خووف كبير زار قلبو فاش شافها هكاك طريحة الارض وكلها دم طبايع زورق وكوحل فسائر جسمها..... حالة ماتبغيهاش لعدوك
باقي صوتها لينبرتو نبرة التجري باش يعاونها فوذنيه..سكت لدرجة ماقدرش يزيد يقربليها كون ما جعفر ويوسف ليهزوها كان غايبقا مقابلها تاتموت
على إثر هاذ الكلمة انتفض جسمو ووقف معصب ومشربن .... كياكل فشفايفو تاردهوم حومر مدميين... ويديه فنواظرو بين عينيه كيمسد باش ينقص من التوتر....... يوسف غمز جعفر فاش شافوه غادي جيهة الباب دالبلوك بداو كيضورو عينيهوم ...شدوه قبل مايفرع الباب وهو يغوت: طلقوو منني
جروووه غايكلسوه بزز وهو يتفتح الباب وخرج الطبيب ليبقا كيشوف فيهوم لتواني مصدوم برااسو...... معجزة هاذي شاف فيهم وتنهد ماسح العرق ليفجبينو بكلينيكس :
طارو عليه دراري كيسولو كيف بقاات....وآزار ساكت مكيهضرش باقي عقلو ماستوعب الصدمة : المريضة تعرضات لتسمم خطير
تنهد: ماشي بميكروب اولا جراثيم...... المريضة تسممات بأدوية الحشرات مخلطة مع نسبة كبيرة من لادروك.. او الكوكايين.....كنت نقدر نقول انه انتحار.....ولكن درناليها التحاليل وظهرلينا انها.كتعاطى لمخذراات مدة كبيرة...... درنا ليها غسيل المعدة واخا قدر الله كانت غاتكون من الهالكين ...... حيث هاذ الدوى هذا او كيف كنقولو سم معرووف بلي دقة بطلة...... وبلا الكوكايين ليتناولاتو بكمية كبيرة
يوسف كيشوف فيه باقي مامتيقش ان جنة كتدروكا ماكانش متوقعها منها : و كيف بقات دبا
جعفر: اه واش غايبقاو آثار هاذ الحاذثةة هاذي على صحتها؟
طبيب كيحيد ليكات من يديه : اه...... ماشي شي آثار غي اختناقات بسيطة وكثرة القيء....حيث فم المعدة تضرر وحتى الكبدة ديالها تقاست .... سم للاسف انتشر فجسمها بشكل سريع.... وخلا خلايا الدموية تقلال .....درنا ليعلينا والكمال على الله
مشا وخلاهوم فحيرة من أمرهم..... ضارو عند آزار وتكلم جعفر : وااش جنة كتدروكا؟؟
يوسف كيمسح على شعرو معصب: هي ماغاتخلطش السم مع الكوكايين ...... أكيد كاين شيحد ليداار ليها هاكا
جعفر تنهد كيشوف فازار ليمصدوم.....وكيغمز فيه وهو غيمازايد فيه
يوسف: واش شيواحد دار ليها شيحاجة........ فين كانت اليوم
ازار تنهد: خليتها ناعسة .....
يوسف ضور راسو محرج: من ايمتا وهي كتعاطى للمخذرات
ازار كيمسح جبهتو: عاماين تقريبا
جعفر : اذن غاتكون مدمنة
آزار ماباغيش يفكر انها غاتبقى مدمنة طول حياتها : مجرد نشوة .....وكتنسي بيها جنة ماشي مدمنة
كانت غاتموت.... كااان غاتيتم ...وهو ماىسدق لقا البنت ليفتحليها قلبو وولا يبغيها...... تفكر كيفاش بقا مصدوم كون مادراري كون ماتت قدامو
نزلات دمعة من عينيه دمعة سخوونة وتبعوها دمعات هوما....كل دمعة كاانت موراها شهقة أليمة..... شهقاتو كانو مسموعين ومع ليل دنيا خاوية واخذ راحتو..... بكا على قلبو ليضرو....بكا على حياتو ليكانت غاتدمر فرمشة عين..... بكا على راسو وفين وصل بكا حتى فرغ مافقلبو
حس بيديه ضارو على كتفو وعرفو من ريحتو...... مسح وجهو وباقي حاني راسو ..... ونطق بنبرة أليمة مبحوحة : جعفر انا
جعفر عنقو مزير عليه من كتافو: غيخوي قلبك حاس بيك
آزار حط راسو على كتاف جعفر سااهي وساكت ......تانطق بصوتو المبحوح وعليه نبرة حزينة وكلامو كيتقطع عليه: مانقدرش نصبر بلا بيها
....هي جنتي ..... هي حياتي كلها هي ليبقات عندي ....هي الوحيدة ليكتبغيني بقلبها ماشي بعينيها ....هي الوحيدة ليباغاني حيث انا آزار ماشي حيث عندي الفلوس .....
