مدات ايدها ليه مرخية وعينيها مشقلبين مع الدم لهواد بين رجليها : هءء ساااجد ..ولديي عتق ليا ولدي اساجد
وغيبات فالبلاصة
وصل لعندها مصدوم ..كينهج : آآآرياااااااا ..مااالك فيقييي ..آآآآرياااااا
بدا كيضرب على وجها مخلوع ومخرج عينيه : آآآآآآآآآآرريااااااا
كيشوفها مغيبة لا حياة لمن تنادي كلها مجروحة و مخبشة والدم هواد من تحتها زاد تخلع
وقف داك الساعة كينهج و كيقفقف وهو كيدوز فالنمرة كلشي تلف عليه ..بسيف باش حكم راسو ودوز لخط كيتسناه اتفتح : سسسسمععع وجد ليااا المستعجلات هاني جايب مريضة عندك ...يللللله وبغيت حراسة مشددة تماااك حياتها اتكون معرضة للخطر
قطع كينهج : خاصي نحميك منهم كامليين
هبط لعندها هزها فيساع كيجري تجاه لوطو ..حل لباب لوراني تكاها مقادها مزيان عاد ركب فبلاصتو مكسيري حتى تسمع تكشاط الروايد فالشانطي ..زاد فالسرعة على حدها غادي طير مبقا مسوق لوالو
مكرهش اطير ولكن أقصى سرعة راه كيكسيري بيها دابا. .دازت ربع ساعة بالحساب لقاتو واقف قدام لمستشفى ..هزها فيساع ودخل كيجري بيها كلشي كيدوز بسرعة مزال ممستوعب لموقف اصلا. .تلقاو ليه بالبياس و دخلوها طيرين
الطبيب جا لعندو : دكتور انيس .. كون هاني غادي ندير خدمتي
أنيس طبطب على كتفو : واقيلة ندخل معاكم
الطبيب : لا غي جلس تسنا انشالله كلشي ايكون مزيان
ومشا بجرية للغرفة لمستعجلات ..
شرقات الشميسة الصباحية بعدما كانو لغيوم لمعمرين السما
فتحات عينيها بالشوية حاطة ايدها على حنكها كتحبس الشمس حرقاتها ..خسرات ملامح وجها كتستوعب فين هيا. .عاد سرات معاها ايدها لاخرة حاطاها على شي حاجة قاصحة ..دورات راسها تشوف فين كينا
شهقات قافزة من قدامو مع كانت جالسة على رجليه : اويليييي شهادشي
عاد تفكرات أحدات لبارح بدات كتولول حناكها طيباتهم بالخبيط محملاش راسها : عنداااك اطلع شي واحد هءء
دورات عينيها فالسطوحة مزال حتى واحد مكاين ولكن خيفة اطلع شي جار ..هبطات عينيها لعندو كيبان ليها جايب لكاو فالنعاس ممسوق لوالو ..صدفات لقاميجة محلولين والسروال طايح حتى باينة ماركة لبوكسور خخ
شافتو متحركش ..دورات راسها كتقلب على شي حاجة تفيقو ..قشعات بانيو فيه لما مشات لعندو بجرية قبل تطلع مها ولا خوها ..لقاتو لما دالصابون مسخ ..مسحات على راسها خايفة من الصداع معندهاش حل آخر داكشي علاش مشات جابت سطيلة صغيرة عمراتها بداك لما ومشات لعندو بدون سابق انذار خواتها عليه حتى فاق شاهق معارف راسو من رجليه
رهااف باغا تهنا منو فيساع : يلللله سييير من هناااا ..سربييي قبل اطلع شي واحد
وداكشي لكان سمعات صوت طالع فالدروج غادي وكيقرب : رهاااف مالك ابنتي
رهاف : ويليييي كحلتها
جراتو كتحاول تململ فيه من بلاصتو : اجييي معايا الله اعطيييك لعداااب
بيازيد ممحركش من بلاصتو : خليني نتعرف على ماماك. .نقوليها بنتها كنت كنشلقم فيها لبارح
رهاف خرجات عينيهااا : هاااا
قلباتها بكا باش تبقا فيه عاد جراتو بالسيف كيتمختر ليها فالمشية ..صدقات كتدفعو من ضهرو دارت معاه جميع لوضعيات وتقول كيتحرك خطوة بخطوة وعلى مهل على حساب كانتو
سمعو باب دالسطح غادي اتحل : بنتي مال باب دالسطح مسورت
