نتي ليا ونديك بالسيف الجزء السادس

وصل سفياان لواليدين حمزة عطاهم واحد صاك كبيير.. و شي لفلووس لي صيفطهم حمزة.. من تماا وصلو لواحد لقهوة .. تلاقا ب داك سيد عطااه دوك لورااق .. و يوسف كيتسنااه فطوموبييل طالق لديسك ديال شااب رياان.. كيعاود ورااه بصوتو الخشن اححح..

*انا ونتي و زمان طويييل نعيشو ما كتب ربيي و عليك ندير المستحيييل حتا توقف دقة قلبي نبغييك نبغيك عمري*

جا سفيان ركب لقدام و كسيراا..

سفيان: اوا فيين..

يوسف: للقهوة نشووف امين..

سفيان: معندييش معاه معرفت لاش..

يوسف: غي حيت معاشرتيهش اميين روجولة..

سفيان: عرفني بيه كتر.

يوسف: واخا..

دخلو لدرب.. و الانضار كلها علييه. خصووصاا الشبااب كلشي حاسدوو حيت تا هوما شحاال تمنااو يحرقو و يديرو لعاقة بحالو ولكن مقدرووش حسدووه حييت عندو لحديييدة و لورااق .. هادشي لي كيفكروو فيه شبااب دلمغرييب هدا حلمهم .. الى عندهم ورااق الخاريج بحالا دخلوو للجنة.. اما درياات فتا هوما تما كلشي باني احلام.. بغااو يتزوجوو بييه .. بلاصا طوموبيل حدا لقهوة دخل هو و سفياان اوا و تبركييك بداا كلشي كيسول شكوون هداك لي معاه.. لمح امين جالس فطبلة لي كيجلس فيها ديماا داير كاسكييط و كيلعب فلموس لي شادو بيدو.. ريدبول حداه كيشرب منو .. تصافحو كلهم.. و جلس يوسف مقابل مع امين و سفيان حداه.. جابولو شيشة يشيش يوسف جبد كارو.. 

امين: نهار كلوو غايب..

يوسف: كنت مع هاد وجه لقلوة..

امين: ( دار ابتسامة جانبية.. ماحاملش سفياان من داك لبلان ديال لبحر ) اوا و صاحبو مجااش..

سفيان: ( جاوبو و هو كيسوط فدخان ) لا..

امين: اوا و فقاش راجع..

سفيان: نورماال غدا نمشيي ولكن غنزييد هناياا شي يامات ..صونا تلفونو كان حمزة ناض خرح على برا يجاوب حييت الصداع فلقهوة مكيسمع والو..

امين : فقااش راجع هاد زبييي را محملتو ما قبلتو..

يوسف: تا هو نفس شي هه سبحان الله ضريييف سفيااان و رجوولة .. والله

امين: معرفتش غي مدخلش لخاطري ..

يوسف: خاصكم تعااشروو 

امين: علاش جااي عندك معندووش واليدييه..

يوسف: عندو مشااكل معاهم.. خصووصاا بااه..

امين: تا حد ما ما مهني.

يوسف: ويااه..

كمل هضرتو مع حمزة و رجع عندهم لقاهم كيهضروو على شي حاجة مافهم واالو.. بقا كيشيش كان فااات لحاال 2 ديال لييل.. سدات لقهوة يوسف وصل سفيان لدار و رجع هو لدرب عند سعاد فتح لبااب بساروت لقا صقييل عرفهم نعسوو.. دخل لبييتو شعل ضوو.. لقا سارة تماا واقفة حدا سرجم..

يوسف: شكديري فبيتي..

سارة: كنتسنااك غنهضروو..

يوسف: ( تنهد ) زوج دلييييل هادي فاش غنهضروو..

سارة: زووج حوايج غنقولهم لييك.. غدير معاياا شي حل لي يناسبنيي .. ولا خليني نمشي بحالاتي نضبر لكري. ..

يوسف: كيفااش تضبريييي لكرك.. و الولد ؟؟

سارة : بغيتي تحمقني ولا شنووو ايوووسف دريييي فكرشي انااا و انا لي حاملة بيييييه انا لي غنهزو فكرشي 9 شهووور انا لي غنتمحن نهااار نولدوووو فبلاااش مادير فيها اب .. و مغدييييش نخلي ولدييي يطلع معقد و يقولو لييييه ولد زنقة كنفضل نقولو باك ميت على انو يعرف بااه سامح فيه..

يوسف: ( عطاها بتصرفيقة تا خلا صبعانو مرسومين ف حنكها ) ياااك الالة و دااااك لولد نزل من سمااااااا هاا ( كيزييد يعلا صوتهم).. 

سارة : شنووووو قلت شي حااااااجة غالطة من ديمااااا انانيييييي كتفكر غييير فراااااسك و هاااامك غير راسك.. يوسف: ( بقا ساكت مجاوبهاااش فكرة الزوااج مستبعدها ).. مغتجبرينيييييي على والو كتفهمييييي..

دخلات سعاد للبيت فيقوها من نعااس حيت صوتهم كان طالع.. سمعات كلشي .. مشاات عند يوووسف رمقاتو بشي نضرات غي ليستر و صافي..

سعاد : كنت عارفاهاااااا ياك المسخووووط ماتهنيتييي تا درتيهاا 

يوسف: مي خليك بعيييدة ييني و بينهااا..

سعاد: سمعنيييييي ايوووسف و لزم حدووودك.. هاد العقلية ديال لكاورييييين ماشي هنا فلمغرب هادشي مايبغييييه لا الله ولا عبدووو.. 

يوسف مخنزر ف سارة و هي غي شادة فحنكها كتماصي فيه.. و تاهي مخنزرة فيه..

سعاد: تزوج بدرية و سترهااااا تحمل غلطك..

يوسف: مي مكنفركش فزوااااج..

سعاد: اوا شنوو تخلي درية ضايعة هاكة.. دير معاها حل ماشي فعاايلك هادو اولدي يوسف..

جمع يدو على شكل قبضة و شوفاتو حادين فيهاا.. خرج من دار خلا سعاد كتعيط ورااه.. 

يوسف

سعاد: يووووسف يووووسف تسناااا باقي مكملنا لهضرة.. ( ردخ لبااب فوجههاا )

تنهداات عرفاتو راسوو قاصح.. 

سعاد: ونتيييي الالة معندك واليديين لا واالو كيفاش تخليه يقرب لك هاد الجييل ليحفض و صافي .. دغيااا دغيااا كتنووض فيكم العافية..

دخلات لبيتها تكمل نعاسهاا ناوية غدا ترجع تفتح معاه الموضووع اما سارة.. رجعات للبييت يوسف بقات تما كتبكييي.. ولات بحال شي مدلولة تا داك الحب لي كانت تشوفو ف عينييه مابقااش تبدل ولا واحد اخوور .. خرجات من بيتوو و مشات للبيتهاا تغطات و نعسات..

اما يوسف من بعد ما خرج من داار ركب فطوموبيل و شعل لكارو.. يكمي باش يبرد.. بقا شحال مضاارب مع عقلو .. باغي غيير شي حل مالقاااهش..

اصبحنا و اصبح الملك لله..

#سمر

فاقت و عينيهاا منفوخة بلبكا لي بكات لبارح غسلات وجهها و مشات لكوزينة هزات شوية دتلج دارتو لعينيها بااش مايبقاوش منفوخين..و فطرات كانت نادية فصالون سمعات الحس فالكوزينة عرفاتها سمر غتكون فاقت .. مشات عندها لقاتها كتفطر و عينيها منفوخة.. جرات الكرسي و جلسات مقابلة معاها..

نادية: ويلييي سمر علاش عينييك منفوخة ؟

سمر: ( بابتسامة مصطنعة ) والو اماما غي لبارح منعستش بكري ..

نادية : متكتسمعيييش داك صهيير غيخرجليك على صحتك..

مجاوباتهااش و كتشرب فقهوتهاا.. 

