بعد ديك لييلة بضبط بسيمانة لي تغيرو فيها بزاف ديال لحواايج.. سمر بعد ما كانت كتناساا و تبدا حياة جديد ديك لييلة رجعات ليهاا ذكراياتها معااه كلهاا من اول وجديد.. بحال اول مرة تغرمات بييه.. تا من سفيان مابقااتش كتجاوبوو قلييل .. تبدلات معاه و هو قال مع راسو غير حيت انا بعييد.. و يسرى ديما مدابزة معاهاا
.. اليوم بحاال ديماا جالسة فوق ناموسيتها مربعة رجليهاا و يسرى بنفس الجلسة مقابلة معاها..
يسرى:سيري يا القحبة يا المدلولة صافي طحتي من خاطري والله.. واش منيتك ازبيي منيتك تا نسيناك فيه ب 60 كشيفة رجعتي ل 0 و سفيااان لي ناويك حلالو علاش ضحكي علييييه.. صاااافي اسمر دغياا نسيتي لي دار فييك و شحال بكاااااك و فضل وحدة اخراا عليييك.. صافي هادشي كلوو نسيتيييه.. دباا عارفة بلي هاد الهضرة كدخل من ودن و تخرج من لاخرا ..
سمر: صاااافي ايسرىىىىى براااااكة رااسي غيطرطق والله عييييييت كتهضريييييي بحالا اناا لي باغااا هادشي.. بحالا انااااا لي كنختاااااار عااااارفة هادشي كلووووو عارفاااااه ولكن قلبييييي ولد لقحبة ..
يسرى: اوا عفطي علييه.. را غترجعيي لحالتك.. يوسف عقلو فشكل.. كل مرة بوجه نتي تعرفي مصلاحتك..
سمر: صاافي ايسرى صافي را عارفة انا لي حمارة كنشكي لييك اصلا من ديك لييلة مادويناا ما شفتو ماوااالو.. فخباارك توحشتو..
يسرى: اوا توحشك جنية شتي هاد المغانة لي فيك هي لي غتخرج عليك.. انا كنوصييييك من دباااا برب و تسمحييي فسفيان و ترجعي لهااااد زامل ضربي على ميي ماتعرفيني مانعرفك..
سمر: زب راااا مغنرجعش ليييه .. غااا تهنااااااي لحاجة فاش كتهرس را مكتصلحش تا لا تصلحات كتبقا مشقوقة.. انا غيير كنعاودليك لي فقلبي.. غنحااول نكمل فلي بديييت و سفيان مايستاهلش مني نلعب عليه هو ضرييف..
يسرى: هاااااااااي .. صبااح الخييير منيييين عرفتيهاا.. مهم انا غنتلاح فحالي مليكة ليوم تحويني را كتسناا سخرة.. فلييل لا لقييت كيفاش ندوز عندك..
سمر: اوكاااي..
خرجات يسرى.. و كتلعن فيوسف كتبان بحال شي حمقة .. تا جرها امين من يدها..
امين: مالك بحالا غادا ضاربي..
يسرى: سمعني ا امين را مكنتش باغااا نهضر.. قول لصحيييبك يبعد من سمر صافي سطووووب رااا زاد فيه حق الله ( قالتهاا بعصبية ) ..
امين:دباا انا فين ما نبغي ندوي معاك تجبديلي سمر و يوسف واش سوقي فييهم انا يوسف سيمانة ماشفتووو كنصونيلووو تلفونو طااافي.. فدارو مكاااينش عند مو مكااينش .. را مو غتحمااق عليه درييي علم الله واش حي ولا ميييت ونتي كتفكري غي فصاحبتك انا ماعرفت فيين غبر ..
يسرى: تكون داتو جهنم الكحلة.. ماسوقيييش نهاااار يبااان مايورييييش كماارتو لسمر.. الدرية را غتخطب قوليه يفرقها عليه.. ولا انا وياااك غنتخاسروو عارف بلي سمر كتر من ختييي هي لي عندي من بعد والديااا..
امين : ( شاف فيها بانكساار و حنا رااسو دقييقة عاد طلعو و هضر بسخرية ) هي انااا حيييط غا زايد ناقص عندك..
ماخلاش ليها فين تجااوبوو كمل طريقو و خلاها كتعيط ورااه.. و هو كاع مجاوبهاا كملات طريقهاا.. كتلوم لسانهاا لي ديماا جابد ليها المشاكيل.. وصلات لحانوت شراات كنور و البيض و التعبئة و كملات الطريق لدار..
#عند_يوسف..
جالس فواحد الداار كلها دلخشب.. متكي على ضهرو و لكارو فيدو .. مرة مرة ينتر منو.. تلفونو طافيييه.. طبلة حدااه عامرة بقراعي دشراب خاويين و النص فيهم مرمي فلارض.. حط يدو تانية على راسو بالم.. دلييل على الصدااع لي فراسو عاطيه لحريق.. غوبش.. و ناض و هو حاس بدوخة بسيف و هو سيمانة عاطيها لشرااب .. كان بضبط فافران .. بعد.ديك ليلة فصباح هز طوموبيلتو و حد ماعرف فين زاد تيليفونو سادو بلعاني باش حد ما يعرف فيين هو.. دخل لدووش و هو كيتمشاا و يشد فلحييط طايح كااو على الاخر.. وصل لدوش حيد حواايجوو و طلق الرشااشة عليه كان لما باااارد بزااف.. غمض عينييه.. كمل دوش و خرج بفوطة لبس حوايجو.. دخل لكوزينة صايب قهوة كحلة قاصحة شربها بحال لما دقة وحدة.. و رجع جلس فبلاصتو.. لمح تلفونو فوسط ديك الروينة هزو.. و شعلو لقاه غيطرطق بليزابييل.. كان كيتسناا شي ابيل ولا مساج منها ولكن والو.. تنهد.. ودوز نمرة مو يعيطلهاا..
سعاد:( غي شافت نمرة جاوبات و قلبها غيخرج من بلاصتو) يوسف ولدي فييينك.. عييت كنعيط ليك ياك ماواقعة لك شي حاجة..
يوسف: ماواقع والو امي. غي كنت مسافر على وديت شي شغل و تلفوني تخسر دكشي علاش كان طافي..
سعاد: وخليتيني مشوشة عطا الله فين تعيط..
يوسف: نجي و نهضرو..
سعاد: فين سافرتي..
يوسف : افران .. دبا غنشد طريق
سعاد: كنتسناك اولدي...
قطع عليها و تنهد جمع لوقفة هز الكونطاك و عيط لسيد لي كرا ليه الدار.. خلصو و عطاه المفتاح.. و ركب فطوموبيلتو شاد الطريق..
#سفيان..
كان كيدوي ابيل فيديو مع سمر..
سفيان: توحشتك بقات سيمانة وهانا معاك..
سمر: اه..
سفيان:باينة فيك عيانة هاد ليامات معجبتينيش..
سمر: الا والو غير قنطت و صافي..
سفيان: غي صبري اعمري نجي نديك فين بغيتيي
سمر: غير اجي سالم دكشي لي بغيت..
بقات كتهضر معاه هضرة محدودة سؤال جواب.. بالها غي مع يوسف فين غيكون ..
قطعات معاه.. و ناضت جمعات شعرهاا عشوائيا و خرجات من دار متوجهة لعند يسرى فطريق لقات يوسف جالس مع درااري فدرب.. كيفتخ فجوان.. بدا الشيطان يلعب فعقلهاا بغات تسولو.. بقات واقفة مترددة فلخر عيطاتلو..
سمر: امييييين اميين..
امين: ( لمحهاا ناض عندها و خلا داك جوان عند صاحبو )..
سلم عليها بليد و كيتسناهاا تهضر و هي غي كضور فعينيها حشمات تسولو..
امين: غا هضري الكارثة..
سمر: فين يوسف..
امين: ( ضحك تا بانو سنانو ) كتقلبي على موتك.. را غيقتلك و يشرب من دمك..
سمر: اش دانا لهاد لهضرة سولت عليه فلخير..
امين: ( شاف صبعانها ) دغياا بريتي.. هاد المرة غيهرسك من جنابك.. حطي عقلك فراسك.. يوسف الالة سيمانة غابر كنعيطلو مكايجاوبش تقولي غير الارض تفتحات و بلعاتو..
سمر: زعما فين غيكون..
امين: بحال والو يكون رجع لطاليان..
سمر: ( قلبها بقا كيضرب بسرعة و علامات التوتر بانت عليها ).. زعما بصح يكون دارها..
امين: يوسف حمق يديرهاا حيت الى بقاا هناا يا تقتليه ولا يقتلك..
امين: شوفي سمر نتي باقا صغييرة.. و ماعارفااش شنو كديري راك كتلعبي بناار و هادشي غيديك للهاوية.. فلخر غتلقاي راسك بوحدك و غتخسريي بين زوج صحاب كانو كتر من لخوت.. نتي بيييين ناس كلها مابانليك غير سفيان.. ؟ نقولو ضريف زوين تيتييز.. ديك لهضرة.. زعما فلعالم كلو كاين غير هو لي زوين.. و ضريف.. هاكة راك كتلعبي بصحااب.. نتي كتبغيي يوسف بلا ماضحكي على دري و تحطي راسك فشي موقف لي خاايب.. يوسف راا دمووو خايب والله ويلا حلف فيك تا غيقتلك هاد المرة جات غي فصبعانك المرة تانية.. يقدر يذبحك ماعندو مايخسر..
سمر: ( هاد الهضرة كلهاا حطاتها فعقلهاا و كتركز فيهاا. و فاي كلمة قالها.. )
اكيد را كيفاش زعم هرسها يقدر يدير ما كتر و مايحنش فيهاا.. تملكها الخوف من لي جاي.. دغيا قلبات الهضرة..
سمر :بفف سولتك على حاجة.. عرضتي علياا جريدة..
