روحي تحتضر الجزء 11

من تأليف Ikram Pancholi
2020

محتوى القصة

رواية روحي تحتضر

ساجد وصى عليها وعاود وصى مزيان. .عاد خرج على برى لقاهم كيتسناوه ركب لور وكسيراو بلا حتى كلمة. .لفلوس والنفود كيخليوك تدير بزاف دلحوايج وخصوصا الا كان لبلد كيعبد شي حاجة سميتها لفلوس وهادشي لخلا ساجد اخرج من السجن اشوفها واخة متهم بجريمة قتل شنيعة ..

فجيهة خرا ..

كتشوف ففخادها لمحروقين كتنفخ وتعاود مزال مبغات تسكت من لبكا 
فاقت من سهوتها فاش كان نازل لعندها لصالون فين جالسة : اديييك لمكلخة منوياااش تقولي ليا فييين علبة الاسعافات ؟؟!
شروق نطقات عاضة على سنانها : خررررج علياااااا من داريييي ...مسوووقكش فيااا عطيني التيقار 
مراد وجه صبعو كيحدر فيها : غي حييييت شفقت عليك أما تلقاي وجهك مصور فالمرايا دابا 
دورات وجها جيهت تيفي لمقابلة معاها شوية هبطات فمها كتنفخ معصبة و مخلطة عليها لبكية كتحس براسها اتجنن الا بقا هنا ومعندهاش حتى طاقة تغاوت وتجابد معاه
سمعات خطوات كبار كيقربو عندها زفرات كتنهد بعصبية فخاطرها غي وقف عند راسها غوتات : عطينيي تيقااار سير عند مراااتتك و ولدك ..شكاتسنا هاااا ؟؟؟! واااش معندكش النفس ؟ شكون نتا سيييير فحالك 
حسات بنتفة قاصحة لشعرها من الجدر : ااااييييي
مراد جلس على لطابل مقابل معاها : هاني جبت علبة الاسعافات ..بلاما نضسر لمكلخات بحالك 
زفرات مدورة وجها مرضياش تبكي قدامو ..حتى كتفيق من شرودها فاش حسات بيه هز رجليها وحطهم قدامو 
يله اتنطق جاعرة لكن مشات زعامتها فاش قشعاتو موجه صبعو ليها بتهديد ..غوبشات وسكتات حضياه كيدهن ليها لبوماضة بلاصة لحرقة لحمها من نوع لي دغيا كتأثر فيه اي حاجة
بتاسم باستهزاء فاش قطعات حسها : عجباتك 
هزات حاجبها : شنو ؟
شاف فيها وهبط ماصا ليها لبلاصة بعنف حتى تأوهات : هادشي 
شروق تجننات : ياااك مزوج ؟ شكااادير فداري إلا عندك شي نفس سير من داري
جمع لوقفة كيمسح فايدو بكلينيكس : وداكشي لأندير اصلا ..شفقت عليك ولكن لعليا دابا درتو 
شروق كتحس بلغليان من كلامو : كنشكرو سيادتكم حيت شفقتو علينا ..يللله سييير من هناا 
مراد طلعها وهبطها : كترات فيك لهدرة 
ومشا خاشي ايدو فجيابو حتى وصل للباب وهو اقلب الدورة لعندها قاصد الصالون ..
هز مخدة صغيرة خفيفة زفها عليها : دووووك لفخاااد لمرة جاية ايتحشووو ..ونزيييدك شي حاجة سميتها شهاااب ضربي عليها راك اتجيبيها فراسك 
بتاسمات بانتصار كتنقز فخاطرها : مسكين كيغير 😏
مراد سمعها كتدندن تحت فمها متسوقش ومشا خارج كيخاطب راسو : هاد لمكلخة عند بالها كتغيرني وهيا اتجيبها فراسها مع داك لحيوان. .

شرقات الشميسة كتعلن على نهار جديد ..
ستة دالصباح باقي لجو بارد كيدور داك لبرد لخفيف والصباحي ..جو زوين خلا الريدوات ديال لغرفة كيمشيو واجيو و صوت لعصافير داير ضجة بحاليلا فرحانين. .حركات صبعها بالشوية مكمشة عينيها وحجبانها مقوصين حتى نطقات بصوت خافت : بيااازيد 
بدات كتحل فعينيها على مهل حتى شافت فالسقف لبياااض فقط ..شوية بالشوية بدات كتفكر اش جرى ليهم حتى للحظة فاش بانت ليها أفعى من تماك تمسحات ذاكرتها معرفاتش اش وقع مزال ..جا فبالها وأنها وعداتو خاصها تعتقو شهقات مقدراتش تكمل التخايل معارفة حتى فين هو ..
يله اتنوض تشوف كيفاش وصلات لهنا ولكن مقدراتش الدوخة مزال شاداها فراسها : عءءه راسييي اربييي
رجعات راسها للمخدة حتى دخلات لممرضة غي شافتها حالة عينيها وهي تخرج بجرية معرفاتش فين مشات حتى لشوية بانت ليها داخلة مع الطبيب توضحات ليها للقطة و فهمات راه مشات تكلم الطبيب اجي افحصها وداكشي لكان بدا كيدير فخدمتو فحين هيا شاداها لبكية كل همها تعرف اش وقع ليها وفينو بيازيد 
سالا الطبيب : مزيان حالتك مستقرة ..غي مرة مرة تقدر تجيك السخانة ولكن درجة حرارتها مغاديش تكون طالعة بزاف حيت حيدنا السم ولكن باقا شي نسبة قليلة إلى منعدمة تقدر تسبب ليك فهادشي 
رهاف حركات راسها باه شافتو غادي بغات تهدر ولكن صوتها مزال رقيق ومع لبنج مكيتسمعش مزيان 
لممرضة عرفاتها باغا تسول على شي حاجة : بغيتي تعرفي الشاب لجابك ؟
رهاف بستغراب ..نطقات بصوت خافت: شكون هادا؟ 
لممرضة : معرفتش سميتو ولكن راه حتى هو فالغرفة لمجاورة مزال محل عينيه كانت حرارتو مرتافعة بزاااف وخطيرة وعاد كان مجروح فجنبو كاااع تعفن 
رهاف قلبها تفزع : كيف بقاا دابا؟ واش لباس عليه؟ جاوبيي عفااك 
لممرضة : غي بالشوية عليك راك مزال مريضة 
رهاف بغات توقف : خاص نشوفو ..عفاك عونيني الله اخليك
لممرضة بقات فيها : تسناي غي اكمل السيروم بعدا 
رهاف مقدراش تصبر : عفاك نرجع وعاودي ركبيه ليا 
لممرضة عرفات راسها قاصح : وراااه مزال محل عينيه غي تكاي بينما تسالا السيروم 
رهاف تجننات خاصها تشوفو باش تهدا : اتحيديه ليا ولا نترو
لممرضة حبساتها بإيدها : صافي صافي 
تنهدات وحيدات ليها السيروم عاد عاوناتها وقفات كتعكز على رجلها حيت مدورة لفاصمة على بلاصة اللسعة. .بقات قابطة فالممرضة حتى خرجات ..

بقات قابطة فالممرضة حتى خرجات من غرفتها فاتجاه غرفتو كتدور فعينيها بحاليلا اتشوفو كيتمشى 
حبسات قدام واحد لغرفة كتشوفو ممدود فوق السرير ومغمض عينيه عمرها سحابلها واحد النهار بيازيد لمشاغب و الضحوكي ولضارب الدنيا بركلة ايكون فهاد لبلاصة وفهاد لوضعية ..حمدات الله حيت على الأقل عايش بعدا مبغاتش تخايل انه ايموت كانت اتقهر بسباب تأنيب الضمير حيت عتقها وبغات تردلو لجميل ولكن مقدراتش اصلا معرفاش حتى كيفاش وصلات لهنا. 
بتاسمات بفرحة فاش حل عينيه ..دخلات داك الساعة ناسية رجلها حتى تقصحات عاد تفكرات ..عكزات حتى دخلات لعندو : على السلامة المتكبر 
بيازيد كيشوف فيها ممدود والفاصمة مدورة على كرشو ...بقا ساكت شحال عاد نطق بالشوية من ثأتير لبنج : اجي قربيي 
وداكشي لكان قربات لعندو كتعكز حتى وقفات عند راسو : نعيط للطبيب 
بيازيد هز راسو بلا : انا بيخير
رهاف مبغاتش تفكر اش وقع ليهم ولكن مقدراتش تصبر : كيفاش وصلنا هنا
بيازيد مقادرش اهدر بزاف : حتى نصحصح شوية ونهدرو فهادشي
هزات راسها باه وجرات ليها كرسي جلسات حداه جاها فشيشكل وهو ساكت ومهدن ..قاطع حبل تفكيرها فاش دخلات غي لممرضة فحصاتو وتطمنات كلشي مزيان عاد خرجات على برى 
بيازيد مزال مرهق : واش انبقا متكي ولا شنو 
رهاف شاداها الدوخة ولكن ماباغاش تمشي لغرفتها : نوض شطح لييك اتصح دغيا 
بيازيد مخسر سيفتو : كون ممشيتش تبعتك كوراه مبحر دابا فشي جزيرة ولا هاد لحالة 
رهاف مخرجة عينيها : ياااك؟
بيازيد : اه😒 ..بسبابك شاد لفراش دابا 
رهاف ضرباتو بصبعها لراسو : كون مبديتش نقلب على شي واحد اعاونا كوراه كعما لسعاتني لفعة 
بيازيد مخسر سيفتو : ومالك مونيكة جامدة كتسناي فيها تجي تقرصك 
رهاف : كون غي قرصاتك نتا نيت باش تحس بالضربة 
بيازيد شاف فيها بحاليلا كيقوليها من نيتك : كتر من هاد لحالة ؟ ...اجي اش كديري فغرفتي بعدي مني 
رهاف جمعات لوقفة كتغودد والبكية حابساها مرضياش : سري انا لشفقت على متعجرف بحالك 
بيازيد : هيهي شحال كيوت ..الله اكثر من مثالك ..خرجي و سدي لباب بسبابك شاد هاد لقنت الله انعلها حالة 
رهاف جمعات الطاقة وغوتات فوجهو : تففوووو على بشااار... يللله
وقلبات الدورة يله اتحل لباب حتى سمعاتو غوت : ايييي جنبييي 
تلافتت لعندو مخلوعة لكن سرعان متلاشات فاش لمحاتو حابس الضحكة وكيشوف فالسقف : بنادم مبرهش ...امتى اتكبر ودير عقلك
بيازيد : حتى نتزوج 
رهاف قلبها مشا وجا مبغاتش تهدر معاه فهادشي.. هادي حياتو : نخليك دابا 
وخرجات غادة لبرى كتفكر فهدرتو ..عرفاه غي كيضحك و واخد الأمور بإستهثار ولكن بصح ايجي واحد النهار ايتزوج !! و هيا ما محلها من الإعراب! وشرفها لعند بالها راه خداه ليها ! صافييي مشااا عادي عندو زعما
بتاسمات باستهزاء مبغاتش تعصب وتجيبها فصحتها عوتاني ..بقات كتعكز حتى لبرى جلسات على واحد لكرسي وسط حديقة صغيرة تابعة للكلينيك ..بقات كتفكر فلي جاي حتى قفزات ملي طاحت فبالها دارهم 
شهقات حاطة ايدها على فمها : ويلي اشنو ندير انا. ..كحلتها دابا 
بدات كتاكل فضفارها وهيا كتشوف فرجلها : شغانقول ليهم اياربييي ...شهادشي طحت فيه انا عءءؤه هنننن 😢
سهات فاش تفكراتو ملي قال انتزوج : سوقي اتزوج ولا اتطلق ...صافي هو خدا لبغا مني ودرتها براسي اصلا عءءؤه هءهءءهههءؤءءؤه😭😭😭😭
هبطاات راسها خشاتو وسط ايديها كتنخصص وتشهق بحاليلا واقعة جنازة 
قاطع حبل تفكيرها صوتو : داكشي لفبالك مكين منو والو 
هزات عينيها الدامعين كتشوف فيه باستغراب : شكاتقصد
بيازيد واقف بسروال دتوني و كلاكيطة فرجلو كان جابهم ليه لكارد لتاصل بيه ..جلس حداها شاد جنبو مورك على لفاصمة : انا مقصتكش 
رهاف : مفهمتش
بيازيد : نتي مزال بشرفك داكشي لدرت غي كدوووب باش نربيك على فعلتك 
وقفات ناسية راسها عافطة على رجلها ..بقات مصدومة ممثيقاش : انا باقا بنت .!؟
هز راسو باه :مقصتكش ومقربتش جيهتك 
بقات واقفة جامدة كتشوف فيه واش هادا بيازيد نفسو كيهدر عمرها فكرات توصل بيه لحقارة لهاد لموقف ..منطقات بحتى حرف مشات داك الساعة داخلة للكلينيك ودموعها نازلين بلا حتى صوت كتفكر كيفاش كانت اتحماق بالبكا ملي سحابلها فقدات عذريتها .حتى من قرايتها تراجعات فيها بسباب هاد لخبر و قضية التنقاز من لجرف كانت حتى هيا بسباب هاد لخبر! !
وقفات مشوكية : واااش هءءؤه واش عند بالو كلشي ساهل ..كلشي نقدرو نحلوه بالضحك و أخد الأمور ببساطة !! واش فعلا انا كنعرف شخص بهاد للمواصفات! 
نفضات هاد الافكار من راسها كتحاول متعطيش الأمور لجدية كتر من لازم خايفة ترجع تولي بحال داك لمرة. .ولات كتشمأز من وجودها معاه فنفس لمكان باغا تخرج دغيا من هاد لبلاصة ..حلات باب غرفتها لمحات لائحة دالأدوية عرفات اتكون جات عندها لممرضة وملقاتهاش ..خدات لورقة و قلبات الطريق خارجة على برى ناسية رجلها و اش مريضة ولا صحيحة بالنسبة ليها معندهاش لوقت تفكر فهادشي


جالس كيشوف فالبحر وكيخمم ماشي على عادتو 
جاه اتصال جاوب داك الساعة : شكاين 
مصطفى : اليوم بالليل انتحركو لخاريج جيب لفلوس إلا كنتي باغي تمشي من هنا 
يوسف : مباغي والو 
قطع وهو مخنزر : مباغي لا خاريج لا خرااا 

