نتي ليا ونديك بالسيف الجزء الثامن

من تأليف هند القادري
2020

محتوى القصة

رواية نتي ليا و نديك بسيف

بعد 4 يام
لي غيتبدلو فيهم بزاف دلحوايج .. سفيان زاد تعلق بسمر ولات تبانليه غيير هي رجع بحال شي دري صغيير باغي غي يفرحهاا.. و تا هي تعلقات بيه خصوصاا حييت ماشافت منو غير ضحكة.. يوسف فهاد ليومين عطاها غير لشرااب و الكماا و الغبرة .. ولا مدمر بمعنى الكلمة حالتو ولات حاالة .. تا من وجهو تبدل ضعااف و صحتو غادة و كدهور بسبااب داك السم لي كيشربوو و الكماا .. قلبو شاعلى فيه العافية للمرة تانية بعد ساارة.. سمر دمرااتو ديال بصح .. ولات ساكنة بالو.. يبات و يصبح بيهاا .. كيفكر فلحل لي غيدير معاها و هو شايفهاا عايشة لحب مع صاحبو.. تا من سفيان تبدل معاااه.. كلما يسمعو كيدوي معاها و هي نفس شي كيبغيي يحمااق.. الحب عيااه بمعنى الكلمة.. كان جالس و كاس دشراب فيدو و لقراعي مرميين فلرض.. مالابس والو من لفوق و شعرو مخربق.. عينيه سوودة من لتحت بقوة سهيير... جا سفيان جلس حدااه كان متيييتز ..
سفيان : ( حيد لو الكاس دشراب من يدو ) حيييييد لقلاوي باغي تخرج على صحتك 
يوسف: ( ببرود ) و منبعد.. ( رجع هز لكاس شرب منو ) 
سفيان: مالك ازبييي رمي هاد زبل..
يوسف: ( بلغوات ) دخل سوووووق كرك 
سفيان: غنمشي نشووف سمر يمكن غنتعطل بلييييل
يوسف: (ضغط على لكااس تا كان غيتهرس فيدوو ) 
خرج سفيان من دار غي سد لبااب و يوسف يتبعو بلكااس بكل جهدو تشتت زااج فكل لبييت ..
يوسف: ( عقد حجباانو ) بربيييييي تا نخلصك على كلشييييي درتيييي غير لي فرااااسك..غندمك القحبة.. 
مسح على شعرو.. و هز قرعة كيشرب منها كان كيبان بحال شي شمكاار..
#سمر..
كتسنى ف سفيان فراس درب لابسة سروال دجيت مع تيشورت مدخلاه فيه.. شعرهاا جمعاتو كعكة مع ميكااب خفيييق... باسها فخدهاا.. ركبات معاه لقدام..مشاو للكافي لي كيجلسو فيهاا ديماا.. هو طلب قهوة قاصحة و هي طلبات عصير دليمون..

#يوسف
جا عندو اميين حيت تلفونو طافي و غابر و زيد عليها سعاد مشوشة عليه.. لقا دار مرونة زاج مشتت و الطابلة عامرة بقراعي دشرااب ..
امين: ( حيد ليه القرعة و ضربها من لرض بجهد تا تهرسات ) نووض جمع كرك مك راا غتهبل عليك..
يوسف: ( عينيه حمرة ) سير بعد مني و بدل سااعة بخراااا
امين: مابقييييت فاهم انا والو .. نساها علييييك واش بزز منها تكون دياالك..
يوسف: سيييير تقووود.. و ديييييك لقحبة حاطها فباليييييي و غنخلصهااا على كلشييييي
امين: حماقيتيييييي طار لمك لفريييييخ و درية مابااااغاااااكش خليها تشوف حياتهااا..
يوسف: ( بصوت شبه باكي ).. ولكن انا بااغييييهاا 
باين الالم فصوتو.. فاش راجل يوصل لدرجة يبكييي.. فعرفو بلي بصح حرقااتو.. دمعة واقفة ف عينييه بزز بااش وقفها..
امين: عارق و حاس بيك.. ولكن ماتقدر تبزز عليهاا والو .. ماعرفتي فين كاين لخيير..
يوسف: بربيييي ماتكوووون ليييه واخا نعرف نقتلهم بزوووج و نكملها فلحبس..
امين: ليهديييك..
يوسف: شكتخرف دبااااا نتاااااا يسرى سينيييين ونتا تابعهااا و ديما كانت منخلااااك شنو لفرق علاش باغينيييي نبعد منهااا را كنبغييهاا ساكنة ليا فباالي ( كيشييير لعقلو ) مرضاااااتنييييي فحياتي..
امين: تبت ازبيييي كاااين فرق يسرى مكاااانت مرتابطة مع حد.. سمرر راهييييي مع سفيان دبااا و باغي يتزوجهاا ..
يوسف: ( شدو من تيشورت دياالو ) امييييين ماتخيلينييييش نغلط معاك و ننساا لعشرة لي بيناتناا .. 
امين: ها هو سااكت.. مك مشوشة عليك عيط ليهاا.. تهلا فراسك و ليهديييك هدا ما نقول..
خرج من دار و خلاه بوحدو فديك لحالة.. تاض بصعوبة فوسط ديك الروينة.. دخل لدوش دوش بماا بارد.. و خرح لبس سروال ديال دجين مع تيشو رت فلبيض مكتوبة عليه لاكوسط بلكحل فلوسط.. مع صبادري كحلة.. مشط شعرو.. و دار ساعة ظيال دهب فيدو.. هز الباكية دلكارو من جيبو .. و خرج من داار ركب فطوموبيلتو .. و عقلو غير مع سمر شنو غتكون كديير و اش كيقيس فيهاا .. غي كيجيي هادشي فباالو .. كيزير على لفولون.. طلق واحد دييسك بقاا كيتصنت لييه.. بحالا كيدويي عليه.. بلاصا طوموبييل جنب طريق .. جبد كارو تانيي و رجع راسو لوور.. و كيتصنت لداك ديسك.. و يتفكر ف سمر بحالا كيدويي عليييك كلمات الاغنية كلها عليييه.. بقا كيتصنت ليهاا مزياان .. تكمل و يرجع يخدمها...



من يوم ال شفتك شو تمنيتك تتكوني رفيقة حياتي خبيكي جوا عيوني تبقي بقربي دفي قلبي يا حنوني...... 

شو عملتي فيي يابا يابا يا هالصبية يابا يابا قلبي وعنية والله يبا دابو بجمالا غمزة عيونك دبحوني ما بنام الليل جن جنوني شو بعمل حتى لاقيمي حدي على طول......

بهديكي عمري وقلبي سوى خليكي حدي يا عمري دوا تشفيلي قلبي تبنيلي حبي وتكوني حدي ونبقى سوى.....

بهديكي عمري وقلبي سوى خليكي حدي يا عمري دوا تشفيلي قلبي تبنيلي حبي وتكوني حدي ونبقى سوى.....

شو عملتي فيي يابا يابا يا هالصبية يابا يابا قلبي وعنية والله يبا دابو بجمالا غمزة عيونك دبحوني ما بنام الليل جن جنوني شو بعمل حتى لاقيمي حدي على طول......
............

عم يقلب ليلي والله ليلي لنهاري عم تشرد مني والله مني افكاري حبك بقلبي نسى عقلي بعنواني.....

شو عملتي فيي يابا يابا يا هالصبية يابا يابا قلبي وعنية والله يبا دابو بجمالا غمزة عيونك دبحوني ما بنام الليل جن جنوني شو بعمل حتى لاقيمي حدي على طول......

بهديكي عمري وقلبي سوى خليكي حدي يا عمري دوا تشفيلي قلبي تبنيلي حبي وتكوني حدي ونبقى سوى.....

بهديكي عمري وقلبي سوى خليكي حدي يا عمري دوا تشفيلي قلبي تبنيلي حبي وتكوني حدي ونبقى سوى.....

شو عملتي فيي ....يا هالصبية..... قلبي وعنية... دابو بجمالا...

هاكة بقا كتكمل و يعاود يخدمها.. ديماراا طوموبييل.. و هو باقي مخدمهاا وصل لدرب بضبط لدار مو.. بلاصا طوموبيل و دخل لدار لقاها كيف عادتها جالسة فصالون شافتو قلبات وجهها..
سعاد: اوا مزية ملي تفكرتيينا
يوسف: عارف راسي مقصر من جيهتك.. ولكن ماعالم بيا غير الله..
سعاد: ( شافت فيه ناضت عندو بزربة كتقيس فوجهو ).. يوس..ف ماالك.. شوف حالتك شنو واقع شنو مخبي علياا
يوسف: ما مخبي والو الواليدة ..
سعاد: داااك لوييييل ياااك ايوسف بغيتي تقتل راسك و تشوي كبدتي ورااك.. راك نتا لي بقيتيلييييي بوحدك.. 
نزلو دموعها بغزارة.. 
سعاد: ليخليييك لما بعد من داك لويييل الله يخلييييك كنطلبك .. صحتك غادة و كدهور..
يوسف: دعي معاياا الله يعفو علياا راني مبلييي 
سعاد: غتقتل رااسسك..
يوسف: اصلا انا ميت هادي شحال..
سعاد: واش على قبل سارة داير عاد لحالة..
يوسف: ااااخر مرة تجبديليييي ديك عدوة الله اخر مرة..
سعاد: واخا اولدي.. غير كون نتا مزياان توحشتك.. اجي عيش معاياا راني مكنشبعش منك..
يوسف: غنبقا نجيي عندك ديماا غي كنت مرون شوية ميي را دوينا فهادشي. منقدرش نبقا فهاد درب اخرتها حبس ليا هنااا لهملا ندرق كماارتييي.. ونتيي لي يلاه اجي معايااا..
سعاد: راسك قاصح بحال باك. 
يوسف: الله يرحمو..
بقا مجمع معاها شي زوج سوايع كلما يسكتها ترجع تبكيي بلا هواها فاش شافت يوسف بدييك الحالة.. خافت بزااف لا تخسرو..

ماغتحملش فراقو تاني.. هو بقا سااكت و هي والو غي كتخنصص ..
يوسف: وصاافي اميي طيبتيي دوك لعوينات ( شد يديهاا بزوج بين يديه و باسهم ).. غنحااول نبعد..
سعاد: يرضي علييك.. رانتا لي بقيتيلي بعد من هاد المرض لي كيقتل فيك كل شوية..
يوسف: كنواعدك غنحاول..
طمنهاا بهضرتو.. مسحات دموعهاا..و قربات منو كتحسس شعرو بيديها و هو كيتنهد مغمض عينيه و عاجبو لحاال نساا جميع الهمووم فديك لحضة..كانت ساعة دييك.. 4:30 صونالو تلفونو كان اميين.. جمع الوقفة و جاوبو..
امين: شفت طوموبيلتك حدا دار.. خرج ندوي معاك..
يوسف: هاني معاك.. ( قطع عليه و رجع التلفون فجيب سروالو ).. الواليدة غنمشي ساعة اخرا انشاء الله.. ( باسها فراسهاا و حط ليها شي براكة فوق طبلة.. و خرج قبل ماتقولو شي حاجة عارفها غترفضهم..)..