امين: هاد الهضرة كنت بغيت نقولها ليك و ليوم جات الفرصة..حضي راسك.. حيت الى غرقتي مكااين لي غيفكك والله...
سمر: ماباغا نوصل لوالو.. ولكن را توحشتو.. ماشي لخاطري اووووف..
يسرى: را مامعاهش لعب الى بقيتي كدوري بيه.. را غيرجع يهرسك تاني..عندك جوج حلول دباا ترجعيلو و تنساي كلشي.. و تفارقي على سفيان ولا ضربي عليه فمرة و تبقاي مع سفيان.. اما بهاد لفعااايل غتجيبيها فكرك..
سمر : تا لا رجعت ليه طريقنا مسدوود.. راك عارفة نادية حاقدة عليه و زيد عليهاا درب.. شحال دواو فينا دباا يشمو شي هضرة علينا غيوصلوهاا لبااا مهم الطريييق مسدوود..
يسرى: اوا هي لا جمعتي كرررك دبااا
سمر: تفوو نتي كملي عليااا..
يسرى :انا غيير كنحذرك.. نتي تعرفي..
سمر: اوووف على زهر..
يسرى: ( خنزراات فيهاا مزياااان )..
دوزو العشية مع بعضياتهم.. غير فنميمة و الهضرة..و يسرى مرة مرة تشوف تلفونها واش كيصوني..
يسرى: والله تابقا فيه الحال اميين معيطش..
سمر: اوا تانتي مادرتيييي فيهاا مايصلاح صراااحة.. ماعرفت شنو حاسبة على كرك انا بعدا كتجنيني بهاد لفعاايل را غيجيبها لالاك ونتي جلسي على صبع الوسط.. ويلا دايرااه غير للعب بعديي را امين ماشي دلعب..
يسرى: اودي دباا حطييت يدييي فلخراا اش جا مايفكني..
وصل لييل.. خرجات سمر من عندهاا.. كان شوية دلبرد مع هي كانت لابسة بيجامة معرية شوية.. شورط قصير مع الديباردور ديالو .. بقات غادة و كتلمس ف يديهاا فكل مرة كيضرب فيها ريح.. دازت من جهة لقهوة.. و هي تشوفو تسمرات فبلاصتها.. كان متكي على طوموبيلتو.. و الكارو فيدو.. و امين واقف قبالتو.. قلبها بدا يضرب بجهد.. بقات واقفة كتشوف فيه .. عاد نتابه ليها.. غير شافت عينيه فيهاا كملات طريقهاا.. و هو تخطا امين و تبعها دورهاا عندو..
سمر: شنوو ياكما جااي تكمل على صبعانيي لي بقاو..
يوسف: ( مجاوبهااش ).. مجااي نكمل على والو جييت غير نهضر معااك بحالي بحال ناس..
سمر: شنو بيني و بينك باش تهضر معاياا..
يوسف: بيني و بيييينك بزااااف ياكما بغيتي نفكرك ..
سمر: ماتفكرني ما نفكرك اخوياااا تيساااااع تيسااااااع..
يوسف: اشوووفي و سمعي را والله ما غنتفرق مع طاسيلتك شتييي انا راا مساااالي لقبيييي ماعنديييي ماندييير و دباا حطييتك فباالي و لعب غيبداا.. هادشي لي رااني دايرو فيك.. راااا الى لعبت معاااك قسماا بالله تا نكرهك فحياااتك..
سمر: بففف رجعنا لنفس تهدييد قلت صاافي سيد دار عقلو و جا يطلب سماحة
يوسف: نطلب سماااحة.. منيتك حمدي الله جات فصبعانك.. اما كنت ناوي نغبرك على هاد الدنيات..
سمر: ( بقات ساكتة مجاوباتوش)..
يوسف: كتجينيي صغييرة.. و باقي خاصك لعقل..دكشي علاش كل مرة كنحن فيك.. ولكن صافي را صبري تقاداا خاصك تعرفيهاا ماغاديش نقولك رجعييي ولا سمحيليي صافي هاد الهضرة ماغاديش نبقا نعاود لييها.. حاجة وحدة لي غنقولها ليييك لاخر مرة.. سفيااان ضربي عليييه.. يعنييي ساحتي فوتييييهاا.. مابغيييتش نسمع بلي باقا معاه.. ولا رااا والله اسمر مانعقل ليييك ولا نحسبك بنت 17.. اوا خرجي من دار لعيب بلا عييييب..
سمر: سمعني سمعني.. شتي داك سفيااان راااا والله ماغنتفاارق معاااه واخا تحط عليا جنوية فهمتييي .. انا حرة فحيااتي ندير لي عجبني و زايدوون مالك فارع لي كرييي انااا سير قولها لييه هو.. هو لي جاا عندي و هو لي بغاااني ماااشي انا لي جريييت وراااااه.. كتسمع .. ولا خايف منو..
يوسف: (شدهاا من كتفهاا مزير عليها ) را والله داك لسااان تا نقطعو لمك من جدر.. اوة حضيها فين تجيييك و ديري لي عجبك.. دفعهااا تا كانت غطيييح.. كون ما شداات فلحييط.. امين كان حاضي لفيلم من بعييد.. مابغااش يدخل نهائيا..
يوسف: بنت لقحبة باغا تلعب معايااا لبرهوووشة ماعارفاانيش بلييي مرييييض.. قسما بالله ا امين تا نقتلهاااا
نادية: اجي اجييي ضربيني حسن.. دبا بلا ما تنسيني فلموضوع شكون هدااك.. وعلاش كتعفري .. ياك لخاريج كنتيييي كتشوفيه غير فاحلامك ولا كبرليك شاان.. اييييييه دباا عرفت وا قولي ولد سعاد لي دارهاا اسمعينيييييي.. را واخااا يبقااا هووووو فالكرة الارضية.. والله لا دخلتي علييه مزيان دكشي لي بقاا غير نتناسب مع سعاد لي حاسبة كرها الامبراطورة..
سمر: شكتخرفييي وشكتخووري نتييي واقلة حماقينييي شدانا لسعاد ولا نبك..
نادية: اوا مال مك المكلخة كتعفري سيد باغي يخطبك ونتي باركة عليه حقا صغييرة .. نكمل قرايتيييي ونتي يا بنت لحراااام عمرك جبدتي شي كتاااب تحفصي اااا عاطياها للغياااب تا من نجاح عطاوه ليك فابوور..
سمر: وااامي وااااانادية را عندي 17 عاااااام باقا صغييرة..
نادية: سيد باغي غييير يجي يخطبك ماشي غيتزوجك تم تم علاش كتخلقي فالاعذاار كون جاا داك زويمل ديوسف كون طرتي بلفرحة..
نادية: كنقوليك بلي نتي حمارة و مكترضاايش.. بغيييت نامن عليك و نشوفك فرحانة فحياتك.. ها الفرصة جات تالبين يدييك.. بنات دواار كيتسنااو غييير شي واحد يدق بااب دارهم كيف ما دااير .. نتي راجل بوراقو و خدمتو و كتعفري شنو باغا ااا؟ و من هضرتو كيعاملك بحال شي اميرة اشنو باغا كتر.. اسمر..دباا عندك 17 غداا 20 و بعدو 30 را مغتبقاايش صغييرة.. تانا كنت بحالك و شوفي دباا.. را لعب غيتقاداا و غيجي وقت لمعقول و ديك شااعة الفرص غيكونو مشاااو بااح.. تلقاااي غيير رييح.. يبقا يضري فترمتك.. و زايدون را غتكملي قراايتك و تخدمي انشاء الله تماا.. غير قولي شعجبك فهااد المغرب ولا فهاد الدرب.. عرفتي وديريها اسمر غيموتو بسمهم..
سمر: خليني ننعس اماما غدا نهضرو فهادشي..
نادية: فكري مزياااان ..
خرجات من لبيت و نادية فرحانة.. اما سمر فبقات كتفكر فهضرة ماماها لي كلها صحييحة..
سمر : اووف ضرووري خاصني يسرى غدا نهضر معاها..
#سمر..
جالسة حدا بااب دار و كتاكل فزريعة هي و يسرى حاضيين لي هابط و لي طالع و شادين نميمة ف عباد الله هاديك دارت و هاديك فعلات.. و يسرى باغا غير معامن تناتف ..
هضرو تا شبعو بداات شمس كتغييب دخلو لداخل كانت نادية موجدة اتااي و احمد جالس داير نضااضر و كيقراا فواحد الكتااب ..
احمد: ( حط دك لكتاب فوق طبلة و شاف ناحيتهم) ادوك شويطينات.. القراية را جات و العام را الباك.. خاصكم نشدوه بشي نقطة مزيانة باش ديرة بيه شي حاجة لي تنفعكم .. وقت ضحك تسالا راكم بديتو تكبرو .. ولا لا..
نادية خنزرات فيها من لتحت لتحت .. دوك شوفات ديال واش منيتك.. شربو اتاي سمر جمعات طبلة و يسرى عاوناتها غسلات المواعن.. و يسرى بقات جالسى معاها مونساها تا كملات ..
يسرى: غنمشي المغرب را قريب يوذن..
سمر: اوا واخا تالغداا انا نمشي نهضر شوية مع سفيان..
يسرى: وي يكون حسن را نهار كلو مدويتيش معاه..
سمر: ( غسلات يديهاا و جبدات تلفونها صيفطات اوديو كتسول فيه )..
يسرى رجعات لدار و سمر دخلات لبيتها تكات بقات داوية ابيل فيديو مع سفيان عاطينها غير لضحك..
نادية: ( جالسى مع احمد كيهضرو على العائلة شوية جبدات معاه موضوع سمر ).. احمد دبا لا جاو الخطاب فسمر تعطيها!
احمد: بنتي بااقا صغييرة تكمل قرايتها تخدم ديك ساعة لا بغات تزوج مرحباا
نادية:ولكن الفرص را مكيعوضوش ..
