عيووون جاحضة، جسسد منفووووخ، عروووق برزوووو، حوااجب تععععقدددو بطرييييقة كاتخلع، قبضات يديه تزييييرو بقوووووووووة .. ملااامح وجهو خسروووووو و اللون الأبيض اللي محاوط سواااد عينيييه تحول لأحمررررر مشعشششع .. قرررب عندهاااا عاااقد حواااجبو بغضببببب و بعدم تصديييق لشنو سمععععع، قربلللها حتى تقرييييبا لصق فيها بجسسدو و تزززدح معاها حتى تراجعات بجسدها للوراااء مخلوووعة من تحول ملاااامحو اللينة لأخرى شرسة، أنفاااسو ضربو فيييها بحرااااارة لدرجة شوكووولها اللحممممم .. خلاوها بالزز باش سرطاااات ريييقها، جرها من غمرة يدها بقووووة مخرج فيها عينييه زييييرلها علييييها بواحد الطريييقة خلاتها تحس بعضام غمرتها تداااااحسو .. طلعها و نزلها بنظرة شبببه كااارهة، واحد النظرة عمرها شافت شي حد كايرمقها بيها فحياتها كاملةةة، كاتشوف ملامح وجهو و تستعقل فين سبقلها شافتو حيت وجهو ماااغريييبش علييييها .. حتى تفكرات النهار اللي مشات لديك الحفلة مع واليديييها، عضات على شفتها التحتية بقوة و حطات يدها على صدرو باغا تدفعو عليها كاتمتم بحدة
-طللق منييي .. بعععد يدك، لو كنت عارررفة بسباب ديك الحفففلة المنحوووسة غاتشوفني و تطلبني للزواااج و تبغييييني مرااااااتك هه كنت نهرس رجلييي قبل مندخل لداركم مايحصللللكش الشرف تمس حتى شعرة وحدة فيااااا
تبسم ابتسامة جانبية كايشوف فيها باستهزاء و استنكار و تمتم بحرقة، حاس برجوووولتو تهزاااات بكلامها .. حس براسو تشمتتتتتت وماعرف شنو يدير ولا كيفااااش يتصررررف فهاد الموقف الصااادم هذا:لااااا تمدات عليك هااااد اليد و قاصتك نهرس دينمها و نقطعها طراااف طراف .. (طلق منها باشمئزااااز نترها فحال شي حشرة و مشا مبعد منها .. دار عاطيها بضهرو كاااايشوووف لبعيييد و عينيييه خااارجيييين شاد راسو بين يديه و كايفكر فهاد الورطة اللي تورط فيها، دااار شاف فيييها مخرج عينيه) غداا غانبداو إجراءات الطلاق، و حقيقتك غايعرفوها عائلتك، ماعندي ماندير بالشيييياااااطة فداري .. مانوسخش يدي فعااااهرة فحالك مرخصة راسك و عاطية جسدك فالحرااام .. ماتشرفينيييش تكوني مرررتي و على ذمتييييي آااانااااا
بغا يمشي يخرج من البيت و هي تطييير عندو شدااات فيه مخرجة عينيها:ل لااا لااا ماديييرهااااااش عفاااك ش شوووف س سترني عفاااك م ماتقووول وااالو عفاااك كانترجااااك (دوراتو عندها و كاتعلا باش يشوف فيها و لكن هو كايشوف لبعيييد و عاقد حوااجبو ضاااابط نفسووو بالزز بااااش مايهرسهاش من كل قنت فجسدها و يعطططططبها و يزرق لمها لحمها اللي فرحانة بيه)
الشمتة، القرررف، الكررره
حاجات حاس بيهم ناحية هادي اللي مقابلة معاه و كاتوسلووو يسترها بكل وجه قاااصح كاترجاه باش يستر رخصها و عهرها
هند شادة فيه بقوة مامخلياااهش يمشييي:شوووف، سمعني عفاااك .. ص صبر غي شهراااين، شهراين و نطلقو عفااااك غييي شهراين، راه لا تطلقت فنهاري ولا لاااعرف بااابا بهادشيييي هذااا ر رااه غااايقتلنيييي عفاااك غييي شهراااين و صاااافي
حنا عينيه لعينيها شاف فيها بنظرة فعفعاااتها:مافكرتيش فيه واش غايقتلك مللي مشيتي مع داك سلمتيييه راسك؟؟؟؟ ياااك عااد كنتي ثاايقة فرااسك و عتارفتي بيييها بأعلى صوووت عندك!! ولا سحابلك انا ماشي راجل غانسكت ليك؟؟ كووولشييي غايعرفك شكاتسواااي غايعرفو بالوسسسخ ديالك (شد يديها اللي شادين فيه بقوووة حتى تخسرو ملامحها بوجع و دفعها بكللل جهدووو من قدااامو حتى تعكلااات و طاااحت على طووولتها فالأرض .. تحنى عليها مغدد جرها من شعررررها بقووووة و مخرج فيها عينيه بنظرة شرررسة) حييياااتي و سميتي و عائلتي و داريييي ماتحلميييش توسخيييهم بالعهر ديالللللك .. مك باااك و عائلتك كاااااملة غايتعرفو على حقيييقتك غاتبقاي حياتك كاملللة حااانييية الرااااس، ماتستاهليييييش اللي يكبر بيك و يديرك مولات دااارو .. تستاهلي غي الوسخ فحااالك (رمقها بنظرات حااارقة و بدون مايحس على نفسو عطااااها جبدة قوووية للحنك حتى تضرب وجهها مع اللرض)
علات راسها كاتبكي و تشهق و تفكر فهضرتو و تحرك راسها بالنفي، ارتاعشات بذعررر من فكرة باباها و ماماها يعرفو بشنو طاري، السخط اللي ماسخطوش عليها من قبل غايسخطو عليها دابا
زحفااات ناااحيتو و عنقاااتلو رجليه بقوووة كاتبكي بحرقة و ترغبو:عفاااك، الله يعطيك مكاتمنى فحياتك الله يخليلك اللي عزيييز علييييك ماتديييرهااااش، ماتفضحنيييش
تحنى عندها معلييلها راااسها من شعرها اللي تنتف و تخربققق .. شاف فعينيها مصغر عينيه:دوك العوينات عندك فيهم براءة، مغطية على التشيطييين اللي ساكن وسطك .. تخدعت بيهم فاللول ولكن دابا لااا .. عرفت حقيقتك و كولشي غايعرررفها
هند كاتبكي و تشهق و تحرك راسها بلا و كاتفكر كي تخرج من هاد الوحلة:كانطلبك، عفاك .. صبر عليا غي شهراين و صافي، حسبني ختك الله يعطيك مكاااتمنى عفاااااك ماديرهااااش 😭😭
كلامو ضربها وسط أعمااق قلبها .. فحال شي مسدس فرغ رصاصاااتو داااخلها .. صرطات ريقها كاتمسح عينيها و همساتلو:تقدر تقول عليا اللي بغيتي، و لكن ماتحكمش عليا بلاما تعرف ظروفي، أنا و غسان كانبغيو بعضنا بزاف يعني لو ماكنتيش دخلتي نتا لحياتي، كنت هاد الليلة غانكون مرتو هو ماشي مرتك نتااااا 😭😭
شافت فيه بنظرات متوسلة واقفة على ركابيها و شادالو فيديه بزوج و كاتبكي بحرقة:الله يعطيك مكاتمنى، غييييي شهراين و صافييي عفااااك
قرن حواجبو بغضب نترر يديه من بين يديها باشمئزاااز، بلا ماينطق بكلمة و لا يزيد يشوف فيها، خرج من الغرفة و زدح وراااه الباااب بعنف خلاها كاتشوف فالباب و الخوووف ساااكن فأعماااق أعماااقها، عضات على يدها بقووة كاتحبس صرخااااتها و بكاااها، مشات لداك الفراش اللي كان مزين على قبلهم، مارداتش البال لداك القلب اللي مديور بالورود و الكتبة اللي مكتوبة على الفراش من أول مادخلات حتى لدابا، جرااات داك اللحااااف بقوووة لاحتو فالأرض كاتشتف علييه و تبكي تبكي تبكييييي .. حسات بحياتها ضاااعت، حتى فاش بغات تحتافض لنفسها بنفسها اختارعات كذبة غاتخلييها تفقد كرامتها و سمعتها و عائلتها و حيااااتها .. قلبها مطاوعهاش تسلمو جسمها بسهووولة و هي معارفة عليييه حتى سميتو .. مادواو ماتكلمو نيييشاااان بغااا ياخذ منها حقو بما أنه راااجلها!! ماااقداااتش تعطي راسها لشي واحد محاملاااه مقابلااااه .. معارفة عليييه والو .. جلسااات فالارض بفستان فرحها و الدمووووع وسخو وجها بخطوط دالكحل اللي فعينيها، ليلة فالجحيييم دوزاتها هي هاد الليلة، واحلة و معارفاش شنو غاتدير مزال مللي غاتفرش .. واش تنكر واااش تقول راه نزل عليا الباطل، واش تهرب من دابا و تمشي لبعييييد تعيش حياتها بلا هاد وصمة العاااار اللي تلاحقها مع كولشييي، واش واش واش ... عدة تسائلات زااارو ذماغها و لكن مدارت والو .. غي صاقلة و جامدة مكانها و مغمضة عينيها بخموووول و استسلاااااااام للجااااي
،
،
،
بينما هي بقات فالغرفة على حالتها، هو نزل لتحت للبار دهاد الاوتيل، دخل ليه كايفسخ صدايف قاميجتو و حاااس بالخنقة داااخل صدرو .. كلامها توسلاتها و دموعها بانولو مزيفييين .. ما استوعب منها غي الكلام اللي قالتلو عليها، كاتبغي واحد آخر و سلمات نفسها لواحد آخر غير راجلها، گاااع داك الاعجاب اللي حسو جيهتها من أول ما شافها تحوووول لنفووور و اشمئزاااز كبييير حاليا، عينيها كايزوروه لذماغو و كايطردهم برشفااات من الخمر اللي حطولو السيرڤور، كركب كاس مور خوه حتى سكر و جاب الكاااو .. علا عينيه لبعيييد كايتنغم بالموووسيييقى و الناس كايشطحو .. بانتلو واحد القرطاسة كاتشطح و تمااايل بخصرها و تشوف فيه مبتاسمة، تبسملها و غمزها عاض على شفتو السفلية بمشاغبة .. هي غي شافتو غمزها فحالا عطاها الضو الخضر .. تقدمات ناحيتو مبتاسمة و جراتو من يدو موقفاااه
البنت بنبرة دلع مبتاسمة:نوض تشطح معايا
ناض معاها مرخييي، سكرااان كااايشطحو و يشوف فيها مشمئز .. أفكارو مسيطرين عليه ولاو كايبانولو گاع البنات فحالها .. شابهينلها موسخات فحالها...