بعد مرور شهر..🍒
جالسة جامعة رجليها عندها كتشوف لبعيد مكتهدر ولا تنطق بحتى حرف 
سمعات لباب تحل كانت كلثوم داخلة ببلاطو فيه لماكلة : بنتي شهادشي كديري فيه مكتاكلي مكتشربي !! .. الله ارضي على بنتي غي هاد الشربة خفيفة
آريا بقات ساكتة منطقات بوالو 
كلثوم تنهدات : كولي شي حاجة راك وصية من عند ولدي ..خاصك تعتقي راسك شوية لي كليتيها كترضيها. .شربي هاد الشربة باش تصحي دغيا 
دخلات لممرضة حتى هيا : مدام كولي باش تشربي دوااك
كلثوم تنهدات ماحيلتها لولدها لي فالحبس ولا لمرتو لي غي ساكتة بحال الأصنام 
آريا جمعات لوقفة ومشات تقابلت مع كلثوم : بغيت نشوف ولدك 
كلثوم تصدمات من الطريقة كيفاش هدرات خصوصا أنها نطقات بطلاقة الدارجة : على سلامتنا ابنتي فاش هدرتي
آريا عاودت هدرات بالدارجة : انلبس ونهبط ..قولي لشيفور اوصلني 
وزادت نيشان للحمام كتغسل وجها لي ولا شاحب عاد خرجات لدريسينغ تحت نضراتهم لمصدومين حتى تبلوكاو ..لبسات تيشورط فالاسود و سروال جينز اما شعرها خلاتو على راحتو وفرجليها كونفيرسة خفيفة وصيفية ..
كلثوم ولممرضة مزال مصمرين فبلاصتهم
آريا خرجات من بيتها وفطريقها صادفت بيازيد نتفها من شعرها : تيتيزة ديالي ...صافا
شافت فيه بحاليلا كتقوليه من نيتك وزادت مكملا طريقها
بيازيد وحلات ليه : كح كح واش هادي حماقت كتر ولا كفاش ...ياربي السلامة 
فهاد الأثناء تحل بيها لمصعد لتحت خرجات داك الساعة على برى لقات الشيفور كيتسناها ركبات لور عاد ركب 
نطقات كتشوف لقدام : ديني عند ساجد آل عمران 
الشيفور : راجلك الالة
آريا سكتاات كتردد فالمسمع ديالها " راجلك" كتفات أنها تحرك راسها بالإيجاب
الشيفور نفد داكشي لقالت ليه موقف بيها حتى لقدام لمغفر عاد تلافت لعندها : وصلنا الآلة 
آريا شافت من زاج دلباب شحال عاد حلاتو : شكرا 
الشيفور : انا فالخدمة 
بتاسمات ليه ابتسامة بشوشة ونزلات كتكتاشف لداير بيها. .تنهدات كتحاول متسمعش قلبها لكيضرب فالمية بحاليلا غادي اوقف 
رجعات شعرها لور بعدما طيرو لبرد : يلله ا آريا متبكيش ..خاص نكون قوية 
مسحات عينيها لغرغرو ودخلات كتداعي القوة بنضراتها كتبان واثقة من راسها ..
فطريقها لمحات بوليسي : اكسكيزمي !!
لبوليسي شافها نسا راسو كيحقق فزينها 
آريا هزات حاجبها : تقدر تدلني على مكتب لعميد ولا معرفتش ..لمهم لمسؤول
لبوليسي كيبتاسم : نتي ماشي مغربية؟
آريا خنزرات : لا مغربية ..واش نعاود سؤالي؟
لبوليسي طلعها وهبطها : مبيناش فيك من هنا
آريا ربعات ايديها مطلعة حاجب و منزلة لآخر 
لبوليسي شافها عاقدة غوباشتها : تبعيني 
آريا خلاتو حتى مشا عاد تبعاتو تحت نضرات لكل : الصفة الإيجابية فاش كنت حمقة هيا كنعض بنادم كيبان ليا منفرطش فهاد الصفة 
شافتو وقف قدام باب واحد لمكتب :هنا ياك؟
تلافت عندها لبوليسي : تسناي نعلم لكوميسير عماد عاد نقوليك واش دخلي
بقات مصمرة فبلاصتها كتسناه اش غيصنع ..تجننات وهيا كتسنا حتى دخلات فارعة لباب : آي ديوتس دو بريميورى كلاص " اغبياء من الدرجة الأولى "
لبوليسي شاف فالكوميسير : شفتي قتليك ماشي مغربية 
آريا هدرات بالدارجة : واش مزال مشغول ؟ 
لكوميسير وقف محسش على راسو :لا لا تفضلي
خاطب لبوليسي بجدية مورك على لحروف : سير شوف خدمتك
وداكشي لكان مشا فالحين خلا غي لكوميسير كيطلع واهبط فيها ..كيدور ويدور ويرجع لعينيها لونهم عجبو بزاف اول مرة كيبقا ساهي فشي انثى 
آريا مستغربة من شوفاتو : اسو إ ايم آديوتا؟؟ " هل هدا أحمق "
لكوميسير :برازيلية ؟ ..بينا اصلا ..لمهم جلسي 
آريا نفخات خصلات شعرها حتى طارو تحت عينيه عاد تقدمات بخطواتها وجلسات على لكرسي ديرا رجل على رجل 
لكوميسير : اش كيدير هاد لجمال هنا !
آريا مخنزرة فيه ..نطقات موركة على لحروف : جيت نشوف راجلي 
بتاسمات بجنب فاش تلبك عرفات تسدو بهاد لجملة 
لكوميسير :احم سميت راجلك ؟
سكتات شحال عاد نطقات بشفايفها وهما كيرجفو : ساجد آل عمران 
كملات و هيا كتحاول متبينش انها كترجف
لكوميسير شقلب عينيه : الزيارة ممنوعة .. من غير لمحامي ميقدر اشوفو حتى واحد 
آريا : خاص ضروري نشوفو
لكوميسير : كنظن هدرت بشوية ..باينة فيك صغيرة مبغيتش نهدر معاك باسلوب اخر ..الزيارة ممنوعة حتى اتحكم 
آريا وقفات كتهدر بجدية :وااش كاين شي قانون كيمنع زوجة تشوف راجلها؟
يله ايهدر قطعاتو : غادي نتاصل بالمحامي ايشوف شي حل 
لكوميسير بتاسم باستهزاء : معندو ميدير
آريا بابتسامة ماكرة : سووو نتاصل ببابي 
لكوميسير :علاش يكما وزير الداخلية هه
آريا ربعات ايدها مطلعة حاجب ومنزلة لآخر : وزير البرازيل 
حرك راسو مركز مع هدرتها وايدو كتحك فلحيتو : معاش باغا تشوفيه
آريا : دابا وفيساع الا كان ممكن
لكوميسير عيط لبوليسي لعلى برى غي دخل لعندو خاطبو : وصلها فين كاين آل عمران 
آريا جات تبعو وهو اوقفها بكلامو : عمرو غادي اخرج غي احكمو عليه وايغبر داك الساعة 
آريا بتاسمات وهيا كتشوف فيه : لوقت كتبين كلشي 
وزادت مخلياه داوي تحت فمو جنونو فساجد ..أول واحد كيتهجم عليه أثناء خدمتو مبغاتش تدوز ليه بجغيمة لما ..
آريا بقات متبعة لبوليسي حتى حل ليها لباب. .خلاها دخلات سدو عاد مشا ..دورات عينيها فالزنزانة كنقصد الغرفة لمجهزة بكلشي بحاليلا وسط القصر ..تفاجآت ميحسابش ليها اتكون عندو غرفة بحال هاكة. .تقدمات بخطواتها كتكتاشف حسو مكينش 
تنهدات بغيظ : يكما هرب 
سمعات تقرقيب فواحد الجيهة ..قربات لعندها كانت بلاصة منعازلة على لغرفة تبعات مصدر الصوت حتى شافتو قدامها حي يرزق ..قلبها مبقاش قلب بكترت مضرب فالالف ..جسمها كامل كيترعد عليها ناسيك لعرق لكيخرج من جبينها ..كلشي تخلط عليها جميع الأحاسيس ومن بيييينهم كره شدييييد وقاتل ..حسات بدموعها ايهبطو ولكن تحكمات فيهم بزز فآخر لمطاف. .كتقول مع راسها خاص نكون قوية ضروري و منرجعش بحال اللعبة كيف كانو كيحركوني امتى بغاو 
حنحنات بصوتها الانثوي لعند بالها دابا راه ولا خشن باش تفرض وجودها : عجبك لحال هنا !
تصمر فبلاصتو بعدما كان خدام على لبيسي وكل تركيزو معاه ..جابليه الله كيحلم واش صوت آريا نفسو! ..تلافت لمصدر الصوت كيشوفها واقفة كتشوف فيه وعينيها حمرين وعاد ايديها مربعين بحاليلا اتدخل فمعركة نقاش كبيير 
وقف داك الساعة مزال ممستوعب : آريا !! ..شكون جابك لهنا ؟ .وشهاد اللبس بعدا؟


بعد معانات شهر كامل من لقراية و الإمتحانات تعسرو مزيان ولاو بحال الشرويطات داوها فقرايتهم حتى دوزو متحاناتهم 
رهاف جلسات على لكرسي وتكات فوق الطابل موسدة ايدها : ااااه ياربييي غادي نموت خاص نعس سيمانة يلله ترجع فيا الروح 
شروق ولات كتشخر فايقة : كنحس براسي مهلوكة ..لحمدالله كان آخر اكزام ليوم هاد لفاك كتخرجها من لواحد 
رهاف جلسات كتكسل وتعاود : ياربي نفاليديو ولا غادي نحماق فمخي جهدي كامل درتو
شروق كتدور فعينيها :حماقيتي كتكسلي فحديقة لفااك. .خلي حتى نمشيو لديورنا بعدا 
رهاف هزات كتفها ممسوقاش : امشيو اخرااو ..خاص نعس اعبدالله😭 ..مفيا ميمشي فالطريق بغيت نطير ونتحط ففراشي انعس كاااو 
شروق كتنهد من كترت التعب والإرهاق: كون خدمنا من لول دلعام كنا مغاديش نتعدبو فهاد الوقيتة ..حنا خلينا كلشي تجمع فوق راسنا
رهاف : هادشي فيت خاص غي تكون نتيجة زوينة 
شروق : كنتمنى
دورات وجها وهيا تلمح ابراهيم شيرات ليه : هيييييه اجي لهنا
مشا لعندهم : لباس عليكم
شروق : ملباس والو ..قتليك عطيني سؤال خمسة درتي راسك مسمعتينيش ..هممم؟؟
ابراهيم : هااا ..لا زعما
رهاف : صافي صافي ..شروق بعدي منو
شروق شافت فيه بنص عين : بنادم عاقل على سم الابتدائي 
رهاف حمرات فيها : شرووق
شروق هزات كتفها باهمال : مالي كدبت
شافت فابراهيم : جلس ..جلس المسموم يخخ
رهاف شداتها الضحكة : هههههههه خريتيني بالضحك😂
شروق : شهاد نيفو كتهدري بييه 😂
طلقوها بجوج بضحكة عجيبة بحال السكرانات هيا راه حتى حاجة مكتضحك غي جاو فوقيتة خاص اضحكو أولا ايتسوطاو خخ ..كيف كيقولو الضحك دواء للقلب 
شروق بزز باش سكتات من الضحك : اربيي هههههههه دابا انا علاش كنضحك 😂😂😂😂
رهاف كتمرغ بالضحك : ههههههههههههههههههههه 😂😂 كرشيييييي
ابراهيم مصدوم كيدور راسو يمين وشمال دايخ بيناتهم : واقيلة خاص نعيط لونبيلونص 
سكتو بزز وتقلبات ضحكتهم لسكات عجيب كيضحكو غي من لفوق 
ابراهيم وقف : غادي نخليكم دابا 
مجوبوهش بقاو ساهيين حتى نطقات رهاف : يلله نمشيو 
شروق حطات ايديها على حنكها : توحشتو😢 ..شهر مشفتو 😔
رهاف : متجبديش عليا داك لكليكة ..مبغيتش نتعصب ونجيبها فصحتي 
شروق : مالي قلت بيازيد انا غي هادرة
رهاف وقفات : انمشي بديتي كتخرفي نتي
شروق : وصافي اصاحبتي ..جلسي مالك 
رهاف تنهدات ومشات خلاتها : عمري نسا أش دار فياااا مستحيل نسااا ..كنكرهو واحد مستهتر بحالو عمرو اينجح فحياتو 
فطريقها قلبها مشا وجا تلافتت بلاما تحس لجيهة ليمن وهيا تقشعو شهر مشافتو كان فكامل اناقتو و وسامتو كيف ديما. .سروال جينز وتيشورط عاد كويرة فالاسود كيواتيه هاد الستيل 
فاقت من شرودها فيه فاش حطات شروق ايدها على كتفها : رهااف
تلافتت لعندها : تعطلنا
شروق : فاش كنت جاية تلاقيت واحد لبنت كتقرا معانا اتكوني مكتعرفيهاش مزيان 
رهاف كتحاول تركز مع شروق واخة عينها كتمشي لفين غادي : اه كملي
شروق متشوقة : قاتلي لعميد ايدير حفل بمناسبة نهاية العام الدراسي ..وعرفتي ايكونو غي ناجحين بمونسيو 
رهاف طلقتها بضحكة عالمية بسباب لغدايد شوية وهيا تجمعها دغية مغوبشة : ولاش كتلمحي زعما انجحو بمونسيو😂😂... زيدي حق الرب حتى بديتي تخوري 
شروق هزات كتافها : مسوقيش انحضرو حيت انكونو ناجحين بالنقطة😍
رهاف مشات وخلاتها كتحلم : خليك كتخرفي انمشي نعس 
شروق مفيهاش ليمشي لدار دابا واخة عيانة ولكن جو دالدار وهيا ساكنة بوحدها كيخنقها : فيين انمشي دابا تفوو. .حتى من داك راس طارو دإبراهيم مشاا بقيت بوحدي😑 
تنهدات ومشات كتاكل فضفارها : هننن توحشتو 😢 .. مع الامتحانات مبقيت كنشوف حتى تيتيز هننن حتى من داك لخراي دشهاااب ..كلشي مشااا 😭
خرجات على برى ركبات لوطو ديالها وكسيرات عرفات رهاف اتكون خدات طاكسي ومشات ..بغات تغير لجو شعلات موسيقى ساخبة باغا تحيح مع راسها. .فكرات حتى عيات قالت مع مخها تمشي للمول وداكشي لكان بلاصات لوطو ودخلات كتقلب الا جات عينيها على شي حاجة موديغن ..والو حتى لبيسة مشدات انتباها زفرات وخرجات داك ساعة مغوبشة ..
ركبات سيارتها من جديد كتفكر فين تمشي : واقيلة نمشي نتسارا شوية فالمنتجع لقريب لهنا ونمشي نضربها بنعسة 
عجباتها لفكرة ماشي بزاف حتى فرانات وبلاصات للوطو عاد نزلات كتقاد لكاسكيط لهازة معاها احتياط ..شافت فالوقت لقاتها وقيتتة لغدا كينا الشميسة مجهدة ..بتاسمات فاش لمحات الدراري الصغار كيلعبو فالالعاب فرحانين و آباءهم معاهم 
كملات طريقها حتى لريسطو لكاين تماك جلسات كتدور فعينيها: عار ربيي شكاندير بوحدي ..نوض نمشي لداري واقيلة 
حسات بشي واحد كيلوح عليها شي حاجة. .خنزرات فاش لمحات لفوشار كيترمى عليها تلافتت مجننة حتى كتوسع عينيها : هيييح ..شكادييير هااا؟
...........: شلام 😂
شروق شافتو جالس بوحدو وهيا تمشي عندو : اممم شكادير بوحدك دابا همم ..فينو داك لمس** كنقصد باباك 
قاصعها صوت اخر : شناواا؟


تلافتت عاقدة غوباشتها :هدر مع ولدك 
مراد شاف فولد خوه : ساط يكما دارت ليك شي حاجة؟
شروق مخرجة عينيها : شهاد الأسلوب كتهدر بيه مع دري صغير 
قاطعها لفوشار لتلاح على كمارتها من جديد : انا ماشي دري صغير
شافت لعندو كتجنن : كتقصد بزقول يااك ؟ عرفتي شنو 
شدات لفوشار بدات كترمي عليه شوية قلبوها حرب هيا كترمي عليه وهو كذلك 
مراد غوت حتى هداو بجوج : وااااش كتبرهشووو ولا كيفااش 
شد شروق من دراعها مقرب لودنها وعاض على سنانو : ملعباش فصغرك هااا 
شروق مقوصة حاجبها : آآي قصحتيني اويلي ..رخف مني
رخف عليها معصب دارولو شوهة كلشي كيتفرج فيهم. .جلس مقابل مع ولد خوه : حمزة ضسرتي 
شروق شداتها لبكية وهيا تمشي لبلاصتها : انا لكنطير الأب و ولدو انا اش قربني ليهم 😢
بدات كتمسح فدميعاتها حتى كتحس بنتفة فشعرها تلافتت وهيا تخنزر فيه : اتمشي ولا نخمجك
حمزة : شوكيديرا بعداااا 
شروق : هيهي ساليتي ؟
حمزة مد صبعو : نتصالحو؟ 
شروق شافت فمراد ورجعت شافت فيه : سير عند باك. .وانا مصالحة معاك اوكي هه
حمزة : هاداك عمي ماشي بابي 
شروق : ههههههههه ضحكتيني ..مبقاش باباك ولا عمك 😂 لمرة جاية قولي خالي 
تنهدات : هادي هيا تسحر مع دراري صغار تصبح فاطر ولا معرت كيف كيقولو ليها 
حمزة كيهدر مع راسو : واقيلة هادي مسطية 
وقلب الطريق حتى كتشدو من ايدو مخرجة عينيها : قلتي ماشي باباك ؟؟ ...حلف بالله وااش سمعت مزيان 
مخداتو مسكين عاد سرات معاها هدرتو 
حمزة : ااااه عمي
شروق بدات كتقرص فحنيكاتو : وااااو على خبيرة بحال وجيهك زوين 😌
حمزة بعد منها ومشا : هادي حمقة بصح
جلس حدا مراد : هاديك مسطية
مراد : مكدبتيش هبيلة وقالو ليها زغرتي 
شروق بالفرحة وقفات ومشات بلاما تلافت كتفصل وتخيط لإمتحانات سالاو خاص غي تنجح واراااك لفراجة. .هادشي لكتقول مع راسها 

فبلاصة بعيدة .. نيويورك✈
متكية فوق السرير والخلعة شاداها خايفة تكون واخدة قرار مصيري ..رجعات بيها الذاكرة 

