نتي ليا ونديك بالسيف الجزء 12

احمد و نادية كيدابزو و صوت غواتهم غير مكيزييد يعلا.. فهاد الجو فضلات يسرى تنساحب حطات الميكة ديال دوا فوق الطبلة.. و خرجات بهدوء تا حد ما حس عليها غادية لدار و عقلها مع يسرى .. تا دخلات فامين..

امين : شوفي قدامك شوية و غطيحي..

يسرى : مسكينة سمر.. الحرب نايضة عندها..

امين : علاش..

يسرى : دابزات معاها ماماها ..

امين : علايااس ولكن؟..

يسرى: طرطقات و صافي على كلشي لبس و المكياج جمعات لحسااب..

امين: بروجولة دب.. را عندها الحق..

يسرى : اودي لعفو من هاد درب تفو غيير الحضايا و ولاد لقحاب..

امين : هاد زيين كلوو و كتخسري الهضرة نتي ماشي ديال هدشي.. واش عزييز عليك الهضرة المشرملة باش تسمااي واعرة ..

يسرى : اميين الفلسفة ديالك خليها لنهار اخر تهلا تانا رانييي حمارة جالسة كنشكي ليك.. ( تمات غادة تا شدها من دراعها )..

امين : دب حنا شنو ؟ شنووو هضري بااش نعرف راسي من رجلي .. واش مصاحبييين واش خوت شنو .. كل مرة معايا بوجه..

يسرى : حنا علاقتنا مناجحاش والله .. نتا ضريف واخاا كلشي حاسبك واحد صعييب و تا واحد هنا مكيتزايد معاك فلهضرة ولكن انا عارفاك تا واحد مابحاالك..قلبك كبير.. انا منصلاحش ليك مكنعرفش نبغيي و دك تخربيق ..

امين : تانتي واخا كتباني شرموولة ولكن عارف بحال قلبك مكااينش.. كنبغييك امتا بغيتي تفهميها بغييتك كما نتي .. خايبة زوينة.. بكلشي ديالك منييين كانت عندك 13 عام وانا كنبغيييك.. حليت عيني فيك حسبتك ختي.. صاحبتي كلشي.. درتك فلمقام لول بعد ميي.. نتوما ب 2 لي عندي.. عمري تصاااحبت ولا فكرت نشوف فشي وحدة من غيرك حيت منقدرش.. و دباا قوليلي ايسرى عطيني الخلاصة من هدشي كامل حيت صافي عيييت و صبري تقادا..

يسرى : ( قاطعاتو ) كتبغيني لهاد درجة..

امين : اه و نبصم ليك عمرك تلقاي شي حد يبغييك بحاالي .. 

يسرى : عارفة .. تانتااا غااالي عندي و بزاااف.. واش غتصبر لهبالي ؟ واش غتبقا تبغيني كيف ما انا.. 

امين : من ديما باغيك كيفما نتي ..

يسرى : ( شدات فيدو و ابتسمات فوجهو ) صووو متصالحيين.. كنت قاصدة نجرجرك هكاا كنكره شي واحد يقطع فوجهي بقا فيا الحال بزااف اميين..

امين: نتي لي كديري المشاكل.. كتحاسبيني على شي حوايح معنديش دخل فيهم.. سمعي يوسف بصح صاحبي و خوويا ولكن لا انا لا هو كندخلو فحياة بعضياتنا.. يوسف موو لي جابتو على هاد دنيا و مكيسمعش ليها يعني لي فراسو فراسو.. و مكيبغييش لي يدخل ليه فحياتو يعني بخصووص لي بينو و بين سمر انا معنديييي منعااود .. واصلا كندوييوش فهاد الخصووص .. بلا ما تضلميني و متحطينيش فشي موقف خايب معااه هو خوويااا لي معنديش و سمر ختي صغييرة.. خوييت راسي من هاد سووق ..

يسرى : ( فهماتو.. تحت اي ضرف كيبقا صاحبو .. تا هي حطات راسها فبلاصتو متقدرش تفووت سمر واخا ديير شي حاجة لي خايبة) اوا الله يدير لي فيها خييير..

امين : اه ولكن را كيبغيها والله..

يسرى : اه بااينة..

امين : نتي اصلا معندكش معاه من عند الله..

يسرى : لا هو داار علاش ولا نسيتي..

امين : صافي صافي نسااي.. يلاه نوصلك را ضلام لحاال..

يسرى : نمشي بوحدي حسن ما يديروني فلجريدة..

امين : شكون هدا لي يسخيا بحياتو.. 

يسرى : اححح عليييييك امااي هيييرو..

امين : شنو هي هاد ماي..( سكت معرفش ينطقها ) ياكما كتسبينييي..

يسرى: نتا فين عرفك.. زعما البطل ديالي بالانجليزية..

امين : امم ..

بقاو غاديين كيهضرو.. وصلها تالبااب دار و كمل طريقو للقهوة.. اما يوسف فباقي نااعس..سمر حيدات حوايجها و لبسات بيجامة .. تخشاات فبلاصتها .. و تلفونها غيطرطق بليزابيل من عند سفيان و هي مكتجاوبش...

نادية .. كتوجد فلعشاا و كتسوط غير بوحدها و احمد جالس فصالون.. كيسمعها الهضرة خلاها تحس بندم.. وجدات لعشا حطاتو فوق الطبلة..

احمد : واشوفي دباا تا لعشاا حرمتيه عليهاا شوهتيها حدا صاحبتها محشمتي ماراعيتي..

نادية : و صافي صاافي نفختي ليا راسي بهد الهضرة.. انا غنووض نهضر معاها..

ناضت و هي كتستغفر مولاها.. دخلات عندها لقاتهاا جالسة و طافية ضو و عينيها فسقف...جلسات حداها... كدوز يديها على شعرهاا على طولتو و سمر مكتهضرش..

نادية : عارفة راسي كبرتها ولكن متحملتش نشووفك بهاد الحالة .. بنت وحدة عندي.. منتحملش نخسرك..

سمر : علاش محاولتييش تسمعينيي هااا

نادية : ماتحكمتش فراسي..اسمر .. نتي بنتي زوينة را كنخاااف علييك عين بنادم خايبة.. ونتي مدرتي فيها مايصلاح.. كنخاااف باك يعرف... والله اسمر تا غيمشي فيهاا .. وليت عايشة فخوف من شي نهاار يشدو شي واحد و يقوليه بنتك هاشنو هاشنو..هو تايق فيك..

سمر : بنتو اشنو اشنو هاااا شنو انا شنو درت فحياتي.. واش غيير حيييت بغيت مرة وحدة فحياتي واش على غلطة صغييييرة انا نتحااسب حياتي كلها .. ياك صافي درت لي بغيتي تخطبت و الراجل لي بغيتييييه نتي اماما شنو باقي كتر..

نادية : كوليني حسن .. شكون جبد زواج فهدشي و مالك غطرطقي غير بوحدك.. اودي متعرفي بحق الواليديين تا تولدي و ديك ساعة غتحسي و تعرفي..

سمر : واخا ممكن تخليني ننعس..

نادية : ( تلفونهاا كيصوني.. جبداتو من جيب ديال البينوار ) سفيات علاش كيصونيلي..

سمر : متجاوبييهش..

نادية : عييييب عيب.. 

مسمعاتش كلامها جاوباتو سولاتو على دار و كيف بقاو و هو نفس شي ... كان باغي سمر.. 

نادية : واخا اولدي هاني نعطيها ليك.. ( مدات ليها تلفون )..

سمر : (خنزرات فيهااا )..

نادية : ( بصوت خافت ) حشومة ابنتي.. مهم نخليكم تهضرو على راحتكم..

خرجات من لبيت.. و كتصنت عليهم ورا لباب ..

سمر : اهلن..

سفيان : نهاااار كلو مكتجوبيييش شنو واااقع و فين كنتي مكتجاوبييش على تلفوني..

سمر : ماااالك كتغووووت عليا واش تانتا نزيييدك فوق همييي..

سفيان : علاش كدوي معايا بهاد طريقة.. كنحس بيك معايا بزز..لا اهتمااام لا هضرة زعما مخطووووبين دب واش مكتبغينيييش ...

سمر : سفيان بعد مني هاد ساعة يرحم ليك الواليدين مافيا لي يتعصب .. بونوييييي..

قطعات عليه و حطات التلفون بعصبية فوق الفراش و نادية غتاكل جنابها بلفقصة...

نادية : حمااااارة حمااااارة عطاني سيدي ربي معندها كرااام ديال لعقل لا .. 

دخلات هزات تلفونها و مهضراتش حيت غير غينوضوها تاني.. مشات جمعات الطبلة و غسلات المواعن و جلسات كتفرج احمد دخل ينعس كيفيق بكري..

يوسف فااق من نعااسو .. دخل يدوش باش يحيد عليه دك العيا بعد ما كمل دوش ديالو لبس سيرفيط كحلة ديما كيفضل لون الاسود فحوايجو.. كما كاروه هو لول و خرج متاجه للقهوة بلاصا طوموبيل و دخل و هو مخنزر .. و ناس ساكتين و كيوشوشو غير بيناتهم على شنو وقع فصباح...جلس فطبلة فين كان جالس امين..

امين : من صباح ما بنتي..

يوسف : كنت ناعس..

امين : ( بصياح ) باااا عيسى شي كاس دلقهوة كحلة.. باش يلاه تفيق..

يوسف: واييه جات فوقتها.. كيف بقات ..

امين : شكون..

يوسف: سمر

امين : بيخيير .. غير فدار دابزو معاها هدشي لي قالت لي يسرى .. 

يوسف: اه مزيان .. ( بدل لهضرة دغيا ) اوا امتا نبداو فلمشروع.. 

امين : ان مشروع..

يوسف: وا القهوة اصاحبي ..

امين : فقاش ما بغيتي..

يوسف : اوا من غدا نمشيو نقلبو على شي صمصار يقلب علينا على شي ارض..

اميين : انشاء الله..

