتسامة دبزز..وخشات وجها فلكاس)

عروة:عارفها تبعاتوو وغي طلقاها عليه..تجنب عقلها صغير

نطق ببرودة عكس توقعهاا

عروة:
قال عليه السلام(لايشربن أحد منكم قائما )

آيات(هزات عينيها ووجها مزال مخشي فلكاس

عروة:(تنهد)لا تشربوو واحد كشرب البعير..

آيات:كفاااش داباا اناا بعرة تتا..

عروة:تم زايد بلاا ميسمع ليهاا

مشا لاستقبال..

عروة: (موجه هضرتو لسكريتيرة)علميهم ان لاجتماع دليوم تاجل لحاج مجاش..تا نعلمك على لوقت تاني ليه

هي:وخا اسيدي

زاد..خارج ..

وقف حدا مونيا..نطق بلا ميشوف فيها

عروة:كنضن نتي عارفا تجسس ماشي من اخلاق لمسلم..ومخص تا حد يأتر عليك

تم خارج...فحين مونيا ...بقات واقفاا مخرجا عينيها..ولات حمرة .حاساا بالاحراج منووو

💦بعد دقائق💦

كاانوو راكبين فطاكسيي

آيات(حاطا يدها على راسها)
وهيااا مييي طلع مرفح..وهيااا ناري برستيجي ضااع..وهيا ناري خدام مع بابا ..ويمكن خدام عندووو وربييي ربييي ماشي يمكن راهاااا باينااا ومي لحبيبة كن غا ديتيني معاك منشوف هاد نهار لكحل

مونيا:(تتعيبها)نتااا ماشي من مستواياااا

آيات:صافييي سكتي سكتييي... وش سمعتيه اش قاااال قالييي بعرة

مونيا:غا نصحك غا نصحك

آيات(شافت فيهاا..تتلعب بيدهااا) مينصحنيي منصحووووو ..ميحضيني منحضيه...مبقيت بغااا لنطيحووو لايطيحنييي...غااا يبعد من طريقيييي منين تنكون معاه تنحس بيااا يهودية اختشييييي مالي على حالتيي

مونيا:تا انا حشمتيني معاه..اوف اشداني نتبعك

آيات:اوا الالة متبقايش تبعينيي نهااار نجبد سميتووو جبديهااا معاياا بتصرفيقة

مونيا:وخا🙂

آيات:صافيييي مبقيتش بغاا نشم ريحتوو الله يبعد عليا لخروان وما جا منهمم

مونيا:كوني تحشميي..سيد غا تينصحك

آيات(موجهاا هضرتها لمول طاكسي)وقف وقف

(شافت فمونيا)هاني وصلت مافيا لي يعاود لاسطوانة...صافي عروة ولا عورة مبقيتش بغيت نشم ريحتووو

تمات نازلاا..فحين مول طاكسي زاد بمونيااا..

تمات داخلاا للفيلااا...يلاه غتوصل لجردة..شافت باباهاا كالس مع واحد راجل..يلاه بغات تدخل ..وهي تشوفو جاي متوجه عندهااا

وقفات تتعاينو وهي مستغربا


رضوان:على سلامتك ابنتي
آيات:يسلمك
رضوان:اوا ابنتي سيري حيدي هاد شويريط ولبسي شي جليليبة وهبطي

آيات(خنزرات فيه)وعلاش بسلامة مال لبسي كيف جاك

رضوان:بنتي متحشميش بيا غير هاد لمرا سمعي لهضراا..سيري بدلي وكلسي حدا ماماك سميرة والضيفة لي فصالون

آيات:ماماش

رضوان:غير هاد لمرا

آيات:وتقاد لي لوطو دياليي

رضوان(تنهد صافي وخاا)

آيات:او مشات

زاد بلخف..طلعات نيشان لبيتهاا...

آيات:نهار قلت غنبعد من لاخواني ولا بابا بحالوو..قالك لبسي طويل على انا عندي طويل

زادت جبدات..جلابة...فلخضر خفيفة على لموضا

حيدات
لقاميجة..وسوفيطما...لبساتهاا...جاتهاا لاصقاا..مبيناها بشكل متير ومستور فنفس لوقت..مشطات شعرها لور..بقات بنفس سبرديل لبيضة

وتمات نازلاااا...بغا تعرف اش واقع لباهاا

مشات لصالون كيف قالهاا..باباهاا...

يلاه دخلات..وهي تخرج عينيهاا مصدومة

🍁فالجردة🍁

زاد رضوان عند شخص لي كان كالس..لي مدارش يشوف فين مشا رضوان..بالعكس كان كالس هاز لقهوة فيديه...مفيكسي نضروو لبعيد..مهدن ومرتاح

حس برضوان واقف على راسوو

رضوان:سمحلي الحاج غا لبنت وصلات وطلبت منهاا...تمشيي لصالون عند لاخت خديجة ومرتي

الحاج محمد:مكين مشكل...لبنت دابا اتكون كبرات..اخر مرة شفتهاا كانت صغيرة..منين جبتيهاا معاك للقصر..يمكن كانت ف3 سنين من عمرها

رضوان:اه كبرااات..وحتا العزري شفتووو فشركة..ولا كبير مشاء الله عليه

محمد :اياه جااا وهادشيي علاش جيناا ليوم نتاا راك عارف لوعد لي قطعناه سنين جا لوقت لي يتنفد فيه..انا غنتكلف بلعزري ونتا تكلف بلبنت

رضوان:اكيد ما وعد الحر دين عليه غير هواا كاين واااحد لمشكل

الحاج:اما هوا اسي رضوان

رضوان:...


آيات:(شدات ضحكة منين شافت سميرة دايرا نص درا ولابساا طويل)

آيات :هاي هاي على سمورة كبرات وولات تدير زيف

سمير:شافت فيهااا ولات حمرة.(.بدات تشير ليها بعينيهاا بمعنا ناس سكتي)

آيات: تمات داخلا مفهما والووو

يلاه ادخل لقلب صالون بانت ليهاا..مرا كبيرة مختمرة

آيات(فنفسها الله ياربي منهار شفت لاخواني ولاو يبانو لي رباعتوو..

(بصوت مسموع)السلام عليكم

سميرة:وعليكم السلام
خديجة:وعليكم السلام(طلعات وهبطات آيات)

سميرة :اجي ابنتيي كلسيي حداياا

آيات:مشات حداها وهي مبتاسمة بزز

سميرة:ختي خديجة تنعرفك هادي هي بنتي آيات..بنت سي رضوان

خديجة:مشاء الله عليهاا زوينة ربي يحفضهاا

آيات(شافت فيها ابتسمات)ربي يخليك اخالتيي تانتي تيتيزة

سميرة(خنزرات فيها باش تبت)بنتي آيات هادي ..خديجة مرت مول شركة لي خدام فيها باباك

آيات:(خرجات عينيها)مرت عروة

خديجة(استغربات)منين تتعرفي ولدي عروة؟؟

آيات:انااا ...أاااا ولددك...لا تنعرفوش غا سمعت بلي مول شركة سميتو عروة

خديجة(ابتسمات)اه ولدي لي تسلم زمام الامور بعد باباه

آيات:ابتسامات بزز

سميرة:نتي لي معرفاش ان باباك وسي الحاج..تربااو مع بعض فصغر نتي عارفا باباك ولد لميتم..ومنين خرج من لميتم..عاش مع واحد راجل..وخداا كنيتوو هوا وسي رضوان زوج ختي خديجة وسي رضوان وباباك خدموو مع بعض وولاو صحاب

