تجننات يله بغات تنوض حساتو طاح على صدرها عضها حتى غوتاات ربي لي خلقها ..بعد مبتاسم وشاف فيها : بحال هاد لعضة ياك؟
آريا كتبكي : قصحتيني المجعور
رجع باسها على بلاصة لعضة : هادشي ديالي ندير لبغيت
آريا جننها بغات تنوض حساتو حكمها وطاح عليها من جديد باغي اشبع منها مقدرش اصبر ..
هز راسو لعندها وهاد لمرة بنضرات حادة : إلا عرفت عندك شي علاقة بداك ولد **** غادي تنساي شي حاجة سميتها أمجاد
آريا هزات راسها باه : صافي ههء
طلع لشفايفها سرطهم وسط فمو حتى ترخات ومشات معاه فالخط ناسيين لعالم .. شوقهم لبعضياتهم كان كبر من المشاكل والحقد والكره لي تزع بيناتهم ..حاولو اخليو كلشي على جنب واسمعو لخطوات قلبهم فين ايدي بييهم
فمكان آخر. .
وقفات باللوطو قدام لمول مشات سطاسيوناتها ونزلات ملامحها كلها استغراب ..تنهدات : هاد مسيو يوسف غامض من للول
رجعات شعرها لور ومشات كتمشى بتبات كلها انوثة من الشوفة كتعرفها حساسة ..سمعات تيلي كيصوني هزاتو عند بالها هو حتى كتلقى نمرة عمران ..مبغاتش تجاوب حتى قطع بوحدو وعاود صونا عرفات انه لهروب ماشي حل داكشي علاش جاوبات : سلام
عمران : ذهب فيينك ..انا عندكم فالقصر
خرجات عينيها : ك ..كك كفااش !!
عمران : ذهب قوليلي فينك نتي .خاص نشوفك ونهدرو. . بغيت نعتادر منك على آخر مرة ملي غوت عليك
ذهب : صافي اعمران انا نسيت ..واخة بغيتها تكون آخر مرة هادشي مخاصوش اتعاود اعمران
عمران : مغاديش اتعاود احبيبة كنواعدك
ذهب : لمهم حتى لغدا ونتلاقاو انا عند صاحبتي دابا
عمران قطعات عليه : الووو... الووو .. ذهبب ذذذهب
زفر وشاف فنعمان لي حاضيه : قطعات
نعمان : ذهب بنت حساسة من النوع لي مكتبغيش لي اضغط عليها ..خاص تعرف تسايرها هاكة اتربح قلبها
عمران هز راسو باه : هادشي مغاديش اتعاود
سكت وعاود نطق : هي معندهاش صحابات و قاتلي عند صاحبتي !!
نعمان : حتى انا معنديش فكرة
عمران : اذن نخليكم دابا .. تصبحو على خير
ذهب واقفة كتسنا اتصالو معرفاش إنا محل دالخواتم بالضبط واصلا هاد لمول اول مرة كتجي ليه معندهاش فكرة إنا محل كيقصد : هادا شكايحاول ادير .. لوقت تعطل قريبة 11 دالليل
تعصباات حتى سمعات ميساج فتحاتو بلهفة وشوق : وأخيرا
دخلات تقراه "💬 دوري على إيدك ليمن بقاي كتمشاي حتى نقوليك حبسي "
بدات كتضحك : واش هادا حمق !! .. كيعلب بالأغاز
تنهدات ومشات كدير داكشي كيف طلب منها بقات غادة حتى كتسمع ميساجو عوتاني فتحاتو داك الساعة
"💬 زيدي خمسة لخطوات اتلقاي راجل جاي لعندك خودي من عندو لعلبة لي ايعطيك وتسناي شنو انقوليك ديري "
مسحات على شعرها حتى كيبان ليها واحد قاصدها بالكوستيم والسماعات على ودنو ..هزات حاجبها حتى وقف عليها مد ليها لعلبة ..شداتها من عندو عاد مشا بلاما انطق بحتى حرف
ذهب : هادشي بحال الافلام
حسات بتيلي كيصوني ..تفزعات معرفاتش علاش .تنهدات وجوبات : سي يوسف ميحسابليش عزيز عليك تلعب
وسكتات كتسمعو منطق بوالو : الووو كتسمعنيي
يوسف : خرجي عندي لبرى اتلقايني
ذهب خسرات ملامح وجها : مسيو يوسف تعطل لحال. . صافي انأجلو هادشي حتى لمرة أخرى
يوسف : جيتي جيتي مكاين لاش ترجعي
ذهب تنهدات : هاني خارجة
وقطعات : هادا مسطي ..الله استر
خرجات على برى بالجرى اصلا تعطلات على دارهم. . دورات عينيها مكاين والو : شهاد التبرهيش
سمعات تيلي كيصوني جوبات بعصبية : من كامل قوااك لعقلية !!! ..سحابلي معقوول
بدات كتوضح ليها الصورة مع الضلام غا ضوء لقمر : هادا نتا ؟
يوسف : معرفتينيش
كلما قرب كلما وضاحت ليها الصورة. . حتى وقف قريب ليها ..بدات كتشوف فيه ماشي هادا هو اللباس لكلاص لي كان بيه فالمؤتمر عكسو تماما لابس تيشورط فوقو جاكيط مستيلية و جينز دارج على لموضة مع كاط فرجليه ..ركزات على لكارو لي فإيدو شوية بدات كتكحب فاش ساط عليها وطفاه
ذهب كتكحكح : غادي نتخنق
يوسف : غا كارو ماشي لحشيش
بقات حادرة راسها وعينيها خارجين نسات راسها راه تخنقات عقلها ولا كيمشي واجي ميمكنش داكشي لجا فبالها بصح ..زادو وساعو عينيها فاش نطق من جديد بهمس : توووحشتتك
هزات راسها لعندو بالعرض لبطيء : لا ميمكنش
يوسف مطول الشوفة فعينيها : تبدلت لدرجة معرفتينيش ؟!!
