نور: الي كنعرف يونس ماشي برهوش غيسمح فيك غير هكاك بلا سبب او مبرر ربما خاصك تراجعي راسك
ناريمان: نور بليز الا كنتي كتعرفي شي حاجة قوليهالي
نور: ناريمان غنعرف راسك كتر منك؟؟
ناريمان: (بعصبية وقلة صبر) نووور بلييز الا عارفة شي حاجة قوليلي رآه غنحماق كفاش مشا وخلاني هكاك
نور: ناريمان انا معارفة والو ويونس عمرو عاود عليك فهمتي انا قلت ربما راجعي راسك ونتي ادرى واخا متكونيش قاصدة
ناريمان: كيهضر معاك نتي؟؟؟
نور: لا
ناريمان: متأكدة؟
نور: والله ولكن غير يصوني علية غنعلمك لا هو ولا عماد
ناريمان: وعد انور؟؟
نور: وعد وعد اناريمان
~~~~~~~~~~~~~~~~
عائشة: خايفة؟
رقية: شوية
عائشة: ههههه وكان غير قالنا شنو غيحط لينا فالامتحان
رقية: ههههه مستحيل ششششت ها هو دخل (هزات عينها فيه غير تلقاو العينين ابتسم معاها خداو لوراق وبقاو كيدوزو الامتحان ديال هاد المادة رقية مهزات الراس حتى كملات جات عينيها فالاستاد للي كان مفيكسي الشوفة فيها ختبها بغمزة حنات راسها وتبسمات من بعد كولشي كمل سلم اوراقو وخرجو مشاو لبنات للدار كما العادة بدلو حوايجهم رقية لبسات كولون كحل مزير وتريكو هابط على كتفها فلبيج ومونطو بيج وميني بوط بيج وصاك كحل وخلات شعرها مطلوق) عييييشة لبستي
عائشة: اش غلبس السيد بغاك نتي يهضر معاك
رقية: (خرجات عينيها) واش حمقة نمشي عندو بوحدي
عائشة: مالكي غياكلك؟؟
رقية: رآه الا مخرجتيش معايا رآه منمشيش
عائشة: والله لا خرجت
عائشة: (مخنزرة) تفوو مفهمتش لاش جاراني معاك
رقية: هاها هبيلة باغاني نمشي بوحدي
سامي: (كان واقف حدا سيارتو غير شاف رقية جايا لعندو كانت كيوت ميكاب خفيف مبين جمالها وعاطيها لمسة زوينة طلق الابتسامة الساحره ديالو وحتى هي بدلاتو بابتسامة ولكن دغيا قلب ابتسامتو منين بانت عائشة جايا بقا غير بابتسامة صفرة باش ميبينش انه كان باغي بقى مع رقية غير بوحدهم وياخد راحتو معاه سلم على رقية وحلها باب السياره وحل حتى لعشية طلعات ودارت لزيات كما العادة)
سامي: كنت كنظن انه موعد
رقية: (ببلادة) مفهمتش
سامي: (شاف فعيشة لي كتشوف فالسرجم ودايرة لكيت فودنيها وكدندن) كنت كنتمنى نكونو بوحدنا ومنصدعوش معانا ختك
عائشة: (فنفسها حيت كتسمع كولشي اودي هي لي جات جراتني معاها)
رقية: نو عادي ديرها بحال مكيناش
سامي: حشومة وهي موجودة
رقية: سامي منقدرش نخليها بوحدها فالدار مسكينة
سامي: اممم مرحبا بيها بالمناسبة su mirada que sorprende (جيتي آية فالجمال)
سامي: انا نمشي نجيب تيليفون ديالي من اللوطو مغنتعطلش
رقية: اوكي (بابتسامة صفرة منين مشى دارت عند ختها للي كانت بعيدة دارت حركات بوجها وعائشة طرطقات بالضحك للي كانت ممصوقاش وكتصور رقية وسامي ولي جا فدماغها كطلبو رجع سامي تحط لعشا مكملاش ربع ساعة حتى زرب عليهم وناضو تحركو من تماك)
فهد: (غير ساكت بغا يهضر ولكن مجاتش بحكم ياله عرفهم وبغا ياخد على الاقل النمرة ديال عائشة)
سامي: (بتنهيدة ومعصب) خاي فهد سمحلي ضيعت عليك لبروكرام
عائشة: الا بغيتي تبقا نتا حنا نشوفو شي ترنسبور نمشيو فيه
سامي: (عرف راسو قصح معاهم وهو مزال مخدا داكشي لي بغى) الله اودي اختي عائشة واش غنخليكم تمشيو تكرفسو فطريق انا غير تعصبت حيت كنت بغيت نجلس مع احبيبة ديالي
رقية: (بابتسامة) حتى انا كنت بغيت نجلس ولكن..
سامي؛ خويا فهد غتبقى هنا ولا تمشي معانا
فهد: صراحة نمشي نشوف رباط شحال هادي مشفتو
سامي: (شاف فيه وابتسم من قلبو) مرحبااااااا لبنات معندكمش مشكل؟
رقية: نو ياله مرحبا بيك
عائشة: (بابتسامة) مرحبا
فهد: شكرا
ركب معاهم وكما العادة مشاو ناشطين وضاحكين فهد كيبغي يتقرب من عائشة ويعاودلها مغامرات ديالو يوريها تصاور
عزيزة: نوضي جيبي لختك دوا نوضي ارقيا لبيتك تكاي باش تسخني عليها
رقية: واخا كاين اولويز؟
عزيزة: اه رآه فلقجر للي كديروه فيه ديما
عائشة: ماما انا غنمشي لصونطر باش نجيب ديبلومات دياولنا
عزيزة: هانتي غير جيتي بديتي تان دوري علية باش تخرجي
عائشة: اماما غنمشي غير لسونطر نجيب ديبلومات دياولنا ورجع ساعة منفوتهاش
عزيزة: (هزات يديها كتحلف فيها) والله وتعطلي يا ملاك حتى نخليك كتعواجي
عائشة: اللي فيك ممهنيك (دخلات لبيتها هاربة من الصندالة عطات لختها لكينة وغطاتها ولبسات سروال جينز ميني بوط فلكرونة دان ومونكو قصير فلكرونة شعر دارتو كوب شوڤال ودارت ساك صغير على جنب دارت ميكاب خفيف بزااف خوفا من مها وخلات لكلوص حتى تخرج وديرو) ماما هاني مشيييت
عزيزة: اجي الوصفة دروز مبقيتيش كديريها لوجهك
عائشة: لا كل يوماين كنديروها والله
عزيزة: ياله سيري ومتعطليش
عائشة: واخا ماما ( خرجت عيشة دازت على الحاج عطاها فلوس التاكسي وصلات لواحد لبلاصة خاوية دارت لگلوص وزادت مع طريق خدات تاكسي ومشات لسونتر جابت الديبلوم ديالها وديال ختها وفرحات حيت جاو من الأوائل حتى لحق عليها الاستاذ ديالها بسيارتو بقا هو لداخل)
الاستاذ: بنتي ركبي نوصلك
عائشة: (دخلات راسها من الجاج دلباب حيت موالفة هكا معاه هو داير بحال صديق ديالهم واخا كبير) لا استاذ بغيت نتمشى توحشت المحمدية
الاستاذ: حقا نسيت هاد لكادوات رآه كولشي خدا منهم واحد ليك واحد لرقية هاااانتي تاخدي حتى ديال ختك
عائشة: (شدات لكادوات) ههههه لا لا نعطيهلها شكرا استاذ
الاستاذ: مع السلامة
عائشة: باااي (وخرجت راسها بقات كتشوف شنو فدوك لكادوات لقات العلم ديال ألمانيا وشكلاط محسات حتى وقفت عليها سيارة)
يونس: اه غنشوفها ورجع لعندك
عماد: دير عقلك
يونس: (بضجر) واخا واخا ياله تلاح..
