البرهوشة والإخواني الجزء الرابع

آيات:(دورات عينيها)مالك مصدوم قلت شي حاجة ماشي هي هاديك

عروة:وش نتيي زعماا (بعد صمت تلفات ليه لهضرا)عمرك قريتيي شي حاجة متعلقا بدين

آيات:قريت بريفي كانوو قاطعين لينا لاسلاميات ولكن عارفاا حكم الارث

عروة:متنهضر على شنو قاريا على قبل لقانون لي متبعاا...على قبل دنياا...كنهضر على شنو قاريا على قبل الاخرة

آيات:(دورات عينيهاا متجنبا هضرتو)اش هاد تفلسيف انا سولتك غير وش كاتبووو اش جاب هادشيي لي تتقول للهضراا

عروة:هادوو ادعية أغلبهم آيات من كلام الله...بمعنى

آيات:مكتبتيهش

هزات لوسادة حطاتهاا تحت راسهاا. ..حسات براسهاا مكلخاا بلاا عقل...حسات براسهااا بليدة ومعرفااا والووووو....

آيات(فنفسهاا )قريش ومدروهاش

تنهد بصوت مسمووع...

حط يدوو تحت راسوو...بقاا تيشوف...فلقمر لي باين من السرجم...

حس بوغصة فقلبووو.. شي متيضحكش شي تبكيي....كفاش معارفاش اذكار النوم...وهي مسلمة ياحسرااا....وباش دافعات على راسهاا...قراوها فلبريفيي ومكانش عندهم لاسلاميات...كيفاش دولة مسلمة تخلي شيي مدرسة خاصة...تقريي ولادهاا وتكبرهم على اللغات والعلم...ومتربيهمش على الدين....

سرح بخيالووو لماضيه...لماضي لي متيشرفوش....تا هواا كان بحالهااا...كان شاب طائش....عايش ليوم كانه ضامن لغد...انه يكميي شيئ عاديي...انه يخرج مع هادي وهادي شيئ عاديي...شاب مراهق..رغم ان عائلتوو كانت محافضة...لكن كان خارج من جنب...هواا عكسهااا...كان شبه منياا...على داكشي كان عارف ان مونياا دغيااا اتوب لانه كان بحالهااا....عارف انه على خطأ لكن متشبت بخطأوو.. .ضميرووو تيأنبووو كل ليلة منين تينعس بلاا صلاااة ...لكن تيحط اعدار تافهاا...

لكن امتااا عرف بقيمت دينووو. نهار مشاا لبلاد غير بلاادووو....اول حاجة وقعات ليه...وهوا حاط رجلووو فديار الامريكية...انه مسمعش صووت لاذان.....

حس ان الله صافيي غيبعد عليه...حيت ملقاش فيه امل

لااذان ولاا شخص يدعيه لصلاة..

هوا كان على عكس شباب اليوم لي تيمشيو لغربة يلقاو تفتح ويتبعوه..بل بالعكس....منين كان تيسمع سب دين الاسلامي....ولكلام لقبيح لي تيتقال عليه من طرف زملاء الجامعة...شداتوو غصة فقلبووو...غار على دينووو..مبغاش يهضروو عليه بلخايب...كان كيتجارى ويبحت فدين.. باش يلقااا باش يرد عليهم...فكل لقضاياا...لي هماا تيشوفوهاا انهاا تتقلل من دين لاسلامييي...وهوا كيبحت ويجيب دليل...ويضحض فكرتهم

يوم على يوم....لقااا راسووو مرتابط بدينوووو اكتر من اي شيئ اخررر....

فصام على المعاصيي...والنساء...واصدقاء سوء

وتعلق قلبووو

بالله...والصلاااة....والقرآن

فسبحانه لي خلاا قلب شاب يتعلق بالاسلام فلوقت لي كانوو تيضحكوو على دينوو...ويجروووه لديانتهم

صدق عز وجل عندما قال

"يُرِيدُونَ أَن يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَن يُتِمَّ نُورَهُ"

تنهد بجهد...منين تفكر..رغم ان هادشيي دازت عليه سنين طويلااااا....وتنسااا عروة لقديم...وكولشيي عاقل غيي على شاب المدين المتخلق....لكن هواا منين شافت آيات فكراتووو فيه...لكن هواا على لاقل كان عارف انه خطأ..عارف اش خصووو يدير ولكن مدايروش.عكسهااا هييي معرفاا والووو...عارفاا اشياء قليلااا...وعلى الاغلب غي لاشياء لي غتنفعهات فدنيتهااا...

تساءل بين وبين نفسوووو ياترى شحال من شخص كاين بحال آيات؟؟؟؟

تعالى صوووت لادااان....وبدات شمس تطلع..باش تعلن على بداية يوم جديد...وتعالت كلمة

❤الصلاة خير من النوم❤

تم نايض...بخفة...دخل لدووش..توضاا....

تم خارج

شافهاا كفاش ناعسااا...رجل فشرق ورجل فلغرب ولغطا رامياه فلارض...مكرهش ينوضهاا تصلييي...لكن اكيد صلاة باشيي بسيف...وهوا مستحيل يجبرها على شي حاجة

زاد بخطوات تقال ..هزز لغطااا...حطوو عليهاا...

فرش سجادتووو. .

.وبدا فاقامة الصلاة

سالاا صلاتووو...هززز يدووو لدعاء...طلب من الله يهديي المسلمين....ويشفيي مرضا المسلمين....ويفرجها على كل مسلم

هز قرءانوووو....بدااا يقرااا ..بصوت خاشع كيف مولف وكيف متعود....لكن هاد لمرا بصوت خافت..باش ميفيقهااش...

استمر بلقراءة...لسويعات قليلا....تاشاف اشعة الشمس طلعات وصباح بداا.....اصوات جايا من لفيلا..هادشي تيعني كولشيي فاق..

.عاد على من صوتووو....

كان صوووت لقرآن كيتردد فودنهااا....صوت عدب ونقيييي...حسات براحة عجيبة...احساس غريب سيطر عليهااا...حلات عين وسدات عين..

شافت فيه بنص عيين

لقاتوو شاد قرآنوو تيقراا بلخشووع

تماات نايضا..تتحك عينيهاات

آيات:فين اناا شكون نتااا اش هاد صداع على صباااح(رغم انه عجبهاا لكن تكبرا منها)

عروة(حط لقرآن تم نايض ..وقف اونفاص معاها)

نتي آيات...وانا عروة...وهداا قرآن(هزو قدامها)ماشي انا لي كتبتووو هاداا كلام الله وماشي صدااع

آيات:اه اه متشرفين

عروة..تنهد بصوت ..مسمووع

آيات:بفف مزال لحال على لافاك مفيقني بكري

عروة:لافاك؟مغاديش تمشي؟؟

آيات:كفاش(تمات كالسا على راكابيها وهي على سرير..وبدات تلوح بيدهاا)كفاااش مغنمشيش وش منيتك ولكن اناااا منقدرش نحبس قرايتيي وزايدون شرطتهاا عليك ونتاا مخصكش تخل بشروط لعقد.

ونزيدك هادشيي ماشيي قانونييي...وماشييي من شيم رجولة اوو لاااا...وحنااا زواجناااا ماشييي حقيقيي باااش تحكم فيااااا نتااا معندكش لحق فهمتييييي وششش فهمتييي خصككك تكووون فهمتيييب اه اكييييد حربشششش لفكرتييي فيهاااا حربش

طلع حاجبوو فيهاا...مصغر عينو..باغيهاا غير تسكت تخليه يهضر وهيي يقول سارطاا كاسيطاا

عروة:وش ساليتيي...مغاديش تمشيي حتاش اليوم الحد ولحد متيقرا حد اش جاب رجولة ولاخلاق والعقود (تنهد)الله يهدي مخلق

آيات(بدات تحك راسها)لحدد ولكن نسييت...اصلاااا لي تزوج بحال زواجيي يبقاا ليه لعقل

عروة:مغاديش نجاوبك

آيات:(حركات كتافها)لهلااا

تم غاديي لدريسينغ...خدااا سروال ..فلاسود..وتيشورط فلاصفر..

حطهم..على سرير...

وتم متوجه لدوش

آيات:(ناضت بزربا)فين غاديييي

عروة:ندوش؟؟

آيات:اناا لولاااا

عروة:كفاش نتيي لولاا...كنضن دوش ديالي او لاا

آيات:انا مراتك مع لاسف لي ديالك ولاا دياليي

عروة ":اوووه تتولي مراتيي غي فصلحتك سمحيليي ولكن هادشيي منافعش معاياا

آيات: ولكن

سمعوو صوت دقان

عروة:سيري حلي لباب دومنديت ليك على شي حوايج اكيد وصلوو ليك

آيات:امتاا بسلامة طلبتيهم؟؟

عروة:لبارح فليل

آيات:ولكن انا ممحتاجاش لهم

عروة:ولكن انا مغنبقاش نعطيك حوايجيي

ابتسم ليهاا باستفزاز...وتم داخل لدوووش

زادت حلات لباب ...خلات لخدامات يدخلووو لحوايج...حطوهم وتموو خارجين

زادت عندهم....قلبات لاكياس تشوف شنو فقلبهمم

خرجات عينيهاا..منين شافت لحوايج...بدات تجبدهم كيف لحمقة...

آياات(حركات راسها بلاا ..غوتات باعلى صوتهاا)عورااااااااا ياااا لعوووور لااااخر اش هادشييي

كان تيسمع لغواتهاا وهوا مبتاسم..طلق لماا..باش متصدعوش فراسووو..ومن ها يشلل

بقات تتشوف فلحوايج...اغلبهم صايات...او قاميجات طوال...وتا سراول واسعين....ستايلهم زوين وراقيي....وفنفس لوقت مغطيين....لكن هادشي غيعجب وحداا لي مولفا تلبس طويل سوا محجبة سواا لااا...ماشييي وحدا لي تتلبس نص شووورط ...وسروال تيطلب تسليم منهاا...

آيات:انااا راه مستحيييل نلبس هاااادشييي...اش هااد لعبث اشش هااادشيييي اعروة(كرزات على سنانهاا وبدات تنقز بلاصتها معصباا)

آيات:هانياا غنجيب حوايجي من دارنا

..ولكن من تقاليدناا منمشيي لدارناا تا دوز سيمانة...نوصي عليهم يسيفطوهم...ولكن اش غنلبس داباا وش انبقاا محبوساا هنااا

هزات وحداا من سايات فلاسود...وقاميجة. فصفر..

