قرب لعندها كيدرع بايديه تا وصل ليها. .طلعها من لما حتى خرجو راسهم كانت كتشوف فيه وهيا كترجف عاد حنيكاتها لي حمارو زادو برزو انوثتها ..يله غادي انطق بعصبية وهيا تقاطعو بتعنيقة قوية خاشية راسها فعنقو وكتنخصص بحاليلا تفكرات شي حاجة
ساجد تعجب من تصرفاتها كيحس براسو الا بقا معاها مجرد غي ساعة احماق مافيهاش ..افعالها كلها على بعض متناقدة
حس براسو خاصو ابعدها عليه وداكشي لكان دفعها بقوة حتى ولا كيفصلهم سنتمترات معدودة
هز حاجبو موجه صبعو ليها : اخر مرة تقربيي ليااا ..كتسمعيي
آريا متسوقاتش لكلامو تشقلبات برجليها وكملات سباحتها باتقان خلاتو حال فمو و عينيه : لا وااش من نيتها ..وااش كنباان ليهاا مونيكة كضحك علياا كييف بغات
ضرب لما بايدو حتى طاحو قطرات منو على ملامح وجهو. .جعر بالمعقول قصدها طير هزها بين ايديه وطلع فدريجات دالبيسين مع كانو قراب لسطح مغارقش بزااف. .شافها كتنتر وتغوت تضحك
بدات كتقمش فصدرو باش انزلها ترجع تسبح ..نفجرات ونطقات بلغتها كيف لعادة : هبطنييي اعععع هبطنييي هءءء حمباااك هبطنيي بغييت ندير بحال الدجاجة لي فروسوم😭...اعععع هبطنيي حمباااك وااااع سااااجد هءءء هءءهءه
مجاش فين اكملها حتى بدات كتنتر من جديد ولكن قاطعها بزوية بمرفقو لجنب كريشتها خلاها مكوانسية والدموع كيهبطو من عويناتها بلا صوت. .دقائق و هيا مبلوكية حتى سحات على راسها لقاتو واقف بيها فالمصعد. .كمشات فمها مصغرة عينيها. .بتاسمات بمكر و هزات صبيعاتها حاطاهم على عنقو. .يله غادي اتحل باب لمصعد وهيا تضربها ليه بقرصة مسمومة مور عنقو كانت مركزة معاها باش تسمع صوتو ملي اغوت ..خسرات ملامح وجها فاش مجاش صوتو فالمسمع ديالها ..تنهدات حابسة لبكاا حيت خطتها فشلات وعودات كتقرصو ولكن نفس النتيجة قاطع لحس معرفاش بهاد لحركة الصبيانية راه كيجمع ليها ..مجرد موصل لبيتها رماها فوق الناموسية حتى سمع تأوها من التقصيحة ..قبل اخرج رجع لعندها هز ذقنها قابطو بايدو بحاليلا غادي اهرسو ..مشعرش على راسو فاش صفعها مرة أخرى على نفس لحنك حتى تنفخ ..من بعد عاد زدحها حتى تخبطات مع كادر دالناموسية. .خنزر فييها بشوفات قاتلة ومشا هز لفيكس طلب من لخدامة تكلم الأم ديالو باش تطلع تبدل ليها. .مبغاش اشوفها مريضة حتى ترجع لموطنها وضبر راسها ديك الساعة. .
لتحت..
كان جالس كيرشف من لقهوة مع بيازيد لي مشبح فوق لفوتاي كلا رجل فجيه وتيلي فايدو خاشي راسو فيه
انيس: حط داك تيلي خلينا نهدرو شوية
بيازيد مزولش عينو على تيلي : غي هدر انا مركز معاك
أنيس : هههه بااز وجهك قاصح
بيازيد قلب عينيه : هيهي عارف
انيس : احم بغيت نسولك
بيازيد : كنسمعك
انيس : شكون ديك لبنت لي عندكم ..معرفتهاش
بيازيد يله جا انطق قاطعو صوت موراه : بيازيد وخا تخلينا بوحدنا
دور راسو لعندو : اجي الشااف جلس 😒..ضربت قبيلة والله مناسيها بااش تكون فبالك
ساجد جلس : حتا انا مناسيش اشنو درتي باش تكون فبالك حتى نتا
بيازيد هز طرف من لكيك كان فوق الطابلة : مهم انا علمتك
كتفا بهاد لجملة وطلع لبيتو
ساجد دار لعند انيس : قبل من نبدا هدرتي غادي نقولك واحد لجملة خاصك تسطر عليها بخط عريض
انيس تقاد فالجلسة : خبار لخير
ساجد تسنا لخدامة حتى جابت ليه قهوتو خداها من عندها. .وسكت حتى مشات عاد نطق : آريا
انيس باستفهام : شكون آريا؟ ؟
ساجد : لكنتي معاها فالبيسين ..مبغيتكش تقرب ليها مرة آخرى خاصك تشوفها تبعد من طريق لي غادة منها
انيس : اشنو لزوم هاد لكلام ..وااش
قاطعو : مهم هاد لهدرة خاص تنفد ..ودابا ندوزو لمعقول
كانت كدور فعويناتها من تحت لغطا وعاضة على شفايفها بمكر كتسنا لخدامة تخرج من لغرفة. .ممصبرها غي إيديها لي كتفرك فييهم طيبتهم جابلها عقلها أنها لطولت مزال اتنوض تضربها ليها بشي عضة تخرج عليها فالحين. .وسعات عويناتها بفرحة فاش سمعات للباب تسد هزات ضهرها ديك الساعة جالسة وراميا لغطا قدامها
خسرات ملامح وجها كتغودد على لخدامة بحاليلا كتحس أنها خاص ترجع ليها دقتها حيت زعجتها : امم كاااو😒 ..بوهوو 😤 " حمارة"
جمعات لوقفة بتيشورط لي كانت لابسة و الشورط ديالو لي مكيبانش مع قصير بزاف ولاصق على لحمها ..يله جات تنزل من فوق الناموسية وهيا تجي مزدوحة على فمها خرجات عينيها ودموعها كيسيلو : هءءء أو تي أدايوو هءءهءه هنننن