جا واحد دار اشارة ل امين باش يخرج معاه على برا فهمو غير بالاشارة ناض تبعو على برا.. عطاه دكشر لي بغا بعد ما خلصو..

امين : الله يعفوو علينا..

دري : امييين اخاااي..

رجع لبلاصتو و يوسف مسولوش .. كيشرب فقهوتو و جابد بريكة كيشعل ف الكارو..

ضربات 3 دلييل و كل واحد مشا فحالو نادية طفات تلفازة.. و هزات دك دواا كتفحصو..جبدات ديك البوماد و دخلات عند سمر لقاتها ناعسة .. دخلات كتسلت باش متفيقهااش.. حطات ديك البومادة على نيفها كتدهنها بمهل باش متفيقش سالات باستها فخدها و خرجات غسلات يديها و مشات لبيتها ترتااح.. صبح صبااح فاقت سمر اول حاجة دارتها شافت فلمراية كتفحص ديك ضربة .. لقاتها غير مزادت حماارت ..

سمر : هوووف انا كيفاش غنخرج دباا.. 

غسلات وجهها و حكات سنانها لبسات صاية مع تريكو بيض و صبادري وجمعات شعرها كعكة و دارت الغوجاليف و صافي.. دارت يديها فسوتيانات كتقلب على ديك 100 درهم كانت مخباياها تما.. لقاتها تما.. فرحات ...

نادية : فين غادا بلا فطور.. دويتي مع سفيان؟

سمر: غدا نتسجل و مدويت مع حد..

نادية : صوني لدري حشومة عليك..

سمر: غنمسي نتسجل هو لول قراايتي قبل كلشي...

خرجات قبل متجاوبها.. دارت ليكيت فوذنيها و دازت حدا جيران.. مخنزرين فيهاا مكرهوش يريشوها..

حكيمة : شوووفي لقحبة غادا و هازا كواريهاا لسماا 

عيشة : تانتي معندها لاش تنفخ .. براكة غيير ولد سعااد و شنو دارفيها..

حكيمة : عندها قالاك معندهااش.. الخاريج القراية و خطيبها كييف البلارة و باه جدارمي معرووف نااس ملعقيييين دك زهر عند بنتي ولا بنتك سكتي خليني مكمداها فقلبي ..

بقاو داويين فيها ماخلاو ماقاااالو.. اودي كنحكمو على المضااهر.. و مكنعرفوش الخبايا.. وصلات عند يسرى تسناتاها تلبس و خرجو بزوج.. وصلو للقهوة كان امين و يوسف تماا.. و يوسف داير كاسكييط.. يسرى سلمات على امين و يوسف و سمر دارت نفس شي مد ليها يدوو بلا مايشوف فيها عصبها داك تصرف بغات تا هيي تعصبو..

سمر: اموون مكااينش تيتيز فهاد القهوة..

امين : هه الله يهدييك ان تيتيز.. المهم يكون راجل..

يوسف: ( متسوقش و مدواش ).

سمر : (زادت عصبااات) اممم يخليلي غيير سفيان .. 

يسرى : واييه مهم يكون راجل ماشي شمااااتة ..

يوسف : ( باقي ساكة وخاشي وجهو فتلفون و معطاهم تا اهتمام )..

سمر مقدراتش تزييد تصبر حسات بدمهاا بدا يسخن.. دفعاتو بكل جهدها تا طيحاتلو تلفون من يدو.. تحنا و هزو بكل برود و مدواش..

سمر : (بلغواات) شنووووو كتحاااول دييير شنوو..

يوسف: ( ببرود مكنحااول نديير والو ) 

سمر : صافي خديتي دكشي لي باغيييييي و وليتي دير فستونات ديال زوامل..

يوسف: ( ببرود ) مكنديير والو و مباغي ندير والو ..

سمر : حييت ديتي دكشي لي بغيتي..

يسرى: سمر ( بهمس ) سكتييناااا اصاحبتي.. 

سمر : بلغوات لا مغنسكتش .. ( زادت علات فصوتهاا ) كتحااااول تبين راسك بريييئ .. بغيتي تهضر ولا نهضر نسمعهم شنو درتييييي ..

يوسف: ( جمع يدو على شكل قبضة ) سديييي فمك.. 

سمر : خليني نهضر كيفاش.. تعديتي علياا و ضربتيني وغ..

يوسف : ( شدها من دراعها و هضر وهو كارز على سناانو و مخنزر فيها ) قلت لييييك قطعي الحس.. سكتيييي ..

سمر : ( تنترات منو ) لا غنهضر بااااش يعرفو.. ( صوتها غير مكيزييد يعلا )..

جرهاا من دراعهااا بعصبية و سااخط ... يسرى بغات تبعهم حبسها اميين..

و ناس كلشي كيشووف.... هي ولات كلها كتنهج بالاعصاب دفعها على طوموبييلتو بكل عنف.. و شدليهاا يديهاا بزوج لفوق .. و مغووبش و شدها من ذقنها و نطق..

يوسف: ( بلغوات ) علايااش كتقلبييي شنو باغا دباااااا شنو باغاا منييييي شنو ؟ 

سمر : ( تا هي ماشي من العاكزيين.. جاوباتو بنفس النبرة تا كانو شفاهم غيتلاصقو.. انفاسهم تخالطو ) مابغيييييت منك واااالو نتااااااااا لي شنو كتحاااااااول دييير ..

يوسف: ( طلق منهاا .. و كيدوز يدييه على شعرو بعصبية و ضرب بركلة الرويضة ديال الطوموبيل ) دبااا كتردي فياااا لومة يااااك نتي لي جيتييييي كتفرعني ..

سمر : ( قربات عندو ) درتيها و قلبتي وجهك..

يوسف : ماشي هداااا موضوووووعنا .. اخر مرة اسمر تجبدي هاد الموضوووووع مع شي وااااحد كيفما كان كتسمعيييي!

سمر : علاش خفتي تشوووه يااك .. خفتي سي يوسف طييييح من مقامتك..

يوسف: المكلخخخخخخة كتشوووهي رااااسك.. انا ماراااابح والو كتسمعييييي مارابح تا قلوة راك نتيي لي كتشوهي برااااسك.. شنو كتحااولي ديري بهاد لفعاايل بغيتييييي يزيدو يحلو زكهم عليك اش بغيتييي بغيتي تعطيهم دليييييل باش يلقااو منين يشدووووك علاياااااش كتقلبي ازمر ..

سمر : دويييييت مع امين ياك بحاااال خووك..

يوسف : ( قاطعها ) دكشي كيبقااا بينيييييي و بييييينك تا مخلووووق مايعرفو... واش على بالك كديري شي انجااز واش صحابليك هكا غتعصبينييي .. شنو باغا بضبط.. طلعي ليا دم لرااااس باش نخلي دار بوك و فلخر ترجعيني حكاار و ماشي راجل ياك ؟..

سمر : ( ضربات طم مجاوباتوش.. ربعات يديها و تكات على طوموبيل )..

يوسف : هضري مالك ساكتة سيري قولي ليييه يوسف غتاصبنييي سيري قوليها لمن بغيتيييي سيري يلاه.. كتشوهي غير راسك انا ما خااسر وااالو ...

سمر : مداااام ما خااااسر والو علاش حبستينيييي هااا علاش مخليتينييييش نكمل هضرتي ياك قلتي خرجتي من حياااتي علاش كيهمك نتشوه ولا لا ؟

يوسف : هاد الموضوووع هناا تسالا .. سمعتي عل اقل فكري فواليديييك عمري شفت شي بنت انانية بحااالك عمرييي..

سمر : ( ضحكات باستهزاء ) هههه انانية يااك.. واليدييا كنتي تفكر قبل ما ضيع بنتهم اشريييف ؟

يوسف : اه انانيية .. بااش تعيشي مرتااااحة و فراحة البال و بهبالك.. بقيتي مع سفيان حيت متأكدة مغيدخلش فييييك.. و باااش تقتلينيييي .. بااااش ترتاااحي ما خليتييي مادرتي فياااا تا رجعتيني مريييييض النعاس مابقاش يجيني.. هدشي كلوو باااش ترضي رااسك و تنتاااااقمي... اناااانية نتي و بزااااااف ماضيعتكش اناا نتي ضيعتي راسك بفعاايل دلقحاااب .. ( شدها من دراعهاا كيدي فيها و يجيب ) شحاااال من مرة وصييييييتك شحااال هضري شحاال من مرة قلت لييييييك بعدي .. جربت كلشي ولكن نتييييي فكل مرة كتزيدييييي... ما خليتي ليا تا شي خياار ولكن شوفي .. ( بقاا ساكت مدة قصيرة و رجع هضر بصوت هادئ و بدل فنبرة صوتو ) باقا كييف نتيييي . تا حاجة منفعااات معاك.. 

سمر : صاااافي سكت صافي..

يوسف : لا غتسمعيييي ... علايااش هدشي كلوو علايااش ؟؟ غلطة بسييطة منييييي ومكانتش عن قصد و مكان تا حل ؟ هضري اسمر هدشي كلوووو علااااش... ضحييييييت على قبلك بكلشي حطيييتك فواحد المقااام لي عمر شي بنت لمراا موصلاتو من غييير مييي.. شكوون نتي لي متسامحييييش ؟ شكوووون نتي هضري عرفتي ندمتينييييي على اي حاجة درتها معاااك .. ندمت متستاهليييش .. برب مكتستاهلي .. دبا ديري لي عجبك و تيقينييي دبا خسرتيني فمرة اسمر ... نتي وحدة خاايبة كتفكري غير فراااسك.. ترضي نفسك و ماعلا بالك فحد.. طبعك هدا غيخليك ديماا فلخر بوحدك.. 

سمر : ( فاش سمعات .. خسرتيني اسمر .. عينيها دمعو و حساات بغصة فحلقهاا دموعها شوية و ينزلو ).. 

يوسف : اخر مرة تجبدي دك الموضوع قدام شي واحد..

خلاها و زاد بحالو هي بقات مصمرة فبلاصتها كتحاول تيق شنو شافت..و تستوعب هضرتو لي كانت بحال سم بنسبة ليها..