لبساتهاا دغياا ولبسات لقامجة...جاتهاا صاية زوينة لكن لا علاقة مع لقاميجة طويلة...

دخلات لقاميجة..لداخل...وهزات سنطا من واحد لقاميجة دارتهاا...

شافت راسهاا فلمراية .

عجبهاا...تتبان مستيلية وخا بطويل

آيات:وخااا تجيب لياا خنشة غنفصلهاا على ستيليي...

جبدات من صبابط لي جابت...صباط فاكحل...كعبوو عاليي...

زادت قدام لمراية.وهي هاهزاا لطغوس دلمايكب..مشطات شعرهاا...وقدات مكياجهااا

شافتووو خارج من الدوش...ملويي عليه...فوطة..ومخلييي صدرووو عريان.....

بدات تتشوف فيه..وترمش ...ريحت...جيل دوش معبي دنياا...وصدروو لي عامر بقطرات ماء جدبهااا بطريقة رهيبة

عروة(خرج عينووو فيها)مزالاااا راك هنااا...اش تتشوفي نزلي عينيك

آيات:(حطات يدهاا على عينيها)لبس حوايجك ابنادم

عروة:غا حيديهم اصلا عاديي

تم غاديي لسرير...يهز حوايجووو..كاع ملقاهم

عروة:فين درتييي حوايجيي

آيات:مشفتهمش

عروة:حطيتهم هنااا

آيات:يمكن جمعتهم مع لحوايج زينين لي جبتي لي

عروة:زوينين كن متعديتيي عليهم

آيات(حيدات يدها)كفاش تعديت عليهم منيتك هدا راه ستاايل اصلاااا اش فهمك ونتاا تتلبس جلالب جايينك من الحبشة

بقااا تيشوف فيها مطلع حاجبووو

آيات(سرطات ريقها)متشوفش ديك شوفة...ولبس حوايجك

تم دايراا مبغاش تشوف فيه

سمعوو دقان...زادت بزرباا عند لباب

سمعوو صوت ابتسام تتعيط عليهم...

يلاه آيات بغا تحل وهواا ...يزيد عندها بزربااا...شد ليهاا يدهااا

هزات فيه عينيهاااا....وقطرات من شعروو لفازك نازلين عليهااا

عروة(بهمس)متحليش ختيي

آيات(بهمس)وعلاااش

عروة:تا نلبس

آيات:ياك قلتي عاديي

عروة:عادي مع مرتييي ماشي مع ختييييي

آيات:(بهمس)ولكن انا ماشي مرتك اناا راه ختك ياك حنا كلنا خوت فلاسلام

عروة(تنهد بجهد)حليييي لبغيتيي تحليي

قلب وجهووو ...قشع حوايجوو...زاد هزهمم

آيات:شفتيي كاع مجمعتهم..اه بدل صفر مجاتش نلبس انا قاميجة فصفر ونتاا تيشورت غيفهمووناا غلط راك عاارف

خنزر فيهاا تخنزيراا ديال وش منيتك...

وتم داخل لدوش...

قدامت وقفتهاا..وحلات لباب

ابتسام:سلام زين كيف صبحتيي

آيات:كيف غنصبح بحال ديماااا

إبتسام:بحال ديما؟؟

آيات(ابتسامة مجبدا)وي وي راكي عارفا مولفاا

ابتسام(عقدات غباشتها)مولفااااااااا؟؟

آيات:اه مولفااا بصدع يعنيي صابح عندك شويا صدع فلفيلا

ابتسام(تنفسات الصعداء)تتهضري على صدع اه

تمات غادة....وقفات ...دارت عندهاا

ابتسام:اه كنت انسااا نزلووو تفطروو

آيات:وخا يخرج زوجي قرت عيني ونزلوووو

ابتسام:وخااا

تمات غادة

آيات:(تنهدات )اه ودابااا نمشيي نصونيي على مونيااتييي

دخلات لبيت...جبدات...تيلي...دورات لخط لمونيااا ..متتجاوبش

آيات:ولكن علاش متتجاوبش....زعما تكون واقعاا ليهاا شي حاجة لالا فكريي بجدية اكييد صبحات ناعساااا

اكيد ايكون أدهم هضر معاها لبارح موراياا

دورات نمرت ادهمم

آيات:الووو ادهوومة

أدهم(كيهضر بصوت ناعس) تنقولك متقولييش هكداك

آيات:وعلاش

ادهم:ادهومة على وزن ادومة ...وبنادمة لحد هادااا لاش مفيقاني

آيات:وش هضرتيي مع مونيا

أدهم:مونيا على صبح منيتك حالما بيهاا ولاا...سيمانة مهضرت معاهااا..قالك ريزوو والوو عندهاا...وانا تمشغلت فاول تغطية ليا لواحد لمؤتمر

عرفات ان ادهم مفخباارووو والووو على مرضهاال

بقات تتفكر وهي ساكتاا

ادهم:مالكي سكتيي

آيات:والووو حوبيي غاا قطع

كان خارج من دوش...يلاه ايخرج...وهوا يسمع اخر جملة

"والوو حبي غا قطع"

بقاااا تيشوووف فيييه....حس بلحرارة طالعااا معاه من العصب....هييي مراتوووو بناتهم عقد زواج...وخا مبغياهش لكن خصهااا تحتارم..هاد زواج...واي واحد ايرتابط بيها وهي مزوجاا ادن باغي غير حاجتو منهااا...حيت كن كان باغيهااا هي مكانش غادي يخليهاا تزوج

هاد لافكار هي لي جات فبالووو...زاد عندهااا بخطوات سرااع...وقف على راسهاا...عاقد غباشتوو ومخنزر

آياات:ادهم من بعض ونهضروو..(نزلات تيلي وهي تتشوف فيه)بسم الله رحمان الرحيم ضربك شي جن كاعي مفيهاش

عروة:(كارز على سنانو)شكووون هدااااك

تمات واقفاا..اونفاص معاه

آيات:ونتااا ماالك

تمات غادة

شدهاا من يدهاا

..جرهاا لعندوو...تا ضربات فصدروووو

كيهضر وهواا مزير على يدهاااا....وهواا كارز على سنانوو...وهوا كيفور بلعصب..وخا ماشي من عادتو يتعصب

عروة:تتخووونيني ونتيييي مرتييييي

آيات هزات عينها فيه حركات راسها بلااا..

آيات:والله مااا نقدر نديرها

عروة:(مطلع حاجبو..ومخنزر فيها)زعمااا...وشكوون يكون هدااا

آيات:هدااااا اه هدااااا(بدات دور فعينيها)

عروة:بلااا متقلبيي على كدبة وقولي لحقيقة

آياات:حبيب مونيااا وهوااا بحال خوياااا وكنقوليه بب حتاش اصلا ميمكنكش يكون بب كون كان ممكن يكون كاع منقولهااا لووو والله..يعنيي اناا متنخونكش هوااا اصلااا انا ماشي مرتك يااك..(دورات عينيها)لاء مرتك مهم نص مرتك...يعني قانونياا انا مرتك..ونتاا عارفني انا طالبة قانون والقانون تيجرم الخيانة.. يعني منقدرش نخونك حيت لق...

عروة(قاطعها)صافيي صافييي تطفاااي

آيات(شافت فيديه لي مزال مزيرا على يدها)بردتي وطلق يديي

عروة:(نتر يديه)

تم بعد عليهااا...

عروة(عاطيها بضهر)متعاوديش تقولي ليه ديك لهضراا

آيات؛انا هضراا؟؟

عروة:(تنهد)حوبي

آيات:اناااااا حبك؟؟

عروة:هوااااا

آيات:هوااا حبك؟؟؟(حطات يدها على فمهاا)ولكن كاع مضنيتهاا فيكم

عروة(دار عندهاا وهواا مخنزر)دااابااا تطنزيي ولااا

آيات:(حركات راسها بلا)متنطنزش غا تنضحك عليك

عروة:اووووه فرق كبير..(بالغوات).شوفيي سمعينييي متعاوديش تقولي لييه ديك لهضراا...هضرتييي معاه قولي لييه خووووياال

هزها بغواتووووو...بدات تحرك راسها باه ..وهي مخرجا عينيهاا

عروة:(كارز على سنانو)اش غادي تقوليي ليه؟؟؟

آيات:(بهمس)خوياا

عروة:مسمعتش

آيات:(غوتات بجهد)خووووياااااا

عروة(حس بطبل ودنوو تقب.)

مزياااان

قاد تيشورت ديالووو...وهوا راسم على وجهووو ابتسامة

تم غادي لباب...دار عندهاا بتقالة

عروة:هواا نتي لبستي بلاا مدوشي؟؟

آيات(طلعات راسها وهبطاتو)اه اش فيهاا وش تداوش واجب يكون يوميااا وفلبرد..وزايدون نتااا سبقتيني

عروة:(حط يدووو على شعروو)ومكياج بلاا تا متغسلي وجهك؟؟

آيات:(ابتسمات..زادت حدا لمرايا هزات منادل لي تيكونو فازكين بين يدهاا)هدووووو تيمسحووو بيهم حسن من الماااا

حطاتهم وهزات..قرعا فيدها

آيات:وهدااmicellaire كيحيدوو بيه لمايكب ولكن انا تنغسل بيه حتاش تينقيي لوجه من الما

حطاتو وهزات قرعا خراا

آيات:وهداا منضف دلفم حسن من لما

عروة:(بقااا واقف مخنز فيهااا...نطق ببرودة)اش هااد لعجب وش انا قلت لك عطيني درس فهاد منعرف اش سميتهم

آيات:اوا باش تسكت

عروة:هادشي كولووو كيبقا غير عكار على خنونة

تم حال لباب وخارج...فحين هي بقااات مخرجا عينيها

بقااات واقفااا مخرجاا عينيهاا...هزات يدهااا اشارتووو ليهاا..

آيات:انااا دايرااا عكاار على لخنونة(دورات عينيها)

مشات تتجري لدوش...وقفات قدام لمراية...مسحات عكارهاا....هزات صابون...غسلات وجها وسنانها مزيان...

مسحات وجهااا...وتمات خارجا

زادت لمراية لي فلبيت.. جبدات مكياجهاا وكلسات تقاااد

آيات:قالييك عكر على لخنونة...لبغوديي لي وريتووو يتباعووو عشراا منووو وميشريهمش(دورات عينيها)زعماا عشرا دجلالبووو...ولكن اناا لاش غسلتووة...

