وصل لعندها لقاها كتستفرغ معدتها اتسوسها كاملة ..شد ليها راسها وخلاها كتستفرغ على خاطرها خلعاتو معرف راسو باش تبلا .. بقا معاها حتى غسل ليها وجها وعاونها جمع ليها شعرها لور عاد بعدها من لفابو وطلق لما
دورها لعندو كيفحص فيها بملامح مخلوعين : شنو كيضرك ..كتحسي بشي حاجة ؟؟ هدرييي
مليكة : اويلييي كيفااش علاش .. جايين اشوفوها باش من بعد الا سهل الله اخطبوها
يوسف : وايليي ورهاف موافقة ؟ .. رهاف مباغاش تزوج علاما حافظ ختي
مليكة : اوا هيا لا قنعتي لينا ختك و دخلتي ليها لفكرة لراسها ..باك قالي لولد مافيه ميتعاب و فراسك حتى انا عرفتو شكون فايت معاونا واحد لمرة هز لينا مسكين التقدية من لمارشي حتى لهنا
يوسف : هههه هز لييهم التقدية راه مفيه ميتعاب زعما !!
مليكة : راه داك النهار حتى طاكسي مبغا اهزنا بسباب التقل و لكن جابو لينا الله و عاونا .. ونزيدك راه هو لي شريك مع باك فالبزار الجديد و لا غا شريك بالسمية وصافي اما مكياخد من عند باك لا ارباح لا والو .. ديما باك كيبغي اتواصل معاه باش اعطيه الارباح ديالو مكيلقاش كيفاش حتى لمؤخرا عرف راه مكانش فالمغرب ..كان خدام فكوريا ودابا هو كونجيي
يوسف طبطب عليها : غادي نجيب لييك طاقم خاص بهادشي لي بغيتيها قوليها لييهم ..حتى حاجة مغادي تنقص .. وعارفك باغا تخملي داكشي علاش انجيب ليك لي اعاونك
دور عينيه على الصالون : تبغيي نبدلو لفراش ؟
مليكة : لا بحرا مبدلاه ومخيطاه باقي جديد
يوسف : خليني نعاود ندير فراش جديد على ذوقي
مليكة : لي بغيتي اولدي راه داركم هادي
يوسف باس فوق راسها ومشا باغي اخرج : صافيي غا نعسي على جنب الراحة .. غدا فالليل ايكون كلشي هو هاداك
بتاسماات ليه فرحانة بولدها غا غاب على نضرها تنهدات : كوغا اجي النهار لي نفرح بييك حتى نتا اولدييي
يوسف خرج على برى وركب لوطو ديالو عاد كسيرا .. مكرهمش اتحولو للفيلة الجديدة لي شرا ولكن عارفهم مغاديش ابغيو هنا فيين تأسسات عائلتهم وكبرو مغاديش اسخاو بهاد لبلاصة.. داكشي علاش ايحاول اوفر ليهم كاع داكشي لي ايحتاجو وخصوصا رهاف باغي ابين ليها راه عندها خوها لي تستاند علييه فوقت فرحها .. هاد لمناسبة مكتعاودش
جا الليل ..
جالسة فالشرفة كتنخصص كتفكر فاش صونات لصاحبتها باش تخرج معاها لقاتها خارجة اصلا مع روزا
تنهدات : شروق علاش كتبكي دابا ..براااك
مسحات دموعها وهي كتشوف رهاف كتاصل مبغاتش تجاوب مزال مقلقة .. خلاتو كيصوني واعاود اقطع واصوني من جديد
حتى صبح الصباح عاد وقف باللوطو قدام لقصر .. تنهد كانت حالتو متدهورة لبارح تزاد عليه لحال بزاف داكشي علاش مبغاش ابات هنا باش ميبانش ضعيف قدامهم
حل لباب ونزل كيلبس فجاكيطو بغا امشي وهو اسمع صوت شي لوطو سطاسيونات موراه تلافت عرفو عمران وداكشي لكان نزل حتى هو و دار لجيهة لخرى حل على جاكلين عاد تقدمو لعندو بجوجهم
ساجد كيشوف فيهم عاد نطق موجه كلامو لجاكلين : شوية دابا؟
جاكلين هزات راسها باه : صافا
عمران : لحساسية كانت مجهدة جاب الله خدات لعلاج ديالها فالوقت لمناسب
ساجد : لمهم دازت على خير
جاكلين شافت فعمران باش امشي واخليهم بجوج : احم ساجد
ساجد : بغيتي شي حاجة
جاكلين : مراتك لي دارت ليا السودانية فالبينوار
ساجد بقا ساكت داير راسو راه مكان فخبارو والو : متأكدة
هزات راسها باه : مليون فالمية
هز راسو باه و بغا امشي بلاما اجاوبها حتى كتوقفو : باقي متبع دوااك ؟
ساجد شاف لعندها : مبقاش كيوافقنيي
خرجات عينيها : وعلاش مقلتيهاش ليا اساجد ..هادشي مفيهمش اللعب
ساجد : صافي نعسي رتاحي لييك .. أمجاد راه فبيتو اتبقا معاه وحدة من لخدم متشوشيش عليه
آريا هزات راسها باه : واخة
