ساجد شعكك ليها شعرها : وحتى نتي حاولي متجعرينيش حتى نصح وندير فيك شرع ايدي
آريا دارت راسها مسمعاتوش مزيان فيساع طارت من حداه كتلعب مع ولدها حتى جا جلس حداهم : كيفااش حتى جيتي بعدا
آريا : خالتي كلثوم لي قادات ليا كلشي
تنهد : لواليدة زعما
آريا خنزرات : شنو زعما مبغيتينيش نجي ؟؟
ساجد شد فايدها : ماشي هاكاك .. ولكن
آريا : ساجد انا بغيت نكون معاك فجميع حالاتك
ساجد : هاهو ساكت
بقا فيها لحال حتى حسات بقبلة على خدها وهمس ليها : اجي معايا
آريا تبورشات : علاش
ساجد : انا عارف علاش
شاف فولدو : لبطل واخة تبقا هنا حتى نجيو
أمجاد هز راسو باه وهو ملاهي مع اللعب
ساجد وقف وجرها : فيين غاديين
ساجد : ششش
مشا بيها حتى لبيتو حل لباب دخلها وسدو
آريا : ويلييي أمجاد
ساجد : متخافيش علييه
آريا : ولكن
قاطعها هو تابعها وهي راجعة باللور : قلتي موحشاني؟؟
بلعات ريقها : غا ضحكت
ساجد هز حاجبو : الضحك مكيكونش هاكة
بغات تهرب شدها : اجي لهنا
آريا : اعععع ساجد نتا مريض يلله نمشيو عند أمجاد
دورها لعندو وطاح على شفايفها باغي اوريها انه واخة مريض ولكن مكيضعفش للمرض .. من قبل حنينة تحولو لقبل متتالية عنيفة خلاتهم اسيحو ففراشهم من كترة شوقهم لبعضياتهم ..محسوش على راسهم امتى كانو جسد واحد ناسيين لعلام غا هما بجوج لي كينين
نرجعو للمغرب..
جالسة فبلاصتها مربعة فوق الفوتاي كتشوف فييهم كيتجراااو من بلاصة لبلاصة حتى كتبان ليها جاية عندها الام ديالها
شروق : ماما ملييت
ام شروق : ششش شوفي ها النكافة لي اتكلف بلباسك ختاري لموضيلات لي عجبوك
النكافة جلسات حداها كتوريها القفاطن والتكاشط داكشي دارج على لموضة
شروق فيها لملال باغا غا هادشي اتسالا فيساع قنطات من الثمتيلية غا كتهز راسها باه وهي ممركزة مع حتى لبسة راسها عامر ..سمعات تيلي كيصوني فرحات باغا غا تفك : سمحيلي عفاك خاص نجاوب
شروق وقفات لبسات فرجليها وخرجات من الباب لخارجي كتجر رجليها فكلاكيطة بتوني سبور و تيشورط لفوق أما شعرها مبعثر باين انها ممسوقاش لشي عرس اصلا ..شافتو مشات لعندو حلات باب دللوطو وركبات حداه : نعام
مراد : مالك دايرة هاد لحالة فراسك
شروق : مالها حالتي
مراد : ممالها والو غا كتخلعيي
شروق : بصحتي
مراد : دابا غدا انتزوجو ؟
هزات راسها باه : غا صبر معايا مبقاش بزااف وتسالا هاد لمسرحية و داك الساعة رجع لكوريا مع روزا
مراد طول فيها الشوفة عاد نطق : هاني صابر
غانطق زفرات فخاطرها وخرجات من للوطو بلاما تلافت موراها عينيها غرغرو ..قلبها ايطرطق هادشي بزاااف عليها
نبدلو لبلاصة ..
يوسف كيسوك داير لخاطر مع هاد خيتي لي معول عليها فالخطة ضيق لوقت خلاه اختارها غا هيا لي بانت قدامو فداك اللحظة
نطقات كتشوف فالطبيعة من الزاج داللباب : دابا الا عاونتك اتديني لعند مراد
يوسف معارفش شكون هاد مراد اصلا غا بانت ليه فالبلان : اه غاديري داكشي لقلت لييك وفاش تسولك رهاف فين كنتي قولي شي حاجة من راسك وصافي
روزا بعفوية : ولكن اتديني عند مراد
هز راسو بنفاد صبر : كوني أكيدة غا سكتي
ماشي بزااف باش وقف قدام لموبل ..نزل ودار حل عليها تنزل : ديري كيف قلت ليك متنسايش
روزا : ومراد انشوفو ياك
يوسف بغيظ : اتشوفييه اتشووفييه
جرها ودخلو للداخل كيشوف فالطاقم سلم على لي كيعرفو و تكلم للمخرج بدا كيشرح لييه اشمن للقطة ايبداو بييها الفيلم حيت الفكرة مبنية على انهم اقتابسو الافكار من كتاب ذهب ونفس الشيء من كتاب يوسف
يوسف كيشوف فالسيناريو : هادشي مزياان
لمخرج : الآنسة ذهب رااه كيوجدو فييها
يوسف بتاسم لكن سرعان مختفات الإبتسامة ديالو فاش نطق لمخرج من جديد : معاها خطبيها
يوسف هز حاحبو ومشا كيحاول ازيد اصبر مزال
روزا شافتو مشات لعندو : نبقا واقفة
يوسف : لا اجي جلسي هنا
وراها فيه تجلس : بقاي هناا
غا هز راسو قشع ذهب كتشوف لجيهتهم ..بتاسم و متل انه مهتم براحة روزا حتى خلاها تهز حاجبها
عمران شاف مكينا حتى بلاصة فيين اجلس من غير حدا فين كينا روزا .. مشا جلس تماك حاط عينو على يوسف محاملش فييه الشعرة
يوسف بتاسم لييه بمكر ومشا للنقطة لي ايصورو فييها كيشوفها مقابلة معااه
يوسف همس ليها : عارفة اللقطة الأولى رومنسية
خرجات عينيها : لا هادشي مكاينش فالسيناريو
يوسف عيط ليهم : عطيو الآنسة ذهب السيناريو لي تموديفا
ذهب كترجف باغي اعصبها من أول نهار ..عطاوها تقراه وفعلا داكشيي لكان خرجات عينيها كتحس بقلبها كيضرب فالمية
لمخرج : الآنسة ذهب نبداو؟
ذهب : هاا
عطات داكشي لسيناريست : اه نبدااو
بقاو غا هما بجوج قدام لكاميرا
لمخرج : الآنسة ذهب ترخااي كتباني متوترة و ممرتاحاش
ذهب تنهداات كتغبن فخاطرها
يوسف : غا ترخااي مغاديش نقيسك عندي خطيبتي حتى انا
ذهب : ههه وانا مالي
يوسف : غا بغيت نشرح لييك موقف قبيلة بنتيلي مركزة معانا قلت نعرفك عليها شكون
ذهب كتخبي توترها : هاديك حياتك دير لبغيتي
شهقات فاش خطفها لعندو محاوط خسرها : مكتهمكش حياتي
ذهب كترجف : يوسف شكادير
يوسف : يااك كنمثلو
ذهب : رااه كتقصحني رخف عليا
حسات بايدو على ملامحها واخد راحتو : مجاوبتينيش
ناض عمران وقف معصب : حبسووو هاد تصوير دلخرااا
يوسف كارز عليها : جاوبيي كتهمك حياتي ولا لا
ذهب : يوووسف راه خانقنيي هادشي ماشي فالسيناريو
عمران جعر : ذهههب بعدييي
خاطب لمخرج : وووقف هادشييي
يوسف لعبلو على لكانة دابا... رخف منها وقصدو نيشان بلا كلمة بلا جوج عطاه بكروشي خلا دمو اسيل : سكككت ا ***** من ااصباح ونتاا كتخور ليا فوق راسيي
ذهب شهقات مشات كتجري : اشنو درتي
شدات فعمران كتشوف الدم مخلوعة
عمران نترها وناض باغي اضربو ساعة معامن عاودو بكروشي آخر حتى شاف نجوم الظهر .. وبدا كيعطيه بالغدايد على لفقصة لي ركب فييه هااد لمدة وهو كيشوفو مع حبيبتو ..جعر رجعو تحت رجليه كيخبط كون ما الطاقم لي فكوه من عليه كان ايقتلو ..بزز باش حكموووه كينهج بحال الأسد
يوسف بالغوات : صافيي طلقوو منييي
طلقو منوو لا يتقلب عليهم حتى هما
يوسف شاف فذهب قصدها شدها من درعها و خرج على برة جارها موراه : عيقتيي نتيي مكتفهميييش
ذهب كتبكيي عصباتو دورها قدامو بالجهد : اشنو ندييير بااش تسمحييي لياا هاااا ؟؟؟ واااش حتى لهاد الدرجة مبقاليش لحق فانك تسمحي ليااا ؟ متحرمينيش من فرصتي نبين لييك شحال تبدلت ..كلا واحد عندو لحق ففرصة عطيني حتى انا حقييي
ذهب واقفة بحال لجماد كتبكيي
يوسف : ذهب قلبييي كيضرب لييك غانتييي ..بغييت نتجمعو هادشي لكديري فييه راه كيعذبنيي .. ونزيدك الا مكنتيش ليا مستحيل نخلييك تكوني لواحد آخر وهادا وعد من عندي
يوسف كيتنتر غا بيازيد لي حابسو : كيفااش عطيتيها ليا
عمران شاف فذهب : واش متأكدة اتبدليني بهاد لمجعور
ذهب تخلطات ليها لبكية مع الضحكة
يوسف : الز*** انورييك لمجعور شكون هو
بيازيد فقصوه : وصاااافيييي حبسووو .. لي فهمت هو ختييي تالفة بيناتكمم
يوسف : لا متلفاش هي بغاني انا
ذهب تزنكات
كلثوم : ذهب شرحي لينا
عمران : لمهم تهلاو الخوت
قبل امشي شنق على يوسف : خديتي ذهب على الأقل متلصقش ليا داك لهبيلة انصيفط ليك لعنوان زيد خودها من الدار
يوسف شاف فإيدو : دابا اترخف ولا مغادي اعجبك حال
عمران رخف علييه : مصعوور
ومشا
يوسف بغا اتبعو وهي تشدو ذهب : يوسف
يوسف : مشفتييهش اش قال
كلثوم مربعة ايديها : ممكن تفهمونا ؟؟
ذهب كتشوف فخوها و كلثوم بتوتر : احم
يوسف نطق بسرعة حيت شافها اتبقا مصمرة ومغاديش تهدر : انا كنبغيي ذهب وحتى هي كتبغينيي قبل متخطب لعمران ودابا جا لوقت ورجعنا تلاقينا ..بغييت حبيبتي ترجع لياا و نتزوج بيها
شاف فبيازيد : متعكسش ليا كيف خليتك تزوج بختيي خليني نتزوج بختك
كلثوم كتضحك : سبحآن الله عشنا و شفنا
بيازيد : ذهب مغادي تقولي والو
ذهب : ماما انا كنبغيي يوسف
كلثوم : وعمراان
ذهب : عمران طريقي معاه مسدود من لول قلبي ختار يوسف من شحال هادا
بيازيد طبطب على كتفو : نسيبي مرحبا بييك
يوسف عنقو : حتى نتا
بداو كيضحكو
بيازيد : تلاحو انمشي عند صاحبيي عرسو ليوم
