نتي ليا ونديك بالسيف الجزء 15

من تأليف هند القادري
2020

محتوى القصة

رواية نتي ليا و نديك بسيف

دخل عندها احمد بعد ما سمع غواتهم و صوت بكاها.. دخل عندها لقاها مخشية فراسها و كتبكي.. جلس حداها كيدوز يدو على دراعها و فخاذها ..

احمد: شكون قلقلي الاميرة ديالي..
سمر: (مجاوباتوش حدها كتبكي ) 
احمد:مادييش على مك.. راكي عارفاها فاش كتعصب.. حمقة 
سمر: ( ناضت و عنقاتو مزيرة عليه ).. سمحلي اهيييئ هئ..
احمد: علاش غنسمح ليك ابنتي اش درتي لياا.. نتي لي سمحيلي الا مقدرتش نوفر لييك دكشي لي نتي بغيتيه..و لكن كندير لي فجهدي و لا كتر.. ( مسح ليها دموعها ) صافي جمعي راسك براكة من لبكا و زيدي نفقصوها راهي جالسة فلكوزينة .. نحمقوها شوية..
سمر: منبعد اباابا والله عياانة..
احمد: وانووضي براكة من لفشووش..
سمر: و سير وانا انتبعك..
احمد: ( جبد 200 درهم من جيبو مدها لها ) يلاه نوضي نلقاك واقفة كيف العسكر..
سمر: مابغييتش لفلووس.. اباباا..
احمد: وااعيييت ما نشد بخاطرك.. مهم اجي تعشاي.. متنعسيش بلا عشاا..

حطهالها فوف المخدة و خرج من لبيت ... شدات تلفون لقات ليزابيل من عند يوسف مجاوبااتش... معندهاش المورال لي تهضر و تشكي لحد.. خدات ديك 200 درهم دارتها تحت المخدة .. و ناضت غسلات وجهها و خرجات من بيتها جلسات فصالون حدا باها و هو معنقهاا و كيحاول يلطف لجو بينها و بين نادية.. كملو لعشا جمعات طبلة و غسلات المواعن.. و رجعات لبيتها.. و يوسف باقي كيصوني و كيصيفط لي مساج ... دخلات لواتس لقاتو كيسب.. صوناتلو غير هز قلبها سباان..

يوسف : فييييين كنتي ابنت لقحبة فيييييين فوقاش خليتك معامن كنتي ؟..
سمر: يوووسف بلا ماتكمل علياا عفاك..
يوسف: لا توحشتي لعصااااا جاوبتك فيييين كنتي ..
سمر : ما كنت فيين فداار.. 
يوسف : مال صوتك.. معجبنيش..
سمر : ( بصوت باكي ) تا حاااجة ما مسكدة تااااا حاجة..
يوسف : نجي نشووفك..
سمر : منقدرش.. اصلا بغيت نبقا بوحدي..
يوسف : متخلينيش هاكة.. و قولي اش طااري شنو وققققع..
سمر : ( عاودات ليه كلشي بتفصيل ) .. 
يوسف : شتيي الغنااانة ديالك فين وصلاتك..
سمر : علاش ماشي هباالك لي وصلنا لهدشي دوووك الندبات منيين جاوني شكون دارهم..
يوسف : نفكرك اش درتي ولا بلاش.. انا عمري حطيييت يدي هكك و صااااف .. كديري علاش و انا مكنعطلكش..
سمر : واخا تصبح على خيير..

قطعات فوجهو.. حيت غير غيدابزو... خرجات من لواتس تا من مساجات يسرى مجاوباتش عليهم.. دخلات للانسطا كطلع و تزل فيه .. و تفرج ف الفيديوهات .. بداو عينيها يتعسلو شد فيها نعاس
... دخلات للواتس تضرب طلييلة و تفرج فلي سطوري.. و مايجي غير يوسف يصيفط مساج..
يوسف: يااك القحبة قلتي غتنعسي و نتي طالعة اونلاين اوكيييي غدا نتفاهمو مزيان على هاد لفعايل لي ولاو فيك..

قرات المساج غير من لفوق مدخلاتش عندو.. طفات تلفون و نعسات..


يسرى .. بقات نهار كلو مفقوصة امين مصوناش ليها و مدواش معاها نهائيا و باش زاد كملها بلوكاها من الواتس.. شداتها الفقصة و الاعصاب هدشي عمرها دارت بحسابو.. متخيلاتش.. انه شي نهار يمشي و يخليهاا .. و ميعاودش يسول فيها.. عمرو مابقا نهاار و مدواش معاها.. عقل كيقولها صوني و عقل كيقولها لا... بغات تهضر مع سمر ولكن هي تانية مكتجااوبش.. تنفقصااات بلمعقول طفات تلفون و كتحااول تنعس.. مداهاش نعااس بلفقصة تا لديك 4 و هي فايقة مع 7..

صبح صبااح جديييد فاقت سموورة بحال ديما لبسات فطرات.. شعرها خلاتو مطلووق.. هزات شكارتها و خشات فيها طابلية .. مع ديك 200 درهم.. خرجات من داار دايرة ليكييت كتغني مع دك ديسك .. ديال فيصل صغيير مالك يا زهري راكد.. كانت ساعة 7:30 دازت على يسرى فتحات لها مليكة دخلات لبيتها ديركت لقاتها ناعسة نوضاتها بزز..

يسرى: ( بصووت غال علييه نوم ).. غيير سيري اختي فيا لموت دنعاس..
سمر: لغياب اصاحبتي .. زيدي..
يسرى : و نعست مع 4 خلينيييي اصاحبتي ..
سمر :و نعسي فلقسم غتخليني بوحدي..
يسرى: واغي سيري را والله مافيا لي ينوض و فاش تمي جاية دوزي عليا صاافي موااح.. ( ردات عليها المانطة تا وجهها مابقاش كيبان ).. 

خرجات من دارها و هي كتأفاف كيغايدوز هاد نهار و الحصص بلا يسرى.. خرجات من درب ناوية تشد طاكسي.. لقات يوسف مبلاصي طوموبيلتو فراس درب و كيتسنا فيها لمحها نزل ساخط جاي ليها... وقف حداها..

يوسف: زيدي..
سمر: وناس كيقولو صباح لخيير..
يوسف: غتركبي ياك حسن ما تاكليها حدا نااس و نتي تعرفي..
سمر: علاش اش درت.. 
يوسف: طلعيييي و غتعرفي اش درتييي..

ركبات فطوموبيل .. لقدام و هو نفس شي كسيرا داير يدو على فمو.. و مركز فطريق و هي مفهمات والو علاش معصب.. وقف حدا واحد زنقة مورا ليسي... نزل و فتح ليها لبااب..

يوسف: نزلي..
سمر: ( دارت كيف قالها نزلات )..
مالك ايوسف..
يوسف :( قرب ليهاا و شدها من فكها زير عليها و داوي قريب من فمها ) شكنتي كتخوري لباارح.. هممم.. طالعة اونلاين.. معامن كنتي داوية..
سمر: ( بغات تهضر مقدراتش.. مزير عليها )..
يوسف: (طلق منهاا و كيتسناها تهضر ).. كنسمع..
سمر: ماداوية مع حد..
يوسف: مدااوية مع حد ياااك ابنت لقحبة ونتييييي اونلااااين واش باغا تحمقييييي طبونمي.. 
سمر: كنشووف سطوريات..
يوسف : طلعي تلفون 
سمر: متايقش فياا..
يوسف: طلعيييي تلفون و بلا متجهلي عدو ربي فهد صبااح را باقي مناعس..
سمر : ( جبدات تلفون و مداتو ليه بعد ما دارت لكود ).
يوسف: ( دخل ديركت للواتس لقاه عامر بدرااري وشحال دليميساج.. ) 

و موراها الانسطا و لفايس لقا تعناب ديال دراري.. هرس ليها كارط سيم.. رماها فلرض.. و هي بقات ساكتة عارفاه معصب..

يوسف: غنلقا شي قواااد عندك والله مغنهضر ديك ساعة.. تشوفي حاجة اخرا.. كتسمعي..مصاااحب مع بنت ولا مع حزب.. انا لي دريييييي و معندييش ديك جوقة لي عندك نتي..
سمر: را كنعرفهم..
يوسف: ( زير على دراعها ) غتعرفيني غييير انا فهمتيهاااا 
سمر: صافي ايووسف .. صباح هداا..
يوسف: هضرت اسمر.. متخلينيش نعاود هضرتي و تصاااورك منلقاهمش ضايرين فشي قنت حيدييي تصاورك..
سمر: مغنحيدهش شنو فيها الا لحت تصااوري..
يوسف: عاجبك رااسك يتعنبو عليك. و يهزو فتصاورك.. هانا دويت تصااااورك منلقااااهمش فشي بلاصة.. 
سمر : واخاا كملتي الاستجواب ديالك... غنمشي نقرا الجرس را دق..
يوسف: (تنهد) سمحيلي حييت غوت عليك.. ولكن عصبتيني را باقي منعست..
سمر: ولفت ديما هاكة.. علاش دبا غتبدل.. مهم هانا غادة..
يوسف: (شدها من كتفها ) تسناي.. فلعشية معاياش خارجة..
سمر: 4 ..
يوسف: غنجي نشووفك..
سمر: واخااا دبا ممكن نمشي..
يوسف : ( كيدور يشوف هاك و هاك لايكون تما شي.. حد .. و بلا مقدمات باسها بوسة سطحية ف فمها.. و بعد .. ) دبا سيري..


سمر: مخوووور فعقلك والله 
يوسف:سيري قبل منعاودها..

مجاوباتووش.. خلاتو و مشات لقات دنيا عامرة حدا ليسي.. دخلات و هي كتلبس فطابلية حيت كاين المدير حدا لبااب .. مشات ديركت للقسم ديالهاا... يوسف رجع لدار .. كما واحد لكارو و نعس وراه ديركت..كان عياان لييل كلو مداقش نعااس... نهار على نهار كيزييد يضيع صحتو... هلك صحتو نعاس والو و زايدها بسيكاار.. و كل مرة خارج بشي بلان... امون فااق مع ديك 12 دوش و لبس و مشا لقهوة هادي هي عادتو تا الخدمة ولا هاملها مؤخرا.. شد طبلة على برا كيشرب فقهوتو الكحلة و مركز مع طريق.. دازت من حدااه يسرى و جلسات فطبلة معاه بلا حمشة بلا و حيا و هي بلبيجامة..

