اول مرة كتشدو الضحكة دبصح لكن مخرجهااش : بغييت نعرف وااش معندكش هرموون للحشمة ..ديماا مصندلة
حطات ايديها على فمها : عمري نهدر معااك
جمع لوقفة : اديري فياا خير
خشات راسها فالمخدة كتغبن فحينو هو خرج لعلى برى بعدما سد عليها بالساروت خيفها تبعو ..هبط داك الساعة للغرفة للقيادة شاف فالخريطة وهو كيقاد لمحرك بااش ارجع عندها دغياا ..داز لوقت وهو معاقر معاه حتى تريكل على النظام لي خاصو اكون ..مسح على شعرو عاد خرج طالع للطابق للفوقاني ..حس براسو خاصو اكمي بااش اتكالما ..هاكة جا فبالو وداكشي لكان جبدو وقرب للحافة لي كتطل على للبحر ..شعل للكارو وبدا كيكمي وعقلو كيفكر فلي جااي ..محسش على راسو وهو كيتفكر فتصرفاتها الصبيانية ..جا فبالو حتى باها خسر ملامح وجهو وهو كيرجع فشعو للور من ضغط التفكير. .أول مرة فحياتو كيحس بالخلط فقرراتو حتى دخلات آريا للحياتو وقلباتها سفاها على علاها بلى حتى اذن منو. .دازو ثواني وهو مركز مع صوت لبحر وامواجو للخفاف لي كيضربو فالباخرة ..مجرد مكمل للكارو رماه ورجع للعندها راسم فبالو انها نعسات ..سد للباب وتلافت لجيهتها حتى كيلمحها ناعسة على كرشها ورجليها فالسما كتلعب بييهم فحين انها كتحسب فااش.. الله واعلم
قرب لعندها مستغرب : يكما كتحسبي فنجوم الظهر !!
شافت فيه بنفخة و ولات شافت قدمها : انا مخاصمة معاه
هز حاجبو : صماكيتي ولا ؟؟
متلافتتش لجيهتو ..تنهد وزول لفوقاني بقا بصدور عريان عاد مشا تلاح حداها ناعس على كرشو هو الآخر
مجرد مشافتو تكحازات للجيهتها كتخنزر فيه بنص عين : يخخخ
صعر وهو كيجهد فالخبيط على لباب حتى دخلو لوسواس ..رجع خطوة باللور وفرعو حتى تحل كامل وتحل معاه حتى فمو ..كيشوفها تابعة فالقاعات فالهواء كتفرقع فييهم وحدة بوحدة وخصلات شعرها لمصفف تابعينها فينما مشات
عينيه حماارو والدخاخن خرجات من ودنيه: آآآآرياااااااااا ااااا ...كتستحمرينيييي
ضرب ايدو مع صدرو وقصدها بحال للعجاجة شدها من دراعها : ليووم نفرع مككك على هااد التبرهييش
وسكت كيتحسس شفايفها بشفايفو ..حتى دخل معاها فقبلة عميقة باغي اشفي غليلو من تصرفها حتى هيجاتو وهربات ..حس براسو باغي كتر جمع لوقفة و شفايفهم مزال ملتاحمين ..حطها داك الساعة على الناموسية وجا فوقها كيقبل كل انش من ملامحها مع انفاسو لحارة لي كضرب على وجها ..بسرعة للبرق خلاها كدوب بين ايديه ونسات انها كانت مخاصمة معااه كيف كتقول ..رجفات على اثر لمساتو وهو كيزول ليها حوايجها حتى تجردات منهم برمشة عيين ..كانت كتكمش فعينيها ومخسرة ملامح وجها فاش كيعضها فصدرها لي هلكو بقبضات ايديه. .حتى بدات كتبكي عاد بعد كيسكت فيها بقبل حارة ومتوالية على الله اطفي شوية من لعافية لي شعلات فجسمو ..زفر بنفاد صبر وناض من فوقها زول حوايجو ورجع كيداعب فيها بلمساتو لعنيفة والعذبة فنفس الوقت ..ذازو بضع ثواني وهما ناسيين راسهم فعالم خاص بييهم ..خصوصا آريا جاها على لكانة كانت مستمتعة معااه بكل جوارحها حتى كتشهق مخرجة عينيها على اثر أحشاءها لي تمزقو من لتحت. .حسات بقبلو وهيا ترخى من جديد ..ورجعات معاه للعالمهم لخاص والمثالي كيتكلمو فييه بلغة الاجساد وضربات قلبهم لمتسارعة ..
فالجيهة لخرى. .
كانت مقابلة مع تيفي وهيا كتغزز فالتفاح لي حطاه مقطع قدامها ..ممسوقاش للروينة لي جالسة وسطها لكتوبا من كاع الجوايه وهيا حالة فمها مع الشريط والوثائقي وكتبكي مع صوت شهقاتها لي كترتافع بعد لمرات. .كان عقلها خايب غي مواصية راسها بالشريط بااش تغش راسها وصافي ..زادت فوتيرة دلبكا فاش رجعات بيها الذاكرة للبعد ساعات من قبل. .
" احساسيس جديدة نتابتها فااش بدا كيحرك بشفايفو فوق فمها. .بغات تدفعو زير عليها بايد فحين لاخرة يتسلل بيها تحت لكسوة باغي اقيس حرارة جسمها. .بتاسم بمكر وهو غاطس وسط فمها عرف راسو كيأثر عليها. .