كلثوم : قوليهم راه انجيو للعرس ونديرو لواجب
بيازيد هز راسو باه : واخة
ومشا
كلثوم بقات كتشوف فيهم مطولة : اوا نتوما امتى ناوييين
ذهب بصوت منغنغ : بغيت نقوليك غا على قبيلة فاش قاليك داك لبنت عندو
يوسف : خاص نديها لدار صاحبت رهااف امكن ..غا ليوم جبتها معايا لستوديو باش نعصبك شوية
قرصاتو فكتفو : وليتي مبرهش
يوسف : انا مبرهش؟؟
ذهب : ااه
وقف للوطو جنب الطريق و تلاح على شفايفها حتى خمجهم عاد بعد : مبرهش ولا لا ؟؟
ذهب : لا لا ... يوسف الناس كيشوفو
يوسف رجع باسها : اشوفو انا مالي ..منبوسش حياتي
ذهب ضرباتو لصدرو : يوسف حشومة
رجع باسها مغودد على شفايفها عاد بعد وكسيرا
ذهب : مجعوور
يوسف : قلتي شي حاجة
ذهب : لا والو
بتاسم وزاد فالسرعة فاش وصلو عنوان فميساج عرفها دار عمران
ذهب : غادي لدار عمران
هز راسو باه : فايت ليك مشيتي ليها معاه
هزات راسها بلا : غا حيت فكرتك قلت اتكون غادي عندو
هز راسو باه : مزيان
وزاد فالسرعة كتر باش اوصلو دغيا
وداكشي لكان وصلو فيساع
يوسف تلافت لعندها : بقااي هناا
ذهب : لا نمشي معاه
ونزلات بلاما تسناه اهدر
شد فايدها ودخلو مع باب دالحديقة كانت فيلة صغيرة ..دق فالباب شوية وهي تحل عليه لخدامة لباب : دخلو اسيدي
يوسف جر ذهب ودخلو
عمران قشعهم : جيتي
يوسف : فينها لبنت
خرجات عندهم روزا : اتديني عند مراد؟
ذهب شافت فيوسف : شكون مراد
يوسف : معرفتش
ورجع شاف فروزا : يلله معانا ونديك عندو
هزات راسها باه وهي فرحانة قبل تمشي وجهات كلامها لعمران : متنسااش قلتيلي اتخدمي معايا .. اتصوني ليا ياك
عمران : وااخة
بتاسماات وخرجات معاهم
يوسف يلله ايركب وقفو عمران : تسناا
يوسف دار لعندو : شنو
عمران : تهلا فذهب راه كتبغييك ..حيت طول هاد لمدة كانت كتحاول متخلينيش نتقرب منها
يوسف : علاش كتقولي هادشي دابا
عمران : بغيت وصافي
يوسف : انديرها فعينيا
عمران هز راسو باه وهو كيتنهد ..شافهم مشاو خسر ملامح وجهو لي حزينين : خاص نساها
ودخل لدارو
دازو ساعات ..
جا الليل كان كلشي مزين و فالمستوى .. مقادين الحديقة بطريقة زوييينة الطبالي والكراسة فبلايصهم و جليسة لعدول حدا لبيسين عاد لبزة فالجيهة لخرى .. الدنيا عمرات وبداو كيجيو لمعروضين باقي غا عائلة لعريس وللناس لي ايجيو معاهم .. لكل جالس تحت أنغام موسيقى هادئه والسربايا غادين جايين دايرين خدمتهم
ام شروق دقات عليها لباب عاد حلاتو مبتاسمة : مشالله
مشات باستها : جيتي كتحمقيي
رهاف : جااات واعرة تبركالله
شروق عينيها مغرغرين طايح عليها الضيم : صافيي سكتو اتبكيوني
لكوافورة : الآنسة رهاف جلسي نكمل لييك
رهاف : اه واخة
وجلسات فرحانة عرفاه ايكون مع صاحبو دايرة فبالها اتعطيه النخال دبصح تورييه كيفاش اغبر عليها
اما شروق كانت كتقاد ليها النكافة اخر اللمسات جات كتحمق و طاح عليها السر بانت مضوية بالتكشيطة و التاج عروسة حقيقية
رهاف مراقباها من لمرايا : مراد ايعواج ههه
شروق : متخافيش هو راه عواج على روزا
لكوافورة : واخة ترخاي باش نقاد ليك داكشيي مزيان
رهاف : اه سمحيليا
وخلات لكوافورة كدير خدمتها حتى سالات عاد لبسات قفطانها فالبوردو و شعرها مطلوق على طولتو سامبل مع خصلات بوكلي من لفوق جات كيووت .. و لميكاب وتاها وبين زينها
شروق : جيتي زوينة ههه
رهاف : يااك هه .. هاني خارجة نبركك ونجي عندك
شروق : متعطليش
رهاف : واخة
وخرجات هابطة فالدروج كتشوف فالدنيا عامرة شي داخل شي خارج للحديقة فين ايكون لعرس .. لمحات خوها و مليكة وباها مشات لعندهم سلمات عليهم حيت عرضو عليهم عائلة شروق
داز للوقت وتعالات الموسيقى والشطيح وأخيراً جاو عائلة لعريس الدنيا تخلطات بالدقة لمراكشية والروينة كلشي كيشطح ومنهم بيازيد ومراد ولاو كيطيرو مع الطيور هزيتي وحدين وحطيتي وحدين
مليكة كتقلب على بنتها بعينيها : معرت فين هيا رهاف تشطح مع نسيبي
شافتها مكيناش دخلات كتشطح معاهم .. شوية ولا كلشي كيتحير مشا لبرستيج حتى من نعمان و كلثوم كيصفقو واضحكو ..
ذهب كانت كتصور فبيازيد فيديو باغا تضحك علييه فاش اعيق على راسو ..كانت مبتاسمة حتى كتحس بشي واحد جرها تشطح شافت شكون بدات كتضحك : يوسف ههه
عطاهم لاكط وتلافت عند شروق ومراد عطاه ليهم حتى هما
وشاف فالضيوف : باقيي شي واحد ايتزوج ؟؟
كلشي بدا كيضحك
يوسف همس ليها : كوغا تزوجنا حتى حنا
ذهب : لا بغيت خطبتي وعرسي اكونو زوينين بحال هادشي
يوسف تنهد : جاتك الآلة ..نصبرو شغانديرو
ذهب هزات حاجبها : كيفاش زعمة
يوسف : مكرهتش تكوني دابا فسمتي ومراتي
حشمات بقات ساكتة وهي مبتاسمة
يوسف تفكر روزا : زعما تكون فكرتك صحيحة
ذهب عرفاتو علاش هدر : ااه عجبها لحال فاش وريناها هاديك لورشة و مراد لكانت كتهدر عليه قبيلة هو لعريس ..غادي نهدر مع بيازيد باش اقوليه انا اوطيل كينا حسن متبقا فداركم بوحدها
يوسف هز راسو باه : كلشي كتفكري فييه الا انا
ضرباتو لصدرو : بااز
وشافت قدامها فرحانة..
كانت هابطة فالدروج كتقلب علييه بعينيها : ساجد ؟؟ ..فييينك
شاف فالوقت هادشي كامل وهو غابر معرفاتو فين زاد ..هبطات للتحت بعدما نعسات أمجاد وخلات معاه لمربية لي جاب ليها ساجد
هزات تيليفونها بغات تصوني لييه وداكشي لكان كتدوز لنمرتو ومكيجاوبش عاد سمعات الصوت جاي من شي جيهة .. بقات متبعة موجات الصوت حتى عرفات للغرفة لي جاي منها قطعات لخط : واخييرا بنتي
حلات لباب : ساجد
دورات عينيها مكاينش : فيين كااين هادا
عودات صونات عليه حتى كتسمع صوت تيليفونو تبعات لمصدر حتى كتخرج عينيها مفزوعة غوتات على حر جهدهاا : سااااااااااجد
طاحت على ركابيها كتضرب على وجهو :سااااااجد عفااااك 😭😭😭😭😭
كتمخد فييه و والووو : سااااجد حبيبي حياتييي شووف شكانقول لييك ..حل عينييك عفاااك سااااجد متموتش عفاااك راه انموت معاك😭😭😭
بغات تحماق بالبكا اتسطا : ااااععععع سااااااااااجد
كتمخد فييه و والو : اربيييييي ساااااجد
جمعات لوقفة كتشهق ميمكنش تبقا كتفرج فييه مليوح قدامها بحال شي جثة ومديير والو ..حاولات تجرو تخرجو ولا دير شي حاجة اتحماق : عاونوونييي😭😭
بدات كتجر فييه وهي كترجف كلها كترعد راه روحها كتحسها اتخرج .. قلبها كيتقطع وهي كتشوفو جثة هامدة مكيتحركش .. ضربات معاه بكل قوتها وجهدها حتى خرجاتو من لغرفة داك الساعة بانت ليها الخدامة : عونييينييي 😭😭
لخدامة تخلعات : مسيو ساجد
آريا حسات بالأرض مشات وجات بيها طاحت داك الساعة دايخة كتحس بشي حاجة كتنزف منها ..هبطات عينيها كتلقا الدم تحتها : ولدييي
وغيبات فالبلاصة
لخدامة خرجات كتغوت على لحراس باش اعاونوها وفنفس اللحظة وقفات لوطو وخرجات منها جاكلين : اشنو واقع
بيازيد قرصها فحنكها : على دخول لحمام بحال خرجو الآلة
رهاف عينيها دمعو : بغيت نبقا
بيازيد : شش دابا راه تبدل لوضع ..عندك راجلك و خاصك تعطيه وقتو
وقف بيها حدا لوطو وهو احس بضربة لصدرو شاف فيها مخنزر
رهاف : اشمن وقت زربتي عليا فهاد العقد .. وحتى لخطبة جات بالاغاز ومن بعد غبرتيي !! ..وااش عارف شكادير ابيازيد ؟؟
بيازيد عارف راسو مداير فيها ميصلاح : شنو بغيتي عرس حتى نتي
رهاف بنفخة : مباغا والو غا تيقار
بدا كيقرب ليها وهي راجعة بلور حتى تكالات مع اللوطو نطق مع ابتسامة ذوباتها : والتيقار احبيبة هو لي مغاديش تحلمي بييه .. راه سميتك ولات على سميتي امدام ال عمران
عاد دار لجيهة لخرى ركب وكسيرا : مجاوبتيش واش كنهمك انا ولا لعرس ؟؟
رهاف بدات كتبكي طاح عليها الضيم وبقا فيها لحال
بيازيد وقف اللوطو وشاف لعندها : رهاف
دور وجها لعندو : علاش كتبكي
رهاف كتنخصص : زربتي فالعقد كنت باغا نفرح براسي
بيازيد ضربها لنيفها : المكلخة هادا غا عقد يعني لوقت كلو قدامنا باش نفرحو براسنا .. راه ضروري اتدار حفلة على قبلنا على لواليدة اتزكلنا
رهاف بصوت منغنغ : حلف
هز حاحبو : ولينا فالحلوف
رهاف كتبعكك عليه : وحلف باش نتيق
بيازيد : والله الالة حتى غادي تدار حفلة على قبلنا كلشي ايرحب بمرات بيازيد
رهاف عاد تفشات وعجبها لحال : اممم
بيازيد : اممم شنو !!