ورجع سكت مهاموش هاد السجن لي هو وسطو ..مهامو والو لبقا فيه هو نهار لمحاكمة مكلفات راسها حتى تشوفو ولا تحضر ..ياك كتقول كتكرهو و مكتطيقوش أي واحد فبلاصتها ايبغي اشوف عدوو منهازم أمام الأمر لواقع إذن علاش محضراتش! ! هادا هو السؤال لقتلو فراسو مكرهش اخشي ايديه وازولو من عقلو
تنهد بغيظ ..قال مع راسو اتكون رجعات لبلادها وهو ايكمل حياتو فهاد السجن حتى ادير عكاكز ..هيا لجبدات النحل وقالت باغا طلاق ..عارف بإمكانها طلق راسها براسها ولكن ماشي ساجد آل عمران لسكت ليها. .هو لختار سجن ماشي سجن لختارو
فكافي جنب لبحر
شروق : اوا مبرووك فرحت لييك
شهاب : وحتى نتي هه
شروق رشفات من لعصير : بجوج ناجحين خاص نحتافلو
شهاب : اش بان ليك نجي عندك ليوم للفيلة ..نحتافلو مع بعضياتنا ونونسك ..قلتي كتبقاي بوحدك
شروق معجبهاش لحال كيفاش هدر حسات براسها ممرتاحاش لهاد لهدرة ..اصلا غي لملال لخلاها تلاقاه بغات تبدل لجو وصافي ..شهر مرجعات مشات للفاك كتشوف الأفيشاج ديال الإمتحانات غي فالسيت و بالنسبة لرهاف كتلاقاها مرة مرة عندها فالفيلة ولا عندهم فالحي كيعجبها تمشي ليه
شهاب : هيهو فين سهيتي
شروق فاقت من شرودها : قلتي شي حاجة
شهاب : كنت قتليك نحتافلو بجوج ..مجاوبتينيش
شروق : لا راسي كيعطيني شي صداع. .مفياش حتى للحفل ديال تخرج آخر سنة ونحيحو تماك
ذهب فرحانة احساس آخر وهيا غادة وسط الناس كتشوفهم واحد بواحد ..كان قتارح عليها عمران طائرة خاصة ولكن رفضات ..فضلات ترجع للبلادها وسط ناسو باغا تشبع من شوفة فلي دايز ولي غادي ..هاكة اتكون جد سعيدة .
كانت الأنضار موجهة ليها وأكيد اتجدبهم بإطلالتها الصيفية كسيوة فالأزرق بلا كمام وحد لفخاد مع كعب عالي ..وشعرها مجموع على شكل سفنجة حيت كيصهدها
عمران مبتاسم وهو غادي معاها وفجنبها عاجبو لحال رجعات ليه حب طفولتو ..واخة مبيناتهم والو دابا ولكن عندو أمل توقع شي حاجة من بعد
وصلو للسيارة ..سبقهم لكارد حل ليهم لباب وركبو
عاد نطالق الشيفور
ذهب : ايتصدمو ههه
عمران : هادشي علاش مبغيتيش اعرفوك اتديري عملية
ذهب : هه بحال داكشي
وسكتاات كتفكر لماضي ..كان عندو دور كبير باش خدات هاد لقرار لمصيري ..معرفاتش فين ايكون دابا واشنو كيدير ..بتاسمات باستهزاء اكيد كيبيع لحشيش ..هادشي لطاح فبالها
عمران : ذهب
تلافتت لعندو : بغيتي تقول شي حاجة
طول فيها الشوفة : لا حتى حاجة
بتاسماات كيضحكها وتلافتت قدامها خلاتو مزال مفيكسي كيشوف فيها حتى دخلها شك ورجعات شافت لعندو : وواااات هههه
عمران : هههه نوتييغ
وشاف قدامو ولا بحال شي مراهق معاها
ماشي بزاف باش وقف بيهم الشيفور قدام لقصر. .متسناتش احل ليها لباب هبطات بسرعة متشوقة تقوليهم راه كنشوف بعينيا
دخلات مع لباب متسناتش حتى عمران : مااااامييي ...باااباا فييينكم ههه
سمعات شي صوت موراها :انسة
ذهب تلافتت لمصدر صوت. .عرفاتها لخدامة : وي
لخدامة وصلات لعندها فإيدها شانطة :هاد شانطة ديالك ا انسة ..كان شي واحد عطاها لكارد قاليه ديال انسة ذهب حتى واحد مياخدها من غيرها ..ولكارد بدورو جابها لي باش نعطيها ليك
كيف كلا نهار كيجيب لماكلة فبلاطو واحطها جنبها على الله تحل عينيها ..شاف فالريدوات مسدودين مشا حلهم ورجع لعندها ..متطمأن أنها فأمان حيت جابها لدارو وهو لسهران على راحتها و دواها حتى تحل عينيها
