روحي تحتضر الجزء 15

من تأليف Ikram Pancholi
2020

محتوى القصة

رواية روحي تحتضر

ساجد محافظ على هدوءو : كتهجاي 
آريا بلعات ريقها ونطقات كتداعي لقوة : زوجي لمستقبلي. .مرحبا بيك لعرسنا امسيو آل عمران 
قاطعهم صوت جاي لعندهم : آريا ختك بغاتك 
ساجد تلافت بالعرض لبطيء هاز حواجبو بجوج حتى كتجي عينو فعينين أنيس 
أنيس جمد ليه لما فالركابي : ساجد !!
ساجد بقا واقف بدون حراك كيشوف هادشي لقدامو واش بصح ولا غي كيتخايل ..صدرو شعلات فيه لعافية من لداخل حتى مبقات عندها فين تزيد تحرقو مزال 
رجع شاف فمايكل وآريا هاز حواجبو: شنو كنتي قلتي ؟
آريا قلبها فالمية معرفاتش هاد لهدوء اشنو موراه : قتليك راجلي لمستقبلي 
مايكل مزال مصدوم من هدرة آريا .. ولكن حس بقلبو خفق الا كانت كتعني هاد لهدرة راه ايفرح بزاف 
ساجد هز ايدو لي برزو عروقها مسح بيها على راسو و عاود نطق ببرودة : قلتي راجلك لمستقبلي 
أنيس مبعد منهم مفاهم والو بزاف دالأسئلة كتاكل فراسو 
آريا بغات تنطق قاطعها مايكل : اه هادشي لقالت حبيبتي صحيح ... شكون نتا بعدا لي كتعاود فالسؤال 
ساجد عاود خشا ايديه بجوج فالجيب وحنحن بصوتو ببرودة عاد قرب بخطوة لعندو بدون سابق إنذار نزل عليه بروسية حتى طاح مايكل شاد عينو كيغوت من الألم 
آريا شهقات حاطة إيدها على فمها : ااااشنووو درتيييي 
بغات تحط إيدها على مايكل تنوضو حساتو شدها من شعرها حتى قالت تقلع من الجدر عاد لاحها لبعييد بعجرفة جات طايحة على كرشها 
أنيس خرج عينيه مصدوم بغا امشي لعندها اشوف واش تجرحات وقفو صوت بحال الصخر ..صوت حاااد مع نبرة خشنة : مااااااااتتتتحطططش علييييهاااااا إيييييدككككك الز**** 
سكت كيلهت كشاكشو خارجين ..الدخان خارج من ودنيه وصدرو اينفاجر لدرجة عروق وجهو بانو 
مايكل ستجمع قوتو وجمع لوقفة مخرج عينيه اول مرة شي واحد كيحط عليه ايديه : ششششكوووون نتاااا بربييي غاااديييي تندمممم ...اندمممك حياااتك كاملة 
بغا ازيد اهدر حس بكروشي ساس لييه سنانو قدامو. .جا ادور وجهو لعندو باغي ادافع على راسو حتى كيلقا جسمو جثة تحت صباط ساجد ..كيركل فييه بالمعقول حتى كيحس باللحم تضغط و العظم تهرس فبلاصتو ..كيررركل واسب والعن 
أنيس شاف الوضع كيخلع مشا كيجري باغي اشدو حيت لبقا تحت رجليه ايقتلو فالبلاصة : ساااااجد كااااالمممم .. تهدن اصحبيييي
ساجد دفعو ونزل عليه بكروشي حتى هو : قو****** من قدااامييي الز***** 
ركلو حتى تلاح من حداه ورجع لعند مايكل واخة ولا كلو دمايات مزال مبردات لييه : ااااااشنوووو قلتييي حبيبتيييي؟؟؟؟ 
مايكل ايموت حس براسو هادي هيا النهاية ديالو 
ساجد قاجو من عنقو مزير عليييه ..كيهدر عاض على لحروف : قلتيييي حبيبتيي ياااك ؟؟
مايكل بالخلعة حرك راسو بالإيجاب حتى حس بركلة تاريخية لكروشو الشيء لخلا الدم اطوش من فمو بحال الشتا 
ساجد عاود ركلو لجنبو حتى غيب : عندك الزهر مبغيتش نكرفسك مزال. . انسهل عليك لموت 
جبد من لور دالسروال فردي و وجهو لييه : ساجد آل عمران كيعطيك فرصة تمنى أمنية قبل تموت 
آريا غوتااات اتموت بالخلعة كانت مدرقة وجها يإيدياتها كتشهق كتشوف غي مرة مرة من بين صباعها : سااااااااااجدددد
وقفات ومشات لعندو اتموت بالبكااا : متقتلوووش ..اشنووو باغييي تدوز حياتك فالحبسس
فهاد الأثناء جات سكارليت فاش سمعات الصداع بقات مبلوكية من المنظر لي قدامها بحالي مشهد من شي فيلم رعب كيتمتل أمامها ..شهقات فاش بان ليها أنيس شاد فمو لي كينزف بالدم مشات كتجري لعندو : أأأنييييس 
وصلات لعندو كتقلب فوجهو وهو مكمش عينيه : شكووون دار لييك هادشييي 
أنيس كيهدر بزز : شششش ولا ايتيري فييك حتى نتيي 
سكارليت مصدومة كتشوف فختها واقفة حدا راجل من ملامحو باااين فقمة غضبو : آريااا ختييي !!!
آريا كتبكي بالخلعة : متقتلوووش .. جمع هاد لفرديي راااك قتلتيه بالعصاا 
ساجد ساكت كيفور من لداخل وموجه لفردي لعند مايكل لي مغيب علاين اموت ... من الصباح وهيا كتهدر عند راسو مزال مفهات راسها تبعد منو اقدر اتيري فيها هيا لولا من كمية الحقد لي كينغل فيه دابا 
آريا شافتو باغي اورك على الزناد ..مخداتو من دراعو كتطلب فيه : شوووف فيااا هؤؤءهءؤ خلييييه بعددد منوووو
ساجد تلافت حتى تلاقاو عينيهم ..نطق مركز مع كل حرف : قاليك حبيبتيي 
آريا كتشهق رجليها فشلو عليها بالخلعة : لالاا هؤؤءهءؤ هؤؤءهءؤ 
ساجد مزال كيشوف فعينيها : هو تجرأ وقال حبيبتيييي 
مع كمل هدرتو وهو كيشوف فعينيها لمغرغرين تيرا بالفردي ديالو بلاما افكر فالرصاصة اشمن بلاصة غادي تختارق 
آريا طاحت الأرض مبلوكية ومصدووومة : ااااش درتيييي
أنيس وسكارليت مشاو بجرية لعند مايكل 
ساجد بلاما اشوف فمايكل لي ولا جثة شد آريا من شعرها مزير عليه ايقرعو ليها دابا : اجييي معاياااا نحفظك واااحد الدرس 
آريا كتبكي بهستيرية : بعدددد منيييي هؤؤءهءؤ. .. اشنوووو درت ليييك حتى تعاملنيي هاكة هؤؤءهءؤ 
ساجد زير على شعرها بعصبية :ششششش 
سكتاات معودتهاش معاه 

أنيس مبلوكي : خاص نديوه لمستشفى 
سكارليت بالصدمة بقات غي ساكتة حتى مخدها أنيس : سيري جيبي ليا تيليفوني نسيتو لداخل ..نعلم لمستشفى باش اوجدو كلشي 
سكارليت كتبلع فريقها : على الأقل الرصاصة جات فرجلو 
أنيس تنهد : نجاه الله منو
سكارليت مفاهمة والو : ولكن شكون هادا ..ختي كتطلب فيه وخايفة منو !!
أنيس : الأب ديال أمجاد 
سكارليت حطات ايدها على فمها من الشهقة : اشنووو .. اواااه واش متأكد
أنيس هز راسو باه : هادا هو راجلها السابق 
سكارليت : اوماايكوود 
شافت فمايكل : نارييي رجعوو شروييطة 
أنيس : عندو الزهر مقتلوش ..سيري جيبي ليا تيلي
سكارليت حطات ايدها على خدو : ونتا يكما الضربة كتحرقك 
هز راسو بلا : شوية وصافي 
سكارليت قربات ليه كتمسح الدم من فمو : افففف .. هو لي ضربك يااك
حرك راسو : ولد عمتيي مجعوور
سكارليت : اوااه كيجيك
أنيس : وديري اش قلت ليك خلينا نعتقو هادا لغادي اموت 
سكارليت وقفات : و واااخة .. هاد صعصع عندو الزهر بابا وماما مكاينينش فالقصر ولا كانت ليوم تنوض لقيامة حيت مايكل عندهم عزيز 
أنيس بغيظ : ساليتيي؟
سكارليت وعات على راسها ومشات مرة كتجري مرة كتنقص حيت مزالا مقصحة ..أما أنيس طار بيه للوطو حتى جات عندو سكارليت وتحركو لأقرب مستشفى 

داخل لقصر .. 
خشا لفردي لور دسروال ..وغادي بيها مزير على شعرها : فين جات لكوزينة 
آريا وجها تجخلط بالدموع : هؤؤءهءؤ علااااش هؤؤءه 
ساجد زاد زير : سولت جاااااوبييي 
قفزها حتى وراتو الطريق بإيدها..جرها بلاما انطق حتى وصل لكوزينة لكتستغل جناح كبير من القصر ..غووووت بأعلى صوتوو حتى خواااو لقنت بقا غي هو وياها تمااك 
آريا مزالا كتبكي : لايااش كتفكر 
ساجد طلق شعرها وشدها من دراعها بعجرفة بلاما انطق ..جلسها على واحد لكرسي ومشا شعل لميكرويف ..عاد رجع ليها نترها من داك لجلسة كترعد موقف بيها حتى لفين كاين لجهاز تسناه حتى سخن مزيان عاد نطق ببرودة بحال الثلج : حطي ايديك فوقو 
شهقات مخرجة عينيها : كك كفاااش ؟؟؟!!! .. ساااجد هؤؤءءه حمااقيتييي شنوو كتقول 
ساجد قجها من عنقها : اتحطيهم نتي ولا نحطهم بنفسي؟
حركات راسها بالإيجاب غي باش تستنشق الأكسجين روحها اتخرج دابا 
قفزها : دااااابااا
عصرات عينيها اتموت فبلاصتها من كترة لبكا عينيها ولاو بحال لجمرة : كنكررررهككككك 
كمشات عينيها تمنات لموت فهاد اللحظة ولا هاد لعداب. .حساتو كيلهت حداها بالأعصاب كيتسناها تطلق راسها خلاص ..داكشي علاش هزات ايديها فهستيرية من لبكا ..حطاتهم فوق لميكرويف حتى تسمع صوت الشياط و صرخة كبيييييرة صدرات منها من حر الألم جهناام بنفسو ..إحساس ايديك كيتحرقو قدامك متقدرش تمناه لعدوك 
ساجد كيشوف فيها بدون حراك غواتها محرك فيه والو. .معرفش علاش مشفقش عليها حتى شافها سكتات من لبكا مخليا ايديها كيتحرقو قدامها بلاما تعبر على ألمها ..نترها من تماك كتنخصص وتشهق من لعمق ..طاحت ليه داك الساعة فالأرض دموعها ناشفين غي كتنخصص بصوت احرك الصخر من بلاصتو ..صوتها كيقطع فالقلب ..هبط لعندها هز ايديها بجوج كيشوف فطرحاتهم جلدة طارت من بلاصتها 
رجع هز عينو لعندها : درس لييك باش عمرك تبغي تحطي ايدك على شي راجل من غيري ..واخة تكوني باغا تعاونييه 
فكرها فاللقطة لبغات تعاون مايكل وتنوضو بإيديها داكشي علاش حرقهم ليها 
تنهد تنهيدة طويلة : هاد لمرة غي تحرقو ..لمرة جاية ايتقطعو 
نطق عاض على سنانو : مفهوووم؟
قفزها : مفهوووم ؟؟؟
هزات راسها باه كتنخصص ودموعها دايزين بلا حتى صوت. .حساتو مشا من حداها حتى بقات بوحدها كتشوف فإيديها محروقين و حر الألم كينغل فيها ولكن مغاديش اكون كتر من الألم لي شاعل فقلبها .. تمنااات لموت فهاد اللحظة مكرهاتش توضع حد لحياتها لولا أمجاد كانت وضعاتو شحال هادا ..ستجمعات قوتها و وقفات كتشوف فنقطة وحدة. .تقدمات بخطواتها كتمشى ببطء حتى وصلات لبيتها وسدات عليها بالساروت عاد طاحت لأرض كتغوت ربي لي خلقها من حر الألم. .. احساس اتحرقو ايديك قدام عينيه جهلها ..

"💦 إلا متى اصمد أمام الجبال وكأني جبل مثلها 
ارحموني فروحي تحتضر ...💦"

نرجعو للغابة ..
رهاف قلبها كيضرب فالمية كتحس براسها اتسخف دابا مع كتموت من شي حاجة سميتها لكلاب : ب بيااازيد انموت هؤؤءه 
بيازيد كيحاول افكر بعقلو : متخافيش انا معاك 
روزا كتبكي : ديونيي عند مراااد😭😭 
بيازيد : سسسسكتييي 
قطعات الحس كتنخصص فمصت 
شروق ومراد قربو لنهر 
شروق : ايكونو غي هنا
مراد : بلاتي نصونيي 
بدا كيصوني وحتى واحد مكيجاوب : اجي نقلبو 
هزات راسها باه وتبعاتو حتى قشعات عدد كبير من لكلاب مجموع فبلاصة وحدة : علامن مجموعين هادوك 
مراد تلافت كيشوف لفين مركزة : معرفتش 
شروق شهقات : عنداك اكونو مجموعين عليهم
مراد خرج عينيه : لا ميمكنش
مشا كيجري لعندهم 
شروق : راه اياكلووك ..خاص شي حل 
مراد وقف كينهج خاص افكرو فحل حيت إلا قرب ليهم اياكلوه وخصوصا لكلاب باين فيهم الجوع

شروق وصلات حداه كتنهج بالجرى : مكيبان ليا حتى واحد فالنهر علاش مجموعين !
مراد خطفها من خصرها كلاها مع الشجرة : ششش هدري بالشوية ايسمعوك
شروق قلبها ضرب فالمية من قربو والمسافة لي منعادمة بيناتهم : شش شكادير
مراد ناسي راسو كيفكر غي فشي حل : متأكد كاينين تماك .هاد نوع لكلاب كيشم ريحة بنادم ..اتكون شي فريسة تماك
شروق ترفعات كيهدر وانفاسو كضرب على وجها وعاد ايدو لي على خصرها ..كتحس بمعدتها تنملات عليها. .عتقات لموقف وبعدات عليه كتنعل الشيطان فخاطرها : ويليي شكايوقعلي 
مراد عقلو مع هاد لبلان خاص القالو حل : شييييت 