جرها عندو كثر كايتحسس فجسدها برغبة و همسلها فوذنها:زيدي نطلعو لبيت الفوق و نقولك كووولشي علياااا
تبسماتلو رغدة بدلع محاوطة عنقو بيديها، هو قرب لفمها باسها بشهوة حتى هي بادلاتو بشهوة اكبر، دغيا تافقو هزات صاكها و تماو طالعين لغرفة الفوق باش يكملو ليلتهم....
صباح جديد
ملابس أنثوية و رجولية ملاوحين فالأرض مشتتين بعشوائية
علا راسو من وسط المخاد حاس بالشقيييقة شاداااه فذماغو، ضهرو المفتول و كتافو حس بكلاكاج شادو فيهم، دار كايتنهد و يحك جبهتو .. شاف فراسو عريان و ديك اللي جنبو ناعسة حتى هي باينة فيها عريانة، غي ليزار اللي ساترها، ناض دااايخ كايسب فداخلو و يخسر سيفتو و يدفل فالأرض بسخط و يزمجر بغضب، لبس سروالو و قاميجتو، خشا يدو فجيبو جبد بزطامو، هز جوج زرقات و لاوحهم بعشوائية فوق داك الفراش، خارج من داك البيت و حاس برااسو مغدد و شاااااعلللل .. داز للبيت عند عروستو و كايشمت فراسو و يتمتم
-النهار اللي قررتي تدير عقلك و تجمع راسك يا ودي يا هارون لقيتيها مصالحاش، يااا ودي يا ودي .. تدارت بيك نتا (حل الباب مخنزر، بانتلو على حالتها فالأرض مكمشة ناعسة و الكوڤرلي ملاوح فالأرض مع الورد متناثر، قرب عندها بشوووية تحنا جالس على ركابيه كايشوف فيها بنظرات ثاااقبة، عض على شفتو التحتية بقوة و همس بحدة)
-شيطانة
خلاها على حالتها و مشا للحمام، دخل كايقلع فحوايجو و مخنزر غايتفرگع، تخشا تحت الرشاش و الما منساااب على جسمو المفتوول بهدوووء، علا راسو فالسمااااا كايفكر و يعاود شنو يدير، دوز تقريبا ساعة إلا ربع تحت الرشاش، خرج من الدوش بفوطة ملوية على خصرو، بانتلو نايضة دااايخة ماطولش فيها الشوفة، كايشوف حواليه بانتلو ڤاليز صغيرة كان مسبقها لهنا باش يبدل عليه الصباح
جبد حوايجو قدام عينيها و حواجبو معقودين بحدة، قلع الفوطة قدامها حتى قفزات و عطاتو بالضهر بدل عليه و دار شاف فيها
-غاتباتي هنا؟؟
صوتو خارج مبحوح و مثيير، نبرة صوتو خاافتة و حادة فنفس الوقت .. هي ماقداتش تعلي فيه عينيها عاد استوعبات شنو طرا بيناتهم فالليلة الماضية، تحنحنات و حنات راسها هازة جلايل الكسوة دالعرس، جرات معاها حتى صاكها، دخلات للدوش دوشات حتى هي، جبدات سيشوار صغير داروهلها نشفات شعرها و خلاتو على راحتو، لبسات الحوايج اللي جابت، جلابة قصيورة ثوبها حريري طاايح مبين فورمتها غزالة، خلات وجهها صافي بلا ماكياااج و ذااابلة ماعندها گانة لوالو، خرجااات لبرا، لقاتو جالس فوق واحد الفوطوي فارق رجليه و كايتكيف البيت عامر بالذخان، ماكملاتش فيه الشوفة و مشات جلسات فوق الفراش و كاتوجد راسها للتبريات اللي غاتسمعهم من واليديها
تنهدات بحرررقة باغا تبكي و ناضت كاتأفأف ناحية الشرجم حلاتو كاتطل لبرا، هو علا فيها عينيه مغوبش كايلعب فتليفونو .. نص ساعة تقريبا من هاد الجو المشحون فالبيت عااد وقف و تقدم عندها هي كانت سااااهية بعيييد حتى وقف وراها و جرها من ذراعها دورها عندو عاقد حواجبو فيها بحدة
هند شافت فيه قلبها كايضرب بقوة:ش شنو؟
هارون تبسم ابتسامة جانبية:غانمشيو دابا
ومآتلو براسها و عينيها دمعو فيه:نمشيو لدارنا؟ عند واليدية!
هارون طول الشوفة فيها، مجاوبهاش عطاها بالضهر و مشا هز حاجياتو من فوق الطبلة سابقها .. حتى هي زربات هزات ضرورياتها و مشات موراه، ركبو فالسانسور قد قد و هو منخلها و هي حشماااانة منو و مثوثرة من شنو تابعها مزال، نزل بيهم الأسانسور لتحت و مشا سابقها و هي موراه، غي وصلو لبرا وقفو دقايق و جاب موظف من الفندق طموبيلت هارون، ركبو فيها بزوج و هي غي كاتفرقع صباع يديها و تفكر كيفاش غاتواجه واليديها، غاديين و ساااااهية ماشي فهاد العااالم حتى حبسات الطموبيل، علات عينيها ناوية تشوف دربهم حتى دارهم لقات ڤييلا كبييييرة بجوج ايطاجات .. و جررردة وااااسعة، شافت فيه عاقدة حواجبها باستغراب هو علا فيها حاجبو و نطق بجدية
-شهراين غاتعاملي على أساس ر
أنكي مرتي واخا هاد اللقب بزاااف عليييك، بيتنا واحد و فراشنا واحد حتارميني أنا ماتجاوزيش حدودك معايا حسنليك .. حتارمي عائلتي و مييي بالخصوووص مانسمعهاش كاتشكى منككك .. ماتقللي الأدب على حد و أحسنلك ماتعانديش ولا تديري الضد حيت مغايعجبك حااال .. فاش غاتسالا المدة، وراق الطلاق غايكونو واجدين ممضيين و غاتقودي برات حياتي انا و عائلتي، مفهووووم؟؟
هند وسعات ابتسامتها بفرحة، عاااد قدات ترتاح و تتنفس:بصح هادشي ياااك مكاتضحكش!! لهلا يخطيك شكرااا بزااف عمرني ننسى خيرك اللي بغيتيها هي اللي تكون عمرني نقول لا
مشافش فيها و معبرهاااش .. نزل سابقها عاقد حواجبو و هي تبعاتو، غاديين بشوية داخلين لداخل، غي وصلو للدخلة دالباب شد يدها و شابك صباعو مع صباعها مزيييير عليها بطريقة وجعاتها، غمضات عينيها بقووة عاضة على شفتها التحتية، و داخلين بزوووج لداخل ديك الڤيلا العرييضة و الواسعة، دخولهم تصادف مع العائلة كاتفطر غي شافوهم ناضو طايرين كايسلمو عليهم و عليها هي بالخصوص، أخييييرا العروسة اللي من زمااان و هوما باغيينها تدخل لعائلتهم دخلات .. عروسة ولدهم المتوسط "هارون الراشيدي" الإبن الأعزب لعائلة الراشيدي، عندو شعبية كبيييرة عند البنات .. مدوز جمييع الأنواااع و الأصناااف .. هو بوكسور معروف عااالميا و فنفس الوقت مرة مرة كاياخذ شي مشاريع فشركتهم الخاصة بمواد التجميل يخدم عليهم .. طوول عمرو و هو محيد فكرة الزوااج من ذماغو، حتى شاف هند فحفلتو الأخييرة مللي ربح حزاام ذهبي، و لكن بانلو قرارو مكانش فمحلو، حيت العروسة اللي دخلات للعائلة طلعات عروس مستعملة، قلبا و قالبا
بعد ما سلمات على گاااع العائلة و أخوات هارون اللي عندو ثلاثة دالبنات و ثلاثة دالدراري، جلسو مع بعضهم فالصالون هند مع النساء و بنات العائلة اللي تجمعو عليها كايسولوها على ليلة دخلتها و خوهم كي كان معاها
هند مرگااات حشمانة كاتشوف فيهم، أول مرة تشوفهم لدرجة ماحفضاتش حتى سميتهم و هوما كايدويو بكل حرية بدون قيود
رزان (الكبيرة و الرزينة):سلمى براكة راك حشمتي عروستنا
أحلام (الصغيرة): هههه صراحة نتي زوينة بزاااف اهند مللي جينا نخطبوك و شفناك و حنا مشبهينك لباربي ههههه قلناها حتى لهارون، نبقى نقولك باربي ديما
بنت عمهم:هند باربي هههه
هند تبسمات بخجل:شكرا بزااف
رزان:قوليلنا اهند، كنتي كاتقراي ولا كاتخدمي؟
هند دلات شفتها التحتية بعبوس:كنت كانقرا و لكن مغانكملش
سلمى:ولكن علاش؟
أحلام:واش على خويا؟؟ غي ماتخافيش هو يعاونك بالعكس، متفهم و ذماغو ماشي من دوك الرجال المنغالقين
هند بنفي:لا لا غي أنا ذماغي ماشي دالقراية و صافي، مكادخليش فعقلي
أحلام بتسائل:و شحال فعمرك؟
هند: 21 عام
احلام تبسمات بحماس:قدييي هههه
هند تبسماتلها:بصح مزياان
داخلة سمية لعندهم بفراشة و شعرها مطلوق و الذهوبات مسرتلين فيديها و عنقها و دايرة مكياااج خفيف كاتضحك:شكاديرو أدوك المسخوطات تحاميتو على عروستي بعدو منها دابا راه كاين اللي محتاجها على نار ههه (قربات عندهم و جرات هند عندها وقفاتها) حبيبة ديالي أجي معايا نوريك بيتك ترتاحي أكيد غاتكوني عيانة من الليلة دالبارح ياك
هند تبسماتلها:احم، اااه
جراتها معاها سمية مطلعاها لفوق:يلاه ابنتي، قوليلي ولدي كان ظريف معاك البارح؟ عارفة راكم جداد على بعضكم و مامولفينش و لكن سنة الحياة هي هادي، مزااال تولفو على بعضكم
هند صرطات ريقها مبتاسمة:اه بصح انشاء الله يكون خير هه
سمية وصلاتها لبيتها:ها بيتك نتي و هارون، دخلي رتاحي علاما يوجد الغدا
هند تبسماتلها ابتسامة صفراء و دخلات للبيت، تسناتها حتى مشات عاد سدات الباب .. دارت كاتشوف فداك البيت و فراشو و ديكورو و هي تصغر عينيها، تصاورو فكل بلاصة معلقين، تصاورو فالكومبات و حتى الجوائز اللي خدا .. بقات كاتشوف فيهم و تساري عليهم عينيها حتى غمضات عينيها بقوووة، تفكرات غسان و هي تتنهد بحرقة حاطة يدها على قلبها
- واخا كولشي توحشتك اووووف، توحشتك بزااااف
سمعات صوتو من وراها قفزها
-للأسف مغايسمعكش داك حبيبك و نتي هنا مع راجلك المؤقت أمدام