امين لمحو جااي مخنزر .. مشاافش جهتهم دخل ديركت للقهوة .. و سمر جات بشوية عليهاا و دموعها سايليين..

يسرى : ضربك تاني ياك ..

سمر : لا مضربنييش..

يسرى علاش كتبكي..

سمر : نساي والو.. ( مسحات دموعها ) تعطلنا ..

يسرى : اميين غنمشييو نتسجلوو ..

امين : اك تكملي داار بلا ما نوصيك..

يسرى : كنا بغينا نخرجو نفوجو شويا ..

سمر : مابقاش عندي الخااطر..

مشاات هي و تبعاتها يسرى طول طريق و سمر ساكتة.. و باينة فيها مهمومة.. و يسرى غتنفاجر عيات صابرة بغات تعرف شنو كاين ..

يسرى : اوووف اسمر قربنا نوصلو ونتي محليتي فمك بتا حرف.. شنو لي وقع خلاك نبدلي هاكة ....

سمر : واش بصح انا خايبة واش بصح ضلمتو ؟.. واش انا كنفكر غير فراسي..

يسرى : دك زامل هو لي قاليك هاد الهضرة راه متعمد يعدبك اسمر ..

سمر: حيدني من حياتو فمرة ايسرى انا صافي خسرتوو خسرتوو..

يسرى : واش واعية على هدشي لي كتنطقي بييه ولالا بلا متعصبيني .. نسيتي فعايلو معاك نسيتي بلي غتاصبك.. نسيتي نسيتيي..كيفاش خسرتييييه اصلا نتي مخاصكش تسوقي ليه..

سمر : منقدرش.. كيف سمعني منقدرش.. باقا كنبغييييه سمعتيييي باقااااا كنبغييييه كيف لول... حسبيني مدلوولة مريضة ولكن مافيدييييييش .. تاهو تعاقب معايا ايسرى .. بكا .. و تعصب ولا واحد خايب بسباابي انا لي خليتو يوصل لديك لحالة.. انا خسرتو بيديييي.. كنت ديمااا كنقول واخا يوقع لي يوقع غيبقا تابعني حيت كيبغيني ولكن صافي مشاا.. مشاا ايسرى فمرة..

يسرى : يقود.. ناري عصبتيني والله ..

سمر : (قاطعاتها) يسرى هضرتك لي كيف سم خليها لمنبعد .. كنبغيه و هدشي لا انا لا نتي تقدري تبدلييه .. انا مقلتش ليك كنحلم بيه راجلي.. ولكن كنبغييييه و بزااف و سدات..

يسرى مزادتش معاها فلهضرة حيت غير غيدابزو .. وصلو ل ليسي دخلو للادارة لقاو دنيا عامرة تسنااو نوبتهم.. دخلو تسجلو و بقا الحارس العام كينصحهم حيت عارفهم طيارات .. و هما دايرين فيها حشمانيين .. خرجو من ليسي لقاو سفيان تماا مبلاصي طومبيلة باه و داير نضااضر..

سمر : فعاااايل نادية هادو 

يسرى : سيري دوي معاه 

سمر : دكشي لي كان ناقص

يسرى : انا بعدا والله مابقيت فاهماااك راكييييي مخطووبة منو واش نسيتي ولا كتناساااي..

سمر : يسرى والله تا بزاااف عليا كتسمعي شنو هي بزاااف بزاف.. كلشي مجموووع علياا.. واش كتسمعي انا مكنبغيييهش.. عزيييز عليا ضرييف اه ولكن انا قلبي مع واحد اخوووور واخاا ماخلا مادار فيا مقدرتش نكرهو!!

يسرى : نسيتي بلي غتاصبك !

سمر : ( دفعاتهااا بجهد تا كانت غطيح) شنووووو بغيتي شنوووووو واش كتقصدي تجرحينييييي و تفكرينيي فدييييك ليييلة .. فقااااااش ما كنلهي رااسي بااااش ننساااااا و نتلاهااا باش منفكرش كتجي نتييي تفكرينييييييييي شنو شايفاااني كنضحك و مكنجبدش الموضووغ قلتي هاديييي نساااات.. منسيييتش كتسمعييييي بغيتي نبقا كنبكي ديمااا را دمووووعي نشفو و من داخل اصلا انا مييييييتة كتسمعي مييييييييييتة..

تغرغرو عينيها بدموووع خلاتها و مشاات معصبة .. ولكن مهم خرجات لي فداخل ديالها شحال صعييب متلقااي لي يفهمك ولا يحس بييك الا كنتي نتي اصلا مفهمااش راسك..وصلات عندو حيد نضااضر و سلم عليها بلابيز..

سفيان : مالك مع يسرى اول مرة نشوفكم مدابزيين..

سمر : مكااين والو.. مهم نقدرو نمشيو من هنا راك عارف ليسيي..

سفيان : واقيلة نسيتي راحنا مخطوبيين..

سمر : ياكماا صحابلييك العالم كلو عارف.. 

مشات وقفات عند بااب طوموبييل فتح ليها الباب جلسات القدام و هو كسيراا و هي مكتهضرش و مكتشووفش ناحيتو ابدا .. حاطة راسها على زاجة.. حاول يلفت انتباهها طلق لدييسك.. ديال نتي عشقك صعييب و انا صادم فييه.. و هي كل تفكيرها مع يوسف و هضرتو... فرانا بجهد .. فاش شاف الخاتم ماشي فيدها ..

سفيان : فين خاتمك..

سمر : خليتو فدار..

سفيان : منيييتك الا متلبسيهش علاش تخطبنا اصلا 

سمر : وانا برااسي معرفتش !!

سفيان : سمر هضرتك من لباااارح معجباتنيييش شنو كاين مالك قلبتي وجهك..

سمر : عرفتي كنكرهكم كلكم بحاال بحاااااال.. كتخليو الواحد يبغيكم من بعد كتمشييييو و تخليوه..

سفيان : وضحي كلامك؟ شنو كتقصدي بهضرتك 

سمر : هضرتي را باينة .. وا بناااادم راك واقف فنص طريق ..

سفيان مزادش معاها الهضرة كسيرا طااير.. ما وقف تا لراس درب.. خلا روايض خارج منهم دخان.. يلاه بغات تنزل حبسها..

سفيان : تسنااي..

سمر : سفيان عفاك خلينيي والله المورال للهضرة والو ..

سفيان : لا غتقولي اش قصدتيييييي بهضرتك ؟ شكون هداا لي بغيتييه و خلاك انا ماشي دمدوومة..

سمر : قلت ليييك حل لبااب خليني نمشي فحالي و مكااين.. والو..

سفيان : انا مااشي مككككلخ ولا حماار مكنفهمش.. هضري ..

سمر بقات ساكتة كضور فعينيها.. فلحضة دارت ابتسامة جانبية و قالت فنفسها..

سمر : ( بغيتي تلعب هاحنا غنلعبووو ).. بغيتي تعرف.

سفيان : اه كنسمعك ..

سمر : سمعني مزياان .. انا كنت كنبغيي صاحبك.. و غلطت معااه... انا كنبغييه..

سفيان : براكة من طنز كنسولك بصح اسمر..

سمر : تانا دوييت معاك بصح.. انا كنت فغولاصيون مع يوسف و غلطنا..

سفيان : ( جاتو صدمة ثلاثية الابعااد ) كيفاش.. نتي و يوسف؟

سمر : بلا متفهم غلط.. انا وياه كنا مصاحبين قبل منعرفك.. و تفارقنااا قبل منكون معاك..

سفيان : غلطتي معاه ؟ شرحيلي

سمر: كلشي بااين شنو بغيتي نشرح.. انا ويااه غلطنا شنو بغيتييي نشرح ليييك كتر ..

سفيان : ( بلغوات و وجهو ولا حمر ) كيفاااااااش هاد الغلطة .. واااااش لي فبالي لا متقوليهاش..

سمر : ( ببرود اه ) هاديك لي فبالك... علاش واش بغيتيييني انا ولا بغيتي تقبة ديالي.. ولا صافي غيير تبانلكم البنت بلا بيها كتلوحوها كيف زبل..

سفيان: غتسكتييييي ( ضرب يدو مع الفولون ) لا ميمكنش.. نتي سمر البريئة متقدريش ديريهااا انا عارفك..

سمر :نتا ماعارف عليا واااالو.. سمع اسفيان انا جييتك فااص دباا و قلت لييك لي كاااين.. 

سفيان: واش كتسطااااي عليا ولا شنووووو هاكة بكل برودة كتقولي ليا سفيااااان انا كنبغييييي صاحبك و غلطت معاه واش نتي صافا باااااا ..

سمر : قلت لييييك قبل ما نكون معاك.. شنو دنبي انا فهدشي !! خاصني نرجع لوقت لوور ولا شنو دخلها لمخك فداك الوقت مكنتيييييش فحيااااتي .. ممنحقكش تحااااسبني دباا..

سفيان : ( بقا ساكت مدة كيحااول يستوعب شنو كتقول مقدرش يتييق ).. باقا كتبغييه ..

سمر : بلا متسولنيييي هاد سؤال..

سفيان : كتبغيييييه ياك القحبة عليهاا حليتي رجلييييك.. واخا منكوونش اناااا فحيااتك كيييفاش عطاااتك خااطرك تبيعيييييي راسك كيفاااش واش رخصتي راسك لهاد درجة طلعتي مكتسوااايش..

سمر : هاد الهضرة كاع مكتأتر فياا سمعتي.. ( ضحكات باستهزاء ) قلت لييك كلكم بحاال بحال عقلكم بيين فخادكم لا مكااانتش التقبة مكااين واالو ... فين هي هضرتك سمر انا بغيتك نتي .. مكتهمني تا حاجة.. ( حلات البااب و نزلات بكل برودة )..

تبعها و سد لبااب تا كان غيتهرس.. و قبل متمشي شدها من دراعها و دورهاا عندو..

سمر : ( نترات منو ) بعد منييي ..