امين: تهزي و قودي لداركم..
يسرى: ممقوداااش غنهضرو
امين: تهزي صباااااح هدا 
يسرى: ويكون تا ليييل ماسوقيييييش انا..
امين: ( جمع الوقفة ) نووضي ايسرى والله مافيا لي يتعصب 
يسرى: متعرضنيش على لفطور..
امين: واقودي واش هادي القهوة ديال لجلووس..
يسرى :و ديالاش..
امين: (مسح على شعرو بقلة حييلة.. ) كنقسم لك بالله مغنعااود هضرتي غتهزي اه لا..
يسرى: ( شافتو معصب ناضت بزز منها وقفات حداه )..
امين: تي وااش مكلخة لدنمك وااش بقاليك غا لقهوة دبا عيسى تجلسي فيها كييييف العزري و شوفي ابنت نااااااس تهلاي هدشي لي نقوليك ديري لي عجبك..

خلاها تما و مشا.. صافي مابقاش حاامل لهضرة معاها.. تبعااتو و دموع فعينيها اول مرة ينفر منها بحال هاكة.. بقا فيها لحال.. و هي من نوع لي مكتبغي تبكي حدا حد.. مكتبغي تبين ضعفها لحد.. ديما كتبغي تبقا بصورة ديك البنت القوية و مكتهزها تا حاجة.. تبعاتو ناوية تفاريها باشما كان .. تبعاتو بحرقة .. قبل ما يدخل فواحد زنقة شداتو مع تريكو ديالو..

يسرى: اش واااااقع لاش تقلبتي شنو لي بدلك.. صافي لقيتي ما حسن منيي..
امين: قولي شباغا عندي فهااااااااد صباااااح و خليني يرحم ليك الواليدييييين..
يسرى: علاش تبدلتي.. علاش بعدتي شنو درت..
امين:مادرتي والو مزياان غير رتاحي..

دار تقلب بحالو و هي عاودات تبعاتو دوراتو تاني.. و هو تقلب عندها و غوت فوجهها باعصاب..

امين :وصااااافي ايسرى قودييييييي بعدي مني هاد ساااعة.. صاافي سدات سيري ديرييي لي عجبك مابقيييييتش غندخل فشغااااالك.. صافي 
يسرى: علاش واعلاااااااااش غتقولي علاااش..
امين: واعييت تا حاجة ما بزز ديما شادليك خاطرك.. و مكنبغييش نقودها معاك.. كنميك.. ونتي ديما مطيحة مني.. و كتحسبينيييي شماتة ولا زااامل.. وانا سااكت لييك غير بااش منجرحكش بشي كلمة .. ولا نمد يدييي.. ولكن صافي صبري ليه حدووووود خاصكي تعرفيها ...ولكن بااش تريدينيي سعييدة فلا..
يسرى: دبا انا مطيحة منك؟
امين: تهلاي نهار تعرفي غلطك و تولي كيف لبنات اجي هضري مع امين.. اما دبا ابنت ناس.. تا خويا لي نخلييه مع ميي فاش ندخل لحبس را معنديش.. حيت غنساليوها بحبس ..

خلاها و مشاا .. بقات كتنهج و تنفس بعمق باش متهبطش دموعها.. رجعات لطريقها و هي مصدمة ماشي هدا امين لي كتعرفو.. ابدا تقلب فخطرة وحدة..


رجعات لدار و هي كتبكي.. مليكة كتسول مالها و هي تمسحها فلاغيكل..

مليكة: ولكن را ماشي وقتهم.. تا لخر دشهر..
يسرى: واصافي بعدي مني دبا كنكدب انا يااك (، هزات كتافها و دخلات لبيتها )..

و مليكة على نيتها مشات كتسخن ليها فلحليب مع الكامون... تخشات فبلاصتها دايرة عليها لغطا و عطاتها لبكا.. مولفاتش شي حد.. يتعامل معاها بدييك طريقة... بقات هاكة تا نعسات.. عشية كلها..بحالا كامية جوان..

سمر كملات حصصها مع 4 بقات واقفة حدا بااب ليسي.. حيدات طابليتها و جبدات لعكر .. كديرو و تبرز فشنايفها.. مع شمس ضارب فيهم و لعكر لونوا غامق جاااات سيكسي.. بقات واقفة كتسنا فيه .. تا لمحاتو واقف بطوموبيل.. قطعات شانطي.. و ركبات معاه كلشي كيشووف.. خصووصا ولاد درب لي كيقرااو معاها فنفس ليسي.. ركبات لقدام و كسيرا هو .. ماركزش فيها تا داار عندها شافيها مزيان و هو يشد لفران.. 

يوسف: ( زير على يدها تا كانت غتهرس غوتات بكاع صوتها ).. اي يووسف يدييييي..
يوسف: من امتىىىىىى ونتي دايرة هاد لقلاوي فشنايفك..
سمر: يدييييييي ايووووووووسف مكنضححححححكش الخرا غتهرسنييي.. هممن..
يوسف:ماشي هدا هو الجوااب على سؤالي.. ( زاد زير عليهااا هاد لمرة كتر من لي قبل.. )..
سمر: ( غوتات باعلى صوتها تا عينيهاا دمعو و دموعها هبطو ) عفااااااك ايوووووسف امهييئ والله تدب.. والله.. هيييئ.. يديييييييي حيد حيد صافي عفااااااك..
يوسف: ( حيد يدو.. )..

خلاها شادة فيدها و كتعصر فعينيها بقوة الالم..لي حساات بييه.. كتماصي فييه بمهل.. و دموعها دايزيين بحال شي درية صغيرة... قصحها.. مجات فين تبردها تا .. حسات بصبعانو.. مزييين على شعرها.. مقربها لييه.. و ملامحو باردة.. عكس شنو حااس بيه فداخل ديالو.. كتعرف كيفاش تخليه يغلي.. و يغييير.. وهي عارفة غييرتو خاااايبة.. و تاهو ماشي ساهل مكيبينش..ملامحووو بااردة علاخر..

يوسف: علاش دايرة هاد زb علاااااش.. شحال من مرة كنقووول لييييييييك ماديرييييهش.. شحاال من مرة كنحذرك.. ابنت لقحبببببة كتخلينيييب تا كنمشي عاد كديريييييه ( زاد زير عليها ) لعكر دلقحااااب.. لمن دااايراااه ..
سمر: طلق شعريييييي ايوسف شعري اهيئ هئ مغنعااااودش.. نديييرو ..
يوسف: ديما نفس الهضرة و كتعاااااودي.. 

طلق منها و هي شدات وجها كتبكي.. فصمت.. و هو محاملهاش فهاد لحضة .. خصووصا ديييما كانو مدابزيين عليه بحالا كتعمد تشعلو .. رجع راسو لوور.. و دار يدو فوق جبهتو... و كيفكر شحال من واحد تشهاها شحال من واحد.. شاف فيها نضرة عوجة.. و هي بدوك شنافيها صغيورين و منفوخين..ما حسن براسو تا شدها من فكها و زيير عليهاا .. و كيشوف فشنايفهاا.. نزل عليها عضهاا .. عضة دلكلاب... بقات كتنقز فبلاصتها و تغوت... مص ليها دك دم... و بعد عليها خلاها كتبكي.. مد ليها لكلينيكس مشداتوش من عندو... زااادت جنناتو .. شدليها وجها بزز بحال شي درية صغيرة فاش كتبغي تمسحي ليها وجهها بلفوطة...
مسح ليها بزز... و هي حاسة بشنايفها طايبين و العكر تجلخ كلو .. ولات بحال دك جوكر.. جبدات كلينيكس من صاكها كتمسح بشوية و تنين.. اما هو مسح دك لعكر و دم لي بقا فيه على شنايفو.. ديمارا طوموبيل و هي دايرة وجهها على زاجة .. مكتشووفش ناحيتو..

كيصوg و كيخطف شوفة فيها.. عارفها غتكون كتبكي.. 

يوسف: وصاافي باركة من تبوحييط و لبكا درتي علاش وكليتيها وا دبا سكتينا..
سمر: ( تقلبات عندو باعصاب ) مدويييييييش معايااا ولا عرفتي شنو نزلني..
يوسف: رصااي حسنلييك.. راكي كتقلبي علياا..
سمر: حبس و نزلني..
يوسف: ( فرانا بجهد تا كانت اتخرج من زاج دلقدام دطوموبيل ) واش دبا زااااايدة فيهم.. ديري حجرة فسروالك.. وحسك منسمعووش.. 
سمر: متمدش علياا يدك.. كتسمع نتا ماشي باا..باش ضربني..
يوسف: فييين ضربتك ؟..
سمر: شعرييييي.. و فمي ..
يوسف: ماشي ضرب هدااك حمدي الله... متلعبييييش على غيرتييي شحال من مرة كنقوليك غيرتيييي اناااااا .. مقااااااودة كتسمعيييي... 
سمر: غييير حيت دايرة عكر..
يوسف: اه الاااالة غيييير حييت دايرة عكر... وااااااعكر دااايراااه دلقحااب.. هداك عكر كيدييروه نااس دويييي .. و لييييي زاد عصب دلمي فصبااااح مادايرة تا قلوة فوجهك و دبااا معكرة.. غادة تقرااااااي ولا تقحبنييييي..

سمر .. صافي صقلات عرفاتو معصب غادي تقول شي هضرة مع هي فمها كياكلها.. غتاكلها ديك سااعة نيييت. سكتات و شبكات يديها فبعضهم.. كتلعب فيهم.. و مهبطة وجهها مابغااتش تشووف فيه...

يوسف: ضروووري متعصبييي دلمي ضرووري عاد كترتااااحي..

