الخطايا العشر الجزء الثاني

من تأليف روعة الفيلالي
2020

محتوى القصة

رواية الخطايا العشر

هضراات مروة خلات كلشي مصدوم من كلامها..... آخر حاجة ممكن يتوقعوها ولا حتى يحطوها فبالهم هيا مروة تبغي شي حد لأنها من النوع اللي ممآمنش بالحب بالنسبة ليها كلشي كيمشي بالمصالح فقط... حتى لبغات تزوج غادي يكون فقط اتفاقية اللي غتخلي عملها يزييد يتشهر كتر
رجاء:(بفرحة) هههه لا بصح واش بصح كتبغيي شي وااحد مقاداش نتيق
نزاار: حبيبة وماالك قايلاها ونتي غضباانة هكااا شكون هدا كنعرفوه شنو كنيتهم وفين ساكن وكفاش تعرفتي علييه
رجاء: واش ناويين تزوجو ولا شنو ابنتي هدا أسعد خبر سمعتو فهاد نهار بنتي ناوية تزوج
غفران: شكون هدا ابنتي شنو سميتو
هزات مروة عينيها فعمران اللي كان كيترجاها فصمت تسكت حيت عارف لهضرات غير غتقلبها عليهااا لانو عارف صهيب مزيان واخ تبقا غير هيا مغيبغيهاش... ضحكات فوجهو باستهزاء بحالا كتحداه تحطهم أمام الأمر الوااقع.... لكن ضحكتها تلاشات تلقائيا ملي ركزات نضراتها على صهيب اللي كانو شوفاتو قرطاس مكرهوش يختارقو راسها.... عصبيتو البارزة عليه خلاتها تبلع ريقها بخوف لأنها عارفاه مزيان كيف داير وطبعو صعيب اللي مستحيل تفلت منو إلى ذكرات سميتو فهاد اللحضة.... كأنها كترمي راسها في العافية... وما ليها راسو يمين وشمال ونفس النضارات متبدلوش..
رجاء:(شدات فوجهها) هيهوو فين سهيتي ابنتي شكون هدا مقلتيش لينا
مروة:(بفزع) هاا لا لا مكتعرفوهش هوا مساكنش في المغرب او عائلتو بسيطة
سيف الدين: ماشي مهم لفلوس المهم هوا يكون متخلق وعارف بينو وبين الله
زين العابدين:سيف الدين عندو الحق ابنتي لفلوس عمرها مكانت مهمة مع ذالك خاصك تعرفيه علينا.... بغينا نعرفو شكون هدا اللي خطف قلبك وخلاك تبغيه
مروة: هااا اه اه ان شاء الله اجدي دبا نعرفكم عليه غير يكمل خدمتو..
نزار: ولكن علاش عمران حكر على هاد الموضوع بحالا معجبوش الحال
مروة: ها لا لا غير فايت مناقش هوا وباه بسباب واحد المناقصة حيت خداها ليه داك شي علاش معجبوش الحال ياك اعمراان
عمران: بصح ابابا مروة عندها الحق
زين العابدين: مع دالك مكانش عليك دير معاها هكا ختك راها كبيرة او واعية عارفة راسها شنو اللي حسن ليها وشنو اللي مكيوالمهاش ماشي فكل حاجة عندك الحق دخل فيها
عمران: كنعتدر اجدي
مروة: ماشي موشكيل الغلط كيوقع انا غنطلع البيتي دبا نوجد راسي
استأذنات منهم وطلعات لبيتها هاربة من نضرات صهيب اللي خلاو قلبها يوقف متنفسات حتى سدات عليها باب بيتها.. مخلية كلشي تفرق مشا يوجد راسو لعشية بحكم خاص يكونو أول الحاضرين....

عند سيلين اللي دازت عليها 4 سوايع وهيا تكتب وتقاد في المقال واخدة نسخة من صورتو اللي كان ضاحك فيها واللي بيناتو عفوي وبسيط كتر ما هوا راقي.... في عز شرودها في الصورة اللي بين يديها دخل طارق كيف عادتو بحال لعجاجة جالس جنبها
طارق: امراااكش
سيلين: صبحاتو لله اش بغيتي
طارق: حشاك راه 3 هادي نهار كامل ونتي تكتبي وتزعطري بحالا عتصنعي ليا الضمياطي
سيلين: طارق بلا متشعلني فهاد نهار خليني هادية
طارق: معليناش اراي ليا زمري لبقيت تابعك كعما نلحق نوجد راسي ومدرت حتى ليماسك دياولي للعناية بالبشرة
سيلين: درتهم حتى انا اللي بنت يا زامل
طارق: متخسريش الهضرة يا قليلة الآداب
سيلين: متهضرش معايا متسمعهاش
طارق: منقدرش كتدني الدودة لمهضرتش معااك
سيلين: شي نهار متعرف منين تحيدات لييك...
اش درتي ليا فليغوب اللي وصيتك عليهم
طارق: كوني هانية من هاد الناحية... ختاريت ليك أحسن مكاين راه جابوهم وخلصتهوم ببطاقة ديالك ووصيت الكونسياج يحطهم فطوموبيلتك(جبد من جيبو بطاقتها)وهااكي زمرك عليا
سيلين: معندي ميتساالك... هااك ها مقاالك وخرج تقود عليااا
طارق: دير خير ميطرا بااس.... اجي مدوزيش عليا تديني طوموبيلتي حاطها تقاد
سيلين: هوووف اطااارق نت اللي بقيتي ليا
طارق: وصاف عمري طلبتك اسيلين واش على خر يامي نمشي فطاكسي
سيلين:20:30 نلقاك قدام دار قسما بالله ومنلقاك اطارق حتى نعفط عفطة وحدة بحالي
طارق: لا صاف كوني هاانية غير نحلل هاد زمر نهبطو يتطبع وغنمشي لدار نتي غتخرجي دباا..
سيلين: غير لبغيتي سيادتكم
طارق: الباب وسع من متافك شكون شدك
سيلين: تاعت اللي يزرك ليك داك العين
طارق: هاهاا حامضة
هزات صاكها خاشية فيه التصويرة او تلفونها او زادت خارجة مخلياه كيهرنط بوحدو هابطة لباركينغ راكبة فطوموبيلتها شاداها طريق وحدة حتال جامعة ألماس لقاتها جالسة على طروطوار كتسناها.. غير شافتها ركبات حداها غاديين للدار
ألماس: تعطلتي اصاطة
سيلين: بسم الله عليك راه يالله الربعة هادي
ألماس: ااه يمكن انا اللي خرجت بكري
سيلين: وباز كون قلت ليك انا تسنايني لشي حاجة كتخصني كون خليتيني كنتشمش
ألماس: وصاف اصحبتي متزيديش فييه.. براكة غير هاد الفراشات اللي كيلعبو فكرشي.... عرفتي معرفتش علاش شاداني الخلعة تقول عندي ليلة الدخلة