علات فيه عينيها و هي تصرط ريقها، عضات على شفتها التحتية و جلسات مرگاانة فوق كناپي بعيد عليه، جات قبالتو هو اللي مانتابهاتلوش فالبيت حيت كان جالس فقنت من غير القنت اللي معلقين فيه تصاورو .. البيت كبييير و واسع تقريبا قد دارهم اللي كانو ساكنين فيها بفراش مضلم شوية .. شافت فيه باغاا تبدا حديث معاه على الأقل تتكون بيناتهم صداقة ووتضمنو مايفضحهااش و لكن مزاعماش
هند عاودات عضات على شفتها التحتية، ديك العضة عندها كاتخليه يعقد حواجبو بقوة فيها و يعاود
هند بثوثر:احمم، ا انا حشمانة منك بزااف على شنو طرا البارح و كانشكرك حيت سترتيني
حافظ على ابتسامتو الحانبية الهاادية، جبد گارو و شعلو كايكمي و يشوف فيها فحالا باغي يحفضها هي و تقاسيم وجهها
شافت فيه بنص عين مللي مجاوبهاش و تحنحنات واقفة:ش شوف غانتافقو، أ أنا نبقى ننعس هنا و نتا فوق الفراش
علا فيها حاجبو بحدة، تبسم باستهزاء و شارلها بزوج صباع من عندو:أجي لهنا
شافت فيه باستغراب عاقدة حواجبها و هو مراقبها بعينيه الصقريتين بديك النظرة ديالو اللي مكاتغيرش، نظرة حااادة حااارقة .. ناضت بشوية و بتردد كاتمتم باستغراب:شنو؟
هارون بهدوء و برووود:اجي
قربات عندو بشوووية كاتصرط فريقها بالزز جلساات قرييبالو، بقا صاقل و هااادئ كايكمي و مكااايشوووفش حتى فيييها، سف سفة عميييقة من گاروه و غفلها دغيا قرب عندها فرمشة عين حتى قفزات و زفر الذخااان على وجهها حتى غمضات عينييييها بقووووة كاتكح و تعاااود مخسرة سيفتهاااا
تبسم ابتسامة جانبية كايشوف فتقاسيم وجهها و عينيها بالخصوص:بااااربييي
همس بنبرة خااافتة خلا قلبها يوقعو فيه تقلصات ديال الثوثر و الرعب منو، جرها من شعرها بقوووة حتى غوتات بوجع بصوت خافت .. دوز أنفو بشووووية مع أنفها و همسلها بنبرة خلات زغب رااسها يوقف
-راجلك سميتو هارون الراشيدي، راجلك اللي المفروض تولي تنعسي يوميااا جنبو ففراشو، نتي وياه .. الكتف عند الكتف (قاصها فكتفها) الضهر عند الضهر (جرها ليه من ضهررها) وووو اللحم على اللحم (عض على شفتو السفلية كايشوف فرقبتها الناصعة البياض)
هند عقدات حواجبها فيه و حطات يديها عند صدرو باغا تدفعو و هو قرييييبلها بطرييقة حميييمية مصغر فيها عينيه
هند بخفوت:ه هااروون
غي نطقات سميتو بديك النبرة الخااافتة شاف فشفايفها، قاصهوملها بصبعو بشووي بإبهامو حتى غمضات عينيييها بقوووة كاتنففففس بالجهد، قررربلها لدرجة كبييرة حتى تضاربو أنفاسهم و همس
-هاد الشفايف شحال من مرة قاصهم داك اللي توحشتيه؟
حلات فيه عينيها مغوبشة أول مافكرها فيه، هو تبسم باستهزاء و حنا عينيه لبقية جسدها كايشوف فيها باشمئزاز:عمرني تغيييلفت من شي وحدة قدااامي قدك نتي، واااخا تنعسي جنبي عريااانة مانمدش يدي عليك و نتشهاااك، بغيتي تنعسي فوق الفراش، ولا فالأرض ولا فوق هاد الفوطوي ضبري مخك، غاااا هو مانبغيييييش صوتك نسمع حسووو و طيييفك يدووور بيااا، حسبي بيتي مجرد أوتيل حاجزة فيه لمدة شهراين و من هنا لتما، مايبقالك وجود فحياتي
أول مانطق داك الكلام الساااام فحال اللهيب دالعااافية حرقهااا بيه .. ناضت من جنبو و دارت عطاتو بضهرها، ربعات يديها عاقدة حواجبها بعدم رضى لكلامو لييييها و مشات كاتطل من الشرجم لعلى برا ثاني
دازت فترة ماطويلاش، وجد الغدا و نزلو تغذاو مع بعضهم .. هند تلقات ترحيب من طرف عااائلة هارون، رحبو بيها و عجباتهم دخلاتلهم لقلبهم و حتى هي اللي ضحك معاها تضحك معاه واخا ماعندها گاااانة، ناضت مع خواتات هارون خرجو للجردة كايدورو و يعاودولها على ذكرياتهم و صغرهم، كل وحدة فخواتاتو و شمن مجال شادة، وحدة كاتنحت و التمثال البرونزي هي دارتولو، الثانية كاتقرا و كاتحماااق على الأنفوغماتيك اما رزان فمزوجة و لكن راجلها حاليا على برا على داكشي گالسة مع دارهم، فاش دارو و شبعو هوا و ساراوها فالجردة و السفلي دالڤيلا، جا وقت الگوتي داروه فالجردة بربعة بيهم و ناضت هند بعدما عيات بالجلاس معاهم ..
طالعة للبيت لفوق، راسها ضرها و بغات تنعس ترتاح شوية .. حلات باب البيت مع الدخلة تشوكات و تسمرات مكانها كاتشوفو كايتباوس مع وحدة من فمها و هي معلقة فيه و معنقاه بقوة، عينيييها تجبدو بصدمة فداك المنظر تراجعات للوراء و دارت غاتخرج من البيت حتى تضربات فالبااب، الضربة خلفات ضجيج خفيف وراها خلاتو هو ينتابهلها، غيييي شافها دايرة عاطياهم بالظهر و جسدها كايتهز و يتحط بتنفسها السرييييع تبسم ابتسامة جانبية و البوسة اللي جاتو على غفلة من بنت عمتو ردها متبااادلة و خلللف معاها صوت عااالي رن فوذنين هند حتى عقدات حواجبها بعدم رضى و تزييراااات أكثر و أكثرررر
🔙🔙
جالس فالبيت شاد البيسي ديالو خدام فيه و مركز بهدوووء، مرة مرة يشعل گارو يكميه و يطفيه فالطفاية جنبو، بطبعوو هااادئ و خااامد و غاامض مكايتعرفش فين كايفكر حتى ينطق و يقول الكلام، نظراتو كايكونو عميقين و حادين مثل الصقر
تفتح عليه باب البيت على غفلة، علا عينيه و هو يشرك حواجبو باستغراب
داخلة عندو بنت عمتو اللي سبقلو كان معاها فعلاقة عابرة و لكن بانتلو مثابتاش حبس معاها كولشي و عطاها بالتيساع، جلسات جنبو معبسة و باينة فيها ماعاجبها حال
هارون شعل گارو جديد كايكمي و ساكت ماعبرهاش: (الصمت)
بنت عمتو:هارووون (شداتلو فيدو هربها منها مخنزر)
وقف ساد البيسي ديالو و باقي شاد گاروه بين صباعو عاطيها بضهرو، قربات عندو عنقاتو من ظهرو مغمضة عينيها بقووة مزيرااهم
هارون و تقووول واش سمعها صوتو، كايشوف فيها غيي ببرود معلي حواجبو بزوج .. غي بانلها صاقل زعمات عليه كثر و تعلقات فيييه عنقااتو بقووة .. باستو فعنقو قبلات متتالية كاتنهد و تبسم بأمل و طلعات لحناكو كاتبوس و تعاااود، نزلات لشفايفو .. غا حطات شفايفها تحل الباب و دخلات هند
🔚🔚
بعدات بنت عمتو كاتشوف فيه كاضحك:ن نتا نتا باقي كاتبغيني يااااك أعمري، أ أنا كانحماااق عليك غ غي كنت طاايشة باش وافقت نتفارقو أما راني عمرنيييي كنت نبغي نتفارق معاك نتا راك عارف حبي ليك شحال كبييير
كاتشوف فيه و تدوي بلهفة، هو وذنيه معاها و عينيه مع هند اللي عاطياهم بالضهر، تبسم ابتسامة جانبية أول مشافها كاتزييير على قبضات يدييها باينة فيها غااضبة كثر من القياس خصوصا من جسدها اللي كايتهز و يتحط بوضوووووح قبالتو، واخا مشافش ملامحها إلا أنه تنبأ بغضبها .. تحنحن و بعد وجهو من بنت عمتو اللي كانت ناوية تعاود تبوسو، عقد فيها حواجبو و شارلها غي براسو تمشي .. مابغاش يسمع لهند صوتو باش ماتعرفوش ضار فيها
بنت عمتو بعبوس:هارون أنا كانبغيييك، ماتخلينيش عفااك ا انا قااابلة حتى نكون مرتك الثااانية غيييير....
أول ماسمعات هند داك الكلااام دااارت مخنزرةة و نطقااات بنبرة عااالية بعدم صبر:واااش عااارفة راسك شكاتقولي أماااما ولا لاااا؟؟؟
بنت عمتو ماساقتلهاش خبار واش راها معاهم، غي شافتها و سمعات صوتها تشوكات:ن ن نتي من فوقاش و نتي هنا
هند قربات عندها مخرجة عينييها:خرررجييي من بيييتييي أنا و رااااجليييي ولا مغااايعجبك حاااال، يلاااه خرجييييي براااااا
ب.ع، حناات راسها و خرجات مزنگة من الحصلة اللي حصلات، خافت من الشوهة خصوووصا و أن هند كادوي بصوت عاالي و تغوت و كل العائلة مجموعة لتحت مابغاتش تفضح قدامهم .. غي خرجات هي شافت هند فهارون معلية حاجبها بعدم رضى
-شنو دابا؟؟ كاطلب مني نحتارمك نتا و عااائلتك!! حتااارمتك، سكتتتلك، عطيييتهم صوااابهم و نتا شنو درررتي؟؟ .. أووووول نهااار ليااا هنااا نشوف ديك خيييتي مانعرفت حتى شكوناهي فالبيييت اللي المفروض يكووون بييييتيييي أنا وياااك كااااتباوسو نتا و ياااااها و زيد باش كملاتها و جملاتها قالك تولي مراتك الثااانية
سف من گاروه بهدووووء مصغر عينيه فيها، حتى زفر الذخان على رااااحة راااحتو و قال بكل برووود حرقلها أعصااابها بيه
-سميتها فدوى هاديك، بنت عمتي
خلاها مخرجة فيه عينيييها مامثيقاش كمية البرود اللي عاملها بيييها و دار عاطيها بالضهر رجع للفوطوي ديالو جلس، هي بقات مططووولة فيه الشوفة مشووكية فيه .. قربات نااحيتو و جلسات جنبو، بانلها غايحل البيسي ديااالو حطااات يدها عليه بقوة ساااداه و تمتمات بحدة
-تكوووون فعلمك واحد الحاجة مهمة أسي راجلي، لا ما لقيتش الاحترام ليااا ك كيااان فهاد الدار..