دقيقة صمت...جعفر كيشوف قدامو باستغرااب يالله غايسولو كيفاش كيبغيها وهو ينطق بجملة زعزعاتو: جنة ماشي ختي جنة بنت ماعندنا بيها تاشي علاقة (ناسي انها ختو من رضاعة)
آزار تذكر أول لقاء ليهوم بعد حداش العام....كيفاش وقفات قدامو كتبكي وعنقااتو ....تذكر ملمسها الرطب وعويناتها تبسم بلا مايحس وقلبو كيتراقص بين صدرو: منين شفتها....وقبل مانعرف بلي هي ماشي ختي ....ماعرفت تالنهار الجنازة
جعفر وقف شاد شعرو معصب من كلاامو: آزار وكون صدقات ختك؟
آزار سرح رجليه وتكسل: هانية
جعفر هبط راسو ماباغيش يدابز معااه..... ماعجبوش الحال يشوف هاذ التصرف من صاحبو ليماتعودوش عليه مبرهش هاكا.... ولكن السؤال ليتبادر فذهنو..... واش بصح كون مكانتش ختو غايبقا يبغيها
صدمة....أكثر من الصدمة الكلمات بلعهوم لسانها..... ألم قوي حسات بيه فقلبها الصغير ...... الغدر والخيانة الإستغلال والإستغبااء ...... كلهوم حساات بألمهوم ونارهوم ..... اكتست عينيها طبقة من الدموع ...... ليخلاتهوم ينهارو فوق خذوذها ...... تحول لونها للون الأصفر ..... وشفايفها زادو بياضو ..... روحها غادرات جسمها هازة الراية البيضاء معلنة على انتهاء الحرب بخسارتها وٱستسلامها......
صرخة قوية خرجات من ثغرها كمحاولة منها لفك قيود حرية مشاعرها... جروحها آلامها كتمانها لصوتها وآهاتها الحاارقة: لاااااا لااااااا لااااااااااا
تحول وجها للون الداكن ...كتبكي وتوغ لربي ليخلقهااا طاالقة العنان لمعاناتها باش يتيهو فارجاء المكااان: مااايمككننش خووووياااا لاااااااااا لااااااااا
نبدلو البلاصة...... نمشيو عند يوسف ليكن فغرفتو المظلمة ساد عليه الباب والسراجم... وقدامو معلق طابلو ليرسم فيه جنة.....وفيديه الألوان حيث كان رسمها بالاسوذ والابيض ودبا لونها ....وشحال بان الفرق ....... ابدع فيها اول لوحة كتعجبو.... من ديما كان كاره هوايتو ليهي الرسم...كان كيحس براسو فقط مبتدئ وغيكيخربق....