(وقفت فصطوب كنفكر فناريمان للي مبغاتش تفك دارت الشوهة لبارح منين شافتني وكان ماشي عماد ونور نخلطها متعرف راسها من رجليها بقيت كنتسنى صطوب حتى كتبانلي واحد لبنت واقفة شي وقفة خايبة مع شي واحد فاللوطو مديتهاش فيها بزااف حتى تصدمت منين خرجات راسها بقيت نحقق مزيان حتى عرفتها عائشة بنت الحاجة عزيزة شفتها كتفرنس وكتشوف فلي ساك للي خرجات من السيارة كل مرة وشنو كنشوف عليها ولا بغات توب بقبت محقق فيها مكرهتش نهبط نبهدلها محسيت حتى وقفت عليها كنطلع ونهبط فيها ضارت كتشوف فيي محسيت حتى نطقت بعصبية) بشحال كتمشي؟
عائشة: (ضرت كنشوف هاد اللوطو لي وقفات علية غير شفتو قلبي بغا يسكت كيزدح ويقول نزدح والو ركابي فشلو علية كرشي ضراتتي احاسيس مخلطة معرفت شنو وقعلي محسيت حتى بقيت كنفرنس منين سولني على بشحال كنمشي بتاكسي للدار اكييد بغا يقولي طلعي نديييك قلتها وانا كنفرنس) بعشرة
يونس: (زااادت عصباتني كتر مكنت معصب غتخرجلي عقلي باش تعصب وتحس بالخطأ لي كديير كتحاول بكل وقاحة كنت غنهبط نمرمق ليها ولكن زدت قبل مندير فيها شرع يدي)
عائشة: (باستغراب) اوييلي مال هدا!! (تعجبت من هاد الموقف بقات متبعة السيارة وهي مكسيرية مفهمت والو كملت طريقها وهي غير كتفكر فهاد الموقف ومن جهة فرحات حيت شافت يونس لي ديما كانت كتمنى تشوفو كان شكلو مبدل على اخر مرة غباشتو غتصطيها بقات كتفكر فيه تمنات تعرف فين كاين وهو موقف عليها الا وعاحباه بقات كتفكر حتى وصلات للحي ديالهم وهو يبانلها يونس واقف ومتكي على سيارتو فرحت بزاااف دارت كلوص وريحتها ومشات اتجاهو وعينيها غيطرطقو بالفرحة وابتسامتها واصلة لودنيها حتى كيبان ليها وحدة ماشية عندو وقفات وسلمات عليه بليبيز وهو باقي جامد حسيت بلحرقة نار الغيرة بغات تحرقني بقيت واقفة كنشوف)
~~~~~~~~~~~~~~~~
ناريمان: حبيبي ماشي حشومة عليك هادشي لي كدير
يونس: (واقف متكي على اللوطو ومربع يديه ومبغوبش كيشوف فيها ومنطق حتى بكلمة)
يونس: (وقف مزيان شاف فيها نعل الشيطان وركب فسيارتو محس حتى تحل لباب وركبات هي) نزلي
ناريمان: لا مغنزل حتى تقولي شنو درت ليك وعلاش تبدلتي علية
يونس: (مزادش معاها لكلام كسيرة وضرب الدورة حتى كتبانلو عائشة واقفة وكتشوف فيه بقا كيشوف فيها حتى دور راسو بقا متبعها فلمرايا حتى بعد عليها..)
عائشة: (مسحت دموعي منين غبر ومبقاش كيبانلي درت امل على واحد كل نهار مع وحدة اكييد مغيشوفش فية واصلا هو معارفنيش حتى شكون انا كنتفكر وقفتو معاها ومنين سلمات عليه قلبي كيتقطع مسحت دموعي وحاولت نبان طبيعية ومشيت للدار....)
عزيزة: فين تعطلتي الجنية؟
عائشة: (كتهضر وهي مخنوقة) متعطلتش اماما راه كانو دايرين حفلة وصافي وانا ورقية جينا من الأوائل
عزيزة: تبارك الله عليكم اري نشوف شنو داكشي جبتي
عائشة: (عطاتها تشوف وعطاتها ديبلومات وهي كتفكر غير فيونس للي معلابالوش بيها بقات جالسة وغير ساهية)
عزيزة: رجووع الله ابنتي فين كتفكري؟
عائشة: غير مع الامتحانات اماما، نمشي نتكا شوية بتنا لبارح كنحفضو
عزيزة: واخا بنتي نمشي عند لالة زهرة بلاتي نجي ونفيقكم
عائشة: اه واخا اماما
عزيزة: الا بغيتي ياله معايا رآه ديما كتسول عليكم هي والحاج
عائشة: بلاش اماما مافيا لي يمشي (دخلات لبيتها لقات ختها كتهضر فالتيليفون دارت ليها باشارة شكون كانت كتهضر مع سامي حيدات حوايجها وتكات فنموسيتها غطات وجهها وبقات كتبكي بصمت بلا صوت محست حتى نعست...)
يونس: (جلس فلفوتوي وهز راسو لسما وجبد يديها وغمض عينيه محس حتى شي واحد كيديرو مساج حل عينيه لقا ديك الالمانية كتبتاسم بقا كيشوف فيها مدة قلب على عماد مالقاهش عرف دخلها لبيت وبكترت التعصب للي كان فيه فرق رجليه مزيان وغمز لديك الالمانية لاتجاه المدفع ديالو جات كتجري لعندو جلست على ركابيها حيدات الصمطة ديالو و....)
رقية: اويلي على تنعسي اصاحبتي نوضي واش غنبقاو غير نعاس عرفتي تيليفونك شحال صونا
عائشة: شكون؟
رقية: فهد
عائشة: امممم مزيان
رقية: ونوضي رآها 8 باش تنعسي فالليل شوية
عائشة: اوووووف مبغيتش نمشي لتماك
رقية: نوضي اصاحبتي بلا متعكسي
ناضو لبنات رقية بقات لبيجامة سخونة وعائشة لبسات كيطمة فلكحل مزيرة عليها دارت شعرها كوب شوفال ودارت شوية دلمكيجاج تخبي عينيها المنفوخين ورشات ريحتها وتمو غاديين لدار الحاج للي مبعيدش بزااف كانت فيلا زوينة من برا وحتى من لداخل حلاتلهم مريم لباب ودخلو بقاو مجمعين وكيضحكو
اب يونس: على سلامتكم ابنياتي خليتو بلاصتكم
عائشة: شكرا اعمي الحاح (باستلو يديه هي ورقية)
اب يونس: كيف عاملين مع لقرايا
عائشة: الحمدلله اعمي الحاج
الحاج احمد: خليتو بلاصتكم ابنياتي
اب يونس: اوا مبقا والو ويجي لونيس لبنات تبارك الله عليهم مقابلين قرايتهم
عزيزة: ربي يخليك الحاج
الزهرة: الا تجمع كولشي نحطو لعشا
اب يونس: رآه مزال اشرف مجا غير صبري شوية الالة زهرة
الزهرة: واخا سيد الحاج
عائشة: مريم حبيبة بغيت ندخل لطواليط
مريم: هادي رآه دخل فيها عمي الحاج طلعي لفوق رآه كاينة
عائشة: شكرا زين
عائشة طلعت لفوق مشات لطواليط خرجات بانوليها دروج وهي طلع حتى وصلات لسطح لي كان راااائع مفرش تفريشة زويينة طفيت الضو ومشيت بقيت كنطل هزيت عيني لسما كانو نجوم لامعين منظر زوين تفكرت يونس وشنو وقع هاد نهار كنحس بحال شي جرح وتفتح كنت كنتمنى نشوفو ولكن عمرني تمنيت نشوفو مع شي وحدة اخرى تنهدت تنهيدة طويلة تحرك لبرد وبغيت نهبط لتحت...
~~~~~~~~~~~~~~~~
يونس: (سمعت شي واحد طالع لسطح تخبعت فبيت الصابون وطفيت الضو خفت يكون الواليد مبغيتوش يشوفني كنكمي وخا مكنكميش بزاف ولكن منين كنتعصب كرجع نكمي الحمدلله ممبليش غير مرة مرة لحت لكارو حتى كتبانلي شي بنت لي طلعات حتى ضارت كانت عائشة بقيت كنشوف فيها طفات الضو وعطات بظهر وتكات على الحيط مدة بقات هكاك وكتشوف فسما مقدرتش نحيد عيني كانت لابسة كيطمة كحلا مبينة جسمها مزيان واكترية منين كوزات دارت بحال شي بنت صغيرة بقيت متبعها شفتها بقات كتكمش ياله ضارت باش تمشي غير وصلا حدايا محسيت حتى جريتها ودخلتها لبيت....)