ذهب : كك ..كفااش هادشي راه ميمكنش
يوسف قرب ليها رجعات باللور داك الساعة : وقققف فبلاصتك
ولات كلها كتقفقف ..كتحس بالرض كتمشي وتجي بيها ..خاصها تطفي هاد الشك ميمكنش تخليه أكذب عليها .. معرفاتش منين جابت الشجاعة وقربات ليه حتى تقابلت مع وجهو هازة راسها كتشوف فعينيه حيت طويل عليها. . تنهدات بالخلعة و هزات ايديها بجوج حطاتهم على ملامحو بعدما غمضات عينيها. .بدات كتحسس كل انش و ملامحها كيتعقدو كتر بغات ترجع تأكد واش نفس لملامح لكانت حافظة شحال هادا فاش كانت عمية
مقدراتش تكمل كتر : لا مستحيل
بعدات بسرعة طافجة ممثيقاش
يوسف : تيقتي
يله ايزيد اهدر نزلات عليه بتصرفيقة حارة حتى دار وجهو ..خرج عينيه وتلافت لعندها زادتو تصرفيقة اخرى حارة كتر من الأولى بغات تضربو لصدرو حكمها من ايديها بدات كتنتر ليه وهو شادها
يوسف بعصبية : ذذذذذهب هداااي
ذهب : كيفاااش كتجرأ تكذب على بنت آل عمرااان
دفعاتو كتنهج شافتو جاي لعندها صداتو بايدها : حددددك تما متقربش ولا اندير شي حاجة فراسي كتسممممع بعدد متقربش
يوسف بالغواات : علاااش هادشي كااامل !!! يااك لباس
تلاحت عليه كتقمش وتضرب فصدرو تسيفات عليه هادي ماشي ذهب الضريفة نملة متقدرش تقتها
كتضرب بكل قوتها : علااااااش علااااش
وطاحت لأرض كتبكييي بالغوات : علاااااش رجعتييي
يوسف هبط لمستواها كيبعد خصلات شعرها لي طايحين على ملامحها : من امتى تعلمتي تصرفقي البعلوكة
شافت فيه بنضرات شرسة بحال شي مشة ..بدون سابق إنذار تلاحت عليه عضاتو فودنو مدار حتى ردة فعل دخلها الشك ..بعداات غا راسها
يوسف ببرودة : نجيب ليك موس تدبحيني واقيلة
ذهب كتنهج دفشاتو و وقفات قاصدة لباب : كنكرهكك الكذاب. .حقييير و مكتسوااش
معرفاتش امتى تشدات من دراعها حتى دارت كاملة وجات مزدوحة على صدرو لحديدي
يوسف بحدة : هدرتييي بزااف ودابا اتسمعيني
ذهب كتنتر : شنوو نسمع بيلا ضحكتي عليا وستغليتيني وحتى بعدما داز هاد لوقت كامل باقي كتضحك علياا. .شكووون عطاااك لحق واصلا شكوون نتا أنا مكنعرفكش
يوسف : مكتعرفينيش !!