"كلثوم : علاش ابنتي بغيتي تسافري
ذهب شدات فايدها : بغيت نبعد من هنا محتاجة هاد الخطوة اماما 
كلثوم تنهدات : شفتي خوك بعدا 
نطقات بصوت منغنغ بالبكا : مفهمتش كفاش لبقو ليه هاد التهمة ..خويا واخة قاصح ولكن قلبو حنين بزاااف 
كلثوم حابسة راسها غي بزز : الله افاجيها ياربي ... مبقيت فاهمة والو 
ذهب عنقاتها : مامي سمحيلي حيت انخليك بوحدك فهاد الظروف ..شهر بالكثير ونرجع انشالله 
كلثوم بعداتها وباست جبينها : خودي راحتك حتى تكوني مزيان ورجعي غي ردي لبال لراسك 
حركات راسها بالايجاب : ضروري "
رجعات بيها الذاكرة فاش دخلات لممرضة فايدها الإبرة دلبنج : انسة ذهب واجدة؟
ذهب حركات راسها بالإيجاب : فينو مسيو عمران
لممرضة : ايكون مع الدكتور لغادي ادير ليك لعملية 
هزات راسها باه كتفكر انه كلف راسو و جا معاها لهنا باش تعالج ..عجبها لحال حيت كيهتم للمرضى ديالو هو الطبيب لوحيد لتاقت فيه فالمغرب زيادة على ذلك معرفة قديمة و صداقة بين لعائلتين ..كمشات عينيها فاش نغزاتها لبرة صبرات حتى كملات
لممرضة : شوية اتبداي ترخاي
ذهب غيبات تدريجيا حتى مبقات كتحس بوالو سلمات راسها لإيديهم على أمل تشوف مرة أخرى وترجع كأي انسانة طبيعية 

فالمغرب ..
من الصباح وهو كيلعب فصاك لبوكس باغي ابرد غدايدو. .ممقرب ليه حتى واحد خايفينو انفاجر عليهم 
حتى تشجع واحد وقاطعو : يوسف ختك رهاف كتسول عليك 
وقف كيقطر بالعرق عاد بدا كيفك لفاصمة على ايدو وهو غادي للساحة لصال لي على برى 
رهاف شافتو جاي وهيا تمشي لعندو : خويا 
يوسف : ممولفاش ليك تجي ياك لباس 
رهاف : صيفطاتني ماما ..قاتلي كلمي خوك ونيت باش تغدا حيت جايين عندنا العائلة
يوسف : مباغي نشوف حتى واحد ..غي سيري
رهاف اتطيح بسباب لعيا : بحرى جيت من لفاك صيفطاتني نكلمك ...سير عندها عفاك راه عيت 
يوسف تنهد :بففف صافي هاني جاي
رهاف معاجبهاش حال خوها : خويا تبدلتي ..عاود ليا انا ختك ..وشفتك قلبتي على شي حاجة سميتها لخاريج 
يوسف : مكين والو. .صافي سيري هاني جاي
مبغاتش تضغط عليه كتر مشات وخلاتو واقف حتى خدا كرسي جلس عليه كيمسح على راسو : خاااص نساها كيف نساتني ..ضروري نساها غي ولف بالشوية بالشوية اتمشي صورتها من بالي 
وقف مغودد : باقي متزادتش لتاخد قلبي
مشا لحمام دلصال دوش ولبس عليه عاد خرج ركب سكوترو ومشا لدارهم غي دخل حس بالرواج والضحك عرفهم عصابة دلعائلة هاجمة عليهم. .زفر معندوش مع الصداع مشا عند مليكة للكوزينة مضاربة مع لغدا
يوسف : لواليدة علاش مسيفطالي ورهاف عيانة ..يكما باغاني نطيب ؟ هاشي لبان ليا 
مليكة : هه رهاف راه طلعات تنعس ..ونتا عندي ليك واحد لبلان على مزيناتو 
يوسف : لواليدة بديتي غي كتدربزي 
مليكة مبتاسمة : عفاا ولدي سير سلم على خالاتك شوف بنت سهيلة كبرات كتحمق ..شهواا منها ومكرهتش تكون عروستي انشالله
يوسف بالاعصاب شداتو الضحكة : كفاش واش ناوية تزوجيني؟ولاشنو


مليكة : ومالها اولدي اشنو فيها؟ 
يوسف قاس جبينها : منديش عليك الواليدة دابا بديتي كتخرفي ومرة خرا تجبدي ليا بنت ختك ولا بنت خوك اندوز عليهم بموووس حافي 
وخرج معصب باغي افش غليلو فشي حاجة. .ركب سكوترو وزاد بجهد مكسيري على حدو موقف غي حدا لبحر فالبلاصة لعمرها مؤخرا بزااف ..هاد لمكان عندو لكثير من الذكريات واخة ايحاول انكر ماشي بإيدو

نرجعو للمغفر ..
وقف داك الساعة مزال ممستوعب : آريا !! ..شكون جابك لهنا ؟ .وشهاد اللبس بعدا؟
آريا : لباسي وانا حرة فيه 
ساجد مستغرب من طريقة هدرتها ..مشا لعندها شدها من دراعها غارس ضفارو فيه : تعلمتي تردي لهدرة البرهوشة 
تنترات منو كترجف بجسمها كامل ..محساتش على راسها امتى دفعاتو ونزلات عليه بصفعة قوية كيف راسمة فبالها : نننوووي ااوس نوفمااانت توووكر. ..فووس انطوووند كوأو أو تي أدايووو... اوتيي اودايو ميوووتو 
"متبقاش تجرأ تقيسني مرة خرا ..واااش فهمتي انا كنكرهك ..كنكرهك كره شديد"
سكتات كتلهت و عينيها مدمعين علاين اتفركعو بالبكا
ساجد تبلوكا فبلاصتو بحاليلا خويتي عليه سطل دلما. .الدنيا دارت بييه شكون هادي لقدامو !
تنهد كيمسح على راسو وقرب بخطوة ليها : مراتي لحبيبة 
رجعات خطوة لور مخنزرة وعينيها مغرغرين : آريا ميلتووون ..سميتي آريا ميلتووون
ساجد هنا بدات حس بقلبو مشا وجااا ..واش بدات كتفكر؟ هاد السؤال لنهش بالو فهاد اللحظة 
حاول ابان عادي : مزيان ملي عقلتي على سميتك 
بتاسمات باستهزاء : وعقلت على حتى شكون غتاصبني
ساجد خرج عينيه جسمو فشل.. كيحس بالدم تحبس فبلاصتو مبقاش كيدور : كيفااش 
مسحات على شعرها وتلافتت عاطية ليه بالظهر كتمسح دمعة خانتها عاد تلافتت لعندو : معلينا من هادشي ..بغيت نجلس خاص نهدرو 
ساجد مزال ممستوعب كيقول مع راسو غي كيحلم ايفيق كلشي ايكون كدوب
آريا جلسات كتحاول تبان طبيعية مزال كتخاف من داك الصور الشنيعة لكتجي فبالها ..واخة رجعات ذاكرتها خاص تحافظ على الدوى حتى تصح مية فالمية 
ساجد فاق من شرودو عرف كلشي تكشف اصلا كان ايجي هاد لوقت سواا دابا سواا من بعد. .تنهد مخلي كولشي للوقف عاد مشا جلس مقابل معاها 
آريا كتحاول تفادا عينيه : برائتك اتجيييك كون هاني من هاد النحية ..داك ثامر حسابو معايا
ساجد كيشوف فيها بحاليلا كيقوليها من نيتك ..مزال صغيرة مقادة على والو
آريا فهماتو : متستاهنش بقدراتي
ساجد : جيتي باش تقوليلي هادشي 
آريا تجاهلات سؤالو : خاص فاش اسولوك تحافظ على نفس الأقوال ..مقتلتيش ..مقتلتيش 
ساجد كيحس باللغليان بالطريقة كيفاش كتهدر : علاش باغا تعونيني قاد براسي 
آريا تجاهلات سؤالو مرة أخرى : لمهم برائتك ..
قاطعها بالغوات حتى قفزااات : علااااااش جااااية تقوليلي هاد لهدرة اناااا مكنتسنى من حتى واحد اشفق علياااا
وقفات مبتاسمة باستهزاء : شفتي فاش كنت حمقة وكتشفقو عليا ..هاكة كنت كنحس ..فاش وليت ضحكة وقلبي من لداخل كيتقطع ..هاكة كنت كنشوف راسي فالمرايا ..عمري غاااااادي نسمح لييييكم عمريييي ستغليتيني وانا حمقة معارفة والو ...هءءهءؤؤ كلشي تفكرتو كلمة بكلمة وضربة بضربة ..آريا ميلتون عاقلة على كلشي 
شافت راسها اتبدا تفقد قوتها وهيا تسكت عاد رجعات هدرات بصوت منغنغ بالبكا : لمهم هادشي كيبقا غي هدرة 
جات بغات تمشي وهيا تلافت : نسيت 
ساجد جامع ايدو على شكل قبضة وصدرو كيطلع واهبط ..جمع لوقفة وشاف فعينيها مباشرة : شنو؟
آريا نطقات كتشوف فعينيه : بغيت طلاق ..هاد زواج دمدينة الألعاب خاص اسالي سميتي مبغيتهاش تربط بييك 
ساجد بقا واقف كيسمع ليها اش باغا تصنع ..شافها غادي تخرج وهو اطير لعندها زدح ضهرها مع صدرو وايدو محاوطة خصرها وايد لاخرة حكمات ايدها : تقدري؟ ..تقدري على فراقي؟؟
آريا واقفة جماد كابرات وكابرات حتى بداو عينيها كيسيلو شلالات كتحاول تحبس دموعها ولكن كانو قوى منها ..كتبغي تكتم شهقاتها ولكن مقدراتش ستسلمات لبكاءها كتنخصص 
ساجد حط جبينو على شعرها كيتنهد :سكتي من لبكا 
آريا مزال كتشهق بحاليلا كانت محتاجة هاد اللقطة باش تفش قلبها من الدموع على الأقل تنقص شوية من تخزين حزنها ..دازو ثواني وهما على نفس الوضعية محساش بلي داير بيها كل همها غي تبكي دابا باش تقدر تنفس وتدخل كمية لابأس بيها من الأوكسيجين 
بعد وقت وجيز وعات على راسها وتقلبات شهقاتها لرجفة كبيرة من قربو ليها ..بدات كتحاول تفك ايدها من ايدو لحاكماها
مبغاش ارخف بحاليلا شاد ضد :رخفففف عليااا .. كنكرهههك بزااااف ..قربك ليا كيقرفني رخففففف 
ساجد مباغيش اسمع كلامها خايف تنطق السم من فمها. .وداكشي لكان ممسوقش لهدرتها كل همو تبقا حتى لإمتى معرت هو براسو معارفش لجواب ..مبقا فاهم والو مخلي قلبو لكيتحكم فيه 
آريا تجننات : رخفففف مني ... قللللت رخففف واااش مكتفهمش ؟؟ !! بعددد عليااا كنكرهكككك ...كتسمععع كنكرهككككك 
ساجد صدعاتو فراسو كيسمعها كتغوت وتورك على لحروف ..دورها بالجهد حتى تزدحات مع صدرو 
تأوهات من حر الزدحة :ااااه 
بدات كثنتر بعصبية : مييي ديجييي باااس 
ساجد هز فكها لعندو مزير عليه ..نطق وهو مقرب لوجها بزااف : داك لهدرة لقلتي قبيلة خاصك تنسايها كتسمعي. .واخة نعرف نصمكك بشي دقة نفقدلك الذاكرة لمهم داك الهدرة منسمعهاش 
شافها اتنتر مخنزرة فيه .زاد زير على خسرها وايدو لاخرة كتقيس فحناكها لحميمرين بسباب الأعصاب : كتفهمي ياك ؟ .. اكيد آريا ميلتوون كتفهم مزيان 
آريا شافت راسها مغاديش تقد تفكك منو حيت قوتها الجسدية ضعيفة قدامو وهيا تلجأ للسانها لكيتعتابر سلاح النساء عامة : عرفتي باااش كنحس دابا 
ساجد هز حاجبو كيتسنا السم منها عرفها اتقول شي حاجة تعصبو ولكن مبرد حتى اشوفها فين اتوصل 
آريا سكتات ورجعات نطقات كتشوف فعينيه باغا توصل ليه راه قربو مكيأثر فيها والو : كنحس بالشمتة .. و الغثيان من قربك .شخص بحالك خاصو لموت. عمرييي انسا كل لحظة جمعاتني بييك خصوصا فاش ستغليتي ضعفي باش ندافع على راسي ..كل واحد عاقلة مزيان كفاش كان كيشوف فيا .. ولكن حتى دابا جالوقت باش نهيو هاد لمهزلة ... عرفتي كنهدر كااالم مبغيتش الصداع كل همي نبعد من هاد لبلاد بدون خسارة .. يكفي هاد الأشهر لكانت نفسيتي تحت الصفر 
بتاسمات باستهزاء : واش عند بالك بهاد التصرف اتخليني نغير رأيي بالعكس كنزيد نقرف منك ومن رجولتك 
ساجد عيااا صابر شافها اتبدا تدخل وتخرج فالهدرة ..بزز ضبط راسو ميجمعهاش معاها ولكن باغي اسكتها بأي طريقة قبل تخرج شي كلمة من فمها ماشي حتى لهيه وتخليه افقد صوابو ..داكشي علاش ملقا غي شفايفها خشاهم وسط فمو كيقطع فيهم بالمصان 
آريا كانت كتهدر حتى كتحس بشفايفها وسط فمو معرفات باش تبلات ..تجننات فاش وعات على راسها كتضرب فصدرو وتعاود بحاليلا كتهرو مكيتحركش بالمرة. .
ساجد كل ماكتزيد تضربو فصدرو كيعضها بعجرفة باغيها تهدا ..حس بيها مزال كتنتر منويااش تهدن ..زرب عليها وهزها من تحت مؤخرتها ...حتى قرب لناموسية دفشها قبل تهرب وطاح فوقها حاكمها تحتو 
آريا كتشهق بالبكا و واخة هاكاك مباغاش تستسلم : كنكرررررهكككك كتسمع هءءؤءهءؤههؤؤه ..بعدددد منيييي ءهءءؤهء ...قلللت بعد منييي 
ساجد قابط ايديها بجوج بايد وحدة : مكيهمنيش تكرهيني اخر حاجة انتسوق ليها 
آريا بغات تحماق كتحس براسها اترجع تسطا عوتاني : هءءهءءهؤ بعددددد ...قللللت بعدددد ولااا غادي نقتللللك هؤءءه شكوووون نتاااا حتى تصرف معايا بهاد لوسخ 
ساجد بالغوااات : انااااا راااااجلك ..دخليهاااا لمخك وشي حاجة سميتها طلاق نسايها مستحيل تحلمي بيييه. ..نتيي مراتي وعلى سميتي 
آريا : كتحللللم 
بدات كتنتر من جديد باغا تغوت ولكن كفاش وهو كيلتاهم شفايفها بحاليلا كينتاقم من كلامها لكتنطق بييه حتى سمعها زادت فوثيرة دلبكا عاد بعد وحط جبينو على جبينها كيتنهد بعمق كفاش ايسمح فيها بعدما رونات حياتو فاش دخلات ليها ..واش عند بالها ساهلة تخرج منها حيت بغات 
عرف راسو ايبدا غي كيخربق وهو انوض من فوقها بلاما اتلافت لعندها : تهزي من هنااا .. آخر مرة تجي لعندي وطلاقك مستحيل تحلمي بيييه 
آريا جمعات لوقفة كتمسح دموعها بعجرفة مشات تقابلت معاه ..يله اتهز ايدها تصفعو و هو اقبطها مزير على معصمها نطق عاض على سنانو : خاصك تبداي تدخلي هاد لفكرة لراسك ..انا رااااجلك وعندي كل لحق فيييك .. سيري قبل منصدق محملك هنااا 
زاد زير على معصمها وقرب لوجها كيحقق فعينيها لكيطلقو الشرارة : مكانش عليك نهار لول تخرجي فطريقي .نتييي لجيتي لعندي ممشيتش لعندك فهميها


