البرهوشة والإخواني الجزء الثالث

💦بعد سااعات💦

حلات عينيهاا بشويااا...حاساا براسهاا تقيل..عليهااا...بانت ليها صورة مونيا مضببة شويا بدات توضاح

آيات(بثقالة)فيين أنااا

مونيا:فقتييي نتييي فلكنينيك

آيات:بفف اش وقع وشكون جابني لهناا

مونيا؛سخفتيي وعروة لي جابك

آيات:(تهزات من بلاصتها)عروة

مونيا:بسم الله عليك اه عروة مالكي سمعتي سمية جن

آيات(دورات عينيهاا تفكرات منين طاحت وهوا لي كان جاي عندها)

آيات:وشش هواا هزنيييي؟؟؟؟؟؟؟

مونيا:اه هزك علاش اش فيها؟؟

آيات:اوا سيد لي ممسلم علياا تا سلام كفاش هزني كفاش

مونيا(تفكرات منين حط عليهااا جكيتوو وهزهاا بها)

مونيا:اه غطاك بجاكيتوو وهزك وانا كنضن امر عاديي حياتك كانت اولى بالنسبة ليه..وبالمناسبة شنووو هاد لقضية ديال الخطبة لي سمعت من شرف وش تخطبتيي ليه وبلا خباري

آيات:هواا كولشيي

مونيا:اه ربي ربي ديك لاسطوانة ديال كولشي جا على غفلة وديال غديري لعرس ومتعرضيني وديال تبلوكيني من لواتس ومن كولشي كان عليك تقوليهااا قبل مندابز على قبلك

آيات؛طفوووو على كمارة خليني غا نكمل ..هوا كولشي بسيف عليااا ماشيي لخاطري

(بداات تعاود ليهاا بتفصيل)

مونيا(طلقات ضحكاا مجهدا)هههههه لالا وناارييي على حشيااا هاادي5\5 اياااات لجوهريي لي دارتهااا بكاع دراري جااا عروة وحدهم لك اببب

ايات:سكتيي اشمن حدهمم لييي سكتييييي

مونيا:رضاااي بلواااقع رضااااي هااءح اشنوو داباا غديري لبرزة وعروة يبرز حدااك لالا بزااااااااف هههههههه(حطات يدهاا على فمها تتزلع بضحك)سمحيلي ولكن مقدرتش نتخيلهااااا

آيات:غتسكتييي ولاااا غننن

سكتات منين سمعات دقان...

مونيا:دخل دخل

حل لباب تم داخل

عروة:(حاني راسوو جامع يديه مور ضهرو)الحمد الله على سلامتك

آيات:الله يسلمك

مونيا(حطات يدهاا..جيهت باطها..كمشاات حجبانها)نخليكمم الطبيعة تناديي

آيات:خنزرات فيهاا مكرهاتش تنوض تقجها

بقااا ساكت..باغيي يهضرر ومتردد

آيات:الا كنتي غتبقااا هكدااا قولهاا باش نجري عليك

عروة:دكتور قال انك فقدتي وعيك بلعصب وتا جرحة لعبات دوور على كل خصك تبعيي غي دوااا ومتبقايش تعصبي

آيات:اهاا ومنبعد؟؟؟

عروة:لافاك هضرت مع لعميد مكين لااش تخليهااا غا كملي قرايتك عاديي

آيات(هزات عينيهاا فيه..هوا لي كان حاني )اناا هوا...شك..

عروة:(قطعها)مخصكش تعاوديي...

تعلمي تحكمي فغضبك..لمبغيتيي حد يجبد تربيتك واخلاقك خصك تبتيهمم ماشيي ديري لعكس ماشيي اي واحد هضر عليك بلعاطل تمشيي دابزيي معاااه ماشي اي وااحد خصك تفهميي هادشيي تبتي تربيتك باخلاقك ماشي بصراعات لخاويااا

آيات:نتاا مغاديش تفهممممم لهضرااا ساهلاااا كلنااا تنعرفووو نعطيو محاضرات

عروة:(هز عينوو فيهاا)اشنوو مغنفهمش أاااا مبغيتيش يهضرووو لك على ماماك اه مزياان ولكن شيي لي درتيييي مخليتيش ماماك تفتاخر بيك ..فيه.. بالعكس نتييي راك اسأتيي لذكرى ديالهااا وأسئتيي حتااا لباباك كنضن انك كبيرااا وهادشيي خصك تفهميه بوحدكك

تم خااارج...

وصل حداا لباب وقف لي لحضة

عروة:غنعاينكم براا نوصلك لدار

سد لباب وخرج

آيات:شكووون تكوون باااش تورينييي اش ندير بابا ومتيدخلش شكووون نتاااا باش دخل شكوووووون

(حسات بدموعهاا نازلين سخان على خدهاا..)

آيات:وش بصح تصرفتيي كتسيئ ليك اماما أااا وش تقدي تكوني ندمتي حيت خليتيي بنت بحالي مورااك أااا

مسحات دموعهاا دغياا..منين شافت لباب تحلات

مونيا:(زادت عندها بزربا)اشش قالك اا اش قال....وش نتيي تتبكييي ؟؟؟؟

آيات:اش غيقول عطاني محاضرة فالاخلاق

مونيا:منحقوو سيد لي عمر هزز لعين فلعيالات ولاا يدخل يفك فيهممم...ويهززهمم اوهوووو هادشيي بزاف عليه..يعلم الله منين اتزوجوو اش اديري

له مزال

آيات:(تمات نايضة)نمووت ومنديهش غيير حلميي نتزوج بيه

مونيا:هوا منيتك؟؟؟لعقد بعد غداا لا مفر

آيات:غيكون داك لمفر ولا مكانش نصنعو بووه مهم مغاديش نديي داك لاخوانييي

هزات صاكهااا وتمات خارجاا..ومونيااا تابعهاا

خرجووو برااا لكنينيك...بان ليهاا متكيي على لوطوو ديالوو كيعاينهمم

هز عينووو فيهاا..فحين هيي خنزرات فيه...وقفات طاكسييي ركبات بلا متعلمو

مونياا:فين غاداا وعروة؟؟؟

آيات:الى بقااا فيك سيري ركبي معاه (موجها هضرتها لمول طاكسي)زيد اخويااا زيد

زادت مونيااا بخطوات تقال...عند عروة

مونيا:مشااات

عروة(تنهد)شفت شفت

مونيا:هوا مديش عليهاا هي معصبااا حاجة صعيبة انك تخصر ماماك ونتاا مزال صغير..ومن غير هادشي يجيو يعايروك فيهاااا..

عروة:عارف صعيب ولكن هي خصهاا تعلم تعيش مع هاد لحالة خصهاا تعرف تمالك نفسهاا..على كل لبغيتي نوصلك مرحبا

تم داير باغيي يركب

مونيا:علمهااااا

عروة(دار عندها بثقالة)كفاااش؟؟؟

مونياا:هي خطيبتك وقريب تزوجووو علاش نتااا متوريهاش طريق صحيحة يعنييي معرفتش نتااا بعقل ونص

وهي بنص عقل يعنيي لوو تعطيها داك نص توليو عقل عقل

عروة(ابتسم من تشبيه ديالها )هي خصهاا تعلم كولشي وراسهااا حيت لحاجة لي تتاخد راسك وعن قناعة مكاين لي يغيرهاا لكك

مونيا:مهم مبغيتش صحبتيي تبقااا هكدااا هي ضايعاا بزاااف عايشاا فحياة مضلمااا ونتاا نور لي عطاهاا الله..غدي تعونهاا واناا عارفاا..يلاه نخليك

عروة:مغتمشيش لدار؟؟

مونيا:هاد لكنينيك عنديي فيه صحبتيي ممرضة بما انه جيت جيت ليه ...فخصنييي نمشي نشوفهاا

عروة:في امان الله

ركب فلووطووو وزاااد فحييين هي تمات داخلاا لكنينيك

زاد بخطوات تقال...تجهات لاستقبال

مونيا:ختي عفاك وش دكتوراا سارة كاينا؟؟

هي:اه وش عندك معاهاا شي موعد؟؟

مونياا:اه هواا كنت درت شي تحاليل وليوم خصنيي نشوفهم

هي:وش نتي مونياا بن عمر؟؟

مونيا:اه انا هي

هي:دكتورا وصتني لجيتي ندخلك تفضليي

تمات متجهاا لقسم لي فيه دكتورة سارة...وصلات قدام باب مكتبها دخلات بعد معطاتها لادن

(بعد دقائق)

مونيا:وش خرجوو نتائج؟؟

ذ،سارة:اه نتائجك هاهما قداميي

مونيا؛اشنوو عندي ادكتورة؟؟يااك لولسيسة لي خرجات فيا عاديا؟؟

ذكتورة:للاسف ماشي عاديا نتيي عندك سرطان فالغدد الامفاوية

مونيا:(تغرغرو عينيها بدموع)كفاااش وشش نتي تضحكيي معاياا اشمن سرطان الله يهديك يعني عادي شحال من مرة تيخرجو فياا ورسيسات حتاا هاديي اكيد بحالهم اكيد كاين شي غلط مستحيل يكون سرطان