تبت نضراتو على كرشها ..مزال عاقل كفاش كانت كتقوليه نقد ليا ولدي ..تنهد مباغيش احرمها منو مغادي استافد والو
قرب لعندها خاشي ايديه فجيابو : آريا حلي عينيك عفااك
سمع تيلي ديالها كيصوني تلافت لجيهتو مع كااع الأغراض لكانت هازة فحوايجها جابهم لهنا حتى تفيق واعطيهم ليها
ذهب عرفاتو تبلوكا شدات فإيدو و هزات راسها باه زعما بصح ..مجرد منتهات من هاد لحركة لقات راسها ممعوسة وسط درعاتو.. لفرحة طغات عليه حتى معارفش شكايدير..كانو ثواني من العناق والتعبير على لفرحة بالنسبة لنعمان ..عاد جلسو مجمعين باغا تشبع منهم لا من ناحية لهدرة ولا شوفة ..عودات ليهم بالتفصيل كفاش حتى دازت هاد لعملية حتى لليوم
هز راسو باه : ولكن ماشي من مستواك نقولو ليك أنسة ونتي عنصر مهم فالجيش البرازيلي وعندك رتبة مهمة فالجيش
آريا : معلينا هادشي كيبقا غي هدرة
حطات ايدها على كريشتها ولات كتحط ايدها بزاف خايفة توقع لولدها شي حاجة
سكتات ورجعات نطقات : قبيلة ملي تاصلت بيكم ..قلبت فالأنظمة الإلكترونية وكلشي كيشير انه دابا راه فالمكسيك ..بغيتكم تجيبوه ليا حي يرزق غدا خاص نسلموه لعدالة
نطق وهو حادر راسو : شكون هادا ا انسة
آريا بصوت جدي : ديرو اش قلت. .هدرتي مكتعاودش عندكم 12 ساعة باش احضر
دار علامة التحية : كوني هانية لمهمة اتنفد بالحرف هاد الشخص ايكون فالبرازيل فاقرب وقت
آريا : قصدت تجيبوه ليا لمغرب ماشي لبرازيل
جمعات ايدها على شكل قبضة : مبغيتش نقتلو ..بغيتو اتذوق داكشي لعشت وغادي اجربو بالحرف ..حتى منكونش آريا آل عمران باش العب معايا
وقلباات الدورة تحت تحيتهم لعسكرية ..عمرها بغات تستغل رتبتها فالجيش ولكن ملي الأمر تعلك هاكة وهيا حاملة متقدرش دير فيها طرزان ..ستاعنت بيهم
تفكرات فاش كانت اتنفاجر بيهم لباخرة و هيا لعتقات لموقف بانها فكات لقنبلولة وصدمات ساجد. .بتاسمات معارفش انه وقت لفراغ ديالها كولو مع الجيش و فكان لقنابل ..
لمحامي : متخافش اسي نعمان ..دابة انخدم على هاد لقضية وسي ساجد ايخرج فاقرب وقت
نعمان : دير جهدك
لمحامي صافحو بايدو : هاني غادي. .خليت ليك الراحة
نعمان : بلاتي نوصلك لباب
لمحامي : لا غي رتاح ..ليلة سعيدة
ومشا جيهت لباب
نعمان تلافت لقا كلثوم كتبكي : متخافيش راه أكبر محامي فالبلاد مكلف بقضيتو غي ولدك مفهمتش علاش قال انا قتلت ..مبغاتش تفهم ليا لحد الآن
كلثوم : ايكون فراسو شي بلان ميمكنش ادير هاكاك على والو ..لمهم دابا هو اخرج
كانت جالسة فالبيت لشهد على بزاف داللقطات بيناتهم. .بيتو هو
تنهدات كتسنا هادشي اكمل باش تعرف اش دير. .مشات لدريسينغ باغا تلبس شي حاجة ترتاح فيها وتنعس باغا غي ترتاح شوية من الصداع لداير فراسها
ختارت شورط دالنعاس حد لفخاد و تيشورط قصير كيبين لكريشة لتنفخات شوية جات كيوت 😍 ..مشات لجيهت لكوافوز خدات مشطة وبدات كتصرح فشعرها ساهية فالمرايا. .لوقت كتغيرك بزاف يله كانت كتلعب فصغرها شوية ولات دابا مزوجة و حاملة من لفوق وهادشي كامل وقع وهيا مختلة عقليا ..معرفاتش واش لحياة ضلماتها ولا هي كتعيش قدرها وصافي