خرج على برا لقا امين متكيي على طوموبيلتو.. تكا حدااه ..
امين: شكون كان يقوول يوسف يطييح فلحب..
يوسف: اودي تا حد ماعارفنيي. 
امين: واخا انا عشييرك؟
يوسف: دبا خلينا من هادشي..
امين: جييت ندوي معاك فهادشي.. شنو ناوي ديير ؟..
يوسف: ( ببرود و دخل يديه فجيابو ).. شنو غندير؟؟.. والو !!
امين: عارفك و حااافضك لاياش كتخطط 
يوسف: ونتا لي علايااش داوي؟
امين: على قبييلة خليتيني مرون.. شنو بااغي ديير فيها!..
يوسف: ماغنديير واالو غيير غنخلصهاا و نوريهااا وجهي تاني.. انا را زوييييين بزااااف ولكن فاش كنحقد كنوليييييي خاايب بزاف بزااف.. كاع داك زويييين كيرجع خااايب .. كلشي كنشوفو كحل..
امين: كيفاش حااقد ونتا كتبغيها نتا راك متناااقض غير مع كرك.
يوسف: كنبغيهاا اه لا كنحمااق عليييهاا..شي حاجة كتر ولكن غنخلصهاااا على كلشي و نوريهااا فعاايل لقحاب بشحال طالعيين.. 
امين: ان فعااايل ا يوسف ليهديييك..
يوسف: شوووف ازبي بلااااش ما تحماق علياااااا.. بنت لقحبة من المغرييييييب كاااااامل مابانليهاااا غير سفياااااان صاحبي ( دغياا تبدل صوتو ) عرفتييييي باش كنحس فاش كنشوفها معااااه و كيقيييييس فيهااااا راا كنبغييييي نحمااااق ولكن وعد شرف تا غنخلصهاا بدوووبل..
امين: ماتنسااش شنو درتي فيها ما منحقكش تحاسبهاا على والو
يوسف: دكشيييي لي درت وااااالو مع دكشي لي دارت هي.. فارقتهاا حييييت مابغييتش نلعب بيهاااا حسيت براااسي ماشي هو هدااااك بعدت باش مانضلمهاااااش .. و ساارة عاااارف مزيااااان بلانها.. الغلط الوحيد لي درت .. مكاانش خاصني نسمح فيهاا بديك طرييقة.. 
امين: دباا هادشي داز لي فات مات صافي هي عايشة حياتها و نتا دير بحالها..
يوسف: تمشييي تحواا لا ؟ وااااش كتفهم ولااااا لااااااااا عاااااارف شنو هييييي الدرية لي كتبغييييييي مع صاااااحبك ؟ كيفاااااش بغيتينيييي ننسااااا بنت لقحبة ديماا معااااااااه شنوو كنتي غديييييير كون يسرى تصاحبات معاياا حط راسك فبلاااصتي ؟..
امين سكت مالقا بااش يجاوب حييت عندو لحق.. اعدى حاجة عند دري هي صاحبتو تولي مع صااحبو.. 
يوسف: ( ضحك باستهزاء ) سكتييي يااك.. هه كون كنتي فبلاصتيييي نحلف بحلوفي تا كنتي غتقتلني انا و يسرى.. انا دل مبرد ولكن كلشيييي غيرجعلها مضووبل..

امين : راك غير داوي فلخااوي مدام كتبغييهاا واخا تشوفهاا مع اي واحد ماتقبلهاش..
يوسف: والله ا امين كو كان شي حد اخر ما تبقا فيا بحال هاكة.. المشكيلة هو صاحبي كون شي حد اخوور كنت غنحاول ننسا ونخليها تشوف حياتها ولكن لقحبة بغات تلعب هاحناا غنلعبووو مزياان..
امين : ( بغا يسايس معاه و يعرف شنو تحت راسو ).. اوا شنو بغيتي دير معاها..
يوسف: شي حواايج عمرهم يطيحوو فبالك غنكووون معاها ولد لقحبة مقققققطططططر كيف بغات هي بلاش ماتسول را مغتصور مني تا قلوة...
امين: عنداك ديير شي حاااجة لي تندم عليهاا و تخليهاا تكرهك و متعااودش تشوف فوجهك..
يوسف: مكيهمنييييش تا حاجة مابقات كتهمنيي.. قلبي قتلااااتو..تكرهني ولا تبغيني مابقاااش هااااامنييييي ولكن شمتة لي حاااس بيهااااا .. ( بقا ساكت مدة ).. قلب على هاد الموضوووع و من هادشي كلوو نتا سوووقك تلاها غا مع راسك..
امين: سمر را بحال ختيي بنت درب و منيين كانت صغييرة و انا عارفهاا .. لي نبغيي نقوولك فكر مزيان قبل مادير شي حاجة لي تندم عليها .. ( طبطب على ضهرو )..
دار كاسكيطة ديالو و مشاا خلاه بوحدو.. جبد كاارو .. شعلو بلبريكة 
يوسف: ( مخرج دخان مطول ) غنوريك اسمر..( كمل لكارو و رماه فلرض و عفط عليه برجلو..
ركب فطوموبيلتو و صوناليهاا و هو مبتااسم.. غي شافت نمرتو ملامحها تبدلات .. خافت لا يدير ليهاا شوهة.. كتقلب فعينيهاا و باينة عليها التوتر سفيان حس بيهاا..
سفيان: جاوبي مالك..
جاوبات و هي كلها كترجف.. حطات تيليفون على ودنيها..
سفيان: شكوون معيطلييك..
يوسف: ( سمعو ) راكي معاه .. شادة معاياا ضد واخا الالة..
سمر: ويي يسرى اه تالييل..
يوسف: اناااا مك انااا ماباغااهش يعرف كيهمك تالهاد درجة مابغيتييش يتقلق ..
سمر: شنو بغيتي مني دبا ايسرى...
يوسف: عندك 10 دقاايق بلحسااب .. غتجي عندي لداار الى فاتت 10 دقاااايق غنجي نريب عليكم ديك القهوة و نفرش كلشييي..
سمر: ( ولات صفرة بحال ليمون و الخوف مسيطر عليها كان كيدويي بواحد البرود بحال شي واحد ماعندو مايخسر يعني يا ربحة يا دبحة ) منقدرش دباا راني مع سفيان.. تانجي و ندوز عليك و ندوييو..
يوسف: 10 دقاايق غنصيفط لك العنوان فلميساج .. 
قطع عليهاا.. قلبها قريب يوقف بلخلعة.. و وجهها ولا صفر..
سفيان: مال وجهك مخطووف ياكما وقعات شي حاجة؟..
سمر: لا لا والو غيي يسرى ماعرفت مالهاا صوتها معجبنبيش خاصني نمشي عنظهاا..
سفيان: اه سيري شوفي مالها .. زيدي نوصلك..
سمر: بلااش نمشي بوحديي..
سفيان: لا غنوصلك..
تسنااينييي نمشي نخلص و راجع لك.. مشا خلص .. و هي بقات كتسناا فييه.. و قلبهاا علاين يوقف و كتشووف فتلفونهاا .. فتحات لمساج..كان فييه العنوان..
سمر: هادي زنقة فين كاينة دارو ياكما ناوي يقتلني اويلي امي معامن حصلت..
جا سفيان .. و خرجو من لكافي وصلها لراس درب نزلات تم.. دارت راسها دخلات لدرب غير ديمارا و هي تضربها بجرية شدات طاكسي عطاتو العنوان.. وصلهاا تماا .. و طريق كلها كتفكر فشنو ديير ولكن واعدات راسهاا ماتبينش خووفهاا و توقفو عند حدو..