دكتورة:(ناضت عندها كلسات قبالها)بنتيي للاسف هادي ماشي بحالهمم

مونيا(بدات تشهق بصوت مسموع)وشش انااا غنموووت ادكتورة أاااا وش غنموووت هضري متكدبيش عليا

ذكتورة:لموت والحياة بيدين الله نتي لي عليك تعالجيي محد عندك امل انك تبراي

مونيا:اناا مبغاش نمووت دابااا مزالاا باغاا نتزوج ونعيش مع لولد لي تنبغييي مزال بغاا نحضر لعرس صحبتييي مزال بغاا نخلي بابا وماما مفتخرين بيااا واناا معنديش لوجه لي نشووف بيه لي خلقنييي حيت اي حاجة قالنا نديروهاا اناا كااع مدرتهااا وش لمت غنكون من صحاب جهنم أااا زعما جنة كبيرا بزاف ومتكون عندي فيهاا تا بلاصة بزاف دلحوايج كنت بغا نديرهم كنت تنقول عندي لوقت ولكن داااباااا نقدر نموووت فاي لحضة يااك

دكتورة(مدات ليها كنينيكس)شوووفي ابنتي لموت والحياة..الجنة والنار هادشي فيدين الله ولكن لعلاج بين يديك غتاخدي الادوية وغديري لحصص واكيد لكونتي قوياا غتغلبيي على لمرض...شحال من واحد مرض بسرطان وقدر يتغلب عليه بعزيمتووو...خصككك غاا لعزيمة ابنتييي وبادن الله تشفاي

مونيا:(تمات نايضة..هزات تحاليل..بين يدهاا..وصلات لباب يلاع اتحلهاا دارت عند دكتورا)

مونيا:وشحال من واحد مقدرش يبراا ومات اولاااا

حلات لباب وخرجات ...بخطوات سراااع..ودموع حبسين فعينيهاا..خلات طبيبة حاطا يدها على راسهاا...انهاا تصاب بسرطان وهي فرعيان شبابهاا شيي موجع

كانت غادة فطريق وصوت شهقاتهاا مسموووع...شي لي جدب اغلب المارة

تمات واقفاا حاسة...بيدين تيجروها

دارت بثقالة.

بان ليهاا وليد صغير..ملابسوو قديمة...ملامحوو بريئة..هاز باكيا دكنينيكس فيد ...وماد ليها وحدا فليد تانياا

💦قبح الله الفقر وجمل الفقراء💦

الولد:هاكيي متبكيش. مسحي دموعك..ومتخلصينيش غا شدي. ماما منين كانت عايشا تتقولي كولشي ليدوز مخصناش نبكيو خصنا نبقاو ديماا قويين حيت حناا عندنا الله وهوا متيسد باب تا تيحل بيبان

مونيا:بدات تتشوف..فيه...حنات على رجلهاا...تا وصلات لطولتوو..غنقاتو بجهد وهوا كيطبطب عليهاا..

مونيا:اه مخصنيش نبكيي حيت هداا قدر الله ولكن خصني نصلح اغلا طيي حيت وقتي ولا قليل بزاف

مسحات دموعها وتودعات مع لولد بعد معطاتوو مبلغ مالي كهدية منهااا

💦بعد يوم ونصف يوم💦

كانت كالساا فبيتهاا...حاطاا لبيسي قدامهاا..وشيبس حدااهاا...لابساا بيجامة فلكري ولبيض..ديال هيلو كيتيي...دايرا شعرها على شكل كعك مخليا وجها بلا مايكب..

كانت حالااا عينيهااا فلفيلم لي تتفرج فيه...هزات راسها مخلوعا منين سمعات لباب تحلات

آيات:(حاطا يدها على قلبها)غااا دقي ابنادماا معندكمش دقان فبلاذك اوووف.... صحابني لقاها

سمير:بسم الله عليك المرضيااا.تي شكون ايلقا شكون الله يهديك؟؟

آيات:والووو والووو نساي

سميرة:اش هاداا..نتيي لي جااات معاااك وش نسيتي بلي ليوم عندك لكاغط باباك قرب يجيي وسي لحاج ايجي معاه باش نمشيو مجموعين لفيلا ديالوووو..ونتي كالسااا لياا هنااا تتفرجي فاش تتفرجي ؟؟بالسلامة؟

آيات:(ردات ضهرها لور وجبدات يدها)واحد لفيلم واعر تيهضر على عروسة هربات نهار عرسهااا..

سميرة:يكمااا ناوياا ديريهااا هههه غا بلاا متحلميي زواج بحال لموت معندكش فين تهربي منوو...غا فكري فيها وانا نوصلها لباك

آيات:وقبل متهرب قتلات مرت باهااا حيت كانت باغاا تشريهاا لهاا

سميرة(سرطات ريقهاا)خلينا من ضحك لباسل ونوضي تلبسيي ..هاني جبت لك قفطان شهواا منووووو يشوفك لعريس يتلف على لقبلة

آيات:هاد لجملة بضبط لي خرجات عليا😐قفطان؟؟منيتك انااا نلبس قفطان برب لكانت ليه

سميرة:ماشي مشكل لبسي سروال جينز كولوو مشرك ولا نص شورط كيف مولفااا وشوفي باباك اش غيدير

.آياات:اخرجييي علياااا عمر عقلت عليك جبتي شي خبار زينة نهار نشوف كمارتك نعرف يا زلزال يا تسوناني

سميرة: وجهك ماشي دلحوايج زوينة..ودابا عندك نص ساعة لقااك وجدتيي راسك اكك مححح (صفطات ليها بوسة فلهوا)رضا ابنتي

خرجات سميرة فحين آيات شدات لقفطان بدات تفركل بلاصتها

آيات:ليوم تلبسني قفطان وغدا خمار تاا برب لاااكانت لكككك اطفوووو عليك طفوووووووو ..ولكن مغاديش تكون لك انا غنطبق لفيلم اكيد مغنقتلش مرت با لحمقا ولكن غنهرب من لعرس

جبدات تيلي ..كتبات مساج لادهم

آيات"من هنا واحد ساعة ونص نبغي لقاك بلوطو فلعنوان لي غنسيفط لك مسألة حياة او موت وجيب معاك تا مونيا "

سيفطات لمساج...وعاود سيفطات لعنوان

آيات:اواا للقيتي شي عروسة تزوجها ابب

بعد نص ساعة...كانت نازلا بخطوات تقال..بعد ما عيط ليها باباهاا...لابساا ققطان أخضر مخلط بذهبي...دايراا مكياج خفيف...فحين متقلاه فجهة عيونهاا لي باانوو كجوهرة خضرا لامعة و صافيا....

ردات شعرها لاسود لور ...

بقاا تيشوف فيهااا...عينيه تغرغروو بدموع...اول مرة يحس ان بنتووو كبرات...بنتووو صافيي مبقا ليهاا والوو وتفارقوو ومتبقاش ديالووو...حياتو كلها وهوا مربيهااا على اساس انهاا لي بغاتهاا تلقاهاا خايفهاا لتخصهاا شي حاجة...كانت ديما بين عينوو مجرد طفلة خلاتها ماماهاا فسن رابعة... واليوم طفلة.... ولات بنت والبنت ...ولات عروسة

ابتسم ليها بطلاقة..رخا يديه ليهاا

رضوان:بنتيييي حبيبتي جيتي زوينة

آياات:(زادت عنقاتو)اصلا بنتك ديما تيتيزة اساط

رضوان:اه ليووووم نتقبلهااا منك

سميرة:بفف عمرك تعرفيي تهضريي..(دورات عينيها)ولكن جيتي زوينة...اجي اجي تا نا عنقنيي

آيات:لاول واخر مرة

زادت عنقاتها

بقاو تيشوفو فيهاا بعيون دامعاا

بعدات عليها

آيات:مالكم دايرين حالا لي شاف يقول راني انتزوج

رضوان:هههههه وعلى اش اديري

سميرة:انا تنفكر لمشيتي معامن انبقا ندابز

آيات:تخافيش عمرك اتهناي من لمدابزة ديالييي غا رتاحي

رضوان:هههههه يلاه يلاه زيديي لحاج راه خرج يديماري لوطووو هوا لي ايوصلنااا بغاا يوصل عروسة ولدوو بيديه

تموو زايدين

أيات:اه(جبدات شفايفهاا منين شافتهم زادوو)هيهي😏😁

تمووو خارجين...حل رضوان لباب وركبووو..فحين لحاج كسيراا بعد مقرا السلام على ايات

كانو غادين فجوو ديال صمت تا كسر هاد صمت الحاج

الحاج:اوا اسي رضوان لوعد لي قطعنا هاا حنا انفدووه

رضوان:اه لمرحومة ممشات تا خلات مستقبل لبنتها

آيات:كفاش؟؟مفهمتش

الحاج:ابنتيي هاد زواج خطات ليه ماماك..فاش كانت لوالدة ديالك على فراش لمرض...كونتي تتلعبي نتي وعروة حداهاا...ونتي طحتيي وبديتي تبكي وولدي يسكت فيك ...وعطا وعد لماماك بلي مغاديش يعاود يخليك طيحيي

ديك ساعة ماماك قترحات علينا فكرة انك نتي وعروة تكونوو لبعض...