وقفات كتخبط فبلاصة الزدحة عد بالها كترجع دقتها حتى حسات بالراحة عاد بعدت ..دورات عينيها قشعات بانطوفتها ميلات شفايفها بملل محملتش ديكورها ..زفرات بعصبية وقصدات لباب كتختل بالشوية و تقلب بعينيها بحال السراق يله اتشد لبواني وهيا تقشع تيليكوموند عضات على شفايفها بحركتها لعفوية ومشات ليها كتبرك على الأزرار عشوائيا حتى شعلات ..بقات عوتاني كتبرك على الأزرار باش اتقلبو لقنوات ولكن الصدمة جوج بالاكتر هوما لكينين و خاصين بالروسوم فقط ..فيساع طاح فبالها ساجد فاش طفا ليها تيفي باش متفرجش فداك لفيلم ..حسات براسها غادي تجنن جالسات كتعض فايديها وتنتف فراسها وتهرنن بغات تحماق بالبكا : هءءءؤهءءء ساااااااجد😠 صووووجووو "حقيير" اعععع😭 هءءهءه
تفكرات خطتها وهيا تجمع لوقفة كتمسح دموعها. .قبل تخرج هزات بانطوفتها لابساها فايديها على شكل ليكونات خخ ..سدات باب لغرفة بقات مقاتلة معاه كتعصر حيت معرفاتش دور لبواني عاد صدق لييها. .مجرد مسالات بدات كتمشى على رؤوس اصابعها كتوزع كل عين فقنت حتى كتحوال خخ ..خرجات عينيها فاش بان ليها ساجد خارج من غرفتو كيقاد لفيست ديالو .عضات لبانطوفة فبلاصة ايديها كتفكر كفاش تخبى دورات وجها لقات فاز كبير مشات موراه بحال لمشيشة حتى تخبات عاد رتاحت. .سدات فمها حابسة الضحكة كتحس بريحتو لمجهدة كتقرب تيجاها خافتو اجي لغرفتها ميلقاهاش ..كتحس بالرعب من جيهتو قلبها كيهرب منو بالنسبة ليها هو داك الشيطان لي مكيعرفش الرحمة عمرو خلا ذكرى زوينة تقدر تحتافظ بيها عكس بيازيد كتحس بإحساس زوين وهيا معاه. هادو هوما افكارها بعد لمرات كتكون صبيانية بلا قياس وتارة آخرى عقلها كيخدم بحال بنت دات وجابت فالدنيا ..حسات بغياب وجودو عاد بتاسمات بانتصار يله أتوقف وهيا تجي عينيها على زغرفة فالفاز كانت مكتوبة بالخط لعثماني
بتاسمات وهيا ساهية عاد نطقات بتلعثم لجملة لي لطالما سمعاتها فصغرها : أشهد أن لا إله إلا الله وأشهد أن محمد رسول الله 😊
بعدات على لفاز وركعات بقات حاطة جبينها على الأرض مخليا دموعها كيسيلو ..بغات تفكر شكون الشخص لي علمها ليها مقدراتش عيات تعصر مخها و والو فالاخير وقفات كتمسح دميعاتها بالبانطوفة لي فايدها.
ستجمعات طاقتها عاد طلقات رجليها لريح بغات تركب المصعد خافت تحصل داكشي علاش بقات كتقلب على سلالم الدرج بغات تحماق حتى فقدات الأمل عاد جات فيهم نقزات بالفرحة بحاليلا دارت إنجاز تاريخي ..مخلاتش ليها لوقت فين تفكر هبطات مباشرة كتختل ليشوفها شي واحد غي كتبان ليها شي خدامة كدير راسها جالسة كتلعب بالبانطوفة . مجرد مكيمشيو كتزفر بحاليلا كدخلهم فالقائمة السوداء عندها ..حسات براسها خصها تنفد خطتها فأسرع وقت داكشي علاش هبطات بخفة مديراش لحس وفنفس لوقت بسرعة معرفاتش راسها امتى خرجات من لقصر. .شافت لبوابة فيها لحراس كحلات بالعما معرفات مدير. .رجعات شعرها لور بعصبية وضربتها بجرية فاش بانت ليها رونج ساجد خارجة وهوما كيضربولو التحية ..وسعات عينيها بالفرحة ملي بانو ليها تجمعو كيفطرو ..نقزات ومشات كتختل مع كتقن هاد الدور محسات براسها الا وهيا برى. .ضرب فيها نسيم لهوى الصباحي بتاسمات باشراقية عجبها لجو بزاف ..تنفسات بعمق ونطقات بنضرات مركزة: ليييست غووو
مجرد مسالات كلامها مشات كتنقز فالطريق بين لفيلات بحال الطائر لي كتشوفو كيحلق فالسما بإرياحية بغات تكون بحالو حتى هيا ..قبل متخرج لشاريع قشعات واحد الشجرة اغصانها خارجين من صور دالفيلة ..عينيها خرجو لقلوبة فاش شافت لخوخ معلق حسات بريوكها سالو مشات طيرا كتعلق حتى قطفات خوخة 😍 " فمي باسل كنتشهى كلشي 😣😣" عاد كملات مشوارها لخاص كتاكل بحال شي مفترس عمرو شاف لماكلة. .نتابهات لتصاميم لبناء كلشي مبدل عليها ماشي بحال لبرازيل. .تسلات ليها لخوخة معجبهاش لحال رجعات بجرية مهتماتش لرجليها لحفيانين ومعرفاتش فين خلات لبانطوفة ..هزات عرمة وكملات بخطواتها حتى لشاريع عاد رجعات النفس لي تحبس فيها بسباب الجرى ..بدات كتمشى وتخشي ففمها كضحك عاجبها لحال. .كتشوف فالسيارات كيكلاكصونيو واغمزو ..ولكن مجرد مكتخرج نيابها كيفرو براسهم
نفخات بفمها حتى ..
