كلثوم شهقات خافتو انزل وسط الصحافة والحضور غادي اتشوهو وسمعتهم اتدهور..تبعاتو بجرى يله اتزيد خطوة وهيا تشوف نعمان حتى هو مبلوكي كيشوف فيهم واحد بواحد نطق بصوت خافت : سااجد
ساجد حدر راسو وزاد متسوق لحتى واحد. .مبغاش انزل فالمصعد. .فضل سلالم الدرج هبط فيهم مخلي لعافية موراه
نعمان كيغوت : فهموووني ااش واقع مااالكم وماال ساجد فديك لحالة هاز آريا وملابس حتى لفوقاني
كلثوم غي كتبكي : هءء سااجد هءءء
نعمان شافها غي كتبكي تلافت لعند انيس لي مزال مصدوم : قووول شي حاجة
كلثوم بالغوات : ساااااجد غتاصب لبنت هءءء هءءهءه
نعمان محسش براسو حتى طاح شد قلبو : ياااربييي ياااربي ميكونش هادشي بصح
كلثوم تخلعات ومشات لعندو هيا ولممرضة
كلثوم شافت فالممرضة : جيبي دوى ديالو
هزات راسها باه ومشات بالجرى
انيس جا اعاونو قاطعو : غادي نولي لبااس خااص نهبط نشوف لكارثة لي غادي توقع حنا صافي تدمرنا و ولدناا خسرنااه ..ياااربي اااشنو قصرنا حتى خرج بحال هاكة
كلثوم بقات ساكتة غي كتبكي
لتحت خرج من لباب لوراني دالكوزينة ولكن الصحافة كانت منتاشرة فكل مكان مجرد مخرج تعرمو علييه كيصورو وهاربين منو ليهجم علييهم. .واسئلتهم عاد مكتزاد وتعالا بااغين تفسير للموقف..حطو ايديهم على فمهم كيشوفو الدم كيقطر فالارض ولي هو نزيف آريا لي مرخية تماما ولون بشرتها تحول من الابيض إلا ازرق داكن من غير طبعاتو لهمجية اتناء الاغتصاب وافتراسها
ساجد حل لباب حطها لور ورجع عندهم منطقش ..خدا كااع لكاميرات شخشخهم وحدة بوحدة ...يله ايهدر واحد من الصحفيين قاطعو بلكمة قوية ومن بعدها زطم عليه فالأرض وبدا كيركل فييه بحال لحمق .الصحافيين لاخرين كيفكو وهو عاد مزيد فييه. .حتى جاو ليكارد لي كيحرسو لور دلقصر بعدوه بزز ..تنتر منهم وهو كيسب من السمطة لتحت واعرعر ناهيك على عينيه لحومر وكشاكشو لي خارجين ..برد غليغو مزيان عاد مشا كيخبط برجليه ركب لوطو وكسيرا مخلي لعجاج موراه مرة مرة كيهز عينو لعندها كيشوف انعكاسها فالمرايا ..أما ليكارد تكلفو باش هادشي ميخرجش من عند الصحافة
فهاد الاتناء خرج نعمان ومن موراه كلثوم وانيس
شاف الصحافيين مصدومين من تهجم ساجد : مال هاادو
لكارد : مسيو ساجد ضرب فيهم صحافي .. شوية واقتلو
نعمان شد قلبو : اكيد غادي اقتلني بفعايلو عاد مزيد فييه
نبدلو لبلاصة. .
كانو جالسين مقصرين كيضحكو جنب واحد لجسر مدليين رجليهم فالما
مراد بقا ساكت شوية طلقها بضحكة عجيبة بسباب السكرة لي غالبة عليه شوية
بيازيد ضحك حتى هو وجاوب داك الساعة فاش سمع تيلي كيصوني : ااش كين
بقا وااقف مبلوكي كيحس بالشتا باردة كتصب فوق رااسو. .محسش بتيلي حتى طاح من ايدو و نطق بالغوات : ساااااااااجد
قلب الدروة فيساع كيجري بحال لحمق ركب لوطو وكسيرا للقصر ..فحين انا مراد بقا حال فمو مفهم واالو
بيازيد عاد مكيزيد فالسرعة وكيخبط فالديريكسون كيتمنى اكون هادشي لي سمع غي كدوب ..داز لوقت حتى وقف قدام لقصر كيبانو ليه الناس خارجة للوجهتها اعلانا على انهاء لحفل كلشي كيقلب على نعمان وساجد مكينش ليهم اثر حتى من ثامر دخلو الشك
بيازيد طلع لبيتو فالدروج بالجرى حتى وصل قدام لباب فرعو ودخل كينهج حل واحد لمجرد بالساروت ..جبد منو السلاح دارو لور دالضهرو وخرج بنفس السرعة ركب ودار اشارة لكارد باش اجي لعندو
نطق ببرودة عكس عصبيتو : إنا مستشفى؟
لكارد كيقفقف محسابش ليه الامور اتولي هاكة خصوصا أن نعمان حدرهم ميعلموهش : ميسوو
نطق واحد منهم : الله اخليك اسيدي متجبدش لينا لمشاكيل
بيازيد زفر فاش حيدولو لمينوط : قود** ..دغياااا
مشاو من قدامو ومترددين فنفس لوقت ولكن عارفين ان عائلة آل عمران هيا لكلمة
فالكلينيك ..كان جالس وشاد راسو كيشوف فنقطة وحدة. .ونعمان واقف بعيد مبغااش اقرب خاايف ميسيطرش على راسو واخرج كلام اهرب منو ولدو وهو على سبة باغي غي امتى اساافر
كلثوم جالسة كتبكي ..تفكرات ذهب جاب الله شربات دوى انعسها ونعسااات ..حتى هيا مغاديش تبغي بنتها تعيش لموقف لي تحطات فييه آريا. .قالت مع راسها كون كانت عائلتها فالمغرب كانت اتقلبو علييهم كاملين واتولي لقضية سياسية حيت جوج بلدان هادشي مساهلش كيف باغين اخبيو الامور ..قاطع تفكيرها مجيئ الطبيبة لعندهم حيت ساجد رفض طبيب لي افحصها واعالجها
نعمان مشا بالجرى لعند الطبيبة عكس ساجد لي متحركات فيه حتى شعرة بقا جالس حادر راسو وفوق كتافو لجاكيط لي جابت ليه كلثوم حيت جا وصدرو عريان
كلثوم شافت انيس جاي مورى الطبيبة : طمنيناا علييها
الطبيبة : هاادشي خااص اتعلم عند لبوليس لبنت بيناا تغتاصبات ولمشكل ماشي هناا وانما بطريقة بشعة وبااين ان هاد الشخص كبر منها حيت مقدراتش تحمل قدرتو وعاد النزيف لي وقع ليها تمحنا باش حبسناه وعاد لخراز ..يعني هااد الشخص خاصو لعقاب بابشع الطرق ... لبنت مريضة نفسيا كيف فهمت من الدكتور انيس. .الوووغ بيناا اتكون عواقب وخيمة كنتمنى بعدما تفيق تكون وقعات معجزة وتحسنت حالتها وخا كنكدبو على راسنا هادشي مغاديش ادوز بالساهل عليها وتقدر تنتاحر خاص تردو ليها لبال ..