#يوسف

نعس فبيتو ناض كيتفوه و يتجبد غسل وجهو و مشا لصالون لقا مو موجدة لفطور و سارة جالسة دايرة راسهاا مقلقة .. جلس بلا ما يدويي.. كب اتاي لراسو..

سعاد: اوا كوول اولدي. 

يوسف: معندي شهية..

سعاد: غيجيييك ولد و معنظك شهية خاص تكون فرحاان..

سارة: هو ماباغيش..

يوسف: يا ربي تصبرنييي داك الموضووع تاني..

سعاد: غدا ولا بعدو غنهضروو فيه.. هادشي ماشي لعب ايووسف.. زوج حوايج غنقولهوم ليك تزوج البنت ولا خليهاا تمشي تعييش حياتهاا بعييد عليك و تربي ولدهاا و ممنحقكش تسول فيييه نهااائياا..

يوسف: ( بلغوات ) ميييييي هداااااك ولدي تااايانااا بغيتينيييييي نسمح فيييييه 

سعاد: خيرتك بيييين زووووج حواااايج اما تخليهاااا هاكة معلقة منسمحلكش..

يوسف: ( جمع يدوو على شكل قبضة كيحااول يمتالك اعصاابوو و يكرز على سنيييه تا كيباان فكوو كيتهز ) واااااخاااااا بغيتيييييي زواااااح مستااااعد نتزوج بييييييك ولكن سمعينييييي كنقولهااااالك و مي شااهدة.. غنتحمل مسؤولية ولدييييي ولكن نتييييييي مدخليييييش فحياااااتي نهاااائياااا سمعتي ..

سعاد: واخا اولدي دبا غي تزوجهاا و سترهاا..

يوسف: ( خنزر فساارة مزياان ).. 

و جمع الوقفة الى بقاا تما دقييقة وحدة غيقتلها بلا شك..ركب فطوموبيلتو شعل الكارو كيكمي و يتنهد و مفيكسي عينيه مع طريق تا وصل لدارو دخل لقا سفياان كيفطر.. 

#سارة..

من بعد ما سمعاتو وافق مقداتهاا فرحة.. و متسوقااتش للهضرة لي قال بعدهاا.. اكيد غيتبدل نهار تولد و يرجع كيما قبل.. سعاد خنزرات فيهاا..

سعاد: سمعيني ابنت نااس.. ولدي غيتزوجك.. و يتحمل مسئوليتو شي حاجة كتر بلا ما طلبيهاا .. بغيييت غي نسولك فييين كان عقلك.. دغياا نسيتيي اخلاقك و شرفك على ود دريي..

سارة : ( حسات بغصة فقلبهاا دمووع تغرغرو فعينيهاا بصوت باكي) كنبغيييه هييئ 

سعاد: و هو كيباان بلي ماباغييكش.. ماعرفاش بضبط شنو واقع بيناتكم و مغنحكمش ولكن عارفة ولدي مزيااان .. نهار يعطي قلبو لشي وحدة مستحيييييل يسمح فيهاا واخا يكوون لي كوون ولكن نتيييي.. ( سكتات ).. الله يجعل هاد زواج على خيير..

ناضت هزات صينية فيدهاا رجعاتها للكوزينة.. اما سارة دات ما تبقا من كرامتهاا و مشات لبيت تلاحت على ناموسية كتبكي و تشهق و تعض فلمخدة باش ح. مايسمع شهقاتها و بكاها.. هضرتهاا ضراتها بزااف حييت بصح.. و هي لي سلمات ليه راسهاا بنفسهاا.. نساات واليديهاا لي ضحاو على قبلهاا و شرفها على قبل الحب..بعض المراات مكتكونش النهااية هاكة ماشي كلشي يطلع رااجل و يتزوجك.. و يمووت معااك .. كاين لي يتخلا عليك و ينكرك و للآسف هاد النمااذج موجوودة على جهد..

#يوسف.

سفيان: كااين شي قصارة ليوماا

يوسف: راني عياان مقااد على والو..

سفيان: مالك شنو لي عيااك..

يوسف: كلشي كيتجمع دقة وحدة تفو على زهر

سفيان: اوا طلقنا و قول اش عندك..

يوسف: غنتزوج بسارة..

سفيان: و علاش مقلق شووف ايوسف الى بصح كتبغيهاا عطيها فرصة نسااا و هني راسك و هنيها را تانتا كتعدب.. نسااا الله كيسامح شكوون حنا لي منسامحووش..

يوسف: ماشي بيدييي حاااااولت ننسا و نبدا معاها صفحة جديييدة ولكن خيانتهاا بين عينياا مقدرتش نننساهاااا 

سفيان: و علاش باغي تزوجهاا

يوسف: حيت حاملة..

سفيان: اااو.. مشكييلة

يوسف: ( دار ابتسامة جانبية ) فرحاان حيت غيتزاد عندي ولد نربيه و نلعبوو نسمعوة كينطق سمية باباا نعلمو يصووg متحمس بزااف.. ولكن ممهنييييش شي لي دااارت هيي مقدرتش ننسااه مامتقبلوووش .. 

سفيان: نفهم منك مجبوور تزوج بيهاا على ود الولد ..

يوسف: اااه .. 

سفيان: واش مابقيتيش كتبغيهاا

يوسف: مافاهمش لرااسي.. ولكن عارف بلي ماحيهاا من بالي و عقلي فاش كانت بعييدة علياا كطيييح فباالي .. كنقول انا كنبغيها و ماناسيهاش ولكن فاش جات دباا حداياا .. مابقيتش حامل شووفة فيهااا .. 

سفيان: الله يدير لي فيهاا لخير اخويا ..

يوسف جبد كارو تانيي.. تا سالاه جمع راسو و خرج يطلب سمااحة من مو حيت غوت فوجهها وصل لدرب.. نزل من طوموبيلتو و هي تجي عينيهاا ف عينيه.. كيشووف فيهاا ماكرهش يتلاح عليهاا و يعنقهاا كلما يشووفهاا كيتوتر و ميحيدش عينييه عليهاا.. حيداات عينيهاا دغياا و كملات طريقها و هو دغيا سد بااب طوموبيل و تبعهاا شدهاا من يدهاا مدورهااليه..

يوسف: سمر..

سمر: ( تنترات منو ) شنوووو 

يوسف: كيييف بقيتيي

سمر: مزيااان الحمد الله.. 

دارت تكمل طريقهاا شدها تاني ..

يوسف: تسنااي

سمر: بعد منييييي ابنااادم يا ربي تصبرنييييي شنو باغي منيي مزااال ياك عاطياااك بتيسااع اوا دير كيفييييي

يوسف: توحشتك. 

سمر: اااا سيييييير و كووووون تحشم .. واش وجهك قااااااصح تالهاد درجة.. سيييير تعلم تكووون راجل ديك سااعة اجي دويي.. ولا نسييييت رجلة بزاااف على واحد بحاالك..

خنزرات فيه و كملات طريقهاا.. و هو هضرتها كتعااود فودنييه.. تنهد و دخل لداار لقا مو جالسة كتفرج.. باسهاا فوق راسها و طلب منهاا سماحة حيت غوت عليها فصبااح..سارة بقات جالسة كتسناه يدوي معاها .. بغا ينوض يخرج.. وقفاتو بصوتهاا..

سارة: يوسف تسنا بغيت نهضر معاك..

يوسف: تالمنبعد..

سارة: عفااك دغياا..

خنزر فيها و مشا للبييت و هي تبعاتو..

يوسف: كنسمعك..

سارة : سمحليي الى جيت فوقت ماشي هو هداك ولكن ماجييت تا تسدو كاع لبيباان فوجهي.. فكرت غير فييك واخا كان بامكانك تخليني ولكن مدرتييش هاكة.. ماجييتش بااش نرون ليك حيااتك و ندخل فيهاا الى مابغيتييش تزوجنيي اوكيي هانية.. نبقاو صحااب و فقماا بغيتي جي تشوف ولدك .. 