نفخات بفمها حتى طارو خصلات شعرها لي تشعكك بحاليلا كانت كضارب مع لمشاش ..قلبات عينيها وكملات بخطواتها كتاكل وتبنن ولا على بالها. .داز لوقت وهيا غادة حتى لقات راسها قدام مارشي دالخضرة والفواكه ..الخ
معرفاتش اش كيقولو لهاد لبلاصة بقات كتحنزز فبنادم لغادي وجاي كتشوف مناظر غريبة عمرها شافتها ..عجبها لحال هبطات راسها لقات مبقاش عندها لخوخ اما باش تهبط عينيها لرجليها لي غرقو وسط الدم لا ممسوقاش ليهم واش من جسمها ..بقات كتمشى وسط لبائعين كتمنظر و الشعب لمغريبي كيتسأل شكون هاد لحوية😂 ..وحتى هيا ممقصراش من جهدها لي داز من حداها كتبقى متبعاه بعينيها حتى كيحرقوها بكترة ممفيكسياهم ..جاها جووع طاحت فبالها الشوكولا عشقها الأبدي. .سرعان مجلسات فالأرض كتمرغ وتبكي بهستيرية خلات كلشي معجب ومفاهم واالو ..فثانية حسات بالجوقة ديرا بيها كيتفرجو اش باغا تصنع
هزات راسها بعدما كانت كتبكي وهيا تفاجئ بعدد الناس لي ديرين بيها ..يله اتغوت وهو اجي لعندها راجل كبير فالسن والشيب كاسي كااع شعرو
الراجل عرفها ماشي من هنا بحكم كيعرف السياح حتى ولا كيفرز اللغات ..رجع شاف فعينيها باش متخافش مد ايدو ليها بمودة حتى خلاها تحس بالأمان عاد شداتو. .نوضها داك الساعة
و دار شاف فالجوقة : يللله اسياادناا فركتوو الجوقة ونتوما باغيين غي علاش تجمعو
نقفز واحد منهم : هادي بيناا شي كااورية😍
الراجل : الله ارد بييكم وجهكمم مقزدر
تلافت عند آريا لي حالة فمها باستغراب هاد لجو جديد عليها .ولكن فنفس لوقت عاجبها شي حاجة مختالفة على لي موالفة هاكة جابلها عقلها
الراجل : اجي ابنتيي عندي لكروسة نوكلك
آريا هزات راسها باه وخا مفهماتوش مشات معاه حتى لكروسة جلسها جنبو على كرسي و بدا كيقاد ليها فزلافة مدها ليها
آريا باستفهام : أليفايدو "ما هدا"
الراجل بتاسم : عرفتك برازيلية هه
حاول اخلي عينيها عليه وعلى فمو كفاش اينطق : سيكووك ..سي كوو ك
دار ليها اشارة بايدو باش تقول لكلمة : قولي معايا سي كوو ك ..هااكة ابنتي سيكوووك
آريا عينيها حوالو متبعة مع فمو دوخوها لحروف😂..تشجعات و حاولت دير اول خطوة : سااااا
آريا عجبها لحال هبطات راسها مطلعاتوش جاها بنين بزاف ..بسرعة لبرق كملات الزلافة ومدتها ليه باش ازيدها هاكة داز لوقت حتى خوات لراجل السلعة ولكن كان فرحان حيت شافها عاجبها لحال
آريا وقفات باغا تبكي معرفاتش فين تمشي حتى حسات بايد كبيرة تحطات على كتفها ..
فالجيهة لخرى. .
خرجات من لقصر واضعة نضارات سوداء على عينيها كدرق اعاقتها ..كتبان سوو كيوت وسط كسيوتها لمفضفضة مع سميطة ذهبية فالخصر وشعرها جمعاه كعكة مهملة مطلعاها لفوق مع بالغينة اسوغتي مع لكسيوة. .حسات بروكي كيمشي بالزربة مع شادة فالسنسلة لي فعنقو مبغاتش دي معاها عصاتها باش تاخد راحتها حيت كتقنطها بالنسبة ليها روكي فيه لكفاية
انيس كان يله ايركب لوطو ديالو لي جابوها ليه لحارس لبارح وهو اشوفها ..مشا لعندها ديك الساعة : ذهب
ذهب بتاسمات ببرودة :انيس صباح الخير
انيس : صباح نور ..غادة لشي بلاصة
ذهب هزات راسها باه : خارجة
انيس : نوصلك
ذهب : مكين لاش ايوصلني الشيفور
انيس: لا غي زيدي مترديهاش فوجهي
ذهب :اوكي لبغيتي
حسات بيه قبط خصرها حتى ركبها ..مسحات جبينها من الصهدة لي طلعات معاها ورجعات عادي كأنو مواقع والو
حسات بيه جالس فبلاصتو بعدما ركب روكي لور عاد كسيرا حتى شد لوطوروت
انيس :فين نحطك
ذهب : حدا لبحر الا كان ممكن
انيس معجب من تعاملها لبارد وكأنو مكان كيجمع بيناتهم والو :احم علاش مبغيتيش ديري لعملية
ذهب ببرودة :هادا قراري نتاا بعيد عليك
انيس حرك راسو وهو مركز مع السوقان : داوكووغ بااغدوون
داز لوقت وقف بيها نزلات بلا مساعدتو حتى حسات بروكي حداها شداتو من سنسلة ونطقات وهيا عطياه بالضهر : شكرا عدبتك
انيس جاتو تغيرات بزاف :بالعكس. .راحتك هيا لولا
بتاسمات ابتسامة عادية كرد فعل من عند أي شخص على كلامو ..متسوقاتش لوجودو مزال وكملات بخطواتها كتمشى بالشوية هيا وروكي و ريح دالبحر كضرب فييهم ..حسات بكرسي فطريقهم جلسات عليه كتستمتع بالجو بينما جا يوسف..دازو دقائق حتى حسات بسكوترو من صوتو لمجهد
حسات بسكوترو من صوتو لمجهد عرفاتو هو.
