الحاج بدا يدماريي : هااااويي هاوييي على سلكوووط تحلف هو لي يصرف عليينا و فلوووووسيييي هادووو نعطيهم لمن بغيييت باغيي تاخدهم تااا طفرتوو منييين قريتك بييهم رجعتيي طلعتي فوق منييي ....بدا يكشكش و كلثوم تهدن فيه : تهدني ا الحاج هاويلي ا الحاج
حليمة تهيا كتشوف في الحاج و يهدنو فيه ...و الحاج من حدو يشوف فيه و هو طالق الموال الدكالي اهداءا للحفيدو عمر ...عمر ممسوقش مشا طلع للبيتو تعصب ... كلثوم نوضت الحاج لا يتكوانسا ليهم تما داتو للبيت و حليمة ناضت تهيا وجمعت يديها و تشوف و مقوسة دوك الحجبان عدها هادي هي لي كيسميوها ماهية مطلقة مهيا عروس مجات فين توصل لبيتها حتى خلطت عليها كلثوم تبسم : هادييك ااه شتي اش شت
حليمة نقزت عدها : اااه سي عمر تقلق حيت الحاج بغا يشري ليا
كلثوم : ألاا ا ماشي هوكاك شتيه فاش كان يشووف و حنا ناكلو في الميدة
حليمة حلات فيها عينيها : اااااه كنت نغزك خلعني كان يخنزر فيا
كلثوم هجرت الضحكة : يخنزر فييك اويلي راه كان يشوفك هوكا ياكلك بعينيه انا نعرف دكورة باينة عجبتيه
حليمة زادت توسع في عينيها و السخونية طلع مع حناكها و قلبها بدا يفرفر : بصح ؟ م م مكتكدبيش عليا ا ميي ياكيي
كلثوم ضحك : اويليي على نكدب عليك راه شتو هوكا بعيني و قفزتو
في البيت ديال عمر ...هاد البكوص جالس فوق الناموسية و مشبك يدو و عاقد دوك الحجبان و قلبو من البارح و هو يضرب و بالو مشغول مولاتو هي ديك البرهوشة لي جابوها طلع يدو دوزها على وجههو كيتنهد هادشي مخصوش يزيد على حدو و لا غيغرق مزيان و مبقا فين غيرجع
ياو صبح الحال ... و طلعت الشمش ....ياو خارجة ليك لالة حليمة اشمنك يالباس مقيزب و الشعر مقادد و المكياج متيول قداتو عنقها دارت فيه سنسلة ددهب زينة و دبيلجات و خارجة شداها الضحكة موحالش واش نعست لبارح تمشا و تعيوج و ترجع شعرها و را ظهرها و مشات بلخف طلعت الفوق و قفت حدا بيتو و شادة تليفون و حادياه يخرج و حلات الخط مع عبد الخالق جاوبتها كلثوم
حليمة تدوي بشوية و دور وراها : الوو مييي هانا قدام الباب
كلثوم في بيتيها : مزيان يعود يخرج بداي الهضرة واخا ؟
حليمة دور وراها و مجبدة عينيها : ايه صافي
مدازت شي دقايق قلال حتى سمعت الباب يتحل قفزت من بلاصتها و بدات تهضر متفتفة : أ أ أ ل لو
كلثوم : تبتيي متبقايش تفتفيي
حليمة قلبها كيجدب و رجليها يقرقبو و تدور في عينيها : و و وخا ...عمر خرج من البيت لباسو سبورتيف و الكبية قالبها ديالو و عينو مشات ليها نيشان كانت واقفة و كتهضر بشوية ...بدا كيقرب منها و مطلع ديك الغوباشة
حليمة : ءءءء؟! ح حتى انا توحشتك بزااف
كلثوم : دابا سوليني امتا غنجي
حليمة : ا ا امتا غادي تجي ؟....و هي تحس بحيط حداها كيطلع و ينزل و هي دور عينيها مجبداهم و مكحلين كتشوف فيه و قلبها قرب يوقف
عمر بنهضة و حدة و صوتو قاصح : معامن كتهدريي ؟
حليمة قفزت و طفات على كلثوم ...كلثوم سمعات هضرتو و ناضت وقفت تمشي عدهم
حليمة كتشوف فيه و تناخد و نزلت تليفونها : م مع خ خطيبي ...و كتجبد دوك العينين عدها كحلتهم بلعاني باش تخلي موتو على سواد عيونها ... كيشوف فيها تفتف قدامو و بنت لحرام بكوصة هو غير كيحمر فيها عينو منها يشوف على خاطرو و منها ينهض فيها : فين تيشورت ديالي لي فزكتيها
حليمة سرطت ريقها : ر راه خداتو م من عدي خ خالتي كلثوم قالت ليا هي لي غتعود تجيبو ليك
عمر كيشد معاها في الهضرة و كيزيد خطوة لعدها و هي كترجع بللور : دابا شكون فزكني الوليدة و لا نتي علاش هي لي غادي تنشفو ...حليمة لصقت مع لحيط و هو حط يد وحدة على لحيط و خلاها قدامو و عينو في عينها و شوية كينزلها للفمها المعكر لي كيترعد
حليمة قدامو لاصقة على الحيط تحك معاه ولات غير دور في عينيها ياربي شي حد يعتقها و لات كلها حمرة تقطر : ل لا ك كيشتي خ خالتي هي لي ب بغات و انا منقدش نقوليهااا لا انا ن ن نمشي عدها دابا و نجيبو ليك
كلثوم جايا تلوح في رجليها وهي تشوف ولدها مقنت مرتو و كيدوي معاها تبسمت و رجعت خباتها : عمر شنو واقع هنا ؟ ...عمر حيد يدو بشوية و حليمة دغيا دارت تمشا عد كلثوم
عمر دار يدو في جيابو و دوك الحجبان غير عاقدهم : كنسولها غير على تيشورت لي فزكتها
حليمة شنقت على دراع كلثوم و كلثوم تدوي : راه خليت سعيدة لتحت تنشفو ليك و ترجعو ليك لبيتك
عمر : أممم صافي (حول عينو لحليمة لي غير طل عليه بوحد العين و رجع عينو للكلثوم ) مهيم انا غادي نمشي للابو مافيا لي يسمع زبور الحاج....و بدا يتمشى غادي فحلاتو
كلثوم : واخا اوليدي وغداك
عمر داز من حداها : متسناينيش ....و ضرب فيهم وزاد فحالو
حليمة بدات تنغز في كلثوم و تدوي بشوية : ميي راه ما عجبتو ما والو راه نهض فيا
كلثوم دارت عدها : تي سكتي تي مالني ماشتوش مقنتك
حليمة تخرج في عينيها : راه كااان يتحلف عليااااا واللهيلا اميي
كلثوم : شششش ماشي هوكاك شاكة فيه غير يلاهيك في الهضرة و يشدك
حليمة : لااا اميي تي مشتيهش مخنزر فيا
عمر نزل من الدروج مبرد شوية غير هي تخنزيرة تفيكسات على وجهو تلاقا بالحاج لتحت ....و مع الحاج مفقوص من جيهتو شاف الكاسكيطة و قف و تقابل معاه و بدا يدوي تاني : تشمكر عليا تماا لي يشوفك معفر تحلف عليك تا لي تصرف علينا ومن لفوق جاري على مرتك كون كنت انا منك نحشم على عراضي
عمر نزل عدو كيشوفو غير يخربق في الهضرة : مافيا لي يدوي على الصباح
الحاج : ااامممم مقطوع
عمر غادي يتعصب دابا اللهما يغبر : هاناا غادي ....مشا و خلاه تابعو بالهضرة ينق عليه من نهار رفض مرتو و هو شاد معاه قطع و عمر عارف هاد البلان و حتى هو معكس كثر منو ....ماعلينا حليمة و كلثوم نزلو لقاو الحاج داوي غير وحدو جروه يجلس يفطر ... و يحلف على حليمة تيخليها تمشي على الدهب و بلي عمر ميستهلهاش يستاهل مسلكطة فحالو اما هي تستاهل سيد الرجال ...حليمة متجوبوش وليني تنغز كلثوم هي باغا عمر و كلثوم تسكت في الحاج ....ماعلينا الحاج فطر و خرج مع التهامي يمشي للمشاريع ديالو غادي و يكبر فيهم تبارك الله ....و كلثوم باقا تبلاني هي و حليمة جالسين في صالة زينة
كلثوم جالسة متفطحة : راه وصيت الخدامات يصيبو للغدا و سيري ديه ليه الخدمة
حليمة جالسة و مخشية فيها : و ميتعصبش زعمة و زيدون انا راه معرفاهش فين جاا ؟
كلثوم تقادت في الجلسة و بدات توصي : تي سكتي و سمعي من حدك تي عجبتيه و تدي ليه الغدا غاتزيدي تكبري في عينو و لا دوا قوليه خالتك كلثوم سيفطاتك (حليمة تبسمت و حشمت ) هههه و راه مسعود يديك تال عدوو
حليمة طلعت فيها عينيها : لا لااا بغيت نمشي عدوو وحديي غير نعتي ليا الطموبيل متعجبنيش نطلع فيها و منها نيت نسرح رجلاتي
كلثوم : واخا هانتي مسعود سيري عدو و قوليلو فين جات هو ينعت ليك و عداك يعود شي حد تاني يتبعك
حليمة : لا لا موحال نطرق ديك الطريق مرة اخرى ميتبعني حد
حليمة تبسم تطير بالفرحة ناضت دغيا تجري البيتها ... حيدت حويجها جبدت جلابيتها بزرق زينة مفتوحة تبين ليها السيكان و نص كم و كاشكول بشيبي و عاودت المكياج و نضاضر كحلين فوق الراس لبست طالون ...و خرجت كيف زيكزاك لعند كلثوم لي واقفة على الخدامة يقادو الغدا في كفيفة القش حتى خرجت عدهم تعيوج ...الخدامة لي طلعت راسها متعاودش تنزلو و كلثوم شافتها و تبسمت للمرت ولدها و عيطت للمسعود ينعت للاه فين جات ...الخدامات وقفو و نساو راسهم و بداو يطلعو و يهبطو فيها بالفقصة درية من لخر طلعت شيك ...تبسمت حليمة و تمشات و الخميسة ددهب في السنسلة ديال عنقها هزات الكفيفة و سلمت على حماتها و زادت باش ينعت ليها مسعود فين جا المكتب قاليها راه بعيد حلفت عليه و تقول يزيد معاها ....بقا ينعت ليها بلي في الخرجة ديال الدوار ...شكراتو و زادت خلفة مع الطريق خارجة و تكسول بشوية بشوية و تلعب بشعرها
ماعلينا بقات غادا حليمة و الريح تديها و تجيبها و تنهد الضحكة شادها واخا غير تمشا غير وحدها ....دازت من الطريق لخرى كتمشى و تعوج ياربي غير امتا توصل عدو زعمة يشوفها هاكا ....بقاو لبنات لخدامات من وراها يدويو
خدامة 1 : بدات تفقصني هاد خيتيي تفو كيف كدير
خدامة 2 : تاناااا ياختييي مكنحملهااا ما كنقبلها
خدامة 3 : صافي البنات سمعت سي الحاج كيقول غتزوج بشي شيخ قبيلة
خدامة1 : هي لي طارت ليها لي بداتو ديك حليمة الغليضة تزوجات بسي الحفيد مابردت تامشات فحالها غتكملو هادي
حليمة باقا غير غادة و الشمش حارة يحساب ليكم مسوقة مولفة هي الشمش غير الريح لي زعجاتها شوية ....ياو كانو جالسين الدراري الشبان لفلاحة مريحين يستاراحو مع شمش الظهر صعيبة و كان بيناتهم الهاشمي ولد القاسمية ...مدور غير راسو بانت ليه جايا على راي العين و تحلفي على عينو منظار مكملش معاهم ضربة جمع الوقفة : هانا غادي ادراري نضبر على راسي راني عزري ...دراري مفهمو والو حتى كيبان ليهم غادي ....حليمة كانت تتمشى عادي قريبة توصل حتى تسلط عليها الهاشمي تاني لاصقها و بدا تاني ...هي طرطقت عينيها و بدات تهرب و تمشي بزربة
الفلاحة حاضيينوو و مطرطقين عينيهم
الفلاح 1 : هاي هاي على الهاشمي ضبر على مشة
الفلاح 2 : تباااارك الله وهو لي يعرف يطيح توما شكون هاديك
الفلاح 3 :الله وعلم
حليمة تمشي و تجري و بنص عين تشوف فيه : سييير بعد منييي و لا مغاديش يعجبك حااال
الهاشمي : انا معاجبني حال بلا بيك ازين راني مناعسش غير بسبابك حني عليا ...و حط يدو على كتفها
حليمة هربت كتفها : الله ي يخليك متقربش لياا راجلي غيشوفك و غيضربك
الهاشمي : ههه انا هو راجلك ازين و وقفي غير ندوي معاك .....حليمة كتمشي بجرية و قربت توصل لداك المختبر ...و كتجري علاين تبكي تخاف عمر يشوفها و يدير ليها فحال داك المرة
ياو خرج من المختبر واحد الزين لابس طابلية كيكمي باينة فيه مهندس تما ...دار دورة قشع ليك حليمة بنت زوينة مكتبانش فيها بنت دوار و كتبان فيها هربانة من داك لي تابعها ....لاح الكارو و مشا كيتمشى لعندهم : ايييه شنوو واقع هنا ...وقفت حليمة مجبدة فيه عينيها و الهاشمي وراها
الهاشمي : راه غيير ....