ومشات بعدما عتادرات منهم انه مغاديش تقدر تحضر معاهم
كلثوم : اوا انوض نشوف واش كلشي هو هاداك
شافت فذهب : يلله بدلي علييك باش تكوني واجدة فالوقت
ذهب جمعات لوقفة ومشات كتطير فرحانة : واخة
وداكشي لكان داز لوقت حتى ضربات عشرة دالليل كان تقريبا كلشي هو هاداك كاع داكشيي لغادي اديو معاهم من لكدويات و الحلويات .. الخ واجدين حطوهم هو لول فالكوفغات
ساجد كان يله نزل من عند آريا بغا اتطمأن عليها ساعة لقاها ناعسة
كلثوم مشات لعندو : آريا مولاتش لباس ؟
ساجد : لا ناعسة ..غادي نبقا معاها
كلثوم : حشومة الناس ايسولو على خوه لكبير
ساجد : كذبو شي كذبة ولا قولو لحقيقة بقا مع مراتو مريضة
كلثوم هزات راسها باه وخرجات لبرى واقفة على الشغال بايدها باش كلشي اكون هو هاداك ..
شويية بشوية بداو كيتحطو لطموبيلات من لقصر كانت اول وحدة رونج بيازيد ومعاه مراد و تانية فيها عائلة آريا و تالثة فيها نعمان و كلثوم اما الرابعة فيها ذهب وعمران
ساجد تسناهم حتى مشاو كلهم ..من الصباح وهو حاط عليه لعين : علاش ممشيتيش
خدات مزيل لميكاب بدات كتحيد فييه عاد تلافتت لعند شروق خلاتها كتصايب ليها على ذوقها
بقات كتقاد ليها حتى سالات : شوفي دابا
روزا شافت راسها فالمرايا : واااو نتييي واعرة
شروق كتفات بضحكة خفيفة .. عارفة روزا معندها حتى ذنب فداكشي لي واقع بينها وبين مراد ومحاساش بتأنيب الضمير حيت مخبيين عليها زواجها منو.. فكلتا لحالتين زواج على لورق وايسالي فيساع
بقا واقف بانت ليه طلعت وهبطات فيساع جراتو : هاني كلمت ختك قبل تشوهنا ونتا اتسلم على الناس
يوسف : من نيتك الواليدة
جراتو : زييد وكون تسمع
تنهد : يلله غا طلقي هاني تابعك
مليكة سبقاتو : يلله زييد
دخلات لصالون كتبتاسم : احم هاهو ولدي جا .. كان عندو شي شغال مهمين عاد سالا
تلافتت كتسناه ادخل نطقات بينها وبين خاطرها : اويليي فين غبر
يوسف دخل خاشي ايديه فجيابو نطق بصوتو لخشن : السلام عليكم
كلشي شاف لعندو و خصوصا ذهب لي تلافتت مخرجة عينيها ومصعوقة : كك كيفااش
عمران شاف ملامحها و رجع شاف فيه مخنزر : واش هادا هو خو لعروس ؟؟
ذهب جابلها الله كتحلم ممثيقاش : ميمكنش هاد الصدفة
بلعات ريقها فاش غمزها مع ابتسامة ماكرة وخصوصاً فاش جلس مقابل معاهم داير رجل على رجل ..حسات بالصهدة طلعات معاها محساتش بعمران لي زير على ايدها
عم الصمت حتى كيسمعو خطوات داخلين مع لباب
بيازيد هز راسو كيطلعها من رجليها حتى لخر دراسها .. سهى فيها سهوة دبصح جات كتحمق وطايح عليها السر بالقفطان لي مرصع بحجيرات كيلمعو ..مع ميكاب بارد وشعرها مجموع بطريقة زوينة بين ليها ملامحها كتر
بيازيد طاحت عليه الرزانة والتباتة عاد نتابه للباسو .. مقربش لرسمي بالمرة لابس ستيلو كيف ديما سروال فالبلومارين مع قاميجة كاروات وفوقها كويرة عاد رجليه كات فالاسود لونو المفضل .. مسح على راسو كيقول كون غا لبس الرسمي
غا كمل هدرتو بانت ليه روزا خافها دير شي حركة ماشي حتى لهيه وتجي تعنقو و لا شي حاجة حافظ عقليتها ولكن تنهد براحة فاش بانت ليه جلسات مرزنة صدماتو .. بدا كيدور فعينيه على شروق مكيناش
كلثوم خاطبت ذهب : نوضي عرفي رهاف على افراد العائلة
ذهب بلعات ريقها : هااا
يوسف داير إبتسامة جانبية وكيشوف فيها بحاليلا كيقوليها هاحنا غادي نوليو عائلة وحدة معندك فين تهربي مزال
ذهب بغات تبن لييه راه وجودو مغادي اغير والو داكشي علاش وقفات سلمات على رهاف هاد الأخيرة لي مرفوعة تقيسيها تبكيي
ذهب لاحظت ملامحها : رهااف حاسة بييلا فايت لينا ملاقيين
رهاف هزات راسها بالعرض البطيء هاد الصوت مألوف ..غا شافت فيها خرجات عينيها ممتيقاش : ذذهب !!