يوسف: علاش كتقولي هاد الهضرة دباا ؟؟

سارة : حييت مابغيتكش تزوج بياا بزز.. ولا فهاد ضروف كنت كنتمناا .. نهار لي تخطبني فيه من دار والدياا تاناا نفرح و نمشي معاك لسووق نشرييو لخواتم نعصبك مرة اه و مرة لا.. تانا بغيت دك نهار لكبير يكون مميز.. تجي نتا فرحاان تبوس فوق راسي و نعيشوو مهنييين .. ( مسحات دموعهاا لي سالو بلا مايشاوروها ).. سمعني ايوسف انا مابغييتش نقتل راسي فهاد زواج و نقتلك معايا.. هادا ماشي لعب ماباغااش تزوج بياا بزز ولا غي شفقة منك.. حيت ماشي هدشي لي كنت كنحلم بيه و فهمت بلي نتا ماباغيش هادشي .. فبلاش منو من لول باش تا حد فينا ما يتضرر..

تقلبات لجهة لبااب بغات تخرج.. و هو يوقفها هضرتهاا حركات فيه شي حاجة بقات فييه..

يوسف: غنتزوج بييك.. و نحاول ننسا لي دااز.. و نبدا معاك صفحة جديدة على قبل ولدنا.. و غنتزوجو كيفما حلمتي..

سارة جرات عندو و عنقاتو و هو بادلها تعنييقة.. 

#سمر

يسرى : ياكما تزادت فيك شي ضلعة بغيتي اميين ينحرنيي

سمر: را قريييب نطرطق بغيت نبدل جوو..

يسرى: ويلي على الحماارة لي بلاني الله بيها وحنااا قااااصر مغيدخلوناااااش..

سمر: ندوييو مع محمد...

يسرى: اخر مرة شفتي كيف كانت خلينا مهنييين عار مك ماقادة على عصاا ..

سمر: تفوووو را جاني الملل.. 

يسرى: شوفي غنمشييو للالعاب ندوزو تما وقت و باتي معاياا هاد ليييلة نديرو شي فيلم..

سمر: وي فكرة زوينى تسنااي نمشي لدار نلبس حوايجي و نجيب بيجامتي او نجي..

يسرى: يلاه طيري..

خرجاات كتجري وصلات لدار.. كتنهج علمات نادية بلي غتبات مع يسرى..دخلات لبيتها دوشات بلخف و صايبات شعرهاا لبسات تيشورت قصير فلحمر فوسطو كتبة بلكحل.. مع سرواال كحل طاالع من جهة الكرش.. كيبين الفرمة وااعرة.. طلقات شعرهاا و دارت ميكاب خفييف جاها واعر رشات بارفانها و هزات صاك فيدها دارت فيه لفلووس و تيليفونها و لاشارج ...

#يوسف..

تا هو خرج من دار صدفة تلاقاها عاود .. غادة فطريق كتسيلفاا و تضخك .. بديد الضحكة لي هبلاتو و شعرهاا كيطيير معاها و تلوي فشفايفها مكرهش يتلاح عليهم يشبعهم بووس.. و هي ماشافتووش.. تا وقف عليها بحال جن.. جمعات تلفونها..

سمر: شكاين تانيي

يوسف: ( مابغاا تا حد يشوفهاا من غيروو .. حيت كانت كتباان زوينة بزااف اي وااحد تعجبوو ) فين غادية..

سمر: سوقك؟..

يوسف: سولتك جاوبيني

سمر: لا حول ولا قوة الى بالله شووف لاخر مرة غنقولها ليك بعد منييي واش كتعرفنييي بيني و بينك شييي حاجة؟..

يوسف: بغيتي تعرفتي واش كنعرف ولا لا همم ( كيشوف فشفايفهاا)

سمر: ( فهماتو.. عارفااه حمق يبوسها حدا نااس.. بعدات منو ) بعد منييييييي واش مكتفهمش خلينييييي نعيش حيااااتي كنكرهك بعد مني و من حيااتي..

يوسف: معرفتش .. تانا براسي ماعارفش .. خلينا فموضوعنا فين غادة. بهاد لحالة شوفي كرشك كتبان..

سمر: ( جننها ) حمق نتا .. ماسوقكش فياا غتبعد منييي ولا برب نا نمشي عند لوالييييد بففف سير شوفلك شي سبيطار تعالج فيه را مريض نتاا خاصك داوا..

خلاتو بلاكة و زادت بحالهاا.. مغدد من هضرتهاا تبدلات مابقاتش سمر لي كان يعرف.. سمر لي دغياا دموعها يطيحو سمر ليي دغياا كتقلق و تغووبش.. بلعكس كانت وحدة اخراا .. عينيها حادين شوفاتهاا قاصحيين.. خلاتو مصدوم منها.. و الغيرة عامية عينييه و هو ماحاسش على راسو.. مشات لعند يسرى لقاتها واجدة تاهي.. خرجو بزووج شدو طاكسي.. وصلهم للالعاب.. يلعبو فهادي يطيرو لهاديك.. لعبو تا شبعو و ختموهاا ببيتزاا كلاوها فواحد صناك .. رجعو لدار مسخسخيين بلعياا و دوخة شاداهم.. دازو من لحانوت شرااو شيبسات و زوج لينكس باش يدوزو بيها لييلة.. مشااو لداار دوشوو بزوج باش يحيدو لعياا لبسو بيجاماتهم و تلاحو على ناموسية.. بقاو شحال متكيين و يسرى كدوي مع امين ب ابيل فيديو.. تا سمعو العيااط باش يجيو يتعشااو.. كملو عشاهم سمر جمعات طبلة و يسرى غسلات المواعن.. رجعو للبيت طفاو ضو و يسرى جبدات لبيسي .. دارت واحد لفيلم كانت مشارجياه..

يسرى: هاد لفيلم كنت مشارجيااه شحال هادي..

سمر: شنو سميتو

يسرى: صينيي سيمو the love..

سمر : تسنااي نجيب لي شريناا..

مشات لكوزينة شعلات ضو هزات ديك الميكة و لينكس من التلاجة .. حطاتهم فوق ناموسية خدمو الفيلم و بداو ياكلوو ..

#يوسف

كان فبيتو فدارو متكي و داير يد وراا راسو و اليد لوخراا شاد بيها سيكار.. جات فبالو يسرى و ضحكتها لي سحراتو و كيفاش كانت كتصور و تلوي فشفايفهاا و تصايب شعرهاا بطريقة عفوية ضحك لا ارادياا ..

يوسف: هاد البرهوشة غتخرج علياا..

#سمر..

كانت 2. دلييل سالا لفيلم .. و بداو التعليقات 😂😂

يسرى: تفوووو الهيماجي لاخر غتاصبهاا و شو لحماارة دغياا سمحات ليه..

سمر: ياختي داك توتووووز بزز منك ما تسمحيلو

يسرى: شبع فيها غا تصرفيييق و لكن الفكرة مقووودة..

سمر: بزااف عحباتني الفكرة.. ياختي ضلم صعييب.. عليها ماخاصكش تقولي شي حاجة ولا تحكمي تا تشووفي بعينييك..

يسرى: اه بصح.. 

سمر: اوا زيدي نعسو رااا باقي فياا لعياا

يسرى: تاناااا..

سمر: تصبحي على خيير

#يوسف

داك لفلاش ديال قبيلة باقي كيفكر فيه .. اصلا ماهموش كلامهاا كان غي كيشووف فيهاا كيف كتباان تفكر بلي شحال من واحد غيكون تابعهاا.. زعما غتكون مصاحبة دباا.. تنهد ماعرفش راسو علاش ولا كيفكر فيهاا مؤخراا .. ياك هو لي بعد علاش دبا رجع يفكر فيهاا.. مسح على شعرو و مشاا ينعس.

#اصبحنا_واصبح_الملك_لله

#سمر

فاقت .. و رجليهاا على كرش يسرى ماحسات غير بقرصة فيهم..