"شنو غاديري؟؟"
قاطعها ببرود كايشوف فيها بنظرة طااافية .. هي تحنحنات كاتحك جبهتها و تمتمات بعبوس
"ماااانگووولكش، حتى لداك الوقت و تشوف بعينييك شنو نقدر ندييير"
خلاتو حاضيها بنظرات استهزاء عارف مافيدها ماتصنع .. ناضت من جنبو كاتسبو فخاطرها و تسب النهار اللي شافها فيييه .. إحساسها جيهتو هو و بنت عمتو مكانش غيرة، ولكن حسات بأن كرامتها تهزات و تمسات فيها، الأنثى منا حنا واخا ماتكونش كاتبغي راجلها و لا صاحبها ولا خطيبها و لا كيفما كانت نوعية علاقتهم واخا تكون غي كاتفلى و تدوز معاه الوقت .. ماترضااش على نفسها تشوفو مع وحدة اخرى فالوضعية اللي شافتو فيها و تسمع منها داك الكلام اللي مكايتسمعش
مشات لصاكها اللي جابتو معاها فيه حاجياتها الأساسية، لقات تليفونها و شارجولها فوسطو، هزاتهم و مشات لقنت فوق الفراش جنب الپريز، لصقاتو و ربعات رجليها .. عقدات حواجبها مللي لقات الكونيكسيون تقاداتلها، علات فيه عينيها
-شحال الكود دالويفي؟
تبسم باستهزاء و مدلها يدو بمعنى عطيني تليفونك نكتبو، ناضت كاتصوط لعندو، مداتلو التليفون شدو عندو شاف فنوعيتو، دخل لبلاصة الويفي شعلولها .. مع تشعل مع بدا كايڤيبري و الإشعارات كايوصلو ورا بعضهم، صغر فيهم عينيه، شاف فاتصالات كثيرة واصلينها و ميساجات .. قبل مايدرك يدخل يشوف شداكشي جرات عندها التليفون كاتشوف فيه باستعلاء و رجعات مكانها .. عاودات ربعات رجليها دخلات تشوف فالإتصالات اللي وصلوها و هي تتشوكا من النمرة د غسان مصونية عليها، يديها بداو كايرجفو بعدم تصديق و قلبها ولا كايشطح الصالصا، ذاااتها عرقااات و عينيها خرجووو .. مشات كاتشوف فالميساجات اللي صيفطلها و كاتقرا فيهم فحال المجنونة قلبها غااايسكت، دخلات للفايسبوك لقاتو مصيفطلها ميساج آخر غييييير هادوك اللي وصلوها كايسولها فينها و يطلب منها تطل عليه من الشرجم د دارهم
الميساج:جيت لداركم ناوي نطلب السماحة، عارف راسي فالطيت معاك و غلطت بزاف و لكن جااامي ضنيت فحياتي أنني غانعاقب راسي أنااا لا تفارقت معاك و بغيت نربيك باش ماتعاوديش تكذبي عليا و تخبي عليا، انا ندمت بزاااف أهند .. ندمت و جيت باش نقولك نرجعو كي كنا و حسن ولكن تفاجئت بيك خارجة معاه عروسة، شادلك فيدك و الناس فرحانين ليكم، اللي حلمت بيها من زماااان غاتكون مرتي حلالي وحدي، صدقااات ولات مرت واحد آخر .. يمكن ستاحقك حيت هو ماخلاكش شهوووورة معاه بلا علاقة رسمية، و لكن ثيقيني .. انا ستاحقيتك كثر منو و بغيتك كثر منو و باغيييك كثر منو و غانبغيييك كثر منوووو
هند أنا ندمت، عفاك لا قريتي الميساج ديالي دوي معايا و طفي ناري .. دوي معايا و طمنيني عليك واش فرحانة معاه؟ تقدي تكملي حياتك نتي وياه؟ غاتنسايني؟؟؟
لاكان جوابك اه بلوكيني نيشان ولكن لا كان لا و مزال باغياني، دوي معايا و عطيني أمل....
كاتقرا داك الميساج و قلبها باغي يسكت، عينيييها تغرغرو بالدموووع و يديها بقوة مكايرجفو مابقاتش قادة تقرا بقية الميسساج اللي كان باقي فيه بعض الأسطر، علات عينيها فهارون شافت فيه واش حاضيها .. بانلها مشغووول فالپيسي ديالو، حطات يدها على الكلاڤيي غاتسيفطلو ميساج .. يلاه كتبات حرف تفكرات الإهانة اللي هانها فآخر اتصال بيناتهم و أصلا هي مرا مزوجة حاليا و راه هارون دار معاها المزيان من اللي سترها بعد الشي اللي قالتولو أما راه كلمة وحدة منو غاتخليها طووول عمرها واخذة السخط من واليديها و نظرة خااايبة غاتولي تشوفها من الناس و المجتمع، دخلات لپروفيلو غاتبلوكيه، حتى تفكرات بنت عمتو اللي شافتو باسها قدامها و مدارش ردة فعل مللي سولاتو عليها، تراجعات غادة تكتبلو ميساج .. مع التفعفيعة و الثوثر غي كتبات "س" بغات تمسحها و هي تسيفطها، عينيها خرجو فالميساااج و فال vu اللي طلعاااتلها و فديك en train d'écrire اللي بانت قدام عينيها، غززات سنانها باغية تبكي و غوووتااات بنبرة عاااالية بلا ماتحسسس بنفسها بكثرة الفقققصة حتى شاف فيها هارون بجدية و استفسار قارن حواجبو و قال بحدة بنبرة صوتو الخاترة
-أش داكشي تما؟؟
علات عينيها فيه كاتهدن نفسها باش ماتقولش شي حاجة ولا تغوت ثاني حيت الفقصة اللي حساتها خلاتها تحفررررر فداخلها، نظرتو ليها وثراتها و حتى شنو قال و نبرة صوتو .. هاد الجو المشحوون خلاها تعرققق .. تحنحنات كاتمسح على جبهتها من قطرات العرق .. بانلها علا حواجبو و نزل راسو مكمل خدمتو فالپيسي ديالو مزادش تسناها تجاوبو .. عضات على شفتها التحتية و شعلات التليفون اللي طفا منو الضو، بانتلها سيفطلها ميساج
✉ مابلوكيتكش حيت باغا نعرف حاجة وحدة، علاااش راجع حتى لدابا .. طلبتك و زاوگتك غيي تسمعلي و مابغيتيش .. دابا راك جاي معطل .. أنا بنيت حياتي مع واحد يستاهلني و غايكبر بيا و يديرني أميرة عندو .. ماشي من أول مشكلة بيناتنا يقطع عليا الهضرة شهر و الزيادة و يبلوكيني من گاع وسائل التواصل!!
ثواني و وصلها ميساج آخر:هند بغيت نشوفك و نشرحلك عفاك .. انا راني مانتخايلش حياتي بلا بيك
عينيها تغرغرو بالدموع .. كاتمسحهم و تكتب و داخلها كايرجف:ضيعتيني من يديك أغسان
✉ هند غي خمسة دقايق نشوفك عفاااك
✉ غانبلوكيك، انا بنيت حياة جديدة و مامستاعداش نغامر بكرامتي معاك مرة أخرى و نتا تمرمدها و تدير فيها اللي مكايدارش
أول ماسيفطاتلو هاد الميساج .. بلوكاتو بعزم و قارنة حواجبها بجدية، واخا كون ماكانتش مزوجة .. لا دوا معاها بعد ديك الفترة الكثيرة دالمقاطعة و داك الكلام اللي جرحها بيه كانت غاتدير معاه نفس الشي و تلغيه من حياتها، حيت هو أصلا قدر يتخلى عليها مدة طويييلة و ماعتابرهاش شريكة حقيقية لحياتو فحال اللي عتابراتو هي .. تنهدات بحرقة حاسة بشي عقدةةة مزيرررة على قلبها بقوووة .. ناضت بتثاااقل كاتزفر و تتأفأف بصوووت عااالي و تطبطب على قلبها من الحرررقة اللي حساتها داخل أعماااقها .. دخلات للحمام حاسة بالرجفة قابطااها .. سدات الباب وراها و تكااات عليه بقوووة كاتزييير عينييها اللي عمرووو دمووووع، نزلو كايتسرسبو ورا بعضهم و ذكرياااتها القديييمة مع غساان كايتسربو لعقلها فحال شي كوااابيييس مزعجججججة .. ذمااغها حساتو تبلوكا و الهضرة اللي قالهالها فالميسااااجات حساتها جااات معطلة .. حرقاتها بزااااف فداخلهاااا .. مشات للاڤابو طلقات الماااا و كاترجف و ترعد .. رشات وجهها بقطرات الماء الباردة .. لسعااتها بقوووة و خلاتها تقفز .. شافت فوجهها فالمرااااية كاتزيييييير على قبضات يديها و ذماغها كل شوية كايصورلها لقطة ليها مع غسان .. الغضببب تمكن منها بقووووة و بدووون ماتحسسس لاوحاااات واحد الزااااجة بقوووووة للأرض حتى تشتات .. شافت فيييها كاتنهج و تتمتم بأعلى نبرة عندها فحال المجنوونة
-برااااكة برااااكة صاااافي ساليييينااااااا
بصوت عاااالي تنهدات .. حنات كاتجمع شضايا الزاج بيدين كايرجفو .. جمعاتهم و لاحتهم فسطل منزل قدامها .. مسحات عينيها كاتزفر و تسترجع ذاااتها .. شافت فنفسها فالمراية بنظرة هاادية كاتتظاهر بالقوة و مشات خارجة لبرا .. لقاتو جالس على حالتو هادئ واخا صوت التهراس و الغوات فالحمام ماداهاش فيها مادواش معاها ماطلش عليها و ماعلاش فيها عينيه
رجعات لمكانها جلسها بهدوء و بدورها تجاهلاتو بكل برودة دم كأنها ماشي هي اللي كانت غاتجبد كبدها بالفقصة
.
.
.
علات عينيها فيه بعدما دوزات العشية كاااملة ساااهية، طلقات تليفونها مداياهاش فيه و غييي ساااهية و غااايبة عن العالم كاتفكر فشنو غادير فحياتها مزال بعدما تسالي هاد الشهرين بيناتهم
ناض كاينفض يديه .. سد الپيسي و مشا مباشرة للحمام .. دوز فيه وقت قصير و خرج من البيت مباشرة .. مشافش فيها، ماعبرهاش .. فحالا هي مامعاهش فهاد البيت .. تعامل معاها فحالا راها شفافة و مكاتبانش ليه فخطرة
.