رهاف سمعات لكلاكصون موراهم : بيازيد تحرك
بيازيد ممسوقش لعلام : بوسيني و نتحرك
رهاف تنزكات : بيازيد 😑
بيازيد : شنو ؟؟
عرفاتو راسو قاصح فيساع زربات عليه وخطفات بوسة على خدو : يلله تحرك
بيازيد : خوك انا ؟
رهاف : هاا
بيازيد شير لفمو : هنا فين خاص تبوسيني امدام
رهاف : بيازيد عفااك
بيازيد : و عفااك نتي
زربات عليه وباستو كيف بغا
بيازيد : واخة مغاديش نحسبها ولكن انتحرك حتى ندير شرع ايدي
رجع لبلاصتو مع غمزة خلاها تسكت كتدور فعينيها وهو عاجبو لحال ..
نرجعو للعرس ..
تقريبا قريب لنهايتو بعدما حطو لعشا و كالو الضياف..خرجات شروق باللبسة البيضة و مراد فجنبها جاو مواتيين مع بعضياتهم ..كانت نضرات لكل عليهم
خداو بعض الصور التذكارية وتلاهاو مع لمدعويين فاش كيباركو ليهم مع ابتسامة مصطنعة من شروق
داز لوقت وتسالا لعرس
كان واقف كيتسنا تخرج عندو حتى كتبان ليه جاية بسروال جينز و تيشورط من لفوق ..كتجر فرجليها و فالفاليز لي معاها حتى وقفات حداه : واجدة
تلافتو بجوج فاش جاو عندو واليدين شروق كيوصيو فييه باش اتهلا فيها وهو داير معاهم لخاطر وكيجاوبهم باه حتى خدا من عندها لفاليز دارها فالكوفغ و ركب و ركبات هي عاد كسيرا
شروق : واخيراا تسالات هاد لمسرحية
مراد مجاوبهاش بقا كيسوك وهو مركز
شروق شافتو مجاوبهاش سكتات حتى هي مهدراتش
طول الطريق وهما ساكتين حتى وقف و سطاسيونا للوطو ديالو عاد نزل ودار للكوفغ جبد لفاليز
شروق شافتو مقندش كتعرف هاد النضرات ديالو ..تنهدات نزلات تبعاه بلاما تنطق حتى طلعو للفوق فين كاينة الابغطمو ديالو ..حل لباب وتكحاز باش تدخل عاد رجع سدو
وحلات اول باب جا قدامها .دخلات وسداتو كتبكي ..مقدرات دير والو مشات داك الساعة تلاحت فوق الناموسية كتنخصص بالبكا قلبها كيضرها بزاااف ..بقات هاكاك حتى داها النعاس ..
نرجعو للكندا ..
فنفس اللحظة دخلو بياس كلا واحد فيهم لغرفة لعمليات مفرقيين
جاكلين دارت بيها الأرض ممستوعبة والو ..شافت الطبيبة لي غادي تكلف بآريا مشات لعندها : شوفي مع لمريضة
جاكلين مشات طيرة باش تلبس اللبسة لي خاصة بغرفة لعمليات مبقاش عندها حل آخر واخة إحتمال نجاح لعملية هو واحد فالمية ولكن هادا هو اخر حل ممكن تنقدو بييه ..لبسات ودارت ليكونات عاد رجعات لغرفة العمليات بجرا لقاتهم وجدو كلشي و ساجد دايرين ليه الأوكسيجين
جاكلين شافت فالطاقم : خديتو لييه قطرة د الدم خاص نعرف ليموسطاز ديالو
نطق واحد من الطاقم : اه شي 5 دقايق تلونسا فالماشين رااه اغجونس ايتفاليدا دابا
بدات كتقلب ملقات حتى شرويطة مقادة غا لي شوميز دوني وغا لمقزب و المشبك تبهضات : شغانديير
بدات كتعراق غا بوحدها مقدراش تخايل حتى بينها وبين راسها الا لبساتهم كيفاش اتبان ..بقات شحال كتخمم وتعاود تفكر عرفت هاد الليلة اتجي واحد النهار ضروري مخصها تخليك اتملكها ... داكشي علاش دارتها فايد الله وخدات واحد فالاحمر هزاتو ومشات لحمام لقاتو عامر بالبرودويات والمستحضرات عرفات السيد كان ضارب لحساب فراسو و ناوي على الليلة ا فاريها معاها ..وكلات أمرها لله واخة فيها لخلعة دافعة السنطيحة ..زولات القفطان و الاكسسوارات عاد تخشات تحت الدوش خدات وقتها لكافي حتى حسات بجسمها رتاح .. شافت فالفوطة نشفات راسها مزيان ودهنات كريم مرطب عاد لبسات دوبياس فالأحمر حتى هما سيكسي وتبعاتهم الشوميز وباش تفقصو زادت عليها لبنوار ديالو واخة قصير عند لفخاد ولكن كيبقا مستور قدام داكشيي لتحتو خخ
شافت راسها فالمرايا شحال خايفة تخرج وخايفة فنفس لوقت تبقا هنا حتى افرع عليها لباب
بدات كتضرب بايديها على حنكها بشوية باش تفيق : صافيي ارهااف تهدني مالك مخلوعة .. راك مزوجة دابا وبالشخص لي كتحلمي بييه وكتبغييه
تفكرات شعرها غا شعكاتو باييدها باش اتنفخ وخلاتو فازك باش تبان جدابة كتر ..رجعات كتفكر عوتاني عاد خرجات من لحمام بعد صراع كبير ..بغات تزيد خطوة لقدام وهي تسمع التصفار هزات راسها لقاتو متكي على لباب بالسروال فقط والفوقاني عريان ..خرجات عينيها وبدات كتهبط فالبينوار حتى كيبان ليها جاي لعندها مع ابتسامة ساحرة
بيازيد : فين كتهبطي فييه فيين؟؟
رهاف كتبكي فخاطرها يله اتدور باش ترجع لحمام حساتو زدح ضهرها مع صدرو ودور ايدو كاملة على خسرها كتحس بانفاسو مور عنقها والصهد طالع معاها
بيازيد بهمس : علاش قلبك كيضرب بالجهد
رهاف بزز باش جمعات لحروف : لا مكيضربش
بيازيد : متأكدة ؟؟
حط ايدو على قلبها : ايخرج من بلاصتو
رهاف كتحس برجليها ايخواو بيها : بيازيد بعد عفااك منقدرش
بياازيد : ششش
وهبط لعنقها طبع عليه قبلة بعدما كحز ليها شعرها : رااك وليتي دياليي
هبط ليها لبنوار على كتفها كيفرق عليه بوسات خفاف وهي كتهز وتحط غادي اقتلها بسحرو هادشي قوا منها لي كتحسو من جيهتو
بيازيد مزال كيلعب ليها فكتفها بصبعو كيحس برجفاتها كيزيد ابتاسم شوية حل ليها لحزام وطيح ليها لبينوار حتى سمع شهقتها دورها داك الساعة لعندو زدحها مع صدرو كيشوف فعينيها وهي مهبطاهم
بيازيد : مرااتيي
غمضات عينيها صافي الأكسجين حساتو مبقاش اتسخف دابا
بيازيد : لبرهوشة
هزات راسها فيه
بيازيد هز حاجبو : لبرهوشة هزيتي راسك و مراتيي لا ؟؟! همم
رهاف : بيازيد فيا النعاس
بيازيد ضحك : انعسو بجوج
رهاف : كك
بغات تنطق حسات بشفايفها كيلتاهم فيهم بشغف وايدو طالعة هابطة مع ضهرها كتحس بالعافية شاعلة من ثأتير لمساتو ..شوية حسات براسها تهزات فالسما ومشا بيها لناموسية سطحها بالشوية و شفايفهم مزال ملاصقين عاد فصل لقبلة وشاف فيها كتنهج وهو مراقب ملامحها بشغف و كيبعد خصلات شعرها للور : رهااف
ذابت من الطريقة كيفاش نطق اسمها بقات ساكتة كتشوف فييه منساجمين
بيازيد بهمس : شنو بدلتي فيا
رهاف : هاا
بيازيد بنفس لبحة : بدلتي فيا بزااف ارهاف
رهاف قلبها كيضرب فالمليون : كيفاش
بيازيد : نتي هي لبنت لي كان كيقلب عليها بيازيد .. نتي لوحيدة لي اقدر بيازيد اعطيك قلبو
بغات تنطق قاطعها : ششش متقاطعينيش .. من قبل احساسيسنا مكانش عندها اسم حيت نتي ماشي ديال التفلية نتي كتصلاحي للحب فقط .. كنت واخد الأمور بستهزاء وتحدي باش نربح كيف ديما .. مليت نحصل على شي حاجة بسهولة كنت باغي نختابر راسي واش انقد نتملكك
رهاف غا كتسمع لييه مخلياه واخد راحتو فالهدرة
بيازيد : ولكن
هبط لشفايفها خمجهم بقبلة ورجع لوضيتو كيشوف فيها : كنت كنغرق فييك .. نهار بعد نهار عرفت رااه نتي ماشي ديال التفلية انزيد نأكد عليها نتي ديال لحب
رهاف عينيها غرغرو : لمعنى ؟؟
بيازيد بتاسم : ضروري نقولها مكفاكش هاد التعناب
رهاف خسرات ملامح وجها : صافي بعد مني
رجعها لوضعيتها : الآلة بقاي تاخدي الاذن من عند راجلك عاد نوضي
رهاف حمارت يله بغات ترد عليه حساتو بدا كيقبل فيها من جديد وبوثيرة مضاعفة حتى خلاها تنساجم معاه وتجاوب معاه فرحانة بزااف انها مشاركة فراش واحد مع الشخص لي كيضرب ليه قلبها وكيانها .. فاقت من تاتير تخديرو فاش لقات راسها عريانة تحتو وهو واخد راحتو فجسمها حشمات وبغات تراجع ولكن فات لفوت رجع كيبوس فيها هنا وهنا مخلا حتى قنت مقاصوش .. رجعو بجوهم روح وحدة بعدما صرخات فاش حسات بالدم هواد منها وانها ولات ملكو قولا وفعلا ..