هي بغات تخليي راجل يخاف على بنتها بعدهاا ...كضن شافت فيكم شي حاجة لي مقدرناش حناا نشوفووو..

وختارتكم لبعض والقدر عاوناا وخلانا نحققو ونطبقوو اختيارها على ارض الواقع

حيت حنا وعدناها لا لولاد بغاو انزوجوهم..وداكشي لي رحنا نديروو فيه

آيات:(بصدمة)ولكن اش تتقول؟؟؟؟

رضوان:مقال غير صح ابنتيي

آيات: هي قصة زوينة ولكن مستحيلاا انا اصلا متنعرفش عروة وعمر شفتوو فصغري هادشيي لي تتقولو ميتقبلوش لعقل

الحاج:هههه ابنتي راه ماشي عام ولا عامين باش تعقلي عليه سنين طويلاا وتاا ولديي نسااا كنتووو مزالين صغار وتا حد متيعقل على احداث لعبوو فصغرووو حيت بالنسبة لكم مجرد حدث بسيط لكن ماماك شافت فيه المستقبل

آيات:وش هادي كانت امنية ماما؟؟

رضوان:امنيتها لاخرة بعدها بنهار ماتت

)حنا متأسف)

آيات تغرغرووو عينيهااا بدموووع...تكات على زاج لوووطوووو ودموعهاا محجرين فعينيها

حبسات لوووطووو...قدام لفيلااا...تموو داخلين بخطوات تقال ..استقبلهم الخدم بتمر والحليب..

زادت سميرة وآيات مع خديجة..فحين رضوان والحاج مشاو لصالون عند رجال

خديجة:مشااء الله عليك تتشبهيي لماماك

آيات:وش تانتيي تتعرفي ماما

خديجة:الله يرحمها كانت صحبتيي

آيات:وش تقديي تعاودي لي عليهاا

.خديجة:رااك غتولي مرات ولدييي غنعاود لك عليها كولشي ليام طويلا بناتنا

آيات:ابتسمات ليهاا

تموووداخلين لصالون...لقاات عيالات قلال منهم لي ديجا شافت وعرفاتهم من عائلة شرف ومنهم لي يلاه اتشوفهم..سلمات على كولشيي ...هما لي بينووو اعجابهم من جهة واستغرابهم من جهة خرا كونهاا اتولي مرت عروة وممحجباش...حسات بتوتر من نضراتهاا..شي لي نتابهات ليه خديجة...وطلبات منهاا تبعهاا لبيت سهام..ومكين لاش تنزل تا يوصلو لعدول ويعيطوو ليهاا...من الافضل تبع من الاعين فلعين حق..خاصة ان ماشاء الله جمالها بارز اليوم بزيادة على الايام السابقة

🍁🍁🍁🍁🍁

كانت غادة جايااا...لابسااا قفطان فلكرونة..مع شال فدهبي...دايرا مكياج خفيف شيي لي زادهااا جمال على جمالهاااا.

فحين آيات كالسا على سرير ..حاطا رجل على رجل تابعاا حركاتهاا

آيات:وش معندكش علاياش تكلسيي

ابتسام:كفاش؟؟

آيات:اجلسي يا أختاه اجلسيي

ابتسام:اوف منك

آيات:ولا تقل لهم اف ولا...مبقيتش عاقلا على لكمالة مهم عاقلا عليها من تحضيري

ابتسام:هههههه مفيا لي يضحك وضحكتينيي ...(زادت عندها)

انا متوترا بزاف ياترى شرف وش جااا

آيات:لا غيكون نسا بلي ليوم عندوو لعقد وسيفط عائلتو يضربه بلاصتوو

إبتسام:سؤال غبي يااك

آيات:هانتي عرفتيهاا

ابتسام:شفتك نتي كاع ممتوترااا أأااا عطيني لوصفة

آيات:لوصفة هي تهربي وتخلي لعريس بوحدووو

ابتسام :هههههه نتي لي جات معاك ضحكي ضحكيي

تسمع صوت لابل

آيات(شافتو من ادهم)نخليك غنمشيي ندخل مونياا

ابتسام؛هاء قلها تجي عندنا هنا

آيات:تتحشم تتحشم ندخلهاا

ابتسام:ولكن الى

تمات خارجاا

ابتسام:الى عيطو لك(هزات يدها متأسفا حيت مخلاتهاش تكمل)

كانت خارجا تتسلت...زادت قدام لباب..بانت ليهاا اوطوو تتشعل وطفي ضوء..عرفاتووو هواا

زادت عندووو...نزل زاجة

ادهم:باق باق على تيتيز لاخواني داا زين

مونيا؛(خنزراات فيه)ياك المرضي

ادهم:وخا هاد ليام صفرا ومبقيتيش تتباني لي تا لهيه ميي اناا تنبغيك بجميع لالوان

آيات:خليو تعناب من بعد

ادهم:اهاا اوا اش واقع لاش فارعا لينا راسنا وجيباني فهاد ليل

مونياا:وانا قلت لماما غنحضر لعقد آيات ماشي غنبقاا جامدة فلوطوو تا تنطق اش بغات

آيات:هواا بغيتكم تهربونيي من هناا

مونيا:منيتك؟؟؟

أدهم:اوامرك ياشيخة ركبيي

مونيا:وش حماقيتي اادهم كفاش اوامرك

أدهم:زواج ماشي بزز اولاا وهي بحال ختي ومستحيل منفكهاش

آيات:مححح

ركبات فلوطوو وكسيرا بهم أدهم

مونيا:وقف باركا من لحماق آيات عروة ولد مزيان وبعقلوووو يعني بصح نتوما مختلفين مي هوا مستحيل يبزز عليك فكروووو ايات نعلي شيطان شوفي شحال من حاجة خايبا درتي لووو وعمرووو ضرك لاش نتي اضريه وتخليه نهار عقدكم بهاد طريقة

آيات:لا لاا لاااااي لااااي مغنسمهش

مونيا:تبرهيش لخاوي عمرر ديري عقلك بحال عروة راه خصك دموندي عليه شي عشر سنين ولا لقيتيه اجي عكري لياا

ادهم:غرت انااا

مونيا:سكت نتااا

آيات:دومندات عليه ماما19 لعام هادي

💘💘💘

فجهة خراا...كانت غاداا مع ماماهاا...متوجهين لصالووون حانيا..راسها وشادة قفطانها بين يدهاا

خديجة:اوف كن غي لقيت آيات ندخلكم بجوج

ابتسام:راه مشات دخل مونيااا غتكون غير نسات راسها بلهضراا

خديجة:اوا على الله تلقاها سميرة دغيا وتجي مبغيتش باك يتعصب

تمووو داخلين بخطوات ..تقال...وهي حاساا بقلبها عند فمهاا..هزات راسهاا بان ليهاا شرف الدين..لابس كوستار فلحكل...مرجع شعروو لوو..راسم ابتسامة على شفايفوو..وحداه خوهاا لي لابس جابادور...فلبيض..شي لي زادوو جمال وعطاه حلة زوينا وقدامهم كاين عدول وشخص مرافقوو ...اضافة على والد شرف وايات ولحاج

زاد كلسات حداا ماماهااا...

هزات عيونهاا بشوياا..للحضة صادفوو عيون..شرف...شرف لي سها فعيونها ..اول مرة يشوف لكحل فيهم عيا يتخيلهم لكن جمالهم فاق تخيل.. حنات راسهاا حشمانة ...وكلسات تسمع لعدول

العدول.(...بعد محاضرة قصيرة)....بنتي عندك شي شروط

ابتسام:حركات راسهاا بلااا شرطها لوحيد هوا تقراا وشرف مستحيل يكون عندوو مشكل فقرايتهاا خاصة انه استاذ جامعيي

بدااا لعدول فطرح اسئلتوز لمعهودة...ومكان رد غير بالاجاب من طرف العرسين

وقعووو على عقدهم ووقعووو تا شهود

بعد مباركات طلب لعدول العروسة التانية

خديجة:شويا وغتجييي راه ماماها مشات تعيط لهاا

(بعد دقائق)

العدول:حنا عدنا عرس اخر لمكانتش نمشيو

الحاج:سيري عيطي لهاا

خديجة يلاه ناضت وهي تبان ليها سميرة داخلة

خديجة:اه ها ماماها سميرة فين آيات؟؟؟

سميرة(حركات راسها بلاا ) ملقيتهااااتش

هز راسووو بشوياا...عرقووو برزووو ووجهوو ولا حمر تخلطات ليه لحشمة معا شمتة...اي عريس فدنيا ميبغيش عروستو تهرب عليه نهار عرسووو

عروة:كنضن هي رافضا لهاد زواج..على كل فيهاا خير

الحاج؛ولكن عاين نقلبوو عليهاا اكيد هيي معندها فين تمشيي اولا

رضوان:اه اكيد بنتي مديرهاش

عروة(موجه هضرتو لعدول)تقد تمشيييي في امان الله

تمووو نايضين...ومالمحهم مرسوما عليها علامات استفهام ..عريس غبرات عروستوو. وتيصدرهم ببرودة.