احمد: واش بنتك مكتعرف تا تصلق بيضة بغيتيها تزوج!
نادية: شوف احمد ماعندي منخبي عليك درية داويين فيها و سيد عايش فبرا و بخدمتو و رزقو و باقي صغير..
احمد : (خنزر فيها) ياكماا متقلة عليك و بغيتييي تهناي منها!
نادية: حااشة هاديك را كبيدتي .. غير بغيت نتهناا من جهتها و زيد سيد زوييين و ضريف .. و الحاجة لي عجباتني هو عايش على برا تشد لباك تكمل قرايتها تما.. راك عارف هد لبلاد مابقا فيها ميعجب..
احمد:وشكون هدا و انا مفخباريش..
نادية: مشات معايا لسوق و عجباتو و ناويها لحلال ...
بقا ساكت .. كيدورها فبالو مزيان كل واحد باغي الخاريج.. و مستقبل زوين ولكن كيقول مع راسو باقي صغيرة..
احمد: شوفي انا معندي مانقول فهاد القضية الا هي بغات مرحبا.. ولكن تا نسول علييييه مزيااان و نشوفو بعدااا و شنو تحت راسو ديك ساعة نتوكلو عل الله..
نادية : ( ابتسامة رضى ) يكون خيير ..
تنهدات براحة.. حيت بانليها احمد قتانع بلفكرة.. خلاتو و مشات للبيت عند سمر لقاتها دايرة ليكيت و كتصنت.. جلسات حداها..
نادية: باك و قنعتو بقاا غير سيد يجي..
سمر:وباااز امي بااااااز تقولي غيييير متقلة عليك..
نادية: شوفي معندي منخبي علييك.. عرفتي فاش يعرفوك تخطبتي غيموتو بسمهم كلشي كان ضاحك عليك دبل غترجعي كرامتك و تخليهم هما يضحكو على راسهم..
سمر:و عارفة تا نااا را قلت لييييك موااافقة ولكن ماشي من غداا..
نادية:لي يسمعك يقول غدا تزوج را غي خطبة و صافي..
سمر: ( بغات غير تهرب من الموضوع ) واخا واخا..
نادية: يخليليا بنتيييي..
خرجات من بيتها و هي مطمنة و ماقاداها فرحة شكون هادي لي متفرحش لبنتهاا .. بشي واحد خدام و زويين و بوراقو..
سمر بقات داوية مع سفيان و عاودات لو شنو واقع و بلي فدار عارفيين .. ماقاداه فرحة غير قرا دك الاديو دوز لابيل ديريكت..
سفيان: نااااااري متخيلييييييييش شحال فرحااان
سمر: هبييييل هه بشوية عليييك..
سفيان:بزاف والله و اخييرا .. عرفتي شحال و انا كنضرب لبلان خفت ميقبلوش حيت نتي باقا صغيرة.. ( كيدوي معاها بحمااس و فرح فشكل باينة فصوتو ) كنحلف ليك اسمر غنخليك اسعد وحدة تيقيني غتكوني مرتاحة معايا اي حاجة بغيتيها ندييروهاا كنواعدك غنحقق ليك كاع احلامك..
سفيان: تانا فكرت فهدشي بغييت ننهي هادشي و نكون مرتااح فكلشي و نبدا معاك كلشي من جديييد..
سمر: ( ابتاسمات لا اراديا ) هاكة نبغييك..
بقاو داويين تا داها نعاس و هي معاه فلابيل .. و هو بقا كيتصنت لصوتهاا.. تا داه نعاس هو تاني..
#يوسف
متكي فوق الناموسية و الكارو فيدو مرة مرة كينتر منو و الضوو خافت فلبيت ... مرة مرة كيتنهد .. سمع تلفونو كيصوني.. ناض خرج للبالكون و نسمات الهوا كتضرب فوجهو.. جاوب بعد مدة كانت سعاد..
سعاد:فين اولدي مغتجيش تا ليوم..
يوسف: اه تالغدا ندوز عندك..
سعاد: ليهديك..
يوسف: تهلاي ( قطع عليها )..
طفا الكارو و رجع تكا فبلاصتو تا داه نعاس..
صبااح جدييييد .. فاقت يوسف دار روتينه اليومي دوش و لبس و فطر.. ديمارا طوموبيلتو ما وقف تا للقهوة ديال سي عيسى
.. كان امين تماا متكي و راجع راسو لوور و عينيييه منفوخين باين بلي باقي ماناعس.. باين في العيا ..
يوسف: ( جلس مقابل معاه ).. باقي منعستي ..
امين : ( دار يديه مورا راسو كيجبد فيهم و كيفوه ) ويااه راك عارف الخدمة..
صونا تلفونو جاوب فاش لقاها يسرى..
امين: وافيييين احبي توحشيتيني..
يسرى: سيييير تقاااود ليييييل كلو و انا كنتسنا فيييييييييك تلفونك طافي و كنصوني مكتجاوبش..
امين:كان عندب مايدار و تلفون كان طافي .. بلاما تقلقي متخافيش كنت غير مع دراري..
يسرى: فينك دباا..
امين: غا عند با عيسى..
يسرى: اكي انا و سمر غادين لسوق غي بغيت نقولهاليك باش مدابزنيش..
امين: واخا اعمريييي سيري و فاش تكوني جاية دوزي عندي نشوفك.. غير صوني و قطعي..
يسرى:اك بب..
قطع عليها ورجع تلفونو لجيب.. و شرب من قهوتو .. يوسف بقا ساكت لحد ساعة..
يوسف: بغيت ندير شي مشروع لكري لفلوس ماشي مشكيل.. ولكن حرت ماعرفت شنو ندير..
امين:كيفاش زعما هاد المشروع بضبط؟.
يوسف: اي حاجة خدمة الحرام عيييت منها و زيد مادايماش و انا ضارب لحساب لبعيد..
امين: اوا لا عندك العاقة.. شي قهوة فسونطر و هانتاا عايش بيخير و على خير..
يوسف: تانا دكشي لي فكرت فييه.. و بغيييت نتشاركوها انا وياك..
امين: داوي منيتك!! معندييش دك الفلوس كلها لي ندير بيها قهوة..
يوسف: شكون جبد سييرة لفلوس دباا نتا راك ماشي غيير صاحبي راااك خوياا .. منيين فقت على دنياا و انا وياك مجموعين و فلوسك هي فلوسي.. لامتا غتبقا هاكة.. دكشي نتا عارف و انا عارف مخدامش.. و زييد اناا راك عارف مرة هنا و مرة لهيييه فضرووري غيخصني شي واحد لي تقة لي بيقا شاد الخدمة .. و ملقااش بحالك..
امين:ماعرفت منقول والله
يوسف: اوا صافي هي من غدا نمشيو نقلبو على ارض نشريوها..
امين: لهم تشريهاا ولا تبدا من 0 غتقام عليك بزااف..
يوسف: ماشي مشكييل قلت ليك لفلوس ماشي مهم .. لي كيهمني هو المشروع يكون ناجح ..
امين: اوا لي بانلك..
يلاه غينطق يوسف امين جبد تلفونو كان كيصوني عرفها يسرى خرج على برا لقاها واقفو اونفاص مع لقهوة و سمر حداها.. سلم عليهم و هو مخنزر ف يسرى..
يسرى:رجع دكشي لجيبك .. و متعاودش دير معايا هد ستون انا دب غا عشيرتك ماشي مراتك باش تعيطينييي اكيييي..
امين: شدييي براكة من نفيييخ و هاد الهضرة كوليها زيد عليها انا محاسبكش عشيرتي هادي انا دايرك مرااتي..
يسرى: لا مغنشدش و زيد عليهاا عندي ..
اميين:يا ربي تصبرني .. ( مدهم ل سمر ) خودييي نتي و ضبرو لكركم شديييي ناس كتشوف ..
سمر: ( كتشوف فيسرى غا بعينيها زعما واش نشد..)
يسرى: ( جاوبتها بمعنى اه دكشي عندهم غير بنضرات )
شدات من عندو لفلوس و دارتهم فجيبها .. يوسف لقاه تعطل خرج عندو لقاه واقف معاهم ستاغل لفرصة و مشا جهتها قاصد سمر... كانت كتبان كيوت لابسة واحد صاية قصيرة مع تيشورت فلكري .. و شعرها طلقاتو و دايرة ميكااب خفييييف..
يوسف: ( طلعها و نزلها مزيان و هي عايقى بيه مي ماشافتش جهتو نهائيا ).. جيتي خايبة..
سمر: معاياا!
يوسف:اه معاك..
سمر:تا واحد ما سولك.. و زيد عليها عاجبني راسي انا..
يوسف: هادي شحال متشاوفنا ..
سمر : تشوفك جنية..
يوسف: (جرها من دراعها بمهل .. وشاف ف امين زعما غير دقييقة )..
سمر:واطلق الخرا شكدير..
يوسف: بلا ماتبداي بهضرتك تاني غير نسولك و صافي..
سمر: اهااه كنسمع!
يوسف: درتي دكشي لي قلت ليك!؟
سمر:شنو قلتي ..
يوسف:( تنهد و كيحااول يمتالك اعصابو ).. اخر مرة شفتك فيهاا شنو قلت ليك!!.. الا نسيتي نفكرك..
سمر: اه فكرني..
يوسف: تفارقتي معاه!!
سمر: لااا منيتك
يوسف: علايااش كتقلبي بضبط جيني من لخر ..
سمر: شوف ايوسف نجييك نيشان هدشي را طول بزاف لعب المش والفار صافي..