.
.
ليلة كاملة دازت عليها كحلة زحلة .. بيت جديد عليها .. دار مامولفاهاش .. بوحدها فالضلمة .. هو مارجعش للبيت فخطرة من اللي خرج حتى العشا مازعماتش تنزل تتعشى بوحدها مع ديك العائلة الكبيييرة .. بقات كاتقلب و تشقلب فوق داك الفراااش الكبييير و صوووت الصصصصمت خلا وذنيها يبداو كايصفرو .. البكية شداتها من خوفها و قلقها فهاد الليلة هادي ..
النهار بدا يطلع عااد بداو عينيها كايذبلو و بدات تغرق فالنعاس .. مللي دخلات معاها حلاااااوتو تحل الباب بقوة و داخل للبيت مخنزر كايتمايل .. حوايجو مخربقين و شعرو مشنتف و قاميجتو اللي لابس عامرة بأحمر شفاه فاااقع .. تلاح جنبها فوق الفراش بقا دقااايق ساااااكت جااامد كايشوف فالسقوووف .. حتى دور راسو .. شاف فيها بنظرة هاااادئة زفر أنفاس سخاااان و تقلب عاطيها بظهرو ناعس بعمق
.
.
.
أخيييرا سطعت الشمس فالسماااء برزااات بقوووة فوقت الظهييييرة .. حلات عينيها على صوت الدقان فالباب .. حلات هند عينيها ببطئ مساخيااااش تنوض .. وقفات مثقققلة رجليها .. حلات الباب كاتحك فعينيها و هي تتحنحن كاتقاد وقفتها أول متتفابلو عينيها مع عيون عگوزتها
سمية بابتسامة:بنتي شفتكم مانزلتوش للفطور!!
هند تحنحنات كاتحك عنقها .. شافت فالفراش لفوق و هي تخرج عينيها من اللي بانلها فوق الفراش ناعس .. تبسمات لسمية بخجل و قالت بهدوء
-صبحنا ناعسين و صافي .. أنا نغسل وجهي و نبدل و ننزل عندكم لتحت
سمية تبسماتلها:فيقيه بعدا أبنتي .. راه عمرو بقا ناعس حتى لهاد الساعة هادي، ولكن نعذرو مدام عريس جديد و مرتو مهلية فيه هههه
هند تزنگااات كي ماطيشة ولات حمرااا .. تبسماتلها من باب اللباقة و تسناتها حتى مشات و سدات الباب .. دخلات بشوووية كاطل عليه بانلها فسااابع نومة .. ماحساتش بيه مللي دخل .. مشات للحمام و قضات روتينها الصباحي فيه .. خرجات منو و جبدات ڤاليزتها اللي وصلاتها البارح للڤيلا .. جبدات حوايجها بكل هدوء كاترتبهم و تطويهم .. دخلات للدريسينغ ديالو الكبيير كان بيت صغييير شوية ولكن جامع كم هاااائل من الملابس الرجااالية من ماركااات عااالمية .. أحذية و ساعات و عطووور رجاالية خلاوها بدووون وعي منها تنطق بانبهااار
"واااااااو"
بدات كاتقلب و تدور فعينيها فالأرجاء .. مالقاتش بلاصة تحط فيها حوايجها .. دارت رجعات لبرا هزات حوايج تلبسهم حاليا و خلات دوك اللي طواتهم فبلاصتهم .. دخلات للحمام بدلات عليها و خرجات كاتشوف فيه بصمت .. قربات عندو بهدوء كاتدور فعينيها، جلسات جنبو فوق الفراش .. كان ناااعس بعمق و شعرو الأسود الكثييف طايح على عينيه بطريقة مثييرة مبعثرة، ملامحو الحادة و حجبانو الكوووحل و شفارو الطوال مبينينو وسييييييم لحد كبييير .. خرجات من دوامة التأمل اللي دخلات فيها و حطات يدها على كتفو بشووووية كاتحركو حتى تفعفع و حل فيها عينيه معسلهم
هند بهدوء:ماماك قالتلي نعيطلك باش تنزل و....
ماخلاهاش تكمل بقية كلامها .. دفعها عليييه بحددددة بدوووون ماينطق بكلللمة .. ناض مخنزر و من نظراااتو باينة فيه محاااملهاااا مقااابلها .. قلع قاميجتو اللي كانو غي جوج صدايف اللخارة عندها معقودين، لاوحهالها على وجهها حتى قفزات و شارلها بسبااابتو بتحذيييير مغزز سنانو مع بعضهم
شافت فيه عاقدة حواجبها مزيييرة على قاميييجتو بقبضة يدهااا بقوووة .. حنات عينيها ليها و هي تخرج فيها عينيها من العكر اللي بانلها فيها معمرها .. علات فيه عينيها و هي تقفز من الباب دالحمام اللي شعطووو وراه مللي دخل ليه .. زيرااات على ديك القميييحة بقبضة يديييها و لاوحاااتها بقرف للأرض كاتمتم بغضب و عدم رضى
-حقيييير الله يعطيك العجز الجنسيييي 😡
جالسين بزوجهم فطابلة فيها جوج كراسة .. كياكلو و شي مايشوف فشي .. فلاشو معاها من اللي حل عينيه خلاها تغضب عليه و هو كذلك غضبااان عليها من أول نهار ليهم .. فطرو بهدوووء فالجردة و مع الشميسة و الجو زوين عجبها الحال برا .. ناض هو من جنبها مللي كمل فطورو و هي بقات جالسة، جاو الخادمات جمعو تما و خلاوها على راحتها .. گاع سكان الڤيلا مفرقين و كولها و شنو مشا يدير ... هاللي خدام هالللي خارج مع العطلة و الصيف داخل .. وقت ماطويييلش بزاف قشعات شاب جاي جيهتها مبتاسم .. كانت شافتو البارح مع عائلة هارون و لكن ماتتاحتش ليها الفرصة تتعرف عليه مزيان
جاي كايضحك و يحك فشعرو و يشوف فالأرجاء .. جلس مقابل معاها فنفس الطبلة و قال بنبرة مرحة:هلا بالزييين
شافت فيه مستغربة و تبسماتلو فنفس الوقت:أهلا
مدلها يدو:انا مجد
مداتلو يدها و صافحاتو مبتاسمة:متشرفين مجد
مجد تبسم:مرحبا بيك فعائلتنا أمرت خويا ههه انا خو هارون الصغير عندي 26 عام
هند بنبرة خجولة:هههه حاليا مكاندير والو غي الدار راك عارف عاد تزوجت بخوك
مجد حط يدو على لحيتو الخفيفة كايتحسسها و يدور فكرة فذماغو بهدوووء، بعد صمت طويل قال بنبرة هادئة: صراحة أنا كانقلب على وجه فحال ديالك عندك ملامح واعرين بزاف لاكان غا خويا دار معانا المزيان و دوا معاك بلا من كثرة التقلاب
هند باستغراب:علاش؟
مجد:عندنا شركة خاصة بمواد التجميل .. مؤخرا خرجنا غوج آلي ڤيغ جديد و ماسكارا كذلك .. محتاجين شي وجه جديد و زوين يدير للماركة إشهار .. وجه إعلاني
هند بتفاجئ:اوااه عندكم شركة دالماكياج!!
مجد شاف فيها متفاجئ كثر:ماتقوليليش معاارفااااش .. راه هارون واخا ملاكم مشهور مرة مرة كاتجي فيه القرعة يتكلف بشي مشروع هههه
تبسمات كاتحنحن و تدور فعينيها:زوين صراحة هادشي .. انا من زماااان باغا نكون بلوغرز فاليوتيوب و الإنسطا .. كنت عوالة ندير شين خاصة بيا
مجد صغر فيها عينيها:صراحة تجي معاااك هاد الخدمة و لكن حاللليا خاصك تدوي مع خويا .. مباغيش مشاكيل معاه .. راه عندو عقلية فشكااال تكوني عرفتيه فهاد اليوماين هههه
مشا بيها مبتاسم و هي مبتاسمة باستغراب ليه كيفاش اندامج معاها فظرف ربع ساعة مكاملاش .. جاها مشابهش لخوه فخطرة .. شخصيتو مفهومة و ضحوكي شوية .. دخل بيها للڤيلا لداخل و طلعو لفوق حتى حل واحد الباب و دخل جارها معاه .. دخلات معاه مستغربة حتى شهقات حالة فمها .. متفاااجئة من شنو شافت و منباااهرة
مجد شاف فيها:هادي ورشة خاصة بيا انا .. شوفي گاع هاد الصور انا اللي لتاقطتهم و گاع هاد البنات انا اللي كتاشفتهم .. معاك فوتوغراف متخصص .. تقني تصوير و كولشي عندي بين يدي المااجيك هههه
هند بابتسامة حماس:خاصك تديرلي شي شوتينغ ههههه
مجد تبسم و هز واحد الصورة وراهالها:شوفي هذا العكر الجديد اللي دايرينو .. غي من اللومبالاج ديالو و من المااركة و السمية ديالنا اللي مطبوعة فيه خاااص اللي تجربو تكووون قرطاااسة فحااالك هههه مزييج من الجرأة و البراءة فوجهها .. عندك جمال فشكل شابهة لباربي على مقولة خواتاتي ههه غي شافوك جاو عندنا كايشبهوك ليها حتى شوقوني نشوفك و فعععلا غييي شفتك حسيتك غاتكوني نتي أنسب وحدة فهادشي
هند تحمسات من كلامو:ناري نتا غاتسطيييني ههههه
مجد تبسملها:دوي مع راجلك و شوفي .. راه يقد يبغي يقدر لا هههه
هند عضات على شفتها التحتية كاتحلم بالمستقبل:نااري كانتخايل راسي دابا فجلسة تصوير و نتا كاتصورني و الإنسجام بيناتنا هههه
مجد تبسم:تستاهلي كل خير هههه
دارت كاتسارى فديك الغرفة و حاسة براسها وسط حديقة من الصور .. عجبوها و حمقوووها .. شدات صورة بين يديها كاتبسم و تعض على فمها و تتخايل نفسها كاتصور و تپوزا ..
مجد:ايوا شنو بانلك أمدام؟ غاتدوي معاه ياك!
هند ومآتلو براسها:اه هههه غدا نرد عليك
ومألها براسو و خرجو من ديك الغرفة كايعاودلها على مغامراتو فهاد المجال د التصوير و شحال من طرائف كاتسمعهم منو و تبغي تحمااق بالضحك .. نزلو لتحت و جلسو فالصالون الكبير مع سمية اللي كاترحب بهند و تتهاود معاها باغا تتعرف عليها كثر
مجد شاف تليفونو كايصوني، تبسم من سمية المتصلة و ناض مخليهم مع بعضهم مشا خلا هند مع سمية .. بدات سمية جولة أسئلة سخفاتها بيهم
سمية بابتسامة:ايوا أبنتي؟ كي جاك الزواج و راجلك؟
هند: مزيان هه
سمية:مكاتشربيش الپيلول ياك؟
هند رمشات فيها عدة مرات و تحنحنات بحرج:حنا باقي م معارفينش بعضنا مزيان باش نديرو هاد الخطوة ديال يكونو عندنا وليدات أخالتي!!