سيلين: يالله كنت انقولها.... يمكن حيت عمرك حضرتي لبحال هاد الحفلات داك شي علاش... عالم جديد ناس جديدة... ميغركش غا لبريستيج والبخ اللي كاين
ألماس: كتلقايهم غيطرطقو فبلايصهم.. والضحكة مكتخطاهمش.. وهوما شابعين مشاكيل وهما ديك الضحكة مخبية وراها دموع والقهرة
سيلين: وييه ميغركش المضاهير خداعة
ألماس: معليناش شريتي لكساوي
سيلين: والله منكدب عليك جابهم طارق هبطهم ديريكت لطوموبيل في كوفر مزال حتال دباا مطليت عليهم خاييفة غيجيب ليا شي حاجة معرية بزااف
ألماس: ومتزيديش فيه راه حفلة هادي اسيلين ماشي كناازة
سيلين: انا كون ساعفتوني تخليوني نضرب لكلاس ونهني كري
ألماس: والله ابنتي إلى غير ديك لكسوة اللي جاب طارق اللي غتلبسي
وصلو لدارهم مهبطة الطوموبيل لباركينغ جابدين منو ليغوب في بوشيطاتهم مطلعينهم لدار... ملقاو حد في الدار بحكم شروق كتخرج كل سبت في لعشية مع صحاباتها... حطو داك شي فبيت سيلين وكل وحدة دخلات للحمام مدوشة...
خرجاات ألماس هيا اللخرة لقات سيلين سبقاتها كتنشف شعرها
ألماس: سيلين صايبي ليا وجهي
سيلين: صايبيه راسك اختي ياك كتعرفي
ألماس: لا نتي كتعرفي حسن مني
سيلين:خريتي حتى نتي والله
جابتها قدامها مصايبة ليها وجهها وخلاتها تلبس كسوتها اللي كانت دالخيط بنواغ حد ركبة جاتها لاسقة على لحمها وخلاتها تصايب شعرها راسها عاد زادت مصايبة شعرها جامعاه جمعة خفيفة مخرجة زغيبات من القدام قدات وجهها بمكياج خفيف عاد لبسات كسوتها اللي كانت سميطة طويلة مفتوحة من جنب هابطة من جيهت ضهر مشدودة بسلسال خفيف من ضهرها لبسات كعبها العالي اللي كان بالاسود ذهبي... لبسات فوقو فيرور اللي جاب مع الكسوة... لقات حتى ألماس كملات
ألماس: طلعتي قوقة اصاطة
سيلين: كووون تشوفي نتي طلعتي برقوقة اصحبتي
ألماس: يالله نخرجو دغيا
سيلين: اويلي غا بشوية غنطيح فهاد زمر
ألماس: إلى جات ماما نحلف عليها متخلينا نخرجو بهاد الحاالة
سيلين: هههه اوا صااف حتى نتي متخاافيش على حسابي يالله نمشيو..
خرجو شادين فبعضياتهم هابطين لباركينغ ركبو فطوموبيل جوري شادين طريق لدار طارق عفطة وحدة او وصلو حدا واحد الفيلا صغيرة لقاوه غادي جاي كيتسناهم غير شافهم ركب اللور او زادت عفطة وحدة للحفلة
طارق: تعطلتي ابنادمة مخلييني منشور في الزنقة
سيلين: يا بزعطة ملبسش على خااطري
طارق: جيتو نمراات اصاطاات جاو معاكم ليغوب كيفما توقعتهم
ألماس: الحب لباس
طارق: احح على الحب ديالي والحب كيف خارجة من دقمك... سمعتي الناس اللي كيعرفو يهضرو المعوااقة
سيلين: الفم اللي يقول تمر يقول زمر
طارق: لواه نبك بعضااامو مكلتوش ليا كجييت
سيلين: كتبان مرجل شوية. كون طلستي لداك لوجه شي خرية كون خليتك منشور
طارق: عندك زهر مبقاش لي الوقت اما كنت ناوية ندير واحد لعكر يالله خديتو
ألماس: حتى تسلفو ليا نجربو
طارق: جاك العمر
سيلين: تلاقيتي نتي ويااه

وسلاماً علي أعين ذاقت العناء وما زالت تضحك وفي قلوبها فوق البكاء بكاء وقاتل الجسم مقتول بفعلته وقاتل الروح لا تدري به البشر قل للذي نام والأحزان تخنقه وهمه في ظلام الليل يشقيه هو على قلبك المحزون ان له رباً سيملؤه نوراً ويرويه كن أنت الإستثناء الجميل لكل أشكال القبح من حولك
وربما تبتلي بشتات الأمر لتساق لخير لم تفكر به من قبل
السعادات التي تضعها في جيوب الآخرين ستعود يوماً لتختبئ في جيبك عندما تحزن
وكأن شيئاً لم يكن أمض على تلك القاعدة لتعيش
واني جبان في فراق احبتي وإن كنت في غير الفراق شجاعاً
بعد مدة قصيرة ديال طريق حطو رحالهم قدام فندق خمس نجوم.... هبطو من الطوموبيل بكل رقي وفخامة مخليين الخدم يحطو طوموبيلتهم في باركينغ ودخلو او كل أضواء الكاميرات عليهم بحكم أن سيلين من الصحافيات المسهورين في المغرب بسباب خدمتها المتقونة وحبها لخدمتها..... دخلو للقاعة اللي كانت كبيرة كيتوسطها مجموعة من الناس المشاهيير ورجال الأعمال دخولهم الأخير خلات أنضار الكل عليهم لجمالية سيلين وألماس الطاغي على المكان مخلي كلشي مقادرش يتزل عينيه عليهم لا من النساء لا من الرجاال
طارق:(همس لسيلين فودنها) مقدروش ينزلو عينيهم من الجمال اللي شافوه فيا هادي غا مدرت لا مكياج لا نمي
سيلين: متكونش حامض عوتاني...
لمحاات أمير او سهيل واقفين. فواحد لطابل او مشات جيهتهم جارا ألماس معاها مخليا طارق تابعهم وصوت ضحكاتو ماليين المكاان..
سهيل: هانا على الاناقة والجمال عوتااني
ألماس: عوينااتك الزين
طارق: الله يخلف عليا كون ما انا ميلقاو ميلبسو
سيلين: على اساس مخلصهم من جيبك بلكلب لاخور
سهيل: وصاف ماشي حتى هنا تجلسو تناكرو ليا بجوج
ألماس: انا راه فرعو ليا راسي
أمير: جيتي زوينة بزاف
سيلين: تاانكيوو😍
ألماس: خويا أمير وريني هاد عائلة المزراوي
أمير:هههه واخ اجي جنبي
ألماس:(دفعات طارق) خوي خوي ابنادم نشوف
طارق: تريكة وحدة تفو
سيلين: حشاااك
أمير: هانتي هداك اللي لابس كوستيم بنواغ او شاد العكاز هدا هو كبير العائلة زين العابدين ولمرا اللي لابسة قفطان شادا فيه هيا مراتو رحمة... هادوك جوج اللي واقفين حدا المنصة
ألماس: ااه هادوك اللي لابسين كومبلي فنفس اللون بلبلوماغين
أمير: ااه هادوك.. اللي شعرو كحل وقوي هداك سيف الدين او اللي ضارب زيرو ولدهم نزار هوما خوت...
ألماس: اييه زييد كمل
أمير: ولايني راك بركاكة
سيلين: داك شي عندها في الدم
ألماس: نينينيني متديش عليها اخويا أمير كمل ليا
أمير: واخ لالة... شفتي دوك جوج عيالات اللي واقفين جنبنا اللي لابسة غوب بنواغ مرت سيف دين سميتها غفران واللي حداها رجاء مرت نزار وهاديك البنت اللي معاهم بنت غفران وسيف الدين... هووف شحفت صاف براكة علييك
ألماس: حرام عليك كمل ليا
طارق: اجي نكمل ليك الحبيبة دقلبي خليه هوا يهضر عينيه.... هادوك البوكوصين اللي واقفين اللور مقنتين... مول الشومي بحال نواغ وسروال بيض هدااك صهيب أكيد كتعرفيه ماشي بحال المعواقة دختك معلينا واللي حداه لابس كوستيم نواغ هداك عمران ولد نزار شكون بقا ااه بقات مروة ديك خيتي اللي لابسة جوج سميطاات راهاا واقفة مع شي بنات لابسة غوب بلحمر هاديك خت عمران..
سيلين: واش ماشي هاديك نفس البنت اسهيل
سهيل: بلحمها وشحمها