وصلات .. طلعات عينيها فلبرطمة تنهدات تنفسات بعمق.. و طلعات فالعمارة فدروج تا وصلات لدارو بقات عاقلة غليها.. رجعات تنهدات و رفعات راسها الفوق و هي كتحاول ماتبينش خوفها.. دقات فلبااب و حل ليها لبااب.. و هو مبتاسم ..
يوسف: تفضلي نهار كبير هداا 
سمر: شنو بغيتيي..
بوسف: دخلي نهضروو.. بحال ناس..
دخلات و هو سد لباب بقات جالسة بيرود و هو جلس مقابل ليها .. كلشي تبدل فيهاا نضرااتها حركاتهاا مابقااتش سمر لي كان كيعرف .. ملامحهاا تبدلوو.. واش تكوون كبرات قبل الوقت بقا حاضيهاا كيفااش جالسة و مامسوقااس ليه و تا لا شافت فييه نضراتهاا حادة.. و مشاافش ولو نضرة خووف فعينيها بلعكس.. كلها غروور .. و كبريااء تا كيفااش كتصرف يبينلك بلييي ماشي بنت 17 عام هادي.. قرب ليهاا بخطوات ثقاال و جلس حداهاا.. داير رجل على رجل و مجبد فوق ليفوتوي..جبد كارو من جيبوو.. شعلوو و بدا يكمي و يشووف فيهاا ببرود.. كلشي بيناتهم باارد .. هضرات هي بصووت رقييق..
سمر: علاش جايبنيي هنايااا تفرق علياا واش مكتفهش !!
يوسف: ( مجاوبهااش بقا كينتر من لكارو بشوية و مفيكسي عينيه فعينيهاا )
سمر: ( جننهاا بسكاتو و برودو بحالا مكينااش ).. اييييه نتااا را معاك داوية حل ليااا لبااب و خليني نتقود بحالي مدااام ماباغيش تهضر نمشي بحالي..
يوسف: ( بقا ساكت كيكمي و يجمع دخاان ففمو و يرجع يسوطو و مكيجاوبهااش )..
سمر ناضت وقفات حدااه طلع عينوو فيهاا و باقي على نفس الحاالة.. بغات تعصبوو و تخلييييه يندم على كلشييي.. و تشربو من لكاس لي شربها منو ..
ناضت بخطوات تقاال غي صووت صنديلتها لي كيتسمع وقفات حدااه .. و هو مدااير تا حركة غي كيكمي و كيخرج دخان مطول..
سمر: حل لياا لباااب بغييت نمشي بحاالي عندي شغاليي ..
يوسف: ( ببرود تام ) غادة لعندو ياك..
سمر: سووقك !؟
يوسف: حاويييييك ياااك قااااااااصك ياك مخلصك القحبة.. ( كيزيييد يعلا صوتوو .. غمض عينيه و رجع فتحهم تبدلات نضرتوو.. شي لي خلاها توتر ) 
سمر: اولا انا ماشي قحبة يااك مكنتي حاويني و انا ناسية .. تاني حاجة من هادوك الاسئلة بتلاتة .. ( ابتسمات بخبث ) مهنجاوبكش عليهم حييت ماشي سووقك دكشي بيني و بينوو.. و مدخلش فياا غنعييش حيااتي كيف بغييييت كيفما نتا عايشهاا كييف بغيتي ..
يوسف:( جمع قبضة يدوو مزير عليهاا تا بانت عرووق يدوو.. كيحااول بزز يتحكم فاعصابو طفا الكارو و ناض وقف حداهاا ..)..هز صبعو سباابة كيدوز يدييه على طول ذقنهاا مرووراا بشنوفتها تحتانية تا تمسح العكر فيدوو..بلعات ريقهاا.. جرهاا من شعرهاا جات طايحة على الطبلة .. رجع شدها من شعرهاا .. وقفهاا و شد يدهاا حطها على طبلة.. و هي كتحاول تفاك منو بلاش ماتصدر شي صوت يسمعو جيران ولا تبين ضعفهاا لييه.. جبد مووس من جيبوو .. قلبهاا بداا كيضرب.. بجهد.. فرق ليهاا صباعهاا.. و بقاا كيلعب بسكيين .. طاق طااق.. ( دييك لعبة ديال السكيين و شي مرات كنلعبوها بستيلو الى عرفتوها ).. دموعهاا بدااو ينزلوو .. خصوصاا علامات وجهو .. كيباان مبرد.. فلول بشوية تا بدا يسرع و صبعانهاا تجرحوو و دم ساايل .. .
سمر: اهيييييئ اي اي ايي اااااااااااي هئ هئ هئ هئ هئ 
ما حبس تا سمع دييك اااااي مطولة.. نااض و خلاهاا جالسى فلرض .. و انينها مسمووع.. دغياا مسحات دموعهاا بيدها تانية بلا مبالات حلفات بلي عمرو يشووف ضعفهاا.. و مستحيل ترااجع واخا تعرف تمووت.. مسحات دموعها و يدها كتسييل بدم.. و كارزة على سنانها بالالم لي كتحس بيه وقفاات .. حساات بييه جرها ليه بقوة تا تصادحات مع صدرو.. دفعها مع لحيييط و شد يدها لي كتقطر بدم زير عليهاا بكااع جهدو
يوسف : ( ببرود تاام ) هاد ليد بااااااش قستيييييييه ياك.. 
تا صرخاات باعلى صوتهاا و دموعها سالوو .. من عينيهاا .. كتبكييييي باعلى صوتهاا.. كدفعو باش يطلق من يدها و هو غي مكيزيييد يضغط عليها .. يد شاد بيها يدها و ليد لخراا شاد بيهاا يدهاا تانية مع لحييط لفوق ما مخليها فين تزعزع بقات غي كتبكي و صوت شهقاتها مسموع.. انفساو كتختارق وجهها .. هي بغاات تعصبوو و تجننو دباا تحمل مسئوليتهاا بغات تشووف غضبووو . خرجاتو على طوعو.. دبا بغات غي يطلق من يدهاا يخليها تمشي مابقات بغات والو.. رخا من يدها بقسوة.. جرهاا من شعرهااا..مفيكسي عينيييه فعينيهاا غنخرج منك كااع هادشي ..
سمر دفعاتو بيدهاا لخراا.. هضراات بصوت مرتفع فضل بكاها..
سمر: بااش حسيتيييييي هااا.... بعدا هو حسن منك و راااااجل عليييييييك مارضيتييييييش حيييييت قاسنيييي كيفما قستينييييييي نتاااا ياااااك 
يوسف: ( رجع عندهاا دفعهاا بكل جهدو لجهة لحييط تا حسات بضهرهاا تقسم على زوووج) .. قرب ليهااا هز داك الموس من لرض .. غادي ليهاا و عينيه فيهم شراارة .. قرب ليهاا تابقاا بيناتهم تا عائق قرييب شفايفهم يتلقاو.. سمر كتنفس بزز باغا دفعو ولكن مكاليهااا من كاع جواايه..

يوسف: ( هضر ببرود عكس عينيه لي حمرة بحال جمر وقلبو ليي شاعلة فيه العافية) قاااسك هممم ( حط الموس على عنقها )..
سمر: ( صوت انفاسها و انينهاا كيتسمعوو قلبها كيضرب بجهد ).. 
يوسف: (بقا كيضغك على الموس تا جرحهاا فعنقهاا )..
بقات كتبكييي.. بجهد.. و هو يرمي دك لموس شد لهاا يديها بزووج لفوق مع لحيط بيد وحدة و ليد تانية شد بيها خصرهاا بإحكام..
وخشاا راسو فعنقهاا كيلتاهم بلاصت الجرحة ففموو و يمص دك دم لي كيخرج من تماا كيمص بكل جهدو بحال شي مصااص دماء و هي صووت بكاها غي مكزييد يعلا.. ها جرحة و هاا هو كيف كيمص فييهاا .. بحالا كيزييد يألمها دوات بصووت رقييق و باكي.. 
سمر: هئ هئ هئ كتحرقنيييييي اهييييئ هئ هئ
يوسف: ( طلع فييها وجها و شاف فعينيهاا ) ..
قلبهاا وجهها ولا يشوف فلحييط.. حاسة بفكها ملاصق مع لحييط.. و لوا ليهاا يدهاا تا غوتات باعلى صوتهاااا حاسة بيييه غيهرسها.. دوا بصووت رجوولي .. و كيخوف
يوسف: دكشي لي بغيت انا بغيتك تحرقي .. 
.. بعد عليهاا خلاهاا كتماصي فيدهاا لي كتحس بيهاا مهرسة.. كلشي كيحرقها قلبهاا جروحهاا.. ولكن علاش كتبكييي دباا ياك هييي لي بغات يتعصب و يغضب 
.. ندمات حيييت لعبات على اعصاابو خلاهاا هييي لي تبكييي و توجع.. رجع قرب ليهااا و جرهاا عندوو معنقها بكل قوتو حاسة بضلوعهاا غيتهرسو.و همس فوذنهاا 
يوسف: نتييييي ديالي و غنديييك بسيييف..
و جرهاا من شعرهااا كيدوز يديه على وجهها بتملك قبل ما ينقض على شفايفهاا كيبووس فيهم و يعض و هو مغمض عينيييه توحش مذااق شفايفهاا.. بعد منهاا بعد ما خلا شفايفهاا منفوخييين و حمريين..
يوسف: دباا نخليييك تمشيي.. و حطييي هاد الهضرة فمخك اسمورتيي نتيي ديالي انا ماتحلمييش تكوني مع شي قواد من غيري انا ... 
مشا جهة البااب حلو بسارووت .. دغياا خرجاات مشافتش فوجهو
.. شادة يديهاا لي كتقطر بدم .. و عنقهاا لي خلا ليه طابع ملكيتو .. فوق ديك جرحة.. شدات طاكسي بقا غي حاضيهاا من الزاجة.. تبركيييك .. خلصاتو نزلهاا حدا الكرنييش.. نزلات غادة و دموعها على خدهاا جلسات على واحد الحجرة و عيطات ليسرى
#يوسف
من بعد ما خرجات .. مشا للكوزينة حل التلاجة و جبد قرعة دشراب تانيي هز تلفون من جيبو و طلق لديسك لي ولا يتصنت ليه ليل ونهاار( شو عملي في يا هاصبية ) .... و بقا كيشرب منهاا بلا ما يوقف تا كملها.. حطهاا على طبلة بجهد تا تسمعات طاااق..

من بعد مدة جات يسرى بيجامة كتلهث.. جلسات حداهاا لقاتها كتشهق بلبكا و عنقها مجرووح.. 
يسرى: سمر شوااقه ايييي مال عنقك..؟
سمر: .. عفاااك سكتيي هييييئ هى 
يسرى: لا هضرييييييييي
سمر: ( عاودات ليها كلشي بتفااصيييل ).. 
يسرى: بلاش من لبكااا اسمر خاصك حل .. وكاين حل واحد باش داك زامل يبعد منك..
سمر: شنو هو شنوو اهيييئ راا عيييييت هى هى هئ
يسرى: قوليها لسفيان..
سمر : لا مابغييتش نخسر بيناتهم..
يسرى: سسوق مك نتييي مهم يتفرق علييك.. نتي اصلا كتبغييه
سمر: مكنبغييهش..
يسرى: اودي علامن ضاحكة واش عليا ولا خلينا دبا من هادشي.. خاصنا شي حل لعنقك.. 
سمر: الى شافتني نادية تحوينييييي مافيهاش
يسرى : يعطيك دقة خليتيني خارجة من دار بحال شي هبيلة تخلعت علييك..
سمر: شنو غيكوون. غي زامل مابغاش يبعد مني يااك هو لي سمح فياااا هووو.. 
يسرى: دبا علاش كتفقصي فرااسك .. خليناا نلقااو حل ..
سمر: بقا فيااا.. عرفتي حالتو كي ولات كيشفي لعدوو.. عينييه وجهو.. ماتخيلييش شحال بقا فياا..
يسرى: تزيدييييي كلمة وحدة نرميييييي مك فلبحر.. ( نتابهات ل يدها لي مجروحة ).. يديييك مالهاا ماتقوليش لياا بلي هو؟..
سمر: اشكوون من غيرو.. هضرة بهضرة..
يسرى: غزااا فييك يا المدلوولة شوفي كي درك ونتي باقاا كتقوليي بقا فيييك الكامبويا
سمر: خلينا من هاد الهضرة .. را بصح ايسرى حالتو حااالة.. خايفة لا تقعلو شي حاجة..
يسرى: تقعدي نتقودوو قبل مايشدني سكر..
تنهدات و وقفات كتسوس فكسوتهاا و يدهاا كتضرها.. شدو طاكسي راجعين لدرب.. مشات مع يسرى لدار دخلو للبيت سداتو بساروت دارت ليها فوندوتان خبعات ليهاا ديك جرحة.. 
يسرى: تبقااي ديريها ليهاا تا تمشيي و هاكة ماغتقشع والو ماعرفناها جرحة ولا عضة..
سمر: ااووووف اكيييد غيبقا تابعنيييي 
يسرى: مابقا والو سفيان غيرجع و ديك ساعة غتهنااي..
سمر: انشاء الله

