الخطايا العشر الجزء السابع والأخير

من تأليف روعة الفيلالي
2020

محتوى القصة

رواية الخطايا العشر

سيف الدين: باابااا بابااا كتسمعني نت لباااس 
نزاار: باباااا بابااا شد فرااسك
هزل: جدييي
غفران: سيف الدين حل ليه لكرافاط او فسخو خليوه يتنفس هزل جيبي ليه شريبة المااا
هزل: وااخ اماما
مشات كتجري جايبة ليه كاس ديال الما مع لانكول باش يصحصح...

كان واقف مسمر بلاصتو الخوف والخلعة الهلع الندم كاع الاحاسيس تجمعو عليه فديك اللحضة... خصوصا فاش سمع صوت صطافيط دالبوليس قدام الباب الشيء اللي خلاه يخرج كيجري من الباب اللوراني دالقصر راكب فطوموبيلتو مكسيري هارب قبل ميشدووه...

توجهات جيهتهم سيلين واخدة كاس ديال الشامبانيا من عند السرباي... جاغمة منها واقفة قدامهم والتقة طاغية علييهم

سيلين: سننة سعييدة بصصحتكم
رجاء: (بعصبية) هااادي اشش كديييير هنااا شكوون دخلها...
سيلين: توتو هاادي ماشي هضرة كتقال.. زعما راه خاص نحتافلو بالحقيقة اللي باانت قدام الناس كااملين.. الحقيقة اللي بينات الضالم من المضلمووم. ....... الحقيقة اللي مكنتوش قادرين تصدقوها على ولدكم المصون( نزلات على الكاس كامل شارباه دقة وحدة هازا واحد خور) بلاتي بلاتي مبانش ليا يكمااا ههربب.... واخا يعيا يتخبااا غادي يتحاسب على كااع داك شي اللي داار..

فهاد الاثنااء وقفو البوليس على عائلة المزراوي مترأسهم المفوض......
المفوض: سي المزراوي عندنا مذكرة بالقبض على عمران المزراوي بتهمة الاغتصاب العمد والضرب والعنف زيادة على القتل العمد...
رجاء:(كتبكي) وولديييي ولديييي مدااااار وااااالو ولدي برييء ولدي ميقدرش يآدي حتى نملة صغيرة فما بالك يبغي يقتل ولا يغتااصب
الماااس: وللللكن دااااارهاااا
توجهات جيهتهم بكل تقة مدارفة حتى دمعة كونها استمدات القوة من ختها...
الماس: شكوون قال بلي الحقيقة غتبان بهاد الطرييقة او فبحال هاد نهاار او قداام هاد الناس كاملين اللي شاهدين على كل حاجة شافوها... فعلا حبل الكدب قصير والحقيقة طال زمان ولا قصاار كانت غتبااان....انا اليوم فرحتي كبييرة حيت كل واحد غادي ياخد الجزاء ديالو...(شافت فغفران) سمحي لينا حيت حرمنا عليك حفلتك ..

هيا بدورها ابتاسمات ليها كأنها كطمنها..
سيلين:(نزلات على كاسها) عفاااكم قدمو المشروب لعائلة المزراوي خصيصا على حسابي.. اكيد خاصنا نحتاافلو بهاد نهار العظيم اللي غادي يتسجل في دماغنا طول لعمر او لالا فكريني فسميتك كنساا.. ااه رجااء.. اش قلتي نتي ولكلوشارا ديال بنتك بلي ختي رمات راسها على ولدكم حيت حنا ناس بسطااء او بلي اهميتنا لفلوس او بغينا نصبو على داك عود الند دولدك....
جبدات من جيبها دفتر الشيكاات حاطاه فوق واحد طبيلة قدامها..



سيلين:ستيلو عفاااكم شكون عندو شي قلم يكون كيكتب مزيان بلا ميتقطع...
ناض زهير جابدو من جيبو جايبو ليها كيجري والضحكة مالية شفايفو على الحالة اللي دارت ليهم

زهير: هاهواا
سيلين:(دارت عندو) اوووه حتى نت هنااا
زهير: منقدرش نفلت هاااد الحدث واخا فاحلامي
سيلين:اراا داك ستيلو لهناا..
خدات من عندو قلم كاتبة في الشيك ورداتو ليه وتوجهات جيهت رجاء..
سيلين:ولدك شحاال هادي رماا على ختي 400 مليون كتمن شرفها(رمات عليها شييك) واخ شرفها مكيسواش مال الدنيا كااملة..... هدااا شيييك بقيمة 500 مليوون باش تشدي لولدك محاامي على الله تقدرو تستانفو في الحكم يخففو عليه شوية.. ما تبقى ديرو بيه شي حجة جماعية غسلو بيها دنوبكم على الله تقبل منكم..

تصرفها خلا جميع الحضور يبتاسمو على تصرفها القوي وحضورهاا اللي طغا في المكان مخلية الماس مفتاخرة بيها..
سيلين: زيدوني مزال باغا نشرب هاد نهار عندي عيد...
بقا ساكت مربع يديه حاضيها شبغات دير.... خلاها حتى فشات قلبها وقالت مبغات.. ملي شافها تمادات... توجه جيهتها جارها من يديها غادي بيها رايح جوج كلمات لزهير..
صهيب: وصل ختها لدار او متحرك حتى تأكد بلي دخلات...
زهير: كوون هااني..

جرها غاادي بيها مخرجها خارج القصر مخليها غادا مدرمة بحال لهبيلة..
سيلين: فيين غاادي بياا
صهيب:قطعي الحس
سيلين:صم بكم فين غاديين
جرها جنبو شاد فخسرها.. وحل باب طومبيل بيد مركبها دار ليها سانتر... او زاد راكب حداها مكسيري عفطة وحدة شاد طريق لداارو
سيلين:(بغنج) فيين غااديين
صهيب:لجهنم الكحلة
سيلين: (شافت فيه بحب)ماشي موشكيل نمشي معاك لاخر الدنيا..
هضرتها خلاتو يبتااسم لاإراديا...
كمل طريقة بدون ميجاوبها حاضي حركااتها وغنجها... مخدمة الموسيقى كتغني وكتشطح بحال شي مصطية مرة مرة كتشوف فيه لايحة ليه جوج كلمات وترجع تغني.. حتى وصلو لدارو..هبط من الطوموبيل ودار عندها حال ليها الباب

صهيب: بالله نزلي
سيلين : تو تو تو
صهيب: وعلاش بالسلامة
سيلين: باغي تغتاصبني
صهيب: شكون يقد عليك غير نزلي
سيلين: مافياش
صهيب:سيلين بلا ضحك دراري فهاد الليل نزلي
سيلين: كتعرف سميتي يحليلي مفراسيش
صهيب:صبر يا ربي نزلي

سيلين: شوف رجلي ضروني غا خليني هنا وسير نت ...
بلا ميجاوبها تحناا هازها عندو مدخلها لداار.. مخليها معنقااه شادا فييه موجهة نضراتها لييها مرة ضحك ومرة تعقد حجبانها ومرة تعوج فمها كانها غضبانة... شادا ليه فلحيتو كتجرها لييه مرة طير ليه شي زغبات ومرة تجلس تلوي فيها فيديها..
صهيب: رصااي
سيلين: تو تو خليني
صهيب: راه وجهي هاداك
سيلين: ياه مكاانش فخبااري

طلع بيها حتال بييتو مدخلها للحماام عااد حطها للارض. 
سيلين: هااء لاش حطيتيني يالله هزني
صهيب: سكتينا..
سيلين: متبقااش تآمر فيااا 
صهيب: وااخ يالله نزلي راسك هناا
سيلين: لا يالله مبغييتش
صهيب: رااه انا اللي معنديش لعقل جالس نتشاور معااك..
نزل ليها راسها جيهت الروبيني طالق عليها الما غاسل ليها وجههاا ... تحركها الكتير خلا كااع حواايجهاا يفزكووو...
سيلين: زكاااا براااكة صااافي
صهيب: ملي غنحس بييك فقتي ديك سااعة غادي نزكاا
سيلين: صااف صااف والله تا فقت هااني حالة عيني برااكة

طلق منها مخليها ترد نفسها اللي قطع فيها رادا شعرها اللور.. مدورة عينيها على حالتها اللي كانت فازكة كاملة..
سيلين:(بعصبية) واش نت مرييض شوف اش درتي ليااا
صهيب: خاااص اللي يهرس لييك داك الفم يا لله يتقااد شوية ويعرف اش كيخرج منو
سيلين: مكيخرج غا لعسل..
صهيب: جلسي هنا انمشي نصايب ليك قهوة شربيها يا لله تفيقي شوية
سيلين:مكنشربش قهوة
صهيب: مكنتشاورش معااك..