يوسف زول لكاسك وجا لعندها : لقطيطة صباح الخير
ذهب :انا مسميتيش قطيطة
يله اتزيد تهدر وهيا تحس بقبلة على جبينها :متبقاش تقرب ليا باش نكونو مفاهمين حنا اصدقاء وصاافي
يوسف جلس حداها : كون بستك من فمك كنتي اتموتي واقيلة
ذهب : غادي نقتلك كلاك نموت
يوسف : ههه غا حشمت اما نديرها لبنتي
هاد لمشهد كان قدام عينيه كيشوف فيهم من الزاج نطق بتنهيدة :خاصك تختاري الشخص لمناسب ماشي لخطأ الا طول هادشي انضطر نقولها لساجد
كسيرا مخلي لعجاجة موراه لاوطيل لي جالس فييه
يوسف وقف :ليوم غادي ندورك على ذوقي
ذهب حسات به شد ايدها و وقفها : مبغيتش نبعد
يوسف :غادي نلعب ماتش دلكورة بغييتك تحضري
ذهب باستهزاء : ههه انا عميا اشنو غادي نشوف
يوسف حط صبعو جيهت قلبها : هنا بااش غادي تحسي
ذهب بتوتر بعدات صبعو : معااش لاعب
يوسف : حتا لعشية
ذهب : لا بزاف منقدرش ..خاصي نمشي
يوسف شدها من دراعها : الا ممشيتيش مغاديش نلعب لماتش
ذهب : هااا
يوسف قرب ليها شاد وجها ممسوقش لروكي لي كينبح : انفرح الا كنتي
بتاسمات برضى وحوطات خصرو حاطة ايديها على عضلات لمعدة لحديدية ..حسات بالسخونية طالعة معاها سرعان منفضات هاد الأفكار من راسها فاش كسيرا حتى قفزات بجسمها وصوتها ..غادي كيكابري بييهم عاجبهم لحال خصوصا روكي حال فمو باغي اضبر على راسو خخخ
نبدلو لبلاصة وبالضبط لفاك..
وقف بعد فرانو لمعتاد حتى بين لكلشي بأنه وصل. .حل لباب ونزل كيتمختر بنضاراتو الشمسية كيتفلعص على بنادم😂..قفزو فران موراه كان مراد جاي كيتكسل حتى وصل لعندو
ساجد كيمسح على راسو بعصبية كيحس بصوتها كيهرو : خرجييي
ستجمعات قوتها بالسيف مزال فعلتها كتحسسها بالذنب ..بغات تقرب لييه ولكن غي شافت حاجبو لي هازو بعدات بعضامها صحاح ..خرجات داك الساعة كتصطانع مواقع والو
كان كيجغم من كاسو وعينو على برى كيبان كلشي من الحائط الزجاجي ..سمع لفيكس مشا هزو : مدخلي حتى وااحد
السكرتيرة : شيء مهم امسيو علاما فهمت
ساجد تنهد : صافي دخليي
حط لفيكس ورجع لبلاصتو كيجغم ..سمع لباب تحل متحركش
بتاسم بمكر : ساجد آل عمران
ساجد تلافت هاز حاجبو : اوووه لعائلة كاملة جااات
ثامر : هه جبت لييك واحد لهدية
ساجد : كتقصد لكفن لي غادي نهديك انا
ثامر بنضرات ممفهومينش : غادي تعجبك
ساجد كيشوف فيه ببرودة بحاليلا مواقع والو وكأنه مكينش قدام عينيه حتى كيسمع خطيوات مغرابش علييه داخلين مع الباب. .بدا كيطلع عينيه من رجليها لي مرمدين بالدم بقا غادي كيكتاشف شكون ومخرج عينيه حتى وصل لوجها محسش بالكاس لي طاح لييه. ..جات عينو عليها ..حس بالغليان كيشعل فصدرو
ساجد كيشوف فيه ببرودة بحاليلا مواقع والو وكأنه مكينش قدام عينيه حتى كيسمع خطيوات مغرابش علييه داخلين مع الباب. .بدا كيطلع عينيه من رجليها لي مرمدين بالدم بقا غادي كيكتاشف شكون ومخرج عينيه حتى وصل لوجها محسش بالكاس لي طاح لييه. ..جات عينو عليها ..حس بالغليان كيشعل فصدرو وهو كيشوفها جاية معاه و بهاد لحالة مفهم والو كيسمع غي التصفار فودنيه
ثامر طول الشوفة فساجد ومن بعد دار لعند آريا بتاسم ليها بخبت كيداعب حنكها : هاد لمرة الا بغيتي تخرجي قوليها ليا نخرجك
آريا بعدات منو حسات بقلبها كيضرب وعقلها فصراع قوي لدرجة كتحس انها غادي تجي طيحا على طولتها. .هاد الاحساس كيجيب ليها التمام وكيزيد ادهور حالتها لي ماهو اسوأ
ساجد بقا واقف كيحك دقنو وعقلو خدام كيحلل وافسر كيف بغا مجرد مخرجو زدح لباب حتى تزعزع لحيط بقا واقف كيحاول اتماسك و مي مدش عليها ايدو ..بزاف دالاسئلة كتنهش فعقلو.. كفاش جات معاه ؟؟
تلافت عندها بنضرات جهنمية وحجبانو لمعقودين طالعين لفوق جاي لعندها بخطوات ثابتة كيقرب ليها وعلى ملامحو نفس التعابير متبدلوش ..شافها راجعة باللور وهو تابعها حتى حاصرها فالقنت دالحيط مبقا عندها فين تزيد. .هز ايدو حتى لسما يله اينزل عليها وهيا تطيح ليه مغمي عليها كانت اتقيص الارض كون مقبطهاش من خصرها مطلعها لعندو بايد وحدة
غمض عينيه وكمش فمو : اعععع بسبااابك توسخت ...نتيي وليتي عائق بالنسبة لياا خاصك تعالجي باش نعرفو اصلك. .عندك الزهر حيت جيتي فالوقيتة لي كيكون عندي شوية دالشعور بالانسانية اما منتلفتش موراك
شافها مرخية مكتسمع حتى كلمة ملي كيقول عرف راسو كيهدر غي بوحدو ..تنهد مطول كدليل على عصبيتو من الموقف. .هزها بين ايديه وداها مباشرة فوق لكنباي حطها عليه و وقف كيشوف فحالتها بحاليلا كانت فشي غرقة عامرة غيس وعاد رجليها لي كرم عليهم الدم أما شعرها حالة خاصة. .