تنهدات ومشات هزات كاب دارتو على كتفها غادية لجيهت الشرفة. .جلسات على لأرجوحة لتماك وتقابلت مع الشتا لكتصب خيط من السما بينما هيا كترشف من كاس دالعشوب صيباتو ليها كلثوم باش تصحصح
سمعات تيلي كيصوني هزاتو من فوق طابل ..شافت ماماها لمتاصلة خلاتو كيصوني ورجعات كتشوف فالشتا
صبرات حتى عيات لكن فآخر لمطاف ..لبسات كلاكيطتها وزادت قاصدة لباب ..حلاتو مع غادي تخرج تصاطحات مع شي حاجة قاصحة خلاتها ترجع لور فاقدة توازنها وعينيها خارجين : ولديييي
حتى كتحس بايدين كبار شادينها من خصرها وشي حاجة كتقطر على وجها ..هزات عينيها بالعرض لبطيء كتشوف فعينيه و كتبلع فريقها هو شكون من غيرو
نطقات بصوت ملعتم : س سا ساجد
وسكتاات مركزة مع شعرو لفازك كيقطر على فتحة صدرها
ساجد عاض على سنانو : خارجة بهاد جوج شراوط؟؟؟
قفزات على صوتو كتشوفو كيفاش هدر بجدية صارمة. .وزادو نضراتو و تروها فاش ركز الشوفة فيها بعينيه لحمرين بحال جغمة دالدم
قفزات مرة خرا فاش نطق من جديد : عاجبك لحمممك ولا شنو ؟
وقفها كيطلع واهبط فيها : محدك على سميتي خاص ضربي للحسبة لحوايجك و طريقة هدرتك ..اي حاجة خاص ضربي ليها لحسبة
آريا قلبها ضرب فالمية حسات بيه ايوقف ..حاولت تخبي خوفها ..نطقات ببرودة عكس نار لخوف لشعلات فالداخل ديالها : لعارفة لحد الآن هو نتا اكبر حقير عرفتو فحياتي ومكتسواش و ضااالم ربي غادي اجازيك ..ماشي صمك مكتسمعش مزيان وكتأول لهدرة ..نصيحتي شوف ليك شي طبيب تدوا ودوز عند بسيكو راك بنتيلي كتحماق وخير مثال هاد لحية
باستهزاء : جات معاك
بعدها عليه بعجرفة خلاها شادة معصمها كتنفخ على لبلاصة ضرها بزاف حتى شداتها لبكية مع اصلا حاملة و لمرأة فهاد لفترة كتكون جد حساسة و على سبة
ساجد جمع ايدو على شكل قبضة قبل اتهور وادوز عليها بشي دبحة ..زفر و كمل بخطواتو تجاه لحمام يله ايدخل سمعها حلات لباب نطق بالغوات حتى صدا صوتو بدا كيتعاود من موراه : قللللللت ليييييك متخرجييييش بهاد الشراوط
آريا تلافتت عندو جاعرة : واش الا بغيت ناكل خاص اذنك
ساجد : اه حتى نعطيك لموافقة
ودخل للحمام مقفزها على صوت لباب : الله اعطيك لعداب ..بغيتك تعدب كيف تعدبت انا وتحس بداكشي لحسيت ..خرجتك من لحبس غي حيت مكنتسنا شفقة من عند حتى واحد ولا شي حاجة ايبقا إمن عليا بيها. .دابا تعادلنا بقات غي ضربتي مستحيل تدوز ليك بالساهل
وسكتات كترجف مع شهقات خارجة من لقلب مرة مرة : عمري انسمح ليك الله اياخد فيك لحق هءؤءهءؤءه
و حلات لباب خارجة ..دموع عينيها حجبو عليها الرؤية ولات غادة وضبابة قدامها ..معرفاتش كفاش وامتى وصلات لحدا لبيسين واقفة بحال لجماد مخليا الشتا كتصب عليها بغزارة ..لحمها زراق بسباب لجو ولكن لا حياة لمن تنادي مكانت كتحس بوالو سوا لغليان لي فالداخل ديالها ..كلشي ضلمها ولكن ماشي آريا لتسكت لييهم ..داز لوقت وهيا على نفس وضعيتها مخليا ايديها مرخيين و وجها مفيكسي فنقطة وحدة