خلاها غادي طرطق في بلاصتها او هبط للكوزينة مصايب ليها قهوة....
سيلين: يا ربي لاش خليتني نبغيه.. ديك ساعة طيح حبي على شي واحد رطب اجداني انا اجدااني... توجهات لديريسينك ديالو تقلب على ما تلبس حسن متبقا بهاد لحوايج فازكين... ملقات حتى حاجة تلبسها ظريسينك كان عامر بحوايجو فقط هزات سروال سيرفيط ديالو مع تريكو دالخيط بالبيض لابساهم.. باينة وسطهم بحاال النملة جمعات شعرها الفووق ...

زادت متوجهة لاطيراس ناشرة فيه حوايجها باش ينشفو ليها... جات معاه قد قد داخل للبيت ساد من وراه البااب هاز فيديه كاس دالقهوة مادو ليها..
صهيب: شربيها كاملة
سيلين:(شماتها او عوجات فمها) ريحتهاا خايبة اش فيها
صهيب:(بطنز) منوم باش نغتاصبك او متعاندينيش
سيلين: هاها فااني

صهيب: جغمي يالله
سيلين:(رشفات منها معوجة سيفتها) مقدييتش مجهدة فيها القرفة
صهيب: كنتشاور معاك انا هناا يا لله 
رشفات منها مرة تانية وتالتة ورابعة سادا نيفها باش متشمش ريحتها ومتحسش فتفس الوقت في المداق حتى كاملة
سيلين: ععععع
صهيب:دبا مزيان جلسي رتاحي وتغطاي حتال صباح ونهضرو
دار عاطيها بضهر غادي خارج حتى وقفاتو بهضرتها اللي خلاتو يبتااسم

سيلين: ولللكككن اااناااا بغييييت ننههضضر ددبااا
توجه جيهتها غادي بخطوات بطيئة ونضرات الشر والمكر متكلكينو..
صهيب: همم نهضرو دبااا علااش لااا
زاد مقرب لييها الشيء اللي خلاها تبعد حتى لصقات مع الحييط... زاد قرب لييها كترر حتى تلاصقو اجسامهم مع بعض خاشي راسو فعنقها جار شعرها مستنشق ريحتها الطفولية اللي تخللات روحو فاول مرة استنشقها... بدون وعي خلاتو يغرق فييهاا
صهيب: لو كان تعرفي شحال توحشت هااد الرييحة

هضرتو خلاتها تسمر في بلاصتها جامدة ....غاارقة في لمسااتو.... قبلتو الاخيرة اللي كانت فعنقها خلاتها تبورش في بلاصتها غارقة فيه كتر مغارق هواا... قرب جيهت ودنيها خاشي شفليفو وتكلم بحب..
صهيب:علاش غنهضرو..
سيلين:(بتمتمة) ااانا... ااناا... نسييت...
هضرتها خلاتو يضحك ليها فودنيها الشيء اللي خلاها تبورش مرا خراا..... قرب عندها حاط راسو على جبهتها.... عينيه لمعسلين اللي كيدلو على حبو جيهتها..... مهبط عينيه لشفايفها الكرزيين اللي كانت عاضاهم الشيء اللي خلاه يشعل عليها..... هابط جيهتهم ملتاهمهم بحال شي وحش.. هاد المرة كانت القبلة عنييفة... كأنو كيروي عطش وحشتو ليها.. عاطي لكل شفة حقهاا....

هاد المرة كانت ككل المراات.... مقدراتش دفعو ولا حتى تعاارضو.... غرقات فلمسااتو وفي عيونو اللي كانو معسلين كيدوبو لحجر.... الشيء اللي خلاها تجاوب معاه بلا متحس.. حاطا يديها على خدو واليد لخرا ورا عنقو... مخلياه شادها من خسرهاا مقربها ليه كتر...

بقاو لمدة طويلة على ديك الحالة راويين عطشهم لبعضهم.... حس براسو لا بقى هاكا غادي يزبلهاا و يخرج على طوعو... الشيء اللي خلاه يبعد عليها لاقطين أنفاسهم حاط جبهتو على جبهتها مغمضين عينيهم عايشين لحضة بعضهم كأنها حلم خرافي حتى واحد مباغي يفيق منو... ولا يستدرك الواقع والحقيقة اللي عايشينها.....

سيلين: (بصوت هادئ) علاش مبقيتش قادرة نبعد علييك.... علاش كنحس بروحي باغا تخرج ونت بعيد علياا..... علاش الدنيا كتضلام فعيني وحتى حاجة مكيبقا ليها طععم في غيابك... علاش قلبي كيبغي يخرج من بلاصتو ونت قريب ليا هكاا... علاش ما منعتكش تجيبني لهنا ومشيت معاك في الخط... علاش مقدرتش نمنعك من انك تقرب لياا كتر هكااا علاش هااا علاش اصهيب

صهيب:(قرب تيفو حاطو على نيفها حاط يديه على شعرها) هدا هوا اللي كنقولو ليه السححر
سيلين: الى كان هاد شي كيدل على انني كنبغيك فاااه انا كنبغييك كنبغيييك بزاااف اصهيب
صهيب: انا عشقتك من نهار شفتك فييه تقظري تقولي فت مرحلة انني نبغيك...
خشاها فحضنو بحال شي نملة معنقها كأنو باغي يخبيها داخل ضلوعو ميشوفها حد من غيرو.....


غازلتها فتبسمت، فرمى الفؤاد بحبها يبغي وصالاً، لا يريد سواها، هلّا عرفتم من تكون حبيبتي؟ ومن التي لبس الفؤاد رِداها. لا شيء أجمل من سماع صوتك ورؤية ابتسامتك، لا أُريد أكثر من ذلك، سيدتي لأني حين أظمأ أنظر إليكِ، وأنسى تعبي وحين أشتاق لك أشبك يدي بيدك. معارك كثيرة خضتها من أجلك، متحدياً قلمي ودفتري، فالكتابة فيكِ يا مهلكتِ لا تنصِفُها أبجدية الحروف، بل أحتاج للغة جديدة فريدة مبتكرة لتُكتب فيها خِصالكِ، ولتُرتل بها صفات ملائكية طاهرة وجدتها فيكِ. أحب الحب الذي وضعه الله في صدري لكِ، أحب أنكِ من بين كل العالمين....

من بعد العاصفة اللي طاحت على قصر المزراوي خلات الحضور يتشتتو غااديين بحالهم قبل بداية الحفل.... اما البوليس خرجو فورا ورا سيلين بعد متأكدو بلي عمران هرب..... الماس اضطرات تركب مع زهير موصلها لدار بحكم سيلين دات معاها سوارت الطوموبيل مكاينش كفاش ديماري ..... كان السكون عام سيارة.... فقط صوت انفاسهم اللي مسموع في الارجاء حتى كسر زهير الصمت اللي طاغي عليهم...

زهير: نتي هيا خت سيلين
الماس: لا غير تبناوني.. شهاد الاسئلة الرذيئة... 
زهير: غير قلت نكسرو هاد الهدوء والملل اللي حنا فيه
الماس: اللهما صقيل ولا لحموضة دياالك اخويا
زهير: ياك الالة
الماس:(دارت عند و) غاجيني نيشان ودخل في الموضوع ديريكت بلا مقدماات... حيت كنعرف بحال هاد الدخلات حافضاهم بحال طريق لدارنا
زهير: هههههه ميتسالكش راك دكية
الماس: طلق طلق خوي لمزيودة

زهير: معرفتينيش على هاد لحساب 
الماس: يكما كتبان في التلفازة ولا شي شخصية مشهورة معرفتهااش اوا هدا عليا هادي فلتات ليا
زهير: هههههه ماشي حتى لديك الدرجة غير تفكري
الماس: اويلي من نيتك قلت لييك مبقييتش عااقلة حتى واش شايفاك الاخ .... اويلي انا فين غنعرفك او انا عاد شفتك اللصقة الخاوية هيا هاادي...
دورات وجهها جيهت الزااج كااتمة ضحكتهااا من صدمتو اتر هضرتها لييه..

زهير: بلا متبقاي تبومباي عليا هنا انا غا سولتك
الماس:(دارت عندو من بعد مجمعات ضحكتها طالقة الغوباشة) شناااهواا عااود عااااود مسمعتكش مزيااان شقلتي..
زهير: مترفعيش عليا صوتك قبل منهرس ليك داك الدلقوش
الماس: حررربش حط عليا يددك لمنكردها لييك... واللهيلا مزياان السيبة فلبلاد
زهير:قطعي حسك حسن لييك
الماس:(بعصبية) وقف الطوموبيل بغيت نزل بنااقص من هااد التوصيلة دالخرااا...