آريا قلبها كيضرب فالمية مبغاتش ترجع تحماق مرة أخرى خايفة اتضرب ليها كلشي فالزيرو ..نطقات بصوت منغنغ بالبكا كتداعي القوة : ممكن ترخف من أيدي اتهرس ..بعددد منييي مبغيتش نحماق عوتاني يكفي لعداااب لعشتو 
ساجد مجرد مسمع كلامها رخف منها وعطاها بالظهر مكرهش اضمها لصدرو و احسسها بأنه جنبها ولكن هيا كتكرهو معندوش لحق امسح دموعها لكان عندو دور كبير فيهم ملي كانو كينزلو من عينيها 
آريا رجعات مسحات دموعها و قصدات لباب كترجف جات برجليها عند الراجل لساهم فتعذيبها بطريقة اخرى. .معرفاتش كفاش اتبقا صامدة هاد لفترة بينما رجعات لبلادها..قبل تحل لباب تلافتت لعندو : مبغيت حتى واحد اعرف راه صحيت ورجعت طبيعية 
ساجد مزال عاطيها بالظهر منطق بوالو غي جامع ايدو على شكل قبضة 
آريا : انهدر مع لمحامي نفهم منو كاااع التفاصيل ..لجلسة الأولى اتخرج باش تسيني على وراق طلاق 
ودارت حلات لباب وخرجات 
خلاتو واقف بحال لجماد فبلاصتو صدرو كيطلع واهبط. .عروقو برزو علاين اطرطقو ولعرق خارج من جبينو ..قصد نيشان لحيط هز قبضة ايدو خبطها عليه حتى مشا وجااا ..غوت بأعلى صوتو : آآآآآرياااااااااااا مستحيللللل نطلقكك مستحييييل ...غييي حلميييي
مزال مبردات ليه تلافت كيهرس فلي جا قدامو واشخشخ مزال كيلهت غادي احماق ..كفاااش كتقوليه الطلاق ؟؟ ..كيزيد اجعر كل متفكر جملة من كلامها لمسموم 
لبوليسي جا اسد لباب بعدما خرجات آريا حتى كيسمع التشخشيخ ..دخل لعندو شافو فداك لحالة خرج كيجري اعيط ليهم اجيو اساعدوه باش اقدر اوقفو حيت لشاف قدام عينيه ثور فصفة انسان 

على برى .. 
خرجات كترجف باغا تفش قلبها بالبكا ولكن ماشي دابا مبغاتش الناس تشوفها منهارة ..تشفق عليها كيف قبل ..داك الشفقة كتفكرها دابا كتكره راسها ..يله اتخرج من لباب الرئيسي وهيا تصادف شخص كان خاصها هاد لمدة كاملة باش تستجمع قوتها ملي تقابل معاه. .أول واحد دمر ليها حياتها كان هو لمفتاح لحل ليها الأحزان باش تهجم عليها 
شافها حيد نضاراتو وابتسامة الإستهزاء مرسومة على فمو : هاي هاي على لبريهيشة جات تشوف راجلها 
قرب لعندها : يكما ضعاااف مع لحبس ههههههههه 
آريا كتخبي ايديها لعراقو شافتو قرب لشعرها هز خصلة منهم وهيا ترجع لور مخنزرة : بعد مني ولا انقولها لساجد 
تامر : هههههه داك لكيليميني دراجلك فالحبس ايبقا حياتو كاملة هنا كفاش ايجي افكك مني هممم؟؟ هههههههه 
آريا كتحاول تبين انها ماشي بعقلها : نتا خيب خليتي ساجد فالحبس ... انقوليه كتضحك عليه 
تامر كيقرب ليها كلما رجعات خطوة لور : أجي معايا لدار. .ساجد خيب ديما كيضربك وانا زوين ايعجبك لحال معايا كنتهلا فالبنيتات الصغار بحالك ونزيدك كنعطيهم الشوكولا
آريا كتحاول تبان فرحانة : وااااو بصح .. اتعطيني شوكولا ياااك 
تامر بمكر : لبغيتي خوديييه ...يلله معايا متافقين
آريا دارت ايدها على فمها كتفكر زعما ..كتحاول تصرف بطفولية : إلا مشيت معاك اتعطيني شوكولا ياك😢
تامر قرص حنكها بلطف : لي حبات خاطرك
آريا : اوكي😍 ..ولكن حتى نمشي لدار ناخد حوايجي ونمشي معاك تعطيني شوكولا 
تامر : بلاش منهم غي يلله معايا 
آريا : وساجد 😢
تامر : هو خيب كيضربك وكيقتل ..بعدي منو
آريا : اوكي انمشي معاك نتا زوين وهو خيب
تامر : هههههههه كيعجبوني لبنيتات ذكيين بحالك 
جبد من جيبو تيليفون عطاه ليها : هادا انعيط ليك فيه غدا ونقوليك كفاش اتلاقيني باش تمشي معايا 
آريا : هاااا ..هادا ديالي انا بوحدي 
تامر :اه ديالك بوحدك ..خوديه يللله
آريا مبتاسمة : وااااو ابريكادا 😍
تامر : ههههه واخة مفهمتش ولكن لمهم هو تمشي معايا صافي؟
آريا : اوكي😍 باي باي دابا
ومشات مخلياه كيضحك مقداه فرحة : ههههه من ديما كنقول ايجي لوقت لنرجع ناخد منك كلشي. .فالأول داك لق** دنرمين ودابا مراتك البرهوشة ..ونتا فالحبس صراحة تجي معاها تكون شي قصة درامية لعنوان صاحب الحظ لمعتوه ههههه ..اش ندير درتك فبالي 
ودخل باغي اعرف اخر لمستجدات مكرهش احكمو عليه دابا باش ارتاح ..لمعطلهم فالتحقيقات هو الأقوال ديالو بانه مقاتلش نرمين ومدة مشافها

خرجات نيشان للوطو ركباتها وسدات لباب كترجف. .النفس مبقاتش كتطلع وتهبط كتنش على راسها و والو 
الشيفور تخلع : مالك الآلة ..نمشيو لمستشفى
آريا تخلطات عليها محبوسة فيها النفس كتشهق وعينيها حمرين باغين الأوكسجين :لما ..عطيني غي لمااا 
الشيفور نفد كلامها ومد ليها قرعة دلما : هاكي الآلة 
شداتها من عندو عتقات راسها وهيا كتلهت : تحرك من هنا ..بعددد دغيااااا 
الشيفور خلعاتو كتهدر وهيا كتشهق اول مرة كيشوف هاد لمنظر قدامو ..تحرك داك الساعة كيطل عليها من لمراية لمقابلة معاه 
بقات شحال عاد بدا كيتقاد ليها نفسها ..تقلبات شهقاتها لتنخصيص عميق قلبها كيضرها بزاااف ..صعيب تواجه جوج اشخاص دمرو حياتك وتسكت حتى لوقت لمناسب وترجع ضربتك .ليهم. 
هزات تيلي لعطاها وشافت لبعييد :لعبتي مع الشخص الخطأ


جا الليل. .
بيازيد داخل مع باب لقصر : واااا فيييينكم 
قصد الصالون لقاهم جالسين بملامح باهتة : مالكم ياك لباس 
كلثوم : بيازيد متبداش اولدي ..لفيا اكفيني
مشا باس لباه راسو وداز لمو عنقها : غي كنضحك الواليدة ..غادي اخرج راه احسن محامي فالبلاد مكلف بقاضيتو .. حتى فين جالس حسن من بيتو لي فالقصر ..صافي طلقيها تسرح كلشي ايتحل 
نعمان تنهد : داك الحقير سحب الأسهم ديالو من الشركة. . حيت فسخنا الشراكة معاه ..مستحيل نسالو هاد لباطل خاص غي ساجد اخرج من لحبس
بيازيد جامع ايدو على شكل قبضة : كون مخفتش نجبد صداع لخويا ..كنت انمشي نربيييه مزياان نورييه آل عمران ولكن نصبرو حتى اخرج ..خاصو درس كبير اتعلم احط لباطل على والو 
كلثوم : صافي بدلو لموضوع
نعمان وقف : انمشي نتاصل بالمحامي باش نمشي معاه غدا عند ساجد هادشي طول مبقاش عاجبني 
كلثوم تنهدات : ورجع تعشا
نعمان : معندو منين ادوز غي بصحتكم 
بيازيد تبع بعينيه باه حتى خرج عاد تلافت عند كلثوم : اجي فينها آريا. .يكما مزال مريضة فبيتها 
كلثوم : معرفتش اولدي .. عاد هبطت من بيتي كنت مشغولة مع حريق دراسي 
بيازيد باس جبينها : الله اشافيك ليا
طبطبات على كتفو : درتي عقلك هه 
بيازيد : وغيي وجدييي هاد لحنان لنازل عليا غي حيت خاصكم ديرولي حفلة فاش نشد دكتورة مبقا والو 
بتاسماات ليه : احياني عليك هه ..كون هاني لحفلة انديروها باش نفرحو بيك وخروج خوك انشالله 
بيازيد تقاد فالوقفة : مشات 
شير ليها بايدو زعما هاني غادي ومشا مخليها مبتاسمة : مباغيش ادير عقلو ههه 
بيازيد فطريقو لمح الضو جاي من جيهت لصال ..ستغرب شكون ايكون كيتريني فهاد لوقت ..واصلا حتى واحد مكين كيدير سبور من غيرو وساجد مرة مرة. .تعجب وتقدم بخطواتو ليه حتى دخل كيقلب بعينيه. .تصمر فبلاصتو فاش جات عينيه عليها. .
كانت كتلهت شحال وهيا كدير فطراكسيو ساعة باش كانت بادية فالتمارين توحشات هاد الروتين لكانت كتنفدو فحياتها السابقة


بيازيد بدا كيصفق واصفر : ويلي ويليي ..تعالا تشوف اسي خويااا مراتك كدير سبور هههههه 
مشا وقف عند راسها كيشوفها كتطلع وتهبط : بشااااخ ابنتي ..ويليتي كتصدميني التيتيزة 
آريا وقفات كتلهت وصدرها كيطلع واهبط ..قصدات فوطة حطاتها على كتفها وهزات قرعة دلما كتروي عطشها
بيازيد مركز معاها ..رجع حك عينيه و ولا شاف فيها : امكن من قلت النعاس بديت كنخرف ..التيتيزة هادي نتي؟
آريا سدات قرعة دلما و مشات لعندو : لا ماشي انا الجيران 
بيازيد : وليتي كتعرفي تهدري هههههه ..نجيب لختي شوكولا 
آريا شافت فيه مطولا : وتعلمني السبان يااك 
بيازيد : ههههه لالا علاه باقي نعاود 
عاد سرات معاه : اجي شفتك كتهدري بالدارجة مسرحة 
آريا : تعلمت
بيازيد بدا كيدخلو الشك ..كيفاش كتهدر جاتو فشيشكل : آريا واش لباس ؟ ..كيف كتحسي براسك
آريا : داك السؤال لفراسك جوابو بصح
تبلوكا فبلاصتو لهدرة مشات ليه : كك كيفاش ..!!
آريا : رجعت كيف كنت قبل نجي لهاد لبلاد
بيازيد مصدوم : وااش رجعات ذاكرتك ؟ ..يااك
آريا : اه وعاقلة كفاش علمتيني نعاير خوك 
بتاسماات ليه : شكرا على كلشي 
وزادت عاطياه بالظهر خلاتو كيمسح على شعرو حشمان من راسو .احساس خيب راودو من داك النظرة لشافت فيه بيها .بحاليلا كتلومو على هاد الإستهتار 
تنهد بغيظ ومشا تبعها كيجري حتى وصل لعندها : شفتي خويا
آريا ببرودة :اه
بيازيد مزال ممثيق عند بالو غي كيحلم : آريا 
وقفات وشافت فيه كتسناه اهدر
بيازيد :سمحي ليااا
آريا بتاسمات ليه ابتسامة ممفهوماش وزادت مخلياه 
بيازيد : وااش اتخلي خويا فهاد الظروف 
شافها موقفاتش وهو ازيد اهدر : آريا ساااجد تبدل بزااف منهار دخلتي لحياتو ..عمري شفت خويا بداك الشخصية ..بقاي معاه محتاج ليييك 
مسحات دموعها فاش تحل لمصعد دخلات حابساهم بزز غي تسد وهيا تطلق لعنان ليهم كتشهق بحرقة : كفاااش كيقدرو اطلبو السماحة بعد كلشي هءؤه كفاااش 
شدات فمها كتبكي بقلب طااايب وزاااد طاب بهدرت بيازيد على خوه ..

صباح جديد .. 
واقف عند راسها كيتسناها تحل عينيها ..متشوق و خايف فنفس لوقت من النتيجة 
دازت 2سوايع وهو عند راسها حتى بدات كتحرك فصباعها عرف مفعول المخدر بدا كيمشي
نطقات بصوت تقيل : ي ي يوووسف
قرب لعندها باغي اسمعها اشنو كتقول : انسة ذهب. .. ذهب فقتي 
ذهب كتحس براسها كيضرها : اييي راسي .. دكتور عمران.. ياك نتا لحدايا 
شد فايدها مبتاسم : اه ..من قبيلة وانا حداك كنتسنا تحلي عينيك
ذهب باستهزاء : معنديش فرق بحال نحلهم بحال نسدهم 
عمران : تفاءلي بالخير .. العملية اتكون نجحات
ذهب بصوت حزين : والا منجحاتش 
عمران : اتنحج انا متأكد
ذهب: والا منجحاتش اش ايوقع ؟ 
عمران : متفكري فوالو رتاحي دابا 
ذهب : علاش ممحيدنش ليا هاد لفاصمة لديرا على عينيا 
عمران : هادشي خدمتنا ..نتي غي رتاحي خاص تكوني أليز باش نحيدوها ونتبشرو بنجاح لعملية 
ذهب مباغاش تاخد أمل على والو : ممكن 


عمران : هه كيف عرفتك من صغرك صعيب تقتانعي 
ذهب : خايفة منشوفش ..آخر فرصة ليا هيا هادي 
عمران : ششش تهدني راه الإ تعصبتي لعملية اتضرب فالزيرو ..قلت رتاحي سمعي الهدرة اذهب 
هزات راسها باه : انحاول 
سكتات شحال كتحس بيه جالس حداها : شكرااا بزاااف. .عمري نسا وقفتك معايا 
عمران : متقوليش هاكة حنا عائلة 
ذهب : اه نتا فمكانة خويا
عمران مسح على راسو بتوتر : احم رتاحي ...مخاصش تهدري بزاف 
حركات راسها بالإيجاب : واخة 
سكتات عوتاني حتى كلاها لفضول 
عمران عايق بيها : سولي ونتي طيبتي فمك بالعضان
ذهب : امتى اتحيدو ليا لفاصمة 
عمران : انديرو شي فحصات الا كان وضعك مستاقر انحيدوهم ليوم 
ذهب قلبها مشا وجا : ياربي تنعم عليا بالبصر بغيت نشوف حتى انا 
عمران متبع حركاتها وهيا كتهدر سها فيها وهو مبتاسم 