سمية بعبوس:لا لا ابنيتي عفاك .. راه الوليدات هوما زينة الحياة .. انا باغا نشوف وليدات ولدي و نفرح بيهم يعني غي ديروها فيد الله .. راه كولشي بوقتو زوين و هذا احسن وقت للولاد يقربوكم لبعضكم كثر و يكون بيناتكم رابط متين و قوي
قاطعاتها سمية بحدة:شفتك باغا تتناقشي معايا أبنتي!! ماتنسايش أنك هنا عروسة عنديي و قبل كنتي ماتحلميييش تعتبي لهاد الڤيلا لو ماكنتيييش من شي عائلة اللي تحمر الوجه، غا ولدي عجبتيه و بغا المعقول نييشان بلا دوران
هند غي شافتها بدات تجبدلها فعائلتها و كاتقارن المستويات جمعات الوقفة ديالها:قوليها لولدك أمدام سمية هو اللي ختار وحدة ماشي من مستواكم
خلاتها كاتشوف فيها عاقدة حواجبها و دارت غاادية طالعة لفوق لبيتها .. هادي غي من نهارها اللول و بيناتلها أنها مراضياش بهاد النسوبية .. زدحااات باب البيت ورراااها و دااااخلة عاااقدة حواااجبها و دايرة يدييييها عند خصرها .. كاتنهج و تتنفس بقوووة و تمتم بحدة و عصبية
-على أساس انني حماااقييت باش نتزوج بداااك ولدكككك .. (كاتمشي و تجي فالبيت و تشوف فالباب و تدوي معصبة فحالا سمية مقاابلة معاها) تفووو على زبلللل و على نحس .. عااائلة دالنم يييييخ اووووووووف كرهتكووومممم، تسناااو غي نسخن بلاااصتي ألنم (تأفأفااات بنبرة عااالية حاسة بقلبها كايغلي) يلعن دينمها بنت الكلللب اووووف هه .. قاااااتلك نشريلك حوايج باش تباني من مستوانا مااالني كيي جيييتك يالشااارفة اعععع على غدااايد ركبااتهم فياااا .. أصلااا شهراين و نتهنى من فريع الكر هذااا .. (شافت بنص عين حوايجها اللي بقاو مكانهم .. دخلات للدريسينغ ديالو حيداتلو ربع حوايجو و دارت بلاصتهم حوايجها و دوك اللي بقاولو هو برات الپلاكار .. طواتهم و دارتهم فمجورة خاويين .. سدات الدريسينغ و خرجات من البيت .. تلاحت فوق الفراش كاتكونيكطا و غي معصبة غاااتفرررگع .. عيات تدور فالتليفون بين الغروبات حتى عينيها تزلجوولها و عياااو .. طفات التليفون و تقلبات كاتكمل النعاس اللي ماكملاتوش فالصبااااح
غااارقة فنوم طوييييل كااااتحلم
غسان بابتسامة:حياتي كانبغيك بزاااف
هند تبسمات و تعلقااات فيه عنقاتو بقوة:الحبيب دياالي فين مشيتي و خليتييينيييي
حاوطها بيديييه بقققوة و زيييير عليييييها .. حسات بالتزييرة قووووية .. بغات تدددفعو و الكلام ماقداااتش تخخخرجو بقوة مازير عليييها .. دفعااتو بالجهد مخرجة فيه عينيها بانلها بصورة هاارون مخنزر فيها بنظرتو الحادددة .. شهقااات كاتقلب على غسان بعينيها .. بانلها بعيييد عليها واقف .. دارت لجيهتو غادة عندو كااتجريي حتى تعكلاات بشي حاجة و طاااحت .. غوتات بألم كاتشوف فشنو عكلها .. بانولها سلاسل رابطين يديها و رجليها .. قيووود قاااصيين كايضرووو .. علات عينيها فغسان بانلها باقي فبلاصتو .. حلات فمها غاتطلب منو يعاونها حتى سمعات صوتو القاسي همسلها فوذنها
-شحالما هربتي .. آخرتك معايا و بين يدي أباربي
مع ديك الكلمة مع غوووتااات بفزززع على أثر سقطتها من فوووق الفراااش .. علات عينيها كاتنهج و تتنفس بقوة و تستوعب هاد الطيحة .. حلااات فيه مقلتيها بغضببب بانلها واااقف عند راااسها عاقد ذرعااانو .. جمعات وقفتها بالزربة و شافت فيه بحدة
-نتا شنوو حاااسب راااسك كادييير هااا .. شنو هاد المعاملة كاتعاملني بيها مالني خدااامة عندك هنا ولا شنووو .. كيفاش تجرأتي تفيقني بهاد الطريييقة و تدفعنييي من فوووق الفرااااش
هارون طلعها و نزلها بعينيه فحالا كايستصغرها بنظراتو و قال ببرود:كانشوفك كاتعلي صوتك؟
هند خرجات فيه عينيها:شوووف انااا
هاارووون بحدددة غوووت حتى قفزها و فاااجئها بنفس الوقت بكلاامو:نتييييي اللي سمعيييي .. الوااااليدة ديااالي حتااارميييها و إلا مغااايعجبك حااال .. الكلاام اللي قلتييلها اليوووم و داك التسنطيييح ديااالك معااها مااايتعااوش و إلا اقسم برب الكعبببة حتى مغااايعجبك حااال
هند طولااات فيه الشوفة بحيرة حتى نطقات بعد صمت قصييير:ماقلتلها والو حتانا هي اللي صغرات مني و كاتبينلي أنني انا وحدة مساوية والو معاها هي .. قالتلي هاد الڤيلا ماكنتش نحلم ن...
قاطعها ببرود:گاع اللي قالتو فخباري .. و بانلي عندها فيه الحق
هند تزيراااات كاتشوف فيه بحدة:أنا هنا ماشي متشردة ولا مالاقية مناكل باش تصغر مني بديك الطريقة
تبسم ابتسامة جانبية بخبث و نطق بحدة: هه المتشردات و عندهم قيمة عليك .. بعدا كايكونو محافضين على شرفهم ماشي اللي جا تعطيهلو باسم الحب
كلامو خلا عينيها يتغرغرو بالدموع بالزز منها .. عضات على شفتها التحتية بقوة و عاودات شافت فيه باغا تدوي حتى قاطعها بنبرة جادة
-دوك الشراوط ديالك مانشوفهومش كايدورو فالپلاكار ديالي ولا نقطعهوملك .. الواليدة بغات تكبر بيك و تديرلك قيمة و شان معانا صدقتي باغا تبقاي لاصقة فالوسخ اللي جايا منو
دار عاطيها بالضهر و دخل للدريسينغ ديالو .. خلاها مدة غي كاتستذكر كلاامو فوذنها .. كلام جااارح، لاااذع .. خلا دموعها ينزلو من عينيها زوج ورا بعضهم .. ماحسات براسها غي شهقااات بصوووت عااالي مللي شافتو مكمش حوايجها و لاااحهم عند رجليها مخنزر .. نطق بجدية
جالسة فواحد القنت كاتطل لتحت و تشوف فالجردة و البنات اللي جاو من شغالهم كايضحكو لتحت .. كلامو كايتسارى فذماغها بطريقة وجعاتها فراسها .. قلبها كايضرب بالجهد و غي كاتفكر ساااااهية .. كيفاش تصرف معاها .. كيفاش عاملها و غوت عليها و هانها و طيح منها و من كرامتها و مرمدهاااالهااا تمرميييييد .. زيرااات على قبضة يدها بقووة كاتمتم بحدة
-غاتندم .. غاتندم على هادشي واللهيما تدوزلييييك (طلعاتلها تنخصيييصة من أعماااق أعماقها بقوة الحسرة، غمضات عينيها بقوووة كاتحاول تفكر فحاجات اخرييين و لكن مقادراااش، غيي كلامو القااصح اللي مغروس داخل أعمااقها فحال شي سكييين حاااد)
بقات مكانها سااااكتة ماتزحزحاتش .. حتى طاح الليل .. وقفات كاتقاد حالتها .. مشات لحوايجها اللي بقاو ملاوحين فالأرض .. جمعاتهم و ستفاتهم فالڤاليز ديالها .. ختارت واحد الجليليبة عندها بيضة زويييونة .. لبساتها و صاوبات شعرها شوية سرحاتو و جمعاتو .. دارت ماكياااج خفييف مع آيلاينر وسعلها العوينات .. رشات عليها ريحة معطرة .. خرجات من البيت بعدما لبسات فرجليها صندالة طالون عالية .. نزلات لتحت راسمة ابتسامة فثغرها .. لقات عائلة هارون مجموعة و حتى هارون كذلك
مو باه و خواتاتو و خوتو .. قربات بشوية بنفس ابتسامتها كاتمتم بمرح:سلاام عليكووومممم
نصهوم جاوبوها مبادلينها السلام و النص لاخر مداوهاش فيها فحال سمية و هارون و خوه الكبير و واحد مرتو
قربات عند هارون جلسات جنبو و لصقااات فيه حتى طلعااات معاه رييحتها الخفيييفة مثل النسييييم ضرب فيه بشوووية .. استنشقها بكل هدووووء عاقد حواجبو .. خنزر فيها بنظرة حااادة هي مدارتش ردة فعل حطات يدها على يدو و شافت فيه مباشرة تبسماتلو
هند:هاد الشهراين غانصبر على معاملتك ولكن كون متأكد للصبر حدود
طلعها و نزلها بنظرة جامعة برود كبير محتافض بالصمت و السكون
مجد شاف فيهم مبتاسم:ايوا أهند، قلتي لهارون على اتفاقنا
هند تبسماتلو بهدوء:هممم باقي مالقيتش فرصة
مجد شاف فهارون:دابا جات الفرصة .. خبريه بشنو كاين
هند دوزات لسانها على شفتها التحية و تحنحنات كاتشوف فهارون اللي شاف فيها باستغراب .. تبسمات ابتسامة خفيييفة و تمتمات بنبرة خافتة:ت تافقنا باش نكون أنا الوجه الإعلاني ديال الماركة الجديدة دالماكياج ديالكم
علا فيها حواجبو بزوج .. شاف فمجد بجدية و بلا مايعبرها قال
-لا
مجد تحنحن كايحك على شعرو:همممم
هند شافت فيه بعبوس، حطات يدها على يدو:هاااااارون
حيد يدو من يدها بشوووي و علا فيها قنت عينيه:موضوع مقابلش للنقاش .. قراري النهائي خذيتو و تسالات الهضرة
ناض من جنبهم مخليها شاداها البكية حبساتها بالزز .. كاتهدن نفسها و تزيييير على ضفار يديها
سمية معلية راسها للسما كااتمتم بتعالي:ايوا ابنتي راجلك عندو الصح.. ماعندك ماديري بهادشي هذا غيييي غايخيب صورتنا حنا، يقولو عروسة عائلة الراشيدي على سن و رمح خدااامة عاااارضة عندهم فشركتهم .. على قلة الخداامي!!