يسرى: و يدك شغاندييرو معاهاا..
سمر: ماشي شي جرووح كتيرة .. ولد لقااف تفو
يسرى: والله مافاهمة انا بعدا لهاد زواامل فاش كتكوني معاه بنت نااس كيخليييك و فاش كتنساايه و تلقااي لي راجل علييه يبداا تابعك كيف الكلب ليقطع لباباهم جدر..
سمر: صافي نسااي و نسيني معااك.. واخاا هادشي كلوو لي دااير فياا .. باقا صورتو فبالي بديك الحالة .. عمري شفتو هاكك
يسرى: خليييه يستاااهل..
سمر: غنووض نمشيي قبل ما تحيح عليا نادية..
يسرى: واحضيي عنقك 
سمر: لا شافتني هاديك هي اخرتيي..
يسرى: ما يوقع والو انشااء الله..
تسالمو هي و ياهاا و خرجاات من داار.. و عقلها مامعاهاش نقدرو نقولو مشوشة علييه حيت فغيي كانت حالتو حاالة.. وصلات لداار و كاع ماشافت تيليفونها لي كان غيطرطق بليزابييل من عند سفيان.. دخلات لبيتهاا ديريكت بدلات حوايجهاا لبسات بيجامتهاا و تلاحت على ناموسية.. تا جات نادية كتعيط عليهاا باش تجي تشرب اتااي رفضات بحجة انها شرباتو عند يسرى.. حطات راسها على المخدة بتعب.. و مرة مرة تافاف طفات ضو كتحاول تنعس.. ولكن والو.. جا فبالهاا يوسف..و حالتو ماباغاش تمشي ليها من عينيهاا.. و منيين باسهاا.. واخا كانت عنييفة ولكن حركات شي حاجة فداخلهاا.. هزات المخدة حطاتهاا عل راسهاا بجهد بااش تحيد هادشي من عقلهاا ولكن واالو.. راسهاا غينفااحر بقوة التفكيير و احاسيسهاا تخربقوو.. كلشي جا لذاكرتهاا .. يامات كانو مجموعيين يامات كانو فلكورنييش .. بزاف دلحوايج.. نزلو دموعها بلا ما تحس.. تمناات كو كانت فحالة اخراا ومكاانش سمح فيهاا مكاانش غيتعدب ولا هي تعدب..فزكات المخدة بدمووعها.. دخلات عنظهاا نادية شافت لا حس فلبيت و هي تدخل مامولفااش تلقاهاا ساكتة .. ديما كتسمع الاغاني مطلوقين.. دخلات لقاتهاا ناعسة و المخدة فازكة.. شعلات ضوو.. و جلسات حداها..
نادية: علاش كتبكييي؟
سمر: والو غير ضاراني كرشي..
نادية: متنساايش بلي ولدتك.. هضري مالك علاش كتبكيي
سمر: والو اماماا والله..
نادية: ياكمااا ردو عليمم و سقطتيييييي اها ودني منك غير قوليهاا قبل ما يوصلوهاا لباك..
سمر: شدانا لشي سقووط ليهدييك.. والو..صافي..
دارت لغطا على وجهاا و دوات بصوت منخفض..
سمر: طفي معاك ضو بغييت ننعس.. و بلا ماتفيقيني للعشاا غنعس..
نادية: سبحان الله مبدل الاحواال لهلا يحطوو كاع فكرشك..

#يسرى..
فاقت من نعاس معطلة .. و دار خاوية .. دخلات لدوش قضات حاجتها و غسلات و جهها و سنانها.. توجهات لكوزينة مالقاتش لفطور.. رجعات لبيتهاا هزات شي صرف.. تشري شي حاجة لي تفطر بيها.. خرجات من دار بيجامتها و شعرها شاد ريزو و صندالة دلميكة.. غادة لحانوت ف طريق تلاقات بولاد درب.. اوا شدو فيهاا كيسولوو على نقط و قلبوها ضحك.. و هما حاضيين صدرهاا و فخاذها.. كانت كتضحك.. لسما تا وقف عليها اميين.. شدها من يدهاا ضغط عليها تا كانت غتهرس..
امين: مانلقاااش شي ولد ولقحبة كيدوور هناا مزاال..( مشااو طايرييين عارفينو شكيسواا)..
يسرى: اااي يديييي غتهرسهاا..
امين: تسنااااااي و شوفي غنهرسك من كاع جوايه..
يسرى: مالك الخراا صباحاتو للله سير تكيف رد بالك عاد اجيي..
امين: مال زاااامل بوووك ماباغاش ترصااي ( دار ليها شوهى كيغوت بكل جهدو و عروقوو بانت )..
يسرى: عفاك امييين بلا شووهة
امين: ( مجاوبهااش زاد ضغط على يدها و هي كتغوت .. بشوية باش مايسمع حد )..
دخلو فواحد زنقة و دفعها جات مقابلة ليه..
امين: شهاد لحالة.. شهاد لقلاولي لي خارجة بييه؟
يسرى: يلاه فقت من نعاس..
امين: وااااش لدلمك مكتسمعيييييش مكتزكاااايش.. و ماشفتييش راسك فلمراية كيف كتباني..
يسرى: زب .. طلق مني خليني نمشي..
امين : ( ولاو فيه زوج ما حس براسو تا نزل عليها لوجه بكل جهدو تا كانت غطيح كون ما شدات فلحيط) فاااش نكووون داوي مع زامل بووووك شوفيي فيااااا و تهزييييش عليا صوتك..
يسرى: ( شادة فحنكهاا و عينيهاا مجمووعين فيهم دموع ) بعد منيي.
امين: صبرت ليييييك ايسرى بزااااف سينييين و انا صااابر.. ولكن لصبري حدووود.. ما مصاحبااااااش مع زامل كتسمعيييي..
يسرى : ( مكتجاوبووش )..
امين: ( جنناتو هز يدييه ناوي يزيدها تانية.. ترااجع و جمع يدو على شكل قبضة و ضربها مع لحييط ).. 
يسرى : ( غي كتقفقف .. وجهو تبدل فرمشة عين)..
امين: ضسرتيي بزاف.. شكون دوك ولاد لقحاب لي كنتي واقفة معاهم.. دايرينك فوسطهم بحال شي قحبة.. ( شدها من شعرهاا تا غوتات )..
يسرى: اااااي..

امين: را صبر ليييي صبرت معااااك مييييي و ماصبرتوووش ليهااا باااااش تجي نتي ابنت لقحبة و تلعبيهاا علياااا نقتلك و نشطح فوووق قبرك.. واخااا كنتسطااااا عليييييييك و داير المستحيييييل باااااش نديييييك ولكن راااااا فنفس الوقت نقدر نقتلك بدم باااااارد.. 
رخا من شعرها و هي جمعات يديهاا عند وجهها مخبيااه.. و طيحات دوك دموع ليكانت حابساهم.. كيتسمع غير صوت شهقاتها..
امين: كديريهااا قد راااسك تا كتخليني نمد عليك يدي و تبداااي تبكيييييي.. سمعيني مزياااان غنجي نخطبك غداا..
يسرى: ( حلات فمهاا بصدمة ) اهيييى هى هئ شنو هئ ؟؟
امين: كيفما كتسمعيييي غدااا جاااي نخطبك..
يسرى: ( مسحات دموعها بعصبية ودوات بنبرة قوية ) ياكماا حمقتييي ؟
امين: لا بعقلي الحمد الله..
يسرى: ( شافت فيييه زعما واش منيتك)
امين: ماغاديييش نعاااود هضرتييييي شنو لي مفهمتييهش غدااا جااااي خاطبك
يسرى: شمن خطووبة ولا قلاوي تا 18 عام مدايرهااااش انا باقا صغييرة..
امين: صغيييرة غا فسن اما فعااايلك فعايل وحدة فعمرها 30 عام.. انا هضرتييي را قلتها غدا غنجي نخطبك..
يسرى: تسطيتي لا؟ شكون قاالك باغا نتزوج انا؟ مكااين خطوبة ولا نمي.
امين: شفتك كتخرجي فياا عينييييك .. علاش تصدمتييي ياكما مدوزة بيا الوقت دايراني بوكيمون..
يسرى: شكتخربق نتااا .. ماباغاش نتزوج تا نكمل قراايتييي و نخدم..
امين: تكملي لقلوي الخدمة لاواه زب زب .. مغاديش نتزايد معاك فلهضرة.. غنجييي بااش تكووني ليا .. ديك سااعة لا درتي شي قلوة يكووون حلال علياا نفرشخ ديلمك قدام عباد الله..
يسرى: حللللم..
امين: ( دفعهاا على لحييط و زير على فكها ) ماضاحكش معاااك.. غنجي نخطبك.. و بزز منك غتقبلييييي .. ولا ندوقك لمرااار حيت ديك سااعة معندب ما نخسر.. نتييييي هي حياتي كلها كلها( طلق منها)..
يسرى: خليني نمشي بحالي دباا يشوفنا شي حد..
امين: و يشوفو غتولي مرااتي.. و لي هضر نحويه..
يسرى: وا اميييين را باقا صغيرة و مكنفكرش فزواج شحال من حاجة راسماها فبالي و بغييت نوصل ليهم عاد ديك ساعة نفكر فزواج
امين: واخا الالة.. تا دباا ما قلنا واالو.. ديري لي بغيتييي.. كملي قرايتك.. و خدمي ماغنحبسك على والو.. و زوااج تا تبغييي نتي عاد ديك ساعة نتزوجو .. اما دب بغيت غا نخطبك.. باش تكوني لياا و ناس يعرفوها..
يسرى: بغيتي تشدنيي بااش تشبع فيا عصاا..( لوات شنايفهاا زعما مقلقة)..
ضحكاتو بديك لقطة.. ضحك عليها.. و جرهاا عنقهاا و خربق ليهت فشعرها..
امين: واخا فييك لفاارة .. مكنقدرش نبقاا مقلق منك. و بغيت نخطبك.. حيت بااغييك ماشي بااش نشبع .. كنبغييك يا الحمقة..
دغيا بعدات منو.. 
يسرى: نسيتي بلي رانا فدرب..

