وهل ما نتمناه دائما هو الذي يحدث معانا ؟؟ كل احلامنا التي حلمناها منذ الضغر هل حققنا منها شيئا ؟؟
فواحد الغرفة مضلمة كيتسمع غير صوت ديال القطرات ديال الما من شي روبيني خاااسر طاق طاق طاق طاق حلات حياة عينيها على داك الصوت المزعج حاولات تشوف ما أمكان شي حاجة ولا تعرف فينا بلاصة هي ولكن وااالو حسات بالحريق فراسها وقاست البلاصة لكتحرقها لقات دم مزال سخون تفكرات شنو وقع ليها قبل ما تفقد الوعي اذن مدازش بزاف ديال الوقت اهيا هنا تكاك على الحيط على ما يجي عندها شي حد حيت ضروري هذاك عندو هذف ميمكنش ايكون خاطفها غير باش اخليها محبوسة تما وكيما توقعات نيت لوقع
تسمع صوت خطوات ديال اقدام شي حد جاي جيهتها كيقربو شوية بشوية رجعات راسها لور مخيفاش ابدا حيت ولفات على كاع مصايب الدنيا والدين
تحل الباب بشوية كيصدر داك الصوت المزعج الباب من القزدير دخل منو شوية ديال الضو اوقف عليها داك بنادم كرشو سابقاه هزات فيه عينيها من رجليه حتى لراس كان صلع شوية من القدام مزال ما تفكرات شكون ايكون او بالاحرى عمرها شافتو
******: انسة حياة مرحبا بك شرفتينا
حياة : الشرف ليا تعرف على حيوانات جداد
******:ههههههه ديري فبالك كاع مغتقدري تستافزيني
حياة : شكون نتا وشنو بغيتيني
******: ههههههه مصلحتي فانك تبقاي هنا طول حياتك اانسة حياة
حياة : بلا ما تحلم بزاف غير نرتاح شوية ونرجع كيكنت وكنواعدك غتجي لهنا ومتلقانيش
*******: امممممم جريئة بلا قياس وتايقة فراسك كتر من الازم
حياة : مزال ماشفتي والو
******: الغرور ديالك غادي نحطمو غير تسناي علي
حياة : من اللخر كول شكون نتا ولا خايف مني
******؛ بلا ماتزربي هانتي غتعرفي شكون انا فرييييد اجي لهنا
حياة : شكون هاد فريد
بعد بضع ثواني جي فريد حاني الراس قدام سيدو
فريد : نعام اسيدي
حياة : هذا نتااااااا
فريد : ( حاني راس كاع مكيشوف جهة حياة ) مستر محتاجني غشي حاجة
مستر : صافي تقدر تمشي
حياة : بلاتي فين غادي اجي لهنا خاصني نتفااااهم معاك
مستر : مكاين فاش تفاهمو انا نكوليك اش كاين
حياة : هضر كنسمع
مستر : اوووه زربانة على راسك
حياة : معنديش مع تدخال والخروج فالهضرة
مستر : نو نو نو متعصبيش
حياة : هضر نيشان
مستر : كيما كتعرفيه نتي هو مصطفى لكان عاونك باش تكوني مشرفة على الغابة وتكون ضمن مسؤولياتك
حياة : كول شي حاجة لمعرفهاش
مستر : داك تنقاز ديالك ميصلاحش ليك معايا
حياة : خاصك تولف
مستر : دابا منديرش فيك يدي غير صبري على خبيزتك طيب
حياة : كمل اش بديتي
مستر : هاحنا غنفهموك الالة
حياة : هيا الى دخلتي فالمعقول
مستر : ( دار يديه مورا ضهرو وبقا غادي جاي بشوية وهو كيعاود ليها ) مهم هو كان قبل منك خدام فالغابة وكيعاونا نهربو السلاح فيها ولكن هو موصلش لداكشي لوصلتي ليه نتي هو مقدرش اقنعهم باش تكون الغابة كلها فملكيتو كان مجرد خدام فيها وصافي يعني الى وقعات شي حاجة فيها غادي يتعاقب اشد العقاب اتمنى الموت ومايلقهاش داكشي علاش فاش دخلتي للغابة بغا يهرب من ديك المسؤولية وكلفك نتي بيها وطبعا نتي القطة المسفونجة درتي بلاصتك تما وبالكفاءات ديالك العالية كولشي ولا بين يديك حاولنا نقنعوك باي طريقة تعاوني معانا ولكن للاسف لا مبغيتيش لذلك خطفناك باش نهربو السلاح على خاااااطرنا
متأتراتش ابدا بصح بقا فيها الحال حيت مربوطة ومعندها كيدير اما بالنسبة لقضية مصطفى كاع مضاربة ليها حساب واش حيت الغدر والخيانة لتعرضات ليهم من قبل هما سباب ولا حيت موالفة على الصدمات ولا حيت قلبها مبقاش كيحس تنهدات تنهيدة طويلة زفرات بعمق وتكات راسها على الحيط خاصها تهرب من هنا بأي طريقة قبل ما يبداو المخطط ديالهم ايوا هيا هادي مقدهم غيل زادوه فيلة ضاربات مع ازار على المشروع لبغا يدير وخرج ليها هذا فجنب بغا يهرب السلاح لا شي دعوة هادي مفيهااااش سمعات شي خطوات جايين جيهتها متخركاتش بقات كيفما هي دخلات عندها بنت تكون فديك 15 ولا 16 عام ملامحها زوينين وشعرها طويل