يلاه جاو يخرجوو

قاطعاتهم بصوت مسموع

آيات:مكين فين تمشيو هاني جيت

سميرة:فين كونتي عييت منقلب عليك

ابتسام:راه قلت لكم غيكونو نساو راسهم بلهضرا

مونيا:اه اه دخلي دخلي

زادت بخطوات تقاال...شافت فيه ..قلب نضرو لجهة لمعاكسة...

معرفاش كفاش غتقدر تزوج بيه هوا لي عكسها تماما فكرو ماشي فكرهاا مبادءو ماشي مبادهااا بعاد عن بعض بعد سما على لارض

لكن اش غدير...فنص طريق رجاعتهم..منين تفكرات وعد ماماها.حسات انهااا غادي تاخد سخط امهاا لموافقاتش...حسات انهاا كتخون مهاا لمشاااات....كانت امنية امهاا لخراا.. وهي مستعدا تعيش فجهنم على قبل ماماها..

هادشي محساتش بيه فلول...انماا تا لحضات لاخرة ...انبهااا ضميرهااا...عدبهااا احساسهاا..وقررات ترجع ...على قبل ماماهااا ماشي على قبل غيرهاا..

🍁🍁🍁🍁🍁🍁🍁🍁💦💦💦

كان لعدول تيطرح..اسئلتووو...فلوقت لي هياااا كانت تتصارع مع افكارهاا...اول مرة تبع قلبهااا شي لي رافضووو عقلهااا...شي لي خلااه يثووور عليهااا بافكار ضد زواج...لكن السيادة ليوم للقلب حيت منين لموضوع تيتعلق بالام فالقلب السيد💜

حسات بيدين تينغزوها

سميرة:راه هضر معاك لعدول

آيات(بتمتمة)اأااا اه موافقة

بداو يضحكوووو...طبعا معاداه هوا

خديجة:ههههه الله على بنتي مزروباا..هوا سولك على شروطك ماشي واش موافقا

العدول: وش عندك ابنتي شي شروط

آيات:اه عنديي اولاا مبغيتوش يفرض عليا لحجاب وميحبسنيش فداار ويخليني نكمل قرايتي

العدول(حك راسو باستغراب شاف فعروة)واش اولدي موافق على شروطها

آيات حسات انها عطاتو شروط تعجيزية لشخص مدين متأكدة غيرفضهم...بقات حاضياه يهضر

هز عينوو فيهاا...جات عيونوو السوداا..فجوهرتهاا لخضراا..سهاو عيونوو فعيونهااا...كانه كيقراهم...كتاب قداامووو ومعارف منين يبداه

نطق بصوت مسموع

عروة:اه موافق عليهمم

بموافقتووو على شروطهاا علن تمردووو عليهااا...لهيا عنيدة فهواا اعند

الى هيي شخصية متسلطة فهووو غيفوت تسلط لهيه....

خرجات عيونهاا فييه...الصدمة بانت على ملامحهاا.دشي لي خلاها تبقاا جامدة داخلا فدقائق من الصدمة ...

كان لعدول تيهضر...فوقت سهوتهاا...سال عروة..اولاا لي جاوب بلقبول بلاا تردد..من بعد سألهاا هي ..جابوات باه وهي بالهاا ماشي معاهاا

وقعووو على عقد زواج...

وفهاد لعقد تعلن ان

❤عروة وآيات ولااو زوج وزوجة🖤

بداااو يسلموو عليهم واحد واحد...كيقدم ليهمم تهااانيي...فحين هي مرفوعااا ممتيقاش بليي صافي ولااات مراااتوووو

..شحال حلمات براجلهاا...يا يكون شي مريكانيي متحرر.. يا شي مغنيي متيتيز.. لكن اخوانييي..هادي لي عمر ضربات ليهاا لحساب

زادت عندهاا عنقاتهااا

مونيا:الف مبروك تيقيني مغاديش تندميي

آيات:الى غا ندامة راه ندمت

مونيا:الله الله

بعدات عليهاا...

مونيا(بصوت مسموع)اوا مبروك للعرسان ديالناا . اشنوو اراجل ختي مغاديش تبارك لمراتك

آيات:خنزرات فيهااا ..شافت فيه لقاتوو متحركش من بلاصتوو ومجوبهاش عرفاتوو..مغاديش يبارك ليها

آيات:مكين لاش..على كل اناا شويا ونجيي

تمات خارجاا..تبعاتها مونيا بخطوات سراع

شداتها من كتفهاا

مونيا:فين غاداا؟؟؟

آيات:لطواليط مبقا حد يبووول اوووف

مونيا:صافي ماالكي معصباا غا سيري

رجعات مونيا لصالون..لقات لعيالات مشاو لصالون تاني خرجات تابعهم .فحين آيات تمات خارجااا...

زادت تتجري لجرداا...كلسات...فواحد من لكراسا ديالهاا...

آيات(هزات راسهاا فنجوم السما)نتمناااا داباا تكونيي بيخيير وفرحانة حييت انااا حققت ليك امنيتك تزوجت براجل لي ختاريتيي لييي .

.انااا متنبغيهش ولكن تنبغيك نتييي انا مغنقدرش نبغيه ولكن مغندقدرش نكرهك نتيي وخااا هاد لقرار لي خديتي ضدييي ...معرفتش شنووو شفتي فيه حتا تمنايه يكووون راجل بنتك شيي حاجة لي اناا مشيفهاش ومغنشوفهااش

(بعد صمت)

هوا شخص معقد وجميع الامراض النفسية مجموعة فيه ...(تحجروو عينيها بدموع)داباا انا وليت مرت لاخوانيي اش غيقوولوو صحابيي وش مبقيتش نهضر ونضحك معاهمم مبقيتش نخرج ونتسركل كيف بغيت غدي يسد علياا سراجم ولبيبان بحال كاع لخروان اف اما ما اووف اش هاد لموقف تحطيت فيه ولكن انااا قدهاا غا بلاتيي لمخليتوش يطلب طلاق منتسماش

وعد الزواج حققتو لك لكن انا موعدتكش باش منطلقش

سمعات صوت موراهااا

هوا:ان ابغض الحلال عند الله الطلاق...لكن تيبقااا حلال

دارت بثقالة خرجات عينيها فيه

عروة:(مد يدو لهاا)مبروك زواج ولكن للاسف مغاديش نبارك لك طلاق حتاش عمرك غتشديه

آياات (بتمتمة)كككككك..كككك فااافااا فاااش

بقااات ترمش فعويناتهاا وهي مصدووومة...من هضرووو...ولي زاد صدمها كتر يدوو لي ممدودة ليهااا

هزات عينيهاا فيه...كمش عينوو..بمعنى طلقينا

آية:اولاا منين كنبغي شي حاجة كنوصل لها كنوصل لها..

عروة(ببرودة)مزياان

آيات:تانيا نسيتي بليي سلام حرام ولااا حرام عليا وحلال عليك عقلتي على ديك لقمعة ولا نفكر

عروة؛(ابتسم بهدوء)واش قلت لك اناا ديك لمراا...

ان الرسول صلى الله عليه وسلم قال "لأن يطعن في رأس أحدكم بمخيط من حديد خير له من أن يمس امرأة لا تحل له"

"وانت الآن تحلين لييي..حيت راكيي مراتيييي"

خرجات عينيهاا فيه....حسات براسهاا مرفوووعة...بقات ساهيا فيه والنسيم كيحرك خصلات شعرها الاسود..وكملت مراتييي تتردد فودهاا

حسات باحساس غريب...سيطر عليهااا...هاد لكلمة خلاتهاا ترفع لسابع سماا...مدات يدهاا وهي مرفووعاا وعيونهاا كيختارقوو عيونووو سودة...

حس بيدهاا تتلامس يديه...لاول مرة بعد التزاموو يلمس يد امرأة غير محارمووو...كانه حافض على نفسووو من اجل مرتووو

لان ماشي غي لمرا لي خصهاا تحافض على عذريتهاا الرجل ايضا..والعدرية لا تقاس بالبكرة...تتقاس بالاخلاق ..واولهمم الوفاء

نترر يدووو منهاا بهدوء...شاف فيهاا كفااش ساهيااا...ابتسم لهااا...وتم داخل

شافت يمين وشمال...كانهاا كانت ناعسا وعاد فاقت...شافت فيدهااا لمهزوزة.. شداتها بليد تانياا...حسات بهاا باردة على يدهاا تانيااا...كان دم توقف فيهااا...بقات تتشوف فيدهاا

آيات:قستوووو والله تااا قستوووو..