جبد كارو و هو ساخط على الوضعية.. نزل من طوموبيل تكا على لبااب.. كيكمي.. و ينتر نترات مطوليين منو.. و يعااود يسوطو.. و سمر حاضيااه .. عارفة بلي عصباتو.. عقل كيقولهاا هضري معاه ...و عقل كيقولها لا هو يصالحك..هو لي دار.. و هي كتشووف راسها مادايرة والو.. معرفاش هو بلي كيغيير عليها من كلشي.. بقا فيها.. كتشوفو كيفاش معصب .. ولكن صبرات راسها.. جبدات تلفونها كتبقشش فيه... رجع لطوموبيل .. و هي تخبي تلفون فصاكها لا يفتشو ليها تاني و يقلبوها صباط.. بقا شحال ساكت كيفكر شنو غايديير.. كان داير برروكرام ف راسو و دبا ضيعات كلشي طيحات ليه المورال ماعرف مايديير.. بعد مدة دصمت.. هضرات..

سمر: غتبقاا ساكت..
يوسف: شبغيتي نقول علاش خليتي شي هضرة..
سمر: نتاا ليييي مديتي يدك و مقلق من لفوق..
يوسف: واحييييت مكترصاايش.. الحاااجة كتعرفيييها كتعصبني علاش كديرييييها علاش!! داك لعكر اش زاااادليييييك .. بغيتييييي لكلاب يتبعوك يتزللو عليك بااش تحسي براااسك زعمااا واااعرة.. بغيييييتييييي ديريه عكري حدايااا اناااااا .. انا و صااااااافي.. ( كيهضر و كيغوت فوجهها )
سمر : و صافي سكت متغوتش.. اصلا انا درتو على قبلك.. كنت بغييت نباان زوينة .. ماشي على ود شي حد..
يوسف: وكنبغيييييك كيفمااااا نتي ليجعلك تا خرية .. دك لعكر را مغاديييش يزيد ولا ينقص.. كتفهمي كنبغييييك كيفما نتييي.. 
سمر: تنا.. ( نطقاتها بزز )..
يوسف: تنتي شنو..
سمر: كنبغييك..
يوسف: غتسطيني بعدا نتي.. اخر مرة اسمر .. نشووف دكشي فشنايفك.. خليك هاكة والله تا زوينة.. 
سمر: صافي نساا علياا.. را فيا جوووع..
يوسف: كتاكلي و مكتغلاضيييش .. فيك سم..
سمر: اوا نعدرك نتا مسموم و صحابليك كلشي بحالك..
يوسف: واييه مسمووم فلحب ديالييي..
سمر: ( خنزرات فيه ) ليمسخك..

ديمارا طوموبيل.. و طلق لديسك.. بجهد اوا ختنا فيهاا دوود كياكلوها دغيااا بدات تغني و تشطح بيديها.. ولات عييييشوووورية ..


ندامجو مع ديسك..ديال شاب عاقييل..و سمر كتغني معااه... و هو شاادليها فيديها.. كيضحك معاها و كيغنييو بزوج..و سيدة فرحاانة .. يلاه كانو غياكلو بعضياتهم.. دايرين كيف المش و لفار.. ولكن كيموتو على بعضياتهم هادي احسن حاجة.. بقات كتغني .. و كتزير على يدو...

🖤🖤
و نعشق فييك يا ويلي ويلي و هضرة نااس منسمعهااش يعدبوني ولا يقتلوني الدنيا بلا بيييك منحتاجهاش..

ميزت و جربت تعرفني غاية شحال فات علينا أنـا وياك شحال شحال sayaw معايا pourtant علي بالهم بلي راني معاك..

وراني عارف معامن راني مانشك فيك ما نخاف عليك عشقنا
Solide garantie a vie و ماشي هادو لي دوروني عليك
🖤🖤🖤

بقات كتغني مع الديسك.. و ملامح وجهها باينة فيهم لفرحة و سعادة .. و هو نفس شي.. تا سلا ديسك.. جرها عندو و عنقها بجهد .. و باسها فجبهتها..

يوسف: نتي هي الحاجة زوينة فحياتي.. خليك ديما معايا..
سمر: ( زادت تخشات فييه.. ) راني معاك... و نهاار منكونش عرف بلي عقلي و قلبي معاك...
يوسف: الله يخليك لياا.. 

وصلو لواحد صناك كبير .. خاص بطاكوس.. دومونداو وكلاو فخاطرهم.. خلص موراها ديمارا طوموبيل.. حبس حدا لبحر .. نزلو كيتمشااو تما.. هاديك هي بلاصة اي كوبل... مخشيين و معانقيين بعضياتهم و كيتمشااو واخا هي واصلة ليه لحد صدرو.. تلفونها كيصوني.. مخلاتوش.. فصاكها فطوموبيل هزاتو معاها خافت نادية لا تصوني.. بقا كيصوني... لقات نمرة جديدة ممقيداهاش فلواتس كتصوني .. قلبها بدا كيضرب.. مابغاتش تجاوب.. و يوسف عاق بيها..

يوسف:جاوبي..
سمر: ياك نمرة هرستيها... را غي شي نمرة مقيدتهاش فلواتس 
يوسف: جااوبي نعرفو شكون هدا.. ولا عرفتي ارااي نجاوب انا..
سمر: يوسف و صافي..
يوسف : دكشي لي بقااا غا زوامل يصونيو دبا (حيدو لها من يدهت و جاوب)..الووو..
سفيان: هاي هااي على شكون جااوب لعشيير..وامدة هادي..
يوسف: ( شافيهاا بمعنى دبا نتفاهمو.. و جمع يدوو على شكل قبضة ) علاش كتصوني.. قلت لييك فوتها..
سفيان: توحشت خطيبتيي.. منهضرهااش حشوومة.. 
يوسف: سفيان خليني ندييير بوجه العشرة لي بيناتنا.. و فوووت عليك درية ديالي..
سفيان : علاش نتا درتي بوجه لعشرة.. توحشت شنايفها حلويييين..
يوسف: ( عض على شنايفو بجهد.. بقوة الاعصااب.. سرط ريقو بشوية ).. برب و طيييييييح فيييييييدي مغنعقل علييييييييك.. 
قطع علييه.. و مسح لواتساب ديركت و تم قاصدها..

سمر عارفة بلي القضية حماضت .. و دبا معصب.. باينة غير من المشية لي جااي بيهاا..و قاصدها.. ولات كترعد غير بوحدها..تا لا بغات تشرح.. ماغاديش يعطيها الفرصة.. سبقات دموعها.. كتبكي.. و ماعرفاش علاش .. خلعهاا الخلعة و مادير.. قرب عندها .. و شدها من.. دراعها بكل عنف كيزيير عليها..

يوسف: دك الزااااااااامل اش كيديييير عندك..
سمر : يوسف غييير سمعني..
يوسف: اااااااش غنسمع شنوووو غنسمع.. قلت لمك.. نتييييييييي مكتشبعييش من تقحبيييين .. عزيييز على مك غا لخبييييط..
سمر: اهيييئ هئ هئ مادرت والو انا ما درت واالو اهيييئ هئ هئ 
يوسف: مادرتي وااالو باغا تهبيلينييييي ياااك.. علااااش كتبكييييييي..
سمر: كتقصحنييي.. هئ هئ والله ايوسف مدرت شي حاجة اهييئ هئ..
يوسف: علاااااش باقي كيصوووونييييي ليييك هااااا علاش!..
سمر : اهيييييئ هئ هئ ماعرفتش ماعرفتش اهيىى اهييئ..

ناس تما كيشوفو.. و حاضينهم.. كيتسناو لفراجة و يوسف معصب لاقصى درجة.. وناس غادين و كيشوفو..غوت بجهد..

يوسف: واشوفوني اولاد لقحاااب عريان انا..

سخط وفنفسو و جرها من دراعها ورااه.. وصل لفين مبلاصي طوموبيل دفعها.. بجهد.. و مكاليها بيدييه..
يوسف: هضري..اسمر.. والله مغنعاااااااود نسول دك زاااااااااااامل لاش كيصووووونيييي ليك ياااك ساليتو.. را برب هاد لمرة تاااا نعوجك.. را حلفت.. 

سمر صافي شوية و غطلقها فسروالها عارفة يديرها و يفوتها.. كتشهق بلبكا .. و هو كيتنهد كيتسنا فيها تهضر..

يوسف : ( ضرب يدو مع
طوموبيل بجهد تا قفزات ) هضرييييييي.. براااااااكة من لبكاا هضري..
سمر : اهييئ والله ايووووسف تا ساليناا والله اهيييئ هئ كنحلف ليك بوالديا تا ساليت هئ هئ . معاااااه..اهيييييئ هو كيصوووني..هئ هئ هئ شحال من مرة مكنجااوبش هى .. و هاد نمرة جدييدة اهيييييئ .. اقسم بالله ايوووسف تيق بياا هئ هئ هئ هئ هئ اهييئ 

كتهضر و تشهق و دموعها دايزييين كيف شتا.. عينيها حماارت.. بقوة لبكا لي بكاتو.. و هو بعد .. دار يدييه ورا راسو .. كيحاااول يشد يدييه عندو.. و لكن هضرة سفيان.. كتعااود..فودنييه.. كيشووف ف فمها و كيتخايلهم كيتباوسوو.. غمض عينييه و عاود حلهم.. قرب عندهااا... بدل ملامحو للبرود..هاد الوجه كيخوفها كتر من وجهو فاش كيعصب.. زادت فبكاها همس فوذنها...
يوسف: تباوستو...

سمر: اهييييئ يوسف .. غيير سمعني عفااك هيييييئ هئ هئ 
يوسف : ( عطاها بتصرفيقة تا شافت نجووم ) مااااشي هدا هو الجواااااااب ... ( زير ليها على فكها ) باسك.. ياااك..
سمر: غي سمعني.. اهئ اهئ اهئ..
يوسف: نااس هناااا وشاااااد رااسي بزز.. عقلتي اخر مرة شدرت لييييييك.. 
سمر: اهييييييى هى هيييئ غييي شرحلي شواقع هئ هئ هئ 
يوسف: (شدها من شعرها بعنف..) جاوبنييي باااسك..
سمر: اهييييئ 
شعريييي ايووسف هيييئ 
يوسف: باقي مشافتي والو..نخلصك هنا حدا ناس ولا تاكليهاا بوحدك حد مايشووفك اقسم بالله اسمر .. تا هاد لمرة منرحمك.. شبعتيي تبزال و بوسان معاه يااك..
سمر: اهييييئ هى هئ هئ شكتخرف.. اهيييييئ هئ هئ..
يوسف: ( كيدي و يجييب فشعرها) شكنخرف ابنت لقحبة يااك.. شوفيييييييي هو شكيقووول .. حبسيييييييي من لبكا ولا برب تا ندفن قحبة دمك هناااااا..
سمر: .. اهيييبببئ كيكدب.. اقسم بالله ايوسف.. اهى اهئ كيكدب عمرو باسني.. اهيييييئ هئ هئ والله ايوسف تيقني..