تنهدات بتحصر على حالتها : لاحولة ولا قوة الا بالله
نعمان بقا حادر راسو و ساكت مجرد ممشات الطبيبة دار لعند ساجد جرو موراه بعجرفة وكلثوم تبعاهم كتبكي خيفا علاقة الأب و ولدو تخرب وميبقا ميتصلح
نعمان بعدو على لكلينيك حتى ولاو فالساحة لي قدامو عاد رخف منو وهو قبالتو : وااااش نتاااا ولديي ..اااش دارت لييك لبنت هااا وااش حمق دااير راسك فييها علاش مكتحكمش فعصبيتك اااش دااارت لييك؟ ؟ اتخليني هادر بوحدي ؟؟
ساجد غي جامع ايدو على شكل قبضة وسااكت حادر رااسو
نعمان وصلات بيه لعظم : من ليووووم من نوليي نشووف وجهك منتا ولدي ماا انا بااك
ساجد كمش عينيه وقلب طريق غادي بحالو ببرودة هادشي لي زاد على نعمان حتى تزاد عليه لحريق فقلبو ملقا غي كلثوم سند عليها باش ميطيحش ..عند بالو ساجد معارفش بمرضو
كان غادي وكلام بااه كيردد فالمسمع ديالو حتى سمع صدى صوت مجهد : ساااااااااجد انقتللللك ليووووم الزا**
هز عينو وهو ابتاسم باستهزاء : هادشي لي بقا. .كملات
بيازيد قرب لعندو قبل احط عليه لمسدس دخل نعمان بيناتهم كيغوت : نشوووف شي وااحد فييكم حط ايدو على لاخر ايكون حسابو عسييير
بيازيد ضرب على صدر ساجد : اشنووو دااارت ليييك مسكينة هااا ..وااش هياا ناقصهاا بااش تكمل عليهاا
ساجد جمع ايدو على شكل قبضة وزاد مكمل طريقو مبغاش اجاوب كيخبي هدرتهم لداخل هو من النوع لي كيكتم كااع احاسيسو لداخل مكتعرف اشمن شعور كيحس بيه ..يله ايزيد خطوة وهو احس بشي واحد دورو لعندو شوية جاتو دقة قوية جيهت فموو
بيازيد دفعو : كنتيي لقدوة دياالي ..دابا نتاا مكتسوى والو بالنسبة ليااا ..صاافي بححح خوياا لي كنت معجب بييه
ساجد بتاسم باستهزاء وشد فمو عاد قلب الدورة قاصد لوطو ديالو ..خلاهم كينهجو مجوب حتى وااحد من ديما هاد لعادة فيه عمرو فكر ابدلها ..ركب وقبل اكسيري دوز لرقم من لكونطاك تنهد ونطق ببرودة : اتوجد ليااا الطيارة لخاصة. .هاني جاي وقوليهم ادوزو حوايجي حتى هماا ..من دابا شوية انقلعو لكندا ...ااااه داباا نجي نلقا كلشي واجد
نرجعو للقصر. .
بقا جالس فالحديقة بحجة باغي اهدر مع نعمان فشي موضوع من الصباح وهو كيسول لي كارد عليه كيقولو هاهو نازل كيف طلب منهم نعمان فاش اسول عليه شي واحد
شاف لعند نرمين : مالك من قبيلة ونتي كتبكي
نرمين صوتها مخنوق : لا مكنبكيش ..يله نمشيو
ثامر كان مل وهو كيتسنا داكشي علاش وقف : يله نكملو سهرتنا ليل طويل
نرمين بتاسمات ليه بزز و وقفات كتخبي دموعها
فهاد الاتناء جا لعند ثامر واحد من ليكارد : هادا فسميتك اسيدي
ثامر خداه من عندو كان ظرف : واخا ..تقدر تمشي
لكارد نساحب بهدوء
ثامر حل الظرف لقا ورقة مكتوب عليها "هادو تصاور ديك لحمقة لي هربت من لمصحة"..هز حاجبو مطلعو مع ابتسامة ماكرة. .هز التصاور وقابلهم معاه. .خرج عينيه مبلوكي كيحس براسو كيحلم. .سد عينو ورجع حلهم عرف راه بصح ..للحظة رجعت بيه الذاكرة فاش رسمات ديك اللوحة عاد فهم مزيان
شاف فنرمين ورجع شاف قدامو : آريا. .موتك على أيدي وعن قريب وامكن دابا كلشي ممكن
نهار جديد. .
كان داخل للقصر ومزال نفس البرودة لي كان فيها لبارح باقا فييه. .قبل اركب لمصعد سمع صوت مخنوق كينادي لييه : سااجد
تلافت لعندها كيشوف دميعاتها لي شاقين طريقهم على خدودها. .تنهد تنهيدة جافة وطلع فالمصعد نيشان للغرفة أخرى فنفس لجناح ديالو. .كانت حتى هيا مفرشة ومقادة وحوايجو مستفين فبلاصتهم ..مبغاش امشي لديك لغرفة هااكة جات فبالو ..دخل للحمام خدا دوش دافي بحاليلا مواقع والو ..كمل وخرج ملوي عليه فوطة على نصو لتحتاني و وحدة أخرى كينشف بيها شعرو ..وقف قدام لمرايا وهو اتفكر لبارح ملي كان باغي اسافر فآخر لحظة تراجع ..حيت ماشي ساجد لي كيعطي بالظهر واهرب من مشاكيلو ..سمع لباب تحل كان نعمان
ساجد هز راسو باه بلاما انطق. .حتى شافو خرج عاد رجع كيكمل شغالو ..مباشرة مشا لدريسينغ لبس عليه وخرج كيقاد ساعتو ليدوية بكل برودة حتى هبط لتحت ركب لوطو ديالو مكسيري للشركة ..
حدا للبحر ..
