بقاو معانقين تاتنهدات جنة..... وجراتها: زيدي راه توحشت القراية وغانتعطلو مانلقاو ليحلينا الباب
عبير:يالله
اما ذياب ليكان ملاحظ شوفات جنة ليكلهوم إعجاب هاذشي ليباغي .... جنة كتعاونو فالانتقام منها. .... قلب طريق وهو غادي كيكابري محيح غيبوحدو ... وصل لوااحد الديبو مسدود جبد ساروت وحل القفل.. دخل ليه ومشا لجيهة لوخرى حل واحد الباب جاي بحال شكل حانوت. كاين سريجم صغير.....ماكاملاش دقيقة تابداو دراري كيتجمعو عليه
الدري : افين خويا دزت لدار عند لسفلي لقيت الدار مسدودة
جنة كانت داخلة لسبور.....مشات لخزانتها وجبدات كيطمة جاية كولون لاصق والفوقاني قصير بززاف بزز باش مغطي سوتيانات....بانت فورمتها المدبدبة والعاطية العين.....وشعرها جمعاتو كوتشوفال وجبدات كلوز دوزاتو على شفايفها المنفوخين ابتسمات لراسها بإعجااب وخرجات كولشي كيشوفيها معروفة فذاك ليسي واخا لباس عليها كتقرا مع ولاد الشعب ضريفة ونية...كتبان مغرورة ولكن العكس.....وحتى جمالها المشع للعين جابد ليها صداع.........يالله بغات تدخل تابانت ليها شيبنت كتشير ليها
تمشات لجيهتها: نعام
البنت بخوف لايشوفها المدير: روبيو كيتسنااك برا
جنة طلقات تبسيمة من القلب كانت كتسناه فوقاش يجي حيثاش تقااضاليها مسحوق الشيطان او كيف كتسميه مفتاح السعادة (الكوكايين) عطاتها عشرين درهم وخرجات كتجري......نقزات واحد صور قصير حتى كانت غاتجي طايحة.....بانليها وااقف مع صاحبو غاشافها وجا لجيهتها.......وقف كيشوف فيها كتنفض حوايجها من الغبرة باعجاب : زين
جنة رجعات لفيستيير هزات شكارتها وبالها مع عبير جات خارجة وهي تلمح طيليفونها..... محطوط تما هزاتو وابتسمات: لقيت سبة
بعد مرور ساعات.....وصلات الوحدة وآزار مزال ماجا.....كانت لابسة غيبيجامة قصيرة فوق ركابيها فالكري والغوز.....وشعرها دايرالو ضفيرات وكتااكل شكلااط وتفرج فطووم وجيري.....وتضحك تاكيتغمضو عويناتها مع مجيبدين وفذاك لون الكري والازرق....ملامحها جد طفولية ....حتى سمعات صوت الحس شافت حواليها بانليها باها داخل مع صحاابو....تنهدات وضوراات راسها حتى كتسمع صوتو : هييه نتي
شافت فيه كتبلع ريقها: نعام أبابا
تكلم ببرودة : طلعي لفوق وماتنزليش
تشجعاات وبصعوبة باش خرجو الحرووف : مابغيتش
هز حاجبوو وفمو ترسمات عليه ابتسامة سخرية .....وتوجه لعندها....جسمو رشيق مكيبانش فيه الكبر......وشعرو فيه شيباات بويض.....لحيتو كذلك كيشبهليه آزار بززاف......زوين وكيبان يالله فنهاية التلاثينيات.....قرب ليها وهو كيطلعها ويهبطها هبط راسو تاغمضات عينيها بخوف وجرها من شعرهاا هازليها رااسها تاكتحس
. بالجلدة غاطير.. ........غوتات فاش حسااات بيديه على عنقهااا وهو هازها من شعرها مع قصيرة....رجليها بداو كيلعبو فسمااا....طاحو دموعها وهي كتحس بالموت والرجفة طالعة معاها.....بدات كتزرااق وعنقها تطرااساو فيه يديه..... النفس تحقنات فيهااا شافها غاتموت ...رماها تاجات على ظهرها كتبكي حالتها حاالة......ضور راسو مصدوم من راااسو
طول هاذ الوقت ليكان قاجها كان مستمتع فأنينها وألمها.... ماعرفش علااش ولكن كيكرهاا لأقسى درجة....حقدو ليها عاميليه عينيه ماقاددرش يكذب على راسو ويوهم نفسو انها بنتو عمرها كانت بنتو ولا كانت بنت شهرزااد
.......ضار باش يهضر باانتلو طالعة لبيتها وظهرها كيتهز دليل على أنها كتبكي......هز كتافو وضار عند صحابو ليكانو مراقبينو شكيدير...... اما هي فماقدرااتش تحمل..........كلساات فأقرب درجة.......كتبكي ودايرة يديها على وجهها......كتنخصص وتشهق وقاطعة صوتها باش مايسمعووهاش الخدامات ليكيضحكو عليهاا فوقما شافوها كتبكي..... ....بدات كتمسح دموعها......وقفاات وابتسماات مخبية حزنها: دباا يجي ليقدرك أجنة ويبغيك...ويوقف معاك غيتسناااي
ابتسمات بخجل فاش جا فبالها ذياب...مشات لبيتها ودخلات متكية على كرشها وكتلعب برجليها وتفكر لقاءاتهوم القليلة ليكانت كافية تخليها تحفظ ملامحو....ويتكون اعجااب كبير ليه..قفزات فاش حسات بيدين على فخااضها من لور ضورات وجها وبانليها خوها....ابتسماات : خلعتيني
آزار باسليها جبهتها وتكا حداها : مال حبيبتي
تخشاات فيه معنقااه : توحشتك
زير عليها وهو كيستنشق ريحتها :تانا اقطيطتي.....
بعدات عليه تاتقابل وجهو مع وجها : خويا...صاحبتي بغاتني نبات معاها....عبير حيث خوها ماغايكونش (كذبات) وهي مريضة شوية ونسات عندي تيليفونها (جبداتو من المجر وراتوليه)
ابتسمليها......هو اصلن ماباغيهاش تبقى فهاذ داار اليوم حسن جااب صحابو وباينة غايروبلوها : واخا ردي البال لراااسك
خرجاات وهي هازة ساك صغير فيه شيحوايج وبعض المستلزمات...تنهدات حيث غاتبات معاه فدار وحدة.....دخلات لحومة وهي كضور عينيها وتشووف فهااذ الوجوه الجديدة.....والازقة موسخة الحيووط كباار ومقشرين.....والديور قدام....مامولفاش بهااذ الجو الشعبي.....
وصلات قدام الباب ولقاتو مفتوح حلاتو باستغرااب.....دخلاات بخطوات بطيئة ومترددة.....سمعات صوت عبير ليكانت كاالسة فصالون وقدامها خوهاا كيلعب ليها بشعرها........تكات على الحيط مقاابلاهوم......تبسماات فاش تفكراات آزار ومعاملتو الحنينة ليها......