أمير: علاش كتعرفيها
سيلين: واحد نهار الكلبة دخلات فيا وهرسات ليا زاجة دطوموبيل او خارجة كتعرعر من الفوق او تغوت او تهز فيديها باش فقصاتني جلسات تسب مكاين غا الله يعطيك صحيحتك
طارق: باينة مخليتي فيها عضم صحيح
سهيل: سولني انا اللي كنت معاها... تصرفيقة وحدة خلاتها طايحة للأرض منشورة
سيلين: هيا اللي جبداتني مهرسة ليا الطوموبيل وزايداها بحلان الفم من الفوق
طارق: عندك زهر ملي مدعاتكش
سيلين: ههههههههههههههههههههههههههههههه غنموووووت😂😂😂😂😂
سهيل: موصييييبة كحلة نتي😂😂😂😂😂😂
طارق: توما اش واقع
أمير: اش تما
سهيل: سيدة درنا فيها الخير وطلعناها حتى لكنينيك وتسنيناها حتى تفيق
سيلين: أكيد باش تصايب ليا طوموبيلتي اللي هرسات
سهيل: صدقاات تسرفيقة اللي خدات نساتها حتى فشنو وقع هههههه عرفتي فاش بدات عليا اش جابني هنا وشكون نتوما شنو وقع راااه بغيت نموووووت😂😂
سيلين: وزادت شكراتنا من الفوق حيت جبناها لكنينيك واخ بنت لحرام مصلحاتش ليا الطوموبيل
ألماس: نتي ودرتيها على القبلة ومزال بغيتيها تقاد لك طوموبيل😂😂
سيلين: متزيدوش فييه
طارق: شحال حامضين انا غنمشي نسلم على موسيو المزراوي سيووو
أمير: صبر نمشي معااك
ألماس: حتى انا بغيت ندور ونستكشف المكان
سهيل: دوزي البركاكة ديالي نوريك الأجواء و نعرفك على الناس الألبة
ألماس: احح الحب نت
شدات ليه فيديه او زادو غاديين مخليين سيلين بوحدها.. خدات مشروبها من عند سيرفور ونزلات كتبقشش في تلفونها كاسرة الملل اللي كتحس بيه من جيهت بحال هاد الحفلات....
كان وااقف بوحدو من بعد مخلاه عمران حيت عيط ليه سيف الدين يلقي الكلمة ديالو... ونضراتو مفيكسيين عليهاا... فكل مرة كيلعن راسو ويقول غينزلهم كيلقا راسو مزال نضراتو دايبين فيها وفجمالها اللي ملي دخلات خلات قلبو يتهز من رقتها وجمالها اللي سحر المكان... في عز سهوتو تحطات يديه على كتفو خلاتو يفيق من أحلامو اللي بنا معاها فهاد الدقائق القليلة
غفران: فاش سااهي
صهيب: (حك راسو بخجل) ههه فوالو الواليدك
غفران: زوينة بزااف يااك
صهيب: اش كتقولي هههه 
غفران: دبا غير قوووولي

صهيب: كتر مكتصوري... بسييطة فتعاملها وعفوية تهضري معاها تخليك غير ساهي فعينيها اللي كيديوك العاالم تاااني غير اللي نت عايش فييه... اما ضحكتها كتخليك ضحك معاها واخ متعرفش السبب أنثى بكل المقاييس بمعنى الكلمة
غفران: هه ممم هاد شي كاامل عرفتييه
صهيب: هااا علاش انا شنو قلت
غفران: قلتي بزااف اولدي.. أول مرة نشوفك كتهضر على شي وحدة بهاد الطريقة
صهيب: انا بنفسي معرفتش ماالي وشنو كيوقع ليا فاش كنشوفها
غفران: فايت شايفها ولا كتعرفها
صهيب: الى قلت ليك غضحكي عليا... هادي تااني مرة كنشوفها ومعرفتش مالي
غفران: راك طحتي اولدي على زنافرك
صهيب: ماشي حتال ديك الدرجة
غفران: سير هضر معاها راها واقفة بوحدها
صهيب: شغنقول ليها الواليدة الله يهديك
غفران: غير زعم ومتخافش من الحب راه زوين اولدي وهيا باينة فيها بنت الناس.. اما الهضرة راه غتجي بووحدها..
صهيب: صاف غا خليني هكا مرتاح
غفران: غتحرك ولا نحيد صندالتي من رجلي
صهيب: وجهك قااصح ههه... هاهوا غاادي
غفران: وعرف كفاش تهضر ماشي دخل فيها طول وعرض
صهيب: كون تشوفي الدخلات اللي كدير هيا
باس يديها وماشا جيهت سيلين مخلي غفران حاضيااه او الابتسامة مالية شفايفها لكونها كتشوف ولدها لأول مرة عندو إحساس من جيهة شي وحدة اللي غتقدر تخليه فرحان ومهنية من جييهتو...
صهيب: ممكن نوقف معاك
سيلين:(طلعاتو وهبطاتو ككل مرة ضروري من سكانير) معرت فين شاايفااك
داار غادي بحالو بلا ميعاود معاها الهضرة
سيلين:(شدات فكتفو)
هههههه اجي فين غادي عرفنااك نت هوا صهيب المزراوي قاضي لقضا اللي كيحكم بالعدل والأمانة ومكيشدش الرشوة
صهيب: حافضة سواريك
سيلين: شكون كاتب ديك المقالة من غيري غا خلي داك جمل راكد
صهيب: يكما قلتي شي حاجة خايبة عليا
سيلين: قلت غير الحق متكبر وحاس براسك وخايف لطيح
صهيب: (ابتاسم بعفوية) ماشي موشكيل الالة مقبولة منك... مالكي واقفة بوحدك هنا
سيلين: اخويا منكدبش عليك مكنحملش بحال هاد الحفلات كيطيحو عليا الغمة وكترة لبريستيج والبخ وشي كيبان على شي غير باش تزيد شهرتهم ومالي انا على حالتي
صهيب: ههههههههه
سيلين: هااء ماالك كضحك قلت شي حاجة دالعيب
صهيب: لا حااشة غير طريقة هضرتك عليهم ضحكاتني
سيلين: فيغي فاني
فعز هضرتها عفطات على كسوتها كانت غطييح لكن صهيب كان عتقعها فآخر لحضة شادها من خسرها
صهيب: غير بشوية عليك كون طحتي غيبقا كلشي كيشوف فيك على والو
سيلين: على اساس دبا مكيشوفوش
صهيب:(هز عينيه لقا كلشي حاضيهم اتر الشدة اللي شدها من خسرها ناهيك على مروة اللي مخرجة عينيها غتموت بالفقصة) عادي متديش عليهم بنادم خاصو غير علاياش يدويو
سيلين: يحليلي مكنتش عارفة
صهيب: هانتي وليتي عارفة احطب جهنم
سيلين: علاش قلتي ليا حطب جهنم😒😑
صهيب:حيت فليفلة وكطيري وجوابك على لساانك ومكتفلتي حتى حاجة بلا منساو لقبااحة
سيلين: لا لا نت خاصك تخدم بلااصتي
صهيب: هههه علااش
سيلين: هااد شيي كاامل عرفتييه فيومين تجي معاك صحفي ماشي قااضي
صهيب: كل والخدمة اللي كتجي معااه وأنا كنحس براسي كنميل للقضاة بزااف