معطااش اهمية لهضرتها كمل طرييقو بدون ميجااوبها ....الشيء اللي خلاها تشعل في بلاصتها جاب ليها الله بحالا قمعهاا
الماس: رراااانننييي قققلللت لييييك وققققففف هاااااد الطوومووبييل مكتتفههمش بغيييت نممشيي بووحديي عااارفة طريييق لداارنا ميحتااجش توصلني شكرااا على والو غا وقف الله يرحم باااك...
زهير: نتي حااليا اماانة عندي نوصلك لدااركم وديك ساعة انتاحري ولا طرطقي فبلاصتك مشغليييش.. دبا جلسي بحالك بحالك بني ادم وخلينا هانيين الله يرحم مووك
الماس: رااه انا اللي غادي نطرطق عليك دبااا لموقفتيش هاد الخرشاشة دياالك وخليتيني نتلاح لخيمتنا رااسي... واش مكتفهمش العربية...
زهير: عواااجي كااع انا مااالي 

الماس: وااااا زمر وبكر علاااال واااا خميس زمامرة قلت لييييك نزلني وااش مكتفهمش الهضرة ولا شنوو وبغيييت نززززل
زهير: صوتك دار ليا الضجيج سكتي شوية
الماس: والله متنزلني حتى ندير صباعي فودني ونعيط للعالي ونقوليهم هادا خااطفني وا نزلني بلا مندمكك حسن ليك وقف وخليني نمشي بالخاطر

زهير:ميكونن غا خااطرك
الماس:هيا لا درتيها من اللول
كانت كتسنااه يوقف الطوموبيل.. لكن وقع ما لم يكن في الحسباان... حل ليها الزاج دالشرجم اللي حداها..
الماس: اشش كديير
زهير: هااني سهلتها علييك خرجي راسك من الشرحم وغوتي بحر جهدك قولي ليهم هادا خاطفني وزيدي ليهم بلا يبيع الاعضاء دياالي معندي حتى مووشكيل خوودي رااحتك..

سيلين: واش نت مصطي ولا مفوت..
زهير: ااه بغيتيني نعاونك معنديش مووشكيل ( رفع صوتو لأقصى درجة) وعتقووووووووهههااااا اااعبببااااادد الللللهه انااااا خاااااااطططفففهااااا وبغيييييييت نبييييييعهااااااااا جججججمممممللةةةة عتتتتقووو
قبل ميكمل هضرتو تلاحت علييه سادااا ليييييه فموووو ..محسااش بقربها ليه ولا حتى تلاحيا اللي تلاحت عليه سادا ليه فمو.. كان فقط همهاا انها تسكتو ليفضحهاا والطوموبيلات غاديين جايين.....

عكسو هواا اللي داب فتصرفها الطفولي اللي كان لا ارادي.. عينيها البريئة اللي داب فيهم... غارق في بحرهم الهائج... فيقو من سهوتو فقط غواتها اللي قالب الدنيا..
الماس: واش نتااا حمق ولا مقطعين ليك لوراااق نت رااااك مخاصش تكون طبيب نفساني خاصك تشوف اللي يعالجك هوا الاول
زهير: هممم حصلتي
الماس: اشننوو
زهير: شنييولة.. عااقلة عليا ودااايرة فيها فاقدة الدااكرة
الماس: نت اللي بديتي في لكدوب اللول انا غير كملت ليك

زهير: ايه اشنيولة فاش كدبت علييك
الماس: سميتي رااسك طبيب نفسااني ونت ولد خالت صهيب... باينة هوا اللي صيفطك وجالس تمتل عليا... انا بصح كنت فحاالة مزرية ولكن ماشي لدرجة نكون طايحة على مخي راه الكازاوية هاد وجرك على الله...
زهير: وشكون قاالك انا كدااب
الماس: وسكون مكيعرفكش.. زهير العلامي مالك اكبر شركة لصناعة النسيج كنتي في امريكا ودخلتي مؤخرا للمغرب بصفة نهائية كونكم فتحتو فرع جديد في المغرب
زهير: مايتسالكش راك شادة لخبارات السليعفانة الدبانة متزهق

الماس: هاهاهاها عليا انا... من صغري كيعجبني نتبع اخبار المشاهير .. وروساء الاعمال.. بلا منهضرو على الطبقة المخملية... 
زهير: يعنيي
الماس: يعني راني مجاياش من جبل تبغي دير ليا فيها بسيكياطخ اسي زهير..
زهير: هاد المواقع اللي كيجيبو ليك لخبار بان ليا مكيعطيوش ليكم داك شي بالتدقيق.. نساو يقولو ليك اني قاري الطب النفسي قبل منتخصص في دومين العائلة(غمزها)

الماس: بززعطة شكوون سولك اش قاري و اش مقاريش ... تكون حتى رئيس الحكومة انا مالي...
زهير: جبهمتك صحيحة مكتقشريش
الماس: متكونش صح من جبهتك.. او انا ماشي لفعة نجلس نتقشر هنا ونبدل جلدتي
زهير: هههههه لا لا نتي فتي اللفعة لهييه اسليعفانة

الماس: بزااف علييييك وله لا يحييك حتى نكون لفعة
زهير: واخ لفعة وسليعفانة راك عااجباني ومحمقاني هاكاا غير خلييك بسليعفانتك متبدليش ...
هضرتو خلاها تسرط لساانها بدون متنطق بشي كلمة تكات فس بلاصتها مغمضة عينيها محاولة تستوعب اش قال جاب ليها الله بحالا كتحلم... سؤال فقط كيدور فبالها..( هدا شفتو نهار ولا جوج وجالس كيتمعشق علياا) ....

سكوونها وسكوتها بهاد الطريقة كان كافي يخلي زهير يتفركع بالضحك ... صوت قهقاتو مسموع في الارجاء الشيء اللي خلاها تعقد غوباشتها..
زهير: كون عرفت تعنابي غيخليك ضربيها بصقلة كون درتها من صباااح ههههههههههه الله على رااااحة
الماس: حااامض
زهير: اجي عصريني شوفي شغيخرج ليك واش الحاامض ولا شي حاجة خراا
الماس: اتفووو قليل الادب
زهير: منكوونش بحاالك..

نكييرهم داام في طرييق كااملة محسوش بطرييق حتى لقات رااسها قداام الموبل دياالهم.... هبطاات من الطوموبيل.. مخلياه هاابط من وراها...
الماس: شككراا حييت وصلتيني
زهير: واللهيلا مصواابة مفخباريش 
الماس: غير اللي يبغي يهضر مقااد معاك... اما بحالك يستاهلو دبيحة من لودن حتال لودن...

زهير: ومنبقاش فييك زعماا
الماس: الى كان غير على هاد الحاالة اللي درتي ليا في طرييق تستاهل وكتر..
زهير: هههههه ياااك اسليعفاانة
الماس: متبقاش تقول ليا سليعفانة.... ياك وصلتي الامانة اللي وصاوك عليها اوا الله يعااون..
دارت غادياا حتى وقفهاا....
زهير: وقفي بلاتي فين غادا
الماس:شبغيتي عااود
زهير: راه مول الطاكسي شخصياا فاش كيوصلك كيتخلص وانا مناويش نمشي فاابور

الماس: مكتفهموش ليا عندكم مال الدنيا والدين ومزال كطمعو من الفوق
زهير: دااك شي كيجريي في الدم
الماس: مهازاش معايا لفلوس دبااا غداا ونخلصك بالضوبل غا هنينا كانت هنا الله يعااون
زهير: اوقفي مالك زرباانة
الماس:اشننو ابناادم
زهير: اختي انا باغي خلاصي دبا مغنتسناش حتال غداا... رومبلاسي لفلوس بشي حاجة خرا

الماس: خرا دوالو هوا هاداا
زهير: مكيجيش معااك العصااب
الماس: سكت خليني نفكر باش انخلصك..
زهير: بلا متصعبيها على راسها بسطيها تلقايها..
الماس: لقييتها لقييتها
زهير:(بباتسامة مكر) شفتي قلت ليك غير بسطيها تلقايها.. بالله بالي بالي هاني كنتسنا..
الماس: عطيني تلفونك
زهير: (بعدم استيعااب) مفهمتش اش بغيتي تلفوني
الماس: وغيير ارا هنااري شحال فيك ديال الاسئلة

زهير:(جبد تلفونو من جيبو عاطيه ليها) هاكي الالة ... نشوفو شبغيتي تصنعي لينا
الماس:الضمياطي..
خدات من عند و التلفون كاتبة فين مرتها مسجلاهاا عند و او ردات ليه التلفون..
الماس: دباا كمللت هاكا خرشااش..
طل علييه لقاها مسجلة نمرتهااا عندو بسليعفانة الشيء اللي خلاه يبتاسم او ميبينهااش قداامها... دغيا جمعها.. مغوبش..