ولكن اتضح انه هاوي ومحترف فمجال الرسم....انطلاقا من هاذ لوحة ليقدامو .... حط يديه على شفايفها وتكلم بهمس : الشفة الفوقانية مغايرة تماما لشفتيها خصني نصلح غلطي درتها صغيرة....(تبسم فاش تذكر مذاق شفايفها) أحسن أكلة يقدر الواحد يفطر بيها هي رحيق شفااكي أحيااتي
تنهد وهو كيتفكر وضعها أمس....كانت على مقربة من الموت......خطوات فااصلة ليها للاخرة.... تنهد ودوز يديه على شعرو: أكيد غاتكوني ديالي...خوك لاطلبتك منو غايعطيك ليا حيث انا صاحبو وانا اولى بيك (بهمس شبيه لصوت الثعبان) جنة ديوسف
(قسموها حسن😁😁)
حلات عينيها فاش حسات بلمسات على شعرها...... زيراات على يديها تارجعو بويض وعينيهاا رجعات غمضااتهوم مزيرة عليهوم وولات حلاتهوم ضورات راسها لجنب عند آزار ليكان كيف العادة بوسامتو المعهودة..... كيشوف فيها مبتاسم بحب وشوق وخوف كلشي تجمع عليه طبع قبلة سخوونة على حنكها ليحدااه وتبسم ليها: الحمد الله كنت خايف نفقدك
جنة فقط مرااقباه بسكون وصمت كان مخيف بالنسبة ليه : علاش مكتجاوبينيش؟
جنة تبسماات بحرقة واضحة وتكلمات بنبرة فيها نوع من ترجي :قولي شكون نتا؟ واش نتا خويا ؟؟
آزار بحال لاتخوى عليه سطل دالما...بصدمة بعد يديه من يديها وتفافا بدا غيكيضور عينيه هارب من فيروزيتيها ليمراقبينو
ومع هد الكلمة مع انهاارت قوااهااا وخارتها ...تكات على المخدة مع نزلات دمعه من عينيهاا وهي مكتفية بالبكاء فصمت .. شحال خايب تعيش فوهم وحلم طيلة حياتك ؟؟
شحال هو خايب وقاصح تعيش فسراب نهار تفيق منو تتلقا اكبر صفعة ومن شكون؟؟؟ من ليحسبتيهوم قرااب ليك ...... هد الكلمة فيضات لكاس لكان عامر ، ماكرهاتش روحها تنسااحب وتمشي فرحلة نحو الخلااص....رحلة طويلة عند مولاها
هزات رااسها مراقبااه فصمت ....مخلية عينيها يخبروه بحزنها ألمها آهاتها المكتوومة...وخذلاانها فيه ثقتها ليضااعت : ولكن أنا مكنبغيكش؟ نتا خويا و أبى من أبى وشاء من شاء نتا خويا
هز راسو بكبريااء وشمووخ ودقنو مرفووع دوز يديه على شعرو بابتسامة سخرية واستهزاااء وشحال كرهاتها فراسها حساتو كيتشفى: غاتبغيني ...كيف بغيتك(طبطب ليها على حناكها مزياان) غاتبغيني جمعي راسك معايا الله يرضي عليك انا غانمشي نخلص التكاليف...وماكرهتش امراتي زوينة نجي ونلقااك درتي عقلك ووليتي حسن وكتفكري بعقلك حيث انا ليدايم ليك
خرج ومشا لريسيبسيون تخبى فاش بانت ليه ذيك الغليضة الفرملية دايزة ...وبعينيها كتقلب عليه ..
محمد خنزر فيها وحنات راسها: شني ماش نعمل نتينا نهار كامل خدام وكتخاليني كيالحنش مقطوعلو راسو .... كون دسمع مني وتبيع طاكسي ودير شي ماشروع مضاخام حساليك حق الله
محمد جرها باسها من جبهتها كيضحك ويعيبها: مضاخام
بداو كيضحكو خالقينها.....محمد هو ذاك الشاب ليفلت من بطش الدنيا....محترم راسو رغم ان سنو لا يتجاوز التلاتين...هو مول طاكسي ليركب جنة زوج مرات ......مو صبليونية وباه تطواني تلاقاو فمليلية وعجباتو ومع هي ديجا مسلمة طلبها من واليديها وتزوجو
ولدو محمد ....من احسن خلق الله....تزوج ورحلو لأكادير بعد موت باهوم..... وهنا ولد ولدو مجد ودار زوج طاكسيات واحد كيترزق بيه الله والثاني كاريه لواحد دري
فبلاصة خرى......كانت كالسة كتشوف فالفرااغ خرج ذياب هاز شانطة كبيرة وولدو هازو كيشوف فغزلان ويهضر : صاحبي ليكان جا بات عندنا سيمو لاتعقلي راه ضبرلي فواحد دار تما غانرهنها
غزلان غي كتأفف ماعاجبهاش الحال وهو مخنزر....ضار شاف فعبير وتنهد ماباغيش يخليها بوحدها: عبير نوضي لبسي ويالله معانا
عبير دارتليه لا براسها مزال عندها مايدار (آزار 😁): مابغيتش على الاقل غيتاتسالا القراية راه عندي اولى باك
غزلان سلمات عليها سلام ناقص..... غيخرجو مشات لبيتها ورجعات تكات على كرشها كتنهد
نمشيو لبلاصة خرى........ كانت شادة فكرشها وعاضة شفايفها .....وكضور فعينيها هنا ولهيه قطعات شانطي بشوية عليها وطونوبيلات كيكلاكصونيو..... مشات لجيهة لخرى وكلسات فوق طريطوار كتأفف: اففف كرششي كضرني
مسحات العرق من جبينها ....... وقفات تاني وهي تلمح آزار خارج من الباب بعد ما تعطل حاولات توقف وهربات نجات براسها..... رافضة فكرة الارتباط بخوها ......( راه خوها من الرضااعة شربات من حليب مو سولت بززاف دناس وبححث عليها) ومألمة بززاف نظراتها كلهوم انكسار ..... كتنهد تنهيدات أكبر من عمرها.....