(كرزات على سنانها)لالا بدااا يأتر عليك اايااات لالا خصك تفرضييي راسك عليييه متخليش يضحك عليك ويتشفااا فيييك

سالات مكياجهاا...قدات حوايجهاا...وتمات نازلااا

كانت زايداا فلكوروار...سمعات تيليي تيصوني ...طلع ليهاا اسم مونيااا

آيات(جوبات دغياا)الوووو غينك ابنادمة عيييت منصونيي متتجوبيييي خصك غييير لييي يصلخك

💫💫فجهة خرا💫💫

كان كالس فجرداا...مع عائلتووو...

خديجة:فين تعطلات آيات

عروة:خليتهاا جاياا

ابتسام:كان عليك تهبط نتاا وياهاا حيت هي مكانتش باغاا تهبط..تا تهبط نتاا معاهاا

عروة:هي مبغاتش تهبط تا نجيو اناا ويااها؟؟؟

ابتسام:اه قالت لي منهبط تا يهبط زوجي قرة عينييي

عروة:بدااا يكحب بصوت مسموع

الحاج:عطيوه عطيوه كاس دلمااا فوق مااا يحشم تحصل ليه سواا شرب شي حاجة سوا مشرب والووو

مدات ليه ابتسام لمااا ...وهماااا ضاحكييين عليه..

خديجة:صافي بلاا متشدوها فيه...راه مزال عريس جديد

ابتسام:غا ضاحكين...مبقاا والووو ونمشيي خصنيي نشد فخوياا محدي مدللة

عروة:حتا شرف غيدللك متخافيش(تم واقف)غنمشيي نشوووف ايات تعطلات

ابتسام:احم احم اه سير سيررر

عروة شاف فيهاا مبتاسم...خرش ليهااا.شدهاا وزاد

تم غادي...يلاه ايدخل....وهيي تضرب فصدروووو

عروة(شادها من كتفها)بشويا غطيحيي

نزلووو عينووو تيشوف فيهاا...شاف عينيهااا...عامرين بدموووع

عروة:ايات مالكيي علاش تتبكي ؟

آيات:تعالاا صوت شقاتهاا

عروة:وش على قبيلاا غير كنت ضاحك معاك..يكماا نتيي تقلقتيي منيي كنحلف ليك غير ضاحك

آيات(حركات راسها بلاا...تتهضر وهي تتشهق)اهئ مووو..مووو...مووو ننننيااااا

🕗بعد ساعة🕕

كانت دااخلااا تتجريي للكنينيك....ممتشوف والووو قدامهاا جملة وحدا تتردد فبالها

"لا ابنتي انا ماشي مونيا انا ماماها تزاد عليها لحال وراهاا ديناهاا لكنينيك"

كتبكييي بصوووت مسمووع...كتجريي بسرعة..خايفاااا ليكووون مشاااا لحال...خايفااا لتكون واقعااا شي حاجة خايبااا لصحبتهااااا....خايفااا لتوووصل ويقولووو لهاااا مونيااا صافييي مشات....كتجري وكتفكر.

.ايامهااا هي ويااهااا....اول نهار ليهااا فلجامعة...تلاقاتهاااا....دغياا تعارفووو...وكانهم كيعرفو بعض لسنين....منين كانووو يضحكووو يضحكوو بجوج ونهار يبكيو يبكيو بجوووج

...ديمااا بجوووج...لدرجة...لبغاو يلقاو ايات خصهم يقلبووو على مونيا حيت اتكون معاهاا...ولعكس صحيح....

كانووو يشاركوو كولشيي...اكلهم...احزانهم..فرحهم...احلامهممم...كوووولشييي...لسنين وهما مع بعض ..وداباا جااا لموت باش يدخل بيناتهمم

تمات واقفااا...تتشوف...وعيونها عامرين بدموووع...

تتشوف فزهرة...ماماي مونيااا....

زادت عندهااا تتجري

وقفات عليهااا

زهرة:ايات بنتيي

آيات(شداتهاا من كتافها)خاااااالتيييييي زهرااااا عفااااا خالتيييي عفاااا قولييي هييي عايشاااا يااااك عاااايشاااااا خالتي...خالتييييي هيييي موقع ليهاااال والووووووو يااااك خالتييي خالتيييي مونياااا عايشااااا ياك ياك ياااك..خالتليي جاوبينيي عفاااك

زهرة(حركات راسها باه)هييي عايشاا..انااا منين دخلت عليهاا لبيت لقيتهاا سخفانة...جبتها لكنينيك...ومنين شفتك مصونياا عليهااا قلت نعلمك...ولكن الحمد الله دكتورااا قالت ان هادشيي عادييي بنسبة لمريض سرطان...وبالاخص فهاد لفترة حيت جسمووو كيكون ضعيف...

كان واااقف....كيسمع...لهضراات....زهرة...حس بحرقااا فقلبوووو...منين عرف مرض مونياا...عاد فهم...علاااش لبارج كانت تتبكي منين..سلمات على صحبتهااا...حس بوجع...فقلبوووو...بقااات فيه بزااف...لكن عارف ان هدااا قضاء الله....

تمات زايداا بلووور...شاداا على فمهاا..تتبكيي...

حسات بجسمووو موراهااا...دارت بزربااا شافتوو...بلاا سابق اندار ترمات فحضنوووو

حوطاتووو بيدهااا...وهيي تتبكييي تتشهق بجهد

آيات:مونيااا تتموت اعروة تتموت....هيي وحدااا مزيانة عمر اذات شيي حد علااش لمرض ختارهااا غير هييي...كن غيير جااا فياا انا وو

عروة(قاطعهاا)ششش(حاوطهاا بيديه)غااادي تبرااا ان شاء الله غااا تيقيي فالله

آيات:الى ماتت غنموووت معااهااا اعروة انموووت معاهااا...علااش هكدا أاااا علااش هاد دنيااا ضالمة...كل واااحدد تنبغيه تيمووووت فلول ماماا ودابااا مونيااا وبنفس لمرض...مغنقدرش نصبر على شييي صدمة خرااا سنين على موت ماما ومزال متقبلتوووو كفاش غنتقبل دابااا ان مونيااا بين لحياة والموت كفاااش

عروة:زاد زيرر عليهااا...مقادرش يهضرر...حاس بلبحة حاصلا فحلقوو...ودمعة تحجرات فعنقوووو....مباغيهاش تحس هكداااا...ومباغيهاش تبكي وهي بعيدة عليه...

لكن هي بعدات عليه دغياا..منين شافتووو..جاي زادت عندووو تتجري...عنقاااتووو...وخلات عروة ...تيشوووف...وهوا حاكم قبضتووو

بعدات من ادهم..وهي شادة فيديه

أدهم:وششش هيي بيخير أااا هضرييي هييي بيخييير؟؟؟

آيات:حركات راسها باه

أدهم(نتر يدووو... حطها فراسوو))امتااا عرفتيي أاا

آيات:لبارح

أدهم:لاااش معلمتينيش لاااش...ولاااش هيي خباات عليااا لاااش..كن مجوبات ماماهاا على لابل عمرنييي نعرف ياااك...تاتجييي تعرضيني الالة ايات لجنااازة ياااك

أيات:نتااا راك معصب ماشي وقت لوماا(شداتوو من كتافو)سمعنيي

أدهم؛(دفعهاا بجهد)اشش غنسمع اششش

تمات راجعاا بلور...فاقدا توازنهاا...على وشك انهاا طيح....لكن سرعان مشدهااا...

عاونهاا توووقف...وهي تاتاكلووو بنضراتووو...جات عيونهاا فعينووو...عينووو لي

تيلوومهاا...لي باين فيهم لغضب منهاا..

تجنب النظر فعينيهاا...عاونهااا توقف...وتم زايد عند ادهم

عروة حط يدووو على كتف ادهم

عروة:فاهم انكك معصب ولكننن مدفعهااااش(كرز على اخر كلمة)

ادهم:ساااط بيني وبينهااا مدخلش

عروة:(زير ليه على كتفوو)مراااتييي هااادييك.....

زاادت عندهممم ...جراات عروة من يديه..

آيات:عروة عفاااك مدخلش...

طلقات منووو وزادت عند ادهم..

ادهم:(حط يدوو على راسوو)نتااا عندك صحححح اناااا مخصنييش نتعصب....بغيييت نشوفهاااا ايايات بغيت نشوف مووونيااا

آيات:صافيي وخاا غتشوفهاا...راه خالتيي حداا لباب يعنيي نتاا مم..

ادهم:قلت ليهاا اناا صديق فلافاك..يعنيي انشوفهاااا..

تم غاادييي

وايات تابعاه...فحين عروة..بقاا واقف تيشووف...كيحاول ما امكن يكضم غضبووو ...يسيطر علييييه...بدااا واقف..ساد عينووو..وكيستغفر الله بصوت مهموووس

وصلووو حداا لباب...لقااو..زهرة مكيناش..ودكتوراا يلاااه خارجااا....

زادووو عندهااا تيجريو

ادهم:كيييف بقااات ااااا وش هييي ببخير

دكتورة:استرجعات وعيهااا...ولكن راك عارف مزال خصها تكمل فلعلاج

آيات:وامتا اتخرج

دكتورة:منين تستاقر حالتها ..ونتاكدوو من شي تحاليل انخرجوهاا

آيات:وششش نقدووو نشوفوهاا...

دكتورة:دخلووو واحد واحد..الله يشافيي

استأدنات الدكتورة...فحين آيات طلبات من ادهم هواا يدخل

دخل ادهم..فحين هي بقاات واقفاا تتلعب بيدهاا...تفكرات عروة...

زادت لبلاصة فين كانوو واقفين بزربااا....