زهير: سغندير انا بنمرتك
الماس: في كلتا الحالتين كنتي اتقلب عليها هاني سهلت عليك المأمورية
زهير: تو تو مع داالك خلاصك مكافيش بالله خلصتي نص تمن دياب طريق بقى ليك نص لاخوور...
تلاحت بايسااه فخدو وزادت كتجري هربانة من ردة فعلو ضارباها جرية وحدة حتااال دااار...
تصرفها الطفولي خلاه يحك راسو مرجع شعرو اللور والضحكة مالية شفايفو موجه نضراتو لباب العماارة واخ مبقاتش كتباان...

للحضة شد فقلبو اللي تزير علييه مرة تاانية... حاط يديه عليه مورك عليه...
زهير: ترجل اصحبي وشد فراسك شوية... هادي غير باستني في حنكي.. ملي غنوصلو لمسكي غادي تصيفطني الروضة مافيهاش....
ضحك على رااسو او توجه اللطوموبيل راكب فيها...جابد دواه دالقلب اللي مكيفارقوش فكل بلاصة مشا ليها.. بحكم انو زهير عند و موشكيل فقلبو اللي كان ضعيف من صغرو الشيء اللي خلاه يتعايش ويولف الحالة حتى ولات كتجيه عادي..... حتى من هاد النوبات اللي كتوقع لييه فكل مرة تعصب ولا فرح... شرب دوااه وكسيرا شاد طريق لداار....

عند عمراان اللي ملي خرج من الدااار هرباان خيط كاع دروبا كازاا هربان من البوليس اللي حددو مكانو وتبعووه بسطاافيط.... الهلع والخوف تملكووه خلاوه ميركزش في طريق... كل مرة كيدوور يشوف ورااه واس لحقو عليه... في عز هروبو صونا ليه التلفون..كان رجاء اللي كتصوني... بدون ميفكر جاوبها طالب لهوت باغلوغ

رجاء:(كتبكي) الوو ااالوو وللددي عمرااان ولديي عمراااان فييينك ييكماااا واااقعة لييك شي حاجة
عمران:(بهلع) مامااا ماماااا تااابعينييي هومااااا تباااعينييي
رجاء: هرررب اوللدييي هررررب متخليهمش يشدووووك انا غاااظي نعاااونك تخرج خارج لبلااااد دبااااا غير هررب متخليهكش يشدوووك..
للحضة خانوه دموعو وجلس كيبكي بحال شي دري صغيير
عمران: مامااا مبغيييتش نتشششد مبغيييتش ندوز ما تبقى ليا في الحببس عااونينيي نهرررب.... هوومااا تاااا بعينيي
رجاء: متخاااافش اولديي نمووووت ومنخلييكش تعشش في لحبااساااات ولديي ماشيي مجرررم ... الله على كبدتيي الله.... متخااافش غيير رد باااالك متخليهمش يسدووك

عمران: انا دبااا سابقهم ولكن رااهم قربو ليااا...
داار يشوف ورااه لقااهم قربو يضوبلوه الفزع والخلعة خلاتو يبقى حاضي غير وراااه حتى كيسمع صوت الطوموبيل اللي جاية جيهتو كتكلاصوني بحر جهدها كونو خرج على طريق السيار اللي شااد... بدون ميفكر عوج رواايض هربان منها الشيء اللي خلاه يدخل في الكاميو اللي كان وراه.. هاز طوموبيلتو حتال سمااا.. قالبها... القوة اللي ننزلات بيها الطوموبيل خلاتها تردخ مع الارض منفااجرة كااملة مخلية الطوموبيلات لوخرين داخلين في بعضيااتهم هروبا من الانفجاار اللي دار قداامهم...

صوت التصادم اللي دار قبل الانفجاار تحط في مسامع رجاء اللي خلاهاا طيح التلفون من يدييها طايحة في الارض على ركاابيها ودموع شلال من عينيها موجهة نضراتهاا للفرااغ اللي قداامهاا.... الشيء اللي خلاها تغوت بحر جهدها..
رجاء: وووووووووووووللللللللدددددييييييييي عمممممممراااااااااانننن


الحب هو الراحة التي يسعى إليها الجميع..........، فهو العطاء دون مقابل، والأمان دون مأوى........، وهو أن تشعر أنّ هناك من هو قريب رغم بعده........، أن تستشعر وجوده رغم كل ما يفصل بينكم من مسافات.......، وأن تُضحّي من أجله رغبة بإرضاء نفسك وإرضائه....

في جو ليلي هاادئ... هواء البحر اللي يمكن ليك تستنشقو عن بعد... ظوء القمرة اللي داخل مشع على وجوههم..واللي مخليا الجو أكتر من رومنسي.. كان ناعس فوق السرير لايح عليه تقلو طالق عضلاتو التلااتية اللي كانت بارزة... خاشيها فحضنو بحاال شي نملة .. حاطا راسها على صدرو الفولادي مستمتعة بنبضات قلبو المسموعة... معنقاه بكل قوة ليها... مخلياه كيلعب ليها بشعرها الحريري اللي كان مطلوق على لوسادة.... كان الهدوء طاغي على المكان فقط صوت انفاسهم المتسارعة اللي مسموعة في الارجااء.... حتى كسر صهيب دااك السكون اللي كانو فييه...

صهيب:(او هوا مزال فنفس الوضعية حاط يديه على شعرها كيلعب بخصلاتها) سييللييين
سيلين: هممم
صهيب: فوقاش غنجي لدااركم
سيلين: (كان طاغي عليها نعاس لكن هضرتو خلاتها توكض هازا فيه راسها موجهة نضرااتها لييه) ككفاااش زعما... اش بغيتي دارنا..
صهيب: بغيت نخمل ليكم دار ونسووسها كيجاتك هادي
سيلين: واللهيلا خاصها تخميلة نيييت
صهيب: ماشي وقت الضحك دياالك

سيلين: ههههههههههه صااف. واخ وااخ هاني سكت
صهيب: كنهضر معااك
سيلين: مجاكش الجو مكهرب حالياا يعني الى جينا نهضرو على موضوع زواجناا قدام عائلتنا بزوج غير غادي نزيدو نوترو الجو... خصوصا عائلتي خفت لميتقبلوش الوضع ويوقفو ضد هاد شي 
صهيب: مكيهمنييش... الله يجعلهم ميوافقوش 
سيلين: صههيب... راه عائلتي هاديك ميمكنش ليا نوقف ضدهم انا غادي نحاول نقنع عائلتي غداا.. ونت حااول تهضر مع عائلتك

صهيب: معندي فاش نقنعهم... قراراتي بعيدة علييهم بغاو يتقبلوها ويفرحو معايا مرحبا مبغاوش شغلهم هدااك
سيلين: زعما شي نهار تنازل شوية والو
صهيب:(باسها فراسها وهوا كيضحك) كتعجبني القمة...
تمخششاات فيه بحال شي قطة حاطا راسها فعنقوو.... تنفسها البطيئ خلاها تعنكشو مصهداه
صهيب: علاياش كتقلبي
سيلين: على خلا داار بوياا متلا
صهيب: دااك شي اللي بان ليا

سيلين: صهيب
صهيب: عيوني
سيلين: نقول ليك واحد الحاجة او متقلقش
صهيب: غير هضري نتي فمك ديما كيقطر لعسل مشاء الله
سيلين: صرااحة انا باقا مكنفكرش فزواااج
صهيب:(بعدم استعاب) مفهمتش

سيلين: زوااج مسؤولية كبيرة او انا كنحس براسي مزال مقادا على ديك المسؤولية... مزال باغا نخرج فين ما بغيت مسافر كان البلدان... بلا منقول لشي حد فين غادا ولا فين راجعة... نرجع لدار كل نهار او نبقا نشوف فكمارت نفس الشخص كل مرة... ااه بصح كنبغييك على راسي و عيني ولكن راه دغيا غنملك ومغنبقا نحمل فيك الشعرة..... بغيت نحس براسي حرة ماشي مقيدة من يظي ورجلي... زيادة على مالك معمري شفت راسي بعيدة على واليديا...

هضرتها كاملة خلاه يشعل فبلاصتوو نفسو الهادئة ولات متسارعة... في رمشة عين خلات فرحتو تحول لغضب طغا على ملامحو الرجولية.. حيد يديه من تحت راسها حاطها على سرير او ناض من حداها طافج.. بلا مينطق بحتى كلمة... جابد من لطابل دونوي باكية الكارو.. او خرج لاطيراس... بلا ميهضر معاها.. حيت عارف لا هضر دبا غير غادي يخلطها...