سيلين: ممكن تخرج معايا للجردة كنحس بالخنقة هنا مقاداش نتنفس.. ومعارفة لفين نمشي ولا فين نجي
صهيب: يالله معايا نخرجك من هناا..
جات قدامو سابقاه وهوا ورااها خارجين من الحفل لكن كسوتها عكلاتها للمرة التانية مخلية صهيب ميحيدش يديه على خسرها تحسبا لأي هجوم مخليين أنضار مروة عليهم اللي كتغزز غير بوحدها..
رجاء: شكون هااديك اللي مع صهيب
مروة: اوا انااااا اشش عرفننيي امااااماا لاااش كتسوولينيي
رجاء: اجي دكيني ابنتي هيا اللي بقاات.. انا غا سولتك نتي بقا ليك شوية وتفركعيي...
مروة: صااف اماما متزيديش فييه الله يرحم بااك
رجاء: معليناش البنت كتبان زويينة جااو مع بعضيااتهم 
مروة: عفااااك اماما مسكتي هوا مجاااش معاااهااا صهيب راااه مديااال حتى وااااحد صااافي عفاااك رحميني وسكتي
غفران: اجي شوفي فيااا هنااا يكما دري اللي كنتي كتهرضي عليه فصبااح هوا صهيب.... كنهههضضضضضر معاااااااك امرررروة جاااااوبيينيي
مروة: اااااه هوااااااا انااا كنبغيييي صهيييييب من صغريييي وكنحماااق عليييييه
غفران:(سدااات ليها فمها بيديييها) سدييي فمك سكتييي واااش باغاا تفضحييينا ولا شنوووو 
مروة:(دموعها نزلو) اشنو دنبي اماما لكنت كنبغيه هاا اشنو دنبي ياك كنتو كتقولو لينا غتكبرو وغنزوجوكم لبعضيااتكم ياك صهيب بنفسو قاال لبابا فاش نكبر وعطيني مروة نتزوج بييها
غفران: ابنتي الله يهديك اش دخل هضرة صغر لهاد شي اللي وصلتو ليه دبا.... نتوما راك كبرتو ووعيتو وكل وااحد شد طرييقو وديك الهضرة راه كنتو صغااار وهضرة صغر عمرها كاانت جدية.. 
مروة: ولكن اماما انا منسيييتهااش. منسيتهاش بقيت كل مرة كنكبر عاام كيكبر حبي لصهيب كتر حتى تخلل فروحي وحياااتي رااه منو نخلاااق.. هضرت صغر كتكون جدية كتر من لكبر هوا دبااا غير خاايف ومتردد انا متأكدة حتى هوا كيبغيني كيف ما اناا كنبغييه دبا يجي يطلب مني سمااحة ويقولها ليااا... وحيت أنا كنبغييه غادي نسامحو وغادي نقولوها لجدي دبا تشوفي
غفران: الله يهديك ابنتي فيقي من الأحلام دياالك اللي نتي عايشة فييهم وشوفي الواقع اللي دااير بييك شفتي صهيب عمرو بغااك وعمرو غيبغييك مشفتيش نضرااتو لللبنت ملي دخل لداار شوية وياكلها بعينيه وخرجو بجوج من قدام عينيك شاد فيها باينة كيبغيها... براكة متعدبي فرااسك وتحرقي قلبي معاك ابنتي الله يرضي علييك خرجي صهيب من عقلك وعيشي حياااتك نتي راك زوييينة واي راجل فهاد الدنيا يتمنى غير كلمة منك.. شوفي اللي يبغيك ويقدرك ويحطك أميرة فوق راسو ماشي تبعي واحد عمرو بغاااك ولا حتى وهمك بشي حاجة اللي تخليك متعلقة بييه.. وهدا ماشي حب غير هوس بقيتي دايراه فباالك حتى وليتي كتحسي بحالا كتبغييه ونتي غير بنيتي أحلامك عليه ومبغيتيش تفيقي منو.. خويه من دماغك امروة وعيشي حيااتك
مروة: حتى نتي ضدي اماما في اللول عمران ودبا نتيي علااش مباغينش تفهمووني وتحسو بيااا وراااااه كنبغيه اعباد الله كنبغييه

غفران: يمكن انا أكتر وحدة حاسة بيك او بالحرقة اللي فقلبك راني ماما ونتي راك كبدتي ولكن صهيب راه ماشي دياالك ابنتي الله يهديك
مروة: نتي كتقولي هكا حيت ممتيقااانيش ولكن ملي غيجي ويقولك انا كنبغي مروة ويطلبني لزواج قدامكم كاملين يمكن عاد غتيقي ولكن قريب غير تسنااي وغتشوفي.. 
قالت هاد زوج كلماات وخلاتها زادت خاارجة من الحفلة مقلبة على صهيب فيين مشاا.... 
وما كنت ممن يدخل العشق قلبه ولكن ممن يبصر جفونك يعشق.. أغرك مني أن حبك قاتلي وأنك مهما تأمري القلب يفعل يهواك ما عشت القلب فإن أمت يتبع صداي صداك في القبر أنت النعيم لقلبي والعذاب له فما أمرك في قلبي وأحلاك لو كان قلبي معي ما اخترت غيركم ولا رضيت سواكم في الهوى بدلا فياليت هدا الحب يعشق مرة فيعلم ما يلقى المحب من الهجر..
كانو جالسة في الجردة دالفندق مسرحين رجليهم في ربيع حاضيين لبيسين لكبير اللي قدامهم مستمتعين بسما صاافية ونجومها الللامعين اللي عاطين جمالية لهاد الليلة الباردة... كان الجو هادئ فقط صوت أنفاسهم اللي كيتسمع.... جلوسو معاها خلاه ينسا راسو شكون هوا ولا شنو كيدير ولا حتى فين وشنو تابعو... فقط هوا وهيا ونسيم الليل اللي معاهم معارفش لاش تابعها فهبالها وغادي معاها في الخط واحد لعقل كيقول ليه لعن راسك ونوض بحالك شهاد الحالة وصلتي ليها على خر يامك وليتي برهوش وجاي تمعشق فوق ربيع ومخلي عائلتك بوحدك اما قلبو مخلييه داايب ومبااغيش ينوض من حداها مكرهش غير يبقا يشوف فيها ويحضي ابتسامتها اللي كتخليه يدوب ويتيه فعينيها الخوضر اللي كيديوه لعالم تاني غير العالم اللي هوا عايش فيه... باغي يخبيها فخضنو او ميخلي حد يشوفها ولكن كيشوف حتى يعيا ويلعن راسو على لهبال اللي ولا فيه على خر يامو
سيلين: الجو زويين بزااف هناا
صهيب: هاا
سيلين: هههه مااالك قلت ليك الجو زويين
صهيب: ههه متديش عليا كنت سااهي
سيلين: هاد شي اللي بان لياا ههه
صهيب: شنو اللي كيخليك بسيطة هكاا
سيلين: مفهمتش
صهيب: يعني كان فإمكانك حتى نتي تكوني بحال هاد لبنات اللي لداخل وتعيشي حياتك وضحكي
سيلين: بغيتي تقول نافق راسي ونبين لكاع الناس بلي انا اسعد وحدة ومخاصني حتى خير وبلي معنديش المشاكيل وأي واحد كيتمنى يعيش الحياة تللي عايشاها انا.... أكييد لاا كنبغي نعيس الحياة كيف ما هيا بتفاصيلها مابغيت نطلع على حتى واحد ونبان علييه ونحاول نتمادا في تصرفي ونطلع زيني ونحاول ونعوج هضرتي ونضحك ضحكتي الصفرة..... انا عمري كنت هكاا وعمري غنتبدل انا ضريفة ااه مع اللي ضريف معايا اما بنادم الى كان زوين معايا عيني نعطيها ليه ولكن خاااايبة اللي وصلني ولا وصل عائلتي روحو يترحم عليها حيت غيشوف الويل مني انا هكا بسيطة
صهيب: وفنفس الوقت حطب جهنم
سيلين: ومتزيدش فيه ههههه....... كنعتذر على الكلام الفض ديالي
صهيب: شمن كلام
سيلين: صاف بلا مدير راسك جبهة ومفاهم والو... انا عارفة لساني مبري مني غير الله يحضر السلامة
صهيب: هههههههههههه ماشي موووووشكييل
سيلين: ياااااه كضحك بحااالنا