وقفات كتحاول تشد توازنها تاكانت غاطيح وهي تحس بشي يدين كبار شدوها ..... ضورات عينيها وبانليها جعفر تخلعات وبانت الرهبة والخوف فملامحها شاف فيها وفحالتتها : هاربة أجنة
عينيها عمرو دموع بالخلعة والتوتر : ل لا
جعفر بقات فيه حيث فعلا منظر مؤلم وصورة خايبة هي واقفة وشادة فكرشها ماعارفة فين تعطي راس زيرها عندو: باغة تمشي تشري لادروك تاني
قلبها كيتراقص بين صدرها خوفانة من آزار بدات كتبكي: غايلقااني طلق مني اهئ اهئ
يالله جا يهضر وهو يبانليه ازار معصب ومشربن كيقلب عليها تنهد وتحنا هزها وحل طونوبيل حطها لور وهي كتبكي....عرفاتو باغي يعاوونها: فين غانديك
جنة كتمسح دموعها: السوق النموذجي
شاف فيها وهز كتافو هاهوا كيخون صاحبو تاني..... ولكن حس بيها وبقات فيه عرفها عرفات كولشي غيمن ملامحها ونظرات الخوف ليفاضحين فيروزيتيها......
بدا كيسوق وبعد صمت تكلم: تماك فين لقيتك البارح
جنة ساهية فسرجم: غانمشي عند صاحبتي ....
جعفر : شكون هاذي
جنة مافيها مايهضر :عبير
هز حاجبو فاش عرفها شكون......ماهضرش اكتفى انه يهز راسو ...... وصلها ودخل بيها تالحومة ..... ضور راسو فيها جاتو شعبية بززاف ..... يالله غايدوي تاسمع صوتها: شكرا بززاف اخويا
جعفر جبد كارط فيه سميتو ومدهاليها: هاكي
خداتها من عندو ووصاتو ميقول والو ازار ونزلات لابسة لعيبة ديال طبيب بحال بيجامة فشيبي طويل تحت ركبة وصابو بيض
شادة تحت كرشها ديمارا هو لوطو..... وبعد
عبير كانت متكية كتلعب بتيلي......وتشوف تصاور آزار فانستغراام وتنهد: ناري هاذ زين كامل غايولي ديالي وكيبغيني
سمعات صوت دقان وتنهدات : عنداك يكونو رجعو
وقفات كتنفض حالتها وخرجات حلات باب الفوقي وحلات الباب التحتاني
حلات عينها مصدومة فحالة جنة ليغيشافتها بغات تعنقها وهي تبعدها....بلعات ريقها: ب بغيتي شيحاجة
جنة باستغراب: ا اه نقدر نطلب منك طليبة
عبير هزات راسها اجابة على سؤالها بينما جنة استأنفات كلامها: ذياب بغيت ذيااب عافاك كلميهلي (بدات كتبكي)
عبير......كتشوف فيها بمقلتيها السوذاوتين........ طلوعا ونزولا بجرأة كبيرة منها..... محدقة فملامحها لي الحزن مكتسي فتنتهم..... وعينيها البراقين لياختفى بريقهوم ..... بلعات ريقها موجدة الكلمات ليغاتقوليها.... حتى تكلمات بصوت هامس شبه مسموع: مشا...مشا مع مرتو وولدو
كلماتها السامين كانو صفعة قوية بالنسبة لجنة....ليشدات فالحيط والدنيا كضور بيها .... عضات شفايفها معبرة عن ألم قلبها الصغير...... وطبقة من الدموع اكتست فيروزيتيها الملونين ..... شدات ليها فيديها كنوع من الترجي محاولة تلقى ملاذ تتخبى فيه من شيطانها ليتابعها : عبير.... عتقيني عافاك غايقتلني لالقاني
عبير نفضات يديها من يدين عبير بتقزز من لمساتها كتكلم بنبرة واضح فيها عدم الرضا: ماشي سوقي ..... ونبغي نقوليك ..... صداقتنا وعلاقتك بخويا وحنيتي وحبي ليك مجرد #انتقام
صديقتي ملاكي التي اعتدت احتضانها في أحزاني ...... كانت شيطانا تسبب لي بآلام أخرى
بلسان جنة
الطعن بظهر
كلمات ساهلين.......ولكن كأحاسيس صعيبة ....احساس كيفرتت الصخر والحديد
شحال صعيبة الحياة فاش كتكون قسوتها من اقرب الناس اليك ..