سمر: شوف ايوسف نجييك نيشان هدشي را طول بزاف لعب المش والفار صافي.. تسالا .. اول حاجة خاصك تعرفها انا مكنديرش هدشي باش نفقصك .. فلول مننكرش كنت متعمدة ولكن دبا تيقني والله تا مرتااحة معاه و بغيت نكمل معاه.. ماشي ضد فيييك نتايااا و تاني حاجة.. ماشي تقربت منو حيت صاحبك.. جابتها ضرووف.. كنتمنااا هدشي تفهمو را كنحلف لييك هدشي مكنديروش ضد فييك والله ايوسف تيقني..
كتهضر و تشوف فعينيه كيفاش تبدل لونهم و يدو لي جامعها على شكل قبضة و عروق يديه لي باينة.. كيصبر رااسو ما امكن باش مايديرش شي ردة فعل لي يندم عليها..
يوسف: قلتي لي عندك واخا الالة سمعيني تانتيي..
يلاه غيهضر جاات يسرى جراتها من يدها..
يسرى: مابقااش عندك هضرة معاها..
يوسف: ( كيسرط فريقو بزز و امين عرفو معصب دخل فديك اللحضة )..
يسرى:خليهم يكملو هضرتهم.. ( جرها معاه )..
يسرى: تا خلينيييي دك زامل مكنحملووش تفو عيفة رجال
امين: سكتينااا حسنليك و هداك لي داوية عليه را خوياا..
يسرى: ( لوات شنايفها ) مزينتوو..
يوسف .. مفيكسي عينيه فيهاا محيدهمش .. وهي توترات بقات كتعض فشنايفهاا بقوة توتر..
يوسف: سمعينيي نتي مغتكونيش ليه واخا نعرف نموتكم بزوج والله تا هانية و بيخير.. نتي راك مكتعرفينيش مزياان..
سمر: نقولو بعدت منو و منبعد زعما واش نرجعليك! هادي بلا ماتحلم بيها..
يوسف: تبقاااي بايييرة حيااتك كلها كنقسم ليك مغيقيسك شي قواد من غيري و عقلي على هد الهضرة مزيااان طيريييي و لا تنزليييي انا لي غنكوون فحيااتك و صاافي .. و هاد الهضرة دخليهاا لمخك مزيان..
سمر: ( كحزات لوور و ضحكات بطريقة مستفزة زعما واش منيتك) ناري برب تا ضحكتيني غتقتل صاحبك من امتا ولاو المسلسلات كياثرو فيك..
يوسف: ( جاوبها ببرود ) تيقيني نديرها اسمر ونفوتهاا و نتي عارفا هدشي مزيان و ديجاا شفتي طبعي لخايب..
شافليها فيديها .. و عنقهاا .. كيفكرها بشنو دارليها و كيحذرها بشنو قادر يدير..
يوسف: و باش نزييد نضمنلك بلي مكنكدبش كنحلف ليك بحياة مي اسمر و متفارقي منو بلا مشاكل يا تا نقتلو قداام عينيك و الله مغنرحموو واخاا تبكي دم و نتي عارفاني مكنرحمش.. تاقااي طبعيي الخااايب و ديري لي غيسلكك ميي حسبيها مزياان قبل ما تفوت لحال و متنفعكش ندامة..
سمر: ( هضرتو خوفاتها ديال بصح بقات ساكتة و قلبها كيضرب بجهد و يديهاا ولاو كيرجفو و شفايفها نفس شي ).. متقدر..ش ديرها هو صاحبك اه..
يوسف: مكحن فحد اناا ديجا قلت ليك انا مريض مرة هاك مرة هاك.. فخوديها مني نصيحة ..
سمر : نتا شيطان فصيفة بنادم..
يوسف: غالطة شيطان و عندو ضمير اما انا لا..
خنزرات فيه و بعدات اشارت بعينيعا ليسرى بمعنى يلاه .. امين : رجعي بكري و خلي تلفونك مشعول..
يسرى: اك حبي..
كملو طريقهم خرجو من درب و سمر لون وجها تبدل ولات بحال ليمونة و غير شاردة.. وقفهم طاكسي حداا واحد البوتيك..و نزلو ..
سمر: يسرى قالياا غيقتل سفيان الا مابعدتش.. نتي مشفتييش عينيه كيفاش كاانو .. و كيفاش كيسرط فريقوو .. ماتخيلييش كيفاش كان متأكد خوفنييي خاايفة بزاف.. ( تأفأفات )
يسرى: تيييي واش منيتك يقتل صاحبو واش صحابليك عايشين فيلم هندي تي را غكيترجل عليك قالك يقتلو .. سيبة عندنا حنا ..
سمر: معرفتش معرفتش .. ولكن كون شفتي عينييه كنتي غتخافي والله..
يسرى: اصلا داك خونا ديما مخنزر غا بوحدو الله يستر .. نساااي را مكااين والو والله كيخوفك غير بااش تبعدي منو هدا هدفو من هدشي كامل ...
سمر: بعض المرات كنحسو مرييض ماشي نورماال والله..
يسرى: ويلي تانتي باقا كتسولي ورااه مريض لي بعقلو را ميديرش لي داارو معااك...
سمر: ( تنهدات براحة هضرة يسرى ريحاتها نوعا ما )..
بقاو كيضورو فلبوتيك كيشوفو الكساوي لي تماا يسرى عجبها واحد سروال مقطع ديال دجين خداتو و خدات معااه تريكو كحل بلقب و فيه كتبة فلوسط كيجي فضفاض فلبسة.. و سمر شراات بحالها غير هي شرات سروال فلبيض.. و نفس تيشورت غير فلون مبدل ..و خداو صبادري فلبيض و الكحل كتجي طالعة مع هما قصاار ديما كيشريو لحاجة الطالعة ...خرجو من البوتيك بعدما خلصو دازو على واحد صنااك دوموندااو صندويتشات مع كولا كلاو تا شبعو جمعو الوقفة شدو طاكسي و رجعو لدرب..
يسرى: (هازة الميكة فيدها و باينة فيها العياا ) عرفتي تسخسخت..
سمر: ناري انا كتر غنمشي ندوش و نضربها بواحد النعسة..
..... : ( بصوت خشن ) :متوحشتينييين..
سمر: ( ضارت قافزة و طلقاتها بغوتة ).. سفيااااااان..
سفيان: ( نزلها و عينييه كيبرييو بحالا اول مرة يشوف شي بنت .. خربق ليها شعرهاا ) برب تا توحشتك بزاااااف نتييي قريب توليي مراتي اشمن شوهة الحمقة ....
سمر: ( بتاسمات على هبالو ) تانا توحشتك ...
يسرى: ( سلمات عليه ) اهلا ب سفيان صافاا..
سفيان: حمد الله ونتوماا ..
سمر: فقاااااش جيتي كنتي داير تجي غدا ولا لا؟..
سفيان: صحابلي موحشاني كيما انا موحشك.. والو توحشتك و بغيت نشوفك و جييييت هدشي لي كاين. اصلا يلاه وصلت و دبا غادي عند يوسف راه فلقهوة....
سي يووسف كان حاضي لفيلم من سرجم هو و اميين.. و ضاغط على يديييه كارز عليهم تا تجمعو فيهم دم و كينتر من الكارو تا كيتجمع دخاان ففمو مزيان و يخرجو من فموو..
يوسف: كتلعب معاياا و كتحدااني..
امين: ( بقا ساكت مجاوبوش )..
سرط ريقوو و تفاحة ادم باارزة عندو.. خرج على البراا و رما الكارو عفط عليييه برجليه مزياان.. و تمشاا جيهتهم و امين تابعو خايف لا يدير شي ردة فعل ماشي تالهيه ...
يوسف: ( قرب عندو و عنقوو ) ( ببرود ) وصلتي..
سفيان: وي..
يوسف: بعدا كنتي ترتاح مقدرتيش تسنااا تالغداا و تشوفها..
سفيان: ( كيشووف فسمر بعينييين كلهاا حب ) اه مقدرتش .. والله اصلا هي راحتي ( شد ليها يديها و باسهم بعمق و هو مغمض عينيه)..
يوسف: ( عااض على شنااايفو تا جرحهم ) مزياان..
حيدات يديها من يدوو فاش شافت ملامحو تبدلو .. مابغاتش تشووف دوك الملامح لي كتخوفها حدرات عينيها..
امين كان لاهي مع يسرى داير ليها استجواب فين مشات و شتو شرات .. وراتو شنو خدات ..
سمر:سفيان غيخصني نمشي و نتا سير رتااح شوية منبعد و نهضرو...
سفيان:(باسها فخدها و همس فوذنها ) te amo .. ( كنبغيك ) .
سمر : ( ابتاسمات فوجهو )..
كملو طريقهم و يوسف صافي مابقاش قادر يزيييد يصبر غير كيسرط فريقو .. جبد كاارو يكمييي باش يلاه غيكالمي و امين متبع لو لعين حاضيييه مزيان لايدير شي حاجة ..
امين:يلاه ندخلو لداخل غتكون عيتي..
سفيان: وياه نشرب قهوة و نمشي نرتااح من لبارح منعست ..
امين:يوسف يلاه ..
يوسف: ( دارلو اشارة بيدو زعما غير سير و خليني بوحدي )..
مشا تفكيرو بعييد فاش كان هي وياها واخا متعاشروش بزاف ولكن دوزو اوقات زوينة.. طيحاتو ببرائتها و فنفس الوقت ب شطارتها و بلاناتها لي مكيتقاداوش كيفكر دبا شنو يدير معاها علاياش كتقلب.. مابغاش يآديهاا و يخليها تزييد تكرهو ولكن هو متأكد الا بقات على هاد الحال غتخرجو على طوعو و غيولي واحد اخور و هدشي مابغااش يوصل ليه حييت ماشي غيخسرها غير هي غيخسر تا راسو معاهاا..نتر نترة مطولة معبرة على شحال مودر دبا و ماعارف مايديير...ركب فطوموبيلتو و ديماارا جهة دارهاا .. لقاها يلاه غدخل و هو يعيط ليها سمعات صوتو و قلبها ولا كيضرب غير عادتو الخوف متملكها ماشي منو خايفة لا يدير شي شوهة و هي حدا الدار.. رفعات عينيها لفوق كتشوف واش السراجم محلولين لا طل ماماها و تصدق مقوداها نييت.. كديرلو اشارة بيدو و تهضر بصوت خافت و حاضيا جنابها لا يشوفها شي حد..