لكن ملقاتوووش...بدورات عينيهاا...بان ليهااا غااديي...متوجه..لمصعد...زادتتجري موراه

دخل للمصد...وسد بابوو...لكن قبل متسد وقفاتها ..وتمات داخلا

آيات(تتاخد نفس)اووووف سخفت ....من صبح نجريي مورااك وتقووول واش وقفتييي

عروة:علااااش؟؟؟؟ياااك قلتييي مدخلش اواااا سمحيلييي اناا تنسمع لهضرااا ماشيي بحالك

آيات:انا مقصدت والوووو

عروة:(عروقوو برزوو بلعصب)اشنوووو قلت لكككك أااااااا يااااك قلت لكككك قولييي ليييه خووووياااااااا ونتييي اششش درتييي غاادااا معنقااه

آيات:ولكن هوا غير صديق وانا كنت تنواسيه

عروة:تواسيه كنينيكس نتي؟؟؟؟معندكش لحق تقيسيه خوووك لااااا باباك لاااا عمككك لاااا ادن متقيسيهش....آيات شحال فعمرك أااا؟؟؟

آيات(دورات عينيهاا)

عروة:فتيي لعشريناات ولكن عقلك صغررر من بنت12لعااام تعلمييي تحطييي حدووود فحيااتك...ماشييي على قبليي انااا على قبل ليي خلقك...تعلمييي تسمعيي ليه مرة وحداا ومديريش داكشيي لي فراسك

آيات:اوووف صافييي سمحليي اه اناا عارفاا غلطت نتااا قولي نقووولووو خوياا وانا حسبتووو خوياا وتعناق بين لاخوة عاديي

عروة(تنهد بصوت مسمووع...زاد زيد على كتفهااا)شووفييي فياااا قلت لككك خوك بااش تحسبيه خووك وتوقريه مااااا شيي تعنقيه وتقيسيييه...سمعينيييي قسماااا بالله ونلقاااك قستييييييييه لهواااا لااا اي رااجل من غير اامحارم ديالك...حتاااا ..

آياات(قاطعاتو)تا اش غضربنييييي؟؟؟

عروة:غتوقع شي حاجة مغاديش تعجبك

تحل لباب...وتممم خااارج.......

فحين هييي بقااات وااااقفااااا بلاصتهااا..وهي متبعاه بعينيها...تا تسد لمصعد....

آيات:طفوووو تيخلع وهواا معصب

بقات فقلب سانسور....تا تعاينووو يطلع...لطابق فين كاينااا مونياا...

سمعات تيلي ديالهاا كيصونييي

هزات بثقالة...لقات رقم ممعروفش..ومع دلك جوباات

آيات ؛الووو

هوااا(بصوت دكوري)لعممررر ديالييي انااا

خرجات عينيهاا من بلاصتهم

كان كالس حدا راسهااا....شاد ليهااا يدهااا كيشوف فعيونهااا....عيونهااا دبلااانين...لكن مزال لامعين بلحب ...منين تتشوف فيه كيف ديما...

راسما على شفايفهاا ابتسامة...رغم كااع لالام لي تتحس بيه...كان موجد ليهاا بزاف دلهضراا...كان باغي يعاتبهاا يتقلق منهاا...لكن منين شااافهااا...مقدرش...يعاتبهااا

مونيا:وشش مغاديش تلووومنيي؟؟؟حتاش خبيت عليك

أدهم:حرك راسووو بلااا

مونيا:ومغاديش تقلق منيي

ادهم :حرك راسووو بلاا

مونيا:مغادي تقول والووو

ادهم:كنبغييك

مونيا:وخاا اناا مريضة وتنموت أااا

ادهم:نموت معاك

وصلات حداا لباب...دبيت مونياا...وهي كلهااا تترعد..منين سمعات صوتوو قطعات عليه...وشداتهاا جريااا...حاسة بقلبها عند فمهاا...تنفساات مزيان..وحلات لباب

سمعاتهم تيهضرووو...بغات تسدها وهي توقف منين سمعات مونيا تتهضر

مونيا:وش خبارك مبقاش عندي شعررر؟

ادهم(دموع تحجرو فعينيه)الحجاب جاك حسن من الشعر...هواا اناا بصح شاب متحرر ولكن بصارحة تتعجبني لبنا لي تتكون متحجبااا يعنييي ماشي غي انااا اي شاب داكشي من عند الله...الله خلاناا نشوفو لبنت لمتحجباا بحال شي كنزززز....وانااا داباااا نتييي وليتيي كنزييي

مونياا؛ياااك هيي كانووو كيعجبووك منين مكونتش دايراه

ادهم:لااا تنحلف لكك منين بغيتك معجباتنيي شي بنت

مونيا(ضاحكا فعيون دامعا)ياااك متقتش

ادهم:واش اندير باش تيقينيي

مونيا:بغيتك تبقاا هناا حداا راسي تانعس

ادهم:صافي وخاا

سدات عليهم لباب...وتمات غاداا...بما ان صحبتهاا اتعس فمكين لاش تبقا هناا....هضرت ادهم بدات تعاود...فودنهاا...كيف شخص بحالووو وكتعجبووو لبنت لمتحجبة؟؟؟اش هاد لهبة كاملاا عند لحجاااب؟؟؟

زادت وأسئلة كتيراا فبالهاا....خرجاات من لكنينيك....تفكرات عروة...أكيد مشاا لشركة..وخا ليوم لحد...ولكن هوا معندوش عطلة...

وقفات طاكسيي وطلبات منوو ...يتوجه لمكان شركة

مسافة طريق...وقفهاا قدام الشركة...تمات نازلااا....تفكرات اول نهار جات هنااا...عقلات على بلاصت مكتبووو...توجهات ليه نيشان...بان ليها دنيا خاوياا عرفات ان اغلب لموضفين..عطلة....

وقفات قدام باب مكتبووو...هزات يدهاا باش دق....

معرفتش لااش جات عندووو...يمكن بعد مسمعات هضرت...ادهم ومونياا تأترات....وعرفات تاحاجة متستاهل لغضب ولعصب...ولااا منين سمعات صوت جمال وخافت وعرفات....مكينش لييي يحميهاا من غيروووو

تنهدات بصوت مسموع...غمضات عينيهاا...ودقات

سمعاتوو قال.دخل...بصوتووو رجولييي...

حلات لباب ودخلات...زادت بخطوات تقال..بان ليهاا..واقف كيطل...على براا..عاطيهاا بضهر

عروة:نوال هزي دوك لملفاات وسيفطيهم لقسم لمحاسبة

شافت فاملفات...عرفات صحابو سكريتيرة....زادت عدوووو...وصوت كعبهاا...مسموووع...

وقفات موراه...

آيات:هاديي أناااا

عروة:عرفت

آيات:وباش؟؟

عروة:منين قربتيي شميت ريحت عطرك

تم داير عندهااا...وقف اونفاص معاهااا

عروة:لاش جيتي اش بغيتيي

آيات:والوووو

عروة:بقااا كيشوف فيهااا

آيات:سمح ليي انا غلطت وعصبتك

عروة:مبغيتش لاعتدار بغيتك متعاوديش

آيات:يعنيي سمحتيلي

عروة:حرك راسوو بلااا

تم داير...شداتووو من يدووو....دار عندهاا..قربات ليه تا مبقا يفصل بينهم والووو...محس غير بشفايفها على شفايفووو

أول قبلة...أول نفس يتشاركوه...احساس غريب منين تيكون شخص قريب لييك...لافاصل بينك وبينوووو....

طبعات لقبلة فشفايفوو..وبعدات ..بلا اي تجاوب منووو...بسرعة بعدات مخلاتش لي مجال لتجاوب...

بفات تتشوف فيه بخضراواتهااا....معرفاش اش دارت ولاا منين جاتهاا هاد لجرأة...يعنيي تقبيل حاجة عادية بالنسبة ليهاا...ولكن ماشيي مع عروة...شخص لي حاط بينو وبينهاا مساافة ...

بقات تشوف فعيونوو وهيي تترمش...فحين هواا بقااا..واقف بلاا اي حركة...حاس بدم جمد فداتوو...احساس غريب استحوذ عليه...لا مجال للاسئلة..لا مجال لتفكير...لعقل توقف عن التفكير....وعطا القيادة للاحاسيس...لي بدورهاا...مقداتش تقبل لاحساس الجديد...وخلات الصدمة هي السيدة💔

آيات:(بتمتمة)أانااا ممممقققصصص...دددددتششش..

حطات يدهااا على فمهاااا

عروة(ولااا حمرر...تيهضر وهواا تالف على لهضرا)ننتييي اششش جااايااا ديريي هنااا...(حط يدوو فشعروو)زعععماااا اش درتييي...حناا علاااقتنااا ماشيي هكداااا..ومخصهااش تكووون هكدااا

حيدات يدهاا على فمهاا...وبقات تتشوف فيه مصدومة ....كلامووو حسات بيه كصفعة قويااا على خدهاا....رغم انهاا تصرفات بعفوية ومتحكماتش فراسهاا...الى انه رفض هاد تصرف...حسات انه رفضهااا هييي...وهدااا اول شخص ايرفضهاا....حسات بليي قلل منهاااا ...وكرامتهاا داس عليهااا...زطم على اونوثتهااا برفضووو لييهاا....

شافت فيه..وعيونهاا تحجروو بدموع...دموع لي مقدراتش..تتحكم فيهم..

نطقات بصوت مبحوح باكي

آيات:سمحليي نتاا عندك لحق اناا فت حدود علاقتناا واتفاقناا...(ابتسمات)عااادييي حسب بليي موقع والووووو

تمات غاااداااااا

بخطوات سراع...خرجات خلاتووو متوتر...معارفش اش قال..ومقصدش اش قاال...تنهد بصووت مسموووع...زاد كلس فمكتبو..حط يدوووو على راسووو...ناض دغيااا من لمكتب تم خارج...باغي يوقفهاا...ويشرح ليهاا ان داكشي لي قال ماشي كيف فهماتووو....

كانت غادااا بخطوات سراااع....شادة لبكية بسيف...

سمعاتووو تيعيط ليهاا...دارت بثقالة..شافتوو تيجري ..نحوهااا...دارت دغيا قدامهاا...

وقف طاكسيي حداا رجليهااا..بلا تا متوقفووو.دخلات ركبات..

تم سايق بيهاا...وهي تتشوف راسها تتبعد على عروة....

غمضات عينيهاا منين بعدووو

آيات:لحداا جردا الكبيرة الله يخليك

مول طاكسي:ميكون غير خاطرك العمر ديالي اناا

تم داير عندهاا...فحيين هيي خرجات عينيها من الصدمة

بقااات تتشوف فعيونوو لماغووو...لي متيدلوووش على لخير...عيوونووو لي عامرين شرر...اكيد غيكون فيهم الشر من جهتهااا فهيي لي خلاتووو فلوقت لي كاان كيتسطاا عليهااا....دوراات عينيها فلامحووو....تبدل على اخر مراا شافتووو....لحيتوو ولات كثيفة...ووجهووو...اختفت حيويتوو...وجملة لعمر ديالي انا تتعاود فودنها...لجملة لي كان ديما تيقولها لهاا

نطقات بتمتمة

آيات:ججااااجججاااماااال

جمال:هوااا هدااا بشحمه ولحمه...رجعت لككك من جديد.....