مخلاهش يكمل الهدرة : سييير فحالاك بلامنعيط لسيكريتي ...الهاشمي هز يدو و دار يشوف في حليمة و رجع فحلاتو و حليمة ضامة يديها و دارت مطرطقة عينيها في الهاشمي تامشا
و المهندس دار عندها و تبسم : واش نتي بخير
حليمة دارت عندو : ءءءء؟ لباس حمدالله لهلا يخطيك
هو كيهدر معاها ويضحك و يشوف فيها :هههه خاصك شي حاجة هنا نعاونك
حليمة : اااه جبت للسي عمر لغدا
هو : اااه عمر اليعقوبي ياك تعالي معايا نوصلك عندو
حليمة غير تشوف و تجبد في عينيها : ءءء ؟ واخا ....بدات تمشا معاه
هو : انا سميتي امين و نتي
حليمة بقات تفكر : ءءء انا سميتي ز زهرة
امين : سمية زوينة كتشبه ليك ....دخلو لداخل كيتمشاو ...و حليمة غير تدور في عينيها معرفت متجاوب سكتت حسن
امين : انا انجنيور هنايا
حليمة شافت فيه : ؟؟؟؟؟؟؟ ....اش غتجوب فيه و هي مافهمة حتى زفتة
عاد جاي سبع البرمبا كيف كيتقال عليه يلاه خارج من لابو مخنزر كيتمشى و يصغر عينو في داك السطوان واش هاديك لي على بالو و لا غير كيتخيل لا والله حتى هي اش كدير مع زمر ...كيحس بقلبو بدات تشعل فيه العافية و سيفتو كتخسر
مجات حليمة فين تدور يلاه ناوية تصدم و تخرج عينيها حتى وصل عليها و جمع دراعها بين يدو بقبضة وزير عليها حتى بغا يطرطقها و هي تكمشت و ضرها دراعها و كتشوف فيه جامعة حجبانها
عمر كينهض فيها : شنووو كديرييي نتيي هنااا؟
امين كيشوف في عمر : صاحبيي اش كدير لدرية طلق منها غتهرسها
عمر دار عدو مخرج فيه عينو بعروقها : ديهااا في مخك (و رجع دار عند حليمة لي جامعة يديها على الكفيفة و يديها غتقسم و مقداش دوي ) زيدييي معايا نتيي ....جرها معاه و مخلي امين من وراه مافاهم حتى وزا كيتمشى بيها : اش جايااااا تزمرييي هنايا نتيي
حليمة : س سي عمر راك قصحتيني ....دخلها لبيرو كركبها قدامو و سد الباب و دخل عليها يتنفخ و يتفش : دويي
حليمة غير شدات راسها و دراعها يوزوز عليها و شادة الكفة : و و والله اس ي عمر جبت ليك لغدا ق ق قالتها لي خالتيي ...وعطاتو الكفة ترعد هو جمع الكفة بنطرة و لاحها تتكفح كلشي ...حليمة شافت الكفة مليوحة و شهقت هو ينقض عليها جمعها بين يدو في دراعها و قربها لعندووو تاولات واقفة على صباع رجليها هي ولات غير مخرجة عينيها فيه تامن النفس شداتها مكطلعهاش قدامو
عمر كيخرج الهضرة مابين سنانو : راه بالله و نلقا موك مع شي حد دابا حتى غادي نقتل مووك ...حليمة خافت على روحها ولات دير ليه غير لا قدامو و دراعها تنصلوو قدامو و فمها ولا يترعد ...هو يرخيها قدامو و بدات طلع نفسها و تنزلها قدامو و مخرجة عينيها فيه ...وهو يجمع ليها حناكها بصباعو و كيخرج فيها عينو و كيورك على الهضرة : دابا منلقاكش هنا ...هي شدات غير من دريعاتها اما خدودها طارو من بلاستهم بقاو غير العينين ...هو يطلقها و مخنزر فيها ...نزلت راسها و خدودها حمرين و قلبها كيدوب في بلاصتو و شدات من دريعاتها و خرجات فحالها ....عمر تنهد و دار يدو على وجههو كيمسح العصاب هو يحيدها و ضرب البيرو برجلو و كيزفر
حليمة خارجة من عدو و تدوي راسها : عمري نجي قلتها لميي غيتقلق دابا ضرني في دراعي و وجهي ...شداتها البكية و ليني مبكاتش ...بقات تمشا حتى خرجات فحالها ...مع لخرجة كيبان ليها الهاشمي جالس فوق حجرة يتسنى فيها ... وقفت و حجبانها تجمعو و هي كتشوف فيه هادشي نيت لي بقا ليها و عاد عمر محلف عليها ....و هي ترجع فحالاتها وقفت لداخل متكية على الحيط تايمشي فحالو و ترجع للقصر
عمر تكا على البيرو بيدو كيرجع النفس ديالو حتى دخل عليه امين شاف الغدا مكفح في لرض
امين باستغراب : مالك اصحبي
عمر ناض و بدا كيحيد في الطابلية ديالو و شاف فيه بنظرة حادة : داك الستون ميتعاودش
امين رفع حاجبو : انا ستون ديل زهرة وايلي اصاحبي زعما راه كنت ناوي للمعقول هههه
عمر تمشى عندو و حط يدو على كتفو و شاف فيه لعين بالعين : غير جمع عينك
عمر مخنزر غيطرطق:ماشي سوقك ديها في لجيهة لي داراك....و ضربو لكتفو و خرج فحالو خلا امين كيحك في راسو ....بدا كيتمشى كيتبودر بين البيروات غادي خارج فحالو حتى كتبان ليه حليمة باقا واقفة و جامعة يديها و حانية راسها
عمر عقد حجبانو : اش باقا كديري هنا
قفزت من صوتو المجهد و دارت عندو و توترات كترعد و تشوف فيه و تجبد في عينيها و سخفانة : راه راه داك ولد القاسمية ب ب باقي تابعني تيمشي فحالو و نرجع للقصر
عمر زاد في التغوبيشة و قرب لعندها : باقي برااا؟
حليمة مطلعة فيه راسها : اااه راه هو لهيها ...عمر حول عينو و دار كيتمشى و مصعصع و هي تبعاتو من اللور لاصقة عليه خطوة بخطوة و تطل بعينيها لقا نيت لهاشمي جالس تما غير شافو ناض جمع لوقفة ...و عمر غادي عندو حليمة شدات من تيشورت ديال عمر و كترمش
عمر بدا كيوجد ليه : باقي مابغيش تحشم نتاا
الهاشمي : علااش ا حفيد الشيخ واللهيلا ناوي الحلال ....هو يجبد مو من الكول قجوو و خرج فيه عينو : غتدور بيها مرة اخرى غادي نخمج ليك عينك غير تاقيت فيك دابا وجه الله مابغيتهاش تشوف الدم (الهاشمي غير مطرطق فيه عينو و طلق منو بدفعة كان غادي يجي على راسو ) يلااااه داباااا بلاا منلقا موك هنا ....ناض دغيا كيشوف فيه و دار هرب ...و حليمة واقفة من مورا عمر و شادة الضحكة عجبها الحال و شادة من تيشرت ديال عمر
عمر دار عندها غير مطلع في داك الحاجب عندو : دابا مزيان
حليمة كتشوف فيه و طلقا الضحكة من الودن تال لودن و تحرك ليه راسها باااه : د دابا غادي نرجع للقصر و مغيدويش معايا
عمر بحدة : لااا اجي معايا في الطموبيل ...وزاد راجع للمختبر
حليمة جبدات عينيها و تابعاه : اناااا ؟ نركب معاااك لا لا بلاما نعدبك غنرجع راسي للقصر
عمر وقف ودار عندها : لااا مغاديش نمشيو للقصر نمشيو حسن لشي بلاصة نتغداو فيها ...
حليمة واقفة تدهشرت من هدرتو تكوانسات و مطرطقة عينيها و هو زاد وراها و هي دور دغيا دغيا تابعاه بهاد الوجه المبهوض : سي عمر مانعدبكش انا نرجع و نتغدا مع خالتييي ...و تمشا معاه رجل برجل و كطل عليه
عمر حول فيها غير القنت ديال عينو وجهو مكيتبدلش : راه دوييييت طلعييي بلا عكس ....و حيد الكونطاك من جيبو و حل بييه الطموبيل و طلعو بيبانها اوطوماتيك
حليمة ماعرفت تقدم ما عرفت توخر غير مجبدة عينيها و الحاصول هي مكارهاش تمشي معاه و لينيي خايفة و عاد ماقالتهاش للكلثوم ...عمر طلع في الطموبيل كتبان ليه باقا واقفة هو يورك على الفلون كلاكسونة عليها حتى طارت قدامو بقفزة عاد تمات جايبة الدورة ...عمر متبعها بعينو و مطلع داك الحاجب حتى دخلات عندو و نزلو لبيبان لرض و هي قلبها كيموت باللخلعة ...و تشوف في للبيبان كينزلو و بدات تدور في عويناتها للطموبيل ....مجات فين ترجع عينيها للعمر حتى لقاتو جاي لعدها ... رجعت على الكوسان و تجمعت و هي مطرطقة فيه عينها مع كان قريب ليها و مكيشوفش فيها قلبها يشطح و ريقها ناشف عليها و ولات حمرة هو فوقها جبد السمطة ديال الطموبيل و لصقها ليها ...و نزل عينو كيشوف فيها منها حجة وزيارة يشوف على خاطرو نيت و هو غير عاقد دوك الحجبان : مافيا لي يضيع معاك الحجرة ...و رجع لبلاصتو هي بقات ترمش و حمرة بلاصتها ...و هو ديمارا الطومبيل خرج بيها من تم
حليمة نزلت راسها و تشوف فيه غير بص العين و تدوي بالهمس : سي عمر كي شتي انا قلت الخالتي غنعود نرجع بكري و دابا غتخلع عليا
عمر كيسوق و عينو على الطريق : صوني ليها و قولي ليها غادي تهبطي معايا للجديدة
حليمة شهقت و دارت خرجات عينيها فيه : غادي ن نمشيييييو للجديدة ؟
عمر دار شاف فيها و رجع راسو للطريق : غادي نتغداو تما عيطي ليها ...حليمة دورات راسها و هزت تليفونها من ساكها تحل فيه و حاضية مع عمر بنص عين حتى دوزت النمرة لعبد لخالق (كلثوم )و دارتها في ودنها و بالخلعة ضربات هوت بارلوور ...دار جوج صونيتات و جوبت كلثوم تصيح : آااااالووووو فينك ؟ ديتي ليه لغدا ووو ؟
حليمة جبدات عينيها حيت تليفون مطلوق على جهدو : ءءءء ؟ ااااه ا خ خ خالتيي ....عمر دور فيها عينو و رجع للطريق
كلثوم سمعت خالتي و دخلها الشك : على هو حداااك وو؟
حليمة ودنيها صماكت و دور في عينيها : ااااه ا خالتيي انا مع سي عمر في الطومبيل قاليا نتغداو في الجديدة
كلثوم خرجات عينها حتى خرجاتهم : ءءءء؟ اويليييي حضي راسك عداااك يعرف شي حاجة
عمر نزل حجبانوو و هو يشوف في الطريق : شنو غادي نعرف ؟
حليمة ولات غير تقدر : خااااالتييي راه كيسمعناا
كلثوم : تي كيديير يسمعنا وووو؟؟
حليمة تدور تشوف في عمر : منعرف
عمر دور عينو فيها غي الشوفة كطيح الزرزور من فوق الصور : اش كتخبييو نتومااااا
كلثوم تغوت : وااااوالووو اوليديي الله يرضي عليك غير رجع زهرااا متديها معاك ما والووو
عمر كيلعب في الفولون بيد : من بعد الوليدة دابا بلاما تسنايها ...حليمة جبدات عينيها فيه و كلثوم ولات تندب خايفة لا يمشي يلوحها فشي قنت واللهتا يديرها
كلثوم : اللله يرضييي عليك اوليدييي مااا تهلا فيهاااا راها ماااتعرف والوووو انا نقلداك اوليدييي ما تهلا فيها
عمر : صافيي ا الوليدة مالني غنقتلها ....حليمة ضاربة السقلة غير تسمع مادوي ما تجيب خبار
كلثوم سدات التليفون و بدات تندب عداك يدير ليها شي حاجة ...حليمة جالسة و شدات تليفون و غير دور في دوك العينين عدها و عضت شفايفها هو صراحة فرحانة حيت جالسة حدا رجلها في الطموبيل و غادين يتغداو في المدينة