يونس: ... جريتها ودخلتها لبيت لي كان مظلام واحد مكيشوف لاخر سديتلها فمها بيد ويد شديتلها يديها ودرتهم مور ضهراها بقات كتحاول تفك ولكن كنت حاكمها مزيان بقيت كنقرب ليها وكنحني لعندها حكمت رجليها برجلي وهبطت لوجهها كانت دايرة بارفان زوين بزااف ريحة شعرها وجهها كولشي كان فيها زوين وكيجذبني ليها كانت بين يدي بحال شي طير محسيت حتى يدي بقاو كيطيحو عليها شي قطرات زدت قربت لعندها حتى سمعت شهقاتها وكانت كترجف اكيييد خافت مني طلقت يديها بشوية
يونس: (قربت لودنا بهمس) شششششت متخافيش مغنديرلك والو (حيدت يدي على فمها مغوتاتش مسحت ليها دموعها بكفي وهي كتنفس غير بالزز ومعارفة حتى شكون خايفة تغوت ويدير فيها شراع يدو، بقيت كنمسح دموعها وكنقيس شنايفها مرة مرة حنيكاتها استحليت نقيسهم كانت باردة مكرهتش نعنقها، معرفتش جاني هاد الاحساس وصافي بغيت نقرب ليها هاد نهار مغابتش على بالي وكلماتها بهاد لكيطمة حسيت براسي انني سخنت عليها حسيت انني غندير شي كارثة ليها الا بقيت حداها بعدت عليها غير بشوية وهي مزال فبلاصتها باينة خايفة مكتحركش بعدت عليها خرجت من لبيت وهبطت نيشان لبيتي سديت علية بقيت ماشي جاي فبيتي كنفكر فهادشي للي درت علاش وفوقاش، فقدت اعصابي هاد نهار فضلت ندخل ندوش نبرد ولا نرجع ليها لسطح...)
~~~~~~~~~~~~~~~
عائشة: (بقيت فبلاصتي حتى حسيت برجلي غيقدرو يهزوني عاد استجمعت قوتي مزيان وقفت خرجت من هداك لبيت كنشوف واش باقي تماك ولا فين مشا وهبطت معرفتش شكون هدا واش شفار ولا شنو واش نقولهم شنو وقعلي ولا نبقا ساكتة كنت غنموت بالخلعة وولي وترني هي ريحة داك لبارفان مخلطة مع ريحة لكارو وللي مبغاتش تحيدلي من نيفي حسيتها لاسقة فلحمي وفحوايجي جاتني مؤلوفة واقلة بكترة مكنشمها فالمعهد رجعت لطواليط جمعت شعري مزيان مسحت دموعي وغسلت وجعي باش ميبانش علية حيت كنت بحال مطيشة مسحت وجهي وهبطت عندهم لتحت لقيتهم غيحطو لعشا مشيت حدا لعيالات بقيت ملهية مع رقية هزيت عيني كلقا واحد واقف ولابس كيطمة فلكحل شعرو مزال فازك شوية داخل لعند رجال ولكن عاطينا بظهر بقيت متبعاه واش غيدور مضارشة باش نعرف شكون غيكون ولد الحاج)
الحاج احمد: خلي الولد راه عيان مسكين باينة فيه رآه تمارة الله يحسن لعوان
يونس: (قالها بشوية) راك عارف الحاج غير لعيا وصافي
~~~~~~~~~~~~~~~~
عائشة: (غير سمعت سميت يونس بقيت كنضور عيني) قلبي بقا كيخبط بجرا مكرهتش ندخل تماك غير نتأكد ميمكنش قلبي غيسكت وميكونش هو حتى كيبانلي خارج واحد ولكن ماشي هو غير تهيألي وصافي ولكن داك لي دخل لابس غير اوووف راني بديت كنهتر بقيت كنقيس جبهتي واش سخونة ولا شنو
اشرف: مريم اجي خودي سيف رآه نعس
مريم: واخا
عائشة: قلبت راسي وبقيت كنفكر غير شنو وقع ياكما شي شفار لي كان لفوق لمكلخ لاخر حتى بوسة مداهاش كنت حداه نفسو مزال رنة فودني ولا ياكما هاد يونس راجل مريم لي شدني فسطح ولد لحرام باينة فيه زلال خاصني نقولهالها متبقاش فدار غفلون اوووف تلفت والله ولكن جاء الفرج منين لقيت عمي جاي لعندنا نضنا ودعناهم ومشينا بحالنا للدار بغيت غير نجلس بوحدي ونعاود هاد الاحداث للي وقعو راسي تخربق بزاف....
ناريمان: يووووونس على قبلك ندير اي حاجة انا هربت من تماك بغيت نعرف علاش غنخسر حب حياتي بين ليلة ونهار
يونس: (شاف فيها بجدية) منين كنتي باغيا هاد حب حياتك يبقى معاك علاش بدلتيه علاش لحتيه بحال شي جفاف 3 سنين ضيعتيها فساااااعة للي طلبتيه كان كيجي لبين يديك وتحت رجليك خليتك ديري للي بغيتي درت فيك التقة ونويتك تكوني مرا ديال داري مرا نعول عليها معمري بغيت نقمعك شنو كتلبسي ولا داك الطموح ديالك قلت السيدة نهار نكتب عليها غدير عقلها ونتي غير مزايدة مكتشوفيش من موراك ولكن باش توصلي تق... معايا لا تاقيت فيك الله ابنت الناس (بلغوات) ودابا خرجي من هنا
عزيزة: اليوم راني عرضت دار الحاج يجيو يتعشاو معانا
عائشة: وحنا مالنا هوما ياكلو وحنا تجي فينا
عزيزة: حشومة عاد لبارح تعشينا عندهم وقلت مافيها باس نعيط ليهم حتى انا
رقية: اوا الالة منين فيك هاد لحداكة طيبي نتي نيت
عزيزة: والله والله ارقيا وتعاودي تردي الهضرة حتى نكلب مك هاد نهار
رقية: ههه خلعتيني
عزيزة: (مشات شداتها وجلسات عليها بلقريس ورقية غير كتغوت) ياله دخلو لكوزينة ومتخرجو حتى طيبو لعشا
عائشة: ولغدا منتغداوش؟
عزيزة: حتى لغدا قادوه
رقية: (كتحك بلاصة لقرسة) والله لكليتيه (غير هدات عليها مها وهي تهرب لكوزينا وهي تبعهم مهم بقاو كيوجدو شهيوات لعشا حيت شي حاجة مدمونديا عليها وكيعاودو ليها على لقرايا خلاو داكشي فلفران حتى الليل عاد يطيبوه وقادات مهم لغدا)
عائشة: ماما فين لبنت لي جبتي تعاونك؟
عزيزة: صيفطتها لدارهم هاد السيمانة للي نتوما معايا فيها
عزيزة: تبارك الله عليكم ابنياتي فاش ما حطوكم يلقاوكم حتى انا كان عزيز علية التمثيل فاش كنت فالمدرسة
رقية وعائشة بقاو كيتشاوفو ويضحكو بالزز
عائشة: مزيان اذا هاد الموهبة جبناها منك
عزيزة: ههه ايييه وسيرو ابنياتي راجعو على مايجي سيدي احمد رآه مبقالو والو ويدخل ونعيطلكم تغداو
ياله جاو ضارو باش يمشيو لبيتهم حتى هزات تيو دلبوطة لي كان حداها لواتو على يديها وخلطاتهم فضربة وحدة حتى نقزو بلحريق بقات غير كضرب وفينما جات هربو ودخلو لبيتهم
عزيزة: (سخفانة) والله يا لكلبات لدوزتها ليكم هاد نهار
عائشة: عااااافاك اعزيزة غير هاد المرة
عزيزة: يعزيو فيكم لكلاب يا بنات اللدينة....