امين: داوي بصح ايسرى راني ماضاحكش غنجي نخطبك..
يسرى: تا راك هبلتي باالله.. اصلل فدار مغيبغييوش.. فاش يسولك باا فاش خدام بااش غتجااوبوو.. بزناز؟..
امين: كيهمني نتي شنو غتقولي و واش بصح هادشي لي بيناتنا باغاه يكمل للمعقوول..
يسرى: اه بغييت ولكن خدمتك..
امين: تيقينيي مابقاا والو مابقا قد ما فات.. و غنبعد من هاد زبل بمرة 
يسرى: كيفاش مابقا والو..
امين: را كنجمع لفلوس لي غتخليني نعييش حياتي بيخيير و مهني.. مابقااش بزاف نتي غي تيقي بياا و كوني معايا..
يسرى: باغي تبقاا تضربني ياك..
امين: اقسم برب العالي و ميي ما نقيسك.. ولا نحط عليك يديي.. ولكن را كنقسم لك و ديري شب حااجة تا نربيييك ..
يسرى: مكندير والو..
امين: و هاد لبس لي لابسة شنو .. و صدر لي معرياه.شنو.. شتي شغانقولك تقوديي لدار .. و هادشي غنهضرو فييه بليييل..
يسرى: واخا ..( مشات بحالها و هو وراها بحال خيالها .. )..
دخلات لدار و هو كنل طريقو للقهوة..
#يوسف.
هو فطر بقرعة شرااب.. و الكارو..و سفيان حظاه مبزع يديه.. و ضاحك مع تيليفون..
سفيان:- اححح هاد القصيورة رجعاتني كيف دري صغير..
يوسف: بعد منها..
سفيان: شكون يسخا بيها اعشيري..
يوسف: بعد منها ماتليقش ليك..
سفيان: علاش ماتلقيش ؟ 
يوسف: انا لي عارف..
سفيان: اوا الا عارف شي حاجة قولها..
يوسف: صافي القلاوي قلت ليك بعد بعد..
سفيان: را كنبغيهاا.. و هي لي غنكمل معاها حياتي..
يوسف: باقا صغييرة..
سفيان: مكااين مشكييل نتسناها العمر كلووو..
يوسف: ( ضرب الكاس بجهد مع لرض) 
سفيان:شنو لي معصبك. هاد ليام حالتك معاجبانيييش.. غنسهرو ليووم.. حيت غدا راجع..
يوسف: غدا رااجع؟
سفيان: اه. را دراري كيعيطولي و حمزة فرع ليا كري.. نزيد نجمع لعاقة .. شي 15 يوم ولا شهر غنرجع نخطبها..
يوسف: ( عض فشفايفو بقوووة تا تجرحو .. )..
هز القرعة دشراب و دخل لبيتو.. جلس فوف ناموسية و مغدد فيهااا حالف تا يدوقها المراااار..و يرجع ليها هادشي بدووبل.. بقا كيهز فرجليه بعصبية و عروق يدو و راسو بانت بقوة الاعصاب.. نزل على ديك القرعة.. شربها كلها بلا ما يحبس.. و شير بيهاا على المرااية تا تشتتات.. 
يوسف: والله لا بقااااات فطبوووون مك..

يوم جديد.. دوزاتو سمر غير فلبكاا تا عينيهاا تنفخو و تورمو.. كانت فلمطاار معنقااه ماباغاش طلق منوو.. مزيرة لو على تيشورت واصلة لحد صدرو.. صوت تخنصيصهاا مسموع..
سفيان: سكتيي ولا بناقص من هاد السفر كااع مابغييتش نشوف دموعك..
سمر: ماشي بيديي ماقادرااش نحبسهم..
سفيان: ( رجع عنقها خاشيها فصدروو تا هو مسخاش بيهاا مي ضرووري يمشيي.. شد ليها يديها باسهم بزوج ) كنوااعدك.. مغنطولش غنرجع و نديير لييك اكبر خطوبة.. ( مسح ليهاا دموعها تاني و هو متبسم فوجهها و باسهاا في فمها بوسة خفييفة و هي حطات يديهاا على صدروو.. مغمضة عينيها...)..
يوسف و امين و يسرى كانو تما حاضيين الفيلم كلوو.. كان بحال شيي بركاان.. وجهو ولا حمر بحال نقطة ديال دم و عينييه كتر..عرووق يدييه بااينة عااض على شفاايفو بجهد و يديييه جامعهم على شكل قبضة... و امين حاس بيه عارف ماغيدووزش هادشي سلامة.. سلم عليهم بزوج هو و امين و جر بالييزتوو و كيشيير ليهم بيدو تا مابقاش كيباان.. و هي مسكتااتش من لبكاا.. يمكن حييت ولفاتو و كيما كيقولوو الولف صعييب.. الذكرايات لي دوزوهاا باقا بين عينيها.. يوسف .. قلبوو مات هاد ساعة عفس علييه برجلو.. كيشووف فيهاا و ناوي على خزييت.. صبرو تقادا..توجه ناحيتها و غي بطرييقة لي جاي بيها تعرفو ناوي على شوهة.. وقفو امييين.. 
امين: يووووسف عندااااك ديرهااا ماتنسااش فين حناا ناس هنااااا 
يوسف: ( غوت فوجهو بحال الرعد و دفعو ) صبريييييييييي تقاداااااااااااااا مسحااااات بيا الرض و انااااا لي عمر شي قحبة ماتسوقت ليهاااااااا 
ماسمعش ليه و قرب ليهاا كانت لاهية مع بكاها و يسرى كتسكت فيها ما حسات غي بشدة فيدهااا.. تجراات بقوة تا جات مع صدرو نيشاان.. طلعات فيه عينيها..
سمر: طلق من يدييييي ..
يوسف: غندمك.. عرفتيي شنو هي غندمك غتخلصيييي على كلشيييييي .. برب العااالي تا نخرجها منك..
جرهاا ورااه بحال شي ذبيحة.. و امين بقا واقف ماتحركش و نا دار تا ردة فعل .. و يسرى واقفة لو فطريق.. فمحاولة منها بااش توقفو .. دفعها جات طايحة..بقا غادي بيهاا و ناس كتفرج..
يوسف: غتزيدي حدايا بحاالك بحال نااس ولا برببببب تا نشوهك هناااااا صااااافي باااح مابقاااش عندي شنو نخسر..
شافت فوجهوو الجدية.. اول مرة يخلعها بصح.. و عرفات راسهاا قوداتهاا بلبيان.. 
يسرى : (كتزعزع ف امين) غتبقاا كتفرج .. سيييير دير شي حاجة..
امين: مغندخلش هاد المرة... بيناتهم.. و اي حاجة دارهااا فيهااا تستااااهلهااا.. حيت حطيت راسي فبلاصتو.. كوون عدمتك..
يسرى: اووووه لا واااش منيتك.. ياكما نسيتييي صاحبك شدااير ولا نفكرك ياك هو لي سمح فيهااا.. و هي حرة تعيييش حياتها كيف بغاات 
يوسف: رااا هي حياتو ! ...

#يوسف
حل بااب طوموبيلتو و دفعهاا بجهد حسات بضهرها تقسم على زووج خرجاات اااه مطولة من فمها.. ركب حداهاا كسيرا بجهد مخلي ورااه غير لعجااج.. و سمر كتحاول توقفو و تضربو جيهة يدو باش يحبس.. تا فرانا بجهد تا كان راسها غيخرج من زاج..
يوسف: ( ضرب فلفولون ) غتسدييييييييي فمك.. قبل ما نعووجك من شي قنت.. و هااد الغواات خبيييه باقي غتحتاجييه..
كمل صوgانو بنفس السرعة لي كان غادي بيهاا.. نزلهاا و جارهاا بحال الحولي دلعييد.. و هي كتنتر .. عارفااه غيرتاكب فيهاا شي جريمة.. و غيي الذكراياات الخايبة لي شافتها فهاد داار.. 
طلعهاا فدرووج.. و حل لبااب دفعهاا جات طايحة مع لرض.. سد لبااب بساروت .. وقفات و قلبهاا غيوقف بلخلعة..
يوسف: ( شدها من شعرهاا بقوة ) درتييييي غي لي فراااسك تا نا دبااا غنديييير لي فرااااسي.. ( زاد زير عليها) فهمتييي..
سمر: ( دفعاتو بكل قوتهاا تا حسات بشعرهاا تجر معاه.. ) صافي برااااكة رااااك زدتيييي فيه بلاااا قيااااااس .. شبااقي بااقي عندييييي ياك نتااا لي سمحتيييي فياأااااااا يااك نتاااا لي مشيتيييييي و خليتينيييييي شنوو دباااا شنو بااغي منييييي ماكفااااكش العداب ليييي دوقتينيييييي.. تا ضحكاااات دنياا فوجهيييييييي جاي تنكدهاا علياا دباااااا.... نتااا كدااااااااب منااااااافق كنرهك ايووووووسف كنرهك ..
يوسف: هاد الهضرة دباا ابنت القحبة زيدييهااا فيييييك مابقاااش هامنيييييي دباا يا بخاطرك يا بزز..
سمر: بعد منيييييي وااااش معندكش كراامة ولا كيفاش؟..
يوسف: كتبغييييه يااك؟..
سمر: ( بتحدي و عينيها فعينيه ) ماشي غييييير كنبغييييييييه را كنحمااااق علييييييه..
يوسف: ( كرز على يدوو بجهد تا تجمع فيها الدم .. ) قاسك يااااااالك عطيتيييييه القحبة..
سمر: اه.. كانت اجمل ليييلة فحياااااتي و مندمتش ..
كانت باغاه يتعدب و يحس بشوية لي كانت كتحس بيه.. كانت باغا باي طريقة يبعد عليهاا و هادي هي طريقة لي جاتها ساهلة حيت دري فاش كيعرف درية قاسهاا شي حد من غييرو.. صافي كيكرها و يحقد عليها و يبعد و مايبقااش يشووف فوجهها ولكن معرفااتش بلي هدا يوووسف مااشي بحال كاه دراري متقدرش تعرف شنو تحت راسو .. زادت جهلاتو و كانت هادي حركة غالطة منها.. و النقطة لي فيضات الكاس.. تقدم ناحيتها .. و شدها من شعرها تاني.. جرها بعنف.. غادي بيها لبيتو ..دفعها فوق ناموسية جات على وجهها..