بعد ثواني من تحكمو فالقبلة بعد عليها مع ابتسامة انتصار : اشنوو كنتيي كتقولي ؟؟ ...بحاليلا سمعت حسن منيي ههههه
قرب ليها وضرب بصبعو جيهت راسها : شفتيي قللت لييك لي هدر معااك كتحليي لييه ..معندكش شخصية بالمرة ومكلخة
رجع بخطوة للور كيطلع واهبط فييها ممهتمش للبكاها : نصيحة منيي بلاما تعمري رااسك بشهااب حيت داكشي لي باغي رااه بااين ..ونزيدك بلاما تفكري تأولي كلامي للغيرة حيت ماشي النوع لي كيعجبني عاد أنا مزوج وكنبغيي ولدي ومرتيي
شروق كانت مركزة مع كل حرف كينطقو..مقدراتش تحكم فدموعها زادت دخلات بلاما تجاوبو "
رجعات للوعيها بعدما عضات لسانها بلاما تقصد. .قوسات حاجبها من الألم وهيا كتنخصص : آي بقيتي خاصني غي نتا
تنهدات وهيا كتخشي كمية كبيرة من قطع التفاح هاكة كتكون فااش كتعصب كتبرد غدايدها فالماكلة
كان كيجدف بلاما اعيا كااع الأركان لي شك انها تكون طيحة فييهم قلبهم مزياان ..طلع راسو للسطح وهو كينهج بالمزيان حس بطاقتو كااع نفدات ومع ذلك مكابر. .من شدة للخوف نسا شي حاجة سميتها للعيا
دار ايديه عند فمو بااش اجمع الصوت : رهااااااااااااااففففف ....الا كنتييييي جااااوبينييييي ..رهااااااااااااف
بغاا احماق بالتقلاب مكينش اثرها ..كاااع الشكوك السلبية طاحت فبالو ..تحكم فثوترو وغطس من جديد وسط للما لي مكلاصي بكترة ما بارد بزااف ..واكيد ايكون فهاد للحالة والليل قريب اتناص ..تنهد بخوف فهاد اللحظة كااع الاحاسيس تخلطو علييه مبقا عارف حتى كفااش اميزهم ..زاد غطس كتر فالقاع كيبان لييه غي الظلام من غير إلا دازو دوك الأسماك لي كيكون عندهم بحال لقرون مضويين ..تماك فين كيشوف شوية. .كمش عينيه بخيبة أمل قوية شعور لا يحسد عليه ساعات عديدة وهو كيقلب بلاما امل ..كل مرة كيشوف راسو خاصو استجمع قوتو باش اكمل كيخرج ليابسة ارجع السوفل وعاد اغطس من جديد كيبحت على أثرها بحال لمجنون ..مبقااش كيشوف قدامو من غير انه خاصو القاها وصافي
ضرب ايدو وسط للما حتى ترش علييه ..من للون جسمو رجع ازرق داكن بسباب للبرد لي كيحيط بالمنطقة. .عمرو حس بالمسؤولية لحادة حتى لهاد للموقف ..مكيخليش لييه للوقت بزاف باش افكر ..رجع داك الساعة سبح بدون جدوى مخلا حتى بلاصة
على راسو للسما وغوتت بحلقووو حتى خرج كاااع الطاقة السلبية لي تملكاتو وبزااف دالندم والتحصر لي حاط بييه هاد السوايع ..مسح على راسو وهو مخرج عينيه معرفش فيين تبلعات ومبقاش لقاها ..تنهد مطول. .كانت تنهيدة كتحمل بزااف دالكم ديال الحزن. .رجع كيصبح حتى كيقشع من بعيد الصخور بانت لييه بساب ضوء القمر ..جدف بإيديه للعندها وهو كلو حزم بااش القاها ..هاكة راسم فبالو ماشي بيازيد لي يستسلم ..كمل على نفس النهج حتى وساعو عينيه فاش لمح شي كتلة فوق الصخر ..زاد فوثيرة التجديف وكلما كيقرب كيتسارعو دقات قلبو للمية ..وصل لعندها بجهد منهازم كان كلو تعب ..مسح على راسو وخرج من لما حاط رجليه على الصخر ..هبط للعندها جالس على رجليه وكيشوف فيها مرخية وعينيها مغمضين بحاليلا مكيناش فهاد للعام ..غوت بأعلى صوتو وهو كيضرب فخدودها بااش تحل عينيها بدون جدوى. .معرف ميدير بقا كيفكر فشي حل وهو اطيح فبالو التنفس الاصطناعي. .طاح داك الساعة على فمها لمكلاصي خشاه وسط فمو كينفخ فرئتيها على الله تحل عينيها..مملش وهو كيجرب نفس لحركة وكيضرب على خدودها مع غواتو لي كيصبرو بااش ميضعافش فهاد للوضع. .تنهد بعمق وقلق كثيف مع آخر محاولة كيظنها بائسة بحال غيرها لكن وقع للعكس فاش شهقات وخرجات عينيها عاد بدات كتكحب و هيا كتستفرغ كااع لما لي دخل للجسم ديالها ..
رهاف فوق جسمها لي كيرجف بالبرد زاد عليها خوف الاصوات لي كتسمع فالمنطقة ..مقدراتش تكابر وهيا ترجع لعندو كتجري قابطة فدراعو بقوة
بيازيد : يااك كنتي غاادي ..مالك؟
رهاف كدور فعينيها : صوت لحيوانات ..لحاسة ديالي مكتكذبنيش
بيازيد تنهد وشدها من ايدها غادي كيقلب بعينيه على شي ملجأ اقضيو بييه هاد الليلة حتى اصبح وافتح ..لمح واحد الشجرة كبيرة جات فمنطقة عالية بحال الثلة ..جرهاا وهو قاصدها
رهاف كتشوف غي الظلام كون ما لقمر كان غادي اعم السواد فقط : فيين غاديين
بيازيد : ما منحقكش تهدرييي ..متسمعينيش صوتك هادشي كامل غادي تخلصييه وبالضوبل
ثواني وكانو تحت الشجرة لي عالية واغصانها بحاليلا واصلين للسما. .دور عينو على شي حاجة تنفعهم و والو
تلافت لعندها بابتسامة صفرا : تفضلي نعسي نص الليل هااداا ..خودييي رااحتك فالنعااس
ضرب بصدرو وهو كيغوت : رجعتيييينييي انسااان بداائي البرهوووشة ..
صبح الصباح بنهار آخر. .
فالقصر. .
كانو كياكلو فصمت غي مسمع الفورشيط والمعالق لي معمر للمكان. .من غير ذهب لي كانت غير ساكتة وكتلعب فطبسيلها
نعمان : كوليي ابنتيي حالك معاجبنيش. .يكما مريضة
هزات راسها بنفي : اناا بخيير
كلثوم : حبيبة رااك غادة وكتنقصي من لماكلة. .وليتي خف من الريشة
فالاخير وكل امرو لله وتلاح كيقلب عليها وهيا تابعة لأسماك حالة فمها فييهم ..بقا كيسبح حتى قبطها وهزها من خصرها للسطح
كان كيشوف فيها كترجف : ماالك عزييز علييك تشعوديني
آريا : حمبااك غي نتبع الأسماك 😢
ساجد : فينها بوستيي ديال الصباح
نقزات عليه للفمو باستو بقوة عاد بعدات : هاني بستك يلله خلينيي 😍
ساجد : لا غاادي نرجعو للباخرة
معرفش كفاش تسلات منو وغطسات للتحت بحال شي غواسة ..بقات كتلعب وسط البحر فرحانة ..دارت من جيهة لخرى دالباخرة وهيا تسمع صوت مغريبش عليها. .حااسة براسها فايت دايز على ودنها من قبل. .ميلات شفايفها وتبعات الصوت بدافع الفضول .وسعات عينيها فاش كتقرب خصوصا ملي وضاحت لييها الصورة كتشوف قنبلة كبيرة قريبة للقاع لباخرة. .بغات تحط ايدهاا عليها وهيا تنتابه لثواني لي بقاو ثلاثة بالحساب. .خسرات ملامح وجها وبركات على زر لي غي بعد دوك ثلاتة الثواني وقع انفجار فاجعيي خلا البحر اتهز لما ديالو تابع النار لي شعلات. .. هادي هيا النتيجة بااش تختمات دوك ثلاتة الثواني خلات كلشي اشهق واحط ايدو على فمو من هول الصدمة بالخصوص لعمال لي كانو كيتطالو من على للباخرة مصدومين من الانفجار لي وقع كان شوية و اتقاسو حتى هما
فحين انا ساجد لي غارق فالبحر كيقلب عليها معرفها فين زادت حتى كيتصعق بصوت انفجار قوي. .خرج وجهو للسطح داك الساعة كيمسح على راسو وهو اشوف لعافية مزال مطفات فالهواء وحس آريا مكينش. .خرج عينيه ودقات قلبو تسارعو فنفس لوقت ..دخلو للوسواس وهو اغطس كيقلب عليها ..مسرح عينيه لا تبان لييه. .شاف أن لموضوع ولا جدي فاش ملقاهاش ..ضرب ايدو مع موجات للما وخرج راسو بملامح للخوف و الاستفهامات لي تملكات عقلو فهاد اللحظة
يله غادي اتلافت جيهت للعمال اخبرهم باش انزلو للغواسة وهو المحهم مفيكسيين على جيهة وحدة كينعثو بصبعهم ..ثارو انتباهو وهو اتلافت لمصدر هاد الضجيج لي ساد بيناتهم ..حتى كيتفاجئ بخفتها فالسباحة بحال حوريات للبحر كتموج على شكل الأسماك فالزورق ديالو ولي كيزيدها اشراقة وجمالية هو شعرها للعسلي لي مسرح فوق للما بسباب للكثافة ديالو واخة فازك ..بقا كيشوفيها بملامح عامرة استغرابات مفهمش كفاش جاية من جيهت الانفجار !! واشنو كدير تماك
باس جبينها عاد بعد : متبكييش ودااك ز*** غاادي نوريييه شكوون اناا ديال بصح. .نسااا راسو معاامن
آريا : هااا
هبط لشفايفها باسها بااش متبقاش ترجف عاد ركبها على ضهرو وطلع للباخرة فالحبل لي على شكل درجات خاص اتسلقوهم باش اطلعو ..وداكشي لكان ثواني وكانو للفوق هبطها من على ضهرو وجلسها عاد جاب ليها فوطة تعتق بيها راسها حيت لونها تخطف بالخوف والبرد دصباح. .