الحاج احمد: فين لبنات عيطيلهم يتغداو
عزيزة: غير كول اسيدي احمد هوما قبيلة كلاو
الحاج احمد: ااه اوا مزيان الله يعطيك الصحه شفت داكشي للي فلكوزينة تبارك الله عليك
عزيزة: (بابتسامة) رآه حتى لبنات قادو معايا يد بيد موراها كلاو ومشاو يرتاحو
الحاج احمد: بلا متصدعيهم خليهم يحفظو الامتحانات قراي وانا ماعليا غير نجيبلك للي يعاونك عطي الراحة ليك وليهم
عزيزة: لهلا يخطييك اسيدي احمد رآه عطيت لواحد لمرا تطيب انا قاديت غير داكشي الساهل وصافي
~~~~~~~~~~~~~~~
رقية: (كتوجع) مقديييتش نعس على ظهري والله لبقات فيها هاد نهار
عائشة: تشوهت تشوهت شوفي عنقي لطراس كبقات فيها
رقية: ويييه ديري لبومادا وعاد خلاتنا بالجوع شنو كاع قلنا بنادم مكيتقبلش حتى الصراحة
عائشة: عصافير بطني تزقزق (بقاو هكاك حتى سمعو صقيير خرجت عائشة راسها بانت ليها الدنيا مظلمة خرجو على صباع رجليهم مشاو الكوزينة قلبو التلاجة ملقاو والو هزات رقية جاردينيي للي قادو ديال ضياف ودخلوها لبيتهم وطاحو عليها ياكلو وعاودو حتى سلاو معاها خبعو الطبسيل فوق لماريو وضربوها بنعسة)
~~~~~~~~~~~~~~~~
فهد: عييت كنصوني عليها والو مكتجاوبش
سامي: مهم شوية قاسحة محرمة عليهم التيليفون حتى انا كنهضر 5 دقايق مع رقية
فهد: عليها خارجين طريق زامتاهم تماك
سامي: غير سكت واحد مليون ونص باقا كتحفر فية خداوها بلبارد ومقادش نهضر حيت غيخلصوها طريطات
فهد: ههههه وايلي مبيناش عليهم شفيفيرات ولكن برافو عليهم عمر شي وحدة مزعمات عليك
سامي: ومرتي وعمرها خدات هاد المبلغ ولكن نرجعو بالدوبل غير تسنى
فهد: سعداااتك بهاد الهمزات للي طحتي فيهم دوماج معنديش الوقت اما حتى انا ندور بيهم
سامي: وعاد جيتي فين غتمشي
فهد: غنمشي نكمل لقرايا برا
سامي: والخدمة؟
فهد: درت واحد التقاعد للي غنجلس فيه لمدة عماين
سامي: اااه مزيان والله مكاينش حسن من لقرايا
فهد: وي ياله نخليك خاصني نمشي
سامي: مزال الحال
فهد: مرة اخرى أن شاء الله عندي شي خدمة بيناتنا الألُو
سامي: واخا (ناض عنقو فهد مشا بحالو وسامي مشا نيشان للمطار باش يرجع لدارو فاسبانيا)
~~~~~~~~~~~~~~~
فمجمع جالس الحاج احمد واب يونس واشرف ويونس وعماد جالسين كيتحاورو وكيتناقشو على اوضاع لبلاد وعلى السياسة
الحاج احمد: سيادي طلعو لدار نشربو كاس اتاي حسن لينا من الزنقة
يونس: لا الحاج غير خلينا هنا
الحاج احمد: ونتوما معروضين عدنا هاد نهار
عماد: اه بالصح ونخليكم انا
الحاج احمد: لا ولدي نتا راك بحال يونس بحال اشرف واحد منا ياله طلعو للدار بلا نقاش انا نسبقكم نعلم مالين الدار
يونس: معروضين مقلتولي والو
اب يونس: اوا ولدي منين جيتي مكتجلسش معانا باش نقولوها ليك
عماد: انا حشمان والله
اشرف: لا عادي والله هاد الدار لي ممكن اي واحد يدخل ليها ويرتاح فيها انا بنات الحاج وعمرني شفتهم بكترة الحشمة والوقار
يونس: (ابتسم باستهزاء وبقا كيخرب بتيليفونو)
عزيزة: (كتخبط ففخاضها وتويل حتى بغات تخرج ليها الكشكوشة من فمها) اوييييلي على بنات لحرام اوييلي على الكلبات حلو لباااب خلوها ولا غنهرسو عليكم
عائشة: هانتي غير سمعي اعزيزة انا نعاود نقاد وحدة حسن من هاديك
رقية: اه هاديك كانت مسوسة شوية
عزيزة: مكاينش لي غيعتقكم مني هاد نهار ابنات لكلاب
عائشة: حاولي على صحتك اماما وعلى خويا مسكين رآه غير شلاضة بصلة وجوج مطيشات وشوية دلخص
عزيزة: (بقات كتغوت حتى بغات تبح شوية سمعت لباب كيتحل وهي تسكت)
الحاج احمد: لا لة عزيزة مالكي؟
عزيزة: لا والو الحاج غير.. فقسوني الله يلكيها ليهم فقسوني هاد لبنات
الحاج احمد: ياك لباس؟
عزيزة: الجاردينيي للي قاديت كلاوها وخلاوني كنشوف
الحاج احمد: (بقا كيشوف فيها) معليش الحبيبة متقلقيش راسك مخساراش فيهم ياك قادوها يعاودو وحدة اخرى وانا نقول لوسيم يجيبلك تقدية
عزيزة: (بتنهيدة) لا حول ولا قوه الا بالله العلي العظيم
رقية: انا ابنت لحرام لي كليتها ولا نتي لي صطتي فيها
عزيزة: (كتويل وتحلف غير بشوية) ناكلو السم بغيتو تشوهوني سيري سيرو رآه الناس كتسنى
~~~~~~~~~~~~~~~
الحاج احمد: احم دخلو ابناتي
عائشة: السلام عليكم (قلتها وانا غارقة بلحشمة كان لبيت عامر كنشوف غير الرجلين وروايح مخلطين ديال رجال شحال كنحماق على ريحة رجال حطيت الصينية مهزيتش عيني وتميت خارجة ولحقات علية رقية للي نفس شكل)
اب يونس: تبارك الله على بناتي
الحاج احمد: (بفخر) ربي يخليك الحاج (بقا كيكب اتاي)
~~~~~~~~~~~~~~
يونس: (دخلنا للدار وانا عيني كيقلبو على واحد الشخص جلسنا فالصالة بقيت كنخرب فالتيليفون حتى سمعت الحاج احمد كيقول لبناتو يدخلو هزيت عيني شفتهم داخلين وحانيين راسهم بقيت كنشوف فعائشة بتمعن كانت حشمانة او مصطنعاها لي تخرج مع رجال وتبروفيطي متحشمش تفكرتها لبارح حتى قشعت واحد الطبعة فعنقها وباينة لعمى ديالاش علم الله شكون دارها ليها ومصها فعنقها بقيت غير كنخزر فيها تا خرجت، بدا الحاج كيهضر وشاركنا معاه الحديث كانت ودني معاه وودن كتقلب على صوتها عييت منقمع راسي ولكن والو غير كنقلب صوتهم مكيتسمعش فمرة مسكين الحاج معارفش شنو كيدور مور ظهرو)
عائشة: لا معرفتش مقديتش نهز عيني واكترية كان موبيك تماك
رقية: يخ دايرنة الرعب والارهاب فالدار
رجعات عزيزة
رقية: ماما شكون كاين تماك
عزيزة؛ غير لحاج وولادو يونس واشرف وولد خوه
عائشة: (غير سمعت سميت يونس قلبها ذدح وحنات راسها وتفكرت نهار شافتو مع هاديك وجمعت الضحكة كملت شغلها ومشات لبيتها كتفكر فيونس حتى صونا ليها التيليفون كان فهد ومع الدار عامرة سلتات وطلعات لسطح هنا شافها يونس منين ناض باش يجيب مرت باه ومرت خوه من الدار لحق عليها)
(يونس غير مزاد حقد عليها وكرهها هبط مع دروج وهو مكره معرفش اصلا علاش مسوق ليها )
فهد: هههه ياك الالة تستاهلي كتر
عائشة: ربي يخليك اخويا غير كنضحك معاك وصافي
فهد: امممم فهد كنحس بيك كتسيقيني
عائشة: لا حاشا اخويا،
فهد: لا رد
عائشة: ياله نخليك رآه عدنا شي ضياف مع السلامه (قطعات قبل ميجاوب وهبطات لتحت لاحت عينيها فالصالة للي فيها رجال باش تقطع الشك باليقين وفعلا غير تشابه اسماء وصافي)
يونس: (ماشي يجيب مرت باه ومريم وهو كيفكر ويخبط فلفولون) بقاولها غير لحوالة حتى هوما، ناااري وطيح فيدي عندها زهر! الحاج مسكين غتجي كلبة طيح وجهو فتراب (مشا جابهم)
يونس: رجع مع لباب وصل باش يسدو شاف فعائشة للي واقفة مقابلة معاه شوفة ديال لقتيلة
هي حطات ديك الصينية وبقات هي وختها كيتشاوفو والصدمة مرسومة على وجهها حتى رجع دخل عطا لبيبرو لمريم ومشا للصالة للي فيها رجال بقاو كيتحدثو وعائشة دماغها ممعاهاش غير كتسمع هنا وهنا وخاضية الصالة بقات كترجع للاحداث نهار قالهم الحاح رآه ولد صاحبي فلكميساريا ونهار شافتو فالحي نهار عرضهم الحاج يعني كان حتى يونس وريا حرماتني منو ولكن علاش كان كيخنزر ولا هو هكاك ديما
عماد: اهياتا شنو كتقصد رآه كولشي مجموع فيا تبوكيصة الطول العرض موطور نحيلة الجنسية وزيد عليها طبيب
يونس: ههههه امممم عندك مؤهلات، اجي مندمتيش على الخدمة؟
عماد: (ضار كيشوف فالسرجم) فاللول اه مكنتش باغي مبغاتش تدخلي لراسي انني قريت الطب وفبرا ونجي نخدم مع الصمطة وراك شفتي الواليد والوليدة خيروني يا نرجع هنا يا نساهم اوا مكانش عندي حل هو نجي لهنا الحمدلله مخدامش شي خدمة قاسحة معظم الوقت ديالي وبقيت كنتأقلم، اوا منين سمعت على هاد المهمة ونتا فيها دخل فيها الواليد ونيت لقيتها همزة زويينة نمشيو نتبرعو
يونس: انا هاد المشية ماشي انا لي اختاريتها
عماد: ولكن
يونس: (جمع غباشتو) الضومين هو هدا
من بعد 3 سوايع وصلو الاكاديمي....