زفر بنفاد صبر كيشوف حوايجو لي توسخو ممستحملش كيحس بهادشي فوق طاقتو ..أول حاجة دارها زول لفيست لاحها على جنب ومشا لعندها كيشوفها مغمضة عينيها. .جابليه الله كتمتل داكشي علاش قصد لمكتب هز كاس دالويسكي وجا كبو فوق وجها مباشرة حتى حلات عويناتها شاهقة وكتبقلل قدامها كتحاول تستوعب فين هياا. .مجرد مجات عينيها فعينيه فاش هزات راسها حسات بروحها اتخرج سرعان مبغات ترجع باللور كتبكي بحال شي بنيتة صغيرة خيفا من شي وحش ..شافتو جلس مقابل معاها داير جلسة لقرفصاء
نطق باللغة الإنجليزية ببرودة : كفاش جيتي معاه وفهاد لحالة
حسب حد تلاتة ورجع لنفس السرعة حتى غوتات ليه فودنو من لخلعة. .معرفهاش امتى جلسات حداه خاشية راسها فعنقو ومحاوطة خصرو ولا معنكش معرف واش اقابل السياقة ولا اضارب مع شعرها لي كيترمى على وجهو
جعرااتو بالمعقول: رهاااف رجعيي لبلاااصتك
رهااف كتبكي بحرقة مزيرة عليه : كنكرهك الحقيير انتقاام منك
بيازيد : رجعي رااه هاد الشعر انقرعو مكيخلينيش نسوق
رهاااف : هءءء هءءهءه نقص السرعة غادي نرجع لبلاصتي على أساس عاجبني لحال
بيازيد بصوت استفزازي : وشكون عرف
رهاف زادت زيرات عليه فاش زاد سرعة فجأة : حمااااق حماااق مفييهاااش هءءهءه اربيييي اااش هاد لحقيير لي جا فطريقيي
بيازيد نتفها من راسها ورجع نضراتو على الطريق : كلما هدرتي فوق راسي كلما كان عقابك شديد
رهاف حطات ايدها على فمها كتشوفو كيهدر جدي. .دورات عينيها على لمكان كيبانو ليها غي الأشجار لي ديرين بييهم مكينش حس بنادم هنا قلبها بدا كيضرب فالمية ..والعرق خارج من جبينها تفكرات كلام شروق قبل ميديرو هاد لفعلة وفاش خرجو وقاتليها انمشي نضربها بشي نعسة. .عضات على شفايفها بتضمر مكرهاتش حتى هيا تكون ناعسة ومرتاحة فدراهم ماشي هنا معارفة فين واشنو سميت لبلاصة. .خرجات عينيها فاش تفكرات واليديها و وخوها فاش ايعرف أنها بوحدها مع واحد غي هوما بجوج ..بغات تحماق مقدراتش تكمل فالتفكير ..يله اتلافت لعندو وهيا تجي مزوحة على فمها حتى حسات بسنانها تزعزعو من بلاصتهم بسباب لفران لي ضرب
بغات تهز راسها وهيا تحس بيه جرها من دراعها خرجها من اللوطو
تنترات منو و وقفات كتحاول تستجمع قوتها حيت راسها كلو كيدور عليها كتبان ليها الدنيا بحال شي دولاب كيدور بسرعة ..طاحت فالأرض كتحاول تزول منها هاد الدوخة ..يله بدات كتحس بشوية دالنتيجة وهيا تأوه بصوت مرتافع فاش جرها حتى وقفها قدام جرف خطير إلا طحتي فيه عمرك ترجع
بيازيد نطق بصوت حاد : هناا اتسالا ساعتك ..لعبتي مع الشخص لخطأ ..يله شهدي قبل تموتي حدما دير معاك لخاطر
رهاف ولات كترجف عرفات أن لموضوع جدي. .كتبغي تنزل عينيها من لفوق كتخاف ..كتسمع غي صوت هروع لما لقوي كيركب فيها الرعب
بيازيد نطق بنفس النبرة : قلت شهدي مكتسمعيش
رهاف : هءءء حرااام علييك اتقتلني هنااا
بيازيد هاز حاجبو : نتي لي جبدتيني
رهاف : شووف
بيازيد : شوفي نتيي ..انبقاو نجيبو ونديو فالهدرة ..كلمة وحدة قلتها شهدي باش ملي لوحك من هنا نمشي مباشرة معنديش لوقت
رهاف كتشوفو كفاش كينطق كل لكلمة ببرودة وفنفس لوقت بنبرة جدية ..سحابلها راسها غي كتحلم ممتيقاش أن هادا نفسو بيازيد
يله اتبدا تهبط بجسمها للجرف قبط ايدها متمسك بييها كيشوف فيها بنضرات ممفهومينش مع غمزة : ااش ندير دابا هممم
رهاف : هءءءؤؤ حشووومة عليييك
بيازيد : اتعاوديها
رهاف حركات راسها بلا : عمري نعاودها هءءء هءءهءه سمحليا
بيازيد : الا طلعتك اشنو غادي نستافد
رهاف مقدراش تشوف تحتها كتحس بالدوخة : هءءء كفااش
بيازيد ببرودة : اتعطيني بوستي
رهاف : هءءءؤهءءء و و واخة غي طلعني عفاااك كنخاااف
بيازيد : نخليوهم جوج بوساات😉
رهاف اتحماق بالبكا : هءءءؤهءءء الله اخلييك طلعني
بيازيد : انطلعك ولكن تلاتة لبوسات وكيف باغي انا
رهاف كتحرك راسها باه : طلعني
نبدلو لبلاصة. .
يله وقف بالسكوتر حدا لملعب خوا لروكي نزل هو لول عاد تبعو وهبط ذهب شادها من خصرها
ذهب : فين حنا
يوسف شدها من ايدها والايد لاخر مور ضهرها : فين انلعب لماتش
ذهب : ياك حتى لعشيا
يوسف : لا عاد تفكرت كنت ناسي
ذهب : اه ...جلسني بعيدة مبغيتش نحرجك مع صحابك ايقولو عميا
يوسف طول فيها الشوفة : كتبقاي تعاودي هاد كلمة عمياا بزاف لا ..نقصي منها و عيشي عادي
ذهب حنيكاتها حمارو : انا عيشا عادي
جابت ليه الضحكة كتصفار وتخضار غي بوحدها وايديها لي مكيخطوهاش من التعبير ضروري متهدر وتوضفهم بحاليلا داخلا فنقاش جدي ومهم
جلسها على كرسي حدا لمشجعين كانو اغلبية لاعبة لي كيلعبو التورنوة
ذهب قبل امشي شدات فايدو : متخلينيش بوحديي
يوسف جلس حداها : هاهو روكي انمشي نبدل باش نلعب. .متخافيش مكينش لي غادي اقرب ليك حيت شافوك معايا
ذهب بتاسمات : صافي سير دغيا ايوكونو كيتسناوك
بتاسم بانتصار حس براسو غادي كيجرها لعندو بتعاملو .هو باغي اكسب تيقتها باش اقدر اياخد منها لفلوس لي خاصو من اجل احقق حلمو
عكس ذهب لي مستمتعة بالموقف محتاجة تجرب شي حاجة جديدة مختالفة على روتينها اليومي. .تفكرات كتابها مجابتوش كانت فينما كطيح فبالها شي فكرة كتكتبها باش توضفها فروايتها بلمستها لخاصة ..