فقاع النهر ..
رهاف سخفانة بين ايديه تخنقات بسيف باش مزال متحملة غي حيت كيخشي ليها فمها وسط فمو كيعطيها من لهوى لعندو ..أما روزا مولفة على السباحة لابدة حداهم كترعد 
بيازيد دار حركة لرهاف بانه راجع واخة خافت طمأنها بعينيه عاد طلع للفوق قاصد السطح خرج راسو شوية طل بانولو مزال كيقلبو وانبحو عليهم ..فهاد اللحظة قشع مراد وشروق بعاد ...صفر ليهم بفمو ولوح بإيدو عاد رجع غطس فاش بداو لكلاب كيتنابحو بهستيرية ايحماقو إلا مفتارسوهمش 
مراد : شفتييي مجموعين عليهم 
شروق حاطة ايدها على فمها : شنو غانديرو دابا 
مراد جبد بريكة من جيبو 
شروق : كتكمي !!!
مراد مجاوبهاش ..قلب بعينيه على شي غصن شجرة يابس ..لقاه فيساع عاد تضارب معاه كيحاول القا شي طريقة اشعل بيها لعافية فيه ولكن بدون جدوى بحاليلا كيكب لما فالرملة 
شروق جات لعندو : مغاديش اشعل خاص طريقة أخرى 
مراد سب بعصبية وهز راسو قشع كمية لابأس بيها من التبن .. مشا بجرية جابها وشعل فيها لعافية ..هاد لمرة نجحات ليه لخطة سهال عليه اشعل لعافية فالغصن 
شروق فهماتو داكشي علاش مشات جابت غصن آخر شعلاتو : بغيتي تخلع لكلاب ياك
هز راسو باه : اري هادا حتى هو نشدو
شروق : لا بغيت نعاونك
نترو ليها : والا كالوك داك الساعة اشنو ندير 
قلبها مشا وجا من بلاصتو .. عطاتو لغصن ساهية فهدرتو أما هو مرفوع خداه من عندها حتى ولا فكل إيد عندو غصن مشعل فيه لعافية 
قبل امشي شاف فيها : اجي معايا 
تبعاتو بلا كلمة بلا جوج حتى وصلو لواحد الشجرة عالية : طلعي لفوق دهاد الشجرة
شروق : علاش ؟ 
مراد بعصبية : قلت طلعيييي
شروق شافتو كيخنزر بدلاتو نفس النضرات عاد بدات كتسلق حتى طلعات لفوق وجلسات متبتة راسها 
مراد تأكد أنها فأمان عاد مشا جيهت لكلاب راد بالو مع لعافية متطفاش ..غوت بصوت عالي حتى تلافتو عندو ومشاو كيجريو وفمهم محلول ..صدهم بالعافية بحركات حكيمة عارف راسو شكايدير 
غوت باعلى صوتو من جديد : بيااااازييييد خرجوووو من تماااك
بيازيد جاتو موجات خفيفة من شي صوت ..طلع لسطح اتأكد قشع مراد شهق ايقدرو اياكلوه حتى هو. .ولكن خاص انقذ رهاف و روزا ايسخفو ليه دابا ..رجع غطس ركب رهاف على ضهرو وجر روزا بايدو حتى لجنب النهر من داك الجيهة ماشي لفيها مراد ولكلاب ..حطهم كيلهتو عينيهم حمرين 
مسح على راسو ورجع كيسبح فالنهر حتى وصل لطرف لفيه مراد 
مراد شافو : حماقيتي ولاشنووو ..لاش جاااي
بيازيد : سسسكت رااه تالف اصلا.. متكملش عليا 
قلب بعينيه على شي حاجة تعاونهم ولكن والو : شنو بااان لييك نعطيوهم روزا اياكلوها ونهناو
مراد حمر فيه : عندك شي أفكار ديال لخرااا 
بيازيد شداتو الضحكة فهاد الموقف لي ماشي مناسب بتاتا ..تسلت بخطوات تابتة حتى جا لعند مراد خدا من عندو لغصن وبداو بجوج كيخلعو فالكلاب حتى بداو 
كيهربو واحد بواحد 
مراد تنهد : واخيرااا
بيازيد : تسنا نمشي نجيب هادوك ايكونو ماتو
مراد : سير انا غادي نجيب داك لمكلخة
بيازيد مشا كيجري مسمعوش اصلا 
مراد رجع لشجرة لكان قاليها تخبا فيها : يللله هبطيي. .نتحركو من هناا قبل ابان شي حيوان مفترس ابدا بيك نتي لولا
شروق كترعد : منقدرش
مراد هز حاجبو : شنو لي متقدريش
شروق : طلعة ماشي هيا لهبطة انخااف😢
مراد : نقزيي وهنيني ..سربيي مكاينش لوقت 
شروق قرمات فبلاصتها : لا هءؤءهءؤء
مراد تنهد كيمسح على راسو : صافي نقزيي انا غادي نشدك
شروق كتغبن عاد تفكرات راسها كتخاف خخ : كداااب هءءه
مراد بالغوات : شوفيي ادييك لمكلخة متعصبينيش 
شروق : متغوتش عليا 
مراد نطق مع ضحكة صفرا : انسة شروق ممكن تنقزي. .يلله ابنتي الله ارضي عليك 
عاود نطق بالغوات ايلوح حوايجو : واااا لعداااو مع هاد لمكلخة
شروق بغات تنقز ولكن مترددة ..حتى وكلات أمرها لله ونقزات خايفة ميشدهاش ولكن كان لعكس قبطها بين درعاتو حتى تطلق شعرها الأشقر وترما على وجهو الشيء لخلا الرؤية تحجب عليه وفقد توازنو 
شروق غوتات فاش طاحت حتى كتحس براسها مكركبة مع الهضبة هيا وياه 
مراد تحكم فالوزن ديالهم حتى شدو توازنهم ومبقاوش كيتكركبو ..هز عينو كيشوفيها تحت منو يله اينطق سمع شي صوت جاي كيجري لعندهم هز راسو بانت ليه روزا كتكبي حتى وصلات لعندو جراتو من فوق شروق وعنقاتو كتبكي : ههنننن كنت انموت بالخلعة
شروق محملاتش راسها وقفات كتنفض فحوايجها. .كتحاول متشوفش جيهتهم حيت غي غادي تعصب 

دازو ساعات وطاح الليل. .
خاشي راسو فلفابو كينهج. .محاملش لموقف كيكحب الدم من فمو و زايد عليه حتى نيفو كيقطر ..طلق لما غسل مزال معصب. .مزال صدرو كيطلع واهبط من لغليان. .غسل فمو ونيفو عاد خرج كيمسح الدم بفوطة 
فهاد الأثناء تحل باب لغرفة هز حاجبو حتى كتدخل هيا نفسها شكون من غيرها ..طلعها وهبطها كتشوف فيه بملامح ممحية ..نتابه لإيديها ملوية عليهم لفاصمة 
نطق بعد صمت طويل : شنو جاية ديري عندي 
آريا رجعات ايدها موراها وجبدات فردي وجهاتو نيشان ليه مقنصة لجبينو : باش نوضع حد لهادشي
ساجد بتاسم باستهزاء وقلب الدورة زول التيشورط وبقا بصدرو عريان : قتليي شكاتسناي
آريا مقدراتش تحبس الدموع من عينيها : كنكررررهككك ..كره شديد
ساجد غي كيسمع ليها عاطيها بالضهر وشاد جيهت صدرو لحريق كينهش فيه
آريا : خااايف تموت ونتا كتشوف فياا !
ساجد حط لفوطة لكان كيمسح بيها ومشا لعندها : يلله قتلي نشوووف
آريا عاضة على سنانها : انتزوج قدام عينيك عاد نقتلك بااش نرتااح ونوليي نتنفس بحال الناس
بغاات تزيد تهدر حسات بصفعة تلاتية الأبعاد على حنكها حتى عواج : نتييييييييي راااااااااكككك مزالااااا مزوووووجةةة بياااا يعنيييييي رااااك مرااااتيييي ...مرااااات ساااااجد بووووحدو 
شافها طاحت لأرض جاتها الضوخة بسباب الصفعة خلط ليها حنكها وجنب فمها حتى سال الدم كيقطر منها. .مقدرش اتحمل لمشهد عطاها بالضهر مراديش حيت الدم كينزف من نيفووو وفمو بغزارة بحاليلا خويتي عليه سطل 

"💦 ماذا عساي أقول عن الصخر الذي يتضاهر بالجماد و يبتسم أثناء مشاهدته لروح تحتضر ... هل توجد احتمالية أن روحه تحتضر كذلك !!!؟ ..💦"

دقات قلب تتسارع وصمت رهيب. .لو اباحو بالمخفي لن يعود مشهد الدم الداكن. .

واقف عاطيها بالضهر كينهج وفمو سايل بالدم مراضيش تمنى الأرض تنشق وتبلعو ولا هاد لموقف و فهاد اللحظة بذات .. دخل للحمام بخطوات سراع مباغيهاش تشوفو ضعيف مقادر ادير والو ..خشا راسو فالروبيني كيغسل واعاود ..بقا شحال من الزمن عاد حبس الدم من النزيف. .جا فبالو هاد الأعراض جاتو حيت حبس دواه هادا هو الافتراض لستنتجو 
مسح بالفوطة وخرج لعندها كيسطانع لقوة بحاليلا مواقع والو : اتبقاي مكوانسية 
آريا مزالا كتشوف فالأرض ساهية ومصدومة ..مزال داك لهدرة كتدور فراسها ايخرج ليها عقلها من بلاصتو ..هادشي بزاف عليها مبقاتش عندها لقدرة باش تصادع و تهدر وتغوت على حقها عيات من أنها تقولو كنكرهك وهو مكيفهمش عاد مزايد فييه 
ساجد جلس على طرف دالناموسية جبد تيلي كيشوف إلا جاه شي تصال : غدا غادي نرجع بحالي .. مغاديش تبقاي تشوفي وجهي غي نوضي تكعدي من بلاصتك باركة من الدراما 
هزات عينيها لعندو فيساع : و و وا وااش بصح مزالا مزوجيين
ساجد سكت مجوبهاش داير راسو مشغول مع تيلي
آريا جمعات لوقفة كتمسح الدم من جنب فمها. .عاد مشات جلسات حداه كتشوفو بنضرات كلها عتاب وحقد : سولتك جاوبني
ساجد شاف لعندها : شنو بغيتي تعرفيي
آريا دموعها بداو كيسيلو : و وااش بصح انا ونتا. .زعما هؤؤءءه انا راااه مخنوقة دابا انموووت 
ساجد طول فيها الشوفة : هاد الزواج خانقك !!
آريا نطقات عاضة على لحروف وفنفس لوقت كتبكي : انا راه انموت الا بقيت مزوجة بييك 
ساجد شاف قدامو مع ضحكة استهزاء ..رجع خشا راسو فتيلي بقا شحال عاد نطق : بما أنك مباغاش هاد الزواج. . انطلقو وعيشي حياتك داك الساعة 
كمل هدرتو مع حروف كلها ستهزاء : تزوجي بداك ز*** إلا كان باقي عايش بعدا
آريا متنكرش انها تصدمات من هدرتو ..حسات بحناكها طلعات ليهم السخونية ..ولكن تداركات لموقف : إذن مزيان ..انقول لمحامي اوجد لوراق 
ساجد مزال مشغول مع تيلي : الا وجدهم غدا ايكون حسن
حركات راسها بالإيجاب : واخة
بغات تمشي وهو اوقفها : تسناي 
حط تيلي ومشا 
آريا شداها الرعدة .. اتحماق بشخصيتو لمتقلبة : شنو باغي
غبر وشوية تم جاي لعندها فإيدو علبة الاسعافات : جلسيي
آريا : لا مجلساش
ساجد : جلسي ولا غادي تاخدي عصية قبل من نطلقو
جلسات ماشي حيت خافت منو ولكن هاكة جا فبالها أنها خاص تجلس وداكشي لكان جلسات والبكية محبوسة عند طرف شفارها 
ساجد حط علبة الاسعافات لقا تيلي كيصوني هزو قبل تلمح شكون لمتصل : وي 
خرج لشرفة كيهدر متسوقاتش ليه حتى بان ليها تعطل فالمكالمة عاد تلافتت ليه ..فهاد الأثناء دخل من الشرفة مزال كيهدر : صافي الواليدة .. بسلامة 
قطع ومشا جلس حداها ..حط تيلي وقرب ليه علبة الإسعافات 
آريا : شنو ناوي دير
ساجد لا رد
آريا مرضاتش بغات تنوض حيت مجاوبهاش ..حتى كتحسو جلسها بزز عليها فاش جرها من دراعها : هييي بالشوية
ساجد : ششش
بدا كيحل ليها لفاصمة بالشوية بالشوية : كيف جاتك لحرقة 
آريا : ايجي لوقت وتحرق كتر من هاد لحرقة .. ربي كبير 
ساجد حل بوماضة خاصة بالحرق بدا كيدهن ليها فإيدها ليمن : بقاي مفكراها هدية طلاقي ليك
آريا : نتا ماشي طبيعي 
ساجد كمل وداز لايد ليسرى بلاما اجاوبها حتى نطقات بكلمة طيبات ليه بيها قلبو " كنكرهك " زفر و ضغط على لبلاصة لمحروقة
عاد هز عينو لعندها مخنزر : مبغيتش نخسر ليك كمارتك فهاد اللحظة ..ياك مباغانيش وباغا الطلاق غادي نطلقك كتقلبي على شي عصية قوليها نيشان متبقايش كتزوقي ليا فالهدرة
سكتات معوداتش معاه لهدرة خصوصا كيفاش كينطق مورك على لحروف
ولكن كلاها فمها بغات تستافزو من جديد : أنيس مدار ليك والو باش تحط عليه ايديك 
ساجد وقف : متديريش لفاصمة .. هاد البوماضة مكتخليش لطراس تبعيها 
وعطاها بالضهر قاصد لحمام : بغيت نخرج منلقاكش هنا 
قفزها على صوت لباب 
حسات بعينيها غرغرو شوية بدات كتنخصص وتنفخ على ايديها : غي ألم لحريق داكشي علاش كتبكي ا آريا هؤءءه 
جمعات لوقفة ومشات بلاما تسوق لمسدس لجابت معاها ولا حتى لبوماضة لي وصاها باش تبعها على لحرق 
ماشي بزاف باش خرج من لحمام ملقاهاش ..مشا تخشا فبلاصتو كيفكر فهادشي لجاي .. خاص اوضع حد لهاد لمهزلة راسو عمر بتضارب الأفكار ..ولا كيجيه فبالو انه اقدر اكون جالس معليه مابيه ايسكت ليه قلبو. .مخاصش اكون اناني واربط حياتو بشخص آخر واخة معارفش اذ الموت ديالو ايأثر فيه

صبح الصباح بنهار جديد ..
صابحة فايقة بكري كتفكر وتخمم كيفاش ايدوز هاد المؤثمر .. متوثرة خايفة متقدرش تجاوب على أسئلة الصحافة 
خرجاات من فراشها كتكسل قبل تمشي لحمام سمعات ميساج قلبات تيلي لقاتو من عند عمران دخلات ليه داك الساعة قراتو مع ابتسامة كان كيقوليها على موعد اللقاء الصحافي ..تنهداات ورجعات تيلي لبلاصتو عاد مشات لحمام ..خرجات كتفكر توجد ليها اشنو تلبس بعدا باش ملي اوصل لوقت متوحلش فالإختيار 