******: ختي هاكي تاكلي
حياة : شكرا
******: ( ربعات رجليها وكلسات حداها ) علاش خطفوك
حياة : ( عاد هزات فيها عينيها ابتسمات ليها ) بحال كولشي البشر بالطبع ديالو طماااااع
******: ولكن كاينين لقلبهم بيض وماشي طماعين
حياة : شحاال فعمرك
******: عندي دابا 16 قربت تكون 17
حياة : مزال غتكبري وتعرفي بلي هاد البشر مكيهمهم واااالو من غير الفلوس وقلبهم عامرين غير بالشر والحقد
******: اه كاينين الناس خايبين ولكن كاينين حتى ناس زوينين نتي شحال عندك من عام
ايمي : اه ريم هادي هيا ريم كون قدرت نرجعها من الموت نرجعها بأي ثمن غير على قبل حياة
دوجا : عاودات ليا عليها بزاف
ايمي : ريم هي حياتها كلها متخيليش قداش كتبغيها
دوجا : راه غير حيت هي من مسؤوليتها وصافي ويتيمة مسكينة
ايمي : داكشي ليسحاب لينا كاملين ولكن العكس حبهم ماليه حدود كتر من الحب لكيجمع ما بين الازواج علاقة حياة وريم كثر من علاقة ام ابنتها اي واحد اغار منهم حتى انا من دوك الناس من نهار عقلت على راسي وانا مع حياة ولكن علاقتها بريم قوية بزاف
دوجا : مديريش فبالك
ايمي : ( هزات الصورة وحطاتها قدام عين دوجا ) عرفتي مبقيتش كنغار منها بالعكس بغيتها ترجع حيت حياة معندها حتى سبب تصبر على ودو على اتفه الاسباب غتستسلم وتمشي عند ريم غير الله باقي بغا يخليها حية
دوجا : ستغفري الله داكشي قدر ومكتاب الله اصافي
ايمي :( رجعات عنقات الصورة وجهدات فالبكا ) توحشتها بلا قياس كنتمنى تكون بخير وترجع ليا فأقرب وقت
دوجا : ايمان بنتي براكة واش هيا ميتة حتى تحزني عليها لهاد الدرجة راه دابا ترجع
ايمي : مغنقدرش نصبر الى وقعات ليها شي حاجة
دوجا : معندنا منديرو من غير نصبرو وندعيو معاها
ايمي : ويلا قتلوها ولا دارو فيها شي حاجة
دوجا : ( باست يديها وضرباتها مع الطبلة ) بعيد الشر عليها نتي عارفة حياة كيف دايرة كاع ميغلبوها الرجال
ايمي : خالتي بصح مغيوقع ليها والو
دوجا : ( جراتها عندها وعنقاتها ) ايمان نتي مكتعرفيش حياة على هاد الحساب
جالس فالمكتب ديالو كيدرس الملف بعناية جل تركيزو كان غير على داك الملف حتى دخل عندو الكوميسير
الكوميسير: المحقق براء وصلتي لشي حاجة
براء: باقي امون شاف يلاه عرفنا خطتهم و اتضح بلي هوما لي خطفو حياة و لكن ايمتا غيبداو التطبيق او فين خاطفينها را كنقلب
الكوميسير: اوكي و بالمناسبة را هضرت مع بنتي دعاء باش تشد الطيارة و تجي و غتشدو هاد القضية بجوج كيما كنعرفو كاملين را عصابة لوس زوتاس خطييرة بزاااف خاصنا ناخدو احتياطاتنا حيت ماشي غير التهريب و صافي عندهم بزاااف دالحوايج آخرين
براء: عارف أمون شاف كون هاني إن شاء الله غنلقيو القبض عليهم
الكوميسير: عارفك قدها و قدود عطيتك ثقتي كاملة متخيبهاش
براء: كون هاني مون شاف
#فلاش_باك
كان جالس الكوميسير علي فمكتبو و كيفكر فشنو غيدير مع ديك القضية فالأخير قرر انه يعيط على بنتو دعاء لي كانت فالميريكان و تا هي محققة بحال براء
دعاء: بخير الحمد لله بابا ما دامكم كلكم بخييير كي دايرين الأحوال تما
علي: مزيان مزيان خاصانا غير نتي
دعاء: مكرهتش نجي والله
ااه حكا ديك العصااابة لوس زوتاس مزال مبداتش الخطة ديالها
علي: داكشي علاش عيطت ليك أبنتي را خطفو البنت لي عطاوها الغابة كملكية ليها باش يقدرو يتصرفو فالغابة كيفما بغاو و بغيتك تجي باش تعاوني المحقق براء و نتوما بجوج غتشدو هاد القضية
دعاء: عندك الحق بابا ديك العصاابة خطيرة و بما انهم خطفوها فأنه قربو يبداو فخططهم أنا غنشد الطيارة غدا إن شاء الله مع الصباح نوصل
علي: اوكي حبيبة باباها 😘
دعاء: باي بابا انا خاصتي نوجد راسي
#نهاية الفلاش باك
مشات دعاء قطعات أقرب تذكرة و بدات كتوجد حوايجها
نوصف ليكم دعاء