سمر :سيييير بحالك واش بغيتييي تشريهاالي ..
يوسف: غطلعي ولا غنزل..
سمر: يوسف ماشي هناا سير عفااك..
يوسف: ( زاد فنبرة صوتو ) غطلعيييييي ولا غنزل !!..
عرفاتو مهاهش المفاهمة مشات عندو كتسلت و كتشوف لفوق لا يطل شي واحد ركبات القدام و هو ديمارا تا قفزات من بلاصتها خرجو من درب.. و هي شابكة يديهاا كتلعب فصبعانها بتوتر كتسنا فيه يهضر.. و هو بقا ساكت عينيه على طريق مكونسونطري مع طريق.. مكيشوفش جهتها نهائيا و تا هي مدواتش ...
بلاصا طوموبيل فواحد الخلا تما غير لحجر و صوت طيور مسموع .... نزل و فتح ليها لباب بمعنى نزلي .. نزلات و هي مرجعة شعرها لوور.. و كتعض فشفايفها بتوتر و هو متبع ليها لعيين حاضي كل تفاصيلهاا..تكا على طوموبيل و شعل كاارو نتر منوو و ساط دخان و هي واقفة حداه ..
يوسف: ( بقا شحال ساكت عاد دوا بصوت هادئ و هو كيشوف بعيد ) شنو بغيتي ندير!
سمر: كيفاش شنو باغي دير مفهمتكش!..
يوسف: هددتك .. ضربتك.. سممتك بهضرتي تا حاجة منفعات معاك شنو بغيتي !! شنوو ؟؟
سمر: را هدشي لي بغيتك تفهمو صافي انا مابقييت باغا منك والو فهمها ايووسف فهمها..
يوسف: ( تقابل معاهااا ) ونتي علاش مكتحاوليش تفهمينييي.. علاش مابغيتيش تفهمي بلي كنبغييك.. شي حاجة بزاف برب تا مابقيتش قااادر نصبر.. كتحرقينيييي بهدشي لي كديرييييي كتموتييي فيا بشوية..
سمر: عرفتي تا باش نديير هاد المجهود لي نعدبك و ننتاقم منك مكتستاهلووش.. انا بغيت نبداا حيااتي من جدييد ..
يوسف: و حياتي انا!!
سمر: ما سوقييش.. ياك انا برهووشة و ماشي ديال هدشي ياك انا باقا صغيرة .. شنو لي تبدل معاك..
يوسف: تبدل بزااااف ..
سمر: متسناش مني نرجع نتييق فيييك متسنااش مني نرجع نعطييك قلبي .. عرفتي شحال بكيييت و شحال تعدبت و شحال ضلمت راسي .. متخيلش دكشي لي دزت منو ونتا شنو خسرتي علياا.. سمر مراهقة و غدوز .. ( رجعات شعرها لووور ... و عينيعا دمعو فاش تفكرات دكشي لي دازت منو .. ) عرفتي شحال أنبت راسي .. كنقول كون غير كنت كبيرة كان غيكون معاياا كون كنت بحال هاديك... شحال سهرت و انا كنرجع نتصنت لي زوديو ديالك تا كنعس و المخدة فازكة بدموعيي .. شحاال سمعت الهضرة لي حطماتني شحال بقييت بوحدي تا حاجة مكتحلا فعينييي .. خسرت سمعتي .. وسخت راسي بسباابك و عرفتي من هدشي كلووو.. مننكرش بلييي باقي منسيييييت بااقيي بااقي .. ( طاحو
دموعها بلا هواها ) .. ولكن جا سفياان.. قدر ولو غير شوية ينسيني .. بهبالو و ضحكو و اهتماامو.. واخا ماشي بزاف باش عرفو ولكن قدر دغياا يبدل حياتي و يكسر الروتيين لي كنت فيه ..
يوسف: ( كان كيتصنت ليها بامعان و حاضيها كيفاش كتهضر ) هدشي كلو هازاه فقلبك..
نزلات فراس درب غادة و حاضية لا يكون شافها شي حد فاش نزلات دازت على يسرى عطاتها اخر الاخباار و مشات لدار كتجري حيت تعطلات لقات نادية واجدة عند البااب...
نادية: هلا و غلا كون غير زدتي تعطلتي..
نادية: كنت عند يسرى امي ماتبدااش تاني..
نادية: را انا لي وااالداك و عارفة طينتك.. ( شمات فيها ريحة الكارو ).. شهدشي ( غوتات فوجهها ) ياكمااااا سمررررررر هضريييييي شهاد ريحة!!
بقات كدور فعينيهاا و قلبها كيضرب بجهد .. تا لكدوب تسلاو ليهاا..
سمر: والله اماما ما انا كنحلف ليييك ..
نادية: و منيييييين جاتك الريحة يا ربي تصبرني يااا ربي يااا ربي
سمر: كنت واقفة مع امين و هو كان كيكمي ولصقات فيا الريحة والله..
نادية: واش بغيتيييي تخرجيلي على هااد العقل لي باقيلي وااااااااش يلاه ناس نساو شوهتك مع سيهم يوسف و دباااا بغيتي يعاودو يحلو زكهم ..
سمر : غا سولني و صافي..
نادية: اه وصلك خباار صاحبو ..
يا بنت لحرااام بغيتي تزيدي تشوهي يا ربي تصبرني.. قودي دوشي را ريحتك عطااات ..
دخلات لبيتهاا و ترمات فوق الناموسية كتنهد بقات على ديك الوضعية تا جمعات الوقفة حيدات حوايجها و دخلات لدووش .. طلقات عليها الما و بقات كتفكر جاها غير هو فبالها بقات كتغني .. ديسك ديال شابة ملاك شداني ليه نقرب تا دخلات عندها نادية..
نادية: الماااااا را كنخلصوووووه كملي و ديك ساعة غنيييييي الشيخة ..
سمر: و صافي سدي البااب نشف حالتي و غنخرج
نادية: سربي را العشا واجد .. و باك باغي يتعشاا باش ينعس..
سدات لبااب وراها و هي لبسات بينوار ديال دوش .. نشفات شعرها .. و جمعاتو كعكة لبسات بيجامة ( كسوة بلا كماام ).. تخشات حدا باهاا كتعنق و تبووس ف راسو .. توحشات تجلس معاه ..
احمد: نتي لي عندي.. دغيا كبرتي .. بغييت نشوفك ديما الفووق واخا شنو يوقع كتبقاي بنتي و قطعة مني عمري مانفوتك.. عمرك تنسااي هاد الهضرة..
سمر: ( عينيهاا تغرغرو و حسات بغصة فحلقهاا ما حسات غير بدموعهاا كينزلو )
زادت تخشات فيه و معنقاه و هو كيطبطب عليهاا و ماعارفهاش كتبكي.. حسات براسها رخيصة و مكتسواش و طيحات راسو لرض فاش يسمع ديك الهضرة عليهاا و هو حاطها فمقاام كبير هي عينيه و ديما شايف راسو بيها..
ناضت لدوش غسلات وجهها و تنفسات بعمق باش ماتوليش تبكي تاني.. خرجات جلسات على الكرسي كيتعشااو كيسولوهاا على لقراية و فقاش تمشي تسجل حيت بداو تسجيل.. و هي كتهرب.. و نادية كتقصد تجبد معاها الهضرة ديال زواج حدت احمد باش تزيد تقنعو بلفكرة ..
احمد:دبا هاد نص كيلو تولي عروسة .. (قهقه بصوت عالي )..
نادية: قراناتها را والدين..
احمد: بنتي راها فدار باهاا ماخاصها تا خير و باقا صغيرة.. ياك اسمورتي..
ضحكات بشرود.. فاش فكراتو هو لي كيقوليها سمورتي .. تنهدات و كملات ماكلتها فصمت
جمعات الطبلة و غسلات المواعن و رجعات لبيتها تكاات و شدات الهضرة مع سفيان ابيل ..
سفيان : وجديلي راسك فهاد سمانة غنجي نخطبك..
سمر:داوي بصح!!
سفيان : وي انا اصلا رجعت غير على ود هدشي.. صافي بغيتك حلالي ومكرهتش من غدا نتزوجوو و نحل عينياا عليك ديما ولكن تا تشدي لباك ديك ساعة نديير لحبي احسن عراسية كلشي يبقا داوي عليها..
سمر:خلينا هناياا بلاش من الخاريج..
سفيان: خدمتي تماا منقدرش نبعد و زيد عليها نتي على مستقبلك.. تشدي شي خدمة زوينة راك عارفة هاد البلاد مافيها والو..ولكن الا مابغيتيش.. نبقا مع حبي ينعل بوو شي خاريج.. مهم تكوني معاياا ليجعلني تا نكون فجهنم ..
سمر : حمممممق نتاااا.. واش عمرك مغتآديني؟
سفيان: عمرييي مغنآديك ولا نطيح دمعة من عينيك تيقيني غندير لي فجهدي باش نخليك فرحانة و مرتااحة و عمري مغنقلقك غنعيشو عيشة بيييييس..كنتخايلها من دباا..
سمر :كيفاش زعما بيييس شرحلي..
سفيان: اوكيي.. انا عارفاك باقا صغييرة و باغا تجربي شلا حواايج تلبسي تمااكي.. تسافري تجربي حوايج جدااد .. انا مغنحرمك من والو بلعكس .. غنحقق ليك كلشي و نكون معاك خوك صاحبك عشيرك .. راجلك يعني ماديريش فبالك غنزيرك ولا نحرمك من شي حاجة تيقيني ..