~~~~~~~~~~~~~~
اصبحنا وأصبح الملك لله الواحد
عائشة: صباح الخير ماما
عزيزة: (بحرا كتفيق) صباح الخير مالك فايقة على النبوري
عائشة: (بابتسامة) غير عمي وصاني نوضك باش تمشي لعند طبيبة لي كتبعي معاها
عائشة: رآه باقي الخير من لبارح اماما وصلنا وصلنا غير نشوفوهم ونرجعو
عزيزة: شي مرات كتجيوني مربين وغير نتوما لي نختار وشي مرات كديرو شي خدايم ديال ليهود
عائشة: ههههه
مشاو للدار دخلو عندهم لقاو الحاج مريض
عزيزة: ياك لباس الالة زهرة
زهرة: راك عارفة الالة عزيزة مكيسخاش بولدو
عزيزة: اااه مشا مسكين الله يديه على خير
عائشة: (غير كتشوف وكتسنى) احم شكون للي مشا
عزيزة: يونس ابنتي خدام بعيد
عائشة: (صرطت ريقها) فين
عزيزة: ممعرفتش ابنتي
عائشة: (كتحاول متبينش وكتعوج عينيها وسيفتها باش متفرشهاش دمعة الخيبة تقهرت تألمت معرفت مدير كانت جالسة على الشوك كانت غير كتنهد وكتسنى امتى مها تنوض) ماما ياله باش ترتاحي رآه طبيبة قالتلك خاصك ترتاحي
الزهرة: تبارك الله على بنتك هازالك الهم
عزيزة: (بافتخار وكتشوف فعائشة) واخا بنتي اوا نخليك دابا لباس على الحاج ما هي غير عماين ويجي
عائشة: (بصوت مخنوق وقالتها بشوية) عماين (صرطاتها وناضت مع مها كانت غير كتجر رجليها موصلو للدار حتى بغات تفركع دخلو عائشة مشات نيشان للحمام وبقات كتبكي وتقول مبكات بغات تغوت ومقدرتش هو معطاهاا حتى امل ولكن هي تعلقات فيه بكات وبكات حيدات حوايجها ودخلات دوشات وهي غير كتشهق حلم ومكملش كملات ومشات لبيتها بكترة الفقسة دوزات دوك الايام للي بقات غير حفاضة مع ختها الابتسامه مكانتش كطلع معاها غير مركزة مع دراستها جا الوقت باش يرجعو مشاو لدارهم فرباط باش يستاعدو الامتحانات)
عائشة: كفاش عماين شنو هاد الخدمة لي تبعدو عماين على دارهم ميمكنش ضروري مغيجي يشوف باه وعائلتو... (ضرت كنشوف كلقا سامي مقرب من رقية بزااف نضت ومشيت كندق عليهم)
سامي: (فااك هادي اش بغات) احم عائشة!!!
عائشة: (بابتسامة) خاصنا نرجعو باش نوجدو راسنا الامتحان
رقية: وي عائشة عندها الصح
سامي: اوكي ركبي (قالها وهو طالع ليه الدم مزال خاصو يتسنى سيمانة باش يكملو وصلهم للحي ومشا )
رقية: الحمدلله منين عتقتي الموقف
عائشة: ومنعيه اصاحبتي متبقايش مدهشرة
رقية: بغيت نسالي معاه ولكن خفت هو الاستاذ ديالنا
عائشة: حاسة بيك وغلطنا منين عطيناه مساحة مهم يكملو الامتحانات وسالي معاه اصلا هاد المادة عدنا غير هاد السميستر وهو عينو زايغة كل مرة كيقرب ليك ونتي كضلي تالعة فنعاسك وخايفة غير من خيالك
رقية: (بحزن) داكشي لي غندير، وطلقي اصاحبتي الضحكة
عائشة: ههه ها هي
مشاو كيراجعو ويتهيأو للامتحانات
~~~~~~~~~~~~~~~
دازت سيمانة ديال الامتحانات على خير لبنات راجعين للدار والفرحة فعينيهم حيت خدمو مزيان واخييرا هم وتحيد على كتفهم فطريق واحد بقى لاسق عائشة ولكن معبراتوش
رقية: ياختي كيحمق علاش مصوقتيلوش عطيه غير النمرة
عائشة: أبدا واش نهضر مع شي واحد محاملة حتى واحد
رقية: براكاتك الشيخ يونس
عائشة: هههه مكاين لا يونس لا غيرو، احم مضوريش سامي تابعنا
محسو حتى بقا كيكلاكسوني عليهم باش يوقفو بقا كيصوني فنمرة رقية والو مكتجاوبش حتى نزل من سيارتو ومشا وقفها وهو كيتلفت يمين ويسار
عائشة: (طالعا معاها سخانة وغير كدور عويناتها وكتسمع)
عزيزة: لوااه هانا هانتي ميدور العام حتى يجيب لمرا
عائشة: كح كح كح
رقية: حلاال حلال اختي
الزهرة: انا خارجة داك السوق هو غير يشاور ونمشيو نخطبوهالو
عزيزة: ههههه ديما كان كيقول يجيبها فاسية
الزهرة: هههه على مولانا نمشيو نزورو مولاي ادريس هههه
عزيزة: اييييه شويطين رآه حاط العين خاصو يعطينا غير الانطلاقة
عائشة: (محسات حتى وقفات ومشات لسطح)
عزيزة: فين ماشية ابنتي؟
عائشة: (بصوت مخنوق) غير نجيب واحد لحوايج نشرتهم (طلعات كتجري وهي شادة فمها كتحاول تخبع شهقاتها بقات كتبكي وتلوم راسها هو معليه والو معطاها حتى اشارة هي لي خططات ورسمات وتمنات وحلمات بلا متشاور بلا ميكون عندها شريك بقات هكاك حتى دوخاتها الشمس نزلت للدار لقات الزهرة مشات بحالها ودخلات لبيتها تنعس حيت حسات براسها عيانة بزاف نفسيا وجسديا....)
يونس: (جالس فالمكتب ديالو مراقب من السرجم دراري وفنفس الوقت تفكيرو فالبرهوشة وفين تكون او بالأحرى معامن؟! ديما كان كيحصلها واخر مرة ديك الطبعة فعنقها لي كانت زرقة وعاد مكالمتها وصلات بيها تهضر مع لحوالة!! وتطلب لفلوس خاصها تربا من الاول بنت صغيرة وعندها تجارب للي معندش الف ق...)
عماد: يونس جاوب اشرف
يونس: (فتح لمجر وجبد التيليفون) علاش؟
عماد: معرفتش من صباح وهو كيصوني دابا جاوبتو قالي بغاك تجاوبو ضروري
مشا عماد وخلا بركان ديال الغضب موراه غير كيصوط ركب النمرة وبقا كيصوني كيصوني ووالو حتى واحد مكيجاوبو تعصب بزااف خرج من تماك ومشا للغرفة للي كيترنيو فيها بقا كيلعب البوكس حتى سخف....
عماد: (بفرحة) يووونس حبس اصاحبي
يونس: (حنا كياخد نفس ديالو ودار يديه على ركابيه) ياك لباس
عماد: السيمانة الجاية غنمشيو!!
يونس: (ببرود) عارف
عماد: ومقلتهاليش؟؟؟
يونس: ها نتا عرفتيها دابا (حيد تيشورت ديالو ودار فوطة على عنقو ومشا دخل للدوش بقا كيتسناه عماد حتى خرج)
عماد: قولي شنو قالك اشرف
يونس: .......