كانت جالسة كتمسح دموعها بقات فيها بزاف مقدراتش تخايل للموقف .جابليها الله أن آريا كتشبه لييها فشحال من حاجة ومنهم لعذاب لبطيء لي كيعيشوه بلاما احسو. .مسحات دموعها و وقفات غادة بعصاتها كتحسس لي قدامها ..بزز باش قنعات الشيفور اخليها بوحدها. .رجعات شعرها لور وكملات طريقها حتى كتسمع صوت مغريبش عليها باين كيهدر مع شي واحد
يوسف كيشوف فيها وتركيزو مع تيلي لي على ودنو : كون هاني فلوسك قراب اجيو حتى لعندك. .عطيني غي مهلة تكون مزيانة وغادي نبرعك
تنهد عاد قطع عليه ومشا لجيهتها : اميرتي توحشتك
ذهب تلاحت عليه خاشية راسها فصدرو : هءءء هااد الدنيا قاصية بزااف ..صعيب تأقلم معاها وتحمل مشاكيلها
بقا ساكت مستغرب مفاهم والو حيد نضاراتو خشاهم فجيبو وبقا على نفس لوضعية ..حتى حس بيها سكتات عاد بعدها عليه : ماالك علاش كتبكي هااكة. .قلقك شي واحد
ذهب مسحات دموعها :باغا نبقى بوحدي ..ومواقع والو
يوسف مسح على شعرها وباسها على جبينها : جربي تعاودي لياا ..غادي نسمع لييك
ذهب سكتات شحال عاد بغات تنطق وتعاود لييه ولكن فالاخير تراجعت : بغيت نبقى بوحدي الله اخليك
يوسف : اوكي. .راحتك هيا لولا
ذهب بعدات منو وكملات طريقها بخطوات بطيئة كتحسس أي حاجة جات فطريقها تفاديا للسقوط. .حسات بحنيكاتها حمارو بسباب عصبيتها عرفاتو تابعها غي من ريحتو لي كتشمها من بعيد
وقفات كتسمع خطواتو عرفاتو وقف حتى هو. .تنهدات بغيظ ونطقات بصوت باين عليه بحة دلعصبية: اتبقى تابعني ؟؟
مجوبهاش كتفى انه ابقى خاشي اديه فجيابو ..مقدرش اخليها تمشى بوحدها تقدر تصيبها شي حاجة
ذهب بغات توقف جرها حتى جا راسها مزدوح مع صدرو لعاري :آآآيي
هزات وجها لعندو معصبة : وااش حمق ..ديما كديرهالي
يوسف بتاسم : كتباني زوينة ونتي معصبة
ذهب : الا مخليتينيش نبقا بوحدي إذن وصلني فين باغا
يوسف : واخة ولكن فين؟
ذهب : للكلينيك جديد
يوسف وقف و وقفها معاه : بقاي هنا نقرب السكوتر ..ولا عرفتي شنو انهزك حسن
يله اتنطق لقات راسها مهزوزة بين ايديه. .حتى جلسها لور بالسكوتر عاد ركب ودار لعندها دار ليها لكاسك كيبعد خصلات شعرها من على وجها ..بتاسم وطبع قبلة دافية على شفايفها حتى خلاها مبنجة و وجها ولا حمر بحال لكيتشوب ..بغات تنزل قبلها من عنقها حتى حسات بسطل دالما تخواا فوق راسها
يوسف قرب جنب فمها : تنزلي نوقفك بطريقتي
ذهب تجننات : اخر مرة انبقا نشوف كماارتك ..كفااش قدرتي ديرها وااش حيت عمياا ولا...
قاطعها بقبلة متعجرفة مرة أخرى على شفايفها عاد بعد : لمرة جاية نسمع منك عمياا انطير ليك هاد لفم. .الا كنتي عميا !! فينو لمشكيل ماشي بنادم ..متبقايش تنقصي من راسك فهمتيي
ذهب هبطات راسها حتى حسات بيه تقاد فبلاصتو وشد ايدياتها لباردين حاوط بيهم خصرو عاد كسيرا كيحس بيها مزيرة عليه وصدرها ملاصق مع ضهرو
نرجعو للشركة..
كان حاط جنبو قهوتو لقاصحة ..وغارق وسط لملفات كين شي مشاريع دازو وتم استثمارهم وهو حاطهم حداه. .باغي انسا حاس براسو خاصو اتغشل حتى ميبقى لييه فين أفكر فشي حاجة
السكرتيرة تخلعات من قبيلة وهيا كتجيب ليه فالملفات حتى ولا حداه صطوكاج .
ساجد بقا ساكت قابط فنجان لقهوة مزير عليه علاين اطرطق
بيازيد : سولتك؟؟
ساجد نطق ببرودة : انا ماشي شماتة باش تقولهالي ..وراجل باش هيا تعكسها وتقول ماشي راجل هنا حبس
بيازيد زفر : كنعتاذر على لبارح ..تصدمت داكشي علاش
عاد سرات معاه هدرتو : قاتليك شماتة
ساجد بقا ساكت كيبين انه ممسوقش بزاف للموضوع. كيخبي راسو بين لملفات ..بقا منزل عينيه حتى حس بيه ناض وخرج ساد موراه لباب ..مدازش بزاف دثواني حتى زف بالفنجان و ترمى على لحيط مفرتت الا اشلاء
جمع لوقفة كيسوط .جبد كارو شعلو وبدا كيكمي وهو كيغلي من لداخل ..عارفها اتزيد تكرهو بهاد لفعلة و وخا ممهتمش بزاف لردة فعلها كيف غادي تكون
داز لوقت. .
كان جالس مرجع راسو لور كيحرقو على واحد لكرسي فالحديقة لي قريبة من لفااك
مراد كان يله وقف باللوطو وباغي امشي لعندو اعرف اشنو واقع حيت تاصل بييه ولكن قبل اوصل لعندو لمح رهاف وشروق جايين مندامجين فالهدرة.
تسناهم حتى وصلو لعندو : سلام وعليكم
شروق خسرات ملامح وجها وسكتات بلاما تجاوبو
رهاف مستغربة كيفاش هاد الآداب كامل : وعليكم السلام
شروق شافتو جدي مشات سبقاتو وجبداتها عاد مداتها ليه ومع كانت ضاربة فيه الشمس حرقاتو فعينيه مكانش مركز مزيان. .شد من عندها لقرعة حلها يله ايشرب منها وهيا تكفح تجاه شروق ..سردات حوايجها مع كانت قبالتو والتيشورط لي كانت لابسة لصق عليها حتى ولا لون السوتيان مكشوف
بيازيد هبط راسو شادو بايديه فكرة انها تغتاصبت بسباب تحريدو كتبغي تجهلو..احساس بالذنب اخيب حاجة ممتيقش ان استهتاارو وصل بنت مراهقة ويله كتفتح بحال شي وردة ذبلات بسباب افعالو
رهاف شافت حالتو ماشي هيا هاديك : مالك! !
بيازيد باستهزاء : هادا لي حداك تسبب لبنت بالاغتصاب. .ومن فوق هادشي حمقة وعندها اختلال عقلي
ثامر دار اشارة بايدو زعما غي امشي. .وداكشي لكان فحين انه هو خدا ليه كاس عمرو وبدا كيجغم منو
بتاسم بمكر : انخلييو لغزالة عيشة حتى نشبع منها. .نيت مليت ديك لمسخة دنرمين
بقا مبتاسم كيرتب افكارو وامتى خاصو اهجم علييهم بضربتو لقاضية أما آريا مطمأن من ناحيتها هاد الساعة حيت راسم فبالو انها غادي تزيد تدهور حالتها من بعد هاد الاغتصاب
فالكلينيك. .