آيات:(طلعات حاجبها)فهمات بلان لكنية

آيات:اهاااا ولكن علاش عمر شفت عائلتهم عندنا لكانوو صحاب

خديجة:سي رضوان ولحاج ديما ملقيين فلخدمة على داكشي قليل فين تنمشيو عند بعض كناا تنجيو عند بعض غا فلعطل مرا فلعام لكن عمر صدفتك كبيرة اخر مرة شفتك كنتي مزالا صغيرة

سميرة:اه حتاش هي فلعطل متتكلش هنا علا داكشي عمر تلاقاتكم

آيات:هههههه (ضحكة بزز)

خديجة:على كل حنااا بغيناا صداقة تكبر وتولي رسمية
وهادشي لنتي بغيتي تكبريهااا

آيات:علاش مالي انااا معنديش مشكل فصداقة بابا مع اي واحد

سميرة:ركي مفهمتيش باش صداقة تصمد..جاو طلبوو يدك لولدهم

آيات(ببرودة..صدمة باردة)اهاا وانا واحد من ولادهم؟؟؟

خديجة:عروة

آيات:خرجاااات عينيهااااا...

حسات بدنيااا دايراااا بيهااا .

.تخايلات راسهاا..غادة..بنقاب مغطيي وجها...وربعا دلولاد فجنبهااا..كل واحد منين تيجر....وعروة واقف على راسهااا تيغوت ..تيردد كلمت 

معرفاش تربي ولادك

" جهنم وبئس لمصير"

شدات فجلابهاا..وغوتات لااااااااااااااااااااا بجهد..وتمات واقفااا بغا تهرب


تماات نايضة...زادت شادة جلابة..بخطوات سراع...والجلابة مقدا تتزيد بيها مع هي ممولفاش مع طويل..ولات غادة تتفتف كي شي بطريق

سميرة خرجات عينيهاا..شافت فخديجة لي بدورهاا بقات غا تبلق فعينيهاا..مفهمات والووو

خديجة:ياك لباس مال لبنت هربات؟

سميرة:(ابتسامة صفراا) الحشمة اختي لحشمة راكي عارفا كامين دزنا من هاد لمرحلة

خديجة كانت بغا تقول اشمن مرحلة الله يهديك نهار جاو خطبوني كنت رزينة..ماشي تتحنقز هكدا..

لكن سرعان مبدلات ليها لابتسامة

خديجة:تتوقع(ابتسامة)

سميرة:اواا زيدي اختي شربي ليك اتاي لا يبرد

خديجة:الحمد لله اختي شبعت

بقاو كالسين تيهضروو..تا سمعوو رجال داخلين

الحاج:السلام عليكم

خديجة:اشنوو وش تفاهمتوو...نمشيو داباا

رضوان:هوا اختي لفكرة كايناا ولوعد قطعناه من زمان قدام لمرحومة دمهاا..لكن لقرار تيبقا دلولاد

الحاج:خير ان شاء الله خير..فين لبنت كاع مبانت لي؟؟

سميرة:حشماات وطلعات(ابتسامة )

رضوان:نوضي عيطي لها تقرا السلام على سي الحاج

الحاج:مكاين لاش تعدبها غا خليهاا..تا لمرا خراا

خديجة:(هزات صاكهاا وناضت)اوا مشينا خصنا نحلو لموضوع مع ولدناا

رضوان:بقاو تا تعشااو

خديجة:مرا خرا ان شاء الله 

استأدنووو وخرجووو...فحين رضوان هز يديه متأسف

رضوان:مال الحاجة مزروبة؟

سميرة:على لي شاف بنتك ميهربش

رضوان:علاش مالها اش دارت؟

سميرة:لالا بنتك صواب ولاداب مدارت والووو غا شوهاتناا قدام لمرا..

وش اعباد الله لمرا فعمر جداهاا وتقولهاا تيتيزاا؟؟وكملاتهاا منين سمعات سميت لعريس هزات جلابتها وهربات

رضوان:(تنهد)هادشي غا قلت ليها ترزن

سميرة(رمات زيف)تخنقت باطل لرجعووو اجي عكر لي بلعكر لخضر.

.تا قلت جاب ليها الله فين تغبر نحاسهات ولكن هي وجه نحس 

زادت
بخطوات..تقال..كلسات..جبدات تيلي تتصوني على صحابتهاا..تعوض لمواعد لاجلات ليووم

فحين رضوان عيا ميشوووف..وهوا يطلع عند آيات

كانت غادة هي وااحاج...فلوطو..والشيفور سايق بيهم

الحاج:اوا داباا خصناا نهضروو مع ولدك وسي رضوان يتكلف بلبنت

خديجة:لحاج هوا بصارحة..لبنت متصلاح لولدناا ولدنا رزين وهي خفيفااا..

ولدناا متبع طريق الله وهي الله وعلم اشمن طريق سالكا..

يعني لولد خصووو شي وحداا لي بعقلهااا وتكون متحجبة..هادي متصلاحش

الحاج:(تنهد بجهدد)عااارف صفاتها ومعنديش مشكل فيها 

خديجة :وكفاش عرفتي ونتا كاع مشفتيهاا؟

الحاج:سي رضوان قالي كولشيي

#فلاش-باك

رضوان:.......ولكن كاين مشكل
الحاج:..........اما هوا؟


رضوان:البنت اسي الحاج كبرات بلا ام..انا تزوجت وجبت لمرا باش تربيهاا.لكن ماشي اي حاجة تنبغيوها تتوقع..لمرا مرباتش لبنت كيف كانت اتربيهاا لمرحومة..ولبنت كبرات مفششا ومستهتراا..يعنيي ماشي بحال ولاد عائلتك هي متفتحااا...وووبعيدة على دين وووو

الحاج(قاطعوو)ان شاء الله يكون خير شحال من واحد تيتبدل مور الزوااج..لبنت ان شاء الله تلقاا فولديي لام ولحضن لي يوريهاا طريق..لوعد قطعنان ومكاين لي يبدلووو..وان شاء الله نكونو سبب في الهداية

رضوان:اوا داباا هضرتي كونت خايف لتردد...اوا نوض نشوفوو آيات تعرف على بنتي

الحاج:تفضل اسي رضوان

#العودة

خديجة:الله الله ومعندكش مشكل

الحاج:الى كان ربي داير ليها لولد فطريقهاا للهداية فشكون حنا لي نبدلو طريق..لبنت..وش نسيتي لوعد لي قطاعنا قدام لمرحومة دماماها..ياك كونتو مشاء الله نعم الصحبة؟؟

خديجة:اه هيي سبحان الخالق تتشبه لمهاا نفس لعينين ونفس ضحكة..تا انا تنتحمل جزء من المسؤولية عمر سولت على لبنت لهييت مع تربيت ولادي عند بالي لاخت سميرة اتربيهاا ولكن للاسف.