سفيان : تسناااي .. كيفاااااااش علاش درتيها بيااااااا علاش مقلتيلي واااالو نهار لول..

سمر : كلكم كتحاماااااو على دريااااات سير عند صاحبك لي طلع شماتة معاك انا مااالي ..

سفيان : انا تقت فييييكم بزووووووج تقت فييييييكم علاش رديتووووني كيف القحبة بيناتكم.. اناااااااا تخلييييييييت على كلشي على ودك عرفتي شناهي كلشييييييييي خليت كلشي ورايااا و جيت عندك ونتيييييي .. مع يوسف لا برب ماتيقت.. هادي علاش نهار خطبتو كنتي كتبكيييييي.. حيييييت طلع معاك صبع حواك ورماااال بحال شي قميجة لبسها و رماهااا..

سمر : (ببرود ) اول حاجة قلت ليييك مكنتييش فحياتي معندكش لحق تحاسبني... لعييب و لعاار الا لعبت مورا ضهرك.. انا تا دباا مكيهمنييش تيق ولا متييقش حيت اصلا كلكم تريكة وحدة..

سفيان : كيفاش حليتي ليييييه رجلييييك كيفااااش كلا ليك عقلك.. 

سمر: صافي مابقااااتش بكارة .. مابقااتش سمر ياااااااااك.. البنت بلا بييييها مكتسواا واااالو ياااااك 

سفيان: رااااااا عطيتيها بخاطرك ماشي غتاصبك ولا وقع ليك مشكييييييل راااااااك عشتيييييييي معااااااه لووووووف..

سمر : غلطة و دازت كنا فغولاصيون و شيطان حضر و سدات اما نتا را بينتي لي بلي كلكم بحال بحاال ..

خنزرات فيييه و مشات بحالها.. ضرب يدو مع الطوموبيييل ما مرة ما زوووج باقي مابغااش يتييق اكيد كاينة شي حاجة.. هي غير غبرات من حدااه دموعها طاحو كيف شتا داك القناع ديال البرود حيداتو جلسات حدا واحد البااب و شبعات بكا مع راسها.. متحملاتش يتجاهلها بديييك طريقة بغات تنتااقم بغااات تزييييد تحرقو.. بزوج بيهم متناقضين مع راسهم.. كتبغييييهو كتحماق عليه و باغا تعدبو بصح مريضة فراسهاا.. و هو كيبغيها ولكن بطريقة المجانييين..

مسحات دموعهاا بكمامها.. و تسندات على ديك البااب .. و كتردد فنفسهاا.. غنزيييييد نحرقك مزياااان نورييييييك كيفاش تجاهلني و ترميني فحالا عمري كنت فحيااتك يلاه اوا دباا فكهاا... سفيان بعد ما برد جنونو فطوموبييل بركييل و ضرييب جلس فلرض مسند عليهاا.. و دمعو عينييه حس بشمتة من صاحبو قبل سمر.. حيت هو لي عارفو من لول و تشاركو الحلوة و المرة .. وقفو مع بعضهم ... بقا كيبكي كييف دري صغيير.. دموعو دايزييين فوق خدوو.. اما يسرى بعد ما خلاتها سمر رجعات لدار و هي مقلقة معجباتهااش هضرة سمر اول مرة تفركع عليها بحال هاكك...

جمع الوقفة غادي بسرعة قاصد لقهوة .. دخل لقا يوسف و امين جالسيين مشا مباشرة لعند يوسف ناوي على خزييييت شدو من تريكو ديالو .. و عطاه بكروشي لفمو تا طاح يوسف لرض و دم دايز من فمو .. يلاه ناويي يعطيه تانية دفعو امييين..

امين : جهلتيييييي نتا ولا مالك..

يوسف : ( ناض و هو كيمسح فمو من دم.. )..

و ناس تما كلشي حاضي .. عيسى جاا كيغوت مابغاااش توقع شي مدابزة فلقهوا .. امين خرجهم على برا.. و كيحاول يكالمي سفيان لي غير باغي ينقز على يوسف..

امين : دويييييي اشماااااتة يا حسرااا نتاااا كنتي صااااحبي صاااااحبيييييي .. خووووويا لي مولداتوش ليا ميمتي ...

يوسف : ( ببرود .. رما الكاسكيط لي كان داير و وجه هضرتو ل امين ) مدخلش .. خليييك بعيييد..

امين : يوووسف !!..

يوسف : قلت ليييييك خليك بعيييد بيني و بينو..

امين .. بعد و تكاا على لحيييط حاضيهم شنو باغييين يديرو..

سفيان : ( شد يوسف من تريكووه و كيدي و يجيييب فيييه ) كنتييي خووويا علاش غدرتي بيييييييا علاش..

يوسف : ( دفعو ) طلق ... 

سفيان: على بنت خسرتيييييي العشرة الله يا ودي..

يوسف : كنبغييييهاا ! قبل ما تجيييي نتاااا ..

سفيان : ( عطاه بونية لنيفو يوسف تجنبهاا و ضربو لكرشو خلاه يطيييح كاو )..

يوسف : خلينييييي اسفيان خليني منغلطش..⬅️⬅️⬅️

سفيان : ( ناض و هو شاد على كرشو ) سير يا شماااااتة.. بزوج بيكم طلعتو مكتسوااوش.. دغياا حلات رجليها..عشتو ليييلة زوينة يااك..

يوسف : ( عطاه بكروشي ل فموو خلاه يعاود يطيييح و دموو كيسيييل رجع تحنا عندو زادو وحدة اخرا ) . متجبدهاااااااااش على فمك كتسمع متجبدهاااااااااش هي ماعليها واااالو من هاد القلاوي كاااااامل.. بغيتها قبل ما تجييييييييي نتااا بغيتها قبل كتسمع ... و هدشي كلووووووووو على ودك بقييييييييت ساكت باااااااااش منجرحكش و نقص منك و دباا جاااااي حال قزيبتك عليااا تا سير اصاحبيييي قبل ما ندير شي مصيبة..

خلاه مرمي و دار ضهرو باغي يمشي.. سفيان معطلوش ناض بزز منو و عطاه بركلة لضهر خلاه يطيييح.. و جا فوقوو كيخشي فلبونيات و يوسف مكالي بيديه ..

سفيان : عاوداااتلي كلشي .. كيفاش كنتو عايشين الحب .. و كيفااش نعسات معااااك حيت كتبغييييك سلمات راسها ليك.. كلشي عارفو .. 

يوسف قلبو و جا فوقو كيضرب فييه بدون وعيي...

يوسف : قلت ليييييييييك متجبدهااااااااااش...

امين صافي عيا مايتفرج شا دخل و فكهم.. وهما باقيين باغيين يدابزو ..

اميين : رصااااااااااااو واش منيييييتكم نسييييتو بلي راكم صحاااب شهدشي كديرو فيه زعما بعقلكم..

سفيان : سول صاحبك شماتة يعاودليك..

يوسف: مغديييش تفهم حيييييت صعيب تفهم.. انا مغدرتكش..

.. نتر من امين و ركب فطوموبيلتو كسيرا خلا موراه غير لعجاج بعد ما خرج من درب بلاصا طوموبيل .. و رجع راسو لوور بتعب .. كيفكر علااااش كدباااات على سفيان شنو الهدف ديالها مابقا فاهم فيها والو..

هز طيلفونو بغا يصوني لييها و يعرف علاش دارت هاكة و لاياش باغا توصل .. يلاه غيكليكي باش يصوني و رجع رما تلفون حدااه.. جبد كاارو و شعلو بهدووء و نترة مور نترة .. و عقلو غايب مع هاد الموضوع.. سمر بعد ما شبعات بكاها جمعات لوقفة و رجعات لدار .. دخلات لقات نادية كتسناها بابتسامة..

نادية : امضرا شدرتي مع سيد..

سمر : كنت عارفاك مولات الفعلة وااااش مكتعرفيييش بلي هاديك ليسي كنقرا فييييهااا ممنحقوووش يجي يشوفني تما وقت ما بغااا 

نادية : مالك على سبة سيد خطيبك و مافيها والو.. نتي تا الخاتم ماباغاش تلبسيه تقلبتي فخطر.. وزيدون مال عينيك حمرة..

سمر : جاني الروااح.. مابقااش خاطيبي سالينا..

نادية : كيفاش ساليتو.. واش صحابليييك هدشي لعب !

سمر : اه سالينااا كل واحد شد طريقو..

نادية : علاااش شنو سبب ياك راجل زوين..

سمر : سكتييييي تاااا حد مزوييييين كتسمعي اصلا نتي سباااب بقيتي علياا تا درت رجلي فلخرا ودبا غرقت .. تا حد مازويييييين فهد دنياا كلشي خااايب مني و جبد و اخر مرة تجبديييييييي معايا لهضرة انا ويااااه ساليييينا و سدات

نادية: سمعي الالة هدشي ماشي لعب دراري صغار ..

سمر : انا دويت غدا غنرجعلو خاتمو و كل واحد فيناا يمشي فحاالو اوياااااااك تعيطيلو..

رمات هد الهضرة فوجه نادية و دخلات لبيتهاا حيدات حوايجها و دخلات لدوش.. كانت محتاجة تسترخي طلقات عليها الما سخوون و كتفكر فشنو غيكون وقع اكيد دابزو... و يوسف فاش غيكون كيفكر.. كملات الدوش ديالها و نشفات راسها لبسات بيجامتها و تخشات فبلاصتها طافية ضو.. دخلات للواتس لقات ليزوديو من عند سفيان بقات كتصنت ليهم بامعان شي فيهم سبان شي لوم.. من نبرة صوتو تعرفو مفقوووص.. معطاتوش اهمية مشات بلوكاتو ديريييكت و رجعات تلفون فوق الكوافوزة..

سمر : الله يقطع لباباكم جدر تريكة وحدة تفو 

يلاه غتغمض عينيها بااش تنعس واخا ممولفاش كتنعس مع 7 دلعشيا.. صونات ليها يسرى جاوبات..