ضارت عبير وشافت فيها : جنة فوقاش جيتي
جنة بتوتر حيث ذياب تاهوا مرااقبها: اا يالله دبا لقيت (كحات) كح كح لقيت الباب محلول ودخلت
غمضاات عينيها بخجل من كلماتو......اول مرة تسمع هااذ النوع دالاغاني وصوتو المبحوووح كيبوورش......شمات ريحتو لي كتحمقها..... Sauvage.......نطق بصوت هاامس: جنة
حلات عينيهااا ولقاتو وصل الباب وهي بااقة ساااهية شافت فعبير ليكتشير ليها من صباااح......: نعاام نعام
ذياب ابتسم ليها بحنية عزيزة عليه هاذ المرى منين ماتت مو كانت صاحبتها هي ليعاوناتو فتربية عبير خصوصا انه باقي صغير وعبير باقة عاد دخلات فالمراهقة
فمكان آخر بالضبط فواحد لآباغطومون رااقية ....فبيت واضح انه درااجل من ديكوراتو ذات الالواان المغموقة.... والملابس المنثورة بغير اكتراث فالارض...... رائحة الغموولية عاطية......والسراجم مسدودين كان وااقف بطلتو المعهوودة والرسمية....... فنص البيت كيشووف فيووسف ليكاالس فالارض وقدامو بززاف دالقراعي دشرااب حالتو حالة عينيه تحتهوم مغموق ... ووجهو باقي مجروح من ضربات ليعطاهومليه آزار.... تكلم جعفر بتقزز من تفاهة الموقف : يوماين وسيد غابر....باش فلخر لقااه كالس مدمر كيالقحبة الحاملة.....
يوسف شاف فيه وكيهضر بصوت مبحوح واضح انه حزين حاس بلي تاحد مكيفهمو: خ خرج عليا اتبي كون بغيتك عارف فين غالقااك
جعفر شاف فيه بٱشمئزاز من حالتو : حالتك حاالة ليشافك يحلف عليك مانتا كوميسير ...فين باغي توصل
يوسف ماشافش فيه حاني راسو لارض.....جعفر قرب ليه وحنا عندو : يوسف عاودلي الشراب ماشي حل
تنهد يوسف وملامحو العسلية ترخاات......ومشاا بيه بالو لواحد ليلة
كاان فرحان انه غايمشي لداار باش يلقى مراتو كيف العادة موجدة ليه ما لذ وطاب من الأكل ولابسة ومقادة ليه........ويلعب مع خوه الكبير شيطرح دالكارطة......ويتجمعو فصالون يتفرجو فشي بيا..... ركب فطوموبيلتو ماوقف تالقدام دارو.....نزل كيدندن حل الباب ودخل وبدا كيسمع اصواات غريبة......حاول يمحي من بالو الافكاار الخايبة كيقرب لبيتو وقلبو كيضرب.....وعقلو غايخرج ماقادرش يتيق شنو كيسمعو وذنيه ولكن خاب أمله فتح الباب وشااف منظر خلااه يتبوورش وشداتو ضوخة......شاف فمرتو والمرة ليختاارها بقلبو.....فوق خووه الكبير لينقذو من التشرد كيصرف عليه ويوكلو ويكسيه....
شد فالباب غايطيح.... وقلبه ماقاادرش يتحمل صدمة قوية خلااتو يبقى واقف كيشي جماد بدون تحرك
انتبهووليه ......
عطاهوم بظهرو وهضر بصوت منكسر : خرجوا عليا من داري
جات مرتو كتجري وتبكي عريانة كلها طبايع فعلاا اكثر منظر مقزز شافو فحياتو . ....شدات ليه فيدو كتبكي : اغتصبني كان شادني بالزز
خوه تغطا بايزار وقربليهوم خرج فيها عينو: هي ليغوااتني هي ليجات عندي عريانة.......
ماقدرش يزيد معاهوم دقيقة خرج كيجري.....ماعارفش فين يمشي..... تاايه وحاس بالدنياا صرفقااتو......مشاا لبحر وبدا كيغوت بحر جهدو تاطاح كيبكي بحر الشمتة ليبقات فيه
جنة بتوتر كتمتم بخفوث وصوتها يكاد يسمع: ب باش عر عرفتي
ذياب دوز يديه على شعرو : الفرملي صاحبي مابغاكش تبقاي هنا وعيطلي
طلعات مورااه وعنقااتو حيث فيها البرد ......لقات فيه دفئ غريب...... فحضنو من الخلف ضهرو حسات بيه سندها ووسادتها ....اما هو فكانمكتفي يدير ابتساامة خبيثة على شفتيه المحمرين..... وملامحو ساخرة من الموقف..... كانت دار قريبة خمسة دقايق ووصلو نزل بحذر حيث حس بيها مرخية......نزلاات عينيها كيتلصقو...شدليها فيديها سامح لجساامهوم يتحاكو ويوقع تماس.... ليكهرب جسمها وهي كتحس بيه شادها ...... وتوكضاات فتح الباب وحل الباب دالفوقي حيث سفلي كيخصو يفتح واحد الباب مكيبانش ويهبط جاي فحال شيكاف .
كلس فوسط دار وهو كيضور فعينيه.....خصوو يسربي حيث لاحظ نظراات الاعجاب فعينيها....نظراات ليكيشوفهوم فعينين جميع البنات او كيف كيلقبهوم هو ...جميع القحاب
ذياب كيراجع نفسو ويتأكد من هاذ الخطوة ليغايدير وليغاتكون مفتاح لشحاال من باب ومن بينهوم باب قلبها.... نوم عينيه ليكجذبوو الوااحد وبلل شفايفو بريقو ....رسم ملامح البراءة على وجهو.... فعلا المظاهر خذااعة .....شيطااان خبيث وأفكارو اخبث من الشياطين...... تقدم شاد فيديهاا كتر ومكلسها جنبو تكلم بنبرة هامسة سامح لكلمااتو الخبيثة تدخل لمسامعها وترون أفكارها : جنة بغيت نعترف ليك بشي حاجة
وببلاهة تيقاات خرافاتو كانت طول الوقت ليكيهضر فيه متأملة تلقاا عاائلة وحبيب يعوضها على حناان الاب.ليمفتااقداااه وحنان الام لييعمرهاا جرباات طعموو كيداير ......لكن للاسف.. ماعارفاش بلي دخلات لعرين الذئب برجليها دخلات لدار شيااطين اخوة ....ذياب وعبير
كانت متأملة الصدق فكلامو غير دارية ان هذفو ينهيي الحبل القصيير ليمزاااال متعلقة بيه فالحيااة .... مهدد روحها البريئة بسيفو الماضي
في فيلا اليوسفي.....نايضة الموسيقى وروايح شيشاات والشراااب كان حسن كالس عريان من الفوق الكرش والو صدرو مطرااسي تقول غيشااب تلاتيني..... وحداه بنت كتبووس ليه فعنقو بغنج......وقدامو صحابو مع البنات ...... ناض واحد سكران هاز قرعة دالشرااب كيميل تاجه عند البنت لي كالسة مع حسن بغا ينوضها ودفعاتو
هو يغوت كيميل بحال شي شمكاار غير داري بمقاامو العالي : نووضي القحبة بغيتك
بداو صحابو كيضحكوو مرضاااش و هز قرعة حتتى هزها وضربو لراااس تاتهرس عليه زاج وبداو البنات كيغوتو وهو يهرب....مخليه غارق فدمائو ونص دالقرعة محشي فرااسو .....