دور وجهووو..عليهاا وركز على طريق

تم غاديي مكسيرييي ...باقصى سرعة

آيات:حبببسسس فيين غااااديييي بياااا حبس...جمااال حبس

جمال:سمعت تزوجتييي...اوووه خصناااا نحتاااافلووو اولااااا..

تم راخيي شعبييي...بجهدد...كالس تيتمايل مع لاغنية...وكانه سكران وحاضر للعرس

آيات:جمااال وقف....

جمال:اشنوو احوباي طلعت لك فامخيخ ولااا تجوجتييي ونسيتيي ولاااا...نسيتي كيف داير اناا ولااا...متنسمعششش لهضراااا ابب. ودابا غاديي تسكتيي وتخلينااا نحتافلووووووو بزواجك

تم سايق بيهااا....وهي كالسا على اعصابهاا حاساا بقلبهااا عند فمهااااا...خايفاا منوووو...وفنفس لوقت مبغاش تبين خووووفهاااا

بقات ساهياا تتصارع مع افكارهاا...كتفكر كفاش تهناا من هاد لحمق لي خرج فطريقهاا

فاقت من سهوتهاا منين شافت لوووطوو حبسات

آيات:فين جيناا؟؟؟

جمال:نزلييييي

آيات:بقات غير تتشوف

جمال(غوت تا هزها من بلاصتها)نزليييييييييي

آيات:تمات نازلاا

تم نازل بدوروو....بقات واقفااا تدور...عينيهاا...فين جابهاا...فيلاا صغيرة..كلاس

محسات غير بيديه..جارينهااا.....لقلب لفيلااا

تم جارهاا لقلب لفيلااا...

تا دخلهااا عاد طلقهااا...

أياات:اش هادشيي؟؟فين جينااااا ديالم هاااد لفيلااا؟؟

جمال(حل يديه...راسم ابتسامة واسعاا على شفايفوو)هاااادييي دارنااا انااا ويااااك العمر ديالي انا

آيات:(بصدمة)ددااارنااا

جمال:اه دارنااا داارنا اناا وياااك...اجي نوريك

تم جارهاا من يدهااا...

داهاا لكوزيناا

جمال:هادييي كوزنتك هنااا فين غطيبيي ليي...هوا نتيي متتعرفيش طيبييي اناا نعاونك ناكل تا سم من يديك

زاد بيهااا ....لبيت نعاس

جمال:وهدااا بيتيي انااا ويااااك هنااا فين غنقرروو نجيبووو ولاادد

تم كيقرب ليهاا...وهوا هاز يديه

فحين هيي رجعات خطوة لوور

جمال:ههه ماشيي داباا تانتزوجووو

تم جاارهااا...لبيت اخر..فيه رسوما ددراري صغار...وسرير ديالهم

جمال:وهدااا بيت ولااادنااا هنااا فين غينعسووو

آيات:بقااات ...تتشوف فيييه..ممتيقاش شي لي تتشوف ..كفاش خطط لحياتهم وهواا عارفهااا مزوجاا...شخص فات لحماق لهيه

آيات:وشش نتااا منيتك تتوري هادشيي...من لول قلت ليك بلي انا مغاديش نكمل معاك...وانا سينغل كفاش كضن اناا هاديي غتكون دارناا وانا مزوجااا..؟؟؟

جمال:ساااهلااا غادي طلقيي

آيات:(طلعاتو وهبطاتو باحتقار)راك راك حمق سير شووف لك شي طبيب نفسيي

تمات غادااا

...محسات غير بيدين شادينهاا...دافعهااا على لحيط...حسات براسهاا...تهرس..بكترة مكانت دفغة قويااا

لصقهااا مع لحيط.... شدهااا من شعرهااا....حاسا براسها غيتفصل على شعرهاا

جمال:باااش هوااا حسن منييي أاااا باااش ...علاااش تزوجتيه هوااا ماشييي انااا علاش

آيات:(كتقعطع بلوجع)حتااش هوااا ماشي بحالك عمر هززز يدووو عليااا أااا

جمال طلق منهاا..حط يدووو فراسوة

جمال:اااا سمحيليي حوبيي عفااا سمحيلييي انانا مبغيتش نضرك سمحيلييي

آيات:لبغيتي نسمح لك متعاودش تبان قدامي

(تبدلا نضرتو ...جبد موس من جيبووو...)تممم متوجهااا عندهااا وهوااا مخرج عينووو فيها...فحين هي راجعااا خطوات..لوووو...

كتحرك راسها بلااا...كتردد جمال لااا

وقفات معندها فين تزيد منين وصلات لحيط...

بقات تتشوف فيه...

غطات وجها ..منين شد لموس وهوا ضاربو لجهتها

حيدات يدهاا..لي تيترعدووو من على عينيهاا..بشوياا...شافت فجنبهاا...لقاتوو..شاد لموس..مدخلووو فلحيط

قلبات وجهاا...ليه...هوا لي تيشوف فيهاا بنضرات تيخلعووو

جمال:هاد لمرا فلحيط...ولكن لمطلقتيش غيتغرس فراجلك الحبيب اك بب

آيات:تتشوف فيه بعيون دامعااا...داتها كلها تترعد ..مقاداش توقف على رجليهاا..

جمال(غوت بجهد)غطلقيييييييي منوووو ياااك

آيات حركات راسها باه ..لخوف منوو مخلاها تشد لعكس

ابتسم ليهاا...وزاد كالس على كورسي قبالتهاا

كلس تيلهت بجهدد....جبد كيس صغير بيض من جيبوووو...

جمال:مغاديش تزيدي معاه كتر من شهرر ..من هنااا شهرررر للقيتك مزال مزوجاا بين غندفنك وندفنووو

حط لغبرااا على يديه...نزل نيفوووو كيشممم....

تكااا على لكورسيي...وعينيه بداو يتقالووو عليه...

جمال:سييريي دابااا بحالك...ومن هنا لشهر غتجيي لدارك ونتيي عروسة

غتلقاي راجل فطاكسي...غيوصلك..تا لدار

بقات تتشوف فيه...زاد بزرباا لاتجاه لباب...وقفها صوتوو

جمال:عنداك تنساينيي حيت غنرجع...العمر ديالي اناا

سرطات ريقهاا...وزادت بخطوات سراع لبراا...شافت طاكسي واقف...دورات عينيهاا ....عرفات مكاينش بديل...ركبات معاه...وساق بيهاا شيفور..

مسافة طريق...وصلها لفيلا...تمات نازلاا..وهي تتجر رجلهاا...لخلعاا لي عمر دازت عليهاا...دوزها عليهاا ليوم...دخلات لفيلا...بانت ليهاا لووطووو..دعروة

عرفاتووو سبقهاال...تمات داخلاا...وهي شاداا على قلبهاا...زادت متسلتااا لبيتهاا...مبغاا تلاقاا مع حدد..

حلات لباب ودخلات..رمات صاك لارض..ووقفات تتاخد نفس...وهي ساهياا...مفيقها من سهوتهاا غير صوتووو

كان كالس...على لفوطوي....كايعاينها دخل...تبع طاكسي لكن سرعان متلف ليه ..عرفهاا غتوجه لدار..

شافهاا..تم واقف ...زاد عندهاا بخطوات تقال..وقف اونفاص معاها

عروة:نتي بيخير؟مال وجهك صفر؟؟

آيات مكرهاتش تنقز عليه تعنقوو..لكن سرعان متفكرات هضرتووو

آيات:اه بيخير

تمات زايدااا...

لكن سرعان مشدهاا من يدهااا

عروة:آيات وش تبغي تعطي فرصة لهاد زواج؟

بقااات تتشوف فييه..تتحاول تستوعب لهضرااا لي سمعات..غمضات عينيهاا وهي مزيرا على شفايفهاا...حلاتهم ونطقات ببرودة..

آيات:وشش نتااا قولتيي فرصة لزواجنا؟؟؟قلتيي هكداا يااك؟؟؟

عروة:حرك راسوو باه

آيات...طلقات ضحكة..مجهداا...بدات تقهقه بهستيرية...

آيات(حطات يدهاا على فمها)سمحليي مقديتش نشدهاا...يعنيي معرفتش شنووو لي خلاك تفكر هكداا...شنوو لي بدل رأيك من لبارح لليوم...ولكن هااد لقرار غبييي..

(حركات راسها بلاا )غبيي بزاف..لاميمكنش ههههه

نترات يدهااا...وتمات غادة

محسات غير بيه شادهاا..من يدهااا...دفعهاا عندوو تا ضربات مع صدروو....حوطهاا بيديه...بقااا تيشوف فعينيهاا...

عروة:سمحيلييي(قوس حجبانو)عارف انيي تصرفت بغباء معاك فصبح..مكانش خصني نقول ديك لهضراا..وصدقيني خرجات بلاا تفكير..يعني رد فعل بعد الصدمة..بلاا منفكر فيهاا..

نتيي مرتيي ومنحقك تقربيي ليي امتاا مبغيتيي..حيت تنبقاا راجلك بغض نظر على اي اتفاق انا راجلكك... وحنا مغاديش نبقاو مع بعض غير شهر ولا جوج راه غنبقا مع بعض لعمر كولووو..يعني لمعطيناش فرصة لزواجناا..ومفهمناش بعض مغاديش نعيشوو مرتاحين

بقاات ساهيااا فعيونوو...

كتسمع لكل كلمة كيقولهاا...كتحس بيه انه كيهضر من قلبوووو.. لكن سرعان مقطعاتوو..

آيات(دفعاتوو...بعدات عليه خطوة)حبس حبس يعنيي نتااا بغيتيي تعطيني فرصة..على قبل لبوسة دصبح

(رجعات ضحك بجهد)

هههههه عروة الله يهدييك كبرتي الموضوع بلاا والووو

(هزات يدهاا..قداموو🙌🏻)

شوف شووف هاديك لي نتااا درتيي عليهااا هااد لحالة بالنسبة لي حاجة عاديااا...يعنيي ماشييي اول مرة...