يسرى : ماعيطتي ماسقسيتي هادي هي صحبة..

سمر : اشعارك الفيسبوكية خليها لمنبعد..

يسرى : قوليلي شدرتي مع سوسو..

سمر : والله الا جات معاه هد سمية ولد لقحبة كان كيستنا ليلة دخلة لقا مافيهاش حل عليا زكو.. شتي دراري عقلهم واحد..

(عاودات ليها بتفصيل شنو وقع)..

يسرى : ناري اصاحبتي طلع ماساهلش والله 

سمر : باش تعرفي و صافي العووود لي تحكروو يعمييييك

يسرى: اوا صافيييي فيها خير مزية بان وجهو دباا .. ولكن صاحبتي را صعييب يتقبلها.. دبا عاد عرفت مسكيين يوسف علاش دار دكشي كلو را فري صعييبة ..

سمر: تي را ولد لقحبة دك سوسو كرهتو والله ياااك كان يقول نتي نتي نتي واخا يوقع لي وقع اوا فاش عتارفتلو سيد تسيف و زييييييد عليها اكدت عليه بلي قبل قبل قبل منعرفو علاش غيحاااااسبني ..

سمر: طيرتي ليا نعاسي منيين جبدتي سميتو .. طاح من عيني خطرة وحدة..

يسرى : تانتي من لول كان خاصك تقوليهااليييه..

سمر : انا سكت غيير بااش منديرش المشاكل.. و بااااش منخسرش علاقة الصحااب .. سكت حييت مابغييتش نصدمو.. اوا هانتي تشوفي نهار دوييت شنو وقع..

يسرى : سمر متنساايش بلي كدبتي عليه .. علاش متقوليش ليه بلي تعدا علييك كلشي غيتبدل..

سمر : شنو لفرق .. ايسرى شنو...اصلا قلت ليه دكشي دااز و لكن هو مسمعش اوا يقود .. نبقا انا لكري حسن .. معندي مندير بشي قوااد 

يسرى : ولكن حرام عليك ضيعيتهم اصاحبتي را كانو خووت..

سمر : باقي ماشاف مني واالو..

يسرى : راك كتقلبي عليييه وحق رب راه يشدك يقتلك دبا عرفتي بلا متخرجي غيكون حالف فييك..

سمر : بغييييييت نزيد نعدبو مغديش تفهميني .. محملتش يصدرني ايسرى ولفت يبقا تابعني و شاد ليا الخاطر راه قلب عليا فمرة .. مابقاش مسوقليييي هدشي حرقنيييي و انا كنحرقووووو 

يسرى : توحشتي العصا ياك را كنشهد سمر راك كتجبديه..

سمر : بغيتو غير يديير شي ردة فعل هاكة راه كيقتلني..

يسرى : دباااا من هدشي كااامل شنو بغيتي؟ واش بغيتيه هو را مابقييت فاهمة فييك والو اسمر والله.. 

سمر : بغيتو مابغيييتوش فهمتي دباا بغييييييتو و فنفس الوقت مابغيتوش لي كنعرف غنخلصو كيفاش يصدرني بهد طريقة تا شوووووفة مكيشووووفش فياااا..

يسرى : الله يخرج هدشي على خير هدشي لي نقوليك..

سمر : متخافييش .. تلاحي ندور شوية فالانسطاا..

يسرى : اك بب تانا غنووض نصايب شي حاجة ناكلها.. اجييي تفكرت غدا غنمشيو ليسي صافي بديينا لقراية..

سمر : نااس را بداو قرن هدا غنهزو درووس ناقلو..

يسرى : هاي هاي ناس ولاو باغيين يقراو..

سمر : لباك هداا ماشي لعب و متنساااايش بلي قودناها فلجهوي .. هاد لعاام ماشي دلعب و ماباغاش نسقط 

يسرى : سديتيلي نفس بهاد الهضرة قودي..

قطعات عليها و سمر تسرحات فوووق الفرااش... بقات كدوور فالانسطا و كلاوها صباعها دخلات للكونط ديالو بعد ما زولات لبلوك.. بقات كتفرج هادي شحال ما بوسطا شي حاجة.. و تعناب دلبناات... تنهدات و خرجات منو بمرة.. دخلات للواتس مشات حيدات لبلوك.. طلع ليها هو لول اونلاين..بقات فشات ديالهم كتسنااه يدوي ولا يعيط.. حيت اكيد متأكدة مغديش يسكت عليها على هدشي ... تسنات تا عيات و طفات تلفون بعصبية و غمضات عينيهاا تنعس..

يوسف .. بعد ما كان فطوموبيل لوقت طوييل جمع راسو و رجع للقهوة امين كان جالس جا جلس حدااه بقاو ساكتييين بزوج.. يوسف حاط يدو على ذقنو شارد فشي حاجة اما امين فخاشي وجهو فتلفون كيهضر مع يسرى ...

امين : ( حط تلفون فوق الطبلة و تحنا عندو ) دبا شنو غدير..

يوسف : ( شاف فيه ) معرفتش والله ( رجع رااسو لور و تجبد فوق الكرسي ) مابقييت عارف شنو نديير..

امين : انا مابغييتش نسول ولكن واش بصح درتيها 

يوسف : شنو ندير ؟.

امين : واش بصح نعستي معاها..

يوسف : بدل عليا هد الموضوع دزب .. 

امين : و سفيان شنو غدير معاه..

يوسف : يقود انا لي ولد لقحبة كون جيتو فاص من لول..

امين : متنسااش بلي هو صاحبك و عشرة قديمة..

يوسف : ( قاطعو ) كنتي حاااضر لكلشي هو جاا يتفركع عليا و بقيييت سااكت ولكن صبر ليييه حدوود.. هو علاش مفكرش بلي انا صاحبو !

امين : و صافي تصالحو ماوقع والو..

يوسف: ( جمع الوقفة ) غنمشي نشووف ميمتي و غداا نمشيو نشوفو شي ارض 

امين : انشاء الله ..

خرج تمشاا على رجليه خلا طوموبيل مبلاصية تما.. وصل لدار لقا الضوااوي شاعلين دخل ديركت لقاها كتفرج و كتاكل فزريعة جلس حداها و باس ليها راسها.. هضرو شوية و هو كيحاول يبين بلي مكااين والو..

سعاد : يوسف ( قاست الجرحة لي جنب فمو ) شكون..

يوسف : ( قاطعها ) غي سخاانة ..

سعاد : متكدبش .. شمن سخانة مكنرضعش صبعي انا هادي مضاااربة معامن ضاربتي..

يوسف : غنمشي ننعس ..

سعاد : براكة متهرب نتا كتنعس تالصباح و دبا باقي تنعس مع 11 دليييل حالك مابقااش عاجبنيييي ايووووسف انا راااني مك بغيت غيير نعرف طبعك هادا منيييين جبتيييييه.. واش صعييب عليك لهد درجة تحط راسك عليا و تشكيييي .. كنشوووفك مرة فسيمانة و ساكتة ومخلياك ولكن لامتاااا هدا ماشي يوسف ولدي..

يوسف : يوسف ولد 17 عام ماشي هو يوسف دبااا .. انا هاكة دااير طبعيي.. حسبوني خايب .. مريض حمق.. انا هاااكة دااااير.. ولكن نتي عارفة معزتك عندي.. و را مكااين والو بلا متشغلي راسك..

سعاد: ديماا مكاااين واالو نفس الديسكوو..واش هادي علاقة ام مع ولدها وادويييي واش هاكة نااس كيعاملو مييمتهم ؟ 

يوسف : كتسناااااي مني نعنقك و نعس حداك و نعاودليك !! متسناااااايش مني انا هدشي .. ماشي طبيعتي هاديك تقبلوني كييييييف ما انا شنو نعاودليك شنو علاش دوزت فحيااتي وشنوو قاصييييت شنو .. (بقا ساكت مدة ورجع هضر ) كنجيييو ريحو بالنا ساعة مكااين فين ترتاح..

خرج و خلاها مصدومة .. سد وراه الباب تا تسمع الصوت.. خرج على برا تمشاا ..ركب فطوموبيلتو و كسيرا غادي لدارو..

صبااح جديييد.. سمر فاقت بحال ديماا .. دايرة ليكيت فودنيها كتقاد حوايجها فلماريو و كتغني مع الديييسك..

سمر : انا ملييييييت اتعب و اتحمل و عامل عاقلة .. انا عل حال ده معاه بصراحة مش متفائلة ... و عااايز نسأل عنو الاول طببببب مش سائلة.. تييييرا تيرارار..

جات عندها نادية كتحيح و حيدات ليها ليكييت من ودنيها..

نادية : ناااااس المرض نااااس ناعسييين.. 

سمر : بففف مكااين لي يغني..

نادية : اه جا معاك لغنا تي كوني تحشمي مكتمركييش باااز..

سمر : مالي شدايرا ياك ما قاتلة رووح كنغني شنو فيهاا.. 

نادية : يا ربييييي تعطيها شوية دلعقل يا ربي ..

سمر : نهار يفييق بنادم على خاطرو مكتخليوهش تفو..

نادية : اجي دفلي عليا حسن هدشي لي بقااليك..

سمر : نمشي نفطر حسن..

نادية : شدرتي مع سيد..

سمر: واقلنا ليييك ساااالينا اميي سااااالينااااااا.. متبقاااايش تجبدي معايا الموضوع..

نادية : نعرفو سبب

سمر : فكرتيني نرد ليييه زبلو 

مشات بزربة كتقلب فوق الكوافوزة لقاتو دارتو فسوتيامات .. 

سمر : ساليت معاه فمرة و ليوم لخر نشوف خليقتو ..

خلاتها فلبيت غطرطق بالاعصااب.. و مشات جلسات هي حدا باباها كتكب اتااي و كدور فعينيها كيفاش تقولها ليه...

احمد : واغي طلقيها شنو كاين ..

سمر : بابا انا و سفيان سالينا..

احمد : كيفاش ساليتو..

سمر : تفارقنا و ليوم انرجعلو الخاتم..