بيازيد حاول اتكايس اول مرة صعيب افورصي عليها مطولش بزااف وتلاح حداها كيسمعها كتنهج ضحك وباسها على فمها : خاصك تولفي سوفل
رهاف كتبكي : قصحتيني بعد مني
عطاتو بالظهر حتى حسات بقبلة على كتفها تبورشات وزاد بورشها صوتو : مراتيي حلوة شنو ندير
رهاف : بعد مني
دورها لعندو بالجهد خشاها وسط صدرو : نعسي باركة من التركال قبل نوض نفرعك كتر من هاكة
داك الساعة هدات ولبدات فييه كتطلب الشرع معاه
بيازيد بقا كيطبطب عليها : رهااف
رهاف عيانة باغا غا تنعس : شنو
بيازيد : باش كتحسي وحنا مع بعضياتنا
دازت تخشات فصدرو كتمخشش بحاليلا جوباتو
بيازيد باس فوق شعرها : نتي هيا روحي لي قاصك بحاليلا قاصني انا
عاود باسها كيطبطب عليها باش تنسا لحريق حتى داهم النعاس بجوج ودازت اول ليلة ليهم بعد زواجهم
دازو ساعات طوال ..
خرجات من لعملية وجها مخطوف منو اللون خايفة اكون داكشي لي فبالها بصح ..هزات راسها وهي تلقا نعمان وكلثوم جايين لعندها بالجرا
نعمان عنق كلثوم بالفرحة ممثيقينش واخة مات واحد من احفادهم ولكن باقي لاخر على قيد لحياة
جاكلين بقات كتشوف فيهم شحال عاد مشات وخلاتهم كتحصر على حالتها عرفات انه معندها حتى بلاصة وسط عائلتهم ..مزال كتفكر وجه ساجد فاش جاو لكندا اخر مرة وتسيف عليها تصدمات فالاول كيفاش قراها و حاس بكلشي كانت كتقول مغادي احس على والو ..نسات آل عمران معروفين بالذكاء تدوزيها عليهم كلهم الا آل عمران
مسحات على شعرها ودخلات للمكتب ديالها
نعمان جالس كيواصي فكلثوم لي مصبرهم هو حفيدهم لي مزال عايش و متمسك بالحياة
كلثوم هزات راسها بعدما كانت حاطاه على كتفو : خاص نخبرو عائلة آريا بالموضوع
نعمان : يلله نمشيو لمزرعة نشوفو أمجاد و نتطمأنو عليه عاد نرجعو نيت ترتاحي ..لي جاي صعيب خاص تكوني قوية
كلثوم : غا سير نتا منقدرش نخليهم بوحدهم
نعمان : راه الأطباء دايرين جهدهم فاش ايفيقو بجوج خاص تكوني قوية باش تنسيهم فهادشي لي وقع ..الا كنتي ضعيفة و عيانة شنو لفائدة من وجودك معاهم !!
هزات راسها باه : عندك لحق
وقفها ومشاو خرجو على برى كان الشيفور كيتسناهم ..نعمان قبل اركب دوز لعائلة آريا باش تجي عاد طلع وكسيرا الشيفور نيشان للمزرعة ..
فالمغرب ..
ضرباتها الفيقة هزات راسها لقات كاع عضامها مدكدكيين كلشي كيضرها حيت منعساتش مرتاحة عينيها ناعسين وعقلها خداام لمرض بعينييه .. جمعات لوقفة و مشات لحمام غسلات حالتها وقضات روتينها الصباحي عاد خرجات بدلات عليها كسيوة عند الركبة بلا كمام هزات شعرها للفوق كعكة مهملة و خرجات لحس مقطوع ..عرفاتو اقدر ميكونش فالدار متسوقاتش ناوية تدير راسها مكتشوفوش واخة عايشة معاه فنفس الدار .. سمعات مصارنها كيغوتو بالجوع مشات للكوزينة كتفكر توجد شي حاجة فيساع للفطور واخة راه قرب الظهر .. يله اتحل تلاجة جاها اتصال شافت شكون لقات الام ديالها تنهدات وجوباتها كتصطانع الفرحة وكتهدر مهدنة و بصوت شغوف ماشي جاف حتى حسات بمها راه متيقة سعادتها عاد نهات معاها لمكالمة و رجعات كتشغل راسها بالطياب ..باغا تخرج من عزلتها تفكرات رهاف شداتها الضحكة خاص تهدر معاها باش تعرف منها آخر المستجدات
سمعات لحس خرجات من للكوزينة وهي تقشعهم بجوج داخلين قلبها تزير عليها واخة كتحاول تلاشي هاد الاحساس ولكن داكشي قوى منها
مراد طلعها من صبعها لراسها شحال عاد تلافت لعند روزا : شروق اتبقا معانا بينما رجعنا لكوريا
روزا هزات راسها باه : شروق ضريفة ماشي مشكيل
شروق باستهزاء شداتها الضحكة على راسها ..دخلات داك الساعة للكوزينة حتى كتسمع خطواتو
مراد : صباح الخير
شروق بقات عطياه بالضهر مجوباتوش
مراد : هاد ااساشيات فيهم داكشي لي ناقص فالثلاجة
وخرج
عاد مسحات دمعتها لي نزلات على خدها بلا هواها ..حاولات تستنشق عبير الهواء ودارت خدات من الساشية داكشي لي اتحتاج وكملات التوجاد عاد قادات الطابلة وعيطات لروزا حتى كيبانو ليها جايين بجوج و جلسو على الطابلة
ناعسة وكتحس بشي ايدين كيتحركو على ملامحها كمشات عينيها و حلاتهم حتى كتلقاه قريب لوجها ..عاد بدات كتستوعب أحداث لبارح فيساع تزنكاات وطلعات عليها لغطا
بيازيد حيد ليها لغطة : لي اشوف هاد لحشمة ميقولش هاديك لي كانت ..
قطعاتو : صافييي سكت
بيازيد هز حاجبو : كتغوتي عليا
رهاف عطاتو بالضهر : مغاديش تبدل
حسات براسها تهزات فالسما وهو انطق : فهميني
رهاف : اتبقا تغوت عليا
بيازيد : نغوت عليك ومنخلي لي اغوت علييك
شداتها الضحكة : كتقولب فيا
دخلها لحمام : التقوليبة هي لغادي ندير ليك دابا
وقفها وحيد ليها ليزار وبدا كيقرب ليها وهي راجعة بلور خايفة مبغاتش تجرب ألم ليلة لبارح : بيازييد عفااك
كلاها مع لحيط : صبري معايا
رهاف باغا تبقا فييه : بيازييد
همس ليها وايديه كيتساراو على جسمها : مرات بيازيد
هز راسو لعندها : كتبغيني
هزات راسها بلا
وهو اتحدر عضها فصدرها ورجع سولها : كتبغيني ؟؟
غوتاات من تاتير الألم :ايي وااش حماقيتيي
بيازيد : جاوبيي ولا ندوز لشي لاخر
خرجات عينيها وهزات راسها باه : كنبغييك كنبغييك
بيازيد بمكر : بزااف ولا شوية
رهاف باغا غا تفك : بزااف
بيازيد : قداش ؟؟
رهاف : قد السما
بيازيد بتاسم : وتخلي راجلك اياخد حقو
رهاف صغرات عينيها : كتستدرج فيا
بيازيد : لا داير معاك لخاطر قبل ناخدو بلا خاطرك
جابلها الضحكة عرفات راسها طاحت فواحد مكيشبعش ..داز لوقت عاد خلاها تدوش حتى تهدات لبس ليها بينوار وخرجها وراها اش تلبس من لحوايج لي وصا عليهم الصباح .. وبدل حتى هو حيت دوش معاها عاد خرجو على برى كانت لخدامة موجدا ليهم لفطور ..فطرو تحت تناكيرهم تشوفيهم تقولي هادو مكيتحاملوش ..كملو ماكلتهم وخرجو ركبو اللوطو وزادو لعند أم رهاف كيف عطا للكلمة لحاج لبارح عاد ايمشيو للقصر اشوف واليديه كيف راسم فبالو ..