فاش سمعها كتحلف.. وكلها كترعد و كتشهق.. بعد و شد فراسو بحالا غادي يحمااق.. مشا بعيد عليها شوية.. باش يبرد و مايديرش فيها شي حاجة لي يندم عليها ولا يصدق ضالمها.. هي بقات كتبكي.. خاافت .. ديال بصح.. عرفات بلي مغادييش تفاك معاه .. و لي فراسو فراسو.. حاولات تهدن راسها.. و تسكت من لبكا.. قربات ناحيتو.. كان هو على نفس لحال كيشوف بعييد.. شارد.. تا وقفات اونفاص ليه..
سمر: اهيييييئ والله ايووسف هئ هئ ماباسني شي مرة .. كنحلف لييك اهئ اهئ بلي بغيتي ماعمرو اهئ يييهى ماباسني.. تيقني..ولا متيقيتييش.. اهئ هئ اهئ نمشيييو عندو دباا وقفني حدااه...

بقا ساكت مكونسونطري مع هضرتها..بغا يتيق ولكن الغيرة عامية عينييه.. كانت خطيبتو .. مستحيل.. تا بوسة ماتكوون بيناتهم..الشيطان كيوسوس ليييه ف راسو.. ما حس براسو تا تلاح عليها.. يد شاد بيها شعرهااا مزير عليهاا بحالا بااغي يمتالكها بحالا بغاهاا تكون هو.. و يد لوخرا شدليها يدييها بزوج باحكام.. تلاح على شنايفها كيبوووس.. و يعض فيهم.. مغدد.. كيعض بكل جهدوو.. مع هي شنايفها رطيطبيين و منفوخين ..دغياا نزفو بدم.. بغات تغوت مقدراتش.. حاكمها من كلشي.. مغتبان والو قدو هو.. كتغمض عينيها بالم.. و صووت انييينها كيتسمع.. و مع دنيا ضلام.. تا حد ماشافهم.. بقاااا كيعض و يمص فشنايفها... كيعاقبهم.. تا وعا على راسو و حس بيهاا كترجف.. عاد طلق.. منهاا عينيهاا تعسلو بقوة الالم.. و شنايفهاا.. و دم ساايل بحاال روبيني.. هي كتشوف دم دايز منها بقات مصمرة فبلاصتها.. مقدرات دير تا حركة.. هو جبد كلينيكس من جيبو.. بغا يحطو فوق شنايفها.. يحبس دم.. هي تبعد..

يوسف: دم كيسيييل.. خليني نمسح..
سمر: ( دمووع كيدوزو منها كتهضر و صوتها مخنووق ) متقربش ليا هيييئ هئ..
يوسف: ميكووونش راسك قاصح..
سمر: (كتهضر بزز منها ) مرييض و عمرك غتبدل...
يوسف: ( شدها بزز كيسمح ليهاا ففمها و هي كتوجع و كتغوت..) ايييي فمييييي.. هيييييئ هئ ..
يوسف: ( بقا كيمسح ليها بمهل )

بعدها شدات من عندو لكلينيكس و حطاتو على شنايفها.. و عينيها حمرة بحال دم... عرف راسو خسرها.. ولكن مقدرش يتحكم فراسو و فاعصاابو..

يوسف: سمر.. متخيلتووش يقييسك.. كنبغيييييك.. و مابغييييت تا قواااد يقيسك ولا يشووف فييييك.. را غنحماااق.. متخيليييش حالتي كيفاش كتولي.. كنولي وااحد اخر.. قبل منآديك كوني متيقنة. بلي كنآدي راسي.. لول... مريض مكدبتيييش.. مكرهتش تكوني معاياا غي فلبييييت نشوووفك بوحدي.. نهضر معاك بوحدي.. مغدييش تفهميني.. حيت صعييب تفهمي حالتي..


مجاوباتوش.. فهاد لحضة بذاات بقات ساكتة.. مكتهضرش بحال شي صنم... قرب لهاااا بغا يحط يدو عليها.. و هي تبعد...

سمر: متقيسنييييش.. كنشووووفك ضلام دباا..
يوسف: سمر مصبرتش.. كتسمعيييي.. مقدرتش نتحكم فرااااسي..
سمر: هي موووور غدا يجيي شي واحد يقولييك سمر تحوات معايا غتصيفطني للقبر ديركت.. يااك.. شتي لمكاانتش تقة مكاين والو..
يوسف: شكون هاد لقواد لي يتجرأ يقولها.. را غنحححر مو.. و زيييد كنتو مخطوبين.. شنو عرفني.. مهم مقدرتش.. نتحكم فراسي.. كنبغييك.. و مغديش نتقبل شي حد يقييسك..
سمر: غنبقااو هاكة نفس المشااكل.. نفس القصة كتعاااود كل مرة... و ديماا انا خاصني نصبر و نفوت.. و نعذرك.. حييت كتعصب و مخور فعقلك.. ولكن اناا ناااكل دق هااانية ياك..روبو اناا..
يوسف: اي حاجة قلتيها عندك لحق ولكن خاصكي تشووفي من وجهة نضر شي رااجل.. والله اسمر تا دمي حامي.. خصوووصا عليك.. مكنتحكمش.. عارفة طبعي..
سمر: دبا كتقولهالي بلخط العريييض.. سمر تقبليني كييف انااا واخا نضربك.. و نعدبك.. غتقبليني..و نعيشو نورمال !! 
يوسف: اناا هاكة دااير طبيعتييي هادي منقدرش نتبدل..
سمر: اه وانا خاصني نصبر.. عرفتي لي كيبقا فياا هو اني مكندير والو لي نستاهل كل هدشي.. ( دمعو عينيها و حسات بغصة فحلقها كتقصحها ).. 

حسات بلحكرة... يوسف عرف بلي زاد فيه.. ولكن هدا هو معندو مايدير.. تا لا طلب سماح.. كتجي ناقصة دب مادار فيها ميصلاح بقات فيه.. كيفاش دموعها.. واقفين فطرف عينيها و هي ماباغاش تنزلهم و كتكابر.. و كيفاش كتسرط فريقها.. جرها عندو و عنقها.. و هي بقات مصمرة فبلاصتها مداارت تا حركة.. خلاتو يعنقها و هي مدايرة تا ردة فعل بقات ساكتة....

يوسف: معارفش شنو غيووقع من هنا لقدام.. ولكن لي عارفو بلي كنحمااااق علييييك... و مغدييش نخليك تخرجي من حياتي بعد ما لقيتك.. ولكن كيفاش نتصرف معاك معرفتش.. كنطلب.. اسمر.. كنطلبك متلعبيييش على اعصابي.. الحاجة لي تعرفيها كتعصبني.. ماديريهاش.. متصرفيييش من راسك.. سوليني لول.. هدشي را قلييل و تقدري ديريه..الا كنتي بصح كتبغيني..

بقات ساكتة مدارت تا ردة فعل.. حيت هضرات و هضرات تا حاجة متبدلات فيه يوسف هو يوسف.. تا دب شنو لي غيتبدل تا لا هضرات .. غا كضيع الحجرة.. كيقولو لي فييه شي طبيعة مايبيعها.. كل واحد و طبيعتو ماشي كاع نااس ضريفيين.. بعدات منو و مشات جلسات فطوموبيل.. تنهد و تبعها جلس لقدام و ديمارا طوموبيل... صمت هو لي خدم فهاد ساعة.. هو مفيكسي عينيه فطريق و هي مدورة وجهها على زاجة.. كتفكر فشنو غادير فهاد لموصيبة.. متقدرش تمشي هاكة لدار.. براكة غيير دك المرة حلفات على لكدوب دبا لا سولاتها مغاديش تقدر تعاود تكدب...نزلها فراس درب.. و تبعها قبل مادخل لدرب..

يوسف: ( جبدها عندو من دراعها ) بغيت نقوليك سمحيلي واخا عارف كتجي دب حامضة ولكن خاصني نقولها ليك..فقاش خارجة غدا..
سمر : 6:30.. 
يوسف: غنتسناك حدا بااب ليسي..
سمر : تصبح على خير..

دخلات لدرب خلاتو قبل ما يجاوبها.. ديمارا طوموبيل و دخل بيها لدرب... بلاصاها حدا القهوة و دخل .. سمر مشات عند يسرى


وصلات لبااب .. و كتقول مع راسها ندق ولا لا.. ويلا حلات لبااب مليكة و شافتني بهاد لحالة شنو ندير.. تا باش نعيط ليها والو..دارتها فيد الله و دقات فلبااب .. الحمد الله يسرى لي حلات لبااب.. سمر ما .. سلمات ماوالو دخلات ديركت لبيت يسرى.. خلاتها غا كتبحلق فعينيها... تبعاتها بخطوات سريعة .. وسدات لبااب وراها بساروت..عرفات شي مصيبة كاينة..

يسرى : لا تااني.. عاااود رجع دارها.. بزااف والله تا بزاف..شايفة حالتك ولا لا..
سمر : متزيديش عليا والله.. بغيت نرتاح.. دروسك خليهم من بعد ايسرى..
يسرى: رمي دك لكلينيكس... و دخلي غسلي وجهك و فمك..

ناضت خرجات من لبيت مليكة كانت فصالون لاهية مع المسلسل.. دخلات لدوش بمهل.. غسلات وجهها.. و فمها.. من لفوق لفوق مقدراتش تقيسو.. سالات ورجعات للبيت .. يسرى جلسات فوق الناموسية مربعة رجليها... 

يسرى : شنو دارليك تاني..لحمار لاخور..
سمر : منبعد ايسرى عفااك..غدا نعاودليك كلشي.. عفاك صوني لماما معاك لقاي شي كدبة باش تخليني نبات منقدرش نمشي هاكة..
يسرى : يااااي. على هاد لحال نقول لسي زامل ديما يشدك يرفشخك بااش تجي تباتي عندي..
سمر : وابلا طنز و صوني.. و قوليلها تلفونها را خسر دكشي لاش طافي..