شوية جلسات على ركابيها فالأرض مهدودة كتخايل شريط حياتها قدام عينيها ..كانت لبنت لمدللة دباباها واخة سكارليت ختها لكبيرة عندو عزيزة حيت بنتو ولكن آريا معزة من نوع آخر ..حيت كتفهمو مزيان وديما معاه فجميع حركاتو ..من صغرها كانت مولوعة بشي حاجة سميتها الأكشن ولمغامرة كيعجبها تعيش اللحظة مكيهمهاش النتيجة ..داكشي باش رغبات باها تدخل للجيش وتنظم ليه يعني غي اوقات لفراغ تمشي تدوز لوقت فالمخيم تشوف كفاش كيدربو ..كانت مولوعة بكاع الانشطة لكيقومو بيها و من بعد ترجع لقرايتها حريصة عليها كانت مميزة من كاع لجوانب ..علاقتها زوينة مع عائلتها من غير ماماها مكتعمرش معاها بزاف وحدودية حيت مكتفهمهاش و زادو وقعو النزاعات ملي عرفات كتمشي لجيش فاوقات فراغها ..كتعقل داك النهار شحال غوتات و جرحاتها بكلامها ..الشيء لخلا آريا تنظم للجيش فعلا و تولى مسؤولية تفكيك لقنابل مع اصلا كتشد دغيا ملقاتش صعوبة باش تعلم. .هاكة دازت حياتها بين قرايتها وتمشي للجيش مرة مرة تحضيهم كفاش كيمارسو روتيناتهم كجيش ..حتى لنهار لكملات قرايتها وقررات تسافر وتبدل لجو مع اصدقاءها وهادا كان اكبر قرار خطأ كتاخدو فحياتها ..قالت مع راسها كون مجيتش مكانش ايوقع هادشي بالمرة
فاقت من شرودها وهيا كتبكي على صوت الرعد وزاد قفزات على صوت اخر كيقرب ليها
تلافتت كتشوفو جاي كيجري لعندها : حمااااقيتييي ولا كفاااش؟
متسوقش لكلامها دخلها لداخل مزال كتغوت بالجهد حتى حط ايدو على فمها باش تسكت وسط ضلام حيت فاش هبط مشعلش الضو
آريا كتحس بصدرها كيطلع واهبط رجعات باللور باغا تبعد منو ..مرداتش لبال اتطيح حتى شدها من خصرها
مرداتش لبال اتطيح حتى شدها من خصرها ..نطق بهدوء : بقاي تردي لبال لراسك. .ماشي ديما انكون معاك
آريا مرداتش لبال لايديها لحاطاهم على صدرو : مزيان ملي بديتي كتفهم ..طول هاد لمدة بقيت هنا باش نرجع كرامتي ونحيد داك الشفقة لكنتي كتكن من جيهتي. .دابا حنا معادلين
سكتات كتنهج ورجعات نطقات بهدوء كيف هدر : كنكرهك ..متخايلش قداش عمرك اتخايل قداش ومستحيل تعرف هاد لمقدار حيت مليون دلمرات كنكرهك
ساجد بنفس لهدوء :حتى انا كنكره النهار لبنتي فيه فحياتي ..وكنلعن النهار لحطيت رجلي هنا وفهاد لبلاد. .ومكيهمنيش شعورك من جيهتي حيت اتبقاي نكرة دازت. نزوة تلاهيت بتربيتها واحد لوقت من أيام حياتي
تنثرات منو كتحس بانفاسو مقابلة معاها. .
عم الصمت شحال عاد رجع نطق : هادي لخلاتني شهر فمحنة اتخليني ديما فاش تجي اي فرصة. .إذن غي تمشي من دابا معندي مندير بيها
شدها من ايدها وتم غادي بيها جيهت لكوزينة : بما انك باقا على سميتي خاص تاكلي كيف قلت ..حتى نطلقو وعومي بحرك
ساجد حط ايديه على لبوطاجي مكاليها وهيا وسطو كيشوف فعينيها وكفاش كترجف باغا تبان قوية ولكن مكتعرفش ..هز حاجبو : لبنات صغار لموس خطار عليهم
آريا هزاتها حطاتها على حنكو كتهبط وتطلع فيها بالشوية : تخايل معايا هاد لبنات صغار اصدموك
ساجد باستهزاء : بغيتهم اصدموني
آريا هبطاات بالموس حتى لعنقو كتشوف فعينيه : بعد قبل ندوز عليك
قرب كتر حتى بدا كيقيس عنقو وتجرح : دوزي نشوف
آريا بلعات ريقها : مكنضحكش اساجد
ساجد : وحتى ساجد كيقوليك مضحكيش معاه ..قدي بهدرتك
آريا حطات لموس وتلافتت جيهت لبوطاجي مقدراتش تآذيه قالت مع راسها غي لحمل قلب ليها لهرمونات ..حسات بانفاسو السخونة مزال موراها شوية وتحرقها ..رجفات فاش طبع قبلة على ضهرها بعدما بعد شعرها لجنب
كمل وقرب لودنها نطق بهمس : مزال على سميتي. .عندي حق عليك