تحت أصوات الآلات و ريحة للمستشفى حلات عينيها ببطء كتحس بسجمها هزيل ..اول حاجة شافت فالسقف بقات مركزة معاه شحال كتحاول تسترجع ذاكرتها وفين هي ..سرعان متوضحات ليها الأمور وبدات كتنهج : سااااجد ... ولدييي
ذهب شارت ليه باش ادير الاوت باغلوغ و حتى بيازيد فهمها ودارو داك الساعة عاد جاوب باه : لواليد قول ليا شنو كين
نعمان : ساجد فالمستشفى حالتو خطيرة ومراتو جهدات ولحمدلله كانت حاملة بتوأم مات واحد وبقا واحد
ذهب شهقات حاطة ايدها على فمها و رهاف تصدمات بقات غا كتشوف فبيازيد لي تبدل ليه لون وجهو ..داك الساعة قطع لخط : انمشيوو عندهم
رهاف : فيين كاينين
ذهب : كنداا ياك؟
هز راسو باه : طلعي جمعي حوايجك انمشيو دابا
رهاف : نمشي معاك ضروري
بيازيد جرها عنقها كان محتاج لحضن اتسند عليه : ضروري
رهاف حسات من تصرفو ان لخبر كان قاصح عليه بدات كتطبطب على ضهرو : غادي اتشافا اكييد
بيازيد بعد كيتنهد : ياربي امين
داز هاد النهار وجا نهار جديد ..
منعساتش بالليل باغا تمشي لعندو و مقدراش تحرك من بلاصتها .. ولكن ميمكنش تبقا هاكة مدير والو .. تلافتت لسيروم نتراتو من ايدها و نزلات من فوق السرير بلباس للمستشفى كتجر فرجليها حتى خرجات وبقات غادة مع لكولوار كتطل على غرفة بغرفة باش تلقاه ..حتى كتقشع جاكلين خارجة من شي غرفة خنزرات و تخبات حتى مشات عاد تقدمات بخطواتها لنفس لغرفة لي خرجات منها وفعلا ساجد لي تمااك .. سدات لباب ودارت لعندو كتقرب لييه مخلوعة على حالتو دااك الجبل الصامد هاهو جثة هامدة فوق السرير غا صوت الآلات لي كيتسمعو ..خدات كرسي وجلسات حداه كتبكي وتنخصص : حياتيي فييق
شدات ليه فايدو باستها مطولا عاد هزات عينيها لعندو
ونطقات بلغتها كتعني كل حرف نطقاتو
"Você é minha alma e meu ser, meu amor"
"أنت روحي وكياني يا حبيبي "
داز للوقت وهي حدااه وعند راسو ... كتحس بقلبها كيضرها كتر من قلبو وهي كتشوفو فهاد الحالة مهدود بحال شي جثة فالقبر ...
مسحات دموعها وبدات كتبوس فإيدو وتنطق بصوت منغنغ كتعاود لييه على احساسها جابلها الله مخاصش تخلييه بوحدو واخة ماشي فالوعي ديالو ولكن تكون معاه و تعمر علييه ..وقفات مخلوعة فاش سمعات صوت الآلات كيجهااد مفهات والو حطات ايدها على فمها كتبكي وهي كتحس بييه كينهج وصدرو كيطلع واهبط.. شهقات و خرجات داك الساعة بالجرا نسات راسها راه مهلوكة حتى هيا .. غا بان ليها واحد من الأطباء شيرات ليه حتى تم جاي كيجري وموراه الطاقم الطبي
آريا غا كتشوف مصدومة بحال الصنم حتى سمعات صوت شي واحد حداها : آريا خاص تخرجي باش نديرو خدمتنا
آريا خنزرات فيها ونطقات بكره : مستحيل نخلييك تبعديني على راجليي
جاكلين : آريا ماشي وقت هاد لهدرة
آريا كتبكيي : عتقييه عفااك
وحطات ايدها على فمها كتبكيي لهدرة تحبسات لييها ..كتبكيي بعمق كدليل على كمية الحزن لي هازة فقلبها
جاكلين عرفات اتضيع لحجرة معاها غا على والو .. وهي تمشي عند ساجد كتدير إجراءاتها الطبية والطاقم مساعدها ..هادشي كامل تحت نضرات آريا لحزينة .. قلبها كيضرب فالمية مخلووعة مكرهاتش هي لتكون فبلاصتو و متشوفوش فهاد لحالة
جاكلين بأسف شديد : لا ميمكنش
آريا خرجات عينيها ومشات لعندها كتبكيي بلا صوت : مااال ساجد ؟؟؟
بقات كتسايس معاها حتى خرجاتها وداتها لغرفتها مهنات حتى تكات على سريرها عاد خرجات وخلاتها مزال كتبكي
داز للوقت ..
كانت مزال على نفس لوضعية حتى كتسمع لباب تحل شافت جيهتو ونطقات بصوت تعبان : ذهب !!
ذهب قربات ليها : صافا ؟
آريا حركات راسها بلا
ذهب : خويا قوي غادي اتشبت بالحياة .. ربي معاه
آريا : قلبي كيضرني بزااف
ذهب بتحصر : تقدري توقفي
هزات راسها باه
ذهب : اجي نخرجو باش تبدلي لجو
آريا هزات راسها باه وخلات ذهب كتعاون فيها حتى وقفات وتمو غادين قاصدين برى ..قبل اكملو طريقهم وقفات شحال مقابلة معاه من الزاج كتشوف فيه بالم وحزن كبير بعد مدة طويلة ..عاد تنهدات ودارت كملات على طريقها
آريا : امتى جيتي
ذهب : ماشي بزااف باش وصلنا
آريا هزات راسها باه
ذهب : جيت مع بيازيد و مراتو
آريا : مراتو !!
ذهب : اه بيازيد تزوج
آريا بتاسماات وسط حزنها : مبروك عليه
ذهب : بقا فييه لحال بزااف على هادشي لكتعيشي نتي وخويا .. مقادرش افرح بزواجو حتى تكونو نتوما بيخير
آريا تنهدات وجلسات فوق لكرسي وسط حديقة للمستشفى : كنتمنى نوليو بيخير
ذهب كتمسح على شعرها : كلشي ايفوت خاص غا تكوني قوية
آريا هزات راسها باه بلاما تنطق
ذهب شافت فالتيليي بعدما صونا عرفاتو يوسف جوبات و وقفات كتهدر معاه باش متصدعش آريا
ذهب : الوو حياتي
يوسف مشوش : فيينك عااد مجاوبانيي ..شنوو واقع فهمينيي ؟؟؟
ذهب رجعات شافت فآريا وتنهدات عاد جوباتو : انا فكندا
يوسف مفاهم والو : مفهمتش !!
ذهب شداتها لبكية : سااجد خويا لكبير مكتعرفوش تزاد عليه لحال حيت مريض بالقلب وهو دابا فالمستشفى
يوسف وقف بعدما كان جالس : كيفاااش .. ساجد مريض
ذهب هزات راسها باه بحاليلا كيشوفها وسكتاات كتبكي فصمت
يوسف مسح على راسو : ساجد كنعرفو مزياان ..كانت بيناتنا معرفة مزيانة فكندا هاني جااي
ذهب : كنتي كتعرفو
هز راسو باه : اه .. مغاديش نخليك بوحدك هاني جاي
ذهب : أ
قطع عليها قبل تكمل هدرتها لي فراسو فراسو
نرجعو للمغرب ..
كانت لابسة ومقادة جات كيوت بالصاية قصيرة افازي خاشية فيها تيشورط تصميمو زوين مع سبرديلة سبور و شعرها الاشقر مجموع كوتشوفال ..هزات ساكها ناوية تدفع السفيات ديالها وتقلب على خدمة : روزا هانا مشيت
روزا : بغيت نمشي معاك
شروق قربات لباب : مغاديش نتعطل
روزا : اوكاااي
شروق حلات لباب وهي تلقاه فوجها يله كان باغي احل حتى هو ..حدرات راسها وبغات تخرج حتى كيوقفها : فيين بالسلامة ؟؟
شروق تجننات مشات نيشان لبيتها دخلات و ردخات عليه لباب
مراد : هرسييه نتي كااع .. من ليوم لخروج مكاينش
شروق كتعض فالمخاد بالأعصاب : الله اعطيك لعذاب
مراد : اميين
خرجات عينيها : ويليي سمعنييي
تعصبات كلما دورات فراسها لفرزيات لي دار.. روزا معندوش مشكيل خلاها على راحتها وهي باغي انكد عليها حياتها
دازو ساعات..
جالسة ذهب مقابلة معاها فوق لكنباي كتحصر على حالتها حتى من ولدها أمجاد مفكراتش فييه غا ساهية وكتشوف فالسقف ..سمعات تيلي صونا هزاتو وهي تلقاه يوسف نيت عوتاني جوبات فالحين : يوسف
يوسف : خرجي عندي قدام لباب
وقفات : درتيها بصح ؟
يوسف : كنتسناك خرجي عندي
ذهب : اه اه واخة
قطعات وخرجات من لغرفة بهدوء عاد سدات عليها لباب ومشات قاصدة برى ..دورات عينيها وهي تقشعو متكي على لوطو ديالو و النضاضر على عينيه ..غا شافها حيدهم وتم جاي عندها
ذهب مجرد النضرة فيه حيا ليها الألم على الموقف لي كيعيشوه هاد الفترة ..بدون سابق انذار بدات كتجري لعندو حتى تلاحت عنقاتو كارزة عليه وكتبكي بحرقة
يوسف خاطرو ضرو عليها مكيبغيش اشوف دموعها ..تنهد وبدا كيطبطب على ضهرها مخليها واخدة راحتها فالبكا باش ترتاح بقا ساكت شحال حتى حس بيها تهدنات عاد نطق بهمس : غاديي اتشافا متخافيش علييه خوك قوي
بعدات عليه كتمسح دموعها : عمري شفت ساجد منهازم بحال هااكة ..داك الصخرة كاملة تهزات ا يوسف
يوسف شد وجها بين ايديه كيمسح ليها دموعها : غادي ارجع كيف كان و كتر ا حبيبة
طبع قبلة على جبينها كيحاول احسسها راه معاها و فجنبها
ذهب : يلله نمشيو لمزرعة ديال خويا ..نجيبو أمجاد عند ماماه ايكون موحشها
يوسف : عارف الطريق ..يلله
ذهب : فين عرفتيها
يوسف : واحد لفترة ستقريت فييها قبل نرجع للمغرب
ذهب : هي كتعرف خويا مزيان
يوسف هز راسو باه : خووك كيستاحق ان الواحد اتعرف علييه
بتاسماات وباستو على خدو عاد مشاو للوطو ديالو حل ليها لباب ركبات ودار لجيهة لخرى ركب وكسيرا
ماشي بزااف باش وصلو ودخلو لداخل كان الكل مجموع لكآبة مستعمرة لمكان ..كلشي ساهي غا صوت أمجاد لي منوض الروبالة كيلعب وكلما توحش واليديه كيبدا ابكي حتى اسكتوه عاد كيرجع العب
ذهب : أمجاااد
أمجاد هز راسو لعندها بحاليلا كيسولها فينها آريا و ساجد
كلثوم هزاات راسها لعندهم : ذهب .. يوسف
يوسف بتأسف : سااجد قوي وايرجع حسن من قبل ..لوقت كتبين كلشي
بيازيد جمع لوقفة : غادي نمشي نطل علييه
ذهب : كون غي دينا أمجاد عند آريا
بيازيد : أمجاد مخاصوش اشوف آريا فداك الحالة راه حاس بشي حاجة ماشي حتى لهييه ..خاصو ابقا بعيد على هادشي
نقزات رهاف : بيازيد عندو لحق
ذهب : اه صافي
جا الليل..