هي بنت زوييينة وجهها بيض و عينيها كحلين ومخضرين شعرها ذهبي و طويييل عندها طاي حوتة فم صغيور و منفوخ و عينين صغيورين كلشي صغير 😂 وجدات فاليزتها و مشات تشري شي حوايج غتحتاجهم
براء : ( حط يدو لخرا على يدين ايمي وتحنا شوية عند وجها حيت هسا قصيرة عليه ) فصراحة لخطفها عصابة كتهرب السلاح ولكن خطيرة حيت كتهربو لجميع دول كتاشفنا بلي كتاجر حتى بالبشر كتشري وتبيع فالبنات وعاى حسب متوصلنا ليه كانو شحال من مرة طلبو من حياة تعاونهم ويعطيوها مقابل خيالي ولكن هي رفضات داكشي علاش دارو هاد الحركة
براء : واحد المحققة غدخل معانا فهاد القضية ومكاين ليجيبها من المطار يالله نخليكم دابا
ايمي : علمني بلي كاين اوك
براء : ( ابتسم ليها ) متخااافيش واخا
ايمي : ( بتسماات ليه حتى هي ) واخا
هدشي كولو تحت نضرات اياد دور راسو جهة المدفئة والعافية شاعلة فعينيه
ازار : تليفون بيناتنا
براء : واخا يالله بسلامة
اياد : ايمي اجي معايا
ايمي : ( مسحات دموعها ) واخا
اياد : ( مد يديه ) يالله
ايمي : ( مدات ليه حتى يديها ) اوك
مشاو خرجو لبرا اياد شاد فيد ايمي وداخلين وسط الغابة كيتمشاو بهدوء شي ساعة وهما على داك الحال حتى واحد فيهم ما نطق واياد ماشي على عادتو الضحك والهضرة لخاوية لمولفها والو بحال الى هزيتي اياد وحطيتي بلاصتو واحد اخر عقلو كولو فاش شدات ايمي فيد براء ومزيرة عليهم وكانو قراب من بعضياتهم زير على يد ايمي بالجهد فاش تفكر كيفاش كانت كتشوف فيه اوجهو قريب من وجها شوية ايبوسها كاع
ايمي : ااااي
اياد : ( عاد وعا على راسو ) ايمي مالك
ايمي : وراه ضريتيني يدين عندك هادوك ولا بالات
اياد : سمحي ليا كنت ساهي
ايمي : اه واخا ماوقع والو
اياد: ( عاود شد يدها بحال الى خايفها تهرب ) منعاودش سمحي ليا ( باسهم ليها من الداخل )
ايمي : ( تصدمات من تصرفو حشمات معرفات متكوليه ) كلت ليك ما وقع والو
اياد : واخاااا
ايمي : اياد نكولو انا مشطونة على حياة ونتا اشنو لشاغل بالك الطريق كولها ونتا ساهي اشنو لمعصبك
اياد : والو ماشي شي حاجة
ايمي : واش من نيتك
اياد : حيت توحشتك
ايمي : ماشي وقت تعنابك والضحك الباسل ديالك
اياد : بصح توحشتك
ايمي : اويلي على توحشتيني ونهار ومطال وانا كدامك
اياد : واحا هكاك نتي عاطياها غير البكا او بلاصة متكوني قوية وتيقي بلي حياة غترجع درتي لينا هاد الحالة
ايمي : ( بانت لمعة حزن فعينيها وحنات راسها ) مغنقدرش نكمل حياتي بلا بيها هي حياتي
اياد : على ما سمعت بلي صحابات غدارات ومنافقاات وكيضربو غير فالضهر
ايمي : فحياتي كلها دارت بزاااااف ديال الصحابات ولكن بحال حياة مكاينش حيت بصح داكشي لكلتي الصحابات ما فيهم تيقة ولكن حياة ماشي بحالهم وعمري شفت بحالها وشرف كبير ليا تكون صحبتي هي كتر من ختي كنتمنا ما يوقع ليها واااالو ولا غنحمااااق
اياد : ( جرها حتى تضربات مع صدرو العريض وعنقها خاشيها فيه ) وانا لمن تخليني همممم
******: صافي براكة شووووت ( بقات حياة كتخنصص وتكول غير توحشتها حتى غفات عينيها وهي فحضن ديك البنت )
. ****------------------*****
عند ازار
الليل كولو مبغاش اجيه نعاس كيتقلب من هنا لهنا عقلو غير مع حياة اش غتكون كدير واش واكلة واش شاربة واش مغطية ياكما جاها البرد نتر داك الغطا وناض من بلاصتو لبس صندالتو ومشا طالع لبيت حياة بقات كيدور فيه قنت بقنت وبقا كيشوف فكاع تصاورها والضحكة مزينة وجها ابتسم لا اراديا فاش شاف واحد صورة ديالها مشعككة شعرها شاد الكاط جي وعينيها مقلوبين بحال شي بهلوانية
ازار : متصوريش قداش الدار مضلمة بلا بيك خاصك ترجعي غأقرب وقت كنوااااعدك ندير كتر من جهدي حتى نعتقك من بين يديهم
مشا كلس فالمكتب لكاين فبيتها وحل واحد المجر جا على ليمن ديالو هز فيه الوراق ليفيه وبقا كيقلب فيهم لقا بزاف ديال التصماميم ديال المجوهرات تصدم فيها دابا هادي مقابلة الغابة على قدهاااا ومزال شادة التصميم حتى هو فعلا مكاااااينش بحالك
