قصة تتهضر على جوج دلاصناف لي صعب يلتقاااو او يتجمعووو مع بعض..لكن كيف معروف الجامعة تتجمع جميع لاصناف وتا هاد الصنف غتجمعوو
هواا:شخص بعقلووو عارف اش بينووو وبين لي خلقووو..رزين..ومتقييي.وملتحي.أوكيف كنسميو هاد نوع بدارجة ديالناا الاخواني
هي:مفششة ..عقلهاا صغير..خفيفاا..معندهاش حدود فحياتهاا..عايشاا ليووم كانه ضامناا غداا...عقلهاا صغير ولي بغااتووو خصهااا تحصل علييه...هي لي كيقولو ليها لبرهوشة حيت متتكساب عقل ومعندهاا علاش تحشم..
فأش غيووقع..للبرهوشة منين بغات طيح لاخواني كيف مولفاا دير مع كاع شباب لي تيعجبوها؟ وش غيطيح و غيبغيها مع انه شخص صعب المنال ؟
أوهي غتبغيه وتبغيي دين ديالهاا بلا متحس؟
البرهوشة والاخواني بقلم حنان فارس
وااش سبق لك سولتي راسك هاد لاسئلة:
اش غيوقع لمت داباا؟؟
وش نقي ونستاهل جنة ام اني غارق فمعاصي دنيا؟؟
وأش درت لجنة باش ندخل ليهاا؟
وكيفاش غيكون حالي منين نوقف قدام لي خلقني؟
وياترى اش غيكون جوابي لسولني اش درت لك باش تبعد عليا؟
اش دار لي ربي باش نبعد عليه؟
اش دار ؟؟
مطردنيش من رحمتوو رغم انيي عصيت..وادعيت الثوبة وعدت للمعصية بعدهاا بل اصريت على لمعصية وعطيت مبررات ليهاا ياترى لاش مفضحنيش ومنزل نعلتوو علياااا وهوا قادر على كولشي؟؟
ببساطة لأنه الله
اسئلة كثيرة كل وحداا خص تجاوب عليهم لراسك..وكل وحداا طاحوو فبالهااا...ودق قلبهااا خوفاا من لاجابة عليهم.فهنيئا لك لانه مزال عندك ضمير..ضميير حي كاين امل انك تسلكيي طريق صحيحة ..
لكن لي جاميي طاحوو عليه هاد لاسئلة فراسووو...لي وخاا يطرحوهم عليه ميهتمش..كانه ضامن لغد..كانه مغاديش يموووت..ومغاديش يتحاسب..داك نووع بضبط خص يخاف على راسووو💔حيت الموت ضيف تيدخل بلا ميدق💔نتا واش موجد لضيف لغفلة.......
🔔🔔🔔🔔🔔🔔🔔🔔🔔🔔🔔
فقلب العاصمة الاقتصادية للمملكة...كاانت سيارة غادة باقصى سرعة...موسيقى مجهدااا...ريحة الشراب خارجة منهااا...كان سايقهاا شاب فلعشرينات من عمرووو شعر زعر..عيون زورق لحية خفيفة...وجسم ممتلئ..سايقهاا هواا حيت هواا لي شبه وااعيي..ومدايخش من كترة شراب بحال لي راكبين معاه...
قرب ادهم ..كانت كالسا بنت شقراء متيرة جميلة ...عيونهاا زرقا..بشرة بيضة..نحيفة وقصيرة..
اما جهة لخلفية فكانت شداهااا هي.. حاطاا راسهاا على شرجم ومتكية...بلا حزام ولا احترام لقانون سير..هداا حال لاغنياء القانون كيتطبق على لفقراء ماشي عليهم...اما هي تا الى تشدات باباها كيبقا من كبار المحاميين دلبلاد بمكالمة وحدا ايخرجهاا
صايبات كلستهاا...ردات شعرهاا لاسود.لور. شي لي بين عيونهاا لخضرا وجمالهم..عيون كبار زاد زينهم لايلاينر لي دايرا لهم...بشرة سمراء...شفايف وردية...جسم متالي بارز من لاماكن لانثوية..ونحيف من جهة لوخرا..طويلة..وملابس قصيرة..لابساا كسيوة..فوق ركبة فلكحل..مع صبرديل بيضة.. تتميايل وترقص فمكانهاا مع لموسيقى
فجئة وقفاات ..من رقص منين شدات سيارة لفران
آيات:اش واقع؟؟
ادهم:دزت فكروسة دواحد شارف
مونيا:نزلوو نشوفوو مالووو
ادهم:بغيتي تشوهيناا
آيات:كمل كمل طريقك هادوو غير حشرات الشارع مختارق القانون معندوش لحق يبيع هناا
ادهم ساق سيارة بجهد
مونيا:بفف زعما راه باباك محامي وتتفهمي فلقانون اوا ديري على الاقل حزام السلامة
ايات:ديها سوق راسك..زيد من صوت لموسيقىى
زاد ادهم من صوتها وكملووو طريقهمم..معرفينش اش خلاو مراهم..حادث بسيط بالنسبة ليهمم..حطم شخص فعمر جدهم
كان حاني على حبات لبندورة..لي كيبيع..يلاه كان غيقطع شانطي برزقوو جاو طيروه ليه...نزلات دمعة حارة..من الشيخ السيتي..صاحب لحية لبيضة..ولبشرة السودا..لعيون لبنية صغيورة عمرات دمووع. حس بالحكرة حس بالم...