مخرجاتش من بيتها طول النهار لدرجة بقات بالجوع غا باش متخرجش وتشوفو ..ولكن معدتها كتصفر شداتها السخفة مصبراتش لبسات كلاكيطة فرجليها وخرجات من لبيت بلاما تشعل الضو ..بقات غادة كتدهسس حتى كتخرج فشي حاجة شهقات بالصوت مرتافع قبل تطيح حسات بشي قبضة شداتها من خسرها
شروق قلبها كيضرب فالمية : شكووون؟؟
شوية تشعل الضو تلافتو بجوجهم كانت روزا عاد دخلات لدار وسدات لباب ..غا دارت تفيكسات فييهم كيبان ليها مراد محاوط شروق من خسرها تعجبات : مالكم !!
شروق كانت كتشوف فروزا حتى نطقات عاد رجعات من سهوتها وهزات راسها فمراد ..غا جات عينيها فعينيه جمعات لوقفة كتهبط فحوايجها بتوتر
مراد : احم ... لعشا واجد
شاف فشروق عارف ايكون فيها الجوع : اجي تعشااي
شروق بنفخة : مفيااش الجوع
رمقها بنضرات حادة حتى نطقات بسرعة : صافي انتعشا فيا جوع
مراد تكحاز ودار إشارة بايدو باش تدوز حيت كان حابس عليها الطريق : يلله تفضلي شكاتسنااي
زفرات ودازت كتلوح فشعرها مور عنقها وهو مراقب تصرفاتها
روزا مشات لعندو : حبيبي
مراد ببرودة : شنوو
روزا : تعرفت على واحد الطبيب سميتو عمران
مراد : لمعنى ؟؟
روزا : بما انه عندي ديبلوم ممرضة وبما انك مزال فالمغرب بغييت ندوز عندو سطاج
مراد وقف : هدرتيي قلتها توصلني شي خبار راه درتيي داكشي عكس لي قلت لييك تحملي لعواقب
ومشا غبر من قدامهم
روزا شافت فشروق : علاش مراد قالييك هاكاك
شروق مزالا مصدومة بقات غا كتشوف مجوباتهاش هي براسها خاص تفهم علاش
دازو ساعات و أيام و شهور ..
طول هاد لمدة بيازيد ورهاف مرة فالمغرب مرة فكندا كيتطمأنو على صحة ساجد واش كاين شي جديد ولا والو مكتابش لييهم افرحو بزواجهم بحال اي كوبل تزوج جديد.. اما نعمان وكلثوم وحتى عائلة آريا مخلاوهاش حتى دقيقة بوحدها كااع الأوقات فجنبها كلما ضعفات كتلقاهم واقفين معاها و فسندها
كأي يوم من الايام كانت خارجة من لحمام كتلهت يلله ستفرغات واخة بداو كينقصو هاد الأعراض بشوية بشوية ..خدات فوطة كتمسح بيها وجها و تلافتت لعند لباب فاش سمعاتو تحل .. سرعان مبتاسمات لييه : أمجاد
أمجاد جاي كيجر فرجلييه يلله فايق من النعاس : ماماا
آريا عنقاتو : غادي نديرو لولديي ..ولكن عيد ميلادك ماشي هاد الشهر حتى لشهر لماجي باغي تقولبني هممم
أمجاد هز كتافو : بغيتو😭
آريا هزاتو كتهر فكريشتو : ويلله نقولو لباباك اخر لأخبار بلا غادي نديرو عيد ميلاد وهو ضروري احضر
أمجاد : هااا
آريا : نمشيو عند باباك
أمجاد هز راسو باه : اه اه ههههه
باستو و وقفاتو على رجليه : وقف هنا نبدل و نقلب ليك على شي حاجة زوينة تلبسها
هز راسو باه ومشا بجرية تلاح فوق الناموسية
آريا : مزياان تبركالله ..نقص شوية من التفرفير
أمجاد : ماما لوسووم "روسوم"
آريا مصغرة عينيها فييه : احياني علييك
مشات شعلات لييه تيفي وخدمات ليه الروسوم لي كيعجبو عاد دخلات لدريسينغ كتلبس وهو حال فمو مع الروسوم كيموت على مشاهد السرعة والاكشن .. هادا هو نوعو لمفضل ..حتى ركز مع لمشهد وهي تطفا تيفي تلافت مقندش دغيا طلقها للبكا
آريا : يااك باغيي نمشيو عند باباك ..يلله نلبسك وباركة من التبوحيط
آريا هبطات عينيها لكريشتها منفوخة : لا مزال مكبرات
ذهب : تلت شهوور باقا شوية منهنا لقدام اتكبر
آريا بتاسماات
ومشات للوطو ديالها ركبات ولدها قداتو فبلاصتو عاد ركبات وتحركات نيشان للمستشفى ..ماشي بزااف باش وقفات قدامها و هبطات حلات لباب على أمجاد هزاتو و دخلات كتقدم بخطواتها وقلبها كيتزير عليها واخة كتبين جدار لقوة ولكن من لداخل راه غا الله لي عالم بيها
وصلات لغرفتو فتحات لباب بالشوية ودخلات هازة ولدها .. كيتسمع غا صوت الآلات و هو ممدود فوق السرير
أمجاد : بابا
شاف فآريا : بابا هنن
آريا هبطاتو وقف على رجليه و شداتو فإيدو كيقربو جيهتو ..وصلو لعندو و هزات ولدها جلساتو وجلسات حتى هي كتحاول متبكيش
أمجاد كيقيس فايديه : بابا
آريا مقدراتش تحبس دموعها : باباك ايولي لبااس
أمجاد بملامح حزينة : بابا
آريا قربات لعند وجهو طبعات قبلة على خدو بحال كلا مرة فاش كتجي ورجعات جلسات فبلاصتها ولفات هاد لوضع : حياتيي فيييق خلااص .. ولدنا قرب اكمل عامين و جاي بيبي فالطريق.. تلت شهور وانا هازاه فكرشي ونتا مزال مبغيتي تفييق ..هاد لغيبوبة طولاتك علينا
آريا دارت كيف طلب منها حتى كتحس بقبلة على خدها بتاسماات ورجعات لبلاصتها : كنبغيييك
ساجد طول فييها الشوفة : أول مرة كتقوليها ليا
آريا : حييت بصح كنبغييك ههه
رجعات عنقاتو مقاداها فرحة
ساجد : كيف داير ولديي كيعذبك ؟
آريا بحزن : كانو غادي اكونو توأم اساجد ولكن
ساجد : ولكن شنو
آريا تقادات فالجلسة : نهار طحتي حتى انا جاني اجهاد وفقدت واحد من ولادنا .. ومن تماك وانا كنتاقلم على لوضع الجديد كونك نتا فغيبوبة و لبيبي لي مات جاتني صعيبة ..هاد تلات اشهر دازت عليا بحال لمرار .. أمجاد لي كان معمر عليا
ساجد شد فايدها : مبقيتش غادي نخلييك
آريا : الا خليتيني انمووت
ساجد هز ايدو كيمسح على شعرها : توحشتك
آريا : انا بزاااف
ورجعات عنقاتو بقاو ساكتين شحال كيحاولو اشبعو من بعضياتهم حتى نطقات : خاص نعلم الدار ايفرحوو بزااف
بدات غادة جاية فبلاصتها كتمسح على شعرها : خاااص نسااه كلما كنقول نسيتو كنرجع من الصفر .. ضروري نسااه ميمكنش نعاود هاد لمجهود من لول بعد هاد لمدة كاملة خاص ميبانش قدامي باش نزيد نسااه
شافت فحوايجها و فالفاليز : هادا هو لحل
تخشات فبلاصتها كتفكر شحال عاد عمرات لمنبه ونعسات مصممة على قرار واحد
فكندا ..
متكي وهي عند راسو كتلعب فشعرو مقاداها فرحة انه فعلا ولا حداها و قريب منها : مفيكش الجوع ؟؟
ساجد خشا وجهو فعنقها كيفرق علييه لقبل : متأكد من حاجة وحدة هي توحشتك
آريا طالعة معاها السخونية : سااجد حتى تصح
ساجد هز راسو من عنقها ضحكاتو : راه صحيح خاص غا تحني فيا
آريا : بااز ..خاص تاكل احبيبي
ساجد : ناس ولاو كيقولو حبيبي
شداتو من لكول مقربة لوجهو و كتميل فشفايفها وهو متبعها : نتاا رااك حبيبي و حياتيي و..
قاطعها فاش طاح على شفايفها كيجر فييهم جعراتوو بالمزياان غا باقيي عياان أما كون ناض برد شوقو و رغبتو لجامحة فيها
لتحت ..