سمعات صووت مونيا تيناديهااا....زادت عندهاا بخطوات سراع..وهي مزال مدهوشة من الخربقة لي خربقهاا

مونيا واقفاا حداا لباب تتعاين آيات...بانت ليهاا جايااا...يقول مجريين عليهاا

وصلات حداهاا...تتلهت

مونيا:بسم الله عليك ابنتي نتيي فعار الله

آيات:قستوووو

مونيا:شنووو اناري شنوو قستي

آيات:عروة...قستووو

مونيا:(تبدلوو ملامح وجها)اناريي ميمكنش هوااا مستحيل يعطيك تقيسيه

آيات:والله تا قستووو

مونيا:نعليي شيطان لاخواني ميديرهاش

آيات:وعلاش ميديرهاش دابا راه عادي وخا نسلم عليه

مونيا:تتهضري على سلام

آيات:اه قست يديه وعلاياش انهضر بسلامة

مونيا:(ولات حمرة)لالا والووو غيي سلام...زيدي ندخلووو باش تركبووو لخواتم ونمشيو بحالنااا

زادوو بجوج بيهم لصالون لكبير...لقاو كولشي مجموع

الحاج:بنتيي جيتييي اجي اجي

زادت عندووو آيات...وقفات اونفاص معاه...بقات تتشوف..فيه..

مد ليهاا باطة..دلخاتم

الحاج:هاكيي ركبيه لراجلك

خديتهم ليكم قبل لكاغط لكن قبل مديروو لكاغط .مكان عندكم كيف تلبسهم لبعض..داباا منين ولا راجلك لبسيه لووو...وهوا يلبسووو لك

وجدوو ليهم لخواتم..فصينية مع لحليب وتمر

من عاداتهم يلبسو لخواتم...ويشربو بعض لحليب..ويوكلو بعض تمر

لعلهاا حياة زوجية..حلوة بحلاوت التمر وصافية بصفاء الحليب

واقفاا اونفاص معاه...هازا راسها فيه..بحكم طولتوو لي فايتهاا...رغم انها طويلة..واغلب شباب بحرا تتجي قدهم هواا فاتهاا

مدات خديجة..لخاتم لعروة..باش يلبسووو لايات

شدوو بين يديه..بقاا تيشوف فيهاا...باش تعطيه يديهاا..وفعلا..مدات يدها..وهوا يشدهاا بيديه...حسات بيديه على يدهاا...خرجات عينيهاا...شافت بجهة مونيا..

مونيا(ابتسمات ليهاا ..وسدات عينيهاا بمعنى تهدني)هههه قاسهاا

لبس ليها لخاتم..ونفس شي هي ..لكن هي دخلاتوو ليه دغياا...كانهم مجريين عليهااا

سالووو تلباس لخواتم....كل واحد توجه لصالون...باش يتعشاو وبعد لعشاا كل واحد توجه لداروو

نسماتُ الصباح الباردة... اشعة الشمس الدافئة...

وأذكارٌ تسكن تفاصيل الصباح... من هُنا تبدأ حكاية يوم جديد وروح يسكنها الأمل...

كان كالس فبيتووو..تيقراا ما تيسر من القرآن..بصوتوو لعدب..المليئ بلخشوع...توقف عند واحد لاية..حس ان الله مخاطبوو هواا..احساس متيحسوش غا هوااا انما تينتاب بزاف دناس لي تيقراو شي اية وكيحسوو انهاا تتهضر عليهم

بدااا يجودهااا بخشوع كبير

""إِنَّهُ كَانَ فَرِيقٌ مِنْ عِبَادِي يَقُولُونَ رَبَّنَا آمَنَّا فَاغْفِرْ لَنَا وَارْحَمْنَا وَأَنْتَ خَيْرُ الرَّاحِمِينَ... فَاتَّخَذْتُمُوهُمْ سِخْرِيًّا حَتَّىٰ أَنْسَوْكُمْ ذِكْرِي وَكُنْتُمْ مِنْهُمْ تَضْحَكُونَ...إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ.

ابتسم بهدوء...جا فبالوو كاع ناس لي تيضحكووو عليه وعلى فكرو وتدينوو...شي لي كان تابعووو فميركان ..وكان صامد اماهم..ومتقبل هضرتهم لانه اشخاص غير مسلمين...لكن نفس شي حاصل معاه تا فلمغرب...وياحسرتاه دولة (مسلمة)..شحال من واحد ..سماه داعشيي.وشحال من واحد سماه متطرف..متشدد...بمجرد انه مدين وكيحاول انه يمشي ف طريق الله

تنهد...بصوت مسموع...ناض بخطوات تقال..جبد شي ملفات كلس يخدم عليهم فدار....

كانت واقفاا حدا لباب منين سمعات صوتوو نسات تاا لاش جات..واش كانت باغا تقولو

تغرغروو عينيهاا بدموووع...اكثر حاجة...غتوحشهاا فهاد دار هي تبداا صباحهاا على صووت خوهااا...

مسحات دموعها...وجبدات تيلي..منين سمعاتوو تيصوني...طلع ليها اسم"زوجي" راجلها لي يلاه لبارح خداا نمرتهاا ..بعد لعقد

ابتسام:السلام عليكم

شرف:وعليكم كيف صبحتي بيخير

ابتسام:بخير حمد الله ونتااا

شرف:بخير...وش ليوم عندك خاوي؟

ابتسام:اه

شرف:غندوز عندك نخرجوو غنديك تشوفي شي حاجة

ابتسام:شنووو هي ؟؟؟

شرف: تتشوفي

ابتسام:صافي وخاا

ودعهاا وقطع...

ابتسام:اه نمرة جيت نعطيه نمرة آيات باش يتفاهمو على لعرس

تمات داخلا..عطات لعروة نمرة بلخف وخرجات...شي لي خلاه مصدوم...شد تيلي عندو وبقا مصارع مع افكاروو وش يصوني ولا لا

💫فجهة خرا💫

كانت واقفااا قدااام باب احدى المصحات...بنت لابسااا كسوة طويلة فلكرونة...بليدين..واسعاا ..وفنفس لوقت مستيليا..خاصا بلمحجبات...دايراا شال فلاسود وصبرديل فلاسود

شافت فلمصحة مزيااان...جمعات قوتهاا ودخلات

زادت بخطواتهاا التقال وبرزانة...عند الاستقبال

هي:السلام وعليكم

الموضفة:وعليكم السلام فاش نقدر نعاونك

هي:عندي موعد مع دكتورة سارة

الموضفة:الاسم عفاك

هي:مونيا بن عامر

الموضفة(هزاات راسهاا فيهاا ..خرجات عينيها مصدومة) نتي هي لي جات شي يوماين هاديي

مونيا:اه انا لاش هاد لاستغراب

الموضفة:لا والووو تفضليي

زادت لمكتب دكتورة...دقات وحلات لباب ..غا شافتهاا ابتسمات

سارة:ماشاء الله منورة بلحجاب وانا فرحانة حتاش قررتي تبداي لعلاج بالاشعة....

كانت ناعساا فبيتهااا...رجل فسوريا ولرجل فلعراق..وغطاها وصل للهند...

سمعات صوت...تيلي ديالهاا...هزاتو بعينين مغمضين

آيات(سادة عينيها)الوو ...ووو

هوا:السلام عليكم

آيات:(بعينين مغمضين)وعليكم تساع حتاش هوا لي بغا انا فهاد صبح

هوا:معارفاش انه الى تقرا عليك سلام خصك تردي بمثلو ولا باحسن منوو

آيات:صبحنا على الله شكون معايا

هوا:راجلك

آيات(حالا عين سادا)على انا امتا تزوجت بسلامة اسير تفلا فجهة خرااا بففف تتفكرني غا فداك عورة

عروة:اولا سميتي عروة تانياا مكين لاش نفكرك فراسي تالتا راكي مزوجا

ناضت من بلاصتهااا...حلات عينيهااا مزيااان

آيات:ننتااا هدااا منين جايب نمرتييي

عروة:عطاوها لي باش نتفاهمو على لعرس

آيات:اشمن عرس وششش تتهضر بكامل قواك العقلية انااا غادا لجهنم وبئس المصير وبغيتينيي ندير عرس ..وزايدون لدرتوو غتحنيي معاياا وغتبرز معاياا هضر؟

عروة:اكيد لااا مي نتييي ديري لعرس لي بغيتيي

آيات:ومبغيتوووش شي يموت وشيي ياكل ويزرد يااكلوووو سم

عروة:(طلع حاجبوو)لي بغيتيي ..