ونزيدك حياتناا وفرصة لزواجناا...وخصنا نفهمووو بعض هادشيي راه من سابع المستحيلات...حتاااش نتااا

شرق واناا لغرب...نتاا شمال واناا لجنوب.

..ونتاا عارف ان هاادوو مستحيل يتلاقاو..بمعنى اناا راه مستحيل نتبدل..ونولييي ديك لبنت لي نتاا تتحلم بيهااا..اناا هكداااا فاسقة فاجرة ممربيااش مبرهشة شنووو مكانت سميتيي انااا غنبقاا هكدااا وعمري غنقدر نتفاهم معاك نتااا حتاش نتاا ضديي انااا ..

سووو عفااك متبقاش تهضر على هااد زواج حتاش كيف قولت لك نهار لعقد...اناا متزوجت بيك غير واناا متأكدة انيي غنطلق منككك

واكيد هاد طلاق قريب بزاف

بقااا واقف..كيسمع لييهااا...بلااا اي كلمة بلااا اي حركة...عارفهاا بنت طائشة..ولكن ماشي لدرجة انهاا تفتاخر بطيشهاا...عاارفهااا اكيد انه هواا ماشي اول واحد فعلاقاتهاا...لكن على الاقل متفتاخرش بعلاقاتهاا..لي فلحرااام....

احمر وجهوو...حس باعصابووو بدات تتفور....لكن هوااا عكسهاا هوا عارف لو ان الله يبغي يجمع الشمال والجنوب. يتجمعوو

والى بغاا .يجمع الغرب والشرق.. غيتجمعوو

.هواا عكسهااا مغاديش يخليهاا تزيد تغرق فطيشهاا وهي على ذمتوووااا...وهيي مرتوووو

تمات زايدااا بخطوات..تقال...وصوت كعبهااا...مسموع....فلأرجاء ...وصلات لباب يلاه جات تحلهاا...وقفهاا صوتووو

حل عينووو..تنفس بجهد .واستغفر مولاه..نطق ببرودة

عروة:نتي تتفكري فطلاق مزيااان .ولكن علاش تزوجتينيي من اللول؟؟؟ا

بقات واقفااا...تفكرات..امنية ماماهاا...نطقات ..بثقالة

آيات:حتاااا ...حتااااش باباا كان باغي هاد زواااج وكان غيحبسنيي ويقطع لكاغط بونكيغ علياا الىى رفضت..اني نتزوج ...يعنيي اني نوريه بلي حناا ممتفاهمينش حسن من انيي نرفض..

دارت عندوو

آيات؛فهمتييي

عروة:حرك راسو باه

عروة:فهمتكك

آيات:مزيان

تمات دايراا تحل لباب...محسات غير بلباب ..تسدات..دارت بثقالة وهي مخرجاا عينيهاا

...شافتووو ساد لباب بيديه

عروة(كلاها مع لباب)فهمتكك ولكن نتيي لي مفهمتيش

حسات بأنفااسووو...سخونة على وجهاا..حاساا بهيباا فشكل ليه ..تيتلفهاا منين تيكون قريب....توترات بزايد من قربووو ليهاا...هزات عينيهاا تتشوف فعيونووو سودة...عيونوو لي مقداش تقراهم وتعرف اش تحت راسووو....

نطق وهوا كارز على سنانوو

عروة:ففهمممتككك ولكن نتييي لي خصصك تفهمييي اناا عاقل مزيان اش قولتي نهاار لعقد...ولكن بان لي داكرتك خانتككك...ونسيتيي اش قلت معلش نفكرك

قرب وجهووووو منهاااا

عروة:هاااد طلااق عمرووو ايكون

ابتسم ليهاا ببرودة

بعد عليهاا خطوة لور...

عروة:بمعنى سواا تقبلتيي زوااج سواا لااا عمرررك غطلقيي منيييي...

تمات زايدااا عندووو ..خطواا..وقفات اونفاص معاه...تتشوف فيه يتحديي

آيات:غطلقنييي وداباا تشوف

ابتسم باستهزاء...دارر يدووو فحيبووو..تم زايد لباب...دار عندهاا بتقالة

عروة:اه قبل منساااا شنووو مكانت افكارك وشنووو مكانتك ميولااتكك مغاااديش تكووون تتقلل من احترامييي..

بمعنى من ليوووم خصك ضربييي لي الف حساااب..حيت هاااد لحالة مغاديش دووم لكك ..مبغيتيش ديري عقلك بلخاطر نديرووه لك بسيف

آيات:اش تتقصد ياكما ناوي تفرض علياا عكس داكشي لي تفقناا عليه فلعقد

عروة:ننن بلاا متفكريني فلقانون حيت اناا عارفووو.. مغاديش نقولك تحجبيي ولاا تخمري حيت هادشيي لمخلاكش ضميرك ديريه..مكاين لي يخليك ديريه..

ولكن...من ليووم مغاديش نشوفك بشيي لباس ماشي تالهيه...

تانيااا مغاديش نقولكك...تبغيي عائلتييي ولكن خصك تحتارميهم ماشي غير عائلتيي تا عائلتك.يعنيي باباك خصكك تحتارميه

تالتاا..متعاوديش تخرجيي بلاا خباري...منين تمشيي عند مونياا اناا غنوصلك..ولافاك رجلي برجلك..ومغاديش تعاويي تركبي فطاكسيي بوحدك كيف درتيي ليوووم..

.اما موضوع انك تيقيسيي غريب كنض سبق وحليناهااا .. ونتيي دكية منحتاجش نعاود لهضرااا معاك جوج مراات...

تم خارج...عاود دار عندهاا

هز صبعوو قدامهاا

عروة:اه قبل منسااا اناا محطيتش موس على رقبتك وقلت لك تزوجينيي نتيي بخاطرك تزوجتينييي (ابتسم ليهاا ببرودة )يعنييي تحملييي عواقب غلطككك

تم خاارج

فحين هي بقات واقفااا تترمش فعينهاا...حالااا فمهاا بصدمة...عند بالهااا من بعد لهضراا لي قالت لووو مستحيل يبغيهاا مزال تبقااا مرتووو...لكن طرااا لعكسس...حطااات يدهااا فراسهااا

آيات:اوووف منككك اوووف (سدات عينيهاا تتنفس بغضب)ياااك باااغييي غيير ضد اناا مولاتوووو الى مخليتك طلقنييي راااه منتسمااش...داير لي روينة غيير فنهاريي لول معاااك امااا لكملتتت معاااك حياتييي اووهووووو ايوليو يزورونيي فضريح لالة آيات لي قتلهاااا لاخوانيييي ويدعيو علياا ماشي معايا اكيد...اوووف اووف كفاش غنفهمككك بليي نتااا خصك طلقنييي نتااا متيتاهلش انكك تعيش مع وحداا بحاليي..من جهة متنتفاهمووش وبعاد على بعض ومن جهة دااك لحمق ليي معرفت منين خرج لييي يعنيي مكايناا تا حاجة تجمعني انا وياك انا متنبغيكش ونتااا كدلك معرفتش لااش باغييي تخلينيي نشد معاك ضد بفف ولكن هانيا انا مولاتووو

سمعااات تيليي تيصونيي...هزاتوو بغات تجاوب...مطلعاتش ليهاا نمرة...حسات بلخلعاا طالعا معاهاا من صبعهاا صغير

آيات:يكماا يكون دااك لمريض عاااوددد...اوووف مكيتيي لييه مكيتيي لهاد عوورة ولكن هواا عندووو لحق اناا راه شهر منقدر نكملهاا مع هاد بنادم..صبح يقمع..ولعشياا يجيي يتصالح

ويعاود يتقمع ويعاود يقمع بفففف

تفسات بجهد...هزاتووو

وهي حاسة بقلبها عند فمهاا ومع دلك دافعا جبها

آياات:الووووو

آيات:(بتمتة)أاالووو

هي:الوووو بنتيي

آيات:(تنفسات)اه هااديي نتيي

سميرة:وعلى شكون صحااابك

آيات:والوو غي مطلعاتش نمرة

سميرة:بغيت نفاجئك

آيات:اهه فجأتينيي نيت(طلعات حاجبها)

سميرة:اواا كيف دازت

آيات:شنووو هيي؟؟

سميرة:هاديك

آيات:كفااش هادييك تيي هضري نشان

سميرة:خدمي داك لعقل غير شوياا اتفهميي

آيات:معنديش وقت باش نخدموو دخلي نيشات

سميرة:ليلتكك لولااا

آيات:على نتي امتاا بسلامة تاديهاا فليالياا

سميرة:على نتي شحال من ليلة عندك؟؟

آيات:ومالي انا غنحسبهم

سميرة:اناري على لمسخوطة

آيات:شنوو زعما نتي عمرك نعستي فليل معندكش ليالي تابقاي فايقاا اوا حشمت نقولك الله يمسخك

سميرة:ولكن انا غنقولها لك الله يكسخك اوجه زلط رااه تنهضر على ليلتك لولاا مع راجلكك

آيات:ليلتييي لولاااا

(بقات ساكتة.بللحضات.دارت ليهاا دران فراسها)

سميرة:اه اش وقع..يكماا عدبك

آيات:على يقدرر.(تنهدات)

سميرة:وعلاش ميقدرش بسلامة

آياا:والوو والووو نساي

سميرة:هضريي متحشميش منييي

آيات:هوااا فهمتيي

سميرة:اش نفهم

آيات: سيد مفيدووش

سميرة:اناااريييي

آيات(حركات راسها باه)اه اه

سميرة:ناري ناري ناري كااع ديك لحية وطولةة وفلخررر اربييي ربيي ربيي على زهر عندك الزغبيااا

آيات:زهر تيشوفني تيقلب دورة

سميرة " واش ناوياا ديريي الحبيبة

آيات:(تنهدات)غنصبررر اش غنديير نتيي عارفااا كنبقاا بنت معنديش لحق نهضر

سميرة:لالالا الى هادشي مفيهش صبر ماشي صمتي تا صمتيي وفلخر اتفطرييي على توتة...خصك طلقييي لالا ابنتيي هادشييي ماااشييي دسكات مصدقش هداا يصدق غيرووو جريبوو غيروو تاتلقاي لي عندوو لمطريال خدام

آيات:ولكن نتيي عارفاا بابا

سميرة:معندوو ميقول باباك...كمليي معاه شي ياام متبدلش طلقيي واناا نوقف معاااك

آيات:ولكن انا مبغيتش بابا يعرف ان عروة

سميرة:وعلاش؟

آيات:بغيت نستروو

سميرة:صافيي مغاديش يعرف

آيات:حلفيي

سميرة:والله منقولهاا ليه لقولتهاا الله يرزيني فرزقي

آيات:رضااا تيقتك

سميرة:نختارعو شي كدبة منين توقفو على طلاق وانا نقنع باباك بيهاا

آيات:..مهم نخليك خصنييي نوض ..احقا عفاا سيفطي لي حوايجيي رااه نسيت لفاليز

سميرة:اه اه راه لقيتهااا..غدا نسيفطهاا لك..يلاه تا نجويو عندكم ونهضروو

آيات:اك اك بااي

قطعات عليهاا ..ابتسمات بجهددد

آياات:اوااا هاديي خدما نقياا باش غداا منين نطلقك متفرعش لي سمورة راسيي وتقنع بابا احح كولشي مزيان خاص غيير طلاق..