عمر كيشوف في الطريق : علاش كتهضر لواليدة وشنو غنعرف ؟؟؟
حليمة ولات غير دور في عينيها وتقرق :ءءءء؟والله ما عرفت حتى انا
عمر طلع فيها حجبانو :باين غادي غير نصدع راسي معاك لهضرة مع لواليدة بعدا شحال عندك ا زهرة من عام ؟
حليمة طلعت فيه راسها تشوف فيه : ءءء؟ انا 20 طالعة في 21
عمر كيسوق بيد وحدة و اليد الثانية دار بيها الموسيقى اغنية " داليدا سولكين " و دار النضاضر في عينو و كيشوف في الطريق ...و حليمة غير تفرج فيه و تشوف اش يدير و طلع في حجبانها و تسنط في شنو كيسمع
عمر : و امتا غادي تكمليها
حليمة : جوايه شهر 7 شهر 9هوكاك
عمر نزل حجبانو و دار عندها : دابا واااش شهر 7 ولا شهر 9
حليمة تقادت في الجلسة و لسانها ثقل منو مكينش : كي شتيي دابا على حساب رمضان و امتا غادي يخرج ...عمر كيسوق مقشع والو في هاد الحسابات عدها مدخلش معاها في لي ديطاي
عمر : اممم و كيف تلاقيتي مع داك خينة لي غادي تزوجي بيه ...و شاف فيها بالقنت ديال عينو من تحت النظاضر
حليمة هنا ولات تقدر ما عرفت ما تقول كتحس براسها في لونكيط : م م ماعرفت عامري تلاقيت بيه عمي الحاج و خالتي لي عارفين
عمر هز راسو باه : امممم فهمت ....و عفط على الفران زايد طاير و الموسيقى مطلوقة هي جالسة و تاهي عجبتها الاغنية و بقات تسنط ....مسافة طريق حتى وصلو للجديدة مع الصيف و البحر ... و الناس مجمعين و دازت الطموبيل ديال عمر حارقا كلشي كتزنزن فلرض ...و حليمة كتشوف في الشرجم فرحانة و تنهد فرحانة حتى صونا ليها تاني التليفون عمر دار فيها نص عين و هي حلاتو و حطاتو في ودنها : الوو خالتي
كلثوم : باقي يسمع
حليمة تحول في عينيها : لااا دابا لاا
كلثوم : واسمعيي عاداك يلوحك فشيي قنت و لا شي حاجة و عداك يعرف
حليمة جبدات عينيها صراحة تخلعت بديك عنداك يلوحك : و و واخا ا خالتي
كلثوم : و لا بغا يحطك فشي خلا و قالك نزلي عداك تنزلي
حليمة تدور تشوف في عمر : لا لا كوني هانية اخالتي ...بقات توصي فيها تا قطعت و خلات درية غير مخلوعة ...و عمر مامسواقش عايش اللحظة حتى وصل لوحد المطعم خاص ديال الحوت وقف تما
عمر : نزلي ....و طلعو لبيبان ديالها للسما و خرج عمر و كانو جديديين واقفين كيشوف في الحديدة خطيرة و مولاها خطر ...حليمة تتاكدت ناس كينين عاد دارت تقاتل مع حزام السلامة معرفت كيف تحيدو كتجر فيه
حليمة : اتااا مال هادا وحل ....حتى دخل فوقها عمر و هي تشهق و طلعات فيه عينيها و قلبها يضرب يضرب
عمر دور راسو عندها كيشوف في عينيها : مالك ؟ نزلي عينك شوفي كيف كيتحل ....حليمة نزلت عينيها معاه و قلبها و نفسها كتضرب في حنكو ظغط على زر تحل
عمر طلع عينو فيها لقاها منزلة عينيها و شادها السخفة صدرها يطلع و ينزل عجباتو هو يحمر فيها عينو : دابا فهمتي كيف كيتحل ( بدات تحرك ليه راسها باااه و طلع في عينيها عندو هو يهز فيها حاجبو ) دابا لا سديتو تقدري تحليه
حليمة كترمش فيه : لا لا لا غا خليه فاش نعودو ر راجعين نحولو ....تبسم في وجهها و اخيرا و خرج راسو و هي نزلت من موراه و تشوف فيه و تعود تبسم تبسيمة صفرة و تدور عينيها في الناس ....نزلو بيبان لوطو اوطوماتيك و حط يدو على ضهرها زيدها حليمة تجمعت و ولات تلون ...دخلو للقهيوة هاي كلاص ديال الحوت جلسو في وحد الطبلة
جاب ليهم الصرباي الموني ... شداتو هي معرفتش تقراه و هو شاد الموني و عينو عليها جابها نيت باش يتمنظر فيها ...لقاها غير كدور في عينيها مافهما حتى شي لعبة و هي طلع عينيها زوينين فيه لقاتو كيشوف فيها
عمر : اختاريتي
حليمة حطات الموني : بغيت غير كاس ديال الما
عمر عقد عليها غوباشتو : جايبك من صحرا لا ؟ اختاري دغيا
حليمة سرطت ريقها و شداتها الحمورية في حناكها : منعرفش نقرا
عمر : و هاكاك قوليها انا غادي نختار ليك ...حليمة حركت ليه راسها بايه و جمعت يديها ومتوترة جا صرباي خدا و ليهم كرتان فروي دو ميغ و اطباق ديال الحوت ميكس و لي بيتزا ...من بعد بقا عليها غير بشوفان مكيحيدش عينو بالعلالي بغا غير يشبع منها ماشبعش تقول كينقب في الوجه ديالها و في ملامحها هي مركها مبقاتش قدت تهز فيه العين و يديها يعرقو و ينشفو و تلعب بيهم ...تحط داك الخير قدامهم في الطبلة ...و بداو ياكلو بشوية هو هاز الفوغشيط و كياكل و مرة مرة يشوف فيها هي شادة فرشيط و تكل شوية في كراطان و مكرهاش تسوط في كلشي و ليني خاصها تبع رجيم ممنوع عليها هادشي و عاد سي عمر حاضيها....معالينا دازت شي نص ساعة هاكا ناضو من تما نص دالماكلة بقات ... مشا خلص و هي حداه واقفة و حشمانة و تدور في عينها في الناس ...عاد دار عندها و دار ليها براسو يلاه و خرج و هي حداه طلعو في الطموبيل و كسيرا بيها تاني و هي لي ركبت السمطة هاد المرا باش تبين ليه بلي هي راه عارفة هو قشعها بنص عين و كمل طريقو
حليمة تبسمت حشمانة : ربي يخليك ا سي عمر على الغدا دابا غادي نمشيو للدار ياكا ؟
عمر رفع الحاجب ديالو و كيشوف في الطريق : صافي دغيا سخيتي بيا ؟
حليمة : ءءءء؟ لا لاا حاشة اسيدي عمر ...يلاه بغا يهضر هو يصوني ليه تليفون جمع تقنديشتو تاني و لصق لبراي في ودنو و طلق الخط و بدا يهضر بالفرونسي و كيسوق و يشوف في المرايا و الطريق ...و حليمة من الساعة لي حاط فيها لاباراي في ودنو و بدا يدوي بالفرانساوية هاديك هي حلت فمها فيه و عينيها يشوفو فيه و هو كيف كيدوي و كيهضر و الغواباشة الحاصول هادي تهيا طايحة في راجلها ....بقات غير تشوف و تحل في فمها حتى سلا على خاطرو من الهضرة و حيد لابراي دار عندها : فين كنا؟ ...و رجع كيشوف في الطريق
حليمة داها الله و تهدر و تهمس : ءءء؟ منعرف؟ ....و حد شوية بدا كيبطئ السرعة في وحد البلاصة خالية و طالعة كطل على البحر فحال الشكل ديال الحافة ....حليمة عاد فاقت مسكينة و بدات تشوف في لونتراج دنيا خالية و هي دور عندو ...هو حيد السمطة و دار عندها حط يدو على الكوسان ديالها و هي دارت كتشوف فيه غير ربي لي عالم بقلبها
عمر كيقرب منها و عينو بدات كتميل و كيشوف في عينيها و فمها ...هي جالسة قدامو حادكة غير في تجباد العينين و نفسها تضرب في وجهو
عمر كيهدر بالهمس : كيف جاك النهار ؟ زوين ؟
حليمة كتشوف في عينيه و قلبها يضرب كتدوي بشوية : ءءءء؟ اااه ز زوين
عمر كيزيد قرب منها : نعاودوه ؟
حليمة : ل لي بغيتي ....هو يقرب منها و ميل راسو غير شوية و طبع الشفايفو على فمها و غمض عينو يتحسسهم ....اما لالة حليمة ولات غير تجبد في عينيها و تحس بفمها في فمو السخونية طلعت معاها و ولات حمرا و بدا خدام ليها في الفم ديالها و هي ولات كيف الزبدة في يدو متدير والو من غير يديها لي يترعدو جامعاهم عدها ... حتى لشوية و حيد كيشوف فيها قدامو غير مجبدة عينيها هو يتبسم في وجهها : دابا نمشيو للقصر ...ماقدت تجاوب لا بيه لا بلا لي فيها كافيها حنات راسها حشمانة و غارقة في دم وجهها هو رجع لبلاصتو كيضحك : ههه (و ديمارا الطموبيل هو مزال كيتبننها في فمو ولد الحرام عزيز عليه غير الحرام ) شي مرة غادي نهبطو لرباط اش بان ليك ...و دار عندها نص دورة بانت ليه خاشية وجهها في الجاجة ديل طوموبيل
مادوات ماسمعاتو صوتها عطاتو بالظهر و جالسة تويل في خاطرها و تندب حنكها و كلها حمرة ....من بعد شوية شدو الطريق للدوار وهوما غير ساكتين ويشوف فيها بنص عين مدورة وجهها وغتموت كاملة حمرة...مسافة الطريق حتى كانو في الدوار و وقف قدام القصر ....و دار عندها كيشوف فيها هي مطلعتش فيه عينيها
عمر بابتسامة جنب : يلاه ابكوصة هاحنا وصلناك
حليمة سخفانة : ل لهلا يخطيك ....طلع الباب لي من جيهتها و هي خرجت دغيا دغيا من عدو ...شافها بنص عين و دار لطريق و كسيرا للخدمتو ...حليمة قدما هي سخفانة غير نزلت مشات تمشا دغيا و رجليها فشلانين عليها دخلات دغيا دغيا و مطرطقة عينيها حتى دخلات للقصر كانت نيت كلثوم مشطونة عليها كانت عينيها مع الباب تا دخلت عليها حليمة تقولي فيها الموت
كلثوم ناضت طايرا عندها و مخرجة عينيها و شدات منها : هانارييي دااار لييك شي حاجة
(حليمة تخرج في عينيها و دير ليها لا بصبعها و ترجع النفس) ضرببببببك ؟ لاحك فشي قنت ؟ عيرك
حليمة دير ليها براسها لا تنفست على خاطرها : ب بااااسنيي اميي باسنيي في فميي
كلثوم خرجت فيها عينها صدمتها : هاوييي
حليمة : وحق ربيي الله يرزيني في صحيحتي تا باسني
كلثوم : سكتي مدعيش على راسك (دارت يدها على حنكها و بدات تبسم ) ياويلي تي بصح
حليمة تاهيا بدات تبسم و تشوف فيها و تحرك ليها في رويسها و عينيها مجبدين
الحاج حيد يدو : هههه الله يرضي عليك ابنيتييي اجيو اجيو تجلسووو ....جرهم معاه يجلسو و دورهم بيه و بدا يضحك
كلثوم : ياك لاباس الحاج ؟ ...و حليمة تشوفيه و تبسم
للحاج : ههههه هاد العااام زيين معانا فيه بنتي حليمة
كلثوم تشوف في حليمة : و راه هادشي عارفينو ا الحاج
الحاج : هههه فلت ليك الحساب ا كلثوم هاد العام
كلثوم : الحساب ديالاش الحاج
الحاج : ياو الموسم مولاي عبد الله بعد غدا غايعمر و تي ماجيبة خبااار ووو؟ ....حليمة كبرات عينيها و كلثوم تهيا تصدمت
كلثوم : ههااااا هيا ناريي نسيت الموسم
حليمة تبسم : يااااه الموسم مشيت ليه منين كنت صغيرة
الحاج : ايوا نوضو وجدو حويجكم بعد غدا نطرقو طريقووو ههههههه ...