الحاج:اوا ها ربي جابها تا لعندك تربيها وتعاونيها تعرف صح من لغطة تاخدي لحسنة وحنا ماشي فغنا على الحسانات

خديجة:.ان شاء الله يكون خيير والولد يوافق والبنت تبدل

الحاج:ان شاء الله عروة انا غنتكلف بيه ...

☪فجهة خراا☪

كانت..كالسا على سرير..شادة جلابتهاا..عاضة ثوب منها.تتهز من بلاصتها

آيات:ياربييي دوز هااد لحلماا على خيير....ياربيي دوز هااد لحلماا على خير

تهزات من بلاصتهاا منين تحلات لباب ناضت قافزاات

رضوان:بنتيي آيات خصناا نهضرووو

آيات:
زاادت بخطوات تقال عند باباهاا وهي تتشوف فيه نظرات ممفهومينش...وصلات حداه...هزات صبعهااا تتقيس فوجهوو..كانها تتبرك فشي بوطونة

رضوان(بالغوات)عورينييي حسن عورينييي تي مالكي وش حماقيتي

آيات(دلات وجهاا..نطقات وهي شادة لبكية)وااااع متنحلمششش...ونااري لاخواني بصح جاا خاطب وهي ربيي مبقيت بغيت نطيح حدد كنواعدك اسيدي ربيي ندخل لاسلام غااا بعدوو عليااااا

رضوان:(بالغوات )على نتي ماشي مسلما اوجه لبق؟؟؟

آيات(هزات صبعها)مسلما والله تا مسلماا (فنفسها)كنت باغا نسيه على لقبلة نساني تا على اشمن دين شادة اهئ اهى

رضوان:صافي بنتي حبيبتي اجي نكلسو ونهضرو بحال ناس لي بعقلهم

ايات خنزرات فيييه....


آيات:على اناا ماشي بعقلي شنووو داباا تتكلاشيني ابابا تتكلاشينيييي

رضوان:لالا احبيبتي حاشة نتي هي مولات لعقل

(جرها من يدهاا لسرير..كلسها وجر كرسي كلس اونفاص معاها)

آيات؛من لخر دخل كود بلااا دوران (طلعات حاجبها)

رضوان:هواا ليوم جاا سي لحاج يهضر فوضوع زواجك بولدوو وهوااا ولد شهواا منووو مدين ومعقل وبرزقوووو يعنييي غتعيشييي معااه كي لملكة..وونتي كبرتييي وزيانيتي وجا وقت ديريي دارك وولادك وعقلك

آيات(خرجات عينيها)هاااء هل انتاا بكامل قواك العقلية؟؟الساط؟

رضوان(بالغوات)انااا راني بااك مااشيي صاحبك جوبينيي بالادب

آيات؛اوا سمعني يابابا يالي ماشي صاحبي وخاا نبقااا غا انااا وجنون على هاد لارض ندي شمهروش ومنديش لاخوانييي كفاش بغيتي سبت يدي جمعة ؟؟؟

لن اتزوجه لن اتزوجه فهمتينيييي

رضوان:ياااك المرضية وعلاش؟

آيات:حتاش انا مزال باغا نعيش... ندوور نخرج مع صحابي... لبس لي بغيت مبغيتش شي حد يتحكم فيااا

رضوان تمم واااقف

رضوان:اوااا سمعينيي المرضية دباباهااا من ليووم مكين دووران ديك لووطووو مكيناش...والبطاقة البنكية تاهياا مكينااش ونهار تلبسيي نص شرويطاا مغاديش تعتبيي برااا داارر اوااا كلسيي فدار بااك لهلااا فين يحوج بنتييي

تم خارج ..ردخ لباب..هزهااا من بلاااصتهااا

آيات:(خرجات غينيها)والووو فلوووس..... والووووو دورااان .......والوووو حطة

طاحت على طولتهاا على سرير...عضات لغطااا

آيات:الله يدوز هاد لحلما على خير

🍁فجهة خرااا 🍁

...وقفات لوطووو قدام لفيلااا...تموو نازلين داخلين ليهااا...بان ليهم عروة كالس فجردة شاااد الجريدة..وهاز كاس دلقهوة فيديه...مكالمي ومهدن ....

زادوو عندووو بثقالة...

عروة غا شافهم حط لجريدة...ناض باس ليهم يدهمممم

الحاج:الله يرضي عليك...دغيا جيتي من لخدمة؟؟

تم كالس..كلس لحاج والحاجة حداه

عروة:كان اجتماع وتأجل منين محضرتيش على داكشي... (هز كاس دلقهوة)فين كنتووو؟

خديجة:مشيناا نخطبوو لك اولديي

عروة...حصلات ليه لقهوة..حس بيهاا خرجات من نيفووو...بدااا يكحببب بجهدددد....


الحاج:بسم الله عليك اولدييي حصلتيهااالووو الحاجة

خديجة:انمشي نجيب ليه كاس دلمااا

عروة(حط يدوو على حلقوو)احم احم صافي صافي مكين لاااش اناا بخير...غا تأترت بضحك لواليدة

ااحاج:هي متتضكش اولديي..نتاا ماشاء الله كبرتييي وجا لوقت لي تزوج فيه..وحنا ختاريناا لك لبنت لمناسبة

عروة:كفاش الواليد غادي تخطب بلاااا خبارييي؟؟؟وش محشوماااش؟؟انا العريس وانا اخر من يعلم؟؟

الحاج:حاشة اولدييي حنااا غا هضرنااا ماشيي شي حاجة رسمية لقرار لخر ليك

خديجة:ولبنت زوينة ماشاء الله وبنت عائلة

عروة:والله متيهمني الجمال او المال كيف قال رسول الله الضفر بدات دين...يعني وش لبنت مديناا؟؟

خديجة: اواا اولدييي شحال من واحد داها ماشي مسلماا ودخلهاا لاسلااام ونتاا دايهاا مسلمااا الا كانت غالطا فشي حوايج صححهم ليها

ااعروة:ولكن انا مزال متنفكر فزواج

الحاج:قال رسول الله من استطاع منكم الباءة فليتزوج...ونتا الحمد الله معقل ومرزن وبرزقك وانااا باغي نشوووف حفادك قبل منموووت 

عروة(شد يد لحاج باسها)الله يطول فعمررك..صافي دير لي بان ليك معنديش مشكل اني نتزوج بهاد لبنت لي ختاريتي خيارك عارفووو غيكون مرضي واكيد لبنت بعقلها وتصلاح لزواج...