ايمي : ( بقات كتمضغ فالخس وكلسات فالكرسي وشدات حنكها بيديها ) ياربي ترجع حياة براكة علي. هاد الشلاهبية عييت منهم مكاين غير حمق حدا خوه
جارة باليزتها موراها وملامحها جديين لابسة سليم فالكحل وضوني فالبيض وجامعة شعرها ذيل حصان ولابسة نضاضر كوحل كتمشى بكل ثقة وغرور وراسها الفوق خرجات من المطار وقفات كتقلب بعينيها على باباها حتى وقف عليها براء
براء : أنسة دعاء
دعاء : وي سي موا نتا اكيد الشيفور ديال بابا
براء : ( تعصب ) شنااااهوا انا الشيفور
دعاء : ( بنبرة حادة ) مترفعش صوتك علي
براء : المحقق براء
دعاء : ( بتكبر ) متشرفين
براء : ( نفخ من نيفو بعصبية ) يالله نمشيو
دعاء : اوكي
مشاو باتجاه الطموبيل ديال براء ركبات لور وهو لقدام رداتو نيت شيفور ههههههه ولكن عندو هاني المهم تبعد عليه جاتو مغرورة بلا قياس وعلاش متكبرش وهي مزال فالعيشرينات أواخدة ميداليات عالمية وقارية فمعاهد عالية ودايرة امبراطوريتها بعيد على باها واخا واخدة نفس المجال لواخدو ولكن فالخدمة كل واحد فقنت.
عند ازار
باقي مركز فدوك المستندات ليلقا فبيت حياة فيهم بزاف ديال المعلوماات على كاع العصابات ليطلبو منها من قبل تدخل معاهم فأعمال غير شرعية بقا كيقلب فيهم ليل كامل كيحاول القا راس الخيط حتى طاحت عينو على واحد الورقة فيها حياة و مصطفى متشاركين فشي اعمال خرين قبل مايخرج من الغابة بصفة نهائية هز دوك الوراق معاه ونزل طاير فالدروج تلاقا بإياد كان طالع نيت عندو
إياد : ملقيتكش فبيتك يالله بغيت نقلب عليك زيد تفطر
هز البيسي دارو على رجليه ودار بحث على مصطفى شكون هو وشنو اصلو وفصلو حتى خرجو ليه كاع المعلومات عليه وسجل العنوان ديالو ومشا طاير مكسيري بعد ساعة ديال الطريق وصل لدار مصطفى دق جوج مرات والو زاد دق تاني وخرج عندو دري صغير اتكون عندو ديك 10 سنين
ازار : ( بابتسامة مريحة ) سلام شنو سميتك
الياس : سميتي الياس
ازار : الياس سمية زوينة كوليا فين باباك
الياس : سمعتو كال لماما غيمشي لديبو لكاين خارج المدينة
ازار : معرفتيش العنوان بالضبط
الياس : كاين ف....
قبل ما يكمل كلامو جات مامات الياس وعيطات عليه
سناء : الياس معامن كتهضر اولدي
الياس : عمي كيسول على بابا
ازار : سلام اختي عفاك كنسول على سي فريد واش كاين
سناء : راه عندو شي غرض مشا يقضيه
ازار : معرفتيش ايمتا غادي يرجع
سناء : لا كل مرة وكيفاااااش
ازار : اوكي سمحي ليا
مشا ازار وعقلو كل مع داك الديبو لمشا ليه هداك اكيد كاينة شي حاجة وبرا المدينة فيه عرااااام ديال الديبويات كيغايدير حتى يعرف اشمن ديبو يالله بغا يمشي يحل الطموبيل اطلع شداتو الدوخة وكيشوف الارض كدور بيه هز قرعة ديال الما وشرب وكلس على مايسترجع الوعي ديالو شوية بقا هكاك 5 دقايق مرجع راسو لور وكيتنفس بأريحية بقا متعجب فراسو عادة كاع مكتجيه دوخة بحال هكاك اشنو غيكون وقع ليه عاد تفكر بلي من الفطور لكان خرج لحياة مداق النعمة يومين هادي وهو بلا ماكلة الماكلة اخر حاجة افكر فيها تعجب من راسو كيفاش حتى نسا يعتق راسو يومين بلا مدوز فيه الضغمة اش وقع ليه ؟؟؟ واش هدشي كااامل من الخوف على حياة ؟؟ واش نساتو فراسو كاع ؟؟ نفض كاع دوك الافكار من راسو و حل عينيه بان ليه واحد الحانوت قدامو خدا من عندو قرعة الما وسندويتش وعصير ديال الليمون خاصو ضروري الطاقة باش اقدر اقلب مزيان خدا داكشي من عند مول الحانوت امشا راجع لطموبيل كلا شوية من داك السندويتش احطو معندو منين ايدوز حاول بزز ولكن مكاينة شاااهية داتها حياة معاه هز داك العصير اشربو وصونا على براء مكملاتش 5 تواني وهو يجاوبو
براء : وي ازار
ازار : محتاجك ضروري فواحد الخدمة
متكية على فخاد حياة وهي كدوز ليها على شعرها البني الحريري
حياة : كولي ليا اشنو سميتك
******: سميتي إسراء
حياة : واش نتي عايشة هنا شحال هادي
إسراء : اه من نهار كنعقل وانا هنا
حياة : افين واليديك