آياات:اه اكيد لي بغيت هوا لي تيوقع

قطع عليها و رجع كيخدم ملفاتوو

آيات:قطع عليااا والله تا قطع عليااا اناا غنوريك المرضي

عودات صونات عليه

عروة:الوووو مالكيي

آيات:لااش قاطع عليااا لاش

عروة:عاديي سالينا لهضراا

آيات:لااا متقطعش علياا انا لي نقطع ماشيي نتاا

عروة:(تنهد)استغفر الله..صافي قطعي نتي

آيات:منين ترشق لي ماشي منين نتاا تقولهاا

عروة:آيات الله يهديك راه تبعاني لخدمة قطعي ولا نقطع

آيات:صاافيي اناا غنقطع ...ومتعاودش تصوني علياااا

عروة:عساك لغيي نتيي تصونيي

آيات:اكيد لاا

قطعات عليه..

رجع تيكمل خدمتووو...شافها عاود تتصوني ...تنهد بجهد ندماتو تا صونا

عروة:اشنووووو

آيات:هواا هاد نمرة عندك فيهاا واتساب

عروة:بلاصت متصوني وتسولي شوفي وش غيطلع لك لواتس

آيات:اوا قلت نسول عندي فميي لاش نعدب راسييي

عروة:قطعييي تا نسيفط لك من لواتس

آيات:صافي بفف

قطعات...غحين هوا دخل نمرتها فلواتس صيفط ليهاا السلام عليكم غا باش يطلع ليهاا

شافهاا تتكتب طفاا دغياا تيلييي...ورجع لخدمتوو

💫بعد أسبوع💫

دازت سيمانة. على العقد..عروة تشغل مع لخدمة شي لي مخلاهش يمشي الجامعة...وهدا سبب كافي خلاه ميتلاقاش بآيات طيلة هاد لاسبوع...ووخا مشافتووش ديماا مصدعاه بمسجاتهاا واسئلتهاا لغبية....لدرجة ولف انهاا تصدعووو وميدوزش نهار بلا متصيفط ليه...عند بالهاا تتعصب لكن هوا ابرد من تلج

فحين مونيا...قالت لايات وادهم انهاا سافرات مع عائلتهاا...لكنهاا فلاصل...بدات العلاج بالاشعة فلمسشفى...

شي لي رهقهاااا بزااف اصعب مرحلة فلعلاج هيي هاديي ...لالم لي تتحس بيه فكل حصة...ميمكنش لواحد يتصورووو..تتقطع الف مرة...تطيح وتعاود تنووض ...وتطلب ان هاد لمرض يكون مغفرة لدنوبهاا ويدوووزهاا..اما لمدزهاش وماتت فتتمنى ربي يغفر ليهاا

ليوم هواا اليوم لمحدد للعرس...عروة فلفيلا قرر يدير غير عشا للعائلة ولصحاب كاشهار لزواج

اما ايات فكانت رافضة فكرت العرس..لكن سميرة اصرت عليهاا باش دير عشاا لصحاب ولعائلة..ويكون عرس على حقوو وطريقوو...ويفرقوو رجال وعيالات احتراماا لعروة

كانت فبيتهاا...لابسااا تكشيطة . بيضة..محجراا...دايراا مكياج تقيل... فحين شعرهاا دايراا ليه مشطااا زوينااا جا منفوخ وزوين..وزاد زينوو خيط الريح لي فيه جواهر خضرا ولي جا متجانس مع عيونهاا لخضرااا

سميرة:بنتييي يلاه وجدي راسك تنزلي لتحت

آيات:وش مونياا مزال مجات

سميرة:لااا

آياات:مغنزل تا تجييي

قاطعهاا صوتهاا

مونيا:غا نزليي هاني جيت الكبيدة

دارت آيات بثقالة...طلعاتها وهبطاتهاا...كانت لابساا قفطان فلازرف الملكيي محجر برماديي..وشال كيبري فرماديي...

دايرا مايكب خفيف عكس لي مولفااا...او بالاحرى دايراه غا باش تغطيي...وجهاا لي ولاا صفر من الصفر

آيات:شششكون نتيي؟؟؟

مونيا:بفف منيتك ازمر

آيات:وش نتيي هادييي انااا لااا ميمكنش ...اش هاد لحالة دايراا فراسك

مونيا:كفاش مال حالتيييي

نتي عارفا بلي انا من ناس لي مقتانعين بلحجاب وكنت تنحط اعدار تافهاا..ودابااا قررت نديروووو

حريتي اولاا

آيات:ههههه الله يهديك باركاا من لحماق شي لي خلاه عروة كمليه نتيي...انا مولفاا بصاحبتيي مولات شعر زعرر لمتموج ...ولباس لكجوال...هادشيي ماشي ديالك

مونيا:انا غنبقاا صحبتك..ودليل جيت...ليوم على قبلك.. لباس متيغيرش الواحد ابب انبقااا مونياااا مساندك الرسمييي

آيات:لااااا بغيت مونيااا لقديمة...ولكن على كل مغندخلش فافكارك واقتنعاتك ولكن ليوم بغيت مونيا لقديمة..بغيتك تحضريي وتشطحي بشعرك لمتموج كيف حضرناا فعرس بنت خالتك

مونيا:لاا ميمكنش انا درتو مغنحيدوش

آيات:معندكش عدر كاينين غا لعيالات يعنيي غتحيديه

زادت عندها...تتجر ليها لفولار

مونيا :طلقيييي

آيات:مبغيتشكش هكدااااا مبغيتكششششششش حيدييي هداااا حيديه..غاا ليوم عفااك

مونياا:ايات كلسيي باركا من ضحك لباسل كلسييي

آيات:بغيتك مونيااا بييه ....

نترات ليهااا زيف...دفعاتها مونياا ..

كانت غطيح...زادت خطوات بعيدا على مونيا...حنات تا كانت اتجي لارض.. لكن سرعان مشدات..راسهاا...شافت فيدهاا.. لقات زيف مونياا.. ابتسمات بانتصار...هزات راسهاا فمونيا

آيات:(ابتسامة)حيدتووو

للحضة تلاشات لابتسامة...تغرغرو عينيهاا بدموع وهي تتشوف...فيهااا

آيات:شعررك فيينووو؟؟

💔اللهم اشفي أجسادا فقدت عافيتها بسبب السرطان💔

بقات تتشوف فيهااا...وعيونهااا متحجرين بدموووع...كتشوف كفاش صحبتهااا مولات شعر المتموج الطويل...ولات بلاا تا خصلة ديال شعررر...كتشوف فعيونهااا دبلانين محجرين بدموووع...هاد لحالة سبق ليها شافتهاا فايام ماماها لخرا

شافت يمين وشمال....حركات راسهااا بلاااا ...

آيات:لاااا لااااا ماشييي داكشيي لي تنفكر فييه اكييد لاااا ..هادااا لوووك جديد ياااك لووووك جديد يااااك

زادت عندهااا بخطوات...تقال...حاسة ان قلبهااا تيتقطع...كانت باغاا تخبييي حقيقتهااا على الاقل تا تزوج...ولكن داباا مبقااا ليهاا متخبع...متقدرش تكدب...وهي تتشوف فعينين صحبتهاا

مونيا:(ابتسامة بعيون دامعة )هههه هوا ميستاهلس هاد الحالة السرطان مرض بسيط بحالوو بحال الرواح والكحة يعنيي عادي...

بقااات تتشوف فيهااا..مخرجااا عينيهااا .....وكلمة سرطان تتعاود فودنهااا ..حسات بقلبهاا ضارهااا كانه شي خنجر دخل فيه....رجليهاا فشلووو عليهااا مقدوش يهزووهاا...السرطان نفس لمرض لي قتل ماماهاا...وهاهواا داابااا اعلن سيطرتوو على صحبتهااا

.طاحت لارض...على ركابيهااا..

كتردد كلمة

سرطااان

وهيييي مفكسيااا نضرهااا عند مونيااااااا

زادت عندهاا سميرة..ومونياا..كينوضوو فيهاا

سميرة:مديريش هكدااا ابنتييي مديريش هكدااا فعرسك

مونياا:آيااات عفااا حبيباا مديريش هكدااا هاا علاش مكونتش بغااا نعلمك حتااش عارفااك حمقةة وغتبكييي بسباب سبب تافه

هزات عينيهاا فيهااا

آيات:مغاديش تموتييي ياااك؟؟مغاديش تخلينيي ياااك

مونيا بقات غير تتشوف متقدرش تعطيي وعد متقدرش تنفدووو...هي براسها معرفاش وش تقدر تغلب لمرض ولا لاا

آيات: هاد السبب التافه راه خدااا مااامااا واناا صغيرة وداااباا بغااا ياخدك نتيييي

ترمات معنقااهااا من خصرهاا..بحكم ايات كالساا ومونيا واقفااا

.آيات:مغاديش نخليه يديييك لاااا مغاديش يديييك..حنااا مزال غنخرجووو بجوووج ونضحكوووو بجوج والا كرهت شي حد تتكرهيه معاياا والى بغيت شي حد تبغيه معايااا...ياك كنت نقلك انا نتي... ونتي اناااا... نتييي مغااادييش تخلينيييي ياااك مغاديش تمشييي اناا مغاديش نخلييييك

مونيا حنات عندهااا

مونيا:آيات حبيبتيي (جرتهاا معنقاهااا بجهد)إلى بصح تتبغينيي مديريش هكداااااا مديريشششش هكداااا عفاااك

آيات:امتااا عرفتيي أااا امتااا

مونيا:سيمانة هاديي

آيات:اشمن مرحلة

مونيا:متوسط

آيات:وش شيميي تيضر

مونيا:شوياااا

آيات:وش انا ماشي صحبتك؟؟

مونيا:نتيي ختيي

آيات:انا نهار عضاتنيي نحلة درت لك لايف كنشكي عليك ونتييي جاك سرطان ومعلمتينيش

...على هاد لحساب نتي متتحسبينيش صحبتك...مكين لاش نبكيي عليك..ياك.