مؤلمة حد الموت فاش كيكون الطعن في الظهر ..
قاسيه قاسية فاش كتكون الجراح من يد ليضنيتيه الدواء ..
الأخوة والأصدقاء الحب والعشق الهوس.....يا لهاا من كلماات جميله كتجذب السامعين لكن للاسف هو حلم صعب المنال مكتقدر تفيق منو الا على طعناات غادرة...
عبير كتبكي وعاضة على شفايفها : عمري كنت باغة نوصل لهاذ المرحلة معاك اجنة اهئ اهئ
جنة كتبكي بهستيرية وتشير براسها: مااتجبديش سميتي غاتوسخيها بنجاستك سميتي انقى منكوم....سميتي اهئ اهئ سميتي بعيدة عليكووم...تستاهلو النااار على مادرتوه فيا عمري نسمح ليكووم كيف حرقتولي قلبي الله يحرقكووم
ضارت عاطياها بظهر كتبكي وهي تكلم بصوت مغنغن مسموع: انا ماشي بنت شهرزاد (ضارت بنصف وجهها مراقبة ملامح الصدمة على وجها) ماشي بنتهوم..... ونبغي نهنيكوم انتقمتوا من الشخص الغلط
ضارت مكملة طريقها وهي كتبكي ويديها سادة فمها كاتمة صوتها ...... وكتعرج كتمشى بشوية حيث مزالة كرشها كضرها ...... وفجيبها ورقة دوى ليخصها تشرب هزاتها عاد خرجات
بانتليها واحد درجة بعيدة مشات كلسات فوقها وحطات راسها على ركابيها مكملة بكاها شيعشرة دقايق وهي كتبكي....
اون فاص معاها..... كانت واحد المرة جاية هي وروبيو والواضح انها مو وقفو قدامها ومداتليه الميكة : هاكا راها لهيه .... من صباح وهي كتبكي عطيها هاذ جلابة تلبسها من الفوق راه البرد عليها وشوف مالها
روبيو كيحك عينيه من العمش وفيه الموت دنعاس وطايح عليه ضيم بالمعقول مغوبش وكيهضر منيرفي: والواليدة....واش باغة دخليني لشبوق العيالات هاذشي لاش مفيقاني
مو جراتو من وذنيه: لمك كنقوليك سميتي ماما ماشي (غلضات صوتها) الواليدة....خالتك راضية كتسناني ونتا عارفني فيا الفضول غانبقا كالسة حداها كون ماقطعاتلي فقليبي منسولش فيها
شدات فيه معلقة فدراعو وكتعرج حتى وقفو حدا الرومبوان.... جات الطاكسي وركبو
روبيو : محطة الكيران
مول طاكسي ماتكلمش حدو خنزر فيه حيث من شكلو باين شمكار...... جنة حطات راسها على زاج وعينيها كيتلسقو بنعاس
وصلو لمحطة ونزلو..... مشا هو عند الكريسون دالكيران .... لقاه كيغوت : كازا كازا كااازا الكاار خاارج كازا كاازا
خلصو دغيا فتذكرة وطار عند جنة كيجري .... جنة اجي
جرها بسرعة تاضراتها كرشها وداها لقدام الكار ليكان جاهز كيركبو فيه ناس ....حشا يديه فجيبو وجبد 600 درهم ليعطاتو البارح باقة مجموعة مقاسهاش باسها فجبهتها وتبسم: سيري وبداي حياة جديدة....سمحيلي على كولشي
جنة تبسمات ليه: شكرا على كولشي
تنهد وطلعات هي كتشوف فناس مشات لبلاصة كاينة لوسط حدا سرجم الاستغاثة .... طلات عليه وهو يتسد الباب وتحرك الكار .... شيرات ليه بابتسامة مريرة عامرة خذلان وحزن شديد تاهوا شيرليها مبتسم براحة
ضورات راسها لقات راسها كالسة حدا واحد المرى وولدها صغير باينة يالله خلاق تنهدات وحطات راسها على الزاج.....مكتعرف حد فكازا وماعندها حد .....بوحدها وفجيبها 600