هند شافت فيها بنظرة كاتحااااول تخليييها مهدنة ماشي حااادة .. تحنحنات كاتقاد جلستها و تبسماتلها:عندك الحق أخالتي .. مايصلاحش هادشي
ناضت وقفات:عييت شوية محتاجة نرتاح
مشات من قدامهم كاتغزز فسنانها غييي غبرات عوجات سمية فمها
دازو عدة ساعات و هي فبيتها كاتغدد .. ماملاتش تقريبا النهار كامل من الفطور .. حاسة بأنها وسط قبر .. حتى حاجة ما مقادة فهاد الدار و مللي جات و هي مقادة تمشي لحتى قنت من غير الدار الدار .. واخا مادوزاتش مدة طويلة معاهم إلا انها حاسة فحالا دوزات شي عماين ماشي غي يوماين
تحل باب البيت .. دخل مخنزر عاقد حواجبو .. غي شافتو داخل وقفات مقربة عندو
هند بعصبية:علاش حشمتيني بديك الطريقة لتحت هاااا؟
هارون طلع فيها عينيه بنظرة هااادئة .. ضرب فيها بكتفو داخل لداخل .. كايفسخ صدايف قاميجتو و يحلها .. قلعها قدامها حتى بانلها جسمو و بنيتو العريانة من لفوق .. عضات على شفتها السفلية بغيض كاتخرررج فيها غدااايدها غاتفرگع و غوتات بحدة
-سمعنييي أهااارووون انا باااغا هاد الخدمة و نتاااااا
دار عندها فرمشة عين مخرج فيها عينيه:شنووو اناااا شنوووو .. مكااافيكش انني واااخذك عاااهرة من اصلك عاااد تزيدي عهر على عهرررررر بهاد الخدمة دالزييييرو .. مدااامك مررررتيييييي داااباااا مممنووووووع عليييييك تديري هاد الخدمة الناااقصة .. ممنووووووع اللي جا يشوووف فكمااارتك و گاااع الناس يعرفوك كي دااايرة مباغي نتحاشم مع شي حد من صحابي تكوني سااابقلك كنتي معاه فعلاقة، خليني هاني حسنليك .. تكمللل شهراااين و نساااليو هاااد الزبل اللي بيناتنا و موتي نتي گاااع ديك الساعة مانتسوقلييييكش
هند زفرات نفس سخووووون طوييييل:انا .. ماشي .. عاهرة .. اهارون (زيراااات على الحروووووف كاتشوف فيه بجدية) رد بالك لهضرتك .. انا سكتلك بزااااف و نتا غي مزااايد فيه و كاتجاوز حدودك كثر من القياس، تصرفاتك و كلاااامك معايا كانحاول نتجاوزهم و لكن عيقتييييي بزااااف گاااااااااع، كيفما راني محتارماك و بيناتنا اتفاق هنا حتى نتا حتارمني، راني بناااادمة واقيلااا ماشي مكانحسش، ماتفييقهش علياااا لا كنت انا مدوزة قبل منك فنتا دابا و كل ليلة مدوز .. نتا كفس مني هنا هه قالك الجمل مكايشوفش حدبتووو!!
هارون تبسم ابتسامة مستهزئة و بكل بروود قال:هه بردي على راسك بهاد الكلام .. انا و نتي عااارفيييينك شنو صانعة، انا و نتي عارفييينك شحال رخييييصة و كيفاش عطيتي راسك دغيا فأول فرصة جاتك لواحد باسم الحب، حسنليك ماتقارنيش راسك بيا، شنو ماكان كانبقى رااااااااجل ماشي كيفك، اللي عندي ماعندكش (غمزها كايطلعها و ينزلها بنظرة استصغار)
دارت عطاتو بضهرها باغا تشد عينيها اللي دمعو و ماتبينهوملوش قدامو .. تزيرااات بزاااف و الرجفة شداتها من أعماااقها .. ضاقت بيها من اهاناتو الكثيييرة ليها، كرهاتو و كرهات العيشة معاه غي فيوماين .. مشات للفوطوي اللي بعيد عليه تكات عليه عاطياه بالضهر كاتفكر كلامو قريبة تنفاااجر .. غمضات عينيييها بقوووة سااامحة لدموووعها ينزلولها برااااحة و جسمها كل شوية يطلع و ينزل بتنخصيييصة مع شهقات خفاف كايتسمعو منها .. وصلو لعندو هو اللي قلع سروالو حتى بقا بالكالصون و تمد فوق فراشو .. دار يديه تحت راسو و همس بحدة
-مغانشفقش عليك .. تستاهلي كثر
.
.
.
دازت عليها ديك الليلة أسود من اللي قبلها .. ناضت فهاد الصباح الجديد واااخذة قرار فحياااتها .. مشات للحمام دوزات روتينها الصباحي اليومي .. خرجات للبيت و هو يبانلها هارون هز ڤاليز ديالو صغيرة و شاف فيها مخنزر .. ماطولاتش فيه الشوفة .. ماسولاتو ماتسوقاتلو .. عتابراتو شفاااف فحال اللي كايدير هو .. هزات لبسة جديدة من حوايجها فالڤاليز .. تقادات و تصايبات فحال عادتها .. هزات تليفونها دارتو فصويك هزاتو فيدها على شكل پوشيط و نزلات لتحت .. تجمعات فالطابلة دالفطور مع عائلة هارون لأول مرة تما عرفاتو غايسافر عندو تداريب هامين على برا ... الأمر ماعطاتوش أهمية كتاكل بهدوء و صمت حتى ناض وقف سلم على باه و مو و خواتاتو و هي مشافش جيهتها و هي كذلك ماعبراتوش .. كايتصرفو بطريقة مفروشة لدرجة الكل ساقولهم الخبار واش هوما مكايدويوش مع بعضهم .. بعدما خرج هو دوزات قسماين تقريبا و وقفات بهدوء
سمية بتسائل:فين غادة؟
هند بجدية:عند ماما
سمية ومآتلها براسها:ولكن راك باقا عروسة جديدة على الأقل حتى تكملي سيمانة
هند بهدوء:ماشي مشكل الموهيم ان هارون وافق على الخدمة ديالي معاكم البارح فالليل
مجد وقف مكانو للحضات كايشوف فيها يعدم تصديق لكلامها:أوااااه!!
هند تبسمات بثقة و قالت بكل هدوووء:كيفما سمعتي، دوينا البارح و هو وافق انا غانولي الوجه الإعلاني الجديد فالشركة عندكم ههههههه
جالسين فالوكالة الخاصة بالتصوير .. شادة عقد كاتوقعو و ابتسامة واااسعة عند شفايفها .. بما أنه تعامل معاها بالضد و شدلها العكس حتى هي غاتعاملو بالمثل .. بطبيعتها كتحماااق على الضد و الغنااان و ماشي هو اللي غايخليها تتخلى عن حلمها و فرصة عمرها .. حتى سفرو عاونها و التصوير غايدوز فمدة قصيرة حتى يعرضو كولشي فاللوحات الإعلانية
تنهدات كاتلعب بلسانها وسط فمها و سرحاااات فخيالها
الكاميرا مقابلة معاها، مجد شادها و أغني مطلوقين زايدين للجو كيميا، هي كاتشوف فالكاميرا بنظرات جذابة و كاتعوج و تحرك راسها و شعرها و تبسم لمجد اللي كايصور فيها و يدوي
مجد:براڤو، پيرفييكت .. كووول .. وجه طوووپ .. ضحكي شوية
ضحكات بدلع و كاتغمض عينيها و تحلهم منساجمة مع الكاميرا و منساااجمة مع هوايتها الوحيدة
مجد:من غدا نبداو ديجا عندنا ساعتاين فالنهار ولا ثلاثة دالساعات يكونو كاااافييين
هند بحماس:اوووكي حتانا متحمسة بزااااف ههههه
مجد وقف:نوضي نوصلك دابا فين باغا
هند حركاتلو راسها بالنفي:لا بلا مانعذبك، انا غانتمشى شوية و ندوز عند ماما من بعد ندوز نتقضى شي حويجات عاد غانرجع
مجد:واخا .. ولا بغيتي نعيطلك للشيفور يدوز موراك!!
هند:ماشي مشكل باغا غي نتمشى و صافي .. نخليك دابا
وقفات و غادة خارجة من الوكالة .. بتوقيعها على العقد مع مجد باغا تتحدى هارون و تندمو على كلامو معاها .. ماشي هو اللي غايتحكم بيها .. هي ماشي ديال التحكم و يرغمها على حوايج مباغاهمش بينما هو عايش حياتو بالطوووول و بالعرض .. تفكرات بنت عمتو الللي معاوداتش شافتها و العكر اللي بانلها فقاميجتو .. يعني السيد يدير اللي بغا بحجة أنه راجل!! مافكرش فأنه حتى هو توسخ بأفعالو المفروشة معاها!! بغاها هي تبقى محبوسة فالدار ففرصة ذهبية جاااتها!! مايحلمش بها واخا يطييير و ينزل غاتحقق شنو باغا بالزز منووو
"والله لا كانت ليه"
تمتمات بحدة و جدية كاتفكر فالعروض اللي غايجيوها من بعد هاد الفرصة و تفكر فحياتها كي غاتبدل بعد هاد الشهرااااين .. دايزة جنب البحر و كاتفكر فهادشي و تتبسم بوحدها متحمسة بزاااف حتى فجأة توقفات ثواني مكانها مصمرة و عينيها ثبتو كاتشوف فيه قبالتها قاطع عليها الطريق .. نظراتو ليها فيهم شوق كبيير و لهفة أكبر .. بغا يقربلها يشدها و هي تتراجع اللور مخرجة فيه عينيها
هند بحدة:نتا كاتراااقبني ولا شنو
غسان تبسم بعمق و قرب باغي يشدها:هند حبيبة ديالي ماتصوريش شحال توحشتك
هند كاتراجع مبعدة منو:بعد مني حسنليييك .. مغايعجبكش الحال من الشي اللي نديرو
خلاتو و قلبات طريقها غادة كاتزرب .. هو حلف لا فلتها بعدما شافتها أخيييرا بعد هاد المدة كاااملة دالغيبة عليييه .. واخا كان باغي يعاقبها هي ولكن هو تعاقب اكبر عقاااب بشنو طرا و الزواج اللي تزوجات ولكن واخا كووولشي ماستسلمش .. باغي يردها ليه .. حتى زواجها مغايرذعوش عليها
هند كاتزرب و هو وراها كايبغي يشدها كاتنترلو و تخنزر فيه و تخف رجليها .. غادة مزروبة و ساكتة حتى صلات للفوروج .. يلاه بغات تقطع هو شدها موقفها بالزز منها
هند كاتجر يدها من عندو:بعد منييي غانغوووت و نجمع عليييك النااااس .. انا مرااا مزوووجة كووون تفففهم و قيييلني عليييك
غسااان قرن حواجبو بحدة و زيرلها على يدها:هند .. انا عمرني بغيت نفرط فيك راه غيي...