دار بتقالة منين حس بيد على كتفو...هز عينوو
لقاه شاب فلعشرينات من عمرووو...لابس جلباب ابيض...راسم ابتسامى على وجهوو...بشرتوو حنطية..ملتحي بلحية سوداا كثيفة..جسم ممتلئ وطويل. عيون سوداا براقة..ونور معبي وجهوو كيف عباا عطرو لمكان
ابتسم لشيخ ونزل جمع معاه حبات البندورة
هوا :خير ان شاء الله
الشيخ:هاادي هي حالتناا مع صحاب لكروش.اشمن خير.جاو ضربوو على رزقيي ومشاو..وانا معيش عايلااا على قدهاا.. مرتيي..لمششلة وولاد بنتي لميتة...عرفتي اولدي زطموو على قلبي ماشي على معطيشتيي..علاش كاع لي لباس عليهم كيكرهونا حنا الفقراء وش حنا ماشي بنادم
(تيهضر والدموع فعينيع)
زاد عند شيخ وقف اونفاص معاه..شد فيدووو
هواا:ولا تحسبنا الله غافل عما يفعل الظالمون انماا يأجلهم ليوم تشخص فيه الأبصار
هو(قاطعوو)متقولش ياعمي ..فمبين سبعة لي اضلهم الله يوم لاضل الا ضله"رجل تصدق بصدقة فاخفاها حتى لا تعلم شماله ما تنفق يمينه.."
.وانا والله دخلت يدي فجيبي وعطيتك اش فيه لعله ينفعك
الشيخ:الله يرحم لي رباااك اولدييي عاد كيف كنت كاره الاغنياء وقلت الله يخلي ها سلعة لكن ربي خلق وفرق
هوا:الغني هواا الله..نهارك مبروك استودعك الله خصني نمشيي
الشيخ:سير اولدي الله يرضي عليك ويفرحك ويحيد شوك من طريقك
زاد مبتاسم بعد مقال امين وقفوو صوت شيخ
لتافت ليه..بثقالة ورزانة
الشيخ:مقلتيش لي اشنوو سميتك باش ندعي معاك فصلاتي
هوا:ابتسمم وياعم انك دعيي للمسلمين جميناا خيرر وتوصلني الدعوة معاهم ام لخير انك دعيلي لي فقط
الشيخ:لولى خير(ابتسم بعيون براقة)
هوا:سمتي عُروة(بضم لعين وسكون على الراء)
الشيخ:سيرك الله على نهج الصحابي عروة بن الزبير
عروة:امين
الشيخ:انت والمسلمين جميعا
عروة:ابتسم بطلاقة
زاد بخطوات تقال ركب سيارتوو من نوع فورد وكسيرا..ومنظر السيارة لي دازت فسلعة الشيخ بين عينيه
عروة الجوهري ابن محمد الجوهريي..واحد من أغنياء لبلااد..باباه كان مهاجر فديار الامريكية..لكن جاا استقر..فلمغرب ودااار مشارع عديدة..نهار على نهاار كبرهاااا...واكيد بمساعة ابنووو...عروة رغم انه كان عايش فامريكااا لي سنين الااا انووو عمر تاتر بالفكر الامريكي المتفتح بل باللعكس كان شخص ملتزم وناااجح..فحياتووو
عندوو دبلومات متعددة ابرزها فتسير المقاولااات شي لي عاونوو فخدمتووو..كما انه
متخرج من جامعة بوسطن فالعلوم الرياضية...ناهيك على تمكنوو من اللغة الانجليزية ..