فين كانت وفين ولاات.....عرفات بلي الحياة مجرد مسرحية وحنا هوما الكراكيز ليكنحركوها .....حنا الممثليين كاين فينا ليتقن فن التزييف ويقدر يستعمل مشاعر مزيفة اتجاه الاخرين ....عكسها هي عمرها آذات شيحد ولا قربات ليه.....واعدات راسها بأنها غاتقوى...... وغاتولي جنة وحدة خرى..... جنة الضعيفة باي باي......من اليووم غاتبدا صفحة جديدة.... هي فقط .....لا أحد
صدمات ليتصدمات ماشي ساهلين.....باش تعرفي ان خوك كيبغيك قمة القرف والعفن والخذلان ولكن باش تعرفي انه كيبغيك ونتي ماشي ختو البيولوجية.....وبكل أريحية وإطمئنان يلقي عليك قنبلة الحقيقة ..... ويخليها تنفاجر فوجهك ويقوليك غاتولي مراتي....قمة الحقاارة والاستبذاذ والدنائة
كيف كنعرفو جميع كازا ماشي ساهل تلقاي فيها بأحياءها الشعبية والكلااص ..... ساعتاين والكار غادي ...... جنة كانت ناعسة علىزاج وراسها كيتحرد بقوة مكيزدح الكار حيث طريق كلها عقابي....... بدا ذاك الوليد كيبكي ......هزاتو مو كتسكت فيه وفاقت جنة كتمسح عينيها .......فيها الموت دجوع بانتليها المرى ليحداها كتاكل شيسندويتش بلعات ريقها وقلبات وجها لجيهة لوخرى ..... حسات بشي نغزة فكتفها ضارت وبانتليها ذيك المرة مادة ليها طرف....شداتو بلهفة : ش شكرا
بدات كتاكل غيبشوية خايفاه يتقاضا ومااتشبعش..... كان واضح انها ماكلاتش من شحال بقات فذيك المرى ليتكلمات بنبرة حنونة: نتي بنت أكادير
نمشيو لعند جعفر ليتنادم معاه الحال......مخليها بوحدها بلا فلوس بلا والو حالتها حالة وكتبكي وترجف .... أكيد آزار غايلقاها وغايرجعها وغايدوز عليها السراط المستقيم....
رجع بلوطو لدربهوم....... نزل برجليه كيتمشا بخطوات سريعين بانليه الباب فين دخلات محلول ..... قرب لباب وسمع صوت البكا.....كانت عبير ليكتبكي بندم وكتشهق مصدومة تلت سنين وهي حاقدة وباغة تنتاقم من الشخص الغلط صدقات ماشي بنتهوم..... بكات ونذبات وضربات راسها بالفقصة
دخل بسرعة كيقلب على جنة بعينيه تحنا عند عبير ليخارتها قواها وطاحت منهارة .....غيقاسها بدات كتبكي بالجهد : اهئ اهئ انا خايبة مكنسواش اهئ اهئ دمرتها اهئ اهئ جننة مسكينة اهئ اهئ
قلب ضورة ودار خارج وهو يسمع صوت تيلي جبدو من جيبو وبانلو نيم دآزار ليغيجاوبو نطق بسرعة: جنة ماكايناش
جعفر بتوتر: وايلي فين مشات؟؟
آزار ليكان واقف فالفيلا ديالهوم وهاز واحد لفاليز صغيرة: هربات حيث عرفات الحقيقة
جعفر تنهد: خسرتيها آ آزار
آزار غزز سنانو بعصبية: الصفقة ليداير مع الكوريين تلغات ...... وخصني نكون ضروري اليوم بليل فامريكا........ونقدر نتعطل شي ايام..... كلف رجال يوسف يقلبو عليها وانا غانكلف رجالي
جعفر تنهد..... عارف يوسف غايحرق الاخضر واليابس على قبل جنة : ماتزيدش فيه خلي البنت تبعد وتعيش حياتها
آزار بصوت عالي نوعا ما: ماتدخلش فعلاقتي بجنة أجعفر ......