فمكان اخر....... كان آزار كالس فواحد القهوة دشيشة بالضبط فبلاصة بعيدة vip كطل على ساحة الرقص.....سااهي بأفكااارو ... وشكون من غيرها لي استحوذاات تفكيرو وخلاتو متبعها كيشي حمق
فعلاا.... جملة صعيبة خصوصها فدولة اسلامية....مهووس بحب ختو !! جملة قااسية جد قاسية مايقدر حد يتقبلهااا....... كان أبله فااش طاح فحب ختوو من مو وبااه كان احمق.... شيطاان مايستااهلش تكون عندو ختو بحال جنة ...... نادم حيث جا للمغرب نادم بززاف حس بغلطو ليكيدير وكيفااش كيستغل اخوتهوم ويدااعبها بلمساتو الشيطانية الخبيثة
.......حس بشي حد كلس حداه بلا مايضور غيمن ريحتو عرفوو زير على يديه فاش تفكر حالتو ..... مدة وهو ساكت حتى هضر : غاتبقى ساكت
يوسف تنهد وهو كيشوف فصديق عمرو ودربو...الوحيد ليمدليه يديه وخلااه يولي كيما هو الان......كوميسير معرووف الكل كيخاف منو والكل كيديرلو حساب....تكلم بنبرة فيها ندم: ماكنتش قاصد...كنت شارب
آزار تنهد ماباغيش يخسر مع صاحبو ولكن تالجنة لا هو وماوصلش لذيك المرحلة معاها : ماغايتعاودش هاذ الغلط
يوسف بباتسامة جانبية كتعني الكثير.... : لا متخافش
بقاو كيهضرو فمواضيع كثيرة... وآزار بالو مع جنة توحشها بززاف توحشت ريحتها هضرتها لمساتها...... حس برااسو كانبو ومكيسواش طاح فحب ختو طاح فشبااكها.....ختو من لحمو ودمو عاود جاه تأنيب الضمير وبدا كيلوم نفسو غير رااضي على هاذ الكارثة ليحط راسو فيها
قااطع سهوتو وتفكيرو الخامج فختو.... صوت تيليفون ... جبدو وهو مستغرب شاف رقم الفيكس جاوب وهو يسمع صوت الغوات وقف بلا مايحس....وعينين يوسف عليه ..... تسمع صوت الخدامة كتبكي مخلوعة وصوتها بزز باش كيتسمع: هء هء سيدي آزار البركة فراسك من جيهة سيدي حسن ضربو سيدي ادريس قتلو هء هء
اصبحنا وأصبح الملك لله.....حلات عينيها وهي حاسة بقلبها كيضرب بالجهد وضارها بحال لاشي حاجة غاتوقع.... تنهدات كتحس بجسمها مهلووك.... وقفاات وتمشاات لطواليط غسلات وجها وخرجات بدلات حوايجها وشعرها جمعااتو ماعندها خاطر...جمعات ساكها وخرجاات مابانليها حد وكانت رسالة فوق طبلة مشات هزاتها ولقات ذياب كاتب ليها بخطو العريض والمتقوون: صباح النوور غزالتي.... كنتمنى تفكري مزياان ونتمنى ماتغيبيش عليا هاذي نمرتي صوني عليا فاش توصلي
عضاات شفايفهااا وهي مبتااسمة بخجل تاهي كيعجبها بززاف ولكن ماقدراتش تقوليه اه قابلة نتصاحب معاك...شيحاجة مانعاها...حااسة واحساسها مامخيبهااش..... تفكراات عبير ووعدات راسها غيتدوز لداار وتبدل تفطر وتجي طل عليها فالمستشفى خضوصا اليوم الحد مكينة قراية
خرجات وسدات الباب مورااها .....كتحس بقلبهاا معصووم وضاارها..... وصابحة مدكدكة وشيحاج غاتوقع..... شدات طاكسي لقدام الفيلا دياالهوم حطها قريبة نزلاات جبدات تيليفونها كانت دايرالو سيلونس..... مئات ليزابيل من صحابها ليكقراو معاها وناس ليكتعرف وخوها ......وهي تخلع من الكم الهائل دالميساجات فالواتسااب كولشي كيقوليها الله يصبرك والبركة فرااسك...دخلات الفيسبووك وهي تقرااا : خبر صاادم .... تم توقيف العمدة ادريس بن المهدي قاتل الرجل الاعماال المعروف حسن اليوسفي اهو انتقام أم دفاع عن النفس
زيراات على تيليفونها ورمات ليفديها ومشاات كتجري باغة تكذب الخبر ليكتحسو كيف شيموس كيقطع فقلبها..... كتسمع لا الاه الا الله محمد رسول الله والقرآن مطلوق وريحة البخور والند واصلة تالعلى برا من بعيد الطونوبيلات بالعشراات مستفين قدامهووم .....
زيراات على تيليفونها ورمات ليفديها ومشاات كتجري كتسمع لا الاه الا الله محمد رسول الله والقرآن مطلوق وريحة البخور والند واصلة تالعلى برا من بعيد الطونوبيلات بالعشراات مستفين قدامهووم .....
بدات كتبكي وتشير براسها مصدومة ..... بانليها الحارس دالفيلا كيشوف فيها بحزن مشات عندو كتجري شدات ليه فيديه كتمخض فيه : با الحسن .... بابا مشا لخدمة يااك بابا خرج اهئ
ماجاوبهااش.... دفعاتو ودخلات كتبكي.........الناس معمرين الدنيااا من رجال اعماال تعاملو معاهوم اصدقاء ..... العائلة ليمكيعرفو حد فيهوم..... ووالعيالات كيتباكاو ......