ليل كامل منعساتش بالتفكير واش هادشي لكدير فيه مزيان ولا غي كتخربق ..تقلبات على الجيهة لخرى كتشوف رهاف ناعسة مجايبة لدنيا خبار. .تنهدات كتمنى هادشي اسالي بسرعة 
رهاف بغات تقلب لجيهة لخرى لمحاتها حالة عينيها : صباح لخير
بدات كتكسل بالعيا : اااايي عيني كيحرقوني حيت مكنعسش مزيان
شروق : هههه نتي كيحرقوك شغانقول انا
سكتات كتنهد
رهاف : ياك لقيتو لحل ..صبري شهر وطلقي 
شروق : نتي مفاهمة والو
غطات راسها بالملاية حابسة لبكيا حتى جرات عليها رهاف لغطا : كتبغييه ؟
شروق سكتاات كتمسح فدموعها مجوباتش 
رهاف : كتبغيه
شروق حركات راسها بلا
رهاف : وعلاش مقلقة و غي حزينة !!
شروق : حيت هءؤءءه ..حيت كنبغييه 
رهاف : كنت عارفة 
تنهداات : ولكن خاص تنسايه اصاحبتي ..هو مبقاش بوحدو
شروق : انا نسيااه 
رهاف باست ليها جبينها : عرفااك قوية .. تايقة فيك مبغيتكش تولي ضعيفة شي نهار
شروق : لوقت كتبدل 
رهاف : اه .. شحال من حاجة تبدلات مبقاش كلشي كيف كان 
شروق جلسات مربعة : نسيت ..شوفي واش لونساو لينا على الإمتحانات 
رهاف تقادت فالجلسة : فكرتيني ..اطط نشوف 
قلبات تيلي ..طالعة هابطة فالسيت ديالهم : واقيلة مزال ملاحو
شروق : لا متأكدة ليوم ..كلشي كيقولها
رجعات كتقلب عاد طلع ليها داكشي : نو ميمكنش
شروق : شنو !!
رهاف هزات عينيها لعندها : نجحت ولكن 
شروق قلبها تفزع : هدري خلعتيني
رهاف : ولكن نتي سقطتي
شروق حسات بسطل دلما تخوا فوق راسها : هههه رهاف واش بصح
رهاف حطات ايدها على فمها بقات مبلوكية شحال عاد طلقاتها بضحكة شيطانية : نجحتيي الساطة
شروق خرجات عينيها : كتمركنييي علياا 
جبدات كلاكيطتها بغات تشير بيها عليها لقاتها طارت : ليوم نعطيك قتلت لعصا
خرجات من لخيمة ممسوقاش لحوايج دالنعاس شورط بالفوقاني ديالو وشعرها مشعكك ..قشعاتها بدات كتجري حفيانة تبعاها ولكلاكيطة فإيدها : انريشك ابنتيي
رهاف عقلها ايخرج بالضحك : عفاااك ههههههههههههه آخر مرة هههههههه
بقات كتخوى عليها وشروق تبعاها بحال لمسطيات كيتجراو حتى فيقو لمخيم كامل. .كلشي خرج كيتطال عليهم ناسيين راسهم بجوج بحوايج النعاس 
شروق وقفات كتنهج مبغاتش تشد ليها. .وهيا تقشع سطل صغير فيه لما هزاتو و ولات تبعاها بييه : ليوم نعومك 
رهاف :ولالالالالالا لمااا لااللالا
شروق حالفة عليها : قلتي لما لا
هزات السطل حتى لفوق و زفات بالما حتى عوم الشخص لغلط ..طاح من ايدها السطل مخلوعة و ايدها على فمها :كحلتها
شافتو وجهو حمار ناوي اتفركع عليها ..ستغربات فاش منطق بوالو لكن فيساع فهمات هاد الصمت ملي هز سطل دلما حداه وتبعها كيجري وهيا كتغوت 
مراد : انرقدك البرهوووشة فبير ..بربييي متوقفي حتى نديرها
وصل عليها فيساع شدها كيسردها بالما وهيا كتركل ليه منظرهم من بعيد بحال شي عشاق عكسهم هما كيتضاربو نايضة عندهم لقتيلة
شروق مرضاتش فزكات كاملة : ااااشنوو درتيي
مراد جرها من شعرها : سيري ستري راسك هو لول راك اتولي فسميتي ومرتيي ..عاد نشوفو علاش عورة خواية عليا سطل دلما على الصباح
عفسات على رجليه ومشات كتشتف : قاليك ستري راسك. .اتبدا تحكم من دابا ونتا مخاطبني حتى لخطبة. .غي سكتيي اشروق راك محتاجة ليه صبري وسكتيي 😑
رهاف كانت كتصور فيهم فيديو ناسية راسها كتضحك حتى حسات بشحطة قاصحة لمؤخرتها غوتات من الألم و دورات وجها فيساع باغا تعرف شكون هادا لتجرأ ودار هاكة ..وجهات صبعها ليه بعصبية : كيفاااااش تجرأتيي
بيازيد : سييري لبسيي قبل نحيد ليه هاد الشورط وحتى لكيلوط ونبدا عليه بالعصا دبصح 
قفزها : سيرييي
تخلعات و مرضاتتش غوت عليها قدام لبنات..مشات عينيها مغرغرين كتشتف برجليها فالأرض حتى وقفها بصوتو : ورجعيي دابا ..بلاما نعاود هدرتيي
جمعات ايدها على شكل قبضة ومشات كتبرد الجنون فداك لقبضة ..دخلات لخيمة لقات شروق مبدلة : تفووووو انوريييه رهاااف ولكن ساكتة غي حيت اقدر احرش صاحبو وميعاوناش ولكن ابلاتيي
شروق : إلا كنتي نتي محلفة انا راه انقتلو 😑
رهاف جبدات ليها لحوايج من لفاليز كتنكر وتغوت بعصبية. .لبسات مستور وخرجات لعندو حتى لفين واقف : شنوو ؟؟؟
بيازيد : هاكة مزيان 
ميلات شفايفها مرضياش حتى جرها : باقة كضرك هاديك 
حناكها تزنكو بحال لكيتشوب ..حدرات راسها مهزاتش عينيها فيه
بيازيد : لحشمة وداكشي هههه
مشاو لواحد لبلاصة خاوية : جلسي ولا كضرك
زفرات وجلسات مكمشة عينيها فعلا مؤخرتها مزال كتوزوز عليها من حر الدقة 
بيازيد : بغيت نهدر معاك فموضوع مراد وصاحبتك 
رهاف مزال مقلقة منو مجوباتوش حتى نطق : بغيتي نعاوند بحالها ..ولا بلاتي نقصحك بشي حاجة خرا 
خرجات عينيها على وسعهم معرفاتش علاش عقلها مشا لداكشي خافت تلومو واصدق هو مقاصدش داك لبلان لطاح فبالها وتشوه قدامو بقات ساكتة بحاليلا مقال والو 
بقاات ساقلة شحال عاد نطقات : شنو هاد لموضوع 
بيازيد : اتخلي عندك روزا هاد الأيام بينما دازت لخطبة والعرس 
رهاف وسعات عينيها : شنو

رهاف وسعات عينيها : شنو ..مستحيل نبقا مع هاديك لحمقة فبلاصة وحدة. ..مستحيييل
بيازيد : راه مراد بنفسو قالي هادشي. .خاص الاهي روزا عليه بينما داز هادشي ..حيت عائلتو مغاديش تدخل ليها لراسها راه مصاحب مع وحدة و باغي اتزوج بوحدة! ! راه ألوجييك 
رهاف تنهدات : وعلاش متسكنش فالأوطيل
بيازيد : صافي سكتي كتهدري بلا فائدة. .انشوف شي حل 
وقف غادي حتى وقفاتو : لا اجي ..اتسكن معانا انا و عائلتي بينما داز هادشي وداك ساعة خاص مراد اتصرف .. وياربيي منقتلهاش فهاد لفترة
بيازيد : هه تقتليها كاع
رهاف شافت فيه مخنزرة ورجعات شافت قدامها كتهدر مع راسها : كيفاش انتحملها هننن
بيازيد : نوضي انمشيو
شافت فيه : فين ؟
بيازيد : اتمشي لداركم
رهاف وقفات : لا مزال مسخيت
بيازيد : انا قلت اتمشي يعني اتمشي ..سخاي ولا متسخايش شغلك هاداك ..سيري جمعي حوايجك وعلمي حتى صاحبتك يله تمشي تقول لواليديها على هاد لمهزلة ديال لخطبة
رهاف : مغاديش نمشي ومسوقكش فيا
بيازيد حمر فيها : بلاما نرجعو لقط والفار شد ليا نقطع ليك ..متخلينيش نتبرهش معاك 
ومشا بلاما اتلفت 
رهاف :ويلييي هادا من نيتوو ..شكون هو بسلامة هادشي بزاف 
جلسات كتغودد : خويا يوسف فاش كان عايش معانا ومكانش كيديرلي هاكة ..يخخخ على بنادم 
رجعات شعرها مور ودنيها بعصبية : مخاصش نفسد على شروق هاد الزواج ..ديري اش قاليك ارهاف بينما داز هادشي😑
وقفات كتغودد عاد توجهات لخيمة تعلم شروق 

فالبرازيل..
جالس فالشرفة لكتطل على لحديقة. .كيكمي وانتر من لكارو مرة مرة عقلو سارح لبعيد كيفكر واعاود افكر. .حتى سمع صوت شي واحد حنحن عرفو هو 
طفا لكارو كإحترام ليه فقط 
دانييل جلس مقابل معاه : قلتي باغي تشوفني
ساجد هز راسو باه : ليوم انرجع لمغرب
دانييل ستغرب : علاش؟ تخاصمتي نتا وآريا !! .. ستسلمتي فيساع؟
ساجد ضحك باستهزاء على لحالة لفيها دابا : بنتك عمرها اتبغيني .. وحتى انا كتفيت ليوم انطلقو وخليها على راحتها متبقاوش تحكرو عليها فالموضوع ..إلا جات شي مرة وقاتليكم باغا نتزوج فرحو ليها .. خاصها تنسا هاد لماضي 
دانييل تنهد مبقاش عاجبو لحال على هاد لوضع بالمرة تفكر نهار جات لعندهم قاتليهم متقولوش للضيف راه أمجاد ولدي وحتى هما طمأنوها بالإيجاب كيمثلو انهم مفراسهمش ساجد راه راجلها ..فضلو تجي هيا براسها وتقول ليهم كلشي
ساجد شاف فساعتو ليدوية معصب باينة من ملامحو : فين تعطلات
دانييل : شكون
ساجد : من صباح جالس هنا كنتسنا بنتك تبان ..مبانتش قاتلي اتجيب وراق طلاق صباح
دانييل زفر و وقف : انا انهدر معاها
ساجد : لا متجبدش عليها هاد لموضوع
ليندا جات لعندهم : مالكم
دانييل بعصبية : بنتك ولات غي كتخربق .. راجلها باغي ارجعها ليه وهيا رافضة
ليندا : ولكن الا مكانتش باغا نبززو عليها 
دانييل سكت كيمسح على راسو : مشاكيل
ساجد محملش راسو : انطلقو وكلا اشد طريقو ..متعقدوش الأمور 
ليندا جلسات كتفكر فأمجاد .. معرفاتش بنتها منين جابت هاد لقلب واخة كتكرهو خاص تعلمو بالولد من حقو اعرف
ساجد جمع لوقفة : انا طالع نشوفها
دانييل : تقدر تكون خارجة
ساجد هز راسو بلا : متأكد غي هنا 
ومشا طالع لعندها
دانييل جلس : بنتك اتندم عليه وهاني كنعلمك ..نهار تجي تبكي علينا انوريها وجهي لخايب داك الساعة 
ليندا تنهدات : مبقيت فاهمة والو .. تلفت والله 
دانييل : ساجد ايحطها فعينيه الا بغاتو
ليندا : ولكن علاما فهمت هيا كتكرهو
دانييل : معرفتش .. دخت فهاد اللحظة
مسح على راسو معصب

نرجعو لمغرب .
غادة جاية بكعبها لعالي قدام لقصر كتسناه اجي اوصلها مبغاتش تخسر ليه حيت هو لي فرحها بهاد لخبار الزوينة كتبان سو كيوت بلباس شبه انيق ..فضلات ساية قصيرة مع تيشورط مخشي فيها وفوقو جاكيط جينز لونها غامق ..اما شعرها خلاتو على راحتو مع ميكاب مناسب واكيد بوشيط انيق.. كتبان كتشبه لكوريين مع اصلا عندها فورمتهم إلا حطيتيها وسطهم اتغالط ليك خخ 
بتاسمات فاش لمحات لوطو دبيازيد وقفات ونزل جاي لعندها : هاي هاي على باربيي ..فين غادة 
ذهب : قلع شنو
بيازيد وصل لعندها باس جبينها : شنو
ذهب بعدات كتشوف فيه باش تعبر على فرحتها بايديها : عندي لقاء صحافي من هنا لساعة
بيازيد : وايلي !! ههه..علاش يكما دايرة شي فضيحة 
ضرباتو لصدرو : اناريي ..راه كتابي لي صدرت جا هو تاني فالمبيعات
بيازيد فرح ليها : اوااه.. مبروووك 
عاود باس جبينها : يكما تبغي نمشي معاك؟ 
ذهب : لا بلاما نعدبك ..ايجي عمران اوصلني مبغيتش نخسر ليه 
بيازيد : لبغيتي 
سكت ورجع نطق : معرفتش علاش حاس بيك ممرتاحاش فهاد لعلاقة
ذهب كتحاول تخبي توثرها من السؤال : لا بالعكس 
صغر عينيه فيها : انا راه خوك وكنحس بيك ..وخير مثال ممتحمساش ولا كتفكري امتى ديرو لعقد 
ذهب : لا كنفكر ..غي
بيازيد : ساجد راه راجع ليوم الا كنتي كتفكري على قبلو 
ذهب : بصح؟ ..متأكد 
بيازيد هز راسو باه : هدر معايا لبارح