ساجد : جلسيي هناا متحركيي فيين
كانت ساهية فالبحر مسمعاتوش ..تنهد عاد مشا لبس عليه توني وهبط للغرفة دلقيادة قاصد للمحرك كيريكل فييه
فالجيهة لخرى. .
ضربات على ملامح وجها خيوط اشعة الشمس لي عنكشاتها فنعاسها حتى ضطرات تحل عينيها طافجة. .خسرات ملامح وجها وهيا كدور بنظراتها على للمكان مع حريق راسها لي كيمجهد ..حسات بشي حاجة متقلة على كتفها تلافتت باستغراب. .حتى كتجي عينيها عليه موصد كتفها ومشبح كلا رجل فجييه كان بصدرو عريان والسروال نزال على للحزام لدرجة كيبان لييه لبوكسور خخ ..مسحات على شعرها باغا تفكر مزيان اش وقع للبارح وكفااش وصلات لهنا ..غمضات عينيها عاد ستذكرات كااع التفاصيل
تنهدات بعمق وهيا تخرج عينيها عاد سرا معاها لبلان : ويليييي دارنااا ..ناااري كحلتها ديال بصح. .ويلييي ويلييي
بغات تنوض من كترة للخوف ..ولكن معامن كان بحال لجثة مستعمر كتفها حتى كتحسو غادي اتقطع لييها
زفرات وهيا كتحاول تزيحو من عليها : هيييه نوووض ..الله اعطييك
بيازيد جمع لوقفة هو الآخر ..كيتكسل و اطرطق فعنقو : سيريي شكوون حبسك ..يكمااا نورييك الطريق
رهاف طلعات ونزلات فييه بنضرات شرسة ومشات هوادة من على الثلة كتلعب بايديها وعينيها كيدورو متنكرش انه فعلا خلعها ولكن مكابرة مستحيل تقرب لييه حيت غي كيآذيها بأفعالو ..هااكة راسمة لقرار فراسها
بقا متبع لييها للعين وهو كيمسح على راسو بااش اصحصح : داباا نشوفو وااش غادي ترجعيي
دور عينيه على للمكان عجبو بزاف مكرهش كون كان هاز معاه شي كاميرا ..كيموت فشي حاجة سميتها التصوير
طلع عينو للشجرة وهو ابتاسم. .مدازش بزاف دالوقت حتى كان جالس فوق غصن كبير من اغصانها كيشوف فالجو كيف دااير ..كين شوية للبرد مع الصباح ..تنهد وغمض عينيه اكمل نعاسو كيحاول اديباني بينما قاليه راسو خوي من هناا
داز لوقت حتى كيخسر ملامح وجهو وهو كيفتح فعينيه على صوت مجهد كينادي لييه: بيااااازيييد
هبط عينو للمصدر الصوت وهو ابتاسم بمكر كيشوف عقلها بغا اخرج بالتعيااط ..عرفها اتكون خافت ورجعات للعندو
غوتاات على حر جهدها فاش حسات بشي صوت جاي من للفوق حتى قرب للمستواها ..دورات عينيها وهياا تشهق كتشوفو قدامها كيسوس فايديه فهمات انه كان معلق فالشجرة ونقز من لفوق ..وسعات عينيها وهيا كتفكر راسها اشنو كانت كتقول
بيازيد علا حاجبو :وريني هاد لحاجة لي ماشي حتى لهييه نشوفوهاا
تنترات منو ورجعات للور مع نضرات رهاف ديال للماضي. .هز حاجبو كتر وقرب للعندها وهيا كترجع منتابهوش للبساط لارض لي منحادر .وخصوصا بيازيد لي كان غافي على لحجرة لي قدامو.يله ايزيد خطوة وهز اتعكل حتى جا فوقها مخرجة عينيها
يله ايزيد خطوة وهز اتعكل حتى جا فوقها مخرجة عينيها ..شوية وهما ابداو كيتدحرجو بجووج هابطين من الثلة مقدروش اتحكمو فتوازنهم بااش ميبقاوش مكركبيين فالهضبة ..ثواني وكانو للتحت فالأرض مسرحة. .بيازيد لي كلا الدقة ضهرو كااع تخبش أما رهااف فكانت مخشية بين درعاتو حماها بااش متقصحش ..
زربات عليه ودوراتو على جنبو حتى كتخرج عينيها مصدومة من لمنظر كااع غصن صغير مخشي فجنبو. .محساتش على دموعها وهما كيهبطو ..مسحاتهم بعجرفة وقصدات لغصن حطات ايدها علييه
نطقات وهيا كتشوف فييه : صبر عفااك وااخة غادي تقصح
بقا ساكت مكمش عينيه وكارز على قبضة ايدو. .أما هيا حاولت تكابر وتغلب على خوفها حيت قلبها هشيش مكتحملش هااد لمواقف ..سمات بالله ونتراتو من كرشو حتى تفركع الدم وهو كيسيل بحال شي سطل
ذهب : ههه اه داك النهار كنت كندور فبلاصتي عاجبني للحال وفااش طحت جيتي لعندي ..فراسك عرفتك غي من ريحتك
سكتات شحال وعاد نطقات : ممكن نقيس ملامحك
يوسف : غادي نمنعك متلا ؟؟ !!