تنهدات بجهد...تمات غادة..لتحت..تكلس مع لعائلة شوياا..

بسرعة دااز نهااار...داز مابين كلستهاا مع لعائلة..ومبين لكالساا فبيتهاا..لعشية كلهااا مشافتووو ..ومعرفاش تا فينووو....منين خرج معودات هضرات معاه ...ولاا لمحاتووو..وكرامتهاا مسمحاش ليهاا تاتسول عليه

جااا ليل...وجاب معاه هدووءوو...

كانت كالساا فبيتهاا...تتفرج فلبيسيي...سمعات دقان فلباب

آيات:(لمعوو عينيها)دخللل

هزات راسها تتعاينووو يدخل ...رغم انهااا تتشد معاه لعكس لكن وجودوو كيحسهاا بنوع من راحة ...معرفاش علاش هكدااا تتحس...وممعتارفاش بهاد لاحساس

لكن هاديي حقيقة...منين تيكون تتحس براسها تا هيا كايناا.

زالت لمعتهاا..منين بانت ليهاا ابتسام داخلاا..

إبتسام:حبيبتيي هبطيي تعشاي

آيات:وخااا...

آبتسام:اجيي وش عرواا ايتعشا معانا

آيات:علاش مقالش ليكم فين يتعشااا

إبتسام:كفاااش وش نتيي معرفاش فينووو...هوا لعشية كولها غايب..اكيد ماشي فلخدمة..نتي مرتووو نوغمال يقولك فينوو

آيات:مقاليش

ابتسام:صافيي وخااا..انا غنصوني عليه..

جبدات تيليي ..كتصونيي...

إبتسام:متيجاوبش ممولفاش ليه..على كل اكيد عندو شي شغل يلاه تهبطيي

حطات لبيسي..وتمات هابطة..مع ابتسام..

توجهوو لطبلة دلعشاا...كلسات تتكاكل معاهمم....وهيي ساهيااا...

تتصارع مع افكارهاا...كفاش مكينش ومتيجاوبش؟؟؟وجامي دار هكداا؟؟حسات بلخوف عليه...

خرجات عينيهاا بصدمة..منين تفكرات جمال

آيات:لاااا ميمكنش

هزووو عينيهم فيهااا

خدبجة:شنو لي ميمكنش ابنتييي

سمعووو صوت...صونيط...دلباب...شافت لخادمة متوجهاا تحلهاا...

ناضت واقفااا...زادت تتجري لباب

آيات(موجها هضرتها لخادمة)انا غنحلهاااا

بقات واقفاا حدااا لباب...هزات يدهاا تحلهاا..وهما تيترعدوو...خايفاا ليكونوو لبوليس وجايلين ليهاا شي خبار خايبة على عروة...خايفاا ليكون داك لحمق داار شي حاجة لعروة

حلات لباب....بقات واقفااا تتنفس بصوت مسموووع...عيونهااا باين عليهم لخوووف

آيات:عررروة

بقاا كيشوف فيهااا...مفاهمش نضراتهاا...نطق وهوا مركز على عينيهاا

عروة:مالكيي؟؟

نقزات عليه معنقاااه...جاراااه لعندهااا بقوة

بقااا واقف بلاا اي حركة..عاقد غوباشتوو..مفاهم والووو..معرفش باش تبلاا ومنين يشد هااد لبنت..

خرجااات عينيهاا منين عاقت براسهاا..تمات بعدا عليه

عروة(مقوس حجبانو)وش نتيي بيخير؟؟

آيات:اه بيخير اناا عنقتك غيير غييير على قبل العائلة

زعما باش ميشكوش

عروة:(هز راسوو)ولكن لباب مغطياا على فين كالسين لعائلة..

آيات:أااااا ومنبعدد متعرف

هم كيطلوو عليناا

عروة:(ابتسم باستهزاء)يطلووو؟؟

آيات:صافيي مقولت والووووو بففف منككك

تمات داخلا..وهوا تابعهاا ضاحك

دخلووو..لصالة دلماكلة

عروة:السلام عليكم

زاد باس راس باباه وماماه وسلم على ختووو

.وكلس معاهم

خديجة:فين كونتي اولدييي

ابتسام:اه عييت نصونيي

عروة:تيلي تطفاا...كنت مع شرف وراليي دار لي خداا لكك تعيشوو فلهناا ان شاء الله

ابتسام:اه دار لي فاجئني بهااا..شكرا خوياا

عروة:ابتسم ليهااا

خديجة:اوا بنتي غتعيش بوحدهااا...تا مرتك خصها تختار وش تبقاا تعيش معاناا ولاا ديهاا لدارك.تانية..منحقهاا تختار انا كنحسبها بحال بنتييي مبغيتش نفرض عليها لعيشة معاناا

آيات(حصلات ليهاا..بدات تكحب)

الحاج:ههههه تاهيا بحالك..عطيها لمااء

عروة(مد ليهاا كاس دلما)

آيات(نزلات عليه دقة...خدات نفس)شنووووو اخالتيييي...بغيتييي نعيش معاه بوحديي

خديجة؛علاش ماشي راجلك؟؟؟

آيات:لاااااا

عروة:خنزر فيهااا

آيات:زعما اه ولكن انا مولفا بناس منقدرش نعيش بوحديي...ومنقدرش نبعد ولدكم عليكممم...ونخويي دااار عليكمم..فهمتييي

خديجة:الحمد الله مغنخرج بنتيي تا جاب لي الله بنت تانياا ربيي يخليك ابنتيي

آيات(ابتسمات لهاا)تانتيي اخالتيي

خديجة:سبحان الله نفس ابتسامة ماماك

آيات(حطات يدها على خدها)عاوديي لي عليهاا شويا

خديجة:هههه كانت بنت زوينة...مشاء الله شجاعة وفنفس ااوقت حشومية...اخلاقهاا ديماا سابقينها..وجماالهاا طاغييي...كانت تبغيي لخير لكولشيي...وتبغييي ترسم لبسمة على وجه كولشي..

كان تيشوف فيهااا...حاضيي عيونهااا لي تيلمعوووو...وهييي حاضيااا...ماماه ووتسمع ليهااا بتأنيي...عرفهااا قدااش تتبغييي ماماهاا ومكرهاتش تكوون معاهااا...

كملووو عشاهم بلهضرا وضحك....موراهااا كل واحد توجه لبيتووووو

دخل للبيت...داز نيشااان شد لملفااات...تيخدم عليهم...فحين هيي بقات تدووور فلبيت..غاداا جاياا حداا راسووو

عروة(حط لملفات ..وشاف فيهاا)غتبقااي خيطي بيطي على راسيي

آيات:لاء غنعس

عروة:اواا نعسيي

آيات:(طلعات عينيها)غنعس بهاد شرويطة؟؟

عروة:مشكلتك هادييك

آيات:(زادت عندووو)غاا ليوووم غداا غنجيب حوايجيي

عروى:حرك راسوو بلااا

آيات:عفااااك عفاااا غا ليوم

عروة:لااا

آيات:اوا لهلااااااا

عروة:(ابتسم)صافيي هزييي بلااا متبكيي

آيات:هاااءح شتيي دابا مكرهتش نبوسك

عروة:ننن باركا غير وحداا فنهاار .

حلاات فمهااا فيييه...كمشات شفايفهااا...وزاادت لدرسينغ

فحين هوااا بقااا مبتاسم..نزل كيكمل خدمتووو..قاطعوو صونيط دتيليي...هزز باش يجاوب

بان ليه رقم ممعروفش

عروة:الوووووو

استغرب منين شافوو رقم ممعروفش..وخاصة انه ماشيي دلمغرب..ومع دلك جاوب

عروة:الوووو

جاوبووو صوت انثوي

برقة

هي:السلام عليكم عروة

عروة:وعليكم السلام شكون معايا؟؟؟

هي:وش نسيتيني..انااا دعاء

عروة:اهه دعااء كيف راك بيخير

دعاء:ااحمد الله

عروة:خير ان شاء الله لاش متاصلا؟؟

دعاء:غنجيي لمغرب..عميي عرضنيي لعرسك مقدرتش نحضر..ولكن غنحضر لعرس ابتسام..يعنيي لعندك لوقت تلاقاني غداا فلمطار

عروة:مرحبا ان شاااء

دعاء:شكرااا وسمحليي على لازعاج

عروى:مكين تا مشكل في امان الله...