ذهب : هو لباس عليه ؟ ممريضش؟ فين سافر بعدا 
بيازيد : هاد الأسئلة كاملة وليتي بحال لواليدة 
ذهب : جاوب😢
بيازيد : معرفتش مهدرش بزااف ومقاليش فينو دابا. .قالي ايرجع وصافي
هزات راسها باه زعما فهمات : عمران كيصوني ايكون فالطريق
بيازيد باس جبينها عاد دخل للقصر : جاوبي شكاتسناي 
ذهب : واخة
جوبات : وي عمران ..انا كنتسنا فيك ..صافي واجدة خاص غي توصلني الا كنتي اتعطل علمني 
قطعات وخشات تيلي فالجيب مع هزات راسها لقات لوطو ديالو سطاسيوناا بدات كتضحك حاطة ايدها على فمها : حشومة عليك كتضحك عليا هههههه 
عمران جاي لعندها كيضحك وصل و زعم باسها على خدها وايدها : توحشتك 
تصمرات فبلاصتها أول مرة ايبوسها على خدها. .حسات بحناكها ايطرطقو متوقعتهاش منو حتى حسات بيه جرها من خصرها غادي بيها ركبها لقدام عاد ساد لباب ودار لجيهتو ركب وكسيرا 
عمران : اوا حبيبتي ولات كاتبة مشهورة ..خاص ناخد موعد الا بغيت توقيعها امكن هه
ذهب بغات تبين الأمور طبيعية : هههه لا لا نتا بوحدك 
عمران تلافت لعندها شد ايدها باسها : حيت انكون شريك حياتك
هزات راسها كتصطانع الإبتسامة ..حاولات تزول ايديها بلاما تخليه احس انها ممرتاحاش ..طول الطريق عم الصمت حتى وصلو للمكان ..نزلات بلاما تسناه احل ليها لباب 
عمران جا لعندها شدها من خصرها ودخلو : علاش هبطتي كانت باغي نحل ليك لباب بنفسي
ذهب : موقع والو .. بلاش منعدبك
عمران : عذابك راحة
كتفات بابتسامة لبقة وكملو طريقهم 
ذهب : منقدرش نبقا بوحدي بقا معايا
عمران وقفها : خاصك تزعمي ..جلسي انا انكون مقابل معاك ..تفكري راه كاين انا و مغاديش تخافي
هزات راسها باه مع تنهيدة طويلة : انحاول 
باسها على جبينها عاد دخلو للقاعة تحت نضرات بعد الصحفيين كيلتاقطو الصور ..كانو مزال موصلوش شي صحفيين من وكلات مختالفة ..جلسها عمران فبلاصتها كيطمأن فيها بعينيه عاد مشا جلس بين الصحفيين. .شوية بشوية بدات كتعمر لقاعة ولهدرة كتكتر ..وحتى بعد النقاد دخلو جلسو حدا ذهب من بعد ما سلمو عليها كانو جوج نقاد بالحساب 
ذهب توترات لقاعة عمرات بالصحفيين ..تخلعات هاد لعدد كامل ايسولها حسات بالرجفة ممولفاش تكون جريئة ولكن هادا حلم الطفولة خاص تقوي راسها و تستاغل لفرصة ..
بدا أول صحفي بسؤال جريئ : انسة ذهب آل عمران. . واش بصح نتي لي كتبتي لكتاب لي حقق تاني أعلى نسبة فالمبيعات 
ذهب تصدماات من سؤالو : اه اكيد انا
الصحفي : زعما دوك الأحداث والأفكار ممقتابسهمش من كتاب شي واحد مشهور 
ذهب تزنكات حسات بالإهانة معرفاش ان الصحفيين هادي هيا طريقتهم الاستفزازية باش كيطرحو الأسئلة ..حولات تبان طبيعية وممتوتراش : لا داك لكتاب كتبتو بكل حب ..كتبتو وانا كنتمعن كل سطر منو حاولت نبعد على لمؤلوف ونخلق شي حاجة جديدة ولحمدلله داكشي لبغيت وصلت ليه ..ماشي انقول انا مكاينش بحالي ولكن حسيت بان بصمتي فهاد المجال اتطور وتعطي نجاحات كثيرة 
صحفي 2 : هدري لينا على لكتاب ديالك. .. واش بصح لكتاب فالقصص ديالهم كتكون شي حاجة واقعية من حياتهم
بتاسمات : اه .. بعد لمرات لكاتب كيدخل شيء من لواقع ديالو فالقصة.. واقدر بعد لمرات كيكون هو بطل ديك لقصة غي ممعتارفش بيها للقرآء
صحفي 2 : اذن نتي هيا بطلة هاد لقصة 
ذهب : هههه لا اكيد لا ..نهار انكون بطلة فالقصص لي كنكتب انقولها علاش لا ..معنديش تحسس ابدا من هاد لموضوع
صحفية : انسة ذهب واش معندكش معلومات على لكاتب الصاعد لي طلع فالطوندوس 
ذهب : بصارحة معندي حتى معلومة ولكن الا جات لفرصة وتعرفت على هاد لكاتب ايحصلي الشرف 
صحفية : وليوم حاضر معانا ..تبغي تعرفي عليه 
ذهب : هههه شغانقول مرحبا ..نتعرف عليه 
صحفية دارت اشارة لحارس الأمن لي واقف قدام لقاعة باش اعلمو ادخل وداكشي لكان 
ذهب شافت جيهت عمران كترجف كتشوف فيه بعينيها بحاليلا كتقوليه كيف جيت ..جاوبها بعينيه حتى بتاسمات ..سمعات شي خطاوي كيقربو لعندها تلافتت بعفوية باغا تعرف على هاد الشخص ..بقات كتشوف بنضرة عادية لهاد لكاتب ..متنكرش انه عجبها لباسو قمة الأناقة والشياكة سروال بالشوميزة ديالو عرفاتو ايكون كيحماق على لكلاص 
صحفية : مسيو يوسف ..خود لمكان ديالك باش نسولوك حتى نتا
يوسف جر ليه لكرسي كيشوف فيها بنص عين. .جلس داير رجل على رجل عاد تلافت لعندها : نتي هي الآنسة ذهب 
ذهب تلافتت حتى جات عينيها فعينيه راودها إحساس فشكل ..وعات على راسها وجوباتو : اه ونتا هو يوسف وان 
يوسف : الا بغيتي
ذهب : ههههه مشرفين
ودارت شافت قدامها تحت تخنزيرات عمران 
يوسف قلبو كيضرب فالمية ايخرج من بلاصتو ..لغليان شاعل فالداخل ديالو قلبو كيتحرق واخيرا جات عينيه فعينيها رجعات كتشوف النور والضوء ..رجعات شافتو بحاليلا شخص عادي عمرها عرفاتو ..من ملامحها باين كأنها عمرها شمات عطرو ..فعلا تغير لباسو وعطرو و طريقة هدرتو ولكن هيا خاص تعرفو واخة اوقع لي اوقع. .كره هاد اللحظة الخناجر كيدقولو فقلبو احساس صعيب بزاف 

ضربات لفران حدا دارهم تبخات ليها راسها بالهدرة كلا شوية كتصور كلا دقيقة 
تلافتت عندها : وناري معيتيش
روزا شافت لعندها : وااو هاد لبلاصة زوينة بزاااف😍
رهاف حلات لباب ونزلات : نزليي 😒
نزلات روزا كتصور فالديور والشراجم خخخ. .البنت كتموت على شي حاجة سميتها التصاور حتى جراتها رهاف عاد دقات على مها 
روزا تفكرات مراد بدات كتغبن : ومراد مغاديش اجي 
رهاف كتحاول تكون هادئة معاها : ياك قاليك عندو شي شغال ايساليهم وايجي ليك
روزا حركات راسها بالإيجاب : انتوحشو 😢
رهاف : شي أيام وايكون معاه ..ايعجبك لحال هنا غا تكلماي راك اتجعريني بداك لمشقوف عندك 
تحل لباب كانت مليكة ..فرحات فاش لقات رهاف لكدق. .عنقاتها عاد نتابهت لروزا كتطلع وتهبط فلباسها 
رهاف فهماتها : ماما هادي روزا تعرفت عليها فالمخيم. ..و راه كاورية بغيت نعرفها على تقاليد للمغرب فرحات بزاف حيت اتجي معايا
مليكة : اهااه مرحبا مرحبا
تكحازات خلاتهم ادخلو 
رهاف خاطبت روزا : اجي نوريك فين اتنعسي 
روزا هزات راسها باه : هادشي واااعر كيحمق
مليكة : تبركالله واعرة 
رهاف عارفة مها لكور واخة اكونو كيخلعو كيعجبوها حيت كور خخ : اوا تهلاي فيها اماما
طلعات جارة موراها روزا اتطيب ليها قلبها من دابا. .تنهدات ودخلات لبيت : هنا فين اتنعسي
روزا : واااو زويين واخة صغير ولكن كيبان بحال داكشي دالثرات
رهاف : كتعايري فيا دابا 
روزا : نووو وااي
رهاف بغيظ : هادا بيتي انا ويااك ..حتى احن مولانا 
روزا حلات عينيها بالصدمة : شنوو 
رهاف : اه كيف سمعتي
مليكة كدق فالباب : رهاف ويلي نسيت حليي لباب 
رهاف حلات مخلوعة : مالك اماما كتويلي
مليكة : نسيت مقتليك ..خوك راه رجع لمغرب وبات معانا لبارح
رهاف تبلوكات بالصدمة والفرحة مزال ممستوعبة : حلفي اماما .. ميمكنش خويا رجع
تلاحت عليها عنقاتها اتموت بالفرحة عاد بعدات عليها : ولكن فينو دابا ؟
مليكة : قالي عندي شي شغال وايرجع
رهاف : صافي مزيان ...وعرفتي
مليكة : شنو
رجعات عنقاتها اتطير بالفرحة : نجحت هههههه. .صافي بنتك ولات مهندسة
مليكة زغزتاات حتى تصمكو فودنيهم ..روزا عجبها لحال بدات كتصفق هادشي غريب عليها 
رهاف : وبهاد لمناسبة انبدل ونهبط لكوزينة نطيب لحلويات خويا رجع خاص نتهلا فيه 
مليكة : واخة ابنتي سيري الله اسهل عليك فشي خدمة وراجل 
رهاف تنزكاات : اويلي اماما
دخلات لبيت كتلاهي راسها مع لحوايج حتى هبطات مليكة حشمات قدامها ..معرفتش داك لحشمة منين نزلات عليها 

نرجعو لبرازيل ..
خدا وقتو فالغرفة لي ستاقر فيها هاد ليومين. . ستجمع قوتو وخرج قاصد غرفتها لقا لباب مردود شوية بغا ادخل وهو اوقف فآخر لحظة فاش سمع لهدرة 
سكارليت جالسة حدا أمجاد فوق الناموسية : علاش كتبكي مفهمتش ..جاوبيني اختي من صباح وانا كنسول فيك
أنيس تنهد كان جالس فوق لكنباي : لحمدلله بعدا عتقنا هاداك مايكل كان ايموت
سكارليت : اه داك راجلك مجعور
آريا زادت فوثيرة دلبكا حاطة راسها على زاج الشرفة كتنخصص 
أنيس وقف ومشا لعندها تحت عينين سكارليت كتحاول تشوف واش داك الاعجاب مزال كاين فعينيه : قولي لينا علاش كتبكي
هزات ايديها مضمضاهم بالفاصمة : غي لحريق
سكارليت : سولتك مليون مرة كفاش تحرقتي مجاوبتيش 
آريا كتمسح فدموعها : ماشي شي حاجة 
أنيس : نتي مبكياك شي حاجة خرا ماشي لحريق 
آريا بعدات عليه ومشات لكوافوز هزات وراق الطلاق لي جهز لمحامي : سكارليت حضي معاك أمجاد 
ساجد ستغرب من الطريقة لي قالت بيها حضي معاك أمجاد بحاليلا سكارليت ماشي الأم ديالو هادشي لفهم فهاد اللحظة .شي حاجة ماشي حتى لهيه باغي افهمها
أنيس : شنو هاد لوراق
آريا تفركعات عليهم : صااااافيييي باااركة من صبااااح ونتوما كتسولو فياا ..صافييي عيييت انا 
بداات كتهز فالوراق توريهم : هادو وراق طلاقيي .. هادشي لباغين تعرفو راه عرفتوووه 
أنيس مصدوم من منضرها كتهدر وهيا كترجف وعينيها محبسوش من لبكا : اريا تهدني .. ياك نتي محملاهش صافي هاهو اطلقي منو
آريا نطقات عاضة على سنانها : اااااه كنككككرهووووو
أمجاد تخلع وبدا كيبكي حتى دموعو سالو 
سكارليت بغات تسكتو و والو
أنيس مشا خداه من عند سكارليت وعطاه ليها :ولدك خلعتييه ..سكتيه بعداا
آريا حطات جبينها على جبين أمجاد كتبكي : سمح ليا احبيبي و ولدي لغزال .خلعتك هءءءهء
قفزاات على صوت لباب لي تردخ ..دورات عينيها مرعوبة وجها صفار وتخطف منو اللون فاش شافتو قدام عينيها : س س ساااجد !!! ..!!
ساجد قرب لعندها مخرج عينيه فيها كانو حمرين بحال جغمة الدم ..واش بصح هادشي لسمع ولا غي كيتخايل قرب بخطوات تقال جامع ايديه بجوج على شكل قبضة كيبرد فيهم عصبيتو ..حتى تقابل معاها عينيه فعينيها ومرة مرة كيهبط عينو لعند أمجاد 
نطق ببرودة بحال الثلج عكس نارو لي شعلات لداخل : شكون بااه ؟؟؟
خرجاات عينيها من سؤالو : شش شنوو !! 
ساجد هبط عينو لعند أمجاد : ولدي؟
آريا باستهزاء نطقات ودموعها كيقطرو فالأرض :كيفاش كتجرأ و تسولني هاد السؤال .. منسمحش ليك تشك فشرفي لخديتيه 
قفزها حتى بدا كيبكي أمجاد : واااااااش ولدي ومخبياااه علياااا؟؟؟؟
سكت كيلهت ايتفركع دابا
آريا : ساجد سمعني 
عاود قفزها ملي رفع نبرة دصوتو كتر من لول : سوووولتك جاااوبيي بلاما نغلط فييك 
آريا كتشوف فأمجاد وكترجع تهز عينيها لعندو تخلطو عليها خافت من داكشي لجاي ..شافتو مخرج عينيه لحومر فيها مشعراتش براسها امتى نطقات : اااه ولدك 
وسكتاات مهبطة راسها عند أمجاد حاطة فمها على جبينو وكتبكي 
ساجد حس بدمو كيغلي ..نطق ببرودة عكس داك لبركان لي فالداخل ديالو : خرجووووو 
أنيس شاف فسكارليت وجرها معاه حتى خرجو على برى وسدو موراهم لباب خلاوهم بوحدهم
ساجد تسنا لباب حتى تسد عاد ركز على عينيها...كيشتت شوفاتو بينها و بين أمجاد ..فالاخير خداه من عندها إحساس جديد راودو ..مزال ممستوعب واش هادا لبين ايديه ولدو من شحمو ودمو وهو مفراسو والو! .. كيحس بعقلو ايحماق .حاول اتكالما باش ميخلعوش وخصوصا كيشوفو كيدور فعينيه وابجغط بصوتو عاجبو لحال. . بتاسم وهو متبع حركاتو. تنهد بعمق شديد عاد هبط لجبينو باسو بحب الأب للولدو ورجع كيشوف فييه كيحاول ادخل لراسو راه ولا اب 
سرعان متفكر لبلان ..مشا داك ساعة حط أمجاد فبلاصتو العب ورجع عند آريا شدها من معصمها ومشا بيها للحمام ..دخلها بعجرفة وسد لباب باش أمجاد ميسمعش غواتهم واتخلع
آريا قلبها ولا كيضرب فالمية : ساااجد شوووف 
قبل تكملها نزل عليها بصفعة ثلاتية الأبعاد دوخاتها حتى كانت اتفقد توازنها ..يله اتطيح شدها غارس ضفارو على دراعها ..نطق مركز مع كلا حرف وهو عاض على سنانو : شنو ذنبي حتى كتخبي عليا ولدي ؟؟
آريا ملقات حتى حل من غير لبكا هيا راجعة باللور وهو تابعها حتى تكلات مع لحيط 
ساجد ضرب على صدرو بقوة : شنووو لحق لي كيقوليييك تخبي على الأب ولدوووو ؟؟ .. هدرتيي هادشي لكنتستاهل
آريا نطقات بصوت منغنغ كتمسح دموعها من لبكا : كنت محتاجاك ولكن نتا شنو درتييي ؟؟ ..قطعتييي فوجهيي كنت باغا نقوليك راه حاملة بولدك
قبل تزيد تهدر قاطعها بصغعة أخرى متوقتعهاش منو
ساجد كيشوف فيها بحقد دمو كيغلي مزال ممستوعب هادشي كامل خرج منها : مكنتش كنظن غادي تنزلي لهاد لمستوى وتبداي تألفييي فالقصص 
بغاات تهدر قاطعها بصوتو لخشن : بااااركة من لكذوووب
مسحات دموعها لي جخلطو وجها كانو عينيها بحال جغمة دم بسبابهم ..ورجعات شعرها موراها عاد حاولات تمالك رجفاتها وتعلات على طرف صباعها شدات ليه وجهو بين ايديها : كنحلف لييك مكنكدبش 
بغا ادفعها نزلات على شفايفو لي سنين مذاقتهم ..هيا براسها معرفاش شنو كدير تابعة احساسها فقط قاليها راسها هاكة ايبرد ..كانت هيا لي متحكمة فالقبلة وغارقة وسط رحيقو حتى كتحس براسها تدفشات وجات مزدوحة على لحيط. . لدرجة ضهرها قالت ايكون مقسوم 
ساجد بنفرزة وحدة وجه صبعو ليها : ااااخرررر مرة تقربي ليااا كتسمعييي
شافت فيه بعينيها الدامعين بلاما تنطق 
ساجد قرب حتى لعندها وشدها من شعرها غارس صباعو فيه خلاها بزز عليها تشوف فوجهو و نضراتو لي عامرة كلها حقد : امتى وقع هادشي 
عرفاتو كيقصد لحمالة 
ساجد هز حاجبو : فاش طحتي من دروج كنتي جهدتي. .يعني آخر ليلا لينا !
آريا هزات راسها بلا : انا مجهدتش
ساجد تصمر فبلاصتو : كيفاش مجهدتيش
آريا : اااه هادشي لكاين ..أمجاد عندو عام و خمس شهور انا مجهدتش
ساجد كيدورها فراسو مفهم والو ..مزال لحد الآن كيتفكر كلام الطبيب بأنها جهدات ..مسح على راسو حتى اشوف هاد لبلان ورجع تفكر وجودها فاش جات عينو فعينيها. .طول فيها شوفة ونطق بصوت كلو عتاب : هاد لوقت كامل ونتي عندك ولد منييي ومفراسي والو؟ .. ذنبي حيت جبتك لداري و وسط عائلتي ؟ ولا ذنبي حيت خرجت فيك باللوطو ؟ ولا ذنبييي حيت غتاااااصبت ؟؟
قفزها : هدرييييي
آريا حادرة راسها كتنخصص واخة كتوجع مرة مرة فاش كيزير ليها على شعرها 
ساجد : وااش هادشي لي كنتستاهل حيييت بغيييتك 
علات راسها فيه على اتر كلامو واش هادا ساجد لي كيهدر 
ساجد رجع كيكمل فهدرتو : ولكن دابا كلشييي مااات وليتي نكرة بالنسبة ليا .. عمرك اتبقاااي تصادفي وجهي لي كيفكرك فالماضي ..بصحتك ربحتي ساجد آل عمران 
دفشها حتى تأوهات بصوت مرتافع كتبكي 
ساجد مخسر ملامح وجهو : ياك باغا طلاق غادي تطلقي 
وخرج زادح باب لحمام موراه ..آريا وعات على داكشي لي داير بيها وخرجات تبعاه كتجري حتى كتلقاه هاز أمجاد فايدو وخارج
عينيها تبلوكاااو : سااااجد
ساجد معلابالوش خرج من بيتها وكمل طريقو على الدروج نازل للتحت
آريا كتعتر موراه : ساااجد فين غادي بولدييي ..ساااااجد رجعلي ولديييي متحرمنيش منووو
ساجد ودنو كيصفرو عليه وقلبو كيزيد امرض مكيسمع والو من هدرتها ولا بكاها لي ختارق جدران للقصر 
لتحت ..