دكشي لي دارت يسرى عيطات لنادية بعد مدة جاوباتها كانت لاهية كتفرج تاهي..سمعات نلفون كيصوني عكزات تجاوب تا .. فرع ليها راسها بصونيت و هي تجاوب..

نادية: يسرى..
يسرى : اخالتي..كيدايرة لاباس..
نادية : خلينا من هد دخلات و قولي لي شنو عندك..
يسرى : هو فصراحة غدا غندوزو كنطرول... و سمر غتبات معايا باش نراجعو و بغيتك تخليها..
نادية : و مالها معيطاتش هي و مجات لدار..
يسرى: تلفونها خسر دكشي علاش..
نادية :دوزيهالي..

يسرى عطاتها تلفون و سمر كتهضر بزز.. و نادية كتسولها دايرة معاها تحقيق.. امتا وعلاش و كيفاش.. بعدها هضرات مع مليكة باش تأكد.. عاد خلاتها.. جبدات ليها بيجامة لبساتهاا و تسطحات فوق الفراش بتعب..

يسرى: مدام نتي مغتهضريش.. خليني انا نقوليك.. انا و امين صافي
سمر: و صافي تانتي صحابلي سغاتقولي غدا غتلقايه تابعك.. لليسي هداك اميين عمرو خلاك..
يسرى :هاد لمرة مشات نيشان..
سمر: غيكون غا مقلقل ايسرى..
يسرى: انا لي عارفة.. خسرتو..
سمر: اوا نتي قلبتي عليها.. و مغاديش تلقاي بحالو..
يسرى: توحشتو..
سمر: صوني و هضري معاه..
يسرى: لا كرامتي قبل كل شيئ
سمر: اوا بقاي تابعة لياا الكرامة..

عند سفيان..كيشووف فتلفونو و كيضحك.. سمر فاش لاحت دك لفيديو.. سفيات هزو عندو.. حتافض بيه.. واقف حدا باب دارها كيضحك.. غا بوحدو... و كيهضر مع نفسو..

سفيان: هاحنا غنشوفو الالة سمر شنو غاديري دب... خااسر خااسر انا..غنشوفو شغاديري فاش يشوفو واليديك هاد لفيديو..

بقا واقف حدا لبااب.. دق فلبااب مرة و زووج...

خرجات نادية بزيفها.. كتجري على حر دك دقان..و كتغوت ..
نادية: و فرعوو هاد لبااب نتوما كاع تفو على تريكة را بااااب اعباد الله.. بااب..
يلاه غتفتح ناوية على خزيت و رجعات كلامها فداخل و تصدمات فاش لقاتو سفيان و بديك الحالة..بقات واقفة ماعرفات واش ترحب بيه ولا تخليه واقف عند لبااب بقات غا كدور فعينيهاا..و تا لهضرة تلفات ليها..
سفيان : خالتي..
نادية : اهلان سفيان لباس عليك.. دار لباس عليهم..
سفيان : حمد الله اخالتي .. اتا جيت باغي نهضر معاك.. 2 دقايق و غادي بحالي..
نادية : مرحباا..
سفيان : مهم بخصووص سمر.. بغيت غا نقوليك.. بلي بنتك غادة فواحد طريق خايب..
نادية : شرحلي.. شنو باغي تقصد بهاد لهضرة.. معنديش مع زيgزاg قول لي كاين..
سفيان : شوفي و غتعرفي.. ( حل تلفونو .. ورا ليها دك الفيديو )..
نادية : ( ولات حمرة ) 
بقات ساكتة معرفات ماتقول و قلبها كيضرب.. كتحاول تكدب.. كون تصويرة تقول فوطوشوب ولكن فيديو ماعندها ما تكدب... قلبها حاسة بيه تزير عليها.. و الغصة دلبكية واقفة ليها فلحلق.. شادة راسها بزز.. و تا باش تجاوب مقدراتش... ولات حمرة كيف الماطيشة .. بالاحراج تمنااات كون ماتت و لا تشووف هاد شووهة..ديما كانت كتحذرها.. ديما.. حسات بشمتة و بلي هي اكبر حمارة.. خانت ثقتها..
سفيان : بنتك.. سمحات فيها باش ترجع لحب قلبها.. بنتك.. عايشة لافييي وانا دبا كنخلصهاا غالية..بنتك لي كتصيفطيها تقرااي.. خاصكي تشووفي بعدا.. واش هي بنت..
نادية عرفاتو شنو باغي يقصد.. دارتلو اشاارة بيدها زعما سكت و ماتزييدش.. و شدات على قلبها حسااتو تزير .. عليها... دمعة ديال لفقصة واقفة ليها فطرف عينيها.. و كتكابر باش متنزلهاش.. ولكن فلخر .. طيحاتهم سخانين على خدها.. مجاو


تكات فصالون و دموعها محبسووش... كتبكي و تحط يديها على فمها .. و كاتمة شهقاتها.. لايجي احمد على غفلة و يشوفها كتبكي و دخل فيه شك... ضلمات راسها و تربيتها.. لعنات نهار لي جابتها فيه.. لعنات نهار لي فكرات بلي غتهز بيها .. لعنات نهار.. لي هزاتها فيديها.. فهاد لحضة بدات تمنات كون جابت دري.. و متجيبهاش هي.. تمنات كون الارض تشقات و بلعاتها.. تمناات تموووت و متسمعش.. هاد الهضرة.. بقات كتفكر واش دارت شي دنب فحياتها .. واش معرفاتش تربي.. ياك.. ما مخلياها مخصووصة من تا حاجة. ياك دايرة فوق جهدها.. فاش كتفكر احمد كتزييد تبكيي.. حيت كيشوفها.. الامييرة ديالو و مكيناش شي بنت كتر من بنتو تا يدو .. مكيحطهاش عليها... شدات فالمخدة بداك الحر و عضاات فيها غوتاات بكل صوتها.. فديك المخدة.. كيبانو غيير عينيها لي مسدودين بحرقة..

نادية :هييييييئ هئ علااااااااش اسمر علاااااااش اهييئ هئ هئ .. شنووووو درت فيك باااااش تشوهينييييي هئ هئ هئ هى شنوووو درت بااااااااااش ديري فينا هاكة.. علااااااااااش اهييييييئ ابنت لحرااااااام..اهييييييئ هئ .. علاش يا سيدي ربيييييي هئ هئ .. خودها و لا خودني بااااش نتهنا..اهييييى هئ هى هئ (رفعات يديها لسما كدعي ) يا اهيييئ سيدي ربي لما خودنيييييي هننييئ هى و هنيني.. كندييير نشوووف فوجه باهاا.. يا سيديي ربي عاوني.. و قولي شنو ندييييير يااا سيدي ربي كنطلبك اهييى هى هئ هئ ونتا سمع لياااا.. يا سيدي ربي..هئ هئ..

بقات كتبكي بحرقة.. دموعها مابغاوش يتحبسو.. بقات كتحسب تواني و دقايق.. كتسناها غير تدخل.. ولكن قبل خاصها تاخد قرار فشنو غادير.. و كلام سفيان كيدور فمخها مزيان.. ناضت لدوش.. غسلات وجهها.. دارت زيفها و خرجات على برا مسندة على لبااب كتسنا فيها.. بقات تما واقفة شي 2 سوايع بلا عيا.. و كتشووف ف نقطة وحدة.. مرة مرة.. يخونوها دموعها و ينزلو و تعاود تمسحهم كتبان بحال شي جثة ميتة.. مكتحركش.. حدها دايرة وجها على لحيط و عينيها مكيرمشووش و لي داز من حداها كيهضر ولا يسلم.. مكتجاوبش... جات سمر.. لمحاتها من بعيد... و سمر... جاية كتمختر.. من بعييد... بديك الحالة خافت ياكما وقعات شي حاجة لباها ولا مات شي حد فلعائلة.. زربات فخطاويها.. عندها وقفات اونفاص ليها.. و هضرات..

سمر : ماما ياك لاباس .. شنو..واق..
نادية : ( قاطعاتها بطرشة.. و شداتها من شعرها دخلاتها لدار ).. انا ماشي مك.. كتسمعيييييي ماشي مك انا.. ( كتجبد فشعرها بكل قوتها..بلفقصة حاسة بييه.. تحيد كلو ).. الله ينعل نهاار لي نزلتك فييييييييك.. الله ينعلو .. ( دفلات ليها فوسط وجهها ).

وسمر كتبكي.. تخالطات عليها البكية و الخلعة.. ماعرفاتش شنو واقع ولكن.. متأكدة شي حاجة على موضوع يوسف..نادية كتجر ليها فشعرها و سمر كتغوت باعلى صوتها.. نادية .. صافي عيات طلقات منها و هي شعرها كلو منتووف .. طاحت لرض و كتبكي و هي مرجعة راسها لور مع لحيط..

نادية : علاش اسمر علاش مافكرتيش فيا و فباك ؟..بااااك لي كيشوووووف وجهوووو فييييك..باااك لي كيشووووف فيك الامل دياالو باااااااك اسمر.. لي كتشوووفيلو فوجهووووووووو و تغدريه موورا ضهروووووو باااك اسمر لي مغرق رااااسو كريديات باااش يعيشك نتيييييي العيشة لي بغيتيها.. باك اسمر.. ليييييي جا لكازا غييييير باااش نتي تعيشي كييييييييف باغااااا ..و ميعقدكش .. مع ريافا.. بااااااااك لي عمرو ماهز عليك يدو ولا قالييييك اش كديري.. باك اسمر.. علاش اهيييييى هئ هئ.. مفكرتيش فيا و اهييييييييييئ و باك علاش اسمر..
سمر : ( حسات بغصة فحلقها من ديك الهضرة واخا باقي معرفات الموضوع ) اهيييييى هى هى شنو درت اماما اهيييئ هئ..
نادية : بنتي انا ماشي قحبة.. بنتي انا ماشي لي جاا يحط فيها يدو.. بنتي انا شرفها غالي.. بنتي انااا متشوهنييش.. نتي ماااشي بنتي.. حاشااااا باش تكوني بنتي..