شعل كارو حاطو في فمو.. موجه نضرااتو للبحر مخليها لداخل.. هيا الأخيرة اللي تصدمات من ردة فعل و وانفعالو المفاجئ اللي خلاها تبقى حالة فمها... حتى استوعباات راسها او ناضت تباعاه... كاتمة ضحكتها...
سيلين : مفهمتش انا شنو اللي قلت حتى يخليك تنوض هاكاا زيادة على داالك(جرات ليه الكارو من فمو) التدخين مضر بالصحة..
صهيب: (بعصبية) سيييليييين
سيلين: ايه راني عارفة سميتي سيلين من بعد

صهيب: بلا متلعبي على اعصاابي فهاد الليل سيري تنعسي 
سيلين: الاااا مغاداااش شغااادي يوقع كاااع
صهيب:( كيحاول ييرد راسو ما امكن راسم على شفايفو ابتسامة دبزز) مغيوقع واالو .. شكون قال اصلا وااقعة شي حاجة بالعكس كلشي مزييااان وبيخيير...
تصرفو الاخير خلاهاا تنفاااجر بالضحك فوجهو ... ولات حمرة والنفس تقطعات فيها الشيء اللي خلا صهيب غير كيشوف فيها عاد جرا معااه لبلان... نسا بلي ضحك سيلين حامض بحالها...

سيلين: ههههههههههههههههههههههههههههههه مقديييييتش نككككمممل غنعواااااج والله🤣🤣 صااف طرت انا...
خلاها حتى تمرمدات فجنابها وشبعات ضحك... بلا ميهضر بلا ميدير حتى حركة غير حاضيها.. الشيء اللي خلاها تجمعهم.. موجهة نضراتها ليه محاولة تقرا أفكاارو... نضرااتو مكانوش كيبشرو بالخير... هزات سروالها اللي طااح او طلقات رجليها للريح كتجري مخلياه تابعها حالفهااا فييهااا...

سيلين: عععع صهييييب يرحم بابااااك
صهيب:_ وققففي نووريي لمك الضحك الباسل كييف دااير
سيلين: حمواالديك مبقيتش نعااود..
صهيب: قلت لممك وقققفييي
سيلين الاااااا
جاات كتجري جيهت الحمام... وقدام الباب كان فازك بحوايجها اللي قطرو تمااك ونسات ممسحاتوش.. محسات براسها حتى كتشوف راسها تهزات لسما وتخبطات الارض على مصاطها ديريكت...
الشيء اللي خلاها تغوت شادة فطرماحتها ودموع فعينيها

سيلين: طرمتي مشااات😭😭 طرمتي مشات اسيدي ربي
هضرتها خلاتو ينزل عندها جالس قفازي كاتم ضحكتو اللي كانت باارزة...
سيلين: تهجرو على عمرك... 
صهيب: خههه شكون قالك كنضحك
سيلين: غا طلقها مالك حابسها حسن متفرك هناا 
صهيب: ههههههههههههههههههههههههههههههههههههههه كترطاااي كي الفلفلة حتى جبتيها فرااسك

سيلين:(بصوت باكي) كتشفا فيا😢
صهيب:(قرب عندها بايس ليها جبهتها) حاشة علاه انا نقدر كون تعرفي هاد الدقة شحال ضاراني انا فقلبي قبل مضرك نتي
هضرتو خلاتها تبسم تلقائيا بغنج... قرب ليها هازها من الارض حاطها فوق الناموسية...
صهيب:انمشي نجيب ليك مرهم دهني بيه هاادييك
سيلين: هااااديك راه سمييتها طرمااحة
صهيب: نتي وجهك مقزدر خلي ديالي داخل سوق راسو
سيلين: الله يجعلني نتيق..

بدون مايجاوبها توجه للحماام واخد منو المرهم.. عاطيه ليها او خرج مخليها دهنو على خاطرها او منها يجيب باش يمسح داك الماا... داك شي اللي دار او زاد دخل مخشي حداها ناعسين في نفس الوضعية..
صهيب: كضضرك
سيلين: شوية
صهيب: متخاافيش غتزراك ليك غير شوية
سيلين: الله ينجيها... تزراك لعدويا اللي ميحملني.. شحال وانا نتهلا فيها ومنخلي مندير ليها باش تزراك
صهيب: وغنجي انا او غنشرشمها لييك غا تهناي..

سيلين:(ضرباتو لكتفو) حشمنا بكري...
صهيب: لا لا هاد شي مافيهش حشومة حيت غيكون نكاح فيما يرضي الله
سيلين:(حناكها تزنكو من هضرتو كون تحلات الارض او بلعاتها على هاد الوضع اللي تحطات فيه) صهههيييب
صهيب: هههههه هاهواا سااكت.. ولكن كيبقا تابعك نكاح غير هني راسك
سيلين:(سدات ليه فموو) سككت سككت قطع الحس
بااس كفها اللي محطوط على فمو الشيء اللي خلاها تجر يديها عندها بالخف مبعداها عليه..

سيلين: مكتفلت حتى فرصة يا ربي السلاامة
صهيب: داك شي كيجري في الدم
سيلين : هيهيهيهيهي فااني
صهيب: يالله افاني نعسي دبا او براكة من الهضر
سيلين: هدا طلب ولا امر
صهيب: غير طلب يالله نعسي
سيلين : لا انا بان لياا امر ماشي طلب
صهيب: والللي درررت مععاااااك وحلللة دباااا

سيلين : متغووتش عليااا 
صهيب: صببر يااا ربي شكوون غوووت عليك
سيلين: نت اللي غوووتي عليااا
صهيب: صببر يااااا ربييي من عنندك
سيلين: قلتي شي حاااجة
صهيب: سيلين حبيبة ديالي لعمر ديالي زوجتي المستقبلية المصيبة اللي بلاني بيها الله نعسي احبيبتي الله يرحم باااك
سيلين: دبا ممكن نعتابرو طلب

تمخششات فييه طالقة رجليها في سرير ... مستسلمة لنعاس اللي كانت كتعاند فيه باش ميحكمهاش مخلياه حتى هوا بدورو معنقها ناعس مخنزر ككل مرة لييه

النفسُ تبكي على الدنيا وقد علمت أنّ السعادة فيها ترك ما فيها لا دارٌ للمرءِ بعد الموت يسكُنه إلّا التي كانَ قبل الموتِ بانيها فإن بناها بخير طاب مسكنُه وإن بناها بشر خاب بانيها أموالنا لذوي الميراث نجمعُها ودورنا لخراب الدهر نبنيها

غاب ليل وصبحات شميسة ونهار جديد حامل فطيااتو بزاف دبا الاحداث.... كانو في سابع نومة ليهم.. ناعسة فوقو مسرحة كل رجل فجيهة حاطا راسها على صدرو مخلياه معنقها منخسرها او ناعس عوج.... حتى خسر نعاسهم صوت تلفون صهيب اللي قلب الدنيا بحكم ان صونيطو مجهد... الشيء اللي خلا سيلين تعوج سيفتها مدورة راسها للجيهة لوخرااا ..

حل عينيه بتقالة مرمشهم عاقد حجبانو بسباب الشمس اللي ضاربة فوجهو.... للحضة حس بشي حاجة تقيلة محطوطة فوقو هز عينيه لقاها سيلين ناعسة حالة فمها جيهت الشمس شعرها لمشعكك اللي كان شاد الرضار وهيا ناعسة... حالتها وهيا ناعسة خلاه يضحك عليها هز التلفون من فوق لطاابل دونوي.. لقاها غفراان اللي كتصوني دوز الخط مجاوبها...

صهيب: صبااح الخير الوااليدة
غفران:(بصوت باكي) ولدييي
صهيب: شنوو واااقع صوووتك معجبنيييش
غفران:(طلقات العناان لدموعها) مشاااا اولدي مشااا ولد عمك مشااا😭😭
حط سيلين جنبو او ناض جالس كأنو كيحاول يستوعب اش قالت
صهيب: اش كتقولي الوااليدة الله يهديك شكون اللي مشاا تهدني وشرحي ليااا...

غفران: (كتبكي) عمراااان مااااااات ماتت اولدي مات او حرقنا في كبدتنا... البارح فاش كان هربان من البوليس دار اكسيدون دخل في كاميو او تفركعات طوموبيلتو اليوم غادي يدفنووه اجي اولدي راه محتاجينك بزاااف..
صهيب:(شد فراسو)اللهم أرحم من عجزت عقولنا عن إستيعاب فراقهم وأجعل قبورهم نوراً وضياء إلى يوم يبعثون. اللهم ارحمه وعوضه عن كل ألم أصابه بـ جنة عرضها السموات والأرض. اللهم اجعله في روضة وبستان في نعيم دائم ودار خلد تحت ظل الرحمن .... إن لله وإن اليه رااجعون ان لله وإن اليه راجعون.....