كانو جالسين حتى كيسمعو لغوات ولبكا كاسر دنيا 
شوية كيبان ليهم ساجد جاي فايدو أمجاد واريا موراه كتبكي باغا تشد فيه وهو كينترها تبعد منو 
دانييل وقف مصدوم بعدما كان جالس : شنوو واااقع 
ساجد واصلة بييه لعظم ممسوق لحتى واحد لي عارف هو اخرج من هنا بولدو وميعاودش ارجع 
آريا عرضاتو بايديها كتشهق : إلا خديتييي ليا ولدي رااك كتحكم عليا بالموت. .عطيني ولدييي اساجد 
أمجاد رجع كيبكي حتى هو خلعو لموقف ولغوات ديالهم
ساجد ضربها ليها بتخنزيرة ودور وجهو شاف فدانييل : بنتك طلاقها ايوصلها
ليندا مبلوكية كتشوف بنتها اتحماق بالبكا كلها كترجف شافتو غادي وهيا تنطق : ماشي من حقك تحرم أم من ولدهاا 
ساجد وقف بعدما كان غادي ..نطق عاطيها بالضهر : حتى هيا ماشي من حقها تخبي عليا ولدي لي من لحمي ودمييي 
بغا ازيد امشي وهو اوقفو دانييل : سااجد راك بعقلك. .شوف كيفاش اتحماق خاص شي حل 
ساجد سكت شحال فالاخير تنهد ونطق : أمجاد ايعيش مع باه بغات ولدها تبعو كأم لا غير هادي آخر هدرة عندي 
وخرج بلاما اتسوق لنداءاتهم 
آريا مقدراتش تصبر مشات كتجري موراه شافتو ايركب لوطو وهيا توقفو : سااااجد
وقف عاطيها بالضهر حتى وصلات عليه. .نطقات كلها كترجف : صافييي انمشيي معااك 
وسكتات كتبكي
ساجد ببرودة : طلعيي
آريا كترجف :يلله عطيني أمجاد 
مدو ليها وحل باب لوطو حتى ركبات وسد موراهم عاد دار لجيهة لخرى فيساع كسيرا حتى تسمع تكشاط روايد فالأرض. .

فالجيهة لخرى ..
بعد نهاية هاد اللقاء الصحفي تنهدات براحة و وقفات : مسيو يوسف تشرفت بمعرفتك 
يوسف وقف حتى هو : شرف ليا 
قاطعهم واحد من النقاد : كان لقاء زوييين 
فهاد الأثناء وقف عمران حاوط ذهب من خصرها حتى ستغربات من طريقة كيفاش حاوطها
يوسف جمع ايدو على شكل قبضة مخلي الأمور هادئة قبل ميفقد السيطرة وميتحكمش فراسو 
نضاف لييهم شخص آخر كان مراقبهم من بعيد : تبركالله على لكتاب ديالنا 
ذهب شداتها الضحكة من طريقة كيفاش هدر بالعربية عرفاتو ماشي مغريبي 
يوسف شاف فيها : هادا مسيو تجاك مخرج عالمي وامريكي ..كيجي لمغرب فالعطل داكشي علاش لهدرة عندو مزال معكلة
ذهب : وااو كتعرفو
يوسف : اه 
وشاف فتجاك : نورتينا هاد النهار 
عمران : احم ذهب يلله نمشيو 
تجاك : واضح انه خطيبك باغيك تمشيو
ذهب : هههه لا لا
شافت فعمران : ياك اعمران
عمران جمع ايدو على شكل قبضة 
تجاك : نجيكم من لخر ..مكرهتش تجمعو ليا فيلم واحد كأبطال
يوسف : انا معنديش مشكيل ..سول الآنسة ذهب 
ذهب : هههه شنو زعما ممتلة ..نووو منقدرش مكنعرفش
تجاك : انا مخرج وقديم فالدومين اي واحد انشوفو كنعرفو واش موهوب ولا لا و نتي موهوبة هادشي واضح 
عمران زير على خصرها : ذهب يللله
ذهب عصبها : اوكي انفكر ..واخة لفكرة جديدة عليا
تجاك : اذن عطيني نمرتك باش نتاصل بيك ونقوليك امتى تجي للوكالة
ذهب بدات كتملي عليه و فهاد الأثناء يوسف كيحفظ الرقم فراسو : نخليكم دابا 
وخرجات سابقة عمران معصبة من الاحراج لي دار ليها 
خرجات على برى وتلافتت لعندو : شداكشي درتي اعمران
عمران : علاش قبلتي تمتلي
ذهب: هادشي حياتي كنظن مكيخصكش 
عمران جمع ايدو على شكل قبضة كيتملك اعصابو : صافي طلعي نوصلك
ذهب طلعات بلاما تهدر معاه ..تعصبات دبصح 

جا الليل ..

كانو جالسين على طابلة لعشا كياكلو واتعاودو بيناتهم 
ذهب : مقلتوش ليا كيف جيتكم فاللقاء الصحفي 
بيازيد طبطب على ضهرها حتى تقصحات : هييي نتاا. .ماما قوليه ابعد مني
بيازيد كيهدر وانضغ فمو عامر بالماكلة : جيتي بحال شي مونيكة
نعمان :هههههه بعد ليا من لكاتبة ديالنا دابا اتولي مشهورة خاص ناخدو موعد باش تعطينا توقيعها
ذهب : ههه بابا ماشي حتى لديك درجة 
كلثوم ساهية حتى كتحس بشي واحد طبطب على ايدها فاش هزات عينيها لقاتها ذهب : ماما مالك 
كلثوم تنهدات وخاطبت بيازيد : متأكد قاليك جاي
بيازيد : داكشي لقال ليا ..هو وكانتو ولا عندو عادي اغبر غا تأقلمو
جاكين كتسمع لهدرتو مفهماتش شنو قصد ولكن من شوفاتهم عرفاتهم كيهدرو على ساجد 
نعمان بغا ابدل لموضوع : انشالله غادي اكون بيناتنا فالقريب لعاجل .. 
شاف فجاكين ونطق بالإنجليزية : انسة جاكلين مكليتي والو 
جاكلين بتاسمات : لا كناكل ..بصراحة لعشا لذيذ 
وسكتاات كتفكر فساجد امتى ايوصل 
شوية قاطع هدوءهم صوت لخدامة : مدام كلثوم 
كلثوم دورات وجها : نعام
لخدامة : مسيو ساجد راه وصل 
كلثوم وقفات فرحانة : بصصح !!
لخدامة هزات راسها باه ومشات
نعمان : قوليه اجي اتعشا معانا
كلثوم بالفرحة مسمعاتش كلامو متفرزوش ليها لحروف. .مشات طيرا تلاقاليه 
جاكلين فهمات ان ساجد وصل مقدراتش تسنا كتر وقفات داك ساعة وتبعات كلثوم خلاتهم غا كيشوفو 
ذهب خاطبت بيازيد : معرفتش علاش كنحس باهتمام جاكلين ماشي عادي
بيازيد : طايحة فيه داكشي علاش ههههههه
ذهب حابسة ضحكة : ههههه سكت
نعمان : احياني عليكم نتوما بجوج 
وسكتو كيضحكو ..

كلثوم قاصدة جيهت لباب كلما قربات كتسمع صوت بب صغير كيبكي ..ستغربات وكملات طريقها حتى كيبان ليها ساجد داخل مع لباب وفإيدو ولد صغير شهب و بيض ملامحو كيحمقو 
قربات لعندو : ساجد ولدي لحبيب 
عنقاتو من كتفو وبعدات حتى كتحس بقبلة على جبينها. .قبلة احترام ومودة 
كلثوم مبتاسمة : توحشتك بزااف 
ساجد : حتى انا .. و هاد لمرة مجيتش بوحدي
كلثوم عرفاتو قصد لولد صغير ..اصلا كانت اتسولو دابا شكون هو
ساجد : مبغيتيش تعرفيي شكون
كلثوم نطقات وملامح وجها كلها كتوحي لاستغراب : هه داكشي لكنت باغا نسولك ..شكوون ؟؟
ساجد باس أمجاد على جبينو : حفييدك 
كلثوم مفهمات والو : كيفااش حفيدي !!
بغات تزيد تنطق وهيا تسمع خطوات مغرابش عليها داخلين مع لباب كيتقدمو عندهم ..دورات وجها وهي تجي عينيها على آريا : آريااا !!!
رجعات شافت فساجد لي شادي ايد أمجاد كيبوس فيها. .بقات كدور فعينيها بينو و بين آريا عاد فهات لبلان. .معرفاتش هادشي امتى وقع ولكن مجرد مرجعات ركزات على أمجاد نسات كلشي ممتيقاش هادا حفيدها ..واخيرا ولات جدة خاصها تأقلم مع لفكرة 
نطقاات ودموع فعينيها : عطيه ليا
ساجد مدو ليها : سير عند جدااتك
أمجاد لصق على ساجد كيحرك راسو بلا : هااا هننن 
ساجد باس حنكو : سمع من باباك البطل
كلثوم خداتو من عندو اتموت من كثرة لفرحة إحساس زويين بزاف اكون عندك حفيد صغيور خصوصا بحال أمجاد : حفيدي صغيور هههه
بدات كتمسح على شعرو بالشوية بحاليلا خيفا تهرسو : الله اخليك لينا 
باستو فحنيكاتو كتضحك ورجعات شافت فساجد مزال مفاهمة كيفاش آريا عندها ولد من ساجد. .يله بغات تنطق نطقات جاكلين : ساجد 
شاف لعندها : جاكلين
قربات لعندو بحركة جريئة عنقاتو عاد بعدات : على سلامتك
ساجد هز راسو باه بلاما اجاوب
جاكلين شافت فامجاد و آريا بستغراب : شكون هادو 
ركزات على آريا : معرفتهاش !!
ساجد خشا ايدو فالجيب كان ايجاوب وهو اسكت فاش سمعها نطقات تلافت لقاها مربعة ايديها ومخنزرة فجاكلين : مراااات ساجد. .و مامات أمجاد. .شي تساؤل آخر؟ ؟؟
جاكلين تبلوكات رجعات شافت فساجد بحاليلا كتقوليه واش بصح 
ساجد مشا لعند كلثوم هز أمجاد : اريييه راه ثقيل هاد لعضاض ايعذبك 
أمجاد غوبش بحاليلا فهمو : هنننننن 
آريا محملاش لوضع كتدور فعينيها وترجع تشوف فجاكلين مفهماتش الجن لفيها محملهاش ..مرتاحتش ليها بالمرة باقا كتعاود فمخيلتها فاش عنقاتو بطريقة جريئة بحاليلا بيناتهم شي حاجة 
ساجد دار لعند آريا : اجي هزي أمجاد وطلعي لبيتك 
آريا تنهدات وهزات راسها باه كتحاول تبقا هادئة حتى تهدن الاوضاع ..تمات غادة لعندو حتى كيقاطعهم صوت جاي لعندهم : وااااا كلثوووم فينك نتي و ولد 
قشعوه جاي كيجر رجليه فكلاكيطة وايدو فجيبو : ساااط جيتي 
سرعان مبداو ملامح الاستغراب كيستعمرو ملامحو. . جاب ليه الله كيتخايل واش بصح هادي نفسها آريا. .قرب ممتيقش وخصوصا ملي قشع وليد صغيور فحضن ساجد ولا غاكيدور فعينيه
كلثوم فهماتو نطقات وهيا مبتاسمة : اجي سلم على ولد خووك ههههه
بيازيد : كيفااش !!
شاف فساجد : كدرتي ليها 
ساجد هز حاجبو
بيازيد عاد سرا معاه شنو قال : قصدت كيفاش حتى فجأة ولا عندك ولد !! 
شاف فآريا مفاهم والو هادو امتى ولدو ؟؟
ساجد : نوصيك من هنا ..متعلمش ولدي داك لحماق ديالك 
بيازيد قرب لعندو : ههههههه حق رب حتى باينة فيك مشاغب ..ياااك هدرت بصح هاااا
أمجاد عقلو ايخرج بضحك .. عجبو بيازيد 
سمعو خطوات اخرين كيقربو لعندهم ..تلافت بيازيد باغي اخبرهم بالصدمة لعاش دابا : سي نعمان شرفتي و ولا عندك حفيد ..مبروك
نعمان مصمر هو وذهب كلا واحد و آش من أفكار كتطيح فبالو مفهمو والو وشنو خلا آريا تكون بيناتهم 
كلثوم خدات أمجاد من عند ساجد ومشات بيه لعند نعمان وذهب : هههه كيحمق شوفو شحال صغيور و زويين
ذهب عينيها مغرغرين حساسة بزاف ابسط لحوايج كيأثرو فيها : واااوو ممتيقاش 
بدات كتدوز ايدها على راسو : واش انا عمة ومفراسيش ههه
كلثوم : نعمان قول شي حاجة 
نعمان شاف فعينيها بحاليلا كيقوليها فهميني
كلثوم تنهدات : متضغطش عليه 
فهمها قصدات ساجد ..تنهد و بتاسم لامجاد خداه من عندها : ارييي ليا حفيدي ..اوووبلاااا
بدا كيعنق فيه وابوس تحماو عليه هو و كلثوم
ساجد خاطب آريا : تبعيني 
ومشا : لوليدة أمجاد رضي ليه لبال 
كلثوم : راه حفيدي انحطو فعينيا 
آريا سبقاتو للفوق
نعمان ستغل وجودو بوحدو وقفو بصوتو بعدما كان طالع : ساااجد
تلافت لعندهم : كيفاااش عندك ولد من آريا. .ياك كانت جهدات
ساجد تنهد : لا مجهداتش 
نعمان : ولكن
قاطعو : خاص نتكلف بهاد لقضية ونشوف حياة داك طبيب واش رخيصة حتى لهاد درجة باش اكذب على آل عمران 
جمع ايدو على شكل قبضة وكمل طريقو
كلثوم : هادشي فيه شي حاجة ماشي حتى لهيه
نعمان تنهد : مبقيت فاهم والو
بيازيد : ارو ليا صاحبيي وكملو دراما ديالكم
خطفو ليهم غادي بيه لصالون كيلعب بييه كيهزو حتى لفوق فالسما وارجع اشدو خلا عقلو ايخرج بالضحك ممسوقش لغواات كلثوم ونعمان لي تابعينو خايفين افلعصو من شي قنت
ذهب : هيييييه تسناوني رااه حتى انا عمتو وعندي فيه لحق
تبعاتهم كتجري لصالون كلشي كيعنق فيه وابوس خلاو حنيكاتو حمرين ..شوية وايكره لاش جا لمغرب كااع علاين افتارسوه من كترة فرحتهم بييه .. 