حليمة فرحت و صفقت و تبسيمة من القنت تال القنت و كلثوم تبسم
كلثوم جمعت الضحكة : و شنو غنديرو مع عمر ميبغيش يمشي ليه نتا عارفو من صغرو
الحاج كان يضحك حتى هجراتو ليه : بووه ميمشيش نمشيو غا حنا خاليه يبقا هنا و لا يشوف اش يديير انا دابا نديك غا نتي و بنتي حليمة لي محسوبة عليا اما شي لاخر ماعدي ما ندير بيه دار كتاف و مبقاش يسمع هدرتي
حليمة دارت يد على يد و هبطت عينيها لرض
كلثوم شافت فيها و دارت شافت في الحاج : و نوووض نشوف دريات اش دارو في العشا نوضي احليمة معايا عاونيني و خلي الحاج يرتاح ....ناضو بجوجات و الحاج بقا جالس تما و ينقب في الفاكية قدامو و يدور و يتنهد على الجلسة في لرض لي ممخلينوش يجلس فيها
كلثوم شادة من حليمة عاصراها عدها : و عداكيي تزلق ليك شي كلمة قدام الحاج ماتقولي مشيتي مع عمر لا والو
حليمة تحرك ليها راسها بلا : عليك امااان ا خالتيي
كلثوم : و لا يعود يجي بليل سمعي واش ديري بيني ليه عدك الخاطييب مطلقيش ليه اللعب دوا معاك قولي ليه راجلي و لا دابزي معاه على البوسة ديال قبيلة
حليمة طارت : لا لاا منقدش ندابز معاه ياربي نطلع فيه غير راسي امي
كلثوم : ياربييي انا معامن تي لا بغيت نبدلك مصيبة شوفي بعدا كلمة راجلك متحيديهاش من فمك صافي
حليمة حركت ليها راسها بأييه : صافي امي كوني هانية
ياو جا ليل يخيم بخيامو و تطلق شي غربي زين يشهي فشي جليسة برا ....عاد داخل عمر عاقد دوك الحجبان تحلفي تقولي هادا معصب داخل كيتبودر ...بداو عينيه كيقلبو على لي خدات عقلو هاد العشية منين مشا للمكتب ما خدم ما تاوزا غير هي تمشي و تجي في عقلو ديك الانوثة و كيف كتهضر وهي كتحني الراس و كتخاف منو في الما و عاد العيينين لي عندها منين شافهم مابقا شاف النعاس و لا راحة ....دخل لقا غير الحاج كي العادة مريح و ليني هاد المرة في الصالة قدام التلفازة يتفرج في ناسيونال جيوكرافي عزيز عليه النمر و الغزالة و حداه حليمة جالسة حالة فمها ....و كلثوم تدوي و تهضر و تكب اتاي واخا مابان ليا حد مسوق ليها
عمر : واحد السلام عليكم ....دارو عدو ...حليمة خطفت فيه شوفة و نزلت راسها حشمانة
كلثوم مرحبا و وليدي
الحاج شاف فيه و رجع كمل فراجتو : وعليكم سلام
كلثوم : نكب ليك اتاي اوليدي صايبتو زهرة
الحاج مايشوفش فيه : كون يشرب اتاي كاعما يكون مفشش هوك
عمر دار فيه غير نص عين و دار شاف في حليمة لي غارقة في حشمتها و رجع عينو للكلثوم : عطيني كاس ....كلثوم بالفرحات عليها كبات ليه كاس من كيسان الطوس مكشش و عطاتو ليه شدو من عندها و رجع عينو للحليمة لي كتاخد من ثاني غير نضرة و ترجع تخبيها ...كلثوم شافت البلان و هي دور عند حليمة نغزتها و تدوي بشوية المسموعة : زهرة نوضي هضري مع راجلك من قبيلة هو يعيط ليك ...عمر جمع غوباشتو و الكاس في يدو و كيحول عينو بيناتهم
حليمة طلعت فيها عينيها و تدوي بالهمس : واخا ...و ناضت جمعت الوقفة متشوفش في جيهتو و مشات خارجة من الصالة ....عمر عينو معاها و كملها معاها تخرجت
الحاج يتفرج و يدوي : دوا معايا سي عبخالق باغي مرتو ... حط عمر الكاس بضربة فوق الصينية ديال المرايا تا قفزهم ... الحاج دار فيه شي شوفات ديال الله يعميها ليك و كلثوم تشوف فيه ....هو تنفخ و تفش عليهم و ناض تكعد خارج فحالو معصب
الحاج : و طرطق كاااع
كلثوم تبسمت و حنات على راسها حابسة الضحكة
حليمة كانت في السطوان واقفة حفيانة و شادا تليفون و تدوي واتساب غير تتخربق : هاني جاوبتك كنت جالسة مع عمي الحاج و خالتي كلثوم في الصالة و تانا توحشتك ....عمر جاي من موراها ديريكت لعندها تا وقف عندها و خطف ليها تليفون عاصرو في يدو
عمر محمر عينو فيها : دابا واش كضحكيي على مي و لا مالك ... هي كتشوف مكشر عليها و تليفونها في يدو و غير كدور في عينيها و يديها ترعد : ع ع عطيني ت تليفونيي
عمر شدها من دراعها مهزوزة تا تقصحت و مخنزر فيها : شفتك كتمعشقي نتي و هاد خاينة و غير الصباح و نتي كدوري معايا دوك فعايل بنات زنقة مغاديريهمش معايا
حليمة تلوى ليه على حساب يدها و تشوف في عينو : و هادا رااااجلي و نتا لي ديتيني بزز علياااا عطيني تليفونييي
عمر قربها للعندو و مخرج فيها عينو : بز من موك كنتي و غتبقاي تمشي معايا و هاد التليفون بلاما تحلمي بيه تاتقادي معايا في الخط ...و حيد يدو معاها بدفعة ...و شاف فيها و في يدو التليفون و مشا ...حليمة شادة من الدراع ديالها و كتشوف في تليفونها مشا ليها و هي تم راجعة دغيا للصالة تصادفت مع كلثوم خارجة و هي تشنق عليها
حليمة : مي مي مي خداااا ليااا تليفونيي ا ميي
كلثوم : هاويلييي واش عمر
حليمة : اااه و راه طلعووو معاه
كلثوم : امممم سيريي لبيتك هانا طالعة ليه
عمر طالع لبيتو و شاد التليفون ديالها عاقد دوك الحجبان و كيقلب في لواتساب ديالها كيشوف اغلبية ديزابيل فيديو و ليزوديو لي قبل كلشي ممسوح كين غير لي زوديو ديالها هيا بدا كيطلقهم كين غير توحشتك ما توحشتك ... هو يتعصب و بلوكا زمر ديل نمرة و مسحو ليها داز لقا سفيان دخل طلق ليزوديو كيسمع هي وياه يترادو على اغنية كيف تدخل ليها تهما مسحهم ليها مهم شطب ليها تليفون ...و دخل لبيت ديالو مشا نيشان تلاح فوق الكرسي ديال البيرو ديالو و دخل لتصاور ...لقا تصاورها في شي دار مع كلثوم معنقاها و تصاورها بوحدها كتصور سيقانها و جهها و راسها و شوية كتفعفع الكميرا ...زائد شي تصاور لا علاقة ...هو كيتفرج و موسع الضحكة ديالو ...و ناض برونشاه مع البيسي باش ياخد التصاور
حتى دخلات عليه كلثوم ....هو خدا تصاور و طلع راسو و شاف في مو
كلثوم : اويلي خديتي للدرية تليفون و هي سايرا تهضر مع راجلها اويلي ا عمر
عمر قندش : باش نوريها الردان ديال الهضرة
كلثوم : دابا عطيني تليفون و بعد من درية مدارت ليك والو
عمر : بلاتي ....هز تليفون ديالها و ديالو و جالس متفطح دخل النمرة ديالو عندها و كتب فيها عمر و صونا على راسو و كلثوم نميرية غير الطل بعينيها و هو يعطيها التليفون و طلع فيها عينو : هاهوا
كلثوم خدات تليفون و تصغر فيه عينها : ها انا غادا و بعد من درية عدها راجلها
عمر هز حجبانو فيها مامسوقش للهدرة ...و رجع لبيسي يكمل التصاور
حليمة في بيتها تمشي و تجي و تضرب في حناكها و تقول صافي تفرشنا تا دخلت عدها كلثوم الضحكة من الودن تال الودن : هانا جبتو لييك
حليمة مشات عدها دغيا مخرجة فيها عينيها : ياكما عرفك تي هي عبدخالق
كلثوم : لا كنت نمسحهم عارفة ولدي حريميي راه معرت اش دار للنمرة مابقيتش لقيتها و راه دخل ليك نمرتو
حليمة وسعات عينيها و تشوف فيها : بصح ؟
كلثوم وراتها تليفون : هاهيا نمرة كاتب عليها سميتو
حليمة قلبها ولا يفرفر بالفرحة و طلع وتنزل هي متعرفش تقرا ولا تكتب : ناري اميي ...شدات تليفون من عدها و الضحكة في وجهها
كلثوم : ههه و هانتي واخا يصوني ليك متجوبيهش ليل هادا هه يلاه ...و دارت مشات و خلاتها من وراها تشوف في التليفون و ضحك و هو في البيت ديال يدور في تصاورها و ضحكة مبوكصة على فمو
ياو هادا صباح زيين صبح على دكالة .... فايقيين كلثوم و حليمة على النبوري في بيتها يطويو في الحوايج كيوجدو للموسم هادي تنفع و هادي الدر ويدويو
حليمة تطوي و تدوي : ميي مشداتش ليا كينيسيو هنايا (كونيكسيو ) منعرف مالها هاد الصباح
كلثوم تطوي : راه الويفي يديه الريح هوك جيهة لفيرمة لي حدا القصر طلعي فوق الكودية (فوق التبن ) مع عالية تلقاي فيها كونيسيو طيير امدرا بعدا كيدرتي لبارح
حليمة حنات راسها حشمانة : مانعستش ا ميي
كلثوم طلقت لي في يدها و دارت يد على يد : ههه و علاش
حليمة : عطاني نمرة
كلثوم : ههه و نوضي الله يمسخك سيري للفيرما
حليمة : تا ينوض با الحاج و سي عمر و نمشي
كلثوم : لا نوضي مايشوفكش عمر خليه يتوحشك
حليمة فحلا مبغاتش : علاااش امييي
كلثوم : نوضي تهزييي من علاااش ديري العز راسك خليه هو يقلب عليك يلاه نوضي تكعدي لقاك دوري هنا نضربك
حليمة نزلت راسها : واخليني نكمل غير الطي
كلثوم : نوضي من لعوباتك عارفاك بغا تبقاي هنا نوضي تكعدي
حليمة دارت عدها : مابقيت باغا كينيسيو والله ا مييي
كلثوم جمعت الوقفة : نوضييي تكعديي بعدا دوشتي ليوم
حليمة دور في عينيها : لاا نسيت هاناااا داخلة ندوش دابا (كلثوم دارت غير يدها على وجهها تفرج فيها و حليمة غادا ) هانا غادا ا ميي غير متقلقيش
بعد سويعة هوكاك ....فاق سي الحاج و فاق حتى عمر جلسو في الطبلة و معاهم كلثوم ...عمر منين جلس في الطبلة وهو يدور عينو و ديك الغوباشة شادة النص في وجهو كيقلب عليها بعينو و حتى باش يسول عليها باشمن حق
كلثوم قدامو كانت تحط للحاج و هي تشوف عمر مكايكل موالو : كوول اوليدي مالك ؟
عمر دار عندها : والو ...و نزل راسو ياكل
الحاج ياكل : مفشش ....عمر متسوقش ليه عارفو غيدوي رجع كياكل عادي من بعدها مباشرة ناض فحالو يمشي للخدمة ديالو حسن
نمشي للفيرمة لي حدا القصر تما غير الكوارا مشتتين و مصيبين ها ديال الدجاج هاد ديال البكر ها ديال الحوالة عدك ديال الخيل لي بعيدة ....و تما خدامين الفلاحة و الخدامة يحصدو و يقابلو الكوارة و شي وحدين منهم نساو الخدمة و جلسو يتفرجو و مطلعين عينيهم الفوق مكونسيين فيها ...كانت لالة حليمة جالسة فوق التبن و لابسة لمقزب و سبرديلة و طالقة شعرها و دايرا الكيت في ودنيها و تسمع و مغمضة عينيها ديرا اغنية في اليوتيب (بان عيبك ايا با يا لي خليتينا يتامة فهاد الدنيا الصعبة ....) هي لاعلاقة ليها بالاغنية و ليني عاجباها كتسنط ليها
عمر خرج برا عاقد حجبانو و عيط على وحدة من الخدامة برا جات عدو تجريي
عمر : فين زهرة
الخدامة منزل راسها للرض : وصلتها قبيلة للفيرما اسيدي
عمر : صافي سيري ... مشات هي و وهو داز للطموبيل ديالو غيدوز يشوفها عاد يطلع للخدمتو
و باقا لالة حليمة فوق الكودية جاريا عليها كلثوم ...تقلب العيطة تاني في ودنيها و تفرج و الخدامة يدورو عليها كين لي شوف و يغمز بسيف هو توحد ماعرفها هي لالة حليمة مرت حفيد الشيخ كين غير دوز و سرح عينيك و حل فمك ....حتى جا السبع على خاطرو دايز بطموبيل و قشعها في الفلك للفوق لابسة نص ميترو توب و لي داز يتفرج فيه...تخشاو فيه الجناوا في قلبو (مزال لخير اوليدي يلاه بديتي ) حيد النظاضر و خرج من الطموبيل عدها نيشان لي جات قدامو كيضربها برجلو و مزير على القبضة ديالو ها العصاب ديال بصح تبقا تلعب عليه برهوشة ...هي كانت مكونسنطرية تحلات عينيها كتشوف فيه جاي فايض عليها و عينو فيكس عليها قلبها ولا يترعد من بلاصتو حيدت الكيت
عمر وقف مطرطق فيها عينو : نزليييييي (الخدامة بعدو شوية من تما و كيشوفو ) ...حليمة هجرات الضحكة و بدات تكحز و تنزل بشوية تاهبطت للنص و شدها من خصرها نزلها للرض وهو يشدها من شعرها غوتت غير غوتة وحدة (حتى حب هاد خينة بالعصاب 🙄) و شدات من شعرها و بدات تشوف فيه بعينيها
عمر كزير بسنانو : اش مخرجك ديري هناااا
حليمة : ق ق قالتها ليياااا خالتييي ....هو يجرهااا من شعرها غادي بيها و هي كتجري معاه و شاد ليها شعرها
عمر : فيمااااا ديريي شي زمرة تجبديييي خالتك ليوما بيا ولا بموووك عاجبك الزمر يشوفو فيك و نتي لابسة نص شبر
حليمة شدا معاه شعرها و قربت تبكي : ق ق صحتيني والله خالتي لي قالتها ليا
عمر : زيدييي نيت دااابا نفكو هاد الستون مع خالتك
في القصر ...الحاج عاد ناض من الطبلة و ناضت معاه كلثوم
الحاج : وجدوو راسكم مزيان غنخيمو تما
كلثوم : كون هاني اسيي الحاج
الحاج : و قولي لحليمة توجد راسها ....مجا فين يكمل لهدرة حتى دفعت حليمة فوق الطبلة كانت غطيح غير كلات بيديها
و عمر وراها يتنفخ و يتفش عليهم : شوووو هاد البرهوشة ....الحاج دار عدو بالعرض البطيئ ليوما غاطيح الرووح
حليمة ناضت وقفت دغيا و دارت دغيا عد كلثوم لي مصدومة
الحاج هو يبدا : البرهووووش هو تاااا لاش دفع الدرياااا لاش الدفع الدرية
عمر معصب و كيزفر : شووووف هي اش داااارت شوف ديك الشوهة لي لابسة و زيداها كتبوزا الفوق ويشوفها لي يسوا و لي ميسواش
الحاج مشا عدو و قصير يطلع فيه راسو : و تااااا سوقك تبوروزااا و لا تبلووزااااا لااااش دفعهااا اش قربك ليها لااااش تقيسها تااا كاع (دور عمر عينو للحليمة مخنزر كيشوف فيها شادة من كلثوم ) شو شو شو كي يخنزر فيهاااا راه تقييييت فيك وجه الله قداااام موك اما على هاد الدفعة تبات ما تصبح
كلثوم تدوي بشوية : تي اش درتيي ؟
حليمة مخشية فيها : كنت غير نتسنط فوق الكودية .... عمر شاف فيهم تاعيا و دار مشا فحالو
الحاج هز جوج صباع يتحلف : والله لباباك و تعاود تقرب ليها الحمار بوه مشا و خلاني داوي (و دار عاد حليمة ) دوزييي ابنيتي سيري كملي داكشي لي كتي ديري و يدوي معاك مرة اخرى
حليمة سرطت الريق ديالها : لا صافيي ا بااا الحاج
كلثوم : صافي غير خليها الحاج عليك سيري ترتاحي تهدن الحاج
الحاج : شتي كي دفعها لبوه ممربيش (كون شتيه اسي الحاج فاش كان ناتفها ) ....دخلت حليمة لبيتها شادة من جيهة لي كان ناتفها منها كاع راسها درها عليه عضت شفايفها حابسة البكية مسكينة تمشي تجلس تبردها اش داها هي لشي كينيسيو ولا شي يوتيب ...اما عمر مشا غادي يطرطق كيسوق و يزفر و يتفكر و يضرب في الفلون العافية شاعلة فيه ما طفاتش في خطرة جالس و يزفر
كلثوم دخلت عد حليمة تعاود ليها حليمة من منضورها اش وقع حيت مكين لاش ينتفها كلثوم بقات غاتشوف شوية قلبوها ضحك عاد ناضو يكملو توجاد للموسم ....بليل جلسو على برا تما غادي يتعشاو جالسين فرحانين بالحاج بحليمة بكلثوم كلشي يضحك ... حتى جا عمر على خاطرو ..شاف فيهم و خنزر خاصة في البرهوشة لي جالسة حداهم لي غير تلعب بعينيها كي البيناغات ..دار فحالو غادي يدخل
كلثوم : اوليديي اجي تعشا
عمر : ماباغيييش
الحاج : لهلاااا يدخلووو في كرشك بقا هناا كي المسكون وحدك حنا غادين لمولاي عبدلا
عمر وقف وقفتو و جمع حجبانو و دار عدو ...