شدها تاني من شعرها موقفهاا قاجهاا من عنقهاا .. تا حسات براسهاا غتموت طلق منها و عطاها بتصرفيقة زعزعات لها سنانها.... و دفعهاا للمرة زاوجة ولكن هاد المرة ناوي على خزييت.. جاا فوقها.. شاد يدها..
يوسف: بهااد ليييد باااش قستيييييه..
سمر: اهيييئ اهئ اهى عفااك ايوسف خليني بحاالي هئ هئ اهئ..
يوسف: جاوبينيييي..
سمر: ( بترجيي ) عفاااك ايوووسف خليني اهيييييئ هئ براكة هئ هئ هئ
يوسف: ( الغضب عامي لو عينيه) 
شدليها زوج صبعاان و حط يدوو على فمهاا باش مايتسمعش غواتها.. لواهم بكل جهدوو.. غوتات بكل جهدها.. و هو حاط يدو على فمهاا.. بعد منها خلاها مهرسة.. .. بقاات كتشهق بلبكا الالم لي كتحس بيه رهيب.. من كترة الالم لي حساات بيه جاتها دووخة ..و يديهاا مقدرااش تحركها.. خرج من لبييت باقي ما برد جنونو.. كيقلب على الكارو بحال لحمق تالقا لباكية فوق ليفوتوي جبد منها سيكار.. و شعلو بلبريكة بقا كيكمييي .. بااش يبرد.. قبل ما يقتلها كلماا كيتفكر بوستهم و بلي قاسهاا راسوو كيبغيي ينفااجر..ضرب رجلوو مع لبااب ..
يوسف: بربييييييي اسمر و تكووووووون بصح هادي هي لخرة لييييييييييك..
خاصو يعرف باي طريقة واش بصح ولا لا.. رجع عندهاا فتح لباب عليها لقاها على نفس الحالة.. كتبكيي بجهد.. و يديهاا مكتحركهاش..
يوسف: ( قرب ليها رما سيكاار من فمو كيمشي و يجي فلبييت ... زير ليهاا على يدهاا بجهد.. )
سمر : اااااااااااااااااااااااااااااااااي ( خرجاتهاا من فمها تا حسات بحنجرتها ترجحات )
يوسف: دويييييي القحبة واش بصح قاااااااسك..
سمر: اهيييييييئ هييييييييييئ يديييييي هئ هئ هة هيييييئ هئ..
يوسف: ( زاد زير عليهاا ) وااااااااش قااااااااسك هضريييييييي ابنت الوااااسعة لينعل زامل بووووك و نهااااار لي عرفتك فيييه..
سمر : لا لا لا اهيييييى والله ماقاسنييييي هيييييييييئ هئ اهييييبييئ هئ هئ هئ..
عاد طلق منهاا.. جرات المخدة لي كانت حداها و عضات فيها بكل جهدهاا كتخرج فيها كمية الالم لي حسات بيها... بقات على دك لحال يدها مقدراتش تحركهاا.. باغا غي يزوول داك لحرييق لي كيقتل فيها بشوية..

#يسرى
يسرى: الانسانية راااحت فدكشييييي .. 
امين: مدخلتش و مغندخلش يدييير فيها لي يعجبوو تستااااهل واااااش هو حدااهاااا و هي باركة تبااوس هي وياااه واش تي صافا شوية كون كنت فبلاصتو غنخلط زامل تاع بوكم بوكم بزووج..
يسرى: وااابناااادم و العمااااالة وراااااه غيتخطبووووووو عادي و دعها و هو لي باسهاااااا.. واش هو سوقوووووو لل حول ولا قوة الا بالله دخوول صحة هداا
امين: شوفي غنجييك من لخر صاحبتك لي قلبااات عليهاا زادت فيه بلا قيااااس مصااحبة مع صاااحبو ارض الله واسعة مابانلها غي سفياااان و عارفاهم ساكنيييين فدار وحدة.. ديماااا كااان كيحذرها ولكن دافعة كبييير بقات كطيير كطير تا جابتها فكرهاا وانا راه عارفوو غيخلصهاااا على كلشييييي 
يسرى: ياكما يكوون قتلها يا ربي سلامة..
امين: دويي بلوجييك و خلينا من الهضرة الناقصة صاحبتك مدارت فيها ما يصلاح.. 
يسرى: عفاك ا امين عيطلو شووف فين داها واش هي بيخيير..
امين: مغيجاوبنييش..
يسرى: و غا جرب.. منقدرش نرجع لدرب بلا بيها..
امين: واخا اوا شوفي بعينك..
صونالو و كيماا كان يتوقع مجاوبووش.. غي شاف نمرة امين رجع تيليفون لجييب فهاد الوقت بذاات ماباغي يدوي مع حد..
امين: را قلتها لييك..
يسرى: فين جات دارو نمشييي برجلييي الى مابغيتييش دخل انا لي غندخل.. مانخلييش سمر مع واحد بحالو.. ولا عرفتي غنمشييي عند البوليس 
امين: واخا نمشيييو را والله لا خلاها تجي تا يبغي هو خليه دبا را معصب..و ماتخافيش را كيبغيهاا مايقدرش ياديها.. البوليس غي غتكبري المشكيلة و يدخلو واليديهاا ديك ساعة غتجبدي لها صداع مع دارهم..
يسرى: وااااش كتفهم.. را جالسة على المساااامر منقدرش نبقاااا هاكة.. زيد ا امين نمشيييو عندهم ..
امين: شحال فيك دلهضرة..
يسرى: هاديك را ختيييي غتمشييي معاياا تورينيي فين داارو.. ولا اقسم بالله تا نمشي عند موو نشوهو ختار وحدة من زوج
امين عياا كيشوف فيها فلخر دار ليها خاطرها شدو طاكسي وصلهم للبرطمة..

دقو فلبااب ..فتح ليهم يوسف كان كيكمي سيكار فيدو.. مع تحلات لباب دخلات يسرى كتغوت ..
يسرى: سمر سممممر..
يوسف: غتدييييها علياا قبل ما نخلطهاا بشي ضربة مقووودة..
امين: ( بحدة ) يسرىى سديي فمك خلينا نعرفو ندوييو..
يسرى: فين هي سمر اشماااتة ثول شنو درتي فيهااا 
يوسف: ( مكيجاوبهااش).. امين مغنعاودش هضرتي..
امين: ( جرهاا و ضغط على مرفقها باش تسكت ).. يوسف خلي درية علييك.. دبا راك معصب..
يوسف: دبا هادشي علاياش جيتو ؟.. اوك سمعني را واخا معرف نقتلهاا و ما تعب هاد دار تا نبغييي اناااا.. 
يسرى: صحابلك سيبة فلبلاد ولا..
يوسف: اه سيييبة و منبعد..
امين: و ساعة دشيطان..
يوسف: ( قاطعة ) داك تفلسييف خلييه عندك دباا بلا ماتبرزطليا كري..
يسرى: غتمشيييي معاياا بزز منك.. سمر سسسسسمممممر .. ( مشات كتقلب فلبيوتة )..
عند سمر كانت كتسمع لييها ولكن فين هي الطاقة لي تجاوب بيها.. صافي مابقااتش عندهااا طاقة لي تهضر بيهاا ولا تغوت.. لاهية غي مع لحريق لي فيها...دخلات عندهاا يسرى تخلعات و حطات يديهاا على فمها..
يسرى: مالك فيديك.. هو هو يااااك..
سمر: اهييييئ هئ هييييئ هئ 
يسرى:( عنقاتها بحذر .. ).. زيدي نمشيييو والله لا بقات فيييييه ..
خرجو من لبيت بزوج و سمر مكتقدرش تحرك يدها.. وجها و عينيهاا عامرين بلبكاا..
يوسف: فين غادة..
يسرى: سير الله يعطيك الكرض فدوك ليدييييين لي خلاوك توصل درية لهاد الحالة باااش حاسب على راسسك راجل بغيييت غير نعرف الى بزب رااااا الحمار سيدك.. 
امين: ( جرهاا من شعرهااا تا كانت غطييح.. ) سديييي فمك و عرفي شكتخرجي منو..
يسرى: طلق طلق هادشي فاش فالحين..
يوسف: ( موجه هضرتو ل سمر بكل برودة ) غترجعي للبيت قبل ما نكمل على صبعاانك تانيين..
سمر: اهييييى هئ هئ هى هئ وااش .. ( الهضرة مابغاتش تخرج ليهاا.. ) اهييئ هئ..
امين: ( جر يوسف للبالكون ) وااش مخور فمخك.. هرستيييهاا وااش نورماال..
يوسف: و غنزيد نكمل عليهااا صاافي انا صبرييي تقاداا ماشايفااااش شحال كنبغيييييهاا كنحماق عليهاا نعطيهاا عمري حياااتي.. عييييت ما نتبع فيهاا بحال لحمق و الكلب.. و عييييت ماااااا نطلب فيهاا بااش تبعد عليه. واااالو .. درت غلط ااااه حيت سمحت فيهاا ولكن ماضحكتش عليهاااااا باقاا مابغاتس تفهم هادشي.. بعدت حبت مابغييتش نضرهاااا الله كيسااامح شكون هي لي متساامحش.. (كيشير لقلبو ) هداا قتلاتو.. و غنخلصهاا على اي حااجة دارتها.. و مابقااش هاممني تبقاا معاياا بزز ولا بلخااطر
يوسف: راك غاالط.. الى مفكر بلي بهاد طريقة غترجعهاا و تولي تبغييك غي مغتزييد تكرهها فييك..
يوسف: مابقاااااش هامممني قبل كنت مسوق دباا لاااا تبغينيييييي ولا تكرهنييي زايد نااقص..
امين: ليهدييك ايوسف هادشي مانقول.. صافي خليها ترجع لداار غيقلبو عليها..
يوسف: (جبد كارو تاني من جيبو شعلو ) مغتمشيي فين تا نبغي انا..
امين : واليديهااا غيقلبوووو عليهاااااا رد باااالك ما تخلييش الغضب يسيطر عليك و يعميك..
يوسف: غداا غنوصلهاا برااسي.. دبااااا مغتمشي فين و هنا تسالات الهضرة..
دخلو لداخل.. كانو جالسين و يسرى معنقة سمر لي مسكتااتش من لبكا..
امين: يسرى زيدي..
يسرى: ( نوضات معاها سمر ) واخا 
يوسف: ااميييين..
امين: سمر غتبقاا مع يوسف..
يسرى: بااش يقتلهااا مغتبقااش معاه..
امين: غدا غيوصلهاا هو ماتخافيش..
يسرى: كيفاش بغيتيني نبقا معاها..
سمر: ( بصووت باكي) اهييييئ هئ عفااااك هئ هئ هييئ ديييوني معاكم هيييئ هئ هئ..