سمر : ( فرحاتها هضرتو و رسمات فبالها شلا حواايج مزياانيين بتاسمات تا بانو غمازاتها ) نتا شخص المناسب.. كنت عارفاهاا.. خليك هاكة ديما قلبك نقي و ضريف..
طفات الكونيكسيون تا هي.. بقات كتفكر و كترمش بسرعة متخيلة ديك الحياة لي قاليها سفيان.. تسافر .. تخدم و دير طوموبيل و تمشي لي زوطيل لي كلاص.. شي حاجة لي زوينة.. بقات كتخاايل ديك الحياة تا داتها عينها...
كان فبيتو كيهز فرجليه بقوة الاعصاب .. جمع يدو على شكل بونية و ضربها من لحييط بكل جهدو.. يدو بقات كيتسييل بدم.. و هو محاااسش بيها نهاائيا ..دمو كيغلي.... سمعو فاش كان كيدوي فتلفون سمع كاع هضرتهم..
يوسف :ياااااك ابنت لقحبة اناااا كنقوليك بعديييييييييي ونتي غير مكتزيدي فييييه ..
خرج من دار ساخط كانت 2 ديال ليييل محملش ديك الداار و هو فيييه.. فلحضة قال مع راسو نمشي و نقولو كلشي ولكن كرامتو متسمحلووش.. ركب فطوموبيلتو مهبط زاج مخلي البرد يضرب فوجهو و هو مرجع راسو لوور حاط يدو على جبهتو و يد فيها الكارو بقا كيكمي واحد مور واحد تا بدا كيكح.. بقا فطوموبيل تا صبح لحال و تكالماا طلع لبيتو غسل يدو لي كانت مجروحة و دم فيها تكبد .. دار فاصمة حيد.حوايجو بقا غير بشورط و تخشا فبلاصتو تا نعس....
💛صبااح جدييد💛
فاقت سمر كلها نشاط .. دارت روتينها اليوميي صايبات شعرها و لبسات كسوة فبلوسيات حد الفخاض كتجي فضفاضة من لفوق .. و ضفرات شعرها من لقدام خلاتو مطلوق من لور .. مدارتش الميكاب حدها دارت عكر فلغوز .. جاات كيووووت.. فطرات و خرجات عند يسرى فيقاتها من نعاس..
ناضت يسرى مخسرة دوشات بزربة و لبسات سروال طاي هوت مع تيشورت فلبيض و صبادري فلبيض جمعات شعرها كوتشوفال و تا هي مدارتش الميكاب .. خرجو من داار شدو طاكسي لواحد القهوة معروفة دناس لهااي نزلهم غاديين كيتسيلفاو و يلوحو فسطوريات و حاضيين لي كوبل شادين نميمة طلبو كخييب مع عصير دليمون .. صونالها سفيان و دارو يتلاقاو يجي عندها.. ناض تا هو دوش على راحتو و قاد حالتو جا متيييتز غير عادتو اما يوسف ف كان فايق و كيشرب فقهوتو ..شافو غادي خارج..
يوسف: مغتفطرش..
سفيان: غنمشي نشوف سمر..
يوسف:تانا كنت خارج نوصلك فطريقي..
سفيان:يكون حسن..
خرجو من دار و يوسف مغوبش.. ديمارا طوموبيل سفيان وراه العنوان وصلو تما سفيان نزل و هو فرحان .. يوسف بقا كيشوف تا دخل شافو كيفاش سلم عليها بلا بيز و هي ضاحكة و ناشطة كانت كتبان بحال شي اميرة نار الغييرة شعلات فيه كاع العنيين كانت عليها جات بحال شي امييرة...
يوسف: ( شعل الكارو و البريكة حداه و هو متبع ليهم العيين )..
غيير ضحكي اسمورتي و شبعي ضحك.. غتولي تبكييي تا مايبقاوش عندك دموع لي تبكيهم... ( قال هاد الهضرة و كسيرا بجهد )...
الاميرة ديالناا واخدة راحتها على الاخر كتسيلفا و تضحك باعلى صوتها و سفيان كيشوف فيها دوك نضرات ديال العاشق الولهان .. كيحس بفرحة فشكل .. اول مرة يحس بلي مرتاح فحيااتو واخا كاع داك الضغط لي عايشو لا من ناحية واليدييه لي علاقتو بيهم ماشي تالهييه خصووصا باه ولا من الخدمة لي كيفكر كيفاش يبعد منهاا لحد سااعة سمر ماعارفاش و ماباغيهاش تعرف خايف يخسرها .. قرر يبعد و يبدا كلشي من جدييد معاهاا..
شدليها فيديها و باسهم و يسرى حاضياهم و قلبها غيطيير بلفرحة جااو كيووووت..
سمر: ( تزنكاات .. ) سفياان نااس كيشوفو..
سفيان: ويشوفو نتي مرتيي و تا واحد ماسوقو فياا..
سمر:غيضحكو عليك..
سفيان: و يضحكو .. تا حد مكيهمني من غيرك .. ( و رجع باس ليها يديهاا و دار جهة داك الحشد من الناس و قال بصوت مرتاافع .. ) كنبغيييييييييهااااا
سمر: ( حطات يديييها على فمو ) سكتنا ويلييييي شوهتينا..
لالة يسرى كتشوف فيهم و مرة مرة تصورهم غير بلفن و تضحك تاهي معاهم.. تا حسات ب امين داخل .. داير يد فجيبو و يد كينتر بسيجار و المشية لي جاي بيها تعرف بلييي ناوي على خزيييت .. و الكاسكيط لي دااير مخبي نص وجهو..
يسرى:سمر سمر مشيت فيهاا ..
سمر: شكااين..
يسرى: ( كتشير ليهاا بيديها جهتو.. بخوف ) امييييين
سمر:قودتيها.. شنو درتي القحبة ..
يلاه غتجاوبها تا حسات بيديه فوق درااعها مزير عليهاا تا غرس ضفارو فلحمها تاوهات بصوت مسموع و سفيان مافهم والو..
سفيان : امييين !!
امين: ( مجاوبوش .. مخنزر غير فيسرى.. مطلعها عندوو و بقا جارهااا )..
سفيان جمع الوقفة ناوي يتبعو تا حبساتو سمر بيديها..
سمر:غير خليهم..
سفيان: ولكن شفتي طريقة لي شاف فيها..
سمر : را مصاحبين غيكونو مقلقين من بعضياتهم دبا يتصالحو..
سفيان: عل عمووم ماشي هاديك هي طريقة لي يتصرف بيها مع درية..
سمر تنهداات و قالت مع راسها كون تشووف صاحبك المصون كيفاش عاملني.. و قلباتهاا ضحك ..
#امين
خرجو من القهوة و هو جارها موراه بحال شي معزة حاسة بدراعها غيتقسم على زوج.. دفعها جات قدامو رفعات وجها فيه بعصبية ..
يسرى: ماااالك مالك تسطيتييييي ولا شنو زملتي واقلة..
امين: ( رفع يدو تااا لسما و نزل عليهاا بواحد مولاتي تصرفيقة تا حسات بدوخة و حنكهاا طااااير) ابنت لقحبة خارجة بلا متقوليهااااا و مع زوااااامل جالسى مريحة فلقهوة واخدة رااحتك باغاااا تقهواااااي و دوري فلقهاوي لكلاص و الحطة .. غا هضري القحبة هضريييييي و صاااااااافي دميييييييي و جوفي نعطيه ليييييييييك ولكن ترديني شماتة منعقلش عليك ايسرى..
يسرى: ( مجاوباتوش الغصة واقفة فحلقهاا كتسرط فريقها بصعوبة و كتنهج و كتشوف فيه بكره و تحدي) عقل مزيااان عليهااااا عقل ..
امين: تستاااهلي ( رما الكارو و هو ساخط ) ..
و زاد بحالو خلاها بلاكة و غتااكل جنابها بلفقصة و حنكها كوزوز.. بقات كتعااايرو بصوت مسموع هو ركب فطاكسي و رجع لدرب حيت كون بقا معاها غيخلطها فبدل ساعة بخرا ..
سفيان : مهم سمر ليوم غنمشي نشوف الدار و نهضر معاهم فهاد الموضوع .. و من غدا نجييو انا و ياهم ..
سمر : (تبدلو ملامحها فجأة ) غداا .. كيفاش ما موجدة والو وكيندير نقنع دار اه و اجي ماع ماعاودتلي على داركم..
سفيان : مهم انا الولد لكبير فداار.. و عندي ختي صغيرة 10 سنيين فعمرها سميتها نرجس ... مي سميتها نورا .. و با محمد كان خدام جدارمي و دبا تقااعد كان مخلص لخدمتو.. حمد الله ربانا و كبرنا و عمري عقلت على راسي بلي كنت محتااج.. ( بقا سااكت و شارد
مشا تفكيرو بعيد) ..
سمر:كنسمعك .. غير كمل..
سفيان : تالنهار لي لعب علياا عقلي و صحاابي .. زيد نحرقو زيد زيد.. تا درتها من ديما كان عندي داك الهوس نمشي لوروب و مشيت دبرت الفلوس .. و حرقت و فدار ماعارفين والو سيمانة غابر عليهم على بالهم مت .. الواليد مرض و الواليدة شحال بكات.. تا صونيت و خبرتهم بلي كاين الواليد تبرا منيي... تا درت مستقبل لراسي جييت بقيت كنتواصل مع مي و صافي .. ( مابغاش يقوليهاا على خدمتو و بلي هي لي زادت عقدات الامور بينو و بين باه.. بحكم باه رجل قانون و ولدو طلع بزناز متقبلهااش ) صاافيي نسااي .. ( شدليها فيديها بكل حب ) نتي ماغاديري واالو اصلا غنجييو غير نهضرو و نطلبوك اما الخطبة فبعد سيمانة تا نوجدو كلشي انا وياك على راحتنا ..