ذهب موركة على لحروف : اااه مكنعرفكش .. كنعرف غا عمران خطيبي
هز راسو مطول الشوفة فيها بتاسم وطبع قبلة مطولة على شفايفها عاد بعد : حتى تفيقي وناخد بوستي قدام عينيك
نرجعو للخطبة
بعدما جابت ليهم لخدامة فوطة صغيرة امسحو بيها بقايا لعصير من على حوايجهم بقاو جالسين حدا بعضياتهم كيف طلبو منهم ومخلين كبار العائلة هما لي اهدرو .. بعد حوار طويل قررو اديرو غا عرس صغير فيه الأقارب والعائلة
حتى نطق مراد : بغيت نهدر مع شروق على انفراد
كلشي شاف لعندو
حتى نطق اب شروق : اه مقلتي عيب اولدي .. هدرو و تفاهمو الإ كانت شي حاجة قررتوها حنا معاكم
شروق شافت فمراد بحاليلا كتقوليه فاش انهدرو متلا
مراد تحت فمو : نوضيي تكعدي
شروق فاقت من سهوتها : ها اه اه
ناضت تبعاه حتى خرجو من الصالون بان ليها كيحل فالصدافي للولا دالقاميجة
شروق : صبر على هاد الثمتيلية مبقا والو
مراد زفر : تخنقت
شاف لعندها : انبقاو واقفين هنا ؟
شروق : اكيد لا ..اجي معايا
تمات طالعة فالدروج وهو موراها كيهدر فالتيلي فهمات انه شي حاجة كتعلق بالخدمة .. بقات ساكتة حتى حلات باب بيتها : دخل
دخل هو لول عاد سدات لباب
مراد كيدور فعينيه على بيتها مقلوب سفااه على علاه مع فاش كانت كتلبس هيا و رهاف نساو اجمعو حوايجهم
شروق : جلس
مراد : تبركالله منظمة
عرفاتو كيطنز قلبات عينيها وشافت لجيهة لخرى
مراد جات عينو على الستيان ديالها مشا لعندهم هز واحد فإيدو : هادو ديالك
شافت لعندو بعدما كانت مدورة وجها لجيهة لخرى. .خرجات عينيها بالصدمة والحشمة .مشات لعندو بجرية كانت اتعكل عوتاني غاشدات راسها. . خطفاتهم ليه من ايدو : مكتحشمش
مراد : كون تشوفي نتي
بغات تخبيهم : سير وقف لهيه لاااش جاي لهاد لبلاصة
مراد شاف سترينغ مليوح : وهادا ديالك حتى هو
تلافتت لفين مشير بايدو بدات كتولول فخاطرها. .. سرعات فخطواتها باش تهزو من الأرض وهي تضربها بتعكيلة طاحت على ضهرها و برزو فخادها بسباب فرقة دالكسوى لي هابطة
مسحات على راسها كتدخل لدماغها عمرها توقع منو شي حاجة
دازت هاد الليلة وجا نهار جديد. .
ضربتها الفيقة بعدما ديرونجاتها الشميسة لي داخلة من لبالكو .. وشي ايديات صغار كينتفو فشعرها دورات وجها شافتو : توحشت كتكوتي انا
قرباتو ليها : متوحشتيش ماماك
أمجاد كيكركر : ههههههه هننن ممم ما
اريا : يلله قول ماما نسمع
أمجاد غا كيضحك راشقة لييه
اريا : شعري كاااع ريشتيه شنو ندير فيك دابا هااا
بقات كتهر فيه وهو عقلو طاير بالضحك ..آريا دورات عينيها حسو مكاينش معرفاتوش فين مشا
تفكرات راسها خاص تدوش وقفات ملوية عليها ليزار و عطات لولدها لعبة اتلاها بيها بينما دوشات. . وداكشي لكان مشات تخشات فالحمام ماشي بزاف باش خرجات ملفوفة فالبينوار كلا شوية كتزهق ليها ابتسامة من ليلة دلبارح
مسحات على شعرها : شكايوقع لييك ا آريا
تفكرات لكره الشديد لي كانت كتكن لييه و تفكرات فاش كان كيقوليها على احساسو ملي عرف عندو ولد. .مفهماتش واش حيت شفقات عليه وحسات بتأنيب الضمير داكشي علاش تصرفات هاكة
فيقها صوت بكا أمجاد تلافتت لعندو : وينو على حبيبي فيه الجوع .. نبدل ونهبطك تفطر
مشات لدريسينغ بخطوات سريعة بدلات عليها و نشفات شعرها مزيان عاد سرحاتو على طولتو ..خرجات لعند ا