رخف من شعرها ومشا جلس ..أول مرة كينزل واجلس فالكوزينة مكدبش فاش تفكر باه واحد لمرة قاليه كلشي كيتبدل مع لوقت
آريا بدات كتمسح لعرق من جبينها بقات شحال عاد ترخفات وجلسات كتقاد داكشي كتفكر فاش كانت عايشة مع عائلتها كتبقا تدخل لكوزينة تسرق الانظار كفاش كيطيبو يعني عندها فكرة خاص غا تطبيق خخ
تضاربت مع داكشي سخناتو ومشات بيه حطاتو فوق الطابلة ..ساجد تكلف بالعصير حطو وجلس بعدما جلسات
آريا جرات حداها لفريز كتنقب منو
ساجد : وهادشي لمن مسخن ؟
آريا :منعرف
ساجد : قادي هضرتك راك بديتي كتعواجي معايا
آريا مجوباتوش سكتاات شحال عاد نطقات : كيف درتي حتى خرجتي بهاد السرعة
ساجد : لمهم هو خرجت
آريا وقفات ..الشهية تحبسات ليها : غدا انمشي من هنا مهمتي راه درتها
آريا شافتو منطقش قلبات الدورة خارجة من لكوزينة وطالعة لبيتها ماشي بيتو
بقا على نفس لوضعية حتى وقف ورمى الطابلة قالبها . .خرج داك الساعة كيفور موقف حتى لعند رونج ديالو ركبها و كسيرا طير من صوت تكشاط روايد لي تسمع مجهد معارفش فين لمهم هو ابعد ..هاد لمشهد كان قدام عينيها وهيا فالشرفة تنهدات ودخلات تخشات ففراشها كتفكر فلي جاي
فالجيهة لخرى من لقصر
كتقلب فبلاصتها مجاهاش النعاس حاولات ولكن لا فائدة
فالأخير حيدات لغطا ومشات جلسات على ارجوحتها مرجعة راسها لور ..عقلها عيا بالتفكير ملي كان باغي استاغلها و اياخد منها لفلوس ..علاش رجعهم دابا شنو لخلاه ادير هاكة ..وفين ايكون دابا واش بصح باقي كيمشي جيهت لبحر
زفرات : ذهب شكاتخربقي ..كترجعي من زيرو هاكة
جمعات لوقفة ورجعات لفراشها : خاص نعس قبل نحماق
توسداات ايدها :ايكون حس بالذنب داكشي علاش زعما. .لا لا بحال داك النوع منافق معمرو اكون شخص مزيان
وقطعات حاطة تيلي ..تنهدات مرجعة شعرها لور عاد قلبات الطريق لبلاصة فين قال ليها متبعة جبإس ..داز بزاف دالوقت عاد دخلات مع طريق دالبحر ..مزال كتفكر الاحداث لوقعو فهاد الفيلة ..حاولت متفكرش فهادشي بزاف وزادت فالسرعة حتى وقفات قدام لباب لخرجاني
كان محلول اصلا ..نزلات ودخلات معاه حتى لباب دالفيلة. .حتى هو لقاتو محلول ستغربات وكملات بخطواتها حتى كتصدم من قراعي دالشراب منتاشرين فكاع لبلايص وهو مليوح فوق لكنباي كلا رجع فجيه وموسد ايديه ..خلعتها حالتو ومع اللحية قاد لمشهد
ساجد ببرودة : شششش مغاديش تعرفيه دابا حتى لوقت لمناسب و الا مكانش عندك الصبر تقدري تمشي بلا طلاق و عنداااااااك احسابليك تقدري تطلقيني من عندك. حتى نكون ماشي سااااجد آل عمران عاد تقدري ديريها
آريا حسات بالغليان كينغل فيها نطقات عاضة على سنانها : كتلعب بالناااار
ساجد : هاد لهدرة قوليها ليك وكوليها ..معندها باش تنفعني
آريا بعصبية : امتى ناوي تقولي على هاد الشرط !!
ساجد : مالك زربانة باغا تمشي ..طريق قدامك ولكن بلا طلاق
ضربات فصدرو بجهالة ايولدها قبل لوقت : حراااام علييييك
بقا واقف خاشي ايديه فجيابو متبع حركاتها ..حتى رجعات باللور و قلبات الدورة ملافتة للباب وغادة كتشتف بعصبية خلاتو راسم ابتسامة جانبية مجرد مختفات دار لعند الطابل قلبها برجلو حتى تهزات فالسما ورجعات تخشخات بالزاج ..شاف فالوراق زفر وطلع للفوق مخليهم تماك حتى القا شي حل. .