احمد : بنتي هدشي ماشي دلعب يعني ماشي دابزو و تعصبو تفارقو را هادي دنيا ضرووري من صبر...

سمر : لا ابابا خديت قراري اصلا بغييت نتلاها فقرايتي و باقي ماباغا نتزوج و دبا ممرتاحاش..

احمد : واش دارليك شي حاجة؟..

سمر : لا ابابا اصلا انا تسرعت فلول انا ماباغاش ابابا ماباغاش .. عفاك ..

احمد : ( طبطب على ضهرها ) ديري لي يريحك.. من لول قلت لمك بلي نتي باقا صغييرة.. ماشي دزواج..

نادية جات ناوية على خزييت مكرهااتش تنقز عليها تشبع فيها نتيف لا هي لا احمد..

نادية : ياك اشريييفة.. علاش مفكرتييييش من لول تا جاو ناااس اعباد الله ماكاملة تا سيمانة على الخطوبة و دبا باغا تفسخييي.. بغيتي ضحكي فينا ناااس يحلو فمهم فيناا..

سمر : او او اوووووو را بزاااف هضرة زوج نااااااس واش انا حياتي مهامكش يهضرووووو يقولو لييييييي بغااااااو مهم ندير لي يري حني انا ماشي نااااس كتسمعي حياتي هادي ماشي دنااس نزيييدك ناس را يهضرو يهضرو درتي ولا مدرتيش خصووووصا فهاد درب.. 

نادية : جي ضربيني و نتا اسي براااافو كتفرج فيهاا بقالها غير تجي ضربني راااك نتا لي خرجتيييييي عليها ذنوبها فرقبتك هانا فين قلتها ليك..

احمد : ونادية فين المشكيل البنت مرتاحتش واش تبقا معاه باش ترضي نااس واش كتهمك بنتك ولا كلام الناس..

نادية دخلات الكوزينة بغات تموت بلفقصة .. كتغسل ف المواعن و مكيتسمع غير زديح على شوية و تهرسهم .. سمر فطرات و خرجات.. غادة عند يسرى دازت عندها لقاتها هي تانية كتفطر سلمات على مليكة و على يسرى..

يسرى : جيتي بحال المومياء كون درتي غا الغوجاليف اصاحبتي .. 

سمر : تي شكوون يخلييك المورال والو ..

يسرى : علاش شنو طاري عاود..

سمر : تا نخرجو و نعاودليييك..

يسرى : اصلا كملت يلاه..

لبسات صباطها و خرجو من داار

سمر : قبل من كلشي اراي تلفونك..

يسرى : علاش ..

سمر : وا اراي دبا تعرفي علاش..

يسرى : شدي..

جبدات تلفونها هزات منو النمرة د سفيان و سجلاتها عند يسرى صونات من تلفون يسرى حيت الا شاف نمرتها اصلا مغديش يجاوبها .. دوزات لابييل و جاوبهااا مدواش كيتسناا هي تدوي..

سمر : قولي فين نتلاقاو نرد ليك خاتمك و كل واحد يمشي فطريقو..

سفيان : فين نتي دبا..

سمر : فدرب غنمشي ليسي..

سفيان : غنجي عندك دباا تسنايني فدخلة ديال درب ..

سمر : اك ( قطعات فوجهو)..

يسرى: غزيتي فيييييه بنقحبوون لاخور..

سمر : مصطلح جدييييد هدا ..ههههههع..

بقاو ضحكة من هنا ضحكة من لهييه و ناس ديال درب كيتفرجو فيهم و كل واحد و شنو كيقول فباالو .. دازو من حدا القهوة و سمر خففات ف مشيتها و كدور فعينيها لا يبان ليها..

يسرى : غا هني بالك غيكون ناعس دبا حيت امين باقي مافاق..

سمر : اه يمكن.. مهم يلاه..

يسرى : فين يلاه نتي سيري انا غنشد طاكسي..

سمر : يلاهي معايا انم..

يسرى : ولا سيري فاريها معاه غنتسناك حدا ليسي كتجي مبرهشة نجي معاك انا.. 

سمر : واخا اصلا مغنتعطلش..

خرجو من درب يسرى شدات طاكسي و سمر بقات كتسنا ف سفيان .. تا جا ب طوموبيلة باباه وقف عند رجليها شد الفران قشعااتو دارليها اشارة بيدو بمعنى طلعي.. جلسات القدام و كسيرا ..

سمر : فين غادين..

سفيان : نجلسو فشي كافي..

سمر : غنقرا مكاين بو كافي بلاصي فشي بلاصة نهضرو و سلام..

سفيان : واخا الالة هاهو مبلاصي..

بلاصا طوموبيل ف جنب الطريق شد لفران تا كانت غتخرج من زاج.. خنزرات فيه و نزلات جبدات الخاتم من السوتانات قبل ما يشوفها.. تكا على الطوموبيل و هي جات اونفاص ليه..

سمر : بلا ما نطولو.. انا وياك مكتاابش سير الله يسر لييك.. و سمحلي على كلشي..واخا مادرت والو..

سفيان : نسمحليك .. ساهلة عندك بغيت نعرف علاش خبيتي و كدبتي..

سمر : علاش و كيفاش مابقاش كيهم.. نتا بينتي ليا بلي كلكم سلعة وحدة..

سفيان : متقارنينيش ب يوسف الا هو ضحك عليك انا ماشي بحالو..

سمر : عل اقل هو من لول كان عندو وجه واحد ماشي بحالك..

مهم ( مداتليه الخاتم ).. خودو مابقاش ديالي دبا

سفيان : خليه عندك معندي مندييير بيه .. رميه ولا خليه سوقك هداه..

سمر : لا غتهزو.. بااش متقولش بلي ماطيرياليست و طماعة.....

حطات لخاتم فوق الطوموبيل و خلاتو شدات الطاكسي خلاتو مصدوم مافهم والو كان بغاها طلب سماحة .. كان بغاهاا طلبو

.. كان بغاها تقنعو.. صدماتو بتصرفها .. هو لي كان خاص يفسخ الخطوبة ماشي هي.. ضرب رجلو مع الرويضة د طوموبيل و رما دك الخاتم و عفط عليييه بكل جهدو.. 

نزلها طاكسي عند بااب ليسي نزلات بعد ما خلصاتو لقات يسرى وقفات مع شي بنات باينة من لقسم.. دخلو لقسم اول حاجة نمييمة .. و ضحك..دوزو حصصهم بقاو غير كيشوفو مافهمو والو خاصهم يناقلو درووس لول هزو دفاتر غير من البنات ..و خرجو مع 5..خرجو من ليسي راجعين لدرب على رجلين .. و غي ضحك تا عينيهم كيدمعو.. دخلو لدرب و هما يجمعوهاا دازو من حدا القهوة يوسف و امين كانو جالسين على برا.. غير شافتو تصمرات فبلاصتها .. و هو غير لمحها تم جااي قاصدها...

وقف حداها و هي دارت ابتسامتها الحقوودة و الخبيثة رجعات شعرها لوور.. بكل كبرياء و ربعات يديها بمعنى كنتسنااك تهضر سربي ...

يوسف : يسرى ممكن تخليني نهضر معاها ..

يسرى : اه واخاا..

مشات وقفات مع اميين حاصيين الفيلم من بعيييد..

يوسف : علاش كدبتي ! شنو كان هدفك..

سمر: فاش كدبت..

يوسف : سمممر ( زير على قبضة يدو ) متسطاااايش علياااا سفياان علاش كدبتي عليه لاياش باغا توصلي هانا قدامك هضري..

سمر : قلت لييه لي وقع .. فين المشكييل 

دار شاف هاه و هااه لقاا نااس غاديين جايين و القهوة عامرة.. جرهاا من دراعهاا و هي تابعااه و دايرة ابتسامة نصر.. طلعها فطوموبيل و سد عليها لبااب كسييراا تحت انضاار الجمييع خرج من درب و بلاصا فواحد القنت و نزل و هي نزلات موراه داير يدييه على راسو بضغط..

يوسف : بغييييييت نعرف علاش درتيييييها علاش كدبتييييييي كان هدفك تخسري بيناتنا.. 

سمر : مالك معصب ابنااادم شنو درت قلت لييييه لي كااين..

يوسف : لي كااااين يااك ( قرب ليهاا زير على دراعها بكل عنف و كيدوي و هو مفيكسي عينيه ف عينيها ) لي كااين هو انا غتااااصبتك .. تعدييييت علييييك.. ضربتك.. ما مرة ما زووووج... عدبتك كرهتك فحياااتك علاش هدشي ماقلتييييهش.. منيتك بغينا بعضياتنا و نعسنا ..

سمر : ( زادت قربات عندو تا هي محيداتش عينيها من عينيه نضرات تحدي .. مابقاش و شنايفهم يتلاصقو ) عقلتي على هضرتك.. غنقول بلي انا سادي اوا صافي حسبني بلي كنت خاضعة لييك.. يعني نقدرو نقولو اغتصااب بتراضي..

يوسف : ( دفعها ) مريييييضة فراااااسك .. قصدتي ديريها قصدتيييييي تخربي بيناتنا هانتي نجحتي بغيتي تنتاااقمييييي بغيتي تريحي راسك..

سمر : ( فنفسها ) (مابغييتش ننتاقم بغيييتك نتا بغييتك كيف قبل متحملتش تقلب وجهك.. )

اه بغييييت نحرقك بغيييت نلعب صافي مزيان دباا..

يوسف : كنشوووفك وحدة رخيييييصة كتبااااني من الباطرووونات لكباااار ماشي هادي سمر مااااااشي هادي .. 

سمر : جاااي كتحااسب معايا على ود صحييبك.. بقا فييك حيت خسرتيييه ولكن اناا..

يوسف : ( قاطعها ) مابقااتش فحيااتي شي حاجة سميتهاا نتيييي مابقاااااش 

سمر : المشكيلة هي سفياان ياك.. بقا فييك حيييييت صاحبك اوكي ايوسف رتاااح غنمشي نصلح كلشي .. نعس فجنب رااحة..