سكتات كتوجد خطتها لييه ...فبالها هاد لمكتب كامل اترجعو سفاه على علاه خاصو غي ميكونش
ساجد كان مشا جاب علبة الاسعافات ورجع لعندها كينظف واعقم لييها وهو كاره راسو محاملش لموقف ..عمرو دار لشي واحد هاكة ولا كيحس براسو بحاليلا مقابل شي بنيتة صغيرة خاصو اسايرها ..سالا و لف ليها على رجليها فاصمة باش ميبقاش انزف الدم
آريا كانت كتاكل فضفارها وهيا كتبقلل فاركان لمكتب كتخطط منين تبدا تهراس واش ليمن ولا ليسر خخ
ساجد وقف رجع علبة الاسعافات ورجع لعندها
مسح على راسو بعصبية : خارج عندي اجتماع. ..جلسي فبلاصتك بينما خرجتك تغداي
تنهد كيشوفها ممسوقاش ليه : البرهوشة
زفر بنفاد صبر وخرج رادخ لباب موراه
خلاها جالسة كتقاد افكار لخطة فبالها ..اول حاجة دارتها شدات كااع الستيلوات بدات كتاكل فيهم وتهرمش بغيظ كتبرد كااع داك جنون لي كيخرجو فييها. .كملات منهم و دازت للكتوبة كتقطع لوراق وتصنع فالباطوات و الصوارخ😂
آريا كانت خاشية راسها فالملف كتكمل فتسراد لوراق. .مكيناش فهاد لعالم ومكتسمعش لي دير بيها كل همها تكمل لوراق كاملين. .سمعات ضجيج قوي موراها ناضت قافزة وزادت فشهقتها فاش شافتو قدامها بحال الثور كينهج وصدرو كيطلع و اهبط
غوتات مدورة وجها لجيهة لخرا وحاطة ايديها على ودنيها فاش دفش بكل قوتو لمكتب حتى تعلا وتشخشخ حدا رجليها
بقا واقف كيشوف فيها بنضرات شرسة اول مرة كتشوف هاد النظرة بدات ..رجعات باللور لاصقة على لحيط ملي شافتو جاي لعندها بحال لعجاجة ..حطات ايديها على ودنيها وعينيها مكمشين فاش شافتو هز ايدو غادي اضربها. .صرخات بصوت عالي ملي سمعاتو كيضرب فالحيط بقبضة ايدو حتى كتحس بيه كيمشي واجي. .عرفت راسها دارت شي حاجة خيبا بزاف
بعدات من حداه كتبكي بحرقة وشهقات متوالية كيخرجو من لداخل ديالها. .ولي تزادو على قبل ...خصوصا انها كتشوفو كيضرب فنفس لبلاصة بقبضة ايدو حتى تجرحات والدم كينزف بغزارة وهو محاسش ..خلعها بالمعقول وهاد لمنظر ديال الدم كيهبط بمهل قطرة بقطرة فالأرض رجعها لصورة بيضاء فمخيلتها ديما كتراودها فاحلامها ..نفس لمشهد ديال الدم كيقطر كتحلم بيه
مسحات دموعها بعجرفة ومشات لعندو كتحاول تبعد ايدو باش ميبقاش اضربها مع لحيط وفنفس لوقت متعاودش تشوف هاد لمشهد يكفي انه كيفزعها من نومها مبغاتش تشوفو حتى بنهار
حسات بيه دفعها بايدو لاخرة حتى جات مزدوحة على ضهرها لدرجة شعرات بيه تقسم : هءءءؤهءءء سااااجد 😭. ..ساااجد
هو مكينش فهاد لعالم مقادرش اشوف لعندها خايف اقتلها قبل تلقا عائلتها ..كيحس بالغلياان فصدرو خاصو اطفييه كيتخايل هاد لقبضات لي كيضرب بيهم لحيط كيضرب بيهم آريا ..هاكة جابليه الله غادي ابرد ولكن مجرد مكيتفكر أهمية داك لملف الأحمر كيرجع بحال لمجنون كيضرب فالحيط ...حس بيها كتجرو و بكاها مسموع بقوة
عاود دفعها ودار لملفات لاخرين كيزف بيهم واخبط برجليه ..محتاج اي حاجة تقدر تخرجو من نوبة غضبو مكيقدرش اتحكم فيها أولا اخبيها ضروري خاصو اخرجها اولا هاد لعصاب ايقتلها بييه ..مكرهش ادفنها وادير بحاليلا مواقع واالو ...رااسو كيزيد اغلي فاش كترجع بيه الذاكرة للموقف لي شافها فيه واهيا كتخرب تعبو وسهرو على لملف ..كلشي مشااا بتصرف صبياني منهاا غاادي اتدمرو بزاف دالمشاريع بسبابها
حس بالعرق هواد مع جسمو ..زول لفيست بعصبية خبطها مع الأرض
آريا تصدمات من عروق ايدو لي برزو وعلاين اطرطقو. .تشجعات وهيا كتبكي ..مسحات دموعها ومشات نيشان لعندو شداتو فايديه بجوج وتعلات على طراف صبيعاتها عنقاتو مدورة ايديها على عنقو وكتنخصص بصوت مرتافع
بقا مفيكسي كيشوف فنقطة وحدة كيحس بكلشي فوق راسو ..الاجتماع لي علاين ابدا ..اهميتو بالنسبة لباه لي مريض بالقلب ومخبي عليهم ولكن معارفش ان ساجد مكتاشف انه مريض .داكشي علاش كيحاول ميقلقوش واهتم بالشركة حتى من تصدير السلع كيتولاه بسياقتو للباخرة لي محملا السلعة
سكت شحال كيحس بايدياتها الناعمين كيمسحو على شعرو حتى ترخى ..نطق بصوت متضمر : اشنو درتييي .هاا
آريا كتبكي بعدات عليه وشافت فعينيه لحومر عرفات انه من وراهم كينا كمية غضب كبيرة : كنت كنلعب محسابلياش اتعصب هءءء هءءهءه