بدات كتمشى بخطوات ثقاالين جيهة الباب وكولشي ضار كيشووف فيها.... دخلات لفيلا وهي تصدم من الكم الهائل دنااس..... واغلبيتهوم رجال معرووفين..... بانليهاا خوها واقف كيعزيوه الناس طاحت على ركابيها حتى انتبه ليها كل الموجودين ....آزار جا كيجري عندها هبط لمستواها عنقهاا وهي مصدومة مكتحركش..... ودموعها هابطين فصمت تقابلات معااه كتبكي وشهقات صغار كيصدرو من ثغرها: خويا؟؟ فين بابا
كلمات كانو كاافيين يخليو الناس يتأثرو .... آزار نطق بجمود ماباينش فيه نهائيا بلي حزين على باه: مات
آزار زير عليها وعينيه غرغرو بحقد حتى وباه مات وكيعذب فيهاا دموعها كيحرقو قلبو: انا معاك احبيبتي انا معاك عمرني نخليك
حطات يديها على صدرها كمحاولة باش توقف ألم قلبها البريء....وفيروزيتيها كيطيحو منهوم دميعااات كيفزكو خدودها ..... عنقااتو مزيرة عليه محتمية بدراعيه الكباار وطالقة العنان لدموعها باش يطيحو فصمت
على براا كانو عمامها وولادهوم والعائلة...... كان يوسف ليكيشوف فجنة من الزاج الفاصل بين الجردة والدار ..... كيفاش طايحة كتبكي وكيتفكر كيفاش وقف آزار بجمود وقاليه بابا مات... تقول مااشي باه... هو حزن عليه كثر من آزار ليهوا ولدو تنهد ماباغيهاش تبكي رغبة كبيرة كتجرو لعندها..... من غير الشبه ليبينها وبين مرااتو.... هي زوينة بززاف وكولشي فيها كيجذب فاتنة..... ولكن من غير هاذشي كيحس بلي هي ليه..... خصوصا فاش شافها دباا....زاد تأكد انه ماشي كان سكراان بل شحاجة كثر من الشهوة كتجمعو معاها
عينيه بقاو مركزين عليها حس بيد على كتفو ضار لقاه جعفر صاحبهوم : خوي راسك منها
يوسف رجع نظرو ليها: مانقدرش دخلتها لبالي
جعفر تبسم: تزوجها
يوسف تنهد من ذكر الزواج: باقي عندي تخوف (زير على يديه تابياضت) خايف تغضرني تاني وتخليني كيف خلااتني (سكت ماباغيش ينطق سميتها) مرااتي
جعفر بهدوء: شيما ماشي هي جنة
جعفر سكت و حتى يوسف.... هضر بصووت بارد نوعا ما: غانمشي نضرب ضويرة تخنققت
ركب فلوطو ديالو ....وكسيراا كيضور مخنوق ..... كيتفكر كيفاش كانت كتبكي جنة تاهوا بكا بحالها فاش واليديه دارو اكسيدون ..... وبقا بوحدو....كان صغير بززاف...حتى من عمو لاوحو لمدرسة داخلية فأمريكا تماك فين تعرف على آزار....أما يوسف فواليديه فأمريكا.... وهو جا لهنا وجاب معاه خوه.....وتزوجها مغربية ووقع ليوقع
سها كيتفكر واليديه ويتذكر وجهوم .... داز من حدا شيمستشفى وطاحلو خاتم عزيز عليه ديال باباه.....كان كيلعب بيه.... تحنا هزو ويالله جا يهز راسو وتسمعااات غوتة لشي وحدة دخل فيها جابها مليوحة فوق طريطوار
عبير ليكانت فالمستشفى الدولي ... كالسة وعينيها مغرغرين بحقد كتشوف فنااس جايين عندهوووم عائلاتهوم وصحابهوم لزياارة... وهي ماجا عندها حد اصلا شكون عندها؟ حتى من خوها هاملها كل همو تجيبلو الاخبار دعائلة اليووسفي ...الإنتقام عامي ليه عينيه....ومخليها غايصة فبحر الوحدة...فهاذ لحظة حسات بجنة.......حساات بيتم جنة وبوحدة جنة..... شافت فالفرملية ليوقفات ليها على راسها : ختي بريتي مشا الوجع بتي نوضي تقاودي الناس باغين البلايص ماعندهوم فين ينعسو
تمتمات بحقد مخنزرة فيها : الطبيب دبااك
طلعاتها الفرملية وهبطاتها: المتشردة لخرى
بقوة السم ليدخل ليها فقلبها من هضرتها وقفات حفياانة وخرجات كتمشى مزيرة على راسها ..... ماباغاش تبكي كتحاول تبين لرااسها انها قوية...تلاقاات بذاك الفرملي وطلباتو يعيط لذياب يعلمو باشيجي عندها.... غيقاليه اه تحركات من حداه..... خجرات لطريطوار يالله غاتقطع لجيهة لوخرى حتى وقع ماوقع ودخل فيها جعفر.... نزل كيجري من لوطو وهو كيتذكر لقاءهوم
مجنون؟؟ اه مجنون بحب ختو ...حقير وشمااتة مجرد حيوان تابع غرائزو.... ملايين البنات كيتمناوه وماختار من غير ختو ......عبيط أحمق .... فات الجرأة والحقارة والنذاالة ....كيستغل كونو خوها ويتلمس فيها كيبغى...... كاشي ضروري تكون ختو يكفي انها هازة كنيتو.... يكفي انه كان كينتظرها حداش العام ومتمني يشوفها فمرتبة ختو....يكفي انها ترباات على يديه....يكفي المرات القلال ليشافها فيهوم....يكفي.... ان موو رباتها ورضعاتها يكفي .....
دخل لبيت جنة بانتليه ناعسة وعينيها عامرين دموع ..... واضح البكاء على عينيها.... حيد سباطو وحوايجو كاملين بقا ببوكسر...وتكا حداها عنقها وهي لقات سخونية زادت تخشات فيه ....بداا قلبو كيضرب .....أفكار وهواجس شيطانية خبيثة زارت خياالو...... شاف فشفتيها الحمرين كيرجفو قرب ليهوم وحط فمو عليهووم تاهداو.... بدا كيمص ويلحس ويعض بشوية..متلذذ بعبقها الطفولي وريقها ليكسيقيه بحال شي أرض زارها الجفاف....كانت هي النعمة ليخلااتو ... هي نعاسها خفيف حلات عينيها بسرعة
كانت غارقة فنومها....وأحلاامها الوردية هاربة من موت باها وواقعها الحزين ..كتحس بشنايفها كيتعجنو ويتمصو ضروها وسط نعاسها..... كتحس بأنفاس على وجها حلات عينيها مخلوعة وهي تلقااه متكي حداها ومغمض عينيه... مسحات عينيها بصدمة مزال مامتيقة بلي كانت كتحلم.... دغيا تسللو أحذاث اليوم لذاكرتها عينيها غرغرو تحشاات فآزار وعنقااتو مزيرة عليه.... وتسللو دموعها على وجنتيهاا الحمرين كيفزكوليه صدرو العريض.... حسات بيديه على شعرها كيحك ليها فروة راسها تكلم بصووت هادئ وخافث: لاش فقتي
تنهدات بأسى: خويا
زير عليهاا وعينيه مغمضين بغضب: نعام
هزات يديه وباست كفها: ماغاتخلينيش
تنهد بحنية: لا
جنة : كتبغيني
عينيه تحلو معسلين بالشهوة : اه كنبغيك بززاف
جنة ماعرفاتش لاش حسات بإحساس خايب وهو كيقولها : خويا
ذياب.....دوز نهار كامل فدار......حدا ختو خاف يتزاد عليها الحال... وجاب من عند مي فاطمة ولدو هاروون عندو يالله ست شهور وكيترمى من يد ليد....لا طفولة غايعيشها لا أم تحن فيه ولا أب مهتم بيه
فبيتو المختلف تماما شكلو بحال شيلوحة سوذااء... بيت تحلف عليه مصنوع لشي وزير...دقة الصنع والتصميم.... والسرير الابيض عاطي واحد الرونق خاص بيه...... كان ناعس عريان غيببوكسر ...وحاط هارون حداه ..... هارون ليكيلعب بواحد الكرة .... ملاك صغير ماعارف والو صغير البنية طبيبز وبلق فيم صغير حمر وشعير كثيف شوية عوينات عسلين مجبدين بحال باباه.... وملامح بريئة.....