للفوق ..
يله خرج من لمصعد سمع صوتها : سااجد 
تلافت لعندها حتى جات لعندو : عندك لوقت ..خاص نهدرو
ساجد : ماشي دابا حتى لغدا ونهدرو
جاكلين بتاسمات : صافي واخة
بغا امشي وهي تقاطعو : باش كتحس ..ياك مكيضرك 
هزات ايدها وحطاتها على صدرو جيهت قلبو : قولي لحقيقة 
حمر فيها حتى حيدات ايدها 
ساجد : جاكلين حتى لغدا 
جاكلين : اوكي تصبح على خير
ساجد هز راسو باه عاد دار باش امشي : نخليك دابا 
كمل طريقو وهو اقشعها واقفة مربعة ايديها وهازة نيفها لسما ..وصل لعندها : علاش مدخلتيش للبيت 
آريا كتهدر وعينيها على جاكلين : بيتيي هو بيييتك 
ساجد هز حاجبو : متأكدة
آريا :اااااه
ومشات كتخبط فرجليها قدامو
ساجد : عنداك تجي على فمك
بقا غاكيشوف سبقاتو وحلات لباب بلاما تعطيه أهمية. دخلات كتبركم تحت فمها 
ساجد : ياك لباس ؟؟؟
آريا دارت لعندو : عائلتك حفيدهم اديرو فيه لي بغاااو ولكن هاااديك متقربش ليا لولدي ..الانتا عاجبك لحال تعنقك وتنعس معااك ..متخليهاش تقرب لولديييي
ساجد مفاهم والو هادي شكاتخربق 
آريا تجننات شافتو سكت مجوبهاش خلاها كتقلا بوحدها. .حسات بي بالكية داكشي علاش مشات تخشات فالحمام تاخد دوش على الله تبرد شوية. .كتحس براسها اتموت مزال لحد الآن كتفكرو كيفاش نبها فالطائرة باش متقربش لعائلتو ومتهدرش معاهم ..يعني اسكن معاهم فالقصر بصفتها أم لحفيدهم فقط .. حدرها باش تخلي علاقتها جد محدودة معاهم من غير سلام .. معرفاتش شنو ذنب لي دارت حتى لهاد درجة باش احقدو عليها حتى هما
مسحات دمعة طاحت على خدها ومشات تخشات وسط الدوش كتحاول تنسا وتبدا نفسية جديدة 
داز لوقت كانت سالات لوات عليها فوطة وخرجات من لحمام حتى كتجي عينيها فعينيه هاز أمجاد 
نطق ببرودة : شوية انسيفط ليك لخدامة فهميها شنو تطيب ليه باش اياكل 
هزات راسها باه. .بغات تمشي تلبس عليها وهيا تفكر مجابت معاها حتى شرويطة من لبرازيل. .خرجات عينيها اشنو اتلبس دابا. .بقات واقفة معارفة شنو دير حتى قاطع تفكيرها. .نطق وهو كيحط أمجاد على الطابي دايرين بييه الألعاب : شوية اتجيب ليك لخدامة شي حاجة تلبسيها ..عدي بيها هاد الليلة حتى لغدا و ديري شوبينغ 
آريا بقات غا ساكتة حتى شافتو خرج وسد لباب عاد تنهدات : امتى اتسالي هاد لحالة 
مسحات على شعرها و بتاسمات لولدها بحب عاد مشات خدات تيلي ديالها دوزات لباها تطمأنو أنها بيخير و تخلي ليه خدمتها كائب عليها بينما رجعات حيت سابقها فالدومين وعارف اش خاص ادار واش خاص ميدارش رتاحت نفسيتها كتر فاش طولات معاه لمكالمة حتى سمعات الدقان فالباب عاد ودعاتو وقطعات : دخلل
شافت لخدامة جاية لعندها فإيدها ساشية فيها لحوايج : حطيهم هنا
حطاتهم و ستأذنات خرجات 
آريا مشات باست لولدها جبينو : ولدي الزوييين هاني انبدل ونجي لعندك باش تاكل وتنعس صافيي ؟
أمجاد كيعض فواحد لعبة ممسوقش ليها 
ضحكها عودات باستو ومشات هزات الساشية عاد دخلات لحمام زولات لفوطة وبدات كتقلب فداك لحوايج حتى حاجة مقدها ..ستغربات : واش معارفش قياسي! !
حلات فمها فدوبياس كبار عليها : شهادشي 
معجبهاش لحال رجعات داكشي كلو لساشي وهي كتزفر : شنو زعما باغي ابينلي راه نسانييي 
تنهدات فيها لبكية ..عاد خرجات من لحمام وقصدات دريسينغ كتقلب فحوايجو على شي حاجة تخشا فيها. .لمحات تيشورط ديالو خداتو لبساتو عليها منها للحمها ممسوقاش للبرد لي اقدر اضربها 
خرجات لعند ولدها يله بغات تهزو كتسمع لهدرة قدام لباب والضحك عالي ..هزات حاجبها و مشات حلات بسرعة خصوصا فاش جاها الصوت مؤلوف. .وساعو عينيها فاش شافت ساجد بنفسو ومعاه جاكلين كتضحك 
بزز باش جمعات لحروف : سس س ساااجد !!!
ساجد تلافت لعندها : بغيتي شي حاجة؟ 
جاكلين كتطلع وتهبط فيها : حبيبة علاش ملبستيش من حوايجي ..ساجد قالي معندك متلبسي
زادت وسعات عينيها هادي شكاتقول : كيفاااش ؟؟؟
وهزات عينيها كتشوف فييه : واااش هادشييي بصصصح؟ ؟؟
ساجد عقد حواجبو فيها وتلافت لعند جاكلين : لوقت تعطل
جاكلين فهمات راسها : هههه اه لمهم غدا ونهدرو
ومشات كتعوج بصباط الطالون لي فرجليها
آريا مقدراتش تحبس دموعها دخلات للبيت كتغلي مجرد محسات بيه دخل تلافتت لعندو شاعلة : علااااااش مشيتي لعند ديييك ...
قاطعها بحدة : ااااخر مرة تعلي عليا صوتك قدام شي واحد 
آريا كتضحك بالفقصة : اااه سمحلينا اسيدي ...نسيت 
رجعات مشربنة : مشكيييتش عليييك باااش تجيب ليا حوايج دااك خيتيي

ساجد مشا هز أمجاد لي بدا كيبكيي : سكتيي خلعتي لولد 
حمر فيها معصب حتى مشات هزات بريكة من سروالو لي محطوط جنب الناموسية ودخلات لحمام خلاتو متبع ليها لعين : آآآريااااااا
بدا أمجاد كيبكي حتى حط ساجد ايدو عليه عاد بدا كيسكت شوية. ..مشا حطو فوق الناموسية عاد تبعها باغي اعرف علاياش ناوية ..خرج عينيه فاش بانت ليها واقفة حاضية لحوايج كيتحرقو 
جعر وقصدها شدها من دراعها : شهااااد تبرهيييش مزااال مناوية تكبرييي
تنترات منووو : هاد لمرة حرقت حوايجها ...لمرة جاااية غادي نحرقها هياااااا
ودارت قدامها شداها لبكية ..وزادت فالوثيرة فاش سمعات باب لبيت تسد بجهد حتى قفزات ..

داز لوقت ..
كانت كتلعب مع ولدها وعينيها مغرغرين شحال قدها تصبر مزال ..عارفة هادشي غا البدية خاصها تزيد تصبر. .سمعات لباب تحل مهزاتش راسها مبغاتش عينيها تجي فعينيه 
كلثوم : حفيدي
تلافتو لعندها بجوج كانت جاية فايدها بلاطو فيه لماكلة : قلت ايكون فيه جوع
آريا خبات دموعها بابتسامة : اااه ..دخلي متبقايش واقفة 
كلثوم تقدمات بخطواتها لعندهم وجلسات على طرف دالناموسية جنب أمجاد من جيهة لخرى : حفيدي لغزال فييك جووع
أمجاد : هااا
كلثوم باستو : الله اخليك لينا
آريا غا كتشوف فيهم و ساكتة 
كلثوم شافت فيها : واخة نوكلو
آريا : اكيد راه حفيدكم
كلثوم رجعات كتلعب مع أمجاد عاد بدات كتوكل فيه دايرة معاه لخاطر مخليا آريا مركزة معاهم. .حاسة بتعامل كلثوم لبارد .. متنكرش انه بقا فيها لحال 
كلثوم وكلات أمجاد حتى شبع عاد باستو و وقفات : راه ايضربك لبرد ..لبسي عليك
آريا : لالا مغادي اوقع والو متخافيش
كلثوم حدرات راسها و خرجات خلاتها متبعة ليها لعين 
رجعات شافت فولدها : واش انا ممزياناش حتى لهاد الدرجة
أمجاد : هااا
تنهدات كتمسح على شعرو : والو احبيبي خاص تنعس. .فات لوقت اجي اجيي عند ماماك
عنقاتو كتطبطب عليه حتى داهم النعاس بجوج 

فالجيهة لخرى

كان مبتاسم وهو كيتفكر احدات اليوم وخصوصا فاش رجع لدار وفرحو بييه عائلتو كتر وكتر و ختو الصغيرة لي توحشها ..هز تيليفونو كيشوف فنمرتها شوية دوز ليها شحال عاد جوبات : الو
يوسف قلبو مشا وجا جمع راسو ونطق : احم أنسة ذهب هادي
ذهب متأكدة هاد الاحساس ماشي عاد. .نفضات داك الأفكار : وي ..مسيو يوسف ياك
يوسف بتاسم : اه ..مسيو تجاك كلفني باش نقوليك امتى نتلاقاو ونتفاهمو على لعمل
ذهب : اه فهمت 
يوسف : اش بان ليك غدا بالليل
ذهب : اوكي ..ولكن لعنوان
يوسف : انسيفطو ليك
ذهب : اه ..تفاهمنا 
يوسف : اذن نخليك دابا ..تصبحي على خير 
ذهب : ههه ونتا من اهلو
وقطعات مبتاسمة عاد وعات على راسها وهي تجمعها 

صبح الصباح بنهار جديد

فاقت على خطوط اشعة الشمس لي ضايقتها ..هزات راسها كتكسل ملقاتوش كااع فالبيت معرفاتش واش جا لبارح ولا لا ..تنهدات ومشات لحمام غسلات وجها باش تصحصح عاد خرجات لقاتو فوجها 
ساجد مقابل مع لمرايا كيعقد فساعتو : شوية وانخرجو وجدي راسك نتي و أمجاد 
دارت راسها مسمعاتوش ومشات رجعات تخشات فبلاصتها 
تلافت لعندها : لبسي عليك ايضربك لبرد 
آريا : قادة براسي 
ساجد : كنهدر ماشي خوف عليك. .ولكن على أمجاد شكون ايقابلو 
وخرج ساد موراه لباب 
مسحات دمعة طاحت على خدها : سير سييير لعندها 
بدات كتطبطب على ضهر ولدها : وينووو على لبيبي ديالي ناعس مباغيش افيق
بدات كتبوس فيها هنا وهنا حتى طفجاتو وفاق باغي ابكي بحالو بحال باه مكيبغيش لي اخسر ليه نعاسو خصوصا الا كان مرتاح فالنعسة 

داز لوقت ..

كانت هابطة فالدروج تسناتو شحال مجاش لعندهم. .شادة ولدها ونازلة كدور فعينيها عليه .كانت لابسة نفس لحوايج لي جات بيهم مع صبناتهم باش تستعملهم فالخرجة ..قربات لباب دالقصر كتسمع لهدرة من جديد ..بتاسمات باستهزاء فاش بانو ليها واقفين بجوج
ساجد : خلي هادشي بيناتنا حتى واحد مبغيتو اعرف 
جاكلين : كون هاني
ساجد هز راسو باه وتلافت لعندها لقاها واقفة بملامح ممحية شوية قلبات الدورى باغا تدخل حتى كيوقفها : تسناااي
وقفات عطياه بالضهر كتسمع صوتو : اجييي لهنااا
شافها متحركاتش مشا لعندها : معنديش لوقت لتبرهيشك يللله للمول خودي ليك شي حاجة نتي وأمجاد من بعد عندي شي غراض
شافت فيه ببرودة : غراض معاها 
هز حاجبو ومشا لطموبيل ..ركب وكلاكصونا عليها حتى زفرات ومشات طلعات حداه بعدما نزل عاونها قادت أمجاد فالكرسي ديالو لور ..شوية وكسيرا مخلي لعجاجة موراه ..