يله ايهدر لباشير قاطعو: قلت مع راسي حيت داك لبلاصة ماشي ستراتيجية للسياح و مغاديش دخل ليك بزاااف دلفلوس ..اذن اش بان لييك ندخل معاك شريك لمحل من عندي و فالموقع لي فبالي و لبزار اتدار فداك لبلاصة ايكون احسن و بالنسبة لارباح خود 80فالمية وانا 20فالمية
مليكة شرعات عينيها : واش كتهدر بصح اولدي
لباشير مصدوم كلشي جا على غفلة :ولكن مغادي تستافد والو على هاد لحساب
بيازيد : لا انبغي ندير الصور لفوتغرافية فييه .عندي شي بلاناات ناوي نديرهم تماك
لباشير :و صراااحة اولدي فكرة زوينة ولكن منقدرش نبدل داك لبلاصة هيا فين بديت
بيازيد رتب على كتفو : انا غي قتارحت عليك. .فكر مع راسك وخود قرارك
رهاف مبقا عندها ميتقال صدمها شهاد لجدية نزلات عليه. .هزيتي بيازيد وحطيتي واحد آخر
داز لوقت
شافت مكاين حتى واحد حيت مجمعين فالصالون كيفكرو فالاقتراح
رهاف : اوووه مسيو بيازيد غي شد الدكتورة وهو ارزن
بيازيد قرب لعند وجها حادر راسو لعندها وايدو فجيبو : علاش كيف جيتك
رهاف مخرجة عينيها : شكادير ..بعد دابا اشوفنا بابا وداك ساعة وريهم بيازيد على حقيقتو
بيازيد هز خصلة من شعرها نتفها : اتبقاي برهوشة
قصحها خلا عينيها مغرغرين و خرج قاصد للوطو كيشوفهم مجاوقين عليها وشي كيتصور شي كيقيص فيها
رهاف مصدومة : وااا بعدوووو من تماااااك
بيازيد شاف لعندها : غي دخلي صمكتيني
ومشا للوطو ركبها تحت نضرات لجيران اياكلوه بعينيهم ..وزادو تبعوه
وزادو تبعوه فاش كسيرا حتى سمع تكشاط الروايد
بقات رهاف حاطة ايدها على خصرها كتشوف فالبنات حالين فمهم عيراااات حتى قنعات عاد دخلات سادة لباب فوجهم
فبلاصة اخرج. .
حبسات لفران وخرجات داخلة ناوية تواجه الشخص لبدا فعذابها
وقطع عليه خاشي راسو وسط لمخاد. .تقلب حتى عيا نعاس طار
زفر وجمع لوقفة : تفووو النعسة كانت حلوة
قصد للحمام غسل وجهو باش اصحصح عاد طلق الدوش ضربها بتدويشة باش افيق ..كمل وخرج على نصو فوطة قاصد الدريسينغ كيختار اش البس
شاد فوطة كيمسح بيها شعرو : صهد ..نلبس غي شورط
تفكر لي بروف و لعميد وهو انعل شيطان : سكت ابيازيد اتدير الضحك فراسك
خدا ليه تيشورط فالباج مع سروال جينز و فرجلو صباط على شكل كات بالسيور مستيلي ..ماشي بزاف باش لبس و وقف قدام لمرايا كيشوف فالوشمة لفدراعو باينة شوية من تيشورط نصها كيبان ...قاد شعرو وهز ساعتو ليدوية لبسها و رش عيطرو عاد خرج من بيتو. .
مراد هز راسو باه وتسناه حتى جا عاد مشاو جيهت لبار كيسمعو الشطيح ولحيحة نايضة ..كلشي كيرقص ولا كينقز فبلاصتو
مراد بالغوات باش اسمعو : هههههه يلله نحيحو حتى حنا
بيازيد : راسي ضارني وكملتها دابا ...انمشي واقيلة
مراد : وليتي ممل اساط
تبدلات الأغنية و تطلقات وحدة خرا هادئة حتى تسمع صوت الطالون جاي من جيهة وحدة ..كلشي تلافت كيشوف شكون وكلما قربات كيحلو فمهم فيها. .شكون من غيرها شروق.سرقات الأنظار بكسوتها لمستيلية بانت جد جدابة وكتبارا بالحجر لفيها و نص فصدرها كيبان حيت بلا درعان مقبوطة من صدر وهابطة مع جسمها حتى لفخاد مع تصميم جديد من لتحت ..ولون لبارد لكسيوة جا مع شهوبيتها وملامحها الشقراء ..تقدامات كتر كتشوف كلشي مفيكسي فيها خلعوها حتى دخلات رهاف قصة اخرى وبدون تعليق ..سووو كيوت بالغوب لقصيرة و شعرها لمجموع لفوق مع كعب عالي وبوشيط بانت كلاس
مراد سها بلاما اعيق على راسو حتى سدو ليه بيازيد شاد كرشو بالضحك : ههههههههه لموووت كدور الساط
مراد عاق : باركة من تخراويييت ديالك