كييجغط بصووتو ويضحك مع ملائكتو... ماعارفش بالطاقة السالبة ليكاينة حداه.... ذياب ليكان شاد تيلي وكيشوف فأنستغراام حتى طلعليه خبر وفاة حسن اب جنة... طلع حاجب وهبط لااخر... هاذشي علاش مابانتش...لقا فرصة فين يستغلها هي دبا مشاعرها مرهفة وحساسة ...محتاجة لحضن دافي وحنان أكيد افتقدات باباها ليغايكون كيعطف عليها...أكيد باباها غايكون موفر ليها كولشي
الحقد خلا عينينه يكتسيو حمرة.... وملامحو تشنج.... هو تحرم من حنان باه هو وختو... وفقدو تاماماهوم في حين جنة وخوها كانو متمتعين مع باباهوم.. ماعارفش باشنو كتمر منو وكيفاش كانت معاملة باها ليهوم
تفكر.. غزلان مراتو توحشها بززاف
..... ماكرهااش تفيق وتحل عويناتها ليكيدوبوه ...... توحش يقيسها... توحش يبوسها.. وهي تحشم كيف عادتها..... تفكر ملامحها السوذاء.... عكس جنة ليزعراا.... تفكر جسمها الضعيف شوية...عكس جنة ليممتلئة
شير بتيليفونو تاطاح... علاش كيقارن بين مراتو وبين قحبة اه "قحبة" باغي ينتاقم منها...... قحبة بنت قحبة خرجوليه على حيااتو
عبير ليكانت كالسة ....تفكراات آزار شحال زوين... عضات على شفايفها وهي كتفكر شكلو والهالة المحيطة بيه.... ناسية تماما انه خو صاحبتها ..ياحصرة صاحبتها عشرة سنين ليبااغة تنتااقم منها كتكرهاا بززاف..... كولشي كيفضلها عليها .... زوينة عليها... ضريفة ونية جي يافم وكول عفوية.... عكس عبير ليمتصنعة باغة تباان وتكون هي الاحسن.... جنة بوحدها...ماليهاش مثيل
كتكرهاا كره شديد...مكتحملهاش مكطيقهاااش ماعارفاش علاش ولكن قلبهاا حاقد لدرجة كبيرة... لاشافتها كتموت تخليها....... حقد كبير وخبث كبير حاملااه اتجاها
داز نهار على البعض أسوء يوم... واخيرا طلع صبااح.... حافل بأحذااث جديدة ومريرة كالعادة ...
فاق آزار هو لول.... مشا لبيتو دوش عليه ولبس حوايجو.... رش ريحتو وساعتو الغالية .... بطلتو المعهوودة الرسمية ليكتبينو وسيم لدرجة الاثارة والتشويق
خرج وهو كيقااد صدايف لافيست.... تلاقا بالخدامة طالعة عندو .... شافت فيه بعينين واضح عليهوم الاعجااب... مبتسمة بلا ماتحس... طلع فيهاحاجبو ببرودو المعتاد: ياك لاباس
الخدامة بقات حالة فمها فيه هضر بالجهد تاقفزها وكانت غاطيح تفافات وحدرات عينيها: محامي العائلة جا.... كاين التحت مع عمامك اسيدي .... كيتسناوك نتتا وآنسة جنة
ماجاوبااتوش ....حط يديه على حناكها كيبغجهوم ليها: جنننة ....جننتي فيقي
حط يديه على نيفهاا لصغير قاطع عليها الهواء ومانعها من التنفس
حلات عينيها بازعاج:انمنن خنيني نعس
ضحك على هضرتها وجر عليها الفراش: نوضي عمامك كيتسنااو فينا التحت مع المحامي
تنهدات وكلسات كتحك عينيها وشعرها كتحيدو على عينيها: على انا عندي عمامي
تبسم على هضرتها بسخرية: اه ....باك كيف العادة... كيبعدنا على ناس... لدرجة انه سيفطني نقرا فأمريكا فمدرسة داخلية باش ماانقولش لناس بلي مرتو هربات وسمحات فينا
عبسات ملامحها بحزن: توحشت ماما بززاف
آزار تنهد: حتى انا
(اخخ لوتعرفو بلي باكوم قتلها )
ناضت قدامو بدوبياس .... ماهامهاا والو خوها عادي ... شحال من مرة شافها لكن الأمر ماعاديش بالنسبة ليه
دخلات لدوش غسلات وجهاا مزياان وخرجات كتمشى بثقل حلات الماريو جبدات جلابة فالغوز بيبي كتافها طايحين ستيلها واعر لبساتها من الفوق جاتها مقودة .. بفورمتها المدبدبة.... هزات شال فالأبيض دارتو على راسها جاها لون خطير.... ولبسات سندالة عالية شوية بيضة... وخرجات هي وآزار والحزن باين فملامحها الفاتنة
هبطو لتحت وهو شاد فيها .... بانليهوم صالون عامر بالرجال آزار مافهمش شكيديرو ...
دخل وشاف فالمحامي ديجا كيعرفو ولكن هاذو كاملين عمامو... لاحظ نظرات بعض الشباب لجنة بإعجااب تنهد .... شد فيديها ودارها مورااه قالو السلام وكلسوو.... تكلم الرجل الأكبر : تبارك الله كبرتو....
ابتسمو ليه ابتسامة صفراء حيت باينة فيه شرااني
نطق المحامي ليكان باقي صغير وزوين... : سي آزار... هاذو عمامك سي احمد اليوسفي الكبير... وسي نعمان اليوسفي الصغير... وسي كاظم اليوسفي... وهاذو مروان وأنس (شخصيات ثانوية ماعندكوم لاش تعقلو عليهوم)....