كان ناعس ولمخاد دايرين بييه من كاع لجهات. .من الصباح وهو كيسمع فتيلي كيصوني حتى زفر وهز راسو معصب : شكووون هاد لحمار لي مصدعني
خدا تيلي حطو على ودنو : شنووو 
رهاف : كنتي ميت ولا شنو
حل عينيه موسعهم ..ناض جلس : رهاااف !
رهاف : ااااه ..نوض عندنا بزااف ميدار ليوم خطبت صاحبك ولا ممسوقش زعما
بيازيد : هااا ..اه اه 
بدا كيتكسل ايموت بالنعاس : ولكن لاش انوض !!
رهاف تجننات : دير الصواب وسول صاحبك شنو ناقص جيبو لييه .. كون مسؤول واخة غا مرة فحياتك 
بيازيد هز حاجبو : شنو كتعايري فيا دابا ؟
رهاف : عرفتي انقطع نتا ممعاكش الهدرة
بيازيد : لا لا ..هاني فقت الا كانت شي حاجة انعلمك 
رهاف : اوكي
وقطعات 
بيازيد جمع لوقفة بزز : كلشي تزوج حتى انا خاص نتزوج 
شداتو الضحكة مسح على راسو ودخل للدوش 

دازو ساعات ..
كان واقف باللوطو ديالو فالشاريع كيتسناها تجي. .شوية تحل لباب وطلعات حداه : يلله تحرك جيت كنجري
بيازيد ديمارا باللوطو : مسكينة
قلبات عينيها وشافت جيهة الزاج 
بيازيد : مراد قالي خاص الشكلاط و والورد شي لآخر جابوه عائلتو
رهاف : مزيان
بيازيد زاد فالسرعة باش اوصلو دغيا للمول اياخدو داكشي لخاص ..وداكشي لكان ماشي بزاف باش وصلو عاد هبطو ودخلو ليه
رهاف : واقيلة نسبقو الشكلاط هو لول
بيازيد : يلله

فالجيهة لخرى ونفس لمول كانت غارقة وسط الحوايج عجبوها بزااف داللبيسات كلشي حمقها 
ساجد كلا شوية كيشوف فالساعة : إلا عجبوك قوليهم اجمعوهم نمشي نخلص
تنهدات : الا كنتي باغي تمشي سير ..انا انبقا مع ولدي 
حمر فيها بعينيه حتى سكتات فمرة ودارت كلاهي راسها بالحوايج ..بسيف باش خرجات ليه من تماك حتى صبرو بدا كينفد 
آريا : ارا ليا ولديي
ساجد وقف شاف فيها : مناقسش تبرهيشك دابا. .عاربي غا تقرري اشنو باغا تشري 
جمعات ايدها على شكل قبضة كتحاول تفادا معاه لهدرة بزاف ولكن كيلعب ليها على الأعصاب .. حاولات تغير لموضوع : باقي امجاد خاص نشري ليه
هز راسو باه ومشا هاز ولدو و هي تبعاه ..دخلو لمحل آخر فيه حوايج لكبار والصغار ..بدات كتختار ليه داكشي لغادي اجي قدو ..فيساع ققرات وعطاتهم اجمعوهم ليها. .عاد بدات كدور فعينيها ربما تعجبها شي حاجة أخرى حتى قاطعتها وحدة من لعملاء : زويين
آريا فاقت من سهوتها : ايجيوك زوينين هادوك لشوميز دونوي ..ياك راجلك و ولدك هاداك
هزات حاجبها : اه
لمسؤولة : إذن خودي لييك شي واحد اتخلي راجلك مفتون بييك
آريا فخاطرها : على أساس الا شريتهم انستعملهم قدامو
تنهدات وشافت فيها : جمعي ليا هاداك لحمر ولاخر لي فالازرق 
ساجد حنحن بصوتو : مزال منويااش
شافت فيه : سمح لينا عذباك كتسنا على جمر
شوية جات عندهم لمسؤولة : راه جمعتهم الآلة 
آريا : مزيان
ساجد مشا خلص وخرجو عوتاني 
آريا : كون غا هزينا معانا لساشي
ساجد : حتى نخرجو 
آريا : ياك كنتي باغي تمشي
ساجد : أمجاد خاص اياكل
شاف لعندها : ونقصي من لهدرة بزاف 
خنزرات فيه وشافت قدامها كتمشا بالشوية حتى سبقها ممسوقش
آريا هزات كتافها باهمال : صافي سير 
كملات طريقها بالشوية حتى كتحس بتحتها كيحرقها شوية بشوية لحريق كيجهاااااد غادي وكيزيد فالوثيرة لدرجة غوتات وطاحت لارض كتبكي مبلوكية اول مرة كتحس بهاد الألم. .كرزات على تحت كرشها كتعصر اتموووت شهادشي ..كتبان ليها لموت قدامها ألم كبيييير كينهش فيها اتحماااق ..بسيف بااش هزات راسها : س س سا
ساجد حس بيها ماشي موراه ..تلافت مخنزر ناوي اتفركع عليها حتى قشعها طايحة فالارض لون وجها مخطوف ..تفزع و تم جاي كيجري لعندها بحال لحمق هاز أمجاد. .غا وصل لعندها حط ولدو وبدا كيمسح على شعرها فاش بانت ليه كتبكي : اريااا مااالك. .قوليلي مالك علاش كتبكيي 
آريا غا كتبكي لحريق مجهد بزااف لدرجة متقدرش تهدر 
ساجد مفهم والو تلف كتبان ليه كتبكي هيا وأمجاد حتى هو حيت تخلع ملي شافها فهاد لحالة 
عاود كيمسح دموعها : آريا فهميني. .كضرك شي حاجة هااا؟ ؟ هدرييي. ..آريااا هدرييي متجعرينيش 
سمع شي خطوات جايين لعندهم تلافت لقاه خوه وشي بنت معاه
بيازيد مصدوم : خويا شنو واقع
ساجد زفر وعاود كيسول فآريا على الله تهدر حتى وصلات بيه لعظم وهو اوقف باغي اهزها : خاص نمشيو لطبيب 
آريا قطعاتو كتهدر بزز : لا لالا عفاااك انموووت متقيسنيش
بيازيد مفهم والو ..أول حاجة مشا هز أمجاد كيسكت فييه
رهاف واقفة بغات تعاون معرفات مدير ..نتبهات لاريا كيفاش جالسة مزيرة على رجليها وشادة تحت كرشها عرفات شنو ضارها ..قربات لعندهم : واخة تسمح ليا نهدر معاها
ساجد ناض معصب بقا غادي جاي كيمسح على راسو معرفش مالها علاش كتبكي و نفس لوقت مبغاتش تمشي لطبيب
رهاف : كيضرك لتحت ياك
آريا هزات راسها باه وهي كتبكي 
رهاف : ايكون لبرد لي دار ليك هاكة ..واش تقدري تصبري شوية تخلي راجلك اهزك ..مغاديش اديك لطبيب غاهنا
آريا : كنتقطع 😭

رهاف مسحات على شعر اريا بقات فيها بزاف. .و وقفات : خاص تشرب شي حاجة سخونة باش افوتها لحال على الأقل غاشوية بينما شربات الدوا حيت باينة لبرد لي داير ليها هاد لوجع
ساجد غا سمع لبرد تلافت لعند آريا كون كانت صحيحة كون عطاها شي تصرفيقة تفيقها من عناد راسها باش هاد لمرة فاش اقوليها لبسي تلبس 
بيازيد : كاين واحد لمطعم زوين هناا ..يلله ديها لييه 
ساجد هز راسو باه ومشا لعندها تحضر هزها بالخف عرف اتعامل معاها حتى متقصحاتش
قرب لودنها و نطق : علاش مكتسمعيش لهدرة علاش؟ 
آريا تخشات فيه كتوجع
ساجد : كضرك كرشك
هزات راسها بلا
ساجد قرب لعند وجها داير معاها لخاطر : وشنو كيضرك جاوبيني
آريا : كيضرني 
مقدراتش تكملها
ساجد : تحتك
هزات راسها باه وخشات راسها وسط صدرو حتى تم غادي بيها لداك لمطعم 

داز لوقت ..
كان مجلسها على رجليه كيبرد فااشربة بالمعلقة : هزي راسك تشربي راه بردات بلاما تخليني نتعصب عليك 
آريا كتنخصص : محملتهاش خليني هاكة حدما لوجع فايتني
بيازيد و رهاف جالسين مقابلين معاه 
ساجد عرفها مغاديش تاكل غا كيضيع فالحجرة معاها. .زفر وشاف فيهم : شنو جابكم لهنا 
بيازيد : ليوم خطبت مراد كنا كنشريو شي حاجة لييه 
ساجد : مراد ايتزوج !
بيازيد هز راسو باه
ساجد : بقيتي غانتا 
بيازيد : ههههه مزال انا ..مكنفكرش فيه 
ساجد شاف فرهاف : اوا عاود فكر متخليش داكشي اطير منك
وغمزو
بيازيد فهمو شداتو الضحكة : ساااط هنيناا 
ساجد : كتقراو بجوج
بيازيد صغر عينيه فيه عرفو لاياش كيلمح : راه غا اصدقاء مبيناتنا والو باركة من الأسئلة 
ساجد : سولت عادي ..مالك نفاعلتي بحاليلا كينا شي حاجة 
بيازيد : مكاين والو ..رهاف كانت كتقرا فلفاك لكنت فيها وهاد لعام تخرجات
ساجد : مبروك
رهاف كنت كتسمع لحديتهم وخصوصا كلمات بيازيد. .تنهدات وبتاسمات ابتسامة لطيفة : شكرااا 
ساجد : حتى تجيب سيفي ديالها لشركة 
بيازيد شاف فرهاف فرحات : واخة 
ساجد : اشمن ديبلوم عندك
رهاف اتطير بالفرحة : مهندسة معلوميات
ساجد : مزيان ...فاش اكون عندك لوقت دوزي نتي وهاد خونا لشركة
بيازيد وسع عينيه :ساط خليني محتارمك
ساجد : خاصك تحتارم ..هادشي لخاص تدير
رهاف شداتها الضحكة 

جا الليل ..
كانت كتقاد ليها فآخر لمسات اللبيسة : جيتي كتحمقي 
شروق : من قبيلة وانا كنصوني خاايفة ميجيش 
رهاف : تفاءلي اصاحبتي كلشي ايدوز مزيان 
شروق قلبها مقبوط عليها خايفة : كنتمنى
وقفات من قدام لمرايا : لبسي عليك حتى نتي 
ومشات لبالكو كتعاود تاصل بيه على الله اجاوب. .داز لوقت وهي كتاصل بلا حتى نتيجة حتى شداتها لبكية مقدراتش تحبسها : ميمكنش اخوي بيا
رهاف سمعات لبكا مشات لعندها : شرووق مالكييي !!
شروق كتبكي : مكيجاوبش 
رهاف : متفكريش هاكة اكيد ايكون مشغول راه خطبة كبيرة متنسايش
شروق سكتات كتمسح دموعها ومشاو جلسو على طرف دالناموسية
رهاف فالأول قالت عادي ولكن شوية بدا كيدخلها الشك. .حتى سمعو الدقان : انسة شروق 
شروق تفزعات ومشات حلات : جاااو 
لخدامة مبتاسمة : اااه ا انسة وداكشي تبركالله مجهد الناس فاهمين فالاصول مزيان
شروق عاد رتاحت
لخدامة : قاتليك لمدام هبطي باش تفرقي عليهم لعصير 
وهبطات
رهاف : شفتي خفتي على والو
شروق قلبها كيضرب فالمية بحاليلا لخطبة بصح ماشي تمتيلية

فقصر آل عمران ..
يله ايركب لمصعد تحل فوجهو وخرجات كلثوم : كيف بقات 
كلثوم تنهدات : حرارتها مزال مرتافعة 
ساجد : خلي معاك أمجاد هاد الليلة ..راه جبت ليها الدوا ودخل لمصعد باغيه اطير بيه لعندها ..مجرد متحل مشا للبيت طاير ..حل لباب ودخل قصدها هو لول قلب حرارتها عاد مشا لحمام قاد ليها الجاكوزي وكب ليها واحد الدوا غبرة كيتخلص مع لما ديال تدواش ..حس بالما دافي هو هاداك عاد خرج لعندها زول ليها كاع حوايجها حتى بقات صلو تحتو وهزها بين ايديه تقالت على شحال هادا. .هبط راسو لعندها السخانة مدوخاها عينيها مشقلبين
دخل لحمام و وصل لجاكوزي خشاها وسطو : ربيتي البرهوشة 
آريا : هاا. . شنوو ربييت !!
ساجد قرصها فراس بزولتها : كنهدر على هادشي