شافت فيييه نضرة مطولة قبل ماتحس فغصبة فحلقها للحضة فكرات بلي جا يصالحها للحضة فكرات بلي باقا كتهمو .. للحضة فكرات بليييي جا يراضيها ولكن صدمها... زادت بحالهاا و هو متبع ليها لعييين.. مابغاتش تفهم بلي محملش تنقص من راسها محملش يشووف نااس واخديييين عليها نضرة خايبة ما حملش سفياان يحسبها قحبة و دخلات بين زوج صحااب .. محملش شووهة لي وقعات فلقهوة محملش .. يوقع ليها دكشي كلو.. مافهمااتش بلي كيعاتبهاا حيييت كتشوه براسها مابغااش سمر هاديي .. اما هو من هدشي كلووو هاماه غير هي.. تبعها بزربة و حبسهاا ب يدو لي حسااتها مجروورة بيها.. تا تصادحات مع صدرو..

سمر : ( بعينين مدمعة ) بعد..

يوسف : عطيني غيير جوااب علاش كدبتي .. و علاش.. غنطرطق علااااااااش..

سمر : بعد منييييييي بغيييييت حيت خايبة انا.. بغيتي تعرف علاش بغييييييت نشووووفك معددددددب كتسمع .. مابغيييتش نشووفك مرتاااااح 

يوسف : تشوفيني مرتااح ولا لا هدشي فاش كيهمك.. انا مابقييتش فحيااتك.. طرييق لي وليت نشووفك فييه مكندووووزش من حدااااه ! عطيييتك تيسااع.. ريحت راسي و ريحتك.. نتي..

سمر : ( فنفسها ولكن انا ممرتاحاش ) مرتااح دباا .. بعد ماااا ضيعيتيني..

يوسف : دكشي دااز ونتي لي قلبتي عليا اصلا انا وياك منقدروووش .. نتي مغتحملينيييش ..

سمر : علاش !! 

يوسف : سمر شنو باغا نتييي.. جيني من لخر.. 

سمر : مابغيييت والو وااااااالو ..

يوسف : علاياش كتقلبي علاش كتجبديني .. متحملتييش نتجاهلك.. ( حيد ليها خصلة من شعرها و رجعها ورا ودنيها .. و همس بصووت خافت ) نتي بلا بيا ضااايعة... مقدرتييش تيقي بلي صافي محييتك من حيااتي ..

سمر : ( دفعاتو بكل قوتها و غوتات باعلى صوتها ) بعععععععد منيييييي بعد ..

يوسف : ( بكل برود ) هضرتي كلها بصح .. نتييي بلا بيا والو كتبغينييي واخاا ماخليت ما درت فيييك.. مقدرتيييش تحملي بلي صافي مسحتك من حياتي فخطرة.. 

سمر : قاصد تجرحني بهضرتك..

يوسف : نتي لي كتجرحي راسك بتصرفاتك.. خاصكي تعرفي بلي راكي كتخسري غيير راسك.. كتبقاااي فيااا كنشفق علييييك..شوفي كيف وليتيي كلشي ولا يزعم علييييك اخر واحد شمكاااار ديال درب اسمر شمكاااار و حط يدو عليييك.. كلشي شاايفك موسخة و بلا شرف..

سمر : سكت سكت سكت سكت سكككككككت صااااااافي سكت .. ( حابسة دموعها بزز .. قرييب ينزلو.. و هي كتنهج كتحااول ما امكن ماتنزلهمش.. ) 

يوسف : وليتي مغروورة حقوودة.. وليتي كتخططي و تبلانيييي.. 

سمر : هدشي كلو بسباااابك كتسمع بسباااابك نتا..

يوسف: بسباابي .. علامن كضحكي همم.. انا لي كنخلييييك تخرجي بكيلو دلماكياج كيف شيخة انا لي كنعلمك الكلام الخاسر ؟ اناااا لي كنخلييييك تخرجي مقزبة ؟ انا لي كنخليييييك ترجعي تا لزك لييييل.. طغيتيييي و بزااااف حاولت نجمعك بكل طرق ولكن نتي مصرة تبيني ليهم بلي موسسسسخة..

سمر : انا قحبة اه وتا حد مكيتسالي شي حاجة..

يوسف : نتي من داخل ديالك عارفة بلي كل هضرتي بصح.. راكي باقا بنت 17 توصلي ل 20 غتندمي و بزااف ..

سمر : نتا لي رجعتيني قحبة بفعايلك.. من ديك ليييييلة.. واناااا وليت وحدة خرا بسباابك..

يوسف : و قبل انا كنت .. راجعي راسك راك غير مكتزيدي تغرقي و بهدشي لي درتي اكدتيلي بلييي قلبك كحل ديال بصح .. را ما بلان ما واالو..

سمر : ديما انا الغالطة يااااك..

يوسف : فهمينيييييييي علاش كدبتييييي .. ( سكت مدة و رجع نطق ) نقوليك.. بغيتي نكعاااا و نجييي نفرشخك و نخليك كلك زرقة و نبقا تابعك كيف الكلب.. هدشي لي بغيتي..

سمر : ( بقات ساكتة مجاوباتوش )..

يوسف : نتيي اصلا معرفاش شنو باغا .. و معرفاش اش كديري محروووقة من داخل ديالك و كتبردي جنوونك فكلشي.. هضري لاش ساكتة ..

سمر : خليني نمشي بحااالي اه اسيدي انا الخايبة من هدشي كاامل اناا لييييي قحبة دخلت بين زوج صحااب انا لقحبة حيت بغيتك من لول.. ( نزلات دموعها بلا هواهاا ) صافي رتاااح لعييب مني ايوووسف منيييي..

يوسف : ( محملش يشوفها كتبكي .. ) نسولك 

سمر : شنو باقي باغي تعرف..

يوسف : واش باغاني واخاااا انا حمق ؟ واش بغيتينييي وااخاا غنعدبك واش بغيتيني وااخاا غنحرقك واش بغيتيني واخا عارفة غديري شي حاجة و غنعاقبك عليها ؟ واش بغيتينيي واخا انا خاايب نقدر نجي شي نهار نبرد فيك جنووني واش بغيتيني وااخااا خاايب و غنضرك ؟.. 

سمر : ( بقات ساكتة مدة مهضراتش كتعض فشنايفهاا بزربة .. و عينيهاا حمرة.. ) 

فنفسهاا..

اه باغاك واخا عارفة هدشي كلو ولكن منقدرش.. منقدرش نتناازل حااول كتر..

يوسف : شتي سكتي حييت متقدرييش وانا هاكة دااير البنت ليي بغيتها تبغينيي كيما اناااا دكشي علاش طريقنا مسدوود اسمر.. ولكن تيقيني ماباغيش ليك شي حاجة خاايبة .. حاولي تبعدي من هدشي خوي راسك من هدشي كلوو.. و اي حاجة بغيتيها انا نعاونك... 

سمر : ( شافت فيه بنضرة انكساار و رجعات بلوور .. كتشووف فيه نضرة كلها ندم و هو مافهمش نضراتها .. )..

حملات راسها و مشات بزربة حاطة يدهاا الصغيوة على قلبهاا و بكاات بالم بحال شي حاجة لداخل ديالها كتحرقهاا و كتموت فيهاا بشوية... شنو كان خسر كون حاول يراضيها و يطلب سماحة منهاا و يشد بخاطرها كانت غتسامحو و تنسا ما دار فيها بلا تفكيير .. كانت غتعنقو و تقولو كنبغيييك و بزاف و عمري نسيييتك..كانت غتشد فيدو بفرحة و ميهمهاش شنو غيووقع من بعد.. عارفة طبعوو عارفة كلشي و كانت غتغاامر معاه غيير حييت كتبغييه ! ولكن وقع لعكس دغيا مسحها من حيااتو و سوسها بحالا عمرها كانت .. دغياا سخا بيهاا.. ماراعاش بلي باقا صغييرة .. و باقا باغة تعييش دك الحب بطريقتها هي.. وقفات للحضة .. كرزات على عينيها.. و رموشها كيتلصقو بدموع.. تنهدااات و عاوداات بااش متزيييدش تبكيييي... كتحاول تمنع شهقاتها باش ميخرجوش.. نفسهاا كتخرج سخونة..

يوسف كان متكي على طوموبيلتو داير يديه فجيابو و عينيه كيشوفو بعييد... مابقااش عارف شنو يديير للحضة كاان غيضعف و يعنقها.. ولكن تحكم فرااسو ... كان قاصد يجرحها بكلامو.. كان قاصد يحسسها بتأنيب الضميير. مابغااش يشوفها فديك صورة... ولكن را بصح عياا من داك المواال .. كتقصد تعصبو و تفقصو تا يدير فيها شي كارثة و ترجعو غالط عيا من قصوحية راسها.. عياا ما يجري و يتجارا وراها ولا كأنو كاين.. واخا مشاات لصاحبوو.. بقا تابعهاا .. مطلقش منها.. ولكن من نهاار حطاات دك الخاتم فصبعهاا.. خسراات يوسف ف مرة.. الراجل واخا يكووون كيتسطااا و يحمااااق عليييييك.. ولكن تقيسيه فرجولتو يمحييييك من حيااتو تا لرجولتو و كبرياائو لا .. هي لعبااتو على صباعها ما مرة ما زووج... محاولاتش تفهمو ولا تفكر انه شي نهار مغيوليييش يجري موراها.. فعلا مكنعرفو قيمة الحاجة تا كنخسروها... خدا قراارو واخا عارف راسو غيتعدب مي حسن ماا يشوفهاا كل مرة معوجها من شي قنت.. هي مغتشدش طريق.. و هو مغدييش يصبر لهبالها.. بحال زيت مع لما ميمكنش يتخلطو... جبد باكية دلكارو من جيبو بمهل.. جبد منها واحد الكارو شعلوو و رجع ديك الباكية و البريكة لجييب.. و نتر منو نترة مطولة جات موراها كحة.... بقا على دك الحال تا كملو رمااه فلرض.. و ركب فطوموبيلتو..