سي حسن الله يرحمو كان مخلي لي وصية شحال هاذي تقريبا ست شهور...... وكتاب اليوم نقراها مرة تانية...جبدها وبدا كيقرا عليهوم وصية كان مفاذها بلي الأراضي الزراعية والفيرمة بٱسم خوتو ليغايطيرو بالفرحة حيث أرااضي مطلوبة وكتنتج سنويا....
والشركات بٱسم آزار وباقي الممتلكات الديور والفيلات باسم ناتاليا جود
شكون هاذي؟؟ كلمات تبادرو لذهن الكل.... تسمع صوت أنثوي : انا هي ناتالياا
ضورو وجهوم فحين جنة تبسمات بسخرية : العاهرة ديالو
تكلمات بصوت خافث ولكن آزار سمعها.... وقف مقابل معاها عاقل عليها حيث فاش يالله جا اول مرة كانت مع باه .... خنزر فيها : نتي؟؟؟
ناتاليا شافت فجنة وهزات كتافها: اووه!! زوينة نتي هنا.... هذاك سوقو هو كيعرف شغلو وماشي سوقكوم املاكو هو قسمها على ليستحق ...
جنة وقفات والغصة فحلقها: ماشي مشكل مكيهمني لافلوس لا ثروة
مروان ولد عمها وقف بعصبية': كيفاش مكتهمكش ثروة....رااه باااك كتب كلشي بسميتنا حنا وخوك وصاحبتو ونتي ليبنتو الوحيدة والصغيرة ماخلاليك حتى شجرة ......لهاذ درجة عارفك ضامنة مستقبلك
هزات عينيها فيه تاتلبك وهو كيشوف فعينيها الكبار وذيك الزرقة فالوسط ديالهوم كاسياهوم حمرة دالبكا .....كولشي لاحظ شرودو فعينيها...حتى من آزار ليعنقها بجنب ماعاجبو حال: أملاكي مضوبلين على أملاكو... وأملاكي هوما أملاك ختي....
تنترات منو والبحة فصوتها واضحة: مابغيت والو(بصوت فيه نوع من الترجي) انا خارجا.... غاندوز عند عبير ....(شافا فآزار برتجي ) غانبات معاها ..
اكتفى ازار انه يحرك راسو بالايجاب عاطيها وقت تفكر فيه.....وتلفى راسها....حيث مايقدرش يتحمل تبقى هاكا حزينة وديما عينيها مدمعين....
ماخلاتهومش يجاوبوها ومشات بسرعة تابدات كتجري.... تلاح شال من راسها وبان شعرها ليتطلق كتجري وتبكي حتى وصلات لرومبوان بانليها طاكسي واقف ركبات ..... فيه بلا متفكر بلي راها ماهازا لافلوس لا والو
هز مول طاكسي عينيه فيها(عقلو عليه مزيان عندو دور مهم فقصتنا)
..... كان زعر وملامحو شهبين ..... لابس جلابة وطاكية النور نازل على وجهو زوين بززاف ومكضر باقي صغير...شرد فملامحها الحومر ودموعها ليكيهبطو على خذها........ حس على راسو فاش سمع صوت الكلاكسون هبط عينيه واستغفر الله: فين نوصلك اختي
حشمات وحناكها تزنكو... عينيها كيبريو......جميع الاحاسيس تخلطو عليها...... خايفة تخسرو قبل ماتكسبو.... خايفاه يكون تراجع ويتنادم معاه الحال.... تلف ماعرف شنو يدير جرها تحط راسها على صدرو معنقها
كانت واقفة حدا الباب كتصنت ليهوم تبسماات برضى ومشات لبيت هارون كلسات حداه ..... كتلعب معاه مبتاسمة هزاتو وشافت فيه كيفاش مهدن.... هو عندو باه كيبغيه وعندو مي فاطمة مقاابلاه..... باقي صغير وراسو خاوي من الهموم قلبو بيض وبريء كل همو يشرب الحليب...... ويتبدل ليه الليكوش..... حسداتو علاش هو وماشي هي.... الحقد عما عينيها ليطالما كانو مدميين بشرهوم..... بلا ماتحس هزاتو تاحل عويناتو بتفاجئ و زدحاتو مع الفراش تقصح وبدا يبكي ويفركل بالجهد هبطات لعندو باغة تسكتو..... توترات وتخلعات ويديها بداو كيترعدو عضات شفايفها فاش مابغاش يسكت حطات يديها على فمو ونيفو ...... تخنق وزراق فيه لون وغايحماق بالبكا.....تقطع عليه الهواء وريتو صغيورة ماهازاش بززاف دالنفس
دخل ذياب كيجري دفعها من طريق تاكانت غاطيح جنة كذلك حيث مع تسمعات الزدحة مع غوت.... هارون كيرجف بالبكا وحال فمو كيتنفس منو نيفو مخنوق بدا كيكحب..... ومع لونو زراق ذياب بدا كيرجف توتر ماعرفش مالو.....جنة مدات يديها خداتو لذياب وهزات رضاعتو فيعا الما حطاتها ليه ففمو تابدا يشرب وهو يبدا يتهدن..... بدات كتراري بيه مبتاسمة زوين بززاف وصغيور كتلة صغيرة داللحم مشاا بيها بالهالبعيدهي ماماه وذياب باباه عضات شفايفها بدون قصد....... شافت فيهوم كيشوفو فيها ذياب قربليها ماحاملهاش تقيس ولدو وتوسخو بنجاسة عائلة اليوسفي : اريه غايتقل عليك
عطاتوليه وحطو ضور عليه المخاذ وخرجو من البيت...كلسو فوسط دار حاطين الغدا ليجابو ذياب من برا .... وكياكلو فصمت.. حتى تكلمات عبير بحزن مسطنع : كيفاش مات باباك
جنة وحلات ليها وفكراتها عينيها غرغرو .......باها يالله مات وهي بدات كتضحك وتحااب مع راسها ناسية اليوم شنو .....حنات راسها للارض: قتلو صاحبو
هاذ الخطرة نزلات دمعة من عينيها حارة : تاهي ماتت شحال هاذي فاش كنت صغيرة
تبسم ابتسامة سخرية كاذبين عليها وقايلين ليها ماتت :كيفاش ماتت
تنهدات وعاودات حنات راسها ساكتة تاقالو ماغاتعاودش تهضر تشحن الحو بيناتهوم وهي تبدا تعاود: ماما مكانتش كتبغي بابا... كانت كتبغي شخص اخر.... كان فقير وهي غنية واليديهوم مابغاوهومش يتزوجو .... زوجوه هو بمرا خرى وهي زوجوها ببابا.... (تنهدات ومسحات دموعها وهوما كيتصنتو ليهاا بجميع حواسهوم... حيث ماعارفينش هوما باقي الحكاية) .... بابا كان كيعذبها.... كيضربها ويعنفها قدامنا اهى اهئ (حطات يديها على وجها) كان زارع فينا رعب....... حتى قررات ماما تهرب مع (سكتات لوهلة وهوما خنزرو فيها كيتسناوها تكمل...خصوصا ذياب ليمزير على يديه ماكرهش يشنق عليها تاتسرسب كولشي ) تهرب مع الشخص ليكتبغيه.... ولكن دارو اكسيدون وماتو بزوج ...ماكنتش غانتيق كنت باقة صغيرة.... ولكن فاش شفت ماما مخرجينها فكفن 😭😭😭😭
فنفس الوقت كانت عبير كتبكي بدون حس ..... حتى من باباها مات.... عبير رغم حقدها عليه وبززاف دالحوايج غير ذياب كانت ديما عندها آمال بلي غايرجع باباهوم... غايرجع ويجمع شملهوم آمال فارغة؟؟ أكيد
أما ذيااب فحس بنوع من الراحة.... ان شهرزاد ماتت موتة خايبة...... ماشي غيمو ليتعذبات حتى هي...مصيرها غايكون كفسمن حيااتها..... جهنم خالدين...... هم وانزاح من على قلبو...ربي خذاليهوم حقهوم منها..... عاد هنا الباال وصفاا الخاطر ..... تفكر فاش كانت نعيمة مو كتدعي فيهوم ذاك نهار وقاتليهوم ياربي يموتو اليوم وفعلا ربي حققليها امنيتها حيث دعوة المظلوم صعيبة ومقبولة.... مكينش حجاب بينها وبين الله
عند آزار ليكاان باقي مع المحامي...بعد مانوضوها عمامو مع ناتاليا .......ليجايبة حوايجها عوالة على انها تسكن فالفيلا ليعندها فيها النص وازار النص........ منين مشاات جنة والمحامي منزاعج..... وغيكيضور فعينيه ويبلع ريقو..... مشاو عمامو......وجر المحامي لمكتبو ودخلو وسدو الباب....