عقد حجبانو فاش بان ليه شهاب مشا لعندها باس ايدها وايدو لاخرة على خصرها
مراد : هاد شهاب مكيفهمش راسو
بيازيد : قوليه ابعد من لبنت ..كلشي عارفو شكايدير
مراد : كيقلب عليها
بيازيد : انمشي نجلس ..مرشقاش ليا
مشا جلس فواحد جيهة خاوية فيها لكنباي مقابل مع بلاصة الرقص ..شاف رهاف واقفة كدور فعينيها شير ليها بايدو باش تجي وداكشي لكان مبغاتش تبقا تحت نضراتهم داكشي باش مشات حداه كاين الصقيل شوية
جلسات دايرة رجل على رجل حتى طلعات لغوب كتر
بيازيد كيخنشش فتيلي : هبطي داك الرجل
رهاف مع الصداع مسمعاتوش غي كتفرج فشروق كتشطح هيا وشهاب منوضين الروينة ..عرفاتها كتعرف تشطح على هاد نوع الأغاني
حتى حسات بشي واحد قرصها ففخدها تلافتت مخرجة عينيها شكون تجرأ ادير هاكة حتى كتلقاه هو شكون من غيرو : شهااادشيي درتيي
خرجها من تماك ومشا لاستقبال خدا لكارط دالغرفة وطلعها للفوق جارها مرة تطيح ليه مرة تضحك مرة تبكي. .البنت جاها داكشي مجهد عمرها حسات هاكة إلا بقات على هاد لوضع ادير فراسها شي حاجة غي باش تهنى من هاد الإحساس
مراد جايب لكاو حتى هو ولكن شاد فراسو شوية مع مولف : تبتيي فبلاصتك
هزها بين درعاتو حتى وصل للغرفة ..حل لباب ودخلها عاد سدو
جرها لناموسية : نعسي حتى تفيقي على راسك من داكشي لشربتي
ومشا للحمام اغسل وجهو باش افيق واصحصح مزيان. .وداكشي لكان خرج كيمسح فوجهو لكن كيتصدم من منظرها كتقطع فالكسوة على لحمها
وسكتاات كتميل فشفايفها بطريقة مغرية بالنسبة ليه اما هيا غي حيت مأثر عليها داكشي ..باقا تقلية فحركاتها
مراد : رجعي لبلاصتك ولا انمشي نخشيك وسط الدوش ترجعي لوعيك
شروق جراتو لعندها مدورة ايديها على عنقو وداخلة معاه فقبلة شرسة متحكمة فيها غي هيا حتى من ليزار متسوقاتش ليه امتى طاح فالأرض وتعرات ..شافتو ممجاوبش معاها ..هزات ايديه بجوج حاوطات بيهم خصرها ورجعات فتقبيلو كل شفة عطياها حقها. .حتى سخن وتحركات غريزتو وتقلبات الآية صدق هو لمتحكم فالقبل لمتتالية لبداو كيتوزعو فجسمها كامل ..معرفاتش امتى ولا كيفاش كانو وسط لفراش ناسيين راسهم مع لقبلات لجريئة ..
مراد مبقاش صابر عينيه مغمضين معارفش شكايدير ولا طالب كتر ..لمهم احيد هاد لعافية لي فجسمو ..بقاو هاكاك حتى غوتاات شروق بالحريق لولا تحتها والدم لهواد منها ..غيبات فالبلاصة من تأثير لمخدر ولعيا
مراد تلاح حداها وجر لغطا عاطيها بالظهر وناعس مجايب لدنيا خبار ولا اش وقع اصلا مع هو براسو شاد فيه الشراب شوية ..ممفرزش داكشي لكيدير
نبدلو لبلاصة ..
غادة شادة ساكها وكتشوف انا يخت شاعل فيه الضو. .مع بزاف كينين مسطاسيونين فبلايصهم جنب لبحر معرفاتش انا واحد بالضبط ..حتى لمحات الضو جاي من واحد ليخت فالقنت مشات ليه وطلعات بسرعة باغا تسالي هادشي
نطقاات بالغوااات : ساااااجد
شوية حسات باليخت تحرك من بلاصتو ..تخلعات قلبها ولا كيضرب فالمية ..دارت باغا تدخل تقلب لداخل حتى لمحاتو واقف قدامها كيكمي فالكارو
آريا : جيت نعرف الشرط
ساجد : واجدة تعرفيه
آريا بحزم : اه. .كتضيع ليا وقتي قول خلاص
رمى لكارو و قرب لعندها خاشي ايديه فجيابو. .هبط راسو لمستواها مقرب لودنيها ونطق بهمس رجولي حتى بلعاات ريقها : شرطي هو تعطيني حقي لآخر مرة. .راجلك باغي منك لليلة حمرا كيف كاع الأزواج
رجع شاف فعينيها وكمل هدرتو بنفس لهدوء : نيت نحتافلو بعيد ميلادك و طلاقنا هادشي إلا نفدتي الشرط
روحي تحتضر الجزء 12
محتوى القصة
التنقل بين الأجزاء