ذهب : اه ههه متأكدة هادرة معاك فاش كنت مكنشوفش
رهاف مصدومة : كك كيفاش
داك الساعة دورات عينيها حتى كتجي عليه حسات بالأرض مشات وجات بيها : ميمكنش
كلثوم : ذهب يلله ديري اش قلت لييك
ذهب : واخة اماما
شدات فرهاف لي مرفوعة حسات براسها ولا ثلجة من كترة الصدمة وحناكها تزنكو زاد طاح عليها السر .. ذهب كتعرف فيها على كل فرد من لعائلة وهي مرفوعة غا كتبتاسم ..عرفاتها على عائلة آريا حتى وصلات لعند عمران نطقات بصوت مسموع بحاليلا متقصدة لموضوع : وهادا عمران خطيبيي وقراب نتزوجو
رهاف : مشرفين
وشافت فذهب : مبرووك
ذهب كتشوف فيوسف بنص عين : الله ابارك فيك احبيبة
يوسف جمع لوقفة وخرج جامع ايدو على شكل قبضة خايف اتهور واقلب ليهم هاد لخطبة فوق راسهم
ذهب كملات مع رهاف حتى عرفاتها على كلثوم ونعمان هاد الأخيرين لي وقفو وسلمو عليها فرحانين بمرات بيازيد خخ
بيازيد لايح ايديه على السداري كيشوف الدنيا خوات بقاو غا بجوج .. شافها وقفات ناوية تخرج طار من بلاصتو عارضها : فيين غادة؟؟
رهاف قلبها كيضرب فالتسعيين هزات راسها فييه : سوقك
بيازيد ضربها بصبعو لراسها : راه انولي راجلك امدام
فالجيهة لخرى ..
ضرباتها لفيقة فاش حسات بخاطرها مروع شعلات الضو ومشات بخطوات سريعة لحمام ستفرغات حتى بدات كتبكيي .. كتحس بمعدتها كتمزق حيت موكلاش مكتلقا ما تستفرغ ..تنهدات وهي كتغسل فوجها باش ترجع فيها الروح ..تفكرات اختبار لحمل خاص تأكد وداكشي لكان خرجات من لحمام مشات جابتو من لكوافوز عاد رجعات سدات عليها
فهاد الأثناء وقف باللوطو ديالو قدام لقصر مقدرش امشي معاهم للخطبة قلبو ضرو بزاااف مبغاش انزع ليهم فرحتهم .. كتفا انه امشي حدا لبحر حتى فاتو لحال عاد رجع اتطمأن على مراتو ..تنهد و نزل عاد سد لباب ودخل للقصر فطريقو شاف جاكلين جاية لعندو : ساجد
ساجد هز براسو زعما شنو مافيه لي اهدر
جاكلين : كتبان ليا عيان مالك ؟؟
ساجد : والو مديريش فبالك
جاكلين : مكانش كيحسابلي آريا عندها صديق انتيم حتى لهاد الدرجة
ساجد هز حاحبو : كيفااش
جاكلين : مايكل من قبيلة وهو مع مراتك فالغرفة
ساجد مخلاهاش تزيد تهدر غوت داك الساعة بالاعصاب و طلع طاير لعندها جامع ايدو على شكل قبضة غا وصل لبيت فرعو وهنا زاد خرج عينيه كيبانو لييه واقفين منغامسين فالحديث وهي قدامو بفوطة !!