اسراء : معقلاش عليهم بزاف عاقلة غير على ماما شوية
حياة : كيفاش دايرة
اسراء : معقلاش عليها بزاف غير شوية
حياة : واش ماتت
اسراء : معقلت على والو
حياة : اه ايوا الله اصبرك اصافي
اسراء : امين
حياة : ( كطل على الباب اهضرت بشوية ) واش مشاو
اسراء : اه سمعت شي خطوات غاديين واقيلة مشاو
حياة : دابا مزيان خاصنا ندرسو الخطة مزيان باش منفشلوش
اسراء : انا خايفة
حياة : اسراء متخاااافيش ياك وقفتي داك دوا لكيعطيوك
اسراء : اه كنديرو تحت لساني قدامهم ومن بعد نلوحو فالحمام
حياة : دابا مزيان شوية وترجعي ذاكرتك ان شاء الله
اسراء : ( عنقاتها ) شكرا اختي بزااااف
حياة : هههه متشكرينيش انا رتاحيت ليك بحال الى كنعرفك شحال هادي
اسراء : حتى انا والله
حياة : دابا خاص ترجعي ذاكرتك باش ترجعي عند عائلتك واخا وانا خاض نمنعهم بأي طريقة ميمكنش نخليهم استعملو الحقارة ديالهم فبلاصة بحال الغابة
اسراء : وي عندك الحق
حياة : عطيني داك المخطط لجبتي باش نزيد نشرح ليك شنو غنديرو
بقاو كيدسو الخطة لغيديرو باش اهربو من هنا فأقرب وقت ولكن واش بصح غيهربو ولا غتفشل الخطة ديالهم مالذي سيحصل يا ترى
عند براء وأزار **
براء : ( كيكمي ) ازار ميمكنش لينا نداهمو دارو راه ماشي من حقنا
أزار : هو داخل مع العصابة وكتكول ماشي من حقنا
دعاء : خاصنا نلقاو شي حل باش نحققو معاه
براء : راه غير مجرد شكوك يعني ميمكنش ناخدو نضريتو كدليل
دعاء : اصلا هداك خدام فديك تما قبل حياة يعني ضروري نحققو معاه
براء : راه الى شكو بلي قربنا نوصلو ليهم غادي يبدلو خطتهم خليونا غير نتسناو حتى نشوفو ايما غيتاجرو تما فالغابة
أزار : معدناش الوقت انا حياة كتهمني كثر من أي حاجة خرا
براء : فهمتك ولكن ....
قبل مايكمل هضرتو دخلات دعاء هازة معاها ورقة مشات هزات كويرتها فالكرسي ودارت السلاح ديالها وهضرات معاهم بالا متشوف فيهم
دعاء : خديت الاذن لبغا يمشي يالله
خرجات وتبعها ازار وحتى براء ركبو فسيارة الشرطة ومشاو بعد نص ساعة ديال الطريق وصلو لنفس دار ليكان مشا ليها أزار خرجو من طموبيل وتوجهو ليها دقو فالباب بكل احترام حلات ليهم نفس المرا
دعاء : السلام عليكم الالة
سناء : ( مرت مصطفى لي هو فريد) عليكم السلام على من كتسولو
بقا براء كيحاول اهدن فازار ودعاء كتستكشف ديك البلاصة وداك الحي تعرف اش فيه حتى بانت ليها واحد الميرسديس واقفة بعيد عليهم شوية بحال الى كتراقبهم شوية مشات بقا دعاء متبعاها بالعين حتى غبرات
دعاء : طلعو طلعو ضغيا
ازار : اش واقع
دعاء : معندناش الوقت يالله
براء : مصيبة معااااك
بقاو تابعين ديك الميرسديس وهما بعاااااد عليها ميمكنش تشوفهم
عند اياد
كالسين كيشربو القهوة على برا
إياد : دابا هدشي كامل وقع مع حياة
أيمي : اه داكشي علاش ولات منعازلة بزاف على البشر صدمة مورا صدمة افدقة وحدة راه بزاااف كون بعدا جاوها كل صدمة على حدى اما هي جاوها فنهار واحد وأعز الناس على قلبها انا بلاصتها منستحملش
اياد : عليها واجهتنا بديك الطريقة نهار بغينا نبداو المشروع فالغابة
ايمي : اه من بعد مادازت منو ولات الطبيعة وخدمتها والحيوانات هما حياتها حتى حاجة منساتها فالماضي من غير الغابة
اياد : ( شد فيدين ايمي ) حتى نتي وقفتي معاها وعمرك تخليتي عليها راه الفضل كيرجع ليك حتى نتي
ايمي : تيقني أإياد كون قدرت ندير ما كتر كون درتو حتى زواج بقيت بايرة بسبابها
اياد : ( تبدل لون وجهو لا إراديا ) اواه
ايمي : واييه
اياد : دابا بسباب حياة ممزوجاش ( خاص نبوس راس لحياة ) وعلاش
ايمي : حيت مبغيتش نخليها بوحدها ميمكنش شي اخليني نبقا نجي عندها ديما ونقابل خدمتها اوقتنا عيطات علي خاص نكون عندها وهي كل عائلتي
اياد : ويلا خطبك شي حد قابل تجي عندها وقتما بغيتي
ايمي : ديك ساعة نقبل ولكن ايكون كيبغيني
اياد : اذن قابلة تزوجي بيا
ايمي : شنووو
اياد : كنبغييييك وبغيتك تكوني مراتي