~~~~~~~~~~~~~~
رقية: (كتمسد لمها رجليها) ماما نهار عرضتي على صاحب عمي شكون لي جاو معاه
عزيزة: جا الحاج وولدو اشرف راجل مريم ويونس وولد عمهم
رقية: شفت انا غير يونس واشرف
عائشة: اه حتى انا مشفتش هاد ولد عمهم
عزيزة: لبنات رآه شدني لحريق نوضو عيطو لعمكم الحاج رآه غنولد (بقات كتلوى وتأن بلحريق هبطات عائشة عند الحاج مشاو كاملين لصبيطار وبقاو كيتسناو مدة حتى خرجات لفرملية وبشرات الحاح بقدوم مولود جديد كان ولد)
الحاج احمد: انا لي عندي زهر عندي بنات بحالكم انا كنعتابركم بناتي وخا ماشي من دمي ولكن كنعتابركم بحال روحي وهاد الولد تأكدو مغياخدش المعزة ديالكم، انا عندي 3 دالاولاد وفخور بيهم ونتوما بالخصوص ابناتي
عائشة: (بقات كتشوف فيه وهي متأثرة حتى سمعت ختها)
رقية: وغادي طبق (للذكر مثل حظ الانثيين) ؟؟؟؟
الحاج احمد: (كيضحك) ههههه
عائشة: هههه رآه غير كضحك معاك اعمي متديش عليها ضحكها زبل بحالها
رقية: شكون زبل؟
عائشة: واحد لمرا دازت كتخنزر فيك
رقية: دااابا وريهالي نمشي نتف مها
الحاج احمد: هههه لا لا غير ياله نمشيو للدار باش ترتاحو
مشاو للدار الحاج نعس 2 سوايع فاق ومشا للعيادة عند مرتو وخلا لبنات حتى يفيقو على خاطرهم....
يونس: (سايك بيد ويد كيصوني ولا من مجييب)
عماد: والو؟؟
يونس: (غير كيصوط)
عماد: (فضل يبقى ساكت بقا متبع طريق وكيتفكر)
#فلاش_باك
عماد: ميرا عندي ليك خبر (بتردد)
ميرا: (باستغراب) شنو هو
عماد: الوالد بغاني نرجع
ميرا: لا رد غير كتشوف
عماد: (وقفها حدا الدخلة ديال العمارة) وخيرني باش نرجع للمغرب ولا نساه
ميرا: (ببرود) اذا نساه
عماد: هههه (شاف فيها لقاها كتهضر بالمعقول) واش بالنية؟
ميرا: حتى انا غنخيرك انا ولا هو
عماد: نتي ولا با اميرا؟؟؟؟
ميرا: اه ولا نفكرك شنو دار
عماد: اه عرفتو غلط معاك وبزااف ولكن باش نخير بينكم انا بغيتكم كاملين
ميرا: انا ولا ديك عائلتك؟
عماد: ميرا شنو كتقولي؟ يهديك الله زعما راك بعقلك وعارفة بينك وبين الله
ميرا: أنا عارفة ولكن داك الشارف الخانز ديال باك معارفش
عماد: (طرااخ لكمرتها)
ميرا: (مصدومة) كضربني على قبلو؟؟
عماد: (بعصبية) ونذبحك سمعي ابنت الناس نتي عزيزة علية ومحتارمك كتر ممحتارم راسي وفعلا با تصرف معاك بطريقة خايبة وكانت عينو فيك ولكن انا شرحتلو وفهمتو ولكن باش تعايري با قدامي او لا مورايا نحييييك، ومتأكد بان ليك دابا شنو ختاريت
ميرا: (مصدومة ودموع شلال) ختاريتيه هو فين داك الحب
عماد: اشمن حب ولا خرا، اه ونزيدك انا ختاريتك نتي بين شحال من وحدة حيت متحجبة وعارفة طريق الله قلت على يديك نتوب ونعرف الحب نقي بعد زواج لي معمرني عرفتو. بغيت نبدا حياة اخرى ومستقلة ولكن باش توصلي الاهانة لا ابنت الناس سيري راجعي راسك واخلاقك للي كتعلاي بيها هو كبير وجا عتاذر واخا مقبلتيش عتذارو تقبلتها حيت كتبقى حريتك وبقيت معاك حيت خدمت معاك راجل ومبغيتش نخليك ولكن دابا الله يعاونك (ركبت فسيارتي ومشيت نيشان للدار كنجمع حوايجي جلست اسبوع على مكملت الاجراءات وباش نتحول نخدم فالمغرب ومع الفلوس كيديرو طريق فالبحر كان الواليد قادلي كولشي ميرا معاوداتش تاصلات بيا انا صراحة كرهتها حيت زادت فيه بزاف شهرين والواليد كيعتاذر هو معرفهاش معايا وزاد شجعني عليها وشكر اخلاقها ولكن هي تعاملات معاه بتعالي بزاااف)
يونس: (كيدير حركات) ايييه فين مشيتي؟
عماد: امم والو والو مزال مجاوبوك
يونس: لا
عماد: مبقى والو ونوصلو
يونس: غتمشي لدارك؟
عماد: اه ضروري غنمشي باش نجمع حوايجي ونجي نلحق عليك
يونس: اوكي انا ندوزك
عماد: يونس دير عقلك متنساش نتا دابا فبوسط حساس شوية
يونس: يكون خير غير تجمع حوايجك لحق للدار بلا متجلس بوحدك
عماد: واخا (نزل عماد طلع لدارو ويونس مشا للدار)
~~~~~~~~~~~~~~~~
زهره: مرحبا مرحبا بولدي يونس
يونس: (بابتسامة) لهلا يخطييك، كاين الواليد؟
زهره: لا ولدي حتى انا لقيتني لابسة نمشي نلحق عليه لصبيطار
يونس: (بخوف) علااش؟؟؟ ياك لباس؟
زهرة: لا والو باس اولدي متخافش غير لالة عزيزة ولدات لبارح
يونس: (بابتسامة) اه مبروك عليهم (شاف فيها بشوفة ديال تفكر شي حاجة) تسناي ندوش ونديك
الحاج احمد: (جالس كيضحك مع للي دخل كان فرحان بزاايد حلم كان كيقول عمرو يتحقق كانت امنيتو يكون عندو ولد من صلبو وبعد طول سنين وصبر فرج الله عليه ورزقو بابن من لحمو ودمو)
رقية: اه اه تقول غير نتوما لي تزاد عندكم ولد
عزيزة: (غير كتعض فشنافتها باش تسكت)
الحاج احمد: ههههه واخا يكون عندي الف ولد نتي عندك مكانة خاصة حتى واحد مياخد بلاصتك
رقية: (كتشقلب عينيها) وبين ليها هي إلا طبقتيها
اب يونس: السلاااام عليكم
الكل: وعليكم السلام
اب يونس: (بفرحة) مبروك مبروك عليكم (حط ميكة عامرة)
عزيزة: (كتقاد زيفها) الله يبارك فيك الحاج ربي يخليك
الحاج احمد: فين لالة زهرة
اب يونس: رآه خليتها غيجي يونس وبغات تبقى تسناه
الحاج احمد: على سلامتو
اب يونس: فين مولاي السلطان شنو سميتوه
الحاج احمد: (بفرحة) ادم
أب يونس: تبارك الله تبارك الله الله يكبرو فطاعة الله ويحفضو ليكم
الكل: اميييييييييييين
عائشة: (كتفرفر من الفرحة منين سمعات يونس جا) ماما انا نخرج نجيب شي حاجة ونجي
عزيزة: شنو هاد الحاجه ابنتي؟؟
عائشة: (قبل متشدها مها) اغيير شي حاجة أماما (وخرجات مشات لطواليط كتقاد بالزربة وهي كتقزقز بالفرحة كانت طايرة وكتسنى غير امتى تشوفو نسات اي حاجة غير كتسمع بسيرتو قلبها 💓 كيبغي يطير كملات ومشات لحدا لباب وبقات تماك مدة حتى عيات وجلسات فالجردة)
عائشة: (جالسة كتخرب فتيليفونها وتقلب من جيهة لباب على الزين الصافي يبان حتى داز واحد الراجل لاح كارو وبالفضول للي فيها هزاتو ودارتو بين صباعها وبقات كتشالي بيه فهاد اللحظة داخل يونس مرت باه ومريم قدامو وهو تابعهم جات عينو نيشان فعائشة بقا كيشوف فيها حتى قشع لكارو فيديها بقا غير كيخرج فعينو فالوقاحة للي فيها لهاد الدرجة مكتحتارم حتى واحد خلا مرت خوه ومرت باه دخلو وهو يتسلت عندها وقف عليها بحال ملاك الموت شدلها يديها بقوة هي معرفت تضحك ولا تصدم حيدلها لكارو من بين صباع يديها وهي غير كتشوف فيه استخسرات ترمش ويغيب على عينيها أما هو كان عروق يدو غيطرطقو ملامح وجهو جامدة)
عائشة: اي عدمتيني (قالتها بكل براءة 😇)
يونس: (بقا شاد يديها بقوة عاد زاد ورك عليها بهاد الكلمة عينيه مفكسيين فعينيها حتى حنان وبقات كتحاول تفك يديها شافها مقاتلة مع يديه حيدهم وعطاها بظهر باش يمشي)
عائشة: رآه ماشي انا لي كنت كنكمي
يونس: (بحال مسمعهاش ومشا هي بلا عكز لحقات عليه)
عائشة: يونس
يونس: (غير سمع سميتو بصوتها وقف لا اراديا وصلات حداه وجات قدامو)
عائشة: انا غير شفت داك الكارو وهزيتو انا مكنكميش والله
يونس: (بقا كيشوف كفاش كتهضر ومع قصيرة عليه بقا غير حاضر حركاتها وملامحها) اشمن غرفة كاين الحاج؟
عائشة: (بابتسامة) 14
يونس: (ابتسمت معاها وانا نقمعها) شكرا بنتي
عائشة: (حلات فمها وشهقت بقات كتشوف فيه وهو طالع فدروج رجعت شافت يديها لي ولات حمرا وطراس ديال صبعو معلمين فيه مقدراتش تزگل هاد الفرصة ولحقات عليه كتجري...)