قاطعهمم صوت انثوييي...داروو بثقالة لمصدرووو

ابتسام؛شكون غيتزوج؟؟؟

خديجة:خووووك ابنتييي واخيراا قررر يدير أسرتووو

ابتسام(ابتسمات)الف مبرووووك اخووووياااااا

عروة؛وحتاا نتيي مبروك عليك

الحاج:علاش شكون غيتزوج نتا ولا هي

عروة:انا وختيي ان شاء الله..كاينين شي ناس بغااو يجيو يشوفوهاا 

الحاج:اوا لتتعرفهم ناس دلخير مرحباا

عروة:لخيار لخر لختيي...لبغيتيهم يجيو ومنبعد ققريي ولا بغيتي نرفض معليش 

ابتسام(ولاو خدودهاا حومر..حنات راسها)لييي بان ليكم اخوياا
عروة؛انا بان لي يجيو ونتي قرري

ابتسام:صافي انا مواقفة..عارفاا انا خياراتك عمر كانت غالطة...نخليكم

حناااات راسهاااا..وطلعات بخطوات سرااع...لبيتهااا...غا فاتهم..وشداتهاا جريااا...وصلات لبيتهااا...دخلات تلاحت نيشان على سرير وصوت شهقاتهاا مسمووع

هي لي من زمان تتبغي شرف الدين لكن عمر قالتهااا لوو ديما غير تتدعي انه يكون نصيبهااا..وليوم غتخطب من غيرووة احساس صعب لوحدا تتعاني من لحب صامت

الحاج:اوا امتا غيجيو اولدي؟؟

عروة:اش بان ليكم ليوم فلعشاا
خديجة:مرحبا بيهمم..اش بان ليك اسي لحاج نعيطوو لسي رضوان وعائلتوو...يدير ولدك النضرة الشرعية يشوف مرتو المستقبلية

الحاج:تاهدا نضر انا غنهضر معاه نعلموو بلي لولد قبل ونعلمو يجي


بعد ساعات...فاقت معنكشاا...بكترت ماالصدمة لي شدات كبيرة..نعسات مفاقت...

بدات تكسل فبلاااصتهااا...

آيات:(تتفوه)ااه اربي وداباا نوضوو لبسوو لحطة ونمشيو نتعشاو فشي بواط كلااس

هزات تيلي صيفطات مساج لمونيا وادهم باش يتلاقاو فلابواط.فحين هي ناضت...

جبدات كسيوة فلحمر..وصباط عالي فلكحل...زادت قدات مكياجهاا..هزات صاكهاا وتمات نازلااا

لقات سميرة كالسا تتاكل فلكوطي

سميرة:اوا على سلامتك فقتي كون كاع بحالك لي خطبها شي حد دخل لكوماا كن تزوجو بكري

آياات:(خنزرات)..على الاقل انا خطبوني ابب غا بردي

سميرة:خاطبينك بلا خبارو ازين طلبي الله يقبل بعداا

آيات(دوراتها فراسهات )يعني هوا معندوش خبار..(بقات تفكر بلي هاد زواج دغيا اتهنا منوو حيت اصلا هوا مستحيل يقبل يتزوج بيها)

سمير:اشنوو كلاا لقط لسانك

آيات؛صبحنا على الله(تمات غادة )

سميرة:باقي صبح غا عندك لمغرب ودنات ونتي مزالا مصبحااا

آيات(وقفات خنزرات فيها)كولي كولي وسكتيي

سميرة:اجي تانتي تاكلي ولي شافك يقول عايشا فمجاعة

آيات:ولي شافك نتي ايعرف شكون سباب فهاد لمجاعة

سميرة:كككفاااش دابا انا غليضة

آيات؛لا نتي طبيبيزة غا سكتيني

سميرة:اوا هكداك

آيات :فين بابا؟
سميرة:راه فجردة غادي جايا بحال لمرا لي غتبلزز

آيات:قشعاتوو غادي جاي وتيلي فيديه

تمات خارجاا..وهي تتدور فعينيهاااا

وصلات لجردة ...شافها باباهااا.جايا عندوو.بدا ينطق بشويا

"ياربي تقبل ياربي تقبل"

آيات:(وصلات عندو)اشنوو غنقبل؟؟؟

رضوان:فين غادا نتي؟؟

آيات:كفاش فين غاداا ..كيف ديما نضور ونتعشا براااا

رضوان:ممنوع لخروج فهاد لوقت..وبهاد لباس نسيتي علاياش تافقناا قبيلاااا

آيات:كفاش كفاش زعما قبيلاا مكونتيش تضحك كونتي داويي منيتك

رضوان:اه كنت تنهضر بصحك محدك معطيتيش فرصة تعرفي على لولد كاع داكشي لي قلت غيطبق...اش فيهاا لعطيتيه فرصة ديك ساعة متفاهمتووش فسخووو لخطبة

آيات:(خنزرات فيه)لاااااااء

تمات غادة..

آيات:(تحت سنانها)كفااش نتعرف عليه مسيد عارفاااه ونعل بو نهار لي عرفتووو

رضوان:(بالغوات)غتندميي حتاش مبغيتيهش غنقطع عليك كاع لكارط غتحرمي من بزااااف ...

آيات(دارت عندوو)كوون هانيي تاهوا مستحيل يقبل بيا غا رتاااح

دارت قدامها ..تمات زايداا
تا وقفهاا صوت رضوان

رضوان:هوااا راه قبل بقيتي غا نتيييي

دارت بشويااا...وعينيهاا خارجين بصدمة

آيات:شنووو هواااا


آيات:والاا قبل ومنبعد اناااا مستحيل نقبل عليه..ابابا تخيل نديي اخواني ونلبس لخمار ومنبقاش نسلم عليك منين نشوفك نهرب غا تخيل

رضوان(بدا يدور فعينيه)

آيات:تتشوف فيه وترمش فعيونهاا

رضوان(ابتسم)لالا حلال تسلمي عليا متخافيش ابنتيي

آيات:خنزرات فيه..مغاديش نديه مغاديش نمشيي لعشاا..غنمشيي نخرج ندوور فهمتيي

رضوان(غوت بجهد لحاريس يسد لباب)

آيات:باركاا من الحماق ابابا

رضوان:غترجعي دخلييي..ونعسيي ابنتيي لاخروج لا فلوس لا اوطووو بوري فدار باك...سيد قبل ونتي معندا

آيات:بعيون دامعا)وش متأكد قبل بياا اناا؟؟

رضوان:كيف سمعتي سيد وافق وعرضونا ليوم لعشاا باش تقابلوو وتافقوو

آيات:(تحت سنانها)ياااك اسييي الاخوانيييي موافق عليااا باغيي تكحلهاا لي بلعمااا مع بابل وعلاش انا لي غادي نقول لااا ونكحلهاا بلعما معاه غنخليك نتااا تقول لاااااا اوااا تفرج وشوف حربش لبقا لك شي عقل حربشششششششششش

آيات(زادت عند باباهاا بخطوات تقال...شافت فيه وهي تترمش فعيونهاا ببراءة فحين هوا غا مخرج فعينوو)صافي ابابا دير لي بان لك

رضوان:بسم الله كفاش وش بصح نتي وافقتي غتمشيي لعشااا

آيات:اياه(حنات راسها وشداتها جريا زعما راه حشمات)

رضوان:اللهم ان كان سحرا فتركه الله يخليهاا ديمااا مسحوراا...نصوني على لحاج نعلموو بلي جايين


بعد ساااعات...وقفات سيارة..قدام لفيلاا..نزلاات..هي وباباها واكيد سميرة معاهم...

لابساا جلابة..فالازرق الملكيي..محجراا بالحجيرات الآمعة...دايراا مكياج خفيف رادا شعرهاا لوور..جاياا كلاس وزوينة

تمووو داخلين..بان ليهم لحاج..واقف تيعاينهم. فدخلة..زاد عندوو رضوان وهواا ضاحك

رضوان: السلام عليكم انسيبي لعزيز

الحاج(ابتسامة)وعليكم السلام 

شاف فآيات لي واقفاا مهدنة..وغير دور ليهم فعنيهاا..بانت ليه عكس داكشي لي قالوو ليه

الحاج:السلام ابنتيي
آيات هزات فيه راسهاا ...حسات بواحد لهيبة ليه خاصة...ابتسام لا إرادية وردات السلام

آيات:وعليكم السلام(زادت 
باست ليه يديه)

بعدات ...بدات تنطق بتمتمة

آيات:هاااءح سمحليي نسيت بليي متتسلمش

الحاج: ماشي مشكل انا راه وليت باباك...