امين: غدا غيوصلك هو براسو ماتخافيش ماغيديير والو..
سمر: لا عفاك..اهييييئ هئ هئ هئ..
يسرى: رجلي على رجليها..
امين راسو غينفاجر مالقا مايديير.. من غير يهزها فوق كتافو و خرج بيهاا.. يوسف سد لبااب وراهم.. و بقا كطلعها و ينزلهاا و هي قلبها غيخرج من بلاصتو و دموعها دايزيين.. قرب ليهاا.. بشوية و رما الكارو لي كان فيدو عفس عليه برجلو..
يوسف: تبعيني..
سمر: ( بخوف فين ) هئ ..
يوسف: سوقك..
خرج من دار و هي تبعاتو على بالها عيوصلها لدار..ديمارا طوموبيل فتح ليها بااب طوموبيل القدام ركبات بصعوبة سد عليها لبااب..و كسيرا.. طالق لداك الديسك لي مهبلوو.. و لي فوق ما يسمعلوو يتفكرهاا.. بلاصا طوموبيل حدا لوبيطال.. نزل و مشا فتح لها لبااب نزلات.. بقات تابعاه .. و هو عين هنا و عين عليها.. دخلو لقاو صبيطاار عااامر بناس كلشي كيتجارا هالي ميت هالي مضروب .. تلاقا بواحد الفرميلة.. دور معاهاا بااش تسربيهم دغيا.. دخلاتهم عند طبييب.. شافهاا لقا بلي عندها كسر فزوج صبعانها.. عالجها و عطاها دوا كنينات و دار معاها سيمانة ترجع عندو..بغات تهضر مع دكتور و تبينلو بلي شي حاجة كاينة.. اوا داك دكتور بحال الاطرش في زفة و يوسف عايق بيها.....
دكتور: ( بابتسامة ) ليشافي و ردي باالك المرة الجاية..
جمعات الوقفة بخيبة امل.. خرو من لوبيطال و هي كترجر فلرجليها..
#يسرى..
غي نزلو من طاكسي و هي تسبقو .. و باينة بلي مقلقة..
امين: وايسرى و تسناي نتفاهمو..
يسرى: ماتقربش لياااا ابنادم كلكم شماايت..
امين: وراا صاحبييييي شنو بغيتي نديييير نجيبها صحة.. شوفي يسرى خرجينيي من هاد سوق وبلا ما ترجعي فيا لومة.. بيناتهم.. هي لي قلبات عليها..
يسرى: اوك تا هادي هضرة.. تانا ضرب علياا و ماتبقاااش تعيطلي ولا عرفتيييي غنبلوكييييك دباا نيت..
امين: دباا على هادشي غتبلوكيني..
يسرى: الى جاك هادشي تخربيييق ضرب علياا..
امين: سيري را معرفااش شكتخرجي على فمك..سيري بدلي ساعة بخرا راك معصبة دباا..
خنزرات فيه.. و كملات طريقها كتفكر فشنو دير.. و شنو تقول لنادية.. وصلات لدار سمر دقات فلباب خرجات عندها نادية..

يسرى:( كدور فعينيها و تلعب بيديها ).. خالتي بغيت نطلب منك طليبة..
نادية: شنو بغيتي..
يسرى: سمر تبات معايا ليوما..
نادية: مكاين مشكيل.. فين عمري قطعتها عليك..
يسرى: ( نقزات عليهاا باستها فخدودها بزوج ).. ربي يخلييك اخالتي..
رجعات بخطاويهاا و تنادم معاها لحال.. حيت ماقالت ليها والو و فنفس الوقت خافت لا ينوض صداع لسمر.. وهي عارفاها باهاا صعيب.. الى شد عليها شي حاجة يقتلها مافيهاش..
#يوسف
وصلو لداار فتح ليها بااب طوموبيل نزلات بلا ماتقول والو.. طلعو فسنسور.. فتح بااب دار دخلات و قلبها مقبوط عاد الدار ماشافت منها غير العداب.. جلسات فوق ليفوتوي مكتشوفش ناحيتو.. و هو جالس مقابل ليهاا .. مراقب رموشها كيفاش كيتحركو و شعرها طويل.. و حاس بندم داخل ديالو كيفاش قدر يهرسها.. ولكن تاهي مادارت فيها ما يصلاح باركة تباوس حدااه.. مركهش يحبس هادشي و تولي ليه.. صافي مابقااش قادر يزييد يصبر.. 
يوسف: ( بعد ما سكت كسر داك صمت ).. هادشي لي كنتي باغاه..
سمر : ( بحالا مكاينش مجاوباتوش و متقلباتش عندو )..
يوسف: داوي معاك..
سمر: ( باقي على حالتها )..
يوسف: ( ضرب طبلة بجهد بيدو ) داااااوي معاااك..
سمر : شنو شنو شنووو مزااال باغي منييييي.. خليني نمشي بحاااالي دار غيكونو كيسولو عليا
يوسف: مغتمشييي فيين.. غداا انا برااااسي غنوصلك تا لبااب دار..
سمر: واش مسطييي..
يوسف: اه حمق اناا مسطي.. نتي سباابي..
سمر: شنووو درت شنو دنبي انااا
يوسف: كنبغييك ابنت ناس عرفتي شنو هي كنبغيك..
سمر : سيير كون تحشم.. واش لي كيبغيييي كيديييير هاد لفعااايل دياااال شمااكرية..
يوسف: ياكما نسيتييي و لا نفكرك نتيييي فعاايلك فعاااايل لقحااااب لكباار الباطرونااات.. مشيتيييي لصاحبي تصااحبتيييي معااااه و كتبااااوسي معااااه حدا عينييييي نصفق لييييك هاا حمدي ربك ما قتلتكش.. 
سمر: مكيناس فايدة من الهضرة..
يوسف: نتي من لول لي راسك قاصح يااك حذرتك ما مرة مااا زوووج.. عييت ما نشرح ليييك و نعاااود.. شنو بغيتي ندييير كتر..
سمر: مادييير والو غييي تفرق علياااا
يوسف: هاديك لي ماتحلمييش بيهاا.. اصلا منقدرش.. حاولت و مقدرتش.. 
ناض جلس حداها.. لمس شعرها و هي تبعد راسها باشمئزاز.. تنهد..
يوسف: ماتخيلييش شحال توحشت رجعي سمر ديال هادي شحاال..
سمر: هاديك ماتت هادي شحاال.نتا برااسك قتلتييها سمر النية .. ماتت
يوسف: ااه قولي دباا عاجبك كرك تولي قحبة بروفسيوناال..
سمر : كنفضل نكون قحبة ولا نكون معاك..
يوسف: ( شدهاا من فكها زير عليها تا شفايفهاا تجمعو ).. هااا الهضرة لي كتخليني ندخل فزامل بوووك طوول و عرض.. لسااااانك خاصني نقطعو من حدر.. ( كيدوي و يشووف في فمها.. )..
مقدرش يقاومها مزال كتر.. حط شفايفو على شفيفها و هي كتحااول تبعدو بيد وحدة.. و هو مغمض عينيه كاع مزعزعاتو.. كبمص فشفايفهاا.. بجنوون.. و حاس براسو طاير فسماا.. خلا شفايفها كلهم زرقين بقوة المص.. ما بعد منها تا حس بيها غتخنق.. عاد بعد.. شافت فيه بكره و دموع واقفيين فطرف عينها..

يوسف: بلا ما تنزلي فدموعك.. صاافي مابقااوش كينفعو معاياا..
عطاها هاد زوج كلمات و و قف خرج من دار سد لبااب ورااه.. ركب فطوموبيلتو غادي للفرمسيان يجيب ليها دواا بعد ما شرا ليهاا الدوا .. داز على واحد سنااك خدا زوج بيتزات.. و رجع لدار.. حط دكشي فوق طبلة لقاها غير كتقلب و تدور فعينيها..
يوسف: ( جبد تيليفونها من جيبو ) كتقلبي على هدا..
سمر: اه عيطيني..
يوسف: غداا تاخديه.. دبا تعشااي باش تشربي دواك..
سمر: اوا باز لوجهك بااااز..
يوسف: علاش وجهي معجبكش دباا نسيتي نهار تزعطتي فيه..
سمر: بزااف تزعطت فيهم.. ان واحد فيهم ..
يوسف: كولي قبل ما نخلط ليك داك الوجه .. البرهوشة لاخرا
سمر: ياك انا برهوشة اوا خليني بحالي ابنادم..
يوسف: ( جلس حداهاا شبك يدييه ببعضهم) لولة مغنخليكش .. و تانية غنرجعو كيف كنا...
سمر: مغنرجعووش .. فهمتي واخا تقتلنييي مستحيل نسمح فسفيان..
يوسف: نتي مكتبغييهش.. غي غتضحكي عليه..
سمر: كنبغييه..
يوسف: و شنو كيدييرو تصااوري فتيليفونك؟ و دووك تصااور دلخيانة و الجرح ولا معرت.. قلبت تيليفونك من طرف لطرف.. 
سمر: ( صقلات ) .. دكشي قدييم..
يوسف: ولاش باقا محتافضة بيه.. 
سمر: مكنبغييكش ابنادم بلا ما تقول و تخايل شي حوايج مكاينيينش..
يوسف: مكنتخاايل والو كلشي شفتو بعيني مساجاتك مع يسرى.. هي بقييت فيك.. ( دار ابتسامة جانبية .. خلاتها غي كتشوف فيه ) ..
سمر: كنبغييه هوووو ..
يوسف: عارفك باقا كتبغيني.. تنازلي شوية و سمعي لقلبك.. را كنقسم ليك بالله كنبغييك فوق ما كتصوري.. و عمري نوييت نتفلا علييك ولا نضحك عليك..دكشي علاش قررت نبعد ماشي حيت ضحكت عليك.. باش منجرحكش.. حيت انا براسي كنت مجرووح..نتي ماعارفاش بزاف دلحوايج عليا.. و تيقيني كون يرجع بيا زمان لوور غنعاود نديرهاا حيت نتي متستاهليش تعدبي.. و تجرحيي .. (تنهد) و نهار درت الخطبة ماشي لخاطري.. هاديك كانت حبيبتي اول بنت بغيتها.و تفلات عليا هرسااتني خلاتني مانولييش نشووف ولا نتييق فلحب ضربت على كلشي بعد ديييك ضربة تبدلت وليت واحد اخر تا ضحكة مابقااتش كتبان على وجهي..جات بخبر بلي حاملة .. تاكدت لقيت بصح.. شنو بغيتي نديير فهاد لحالة نخليها ؟ و نسمح فولدي حطي راسك فبلاصتي ماعرفت علاش مقصحة راسك من جيهتي و ماباغاش تعطيني فرصة واخا عيييت ما نبرر و نشرح لييك..