... ولحقات عليه كتجري بقات فيها كلمة بنتي كتحفر ولكن لقاتو دخل الغرفة حاولات تسناه برا صافي قررات تصارحو بأي وسيلة ومضيعش هاد الفرصة الذهبية بقات كتركب الجمل وتزوق الكلمات دارت شحال من حوار ومرة مرة كطل على باب الغرفة واش خرج ولا مزال..
~~~~~~~~~~~
يونس: (شحال خايبة تكون مقلق من شي واحد، معصب وواخد فكرة خايبة عليه وابتسامة منو تنسى كولشي هكا وقعلي مع هاد البرهوشة مشيت عند الحاج باركتلهم بقيت كنتسنى فيها دخل ووالو هاديك لبنت عمرك تأمن وتخليها موراك ديما خاص تكون القدام وبين عينيك، خرجت برا والو مكيناش فلكولوار حتى سمعت لهضرة طلييت فدروج كلقاها كتهضر مع شي واحد منين حققت عرفتو وسيم الولد للي خدام عند الحاج)
~~~~~~~~~~~~~~~~
وسيم؛ ختي عائثة كلميلي الحاج
عائشة: بنت ليك خدامتك طلع نتا عندو انا كنتسنى صاحبتي هنا
وسيم: ثاحبتك ولا ثاحبك ههه (حيت يونس كان هرسلو سنتو)
عائشة: وتا سير ولا نمرمق لحناك ونكملك على فمك قالك صاحبي نتا رآه عطيتك وقت كتر من اللازم هاد بوفرة
وسيم: وثافي ازين متقلقيش
عائشة: وسير سير من هنا (ياله جيت ندور ورجع نطلع حتى كيبانلي يونس جاي جيهتنا خديت نفس باش نبدا نسرد ليه حتى كنسمع زطيم ضرت لقيت وسيم مشت كيجري مفهمتش ومسوقتلوش اصلا ياله جيت نطلع الابتسامه حتى جرني من يدي بقوة مطلعني فدروج محسيت حتى طحت واخا هكاك بقا جارني)
عائشة: هئ هئ هئ طلق مني راني تعدمت
يونس: وقفي الكلبة بقالك غير داك الز...
حتى هو
عائشة: (بقات
غير كلمة الكلبة كتسمع فودني حطمني وحطم اي حاجة كنت كنخطط نقولها ليه دوخني معرفت راسي من رجلي علاش وكفاش شنو درت ليه نتر من يدي تخطاني وهبط من دروج وهو كيتمتم فمو حسيت بشي حاجة واقفالي فحلقي وقلبي بحال شي يد مزيرة عليه وكتعفسو رجلي عاطياني لحريق ولكن قلبي كتر مفهمت والو.. نضت على سعدي ووعدي كنجر فرجلي تقصحت بزاف ومشيت للغرفة عندهم كولشي بقا كيسولني كنقول غير طحت مع دروج وصوتي مخنوق خداني عمي الحاج لتحت كنت بالصح مقصحة رجلي تفكات دارولي بومادة ورولاوها بالفاصمة باش تشد عقلي كان غايب غير كنشوف وصافي خرجني عمي ومشات معايا حتى رقية وخدانا للدار...)
~~~~~~~~~~~~~~~
يونس: (منين شفتها كتبكي محملتش الديكور رخفت عليها ومشيت نلحق بالكلب ديك المرات حذرتو ولكن محشمش مالقيتو حتى أثر مشيت لسيارتي وجلست على منبرد مفهمتش علاش اصلا درت هاكا عقلي مضارب مع قلبي وموصلت حتى لشي نتيجة حاجة وحدة كانت فبالي هي فيها بلية خايبة وجامي تحيدها والحاج بحال الواليد مبغيتش كلبة تمرمد ليه وجهة فتراب مع للي يسوا والي ميسواش وهي بحال ختي صغيرة.. بقيت تماك حتى كنشوف الحاج وختها مخرجينها وهي كتعرج وشادة فختها شفت فرجليها لقيت لفاصمة وروينة بقيت كنتسائل واش هرستها ولا شنو وقع بقيت متبعهم حتى مشاو واقلة خداهم للدار حتى انا كسيريت ومشيت نيشان لواحد لبلاصة كنتسنى واحد الإنسان....)