عمر كيشوف الحاج و منزل حجبانو : اش كتخربق نتا ؟
كلثوم مربعة و تشوف فيه : كي سمعتي غدا غنطرقو الطريق للمولاي عبدلا غيعمر
عمر بدا كيقرب منهم و مخنزر : ماكتملوش منو كل عام كتمشيو للنفس البلاصة
كلثوم دارت يدها على فمها : ويلي سكت الله ينفعنا ببراكتو
حليمة هازا فيه غير عينها الفوق و دوات بشوية : و اللهتا زوييين انا مشيتلو منين كنت صغيرة ....صويت كيطرب الودنين عمر حول فيها غير عينو نزلت عينيها
الحاج : و تا مالك تااا مالك تدوي مع العيالات هوكا فحالا غديهم تاا
عمر رجع و جلس على ركابيه قدامهم و عينو في عين الحاج و عاقد دوك الحجبان و حول عينو للكلثوم و حليمة : مهيم انا غنمشي نشووف هادشيي لي كتحماقو عليه كيف داير ....كلثوم طرطقت عينيها فيه كان غير يسمعهم ينوض يمشي لشي قنت و دابا قالك يمشي يشوف حليمة غير تخطف فيه غير الشوفة و ترجع تحني
الحاج : إيييه غادي بالنفاخ كون غا ممشيتيش
كلثوم و الضحكة من الودن تال لودن : ايه ايه اوليدي يلاه
عمر شاف في مو و دار ليها نص ضحيكة و دور عينو للبرهوشة لي تجبد فيه عينيها و عجبها تهيا الحال شادة الضحكة باغاه يمشي معاهم...عدكم غير الحاج لي يشوفيه و يطلع فيه و ينزل و حاس بيه غيدير ليه المشاكيل
كلثوم ناضت جمعت الوقفة : نوض نشوف دريات فين واصلين في الكوزينة و جميع الحويج ....عمر عينو على حليمة مزال مغوبش عليها وهو ينوض و رجع عينو للحاج ...و مشا دار زايد فحالو داخل للقصر
الحاج : هادا لاش غادي لااش
حليمة حطت عليه يدها : با الحاج هانا جاايا
الحاج : سيري ابنيتي ...ناضت دغيا تابعاه و مدابزة مع شعرها يطير و يتلصق بيها ....عمر دخل القصر و طلع بزربة للفوق غير وصل للفوق هو يسمع صوت ديالها من موراه
حليمة طالعة من وراه : سي عمر سي عمر
عمر دار و قفزها : مااالناااا ؟ لاش جايااا
حليمة قفزت و وقفت قدامو : ستنا غير نشرح ليك على الصباح
عمر جمع ليها دراعها بيدو حتى نصلو ليها و دورها على الحيط تكاها عليه و حط يدو و عقد حجبانو و قابل عينو اونفاص مع عينها غير تلوى و تعيوج في يدو مقصحها و تشوف فيه قريب ليها
حليمة تدوي بالهمس : قصحتيني
عمر : يلاااه هضريي مال الصباح
حليمة : صباح طلعت فوق تبن على ود كينيسيو مكتشدش هنا و نضتي تاا نتفتيني ومخليتينيش نشرح ليك
عمر خرج فيها عينو : ااااه بصح سمحي ليا الالة حيت مخليتيكش تشرحي
حليمة تبسمت: لا ماشي موشكيل انا مسامحاك
عمر حط يدو على الفك ديالها و جمع ليها خدودها قدامو هي غير طرطقت عينيها كتشوف فيه : آخر مرة غنلقاك تما و بداك اللباس بغيتي كونيكسيو اجي عندي لبيت غتلقايها صافيي (جبدات فيه عينيها فاش قال لبيت ) واش صافيييي ؟ ....و هي تحرك ليه راسها و سط يدو
حيد يدو و بدا كيشوف فيها و كيحول عينيه بين عينيها و ملامحها ولا مكيشبعش من الشوفة فيها خاصها فاش تمشي و يتخيلها خاصو يلقا الصورة كاملة ماشي يبقا يتخيل و نسا على جزء منها و يبدا قلبو كيضرو فحال كل مرة ...حليمة واقفة و كترمش فيه و تاكل في صبيعات يديها و تحرك صبيعات رجليها حشمت من الشوفات ديالو
عمر : دابا انا غادي نمشي معاك و خاصني لي يجمع ليا الحوايج ...حليمة طلعت فيه عينيها اصلا الشقا و تخمال و الطي هو الموهبة و لهواية عدها نقزت : اناااا نطوييهم
عمر رفع حاجبو : بصح ؟
حليمة : اااه انا نطويهم و نقادهم ليك غير ستنا نعلم خالتي باش ماتعودش تقلب عليا ...عمر رجع بلور و خشا يدو في جيابو : يلاه انا غادي نتسناك عنداك تعطلي
حليمة : لا لاااا نجيي دابا ...و دارت تمشى بزربة هو وقف و تبعها بعينو تامشات بشوية بشوية بدا كيمشي للتفاصيل للخرى مشات عينو مع الشعر الطويل لي كيتحرك يمين و شمال ضحك و دار فحالو دخل لبيت ....اما لالة حليمة مشات طايرا عد كلثوم للكوزينة
حليمة تدوي بشوية فرحانة : مي مي انا نمشي نطوي الحوايج ديال سي عمر راه قالها ليا انا نمشي
كلثوم كانت دايرا يدها على نصها و دارت عدها تسنط ليها : اجي لهنا تي فين غدا ؟
حليمة : غادا نطويي لحوايج
كلثوم : جلسي لرض واش تي هبلة مصيدك بطيان الحوايج و في بيتو
حليمة بدات تنقز ليها : علااااش شنووو فيها لا طويت ليه اناااا
كلثوم : تي تسحابيه غيدخلك تما على قبل الحويج جلسي لرض و لا سيري عد باك الحاج متخليش جالس وحدو يلاه سيري ...حليمة دارت تشتف على لرض متعارضش هضرت حماتها و خلات كلثوم تما تفكر ليه
في البيت عند عمر ...جالس و داير الكاسك دالبلوتوث في ودنو و شاد البيسي كيخربق فيه و عاقد الغوباشة حتى تحل لباب هو يطلع عينو و حجبانو و حيد الكاسك بغا ينوض و هي دخل كلثوم و معاها الخدامة
كلثوم شافت في وجهو تصدم شوية : غير بقا اوليدي جالس دخلي جمعي لسيدك حويجو ...عمر رجع جلس و طلع التغوبيشة ...و كلثوم جات جلست قدامو تبسم : مزيان اوليدي منين غتمشي معانا احسن مادرتي غيعجبك الموسم على حسابي اوليدي ... صراحة هو مامسوقش لا لموسم لا زمر عندو اسبابو لاش غادي للتما
ياو صبح الصباح و الشمش طلعت و الحال طنطن ....الطومبيل الكات الكات واجدة باش دي العائلة الكريمة للموسم و التهامي يدور عليه يشوف لا كانت شي رويدة مفشوشة ينفخها و لا موطور خاسر يسيبو ....عاد خرج السيد الحاج يرجع في سلهامو اللور و النضاضر في عينو كحلين و خارج
الحاج : وجدتي كلشي
التهامي : كلشي هو هاداك اسي الحاج ....خرج من وراه عمر عاقد دوك الحجبان ديالو و داير النضاضر كيشوف في الحاج حل وحد الحلوة و كلاها قدامو
عمر : الحاج صباح الخير
الحاج يشوف فيه : صباح الخير على الله يكون تنادم معاك الحال
عمر خشا يدو في جيابو ورفع حاجبو : شفتك فحالا مبغينيش نمشي
الحاج : لااا لاا كون هاني ممفكرش فيك كاع لي بغا يزيد يزيد (حول عينو لمن وراه ) ها العيالات جايين
عمر دار بشوية من وراه غير شافها هو يهز شوكتو و حيد نظاضرو ....كانت حليمة شادة من كلثوم و نازلة بسروال دجين مطرطق كيبين المخفي و المستور و بوحد الطريقة نايضة
عمر نبرة ديالو كينهض : شنووو لابسة نتييي ... كيتكلم كأنه متملكها ...قفزت كلثوم و حليمة
كلثوم شدات من قلبها : الله ياولديي الله مالك خلعتينا
حليمة معرفت مالو مع لباسها و هادا سروال يعني مغطي ليها كلشي ... عمر كيحس بشي عصا كتنغزو من ضهرو هو يدور كان الحاج كينغزو بعكاز : ياو شفتك تقفز فيهم راه مبغيتش ندير فيك عقلي
عمر نفر : مكيهمنيش (و دار عدها ) و نتييي غادييي طلعييي دابا تبدلييي داك الزمر
حليمة كتشوف فيه و بغات تدور و كلثوم تتقرص فيها من لتحت باش تبت
الحاج : واااا والله لااا بدلاااتهم و غتمشييي هوكااا (عمر دار بغا يدوي معاه هو يطلع ليه فوق راسو و تعصب و ولا كولو يتزعزع ) و تااااا لا بغييتييي بقا بقااااا مغتمشيش معاياااا انا باش دير لياااا المشاكييييل و هيا غتمشيييييي هوكاااااا هي غتمشييي و تاااا اصلااا مسوقكش فيها .....ضرب فيه و زاد عدهم و خلا عمر كيشوف فيه و تعصب و الحلوة بين سنانو كيحطم فيها ...مشا الحاج لحليمة ديريكت دار يدها في دراعو و شاف في عمر لي كيمسح على وجهو و عينو على هاد السروال لي غيطرطق لي لابسة ....كلثوم هزت يديها مابقات دوات ركبو في الكاط كاط قدامو و زادو مع طريق سايق بيهم تهامي ...عمر انفاجر حتى عيا و دار يطلع في الطموبيل ديالو
حليمة راكبة في الطموبيل و مدورة راسها كتشوف للور و دارت عند كلثوم تدوي بشوية : ميي عداك يتقلق
كلثوم باردة جالسة و دايرا يد على يد : خليه العالم الله اش كان داير بارا و يجي هنا يتحكم فينا كلمة الحاج مطيحش لرض
الحاج جالس القدام و يشوف في طموبيل عمر من المرايا تابعهم : أممم جالس يتوحم علينا بغيت هادي مبغيتش هادي ولا باغا يتعسوا والله لا كانت ليه هاهو دوراتو ليام تولا مجرور من ورايا ...و دور راسو يشوف في طريق في هادشي كامل باقا غير حليمة مرة مرة دور من وراها و خلاتها كلثوم بخاطرها ....هما غاديين و الطريق غادا بيهم ....وقفو عند واحد ريسطو فحال هاكا متواضع مختص بالدجاج الناس جالسين فيه غير العاديين و ياكلو وقفو و نزلو سطاسيونا من وراهم عمر ...الحديد ديالو كتصيد العيون مكينش لي ماجالسش و مدايزش يبغي يطل على مولاها ...خرج هو طايرا ليه من الصباح عينو عليها و تاهي الطل عليه و شادة من كلثوم و تشوف فيه هوكاك مقندش دخلو جلسو في طبلة وحدة ... ميهضروش جالسين و عمر ميك على البلان كياكل فوق الزمر كامل ... حليمة تاكل و تشوف فيه مقلق و دور تشوف في كلثوم
كلثوم دور في عينيها و شافت في عمر : وليدي تركب معاك زهرة في الطوموبيل ...حليمة تشوف بعينيها و مكرهاش بصح نيت تمشي معاه
عمر يلاه طلع راسو فيها جامع ديك الغوباشة اتا دخل فيهم الحاج طول و عرض : لااا زهرة تبقا معايا اش غدير مع هادا
كلثوم تشوف في الحاج : قلت زعمة دريرية صغيرة تمشي معاه حسن
الحاج وتقول يسمع شي كلمة : بنتي زهرة تبقا معايا انااا امانة عدي
عمر دار عدو هو يطلع فيه حاجبو : كتبان ليا الحاج فحالا كتغير مني لا ؟ ...و شبك يدو كيشوف فيه
الحاج دار عدو : علاش بالسلامة غنغير من وحد فحالك على تسلكيطك و لا قلت فهامتك و لا قرايتك العوجة لي خاسر عليها فلوسي ولا على العينين لي معدكش تشوف بيهم راك طلعتي عما اوليدي طلعتي فالصو ....حليمة و كلثوم و لاو غير يجبدو في عينيهم
عمر مقشبل حتى لعبة : اش كتخربق نتا بان ليا كبرتي و بديتي دخل و تخرج في الهضرة
كلثوم : نوضو حسن يلاه جهدنا باش نوصلو بليل .... ناضو شي ما يدوي مع شي و لي فراس الحاج دايما كيدار حليمة مشات معاه هو و ماشي عمر
ياو ليل جاا و نهار تسالا ياو الموسم مولاي عبدلا بدا و الدخاخن دالشوا في السما و الضواو شعلو و الموسيقى دشعبي مطلوقة و الخزاين ديال جوالق و العقيق و عاد اواني الفخار لي غير مشتة في لرض و التبوريدة و الخيل حاضرة هاكا البارود ...و عاد الخزاين الكبار ديال الشخوصة لكبار ها لي عدهم فراقي ديال الخيل ها لي ديرين فراقي ديال نسورة ها الشرفة و كين الخزاين لي بعاد كاع كيكونو الخزاين ديال العميل و ديال للشياخ دالقبايل و كلشي معروف ليه خيمتوو و عاد كينين مسابقات لداخل ها لي يشطح ها لي يغني باش يربح بانيو و لا سطل....الحاصول هادي هي الاجواء ديال الموسم ...و عاد الناس لي جاين من كل قبيلة و كل مدينة قال قال مولاي عبدلا عمر ...عدهم فحال شي عرس الوليات و البنتات يلبسو و يتقادو و يتكساو باش يجيو يخيمو فيه و كين لي جاي يترزق فيه الله ...و البوليس و جادارمية ينضمو في الناس باش متوقعش الفوضى خاصة و السهرة باديا ليوم ....عاد اسيادي جات الكاط الكاط ديال سيد الشيخ داخلة بشوية على حساب الزحام و الجدارمية يخويو ليها الطريق و يدفعو في الناس ...حليمة لصقت على الشرجم حالا فمها بالفرحة غاتحماق كتعرفو شناهو مولاي عبدالله بالنسبة ليهم واي واي ....و كلثوم عاد تنفست و رتاحت ...الحاج يدور في رويسو ...و للور كان عمر تاهو مخفف السرعة و متكي على الكرسي ديال الكوسان و كيدوز يدو على وجههو هاد الزحام و هاد الاجواء مكيحملهمش هو ...و عاد دوك دراري الصغار و الناس لي كيخشيو ليه شلاقمهم في الجاج فيمي ديالو تا كيبعدهم الجدارمية
عمر بدا كيسوق و كيزفر : واخااا الالة زهرة على هاد تسخسيخة مغنسهاش فيك ....و بدا كيتمشى و العينين ديال عباد الله مطرطقين فيهم ....حتى وصلو لواحد الخيمة تبارك الله الطول و العرض بالبيض و الكحل كبيرة و مدورة بسياج مفرشة بموكيط بالحمر و عريضة و السدادر زينين ديريين بيها و شي خمسة دطوابل كبار فيها و عاد الثريا في السما خدامة بالطاقة الشمسية لي من ورا الخيمة ...شكلها كيبين على ان ناسها مهمين و الخدامة يقادو فيها عاد واقفين شي خمسة ديال الشرفة لابسين جلالب و القب على راسهم و كيتسناو و واقفين معاهم الجدارمية حارسين الشغل ...و ناس البادية معلقين في داك السياج و يطلو و مخرجين عينيهم ...جاو الجدارمية خواو الطريق و تحل السياج ديال ديك الخيمة و دخلت الكاط كاط دسي الحاج و من وراها الطموبيل دعمر و تسد السياج .... و حليمة منين ما خرجوش عينيها راه باقا تشوف و فمها حالاه هي عمرها شافت هادشي هوكا داير ...