وليوم جا لمغرب بهدف..يشد اجازة فاللغة العربية ..حيت عشقوو ليهاا كبير بزاااف لكن حياتووو بعيدا على لعرب..أتر عليه ومخلاهش يتقن الفصحى.رغم انه كيهضر بيها خير من طالب لغة عربية بالمغرب لكن باغي لاتقان دبصح يولي محترف فيها وغارق فبحرها لغامق.لذا قرر يجي يقراهااا فلمغرب رغم انه كان يقدر يمشي لاي دولة خرا ..لكن بغاا يبقاا قريب من باباه وماماه لي مدة طويلة وهوا عايش بعيد عليهم....
وقف سيارتووو...قدام فيلااا متوسطة...نزل..داخل ولابتسامة على شفايفووو...لقااا باباه فجردة. كالس مع ماماه تيهضرو ويتعاودو
عروة:السلام عليكم
محمد(اب عروة رجل ستيني. شعر بيض بشرة حنطية غطات عليها تجاعيد السن..لابس جلباب أبيض وطربوش أحمر)
وعليكم السلام اولدي
عروة:زاد باس ليه يديه وراسوو.
دار عند موو..شاف فيه
عروة:قرة عيني
خديجة(ام عروة امراة خمسينية..بشرة بيضة ملامح سودة..لابساا خماار فالاسود...راسما ابتسامة على شفايفها)ولديي نور الدار
ايات:اولاا اناا ماشي بنتك تانياا نشرف فوق مابغيت ديها فجهة لي داااراك اكك الزين
خنزرات فيهم وتمات طالعاا
سميرة:وشفتيهاا كغاش تتهضر
رضوان(هز جريدتو)ومالها كدبات..تمشي فيه بغات راهاا كبيرة وبعقلهاا
سميرة:(امرأه فلخمسينات من عمرها شعر اشقر قصير فوق لودنين..بشرا بيضة..مليئة بتجاعيد كما انها مليئة بالمكياج...لابسا كسوة فالازرق تحت ركبة بشويا..مع كعب عالي مرت اب ايات تزوجاتوو بعد موت ماماها بهدف تربيهاا لكن مربات تاراسهاا باش تربي بنت نشغلات مع لفلوس والتسوق والصحابات ونسات مهمتها)
سميرة: بعقلهااا اواا على لاقل تحتارم اني قد مهااا
كلس تا تجيب لينااا شوهة اعااد اجيي بكيي عليااا
رضوان دار راسو مسمعش ليها
طلعات لبيتهااا....بدلات حوايجهاا..لبسات شورط قصير فلابيض..وصوفيطما سماطي..قدات مكياجهاا...طلقات شعرها جبدات تيلي تتصور فراسهااا...وتبين جسمهاا لمغريي..ختارت الصور الاكثر اغراء نشراتهمم فلستوري ديالهاا..وكلسات تسمع لمجمالات شباب وهيي ضاحكة وفرحانة بان كاع شباب طايحين فيهاا...ختارت واحد منهم وصفطات ليه باش تشد بيه ليل
هكدا دوزات نهارهاا فشطيح..وكثرة العلاقات وتصاور المغرية..وقلة لاحترام مع عائلتها..
تا عياات وطلعات لبيتها تنعس حيت تابعهاا يوم جديد فلافاك
فحين هوا دوز نهاروو..فجوو العائيلي المتآزر. وخدمتووو .وبلاصت ميشد تيلي يتصور شد لقران يجود..بصوتو لعدب لي تيبعث السكينة.على القلب..