كان وقف بيها بعيد باش ميشوفها حتى واحد. .نزل ونزلها حتى هيا : اوووبلاا إلا بغيتي نوصلك
ذهب : بلاش ..انمشي بوحدي
يوسف قرب ليها كيزول لكاسك : يله سيري
ذهب يله اتمشي وهو ادورها لعندو باس جبينها : دابا عاد سيري
خنزرات وكملات طريقها : هادا حمق مفيهاش
بقات غادة بالشوية وهو حاضيها باش لطاحت امشي انقدها ..ولكن وقع عكس تخيلاتو بقات كتمشى وتحسس بايديها حتى دخلات وهيا تسمع صوت كلثوم : بنتيي
ذهب مشات لعندها بخطوات مبعثرة حتى ترمات فحضنها : هءءءؤؤ بغيت نشوفها اماما
كلثوم تنهدات ونطقات بينها وبين نفسها : انشوفك امتى غادي تبقى تهرب
انيس كان مرافق ذهب لجيهة للغرفة وفينما كيشوفها غادي طيح كيشدها فايدها حتى دخلها وسد لباب. .مع لعلم ان الزيارة ممنوعة حتى تحل عينيها ولكن بصيفتو طبيب عاطينو امتيازات
ذهب محساتش بدموعها حتى بداو كيهبطو : قادلي كرسي حداها
انيس دار داكشي لقالت وجا لعندها جلسها و وقف كيشوف فآريا كيف سخفانة وانبوب الأكسجين على فمها
ذهب شدات ايدها باستها : كنطلب منك السماحة بنيابة على خويا هءءهءه هو ماشي هاكة. .مبقيت فاهمة والو هءءء عمرو كان هاكة
سكتات شحال وهيا كتمسح دموعها : كنتمنى فاش تحلي عينيك ميزيدش إسوء الأمر كتر من هاكة. .ياربي تشفاي وترجعي كيف قبل ..نتي قوية خاصك تقاومي ماشي بحالي مبقا عندي حتى آمل من بعد محاولات عدة باش نشوف ولكن لأسف كانو فاشلين ..أما نتي تقدري تستجمعي قوتك وترجعي لبلادك وموطنك
انيس تنهد : ذهب بلاش لبكا ...مغادي اتغير والو
ذهب سكتات شحال عاد نطقات : نطلب منك واحد الطلب
انيس : الا قدرت عليه انفدو علاش لا
ذهب : خود آريا من هنا ورجعها لبلادها ..حتى تمشيو لتماك وقلب على واليديها مبغيتش تعدب كتر من هاكة انا حاسة بداك لموت لبطيء لي اتعيشو بعدما تحل عينيها
انيس بقا واقف وهدرتها كدور فراسو : وساجد
ذهب : خويا ممسوقش اصلا ..عفااك نجى بآريا بغيتها تعيش حياة زوينة ..بعدها من هنا هءءهءه هءء
انيس قرب لآريا كيدور أفكار ذهب حتى هو كيتمنى ترجع كيف كانت ..مكرهش فاش تعالج وتصح تكون فجنبو دائما..معرفش اشنو هاد الاحساس لي كيراودو ولكن لي عارف هو انه خاصو اشوفها فرحانة
تنهد مطول وشاف لعند ذهب : اليوم انسافرو لبرازيل متخافيش غادي نحميها ونرجعها لعائلتها
ذهب مسحات دموعها وهيا مبتاسمة : هتم بيها وعالجها حتى تسترجع قوتها متأكد اتكون شي حاجة مهمة فالمستقبل
انيس شاف لعند آريا وبدا كيرجع فخصلات شعرها لور وهو كيتخايل راسو معاها وغي بوحدهم لي كينين. .بتاسم متحمس ارجعها للموطنها وتقدر تطور الأمور واطلب منها الزواج حيت هيا ماشي بيدها حتى سلمات شرفها وانما بالغصب وهادشي مكيهموش قد ماكيهمو راحتها وصحتها
نطق بصوت جاد : انمشي نقاد الإجراءات ونوصيهم اوجدو الطيارة من هنا لساعة ..آريا غادي تصح ولكن بعيد من هنا وفجنبي
ذهب بصوت مخنوق : كنتيق فيك..خاصك تسربي
انيس هز راسو باه وهو كلو حزم : متخافيش
فالشركة. .
نزل الشيفور حل ليها لباب عاد نزلات وطلعات لعندو مباشرة للمكتب ..حلات لباب بلاما تدق لقاتو مزال غارق وسط لخدمة كيف قاليها نعمان
تنهدات ومشات تقابلت معاه : تهنيتي دابا
ساجد شاف لعندها ببرودة : الا كان نفس لموضوع فراه مكيهمنيش
كلثوم بصوت جاف : اي حاجة كتعلق بالبنت اتبقى بعيد عليها ..ومن الاحس تمشي من هنا فمرة حيت وجودك غادي اقتلها ..وااش عارف ان عائلتها برازيلية ؟؟ وااش فاهم لخطورة دهادشي !!
ساجد زفر وناض جامع لوقفة مقابل مع الزاج لي كيطل لعلا برى : خاصها ترجع لعائلتها وانا هنا حيت مغادي نهنى حتى تخرج من هاد لبلاد فمرة عاد نمشي نعيش حياتي ونستاقر فكندا
كلثوم : غي سافر انا وباك انهدرو مع لمعارف ديالنا. .وحتى الشرطة الدولية خااص نبلغو بانها كينا هنا. .وداك الساعة اتعرف عائلتها ومن تصرفات آريا باين غنيين يعني ايكون اسمها معروف ..ونقدرو نزلو صورتها فالجرائد ديالهم لمهم حنا قادين بيها. ..وجودك ممنوش
كان مزال كيسوك وهما موراه تابعين اتجاهو ..تفكر فاش كان غارق وسط لملفات حتى عيطولو وخبروه بالمستجدات جمع لوقفة داك الساعة ومشا لييه
سلك طريق للبحر وهما موراه مسافة دالطريق حتى وقف قدام فيلة صغيرة تصميمها زويين ..كطل على لبحر مجرد متخرج منها تزيد خطاوي على الرملة حتى تلقا راسك وسط زورق لما..سطاسيونا باللوطو ونزل دار نيشان للباب لفيلة كان لعساس حالو
شاف فييهم باش اتبعوه : هبطوها
لمسعفيين دارو خدمتهم كانو حديرين بااش هبطوها بالبياس والسيروم معلق ..دخلوها من لباب حتى وقفو بعدما تحل لباب الدخلاني دلفيلة كان حلاتو علييهم لخدامة
ساجد سبقهم لداخل وتأكد من لخدامة بأن بيتها وااجد ومقاد ..بقا حاضيهم حتى طلعوها بالشوية موقفو حتى لحدا الناموسية
ساجد دخل ملي شافهم ايهزوها باش ميخليوهاش ناعسة على لبياس بالنسبة لييهم الناموسية حسن : حتا واحد ميقرب ليها
مشا لعندها هزها بالشوية بين ايديه ودار ليهم اشارة براسو زعما غي امشيو وداكشي لكان. .بقات معاه نفس الممرضة لي كانت اتسافر معاهم لبرازيل
لممرضة مشات بجرية قداتو حيت غير نبرة دصوتو للجدية والجافة كتزرع فيك الرعب وكتعرف انه ملي اقول شي حاجة خاصها تنفد
ساجد : صافي خرجي من هنا
لممرضة هزات راسها باه
قبل تخرج قاطعها : معاش اتفيق
لممرضة : ساعات هاكاك وتحل عينيها
ساجد تلافت لعند آريا بينما لممرضة خرجات من لغرفة مخلياهم بوحدهم ..مزال مفهمات كفاش كانت فالطيارة ولكن دابا هيا هنا..تنهدات براحة عجبتها لبلاصة قالت مع راسها لخدمة هنا حسن من لكلينيك
لفوق. .