نطق بالغوات : آآآآريااااااا
آريا حسات بالدوخة جاتها بكترة لخلعة بغات تنطق وهي تشهق فاش بان ليها ضرب مايكل حتى ساس ليه فمو قدامو وزادو كروشي اخر كيضرب بحال المجنون
ساجد مهواش فهاد العلام شتف عليه مزيان حتى رجع شرويطة كلو دمايات .. كون مجاتش جاكلين وقفاتو مكانش ايوقف بالمرة
ساجد شاد راسو غادي احماق : خرررررجيييييه
جاكلين هزات راسها باه وخرجاتو كيف طلب منها
ساجد حس بعروق قلبو تشنقو ولكن لي فيه ممهنيه دار لعندها : كتخونيني وسط بيتي ؟؟ ... وسط فراشيي؟؟
آريا كتدور فراسها زعما لا ..غلبات عليها لبكية ومشات ليها لهدرة ..بقات مفيكسية حتى كتحس بتصرفيقة حارة عطاها ليها لوجع : منننن ليوم نسااااي ساااجد كتسمعييي
وقلب الدورة باغي امشي حتى كتعارضو : كنحلف لييك حتى فهمتي غلاااط 😭😭... والله مدرت شي حاجة خيبة
ساجد حاس براسو ايطيح دابا الطاقة للهدرة معندوش ملقاش حل اخر من غير ادفشها تحيد من قدامو وداكشي لكان غا طاحت فالأرض خرج من لبيت صاعر
آريا شدات كرشها كتوجع : ااااييي كرشييي
شافت جيهت لباب خرج : سااااجد
جمعات للوقفة داك الساعة ومشات لدريسينغ بدلات عليها بالخف عاد خرجات كتجري تبعاه باغا تشرح لييه ..هبطات فالدروج هاد لمرة ماشي لمصعد باش تستاغل لوقت ومتضيعوش هاكة جاها فبالها .. ماشي بزاف حتى كانت لتحت كتقلب هنا و هنا ملقاتوش شوية خرجات على برى وهنا كتجي مع اخر جملة نطق بيها موجها لجاكلين : طلعيي جمعي حوايجك انرجعو لكنداا
جاكلين هزات راسها باه كتخبي فرحتها : واخة
دارت وهي تشوف آريا واقفة بحال لجماد عرفتها سمعات اش قال بتاسماات ومشات دخلات مدازش بزااف حتى خرجات فايدها لفاليز : ساجد نمشيو
ساجد تلافت وهي تجي عينو عليها واقفة كتنخصص ..نطق ببرودة : اه
خدا من عندها لفاليز دارها فالكوفغ ومشا ركب
جاكلين شافت فآريا : شفتي البرهوشة دقتي شحال خايبة
ومشات ركبات
ساجد بقا شحال كيخمم عاد كسيرا مخلي لعجاجة موراه
اريا جابلها الله بحاليلا كتحلم كيفاش سمح فيها هيا و أمجاد و ولدهم لي جاي فالطريق ..مقدراتش تبقا واقفة طاحت على ركابيها بالصدمة كترجف بكترة لبكا
بعد لمرات كتكون الحياة بدات كتفتح لينا بحال شي زهرة فوقت الربيع ولكن مكنعرفوش امتى كتنقالب ضددنا و ترجع تغلق كااع الأبواب فوجوهنا بحال داك الزهرة ملي كيحل الليل وترجع تنغالق حتى لغدا فالصباح ! .. زعما الحياة حتى هي عندها نفس منهج الطبيعة !! و هادشي لي وقع مع آريا يلله بدات كتأقلم مع فرحتها كونها اتولي أم لي ثاني مرة ومن نفس الرجل لي واخة تعدى عليها و ستغل ضعفها فمرحلة من حياتها إلا انه معمرو تخلا عليها ولا خلا شي واحد اقيس فيها الشعرة ..راه إضرابها وميخلي لي إضربها كتبقا برهوشة ساجد آل عمران
تنهدات بضيق كتحس بقلبها ايوقف من الخفقان هادشي لي كتحس بييه خايب بزااف ..كانت واقفة مقابلة مع لمرايا كتشوف فراسها ممتيقاش كلشي داز فرمشة عين هادشي راه مكيدخلش للعقل !!