ذهب : قرب
قرب للعندها وهيا بدورها تعلات على طراف صباعها وحوطات وجهو بين ايديها كتحسس فييه باغا تحفظ كل قسم من ملامحو ..داز لوقت وهيا كتستغرق وقتها باش تحفظ كل انش من وجهو اما هو مخليها على راحتها
ذهب رجعات باللور مع ابتسامة بشوشة : يلله بسلامة. .كنوااعد عمري نسااا تفاصيل هااد لوجه ..عمري غاادي نسااهم
يوسف شافها قلبات الدروة : ذهبببب
وقفات فبلاصتها : عمري غاادي نسااك كون هااني ..تهلا فرااسك وحقق احلامك متافقيين والا جاات الأيام وتلاقينا دير راسك مكتعرفنيش حيت انا غادي نقوم بنفس الشيء. .وعفاااك الا بقات فييك هاد لعميا متبعهااش الله اخلييك
تنهدات كتطلب الله اساعدها أما بيازيد مبقاش كيجاوبها غي مكمش عينيه وساكت معرفاتش باش ايكون كيحس دابا ..قشعات الدم لعاد مزايد فيه تخلعااات كتر و وجها صفاار ..علات راسها لسما وطلقاتها بصرخة كبييييرة خلات المحيط ارد عليها صدا صوتها ..كانت هاد الصرخة كفيلة باش تعطيها الطاقة توقفو على طولتو بعدما عينيها خرجو و جميع لعروقات دالدنيا بداو كيقطرو من جبينها
كمشات عينيها كتسترجع انفاسها و فنفس لوقت خيفاه اطيح على طولتو واتضرب ليها كلشي فالزيرو بعدما وقفاتو : بيااازيييد بقااا فايق متغمضش عينيك هءءءه
خرجات طاقتها كاملة باش دورات ايدها على كرشو و دراعو حاوطاتو على عنقها : بيازييد بقا حال عينيك عفاااك هءءءه
بيازيد شاد جنبو لي غااارق بدمو : غادي نبقا حي غي سكتي من لبكا
رهاف هدرتو زرعات فيها شوية الأمل بزز باش حبسات تنخصيصها و بدات كتخطي خطوة بخطوة وهيا معاوناه بكاااع طاقتها : خاص تبقا قوي و متغمضش عينيك هءؤههء
بيازيد كتفا بالسكات و التجاعيد ضاهرة على جبينو حيت مكمش عينيه
داز لوقت .
رهاف مبقاتش قادة تزيد خطوة مزال طاقتها كاملة مشات فالبكا مقدراتش تحبس دموعها خصوصا أنه فاش كتشوف الدم لمخلي طريق موراهم منين ما دازو. .دورات عينيها معليا راسها كيبان ليها غي الشجر كلا شجرة فيها امتار ..كتزيد تخلع فاش كتشوف هاد المتاهة لحاصلين فيها و سط لغابة
بيازيد مفورصي على جنبو بايدو لغاارقة دمايات: ر رر رهااف
شافت لعندو كتشهق : هءءههءء عفاااك تحمل ..بقا حال عينيك هءءه انا ميتة بالخوف هءءه
بيازيد دارت بيه الأرض بسباب النزيف لحاد لجاه ..جوج سوايع وهما كيتمشاو بلا حتى فائدة ..مقدرش ازيد مزال كلشي كيدور بيه سفاه على علاه ..رخا دراعو لمحاوط بيه عنقها وطاح كاااو مغيب ونفسو ممنتضماش
هاد لمشهد لداز قدام عينيها بقات مشوكية فبلاصتها أول مرة كتجرب هاد لموقف تحط فييه ..معرفاتش واش خاص تمشي لعندو تهزو ولا تجلس تبكي ولا تسخف حتى هيا بسباب لعيا
طاحت داك الساعة على ركابيها وعينيها دايزين بالدموع بقات كتشوفيه بصدمة.. إحساس تشوف شي واحد كيموت قدامك خيب بزااف وخصوصا فاش كتكون مربوط مقادر دير والو ..دازو ثواني و هي فحالة كتحرك لحجر من بلاصتو ..سرعان مرجعات لوعيها وقربات ليه كتضرب على وجهو باش افيق
مجرد مكملات كلامها بدات كتجري بسرعة ممخلياش لوقت لدموعها اياخدو راحتهم ..كتحس بالنفس كتقطع فيها بسباب شهقاتها ومع ذلك مستسلماتش كتجري وتقلب بعينيها على منفد انجييهم من هاد لحالة
تصعق حتى ضربو الضوء :مالك البرهوشة.. حالك معاجبنيش
بتاسمات ليه كتلبد فعينيها وتلافتت جيهت الزاج حتى كتحس براسها مهزوزة وتحطات فوق رجليه
ساجد بدا كيدوز على شعرها كيفكر انه كانت غادي تكون حاملة بولدو وهازاه فأحشاءها كون مطاحتش من الدروج ..تنهد بعمق فاش تفكر حتى تامر. .كمش فمو داك الساعة وهو جامع ايدو على شكل قبضة : حكيتي على الضبرة ..اذن تحمل لعواقب از****
آريا شافت لعندو داك الساعة : بغيت ناكل هءءءه😢
ساجد كتفا بالسكات عارف راسو الا بقا كيشرح ليها بأنه كترات لماكلة وتقدر تضرها فمعدتها مغاديش تفهم داكشي علاش خلاها داوية وهو كيخطط مع راسو لفكرة لفبالو مغادي اهنى حتى انفدها ..نص ساعة بالكثير وقف بيهم الشيفور قدام الأوطيل
آريا قلبها تفزع عليها فاش حسات بالشيفور وقف : هءءه ساجد لالالاالالا هءؤههء
ساجد خرج عينيه عرفها تديرها وتفوتها للهيه ..داكشي علاش مشا بسرعة لإستقبال خدا لكارط باش احل للغرفة و رجع لعندها كيحاول انسيها بهدرتو حتى تنسا طواليط بينما وصلو للغرفتهم
مدازش بزاف دلوقت حتى وقف بيها قدام غرفتهم. .خشا لكارط حتى تحل لباب ودخلها عاد تلافت سدو..مجا فين ادور حتى لقاها طارت للحمام ..جابت ليه الضحكة واخة مبينهاش بحاليلا غادي اضحكو عليه الا شافوه مبتاسم ..
طرطق عنقو ومشا لحمام آخر غسل وجهو وايديه عاد طلع راسو كيشوف فالمرايا لمقابلة معاه ..إحساس غريب كيراودو هاد الأيام بحاليلا غادي تضيع من ايدو شي حاجة غالية ..بتاسم باستهزاء فاش تفكر ولدو لعند بالو دابا راه ميت قبل اتزاد ..
فاق من سهوتو على صوت الصونيط فالباب خرج من لحمام كيمسح بالفوطة وهو غادي تجاه لباب حتى حلو لقاهم جابو ليه لفاليز ديالو عرف ايكونو وصلوهم من لهليكوبتر ...خلاهم ادخلوهم فحينو هو مشا ملاهي مع لفوطة كيمسح وجهو
نطق عاطي بالظهر : حطوهم تماك وخرجو
حركو راسهم بالايجاب وخرجو غادين مع لكولوار حتى تعزل فيهم واحد شاد السماعات على ودنو
........... : مسيو ثامر راه عاد وصل دابا
ثامر مزال مبردات لييه حرقة انه فلت من الانفجار ديال الباخرة.. نطق عاض على سنانو : اوكي ..علمني بتحركاتو اشنو كيدير فين مشا وااش كيتنفس ..كلشي كلشي ..فهمتي
حرك راسو باه بحاليلا كيشوفو : كون هاني امسيو
ثامر ولا بحال لمسطي فهاد اللحظة سالا لمكالمة وشد تيلي خبطو مع الارض : غاااااادييييي نتااااقم منككك اسي ساااجد آل عمران
نرمين كانت مخبية فالدروج كتشوفو كيفاش معصب وهو غادي جاي فالصالون شوية جاااب ليه واحد من لخدم ويسكي نزل عليه داك الساعة بلاما استعمل لكاس كاااع ..