سمر : اهيييييى .. شنو درت هئ هى هضرييي متخلينيش هكا اهييييييئ هئ هئ هى عفااك اهئ هئ..
نادية : لحد ساعة باقي متيقت.. ( بصرامة ) غنسولك سؤال واحد.. و جاوبيني.. حيت بااقي مستوعبت.. باقي عندي فيك امل.. واش قاصك!؟..
سمر: ( بقات ساكتة كدور فعينيها ).. اهيييى كيفاش اهى هى شكون شرحيلي اهييييئ هئ هئ هيييئ ..
نادية : ولد سعاد.. قاصك.. اه لا.. متكدبيش حيت دباا غادييين لطبييب رجلي على رجلك.. متخلينيش نشوهك تما..

سمر بقات ساكتة .. حسات بدنيا.. دارت بيها... قلبها حاسة بيه غيخرج.. و تا باش تفكر والو لوقت.. حطاتها امام الامر الواقع.. صافي بمعنى مكااين فين تهرب.. خاصها تجاوب.. مقدرات تنطق بحرف واحد لا..

نادية : كنتسناا الجواب... علاش ساكتة.. 
سمر : هئ هئ علاش كديري فيا هاكة.. اهيييى 
نادية : تهزي.. ( جبداتها من دراعها من لرض.. ) غنمشييو لطبييب..
سمر.. عفاك اماما اهييييييئ هئ هئ ماديريهااش هيييييييييئ ..هئ هئ..
نادية : درتيها ياك.. درتيها دكشي لاش خايفة..
سمر : عفاك صاافي اهييييييى اهيييى اهيييئ..
نادية : ( حيدات زيف و كتنتف فراسها بحال لهبيلة و كتغوت بلفقصة.. ).. هضرييييييييي يقطع حسك.. هضرييييييي المرض.. وااااااااااااش دارها متخلينييييييش نشوهك وااااااااش دارهااا و جاااااااااوبييييييي جاوبي ( عطاتها بطرشة للحنك.. تا بانو صبعانها فحنكها ..).. هضريييييي هضري.. هضري متبقايش ساكتة.. ( خانوها دموعها ).. اهييييئ هييييئ هضري ابنتي.. اهيييييئ هئ هضري و هنيني هئ هييييئ
سمر: .. ( بعيون كلها دموع.. طيحاتهم سخانيين ).. اه اماما.. درتها.. اهيييييئ هيييييئ هئ هى ولكن اماما.. ماشي بخاطريي.. اهيييييئ هئ هئ..
نادية : ( دارت ليها اشارة بيدها بمعنى حبسي.. ) حبسي.. و اخر مرة تنطقي بسمية .. ماما.. ( دفلات عليها تاني جاوها فوق شعرها ).. الله يااخد فييك الحق... كاع لبنات دارو .. كاع لبنات تصاحبو.. ولكن... معطااوش راسهم بحالك.. شوهتي بلبنات.. شوهتي ببااك.. لي رافع راسو فدرب.. و بارك بنتي بنتي مكاينش بحالها.. الله يغصبك.. والله يااخد فييييك الحق... من هاااد نهاااار مانتييي بنتي ماني مك.. كتسمعيييييي... و باك الا عرف هدشي.. تماا يموووت... غتقتلي باااك.. القحبة.. حاجة وحدة غادي ديريها و بزز من مك.. غادي ديريهاا ولا برب اسمر.. تا نعاود كلشي لبااك.. يموت و نتبعو.. و نخلييييك هااازة العار و الدنب حياتك كلها... ضرب دبا و العصا ماغاديش ينفع.. شييي حاجة سميتها لقراية نسااااايها كتسمعيييي نساااااي لقرااااية.. محيها من مخك.. و بالك.. و برب ما تشووووفي شمس.. و يسخن عليك راااسك.. و تخرجي.. ولا ديري هاك و هاك برب تا بااااااك يعرف كنقسم ليييك بالله لي خلقناااا والله اسمر.. تا يعرف .. و يتفرتك هد شمل..نتي و ضميرك.. سمر : اهييييييييئ اهييييئ هئ ماما عفاك اهيييييئ هى هى سمعيني مرة اهييييييى هئ هى وحد..هئ ..ة... اهيييييى هئ هئ هئ اهييئ ..
نادية : سمعتليك بزااف.. ولكن نتي ضيعتي كلشي بيديك.. ختاريتي هدشي بيديك.. سمعينييي و متقاطعينيش.. لقراية نسايها و لخرووج تا هو نساايه.. و يسرى.. منلقاااكش معاها.. مغتخرجي مغدخلي.. و دك الخاتم.. لي رميتيه بيديك... غتعاودي تحطييه فصبعك.. بزز منك.. و شتيي دك يووسف عمرك ماتحلميي بييه.. واخا نعرف نموووت... فكري مزياان مك و خسرتيها متخسريش بااك.. تاهو و حمدي ربك لقيتي لي يسترك.. و تلفونك ارايه..
سمر: (بقات مصدومة.. مكتهضرش... كيفاش سفيان.. اكيد كضحك معاها.. بقات كتبكي.. باعلى صوتها.. ) لا اهييييييئ هئ هئ اماما لاااالا ا اهييييييييييئ ماديرش فيا هاكة هى هى هييييئ 
نادية : ( مجاوبتهاش.. تحنات هزات تلفونها من جيب سروالها خلاتها غتحماق بلبكا ).. شتي هداك لي غتديييه بغيتي ولا كرهتي.. ونتي ختاريتي هاد لحيااة براسك..سيري كملي بكاك فبيتك.. باك غيجي دباا..و منشووووفش كمااارتك حدايا.. طيبي ولا زمري لمخك منشووووووووفش خيااالك فهاد دار..

مشات دخلات لبيتها و خلاتها مصدومة.. صافي كلشي ضاع منها .. بخطرة.. بقات كتبكي... بحرقة.. و كتشهق.. تا نفس .. كتقطع فيهاا ... حاسة براسها غتمووت.. يلاه غتنوووض تمشي لبيتهاا.. رجعات عندها نادية..

نادية : نسييت حاجة وحداا عنداك يسخن عليك.. دك رااس و ديري شي دراما.. تنتاحري ولا ديري شي حاجة .. براكة غير هاد شوهة.. متزيديش شي حاجة اخراا. باك مغاديش يصبر.. نهار تقودي تزوجي و تخرجي من هاد دار ديك سااعة.. نتاحري ولا موتي نتي كاع..

رمات هاد الهضرة لي كيف سم.. فوجهها و رجعات لبيتها.. سمر.. ناضت بزز و هي حاسة براسها شوية و طييح.. دخلات ديركت لدوش.. حيدات حوايجها.. باش تحيد.. داك دفاال لي بقا فوجها و شعرها... طلقات عليها ما باارد.. بقات هاكك مكتحركش.. حدها شفايفها لي كيرجفو.. بقات شي ساعة على دك لحال... تا خرجات ملوية فوطة.. لبسات بيجامة و تكات فبلاصتها..


عطاتها لبكاا .. مسكتااتش.. كتفكر بلي صافي خسرات كلشي.. مابقااتش شي حاجة كلشي ضااع... احسااس خايب تحس براسك محكوور و فنفس الوقت كتحس براسك.. نتا سبااب .. محكوورة من جهة يووسف.. ماشي بخاطرها بغاتو.. ماشي لخاطرها رجعات ليه.. مقدراتش تسيطر على راسها.. اول واحد بغاتو..كان هو.. اول واحد قاسها كان لول و الاخير.. و حاسة بذنب.. من جهة الاب ديالها.. واخا دك الغلط ماشي بخاطرها.. ولكن لي وقع راه وقع كتبقا هي المذنبة فعينيهم.. بقات كتبكي.. حاسة براسها صافي ميتة و تا داك الحق لي تموت و تريح راسها.. خداتو نادية.. ميتة و هي عايشة..

فبلاصة اخرا..
جالسين ب 3 ف طبلة فواحد القهوة فصونطر... يوسف جالس مقابل معاهم.. و كيلعب ب الباكية دلكارو و مفاتح طوموبيل.. كيدورهم...

يسرى : اول حاجة ايوسف انا عيطت ليك نتا .. علاش جبتيه معاك...
امين : مكنتش عارف جااي عندك اما بااب دار منعتبهاش..
يسرى : دويييت مع يوووسف .. سميتك يوسف
امين : اوا خلينا من دقاان و هضري نيشان..
يوسف : وسكتوناااا اااو يسرى هضري كنسمعك..
يسرى : دبا منقدرش.. نهضر مرة اخرا..
يوسف : يسرى برب مافيا ما يتعصب.. هضري .. واش سمر واقعة ليها شي حاجة.. و لي كاين قولييييه... و مشاكل ديالكم خليوهم اباار..
يسرى : ماشي على سمر شي حاجة كتخصني..
امين : لا بغيتي نوض نقود بحالي..
يسرى: الا سمحتي طبعا..
امين : ( جمع يدو على شكل قبضة قبل ما ينوض تحنا عندها وهمس فوذنها بهمس ) غي مكتزيدي تقوديها على راسك..
يسرى: ( تبسمت ببرود كتقلي فيه سم )..

ناض صاعر.. محاملش دك البلان.. و هي ركزات شوفة فيوسف.. و هو مستغرب اش غتكون باغا منو الا ماشي على موضوع سمر..

يسرى : جبتك هنا حيت بغييت نهضر معاك على ود امين ونتا جبتيه معاك و مقدرتش نهضر و هو هنايا..
يوسف : مصحابليش.. مخاصميين لهاد درجة.. ماعلينا شنو كاين..
يسرى : واش كاينة شي وحدة فحياتو عفاك ايوسف جاوبني بصح ..
يوسف : شوفي.. نجيك نيشان حنا ماديويناش فهاد لموضوع بضبط.. و ماعارف والو.. ولكن را مكاين تا وحدة فحياتو.. راه ملاهي غير مع مو مريضة....
يسرى: واش مغيوليش يهضر معاياا..
يوسف: ماعرفتش.. والله ولكن را كيبغييك.. متخسريهش .. امين رجوولة متلقايش بحالو..
يسرى : مابقاش كيشوف جهتي..
يوسف: مافيها والو.. الا مشيتي نتي هضرتي معاه .. نزلي كواريك لرض.. را لا بقيتي هاكة اتخسريه فمرة..
يسرى : علاش هو مايجيش..
يوسف: علاش هو.. ديما هو لي تابعاك.. 
يسرى : كرامتي متسمحليش..
يوسف: اوا تبعي كرامتك.. سيري هضري معاه.. و غتلقايه كيتسناك.. و لكن قبل كلشي واش نتي كتبغييه..
يسرى : بزااف.. غير انا هاكة طبعي.. كنبان قاصحة.. و مامسوقاش.. هادي اول مرة نتصاحب.. ماعارفاش كيفاش نتصرف والله..
يوسف: را على برا سيري هضري معاه.. و تصالحو متخليوش شيطان يدخل بيناتكم..
يسرى: دكشي لي غندير..
يوسف: يلاه دبا.. راه كاعي دباا 
يسرى : شكرا حيت جيتي..
يوسف: عادي خوت حنا..