قاطعااتو بصووت عاالي كااتغووت:و داك الشهر اللي خليتيني كانحماااق بالتفكيير فيييك هااا!! .. انا سقطتت بسبااابك و بسبااااب سقوووطي بابا زوجنيييي ولكن كانحمد الله و نشكرو حيت بينليييي حقييقتك .. هادي غييي دعوة ماما معااايا الله يببعد عليا ولاااد الحرااام و يلاقييني مع ولاد الحلااال اللي يصونوني و يكونو بيااا (بعدات منو مخرجة غيه عينيها) تعاود تتصرف معايا بهاد الطريقة و تشد فيا غي بصبعك الصغييير أقرب كوميسارية غانمشيلها و نديكلاري بييييك .. ماعندي ماندييير بواحد فحالك فحياااتي
خلاتو مصمر مكانو ماخلاتلو المجال يقول حتى حرف .. عرضات عليه كلامها بسرعة و جدية و مع قطعات لقات طاكسي قدامها شداتو مباشرة لدار واليديها ..
بعد طول طريق وصلات لدربهم القديمة، تنهدات بحسرة كاتشوف فالدار و فالناس دالحي .. دقات فباب الدار و تحلاتلها الباب من طرف ماماها .. غي حلاتلها تبسمو لبعضياتهم بشوق، قرباتلها هند عنقاااتها بقووووة كاتنهد و تمتمات بنبرة خافتة
-توحشتكم بزااااف
سماح عينيها دمعو، تقابلات مع بنتها باستها فخذوذها بقوة:حتانا توحشت الشميسة اللي كانت مضوية عليااا (عاودات عنقاااتها بالجهد كاتنهد و هند كذلك مبادلاها العناق)
دخلات عليهم للدار مبتاسمة مخبية حزنها العميييق داخل قلبها .. دوزات مع ماماها النهار هاااادئ و مفوج شوية، سولاتها على عائلة راجلها و هند بطبعها ديما كتومة مع مها و باها، مكايعرفوش شنو كايدورلها فراسها كاتقولها غي مزيان مزيان .. جا باها فوقت الغدا، غي دخل بانتلو هند تحنحن مقرب عندها .. هي وقفات مثوثرة كاتشوف فيه، غي تقابل معاها و قبل مايدوي و لا يتكلم تلاااحت عليه عنقاااتو بقوووة كاتبكييي و خايفة لا يسبها ولا يغوت عليها، بقوة ماولفاتو ديما مخنزر فيها و كايسب و يخاصم، علاقتهم ديما كانو فيها حدود عمرهم تقربو لبعضهم بزاف، كايتوقفو فحدود معينة
فاجئها بمبادلتو للعناق ليها، زيررر عليها فحضنو بقوووة حسسها بشعووور غريييب، رتااحت فحضنو من بعدما مكانتش كاترتاح حتى فوقوفها قبالتو
فتح باها معاها مجال الحديث شوية و نصحها باش تصبر شوية علاما تولف حياتها الجديدة و ماماها مسانداه فكلامو، تغدات معاهم و دوزات بعض الوقت فبيتها القديم كاتسترجع ذكرياتها فيه قبل الزواج و تتحسر عليهم .. تكات تما و نعساات شوية حتى جات العشية
خرجات من عندهم فوقت المغرب .. تمشات شوية و فنص الطريق شدات طاكسي للڤيلا دخلاتلها معبسة و محاملاهاش بالنسبة ليها فحال شي سجن لا بسوارها ولا بناسها .. مشات لبيتها مباشرة بلا مادوز لحتى بلاصة .. بدلات عليها حوايجها لپيجامة منزلية .. هزات تليفونها كاتصور و تحيح بوحدها واخدة راحتها فالبيت بعدما خلالها الجو .. ختارت تصويرة عجباتها دارتها فالإنسطا ديالها اللي جامع كمية من المتابعين .. حطات ڤيديوهات فالسطوري دالإنسطا و السناپ .. سالات و جلسات كاتكونيكطا و تجاوب على الميساجات اللي كايوصلوها من صحاباتها و بنات عائلتها اللي سولو عليها من اللي غبرات يوماين بعد عرسها .. طمناتهم عليها كاتفخم و تتصنع و تزوقلهم فالكلام و راجلها كايعاملها احسن معاملة و كايبغيها و يحتارمها و زيد وزيد...
داز داك النهار بعدما نزلات و تعشات لتحت مع العائلة .. كاتدوي بالقياس و رااادة البال مع سمية عرفاتها من دك النوع اللي عندها مشاكل فالمستويات الإجتماعية وماحملاتهاش حيت باها خدام عندهم .. سالا العشا و رجعات لبيتها مونيكطية .. داز داك النهارر و نهورة كذلك .. مشات فاليوم الموالي للتصوير اللي دوزات فيه مدة قصيرة و كاتمشي و تجي مع مجد .. جمعو صور كثيرة و نتائج و حاليا كايفرزوهم و يديرو عليهم تعديلات باش ينشروهم و يعلنو على المنتج الجديييد أخييييرا، بعد طووول وقت و طول انتضار من طرف الجميييع .. معروف على عائلة الراشيدي كاينشرو غيير الواااو و الحاجة الطوب و منتجااتهم دااائما بقييمة عااالية
فنهار جديد بعدما دازت سيمانة والزيادة على سفر هارون .. هند جالسة فالجردة مع أحلام اللي تفاهمات هي و ياها مع قد بعضهم فالعمر دغيا تفاهمو و تعارفو
هند مداتلها تليفونها:شوفي هاد التصويرة هادي؟
أحلام بابتسامة:واااو فنة بزااااف
هند:اذن غاننشرها ههههه
احلام بتسائل:مامصوراش بالتليفون ياك؟؟ باينة بكاميرا و تصوير احترااافي .. فوقاش درتيها
هند ثوثرات شوية ماعرفاتش واش تخبرها ولا لا و لكن بعد تفكير قصير فالأمر و مشاورة بينها و بين نفسها قالت بثقة فالنفس:هذا مجد صورني هههه تافقت معاه يديرلي شوتينغ داك النهار بعدما وراني الأستديو الخاص بيه الفوق
احلام تبسماتلها:اوووه، جاتك زوينة بزاااااف (علات عينيها على صوت محرك سيارة جديدة داخلة .. عقدات حواجبها كاتشوف باستغراب فهذا اللي داخل حتى تبسمات) اووووه راااجلك جااا
احلام وقفات و جراتها معاها من يديها:اجي معايا نسلمو عليه
مشات معاها بالزز منها مرخييية و مخصرة سيفتها .. رجليها محاملينش يمشيو ناحيتو .. وقفات مخنزرة و مربعة يديها كاتشوف فيه نزل من الطموبيل و قرب عنق أحلام مبتاااسم
تبسم هارون ابتسامة خفيفة ورزينة .. دار للطموبيل هز واحد العلبة مغلفة ب پاپيي كادو و مدهالها:هاكي هادشي كنتي موصياني عليه
أحلام غي شدات الكادو ديالها نقزااات كاضحك و مشات كاطير داخلة لداخل .. خلات هند كاتشوف فيه بنظرة فاااترة بادلها بنظرة جااافة تواصلهم النظري مطوالش بزاااف .. بدون ماترحب بيه ولا تقولو حتى كلمة عطاتو بضهرها داخلة لداخل .. عقد حواجبو أكثر بعدم رضى و كمل طريقو داخل لداااخل فين تلقى ترحييب حااار من سمية و سلمى و مجد و جاد خوه المتوسط اما الكبير مكاينش لا هو لا مرتو و حتى ختو رزان مشات لدارها مع راجلها اللي رجع من السفر .. سلم على اللي كاينين فالدار .. وصل لهند اللي بقات معاهم جالسة قرب جلس جنبها و دار رجل على رجل بشموخ
سلمى علات فيهم حاجبها و نطقات مصغرة فيهم عينيها:مالكم نتوما ماتسالمتوش همممم
هند تبسمات بثوثر كاتحك رقبتها:سلمت عليه برا
سلمى:عاودو سلمو على بعضكم دابا ماشي مشكل راكم عرسان جداااد زعما و عريسك خلاك كثر من سيمانة بوحدك ههه
هند تبسمات مصطانعة الخجل و علات عينيها فيه:احممم على سلامتك
تمتماتلو بنبرة خافتة بسرعة مادركش يفرز الحروف من عندها و قلبات وجهها عليه ..
احلام تبسمات:ناااري كاتحشم هههههه
مجد بجدية:بوسيه اخيتي السيد باينة فيه موحشك من عويناتو
هند خرجات فيه عينيها:وا تسالمناا صاافي
سمية:صافي خليوها اش باغي بيها هي جالسة كاتفشش .. السيد غبر عليها شحال دالوقت و هي مداياهاش فيه
عضات على شفتها التحتية مخنزرة فسمية .. شافت فهارون اللي كان كايشوف لبعييييد ببرود مدايهاش فيها، برودو هو اكثر حاجة كاتخليها تفضل تبقى بعيييدة عليه .. زيراات على سنانها بقووة كاترغم على نفسها و دغيااا غفلاتو تعلات بجسمها بشووووية باستو فخذو بوسة خفييفة ناااااعمة خلفات صوت خفييف فوذنيه و همسات بخفوت:على سلامتك
بدون مايدير ردة فعل .. بكل جمود و برووود غمض عينيه بققققوة زيرهم .. هي بغات تنوض من جنبو بعدما غرقات فحوايجها بتجاهلو ليييها .. جرها من يدها بقوة و غفلها بقبلة خاطفة جات بين طرف من خذها اليمنى و شفايفها .. زير بشفايفو عليها بقوووة حتى شوكها بلحيتو و عوجات وجهها مع رجفة خفييفة تسارات فجسدها .. قال بنبرة حادة شبه عالية فوذنها
-الله يسلمك
علات فيه عينيها بسرعة بنظرة خاطفة .. تقابل معاها بعيونو مبادلها النظرة و الخذ اللي باسها فيه حاساه مشوك عليييها .. خلا لحمها يتنمل بقبلة خااطفة و سريعة منو
يتبع...
فنظركم شنو ردة فعل هارون مللي يشوف تصاورهافإعلان شركتهم، و التطورات الحاية فعلاقتهم كي غاتكون؟؟ زعما هاد الشهراين غادوز بهاد الشكل ولا مزاااال جاااي الخييير 👀
قلب مستعمل الجزء الثالث
محتوى القصة
التنقل بين الأجزاء