نرجعو لأوطيل ..
خرجات لعندو مهدودة كتمسح فمها ..
ستغرب ومشا لعندها : كتضرك شي حاجة
آريا بصوت باكي : اه هءءه هاد لبلاصة خيبة و كضرني هنا
شافها شيرات لكرشها ..حط ايدو كيتحسسها بشوية : اجي معايا نلبسك و تكاي حتى نجي صافي
يله اتحرك راسها وهيا تمشي كتجري للحمام نيشان للفابو تسفرغات حتى بغا عقلها اخرج يله ايلحق عليها مخلوع وهو القاها خارجة لعندو : هءءه هءءه مريضة انا😢😢
زرب عليها وهزها بين دراعو حطها على الناموسية ومشا كيقلب فالفاليز حتى ختار ليها اللبيسة على ذوقو و رجع لعندها لبسها وعاد خشاها فالفراش بعدما باس جبينها
آريا : يللله نمشيو من هاد لبلاصة😢
ساجد باغي ادير ليها لخاطر : نسالي الاجتماع ونمشيو
بتاسماات ليه و غمضات عينيها باغا تنعس خلاتو واقف عند راسها شحال عاد خرج جامع ايدو على شكل قبضة كيتفكر ثااامر الإدريسي نهار اجي بين ايديه مغاديش ارحمو..
جلسات على ركابيها كتفكر انها خلاتو بوحدو كتبغي تحماق بالبكا : اعععععع هءهؤهءه يااااربيييي😭😭😭
جمعات لوقفة كتهز فراسها للفوق كتبان ليها لحرارة والشمس فوسط السما عرفات ايكون ضهر دابا. .تنهدات بحرقة وكملات بخطواتها كتخلع غي بوحدها خصوصا مع صوت اوراق الشجر اليابس مرمي فالارض كيعطي الصوت مع كل خطوة ..نفضات هاد الأفكار من راسها و شافت قدامها حتى كتخرج عينيها مصدومة
حطات ايدها على فمها معرفاتش واش خاص تبكي ولا تندب حظها : رجعت لنفس لبلاصة دقبيلة هءهؤهءه. ..تلفت الطريق هءهؤهءه فين انمشي دابا هءءه 😭
كملات خطواتها كتحاول تهدي راسها واخة كلها كترجف. .قالت مع راسها اكيد ايكون مخرج ميمكنش ايبقاو هاكة ..مسحات دموعها بعجرفة ورجعات كتجري وتنهج من جديد غادي تحماق ..واخيرااا بان ليها بسيس امل فاش لمحات طريق كتبان من بعيد مشات كتجري ليها بلا عقل حتى وصلات لعندها
رجعات شعرها لمعنكشها لور بثوتر : خاص نلقا للوطو ديال شروق هادا هو الحل
غوتاات حتى بح صوتها خصوصا انها عندها فوبية منهم مجرد الشوفة فييهم كتبغي تحمااق ..بغات تجري رجليها تقالو عليها ..بغات تغوت من جديد وجها بياض بالخلعة بقات واقفة بحال لجماد حتى طاحت على طولتها فاش حسات بلسعة ساامة فرجلها ..خلاتها تغيب داك الساعة بلاما تزيد حتى دقيقة
فمكان آخر وبالضبط بكافي قرب لبحر. .
جالس كيرشف من لكاس ديالو مراضيش على هاد الأوضاع ولكن كيبتاسم فاش كيعرف ايجي واحد لوقت واسالي هادشي
قاطع تفكيرو صوت جاي لعندو : مسيو انيس ..اش خبارك
انيس شاف فيه كيطلع واهبط : جلس خلينا نفكو هادشي
وداكشي لكان جلس مقابل معاه : باش نحلف ليك درت جهدي باش لجنين اطيح ليها و بعد داك السم مستحيل ابقا عايش
مبغاتش مزال اطيحو عليها هاد لجمل .. بغات عقلها اوقف ..معرفاش كفاش خاص تسكتو باش ميصدعهاش ..كانت كترجف رجفاااات مرعبة كتعض على شفايفها وهيا كتسمع هاد لجمل فودنيها مع صوت الشخصيات لقالوهم
هبطات عينيها لي بحال لجمرة لأرض فاش حسات بشي حاجة هوادة معاها ..خرجات عينيها غادي تزيد تحماق فاش فهمات بانه هاداك اللون راه دم احمر نازل بين فخادها ..دورات عينيها الدم لتخايلات قبيلة فالأرض مكينش
غوتات كتنتف فشعرها بجهالة و حرقة ..مجرد مهدات تقادت مع لحيط كتخبط فراسها خبطة مور خبطة بلاما توقف متسوقاتش للدم لي ولا هواد مع جبينها ..معطاتو حتى عتبار ..كانت فاقدة الشعور بالمرة ومحساش بالألم وانما كتنطق على فمها جملة وحدة "مي ديجي باااااس"
داز لوقت وهيا كتشتف براسها على لحيط كان آخر همها دوك الدمايات لغارقة وسطهم سوااا ديال جبينها سواا دلتحت لي معرفاش مصدرو منين جااي ..
فنفس الأوطيل ..
تقلب على ضهرو كيبقشش عليها بايدو ..حتى حل عينو مفزوع .شعل الضو داك الساعة جامع لوقفة
دور عينيه : فييين مشاااات هاد لبرهوشة
زفر ومشا حل لحمام بجهالة فنظرو اتكون تماك حتى كيتفاجئ بالفراغ فقط ..هنا بدا قلبو كيتغيرو دقاتو
معرفش امتى لبس عليه السروال دتوني عاد هز تيلي وخرج كيجري ممسوقش لصدرو لعاري
دوز داك الساعة لإستقبال : واااش باااانت لييكم آريا آل عمراااان ....جبدووو لياااا مرتييييي ولا بربييي هاد الأوطيل مغاديش ازيد الضربة ....ودااااباااا مفهووووم كلشي اقلب عليها يلللله
قطع وهو كيغلي بالأعصاب و لخوف من جيهتها كلشي تخلط عليه : اععععععع فييييينك ا آرياااا فيييينك ...واااش باغا طرطقي ليا شي عرق
ولا بحال لحمق كيقلب غرفة بغرفة ممسوقش للزبناء شحال من واحد دخل عليهم وهما فعلاقة حميمية ..ولا كل هموو القاها وسلاام
وقف كينهج فالكولوار وهو اغوت غوتة زعزعات الأوطيل : آآآآآآآرررياااااااااااا
وسكت كينهج مع صدرو لكيطلع واهبط
خرج عينيه فاش جاو عندو حراس الأمن لي فالباب
نطق واحد منهم : مسيو ساااجد اجي معانا ..مرتك لقيناها
مشا وراهم بجرية حتى دلووه للغرفة ..دخل كيشوف الدنيا مقلوبة سفاها على علاها و واحد جيهة فالحيط مجلخة بالدم عاد الأرض ولاحرج وبدون تعليق عليها. .