تبسمات فوجهو.. و تنهدات كحزات لكرسي لور و ناضت و قلبها كيضرب .. خايفة لا يقمعها مغاديش تقدر تهز راسها.. خرجات على برا و نسمات الهوا كضرب فيها.. و شابكة يديها فبعض... كان هو واقف.. و سيكار ففمو كينتر منو.. و مغوبش.. يدو دايرها فجيب.. و يد لخرا شاد بيها الكارو.. قربات منو و نطقات..

يسرى : امين..

امين شاف فيها و مهضرش.. دغيا حيد عينو و كمل نترة لي كان كينتر من الكارو.. و ساط دخان بعيد عليها.. جات وقفات اونفاص ليه.. و هو.. متجنب شوفة فيها..

امين : سيري بعدي.. غتلصق فيك ريحة دخان..
يسرى : و تلصق..
امين : مايكونش راسك قاصح..
يسرى : ماتبقاش مقلق ..
امين : ما مقلق ماوالوو.
يسرى: و علاش كتصرف معايا بهاد البرود..و علاش تفارقتي معاياا.. و مبلوكيني من كلشي..
امين: يسرى سيري الله يسهل عليك.. حيت انا ماشي من دك نوع لي باغاه نتي .. باقي ماجاتش شي بنت لمرا .. و حطاتني تحت رجليها.. تقحبن و تحسبني شماتة وانا نبقا ساكت .. انا نفسي حااارة.. نتي معايااا غتسمعيلي و تحتارميني كيف ما انا محتارمك. بغيتي دك تصاحيب دولاد لقحاب.. انا مابغيتوش.. دك لعب درااري صغار دوزتو شحال صافي.. بغييت عقلي يرتااااح..عييت.. ماعندي فيين نزيييد.. بصدااع.. انا بغيييتك مراتي.. ماشي.. نهار يومين شهر.. ونقوليك متفهمناش لله يعاونك.. ولكن نتي كيبانلي بغيتي هدشي..

يسرى بقات ساكتة كتصنت لهضرتو بكل تركييز.. و كتورك على يديها.. فاش كتفكر شحال.. هانتو.. و شحال نقصات منو.. شحال من عام تابعها و هي منخلاه.. كلشي تفكراتو.. بقا فيها.. و حسات براسها شحال انانية و شحال قبلها قاصح... دمعو عينيها.. على ديك الهضرة عرفات بلي ضراتو..

يسرى : امين.. سمحلي..
امين : غاسيري انا مسامحك
يسرى : بغيتيني نمشي لهاد درجة.. ماحاملش الوقفة معايا..
امين : والله تا هااز بزااف.. خليني هاد ساعة..
يسرى : منقدرش..
امين : شنو لي متقدريش.. يااك انا زايد ناقص.. سيري عيشي حياتك.. مكاين لي غيبرزطك من هنا لفوق..
يسرى : بغييتك .. نتا .. 
امين : بغيتيني... حيت ولفتي .. نبقا كنجري ورااك.. دكشي علاش 
يسرى : كنبغيك..ماشي ولفتها.. عاد عقت براسي بلي كنبغيك.. معرفاش لاش كنتصرف معاك هاكة و كنكون قاصحة.. ولكن معرفاش كيفاش نتصرف.. معرفاش شنو هو تصاحيب.. و بزاف دلحوايج.. 
امين: ولفيتيني.. ماشي كتبغيني..
يسرى : امين والله تا كنبغيك.. و هدشي لاش عيطت ليوسف.. متحملتش نتفارقو.. 

كتهضر معاه و عينيها فالارض .. و يديها مشبكاهم.. بتوتر.. اول مرة .. تزعم و تهضر هاكة و تخرج لي فقلبها ليه.. كانت كتعتابر.. هدشي ضعف بنسبة ليها ولكن دبا رتاحت.. بقا شحال ساكت.. رما سيكار من يدو .. و قرب ليها.. رجعلها شعرها مورا ودنيهاا.. و تنهد.. جرها عندو و عنقها و هي .. زيرات عليه.. واصلة لحد صدرو..

امين : الله يصبرني معاك.. امتا غتكبري امتا..
يسرى : مابقاش بزاف غندير 18 عام..
امين : وتكوني مراتي..
يسرى : لا باقي لحال..
امين : و امتااا .. علاش دبا متقدريش تهزيه..
يسرى : ( دارت راسها حمارة ) شنو نهز..
امين : zبيي ..

يسرى : وليني مكتحشمش..
امين : علاش هدشي مغاديش يوقع..؟
يسرى : و صافي باقييي لحاال انا كاع مكنفكر نتزوج تا نكمل قرايتي و نخدم..
امين : ولي يسمعك هاكة يقول ختنا كطير فلقراية..
يسرى : حكرتيني.. و غتشووف فعينيك..
امين : انا مراتي..متخدمش.. 
يسرى : علاش.. عقلية دواعش هادي..
امين: مايجييش شي قواد يتلوط علييك.. انتقب لمو عينييه..
يسرى: صافي بدل علينا هاد لهضرة.. و زيد خلينا.. ندخلو خلينا يوسف كيتسنا..

دخلو بزوج.. شادين فيد بعضهم.. و يوسف لمحهم من بعيد.. و هو كيشرب فقهتو.. عرفهم بلي تصالحو.. ولكن عقلو مبرزط.. سمر.. مهضراتش.. معاه.. لا فلفايس ولا فانسطا.. بقا كيطل.. لقاها.. سادة.. و هي ديما لي طالعة اونلاين.. دخل يشوف فلواتس.. و تفكر بلي مابقاش عندها الواتس.. تنهد.. و كمل كيشرب ف القهوة.. جلسو اونفاص ليه ب 2..

يوسف: تصالحتو..
يسرى: اه..
امين : راك عارف القلب مايشاور..
يوسف: الله يدوم المحبة..
يسرى : امين.. كون غير تجي سمر..
امين : اصلا غنمشيو دبا فات الحال.. و ضلام فزنقة..
يوسف: مشفتيهاش؟..
يسرى : لا و تا فلواتس سادة.. غندوز عليها لدار..
يوسف: اوكي قوليلها تكونيكطاا.. 
يسرى : واخا..
امين : ( ناض وقف ).. يلاه نوصلوك ضلام الحال.. دبا تلقاي مليكة محيحة فدرب ..
يسرى : واييه بصح يلاه..

يوسف تاهو ناض.. مشا خلص و خرجو.. ركبات فطوموبيل لور و امين لقدام.. طالق لديسك.. ديال ديريني فراي شريك..وصل لهاد المقطع .. تزير.. فقلبو.. و شد فلفولون.. بكل قوتو.. تا برزات عروق يدو..
🖤🖤🖤🖤

عياتني هاد الدنياا يا ربي الطف بياا باغي نفرح مادا بياا .ردلي الوهرانية ردلي العزيزة عليا ديريني فالراي شريك ما نزيد ما نقص عليك تعرفيني بلي نبغيك سي نورمال نغير عليك هايا نغير عليك... 

🖤🖤🖤🖤
امين حس بيه.. غير شاف فيدو.. عرف بلي شي حاجة تما .. مي خلاه مابغاش يسولو.. حدا يسرى.. وصلو لراس درب.. فرانا طوموبيل.. يلاه غتنزل يسرى و هو يوقفهاا بصوتو..

يوسف : عفاك عنداك تنسااي.. قوليلها تكونيكطا..
يسرى: متخافش.. انبدل حوايجي.. و غنمشي عندها..

نزلات هي و امين و هو بقا فطوموبيل.. داير. يد على فمو.. كيحركها بشوية.. باينة فيه مركز فشي حاجة.. عينيه مفيكيسيهم فلفولون .. كيفكر فين غتكون غبرات.. بالو بقا مشغول معاها.. يسرى مشات لدار و امين تاهو.. دارت كاسكروط معاهم .. و دغيا.. دارت سبة بلفروض باش تمشي عند سمر.. تاهي بقا بالها مشغول معاها.. خرجات من دار غادة بزربة.. وصلات لباب دارها كدق.. كدق.. تا خرجات نادية.. و حالتها حالة.. عينيها منفوخين.. و حمريين... 

نادية : شنو باغا..
يسرى : ( تصدمات بنبرة لي هضرات معاها بيها ).. سمر اخالتي..
نادية : ( قاطعاتها ) اخر مرة تجي عندها.. فوتي عليك هاد داار.. متعتبيهاش.. و نسااي شي وحدة سميتها.. سمر..

سدات لبااب فوجهها خلات يسرى مصدومة مافاهمة والو.. ولكن عرفات بلي وقعات شي حاجة.. و دبا زادت تأكدات علاش سمر غابرة.. رجعات خطاويها.. و خاطرها ما مهنيهاش..واش غيكونو دابزو.. ولكن ديما مدابزين.. عمرها ماتصرفات معاها هاكة.. وصلات لدار و دخلات ..

مليكة : شتك وصلتي لمساج و رجعتي..
يسرى: سمر مريضة ..متقدرش تحفض..
مليكة : اوا ليجعلني نتييق.. 

مجاوبتهاش..دخلات لبيتها ديركت رمات كتوبتها فوق الناموسية... و بالها مشغول مع هدشي لي وقع...


يوسف .. بلاصا طوموبيل حدا لقهوة دعيسى .. و مشا على رجليه لدار سعاد و مرة مرة يطل على .. تلفونو لا تكون صيفطات شي مساج.. دق فلبااب فتحاتلو سعاد و هي قالبة وجهها و دخلات لصالون.. مانطقات بتا كلمة.. عرفها مقلقة منو.. اكيد مقصر من جهتها.. تنهد و دخل موراها جلس فصالون .. حداها.. وهي مكتهضرش هز ليها يديها كيبوس فيهم..