محبس تا غلبووو نعااس..توجه لسريروو نعس..فانتضار لغد واول ايامو فلجامعة
يووم جديد وصبااح جديد..علن عليه صووت العصافير..ونور الشمس الساطعة...فبيلاا الجوهري...كانت لعائلة كلهااا مجموعة على الطبلة..كياخدوو فطورهم الصباحي...الى هواا...عروة...فمباشرة مور صلاة الغجر..وتلاوة القرآن كيخرج..يجري ويلعب السبور....كان داخل العرق مزال على جبينووو..راد شعروو الاسوذ لووور..راسم ابتسامة على شفايفوو..سبحان لي جعلوو دائما مبتسم..لابس لابيست دسبور..فالاسود..من نوع اديداس جاياا لاصقاا عليه..مع صبرديل بيضااا...زاد عند عائلتوو
عُرْوَة:السلام عليكم
خديجة:وعليكم السلام
الحاج:وعليكم السلام اولدي..اجي تفطر معانا
عروة:ندوش ونجي..(شاف فختوو لي شادة كاس دلقهوة..وحانيا راسها)
عروة:واذااا قرأ السلام؟
ابتسام(هزات راسهاا ..فاقت من سهوتها)اهاا سمحلي اخوياا سهيت وعليكم السلام
لافاك..بعد مطلق ديسك....لبنات كيغنيو معاه ...ويحركوو جسمهم بلاصتهم
مسافة طريق...وصلوو قدام لافاك
ادهم:مناويينش تنزلوو
آيات(تدور فعينيها)
مونيا :علامن تتقلبي
آيات:على هداك
أدهم :انا واحد فيهم؟؟بالسلامة راه عندك شلا هما
آيات:على اخر واحد تفارقت معاه
أدهم:اه ولد لكوميسير..هوا اصلا متيقراش هناا كان كيجي على قبل منين صدرتيه كيف لي قبلوو مبقاش باان
مونيا:اه غبر حسن لكك كان تيجيني مريض بك يلاه نزلي نزلي
نزلو..فحين ادهم تيطل عليهم من زاجة
مونيا(موجها هضرتها .لادهم)يلاه باي بب طريق سلامة..زادت عندو
طبعات قبلة على شفايفوو تحت انضار لكل...وتموو داخلين..فحين هوا كمل طريقوو للمدرسة الخاصة فين تيقرااا..بحكم ان باباه صحافي ...وعندو مكانتو فلمجتمع..فتا ولدوو كيقرا فلمعهد لخاص دصحافة على امل يولي صحافي بحال باباه..
بعد ما مشا تموو داخلين للافاك والانضار تتاكل فيهم...
ومن جهة خرااا كانت واقفا سيارة مور سيارتم....
صوت لقرآن كان قادم منهااا...يلاه كي حبس لوطو وبغا ينزل..جات عينوو فلقطة لقبلة لي بين أدهم ومونيا
حناا راسوو دغياا..واستغر الله...وتم نازل..بلا ميشوف فختوو..لي بدورها شافت لقطة..وولاو خدودها كيف البندورة من الخجل...بصح خوها سندهااا....وصديقهاا..لكن بناتهم الوقار والحشمة..
تموو داخلين بجوج...وهي تطلب الله ميكونش عقل على شكل البنتين لي كانو مع الشاب..حيت هي تتعرفهم مزيان نفس شعبة ديالهاا..بناتهم صداقة سطحية تتجمعهم غا لقراية..لكنها خايفا شيئ ما من ردت فعلو
دخلووو للجامعة..هي وخوووهااا...وصلهاا للونفي ديالهاااا...مشاا بعد مودعهااا..توجه للجناح الخاص بشعبة اللغة العربية...
زاد بخطوات تقال ..للونفي ديالووو...وهواا حانيي...راسووو...جاه جوو الجامعة غريب نوعاا ماا...هواا شخص لي مولف يصادف العراا وقلت لحيااااء...ومولف يغض بصرووو على بحال المواقف
لكن هادشي بالنسبة للجامعة فامريكاا...اما عند بالوو ان الجامعة المغربية خاطيهاا هادشيي...حيت بكل بساطة المغرب بلد مسلم..عند بالووو غيلقاا قمة الرقي والتحضر والحياء والعفة من المغاربة خاصة الطلبة الفئة الواعية فلمجتمع...لكنه لقااا لعكس لافرق بين امريكا والمغرب......بل ان طالب الامريكي اكترر تحضراا ووعيي
زاد دخل للونفي..ديالووو...دور عينوو جاه عجب هاد لكم لهائل دطلبة ولهراج..لكن سراع متقبل لامر ..وتوجه يكلس ..قبل ميكلس
..سمع اسمووو دار بتقالة..رسم على وجهوو ابتسامة منين بان ليه صديقوو
شرف الدين(شاب فالاواخر من العشرينات...ملامحوو..سودا..وبشرة بيضة..طويل وعامر..دكتور بالجامعة....كان صديق عروة لمدة طويلة..صادفوو مرة فامريكا ومن تماا بدات صداقتهم...وهوا لي قتارح عليه فكرة يقرا فهاد لجامعة. بحكم ان الذكاترة لي فيهاا كيتميزوو بالمهنية ديالهم وحبهم للمحاضرة..وهادشي قليل فين نلقاوه فشي جامعة..ووافق.خاصة انه ايكون واحد من الذكاترة ديالوو..وهوا كيعشق لفكر ..دشرف دين)
شرف الدين:صاحبي شرفتي
عروة:هنا انا ماشي صاحبك انا طالب ونتا الدكتور
شرف:(ابتسم بطلاقة)خلي غا تتبدا المحاضرة
زاد عندو عنقوو تبادلوو لعناق...وبقاو متبادلين لحديث
عروة:كنضن فاتوني محاضرات كتار
شرف:كاع داكشي لي فاتك انسيفطو لك متخافش..لواحد منين تيقرا للعلم فقط ولحب العلم فالمحاضرة تقدر تعوض
عروة:(ابتسم)اوا الله يتبتنا على حب لعلم
شرف:(شاف فساعة)وقت لمحاضرة نخليك خصني نمشي جيت لمدرج غا باش نشوفك. عندك.محاضرة شيقة عند مع الذكتور العزوزي
عروة:(ابتسم)متعطلش على الطلبة
شرف:نخليك نتلاقاو ان شاء الله منين تسالا
عروة:إن شاء الله أستودعك الله
انصارف شرف الدين فحين عروة زاد لمقعد فانتضار بداية لمحاضرة
خرج من المحاضرة قبل دقايق من نهايتها..تفادي لزحام..لي تيكون فلباب..وهوا مبغايش يداحس مع الطالبات لي معاه..وماباغيش يتأخر على ختوو
تم خارج...اتاجه للونفي فين تتقرا ختوو..