صهيب: علاه اش كيسحابك هه
سيلين: سحابي مكتعرفش ضحك حيت ديما الناس الهاي كيكونو مكنززين وكيضحكو بلقياس ديك الضحكة الصفرا ماشي كيحلو فمهم هكا كيف درتي
صهيب: انا واحد عادي بحالي بحالك بحال أي واحد وحيدي هاد الفكرة من باالك.....
في عز ضحكتهم وشرودهم فبعضهم قاطع كلامهم مروة اللي جات كتعيط على صهيب فور مشافتو جالس مع سيلين الشيء اللي خلاهم ينوضو من الأرض واقفين جيهتها
مروة: أش كدييير هناا اصهيب
صهيب:(ببرود ممسوقش لكلامها مطلعها ومهبطها) مسمعتش مزيان
مروة:(بعصبية) قلللت ليييك شنو كديييير هناااااا اووو مع هااادي او بوووحدكم من الفوووووق
سيلين: ااامرااااكش ااا مولاي بسلهااام هادي راه عندها سمية اشريفة
مروة: نتي مكنهضرش معااك سؤااااالي لصهيب
صهيب:(بنفاد صبر خرج فيها عينيه مورك على هضرتو) باااش منغلطش فييك امروة ونسا بلي نتي بنت عمي ونقول شي هضرة اللي طيح بييك سيري بدلي ساعة بخرااااا🤨
مروة: لا لااا بلااتي انا تغووت علياا وطيح بياا وتستهزأ بيااا ومتعطينييش اهتمااام حتى الضحكة مضحكش ليا فوجهي وهااااد المسخة خارج شاد ليها فخصرها وعينيييك كيبريييو بالفرحة شنووو زعمااا انا معندي قييييمة ولاا شنو
سيلين: لا لا بلاتي عااااودي عاودي أش قلتي مسخة.... شوفي هاديك هااه لحد ساعة شادا جوانطي عندي وساااكتة وداخلا سوق راسي حيت كنقول بيناتكم تعاودي تلوحي ليا شي هضرة انشتف على مك شتفة عمرك تنسايها
صهيب: سيلين( غمزها باش تسكت)
مروة: ولا وكطلبها تسكت باش متقلقش ليييك لااا براااافو واللهيلا برااافو هااااد شي اللي بقااااا... هاد المرة نتي اللي غتجمعي رااااسك صحااابك معرفتكش شكون نتي... ديك الضربة اللي عطيتيني مزال انردها ليك مضوبلة
سيلين: أعلى ما فخيلك ركبييه ويلا ديك تصرفيقة مدارتش ليك لعقل الدقة التانية غتنسيك فحيات بابات بات مك
صهيب:(شد فيها) صااف بردي انا غنهضر معاها
سيلين:(بعصبية) طلق منييييي متششششد فياااااا منشششد فيييييييك نننت مزوج بيها ولا خاطبها ولا ضارب عليها بزنطيط المغرف انا مااال زامل بويا فهااااد لخرااا
صهيب: سييييييييليييييييين😡🤬
سيلين: لخرااااا هاااداا ماشي سييلين تشووفني قلب الكفة طريق اللي نعمرها خويها ضحك ضراوا هوا هداا خلااتهم وزادت غاادا داخلة بحاالها... غير شافها غابت عن أنضارو هوا يشنق على مروة قاجها وعينيه كاملين شر وكره وحقد تقلب190 درجة كأنو ماشي هدا هوا اللي كان كيضحك غا دباا والفرحة مقادااه اللي شاافو فهاد الحاالة يتركب فيه الخووف وميخليكش دور بجناابو بتاااتاا

صهيب:(بصوت رجولي طاااغي حامل بزاف دالكره والعصبية مخلي الشوميزة تلصق عليه وعروقو يبرزو) ييياااااااك شحاااااااااال من مررررررة قلتت لييييييييك خوييي طريييقييي ديييييين ميييييي حيديييني من دمااااااغك حيييت عمممريييي نبغيييييييك..... ياااااك قلللت لييييك إلى حكككيييتيييي عليااااا غتتتشوووفي لوووجه الللييي عممممرك شفتيييييه واللللييي غيخليييييك تندمميييي
مروة:(كتحس بروحها غتخرج والهضرة كتقطع ليها) صه يب.... كح كح كح كح كح ططط. لللق مننيي...
صهيب:( مسمع حتى كلمة من داك شي اللي قالت وصل لواحد الحالة اللي مبقا كيشوف فيها والو قداامو) يااااك قلت ليييك ررووحك اترررحمممي علييييهاااااا قلللت لييييك مرووووة نسااااينيييي مروة حيديييييينيييي من دمااااغ...
طلق منها مخليها مليوووحة في الأرض كترد النفس ديالها من بعد مولات حمرة الدم نشف منها جسمها كامل برد عليها شافت الموووت بعينييها
صهيب: كنقسم بالله ومزاااال نلقااااك كدوووري ببسااااحتيييي عرفي بليييي غيوقع ليييييك كتتتر من هااااااد شيي. ... خلاها مليوحة في الأرض او زاد داخل بحااالو..
مروة: واااخ اسي صهيب كح كح هاااحنا غنشوفووو لمن غتكون....
عند ألماس اللي بقات واقفة بوحدها من بعد مخلاها سهيل بوحدها حيت عيط عليه أمير بغا يعرفو على شي شخصيات كانو في الحفل حتى وقف عليها عمران بحال ملاك الموت بلا ميتشاور معاها وقف معاها شاد مشروبو من عند سيرفور
عمران: الزين صافا
ألماس:(شافت يمين وشمال) معااياا أخوياا
عمران: يخليلي السؤال انا
ألماس: سير قلب ساعة بخرا نت اللي بقيتي ليا فهاد ساعة
عمران: يخليلي لمتكبر انا مع ذالك عجبتيني منديروش شي وقيتة بجوج😉
ألماس: دور عينيك الحفلة شابعة معواقات خاصهم غا معامن انا فوتني الله يرحم باك بلا منبقا نزيكزاكي ونقول شي هضرة متعجبكش
عمران: بغيت غير نعرف علاش كتبغيو ديرو فيها البرائة والحشمة وبلي نتوما بنات داركم وكتخافو من الله... سيماهم في وجوههم الزين ولا خفتي منبرعكش
ألماس: وااااش نت مرييض ولا مضروبين ليك لفيزيبلات ديال رااااسك
عمران: (طلعها وهبطها وعينيه غياكلوها الشهوة طاغية علييه) متخااافيش انتهلا فيك اللي تشهات خاطرك اتلقايها حاضرة بين يديك شحال بغيتي كاااع 100مليون 200 300 نتي غير طلبي
ألماس:(كبات عليه العاصير اللي فيديها) إلى كانت ختك مولفة تهز رجلييها بلعلالي لمن كااان وتبيع راااسها رخيييصة أنا رااه بزاااف علييييك متوصل حتى لتراب اللي كنتمشاا علييه كيسحابكم فلوسكم اتشري كلشي تفو عليك وعلى المستنقع اللي عايش فيييه ولكن لاااافوت ماااااشي منك من وااااليديك اللي معرفوش يربيييوك ويعلموك الصح من الغلاااط اشمااتة حيد دباااا من قداااامي
دفعااتو وزاادت غادااا خاارجة جيهت الحمامات حيت إلى بقات هنا ادير شي كاارتة وتفرتك ليهم الحفلة بلي فييها