غوت حتى قفزهم من بلاصتهم : فيييييين هيااااا وااااش كتستحمرونييييي
انضاف ليهم واحد من لحرس جاي كيجري لعندهم : وااااحد لحمقة خرجات من لباب كتجري .
وجه كلامو للحراس لمعاه : اشنوو كديرووو يللله ديرو خدمتكم
ساجد كان كيسمع ليه وهو مخرج عينيه ولاو كيخلعو عاد عروق ايديه لبرزو بسباب الأعصاب لنزلت عليه ..مشعرش براسو حتى نزل على حارس الأمن بكروشي خلاه اغيب فالبلاصة ومشااا كيجري بحال للحمق : مرتيييي مااااش حمقة أولد ق*** ا *****
قصد لمصعد كيضغط على الزر حلف لخدم صعر وهو كيلهت فالأخير سمح فيه ومشا لجيهة الدروج كيجري و انقز بتلاتة الدرجات ..ممسوقش للحالتو كل مبتغاه اشوف لحمقة ديالو قدام عينيه ..وصل للطابق السفلي كينهج..
وصل للطابق السفلي كينهج ولكن مكانش عندو لوقت باش اسمع نهيجو داكشي علاش زاد فوثيرة دالجرا كيقلب بعينيه و ناس كتشوف فيه بحاليلا حمق ولايح حوايجو. .مداها فحتى واحد ..حتى جاو لعندو لحرس من جديد
نطق واحد منهم كيرجف عارفو شكون : مسيو آل عمران مراتك شديناها بزز على برى ..اجي عتق لموقف حالتها خطيرة و..
قشهم وهو امشي كيجري لعندها مصدوم من حالتها عمرو نهار دخلات لحياتو شافها فهاد لمنظر ..هبط على ركابييه باغي اقبط وجها بين ايديه بعدما ترخات فاش قشعاتو ومن نظراتو طلقو لحراس من دراعها بعدما كانو مزيرين عليها باش ما تهربش
ساجد عينيه حمارو وهاد لمرة ماشي بالأعصاب وإنما شعور آخر معارفش اترجمو : آرياااا ..البرهوشة ديالي شوفي فيا ...آآرياااا راه كنهدر معاك جاوبي راجلك ..ياااك كتبغييه ..وجاوبييه
آريا مرخية وساكتة محساش بالم جبينها لكينزف ولا تحتها لكيتقطع كل همها ابعد منها هاد الضجيج لي نيض فراسها باغا تسكتو باي طريقة
مخلاش ليه لوقت فين افكر جمع لوقفة داك الساعة ومشا بيها بجرية تجاه لوطو بعدما جابها ليه لكارد ركبها لور و ركب لقدام عافط على لفران حتى تسمع تكشاط الرواايد..طاااار داك الساعة للمستشفى مخلوووع خايف انسا كفاش كيسوق من كترت الثوتر ..عينيه زادو حمارو فاش كيشوف انعكاسها من لمرايا
مسح جبينو من لعرق : شوووفيي البرهووشة ممتافقينش على هادشي ...حلييي عينيك يلللله ...عزيز علييك لعصاااا ..نتيييي مكتسمعيش ااااش خرجك فنص الليل هاااا واااش باغا تصيفطيني للقبر بحماااقك ..ولكن لهدرة ماشي دابا حتى تفيقي
وسكت كيرجف خايف اخسرها غي كيخرج وادخل فالهدرة دابا على الله اصبر راسو
نزل طير ودار حل لباب خرجها وحطها على لبياس بينما لمسعفين دخلو بيها طيرين مصدومين من لحالة لجاتهم فهاد الليل ..
شد الطبيب من ايدو قبل ادخل ..نطق بنبرة مختالفة وهادئة : بغيتها تصح ..خاصها تصح مبغيتش نعاود هدرتي
الطبيب عرفو واصلة بيه لعظم وهو ارتب على كتفو : لمريضة فآمان ..وغادي تصح متخافش
ساجد هز راسو باه وقلب الدورة للوطو حط راسو على زاج دلباب تنهد ملقا ميقول اول مرة كيحس براسو مربوووط ..تفكر هدرت أنيس ان حالتها غادي تزيد تدهور الا متعالجتش ..كمش عينيه كيلوم فراسو محاملش لموقف ..مباغيش اعيشو اصلا كيحس بقلبو كيتشنق عليه ..شعور خيب بزااف
فقصر آل عمران ..
جالسة فالشرفة كتعزف على لكيتار ديالها منساجمة مع كلمات الاغنية اولا نقولو انها كتكدب على راسها باش تعايش مع وضعها الجديد. لعزلة تحتل صدارت حياتها وعلى توالي لثاني مرة فالحب
كحب حتى ضراتو لجرحة لي فجنبو ..برك عليها كيستجمع قوتو عاد نطق كيورك على لحروف بسباب لمجهود لداير : خاص نلقاها ..رهاااف واقعة ليها شي حاجة خاطري ممهنينيش ..غادي نكافأك على هادشي كامل غي عاونا ..اشنو سماك لله بعدا
...........: سميتي لحاج محمد اولدي
بيازيد كينهج : شكرا الحاج ...الله اطول فعمرك يارب
لحاج محمد بتاسم : اميين ..صبر راه مبقا والو للطريق
لحاج محمد علا راسو للسما كيشوف النجوم والقمر : اتكون 2 دصباح ..خاص شي واحد اعاونا نهزو لبنت ونزيدو من هاد لبلاصة تقدر تخرج لينا شي حاجة. .انا معنديش مشكيل مولف غي نتوما هادشي جديد عليكم
بيازيد كيسمع ليه خلاه حتى كمل وجمع للوقفة شاد جنبو لعطاه الصداع بزااف ممسوقش للجرح اتعفن ومن بعد ادود لييه ..ستجمع قوتو وتحنى لعندها هزها بين ايديه معندوش لوقت اسمع للحريق لشاعل فجنبو
لحاج محمد خرج عينيه : حماقيتي اولدي ..رااك مريض مقادر توقف حتى نتا
بيازيد سبقو كيتبت فرجليه ليصدقو مكركبين بجوج ..نطق بزز : غي زيد الحاج عارف شكاندير
لحاج محمد تنهد عرفو من النوع لمكيسمعش لهدرة بزاف. لفراسو فراسو : الله اخرج هادشي على خير
صبح الصباح بنهار جديد ..
حلات باب السطح كتقلب بعينيها على أثر ليييه ..شكات لبارح انه ايكون هنا..أما بنتها معندها حتى خبار عليها فاش كيسولها باها كتقول ليه عند صاحبتها ..
بدات كتولول فخاطرها فاش لمحاتو متكي على واحد لحافة بين السطوحة..
بدات كتولول فخاطرها فاش لمحاتو متكي على واحد لحافة بين السطوحة و مرخي إلا تقلب على جنبو ايطيح : يووسف !!