جمع للوقفة ومشا جيهت الشرفة جبد كارو وبدا كيكمي وهو كيفكر فلي جاي ..تنهد وهو كيسوط الدخان. .تلافت لعندها من الشرفة كتبان ليه مرخية على الناموسية وشعرها لحريري تخربق مبقاش مصفف خصلة بخصلة ..مسح على راسو ورجع كيشوف قدامو مركز مع صخب الامواج وهيا كضرب على الصخر
فالجيهة لخرى. .
كان يله داخل للقصر حتى صونالو تيلي ..فتح لخط وجاوب داك الساعة : واقعة شي حاجة
لكارد : لبنت اسيدي مع ولدك
نعمان : بيازيد! !
لكارد : لا سي ساجد هو لي جا داها
نعمان : صافي حتى لكانت شي حاجة علمني
قطع ورجع تيلي لجيبو : يخخخ منو وعيني فييه
تنهد ومشا لصالون عرفها اتكون تماك :حبيبة
كلثوم كانت ملاهيا مع شي وراق خاصين بالجمعية ديالها كتحاول تنسي بييهم لمشاكيل. .غي سمعات صوتو هزات راسها :جيتي
نعمان باس فوق راسها : ولدك بالفقصة دلفعلة ديالو كمل خدمة اسبوع ..ملقيت مندير رجعت
أما ساجد حط لفاليز فالكوفغ وركب لوطو عاد كسيرا مخلي لعجاجة موراه. .كيفكر واش حلت عينيها ولا مزال. .مسافة الطريق حتى وقف قدام لفيلة. .نزل ودار هز لفاليز عاد دخل لداخل ..دور عينو الصقيل
ساجد بتاسم ابتسامة خفيفة وطلع جار لفاليز موراه. .وصل لبيتها حل لباب ودخل كيشوف فيها مزال على نفس لحال وعينيها دابلين
طرف لفاليز على جنب حتى تستف لخدامة لحوايج. .عاد مشا لعندها كيحقق فالضرابي لي براو زرقين على وجها. .دور راسو مبغاش ابقى كيشوف فيها بزاف. .ملقا غي تيلي ديالو جبدو وهو جالس جنبها على طرف دالناموسية. .طلق لكونكسيو حتى طلع ليه فالنوتيفيكاسيو آخر للمستجدات. جاه لفضول اشوف اشنو. .دخل ليهم حتى خرج عينيه لحومر ورجعو عروق جبينو كيبرزو من جديد. .جمع لوقفة سااخط وشد تيلي بالاعصاب زفو على لحيط حتى تشخشخ إلا اشلاء
ضرب برجلو لكوافوز لي كان حداه ومشا كينسل لجاكيط ديالو حتى وصل للشرفة ..معرفش كفاش نتشرات الأخبار مفهم واالو .جمع ايدو بقوة حتى بانو عروقو من كترة لهيب لغضب
بقا واقف كيرجع النفس و والو مبغاتش دوز لييه. .مسح على راسو وتم قاصد لباب قبل احلو تلافت لعندها عاد خرج هبط نيشان للتحت
شاف لممرضة : طلعي قابليها
لممرضة هزات راسها باه وهيا ذيبا فوسامتو شافتو مشا وهيا تعض على شفايفها : الله سعدات هادي لي اتكون معااه
تنهدات كتضحك على راسها عاد طلعات لعندها إلا فاقت تكون فجنبها
فالقصر. .
كان جالس هو وياها فالجليسة لي حدا لبيسين ..غي ساكتين كيفكرو فهادشي لعاشوه لبارح مزال ممتيقين
نعمان حرك راسو بلا : ب بب بلاش كح ..صمعتنا لي كنت كنبني فيهاا مشات هاكاك
شوية سمعو تيلي كان ديال نعمان ..هزو بيازيد ودور ليه الشاشة واش كيعرف مول هاد الرقم باش لكانت شي حاجة ضرورية اجاوب
نعمان باستهزاء : ههه هاهما الاتصالات بداو من دابا. ..ولدي خاصك تعرف شكون لنشر هاد لخبر مستحيل نستسلم ونخلي صمعت عائلتي تدهور فرمشة عين
بيازيد تنهد وهو كيحاول اوقفو : كون هاني انلقاه ..صاحبي مراد كيطير فهادشي حيت هادا هاكر لي حط الخبر بلاما اتعرف الموقع الرئيسي لي تلونسا منو
نعمان وقف مسند على كلثوم ..تنهد ونطق بصوت تعبان : صافي غي دخل اولدي وخا لخبر نتاشر خاص نلقاو هاد لهاكر مغاديش ندوزها لييه
بيازيد باس فوق راسو ودخل : انجبدك من تحت الأرض
كلثوم : حاول على راسك ..بالشوية عليك سند مزيان باش ندخلو تاخد دواك
نعمان بعد عليها شاد قلبو وراسو كلشي ترون عليه. .وهو من النوع لي كيهتم بالصمعة ديالو. سكت شحال عاد نطق : ساجد خاصو اتزوج لبنت أولا الشركة اتفلس وكااع الشركاء افصخو لعقد
كلثوم : ابغي زعما !!
نعمان بعصبية : بزز علييه هو لي دار هاد لفعلة وهو لي دمر الصمعة لي كنت كنبني فيها هادي سنين. .هادشي لحنا فييه ما ورتوش من باا تقاتلت وسهرت الليل باش وصلت لهاد لمرتبة
كلثوم عارفة ماضيهم صبرو وبناو حجرة بحجرة حتى ولا كيتضرب ليهم الف حساب : على الله ميرفضش
فالجيهة لخرى. .
كان الضلام كيحوم بيها ..كمشات عينيها كتستاعد تفيق وهيا مخسرة ملامح وجها. . بدات كتطلع شفرة بشفرة حتى فتحاتهم كتشوف العثمة ..بقات ساهية كتحس بجسمها مرخي وعينيها مزال تقال. .شوية بداو دموعها هابطين مع عويناتها بلا حتى صوت غي نازلين بوحدهم بلا حتى شهقة ..شوية بدا صوت انينها كيتسمع فارجاء البيت حتى حسات بالضو تشعل. .