ايمي وحلات ليها القهوة وخرجات ليها من نيفها والخنونة والدموع والصدمة وكتكحب اياد معرف ميدير ليها واش امسح ليها وجها هو لول ولا اعطيها تشرب ولا يضربها فضهرها ولا شنو اللخر تفرشخ عليها بالضحك حيت منضرها بصح كيضحك كيحااااول اشد راسو ولكن والو وتكول ناضت ايمي بالزعفة ودخلات غسلات وجها وشربات كاس الما وكلسات كتفكر فهضرتو واش كان كيهضر بصح ولا كيضحك بحال ديما شوية نفضاات كاع دوك الافكار من راسها وبقات كتهضر مع راسها
ايمي : ايمي الله يهديك واش من نيتك تديها فهضرتو هو ديما كيضحك علاش دابا عاطية للموضوع اهمية
بعد نص ساعة ديال الطريق وقفات مرسيديس كحلة قدام واحد الديبو كاينين حراس بزاف شادين اسلحة وقدهم قداش ضربة منهم ايبانو ليك نجوم الضهر نزل من طموبيل راجل ايكون فالتلتينيات مشا دخل للداخل اما دعاء وبراء وازار واقفين بعيد كيشوفو غير بنص عين
ازار : اش غيكون زعما فهاد الديبو
براء : ممكن ايكون هنا ديال داك فريد
دعاء : ( بتركيز ) لا مكنضنش شوف شحال ديال الحراس اكيد هنا فيه شي حاجة
ازار : خاصنا نديرو شي حاجة
براء : ضروري نهضرو مع الشاف باش اصيفط لينا شي دورية
دعاء : اه غتخصنا ضروري
ازار : خليونا نديرو شي خطة بعدا عاد نتحركو
* فداخل ديبو
فريد : سيدي راه مبقا والو ايوصلو لينا خاص ضروري نتحولو حيت بداو كيشكو
ميستر : العملية ضروري نديروها اليوم عاد نتحولو حيت اتفاقنا كان اليوم ميمكنش نأجلو ولا نتراجعو
فريد : ( حاني راسو ) واخا اسيدي
ميستر : وجد الرجال والسلاح غنتحركو دابا
فريد : واخا
مشا فريد جمع كاع الرجال ضروري اسلمو السلاح اليوم كيما تافقو عليه بعد مدة قصيرة قدام ديبو ولا بحال شي معسكر وفيه 20 سيارة بحال ديال العسكر نيت خرج ميستر وموراه رجال خرين هاااازين صنااااادق كل صندوق حطوه فطموبيل وحدة ومشاو مصافين وموراهم ازار وبراء ودعاء
دعاء : الدورية غتعطل ضروري نتبعوهم حتى نشوفو اش غيديرو
أزار : حياة اكيد غتكون معهم ميمكنش انفذو المهمة بلا بيها
براء : اه بصح هادي كاع مفكرنا فيها
دعاء : مخصناش نقربو بزاف الى شكو غنخسرو كولشي
ازار : راهم غاديين للغابة
براء : ( صونا تيليفونو ) وي شاف
الشاف : فين نتوما
براء : حنا غاديين للغابة
الشاف : الدورية ديال الشرطة غتلقاوها تما
ازار : لا لا الى لقاو الشرطة تما غيهربو ميمكنش نخاطرو بحياتها
براء : اه بصح مسيوه خاص الشرطة متبانش تكون فشي بلاصة بعيدة
حياة : ماشي مشكيل غادي يقضي الغراض معرفتيش شحال حاطين من الحراس
اسراء : كاينين 4 حدا الباب برا وكاينين 5 قدام البوابة الخارجية اغلبية مشا مع ميستر على ود المهمة حيت على ماسمعت خطيرة بزاااف
حياة : اه عليها أجلت خطة الهروب حتى اليوم وديك العملية لغيديرو اتكون اخر وحدة فحياتهم غير بلاتي
اسراء : اش غنديرو ابا
حياة : واش مستعدة نبداو
اسراء : تايقة فيك
حياة : بلاتي
اسراء : نعام
حياة : واش قدرتي تعرفي شكون هدوك لكيبانو ليك فذاكرة
اسراء : ماشي بزاف غير شوية
حياة : واخا ماشي مشكيل دابا ترجع ان شاء الله
اسراء : كنتمنا
حياة : سيري دقي الباب بحال ديما افاش احل حلي الباب كاااامل اوكي
اسراء : اوكي
مشات اسراء دقات الباب حل ليها واحد من الحراس باش تخرج بلعاني جرات الباب حتى تحل كامل ومشات يالله مد يدو باش اجر الباب حتى شداتو حياة من يدو جراتو للداخل وضربا السلاح برجليها حتى طار وعطاتو كروشية فالعنق ديالو بالضبط فتفاحة ادام هزات السلاح لكان عندها وضرباتو جوج رصاصات فرجليه وهزات تيليفونو وخلاتو لقات اسراء كتسناها قدام الباب دارتها موراها وتمشات بكل جرأة يالله جات تدور فواحد الممر حتى سمعات خطوات جايين جيهتها رجعات لور حتى وصلها داك الحارس لاخور يالله جا يدور حتى ركلاتو فوجهو وجا طايح فلارض ضرباتو حتى هو فرجليه باش ميقدرش اتمشى وهزات تليفونو وكملات
حياة : دابا شحال باقي
اسراء : باقين ....