المحامي بعد ماكلس جبد من الكارطابل ديالو شيوراق: هاذي وصية تانية ...مخصصة للآنسة الصغيرة جنة.... خلاها ليها موسيو حسن هاذي عام ..... وحلفني تانعطيهاليها كنتمنى انك تقوم بالواجب حيث خصني نسافر غدا ان شاء الله
آزار اكتفى انه يومأ ليه براسو.... خرج المحامي بعد اخد وعطاء من الهضرة .... آزار شاف فالوصية ليكانت مطوية وملوي عليه خيط غوز
سر كبير هازو فقلبي سطاش العام هاذا...... هوما زوج أسرار الثاني هو اني انا ليقتلت شهرزاد وعشيقها....... قطعت ليهوم الفران.... والسر الاول هو حتى ماماك مافخبارهاش بلي نتي ماشي بنتها .... عرفتي علاش كانت كتكرهك حيث نتي ليخليتيني نلوي ليها يديها ... خوفا من اني ناخذك ليها .... كانت خايفة عليك مني واخا كتعاملك خايب كانت كتبغيك
بدات حكايتنا معاك... نهار ليشهرزاد كانت كتدوي فتيليفون مع حميد....صاحبها.... اه صاحبها ليهربات معاه..... كانو كيدويو وكتقوليه بلي بنتنا هي الحاجة الوحيدة ليشاداها معايا ....... كانو يالله رجعو يهضرو... ماترددتش فانني نغتاصبها رغم انها كانت حاملة ب9 شهوور ....... ماقدرتش نصبر...رجولتي تهاانت ورداتني حمااار..... حبي ليهااا عذبني وعذبتها معايا .....عارف اني مكنسواش وكلب وحمار
حتى سخفات بالوجع.... تخلعت هزيتها وديتها لطبيب وازار كان ناعس... كانت فعمرو عشر سنين .... خبرني طبيب انها فخطر....وبلي الجنين مات من كثرة الضغوطات....ماهتميتش بززاف .... حيث بصح انا كان كل همي هو منين غانجيب البيبي باش شهرزاد تبقا معايا .... فجأة كنشوف واحد كيدابز مع الممرضة حيث ماعندوش فلوس الكلينيك...وماعاجبو حال.... كان باباك.... سبحان الله ربي رسلو كيف شي معجزة...بشوية دالفلوس قدرت نطمع الممرضة وبدلاتلينا ليبيبي وكولشي كمل فاش شفتك.... بعويناتك الملونين وشعرك زعر.... كتشبهي لشهرزاد من صغرك وهذاا هو شي ليخلااني نكمل فهاذ التمثيلية.... وخليت بززاف دناس يتحرقو معايا ...
جنة...كنتمنى تسامحيني... كتبقاي بنت تعديت عليها بسباب حبي الأناني لشهرزاد ....كنحماق عليها .... كانو عينيا معميين ...حتى تخليت على كولشي على قبلها...كنتمنى تسامحيني .... تقدري تاخذي حريتك من اليووم ....انا دبا سكراان.... داكشي لاش كنهضر هاكا اما كونكنت سااحي.... ماغاتمسعيش مني الاعتذار مع السلامه اجنة
عند ذياب.....ليخرج ماقادرش يتحمل ... كيفاش باباه مات جاتو صعيبة........مشا لديبو دياالو المعروف دخل وسد عليه الباب من الداخل ... طاح بثقلو كامل تانوض الغبرة ...... ساهي فالياجور ليقدامو......كيشووف فين وصل........ وفين أدى بيه انتقاامو ..... شاف حياتو فين غادة... وفين خاايدة .... شاف فعمرو ليكضيع قدامو شوية بشوية ....ماقدرش مزاال يتحممل عمرو مكان وحش هاكا... هو طبيعتو حنين... وضريف.... شاف كيفاش مابقاش ذاك الحب اتجاه مراتو من نهار بانت جنة ترون...........وهاذ الانتقام غيمازاد كفس ليه حياتو
قرر قرار لارجعة فيه بلي غاينسا كولشي .... ماغايخليش هاذشي يطور هاكا .....علاش كينتاقم من بنت مادارت ليه والو...صحيح ان هي بنت المرا ليخرجاتليهوم على حياتهوم....صحيح انهاا عندها دخل ولكن سطووب فين باغي يوصل........وتا لإيمتا... غاينسا كولشي.... غادخل مراتو تعالج بشكل كامل ... وغايخصص وقتو لولدو ولختو تاتفيق مراتو ويكونو العائلة السعيدة...
وأخيرا فاق بعد سبات عميق.... قلبو رجع كيدق وجميع حوااسو كيشيرو لرجوع ذياب القديم.... ماشي الشيطان......انما ذياب.... الشاب العادي....