ألماس: ولكن لاااافوت ماااااشي منك من وااااليديك اللي معرفوش يربيييوك ويعلموك الصح من الغلاااط اشمااتة حيد دباااا من قداااامي
دفعااتو وزاادت غادااا خاارجة جيهت الحمامات حيت إلى بقات هنا ادير شي كاارتة وتفرتك ليهم الحفلة بلي فييها..
عمران:(عض على شفايفو بقوة الغضب اللي تملكو إتر هضرتها حسها استفزاتو وهوا ماشي من النوع اللي كيخسر اللي حط عليها العين كتكون ليها يا بسيف يا بالخاطر) وااخ الااالة هااحنا غنشوفو فين غتوصليي بهااد شيي
ناض تبعها خارج سول سيرفور عليها قالو ليه بلي مشات جيهت الحمامات.. تأكد بلي مكاين حد غيرها لداخل ودخل من وراها سااد الباب لقاهااا كتغسل يدييها غير لمحاتو قفزات من بلاصتهاا
ألماس: (بنفاااد صبر) وااااااش نت مرييييييض ولااااا ماااالك شكديييير هنااااا خررررج بحااالك قبل مندير يديي فودني ونجمع علييك بنااادم
زااد مقرب لجيهتها ملصقها مع الحيط جار زغيبات شعرها لاويهم فيدييهم مستنشق عطرهم
عمران: عرفتك اتقصحي راسك معايا قدام النااس وغتجي هنا تبقاي بوحدك بااش نجي عندك
ألماس:(دفعاتو) حيد يدك عليااا نت رااك مريييض وخااصك تشووف ليك شي طبيييب يعااالجك هاد شي إلى لقيتي العلاج دياالك
زادت غادا بحالها هوا يجرها مرجعها لاصقة مع الحيط زايد مقرب ليها حاط يديها على خدها مستمتع برطوبة جسمها
عمران: ااه مريض بأي حاجة مكانتش ليا خصوصا لقصحات راسها معايا بحالك الزين ماالك مصعبها كتر ماهيا ساهلة
ألماس:(هزات يديها حتال سابع سما وعطاتها ليه لوجه) هاااادي بااااش تعرف راااسك معااامن الشمااتة يا زاامل مزال تحط عليا يديك نكردهم لييك القواد لاخور
عمران:(باستفزاز مخلياه يغلي من لداخل بسباب الضربة اللي كلاها أول مرة من عند بنت) وااخ نتي بغيتي هاد شي اللي مكانتش بالخااطر غتكون بزز
جرها من مرفقها لايحها على الفوطوي اللي في الحمام جاات نايضة معرفات الدقة منين جاتها فوجها مخلية جنب فمها ينزف.. فكل مرة كتنوض فيها تهرب كتجيها الدقة من حيت لا تحتسب حتى حسات بلحمها كامل كيعكرها بالضرب
عمران: دبا جا وقت المعقول الزين
تلااح علييها مقطع ليها الكسوة على لحمها مخليها بدو بياس

ألماس:(جسمها كامل كيترعد بالخلعة مكتشوف والو قدامها فقط شرفها اللي مبقا ليها والو ويضييع غيات تقااااوم وضرب وتسب ولكن بدون جدوى كان وحش مفترس) عفااااااااك الله يرحم ليك الوااليدين بعد مني متقييسنيييش عتقووووني كنطلبك خليني نمشي بحاااااالي سييييييلييييين سيييييييليييين😭😭😭😭 عتقوووووووني عفااااااكم
عاااااونوني
عمران: عفااااكم عفاااكم عتقوووني عتقوووني ولد المزراوي بغا يغتاصبني ههههخ ضحكتيني واخ مافيا ميضحك
ألماس:(تصرفو خلعها لأنو كيبان بحال شي حمق) عفاااك خليينييي نمشي كنطلبك الله يخلي ليك معزيز عليييك
عمران: متخافيش غنخليك تمشي مي حتى نكملو داك شي اللي بدينااه
تلااح على شفاايفها بحال شي مفترس مخلا فييها والو مطلقهم ختى زرقهم ليها فكل مرة كتحرك كيضربها بحر جهدو اللي كيخليها تفشل مع ذالك كتعاود توقف وتقاوم هاد الشي اللي كيوقع ليها كتشوف راسها كضيع ومقادرة دير وااالو.....
هبط لعنقها مخلي فييه آتاار عنقو وحقدو لتصرفها جييهتوو...
كاان اغتصااب متوحش بمعنى الكلمة مخليها جتة هاامدة لحمها كااامل مبقاتش كتحس بييه حتى دموع مبغااوش يهبطو ليها كتشوف شرفها اللي حافضات عليه رافعة بيه واش واليديها مابين ليلة وضحاها ظاااع غيير هكااك بلا حتى مجهود... كتشوفو واقف كيلبس فسروالو والفرحة طاغية على وجهو حيت خدا اللي بغا بزز منها.... وصل لدااك شي اللي بغاا لايحها بحال شي خاتم كان جديد وعامر أحجار غير قدام وطاحو من كاع الأحجار لاحوه فزبل
كَانوا مَعي على رصيف الإنتظار يسردون لي قِصص الغائبين .. وبعدَ عَودَة أحبَابهم تَعانَقوا أمَامي ثُمَ رَحلوا وبَقيتُ وَحدي أرثي حَالي. - هكذا هي الأيام .. حَرمتني حتى من الأحلام .. عشق
الوحدة والعذاب .. الأفراح بيني وبينها حِجاب .. إلى مَتى يا قلبي؟ إلى متى ستؤلمني الأيام؟ وإلى متى سأكتم الأحزان!
قلبي يصرخ صرخه يمزق بها ضلوعي .. ويصرخ بها إحساسي قائلآ لقد ضااعت كيف لي أن أكتب عن الفرح وفمه مملوء على آخره بالذكريات والقهر والحزن والفقد....... 
فيين غتمشي وشنو غتقول وشنو غديير كتحس براسها مبقاتش عندها معنى باش تعيش الفرحة والابتسامة اللي جات داخلة بيها غتخرج منها متلاشية بدون أحلام وطموح
شافتو كيضحك بووحدو وهواا كيغسل يدييه كأنو قااس شي حاجة مسخة كيغسلهم من لوسخ اللي شد.... 
باغا توقف وتهرب وتغوت وتهرس وتبكي.... ولكن كتشوف راسها مبقاش عندها جهد عينيها ناشفين مركزين في الفرااغ اللي قداامها رجلييها فاشليين علييها مقاااادااش تحرك ولا حتى تهز راسها... الجسم اللي كان بيض ومافيه حتى ضربة صغييرة دبا ولا كامل زرق بالضرب ولعصاااا.... 
جبد دفتر الشيكات من جيبو كاتب ليها فيه ولاحو لييها على وجههاا
عمران: هاادي 400 مليوون حيييت عجبتينيي بزااف مزااال نعااودوها مرة خرااا الزيين غمزهااا او زااد خاارج كيقاااد فسروااالو مخليها جتة هاااامدة