كانت لممرضة : بااش كتحسي
آريا غي ساهية كتشوف فالسقف ودموعها نازلين ..شوية بغات توقف وهيا تجي تعاونها لممرضة. .حتى حطات رجليها وهو اضربها الضو من لتحت ديالها غوتات مخرجة عينيها ودموعها محبسوش عاد مكيزيدو فالوثيرة. .عضات على شفايفها بحركتها لعفوية
ساجد بقا كيشوف فيها كااع مطبعة بالازرق الداكن وكضحك وسط حزنها ..هيا معقلاش على شكون لي دار فيها هاكة !!.كيبقا السؤال لمطروح فاش اتفكر كفاش اتكون ردة فعلها؟؟
آريا بخوف : يكما اتديني عند هاداك لهيماجي لي كان ايقتلني ..مكدبتش علييك كان ساد ليا فمي وخنقني
يله اتزيد تهدر وهو اقاطعها بحدة : صاافي متفكريش بزاف
آريا : ولكن خاصي نتفكر شكلو يااك
ساجد شاف فيها شحال. .بقا ساكت ملقا ميقول فالاخير هز راسو بمعنى اه : ايجي لوقت وتفكريه
آريا : غادي نسد ليه فمو حتى انا ونخليه ابكي كيف بكيت
ساجد بقا غي كيشوف فيها حتى تنهد ومشا قاصد للحمام. .دخل ليه حطها وسط لجاكوزي وطلق لما دافي حتى ولا كاع حمر بسباب الدم ..جمع لوقفة بانت ليه مرايا مشا رمى عليها فوطة باش ملي اوقفها متشوفش شكلها تقدر تخلع وتفكر شي حاجة. .
رجع لعندها هزها بالشوية من جاكوزي حتى وقفها تحت الرشاشة وطلق عليها لما ..يله ايخرج وهيا تشد فايدو بخوف : هءءءؤهءءء ولا رجع قتلني
تنهد وهزها بين ايديه والدم مزال كينزف منها لدرجة دخلو لوسواس خاف تكون شي حاجة خطيرة .داكشي علاش مجرد محطها بغا اتاصل بالطبيب ولكن ايتعطل تفكر لممرضة دوز لفيكس لي لتحت باش تطلع لعندهم. .وداكشي لكان دقائق حتى دقات فالباب وحلاتو :مسيو بغيتيني
آريا بقات كتفكر عاد جوباتو : لا ..بحال باباك فالعمر
ساجد بتاسم ليها مبغاش اسولها بزاف حتى تبدأ لعلاج وايتقاد كلشي وبينما تفكرت اش وقع ليها أكون هو لقا عائلتها ودار لي عليه
آريا هبطات عينيها ورجعت غمضتهم فيساع : انا كنخلع
كمشات فمها بغيظ : فاش انتفكر وجهو انقتلو كيف كان ايقتلني 😢... صافي هو دخل لقائمة السوداء انتاقم منو ونقجو حتى ابغي اتخنق
ساجد شافها اتزيد تهدر : رتاحي متهدرييش بزاف
آريا بتاسمات : حاضر هييرو😍
ساجد بكلامها كتزيد تزرع الاغنام فالداخل ديالو. .كيحس بجبل كبير خاصو اتزول من على كتافو واخة عارف النهاية اتكون كيف مرسومة فبالو وهو أنها اتزيد تكرهو واتقلب هاد الاحترام لكيشوف فعينيها إلا احتقار ..نفظ هاد الأفكار من راسو ومشا لعندها جلس وزول ليها لفوطة بلاما تعتارض مع اصلا كانت ملاهيا عاود مع الحسيب ..محققش فجسمها ابدا كتفا انه البسها السترينغ والفوطة الصحية ..عاد لكسيوة دالنعاس. .كمل فيساع كيتهرب بنضراتو من على جسمها. .قاد ليها لمخدة ورجع ليها راسها لور متبتو مزيان عليها باش تلقا راحتها وهيا ناعسة
جا اطفي الضو لي حداها شداتو فايدو ونطقات بصوت نعسان : هييرو
آريا بتاسمات ليه وتكات موسدة ايديها كتحاول متململش بزاف ليجيها لحريق من جديد
اما ساجد بقا كيدور فعينيه مكينش كنباي ومن غير كرسي بحال الارجوحة فالشرفة ..وكل امرو لله ومشا جلس عليه وزول لجاكيط تغطا بيها ..شوية هبطها من على راسو وطل عليها لقاها ناعسة مقابلة معاه و شفارها فازكين باين عليها اثر لبكا
بيازيد مسح على راسو : الصورة لي منزلة على المواقع مبينش وجه آريا وممذكورش انها برازيلية باش اردو لبال. .يعني هادي فصالحنا بالنسبة لبلادهم ..لمشكيل دابا هو صمعتنا بدات كتلاشا و لواليد كنحس بيه ايمرض مفيهاش حيت كلشي حتى لصمعة
بيازيد دخل كيدور فعينيه بأن ليه لحائط الزجاجي لي كيطل لعلى برى مشا لحداه وشاف الجو : الا سرفني من هنا بينا انتفرتت عضمة بعضمة ..على الله اكون كامي باش نتحاور معاه
لتحت .
كان يله طالع فالمصعد كيقاد ساعتو ليدوية مقابل مع لمرايا لي قدامو ..تفكر لبارح بات معنكش وفالصباح لقاها مزال ناعسة. .حتى قلب ليها حرارتها عاد هبط وصى عليها لممرضة وطلع لبيتو بدل عليه وها هو دابا واقف هنا ..فاق من سهوتو فاش تحل لباب. .خرج بخطوات ثابتة ونضراتو لجدية ممفرقاهش. .داز على سكرتيرة سمعها ندات ليه تجاهلها ودخل. حتى كيلقاه جالس كيرشف من لقهوة
بتاسم باستهزاء : لقهوة كتشربها فاش كتكون دير شي كارثة
بيازيد خرج عينيه فاش سمع صوتو ..محسش على راسو حتى جمع لوقفة : جيت نهدر معاك
ساجد : الا كان نفس لموضوع غي سير عندي لخدمة
بيازيد : شي حاجة مهمة
ساجد هز راسو باه: تمام . .جلس شرب قهوتك بعدا
بيازيد جلس كيرشف بتوتر ولكن حازم باش احيد هاد السر لي كيحس بيه ايحمقو
ن كترة الاحساس بالذنب
ساجد نسل لجاكيط وجلس :كنسمعك
بيازيد هز عينو فيه شافو حادر راسو كيقرا شي وراق : انا لي علمت آريا داك لمعيور لي قالت لييك. .شماتة و ماشي راجل انا لي علمتهم لييها
ساجد كان خدام حتى كيتبلوكا من كلامو. .مزال ممتيق هز راسو بالعرض لبطيء مخرج عينيه : مفهمتش
ضرب برجلو سلة دالمهملات حتى تكبات وزاد كيخنزر فأي واحد لقاه كان باغي اعرف اش واقع بدافع لفضول
مسح على راسو وركب لمصعد : انا لي درتها بايدي. ..انااا
وسط حرب الاوراق والملفات مشتين فالأرض كان واقف كيلهت وصدرو كيطلع واهبط بالاعصاب حاس براسو وصلات بييه لعظم مبقاش قادر استحمل تصرفاتو الطيشة. .جات فبالو فاش كانت كتقولها لييه. .هز ديكوغاسيو قاصحة ورماها على الحائط الزجاجي لي كيطل لعلى برى حتى خترقاتو وتفتت الزاج بحاليلا كان على سبة
جبد كارو كيكمي كيحاول اتكالما وابعد تفاصيل ديك الليلة من بالو. .رجعات بيه الذاكرة لردة فعلها زفر : ميييغد
آريا كتوزع نضراتها علييهم ممقشبلة حتى حاجة بقات غي كتخنزر وتاكل فايديها حتى خرجات دادة رحمة
مسحات دموعها بعجرفة : ساجد 😢
لممرضة مشات لعندها جبدات الدوى لي خاص تشربو قبل الفطور ..بزز باش وقفات عليها حتى بلعاتو وتبعاتها ليه لما
آريا مخسرة ملامح وجها : اععع خيب اععع😑
لممرضة : هه ضروري خاصك تصبري
آريا سكتات ساهية حتى بدات كتردد فالاسم ديالو مطلقاتوش .. جابت لممرضة لملال ..شوية خرجات وخلاتها على نفس لوضعية مزال ساهية
آريا كمشات عينيها كتحس بالحريق لتحت ولكن كتحاول متسوقش لييه باش مترجعش تنعس. .عضات على شفايفها بحركتها لعفوية وحطات رجليها فالأرض حتى وقفات بزز كتحس بالجناوا كيدكو فييها. .هبطات عينيها لابسة غي كسيوة مفضفضة. .نتابهات لطبعات زورق لي على لحمها سكتات من دندين وهيا كتحقق شوية هزات كتافها باهمال ومشات كتمشى ببطء حتى خرجات وهبطات فالدروج بزز كلما كتحط رجلها على درجة كتحس بالتمزيق لتحت والدم كيقطر والحريق كيجهاد ..ولكن ملات مبغاتش تخلي الألم اسيطر عليها بحال كيف كانت كدير فالمصحة رغم التعديب ديالهم كانت كترجع توقف على رجليها
خلات لممرضة ودادة رحمة ملاهيين و واحد لخدامة حتى هيا بانت ليها دخلات لكوزينة ..بتاسمات بانتصار وخرجات بالشوية كتلعب بايديها فالهوى وشعرها كيديه الريح وكيجيبو ..خرجات من لفيلة للحديقة لمحات لبحر كيبان من لباب لخارجي عجبها لمنظر ..