قطع معاها او ناض كيفيق فسيلين اللي كانت فسابع نومة ليها.. محاول ميفزعهاش.. كونو عارفها خوافة.. حط يديه على خدها كأنو كيستمد القوة منها باش يبقى واقف على رجليه...
صهيب: سيييليين سييييليين سييييلين بالله ريش
حلاات عينيها مرمشاهم.. مجبدة في بلاصتهااا بقات مدة ساكتة كأنها كتسترجع داكرتها عاد هضراات...

سيلين: (باست كفو)صبااح النوور
صهيب: صباح الخير...
سيلين : مالك فايق بكري
صهيب: نوضي لبسي حوايجك غادي نوصلك لداركم
ناضت من بلاصتها جالسة موجهة نضراتها لسه كأنها كتحاول تقرا أفكارو اللي كانو بارزين على ملاميحو..
سيلين:(حطات يديها على خدود مدوزاها بلطف) كنشوف الحزن والغمة في عيونك شنوو وااقع صهيب

صهيب:(هرب بعيونو)مواقع والو احياتي يا الله نوضي لبسي..
ناض غادي متوجه الحمام حتى وقفاتو شادا فيديه..
سيلين: صهيب بلال متهرب مني وقول لي شنوو واااقع
عارف واخا يهرب مغادي تفااك في كلتا الحالتين غادي تعرف سوا دباا ولا من بعد...
جلس جنبها شاد فراسها بيديها حااط راسو على جبهتها بايس رااسها..
صهيب: عاارفة بلي الحياة كتخلينا نعيشو شي حوايج اللي مكنكونوش متوقعينها وبلي قد مكتعطينا كتاخد مننا ...او بلي اي واحد كينحاسب على اخطائو في الدنيا قبل الاخرة

سيلين: اش كتخربق صهيب شنووو وااقع متخلعنيش او توقف دم فركابيا.... هضر شنووو وااقع
صهيب: اليوم صونات ليا الواليدة
سيلين : ااه ومن بعد اشش قااالت لييك.... هضر اصهيب الله يرحم باااك راني على اعصابي
صهيب: عممران ماات اسيلين البارح دار حادثة ملي كان هربان من البوليس تقلبات بيه الطوموبيل او نفاجرات...

هضرتو كانت كافية تخلي سيلين تسرط لسانها مخلية هضرت صهيب كتعاود فمسامعهاا.. الصدمة اترات فيها مخلياها ساهية فعالم ماشي ديالها...
صهيب: سيلين شوفي فياا تبتي رااسك سيلين تكتاابت عليه والموت علينا حق سيلين..
كان الصمت جوابهاا مخلية دموعها هابطين شلال من عينيها بدون مدير شي ردة فعل... الشيء اللي خلا صهيب يخشيها فحضنوو حاط يديه على راسو كأنو كيحاول يهدنها الشيء اللي خلاها تزيد تشعل .. كتنخس.. النفس كتقطع فيها..

صهيب: شششش صاااف اسيلين براكة من لبكااا متحرقيش قلبي كتر ما هوا محرووق.(. دورها عند و موجه نضراتها ليه)ششش صااف
سيلين:(كتبكي) بصصح انا كررهتو وحقدت عليه بصح انا عدفتو وتمنيتو يتعاااقب على اي غلطة غلطها فحق اي واحد ولكن عمري تمنيييت لاي واحد الموت اصهيب عمرني تمنييتو لعدوياا.. معمري فكرت تكون نهايتو هكااا... علاش مااات اصهيب علااش😢😢

صهيب: سيلين شوفي فيا تبتي رااسك وااخ الموت علينا حق كلنا ليها وعمران تقادا عمرو او وصل اجاالو متلومي راسك على واالو... عارفك مزيان كيفما عارف الخايب من زوين.. عارف قلبك بيض و عمرك متمنيتي الموت لغيرك واخ يكون معرت فاش اداك.....
سيلين: ان لله وان اليه راجعون ان اليه وان اليه راجعون
صهيب: مسحي دمووعك دباا وااخ
سيلين:بغيت نمشي معاك

صهيب: عارف واخ نعاندك مغاديش تسمعي ليا معرفتش كفااش غيكون الوضع في القصر اللي ليها ليها سيري للبيت الاخر غادي تلقاي في دريسينك جلابة او واحد شربيل ديال الواليدة وشال ديالهم كانت خلاتهم هنا.. لبسيهم واخ
سيلين: واخ
صهيب:(باس جبهتها) انا غندخل ندوش
سيلين وااخ..

خلاها داخل للدوش او ناضت متوجهة الغرفة اللي قاليها صهيب ودموع مزال فعينيها لقات زهير ناعس فيها مشبح مجايب للدنيا خباار الشيء اللي خلا سيلين توجهات جيهتو مفيقاه..
سيلين :(بصوت باكي) زهييير زهييير نووض نووض
ناض قافز من بلاصتو موجه نضراتو لييها..
زهير:(مغمض عين وحال لوخرا) سيلين شكدييري هنا

سيلين: عمرااان ماات ازهيير ماات
زهير:(ناس قافز من بلاصتو وااقف) اشش كتقووولي كفااش عممراان مااات
سيلين:(كتبكي) كييف سمعتي. هوا كان غاادي وملي هرب تفركع..
زهير: سيلين تهدني وااخ وشرحي ليا غير بشوية شنو وااقع
سيلين: ماماات صهيب صونات عليه وقالت ليه بلي كان هربان من بوليس ودار اكسيدون خايبة انفاجرات طوموبيلتو وماات
زهير: الله اكبر ان لله وان اليه راجعوون

سيلين: حناا غنمشييو دبااا للقصر
زهير: صااف واخ انا غادي نلبس وغنلحق علييكم
توجهات لدريسينك جابدة منو داك شي اللي قال ليها صهيب او مشات للبيت لوخرا اللي كانت جلسات فيها اخر مرة.. داخلة الحمام هوا اللول غاسلة وجهها من دموع اللي نشفو.. عاد خرجات لابسة جلابة اللي كانت ديال الخيط بالرمادي و الاسود مع شربيلها مشطات شعرها او لاحت عليه الزيف اللي كان رمادي... او خرجات متوجهة لبيت صهيب من بعد ملبسات شربيل فرجليها... لقات صهيب لابس كيتسناها

سيلين: راني لقيت زهير ناعس فيقتو وقلتها ليه غادي يمشي معانا
صهيب: احسن ما درتي.. يالله نهبطو
سيلين: وااخ..
شدو فبعضياتهم هابطين لتحت لقاو زهير ديجا لبس مستنيهم. .... توجه جيهت صهيب معنقوو سلام رجال
زهير: البراكة فراسك اولد خالتي
صهيب: مامشا معاك باس
زهير: الله يتبت محبتكم بصبر..
صهيب: كلناا ليها.. بالله نمشيو..
زهير: وااخ

خرجو من دار.. راكبين فسيارة صهيب مخليين سيلين اللور شادين طري لقصر المزراوي...
ستتحول الذّكرى لقاموس يحتوي أقسى كلمات الفراق والشجن والدموع ويبقى الموت حاضرا في كل الاوقات...

أسوء أنواع الوحدة .. تلك التي تجتاحك، وأنت في حنين لمن رحل من الأحبة .. والوحدة وموت الأحبة أشد أنواع الألم قسوة ....
فالوحدة والموت رمال متحركة زوارها قليلون ومختلفي الوجهة، لذلك لا تترك مجالاً لثرثرة هي فقط تبتلعهم بطريق لا عودة منها ... موت الأحبة والوحدة لا يزرع شيئاً ... إنها تجعل الأشياء ناضجة ... والوحدة ليست فرضاً ولكنها أسلوب حياة بعد موت أحبة كانوا هم الأنس الوحيد في الحياة لنا.

في قصر المزراوي اللي كان كيسدودو الحزن والضلام من بعد مكانت جدرانو مالياه الفرحة والطمأنينة.. السعاادة والقوة والامل... اليوم فقدو فرد من افراد الاسرة اللي غدر رااسو وطغن راسو من ضهرو بلا ميشعر... شخص عدب و جرح اشخاص بسطاء بدون ميرف ليه جفن.... شخص استخدم كبرياؤو او سلطتو في استحواء اللي بغاا... نساا بلي الله سبحانه عاالم بأي حاجة...(ان الله عليم حكيم) نسا بلي اي واحد كيتحاسب على اغلاطو في الدنيا قبل الاخرة...