عيات بالبكا وهي كتشوف انعاسها قدامها ..صورتها وهي فاشلة و كتبكي ..الإحساس بالظلم و الشمتة و اكبر من هادشي الغصة ديال تخلا عليها كانت ناوية تفرحو بخبر حملها منو ..كانت باغا تشوف داك الإبتسامة لي مكيبنها حتى كتكون شي حاجة كتستاهل ..كانت باغا تعيش معاه جميع لحظات حملها ماشي كيف وقع مع أمجاد حتاجاتو بزااف كون ما كبرياءها كان ايكون معاها فجميع لحظات حملها و ولادتها .. تمناات و تمناات ولكن ماشي ديما خاص اوقع داكشي لي كنحلمو بييه !!..
آريا تجننات هزات داك الساعة ديكور ديال جمل كان حداها زفات بييه على لمرايا : كننننكرررررهككككك الغدااااار
وطاحت لأرض كتشهق اتموووت صافي رااه روحها كتحتاضر هادشي بزااف عليها ..معندو حتى عذر علاش مشا وخلاها السبب لي فتارضو ماشي كافي
مسحات دموعها بعجرفة : قوووولها يللله كان عليها تقولها الغدااار ..داك الساعة فهمني بيلا مبقيتيش باغييني ودااير السبة بمايكل
رجعات كتشهق خاشية وجها بين ايديها وكتبكي
فمكان آخر ..
تلفات عليهم بحرا مشات تجاوب على الإتصال لي جاها رجعات ملقات حتى واحد ..خسرات ملامح وجها مستغربة : فيين مشاو هادو
تفكرات اللقطة فاش نطقات مليكة باش توريهم شي حاجة : شغاندير دابا
ذهب بعصبية : اويليي خرج لييك لعقل ..حلل لباب ولا نغوت
يوسف : غوتيي
ذهب يلله اتحل فمها تغوت حسات بشي حاجة باردة تحطات عليهم خرجات عينيها وهي كتحس بييه مزير على خسرها وايدو طالعة هابطة مع ضهرها أما الايد لاخرة حاكمها بيها باش متفلتش لييه
ذهب شداتها البكية بدات كتضرب فصدرو باش اتزعزع و والو عاد مكيزيد اشد الضدد وازير مزال .. عيات تقاوم مباغيش ابعد على شفايفها لي حساتهم تمعكو مزياان خرج منها الجديد والقديم ..شوية حسات بايدو تحطات على فخدها بسباب الكسيوة لي لابسة قصيرة .. خرجات عينيها كتضرب و والو كان حاكمها بحال شي منيكة مهنا حتى ترخات و مبقاتش كتقاومو رجع كيلعب بيها بحال العجينة .. بتاسم برضى فاش تجاوبات معاه وعنقاتو كتاكل فشفايفو حتى هيا خدرها عرف كيفاش ارخيها معاه فهم بيلا مزال قلبها كيضرب لييه بوحدو ..
ذهب وعات على راسها بغات تبعد وهو عاد مكيزيد اجعر حساتو جهل و ولا باغي كتر خصوصا فاش كلاها مع لحيط وبدا كيحل ليها فسنسلة لكسيوة من ضهرها ..شهقات و دفعاتو بالجهد مخرجة عينيها
يوسف وعى على راسو يله بغا اهدر حس بتصرفيقة على حنكو ..معرفش كيفاش وقع هادشي وخصوصا فاش شافها كتبكي وخرجات كتجري تعصب محملش راسو كان باغي اتحكم فرغبتو تجاها ولكن راه الأنثى ديالو كيفاش مغاديش اضعف قدامها وهي كاملة مكمولة و شراستها لي ولات فيها عاد مزادت غرقاتو ..زفر وخرج تابعها كيجري فالدروج بكترة السرعة لي هابط بيها غا وصل لتحت وبانت لييه نطق بسميتها : ذهبب
سرعان ما غير ملامحو عاقدهم فاش بان ليه عمران
عمران : بغيتي خطيبتي فشي حاجة؟؟
ذهب بغات تعتق لموقف : كنت قتليه بيلا منقدرش نمتل فداك العمل لي تقتارح عليا
يوسف هز حاجبو معصب مباغيهاش تكذب : امتى قلتيها !!