فالمغرب ..
شروق : قلعييي 
رهاف مضاربة مع لكلاص كتبنن : اممم خليني ناكل
شروق : ممزوجش ..و موالدش تخايلي غي كيكدب 
رهاف : وراااه باينة اصاحبتي ..مستحيل اكون مزوج
شروق : وملي باينة علاش مقلتيهاش ليا
رهاف شافت فيها بنص عين : ونتي فاش همك اكون مزوج ولا لا هاااا
شروق بارتباك : والو اكون حتى مطلق شدخلني فيه. .غي فضول وصافي 
رهاف : اييي عيت يلله نمشيو للسكولاغيتي نسولو امتى الافيشاج 
شروق : سيري انتسناك هنا
رهاف : مالك معكازة غي زيدي ونرجعو بجوج 
فهاد الأثناء شروق قشعات شهاب جاي لعندهم : سيري اصاحبتي خليني نشد لهدرة مع تيتيز بينما جيتي 
رهاف خبطاتها بساكها : مكتقشريش اختي باز 
شهاب وصل لعندها : اهلا عاش من شافك 
شروق : ههه واقيلة هاد لهدرة خاص نقولوها ليك 
شهاب : بالعكس انا ديما هنا .. نتي لتشغلتي مع الإمتحانات 
شروق : اوا شغاندير ضروري خاص نفاليدي 
شهاب : منخافش عليك كتبغي قرايتك ..فاش كنت جاي صاحبتك مشات يكما تقلقات 
شروق : لا لا 
جراتو فاتجاه لكافيتيريا : يله نشربو شي عصير ..
جاراه وعينيها كيدورو عليه : معرت فين شادها
شهاب : علامن كتهدري 
شروق : غي كنغني 
شهاب : هه غناك زوين 
شروق بابتسامة غبية : هيهي من ذوقك زوين
شهاب ساهي فخصلات شعرها الأشقر و فرقة صدرها باينة ..قاطع تركيزو فاش تلافتت لعندو : يله نجلسو تماك
شهاب شاف لفين شيرات : لا مبغيتش نجلسو حدا صحابي ايتطفلو علينا ..وانا باغي نجلسو كالم غي بجوج 
شروق جراتو مخلاتش ليه لفرصة فين اتفلسف مزال. .خدات كرسي وجلسات : اتبقا تشوف فيا. .جلس 
شهاب شاف جيهت لكليكة ديالهم ورجع شاف فيها : يلله نخرجو من لفاك حنا كااع ..ياك كملتي متحاناتك
شروق : لا خاص نتسنا صاحبتي ..صافي غي جلس متعقدش الأمور 
شهاب شاف جيهتهم وهو اقشع مراد بتاسم ليه ابتسامة صفرا وجلس : عنيدة مع راسك 
شروق : شوية وصافي 
كتزيد تدفع فصدرها لقدام وابتسامة ماكرة على شفايفها : خلينا نلعبو شوية 
شافتو ممسوقش ليهم طاح عليها الضيم شهاب كيهدر وهيا خارج التغطية ..حتى قشعات رهاف جاية 
شروق : اشنو قالو
رهاف :فهاد الأسبوع ايبداو يأفيشيو لينا 
شهاب : انشالله اتفاليديو بالمونسيو
رهاف وشروق : شكراا 
رهاف جلسات حداهم حلقها ناشف : مزال مطلبتو شي حاجة 
شروق : يله ناويين
رهاف وقفات : صافي غي جلسو انمشي نجيب لينا 
شروق كتشوف بنص عين جيهت مراد كيبان ليها مشغول مع شي بوليكوبات قدامو هو والبيسي 
شهاب شافها فين كتشوف : حتى حنا عندنا لقضية مزيرة هاد الشهر
شروق : اه الله ايسر الامور ..لعام لخر فالدكتورة شوية صعيبة 
شهاب تنهد : ولكن كلشي فايت 
شروق : عيط لصاحبك ارتاح شوية مسكين من صباح وهو خدام 
شهاب : لا غي خليه مرتاح هاكاك
شروق بتاسمات بزز ونطقات فخاطرها : بقيتي ناقصني غي نتا
ورجعات هدرات معاه : بالنسبة ليا معنديش مشكيل إلا بغا اجلس معانا مرحبا بيك 
شهاب شد ايدها باسها ليها : بالنسبة ليا نتي كافية 
سحبات ايدها بلباقة كتبتاسم بزز و كتهدر بينها وبين نفسها : الله اعطيك غبارة بديتي كتخسر ليا لخطط تفوو 
شهاب : فين سهيتي
شروق فاقت من شرودها : لا والو 
هاد لمشهد كان تحت عينيه فاش باس شهاب ايد شروق. .بتاسم باستهزاء : اتبقاي حتى تجيبيها فراسك وداك الساعة الندامة مكتنفعش 
شد تيلي صيفط لبيازيد ميساج باش إلحق عليه وحطو كيحاول ميتعصبش ملي اشوف جيهتهم 
رهاف خدات لبلاطو لفيه الطلبية ودارت كتمشى جيهت الطابل لفيها شروق وشهاب ..قفزات فاش حسات براسها دخلاات فشي حاجة والبلاطو طاح فالأرض 
رجعات باللور حاطة ايدها على فمها : عفاااك سمح ليااا 
هزات عينيها معاه مبلوكية نفسو بيازيد واقف قدامها 
رهاف شافت العصير لدفق على حوايجو كحلات بالعما 
بيازيد هز راسو بالعرض لبيطيء بعدما حل فمو فحوايجو لتوسخو : وااااااش نتيييي عوووورة
رهاف هزات حاجبها : راااه عتااادرت منك زعما. .مدرتهاااش بلعاني 
بيازيد : وااااو خاص نصفقو حيت عتادرتي ..لا بلاتي ندير حفلة بهاد لمناسبة
تجنن محاملش راسو بالعصير لمجلخ فحوايجو : تفووووو شهررر وانااا بيخييير ..لحببببس

رهاف : علااااش كتهدر بهاد نيفو ..ياك عتادرنا قبلو ولا متقبلوش قصة حياتك هاديك 
شروق شافت الصداع وهيا تمشي عند رهاف : شواااقع 
رهاف : هاااد بنادم عاجبو راسو 
جات بغات تمشي وهيا تحس بدراعها تنتر : بربي حتى غادي تغسلي ليا هاد لحالة 
مراد جا لعندهم : ساط صافي بعد منها ..عتادرت 
بيازيد شاف فيه : نتااا معايا ولا معاها 
رهاف كتنتر : طللللق منييي مخداماش عندك ... سير حرقهم شغلك هاداك 
بيازيد جرها تحت انضار لكل : لا شغلي الالة .. باش لمرة جاية تحلي عينيك 
شروق مصدومة : واااش هاد صاحبك حيوان كيجر فالبنت هاكاك 
مراد : عاودي اش قلتي 
شهاب تدخل جا وسطهم : مراد رجع اصاحبي لبلاصتك 
شروق شافتو مخرج عينيه لبدات مور ضهر شهاب 
مراد : نتي حسابك بوحدو 
ومشا جلس كيخنزر 

جيهت لحمامات مصدومة هو كيجر و هيا كتنتر 
بيازيد :بربي حتى غادي تغسلي ليا هاد لحالة 
رهاف : اويلييي طواليط لبنات هادي ..وااااش نتا باقيي ما هدااك الله تفرق منييي 
بيازيد : وااش ضلمتك ؟ ..زيدي بلاما نصدق مخمجك
جرها دخلها كانو خاويين الطواليطات
رهاف وجها حمر حشمانة فبلاصتو داخل لهنا 
بيازيد حيد تيشورط رماه عليها : غسلييي ....باش تعلمي تقربي ليا 
رهاف :شهااادشيي وااش نتا معندكش لعقل 
مقدراتش تكمل الشوفة فيه بقا بصدرو عريان دورات وجها لجيهة لخرى 
بيازيد : وبربيييي حتى غادي تغسليه ..عندك 3 دقايق 
رهاف رماتو عليه و خرجات بجرية : اويلييي ايدير لي الشوهة 
بيازيد : ضبرتي عليها البرهوشة 
خرج هاكاك بصدرو عريان كيتمشى ممصوقش والبنات كيتغامزو بيناتهم وعينيهم خارجين فيه 
مراد خرج من لكافيتيريا وهو اقشع بيازيد مشا لعندو : مالك تشمكرتييي😂😂😂 
بيازيد ممسروطاش ليه : ضبرات عليها ..وحق الرررب 
مراد : فين درتي البنت 
بيازيد : معرت فين زادت .. فينها صاحبتها امكن معاها 
مراد : مشات قبيلة 
بيازيد زفر : اليوم بالليل اتعيش الرعب على أصولو 
مراد : بعد من لبنت توحشتي لمطايفة بيناتكم
بيازيد : هيا لقلبات عليا ..مقصتها فوالو 
مراد : وباااز
مشا وخلاه كيتلغدد ممسروطاش ليه 

فمكان اخر ..
نعمان واقف على أعصابو قدام باب دلقصر كيتسنا لمحامي ..فهاد الأثناء خرجات لعندو آريا
نعمان : بنتي بغيتي شي حاجة 
آريا : بغيت نمشي معاكم 
نعمان : حتى لمرة خرا ويله 
آريا : عفااك
نعمان : صافي واخة ..اتكوني توحشتي راجلك 
آريا سكتاات منطقات بوالو 
نعمان شاف لمحامي ايتعطل وهو اشد آريا ركبها لور وركب حتى هو عاد كسيرا بيهم الشيفور للمغفر فهاد الأثناء سيفط نعمان ميساج لمحامي باش اتلاقاه فالمغفر نيت ..ماشي بزاف دالوقت حتى وقف بيهم قدامو 
نزل نعمان وتسنا آريا حتى نزلات عاد مشات لعندو 
بتاسمات ليه متنكرش انه عمرو نقص منها ولا خرج من
فمو شي حاجة جرحاتها 
نعمان : مرات ولدي ..اجي معايا ايفرح بشوفتك 
هزات راسها باه ودخلات معاه
لقاو لمحامي كيتسناوهم 
نعمان : ليوم ايديرو معاه اخر تحقيق ياك 
لمحامي :اه .. مغادي اصورو والو ساجد نفس أقوالو مكيبدلهاش 
نعمان : الله اخرج هادشي على خير 
لمحامي : اجي معايا 
تبعو نعمان اما آريا بقات لور 
دخل لمحامي لمكتب لكوميسير كان ساجد جالس حتى هو كيتسناه اجي : كملات التحقيقات
لكوميسير ممسروطاش ليه : هاد الأقوال باطلة الأدلة كتنفي كلشي
ساجد كيحاول ميسمعوش شكايقول مضامنش اتحكم فراسو 
لكوميسير : انسولك لاخر مرة ومن الأحسن تعتارف حيت اتنقص عليك العقوبة بهاد التصرف كتزيد تغرق راسك 
ساجد شاف فيه بحاليلا كيقوليه من نيتك 
لكوميسير : واش قتلتي نرمين خطيبت تامر الإدريسي؟ 
فهاد الاثناء تحل لباب كانت هيا واقفة خلاتو اتلافت لعندها كيطلع واهبط فلباسها عوتاني ..جمع ايدو على شكل قبضة فاش تفكر كلامها بانه مجرد مغادي اخرج ايطلقو ..يعني هيا كتسناه اخرج من لحبس غي حيت باغا الطلاق
لكوميسير : سي ساجد اتبقا ساكت ..سولتك جاوب 
ساجد مركز الشوفة فآريا :ااااه انا قتللللت ...نرمين انااا لقتلتهااا وكنعتارف 
تبلوكاات فبلاصتها فاش بقات كتعاود فالمسمع ديالها " انا قتلت" شكايقول هادا من نيتو 
نعمان والمحامي خرجو عينيهم ممتيقينش شكايخربق دابا 
آريا عرفاتو باغي اشد الضد معاها ..تقدمات بخطواتها لإتجاهو تحت نضرات لكوميسير عاجبو لحال حيت عتارف بهاد الأقوال 
ساجد متبت نضراتو على آريا لجاية جيهتو وكتشوف فيه حتى هيا. عرفها باغا تقول شي حاجة : ممكن تخليوني مع مرتييي على انفراد 
لكوميسير يله اينطق وهو اقاطعو لمحامي : سي عماد اجي نهدرو على برى
وخرجو بقا غي نعمان مبلوكي فبلاصتو جمد ليه لما فالركابي صمعت عائلتو لكيبني فيها من شحال هادا جا ولدو دمرها وهو مداير لابيديه لا برجليه ..معرفش علاش قال انا لقتلت! ..اشنو السبب ؟ هاد الأسئلة كاملة كانت كتنهش فعقلو 
حتى قاطع تركيزو ساجد : لواليد ..ممكن تخلينا بوحدنا 
يله اينطق قاطعو : منبعد ونهدرو
نعمان بقلة حيلة مصدوم فيه : ياربي شهادشي كنسمع 
مسح على راسو وخرج ساد موراه لباب ..مزال مصدوم مفهم والو 
آريا جلسات مقابلة معاه تشجعات ونطقات بعدما شافت لباب تسد : اشنو بغيتي تبين بهاد التصرف 
شافتو وقف كيمسح على راسو وعاطيها بالظهر. .تعصبات ومشات وقفات مقابلة معاه كتشوف فعينيه بشرارة. .شوية وهيا تبدا كتضرب فصدرو بجهالة : ااااااش كتخرررربق هاااا ... راااه غي كتغرق فرااااسك 
رجعات كتضرب فيه معصبة حيت مكينطقش : وااااش مغادي تقووول والووو ..شكااا ترون ..عند باااالك مغاديش نطلقووو الا بقيتي هناااا؟؟؟ ..واااش عند بالك حليتيها دابا هااا
ساجد صعر جعراتو ..شدها من درعاتها بجوج غارس ضفارو : طلااااق مستحيييل تشوفييه ..غي تأقلمي مع هااد لفكرة 
آريا كمشات عينيها حسات بالوجع فكرشها : آآآييي 
رخف من درعاتها وشد وجها كيتفحصو بخوف : مااالك.. شنو كيضرك
دفعاتو على حر جهدها : بععععد منييي 
حسات بالدوخة وكرشها كتنغزها ..بغات تجلس ولكن كلشي مضبب عليها حتى كتحس براسها مهزوزة لفوق وتحطات فوق شي حاجة ..لهدرة حدا ودنها ولكن ممفرزاش ..دازو ثواني كثيرة عاد بدات كتبعد منها الضبابة و لوجع 
ساجد قلبو كيضرب مخلوع عليها : آريااااا حلي عينيييك. ..آآآرياااا جاوبيني
حسات بإيديه على خدها .بعداتهم من عليها مخسرة ملامح وجها بسباب الدوخة : بب بع بعععد منييي 
ساجد ممسوقش لهدرتها خدا كاس دلما رش عليها حتى شهقات : خاصك تمشي لدار ..تهزززيييي ومتعاوديش تجييي
تجننات واخة فشلانة قوات راسها و وقفات كتشوف فيه بحقد : غيي حيييت مغاديش نسااا واحد لوقت شفقتي عليا وعاونتيني ..غادييي نعاااونك 
ساجد شافيها بحاليلا كيقوليها بسم الله عليك شكاتخربقي : نتيي غااادي تعاونيني ؟ ..اطط عاودي نسمع ! ..متشكيييتش علييك مسوووقكش فياا 
آريا ربعات ايديها كتخنزر ومحافظة على هدوءها فنفس لوقت : من مبادئي نرجع لجميييل لكل واحد ساعدني بشي حاجة حييت مكنحملش الشفقة 
شافتو ايهدر وهيا تقاطعو : لمهم سوااا بقيتي هنا ولا تحت الأرض ولا على برى انطلقووو حتى نتا دخل هاد لفكرة لراسك 
وزادت مخلياه كيفور وايدو لي جامعها على شكل قبضة علاين تطرطق 
يله بغات تشد لبواني وهو اتحل لباب شافتو مبتاسم عرفات نيتو خايبة : بعد غدا لمحاكمة
آريا طلعاتو وهبطاتو وزادت مخلياه : حتى تجي نوبتك معاهم 
فطريقها شافت نعمان مشات لعندو شاداه فدراعو : عمي خاص نهدرو فشي حاجة 
نعمان كملات ليه على صدمة قبيلة : آآريااا !!
آريا : اه انا صحيت ..اجي نهدرو فالمهم دابا 
نعمان شداتو لبلوكاج واش باغين اجيبو ليه الجلطة هاد النهار ولدو ومرتو عامرين مفاجآت خخ 
خرجو على برى وركبو لوطو عاد تحرك بيهم الشيفور 
نعمان : آريا وااش زعما !
آريا شافت لعندو مبتاسمة ليه : اه تشافيت 
نعمان مزال مصدوم : من امتى 
آريا : عمي خوي راسك من هادشي ..نوصلو للقصر ونهدرو 
نعمان هز راسو باه وهو مسمقل 

ماشي بزاف دلوقت حتى كانو فالقصر. .
آريا كتشوف فيهم مصمرين فيها : اتبقاو حاضييني
كلثوم : بنتي واش كتحسي براسك مزيان. .زعما عادي. واش بصح رجعات ليك الذاكرة ؟ فاش قلهالي نعمان دابا مثيقتش
آريا طبطبات على إيدها : لا عمي نعمان كيهدر بصح
كلثوم سالو دموعها جراتها لعندها عنقاتها حشمانة من فعلة ولدها معرفات متقول ليها بقات غي كتبكي 
آريا : خالتو علاش كتبكي ..
بعدات من عليها كتمسح ليها دموعها : حتى حاجة متستاهل دموعك 
طبطبات مرة أخرى على إيدها : شكرا على بزاف دالحوايج 
كلثوم مقدراتش تصبر وتحبس دموعها بهاد لجملة " شكرا على بزاف دالحوايج " خلاتها تحشم كتر تمنات ولدها ميكونش تعدا عليها فلحظة غضب
نعمان تنهد : صافي متبكيش خاص نفرحو مرت ولدنا ولات جالسة وكتنصح فيك هه
آريا بتاسمات : يله اخالتو مسحي دموعك وخلينا نهدرو 
كلثوم كتمسح فدموعها كملات ونطقات بصوت منغنغ : الدارجة تبركالله وليتي كثقنيها