قربات ليه مصدومة من قراعي دالشراب دايرين بيه : اويلي شهاد لحالة ...يووسف حل عينيك ..شنو واقع
تنهدات بعمق وبدات كتمخد فيه بالشوية باش افيق : يوووسف وااا يوووسف ..نوض ايشوفك بااك مغادي اعجبو حال
يوسف كيسمع شي صوت بعيد ممفرزش عليه :اممم
شوية سمعو قريب ناض قافز علاين اطيح : ذذذهبب
فاق من عالمو فاش نطقات مليكة حاطة ايدها على جنبها : اشمن ذهب ولا نقرة ..نوض شوووف حالتك ..بايت سكران يااك؟ ..مخفتيش بااك اشوفك فهاد لحالة تجيه شي سكتة قلبية هااا! ! واش ممسوقش ولا شنو
يوسف عرف مليكة مغاديش تسكت وهو اوقف محاملش لبلان راسو اصلا كيضرو بسباب لكاو لجاب لبارح بعدما كانت مكتجاوبش على اتصالاتو : بعددوو منييي ..صبااح هادا الواليدة
كانت كتواسي فيه كلتوم متأسفة على حالة آريا كلا مرة داخلة للمستشفى
نعمان شاف ولدو مهدود مقادرش اهدر : ياربي تفاجيها
كلثوم شافت جيهت نعمان بحاليلا كتقوليه خاص نديرو شي حاجة باش نساعدوه اخرج من هاد لكآبة
ساجد زفر و وقف تفكر الطبيب فاش قاليه اطير منها للبنج وتفيق داك الساعة
نعمان : بيازييد غابر كنصونيلو نمرتو طافية
كلثوم تنهدات كلشي تخلط عليها مبقات عارفة مدير
ساجد عيا صابر باغي اشوف وجها اشبع من شوفتها ..متسوق لحتى واحد مشا داك الساعة حل لباب دغرفتها ودخل بعدما سد عوتاني لباب ..خدا ليه كرسي وجلس كيشوف فيها شاحبة و أنبوب الأكسجين على فمها وعاد لفاصمة لديرا على جبينها كبيرة
تنهد بحرقة : امكن كنت اناني وخاص نخليك تعالجي ..واصلا الا تعالجتي انهنا منك فمرة وداكشي لباغي ..
آريا غمضات عينيها مكمشاهم ورجعات حلاتهم بلاما تنطق بحتى حرف
ساجد شافها اتبقا ساكتة وهو ازول ليها انبوب الأوكسيجين بمرة وقرب ليها مشهي اروي عطشو من شفايفها : معرفتش علاش خاص ضروري نبوسك البرهوشة قبل نمشي
مجرد مكمل هدرتو نزل لشفايفها حط عليهم شفايفو بلاما احركهم خلاهم هاكاك باغي احس برطوبيتهم ..شوية وهو ابدا كيمص واعض عضيضات خفاف كيتفنن فيهم مراعي انها مريضة ..دازو ثواني وهو قارم عليها عاد نعل الشيطان وبعد كيشوف فعويناتها مغرغرين وغي ساكتة جاتو ماشي على عادتها
كمل كلامو ورتب على كتف باه عاد مشا ركب اللوطو ديالو و حتى البوليس نفس الشيء. .خلاهم ازيدو قدامو وهو تابعهم حتى وصلو للمغفر ...
نبدلو لبلاصة ..
فاقت على صوت قطرات لمطر وريحة دالتراب عاطية. .بتاسمات عجبها لحال كتحماق على هاد الجو خصوصا شتيوة دالصيف كتسالي معاها
نفضات لغطا وجمعات لوقفة : صباح زوين هادا. .ليوم مقرياش ولكن انمشي عند رهاف عاد نمشي للفاك نبدا فالخطة ديالي
بتاسمات ابتسامة جانبية ودخلات للحمام قضات حاجتها عاد خرجات فكرات حتى عيات اش تلبس فالأخير ملات وهبطات تفطر هو لول باش تصحصح وتقدر تفكر اش تلبس ..داز لوقت فطرات فيه وطلعات ختارت اش تاخد كانت كسيوة حد لفخاد فالازرق جاي معاها مع شهبة طلعات كتحمق و الانوثة كتشع منها ..لبساتها و وضعات ميكاب جامعي خخ عاد سرحات شعرها و وقفات كتشوف راسها فالمرايا
نفخات خصلة دشعرها : عندي داكشي بالمقلوب حتى لنهار لمشتوي عاد لابسة كسيوة ..ولكن انلبس كويرة واقيلة اتجيني مزيانة
فكرات مع راسها وهيا تمشي لبساتها فوق لكسيوة و عاد ختارت بالغين مناسبة جات كيوت بحال ستيل دلكوريين مكبطين من لفوق ومن لتحت عندهم الصيف😍..
هزات ساكها وهبطات كتجري
خرجات لعلى برى تفكرات اللوطو مزال كينا فلافاك ولكن عندها وحدة آخرى كتجي مع السبور ..
هزات كتافها باهمال : واخة ملبساش سبور انركبها معنديش حل
وقفات كتفكر : لا خاص نلعب بهاد النقطة انه معنديش فاش نرجع لدار وهاكة ايوصلني
رجعات شعرها كتبتاسم عاجباها خطتها ..مفكراتش بزاف وخرجات كتمشى على رجليها حتى خدات طاكسي نيشان للفاك ..مجرد موصلها خلصاتو ونزلات كتبعكك فالمشية حاسة براسها جات كيوت على الازم خخ. .فطريقها تلاقات شهاب ( عقلتو عليه؟ صاحب مراد ولكن ماشي شي صحبة عندو دكتورة حتى هو ) بتاسمات ليه ومشات لعندو : كود مورنيين
شهاب شد ايدها باسها بكل لباقة : داكشي علاش كنقول هاد الصباح ايكون زوين ودابا عاد عرفت لجواب
شروق مرققة صوتها : ههه يااك
شهاب طلعها وهبطها : الأزرق كيفتن فييك
شروق معجبوهاش شوفاتو ولكن خاصها تحملو باش تستغلو فخطتها : من ذوقك ..نخليك دابا غي بغيت نسلم عليك
شهاب شدها من ايدها قبل تمشي : فين غادة ضروري نديرو شي كافي ولا نمشيو شي بلاصة نفطرو بجوج. .عرفت بانه مقرياش؟
شروق فخاطرها : الله الله اول مرة شي واحد ايهتم ليا واعرف واش قارية ولا لا ..ماشي بحال داك لحيوان
شهاب كيلوح بايدو : هيهو فين سهيتي
شروق فاقت من سهوتها: هااا
شهاب : مالك
شروق : هه والو ..لمهم يله نشربو كافي مجموعين
زادت قدامو عاجبها راسها خلاتو احل فمو ففخادها كيشوف فيها بطريقة مختالفة بحاليلا مشهيها
قرب لعندها كيتمشى معاها فنفس الخط : مخفتيش اضربك لبرد ..لجو مشتوي واخة هيا شتا دالصيف ولكن الاحتياط واجب
ساجد نطق عاض على سنانو : مسوقيش هاد الليلة انخرج نشوف مرتيي سمعتووو ...ومن بعد تجي هاد لحبس مرحبا
يله اينطقو قاطعهم: قلللللت ليووووم ..خاص نشوفها
فالجيهة لخرى ...