قبل متكمل هضرتها شيرات ليها تسكت وسكتات نيت هاد المرة ردات اسراء قدامها حيت هي موالفين ايشوفها اما هي فراه اسحاب ليهم باقا محبوسة بقاو غاديين من حسن حضهم لقاو غير جوج حراس قدام الباب بقلت كتمشى بشوية حتى وصلاتهم كانو عاطيينها بالضهر وكيكميو شافت واحد العصا كاينة جنبها خداتها وضرباتهم فالراس حتى فقدو الوعي معرفو منين جاتهم الضربة وطاحو لارض وضرباتهم بحال لقبل منهم بجوج رصاصات فالرجلين ومشات جارا اسراء معاها لقات واحد طموبيل تما ولكن مسدودة رجعات عند هادوك كتقلب فجيابهم حتى لقات سوارت حلات الطموبيل و ركبات فيها و كسيرات
اسراء : فين غنمشيو دابا
حياة : خاصني نمنعهم بأي طريقة ميمكنش نخليهم ايكملو
اسراء : حياة واش مخايفاش
حياة : ( بتاسمات ابتسامة جانبية ) زين ديالي قبل منسكن فالغابة وتحمل مسؤوليتها مارست جميع انواع الرياضات واسلوب الدفاع عن النفس الكونفو والبوكس كراتيه استعمال الاسلحة ...... اي حاجة تخطر ليك على البال
غارقة فتفكيرها كتسترجع كاع الذكريات لكانت بيناتهم وكيفاش وقف بجنبها فاش تخطفات حياة وعمرو تخلا عليها فأصعب اوقاتها متنكرش بلي معجبة بيه وشحال من مرة سهات فيه وثار إعجابها و شخصيتو المرحة وضحكو الباسل بزاف ديال الحوايج تنهدات بعمق ونفضات كاع دوك الافكار من مخيلتها حتى قاطع أفكارها دخول اياد
اياد : تهدنتي
ايمي : ( شافت فيه بنص عين ) بعد مني
اياد : ( عرف راسو قفرها ديال بصح ) سمحي ليا
ايمي : سكت متهضرش
اياد : ولكن انا
ايمي : كلت ليك سكت
اياد : واغير هضري شنو لمقلقك دابا
ايمي : اهاه كاع معارف
اياد : لا
ايمي : ( ناضت كتغوت عليه ) كنكوليك فاش نكون كنكول مضحكش ومتكولش شي هضرة بايخة بحال هكاك نتا بلعاني درتيها كلتي بلاتي شنو ندير نصيفطها للمستعجلات اليوم ونحرمها من هاد الماكلة لنهار ومطال وهي واقفة فالكوزينة طيب فيها نتا ديما كديرها قد راسك كون مت انا ومقدرتش نتنفس اااا ( شادة شعرها وكتسوط بعصبية ) تخنقت ومقديتش نتنفس وكان قلبي غيسكت غير بسباب ضحكك الباسل.....
قبل ماتكمل الهضرة حط اياد يديه على حناكها وحط شفايفو على فمها وسكتها بطريقتو ايمي قبل ماتستوعب اش واقع اياد بدا فعملية الافتراس عفوا التقبيل مغمض عينيه وكيبوسها بكل حنية شنايفها رطيطبين وكيمصهم مصيصات خفاف هي يديها مبلوكيين و كلها مبنجة معرفات مادير خاطيها داكشي ديال التصاحيب عمرها دارت شي علاقة كانت وقتها كلو معمراه بالقراية والخدمة غير سادة عينيها ومعرفات مادير حتى هو ماشي من العاكزين عارفها مبتدئة حيد يديه من وجه ايمي وشد يديها وحطهم على عنقو وحط يديه على خسرها وزاد جرها لعندها حتى لسقها معاه وكمل خدمتو
.
.
.