اليوم فقدو فرد من افراد الاسرة اللي غدر رااسو وطغن راسو من ضهرو بلا ميشعر... شخص عدب و جرح اشخاص بسطاء بدون ميرف ليه جفن.... شخص استخدم كبرياؤو او سلطتو في استحواء اللي بغاا... نساا بلي الله سبحانه عاالم بأي حاجة...(ان الله عليم حكيم) نسا بلي اي واحد كيتحاسب على اغلاطو في الدنيا قبل الاخرة.....

كان صوت القرآن مسموع في الارجاء.. لعيالات جالسين فجهة او الجهة المقابلة جالسين رجاال حاطين قدامهم تابوت دعمران مغسلينو.. كيتسناو فقط اداان الضهر باش يصليو عليه ويديوه يدفنوه.. صوت بكااء النساء مسمووع في القصر كاامل الحزن والالم طااغي على قلوبهم... فعلاا شكوون قال بلي النهاية غتكون هكااا شكون قال بلي عمران غادي يتقادا عمرو او غادي يموت بهاد الطريقة....

وصلو قداام القصر مديبلاصيين الطوموبيل في باركينغ او هبطو منها داخلين للقصر للحضة وقفات سيلين شادا فيد صهيب راجعة اللور الشيء اللي خلاه يحس بخوفها..
صهيب:(باطمئناان) متخاافيش مغيوقع واالو
سيلين: وااخ
نترات يديها من يدو الخوف طغا عليها ودخلو للقصر مخلياهم داخلين جيهت الرجالة او توجهات بوحدها عند لعيالات رجليها فشلو عليها وهيا كتشوف فهاد المنضر عياات تقوي راسها لكن دموعها خانوهاا هبطو شلاال من عينيها مخلية الكل مصدومين من وجودها اليوم....

نضراتهم ليها خلاها توتر وتزيد في لبكاا دياالها حساات بنضراتهم كانهم كيلوموها على موتو اللي ما ليها حتى يد فيه... لمحاتها غفران او توجهات جيهتها بحكم حسات بتوترها..
غفران: مرحبا بيك ابنتي
سيلين:(بتوتر) البرااكة فرااسكم اخالتي
غفران: ممشا معاك باس ابنتي تفضلي
طلقات عينيها كتقلب على فين تجلس مبانت ليها حتى بلاصة من غير حدا رجاء كانت مترددة نوعا ما تمشي قوات وشجعات راسها او توجهات جيهتها جالسة جنبها مادا يديها ليها اللي كانت كترعد..

سيلين: البرااكة فراسكم
حسات برجليها فاشلين عليها داتها كاملة كترعد خوفا من ردة فعلها لكن وقع ما لم يكن في الحسباان مدات ليها يديها مبادلاها السلام...
رجاء:(بأسف) ممشا معااك بااس ابنتي
حسان بنوع من الطمأنينة او جلساات حدااهم مستامعة للقرآن اللي تجلل مشاعرهاا
للحضة عم الهدوء فقط صوت النساء اللي كيبكيو وصوت انفاسهم حتى كسراات رجاء داك الصمت موجهة هضرتها لسيلين كتشوف في الفراغ اللي قداامها..

رجاء: من صغرو كان عنييد بزااف... كونا مفششينو بزااف اللي كيبغيها كتحضر لييه.... علمنااه ميسمحش فحقوو ويجاهد باش ياخد اللي بغااا... علمنااه بااش اي حاجة بغاها يدير المستحيل كيف مكان نوعو باش ياخدها.... نسينا نعلموه ميشدش طريق الخايبة باش يوصل لاهدافو.. نسيت نعلم ولدي مبادئ الحياة.. نسيت نعلمو كيفاش يعييش فرحاان... نسيت نعلموو كفاش يقدر يحلم كفاش يقدر يبغي النااس عوض ميحتاقرهم.. خليت لفلوس فعينين ولدي هيا كلشي.. علمتو بلي بلفلوس يقدر يشري اي حاجة.... نسيت نعلمو بلي لفلوس ما هوما غير وسخ الدنياا نسيت نعلمو شنو هيا الانسانية والعطف والمحبة اتجاه الناااس عاامة....


نسيت نعلم ولدي مبادئ الحياة.. نسيت نعلمو كيفاش يعييش فرحاان... نسيت نعلموو كفاش يقدر يحلم كفاش يقدر يبغي النااس عوض ميحتاقرهم.. خليت لفلوس فعينين ولدي هيا كلشي.. علمتو بلي بلفلوس يقدر يشري اي حاجة.... نسيت نعلمو بلي لفلوس ما هوما غير وسخ الدنياا نسيت نعلمو شنو هيا الانسانية والعطف والمحبة اتجاه الناااس عاامة....

ولدي اليوم ماات... ولدي ودع هاد الدنيا مخلي كبدتي كتقطع علييه اليوم ولدي مات هاز دنوب الدنيا والدين اللي خلصنا حنا نتحااسبو علييهم حنا ماشي هواا.... مات مخلي ناس كتحرق على بعد و...
متلومييش ولدي عفاااك خلييه يتهناا فقبروو ..لوميني انا... انا سبااب ... انا سباااب.... انا اللي خلصت ولدي يولي فهاد الحاالة انا اللي خلصت ولدي يولي خايب فعيون الناااس تمنييت لو كان مت انا علا اني نخسروو اليوم غندفن كبدتي تحت تراااب ضعيت ولدي بطيشي انا سباااب...

هبطات قفازي قداامها شادا فيديها ودموع فعينيها..
سيلين: ششش متقووليش هكااااا.... انا عمري تمنيت لشي شخص الموت و عمري تبعتو بالشر حتى من وراا موتوو ..... الموت عليينا حق او ولدك تكتاابت عليه يموت ربي بغااه وداه عنندوو.. متقوليش هاكاا عفااك...

فهاد الاثناء دخلات الماس وشروق للعزاء عند لعيالات مسلمين عليهم او توجهو جيهت رجاء اللي حالتها حالة...جسد بلا رووح
الماس: البرااكة فراسك اخالتي
شروق: (باسف) البراكة فراسكم من جيهة ولدكم اختي.. الله يعوض محبتو بصبر كلنا لييها.. قويي رااسك ومطيحيش ولدك دباا راه كيشوف فيك وغيبقا ديما قريب لييك.... روحو غتبقا ديما كدور بسااحتك... غيكون بحال داك النسيم الخفييف اللي غتحسي بييه فكل مرة .. متخليهش يشوفك ضعيفة وطايحة بحال هكاا خليه يشوف الضحكة اللي كنتي ديما راسماها على شفايفك... خليك قوية

هضرتها خلات دموع فعينيها حساات بالشمتة كفاش الناس اللي مخلات مقالت عليهم كفاش الناس اللي طيحات منهم ومن كرامتهم كفاش الناس اللي دمر ولدها لبنتهم حياتها هوما اليوم واقفين حداها مشاركينها حزنها اتجااه ولدها اللي ضيعااتو..بافعالها
رجاء:(كتبكي) سسممحووو لياااا عفاااكم....باسم وللدييي كننطلللب مننكم سماااحة سسممحو ليينااا
الماس: متقولليش هاكااا اخالتي انا مسااامحة ولدك في الدنيا قبل الاخرة... انا مساامحاااه لا دنيا لا اخرة الله يرحمو ويعوض محبتو بصبر ... بصح هوا غللط في حقي او فحق ناس كتاار ولكن عمرنا نقدرو نحقدو عليه حتى من بعد موتو متربيناش على هاكاا....

شروق: كلناا لييها.. هم السابقون ونحن اللاحقوون..
الجو المضلم والحزين خلا سيلين تخرج من الصالة كتجري خارجة برا شادا فعنقها كأنها كتحاول تنفس.. الشيء اللي خلا صهيب يلمحها خارجة كتجري او ناض تابعهاا كاانو قبرو عمران او رجعو من المقبرة... غير حط يديه على كتفها شماات ريحتو او ضارت معنقااه طاالقة العناان لدمووعهاا اللي عياات تحبسهم... الشيء اللي خلا يعنقها مدوز يديه على شعرها كيحاول يهدنها مخليها خاوية قلبهااا حتى حساات بالراحة عاد هزات فيه راسها..