جلست على السّكون بانتظار انتهاء بؤسي انتظر الغدّ السّعيد
يأتي على المشارف العاليات أطوف نظري على السّنبلات المنهكات أحدّق بصمتي أين الأمل؟ ماذا هناك؟ ما الأمر؟ لعلّي الآن أقضي الوقت لكن أين أمضي سنون عمري؟ تمرّ أمامي وهي تجري أين الأمل ما الذي حدث لصبري؟ يا بحراً أسوداً يكاد يضيع في طيّاته الأمل يا شخصاً أخرقاً لم يعرف كيف يتقن اللّعبة، يا عصفوراً مكسور الجناح أضناه السّهر يا حلماً ضاع منّي، محي من قلبي، يا جبلاً أتاه الرّيح فتركه ثرى يسري على جنبات الحقول وضفاف النّهر تلهث نفسي يا شوقاً للماضي يدفعني ويمضي عليّ ليتركني بين الحسرة والشّوق أين الأمل؟ ما زلت لا أدري....
عند سيلين اللي ملي دخلاات قلبات الدنياا على ألماس ملقاتهاش ملي شافت سهيل بوحدو... جرات معاها أمير كيقلبو عليها لوطيل كامل شبر بشبر بحالا الأرض بلعااتها... وصلو جيهت الحمامات حتى كيلمحو عمران خارج من حماام لعياالاات كيقاد فسرواالو.. الشيء اللي خلا يطيح عليها لعجب
سيلين: هدا مالو خاارج من حمام لعيالات تضربو ليه الفيزيبلات
أمير: تلقايه كان داير مع شي وحدة هنا باش ميشدوهمش الكاميرات يالله نقلبو فجهة خراا
سيلين: بلاتي بلاتي أمير
أمير: مالكي
سيلين: معرفتش علاش قلبي مزير علياا شي حاجة كتقول ليا ندخل للحماام
أمير: غير الضغط اللي دار ليك هكاا
سيلين: مخاسرين والو امير يالله ندخلو ازمر
أمير: واش نتي مصطية ندخل معاك لحماام الجنس اللطيف
سيلين: هههههه وصاف أمير باينة مكاين حتى وااحد
أمير: أمري لله الالة زيدي قداامي
توجهو بجوج داخلين للحمام النساء ضاحكة على أمير اللي داخل معاها... لكن ديك الضحكة تلاشات تلقائياا لشوفة ختها اللي عارفاتها واخ دوك الكدمات كاملين اللي فوجهها قدرات تميزها على كلشي... كتحس بالدنيا وااقفة وهيا كتشوف ختها مجردة من حوايجها طايحة في الأرض كأنها جثة هاامدة.... المنضر خلاها تجمد في بلاصتها بدون حركة ولا حتى ردة فعل عكس أمير اللي صدمتو كانت كبيرة حتى هوااا خاطرو ضرو من هول المنضر اللي كيشوف ولكن كان قوى من سيلين باش يتبت راسو.... حيد الفيست ديالو وشوميزتو ملبسهم لألماس اللي كانت بحال الدمية مكتحرك مكتبكي مكتهضر.... عاد ناض جيهت سيلين اللي بقا أنضارها على ألماس بلا مترمش ولا حتى تحرك فقط صوت أنفاسها المتقاطعة اللي كيتسمعو في الأرجاء
أمير:(شدها من كتافها كيحرك فييها) سيييلين سييلين شوفي فيااا مااشي وقت الصدمة دبا ختك محتاجة لك كتر من أي وقت سيلين قوولي شي حاجة تحركي غوتي بكي متبقايش هكاااا وااقفة جامدة... سييلين الله يرحم بااااك مهضري متبقايش هكاا... (بدون سابق إنذااار هز يديييه عطاها ليها لوجه) فييييييييييقيييييي اسييييلييييييين فيييييييقييييي
سيلين:(بصوت بااح غالب عليه الحزن) اا انا غيير ككنحلم يااك أميير حناا مزال ملقيناا ألماس خختيي راه موااقع ليها ووالو غيير مخشية فشيي بلااصة... ااه ااه ألماااااس ألمااااس فيينك اختييي ألماااس خرجي اختي باااش نمشيييو بحالنا رااني ملييت من هاد الحفلة ألمااس فييينك ألمااس عفاااك اختي خرجي خرجي(طاحت للأرض مهدوودة رجليها فاشلين ودموع شلال من عينيها مقاداش تحبسهم)

طاحت للأرض مهدوودة رجليها فاشلين ودموع شلال من
عينيها مقاداش تحبسهم.... عقلها وقلبها مقادرينش يتيقو هاد شي اللي كيشوفو باغا تكدب كلشي وتشد فيد ختها وتهرب باغاا تغووت وتقوول هاد شي ميممممكنش ولكن الجهد والقوة مبقاوش عندها كتحس براسها مهدودة كل مكتشوف ختها فديك الحالة متكية على كتف أمير حالتها قل ما يقال عليها كارتية
فهاد الأثناء دخل طارق وسهيل اللي كانو كيقلبو معااهم ملي سمعو غوات أمير في الحمامات دخلو بلا ميعيرو انتباه انو حمام نسائي كانت صدمتهم قل من سيلين اللي مقادراش تستوعب هاد شي اللي وقع ليها.. مشا طاارق كيجري بلا عقل جايب المونطو ديالها ملبسينو ليها بحكم طويل غادي يسترها اما سهيل فتحنا عند سيلين شادها من حناكها
سهيل: سيلين شوفي فيااا... سيلين نتي قوية كتسمعيني ختك محتاجة ليك اليوم كتر من اي لحضة اسيلين وقفي وشدي فرااسك ميمكنش ليك ضعفي حيت نتي نقطة قوتها
سيلين:(بصوت باكي متلعثم مخلي اي واحد شاف حالتها يشفق عليها) كااان خااارج مممن هنااا كيييقاااد فحواااايجو فرحااان... هوااا كاان شااد ختي هنااا بالسيييف يااااك هههوا كاان فرحاان ععمران المززرااوي بغاااا دااار هكاااا يااااك.... لااااا لاااا لااااا اا انا... خ خختي مم موقع.. ليها.. وو والو يااك اسهيل ختي بيخير حناا مزال ملقيناهاا يااك ختيي راه مستحيل يوقع ليها هكا حيت ققوية يالله نقلبو عليها راه معرفتش فين مشات يالله نقلبو عليها راه مليت من هاد الحفلة وبغيت نمشي بحااالي مبقييت باغا نبقا هناااا عفااااك اسهيل بغييت ختي بغييييت ختيييي.....
حااالة سيلين خلاات سهيل يسعر وميبقاا يشوف قدااموو واالو خررج كييجري غادي جيهت الحفلة
أمير: طااااااارق اشش واااااااقف ديييير قداااامي جرييييي تبعوووووو قبل ميقتل شييي حد
طاارق: يااربي شهاد نهاااار... يا ربي عااونا ولطف بينا
خرج طااارق تبع سهيل اللي كان بحال شي وحش هاايج كنتي ساد عليه وجا وقت وطلقتيه مشاا ديريكت جيهت عمران اللي كاان مجمع مع رجاء والضحكة مالية شفايفو كأنو مدار والو ولا حتى وقعات شي حاجة... عطاااه لوجه مخلييه طاايح للأرض مخلي أنضااار الكل عليهم
سهيل:(بعصبية) نوووووووووووض اشمااااااااااااااااتة نوووووووووووض
جااااا واقف شاد فراااسو او زادو وحدة خرا للعين لوخرا مخلي وجهو زرك..
كلشي جا كيجري يفك فييهم مخليين سهيل صااعر محملش يشدوه علييه
سهيل: ططططلقوووووو منيييييس ميقيييييسنييييي حددد..... عججججبك الحااااااااال الزااااامل اششش داااااارت لييييييسك الدرييية بااااااااش تغتااااااصبهاااااال وتوصلهااااا لديك الحاااااااالة بالضرررررب فااااش آداااتك ولا حتى وصلاااااااتتك اااااه ولاااا نتومااااا صحاااااااب المكاااناااات العااااااالية فااااش مكتشدوش حاااجتكم ببالخاااااطر كتبغيييوهااا بززز واخ يكون هاد شي على رأس تدمييير حياااااة بنت مزاااااال مشاااافت وااالو في الدنيااااا
وقووف صهيب كان فأواخر الكلام اللي سهيل لعمراان
صهيب:(بعدم استعاااااب) بلااااتي بلااتي نت اش كتقوووول اش كتخربق