آريا سكتات منطقات بوالو بسيف متعلم ليها وهيا مدة وسط منهم وعايشة بيناتهم 
تنهدات ورجعات هدرات : ولدكم غادي اخرج من لحبس. . بعد غدا للمحاكمة ايكون فالدار 
نعمان مسح على راسو : هو قال قتلتها كلشي تضرب فالزيرو
آريا : انا عند وعدي ايخرج 
وقفات : نخليكم دابا 
ومشات تحت نضراتهم 
كلثوم : هاد لبنت جوهرة شوف اش وقع ليها وسطنا وكفاش كتجازينا دابا 
نعمان مبقا عارف ميقول حشمان من راسو 
آريا خرجات جلسات فالحديقة مقابلة مع لبيسين وعينيها على تيلي كتسناه إتاصل : صبببري ا آريا قريب تمشي لبلادك مبقا والو 
فهاد الأثناء بلاصات بورش قدام لقصر. .نزل يله ايدخل قشعها جالسة فالحديقة ..
بتاسم ومشا لعندها تقريبا شهر مشافها : لعزااالة
شافت لعندو كتطلع وتهبط فيه مطولا منطقات بوالو 
جلس حداها الضحكة ممفرقاهش : توحشتك الغزالة 
يله ايمسح على شعرها وهيا تبعد طافجة : من نيتك 
حس براسو بحاليلا جاتو شي تصرفيقة تلاثية الأبعاد خبطاتو لحنكو ..حل عينيه مزيان ليكون كيحلم راودو الشك وزاد أكد ليه فاش بقات كتشوف فيه مخنزرة معجبهاش تصرفو
أنيس حاول اجمع كلماتو حيت لهدرة هرباتليه : آرياا! ! .. واش صافا 
آريا تنهدات محملاش هاد الشوفات لكيديرو فيها ملي كيعرفوها رجعات لعقلها : اه صافا ..حسن من أي وقت 
أنيس : زعما
وقفات فاش صونا تيلي بقات كتشوف فيه و كترجف. .خافت ميبقاش اصوني وخطتها تفشل مسحات على جبينها وجوبات كتداعي لحماق : الوو 
تامر كيكمي فالسجارة ديالو مقابل مع لحمام لكان كيصيد فيه : الزوييينة ..باقا عند وعدك 
آريا جامعة ايدها على شكل قبضة : اتعطيني الشوكولا يااك
تامر : اكيد هههه. . غي اجيي 
آريا : واااو صافي ..ولكن كفاش انجي مكنعرفش😢
تامر : هههه وحمقة نيت ...لمهم خرجي من لقصر ومتلافتيش موراك ..غي خرجي اتلقاي سيارة ركبيها ايجيبوك لعندي 
آريا كتحاول تحكم فراسها : اوكي😍 ..ياااك اتعطيني شوكولا
تامر : بيان سيييغ الزوينات بحالك كنتهلى فييهم 
آريا : هاني جاية تسناني😍 
قطعات كترجف بجسمها كامل : خاص نبقا قوية 
تامر حط تيلي وخدا لمكحلة ديالو كيصيد فالحمام من جديد : وليتي الحمقة كتعرفي تهدي بالدارجة حسن منا حنا 
آريا دارت لقاتو مصدوم فيها 
أنيس : شنو واقع 
آريا : إلا سولو عليا قوليهم بلاما اتشغلو 
أنيس : فهميني ..مفهمت والو 
زادت وخلاتو : حسن مكين لاش تفهم
شدها من ايدها : آريا بديتي كتخلعيني ..شرحي ليا
آريا تنهدات : شكون نتا باش نشرح ليك. ..ديها غي فراسك
أنيس ممطمنش : لا مستحيل نخليك ديري شي حاجة 
غوتات فوجهو : اااش دخلك حتى نتااا ديها فشغالك
أنيس مزال خايف: عطيني نمرت تيلي ديالك نتطمأن عليك بعدا
آريا بغا غي تهنا عطاتها ليه ودارت مكملا طريقها حتى خرجات من لبوابة. .لمحات السيارة لذكر ليها تامر. .قصداتها كتلعب برجليها باش متيرش الشكوك 
هبط عندها كارد حل ليها لباب : دخلي معندناش لوقت 
ركبات وسد لباب عاد كسيراو بيها. .قلبها كيضرب فالمية معرفاش واش هادشي لكدير فيه مزيان ولا غي كتخربق. .تربجات فمخها 
شافتهم ماشيين مع لغابة معرفات فين غادين بيها. .كتشوف مرة مرة لكارد كيهز عينو لعندها من لمرايا كدير راسها كتدندن تحت فمها ممسوقاش 
ساعة دالطريق وهما غادين بيها حتى بان ليها الشيفور وقف قدام مزرعة كيتسنا لبوابة لعلى برى تحل وداكشي لكان تحلات و كسيراو بيها للداخل 
غمضات عينيها كتحاول متفرش راسها حتى حسات بالباب تحل : هبطي
شافت فالكارد ونزلات كدور فعينيها و صبعها فخصلات شعرها كتلعب بيهم 
تامر حط لمكحلة و تقدم بخطواتو لعندها : اهلاااا لبرازيلية شرفاتنا
آريا كتدور فعينيها بإعجاب : وااااوو عندك لحمام 
تامر وصل لعندها كيطلع واهبط فيها : هازة مع راسك منخافش عليك اتمتعيني بشي ليلة حمرا 
آريا :هااا 
تامر : مزال صغيرة مغاديش تفهمي 
آريا : عطيني نصيد لحمام 
تامر : ماشي دابا ازوينة .. اجي دخلي رتاحي مع راسك تابعاك لخدمة هههه 
آريا كتبتاسم بغباء ولداخل ديالها بركان شاعل بزز باش صابرة 
دخل بيها لداخل وهو اشير لوحدة من لخدم : ديها لبيتها وتهلاو فيها لبغاتها عطيوها ليها
آريا : نتا زويين😍
تامر بمكر : وحتى فالفراش 
آريا : هيهي انمشي معاها وتعطيني شوكولا
تامر : سيري وكولي مزيان باش متسخفيش ليا 
آريا : اوكي😍
ومشات قلبها كيضرب باغا تعرف واش نفسها البلاصة لكان ساكن فيها مع نرمين ..تبعات لخدامة حتى دخلاتها لبيتها 

نيويورك✈ ..
ذهب كترجف كتحس بيهم دايرين بيها : صافي ادكتور غي حيدها
عمران شار ليه براسو باش ابدا 
ذهب قلبها كيضرب فالمية احساس لايحسد عليه كتعيشو دابا : ياربي رحمتك 😢
الطبيب بدا كيحل ليها فالفاصمة بالشوية بالشوية تحت أعين الأطباء و لصطاجيغ كيتعلمو 
عمران جامع ايدو متوتر : خاص ضروري لعملية تكون نجحات 
الطبيب زول ليها لفاصمة بمرة : بقاي سادة عينيك متحليهمش ..ورتاحي متعصبيش راسك
ذهب هزات راسها باه : صافي اذهب تهدني تسنيتي بزاف

ذهب هزات راسها باه : صافي اذهب تهدني تسنيتي بزاف مافيها باس تسناي مزال 
عمران مسح فوق شعرها : كوني متفائلة 
الطبيب : يله بداي تحلي عينيك بالشوية بالشوية. .متخليهمش بالجهد اقدر ترجع بالسلب 
هزات راسها باه بقات مكمشاهم خايفة من النتيجة ..للحظة طاح فبالها شكون من غيرو آخر واحد طعنها فتيقتها ..تمنات كون كان مبينش على داك لوجه لمنافق ديالو وكان معاها فهاد الموقف مساندها وفجنبها مكانتش غادي تخاف بالعكس اتكون مرتاحة. .طاح فبالها الإ رجع ليها شوفها و جا قدامها واش اتعرفو؟ ! 
فاقت من سهوتها على صوت عمران : ذهب متبقايش خايفة ..حلي عينييك بالشوية 
ذهب : انحاول 
بدات كتفتح فيهم بالشوية بالشوية شفرة بشفرة و شي حاجة قوية كتدخل لعينيها خلاتها تكمشهم ساداهم وخايفة 
الطبيب شاف فعمران : القرنية امكن مقدراتش تأقلم مع لموجات الضوئية 
عمران تنهد : ذهب واش مقدرتيش تحلي عينيك 
ذهب كتنخصص فصمت : شي حاجة حرقاتني 
عمران : غي الضو هاداك ..حاولي تحليهم بالشوية هاد لمرة وترخاي
هزات راسها باه موكلا أمرها لله ..رجعات كتحاول تحل عينيها من جديد ..معرفاتش كفاش جاتها القوة وحلاتهم بالشوية مصدومة من لمنظر لقدامها ..تخلطات عليها لفرحة مع لبكية 
عمران تخلع شافها باغا تبكي :ذهب مالك ؟ مكتشوفي والو؟
ذهب هزات راسها باه : كنشوف ههههه انا كنشوووف هءءءؤؤهء
عمران : يااااس 
الطاقم الطبي كامل فرح وبداو كيصفقو بانجازهم عملية صعيبة بحال هادي نجحات واكيد اتنجح وهيا تنفدات وسط دولة لعلم 
ذهب مزال ممتيقة : انا كنشوووف ..الضو ديال النهار كنشوفو ممتيقاش ههههههه 
الطبيب مبتاسم عارفها اتموت بالفرحة : حاولي متجهديش راسك ..مزال عينيك ممولفينش بالضو
هزات راسها : اوكي فهمت ههه 
شدات فإيد عمران لواقف حداها والفرحة كتشع من عينيه :شكراااا بزاااف ..شكراااا
بقا كيشوف فإيدها لقابطة بيها ايدو ..أما هيا مقاداها فرحة نسات راسها فاش شداتو 
الطبيب بدا كيفحص فيها موجه لبيل الطبي فعينيها. .قيد لملاحظات ديالو وخرج تابعو الطاقم الطبي كامل 
عمران : الأميرة رجعات كتشوف
ذهب : ممتيقاش واش كنحلم 
عمران : هه لا حقيقة ..ذهب آل عمران رجعات كتشوف 
ذهب اتموت بالفرحة : لحمدالله ..كنحمدك ياربي 
رجعات شافت فعمران كتحرك غي بالشوية حيت عينيها يله كيتأقلمو : عمري غادي نسااا وقفتك معايا. .شكرااا بزااف معرفتش كفاش انشكرك 
عمران مسح على شعرها : إلا بغيتي تعبري على الشكر ديالك خاصك تقوليلي لخواطر لكتكتبي
ذهب : هههه مزال عاقل
عمران : علاه نقدر نساا .. اجي باقا على علاقة مع أنيس ولد خالك 
ذهب ببرودة : لا ومتبقاش تذكرو ليا
عمران تحت فمو :ياااس هادشي فصالحي 
شاف فيها : يله قوليلي شي خواطر باغا تنسيني 
ذهب : ههه اطط نتفكر شي حاجة 

"🌟 لا يمكنني تخيٌل كم هو صعب أن أحبّ أحدا
أخاف من تقبيله في الشارع..

لكنني اعرف معنى ان احبّ شخصا لايمكنني ان اكون معه..
اعرف شعور ان يخبرني عقلي بأمر وقلبي بأمر آخر..
أن أحيا وأنا على دراية لو أن الظروف كانت مختلفة،
لكنتُ مع الذى أحبه..

..أعرف أن هناك كل أنواع الحواجز أمام الحُبّ..
وأؤمن أن العالم بحاجة لأن تكون أقل..

أخبرتني أن الصباح أنسب وقت لتحطم قلبك
لذلك، ها أنا أدخن سجائرك من أجل رائحتها
أتساءل أما زلت تغني أغاني البيتلز بينما تعد قهوتك؟
أخبرتني أن أمّك كانت تغنيها لك عندما تعجز عن النوم
تسعة عشر عامًا قبل لقائنا
عشرين قبل أن تأخذ ملابسك من دولابنا بينما كنتُ في عملي.
بالمناسبة، أكرهك لتركك الصور على الثلاجة
كان خلعها مثل تقشير جرح أندمل حديثًا
مثل صفعة على حرقة شمس.
قضيت ليال كثيرة أنحت جسدك من الوسائد
لكن، أقسم لك: 
لا شيء يعادل النوم وذراعك ملتفة حولي
وأنفاسك في أذني.
لكن، يبقى مريحًا معرفة أننا ننام تحت القمر نفسه
حتى وإن كان أكبر عمرًا حين يدركني
أحب تخيل أنه يراك أثناء نومك
ويود أن يخبرني بأنك على ما يرام. ..🌟" 

سكتات كتشوف لبعيد وساهية : مخاصيش نتوحشو
مسحات دمعة بالخف قبل تسلك طريقها على خدودها 
عمران بإعجاب كيصفق : آميزيييين ...واااو صراحة برافووو
ذهب بتاسماات ليه : انولي كاتبة مشهورة هههه 
عمران : متأكد من هاد لمعلومة
ذهب : غي كنضحك ههه ..لكتابة ديراها غي هواية 
عمران : معاك بصح علاش متطوريش كتاباتك كتر وتخرجيها اعرفوها الناس 
ذهب : معرفتش ..لمهم مكنفكرش فهادشي دابا 
عمران مسح فوق شعرها : اتوصلي انا متأكد. .
بدلاتو بابتسامة بشوشة
عمران : يلله رتاحي
تكاها و قاد ليها لغطا : حاولي تنعسي ومتفكري فوالو خاص عينيك ارتاحو مزال ممولفينش 
هزات راسها باه : شكرا مرة خرا 
شد ايدها باسها : منبقاش نسمع منك هاد شكرا 
بتاسمات ليه وغمضات عينيها باغا تحاول تنعس واخة لفرحة ممخلياهاش 
عمران قصد لباب حلو وتلافت عندها : مستحيل نخليك تضيعي من ايدي مرة يكفي داك أنيس خداك مني واحد لوقت ولكن دابا نتي ديالي 
تنهد مباغيش تبقا معتبراه خوها 

جا الليل ..

واقف عند راس الدرب كيعطيه فالفلوس : تهليت فييك اش بغيتي مزال 
لولد : لعشير اتوب عليك عمري نسا خيرك 
بيازيد : يللله قولي منين خاص نطلع للسطوحة دالدرب 
لولد : كحب باش نقوليك 
بيازيد شدو من لكول : شناوااا ..بلاما تصعرني درنا معاك لخاطر متندمناش
لولد : صافي صافي غا ضاحيين 
بيازيد : يللله سربي ونتا كتعصر ليا 
لولد : سكت ايسمعنا داك خونا 
بيازيد شاف فالزنقة : انا واحد
لولد : يوسف ولد با لبشير هو صعيصعة دالدرب مضارب غي مع ايديه و رجليك ولكن ضريف واخة هاكاك. .وعرفتي عندو واحد ختو قووووقة العشير سميتها رهاف 
بيازيد نزل عليه بتمرميقة لكفااه : زممم فممك شوية. .يله زيد وريني منين نطلع ونتا من صباح داوي بلا فيدا
لولد : تبعني
بيازيد : آخر أيامي اش وليت كندير ..قللت ميدار وصافي 
تبع لولد حتى وراه منين اطلع 
بيازيد : و سطح ديال دار هاد لقوقة لسميتها رهاف كفاش انعرفو
لولد : ههههه عندهم واحد لفروج داير سوق غي بوحدو. .سطحهم معروف. لمهم إلا طلعتي من هنا سطح ثالت ديالهم
بيازيد زادو واحد 200درهم كانت فجيبو : هادشي لعجبني فيك 
لوالد حل عينيه بالفرحة خدا من عندو لفلوس كيشم فيها : الله على ريحت لفلوس ..تهليتي فيا الساط 
بيازيد : يله تلاح مشفتيني مشفتك
لولد هز راسو باه وجا امشي وهو ارجع مصغر عينيه : علاش باغي سطح داك لقوقة احصلك خوها اتصدق فالصداعات
بيازيد خنزر فيه : اتمشي ولا ناخد فلوسي
لولد طار مبقاش بان ليه..
يله ايبغي اطلع وهو اتفكر : كفاش انخليها تطلع للسطح مفكرتش فيها ..اععع على بلان دابا

جالسة حدا مها كيتفرجو فالمسلسال ممتبعاش مزيان عقلها سارح لبعيد كتفكر اش وقع ليوم كتزيد تحقد عليه متكبر بلاقياس عمرها صادفت شي واحد بحالو 
مليكة : ويلي ستغفرالله حاملة منو بلاما اتزوجو
رهاف شافت فيها لقاتها مركزة جابت ليها الضحكة : هههه ايخرجو عليك هاد المسلسالات 
مليكة : عقلتي فاش دارت ليها زيت داك الشريرة اتكون بغات تخسر ليها لبيبي
رهاف وقفات : بقا ليا غي لمسلسال نخمم فهمو حتى هو 
خدات تيلي ديالها وخرجات من الصالة باغة تصوني لشروق: اواااه الريزو مكاينش 
فهاد الأثناء دخل يوسف بملامح ممحية 
رهاف : خويا واش عندك الريزو بغيت نتاصل بصاحبتي ومطالعش ليا
يوسف جبد تيلي ديالو : حتى انا معنديش
وزاد طالع لبيتو بلاما انطق كتبان فيه مهموم وعقلو خدام كيفكر فشي حاجة 
رهاف : هادا مالو داير جنازة
زفرات فاش مبغاش اجي ريزو : ماماااا هاني طالعة لسطح نشوف هاد الريزو مالو معايا 
مليكة : ومتعطليييش
رهاف : واخة
وطلعات فالدروج هازة ايدها للفوق مضاربة مع الريزو خخ
وصلات لباب دالسطح حلاتو ودخلات : هاهو على سلامة 
دوزات لخط لشروق بقا كيصوني كيصوني واقطع : علاش مكتجاوبش
عاودت صونات و والو مكتجاوبش : هاد الدروج كامل وفالأخير مكتجاوبش ففف 
يله اتبغي ترجع وهيا تحس بشي إيد تحطات على فمها خرجات عينيها مصدومة شكون تجرأ ودار معاها هاكة. .بغات تغوت مقدراتش 
جمد ليها لما فالركابي فاش نطق بصوتو المستفز : هربتي مني يااك؟