سمر: علاش مزروب..
سفيان: سمر ديجاا فهمتك شنو كااين.. هاد الحالة معاجبانيش.. تا واحد ماعارفنا مجموعين و ديما الخوف انا بغييت فاش نتمشاا معاك راسي لفوق .. ماباغيش نبقا ندور بيك من لقنت لقنت و لي يسوا و لي ميسواش يحل فيك فمو .. و انا واعدتك و عند هضرتي تا حاااجة مغتبدل .. غنبقا سفيان الحمق لي عرفتييه.. هاد الخطبة غتكون غير باش عائلاتنا يعرفو و جيران.. و العرس تا تشدي لبااك.. كلشي بخاطرك.. ( كيحاول ما امكن يقنعهاا )..
سمر: واخا اسفيان لي بانليك..
سفيان: ( باس ليهاا راسها ) يخليك لياااا.. ( بفرح ) مهم نتي اليوم هضري معا ماماك و انا نهضر معاهم و جاوبيني ..
سمر: (بابتسامة ) يكون خير انشاء الله.....
يسرى بعد ما خدات ديك تصرفيقة شدات طاكسي لدار دخلات ديركت لبيتهاا عيطات و عيطات مكيجاوبهااش تا دارتلييه طياارة عاد جاوب..
يسرى: ( بقات ساكتة كانت جامعة شلا سبان فاش سمعات نبرة صوتو لي كلها تهديييد تكمشاات بقات ساكتة .. ولكن لي فيييه لفارة را مكيحشمش ).. بغيت غير نقوليييك لي يضرب بنت راه زامل .. ( قطعات عليه و هي كتضحك حسات براسها دارت انجاز عضيييم.. )..
هو كان فلقهوة .. شرب قهوتو و هو كيضحك على هبالها ... جا يوسف طبطب على ضهرو و جلس حداه..
يوسف: (بصووت مرتاافع ) باا عيسى قهوة كحلة بلا سكاار..
امين: ابزاف اصاحبي والله تا بزاف را كتمرض رااسك ديما الكارو بغيييت غا نشوفك شي نهار بلا بيييه
يوسف: ولفنا صافي قلب الموضوع براكة غير مييي فارعالي كري..
امين: اوا الله يعفو عليييك..
يوسف: الجميييع
#سمر
خرجو من القهوة بعد ما خلص شبك يدو فيدهاا شدو طاكسي راجعين لدرب دخلو بزوج .. كلشي كان حاضيهم .. كان درب عامر دريات درااري .. الشماكرية.. قلبها بدا كيضرب خافت لا يبدااو يهضرو فييها تاني.. يوسف و امين يلاه كانو خارجين من القهوة و ما تجيي عينيهم غير فيهم.. يوسف بقاا كيشوف فيها هي بذات و كيفاش شابكة يديها فيدوو.. تبسم ليها بزز و هي قلبها غير مزادت دقاتو.. دغياا جمعات يديها عندها بخوف.. قرب جهتهم..
يوسف: العريس جيتي...
سفيان: اه وصلتهاا و دبا غنمشي نشوووف والديا..
يوسف: مزيان..
سمر: احم .. سفيان نخليك دباا ..
سفيان : تهلاي فراسك غنتوحشك..
يوسف مدار تا ردة فعل مبرد.. عل الاخر ... هي مشاات كتزرب فخطاويهاا خايفة لا يتبعهاا .. و كتفكر فاش هرس ليها صبعانها.. مابغاتش تنسا ليهاا.. ماتهنات تا دخلات لدار.. تنهدات برااحة و مشات ديريكت لبيتها ..
بدلات حوايجها .. و نادية كتعيط عليها باش تشرب اتااي .. مجاوبتهاش .. ساهية كتفكر فيوسف فاش يعرف شنو غتكون ردة فعلو واش فعلا يقدر يآديها و يآدي سفيان.. جمعات شعرهاا كعكة و هي كتأفأف .. عيطات ل يسرى..
سمر: بلا ما تسبي.. را جيت لدرا و انا قريب نطلقها فسروالي دكشي علاش مدزتش عندك..
يسرى:شواقع ياكما دك زامل تاني تبعك..
سمر:لا ولكن عرفتي كيفاش شاف فيا بزاف.. خوفني ايسرى .. و زيد عليهاا سفيان ليوم غيهضر مع واليدييه والله ما مرتاحة ايسرى خايفة بزااف خايفة..
يسرى:مناش خايفة غير متقوليش ليا منو!..
يسرى:خايفة من كلشي منو و من لي جااي خايفة لا نندم.. باقا كنبغييييه ايسرى واخاااا ماخلا مادار فيا بلا معيوور عفاك محتاجة لمن نعااود... بزاف..
يسرى:غنجي عندك دباا احبييييي دقييقة و انا معاك..
سمر: يكون حسن...
خرجات من بيتها جلسات حدا نادية و براد دتاي كتكب فلكيسان..
سمر: غتجي يسرى دبا..
نادية: ( جبدات 100 درهم من بزولتها المخبئ السري 🤣 ) هاكي خلاها ليك بااك تمشي تسجلي بيها نااااس را بداو تسجيل و نتي بقااي حاضية دك المشقوف..
سمر: مي سفيان غدا ناوي يجيي هو و عائلتو..
نادية :حلفيييي
سمر: معاك بصح
نادية: و اخيييييراا و القحبة علاش ماعلمتينيش غدا غيخصني نفيق بكري بااش نوجد..
سمر: اش غتوجدي را غيجييو يهضرو و صاافي
نادية: وامهم نتي ماسوقكش فهدشي .. خصني نقولهاا ل احمد ..
سمر: ( تنهدات .. تا الشهية مشات ليهاا ) مهم انا غنمشي لبيتي..
نادية:وجلسي تشربي اتااي..
سمر: الكاااااانة واااالو
نادية: اجيييي كولينييي حسن تفو..
رجعات لبيتها و تكات على الناموسية .. سمعات تقرقيب عرفات بلي يسرى لي جات سلمات على نادية و دخلات عندها جلسات حداها..
يسرى : اوا طلقيناا ..
سمر: مامرتاحااااش نهاائياا .. فاش كنبقا نفكر مع راسي كنقول غير كنخور..
يسرى: شتي انا لي غنقوليك الا خسرتي سفيان غير سيري جلسي على القرعة عمرك غطفريييييه.. عمرك غتلقاي واحد بحالو نتي ماشتيهش كيفاش كيشوف فيييك ..
سمر: هدشي كلووو عارفااااه ولكن مافيديييش ماقدرتش ننسااه كنبغييييه ايسرى و عمرو ما خرج من بالي واخا كنحاااول نتناساا و نقول صافي نسيت .. واخا كنضحك و نبين بلي صافي ولكن قلبي كيبكي عليه .. توحشتو بزاااف .. كنبغيييه واخا ماخلا ما دار فياا ..
يسرى: والله تا فاهماك ولكن مكيستاهلكش.. ماتنساايش بلي سمح فيك.. و خطب و كان غيتزوج و يعيش حياتو..
سمر: غير كنخوي قلبي اما را عارفة بلي عمري مغنرجعلو .. ماغاديش نضعااف تاني.. ولكن هاد الخطبة مامرتاحااش ليها كيفاش غنكون معاه و انا قلبي مع صاحبو را شي حاجة صعييبة والله
يسرى : غتنسااي مع الوقت متعمريش راسك بيه..
سمر بقات ساكتة مجاوبتهاش حيت فغي فهاد الحالة تواحد مغيفهمك .. تا واحد مغيحس بييك نتي بوحدك لي كتحسي بدكشي .. تا واحد مغيقدر يعاونك ولا يخفف عليك.. نساي ولا تناسااي .. شي حاجة ساهلة بلفم ولكن تطبيق را صعييب ولا نقولو مستحييل.. كان اول حب بنسبة ليهاا.. اول واحد تجرب معاه دك الاحسااس .. مرات كتقول صافي تشجعي و نساي لي فات و كوني معاه من جدييد و لكن الماضي ديما واقف فطريقهاا .. شنو دار ليها مستحيل تنساا كيفاش خلاها و بكاهاا كيفاش خسرات سمعتها و المشااكل لي دازو عليهاا..
يسرى:هييييهو فين ساهية .. كتفكري فيه يااك..
سمر:صافي بدلي هاد الموضوع..
يسرى :شنو غتلبسي غدا..
سمر: ماعرفتش .. شي كسوة و صافي..
يسرى: خاصك تباني زوييينة .
سمر: اوا تلغداا و يبان .. تانتي غتجيييي ياك
يسرى : اكيد احبييي..
#يوسف..
كان جالس فالقهوة متكي و مرجع راسو لور مرة مرة كينتر من الكارو و يشرب من قهوتو بشوية و شوفاتو حاديين ..
و امين و سفيان جالسين قبالتو..
سفيان: ( ناض و قف ) غنمشي تابعيني شلا حوايج..
يوسف: شنو هما هاد الحوايج..
سفيان:غنمشي نهضر مع الدار على ود الخطبة .. خاصني نقنعهم باش غدا يجييو معاياا..
يوسف: ( تزير و حس بدمو كيخلي فلحضة حس براسو سخووون .. و عروق يدوو بانت مي.. وجهو ماباين فيه والو مبرد .. عكس النار لي حاس بيها فداخل ديالو ) اه ناوي تخطب..
سفيان:تخاافش غتمشي معاياا..
يوسف: اوا يكووون خييير ( كرز عليهاا )..
دارليهم اشارة بيدو و خرج.. يوسف بقا ساكت و تا امين حاضيه ..