رجعات باستو وخرجات هازاه كتضحك معاه. . بقات غادة قاصدة لمصعد حتى كتسمع صوت مؤلوف عليها جاي من شي بيت .. فالأول متسوقاتش ولكن شي حاجة كتقول ليها رجعي شوفي شكون
تنهداات وباست ولدها عاد بقات تابعة موجات الصوت باغا تعرف لمصدر حتى لقات لبيت لجاي منو .علات حاجبها هادا صوت داك خيتي لي مكتحملش
زفرات : وانا لاش جاية كنتجسس عليها
بغات تمشي وهي تسمع صوت كتعرفو مزيان سمعات لكلمات لنطق بيهم حرف بحرف " عرفي كيفاش غا بالشوية "
خرجات عينيها لي غرغرو بالبكا ..داك الساعة فرعات لباب وشافت المشهد لي غادي تكره تشوفو أي مرأة متزوجة
ساجد هز راسو عند لباب شافها واقفة مبنجة ودموعها كيطيحو بغزارة ممسوقاش لأمجاد لي بدا كيبكي حيت شاف آريا كتبكي
مقدراتش تزيد تهدر طاحت داك الساعة فالأرض كتبكي. .شنو لي مباغيهاش تفكر فييه وهي كتشوف راجلها معري من صدرو ومتكي على ناموسية وحدة آخر وداك خيتي محاومة عليه كاااع شعرها طايح عليهم.. من منظرهم باين عايشين اللحظة
غوتات وبداات كتعض فايديها : كنكررررهك
خبات وجها بايديها وكملات بكاها
ساجد قلبو مزاكيش عليه لحريق غادي وكيجهاد خصوصا انه قطع الدوا مؤخرا ..خاص ارجع ليه ضروري. .تفكرها غا مكتزيد عليه عيا من أنه ديما لغالط كيجيب ليه الله بحاليلا كتقلب غا على لفرصة فين تلصق لييه شي تهمة ... تنهد وهبط لتحت لقاهم جالسين على طابلة دلفطور حنحن بصوتو لخشن : صباح لخير
مجاوبوهش ملاهيين مع أمجاد اياكلوه نعمان وكلثوم بجوجهم شادين معالق كلا واحد باغي اوكلو بطريقتو
ساجد بتاسم : غادي تضسروه
نعمان هز عينو لعندو : هادا راه حفيد ال عمران خليه اضسر جات معاه
ساجد مشا جلس : أمجاد. .. ولدي
أمجاد بدا كيتنتر منهم باغي امشي لعندو
كلثوم : يااك . شفتي باك قلبتي وجهك
ساجد : هو راه عزيز عليه باه
خداه من عندهم وجلسو قدامو كيمسح على شعرو عاد خاطبهم : شفتكم غانتوما لي كتفطرو ..فينو بيازيد وذهب
كلثوم : بيازيد ناعس .. و ذهب مطلعتش عندها اتكون مزال ناعسة
نعمان ممطمأنش حيت مفراسش كلثوم ذهب خرجات لبارح ومرجعاتش
ساجد هز راسو باه زعما مزيان وبدا كيوكل فولدو و مرة مرة كيجغم من قهوتو الصباحية قبل ما تبرد
أمجاد كيضحك وفاش سمع لموسيقى لي طلق بيازيد ولاو فيه عشرة كيصفق و حال فمو كيضحك عاجبينو داك السنان خخخ
بيازيد كيغوت باش اسمعو مع صخب الموسيقى : نزيد فالصوت ؟؟
أمجاد كيهز راسو باه وهو كيشطح فبلاصتو
بيازيد زاد فالصوت : ههههههه حق الرب حتى غادي نتفاهمو
نرجعو للقصر ..
كان فالمكتب دباه كيراجع شي ملفات باش ملي امشي للشركة اعرف التغيرات لي وقعو فالفترة لي غاب فيها. .شاف فالساعة داز لوقت ناض داك الساعة جامع لوقفة و خرج من لمكتب ..قصد بيتو ماشي بزاف حتى حل لباب ودخل لقاها مكيناش و لفطور لي طلعات ليها لخدامة باقي كيف هو متقاست منو حتى حاجة
دخلو الشك فين اتكون مشات بدا بالحمام هو لول قلبو مكيناش ..مشا لدريسينغ حتى هو بقات ليه غا الشرفة دخل ليها وهي تبان ليه جالسة على الارجوحة مربعة ايديها ورجليها
ساجد : آرياااا
تلافتت لعندو بملامح جامدة ورجعات شافت قدامها
ساجد تنهد خاص حتى تهدا الأوضاع واشرح ليها دابا وفهاد لحالة مغاديش تدخل لدماغها راه داكشي لكتفكر فيه مامنو والو
جمع ايدو على شكل قبضة ومشا لدريسينغ بدل عليه لبس لكلاص وخرج
مرضياش بهاد الوضع وهاد الألم لي كينهش فالداخل ديالها
نبدلو لبلاصة ..