وقف بعيد على لباب شوياا كيعاينهاا تخرج..
بانوو ليه طلبة خارجين..زاد بعد ..اكتر تفادي لزحام..
بقاا مراقب الباب على الله تخرج...
جات عينوو فلبت لي شاف قبيلاا حداا لوطوو..بمجرد ملمحها عرفها من لباسها..نزل.وبلا ميطول فنضرة ولا يتمعن فملامحها او يشوف وجه صحبتها..حنا راسووو...وهوا مستاء من صوت ضحكتهم لي عبات دنياا
كانت خارجا هي ومونيا تيموت بضحك
آيات:ومفهمت تاااا زبلة فداكشي
مونياا على اساس انا فهمت..وشتيه تيهضر بزربااا مكتبت تاا زبلا لي يشوفنا يقول راحنا اول عام
آيات:هههخ وياه شوهتنا شوهة
مونيا:اجي وش نتي كتبتي
آيات:لااا كيف بغيتيني نكتب مع هاد نص غرام
مونيا:اوا تا انا مكتبتش
آيات:صافي ناخدو من عند شي واحد من عشرانااا
مونيا:على اساس عشرانا تيكتبوووو
فوسط هضرتهم داازت من حداهم ابتسام قرات عليهم سلام وزادت
بجوج شافوو فبعضهم دقة وحدا
مونيا:اه ابتسام اكيد كاتبا نمشي ناخد من عندها لوجستر
يلاه جات تبعها وهي تشدها آيات من كتفها
آيات:بفف مبقات غا هاديك...مدعدشاا شوفي غيرهاا
مونيا:مالكي لبنت ضريفا وعمر قالت لاا
آيات(دورات فعينيها)وهيي ضريفة ولكن منين تنوقفوو معاها تيضحكوز صحابنا علينا..مفياا لي يقولي المدعدشة ومتيعجبنيش داك نوع معقد
مونيا:اوووه صحابنا نص فيهم مفاليداوشs1وقلبوها الحاد وتبعيهم نتييي..انا غنمشيي
زادت عندهاا مونيا فحين آيات بقات واقفا وهي حاطة يدها على جنبها..دورات راسها بانت ليها ابتسام واقفا مع عروة..طلعاتوو وهبطاتو
آيات:بشااخ بشاااخ اش هاد تيتيز اسيدي ربيي (شافت لعباءة)يكماا هارب من لحبشة اهاه ولكن زويييين والله تااا زوين
بدات تغوت على مونيا باعلى صوتها
مونيا(وقفات تاوصلات عليها ايات)
مونيا:ياك قلتي مغتمشيش
آيات:بدلت رأيي شفت تيتيز انمشي نطيحوو كيف ديماا راك عارفا
مونيا:ياك داك نوع متيعجبكش؟
آيات :لي جا بسم الله غا ندوز بيه لوقت ..مي عساك يكون صاحبها
مونيا:مستحيل داك نوع متيتصاحبش..وهي اصلا باينا تيعجبها لبروف شرف دين مشفتيش كفاش تتولي حمرا فمحضارتو
آيات:شغلها هداك..دابا زيدي قبل ميتحركو من حدانا
كان واقف مع ختوو..يلاه بغااو يزيدو..وختو تسمع سميتهاا
آيات:(بصوت عالي..مخلاتها تا تكمل)كفااااش كفاااش مغيسلمش علياااا..(شافت فعروة لي حاني راسو)اشنوووو الشريف يكماااا فياااااا الجربة ولا فيا ريحة الجيفة بااااش متسلمش علياااااا ...شفتييي هاد ليدين(هزات يديها)نص دلافاك تيتمناااا غييي يقسهووووم ونتااااا بالييي معرفنيش شكوووون اناااا
هززز عينيك وشوووف فيااا.. منين نكووون تنهضر معااااك ونتااا حاني كيف لولياااا..ولكن ديفوو مني لي واقفااا معا ناس قل من لمستوى ديالي
ابتسام:طلعات آيات بعينيهاا شورط لي لابسا فلافاك قدام طلبة هي تتخاف لا غي تنعس بيه..او تلبسوو بوحدهااا..ممغطي تا حاجة من جسمهاا وتتقول لخوها يعز عينوو فيهااا..اسغفرات مولاهاا
عروة:(سد عينوو ستغفر مولاه ..)