ذهب خرجات عينيها هادا ناوي افرتك الرمانة : يلله هدر معايا لمخرج و قالي على لعمل ولكن رفضت وبغيت نعلمك
عمران حاوط خسرها : مزيان احسن حاجة درتيي احبيبة
ذهب كتبتاسم وقلبها كيضرب فالمية خايفة توقع شي شوهة ليوم
يوسف عيا صابر ولكن مبرد غدايدو فإيدو لي كارز عليها ..تنهد بعمق وقرب لعندهم مع ابتسامة مستفزة : ممكن نفهم علاش رفضتي مع لعلم كنتي موافقا فلأول
ذهب : الآراء مكتناقش أمسيو يوسف
عمران : الا كنتي باغي تقول شي حاجة هدر معايا انا ماشي مع خطيبتي
يوسف بسيف باش كالما راسو مباغيش اخسر خطبة ختو اما كون عطاه قتلة دلكلاب .. بتاسم عكس لبركان لي شاعل فييه : وااش خايف لا يطيروها لييك ؟؟
عمران بغا انطق قاطعو يوسف : على مبانلي مكتيقش فخطيبتك واش باغاك لدرجة باغي تحبسها بطريقة غير مباشرة
ذهب : لا نتا غالط
يوسف : إذن علاش رفضتي ؟؟
عمران بعصبية : هادشي مكيعنيكش
يوسف عيا صابر يله بغا اهز ايدو واعطيه بكروشي نطقات ذهب عاتقة لموقف : صافيي صااافيي بيما انه عطيت لكلمة انقبل هاد لعمل
عمران خرج عينيه : علااش اتقبليي ممضطراش ومعندك لاش تدخلي راسك فداك العمل
ذهب : عمران
عمران بدا كيسب فخاطرو وسكت
ذهب شدات فدراعو : يلله نمشيو
وداكشي لكان
يوسف شافهم كيبعدو تحت نضراتو : خاص نهدرو على لعمل كيف ايدوز
ذهب تلافتت لعندو مخنزرة بحاليلا كتقوليه مستحيل نطيح فالفخ ديالك مرة أخرى
بيازيد مخليا داوية وهو كيلبسو ليها بلاما تحس حتى كمل عاد شاف فيها : ساليتي؟
رهاف عاد حسات على راسها وشافت فالخاتم : دابا علاش لبستيه ليا وانا مقبلاش
بيازيد : قربي نقوليك
رهاف خافت : شنو باغي
بغات تبعد جرها حتى قرب لودنها وهمس لييها : راااه بيازيد فاش كيحط عينو على شي حاجة كتولي ديالو .. نتي وليتي ديالي من اول نهار شفتك وكذبتي عليا قلتي سميتي شهرزاد
رهاف قلبها كيضرب فالمية صافي اتسخف لييه تماك ..معرفاتش امتى وقفات وهربات من حدااه قبل اسمع دقات قلبها خافت تشوه قدامو .. خرجات من الصالون بخطوات سريعة حناكها ايطرطقو غا وصلات لبيتها دخلات وسدات لباب كتنهج عاد قشعات شروق مشات تلاحت عليها عنقاتها : مممتيقاااااش ههههههههه بيازييييد خطبنيي وباغينيي نكون مراااتو وحلالو
شروق كتضحك غا من لفوق خايفة تخرج ليها لبكية : هههههه فرحت ليك احبيبة تستاهلي كل لخير
شروق حاطة أيديها على خصرها : هااي هاي على لآلة رهااف ولات كتقولها نيشاان
رهاف رااه عالم بيها غا الله لفراشات دايرين مابغاو فكرشها .. خشات راسها فالمخدة كتضحك بحال لحمقة عكس شروق لي ضارها قلبها على لوضع لي فيه .. كانت يله شافت مراد و روزا فوضع حميمي كيتبادلو لقبل داك الساعة جات دخلات لبيت باش تبكي وتفش قلبها ساعة دخلات رهاف مبغاتش تنكدها عليها ..
دازو ساعات وقربات تضرب تلاثة الصباح ..