يله اتخرج وهو اقاطعها لعساس : سمحيلي الالة منقدرش نحل ليك لباب ..سي ساجد قالي حتى واحد ميخرج
آريا فهمات من حركة ايدو لي صداتها انه مغاديش احل ليها لباب. .خنزرات فيه ودخلاتو فقائمتها السوداء عاد قلبات الدورة كتغوضض بوحدها ..قبل تدخل بان ليها لبيسين عينيها خرجو منهم لقلوبة ..مشات لجيهتو كتفرنس حتى وصلات لتماك وجلسات مدلية رجليها فالما كتلعب بييهم وعلى فمها أغنية برازيلية كتعجبها عاد بدات كتفكر كلماتها. .
كان يله وقف باللوطو قدام لباب حل ليه لعساس ودخل داك الساعة ..سطاسيونا ونزل كيزول نضاراتو ..يله ايدخل لداخل ..سمع صوتها وهيا كتغني تلافت مباشرة لجيهتها هاز حاجبو. .خشا النضارات فجيبو ومشا لعندها محساتش بيه حتى جلس حداها
قفزات ودارت طافجة عاد رجعات فيها الروح وتحولات تعابير وجها من خلعة الا ابتسامة : هيرو😍
ساجد بقا كيحقق فالضرابي لي على وجها وصباعو لمطراسيين على عنقها بسباب لقجة لي قجها : مزال كيضروك
دخل بيها كيخنزر خصوصا فاش جات عينو على لممرضة شافها بنضرات قاتلة حتى حسات براسها اتطلقها فسروالها..منطقش كتفا بالسكات مكمش فمو
طلع بيها للفوق قابطها مزيان. .حل لباب دخل وسدو برجلو كيزفر خصوصا فاش كيلمح بقع الدم مزال كتقطر..وصل بيها لناموسية حطها و وقف كيشوف الدم لاصق فايديه كمش عينيه بعصبية : الله مطولك ياروح
ضرب برجلو لكوافوز ومشا قاصد للحمام غسل ايديه بالصابون ورجع لعندها كيطلع واهبط فيها مع نضراتو للجدية
آريا كتهرب من نضراتو : نتا مبقيتيش ضريف يلله😭
ساجد مسح على راسو و عطاها بالضهر. .ملقا غي الشرفة خرج ليها اضربو لبرد باش ميغلطش فيها. .جبد كارو شعلو كيكمي بالشوية حس بالدخان ايدخل للبيت مشا سد لباب دالزاج ورجع كيكمل لكميان حتى سالا عاد دخل لعندها كيكفط كمامو : دابا اشنو ندير فييك
آريا تخشات بين ضلوعها كتسنت للحريق لي كيراودها مرة مرة : هءءء هءءء سس ساجد
ساجد موجه صبعو : تعري على سنانك اتلقيهم قدامك حسبيهم على خاطرك
آريا تكمشات ميلة شفايفها :الله استر
جابتلو الضحكة وخا مبينش ومحركش حتى فمو بابتسامة مباغيش اضسرها عليه ..سمع حس شي واحد داخل للبيت ..خرج من لحمام كانت لممرضة : دخلي دوشي ليها ..راه كتنزف من جديد
لممرضة هزات راسها باه : داكوغ
تم خارج قبل اسد لباب نطق بصوت حاد زعزعها من بلاصتها : لمرة جاية الا تعاود نفس لبلان حسبي رااسك شهادة تمريض عمرك شديتيها
ضربها الضوء من كلامو بقات ساكتة خيفا على راسها .. بان ليها لباب تسد حتى قفزات : ياربي السلامة. ..كيخلع هادا
مسحات لعرق لي خرج من جبينها ومشات لعند آريا كتحاول دوش ليها حيت كااع الدنيا رجعتها رغوة ..بستة وستين كشيفة وبعد عضات غارقة فدراعها عاد كملات ليها كتنخصص بالاعصاب : ااش داني لهادشي هءءهءه
آريا معلابالهاش شافت راسها مبقاتش الرغوة على جسمها خنزرات ومشات كتلعب بيها من جديد. .خلات لممرضة حالة فمها وعينيها ..بقاليها غي تسخف بالاعصاب : يااربي نكون كنحلم يااربي 😨
فالجيهة لخرى. .