مونيا:يهديييك الله اهااد لبنت...سمحولي مديوش عليهاا غا تعصبات
إبتسام:أختي آيات أخي مسلمش عليك ماشي تقليلا منك ولا احراج ليك هوا متيسلمش على نساء بصفة عامة
آيات:اه على هاد لحساب هوااا لي فيه جيفة..وانا مخصنيش نوقف مع ناس لمجيافين بحالكم...
ممتيقاش اش تيقول كفااش تكبيرااا ليهاا..وهوا قامعهاا لقمعة لي عمر تقمعات فحياتهااا..بغات دور تسولوو لكن كرامتهاا مخلاتهااا..
يلاه بغات تزيد وهي
تسمعوو..تيكمل هضرتو
عروة: قال صلى الله عليه وسلم "لأن يطعن في رأس أحدكم بمخيط من حديد خير له من أن يمس امرأة لا تحل له" مسلمتش عليك ماشي تقليلا ليك لكن اتباعا لدينا الاسلامي
آيات:جاهاا عجب هادشي لي تتسمع يمكن اول مرة تسمع هادشي الى غا لمصافحة عندها هاد لحكم..فما بال السلام بالوجه والقبل لي هي معتادة عليهم..
عروة: لا داعي انك تشرحي وتفسري انا عارفك اختي مزيان..عمرني جبرتك على الحجاب او الصلاة.
..عمررر...كولشي درتيه بقناعتك..ومنين تتكون لقناعة لو اجتمع لانس والجن ميغيروش شي لي فقلبك...بمعنى نتي مستحيل تأتري بيهمم لكن على العكس تقدي تأتري فيهم..لابأس مرة مرة تنصحيهم فالدين النصيحة
ابتسام:كفااش نتااا باغيني نصحهم..ونتاا شفتيي لبنت كفاش كانت وقحة معكك
عروة:لابأس..كل وحد تيتصرف حسب اخلاقوو انتي باخلاقك وهي باخلاقهاا..
ابتسام:انا محضوضة ان عندي اخ تفكيرو بحالك
عروة:وانا اكتر حظ..على كل اش بان لي بكاس قهوة سخونة
ابتسام:بسكر
عروة:وما السكر الى لي السكر
ابتسام(ابتسمات بطلاقة)
عروة:على كل فين تيبيعوها نتي عارفا انا جديد
ابتسام:اشارت ليه على مكان لفيبيط
عروة:تم غااديي...يلاه وصل لباب لفيبيط..بانوو ليه ولاد وبنات كالسين..
ريحت دخان خارجاا...خرج عينوو..مصدوم..هادي تقدر تكون اي حاجة..وكر دعارة قهوة دشيشة ..الى انها تكون مقهى لطلاب شي حاجة مستحيلا
عروة:يالله وش غلطت فلمكان
استغفر الله من هول مايرى..تم خارج
استوقفوو صوت ضحكة..مغريباش عليه
دار بتقالة منين سمع اسموووو
شاف لمصدر صوت...بانت ليه هيي.. ولكاروو فيدهاا..
.حنا دغياا بلا ميحقق فملامح وجهاا..بسرعة غض بصروو ..
مونيا:(كرزات على سنانها)زدتي فيه وبقاي تابعا لي رياعة لملحيدين...