نعمان وقف : سي لباشير دابا ولينا نسااب خااص نعرضو علييكم حتى نتوما نكرموكم بهاد الضيافة .. عجبنا لحال بزااف
لباشير فرحان : عائلة نسيبي رااه هي عائلتيي متقولش هاكة اسي نعمان
لكل جمع للوقفة بعدما دوزو أمسية زوييينة بزااف عائلة رهااف مقصروش من جهدهم كان كلشي هو هاداك رجعوهم لعالم لبساطة و الراحة والاستمتاع باللحظة ..داز كلشي على اكمل وجه بعدما تعرفو مزيان وندامجو فالحديث وحتى من ليندا ودانييل كيتعلمو فالدارجة معاهم ..هاد الجوج هما لي حسو بعمق الأمسية تبركالله لمغرب الا مكانش نجاح فشحال من حاجة الا أنه كيعيش السياح عالم اخر فاش كيذوقو من اطباقو الأصيلة سوا الشعبية ولا لي فالمناسبات لخاصة
وصل وقت لخروج كلشي ركب فاللوطو ديالو تحت نضرات لجيران كيبركو و اوشوشو شكون هاد الناس وااخة لوقت تعطل بزااف ولكن فضولهم خلاهم سهرانين باش اجبدو شي خبيرة تروي فضولهم خخ
بيازيد ملي قال ليها داك لهدرة وهي كتهرب وتخبا علييه صعراتو قبل امشي اركب فاللوطو ديالو بقا عاس عليها غا بانت لييه جرها لقنت مظلم باسها على فمها وهمس ليه قبل امشي : مبرووك عليينا
رهاف مبقاتش كتحس برجليها خايفة اخواو بيها وتطيح .. حطات ايدها على قلبها لي كيضرب فالمية فاش سمعاتو تحرك باللوطو بقات مفيكسية حتى فيقتها مليكة : اوا على سلامتي ملي بنتيي اتزوج لياا ههه
بدات تبوس فيها وتعاود حتى تخنقات رهااف : وماما اتقتلنيي
مليكة : واليديه قالو حتى تقررو نتي و بيازيد امتى لعرس .. سيري ابنتي شنقي على الراجل و عرسي فيساع قبل اطير لييك
رهاف خرجات عينيها : مستحيل نقول شي حاجة من قبيل هادشي..الا باغي اتزوج بيا راه ايتزوج غا فرحي اتهناي مني
ومشات حابسة الضحكة
مليكة : ويلي ابنتيي و الله مقصدت فهمتيني غلاط
دازت هاد الليلة على خير عند لبعض والبعض الآخر بحال شي كابوس .. ومن بعد هاد الليلة تبعوها ليالي حتى وصلات سيمانة بالحساب متغير والو من غير مايكل لي غبر لييه الأثر وفاش تشوشو عليه ليندا ودانييل عرفو راه رجع لبرازيل .. اما علاقة شروق بمراد مزال متزوجو كيتسناو عائلااتهم اتافقو على النهار بالضبط وبعد تفكير طويل قررو ايكون بعد يومين من هاد الليلة ..اما بيازيد رجع تشغل بالخدمة ديالو مكلف ببروجي فالمغرب كيقاد فييه عاد ايدير ليه طغونسفييغ لكوريا الشيء لي خلاه اتلاها على رهاف حتى دخلها الشك ولات جالسة كتفكر ناعسة كتفكر هادشي معجبهاش كانت بغاتو اتبدل بعدما تخطبو ساعة معامن !!
كانت جالسة كتخمم حتى كيجيها اتصال من عندو هزات تيلي وجوبات بالخف : سااجد آريا خااص تعرف
ساجد تنهد : سيري لبيت اتكون ناعسة بغيت نسمع صوتها هي و ولدي
كلثوم : كيف بغيتيها متمرضش داكشي لي درتي راه مكيدخلش للعقل .. وااش عارف اش درتيي
ساجد : مزيان باش تكرهنييي ..خاص نبعد قبل تولفنيي معارفش نقدر فأي لحظة اسكت ليا قلبيي
كلثوم كترعد بالبكا : حشومة علييك تقول هاااكة غا تبع العلاج ديالك ايكون خير انشالله
ساجد : مزال موصلتي
كلثوم حلات لباب كان الضو طافيي : تسنا ندخل
قربات لعندهم كتشوفها ناعسة هي و وليدها معنقاه بحاليلا خيفاه اهرب
ساجد : قربي التيليفون لعندهم
كلثوم هزات راسها باه بحاليلا كيشوفها وقربات التيلفون باش اسمع أنفاسهم وهما ناعسين
ساجد البعد كيضرو كتر من مرضو .. كيحس براسو ضعيف وهي ماشي معاه مكانش كيحساب لييه ايجي النهار واولي خايف من لموت .. حيت ماشي هو لغادي اتعدب بالعكس الناس لقراب ليه هما لي غادي اذبلو مورااه
كلثوم مقدراتش تحبس لبكية خافت تفيقهم رجعات داك الساعة حاطة التيليفون على ودنها : سمعتيهم رااه بيخير عليهم متخافش ... وحتى عائلة آريا مزال هنا واخة مكتبغيي تشوف حتى واحد غا سادة عليها ولكن ضروري مغادي تأقلم