صهيب: شوية دبااا
سيلين :(مسحات دموعها بكف جلابة) شوية
صهيب:الى بغيتي نمشييو
سيلين: مكااين لاش غير خلينا.. انبقاو شوية ومن بعد غادي نمشي انا مع واليديا خليك نت هناا راهم محتاجين لييك


الدنيا ثلاثة أيام: الأمس؛ عشناه، ولن يعود، واليوم؛ نعيشه، ولن يدوم، والغد؛ لا ندري أين سنكون؟ فصافح، وسامح، ودع الخلق للخالق، فأنا، وأنت، وهم، ونحن راحلون، فمن أعماق قلبك سامح من أساء إليك. في المدرسة يعلِّمونك الدَّرس، ثم يختَبِرونك، أمَّا الحياة؛ فتختَبرك، ثم تُعَلِمك الدرس، وقد تَقصُر الحياة، وقد تطول، فَكُل شيء مَرهون بالطريقةِ التي نحياها بها.
دازت 12 شهر على موت عمراان عام كاامل اللي كان كيحمل الضلمة وبعد الاحبااب عليينا عاام خلانا نعرفو طعم الحياة ومأساتها عاام خلانا نعيشوه بفرحو وحزنو...اعتراف سيلين لحبها لصهيب للكل خلا امير ميتقبلش الوضع الشيء اللي خلاه يسمح في المجلة بايعها لسهيل وسيلين اللي دخلو فيها شركاء وسافر لأمريكاا... لحد الآن حتى واحد مجايب علييه خباار.. من نهار مشاا مبقاش كيتواصل معااهم... زهير والماس طورات علاقتهم كتر الشيء اللي خلاه يطلبها لزوااج.. زواجهم كان فقط مابين العائلتين فقط بحكم انه كان طلب المااس...
مروة الهضرة اللي خدات من صهيب اخر مرة خلاها تستوعب راسها وتسافر شهرين من بعد موت خووها محاولة تستجمع رااسها وترجع مروة خراا غير اللي كانت قبل موطدة علاقتها مع سهيل اللي مكانتش متوقعاها لا هي ولا هواا.... رجاء من بعد اكتئااب حااد اللي مرات منووو واللي داام اربعة شهوور قدراات توقف على رجليها وتساامح نفسها قبل متطلب من الناس مسامحتهاا... وهبات راسها لمساعدة المحتااجين كونها اسسات كتر من 10 جمعيات في جميع انحاء المدن في المغرب محاولة تغطي اغلاط ولدها بمساعدة الناس...
طارق بقا هوا طارق تا حاجة متبدلات فيه من غير انو فتح مصحة صغييرة كيعالج فيها المحتاجين بدون ميخلصو حتى ريال اكيد سيلين وسهيل دخل و شركاء معااه
اما سيلين وصهيب فلحد الان مزاال متزوجو موت عمراان خلا سيلين تدخل في دواامة اللي كان صهيب تخرج منها لامت راسها بزااف كونها مقدرااتش تسمح لرااسهاا... الشيء اللي خلاها تهرب من زواج او صهيب دوزات معضم وقتها في الخدمة محاولة تشغل راسها وتنساا ... هاد الاخير اللي مطلقش من يديها وبقاا ديما فجنبها مساندها فاي قراار كتااخدو... واحد خاطرها لاقصى درجة.... كونهم قررو يبدااو حيااتهم بصدق ميخبيو على بعضياتهم والو اضطر يعاود ليها على الغلط اللي وقع بين و وبين مروة... وكونهم مكان بيناتهم والو فديك الوقت سامحاتو بلا متفكر...
مشات الشتااء بحزنها وقهرتها ودخل فصل الصيف.. فصل المحب عن جميع النااس.... كانت لابسة كسيوة صيفية بالاحمر سميطة قصيرة جالسة فحضنو اللي كان لابس فقط شورط لا غير موجهين نضراتهم للبحر اللي كان اكتر من هاادئ... مخليين اشعة الشمس اللي كانت كتر من سخوونة تضرب فيهم واخدين لونهم لبرونزي مستمتعيين بالوضع كل مرة مقبلها ومعيشها فحبو اللي كبر نهااار على نهااار...
سيلين: ههههه صهيييب صاااافيي زكاااا رااك كتهرنييي هههههههه صهيييب
صهيب: مقدييييتش بغييت غير نعرف غير واش نتي اللي كتزياني كل نهار ولا انا اللي قربت نحماق
سيلين: كنفضل الاختيار اللخر هههههه
صهيب: الزركة لوخرا شوفي كي وليتي
سيلين : لهههلااا يحيييك بلضبع لااخور حتى نكوون زركة
صهيب: نتييي رااك الحب نتي لااموغ نتي لعمر دياالي
سيلين: كنبغيييك الحبييب دياالي
صهيب: ااححح وهااد كنبغيك كي خاارجة
سيلين: بحالا اول مرة كنقولها..
صهيب:(زير عليها عابجها مشبعها بوسان) انا راااه كنمووووت علييييك كنحمااق وكنتسطااا عليييك يا البلية ديالي
سيلين: ههههههههههه صاااف برااكة خنقتيني يا هاد الدحش
صهيب: البقرة الضاحكة دياالي...
سيلين: مقلتش ليك المااس حااملة يالله قالتها لي صباح 
صهيب: معطلهااش المسخووط
سيلين: عندوو دااك شي خفييف ولد العبد
صهيب:(ضربها لرااسها) زعما ديك شوية الحشمة اللي كانت فيك طاارت
سيلين: الله يخلف عليك مكااين اللي علمني قدك
صهيب: كنتخاايل عرسناا حتى حنااا
سيلين: العرس الاسطووري ديال سيلين القدميري وصهيب المزرااوي...
صهيب: غتكون لافتة كبيرة مزوقة بالورد فيها سمياتنا بزوج في الدخلة دالقاعة
سيلين: وكاع حبابنا حااضريين .. خالتي غفران ورجاء ومروة وعمي سيف دين ونزار وجدي جدة رحمة وهزل
صهيب: نسيبتي ونسيبي واللفعة دختك وزهير وسهيل ونص بلاصة دطارق وامير اللي غبر عليكم والعاائلة البعييدة
سيلين: غنكون لابسة غوب طوييلة بالابيض وطالقة شعري هازا الورد فيدي...
صهيب: غتكوني داخلة بحال شي اميرة مخلية انضار الكل علييك حضورك وابتساامتك البريئة غيخلي عيوني يدمعو بالفرحة
سيلين: غنتزوجو على سنة الله ورسوله قدام الملأ
صهيب: وغيكون زهير وسهيل الشاهدين على زواجنا
سيلين: من بعد غنقلبوها عرس مغربي بشطيح ورديح وتكاشط بشتى انواعهم اكيد نت غتمل
صهيب: وغنبغي ناخد مرتي بعييد فقط غير انا وياهاا
سيلين: بااش تفتح ليها البوشونة اللي شحال وهيا ساداها
صهيب:(ضربها لخدها بشوية) نوغمالمون هاد شي مخاصش نهضرو عليه باش متدعقيش من داك نهار ولكن معامن نتي مكرهتيهاش من دباا..
سيلين: هههههه حماار.. صاف خلينا نكملوو
صهيب: غادي يدوز عام على زواجنا وغادي يتزادو عندنا توام كيشبهو لماماهم فكلشي
سيلين: غتكون سميتهم ريحان و عوبيد اكيد ريحان من اختياري وعوبيد ديالك واخ معجباتنيش
صهيب: وغتكون قصة حبناا حكاااية كنعااودوها لحفاد حفاادنا..
سيلين: وغيبقا حبناا خاالد مدى الحياة💜

النهااااية.....

كتابتي لهاد القصة مكانش على قبل اني نعيشكم قصة حب من الخياال وندخل احدااث وهمية اللي نخليكم تعيشو معاهاا احدااث اللي مكنتو غتستاافدو منهاا واالو سوى مضيعة الوقت... كتبت هااد القصة بلاش نبين ليكم بلي حناا مزاال عايشين في بلد كيسودو الضلم بلد... بلد عاايش غير بالرشوة ولفلوس.. عندك رااك مالك الدنيا معندكش ادن مكتسواا والو... حاولت نبين ليكم بلي مزال بزاف دالبناات كيعيشو هاد الاغتصاب من ناس كبر منهم ولكن مكيقدروش يداافعو على حقهم مكيقدروش يهضرو ويوقفو على اللي تخدا منهم.. حيت مكيلقاوش اللي يوقف معااهم.. كيردو ديما البنت اللي غالطة البنت هيا ديك وصم العاار اللي كيعيشها الشخص طول حيااتو.... اللي بغيت نبين من القصة انكم متسكتوش دافعو على حقهم كيف مكان نوعو وقفو مع بعضيااتكم او متخدلوش بعضكم خليو ايمانكم ديما في الله قوي لانو يمهل ولا يهمل وفاء بلد كاين قاانون سمعي صووتك لكااع الناااس وبينو ليهم بلي لمرة ماشي عبء.... اما بالنسبة للخطايا مكانوش كيدورو فقط على الابطال انما جميع الشخصيات في القصة خطيئة مروة صهيب سيلين عمران رجاء كاملين.....كنتمنى تكون هااد القصة نالت إعجاابكم وحاولتو تستافدو منها ولو القليل

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.