يسرى: حيدييي علياا رجليك ازبل

سمر: ( كتفوه ) اااااح ازميطة وراا كنت ناعسة 

يسرى: نتي نهار تزوجي رجليييك تحطيهم في فم راجلك قادي نعاسك الخرا اتفو..

ناضت دخلات لدوش غسلات وجهها و تبعاتهاا سمر فطروو بزووج .. ..

#يوسف..

فاق صبح بكريي جاه تلفون من مو.. مشاا طاير .. لقاها جالسة فصالون و سارة معاها ..

يوسف: مي ياك لابااس شنو واقع

سعاد: ماواقع والو غير بغيت نهضر معاك 

يوسف: كنسمعك.. 

سعاد: مدام وافقتي تزوج بيها و بارادتك .. خاصنا نديرو الاصول تخطبهاا..

يوسف: لي بالك نديروه..

سعاد: يرضي عليك.. ( موجهة هضرتها لسارة ) ونتي عيطيي لواليديك علميهم بلي غدا جايين نطلبوك...

يسرى ماقاداها فرحة جبدات تلفون بزربة و عيطاات لمها.. جاوباتهاا..

سارة : ( بفرحة ) مي مي غيجييو يخطبوني.

....: ياك قلت ليييك نساااااي بلي عندك واليدييييك. دبري لمخك حنا معندناش لبنات لي نعطيوهم.. ( قطعات عليها )..

سارة حابسة لبكية بزز ناضت بزربة لبيتها و بدات تبكييي صوتها مسمووع..

سعاد: هاد لبنت قطعاتلي قلبيي مسكييينة..

يوسف: .. ( تاهو بقات فيه ) غنمشي نشووفهاا..

مشا عندها للبيت حلو بشوية كيطل عليها لقاها معنقة لمخدة و كتبكي دخل عندها جلس حداها و تلاحت عليه عنقاتو ..

يوسف: ششششش صافي براكة من لبكاا انا معااك..

سارة: اهيييييئ هئ هى عفااك ايوسف ماتسمحش فياا هئ هئ هئ اهييئ

طبطب على ضهرهاا خلاها تبكيي و تخرج لي عندها تا سكتاات و مسحات دموعها بكمها.. خرجو من لبيت رجعو لصالون..

سعاد: ( شدات يديهاا ) مدام غتولي مرات ولديي.. حسبيني مك و يوسف يخطبك مني شبالك..

سارة: ( ضحكات من قلبها ) بصح بصح..

سعاد: اه .. صافي لغلط وقع دباا نسااو لي دااز و نبداو من جديييد و انا معنديش بنت نديرك بنتي..

سارة :( عنقاتها يخليك لياا اخالتي ) 

سعاد: اوا هي غدا ندييرو الخطوبة..

يوسف: ( تزير غي ساكت مكيدوييش ) لي بانلكم..

سعاد: كلما زربنا كل ما كان حسن.. بااش دغيا نديرو العرس و قبل ما تكبر كريشتهاا و تباان.. 

يوسف: واخا امييي ولكن را موجدنا والو..

سعاد: كلشييي غيوجد.. نتوما سيرو شريو الخواتم و الباقي علياا .. ندييير ليكم خطووبة عمر ينساها شي واحد..

سارة : لا اخالتي غي شي حاجة بسيطة بيناتنا..

سعاد: يوسف ولدي الوحيييد و بغييت نفرح بييه زايدوون ناس غيحلو فمهم.. يقولو ولدها جاي من لخاريج و تا الخطوبة مدايرهاش..

يوسف: خليهم يهضروو..

سعاد: نتاا ماسوقكش انا لي غنتكلف نتوما سيروو غي شرييو الخواتم..و الباقي عليا..

سارة : شكرا بزااف ..

سعاد: ( قاطعاتهاا ) واسربيييو سيرو...

سارة : ( شافت فيوسف) غنمشي نبدل حوايجيي و نمشييو..

يوسف: كنتسنااك..

مشات لبيتهاا و هي فرحاانة بزاااف .. و اخيراا تحقق حلمها.. حطات يديها على كرشهاا و غادة ضاحكة تا وصلات للبيت لبسات..

 صايبات شعرهاا و دارت ميكاب خفييف.. رجعات لصالون ..

سارة: كملت..

يوسف: تسنااي..

مشا لبيتو حل لبلاكاار .. جبد واحد صاك كان مخبي فيه فلوسوو جبد منهم و رجعو لبلاصتو .. عطاهم لسعاد حطهم فوق طبلة..

سعاد: عندي غي رجعهم..

يوسف: صافي خليهم عندك غتحتاجيهم بزاف دلمصاريف..

سعاد: ولكن..

يوسف: ( قاطعها ) خوديهم سدييناا.. 

خرج من دار سارة تبعاتو.. مرجعة شعرهاا لور.. حل الطوموبيل .. ركب لقدام و سارة حدااه.. سمر شافتهم كانت راجعة لدارها .. لمحاتو.. شافت سارة جالسة لقدام.. نار الغيرة شعلات فيهاا خصووصاا حيت سارة زوينة بزااف بدات تقارن راسها بيها.. خنزرات فيه مزياان و تحكمات فراسهاا دارت ليكيت فودنيهاا زايدة فلفوليم كلوو باش ماتسمع واالو.. وصلات لدار حلات لباب. و دخلات لبيتها نيشاان.. حيدات ليكيت من ودنها بعصبية شداتهم كتجبد فيهم تا قطعاتهم.. ضربات تلفون مع الفراش..

سمر: اعععععععع ( شدات فراسهاا بغات تشدووو هو وياهاا و تعض فيهم و تشرب من دمهم ).. سيييير بغيتلك شي كسيدة ليك و ليهااا يا زااامل.. 

#يوسف ...

ديمارا طوموبيل و تخنزيرتهاا باقا قدام عينيه.. وصل لسوق بلاصا طوموبيل .. و نزلو بزووج شدات فكتفو.. دخلو لسووق كيقلبو على الحوانت ديال دهب دخلو لواحد.. بقات كتشوف فزاجة شي خاتم لي يعجبها و تسول ف يوسف واش زوين ولا و هو غي كيحرك راسو بالاماء.. ختارت واحد سااامبل من ديماا هي كتعجبها الحاجة لخفييفة.. كان مدوز و متوسطوو حجرة صغيرة.. و هو ختاار لراسو خلصو خرجو من الحانووت و هي باقا شادا فدراعو بحالا خايفة يهرب.. ..

اما سعاد من بعد ما خرجة تبعاتهم تا هي لسوق تشري لي ناقص..شراات تقدية للكوزينة و وصات على دجااج.. مشات تشوف لكيطوون شدات وااحد.. بمليون و نص .. خلصات كلشي من جيبهاا فلوس يوسف خباتهم.. و دازت على الكوافورة دارت معاها تجي غدا.. كملات كلشي .. عيطات ليوسف 

سعاد: ولدي فينك..

يوسف: فسوق..

سعاد: تانا تماا.. الى ساليتو اجي عندي راني حداا *** ..

يوسف: واخا دقييقة وراني عندك..

وصلو لطوموبيل جلسات لور.. احتراما لسعاد.. كسيراا لديك لبلاصة لي عطاتهالو لمحها واقفة و بزاف دلميكات حداها و باينة عليها لعياا وقف طوموبيل و مشاا هز عليها دوك الميكات حطهم فلكوفر و هي ركبات القدام..

يوسف: هانتي عيتييي غتمرضي فصحتك..

سعاد: بغيت غي نشووفك فرحان.. 

يوسف: راسك قاصح

سعاد: ماشي بحالك كاع..

وصل لداار نزلو كلهم حل لكوفر جبد دوك الميكات و دخلهم لدار حطهم فلكوزينة و ناس غي كتشووف و حاضية كانت ديك 2 ديال نهار.. كلشي باغي يعرف شكون هاديك و شنو كدير عندنم فدار..سعاد دخلات لبيتها ديركت ترتاح.. سارة بقات متكية على طوموبيل تا جا يوسف..