ساجد شد راسو وجلس مكمش عينيه. .سمع لفيكس زاد شعل فيه لعافية عرفو غادي اكون من الاجتماع خاصو ادي لملف واحضر : دمرتيي كلشي
آريا جلسات حداه كتعض على شفايفها بحركتها لعفوية وهيا متوترة والرجفة مطلقتهاش: صاافي عمري نولي لعب 😢
رهاف كتغودد فصمت.. كتحاول تسايرو حتى ارجعها منين جابها : منقدرش ندير شي حاجة آخرى ..صافي رجعني
بيازيد دورها لعندو حتى تزدحات مع صدرو ..شد وجها بايديه بجوج وهبط لشفايفها حط عليهم شفايفو لباردين كيتحسسهم حتى كيشعر برجفتها ..بقا هاكاك بدون حراك كيسمع غي لسرعة ضربات قلبها وانفاسها لي تخربقات ..بتاسم وطبع قبلة طويلة على شفايفها مبغاش احكر عليها داكشي علاش بعد كيشوف فيها بنضرات مستفزة. .زاد ضحك على وجها لحومر وعينيها لمبلوكيين باين عليها مزال فصدمة ..عرفها غادي تكون أول مرة ليها
ذهب حسات بيه قريب منها بزاف. .تشجعات وحطات لبوكاديوس ولعصير على جنب عاد هزات ايديها كتحسس وجهو ..خلاتو ابتاسم بلاما احس
ذهب: ربيتي لحية
يوسف: هيا اصلا عندي
ذهب زادت تحسسات بايدها منتبهاتش لقرب شفايفهم : لا ولات كتيفة على قبل
يوسف : فينها لي عجباتك
نطقات بعفوية : هادي حسن
يوسف قرب ليها وحط حنكو لي مشوك باللحية على حنكها الرطيطب كيدكها بيها : وخا دكك عجباك
ذهب جابلها لهرة : هههه كتهرني بعد
يوسف صوتها كيحرك شي حاجة فالداخل ديالو. .سكت وهو كيشوف فيها كتاكل بالشوية والابتسامة مرسومة على وجها. .تنهد مضطر استغلها من أجل هدفو.. الدنيا فيها لخاسر والرابح ..وهو هاد لمرة ايكون مع الصف التاني. .
نرجعو للشركة..
كان واقف قدام باب لغرفة غادي جاي حتى خرجات عندو لموظفة : صافي اسيدي واجدة
ساجد هز راسو باه : مزيان
لموظفة شدات آريا بحدر و خرجاتها لعندو ..طلعها من رجليها حتى لراسها كانت سوو كيوت باللبيسة لي عبارة على تيشورط خاص كيتلبس تحت ساية توبها لاصق على الجسم وقصيرة حد لفخاد ومن لفوق جاكيط جينز أما فرجليها سباردين فالابيض وشعرها مطلوق على راحتو
ساجد شد فايدها والايد لاخرة فيها شي وراق وزاد جارها وهيا كدور فعينيها على لمكان
تنهدات وباشرت فالكلام واكيد باللغة الإنجليزية : احم بالنسبة لمشروع شركات الأغدية كينين بزاف دالامور اناقشوهم دابا ونعطيكم حتى النتاج والاحصائيات لي تقدر توصل ليكم الفكرة بطريقة عقلية تفاديا للنسبية
أولا لي انركز علييه هو موقع بناء هاد لمصانع وعاد انشوفو المحركات و الآلات دات جودة عالية واشنو هوما لفوائد ديالهم !! واشنو غادي نربحو الا ستعملناهم! !
علاوة على هادشي انركزو على طريقة تعليب لمنتوج وانعطيوه اسم ماركة الشركة وهادا موضوع كبير مغاديش نستاهنو بييه كيف كنشوفو كاملين انا الرؤية لجدابة هيا لي كتيرنا داكشي علاش انركزو على هاد لموضوع بدقة وانعطيكم أمثلة شاهدة على الجدب وحتى لعكس
قبل نباشر فشرح هاد النقط انزيد حتى الاصقة لي كنوضعو على لمنتوج بحال شحال دالكوليستيرول ونسبة الدهون.. الاحماض وحتى لفيتامينات هادو انركزو على نسبهم وانكتبو لقيم الصحيحة على لاصقة تفاديا شي نهار ثنعت الشركة بالغش حيت المستهلك ايكون الذنب عليه الا شرا شي حاجة كضر بصحتو خصوصا أنه خاصو اهتم بنسبة السكريات على سبيل المثال مرضى داء السكري
ساجد غير لكل حس براسو مصدوم وفنفس لوقت كان منتاضر منها هاد الأداء عرفها ماشي من النوع الساهل ومتأكد ان شخصيتها كتر من هاكة غي تصرفاتها الصبيانية لي كدير باش تنتاقم منو عرفها اتكون قوية إلا مكانتش حمقة
آريا كتعض على شفايفها بحركتها لعفوية وكتكمل هدرتها بلا وراق بلا والو : إحصائيات 2003 كتقول انه ./.80 ديال الضحايا منهم لي تصاب و حتى لي مات بسباب لواصق لغلط لي كيتطبعو على لمنتوج وبالنسبة ل2016 تراجعت نسبة الخسائر حوالي ./.50 الوووغ تطور لعلم كيساهم فالبحت عن لحلول وحنا هنا كناقشو النقط عاد اندوزو لتطبيق
كملات كلامها كتخبي توترها ومرة مرة كتهز عينيها لعند ساجد لي بزز باش كيهدنها تبقى وكيتبتها بكلمة الشوكولا
كاهة داز لوقت بعد إحصائيات وأمثلة عديدة قدرات تقنع بيها لحضور بوجهة نظرها واهم النقط لي ركزات علييهم ..تسلا الاجتماع وجمعو لوقفة مساخيينش