يوسف: عارفة كلمة سمحيلي مغتفيد بوالو..
سعاد : مزيان ملي عارفها..
يوسف: الواليدة عارفاني كيفاش داير .. دغيا كنتعصب.. مكنتحكمش فراسي.. ونتي ديما جابدالي دك الموضوع قلت لهم نغبر..
سعاد : انا مك.. كتسمع .. ماشي بنت نادية..
يوسف: واشووفي.. انا جيت نصالحك.. ونتي كتجبدي دك الموضوع..
سعاد : بغيتي نسا .. هي لا تفرقتي عليها..
يوسف: وكنبغيهاا واش مكتفهميييش.. منقدرش بلا بيها.. الا مكااانتش هي مكيناااش شي وحدة خرا بلاصتها..و سدينا..
سعاد : سحرااتليك.. بنت لحرام..
يوسف: جيت نطل عليك.. ونطلب سماح .. حيت مقصر من جيهتك.. ولكن كيبانلي كنصدع راسي و صافي.. ( جمع الوقفة ).. مهم تصبحي على خير..

جبد شي فلوس من بزطامو.. حطهم لها فوق طبلة.. و قبل مايدور يمشي بحالو شداتو من دراعو و عنقاتو..

سعاد : بغييت غا مصلاحتك اولدي.. عذرني..
يوسف: صافي نساي هد الموضوع..
سعاد : غتعشا معايا..
يوسف: اه توحشت طيابك..

مشات لكوزينة تصايب طاجين عارفاه كيعجبو .. و هو بقا خاشي وجهو فتلفون كيتسناها غير تكونيكطا ساعة..والو... زير على تلفونو... و حطو بجهد فوق سداري.. سمر بقات على حالتها دموعها محبسوش.. تا سمعات باها جاي راجع من لخدمة.. نادية حطات لعشا و احمد كيسول عليها.. تا سمعاتو كيعيط عليها.. مقدراتش تجاوبو... 

احمد: سيري عيطي لهاد لبنت تعشا.. 
نادية : خليها .. غتكون نعسات..
احمد: مالك.. قالبة وجهك.. و باغا غا معامن.. استغفر الله.. سمر.. سمر.. اجيييي تعشااي.. ( جمع الوقفة تم قاصد بيتها )..

سمعاتو جاي.. مسحات دموعها بزربة و طفات ضو و تخشات فبلاصتها دايرة راسها نعسات.. دخل عندها لقاها ناعسة.. مشا عندها.. رفع عليها لغطا.. و جبد 200 درهم حطها فوق الكوافوزة.. و خرج من لبيت.. غير حسات بيه مشا.. و هي تنوض.. شافت ديك 200 درهم محطوطة تما.. زادت فبكاها.. رماتها فلرض.. و هي كتشمأز من راسها..يوسف .. تعشا.. غير كينقب و عقلو مشا بعيد.. كمل لعشا و خرج قاصد دار امين.. كيدق .. و يدق تا خرج عندو.. وهو كيمضغ الماكلة باينة فيه كان كيتعشا..

يوسف: غنحماااق نهار كلوووو غابرة.. فييين هي.. عيط ليسرى..
امين : برد.. دخل تعشا بعدا..
يوسف: و صافي عيط شمن .. عشاا 
امين : ( عيط ليسرى و سولها و قالت هي لي كاين و هو داير تلفون حدا ودن يوسف باش يسمع ).. كنت عارف شي حاجة واقعة..
امين : ( قطع معاها ).. و صافي.. غتكون غير دابزو بيناتهم..
يوسف: صوني ليسرى ضرووري نهضر معاها..

دار دكشي لي قالو.. و يسرى جاوبات فلبلاص.. 

يوسف: خرجي دباا محتاجك تعاونيني ..
يسرى : اويلي حااي منقدرش.. را داز لحال..
يوسف: ديري اي حاااجة و خرجي ضرووري ايسرى..
يسرى : غنشووف الا قدرت.. مهم تسنا شوية نعاود نصوني..

بقات كتفكر فشي كدبة باش تخرج.. لبسات بينوار فوقها.. بغات تخرج.. ومليكة توقفها..

مليكة : فين خارجة الالة فنصاصات ليل..
يسرى : الكونيكسيون.. خاصني نشارجي بااش نكمل واحد العرض عندي..
مليكة : جلسي لرض دبا نفيق باك يمشي يجيبها..
يسرى : والحانوت حدا داار مكاين لاش تفيقييه.. 
خرجات .. و خلاتها داوية وراها.. وصلات لراس درب .. صونات ليهم.. جاو بزربة...
يوسف: ضروووري نشوفهااا دبا ولا غندق فداار ولي بغا يوقع يوقع ..
يسرى : تسطيتي لا.. بغيتي يقتلوها.. تسنا غدا نشوفو اش واقع..
يوسف: دباااا مقاااادرش نصبر.. غنشووووفها بأي طريقها.. ضرووري نهضرها ايسرى.. شوفي اي طريقة..
يسرى : سرجم دبيتها.. 
مخالاهاش تكمل هضرتها مشا طاير و هما تابعينو.. غادي كيف لحمق... وصل لسرجم دبيتها.. دارها فيد الله.. و دق فسرجم.. مرة 2 3 تا ناضت.. فعز بكاها.. حلات سرجم.. سحابلها غا شي مش.. لقاتو هو.. قلبها زاد ضرب.. 
بقا كيشوفيها كيفاش كتبكي.. و عينيها شحال حمرة .. 
يوسف : شنو وااقع.. هضري.. 
سمر : صافي ايووسف كلشي ضاع..
يوسف: هضري متحمقيييييش طبونمي.. عفاك.. شنو وقع..
سمر : ماما عرفات كلشي.. حياتي ضاعت ايووسف.. كلشي مشااا ..
يوسف : ( ضرب يديييه ببونية مع لحييط و زمجر بعنف ).. هضريييييييي متجعرينييش. شنو عرفات شوااااقع متصعيرييييش..
سمر عاودات لو كلشي من ديبار.. مع كل كلمة دموعها كيطيحو.. بحال شتا..
يوسف : الا بقااااا عااااايش .. را لي ولداااااتني كبييييرة لقحاااااب برب تا نصفيها لقحبة دمو..و شووووفي لمن يزوجوووك.. مشاا صاعر.. و سمر.. كتنادي وراه.. يسرى و امين قربو ليها..
سمر : سييير.. تبعوو عفااك اميييين ايقتلوو.. سيييير..
امين مافهم والو.. عطاها بجرا تابعو..


كيعيط بسيمت يوسف و كيجري وراه.. و هو ماكيسمع والو.. كيجري بكل قوتو... بحال شي هبيل.. امين زاد فريتم و شدو من تريكو تا كان غيطييح..

امين : ( كينهج ).. وقف.. وقف اصاح..بي
يوسف: (كيحاول يتفاك منو ولكن امين شادو ).. طلق منييي امييييين بعد.. خلينيييييي نذبح مووووو كيقلب علياا ولد لقحبة..
امين : حبس القلاوييييي حط عقلك فراسك.. و براكة من تسطية.. فكر فمك و فلبنت لي غتخليها ورااااك و هي محتاجاك كالم اصاحبي كاالم..
يوسف : مقاادرش.. مقااادرش.. يا ناا يااااا هو مكاااينش حل..
امين : و زمر كالميييي كرك.. لول و فكر بعقلك.. درية را غتسطا بلبكاا صااافي خلصو من بعدد..

يوسف بقا ساكت مجاوبووش.. و كيطلع نفس و يهبطها بزربة.. باينة فيه معصب.. كيفكر فهضرتها كيبغيييي يمضغووو كيف المسكة بين سنيه.. رجع عندها لقا يسرى واقفة معاها.. 

يوسف : سمعيني غدا جااي نخطبك.. باغييي يلعب معاياا انا غنوريه لعب على حقو و طريقو.. 
سمر : عفاك ايوسف متزيدهاش عليا.. صافي 
يوسف : كيفاش صاافي شكتقصديييي نمشي و نخلييك ورايااا بغيتيييي تزوجيه ؟..
سمر : مابغييييتش مابغيييييتش ولكن ماعنديييييش شي اختيااار بااا ايوووووسف باااا كنتمناااا يمووووووت و مايعرفش.. برب تا نقتل راااسي والله ايوسف تانديرها قبل مايعرف.. مانستحملش.. 
يوسف : تا حد ماغيعرف.. مك.. انا غنهضر معاها.. غيير رتاحي.. غنديييير اي حاجة.. برب مغنخليييه يديييك .. ويلا بغااا غا لعب غنلعب معاااه مزيااان..
سمر : شنو غادير را حلفات ونتا ماعارفش ماما كيف دايرة..
يوسف: انا حاجة وحدة كنعرفهاا مغاديش تزوجي بيييه تنطاابق سما مع لرض مغااديش يحلم.. بيك..ممكن نهضر معاها بوحدنا..

امين و يسرى فهمو راسهم و مشااو بعييد.. حط يدييه فوق يديها.. و عينييه حمرة.. كيف جمر و تجمعو دمووع فعينيييه ولكن ميقدرش يطييحهم..
كيصبر رااسو بزز..

يوسف : منقدرش نشووفك معاه.. ( بهمس ).. غنمووت اسمر..
سمر : ( تبسمات واخا دموعها دايزين .. زيرات على يدو ).. كنبغييييك.. و غنبقا نبغيييك ديماا.. 
يوسف : غنديير اي حاجة.. ( حط يديه على وجهها ).. غتكمليي قراايتك.. غنصاايب كلشي... مك.. غنخليها براسها تجي تعنقك.. كنواااعدك وعد الله اسمر.. غيير حاولي تسايسي معاها فهاد لايام.. وانا كل نهار انجي نشوفك..
سمر : لا جييران ايوسف..
يوسف: واخاا.. غنصيفطلك تلفون مع يسرى و خدمييه ضرووري منهضر معاك.. بالي غيبقا مشغوول ..
سمر : عندااك ديير شي حااجة لي تخرج علينا ب 2..
يوسف : كوني هانية.. 

دارليها اشارة بيدو و مشاو هو و امين بقات غير يسرى معاها.. كتشكي ليها و لوخرا كتبكي معاها..

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.