وقفو الطموبيلات و خرج الحاج يفرنس و يضحك : ههههه و اهلا اهلا ...استقبلوه دوك الشرفة يعنقو فيه و يرحبو بيه عدهم خرجت حتى كلثوم و حليمة حداها كدور في راسها تشوف في الارجاء و عباد الله حالين فيهم فمهم ....خرج حتى عمر من الطموبيل العينين دارو عدو تهو يتفرجو فيه ...مدارش شاف فيهم و تمشى عدهم
الحاج شد من حليمة يعرفها بيهم : هدي زهرة تهيا بنيتي ...سلمت عليهم من اليد و تضحك و ضحيكة عندها فنة خلات الشرفة يفرنسو قدامها مصافين جا عمر وقف و كيبان ليه ساحة تبادل النظرات قدامو بينها و بين الشرفة
الحاج دار عد عمر يفرنس : وهادا حفيدي عمر المهندس ديال الفلاحة ديال دكالة ....دارو عدو حرك ليهم راسو و هو طايرة ليه
عمر عاقد ديك الغوباشة : السلام ...و جاو يسلمو عليه باليد لي داز على يدو يعصرها ليه و يشوف في عينيهم لي شافو ليه في حليمة ديالو
الشريف 1 : زيدوو ندخلو الخيمة و عام زيين هادا واااا مرحباا الالة زهرة زيدي زيدي ...حليمة غير تضحك فرحانة و يدها في يد حماتها ما تفرقها كلثوم تمشا و تبسم و الحاج هو لول سابقهم ...و عمر اللور غير حاضي الستون و معاجبو حال ....دخلو للداخلة الخيمة بطولها و عرضها تمشاو جلسو في الصدادر و مدورين الطبلة و الشرفة لقاو فين يسرحو عينيهم ...جلس عمر و شبك يدو مزير عليها و غير مقابلهم دابا غينوض يتقب عين شي حد و الحاج كاسر دنيا بالضحك و الهاراج ...جاو تحطو الصواني فوق الطبلة برارد اتاي و الكيسان و الحلاوي بالشكال و النواع ...كلثوم كانت تضحك و دورت عينيها في عمر لي جالس حداها لقات عينيه خارجين في الشرفة ...دارت تهيا تشوف لقات وحد فيهم قرب ينوض عند حليمة يبوسها
كلثوم شدات حليمة من يديها و تدوي بشوية : فاش نقوليك نوضي نوضي الحاااج ها حنا غادي نوضو البيوتة
الشريف 2 :بلاتي الالة كلثوم زاااكية واااا زاااكية ....خرجت بنت دايرا سبنية على راسها و لابسة بيجامة باينة فيه خديديم
الشريف 2 : دييي لالة كلثوم و لالة زهرة لبيوتهم ...ناضت كلثوم جارا حليمة و رجالة حالين فمهم في سروال دجين ...عمر خبط الطبلة قفز كلشيي دار عدو ...الحاج كان يشرب في اتاي بغا يشير عليه بكاس ... كلشي بقا يشوف فيه مصدوم
عمر كينهض فيهم : نتوماا شنو بظبط
الشريف 1 : اشنو بغيتي تقول اولدي
عمر كيدوي بعينو : هادا شيخ (و شاف في الحاج لي غير جالس و مجبد عينو فيه ) و نتوما شنو
الشريف 1 : هههه ااه حنا شرفة
عمر : لي هي شنوو ؟
الحاج نقز : نوضو نوجدو راسنا ليل نيت تانا باغي نرتاح شوية ...و ناض وقف ناض حتى عمر كون ماعتق الحاج الموقف كان غادي يدخل كلشي في مكينة الصابون و غايخرجهم يكرمو
في ديك الخيمة الكبيرة كانو من وراها خوامي تقال مغطيين على خويمات هاكا صغيورين كل خيمة فيها ناموسية كبيرة دايرا بخوامي شفافين باش لي ناعس ميجيهش الناموس و بلاكار و مفرشة على حقها و طريقها زكية ورات للكلثوم و حليمة خيمتهم ...دخلت كلثوم و جرات حليمة معاها
كلثوم : جلسي هناا وارتاحي شي شوية نخرجو و لامشا تاجا عدك عمر و دوا ليك على لبسك قولي ليه ماشي سوقك ماشي شغلك تعلمي تجاوبييه
حليمة تشوف فيه و تجبد في عينيها : ما تعوليش عليا امي غنحاول وليني راه لا خرج فيا عينو مكنلقا ما ندير كنسكت
كلثوم خرجت فيها عينيها : شوفي متعصبينيش ديري العز راسك هانا علمتك يلاه هانا غادا ....و دارت كلثوم خرجت فحالتها مخلية حليمة تما دورات عويناتها على الخيمة عجبتها ...مشات للناموسية حيدت الطالون و تخشات للوسط و تشبحت تستاراح بين الخوامي ...عمر دخل للخيمة ديالو شاف لاح الكونطاك ديال الطموبيل ديالو و دار تاني خرج فحالو من تما للسطوان ...حليمة يلاه كتكسل ...حتى تحلت عليها الخامية ديال الباب و ناضت جمعت الجلسة جلست ...كتشوف عمر داخل بديك الغوباشة عدها
حليمة ناضت وقفت و كتجبد فيه عينيها : د دابا كو كنت كنبدل ؟
عمر كاع ديك التغوبيشة ضربها مع الحيط و ضحك : ههه غتكون لقطة ناضية نشوفو فيها زهرة من تحت الحويج
حليمة جمعت يديها على فمها غطات الضحكة : ياويلي كون تحشم هههه ...عمر وسع الضحكة ديالو و عض الشفاه ديالو كيشوف فيها مصابش ياكلها على هاد البلان
عمر جمع الضحكة : دابا غادي نهضرو على داك السروال لي لابسة بلاما نشوفك مرة اخرى بيه
حليمة هنا بدات تدور عليها توصيات كلتوم حنحنت : احم احم (و رفعت حجبانها ) و و ن نتا م مالك ن نلبس لي بغيت
عمر نزل حجبانو فيه : واش عاجب موووك الحااااال لااابسة هاكاااا بلاااما تنيرفينيي منلقاش موك بهاد السروااال
حليمة سرطت الريق ديالها و بدات تجبد في حجبانها و تفتف : شوف ع عمر (حرفية ) معدكش الحق دخل فيا ماني ختك ماني مرتك نلبس لي بغيت ....و تشوف فيه بطرف عينيها اش غيدير
عمر تفش و تنفخ عليها مزيان زيراتو معرف باش يجاوبها زير على القبضة ديالو : و تااا نلقااا موووك لبسااه و ديك الساعة نوريك اش كتجيني ... و دار يخرج فحالو و خلاها هي كتبلق في عينيها من وراه غير خرج خرجت تاهي طارت عند لالة كلثوم ...لقاتها يلاه نصلت جلابيتها باش تلبس وحدة اخرى احتى خلطت عليها
حليمة : مي مي مي جاوبتووو و تحلف عليا منلبسوش
كلثوم كتلبس جلابة لخرى : خليييه يدوي تايعيا ديري ضد فيه داكشي و تهناي
حليمة شدات من الجلابة تنزلها ليها : و ليني راه حلف عليا
حليمة : و خلاااص عليا تنتي كلك ترعدي انا راه المرحوم كان يجمعها معايا تصرفيق و نخرج فيه عيني دابا واجدة نخرجو ندورو في الموسم
حليمة تبسمت و حركت ليها راسها بأيه
في البيت ديال عمر ...هاد البكوص لي جالس و كيرجع الشعر اللور و كيتنهد و هو غير يتفكر الشوفات ديالهم ليها و يزيد تشعل فيه العافية زير على القبضة ديالو و نفت العافية من فمو نفسو سخونة كتفور ...حتى دخلت عدو كلثوم
كلثوم : عمر وليدي باغي تمشي
عمر شاف فيها :فين ؟
كلثوم : غير نتساراو شوية نوض نوض بدلك للجو يلاه ...ناض بشوية عليه من ديك الناموسية و مشا خرج معاها من الخيمة
خرج على برا هو يلقا ليك الحاج شاد منها و هي مدورة يدها على دراع الحاج و لابسة داك سروال دجين نيت و تضحك تحلفي عليها صاحبتو ماشي مرت ولدو ... عمر فيكسا عينو عليها تحلف عليها و مبغاتش تسمع و بدا كيتنفخ و يتفش ....كلثوم تشوف فيه و حطت يديها على دراعو دوز يديها عليه : مالك اوليدي
عمر كارز على سنانو : وااالو
كلثوم : لا باين والوو
عمر : الوليييدااا
الحاج دار عدوو : هي لي بقات ليك نيت تغوت عليها ....حليمة دارت عدو غير نص دورة شافت عينيه دازو ليها و قلبت الدورة شدات في الحاج بسنانها ... خرجو من تما من السياج و بداو يتمشاو بين الناس و القضية شوية ممنضماش تما يخرجوو فيك و ميعقلوش عليك و يدوزو...الحاج غادي مبندر و يوري في حليمة و كلثوم تهي كتشوف ...و عمر يدور عينو تايدورها و يرجعها للعندها تحلفي عليها ساحرة ليه و هي تكيكي مع الحاج موالفة معاه بتكركير من يمات لي كان يجي عدها و تهوا لقا نيت علامن يعاود خرايفو
دازو من واحد الشارع كلو قياطن ديال الجوالق و الدبالج و سناسل و عامر مبلوكي ...دريات يتناغزو و يدويو على عمر لي كيدوز من حداهم عاطي العين و مبوكص و مطلع الغوباشة ....و عدك كل من هو راجل قد مزوج قد مطلق قد شمكار كين غير دوز و حل فمك في هاد الزين لي غادي كيضحك مع الحاج لالة حليمة ... و عمر دايز عليه البلان على عينيه من حدو يشوف وهو يتشارجا
حليمة : ياااه مدجاااات كانت تجيبهم ليا مي شحال هادا
الحاج وقف : دوزي خودي لي بغيتي منهم هزيهم تا كاملين
كلثوم نقزت : اش غديري بالمدج ا ح ءء زهرة تلفتيني
حليمة دارت عدها : عزازين عليا
عمر : خودو لي باغين تاخدو و زيدو مغنبقاوش هنا
الحاج دار عدو : لا باغي زيد زيد حنا تاتخير زهرة عاد نمشيو
حليمة تهيا تبسم دارت عند عمر لقاتو قريب يتسوطا عليها هجرت الضحكة و دارت فحالها : مبغيت والو يلاه نمشيو
الحاج : متديهاش فيه خليه يبرح تايعيا خودي المدج لي بغيتي ...هزات مدجة (هي سنسلة بعقيق كحل و فيها خميسة كتباع رخيسة ) و خلصها ليها الحاج ...و زادو تاني مشاو جيهة السهرة و وقفو مع الوقفة ديال الستاتي ...كلثوم زادت القدام الطل و حليمة تهيا طول في عنقها الحاج واقف يتسنط ...و عمر لي أوووور سيجي غير واقف و صافي و كياكل في زهرة بعينيه دازت الربع ساعة لولة و هاد الناس مملوش
الحاج : ندير و نجيبو ليك في عرسك ولاهيلا نجيبو لبنتي ..حليمة كتشوف و تقرق في عينيها
و عمر ربع يدو و تكا على وحد الطموبيل كيشوف في الحاج لي غيضرب كاع بلاناتو في الزيرو ....عمر للحد الساعة تهدن حتى جاو من وراه مباشرة جوج شماكرية مشات عينيهم نيشان لزهرة واقفة و ديك المؤخرة مع سروال دجين كتبان مطرطقة
الشمكار 1 : بشاخ بشاخ اصحيبي على طرف و تاا راه زينة
عمر دار عدهم نص دورة هو غير مربع يدو و كيسمع و يتأكد علامن كيهضرو
الشمكار 2 : اش كدير هاد تبوكيصة مع هاد الشويرف
الشمكار 1 تنهد : ناريي زعمة هادي نتجوج بيها انا و بالقسام ماني خارج من البيت
عمر ناض بشوية عليه و دار عدهم : غتغبر من قدامي و لا غنغبر للموووك السنان ...الحاج و حليمة دارو من وراهم اما تا كلثوم داها الله مع الستاتي
الشمكار 2 : معانا الخاوة
عمر شنق عليه و مخرج عينو : لااا مع مووك ...الشمكار 1 هو يجبد جنوية و هو يحمااا الغوات ...حليمة غوتت و بغات تطلق من الحاج و تمشي و ليني الحاج شادها و كلثوم تاهي دارت شافت الجنوي على ولدها و بغات تنتاحر تا شدها الحاج ...و يحسبليكم عمر زعمة حشم و خرج معاهم بدراع لي في يدو عطاه بكروشية و لاخر لي غينزل عليه بجنوي تهو دار ليه و بدا عليه بالبونية و داز عليه الجنوي غير شوية في دراعو ....صافي ديك الساع حليمة و كلثوم بغاو يموتو و يتغاوتو ...خاصة فاش شافو الحمية بدات
الحاج غوت : التهاميي مسعود ... مكملش العيطة تا جاو جدوعة ديال الحاج شي ربعة ولا خمسة في تقادا ديال عمر و دخلو للمعركة بالعصي و عاد جاو جدارمية ...و كلشي تفك و تال عمر قلك والو يقتلو و دراعو عمر دمايات