مسحات عينيهاا رغم ان دموع منزلوش بصدمة

تمات نايضة...حطات زيف على راس مونيااا

ايات:جاك زوين

مونيا:آيات

آيات:(موجهاا هضرتها لسميرة)نزلوووو

سميرة مسحات دموعهاا ..وزادت عندهاا...عيطات على نكافة نزلوها بزغاريد

فحين مونيااا بقات تتشوف ..فيهاا مخرجين ...نطقات بصوت باكي

مونيا:آيات بكييي غوتيي غي متسكتييش

كانت كالسااا بارزاا..وسط العيالاات...كلشي تيغنيي وكلشيي تيشطح...خالقينهااا غا بيناتهمم...فحين هي حاضر غااا جسدهااا امااا روحهااا تتقطع..

بقااا فيهاا الحال ان صحبتهااا لي كانت تتشاركهاات باتفه لحوايج خبات مرضهاا عليهاا

ولي بقاا فيهاا كتر ان صحبتهاا لي كتر من ختهااا مريضة بنفس لمرض لي قتل مهااا..

تخلطووو عليهاا لمشاعر..

.هي ممقلقاش من مونيااا قد مقلقاا من راسهاا كفاش معرفااااش ان صحبتهااا مريضة...

وهما ديما تيحسوو ببعض...لبكات هادي تبكي لوخرااا...لتقلقات هادي تقلق لوخرااا...لضحكات هادي ضحك لوخرااا...

مقلقااا من زهرهااا ان اي واحد تتبغيه من قلبهااا...يا يموت ياايمرض .. يا يهملهااا

مبقاتش قادة تبكييي....دموع ددنيااا كاملااا مغاديش يعبرووو على نار لي شاعلاا فقلبهاا..احساس صعيب يتوصف

"انك حاااس بالم ووجه كبير فقلبك ومقادرش تخرجوو او بالاحرى معارفش تخرجوو"

ساالاااووو لاحتفال...وهي بقات كيف هييي ولا حتاا ابتسامة وحدااا وكانهاا زفة وعرس جثة..

جات عندهاا

سميرة..علماتهاا..ان موكب العريس وصل...جاو باش يديوهااا

نوضاتهاا..بزغاريد....زادت بخطوات تابعاا سميرة...معرفاش فين تتخطي او فين غاادااا...

وصلات لباب....عنقاتهااا سميرة وودعاتهااا....ونفس شييي باباهااا....عنقهااا بجهددد...وودعهاا..

لكن متحركااش ولا حتاا دمعة وحدااا

سميرة:(موجها هضرتها للخدامة)فييين الفاليز دآيات

الخادمة:راهاا جايبااهاا صحبتهاا

هزات عينيهاا بشوياا..بانت ليهاا مونيا جارا فاليزتهاا

دورات راسهاا..لجهة..لوطوو..بان ليهاا عروة..لي راكب لور...ولي مباغيش ينزل لمكان مختلط

جات عينووو فعينهااا...حس ان خضرواتهااا جامعين حزن الدنيااا..حس انهاا ماشيي بيخير...لكن سرعان معتاقد ان هدااا راجع لفراق اهلهااا

مدات لفاليز للخدم

زادت عند آيات بخطوات تقال..وقفات اونفاص معاهااا

مونيا:وش غتمشيي بلااا متودعينييي؟؟

بلااا سابق اندار...جراتهااا لعندهااا عنقاتهااا بجهدد.....بداات تبكيييي بصوووت مسمووع صووت شهقتهاااا عباااا دنيااااا...

آيات:(تتشهق بصوت مسموع)مغاديش ..مغاديش تخلينييي ياك ...ياااك

مونيا:لالا

آيات:سمحلييي حبيبتيي سمحلييي حتاش محسيتش بييك حتااش مكونتش حدااك سمحيليييي

مونيا:متقوليش هكدااا عفاااك نتيي معليك والووو عفاااك متقوليش هاد لهضراا

بداااو يبكيوو...بجوووج...وهماا معنقين بعض بقوة....لدرجة بكاو كاااع لي كااان حاضر حداهم..

شافهااا كيف تتبكييي.وهي معنقااا مونياا لي تبدلات ...فرح من جهة انهاا تحجبات وخاا كان عارف انه ايجي نهار اتحجب لانه شاف فيهاا حبهاا لدينهاا

ركزوو عينوو على آيات..ضروووو قلبوووو عليهااا....رغم انه تعجب كفاش مبكاتش منين سلمات على عائلتها وبكات على صحبتهاا....

تم حال باب لوطو باغييي ينزل...لكن اشار ليه رضوان بيديه...بمعنى وقف..

زاد رضوان عند آيات تيجرهاا..

رضوان:صافيي بنتيي الله يرضي عليك راه غتوليي تشوفيهااا

مونيا:(بعدات من آيات مسحات دموعهاا)يلاه حبيبتيي راجلك تيعاينك سيريي

آيات:حركات راسها بلاا

مونياا:غداا نهضرووو وعد

ايات زاادت عنقااتهاا...باستهااا فخدودهااا....وبعدات ويديهاا مزلين شادين فيدين مونيا

طلقاات منهاا...وهي مبغا تطلق..

تمات زايدة ..وهي متكياا على كتف باباهااا..رجليهاا مقادينش يهزوهاا.

وصلهااا لسيارة وركبهااا....

ركباات حدااا عروة....لوور..فحين شيفور...ديماراا لووطووو

بقاا وجهاا لاصق حداا زاجاا...تطل على مونيااا..

مونياا لي واقفاا..تدير ليهااا بايباي

هزات ايات يدهاا حطاتهاا على...زاجة...وعيونها مراقبين مونيا...

حتاا زادت لووطووو...وبعداات عليهمم

شافت قدامهاا...بدات تبكييي وتشهق بصوت مسموع

وهي تتنطق بهمس اسم صحبتهاا

مونيااااااااااااا

شاف فيهااا...زيد يدوو..بغاا يطبطب على كتفهاا..لكن بقاا متردد ...نطق بشوياا..ويدوو مزال مهزوزة

عروة:غاادي تعاوديي تشوفيهاا انا مغاديش نمنعك لا على صحبتك لا على عائلتك..بلا متبكييي

آيات بلا سابق اندار ترمات فحضنووو...شدات قاميجتوو بين يديهاا..وعطات لعنان لدموعهاا وهي معنقاه

كان صوت شهقاااتهااا مسمووع...مخشيااا فيه وتتنخصص....بغااا يهضر بغااا يواسيهااا لكن عارف ان احيانا الانسان متيبغيش لي يواسيه تيبغييي غير يلقااا صدر يبكيي عليه...

هز يديه...حطهااا على راسهااا...وبداا يطبطب عليه..

مسافة طريق...حبساات لوووطوو قدام لفيلااا

شاف فيهااا لقاهاا ناعساا...وهي مزالاا مخشياااا فيه..هز راسها بشويااا...

حلات عويناتهااا..بشويااا ...عويناتهااا لي ولاو حووومر ومنفوخين بلبكااا....

شافت فيه...وعاودات قلباااات عينيهااا ...كتشوف فين راهمم

آيات؛(بصوت مبحوح)وش وصلنااا

عروة:اه وش تقديي تنزليي؟؟

آيات:والا مقدرتش اش ادير اتفرش لي فلوطوو مثلاا؟؟؟

عروة:مثلا..ولكن بنتي لي تقديي منين رجعتيي تردي لهضراا راك تقدييي

تموو نازلين بجوج..استقبلاتهم خديجة وابتسااام...

بعد مراسيم الاستقبال...لي طلب عروة..انه يساليوهم دغيا تحت حجة..آيات عيانة..

كانت طالعة للبيت هييي..وابتسام..

ابتسام:هاحناا وصلنااا هاا بيت خووياا

حلات لباب تمووو داخلين

دورات عينيهاا فلبيت...كفاش مرتب والوانووو تيبعتوو على لحياتووو...بيت كلاس ومرتب.. تخاف لغي تقيس ليه شي حاجة ويضيع ديكور

عكس بيتهااا لي دايزاا عليه لحرب لعالمية تالتة

دخلات لخادمة..حطات..لفاليز وخرجات

ابتسام:من ليوم هداا بيتك..مهم دوش لهيه.. ولفاليز هاهيا شوياا غيجيي خويااا(غمزاتهاا)

آيات:ابتسمات ابتسامة بزز

خرجات ابتسام بعد مسدات لباب...