سمر: مغنسااش شحال بكيييت و شحال تعدبت و شحاال فزكت المخدة بدموعي و هضرة نااس فيااا لي ندوز من حدااه يضحك علياا و يقولو حشاهاااالك.. عرفتي عاد الكلمة شحااال صعيبة بنسبة لدرية.. عرفتي شحااال صعيبة ولا لا ماغتعرفش طبعا حيت نتاا دري.. شنوووو كنتي غتخسر كون جيتي و صارحتينيييي بكلشي من لول علاش خليتينيي بلا اي سبب .. علاش هاد الهضرة ماقلتيهاش فدك الوقت.. خليتبني كنعاااتب راسي و نرجع لومة فياا واش خايبة واش معجبتكش.. واس حيت صغييرة.. حكرت راااااسي.. اه .. لييييلة قبل خطبتك..كنت مستااعدة نسامحك.. و نساا كلشي.. و لكن رجعتييييي حطمتينيييي كتر من لي قبل .. كيفاش بغيتيني نساا هادشي.. كلوو و نبداا معاك من جدييد ..
بقا ساكت مارجعش جاوبها حيت كاع دكشي لي قالتو بصح.. 
يوسف: سمر را كنبغييك.. مابغيتش نخسرك..
سمر: خسرتيني هادي شحال..
يوسف: نتي اصلا ماباغاش تسمعي لقلبك.. متاكد بلي كتبغيني عفاك غي خلينا نجربو.. غنعوضك على كلشي... 
سمر: شوووف ( كتشييير لصبعانها ) شووووف مزياان شنو درتي فيااااا .. عطينييي غيير سبب واحد لي يخلينييي نسامحك و ننسا ؟..
يوسف: كنبغييك.. كاينة شي حاجة كتر من هاد الكلمة..بخصووص يدك منادمش.. و تستاهلب كتر... حمدي الله جات غي فهادشي.. كنت ناوي على كتر.. وااش اناااا حدااااك و امييييين تما جالسة كتباوسي نتي وياااه.. انا شنوو زامل ؟ رقية لي واقفة تم يااك.. عايشاالي الحب.. وانا تماا و عارفاني كنتسطا على دلمك.. را حنا درااري دمنا سخوون.. واخا منكوونش كنبغييك.. غي كنعرفك منبغييش نشوف داك ستوون..
سمر: شنو فيهاا .. عادي هو غادي و ودعني حيت مغنتشاوفوش..
يوسف: سمممر.. خليني مبرد الله يرحم ليك الواليديين.. كديريهاا بلعاني و فلخر.. كتبداااي تبكي.. حتارمينييي شوية راك مسحتي بيا اللرض..
سمر: تستاهل كتر..
يوسف: واخاا.. تعشاي را غتبرد..
سمر : مافياش جوع..
يوسف: من صبااح مكليتيش.. بلا مانبداو تاني كولي و بلا زيادة فلهضرة باش تشربي الدوا..
كحزات لعند طبلة.. و كتاكل ب توجع فاش كتحرك.. يدها.. قرب ليهاا و خدا داك المورصو من يدها كيوكلهاا هو.. و هي كتمضغ في فمها و يرجع يوكلها تا كملات ديك البيتزا كلها..

مسح ليها فمها .. بلا ما يهضر.. غي كيشوف فعينيهاا و حاس بندم كبير على اي حاجة دارها فيها.. حس براسو شحاال خاايب .. و انااني.. كيفاش قدر ياديها بديك طريقة.. و هي وجهها ميستاهلش هادشي.. و تا باش يطلب منها سمااحة..مايقدرش.. بعد كل مادار فيها مابقااش عندو الحق يطلب سماحة.. هي بقات غي كترمش.. نضراتو وتروها.. حيد عينيه و ناض مشا للبالكون شعل كارو كيكمي.. و هي متبعة ليه العين.. و تا هي.. بقا فيهاا و حسات بلي قصحات بزاف من جيهتو.. خصووصاا فاش عرفات بلي كلا دقاا و بلي ماشي تفلا عليها.. و عرفات بلي تعدب و شحال هز فقلبو و بلي تا حد ما كيفهمو.... واخا دبا تبغي تعطيه فرصة فات لحال.. متقدرش تسمح فسفيان خصووصاا و هو ناوي معاها لحلال و مشاا يوجد باش يرجع يخطبها..واخا كتباان قاصحة و لسانها سلييط.. ولكن قلبها حنيين و دغيا كيبقا فيها الواحد.. ناضت تبعاتو.. وقفات حداه.. جات قد رجلو مع هي قصيرة..طلعات فيه عينيها .. و هو ماحسش بيها كاينة..كان ساهي كيشوف فسما و يسوط فدخان مطول .. 
سمر: رمي هاد زبل را غيخرج عليك..
يوسف: هداا هو صاحبي..
سمر: غيقتلك.. رمييه..
يوسف: شكون غيصبرني؟ بلا بيه كنت غنديير بزاف دلحوايج مقودة ..
سمر: فكر فمك ..
يوسف: راني مبلي بييه.. منقدرش نبعد علييه.. اخرتي الحبس..
سمر: شوف حالتك كيف ولات شرااب و سهيير و الكماا.. واش هاد الحالة عاجبااك..
يوسف: مولف اسمر مولف..
سمر: نتا اصلا عاجبك هادشي و ماباغييش تحااول..
يوسف: معندييش علايااش نحااول.. مابقات كتهمني تا حاجة...
سمر: نتا راك هبيييل.. من قبييلة لدبا عرفتي شحاال كميتيييي سير شوف طبييب ليكون عندك شي مرض ليستر.. معاك بصح ايوسف بعد من هادشي راه مخدامش لك..
يوسف: كتخافي عليا؟..
سمر: ( بقات ساكتة مجاوباتوش)..
يوسف: ( دار ابتسامة ) زعما الى مت غتجي تعزي فياا ؟..
سمر : ( غي جبد سيرة الموق قلبها تقبط ).. ليستر.. شكون جبد شي موت..
يوسف: الموت ولا بد منها.. ماعليهاا صغير ولا لكبير.. 
سمر: ( عينيها دغيا دمعو.. غي فكرات بلي مات و داك لجو ديال لعزا .. مقدراتش تحبس دموعها..)
بقات ساكتة.. و دموعها دايزين.. نتابه ليها.. يوسف..

يوسف: حمقة علاش كتبكيي .. خاصك تفرحي تهناي مني..
سمر: ( مجاوباتوش حدها كتبكي )..
يوسف: ( عنقها جا وجهها على صدرو.. بقات تبكي فصمت تا فزكات ليه تيشورت )..
بعد منها و مسح ليها دموعها بصبعانو..
يوسف: اخر مرة نشووفك كتبكي.. و بغيت نطلب منك تسامحيني واخا ما منحقييش..سامحيني على اي حاجة درتها خايبة معاك.. و على اي تصرف ماشي هو هداك ولكن فاش كنتعصب مكنعقل على والو..
سمر: ( حسات بيه كيودعهاا ).. غادي لشي بلاصة..
يوسف: لقيتيني كنفكر.. مابقااش عندي ماندير هناا .. غنحاول مع الواليدة نقنعهاا نصايب ليها لوراق و نمشي..
سمر: ( بلعات ريقها ) اه مزياان..
يوسف: بغيت نشوفك ديماا ضاحكة.. انا غنخليك تشوفي حيااتك.. واخا صعييب لحال ولكن مافيدي ماندير..كنحااول نقاد الاومور كنلقا راسي غير مكنزيد نعوجها.. تهلاي فراسك و بغيت ديما نسمع عليك هضرة زوينة..
سمر: ( الغصة واقفة ليها فلحلق.. )..
هادا اصعب موقف يمكن تعيشو الدرية.. واخا يكوون قتل فييك و لكن لحضة الوداع كتكون صعييبة.. صافي كتعرفيي بلي عمرك غتشووفيه و تا لا قدر الله و مات مغتقدريش تشوفيه تعنقيه و تبوسيه.. فهاد اللحضة بذات بغات تنقز عليه و تعنقو بكل قوتها و ماطلقش منو ..و تنساا كلشي.. تسمع لشنو كيقول ليها قلبها و ما تفكر فاي حاجة اخراا.. و تقولو باعلى صوتهاا كنبغييييك غير نتا و مكااين تا واحد فقلبي من غيييرك.. نتا الوحييد لي كنبغيييي واخا حاولت نساااك مقدرتش.. واخا حاولت نكرهك مقدرتش.. صافي عياات صابرة حاسة بدموعها قريب ينزلو.. دارت سبة بطواليت.. مشات بخطوات متسارعة سدات عليها البااب و حطات يديها على فمها كتعصر فدموعهاا.. هدا اخيب احسااس..

💔💔💔💔💔💔💔💔
حزن يغتالني وهم يقتلني وظلم حبيب يعذبني آه .. ما هذه الحياة التي كلها آلام لا تنتهي وجروح لا تنبري ودموع من العيون تجري جرحت خدي أرقت مضجعي وسلبت نومي آه يا قلبي يا لك من صبور على الحبيب لا تجور رغم ظلمه الكثير وجرحه الكبير الذي لا يندمل ولا يزول ما زلت تحبه رغم كل الشرور ما زلت تعشقه
💔💔💔💔💔💔💔💔

دغيا غسلات وجهها فاش سمعاتو كيعيط ليها.. خرجات عينيها حمرة.. عرفها كانت كتبكي..
يوسف: مالك فعينيك كنتي كتبكي؟.
سمر: لا والو غا حيت فيا نعاس..
يوسف: اوكي .. 
كان هاز فيدو كاس دلما و كنينة عطاهم ليها شربات.. 
يوسف: سيري ترتاحي نعسي فبيتي..
سمر: ونتا فين غتنعس..
يوسف: كاين بيت اخور..
سمر: اخ واخا..
يوسف: تصبحي على خير..
دخلات للبيت جلسات فوق ناموسية و هضرتو كتعاود فودنيها.. واش صافي فغي مغتبقاش تشوفو.. تنهدات بحرقة
. و ناضت كدور فلبيت .. مافيهاش نعاس.. غير كدبات باش ميعرفهاش كانت كتبكي.. قربات للكوافوز.. كان تما بارفانو هزاتو رشاتو فعنقهاا.. ريحتو من ديما كانت كتسطيها.. توجهات لبلاكار حلاتو كانو تما حوايجو..بقات كتقيس فيهم..بعدها رجعات تكات فوق ناموسية كتسد فعينيها كتحاول تنعس والو حلف لا جاها نعاس.. بقات فايقة تالديك 3 عاد داها نعاس نعسات وشعرها طايح عل عينيها..
دخل عندها يوسف لقاها فديد الحالة تبسم .. من منضرها جلس حداها حيد ليها الشعر من فوق عينيها.. قرب ليها باسها فخدودها بزووج.. شم ريحة بارفانو..
يوسف: غتخلينيي وراك كيف لحمق ( باسها ف شفايفها بزربة )..
و ناض خرج قبل ما تعيق. بيه رجع هو للبيت لي كان كينعس فيه سفيان.. حيد حوايجو بقا غير بشورط.. تكاا شعل كارو .. داير ليكيت فودنو كيتصنت لداك ديسك.. لي حمقو و تيليفونهاا فيدو كيتفرج فتصاورها..

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.