ساجد تنهد بعمق بحاليلا هااز الجبال فوق كتافو : تهلاي ليا فيهم الواليدة هادوك راه كبدتيي
كلثوم تنهدات : بعدما كان اخر لقاء لييكم قبل ترجعي لبلادك ساجد ضربوه بالرصاص لجيهت قلبو ما وحدة ما جوج .. و فجرو بيه اللوطو معجزة كبيييرة باش نجى من لموت ودخل فغيبوبة لمدة عاام بالكامل
اريا تفكرات فالمطار فاش كان كيصوني الرقم ديالو شهقات ميمكنش هادشي .. خايفة تكون غا كتحلم كلشي ممكن ماهو الليل اصلا
كلثوم : ساجد عام كامل وهو فالغيبوبة كان محتاج لييك بزااف وملقاكش ضربتي عليه فمرة ..وفاش فاق مفاقش قلبو طبيعي الأطباء دارولو بزااف دالعمليات ومنجحوش حتى تولات جاكلين رعايتو و تكلفات بعلاج مرضو داكشي علاش باقي واقف على رجليه .. ساجد و جاكلين بيناتهم علاقة طبيبة بالمريض ديالها و ساجد دار هاكاك ورجع لكندا حيت تزاد علييه لحال ومبغاكش تشوفيه ضعيف ..دار هادشي باش تكرهييه والا مات
اريا قاطعتها بالجهد : صااااافيييي سكتيييي
وهبطات راسها كتبكيي بالجهد غادي تحماق لدرجة خلعات أمجاد وفاق من النعاس كيبكي حتى مشات عندو كلثوم بدات كتسكت فيه
كلثوم بتاسماات : الصباح ايديك الشيفور للمطار ركبي فطائرة خاصة ..انتكلف بكلشي غا نعسي مرتاحة
اريا فرحات : شكراا بزااف
خدات ولدها كتبوس فيه : انمشيو عند باباك
أمجاد كيصفق : بابا
آريا : اه عهههه
كلثوم بتاسماات وباست راسهم بجوج : الله اخليكم لولدي ولينا
آريا : مغاديش اجيني النعاس مكرهتش كون كنت حداه بغيت نعنقو ونورييه شحال توحشتو وممقلقاش منو
كلثوم : اوا نعسي باش نخليك تمشي لعندو
آريا هزات راسها باه : واخة واخة
تخشات فبلاصتها هي و ولدها كتنعس فيه حتى مشات كلثوم خلاتهم بحدهم مبغاش اجيها النعاس ممثيقاش هادشي كامل خبااه عليها معرفاتش علاش راسو قاصح كان علييه اعاود لييها ..بدات كتبكيي متقدرش تخايل توقع لييه شي حاجة تموت فبلاصتو خااص ابقا معاها هي و ولادهم ..
دازو ساعات وطلع الصباح ..
فاقت بكريي ساعة دلمكانة لي نعسات .. كانت واجدة جمعات حوايجها وحوايج ولدها لي فاق ليها بزز باغي اكمل نعاسو دارت معاه لخاطر حتى فاق عاد غسلات ليه ولبساتو مزيان وهبطات هازاه كتقلب على كلثوم بعينيها ...تفكرات وليديها خاص تشوفهم قبل تمشي مشات لعندهم للغرفة لي كينا فالجناح لي خاص بالضيوف دقات ودخلات لقاتهم ناعسين مرتاحين بتاسماات وهي كتبوسهم عاد كتبان ليهم فوقة رآه مسافرة عند ساجد
هزات راسها باه وهي فرحانة وداكشي لكان هبطات لقات الشيفور كيتسناها قبل تركب عنقات كلثوم وحتى أمجاد عنقها خخ عاد ركبو وتحرك بيهم للمطار
دازو ساعات طوال ..
جالس فوق لكنباي مقابل مع الشوميني نضرا للجو لمعتدل لي فكندا ..كان مركز مع الكتاب كيقرا فييه حتى سمع الدقان على لباب جمع لوقفة شكون لي ممكن اخسر لييه لجليسة لمكنسونطري فيها هاد لغرفة خاصة بالراحة ديالو
هز حاجبو وحل لباب حتى كيوسع عينيه مفهم والو واش ولا مريض لدرجة كيتخايل الصور ..لا هادشي معندوش علاقة بمرض لقلب
فاق من سهوتو فاش عطاتو أمجاد لي كيتشعبط فيه موحشو ودخلات كترجع فشعرها لور : نااس واخدين راحتهم
ساجد باس ولدو كيشم فريحتو وتلافت عند هادي لي كتهدر معصبة
آريا شافت فييه : يكما خسرنا لييك الجليسة
مشات لعندو باستو على خدودو بجوج وهي منفخة
ساجد توحش ملامحها وهي معصبة : علاش بستيني
آريا : بست راجلي نتا مالك
ساجد : اوووه كنعتادرو من سيادتكم
هزات نيفاها لسما وبدات كدور فالغرفة حتى كتحس بقبلة على عنقها تبورشات و بعدات مخلوعة : ممككن نفهم علاش بستيني
روحي تحتضر الجزء 17
محتوى القصة
التنقل بين الأجزاء