زادت لفاليز .. جراتهااا ...بغات تجبد شي بيجامة تلبسهاا..تحيد تقل تكشيطة

حطات لفاليز على سرير..حلاتهااا...خرجات عينيهاا. منين لقاتهاا عامراا بشوميز دنوييي

آيات:(تحجروو عيونهاا بدموع)مونياااااا

شدات واحد بين يدهااا.. وكلسات على سرير تتبكييي

آيات:لمشيتييي نتييي شكووون غيدير فياا المقالب شكووووون اختيي شكووون..

قلبات وجها دغيا منين شافت لباب تحل

تم دااخل...شاف فيهااا...بانوو ليه ملامح وجهاا تبدلووو

آيات:اش باغيي؟؟

عروة:كفاش اش باغي يمكن راه بيتي اولاا

تنهد بصوت مسموع

زاد هزز شي ملفات...

فحين هي غي شافتووو مشغول معاهم..دخلات سوميج.. فلفاليز..ورداتهااا...

دار على غفلهااا بانت ليه تدابز مع لفاليز

عروة:وش مبغاتش تحلك؟؟؟

آيات:اااا شنوووو لاا لاا

تم زايد عندهااا...

عروة:اراي نحلها لكك

آيات(غوتات بصوت مسموع)لاااااااء

بقااا جامد بلاصتووو..خلعاتووو بلغوتااا

آيات:لاء سيبحالك حوايجي نحلهم راسييي

عروة(طلع حاجبوو فيها)وش نتييي بيخير

بقات تتبلق فيه.

آيات:اه

عروة:ابتسم لهاا..حرك راسو بالله يستر

وتم خارج

غاا شافتووو دار....تلاحت كالساا على لفاليز....

بدات تتعصر معاهااا باش تسدهاااا.....

دار بالخفة منين شاف الاصوات جاياا موراه

شافهااا كالساا تتعصر مع لفاليز...بقا واقف تيشوف فيهااا معرفهااا تتقاتل...معرفهااا تتحارب

هزات راسهاا..وابتسامة نصر على شفايفها

آيات:سديتهااااا

شافتووو تيشووف فيهاااااا

آيات:نتاااا هنااا

عروة:حرك راسوو باه وهوا مطلع حاجبووو

آيات:نتاا لباغي تزوجنييي

عروة:للاسف

تنهد وتممم خارج...باش يديي لملفات لباباه..

آيات:الله يسمحلك امونياا ودابااا شنووو غنلبس

بقات كالسا تتفكر..دارت ليها طنن فراسهاا..

مشات تتجري لدريسينغ ديالووو...

بدات تقلب فحوايجوو...جبدات كيطمة كحلااا....وتيشوورت بيض..

دخلات لدوش ...حيدات تكشيطة...ولبساتهممم....جاهاا تيشورت تاا ركبة ....ولكيطمة..طويلاا عليهاااا

بدات تفكر فاش ادير فحريرتهاا

كان غادي فلكوروار...هاز لملفات فيديه...تلاقاا مع ماماه

خديجة:اش تدير هنا اولدي؟؟؟

عروة:غنديي هاد لملفات لواليد ضروريي خص يديهم غداا لشركة

خديجة:اراا انا انديه ليهمم..حشومة مرتك اتكون تتعاينك متخليهاش بوحدهااا

رجع لبيتك

عروة: ولكن

خديجة:(نترات منو لملف)مكين ما ولكن

تم غادييي لبيت....بلهلا يطريه ليه

دخل لبيتوو..بانت ليه كاع مكايناا..عرفهاا فدوش

نتر لفوقانيي دلكوستاار...

تم غادي يردوو لدريسينغ...لكن توقف للحضة منين شافهااا خارجااا من دووش...

عروة(مطلع حاجبوو)شكووون انتااا؟؟

كانت خارجا من الدوش...الكيطمة لي طويلا عليها طواتهااا ...كفضاتهااا بحراا جابتهاا على طولتهااا

فحين تيشورت...دخلاتووو فسروال دلكيطمة...وباش زادت كملاتهاا...فكات لمشطة لي دارت ليهاا لكوافوراا..خلات شعرهاا كولوو منكوش

ولات تتبان بحال شي فلاح سالاا من حريث الارض ماشييي عروسة فليلة عرسهااااا

شافت فراسهااا...طلعات راسهااا...وعاود شافت فيه

آيات:راجلك

عروة:اش هااد لحالة....

بداا يضحك من اعماقووو...فحين هيي غاا مقابلااا ضحكتووو...بدوش شعوور...بدات تضحك...ماشيي على حالتهااا...انمااا غا حتاش هواا ضحك

بقااا تيشوف فيهااا مبتاسم...فرح انهااا واخيرااا ضحكاات بعد داااك دموووع كولوووو..لي بكاااتوووو

عروة:ولكن نتي علاش لابساا حوايجي؟؟؟

آيات:حطولي لفاليز لغلط...ملقيت منلبس من غير حوايجك

عروة:هههه جاو معاك

آيات:(خنزرات فيه)اه نتاا لي جات معاك ضحك ضحك

تمااات...زايدااا...لسرير...تلااحت عليه...

لاحت عليهاا لغطاا

آيات:منين تخرج سد موراك لباب

عروة:وش نتيي بكامل قوااك العقلية؟؟؟

آيات:علاش مالي اش قلت نتااا عارف انااا مبغاكش ونتاا مبغينيش فاكيد مغاديش نشركووو بيت واحدد

عروة تم زايدد عندهاا...وقف على يمينهاا...

عروة:نتيييي دااابااا راااك وليتييي مرتييي وليلة هاادييي ليلة عرسييي

تم نازل عندهااا

آيات:شششش تديييير وششش حماقيتييييي لاااااا متقربششش انااا مبغيتش هااااد زوااااج

سدات عينيهااا...بدات تتشاور مع ابليس...وتتخطط معاه كفاش تبعدوو عليهااا...وش تعضووز ولاا تقمشوووو...ولااااتغوت...

واخيراااا قررات انهااا تغوت بجهددد...وتجمع مالين داار...وتاهمووو انه باغيي يغتاصبهااا

حلات عينيهااا...يلاه جات تغوت وهي تشوفووو مبعد..شادة وسادة فيديه

عروة:كيف قلت دابا نتي مراتيي مجاتش نخرج معاداا لكونتيي بغا تشرحيي لباباك

آيات:حركات راسهاا بلااااا

عروة:غنعس على لفوطوي

عطاهاا بضهر متوجه لفوطوي

آيات:(بلا شعور نطقات بصوت مسموع )داااباا نتااا مغاديش تغتاصبنييي

دار عندهاا ..وهواا مخنز تخنزيرة..ديال وش منيتك

عروة:اغتصاب؟؟؟؟

آيات:حطات يدهااا على فمهااا ...حركات راسهااا بللااا

عروة:وش كضنيي انيي منحط لدرجة نغتاصب شي وحدااا او انيي نفرض راسييي على شيي وحدااا...الاغتصاب والرجولة جوج دلحوايج متيتلاقاوش

تم داير....غادي مكمل طريقووو

آيات:ولكن انا مراتك واي واحد بلااصتك كان غيبغيي يحصل علياا

عروة(ابتسم)مزيان منين عارفااا راسك مراتيي...ولكن اناا مباغيش نحصل على الجسد ...باغييي نحصل على القلب اولااااا...والزواج رحمة...والرحمة متتكونش بالاجبار

توجه بخطوات تقال...للفوطوي

حط وسادتووو..وتكااا

بقاات حاضياااه..

جاتهاا عجب...كانت واخداا فكرااا غير على هاد نوع...بالنسبة ليهااا شخص بحال عروة...عندووو عاديي يدير تعدد على قبل غريزتووو . عند بالهااا مغاديش يصبر عليهااا...وماشيي غيي لي بحالوووو اي راجل مغيصبرش على حلالووو....خاصة نوع لي عند بالهاا متشدد ومتيهموهش شعور النسااا....

مجرد تصرف نابع من عفوية اخلاقووو...خلاهاا تساءل مع راسهاا

وش حكمهاا عليه غلط ياترى؟؟؟

وهوا مغمض عينيه...حس ان شي حد مراقبووو

عروة:غتبقاي حضيانييي

آيات؛(شافت يمينهاا ويسارهاا..حركات راسها بلا)انا محضياكش

تكات على سريرهاا...طفات ضوء...بدات تتشوف فيه..وضوء القمر لي داز من السرجم..ضارب فوجهووو

بدااا يقراا اذكار النوم. بصوت خافت..

آيات؛اش تتقراا؟؟؟

عروة:اذكار النوم

آيات:شنووو هااادووو وش نتااا لي كاتبهممم

تم نايض من بلاصتوو..

عروة(بصدمة)كفاااااااش

يتبع...

البرهوشة والإخواني الجزء الثالث

محتوى القصة

التنقل بين الأجزاء