رضوان بداا يبلق علينيه فلبنت لي عمر سلمات عليه كيف سلمات على لحاج

الحاج:سبحان الله تتشبه للمرحومة دماماهاا

آيات(شافت فيه مستغربا)
وش نتاا تتعرف ماما؟؟؟

يلاه جاا يهضرر...سمع لصوت اوطوو فرانت...

الحاج:وصلووو 
رضوان:شكون هادوو
الحاج:شي ناس جاو يهضرو فبني..دخلي اختي سميرة نتي ولبنت لصالون دلفوقي..وحنا نستقبلوو رجال

زادوو هما داخلين فحين الحاج بقا واقف مع رضوان

💦بعد دقائق💦

كانت غا تتبلق فعينيهاا..غا مبتاسمة ومتتقول تاا كلمة..

شافت شي عيالات داخلين..أم وبنتهاا..وبجوج لابسين طويل..بقاات تشووف فلبنت..ديجا قشعاتها فشي بلاصة مي معقلاتش فين...تفكرات انه ممكن تكون شافتها غا فلافاك..

ناضت سلمات..بحال ايهاا ناس..ورجعات كلسات....

قربات ليهاا سميرة

سميرة(تتهضر غا بينها وبين آيات)وش مريضة؟

آيات:لا اسمورتي انا سانك سانك

سميرة:وعلاش ساكتا؟؟

آيات:ولواحد علاياش تيسكت؟؟

سميرة:لي بحالك تيسكت غا على خزيت

آيات(ابتسات ابتسامة صفراا...نطقات فنفسهاا)خزيت هواا منين نشوف ختيشيبي

هزات راسهاا منين شافت لعيالات ناضوو...

كانت داخلاا..مع ماماهاا..حانياا..راسهاا..لابساا قفيطين خفيف ومحجر.فلغوز لبارد..ودايراا زيف بيض...بلا مدير اي مكياج

آيات:ابتسمات بمكر منين شافتهااا

زادت تتسلم عليهمم...وهي حشامنة ...شي لي عجب ماماين خطيبهاااا...

كل واحد رجع كلس بلاصتوو..وهي بدورهاا زادت باش تكلس..تا سمعات صوت وقفهاا

آيات:(تمات نايضة عندها)وانا متسلميش علياا أخت راجلي لمستقبليي

إبتسام:كفاااش نتييي


آيات:(نقزات تتبوس فيها)كيف دايرا الوستيي لعزيزة
أبتسام بقات غا تتشوف

خديجة:وش تتعرفو بعض؟؟

ابتسام:اه تتقرا معاياا

سميرة:اواا شفتي اختيي هي ايوليو صحابات

رحمة:(ام لخطيب)مشاء الله وتزاد معاهم تا بنتيي وردة

وردة:علاش لااا

بقاو كالسين تيتبادلوو لهضراا...وابتسام متتيقاش ان هادي لخطبو ل خوهاااا

خايفاا من ردت فعلوو منين يعرفهاا

تحط لعشاا..وكلسوو تياكلوو مجمووعين..ما الذ وطاب من الاطباق...جا وقت كل واحدة تشوف عريسهاا..

ناضت خديجة عيطات لحااج...تافقووو..باش يدخل عروة وآيات للبيت.مع المحرم ديالهاا..هكداا ياخدو راحتهم فلهضراا ولبنت متحشمس.. اما العريس لي جا عند ختهاا فهوو ماشي ملتحيي عادي يقدر يقدر يطلع عندهم...

داكشي لكان..طلع عروة..مع رضوان ..لواحد من لبيووتااا..لي فلفووقي. ...كان مفرش بالفراش عصريي...وكلاس

فحين آيات..تمات نايضة وهي راسماا على شفايفهااا ابتسامت شررر

وصلاتهاا

خديجة..للبيت..دقات حل ليهاا..رضوان

رضوان:بنتيي اهلااا دخلي دخلييي

آيات:ابتسمات ليه

قرب لودنهااا

رضوان:ترزنيييييي

آيات:كن هاانيييي

تموو داخلين بجوج

فحين عروة..كان كالس...شاد تيلي تيحاول انه يتجنب توتر لي فيه..تا سمع رضواان

رضوان:ولدييي ها بنتيي مراتك ان شاء الله

هز عروااا راسوو..ب
شوياااا..شاف فيهااا...بكل هدوء....عاود حناا راسووو....

عاود هزووو...متيقش شيييييي لي تيشوووف

قدامموو..مكرهش يقوول لرضوان..قرسنيي نتأكد بليي متنحلمشش..

رضوان:بنتي آيات زيديي كلسيي هضري مع السيد

زادت آيات كلسات..قداموووو.. وهي تتشوف فيه كيف ولااا حمر والعرق تيتصبب من جبينووو

آيات:(ببراءة)عروة وش نتااا بيخير؟؟؟؟

عروة:(هز راسووو تيشوف فعيونهاا ..كيفاش تتهضر بصواب ياكما ماشيي هي نفس لبنت. وخا جات عينوو فملامحها مرات قلال لكن مستحيل ينساااهمم )

عروة:بيخير بيخير غااا صهد

آيات؛وش تبغيني نجيب ليك كاس دلماااااا

رضوان:غا كلسي ابنتي انا نجيبوو ليه

تم خارج رضوان...

فحين عروة هز راسو فيهاا

عروة:وشش نتيي هي آيات دلافاك؟

آيات:اه اناا(حنات راسها حشامنة زعما)

عروة:مسح جبهتووو...وهوا تيتساءل كفاش تتجاوبو بادب..

يكما حكم على لبنت قبل ميعرفهاا مزيان

هز راسووو..فيهااا..وهوا كيضن انه حكم عليها قبل ميعرفهاا..شاف فيها

لقااهاا مبتاسمة..شافت فيه..وهي تغمز ليه

عروة خرج عينوووو مصدوووم

آيات:اشنووو ازين وش معجبتكش...

تمات نايضة عندووو

آيات:بابا صدرتووو باش نقولك شي حاجة ابب

عروة:(بتمتمة)كككفاااش ببب وش نتيي بعقلك؟؟؟

زادت كلسات حداه..