يوسف: غنمشي عندي شي شغل..

سارة: فخباارك غدا غيكون اسعد يوم فحياتي..

يوسف: ( بتاسم فوجهها )

سارة:نمشييو لطبييب..؟

يوسف: علاش..

سارة: مابغيتييش تشووف ولدك؟؟

يوسف: ( بقا ساكت شحال عاد جاوبها ).. اه بغيت نشوفو..

سارة : اوكي زيد..

ديمارا طوموبيل .. و خايف اول مرة يجرب احسااس الابوة)..

وصلو لواحد طبييب تا سولوو عاد مشااو بزااف شكرووه ليهم.. خدااو رونديفو بقاو كيتسناو نوبتهم حيت كان بزاف تماا .. و الاغلبية كريشتهم خارجة.. بتاسمات تا هي مكرهاتش كرشها تخرج.. و تحس برااسهاا حاملة نيييت.. بقاو شحال كيتسناو تا وصلات نوبتهم .. دخلو عند دكتور.. جلسات فوق داك لباياص .. .. دكتور .. غطاها و رفع ليها تيشورت دهن ليها واحد البرودوي فوق كرشها.. و كيدوز عليهاا بواحد الالة.. و هي كتشول فتلفازة و يوسف نفس شي.. و دكتور كيوريهم.. 

سارة : مكيباانش بزاف..

دكتور: حيت باقي صغيير..

يوسف: ( كان متكي على لبااب قرب يشووف فتلفازة بانتلو شي حاجة كحلة صغيرة كتحرك..بتاسم.. و سارة شدات فيديه.. ).. 

سارة : فرحانة بزاف حيت نتا

معاياا

طمنها الدكتور بلي كلشي مزيان... خرجو من تماا .. و يوسف باقي كيفكر فشنو لي جااي و شنو غيوقع من بعد ..

#سعاد...

رتاحت شوية فاقت.. خملات دار دراتها كتشعل .. شوية سمعات حس واحد طوموبيل حدا دارهاا.. طلات لقاتها من نوع 2007 عرفات بلي جاو يوصلو دجااج.. خرجات عندهم.. خلصاتهم دخلو دوك الميكاات كانو بزاف للكوزينة.. تبعهم .. طوموبيلة كبييرى ديال لي كيجييو يصايبو القيطون.. شي زوج طوموبيلات .. ناس غي كطل صحابليهم عرس.. و سمر مسكينة ما فراسها مايتعاود..

صايبو القيطون و سعاد واقفة حدا لبااب كطل.. و فرحانة بولدها حيت غيتزوج.. جا يوسف لقا روينة حدا بااب دار تعصب.. ديمارا لوطو بعييد شوية حيت مكاين تما لبلاصة فين يبلاصي بسبااب القيطون.. ردخ بااب طوموبيل و سارة تابعاه.. لقا سعاد واقفة فلبااب مراقباهم.. 

يوسف: علاش هادشي كلوو امييي.. واش زواج هداا ولا خطوووبة.. 

سعاد: بغيييت نفرح بييك و نعرض درب كاامل..

يوسف: عرضييي المغرب كلوو حسن 

سعاد: اوا صاافي مافيهاا باس مرة فلعمر 

دخل لدار بلا مايجاوبها مابغاش يخسر ليها فرحتهاا.. حاس براسو مخنووق .. دخل للحمام دوش و تلاح على ناموسية.. جبد كارو يكمي تفكر بليي مخلي سفيان بوحدو فدار.. ناض دغياا لبس تيشورت مع سروال .. خرج على برا و شعرو باقي فازك.. كسيراا ديريكت للبرطمة.. ديالو .. حل لباب لقا سفيان كيشرب..

يوسف: لعشير غي سمحلي رااني مرون..

سفيان: ا عارف ايييه نعاماس غتولي عريس..

يوسف: اه غنولي عريس و عقلي مع وحدة اخراا.. بحالا غندفن راسي و انا باقي حي..

يوسف: كتبغي وحدة اخراا ؟

يوسف: معرفتش ولكن دباا فهمت داك المثل لي كيقول ما كتحس بقيمة الحاجة تا كتمشي من بين يديك.. 

سفيان: انا بعداا والله مكنفهمك..

يوسف: تا حد مكيفهمني.. 

سفيان: حيت نتاا فشيييشكل يعياا الواحد يفهمك ما يفهم وااالو..

يوسف: خليناا غدا راك معرووض عندي خطووبة...

سفيان: .. سي يوسف غيديير عقلو ايييه شكون قال

يوسف: غنووض ندير واحد الحاجة اخيرة..

سفيان: شنو غدير ..

مجاووبووش.. خرج من دار متسرع وصل لطوموبيل ركب فيهاا و كسيراا عيط لامين.. 

يوسف: بغييتك فواحد لبلاااان..

امين: مرحباا

يوسف: (******** )

امين: وخليناا من هادشي مدخلنييش .. 

يوسف: و هادي هي رجلة..

امين: بففف تقود نتلاقااو حدا الكورنييش منواعدك بوالو..

يوسف: غي شوووف 

قكع عليه و كسيرا نيشاان للكورنيش بلاصا تما جبد سيكار يكمي.. كيتسنا ف امين يجي ..

#امين..

من بعد ما كمل الهضرة مع يوسف عيط ليسرى..

امين: اجي دباا غتلقايني فراس درب و جيبي معاك سمر

يسرى: منقدرش تسطيتيي شوف سااعة 9 و ضلام الحال.. خلي تالغدا و زايدون سمر علاش

امين: اجييييي دباااا بلا ما تجعرينييي ضرووري بففف مكتفهمييييش طيري دغياا

يسرى دغياا لبساات واحد الكسوة دايرة بحال جلابة عيطات لسمر جات بجلابة دازت من زنقة اخراا غادة كتجريي باش دغيا تووصل شعلات فيها لعافية بدييك ( ضرووووري )..

وصلات كتنهج.. يسرى كانت كتسناها من سرجم.. خرجات كتسلت و بحال ديما دايرة سبة بسمر.. خرجات دغيا قبل ما دق سمر..

يسرى: بففف كنتي غتفرشينيي.. 

سمر: فهميني شنو واقع..

يسرى: بحالي بحالك زيديي ..

وصلو لراس درب كينهجو بزوجات يسرى شدات ف امين و كتلتاقك انفاسها..

امين: مالكم بحالا كنتو فسباق..

يسرى: ( كتلهت ).. شش.. هوف شنو و..اقع..

امين: ماواقع والو بغيت نديكم للكورنييش و صاف.

سمر: اوا سير نتا و حبيبتك و انا شنو غندير وسطكم..

امين: بزووج بيكم غاديين زيدو..

سمر: نمشي ب بيجامة تسطية هادي سيرو.. امين تالمرا اخرا 

امين: غتزيدي قدامي ولا نديك بزز..

يسرى: ( استغربات منو ) لاياش كتخطط

امين: ( بملل ) زيدو و براكة من بلا بلا..

شد طاكسي ركب القدام هي و سمر لور.. وصلو للكورنييش غادي هو سابقهم كيهضر بتلفون..و سمر و يسرى ورااه كيسولو شننوو بييه .. 

يسرى: غيكون طاار لمو لفريخ فهاد لييل

سمر: دكشي لي بانلي 

بقاو غادييين وراه تا جا يوسف تصافحو هو و يااه سمر قلبها ضرب بسرعة دباا عاد طلع معاها لبلاان و فهمات. .

سمر: يسرى وااش منييييتك القلاوي شهاد لفعاايل عارفة كلشي. 

يسرى: مكنتش عارفة اقسم بالله ..بحالي بحالك مافراسي مايتعاود

سكتاات سمر.. واقفة و جامعة يديها مخنزة فيه و لكن قلبها كيدق بجهد قريب يخرج من بلاصتو.. امين جر يسرى..

يسرى: طلق منييي الخراا رجعني بحاالي..