رضخات يدها مع طبلا..وتمات غادة
وقفات مور عروة
مونيا:خوياا كنعتدر بنيابة عليهم
عروة:نطق بصوت
مسموع..بهدف..تسمعوو هي وصحابهااا...وسمعوه تا لي كانوو متبعين لفيلم من طلبة...نطق بصوتوو...لي خلاا صمت رهيب..يسود فلفيبيط...صوت مليئ بالخشوع خلا لحم البعض تكتسيه لقشعريرا
نطق بتجويد:"ولئن سألتهم ليقولن إنما كناا نخووض ونلعب قل بالله وءايته ورسوله كنتم تستهزون.لاتعتذروا قد كفرتكم بعد إيمانكم إن نعف عن طائفة منكم نعذب طائفة بأنهم كانو مجرمين"
.تعالت
التصفيقاات .وتصفار..وتكبير.فلبيفيط..
تم خارج...هوا تيقرا لقرآن وهما تيصفقووو..كيضن انه لزاد دقيقة تما غيطرطق ليه شي عرق..
تم خارج..بلا اي كلمة..فحين...آيات بقات كالسا غا تترمش..عيونهاا عمروو..بدموع..معرفاتش علاش..وش صوتوو لي لمسهااا..هي لي يمكن اخر مرة سمعات لقرآن فجنازة أمهاا...هي لي اخر همهاا تسمع لشي حد تيجود..
هي لي كاع الاعين تتاكلهاا..هي لي كولشي تيتمنا نضرة من عينيهااا...
زادت من حداهم بلاا متقول اي كلمة...
دازت نيشان لطواليط...دخلات وقفات قدام لمراية...غسلات وجها..وفمهاا...جبدات مسكاا كلاتهاا...ماشي من عادتها تكميي..لكن ليووم كماات...بكل بساطة كانت باغاا تبان واعرااا قدامووو...شخصية...وعندهاا عقلية غير ديالووو
لكن بالعكس..بانت بصورة غير منحطة..بريستيجها ضاع قداموووو
بدات تغسل فوجهاا..وهي تتقلب على جواب لاسئلتهاا لولااا..توقفا للحظة وهي تتشوف فلمراية
آيات:صافي عرفت علاش متبغيش يهضر معاياا او يشوف فياا..صافي عرفت
خصني نعلم مونيا..طفات لماا وخرجات تتجري
مونيا:سمحلي..حتاش وقفتك..انا بغيت نعتاذر لك بنيابة على صحبتي مديش عليهاا هي غا نص عقل
عروة:(ابتسم)مكين لاش تعتاذري الله يهدي الجميع
مونيا:امين...هي راهاا ضريفة وقلبها بيض غا ملقاتش لي يسيرهاا..باباهاا مشغول مع لخدمة..وماماهاا..ميتااا مكينش لي يوريها طريق صحيحة عذرهااا..
عروة:(بعد صمت..وانصات)
ونتيي..شنوو عذرك؟
انا كنشوف انك نتي اعقل منهاا..كنضن انك عندك معرفة على دين اولا كذبت؟؟
مونيا:شويااا حتااش اناا جاياا من عائلة متوسطة ونتاا عارف ناس لي من طبقة متوسطا تيكون عندهم شوياا دلالتزام..والصراحة انا مطلعتش بحال عائلتي ههه خرجت من جنب..لكن عندي فعائلتي ناس ملتازمين ومكنضنش ان لواحد خص يستهزأ بيهم.
عروة:(ابتسم)اوا الله يهديك..لابأس مرة مرة طلعيي على فكرهم لعلك تبتالي بيه
مونيا(ابتسمات)امين الله يهدينيي
سمع شخص تيعيط ليه..دار بثقالة..بان ليه شرف الدين
عروة:استوذعك الله ..خصني نمشيي صديقي تيعيط لي
مونيا:(استغربات كفاش دكتور صديقو)الله يعاونك
مشاا عروة فحين..هي بقات ساهياا...تتفكر كفاش هي تتهضر معاه وهوا مهزش عينووو فيهااا...عكس شباب لي تيكلوها بعينيهااا...من بينهم ادهم...حسات انه احتارمهااا...عطاها قيمة كشخص ماشي كجسد..فكرات فهضرتوو..لهي تولدات فبيئة ملائمة عكس آيات فعلاش ماشي شخص ملتزم..جاها سؤالوو فبالهااا
أشنوو لعذر ديالك...يا ترى اشنوو لعذر..آيات عندهاا وهي اشنوو عذرهاا
كل نهاار ماماها.
.تطلب منها تنوض تصليي وتترفض
كل نهاار..باباهاا تيقولها تحجبي وتترفض
عائلتها ملتزة لكن هياا لاا...
ياترى وش شادة لعكس معاهم أو شدا لعكس مع لي خلقهااا
بقات تتصارع مع افكارها تا قفزهاا صوت آيات
آيات:عرفت عرفت والله تا عرفت علاش هواا متيهزش عينوو فيناا
شرف الدين:اشنوو واقع..شفتك واقف مع طالبة خير ان شاء الله؟
عروة:(ابتسم)كل الخير..