آيات:على نتا خليتي لي شي عقل العمر

عروة:اعوذو بالله

بعد عليهاا..وهي تقرب

بقاو هكداك هوااا تيبعد وهيي تتقرب...تا مبقا ليه فين يزيد تم واقف

عروة:(عاطيها بضهر)اش هاد قلة لحياا...بابا فين لقاك فيين ..انا مستحيل نديي وحداا بحالك..انا حشمت بلاصتك

آيات:(وقفات بدورها..بدات تنقز وهي تدير لحركة ديال ياااااس بيدهااا)

عروة:دار بزربة ..لقااهاا مزالاا شادة يدهاا ولفرحة بايناا عليهاا

طلع حاجبوو وتم زايد عندهاا

عروة:تديري هادشي حتاش مبغاش تزوجيي بيا ياك؟

آيات:(جمعات يدها)اه مبغاش نتزوج بيك وبصراحة انا متنحملكش ومنقدرش نكلس معاك دقيقة فكفاش بغيتيني نتزوج بيك

عروة:(طلع حاجبو)على الاقل فيك صفة زوينة لي هيا صراحة

آيات؛(خنزرات فيه)تكلاشيني دابااا تتكلاشينيي

عروة:(حنا راسوو*)انا غنهضر مع لحاج هاد زواج مستحيل يكووون

آيات:هاااءح مكرهتش نبوسك والله ياااس

عروة:(تنهد)ونتيي هضري مع لواليد ديالك 

تم خارج

آيات:تفكراات لكارط ولوطو لي غيقطع عليهاا لمبغاتش لعريس..نطقات بجهد.

آيات:وقف وقف...نتاا هضر معاا باباك قوليه مبغيتش العروسة متبرجة فاسقة والعيادو بالله اما اناا مستحيل نهضر مع بابا

عروة:وعلاااش....

مجات تجاوبووو تا تحلات لباب. 

رضوان:سمحولي تعطلت...غا جاني اتصال مهم ..

.مهم اولدي هااك لمااا

عروة:مكين لاش اعميي (شدو حطوو على طبلة).

رضوان:وااش صااافيي تفاهمتووو. شفتكم واقفين. 

شافت آيات فعروة 

آياات:اه ابابا 

رضوان:قراركم نقولوه قداام سيي لحااج..يلاه نمشيو عندهم لصالون

عروة:تمااا كاينين...

قاطعوو

رضوان:لالا راه مشاو....باباين العريس قالك نسا دواه وخصوو ضروري يشربوو..تفاهمووو ومشاو..شفتهم خارجين منين كنت تنهضر فتيلي

توجهوو مجموعين لصالون فين كاين لحاج وهوا مقرر انه مستحيل يديها


كانت متكياا فبيتها..صوت شهقاتهااا مسموع

ابتساع:(تتمسح دموعها)لا ياربي ميمكنش هادشي لي وقع ميمكنش.....

#فلاش باك

كانت حانياا راسهاا..مزيراا على قفطانهاا...

الحاج:بنتي هاا خطيبك..هزي راسك شوفيه

ابتسام تحجروو دموع فعينيها شحال تمنات تهز راسهاا وتلقا شرف الدين..شحال صلاة ودعات..لكن اكيد ربي مغادي يدير غير لي فيها لخير ليهااا...جمعات قوتهاا

هزات راسهاا بشويااا...خرجات عينيهاا..

منين شافتووو...كفاش تيشوف فيهاا ويبتسمم...

شافت فلحاج وعاود شافت فيه....

ضناات انهاا تتخايل...لكن هواا نفسوووو قدامهاا..شخص لي حلمات بيه سنين هواا نفسووو قدامهاااااا....

زاد بخطوات تقال...كلس حداها..نطق بهمس..

هوا:عارف بلي تصدمتي ولكن لي بغا شي واحد خصو يجيه من لباب اولاا

هي:(ولات حمرا..نطقات بتمتمة وقلبها عند فمها)وش نتاا ب..بب غيتيني انا

هوا:(ابتسم)على داكشي جيت من الباب

الحاج:بنتي شرف الدين دكتور فجامعتك شخص طيب وخلوق مفيه ميتعاب..اشنوو وش توكلي على الله

ابتسام:حركات راسهاا باه..وناضت بخطوات سراع...لبيتهاا

الحاج:الق مبروك اولدي..

والد شرف:فاتحة الكتاب

#العودة

ابتسام:(بدات تمسح دموعها)كنبيي من الفرحة ومن لحزن من كولشي اوف مني..(شافت فسقف)حمدت اربي وشكرتككككككك انا قلت لك لكان فيه خير خليه ليااا ونتاا جعلتي لي فيه الخير..حمدت وشكرتك 

🍁🍁🍁🍁🍁🍁🍁

كانوو داخلين..لصالون...

الحاج(الفرحة باينا على وجهوو)ان شاء الله تا هادوو يكونوو بحال لوالاا ويسمعوناا خبار..لخير

رضوان:ههه ان شاء الله..اوا الولاد اش قررتوو

آيات:حنات راسهااا...وهي تتزير فعينيهاا باش دير فيها حزينة وتوجد دموع تماسيح...مباشرة منين يعلن رفضو ليهاا

عروة:هواا الوليد اناا وآيات( صمت )

الحاج:نتا وياهاا اشنووو

عروة(بقا ساهي فباباه نطق بعد صمت)انااا ويااهااا قررنا نتزوجوووو ان شاء الله

آيات:خرجات عينيهااا...هزات راسهااا فيه...تتشوف فيه بنضرات كون كانووو رصاص كن قتلوه

بقات تتشوف فيه وهي متتيقاش شي لي تتسمع

جراتها سميرة..تعنقها وتبارك ليها...فحين هي غير تتشوف ..فيه ودموع محجرين فعينيهاا...كتشوفوو كفاش كيبوس لمو ولباه ليدين...كانه فرحان بهاد زواج...وهي تتحلف فيه بعينيهاا

آيات(فنفسها)قولتي اه وخاااا وخااااا وخاااااا شوووف وسكتت نتاا لي بغيتيي

سلاو لمباراكات ..تافقووو باش يدربوو لكاغط ويركبوو لخواتم بعد غدااا...ولعرس منبعد ويتافقوو عليه لولاد كفاش يكووون...مباشرة منين تافقوو كل واحد توجه لوجهتوو


جا.صباح جديد...فاقت. معنكشا كيف ديماا...توجهاات..لدوش..غسلاات وخرجات...جبدات.سروال كحل..وقاميجة..زرقا.

مشطات شعرهاا...وقدات مكياجهاا..لبساات صبرديل بيضة ..هزات صاكها كحل..وتمات..خارجاا..

شافت سكات فدار...عرفاتهم مزال مفاقوو.ونيت باش تهنا من كومنطيرات باباها على لبسهاا

خرجات..ركبات..فلوطوو ديالهااا...وتوجهات لافاك ...

فجهة خراا...كان كالس تيقرا..ويجود لقرآن فبيتووو....كيف عادتو..مولف منين يصلي لفجر يكلس يقراا...وليوم مكانتش عندوو كاناا لسبور...معندوو غي لقرآن يريحووو.. ويحيد من تشويش لي فبالووة..

بعد لقرار لي خداا لبارح...هوا لي مقدرش يقول لاا بعد لفرحة الامعة لي شاف فعيون باباه ..بصح كان باغيي بنت لي تكون تتحشمن ومدينا وهادشيي ماشي من صيفااتهاا هي..لكن شكون عرف يقدر يكون هوا سبب فهدايتهاااا..

سالا قرايتوو حط قراءانوو..بقااا ساهييي

تخيلهااا
لابساا...لحجاب..وراسماا ابتسامة على شفايفهااا...بقات ساهي فيهااا..وبدوروو راسم ابتسامة فشفايفوو

لكن سراع متمحات صورتها من قداموو..وناض وهوا ساخر من سداجتوو

ناض جبد سروال جينز كحل مع كبوط كحل..لبس صبرديل بيضة.قاد شعروو..دار عطروووو...هز جاكيط كويرة ..فيديه..وتم نازل..