دازت ساعتاين خرى ديال طريق...... وقف الكار فاخر محطة غاينزل....نزلو باقي الركاب ليكانو...... كان العصر قريب يوذن...... نزلو وجنة عاونات سومية فسيكانها وكتشوف حواليها مبتاسمة
نطقات سومية بنبرة مرحة: مرحباا بيك فكازا ازين
جنة اكتفت بابتسامة
شدو طاكسي لدار سومية ليلاحظات جنة أنها فعمارة زوينة وراقية استغرباات شوية ومن بعد تلاهات مع سانسور ليمابغاش يهبط بسيف حيث دروج بعاد.....
طلعو وحلات سومية الباب شافت فجنة وغمزاتها: مرحبا بيك
جنة : شكرا
دخلات جنة كضور فعينيها...... كانت دار زوينة بززاف وراقية تلاتة دالبيوت وكوزينة وحمام وطواليط.... وكاين بالكون فالكوزينة فيه كليسة زوينة ..... عجباتها دار وتبسماات' عمرني نساليك هاذ الخير
سومية هزات راسها بتأسف: ماكنتش باغة نقوليك هذشي ولكن الغالب الله.....خصك تخدمي حيث انا براسي غانزيد شوية ونخدم.....الكرا دهاذ الدار كان كيدفعو ليا واحد دري
جنة بخجل: واش نتي خدامة ف...
سومية ضحكات: لا ازين....انا سرباية فواحد القهوة بليل...... اما نتي ....فلقيتليك واحد الخدمة زوينة عند واحد الصديق بواحد القهوة ....غدا فصباح سيري عندو
تسريع الأحذاث باش ندخلو فالمسكي.........دازت 15 اليوم .. آزار وصل لأمريكا ولقا بلي خصو يوقف على شغلو بيدو على الاقل حتى يعوض الخسائر المادية حيث ترفضات ليه واحد الاتفاقية مع الكوريين وضيع بززاف دالأرباح......بالو تشطن بززاف مع جنة ليتوحشها بززاف رجعات كيف شي مخذر بالنسبة ليه ولا كيواعد نفسو بلي لالقاها غايخبيها ويسجنها يفدي فيها القديم و الجديد....حالتو تراجعات لور ولات صورة ناتاليا غيتابعاه فينما شاف كيتخايلها قدامو ..... وكيكون كالس تاكيجيه صوتها فوذنيه لدرجة ولا مكيقدرش يبقا بوحدو تكيشرب مهدئات وشلا دوايات عاد كينعس
عبير ليماقداتش تبقا بوحدها خصوصا فاش مشات لفيلا داليوسفي وقاليها العساس بلي خواوها مابقا فيها حد كانت غاتحماق بالبكا مرضات وصحتها تراجعات لور وهي كتشوف فآزار ليااختفى فرمشة عين تاخباار مابقات عندها عليه وتاتصاورو فالسوشل ميديا مابقااوش كيتحطو..... وتأنيب الضمير ليكنهش فجسمها يوم بعد يوم اتجاه جنة تدهورات حالتها زيادة عن اللزوم ....غادرات أكادير اتجاه كازا عند خوها
ذياب يا ذيااب ...... كيف قلت قبل ليكانت مصاحبة ولامعاشرة شيبزناز عارفاهوم شحال كيدخلو دالفلوس فنهار خصوصا الكوكايين ليمستمعل بززاف من طرف المراهقين والعاطلين...... ماخرج من اكادير تادا من تحتو فلوس صحيحة ..... وفاش كنقول فلوس صحيحة يعني الحبة الملااين ...... فواحد الحي راقي شرا واحد الكاراج فيه زوج طاجات ..... وبدا فيه الاصلاحات عوال على بروجي ماضايرش قهوة التحت والفوق سناك وبالفعل وقفو معاه شيصحابو فكازا ودخل معاه واحد شريك فربع ......فنص شهر كان كافي باش يردووها قهوة كتشعل وسماوها (العشير) سمية ماجاتش غيهكاك بل حيث فاش بغا عشرانو وقفو معاه.....وقررو بلي غيكمل كولشي غايديرو افتتاح كبير ويخليوها مشهورة ومعروفة فكازا
علاقتو بغزلان غيمازادت تكفساات مع كيخوي دار مكيعمرهاش صبغات شعرها بالزعر وليماش ..... ودارت بيرسينغ فنيفها وولات كتلبس المعري وتخرج ضور ماهامهاش ولدها ليكون ما عبير كون راه ماعرف شنو وقع فيه ......علاقتها بأمين توطدات الميساجات وليزابيل فيديو سيدة ترفعات تاماقدات ولات تقول انا وانا
يوسف كان شوية وغايحماق مكينعسش ...... كيقلب بليل ونهار على جنة خدمتو هاملها أكادير فلاها قنت بقنت الدواور ليحداهوم الفيلاجات كلشي قلبو ووالو مابانش هو وجعفر ليتاهوا بالو مع عبير ليغبرات ماتلات رجعات.......