آريا مع دوخة السخانة مسمعاتوش اش قال. .مفرزاتش هدرتو ..كتحس بيه غا بإيديه كيكبو عليها لما 
ساجد : هاني جاي
بغا اوقف شدات فإيدو مغمضة عينيها ومكمشاهم : بقا عفااك 
ساجد : قلت هاني جاي
آريا رخات من ايدو عاد مشا خرج من لحمام ..بقات غاطسة وسط لما باغا ترخا فيها لبكية بسباب الصداع لي فراسها والسخونية لي طالعة من حنيكاتها ..سمعات لباب تحل عرفاتو هو ...كان مشا حيد عليه داك لحوايج بقا بصدرو عريان ولتحت لابس عليه شورط قصير. .قرب لعندها كيجر رجليه فكلاكيطة وفإيدو كاس دلما والإيد لاخرة كلاكيطة 
تحدر لمستواها : ترخاااي 
آريا كتنخصص : راسيي كيضرنيي 
ساجد جبد لكينة لكان هاز :حلي عينييك
حلاتهم بالشوية 
ساجد : شوفي لعندي ..خاص تشربي دواك
شافها دايخة غا كيهدر على لخوا ..تنهد و قرب ليها حط ليها لكينة ففمها و ساعدها حتى شربات لما موراها. .بزز باش سرطاتها ليه مخسرة ملامح وجها 
ساجد هاز حاجبو : صباح مبغاش الشربة و دابا معاجبكش الدوا ..كترات فيك التبوحيط
آريا كتنين : بعد منييي .. قادة براسيي وسير عند ها. ..
بغات تكمل هدرتها ولكن قاطعتها ايدو لكبيرة لي تحطات على فمها : شششش .. وكترات فيك حتى لهدرة 
حلات عينيها فيه بالشوية حتى شافت فوجهو كان قريب ليها بزااف و انفاسهم مختالطة 
ساجد مركز مع ملامحها كتبان زويينة بزااف حنيكاتها حمرين بسباب السخانة ..و شعرها مخربق مليوح على كتافها ..خلاتو اسهى فيها 
آريا عاقت على راسها عريانة وسط لما خرجات عينيها وحناكها زادو تزنكو : واااش عريتينيي !!!
ساجد : اه
آريا تخشات وسط لما كتر كتخبي فجسمها : خ خ خخرج من هنااا 
هز حاجبو : كون سمعتي ليا قبل اضربك لبرد مغاديش تكوني فهاد لحالة 
آريا كتدور فعينيها : ياااك مكنهمكش لاش معذب راسك 
ساجد ببرودة : خاص تكوني صحيحة هادشي لمصلاحة ولدي
دورات وجها عاضة على شفتها بالاعصاب 
ساجد : طلقي داك لقنوفة 
آريا شافت فييه وهيا مزال عاضة عليها باغا تشد معاه الضد كيلعب ليها على الاعصاب غادي اطرطق فيها شي عرق..محساتش بالدم لي بدا كيقطر حتى قربها ليه فاش حاوط عنقها : طلقيهااا ولا غادي نتصرف بطريقتي
زادت وركات حتى حط فمو على شفايفها ..تبلوكات معرفاتش امتى رخات على شفتها وقلبها كيضرب فالمية كتحسو ايخرج من بلاصتو 
ساجد غا حس بيها رخفات على شفتها بعد عليها كيتصرف ببرودة : صافي نوضي دوشي دوا ايكون خدا مفعولو
آريا : حتى تخرج بعدا
ساجد : شايف كلشي بلاما تصعريني
آريا : شكرا مسبقا غا خلي عندك داك الاهتمام لمزيف 
ساجد : نتي غا كنضيع معاك لحجرة
زرب عليها معرفاتش راسها امتى تهزات بين ايديه. .شهقات غادي اسكت ليها لقلب ..موقف بيها حتى لتحت د الدوش طالق لما دافي 
هبطها حتى وقفات على رجليها : شوية دابا ؟؟
هزات عينيها شافت فيه كيتصرف ببرودة بحاليلا عادي واقفة قدامو عريانة 
ساجد فهمها فاش كتفكر ..هبط حتى لودنها و همس : راه شايف كلشي من شحال هادا 
حمارت كاملة غادي اسكت ليها لقلب هادشي بزااف معرفاتش علاش ولات كتحس هاكة فاش كيهدر 
ساجد لاحظ شحال من حاجة تبدلات فيها وعلى سبيل لمثال حشمتها من قبل كان عندها كلشي عادي ودابا !! 
حاوط خصرها حتى لصقات مع صدرو ..علات عينيها فيه مفاهمة والو ..حسات بإيدو كتزول خصلاتها لي مرميين على وجها شوية هبط بايدو حتى لخدودها كيقيص حرارتهم ..بغات تبعدو من عليها تأوهات ملي زاد قربها ليه مزيان 
هزات حاجبها : شكادييير 
ساجد : ششش 
دور ايدو على عنقها وغطس وسط شفايفها لي توحشششهم موووت .. كانت ايدو طالعة نازلة مور ضهرها. 
آريا حسات بالحرارة طالعة معاها هادا شكايدير ياك حقد عليها!.. شنو بغا ابين ليها بهاد لحركة .تأوهات وسط فمو فاش عضها كيبرد جنونو فيها ..حتى بدات كتضرب فيه على صدرو باش ابعد منها ولكن لاحياة لمن تنادي راه عامين باش مقسهاش ولا عرف حرارة جسمها كيف ولات 
تجننات وهيا تدفعو معصبة : حماقيتييي ؟؟ .. شنو كيحسابليك باغي تبين ليا بهاد لحركة ياااك مبقيتيش كتحمل فيا الشعرة ..هادي غا هدرتك
بتاسمات باستهزاء : ولا معندكش لكلمة 
حمر فيها شافها بغات تمشي شدها من دراعهاا حتى دارت بالجهد وتزدحات مع صدرو : متنسايش راه مزال مطلقنا .. و محدك مرااتي و مت ولدي ندير لبغيت و الوقت لي بغيت
آريا كتنتر فيها لبكية : انا ماشي عبدة عندك 
شدها من فكها مشربن ..قرب حتى لفمها عاد بدا كيهدر : من ديما كنقوليك لسانك خاصو اتقطع البرهوشة 
آريا كتنخصص : رخف عليا
غوتات فاش عضها على شفتها التحتانية ..شوية حسات براسها تهزات فالسما ..بغات تنفس غادي تخنق ولكن معامن مرخفش عليها حتى خرجها من لحمام قاصد الناموسية ..حطها ومشا سد باب دالشرفة كيدخل للبرد عاد تلافت وهو اهز حاجبو فاش بانت ليه ملوية فإيزار وكتقلب على شي حاجة
ساجد : كتقلبي على شي عصية؟ 
آريا خسرات ملامح وجها ..نطقات وهي موجهة صبعها لييه : سير عند هاديك لي كتعيط ليه ساجد هاكاك بلا مسيو بلا والو ..غاسير عندها اتضحكو بجوج
هز حاجبو : شنو غايرة منها
آريا : ههههه من نيتك لاش انغير متلا
ساجد قرب لعندها غا جلس فوق الناموسية وقفات بحاليلا خايفة اعاود ليها الاغتصاب .. تنهد ونطق بحدة : آريا بلاما نوض
آريا : شنووو باغيي
ساجد : جلسي
آريا : و الا مبغيتش
ساجد بغا اوقف : مغاديش تديري عقلك البرهوشة 
جلسات داك الساعة : صافي صافي هاني جالسة 
ساجد : ديريها من الصباح
زرب عليها وجرها حتى ولات تحتو وهو فوقها 
آريا كتدور فعينيها : سس س سااجد
ساجد : ششش .. متهدريش
بدا كيدوز بصبعو على ملامح وجها مركز مع كل انش فيها ..غمضات عينيها فاش حسات بقبلاتو كتملئ وجها. .نيفها خدودها . جبينها و آخر شيء شفايفها لي خدا راحتو فيهم خدرها حتى مقدراتش تقاوم وتمنعو بالعكس حاسة بالفراشات كيلعبو ليها فكريشتها نسات لمرض والسخانة خخخ 
ساجد حس براسو باغي كتر زول ليها ليزار ..واخة كيتفكر هدرة الطبيب بانه مخاصوش ابدل مجهود كبير بسباب مرض للقلب ولكن كيفاش ايصبر وهو كيشوف برهوشتو حداه وميقربش ليها . كيبقا راجل طال الزمان ولا قصار غادي اتفتن بمرأة متكاملة و انوتتها جد متفجرة وعاد مكتزيان 
آريا تفكرات كلامو د آخر مرة حسات بعينيها غرغرو مبقات فاهمة والو علاش غارق فيها دابا و تصرفاتو ملي وصلو للمغرب كلها كانت كتوحي لحاجة خرا بأنه مبقاتش كتعني ليه و بالنسبة ليه مجرد ماضي .. تأوهات على إثر قبلاتو لي كيفرق فيها على عنقها وايدو لي كتلعب فصدرها هاد الأخير لي زاد كبر وخدا حجم أم كترضع ... حاولات تنسا و تسلمو راسها محتاجة تنسا لعلااام دابا . مخليا كلشي للوقت امكن هاد الليلة تهدن الأوضاع بيناتهم .. غوتات فاش عضها على كرشها 
ساجد هز عينيه فيها كانو معسلين واصلة بييه لعظم : شششش
ورجع هابط بقبلاتو على سائر جسمها حتى شبع رغبتو تجاها شوية. .ولكن مزال خاصو اطفي هاد لعافية لي شاعلة فيه 
خدا مخدة حطا ليها مور ضهرها باش تكعد شوية 
آريا بغات تراجع : ساجد مغاديش نقدر
ساجد قرب لشفايفها : ششش فات لحال واخة تمنعيني اناخد حقي بزز
عرفات راسها معندها هروب السيد عينيه حمرين بكترة الرغبة لي كتنهش فيه من جيهتها ..سكتها بقبلة شرسة باش تركز معاه شوية قلبها بطريقة حنينة باش تنسا وتسهى معاه ..بغا اديها لعلاام اخر ..وداكشي لكان حتى حسات بشي حاجة قاصحة تحتها خرجات عينيها ونطقات بالبكا : سااجد خايفة هءه
ساجد :ششش بالشوية غا ترخااي
آريا : ااااي راه اصلا تحتي كيحرقني مزال مبريت 😭
ساجد : معندي مندير ..غا صبري 
آريا : عفاك متقصحنيش
ساجد : ششش
رجع كيبوس فيها باش تنسا وداكشي لكان رجع كيلاهي فيها حتى غوتاات ليه فودنيه فاش ختارق احشاءها شي حاجة ماضية ..بدات كتبكييي رجع عليها الحريق دالبرد مزال مصحات اصلا باش تنعس معاه 
ساجد لعن اللحظة عرفها تقصحات حيت مزيرة بزااف وعاد عاود حيا ليها للوجع 
آريا كتنخصص : متدير والو انموووت ..لوجع اساجد 
ساجد : سمعي مني وترخااي .. آريا ديري اش قلت 
حاولات دير كيف قال حتى بدا كيخرجو منها بالشوية هاد لمرة مقصحهاش عرف اتعامل معاها ولكن مزال رغبتو شاعلة معندو ميدير خاص اطفيها فيها. . رجع دخلو ولكن بطريقة حدرة راد لبال باش متقصحش وتبدا تبكي عوتاني ..شوية بشوية لقا راسو واخد راحتو معاها فالفراش فهم لمود لي خاص اتبع باش متآذاش .. خلاها تجاوب معاه وتنسا لحريق رجعو جسد واحد بعد مرور عامين على آخر لليلة لييهم .. 

فالجيهة لخرى
شروق نازلة فالدروج كتفرك فايديها حاسة بالخلعة 
رهاف تبعاها هازة جلايلها : شروق تسنااي
شروق دارت لعندها : مخلوعة
رهاف قادات ليها خصلات شعرها : جيتي وااعرة اصاحبتي .. غا متبقايش مخلوعة كلشي ايدوز مزيان متأكدة 
شروق تنهدات : كنتمنى 
وكملو خطواتهم على الدروج حتى لتحت
شروق لقات مها كتسنا فيها : ماما 
الأم : سيري للكوزينة هزي بلاطو دالعصير ناس كيسولو عليك
شروق قلبها ضرب فالمية : منقدرش ..قوليها لرهاف تهزو 
الأم : اويلييي علاه شكون لغادي تزوج .. ديري اش قلت لييك اشروق فيساااع ..هاني مشيت شوية ودخلي
الأم مشات وخلاتها مزنكة
رهاف : هههههههههه
شروق مخسرة ملامح وجها : علاش كتضحكي
رهاف : انا ندخل لعصير هههههههه .. ساليتي معايا علاه شكون لغادي اتزوج 
شروق : من نيتك ارهاف كتهدري بحاليلا هاد الزواج راه بصح 
رهاف عنقاتها : حبيبة خلي كلشي للوقت هو لكيجاوب 
شروق : لجواب باين
تنهداات : لمهم هاني غادة نمتل انه غادي نتخطب بصح 
رهاف : اوكي ..انا انمشي نسبقك
شروق : كون غا بقيتي حتى ندخلو بجوج 
رهاف : باش ديك ماماك تقتلني ..راه نتي لعروسة دخليها لمخك 
شروق : صافي فهمنا ..هاني مشيت
رهاف بقات متبعة ليها لعين : كنتمنى اتحول هاد الزواج لحقيقة
تنهدات وتلافتت باغا تمشي حتى كتخرج فشي حاجة قاصحة

تنهدات وتلافتت باغا تمشي حتى كتخرج فشي حاجة قاصحة شدات راسها مخسرة ملامح وجها و رجعات للور : وااش مكتشوفش
بقات كتحك فالبلاصة ملاهية معاها ممدياهاش فشكون واقف عند راسها 
نطق بصوتو لمستفز : من امتى وليتي كتلبسي هاد الألوان لعروبية 
شرعات عينيها فاش علات راسها : كك كيفااش !!
ستجمعات طاقتها باش ترد عليه ونطقات : حتى تكون كتفهم فالموضة اسي بيازيد لحامض 
بيازيد كيطلع واهبط فيها : و شهاد لحالة فوجهك كتخلعي بنهار 
رهاف بضحكة صفرة : اول حاجة هادا سميتو الليل ماشي النهار .. وإلا كنتي بغيتي تشكرني على هاد لمعلومة مكاين لاش خلي شكرك عندك 
بيازيد : لمهم غا متدخليش عندهم لصالون تهربي الضياف
رهاف : ماشي بحالك كنخلع باش نهربهم
بيازيد كيقرب وهي راجعة باللور : متأكدة ؟؟ ..مكتشوفيش هاد الطولة و هاد لفورمة و لكوستيم كيف جا هممم مشفتي والو
رهاف : هههههه كتشكر فراسك ولا شنو
بيازيد : كنقول لحقيقة
رهاف : شكون كدب عليك 
شافتو ايحاصرها مع لحيط دفعاتو وبعدات كتحاول متركزش معاه بزااف متنكرش انه جاا كيحمق بالكوستيم بان كلاص ومتبت غا هدرتو الله اهديه مزال مناوي ادير عقلو .. رجعات كتسرق النضرات منو مغير تسريحة شعرو بطريقة كلاص واللحية مصففة كون مكانتش كتحملو كون تلاحت عليه ..هادو هما الأفكار لكانو كيدورو ليها فراسها 
بيازيد مصغر عينيه فيها : اوا احبيبة ..تقدري تعبري على اعجباك بيا ..عارف بيلا دختيي
رهاف : ههههههههه حشومة واحد من آل عمران حامض ولكن خسارة حيت واحد منهم لاصيد بحد ذاتو 
بيازيد كيحك فلحيتو : شكرا على لمجاملة 
قلبات عينيها وتلافتت باغا تمشي : تفووو على خرااي. . مغاديش اتبدل
بيازيد : اتدخلي بديك لحالة
تلافتت مجننة : مالها بسلامة
بيازيد : لمهم الا ضحكو ميبقاش فيك لحال 
دخل ليها الشك مفهمات والو لابسة عادي ..بالعكس كانت فرحانة بيها حيت جات معاها ..تنهدات مخاصش تسوق ليه ودارت حتى بان ليها قاصدها شاب ايكون فالتلااتينات 
الشاب : عفاك لحمام ؟
رهاف وجهاتو بصبعها : من هنا
الشاب : شكرا
بيازيد هز حاجبو فيساع وقف حداهم : بغيتي شي حاجة 
الشاب : لا كنت سولت الآنسة فينو لحمام و وجهاتني ليه 
شاف فرهاف مبتاسم : شكرا مرة خرا
بيازيد محملوش : صافي سير للحمام تقدر ديرها فحوايجك
رهاف حسات بالضحكة اتزلق ليها هادا شكايقول حماق دبصح 
الشاب قبل امشي وجه كلامو ليها : جات معاه اللبسة. . وحدة من اميرات ديزني على لواقع ههه 
رهاف طلعات كرايد : ههه شكرا
وسكتاات كتلبد فعينيها ..بقات كتفرنس حتى مشا غا تلافتت لقات بيازيد بملامح حادة متسوقاتش ليه : أميرة ديزنيي ناس لي كيعرفو اتغزلو
ومشات كتلعب بخصلات شعرها ناوية ترجع ليه الصرف بالضوبل
بيازيد : غادي نوريك الجن د مملكة ديزني غا صبري عليا 

عند شروق ..
هزاات لبلاطو بعد حوار كبييير مع عقلها. .مقدراش تدخل لعندهم ..ولكن تشجعات ومشات بخطوات تابتة تجاه الصالون كلما قربات كلما قلبها بدا كيضرب بالجهد. .غا دخلات حسات بالأنضار عليها تلبكات لدرجة خافت تجي طايحة على وقفتها 
الأم وقفات : هادي شروق بنتي لحبيبة
أم مراد : مشالله غزااالة
تلافتت لعند مراد لي ساهي فيها : عرفتي تختار اولدي 
مراد : هاا نعااام الواليدة
أم مراد : هههه متدوخش قراب تزوجو إلا كتاب
كلشي بدا كيضحك ومن بينهم رهاف لي كتضحك وتبين فإبتسامتها باغا تقلي السم لبيازيد حيت داك الشاب من قبيلة وهو حاضيها 
شروق تشجعات وبدات كتفرق فالعاصير على كلشي 
أم شروق : عطي للعريس
كلشي بدا كيضحك حتى تزنكات
بغات تمشي لعندو حسات برجلها غادي تلوا ليها وتطيح فالطريق ..نعلات الشيطان وتبتات رجليها عاد كملات بخطواتها لعندو. .مدات ليه لكاس : تفضل
مراد هز عينو لعندها : كنتي اتنسايني ولا شنو 
شروق : علاش مكنتيش كتجاوب على اتصالاتي
مراد : توحشتيني
شروق : ماشي وقت استهزاءك دابا
وقفات باش تمشي وهي تعكل ليها رجلها حتى جات مزدوحة عليه طايحة على صدرو و كاس دالعصير لكان كيشرب فييه تخوا عليهم بجوج كلشي شهق و وقف مخلوع
أم شروق : شرووق ماالك
مراد همس ليها : عاد مكنزيد نتأكد انه نتي مكلخة 
شروق تزنكاات شهاد لموقف 
أم شروق : نوضو باش تغسلو حالتكم
بيازيد : ههههه عاجبهم لحال
كلشي شافيه ضحك ليهم داك الضحكة لغبية : زعما بقاو فيا حيت طاحو ..اأأ 
رهاف بحاليلا كتقوليه من نيتك 
بيازيد شاف فيهم مزال مفكسيين عليه : تكلمو لعريس بغاكم 

نبدلو لبلاصة ..
كانت شادة الطريق باش تلاقا معاه واخة مستغربة : علاش قاليا نتلاقاو فالمول وبالضبط عند محل لخواتم! !
دازت فالسرعة مباغاش تعطل عليه باش ميقولش هادي ممنضابطاش 

نرجعو للقصر آل عمران ..
كانو بجوجهم كينهجو ناعس على ضهرو وهي على صدرو كتنهج سخفها
ساجد كيحس بقلبو تزير عليه حيت بدل مجهود فالممارسة. . حاول انسا مرضو فهاد الليلة 
كانو ساكتين بجوج غا انفاسهم لحاضرة بقوة. .حتى كيسمعو صوت تيلي 
آريا عرفاتو صوت تيليفونها ناضت من على صدرو وتمدات ليه. .جوبات بلاما تشوف شكون لمتصل حتى كتخرج عينيها فاش كتسمع صوت مغريبش عليها. .نطق بالبرتغالية : آريا توحشتك. .فينك نتي علاش مكتجاوبيش انا راه خرجت من لمستشفى داك لحقير غادي نوريه كيفاش اتجرأ اهز ايدو 
آريا تلافتت لعند ساجد لقاتو مخرج عينيه حيت تيلي داير الأوت باغلوغ وهو ولا كيهدر بالبرتغالية يعني فهم اش سمع ..حسات بالما جمد ليها فالركابي 

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.