عائشة: (منين وصلات لبيتها وهي كتبكي ورقية غير كتشوف فيها ومفاهمة والو )
رقية: ختي غير قوليلي علاش كتبكي؟
عائشة: (دارت وسادة على وجهها وبقات كتبكي غير مكيتعاود داك الموقف قدام عينيها كتبغي تهبل)
~~~~~~~~~~~~
سامي: الو الو
رقية: (مكرهة حيت جاوبات بلغلاط) الو
سامي: علاش مكتجاوبش على تليفونك 15 اليوم وانا كنصوني
سامي: ضبري فشي حل انا رآه توحشتك وبغيت نشوفك ارُقية
رقية: (كتعوج فسيفتها) مصالحش والله وماما عاد ولدات وعائشة مهرسة من رجليها غير انا للي مقابلاهم
سامي: (كيصوط) اوووف صافي انا شوية ونصوني عليك وجاوبي متخلينيش نحماق باش عاد تجاوبي
رقية: ان شاء الله (وقطعات بقا فيها الحال مسولها لا على ختها أو مها للي هامو هو يشوفها وصافي هنا تأكدات 💯 أنه مصالحش ليها وأنها غير توهمات هو ماشي داك الفارس المغوار للي كانت كتمنى وزيد هو كان فمرحلة إعجاب وصافي.. غير قطعت سمعت لباب كيتحل طلات لقات الحاج جايب معاه شي مرا) ايهاي هاي خليتي لمرا تمشي من هنا وتجيب لوخرا من هنا
الحاج احمد: (خرج عينو فيها وخنزر حتى تعقد ليها لسانها) دخلي اشريفة لبنات يوريوك الدار وداكشي للي خصاتك.. رقية بنتي وري لهاد لمرا شنو خاصها انا نمشي نجيب شي تقدية رآه ماماك بلاتي غتجي
رقية: (هزات راسها وهي حشمانة ورات لمرا منين تبدأ التخمال وعطاتها شنو تحتاج وحتى هي مشات كتعاونها من بعد مكملات دخلات لمرا لكوزينة كتقاد لغدا والماكلة ديال عزيزة)
رقية: عيشة عيشة نوضي رآه ريا جات كتسول فيك
عائشة: (بحرا كتحل عينيها وكتوكض) فينا هي؟
رقية: رآها فبيتها والدنيا رآه بدات تعمر
عائشة: مفيا للي ينوض ارقيا طفي الضو وخرجي
رقية: نوضي رآه حتى يونس كاين هنا
عائشة: (غير سسمعت سميتو طرطقو عينيها لاحت لوسادة وناضت كتجري وتعرج مشات لبسات بيجامة جديدة وبقات تقاد وتريح ورقية غير حالة فمها فيها)
رقية: الله يرد بيك ابنتي حالتك صعيبة
عائشة؛ (كتفرنس وتسممها بحواجبها كملت تنفست بعمق وخرجات كتعرج وبصدفة لقات الحاج حدا باب الدار شافتهم غيخرجو كان حداها فاز كبير طيحاتو وطاحت معاه حتى التافتو بجوج)
الحاج احمد: (مشا كيجري وتابعوا يونس) بنتي ياك لباس
يونس: (سبقو وحاول يوقفها وهي غير مكتزيد تبوحط منين قاسها وقرب كتر حسات بالدوخة حسات براسها انها طاحت طيحة خايبة فيه طيحة محاول واش تعاود تنوض بقا معاها حتى وقفها جات عينيها فعينيه وهو دغيا بعد منها)
يونس: شوية اختي؟
عائشة: (بلعت ريقها وحولات تجاهل هاد لكلمة)
الحاج احمد: بنتي واش تمشي لطبيب
عائشة: لا عمي انا مزيانة (ضارت كتشوف فيونس لقاتو كيشوف فيها غير جات عينيها فيه)
يونس: ياله نخليك الحاج لباس عليك اختي
عائشة: (بابتسامة صفرة وبقيت كنشوف فيه)
الحاج احمد: ورجع تعشا
يونس: (قرب من الحاج وقالو شي حاجة للي مسمعتهاش عائشة)
الحاج احمد: هههه واخا امولاي السلطان
عائشة: (بعفوية) مولاي السلطان؟؟ علاش احم
بقاو كيشوفو فيها بجوج رجع لون وجهها حمر
الحاج احمد: غنزوجو ولدي يونس
عائشة: (خنزرات فيه)
يونس: لا انا مزال الحال علية
الحاج احمد: اوا الله يدير الي فيها الخير اولدي
بقاو ماشيين كيتهاضرو وعائشة محيدتش عينهها على يونس لعلا وعسى يضور ويشوف فيها ولكن خرجو ومضارش لجيهتها ولكن مستسلمتش مشات كتعرج بالزربة للبالكون لقاتهم تحت الدار بقات كطل عليه وتشبع عينها منو بقا مدة واقف مع الحاج كيهضرو غير بشوية حتى شوية كتقشع شي وحدة دازت من حداهم يونس سلم على الحاج ومشا لسيارتو وديك خيتي ركبات حتى هي منين جا يركب شاف فلبالكون لقا عائشة تماك شاف فيها وركب دغيا وكسيرا من تماك
عائشة: (بعينين دامعين) الله يلكيها ليك من نهار عرفتك وانا كتبكي (بقات كتغبن وتجدب غير بوحدها مكرهتش شي واحد يهزها ويحطها حداهم فضولها غيقتلها واش هادي غيتزوج وانا؟ اووووف دخلت ومشات حدا مها وهزات ادم وبقات حداهم كتحاول تنسي راسها واخا كانت حالتها...)
~~~~~~~~~~~~~~
نور: يونس
يونس: نعام
نور: علاش تفارقتو؟
يونس: نور واش كتصطاي علية؟؟
نور: اممم واش تأكدتي؟
يونس: فين عماد؟
نور: (بتوتر) مممعرفت صوني عليه
يونس: (ركب نمرتو وبقا كيصوني عليه ووالو مكيجاوبش)
نور: شفتكم نتا وعماد كتغبرو بجوجكم دقا وحدة وتبانو دقة وحدة
يونس: وفين المشكل؟
نور: انا غير سولت حقا فين راك خدام دابا
يونس: (كيهضر فتيليفون) الو وفين البغل؟
عماد: انا غير مشيت قاديت دوك لوراق للي وصيتيني عليهم
يونس: رآه معايا نور واش نجيو عندك
نور: اه اه نمشيو
عماد: اوكي غتلقاوني ف...
يونس: اوكي باي، (ضار عند نور) نور واش متأكدة غلقاوها تماك
يونس: (خرج معصب من تماك هو حبس معاها علاش ماشية كدير دوك لخصايل تقصدني انا متمشيش عندو)
عماد: (برك فكتفو) تكالما ايونس
يونس: حاليا انا مكالمي عطيت لموضوع تافه كتر من حجمو
نور: كفاش تافه
يونس: (بابتسامة صفرة) نور شكرا انا غنوصلك لدارك
نور: معليش نبقى معاكم (كتشوف فعماد باغراء)
عماد: اممم غير سيري للدار حنا معروضين لواحد سبوع
نور: بالصح؟ نمشي معاكم
يونس: زيدي ابنتي لداركم رآه مشا الحال
خداوها وصلوها ومشا هو وعماد للدار....
عماد: صافي كولشي ناضي؟
يونس: وي تسنى نصوني على فهد.. الو فهد
فهد: نعام اخاي
يونس: من دابا 4 سوايع خاصك تكون فالمطار...
فهد: واخا
يونس: متعطلش باي
عماد: (شاف فالساعة) بحرا لحقو حتى حنا
يونس: (هز صاكادو كبير على ظهرو ومشاو لعند دار الحاج كولشي كاين تماك مشاو يتغداو يتوادعو معاهم ويمشيو....
~~~~~~~~~~~~~~~
عزيزة: بنتي نوضي تعشاي الله يرضي عليك
عائشة: لا ماما غير خليني نرتاح عفاك رجلي ضراتي وراسي غيتفركع
عزيزة؛ وشربتي دوا؟
عائشة: راني شربت أماما عاد دابا غير سيري حدا الناس راك حتى نتي مزالة عيانة
عزيزة: (بحزن ناضت) غير عوينة ومصلاتش على نبي رقيا رقيا (وخرجات بقات عائشة غير كتفكر فيونس وفكلمة ختي وزيد عليها ديك لبنت لي كانت معاه اكيد انا معلابالوش غير كنفصل ونخيط بوحدي بقيت هكاك كنفكر ونتفقس حتى نعست)
~~~~~~~~~~~
الحاج احمد: دخلو اولادي
يونس: فين الواليد
الحاج احمد: لداخل
يونس: باقي مقلق؟
الحاج احمد: على اساس كان فقيه منين كان فعمرك ههه زيد زيد
الحاج احمد: (وراه فين كاين ومشا خرج من الصالة وعينو غير كضور ويقلب كانو نسا فالصالة لكبيرة مزعمش يرمي عينو تماك دخل للحمام للي كان فاخر الكولوار غسل يديه خرج من تماك لقا رقية خارجة بالصينية من واحد لبيت وهي تعطيه لشي بنت)
رقية: قولي لماما عائشة ناعسة
البنت: مكلات والو من صباح مسكينة
رقية: رآه غير عيانة اختي (مشات للصالة)
يونس: (تقلت المشية غير مشات من تماك ختها مشيت كنزرب معرفت شنو قالي راسي باش درت هاد الحركة ولكن مفكرتش شفت بعيني واش كاين شي واحد فتحت لباب دخلت وسديتو مشعلتش الضو ولكن ضو ديال الزنقة مبين بقيت واقف محسيت حتى رجلي بقاو كيقربو لنموسيتها كانت غارقة فنعاس غير صوت نفسها للي كيتسمع حنيت لعند وجهها دوزت صبعي على وجهها كامل) علاش كديري هاكا؟؟ بنت بحالك زوينة وصغيرة وكديري تاحرميات ديال لق..؟؟؟ (بقا كيقرب لوجهها وهو يسمع صوت جاي قريب لبيتها بخفة حل السرجم ومع غير الطبق الأول مكانش صعيب وتلاح وهو كيضحك على راسو وعلى هاد الموقف للي تحط فيه معرفش كفاش يخرج من الجردة للي مور الدار بقا كيتعلق فالحيط حتى خرج من تماك نفض حالتو ورجع طلع للدار)
الحاج احمد: (باستغراب) ولدي؟ كنتي غير فالحمام؟
يونس: احم لا رآه غير كنت كنهضر فالتيليفون وخرجت لبرا
الحاج احمد: اه اوا دخل شرب كاس أتاي يونس: لا الحاج خاصنا نمشيو باش بحرا نوصلو (دخل سلم على الاب ديالو وخوه وشدو طريق لمطار محمد الخامس الدولي بالدار البيضاء )
سيدتي الجزء الثاني
محتوى القصة
التنقل بين الأجزاء