جالس مقابل معاها ..هو فوق لكنباي وهي فوق الناموسية مجايبا لدنيا خبار
تنهد : خاص ازول لمفعول علاش مزال مفاقت لحد الآن
مسح على راسو حس بالخوف ..وقف ومشا لعندها جلس حداها : لمشة دياليي ..فيقي من النعاس
ذهب لاحياة لمن تنادي
يوسف راسو بدا كيقوجج عليه تحدر لعند وجها كيدوز بايدو على ملامحها كيقيس فكل انش منو لي توحشو بزاف. .ركز على شفايفها كيلعب بصبعو عليهم شوية هبط لعندهم حتى مبقا كيفصل بيناتهم والو شوية واتلاصقو
ذهب بدات كتحس بشي حاجة حداها ..لمفعول بدا كيزول بالشوية بالشوية حتى حلات عينيها بالعرض البطيء بغات تقلب لجيهة لخرى هزات راسها حتى كتحس بشي حاجة رطبة على شفايفها حلات عينيها مزيان حيت الرؤية عندها مضببة بسباب لمفعول .. بقات على نفس لوضعية شحال حتى تفرزات ليها الرؤية خلات قلبها اضرب فالمليار ..رجعات داك الساعة لموضعها للول كتحاول تستوعب شي حاجة
يوسف بمكر : واخيرا فقتي احبيبة
ذهب وعات مزيان على لموقف .. ناضت داك الساعة طافجة : شهااادشيييي
دورات عينيها على لبيت : فييين جبتيينيي
يوسف وقف : حتى تديري عقلك ونرجعك
ذهب غادي تحماق هادا شكايقول ..تفكرات دارهم قلبها كتحسو ايخرج من بلاصتو بالخلعة : شوووف بااااركة من لحماق و رجعني لدارنا ايكونو مخلوعين عليا
يوسف : الا درتي عقلك انرجعك
ذهب فيها لبكية ..نطقات بصوت منغنغ : شنو لمطلوب منيي
يوسف كيقرب لعندها وهي راجعة باللور حتى تكالات مع لحيط : بوسيني
ذهب خرجات عينيها : من نيتك
يوسف : علاش ماشي من حقيي
دفشاتو ونزلات عليه بقمشة لدراعو : هالي من حقك
يوسف شاف فالقمشة ورجع شاف لعندها : ذذذذذهب متختابريش صبري
ذهب قربات لعندو كتضرب فصدرو : شنووو اتديير كاااع هااا ؟؟؟ ..شنو فجهدك ؟ وااالو مفجهدك والو انا راااه نسيتك من داك النهار لي عرفتك على حقيقتك
يوسف لحد الآن مزال معارف كيفاش بعدات عليه : اشمن حقيقة
ذهب ضرباتو لصدرو بالجهد : النهاار لي كنتي شاد بيا لحديث مع صاحبك فالنادي
مسحات على راسها اتحماق .. شافت فالماكلة مصارنها كيغوتو بالجوع واخة هاكاك مباغاش تاكل من لماكلة لي جاب ليها مرضياش تاخد من شي حاجة من عندو هاكة كتقول مع راسها
زفرات و شافت فالجيهة لاخرة : صافي اذهب إلا بقيتي بالجوع مغادي اوقع ليك والو
عياات تكابر فالأخير طاحت عمية فالبلاطو معوداتش ناضت حتى كملات لفطور عاد حسات على راسها وهي تهز كتافها بلا مبالات : اصلا غا ذقت مكليتش بزااف
و رجعات تقادت فالجلسة كتزفر معجبهاش لحال
على طابلة للفطور جالسين كيفطرو و كيهدرو مرة مرة
لباشير وقف: بصحتكم أنا يلله نمشي لبزار تعطلت
مليكة : مكملتيش ماكلتك
لباشير : لا كليت
رهاف سولاتهم : خويا يوسف فين غابر
لباشير: لبارح تاصل بيا قاليك عندو شي شغال
مليكة : اوا الله اعاونو
لباشير هز راسو باه وخرج : هاني مشيت
مليكة شافت لباشير مشا و هي تلافت لعندها : اجي نتي
رهاف وحلات ليها : شنو اماما
مليكة : قلتي ليا جبتي معاك لبنت باش تساريها ولكن لبارح مخلياني مقبلاها ونتي غابرة
رهاف : اااه علاه مقلتش لييك
مليكة هزات حاجبها : مقلتي والو
رهاف شافت فروزا و رجعات تلافتت عند مها : لبارح كانت خطبت شروق
مليكة : ياااه و علاش مقلتيهاش ليا
رهاف : راه عارضة عليك للعرس حيت هما دارو غا خطبة صغيرة فهمتي
خرجات من دارهم بسرعة تحت نداءات مها حيت لا وقفات تكلمات ليها اتبقى شداها بالهدرة
زادت سرعات فخطواتها حتى بانت ليها سيارتو عاد مشات لعندو
بيازيد قشها من زاجة دالباب جاية سهى فيها أول مرة كيشوفها بالكلاص جات كتحمق بالفيست مع جينز وطالون عالي فنفس لون للفيست اما شعرها فرقاتو ورجعاتو للور هاد التصريحة كتعتابر من ابرز التصريحات الأنيقة
و تم داخل للشركة وهيا تبعاه تحت نضرات للموظفين كيتطالو .. طلعو فالمصعد حتى تحل بيهم فالطابق لي كاين مكتب ساجد.. خرج بيازيد هو لول هاز أمجاد فإيدو عاد تبعاتو رهاف متلبكة
بيازيد وصل عند سكرتيرة : لخوادري كين
سكرتيرة وقفات : عفواا مسمعتكش
بيازيد : ساجد كين
هزات راسها باه : تبغيني نعلمو بيلا جيتي
بيازيد : لا غاجلسي
ومشا قصد لباب دق ودار لعند رهاف : اجييي نتي لهنا
مشات لعندو ..داك الساعة حل لباب :سيربرايزز
ساجد هز راسو بعدما كان مركز مع لملفات لي قدامو وهو اتبلوكا من لمشهد كيشوف ولدو لي مزال مكمل حتى تلت سنين هازو خوه لي معندو عقل كيديرو غا لوقت لي قالها ليه راسو ..جمع لوقفة مقندش : كيفاش أمجاد معاك