امين: داك لفم خاصو يتقطع من جدر.. خليهم يدويييو بيناتهم و خليناا انا وياك بوحدنا راني موحشك بزااف..

#سمر..

سمر: واقلة مكتفهش..

يوسف : سكتييي هاد المرة و سمعيي

سمر: شغانسمع اخووووياا و البشر شبينييي و بينك بااش نسمع اناا..بعد منييي

تقلبات غادة بوحدهاا و هو تابعهاا تا هزهااا فوق ضهرو و هي كتغوت و تفركل و تضرب فضهروو و ناس كتفرج.. وصل لطوموبيل فتحهاا و ركبها لقدام و ركب حداهاا و كسييراا.. وقف حدا واحد لبلاصة مكانش فيهاا ناس بزااف و مضلمة قريبة للكورنيش ..

يوسف: سكتي من لغوات..

سمر: اوا خلينيييي نمشي بحالي..

يوسف: توحشتك بزااف.. ماتخيلييش شحاال.. كنعتارف بلي جرحتك ولكن ماشي بيديي كنت مخربق و فواحد الحالة ماعارفش انا من رااسي.. مكنتش باغييك تعدبي معاياا حييت كيما قلت لييك انا براسي مافاهمش ولكن اي حاجة قلتهاليك كانت بصح مكدبتش عليك.. نتي بصح كتعجبيني لا شي حاجة كتر.. واخا مابقينااش ضليت كنفكر فييك و كتجي فبالي و فاش كنشووفك خلااص كتهبلينييي و كنبغيي نهزك بعيييد باش مايشوفك حد.. انا لي نشووفك كضحكي و انا لي نقيس فشعرك انا لي نشووف فعينيك انا ليي نصدعك..تقدري تحسبيني هبيل.. حيت سمحت فيك.. ولكن تيقيني فديك لفترة ماكنت عارف باش كنحس و مافاهمش لراسي.. 

سمر: نتا ماعرفتييش بااش حسيييت و شحاال بكيييت شحال لمت راسي كنقول علااش خلاني شنوو لي فياا خايب.. بغيييتك كتر ما كتصوور..عمر شي وااحد قدر يخليني نبغييه.. واخا جرحتيني و حطمتيني حاولت نكرهك و نمحييك من عقلتي ولكن ماقدييتش فكل مرة كنلقاك فباالي 

يوسف:كوون يرجع بياا زماان لوور عمري كنت نخلييك..ولا نسمح فييك نتي تستاهلي كل خيير عينيك ماشي ديال لبكاا..

بقات ساكتة مجاوباتوش .. كل واحد فيهم.. شنو كيقوول..

سمر:( فنفسهاا ) تالداباا باقي لحاال .. شد فيدي و خليناا نرجعو كيف كناا مستااعدة نسامحك ماتخيلش شحال كنبغيك ايوسف.. اوف سكتي اسمر نسيتي ديك البنت ظيال قبييلة.. ويلا كانت غي من عائلتو .. اووف..

يوسف: ( فنفسو ).. نتي احسن حاجة وقعاتلي اول وحدة بغاتني من قلبها.. ولكن انا مامنااسبش لييك.. حياتي كلها مشااكل.. ايلا عرفاات .. ( تنهد ).. بغيت نشووفك ديماا ضاحكة و تلقااي لي يستاهلك..

حم حم و دوا بصووت خشن خلاهاا تغمض عينيها..

يوسف: بغيت ديما نشووفك ضاحكة و نقصي من طيران دياالك..دكشي ممنووش..

سمر: اه.. ( عضاات فشفايفها بتوتر)..

قرب ليهاا تحنا عندها و هي قلبها غي مازاد يضرب بجهد قريب يخرح من بلاصتو انفاسهاا كتحس بيهم ضاربين فوجهها.. كيشووف فشفايفهاا و يبلع فريقو.. حط شفايفو على شفايفهاا حسات بحالا ضو ضاربها..مقدرااتش دير اي حركة حسات بيه كيحرك شفايفو بشويييية.. كرزات على يديهاا.. شوية بدا يمص فشنوفتها التحتانية .. و يدخل لسانو لداخل ديالهاا خلاتو كيبوس فيهاا و هي ماعارفة مادير.. مهم مابغاتش داك الاحسااس يسالي .. كتحاول تقادو .. غي كتحرك شفايفهاا.. دار ابتسامة جانبية و بعد عليهاا..شوية..

يوسف: غتحمقيني يا هاد البرهووشة.. ماشي هاكك تسنااي نعلمك..

حط يديه على عنيهاا بسرعة و جرها ليه.. ميل رااسو.. كيبوس فشفايفهاا بطريقة خلاتها تبغي كتر.. عضها فشفايفها بشوية تا تاوهاات.. دخل لساانو كيلعب مع لسانهاا.. و مرة يمييل هاك و هاك مغمض عينيه و هي نفس شي.. قلبها قرييب يخرج من بلاصتو.. تجاوبات معاه كتقلدوو.. عحبو الحال فاش حس بشفايفها صغيوريين كيتحركو على شفايفو.. زير على شعرهاا سيد شعلات فيه العافية.. بقا كيمص فيها بكل جهدو باغي يشبع منهم.. تا حطات يديهاا على صدروو .. حيت وعتهاا. بعد منها خلا ليها شفايفهاا زرقيين بلمص 😂😂...

بعد منهاا و داير ابتساامة جانبية .. مكرهش يبقاا غي يبوس فيهاا مايبعدش..فكر فغداا تنهد و دغياا ختافات ديك الابتساامة لي كان راسمها.. كسيرااا رااجع للكورنييش بلاصاا طوموبييل و نزلو بزووج غاديين.. الكورنيش كان عامر خصووصا بليكوبل كلشي شاد فيد صاحبتو.. و كاين لي مع مراتوو.. تفكراات نهار لي كانو بزووج هو شاد فيديهاا .. شعرهاا كيزييد يطواال بقا كيشوف فيه.. تا وصلو لعند امين لقاوهم كيدابزو..

امين: برب و ماسكتي تا نرميي ديلمك فلبحر..

يسرى: هااااي هااي سيبة فلبلاد اجمع كرك قالاك ترميني ...

سمر: مالكم تاني شواقع. 

امين: سولي صاحبتك.. انا معاها و هي جالسى كتمنضر فزوااامل خديجة لي جالسى معاك هااا

يسرى:( شداتها الضحكة عياات تشدها فلخر تفركعات بضحك )

امين: ضحكي الالة نتي لي جات معاك..

سمر: زيد نمشييو را تعطلنا..

يوسف: نوصلكم..

يسرى: ( خنزرات فيه ) مكنركبووش مع الشماايت..

امين: ( غوت فوجهها ) يسرىىىىىىىىىى كلمة وحدة غتحسبيييي سناانك ( دفعهاا حداه بمعنى تحركي )..

وصلو لطوموبيل ركبو هي وياها لور و امين لقدام.. يوسف طلق لديسك.. بجهد 

*نكدب و نقول نسيتك و قلبي يقولك tu me manque نكدب و نقول مرتااح خديتي عقلي خديتي لياا روووح*

كيشووف ف سمر من زاجة .. و هي عايشة مع الاغنية.. وصلهم لدرب نزلو و امين بقا معاه.. 

يسرى: شنو درتوو

سمر: تباوسناا

يسرى: ( قرصاتهاا ف يدها ) شوينييييي فيك يل بنت القحبة صافي يا المدلوولة دغيا نسيتي مادار فيك..

سمر: مافهمتش انا برااسي ولكن را شي حاجة بزااف والله ماعرفت شنو وقعلي. 

يسرى: ( كتعييب فيها ) نانانا سي حاجة بزااف.. واسيري تقودي يا كبيرة لقحااب اتفوو المدلوولة..

سمر: نهار تبغي شي حد ديك ساعة غتحسي بيااا..

يسرى: بنااقص من شي حب ..

سمر: صافيييي نساي بفف

طول طريق و يسرى كتعاير فيهاا ماخلات فيها غير لي نساات ..