نعمان كان طاير من لفرحة ممتيقش راسو : شكرا فرصة سعييدة
خرج مع رؤساء كيتبادلو اطراف الحديث بلباقة على لمشاريع والاستثمارات
هدر واحد منهم: مكرهناش اجتماع تصميم لماركة تحضر فيه هاد لموظفة
نعمان هز راسو باه :هه كون هااني
فالقاعة كلشي خرج بقات غي هيا لواقفة وساجد لي متكي على لحيط كيشوف فيها اش باغا تصنع مزال. .يله اينطق وهو ادخل نعمان
نطق بصوت مرتافع باين عليه لفرحة : مبرووووك عليينا هههههه كنت عاارفك متعطلتي الا و موجد شي حاجة
شاف لعند آريا مشا لعندها باس فوق راسها : شكراااا ليييك ابنتيي شكرا بزاااف هاد اللحظة تاريخية كنا مهددين باش مناخدوش لمشروع
هزات راسها باه يله اتنطق وهيا تخرج عينيها مبلوكية كتحس بيه كيلتاهم شفايفها بشغف وايديه محاوطين خصرها وصدرها ملاصق مع صدرو بحكم انو حادر راسو لمستواها ..حسات بالنفس تقطعات فيها كضرب فصدرو وهو عاد مزايد مقربها ليه. .مهتمش لايدياتها الصغار لي كيضربو فصدرو كان فعالم آخر بعيد على لواقع. .حتى عضاتو فشفتو لتحتانية عاد سحا على راسو بعد منها كافر كيقيص الدم لي خرج
هز عينو فيها مخنزر : كنقولييك هاااد سنينات لي عجبينك غادي نهرسهم قدام عينيك
آريا جامعة ايديها وكتشوف فالجيهة لخرى بنفخة. .منضرها كيضحك : أو تي أدايوو😠
كان ملاهي مع بابي كيمسح بيه الدم معرفش واش عندها سنان ديال بنادم ولا دالاسد حيت بزاف على لمضى ..كمل ودار لعندها لقاها قاصدة لملفات خافها دير شي كارثة. .قصدها نيشان هزها بين ايديه وهيا كتركل وتسب بلغتها لي كتزيد تجعرو ..خرجها مباشرة للمصعد ركب وتسد لباب عاد حطها
ساجد كل همو الدم ليقطر على حوايجو وهو كيكره اتوسخو : ممساليش لييك دابا
آريا بدات كتركل وضرب فصدرو .باغا تشعبط لراسو تخسر ليه تصريحة شعرو للمميزة ..معرف راسو باش تبلى كان ساهي حتى نقزات عليه هو كيطاكي وهيا كتشعبط ..عصباتو مهدات حتى زدحها مع ركن لمصعد حاكم دريعاتها
ساجد حس بسطل دلما تخوا علييه دار عندها بالعرض لبطيء مخرج عينيه مع ملامح قاتلة شدها من دراعها حتى شافت فيه بعدما كانت كتلعب ..خلعوها نضراتو وتعابير وجهو : هءءءؤهءءء مييي دييجي باااس 😭
ساجد شد فكها علاين اهرسو : اشنو كنتي كتقولي !!!
آريا : هءءء هءءء و و والو
ساجد بنبرة حادة : نسمعك قلتيها مرة أخرى غادي ندبحك. ..اشنوو غادي ندير؟؟
مسافة دالطريق وصلو قدام القصر. .قبل انزل نزلات هيا كتخبط فرجليها جابت ليه الضحكة. .نزل حتى هو ودخل لداخل معرفهاش فين زادت ..بغا اركب لمصعد لقاه عامر شوية تفتح الباب كانت كلثوم
بتاسمات ليه : مبرووووك علييكم المشروع
ساجد باس فوق راسها : الله ابارك فييك. .انطلع ندوش ونعس
كلثوم : لا انطلع لييك لغدا كول عاد نعس
هز راسو باه
كلثوم : وااش بصح آريا لي قدمات لمشروع؟
يله ايجاوب وهو اسمع خطوات مغرابش عليه جايين تلافت للمصدر ديالهم كتبان ليه كتمشى لعندهم وحالتها مجغمرة شوكولا وحتى من حناكها مطليين وايديها بحاليلا مرقداهم فيها خلاتو موسع عينيه امتى لحقات دير هادشي.. الله واعلم
وقف باللوطو ديالو قدام لقصر بعدما وصلها قريب من لحي ديالهم تصدمت فالاول حيت عارف فين جات دارهم ولكن عاد دورتها فراسها بما أنو جاب رقم نمرتها فاكيد العنوان ايجيه ساهل
دخل نيشان طلع لفوق ..حل باب بيتو وسدو برجلو كينسل لفوقاني بينما دخل للحمام اياخد دوش خفيف. .داز لوقت خرج ملوي على نصو التحتاني فوطة. لبس عليه شورط بالفوقاني ديالو. .قاد شعرو ومشا تشبح فوق الناموسية ..قرب لعندو لبيسي وبدا خدام فييه كيقاد شي بحوث ايخصوه فالمراجعة للاكزام
فالجيهة لخرى..
بزز باش تفكاات من أسئلة مها عاد طلعات لبيتها كتسترجع انفاسها وكتذكر أحداث اليوم مزال قلبها كيقفز بالخلعة فاش كتذكر ملي كان باغي الوحها من الجرف
مسحات على شعرها: خاصي نديها فقرايتي لغادي تنفعني
جمعات لوقفة بدلات عليها ولبسات بيجامة دالدار. .جمعات شعرها كعكة مهملة وهبطات لتحت لقات باها يله جا
رهاف بتاسمات ومشات باست فوق راسو : بابا كيف داز نهارك
البشير مبتاسم ليها : كيف كاع النهارات كلا ورزقو مرة لكليان موجود مرة عيانة الحركة وها حنا كنعديو
روحي تحتضر الجزء الثالث
محتوى القصة
التنقل بين الأجزاء