بيازيد: كنا كنتساراو
هبط عينو عند أمجاد : ياك الساط
أمجاد كيتشايع باغي امشي عند باه وساجد حتى هو فمو مشا هزو داك الساعة من عندو : بيازييييد إلا ولدييي
بيازيد خرج عينيه : شكا ترون نتا .. اشمن زوجة مستقبلية
ساجد صغر عينيه : راه نفس الدم كيتشارك بيناتنا يعني اتسهال عليا نقراك
بيازيد قاصد لباب : غا كتخرف
وخرج ساد موراه.. مشا عند السكرتيرة باغي اسولها : لبنت لي كانت معايا فينها؟؟
السكرتيرة: مشات للمصعد امكن
بيازيد هز راسو باه ومشا تبعها لقاه خاوي ستغل لفرصة و هبط فييه..غا تحل لباب خرج كيدور فعينيه عليها معرفش فين زادت
تقدم بخطوات ثابتة حتى كيسمع صوت ضحكة مألوفة عليه تلافت ما كتجي عينيه غا عليها كتضحك .. جمع ايدو على شكل قبضة حس براسو كيغلي خصوصا فاش نانت ليه منساجمة مع كريم ..مسح على راسو وقرب لعندهم
شروق سهات فداكشي لبدا كيوريه ليهم .. بقاو كيختارو بجوج مركزين ومرة مرة كيبتاسمو بحاليلا زواجهم ايكون حقيقي و مزوجين عن حب
فقصر آل عمران ..
ملات من لجلوس فبيتها وتوحشات ولدها نيت ..جمعات لوقفة داك ااساعة لبسات فرجليها وخرجات قاصدة لمصعد باغا تهبط لتحت ..وداكشي لكان ماشي بزااف حتى كانت لتحت
دورات عينيها لحس مقطوع تقدمات بخطواتها شوية حتى كتسمع شي واحد عيط ليها تلافتت وهي تجي عينيها عليهم
نعمان شير ليها بايدو حتى مشات : بغيتيني اعمي
نعمان : ااه ..جلسي معانا
كلثوم ساهية معرفاتش ذهب امتى خرجات مع الصباح ومعلمتهاش باش متشوش عليها هادو هما الأفكار لي كانو كيدورو ليها فراسها داك الساعة
آريا مبغاتش تخسر ليه جلسات كيف طلب منها
كلثوم عاد حسات بشي واحد جلس تلافتت لقاتها آريا : بغيت نقوليك راه أمجاد
آريا قاطعتها : هبطت على قبلو ..فينو هو
كلثوم : مع بااه شوية وايجيو بجوج
آريا جمعات ايدها على شكل قبضة مبغاتش سميتو تذكر قدامها مزال
نعمان : بنتي
شافت فيه عاد رخفات على ايدها
نعمان : من هنا لقدام ولي تهبطي تاكلي معانا .. والا ساجد قاليك شي حاجة غا علمينا حنا نتفاهمو معاه
خلاها تبتاسم ضحكها فهاد اللحظة جات عينيها على عينين كلثوم تنهدات مفهماتش علاش تبدلات عليها لكن سرعان مطارت لفكرة من راسها فاش كلثوم بادلتها الابتسامة ..
آريا بقات جالسة معاهم شوية كيهدرو مرة مرة فشي موضوع ماشي عائلي .. بقات شحال عاد ستأذنات ومشات خارجة على برى : وليتي كتاخد ولدي بلاما تعلمني
عضات على فمها وخرجات بغا تجلس فالبلاصة لي توحشتها ..شافتها خاوية مكين حتى واحد بغات تستغل لفرصة وتستمتع بيها غا بوحدها .. وداكشي لكان قصدات الجليسة لي حدا البيسين خداات راحتها تماك ..تقادات فالجلسة ورجعات راسها لور حتى كتسمع صوت شي واحد فالبيسين هزات راسها وهي تجي عينيها عليها شكون من غيرها جاكلين لي مكتحملش
جاكلين قشعاتها وهي تقرب للسطح : علاما فهمت ساجد قاليك متخرجيش من بيتك
آريا وقفات مقندشة ومشات لعندها : نعاااام ؟؟؟
جاكلين بتاسماات ليها باستهزاء ومشات كتسبح خلات آريا واقفة كتغلي .. عاد رجعات قربات لسطح مع ابتسامة ماكرة: لمهم داكشي لي شفتي الصباح غا
ساجد هبط لحناكها طبع عليهم قبلة لكلا خد بوحدو عاد قرب لشفايفها يلله بغا احط عليهم فمو سمعو بكا أمجاد قفزهم ..تنترات منو ومشات لعند ولدها : ولدي حبيبي مالك
هزاتو كتحاول تسكت فييه
ساجد قرب لعندهم : مالو
آريا كتحاول تفادا تشوف فييه : معرفتش
خداه من عندها كيسكت فيه حتى سكت
آريا : ايكون فييه النعاس داكشي علاش
ساجد نطق مع غمزة : مزيان نعسيه باغييك
آريا دارت راسها مفهات والو : اه عطيه ليا خاص حتى انا نعس وسير نتا تطمأن على هاديك
ساجد هز حاجبو : راه غا ضيفة عندنا .. وعاد انا انبقا هنا لواليد و لواليدة تكلفو
آريا : اه مسكين اتبقا مشوش عليها
ساجد زاد كمل عليها : اه انبقا مشوش
مشات خدات من عندو أمجاد كتغلي قبل تمشي ضرباتو بالغدايد لصدرو وبالضبط جيهت قلبو خلاها حتى مشات عاد زير على لبلاصة .. قلبو ولا كيضرو بزااف زير عليه بايدو وخرج ساد موراه لباب مبغاش تعيق بشي حاجة .. بقا غادي والضبابة على عينيه كيحس بالسخفة والدوخة ..بزز باش كمل الطريق حتى حل باب بيت اخر دخل لييه عاد جلس بعدما سد موراه لباب باش حتى واحد ميشوفو فهاد الحالة
دازت ساعة تقريبا ..