خرج من القهوة صاااعر ركب فطوموبيلتو .. ديمارا بجهد سعاد كتصونيلو مكيجاوبهااش وصل لدارو فرانا بجهد .. دخل لداار و هو حااط يديييه على راسو بقلة حيلة جلس و هو كيهزز فرجليييه بقوة الاعصاب .. حيد الكارو من فمو و طفااه فيدوو تا رجعات عينيييه حمرة بحال شي وحش .. محسش بيه نهائيا..جبد قرعة دشراب كانت فوق الكوافوزة شربها دقة وحدة .. نزل عليهاا بدون توقف تا كملها و ضربها مع الحيط تا تشتت الزاج حدااااه...
#سفيان ..
شد طاكسي ل دار بااه حيت جاو خارجين على المدينة بعاد شوية .. نزل و هو خايف من ردة الفعل ديالهم... دق فلبااب .. فتحاتلو نرجس .. و هي تغوت و كتنقز بلفرحة ..
نرجس : خوووووووياااااا
هو هزهاا بفرحة و كيبوسها فخدودها تا جات نورا كتجري و عينيها مغرغرين بشوفة ولدها هادي شحاى مشافتو جرات عندو عنقاتو كتبوس و تعنق فيه كتبوس فكاع وجهو بوحش كبير و كتشهق و هو كيحس بدموعهاا سخات على وجهو..
نورا : هييييئ ولدييييي اهييييئ هى هى..
سفيان : (كيبوس ليها راسها) هانا رجعت امييي..
دخلو لدار و هما معانقين لقا باه جالس شاد تلكوموند..
سفيان خانووه دموعو بقا كيبكي فحضنو شي حاجة قاصحة تفقد حناان الاب لسنيين.. واخاا كاينة ماماك لي كيقولو هي لكل فلكل و لكن كيبقا الاب الدرع لحامي لولادو الحناان و الخوف ديالو عمرهم يتعوضو.. خصووصا محمد كان متعلق بولدو.. نهار تزااد دار لييه سبوع اسطوري بقوة الفرحة.. لي حس بيهاا فداك الوقت.. اول واحد شافو كيتمشا و اول كلمة نطقها كانت بابا.. هو علمو يمشي .. هو علمو يلعب .. علمو كيفاش يدافع على راسو علمو العداالة رباه احسن التربية...
سفيان: ( بعد و كيمسح دموعو بزربة ).. با هضر قول شي كلمة ..
محمد: ( بقا ساكت و كيحاول ماينزلش دموعو و كيحاول يحافظ على صرامتو و مايضعافش قدامو ).. مابقات هضرة مابقاش عندي ولد سميتو سفيان.. نتا خيبتي ضني فييك.. الولد الوحيييد لي كنت حاط كل املي فيييه.. الولد الوحيد لي كنت كنتباها بيه قدام ناس ..
سفيان: ( قاطعووو ) بابا انا بديييت من جدييد جييت نبدا حياتي من جدييد بعدت من كلشي..
محمد: بلاش ما تكدب عليا انا باك اسفيان متنسااش
سفيان: والله الواليد تا بعدت و غنبدا من 0 و هدشي علاش جيييت .. ( شاف فمو بمعنى اجي جلسي )..
جلسات حداهم و كيتسناوه يهضر.. بعد مدة كسر الصمت ..
سفيان:غنتزوج..
نورا: كتهضر منيتك.. مكتضحكش ياك..
سفيان: والله انا بغيت واحد البنت و بغييتها حلالي و بغيت نكمل معاها حياتي و نكونو مجموعين .. انا بعدت من ديك الخدمة والله .. صافي غنبني مستقبلي بعيد على دكشي..
نورا: ( كتزغرت و تعاود بقوة الفرحة ).. ماتخيلش اولدي شحال فرحيتيني ..
محمد: ( شد فدراعو و هو حاس بلفرحة من ولدو ) كنت عارف بلي غيجي وقت و غتبعد و تعرف بلي هاد الطريق ما مسلكااش .. هدا ولدي لي كنت مفتاخر بيه..
سفيان : نفهم من هضرتكم بلي قابلين ؟..
نورا:و كتسول .. اكييييد قابلين من ديما كنتسنا نشوف حفادي و مرات ولدي..
محمد:تانا را شرفت و بغيت نشوف حفادي نعلمهم كيفاش يهزو سلاح و نلعب معاهم..
نورا: خنزرات فيه بانلك غا سلاح ستغر الله ..
سفيان: مهم غدا غنمشيييو عندهم نطلبوها و بعد سيمانة غنديرو الخطبة ..
نورا: الا عليا من دبا نمشييو..
نرجس: دب خوياا غيولي عريس..
سفيان: ( دوز يدو على شعرها بحنان) اه اسنفورتي..
نورا : وريني نشوف عروسة ولدي..
سفيان: (جبد تلفونو و وراها تصاورها ) زوينة يااك..
نورا: تباارك الله مشااء الله كتحمق ربي يحجبها لا شعر ولا لوجه كلشي هو هداك.. ولكن اولدي كتباان صغيرة..
سفيان: هي را بصح صغيرة .. باقة بنت 17 عام..
محمد: باقا قاصرة
سفيان:متخاافش الواليد مغنديها تا دير 18 عام.. كنبغيها اميي متخيليش شحال كنبغيهاا..
نورا : دبر راسك معاها مدام باغيها منك ليها حنا ماعلينا غير نخطبوهاليك..و ديك ساعة دبر راسك..
سفيان : (باس ليها راسها) يحفضك لياا..
بقا مجمع معاهم و هما كيسولو فيه شنو دار فالخاريج و نرجس جالسة فحجرو كتلعب فشعرو عجبهاا حيت رطب..
#سمر
كانت فبيتها دايرة ليكييت كتصنع لواحد ديسك ما حسات غير بدموعها دايزيين مع ديك الاغنية ..
🥀🥀🥀🥀🥀
توحشتك انا خليني نشوفك
الدنيا داتني عمري ما نلومك
كية على كية هما قالولك سبابي نتيا
راني فغبينا وعلى غيرك
قلبي مات قوليلي شا بقى ملعشق لي فات
العشق لي فات سبابي نتيا
حكم عليا الزمان
نعيش مغبون و روحي نتا
عمري ما ننسى لي كان مهما يكون
انت عينيا
مين جاو قصدوك
انا هربتلي من ايديا
متبكيش ها الشي محال
طلبوك لحلال و عرسك اليلة
نتمنالك شحال راحت البال بلا بيا
متبكيش ها الشي محال
طلبوك انت لحلال و عرسك اليلة
نتمنالك شحال راحت البال بلا بيا
🥀🥀🥀🥀🥀🥀🥀🥀
.. دبا عرفات شحال صعييب تكون مع شي واحد اخور واخا مكتبغييهش .. غير كنصبرو راسنا بديك الهضرة دبا نولف .. دبا نسااه.. دباا نبدا من 0 .. ديك الهضرة غير كنضحكو بيها على راسنا فاش الخطبة قربات حساات بشعور انها صافي غتقتل راسها.. صافي غتكون مع واحد اخور بشكل رسمي.. صعيب تكون مدابز غير مع راسك.. كتقولي مع راسك غنبعد قبل منحرق راسي.. ولكن فاش كتفكري.. كتلقاي راسك ف كلا الحالتين راكي خاسرة واخا تبعدي راك غادي تصفاي بوحدك.. واخا يمشي سفيان را غيجيي واحد اخور.. و غيتعاود نفس سيناريو.. من جدييد خلاهاا فحاالة متقدرش تكون مع شي واحد من غييرو .. بحالا ساحرهاا.. هدشي معدبهاا فخاطرها .. لي جمعاتو هادي شحال خواتو فالمخدة.. بكاات ديال بصح.. كتعض فالمخدة باش تا حد مايسمع شهقاتها..
نادية حطات العشاا و كتعيط على سمر لي مقدراش تجاوب.. دقات فبااب بيتها..
نادية : ( كدق و تهضر ) سمر نوضي تعشااي..
سمر : ( بصوت باكي ) مابغييتش..
نادية سمعات ديك النبرة ديال صوتهاا.. دخلات شعلات ضو قربات عندها لقاتها مخشية و فلغطا على شكل جنيين و عينيها حمرة كتبكي..تخلعات و جلسات حداها..
نادية: ( كدوز يديها على طول شعرها .. و كتبكي معاها ) الله ابنتي شكون وصلك لهاد الحالة..
سمر: اهييييئ هئ هئ بغييت ننسا هيييئ هئ هى
بقات معنقاها كتبكي معاهاا .. تا واحد مترتاحي فحضنو بحال ماماك .. حطات راسهاا على فخاذها و هي مكمشة رجليها عندها.. و نادية كدوز صباعها على شعرهاا و حناكها كتمسح ليها دموعهاا لي هوادين فصمت..
نادية :فاهماك ابنتي كاع دزنا من هاد المرحلة.. تانا شحال بغييت و شحال نسيت و شحال عاودت بغييت من جدييد.. تا جا باباك.. نتي باقا صغييرة و ماشي هادي هي اخرة الدنيا بلعكس هادي خوديهاا كتجربة لييك.. ميستاهلكش ابنتي والله مايستاهل هاد دمووع .. تيقيني كون يستاهلك اناا نديك ليه.. نتي باقا صغيرة و المستقبل قداامك..جا سيدو و غيعوضك على كلشي .. صعيب الحال دباا ولكن مع الوقت.. غتنسااي .. حيت را بسيف عليك تنسااي.. سفيان كيبغييك و باغي ليك غير لخيير.. عطييه فرصة و فرصة لراسك.. حيت تيقيني الفرص كيمشييو و الدنيا را صغييرة هو دبا تلقاايه مع البنات مقصر و نتي كتبكي بسباابو و هو كاع ما مسوق لييك كون بغااك مكاانش غيطلق من يديييك مكاانش غيخطب شي وحدة من غيرك .. ...
نتي ليا ونديك بالسيف الجزء التاسع
محتوى القصة
التنقل بين الأجزاء