كان واقف باللوطو ديالو قريب للحي ديالهم وتيلي على ودنو : حاول اصحبي
مراد مركز مع البيسي : راه مسحت لخبر من شي مواقع لي سرقوه بقالي الأصلي. .صعيب نجبدو ولكن انحاول
بيازيد : منخافش علييك ..وخاص نجيبوه حتى لعندنا
مراد : عارف اش كندير غادي نصدمك بالبراعة ديالي
بيازيد تنهد : غيي صدم الله ارحم بيها لواليدين
مراد : هدرتي مع خوك
بيازيد بصوت جاف : وياااه
مراد من صوتو عرف لجواب : مهم حتى ترجع ونهدرو
بيازيد قطع فاش شافها جاية و شعرها معنكشها ممخليهاش على راحتها. .بانت كيووت باللبيستها لي طاغي عليها اللون الأسود و جاي مع لون بشرتها
حل زاج دالنافدة : هييه
كانت ساهية حتى سمعات صوتو مخرجة عينيها : اشنو كدير هنا ولفتيها
بيازيد : ركبي
رهاف خافت ليشوفها شي واحد ركبات داك الساعة : وااش نتا مسالي قبك باغي تخرج علياا لا
سكتات مقوسة حاجبها فاش نتفها من شعرها : اتبتي بلا كلمة بلا جووج
رهاف جمعات ساكها قدامها كتدعي فيه فخاطرها مخلات غي لي نسات ..فاقت من سهوتها على فرانو لعجيب حسات براسها مشات وجات حتى كانت غادي تخرج من الزاج لقدامي
بيازيد حل لباب : نزلي
رهاف حطات ايدها على قلبها : نااري على حيوان. ..أ أ نااري على مسطي هء
هبطات كتسترجع انفاسها بزز باش تلاشات منها لخلعة. .دورات راسها كانت واقفة قدام ماكدو ولكن فينو هو الله واعلم مكينش الاثر ديالو ..تجننات ودخلات كتقلب عليه بعينيها كارهة لموقف
تلافتت فاش سمعاتو عيط ليهاا : رهاااف اجيي
سهات وهيا كتحقق فييه واسمها كيف خرج من فمو حتى سحات على راسها : اويلي حماقيت
مشات لعندو كتشتف برجليها من كترة لغدايد ..جلسات مقابلة معاه بعدما حطات صاكها بعجرفة حتى قفزاتو فاش كان مركز مع تيلي
خنزر فيها : أ مااالنا يااك لبااس !!
رهاف بابتسامة صفرا عاضة على سنانها : لبااس لحمدالله ونتاا
بيازيد باستهزاء : من لحامدين شاكرين
هبط راسو لتيلي : من نيتها
رهاف كدور فعينيها مكينش بزاف دالناس مع الصباح : جينا باش نجلسو. .تبعاني للقراية ابنادم
بيازيد دور راسو ودار اشارة بايدو حتى جا لعندو : جيب لياا كيف ديما غي هاد لمرة بضوبل
حدر راسو ومشا انفد طلبو
رهاف : همم موالف كتجي تفطر هناا
بيازيد خاشي راسو فتيلي : كتهدري بزاف.. فراسك
رهاف موسعة عينيها : لا والله حتا حمق هههه لا وااش منيتك جييت تشكيت علييك باش تجيبني
رهاف خنزرات وجلسات كتغودد حتى حطو قدامهم طلبهم. .شهاها لعاصير رشفات منو بلباقة مبغاتش تبين انها فرحانة ..تنهدات براحة ونطقات بينها وبين نفسها : واااوو بحال دالافلام 😍
بيازيد يله ايرشف من عصيرو نتابه لعكر ديالها : مسحييه
رهاف باستفهام هزات راسها لعندو : شنيي
بيازيد حط صبعو على شفايفها : هادا ابنتي
رهاف رجعات راسها باللور : كتحلم
بتاسم باستهزاء وهز كاسو ببرودة رشها نيشان لفمها حتى فزكات شاهقة. .حط لكأس ببرودة عاود بحاليلا مواقع والو خلاها مبرقة عينيها مخرجاهم على جهدهم ودموع محجرين علاين اطيحو
سمع تيلي جاوب : فين وصلتي
مراد كيتكسل : قربت فينك نتاا ..باغي نفطر اسااط
بيازيد بصوت حزين ومكتآب : غي كمل اصحبي من بعد لفطور ..انا جالس على واحد الصخرة وكنبكي
مراد تقاد فالجلسة : ههههه من نيتك كتبكي
بيازيد : هيهيي هئ هئىئ شفتيي مكنكذبش وكنتنخصص من لفوق
سكتات كدور فعينيها حتى حسات بيه جلسها فوق لكرسي كيخنزر
شافت فيه بنص عين : هادا مالو كيشوف فيا هاكة يخخ
ساجد قرصها من حنكها : متبقايش تهدري بهاد الشينوية ديالك
آريا شافتو جلس : وحتى نتا متهدرش بلغة مكنفهمهاش و إلا
ساجد قرب وجهو ليها مطلع حاجبو : والا شنو
آريا بتاسمات بخجل : حشمتيني
ساجد بابتسامة استهزاء : كملات نتي كتحشمي !!!..سبحان الله
تنهد وهزها حطها على حجرو بينما لخدامة جابت لفطور كتحط قدامهم حتى كملات عاد نسحبات مخلياهم بوحدهم
آريا عضات على شفايفها كتشوف فالكونفيتير دالفراولة كيعجبها ..بدات كتقرب ايدها لطبسيل ولكن بعيد مقدراتش حتى بدات كدمع فيقاتو من سهوتو وهو مركز مع تيلي : هءءءؤهءءء فياا جووووع هءءء
هز راسو : بسم الله علييك. .طابلة قدامك عومي فهادشي
ساجد سهى وهو كيحقق فملامحها حتى سحى على راسو فاش نغزاتو : غي متبكيش
آريا سكتات كتنخصص حتى قرب ليها لكونفيتير عاد سكتات مبتاسمة
ساجد : هاهو خشي راسك وسطو
آريا بعفوية : واخة😍
زفر بنفاد صبر : اخر ايامي وليت كنقابل لحضانة
آريا خشات صبعها وسط لكونفيتير وبدات كتذوق وتبنن بجهر حتى خلاتو متبع حركاتها و كل تصرف عفوي صادر منها ..ضرب فييهم ريح دلبحر داخل من جيهت لحديقة حتى خلا خصلات شعرها لمصفف اترماو على وجهو مكيبعدو تا كتلصق ريحتو على نيفو..هز ايدو بشوية وبعد شعرها على جنب مركز مع حركاتها ومنضرها وهيا مطلية بالكونفيتير ..محسش على راسو حتى دورها لعندو وحط شفايفو على شفايفها بعجرفة وبدا فتقبيلها بشراسة كيلتاهم كل شفة بوحدها مكيدوز لاخرة حتى كيزول منها كاع لكونفيتير لي كانت مطلية بييه
آريا تصدمات فالأول يله كانت اتدفعو وهيا تفكر اللقطة لي شافت فالتيفي بتاسمات ودورات ايدياتها الصغيورين على عنقو مقرباه ليها حتى دخلو فقبل طويلة متحكم فيها ساجد أما آريا غي عاطية الجبهة معارفة حتى كفاش خصها تسايرو بالنسبة ليها هو تطبق لمشهد لي شافت هادا كل همها
ساجد فاق من انغماسو بين شفايفها وبعد داك الساعة معارفش كفاش قرب ليها
آريا بصوت باكي: بوسني هءءهءه هءء
ساجد زرب عليها و وقف حتى غوتات بالحريق عاد حطها وطلع كيزول تيشورط ديالو قاصد بيتو وداكشي لكان مجرد موصل دخل للحمام وطلق الدوش للبارد على الله تطفا لعافية لي شعلت فجسمو ..
روحي تحتضر الجزء الخامس
محتوى القصة
التنقل بين الأجزاء