رهاف جالسة حدا الشوميني غا بوحدها ..كتفكر انه من داك الليلة مولا قاصها .. فالاول كانت كتقول مع لمشاكل والاحزان لي تراكمت على لعائلة داكشي علاش ولكن متنكرش انه فالداخل ديالها بقا فيها لحال ..شافت فالوقت سوايع هادي وهو غابر شوية حتى كيبان ليها داخل غا شافها مشا لعندها : حياتي اجي معايا
رهاف بنفخة : مرتاحة هناا
بيازيد عايق بكلشي : رهاااف بلاما تبدااي .. اجي
وقفات معصبة : فيين تعطلتي بالسلامة
بيازيد : اهاه زيدي غوتيي
رهاف : سمع
شهقات فاش هزها بين ايديه : شغا نسمع
رهاف : بيازيد نزلني
بيازيد ممسوقش موقف بيها حتى لبيتهم ..غا وصل لناموسية لاحها حتى غوتات : ااااييي مالك حماقيتيي
بيازيد : دخلي دوشيي و فاش تخرجي اتلقاي شي حاجة لبسيها
رهاف باستفهام : شكاتخربق
بيازيد : ياربيي على مراتيي اتجهلنيي .. نعاود هدرتي ..دخلي دوشي وخرجي لبسي داكشيي لي اتلقايه فوق الناموسية
رهاف تنهدات فاش شافتو خرج وسد لباب : شكايدور فراسو
وقفات ودخلات للحمام كتساءل مفاهمة والو .. داز للوقت وهي مخشية فالجاكوزي جاتها من لجنة والناس كانت محتاجة لييه باش ترتاح .. جمعات لوقفة وكملات التدواش عاد لوات عليها فوطة وخرجات ملقاتوش ..بغات تمشي لدريسينغ وهي تقشع واحد لعلبة كبيييرة .. ستغربات وقربات ليها : شنو فيها
حلاتها بفضول : لا ميمكنش
عينيها ولاو كيطلقو للقلوبة : واااو غوب بيضة
بدات كتضحك وخرجاتها من لعلبة فرحانة .. مشات داك الساعة تقابلت مع لمرايا كتشوف وااش اتجي معاها ..حمقاتها والابتسامة ممفرقاش ملامحها عرفاتو بغا افاجأها غا ضلماتو بتفكيرها ..شوية تحل لباب ودخل عرفاتو غا من ريحتو
تلافتت جيهتو مع ابتسامة ذوباتو .. مشات داك الساعة عندو عنقاتو : زوييينة بزااف
بيازيد : رهااف بعدي
رهاف بعدات حسات بالقمعة : علاش
بيازيد مسح على راسو : مبغيتش نخسر ليك فرحتك ..راه شاعل الا شديتك مغاديش نطلقك
رهاف وجها تزنك مزال كتحشم منو فهاد لمواضيع .. ملقات غي تهرب بخطواتها لدريسينغ نيت تلبس لغوب تشوف كيف جاتها .. وداكشي لكان لبساتها اتطير بالفرحة .. عاد خرجات وهي تلقاه واقف كيتسناها غا شافها بدا كيطلع واهبط فيها من صبعها الصغير للخر دراسها
بيازيد : قربيي
رهاف مشات لعندو قلبها كيضرب فالمية : نعام
جرها من خسرها حتى تأوهات حيت لحركة لي دار مخطوفة : بشوية ا بيازيد
بيازيد طلع ليها الغوب على صدرها : ستريي هادشي
شاف فشعرها لفازك : نشفي شعرك وقادييه
رهاف : علاش
بيازيد : باغيي نتصور مع مراتيي ذكرى ..منتصورش ؟؟
بتاسماات ليه ومشات قدام لكواافوز جلسات واخدة راحتها بدات كتنشف فشعرها بالسوشوار حتى تصايب عاد رماتو مور عنقها على طولتو .. و بدات كتوضع فالميكاب لي ايجي مع لغوب وبشرتها ..هادشي كامل تحت نضرات بيازيد اياكلها بعينيه
بيازيد خرجها على برى و تم غادي بيها جيهة واحد الصال كبيرة كلها زاج جات قريبة من الدار بيناتهم غا شي وريدات ديال الحديقة
رهاف : بيازيد علاش غادين تماك
بيازيد : دابا تعرفيي
غا وصل حل لباب : دخليي
رهاف مفاهمة والو ..دخلات كيف طلب منها مع غاتهز راسها حلات فمها بالصدمة .. فاقت من سهوتها على صوت الألعاب النارية لكيطرطقو فالسما .. بداات كتضحك مصدومة ممستوعباش رجعات شافت فبيازيد واش كيشوف داكشيي ليبان ليها
بيازيد مركز مع ملامحها : كيف جاتك لمفاجأة ؟؟
رهاف ممثيقاش رجعات كتشوف فيهم كيصفقو ليهم فرحانين
شوية جات لعندها مليكة عنقاتها و جا حتى لباشير كيباركو ليهم من جديد
بيازيد حاوط رهاف من خسرها و مشاو جلسو فوق واحد للكنباي مصمم بطريقة زوييينة ومحجر كيبري .. كانو جلسو فيه غا هما بجوج و لعائلة دايرة بييهم ... مزيينين الصال بطريقة زوينة كلشو مقاد و هو هداك
ليندا : آريا وساجد مغاديش اجيو ؟
بيازيد : صيفطت لآريا ميساج باش تجيب ساجد
نعمان : هاهو جا
كلهم تلافتو لعندهم مع ابتسامة جااو كيحمقو بجوج
كلهم تلافتو لعندهم مع ابتسامة جااو كيحمقو بجوج .. ساجد بالكوستيم واقف وقفتو لمعتادة محاملش ابان ضعيف قدامهم باغي ابين ليهم صافي راه صح ورجع كيف كان خاص غا الراحة .. أما آريا كانت فجنبو بكسيوة طويلة و واسعة جات مع طايتها بانت كيوت بالكريشة خارجة ليها شوية ...هاد الكسوة كانت من اختيارو هو أما هي عينيها جات على وحدة عند لفخاد
دانييل : فينو حفيدي
آريا بتاسماات وهي كتقرب لعندهم وايدها فدارع الشخص لي كيضرب ليه قلبها : أمجاد ناعس ..معاه المربية الا فاق
ليندا : اجييو جلسو متبقاوش واقفيين
ساجد شافت فبيازيد : خاص نعطيو شي حاجة لعرسان بعدا
جر آريا معاه حتى تقابلو معاهم و نفس اللحظة وقف بيازيد ورهاف كلباقة
شافت فساجد مبتاسمة ورجعات كملات هدرتها : بما انه حرمنا عليكم زواجكم و تشغلتو معانا .. هاد التذاكر باش تبعدو من الصداعات وتفرحو شوية .. حجزنا لييكم الاوطيل غدا خاص تسافرو لروما
رهاف غا كتشوف هادشي بزااف عليها عمرها كانت كتقول انه ااتولي فهاد السعادة
بيازيد : عذبتو راسكم
ساجد ضرب على كتفو بطريقة روجولية : أقل حاجة
بيازيد عنقو : الله اطول فعمرك
ساجد ضحك : نجيت من لموت
آريا : صافي طلق من راجلي خاصو اجلس
بيازيد بعد و شاف فيها : وليتي كتعرفي تهدري البرهوشة
رهاف شهقات هادا شكايقول : بيازيد
ساجد حمر فييه : انا لي نقوليها لي بغييت ماشي نتا
بيازيد شد آريا من حناكها : هادي راه بنتي
آريا تنترات منو ضروها حناكها : بعععد منيي
شافت فساجد : هدر معاه
ساجد : بيازييد بلاما نصعر
رهاف عتقات لموقف : غا كيضحك
بيازيد شاف فرهاف : شكون قاليك كنضحك
رهاف خرجات عينيها و همسات ليه : سكت
ساجد مشا جلس اما آريا قبل تمشي حدااه عفطات لبيازيد على رجلو عاد هربات
بيازيد : وااخة العضاضة ونتي و داك لبعلوك دولدك جامع ليكم
آريا بنفخة قارمة على ساجد : حبيبي هدر مع هاداك
ساجد كيوزع عينيه عليهم : صغاريتو ؟؟
بيازيد جلس : قولها لمرتك .. ماشي بزااف باش مكملا سن الرشد و دايرة فيها بعقلها
رهاف معرفاتهم واش كيضحكو ولا كيتعايرو هادشي جديد عليها يلله كتولف
آريا شافت فالكل : فينها للموسيقى ؟؟
وقفات ذهب لي كانت متبتة طول لوقت : هانيي انخدمها
نعمان : بلاتي نعطي لولدي لكادو
وقف ومشا عندهم عاود بارك ليهم وعطاهم لكادو عاد تبعاتو كلثوم و جات نوبة لاخرييين حتى واحد مقصر ولا بخل علييهم بغاو افرحوهم بزواجهم
تحت انغام الموسيقى لهادئة نطقات كلثوم : ها ساجد بمراتو ..وبيازيد تزوج بقات غا ذهب
يوسف نطق وعينو على ذهب : انا من جيهتي مكرهتش دابا ..ولكن ذهب قالت حتى تقاد الأمور ونرجعو لمغرب
ذهب كتفشش : ماما انا باغا عرس بحال لي حضرنا لييه
رهاف : بحال دشروق ومراد
ذهب : اه بحال دصاحب بيازيد
يوسف : واخة الآلة نصبرو
مليكة : دابا نديك معايا لشي عرس من ديال لجارات
كلهم بداو كيضحكو
يوسف : لواليدة بعدي داك لجارات ديالك على مراتي لمستقبلية .. من الشوفة لولا ايضربوها بالعين
ذهب : علاش ايضربوني بالعين
يوسف : حيت كتحمقيي
تصمرات فبلاصتها محشمش قالها قدام كلشي
ساجد غا كيشوف خلاه حتى سالا عاد نطق : هي كتعرف ختي و مفراسي والو
يوسف شاف لعندو : مجاتش لفرصة عاد كتاب
ساجد مصغر عينيه فيه زعما تقت بييك : اوا تهلاا ذهب غالية عندنا
يوسف : أكيد
دازت هاد الليلة على عائلة آل عمران فجو زويين و هادئ وجا نهار جديد ..