لقاا باباه وماماه..كالسين تيفطرووو...سلم عليهم ..

عروة:ابتسام مقراياش؟؟

خديجة:تا لعشية عاد عندها محاضرة

عروة:مزيان نخليكم
الحاج:وكلس تفطر بعداا

عروة:مبغيتش نتعطل على لمحاضرة دصبح اناخد شي حاجة فطريق

الحاج:اللهم يسر

عروة:في امان الله

زاد بخطوات سراع..ركب..فلوطوو..وتوجه لافاك


فقلب لافاك..كانت واقفاا...مع واحد من الطلاب

هوا:اوا اش عندك دابا

آياات:وباش انعرف انا باش؟؟

هوا:اوا ليستر جايا تقراي ومعرفا اش عندك

آياات:عندي لونفي 4 غندخل لي قراوه نقراوه معاهم
بحالي بحال ايهاا ناس

هوا:ماشي من عوايدك اساطا..ياكماا ولد لكوميسير مشا ودا لك لفريخ

آيات:شكون هاد ولد لكوميسير؟؟؟؟

هوا:نسيتيه؟؟جمال اصحبتيي دغيا نسيتي لحب لقديم

آيات:الله الله مبقا لي غا هداك فلحساب..هنانيي منوووووووو قالك لحب منيتك فين عمري بغيت شي حد باش نبغيه هوااا ..اصلا هدا لي انبغي مزال متزاد ابب

هوا:غيكون غيكون ...تزاد غا هزي عينيك تلقايه

آيات:هاهاها حامض

هزات راسهاا بان ليهاا عروة..داخل..حاني..راسوو..شويا بانت ليها بنت زوينة ومتحجبة متوجها لعندووو

آيات:(خرجة عينيها تتهضر بهمس)اش هادشييي لقدر توريني فصدف ..لالا مستحيل نبغيه..

هوا:مالك تتمتميي؟؟

آيات:والوووو نخليك نخليك غنمشي نشوف ختيشيبي

هوا:على نتي امتا تخطبتيي

زادت بخطوات تقال بلا متجاوبووو

فحين هوا سمع صوت لابل

هوا:الو ساط صافاا....وي درت داكشي لي قلتيي.

.وبصراحة لبنت نساتك وتخطبات كاع غا كمل حيااك اباا جمال مفيهاا امل...

قطع وزاد بحالووو..

فحين هيي خرجااات عينيهاا منين شافتوو..شد تيلي دلبنت

آيات:تتعطيها نمرة ياااك ياااك تتخونيي

غوتات باعلى صوتهاا...

آيات:عررررررررررروة

خلاتوووو يهز راسوو..فيهاا وتهززز لافاااك من غواتهاااا


دار مخرج عينووو فيهااا

زادت بزربااا وقفات عليه كي صاعقة

بقا غا تيشوف فيهااا هوا ولبنت

عروة:آيات؟؟

آيات:اه ايات سمحليي درت لك ديرنجمووو مخليتكش تقيد ليهااا نمرة على خاطرك..نهار وليل دير ليااا فامحاضراات دلاخلاق ونتاااا كالس تعطيي نمرة مووور ضهريييي...

(شافت فلبنت)ونتييي لي جايااا عندوووو مقولتييي خاطب مقولتييي مزوج مقولتييي مطلق

البنت:(تزنكات)سمحيلي متفهمينيش غلط

آيات:لالا فهمتكم صح الصح يابب

عروة:لبنت بغاا تاخد غير سيت

آيات:سيت ديالاش؟؟؟ااا ديالاش يكمااا تانتااا من هادوووووك (حطات يدها فمهااا)مايا واخواتهاا ناري طحتي من ودنيي

عروة(طلع حاجبو فيها)شكون هاد مايا؟؟؟اش تتخربقي نتيي لبنت جايا تاخد سيت دلافاك

آيات(سرطات ريقهاا)كككفاااش

البنت:سمحيلي والله انا غير تنشوفو تيقرا فنفس لكروب ديالي وقلت ليه يعاوني باش ندخل لسيت دلافاك حيت تبلوكا لي

عروة(مد ليها تيلي)هاكي راه كوبيتوو لك تما

البنت:شكراا...

هزات تيلي وزادت

عروة:خنزر فيهااا وتم غادي

آيات:(بدات دور فعينيهاااا)متيعرفش ماياا اه متيعرفهااش

زادت تابعاه بجري

آيات:حبس حبس حبس

عروة(تم واقف)شي شوهاا خراا عاود؟؟؟

آيات:انا مكونتش عارفاا بغااا غير سيت واصلااا لااش غتبغييي سيت منك نتاااا تمشيي لاي بنت فلافاك تعطيه لييهاااا...بايناا حاطااك بين عينيهااااا بايناااا...ارا يديك(هزات يدها)قسما بالله تا مزعوطة فيك

نزلات يدهاا منين شافتووو غا طلع حاجبوو بلاا ميمد يديه

عروة:ولكن نتي اشمن مشكلة عندك غا لبارح كنتي تتقولي لاا لهاد زواج وداباا ؟؟؟؟

آيات:والووو والووو كيف خنقتينيي بهاد زواج انخنقك حربششش لدير هكك ولااا هكككك حربشش غتندم على نهار لي قولتيي اه غتندددمممم حربشششش

عروة:(طلع حاجبووو فيهاا...تنهد وتم غااديي)

آيات:حقير اطفووووو ..جابلي لبولاا...

تمات غاداا لطوليط بخطوات سراع....

قضات حاجتهاا دغيا ..يلاه بغا تحل لباب باش تخرج وهي توقف .. كتسمع لهضرااا ..دايراا بين جوج بناات

البنت1:مشيت عندووو وطلعات عندووو خطيبة دارت ليا شوهة..قلت لك من لول منمشيش

البنت2:وباش انعرفووو انا خاطب..يعنيي لموضوع دسيت كانت فكرة باش تبداي معاه لهضراا

البنت1:اواا سيد خاطب وبايناا تيبغي خطيبتوو

البنت:شي وحدا زوينة يمكن؟؟

البنت1: هي زوينة منكدبش ولكن من هادووك لمتبرجات لقافزاات...يعني واحد بحالووو بلاصت ميديي لي بحالنااا داا وحداا تتلبس نص سروال..اودي نفاق تيديروو فيهاا مدينين وهما تابعين لعريانات

البنت 2:تانتيي بحال هادوك غير غيدوز بيهاا لوقت..كتلقايهاا معندهاا والدين لي يربيوهااا ومولفاا تعطيه بلعلالي...يسالي منهاا ويرميهاا

البنت1:اوا على الله يلاه يلاه باش منتعطلوش على لمحاضرة ومنها نشوفو حبيب لقلب


حلات لباب ...تمات خارجااا ..وقفات قدام لمراية...تتشوف فراسهااا....دموع متحجرين فيعينيهااا... بدات تضحك بهستيرية....تحولات قهقهمتهااا لبكاااا...بدات تبكيي بصوت مسموووع....ولهضراا تتعاود فودنهااا..."بحال هادوك غير غيدوز بيها لوقت ..كتلقايها معندهاا ولدين يربيوهااا ومولفا تعطيه بلعلالي"