سهيل: ههه انااااا كنخربببق سووووووووَل ولد عمكك يقوووووولك اش داااااار هاااادي سااااااعة ومعاااامن كاااااان
رجاء: علااااش كطيح الباااااطل على ولدي... هوا مستحييييل يحط يديييه على شي بنت بقااا غير يغتااااصبهاااا الى بغيييتو لفلووس نعطيوها ليييكم.... نتوما باغييين غير تشوهو سمعتنااا
سهيل: الله ينننعلل دييييين مهاااااا هااااااد لفلوووووس اللي تخلييييييكم تشرييييو تعاااااسة شخخخخص مداااار لييكم واااالو اشمن صنف نتوووما غيييير قوووولو ليااا وااااش مكتحسوووووش بالنااااس
عمران: وااااااش نت مرييييض ولااا مااالك شكووون نت أصلااا وفين كنعرفك وشكوووون هااادي اللي كتهضر عليهاااا
سهيل: لااااا ومزاااااال زااايدها بحلاان الفم وناااكرها من الفوووق طلقووووووووني طلقوووووووني نوريييييه شكووووون اناااااا
صهيب: بلاااتي تهدن شويية وااخة.... (وجه نضرااتو جيهت عمراان والنار خارجة منو مباغيش يضلم حد ويتحط فموقف اللي ميقدرش يسامح راسو علييه) شووووف فيااااا مزياااااان اعمرااان نت اغتااااصبتي هااااد البنت ولا لا نت عااارف بلي الى كدبتي عمر وجهي غيجي فوجهك حتى نمووووت
نزااار: صههييييب كفااااااش قدرتييي تششششك فخووووووك اللي تربيتييي نت وياااه فدااار وحدة وتييييق فواااااحد عاااااد شفتييييه
فهاد الأثنااء خرج أمير معنق ألماس ملبسها تجاكيطتو كانو الكدمات كاملين مغطيين وجهها مخليي كلشي يتصدم من هول المنضر ويضرهم خاطرهم من المنضر اللي شافو قدامهم
غفران: الله يا ربي على البنت مسكينة وشهاد الحالة اللي وصلات ليها قلبي ضرني😢
رجاء: لا لاا ميمكنش ولدي يكون داار هاااد الحاالة نزار قول شي حاجة راه بغاو يلبقو لولدي تهمة ماشي هوا اللي دايرها😭😭
نزار: تهدني انا عاارف عمراان مستحيل يدير هااد شي
صهيب:(بعصبية) عممممرااااااان جااااااووووبببنننيييي
زين العااابدين: صهيب اش هاد الهضرة كتقول اولدي واااش باااغي تقطع علاقتك بخوك على قبل وحدة مكتعرفهاش حنااا بصح بقا فينا الحاال على حالة البنت ولكن راه عمران مستحيل يكون وحش ويوصل لهااد الفضاعة
صهيب:(عاود هضرتو مورك على كل كلمة كيقولها) عمممرررااان جااااااووبنيي نتت غتاااااصبتيييي هااااااد درييية
سيف الدين: صصصهييييييب
صهيب: نت عااااااارف لكدبتي عممررر هضرتي تجي على هضرررتك ولاااا حتى نشووووووف فييييييك لآاااخر مررررررة غنسوووووووووولك نت اغتااااااااصبببتييييي هااااد الدريييييية اااااااه لااااااااا

هضرت صهيب كانت كافية تخلي عمران شاارد فأفكااارو ترددو في الكلام مخلييه مخلوع ومتوتر نوعا ماا.... مقااادرش يفرط فولد عمو اللي كتر من خووووه اَو فنفس الوقت مباغييش يعطي لموضوع ألماس أهمية كبيييرة... 
صهيييب: هضضضضضضضرررررر اعمرااااااان متزيييييدش تصعررررررنييي
عمران:(بنفاااد صبر) لااااااااا لاااااااا انا مااا اغتااااااصبتهاااااش ولاااا عمريييي شفتها حتال اليوووووووم لااااش غنغتااااصبهااااا واناااا عمريييييييي هضررررت معااااهااااا
أمييير: الللله يحرق أصل مك الكداااااااااااب كتكدددب فوجههنااااااااا وقداااام وااالييديييك
نزاااار: أمييييير احتااااااارم رااااااااسك وعرف اشش كتخرج من فمممك متنسااااش العلااقة الوطييدة اللي بينااتنا وتجييي دافع على وحددة عاااد عرفتيييها غا الباااارح
أمير: اللله ينعععل نهااااااار اللي عرفت فيييييه عااااااائلة بحاااااااااالكم كلشي عندكم كيتشراااااا بلفلوووووووووس حتى شرف لبنااااااااات
مروة: هااااااااد البنت مكنعرفووووووووهاش وخويا ماشي متوحش توصل بيه الفضااااعة لهااااد الدرجة تمشيي تشووووووف شكون تفلااا علييها ولاااا تكون عطااات رااااسها بإراااادتهاااا
طااااارق: ايييييييييه حدددك تمممم حناا ممواالفيينش نهزو رجلينا ونبيعو راسنا رخاااااص بحاااااالك يا الشااااااااايطة
مروة: بزاااااف عليييييك حتى نكووون شااااايطة نتوما اللي مولفييين تبيعو راااسكم رخاااااص لمن كااان
صهيب: صاااااااااف تهددنووووو شويييية واااخ خلييييونييي نهدر.. َ (وجه كلامو لسهيل) سمعني بزااف اخووويا انا بصح مكنعرفكش ولكن كنعرف عمران كترر من رااااااسي انااااا عارفو مستحييييل يكدب عليا فبحااال هاد المواااااضييع حييت عااارف بلي مغدوزش ليه طرييفة خصووصاااا من عندييي اناااااا اااه عااارفو طاااايش او متهوور ولكن مستحيييل يضلم شييي وحدة ويااخد منها شي حاااجتو بزز منهاااا
سهيل: بلاااااتي بلااااتي كتقووول لراااسك بلي هيااا اللي تلاااحت علييييه
صهيب: معرفتش كيوقع بحال هاد شي بزاف دالمرات... تقدر تكون هادي غلطاات وتشابه ليها عمران مع دري اللي داار فيها هاد الحاالة وتقدر تكوووون عطاات رااسهاا بإرادتها وملي مخداتش داك شي اللي بغات داارت فراسها هاد الحالة
الكلام اللخر اللي قال داز علي عينين سيلين اللي استجمعاات نفسها وخرجات برا كتقلب عليهم فين مشااو.. كانت تااني صدمة لأنو آخر حاجة كانت توقعها هيا هاد الهضرة من صهييب بالذاااات قواات راسها ومشات جيهتو وعينيهاا كيحملو بزاف دالكره والحقد جيهت هاد العائلة وجهاات نضرااتها لصهييب بحالا كتحداااه مخليااه مفاااهم واالو
سيلين:(وركات على كل كلمة كتقولها) ههااادييك الليي قلللتييي عليييها هاااد الهضرررة خخختييي من لحميييي ودمييي واللي هاااااااان ختيييي هاااني حتى انااا هااااديك اللي لحمها كلو كدماااات ختييييي هااااااديك اللي جثة هااامدة مكتحركش ومقاادرة حتى تبكييييي ختييييييي.... هاديك ختي اللى أشرف منك ومن عاااائلتك كاااااملة واااحد وااااحد كنقسم ليييك بالله وربييي اللي خاااالقني وخالق سمااا والأرض حتى تشووووفوووو الوييييل من عندييي كاااملين غادي نخليكم عمركم تنساو شكون هيا سيلين القدميييري أمااا نتي دااايرة فيييها أم شريييفة كدااافع على ولدهاااا مزاال ولدك غادي يدوق العدااب من عند اللي خلقو.. ربييي كبييييير وغادي يحرقك فكبدتك كيف ماا حرقتي واااحد الأم فكبدتهااا... 

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.