جالس فوق واحد لكرسي و لباشير مقابل معاه ساكتين بجوج حتى جاب ليهم واحد الراجل اتاي كيفرقو على لبازارات خداوه من عندو حتى مشا عاد نطق لباشير :اوا اولدي صحتك لبااس
بيازيد : هاد ساعة هاحنا لحمدلله
لباشير : اوا هادشي لبغينا .. كنتي غبرتي هاد السنين الأخيرة وغا قولبتيني بقضية الأرباح اتاخد منهم شي نسبة حيت مكتبغي تاخد والو
بيازيد : ههه قلت داك لهدرة باش تقبل بالاقتراح وصافي
لباشير كيضحك : مسويهلش
سكتو كيشربو من اتاي .. بيازيد باغي اهدر ومعارفش كيفاش خاص ابدا فالموضوع
لباشير : اوا فين غبرتي هاد السنين لبزار عمرك طليتي عليا فيه ولا حتى ناوي تخطب بنتي عاد تفكرتيني
لباشير تنهد و هو كيجغم من كاس د أتاي : هاحنا انتبعوك اسيدي نشوفو هادشي فين ايوصل
لبيازيد : هههه لعز
لباشير : هيا امتى ناوي تجيب داركم
بيازيد : خاص نعلمهم عاد نتاصل بيك نقوليك امتى
لباشير : اهاه مقلتي عيب
فالليل..
دخل لباشير لدارو بعدما صلى لعشا فالجامع .. كان هاز لموناضة معاه دخل للكوزينة حطها وخرج قصد الصالون جلس فيه بينما تحط لعشا .. وداكشي لكان ربع ساعة هاكاك كانو مجموعين على طابلة لعشا
لباشير كيشوف فمليكة وارجع اشوف فرهاف معارفش كيفاش اجبد معاهم لموضوع .. اما واحد روزا ناسيا لعلام كتحمقها ماكلة مليكة
لباشير حنحن بصوتو : احم يوسف مجاش
رهاف : لا ابابا ..داك ولدك معرت فين غبر عاود
لباشير : حتى اجي و نهدر معاه احيد هاد لقضية ديال اغبر بلاما اقول فيين
رهاف جلسات مع تنهيدة : فراسك شي واحد بغا اخطبني وقاليه بابا جيب واليديك واجيي
شروق تقادت فالجلسة : حلفييي
شداتها الضحكة : هاااي هااي الناااس باغين اتزوجو
رهاف هزات حاجبها : تزوجي غانتي
شروق : مالي اصاحبتي حتى هدا زوااج ياك ماشي بصح
رهاف : عرفتي واقيلة انقبل
شروق وسعات عينيها : ولكن زعما مكيعجبك حتى واحد ..مكتبغيي حتى واحد اخر ؟؟ هممم
رهاف عرفتها كتهدر على بيازيد : بغيت نبين لبنادم انه مكيهمنيش و ضدد فييه انتزوج
شروق : رهاف زوااج ماشي لعب
رهاف : نتي مكتشوفيش اشنو كيدير ليا مرة مبرهش ..مرة معصب ..مرة جدي .. مرة مستهتر بحال هادا عمري نتسنا منو شي حاجة وعمرو ايتبدل ..فراسك ليوم مشيت معاه لشركة و خوه قالي اجي على غدا بوسطك موجود .. اوا سيهم بيازيد شافني ضحكت مع هاداك ولد صاحب باباك
شروق : كريم ؟؟ خدام تماك ؟؟
رهاف : اه خدام فالشركة
شروق : اهاه كملي شافك كتضحكي معاه وشنو
رهاف : شدني بزز خرجني من الشركة وقالي يلله لداركم مغاديش تخدمي هناا
حل عليها لباب قشعها معنكشة فالنعسة و لعشا لجاب ليها لبارح خلاتو كيف هو ..تنهد وقرب لعندها خاشي ايديه فجيابو كيوزع نضراتو عليها مينكرش انه محاملش هاد لوضع مباغيهاش تكرهو وفنفس الوقت شحال قدو ابقا حابسها عندو هادشي مغاديش ادووم
جلس جنبها كيلعب ليها فخصلات شعرها : ذهب
عاود كيدوز بإيدو على ملامحها لي توحشهم بزااف الشيء لي خلاها تديرونجا حتى بداو عينيها كيتفتحو بالشوية ..كمشاتهم ورجعات فتحاتهم حتى كتنوض قافزة : شكادييير هناا
هبطات عينيها على حوايجها واش لبساهم : عنداك تكون درتي ليا شي حاجة ؟
يوسف بنضرات عتاب : حتى لهاد الدرجة مكتيقيش فيا ؟؟؟!!