آزار.....كمش بين يديه الوصية وبدا كيفيبري كامل ...... كلس فوق الكرسي مصدووم..... باباه قتل موو..... وماشي غيهاذشي جنة صدقات ماشي ختو....الدنيا بدات كضور بيه.....حس بهموم الدنيا على كتافو ...... عينيه دمعو.... ورجليه كيتهزو بطريقة شبه غريبة ...... حط يديه على فمو كيفكر ويحلل ويناقش .... من واحد ناحية..... ماكرهش كون بااه باقي حي غاايدوز عليه من الوذن تالوذن...غايقتلو ويشرب من دمو... غايجيب ثأر ميمتو .... ومن ناحية خرى.... مو سمحات فيه على قبل راجل غريب ومشات معاه مخلية ولدها وفلذة كبدها تستاهل الموت.....
طبيعتو هاكا ليغلط يودي....وليدار علاش يدخل لكناش .... ماشي هو ليكيسامح بسهوولة... قلبو ضرو واليديه مامسوقينش ليه باه سحابليه بلي ببعض الممتلكات غايخليه يسمح ليه ويدعي معاه...كان غالط..... غالط بززاف
عاد بدا كيفكر فحريرة جنة...وكيفااش خطفها باه من واليديها الاصليين...زاد حقد عليه.... زاد كرهو.....قلبو كيضرب بعنف غايخرج من صدرو.... اخخ من عينيه ليولااو كيخلعوو توسع المومو ديالهوم برعب...... هاذ راجل دمر حياة شحال دالابرياء بلااصتو VIP لجهنم....هذا ماغايتحاسبش نيشان جهنم..... .تبسم بلا ميحس وفرحة زارت قلبو...طالما كان كيتنادم معاه الحال وبالو مشغول ومهموم....قبل ماينعس كل ليلة كيزوروه هواجس وأحلام وكوابيس ..... كلها أفلام كتعرض النهار ليتعيق فيه جنة.... تكلم بصوت خافث واضح بلي مولاه مضطرب ..... صوت كيرجف : ماشي ختي ....جنة ماشي ختي
ذياب.... بعد ما دار غوديماغي لعقلو.... ودار ميزاجور لقلبوو وفكر بعقلانية .... لقا بلي كان غيكيخرف...وزرف معاه ختو ليخلاها تولي حقوودة كثر منو.... كرها فجنة لمدة تلت سنين وهو كيزرع فيها الحقد والبغض والحسد.حولها من قطة بريئة للفعة ساامة....باغة تقتل فريستها وتنشر سمهاوفضاضتها وحقدها.. كياكليها دماغها تاخلاها تولي مقتنعة ...بانه الانتقام أنسب حل مكينش فرار....... حس براااسو شيطان ..... أسوء من الشيطان .... وفعايلو أخبث من الشيااطين فات ابليس فالكذوب والنفااق والتفكير ... قلبو رجع كحل بعد ماكان صفى من الحليب ..... وحتى من عينيه الحجليتين ليطالما كانو كيبرقو بالسعادة والحب والأمان ولاو كيشعو بحقد ...
وقف ونفض جسدو من الغبرة وعينيه لاول مرة عليهوم نظرات غريبة... ماشي نظراات الحقد نظراات حنين لاياموو القديمة...مشتااق لذياب القديم .... خرج ولقا سكوترو واقف ركب عليه وكسيراا...غادي فالشارع ونسيم باارد كيضرب فوجهو ويحرك فشعرو.... إحساس جديد خاالجو .... دخل لدرب بانولو دراري واقفين ... شاف فروبيو يالله غايهضر معاه يقولو بلا مايخلط ليها الغبرة مع السم.... وهو يبانلو وقف كيجري شاف جيهة لوخرى بانولو البوليس تبسم بسخرية من تفاهة الموقف....
كمل طريقو لدار.... بقا واقف دقائق بينما يكونو نعسو... ماباغيش يزيد يوهمها ويغرقها فأحلامها الوردية ليطالما كانو مجرد كابوس بالنسبة ليه..... دخل وحل الباب بشوية... بانلو ظلاام والسهاات كولشي ناعس ....حيد سبرديلتو حطها.... وحيد تيشورط ديالو ناجي من االصهد.....
عبير مكتشوفش فيها متجاهلاها تماما كل بالها تنسى شوية: هاذا هو ليكينسيني فهمومي....
جنة تبسمات فاش تفكراات الكوكايين..... مسحوقها الشيطاني ولكن سرعان ماتداركات الموقف.... دبا هي مع ذياب ماخصوش يعرف عليها شيحاجة خايبة ....ويخسر ثقتو فيهاا.... تبسماات فاش تفكرااتو وبداو يطيحو فباالها تخيلاات جد بريئة..... هي وياه وعبير وهارون فدار وحدة... ولكن بصفتها مرااتو ....غمضاات عينيهاا متلهفة .... ايكوون حنين معااها.... سولات راسهاا بغباء وسذاجة : واش نقدر نكون معاه عائلة صغيرة
ولكن سرعان ماجمعتها فاش تفكرات باباها عادمات وهي فين كتفكر.....تفكراات جميع مناغشاتو وخصاماتهوم... عمرها سمعات الله يرضي عليك ابنتي....طالما قلل من شأنها كأنها مجرد حثالة او ميكرووب.... طاح عليها الضيم.....وحساات بقلبهاا البريئ كيضرهاا....فيروزيتيها الزرقين دمعو....وضهر احمرار خفيف على وجنتيها.
عبير مكانتش هنا.... كانت غارقة فبحر من الأمنيات .... أولهوم يكون آزار ليها... آزار ليمنهار شافتوو وهي غارقة فإعجابها بيه.... ناسية تماما انه ولد المرا ليدمراتليهوم حياتهوم كيبقا خو جنة والانتقام عليهوم كاملين اولا؟؟ شافت فجنة.... مدات يديها قايسة خذوذها .... مرة مرة كيتنادم معاها الحال ... كتبقا فيها هاذ المسكينة....جنة تشجعات وخدات كاس ....زادت كاس وزادت وزادت وزادت تاخوات القرعة طلعات معاها التبويقة وعينيها حمارو جاها صهد وحيدات حوايجها بقات بدوبياس.... ماعلابالهاش ماعارفاش فينهيا وفين كاينة ومعامن.... عبير طاحت نعساات جابت الكاو...عكس جنة ليبغات تشرب ....
وقفات كتمايل وتغني... ومرة مرة كتوقف تحسس بيديها حيث الظلام.... ماشافتش طوية دزربية وتعكلات وطاحت غوتات بحر طيحة وبدات كتبكي حتى كتحس بضو تشعل عليها وصوت خطوات كيقربو ليها
ذياب تقابل معاها كيطلعها ويهبطها...ماينكرش انها تارتو بززاف بدوبياس فالغوز.......خصوصا وانه ست شهور مانعس مع شيوحدة حبو لمراتو كان كافي يخليه مبعد على جميع النساء
أنثى الشيطان الجزء الثاني
محتوى القصة
التنقل بين الأجزاء