حطها على لكوسان بزز باش شاد راسو أما كون غيب شحال هادا
لحاج محمد : غي بالشوية عليك اولدي ..اجي معايا للدار حتى تشافا و رجع لداركم
بيازيد فمو ناشف و لون وجهو مخطوف : كيف صبرت هاد لوقت كامل انقدر نصبر دابا ..
قادها مزيان وشاف لعندو عنقو : اول حاجة فاش انتشافا انجي لعندك ..مزال عند وعدي
لحاج محمد : مرحبا بييك
بيازيد بتاسم ليه بزز وعينيه مغمضين : تهلا
ومشا ركب لقدام شاد جنبو و حرارتو مرتافعة بزز باش حال عينيه : خاص نقدك
كسيرا كيلوح للحاج محمد بايدو حتى بعد : صبر اربييي الصبر من عندك
موقفش من لكسيراتون عاد مكيزيد و كيتلاوط فالطريق علاين ادير كسيدة ..كيغمض و ارجع احل عينيه السخانة ديال الضربة اثرات عليه دبصح ..مبقاش قادر اصبر ولكن معندوش حل اخر ...
داز لوقت وأخيرا وقف قدام اول كلينيك جا فطريقو نزل بزز الدوخة كتدور بيه كلشي كيجيه مقلوب ..ايله ايخطي خطوة وهو اطيح كاااو ..شافو سكيريتي وهو اجري علم المسعفين وداكشي لكان خرجو كيجريو لعندهم هزو بيازيد ..و واحد منهم شاف فاللوطو بانت ليه بنت مغمي عليها خبرهم اجيبو ليها بياص هزوها حتى هيا و دخلو كيجريو بيهم بجوج حالتهم جد خطيرة
فالمستشفى ..
كلثوم جالسة جنب آريا من صباح وهيا كتهدر معاها مكتجاوبهاش : حبيبة واش جبينك كيضرك بزااف
آريا بقات غي كتشوف فيها منطقات بوالو
كلثوم تنهدات مخلوعة على حالتها خيفاها تكون دخلات فصدمة ولا شي حاجة اصلا مزال مفهمات مزيان علاش جابها ساجد لمستشفى عوتاني
يله اتنطق وهو اقاطعها صوت لباب : انيس هادا نتا ..دخل اولدي
انيس عينو على آريا : الاميرة كيف بقات
كلثوم : غي حالة عينيها مكتهدرش
انيس قرب لعندها بغا احط ايدو على شعرها وهيا تبعد راسها نافرة ..تفاجأ من ردت فعلها ..
ذهب حيدات تيلي من ودنها و مداتو للخدامة قطعات الخط : بغيت هادشي ابقا بيناتنا
لخدامة : سرك فبير الالة
فلفااك ..
جالسة كترجف بالحريق دفخادها مزال مبردات ليها لحرقة كتشهق و شهاب عند راسها كيواصي فيها مبغاتش تحرك ليه ..فهاد الأثناء كان خارج كمل قرايتو دهاد النهار وهو المحهم بجوج فالحديقة لوسط لفاك هيا جالسة وشهاب واقف عليها ..قلب عينيه وهو امشي لعندهم خرج عينيه فاش لمح فخادها لحمهم طيب و جلدة رهيفة عرف لحمها حساس وعلى سبة
شروق شافتو و هيا تغوت : الله اعطيك المووووت الحقير
قلب الطريق خرج على برى بينما هيا مزال كترجف فبلاصتها فمها تقال عليها بغات تغوت ولكن مقدراتش مفهماتش علاش باقا ساكتة ..هبطات عينيها لأرض وهيا تلمح قرعة دالدوى ..تحدرات ليها هزاتها بلخف مركزة الشوفة فيها ..لمحاتو جاي من زاج لي على برى قرب ادخل لعندها .. شدات لقرعة ضرباتها مع واحد لحديدة تحت السرير حتى تهرسات و تفتات لاشلاء من الزاج عاد هزات وحدة و خبات ايدها مور ضهرها حتى للحظة لمناسبة وتغرسها فجسمو . .
ساجد سد لباب وجاي لعندها مغوبش ومخنزر : لحببببس مع هاد لكلاااب ...كيفااش حرارتك مرتافعة اش كيديرو هما ..ولاد******
زفر وهو كيمسح على راسو عاد نعل الشيطان ومشا قاصدها هزها بين ايديه بلا كلمة بلا جوج و خطوى تجاه لكنباي جلس عليه وجلسها على حجرو بينما هيا غي ساكتة و زاجة مور ضهرها لدرجة من كترت الرجفة لسارية فيها بدات كتغرس وسط ايدها بلاما تحس اش جاري
ساجد تنهد تنهيدة طويلة وهو كيرجع خصلات شعرها مور ودنيها ..سكت شحال عاد نطق بصوت هادئ و روجولي فنفس لوقت : غادي نغبر واحد لفترة معرفتش شحال بالضبط ولكن لعارف هو خاص تردي لبال لراسك. .فاش انرجع انهدرو فبزاف دلحوايج
دور ايدو مور عنقها وهبط جبينها عند فمو طبع عليه قبلة عاد بعد كيشوف فيها مطول باغي احفظ ملامح وجها. .تنهد بعمق وخشا راسو فعنقها كيتمخشش فيها
سكت شحال وهو على نفس لوضعية حتى نطق بصوت خااافت سمعاتو غي هيا وهاد لمرة نطق بالدارجة لمغربية : غادييي نتوحششك البرهوشة ... واقيلة غادي نتوحش صداعك حتى هو
رجع تقابل مع وجها كيقيس حنيكاتها بلطف ..عاد نطق باللغة التواصل بيناتهم وهي اللغة الانجليزية : طول هاد لمدة اتبقا معاك لممرضة راه قاديت هاد الأمور فاش خرجت دابا. . اتكون مهتمة لماكلتك و لحتياجاتك كاملة ..عنداك تبقاي تنقزي حتى تطيحي ..صاافييي لمستشفى ولا كيطلب لعفو منك
باسها جنب فمها وبعد مستغرب من هدوءها وبرودها ماشي آريا لكيعرف : وااش اتبقاي ساكتة ؟؟ ...لمهم انا جيت لهنا باش نشوف برهوشتي وراجع بقاي ضريفة حتى نجي ولا مجيتش انشوف شي حل ايرضيك ..متافقين
عاود خشاها فيه معنقها وخاشي راسو فعنقها مزير بحاليلا خايف تهرب محاسش بالدم لتجلخ فإيدها بسباب الزاجة لكل مرة كتبرك عليها
ساد الصمت حتى كتكسرو بصوتها لهادئ و الأنثوي ناطقة بالدارجة : فين اتمشي ؟
بعد وجهو من عنقها كيشوف فيها مينكرش انه فرح فاش نطقات : مراتي هدرات خاص نحتافلو واقيلة!
روحي تحتضر الجزء العاشر
محتوى القصة
التنقل بين الأجزاء