ذهب : اااه مزيان ملي فهمتي انه تقثي فييك مشات شحال هادا عمرها اترجع مزال
يوسف جمع لوقفة مزير على ايدو : هاني جاي
شافتو خرج بلاما اسد باب لبيت ستغربات وبقات متبعة لييه لعين حتى كيبان ليها راجع عوتاني فايدو شي حاجة
ذهب : شنو داكشي لي فإيدك
يوسف بملامح جامدة حط الساشية : هنا كاين لحوايج باش تبدلي
ورجع جبد من جيبو لكونطاك : هاهما دلوطو..بدلي وسيري بحالك
بقات غا كتشوف صدمها : أ أ
مسحات على شعرها ورجعات لكبرياءها : مزيااان ..يللله خرج بغيت نبدل ونمشي من هنا تخنقت
طول فيها الشوفة وخرج بلاما انطق ..هبط نيشان لتحت جلس فوق لكنباي مشعل التيفي وزايد فالصوت باش ميتعصبش ..كيحاول مينفاعلش كيحس بالعافية شاعلة فييه صدرو كيطلع واهبط بالغليان
ذهب سربات فيساع لبسات عليها عاد هزات ساكها و سوارت لوطو ..بغات تمشي وهي تلمح لخاتم لي ركبو ليها بزز ..خنزرات وحطات داكشي من ايديها ناوية تعاقر معاه باش تحيدو ساعة لا حياة لمن تنادي بحاليلا كتكب لما فالرملة .. جهلات بالجران حتى صبعها ولا حمر لدرجة دمعو عينيها مبغاش اتنصل حتى فقدات الأمل ورجعات هزات الساك والسوارت عاد خرجات هبطات لتحت .. سمعات صوت التيفي مجهد تلافتت حتى كتلمحو جالس على للكنباي واخد راحتو ممسوقش لوجودها أولا بالأحرى مشافهاش .. تنهدات بالغيظ و مشات قاصدة لباب خرجات و سداتو بالجهد
يوسف كان مراقبها طول لوقت بنص عينو غا سدات لباب جمع لوقفة وزف بالتيليكوموند من كترت الغدايد مسح على راسو كيتنهد : غادي نرجعك لحضني اذهب خاص غا لوقت لمناسب .. ميمكنش نسمح فييك
هز داك الساعة جاكيطو و سوارت اللوطو عاد خرج على برى ركب و كسيرا تابعها .. باغي احضيها حتى توصل لدارهم على خير وبيخير حيت الإ وقعات ليها شي حاجة بسبابو مغاديش اتحمل اعيش من موراها
دازو ساعات ..
كانو مجموعين على طابلة للفطور كلثوم و نعمان فقط
كلثوم تنهدات : نعمان صراحة مخلوعة على ذهب معندنا عليها حتى خبار
كلثوم خاطبت نعمان : غا كمل فطورك هادا راه مغاديش اهدر حيت راسو قاليه متهدرش حتى افطرو
نعمان تنهد : نسيت عيطي لمرت ولدك تفطر معانا
ساجد وقف : انمشي نهبطها
ومشا
خلاهم كيشوفو فبعضياتهم مبتاسمين
طلع لعندها غا وصل لبيت حل لباب لقاها مزال ناعسة .. تفكر فاش فاق الصباح لقاها فحضنو ناض داك الساعة هزها و حطها فوق الناموسية باش تاخد راحتها فالنعسة .. بتاسم وهو كيشوف فيهم ناعسين بجوج كيبانو زوينين ..قرب لعندهم : مناويينش تفيقووو
مشا لعند ولدو باسو على خدو كيهر فيه باش افيق .. مبغاش ليه وهو امشي لعندها : منوياش تفيقي البرهوشة
نتفها فشعرها حتى حلات عينيها مخلوعة
ساجد بتاسم : هادا غا انا
آريا خنزرات و رجعات دفنات راسها فالمخدة : حماقيتي !!
روحي تحتضر الجزء 16
محتوى القصة
التنقل بين الأجزاء