يسرى و امين كانو فبلاصتهم كيسول فيها و على ليسي.. و كيوصي فيهاا..

امين : متخلينيش ندخل للحبس ايسرى حيت صافي مغنزيدش نتحمل.. شي قواد يدوي فيك بلخايب.. و نقصي من فرفارتك..

يسرى : واصافي امين اصلا انا مكندير والو.. علاش كتحكمو على بنادم من المهضهر واش اي وحدة خارجة مقزبة را قحبة واش اي وحدة.. دارت الميكاب را سلكوطة.. را اقسم بالله انا و سمر مكنديرو شي حااجة .. غير ماعرفت علاش بنادم تابعنا..

امين : راني عارف لي كاين را كبرتك على يدي.. متنساايش راحناا غالموووغريييييب و ف كازا ماشي ف لميريكان !! شعب عندنا راكي عارفااه.. يعني بسيييف عليك تمشااي معاهم... مغدييش تبدلي شعب كلو باش نتي ترتاحي ! ونتي اصلا زويينة والله لا نتي لا سمر زويناات بلا ميكااب.. و تلبسو شي حاجة هاكة سامبل و كلاص.. برب تا تجيييو قوقاات حسن كااع من دباا.. را دك لبس دتشرميل مانافعكم بوالو بنادم كتبانولو غير شمكارات وصافي

يسرى : ها سمر جاات.. قلب هاد الموضوع دباا..

سمر : زيدي تعطلنا ..

يسرى : شنو واقع..

سمر : والو يلاه..

سلمات على امين بليد.. و تبعات سمر لي كتمشا بشوية بحال شي وحدة علاين تسخف.. و يسرى مابغاتش تحكر عليها تا تجي دوي.. هي.. وصلو ليسي بعد مدة ديال طريق..

دوزو حصصهم و سمر بقات على داك الحال مادوات مع حد تا يسرى لي مولفة كتعاود و تشكي ليهاا مدواتش معاها ... تا ملامحها ذابلة الابتسامة كتخرج ليها بزز.. خرجو من ليسي مع 6:30 صداع التلاميذ مسمووع بحال راك فسووق.. و الاساتذة كيخرجو هما لخريين باش مايوقعش شي مشكييل.. دخلو لدرب.. كل وحدة مشات لدارها..

يوسف متكي فبيتو داير يد مور راسو و يد شاد بيها تلفون طالع نازل فلواتس .. تا صونالو حمزة..

حمزة : لا مسولنا ماتسول..

يوسف : امع دنيا وصافي..

حمزة : اوا ماناويش ترجع..

يوسف : لحد سااعة بااقي ما قررت.. نهار غنجي اكيد غدي نعلمك..

حمزة : ماطولش را توحشنااك..

يوسف : ( سمع صوت بنت كتغوت بسميتو و ضحكة عالية خارجة من فمها ) جووووووزييييف جوزيف ..

حمزة : شوف شكون بغا يهضر معااك..

يوسف : وي ؟..

تاليا : جوزيييف توحشنااااك..

يوسف : لموصيييبة تالدب غبووورة هادي..

تاليا : كنت ف تايلاند مع دانيال يلاه جيناا..

يوسف : شكنتي كديري تماا..

تاليا: والو زياارة وصااافي .. انا ودنياال تخطبنااا 

يوسف : مبرووووك هي شي عراسية جااية..

تاليا : ولكن خسرتي معاياا..

يوسف : اودي مخسر مع كلشي راكي عارفة الواليدة انا لي عندهاا.. 

تاليا : اعارفة لي كااين الله يخليها ليييك.. غنزل لمغرب.. جات نوبتي ..

حمزة : ( حيد ليها تلفون ).. طياارة وصلاتها سخوونة..

يوسف: حمزة راك مريض فكرك متغامرش بيها راها بنت .. 

حمزة : حيت هي بنت مغديش يشكو فيها..

يوسف : من الاحسن تكلف جواد..

حمزة : انا تعمدت نختابرها هي هاد المرة .. اصلا هي غيحسابوها كاورية نتا مهم خوي راسك من هدشي.. غير سولت فييك .. و بغيت نعلمك بلي غتجي فهاد سيمانة غتبقا عندك.. غتعطيك شي فلوس ديرهم فلكونط ديالك تا نهار نوقف عليهم..

يوسف : على راس ولعيين.. 

حمزة : يحفضك .. تهلااا

قطع معاه تلفون و رمااه حدااه.. تاليا .. هي بنت من اصوول مغربية.. مها مغربية لاباس عليها كانت من عائلة غنية و باها اطالي على قد لحال ... باها جا سياحة و تعرف على ماماها بغاو بعضياتهم و تزوجو و سكنو فلخاريج كانت كتجي مع مها مرة مرة منيين كانت عندهاا 8 سنيين .. توفات ماماها حيت كانت مريضة بسرطان المعدة.. و بقات عايشة مع باها لحد ساعة عندها دباا 26 عام.. ولكن مابايناش عليها بلانطريمون و الحميات الغذائية.. كتشبه لباها مدات والو من ماماها.. تعرفات على حمزة.. حيت كانت مدمنة.. و كانت كتاخد من عندو مع لوقت عرف قصتها .. و حالتها المادية خدمها معاه تا ولات بروفيسيونال .. كتبيراطي ناس العاقة تبيييع لدريات.. تستهدف راس الكبار .. مغلطش يوسف فاش سماها القطة السوداء .. كانو عايشين ب 4 هي و يوسف و جواد و سفيان كانو عايشيين بحال لخوت ديما بربعة بيهم دوزو اوقات زوينة كانت اخت ليهم.. من ديما هي و يوسف مكانوش يتفاهمو .. 

سمر كتكتب فدروس و ليكيت فودنيها تا لعشا مابغاتش تعشاا يسرى كتصوني ليها و هي مكتجاوبش.. مورالها طايح.. مابغات تهضر مع حد

يوم جديييد.. على سمر فاقت و ليكيت فودنيهاا ليل كبو نعسات بيهم و هي محساتش .. حيداتهم و هي كتجبد فيديها.. دوشاات على خاطرها حييت كان عندها صباح خاوي داخلة تال 1:30 و لبساات سروال مع تريكو و صبادري جمعات شعرها كعكة ...

شربات غير كاس داتاي حدا باها باش مايخاصمش.. عطاها شي براكة فيدها.. سلمات عليهم و خرجات من دار .. دازت على يسرى و مشاو ليسي.. دوزو نهار بحال ديماا...

يوسف فاق مع ديك 2 دنهار .. بسيث ما نعس تالصباح.. خدا دوش و لبس سيرفييط فلكري ديال اديداس جاتو واعرة.. صايب قهوة كحلة بعدها توجه لعند اميين.. لقاه جالسة فطبلتو المعتادة جلس حداه..

يوسف : الا معندك ما يداار زيد نقلبو على شي ارض ..

امين : غير تسناا غنوصي صاحبي صمصار فهدشي يدبر لينا فشي ارض و ديك ساعة يحين الله..

يوسف : اهاه لي بانلك..شفتك فايق بكري ليوم.

امين : ديت الواليدة لعند طبييب حريق رجليها ناضلها عاودتاني..

يوسف : الله يشافيها .. ندوز عندها فلييل نطل عليهاا.

امين : اه و بيها تعشاا معايا .. 

يوسف : هي هاديك مكاين مكااين مايداار ..

عند سعاد حسات بلملل هزات الكرسي تجلس على برا تشمش شوية حدا البااب.. دارت زيفهاا و لبسات بيجامة طويلة .. جلسات حدا لبااب و ناس غادة جاية .. حاضياهم.. و لفعات ديال حكيمة و عيشة كانو دايزيين راجعين من لحماام تا حطو السطولة حدا رجليها و سلمو عليها دك الاداب الخاوي.. و هما غايتهم فحاجة خراا ..

حكيمة : نسيت ماباركت ليك على ولدك ..

سعاد : مابقاش خاطب..

حكيمة : وي را عارفيين .. لا زعما على ود سمر فخبارنا بلي غيتزوج بيها..

سعاد : ( تصدمات ) وايليي منين جبتو هد الخباار هداك ولدي وانا مفخباريش بلي غيتزوج اكيد الخبر جاكوم مقلوب..

عيشة : ( كتشير بيدها بمعنى نوضي على سلامتك ) رااك تي لي مقلووبة درب كلو عارفينهم مصاحبيين بقاوهم غاا يحيدو حوايجهم تي شمنك يا بوساان شمنك يا تعنااق و ديمااا هي معاه فطوموبيل..ولكن بيني و بينك ولدك حماار ..

حكيمة : اياااه .. خلاتو و دات صاحبو هاديك لفعة طماعة عرفات يوسف مغديش يرجع لخاريج و هي تمشي عند صاحبو..

سعاد: نتوما شكتخرفو..

حكيمة : واتي فين عاايشة و نعدروك اختي مكطلعي مكتهودي بسيف ماتجيبي لدنيا خباار را درب كلو دااوي عليهم .. سيري جري على ولدك لا تكون ساحرة ليه ديك المرة شد واحد ضاربو... شوية كان غيقتلو بسباابها.. هاديك راا غيير شايطة كاع درااري دازو عليها فيقي ولدك ولا سيري ضبري عليه.. 

عيشة : ( كتنغز ف حكيمة بمعنى زيدي ) اوا نخلييوك اسعاد وقيتة خرا..

خلاوها مصدومة مافهمات والو.. كيفاش هدشي و من امتا.. دبا عاد عرفات ديك الضربة لي كانت فيه بسبااب اش..دخلات لدار و خلات الكرسي على برا نساتو .. بقوة ما خلاوها تالفة.. مشات بزربة لبيتها هزات تلفونها كتصووني ليووسف و هو مكيجاوبش..

سعاد : هز هز الكيييييداار وكلاتك صاافي .. مالقيتيييي معامن طييح ناري على شوهتي... 

يتبع...