فالمزرعة ..
حاطة لفون مقابلاه معاها و لزيات فودنيها كتهدر معاها أبيل فيديو باللغة البرتغالية
آريا : توحشتيني
............: بزاااف خليتي بلاصتك ..شقاليك راسك زعما بغيتي تغبري باش تخلي الانضار عليك زعما هممم؟ ؟ عقت بيك ههه 
آريا : الله استر ..سكارليت مكتبدليش
سكارليت : امتى اترجعي ..وعلاش هاد لمدة كاملة ونتي قاطعة الإتصال معانا لدرجة بابا دخلو الشك واخة مشغول بزاف فالبرلمان ولكن كان ايخلي كولشي واجي لعندك
آريا شافت لبعيد : كون غي جا كنت محتاجة ليه وملقيتوش 
سكارليت : رفعي صوتك شوية مسمعتكش
آريا : والو ماشي شي حاجة 
سكارليت : بقاي فالمغرب ..نجي عندك نشوف واش كاين تيتيز ههه
آريا : سيري تنعسي مكتبدليش ..اسبوع تلقاني فالبرازيل خاص غي نقاد شي أمور وصافي 
سكارليت هزات راسها باه : يلله نخليك دابا توحشتك أختي صغيورة 
آريا : حتى انا بزااف 
سكارليت : مامي بغات تهدر معاك تسناي 
آريا قطعات مبغاتش تهدر معاها يله اتنوض من بلاصتها وهو اتحل لباب : لغزااالة 
شافها دايرة لزيات و شادة تيلي : شكنتي كديري
آريا : كنلعب 😌
تامر مصغر عينيه : كنتي كتهدري مع شي واحد 
آريا : هاااا ..لا لا كنت كنسمع اغنية زوينة نغني ليك 
يله اتبدا تغني حبسها : صافي سكتي ونتي على سبة. .لمهم هاهيا لخدامة جاية توجدك خاصك تكوني سيكسي عندنا شي حاجة نهدرو فيها 
آريا قلبها مشا وجا من بلاصتو ..تحكمات فراسها بزز : اتعطيني شوكولا ياك؟
تامر : اه ..يله جلسي وسمعي لهدرة
آريا بتاسماات ليه ومور هاد الابتسامة غليان غي سد لباب جلساات كتنهج معرفاش شحال خاصها تصبر مزال على هاد لحالة 
تحل لباب كانت لخدامة : انسة اجي معايا 
آريا طلعاتها وهبطاتها : فين 
لخدامة : لدوش ..خاص تكوني واجدة فأقل من نص ساعة باش ميتجبدش ليا الصداع 
آريا : صايبيه هاني جاية 
لخدامة نفدات داكشي 

لخدامة نفدات داكشي لقالت ليها 
آريا وقفات كتاكل فضفارها : خاص نلقا شي دليل فأسرع وقت 
سمعات تيلي كيصوني قطعات مباغاش تجاوب ..وهو ارجع اصوني من جديد تنهدات وجوبات : نعاام 
أنيس : آريا قوليلي فين نتي مشوش عليك 
آريا : علاش مشوش عليا ؟ ..قادة براسي 
أنيس : غي قوليلي فين باش نتهنا من جيهتك 
آريا : فالمزرعة عند تامر الإدريسي 
خرج عينيه وجمع لوقفة بعدما كان جالس : اشنووو؟؟ 
آريا : كيف سمعتي 
وقطعات : بقيتي ناقصني غي نتا 
لخدامة خرجات عندها : انسة الدوش واجد
آريا : بغيت نسولك 
لخدامة : الا عرفت باش نعاونك مرحبا
آريا : واش هنا فين كان ساكن مسيو تامر مع خطيبتو 
لخدامة : هاد لمزرعة قليل فين كيجي ليها مسيو تامر 
آريا هزات راسها باه : مزيان
فهاد الأثناء تحل لباب 
آريا كتشوف خدامة آخرى جاية لعندها فإيدها بلاطو ستغربات : اشنو فيه؟
لخدامة : الشوكولا لطلبتيها ا انسة ..مسيو تامر وصانا نجيبوها ليك
آريا مبغاتش تير الشكوك هزات قطعة مخسرة ملامح وجها. .يله اتخشيها ففمها مقدراتش تصبر مشات بجرية لحمام كتستفرغ بقوة حسات بمصارنها تساسو ..داز شحال عاد خرجات كتنهج وتمسح لما من على وجها 
لخدامة قربات ليها بشك : حاملة ! 
آريا بحاليلا صرفقتيها فهاد اللحظة ستغربات : شكاتخربقي
لخدامة شدات ايدها كتقلب فيها ورجعات شافت فعينيها مباشرة بحاليلا كتفحص فيها : اه نتي حاملة انا متأكدة 
آريا اللون من وجها تخطف 

وسط لحبس ..
ناعس على ضهر موسد ايدو كيشوف فالسقف ..بزاف دالحوايج وقعو مؤخرا مبقا فاهم والو 
سمع تيلي كيصوني خداه وجاوب بلاما اعرف شكون : وي
رجع جلس فاش عرفو انيس : انيس
أنيس : بلاما نطول عليك ..بغيت نقوليك آريا كينا عند داك تامر الإدريسي لمتاهم بقتل خطيبتو ..عندو فالمزرعة 
ساجد مخرج عينيه .مصدوم : فهاد الوقت ؟؟

لخدامة قربات ليها بشك : حاملة ! 
آريا بحاليلا صرفقتيها فهاد اللحظة ستغربات : شكاتخربقي
لخدامة شدات إيدها كتقلب فيها ورجعات شافت فعينيها مباشرة بحاليلا كتفحص فيها : اه نتي حاملة انا متأكدة 
آريا اللون من وجها تخطف : تخربييق 
لخدامة : واش مكنتيش عارفة راسك حاملة؟ ..حيت راه طيرا فالسما وباينة 
آريا ودنيها كيصفرو : شكاتروني 
لخدامة شافت فالخدامة لمعاها : مكتيقش
آريا مشاات بيها الأرض ورجعات مزال ممستوعبة كلام لخدامة مبغاش ادخل لدماغها ..مسحات لعرق من جبينها وحاولت تنطق : شش ..ش شوفييي خاص نتأكد كلامك صحيح
لخدامة : راه مية فالمية حاملة الآلة شوفي وجهك كاع العلامات باينين فيه 
آريا كترجف : شش شوفي ..متقدريش تجيبي ليا إختبار لحمل ؟ ..الله اخليك و مكافأتك عندي مغاديش نسا فضلك 
لخدامة شافت فصاحبتها : لا منقدرش ..مسيو تامر ايبقا اسول واقدر اجري عليا حيت كندخل فشي حاجة بعيدة عليا
آريا : لا لا بيناتنا ..شوفي كديري مسيو تامر مغاديش اعرف. .بلييز شوفي كديري
لخدامة فكرات شحال : اشنو غادي نستافد 
آريا خشات ايدها لجيبها جبدات تيلي لعطاها تامر ماشي ديالها لكتستعملو : خوديييه ..آخر مكاين فالايفون بيعيه وصرفيه فلوس 
لخدامة عينيها طلقو لقلوبة خداتو من عندها فيساع : واااو. .صافي هاني جاية مغاديش نتعطل 
مشات حتى لباب ورجعات : ولكن 
آريا باغا غي تهنا من هاد لكابوس : مغادي اعرف والو ..متعطليش
تبعاتها بعينيها حتى تسد لباب موراها عاد جلسات على طرف دالناموسية كتفيبري فبلاصتها : هءءهءءؤ مستحيل ..مخااصش نكون حاملة هءهءؤءءه ..ياربي منكونش حاملة 
هبطات عينيها لكرشها لاحضت شوية الإنتفاخ : هءهءؤءه غي كنتخايل ..اكيد محملاش 
لخدامة لمزال معاها فالبيت بقات كتشوف فيها شحال عاد نطقات : علاش مباغاش تكوني حاملة 
آريا هزات راسها و عينيها دايزين بالدموع : حيييت ماشي وقتو ..فكرة نولد من راجل مكنبغيهش وكنكرهوووو اتحمقني هءهءؤءه 
لخدامة : واش الأب ديالو هو مسيو تامر
آريا رمقاتها بنضرات قاتلة بحاليلا كتقوليها من نيتك 
لخدامة سكتات وهيا تفكر اشنو مطلوب منها. .شافت جيهتها مخلوعة : انسة خاصك تدوشي ..شوية ايطلع مسيو تامر الا ملقاكش واجدة انمشي فيها 
آريا بالغوات كتنخصص : سكتييييي ..هءهءؤءه ياربي اكون الإختبار سلبي 
فهاد الأثناء دخلات لخدامة سادة موراها لباب وعلى إيدها اختبار لحمل : هاهو 
آريا طارت من بلاصتها خداتو من عندها : ابريكادا "شكرا"
ودخلات لحمام شاداها لبكية
لخدامات كيشوفو فبعضياتهم نطقو فدقة وحدة : اشنو قالت!!
وسط جدران لحمام كانت كتشوف فالإختبار مخرجة عينيها ومفيكسية كيبانو ليها جوج شرطات حمرات. .شداتها الدوخة حتى جلسات فالأرض مبلوكية ودموعها شاقين طريقهم بلا حتى صوت كتسمع غي التصفار فودنيها ..
حتى قفزات على صوت لباب : انسة عفااك لما دوشي اتخرجي ليا على خدمتي
آريا مزال مصدومة كتسمع لهدرة ممفرزاش : انا تدمرت هءهءؤءه انا صافييي تحطمت هءهءء مبغييت والو من داك الراجل هءءه 
هبطات عينيها لكرشها كتحقق فيها ..بلاما تشعر حطات ايدها عليها : هنا كاين بيبي ديالي 
بقات كتحسس فيها : هءهءؤءه واااش ضروري كان خاصك تجي لهاد الدنيا ..باااك مكيسوااش علاش جاي نتا 
بدات كتضغط على كرشها بحاليلا باغا تقتل لبيبي : هءهءؤءه هؤه مكنتش كنتسناك باش تجي 
سمعات الدقان فالباب تجاهلاتو و وقفات بزز مزال الأرض كدور بيها بحال شي دولاب ..بعد مشقة لقات راسها تحت الرشاشة قالبة لما لبارد باغا تطفي لعافية لشاعلة فيها .. وشريط طويل عريض من حياتها كيدوز قدام عينيها 
شافت لبعيد ونطقات عاضة على سنانها : كنكرررررهك كره شديد
تفكرات مهمتها هنا : شغاندير دابا هءهءؤءه. .انا حاملة خاص نبدل لخطة ميمكنش نعرضو للخطر معايا 
شافت فكرشها : لاش جاااي نتاا هءهءؤءه. .خاص نبدا نفكر لييك واصلا كفاش انربيك وانا معارفة حتى كفاش كيبدلو ليكوش هءهءؤءه. .بحال باك كتدمرو ليا فحياتي😭😭 
مسحات دموعها بحال لبنيتة الصغيرة كتنخصص كفاش هيا اصلا كترجع عفوية فاش كتبكي بحال الأطفال غادي تولد وتربي بيبي مزال مدخلات لمخها زيادة على هادشي مبغات حتى حاجة تربطها بيه ..ولكن للقدر رأي آخر! !
تنهدات كتدور هادشي فراسها عرفات لبكا مغادي انفعها فوالو ..داكشي علاش بدات كتدوش ليها بدات بشعرها هو لول غسلاتو بشمبوان عاد دازت للصابون .وصلات لكرشها مقدراتش تفورصي فوقها بالدهين خافت تقتلو خخ
خسرات ملامح وجها : شحال تكون عندك زعما
تفكرات شهر وهي بعيدة منو مناعسش معاها. .خرجات عينيها : اويلي شهر 
نفخات منفخة : شهر وانا كنقز بيك مزال ممتي؟ يخخخ 
بدات كتدهن فالصابون مبعدة من كرشها : نخاف تموت وتجيب سبتك عليا 
كملات التدواش مرة تبكي مرة تنخصص مرة تسكت مرة تعاير لمهم هاد لبيبي شبعاتو معيور قبل اخرج لهاد الدنيا 
لبسات بينوار وخرجات لقاتو واقف مخنزر ولخدامة كتقفق فبلاصتها 
قرب لعندها وهو ابدل ملامحو

قرب لعندها وهو ابدل ملامحو من تخنزيرة لاعجاب : لغزالة. .كيف جاك الدوش 
زيرات على كرشها عند بالها اتفضح واعرفها حاملة.. شافتو مطول فيها الشوفة هزات راسها باه
مسح على شعرها : لبسي ونزلي كنتسناك
آريا بتاسمات ليه بغباء مخبية لهيب لحقد فقلبها 
تامر شاف فالخدامة بشوفات كون كانو قرطاس كون ماتت : وجديها وهبطيها دابة 
لخدامة بصوت مرعود : أوامرك مسيو
بتاسم لآريا وخرج 
لخدامة : شفتي انمشي فيها ..اجي لبسي دغيا
آريا كتحس بالزمن توقف حتى حاجة مبقات كتستشعر طعمها ..معرفاتش امتى كانت جالسة مقابلة مع لمرايا ولخدامة كتصايب ليها فشعرها ..داز لوقت حتى كملات ليها كانت لابسة شورط جينز فالأسود وتيشورط فالغوز بيبي و سندالة خفيفة مبغاتش تلبس كسوة كيف آمر تامر عاد شعرها منسدل مع كلوز فقط 
لخدامة كتفرك فإيديها : سي تامر ماشي هادشي لبغا 
آريا مجوبتهاش هزات تيلي ديالها وخرجات كتدور فعينيها. .شافت فالدروج هبطات معاه وكلما قربات كتسمع صوتو كيهدر بجدية مع لكارد فتيلي : خلي حتى احكمو عليه عاد قتلوه فالسجن
قلبها مشا وجا من بلاصتو بلاما تشعر حطات ايدها على كرشها النقطة لكتربط بيناتهم : لاياش كيخطط هاد لحقير 
غوات فاش نغزها حريق فكرشها خلاه اتلافت : نتييي! !
طفا تيلي ومشا لعندها : من امتى ونتي هنا؟
آريا : كرشي هءءهءءؤ 
تامر : سولتك
آريا : هااا
تامر هز حاحبو بتشكيك 
آريا : هيهي غي دابا ..جيت تعطيني شوكولا
تامر كيحك فدقنو : اجي معايا 
بتاسماات ليه جامعة ايدها على شكل قبضة موقف بيها حتى لطابلة دلعشا مشكلة بجميع أنواع الأكل عينيها حوالو ..حسات براسها باغا تاكل كلشي
تامر جر ليها كرسي : جلسي
جلسات ومشا تقابل معاها فاش جلس ..بتاسم بمكر وهو كيرشف من لويسكي : داك راجلك ..فراسك ايحكمو عليه غدا ...قتليهم اقربوها فيساع حيت هو خيب خاص نهناو منو ههههه ونبقاو بجوج بينا بوحدنا
كمل كلامو مع غمزة : ياك 
آريا صدمة مور صدمة معرفات اشنو دير بزاف عليها : اه 
كملات كلامها كتصفق كتبين فرحتها لمزيفة 
تامر طلق ضحكة عجيبة : هههههههههه اول مرة كنشوف وحدة كتصفق حيت راجلها ايدخل لحبس
مد كاسو بحاليلا كيقوليها نخبك : ولكن نتي مختالفة ..هادشي لعاجبني فيك 
شافها كتدور فعينيها : مالك؟
آريا : بغيت شوكولا