قطع عليهااا..تكاااا على لفوطوي..تنهد بصوت مسموع

هز راسوو بانت ليه واقفاا..مطلعاا..حاجب منزلاا حاجب...لابساا تيشورتووو جا طويل..تا ركبة..بلا متلبس اي كطمة..رادا شعرها على شكل كعكة

عروة(طلع حاجبو)مالكيي؟؟

آيات:شكووون هاديي لي تتهضر معاهاا

عروة:اه هااديي دعاء بنت عميي ساكنة ففرنسا بغات تجي تحضر لعرس ابتسام..وبغاتني نمشي لمطار نجيبهاا شي حاجة خرا؟؟؟

آيات:اهههه اواا مزيان اناا غنعس

.عروة:اجيي نقولك

آيات:نعام

زادت واقفاا اونفاص معااه

عروة:هييي دعااء كانت خطيبتيي لولاا..قلت خصك تعرفيي..صافي رجعي تنعسي

خرجات عينيهاا...وهيي تتشوف فييه

آيات:خخخاطيبتك لولاااا

عروة:اه

آيات:نرجع نعس وخا ولكن كيف دايرااا؟؟وش زوينة؟؟؟وش مرزنااا؟؟شحال فعمرهااا أااا؟؟؟؟ كي داير نوع لباسهاا؟؟؟علااش خطبتيهاا؟؟؟علاااش مكملتووووش؟؟؟؟وشش تخطبتو على حب أااا دويي؟؟؟؟

عروة(خرج عينوو فيها)بشوياا بشوياا عليك اناا قلت لامر مغاديش يهمكك

آيات:لاااا غييير قول

عروة:فصبح قولتيي انا هاد زواج متيهمكش يعنيي مكين لااش نشرح لككك اوووكييي

تم نايض ..حط ملفاتووو.. زااد لدرسينغ...لبس حوايج..دنعاس..لي كانو عبارة على كيطمة كحلاا...وتيشووورت كريي...

تم خاارج...بانت ليه مزالاا واقفاا فين خلااهااا....

وقف قدامهاا...دوز يدوو حداا عينيهاا

عروة:سبحان الله

آيات:(هزات عينها فيهاا)وشششش زوينة

عروة:شكوون

آيات:خطيبتك الولاا

عروة:داباا وش نتيي كونتي واقفاا تتفكري فيهاا(طلع حاجبووو )

آيات:بلا تفلسيف جاوبنيي

عروة:يعنييي زوينة ومتخلقاا...وبعقلهاا ومرزناااا

آيات:صافييي صافيي سكت شكووون سولكك على اخلاقهااا ولاا زمر

بدات تا تزيد عندووو تا وقفات اونفاص معاه

آيات:شوووف راه وخاا تعدد حلال ضروري خصنيي نقبل رااه غير بلاا متحلم والله منقبل برب مديييك وحداا غيريييي فهمتييي

عروة:(عقد غوباشتوو )كفاش

آيات:كيف سمعتيي مغاديش نخليك دير تعدد

عروة:ولكن انا مضطرش ندير تعدد..يعني نتيي بغاا طلااق..منين نطلقك نديي لي بغيت

آيات(ولات حمرااا...كرزات على سنانهاا)شنووووو هواااا حربششش لطلقتينييي غتبقاااا باااايررر فهمتييي بااايررر عرفتييي وتزوججج برب تاااا نننن

عروة:(جرهااا لعندووو...حوطهاا بيديه ...)تااا اش مممم تااا أششش

بدااا يقرب وجهوو منهااا...تا مولااا يفصل بينهم والوووو

آيات(بتوتر)أاااا ووو ننددعييك

عروة:(ابتسم ..قوس حاجبو)اووو لمن ادعينيي يعنيي نتيي غتكوني مطلقانيي معندكش حق دعوة؟؟؟

آيات(دورات عينيها)اه بصحح ..ولكنن ماشيي سوقيي لمدعيتك نقتلك..

عروة:زعمااا اتقدريي تقتلينيي..ومتبكيش الى متت

آيات؛حركات راسهاا بلاا

عروة(زاد جرهاا لعندوو..وهيي حاطاا يدهاا على صدروو ...باش تبعد راسهاا عليه)متاكدة

آيات:(حركات راسهاا باه)

عروة:ههه نخاف لغي تبكيي...على كل عنديي لككك حلل لمبغيتينيش نتزوج منين نطلقك..غديري بناقس من طلاق (قوس حاجبو)وغتبقاي نتيي مرتيي لوحييدة...

آيات بقات تشوف فعيونوو منين تيقوس حاجبووو...تيجيو زوينين..بقات ساهياا فيهم ...هضرات وهي مرفوعة من نضراتوو

آياات؛والى مطلقناش مغاديش دير تعدد

عروة:(حرك راسوو بلاا)نتيي بأربع

آيات:(بدات تدفع فيه)مزيان مزيااان تاا نفكررر ودابااا بعدد طلقق منيي حيت بغيت نعس

عروة: طلقهاا وهوا مبتاسم

تم زايد..لسرير

آيات:ايهووو غين غاديي

عروة:غنعس

آيات:على لفطوي

عروة:هههه لبارح نعست تماا ليوم نوبتك

ترماا على سرير

آيات:كفااش نووبتييي...

زادت واقفاا على راسووو...

آيات:ومحشمتيش..انا منقدرش نعس لهيه معدباا

عروة:ونتيي محشمتيش جاياا لبيتي وبغاا تورتيني فييه

آيات:اناا مغنعس لهييه

عروة:مشكلتك هادييك

آياات:اووووف منكككك

عروة:ممم تقديي تنعسي حداياا متخافيش مغاديش نقيسك

آيات(بدات دور عينيهاا)

مغاديش تقسنييي وغاديي تبقاا بعيد يااك

عروة:بقاي غير نتي بعيدة اما انا مبعد

زادت نعسات..هزات وسايد صغار حطاتهم فلوسط

آيات:عنداك تفوتهم

عروة:(عاطيها بضهر)نفس الهضرا وجهيهاا ليك

آيات :اوهوو اناا عارفاا مالياا وماعليا الحمد الله

طفات ضوء.....بعد دقايق كانت ناعساا...عكسوو هواا لي ساهيي...حركتهاا مخلاتوش ينعس...يلاه بغات يغمض عينوو حس بيدهاا على وجهوو

ساط بجهد حيدهاا

تقلب على ضهرووو ..حيت مخلاتوش يرتاح وهوا ناعس على جنبوو كل مرة ضربوو فجهة...

يلاه قال غيرتاح وينعس...وهيي ترمي عليه رجلهااا ويدهاا

عروة (فنفسوو)قاالكك لوسايد

بعدهاا ..ورجع نعس ...محسها غير وهي حاطاا راسهاا على صدروو..ويدهاا

عروة(ابتسم)واخرا درتي شي حاجة مزياناا

حوطهاا بيديه..وغمض عينوو

جااا صباااح جديد...لي علنات عليه اشعة الشمس الذهبية...

كانت ناعساا فحضنوو...حلات عينيهاا بثقالة..منين ضربات فيهاا شمس

آيات(حلات عينيهاا .بدات دور فيهم...تتستوعب فينهاا)

شافت راسهاا...ناعسااا فحضنووو

آيات:بقات تتشوف فملامحوووو وهوااا ناااعس...شخص بريئ...وهااادء...زاد جمالوو برز بنومتوو

بقات تتمعن فجمالوو الربانيي..تفكرات اول نهاار شافتووو فلافاك منين تزعطات فيه ..وعجبهاا وفكرات انها طيحوو بغمزة ودغياا لسعاا قمعهاا ..ابتسمات بلاا شعور

هزاات يدهااا..بداات تتداعب لحيتووو وهيي غرقاا فلامحووووو...

آيات(بصوت مسموع )اغتاصبيه نتيي كااع

تمات متسلتاا من حضنووو...يلاه بغااات تنووض..وهواا يجرهاا...طاحت على صدرووو...هزات عينيهاا فيه

عروة:اشنووو كونتيي بغا ديري

آيات(حركات راسها بلاا)والووو

عروة:ماشي حشومة تستاغليني وانا ناعس

آيات:اناا لي استغليتك..ولاا نتااا أااا ..هضررر أااااا...فين ديتيي لوسايدد حيديتهم بلعاني ياااكااا

عروة(قوس حاجبو)أناااا قولي حيدتيهم نتيي..نتيي لي تشديتي بلجرم لمشبوه

آيات:وصافيي طلق منيي..راه غايمشي عليا لحال..9 هاديي

عروة(طلقهاا وهوا مخرج عينو) وش أذن لفجر؟؟

آيات:لا تيعاينك

عروة:بفف ولكن كفااش مسمعتش ليييه

تم نايض..وهواا مغوبش.

آيات:عادي تتوقع

عروة:شاف فيهاا بلااا ميهضر

ايات:اكيد عييتي مع لخدمة

عروة:لعيا ماشي عذر باش ميخلينيش نتلاقا مع الله

تم داخل...لدوش...دوش بلخف.توضا...وتم خارج..

فحين هي بقات غير حاضياه..كفاش تعنكش دغيا...هزات حوايجها..دخلات لدوش..مور مخرج

بدات تدوش..وهي ساهياا..جاتهاا عجب انه هواا تقلق غير حتاش دوز صلاة وحداا...فحين هيي متتصليش كااع.دوزات عمر دصلااة وعمر تقلقات ..حسات بنووع من الخجل ...وكان ضميرهاا لامهااا للحضة..وسألهاا ياترى علاش هي متتصليش؟؟رغم انها مسلمة وعارفا انها هداك ركن من اركان لاسلام؟؟؟

🕕بعد نصف ساعة🕗

كانووو كالسين على طبلة دلفطوور...مجموعين...كيتبادلوو لحديث ولهضراا

بقات ساهيا فيهم...كفاش هما قراب من بعض..عكس عأئلتها هي عمر كلسوو وهضروو كييف نااس...للحظة تمنات كون كانت عائلتهاا بحالهممم...

عروة:يلاه نخليكم خاصني نمشي لمطار نجيب دعاء

ابتسام:الله يعاونك اخويا

آيات:دينيي معااك عند مونياا

عروة:وخاا نووضيي

تموو نايضين بجوج...

بعدووو عليهم...وهوا ينطق

عروة:غنديك ولكن عارفاا اش خصك ديري

آيات:منقيسش ادهم فهمناهاا ومنقيس تا رجل(تنهدات)

عروة:مزياان (ابتسم)لااء ماشي تا رجل..متلاا اناا رجلك من حقك تقيسينيي

شدهاا من يدهاا

آيات:طلققق

عروة:لاااء مبغيتش

آيات:اواا لهلاا فين عمرك طلق

عروة:ههههه امين

وصلوو للباب..حلهاا وهوا يخرج عينووو.بانت ليه جاايااا..جاراا فاليزتهااا..راسماا ابتسامة على شايفهاا..ابتسم ليهاا

عروة:دعاء هاديي ولكن كفاش

طلق من يد آيات وزاد عندهاا...بخطوات تقال

فحين هيي تتشوف كفاش طلق منهاا وزااد عند غيرهاا...بلاا شعور تحجروو عينيها بدمووع

يتبع...

البرهوشة والإخواني الجزء الرابع

محتوى القصة

التنقل بين الأجزاء