شرف:وش معندكش محاضرة دابا؟
عروة؛لا غنعاين ختي دخل وغنمشي
شرف:وش ختك تتقرا هنا؟
عروة:اه راه تتعايني فجردا..
غنمشي نعلمها بلي مقدرتش نجيب لقهوة
شرف:وعلاش؟؟
بدا تيعاود ليه..على صدمة لي جاتووو من حالة الجامعة المغربية...فلوقت لي كان كيضن ان الطالب هواا الشخص الواعي فلمجتمع..وفئتهم فئة واعية وفيها امل للغد..لكن تصدم بلواقع المرير...
ربع منهم ملحد..ونصف مستهتر..اما لباقية فمعارفينش تا فين راهم..تيجيو ..تياخدوو اسم طالب.بدون متجمعهم صلة مع طلب العلم..
وقف من الهضرا منين بانت ليه..ختوو كالسا ...هازات مصحفهااا
ابتسم
عروة:وصلت عند لعسولة
زاد عندها وشرف موراه..وقف على راسهاا...فحين شرف شافهاا سها فيهاا..كفاش حانية على قرآنها وتتقراا..هزات فيهم لعين..
ابتسم بطلاقة ..وحنا راسوو
أما هي فغي شافتووو ولات حمرااااا..شرف وحد من الذكاترة لي تدخل عندهم مرا مرا..شخص لي دخل فاعماق قلبهاا بتفكير..فحصتوو متتقدرش تهزز فيه..لعين...وليوم اول مرة تجي عينيها فعينيه
آياات:كاريها ب 100 درهم باش يبان راكي عارفاا هاد نوع
بان ليهم طاكسي شدوه ..طلبوو منو يتبع لوطو دعروة...
مونيا:بغيت نفهم لهدف من اننا نتبعوه؟لاش باغانا نتبعوه
آيات شافت فيهاا ورسمات ضحكة شريرة على شفايفهاا
كان سايق ..بكل تركيز..وكيف لعادة شاعل القرآن فسيارتوو...مسافة طريق.وصل للفيلا
نزل .تم داخل..بانت ليه جردة خاويا..عرف ان باباه وماماه خرجوو..ابتسم...وهوا فرحان من العلاقة زوينة لي تتجمع بين باباه وماماه..
زاد بخطوات..سراع..مباغيش بتعطل على خدمتوو..دخل لبيتووو...جبد كوستار فلاسود..وصباط فنفس لون..
هوا من ناس لي تيعجبوو يلبس جلالب ..ولقمصان.خاصة منين تيكون فلمغرب.لكن لكل مقام مقال..فشركة خصو يكون رسمي بحال لموضفين..
لبس الكوستار..لي جامعاه ..عطاه كريزماا وشخصية..جاه لاصق من لفوق..وسراول جا طالع شويا على كعبوو...هوا ماشي من نوع لي يلبس حوايج..طوال ومجرجرين...ماشي موضاا وتبعية للغرب كيف تيديرو..اغلب شباب..انماا اتباعا لسنة النبي الكريم...لي حرم الاسبال...
دار..عطروو..هز ملفاتوو..وخرج مستعجل...
قدام لفيلا ديالوو كان واقف طاكسيي وهما بجوج تيطلوو ومخرجين عينيهم
مونيا:وش شفتيه فين تيسكن ازين
آيات:اكيد غا خدام هناا.. هوا بصارحة هاد لفيلا ديجا شفتهاا ميي امتاا الله وعلم
مونيا:(شافتوو خارج ..خرجات عينيها)بشاخ بشاخ..راه بان لي هوا مول شيي
آيات:(بدات تحك عينيها)كفاااش وش هداا لابس سروال وعلى لموضة
مونيا:وعلاش بسلامة اش بغيتيه يلبس
مول الطاكسي:وش غتنزلي ولا غنبقاو هناا
آيات:ياك نتاا اتخلص اوا سكت
عند عروة يلاه جا يركب..وهوا يوقف عليه واحد متسول...شافو لحارس دلباب..جا يبعدوو عليه..لكن سرعان محبسوو عروة بيديه..
مونيا:شوفي شوفي كون كان خدام هنا وش غيبعد لحارس
آياات:كولشي ممكن
مول الطاكسي:بغيت غا نعرف مالكم معاه؟؟هوا وعائلتو الله يعمر ليهم دار
قصة البرهوشة والإخواني
محتوى القصة
التنقل بين الأجزاء