حليمة في يد الحاج صافي ولات تبكي بالدموع و هي تشوف في عمر و كلثوم علاين الطيح لرض جرهم لحاج يمشيو للخيمة ديالهم و الجوقة و الناس يطلو ...و دريات ينعتو الحاصول كيبان نيت عمر فحال شي بطل و عمر بالدم تفرجو فيه كثر ما تفرجو في السهرة .... الجدارمية داو الشماكرية ... و عمر غادي مع رجال الحاج و شاد من دراعو فيها الدم و عاقد دوك الحجبان عدو
دخلت حليمة لبيتها وهي تندب و مشاو داو كلثوم لبيت لاخر سخفانة جابو ليها البصلة
حليمة تضرب في فخاضها و تبكيي : اويلييييي اويليي على عمر و توقع ليييه شي حاجة نتبعوو واللهتا نتبعو هيء هيء ...و هي تجي نايضة تمشي تشوف اش جرا ليه مقدت تبقا جالسة هوكا ... و تبكييي حتى دخل عليها عمر كيتنفخ و يتفش و شاد من دراعو و كيشوف فيها و يخنزر
حليمة جبدااات فيه عينيها باكيين : عمر ....هو يطلق من دراعو و جااا ليها نيشان كيكشكش : قلت لموووك متلبسيييش هاد الزمر و نتييي عاجبك راسك
حليمة كتشوف في دراعو فيها الدم : ويليييي ويلييي درااعك فيه الدم ...متسوقش ليها و لا لنص جرحة لي في يدو و مشا نيشان شدها من شعرها جمعو في قبضت يدو حتى كتحس بيه كيتقطع في يدو غمضت عينيها لدرجة دمعو و غوتت و شدات من يدو ... مزادش الهضرة معاها لاحها فوق الناموسية
عمر عينو يحمارو و يدور في جنابو : عاجبك الزبل يشوفو في موووك هانااا غنوري مووك
حليمة شدات من راسها و ناضت كتشوف فيه : قصحتينييي حراام عليك ....و هي تصدم فاش شافتو هز مقص و جاي ليها و هي تجمع رجليها عدها : اويليييي اش كدير اويليييي عمر عمر ....عمر بلا كلمة بلا جوج جلس و شد من فخضها بيدو و خشا فيه صباعو و حليمة تدفع فيه و تغوت و تشوف في الباب لا يجي شي حد يعتقها ...و بدا يقطع ليها في سروال لي لبسا كطلع فيها عينو : صافيييييي ... حليمة رجعت فيه عينها و متعابزة معاه : عداااك لحمييي ضربووو ليااا ....كتحس بالمقص كيتحك مع لحمها هي صافي مقداتش عليه سدات عينيها و تطلب ربي ميقيسهاش و داز تا لفخضها لاخر ما حبس حتى شروطو ليها و ناض ضرب المقص مع لرض و هو كيشوف فيها معصب : دابا نشوف كيفاش غتلبسه ....و دار خرج فحالو و حليمة تحيد في عينيها و تشوف في فخاضها و خايفة تلقا شي ضربة تم الحمدالله دازت سالكة غير السروال لي شروطو
كلثوم جالسة في البيت و تشرب الماا و تنهد وتبكي : فيناهو وليدي جيلو ليا ولدب
زاكية : راه في البيت ديالو الالة وراه بخير عليه موقع ليه والو
كلثوم سخفانة : كااان غيخرج عليا اش جابو هو لشي موسم
تهامي : راه مسعود اسي الحاج غيجيبو من قاع دارو غير كون هاني
الحاج دار يدو وراه و ينكر تعطل عليه الطبيب ..... عمر في بيتو محيد تيشورت كيشوف في ديك الجرحة صغيرة في كتفو و بدا كيغسلها بالمااا و مخنزر
بحرا غسل جرحو بالما حتى دخلات عندو حليمة بكسوة طويلة بسميطات و هازة في يدها بطادين و الدوا الحمر و تشوف فيه و منزلة حجبانها
عمر واقف كيشوف فيها بنص عين : اش جابك نتي للهناا ؟ ...مدواتش معاه و حيدت عينيها من وجهو و قربت للعندو و حطات داكشي فوق المايدة لي كينة تما
حليمة بنبرة آمرة مهدنة و مكطلعش فيه العين : عافاااك دوز تجلس هنا ؟
عمر طلع فيها حاجبو : كيفااش؟
حليمة طلعت فيه عينيها : دوز نداويك
عمر : مامحتاجش ليك داويني سيري غير تجمعي في بيتك
حليمة كترمش الف ترميشة في ثانية و قربت ليه هزت يديها هاكا يتفتفو و حطتها على دراعو عريان حتى حس بالضو طلع معاه و هي طلعت معاها السخونية نزلت عينيها : اجيي تجلس ن ندير ليك دوا ...صغر راسو معاها و عينو غير عليها ...حتى جلس و جلست حداها و هزات ليه يدو حطاتها فوق فخضها حتى هو جات من الجنة و الناس و عينو غير عليها ...و هي بدات تداوي فيه و تدهن ليه في دوا الحمر و تألم و خاطرها كضرها و هو غير يشوف فيها
حليمة طلعت فيه راسها : علااش دابزتيي معاهم ؟
عمر هضرتو مهدنة : نسولوك نتيي ا لالة شنو درتي
حليمة بدات كتشوف في عينيه و كتجاوبو : علاه اش درت انا
عمر زاح بوجهو و حيد يدو : صافيي نسااااي
حليمة كتشوف فيه ...عاد دخلت كلثوم عدوو محيحة : اويليييي ا عمر جيتيي الموسم باغيي تقربلها مع شماكرية كون داااابااا خشاو فيك جنوي اش كان غيوقع فيا ا وليدي مفكرتيش فيا اويليي
عمر دور راسو لهيه و غير مخنزر شنو غايقوليهم الغيرة طلعت معاه مرضاش يقولو عليها كلمة
حليمة حداه كتدوي : قلتها ليه اخالتيي ...عاد دخل الحاج جايب معاه الطبيب و يدوي : هاهواا اسيي طبيب هاهوا جالس لهيه ...طلب منهم طبيب يخرجو و يبقا هو وياه و الحاج في البيت ....كلثوم : غيقتلنيي هاد الدري غيقتلني
حليمة تهيا رفدات ليه الهم و جمعت حجبانها و حنات راسها : ميي اجي ندخلك لبيت ترتاحي شوية ....داتها لبيت تكا مجات فين تخرج تا لقات جوج خويديمات يدويو
حليمة مخرجتش بقات واقفة و طالقة ودنيها و عاجبها الحال اش كتسمع
زكية : معرت موحالش تهو يختييي زوييين بزااااف يحمق و عاد لباس عليه
حليمة هجرت الضحكة و نزلت حجبانها و خرجات عدهم و كدوي بشواية : شنو كديرو نتوما هنا سيرو من هنا ...هما شافوها و حناو راسهم و زادو و هي باقا واقفة تخنزر باقي مجاش لي يغازل راجلها قدامها...
💎💎💎💎💎
داك الموسم بدات جامع اكبر نسبة عنابة في العاااالم ماشي غير في المغرب تكوني كيفما كنتي طويلة قصيرة غليضة رقيقة غيتبعوك 10 و غيبقاو فحال اللصقة غادي يخرجو فيك بلعاني كين لي غادي يعكلك مغتكرهيش تهزي الحجر و تبداي لي جا قدامك تسيفطي ليه حجرة 😅
الحمدالله منين دازت هاد ليلة لي في راس مالها جريحة في دراع عمر ...جا النهار الثاني من هاد الموسم ...على نبوري الدنية صابحة ساكتة غير ماج البحر لي ضربو ....الخداما يعمرو اتاي و يقادو الشفنج في الطباسل و البغرير و المسمن و الحرشة كلشي مجغجغ بالزبدة و العسل هاكا كيتحطو في الطوابل يزوقو فيها ....حليمة ليوما صابحة دايرا عقلها لابسة كسيوة طويلة مبينة دريعاتها و عنقها و الدهب في عنقها و يديها دازت عند كلثوم للبيت لقاتها فايقة كتلبس في حويجها
كلثوم : شنو درتي معاه لبارح
حليمة : والو تجاوبت معاه كي قلتي ليا
كلثوم : العالم الله كيف بقا في هاد الصباح اجي ندوزو عدو ...دازو على بيتو ملقاوهش تما
كلثوم : اويلي هادا فين يكون زااد
حليمة : والله ما عرفت اخالتي عداك يكون رجع
كلثوم : تعالي نخرجو لبرا ....مشاو لقيطون لقاو الحاج صابح بكري و جالس قدام الطبلة
كلثوم : الحاج صباح الخير
حليمة مشات عندو دغيا باست ليه يدو و جلست حداه
كلثوم تهيا جلست : الحاج كيف بقا عمر
الحاج : راه شتو الصباح خرج من ورا الخيمة كان يتفرج في البحر ...تنهدت كلثوم و حليمة ...و بداو يفطرو بشوية حتى جا هو دخل عليهم فحالا مواقع والو فيه لصقة في دراعو حول عينو للحليمة نومرها اش لابسة و مشا جلس حداها
عمر : صباح الخير
الحاج يطل عليه : اممم صباح الخير ...حليمة كتشوف فيه تحاول تعرف واش معصب ولا لا ...هو دار عدها جات عينو في عينها و هي تحنيها دغيا دغيا و هو تبسم تبسيمة جنب و دار كياكل ...و كلثوم غير تفرج و تاهيا تبسم اما الحاج كان مشغول مع الشفنج و اتاي ...شوية نوضت كلثوم حليمة من حداه و دخلت هي وياها لداخل بقا غير الحاج و عمر الراس في الراس ...ناض عمر تاني خرج من الخيمة و وقف كيشم في الهوى و كيتنهد دار عند التهامي لقاه شاد شي خيل تما شاف حتى عيا
عمر : سرج شي واحد و جيبو ليا
التهامي دار عندو و تصدم او سي عمر دابا قال هاد الهدرة ما موالفاش ليه : ءءءء؟ واخا اسي عمااار....قاد ليه واحد من الخيل و جابو ليه عمر شدو و طلع فيه و شد من خيوطو قادو في يدو و مشى بيه كيتمشى هلى الحاشية ديال القياطن و ديك الغوباشة غي جامعها ...طالعين دريات من لبحر يشوفو يضحكو و يكركرو هو كيتمشى و مامسوق لحد ... عايق فوق القياس و عاد طاح طيحة خايبة في حليمة ولا مايبغي يشوف فيها حد مايقيسها حد من نهار جات عينو في عينها فحالا باغي غير هو لي يتحكم فيها
الحاج جالس وسط الخايمة يختم الفطور كاس ديال اتاي بالويزة حتى خلط عليه الجدع ديال التهامي : سي الحاج سي الحاج ....كلثوم خارجة كتمشى و تنخوى بالمشية من بعدما دخلت حليمة خبعتها على راجلها ميبقاش غير يدور و يسرح فيها عينو
الحاج : مالنا على الصباحات يلاه شديت كويس لويزة
التهامي : وااا سي عمااار قاليا سرج ليا شي عود و مشا بيه
الحاج حط الكاس و تحلو عينيه : وايليييي
التهامي : والله منكدب عليك ا سي لحاج
الحاج بدا يضحك و يتعزز في بلاصتو : هههه دابا غيشوفو حفيد الشيخ القبايل دايز عليهم بالعود هاكا على الشياخ و الشرفة هههههه دابا دابا مزيان ....كلثوم غير سمعاتو تهيا تصدمت في العادة سي عمر معندوش مع هادشي مايركب في عود مايجي الموسم ما ياكل كيفهم و ليني دابا فحالا كيميل شوية لعدهم ....كلثوم دارت فحالاتها راجعة عند حليمة لقاتها يلاه شدات تليفون و بدات تموسق
كلثوم : باغا تمشي تدوري مع عمر ؟
حليمة خلات تليفون و كلشي تماا و ناضت وقفت مطرطقة عينيها و تحرك في راسها بأااه : اه اه ا ميي
كلثوم هزات تليفونها : تبعينييي زيدي ...حليمة مشات دغيا تابعاها ...و كلثوم دوزات النمرة لعمر و حطات تليفون في ودنها
عمر كان كيتمشى بالعود بشوية و كيشوف في الدنيا هنايا و عاقد دوك الحجبان عندو حتى بدا يتهز تليفون في جيبو .... فرانا العود صهزو و شاف نمرة ديال مو و حطو في ودنو كيهضر
عمر : ويي الوليدة
كلثوم كتمشى و حداها حليمة لاصقة عليها : ا وليدي واخا ترجع لا جات على خاطرك واحد الدقيقة الله يرضي عليك
عمر رفع حاجبو : علاش الوليدة كين شي مشكل
كلثوم : واا غير رجع اوليدي
عمر : واخا ....كلثوم تبسمت و قطعت و خرجت هي و حليمة مع بعضهم
حليمة : و زعمة يبغيني نمشي معاه