بقات غي كتضحك.. على بالها بلي غيتصالح و يرجع يهضر معاهاا مافهماتش بلي كان كيودعها.. وصلات يسرى لدارهاا دخلات و هي كتسب فسمر و دير ليهاا فاك بيديها بزوج.. و سمر كملات طريقها تا شافت القيطون حدا باب دارو متسوقاتش قالت غي شي حد من الجيران معرس.. وصلات لدار و هي كتبتاسم و ماقاداها فرحة..

#يوسف

يلاه غيديماري و هو يحبسو امين..

امين: حبس

يوسف: شنو

امين: بغيييت نعرف غير شكتخور.. يااك غدااا عندك الخطوووبة وليوم عايشليي الحب مع سمر شكتقود ضاحك على درية و هي مازال صغييرة .. فلول مادوييتش قلت بلا ما ندخل ولكن شفت شنو وقع فيها نهار سمحتي فيهااا 

يوسف: ( نفاجر كيغوت ) شنووووو كيحسااااب لك فرحاااان و ناااشط حيت غنتزوج.. تا حد ما عارف لي فقلبيييييي راااني مجبوووووور نتزوح بييييييهااا حط راااسك فبلااااصتييييي غتسمح فولدك وطلع شماااااتة ؟ شنووو نديييير عطينيييي حل نرميييهاا هي و ولديييي و نهز دنبها حياتي كلهااااا شنووو ولا نهز ليها الولد و نرميها هييييي نخلي ولدي لا اصل ولا مفصل هاااا .. كان كيصحاابلييييي غا فترة و غدوووز ولكن انا طحت فيهاااا نيشاااان ليوووم اخر نهاار غنشووفها فييييه.. عارفهاا غتعدب و تكرهنييي ولكن مافيدييييش.. ماكاين تا حل.. كو كاااان شي حل مغنتزوجش بيهااااااا. شفتييييي على زهر عنديييييي مكوز لدينموووو..

ولا حمر بالاعصااب.. امين مصدووم.. 

امين: .. درية حاملة؟..

يوسف: اه.. غلطت معاها قبل ما نجي للمغرب.. طلعات حاملة واليديهاا جرااو عليها كيف بغيتيني نسمح فيها تاناا..و نخليها فشاريع..

تنهد.. ورجع راسو لور.. تا حد مافاهموو و واخد عليه نضرة خايبة شي كيقول حاس براسو و شي كيقوول كيضحك على بنات ناس.. ولكن تا حد ما عارف لي فداخل ديالو مايقدرش يسمح فساارة.. حيت حاملة بولدو و زيد عليهاا متبريين منهاا واليديها مايقدرش يرميهاا فشاريع.. غيطلع شمااتة.. اول مرة يتسدو كاع لبيبان فوجهوو.. عقلو غيطرطق..

امين: دباا عاد فهمتك.. مالقيت مانقوول.. الله يفرج..

يوسف: ( تنهد ) امين امييين..

#سعاد

جيران فدرب.. كلشي حاضيي من لبااب و من سراجم بغااو يعرفو .. شنو واقع.. سعاد لبسات جلابتهاا تمشي تعرض.. مشاات تا لتالي ديال درب.. كتعرض شي كتعرفو و شي لا عرضات على كلشي تقريباا تا مليكة.. من غير دوك شماكرية لي عايشين بوحدهم زوفرية.. وصلات لدار سمر دقاات ما مرة ما زوح تا فتحات ليها نادية.. مستغربة اول مرة تجي عندها سلمات عليها...

نادية : مرحباا دخلي لداخل

سعاد: لا جييت غي نعرض عليك غدا خطوبة ولدي اجي تعشااي اجيو كلكم..

نادية: ( ضحكات فوجهها بزز ).. مبرووك والله يكمل بلخير..

سعاد: ربي يخليك.. 

مشات بحالهاا و سدات لباب فوجهها سمر.. سمعات كلشي دموع تحجرو فعينيعاا عينيهاا ولاو نقطة حمرة.. كطلع النفس بسييف .. الغصة واقفة فحلقها.. مشات لبيتها كتجري تلاحت على الناموسية نادية تبعاتها.. لقاتها كتبكي باعلى صوتها .. شهقاتهاا كيتسمعو فدار كلهاا.. نادية جلسات حداها ..

نادية : سمر سكتيي هشش..

كلما كتفكر بلي دباا عاد كان معاهاا و كيبووس فيهاا .. كتحس بلي اكبر حماارة هي .. دموعهاا غي مكيزيدو يهبطوو.. و نادية.. كتبكي معاها بقات فيهاا بنتها بزااف.. 

سمر : اهيييييييييئ هييييييييئ هئ هئ علاااااش اماماااااا اهييييئ هننئ علاش هييييي و ماشي اناالاا هييييئ ... غنوقف و نشووووف فيهم بزووج اهييييييييييئ كيلبسو الخوااتم و غنصفق ليهم بيدييياااا و نباااارك ليهم اهييييئ هييييييييييئ اهيييئ و نرسم ابتسااامة على وجهييييييي اهيييئ هئ هئ هئ هئ 

نادية: ( دموعهاا طاحوو حالتها كتشفي العدو.. عنقاتهاا ) عفااك ابنتي ماديريش هاكة فرااسك..

سمر: اهييييييييئ كيفااااااش اهييئ هئ هئ غنستحمل اماما قلبيييييي اهئ اهييييئ شاعلى فيه العافية.. كنموووت اماماا ااهيييييئ هييييئ هئ 

نادية: صبرييي ابنتي صبرييي عارفة بلييي صعيب بزاف..

بقات كتبكي فحرقة .. و نادية كتبكي معاها و دوز يديهاا على شعرهاا...

#صباااح_جدييد 

#يوسف 

من بعد ما كمل مع امين رجع لدارو جبد قرعة دشرااب يشرب و يعاود .. تا نعس و هو على داك لحال..يسرى من بعد ماعرفات لي وقع مشاات بجراا لعند سمر لقاتها فديك لحالة باتت معاها ليل كلهاا كتواسي فيهاا.. كلشي نعس من غيير سمر كانت كتفكر و تبلاني فلخر لقات بلي هضرة مها و يسرى لي صحييحة .. غتبداا من جدييد.. فاقت مشات ديريكت للحمام غسلات وجهها و دارت تلج لعينيهاا حيت كانو منفوخين صايبات لفطوور و فيقاات يسرى فطرو بزووج.. 

يسرى: كيف بقيتيي شوية مزياان 

سمر: ( بابتسامة مزيفة ) مزياان..

يسرى: دكشي لي بغييت كلشي غيفووت.

سمر: اه.. الحياة ما واقفة عند حد..

يسرى: ( استغربات منهاا و بهاد التغيير لي هي عليه ) سمر براكة ما تمثليي خوي قلبك..

سمر: علاش غنكبييي هو مايستاهلش عادي .. تعلمت درس و غنكمل حياااتي بحال قبل ما هنبقاش عاطياها غير للبكاا 

يسرى: ها سمر ليييي بغيت..

سمر: شنو نلبس..

يسرى: ماتقوليش لياا غتمشي..

سمر: علاش مانمشيييش..

يسرى: غي غ تمرضي فراسك.. نبقااو نديرو شي فيلم حسن..

سمر: لا غنمشيييو.. مغنعطيهش ديم الفرصة باش يدوييو فياا اكيد غيحلو فمهم نيشاان دباا. غنمشي و نضحك و نبارك ليهم ضد فلعدياان لي بغاو يشوفوني كنبكييي و نتعدب. 

يسرى: سمر فكرييي فراااسك خليهم يقولو لييي بغااو ماغاديش تقدري تستحملي عفاااك خلينا جالسين فداار..

سمر: غنمشي ايسرى .. بغيييت نشووفوو فرحاااان بااااش نزيييد نكرهوو و زايدوون شحال قدني نتهرب غيجييي نهاار و نشوفهم.. 