جنة هاذيك حكاية اخرى .....تبدلات مية وتمانين درجة ولات غاحانية راسها مكتجبد حد خدامة على راسها ومحترمة نفسها
نهار لول اتافق معاها الباطرون دالقهوة على 20 الف تسربي وتمسح الطبالي وتجفف عاد تمشي ....بلا البورفوار ليكيدورو معاها الكليان عجباتهوم صغيرة وخدامة من نيتها مكتردش الهضرة هي اصلا طبعها خجولة واخا ليدسر عليها ولا بغا يشدها يهضرها بزز كتمشي لعند لباطرون كيشوف شغالو معاه......
نهار على نهار كتزيد جننة تعيا ومابقاتش خفيفة كيما الاول وكتخدم بالزربة.......، ولات تقيلة فخدمتها ووكتحرك بزز وكل نهار كتجي معطلة للخدمة حتى تعصب عليها مول القهوة واحد الصباح جات حتى ل 9 وهي نوغمالمون سبعة تكون هنا وحتى من سومية ليتفيقها ماجاتش بكري وداها نعاس دخلات لقاتو واقف كيتسناها
الباطرون كيطلعها ويهبطها وهي كيف العادة بجلابتها البالية وصابو كحل حالتها حالة ضعافت ولونها رجع شاحب صفر جلدة لاصقة على العظم..... شعرها بدا كيخفاف تاجمعاتو الفوق وكتلوي شال على وجها وعنقها لتفادي التحرش..... وفالخدمة كدير فواطة صغيرة عليها وتسربي ...... ماولفااتش الخدمة وتماارة ولفاات كولشي كيجيها تالحدى رجليها
الباطرون مخنزر فيها: على السلامة..... غيرجعي كملي نعااسك
جنة بلعات ريقها بخوف : راه مريضة داكشي علاش مكنقدرش نجي بكري سمحلي اسيدي والله منعاود
مول القهوة: نص شهر ونتي مريضة مزاااال مابغيتي تبراااي؟؟؟ الى ماعينكش فالخدمة سيري عطى الله اللي يخدم
جنة (تخلعات وتلبكات وبانت فوجها محتاجة لهاذ الخدمة كثر من اي حاجة ) لالا صافي هانا غنولي نجي انا اللولة
مول القهوة: غاسيري الله يسهل عليك
خرجات جنة حاملة ماتبقى من كرامتها لاكانت عندها اصلا ....حانية الراس و كتبكي وتمسح عينيها كيضروها ....... كتنهد مرة مرة وهي حانية راسها بانوليها شيبنات ودراري جايين من الجهة المقابلة ليها شافت ف حوايجها ورجعات شافت فيهوم وكيلابسين وضاربين دنيا بركلة بدات كتبكي تاني ..... مازال ماخلصهاش حيث يالله بدات الخدمة غي البورفوار واخا مريضة و وجها صفر وضعافت بزااف ولاو فيها غير العضومة وماكاتاكلش وكتقتاصد على سومية حيث ولات غيكضور وتنكر وبان عيبها ...... ولات واخا كدوز حدى شي شي حاجة تشهاتها بحال الحلوى وشكلاط كتبلع ريقها وتحني عينيها ...حيث البورفوار ديالها كتعطيه لسومية تعدي بيه ......
دخلات لدار وطلعات فسانسور وقفات حدا الباب جبدات ساروت حلات ودخلات. سومية فهاذ الوقت ناعسة كتهنيها بعدا من نكير .... دخلات لكوزينة لقات طنجرة دلوبية باقة من الشعا دالبارح...... بدات كتاكل وكتفكر فين غايكونو مها وباها وعاءلتها وداكشي اللي داز عليها وتزيرات وقفات ليها اللقمةو حطات الطبسيل وتكات على ركابيها كتبكي وتشهق بوحدها حتى نعسات .
أنثى الشيطان الجزء الرابع
محتوى القصة
التنقل بين الأجزاء