كلثوم : هاحنا غنشوفو اش غيقول و شوفي لا داك معاه تبتي و تجاوبي معاه في الهضرة ميبقاش هو يهضر و نتي غير حانية راسك تشوفي حشمانة ....حليمة حركات ليه راسها بأيه ....دقايق قليلة حتى كان هو راجع بالعود كيتمشى بيه و كيشوف مو واقفة و حداها حليمة تشوف فيه و ترمش ...وقف قدامهم و نزل لارض وهو كيشوفهم قدامو
عمر : نعام الوليدة
كلثوم تطلب عليها تحلفي تقولي بنتها : وليدي ح ءءء زهرة بغات تاهيا تركب في العود و ليني متعرفش ركبها معاك اوليدي الله يعطيك ستر
عمر دور عينو شاف فيها لقاها نيت كطل عليه بنص عوينة : بغيتيي تركبي
حليمة طلعت فيه عينيها حولتهم في كلثوم و رجعت شافت في عمر : ا اااه
عمر طلق يدو ليها و النبرة ديال الأمر : اجيي للهنا ...حليمة تنهدت و تمشات عدو و تبسم حتى وقفت للعندو حط يدو على دراعها بشوية و قربها للعدو دورها بشوية و شدها من خصرها عصرها شوية و حليمة غير تبورش في يدو ...و هزها و حطها فوق العود و دارت دغيا رجل من لهيه و رجل من هنا و هو طلع من وراها ...و كلثوم غير تشوف و عاجبها الحال ...طلع هو من ورها و ضهرها على صدرو لي كيطلع و ينزل و حوطها بيدو و شد من العود و بدا يتمشى بيه ... وهي قدامو كتحس بيه معنقها و جامعة يديها عدها و طالعة معاها السخونية غير تدور في عينيها
عمر كيشوف قدامو و عاقد دوك الحجبان : مغاتقولي والو ؟ ... طلعت راسها فيه تسولو بعينيه : اش بغيتيني نقول لك ...نزل عينو فيها كتبان ليه غير هي لي كينة و مكين ماحسن كيمشي تهو العوينات نيشان لي غادي ياكلهم ليها
عمر ابتاسم ليها : نمشيو لشي بلاصة حسن و نهضرو شدي راسك مزيان ...رجعت تشوف قدامها و شدت راسها و هو كسيرا و هي تخشات فيه و دور في راسها تشوف في الناس كيشوفو فيهم و كين منهم لي كضحك كين لي كيويل كين لي كيحشم ... تهي حشمت قدام الناس ....مشا بيها بعيد شوية و نزل بالعود للبحر للتحت ....حتى وصل بيها للحجر و وقف بالعود ديالو ... و نزل و طلع راسو فيها لقاها كتشوف فيه و داك الشعر كيطير في السما و الجمال
عمر طلع ليها يدو و عينو مكنتزلش عليها : اجي لهنا ...حط يدو على الخصر ديالها و هي حطات يدها على كتفو و نزلها عندو للتحت حتى حطات رجليها في الارض و لصقها للعندو و هو مدور يدو على الخصر ديالها و كيشوف فيها ...و حتى هيا مطرطقة فيه عينيها طبيعي يكون كيعجبها
عمر نشف ليه الريق و هو كيشوف فيها عينيها فمها و كلشي ...ميل راسو بشوية و و مشا ليها للفم ديالها بالشكل المباشر ...هي سرطت ريقها و كترمش حتى نزل على فمها ديريكت ببوسة متعمقة و شادها بين يدو ....هي غمضت عينيها و هي مخشية فيه و غير راخية الفم ديالها ليه شوية بدا يقطع فيها النفس و طلع يد وحدة كيرجع ليها شعرها من ورا ضهرها و شد ليها راسها و ابهام ديالو في حنكها و بدا في قبلة متقطعة باش ينظم ليها انفاسها هي كتنهج في يدو و تطلع و تنزل ...حتى انتهى من فمها واخا مشبعش الجوف دياالو عاد ماكيشوفها قدامو كتنهج و مغمضة عينيها دوز يدو على الحنك ديالها و بدا كيهضر و هو مهدن : دابا مابغيتش نشوف حتى شي حد كيشوفك و لا كيهدر عليك (هي حلات فيه العين ديالها و حط الجبهة ديالو على جبهتها و غمض عينو ) من ليوم نتي غادي تكوني ديالي ومعايا
حليمة غير تزيد تجبد في عينيها و قلبها يضرب يضرب غايموت و الحشمة في حنيكاتها لي ولاو حومر تخرجي منهم للعكر ... من بعدها حيد الجبين ديالو و شاف فيها و تبسم و قربها للعندو و شد ليها في اليد ديالها و جرها معاه للحجيرات لي قدام البحر ...هو كيتمشى دغيا بديك السبرديلة الطالعة البيضة هي لي معدبة بسباط طالون من وراه حتى وصلو و جلسو قدام البحر و الماج كيضربو حليمة كتشوف في دراعو المجروح و حطات صبيعاتها على الجرح
حليمة : كيف بقات ليك الجرحة
عمر دار عندها : مزيان كنقدر نحرك يدي عادي
حليمة : مابقييش تدابز
عمر قرب منها : في نظرك علاش غادي ندابز انا ؟
حليمة تفكرت هضرت الحاج لي كان الجواب ديالو " حيت سيب " : ءءء م م عرفتش
عمر هز يدو و جمعها عندو و هو كيشوف فيها و كيهضر و هضرتو مرجلة : حيت البنت لي كتعجبني خرجات ليا بسروال دجين و بقاو يشوفو ليا فيها اشنو غندير انا في هاد الحالة ؟ ....حليمة فهمات المعنى و عينيها كيزيدوو يتجبدوو فيه و كتردد غير ديك كتعجبني في ودنيها للدرجة عينيها بداو يدمعو قدامو و نزلت راسها
عمر جمع دوك الحجبان : علاش كتبكي ؟
حليمة مطلعتش فيه راسها و تمسح دموعها : والو والوو غير دخلت ليا شي حاجة لعينينيا
عمر بدا كيتعصب : هاد التبرهييش ديال الافلام معنديش مع مووو علاش كتبكيي
عمر كيغوت : واااش كنا مريحين تا بديتي كتبكي و تقولي ليا والو
حليمة عرفت البلان غادي يتقلب دبيزة و هادا معدوش مع الدراما : صافي صافي سمحليا مابقيش معاود نبكي
عمر حول عينو لبحر : كطلعي الدم تنتي
حليمة تشوف فيه و حطت يديها على دراعو تراضيه : و صافيي ا سي عمر نتا دغيا كتقلق
عمر دار محمر فيها عينو : انااا دغيا كنتقلق ؟
حليمة تشوف فيه : و خلاااص عليك ا عمر غنبقاو هاكا شد فيا نقطع فيك
عمر : اش غديري نوضي تهزيي
ناض فحالو دغيا كيتعصب هاد الزمر ناضت تاهيا من وراه تمشى بشوية و بطالون و تابعاه كانت غادي طيح غوتت و شدات راسها ...هو وقف و دار عندها كتبان ليه جايا بشوية رجع ليها شدها من يدها و كيمشيها بشوية عليها حتى خرجها من تما و حل العود لي رابطو مع حجرة تما ...طلعها و طلع هو من وراها و بدا يتمشى بيها و هي شادها الضحكة عجبها الحال و كتطلع عينها و تشوف فيه و ترجع تهبطها هو كيشوف القدام ... حتى وصلو الخيمة ... نزلو من العود و هبطو ...حليمة خلات عمر كيرجع للعود و هي مشات دخلات دغيا ماجا فين يدور حتى لقا غير الريح ....دخلات نيشان حليمة لبيتها فرحانة غادي طير و تعض في شفايفها و قلبها يفرفر ...جلست في الناموسية غتطير ...حتى دخلت عليها كلثوم تضحك : هههه امدراا ؟ كيف دوزتي الخرييجة ...هزت جلايلها و جلست حداها
حليمة ناضت تنوض و تجلس : نارييي نارييي اميي قاليا كنعجبو و دابز على قبليي لبارح
كلثوم جمعت الضحكة و ضربتها : و هادي يفرحو ليها النااس كان يمشي فيها
حليمة : تانا قلتها لييه اميي
كلثوم تبسمت : ايوا بعداا قال عجبتيه راه تقدم مزيان هادا و شنو وقع من بعد
حليمة قرصتها في فخضها تانقزت : تبتي لرض مزال الحال (حليمة تكمدت على القرصة ) هو قال غير عجبتيه شكون قال لينا مباغيش يديرك صاحبتو خاصنا نتأكدو انه باغيك تكوني مراتو يلاه دابا نوضي جمعي حويجك من ورا الغدا نطرقو طريق نرجعو الحاج و عمر عدهم الخدمة مايصيبش نبقاو هنا كثر من يومين ....حليمة حركت ليها راسها بأيه ....و ناضت كلثوم ....ياو وجد الغدا ديال الشرفة و دبحو الحوالة على طولهم ...و تحط هاكا كامل مكمول فوق الطبلة قدام الحاج ....في الخيمة جلس الحاج و كلثوم و حليمة جلست لابسة كسوة طويلة مستورة على حساب المسيو ديالها ...و عمر جلس حداها و الشرفة جالسين لهيه و بداو ياكلو ...كين غير خشي عمر كياكل بالقانون و كيدور عند حليمة تاهيا تاكل بشوية حداه ....تا سالا داك الغدا على خطر خاطرو ...و جابو ليهم الخدامات الطاس يغسلو يديهم ... من بعدها ناضو فحالهم تهامي خرج لي فاليز للطموبيلات ....كلثوم جرت حليمة معاها...وخا بقا واقف و كيرجع شعرو بيدو و هو كيشوف في حليمة باغيها تجي معاه و لكن مزعمش قدامهم دار للطموبيل ديالو ماشي دابا و ليني غادي ياخدها ...طلعو الكاط كاط و حليمة غطير بالفرحة و هو طلع في طموبيلتو و مشاوو شدو الطريق للدوار
ياو نزلت ليالي و القمرة طلعت و الطموبيلات وصلو للقصر ...الحاصول حليمة وصلت ناعسة للهنا زعزعتها كلثوم نوضتها و خرجتها من الطموبيل شادة منها و خرج تال الحاج ...عمر حتى هو خرج عيان باغي غير يدوش و ينعس
ياو ها الصباح صبح و القصر نور بماليه ... الفطورات محطوطة بالزايد و في الصالة الكبيرة مطلوق الاندلوسي ....جالس الحاج بفقيتو و قدامو الحلاوي و اتاي و يضحك للعلالي ....و جالس حداه دري باقي صغير و اشمنك ياطول و يعرض و لابس مزيان وزعيعر و باينة من وجهو ولد البادية و غير يضحك
الحاج : ههههه ايوااا اسي عبخالق مرحباااا و الف مرحبااا عديي ههههه
عبد خالق : هههه ترحب بييك الجنة اسي الحاج ... دخلت كلثوم تبسم و لابسة قميص عصري زيين : مرحبا اسيي عبخالق زهرة شوية و تجيي
عبد الخالق : هههه لهلا يخطيك الالة كلثوم
الحاج : كول كول مرحبا ....طلع عينو في كلثوم يدوي معاها بعينو و كلثوم غير تنهد و تشوف الحاج اش داير ...دارت فحالاتها تجيب حليمة لي كانت في بيتها لابسة لباس عصري و مقادة الحالة و تشوف في المرايا و مامطمناش على هادشي لي واقع ....حتى دخلات عليها كلثوم
حليمة دارت عدها : مييي عداااك عمر يتقلق
كلثوم : ششش سمعتي الحاج اش كان يقول نوضي دابا خالينا نكملو هادشي قبل ما يهبط عمر يعود مقربل لينا كلشي
حليمة ترعد و قلبها يضرب : واخا امي هانا نايضة ...نوضتها كلثوم و مشاو للصالة
عاد نازل السبع ديالنا كيتمشى بشوية عليه و خا طالق ديك الغوباشة على النبوري هادا طبعو كيفيق خاسر نزل ملقا حد هو يعيط على وحد الخدامة دايزا بالنهضة حتى قفزها : فين الداار ؟
سعيدة : س سيدي راهم في الصالة مع واااحد الضيف
عمر زاد عقد دوك الحجبان : ايناا ضيف ؟
سعيدة : م م معرفتش اسيدي
عمر مزادش معاها الهضرة و مشا ديريكت للصالة كان الضحك ديال الحاج يتسمع لعلالي براا ...جالسة كلثوم و حليمة تهيا جامعة يديها و حانية راسها ...وعبخالق جالس يشوف في الحاج و يضحك حتى دخل عندهم عمر
عمر : السلام ... و حول عينو للضيف لي ناض و سلم عليه ...كلثوم هزت راسها تشوف اش غيوقع و حليمة قلبها غيخرج من بلاصتو و طلعت عينيها تاهيا تشوف
الحاج : جلس جلس اوليدي هادا حفيدي عماار
عبخالق رجع جلس يتبسم : مشرفيين اسي عمااار
عمر حول عينو ليهم كاملين هادشي ماشي تال هيه : مشرفين ...و رجع عينو للحاج و جلس كيشوف فيه
الحاج : هادا سي عبخالق شيخ القبيلة لخرى هادا هو خطيب حليمة ...
زهر الخايبة الجزء الخامس
محتوى القصة
التنقل بين الأجزاء