تفكرات راسها إلا شافتها قدامها اتستفرغ وهيا تنقد لموقف : و لا صافيي ..بغيت بحالك 
تامر : تشربي؟
هزات راسها باه : حمباك😢
تامر : ههههه فكرة زوينة باش تكوني عفوية فالفراش😉
ناض وقف ماشي جيهت الطابل ديال لمشروبات تحت نضراتها كتدور فعينيها قشعات لكاميرات عارفاتو حاضي سواريه ..
بقات مركزة معاه بنص عينيها ملي كان كيكب ليهم لمشروب : لحقييير اللعب ماشي معايا 
كمل ومشا جيهتها : هاهو احسن مشروب للغزالة ديالنا 
حط لكيسان بجوج قدامها : خلي كاسي هو هادا هاني جاي 
هزات راسها باه كتبتاسم ليه غي شافتو مشا وقفات عاطية بظهرها للكاميرا عاد بدلات لكيسان من بلايصهم ورجعات جلسات هازة كيك فإيدها باش حتى الا راقب لكاميرات ميعيق بوالو ..شوية سمعات موسيقى هادئة عرفاتو مشا باش اخدمها ..ضحكها لموقف ولكن خاص تصبر 
رجع لعندها هز لكاس لبدلات وجلس فبلاصتو : شربي كاسك صايبتو على قبلك
آريا : شكرا😍
ركزات فكاسو كيبان ليها عامر غبرة من لداخل خايفة اعرفها بدلات لكاس 
تامر جغم من كاسو : شربي ..شكا تسناي 
بغات متيرش الشكوك وهيا تهزو ناوية تشرب حتى تفكرات راسها حاملة : منقدرش
تامر : اشنو قلتي
آريا : زويين انشربو
تامر : هيا دابا
بلعات ريقها كتفكر كفاش تفك راسها ..هزات لكاس بخطة ذكية منها طيحاتو و وقفات قافزة كتبكي : عنداك تضربني هءءهءءؤ هو لطاح هءءهءءؤ 
ستغرب كتنخصص من نيتها : صافي جلسي. .انا ماشي بحال داك لمسخ دراجلك كيضربك 
جلسات فبلاصتها : مغاديش نبقا ندير الصداع هءءهءء 
تامر ضراتو فراسو باغي ادوز لمسكي خخ. .جغم لكاس فمرة جاه قاصح ومشا اجيب ليها كاس حطو قدامها باش تشربو 
بدا راسو كيضرو كيعطيه لحريق : عرفتي شنو ..يله لبيتي نعطيك الشوكولا 
آريا تملكها لخوف كتسنا مفعول لمشروب اقضي فيه. .حسات بيه شادها من دراعها جارها موقف بيها حتى لبيتو حل لباب دخلها وسدو
تامر بصوت تقيل شدات فيه السكرة : خووودي راحتك ههههههه ..شحال زوينة تجيب مرات عدوك تدوز بيها ليلة حمرا
آريا جامعة ايدها على شكل قبضة كتدور فعينيها عرفات كينين لكاميرات حتى هنا ..فهمات خطوتو باغي اقتل ساجد بالفيديو لغادي اشهد على هاد الليلة لحمرا كيف كيتخايل مع راسو 
جلسات على لكنباي كتشوفو تلاح فوق الناموسية مرخي : اجي حدايا
وقفات كتمشى بالشوية لعندو جلسات حداه دايرة رجل على رجل
تامر شداتو السكرة بالمعقول مصدوم من راسو. .كلشي حداه كيدوز بالعرض البطيء : شهادشي.. اااي راسيي
آريا جبدات تيلي وبركات على مسجل الصوت 
عاد هزات عينيها فيه : علاش قتلتي نرمين
تامر : ههههههه حيت مليتها ..بدات كتضرني فراسي
آريا : امم مليتيها!!
سكتات شحال خيفاه انعس ومتستافد والو : كمل ليا 
تامر جايب لكاو : كتجري ليا فلساني 
آريا بصوت خافت : لا ..غي قول ليا
تامر : مكنتش باغي نقتلها ..هيا لعصباتني
آريا : علاش
تامر : كتبقى تجبد عليا ختها باش نلقاها ..وكفاش انلقاها وهيا اصلا قاتلها حتى هيا هههههههه
آريا قلبها مشا وجا : واش قتلتي ختها فالاوطيل **** 
تامر : ههههههه كنتي شفتيني قتلتها 
آريا : ومن بعد رميتيني فالمستشفى باش منشهدش فيك 
تامر : ههههههه مكنتش شفتك فوجهك بان ليا غي لخيال. .فاش قالو ليا بنت باينة مراهقة قتليهم ارميوك فالمستشفى هههههه ..درت معاك لمزيان قلت مراهقة مزال خاصها تعيش حياتها حشومة نقتلها ..خاصها تقتل وسط لمستشفى دلحماق ههههههه ..كيف جاتك
آريا كتدور هدرتو فراسها و دموعها نازلين ..مسحات عينيها بعجرفة ماشي وقت لبكا : اممم كمل 
تامر : اشنو نكمل هههههه
آريا : كفاش حتى قتلتي نرمين ..غي حيت عصباتك ؟ مفهمتش مزيان وعلاش كتكره ساجد آل عمران 
تامر : حيت هو كان لباس عليه وانا فقير 
آريا : كنتي كتعرفو؟
تامر : كان صاحبي
آريا مصدومة ..عتقات لموقف فاش نغزاتو : عنداك تنعس. .كمل ليا قضية الدليل لكيتبت ساجد هو لقاتل 
تامر : ههههه كتجري ليا لساني 
آريا : لا كنقوليك غي خوي قلبك عليا
تامر : كنت موصي واحد من خدم الأوطيل دخل ليكم لحوايج فالفاليز ..هو لتكلف بالمسدس جابو ليا 
آريا : يعني كنتي ناوي تقتل نرمين
تامر : هههههههه كتعيقي بيا
آريا : متخبي عليا والو 
تامر : هههههه راه كنقوليك كتجري ليا لساني ..خليني نعس 
آريا : متنعسش مزال لحال
تامر : ههههه فراسك نرمين كانت حبيبت ساجد من قبل منك ..خاصك تشكريني هنيتك منها 
ونعس كيشخر خلاها كتشوف فجيهة وحدة : شدخلني انا اكون حتى مزوج
وقفات بعدما دخلات تسجيل لتيلي : خاص نتحكم فراسي ومنقتلكش 
شافت جيهت لكاميرا خاصها تاخد تسجيل بالفيديو حتى هو : كفاش انعرف لغرفة لخاصة بالكاميرات ..
حسات بالجوع : خاصي ناكل مضوبل
هبطاات عينيها لكرشها : بقا بالجوع انا سوقي ..ولا عرفتي صبر نفك بااك من لحبس ونشوف حريرتك 
ضحكات على راسها : شكانخربق انا ..يكما رجعت حماقيت

نبدلو لبلاصة ..
غادي جاي فبلاصتو غادي اقرع راسو من الجدر فكرة انهم بجوج فبلاصة وحدة غادي تحمقو : حتى لامتى غادي تحمقيني البرهوووشة ..حتتتتتى لامتىىى
جلس كيضرب برجلو على الأرض خايف توقع ليها شي حاجة : لاش كتخططي مع راسك 
صونا ليه تيلي من جديد هزو قافز وجاوب فالبلاصة : شنو
لمحامي : سي ساجد راه لمحاكمة غدا ..مبقاتش بعد غدا 
ساجد : تكون حتى دابا انا مالي 
لمحامي : سمعني مزيان ..فالمحكمة خاصك تقول لحقيقة وهيا مقتلتش 
ساجد : حتى نفكر
وقطع غادي احماق كيحس بضيق الاكسجين : شكايري ا آريا. .شكاديييري غادي تفركعيني بفعايلك 
شد راسو كيضرب بالشقيقة 

فالسطح وسط حي شعبي ..
رجعات باللور مخلوعة : نتااا !!؟
بيازيد : اش ندير فيك دابا 
بغات تمشي هربانة وهيا تلقا راسها وسط ايديه مزير عليها : اجي نتفاهمو على هربة اليوم عاد نشوفو دابا 
رهاف قشعات شي خيال من السطح لمجاور معاهم. .جراتو فيساع جلس وبغات تجلس حتى هيا ساعة لقات راسها طايحة عليه وفمها بالدعقة جا على خدو تبلوكاو بجوج ..لكن عتقات لموقف ملي سمعات شي خطوات كيقربو لسطحهم ..
تركنات مكمشة حداه : هبط راسك ونتا كتقوليهم هاني هنا 
بيازيد كيتركل فبلاصتو : ولا شافنونا شكانديرو لولاد 
رهاف شدات ليه فمو عرفات راسها اتخوي لحجرة معاه. .حتى سمعات لخطوات كيبعدو عاد رخفات عليه طافجة : اش جااابك لهنااا ..ناوي تخرج عليا هااا؟؟
بيازيد : اول حاجة هبطي صبعك باش منهرسوش ليك. .واصلا ندير لبغيت شدخلك نتي
رهاف بعصبية : عرفتي دير لبغيتي ..غادي نهبط 
وقفات باغة تمشي حتى حسات بنتفة لشعرها خلاتها تطيح فوقو : اااايي
بيازيد : عجباتك هاد الطيحة هممم
رهاف بغات توقف : رخف مني ..ايسمعونا ..رخففف
بيازيد : وبربيي حتى الا مشيتي غادي نقلب هاد لحي 
رهاف : مفجهدك والو 
بيازيد كيشوف فشفايفها قراب ليه حيت حاكمها بايديه باش متنوضش : مافجهدي والو قلتي ياك؟
يله اتجاوبو حسات بقبلة شرسة على شفايفها حتى تأوهات من حرها الشيء لخلاه اجرها لعندو محاوط خصرها تحت ضوء القمر 
رهاف شداتها لبكية كتضرب فصدرو لاحياة لمن تنادي حاستو جهل عليها ..خمجها من شفايفها ولاو طالبين الشرع حتى تدوق دموعها لمالحين عاد بعد مخنزر : لاش الدموع
صرفقاتو على حر جهدها : من ديمااا غادي تبقاااا حقيييير 
بغات توقف حسات بزدحة خراا : حرااام عليك خليني نمشي 
بيازيد كيهدر بصوت خافت و فمو قريب لشفايفها: خليك معايا
رهاف بصوت منغنغ بالبكا : غادي احصلونا ..سير من هنا 
معرفاتش امتى قادها فالجلسة على رجليه : اجي نتفرجو 
رهاف متوترة من قربو ليها : راه هربت من لفراجة مع ماما وجيت لهنا ..ماشي باش نتفرج وانا هاربة منها 
بيازيد بعد خصلة من خصلات شعرها : اجي نقوليك 

رهاف حسات بالسخونية طالعة معاها : شنو 
بيازيد : نديرو هدنة دابا. .بلا صداع حتى لصباح ونتفاهم معاك على لبلان لدرتي 
ضرباتو لصدرو عرفات كتخوي لما فالرملة معاه : نتا ممعاكش لهدرة 
ضحك بقهقهة رجولية : ههههه صافي صافي
سهات فيه هزيتي بيازيد وحطيتي واحد آخر 
بيازيد عاجبو لجو اول مرة كيطلع لسطح شعبي : اتبقاي تشوفي فيا 
رهاف : هااا
جرها من عنقها لعندو : نساااي
قرب لشفايفها بالشوية حتى صداتو بطرحة ايدها : عفاااك 
بيازيد بصوت خافت : نساااي قتليك خلينا نديرو هدنة 
باس طرحة ايدها من لوسط حتى دكاتها لحيتو لخفيفة وتهرات مكمشة عينيها ..حسات بايدو كتهبش فخصرها 
نطقات بصوت مرعود كترجف : سير من هنااا ..اش سلطك عليا مزال منسيييت فعااايلك وراااه كنكره..
قاطعها بقبلة حنينة على شفتها تحتانية : زيدي كملي
تبلوكات وجها رجع حمر كتر من قرعة لكيتشوب ..حسات بيه نغامس بين شفايفها بغات تدفعو ولكن شي حاجة لداخل ديالها قوى منها مقدراش تسيطر عليها ..مشعراتش براسها حتى حطات ايدها على لحيتو مخليا قلبها ليتحكم فيها ..بغات تعقد هدنة كيف طلب منها 
بيازيد بتاسم كتر فاش تجاوبات معاه ..بغا كتر كيحس بإحساس فشكل عمرو حسو من قبل مع شي وحدة ..هز ليها التيشورط من على لحمها وحط ايدو حتى قفزات باغا تبعد بحاليلا فيقها ولكن رجع خدرها بلمساتو حتى رجعات تجاوبات معاه من جديد 
داز لوقت وهما ناسيين راسهم حتى شبع منها وروى عطشو عاد بعد : كتجي معاك تكوني ضريفة 
رهاف سكتات معارفاش شهادشي كيوقع ليها ملقات متقول حشمانة من راسها ومحملاش لموقف فنفس لوقت 
بيازيد جبد الأيباد : اجي نتفرجو 
سمع لفروج ديالهم فالسطح خخ : يكما بغا اقوليهم راه كان كيبوسها 😂
رهاف شداتها الضحكة : خليني نمشي 
بيازيد : قلت هدنة خلينا مهدنين دابا. .
سكتاات شافتو مزال محاوط ايدو على خصرها كيلعب فيه و خدام فالأيباد كيقلب على فيلم حتى دخل لواحد باين ديال الرعب 
رهاف : لا حماقيتي 
بيازيد : كتخافي ؟
رهاف : لا غي كنخاف 😒
بيازيد : انا معاك مخاصكش تخافي 
قادها فالجلسة مزيان وكليكا على لفيلم حتى بدا خدام. .نغامسو كيتفرجو تحت ضوء القمر مع صوت لفروج مرة مرة خخ.. بيازيد ورهاف فهدنة خخ 

ضربات خمسة دالصباح ..
مسحات على راسها بعصبية عيات بالتقلاب على غرفة لكاميرات تنهدات بتدمر : فييين انلقااهم هنا هءؤ 
ولات كتنهج فلات لمزرعة ملقات حتى شي حاجة تقدر تعاونها من غير بلاصة لكارد مزال مدخلات ليها 
مسحات على شعرها بحزم : ضروري خاص نقلب تماك قبل افيق داك لحقير 
شافت لوقت فالتيلي تصدمات نسات راسها مضرباتش لحساب للوقت : شكاتخربقي ا آريا. .شكاديري خاصك تسربي
رجعات شعرها مور ودنيها وهيا كلها حزم باش تكمل خطتها ..خرجات برا لمزرعة حاضية مع لكارد شافتهم غاديين جايين عندهم لحراسة مشددة ..بدات كتاكل فضفارها متوترة و عقلها خدام كيحاول القا ليها شي حل ..بتاسماات فاش لقات لمخرج ..مشات بجرية للكوزينة خدات بريكة وخرجات كتقلب على شي حاجة تشعل فيها لعافية ..وساعت ابتسامتها ملي قشعات كومة من التبن ..قصداتها كتختل مطولاتش بزاف باش شعلات العافية و رجعات تخبات كتسنا فيها تولع 🔥 
وداكشي لكان نفجرات لعافية معرفوها منين جات حتى تجمعو عليها كاملين كيطفيو 
آريا : الا طفات لعافية مغادي ابقالي لوقت فين نقلب اعععع 
مشات بجرية كتقلب هنا ولهيه مع حريق خفيف مرة مرة كيراودها ..لقات مكازة فيها كااع الأغراض لكيتستعملو فالمرزعة ..حلات بابها مشعلة الضو. قشعات لما لقاطع طارت لعندو هزاتو ورجعات لمكان لحريق كتخطي كل خطوة بحدر خايفة تحصل ..بتاسمات بمكر فاش رمات لما لقاطع خلا لعافية تضيع معرفو باش تبلاو 
بتاسمات : هادشي لبغيت يله تلاهاو
خلاتهم ومشات للمكان لخاص بالكاميرات دخلات ليه كتشوف فالحاسوبات منتاشرين ..خدات الرئيسي وبدات خدامة عليه مع اصلا طيارة فلانفورماتيك ملقاتش صعوبة بالمرة قادة براسها 
عضات على شفايفها : اعععع بلاما تعكس
حولات لمقطع ليوسبي فيساع ..عاد خداتها بسرعة : ودابا شوف كفاش اتخرج راسك اسي تامر 
شافت فالوقت : قربات ستة دالصباح خاص نهرب قبل امشي مفعول لمشروب 
خرجات كتختل وعينيها كيدورو كيبانو ليها ملاهيين مع لخسائر لدارت لعافية ..قصدات لبوابة بانت ليها مسدودة ملقات قدامها غي سور نقزاتو ناسية راسها حاملة..طاحت على ركابيها تجرحو : هءءؤؤهءؤ اااييي هادشي كيحرق 
تخلط عليها وجع كرشها و ركابيها لدايزين بالدم ..ولكن ستجمعات قوتها وضرباتها بجرية وسط لغابة شادة كرشها ...دازت ساعة وهيا كتجري بنفس الريتم ..من غير بعض الاستتناءات كتوقف تشوف واش كاين الريزو باغا تاصل بالمحامي كانت ضاربة حسابها و مضبرة على نمرتو ..عيات ولات كتشهق وكرشها كتزيد تزير عليها. .راودها شوية الأمل فاش قربات للطريق الرئيسي. .خرجات ليه كتشير بايديها لأوطوسطوب ..ولكن الدوخة قوى منها الأرض كتدور بيها. .بدات كتطيح بالشوية بالشوية على الأرض 
حتى سدات عينيها شوية مغيبة كيبانو ليها رجلين مغرابش عليها جايين كيجريو بسرعة ناحيتها و صوت ممفرزش مزيان كيقرب لعندها 
مدات ايدها ليه مرخية وعينيها مشقلبين مع الدم لهواد بين رجليها : هءء ساااجد ..ولديي عتق ليا ولدي اساجد 
وغيبات فالبلاصة❤

يتبع..

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.