فاقت على صوت لمنبه كيف رسمات فعقلها .. دخلات لحمام غسلات وخرجات لبسات عليها عاد جمعات حوايجها لي اتحتاج فالسفر .. هزات كاع لي كارط ديالها و جواز السفر عاد خرجات من لبيت قبل تكمل طريقها كتبات لروزا بيلا مسافرة فورقة وحطاتها ليها فوق الطابلة عاد جرات لفاليز ديالها وخرجات و وجهتها هي لمطار باغا تبعد منهنا باغا تهرب بقلبها بااش ميتعذبش فاش اخليها فمرة ..خلات لكورة عندو شغلو هداك اطلقها ولا ميطلقهاش لمهم هو تنجى براسها .. خشات لفاليز ديالها فالكوفغ عاد ركبات وكسيرات
فنفس اللحظة وقفات لوطو أخرى موضيل جديد ..هبط منها كيوضع فنضاراتو عاجبو لحال حيت رجع لبلادو فمرة .. كانت هاد لمدة كافية باش ارتب افكارو وحتى خدمتو اوضع ليها النقط على لحروف ..دار لكوفغ حلو وجبد منو شي شاسيات عاد دخل للموبل وطلع نيشان فين كاينة الابغطمو ..حل لباب ودخل كيدور فعينيه لحس مقطووع
حط داكشي فوق الطابل ومشا حل باب بيتها تفاجأ فاش ملقاهاش : شرووق !!
دخل كيكتاشف فالغرفة : شروووق
دخلو الشك وهو كيغوت باش لا كانت فالدار تسمعو : شروووق
عقد غوباشتو ومشا حل باب لحمام بلاما ادق ..هز حاجبو مكيناش حتى هنا ..خرج داك الساعة من لبيت وهي تبان ليه روزا كتجر فرجليها ناعسة واقفة خخ
وسط صخب و أصوات المسافرين .. جالسة ساهية كتسنا فوقت الطائرة باش تمشي من هنا ..بغات تخلي كلشي موراها ..بغات تبعد باش تبدا من الزيرو ..حياة بدون اي شخص اينكدها عليها ..حياة بدون اي مشاكل اولا بكا وحزن ..فعلا كان قرار لحضي ولكن راه كيعني ليها بزااف لقاتو هو لمنقد ديالها باش تفلت منهم كلهم ..من صغرها عمرها خدات داكشي لباغا ولي نجادب ليه قلبها ..طفولتها دازت عادية و فاش كبرات وبغات دعم واليديها ملقاتهمش جابلها الله كيفضلو الفلوس على لحنان لي هي محتاجة لييه منهم .. دازت سنوات وهي متأقلما مع الوضع نسات راه اقدر تطيح فالحب حيت محتاجة للحنان ..نسات انه راه تقدر تبغي الشخص الخطأ ..الشخص لي مكيستاهلش تعطيه قلبها
شروق بتاسماات باستهزاء وهي كتشوف بين عينيها شريط حياتها كاملة : احسن حاجة وقعات ليا هي صديقتي لكسبت
جاها للحنين لرهاف بغات حتى تستقر فكريا و تاصل بيها ..خاص اهدرو بيناتهم حديث طويل عريض باش ترتاح حيت احساسيك فاش كيبقاو فالداخل ديالك كتجيبها غا فراسك قلبك لي كيتعذب فقط
سمعات التيلي كيصوني دورات وجها حتى كتجي عينيها على نمرتو ..عقدت غوباشتها و حلات تيلي خدات منو لكارط هرساتها كااع ..خاص حتى حاجة متبقا تربطها بييه بالمرة
فالجيهة لخرى ..
كيسوك بحال لحمق طول الطريق وهو علاين ادير فالكسايد ..كيحبس لفران حتى لاخر لحظة ..شاف الضو لحمر حرقو و زاد ممسوقش للبوليس براسهم.. عقلو كلو معاها جبإس طالع لييه اشمن مطار متواجدة فييه .. بعييد خاصو امشي طاير فالسما باش الحق عليها قبل تمشي وميعاودش اشوفها ..وسط لخبطت افكارو وصدرو لي كيطلع واهبط قشع لبوليس تابعينو عرفهم حيت خالف لقوانين ..نقص السرعة حتى ولات لوطو دالبوليس غادة معاه فالخط
داك الساعة هبط زاجة داللوطو وخرج راسو : نقضيي واحد لغرااض وندفع غرامة هاد لمخالفة
لبوليسي خرج راسو حتى هو : كتضحك علينا ..حبس لفران ولا نديرو خدمتنا
لموضفة : لا ولكن الطيارة د دابا غادي تقلع بعد شي ربع ساعة ولا قل
مراد : صاافيي
ودار قالب الدورة كيقلب هنا وهنا ايقرع راسو ..والزحام و الهدرة بزااف جهل محسش على راسو حتى غوت باعلى صوتو : ششششرووووووق
جمع ايدو على شكل قبضة لوقت كيضيع ولا بغا امشي اقلب فالطيارة مغاديش اخليوه لحرس ..تجنن ايحماق حس بالزمن توقف و ايديه مربوطين موقف لا يحسد علييه .. قلب فالساعة من جديد لوقت وصل وزاد تحطم فاش سمع الاعلان ان الطيارة قلعات .. صافييي حس بقلبو سكت و تزير عليه اول مرة كيشعر بعينيه غرغرو و النفس تقطعات فييه ..قلب الدورة خارج لبرا منهازم و كيلوم فراسو باغيي اغوت باغيي اخرج هاد لعافية لي كتنهش فييه هادشي قااصح بزااف باش اتحمل اعيشو ..معرفش كيفاش خطواتو وصلوه لبرى حاس براسو فاقد الذاكرة حتى من لوطو ديالو ناسي شكلها
تنهد بعمممق شدييد كانت تنهيدة كتعني بزااف وبزااف ..دور راسو ومشا جيهت للوطو حتى كيهز حاجبو كيبان لييه شي واحد راكب فيها كمش عينيه نسا اسدها ..قرب بسرعة جاب لييه الله فين ايبرد جنونو وصل لباب وحلو جاعر حتى كيتفيكسا وسع عينيه كيحاول اترجم الصورة لي قدامو وااش حتى لهاد الدرجة ولا كيتخايل صورتها
نطق بسهوة : شرووق !!!
شروق هزات فييه راسها وعينيها مغرغرين بغات تنطق حتى كتحس بييه جرها من دراعها ودورها قدامو بالجهد ..بقا كيشوف فيها وعينيه مغرغرين وحمرين بحال جغمة دالدم
شروق كتفرك فإيديها مباغاش تضعف قدامو وتبكيي
مراد بغا ابرد داك لعافية لي من صباح وهي شاعلة فييه ..محسش على راسو حتى هز ايدو حتى لسما و نزل على حنكها بصفعة تلاتية الأبعاد
شروق بقات مفيكسية لجيهة لي دار ليها حنكها حسات بييه تجمد عليهاا و كيوزوز
مراد جرها من خسرها حتى تزدحات مع صدرو وغوت فوجها : عاااااجبببك هاادشييي يااك ؟؟؟
شروق حنكها مبقاتش كتحس بييه مبغاتش تهز راسها و تشوف فعينيه شهقات فاش حسات بييه شد ليها فكها و دورها لعندو نطق مورك على لحروف : اخررر مررررة تعاودييها ..ااااخر مرة تخلييي قلبيي كيضرنيي واااش مفهوووم؟؟؟
شروق مغمضة عينيها وكتنخصص .. حتى كتحس بشفايفو على شفايفها كيبوس فيها بعمق بحال شي واحد كان مقطوع وعاد خدا لادروغ ديالو ..نسات راسها غا تفكرات الأحداث لي قبل دفعاتو جاعرة حتى رجع بجوج خطوات للور ..بقا كيشوف فيها كتنهج وهو كتر منها كيمسح على راسو
شروق قلبها كيضرب فالمية حتى وضعات النقط على لحروف ورجعو تحيدو خلاوها تعاود من الزيرو .. بغات تنسا لهم وتبع قلبها واخة غا هاد اللحظة قربات لعندو بخطوات سريعة وجراتو من لكول عاد تعلات على طراف صباعها و حطات شفايفها على شفايفو كتبوس فيه بهستيرية وهو كتر منها بحاليلا عطاتو الإشارة ..كان محاوط خسرها بايديه بجوج مزير عليها وكيبوس فيها بشغف نساو راسهم بجوج
شروق حتى تخنقات عاد بعدات وبغات ترجع لبلاصتها ساعة مزير على خسرها معندها كيف دير
آريا كتلوح فشعرها لور بلعاني .. عاد مكتزيد فالضدد كتعاون هنا وهنا شوية مع أمجاد كتلعب معاه حتى كتمل وترجع تعاونهم ..هاكة داز لوقت وهي محاساش بنضراتو ليها ..نضرات كلها اعجاب وحب و شوق ..خايف عليها من كلشي
داز لوقت و تعشات لعشية ..
لحضور بداو كيجيو واحد بواحد ..والعريس واقف متوتر كيتسنا اللحظة لي اتولي خطيبتو رسميا
مليكة كترحب بجاراتها مسخاتش بغات تورييهم قصر نسيبها و مرت ولدها لمستقبلية خخ : شوووفو كولو وشربوو خودو راحتكمم
بيازيد مشا جر ذهب ويوسف اشطحو وجاب نسيبتو ورهاف و قلبها هو ومراد شطيح مسطي خخ
آريا شافت فساجد : نشطحو ؟؟
ساجد خدا كاس من عند السيرفور كيجغم : متقلة متشطحيش .. وانا مفيااش
أمجاد كيجر فآريا : ماماا هنننن
آريا جراتو ومشاو حداهم كيشطحو ضد فييه.عائلة آل عمران بقات فيها غا السمية خخ
ساجد : الصبر الصبر
آريا ماشي فهاد لعلام ممسوقاش لقنبولة لي قدامها ..كتشطح مع أمجاد وهاد الاخير كينقز فبلاصتو ضاربين الدنيا بركلة وفرحانين واخة معصبينو ولكن حركاتهم كتضحكو
بيازيد دار إشارة لديدجي باش امجهد لموسيقى وداكشي لكان عاد حمى الطرح دبصح
نسااو راسهم كيشطحو حتى كيسمعو غوتة زعزعات لقصر كاامل تلافتو لقاو آريا جالسة فالأرض شادة كرشها وكتغوت ربي لي خلقها
ساجد كان ملاهي مع واحد من لمدعويين خدام فالشركة ديالهم ..غا سمع غوات صوت حافظو مزيان دار مخرج عينيه وزاد خرجهم فاش بانت ليه جالسة شادة كرشها وكتبكي وتغوت والجوقة مجموعة ..مشا طير بحال لمسطي لعندها تحدر مخلوع وأمجاد حتى هو كيبكي حيت شافها كتبكيي
روحي تحتضر الجزء 18 والأخير
محتوى القصة
التنقل بين الأجزاء