طاحت على طولتهاا تتشهق بجهدد....هي بصح وحدااا مستهترا وعندها علاقات كتار لكن عمر شي حد وصلات معاه لدرجة تسلم راسها ليه....بدات تنخصص

آيات:همااا كاع مكدبوووو...انا راه ملقيت لي يربينيي من بقيتيي معاياا نتييي كن انااا تربيت ولكن نتيي خليتني 

"
تمات واقفاا كتشوف فلمراية"

آيات:علاااااش أااا علاااش دغياا مشيتيي علاش محاربتيش لمرض على قبلييي علاااش أاااا شفتيي ولاو يعايرونيي بيك وانا شنوو دنبي لنتيي مشيتي وخليتينيي شنووو دنبييييييي...ونتي شنووو دنبك لطلعت اناا هكداااااا معند حد لحق يهضررر عليييييك تاااااااااحد

(هزات يدهااا بجهدددد...ضرباتهااا فلمراية...خلات يدهاا تتقطر بدم)

كانوو داخلين ضاحكين...

هي:غير غنقاد لمايكب ونخرجوووو

هزات عينيهااا فآيات

هي:آيات هاديي نتييي...

آيات ؛شافت فيهاا بعيونهاا دامعين ..

عرفتها وحدا من بنات كروبهااا

هي:(خرجات عينيهاا..منين شافت دم خارج من يدهاا)اياات وش نتيي بيخير 

آيات:هزات شكارتهاا...وخرجات

البنت:(موجها هضراتها لصحبتها)معرفتش مالهاا عندك نمرة دمونيا

هي:اه هانا غنصوني لهاا

البنت :دغيا دغيا بانت لي ماشي هي هاديك


💦بعد دقائق💦

كانت تتجري كيف لحمقة ....تتقلب فلمدرجات على آيات..

مشات لجهة دلغة العربية...بان ليهااا عروة وااقف مع شرف الدين...

زادت عندوو تتجري

مونيا:عفاك ادكتور سمحلي نسولك وش مبانتش لك آيات؟؟؟؟

شرف:لاااا ليوم معنديش محاضرة معاكم

عروة:ماال آيات؟؟؟؟؟

مونيا:هوااا معرفتشش...قالولي شي بنات كانت حالتهاا ماشيي تا لهيه ...عييت نقلب عليها والوووو

عروة:(تنهد )هاااد لبنت فين غتكوووون(ساط بجهد ..هز راسو)

بانت ليه لبنت لي طلبات منوو . سيت جاياا..لونفي هي وصاحبتهاا...يلاه بغاا يحنيي راسووو وهواا يشوف لبنت طاحت لارض

خرج عينووو..منين شافهااا صفرقات صحبتهااا طيحاتهااا...ونزلات على لبنت لخرااا تتنتف فيهاااا

عروة:آيااااات؟؟؟

خرجووو عينيهم مصدومين ...زادوووو عندهاااا تيجريوووو

مونياا:آياااات اش تديرييب وش حماقيتييي

آيات:اه حماقيت حماقيت 

البنت:تتغوت من تحتهااا..

آيات:غوتييي زيديي غوتييي جبدتييي مي من تحت تراب برب تا نجبد لك لمخيخ ديااالك

عروة:وش حماقيتييي طلقييي من لبنت

آيات:بقات فيك ربيتيي عليهااا لكبدة ياااك

عروة:بداااا يجرهااا

آيات:طلااااق(عضاتووو من يديه)

نتر يديه وهي تنزل لشعر لبنت

فحين ناضت صاحبت البنت باغاا تنقزز على ايات وهي تجيهااا تصرفيقا من مونيا

مونيا:دخول لحام بحال خروجو ازين اجييي

لهناااا

طاحت عليهاا تتنتف فيهااا

آيات:انااا ممربيااش هاا لي ممربياش اناااا مولفااا نعطيييه شدييييي (غرسات فيها ضفارهاا)

مونيا:يااك الكلبة تتعايري لي صحبتيييي..

بدات تقمش وضرب 

شرف وعروة شافووو فبعض دقة وحداا مخرجين عينيهم

كيشوفوو كفاش ايات طايحا تنتف فلبنت

ومونيا طايحاا على لبنت تانياا

زاد عروة بزرباا تيفك لبنت من ايات...وشرف تيفك لبنت من يدين مونيا


كانووو كالسين..فمكتب كبير .فجوو ديال الصمت واحد تيشوف فوااحدد

شرف الدين:خصكم تعتاذرو ولا غنطر دوزك لمجلس تأديبيي هادشيي ماشي من اخلاق طالب..

مونيا:همااا عايرووو صحبتيي وبغيتي ندوزها لهم

شرف:لافاك كلها ساقت لخبار ومن سوء حضكم كونتوو حداا لادارة..انا مغنقدرش نغطيي عليكم خاصا ان العميد كان برا وشافكم

مونيا:اواا صافييي يطردونااا رجلي برجل صحبتيي

شرف:مغتقولي والو آيات؟؟؟

آيات":(هزات عينيهاا فيه ) لاا والووو

سمعووو دقان..تحلات لباب وتم داخل

شرف:وش هضرتي مع العميد اش قال؟؟

عروة:سد عينيه زعما كولشي مزيان

عروة:قال ان هادشي مخصوش يكوون وهي خصهاا تعتادر 
لمبغاوش لفصل

مونيا:اوووف منكم هماا كن مجبدوش صحبتيي كن كاع مضرباتهم

عروة:كان خصها تكبح غضبهاا اولااا

آيات:(تمات واقفاا)عرفتوووو شنوووو كن مضربتهاش كن بقااات ليي هنا (اشارت بيدها لحلقها)

عروة عاد نتابه لدم لي فيدهاا

مونيا:مال يديك جرحة كبيرا

عروة:وش نتي بيخير؟؟؟

آيات:غنعتادر اه غنعتادر ولكن ماشيي منهم منيي حيت ضيعت وقتيي فهااد لااافاك...مكاين لاش يفصلونيي اسيي شرف انا براسي كنساحب..حيت هاد لمراا ضرب ولكن لمراا جاياا لهضر شيي حد على تربيتيي وجبد مييي لي خلاتنييي بلااا تربية غندفنوووووو

آيات:ضربات يدهااا فلمكتب)فهمتيييييي

هزات صاكهاا وتمات خارجااا

عروة:(كارز على سنانو )آياااات وقفييييي

شرف:سمحلي اخويا ولكن خطيبتك خرج ليهاا لعقل 

مونيا:خطيبتووو

آيات:خرجات ردخات عليهم لباب

عروة:غنهضرر معاهااا

تم تاااخارج موراهاا

بانت ليه دايزاا حداا دوك جوج دلبنات..طلب الله مديرش شي موصيباا خراا..خنزرات فيهم وزادت...سمعاتووو تبعيط ليهاا

دارت عندووو بتقالة..حاسة بداتهاا تقيلة عليهاا...بغات تنطق تقولوو بعد منيي..لكن سرعان مطاحت لارض...متتسمع والووو غا صوتووو لي تعالا وخطواتووو سراع لي متاجهين ليها

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.