يسرى: واخاا لي بغيتيي..

كملو فطورهم.. و رجعو للبيت سمر جبدات كل كسااويهاا و القفااطن.. بغات تلبس حاجة ساامبل القفطان مكيجييش عليهاا..

يسرى: هاد لحمر واااااعر..بحال دكشي لي كيلبسووه الممثلات غيجييك مقود 

سمر: وي حييت جاني كادو من لخاريج.. عمري لبستو..

يسرى: لبسيييه و ديري لشعرك بوكلي..

سمر: اوكيي.. ونتي شنو هتلبسي؟

يسرى: باقي مافكرت فشي حاجة نمشي لدار و نشووف

سمر: اووك..

#يوسف

كان فلقهوة ديال درب مع امين و سفيان..

امين: اودي فكر قبل ما تندم

يوسف: ماعندي تا شي حل اخر..

امين: و ..

يوسف: ( قاطعو ) ماتجدبش سميتهااا..

سفيان: شكون هادييي 

يوسف: والو.. نسااو ..

#سارة..

كانت فرحاانة و ماقاداها فرحة.. سعاد مرااقبة الخدامة لي منضمين القيطون .. و لي جاو يسيربييو.. لابسين لبس موحد.. و الطبااخة لي طيب لييهم جاات و تا لي مكلفة بتصاور.. و تا الكوافورة كانت رويينة حدا بااب دارهم طوموبيلات .. ناس لي جاو من العائلة و بعض جيران .. دار عمرات و سارة فبيتهاا .. كتسناا الوقت مكرهااتش دغياا يدووز و تلبس داك لخاتم.. ديك اللحضة كتسناها بفارغ الصبر.. كانت 7 ناضت دوشات.. و دارت لي مساك لوجهها.. و شي برودويات لشعرهاا بعدهاا لبسات غيي كسوة خفييفة.. بيجامة واسعة.. بلا كماام.. جات الكوافورة و معاهاا سعاد.. قادات ليهاا شعرهاا بوكليي كلوو و دارت ليهاا ميكااب خفييف هي لي بغاتو خفييف.. بعدهاا لبساتهاا قفطان حمر و مرسع بحجاري فلخضر كلو كيبريي مع كعب عالي فدهب.. جات زويينة.. عجبلها رااسها.. حطات حداها واحد طقم دلكستيم كحل.. 

#سمر..

صايبات شعرهااا.. و دارت ميكااب صا ووخي .. جات كتهبل و لبسات ديك لكسوة حمرة ساامبل طويلة و من لتحت منفوخة.. جاتها على طايتهاا.. 

نادية لبساات جلابة كلاص فلكحل..

#سارة

بقات جالسة فلبيت كتسناا فيوسف تا دخل و هو مغوبش مادواش معاها مشا ديريكت دوش خدا داك الكوستيم و مشا لبيتو .. لبسو .. و صايب شعروو دار سااعة فيدوو و رش من بارفانو .. سمع دقان حل البااب كانت سعاد دخلات عندو.. 

سعاد: ماشاء الله على ولدي جيتي كتحمق..

يوسف: ( بتاسم لها).. 

سعاد: يلاه اولدي كلشي واجد ناس لتحت كيتسناو.. 

خرجات و تبعهاا هو مشا لبيت عند سارة.. لقاها واقفة كتسنا فيه قربات منو و دارت يديها فدرااعو و الابتسامة مامفارقاش وجهها.. خرجو من لبيييت تحت زغاريت سعاد.. و العائلة كتصور و تباارك.. دخلو للقيطون و الجيران حالين فمهم ولاد و بنات.. سفيان كان لابس كلاص .. جا زوييين اول مرة يلبسو اما امين لبس صيرفييط.ديال نايك و كيتسنا غي امتا يسالي هادشي و يقود بحالو.... ماتوقعوهاش تكون زوينة هاكة.. اما لبنات تا وحدة مارضات تقولهاا كلشي كيعااير و يقول هو حسن منهاا.. اما حكييمة فشبعات هضرة فسمر هي و رباعتها شدو طابلة كيهضرووو فيهاا.. سارة و يووسف جلسو فبلاصتهم و كلشي كيشوف فيهم.. و لي مكلفة بتصااور كتصوور و تقاد ليهم لي بوزيسيون.. جات سعاد لابسة قفصاان فلحمر تاهي.. هازة صينية فيدها فيهاا جوج كيسان ديال لحليب مع العسل و تمر و فلوسط كاين لخواتم.. كلشي ناض سلم عليها و بارك ليها.. حطات دكشي فوق طبلة .. و هما قربوو .. فهاد لحضة دخلات سمر.. الاعين ولات عليهاا.. جيران فلول ماعقلوهاش .. كانت كتبان بحال شي اميرة شعرهاا طويل لي كيجبد الانضاار اما لبسى فكتر مع معندهاش لكرش جاتهاا هي هاديك.. سفياان بقا كيشوف فيهاا بلا مايرمش.. كيحاول يتفكر فين شافهاا عاد عقل فلبحر .. بقا مدهووش.. اما هي توترات حيت كلشي كيشووف فيهاا.. بتاسمات و دخلات و يسرى حداها كانت لابسى .. كسوة فلكروناا .. سامبل و شعرهاا طالقاه بقا متبع ليها لعيين.. سمر كلشي غار منها كانت كتباان حسن منهم كلهم .. جلساات فطبلة و يسرى معاها.. يوسف منيين دخلات و هو حال فمو فيهااا .. سارة لاحضاات هادشي مارضاتش عياات تزعزع فيه مادار تا حركة.. تا دوات فوذنييه..

سارة: شكوون هاديك وعلاش كتشووف فيها بديك طريقة.. 

يوسف: والو..

طلقو للموسيقى.. ركبو الخواتم.. و سمر دموع فعينيهاا.. ولكن حلفات ماتنزلهم.. شعوور خايت تبين لناس عكس شي لي نتا حاس بييه.. واخا دمعة فطرف عينيها مارضاتش تبكيي.. بقاات مبتاسمة.. تنفسات صعداء و صفقااات تاهي.. و هو كيشووف فيهاا .. بعينييه .. عارفهاا غتكون كتعدب... لبسو الخواتم وراها مباشرة حطو العشاا.. تعشااو .. من بعد سمر ناضت هي و يسرى بغاو يمشيو للحمام يصايبو عكرهم.. دخلو لداخل و سفياان غي لمحها خرجات تبعها.. تا لدار لقاها كتقلب من قنت لقنت .. تا لقات لحماام.. دخلات و يسرى بقات كتسنا .. دخلات لداخل بعدها مبااشرة طاحو دموعهاا حاريين على خدودهاا ظغياا مسحاتهم و صايباات عكرهاا.. خرجات و يسرى دخل.. بقات كتشوف فسقف و متكية على لحيط كتسنا فيهاا.. تا هضر سفيان..

سفيان: توتووووزة..

سمر: سفيااان..

سفيان: انا هووو .. فرحتينيي حيت باقا عاقلاني..

سمر: اوا لابااس. 

سفيان: الحمد الله صراحة جيتي زوينة بزااف تبارك الله عليك..

سمر: ( بابتسامة ) شكراا عينيك لي زوينة..

بغات تمشي و هو يحبسهاا بيدو..

سفيان: بغييت نعرف سميتك..

سمر: سميتي سمر..

كملات طرييقهاا .. رجعاات جلساات يسرى خرجات من لحمام لقاتها طارت.. دوزو الخطوبة مزيان كلشي ناض شطح.. 

سارة: يوسف عفاااك نووض نشطحوو 

يوسف: دكشي لي بقاا

سارة: عفااك..

يوسف: غتسكتييي ولا غنوقف هاد لقلاوي كلوو..

شافتة معصب و هي تجمع فمهاا.. بقات كتشوف فسمر تاهي عجبااتهاا .. بقات غي حاضياهاا و غيرانة حيت كاع الانضاار عليهاا بحالا هي مكاينااش..

يتبع...