بعد نص ساعة ديال الطريق اخيرا وصلو للغابة توجهو باش انفدو العملية فسرية تما بقا ميستر داخل ومعاه فريد اموراه الرجال ديالهم هازين الصنادق لفيهم الأسلحة وصلو لواحد البلاصة داخل الغابة عاااامرة كلها شجر بحال شي حيط توجه ميستر حدا وحد الشجرة وحيد عليها غطا خضر داير بحال العشب كاع متشك بلي هداك عشب اصطناعي حط يديه على الشجرة ودفعها وهي تقسم على جوج بحال شي باب دخلو كاملين غير جوج ديال ليكارد هما لبقاو دعاء وازار وبراء من بعيد كيشوفو شنو وقع قدامهم أزار ستاغرب كيفاش حتى حياة مكيناش معاهم واش هو كان غير كيضيع وقتو تما بلاصت ميمشي اقلب عليها فينها ايعتقها ياكما يكونو قتلوها
مدازش بزاف ديال الوقت حتى وصلو حتى هما الغابة هيا مشات ديريكت للدار حطات الطموبيل ونزلات وشادة فيد اسراء
حياة : إسراء غتبقاي هنا فالدار حتى نرجع صافي
اسراء : لا خاصني نمشي معاك
حياة : لا مستحيل ويلا اداوك
اسراء : عفااااك ضروري نسولهم شكون انا
حياة : صافي واخا بقاي هنا حتى ناخد شي حاجة فالدار
اسراء : واخا
مشات حياة دخلات للدار وياليتها لم تفعل لقات اياد كيشلقم فايمي وحتى هي متجاوبة معاه محسو كاع بحياة فاش دخلات حتى وقفات عليهم وشدتهم بجوج من شعرهم
حياة : غبرت سيماااااانة وحدة سيمانة اعيباد الله ودايرين هاد الحالة فالدار
اياد : ااااااي دريتيني طلقي عفاك
ايمي : حياة متفهميش غلط أاااااي
حياة : سكتي منسمعش حسك كون بقيت نهار واحد اخر مزال كون ولقيت ولادك كيلعبو برا
اياد : انا غنشرح ليك غير طلقي
ايمي : حياة عفاك
حياة : حسابي معاكم حتى لمن بعد
يالله بغات تدور تمشي تطلع مع الدروج حتى حسات بشي يد شداها دورات وجها لقات ايمي كتشوف فيها بكل شوق وحنان وعينيها مدمعين
ايمي : حياة ( تلاحت عليها معنقاها ) توحشتك بلا قياس الحمد لله على سلامتك
حياة : ( كدوز على شعرها ) الهبيلة ديالي بحال الى مكتعرفينيش مزيان واش انا قادر إغلبني شي حد
ايمي : انا تخلعت عليك اصافي
حياة : حبيبة ديالي حتى لمن بعد واخا دابا خاصني مزال نكمل شي خدمة
مشات اخلاتها طلعات للفوق وبدلات حوايجها لبسات سروال فالزيتي ودوني فالكحل وهزات سلاحها ومشات خرجات من بعد ما وصات اياد ارد البال لإيمي .
لقات اسراء فين خلاتها وشادة فراسها
حياة : واش نتي بخير
اسراء : بخير بخير غير جهدت راسي واقيلة باش نتفكر
حياة : متجهديش راسك كتر من طاقتك
اسراء : واخا يالله نمشيو
حياة : زيدي
مشاو بجوج تما فاش غادي تتم العملية لقات الدراري تما حطات يديها على براء ضار عندها وحط السلاح على جبهتها حتى تصدم ملي شافها شكون
براء : حياااااااة
حياة : ( هازة يديها ) انا استسلم
أزار : ( بحنية ولهفة وعنقها لا اراديا ومزير عليها ) حياة نتي بخير خفت عليك بزاف
حياة : ( داك الحضن والدفئ لكان خاصها نيت ولقاتو زيرات عليه حتى هي ) اه بخير متخافش علي
براء : الحمد لله على سلامتك
حياة : شكرا
دعاء : الحمد لله على سلامتك
حياة : شكرا
براء : هادي المحققة دعاد نضمات لينا مؤخرا فهاد العملية
حياة : متشرفين شنو الجديد فالقضية واش وصلات العصابة لخرا ولا مزال
براء : ممتأكدينش كنتسناو الدورية تاع الشرطة توصلنا حتى الى كان شي هجوم
اسراء : حياة
حياة : اه سمحي ليا نسيتك نقدم ليكم ا....
ازار : ريم
حياة : لا لا ماشي ريم هادي اسراء
ازار : كتشبه ليها بزاف
حياة : ( بقات كتشوف فاسراء ) منتبهتش
ازار : العجب
حياة : ( ميمكنش نتيق عيني ونعيش فالوهم ونكول بلي هادي ريم مبغيتش نعيش على امل خاوي كولشي فيها كيفكرني فريم من اول مرة شفتها ياريت كانت هي ريم ياريت نزلات دمعة من عينيها وضغيا مسحاتها) خاصنا ضروري نقربو باش نعرفو اش كيوقع الداخل
براء : لا ميمكنش نغامرو ابدا
دعاء : فنضري حياة عندها الحق
ازار : ( كتجيه الدوخة مرة مرة وصوتو عيان) راه خطر تقربو عددهم كبير بزاف
حياة : اجيو معايا
تبعوها ومشاو فإتجاه اخر للغابة كان واحد المدخل سري اخر تما دخلو منو اسراء بالها كامل مع داك تشاش لكيبان ليها فذاكرتها ومزال معرفاتش شكون وكتسمع شي اصواات ولكن مكتميزش اش كيكولو
عيناك براءة الطبيعة الجزء الخامس
محتوى القصة
التنقل بين الأجزاء